CLOSE WINDOW

D1497
བོད་ཡིག

lo tsA ba dge slong chos kyi shes rab kyis bsgyur cing zhus te gtan la phab pa'o// @##/ /rgya gar skad du/ tsAr+ya gri ti br-i t+ti/ bod skad du/ spyod pa'i glu'i 'grel pa/ 'jam dpal gzhon nur gyur pa la phyag 'tshal lo/ /rnam pa kun gyi mchog ldan pa/ /zung 'jug sku la phyag 'tshal lo//spyod pa glu yi don dbye ba/ /gzhan la phan pa'i blo yis bri/ /'dir yang dag pa'i lta ba rnam pa gnyis kyi dbang du byas nas/ rdo rje'i glus 'od gsal ba dang / 'gog pa'i dang don dam pa'i bden pa gtsor bstan nas/ spyod pa'i glus bdag byin gyis brlab pa dang //lam gyi bden pa dang / kun rdzob kyi bden pa bstan pa'i phyir/ /gzugs brnyan ci 'dra zhes bya ba la sogs pa la 'dir shes rab kyi mig gis blta bar bya ba'i yul ni gnyis te/ med pa dang / yod pa'i rang bzhin no/ /med pa ni ma yin pa la der snang ba ste/dper na rab rib can gyi shes pa bzhin no/ /gzugs brnyan ci 'dra zhes pa ni de la gsum ste/ me long g.ya' med pa dang / bzhin nye bar gnas pa dang / nam mkha'i sgrib g.yogs med pa la gzugs snang ngo / /de bzhin du sems dang rlung gi rnam 'phrul las ma rig pas khyad par du byas pa la srid pa gsum gyi 'gro ba gsal bar snang ste/de yang snang ba tsam las don du grub pa gang yang med do/ /de'i phyir/ rang gi ngo bo brtags na rang bzhin yod ma yin/ /zhes bya ba'o/ /ji ltar brtags pas med par shes she na/bdag dang khams gsum pa'i rang gi ngo bo gzugs brnyan ltar snang ba tsam du shes/ ma skyes par shes pa'o/ /de kwa'i zhes bos nas gdams pa'o/ /gzugs brnyan la 'khrul bar ma byed/ gzugs brnyan gyi rang bzhin mi shes par ma byed ces pa'o/ /de ltar mdor bstan nas dpe don gyi mtshan nyid rgyas par bstan pa'i phyir/dri med mkha' dang zhes bya ba la sogs pa la/ nam mkha' dri ma med pa dang / nor bu dang / me long dag pa dang / bzhin gsum 'dus pa las gzugs brnyan snang ba de bzhin du sems dang rlung dang las dang ma rig pa las bdag dang khams gsum pa'i gzugs brnyan snang ste/de la 'khrul te rtag pa dang yang dag par shes pa ni seng ge rang gi grib ma la brgal bas rgya mtshor shi ba dang 'dra ste blun pa'o/ /yang brda mi shes pa'i byis pas rang gi gzugs brnyan la 'brad pa dang 'dra ste blun pa'o//de bzhin du bdag dang khams gsum pa gzugs brnyan ltar snang ba la bdag dang gzhan du ci'i phyir 'khrul te 'khrul par ma byed ces bya ba'o/ /de yang mdo las/ ji ltar me long ngos la ni/ /snang yang de na yod min ltar/ /de bzhin dngos rnams ngo bo nyid/ / ces pa dang / yang / don yod ma yin sems nyid de/ /bag chags kyis ni dkrugs pa'i yid/ /don du snang ba byung ba yin/ /zhes gsungs pas bdag dang khams gsum pa'i dngos po tshu rol mthong ba'i shes pa dang / shes bya ma lus par nam mkha'i me tog ltar shes par bya'o//da ni yod pa'i rang bzhin mthong ba'i dbang du byas nas/ dkyil 'khor 'khor lo bsgom pa brtan par bya ba ste/ zhes bya ba de la lnga ste rten 'brel la mthu yod pa dang / de yin pa dang / der shes pa dang / der bsgom pa dang / byin gyi rlabs 'byung ba'o/ / de ltar yod pa ma yin pa'i don bsal nas sems rlung gnyis zag med kyi yon tan gyis khyad par du byas pa'i tshe/ rten dang brten pa'i lha'i 'khor lor snang ba ste nyer len gyi rgyu sems lhan cig byed pa'i rkyen rlung zag med kyi yon tan gsum 'dus pa las yid kyi lus sgyu ma lta bu la sogs par snang ngo //de yang rang bzhin gyis zag pa med pa'i yon tan thams cad kyi rang bzhin yin pa shes pa med na med pa'i phyir ro/ /de yang shes byed yang dag pa'i dge ba'i bshes gnyen la brten nas bdag byin gyis brlab pa'i rang bzhin du dpe gsum dang bcu gnyis kyi sgo nas mtshon cing shes pa dang /de yang dbang po lngas dbang byas nas bsgom pa dang / de las byin gyi rlabs chos thams cad sgyu ma ltar snang ba nges pa'i shes pa skye'o/ /gzhan lhas skyong ba la sogs pa 'phags pa'i lhas bshad pa las shes par bya'o/ /de nyid shes pa'i rnal 'byor pa yis der mi gnas//zhes bya ba ni sgyu mar shes kyang sgyu mas byas pa'i bud med la chags pa skye ba dang 'dra bar zhen pa yod pas de 'od gsal gyis sbyangs pa'o/ /mtshon par bya ba mchog tu bde chen zhes pa ste/ /zhes pa'i tshig gnyis po go sla'o//khyed kyis brtags shing bskyed pa'i tshul ni gang yin pa/ /zhes bya ba ni bden pa gnyis kyi mtshan nyid dang mi ldan pa'i brtags pa'i rnal 'byor dgag pa ste go sla'o/ /ji srid de ni rang bzhin yongs su mi shes pas/ /de srid byang chub bla na med pa ji ltar 'grub/ /ces bya ba ni 'od gsal dang zung 'jug go//rnam rtog spros pa ma lus dngos po med pa ste/ /zhes bya ba ni 'jig rten pa'i sems brgya drug cu'o/ /de dag mchog tu bde ba chen po 'od gsal gyi rang bzhin gyis sbyangs pa yin zhes bya'o/ /de'i rgyu ci zhe na/ 'jig rten gyi chos brgyad la mnyam pa nyid du bya ba dang //ting nge 'dzin gyi mchog la gnas par 'gyur ba ste/ de la gnyis/ thun mong gi tshogs tshul khrims dang ldan pa dang / longs spyod la mi ltos pa dang / bzod pa dang ldan pa dang / dam bca' brtan pa dang / 'du 'dzi spong ba dang /shes bzhin dang ldan pa dang / bden pa gnyis la ma yengs pa'i dran pa dang / bya ba dang de ma yin pa shes pa dang / sgrib pa lnga [(]sbong [,]spong [)]ba dang / zad kyi tshod rig pa dang / 'jig rten pa'i spyod pa la blo rnal du phebs pa'o/ /thun mong ma yin pa'i dbang bzhi legs par thob pa/byang chub kyi sems brtan pa/ bla ma la gus pa'o/ /de lta bu'i tshogs la gnas na lus ngag yid gsum dang / sgrib pa gsum shin tu rnam par dag par 'gyur ba ste spros pa'i spyod pa ma lus pa spong pa'o/ /rnam par rtog pa zhes bya ba'i tshig gnyis spros pa'i rnal 'byor dgag pa ste go sla'o//ji srid srid pa gsum dang / cir snang 'jig rten pa'i sems spros pa dang / rnam rtog ma lus pa don yod ma yin pas/ /de phyir bsal ba de ni de bzhin mchog tu rnam par dag pa'i rang bzhin no/ /de la dbang po lngas dbang byas pa'i ting nge 'dzin gyi mes nyon mongs pa'i sog ma 'jig rten pa'i sems rnam par bsregs pas gang gi tshe 'jig rten gsum dang /'jig rten pa'i sems rnams nam mkha'i dkyil ltar yongs su shes pa de'i tshe/ 'gro ba ma lus pa'i rtog pa nub nas nam mkha' bzhin du 'gyur ro//de ltar chos thams cad snang la nges pa'i shes pa skye ba'i dri ma sbyong dgos pa gsungs pa/ rnam rtog rab rib kyis rmongs ldongs par ma byed cig /ces bya'o/ /de ci'i phyir zhe na/ 'gro ba gsum po rang bzhin dag pa'i ngang du khyad par gang yang med la/ rtog pas bye brag byas pa'o/ /de'i don rgyas par bstan pa'i phyir/ rab rib can gyis zhes bya ba la sogs pa ste go sla'o/ /da ni 'od gsal ba'i ting nge 'dzin gyis las dang nyon mongs pa skye ba dag par ma byas par du/ las 'bras shin tu phra ba la yang 'dzem dgos pa bstan pa'i phyir/sdig pa'i rnam smin chom rkun 'jigs pa mthong ba yis/ /zhes bya ba la sogs pa ste go sla'o/ /de kho na nyid kyi nyi ma 'od gsal ba'i ting nge 'dzin gyis las kyi 'jug pa bcad nas/ bzod pa de dang ldan pa bzhin du rang gi rgyud la dge ba'i sems rdzogs par byed pa la sogs pa'i tshe ni de mi dgos pas de srid ci dgar spyod ces bya'o//de bas na de srid ces bya ba la sogs pa ste go sla'o/ /de ltar lta ba dang spyod pa dag la bram ze zhes bya'i/rigs la sogs pa ma yin par bstan pa'i phyir gcer bu zhes bya ba la sogs pa ste go sla'o/ /lam phyin ci ma log pa dang ldan na rigs la mi ltos par bstan pa'i phyir/dman pa'i rigs su skyes kyang zhes bya ba la sogs pa'o/ /'khrul pa'i dbang gis rtag tu 'khor ba de las bzlog par gdams pa ni/ yang dang yang du zhes bya ba la sogs pas mjug bsdus te gdams pa/kwa'i zhes bos nas sems khyod rang gis rang gi dri ma khrus/ /zhes bya ba la/ bzhin gyi dri ma me long la bltas nas sel ba ltar/ me long dang 'dra ba'i bla ma dang / chu dang 'dra ba'i man ngag gis ma rig pa'i dri mas gang gos pa de zad par bya'o/ /de'i phyir bla ma'i man ngag gi chus rtog pa'i dri ma bkru bar bya'o//tshul ji ltar bkru zhe na/ sems khyod yongs su go bar gyis la rang la ni/ /yongs su blta zhing gti mug mun pa chen po sbyongs/ /zhes bya ba la chos thams cad sems dang rlung gi rnam par 'phrul bar go bar gyis la rang la rang ste/ rlung dang sems rang bzhin la bcug la nam mkha' dang 'dra bar ltos zhes bya'o/ /de lta bu'i thub pa'i chos kyi gtam mi nyan pa dang / de'i skal ba med pa ni me ltar snang ba yin no/ /de bas na nges par 'jig rten pha rol du 'gro dgos pa yid la byas la/ thub pa'i chos kyi gtam byang chub kyi sems la sogs pa mnyan zhing goms par bya'o//de thos nas de dang 'gal ba'i las mi bya ste mnar med par 'gro ba la de min pa gang gis kyang 'dzin par mi nus pa'i phyir ro/ /de thos nas de ltar de sbyangs nas gnas skabs kyi 'bras bu mtho ris la/ mthar thug gi 'bras bu byang chub 'thob pa'o//ma rig pa'i mun pa la chos te skyabs su 'gro ba dang / byang chub kyi sems la sogs pa dang / tha ma bde ba chen po'i ting nge 'dzin gyi bar ni sgron ma ste rang bzhin gyis 'od gsal bar byed pa'i phyir ro/ /de'i phyir srid pa'i rgya mtsho chen po sgrol bar byed pa'i gru dang gzings yin pas nges par bsten zhing goms par bya'o/

CLOSE WINDOW