82b6 bod kyi lo tsA ba mar ba chos kyi blo gros bdag gis zhus te bsgyur ba'o// @##/ /rgya gar skad du/ gu h+ya rat+na/ bod skad du/ gsang ba rin po che/ /dpal bde mchog la phyag 'tshal lo/ /dang po re zhig rnal
82b7 'byor bas/dur khrod la sogs par stan bde ba la 'dug ste kha lho phyogs su bltas nas/ 'gro ba thams cad bde chen zung 'jug thob par bya ba'i bsam pa sngon du 'gro bas/ mdun du bla ma rdo rje 'dzin pa dang lhag pa'i lha bltas la gsol ba gdab par bya'o/ /de nas
83a1 mi snang bar gyur to//de'i ngang las bdag nyid kyi spyi bor a las bskyed pa'i steng du haM yig nag po las 'od zer 'phros pa las rdo rje/ de las bde mchog yab yum gnyis su med par 'khril ba'i lha'i sku 'ja' tshon nam/ chu zla shar ba lta bu'i sgyu ma'i
83a2 rnam par bsgom par bya'o//de la rang gis mchod pa rnam pa lnga spros la dbul bar bya'o/ /de nas gsol ba gdab pa ni/ /bde chen dpal gyi mgon po yis/ /sangs rgyas skyob pa ji lta bar/ /dag pa'i de nyid ston mdzad pa/ /di ring bdag la mgon dgyes mdzod/ /
83a3 ces gsol ba btab pas yab yum gyi sbyor mtshams nas byang chub kyi sems dkar dmar bab pas rtsa gsum la brgyud cing / lus dang ngag dang yid dag par byas nas lus bde ba'i rang bzhin du gsal ba'o/ /lte bar gtum mo sbar ba yis/ /de bzhin gshegs pa lnga
83a4 bsregs te//spyan la sogs pa yang bsregs nas/ /haM las bdud rtsi zla rgyun 'bab/ /rten dang brten pa mnyam ldan pas/ /gcig tu zhu zhing bde ba che/ /rnal 'byor ma yi Da ma ru/ /sgra yis bskul gyur bzhengs par bya/ /pad+ma nyi ma'i gdan steng na/ /zhal gcig
83a5 phyag gnyis brkyang bskum tshul//rdo rje dril bu lag na thogs/ /sku ni be+e DUr+ya'i rang bzhin/ /phyag rgya drug gis spras pa'i sku/ /'od zer 'bar ba zla tshes dang / /yid bzhin nor bu dbu la 'jog /'jigs byed chung mar bcas pa mnan/ /rdo rje phag mo zhal gcig ma/ /
83a6 phyag gnyis kyis ni yab la 'khyud/ /rdo rje dang ni thod pa 'dzin/ /gtso bo la ni bdud rtsi stobs/ /sku ni ban+d+hu ka ltar dmar/ /phyag rgya lnga yis brgyan pa'o/ /gnyis med bde ba'i rang bzhin can/ /gsal ba'i sku ni bsgom par bya/ /oM hriHha ha hUM hUM phaT/ snying po'i
83a7 sngags 'di dang yid kyi dbye bas sbrul 'khyil pa lta bur dmigs la bzlas par bya'o//de las mthar lus dang ngag dang yid oM AHhUM du gyur pas bsdus la chos thams cad bdag med pa'i ngang la stong par 'gyur ro/ /gang zhig de nyid shes pa ni/ /deng 'dir rnal 'byor
83b1 ba nyid du//the tshom med de 'di nyid du/ /mkha' 'gro dra ba'i bde mchog yin/ /sems la rnam gnas rnal 'byor ba/ /mya ngan 'das pa mi ston to/ /slob dpon mi bskyod rdo rjes mdzad pa'i man ngag snyan nas snyan du brgyud pa rdzogs so// //paN+Di ta de nyid dang / lo tsA
ba mar pa chos kyi blo gros kyis bu la ha ri'i dgon par bsgyur ba'o/

CLOSE WINDOW