CLOSE WINDOW

D1451
བོད་ཡིག

/rgya gar gyi mkhan po ga ya d+ha ra dang 'gos lhas btsas kyis bsgyur ba las/ /slad kyis dpal su ma ti kI rti dang / mar ba chos kyi dbang phyug gis gtan la phab pa'o/ /[]@/ /rim pa bzhi pa bzhugs/ /bcom ldan 'das 'jam dpal rdo rje la phyag 'tshal lo//e baM mA yA/ /e las kyi phyag rgya'o/ /baM chos kyi phyag rgya'o/ /mA phyag rgya chen po'o/ /yA dam tshig gi phyag rgya'o/ /e shes rab/ baM thabs so/ /sprul pa'i 'khor lo dang / chos kyi 'khor lo dang / longs spyod kyi 'khor lo dang /bde ba chen po'i 'khor lo dang / A li dang kA li ni g.yon dang g.yas dag tu'o/ /A I U ai au aM aHka tsa Ta ta pa ya sha rnams dang / oM sprul pa'i 'khor lo la'o/ /oM trAM dzrIM khaM hUM laM maM paM hUM chos kyi 'khor lo la'o/ /oM A I U ai longs spyod kyi 'khor lo la'o//haM bde ba chen po'i 'khor lo la'o/ /mchog tu srung ba ni yi ge k+Sha'o/ /zla ba dang nyi ma dag ni 'og dang steng gi sgo gnyis so/ gnad 'byed pa dang gser gyi sgo ste 'gro ba dang 'ong ba'o/ /rnal 'byor bzhi ni myur ba dang / rlangs pa dang / rnam par 'ching ba dang / sna tshogs gnas pa ste/steng dang / logs dang / thad ka dang / 'og tu 'o/ /ting nge 'dzin gsum ni dang po sbyor ba dang / dkyil 'khor rgyal mchog dang / las rgyal po mchog go/ /las gsum ni spyan drang ba dang / gshegs su gsol ba dang bzhugs pa'o/ /yan lag bzhi ni bsnyen pa dang / nye bar bsnyen pa dang / sgrub pa dang / sgrub pa chen po'o/ /'phags pa'i bden pa bzhi ni/ sdug bsngal ba dang / kun 'byung dang / 'gog pa dang / lam mo/ /sde pa bzhi ni gnas brtan pa dang / thams cad yod par smra ba dang / mang pos bkur ba dang / dge 'dun phal chen pa'o/ / dbye ba bzhi ni chung ngu dang / 'bring dang / chen po dang / chen po'i chen po'o/ /skad cig ma bzhi ni rnam pa sna tshogs pa dang / rnam par smin pa dang / rnam par 'joms pa dang / mtshan nyid dang bral pa'o/ /dga' ba bzhi ni dga' ba dang / mchog tu dga' ba dang / khyad par gyi dga' ba dang /lhan cig skyes pa'i dga' ba'o/ /'bras bu bzhi ni rgyu mthun pa dang / rnam par smin pa dang / skyes bu byed pa dang / dri ma dang bral ba'o/ /bzang po bzhi ni bdag gi bzang po dang / gzhan gyi bzang po dang / dus kyi bzang po dang / ye shes kyi bzang po'o/ /gdan bzhi ni/ bdag gi gdan dang / gzhan gyi gdan dang / rnal 'byor gyi gdan dang / de kho na nyid kyi gdan no/ /de kho na nyid bzhi ni sngags kyi de kho na nyid dang / lha'i de kho na nyid dang / dkyil 'khor gyi de kho na nyid dang / ye shes kyi de kho na nyid do/ /dkyil 'khor gsum ni/ sku'i dkyil 'khor dang /gsung gi dkyil 'khor dang / thugs kyi dkyil 'khor ro/ /shes rab gnyis ni dmigs pa dang bcas pa dang / dmigs pa med pa'o/ /dmigs pa dang bcas pa ni tA tha'i dbugs dbyung ba ste 'khor ba'o/ /dmigs pa med pa ni rdo rje 'chang gi dbugs dbyung ste mya ngan las 'das pa'o//sku gsum ni chos dang / longs spyod rdzogs pa dang / sprul pa'i sku'o/ /de bzhin gshegs pa lnga ni/ rnam par snang mdzad dang / rin chen 'byung ldan dang / snang ba mtha' yas dang / don yod grub pa dang / mi bskyod pa'o/ /phung po lnga ni gzugs dang /tshor ba dang / 'du shes dang / 'du byed dang / rnam par shes pa'o/ /ye shes lnga ni me long lta bu dang / mnyam pa nyid dang / so sor rtog pa dang / bya ba grub pa dang / chos kyi dbyings shin tu rnam par dag pa'i ye shes so/ /lha mo bzhi ni spyan ma dang / mA ma kI dang / gos dkar mo dang / sgrol ma'o/ /'byung ba bzhi ni sa dang / chu dang / me dang / rlung ngo / /byang chub sems dpa' drug ni sa'i snying po dang / phyag na rdo rje dang / nam mkha'i snying po dang / 'jig rten dbang phyug dang / sgrib pa thams cad rnam par sel ba dang / kun du bzang po'o/ / dbang po drug ni mig la sogs pa'i dbang po'o/ /chu tshod ni sum cu rtsa gnyis so/ /dbyu gu ni drug cu rtsa bzhi'o/ /'pho ba ni bcu drug go/ /thun ni bzhi'o/ /pha rol tu phyin pa bcu ni/ sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang /brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dang / thabs dang / smon lam dang / stobs dang / ye shes so/ /'di dag ni pha rol tu phyin pa bcu'o/ /sa bcu ni/ rab tu dga' ba dang / dri ma med pa dang / 'od byed pa dang / 'od 'phro ba dang / sbyang dka' ba dang / mngon du gyur pa dang / ring du song pa dang / mi g.yo ba dang / legs pa'i blo gros dang / chos kyi sprin no/ /'di dag ni sa'i rim pa'o/ /pha rol tu phyin pa rnams kyi 'bras bu ye shes kyi gnas skabs kyi sa rnams so/ /nang gi sa bcu ni/ gnas dang / nye ba'i gnas dang / zhing dang / nye ba'i zhing dang / tshan+do ha dang / nye ba'i tshan+do ha dang / 'dus pa dang / nye ba'i 'dus pa dang / dur khrod dang / nye ba'i dur khrod do/ /yul nyi shu rtsa bzhi'i dbye ba tha dad de/ pul+lI ra ma la ya dang / dzA lan+d+ha ra dang / o Di ya na dang / arbu da ni gnas so//go dA wa rI dang / rA me shwa ri dang / de wI ko Ta dang / mA la wi ni nye ba'i gnas so/ /kA ma rU pa dang o Te ni zhing nge / /tri sha ku ne dang / ko sa la ni nye ba'i zhing ngo / /ka ling+ga dang / laM bA ka ni tshan+do ha'o/ /kAny+tsi dang / hi mA la ya ni nye ba'i tshan+do ha'o/ /pre ta pu ri dang / gr-i ha de ba tA ni 'dus sa'o//sau rASh+Ta dang / su war+Na dwI pa ni nye ba'i 'dus sa'o/ /na ga ra dang sin+d+hu ni dur khrod do/ /ma ru dang ku lu tA ni nye ba'i dur khrod de/ /'dir rim pa ji lta bar mgo dang / spyi gtsug dang / rna ba g.yas dang / rgyab dang / rna ba g.yon pa dang / smin mtshams dang / mig gnyis dang / dpung pa dag dang / mchan khung dag dang / nu ma gnyis dang / lte ba dang / sna rtse dang / kha dang / lkog ma dang / snying ga dang / mdoms bar dang / mtshan ma dang / bshang lam dang / brla'i phyogs dang / byin pa gnyis dang / sor mo rnams dang / rkang pa gnyis kyi bol dang /mthe bong dag dang / pus mo dag tu blta'o/ /pul+lI ra ma la yar dbang byed do/ /dzA lan+d+ha rar longs spyod do/ /o Di yan du 'jug go/ /dzA lan+d+ha rar dbang byed do/ /o Di yan du longs spyod do/ /arbu dar 'jug go/ /o Di yan du dbang byed do/ /arbu dar longs spyod do/ /go dA ba rir 'jug go//arbu dar dbang byed do/ /go dA ba rir longs spyod do/ /rA me shwa rir 'jug go/ /go dA ba rir dbang byed do/ /rA me shwa rir longs spyod do/ /de wI ko Tir 'jug go/ /rA me shwa rir dbang byed do/ /de wI ko Tir longs spyod do/ /mA la bar 'jug go/ /de wI ko Tir dbang byed do/ /mA la war longs spyod de//ka ling+gar 'jug go/ /mA la war dbang byed do/ /kA ma rU par longs spyod do/ /o trer 'jug go/ /kA ma rU par dbang byed do/ /o trer longs spyod do/ /tri sha ku ner 'jug go/ /o trir dbang byed do/ /tri sha ku ner longs spyod do/ /ko sa lar 'jug go/ /tri sha ku ner dbang byed do//ko sa lar longs spyod do/ /ka ling+gar 'jug go/ /ko sa lar dbang byed do/ /ka ling+gar longs spyod do/ /lam+bA kar 'jug go/ /ka ling+kar dbang byed do/ /lam+bA kar longs spyod do/ /kAny+tsir 'jug go/ /lam+bA kar dbang byed do/ /kAny+tsir longs spyod do/ /hi mA la yar 'jug go//kAny+tsir dbang byed do/ /hi mA la yar longs spyod do/ /yi dags lhag gnas su 'jug go/ /hi mA la yar dbang byed do/ /gr-i ha de ba tAr longs spyod do/ /yi dags lhag gnas su 'jug go/ /yi dags lhag gnas su dbang byed do/ /gr-i ha de ba tAr longs spyod do//sau rASh+Tar 'jug go/ /gr-i ha de ba tAr dbang byed do/ /sau rASh+Tar longs spyod do/ /su war+Na dwI par 'jug go/ /sau rASh+Tar dbang byed do/ /sau war+Na dwI par longs spyod do/ /na ga rar 'jug go/ /su war+Na dwI par dbang byed do/ /na ga rar longs spyod do/ /sin+d+hur 'jug go//na ga rar dbang byed do/ /sin+d+hur longs spyod do/ /ma ru'i yul du 'jug go/ /sin+d+hur dbang byed do/ /ma ru'i yul du longs spyod do/ /ku lu tAr 'jug go/ /ma ru'i yul du dbang byed do/ /ku lu tar longs spyod do/ /yan lag thams cad la 'jug go/ / gnas 'di dag thams cad du de bzhin gshegs pa rnams kyi bde ba chen po'i ye shes ji ltar bde bar rim pa ji lta ba bzhin du chos dang longs spyod rdzogs pa dang sprul pa'i sku'i rang bzhin skye zhing gnas la 'jug pa'o/ /'di rnams gtso bo ji lta bar o Da yan dang gnad 'byed pa'i sgo nas rdo rje mkha' 'gro ma bskul zhing dzA lan+d+ha rar ni bde ba chen po'i ye shes dang 'dres te/phyis ni de bzhin gshegs pa rnams kyi chos rnams sdud pa'o/ /'di nyid la dkyil 'khor dang sbyin sreg dang mchod sbyin dang bsam gtan dang bsgom bya dang gzugs dang rdul tshon dgye ba la sogs par rtogs par bya'o//rgyud kyi rim pa'o// //bsrub bya srub byed yang dag par sbyor bas ye shes kyi me las kyi rlung gis sbar te lte ba'i dkyil 'khor du du ba 'thul ba dang 'bar ba dang gnas pa dang gsal ba dag gi dam tshig gi 'khor lor son pa'i bdag gi de bzhin gshegs pa rnams bsregs pas longs spyod kyi 'khor lor chud pa'i thabs la bskor bar bya ste/mdzod spur song nas gnad 'byed pa'i sgo o Da ya na gyi ming can byung nas 'jig rten gyi khams rnams su son pa'i de bzhin gshegs pa rnams kyi thugs kar bsdus te spyi gtsug gi bu ga nas son nas gser sgo dzA lan+d+ha ra'I ming can nas zhugs te/snga ma ltar dam tshig gi 'khor lo bsreg go/ /'byung ba dang 'jug pa ni mi mthong ste/ skra'i rtse mo brgya stong gi cha'i tshad kyi phyir ro zhes bya'o/ /sngags kyi rim pa'o// //de nas de bzhin gshegs pa rnams kyi thugs kar phyin pa'i dam tshig gi 'khor lo bsdus te/chos dbyings ye shes kyi bdud rtsi blangs nas sngar bstan pa'i sgo nas byung ste 'o ma'i rgyun ltar 'ongs nas sgo de nyid nas zhugs te mtshams kyi nang du son pa'i bu ga nas longs spyod kyi 'khor lo rang la bso te bsregs pa'i de bzhin gshegs pa dam tshig gi dkyil 'khor du song ba rnams la dga' ba bskyed nas lte ba'i dkyil 'khor du gnas pa yin no//'dir yang 'byung ba dang 'gro ba dang 'ong ba yang mi mthong ste/ skra'i rtse mo brgya stong gi tshad kyi phyir ro zhes gsungs pa'i phyir ro zhes bya'o/ /ye shes kyi rim pa'o// //da ni rgyud dang sngags dang ye shes spangs pa sgo gnyis 'gro 'ong las rnam par grol ba phung po dang khams dang skye mched dang bral ba/ yul rnams las nges par log pa/ mun nag stug po la nor bu chu shel ltar 'od gsal ba rdul dang bral ba stong pa'i mchog /mtshan ma med cing smon pa med pa'i ye shes/rang gzhan rig pa dang bral ba/ mchog tu zhi ba/ 'dod chags dang chags bral 'dres pa/ mar la mar bzhag pa ltar mya ngan las 'das pa/ bdag med pa'i byang chub kyi sems te/ btsun mo'i b+ha ga la ni bde ba can gyi ming can la'o/ /bzhugs so ni gnas dang ldan pa'o//thams cad kyang yin la de bzhin gshegs pa yang yin pas de bzhin gshegs pa thams cad kyi phung po la sogs pa'o/ /de rnams kyi sku dang gsung dang thugs oM AHhUM zhes pa'i yi ge gsum mo/ /de rnams kyi rdo rje ni byang chub kyi sems rnams so/ /bzhugs so ni gnas dang ldan pa'o//de rnams kyi btsun mo ni mi la sogs pa'i gzugs su gnas pa'o/ /de'i b+ha ga de la zhes bya ba'i don to/ /e baM zhes bya ba'i/ e'i cha byad bzang po gang / /dbus su baM gyis rnam par brgyan/ /bde ba kun gyi gnas yin te/ /sangs rgyas rin chen za ma tog /de yi sprul pa'i sku bdag gis/ /longs spyod rdzogs de thos pa'o/ /de ltar de bzhin gshegs pa thams cad kyi sku dang gsung dang thugs rdo rje'i btsun mo'i b+ha ga la bcom ldan 'das byang chub sems dpa' da ltar yang bzhugs pa'o/ /dus gcig na zhes bya ba lan cig gi tshe de'i dus gcig na ste 'bog pa'i dus dang dpyid kyi dus zhes bya ba ste/ji srid du g.yas dang g.yon pa'i rlung sna sbubs su son pa'i rlung 'gog pa na zhes bya ba'i tha tshig go/ /chos gang rgyu las byung dang rgyu de dag /de bzhin gshegs pa yis ni gsungs pa ste/ de dag la ni 'gog pa gang yin pa//dge sbyong chen po yis ni 'di skad gsungs/ /srid pa ngo bo nyid kyis dag /ngo bo nyid kyis srid bral byas/ /da ltar byung ba'i rang bzhin las/ /'da' bar dka' bar byas pa'i phyir/ /zhes bya'o/ /gsang ba'i rim pa'o// //de bzhin gshegs pa'i gsung rab chos kyi phung po brgyad khri bzhi stong las bstan pa'i rim pa bzhi po'i don 'di ni spyod pa'i brtul zhugs pa slob dpon nag pos mdzad pa'o//rim pa bzhi pa rdzogs so// //rgya gar gyi mkhan po dpal su ma ti kIrti'i zhal snga nas dang / dge slong grags pa shes rab kyis bsgyur te/ yul dbus kyi dpe dang gtugs pa'o/

CLOSE WINDOW