CLOSE WINDOW

D1476
བོད་ཡིག

sAts+tsha'i tsheg ma hA pradz+nyA rak+Shi tas mdzad pa lo tsA ba bshes gnyen pa ris bsgyur ba rdzogs so/ /[]@##/ /rgya gar skad du/ tsakra samA ra sA d+ha naM/ bod skad du/ 'khor lo sdom pa'i sgrub thabs/ dpal rdo rje drag po la phyag 'tshal lo/ /sku gsum dri ma gsum spangs pa'i//rdo rje drag po phyag 'tshal te/ /'khor lo bde mchog bdag nyid kyi/ /sgrub thabs yan lag mchog bshad bya/ /de la dang po re zhig rnal 'byor pas lag pa dang rkang pa dang kha la sogs pa dag par byas nas yid dang mthun zhing mngon par 'dod pa'i phyogs cig tu kha lho phyogs su bltas par gyur pas 'jam pa'i stan la 'dug /bdud rtsi lnga'i ri lu khar bcug ste sa phyogs der ni bya rog dang / 'ug pa dang ce spyang dang dum bu dang ril po dang tshig pa dang ma tshig pa'i 'jigs par byed pa'i ro la sogs pa'i 'khor kyis yongs su bskor ba'i dur khrod chen po rab tu bsams la/mgul rgyan dang / rna rgyan dang / lag rgyan dang / spyi bo'i nor bu dang / thal ba dang mchod phyir thogs dang phyag rgya drug gis brgyan pa'i bdag nyid du dmigs te/ bsrung ba'i don du gti mug la sogs pa'i ra ba gsum bsams te/sems can thams cad la phan pa dang bde ba'i rgyur bdag dpal ho ru ka yin no zhes smon lam lan gsum du brjod par bya'o/ /de nas 'og nas 'byung ba'i rim pas skad cig gis rdo rje drag po'i rnal 'byor dang ldan pas//oM a A i I u U r-i r-I li lI e ai/ o au aM aH/ ka kha ga g+ha nga / tsa tsha dza dz+ha nya/ Ta Tha Darte Na/ ta tha da d+ha na/ pa pha ba b+ha ma/ya ra la wa/ sha Sha sa ha k+Sha swA hA/ zhes dam tshig lan gsum du brjod do/ /de nas te ru ka zhes bya ba'i yi ge gsum go rims ji lta ba bzhin du spyi bo dang /mgrin pa dang snying gar bsams la/ te zhes bya ba ni rgyu dang bral ba'o/ /ru zhes bya ba ni chos thams cad rtog pa dang bral ba'o/ /ka zhes bya ba ni chos thams cad gang du yang mi gnas pa'o zhes bya bas yi ge gsum gyi don la lhag par mos te/yi ge gsum gyis khams gsum dang bdag nyid ma lus pa snang ba med par byas nas/ de ltar byas shing gnas par bsams pa'i rjes su sngon gyi smon lam gyi dbang gis he ru ka zhes bya ba'i yi ge gsum gyi ngo bo'i rang bzhin oM dang AHdang hUM gi yi ge rim pa ji lta bas steng dang bar dang 'og tu rim pa bzhin du nam mkha'i phyogs su kha dog dkar po bsams la/hUM yongs su gyur pa las rdo rje rtse lnga pa'o/ /rdo rje de'i lte ba la hUM dmigs pa de las byung ba'i de'i rnam pa can gyi 'od zer nam mkha'i khams khor yug chen po ri rab tu khyab par byas la sems can ma lus pa'i don byed par zhugs te/lcags kyu'i rnam pa can gyis 'od zer de gong gi yi ge gsum la gzhug go/ /oM ni AHla'o/ /AHni rdo rje la ste rim bzhin du rdo rje la sogs pa rdo rje lte ba la'o/ / yang hUM la'o/ /u ha la'o/ /ha mgo bo la'o /mgo bo zla tshes kyi rnam pa la'o/ /de yang thig le ni sgra tsam ste de yang dmigs par mi bya'o/ /de ltar ma lus shing lus pa med par khams gsum gyi sgra tsam gyis rnam par gnas par bsams la/ de nas lA ma'i rang bzhin yo yongs su gyur pa las rlung gi dkyil 'khor mdog sngon po rgyal mtshan gyis mtshan pa'i gzhu'i rnam pa bsams la/de'i steng du dum skyes ma'i rang bzhin ra~M` yongs su gyur pa las gru gsum dmar po me'i dkyil 'khor ro/ /de'i steng du mkha' 'gro ma'i rang bzhin baM yongs su gyur pa las rlum zhing dkar ba'i chu'i dkyil 'khor ro//de'i steng du gzugs can ma'i rang bzhin lo yongs su gyur pa las gru bzhi mdog ser ba sa'i dkyil 'khor ro/ /de'i steng du rka yongs su gyur pa las rus sbal lam thod pa'o/ /de'i steng du a yongs su gyur pa las bar mtshams med pa'i sna tshogs rdo rje nye bar dmigs la/de'i lte bar paM yongs su gyur pa las sna tshogs pad+ma 'dab ma brgyad pa bsam mo/ /de'i steng du su~M` yongs su gyur pa las ri bdun gyis yongs su bskor ba'i gru bzhi ri rab rin po che sna bzhi las grub pa yongs su bsgom par bya'o//de'i steng du pad+ma'i ze 'bru dang bcas pa'i 'dab ma brgyad pa dmigs la pad+ma'i ze 'bru'i steng du A li kA li bkod nas/ A li kA li yongs su gyur pa las rgya che zhing yongs su rdzogs pa'i zla ba'i dkyil 'khor gyi rnam par bsgom par bya'o//sngon gyi smon lam gyi dbang gis gnas pa'i sgra tsam la thig le'o/ /thig le las zla phyed kyi rnam pa'o/ /de nas mgo bo las ha/ ha las hU/ de ltar rim pas hUM nges par rdzogs par byas la/ nam mkha'i phyogs nas zla ba'i dkyil 'khor gyi dbus su 'jug par byas la/de yongs su gyur pa las/ /bcom ldan 'das dpal te ru ka mgon po rdo rje phag mo la 'khyud pa/ zhal bzhi pa spyan gsum pa man ngag gi phyag bcu gnyis dang po'i phyag gnyis kyis rdo rje dang dril bu bsnams pas rdo rje phag mo la mnyam par 'khyud pa'o//gnyis pa'i phyag gnyis na khrag 'dzag pa'i glang po che'i pags pa rgyab tu bsnams pa'o/ /g.yas pa'i phyag bzhi na rtse gsum dang gri gug dang dgra sta dang rnge'u chung bsnams pa'o/ /g.yon pa'i phyag bzhi na rdo rjes mtshan pa'i kha TI ga dang thod pa dang zhags pa dang tshangs pa'i mgo bo bsnams shing 'chang ba'o//pad+ma'i zhal bzhi phyag rgya drug dang ldan pa/ dpral ba'i mtha' ru rdo rje phreng bas bcings pa/ de dang nye ba'i steng du thod pa rnam pa lnga bcings pa lha mo'i ngo bo nyid do/ /ral pa'i cod pan gyis brgyan pa'o//g.yon phyogs kyi char zla ba byed pa gzhag pa'o/ /spyi bor sna tshogs rdo rje'i dbus su mi bskyod pas mnan zhing 'chang ba'o/ /mgo bo'i phreng ba brgya byed pas sku la brgyan pa/ stag gi pags pa khrag 'dzag pa'i sham thabs can/ rus pa'i phreng ba rked pa'i phyogs su bcings pa'o//zhal dang po dang lus thams cad ni du ba'i mdog lta bu'o/ /ljang gu dang dmar po dang ser po ni g.yon pa dang rgyab dang lho phyogs kyi zhal lo/ /yi dwags chen po mnan pa/ gdug pa can thams cad 'joms pa'i gzugs su rnal 'byor chen po dmigs shing brtan par byas pas rdo rje phag mo la yang thal ba dang dpral ba'i phyag rgya rnam pa lngas brgyan pa'o//rus pa'i ske rags la sogs pas brgyan pa'o/ /phyag gnyis pa/ zhal gcig pa mgon po dpa' bo'i bdag nyid kyi sku lus 'dra ba'o//mi'i rgyu ma dang khrag gis bkang bas gnyis ka'i khar gsol ba'i thod pa g.yon pa'i phyag na bsnams pa'o/ /bdud thams cad tshar gcod pa la ched du byas pa'i sdigs mdzub d+hi dang bcas pa'i rdo rje g.yas pa'i phyag na bsnams pa'o/ /skra grol ba gcer bu rus pa'i phreng bas brgyan pa'i bcom ldan 'das ma bsgom par bya'o//pad+ma'i 'dab ma la mdun du mkha' 'gro ma mdog nag po'o/ /g.yon du lA ma ljang gu'o/ /rgyab tu dum skyes ma dmar mo'o/ /g.yas su gzugs can ma mdog ser ba'o/ /dbang ldan la sogs pa'i mtshams bzhir thod pa la gnas pa'i dri chen dang dri chu dang rang byung gi me tog dang byang chub sems kyi rnam pa bsgom pa'o//de la lte bar gcig tu byas pa stobs po che dang 'khor lo'i shugs can ma'o/ /rin chen rdo rje dang dum skyes ma'o/ /rta mgrin dang shoN Di ni'o//nam mkha'i snying po dang 'khor lo'i go cha ma'o/ /dpal te ru ka dang shin tu dpa' mo'o/ /pad+ma gar dbang dang stobs mo che'o/ /rnam par snang mdzad dang 'khor los sgyur ma'o/ /rdo rje sems dpa' dang brtson chen ma'o/ /sku'i 'khor lo ser po'o/ /rtsibs brgyad dang mdog ser ba ste rked pa'i phyogs su gnas pa'o//de'i steng du saM gu ri dang i ra ba ta'o/ /rdo rje ral pa can dang 'jigs byed chen mo'o/ /dpa' bo chen po dang rlung gi shugs can ma'o/ /rdo rje hUM mdzad dang chang 'thung ma'o/ /rab tu bzang po dang sngo bsangs ma'o/ /rdo rje bzang po dang shin tu bzang mo'o//'jigs byed chen po dang rta rna ma'o/ /mig mi bzang dang khwa gdong ma'o/ /rtsibs brgyad ni dmar ba ste gsung gi 'khor lo ni dmar po'o/ /nu ma'i bar du gnas pa'o/ /de'i steng du thod pa'i dum bu dang rab tu gtum mo'o/ /keng rus chen mo dang gtum pa'i mig can ma'o//rka ka la dang 'od ldan ma'o/ /mche ba rnam par gtsigs pa dang sna chen ma'o/ /lha dgra dang brtan pa'i blo can ma'o/ /'od dpag med dang mi thung ma'o/ /rdo rje 'od dang lang+ka'i dbang phyug ma'o/ /rdo rje sku dang shing grib ma'o/ /thugs kyi 'khor lo ni du ba lta bu ste rtsibs brgyad kyang du ba lta bu'o//rked pa man chad kyi phyogs su gnas pa'o/ /khwa gdong ma dang / 'ug gdong ma dang / khyi gdong ma dang / phag gdong ma'o zhes bya ba ni gru bzhi pa'i sgo bzhi ru du ba dang ljang gu dang dmar po dang ser po'i mdog go/ /gshin rje brtan ma dang /gshin rje pho nya mo dang /gshin rje mche ba ma dang / gshin rje 'joms ma ni dbang ldan la sogs pa'i mtshams rnams su ste mdog gnyis ma'o/ /dpa' bo thams cad ni zhal gcig phyag bzhi pa ral pa'i cod pan la dar dpyangs kyis mtshan pa'o/ /phyag dang po gnyis kyis rdo rje dang dril bu bsnams pas lha mo la mnyam par 'khyud pa'o//gzhan gnyis kyis rnge'u chung dang thod pa bsnams shing 'chad pa'o/ /phyag rgya lnga la sogs pas sku brgyan pa/ g.yon brkyang pas gdan la gnas pa'o/ /spyan gsum pa mkha' 'gro ma la sogs pa thams cad ni skra grol ba gcer bu thod pa dang gri gug gis mtshan pa'i phyag g.yon pa dang gzhan no//spyan gsum pa dpa' bo dang mkha' 'gro ma ni thal ba spangs pa'i phyag rgya lnga dang ldan pa'o/ /lha mo thams cad ni g.yas brkyang pa'i zhabs kyis gnas pa'o//da ni dpa' bo 'di rnams thams cad ni yi ge hUM gcig pu las skad cig gis yongs su rdzogs par bsams la de'i nang du bya'o/ /gru bzhi pa sgo bzhi dang do shal dang twa ra Na dang dril bu dang ba dan dang me tog gi phreng bas brgyan pa/ 'ug pa dang ro dang 'bar la sogs pa mang pos khyab pa'i dur khrod dang ldan par 'bar ba'i rdo rje dang pad+ma dang 'khor lo'i ra ba gsum gyis bskor ba'o//ra ba lta bu'i steng dang rdo rje gur yongs su bsrung ba'i gzhal yas khang yongs su rdzogs par byas la 'di thams cad la yang dag par blta zhing / oM sum+b+ha ni sum+b+ha hUM hUM phaT/oM kr-ihA gret+ta hUM hUM phaT/ R+Shadza pa ya kr-i pa ya hUM hUM phaT/ oMphywan ya hoHb+ha ga wAn badzra hUM phaT/ ces pa zhal bzhi nas tshig brjod par bya'o/ /de nas ming thams cad ni so sor brjod par bya ste/ de rnams kyi mdog dang phyag la sogs pa ni nges pa yang de bzhin du blta bar bya'o//sngags 'di'i rim pas go cha bya ste/ oMha rdo rje sems dpa' ni snying gar ro/ /na ma hi rnam par snang mdzad ni mgo bo la'o/ /swA hA hu pad+ma gar byi dbang phyug ni spyi gtsug tu'o/ /bo ShaT he dpal te ru ka ni phrag pa gnyis la'o/ /hUM hUM ho rdo rje nyi ma ni mig gnyis la'o//phaT haM rta mgrin ni lgo yan lag thams cad kyi mtshon cha'o/ /de ltar bdag nyid go cha bgo bar bya'o/ /oM baM ni rdo rje phag mo ste lte ba la'o/ /haM oM gshin rje ni snying gar ro/ /hriM moM rmongs byed ma ni kha la'o/ /hro hri skyod byed ma ni mgo la'o/ /hUM hUM skrag byed ma ni spyi bor ro//phaT phaT gtum mo ni yan lag thams cad kyi mtshon cha'o/ /de ltar rdo rje phag mo yang bgo bar bya'o/ /de nas gnas gzhan na gnas pa'i ye shes kyi 'khor lo de lta bu bsams la/ rang gi snying ga na gnas pa'i yi ge hUM ste 'od zer spros te bskul nas/ rdo rje skyil mo krung brkyang ste/rkang pa g.yas pa'i mthe bong gi steng du g.yon pa'i mtheb chen gyis mnan la lag pa gnyis kyis dam tshig gi phyag rgya bcings la dpral ba'i steng du yang dag par bzhag ste/ phaiM gyi sgra brjod cing g.yon pa dang g.yas pa bskor ba'i tshul gyis ye shes kyi 'khor lo bkug ste gzhug cing gcig tu byas la brtan par byas la 'di yang bya'o//byA dang byA yongs su gyur pa las rdo rje dang pad+ma bsams la/ de'i steng du t+yA dang byA gnyis kyis mtshan pa'i mtshan nyid bsam mo/ /de nas oM sarba bud+ha DA ki b+hA ye badzra war+Na nI ye hUM hUM phaT swA hA/ zhes bya ba ni lte bar ro/ /oM badzra be+e ro tsa nI ye hUM hUM phaT swA hA/ zhes bya ba ni snying gar ro/ /oMs+thAHha ha hUM hUM phaT ces bya ba ni kha la'o/ /oM TIbadzra he te ru ru ke hUM hUM phaT/ DA ki nI dz+wa la saM ba ra swA hA/zhes pa ni dpral bar lha mo dgod par bya'o/ /de ltar ye shes kyi 'khor lo spyan drangs pa'i sngon du phyag rgya chen po dang chos kyi phyag rgya dmigs la da ni las kyi phyag rgya brtsam par bya'o//de nas bdud rtsi myang bar bya ste hUM gi 'od zer gyis bkug ste oM AHhUM zhes bya ba 'dis rim pa bzhin du brjod pa tsam gyis bdud rtsi langs te nam mkha'i phyogs thams cad du spros la dkyil 'khor gyi 'khor lo'i steng du ba mo thigs pa'i gzugs kyis bdud rtsi bab cing de bzhin du dkyil 'khor pa tshim par bya'o//ye shes kyi bdud rtsi de myangs pas dga' ba dang mchog dga' dang / shin tu dga' ba dang rab tu dga' ba'i bdag nyid du gyur pa'i mnyam par gzhag pa'i yid kyis bsgoms la/cho ga bzhin du phyi dang gsang ba'i mchod pas yang dag par mchod la rdo rje dang bcas pa'i dril bu yang lan gsum du dkrol zhing bstod pa byas la nye bar bsdu bar bya'o/ /'di ni sprul pa'i sku'o/ /de nas bsrub pa dang srub pa'i sbyor bas nye bar bsdu bar bya ste/de la rim pa ni 'di yin te sgo srung ba'i lha mo rnams g.yon skor gyis bskor te sku'i 'khor lor lho rab tu zhugs par bsam par bya'o/ /de ltar sku'i 'khor lo g.yas skor du bskor nas gsung gi 'khor lo la'o//gsung gi 'khor lo g.yon skor du bskor nas thugs kyi 'khor lo la'o/ /thugs kyi 'khor lo g.yas skor du bskor nas lha mo bzhi la'o/ /lha mo bzhi g.yon skor du bskor nas zhal bzhi la go rims bzhin du zhugs par bya'o/ /de nas go cha chen pos ni go bgo bar bya ste 'di'i rim pa ni pu dzA o a go rA de mA kA o tri ko ka la ka hi pre kr-i sau su nA si ma ku/de la 'di'i don ni pul+lI ra mA che mgo bo la ste rab tu gtum mo'o/ /dzA lan d+ha ra spyi gtsug tu ni gtum pa'i mig can ma'o/ /o Di ya na ni rna ba g.yas pa ste 'od ldan ma'o/ / arbu da rgyab kyi phyogs su ste sna chen ma gnas so/ /go dA ba rI rna ba g.yon pa ste dpa' bo'i blo ma'o/ /rA me swa re smin ma'i dbus su ste mi thung ma'o/ /de bI ko Ti mig gnyis te lang ka'i dbang phyug ma'o/ /mA la be phrag pa gnyis te shing grib ma'o/ /kA ma ru pa mchan khung gnyis te e ra ba ti'o//o Ti ni nu ma gnyis la 'jigs byed chen mo ste zhing ngo / /tri sa ku Sh+pe ni lte ba ste rlung gi shugs can ma'o/ /ko sa le sna rtse ste chang 'thung ma ste nye ba'i zhing ngo / /ka ling ga ni khar te sngo bsangs ma'o/ /lam+pa ka mgrin par te rab tu bzang mo 'dun pa'o//kAny+tsi snying gar te rta rna ma'o/ /hi ma la ya mdoms su khwa gdong ma ste nye ba'i 'dun pa'o/ /pre ta pu ri mtshan ma la 'khor lo'i shugs can ma'o/ /kr-i ha de ba gsang ba'i sgo ste dum skyes ma 'du ba'i sa'o/ /sau rASh+Ta brla gnyis la chang tshong ma'o/ /su bar+Na dI pa byin pa gnyis la 'khor lo'i go cha ma nye ba'i 'dus pa'o//na mug ra sor mo la ste rab tu dpa' mo'o/ /sen+tu ste rkang pa'i rgyab gnyis su stobs po che ste dur khrod do/ /ma ru ni mtheb chen gnyis la 'khor los sgyur ma'o/ /ku lu tA pus mo gnyis la brtson chen ma ste nye ba'i dur khrod do//de ltar de nas pU nyul sogs pa sa bon gyi yi ge nyi shu rtsa bzhi de'i bdag po lha mo'i rang bzhin no/ /mgo bo la sogs pa gnas nyi shu rtsa bzhir dgod par bya'o/ /gsum pa go cha chen po'i bsrung ba'o/ /de ltar bsgoms nas sgom pas skyo bar gyur na yang dag par bstod la sngags snye bzlas pa bya'o//de la rim pa ni 'di yin te lha mo dang mgon po ma gtogs pa'i phyi ma rnams kyi ni ming nyid sngags te/ oM ni byed/ dang por byas la hUM hUM phaT ni mthar sbyar ro/ /oM DA ki nI ye hUM hUM phaT de ltar thams cad la'o/ /de la 'dir bzlas pa'i rim pa ni/rnal 'byor pa'i sngags bzung ste/ /de yi kha nas rjod pa'i rim/ /kha yi skud pa'i rnam pa ltar/ /rdo rje'i lam nas phyir byung ste/ /dkar po dmar po de bzhin ser/ /nag po nyid kyis rnam pa bzhi/ /pad+ma'i lam nas rab zhugs te/ /pad+ma nas ni pad rim du snye //'khor lo 'khor ba'i gzugs kyis ni/ /blo dang ldan pas sngags bzlas bya/ /de ltar rnal 'byor bzlas rim ni/ /shes bya sngags la goms par bya/ /bla ma'i rdo rje gnang drin gyis/ /zhi ba dbang sogs bye brag gis/ /las rnams bzhi ni nges pa ru//sngags pas myur du 'grub par 'gyur/ /'di ni longs spyod sdogs pa'i sku'o/ /de nas gzhan yang rang gi snying ga'i zla ba'i steng du hUM ngo / /hUM las byung pa'i rlung gis A li dang kA li'o/ /'jug pa'i rlung gis nye bar bsdu'o/ /de ltar lan mang du nam mkha'i khongs su spro zhing yi ge yang sngon bzhin du thim par gyur par bsam par bya'o//'di ni chos kyi sku'o/ /dpal 'khor lo sdom pa'i sgrub thabs slob dpon rgyal ba bzang pos mdzad pa rdzogs so// //rgya gar gyi mkhan po don yod rdo rje dang / bod kyi lo tsA ba dge slong ba ris bsgyur ba'o/

CLOSE WINDOW