CLOSE WINDOW

D1502
བོད་ཡིག

@/ bram ze nyi mdzad rdo rjes mdzad pa'i sbyin sreg bzhugs/ @##/ /rdo rje mkha' 'gro la phyag 'tshal lo/ /rnal 'byor pa gang zhig las dang rjes su mthun pa'i dngos grub bsgrub pa ni 'bras bu sbyin sreg la rag las pa yin pas/ de'i phyir de'i rjes su spyad par bya'o//de la re zhig sbyin sreg byed par 'dod pas/ zhi ba 'ba' zhig gi las kyi dkyil 'khor gyis sbyang ba byas na/ sa gzung ba dang spel ba dang ldan par sa byin gyis brlabs te/ dkyil 'khor brtsig pa'am bris pa gang yang rung ba byas te/ phyi rol khru brgyad pa'i mtha' skor byas pa la//me thab kyi zabs su khru phyed rgyar khru gang pa byas nas kha khyer de bzhin dor ba dang / sor bzhi gyen du brtsig pa dang / sor bzhi phyi rol du bskor pa'i rim pa gsum byas la/ zhi ba la kun nas zlum po ste phyi rol tha ma ni gru bzhir byas pa la nyes pa med do/ / de la bri ba ni tshon rtsi dkar po'o/ /nang du ye shes kyi 'khor lo la pad+ma 'dab ma brgyad pa gri gug gi ra ba dang bcas pa'o/ /rim pa gsum pa la thugs gsung sku'i 'khor lo gsum bri'o/ /phyi rol gyi mtshams su zla ba rdo rje dang me 'od kyi phreng ba dang bcas pa bris la/ gri gug dang thod pa'i phyag mtshan dang /mtshams su bum pa'i ka pA la khrag gis bkang ba bri par bya'o/ /phyogs su gri gug dang 'khor lo gsum la thod pa dang gri gug nag po dang / dmar po dang / dkar po dang / zhi ba'i 'khor lo dkar po/ rdo rje dang pad+ma dang 'khor lo'i phreng bas bskor ba/mtshams dang sgo la gri gug 'bar ba'i nang du dgod par bya'o/ /de nas rdzas bsags pa ni/ mchod pa rnam pa lnga dang bsang ba'i chu bdud rtsi bsres pa dang / yon chab dang / zhabs bsil dang / sman dang / 'bru dang / chang dang / bdud rtsi dang / me tog dkar pa dang bcas pa'o//til dang / yungs kar dang / yam shing dang / mar dang / zho dang / 'o ma dang / 'bras chan dang / ku sha dang / dUr ba dang / nas dang / gro dang / nas so ba dang / ma sha dang / 'bras so ba dang / bil ba dang / star ka dang / dzi ti pha la dang / 'bras bu gsum dang / udum+WA ra'i shing dang / nags kyi lcug ma la sogs pa rim pa bzhin du bzhag la/ shel gyi phreng ba dang / gser dang rin po che lnga dang / dar dkar po dang / khyad par gyi rdzas bdud rtsi dang dpa' bo dang / chang gi bye brag rnams dang / rig ma dang bcas pa'am/ yang na rdzas bsreg shing sgom pa dang bcas pa'o/ /bsreg shing dang ku sha dgram pa dang / dgang gzar dang blugs gzar bdun du bzhag la/ sbom pas rgyal ba rnams dmigs la mchod par bya'o/ /de la thog ma kho nar 'khor lo bde mchog gi sbrub pa bos lhor kha bltas la stan bde ba la 'dug ste/bdud rtsi lnga'i ri lu khar bcug la snyoms par 'jug pa'i phyag rgya dang bcas pas g.yas brkyang pa'i gnas pas byams pa'i sems dang ldan pas gos dkar po gon la/ rus pa'i phreng ba'i rgyan dang ldan pa/ thal ba dang rak+ta bsres pa'i thig les gnas gsum du brgyan pa dang /ku sha dang rus pa'i dag byed lag pa g.yon pa'i ming med la bcug la thog mar tshogs bsags pa dang byams pa la sogs bsgom pa dang / gnas srung bas bgegs bsal ba dang / bdag srung ba'i stong pa nyid dang bcas pa ni sbrub ba'i thabs las 'byung ba'am/rgyud las 'byung ba bzhin du byas la lha'i rnal 'byor bskyed de go cha dang / ye shes sems dpa' gzhug pa dang / dbang bskur ba dang mchod pa'i bar du byas la/ snying ga'i zla ba'i dkyil 'khor du ye shes sems dpa'i sngags la sogs pa 'khor lo'i tshul du bkod la sngags kyis skur byas te rkang ba brgyad pa'i sngags kyis bstod la/bzlas brjod kyi mes bdag dang sems can gyi sdig pa bsregs la rang nyid kyi dkyil 'khor bar snang du gnas nas/ /hUM gis mkhas pas stong par byas nas/ b+hai raM la sogs pa'i ri rab la thug pa bskyed la/rang gi mdun du yi ge b+h+rU~M las me thab kyi 'khor lo bsgoms la de'i dbus su raM las me'i dkyil 'khor gru gsum/ de'i dbus su ba~M las chu'i dkyil 'khor zlum po/ de'i steng du ra~M las byung ba'i me gru gsum dbus su raM gyis mtshan pa bsams la zur gsum la khams gsum gyi zhal gyi rtags bum pa o+oM AHhUM bkod de hri 'od zer dang ldan pa bsam par bya'o//de'i nang du bud shing rdo rje mkha' 'gro ma'am yi ge bdun pas bsangs la brtsigs te ku shas bkab la ba dan dang bcas pa bskyed par bya'o/ /gong gi yi ge de dag gyur pa las pad+ma'i gdan zla ba'i steng na sku mdog dmar ser phyag bzhi pa/g.yas kyi dang po na rdo rje rtse gsum pa gnyis pa na dbyig pa/ g.yon gyi dang po na bgrang phreng / gnyis pa na gun+ng+he bsnams pa khro bo'i rgyan thams cad dang ldan pa bsams la/ ye shes sems dpa'i 'od zer gyis thab kyi dang 'dra badzaHhUM baM hoH bzhi pa dang /lag pa g.yas pa mi 'jigs pa sbyin par byas la/ mthe bo srin lag gi rtsa bar btsugs la g.yab ste/ oM e h+ye hi ma hA b+hU ta de ba r-i Shi dwi dza sa ta ma gri taAHhUM/ ma hA asmiMsan+naM hi to b+ha ba/ oM b+ha ba ka ab+na yiswAtA zhes pas spyan drangs la mchod yon phul rkang ba brgyad pas bstod la/gnod mdzes kyis bgegs bskrad de/ dam tshig sems dpa' dang bsres nas dam tshig gi phyag rgyas bltas la re pha lce la bkod pa dang / phyag mtshan med pa'i las kyi phyag rgya gar dang bcas pa dang / chos kyi phyag rgya gri gug lce la bsam pa dang /phyag rgya chen po sngar bzhin bsams te me lha'i thugs ka nas rang byung la rang gi thugs ka dang nam mkha' la rdo rje mkha' 'gro mas dbang bskur te/ spyi bor thim pas spyi bor rdo rjer gyur par bsams la/ oMAHhUM gsum gyis byin gyis brlabs te mchod pa lnga dang zhabs bsil dang yon chab phul la/'thor 'thung gis bsang gtor byas la ku shas bkab pa'i me rlung yab kyis snar ba'i nang du me lha bsam par bya'o/ /de nas me lha mdog dkar po rgyan dang bcas pa la thog mar me gso pa'i phyir/ oM badzra a na lArka ma hA b+hU ta dz+wa la sarbab+hismaMku ru sarba duSh+rAM hUM phaT ces bya bas mar gyi dgang blugs gsum mam bdun dbul lo//dgang gzar blugs gzar gyi khar yi ge gsum dgod par bya'o/ /de nas bgegs yod med brtag par bya'o/ /bgegs yod na gnod mdzes kyis bsang gtor bya'o//de nas mchod pa lnga dang sreg rdzas dbul bar bya'o/ /sdig pa sbyang ba'i phyir til la oM sarba pA baM da ha na badzrA ya swAhA zhes dang / oM badzra ya dz+nyA ya swA hA ya ma shing gi'o/ /oMag+na ye swAhA mar gyi'o/ /'o ma dang zho la sogs pa zhu ba'i rdzas la ni me nyid kyi sngags kyis so//oM sarba saM ba de swA hA 'bras chan gyi'o/ /oM a pra ti ha ta badzrA ya swA hA ku sha'i 'o/ /oM badzra A yuShe swA hA dUr ba'i myu gu'i'o/ /oM ma hA be ge swAhA nas kyi'o/ /oM badzra g+hasma re swA hA gro'i'o/ /oM badzra bi dza ye swA hA nas so ba'i'o/ /oM ma hA ba lA ya swA hA ma sha'i'o//oM badzra puSh+Ta ye swA hA 'bras so pa'i'o/ /oM ma hA sho pa me swA hA bi la ba dang star ka dang dzA ti pha la'i yang de nyid do/ /sman dang rdzas lhag ma rnams la ni rang gi ming dang yi ge bdun pa dang yum gyi snying pos dbul bar bya'o/ /de la dbul ba'i gnas ni yam shing 'od la'o//mar khu zhal du'o/ /til dang zho dang nas ni phyag tu'o/ /ku sha dang dUr ba ni dbu'i gtsug tor la'o/ /nas dang gro dang 'bras so ba dang sran ma ma sha la sogs pa ni zhal du'o/ /zhu ba'i rdzas thams cad ni zhal du'o/ /dri ni thugs kar ro/ /me tog dbu la'o/ /spos 'od la'o//mchod yon dang 'thor 'thung phyag tu'o/ /mar ni mdun du'o/ /bdud rtsi ni zhal du'o/ /rin po che dbu la'o/ /phreng ba phyag tu'o/ /sku la gos so/ /de nas tha mar yang bsangs la me 'od la zhu bar bya'o/ /de'i dkyil du rang gi dkyil 'khor A li dang kA li yi ge hUM las sbrul/ye shes sems dpa' spyan drangs pa byas nas mchod pa dang bstod pa dang go bskon pa dang / dbang bskur ba dang / sku gsung thugs byin gyis brlab pa'am yang na rang mkha' 'gro ma'i rgyab tu gnas la bskyed pa'i lha drug cu rtsa gnyis bkod la mchod pa bya'o/ / snga ma bzhin du dgang blugs bdun nam nyi shu rtsa gcig dang brgya rtsa brgyad kyis sreg blugs thams cad snga ma bzhin du dbul/ /tha mar yang mchod pa lnga dang / mchod yon dang zhabs bsil phul la 'thor 'thung dang nye reg byas la/ nges par brjod pa'i dkyil 'khor las byung ba'i mchod pa dang /gzhan yang bdud rtsi lnga dang / chang dang / dpa' bo lnga dang / cang te'u dang / myang ba dang / bldag pa dang / gzhib pa dang / bza' ba dang / bca' ba dang / tshogs kyi mchod pa dang 'khyud pa la sogs byas la/ bdag dang bsgrub bya'i sdig pa'i gzugs rid pa dang gnag pa dang nyam thag pa dang bcas pas sdug bsngal bar dmigs te til dang bsres la bsreg par bya'o//mthe bo dang mdzub mo la hUM las rdo rje'i 'od zer dang bcas pa bsams la/ rang ngam gzhan gyi snying gnas sdig pa bskyed la drangs te/ lte ba la hU~M rdo rje mar me'i 'od lta bus sna'i rtse mor drangs la/mtheb mdzub gnyis kyis bzung la til bsreg par bya'o/ /dkon mchog gsum la phyag 'tshal lo/ /sangs rgyas dang byang chub sems dpa' thams cad la phyag 'tshal lo/ /dpal rdo rje mkha' 'gro la phyag 'tshal lo/ / mgon po thugs rje'i rang bzhin can/ /'khor dang bcas pa dgongs su gsol/ /skyabs gsol bzlas brjod sbyin sreg mthus/ /'gro ba'i dngos grub myur du gsol/ /mthong ba dang ni thos pa dang / /dran pa dang ni reg tsam gyis/ /bdag dang sems can thams cad kyi/ / nad rnams kun ni sos gyur cig /ces brjod la rang gi sngags kyis mthar a na la b+hismaM ku ru dang bcas pas mchod yon phul la/ 'od gsal ba'i rang bzhin gyi mer rnam par rtog pa'i rang bzhin rnams snang ba med par byas la yang mi skye bar 'gyur ba'i blos/ oM shrI badzra he he ru ru kaM hUMhUM phaT/DA ki nI dzA la sam+bar swA hA/ che ge mo sarba pA baM da ha nA ya swA hA/ rkang pa brgyad pa'am yi ge bdun pa dpa' po nyi shu rtsa bzhi'i sngags dang / mkha' 'gro ma sum cu rtsa drug gi sngags kyis mchod pa dang / sdig pa bsreg pa'i phyir til gyi sbyin sreg brgya rtsa brgyad dam lnga bcu rtsa bzhi dbul bar bya'o//yang na stong ngam khri'am ci nus par mtshon par bya'o/ /de nas me lha bar snang du bsams la rang gi snying ga nas ye shes kyi 'khor lo bsams la mchod pa lnga dang 'thor 'thung dang mchod yon phul la 'og nas 'byung ba'i bstod pas me lha la bstod la/sreg blugs ci nus pa dbul bar bya'o/ /dgang gzar dang blugs bzar gyi kha dang dkyil dang mtshams su yig 'bru sdam dang hU~M ba~M bkod la pus mo'i par du thal mo gnyis mthe bong mthe'u chung sbrad nas bzung la me'i zhal du dbul te de rnams kyis ma lus pa tshim par bsam pa ni thun mong gi cho ga'o//de nas yam shing dang mar dang til dang 'bras chan dang / o dang / ku sha dang / dUr ba dang / nas dang / gro dang / 'bras so ba dang / sran ma dang / sman la sogs pa ci 'byor pa dbul bar bya'o/ /tha mar yang dgang blugs phul la 'thor 'thung dang nye reg byas te/ye shes sems dpa' gshegs su gsol lo/ /oM khyed kyis 'gro ba'i don kun mdzad/ /rjes su mthun pa'i dngos grub stsol/ /sangs rgyas yul du gshegs nas kyang / /slar yang 'byon par mdzad du gsol/ / badzramuHbaM baM zhes pas gshegs par bsam mo/ /dam tshig sems dpa' rang gi lus la tha mar rang nyid kyi sngags dang 'thor 'thung dang bsang gtor sngon du 'gro bas rdzas lhag ma bsres la de nas yon bdag g.yon du bzhag la me lha'i zhabs drung gi thal bas dpral bar thig le byas la bstod pa bya ste//'jig rten dbang phyug tshangs dbang mchog gi sras/ /me yi rgyal po Tak+kis dbang bskur ba/ /shes rab mchog gis nyon mongs thams cad sreg /'jigs byed me lha nyid la rnam par 'dud/ /ces brjod la gshegs par bsams te/ oM ag+na ye e h+ye hi sAr+thAny+tsa brAr+thaM/ sing+ng+hitaM gats+tsha ma ha bya b+hu ga zhes brjod do/ /dam tshig gi me lha gdan la thim pa dang / gdan chu'i rgya mtsho la thim pa dang / chu rang gi sa bon la thim pa dang / sa bon me gru gsum la thim par bsams la/ me nyid bcos ma'i tha mal par bsam par bya'o//de nas dkyil 'khor bsdus pa'i yi ge brgya pa bzlas la rang gi lus la go cha bgos te tsham dam sngags kyis srung bas bsrung pa'o/ /lha'i nga rgyal gyis ldang bar bya'o/ /rgyas pa la puSh+TiM ku ru dang / dbang la ba shad ku ru dang / hoHzhes pa dang / drag po la mA ra ya phaT ces pa/ dgug ba la sogs pa la ci rigs par shes par bya'o/ /bdag gis rgyud dang cho ga gzhan dag las/ /btus nas sbyar gyi rang bzor byas pa min/ /slob mas gsol btab ngor byas nga rgyal min/ /sbyin sreg byas pa'i dge rtsas 'gro kun khrag 'thung shog /

CLOSE WINDOW