CLOSE WINDOW

D1485
བོད་ཡིག

@##/ /rgya gar skad du/ shrI tsakra sam+ba ro pa de sha nA ma/ bod skad du/ dpal 'khor lo sdom pa'i man ngag ces bya ba/ dpal rdo rje mkha' 'gro la phyag 'tshal lo/ /gang zhig kun du brtags pa yongs su spangs pa'i chos sku dang / /dpe med bde ba tsam gyis mdzes pa'i longs spyod rdzogs sku dang /gang gi thugs rjes sa rnams phan mdzad sprul pa'i sku brjod pa/ /bcom ldan rdo rje sems dpa' de yis khyed la bde legs shog /de la dang po re zhig rnal 'byor pa dpal 'khor lo sdom pa'i rnal 'byor dang ldan pas/ dben par bde ba'i stan la gnas te/dam tshig brtan par byas nas/ rang gi snying gar nyi ma'i dkyil 'khor la hUM nag po bltas la/ bla ma'i man ngag bzhin du sngags bkod pa'i lag pa g.yon pas dam tshig gi rdzas sbyangs pa blangs te/ zhal bzhi pa'i sngags kyis phyogs bzhi dang /bdag tu bcas pa la gtor nas yan lag la'ang dgod par bya ste/ bdag dang gnas dang rnal 'byor bsrung bar bya'o/ /de nas dri zhim pa dang bcas pa'i chus mdun du maN+Dal byug par bya ste/ de'i dbus su g.yon pa'i ming med kyis mnan la snying ga'i 'od dang 'dres pas/ pU dza o a/ go rA de mA/ ka o tri ko/ ka la ka hi/ bre gri sau su/ na si ma ku/ pU dza la sogs pa'i yi ge nyi shu rtsa bzhi'i gnas nyi shu rtsa bzhi rnam par dag pa dang / gnas la sogs pa bcu'i ming can sa bcur mos pa brjod par bya'o/ /de'i rjes la dkyil 'khor de skad cig tsam gyis/'byung ba chen po bzhi la gnas pa'i ri rab kyi steng na gzhal yas khang gi nang du sna tshogs pa'i pad+ma'i ge sar la gnas par/ rang gi snying ga'i sa bon las 'phros pa'i sa bon bltas te/ de yongs su gyur pa las bcom ldan 'das 'khor dang bcas pa bcu gsum gyi bdag nyid bcom ldan 'das ma dang snyoms par zhugs par blta bar bya'o//de nas snying ga'i sa bon gyi 'od kyi phreng ba rnams kyis ye shes kyi 'khor lo bkug ste/ nam mkha'i phyogs su gnas pa la mngon du phyogs nas mchod pa byas la/ sngags dang bcas pas dam tshig gi 'khor lo la bcug nas ro mnyam par byas te/yang yid las byung ba'i lha mo rnams kyis mchod par bya'o/ /de'i rjes la rnam par sbyangs pa'i lag pa g.yon pas yi ge gsum pa'i sngags kyis dkyil 'khor gyi dbus su/ dang po bcom ldan 'das la me tog la sogs pas mchod par bya'o//yang de nyid du bcom ldan 'das kyi snying po dang / bcom ldan 'das ma'i snying po dang / nye ba'i snying po'i sngags rnams kyis bya'o/ /de bzhin du mkha' 'gro ma la sogs pa rnams gshin rje 'joms ma la sogs pa'i mthar thug pa dpa' bo'i dbang phyug ma bcu gnyis man ngag ji lta ba bzhin du rang rang gi sngags kyis phyogs rnams su g.yon skor du bya zhing /mtshams rnams su ni g.yas skor du/ gnas ji lta ba bzhin du de dag la mchod pa dbul bar bya'o/ /de nas de bzhin du lag pa g.yon pa'i mthil du pad+ma 'dab ma lnga pa la dpa' mo drug rnams rim pa bzhin du dmar po dang /sngon po dang / dkar po dang / ser po dang / ljang gu dang / du ba'i kha dog can rnams bkod la 'khor los sgyur ba drug kyang sngon po dang / dkar po dang / ser po dang / nag po dang / dmar po dang /ljang gu rnams sngags kyi gzugs su phyogs ji lta ba bzhin du rang rang gi sngags kyis me tog bkod pa sngon du 'gro bas/ cho ga bzhin du me tog dbul bar bya'o/ /'khor lo gsum yang lag pa'i rgyab tu me long dang ba'i gzugs brnyan bzhin du gsal bar snang ba can blta bar bya'o//de nas de'i 'khor gyi sngags rnams ni sa la sogs pa'i khams kyi rang bzhin ltung byed ma la sogs pa'i lha mo'i ngo bo nyid du lhag par mos par bya ste/ zhu ba'i rdzas kyis bsang gtor byas nas/ dpa' bo dang dpa' mo thams cad kyis byin gyis brlabs pa'i 'khor lo gsum gyi rang bzhin du 'khor lo de mos par byas la/rkang pa brgyad pa'i sngags kyis me tog la sogs pas mchod par bya'o/ /de nas me tog de phreng ba'i sngags brjod pa'i mthar dkyil 'khor du dor te/ snyim pas blang ba sngon du 'gro bas slar blangs la/mgo bor dgod par bya'o/ /lha'i 'khor lo de yang bdag nyid la bcug par bsams nas yi ge brgya pas brtan par bya'o/ /de nas bdag po rnams la gtor ma cho ga bzhis sbyangs la de'i sngags kyis sbyin par bya'o/ /de'i rjes la yang sdig pa bshags pa la sogs pa nang gi bdag nyid kyi rnal 'byor dang mngon par 'dod pa'i sngags bzlas pa la sogs pa byas te/dpal ldan rdo rje mkha' 'gro ma/ /mkha' 'gro ma yi 'khor los sgyur/ /ye shes lnga dang sku gsung thugs/ /'gro ba skyob la phyag 'tshal bstod/ / ji snyed rdo rje mkha' 'gro ma/ /kun du rtog pa 'ching gcod cing / /'jig rten bya ba la 'jug pa/ /de snyed rnams la bdag phyag 'tshal/ /zhes bya bas bstod par bya'o/ /cho ga'i bya ba ma tshang bas/ /rdzogs sangs rgyas dang lha rnams dang / /de sras rnams dang tshangs la sogs//'jig rten skyong rnams bzod par gsol/ /lha mo tshad ma dam tshig tshad/ /des gsungs mchog tu tshad ma ste/ /bden pa de dag gis lha mo/ /de dag bdag la rjes 'dzin shog /ces bya bas bzod par gsol bar bya'o/ /'di ni tshogs kyi 'khor lo la sogs pa phyi rol mchod pa'o//de la 'dir nang gi rnal 'byor gtso bor 'dod pa'i sngags pas rang gi snying ga'i sa bon gyi 'od zer 'dra ba'i lcags kyus 'chad par 'gyur ba'i mtshan nyid can gyis bcom ldan 'das dkyil 'khor gyi 'khor lo dang bcas pa bkug ste/ nam mkha' la bltas nas phyag 'tshal te/mchod pa byas la/ de'i spyan sngar sdig pa bshags pa la sogs pa 'di ltar bya ste/ byas dang byed du bcug dang yi rang ba'i/ /sdig pa'i skyon kun ma lus 'jig byed pa'i/ /spyan sngar so sor bshags shing slar yang ni/ /mi bgyid pa yi sdom pa blang bar bya//nyan thos rang rgyal bla med rang rgyal dang / /rgyal ba'i sras pos bsags pa'i dge ba dang / /de dag la ni rjes su yi rang zhing / /byang chub tu ni yang dag bdag gis kyang / /rgyal ba la sogs dkon mchog gsum po la/ /dngos po kun gyis bdag ni skyabs su mchi//byang chub mchog tu sems bskyed de bzhin du/ bla na med pa'i lam la brten par bgyi/ /de'i rjes la'ang byams pa dang snying rje dang dga' ba dang / btang snyoms tshangs pa'i gnas bzhi bsgom/ rang nyid mi gnas pa'i bdag nyid du skad cig gis stong pa'i ting nge 'dzin la gnas par bya'o//oM shU n+ya tA dz+nyA na badzra swa b+ha wa At+ma kou0f85haM/ chos thams cad stong pa nyid ye shes rdo rje'i rang bzhin gyi bdag nyid nga'o zhes bya ba la gnas par bya'o/ /de nas ting nge 'dzin las langs nas/ 'gro ba sgyu ma lta bus bltas la/ yaM raM baM laM yongs su gyur p a las gzhu dang gru gsum dang zlum po dang gru bzhi pa/sngon po dang / dmar po dang / dkar po dang / ser po'i kha dog can gyi 'byung ba chen po bzhi'i dkyil 'khor de'i bdag nyid du blta bar bya'o/ /de'i steng du hUM las byung ba'i ri rab kyi rtse mo'i steng du/ oM me di nI badzrI b+ha wa badzra ban+d+ha hUM/oM badzra prA kA ra hUM baM hUM/ oM badzra pany+dza ra hUM baM hUM/ oM badzra'i bi tA na hUM khaM hUM/ oM badzra sha ra dzA la traM saM traM/ oM badzra dz+wa la a na larka hUM hUM hUM/ zhes pa'i sngags 'dis rdo rje'i sa gzhi la sogs pa drug byas te/ de'i nang du sna tshogs rdo rje'i khyams la mtshan nyid thams cad kyis brgyan pa'i gzhal yas khang dur khrod brgyad kyis bskor ba bsgom mo//de'i nang du sna tshogs pad+ma ge sar gyi steng du/ A li kA li yongs su gyur pa las byung ba'i zla ba dang nyi ma kha sbyar ba las byung ba'i dbus su hUM rdo rje sems dpa'i bdag nyid 'od zer lnga 'phro ba dang 'du ba'i rang bzhin can bsgom par bya/de thams cad yongs su gyur pa las bcom ldan 'das dpal he ru ka'i dkyil 'khor dang bcas pa'i bdag nyid bsgom par bya'o/ /de la dbus kyi nyi ma'i dkyil 'khor la gnas pa'i 'jigs byed dang / dus mtshan gyi dpral ba dang / nu mar g.yas brkyang bas mnan te bzhugs pa/ sku mdog sngon po dang / ljang gu dang / dmar po dang ser po ste/ zhal bzhi pa can zhal re re la yang spyan gsum gsum pa thod pa lngas dbu la brgyan pa/ sku la mgo bo rlon pa'i phreng ba brgya phyed kyis brgyan pa/ sna tshogs rdo rje dang zla ba phyed pas mtshan pa'i ral pa'i thor tshugs can/sku la phyag rgya drug gis brgyan pa/ zhal mche ba gtsigs pas 'jigs par byed pa/ stag gi pags pa'i sham thabs can/ sgeg pa la sogs pa'i nyams dang ldan pa/ rdo rje yan lag mas mnyam par 'khyud pa/phyag bcu gnyis kyis spras pa ste/ rtsa ba'i phyag gnyis kyis rdo rje dang dril bu bsnams pa/ de'i 'og ma'i phyag gnyis kyis glang po'i pags pa bsnams pa/ g.yas pa'i phyag gsum pa dang bzhi pa dang lnga pa dang drug pa rnams la rim pa bzhin du/cang te'u dang / dgra sta dang / gri gug dang / rtse gsum pa bsnams pa'o/ /de bzhin du phyag g.yon pa'i gsum pa dang / bzhi pa dang / lnga pa dang / drug pa na kha T+wAM ga dang / thod pa dang / zhags pa dang / tshangs pa'i mgo bo dang mnyam par ldan pa'i bcom ldan 'das bsgom par bya'o//yang mdun du bcom ldan 'das ma skra grol ma/ sku mdog dmar mo spyan gsum pa zhal gcig pa/ gcer bu dum bu'i ska rags kyis brgyan pa/ kha T+wAM ga dang / thod pas brgyan pa/ phyag g.yon pa dang g.yas pa rdo rjes mtshan pa'i sdigs mdzub can byin pa gnyis kyis bcom ldan 'das kyi brla gnyis la dkris te bcug pas 'khyud nas bzhugs par bsgom par bya'o//de nas shar gyi 'dab ma la mkha' 'gro ma sku mdog nag mo dang / g.yon gyi 'dab ma la lA ma ljang gu dang / nub kyi 'dab ma la dum skyes ma dmar mo dang /g.yas kyi 'dab ma la gzugs can ma ser mo dang / mtshams rnams su byang chub sems kyi thod pa'o/ /de bzhin du shar la sogs pa'i 'dab ma la khra gdong ma la sogs pa'i lha mo rnams ni/ mkha' 'gro ma la sogs pa bzhi dang 'dra'o//mtshams bzhir gshin rje brtan ma la sogs pa rnams ni gzugs gnyis mar shes par bya'o/ /rnal 'byor ma de dag thams cad zhal gcig pa phyag bzhi pa g.yon brkyang ba'i zhabs kyis ro'i gdan la bzhugs pa/ gos med pa phyag rgya lngas brgyan pa/thod pa dang rdo rje'i phreng bas bskor ba'i dbu dang ldan pa/ mgo bo'i phreng bas brgyan pa/ thod pa dang kha T+wAM ga dang gri gug dang cang te'u bsnams pa/ sku drag pa'i gzugs can bsgom par bya'o/ /de nas de dag thams cad kyi lus dang ngag dang yid kyi lam rnams la 'khor lo dang pad+ma dang /rdo rje'i lte ba la gnas pa'i sa bon oM AH hUM dgod par bya ste/ yang gtso bo la go cha'i sngags kyis go bgo bar bya'o/ /de la oM ha/ na ma hi/ swA hA hu/ bau ShaT ho/ hUM hUM he/ /phaT haM/ zhes bya bas 'khor los sgyur ba drug gi snying po 'dis lte ba dang / snying ga dang mgrin pa dang spyi bo dang phrag pa dang /mig dang / yan lag thams cad bsrung bar bya ste/ oM baM/ haM oM/ hriM moM/ hreM hriM/ hUM hUM phaT phaT/ ces bya bas dpa' mo drug gi snying po'i 'dis lte ba dang / snying ga dang / kha dang / mig dang / spyi bo dang / yan lag thams cad la bcom ldan 'das ma la go bskon pa'o//de nas snying ga'i sa bon gyi 'od zer lcags kyu 'dra bas ye shes kyi 'khor lo bkug ste/ dam tshig gi dkyil 'khor gyi nang du sngags sngon du 'gro bas dgug par bya'o/ /de bzhin gshegs pa thams cad kyis bdag la dbang bskur cig ces bya bas bcom ldan 'das la dbang bskur ba'i don du gsol ba gdab par bya'o//de nas de las 'phros pa'i bdud rtsi lngas gang ba'i rin po che'i bum pa 'dzin pa'i gzugs ma bzhi po dag gis/ ji ltar bltams pa tsam gyis ni/ /de bzhin gshegs kun khrus gsol ba/ /lha yi chu ni dag pa yis//de bzhin bdag gis khrus gsol to/ /oM sarba ta thA ga ta a b+hi She ka sa ma ya shrI hUM/ zhes bya ba'i sngags brjod cing dbang bskur bas/ chu de las 'byung ba'i rang gi rigs kyi lhas dbu rgyan du ji ltar rigs par bsgom par bya'o/ /de nas snying ga'i sa bon gyi 'od kyis gzugs la sogs pa'i yul rnams bcom ldan 'das ma'i sa bon gyi ngo bo nyid kyis pad+ma'i ge sar la bsdus nas/de las spros pa'i lha mo rnams kyis dam tshig la sogs pa'i rdzas kyis/ dkyil 'khor pa dang bcas pa'i dkyil 'khor gyi bdag po mchod par bya'o//de nas dkyil 'khor pa'i lha mo bcu gnyis kyi zhal nas bstod pa 'don par mngon du byas te/ khyod ni rnal 'byor ma yi tshogs kyis bskor/ /khyod ni nyid kyi thugs las bde legs shog /'dir ni rgyu dang mi rgyu'i 'gro rnams dag /snying rje'i thugs kyis sems can sad par mdzad//sgyu ma'i sprul pas don rnams 'grub par mdzod/ /mgon po bde mchog dpal ldan dgyes pas bzhengs/ /zhes bya bas so/ /de'i rjes la mdun du rlung dang me'i dkyil 'khor gyi steng du mgo bo gsum la gnas pa'i a las byung ba'i thod pa'i steng du/hUM b+h+rAM dz+'+riM AM khaM go ku da ha na rnams/ de'i nang du rang rang gi sa bon las byung ba'i mtshan ma'i bdud rtsi lnga ste/ de'i steng du a blta'o/ /a las byung ba'i zla ba'i dkyil 'khor gyi steng du hUM las skyes pa'i rdo rje bsgom par bya'o/ /de dag thams cad 'bar ba la sogs pa'i rim pas bdud rtsir 'gyur te/ye shes kyi bdud rtsi drangs pas ro mnyam pa'i ngo bo nyid du yi ge gsum gyis byin gyis brlabs te/ hUM las byung ba'i rdo rje lces mtshan pas myang bar byas shing 'phro ba'i sbyor bas lha mo'i tshogs kyang tshim par bya'o/ /de nas rdo rje pad+ma rnam par sbyangs pa brdabs pa las dga' ba'i sgras dga' ba chen po de bzhin gshegs pa'i rigs nang du zhal nas bcug ste/zhu bar gyur nas nor bu dang ze'u 'bru'i dbus su/ thig le gnyis kyi bdag nyid rdo rje sems dpa'i ngo bo nyid du gnas par shes par byas nas/ phyag rgya chen po'i don la mngon du phyogs par bya'o//kha sbyar dbus na sa bon gnas/ /thig le gnyis po mi 'gyur ba/ /rdo rje sems dpa'i ngo bo nyid/ /rnal 'byor pa yis rtag tu bsgom/ /zhes gsungs pa'i phyir ro/ /gzhan yang / A li kA li mdun bsams nas//rnal 'byor chen po ngal bso ste/ /zla ba'i dkyil 'khor yongs rdzogs pa/ /lte ba'i rtsa bar gnas par bsgom/ /yi ge'i go 'phang mchog 'gyur ba/ /de yi dbus su gnas par bsam/ /sku gsung thugs kyi rdo rje 'chang / /lha yi ngo bo nyid bsgom bya/ /de yi lus ni 'das gyur kyang //sems kyis kyang ni ma yin no/ /bsam med bsam par bya ba nyid/ /bsam pa de yang mi shes so/ /sems dpa' 'am ni bsam mi khyab/ /de nas gzungs ni thob par 'gyur/ /zhes gsungs so/ /de'i rjes la lte ba'i sa bon gyi thig le la nyi ma'i gzugs kyi steng du/sngags kyi phreng ba'i steng du bltas pas shin tu phra ba mngon par bltas te/ brtan pa'i sems kyis 'phro ba dang 'du ba'i rim pas man ngag ji lta ba bzhin du bzlas par bya'o/ /de la oM shrI badzra he he ru ru kaM huM hUM phaT/ DA ki nI dzA la saM ba ra swA hA/ oM hrIH ha ha hUM hUM phaT/ rje btsun gyi snying po dang nye ba'i snying po'o/ /oM sarba bud+d+ha DA ki NI ye badzra bar+Na nI ye hUM hUM phaT/ oM badzra bai ro tsa nI ye hUM hUM phaT/ lha mo'i snying po dang nye ba'i snying po'o/ /oM DA ki nI ye huM hUM phaT/ oM lA mA yai huM hUM phaT/ oM khaN+Da ro hA yai hUM hUM phaT/ oM rU pe NI yai huM hUM phaT/ oM kA kA s+ye hUM hUM phaT/oM u lU kA s+ye hUM hUM phaT/ oM shwA nA s+ye hUM hUM phaT/ oM sU ka rA s+ye hAM hUM phaT/ oM ya ma dA D+hI ye hUM hUM phaT/ oM ya ma dU tI ye hUM hUM phaT/ oM ya ma daM Sh+T+ri nI ye huM hUM phaT/ oM ya ma ma tha nI ye huM hUM phaT/ dpa' mo rnams kyi sngags so/ /oM na mo b+ha ga wa te wI re shA ya/ ma hA kalpAg+ni san+ni b+hA ya/dza Ta ma ku Tot+ka TA ya/ daSh+ThA ka rA lo gra b+hi Sha Na mu khA ya/ sA ha sra b+hu dza b+hA su rA ya/ par shu pA sho d+ya ta shU la kha T+wA ga d+hA ri Ne/ byA g+h+ra dzi naM ba ra d+ha rA ya/ ma hA d+hum+b+rA n+d+ha ka ra wa pu ShA ya/ ka ra ka ra/ ku ru ku ru/ ban+d+ha ban+d+ha/ trA sa ya trA sa ya/ k+Sho b+ha ya k+Sho b+ha ya/ hrauM hrauM/ hraH hraH pheM pheM/ phaT phaT/ da ha da ha/ pa tsa pa tsa/ b+ha k+Sha b+ha k+Sha/ ba sa ru d+hi ra/ an+t+ra mA lA wa laM bi ne/ gr-i h+Na gr-i h+Na/ sap+ta pA tA la ga ta b+hu dzaM ga/ /sar+b+baM bA ta rdza ya/ ta rdza ya/ A ka D+b+h+ya A kad+h+h+ya/ hrIM hrIM/ dz+nyauM dz+nyauM/ k+Sh+maM k+Sh+maM/ hAM hAM/ hIM hIM/ hUM hUM/ kI li kI li/ si li si li/ hi li hi li/ d+hi li d+hi li/ hUM hUM phaT phaT swA hA/ phreng ba'i sngags so/ /de nas ji lta ba bzhin sbyangs pa'i gtor ma btang ste/ rnal 'byor pa lho phyogs su mngon par phyogs pas/ mthon pa'i phyogs su mchod par bya/ /mtshan mo skra grol gcer bu yis/ /brtul zhugs can gyi gtor ma gtang / / rkang pa mnan cing steng du blta/ /gyen du pheM gyi sgra sgrogs shing / /phyogs bcu'i 'jig rten khams bzhugs pa'i/ /dpa' bo rnal 'byor ma rnams 'gugs/ /rdo rje thal mo kha gyen du phye la dpa' bo rnams dang rnal 'byor ma rnams snyan gsan dbab/ sngags kyis bskul bar byas nas ni//de yi mod la byon par 'gyur/ /mdzub mo mdud byas gung mo nges par sbyar/ /mthe bong rdo rje brtan par rab sbyar la/ /de ni dpral ba'i dbus su rab bzhag nas/ /bskor nas kun du bskor bar bya/ /g.yas pa brkyang ba'i sbyor ba yis/ / 'bar ba'i phyag rgya bcing bar bya/ /dam tshig gis ni kha bskang la/ /sngags ni 'di ltar rjes dran bya/ /oM a ral+li ho/ /dzaHhUM baM hoHbadzra DA ki nI sa ma ya s+t+waM dr-i sh+ya hoH/ de ltar lan gsum brjod par bya'o/ /oM kha kha khA hi khA hi/ sarba yak+Sha rA k+Sha srab+hU ta pre ta pi shA tsa un+mA da a ba sma ra DA ka DA ki n+ya da ya i maM ba liM gr-i h+NaM tu sa ma ya ra k+Sha n+tu sarba s+sid+d+hi m+me pra ya ts+tshan+tu ya thai baM ya the Sh+Ti/b+huny+dza tha pi ba tha dzi g+h+ra tha mA ti kra ma tha ma ma sarba karta ya sad+su khaM bi br-i d+ha yes hA yi kA b+ha ban+tu hUM hUM phaT phaT swA hA/ gtor ma'i sngags so/ /rnal 'byor pa rnal 'byor ma'i rnal 'byor byed par 'dod na/ji skad bshad pa thams cad bcom ldan 'das ma'i brda dang mthun par bya ste/ bcom ldan 'das kyis rim pa dag gis mi bya'o/ /rnal 'byor ma yis rnal 'byor la/ /gus pas rnal 'byor ma nyid gtsor/ /byas te 'khor lo sngon gsungs pa/ /bzhin du thams cad bya ba nyid//zla phyed ngo bo'i tshes bcu la/ /gnyi gar lha mo mchod par bya/ /gzhon nu ma'am rnal 'byor ma'ang / /rtag tu cho ga bzhin tshim bya/ /de nas sngags pa ldang bar 'dod na/ mchod pa dang bstod pa sngon du 'gro bas dkyil 'khor gyi 'khor lo man ngag ji lta ba bzhin du yi ge brgya pa'i sngags bzlas te bsdu bar bya'o//don kun grub pa stsol la byon pa bzhin/ /sangs rgyas yul du gshegs su gsol/ /slar yang 'byon par mdzad par zhu/ /rdzogs sangs rgyas dang lha rnams dang / /de sras rnams dang tshangs la sogs//'jig rten skyong rnams cho ga 'di/ /ma tshang ba dag bzod par gsol/ /zhi dang bkra shis bde legs dang / /yon bdag don chen byas nas ni/ /sangs rgyas yul du gshegs nas ni/ /slar yang 'byon par mdzod cig muH/ /gtso bo nus pa ma mchis shing //ma 'tshal ba'am ma rnyed pas/ /ma tshangs pa'am lhag pa'am/ /byas pa de ni bzod par 'os/ /gsang sngags nyams dang bya ba nyams/ /cho ga nyams par gyur pa gang / /de ni lha mos bzod par 'os/ /mnga' bdag ma yis snang bar 'gyur//lha mo tshad ma dam tshig tshad/ /des gsungs mchog tu tshad ma ste/ /bden pa de dag gis lha mo/ /bdag la rjes 'dzin rgyu ru shog /ces brjod de/ tshul khrims tsan+dan yan lag byug /bsam gtan stod g.yogs kyis dkris la/ /byang chub yan lag me tog bkram//ji ltar bde bar gnas par byos/ /oM AH badzra maN+Dal muH/ /zhes brjod pas dkyil 'khor bsdu bar bya'o/ /gang zhig gus pas rtag tu ni/ /rnal 'byor nyid la man ngag bzhin/ /goms pas bskyed pa de la ni/ /phyag rgya chen po 'grub par 'gyur//mchod sbyin dbang bskur sbyin sreg dkyil 'khor la sogs ni/ /zhi ba la sogs las tshogs dang rab gnas dang / /gzhan yang grub mtha' thams cad rnal 'byor pa nyid gus yis/ /rnal 'byor dam pa 'di la 'grub par gdon mi za/ /'khor lo sdom pa'i sgrub thabs byas pa las/dge ba gang zhig dpag med mnyam 'grub pa/ /de yis 'jig rten rnam rtog dri ma yi/ /sgrib pa bsal nas yun ring gnas gyur cig /dpal 'khor lo sdom pa'i man ngag rdzogs so// //

CLOSE WINDOW