CLOSE WINDOW

D1491
བོད་ཡིག

/ //paN+Di ta de nyid dang / lo tsA ba dge slong tshul khrims rgyal bas bsgyur cing bzhus te gtan la phab pa'o// @##/ /rgya gar skad du/ shrI tsakra sam+ba ra sA d+ha naM/ bod skad du/ dpal 'khor lo sdom pa'i sgrub thabs/bcom ldan 'das 'jam pa'i rdo rje la phyag 'tshal lo/ /nang par tho rangs kyi dus su stan bde ba la 'dug ste rang yi dam gyi lha bsgom par bya'o/ /bdag nyid he ru ka'i nga rgyal dang ldan pas tshad med pa bzhi rim gyis bsgoms la/ phung po lnga'i nga rgyal bskyed par bya ste/ gzugs kyi phung po ni rnam par snang mdzad dang / tshor ba'i phung po ni rin chen 'byung ldan dang / 'du shes kyi phung po ni snang ba mtha' yas dang / 'du byed kyi phung po ni don yod grub pa dang / rnam par shes pa'i phung po ni rdo rje sems dpa' ste/ de thams cad kyi bdag gnyid du gyur pa ni dpal he ru ka'o//de nas rang gi snying gar nyi ma'i dkyil 'khor gyi ste du yi ge hUM nag po bsams la/ de las 'od zer 'phros te slar 'dus pa las/ bdag nyid khro bo khams gsum rnam par rgyal ba sku mdog thing gzhal gsum pa phyag drug pa/ zhal g.yas ljang gu/ g.yon ser po/ phyag dang po gnyis kyis hUM mdzad kyi phyag rgyas rdo rje dang dril bu 'dzin cing /rang snang gi rig ma la 'khyud pa/ g.yon kha T+wAM ga dang thod pa bsnams pa/ g.yas lcags kyu dang zhags pa bsnams pa/ phyag rgya lnga dang ldan par bsgom mo/ /de nas su mtha'i sngags brjod par bya ste/ oM sum+b+ha ni sum+b+ha hUM hUM phaT/oM gr-i h+N-i grah+Na hUM hUM phaT/ oM gr-ih+NA pa ya gr-ih+NA pa ya hUM hUM phaT/ oM A na ya ho b+ha ga bA na bi d+yA dA dza ya hUM hUM phaT/ oM g+ha g+ha g+hA ta ya g+hA ta ya sarba duSh+TA na phaT/ kI la ya kI la ya sarba pA paM phaT/ hUM hUM hUM badzra kI la ya badzra d+ha ro A dz+nyA pa ya ti/ sar+b+ba big+h+NAM kA ya bA ka tsit+ta badzra kI la ya hUM phaT/oM badzra mu d+ha ra badzra kI la ya a ko Ta ya a ko Ta yi hUM phaT/ ces bya ba'i sngags kyis bgegs rnams bskrad la/ rdo rje ra ba la sogs pa bsam par bya'o/ /de nas bsod nams kyi tshogs bsags pa sngon du 'gro bas stong ba nyid du bsgom par bar bya'o/ /de nas stong ba nyid kyi ngang las thig le dkar po yungs kar gyi tshad tsam bsam mo//de nas yaM las rlung gi dkyil 'khor yaM gyis mtshan pa dang / de'i steng du raM las me'i dkyil 'khor raM gyis mtshan pa dang / de'i sten du baM las chu'i dkyil 'khor baM gyis mtshan pa dang / de'i steng du laM las dbang chen sa'i dkyil 'khor laM gyis mtshan pa dang /de'i steng du suM las ri'i rgyal po ri rab zung bzhi pa rin po che sna lnga'i rang bzhin can lcog chen po brgyad kyis mdzes par byas pa/ de'i steng du sna tshogs pad+ma 'dab ma brgyad pa/ de'i steng du hUM las sna tshogs rdo rje/ de'i steng du nyi ma'i dkyil 'khor/de'i steng du mngon par byang chub ba'i gzhal yas khang dang / brten pa'i dkyil 'khor lha bcu gsum skad cig gis bsam mo/ /de'i dbus su bcom ldan 'das zhal ba zhing / sku mdog mthing ga /spyan gsum pa/ phyag bcu gnyis pa/ g.yas brkyang ba'i rnam pas bzhugs pas 'jigs byed chen po dang dus mtshan zhabs kyis mnan pa/rdo rje phag mo la 'khyud pa'i phyag gnyis kyis rdo rje drul bu bsnams pa/ steng gi phyag gnyis kyis glang po che'i pags pa 'dzin pa/ g.yas pa'i gsum pa na cang te'u/ bzhi pa ni gri gug /lnga pa na dgra sta dang /drug pa na mdung rtse gsum pa 'phyar ba/ g.yon gyi phyag gsum pa na kha T+wAM ga rdo rjes mtshan pa/ bzhi pa na khrag gis bkang ba'i thod pa/ lnga pa na rdo rje zhags pa/ drug pa na tshangs pa'i mgo bo'i chang ba/ ral pa'i thor tshugs kyis brgyan pa/ dbu la thod pa'i phreng ba dang zla ba phyed pas mtshan pa/sna tshogs rdo rjes mtshan pa'i cod pan can zhal rnam par 'gyur ba/ mche ba gtsigs shing 'jigs par byed pa/ sgeg pa la sogs pa'i nyams dang ldan pa/ dbus mthing ga /zhal g.yas ser ba/ nub pad+ma rA ga'i mdog 'dra ba/ g.yon marga ta lta bu'i mdog dang mtshungs pa/stag gi pags pa'i sham thabs can/ mi mgo'i phreng brgyu ma dang bcas pa 'dzin pa/ mgul rkyan dang / dbung rgyan dang / rna rgyan dang / spyi gtsug gi nor bus brgyan pa/ mchod phyir thogs 'chang ba/ thal ba dang phyag rgya drug ste pha rol tu phyin pa drug rnam par dag pas phyag rgya drug gis rgyas btab pa'o//de'i spyan sngar bcom ldan 'das ma rdo rje phag mo sku mdog dmar mo/ zhal gcig phyag gnyis ma/ spyan gsum pa/ skra grol ba/ gcer bu dum bus brgyan pa'i ska rags can/ g.yon ba 'khyud pa'i phyag gis gdug pa la sogs pa'i khrag gis bkang ba'i thod pa 'chang ba/g.yas rdo rjes mtshan pa'i gri gug phyogs thams cad du 'jigs par byed pa'i rang bzhin gyi sdigs mdzub can bskal ba'i me bzhin 'jigs pa che/ khrag la dgyes shing zhal nas khrag 'dzag pa byin pa gnyis kyis mnyam par 'khyud pa/ bde chen thugs rje'i bdag nyid bsgom/phyogs kyi 'dab ma bzhi la mkha' 'gro ma la sogs pa bzhi/ /sgo bzhir khwa gdong ma la sogs pa bzhi/ mtshams bzhir gshin rje brtan ma la sogs pa bzhi/ thams cad kyang zhal gcig pa phyag bzhi pa/ g.yon kha T+wAM ga dang thod pa/ g.yas Da ma ru dang gri gug bsnams pa'o//rnal 'byor ma de dag kyang yi dags kyi gdan la bzhugs pa'o/ /de dag gi dpral bar rdo rje phreng ba dang phyag rgya lngas brgyan par bsam mo/ /de nas sku gsung thugs byin gyis brlab par bya'o/ /mgo la oM dkar po dang / lkog mar AH dmar po dang / nu ma gnyis kyi bar du hUM nag po dang / thugs kar hUM sngon po bsam bar bya'o/ /de nas yi ge bzhi las 'od zer 'phros te phyogs bcu'i de bzhin gshegs pa thams cad kyi sku gsung thugs ye shes sems dpa' dang thugs rdo rje bskul te/ yi ge bzhi la so sor thim par bsam mo/ /oM AH hUM oM sarba bI ra yo gi nI kA ya wA ka rtsi t+ta badzra swa b+hA wa At+ma kou0f85haM/oM badzra shud+d+haH sar+b+ba d+harmAHswa b+hA wa shud+d+hou0f85haM/ zhes brjod pas brgyal brtan par bya'o/ /de nas go cha gnyis brtan par bya ste he ru ka'i thugs kar oM ha dkar po/ dbu la na ma hi ser po/ spyi gtsug t u swA hA hu dmar po/phrag pa gnyis su bau Sha Ta he nag po/ mig gnyis su hUM hUM ho dmar po/ yan lag kun la mtshon cha ni phaT haM ljang gu'o/ /yum gyi lte ba la oM baM dmar mo/ thugs kar haM yoM nag mo/ zhal du hriM moM dkar mo/ dbu la hroM hriM ser mo/ spyi gtsug tu hUM hUM ljang gu/ yan lag thams cad la phaT phaT du ba'i mdog can bsam par bya'o//de ltar dam tshigs sems dpa' bskyed nas/ ye shes sems dpa' spyan drang ba ni sngags dang phyag rgya dang / sngags kyis mdun gyi nam mkha' la byon par bsam mo/ /snying po'i phyag rgya bstan te lag pa g.yas pa dang g.yon pa bskor zhing /dzaH hUM baM hoH/ zhes brjod pas dkyil 'khor ba dang gnyis su med par byas nas/ oM yo ga shud+d+haH sar+b+ba d+harmA yo ga shud+d+hou0f85haM/ zhes brjod pas nga rgyal brtan par bya'o/ /de nas dbang bskur bar bya ba'i phyir snying ga'i yi ge hUM las 'od zer 'phros pas rigs l nga'i bde bar gshegs pa nam mkha' la byon par bsam mo//de nas mchod pa'i lha mo rnams kyis mchod de/ byang chub rdo rjes sangs rgyas la/ /ji ltar mchog gnyis stsol mdzad ltar/ /bdag la bsrung ba'i don gyi phyir/ /nam mkha' rdo rje bdag la stsol/ /zhes gsol ba gdab par bya'o//de nas mi bskyod rdo rje gtso bor gyur ba'i thugs ka nas mkha' 'gro ma la sogs pa bum pa thogs pa byung bas/ rdo rje chen po dbang bskur ba/ /khams gsum pa yis phyag byas pa'i/ /sangs rgyas kun gyi gsang gsum gyi/ /gnas las byung ba sbyin par bya/ /ji ltar bltams pa tsam gyis kyang //de bzhin gshegs kun khrus gsol ltar/ /lha yi chu ni dag pa yis/ /de bzhin bdag gis khrus gsol lo/ /zhes pas dbang bskur bar bya'o/ /de dag thams cad kyi dbul mi bskyod pa sa gnon gyis phyag can sku mdog sngon po rdo rje skyil krung can bsam mo//de nas ci nus su bsgom mo/ /de las skyon bzlas pa bya'o/ /oM shrI badzra he he ru ru kaM hUM hUM phaT/ DA ki nI dzA la saM ba raM swA hA/ oM hrIH ha ha huM hUM phaT/ oM sarba bud+d+ha DA ki ni ya/ badzra war+N+Na nI ye huM hUM phaT/ oM badzra bai ro tsanI ye huM hUM phaT/ oM DI ki nI ye huM hUM phaT/ oM lA ma ye huM hUM phaT/ oM khaN+Da ro he hUM hUM phaT/ oM rU pi NI ye hUM hUM phaT/ oM kA kla s+ye hUM hUM phaT/ oM u lu kA s+ye hU hUM phaT/ oM swa nA s+ye hUM hUM phaT/ oM sU karA s+ye hU hUM phaT/ oM ya ma daMSh+TI NI ye hU hUM phaT/ oM ya ma du tI ye hU hUM phaT/ de nas ldang bar 'dod na dkyil 'khor rang gi thugs kar bsdu bar bya'o//phyag dang zhal thams cad rtsa ba'i zhal la bsdu/ zhal gcig phyag gnyis pa g.yas rdo rje/ g.yon dril bu 'dzin pa bsgom mo/ /de ltar thun bzhir bsam mo/ /thun tha ma la skad cig mas dkyil 'khor du lha rnams la dbang bskur ba dang /bdud rtsi myang ba/ mchod bstod byas la/ bsgom pa dang bzlas pa bya'o/ /de ltar thun bzhir bsgoms la thun tha ma la ye shes sems dpa' dkyil 'khor rnams rang gi snying gar sdus la nyal lo/ /nang bar ni sdar bshad pa thams cad bya'o/ /lha bcu gsum ma'i sgrub thabs rgya gar gyi mkhan po chen po dI paM kar shrI dz+nyA nas mdzad pa rdzogs so/

CLOSE WINDOW