CLOSE WINDOW

D1465
བོད་ཡིག

/dpa' bo gcig pa'i sgrub thabs slob dpon chen po DaM bi he ru kas mdzad pa rdzogs so// //rje dI paM ka ra'i zhal snga nas dang / nag tsho tshul khrims rgyal bas bsgyur ro/ /[]@##/ /rgya gar skad du/ shrI a b+hi sa ma ya nA ma pany+tsi kA/bod skad du/ dpal mngon par rtogs pa zhes bya ba'i dka' 'grel/ bcom ldan 'das dpal he ru ka la phyag 'tshal lo/ /bde mchog dpal ldan bla ma yi/ /zhabs kyi pad+mar phyag 'tshal te/ /lU yi ba yi sgrub thabs kyi/ /de yi dka' 'grel bdag gis bya/ /dang po kho nar rnal 'byor pas dur khrod dam ri la sogs pa mtho ba'i gnas su ro la nye bar gnas la/gcer bu skra bkrol te bdud rtsi lnga'i ril khu khar bcug la kha lho phyogs su bltas te/ /shrI he ru ka zhes bya ba'i yi ge bzhi'i don mngon du bya ste/ shrI ni gnyis med ye shes te/ he ni rgyu sogs stong pa'o/ /ru ni tshogs dang bral ba ste/ka ni gang du'ang mi gnas pa'o/ /zhes pa'o/ /sems can thams cad la phan pa dang bde ba'i rgyur shrI he ru ka a haM zhes lan gsum brjod la/ bde mchog 'khor lo phyag gnyis pa yum dang bcas pa'am gcig pu gang yang rung par mos par byas la/ de'i rjes la oM gyi yi ge'i dang po can dang hUM hUM phaT kyi yi ge'i mtha' can gyis A li dang kA li'i phreng ba 'od zer lnga dang ldan pa lan gsum du brjod pas yongs su bskor nas gnas pa las 'khor lo gsum gyi lha tshogs spros te/ bgegs kyi tshogs rnams 'joms par byed pas bskrad par bsgoms la/de bsgoms nas ci zhig bya ba de gsungs pa/ re zhig rnal 'byor gyi dbang phyug gis tshangs pa'i gnas bzhi bsgom par bya'o/ /de ltar thams cad byas nas tshangs pa'i gnas bzhi bsgom pa de gang las rnyed ce na/ bla ma'i gdams ngag las dang / rnal 'byor gyi dbang phyug gi tshig las kyang ngo / /dbang po rnon po'i sems can gyi dbang du byas nas mdor bsdus pa'i byams pa la sogs bsgom pa ni/ ji ltar 'khor ba'i sdug bsngal las bton la de bzhin du ro gcig pa'i bde ba chen po la sems can thams cad bdag gis rab tu dgod par bya'o zhes pa'o//de la sdug bsngal las bsgral ba ni snying rje'o/ /bde ba chen po la rab tu 'god par byed pa ni byams pa'o/ /de bzhin nyid kyi rang bzhin gyis btang snyoms so/ /brtan pa'i bde ba nyid kyis dga' ba'o/ /byams pa la sogs pa rgyas par bsgom pa ni rab tu grags pa nyid do//bsgom par bya'o zhes bya ba 'dis ni thams cad bsgom par gsungs pa'o/ /de'i dgos pa brjod par bya ste/ stong pa nyid du mos pas ni rnam par rtog pa'i dri ma thams cad 'joms pa'o/ /bde mchog zhal gcig phyag gnyis pa'i nga rgyal gyis ni lus kyi bya ba thams cad dag pa dang 'gro ba thams cad thog ma med pa nas yang dag par grub cing rang bzhin gyis yongs su dag pa'i he ru ka'i rang bzhin du yang bstan to//A li kA li bsgoms pas ngag gi bya ba thams cad rnam par dag par byed do/ /byang chub tu sems bskyed pas ni dge ba'i rtsa ba thams cad 'phel bar byed pa'o//de nas phung po la sogs pa rnam par dag pa las byung ba'i mchod pa la sogs pa ni byang chub myur ba'i rgyur 'gyur ba'i phyir gsungs pa/ de nas phung po lnga'i nga rgyal bskyed par byas te/ de la gzugs nas rnam par shes pa'i mthar thug pa rnams la dbu ba dang /chu bur dang / smig rgyu dang / chu shing dang / sgyu ma lta bu nyid kyis rnam par snang mdzad la sogs pa nyid du nges pa'o/ /de bzhin gshegs pa thams cad kyi rang bzhin ni de bzhin nyid ces bya ba'i don to/ /yang na dbu ba lta bu la sogs pa las gzhan rnam par snang mdzad la sogs pa'i lhar mos pa nyid kyis de rnams rnam par dag pa'o//de la gzugs dang / tshor ba dang 'du shes dang 'du byed dang rnam par shes pa rnams la rnam par snang mdzad dang rin chen 'byung ldan dang / snang ba mtha' yas dang don yod grub pa dang / rdo rje sems dpa'o//gzugs la sogs pa'i de bzhin nyid ni mi bskyod pa ste/ dkar po dang ser po dang dmar po dang ljang gu dang dkar po dang nag por de rnams kyi kha dog rig par bya'o/ /rnam par snang mdzad ni phyag g.yas kyis 'khor lo gdengs pa/ phyag g.yon pa dril bu dang ldan pa'i bsnyems pa dang bcas pas dkur brten pa'o//rin chen 'byung ldan dang 'od dpag med dang / /don yod grub pa ni rin po che dang pad+ma dmar po dang / sna tshogs rdo rje dang ldan pa'i phyag g.yas gdengs pa/ rol pa dang bcas pa'i dril bu dang ldan pa'i phyag g.yon pa thugs kar son pa'o//rdo rje sems dpa'i g.yas pa'i phyag gis rol pa dang bcas pas thugs kar rdo rje 'dzin pa/ dril bu dang bcas pa'i phyag g.yon pa bsnyems pa dang bcas pas dkur brten pa'o/ /rdo rje he ru ka'i phyag g.yas pa rdo rje dang bcas pas sa gnon pa'i phyag rgya'o/ /phyag g.yon pa dril bu dang bcas pas dkur brten pa'o//mig gnyis la zhes bya ba la sogs pa la rgyud gzhan las grags pa'i sa'i snying po dang phyag na rdo rje dang / nam mkha' snying po dang 'jig rten dbang phyug dang / sgrib pa thams cad rnam par sel ba dang / kun du bzang po rnams la 'dir gti mug rdo rje la sogs par go rims bzhin rtogs bar bya ste/kha dog ni dkar po dang nag po dang / ser po dang / dmar po dang / ljang gu dang / dkar po rnams so/ /gti mug rdo rje g.yas pas 'khor lo gdengs pa/ phyag g.yon pas dril bu thugs kar bsnams pa'o//zhe sdang rdo rje ni phyag g.yas pa rdo rje dang bcas pas thugs kar son pa'o/ /phyag g.yon pa dril bu dang ldan pas bsnyems pa dang bcas pas dkur brten pa'o/ /phra ma dang 'dod chags dang phrag dog rdo rje rnams g.yas pa rin po che dang pad+ma dmar po dang sna tshogs rdo rje dang bcas pa gdengs pa/dril bu ldan pa'i phyag g.yon pa rol pa dang bcas pas thugs kar son pa'o/ /dbang phyug rdo rje ni phyag g.yas pa rdo rje dang bcas pas thugs kar son pa'o/ /phyag g.yon dril bu dang bcas pas dkur brten pa'o/ /ltung byed ma dang gsod byed ma dang /'gugs byed ma dang / pad+ma gar gyi dbang phyug ma rnams ni zhal gcig phyag bzhi ma ste/ ser po dang / nag po dang / dmar po dang ljang gu'i mdog can gyi spyan ma dang / mA ma kI dang gos dkar mo dang sgrol ma'i rang bzhin te phyag g.yas pa gnyis kyis 'khor lo dang gri gug dang rdo rje dang gri gug dang /pad+ma dang gri gug dang / ral gri dang gri gug rnams 'dzin pa'o/ /g.yon pa'i phyag gnyis kyis thod pa dang / kha T+wAM ga 'dzin pa'o/ /pad+ma'i dra ba can ni du ba'i mdog dang dkar ba dang dmar ba'i zhal gsum pa phyag drug pa chos kyi dbyings kyi rdo rje ma'i rang bzhin du ba'i mdog can/g.yon pa'i phyag gsum gyis thod pa dang kha T+wAM ga dang zhags pa 'dzin pa/ g.yas pa'i phyag gsum na lcags kyu dang tshangs pa'i mgo bo dang gri gug gis mdzes pa'o/ /rnam par snang mdzad me long lta bu'i ye shes kyi rang bzhin no/ /rdo rje nyi ma ni mnyam pa nyid kyi ye shes kyi rang bzhin no//pad+ma gar gyi dbang phyug ni so sor rtog pa'i ye shes kyi rang bzhin no/ /rdo rje rgyal po ni bya ba grub pa'i ye shes kyi rang bzhin no/ /sgrub thabs 'dir ni shin tu rnam par dag pa'i chos kyi dbyings kyi ye shes kyi rang bzhin ni rdo rje sems dpa'o/ /chos kyi dbyings kyi rang bzhin ni mi bskyod pa'o//gti mug rnam par 'joms pas na gti mug rdo rje'o/ /zhe sdang 'joms pas na zhe sdang rdo rje'o/ /phrag dog rnam par 'joms pas na phrag dog rdo rje'o/ /chags pa thams cad 'joms pas na 'dod chags rdo rje'o/ /phra ma thams cad 'joms pas na phra ma rdo rje'o//thams cad la dbang phyug ster bas na dbang phyug rdo rje'o/ /ming dang rjes su mthun pa'i las rnams sgrub pas na ltung byed ma la sogs pa'o/ /rnam par snang mdzad la sogs pa ni zhabs g.yas brkyang pa ral pa'i cod pan can spyan gsum pa phyag rgya lngas brgyan pa'o//lha mo rnams ni skra grol ba gcer bu spyan gsum pa phyag rgya lngas brgyan pa zhabs g.yas brkyang ba'o/ /de nas zhes bya ba ni phung po la sogs pa rnam par dag pa'i rjes thogs su'o/ /rdo rje'i gur bsam par bya ste/ shar la sogs pa'i phyogs su nges par dgod par bya'o//steng du ni mda'i dra ba'o/ /sa gzhi ni yi ge hUM las sna tshogs rdo rje'i rang bzhin du byin gyis brlab par bya'o/ /de'i 'od kyis snang ba las rdo rje'i ra ba dang / rdo rje'i bla re'o/ /zhes bya ba'i tshig bdun po 'di rnams ni man ngag ji lta ba bzhin du bri'o/ /g.yon pa'i mdzub mo dang mthe bong brdab pa sngon du 'gro bas oM sum+b+ha zhes bya ba'i sngags brjod cing nag po dang ljang gu dang dmar po dang /ser po'i kha dog tshangs pa'i 'jig rten nas gser gyi sa gzhi la thug par khyab cing 'bar ba'i lus chen po shar dang byang dang nub dang lho'i phyogs rnams su rim gyis dgod par bya'o//sum+b+ha la sogs pa'i sngags kyi 'od zer gyi kha dog las de dang mthun pa'i ra ba bzhi'o/ /de dang dus mnyam pa nyid du hUM gi yi ge las skyes shing de nyid kyi byin gyis brlabs pa'i sna tshogs rdo rje'i rang bzhin gyi sa gzhi'o/ /de'i 'od zer gyi steng du rdo rje rtse lnga pa'i rnam pa'i mda'i dra ba'o//de'i 'og tu rdo rje'i gur dang rdo rje'i bla bre ni gnas ji lta ba bzhin du bsam pa'o/ /de nas sum+b+ha la sogs pa'i sngags bzhi las grub pa'i khwa gdong ma la sogs pa'i lha mo bzhi dang / de nyid kyi tshe gnyis gnyis kyi 'od zer las byung ba'i gshin rje brtan ma la sogs pa'i lha mo bzhi ste/'di brgyad ni zhal gcig pa phyag gnyis pa lte ba man chad rtse gcig pa'i rnam pa'o/ /g.yas pa na rdo rje tho ba 'dzin pa/ g.yon pa bdag nyid kyi lta bu'i phur bu'i phyag can spros te phyogs bcu na gnas pa'i bgegs kyi tshogs bkug nas sgra ring por brjod pa'i hUM yi ge las grub pa'i phyogs brgyad kyi ra ba dang nye ba'i dong rnams su bcug la phur bus gdab pa'i sngags sngon du 'gro bas bgegs kyi tshogs phur bus gdab pa dang brdung ba'i sngags sngon du 'gro bas brdung bar bya'o//phur bus gdab pa dang brdung ba dag gis bgegs kyi tshogs rnams bde ba chen po'i de bzhin nyid du rang bzhin gcig par rnam par bsam par bya'o//yang bgegs lhag ma rnams bskrad nas de dag ra ba la thim pa na chu la chu thim pa las thigs pa byung ba'i tshul gyis mtshams bcing ba'i don du zlum po'i rdo rje dang pad+ma dang 'khor lo'i ra ba rnams bsam par bya'o//rdo rje'i ra ba la sogs pa de nyid mtshams med cing dum bu gcig tu gyur pas rnam pa thams cad du 'gro ba rnams la bgegs med par mos par bya'o/ /'dir ci'i phyir bsrung ba'i rdo rje'i dra ba la sogs pa'i rjes thogs su stong pa nyid bsgom zhes rtsod par mi bya ste/gang gi phyir rgyud 'di ni dbang po rnon po'i dbang du byas pa yin la/ de la stong pa nyid kho na don dam pa'i srung ba yin no/ /'o na ji ltar phyi rol gyi bris pa'i dkyil 'khor du rdo rje'i ra ba yin no zhe na/ ma yin te gang gi tshe bcom ldan 'das rdzogs pa de nyid kyi tshe dam tshig gi 'khor lo yongs su gcod pa'i sna tshogs rdo rje'i ra ba rdzogs pa'i phyir ro//de nas zhes bya ba ni bsrungs pa'i rjes la'o/ /rang gi snying gar zhes bya ba ni rdo rje dra ba'i dbus na gnas pa'i bdag nyid kyi snying gar ro/ /yi ge a las zhes bya ba ni klad kor dang bcas pa las so//de'i steng du zhes bya ba ni zla ba'i steng du'o/ /yi ge hUM las zhes bya ba ni rdo rje sems dpa'i rang bzhin las so/ /rdo rje sems dpa' yang zla ba'i dkyil 'khor can nyid du rigs pa nyid do/ /sna tshogs pa'i 'od zer 'phro ba zhes pa ni 'od zer 'phro ba lnga dang ldan pa'o//yi ge hUM gi gnyug ma'i kha dog ni dngul chu dang mtshungs pa ste dbus sngo ba dang phyi rol dkar ba nyid kyis so/ /yang dag par mchod de zhes bya ba la/ pi wang ma la sogs pa'i lha mo bcu drug gis te/ /de la pi wang ma dang / gling bu ma dang / rnga zlum ma dang / rdza rnga ma rnams zhal gcig phyag bzhi ma sngon mo dang ser mo dang /dmar mo dang ljang gu ste/ phyag gtso bo gnyis kyis rang rang gi rdung ba dag brdung bar brtson pa/ phyag gzhan gnyis [(]gyis [,]kyis [)]rdo rje dang dril bu 'dzin pa'o/ /bzhad ma dang sgeg mo dang / glu ma dang gar ma ni zhal gcig phyag bzhi ma/ dmar po dang / sngon mo dang / ser mo dang ljang gu ste/ bzhad min phyag gnyis bzhad pa'i stongs byed pa'o/ /sgeg mo ni phyag gtso bo gnyis kyis bsnyems pas rdo rje dang dril bu 'dzin zhing sgeg pa'i stangs can no/ /glu ma ni phyag gnyis kyis 'khar ba'i sil khrol 'dzin pa'o/ / gar ma ni phyag gnyis kyis pad+ma bskor ba'i tshul can no/ /'di rnams kyi phyag gzhan gnyis na thod pa dang kha T+wAM ga'o/ /me tog ma dang / bdug pa ma dang / mar me ma dang / dri chab ma ni kha dog dkar mo dang du ba'i mdog dang mar me'i rtse lta bu dang / dmar mo ste phyag bzhi pa zhal gcig pa'o//'di rnams kyi phyag gi gtso bo gcig na me tog gi snod dang spos khang dang mar me'i kong bu dang dri'i dung phor ro/ /phyag gzhan gsum na Da ma ru dang thod pa dang kha T+wAM ga'o/ /me long ma dang / ro ma dang / reg ma dang / chos ma rnams ni dkar po dang /dmar mo dang / ljang gu dang / dkar mo ste/ phyag bzhi ma zhal gcig ma phyag gtso bo gcig gis me long dang / ro'i snod dang / gos sna tshogs pa dang / chos kyi 'byung gnas 'dzin pa'o/ /phyag lhag ma gsum na Da ma ru dang thod pa dang kha T+wAM ga bsnams pa'o/ /de nas rkang pa brgyad pa'i sngags kyis bstod nas sems can thams cad gdon pa'i phyir/bdag nyid de dag la phul la sdig pa bshags pa la sogs pa'i don du/ dkon mchog gsum la bdag skyabs mchi/ /zhes bya ba la sogs pa'i tshigs su bcad pa lan gsum gyi bar du brjod par bya'o zhes bya ba ni bsod nams kyi tshogs su bstan to//de nas zhes bya ba la sogs pas ye shes kyi tshogs gsungs te/ mchod par byed pa dang mchod par bya ba dang mchod pa la sogs pa rnams rnam par rig pa tsam du khas len pa ni oM mo/ /swa b+hA ba shud+d+haH sarba d+harmAHzhes bya ba ni gzung ba rnam par dag pa'o//swa b+hA ba shud+d+hou0f85haM zhes bya ba ni 'dzin pa rnam par dag pa'o/ /slar yang stong par bsam par bya/ /zhes bya ba ni de'i rnam par rtog pa yang spangs pa'o/ /sems tsam nyid ni sems tsam nyid kyang ngo / /gnas pa zhes b ya ba ni nA da'i gzugs su gnas pa'o//byang chub kyi tshogs bsgom pa zhes bya ba ni byang chub kyi tshogs ni snying rje chen po ste/ de bsgom pa dang lhan cig tu blta bar bya'o/ /sngags brjod pa sngon du 'gro bas snad ba tsam gyi ye shes kyi mtshan nyid kyis stong par bsgom par bya zhes pa'i don to//snang ba tsam gyi ye shes zhes bya ba ni oM swa b+hA ba zhes bya ba 'di'i de ma thag tu'o/ /de'i don ni 'di yin te/ mchod pa la sogs pa'i rjes la mchod pa la sogs rten cing 'brel par 'byung ba sems tsam du mos pa byas la bdag nyid kyi spyi bo dang mgrin pa dang snying ga rnams su he ru ka zhes bya ba'i yi ge gsum bsgom zhing /he ni chos rnams rgyu dang bral ba dang de bzhin du rtog pa dang bral ba dang / gang du yang mi gnas pa zhes brtags nas de lta bur chos thams cad kyi rang bzhin ma shes pas sems can rnams bdag dang bdag gi ba la sogs par bzung bas 'khor bar gyur te/ de bas na bdag nyid he ru kar gyur nas ji ltar de lta bu'i rang bzhin du chos thams cad shes par 'gyur ba de ltar bdag gis bya'o zhes chos la dmigs pa'i snying rje bskyed la/oM swa b+hA ba la sogs pa'i sngags brjod cing khams gsum pa thams cad stong pa nyid du blta bar bya'o/ /smon lam gyi dbang gis sems de gang du gnas pa dkar po dang dmar po dang sngon po'i yi ge oM AH hUM gi rang bzhin du rnam par bsam par bya'o//de nas yi ge oM las sku'i 'khor lo'i lha rnams yang dag par spros te 'gro ba'i don byas nas snyoms par 'jug pa sngon du byas te zhu bar byas nas de nyid la zhugs par byas la/de nas yi ge AH las gsung gi 'khor lo'i lha rnams dang / yi ge hUM las thugs kyi 'khor lo'i lha rnams so/ /de nas oM ni AH la'o/ /AH ni hUM la'o/ /U ni ha la'o/ /ha ni mgo bo la'o/ /mgo bo ni zla ba phyed pa la'o/ /zla ba phyed pa ni thig le la'o//thig le ni nA da la bsdus nas skra'i rtse mo brgya stong du gshags pa'i tshad tsam du bzhag nas sems can rnams chos nyid ma shes pas 'khor bar 'khor te/ de bas na bdag gis chos nyid shes par byas nas de rnams kyis rtogs par bya'o zhes bya ba'i snying rje chen po dmigs pa med pa'i snying rje'i sa bon du gyur pa bsgoms la/oM shU n+ya tA dz+nyA na badzra zhes bya ba la sogs pa'i sngags brjod pas nA da tsam gyi rtog pa yongs su spang bar bya'o/ /de nas zhes bya ba ni stong pa nyid kyi rjes la'o/ /langs nas zhes bya ba ni nA da'i rang bzhin gyis rang gi sems nam mkhar bzhag nas rten dang brten pa'i rang bzhin gyi 'khor lo bai raM b+ha la sogs pa'i gnas pa ni/rlung gi dkyil 'khor la sogs pa'i steng du gnas pa bsam pa ste 'di ni mdor bstan pa'o/ /'di'i rgyas par bshad pa ni yi ge yaM zhes bya ba la sogs pa ste go sla'o//de'i steng du yi ge hUM las byung ba'i sna tshogs rdo rje zhes bya ba de'i don ni 'di yin te/ ri rab kyi steng du yi ge paM las byung ba'i sna tshogs pad+ma'i ze 'bru'i steng du zhes bya ba'i don to/ /sna tshogs pad+ma 'dab ma brgyad pa lte ba dang ge sar du bcas pa zhes bya ba la pad+ma 'di'i kha dog ni phyogs kyi rim par brjod par bya ste/shar la sogs pa'i 'dab ma nyi 'od 'dra/ /rlung dang mer gnas 'dab ma ser po yin/ /lus ngan dang ni dbang ldan phyogs dag tu/ /dUr ltar ljang dang sprin nag sna tshogs mdog /ces pa'i don ni 'di yin te/ shar la sogs pa'i phyogs su son pa ni dmar po'o/ /me dang rlung du ni ser po'o/ /srin por ljang gu'o/ /dbang ldan du nag po'o/ /A li kA li'i sbyor ba'o zhes bya ba la g.yon skor dang g.yas skor du rab tu gnas pa'i A li kA li'i phreng ba yongs su gyur pa las des byin gyis brlabs pa'i gzugs brnyan gyi rnam pa'i zla ba'i dkyil 'khor bsam par bya ba ni 'di'i rnal 'byor ro//de'i dbus su zhes bya ba ni zla ba'i dbus su'o/ /yi ge hUM zhes bya ba ni sngar bzhag pa'i nA da las rim pa rdzogs pa'o/ /rdo rje sems dpa'i rang bzhin can/ /zhes bya ba ni rgyu'i rdo rje 'chang gi rang bzhin no//'od zer sna tshogs rnam par 'phro ba zhes bya ba ni spro ba na kha dog lnga'i 'od zer gyi sgo nas byung ba'i 'khor lo lnga'i lha rnams kyi 'gro ba de'i rang bzhin du byas nas yang bsdus pas phyogs bcur gnas pa'i dpa' bo dang rnal 'byor ma la sogs pa thabs dang shes rab dang ro mnyam pa sngon du 'gro ba'i sbyor bas zhu bar byas nas nA da la zhugs par bsam par bya'o//bsams la zhes pa ni mchog tu grub pa'i rang bzhin gyi sa bon de mngon du byas te bsgom par bya'o/ /de nyid kyis na rgyu'i rdo rje 'dzin pa'i rang bzhin no/ /bcom ldan 'das ni lhan cig skyes pa'i dga' ba'i rang bzhin nyid kyi phyir 'bras bu'i rang bzhin nyid do zhes bya ba ni rjes su rnal 'byor ro//de yongs su gyur pa las zhes bya ba ni zla ba dang sa bon yongs su gyur pa las so/ /dpal he ru ka zhes bya ba ni dkyil 'khor dang bcas pa'i bcom ldan 'das lhan cig skyes pa'i rang bzhin du rdzogs pa ste/oM AHhUM oM sar+b+ba bI ra yo gi nI kA ya bA ka tsit+ta badzra swa b+hA ba At+ma kou0f85haM/ oM badzra shud+d+haHsarba d+harmAHbadzra shud+d+hou0f85haM/ zhes bya ba'i sngags ni gsum brjod cing bsgom par bya'o/ /nyi ma la bzhugs shing zhes bya ba ni khro bo'i ra ng bzhin nyid kyi phyir la khro bo rnams ni nyi ma'i gdan can yin pa'i phyir ro//dkyil 'khor gyi 'khor lo dang bcas pa zhes bya ba ni sangs rgyas kyi chos thams cad yongs su rdzogs pa'o/ /dur khrod brgyad kyis brgyan pa zhes bya ba ni 'jig rten gyi khams thams cad sdud par byed pa'i rnam par shes pa brgyad bdag med pa'i rang bzhin gyis so//rnam par shes pa brgyad brjod de mig gi rnam par shes pa la sogs pa lnga dang / kun gzhi rnam par shes pa dang / yid kyi rnam par shes pa dang / nyon mongs pa can gyi yid kyi rnam par shes pa'o/ / zhal bzhi pa zhes bya ba ni stong pa nyid dang / mtshan ma med pa dang / smon pa med pa dang / mngon par 'dus ma byas pa nyid de/ rnam par thar pa bzhi rnam par dag pa'o/ /spyan gsum pa zhes bya ba ni dus gsum gyi rnam pa thams cad gzigs pa'i phyir ro/ /phyag bcu gnyis pa zhes bya ba ni rten cing 'brel bar 'byung ba'i yan lag bcu gnyis 'gags pa'i phyir ro//dpral bar rdo rje'i phreng ba 'dzin pa ni ye shes lnga'i rang bzhin yin pa'i phyir ro/ /g.yas brkyang bas bzhugs pa zhes bya ba ni 'gro ba thams cad stong pa nyid kyis mnan pa'i phyir ro//de yang zhabs g.yon bskum pa g.yas mtho lngar brkyang ba'o/ /'jigs byed chen po dang dus mtshan dag mnan pa zhes bya ba ni mi gnas pa'i mya ngan las 'das pa'i rang bzhin nyid kyi phyir rtag pa dang chad pa'i rnam par rtog pa mnan pa'i phyir te/ rtag pa'i rnam par rtog pa ni 'jigs byed do//chad pa'i rnam par rtog pa ni tsa rtsi ka'o/ /rdo rje phag mo la 'khyud pa zhes bya ba ni stong pa nyid dang snying rje'i bdag nyid ro mnyam pa'i phyir ro/ /phyag gnyis ni rdo rje dang dril bu zhes bya ba ni g.yas kyi phyag na ye shes lnga'i rang bzhin du ro gcig par gyur pa'i rdo rje'o//g.yon pa na shes rab kyi pha rol tu phyin pa'i rang bzhin gyi dril bu'o/ /glang po che'i pags pa'i na bza' zhes bya ba ni glang po che dkar po'i pags pa gos su 'dzin pa ste/ 'gro ba'i gti mug 'joms pa'o/ /mchog tu dga' ba'i sgras de bzhin gshegs pa thams cad bskul bar mdzad pas DA ma ru'o//lus dang ngag dang yid kyi skyon gcod pas dgra sta'o/ /dngos po dang dngos po med pa'i rnam par rtog pa gcod par byed pa'i shes rab kyi gri gug go/ /srid pa gsum du son pa'i nyon mongs pa 'bigs pas mdung rtse gsum pa'o//byang chub kyi sems kyi rang bzhin gyi kha T+wAM ga'o/ /bde ba chen po dang snying rje chen po'i ro'i rang bzhin gyis na khrag gis yongs su gang ba'i thod pa'o/ /yang dag pa'i ye shes bcings pa'i phyir rdo rje'i zhags pa'o/ /dngos po dang dngos po med pa'i rnam par rtog pa 'jig par byed pa'i thar pa'i rang bzhin gyis na tshangs pa'i mgo bo'o//dge ba'i rtsa ba mthar skyed pas na ral pa'i cod pan gyis brgyan pa'o/ /chos kyi dbyings las yang dag par bzhengs pa nyid kyis na thod pa'i phreng ba'i thod can no/ /byang chub kyi sems rgyas pa'i rang bzhin gyis na zla ba phyed pa 'dzin pa'o//'gro ba thams cad kyi don byed pa nyid kyis na sna tshogs rdo rjes mtshan pa'i dbu rgyan can no/ /log par lta ba spangs pas na zhal rnam par 'gyur ba'o/ /bdud bzhi rnam par 'joms pas mche ba gtsigs shing 'jigs par byed pa'o//de bzhin gshegs pa lnga dang lha mo bzhi'i rang bzhin gyi zhi gnas dang lhag mthong goms pa'i bde ba dang ldan pa'i phyir sgeg pa la sogs pa'i nyams dang ldan pa'o/ /'dod chags la sogs pa rnam par sbyong bar byed pas stag gi pags pa'i sham thabs bsnams pa'o//A li dang kA li'i yi ge lnga bcu'i rang bzhin gyis ni mi'i mgo bo'i thod pa rlon pa'i phreng ba'o/ /thal bas lus kyi yan lag thams cad la khyab par byugs pa ni lus kyi yan lag thams cad la byang chub kyi sems kyis khyab par ston to//de'i spyan sngar zhes pa ni mdun du bcom ldan 'das la 'khyud nas bzhugs pa'i don to/ /dum bus brgyan pa'i ska rags zhes bya ba ni thod pa'i dum bus rked pa brgyan pa'o/ /bskal pa'i me lta bu zhes pa ni stong pa'i rang bzhin gyis 'gro ba thams cad dmigs pa med par mnyam pa'o//gzi brjid chen po zhes bya ba ni shin tu rnam par dag pa'i ye shes kyi snang ba dang ldan pa'o/ /nyi ma'i 'od kyi dkyil 'khor can ni zla mtshan gyi sbyor bas 'dzag pa'o/ /phyag rgya lnga yis brgyan pa yang rtogs par bya'o/ /byin pas 'khyud pa ni shing la 'dzeg pa'i 'khyud thabs kyis gnas pa'o//bde ba chen po dang thugs rje chen po'i bdag nyid ces pa ni lhag mthong gi rang bzhin gyi bde ba chen po la thim kyang 'gro ba'i don mdzad pa'o/ /cung zhig bzhad dang yongs 'khyud pa/ /gcer bu nyid dang skra grol dang //spu ldang lnga po bde skyed pa'i/ /phyi rol du ni rtags yin no/ /dngos su rtags gsum brjod pa yis/ /rtags gnyis de las shugs kyis shes/ /'khor lo lnga la gnas pa yi/ /lha mo rtags lnga rnam par gnas/ /zhes so/ /rdo rje la sogs pa sbyang ba brjod par bya ste//yi ge hUM dkar po las rdo rje nag po dang / yi ge byA dmar po las nor bu cung zad dmar ba'o/ /yi ge byA ser pos rtse mor byin gyis brlabs pa'o/ /yi ge AHlas pad+ma dmar po 'dab ma gsum pa dang / yi ge byA las dpa' bo'i byang chub kyi sems nye bar mtshon pa can gyi ze 'bru dkar po yi ge byA ser pos rtse mor byin gyis brlabs pa'o//de nas oM badzra bai ro tsa nI ye zhes bya ba la sogs pa dang / oM sar+b+ba bud+d+ha DA ki nI zhes bya ba lha mo'i snying po dang / nye ba'i snying po gnyis kyis lte ba dang snying ga dang / de bzhin du rang gi snying po dang nye ba'i snying po'i sngags gnyis kyis mgrin pa dang dpral bar bcom ldan 'das ma la bcom ldan 'das kyis tsum pa na bya'o//bcom ldan 'das mas kyang bcom ldan 'das kyi snying po dang nye ba'i snying po dag gis mgrin pa dang dpral bar bcom ldan 'das la tsum pa na bya'o/ / de nas yi ge gsum gyi dga' ba brtsam par bya'o/ /phyi rol gyi mdzes ma'i sbyor ba yang cho ga 'di nyid kyis bya'o/ /ral pa'i cod pan dang dar dpyangs ni ral pa'i cod pan dang dpa' bo'i dar thod can zhes bya ba'i tha tshig go/ /gdu bu zhes bya ba ni lag pa'i gdu bu'o/ /yid 'phrog pa'i gzugs gnyis pa zhes bya ba ni mtshams na gnas pa ste/mi'i gdong pa can dang kha dog gnyis dang ldan pa yin gyi khra la sogs pa'i gdong pa can ni ma yin no/ /yi dags kyi gdan la gnas shing 'jigs pa chen po zhes bya ba na brgyad car la yang rig par bya'o/ /dur khrod du gnas pa can nyid kyi phyir 'di rnams kyi gdan ro nyid do//dpa' bo dang rnal 'byor ma rnams kyi zhes bya ba ni phag mo la sogs pa rnams kyi'o/ /lha'i rnam pa la mngon par zhen pa spang pa'i phyir dang thams cad shes pa thob pa bstan pa'i phyir byang chub kyi phyogs kyi chos dang sbyar bar bya ste/de la lus dran pa nye bar gzhag pa ni gzugs kyi phung bo yongs su shes pa la rab tu rtsom pa'o/ /tshor ba dran pa nye bar gzhag pa ni tshor ba'i phung po yongs su shes pa la rab tu rtsom pa'o/ /chos dran pa nye bar gzhag pa ni 'du shes dang 'du byed dag sgyu ma lta bu nyid du nges par 'dzin pa'o//rnam par shes pa'i phung po'i rang gi ngo bo gsal bar so sor rig pa ni sems dran pa nye bar gzhag pa'o/ /dam pa'i chos nyan pa la sogs pa la shin tu gus pa ni 'dun pa'i rdzu 'phrul gyi rkang pa'o/ /brtson 'grus mi ldog par goms par byed pa ni brtson 'grus kyi rdzu 'phrul gyi rkang pa'o//dpyod pa'i rdzu 'phrul gyi rkang pa ni shin tu rnam par dpyod pa'o/ /sems kyi rdzu 'phrul gyi rkang pa ni byang chub mngon du byed pa'i bya ba la khyad par du 'phags pa'i byed pa'o/ /bden pa dang dkon mchog dang las dang 'bras bu la mngon par yid ches pa'i dad pa'i dbang po ni 'di'o zhes nges par 'dzin pa'o//brtson 'grus kyi dbang po ni nges par byed pas yid ches pa'o/ /dran pa'i dbang po ni mi brjed pa nyid du dran pa nyid kyis ma rig pa'i skabs mi 'byed pa'o/ /ting nge 'dzin gyi dbang po ni sems rtse gcig pa la dbang yod pa'o//shes rab kyi dbang po ni spang bar bya ba dang blang bar bya ba nyid du nges pa'o/ /dbang po lnga po de nyid phul du byung ba'i gnas skabs su spangs byas mi thub pa'i phyir na stobs zhes ming 'thob par 'gyur ba ni dad pa'i stobs dang / brtson 'grus kyi stobs dang /dran pa'i stobs dang / ting nge 'dzin gyi stobs dang / shes rab kyi stobs zhes mngon par brjod do/ /ting 'dzin yang dag byang chub kyi yan lag ni ting nge 'dzin nyid byang chub kyi rgyu'o/ /brtson 'grus yang dag byang chub kyi yan lag ni le los skabs mi 'byed pa'o/ /dga' ba yang dag byang chub kyi yan lag ni dge ba kun tu 'dzin pa'o//shin tu sbyangs pa yang dag byang chub kyi yan lag ni dge ba'i las la sems las su rung ba'o/ /chos rnam par 'byed pa yang dag byang chub kyi yan lag ni bdag med pa'i rang bzhin 'di lta bu zhes 'dzin pa'o/ /dran pa yang dag byang chub kyi yan lag ni mngon par dran pa'i ngang tshul can nyid do//btang snyoms yang dag byang chub kyi yan lag ni ting nge 'dzin la lhun gyis grub pa'o/ /yang dag pa'i lta ba ni sangs rgyas kyi gsung la mchog tu gus pa dang phyin ci ma log par don rtogs pa'o/ /yang dag pa'i rtog pa ni dam pa'i bya ba brtsams pa mi spong pa'o//yang dag pa'i ngag ni sems can mi slu ba'i tshig go/ /yang dag pa'i las kyi mtha' ni dge ba bcu las 'da' bar mi byed pa'o/ /yang dag pa'i 'tsho ba ni sems can rnams la 'tshe ba med pa'i tshul gyis 'tsho ba'o/ /yang dag pa'i rtsol ba ni dge ba'i don la sbyor ba'o//yang dag pa'i dran pa ni sangs rgyas kyi gsung rjes su dran pa'o/ /yang dag pa'i ting nge 'dzin ni dpal he ru ka'i gzugs su gnas pa'o/ /de nas zhes bya ba la sogs pa ni go sla'o/ /gnas zhes bya ba la sogs pa ni rim pa ji lta bas sa bcu rnam par dag pa'i gnas la sogs pa dang sbyor ba'i phyir ro zhes bya ba'i don to//de la gnas dang nye ba'i gnas la sogs pa ni rim gyis rab tu dga' ba dang dri ma med pa dang / 'od byed pa dang 'od 'phro ba dang shin tu sbyang dka' ba dang mngon du gyur pa dang ring du song ba dang mi g.yo ba dang legs pa'i blo gros dang chos kyi sprin rnams so//pu dzA zhes bya ba la sogs pa la 'dir man ngag ni puM dzAM zhes bya ba la sogs pa thams cad klad kor dang bcas par brtags la/ pu la sogs pa'i yi ge yongs su gyur pa las rtsibs kyi stong pa'i 'khor lo'i rnam pa can gyi gnas la sogs pa'i gnas rnams spyi bo la sogs par skad cig gis blta bar byas la/gnas la sogs pa de rnams su de'i gnas na yod pa'i rtsa rnams de'i lha'i gzugs su gyur nas rnam par gnas par blta bar bya'o/ /rna ba zhes bya ba ni rna ba'i bug pa'i nang du'o//de bzhin du kha dang lte ba dang mtshan ma dang bshang ba'i lam dang mdzod spu dang mig dang sna rnams su yang rig par bya'o/ /mkha' spyod ces bya ba ni mtho ris su son pa rnams bsdus pa'o/ /sa la spyod pa ni mi yul du gnas pa rnams so/ /sa 'og ni sa 'og na gnas pa rnams so//ji ltar phyi rol gyi gnas la sogs pa ni chu klung gi chus gso bar byed pa de bzhin du lus la yang rtsa rnams kyis sen mo la sogs pa rgyas par byed de des na mtshungs pa nyid do/ /phyi rol du ni rdo rje'i gnas byang chub chen po'i ming can gyi gnas yin zhing /nai rany+dza na ni chu klung yin pa bzhin du lus la ni bde ba chen po'i 'khor lo rdo rje'i gnas so/ /a ba d+hU tI ni nai rany+dza na'o/ /kha dang sna bug g.yon pa dang bshang ba'i lam dang sna bug g.yas pa'i sgo rnams su rim pa bzhin du khwa gdong ma la sogs pa'i sgo skyong ma rnams so//rna ba g.yas pa dang g.yon pa dang mig g.yas pa dang g.yon pa rnams su gshin rje brtan ma la sogs pa rnams so/ /snying ga dang mgrin pa dang lte ba dang / dpral ba'i pad+ma'i ze'u 'bru rnams la mkha' 'gro ma la sogs pa bzhi'o/ /rje btsun dang rje btsun ma'i gnas rnams man ngag las shes par bya ste/de ltar lus kyi dkyil 'khor yongs su rdzogs pa la yang dang yang du mos pa brtan par bya'o gsungs pa'i don 'di nyid kyi mjug sdud par byed pa ni/ sku gsung thugs kyi dbye ba yis/ /zhes bya ba la sogs pa'o/ /mtho ris mi yul sa 'og tu/skad cig gis ni sku gcig 'gyur/ /zhes bya ba ni mtho ris la sogs pa dang tha mi dad pa'i sku de'i rang bzhin gyi bcom ldan 'das su'o/ /'gyur ba ni skyed ces bya ba'i don to/ /ji ltar zhe na gsungs pa/ sku gsung thugs kyi dbye ba yis/ /zhes bya ba phyi rol dang nang dag 'khor lo gsum gyi rang bzhin du zhes pa'i don to//gang las she na gsungs pa/ yi ge gsum gyi rang bzhin las/ /zhes bya ba la yi ge gsum las byung ba'i nA da yongs su gyur pa'i sgo nas rang gi ngo bor skyes pa'i hUM gang yin pa de la de skad ces brjod do//de la skad cig gcig gis lhan cig skyes pa'i dga' ba'i rang bzhin du skyes pa yin no zhes bya ba'i don to/ /skad cig gis zhes bya ba ni phyag mtshan la sogs pa la mi ltos par ro/ /skad cig gis ni rnal 'byor bdag /ces pa ni bcom ldan 'das ma dang lhan cig tu lan cig la rdzogs pa'o//skad cig gis ni phyag rgya can/ /zhes bya ba ni bdag dang dus mnyam pa nyid du shes rab dang bcas pa zhes bya ba'i don to/ /kun nas kun du skad cig ste/ /zhes pa ni gzhal yas khang dang dpa' bo dang rnal 'byor ma dang lhan cig rdzogs pa'o//skad cig gis ni gsang sngags gdon/ /zhes pa ni rdzogs pa dang dus mnyam pa nyid du sngags brjod pa'o/ /sngags gsum gsungs pa/ oM AH hUM zhes bya ba la sogs pa'o/ /de nas zhes bya ba la sogs pa ni mdor bstan pa'i tshigs su bcad pa'o/ / myur bar zhes bya ba ni mchod yon la sogs pa la mi ltos par ro/ /de nas zhes bya ba la sogs pa ni rgyas par bstan pa'o/ /oM ha zhes bya ba la sogs pa'i sngags dang lha tha mi dad pa'i phyir te de'i kha dog can gyi sngags rnams bsgom par bya'o/ /rdo rje sems dpa' la sogs pa'i kha dog ni go rims bzhin du dkar po dang /ser po dang nag po dang sngon po dang dmar po dang ljang gu'o/ /yan lag thams cad la go cha ste/ /zhes pa ni pags pa'i nang du son pa'i rdul phra rab kyi rang bzhin de'i kha dog can no/ /de bzhin du bcom ldan 'das ma'i oM baM zhes bya ba la sogs pa'o//sngags ni dmar po dang sngon po dang dkar po dang ser po dang / ljang gu dang du ba'i mdog can no/ /yang na de dang de'i sngags las rdzogs pa'i gnas de ru rdo rje sems dpa' la sogs pa bsgom par bya ste/ de la rdo rje sems dpa' dang rnam par snang mdzad dang pad+ma gar gyi dbang phyug dang dpal he ru ka dang rdo rje nyi ma dang rta mchog rnams dkar po dang ser po dang dmar po dang sngon po dang nag po dang ljang gu'i kha dog can te/rdo rje sems dpa' ni zhal gsum phyag drug pa'o/ /de las gzhan pa ni phyag bzhi pa dang zhal gcig pa'o//g.yas na rdo rje dang Da ma ru dang mgo bo/ g.yon na dril bu dang thod pa dang kha T+wAM ga bsnams pa/ gtso bo dang g.yas dang g.yon gyi zhal ni dkar po dang dmar po dang sngon po ni rdo rje can no/ /gzhan rnams kyi ni g.yas gnyis na 'khor lo dang pad+ma dang rdo rje dang rin po che dang ral gri dang Da ma ru'o//g.yon pa dag na dril bu dang thod pa dang kha T+wAM ga'o/ /phag mo dmar mo dang sngon mo dang ljang gu'i zhal can g.yon na thod pa dang kha T+wAM ga dang zhags pa bsnams pa'o/ /g.yas na lcags kyu dang tshangs pa'i mgo bo dang gri gug 'dzin pa'o/ / gshin rje ma dang rmongs byed ma dang skyod byed ma dang skrag byed ma dang gtum mo ni sngon mo dang dkar mo dang ser mo dang ljang gu dang du ba'i mdog can te skra grol ba gcer bu spyan gsum pa phyag bzhi pa ste/ thod pa dang bcas pa'i kha T+wAM ga dang dril bu ni g.yon pa'o/ /yang g.yas na Da ma ru dang gri gug 'dzin pa'o//'di thams cad g.yas brkyang pa nyid kyis gnas pa spyan gsum pa phyag rgya lngas brgyan pa'o/ /gang yang 'di ltar dkar po ni zla ba'i dkyil 'khor can gyi 'od can no/ /gzhan ni nyi ma'i dkyil 'khor gyi 'od can no/ /mdzub mo mdud byas ni rtse mo mdud pa byas pa'o//'di skad bstan par 'gyur te/ pi wang ma la sogs pa'i lha mo bcu drug gis mchod bzhin pa sngags dang phyag rgyas bskul ba snying ga'i sa bon gyi 'od zer gyis bkug pa'i ye shes kyi 'khor lo phyogs bcu na gnas pa'i dpa' bo dang dpa' mo'i dbang phyug mar yongs su gyur pa'i rang bzhin skad cig gis bdag la gzhug par bya'o//de nas oM yog zhes bya ba la sogs pa'i sngags brjod cing pad+ma'i lag pa'i phyag rgyas bskor bas snying ga'i phyag rgya sbyin par bya ste/ snying ga'i phyag rgya nye bar bsdus nas 'khyud pa'i tshul dang / oM AH hUM zhes bya ba la sogs pa sngon du gsungs pa'i sngags gsum gyi byin gyis brlab par bya'o//de nas dbang bskur ba sbyin par byas te/ de la man ngag ni 'di yin te/ ye shes kyi 'khor lo dgug pa dang dus mnyam pa'i rdo rje rnal 'byor ma ye shes kyi bdud rtsis bkang ba'i thod pa dang Da ma ru 'dzin pa/snying ga'i sa bon las byung ba'i pi wang ma la sogs pa'i lha mo bcu drug gis mchod de/ ji ltar bltams pa zhes bya ba la sogs pa nas khrus gsol zhes bya ba'i mthar thug pa'i brjod pa rnams kyis lag pa g.yon pa'i thod pa cung zhig yo bar byas nas blugs pa'i ye shes kyi bdud rtsi'i rgyun gyis dbang bskur bas bde ba chen po'i ngo bor bdag nyid rnam par bsgoms la chu'i lhag ma las skyes pa'i de bzhin gshegs pa rnams spyi bor bltas te/oM sar+b+ba ta thA ga ta zhes bya ba la sogs pa'i sngags brjod par bya'o/ /de la bcom ldan 'das la ni mi bskyod pas so//yum la ni rnam par snang mdzad kyis so/ /mkha' 'gro ma la sogs pa la rin chen 'byung ldan no/ /thugs dang gsung dang sku'i 'khor lor son pa rnams la mi bskyod pa dang 'od dpag med pa dang rnam par snang mdzad do/ /dam tshig gi 'khor lor son pa rnams la ni don yod grub pas so//de nas mchod pa sngon du 'gro bas ro ma zhes bya ba'i lha mos nye bar bstabs pa'i bdud rtsi myangs te snying po nas bzung nas rkang pa brgyad pa'i mthar thug pa'i sngags kyis bstod par bya'o/ /de nas ye shes lnga dang sku gsum gyi bdag nyid can gyi dkyil 'khor la gzugs brnyan lta bur mos par bya'o//bzlas pa'i rjes thogs su gtor ma'i cho ga gsungs te phyis brjod par bya'o/ /so dang sen mo dag ces pa ni khaN+Da ka pA la'i rang bzhin gyis so dang sen mo la sogs pa zhes bya ba'i don to//tshangs pa'i skud pa la sogs pa rnams kyi sngags la sogs pa'i rang bzhin gyis rnam par dag pa gsungs pa ni rtsa ba'i sngags sogs dpa' bo zhes bya ba la sogs pa'o/ /yang dang yang du bstan pas 'di skad ston pa yin te phyag rgya 'dzin pa med par sngags brjod pa nyid kyis de dang mtshungs pa'i 'bras bur 'gyur zhes bya ba'i don to//dpa' bo zhes bya ba ni dpa' bo'i rtsa ba'i sngags dang 'brel ba'o/ /rtsa ba'i sngags ni phreng ba'i sngags te de nyid mchog yin no/ /khams su brtag ces pa ni so dang sen mo la sogs par zhes bya ba'i don to/ /go cha'i dpa' bo drug gis ni//zhes bya ba ni bcom ldan 'das kyi go cha'i sngags drug gis zhes bya ba'i don to/ /phyag rgya 'di yis zhes pa ni phyag rgya drug gis zhes bya ba'i don to/ /rdo rje phag mo'i sngags gang yin/ /zhes pa ni lha mo'i phreng ba'i sngags zhes bya ba'i don to/ /sangs rgyas kun gyi mkha' 'gro ma//zhes pa ni/ oM sar+b+ba bud+d+ha DA ki nI ye/ badzra bar+Na nI ye hUM hUM phaT phaT swA hA zhes pa 'di yis zhes bya ba'i don to/ /rnal 'byor ma drug sngags las ni/ /zhes pa ni go char gyur pa'i rnal 'byor ma drug gi sngags kyis so/ /'khor lo kun gyi rnal 'byor ma/ /zhes pa ni mkha' 'gro ma nas gshin rje 'joms ma la thug pa'i bar gyi lha mo'i sngags rnams kyis zhes bya ba'i don to//sngags kyis bzung ba'i thod pa yin/ /zhes pa sngags ni 'dir snying po'o/ /bai ro tsa ni gang yin zhes bya ba ni oM badzra bai ro tsa nI ye hUM phaT swA hA/ zhes bya ba 'di yis so//de ltar zhes bya ba la sogs pas ni rgyu ba'i dus su gang zhig bya ba de gsungs pa'o/ /rnam bsams te ni go cha bgos nas so/ /tsham ngam sngags ni oM sum+b+ha ni zhes bya ba la sogs pa zhal bzhi pa'i sngags so/ /yang nas yang du brjod pas de des legs par bsrung par 'gyur ro//tshangs par spyod pa rtag gyur nas/ /zhes pa ni 'khor lo sdom pa'i gzugs su dngos po thams cad rgyun mi 'chad par bltas nas zhes pa'i don to/ /rkang pa brgyad pa'i sngags kyis mchod/ /ces pa ni rkang pa brgyad pa'i sngags kyis bdag nyid la mchod pa'o/ /bla ma dang sangs rgyas dang byang chub sems dpa' rnams mthong na de la bde mchog gi mos pas rkang pa brgyad pas mchod nas phyag la sogs pa bya'o//'khor lo bde mchog sdom pa la/ /zhes pa ni gnyug ma'i rang bzhin dang tha mi dad pa'i don to/ /byang chub sems kyi phyogs kyi chos sum cu rtsa bdun sbyar bas ni thams cad shes pa nyid dang sa bcu'i rnam par dag pa'i gnas la sogs pa sbyar bas ni lam shes pa nyid dang go cha la sogs pa'i rnam par dag pa'i mthar thug pa sbyar bas ni rnam pa thams cad mkhyen pa nyid du bstan to zhes bya ba ni shin tu rnal 'byor ro// da ni rnal 'byor chen pos rdo rje 'dzin pa nyid du gsungs te/ A li kA li mdun bsams nas/ /zhes bya ba la sogs pa la mdun ni thog mar te zla ba bsgom zhes bya ba'i don to/ /de'i zhes bya ba ni zla ba'i 'o/ /yi ge zhes pa ni hUM ngo / /mchog gi gnas gyur pa ni rdo rje 'dzin pa'i sa bon no//lha yi gzugs ni bsgom par bya/ /zhes pa ni hUM yongs su gyur pa las so/ /sku gsung thugs kyi rdo rje can/ /zhes bya ba ni rdo rje 'dzin pa zhes bya ba'i don to/ /de ni gzugs las 'das pa te/ /zhes pa ni bcom ldan 'das rim gyis thim par gyur pa de ni nA da'i rang bzhin du bsgom zhes pa'i don to//sems nyid ces bya ba ni nA da yang ngo / /bsam gyis mi khyab ces bya ba la sogs pa ni snga ma nyid nges par bstan to/ /de yang zhes bya ba ni de la yang ngo / /sems nyid brtag par mi bya'o/ /zhes pa ni bsam gyis mi khyab par yang dag par mi brtag go zhes pa'i don to//'di'i nges par bstan pa ni bsam gyis zhes bya ba la sogs pa ste/ de bsams na zhes bya ba ni bsam gyis mi khyab pa nyid du bsgoms na zhes bya ba'i don to/ /gzungs ni zhes bya ba ni phyag rgya chen po'i dngos grub bo/ /'di thams cad kyis 'di ltar bstan pa yin te/A li kI li'i phreng ba 'od zer lnga dang ldan pa 'khor lo gsum gyi lha rnams 'phro ba can brjod cing g.yas pa'i rlung dang 'grogs nas byung ste/ 'gro ba 'khor lo gsum gyi bdag nyid du byas nas thog ma med pa nas grub pa'i dpa' bo dang rnal 'byor ma rnams dang ro mnyam par gyur te sna bug g.yon pa nas zhugs nas lte bar rang rang gi rnam pa'i gzugs brnyan dang ldan pa'i zla ba'i dkyil 'khor du gyur par bsams la/de skad cig gis yi ge hUM ste zla ba dang sa bon yongs su gyur pa las bcom ldan 'das sku mdog dkar po g.yas brkyang bas gnas pa/nam mkha' la bris pa'i ri mo dang mtshungs pa zhal gcig phyag gnyis kyis rdo rje dang dril bu 'dzin pa'o/ /rdo rje phag mo dmar mo phyag gnyis kyis rdo rje dang thod pa 'dzin pa zhal gcig ma dang snyoms par zhugs par blta ste/ sgyu ma lta bu'i rab tu gsal ba'i sgras bkug pa'i khams gsum pa'i bdag nyid kyi 'khor lo rnams bdag nyid la rim gyis bsdu bar bya'o//rim pa ni 'gro ba rnams ni dur khrod rnams su/ dur khrod rnams ni phyi'i 'khor lo la'o/ /phyi'i 'khor lo ni sku'i 'khor lo la'o/ /sku'i 'khor lo ni gsung gi 'khor lo la'o//gsung gi 'khor lo ni thugs kyi 'khor lo la'o/ /thugs kyi 'khor lo ni phyogs su son pa'i mkha' 'gro ma la sogs pa la'o/ /dbang ldan la sogs pa'i mtshams su son pa rnams ni gzugs can ma la sogs pa rnams la'o/ /mkha' 'gro ma la sogs pa rnams kyang bcom ldan 'das kyi zhal ji lta ba rnams su'o//bcom ldan 'das dang bcom ldan 'das ma yang zhal gcig phyag gnyis ma dang de'i shes rab la'o/ /de dag kyang mnyam pa'i bde bas 'dod chags chen pos zhu bar gyur cing zhu ba de yongs su gyur pa las sin+d+hu ra dang mu tig dmar po'i mdog lta bu'i yi ge hUM bde ba chen po'i rang bzhin no//de yang U ni ha la'o/ /ha ni mgo bo la'o/ /mgo bo ni zla ba phyed pa la'o/ /zla ba phyed pa ni thig le la'o/ /thig le ni nA da la'o/ /nA da ni skra'i rtse mo brgya stong du bgos pa'i cha'i rang bzhin du blta bar bya'o/ /shin tu dbang po rnon pos ni de yang mi dmigs par bya'o zhes pa ni rnal 'byor chen po'o//skyo bar gyur na skad cig gis dkyil 'khor gyi 'khor lor lhag par mos par byas la/ lte bar zla ba la dkar dmar gyi yi ge hUM ngam nA da bltas te yi ge gsum rjod par byed cing de las byung ba'i rlung gi 'khor lo lnga spros te 'gro ba'i don byas nas yang brjod pas sngags dang lhan cig nyid du skud pa'i phreng ba dgug pa'i rim pas 'jug pa'i rlung gis de nyid du gzhug par bya'o//de ltar yang dang yang du byas pa ni rdo rje'i bzlas pa'o/ /de kho na bzhin du nA da de nyid las snying po dang nye ba'i snying po'i sngags las 'khor lo sdom pa'i lha tshogs spro ba dang bsdus pas snying po dang nye ba'i snying po'i sngags brjod par bya'o//lha so so'i sngags brjod pa yongs su rdzogs pa na so sor spro ba dang bsdu ba bya ba ni dam tshig gi bzlas pa'o/ /chos thams cad mnyam pa nyid kyi nga rgyal gyis sngags kyi phreng ba nA da las 'thon te rdo rje'i lam nas pad+mar byung zhing /de nas a ba d+hU tI'i nang na yar la song bar bsgom zhing phreng ba'i sngags bzlas par bya ba ni 'di lo'i bzlas pa'o/ /de nas 'chad par 'gyur ba'i rim pas gtor ma byin nas smon lam yang gang ba ste/ lha'i gzugs kyis gnas par bya'o//khrus byed pa'i dus su ni dbang bskur ba'i cho gas bya'o/ /zas kyi dus su ni dkyil 'khor gyi 'khor lo bdag nyid kyi lus skad cig gis bsams nas cho ga ji lta bas gtor ma sbyin par bya ste/ yang na yi ge gsum gyis gtor ma byin gyis brlabs la/ oM kha kha khA hi khA hi zhes bya ba la sogs pa'i sngags lan cig brjod pas phyogs skyong rnams la gtor ma byin te 'bar ba la sogs pa'i cho gas sbyangs pa'i bza' ba chos thams cad mnyam pa nyid kyi nga rgyal sngon du song bas/oM sa ma ya shud+d+haHsar+b+ba d+harmAHsa ma ya shud+d+hou0f85haM/ zhes b ya bas mngon par bsngags te lce hUM las rdo rje dkar po'i rang bzhin du bsams nas/o a mr-i to da ka hUM hUM Tha Tha trAM AH khaM hUM zhes bya ba 'di dang yi ge gsum gyis byin gyis brlabs la lte ba na gnas pa'i yi ge hUM ngam nA da tshim par bya'o/ /gung gi thun la bsam gtan gyi khang bur zhugs te yi ge gsum la sogs pa'i sngags lan gsum brjod cing skad cig gis dkyil 'khor gyi 'khor lor mos par byas te/sngon bzhin du thams cad byas la ji ltar bde bar gnas par bya'o/ /phyi thun la gung gi thun bzhin du thams cad byas la nam phyed kyi dus su ngag gi bya ba thams cad A li kA li'i rang bzhin du rtogs par bya ste/oM e h+ye hi ma hA bI ra shud+d+ha bA kya s+ya de sha ka shUn+ya tA dz+nyA na me baM tsaSh+Ti saM ha ra swa yaM b+hu ba zhes pa dang / a'i yi ge nas k+Sha'i mthar thug pa hUM hUM phaT ces pa brjod cing 'od gsal ba mngon du byas te gnyid log pa na 'od gsal ba nyid du mos pa byas nas nyal bar bya ste/thun thams cad kyi mthar yi ge brgya pa brjod par bya'o/ /yang tho rangs kyi thun la 'od gsal ba las byung ba'i dkyil 'khor gyi 'khor lor mos par bya ste/ oM e h+ye hi zhes bya ba la sogs pa'i sngags thams cad brjod de langs la sngar gsungs pa thams cad rjes su bsgrub par bya'o//kha T+wAM ga ni lha yi sku/ /zhes bya ba nas/ ka ni gang du'ang mi gnas pa'o/ /zhes pa'i bar gyi gzhung ni/ bai ro tsa na'i sngags gang yin/ /thod pas mgo bor brgyan pa yin/ /zhes bya ba 'di'i rjes la sbyar bar bya ste/lha'i sku zhes bya ba ni shrI he ru ka'i sku'o/ /yang na rus pa'i sgal tshigs kha T+wAM ga'i rang bzhin du shes par bya'o/ /shes rab ni stong pa nyid do/ /Da ma ru'i sgra ni brag ca lta bur rtogs par bya'o/ /dmigs pa'i rang bzhin gyis nyin mo bcom ldan 'das so//mi dmigs pa'i rang bzhin gyis mtshan mo rnal 'byor ma'o/ /mya ngan 'das byung dpa' bo rnams/ /drug pa sems kyi sprul pa ste/ /zhes pa ni mya ngan las 'das pa ni 'chi ba ste srog gi dbang po 'gags pa'i phyir ro/ /mya ngan las 'das pa las byung ba ni dri za'i sems can te/de yang mngon par shes pa lnga dang mtshan gyis brgyan pa'i lus can ye shes kyi rang bzhin du brjod de rnam par shes pa tsam gyi rang bzhin yin pa'i phyir ro/ /drug pa nyid du gzhal zhing nges par bya bas na drug pa zhes bya'o/ /de bas na sems kyi sprul pa zhes bya'o/ /dpa' bo ni bcom ldan 'das te de'i gzugs su mos par bya ste bsgom par bya'o zhes bya ba'i don to//yang na mya ngan las 'das pa ni chos kyi dbyings te nyon mongs pa zhi bas so/ /byung ba ni sems can gyi don mdzad pa'i ye shes kyi rang bzhin gyi sku'o/ /drug ni chos kyi dbyings so/ /pa ni 'jal ba dang yongs su gcod pas na de skad ces bya'o//sems kyi sprul pa zhes bya ba ni gdul bya'i sems can la ltos nas de bzhin du so sor snang ba'o/ /dag pa chos kyi sprul pa ni/ /phag mo'i gzugs su bstan pa yin/ /zhes bya ba la dag pa'i chos ni stong pa nyid do/ / de'i rang bzhin ni rdo rje phag mo zhes bya ba'i don to/ /sems ni ngal bas so zhes bya ba la sogs pa ni mthong ba'i chos kyi phan yon te/ /rnal 'byor ni rnal 'byor bas so/ /mya ngan las 'das pa ni 'chi ba nyid do/ /mi ston pa ni don dam par med pa ste khyim nas khyim gzhan du 'gro ba nyid bzhin du sems ngal so ba tsam nyid la 'chi ba yin no zhes dgongs so//'pho ba'i tshe ni 'chi ba'i dus so/ /rnal 'byor rnams ni rnal 'byor pa'o/ /'chi ba zhes bya rnam rtog ste/ /zhes pa ni 'jig rten pa'i rnam par rtog pa'o/ /mkha' spyod gnas su zhes pa ni 'od gsal ba'i go 'phang du'o//'di skad brjod pa yin te 'chi ba'i dus na dpal he ru ka dang phag mo la sogs pa rdo rje rnal 'byor ma rnams kyis sna tshogs pa'i spos dang me tog dang rgyal mtshan dang / ba dan la sogs pa lag na thogs pas 'od gsal ba'i go 'phang du 'jug par byed do zhes bya ba'i don to//dpal mngon par rtogs pa'i dka' 'grel/ grub thob chen po la ba'i na bza' can gyi rjes su 'brangs nas slob dpon chen po pradz+nyA rak+Shi tas mdzad pa rdzogs so// //rgya gar gyi mkhan po dpal su ma ti kI rti dang / lo tsA ba dge slong blo ldan shes rab kyis bsgyur ba'o/

CLOSE WINDOW