CLOSE WINDOW

D1513a
བོད་ཡིག

@##/ /rgya gar skad du/ hri pa ta gar+b+ha nA ma/ bod skad du/ mnyes pa'i snying po zhes bya ba/ dpal rdo rje mkha' 'gro ma la phyag 'tshal lo/ /oM de la dang por re zhig slob ma khrus byas la gos gtsang ma bgos te/ lag na me tog thogs pa'i slob ma la/ /yid gzhungs spro ba che ba dang //byas pa gzo zhing nga rgyal med/ /rigs mtho yon tan dang ldan zhing / /gzugs dang kha dog lang tshor ldan/ /bde bar gshegs pa'i gsang ba ni/ /sgrub pa don gnyer mngon brtson na/ /slob ma bzang po'i mtshan nyid do/ /bde gshegs sngags kyi sgrub pa la//don du gnyer zhing mngon brtson na/ /gzugs med yon tan med pa'am/ /dman pa'ang lhag par gnas par bya/ /slob ma ngan pa'i mtshan nyid do/ /da ni chos nyan du gzhug par bya ste/ dkyil 'khor gyi ni cho ga la/ /'khor rnams bzhi yang rjes su gnang / /rang gi bslab dang shin du ldan//theg chen la dga'i mtshan nyid ldan/ /la la gsang sngags grub don gnyer/ /'di ni dkyil 'khor 'jug par 'tshal/ /bsod nams 'dod pa de las gzhan/ /gzhan dag 'jig rten gzhan don gnyer/ /'jig rten pha rol don gnyer ba'i/ /dad pa mang du byed pa yis//blo ldan dkyil 'khor 'jug pa yi/ /tshe 'di'i 'bras bu 'dod mi bya/ /tshe 'di'i 'dod par gyur pa la/ /'jig rten pha rol don mi 'byung / /'jig rten pha rol don gnyer skyes/ /'jig rten 'di yi 'bras bu rgyas/ /zhes 'byung ngo / /de nas slob ma yi ge hUM gis rang gi snying gar bcug la/gsang ba'i rdo rje'i lam nas phyung nas gzhal yas khang gi sgor bzhag la 'di skad ces gsol ba 'debs su gzhug go/ /dga' chen khyod bdag ston pa bas/ /slob dpon khyod ni dgongs su gsol/ /byang chub chen po'i tshul bstan pas/ /mgon po chen po bdag phyag 'tshal//dam tshig de nyid stsal du gsol/ /byang chub sems ni bdag la gsol/ /sangs rgyas chos dang dge 'dun te/ /skyabs gsum dag ni bdag la gsol/ /thar pa chen po'i grong mchog tu/ /mgon po bdag ni 'jug par 'tshal/ /zhes lan gsum brjod du gzhug go//de la slob ma'i snying gar ma las zla ba'i dkyil 'khor de'i steng du yi ge hUM yid kyis bris la yi ge brgya pas brtan par bya ste 'di skad bsgo'o/ /khyod ni tshul chen snod yin te/ /bu tshur theg pa chen po yi/ /gsang sngags spyod yul cho ga ni/ /khyod la yang dag bstan par bya//rdzogs pa'i sangs rgyas gang 'das dang / /de bzhin gang dag ma byon dang / /da ltar byung ba'i mgon po rnams/ /'gro la phan phyir bzhugs pa rnams/ /de dag kun gyis gsang sngags kyi/ /cho ga bzang po 'di mkhyen nas/ /dpa' bos byang chub shing drung du/ thams cad mkhyen pa mtshan med brnyes/ /gsang sngags sbyor ba mnyam med des/ /skyob pa dpal ldan he ru ka /bdud sde shin tu mi bzad pa/ /dpung chen dag kyang 'di yis bcom/ /de bas kun mkhyen thob bya'i phyir/ /bu yis blo gros 'di gyis shig /de nas rgyun bshags bya ste/dkon mchog gsum la phyag 'tshal lo/ /dkon mchog gsum la skyabs su mchi/ /sdig pa thams cad so sor bshags/ /bsod nams kun la rjes yi rang / /sangs rgyas byang chub yid kyis gzung / /byang chub mthar thug skyabs su mchi/ /byang chub mchog gi sems ni bdag gis bskyed//sems can thams cad bdag gis mgron du gnyer/ /'dod la spyod pa'ang byang chub spyod mchog 'gyur/ /'gro la phan phyir sangs rgyas 'grub par shog /ces lan gsum brjod la de nas phyag 'tshal bar bya ste/ shar phyogs kyi sgor 'dug la thal mo sbyar te/oM na ma ste hUM/ oM na ma mi hUM/ oM na mo na ma hUM/ zhes sku gsung thugs kyi phyag bya ste/ yang phyag bzhi bya'o/ /thal mo spyi bor sbyar bar byas la snying ga sa la gtugs nas 'di skad du gzhug par bya'o/ /oM sarba bI ra yo gi nI Ar+ya pU dzo pas+tha nA ya At+ma nAM ni r+yAta yA mi/sarba ta thA ga ta bI ra yo gi ni At+ma naM DA ki nI a d+hi tiSh+Tha swA mAM zhes pa dang / thal mo snying gar sbyar dpral bas la gtugs nas oM sarba bI ra yo gi ni pU dza a b+hi She ka ta At+ma nAM ni r+yAta yA mi sarba ta thA ga ta bI ra yo gi nI At+ma la me a b+hiShiny+tsa mAM zhes pa dang / thal mo dpral bar sbyar lkog ma sa la reg par bya ste/oM sarba bI ra yo gi nI pU dza pra brta na ya At+ma nAM ni r+yA ta yA mi/ sarba ta thA ga ta bI ra yo gi At+ma naM baN+Da ro he d+harmA pra brta ya mAM zhes pa dang / thal mo snying gar sbyar spyi gtsug sa la gtugs te/ oM sarba bI ra yo gi nI pU dza karma ka rA ya At+ma nAM ni r+yAta yA mi/sarba ta thA ga ta bI ra yo gi nI At+ma rU pi Ni karma ku ru mAM zhes pa dang phyag bzhi bya'o/ /de nas lag na me tog thogs pa slob mas mchod pa la sogs pa byas te/ bcom ldan 'das dpal he ru ka yab yum rdo rje phag mo rigs lnga bde bar gshegs pa rigs kyi yum dang /sems dpa' dang sems ma dpa' bo dang dpa' mo ye shes dang las las grub pa thams cad la bdag ming 'di zhes bya bas lus dang ngag dang yid dad pa'i sgo nas mchod par bgyi'o/ /bcom ldan 'das dpal he ru ka yum rdo rje phag mo rigs lnga bde bar gshegs pa rigs kyi yum dang sems dpa' dang sems ma dpa' bo dang dpa' mo ye shes dang las las grub pa thams cad kyi spyan sngar sdig pa thams cad ni bla na med pa'i so sor bshags pas so sor bshags par bgyi'o//bcom ldan 'das dpal he ru ka yum rdo rje phag mo rigs lnga bde bar gshegs pa'i rigs kyi yum dang sems dpa'i dang sems ma dpa' bo dang dpa' mo ye shes dang las las grub pa thams cad kyi spyan sngar bsod nams thams cad la rgya cher rjes su yi rang bar bgyi'o//bcom ldan 'das dpal he ru ka yum rdo rje phag mo rigs lnga bde bar gshegs pa'i rigs kyi yum dang sems dpa' dang sems ma dpa' bo dang dpa' mo ye shes dang las las grub pa thams cad la chos kyi 'khor lo bskor ba'i phyir bskul bar bgyi'o//bcom ldan 'das dpal he ru ka yum rdo rje phag mo rigs lnga bde bar gshegs pa rigs kyi yum dang sems dpa' dang sems ma dpa' bo dang dpa' mo ye shes dang las las grub pa thams cad yongs su mya ngan las 'da' bar bzhed pa gang yin pa de dag thams cad la mya ngan las mi 'da' bar gsol bar 'tshal lo// bcom ldan 'das dpal he ru ka yum rdo rje phag mo rigs lnga bde bar gshegs pa rigs kyi yum dang sems dpa' dang sems ma dang dpa' bo dang dpa' mo ye shes dang las las grub pa thams cad la dus thams cad dang rnam pa thams cad du bdag 'bul gyis so sor bzhes shig//bcom ldan 'das dpal he ru ka yum rdo rje phag mo rigs lnga bde bar gshegs pa rigs kyi yum sems dpa' dang sems ma dang dpa' bo dang dpa' mo ye shes dang las las grub pa thams cad la bdag ming 'di zhes bgyi bas sngon 'khor ba thog ma med pa nas tha ma da ltar gyi bar du nyan thos kyi sdom pa dang /byang chub sems dpa'i sdom pa dang / gsang sngags kyi dam tshig bsrungs pa ji snyed pa thams cad bla na med pa yang dag par rdzogs pa'i byang chub dpal he ru ka'i go 'phang du bsngo bar bgyi'o/ /bdag gi dge ba'i las rnams 'di dag gis//'jig rten du ni myur du sangs rgyas shog /'gro la phan phyir chos rnams ston bgyid cing / /sems can sdug bsngal mang pos gzir las sgrol/ /de nas slob ma byin gyis brlab pa ni hUM mdzad kyi sngags kyis bsrungs la/ spyi bo dang lkog ma dang lte ba dang rkang par a las zla ba'i dkyil 'khor lnga bskyed la de'i steng du oM dkar po dang /AHdmar po dang / swA ser po dang / hA ljang gu de rnams yongs su gyur pa las 'khor lo dang pad+ma dang / rdo rje dang rin po che dang ral gri la rang rang gi yi ges mtshan par bsams la/oM AHhUM/ zhes pas byin gyis brlab par bya'o/ /de nas slob ma'i spyi bor me tog /mdun du spos dang mar me snying gar dri sbyin par bya'o/ /de'i rjes a shwad+tha la sogs pa'i so shing sor bcu gnyis pa yon po ma yin pa ma gas pa srog chags med pa rtse mor me tog gi phreng ba bcings la bdud rtsi thab sbyor gyi sngags bzlas la slob ma la sbyin par bya'o//slob mas kyang byang ngam shar du bltas te bcas la ba lang gi ko ba tsam gyi sa'i cha lci bas byugs par dor bar bya'o/ /so shing gi rtse mo shar la sogs par bltas na zhing la sogs pa'i dngos grub 'byung bar ston to//de nas khyor ba gsum gyi 'thor 'thung byin la/ oM hrIHbi shud+d+ha s+sarba d+ha rmaHsarba pA paM ni saM shod+ha ya sarba bi kalpa a pa na ya hUM zhes bzlas pa'i chus kha bkru'o/ /de yang 'dug pa las yi ge bdun pa bzlas pa'i ku sha'i sngags dang /khro bo hUM mdzad bzlas pa'i ku sha stan gyi phyir byin la/ yi ge gsum dang hUM mdzad bzlas pa'i srung skud dpung pa g.yon par bcings la/ dpral bar yi ge bdun pa bzlas pa'i dri'i thig les bsrungs la/ haM khaM las go cha bskyed la oM hUM mi tri badzra ka ba tsa rak+Sha haM zhes bya bas go cha bskon nas/oM badzra uSh+NI Sha hUM zhes bya ba'i sngags dang rdo rje bsdams pa las gung mo myu gu ltar bsgreng ba'o/ /phyag rgya spyi bor bzhag la spyi bo'i gtsug tor bskyed par bya'o/ /de nas snying gar yi ge hUM bsgoms la rdo rje khu tshur gyis gtugs te yi ge brgya pas brtan par bya'o/ /de nas chos bshad par bya ste/sgyu 'phrul dra ba'i rgyud las ni/ /g.yas su srung skud bcing ba dang / /ku sha'i lo mas brtan byas nas/ /'jig rten na ni kun mkhyen rnams/ /u dum bA ra'i me tog bzhin/ /brgya lam na ni res 'ga' zhig /'byung 'gyur yang ni mi 'byung ngo / /gsang sngags spyod pa'i tshul 'byung ba//de bas kyang ni dkon pa ste/ /gang zhig mnyam med sems can don/ /mya ngan mi 'da' byed par nus/ /bskal pa bye ba du ma ru/ /sdig pa bgyis par gyur pa dag /de kun dkyil 'khor 'di 'dra ba/ /mthong bas byang bar 'gyur 'dra na/ /grags pa mtha' yas sngags spyod pa'i//tshul la gnas pa smos ci dgos/ /skyob pa gsang sngags bzlas nas ni/ /go 'phang bla na med par 'gyur/ /gang dag spyod pa mchog 'di la/ /blo gros shin tu mi g.yo ba/ /de dag gis ni ngan 'gro'i rgyun/ /sdug bsngal kun 'byung rab tu spyod/ / bdag nyid chen po khyed rnams kyis/ /rnyed pa mnyam med de ring snyed/ /gang phyir rgyal ba sras bcas pa/ /bdag nyid chen po khyed rnams ni/ /bstan pa 'di la khyed rnams kun/ /yongs su gzung ste skye bzhin pa/ /de phyir khyed rnams theg chen la/ /sang ni rab tu skye bar 'gyur/ / theg pa chen po 'byung ba yi/ /lam mchog 'di ni dpal dang ldan/ /khyed rnams der ni dong ba lags/ /rang 'byung skal ba chen po pa/ /'jig rten thams cad mkhyen pa yi/ /de bzhin gshegs pa rnams su 'gyur/ /zhes spro ba bskyed la/ bzhin bzangs rnams langs la dkyil 'khor la phyag gyis shig nang par dkyil 'khor chen po mthong bar 'gyur ro//de nas rmi lam dge mi dge nga la smros shig ces bsgo'o/ /rmi lam ngan na hUM mdzad brgya rtsa brgyad bzlas par bya'o/ /slob ma lhag par gnas pa'o// //de nas slob ma gzhug par bya ste/ dang por hUM mdzad bzlas pa'i stod g.yogs dang smad g.yogs bskon la yi ge bdun pa bzlas pa'i dar seng khas gdong g.yogs bcings la yol ba'i rgyab tu bzhag la hUM mdzad kyi bum pa'i chus bsangs nas sdug pa khyod su yin zhes dri bar bya'o//slob mas kyang bdag skal ba bzang po can no zhes brjod par bya'o/ / de nas dzaHhUM baM hoHsa nang du gzhug par bya'o/ /gzhug pa'i cho ga bdun te/ de la dang por re zhig gsol ba gdab cing rgyun bshags bya ba ni/ sangs rgyas kun gyi rang bzhin sku/ /slob dpon la ni skyabs su mchi/ /dpa' bo rnal 'byor ma'i 'khor lo/ /rnal 'byor gnas la phyag 'tshal lo//de bzhin gshegs pa kun gyi gnas/ /he ru ka dpal grong khyer mchog /snying po'i dkyil 'khor 'di ru ni/ /mgon po bdag ni gzhug par mdzod/ /ces smrar gzhug go/ /de nas mig lam na ci snang zhes dri bar bya'o/ /kha dog la sogs pa'i bye brag gis zhi ba la sogs pa'i las 'grub par bstan par bya'o//de nas sngar bstan pa bzhin du phyag btsal ba dang mchod pa dang sdig pa bshags pa dang rjes su yi rang ba dang bskul ba dang gsol ba gdab pa dang lus dbul ba dang bsngo ba dang sdom pa gzung bar bya ba ni/ ji ltar dus gsum mgon po rnams//byang chub tu ni nges mdzad pa'i/ /byang chub sems ni bla na med/ /dam pa bdag gis bskyed par bgyi/ /sangs rgyas rnal 'byor sdom pa la/ /tshul khrims kyi ni bslab pa dang / /dge ba'i chos ni sdud pa dang / /sems can don byed tshul khrims gsum/ /bdag gis brtan por gzung bar bgyi//sangs rgyas chos dang dge 'dun te/ /bla na med pa'i dkon mchog gsum/ /deng nas brtsams te gzung bar bgyi/ /nam du yang ni mi spong ngo / /rdo rje rigs mchog chen po la/ /rdo rje dril bu phyag rgya yang / /yang dag nyid du gzung bar bgyi//slob dpon dag kyang gzung bar bgyi/ /rin chen rigs mchog chen po la/ /dam tshig yid du 'ong ba la/ /nyin re zhing ni dus drug tu/ /sbyin pa rnam bzhi rtag tu sbyin/ /byang chub chen po las byung ba'i/ /pad+ma'i rigs mchog dag pa la/ /phyi nang gsang ba'i theg pa gsum//dam pa'i chos kyang gzung bar bgyi/ /las kyi rigs mchog chen po la/ /sdom pa thams cad ldan par ni/ /yang dag nyid du gzung bar bgyi/ /mchod pa'i las kyang ci nus bgyi/ /byang chub sems ni bla na med/ /dam pa bdag gis bskyed bgyis nas/ /sems can kun gyi don gyi phyir//bdag gis sdom pa ma lus gzung / /ma grol ba ni dgrol bar bgyi/ /ma bsgral ba ni bsgral bar bgyi/ /dbugs ma phyin pa dbugs phyung zhing / /sems can mya ngan 'das la dgod/ /ces brjod do/ /yang 'di skad ces brjod par bya'o/ / gong nas gong gi sdom pa 'di/ /bu khyod kyi ni bsrung bya ste/ /grol ba'i rgyu ni de las gzhan/ /thabs ni ci yang yod ma yin/ /gnyis med gnyis med rnal 'byor bdag /byang chub yan lag me tog sprul/ /bdud rtsi lnga yi dam tshig ni/ /sdig pa 'byin byed bus srungs shig/ ces brjod do//gnyis pa byang chub tu sems bskyed pa ni gnas gsum du ni yi ge bdun pa dri'i thig le byas la byang chub tu sems bskyed par bya ste/ snying gar zla ba'i dkyil 'khor la yi ge hUM las rdo rje rtse lnga pa dkar po bskyed la spos chus brlan pa'i lag pas rdo rje bzung la slob ma'i snying gar bzhag nas/oM sarba yo ga tsit+ta ut+pA da yA mi su ra ta sa ma ya s+t+waM/ ho badzra sid+d+hi ya thA su khaM zhes brjod la yi ge brgya bas brtan par bya'o/ /de nas gsum pa lha dang slob dpon gyi dam tshig bsgrag par bya ste/ deng khyod de bzhin gshegs pa thams cad kyis byin gyis brlabs kyis de bzhin gshegs pa thams cad kyi mchog tu gsang ba 'di/khyod kyis dkyil 'khor ma mthong ba rnams la smra bar ma byed cig /dad pa dang mi ldan pa rnams la yang ma yin no zhes brjod do/ /de nas yang dzaHhUM baM hoHsa dkyil 'khor du gzhug par bsams la/ AHkhaM bI ra hUM zhes pa'i sngags dang dpa' bo nam mkha' dang mnyam pa'i dkyil 'khor du bzhugs so zhes brjod par bya'o//deng khyod dpa' bo dang rnal 'byor ma thams cad kyi rigs su zhugs kyis ngas khyod la ye shes gang gis dpal he ru ka dang de bzhin gshegs pa thams cad dang dpa' bo dang rnal 'byor ma thams cad kyi dngos grub thob par 'gyur na/dngos grub gzhan lta ci smos te de lta bu'i ye shes bskyed par bya'o/ /khyod kyis dkyil 'khor chen po ma mthong ba rnams la smra bar ma byed cig dam tshig nyams par gyur ta re zhes brjod do/ /slob ma'i snying gar rdo rje bzhag la/ oM he ru ka dpal deng khyod kyi//snying la yang dag zhugs par 'gyur/ /gal te tshul 'di smras na ni/ /de ma thag tu dral te gshegs/ /zhes brjod nas thod pa'i nang du bdud rtsi lnga sbyar la yi ge gsum bzlas la 'thung du bcug la 'di skad brjod par bya'o/ /'di ni mi thong chu yin te/ /dam tshig 'das na sreg par byed//dam tshig bsrungs na dngos grub ni/ /rdo rje bdud rtsi'i chu 'thung shig /oM pany+tsa a mr-i ta u da ka ThaHzhes brjod do/ /de nas slob dpon gyi dam tshig bsgrag par bya ste/ deng phyin chad khyod kyi he ru ka nga yin gyis ngas 'di byos shig ces bsgo ba de bya dgos so/ / khyod kyis nga la brnyas pa ma byed cig /mi bde ba ma spangs pas khyod dus byas nas dmyal bar gyur ta re zhes brjod do/ /de nas bzhi pa ye shes dbab par bya ste/ dpa' bo dang rnal 'byor ma thams cad kyis byin gyis rlobs la/ dpal he ru ka'i ye shes bdag la 'bab par gyur cig ces smrar bcug la/de'i thugs kar laM las byung ba'i dbang chen gyi dkyil 'khor kha dog ser po dbus su rdo rjes mtshan pa/ lkog mar baM las byung ba'i chu'i dkyil 'khor dkar po bum pas mtshan pa la dbus na yi ge a gnas par bsam mo/ /slob ma'i spyi bor yi ge yaM las byung ba rlung gi dkyil 'khor gzhu'i dbyibs lta bu kha dog sngon po ba dan gyis mtshan pa la dbus su yi ge hUM gnas par bsam mo//slob ma'i rkang pa'i 'og tu dz+haiM 'od zer 'bar ba dang bcas pa bsams la de'i 'og tu yang rlung gi dkyil 'khor gyi steng du raM las byung ba'i me'i dkyil 'khor gru gsum pa kha dog dmar po bsgoms la/dril bu dkrol zhing / A be sha ya A be sha ya/ s+t+waM b+ha ya s+t+waM b+ha ya/ ra ra ra ra/ tsa la ya tsa la ya/ hUM ha a dz+haiM/ zhes brjod cing thang chu lnga sbyar la bskus pa'i gos legs par brdungs pa dang / byi la'i dang gu gul lhan cig sbyar ba'i thod pa'i nang du dur khrod kyi sol ba'i me la yab yum gyi sngags dang /dpa' bo dang dpa' mo'i sngags dang / oM tiSh+Tha ma hA kro d+ha A be+e sha ya hUM/ oM shrI he ru ka ya bid ma he swa ha zhes bya bas dbab par bya'o/ /de nas babs kyang rung ste lce la a las zla ba'i dkyil 'khor gyi steng du AH dmar po gsung gi rdo rje'i rang bzhin du bsams la/bruM hi badzra dge ba'am mi dge ba smros shig ces brjod la/ bab par gyur na tiSh+Tha badzra zhes pa dang / yi ge brgya pas brtan par bya'o/ /de nas lnga ba me tog dor bar bya ste rin po che'am me tog gi phreng ba dor la lha dang nye ba dang mi nye ba'i gnas brtags la/pra ti gr-ih+Na swa mi mAM satwa ma hA ba la zhes pas blangs la slob ma'i mgo la bcing bar bya'o/ /de nas drug pa gdong g.yogs dgrol bar bya ste/ de'i mig gnyis su yi ge 'od zer dang bcas pa bsams la rdo rje rtse mos phyi zhing / oM badzra na tra a pa ha ra pa Ta laM hrIHzhes pa dang /he ru ka dpal deng khyod kyi/ /mig 'byed par ni brtson par mdzad/ rdo rje mig ni bla med pa/ /de nyid du ni 'byed par shog /ces brjod la gdong g.yogs dgrol bar bya'o/ /de nas bdun pa dkyil 'khor bstan pa ni/ dkyil 'khor bzang po 'di la ltos/ /da ni dad pa rab tu bskyed//khyod ni rnal 'byor rigs su skyes/ /gsang sngags phyag rgya byin gyis brlabs/ /'gro ba'i phun sum tshogs kun dang / /dngos grub kun khyod mngon du gyur/ /zhes pa dang / gang du me tog babs pa'i lha dang dkyil 'khor gyi de nyid brtan par bya'o/ /sna tshogs pad+ma'i lte bar bzhugs//gnyis med gnyis med nang na gnas/ /brtan g.yo kun gyi bdag nyid can/ /spyod dang grol ba'i rab brtson bya/ /kun mkhyen kun mkhyen gtso bo ste/ /dpa' bo che la bu khyod ltos/ /rnal 'byor ma la sogs pa'i tshogs/ /grub pa'i rnal 'byor ma lnga'o/ /thod pa'i dum bu la sogs kun//'khor lo mkha' la spyod pas bskor/ /rab la sogs pas yang dag 'khyud/ /gnyis po thugs kyi sprul pa yin/ /myu gu can la sogs pa kun/ /rnal 'byor ma brgyad gnyis su med/ /gsum ni rnam dag ngo bo yis/ /mi yi 'jig rten dag tu khyab/ / stobs po che la sogs gnas pa/ /grub pa sa 'og pa rnams yin/ /sku yi sprul par bshad pa yi/ /chags pa kun gyi rjes su chags/ /he ru ka la sogs 'khor lo/ /g.yon nas 'khyud cing nu ma 'dzin/ /sku gsum zhes bya'i sprul pa ste/ /'bring dang mchog dang tha ma dang / /khwa la sogs pa brgyad po yi//gzugs ni rgyu yis yang dag bstan/ /khro bo rnam rgyal la sogs brgyad/ /byang chub sum cu rtsa bdun sprul/ /mkha' la spyod dang sa la spyod/ /sa 'og dag ni spyod pa ste/ /brgyad gnyis mchod pa'i lha mo ste/ /lha rnams de nyid bstan pa yin/ /dkyil 'khor gyi ni de nyid dang //slob ma gzhug pa'i cho ga'o// //de nas dbang bskur ba bzhi bshad par bya/ de la re zhig rig pa'i dbang bskur ba dang por bya ste/ pad+ma 'dab ma brgyad pa bris te de'i steng du slob ma skyil krung du bzhag la/ hUM mdzad kyi chus bsangs nas/ yon gyi mchog blangs nas gsol ba gdab pa ni/mi ldog 'khor lo'i dbang bskur ba/ /mgon po chen po bdag la stsol/ /dkyil 'khor lha yi de nyid dang / /slob dpon gyi ni las rnams dang / /he ru ka dpal dam tshig dang / /sdom pa gsang ba bla na med/ /sems can gyi ni don gyi phyir/ /dpa' bo slob dpon bdag grub mdzod/ /de ltar gsol ba btab nas sngar bshad pa'i sdom pa byin la snying gar hUM bsams la/oM swa b+hA ba shud+d+haH sar+b+ba d+harmAH swa shud+d+hou0f85haMzhes bya ba'i sngags kyis slob ma stong pa nyid du bsgoms la/ de nas A li kA li las nyi zla kha sbyor/ de'i dbus su hUM baM gnyis te de yongs su gyur pa las rdo rje dang gri gug / de'i spro bsdu las bcom ldan 'das dpal he ru ka sku mdog sngon po zhal bzhi pa phyag bcu gnyis pa/ yum sku mdog dmar mo zhal gcig phyag gnyis pa bsgom du bcug la/ de la go cha bskon nas ye shes sems dpa' bcug la dbang bskur bar bya ste/ ji ltar bltams pa tsam gyis ni//de bzhin gshegs kun khrus gsol ba/ /lha yi chu ni dag pa yis/ /de bzhin bdag gis khrus bgyi'o/ /bum pa thams cad kyi chu blangs la/ oM sarba ta thA ga ta badzra a b+hi Shiny+tsa hUM zhes brjod la me tog spyi bor dor la/ dpal ldan rdo rje thugs 'chang ba/ /rdo rje mi phyed gsum bsgoms pas//deng bdag byin gyis brlabs nas su/ /rdo rje thugs su mdzad du gsol/ /phyogs bcur bzhugs pa'i sangs rgyas rnams/ /rdo rje mi phyed gsum bsgoms pas/ /deng bdag byin gyis brlabs nas su/ /rdo rje thugs su mdzad du gsol/ /oM sarba ta thA ga ta tsit+ta ni r+yA ta na badzra swa b+hA ba At+ma kou0f85haM/rnam shes phung po rnam dag pas/ /me long lta bu'i ye shes kyi/ /zhe sdang rnam dag mi bskyod pa'i/ /dpal ldan chu yi dbang bskur ba'o/ /de nas gser la sogs pa las byas pa 'bur du btod pa'am ras la sogs pa la bris pa la sogs pa'i cod pan la/ hUM mdzad la sogs pa'i sngags kyis bsangs nas yi ge hrAM las rin po che de yongs su gyur pa las rin chen 'byung ldan/de yongs su gyur pa las rigs lnga'i dbu rgyan du bsams la dri'i thig le byas te/ me tog la sogs pas yang dag par mchod nas slob ma'i mgo la bzhag ste/ 'di skad ces brjod do/ /phal pa'i mdangs ni gzhom pa'i phyir//nga rgyal rin chen 'byung ldan gyi/ /yon tan gzi brjid bskyed pa'i phyir/ /cod pan gyis ni dbang bskur ro/ /oM sarba ta thA ga ta mu ku Ta a b+hi Shiny+tsa hUM zhes brjod pa dang / rdo rje mi phyed gsum bsgoms pas/ /deng bdag byin gyis brlabs nas su/ / rdo rje rin chen mdzad du gsol/ /phyogs bcu yi ni sangs rgyas rnams/ /rdo rje mi phyed gsum bsgoms pas/ /deng bdag byin gyis brlabs nas su/ /rdo rje rin chen mdzad du gsol/ /oM sarba ta thA ga ta badzra rat+na swa b+hA ba At+ma kou0f85haM/ tshor ba'i phung po rnam dag pa'i/ /mnyam pa nyid kyi ye shes kyi//nga rgyal rin chen 'byung ldan gyi/ /cod pan gyis ni dbang bskur ro/ /cod pan gyi dbang ste gnyis pa'o/ /de nas rdo rje'i dbang bskur ba ni/ gser ram rin po che las byas pa'i rdo rje hUM mdzad kyis bsangs te hrIHlas pad+ma de yongs su gyur pa las snang ba mtha' yas de yongs su gyur pa las rdo rje bsams la/dri'i thig le byas la me tog la sogs pas yang dag par mchod la/ sangs rgyas kun gyi rdo rje'i dbang / /de ring khyod la bskur bar bya/ /he ru ka dpal rab bsgrub phyir/ /rdo rje 'di ni khyod kyis long / /thog mtha' med pa'i sems dpa' ni/ /rdo rje sems dpa' dga' ba che//kun du bzang po kun bdag nyid/ /rdo rje snyems tshul bdag po'i bdag /oM sarba ta thA ga ta hrIHshrI he ru ka badzra a b+hi Shiny+tsA mi/ tiSh+Tha badzra badzra sa ma ya s+t+waM zhes pas lag par rdo rje gtad la/ chos kyi gsung lam dpal dang ldan/ /rdo rje mi phyed gsum bsgoms pas/ /deng bdag byin gyis brlabs nas su//rdo rje gsung du bdag gis bsgom/ /phyogs bcur bzhugs pa'i sangs rgyas rnams/ /rdo rje mi phyed gsum bsgoms pas/ /deng bdag byin gyis brlabs nas su/ /rdo rje gsung du mdzad du gsol/ /oM sarba ta thA ga ta bAka badzra swa b+hA ba At+ma kou0f85haM/ 'du shes phung po gnas 'gyur pas/ /so sor rtog pa'i ye shes kyi/ /'dod chags snang ba mtha' yas kyi/ /rdo rje yis ni dbang bskur ro/ rdo rje'i dbang ste gsum pa'o/ /de nas dril bu'i dbang bskur ba ni gser la sogs pa'i dril bu yang hUM mdzad kyis bsangs la/ khaM las ral gri de las don yod grub pa de yongs su gyur pa las dril bur bsams la/dri'i thig le byas la me tog la sogs pas mchod nas/ 'di ni sangs rgyas thams cad kyi/ /shes rab dbyangs kyi rjes 'gror bshad/ /khyod kyis kyang ni rtag tu bcang / /rgyal bas byang chub mchog tu bzhed/ / srid pa ngo bo nyid kyis bdag /ngo bo nyid kyis srid bral byas/ /rang bzhin dag pa'i sems dpa' mchog /srid pa'i mchog tu grub par byed/ /oM shrI he ru ka a d+hi pa ti s+t+waM/ a b+hi Shiny+tsA mi tiSh+Tha badzra sa ma ya s+t+waM zhes bya bas byin la/ dpal ldan rdo rje don yod 'chang / /rdo rje mi phyed gsum bsgoms pas//deng bdag byin gyis brlabs nas su/ /rdo rje las su mdzad du gsol/ /oM sarba ta thA ga ta a mo g+ha badzra swa b+hA ba At+ma kou0f85haM/ 'du byed phung po rnam dag pa'i/ /bya ba nan tan ye shes kyi/ /phrag dog don yod grub pa yi/ /dril bu yis ni dbang bskur r o//de nas me tog gi phreng ba bzung la ming gi dbang bskur bar bya ste/ lugs ma'i sku spyi bor bzhag la oM las 'khor lo/ de las rnam par snang mdzad de yongs su gyur pa las dbu'i gtsug tor du bsams la/ phreng ba spyi bor bcings te/ srid pa'i bde ba shin tu chung / /sdug bsngal chen po dag bya'i phyir//shin tu bde ba dam pa'i thabs/ /he ru ka dpal dag tu bskyed/ /oM shrI he ru ka a b+hi Shiny+tsA mi/ shrI he ru ka che ge mo nA ma a b+hi She ka ta/ dpal ldan rdo rje sku 'chang ba/ /rdo rje mi phyed gsum bsgoms pas/ /deng bdag byin gyis brlabs nas su/ /rdo rje skur ni mdzad du gsol//oM sarba ta thA ga ta kA ya badzra swa b+hA ba At+ma kou0f85haM/ /gzugs kyi phung po rnam dag pas/ /chos dbyings ye shes rnam dag pa'i/ /gti mug rnam par snang mdzad kyi/ /dpal ldan ming gi dbang bskur ro/ /de nas me tog gtor byas nas/ /phung po lnga ni rnam dag cing / /nyon m ongs lnga ni spangs pas na//ma rig pa ni rnam dag pas/ /rig pa yi ni dbang zhes bshad/ /rig pa'i dbang bskur ro/ /de nas brtul zhugs mang po sbyin par bya ste rdo rje dril bu byin la/ pad+ma ltar skor ba'i phyag rgyas lan gsum bskor la/ rdo rje gsor zhing dril bu dkrol du bcug la/ 'di ni sangs rgyas thams cad kyi/ /he ru ka dpal phyag na bsnams/ /khyod kyis kyang ni rtag tu bcang / /he ru ka dpal brtul zhugs brtan/ /oM sarba ta thA ga ta sid+d+hi badzra sa ma ya tiSh+Tha e Sha s+t+waM d+ha ra yA mi/ hUM ha ha ha ha ho zhes bya bas rdo rje brtul zhugs so/ /de nas phyag mtshan bcu gnyis lugs ma 'am 'bur du brkos pa'am ri mor bris pa hUM mdzad kyi sngags kyis bsangs nas slob ma la sbyin par bya ste/rdo rje dril bu bcangs pa yi/ /shes rab pha rol phyin pa dang / /bzod pa glang po'i pags pa dang / /smon lam cang te'u bsnams pa dang / /ye shes gri gug nyon mongs gcod//dgra sta tshul khrims rnam dag dang / /rtse gsum sbyin pa'i pha rol phyin/ /thod pa thabs la mkhas pa dang / /brtson 'grus rdo rje zhags pa dang / /kha T+wAM bsam gtan rnam dag ste/ /tshangs pa'i mgo bo stobs su bshad/ /pha rol phyin pa rnam dag pas/ /bu khyod kyis ni bcang bar bya//oM hrIHha ha hUM hUM phaT re re zhing bzlas par bya'o/ /de nas me tog gtor nas/ dpa' bo chen po'i brtul zhugs bzang / /rten 'brel bcu gnyis rnam dag pa/ /pha rol phyin pa bcu rnams kyi/ /phyag rgya yis ni dbang bskur ro/ /dbang bdun pa'o// // sangs rgyas kun gyi mig 'byed pa'i/ /gsang sngags bla na med pa yi/ /snying po yid bzhin nor bu 'di/ /skyob pa'i sangs rgyas dbang bskur ro/ /de nas me tog gtor la sngags bzla ba'i phyir bzlas pa'i phreng ba sbyin par bya'o/ /deng nas brtsams te rdzogs sangs rgyas/ /rnal 'byor ma dang rdzogs sangs rgyas//shes rab thabs kyi bsnyems chen gyis/ /gar mchog bde ba dga' ston gyis/ /sgeg dang bcas pa'i me tog phreng / /sangs rgyas kun sogs rnal 'byor ma/ /des ni bral bar mi 'gyur te/ /me tog phreng bas brgyan gyur cig /phreng ba'o/ /lus can kun gyi dam chos kyi//khyod kyis glu ni blangs byas te/ /des na rnal 'byor ma de dang / /myur du bde ba myong bar 'gyur/ /glu'o/ /khyod kyis rgyal la dri phul bas/ /tshul khrims ting 'dzin shes rab dang / /rnam grol ye shes mthong ba yi/ /lus can byang chub thob gyur cig /dri'o/ / rdzogs sangs rgyas la spos phul bas/ /brtul zhugs bzang pos legs tshim zhing / /lus can bde gshegs cha lugs su/ /ye shes kyis ni tshim gyur cig /spos so/ /chos kyi mar me legs sbar bas/ /pad+ma gar dbang bdag nyid de/ /sems can ma rig mdongs byas la//ye shes sgron ma snang gyur cig /mar me'o/ /brtul zhugs mang po'o/ /de nas phyir mi ldog pa'i dbang bskur ba'i phyir gsol ba gdab par bya ste/ byang chub rdo rjes sangs rgyas la/ /ji ltar mchod sbyin gsol ba gdab/ /bdag kyang bsrung ba'i don gyi phyir/ / nam mkha'i rdo rje bdag la gsol/ /he ru ka dpal dbang bskur ba/ /'gro ba skyob pa'i gzi brjid can/ /ji ltar yon tan 'byung gnas stsol/ /de bzhin bdag la deng bdag stsol/ /dpa' bo chen po mi ldog pa'i/ /dbang bskur ba ni bdag la stsol/ /sems can kun gyi don gyi phyir//bdag ni rtag tu slob dpon gyur/ /de ltar gsol ba btab pa'i rjes la sdom pa sbyin par bya ste/ ji bzhin don ldan bcu bzhi ni/ /phas pham par ni rab tu grags/ /spong zhing dor bar mi bya ste/ /rtsa ba'i ltung bar shes par bya/ /slob dpon la ni brnyas pa dang / /bde gshegs bka' ni gcog pa dang //sdang bas spun la bsngags mi bya/ /byams pa chen po spong bar byed/ /byang chub sems ni 'dor bar byed/ /shes pa gsum la smod pa dang / /skal min gsang ba sgrogs pa dang / /rgyal ba'i bdag nyid phung po smod/ /dag pa'i chos la yid gnyis dang / /gdug la byams dang chags bral dang //chos la gnyis su 'byed pa dang / /dad pa'i sems ni rab tu smod/ /dam tshig bsten tshe ji snyed tshe/ /rtag pa'i bud med smod pa ste/ /rtsa ba'i ltung bar 'gyur ba yin/ /nyin dang mtshan mo lan gsum du/ /nyin re zhing ni bzla bar bya/ /sngags pas 'di dag byed pa ni//kha na ma tho sbom por 'gyur/ /yan lag dam tshig shes par bya/ /dam tshig mi ldan snod min pa'i/ /rig ma bsten par bya ba dang / /tshogs kyi 'khor lor rtsod pa dang / /gsang ba'i chos ni ston pa dang / /sems can dad dang ldan pa la/ /dam chos gzhan du ston pa dang / / nyan thos dag tu slob byed pa'i/ /nang du zhag bdun gnas pa dang / /sbyor ba nges par ma byas pa'i/ /snod min gsang ba ston pa yi/ /kha na ma tho sbom 'gyur te/ /sngags pa dam tshig zad par 'gyur/ /zad pas dngos grub mi 'gyur zhing / /bdud dang sdug bsngal rab tu 'phel/ /de bas dam tshig bus srungs shig /ces brjod par bya'o/ /slob mas kyang de bzhin du bgyid do zhes brjod do/ /de nas seng ge'i khri la dar gyis g.yogs te de'i steng du bzhag la/ /yi ge mngon par bzlas pa'i gdugs dang rgyal mtshan dang ba dan bsgreng la slob ma lhar bskyed la/ pu dzA u a go ra de ma la sogs pa'i yi ge nyi shu rtsa bzhi lus la bkod la/hUM ring po brgyad las sgo mtshams ma bskyed la snying ga'i rtsa bzhi la yum bzhi dang / bdud rtsi'i snod bzhi bskyed la dpa' bo dpa' mo'i go cha bskon nas/ phai phaiM gi phyag rgyas ye shes sems dpa' spyan drangs la bcug ste/ gnas gsum du yi ge gsum gyi byin gyis brlab par bya'o//de nas slob dpon gyis lha thams cad kyi rang bzhin rnam par rgyal ba'i bum pa blangs nas bkra shis tshigs su bcad pa brjod cing dbang bskur bar bya ste/ lha rnams zhu ba las ye shes kyi bdud rtsir byin gyis brlabs te spyi bor blugs nas 'di skad brjod do//khams gsum kun gyis phyag byas pa/ gsang ba gsum ni gnas las byung / /dbang bskur ba ni rdo rje che/ /sangs rgyas kun gyi dbang bskur ro/ /oM sarba ta thA ga ta a b+hi brti ka a b+hi She ka sa ma ya shri ye hUM zhes brjod do/ /de nas cod pan dang / rdo rje dril bu dang / me tog gi phreng ba spyi bor bcings la 'di skad brjod do//khams gsum kun gyis phyag byas pa/ /phyag rgya chen po'i byin brlabs la/ /gzugs dor ba yi dam tshig gis/ /gsang sngags ma tshang med par bzla/ /rang rang rig pa'i ngo bo de/ /phyogs bcu dus gsum bzhugs pa'o/ / rang gi lha yi sbyor ba yis/ /bdag dang gzhan la mchod par bya/ /dka' thub sdom pa mi zad pa/ /bsrungs na mi snang mngon shes dang / /mkha' la rgyu dang lus ngag yid/ /las 'byung 'dod grub 'grub mi 'gyur/ /de bas sangs rgyas sems dpa' mchog /'dod pa thams cad bsten pa yis/chos kyi ye shes mchog bsnyes pa'o/ /bde dang sdug bsngal de dag min/ /'dod pa'i yon tan lnga rnams bsten/ /ye shes don gnyer 'dod chags can/ /sbyor bas bsgrubs na myur du 'grub/ /sku gsung thugs kyi yang dag 'grub/ /gang gzhan dman pa bshad pa yin/ / sngags kyi bzlas pa 'grub 'gyur ba/ /sku gsung thugs ni bsgoms pas so/ /de nyid kyis ni rdo rje gsung / /chos kyi dril bu dkrol bar bya/ /dam tshig gis ni phyag rgya cher/ /byin gyis brlabs nas snying po bzla/ /de nas mig gnyis su hUM las rdo rje nas 'bras tsam dkar por bsams la/gser ram rin po che las byas pa'i mig thur dang bra zhes bya bas mig dbye bar bya ste/ ji ltar mig mkhan rgyal po yis/ /'jig rten ling tog bsal ba ltar/ /bu khyod kyi ni mi shes pa'i/ /rab rib rgyal ba rnams kyis bsal/ /oM badzra ni tra a pa ha ra ba Ta laM hrIH zhes brjod pas ni nyon mongs pa spangs pa'i dbang ngo //de nas me long bstan la/ chos rnams gzugs brnyan lta bu ste/ /dag cing gsal la rnyog pa med/ /gzung du med cing brjod du med/ /rgyu dang las las kun du byung / /ngo bo nyid med gnas med par/ /de ltar chos 'di shes gyis la/ /sems can don ni mnyam med byos//'on kyang sangs rgyas sras su skye/ /ye shes kyi dbang ngo / /de nas sku gsung thugs kyi dbang sbyin par bya ste/ a las bskyed pa'i dril bu blangs te/ chos rnams nam mkha'i mtshan nyid de/ /nam mkha' la yang mtshan nyid med/ /nam mkha' dang mnyam sbyor ba yis//sku mchog mnyam pa nyid du gsal/ /gsung gi dbang ngo / /de nas hos bskyed pa'i mda' gzhu sbyin la phyogs bzhi dang steng 'og tu ho zhes pas mda' 'phen du gzhug go/ /sku'i dbang ngo / /de nas hUM las me long bskyed pa byin la/ rdo rje sems dpa' me long bzhin/ /dag cing gsal la me long bzhin//bu khyod kyi ni snying la zhugs/ /gang 'di de bzhin gshegs pa thams cad kyi bdag po rdo rje byang chub kyi sems ni 'di yin par shes par gyis shig /ces brjod par bya ste/ thugs kyi dbang ngo / /de nas rkang pa gnyis kyi bar du chos kyi 'khor lo bzhag la/ lag pa g.yas par dung byin te g.yon par po ti byin la 'di skad ces brjod do/ /deng nas brtsams te sems bskyed pa tsam gyis chos kyi 'khor lo skor cig /de ring phan chad 'jig rten la/ /skyob pa'i chos kyi 'khor lo bskor/ /chos kyi dung ni bla med pa/ /ma lus kun du gang bar gyis//som nyi yid gnyis mi bya zhing / /dogs pa med pa'i sems kyis su/ /gsang sngags spyod pa'i tshul gyi mchog /'jig rten 'di la rab tu sgrogs/ /de ltar byas nas sangs rgyas la/ /phan 'dogs drin du gzo zhes bya/ /rdo rje 'dzin pa de kun yang / /kun du srung ba khyod la mdzad//ces bya bas sbyin par bya'o/ /de nas rjes su gnang ba'i dbang lnga sbyin par bya ste/ 'jig rten kun las thams cad du/ /sems can kun la phan pa'i phyir/ /ji ltar sna tshogs 'dul 'gyur ba/ /chos kyi 'khor lo rab tu bskor/ /de bzhin du rdo rje dang khro bo dang pad+ma dang nor bu'i 'khor lo rab tu bskor zhes bya ba'i tshigs su bcad pa lngas rjes su gnang ba lnga dbang bskur ba lnga sbyin par bya'o//de nas slob ma la mchod pa lngas mchod par bya'o/ /mgo bo la me tog sna la bdug pa mig la mar me snying gar byug pa/ yang na gnas gsum du dri'i thig le byas la/byang chub kyi phyogs kyi chos sum cu rtsa bdun lha'i de nyid dang / gnas nyi shu rtsa bzhi la sogs pa dkyil 'khor gyi de nyid dang / rtsa dang / khams dang rang bzhin lus kyi dkyil 'khor gyi de nyid dang / bsnyen pa dang sta gon dang / dkyil 'khor dang sbyin sreg dang bum pa dang gtor ma dang bdud rtsi lnga sbyang ba dang /bsgom pa dang bzlas pa dang bcas pa'i phrin las bzhi slob dpon gyi las rnams bslab par bya'o/ /de nas yon dbul bar bya ste/ glang po rta dang shing rta nor/ /nor bu byu ru la sogs pa/ /yon gyi mchog ni blangs pa rnams/ /phyag byas nas ni dbul bar bya//deng nas brtsams te bdag bran du/ /khyod la bdag ni 'bul lags kyis/ /ma 'ongs mngon par 'tshang rgya bar/ /lung bstan bya dang dbugs dbyung mdzod/ /ces brjod do/ /de nas bdag nyid de bzhin gshegs par bsams la gzengs bstod pa 'di dang lung bstan par bya ste/g.yon pa snying gar khu tshur bcangs pa dang chos gos 'dzin pa'i tshul du byas la/ oM nga yis 'di ltar lung bstan te/ /rdo rje sems dpa'i de bzhin gshegs/ /srid pa'i mchog ni grub pa yin/ /srid pa'i ngan 'gro rnams las bton/ /kye de bzhin gshegs pa rdo rje che ge mo zhes bya ba dang /b+hur b+hu bswa/ 'di yi dbang bskur gyur pa yis/ /sngags pas 'gro ba kun dang bdag /bla na med pa'i byang chub tu/ /bde bar gshegs kyis lung bstan mdzod/ /ngo bo nyid kyis sems can rnams/ /ji lta ji ltar 'dul 'gyur ba/ /de lta de ltar chags la sogs//gsang bas sems can don bya'o/ /nyin re zhing ni thun sna ru/ /ting 'dzin gsum gyi sbyor ldan par/ /gyur nas thun mong gis shes kyis/ /dngos grub thob par 'gyur bar bya/ /mi snang ba ni stong yin te/ /mngon shes snang ba nyis stong yin/ /rig pa 'dzin pa sum stong yin//rdo rje can ni 'gro kun bdag /zhi dang rgyas sogs las gang dang / /de las gzhan pa ci 'dod pa/ /'khor lo rjes gnyis sbyor ba yis/ /bsgrubs na myur du 'grub par 'gyur/ /kun gyi gnang ba sbyin pa'o/ /de nas dbugs dbyung ba bshad par bya ste/ /mchog gsang dkyil 'khor dam pa 'dir//mthong ba dang ni zhugs gyur pas/ /sdig pa kun las nges grol bar/ /khyed rnams de nyid legs par gnas/ /bde chen theg pa 'di las ni/ /slar khyod 'chi ba yod min te/ /mi tshugs pa dang mi sod pas/ /cis kyang mi 'jigs dga' bar gyis/ /srid pa shin tu dag pa'i phyir//srid pa'i sdug bsngal las khyod 'das/ /srid pa shin tu grub pa'i phyir/ /ston pa'i mchog tu gyur pa yin/ /rtag tu khyod kyis bsrung bar bya/ /sangs rgyas kun gyis mthun par gsungs/ /dam pa rtag pa'i bka' yin no/ /gang zhig bskyed pa tsam gyis ni/ /sangs rgyas nyid du dogs med pa'i//byang chub sems ni gtang mi bya/ /phyag na rdo rje gang yin pa/ /dam pa'i chos ni mi spang zhing / /nam yang dor bar mi bya'o/ /mi shes pa'am rmongs pa yis/ /tshul chen bstan par mi bya'o/ /bdag nyid yongs su spangs nas su/ /dka' thub kyis ni ma bsrungs shing / / ci bde bar ni bde bar bsam/ /'di ni ma byon rdzogs sangs rgyas/ /rdo rje dril bu phyag rgya rnams/ /nam yang yongs su mi dor zhing / /slob dpon smad par mi bya ste/ /'di ni sangs rgyas kun dang 'dra/ /sangs rgyas kun dang mtshungs sla'o/ /slob dpon la ni gang smod pa/ /de yis sangs rgyas kun smad pas//rtag tu sdug bsngal thob 'gyur te/ /rims dang dug dang dbyig dug dang / /mkha' 'gro rnams kyis gtse ba dang / /gdon dang log 'dren gtum po yis/ /bsad nas sems can dmyal ltung ste/ /de bas nan tan thams cad kyis/ /rdo rje slob dpon blo gros che//dge ba rab tu mi spyom bas/ /nam yang smad par mi bya'o/ /bla ma la ni gus bcas yon/ /rjes mthun khyod kyis sbyin par bya/ /des ni rims sogs gnod pa rnams/ /phyir zhing 'byung bar mi 'gyur ro/ /rtag tu rang gi dam tshig bsrung / /rtag tu de bzhin gshegs pa mchod//rtag tu bla ma la yang dbul/ /'di ni sangs rgyas kun dang 'dra/ /de phyir sangs rgyas thams cad la/ /rtag tu sbyin pa nyid du 'gyur/ /de byin bsod nams tshogs yin te/ /tshogs las dngos grub mchog tu 'gyur/ /gang phyir 'di ni legs gnas pas/ /deng khyod skye ba 'bras bur bcas//dam tshig lha rnams kun mnyam pas/ /deng khyod gyur pa the tshom med/ /sangs rgyas rdo rje 'dzin bcas pas/ /kun gyis deng khyod dbang bskur bas/ /khams gsum kun gyi rgyal po che/ /rgyal ba'i dbang po bsten pa yin/ /de ni bdud las rnam rgyal te/ /grong khyer mchog tu rab tu zhugs//khyed rnams kyis ni sangs rgyas nyid/ /de nyid thob par the tshom med/ /dbugs dbyung ba'o/ /phyir mi ldog pa'i dbang bskur ba yan lag dang bcas pa'o/ /de nas gsang ba'i dbang bskur ba'i phyir gsol ba gdab par bya ste/ /skyabs med pa yi skyabs gyur pa/ /mgon med pa yi mgon gyur pa//snying rje med pa'i snying rje can/ /bcom ldan bde mchog gnyis med bdag /srid pa'i gdung bas bsgoms pa las/ /snying rje gsol ba'i dbang bskur gsol/ /de nas slob ma la gnas gsum du bdud rtsi lnga'i thig le byas la/ /sdom pa sbyin par bya ste/ khyod kyis srog chags bsgral bar bya/ /mchog gi rdzas rnams blang bar bya/ /gzhan gyi dpal la longs spyod cing / /brdzun pa lta bu'i tshig rnams smos/ /bla med dam tshig 'di rnams ni/ /bu khyod kyis ni bsrung bar bya/ /de nas bdag nyid dpal he ru ka'i nga rgyal gyis gnas pas las kyi phyag rgya'am chos kyi phyag rgya la gnas nyi shu rtsa bzhi la yi ger bkod nas/dpa' bo dang dpa' mo byin gyis brlabs te bskyed la/ sgo brgyad du mkha' 'gro ma brgyad bkod nas/ snying ga'i rtsa bzhi la yum bzhir byin gyis brlabs nas/ hrIHlas pad+mar bskyed la gnas gsum du byin gyis brlabs nas/ hUM las ling ga rdo rjer bskyed la/nor bu'i mtshams AHlas byang chub sems phab nas 'khor lo bzhi'i rang bzhin du bsgoms la dga' ba bzhi bzhir bskyed nas/ oM sarba ta thA ga ta a nu rA ga Na badzra swA b+ha ba At+ma kou0f85haM zhes brjod la thig le gsum pad+ma'i nang du p hab la thod pa'i nang du bzhag ste//oM sarba ta thA ga ta pU dza badzra swa b+hA ba At+ma kou0f85haM zhes brjod la ye shes lnga'i 'od zer slob ma'i lce la gzhag par bya'o/ /de nas slob ma'i lkog mar hrIH las pad+ma 'dab ma brgyad pa bsams la lce'i pad+ma'i cha la hUM las rdo rje bskyed la rtse mo'i dbus kyi sbu g us 'thung bar bsam mo//de nas/ 'khor lo kun dang rnal 'byor ma/ /sangs rgyas zhu ba'i rang bzhin can/ /khams lnga dag dang yang dag 'dres/ /gsang ba yi ni dbang bskur ro/ /de nas shes rab ye shes kyi dbang bskur bar bya ste gsol ba gdab pa ni/ 'khor lo bzhi yi rang bzhin can/ / ye shes bzhi yi rang bzhin sku/ /dga' ba bzhi yi rang bzhin mchog /bde ba chen po'i dbang bskur gsol/ /de nas 'di skad ces brjod par bya ste/ /bram ze rgyal rigs rje'u rigs dang / /dmangs rigs mthar gnas shes rab kun/ /gus dang bcas pas mchod pa dang / /gnyis med tshul dang 'o byed par//dpa' bo chen po spro gyur tam/ /smros shig dpa' bo bde ba che/ /ci gsung dam tshig bsten par gyis/ /lha mo bdag gis byed par nus/ /pad+ma kha bye byas nas ni/ /skra grol gcer bur gnas pa yis/ /rdo rje bzhad pa gar byed pa/ /me tog chu ldan dpa' bo yis/ / rnal 'byor ma la rdo rje yis/ /deng nas brtsams te bu khyod kyis/ /brtul zhugs bzang pos 'gro don gyis/ zhes brjod do/ /de nas 'di skad ces sdom pa dbog par bya ste/ gnyis med ye shes sems ldan la/ /mi bya ba ni ci yang med/ /tshangs par spyod pa brtan mnos la/ / 'dod pa lnga ni spyad par gyis/ /gnyis med la gnas zas la ni/ /rdo rje sems dpa' la sogs brda/ /lha mo gzhan dang kun sbyor ba/ /'dod pa chags par gyur pa dang / /gnyis su med thogs med pa'o/ /dam tshig spyod dang spyad pa dang / /bud med dbang phyug shin tu tshor/ / tshangs spyod de bzhin rnam bzhi yi/ /khro med rgyun gyi kun spyod pa/ /sgrub pa po yis yongs su bsrungs/ /rtag tu sgrub pa la gnas nas/ /yul kun la ni rnam grol zhing / /gnyis med grub pa'i rnal 'byor ma/ /mi bsten srid pa deng khyod kyi/ /bu khyod kyis ni bsgrub par bya/ /de ltar sdom pa byin nas phyag rgya rnam pa bzhi'i bye brag gis dbang bskur ba rnam pa bzhir 'gyur te/chags pa'i lam la dge bsnyen gyi sdom pa dang ldan pa'i khyim pa'i byang chub sems dpa' nyon mongs pa'i sems dang ma bral bas/ las kyi phyag rgya rigs can ma bzhi dang / lo tshigs ma bzhi dang /las dang ldan pa bzhi ste bcu gnyis la/ gzugs bzang yan lag ma nyams dang / /rgyan ni kun gyis brgyan pa dang / /zhes bya ba la sogs pa gsungs pa'i yon tan dang ldan pa la bskyed pa'i rim pa la bsnyen sgrub bzhi'i rim pa dang ldan pa'i lha mor bskyed la/ rdzogs pa'i rim pa'i 'khor lo bzhi'i rim pa rgyud kyi rim pa dang /tsaN+Da lI sngags kyi rim pa dang / byang chub kyi sems phab pa'i ye shes kyi rim pas dga' ba bzhi bskyed la/ rdo rje 'dzin pa'i mthar/ rkan la lce sbyar rgyun bzlog pas/ /lha dang lha min bsdigs nas ni/ /gnyis med lhan cig skyes dga' bsgom//zhes pa dang / yang na grol ba'i lam la dge slong dang dge tshul lam/ rab tu byung ba'i byang chub sems dpa' chos kyi phyag rgya'i 'dod pa'i yon tan lnga'i lha mo'am/ phyag mtshan las bskyed pa'am/ dam tshig gi phyag rgyar rtsa'i 'khor lo'am/ rlung dbus ma las gtum mo drod kyi rim pa las bde ba byang chub kyi sems bskyed nas rlung gi 'khrul 'khor dang /yi ge'i 'khrul 'khor gyi dga' bral gyis gnas nas bzlog /de nas bsgom du gzhug ste gtum mo srub shing gi 'khor lo las/ lhan cig skyes dga'i man ngag ni/ /ri bong 'dzin dang bzlog pa'i mthar/ /du ba smig rgyu'i rtags ldan pas//de las gzungs ni thob par 'gyur/ /zhes bya ba'i tshig dbang rin po che nyid slob ma la sbyin par bya'o/ /de nas/ /'dod chags bral ba lta bu'i sdig /khams gsum na ni gzhan med de/ /de bas 'dod la chags bral bar/ /khyod ni nam yang ma byed cig /ces brjod la dam tshig bsgrag par bya'o//yang na bdag byin gyis brlab pa'i lam pas ni phyag rgya chen po stong pa nyid la ril por 'dzin pa dang rjes su gzhug pa'i man ngag gis bsgom ste/ bsam gyis mi khyab pa'i rang bzhin bde ba chen po'i ngang la 'bad rtsol bral ba'i blos lhun gyis grub pa'i dbyings la gnas pas rgyud dang sngags dang ye shes kyi rim pa spangs pa gsang ba'i rim pa 'ba' zhig la brten nas/rlung dbu ma dang / thig le phra mo dang / rtsa a ba d+hU tI dang / gtum mo drod dang / lhan cig skyes pa'i dga' ba ste de rnams ni mtshon byed byang chub kyi sems so//mtshon bya don gyi byang chub kyi sems ni zung 'jug bsam gyis mi khyab pa dang / thabs bde ba chen po zung 'jug rtog pa dang bral bas 'bras bu gnyis su med pa zung 'jug bde ba chen po lhun gyis grub pa 'byung bar 'gyur ro/ /bcos ma'i lam mtshan ma dang bcas pa rnam par spangs nas/ ma bcos pa mtshan ma med pa bdag byin gyis brlab pa'i slob ma la brtan pa shes rab ye shes kyi dbang bskur ba ni/ tshig dbang rin po che gnyis pa'o/ /de skad du yang / dper na pha rol don gnyer 'ga'/ /gzings la brten nas 'gro byed pa/ /pha rol phyin nas dor bar byed/ /bcos ma'i lam yang de bzhin no//zhes gsungs so/ /de nas rig pa'i dam tshig sbyin par bya ste/ don dam par chos kyi dbyings bde ba chen po'i rang bzhin dmigs la/ shin tu rnam par dag pa'i lha'i de kho na nyid bsgom par bya ste/ 'gro ba 'di kun sangs rgyas lnga bdag nyid/ /gar mkhan dang ni sangs rgyas bzang ltar snang //gang du bde chen zhes bya gcig pu nyid/ /gcig pu nyams kyis du ma'i gar yang mdzad/ /nyin mo bcom ldan rdo rje can/ /rnal 'byor ma ni mtshan mor bshad/ /sprul pa las byung dpa' bo rnams/ /yan lag drug cu sems kyis sprul/ /dag pa'i chos kyi sprul pa ni//pad+ma'i gzugs su sprul pa yin/ /shrI ni gnyis med ye shes te/ /he ni rgyu la sogs pa nyid/ /ru ni bkod pa dang bral ba/ /ka ni gang du'ang mi gnas pa'o/ /sems la rnam gnas rnal 'byor pa/ /mya ngan 'das la mi bstan to/ /zhes brjod la/ /hUM las cho ga bskyed nas mtshams kyi sngags kyis bsrung bar bya'o//de nas me tog gtor la rkang pa brgyad pas bstod nas slob ma ldang bar bya'o/ /chu dang dbu rgyan cod pan dang / /rdo rje dril bu ming lnga ni/ /rig pa'i dbang ste dang po yin/ /rdo rje brtul zhugs phyag mtshan sngags/ /gar dang phreng ba glu dang ni/ / dri dang spos dang mar me ste/ /brtul zhugs dgu po 'di dag ni/ /rig pa 'dzin pa'i yan lag yin/ /brtul zhugs mang po gnyis pa'o/ /mdor na rig 'dzin bcu bzhi'o/ /mi ldog dbang bskur gsum pa'o/ /spangs pa dang ni ye shes dang / /sku dang gsung dang thugs dang ni/ /rjes su gnang ba rnam pa gnyis//dkyil 'khor lha yi de nyid dang / /slob dpon gyi ni las rnams dang / /lung bstan gzengs bstod dbugs dbyung dang / /mi ldog yan lag bcu po ni/ /dbang bskur ba ni bzhi pa nyid/ /gsang ba'i dbang bskur gsum pa'o/ /shes rab ye shes drug pa'o/ /mdor na dbang bskur rnam bzhi ste/

CLOSE WINDOW