CLOSE WINDOW

D1501
བོད་ཡིག

lo tsA ba shAkya'i dge slong chos rje dpal gyis bsgyur cing zhus te gtan la phab pa'o// @/ /bcom ldan 'das 'jam pa'i rdo rje'i sgrub thabs bzhugs/ @##/ /bcom ldan 'das dpal 'jam pa'i rdo rje la phyag 'tshal lo/ /re zhig dang por lha mo rnams kyis cang te'u'i sgras bskul ba sngon du 'gro ba bsams nas langs te dpa' bo dang rnal 'byor ma thams cad kyi zhabs la lus dang ngag dang yid kyi gus pas phyag 'tshal lo zhes brjod de phyag 'tshal bar bya'o//de nas gdong la sogs pa bkrus te/ sgra la sogs dang bral ba'i bsam gtan gyi khang par zhugs te bde ba'i stan la 'dug nas/gnas dang bdag dang rnal 'byor srung ba brtson par bya ste/ g.yon pa'i sdigs mdzub bsgreng ba snying gar bzhag ste/ gnod mdzes kyi sngags oM sum+b+ha ni sum+b+ha hUM hUM phaT/ oM gr-ih+Na gr-ih+Na hUM hUM phaT/ oM gr-ih+Na pa ya gr-ih+nA pa ya hUM hUM phaT/ oM A na ya hoHb+ha ga bAn badzra rA dza hUM dza hUM phaT/ces brjod de shar la sogs pa'i phyogs su dgod par bya'o/ /de nas rlung dang me'i dkyil 'khor la gnas pa'i pad+ma dum bu gcig pa'i nang du bi mu shu ma raM/ go ku da ha na/ zhes bya ba stobs dang bcas pa'i bdud rtsi bltas la hUM las byung ba'i rdo rje dkar pos sbyang bar bya'o//yi ge as ni sad par byas la/ oM gyis 'bar zhing gsal bar byas nas/ rang gi lce'i steng du hUM las byung ba'i rdo rje dkar po rnam par bsgoms te/ sar+b+ba ta thA ga ta big+h+naM bi ya hUM swA hA/ zhes bya bas btung bar bya zhing de nyid kyis lus la bskus nas/gnod sems dang rnam par 'tshe ba dang mi dga' ba dang / 'dod pa la 'dod chags pa'i gnyen por gyur pa byams pa dang / snying rje dang / dga' ba dang / btang snyoms bsgom par bya'o/ /de ltar gnas dang bdag dang rnal 'byor srung ba byas nas/ rang gi snying gar yi ge a las byung ba'i zla ba'i dkyil 'khor gyi steng du yi ge hUM mthing shun lta bu'i rnam par bsgoms la/de'i 'od zer gyi tshogs kyis lus dang tshor ba dang sems dang chos dag stong pa nyid du bsams nas/ mdun du bcom ldan 'das dpal he ru ka 'khor dang bcas pa dang sangs rgyas thams cad dang bla ma blta bar bya'o//de nas phyi nang gsang ba'i mchod pa yid kyis byas la skyabs su 'gro ba la sogs pa brjod par bya'o/ /de'i 'og tu rgyu ba dang mi rgyu ba rang gi lus dang lhan cig stong par bsgom par bya'o/ /oM shU n+ya tA dz+nyA na badzra swa b+hA ba At+ma kou0f85haM//de nas sems gcig pu smon pa dang 'jug pa'i bdag nyid can bsod nams kyi tshogs bsags pa rnam pa sna tshogs su snang ba'i rang bzhin de nyid kyis so/ /bgegs 'byung bar dogs na yi ge oM las byung ba'i nyi ma'i dkyil 'khor gyi steng du/ hUM las byung ba'i sna tshogs rdo rje bsgoms la de'i 'od zer gyi tshogs kyis bgegs thal bar 'gyur bar bsams te rdo rje'i ra ba dang / rdo rje'i bla re dang / rdo rje'i rang bzhin can gyi sa gzhir byin gyis brlab pa'i bar du'o/ /rdo rje'i ra ba der chos 'byung gi phyag rgya chen po bsgom zhing de'i nang du 'jug pa'i sems nA da tsam bltas la/'og tu yaM las byung ba'i rlung gi dkyil 'khor sngon po gzhu'i dbyibs lta bu rdo rje gnyis kyis mtshan pa dang / de'i steng du raM yongs su gyur pa las me'i dkyil 'khor gru gsum rdo rjes mtshan pa dang / de'i steng du baM las gyur pa'i chu'i dkyil 'khor dkar po zlum po rdo rjes mtshan pa dang /de'i steng du laM las gyur pa'i dbang chen gyi dkyil 'khor gru bzhi kha dog ser po rdo rjes mtshan pa bsam par bya'o/ /de'i steng du yi ge suM yongs su gyur pa'i ri rab rin po che sna bzhi'i rang bzhin gru bzhi pa lcog brgyad kyis nye bar mdzes pa dang /de'i steng du hUM las gyur pa'i sna tshogs rdo rje ste ri rab dang 'byung ba bzhi yongs su gyur pa las rdo rjer gyur pa'i sa'i char dur khrod brgyad kyi dbus su rin po che thams cad kyi gzhal yas khang sgo bzhi la sogs par blta bar bya'o/ /de'i nang du 'khor lo gsum dang dbus su pad+ma 'dab ma brgyad pa kha dog sna tshogs pa blta bar bya'o//lte ba'i steng du dus mtshan ma dang 'jigs byed chen po blta'o/ /de'i steng du A li kA li las byung ba'i zla ba dang nyi ma dang / de'i steng du yi ge hUM las byung ba'i rdo rje dmar po yi ge hUM gi mgon dang bcas pa 'od 'phro ba'i rang bzhin can de yongs su gyur pa las bcom ldan 'das rdo rje sems dpa' ston ka'i zla ba'i sprin lta bu phyag drug zhal gsum spyan gsum ste/ral pa'i cod pan gyis spras pa/ /zla ba phyed pas nye bar mdzes/ thod pa'i phreng ba dag gis brgyan//zhal dkar sngo dang dmar ba dang / /zhal ni cung zad rnam bzhad pa/ /rdo rje dril bu snyoms par zhugs/ /sgeg pa'i ros ni 'phyo mdzad pa/ /sgeg pa'i skyil mo krung gis bzhugs/ /mchu yis btung pa'i dregs pa dgyes/ /phyag rgya mchod pa kha T+wAM ga /mi mgo dang ni rtse gsum 'chang //lha mo de mdog phyag gnyis pa/ /gri gug dang ni lhung bzed bsnams/ /rdo rje sems dpa' yang dag 'khyud/ /bde ba chen po'i gnas na bzhugs/ /de nas smon pa byang chub kyi sems rdo rje sems dpa'i zhal du zhugs par rnam par bsams la byang chub kyi sems 'dod chags kyi mes zhu ba'i gzugs su blta bar bya'o//de nas phyogs bcu na bzhugs pa'i sangs rgyas kyis sprul pa'i lha mos yongs su bskul bas yi ge hUM las byung ba'i rdo rje yi ge hUM gi mgon dang bcas pa 'od zer gyi tshogs rab tu 'phro ba/ sangs rgyas kyi tshogs kyi rang bzhin du gyur pa la bdag nyid rdo rje mkha' 'gro'i gzugs can sku la rdo rje phag mos 'khyud pa/dkyil 'khor gyi 'khor dang ldan pa khro bo sku mdog nam mkha' ltar sngo bsangs zhal bzhi pa/ phyag bcu gnyis pa g.yas brkyang pa'i bzhugs pas dus mtshan gnon pa rtsa ba'i zhal sngo bsangs/g.yon ser po/ rgyab pad+ma rA ga ltar dmar ba/ g.yas ljang gu mche ba dang bcas pas 'jigs par mdzad pa smin ma ser ba/ dbu skra gyen du brdzes la 'bar ba/ thod pa'i phreng ba'i cod pan can zla ba phyed pa'i thod can sna tshogs rdo rje dbu rgyan gyis gnon pa/spyan bcu gnyis pa/ 'khor lo dang / rna rgyan dang / mgul rgyan dang / gdu bu dang / ske rags dang / mchod phyir thogs dang thal bas nye bar spras pa stag gi sham thabs can mi mgo rlon pa'i phreng ba 'phyang ba rdo rje dang dril bu bsnams pa'i phyag gnyis kyis 'khyud pa/phyag gzhan gnyis kyis glang po che'i pags pa'i gos 'dzin pa/ g.yas Da ma ru dang / dgra sta dang / gri gug dang / rtse gsum bsnams pa/ g.yon na tshangs pa'i mgo bo dang / zhags pa dang / kha T+wAM ga dang / ka pA la bsnams pa blta bar bya'o//phag mo zhal gcig pa phyag gnyis pa/ spyan gsum pa/ zhal zhi pa/ sku mdog dmar mo dum bus brgyan pa'i ske rags can byin pa gnyis kyis yang dag par 'khril ba/ bde ba chen po'i gnas na bzhugs pa phyag gnyis kyis 'khyud pa/ bdud sdig to can la sogs pa'i khrag gis bkang pa'i ka pA la bsnams pa/ phyag gcig na gri gug bsnams pa/ yan lag phyag rgya drug gis brgyan pa bsgom par bya'o/ /de ltar na bcom ldan 'das ni yang dag pa'i ting nge 'dzin yin no/ /pad+ma'i phyogs kyi 'dab ma la mkha' 'gro ma dang /yid 'ong ma dang / dum skyes ma dang / gzugs can ma ni go rims bzhin du sngon po dang / ser po dang / dmar po dang / ljang gu dang / zhal gcig pa/ phyag gnyis pa/ ro'i gdan la g.yon brkyang bas bzhugs pa/ thod pa dang / kha T+wAM ga dang / gri gug bsnams pa/ thod pa'i phreng bas brgyan pa/ thod pa'i phreng ba'i cod pan can spyan gsum pa dbu skra grol ba/ gcer bu dum bus brgyan pa'i skra rags can/ phyag rgya lnga 'chang ba ste lus dran pa nye bar gzhag pa ni mkha' 'gro ma'o/ /tshor ba dran pa nye bar gzhag pa ni yid 'ong ma'o//sems dran pa nye bar gzhag pa ni dum skyes ma'o/ /chos dran pa nye bar gzhag pa ni gzugs can ma'o/ /mtshams su ni byang chub kyi sems la sogs pa'i snod bzhi'o/ /rnam par dag pa ni rnam par thar pa bzhi ste/ 'di ltar stong pa nyid dang / mtshan ma med pa dang / smon pa med pa dang / mngon par 'dus ma byas pa'i mtshan nyid do/ /dang po thugs kyi 'khor lo rtsibs brgyad pa kha dog sngon po rdo rje dra bas brgyan pa/ shar dang lus kyi dkyil 'khor mgo bo pul+lI ra mA la ya la thod pa'i dum bu can dang / rab gtum mo ste 'dun pa'i rdzu 'phrul gyi rkang pa'o//sen mo dang so ni thod pa'i dum bu can no/ /byang dang spyi gtsug dzA lan+d+ha ra la ni keng rus chen po dang gtum pa'i mig can ma ste brtson 'grus kyi rdzu 'phrul gyi rkang pa'o/ /skra dang spu ni keng rus chen mo'o/ /nub dang rna ba g.yas pa au D+ya na la keng rus dang 'od ldan ma ste dpyod pa'i rdzu 'phrul gyi rkang pa'o//pags pa dang dri ma la ni keng rus so/ /lho dang mgo bo'i rgyab arbu da la ni mche ba gtsigs pa dang sna chen mo ste sems kyi rdzu 'phrul gyi rkang pa'o/ /sha la ni mche ba gtsigs pa'o/ /gnas de bzhi ni sa rab tu dga' ba'o//me'i phyogs dang rna ba g.yon pa go dA ba rI la ni chang dgra dang brtan pa'i blo can ma ste dad pa'i dbang po'o/ /rtsa rgyus ni chang dgra ma'o/ /bden bral gyi phyogs dang smin ma'i dbus su rA me shwa ra la ni 'od dpag med dang mi'u thung ma ste brtson 'grus kyi dbang po'o/ / rus pa la ni 'od dpag tu med pa'o/ /rlung gi phyogs dang mig de bI ko TI la rdo rje'i 'od dang lang ka'i dbang phyug ma ste dran pa'i dbang po'o/ /mkhal ma la ni rdo rje'i 'od do/ /dbang ldan gyi phyogs dang phrag pa gnyis mA la ba la ni rdo rje'i sku dang shing grib ma ste ting nge 'dzin gyi dbang po'o//snying rje ni rdo rje'i sku'o/ /nye ba'i gnas te sa dri ma med pa'o/ /thugs kyi 'khor lo ni nam mkha' la rgyu ba'o/ /gsung gi 'khor lo dmar po pad+ma'i phreng bas brgyan pa'i shar gyi rtsibs dang mchan khung kA ma rU pa la ni myu gu can dang sa srung ma ste/ shes rab kyi dbang po'o//mig ni myu gu can no/ /byang dang nu ma o Ta la ni rdo rje ral pa can dang 'jigs byed chen mo ste dad pa'i stobs so/ /mkhris pa la ni rdo rje ral pa can no/ /zhing ste sa 'od byed pa can no/ /nub dang lte ba tri sha ku ne la ni dpa' bo chen po dang rlung gi shugs can ma ste brtson 'grus kyi stobs so//glo ba la ni dpa' bo chen po'o/ /lho dang sna'i dbang po ko sa la la ni rdo rje hUM mdzad dang chang 'thung ma ste dran pa'i stobs so/ /rgyu ma ni rdo rje hUM mdzad do/ /nye ba'i zhing ste sa 'od 'phro ba can no/ /me'i phyogs dang kha ka ling+ga la ni rab tu bzang po dang lha mo sngo bsangs ma ste ting nge 'dzin gyi stobs so//gnye ma ni rab tu bzang po'o/ /bden bral gyi phyogs dang mgrin pa laM pa ka la ni rdo rje bzang po dang shin tu bzang mo ste shes rab kyi stobs so/ /lto ba ni rdo rje bzang po'o/ /tshan+do ha ste sa shin tu sbyang dka' ba'o/ / rlung gi phyogs dang snying ga kAny+tsi la ni 'jigs byed chen po dang rta rna ma'o/ /ting nge 'dzin yang dag byang chub kyi yan lag go/ /lgang pa ni 'jigs byed chen mo'o/ /dbang ldan gyi phyogs dang mdoms hi mA la ya ni mig mi bzang dang bya gdong ma ste brtson 'grus yang dag byang chub kyi yan lag go//mdoms bar ni mig mi bzang ngo / /nye ba'i tshan+do ha ste sa mngon du gyur pa'o/ /sa la rgyu ba'o/ /sku'i 'khor lo dkar po 'khor lo'i phreng bas brgyan pa'i shar gyi rtsibs dang mtshan ma pre ta pU ri la stobs po che dang 'khor lo'i shugs can ma ste dga' ba yang dag byang chub kyi yan lag go//bad kan ni stobs po che'o/ /byang dang bshang lam gr-i ha de ba tA ra la rin chen rdo rje dang khaN+Da ro hA ste shin tu sbyangs pa yang dag byang chub kyi yan lag go/ /rnag la ni rdo rje rin chen no/ /'dus pa can te sa ring du song ba'o/ /nub dang brla gnyis sau rASh+Ta la rta mgrin dang shauN+Di nI ste chos rnam par 'byed pa yang dag byang chub kyi yan lag go//khrag ni rta mgrin no/ /lho dang byin pa gnyis su war+Na dwI pa la nam mkha'i snying po dang 'khor lo'i go cha ma ste dran pa yang dag byang chub kyi yan lag go/ /rdul ni nam mkha'i snying po'o/ /nye ba'i 'dus pa can te sa mi g.yo ba'o//me'i phyogs dang rkang pa'i sor mo na ga ra la dpal he ru ka dang shin tu dpa' mo ste btang snyoms yang dag byang chub kyi yan lag go/ /tshil ni dpal he ru ka'o/ /bden bral gyi phyogs dang rkang pa'i bol sin+d+hu la pad+ma gar gyi dbang phyug dang stobs chen ma ste yang dag pa'i lta ba'o/ / mchi ma ni pad+ma gar gyi dbang phyug go/ /dur khrod de sa legs pa'i blo gros so/ /rlung gi phyogs dang mthe bong ma ru la rnam par snang mdzad dang 'khor los sgyur ma ste yang dag pa'i rtog pa'o/ /mchil ma ni rnam par snang mdzad do/ /dbang ldan gyi phyogs dang pus mo gnyis ku lu tAr rdo rje sems dpa' dang brtson 'grus chen mo ste yang dag pa'i ngag go//snabs ni rdo rje sems dpa'o/ /nye ba'i dur khrod de sa chos kyi sprin no/ /sa 'og tu 'gyur ro/ /thugs kyi 'khor lo sku mdog nag po/ gsung gi 'khor lo sku mdog dmar po/ sku'i 'khor lo sku mdog dkar po/ thod pa'i dum bu la sogs pa dpa' bo zhal gcig phyag gnyis pa rdo rje dril bus snyoms par zhugs pa g.yas brkyang pas bzhugs pa/ ral pa'i cod pan dang dar dpyangs can phyag rgya lnga 'chang ba'o/ /rab tu gtum mo la sogs pa ni phyag gnyis zhal gcig pa ka pA la dang gdug pa la/sdigs mdzub gri gug bsnams pas 'khyud/ /spyan gsum drag po'i gzugs can ma/ /skra grol bas ni rnam par spros/ /gnyis med sbyor bas snyoms par zhugs/ /nam mkha'i gos mnabs pa la gzhol/ /lha mo phyag rgya lnga 'chang ba/ /rgyan rnams kun gyis brgyan pa'o//shar dang byang dang nub dang lho'i sgo rnams la khwa gdong ma dang / 'ug pa'i gdong can ma dang / khyi'i gdong can ma dang / phag gi gdong can ma'o/ /me'i phyogs dang bden bral gyi phyogs dang rlung gi phyogs dang dbang ldan gyi phyogs rnams la gshin rje brtan ma dang / gshin rje pho nya ma dang /gshin rje mche ba ma dang / gshin rje 'joms ma'o/ /ji ltar mkha' 'gro sogs 'gro ba/ /khwa gdong la sogs la sogs dbye/ /de bzhin mtshams gnas lha mo ni/ /gzugs gnyis yid ni 'phrog pa'o/ /yi dags gdan ni 'jigs byed po/ /sems can don mdzad pa la brtson//dpa' bo dang rnal 'byor ma thams cad kyi dpral ba la rdo rje'i phreng ba'o/ /lus kyi dkyil 'khor la lag pa g.yon pa'i rtse mo la khwa gdong ma ste yang dag pa'i las kyi mtha'o/ /mkhrig ma la ni 'ug gdong ma ste yang dag pa'i 'tsho ba'o/ /lag pa g.yas pa'i rtse mo la ni khyi'i gdong ma ste yang dag pa'i rtsol ba'o//mkhrig ma la ni phag gdong ma ste yang dag pa'i dran pa'o/ /rkang pa g.yas pa'i rtse mo la ni gshin rje brtan ma ste dge ba'i chos ma skyes pa rnams skyes pa'i dang tshul can no/ /rkang pa g.yon pa'i rtse mo la ni gshin rje pho nya ma ste dge ba'i chos skyes pa rnams yang dag par bsrung ba'o//rkang pa g.yas pa'i long mo la ni gshin rje mche ba ma ste mi dge ba'i chos skyes pa rnams spong pa yang dag par sgrub par byed pa'o/ /rkang pa g.yon pa'i long mo la ni gshin rje 'joms pa ste mi dge ba'i chos ma skyes pa rnams kun nas mi skye bar byed pa'o//snying ga'i pad+ma'i lte ba'i dbus su bcom ldan 'das thig le'i gzugs can no/ /phyogs kyi pad+ma'i 'dab ma la mkha' 'gro ma la sogs pa bzhi'o/ /lte ba'i pad+ma la ni rdo rje phag mo phyag rgya chen po'i rang bzhin no/ /de ltar phyi dang gsang ba'i dkyil 'khor ro//da ni phung po la sogs pa'i rnam par dag pa ste/ gzugs kyi phung po rnam par snang mdzad do/ /tshor ba'i phung po rdo rje nyi ma'o/ /'du shes kyi phung po pad+ma gar gyi dbang phyug go/ /'du byed kyi phung po ni rdo rje rgyal po'o/ /rnam par shes pa'i phung po ni rdo rje sems dpa'o//de bzhin gshegs pa thams cad kyi de kho na nyid ni dpal he ru ka'o/ /mig la ni gti mug rdo rje'o/ /rna ba la ni zhe sdang rdo rje'o/ /sna la ni phrag dog rdo rje'o/ /kha la ni 'dod chags rdo rje'o/ /lus la ni ser sna rdo rje'o/ /skye mched thams cad la ni dpal he ru ka'i dbang phyug go//sa'i khams ni ltung byed ma'o/ /chu'i khams ni gsod byed ma'o/ /me'i khams ni 'gugs byed ma'o/ /rlung gi khams ni gar gyi dbang phyug ma'o/ /nam mkha'i khams la ni rnal 'byor ma'i dra ba ma ste de ltar phung po dang khams dang skye mched dag lha lha nyid kyi nga rgyal bskyed par bya'o//de nas mgo bo la yi ge oM gyis sku byin gyis brlab bo/ /lkog ma la ni yi ge AHsa gsung byin gyis brlab po/ /snying ga la ni yi ge hUM gis thugs byin gyis brlab po/ /snying ga'i dbus su yi ge hUM gis ye shes sems dpa' byin gyis brlab po/ / de dag zla ba'i dkyil 'khor gyi dbus su bsam mo/ /oM sar+b+ba bA ra yo gi nI kA ya bA ka tsit+ta badzra swa b+hA ba A t+ma kou0f85haM/ dzaHhUM baM hoH/ /de nas ye shes sems dpa' las spros pa'i 'od zer gyi lcags kyus ye shes kyi dkyil 'khor spyan drangs la mdun du bzhag ste yang dag par mchod nas/dam tshig gi dkyil 'khor la bcug cing myur du ro gcig par bya'o/ /oM yog shud+d+haHsar+b+ba d+harmA yo ga shud+d+hou0f85haM/ oM badzra shud+d+haHsar+b+ba d+harmA badzra shud+d+hou0f85haM/ snying ga la oM ha/ rdo rje sems dpa' bo/ mgo bo la na ma hi rnam par snang mdzad do/ /spyi gtsug la swA hA hu pad+ma gar gyi dbang ph yug go//phrag pa gnyis la bau Sha Ta he he ru ka'o/ /mig la hUM hUM ho rdo rje nyi ma'o/ /yan lag thams cad la phaT haM rta mchog ste go cha'o/ /bcom ldan 'das dpa' bo'i tshogs dang bcas pa'i go cha'o/ /lte ba la oM baM rdo rje phag mo'o/ /snying ga la haM yoM thun mtshams ma'o/ /kha la hriM moM rmongs byed ma'o//mgo bo la hreM hriM skyong byed ma'o/ /spyi gtsug la hUM hUM skrag byed ma'o/ /yan lag thams cad la phaT phaT gtum mo ste go cha'o/ /rnal 'byor ma thams cad la nyid kyis dgod par bya'o/ /mdzub mo gnyis mdud gung mo sbyar/ /mthe bong rdo rje brtan por sbyar/ / de ni dpral ba'i dbus bzhag nas/ /gcu zhing bskor bas bskyod par bya/ /rkang pa mnan cing steng du blta/ /kha nas yi ge phaiM sgrogs shing / /phyogs bcu la sogs khams bzhugs pa'i/ /dpa' bo rnal 'byor ma rnams dgug /de nas snying ga'i 'od zer gyis spyan drangs pa nam mkha'i dkyil khengs pa'i dpa' bo dang rnal 'byor ma phyag na ye shes kyi bum pa bsnams pas glu dang gar dang bcas pa'i mchod pas bdag nyid dbang bskur bar bsam par bya'o//oM sar+b+ba ta thA ga tA b+hi She ka sa ma ya shri ye hUM/ de nas rang gi rigs cod pan du gyur to/ /de nas dpa' bo dang rnal 'byor ma de dag thugs ka'i sa bon gyi 'od kyi lcags kyus zhal du zhugs nas lha mo'i pad+ma'i dkyil du byang chub kyi sems kyi gzugs su rab tu spro bar bya'o//de las byung ba'i lha mo rnams kyis dam tshig gi 'khor lo mchod de la'i bstod pa'i mchod pas bstod cing gong du bstan pa'i rim pas bdud rtsi myang bar bya'o//lus ngag yid kyi dam tshig gi /sems ni sems kyis legs mtshon pa/ /kun rtog thams cad spangs nas ni/ /bsgom dang ldan pa'i bzlas pa bya/ /dam tshig mchog gi bzlas pa yis/ /de nas gsang sngags brjod par bya//hA swA ra ba shaM la dz+wa nI ki DA Tapha hUM hUM kaM ru ru he he dzra ba shrI oM/ Tapha hUM hUM ha haHhrI oM/ /mgo bo'i lugs las bzlog pa'i snying po dang nye ba'i snying po'o/ /Tapha hUM hUM ye nI tsa ro bai dzra ba oM/ /hA swA Tapha hUM hUM ye nI r+N+Na wa dzrab ye nI ki DA d+d+ha bu r+b+bas oM/ lha mo'i snying po dang nye ba'i snying po'o//dpa' bo rnal 'byor ma thams cad kyi ni rang gi ming gi yi ge oM dang hUM gi bar du chud pa'i yi ge hUM dang phaT kyi mtha' can dag yin no/ /dpa' bo rnams kyi ni ka ra ka ra la sogs pa'i de kho na bzhin du bzlas so/ /bzlas pa yongs su rdzogs nas ni/ /zla ba'i btung mchog btung bar bya//chos rnams kun gyi dngos mnyam nyid/ /dam tshig mchog phyir mnyam nyid do/ /chos rnams bdag med lam du ni/ /dkyil 'khor mchog ni gzhug par bya/ /shes rab pha rol phyin rnal 'byor/ /rnal 'byor ngal bas ngal sos bya/ /A li kA li mnyam byas nas//de la re khA nges par sbyar/ /gyen du sbar ba'i tshul dag gis/ /'og tu 'bab pa'i rgyu yin phyir/ /khu ba'i gzugs kyi bdud rtsi ni/ /thig le'i gzugs can 'dzag par 'gyur/ /snang med go 'phang la gnas nas/ /snang med mnyam pa nyid la brten/ / chos rnams spyod pa med pa la/ /chos rnams chos nyid dag kyang med/ /rten 'byung chos rnams nam mkha' 'dra/ /ngo bo nyid med mtshan nyid med/ /de ltar de nyid gnas dag na/ /ye shes mig ni thob par 'gyur/ /langs pa'i dus kyi tshe na ni/ /cho ga bzhin du gtor ma sbyin//shrI ni gnyis med ye shes te/ /he ni rgyu sogs stong pa nyid/ /ru ni bkod pa dag dang bral/ /ka ni gang du'ang mi gnas pa'o/ /rnal 'byor sems la ngal bso bya'i/ /mya ngan 'das nyid mi bsten to/ /'pho ba'i tshe na rnal 'byor pa/ /dpal ldan he ru ka la sogs//lha yi rnal 'byor ma dag gis/ /lag na me tog sna tshogs thogs/ /sna tshogs rgyal mtshan ba dan dang / /rol mo'i sgra ni sna tshogs dang / /glu yi mchod pa sna tshogs kyis/ /'chi ba zhes bya rnam rtog 'di/ /mkha' spyod gnas su 'khrid par byed/ /dpal bcom ldan 'das kyi sgrub thabs rdo rje slob dpon chen po dpal nyin mo mdzad kyis mdzad pa rdzogs so// //rgya gar gyi mkhan po shrI su b+hU ti shAn+ti dang / zhu chen gyi lo tsA ba dge slong dge ba'i blo gros kyis bsgyur cing zhus te gtan la phab pa'o//

CLOSE WINDOW