CLOSE WINDOW

D1518
བོད་ཡིག

/zag bcas zag med zung 'jug dge ba rnams/ /bla med byang chub chen por bsngo bar bgyi/ /'gro kun thams cad mkhyen pa thob par shog/ @/ /gtor ma'i cho ga rin chen a sma gar+b+ha bzhugs so/ /bcom ldan 'das dpal mkha' 'gro rgya mtsho la phyag 'tshal lo//sa gsum ma lus stobs rang bzhin/ /mkha' 'gro rgya mtsho rig mar bcas/ /bla ma rnams la'ang phyag 'tshal nas/ /gtor ma'i de nyid brjod par bya/ /de la mtshan phyed dam ji ltar khom pa'i dus su rang gi lha'i nga rgyal dang ldan pas/ /gtor ma shin tu chen po nya dang sha la sogs pa dang /zan dang chang dang nye bar spyad pa lnga dang bdud rtsi dang bcas pa mdun du bzhag ste/ de yang ma dmigs pa las 'og tu ya sngo skya de yongs su gyur pa las/ rlung gi dkyil 'khor gzhu'i dbyibs can mtha' gnyis na ba dan gyis mtshan pa dang / de'i steng du raM dmar po yongs su gyur pa las/me'i dkyil 'khor gru gsum pa 'bar bas mtshan pa'o/ /de'i steng gi grwa gsum las mdun nas g.yon skor du dkar ba dang / dmar ba dang / gnag pa'i oM AHhUM gsum yongs su gyur pa las keng rus kyi mgo gsum gyi sgyed [(]po [,]pu [)]dang / de'i steng du a dkar po yongs su gyur pa las/thod pa'i snod chen po bsams te/ de'i shar du bi dkar po dang / byang du mu ljang gu dang / nub tu ma dmar po dang / lhor ra ser po dang / dbus su a dkar po yongs su gyur pa las dri chen dang / dri chu dang / sha chen po dang / rang byung dang / byang chub kyi sems rnams su gyur te rang rang gi yi ges mtshan pa'o//shar lho dang / lho nub dang / bden bral dang / rlung dang dbang ldan dang dbus rnams rim pa bzhin du/ go ku da ha na dkar pa dang sngo ba dang dmar ba dang ljang ba dang / sngo ba rnams yongs su gyur pa las ba lang dang / khyi dang glang po che dang rta dang mi'i sha rnams la rang rang gi yi ges mtshan pa'o/ /de'i steng du hUM dkar po kha 'og tu bltas pa yongs su gyur pa las bdud rtsi'i rang bzhin gyi keng rus kyi kha T+wAM ga 'og tu bltas pa hUM gis mtshan pa bsams te/ de g.yon du 'khor bas rlung g.yos pas me sbar te thams cad zhu nas ser po sla ba'i dngos por gyur te rlangs pa nam mkha' la chags pa rnams g.yon skor dang /g.yas skor du A li dang kA li'i phreng bar gyur te de rnams 'dres shing yongs su gyur pa las kha dog gsum dang ldan pa'i yi ge gsum du gyur te de dag las khams gsum gyi ngo bo'i dkyil 'khor 'khor lo bcu gnyis kyi lha'i tshogs spros te sems can thams cad kyang bde ba dang ldan par byas nas/de bzhin gshegs pa thams cad kyi thugs ka nas ye shes kyi bdud rtsi 'khor lo bcu gnyis kyi tshul du bkug pa snyoms par zhugs pas yi ge gsum la gzhug par bya'o//de dag kyang rim gyis 'og tu lhung bas gtor ma la thim ste/ kha T+wAM ga yang zhu bas kha dog dkar po bsil ba phun sum tshogs par bltas te/ yi ge gsum ji tsam 'dod par bzlas so/ /de nas snying ga'i sa bon gyi 'od zer dang skye gnas kyi phyag rgya dpral bar bskor ba dang /mig steng du blta ba dang / phaT kyi sgra dang rkang pa mnan pa'i sbyor ba rnams kyis rnam pa thams cad kyis yongs su rdzogs pa'i dkyil 'khor mdun gyi nam mkha' chos 'byung chen po'i nang du spyan drangs te pad+ma'i lag pa bskor nas snying gar se gol brdab par bya'o/ /de nas zhabs bsil la sogs pa dang /me tog la sogs pa lnga dang / pi wang ma la sogs pa nyi shu rtsa bzhis mchod par bya'o/ /lag pa g.yon par A li las zla ba dang / g.yas par kA li las nyi ma dang kha sbyar ba'i dbus su hUM kha dog sngon po bsams te/ oM a n+yo n+yA nu ga ta sarba d+harmA hUM oM pa ra spa ra a nu pra biSh+TiH sarba d+harmA hUM/oM a t+yan tA nu pra piSh+TaHsarba d+harmA hUM zhes brjod pas/ lag pa rdo rje rtse lnga bar bsgoms te thal mo kha phye la lag par gtor ma bzhag la rnam pa gsum dbyer med pa'i ngo bor lhag par dmigs te/ lha mo tshad ma'o dam tshig tshad ma de//des gsungs dag kyang mchog tu tshad ma'o/ /des ni bden bar gyur cig 'di ru ni/ /lha mos bdag la rjes 'dzin rgyur gyur cig /ces brjod de lha rnams kyis ljags hUM dkar po las rdo rje bsams la oM a ral+li hoHdzaHhUM baM hoH/ /badzra DA ki ni sa ma ya s+t+waM dr-i sh+ya hoH/ / zhes bya bas lan lngar brjod pas dur khrod na gnas pa ma gtogs pas rdo rje'i sbu gus drangs nas gsol bar bsam mo/ /de nas yang zhal bsil la sogs pa thams cad dang / so rtsi yang phul te rkang pa bzhi bcu rtsa brgyad pa rkang pa brgyad pa dang bcas pas bstod pa dang / 'dod pa'i don la bslang ba dang /bkra shis brjod pa dang / yi ge brgya ba brjod par bya'o/ /de nas dur khrod pa rnams kyi lce byin gyis brlabs te oM kha kha khA hi khA hi sarba yak+Sha rAk+Sha sa/ b+hU ta pre ta pi shA tsa un+mA da/ a pa smA ra DA ka DA ki n+ya da ya i maM ba liM gr-ih+Na n+tu sarba sid+d+hi m+me pra ya ts+tsha n+tu ya thai baM ya thaiSh+TaM/b+hu ny+dza tha/ pi wa tha mA ti kra ma tha ma ma sarba karta ya/ sah+phu kha bi brid+d+ha ye ma ma sa hA yi ka b+ha wa n+tu hUM hUM phaT swA hA/ zhes bya ba lan gsum brjod pas thams cad kyis 'thungs par bsam mo/ /de nas de rnams la yang mchod pa la sogs pa thams cad sngar bzhin byas la/srid dang zhi ba mnyam pas zhen pa bcom zhing kun du rtog pa bcom/ /dngos dang dngos po ma yin thams cad mkha' bzhin rnam par gzigs pa rnams/ /bla ma mchog gi thugs rje'i chu spro thugs ni chu yi mgon po rnams/ /mdzod cig mdzod cig lha mos bdag la rjes su thugs ni brtse bar mdzod//ces brjod la mig gi phyag rgya bstan la pad+ma'i lag pas bskor/ lte bar 'khyud pas se gol gtogs te/ oM badzra maN+Dal muHzhes brjod pas dkyil 'khor bdag nyid mdzod spu nas gzhug par bya ste/ rol mo dang mar me'i snang ba dang bcas pas bskyal par bya'o//gtor ma'i cho ga bya ba las/ /byung ba'i dge bas 'gro ba kun/ /lus sems bde bas gnas gyur cig /stobs bcu dang yang ldan par shog /dpal mkha' 'gro rgya mtsho'i rgyud kyi gtor ma'i cho ga rin po che asma gan+b+ha mkhas pa dza ya se na'i gsung dpal ye shes rdo rjes bsgyur ba rdzogs so/

CLOSE WINDOW