CLOSE WINDOW

D1500
བོད་ཡིག

@##/ /rgya gar skad du/ swa ang+hiSh+ThA na kra ma u pa de sha nA ma/ bod skad du/ rang byin gyis brlab pa'i rim pa'i man ngag ces bya ba/ dpal bde mchog la phyag 'tshal lo/ /rin chen gnas las rin chen rnyed/ /blo yi nor can 'ga' yod kyang / /legs par yongs brtags rin po che//dam pas rgyan dpal 'jigs med mchog/ /'dir snying rje chen pos oM swa b+hA ba shud+d+haH sarba d+harmAH swa b+hA ba shud+d+hou0f85haM/ zhes bya ba 'di'i don la mngon du phyogs shing rang bzhin gyis lus stong pa nyid la skad cig gis bde mchog zhabs g.yas brkyang pas s na tshogs mu skyes dang nyi ma la 'jigs byed dang dus mtshan mnan pa rdo rje dang dril bu dang bcas pa'i phyag gnyis kyis rdo rje dang chu skyes kyi snod dang bcas pa'i phyag zung can/dbu la gnas pa'i thod pa lnga dang bcas pa/ mgo bo skam po'i phreng ba mgul par 'phyang ba phyag rgya lnga dang ldan pa/dbu skra sngon po'i tshogs grol zhing 'khyil ba/ spyan gsum pa me tog ban+d+hu ka lta bu'i rdo rje phag mo la 'khyud cing mtsho skyes dang gnyis su med pa'i dga' ba dang ldan pa/ me tog kan+da li kha bye ma thag gi kha dog mdzes pa/ gar gyi nyams dgu'i tshogs can/ ral pa nag po'i thor tshugs brdzes pa'i rtse mor nor bu dang sna tshogs rdo rjes mdzes//'di'i 'og tu g.yon du bsil 'od can gyi cha gnas pa/ gdan sna tshogs rdo rje la thub pa mi bskyod pa bzhugs pa/ dpral ba'i mtha'i gnas su thod pa lngas brgyan pa phyag rgya drug pa/ rlan dang bcas pa'i mi mgo lnga bcu'i phreng bas sku rnam par mdzes pa/mdzes ma'i mchu'i sbrang rtsi'i btung ba'i ro dang ldan pa/ spyan gsum pa zhal gcig pa/ dpal gyi thugs kar gnas pa'i nyi ma hUM sngon po dang bcas pa'i bdag nyid dang ro gcig pa nyid kyis rang dang mnyam pa'i 'gro ba brtan pa dang bcas pa'i g.yo ba bcom ldan 'das ma la'o//de'i thugs rje chen po'i bdag nyid bcom ldan 'das la'o/ /de bdag nyid gdan dang bcas pa thugs pa'i nyi ma dang bcas pa hUM gi rnam pa la'o/ /de don yod grub pa'i ngo bo u'i rnam pa ni 'od dpag med kyi rang bzhin ha'i rnam pa la'o//de rin chen 'byung ldan gyi ngo bo mgo bo'i ri mo la'o/ /de rnam par snang mdzad kyi rang bzhin zla tshes la'o/ /de mi bskyod pa'i rang bzhin nA da dang bcas pa'i thig le la'o/ /de nA da la'o/ /de yang rim gyis bsdus pa ni rdo rje sems dpa'i ngo bo chos kyi sku 'od gsal ba stong pa nyid bsam gyis mi khyab pa la gzhug par bya'o//'di ni 'dir rjes su gzhig pa'i rim pas me long la dbugs kyis rlangs pa yal ba ltar sa bcu'i dbang phyug sgyu ma'i sku sa bcu gcig par sgrib pa dang bcas pa'i gnas yongs su gyur pa'i ngo bo 'od gsal du zhugs pa rab tu bstan to//de nas rnam par rtog pa'i dra ba mtha' dag gi bag chags drungs nas phyung ba ni gdul bya'i skye bo'i bsod nams dang rang gi smon lam gyis 'phen bas skad cig gis bdag nyid spros pa thams cad stong pa nyid kyi bdag nyid bde ba chen po'i rang bzhin thugs rje chen po'i ngo bo nyid kyis zung 'jug longs spyod rdzogs pa'i sku rgyun mi 'chad pa sprul pa sna tshogs pa rab 'byams rnams kyis nam mkha'i khongs gang bas gzhan gyi don yang dag par bsgrub par 'byung ngo //bskyed pa'i rim pa mchog la gnas pa'i las dang po pas 'di mtha' dag so sor yang dang yang du bsgom par bya'o//'bring gis ni zung 'jug longs spyod rdzogs pa'i sku skad cig gis 'od gsal du zhugs pa dang bzhengs pa kho na'o/ /mchog gi slar zung 'jug gi bdag nyid du bzhengs pa kho na'o/ /'di nyid lhun gyis grub par bsgom pa mchog gi mchog rab tu gsal ba mthar thug pa zung 'jug longs spyod rdzogs pa'i sku'i rang bzhin phyag rgya chen po'i dngos grub thob par 'gyur ro//'di ni bcom ldan 'das kyis gsang chen du mdzad pa bla ma dam pa'i zhabs kyi man ngag gis rang dang mnyam pas kyang dran par bya ba'i phyir mkhas pa 'jigs med 'byung gnas sbas pas rnam par gsal zhing nges par byas pa rang byin gyis brlab pa'i rim pa'i man ngag go//'di las legs byas tshogs rnams kyi/ /'jigs med gsung gi 'od zer gyis/ /myur du 'gro rnams mun bcom zhing //bde mchog dpal gyi sku 'dzin shog /dngos grub brnyes pa'i paN+Di ta chen po a b+ha yA ka ra gup+ta'i zhal snga nas mdzad pa 'di rdzogs so// //rgya gar gyi mkhan po dpal bde mchog nyid dang dbyer med pa'i paN+Di ta chen po dpal rje btsun rat+na rak+Shi ta'i zhal snga nas dang /

CLOSE WINDOW