CLOSE WINDOW

D1480
བོད་ཡིག

/'di'i zhu dag dang srung ba'i 'khor lo'i kha skong rnams 'phags pas bgyis lags so/ /[]@##/ /rgya gar skad du/ tat+t+wa gar+b+ha nA ma sA d+ha nAM/ bod skad du/ de kho na'i snying po zhes bya ba'i sgrub pa'i thabs zhes bya ba/ dpal rdo rje sems dpa' la phyag 'tshal lo/ /phyogs ro cha gcig snang ba'i byang chub zla ba rdo rje nor bu'i mthar 'dzin cing / /phyogs zhal dga' ba rnam dag nyi zla'i spyan dang nyi ma'i phyag mnga' nam mkha' 'dra/ /rgyu ma'i mgo dang rgyu gdul glang chen lpags ni rked mthar phyin pa btsun mor bcas//mchog dang bral ba'i zhabs ni g.yas brkyang gnyis sbyor khro bo'i tshul la phyag 'tshal lo/ /rang byung bde ba rtogs pa las/ /'byung ba mang po nyams myong zhing / /rigs kyi phyag rgya'i spyod pa ni/ /bde ba dang 'brel yongs dag blo/ / dbugs ldan dur khrod gnas su ni/ /brtse ba gzhan gyis dbang byas te/ /dmar la sogs pa'i ri lu lnga/ /khar bcug nas ni smon lam gdon/ /sems can don phyir byed pa che/ /he ru kar bdag dran par shog /ye shes gcig bdag mnyam bzhag pas/ / bla ma la sogs mchod par bya/ /gnod mdzes sngags spros lha mo yi/ /khro mo khwa gdong sogs brgyad kyis/ /bgegs gtor nas ni mi thod du/ /dron mo'i khrag ni gsol bar mdzad/ /tshangs sogs lha dang mi'am ci/ /mkha' las rgyal bar gyur pa dag /sa gzhi 'bar ba'i mes bsregs te//thal bar gyur nas dengs par 'gyur/ /mgo rdum gar byed dum sgong can/ /mi bzad ha ha'i sgras 'khrugs shig /ro bsreg dud pa 'khyil pa dang / /phaT sgra'i dbugs kyis khyab gyur pa/ /myos bcas dag pa'i gzugs kyis ni//sgyu 'phrul rgyu phreng gis brgyan pa/ /hUM spros rdo rje dra ba yi/ /nang gi rang gi sa bon gyi/ /'od zer spros pas sa yi steng / /ma lus sbyang ba byas pa yis/ /phung po'i sgrib pa kun rtog ni/ /log par shes 'dra rang nyid kyi/ /rnam pa lhag ma blo yis lta/ /mig yor bdag nyid dga' ba yis//sgra tsam las ni nges 'byung ba'i/ /chos dbyings nang du chud de bzhin/ /dang por rlung sogs 'gyur ba'i mthar/ /ri bo che stengs pad+ma las/ /yig gsum las mtha' 'khor lo gsum/ /bsdoms nas sgyu 'phrul 'grub par 'gyur/ / ma rig sgo nga'i sbubs 'joms pa'i/ /chem chem 'jigs su rung ba yi/ /sgra yi khams gsum 'khrug pa ni/ /zad byed 'gro drug 'jigs mdzad cing / /mtshan mo 'jigs byed sgo nga'i cha/ /gnyis la g.yas brkyang zhabs kyis bzhugs/ /rtag tu dga' ba bzhi pa yi//zhal drug chu bo las rgyal ba/ /yan lag bcu gnyis mthar phyin 'chad/ /gzugs dang sa yi phyag gis mtshan/ /sbyin pa la sogs mthar phyin phyir/ /sku chen phyag rgya drug dang ldan/ /mi yi phreng ba'i dbang po dang / /khams gsum tha dad med pa nyid//gnas ngan len sogs ma rungs dag /bcom phyir stag lpags na bza' bsnams/ /zhal sprad chos kyi phyag rgya ste/ /las kyi nang du skul mdzad cing / /dam tshig skad cig phag mo dang / /'khyud pas phyag rgya chen por ldan/ /ye shes chen po sdom mdzad pas//ral pa zla bas mtshan pa 'chang / /la la nA sogs kyis brgyan pa/ /steng 'og 'jal ba'i spyan dang ldan/ /mthar bcom nam mkha' lding dang ni/ /thod pa yi ni thod kyis mtshan/ /rgyu 'bras mnyam par sbyor bas na/ /dbus ma rigs lnga'i bdag nyid can//byang chub phyogs dang bdud rtsi'i khams/ /gsang ba'i gnas kyi spyod yul nyid/ /mngon shes go cha dam pa yis/ /snying sogs yan lag rnam drug mtshan/ /rtse gsum gri gug dgra sta sogs/ /thod pa kha T+wAM zhags pa dang / /tshangs mgo rdor dril glang po yi//lpags bsnams nam mkha' dang 'dra ni/ /tshim dang chad dang 'jigs pa dang / /sad dang ye shes bzhi 'dzin phyir/ /bdud bzhi po ni bkug pa yi/ /dag pa'i phyag ni rnam par brgyan/ /rnam pa kun du rgya che ba/ /spro dang bsdu bar mdzad pa'o/ / zhi gnas rnam par rtog med bdag /dag pa'i blo ni gcig par 'grub/ /phung po la sogs byin rlabs pa/ /sems rgyud dgod pa'i rgyur 'gyur bas/ /rnam rtog gzugs brnyan yin pa'i phyir/ /bya min rnal 'byor mthar son pas/ /yi ge nyi shu rtsa bzhi yis/ /mgo sogs gnas rnams dgod bya zhing //go cha chen po dang ldan pas/ /ye shes phyag rgya rab tu bstan/ /ye shes sku lus spyi tshugs su/ /mkha' las rab tu 'bab 'gyur ba/ /zhu ba'i ye shes bdud rtsir ro/ /he ru ka yi rnam pa ni/ /'bab pa gang yin rgyu mi 'gyur/ / bcas pa'i khams gsum 'di khyab pa/ /shin tu bsil ba steng gi sgo/ /dzA lan+d+ha ra nas gzhug bya/ /gnas su rgyu ba'i sbyor bas ni/ /thim dang longs spyod dbang byas pa'i/ /rim gyis zla ba mthar rgyas shing / /rang bzhin dri ma med pa'i lus/ /nges rgyas g.yo ba med pa dang //gnyis med gnyis su med pa dang / /lhan cig skyes dga' dam pa'i dngos/ /dngos dang dngos med spyod dang bral/ /sprul pa chos dang longs spyod dang / /bde chen 'khor lo rnam par brgyan/ /a haM ka ras bskyed pa yi/ /ye shes srad bus rab brgyus shing //sprul pa'i lus las yang dag 'byung / /dag pa'i shel ltar dri med cing / /sngags phreng brjod med skad cig dang / /ldan pa'i sbyor ba bzlas brjod bya/ /ji srid 'bar bar 'gyur ba na/ /skad cig 'jig rten gsum sreg byed/ / mi shigs yi ge'i sbo nas ni/ /bsil byed zhu ba g.yos 'gyur ba/ /lan stong bdud rtsi'i rgyun sum cu/ /rtsa gnyis yan lag spros pa che/ /ma yi mtha' ma'i mthar thug bzhi/ /gang ba rgyun chen 'gyur ba med/ /'khor lo'i mthar thug g.yo zhing 'bab/ /bde chen nam mkha' khyab par byed//skra grol mthon por rab 'dug cing / /gcer bur gnas pa'i sgrub pa mchog /lus ni lho ru mngon phyogs te/ /yi ge phaT sgrogs rkang pa ni/ /mnan cing gyen du blta ba nas/ /nam phyed gtor ma gtang bar bya//sum cu rtsa drug rnam rig can/ /ting 'dzin stobs kyis dag bya'i phyir/ /skad cig ma yis rnal 'byor bdag /gnyis po thams cad rnam par spangs/ /cho ga'i rnam pa 'di yis ni/ /myur du dngos grub 'thob byed cing / /rdo rje byang chub myur 'di byas//kun mkhyen ye shes snying po dang khams blo chen 'jam dpal dang 'dra mkhas pa rnams/ /mi shes rtsa ba las byung rmongs pas mi mthun byas pa gang yin de bzod mdzod/ /rdo rje mkha' rgyu 'byung ba ma lus 'bar mdzad cing / /pad mchog rgyas dang rtog pa'i me tog rgyas mdzad pa//nyi ma lta bur gzi brjid dang ldan bram ze mchog /dpal ldan bla ma shar ba'i dam tshig drin gyis bsdebs/ /'di las bdag gis dge ba ni/ /dri med bsags sgrub ster byed pa/ /thob des 'gro ba ma lus 'di/ / rdzogs pa'i byang chub mthar bgrod shog /de kho na'i snying bo zhes bya ba'i sgrub thabs/ slob dpon dad byed go chas mdzad pa rdzogs so// //kha che'i mkhan po bi nA ya ka dang / lo tsA ba dge slong blo ldan shes rab kyis bsgyur ba'o/ /

CLOSE WINDOW