CLOSE WINDOW

D1453
བོད་ཡིག

/dpal rim pa bzhi pa'i 'grel pa A tsAr+ya nag po nyid kyis mdzad pa rdzogs so// //bod kyi lo tsA ba 'bro dge slong shes rab grags kyis bsgyur ba'o/ /[]@##/ /rgya gar skad du/ sap+ta ak+Sha ra sA d+ha na/ bod skad du/ yi ge bdun pa'i sgrub thabs/rje btsun sgrol ma la phyag 'tshal lo/ /dang por 'dzin pa 'di dag gis/ /bdag ngos dran pa tsam gyis ni/ /blo dang ldan pa legs gyur pa/ /he ru ka dpal la phyag 'tshal/ /'di bsgom pa la dbang bar gyur pa'i sngags pas tho rangs mal nas langs te/ snying gar raM las byung ba'i nyi ma'i dkyil 'khor la hUM nag po bltas la/ de'i 'od zer gyis bdag nyid dri ma med par byas nas/ de'i lcags kyus ye shes kyi dkyil 'khor spyan drangs te/ 'chad par 'gyur ba'i sku mdog dang phyag dang mtshon char ldan pa 'khor dang bcas pa nam mkha'i phyogs su bltas te/yid kyi rang bzhin gyi mchod pa rnams kyis mngon par mchod la/ de'i mdun du sdig pa bshags pa la sogs pa bya ste/ bdag gi sdig pa thams cad so sor bshags par bgyi'o/ /sangs rgyas dang byang chub sems dpa' dang 'phags pa dang so so'i skye bo ma lus pa'i bsod nams la rjes su yi rang ngo //bdag 'di nas byang chub kyi bar du rkang gnyis rnams kyi mchog sangs rgyas la skyabs su mchi'o/ /theg pa chen po'i tshogs kyi chos la skyabs su mchi'o/ /phyir mi ldogs pa'i byang chub dpa'i tshogs kyi dge 'dun la skyabs su mchi'o//bdag gis bla na med pa yang dag par rdzogs pa'i byang chub tu sems bskyed par bgyi'o/ /sems can thams cad la phan pa dang bde ba'i bar ji srid du de rnams la mchog tu mthar thug pa'i mya ngan las 'das pa sangs rgyas kyi byang chub la dgod pa'i slad du sangs rgyas dang byang chub sems dpa' ma lus pa la bdag gi lus dbul bar bgyi'o//dge ba 'di dag thams cad bla na med pa'i byang chub tu yongs su bsngo bar bgyi'o zhes byas la yi ge brgya pa brjod pas bcom ldan 'das mnyes par byas te/oM shrI he ru ka sa ma ya/ ma nu pA la ya he ru ka twe no pa tiSh+Tha dr-i D+ho me b+ha ba/ su to Sh+yo me b+ha ba/ a nu ra k+to me b+ha ba/ su po Sh+yo me b+ha ba/ sarba sid+d+him+me pra yats+tsha/ sarba karma su tsa me tsit+taM shre yaHku ru hUM/ ha ha ha ha hoHb+ha ga wAn/ sar+b+ba ta thA ga ta badzra mA me muny+tsa badzrI b+ha ba ma hA sa ma ya sa twa AHbadzra muHzhes bya bas gshegs su gsol lo//de nas sems can thams cad las lha'i bde ba nye bar sbyor ba'i rnam pa'i byams pa dang / sdug bsngal thams cad sel bar byed pa'i rnam pa'i snying rje dang / lha'i bde ba rgyun mi 'chad par nges pa'i rnam pa'i dga' ba dang /nyon mongs pa dang nye ba'i nyon mongs pa'i gnyen po'i lam nye bar sbyor ba'i rnam pa'i btang snyoms bsgom par bya'o/ /de'i rjes la chos thams cad yid kyis dmigs te sgyu ma dang rmi lam lta bur nye bar brtags la/ ston ka'i nyi ma gung gi nam mkha' dri ma med pa'i dkyil lta bur chos thams cad mngon du byas te/oM shU n+ya tA dz+nyA na badzra swa b+hA ba At+ma kou0f85haM zhes pa'i sngags kyis byin gyis brlab par bya'o/ /de'i rjes la yi ge hUM las bdag nyid 'chad par 'gyur ba'i dpal he ru ka'i g zugs sku mdog dang mtshon char ldan pa mngon par sprul la/snying ga'i sa bon gyi lcags kyus phyogs bcu na gnas pa'i bgegs kyi tshogs bkug ste khron par chud par byas la/ khwa gdong ma la sogs pa'i lha mo brgyad kyi phur bus gdab bo/ /lha mo de rnams sku mdog dmar po 'bar ba gsal zhing /phyag gnyis pa mgo skyes dmar ser gyen du 'bar ba/ gri gug dang thod pa dang / kha T+wAM ga 'dzin pa zhal rnam par 'gyur ba/ smad rtse mo'i rnam par byas pa/ mgo bo'i phreng bas brgyan pa'o/ /sngags pas khro bo'i mig gis sngags bzlas shing / bgegs rnams khron par chud par byas te/ oM sum+b+ha ni sum+b+ha hUM hUM phaT/ oM gr-ih+Na gr-ih+Na hUM hUM phaT/ oM gr-i h+NA pa ya gr-ih+NA pa ya hUM hUM phaT/ oM A na ya hoHb+ha ga wAn bid+yA rA dza hUM hUM phaT/ shar la sogs par g.yon nas rnam par bskor zhing / me la sogs par g.yas nas bskor te dgod do/ / de nas oM g+ha g+ha g+hA ta ya g+hA ta ya sarba duSh+TAn hUM phaT/ kI la ya kI la ya sarba pA paM hUM phaT/ hUM hUM hUM/ badzra kI la badzra d+ha ro Adz+nyA pa ya ti sarba duSh+TAn kA ya wAka tsit+ta badzra kI la ya hUM hUM phaT/ 'dis spyi bor brtan por bzhag par bya'o/ /oM badzra mud+ga ra badzra kI la ya A ko Ta ya hUM phaT/ 'dis rdo rje tho bas brdung bar bya'o/ /de nas phur pa'i 'od zer 'bar ba'i 'og tu rdo rje'i rang bzhin gyi sa gzhi dang / logs su rdo rje'i ra ba dang / steng du rdo rje gur dang / rdo rje bla re dang / mda'i dra ba dang / phyi rol du rdo rje me 'bar ba bsgoms la sngags kyis kyang brtan par bya ste/ oM me di ni badzri b+ha wa badzra ban+d+ha hUM/oM badzra prA kA ra hUM baM hUM/ oM badzra wi tA na hUM khaM hUM/ oM badzra sa ra dzA la traM saM traM/ oM badzra dz+wa la a na lArka hUM raM hUM phaT/ sa'i cha bgegs med par bltas la/ de'i dbus su/ A li kA li yongs su gyur pa las/ zla ba dang nyi ma'i steng du hUM las byung ba'i rdo rje lte bar hUM yig de nyid can bltas te/de'i 'od zer gyi sprin spros pas 'gro ba rnams dpa' bo'i rang bzhin du bsams la/ de nyid bsdus pas yud tsam gyis sna tshogs rdo rjes bskor ba'i sna tshogs pad+ma dang nyi ma'i steng du 'khor lo rtsibs drug pa'i dbus su 'jigs byed dang dus mtshan yang dag par mnan pa'i dpa' bo zhal gsum phyag drug pa/char sprin sngon po lta bu la/ /stag gi pags pa'i sham thabs can/ /g.yon brkyang pa yi gom pas gnas/ /thod pa'i phreng ba'i dbu rgyan can/ /zla ba phyed pas thod du byas/ /sna tshogs rdo rje spyi bor 'dzin//brgya phyed mgo bos rnam par brgyan/ /rdo rje dril bu'i phyag gnyis kyis/ /phag mo la ni 'khyud par brtson/ /g.yon pa thod pa kha T+wAM ga /g.yas pa'i phyag na rtse gsum pa/ /gnyis kyis mi yi pags pa'i gos/ /mnga' bdag phyag rgya drug gis brgyan/ / rtsa ba'i zhal ni sngon po che/ /g.yas pa ser po lta bu la/ /g.yon pa ljang gu 'jigs pa che/ /mi yi rus pa'i rgyan gyis brgyan/ /sum cu rtsa gnyis mtshan 'chang zhing / /dpe byad bzang po brgyad cus brgyan/ /phag mo mgon po lta bu ste/ /'on kyang mi yi pags pa spangs/ /lha mo mda' dang gzhu 'dzin cing //lhan cig skyes dga'i gzugs can ma/ /de nas 'khor lo rtsibs drug la/ /shar la sogs par g.yon rim bzhin/ /dang po lha mo he la ki/ /gnyis pa rdo rje 'jigs byed ma/ /gsum pa drag cing gtum pa mo/ /bzhi pa rdo rje nyi ma ste/ /lnga pa rdo rje drag mo yin//drug pa rdo rje mkha' 'gro ma/ /sngon mo ser mo dmar mo dang / /ljang dang dur mdog dkar rim bzhin/ /lha mo 'di rnams cher drag cing / /phyogs kyi gos can skra grol ma/ /kun kyang yi dags nyi ma'i gdan/ /phyag bzhi dang ni spyan gsum ma/ /mi yi pags pa rtag 'dzin cing //dril bu cang te'u legs par bsnams/ /thod pa'i phreng ba'i dbu rgyan can/ /g.yon brkyang ba yi gom pas gnas/ /kun kyang phyag rgya lngar 'chang zhing / /mgo bo'i phreng bas rnam par brgyan/ /yi ge bdun las yang dag byung / /dngos grub thams cad rab ster ma/ /de ltar yongs su gyur pa'i dkyil 'khor grub par bltas te/snying ga'i sa bon gyi lcags kyu rnams kyis ye shes kyi 'khor lo bkug la/ nam mkhar bltas te/ dzaHhUM baM hoH/ dgug pa dang gzhug pa dang / bcing ba dang dbang du byas te/ dam tshig dang ye shes kyi dkyil 'khor gcig tu rnam par bsams la/snying ga'i sa bon gyi lcags kyu rnams kyis sangs rgyas thams cad spyan drangs te/ yid kyis mchod pas mngon par mchod la/ dbang bskur ba'i don du tshigs su bcad pa 'dis gsol pa gdab par bya'o/ /byang chub rdo rje sangs rgyas la/ /ji ltar mchod chen stsal ba ltar//bdag kyang bskyab pa'i don gyi phyir/ /nam mkha'i rdo rje deng bdag stsol/ /de ltar gsol ba btab pa'i de ma thag tu sangs rgyas de rnams he ru ka'i gzugs 'dzin pas rang gi stobs kyis byung ba'i dbang bskur ba'i rdzas rnams kyis/ dbang bskur ba ni rdo rje che/ / khams gsum pa yis phyag byas pa/ /gsang ba gsum gyi gnas las byung / /sangs rgyas kun gyis sbyin par bya/ /zhes bya ba dang sngags/ oM sarba ta thA ga ta a b+hi She ka sa ma ya shri ye hUM zhes brjod cing dbang bskur te/ dbang bskur nas dkyil 'khor gyi bdag po'i spyi bor mi bskyod pa bskyed/khrag 'thung ma la sogs pa'i rim pa ji lta ba bzhin du de bzhin gshegs pa lngas rgyas btab par bsam mo/ /de nas go cha shes par bya ste/ snying gar nyi ma'i dkyil 'khor gyi steng du oM hriHha ha hUM hUM phaT bskyed par bya'o/ /de'i rjes la snying gar rdo rje'i steng du ha dkar po bsams te/oM ha badzra satwa hUM hUM phaT/ spyi bor zla ba la 'khor lo'i steng du hi ser po bltas la/ na ma hi bai ro tsa na hUM hUM phaT/ spyi gtsug tu nyi ma la pad+ma'i steng du hu dmar po bltas la/ swA hA hu pad+ma narte shwa ra hUM hUM phaT/ phrag pa gnyis su nyi ma la rdo rje'i steng du he sngon po bltas te/ bau Sha Ta he shrI he ru ka hUM hUM phaT/mig tu nyi mar rin po che'i steng du ho ser po bltas la/ hUM hUM ho badzra sUr+ya hUM hUM phaT/ dpral bar sna tshogs rdo rje'i steng du yi ge haM lja gu bltas te phaT haM par ma a shwa badzra hUM hUM phaT ces bya ba 'di ni go cha drug gi sngags so/ /gzhan yang phag mo'i go cha'i sngags ni/ de'i rdo rje'i lte bar zla ba'i dkyil 'khor la baM dmar po bsams la/oM baM badzra bA rA hI hUM hUM phaT/ snying gar zla ba la yoM sngon po bltas te/ haM yoM ya me nI hUM hUM phaT/ lcer pad+ma la hriM dkar po bsams la hriM moM mo ha ni hUM hUM phaT/ spyi bor sna tshogs rdo rje'i steng du hreM ljang gu bltas la oM hreM hriM san tsA la ni hUM hUM phaT/spyi gtsug tu rin po che'i steng du hUM nam mkha'i mdog can bltas te/ hUM hUM saM trA sa ni hUM hUM phaT/ dpral bar sna tshogs rdo rje'i steng du yi ge phaT du ba'i mdog can bltas la/ phaT phaT tsaN+Di ka hUM hUM phaT/ de'i rjes la spyi bor pad+ma dkar po la zla ba la oM/ mgrin par pad+ma dmar po chos kyi 'byung gnas la AH/snying gar sna tshogs pad+ma la nyi mar hUM bsams te/ oM AHhUM zhes bya bas lus dang ngag dang yid byin gyis brlab bo/ /dkyil 'khor pa'i lha mo thams cad kyang lus dang ngag dang yid byin gyis brlabs te yang yi ge brgya pa brjod pas brtan par bya'o//rig sngags bzlas pas 'grub par 'gyur ro zhes pas bzlas pa brjod par bya'o/ /snying gar pad+ma'i nyi mar rtsibs drug pa'i 'khor lo la/ rim pa ji lta ba bzhin du yi ge bdun dkod do/ yid kyis brjod pa lta bu'i sngags bzla'o/ /oM hrIHha ha hUM hUM phaT/ ji srid mi skyo'i bar du bzlas te/skyo bar gyur na yi ge brgya pa brjod la/ dkyil 'khor gyi 'khor lo snying ga'i sa bon la chud par byas nas langs te/ lha'i rnal 'byor gyis ji ltar bde bar gnas par bya'o/ /gung dang dgongs mo'i thun la lha'i khyim du zhugs te/ bde ba'i stan la 'dug nas snying ga'i sa bon las dkyil 'khor gyi 'khor lo spros te gnas ji lta bar bltas te/ye shes sems dpa' gzhug pa dang / dbang bskur ba la sogs pa thams cad snga ma bzhin du bya ste/ sgom pa'i thog ma dang tha mar ni gtor ma sbyin par bya'o/ /de la rim pa ni 'di yin te yaM dang raM yongs su gyur pa las rlung dang me'i dkyil 'khor gyi steng du yi ge AHlas skyes pa'i thod pa'o//de'i dbus su oM gyi yi ges mtshon pa'i rdzas rnams so/ /de'i steng du hUM las skyes pa'i rdo rje'o/ /de nas rdo rje pad+ma mnyam par sbyor ba las me 'bar te des de rnams spros pa dang / btsos pa dang zhu bar gyur te ston ka'i zla ba ltar dkar por gyur pa dang /de'i 'od zer gyi lcags kyu rnams kyis sangs rgyas thams cad kyi thugs ka'i sa bon gyi bdud rtsi bkug ste de nyid du bcug nas/ oM AHhUM zhes pas byin gyis brlab bo/ /oM sarba badzra DA ki nI b+ha k+Shi me sho d+ha ya du h+yaM badzri N+ri swA hA/zhes pas lan gsum gyi bar du bsngags la/ nam mkha'i phyogs su dkyil 'khor gyi 'khor lo bltas te/ mdzub mos mdud byas gung mo nges par sbyar/ /mthe bong rdo rje brtan por rab sbyar nas/ /de ni dpral ba'i dbus su rab bzhag ste/ /bskor zhing bskor bas kun du bskor bar bya//rkang pa mnan cing gyen du blta/ /gyen du pheM gyi sgra sgrogs shing / /phyogs bcu'i 'jig rten khams bzhugs pa'i/ /dpa' bo rnal 'byor ma rnams dgug /de nas tshigs su bcad pa brjod par bya ste/ /lha mo tshad ma dam tshig tshad ma dang / /de gsungs tshig kyang tshad ma mchog yin pa'i//bden pa 'dis ni lha mo 'di dag rnams/ /bdag la rjes su 'dzin pa'i rgyur gyur cig /de'i rjes la rdo rje thal mo kha gyen la phye nas spyi bor legs par gzhag la/ oM AHA ra l+li ho dzaHhUM baM hoHbadzra DA ki n+ya sa ma ya s+t+waM dr-i sh+ya hoH/ zhes lan gsum mam bzhi 'am lnga ru brjod la/gtso bo dang bcas pa'i dkyil 'khor gyi 'khor lo la dbul lo/ /de'i rjes la mchod pa byas la/ yang tshigs su bcad pa brjod de/ srid dang zhi bar gyur nas chags pa'i kun rtog rlabs bcom zhing / /de nyid du na dngos po ma lus mkha' bzhin du gzigs pa//ches lci thugs rje'i chu yis thugs kyi pad+ma rgyas pa'i mgon/ /lha mo rnams kyis bdag la shin tu thugs brtser mdzod cig mdzod/ /ces bya ba 'dis bstod la gtor ma'i lhag ma mtshan mo rgyu ba rnams la 'dis sbyin par bya'o/ /oM kha kha khA hi khA hi sar+b+ba yak+Sha rAk+Sha sa b+hU ta preta pi shA tsa un ma da a pa smA ra gra ha DA ki n+ya da ya/i maM pa liM gr-i h+Nan+tu/ sa ma ya rak+Shan+tu ma ma sarba sid+d+hi m+me pra yats+tshan+tu ya thai baM ya theSh+TaM b+huny+dza tha pi ba tha mA me a ti kra ma tham ma sar+b+ba kAr ta ya sat+su kha bi brid+d+ha ye sa ha yi kA b+ha ban+tu oM AHhUM phaT swA hA/ yi ge brgya pa muH'i mtha' can bton pas gshegs su gsol lo//zas kyi dus su sngar bzhin bza' ba thams cad sbyangs te/ lte ba'i pad+ma'i ze'u 'brur mthe bong gi tshad kyi me rnam par bsams la/ srog dang rtsol ba bsdams pas me bar tu sbar te yid kyi mchod pas mchod la/ de nyid du 'bar ba'i rnam par gyur par bltas nas/'bar ba'i dbus su bcom ldan 'das thugs ka'i sa bon las bskyed la de bzhin gshegs pa thams cad dang lhan cig tu byas nas/ ljags hUM las rdo rjer byung bar bsams te/ bdud rtsi des sbyin sreg bya'o/ /nang gi sbyin sreg gi cho ga'o/ /mchod pa'i dus su rang gi reg pa yud tsam gyis phag mo'i gzugs su bltas la sgrub thabs la sogs pa nas gsungs pa'i tshogs ye shes sems dpa' gzhug pa dang /dbang bskur ba dang / go cha gnyis dang / lus ngag byin gyis brlabs pa byas nas bdag kyang de bzhin du he ru ka'i rnam par byas te/yi ge e las lha mo'i pad+ma 'dab ma gsum pa dang yi ge AHlas ze'i 'bru'o/ /hUM las skyes pa'i rdo rje dang / yi ge oM las skyes pa'i rdo rje dang / de'i bu gar ni phaT de/ oM sarba ta thA ga ta a nu rA ga ya mi zhes pa'i sngags dran zhing bskyod pas rab tu dga' ba'i sgras de bzhin gshegs pa thams cad bkug ste/kha'i lam nas snying gar zhugs nas/ bde ba chen po zhu bar gyur nas rdo rje'i lam nas pad+mar dbab ba/ /de nas bdud rtsi de nyid kyis bdag nyid kyi dkyil 'khor gyi 'khor lo mchod par bya'o/ /nang gi mchod pa'i cho ga'o/ /de nas rdzogs pa'i rim pa'i ting nge 'dzin gyis sems brtan par 'dod pas/A li kA li sngon bsams nas/ /rnal 'byor chen po ngal bso ste/ /lte ba'i dbus su rdzogs pa yi/ /zla ba'i dkyil 'khor bsgom par bya/ /yi ge'i gnas kyi mchog gyur pa/ /de yi dbus su gnas pa bsam/ /sku gsung thugs kyi rdo rje can//lha yi gzugs kyi bsgom par bya/ /de ni gzugs las 'das pa ste/ /sems nyid du ni bsgom par bya/ /bsam gyis mi khyab de yang bsam/ /sems nyid du ni brtag mi bya/ /bsam gyis mi khyab de bsams na/ /de las gzugs ni thob par 'gyur/ / mnyam med yon tan gter gyur sdom pa'i yi ge bdun pa 'di'i/ /sgrub thabs 'bad par byas las bsod nams thob pa des/ /'jig rten ma lus pa ni dpa' bo'i dbang po ltar/ /'gro rnams gcig gyur mthar thug rab tu gnas gyur cig /yi ge bdun pa'i sgrub thabs paN+Di ta chen po nag po pa'i zhal snga nas mdzad pa rdzogs so// //rgya gar gyi mkhan po ngag gi dbang phyug dang / klog skya shes rab brtsegs kyis bsgyur ba'o/ /slad nas bod kyi lo tsA ba A tsAr+ya mar pa chos kyi dbang phyug gis zhus te gtan la phab pa'o// //

CLOSE WINDOW