CLOSE WINDOW

D1489
བོད་ཡིག

gzhis kha lhun grub gling du mi'i dbang po dpon chen kun dga' rin chen rgyal po pa'i bdag rkyen la brten nas legs par bsgyur ba'o/ /[]@##/ /rgya gar skad du/ tra yo da shAt+ma ka shrI tsakra sam+ba ra maN+Da lo pA yi kA/ bod skad du/ bcu gsum gyi bdag nyid dpal 'khor lo sdom pa'i dkyil 'khor kyi cho ga /dpal rdo rje sems dpa' la phyag 'tshal lo/ /dang po'i sangs rgyas dus gsum yang dag rig mdzad pa/ /dpal ldan rdo rje sems dpar spyi bos phyag byas nas/ /bcu gsum bdag nyid can gyi sdom pa de yi ni/ / dkyil 'khor gyi ni cho ga 'dir ni bshad par bya/ /dkyil 'khor chen po myur bar mchog tu grub 'gyur zhes/ /gzhan gyi don gyi blo yis nges par bsams nas ni/ /dbang bskur rab gnas cho ga sgrub thabs la sogs rnams/ /byas pa 'di las nges par bsngags pa'i cho ga nyid/ / brtan zhing zab mo'i chos shes pa/ /rab gnas gtor ma'i pha rol son/ /sbyin sreg dkyil 'khor de nyid shes/ /rig pa kun la shin tu mkhas/ /gsang sngags nges pa'i tshul la gus/ /gzugs ldan lta na sdug pa dang / /bla ma la gus snying rjer ldan/ /sdom pa 'byung ba'i ston pa po//lha khang mchod rten gnas dang ni/ /'khor gyi khyams dang gtsang ma'i sa/ /gdod nas grub pa'i dur khrod du'ang / /der ni dkyil 'khor brtsam par bya/ /yongs su brtags pa'i sa yi char/ /brko ba la sogs mi bya ste/ /lag pas reg nas hUM yig gi /sa sbyang ba yi gsang sngags bzla//sna tshogs pa rnams stong nyid du/ /ro gcig par ni nges mos na/ /de yis sa ni dag 'gyur te/ /de bzhin nyid dag rgyu phyir ro/ /dkyil 'khor gyi ni sa yi cha/ /nyis 'gyur du ni sbyang bar bya/ /rang gi sems ni yongs dag par/ /gyur na de nyid sa dag 'gyur/ / zhes bya'o/ /sa sbyangs pa'o/ /de phyir mchog gi slob dpon gyis/ /'dir ni dkyil 'khor bya ba yin/ /yid dang mthun pa'i gnas su ni/ /re zhig sngon du bsnyen pa bya/ /de'i rjes su dkyil 'khor gyi sa la me tog dgram zhing 'dug nas de bzhin gshegs pa thams cad bsdus par gyur pa'i bcu gsum gyi bdag nyid can dpal 'khor lo sdom pa'i rang bzhin rdo rje'i slob dpon gyis bsrung ba'i 'khor lo la sogs pa byas nas/bgegs gzhom pa'i phyir spos kyi snod thogs nas lce hUM las skyes pa'i rdo rje dang rdo rje dril bu gsil bar gyur pas/ ma lus phyogs na bzhugs pa yi//sangs rgyas rnams ni bdag la dgongs/ /bdag ni che ge rdo rje can/ /'dir ni dkyil 'khor bya bar 'tshal/ /sangs rgyas la sogs kun byon la/ /bdag la grub pa stsal du gsol/ /rdzogs pa'i sangs rgyas la sogs pa rnams la snyan gsan phab nas mchod par bya'o//de nas sngags pa rdo rje dang rdo rje dril bu 'dzin pa khwa gdong ma la sogs pa'i gzungs ma'i rnal 'byor dang ldan pa'i slob ma bzhi rnams kyis sam/ gcig gis kyang rung ste g.yon skor gyis/ de bzhin gshegs pa kun zhi ba/ /de bzhin gshegs pa kun gyi gnas/ chos kun bdag med pa yi mchog /dkyil 'khor dam pa bshad du gsol/ /mtshan nyid thams cad yang dag rdzogs/ /mtshan nyid min pa thams cad spangs/ /kun du bzang po sku yi mchog /dkyil 'khor dam pa bshad du gsol/ /zhi ba'i chos mchog las byung ba/ /ye shes spyod pa rnam sbyong mdzad//kun du bzang po gsung gi mchog /dkyil 'khor dam pa bshad du gsol/ /sems can kun gyi sems chen po/ /dag cing rang bzhin dri ma med/ /kun du bzang po thugs kyi mchog /dkyil 'khor kha los sgyur ba gsungs/ / zhes tshigs su bcad pa bzhis gsol ba btab par gyur pa dang / nga ni sangs rgyas byang chub sems/ /rdo rje nyi ma da nyid do/ /don yod rdo rje chos kyang nga / /sangs rgyas thams cad nyid kyang nga / /zhes nga rgyal ba brjod cing / de nas rdo rje khu tshur gnyis kyi sdigs mdzub gnyis brkyang ste sbyar ba'i rtse mo 'og tu phyogs pa spyi bor 'dzin pas hUM badzro tiSh+Tha zhes brjod cing mdun du bsgoms shing spros pa'i dkyil 'khor gyi 'khor lo la nam mkha'i mthil na gnas pa thams cad kyang bcug ste langs la shar du phyogs pas sems can rnams ma rig pa'i mun par chud cing bdud kyis byin gyis brlabs pa rnams la nges par bltas nas snying rje dang ldan zhing nga rgyal ba'i thugs can gyis bdud rnams bskrad par bya ba'i phyir 'khor lo'i dbang phyug gi rnal 'byor dang ldan pa'i mig g.yas par ma las nyi ma'i dkyil 'khor gyi rnam pa dang /mig g.yon par Ta las zla ba'i rnam pa/mig 'bras gnyis hUM las bskal ba'i me'i rnam pas sna tshogs pa 'di la kun du rnam par brtag par bya'o zhes bsgyings pa dang bcas pa'i g.yo bas rkang mthil 'bar ba'i rdo rjes rol zhing bsor bas sna tshogs rdo rje'i rkang stabs byas te gnas rnams su dril bu dkrol bar bya'o//gdug pa'i tshogs rnams gzhom pa'i phyir/ /kha nas hUM yig 'don pa'i zhal/ /'khor lo'i sa la g.yon skor du/ /sngags pa yis ni bcag par bya/ /gza' dang 'byung po 'dre la sogs/ /lus ngag yid la gnas pa rnams/ /nges par 'joms kyis dengs shig ces//de tshe bgegs kyi tshogs rnams bskrad/ /su yang rung ba'i lus srul po rnams dang / /bgegs kyi tshogs rnams gzhan du 'byer bar gyis/ /nga ni dpal ldan snying rje'i stobs yin te/ /srung ba'i 'khor lo rab tu sbyor ba po/ /kun nas 'bar ba'i rdo rje yis//lus skyes rnams kyi lus ngag bya/ /gal te kha cig bdag las 'da'/ /'dir ni 'jig 'gyur gzhan du min/ /zhes bya bas bskrad pa de las bgegs ma lus pa zhig par blta'o/ /de nas dkyil 'khor gyi sa la dri bzangs nye bar byugs te phyogs dang phyogs mtshams rnams su nye bar spyod pa sna tshogs pa dang /gar dang glu dang / sil snyan gyi sgra la sogs pa rnams kyis mchod pa byas nas lag pas nye reg bya zhing 'khor lo'i dbang phyug gi sngags brgya rtsa brgyad dang yi ge brgya pa yang lan bdun du bzlas nas der lha'i 'khor lo spro zhing bsdus nas nyal bar bya'o zhes bya ba ni sa yongs su gzung ba'o//de nas snga bar langs la 'gro ba rnams mngon par rdzogs pa'i byang chub la dgod par bya ba'i phyir skad cig gis stong pa nyid kyi rjes la raM dmar po las byung ba'i nyi ma la gnas pa'i hUM yig nag po las skyes pa 'od zer lnga'i sna tshogs rdo rje la gnas pa'i hUM gi yi ge las kun du rgya che ba nas kyi 'bras bu'i tshad kyi rdo rje lte ba'i gzugs kyis dum bu gcig tu gyur pa/rdo rje'i ra ba dang gur dang mda'i dra ba dang bla re dang 'og tu sna tshogs rdo rje'i rang bzhin can gyis bsgoms nas nyi ma sna tshogs rdo rje dang bcas pa yongs su gyur pas 'od zer gyi tshogs kyis kun du tshig par gyur par bsam mo//de'i dbus su rang gi snying ga'i sa bon las phyogs dang phyogs bral du khwa gdong la sogs pa mkha' 'gro ma rnams steng du dang / dum skyes ma gnyis pa rnam par spros nas de nas rang gi snying ga'i sa bon las spros pa'i 'od zer rnams kyis phyogs bcu'i bgegs rnams bkug nas de rnams la gtad par bya'o//mkha' 'gro ma de rnams kyang yungs kar dang tsan+dan dmar pos byugs shing kha dog lnga'i skud pas dkris shing mchod pa rnams me tog dmar po'i phreng ba btags pa bcu rnams su so sor spros nas gnod mdzes rgyal po'i phur bu lte ba man chad mdung gi rnam pa/stong bdag nyid kyi gzugs can phyag g.yon pas bzung nas g.yas pas gri gug yongs su gyur pa'i rdo rje'i tho ba bcus hUM las skyes pa'i khron pa bcur bgegs de rnams bcug la/oM g+ha g+ha/ g+hA ta ya g+hA ta ya/ sarba duSh+Tan phaT/ kI la ya kI la ya sarba pA paM hUM hUM hUM phaT badzra kI la ya badzra d+ha ra Adz+nyA pa ya ti sarba big+haM/ kA ya bA k+tsi t+taM kI la ya hUM hUM/ zhes brjod cing rang gi phur bu rnams la/ oM badzra mud+ga rA koT ya hUM zhes brjod cing gdab par bya'o//bgegs lhag ma rnams ring du byed par bltas nas bgegs kyi tshogs rnams de bzhin nyid du ro gcig par mos pa bya'o zhes bya ba ni bgegs la phur bus gdab pa'o/ /de'i rjes su sngags pas dkyil 'khor gyi sa gzhi dri bzangs kyis byugs pa'i dbus su baM las byung ba'i sa'i lha mo bsgoms nas lag pa g.yas pa'i zla bar hUM gsum bkod la sor mo gsum gyis bsnun pa'i sgra'i tshogs rnams kyis bslang ba'i ye shes sems dpa' dang ro gcig par gyur pa'i lha mo phyag g.yon pas gser gyi bum pa bzang po dang cig shos kyis khas len pa'i tshul can zhal gcig pa zla ba lta bu lha'i rgyan gyis brgyan pa mdun na gnas par bltas nas/mchod yon la sogs pa sngon du 'gro bas lhag par gnas par bya'o/ /ma ma rin chen sna tshogs 'dzin/ /sdom pa khro bas mchod pa mo/ /lha mo khyod ni dbang gyur pas//che ge bdag ni dkyil 'khor bri/ /de bskrad sa la lan gsum du/ /gsol gdab bsang gtor la sogs bya/ /des kyang bya ba nyid do zhes/ /de skad gsungs nas thim par bsam/ /de nas rdo rje bcing ba nang du byas nas sa la mnan te/ oM badzrI b+ha ba hUM zhes lan gsum mngon par bsngags nas rdo rje bcing ba las byung ba'i 'bar ba'i hUM gi tshogs kyis sa 'og gi bar du rdo rjer byas par bltas te/badzra dr-i D+ha tiSh+Tha zhes lan gsum gyis sa byin gyis brlab bo/ /'di lta bus rang gi dbang du gyur par mos par bya'o zhes bya ba ni sa lhag par gnas pa'o//de nas dkyil 'khor gyi sa'i dbus su yi ge gsum gyis dri bzangs dang bdud rtsi lngas nye bar byugs la/ dri bzang po'i me tog gcal du dgram zhing sngags pas khrus dang dri bzang pos byug cing ji ltar rnyed pa'i gos dang rgyan dang gtsug tor gyis 'dug cing khor lo'i dbang po'i rnal 'byor dang ldan pas bdud rtsi lnga dang tsan+dan dang gur kum la sogs pa rnams kyis maN+Dal bcu gsum du byugs nas der rang gi dam tshig gi 'khor lor lhag par mos shing nam mkha'i mthil na bzhugs pa'i ye shes kyi 'khor lo blos bkug nas gzhug cing phyi dang gsang ba'i mchod pa rnams kyis mngon par mchod cing bstod nas bdud rtsi myang bar bya'o//de nas bsgoms pa'i dkyil 'khor las phyi rol du slob dpon lho'i phyogs su 'dug cing byang du mngon par phyogs pas 'chad par 'gyur ba'i lha so so so so'i tshul gyis sam/bum pa gcig gi tshul gyis kyang rung ste las thams cad pa'i bum pa lhag par bya'o/ /bla re dang mthil du so sor dri bzang po'i dkyil 'khor gyi steng du ku sha sar ba'i stegs la gzhag go/ /stong pa nyid kyi rjes baM gyi sa bon las byung ba'i gser la sogs pa'i bum pa nag po dang rtsa ba med cing mchu 'phyang ba mgrin pa mtho ba gsus pa che ba rnams legs par bkrus shing shin tu bdugs/nas dang gro dang mon sran gre'u dang so ba dang til dang / sman lnga ni br-i ha ti dang kaN+Da ka ri dang gzhan gyis mi thub pa dkar po dang sa ha de ba dang daN+Dot+pa la ste sman lnga'o//gur gum dang a ka ru dang / gran+thi dang tsan+dan dang pa traM ga ni dri lnga'o/ /gser dang dngul dang mu tig dang byi ru dang rA dza ba r+t+ta ni rin po che lnga'o/ /de rnams bum pa'i lto bar bcug nas glang po che dang nor phyugs dang bong bu la sogs pas ma rnyogs pa'i chu klung la sogs pa las blangs pa ste sA li bzang po dang gzhan pa'i snod kyis ma reg pa'i chu bdud rtsi lnga dang bcas pa blugs te/snying por tsu ta dang dzam+bu dang n+ya gro d+ha dang a shwad+tha dang u dum+WA ra rnams dang gzhan gang yang rung ba ba dan dang gdugs dang bcas pa rnam par sgeg pa rnams ni kha la ste/ me tog dang bcas pa'i phreng ba 'od can dang ras zung gis mgrin pa dkris pa/ chos 'byung dang pad+ma dang nyi ma la gnas pa'i rang rang gi mtshan mas mtshan pa rnams ni 'dod pa la sogs pas dkar por byas te gzhag par bya'o/ /de nas de rnams la gzhon nu mas bkal ba'i skud pa dkar po bdun gyis sam/kha dog lnga'i skud pas kyang rung ste hUM lan bdun bzlas pa/ oM badzra she kha ra ruT+Ta di shAM ban+d+ha ban+d+ha hUM zhes pa gsum mam bdun gyis yongs su dkri bar bya'o/ /yang na rnam par rgyal ba'i bum pa'i steng du oM badzrA mr-i tod ka ThaHhUM zhes bya ba 'dis lan bdun bzlas te ye shes kyi bdud rtsir gyur pa rdo rje'i rdul phra rab kyi rang bzhin bdud rtsi lnga dang dri bzangs kyi chu'i snying por dung dang me tog gi phreng ba dang rdo rje yang bzhag nas nang du/oM ta p+te ma hA ta p+te swA hA zhes bya ba 'dis ma nges pa'i chang ngam chu klung gi chu gnyis kyang rung ba'i chu lo dang lha'i 'khor lo'i mtshan ma la de bzhin kho nar skad cig gis zhes bya bas dmigs nas snying ga'i sa bon gyi 'od kyis bkug pa'i ye shes kyi 'khor lo mchod pa sngon du 'gro bas gzhug par bya'o//snying por gnas pa'i 'khor lo ni 'dod chags chen pos zhu bar gyur pa'i byang chub kyi sems kyi rang bzhin gtso bor gyur pa'i snang ba ro gcig tu gyur par bsam mo//yang na slob dpon gyis rdo rje la dkris pa'i me tog gi phreng ba de rnams hUM brjod cing lag pa g.yon pas bzung nas g.yas pas phreng thag bzung ste/'khor lo'i dbang phyug gi sngags mngon par bzlas nas de la sngags thams cad kyis kun+da'i me tog gsum gzhug par bya'o/ /bum pa gzhan rnams la yang rang rang gi lha bkug cing rang rang gi sngags brgya rtsa brgyad dam nyi shu rtsa gcig gis mngon par bsngags pa rnams la de kho na bzhin du kun+da'i me tog gsum bcug nas bsam par bya'o//sngags ni/ oM shrI badzra he he ru ru kaM hUM hUM phaT/ DA ki nI dzA la sam+bar swA hA/ 'khor lo'i dbang phyug gi'o/ /oMDA ki nI ye hUM hUM phaT/ oM lA mA yai hUM hUM phaT/ oM kh+N+Da ro ha yai hUM hUM phaT/ oM rU pi NI yai hUM hUM phaT/ oM kA kA s+ye hUM hUM phaT/ oM u lU kA s+ye hUM hUM phaT/ oM shwA nA s+ye hUM hUM phaT/ oM shU ka rA s+ye hUM hUM phaT/ oM ya ma dA d+hI ye hUM hUM phaT/ oM ya ma dU tI ye hUM hUM phaT/ oM ya ma daM Sh+TI ye hUM hUM phaT/ oM ya ma ma tha nI ye hUM hUM phaT/ dpa' mo'i dbang phyug ma rnams kyi'o/ /oM khaN+Da ro he hUM hUM phaT/dum skyes ma'i las thams cad pa'i sngags so/ /de nas rnam par rgyal ba la sogs pa'i bum pa rnams me tog la sogs pas mngon par mchod nas las thams cad pa las yal 'dab kyis blangs pa'i chus bsangs te/ ji srid dkyil 'khor gyi bya ba ma rdzogs pa de srid du so so'i gnod pa rnams phyir bzlog par mdzod cig ces brjod nas gtor ma phul te nye reg byas nas slar yang me tog la sogs pas mchod de/rdo rje mkha' 'gro mkha' 'gro ma'i/ /'khor los sgyur ma khyod phyag 'tshal/ /khams gsum pa ni gcig pa'i sku/ /'khor lo'i mkha' 'gro khyod phyag 'tshal//rin chen mkha' 'gro khyod phyag 'tshal/ /rdo rje chos khyod la phyag 'tshal/ /don yod rdo rje mgon po ste/ /las kyi rdo rje khyod phyag 'tshal/ /zhes bstod cing dril bu gsil bar bya'o/ /de lta bu'i sngags dang mchod pa la sogs pas nyi ma so so la thun gsum mam thun mtshams gcig tu bum pa rnams la bya'o zhes bya ba ni bum pa lhag par gnas pa'o//de'i rjes su slob dpon gyis dri'i dkyil 'khor bcu gsum bkod pa me tog dang bcas pa la dkyil 'khor gyi bdag por dmigs nas rang gi snying ga'i sa bon gyi 'od kyis drangs pa'i ye shes kyi 'khor lo bcug nas mchod yon la sogs pa sngon du 'gro bas mchod cing bdud rtsi myangs nas pus mo g.yas pa'i lha nga sa la btsugs te lce hUM las skyes pa'i rdo rje rtse gcig par hUM yig bkod de lag pa g.yas pas spos kyi snod thogs nas g.yon pas rdo rje dril bu gsil bar bya'o//bcom ldan khro bo'i rdo rje mchog /de bzhin gshegs la gsol ba 'debs/ /lhan skyes 'byung ba'i dkyil 'khor ni/ /mgon po bri bar 'tshal ba lags/ /slob ma rnams la brtse ba dang / /khyed rnams la yang mchod pa'i phyir/ /de phyir bcom ldan bdag gus la//bka' drin nang par mdzad par rigs/ /sangs rgyas gang gzhan sngags kyi lha/ /lha dang 'jig rten skyong ba dang / /'byung po byang chub bstan la gnas/ /gang du rdo rje'i spyan ldan pa/ /bstan la mngon par dga' ba kun/ /bdag la yang dag dgongs su gsol//de phyir slob mar bcas pa la/ /rjes su brtse ba la gnas pa/ /sdom pa 'byung ba'i mchog gi ni/ /dkyil 'khor dag ni bri bar bgyi/ /zhes lan gsum brjod cing mngon par 'dod pa'i don gsol lo zhes bya ba ni lha lhag par gnas pa'o// //de nas rdo rje slob dpon gyis legs par yongs su brtags pa'i slob ma rnams lhag par gnas par bya ste/ shes ldan tshul khrims yon tan ldan/ /brtan zhing btang la rgyud rig pa/ /brtser ldan de nyid rig cing sems/ /rdo rje slob dpon bla chen la'o/ /rigs ldan dul zhing mos shes pa//sbyin dang tshul khrims snying rje dang / /slob ma g.yo med bla mar gus/ /de 'dir bla mas bsdu bar bya/ /med par gyur na dman pa yang / /lhag par gnas par bya zhes bya/ /de nas slob ma gcig gam gnyis sam mang po yang rung / /maN+Dal byas shing pus mo sa la btsugs te me tog dang bcas pa'i thal mo sbyar ba'i slob ma rnams la/kha cig gsang sngags sgrub don gnyer/ /dkyil 'khor 'dir ni 'jug par byed/ /bsod nams 'dod pas de las gzhan/ /gzhan dag 'jig rten pha rol gnyer/ /'jig rten pha rol la blta ba'i//dad pa phyir zhing byas nas ni/ /blo ldan dkyil 'khor 'jug bya ste/ /'di yi 'bras bu spang bar bya/ /'di yi 'bras bu 'dod gyur na/ /'jig rten pha rol de lta min/ /'jig rten pha rol don gnyer bas/ /'di 'bras rdzogs par 'gyur ba yin/ /zhes dad pa bskyed nas slob dpon dpal sdom pa'i sku rdo rje phag mo la snyoms par zhugs pas slob ma de rnams rang gi spyi bo'am kha nas bcug ste/rdo rje nas 'thon nas shes rab kyi pad+mar gnas pa la rang gi snying ga'i sa bon gyi 'od zer gyis bkug pa'i shes rab dang bcas pa'i de bzhin gshegs pa rnams 'dod chags chen pos zhu bar gyur te/rnam par snang mdzad kyi sgo nas a wa d+hU tI dang rdo rje las 'thon bar gyur pa rnams kyis mngon par dbang bskur ba rnams dkyil 'khor gyi shar gyi sgor bzhag nas 'jug par gsol ba 'debs su bcug ste/ rnal 'byor pa dang mchog sbyor ba'i//ston pa khyod ni dpa' bo che/ /byang chub chen po'i tshul bstan pa/ /mgon po chen po bdag 'tshal lo/ /dam tshig de nyid bdag la stsol/ /byang chub sems kyang bdag la stsol/ /dpa' bo dpa' mo'i dbang phyug ma/ /phag mo he ru ka nyid kyi/ /gsang ba'i gdan sogs kun du dag /ji ltar lus la gnas pa lags/ /sangs rgyas chos dang dge 'dun te/ /skyabs gsum po yang bdag la stsol/ /thar pa chen po'i grong mchog tu/ /mgon po bdag ni gzhug tu gsol/ /zhes so/ /de'i rjes su slob ma gcig gtso bor byas nas/bu tshur shog cig theg chen po'i/ /gsang sngags spyod tshul cho ga ni/ /khyod la yang dag bstan par bya/ /khyod ni tshul chen snod yin gyi/ /sku gsung thugs kyi rdo rje can/ /dus gsum 'byung ba'i sangs rgyas rnams/ /rdo rje sngags kyi mthu yis ni/ /ye shes mnyam med yang dag brnyes//gsang sngags sbyor ba mnyam med pa/ /gang gi shAkya seng ge sogs/ /mchog rnams kyis ni bdud kyi sde/ /mi bzad che ba stobs chen bcom/ /'jig rten rjes 'jug rtogs nas ni/ /'khor lo bskor nas mya ngan 'das/ /de bas kun mkhyen thob bya'i phyir//bu yis blo gros 'di gyis shig /ces yang dag par 'dzin du gzhug go/ /de nas/ dkon mchog gsum la skyabs su mchi/ /sdig pa thams cad so sor bshags/ /'gro ba'i dge la rjes yi rang / /sangs rgyas byang chub yid kyis gzung / / zhes lan gsum brjod pas byang chub tu sems bskyed pa 'dzin du gzhug ste/ sangs rgyas dang byang chub sems dpa' thams cad bdag la dgongs su gsol/ bdag ming 'di zhes bgyi bas dus 'di nas bzung nas ji srid byang chub snying po la mchis kyi bar du bla na med pa'i byang chub kyi mchog tu sems bskyed par bgyi'o//ji ltar dus gsum mgon po rnams/ /byang chub tu ni nges mdzad pa'i/ /byang chub sems ni bla med pa/ /dam pa bdag gis bskyed par bgyi/ /tshul khrims bslab pa rnam pa gsum/ /dge ba dang ni chos sdud dang / / sems can don byed tshul khrims ni/ /bdag gis so sor brtan por gzung / /sangs rgyas chos dang dge 'dun te/ /dkon mchog gsum mchog bla na med/ /sdom pa sangs rgyas rnal 'byor byung / /deng nas brtsams te gzung bar bgyi/ /rdo rje chen po rigs bsdus la//rdo rje dril bu phyag rgya yang / /de nyid kyis ni rab tu gzung / /slob dpon dag kyang gzung bar bgyi/ /rin chen po yi rigs mchog gi /dam tshig yid du 'ong ba la/ /nyin re bzhin du lan drug tu/ /sbyin pa rnam bzhi rtag tu sbyin/ /pad+ma chen po'i rigs dag pa/ /byang chub chen po 'byung ba la//phyi dang gsang ba theg pa gsum/ /dam chos so sor gzung bar bgyi/ /las chen rigs ni bsdus pa la/ /sdom pa thams cad yang dag ldan/ /mchod pa'i las ni ci nus bzhin/ /kun nas so sor gzung bar bgyi/ /rtsa ba'i ltung ba spang bgyi zhing / / de bzhin sbom po'i ltung ba spang / /sems can rnams la bsnyen bkur bgyi/ /thams cad du yang byams pa'i sems/ /lus kyi las ni rnam pa gsum/ /ngag gi rnam pa bzhi dag dang / /yid kyi rnam pa gsum dag gi /dge ba'ang bdag gis bskyang bar bya/ /myos pa'i btung ba spang bgyi zhing //rgod pa'i bya ba'ang de bzhin te/ /theg pa dman la dga' ba yang / /rab tu 'bad pas mi bya'o/ /lha sogs de bzhin gtso bo la/ /ma gus par yang mi bgyi'o/ /phyag rgya la sogs byed pa rnams/ /mnan par yang ni mi bya'o/ /byang chub sems ni bla med pa//dam pa dag ni bskyed bgyis nas/ /sems can kun gyi don gyi phyir/ /sdom pa mtha' dag gzung bar bgyi/ /ma brgal ba rnams bdag gis bsgral/ /ma grol ba rnams bdag gis dgrol/ /dbugs ma phyin pa dbugs dbyung zhing / /sems can mya ngan 'das la dgod//ces lan gsum brjod du gzhug go/ /de nas khaN+Da ro hi'i sngags kyis bsrungs la/ de rnams kyi snying ga dang mgrin pa dang spyi bor gnas pa'i rdo rje dang pad+ma dang 'khor lo'i steng du nyi ma dang zla ba la gnas pa'i hUM nag po dang / dmar po dang oM dkar po rnams rnam par bsgoms nas dri'i chu rdo rje dang bcas pas blangs nas snying ga dang mgrin pa dang spyi bo rnams su hUM AHoM brjod cing /reg la spyi bor me tog mdun du bdug spos dang mar me/ snying gar dri rnams dbul bar bya'o/ /de nas las thams cad pa'i sngags bzlas pa'i a shwa d+tha la sogs pa'i so shing ltung ba ma yin zhing drang la srog chags med cing rma med pa dri'i chus bkrus te rtse mor me tog bcings pa slob ma rnams kyi snying gar sbyin te kha sbyangs la/de dag kyang ba lang gi ko ba tsam du byugs pa'i sa'i cha la shar du mngon par phyogs pas so shing gi rtse mo bskyur nas/oM badzra hA sa haHzhes brjod cing ltos pa med par dor te steng du bltas nas so/ /so shing de dag ltung ba dang rjes su mthun pa'i dngos grub tu 'gyur ba yang brjod par bya'o/ /shar dang byang dang nub dang lho dang steng dang / 'og tu phyogs par ltung na zhi ba dang rgyas pa dang dbang dang mngon spyod dang rig pa 'dzin pa dang sa 'og rnams 'grub la/phyi rol du lhung na dngos grub med do/ /de nas baM las skyes pa'i chu de bzlas pa zhal bsil gyi don du byin nas las thams cad pa'i sngags kyis lan bdun mngon par bsngags pa'i dri'i chu khyor ba gsum/ oM hrIH bi shud+b+ha d+har+m+ma sar+b+ba pA pa ni shA s+ya bi shod+ha ya sar+b+ba bi kalpA na pa na ya hUM zhes brjod de 'thung du gzhug go//de nas de rnams phyi rol du 'dug tu bcug nas hUM las byung ba'i ku sha mang po rtse mo ma nyams pa las thams cad pas mngon par bsngags pa rnams mal stan gyi don dang / de bzhin du d+hI yig las skyes pa'i ku sha gcig sngas kyi don du oM badzra tI k+Sh+Na baM zhes bya ba'i sngags kyis sbyin no//de nas hUM las skyes pa'i skud pa dmar po lus kyi tshad sum bsgril du byas nas mdud pa gsum byas te/ las thams cad pas bsngags pa de rnams kyi dpung pa g.yon pa la bcings te/oM bud+d+ha mai tri rak+Sha sar+b+bA na swA hA/ zhes brjod cing bsrungs nas spro ba bskyed par bya ba ni/ 'jig rten du ni kun mkhyen rnams/ /res 'ga' 'byung ngam mi 'byung srid/ /u du m+WA ra'i me tog bzhin/ /brgya lam na ni res 'ga' 'byung / /gang gis sems can mnyam med don/ / mya ngan mi 'da' byed par nus/ /gsang sngags spyod pa'i tshul 'byung ba/ /de bas kyang ni shin tu dkon/ /bskal pa bye ba du ma ru/ /sdig pa gang zhig sngon byas pa/ /dkyil 'khor 'di 'dra mthong ba yis/ /de dag thams cad zad 'gyur na//grags pa mtha' yas sngags spyod pa'i/ /tshul la gnas na smos ci dgos/ /skyob pa'i gsang sngags bzlas na ni/ /go 'phang bla na med par 'gyur/ /spyod mchog 'di la gang rnams kyi/ /blo gros shin du dri ma med/ /de rnams kyi ni sdug bsngal kun/ /'byung ba'i ngan 'gro yang dag zhi//bdag nyid chen po khyed rnams kyis/ /de ring rnyed pa mnyam med rnyed/ /gang gis khyed rnams rgyal ba kun/ /bdag nyid chen po sras bcas kyis/ /bstan 'di kun la yongs su gzung / /gnas pa skye bar 'gyur ba ni/ /de yis khyed rnams theg chen la//legs par skye ba nyid du 'gyur/ /theg pa chen po cher 'byung ba'i/ /lam mchog 'di ni dpal dang ldan/ /gang gis khyed rnams 'gro 'gyur bas/ /de bzhin gshegs par 'gyur ba yin/ /zhes bya ba nyan du bcug nas de'i rjes la de rnams la las thams cad pa'i sngags kyis yang dag par bsrungs nas bzlas pa'i don du las thams cad pa'i sngags bshad nas nang par snga bar nga la rmi lam smros shig ces brjod de dkyil 'khor gyi tha mal yol bas bcad pa'am phyi rol gyi gnas gzhan du yang rung ste seng ge'i nyal stabs kyis nyal du gzhug go zhes bya ba ni slob ma lhag par gnas pa'o// //de nas slob dpon gyis slob ma lhag par gnas pa'i ched du bkod pa'i lha'i dkyil 'khor mngon par mchod nas ye shes kyi thig la sogs pa'i don du nam mkha' la bteg cing bkod nas shar du mngon par phyogs shing dkyil 'khor gyi bdag po'i rnal 'byor dang ldan pas gzhon nu ma ma nyams pas bkal ba'am dpa' bo'i rin gyis nyos pa'am/dur khrod nas rnyed pa yang rung ste dri bzang po dang bcas pa'i yungs kar gyi phye ma bdud rtsi lngas dkar po dang ser po dang dmar po dang ljang gu dang / nag po'i kha dog rnams kyis so so so sor kha bsgyur ba'i thig skud rnams b+h+rUM AM dzrAM khaM hUM gi sa bon la sogs pas rnam par snang mdzad la sogs pa'i rang bzhin rnams lag pa g.yon pa'i mthil du sor mo'i rtse mo nas brtsams nas sor mo'i rtsa ba'i bar du bkod la/nam mkha' la bzhugs pa'i de bzhin gshegs pa lnga rang rang gi phyogs kyi de bzhin gshegs pa rnams bsdus par gyur pa'i thugs ka rnams su buM yig la sogs pa las grub pa'i ye shes kyi thig 'od zer gyi rang bzhin du bltas te/oM AH shA shwa ta badzra sU tre me pra yats+tsha ma hA maN+Dal sU traM NA ya hUM/ zhes pa 'dis rang rang gi mtshan bcug pa'i rnam par snang mdzad la sogs pa la gsol ba gdab par bya'o//de nas dzaHyig las byung ba'i ser por snang ba zla ba dang nyi ma'i mig gnyis oM dI p+ta dr-iSh+TA dku shi dzaHzhes 'don bzhin pas rab tu myur bar g.yo ba'i mig gi rdzi mas 'gugs pa'i mig gis lcags kyu'i lta stangs kyis rnam par snang mdzad la sogs pa mngags pa rnams bkug nas lag pa na gnas pa'i thig la gzhug par bya'o//de nyid kyi phyir de rnams kyi me long la sogs pa'i ye shes lnga'i rang bzhin rnams so so la ye shes bzhi dang rjes su 'brel ba'i phyir nyi shu rtsa lngar phye bar gyur pa yin no//de'i rjes su khaN+Da ro hA'i bdag nyid can gyi las kyi rdo rje can thig skud 'dzin pa dang lhan cig tu thig lnga lnga rnams thig re rer bsgril nas de nas de bzhin du thig lnga po de rnams thig gcig tu bsgril te/ oM a n+yo n+yA nu ga tAHsarba d+harmAH par spa rA nu pra biSh+DAH sarba d+ha r+m+mAH a d+yan+ThA nu pra biSh+DAH sarba d+ha rma oM AHhUM/zhes 'don zhing bsgril bar bya'o/ /bsgril ba nyid ni slob dpon dang slob ma'i lag pa g.yon gyi sor mo bzhi rnams kyi dbus su bcug nas rgyab nas 'thon pa slar yang rgyab nas 'thon par byas pa de dag rdo rje khu tshur gyi mdzub mo'i rgyab kyi sa la sbyar ba gsum gyi mthar thug pa'i lhag po dor nas dkyil 'khor ji lta ba las nyis 'gyur kyis ring pa/sboms su sgo'i nyi shu cha'i tshad ye shes lnga'i rang bzhin gyi nyi shu rtsa lngar phye ba rnams dri'i chu dang bdud rtsi lnga dang ba byung lngas sbangs pa yi ge gsum gyi nang du chud cing dris nye bar byugs pa rnams gser la sogs pa'i snod du gzhag pa las thams cad pa'i chu dang de'i sngags kyis dang oM a A aM aHa hi tas bsang gtor byas nas dri bzangs dang me tog la sogs pas mchod cing lag pas reg nas las thams cad pa'i sngags kyis bsrung bar bya'o//de nas sngags pa g.yas pa dang cig shos kyi mig dag ma dang Ta las skyes pa'i nyi ma dang zla ba ste 'di dag /dr-iSh+Ti maT zhes pas brtan par byas nas hUM bzlas pa'i bdud rtsi'i chu dang yungs kar dang dri'i chus bran pa'i thig la lag pa g.yas pa'i rdo rjes reg ste/oM badzra sa ma ya sU traM mA ti kra ma hUM/ oM AHhUM zhes brgya rtsa brgyad bzlas pas byin gyis brlab par bya'o/ /dkyil 'khor gyi sa yang / oM sarba saM sho d+ha ya hUM phaT ces bya ba 'dis bum pa thams cad kyi chus dag byed byas nas dris nye bar byugs la me tog phyi rol du dgram zhing nam mkha'i dkyil gyi mthil na gnas pa'i sdom pa'i dkyil 'khor la mchod yon la sogs pa dbul ba sngon du 'gro bas mchod cing phyag byas nas rang nyid dpal sdom pa'i bdag nyid can dang las kyi rdo rje can las thams cad pa'i gzugs can te dzaH yig las skyes pa'i nyi ma dang zla ba ser po 'di dag bsams nas rdo rje'i rkang stabs kyi tshul gyis thig skud g.yon pa'i rdo rje khu tshur gyis bzung ba lte bar bzung zhing sgrub pa'i grogs pos kyang thig skud de bzhin du bzung nas dz+dzaH dz+dzaHdz+dzaHzhes pa'am/dzaHdzaHdzaHgsum gyis kyang rung ste btang zhing dz+dza dz+dzaHdz+dzaHgis slar yang de kho na bzhin du drangs nas mngon du phyogs pas nub kyi phyogs na gnas pas shar du lta ba dang / lho'i phyogs na gnas pas byang du lta bas te/ tshangs pa'i thig gnyis po lte ba dang mnyam par bar snang las te/sems can gyi don du khyed rnams kyi dus de yin gyi 'dir gshegs su gsol lo zhes bya ba'i brda'i don can thig gi sgra rnams kyis nam mkha' thams cad khyab pa'i de bzhin gshegs pa rnams la yang dag par bskul zhing bkug nas thig la gzhug par bya'o//oM badzra sa ma ya sU traM kra ma hUM hUM swA ma hA zhes brjod de rdo rje dang bcas pa'i mthe bong dang mdzub mo dag gis thig skud bzung la se gol gyi sgra bya zhing gdab par bya'o/ /de kho na bzhin tu 'og tu tshangs pa'i thig gnyis kyang ste/ de ltar thig gdab pa thams cad la thig gi cho gar shes par bya'o//de ltar slob dpon nub kyi phyogs su gnas nas shar du lta ba dang lho'i phyogs su gnas nas byang du bltas te/ rkang pa g.yon pa skyil krung bcas pa sa la btsugs nas 'dug pa dang las kyi rdo rje can de las bzlog pas 'dug ste rdo rje khu tshur gyis thig skud bzung la rgyab kyi g.yon skor du 'gro zhing lhan cig pas tshangs pa'i thig gnyis 'od zer gyi phreng ba'i mthar thig bya'o//me'i mtshams su gnas pas rlung gi mtshams kyi thig dang bden bral du gnas nas dbang ldan gyi mtshams kyi thig gdab ste/gnyi ga yang sgo'i tshad bcu bdun no/ /me'i mtshams su gnas nas byang du bltas te shar gyi rtsa ba'i thig dang rlung gi mtshams su gnas nas lhor bltas te nub kyi rtsa ba'i thig dang de nyid du gnas nas shar du bltas pas byang gi rtsa ba'i thig dang me'i mtshams su gnas nas nub tu bltas pas lho'i rtsa ba'i thig gdab par bya ste khru la sogs pa'i tshad du'o//de yang rtsa ba'i thig gcig gi brgyad cha ni sgo yin pa'i phyir sgo'i bzhi cha gcig ni cha chung gcig go/ /de nas tshangs thig gi g.yas dang cig shos kyi logs su cha chung gnyis gnyis ni rtsa ba'i thig gi sgo'i gnas so zhes shes nas slob dpon bcom ldan 'das kyi skus dkyil 'khor gyi dbus kyi gnas thar ba'i sgo'i gegs su gyur pa'i sgrib pa tha dag bsal bar bya'o zhes mos te/hiHyig gis g.yas dang cig shos kyi mig dag nyi ma dang zla ba'i rnam pa khro bo'i lta bas kun nas yongs su bltas na sgo bzhi po dag dbye zhing dbyi bar bya'o//de nas 'chad par 'gyur ba'i phur bu'i tshul gyis gtso bo'i pad+ma la sogs pa'i thig bya'o/ /tshangs las cha chung bzhi yi mthar/ /ze'u 'bru'i thig ni zlum po ste/ de las cha chung brgyad rnams kyis/ /'dab ma brgyad sogs bri bar bya/ /rtsa ba'i phyi rol gcig gnyis gcig /gnyis dang gcig dang gcig yin te/ /thig drug zur nas ngos su ste/ /tshangs las rim pas ring bar ni/ /cha chung gsum du dang po gnyis//cha chung gnyis thig rtser reg pa'o/ /gsum ni cha chung bdun du'o/ /stegs bu'i thig las drang po'i thig /gsum po cha chung lnga pa ste/ /snam bu so so so so yi/ /zheng du cha chung re re yin/ /rtsa ba'i rtse nas 'thon pa'i thig /cha chung bzhi ste cha chung gnyis/ / thad ka dang ni steng du yang / /thad kar cha brgyad 'khyog po gsum/ /gdung gi thig gi cha phran mthar/ /thad kar cha chung bcu pa'o/ /ka ba'i rtse las sgo tshad kyis/ /rta babs snam bu steng du'o/ /nor lha nor lha nyi ma dang / /rgyal ba nor lha rgyal ba dang / /nyi ma nor lha nyi ma rgyal//nor lha yi ni rim pas so/ /sgo yi cha yin steng du ste/ /'di rnams thad ka'i tshad bshad pa/ /tshangs las g.yas dang g.yon du ni/ /cha chung phyed bcas chu gter mthar/ /snam bu cha chung phyed dang gsum/ /thig ni cha chung phyed dang bzhi/ /cha chung lnga nas gnyis pa dang //gsum pa yang ni cha chung gsum/ /cha chung bzhi nas bzhi pa gsum/ /cha chung phyed dang bzhi nas lnga/ /phyed dang bzhi gsum nas drug pa/ /cha chung lnga'o de nas gsum/ /cha chung brgyad de gcig ni bdud/ /cha chung drug ni tha ma'o/ /snam bu rnams mthar son pa'i thig /gzhan gyi mtha' dang lhan cig ste/ /skyog po gcig go 'di nang du'ang / /cha chung phyed kyi de bzhin gzhan/ /de yi phyi rol chos 'khor lo/ /rwa rtse cha chung gnyis pa'o/ /de nas ka ba'i rtse las thad kar cung zad song nas ma ka ra'i kha nas 'thon pa phyir phyung ste cha phran gsum dbus dang ji ltar rigs par dbus ma'i rtse mo'i bar du song ba'o//sna tshogs rdo rje rtse mo lnga pa'i phyogs la ni de'i glo dag tu gzhan bya'o/ /de nas dkyil 'khor gyi lte bar 'og tu rtse gcig pa steng du rtse mo lnga pa'i rdo rje phur bu hUM las skyes shing rang gi sngags brgya rtsa brgyad du bzlas pa rdo rje tho bas brdungs pa'i sngags brjod cing brdungs nas de la btags pa'i thig skud nyis 'gyur du byas pa dbus su bkod nas ra rtse'i phyi rol dbang ldan gyi phyogs nas brtsams nas g.yon skor du so so la cha phran gnyis pa'i bar gyi 'khor lo zlum po'i thig thig gdab po zhes pa'o//'dod par gyur na steng du sgo las sum 'gyur gyi babs la de'i ka ba'i glor mun pa'i snam bu sgo bzhi'i char sna tshogs rdo rje'i ra rtse lnga pa byas nas de'i phyi rol cha phran gnyis gnyis pa bzhis pad+ma dang rdo rje dang 'od kyi phreng ba yang byas la cho ga bzhin du gtor ma phul nas nam mkhar bzhugs pa'i de bzhin gshegs pa'i thugs kar ye shes kyi thig gzhug cing /oM badzra muHzhes pas gshegs su gsol nas thig lnga po dben par gzhag par bya'o/ /phyi nas rin po che lnga'i rang bzhin nam sI la phye ma'i rang bzhin yang rung ste dkar po dang ser po dang dmar po dang ljang gu dang nag pos kha bsgyur ba gser la sogs pa'i snod so sor gzhag pa rnams la b+h+rUM AM dzrIM khaM hUM gi sa bon la rdzogs pa'i rnam par snang mdzad la sogs pa'i rang bzhin rnams bum pa'i chus bsangs pa rnams la nam mkhar bzhugs pa'i de bzhin gshegs pa'i thugs ka las thig 'du byed par bshad pa'i cho gas bkug cing bcug nas ye shes kyi tshon dang lhan cig ro gcig tu gyur pa las ye shes kyi rang bzhin du bltas nas tshon so so la oM buM badzra tsitra sa ma ya hUM zhes bya ba ni tshon dkar po la'o//dpag med la sogs pa dang spel ba'i sngags pa nyid kyis tshon gzhan rnams la'o/ /de brgya rtsa brgyad kyis so so la mngon par bsngags par bya ste/ de bzhin du 'bar ba'i lta bas so sor sbar zhing so so la hriH yig bkod la/bden pa gang gis rdul tshon mang zhing sems dpa' dang sangs rgyas bcom ldan 'das rnams sems can la rjes su chags pa'i bden pa des rdul tshon 'bar bar gyur cig ces bden pas byin gyis brlabs la 'bar ba'i rdul tshon rnams la dri dang me tog la sogs pas mngon par mchod de/oM badzra be gA kra ma hUM zhes brjod cing ye shes kyi thig gi 'og nas 'dzul bar mos nas/ phur bu hUM bzhi pa'i sngags kyis bton nas/ rang gi lag na gnas pa'i rdo rje la thim par bsgoms nas khung bu tshon sna lngas dgang zhing sgra dang bcas pa'i dril bu dang rdo rje'i glus mtshan ma ngan pa bsal bar bya ste/'di ni chos dbyings dag po ste/ /sems can khams ni rab grol mdzad/ /rang nyid dpal ldan sdom pa'i rgyal/ /de bzhin gshegs pa kun gyi gnas/ /skyon rnams kun las rnam grol zhing //'khor lo'i nang du yang dag gnas/ /zhes bya ba 'dis chos kyi dbyings su mos par bya'o/ /de nas dkyil 'khor gyi nang du gnas shing lag pa g.yas pa rdo rjes mtshan pa dang g.yon pa khu tshur gyis oM badzrAng+ga sa ma ya hUM oM AHhUM/ oM badzra tsitra sa ma ya hUM zhes brjod cing dbang ldan gyi phyogs nas brtsams te dang po g.yas skor gyis nang nas brtsams te/nag po dang ljang gu dang dmar po dang ser po dang dkar po'i kha dog can gyi pany+tsa re khA bris nas de'i rjes su gzhan rnams kyis bri bar bya'o/ /de nas snying po'i dkyil 'khor du thig gi mthar thug par dkar po dang ser po dang dmar po dang ljang gu dang nag po rnams shar dang lho dang nub dang byang dang dbus kyi sa'i snam bu rnams so//'khor lo'i lte bar sna tshogs pad+ma'i ze'u 'bru ljang gu la gnas pa'i nyi ma la dpal sdom pa'i rtse lnga pa'i rdo rje kha gyes pa sngon po'o//shar la sogs pa'i phyogs su 'dab ma dmar po rnams la g.yon skor gyis mkha' 'gro ma dang lA ma dang du ma skyes ma dang gzugs can ma rnams kyi gri gug sngon po rnams so/ /me la sogs pa'i phyogs bral gyi 'dab ma ser po dang ljang gu dang ser po dang nag po rnams la byang chub kyi sems kyis gang ba'i thod pa rnams so//shar la sogs pa'i sgo rnams su g.yon skor gyis khwa gdong ma dang 'ug gdong ma dang khyi gdong ma dang phag gdong ma rnams kyi dang / me la sogs pa'i phyogs bral rnams su gshin rje brtan ma dang gshin rje pho nya ma dang gshin rje mche ba ma dang gshin rje 'joms ma rnams kyi sna tshogs chu skyes dang nyi ma la gnas pa'i gri gug sngon po rnams so//de'i phyi rol gyi stegs bu'i snam bu ni pad+ma rA ga'i mdog go/ /sna tshogs shing rnam par bkra ba'i rin po che rnams gser gyis bcings pa ni rin po che'i snam bu'o//snam bu sngon po la ma ka ra'i kha nas 'thon pa rnam pa sna tshogs shing rnam par bkra ba'i rin po che'i do shal dang do shal phyed pa 'phyang ba rnams so/ /snam bu sngon po la ba ku li dang kra ma shI R+Sha la dkar po rnams te ka ba'i steng du ba ku li dang rin po che dang rmig pa dang /gser dang chu srin dang gser dang rmig pa dang rin po che dang rmig pa dang gser dang mda' yab kyi snam bu ste/ de la rta rmig dang chu srin dang rmig pa gnyis ji ltar mdzes pa'i kha dog go/ /gzhan rnams ni sngar bshad do/ /mda' yab nas 'khor yug dag gi bar dang mun pa'i sa rnams ni sngon po ste nam mkha'i rang bzhin yin pa nyid kyi phyir ro//rta babs kyi ka ba dang sna tshogs rdo rje'i ra rnams rang rang gi phyogs kyi de bzhin gshegs pa'i mdog go/ /chos kyi 'khor lo ni rtsibs bcu gnyis pa gser gyi rang bzhin nam rin po che gzhan ma gzhan no//ri dwags dang ri dwags mo ni gser du snang ba rin po che gzhan gyis spras pa'o/ /pad+ma'i 'dab ma rnams ni kha dog sna tshogs pa ste ge sar rnams ni ser po'o/ /nag po'i sa la rdo rje rnams ni gser gyi rang bzhin te/ de bzhin du nag po'i sa la 'od zer gyi phreng ba rnams ni de bzhin gshegs pa lnga'i kha dog go//de'i phyi rol du dur khrod brgyad po rnams bri bar bya'o/ /de la shar du tshig cing 'khrugs pa ste gtum po mchog ces bya ba'i dur khrod do/ /byang du dum bur 'khrugs pa ste keng rus zhes bya ba'i dur khrod do//nub tu dum bur ma gyur pa 'khrugs pa ste rdo rje 'bar ba zhes bya ba'i dur khrod do/ /lhor lhag par rgyal ba 'khrugs pa ste lag pas mtshan pa zhes bya ba'i dur khrod do/ /dbang ldan du mdung gis 'bigs pa 'khrugs pa ste drag tu dgod pa zhes bya ba'i dur khrod do/ /mer phyed tshig pa 'khrugs pa ste dpal mo'i nags zhes bya ba'i dur khrod do//bden bral du shi ba bskos pa 'khrugs pa ste mun pa mi bzad pa zhes pa'i dur khrod do/ /rlung du lhag par bcings pa 'khrugs pa ste ca co sgrogs pa zhes bya ba'i dur khrod do/ /skrag pa rgya chen po la skrag pa med pa zhes bya'o//de nas bris par gyur pa'i gnas ji lta bar gdugs dang / rgyal mtshan dang / ba dan dang / dpag bsam gyi shing dang bum pa bzang po dang rdo rje rin po che la sogs pa rnam par bkra ba dpal bcu gsum gyi bdag nyid kyi sdom pa'i dkyil 'khor du rnam pa thams cad yongs su gsal ba la las thams cad pa lan bdun bzlas nas bdud rtsi lnga dang bcas pa'i dri'i chus nye bar byugs te chu des 'khor lo bsang zhing rdul tshon lhag ma mchod de oM AHhUM badzra muHzhes ye shes kyi rdul tshon gshegs su gsol nas rdul tshon gyi snod rnams dben par gzhag par bya'o zhes bya ba ni rdul tshon gdab pa'o// //de'i rjes su sngar lhag gnas byas pa'i bum pa rnams las rnam par rgyal ba'i bum pa ni shar gyi sgo las cung zad g.yas su ste/ bskor ba byas nas sngar bshad pa'i stan la dgod par bya'o//de bzhin du las thams cad pa'i bum pa ni shar gyi sgo las cung zad g.yon du nges pa'i stan la dgod par bya'o/ /de bzhin du mkha' 'gro ma la sogs pa'i bum pa rnams rang rang gi phyogs kyi sgo'i dbus su'o/ /khwa gdong ma la sogs pa'i bum pa rnams rang rang gi phyogs kyi sgo'i glor ro//gshin rje brtan ma la sogs pa'i bum pa rnams rang rang gi mtshams kyi phyi rol gyi char ro zhes bya ba ni bum pa dgod pa'o/ /de'i rjes su dkyil 'khor gyi 'khor lo las phyi rol gyi phyogs dang phyogs bral brgyad rnams su dri bzang po'i bdug spos kyi snod bzhag nas rnam par bkra ba'i ras zung ldan pa dang lha so so la gdugs dang rgyal mtshan dang ba dan dang gnas bzang por chu shing gi sdong po'i ka ba dang bum pa la sogs pa rnam pa sna tshogs pa'i mchod pa'i yo byad 'khor lo'i dbang po'i sngags yongs su bzlas nas oM badzra s+pha ra Na khaM zhes bya ba 'dis bsngags nas gnas ji lta ba bzhin du gzhag go//phyogs bzhir shes rab kyi pha rol du phyin pa la sogs pa'i dam pa'i chos bklag par bya'o/ /de nas rdo rje slob dpon khrus byas dri bzang po'i chus byugs pa'i bla gos dmar po dang gtsug tor gyis brgyan te las thams cad pa'i chus dkyil 'khor la gtor zhing bsrungs nas rdo rje dang dril bu bzung ste 'khor lo'i phyi rol gyi shar sgor 'dug nas skad cig gis stong pa nyid kyis de ma thag tu bgegs la phur bu gdab cing bsrung ba'i 'khor lo la sogs pa sngon du 'gro bas bsgoms pa'i dam tshig gi dkyil 'khor gyi bdag po'i rnal 'byor dang ldan pas las kyi phyag rgya'am ye shes kyi phyag rgya ma bcu drug lon pa la snyoms par zhugs te/yang dag par bskyod pa'i dga' ba'i sgras drangs pa'i ye shes kyi 'khor lo la zhabs bsil la sogs pa dbul ba sngon du 'gro bas rang gi nang du bcug ste/'dod chags chen pos zhu bar gyur pa rdo rje nas 'thon nas rig ma'i pad+ma'i khongs su spros pa'i ye shes kyi 'khor lo dam tshig gi 'khor lo dang ro mnyam pa nyid du gyur par mos pa bya'o/ / de nas mig dang sku la sogs pa byin gyis brlab pa byas la snying ga'i sa bon gyi 'od kyis bkug pa'i shes rab dang bcas pa'i de bzhin gshegs pa rnams kyis mngon par dbang bskur zhing rang rang gi rigs kyi dbang pos rgyas btab la/ dkyil 'khor gyi 'khor lo spros pa la pi wang ma la sogs pa'i mchod pa'i lha mo rnams kyis mngon par mchod nas so so la ras zung dang gser la sogs pa las byas pa'i rta la sogs pa yang phul nas nye bar spyod pas kyang mchod de rnam pa sna tshogs pa'i bza' ba dang bca' ba phul la pi wang la sogs pa'i mchod pa rnams kyis mngon par mchod nas sgra dang bcas pa'i dril bus dpal ldan zhes bya ba la sogs pa'i tshigs su bcad pa rnams kyis bstod la/rang dang shes rab ma'i khu ba dang rdul pad+ma'i snod du bzhag nas bdud rtsir byas pa dbul bar bya'o/ /des 'khor lo'i dbang phyug la sogs pas bdud rtsi myangs pas yang dag par tshim zhing lhan cig skyes pa'i ye shes bde ba chen po'i rang bzhin can du gyur to snyam du mos pas 'khor lo'i dbang phyug gi sngags brgya rtsa brgyad dang dkyil 'khor pa rnams kyi nyi shu rtsa gcig re dang yi ge brgya pa yang yongs su bzlas nas 'byung po thams cad pa'i gtor ma phul te/sgrub pa'i grogs po yod na gzhag pa byas nas skye bo 'ong du mi gzhug cing slob dpon phyi rol du song nas rnga yab dkar po dang gdugs dang rgyal mtshan dang ba dan yongs su grags pa'i glu dang sil snyan la sogs pa byed cing shar gyi phyogs kyi char nye bar zhugs nas rang gi 'dod pa'i lha dang phyogs skyong la sogs pa rnams la 'byung po thams cad pa'i gtor ma dbul bar bya'o//de la chu snod kyi snod la sogs pa'i snod rnams su bza' ba la sogs pa sna tshogs pa khur ba dang nya dang sha la sogs pa dang bza' ba dang bca' ba dang 'bras bu ste/so so'i yo byad rnams gtor ma'i chus bran te bshams la der yaM yig las rlung gi steng du raM las skyes pa'i me AHlas skyes pa'i mgo bo'i sgyed [(]po [,]pu [)]gsum btsugs pa'i steng du gzhag pa'i pad+ma'i snod rnam par bsams nas der ji srid bza' ba la sogs pa la oM trAM A khaM hUM lAM mAM pAM tAM bAM las skyes pa'i bdud rtsi lnga sgron ma'i rang bzhin rnams rlung gi dkyil 'khor gyi stobs bskul bas 'bar zhing me'i gdung bas zhu bar bltas nas de'i steng du AHyig las byung ba'i kha chod kyi rnam pa bdud rtsi'i rang bzhin gyi kha T+wAM ga de'i rlangs pas zhu nas dngul chu lta bur yang dag par 'dres te bsil bar gyur par bsam mo//de'i steng du oM AH hUM zhes bya ba'i yi ge gsum bltas nas de'i 'od zer rnams kyis phyogs bcu ni gnas pa'i dpa' bo dang dpa' mo'i dbang phyug rnams kyis ye shes kyi bdud rtsi bkug nas yi ge gsum po de nyid du gzhug par bya zhing /oM yig la sogs pa rnams kyang zhu bar gyur par bltas nas yi ge gsum nyid kyis byin gyis brlab par bya'o//de nas dpal sdom pa'i bdag nyid can rdo rje'i slob dpon gyis bkod pa'i dri bzang la sogs pa'i maN+Dal du bcu gsum gyi bdag nyid can mngon par mchod nas rkang pa brgyad pa'i sngags kyis bstod de rang gi snying ga'i sa bon gyi 'od kyis khro bo dang bcas pa'i rtsibs bcu pa'i srung ba'i 'khor lo'i lte bar chud pa bcu gsum gyi bdag nyid can gyi dkyil 'khor las phyi rol shar la sogs pa'i phyogs su dbang po la sogs pa 'khor dang bcas pa rnams dpag tu med pa'i sems can rnams kyang dpral bar 'bar ba'i phyag rgya bskor zhing phe yig lan gsum brjod pa'i sgras nam mkhar spyan drang bar bya'o//oM kak+ka kaT+Ta ban+d+ha na khak+kha khA da na sarba du Sh+TA nA ha na ha na g+ha g+ha g+hA ta ya a mu ka s+ya shAn+tiM ku ru hUM hUM phaT phaT swA hA/ zhes bya ba 'dis zla ba la sogs pa dgug par bya'o/ /de dag thams cad kyang stong pa nyid kyi rjes la rang gi rig ma dang snyoms par zhugs pa'i sdom pa'i gzugs can du bltas nas zhabs bsil la sogs pa dbul ba sngon du 'gro ba'i 'khor gsum rnam par dag pas g.yon pa'i lag pa'i mthil na gnas pa'i zla ba la hUM las skyes pa'i sna tshogs rdo rje'i lte bar bdud rtsi'i snod gzhag cing bkod nas g.yas pa'i rdo rje khu tshur gyis sdigs mdzub bstan par bya zhing bcom ldan 'das shes rab ma dang bcas pa dang /mkha' 'gro ma la sogs pa rnams la yang ste phyogs g.yon skor gyis dang phyogs bral g.yas skor gyis bskor zhing /oM badzra DA ka i maM ba liM gr-i g+Na hUM phaT/ oM dzaHhUM baM hoHsa ma ya s+t+waM dr-i sh+ya hoHzhes pa'i sngags lan gcig gam gnyis sam gsum mam bzhi'am lngar brjod de des dbul bar bya'o/ /de'i rjes su srung ba'i 'khor lo la gnas pa'i khro bo bcu po rnams la oM kha badzra d+h+raM ka badzra hUM kA ra badzra i maM ba liM gr-i h+Na gr-ih+Na a mu ka se shA+e n+tiM rak+Shany+tsa ku ru hUM phaT ces lan cig brjod pas so//de bzhin du spel ba dang bcas pa rnams kyis te/ oM badzra daN+Da badzra hUM phaT/ oM badzrA na lAk+ka badzra hUM phaT/ oM badzra kuN+Da li badzra hUM phaT/ oM badzra dza k+Sha badzra hUM phaT/oM badzra kA la badzra hUM phaT/ oM badzra ma hA ba la badzra hUM phaT/ oM badzra b+hI Sha Na badzra hUM phaT/ oM badzro Sh+NI Sha tsakra bar+t+ti badzra hUM phaT/ oM badzra pA tA la badzra hUM phaT/ ces sngags bcu rnams kyis kun du bsgyur nas steng dang 'og rnams su yang gtor ma dbul bar bya'o//de'i phyi rol gyi dbang po la sogs pa rnams la yang gtor ma oM kha kha khA hi khA hi sarba yak+Sha rak+Sha sa b+hU ta pre ta pi shA tson+ma dA pasmar DA ka DA ki nI da ya i maM ba liM gr-ih+Na n+tu sa ma yaM rak+Sha sarba sid+d+hi m+me pra ya ts+tsha n+tu hUM hUM phaT phaT swA hA/ zhes kun du bsgyur zhing steng dang 'og tu yang lan bzhir brjod pas dbul bar bya zhing yi ge brgya pa yang brjod de oM badzra he ru ka sa ma ya ma nu pA la ya he ru ka twe no pa tiSh+Tha dr-i D+ho me b+ha ba/su to Sh+yo me b+ha wa/ so po Sh+yo me b+ha ba/ a nu rak+to me b+ha ba/ sarba sid+d+hi m+me pra yats+tsha sarba karma su tsa me/ tsit+taM shre yaHku ru hUM ha ha ha ha ho/ b+ha ga wAn badzra he ru ka mA me muny+tsa he ru ko b+ha ba ma hA sa ma ya satwa AH hUM phaT ces bya'o//dkyil 'khor gyi bdag po nas brtsams te lha dag hUM las skyes pa'i rdo rje rtse gcig pa dmar po'i ljags kyi 'od zer gyi rgyun gyis drangs nas bdud rtsi myang zhing yang dag par tshim ste stong pa nyid du ro gcig pa'i bde ba chen po'i rang bzhin du gyur to snyam du bltas nas zhal bsil dang phyag tu 'thor 'thung dang tam+bu la la sogs pa phul nas yang dag par mchod pa'i bya ba phun sum tshogs pa la 'bad cing bzod par gsol nas rang gi 'dod pa'i lha'i 'khor lo bdag nyid la gzhug cing dbang po la sogs pa'i phyogs skyong ba rnams kyang bsgrub bya'i dkyil 'khor gyi 'khor lo'i phyi rol phyogs bcu rnams su bsrung ba la sogs pa mngon par 'dod pa'i dbang gis bzhugs su gsol nas de nas nye reg bya'o//de nas slob dpon dkyil 'khor gyi dbang bo'i gzugs kyis me tog gi phreng ba blangs la/hUM hUM gi yi ges bsgyings pa byas la hIH hIH'i yi ges 'jigs par byed cing rol pa'i rdo rje'i rkang stabs kyis gar byas nas rdo rje'i shugs kyis dkyil 'khor du zhugs te rdo rje gsor dril bu dkrol la rdo rje'i rkang stabs kyis de kho na bzhin du oM hUM phaT ces bya ba dang oM hUM ha na mA ra ya du Sh+TA na g+hA ta ya g+hA ta ya aHaHhUM hUM phaT ces bya ba dang /oM hUM AHAH phaT ces bya ba dang / oM hUM AHphaT ces bya ba'i sngags bzhi brjod pas shar dang byang la sogs pa'i sgo'i slob dpon rnams dang lhan cig bskor ba gsum byas nas lhag pa dang chad pa'i nyes pa zhi bar bya ba'i phyir 'khor lo la bltas te me tog bcom ldan 'das la phul nas shar dang byang la sogs pa'i rim pas nub la sogs pa'i phyogs su gnas te/oM badzra ud+g+ha Ta ya sa ma ya pra be sha ya hUM zhes brjod cing sgo phye nas oM sa ma yaM pra bi shA mi zhes brjod nas slar yang gar byas te me tog gi phreng ba blangs la mgo bor bcing zhing phyogs dang phyogs bral du dri dang bdug spos la sogs pa'i mchod pa chen po rdzogs par byas nas 'khor lo la phyag byas te/sems can thams cad la dngos grub thams cad kyi bka' drin mdzad du gsol zhes gsol ba gdab cing bzlas pa bya'o zhes bya ba ni dkyil 'khor bsgrub pa'o// //de nas rdo rje slob dpon snga bar dkyil 'khor gyi khang par zhugs nas bsrung ba'i don du las thams cad pa'i sngags bzlas pa'i mthar gtor ma phul nas dkyil 'khor gyi khang pa nas 'thon te slob ma rnams bos la rmi lam dris nas mi dge ba rmis par gyur na de rnams thams cad pa'i sngags kyis yang dag par bsrungs la/de rnams kyis dkyil 'khor sngon du 'gro ba'i/ oM pra be sha b+ha ge wAn ma hA su kha pra daM pa ra su khat+to ma sid+d+h+ya r+tha dzaH hUM bra sid+d+h+ya su zhes gus pa dang bcas shing spro bas zhugs nas dkyil 'khor gyi khang par ji ltar 'byor bas yang dag par mchod pa byas nas lha'i 'khor lo mngon du gyur par bltas te/dkyil 'khor gyi bdag po bla mar mos pa byas nas 'chad par 'gyur ba'i slob ma gzhug pa'i cho ga'i rim gyis dkyil 'khor du zhugs nas sbyin par bya bzhin pa'i dbang bskur ba rjes su gnang ba'i mthar thug pa thob nas dkyil 'khor gyi 'khor lo dang bcas pa'i dkyil 'khor gyi bdag po 'dod chags chen po las byung ba'i de kho na nyid bde ba chen po'i rang bzhin can gzugs brnyan lta bu zung du 'jug pa rdo rje 'chang chen po'i rang bzhin gnyis su med pa'i ye shes su rig par byas nas slob ma gzhug pa'i phyir dkyil 'khor gyi dngos grub gsol bar bya ba ni 'di yin te/nam mkha' las byung mtshan ldan phyir//thog ma tha ma med pa'i mchog /sems dpa' rdo rje che rang bzhin/ /dpal ldan sdom par bdag deng bsgrubs/ /dngos grub chen po kun gyi mchog /dbang phyug chen po gdod ma'i lha/ /rdo rje 'dzin pa kun gyi rgyal/ /mi 'gyur mchog tu bdag sgrubs shig /nyes pa med pa rtags pa ste//'dod chags kun gyis rjes su chags/ /'dod chags chen po dga' ba che/ /bcom ldan de nyid kyis bdag sgrubs/ /shin tu dga' ba chos kyi mchog /gdod nas grol ba de bzhin gshegs/ /kun du bzang po kun gyi bdag /byang chub sems dpa' bdag sgrubs shig /dngos grub chen po kun gyi mchog /dbang phyug chen po phyag rgya'i mchog /grub pa'i rdo rje che ba'i mchog /rdo rje snyems bdag bdag sgrubs shig /sems can kun gyi yid khyab pa/ /sems can kun gyi snying la gnas/ /sems can kun gyi yab kyang yin/ /dam tshig mchog gi 'dod pa'i mchog /ye shes dam pa'i bden gang gis/ /dkyil 'khor thabs dang shes rab bdag /bden pa de yis mgon khyod kyis/ /bdag gi 'dod pa yongs rdzogs mdzod/ /chos rnams gzugs brnyan lta bu ste/ /gsal zhing dag la rnyog pa med/ /gzung du med cing brjod du med//rgyu dang las las kun du byung / /de bzhin nyid las nges par byung / /bden pa de yis dkyil 'khor du/ /gzugs brnyan gsal ba slob ma rnams/ /kun gyis sgrib med mthong bar shog /ces brjod do zhes bya ba ni slob dpon 'jug pa'o// //de nas yol ba'i phyi rol na gnas pa'i slob ma rnams khrus dang dri bzang po la sogs pas dag byed byas shing sbyin la g.yas kyi las thams cad pa'i chus mngon par gtor nas rnam par snang mdzad kyi gzugs su dmigs te snying ga dang mgrin pa dang spyi bo rnam su rdo rje dang pad+ma dang 'khor lo rnams la gnas pa nyi ma dang zla ba la gnas pa'i hUM nag po dang /AHdmar po dang oM dkar po bsgoms nas las thams cad pa'i sngags bzlas pa'i gos dmar po bskon zhing / oM sarba ta thA ga tA nut+ta ra bo d+h+ya lang+kA ra bsta pU dza me g+ha sa mu dra s+phar Na sa ma ya hUM zhes pas smad g.yogs byas te/ de bzhin du oM badzra rak+Sha haM zhes pas bla gos byas la oM badzro Sh+NI Sha hUM phaT ces pas gtsug tor bya zhing /oM tsak+Shu rban+d+ha ba ra ma na ya hUM zhes pas mig ras dmar po bcings te AH khaM bI ra hUM zhes pas me tog gi phreng ba gzung zhing hUM zhes brjod de las kyi rdo rje can gyis shar sgor gzhag pa de la gzhug pa'i phyir kye dga' ba la dga' ba khyod su yin zhes dris pa na des kyang /bde chen bdag ni skal ba bzang po lags/ /zhes smra bar bya'o/ /oM sarba yo ga tsit+ta su da yA mi zhes brjod cing byang chub tu sems bskyed par gyur pa de'i snying gar me tog dang bcas pa'i rdo rje bzung nas oM su ra te sam ya s+thaM hoH sid+d+ha badzra ya thA su khaM zhes byin gyis brlabs la/deng khyod de bzhin gshegs pa thams cad kyis byin gyis rlob par 'gyur gyi/ khyod kyis kyang de bzhin gshegs pa thams cad kyi gsang chen dam pa'i dkyil 'khor dum zhugs pa la smra bar mi bya zhing / ma dad pa rnams la yang ma yin no zhes brjod nas/oM khaN+Da ro he hUM hUM phaT swA hA/ zhes brjod cing khrid la AH khaM bI ra hUM zhes brjod pas yol ba'i nang du bcug nas ma hA ra ta su dr-i D+ha su to Sh+ya su su kho badzra satwa a d+ya sid+d+h+yi maM zhes brjod cing bskor ba byas thal mo sbyar te dkyil 'khor gyi shar sgor 'dug nas oM sarba bI ra DA ki nI pU dzo pas+thA na yAt+ma nAM niR+Ya ta yA mi sarba bI ra DA ki nI pra dz+nyo pA yAt+ma naM sam+ba rA d+hi tiSh+Tha mAM zhes bya bas dbus su'o//oM sarba bI ra DA ki nI pU dzo bas+thA nA yAt+ma nAM ni R+YA ta yA mi sarba bI ra bI ri Ni DA ki n+yA d+hi tiSh+Tha mAM zhes bya bas shar la'o/ /oM sarba bI ra DA ki nI pU dza karma Ne At+ma naM ni R+YA ta yA mi sarba bI ra DA ki nI lA mA badzra karma ku ru mAM zhes pas byang la'o//oM sarba bI ra DA ki nI DA ki nI pU dzA pra bar+t+ta nA yAt+ma nAM ni R+YA ta yA mi sarba pI ra DA ki nI khaN+Da ro h+Sha badzra d+harma pra bar+t+ta ya mAM zhes pas nub tu'o/ /oM sarba bI ra DA ki nI pU dzA b+hi Shi kA yAt+ma nAM ni R+YA ta yA mi sarba bI ra DA ki nI rU pi nI badzra rat+nA b+hi Shany+tsi mAM zhes pas lhor ro//oM gu ru tsa ra No bas+thA nA yAt+ma nAM ni R+YA ta yA mi/ oM sarba satwa pa ri trA NA r+tha yAt+ma nAM ni R+Ya ta yA mi zhes bla ma la phyag byas na/ 'di brjod par bya ste/ deng khyod de bzhin gshegs pa thams cad kyi rigs su zhugs kyis/ des na ngas rdo rje'i ye shes bskyed par bya ste ye shes gang gis khyod kyis de bzhin gshegs pa thams cad kyi dngos grub rnams kyang 'thob par 'gyur na/dngos grub gzhan rnams lta smos kyang ci dgos/ khyod kyis 'di dkyil 'khor ma mthong ba rnams kyi mdun du smra bar mi bya ste/ khyod dam tshig nyams par gyur te re zhes brjod nas spyi bor rdo rje gzung zhing dril bu dkrol bas/khyod kyi dam tshig rdo rje 'di/ /gal te khyod kyis 'ga' zhig la/ /'di smras na ni mgo bo 'gems/ /zhes bsgrags la snying gar me tog dang bcas pa'i rdo rje bzung nas/ oM de ring rdo rje sems dpa' rang //khyod kyi snying la yang dag bzhugs/ /gal te tshul 'di smras na ni/ /de ma thag tu dral de gshegs/ /zhes bka' bsgos nas las kyi bum pa'i steng gi pad+ma'i snod na gnas pa'i bdud rtsi lnga yi ge gsum gyis byin gyis brlabs la/ oM badzrA mr-i to da ka ThaHzhes lan bdun bzlas te/'di ni khyod kyi dmyal ba'i chu/ /dam tshig 'das na sreg par byed/ /dam tshig bsrungs na dngos grub ste/ /rdo rje bdud rtsi'i chu 'thung zhig /ces brjod la/ de nas dam tshig brtan pa'i slob ma la 'di smra bar bya ste/ deng nas brtsams te khyod kyi he ru ka nga yin gyis/ ngas 'di gyis shig ces smras pa de khyod kyis bya dgos so/ /khyod kyis nga la brnyas par yang mi bya ste/ khyod yang ba ma spangs par dus kyi bya ba byas dmyal bar ltung bar 'gyur te re zhes brjod do/ /dam tshig gi chu sbyin pa'o/ /skad cig gis stong pa nyid kyi de ma thag tu slob ma AHyig las skyes pa'i 'od dpag med kyi gzugs can gyi de bzhin gshegs pa thams cad kyis byin gyis rlobs la rdo rje sems dpa' bdag la dbab tu gsol zhes brjod nas de'i snying gar laM las byung ba'i rtse gsum pa'i rdo rjes mtshan zhing gru bzhi pa'i sa'i dkyil 'khor ser bo la gnas pa'i nyi ma la hUM yig sngon po spyi bor baM las byung ba'i bum pa dkar zhing zlum pas mtshan pa'i chu'i dkyil 'khor la zla bar ha yig dkar po mgrin par yaM las byung ba'i g.yo ba'i ba dan gnyis kyis mtshan pa'i rlung gi dkyil 'khor sngon po gzhu lta bu zla bar A yig dmar po/rang gi thugs ka'i sa bon gyi 'od kyis thugs dang sku dang gsung rdo rje ro gcig pa bsgoms nas rkang pa dag gi 'og tu rlung gi dkyil 'khor gyis sbar ba'i ra yig yongs su gyur pa las ras mtshan pa'i nyi ma gru gsum pa'i 'od zer rlung gi dkyil 'khor la gnas pa'i dz+haiHyig dmar pos hUM la sogs pa'i 'od kyis lus bkang nas dz+haiHyig gi 'od kyi shugs kyis slob ma 'degs bzhin pa la gu gul gyi du bas bdug cing dril bu dkrol bas gar byed cing A be sha ya sto b+ha ya ra ra ra ra tsA la ya hUM haH AH dz+haiHzhes pa'i sngags rnam pa brgyar brjod cing bsam gtan la gzhol bas 'bebs par byed do//phebs pa'i slob ma 'dod chags rdo rje'i gzugs can du rnam par bsams nas de'i lce la AHyig dmar po gsung rdo rje dang ro gcig pa zla ba la gnas pa'i 'od zer dang bcas par bsgoms nas brU hi badzra zhes brjod par bya'o//de lta na 'di dge ba dang mi dge ba bden par smra bar 'gyur ro/ /de nas oM tiSh+Tha badzra zhes brtan par byas nas de rnams la ci snang zhes dris nas de rnams kyis smras pa'i dkar po dang ser po dang dmar po dang nag por snang na zhi ba dang rgyas pa dang dbang dang mngon spyod kyi dngos grub [(]gyi [,]kyi [)]skal ba dang ldan par 'gyur ba yin no zhes brjod do//de nas zhugs pa'i lha snying ga'i sa bon gyi 'od kyis bkug nas rang gi snying ga'i sa bon la thim par bsgoms te slob ma'i mgo bor rdo rje bzung nas/oM khyed kyis zhes bya ba la sogs pa sngon du 'gro ba'i hUM haHAH dz+haiH muHzhes gshegs su gsol bar bya'o/ /de nas slob ma'i mthe bong gnyis nas rdo rje dang bcas pa'i lag pas bzung ste rdo rje'i rkang stabs kyi tshul gyis gar byas nas las thams cad pa brjod cing bskor ba gsum byed du bcug nas bden pa'i byin rlabs zhes bya ba brjod de/yang dag pa yi dkyil 'khor 'dir/ /bdag gis slob ma gzhug pa 'di/ /lha rnams rigs kyi rim pa ni//bsod nams dam pa'ang de ltar shog /'di yi dngos grub ci 'drar 'gyur/ /rigs ni gang gi snod du 'gyur/ /bsod nams mthu yang ci 'dra ba/ /de 'drar dkyil 'khor du gyur cig /ces bya ba'o/ /de nas sngar gzung ba'i me tog gi phreng ba trAM yig gis byin gyis brlabs par bsams nas mdun na gnas pa'i 'khor dang bcas pa'i dkyil 'khor gyi dbang phyug la dmigs nas de'i dbu la sngar gzung ba'i trAM yig gis byin gyis brlabs pa'i me tog hUM yig gis dor bar bya ste/pra tI ts+tsha badzra ho zhes brjod do/ /de nas me tog lhung ba na dman pa dang 'bring dang mchog gi dngos grub rnams mtshon par bya'o//de la gal te sangs rgyas rnams kyi mdzod spu'am gtsug tor ram dbu la phog na phyag rgya chen po'i dngos grub bo/ /spyan nam zhal la phog na sngags kyi dngos grub bo/ lus kyi mchog la ni mchog go//lus kyi bar la ni 'bring ngo / /'og gi cha la ni dman pa'o/ /sku las ha cang ring ba la yun ring bos so/ /nye ba la ni dngos grub myur ro/ /lha rnams kyi rang gi gnas ni re mig la sogs pa rnam par bcad pa las shes par bya'o/ /gal te lha gnyis kyi bar du lhung na de'i tshe me tog de gang la nye ba de'i rigs su 'gyur ro//dkyil 'khor gyi phyi rol du lhung na dngos grub phra mo'o/ /re khA rnams la lhung na de'i tshe slar yang dor ro zhes pa ni me tog dor ba'o/ /de'i rjes su phreng ba de rnams slob ma'i spyi bor bcing zhing pra ti gr-ih+Na T+waM i maM satwa ba la zhes brjod do//de nas slob ma'i snying ga'i zla ba la bdag po dang dpral bar ra dang / mig gnyis la slar yang oM mig gnyis 'od zer dang bcas pa bsgoms nas/ oM de ring rdo rje sems dpa' rang / /khyod kyi mig ni 'byed par brtson/ /rdo rje'i mig ni bla med pa/ /phye bas thams cad mthong bar 'gyur//zhes brjod cing gdong g.yogs bsal bar bya'o/ /kye'i rdo rje ltos shig ces brjod nas dkyil 'khor gyi lha rnams kyi ming brjod pa sngon du 'gro bas sgo skyong nas brtsams te bdag po'i mthar thug par bstan nas/ da ni dad pa'i shugs kyis su/ /dkyil 'khor 'di de nyid la ltos//khyod ni sangs rgyas rigs su skyes/ /sngags dang phyag rgyas byin gyis brlabs/ /dngos grub thams cad phun sum tshogs/ /dam tshig mchog tu khyod 'gyur gyi/ /rdo rje pad+ma rtse rol pa/ /gsang sngags rnams la bsnyen bkur gyis/ /zhes brjod la rdo rje'i dkyil 'khor dkyil 'khor chen por bdag zhugs so//rnal 'byor dkyil 'khor dkyil 'khor chen po bdag gis mthong / /gsang ba'i dkyil 'khor dkyil 'khor chen por bdag dbang bskur/ /zhes brjod du bcug nas/ hoHhoHhoHhoHzhes dam tshig brjod par bya'o zhes bya ba ni slob ma la gzhug pa'o// //de nas slob ma rnams kyis dbang bskur ba'i don du ji ltar 'byor pa'i yon phul nas yan lag lngas phyag byas te pus mo'i lha nga sa la btsugs nas thal mo sbyar ba byas te/ byang chub rdo rjes sangs rgyas la/ /mchod chen ji ltar stsal ba ltar/ /bdag kyang rab tu bsgral ba'i phyir//nam mkha'i rdo rje deng bdag stsol/ /zhes gsol ba gdab bo/ /de nas slob dpon gyis slob ma la dbang bskur ba'i don du rtsa ba'i dkyil 'khor las shin tu mi ring bar sna tshogs pad+ma 'dab ma brgyad pa la rigs lnga'i mtshan ma can gyi 'dab can gyi chu skyes la 'dug tu bcug nas slob ma rdo rje 'chang gi gzugs su bsgyur bar bya'o//de nas rang gi snying ga'i sa bon las 'thon pa'i 'od kyi tshogs rnams kyis bkug pa'i dpa' bo dang mkha' 'gro ma'i tshogs rnams mchod nas/ rdo rje can gyis sangs rgyas la/ /'gro ba skyob pa'i ched du dbang //yon tan 'byung gnas ji ltar stsal/ /de ltar 'di la stsal du gsol/ /zhes gsol ba btab pas shes rab dang thabs dag snyoms par zhugs pa 'dod chags chen pos zhu bar gyur te dkyil 'khor gyi bdag po la thim zhing zhugs nas rdo rje nas 'thon te zhu ba rnams phag mo'i pad+mar zhugs te slob ma rdo rje mkha' 'gro ma'i gzugs su gyur pa shes rab dang bcas shing ye shes sems dpa' dang dbyer med pa la dbang bskur nas slar yang phyag dang zhal la sogs pa'i sku rnams kyis pad+ma las phyir phyung ba la nam mkha' gang bar bzhugs pa rnams kyis gdugs dang rgyal mtshan dang ba dan dang na bza' dang glu dang rol mo'i sgra dang me tog dang gur kum la sogs pa'i char rnams kyis sgo skyong dang mthun par kha gdong ma la sogs pas phyag gis cung zad yo bar gzung ba'i byang chub kyi sems kyi bdud rtsis gang ba'i rin po che'i bum pa'i chu rnams kyis dbang bskur bar gyur pa na pi wang ma la sogs pa'i mchod pa'i lha mo rnams kyis spro ba chen po mdzad nas mchod cing bkra shis kyi glu len par lta ste/bkra shis gang zhig sems can kun gyi snying la gnas/ /kun gyi bdag nyid rigs kun gyi ni bdag po mchog /ma lus sems can skyed mdzad bde ba chen po ste/ /des ni deng khyod dbang bskur mchog la bkra shis shog /phun sum tshogs pa mnga' ba gser gyi ri bo 'dra/ /'jig rten gsum gyi mgon po dri ma gsum spangs pa/ /sangs rgyas pad+ma rnam rgyas 'dab 'dra'i spyan mnga' ba//des ni khyod la de ring zhi byed bkra shis shog /de yis nye bar bstan pa mchog rab mi g.yo ba/ /'jig rten gsum ni grags shing lha dang mi yis mchod/ /chos mchog skye dgu rnams la rtag tu zhi byed pa/ /des ni khyod la de ring zhi byed bkra shis shog /dam chos ldan pa thos pa'i bkra shis kyis phyug cing //dge 'dun mi dang lha dang lha min yon gyi gnas/ /tshogs kyi mchog rab ngo tsha shes dang dpal gyi gzhi/ /des ni khyod la de ring zhi byed bkra shis shog /ces rang nyid kyis brjod la dang por rnam par rgyal ba dang de nas mkha' 'gro ma la sogs pa rnams kyi rim pas dang / de nas khwa gdong ma la sogs pa rnams kyi dang /de nas gshin rje brtan ma la sogs rnams kyi bum pa'i chus so/ /yang na bum pa thams cad nas chu blangs la bsdus pas rnam par rgyal ba'i bum pa'i chu yal 'dab dang bcas pa'i rdo rje'i rtse mo las 'dzag pas/ dbang bskur rdo rje chen po ni/ /khams gsum pa yis phyag byas pa//sangs rgyas kun gyi gsang gsum gyi/ /gnas las byung ba sbyin par bya/ /zhes brjod cing oM AHbadzro da kA b+hi Shiny+tsa hUM su ra s+t+waM a haM/ zhes dbang bskur bar bya'o zhes bya ba ni chu'i dbang ngo // //de nas byang chub rdo rje zhes bya ba la sogs pas bla ma la gsol ba btab par gyur pa'i slob ma mAHdang rin po che las skyes pa'i rin chen mkha' 'gro'i gzugs can ye shes sems dpa' dang dbyer med pa la nam mkha' la bzhugs pa'i dpa' bo dang mkha' 'gro ma rnams kyis bum pas dbang bskur bar gyur pa na pi wang ma la sogs pa'i mchod pa'i lha mo rnams kyis mchod cing bkra shis kyi glu len zhing /dbang bskur rdo rje chen po ni/ /zhes bya ba la sogs pa'i tshigs su bcad pa brjod nas rang gi rigs kyi bdag po gtso bor gyur pa'i mkha' 'gro lngas byin gyis brlabs pa slob ma'i mgo bor bskon zhing oM AHbadzra mu ku TA b+hi Shiny+tsa hUM su ra ta s+t+waM a haM zhes dbang bskur nas badzra tu Sh+ya hoHzhes yongs su dgyes par bya'o zhes bya ba ni cod pan gyi dbang ngo //oM hUM trIaM hrIHaHzhes bya ba 'dis dpral bar dar dpyangs bcing bar bya ste/ de bzhin du gsol ba btab par gyur pa hrIH dang pad+ma yongs su gyur pa las slob ma pad+ma mkha' 'gro'i gzugs can ye shes sems dpa' dang dbyer med pa la nam mkhar bzhugs pa'i dpa' bo dang mkha' 'gro ma rnams kyis bum pas dbang bskur bar gyur pa la pi wang ma la sogs pa'i mchod pa'i lha mo rnams kyis mchod pa dang bkra shis kyi glu len pas/dbang bskur rdo rje chen po ni/ /zhes bya ba la sogs pa'i tshigs su bcad pa brjod nas/ sangs rgyas rnams kyis rdo rje yi/ /dbang gis de ring khyod dbang bskur/ /'di de sangs rgyas thams cad nyid/ /rab tu grub phyir rdo rje gzung //zhes slob ma'i snying ga dang mgrin pa dang mgo bor reg nas pad+ma mkha' 'gro'i bdag nyid can gyi rdo rje de lag pa g.yas par sbyin no zhes bya ba ni rdo rje'i dbang bskur ba'o// //de kho na bzhin du gsol ba btab par gyur pa'i slob ma khaM dang ral gri las skyes pa'i las kyi mkha' 'gro'i gzugs can ye shes sems dpa' dang dbyer med pa la nam mkhar bzhugs pa'i dpa' bo dang mkha' 'gro ma rnams kyis bum pas dbang bskur bar gyur pa na pi wang ma la sogs pa'i mchod pa'i lha mo rnams kyis mchod cing bkra shis kyi glu len pas//dbang bskur rdo rje chen po ni/ /zhes bya ba la sogs pa'i tshigs su bcad pa brjod nas/ oM badzrA d+hi pa ti twA ma b+hi Shiny+tsa mi tiSh+Tha badzra sa ma ya s+t+waM zhes dril bu sna tshogs mkha' 'gro'i bdag nyid can lag pa g.yon par byin nas/ oM badzra g+haN+Te aHaHgri hI to si ma yA b+ha ga wAn ma yi san+ne hi to b+ha ba zhes brjod par bya'o zhes bya ba ni dril bu'i dbang gi cho ga'o// //de nas gsol ba btab par gyur pa'i slob ma oM dang 'khor lo las skyes pa'i 'khor lo'i mkha' 'gro'i gzugs can ye shes sems dpa' dang dbyer med pa la nam mkha' la bzhugs pa'i dpa' bo dang mkha' 'gro ma rnams kyis bum pas dbang bskur bar gyur pa na pi wang ma la sogs pa'i mchod pa'i lha mo rnams kyis mchod cing bkra shis kyi glu len pa sa rdo rje dang dril bu spyi bor yang dag par bzung ste/dbang bskur rdo rje zhes bya ba la sogs pa'i tshigs su bcad pa brjod nas/ oM badzra satwa twA ma b+hi Shiny+tsA mi badzra nA mA b+hi She ka ta/ kye'i che ge mo rdo rje ni khyod do zhes 'khor lo can ming gi dbang bskur bar bya ste/ rigs dang rjes su mthun pa las so zhes bya ba ni ming gi dbang bskur ba'o//lnga po 'di rnams kyis dbang bskur bas rgyud nyan pa dang bshad pa la dbang bar 'gyur ro/ /ma rig pa'i mi mthun pa'i phyogs nyid kyi phyir rig pa'i dbang zhes brjod par bya'o// //de nas/ rdo rje slob dpon dbang bskur ba/ /thugs rje'i gter kye bdag la stsol//gang gis bdag ni khyod drin las/ /rang dang gzhan don nus par 'gyur/ /'khor lo phyir mi ldog pa'i dang / /mgon pos bdag la stsal nas kyang / /'khor lo lha yi de nyid dang / /slob dpon gyi ni phrin las dang / /sangs rgyas kun gyi dam tshig dang //sdom pa gsang mchog bshad du gsol/ /sems can kun gyi don gyi phyir/ /bdag ni nges par slob dpon 'gyur/ /zhes gsol ba btab par gyur pa'i slob ma'i steng du gdugs dkar po gzhag cing seng ge'i gdan la bkod nas rigs lnga'i mtshan mas mtshan pa'i 'dab ma sna tshogs pa'i chu skyes kyi ze'u 'bru la 'dug tu bcug ste rnam par bkra ba'i gos dang rgyan gyis brgyan la hUM dang rdo rje las skyes pa'i rdo rje sems dpa'i gzugs can ye shes sems dpa' dang dbyer med par dmigs nas/thog mtha' med pa'i sems dpa' ni//rdo rje sems dpa' dga' ba che/ /rdo rje snyems ma'i bdag po'i bdag /bcom ldan 'das dpal mchog dang po'i skyes bu'o zhes bya ba 'dis rdo rje hUM las skyes pa'i rdo rje sems dpa'i bdag nyid can de kho na nyid kyis gzung bar bya'o zhes bya ba ni rdo rje'i dam tshig go//'di de sangs rgyas thams cad kyi/ /shes rab dbyangs kyi rjes 'gror bshad/ /khyod kyis kyang ni rtag tu bcang / /byang chub mchog tu rgyal rnams bzhed/ /ces brjod cing AHyig las skyes pa'i dril bu de kho na nyid kyis gzung bar bya'o//de ni de rnams kyis dkrol bar bya ste/ /srid pa ngo bo nyid kyis dag /ngo bo nyid kyis srid bral byas/ /rang bzhin dag pa'i sems dpa' mchog /mchog gi srid pa byed par 'gyur/ /zhes brjod de dril bu'i dam tshig go/ /yid kyi lus ni rten byed pas//phyag rgya'i dam tshig tu ni bshad/ /lus ni thams cad rten byed pa/ /gang yin des na phyag rgyar grags/ /zhes pa ye shes kyi phyag rgya byin gyis brlabs pa'i phyir 'dod pa lnga la nye bar longs spyod pas phyag rgya chen mo la sogs pa'i dngos grub thams cad bsgrub par bya'o zhes byin nas kha sbyor gyi rim pas phyag rgya la 'khyud pa'i tshul byed du gzhug go zhes bya ba ni phyag rgya ma'i dam tshig go//de ltar dam tshig gsum dang ldan pa'i slob ma rdo rje sems dpa'i gzugs can la rang gi snying ga'i sa bon gyi 'od zer gyis bkug pa'i dpa' bo dang mkha' 'gro ma rnams kyis dbang bskur bar dmigs nas/dbang bskur rdo rje chen po ni/ /zhes bya ba la sogs pa'i tshigs su bcad pa brjod cing / oM AHsarba ta thA ga tA b+hi She ka sa ma ya shri ye hUM swA hA zhes brjod de rnam par rgyal ba'i bum pa'i chus dbang bskur bar bya'o//de nas mi bskyod pa cod pan du rnam par bsams nas de bzhin gshegs pa gzhan rnams dang lha mo rnams kyang ye shes sems dpa'i ngo bos bzhugs par bya'o/ /oM su pra tiSh+Tha ta badzre swA hA/zhes byin gyis brlabs la mchod par bya'o/ /de skad du yang shes rab bcu drug lon pa la/ lag pa dag gis yang dag 'byung / /rdo rje dril bu mnyam sbyor ba/ /slob dpon gyi ni dbang du 'dod/ /ces gsungs so/ /de'i rjes su mdor bsdus pas dkyil 'khor gyi de kho na nyid dang rnam par dag pa yang brjod par bya'o//dkyil 'khor pad+ma zhes bshad de/ /yid kyi dkyil 'khor mchog yin no/ /khang pa brtsegs pa zhes bya ba/ /ye shes sems dag brtsegs shing bsdus/ /phung po lnga ni mdor bsdus nas/ /sangs rgyas lngar ni rab tu grags//zhes so/ /don dam par ni rang bzhin med pa'i bdag nyid can gyi de bzhin nyid kho na dkyil 'khor gyi de kho na nyid dang lha'i de kho na nyid do zhes bya ba ni slob dpon gyi dbang ngo // //de nas slob dpon gyis snying po la sogs pa'i sngags lan gsum bzlas nas/bcom ldan 'di la sbyin lags kyis/ /'di la nye bar mdzad du gsol/ /zhes brjod cing slob ma la sbyin no/ /des ni/ bcom ldan bdag gis gzung lags kyis/ /bdag la nye bar mdzad du gsol/ /zhes sngags bzung nas lan gsum bzla bar bya'o zhes bya ba ni sngags gtad pa'o// //de nas gser gyi thur mas de'i snod na gnas pa'i mar dang sbrang rtsi'i mig sman slob ma'i mig la sraM yig bsams nas oM badzra ne trA ba ha ra pa Ta laM hrIHzhes brjod cing mig sman byug pa'i tshul byas nas 'di brjod par bya ste/thur ldan sman pa'i rgyal po yis/ /ji ltar 'jig rten rab rib bzhin/ /bu khyod kyis ni mi shes pa'i/ /rab rib rgyal ba rnams kyis bsal/ /zhes bya ba ni mig sman no// //de nas slob ma la AHyig bzlas pa'i me long bstan la/chos rnams gzugs brnyan lta bu ste/ /gsal zhing dag la rnyog pa med/ /gzung du med cing brjod du med/ /rgyu dang las las yang dag byung / /rdo rje sems dpa' me long bzhin/ /der ni gsal dag rnyog pa med/ /sangs rgyas kun bdag rang nyid ni//bu khyod kyi ni snying la zhugs/ /rang bzhin med cing gnas med par/ /chos rnams de ltar shes nas khyod/ /sems can don ni mnyam med byos/ /gang phyir skyob rnams sras su skyes/ /zhes bya ba ni me long ngo // //de nas hoHyig las byung ba'i gzhu hoHyig gis byin nas sarba ta thA ga tA nu rA ga ya swa zhes brjod de/slob ma rnams kyis kyang sarba ta thA ga tA nu rA ga yA mi zhes brjod cing bgegs thams cad 'bigs par bsams nas phyogs bzhir mda' bzhi 'phang bar bya ste/ steng du gcig dang 'og tu gzhan no zhes bya ba ni mda' 'phang ba'o// //de nas b+h+rUM yig las skyes pa'i chos kyi 'khor lo oM badzra he tu maM zhes brjod cing slob ma'i lag pa g.yas su AHyig las skyes pa'i dung oM badzra b+ha Sha raM zhes brjod cing g.yon du dbyangs dang po las skyes pa'i glegs bam dbyangs dang po brjod pas dang /dbyangs tha ma las skyes pa'i dril bu/ dbyangs tha ma brjod cing byin nas dril bu dkrol du gzhug ste/ /thams cad nam mkha'i mtshan nyid de/ /nam mkha' la yang mtshan nyid med/ /nam mkha' mnyam par sbyor ba las/ / kun mchog mnyam pa nyid du gsal/ /zhes de'i rjes su 'di skad brjod par bya ste / deng nas brtsams te sems bskyed bcas/ /chos kyi 'khor lo rab tu bskor/ /chos kyi dung ni bla med pa/ /thams cad du yang gang bar gyis/ /som nyi yid gnyis mi bya zhing / / dogs pa med pa'i sems kyis khyod/ /gsang sngags spyod pa'i tshul mchog gang / /'jig rten la ni rtag tu shod/ /de ltar byas na sangs rgyas pa/ /byas pa shes par nye bar brjod/ /rdo rje 'dzin pa de kun yang / /khyod la rnam pa kun du bsrung / /zhes so/ / de bzhin du thun mong gi rjes su gnang pa byin nas rim pas rnam par snang mdzad la sogs pa'i gzugs su dmigs te slob ma la brjod par bya ste/ 'jig rten kun du thams cad du/ /sems can kun la phan pa'i phyir/ /ji ltar 'dul bas sna tshogs pa'i//chos kyi 'khor lo rab tu bskor/ /shes rab thams cad rang bzhin bdag /yid bzhin nor ltar mtho ba yis/ /dogs dang bral zhing zad min par/ /sems can don ni phun tshogs byas/ /chos kyi sgra'i gnas su rdo rje dang / rin po che dang pad+ma dang /las kyi sgra bcug nas rjes su gnang ba rnam pa lnga sbyin par bya'o/ /slob mas kyang bla ma'i zhabs kyi pad+ma gnyis la phyag byas nas/ gtso bos ji ltar bka' stsal pa/ /de ltar bgyi'o zhes brjod do/ /zhes bya ba ni rjes su gnang ba'o// // de nas slob ma rdo rje sems dpa'i gzugs su dmigs nas/ 'di de sangs rgyas thams cad kyi/ /rdo rje sems dpa'i phyag na gnas/ /khyod kyis kyang ni rtag tu bcang / /phyag na rdo rje'i brtul zhugs brtan/ /zhes bya ba 'dis hUM las skyes pa'i rdo rje byin la slob mas kyang /oM sarba ta thA ga ta sid+d+hi badzra sa ma tiSh+Tha e Sha twAM d+hA ra yA mi badzra satwa hrIHhi hi hi hi hUM zhes brjod cing rdo rje gzung bar bya'o zhes bya ba ni rdo rje'i brtul zhugs so// //de nas de bzhin gshegs pa'i spyod lam gyi tshul du chos gos kyi rna ba g.yon pa'i khu tshur gyis gzung ba byas shing g.yas pa mi 'jigs pa'i phyag rgyas/srid pa'i ngan 'gro las bton nas/ /srid pa shin tu dag bya'i phyir/ /rdo rje sems dpa' de bzhin gshegs/ /'di ni nga yis lung bstan bya/ /kye'i che ge mo badzra ta thA ga ta sid+d+h+ya sa ma ya s+t+waM b+hur b+hu ba swaHzhes bya ba 'dis slob ma me tog phog pa dang rjes su mthun pa'i de bzhin gshegs pa'i gzugs su bya'o//gang yang drangs shing 'phags pa'i phyag rgyas lung bstan pa de la de bzhin gshegs pa thams cad dang byang chub sems dpa'i 'khor dang bcas pa'i dkyil 'khor pa rnams kyis mgrin gcig tu bla na med pa yang dag par rdzogs pa'i byang chub tu lung ston par mdzad de phyag rgya dang gsang sngags 'di nyid rab tu bsgoms so zhes dad par bya'o zhes bya ba ni lung bstan pa'o// //de nas slob ma'i snying gar sngags thams cad kyis mngon par bsngags nas lag pa g.yon la kaM ka Na bcings shing mgo bor gdugs bzung bas skor ba byed du bcug nas thal mo sbyar ba dang bcas pa dkyil 'khor gyi sgor gdugs phub nas/rgyud rnams 'dzin par 'gyur ba yi//slob ma 'di ni phul ba lags/ /zhes brjod cing dkyil 'khor gyi dbang phyug la gsol ba btab nas slob ma'i snying la 'bab pa'i tshig 'di skad ces brjod par bya ste/ da ni khyed rnams dkyil 'khor gyi/ /slob dpon sngags dang rgyud 'dzin par//sangs rgyas byang chub sems dpa' dang / /lha rnams dag kyang dgongs par 'gyur/ /sems can kun la brtse don du/ /khyod kyis dkyil 'khor cho ga bzhin/ /rab tu 'bad de bri bar bya/ /mchog tu gsang ba dam pa yi/ /dkyil 'khor mthong zhing zhugs pas na//sdig pa kun las rnam grol 'gyur/ /deng ni khyed rnams bde bar gnas/ /bde chen theg pa 'di las ni/ /phyin chad 'chi ba khyod la med/ /srid pa'i sdug bsngal las khyod 'das/ /srid pa'i mtha' ni shin tu grub/ /deng khyod skye ba 'bras bur bcas//gang la legs par rab tu gnas/ /dam tshig lha rnams dang mnyam par/ /'gyur ba la ni the tshom med/ /sangs rgyas rdo rje can kun gyis/ /de ring tshe ldan dbang bskur bas/ /khams gsum pa yi rgyal srid che'i/ /bdag po nyid du khyod nges so//de ring bdud rnams las rgyal nas/ /grong khyer mchog tu khyod zhugs te/ /de ring sangs rgyas nyid 'thob par/ /'gyur ba 'di la the tshom med/ /'dod chags bral ba lta bu'i sdig /khams gsum na ni gzhan med de/ /de bas 'dod la chags bral bar//khyod kyis nam yang mi bya'o/ /'dod pa kun la longs spyod cing / /myur bas khyod ni ci las 'jigs/ /sha lnga bdud rtsi bza' bya ste/ /de phyir dam tshig gzhan yang bsrungs/ /srog chags gsad par mi bya zhing / /bud med rin chen spang mi bya//slob dpon spang bar mi bya ste/ /dam tshig shin tu 'da' bar dka'/ /shes rab thabs kyi bsam pa yis/ /mi bya cung zad yod ma yin/ /ma 'jigs khyod la sdig pa med/ /de bzhin gshegs pa'i gsung ji bzhin/ /de ltar yid ni rab dang rdo rje nyid du gyis//rang gi dam tshig mi zad bde ster bsten par gyis/ /'gro ba bde ba nyung las rdo rje sems dpa' dang / /mtshungs pa'i rtag pa nyid du khyed rnams phyin par 'gyur/ /gzhan yang chos nyid 'di dang cho ga ji lta ba bzhin dbang bskur ba gang yin pa la dge ba'i phyir sangs rgyas dang byang chub sems dpa' rnams kyis bu sdug pa bzhin du rab tu dang ba'i thugs kyis dgongs par 'gyur ro zhes bya ba ni dbugs dbyung ba'i cho ga'o// //dbang bskur ba de rnams la bum pa byed pa nyid yin pa'i phyir bum pa'i dbang bskur ba'o/ /de nas yol ba dang snam bu la sogs pa rnams kyis 'gol bar byas pa'i gnas su slob ma rang gi sems dga' ba'i shes rab ma bcu gnyis lon pa'am bcu drug lon pa yang rung /gzugs dang mtshan phun sum tshogs shing dam tshig dang sdom pa la gnas pa bla ma la phul nas pus mo'i lha nga sa la btsugs te/lag pa sbyar nas bla ma la rdo rje sems dpar mngon sum du mos pa byas nas/ khyod kyi zhabs kyi bka' drin gyis/ /bdag gis bla med bya ba thob/ /de phyir gsang ba'i dbang gis ni/ /mgon po rjes su gzung bar mdzod/ /ces gsol ba gdab bo//bla mas kyang skad cig gis stong pa nyid kyi mthar dpal sdom pa'i sku dang shes rab phag mo'i gzugs su bskyed nas rdo rje dang pad+ma 'du bya ba sngon du 'gro bas snyoms par 'jug par bya zhing oM sarba ta thA ga tA nu rA ga Na badzra swa b+hA bAt+ma kou0f85haM/ zhes bya ba'i sngags b rjod cing rang gi snying ga'i sa bon gyi 'od zer gyis bkug pa'i phyogs bcur gnas shing snyoms par zhugs pa'i dpa' bo dang mkha' 'gro rnams yid kyis bcug nas/'dod chags chen pos zhu bar gyur pa a wa d+hU tI nas 'ong bas dga' ba la sogs pa'i rim gyis rdo rje nor bur lhan cig skyes pa rang nyid kyis rig par byas nas mthe bong dang srin lag gis nor bu btsir nas rdo rje nam mkha'i khams su rnam par bsam pa'i shes rab kyi pad+ma las byung nas slob ma gsung rdo rje'i gzugs can gyi khar/'das pa'i rdo rje 'chang sogs kyis//ji ltar sangs rgyas sras dbang bskur/ /byang chub sems kyi bza' ba yis/ /de bzhin bu khyod dbang bskur ro/ /zhes dang rtsa ba'i sngags kyang brjod la byang chub kyi sems dbab par bya'o/ /shes rab gdong yang bcing ba dang / /thabs kyi gdong yang de bzhin te//mthe bo ming med dag gis ni/ /slob ma'i khar ni dbab par bya/ /zhes gsungs pa yin no/ /des kyang dpa' bo dang mkha' 'gro ma thams cad zhu ba ni 'di yin no zhes mos par byas nas a ho ma hA su khaM zhes brjod cing btung bar bya'o//shes rab ma langs la gos med pa nyid du pad+ma na gnas pa'i bdud rtsi'i thig le rnams de'i khar gzhug ste/ des kyang de bzhin du btung bar bya'o/ /shes rab dang thabs dag gis kun rdzob pa'i gsang ba'i byang chub kyi sems kyis dbang bskur ba'i phyir zhes bya ba ni gsang ba'i dbang bskur bar bya'o// //de nas 'dod pa'i shes rab de nyid las tha dad pa gzhan yang rung si la ga phur dang gzugs dang lang tsho phun sum tshogs pa'i phyag rgya ma gtad par 'os pa ste/ gang gis bdag ni khyod drin las//lhan skyes ye shes thob gyis te/ /shes rab ye shes dbang bskur ba/ /dbang phyug mchog gis bdag la stsol/ /zhes gsol ba btab par gyur pa de las slob ma'i lag pa g.yon pa ste de gnyis rang gi lag pa g.yon pas bzung la/ g.yas pas slob ma'i spyi bo rdo rje bzung nas/ 'dir ni khyod rnams dbang po yin/ /bdag gis 'di la 'di gtad do/ /zhes dpa' bo dang mkha' 'gro ma rnams dpang du byas nas/ gzungs ma yid 'ong 'di khyod kyis/ /bsten byar sangs rgyas rnams kyis brtags//'khor lo rim pa'i sbyor ba yis/ /bde ba dam pa myang bar bgyi/ /thabs gzhan gyis ni sangs rgyas min/ /de bas 'di dang bral bar ni/ /khyod kyis nam yang ma byed cig /'di de sangs rgyas thams cad kyi/ /rig ma'i brtul zhugs bla na med//rmongs pa gang zhig 'da' byed pa/ /de la mchog gi dngos grub med/ /ces brjod la shes rab ma gtad par bya'o/ /des kyang dri bzang po dang me tog gi phreng bas lus nye bar mdzes par byas shing dgod cing dga' ba'i rang bzhin gyi mdangs kyis//bu khyod spro ba nyid dam ci/ /bshang gci la sogs za ba dang / /sha khrag khu ba de bzhin te/ /bud med la gus de bzhin gzhan/ /b+ha ga'i pad+mar 'o byed par/ /ji ltar bde ba bu yis smros/ /de ltar 'dod pa'i mtshan ma brjod/ /des kyang 'di skad du smra bar bya ste/lha mo bdag ni cis mi spro/ /khu khrag la sogs pa bza' ste/ /lus kyis rtag tu bud med gus/ /b+ha ga la yang 'o byed do/ /de nas de dga' zhing gus pas tsan+dan dang gur gum la sogs pa rnams kyis rang gi 'od bzhin du dris byugs nas gcer bur slob ma la chu skyes ston par byed do//e ma nga yi pad+ma 'di/ /bde ba kun dang yang dag ldan/ /gang zhig cho gas ston byed pa/ /de yi mdun na bdag gnas so/ /'di ni chos dbyings dag pa ste/ /sems can khams ni rab dgrol byed//bde chen rgyal po rang nyid ni/ /dngos po kun la rnam par gnas/ /sangs rgyas mchod pa la sogs pa/ /pad+mar bya ba ji bzhin gyis/ /bde chen rgyal po rang nyid ni/ /'di nyid na ni rtag tu bzhugs/ /b+haM dza mok+Sha hoHzhes so/ /de nas rang nyid 'khor lo sdom pa'i sku dang shes rab phag mo'i gzugs su bskyed nas hrIH hUM dag las skyes pa'i pad+ma dang rdo rje dag AHoM yig las skyes pa'i lte ba dang nor bur bsams nas rdo rje'i kha phaT yig ser po dang shi yig bya ste/rdo rje dbyings kyi dbang phyug ma'i rtsa g.yon na gnas shing 'dug pa sor mos cung zad bskul bas shes nas de bla mas brjod pa lags so//oM sarba ta thA ga tA nu rA ga Na badzra swa b+hA wAt+ma kou0f85haM zhes brjod cing / bla mas nye bar bstan pa'i dga' ba'i dbye ba rnams rang gi snying ga'i sa bon gyis bkug pa'i dpa' bo d ang mkha' 'gro ma la sogs pas byin gyis brlabs pa'i lus bla mas byin pa'i 'khor lo'i mkha' 'gro ma la sogs pas byin gyis brlabs pa'i yid kyi dga' ba brtsam par bya'o//rdo rje pad+mar rab bzhag nas/ /byang chub sems ni dbyung mi bya/ /bskyod par byas nas de dga' ba'i//sems kyis gang bar bsgom par bya/ /ye shes 'di ni ches phra zhing / /byang chub snying po mkha' 'dra ba/ /rdul bral thar ster zhi ba nyid/ /khyed kyi pha yang rang nyid do/ /rnal 'byor pa yis ji srid du/ /byang chub sems 'dor mi byed bya//de srid rgyun mi 'chad pa yi/ /dga' ba ci yang 'thob par 'gyur/ /byang chub sems ni ltung gyur na/ /dngos grub kun gyi gter yin pas/ /phung po rnam shes brgyal ba la/ /ma smad dngos grub ga la yod/ /mkha' dbyings rdo rje sbyor ba las//reg pa'i bde ba rmad byung che/ /gang de mchog tu dga' ba yi/ /byed pa po ste bskyed par bya/ /mchog dang dga' bral dag gi dbus/ /brtan por mtshon la brtan par bya/ /pad+ma'i nam mkhar nor bu yi/ /lte ba bsdams pa'i gnas su'o//rdo rje skyil krung gis sems ni/ /nor bu'i nang du gnas par blta/ /gang gang ye shes skye 'gyur ba/ /ye shes rang bzhin de yis chog /'dod chags med cing chags bral med/ /dbu mar yang ni mi dmigs te/ /rnal 'byor gang tshe ye shes mthong //bde ba brtan bya 'gyur ba'ang min/ /thun nam yang na nyin mo gcig /zla ba'am zla phyed lo dang ni/ /bskal pa'am bskal pa stong du yang / /ye shes mngon par sbyor bas gnas/ /slob mas cha shas bzung nas ni//pad+ma'i lte bar phyung ba na/ /de nas ro ma yis ni sems/ /byang chub sngon du 'gro bas gzung / /shes rab las lhan cig skyes pa'i ye shes zhes bya ba ni shes rab ye shes so// //de nas ji skad bshad pa'i cho gas shes rab ye shes kyi dbang bskur ba nyid la 'bras bur gyur pa bzhi pa'i dbang sbyin par bya'o//yang gsungs pa/ ji skad gsungs pa'i cho gas dbang bskur ba/ /sbyin nas slob ma'i mos pa yid kyis brtag /zab cing rgya che'i tshul la mos gyur na/ /dbang bskur rin chen tshig gis sbyin par bya//'o na 'di rgya che ba la mos pa'am yang na ma yin no zhes bya ba ji ltar rtogs par bya zhe na/ du ba las ni mer shes dang / /chu skyar las ni chur shes pa/ /byang chub sems dpa' yi ni rigs/ /blo dang ldan pas mtshan mas shes//bzhin gyi chu skyes rab dang zhing / /dga' bas lus kyi spu ldang ba/ /de nyid mthong nas mkhas pa yis/ /slob ma dam pa rjes gzung bya/ /shes rab ye shes de nyid myu gur gyur pa'i byang chub kyi sems bsgoms pas rab tu 'phel bzhin pa/ sgrib pa med pa nyid dang ldan pa'i de kho na nyid chos thams cad bsam gyis mi khyab pa'i rang bzhin yan lag bdun dang ldan pa'i phyag rgya chen po'i bdag nyid rdo rje 'chang chen po'i rang bzhin ni bzhi pa'i don yin no//yang gsungs pa/ der ni thog ma dbus mtha' med//srid min mya ngan 'das pa min/ /bdag med gzhan yang med pa ste/ /'di de mchog tu bde chen po/ /yang gsungs pa/ rgyu dang bral zhing 'gro la rtag tu shar/ /gang zhig dus su nges par gsungs pa na/ /thams cad mkhyen pa'ang tshig gis dbul 'gyur ba//bde ba'i rgyal po gcig pu rgyal gyur cig /bla mas bstan pa ma yin na/ /slob mas go ba ma yin te/ /lhan cig skyes pa bdud rtsi'i ro/ /su la su zhig gis ni brjod/ /blo yi spyod yul ma yin pas na tshig gi gdags pa med//rgya chen po la bla mas gzhag pa gtam gyi 'jug pa gzhi/ /de ni rim gyis snying rje la sogs yon tan la 'doms te/ /dad ldan rnams kyi snying gi gnas su rang nyid 'byung ba yin/ /'o na byang chub kyi sems skyes pa'i mtshan nyid ci zhe na/ gnyid log pa yi dbang po bzhin/ /yid ni snang med thim 'dra ba/ /g.yo med bzhin du'ang snang ba yin/ /lus ni dam pa'i bde bas rgyal/ /dbang po'i sde rnams 'jug pa med pa dang / /srid pa'i sa bon rnam rtog mtha' dag nyams/ /kun du dga' ba 'di de mkha' mtshungs kyang //bsil ba thob pa'i myong ba a la la/ /'dir ni dbang po thim par gyur/ /bdag kyang de bzhin song ba'i tshe/ /lhan skyes dga' ba sbyin byed pa/ /bla ma'i zhabs la gsal bar dris/ /de nyid gsungs pa/ gang zhig shar dus tshe na dbang po dang //yul rnams mnyam du nub gyur de la 'dud/ /mkhas dang 'gro ba'i snying la ci yang gnas/ /phyis ni mngon dga' rgyal ba'i mdzes sku gcig /de bas na/ 'di na dam pa'i bde ba'i stobs las blo/ /gang gi rnam par rtog pa mtha' dag bcom//mkhas pa de ni bya ba byas pa ste/ /gzhan pa de rnams rkang gnyis phyugs yin no/ /gang du dngos dang dngos med bral zhing dben/ /rang gsal 'dzag pa'i dga' ba'i rang bzhin rgyas/ /'di ni nam mkha'i mtha' yang khyab par byed//rnam pa thams cad dang bral dri ma med/ /dkyil 'khor phal cher de yis gsal ba mthong / /bde ba thams cad kyi ni gzhir gyur te/ /lhan cig skyes pa'i dga' ba bzhi par brjod/ /de'i phyir the tshom med par sku gsum gyi rjes su 'jug pa mchog tu mi 'gyur ba'i bde ba chen po kho na bzhi par shes par bya'o zhes bya'o//de ltar dbang bskur ba thob pa'i slob mas bya ba byas pa 'di brjod par bya ste/ deng bdag skye ba 'bras bur bcas/ /bdag gson pa yang 'bras bur bcas//de ring sangs rgyas rigs su skyes/ /sangs rgyas sras su bdag gyur to/ /zhes so/ /de nas bla ma la de bzhin gshegs pas gsungs pa'i yon dbul bar bya ste/ sna tshogs pa'i rgyan dang gos la sogs pa dang / khyad par du yang rang gi lus so zhes bya ba ni mngon par dbang bskur ba'i cho ga'o// //de nas slob dpon gyis rgyas pa dang zhi ba'i phyir cho ga bzhin sbyin sreg bya'o/ /de la me'i lha me la bskyed par gyur pa na slob ma'i mthe bong nas bzung nas kha dog lnga'i srad bus yang dag par bcings pas sam/rang nyid rgyas pa dang zhi ba'i sbyin sreg bya ste/ me la mar gyis bkang ba'i mthar thug pa byas nas rnam pa sna tshogs pa'i mchod pa'i rdzas rnams kyis dkyil 'khor rgya chen po mchod cing gar dang glu dang rol mo la sogs pa'i yo byad dang bcas pa'i dam tshig gi kun du spyod pas gtor ma'i cho ga rnams kyis 'khor dang bcas pa'i dkyil 'khor gyi 'khor lo'i bdag po tshim zhing yang dag par mchod nas sbyin sreg gi bya ba rdzogs par byas te/slob ma'i 'dod pas yon sbyin pa sngon du 'gro ba'i mchod pas dgyes pa dang /de nas 'thon nas phyi rol du gzhag pa'i phyogs kyi gtor ma'i mthar zhugs nas 'khor lo la phyag byas te/ 'khor lo'i dbang po la mchod yon la sogs pa phul nas dge ba bsngos te/ dkyil 'khor la lan gsum du bskor nas shar sgor 'dug ste bcom ldan 'das la mngon du phyogs pas he ru ka'i yi ge brgya pa lan gsum brjod cing /ma rnyed ces bya ba la sogs pas bzod par gsol nas/ oM khyed kyis zhes bya ba la sogs pa dang / oM AHhUM badzra muHzhes bya bas ye shes kyi 'khor lo gshegs su gsol nas dam tshig gi 'khor lo bdag nyid la nang du bcug ste/oM a kA ro mu khaM sarba d+harmA NAM Ad+ya nut+pan+na twAta oM AH hUM phaT swA hA/ oM AH hUM muHzhes brjod cing chos thams cad skye ba med par mos pas dril bu dkrol zhing lag par gnas pa'i rdo rjes dang por sgo nas brtsams te tshangs pa'i thig gi lam gtso bo'i gnas ji srid par dbyi zhing rang gi spyi bor rdul tshon cung zad tsam bzhag nas pad+ma la sogs pa dbyi bar bya'o/de nas sgo rnams dang mtshams rnams kyang lag par gnas pa'i rdo rjes dbyi bar bya'o//de nas rdo rje bcings pa'i mthe bong gnyis bcug ste sdigs mdzub gnyis bstan pa bzhin du 'khyil pa byas nas/ oM badzra kI la ut+kI la ya sarba kI lA naM badzra d+ha rAdz+nyA yA hUM hUM hUM hUM phaT hoHzhes 'don zhing hUM gi yi ge bzhi pa'i sngags kyis phur bu rnams bskyed nas/oM ru ru s+phu ru dz+wa la tiSh+Tha sid+d+ha lo tsa ne sarbA r+th+tha swA hA/ zhes brgyad dang bcas pa'i brgya bzlas nas 'o mas bkru bar bya zhing phur bu'i lha rnams kyang gshegs su gsol te khung bu yang dgang bar bya'o/ /zhi ba la sogs pa don du gnyer ba yod na sbyin zhing rdul tshon lhag ma rnams ni rnam par rgyal ba'i bum par blugs nas glang po che la sogs pa'i bzhon pa'i steng du bkod nas gos la sogs pas brgyan zhing /rnal 'byor ma rnams kyis gzung ba'i 'do li la gnas pa'i slob dpon nam slob mas dril bu dang bcas pa'i sgra bkra shis kyi glu dang sil snyan dang gdugs dang rgyal mtshan dang ba dan dang snod kyi rnam pa rnams kyis chu klung la sogs pa rnams kyi 'gram du bzhag nas gnas gtsang mar dkar po'i dris pad+ma 'dab ma brgyad pa byas pa'i lte ba la rdul tshon gyi bum pa bzhag nas/de'i steng du dmigs pas rdo rje sems dpa' cho ga bzhin yang dag par mchod nas 'dab ma las phyi rol gyi char bye ma'i rang bzhin gyi klu brgyad rnams 'du byas nas de rnams kyi don gyi phyir 'o ma'i gtor ma brgyad kham phor gtsang mar 'bras kyis gang ba stegs bu la gtor ma dang me tog dkar pos mchod cing ba dan dkar po dang /lha bshos chen po la sogs pa rnams 'dab ma rnams la gzhag par bya'o/ /de nas slob dpon gyis rdo rje sems dpa' lhag pa'i gtso bor dbus su'o//shar gyi 'dab ma la mtha' yas/ lhor pad+ma/ nub tu 'jog bo/ byang du bA su ki /dbang ldan du pad+ma chen po/ mer dung skyong / bden bral du kar+k+ko Ta/ rlung du rigs ldan/ phyi rol du klu thams cad kyis gang bar bsams nas de nas me tog dkar pos mchod cing /oM AHbadzra satwA ya hUM swA hA/ oM AHa nan+tA ya hUM swA hA/ oM AHpad+mA ya hUM swA hA/ oM AH tak+Sha kA ya hUM swA hA/ oM AHbA su kA ya hUM swA hA/ oM AHma hA pad+mA ya hUM swA hA/ oM AHshaM kha pA lA ya hUM swA hA/ oM AHkar+k+ko Ta kA ya hUM swA hA/oM AHku li kA ya hUM swA hA/ zhes bya ba rnams kyis mngon par bsngags pa'i me tog la sogs pas mchod nas lag pa g.yon pas gdengs ka'i tshul gyis gzung ba'i me tog lag pa g.yas pa brkyang nas/ oM a nan+ta bA su ki ta k+Sha ka kar+k+ko Ta ka pad+ma ma hA pad+ma shaM kha bA la ku li ka bA la de ba ti ma hA de ba ti so mA shi khi ma hA shi khiN+Da d+ha ra ma hA daN+Da d+ha ra a sa lA la hu luN+Da na n+do pa nan da sA ga ra ma hA sA ga ra ma tap+ta shrI kA n+ti ma hA kAn+ti rat+na kAn+ti su ru sa b+ha rbA hi ka ma ho da ra shi li shi li ma hA shi li/oM b+ha ny+dza b+ha ny+dza a gats+tsha A gats+tsha ma hA nA gA d+hi pa ti sar+b+ba b+hu r+b+hu ba swaH/zhes brjod cing klu rnams la 'o ma'i gtor ma byin nas mchod de sgeg pa'i dril bus mchod cing yi ge brgya pa brjod nas bzod par gsol bar bya'o/ /de'i tshe slob mas chu phra mo'i rgyun 'bab pa'i klung rnams su rnyog pa med pas bzung nas rdul tshon gyi bum pa rnams rab tu g.yo ba dang bcas pas bzung nas klu rnams la gtang par bya'o//oM mi li mi li hUM dzaHswA hA zhes brjod cing gshegs su gsol bar bya'o/ /klu'i dbang po rnams kyis sa 'og gi mthil du spyan drangs par bsam par bya'o//de nas slob dpon gyis chu klung du klu'i ba dan dkar po btsugs nas dUr wa dang / me tog kun+da dang ldan pa'i 'o ma'i rgyun dbab par bya ste gshegs su gsol bar bya'o/ /slob mas ni kun+da de nyid rang gi lag par bzung nas de nyid kyis bkrus pa'i bum pas so sor blangs nas bum pa de chus gang bar byas shing bkra shis kyi glus bla ma'i spyan sngar 'gro ba byas nas/yang dkyil 'khor gyi khang par zhugs nas dkyil 'khor gyis la 'o mas byas pa'i maN+Dal la bum pa gzhag par bya'o/ / bla mas ni zhi ba'i don du des dkyil 'khor gyi sa la gtor nas rang nyid kyis kyang bzung ste gzhan la yang byin nas khyim la sogs pa bsten par bya'o/ /des ba byung gis byugs pa'i dkyil 'khor gyi khang par gzhon nu ma rnams 'o thug la sogs rnams kyis tshim par bya zhing mchod par bya'o zhes pa ni dkyil 'khor nye bar bsdu ba'o// //de nas 'khor lo byas nas gtor ma dbul ba byas te/ skye bo dam pa tshogs pa'i ston mo bya'o/ /de nas byas pa rnams kyis mgon po rnams la yang gtad par bya'o//'gro la phan pa'i bya ba bkod de chos la thugs gcig pa/ /ches mkhas blo yi dbang po chos kyi blo gros mi yi dbang / /de yis bdag la gsol ba btab las dkyil 'khor cho ga rnams/ /cher gsal 'di byas pa ni skye bo gzhan la phan phyir ro//zhes pa bcu gsum gyi bdag nyid can gyi dpal 'khor lo sdom pa'i dkyil 'khor gyi cho ga dpal ba na rat+na'i zhal snga nas mdzad pa rdzogs so// //'di ni phyogs thams cad las rnam par rgyal ba'i blo gros can bsod nams rgya mtsho'i sdes ku sum+b+ha'i ke sa ra'i me tog dang bcas te bskul ba las/rje grub pa'i dbang phyug de nyid kyi 'bangs su gyur pa gzhon nu dpal zhes bya bas ljang pu bkra shis dgon pa'i dben gnas su bsgyur pa'o// //

CLOSE WINDOW