CLOSE WINDOW

D1483
བོད་ཡིག

lo tsA ba mar pa chos kyi dbang phyug gis zhus tig byas pa'o// @##/ /rgya gar skad du/ sap+ta a k+Sha ra sA d+ha na/ bod skad du/ yi ge bdun pa'i sgrub thabs/ dpal rdo rje mkha' 'gro la phyag 'tshal lo/ /kun du rtog pa yongs su spangs pa'i chos skur gang gsungs dang //dpe med bde ba rtsal gyis mdzes pa longs spyod rdzogs sku dang / /gang gi gnas la phan par mdzad pa las ni sprul pa'i sku/ /bcom ldan rdo rje sems dpa' de yis khyed la bde legs shog /gang gi phyag na kha T+wAM ga dang Da ma rus ni cher sgrogs pa yis gar mdzad gang //'jig rten gsum pa 'gul bzhin pa yis ri yi rtse mo bskyod pas chu yi phung po 'khrugs/ /mdzes pa'i spyan dang zhal rnams mnga' bas zhabs mnan rgya mtsho nang gi sa ni dmar gyur pa/ /rnal 'byor ma yi tshogs ldan dpal ldan khrag 'thung 'di de sa stengs rtag tu rgyal gyur cig /zhal gsum phyag drug sngon po la/ /rang snang shes rab lus 'jar ba/ /hUM skyes lha mo drug gi mgon/ /btud nas sgrub thabs bri bar bya/ /rnal 'byor pa snga bar langs la/ dam tshig gi ril bu khar bcug nas/ ri bo dang tshang tshing la sogs nyams dga' ba'i gnas su sna tshogs rdo rje'i gdan la 'dug ste/snying gar nyi ma la gnas pa'i yi ge hUM sngon po bltas la yi ge hUM de las 'od zer rnam pa lnga nam mkha'i khongs su khams gsum pa mngon par khyab par kun nas spros te/ 'od zer de rnams kyis 'og min gyi gnas na bzhugs pa'i bcom ldan 'das 'chad bzhin pa'i mdog dang phyag dang mtshon cha dang /rnal 'byor ma dang sangs rgyas dang byang chub sems dpa' thams cad til gyi gang bu lta bu spyan drangs nas/ nam mkha'i phyogs su mdun du yang dag par bzhugs su gsol la/'od zer de rnams kyang rang gi sa bon la bsdu'o/ /de nas rang gi sa bon las yang dag par spros pa'i phyi dang / nang dang / gsang ba dang / de nyid mchod pa'i khyad par rnams kyis/ bcom ldan 'das dang rnal 'byor ma dang / bla ma dang sangs rgyas dang byang chub sems dpa' rnams cho ga ji lta bar mchod par bya zhing phyag 'tshal lo//de nas de rnams kyi spyan sngar sdig pa bshags pa dang / sdig pa mi bya ba'i phyir bsdam pa dang / bsod nams la rjes su yi rang ba dang / bsod nams yongs su bsngo ba dang / gsum la skyabs su 'gro ba dang /byang chub tu sems bskyed pa dang / bdag gis dngos po dbul ba dang / bskul ba dang / gsol ba gdab pa byas nas/ de'i 'og tu tshangs pa'i gnas bzhi bsgom mo/ /de nas chos thams cad ni stong pa nyid kyi ye shes kyi rdo rje'i bdag nyid de/ oM shU n+ya tA dz+nyA na badzra swa b+hA wa At+ma kou0f85haM/zhes bya ba dngos po ma lus pa'i de kho na nyid sdud par byed pa'i sngags kyi de kho na mngon du byed cing / de ma skyes ma 'gags pa 'od gsal ba'i ting nge 'dzin la yud tsam rab tu mi gnas pa'i ngo bor yang dag par gnas par bya'o/ /de nas sngar gyi smon lam gyi shugs kyis nus pas 'od gsal ba'i gnas las langs la/rmi lam dang sgyu ma lta bu sna tshogs la blta zhing / 'gro ba'i don du bdag nyid dpal he ru ka nyid du rnam par bsgom par bya'o/ /yaM raM baM laM yongs su gyur pa las gzhu dang zur gsum pa dang zlum po dang gru bzhi pa sngon po dang dmar po dang dkar po dang ser po 'byung ba bzhi'i dkyil 'khor gong nas gong du blta'o//de'i steng du yi ge suM las byung ba'i ri rab gru bzhi pa rin po che sna bdun gyi rang bzhin rtse mo brgyad kyis nye bar mdzes pa'o/ /de'i steng du oM me di nI badzrI b+ha ba badzra ban+d+ha hUM/ oM badzra brA kA ra hUM baM hUM/ oM badzra pany+dza ra hUM baM hUM/oM badzra bi tA na hUM khaM hUM/ oM badzra sa ra dzA la traM saM traM/ oM badzra dz+wa la a na lA a na lA rka hUM hUM hUM/ sngags kyi tshig de dag gis rdo rje'i sa gzhi la sogs pa rnam pa drug byas la/ de'i nang gru bzhi la sogs pa'i khang pa brtsegs ma rnam par bsgom par bya'o/ /de'i dbus su sna tshogs pad+ma la gnas pa'i 'khor lo rtsibs drug pa rdo rje dang pad+ma 'khor lo'i phreng bas yongs su bskor bar bsam mo//de'i nang du pad+ma'i lte ba la gnas pa/ raM las byung ba'i nyi ma'i dkyil 'khor la/ a tshar dang ka tshar yongs su gyur pa las zla ba dang nyi ma kha sbyar ba'i dbus na gnas pa'i yi ge hUM sngon po rdo rje sems dpa'i rang gi ngo bo nyid bsgom mo//de dag thams cad yongs su gyur ba las bcom ldan 'das rdo rje mkha' 'gro hUM las byung ba phag mo la 'khyud pa bde ba chen po man ngag ji lta ba bzhin du me long lta bu la sogs pa ye shes lnga'i bdag nyid/ phyag drug pa zhal gsum pa/rtsa ba dang g.yas dang g.yon nag po ser po dang ljang gu/ spyan gsum pa khyab bdag mtshan sum cu rtsa gnyis dang dpe byad brgyad cu'i bdag nyid can 'khyud pa'i phyag dag gis rdo rje dang dril bu 'dzin pa/ phyag cig shos dag gis steng nas mi'i pags pa 'phyang ba/ phyag g.yon na kha T+wAM ga brten pa dang thod pa khrag gis gang ba can/g.yas pas mdung rtse gsum pa 'dzin pa/ thod pa'i rgyan 'bar ba/ phyag rgya drug gis rnam par klubs pa/ rked par stag gi pags pa'i na bza' gsol ba/ ral pa'i tshogs sna tshogs rdo rje dang zla ba phyed pas brgyan pa ste/ sna tshogs pad+ma dang nyi ma'i dbus na gnas pa'i srid pa dang mya ngan las 'das pa'i rang bzhin 'jigs byed dang /dus mtshan mo'i mgo bo'i rna ba g.yon pa dang nu ma g.yas brkyang ba'i zhabs kyis mnan par bsgom mo/ /mgon po ji lta ba de bzhin du rdo rje phag mo'i mdog dang phyag la sogs pa yin no/ /'on kyang mi'i pags pa spangs nas phyag de dag gis mda' dang gzhu 'chang bas te/lha mo ni bcom ldan 'das la pus mo gnyis kun nas 'khyud de mchog tu dga' bas myos par bsam mo/ /de nas rtsibs drug po dag la yang g.yon skor du lha mo drug blta'o/ /de la shar gyi rtsibs la yi ge phaT las byung ba dang po lha mo dpal khrag 'thung ma mdog sngon mo/rtsibs gzhan la yi ge hUM las byung ba gnyis pa rdo rje 'jigs byed ma mdog ser mo/ rtsibs gzhan la yi ge ha las skyes pa gsum pa gtum drag mo mdog dmar ba/ rtsibs gzhan la yi ge ha las byung ba rdo rje sna phyed ma ljang gu/rtsibs gzhan la yi ge hriH las yang dag par skyes pa lnga pa rdo rje drag mo du ba'i mdog /rtsibs gzhan la yi ge oM las grub pa drug pa rdo rje mkha' 'gro ma mdog dkar mo'o/ /lha mo de dag zhal gcig ma phyag bzhi ma gnyis kyis Da ma ru dang dril bu sgra sgrogs shing 'dzin pa/de las gzhan pa dag gis mi'i pags pa steng nas 'dzin pa/ thams cad drag mo chen mo spyan gsum ma/ skra bshig ma/ phyogs kyi gos can yi dags dang nyi ma'i steng na gnas pa/ thod pa'i phreng ba'i cod pan can/ g.yon brkyang bas gdan la bzhugs pa/ phyag rgya lnga 'chang ba/dngos grub nye bar mdzad ma rnams bsam mo/ /de'i rjes la bcom ldan 'das kyi snying ga'i sa bon las rnam par byung ba'i 'od zer rnams dang / yi ge dzaH yis ye shes kyi 'khor lo dgug cing / yi ge hUM gis dam tshig gi 'khor lor chu la chu bzhin du gzhug ste/ yi ge baM gyis 'ching ba dang / yi ge hoH yis mnyes par bya'o/ /ye shes sems dpa'i thugs ka'i sa bon bsams nas/ laM maM baM taM khaM zhes bya ba rnams kyis khams lnga byin gyis brlab bo/ /yi ge oM AM hri ho hUM hi rnams kyis gzugs la sogs pa'i phung po rnams kyang ngo / /yi ge b+hUM hUM khaM a haM he rnams kyis skye mched rnams sbyang ngo //de nas lha drug gi bdag nyid kyi go cha rnams kyis bdag nyid bgo ste/ /oM ha snying gar/ na ma hi mgo bo la/ swA hA hu spyi gtsug tu/ bau ShaT he phrag pa gnyis la/ hUM hUM ho mig dag la/ phaT haM yan lag thams cad la mtshon cha'o/ /lha mo drug gi dag pa'i sngags kyi tshig rnams kyis bcom ldan 'das ma go bgo ste/oM baM lte bar/ haM yoM snying gar/ hriM moM kha la/ hreM hriM spyi bor/ hUM hUM spyi gtsug tu/ phaT phaT yan lag thams cad la mtshon cha'o/ /de'i rjes la bcom ldan 'das ma'i sku dang gsung dang thugs kyi lam dag la oM AH hUM dgod do/ /de nas rang gi snying ga'i sa bon las rnam par byung ba'i 'od zer rnams kyis bskul te de bzhin gshegs pa thams cad bkug la/dbang bskur bar gsol ba btab ste/ bcom ldan 'das de bzhin gshegs pa thams cad bdag la dbang bskur ba stsal du gsol zhes so/ /de bzhin gshegs pa sangs rgyas rnams kyi sprul pa'i gzugs du ma la sogs pas bdud rtsi lngas bkang pa'i bum pa lag na thogs pa dbang bskur ba'i tshul du byed pas/dbang bskur rdo rje chen po ni/ /khams gsum pa yis phyag byas pa/ /sangs rgyas rnams ni thams cad kyi/ /gsang gsum gnas las byung ba sbyin/ /oM sar+b+bas ta thA ga ta a b+hi She ka sa ma ya shri ye hUM zhes brjod nas dbang bskur ba na sems kyi dbang bdag cod pan du gyur par bya'o//zhe sdang dang phra ma dang phrag dog dang 'dod chags dang gti mug dang chos kyi dbyings kyi cod pan rnams lha mo rnams la rim pa ji lta bar 'khrung ba zhes bsam mo/ /yi ge hUM las skyes pa'i rdo rje dang /lha mo la yi ge e las skyes pa'i pad+ma 'dab ma gsum par/ a las skyes pa'i snying po/ oM las skyes pa'i ze'u 'bru bsgom mo/ /rdo rje lcags kyu'i rnam pa'i 'od zer gyis drangs pa'i pad+ma'i sna rtser myos byed shin tu myos par rjes su chags par bya ste/ oM sar+b+ba ta thA ga ta a nu rA ga Na badzra swa b+hA ba At+ma kou0f85haM/zhes bya ba'i sgra rnams kyis bskul la de bzhin gshegs pa thams cad zhugs te rjes su chags par byas nas snying gar zhu bar byas la/ rdo rje'i lam nas pad+ma'i lte bar spro bar bya'o/ /mchod pa'i lha mo bcu drug pa ba spu'i khung bu'i rtse mo'i mtshams rnams kun nas spros la/cho ga bzhin du mchod yon dang zhabs bsil la sogs pa dbul lo/ /oM shrI he ru ka a r+g+haM pra tIts+tsha swA hA/ oM shrI he ru ka pA d+yaM pra tI ts+tsha swA hA/ oM shrI he ru ka a ny+tsha ma NaM pra tI ts+tsha swA hA/ phyi nas mkha' 'gro ma rnams kyis dri rnams dang me tog rnams kyis mchod par bya zhing bstod par bya'o//de nas bdud rtsi myang ba bsam par bya ste/ yi ge yaM yongs su gyur pa las rlung gi dkyil 'khor/ de'i steng du raM yongs su gyur pa las me'i dkyil 'khor/ de'i steng du mgo bo gsum la gnas pa yi ge a dmar po las skyes pa pad+ma'i snod/ de'i dbus su hrUM trAM dzr-IM khaM hUM laM maM baM taM de dag yongs su gyur bas bdud rtsi lnga dang sgron ma lnga rang rang gi sa bon gyis mtshan pa de'i kha chod kyi ge oM de'i steng du yi ge AH las skyes pa'i ri bong can/de la hUM las byung ba'i rdo rje sa bon des mtshan pa'o/ /rlung gis me sbar te skyes pas dag pa dang / de bzhin gshegs pa thams cad dang yi ge oM dang zla ba dang rdo rje rnams zhu bar gyur nas thod pa der lhung ba dang /de las oM AH hUM zhes brjod la/ lha thams cad kyi bdud rtsi bkug nas de nyid du gzhug go/ /'di nyid kyis byin gyis brlabs la lce'i rtse mor hUM las byung ba nas kyi 'bras bu'i tshad rdo rje dkar po ste/rdo rje'i sbu gus bdud rtsi de myang bar bya'o/ /bcom ldan 'das dang lha mo'i tshogs la zhal du sbyin par bya'o/ /de nas bsam gtan gyis skyon bde mchog gi nga rgyal 'chang zhing sngags bzlas te/ de la 'di ni sngags te/ oM hrIH ha ha hUM hUM phaT/ bzlas pas skyon dag pa dran par bya/ dran pa yang dag byang chub kyi yan lag ni dpal he ru ka'o//chos rab tu rnam par 'byed pa yang dag byang chub kyi yan lag ni dpal khrag 'thung ma'o/ /brtson 'grus yang dag byang chub kyi yan lag ni dpal rdo rje 'jigs byed ma'o/ /shin tu sbyangs pa yang dag byang chub kyi yan lag ni rdo rje snang byed ma'o//ting nge 'dzin yang dag byang chub kyi yan lag ni rdo rje drag mo'o/ /btang snyoms yang dag byang chub kyi yan lag ni rdo rje mkha' 'gro ma'o/ /mgul chu dang gdu gu dang dpung rgyan dang gdub kor dang thal ba dang skud pa rnams ni pha rol tu phyin pa drug rnam par dag par rtogs par bya'o//gtor ma nye bar sbyor ba sngon du 'gro bar thun gsum du bcom ldan 'das bsam par bya'o/ /de la 'di ni gtor ma'i rim pa yin te/ rnal 'byor g.yas brkyang pa'i zhabs kyis gnas pa/ gnas mthon po la brten zhing kha lhor bltas pa gcer bu skra bshig pas nam phyed na rkang pa mnan cing gyen du blta ba/gyen du pheM zhes sgrogs pas 'bar ba'i phyag rgya byas nas bskor zhing bskor bas dpa' bo dang rnal 'byor ma bkug la/ de'i rjes la rdo rje thal mo kha gyen du phye ba byas nas/ oM AH badzra a ra l+li ho dzaHhUM baM hoHbadzra DA ki nI sa ma ya s+t+waM dr-i sh+ya ya hoH de ltar lan gcig gnyis gsum bzhi lngar brjod la sngags bzla'o//de'i rjes la/ oM kha kha khA hi khA hi sarba yak+Sha rA k+Sha saM b+hU ta pre ta pi shA tsa un+mA da/ a pasma ra DA ki n+ya da ya/ i maM ba miM gr-i h+NaM tu/ sa ma ya ra k+Shan+tu/ ma ma sarba sid+d+hi m+me/ /pra ya ts+tshan+tuya thai baM/ ya theSh+Ti/ b+huny+dza tha/ pi ba tha/ dzi g+h+ra tha mA ti kra ma tha/ ma ma sar+b+ba kArta ya/sah+phu khaM bi shud+d+ha ye/ sa ha yi kA b+ha ban+tu hUM hUM phaT swA hA/ zhes bya ba 'dis gtor ma sbyin no/ /gtor ma byin nas ngag ji lta ba bzhin du bsdu ba byas nas/ rnal 'byor pas dpal 'khor lo bde mchog gi / gzugs kyi dbang po'i spyod yul du snang ba'i rnam pa ma bzlog par 'gro ba sgyu ma lta bur mos shing ci ltar bde bar gnas par bya'o//yi ge bdun pa'i sgrub thabs gang / /gnyis med gnyis su med pas byas/ /dge ba thob pa gang yin des/ /'jig rten 'khor lo sdom par shog /yi ge bdun pa'i sgrub thabs paN+Di ta gnyis su med pa'i rdo rjes mdzad pa rdzogs so// //bod kyi lo tsA ba mkhas pa mar pa chos kyi dbang phyug gis bsgyur cing zhus te gtan la phab pa'o/

CLOSE WINDOW