CLOSE WINDOW

D1443
བོད་ཡིག

/[]@##/ /rgya gar skad du/ b+ha ga bAn shrI tsakra saM ba ra s+ya sA d+ha naM rat+na tsU Da ma Ni nA ma/ bod skad du/ bcom ldan 'das dpal 'khor lo bde mchog gi sgrub thabs rin po che gtsug gi nor bu zhes bya ba/ bcom ldan 'das dpal rdo rje mkha' 'gro la phyag 'tshal lo//yi dwags gdan la gar gyis bzhugs shing zhal bzhi bai DUr pad+ma rA gser mar gad spyan gsum byi ru bcag 'dra'i zhal gcig phyag gnyis thod khrag cang te'u bsnams pa'i rdo rje rnal 'byor ma/ /zhabs gnyis mnyam 'khril zhal sbyar sku la rtsa ba'i phyag gnyis dril bu rdo rje la sogs 'khyud cing tha ma gnyis kyis glang chen thal kar ko rlon mi lpags khrag gi klong 'khyil brgyangs pa bsnams//lhag ma g.yon pa'i phyag rnams kyis ni rim pa bzhin du mdzes pa'i 'khar gsil thong pa khrag bkang rdo rje zhags pa tshangs pa chen po'i mgo rnams 'od zer rab tu 'bar pa legs par bsnams//de bzhin g.yas rnams 'khor lo rtsibs bcu mdung rtse gsum pa lcags kyu cang te'u bsnams pa rgyal chen shrI he ru ka bde mchog 'khor lo bcom ldan rlabs kyis 'gro kun rtag tu rgyal gyur cig /dpal ldan bla ma rje btsun dang ni der rjes bcom ldan sgyu ma dang //chu zla sogs mtshungs rdo rje mkha' 'gro ma la'ang gus pas phyag 'tshal lo/ /bla ma chen po slob ma mkhas pa'i gus pa drin gsol gdab pa yis/ /de yi sgrub thabs myur du dga' ba rgyas byed gsal bar bshad par bya/ /de la dang po rnal 'byor pa dad pa dang thos pa la sogs pas chos thams cad sgyu ma lta bu dang nam mkha' lta bur yongs su shes pa/snying rje dang ldan pa/ sbyin pa dang byams pa la sogs pa goms par byas la/ /'jig rten gyi chos brgyad kyis ma gos pa/ bla ma rje btsun yang dag par mnyes par bya ba sngon du song bas/ dpal bde mchog gi rgyud las gsungs pa'i cho ga bzhin du dkyil 'khor du zhugs pa rim pa bzhin du dbang bskur zhing rjes su gnas pa dang dam tshig thob pa/bla ma dang 'dod pa'i lha la tha mi dad par 'dzin pa'i blo can/ spyod pa dang brtul zhugs dang ldan pas/ dur khrod la sogs pa yid dang rjes su mthun pa'i gnas su/sna tshogs rdo rje'i stan la legs par 'dug pas bdud rtsi'i ri lu la yi ge gsum bzlas pas kha dag pa la sogs pa byas nas sems can thams cad la phan pa dang bde ba'i phyir bdag dpal rdo rje he ru ka nyid du gyur par bya'o snyam pa'i bsam pa brtan pas/rang gi snying gar raM las byung ba'i nyi ma'i dkyil 'khor gyi steng du rang gi lha'i sa bon 'od zer kha dog rnam pa lnga kun nas rab tu 'phro ba bsam par bya'o/ de'i 'od zer gyi snang bas rang gi lus kyi nad nas ba spu'i rtse mo'i bar khyab par byas pas bdag nyid 'dod pa'i lha'i ngo bor gyur par nga rgyal bya zhing /de las 'od zer gyi tshogs ba spu'i bu ga nas 'phros pas/ dpal bde mchog 'khor lo rigs drug gang 'dod pa'i dkyil 'khor gyi 'khor lo lha bcu bzhi pa'i bdag nyid spro ba dang bsdu ba'i sku/ rin po che sna tshogs pa las grub pa'i khang pa brtsegs ma dang bcas pa dur khrod brgyad kyis bskor ba/shar phyogs kyi dur khrod dbang po'i mdun na bla ma seng ge'i khri rin po che sna tshogs pas spras pa'i steng na gser gyi pad+ma kha bye ba la rdo rje sems dpa' ltar 'gying bag tu rgyan thams cad kyis brgyan nas bzhugs pa snang bar gyur pa gsal bar bltas la/de nas rang gi lus du ma sna tshogs par sprul la/ bdag bla ma rdo rje 'chang chen po la phyag 'tshal lo/ /bdag bcom ldan 'das dpal 'khor lo bde mchog gi lha tshogs la phyag 'tshal lo/ /bdag sangs rgyas dang byang chub sems dpa' thams cad la phyag 'tshal lo/ /sems can thams cad rdzogs pa'i byang chub thob par bya ba'i phyir lus 'di dag dbul bar bgyi'o zhes bya'o//de nas de dag la rang gi snying ga'i sa bon las byung ba'i pi wang ma la sogs pa'i mchod pa'i lha mo bcu drug dang / ma tang gi la sogs pa bzhi'i tshogs kyis phyi nang gsang ba'i mchod pa rnams kyis yang dag par mchod par bya ste/pi wang gling bu rdza rnga rnga chen ma/ /sngon mo ser mo dmar mo ljang ku rnams/ /dang bo'i phyag gnyis rang rtags phyag mtshan can/ /de dag mtha' gnyis rdo rje dril bu 'dzin/ /bzhad ma sgeg mo glu ma gar ma rnams/ /dmar skya sngon mo ser mo ljang gu ste//dang po'i phyag gnyis rang rang rtags mtshan ldan/ /g.yon mtha' thod pa kha T+wAM cad te'u g.yas/ /me tog bdug ba snang gsal dri chab ma/ /dkar mo mthing dmar dmar ser dkar mo rnams/ /g.yon gnyis thod pa kha T+wAM g.yas dang po/ /rang ming rjes mthun gnyis pa cang te'u 'dzin//gzugs ma ro ma reg ma chos ma rnams/ /dkar mo dmar mo ljang gu dmar mo ste/ /g.yon g.yas mtha' 'di rnams ni gong dang mtshungs/ /g.yas kyi dang po rang ming mthun rtags can/ /kun kyang zhal gcig phyag bzhi ma la sgeg / lang tsho gzhon pa rol cing 'gying bag can/ /rin chen rgyan ldan dar gyis rab tu mdzes/ /dpag med rang sngags brjod cing mgon sogs rje/ /oM AHbadzra bI Ne hUM/ oM AHbadzra baM se hUM/ oM AHbadzra mu ra dze hUM/ oM AHbadzra mu kun de hUM/ oM AH badzra hA s+ye hUM/oM AHbadzra lA s+ye hUM/ oM AHbadzra gI t+ye hUM/ oM AHbadzra nir te hUM/ oM AHbadzra puSh+pe hUM/ oM AHbadzra d+hU pe hUM/ oM AHbadzra dI pe hUM/ oM AHbadzra gan+d+he hUM/ oM AHbadzra A daR+she hUM/ oM AHbadzra rA s+ye hUM/ oM AHbadzra spaR+She hUM/ oM AHbadzra d+harme hUM/zhes bya'o/ /ma tang Dom bI ra dza puk+ka si/ /'og nas 'chad bzhin rang rang zhal sogs ldan/ /rus pa'i rgyan can thod pa bdud rtsis bkang / /brjod pa med par 'dren pa 'khor bcas mchod/ /rje btsun nyid phyag rgya dang snyoms par zhugs pas mchog tu dga' ba dam pa'i bde ba chen pos dgyes pa de kho na nyid kyi mchod pa yang bya'o//de nas de dag gi spyan sngar sdig pa bshags pa la sogs pa 'di ltar bya ste/ bdag gis sdig pa thams cad bla ma dang sangs rgyas dang byang chub sems dpa' thams cad kyi spyan sngar so sor bshags shing slan chad kyang sdom par bgyid lags so//sangs rgyas dang byang chub sems dpa' dang 'phags pa so so'i skye bo'i dge ba thams cad la rjes su yi rang ngo / /bdag gis dge ba thams cad bla na med pa yang dag par rdzogs pa'i byang chub tu bsngo bar bgyi'o/ /bdag byang chub kyi bar du de bzhin gshegs pa thams cad bsdus pa'i ngo bo dpal 'khor lo bde mchog sangs rgyas la skyabs su mchi'o//des bstan pa'i gsang sngags dang phyag rgya la sogs pa'i ngo bo chos la skyabs su mchi'o/ /de'i dkyil 'khor gyi 'khor lo la gnas pa'i rnal 'byor ma'i tshogs dge 'dun la skyabs su mchi'o//sems can thams cad kyi sgrib ba thams cad bsal ba'i phyir/ nam mkha'i mthas gtugs pa'i sangs rgyas thams cad kyis chos kyi 'khor lo bskor bar bskul lo/ /rgyal ba mya ngan las bda' bar bzhed pa rnams 'gro ba kun la phan pa dang bde ba'i don du bskal pa zhing gi rdul snyed du bzhugs par gsol ba 'debs so//sems can thams cad la phan pa dang bde ba dang mchog tu mthar phyin pa'i mya ngan las 'das pa sangs rgyas kyi byang chub la dgod pa'i slad du bdag bla na med pa yang dag bar rdzogs pa'i byang chub tu sems bskyed par bgyi'o//bdag bla na med pa'i byang chub kyi bar du rdo rje'i theg pa la brten par bgyi'o zhes bya ba ste/ de rnams kyis byin gyis brlabs par bsam zhing / oM badzra satwa sa ma ya ma nu pA la ya badzra satwa twe no pa tiSh+Tha driD+ho me b+ha ba/ su to Sh+yo me b+ha ba/ su po Sh+yo me b+ha ba/ a nu raka to me b+ha ba/sarba sid+d+him+me pra yats+tsha/ sarba karma su tsa me tsit+taM shre yaHku ru hUM/ ha ha ha ha hoH/ b+ha ga bAn sarba ta thA ga ta badzra mA me muny+tsa badzrI b+ha ba ma hA sa ma ya satwa AHzhes brjod do/ /mi snang bar gyur pa dang / mchod pa bya ba dang / mchod pa byed pa dang / mchod pa po dbyer med par bsam par bya'o//de nas sems can thams cad lha'i bde ba la nye bar sbyar ba'i rnam pa byams pa dang / sdug bsngal dang sdug bsngal gyi rgyu dang bral bar bya ba'i rnam pa snying rje dang / lha'i bde ba dang 'khor ba ji srid bar mi 'bral bar bya ba'i rnam pa dga' ba dang / nyon mongs pa dang nye ba'i nyon mongs pa'i gnyen po lam la nye bar sbyar bar bya ba'i rnam pa btang snyoms bsgom par bya'o//de nas chos thams cad ngo bo nyid med pa yang dag pa ma yin pa'i kun du rtog pa tsam sgyu ma lta bu'o zhes nges par byas la/ oM swa b+hA ba shud+d+haHsarba d+harmAHswa b+hA ba shud+d+hou0f85haM/ zhes b rjod do//sa bon gyis ni brtan g.yo sbyangs/ /thig le sngags kyis dmigs pa med/ /oM shUn+ya tA dz+nyA na badzra swa b+hA ba At+ma kou0f85haM/ chos thams cad ni rab tu gnas pa med pa rang bzhin gyis 'od gsal ba ston ka'i nyi ma gung gi nam mkha'i dri ma med pa lta bu snang ba med pa'o/ de nas stong pa nyid kyi rang bzhin las der yi ge e yongs su gyur ba la chos 'byung gi gzugs ston ka'i ri bong can ltar dkar ba/ rdo rje 'chang chen po'i ngo bo/ /sna tshogs pa'i ngo mtshar che ba'i 'od zer gyi tshogs mngon par 'byung ba/ mgo phra ba steng yangs pa zur gsum pa/ nang stong pa/de'i dbus su yi ge hUM gi bdag nyid zhal gcig phyag gnyis pa'i he ru ka'i gzugs su mngon par sprul la/ shar phyogs lugs dang mi mthun dang / /lugs mthun g.yon mdzub se gol gtogs/ /oM sum+b+ha ni sum+b+ha hUM hUM phaT/ oM gr-ih+Na gr-ih+Na hUM hUM phaT/ oM gr-ih+NA pa ya gr-ih+NA pa ya hUM hUM phaT/ oM A na ya ho b+ha ga bAn badzra hUM hUM phaT/ zhes sngags rkang pa re re brjod pa'i tshe/ sngags de dang de kha dog dmar po 'bar ba yig 'bru che ba phyogs de dang der kha nas 'phros pas/ sngags de dang de las 'phros pa'i lha mo khwa gdong ma la sogs pa zhal gcig phyag gnyis ma/kha dog dmar mo cher 'bar g.yas brkyang gom pas nyi ma'i gdan/ /phyag rgya lngas brgyan gtum pa rab tu che zhing gzugs rags pa/ /phyag g.yon lte ba man chad zur gsum stong ni rang 'dra thogs/ /g.yas pa tho ba can rnams rang rang phyogs su spro bar bya//de dag gis ni bgegs rnams shin tu thag ring bskrad par bsam/ /de nas sngags de dag las grub pa'i rdo rje ra ba gru bzhi pa rab tu 'bar ba/ rgyar sgrub pa po ji tsam mngon par 'dod pa bsams la/ oM badzra prA kA ra hUM baM hUM zhes bya ba'i sngags kyis byin gyis brlab pa'o/ / de nas rdo rje ra ba las/ 'od zer rab tu 'bar ba'i tshogs/ /'phros pas dbus su yi ge hUM/ /las grub sna tshogs rdo rje bsam/ /de las sna tshogs rdo rje'i rang bzhin gyi sar byas la/ oM me di ni badzri b+ha ba badzra pan+d+ha hUM/ zhes byin gyis brlab bo/ /de bzhin du sa dang ra ba las 'od 'phros par gyur to//gur las bla re'o/ /bla re las mda'i dra ba phyi rol du steng dang logs kun du khyab par bsam zhing de dang de dag tu oM badzra pany+tsa ra hUM baM hUM/ oM badzra bi dA na hUM khaM hUM/ oM badzra sa ra dzA la trAM saM trAM/ zhes bya bas byin gyis brlab bo/ /khwa gdong ma la sogs pa brgyad ni phyi rol du/kha bltas 'khod pa rnams kyi mdun du hUM/ /nag po brgyad bltas de dag yongs gyur las/ /dang po kha khyer phan tshun phrad brgyad bsam/ /de nas khra gdong la sogs pa'i 'od zer 'bar ba'i tshogs kyis bgegs rnams dong du chud cing / dong gi pha rol nas kyang bgegs bros pa rnams 'od zer 'bar ba lcags kyu'i rnam pas drangs shing dong du bcug pa dang /khwa gdong ma la sogs pa dong gi drung na 'khod pa rnams la bdag nyid khro bo'i lta ba dang bcas pas/ oM g+haHg+haHg+hA ta ya g+hA ta ya sarba duSh+TA na hUM hUM phaT/ kI la ya kI la ya sarba pA paM hUM hUM phaT/hUM hUM hUM badzra kI la ya badzra d+ha ra A dz+nyA pa ya ti sarba big+ha nA na ka ya wAka tsit+ta badzra kI la ya hUM phaT/ zhes bya ba brjod de phur pa tshugs shig bar bka' bsgo bas bgegs rnams kyi spyi bor phur pa bcugs pa dang / oM badzra mud+ga ra badzra kI la ya A ko Ta ya hUM phaT/ ces brjod pas de dag gi rdo rje tho bas phur pa brdungs te/bgegs rnams la phur pa btab pas bgegs rnams kyis bde ba thob par byas nas/ khwa gdod ma la sogs pa 'od zer 'bar ba'i tshogs su gyur te mda'i dra ba la thim ma thag tu chu la chu brdabs pa'i tshul du slar phyir 'phros pa las/rdo rje'i ra ba zlum por gyur par bsams la/ oM badzra prA kA ra hUM zhes bya bas byin gyis brlab bo/ /de bzhin du de las 'od 'phros pas pad+ma'i ra ba/ de las 'khor lo'i ra ba/ de nas rdo rje me 'bar ba steng dang logs kun du khyab pa g.yon skor du 'khyil zhing 'bar bar bsams te/de bzhin du oM pad+ma pra kA ra hUM/ oM tsakra prA kA ra hUM/ oM badzra dz+wa la a na lArka hUM hUM hUM zhes so so'i sngags kyis byin gyis brlabs la bdag nyid skad cig gis mi snang bar gyur par bsam mo/ /de ltar tshangs pa stong gis kyang mi tshugs pa'i gnas der rten dang brten pa'i dkyil 'khor sgyu ma lta bur bsam par bya ste/yi ge yaM las yang dag byung / /rlung gi dkyil 'khor gzhur snang ngo / /'od zer sngon po 'khrug cing 'khrug /ba dan gyis mtshan bsam par bya/ /de steng raM yig las byung ba/ /me yi dkyil 'khor kha dog dmar//gru gsum 'bar phreng gis mtshan pa/ /'od zer dmar po 'khrug cing 'khrug /de steng baM yig las byung ba/ /tshu yi dkyil 'khor zlum zhing dkar/ /bum pas mtshan pa 'od zer gyi/ /phreng ba dkar pos 'khrug cing 'khrug /de steng laM yig las byung ba/ /sa yi dkyil 'khor ser po ste//gru bzhi rdo rje yis mtshan pa/ /'od zer ser po 'khrug cing 'khrug /de steng suM yig las byung ba/ /lhun po rin chen bzhi rang bzhin/ /gra bzhi rtse mo brgyad kyis mdzes/ /gzi brjid bzang po mchog gi mchog / de sting paM las pad chen po/ /sna tshogs 'dab brgyad 'od zer 'bar/ /de steng hUM yig las sna tshogs/ /rdo rje shar lho nub byang dbus/ /dkar ser dmar ljang mthing rtse gsum/ /'od zer sna tshogs 'bar zhing 'bar/ /de'i stegs bur yi ge b+h+rUM dkar po las byung ba'i khang pa brtsegs ma sangs rgyas kyi zhing yongs su dag pa thams cad bsdus pa'i ngo bo thar pa chen po'i pho brang rnam par snang mdzad kyi rang bzhin/rin po che sna tshogs pa las grub pa/ gru bzhi pa la sgo bzhi pa/ /rta babs bzhi yis rnam par brgyan/ /ka ba brgyad kyis nye bar mdzes//rtsig pa lnga dang yang dag ldan/ /stegs bu bzhis bskor brgyad gnyis kyis/ /mchod pa'i lha mo mchod 'brel 'gying / /do shal do phyed dar me tog /nyi zla me long rnga yab dang / /rdo rje srad bu bla res mdzes/ /'od las sangs rgyas rgya mtsho 'phro/ /ba dan rtse mo g.yo bkra ba'i//dril bu phyogs kyi sgo nas 'khrol/ /dur khrod brgyad kyis yongs su bskor/ /rdo rje ra ba 'od chen 'bar/ /de'i dbus su sna tshogs pa'i 'dab ma can gyi pad+ma rab tu rgyas pa ste/ de'i lte ba la 'jigs byed chen mo dang dus mtshan mo brtsegs pa'i snying gar nyi ma'i dkyil 'khor/phyogs kyi 'dab ma rnams la ro'i snying gar zla ba'i gdan dang ldan pa/ mtshams bzhir zla la bum steng du/ /bdud rtsis bkang ba'i thod pa bzhi/ /phyogs bral dang sgo rnams su yang / /ro yi snying gar zla ba'i gdan/ /de nas dus mtshan mo'i snying kha'i nyi ma'i dkyil 'khor la a la sogs pa'i dbyangs kyi yi ge bcu drug nyis 'gyur las zla ba'i dkyil 'khor me long lta bu'i ye shes kyi ngo bo//de'i steng du ka la sogs pa'i gsal byed sum cu rtsa bzhi Da D+ha da d+ha ya la bsnan pa bzhi bcu nyis 'gyur yongs su gyur pa las nyi ma'i dkyil 'khor mnyam pa nyid kyi ye shes/der yi ge hUM dngul chu lta bu yongs su gyur pa las rdo rje rtse lnga pa dkar po rab tu 'bar ba lte bar yi ge hUM gis mtshan pa so sor rtog pa'i ye shes/ de las de bzhin gshegs pa mtha' yas pa rnal 'byor ma'i tshogs kyi rnam par snang ba 'phros pas 'gro ba ma lus pa'i don byas nas/de dag bsdu ba'i sbyor bas sa bon la bcug pas de dag thams cad gcig tu 'gyur ba ni bya ba grub pa'i ye shes so/ /de nas de las bdag nyid gtso bo rang gi rig ma dang bcas shing dkyil 'khor gyi 'khor lo dang bcas par grub pa ni chos kyi dbyings shin tu rnam par dag pa'i ngo bo ste/de yang 'di ltar/ sngo zhing drag shul rnam 'gyur drag /'jigs pa dag kyang 'jigs par mdzad/ /mche ba dag kyang gtsigs pa po/ /gtsug na zla ba phyed pa la/ /sna tshogs rdo rje ral pas brgyan/ /thod pa'i phreng bas rnam par bklubs/ rgyan rnams thams cad yongs rdzogs shing / /sdad ba thams cad 'dul mdzad pa/ /nyi ma'i dkyil 'khor gdan la ni/ /phyed krung byas pas shin tu gnas/ /sred dang rmongs dang phrag dog gyur/ /kA la rA ti 'og tu mnan/ /spyan gsum zhal bzhi mgrin pa bzhi/ /mkha' ltar sngo dang ser dang dmar//steng gi zhal ni ljang gu ste/ /phag mo dang ni gnyis med dga'/ /dril bu rdo rje snyoms 'jug cing / /'khar gsil snod zhags mgo bo dang / /chos kyi 'khor lo mdung rtse gsum/ /rdo rje lcags kyu rde'u chung ste/ /khrag gi rba klong 'khyil pa yi/ /glang chen ko rlon gos su gyon//phyag gnyis na ni chos gos so/ /mi lpags snam bu gnyis kyis 'phyar/ /lang tsho gzhon pa 'gying bag can/ /sum cu rtsa gnyis mtshan 'chang zhing / /dpe byad bzang po brgyad cus brgyan/ /gar dgu yi ni nyams dang ldan/ /stag gi pags pa'i na bza' mnabs//phyag rgya drag gis rab tu brgyan/ /mgo phreng do shal chen po can/ /steng na gdugs dkar legs par 'dzin/ /phag mo mdog dmar gcer bu la/ /spyan gsum skra ni grol ba'o/ /sgeg cing nu ma 'bur la mkhrang / /rgyan rnams thams cad rab 'bar ba//g.yon pa ro yi lhung bzed de/ /g.yas pa rde'u chung chos dbyangs sgrogs/ /byin pa gnyis ni mnyam 'khyud cing / /snying rjes dga' ba'i bde ba che/ /thugs kar shes rab rab gyur nyid/ /sna tshogs pad+ma nyi rdor hUM/ /de'i rjes la mgo bo dang mgrin pa dang snying gar zla ba dang nyi ma'i steng du/oM AHhUM dkar po dang dmar po dang sngon po'i 'od 'phro ba bsams la/ de nas lte bar sprul pa'i 'khor lo'i nang du brgyad/ phyi rol du 'dab ma lnga bcu rtsa drug pa kha dog sna tshogs pa'i lte ba la yi ge aM kha dog sna tshogs pa mgo gyen du bstan pa/snying ga chos kyi 'khor lo 'dab ma brgyad pa kha dog sngon po lte ba la yi ge hUM kha dog sngon po mgo bo thur du bstan pa/ mgrin pa longs spyod kyi 'khor lo 'dab ma dbus na bzhi phyi rol na bcu gnyis pa kha dog dmar po lte ba'i yi ge oM dmar po mgo gyen du bstan pa/ spyi bor bde ba chen po'i 'khor lo 'dab ma sum cu rtsa gnyis pa kha dog sngon po lte ba la yi ge haM kha dog dkar po mgo bo thur du bstan pa/'khor lo de dag thams cad kyang yi ge dang bcas shing 'od shin tu gsal ba bsgom mo/ /shar la sogs pa'i 'dab ma la/ /ma tang gi dang Dom+bi ni/ /rA dza ki dang puk+ka sI//ser dang sngo dang dmar dud kha/ /'khar gsil dang ni lhung bzed dang / /rde'u chung dang ni gri gug 'dzin/ /ba d+ha ki sa ha tsa ri/ /b+hu d+hi tsa ri sha ba ri/ /skya bo dang ni dmar ba dang / /ljang gu dang ni dkar mo ste/ /thod pa dang ni 'khar gsil dang / /gri gug dang ni rde'u chung 'dzin//lugs su 'byung dang lugs las bzlog /bzhad dang zhi dang snying rje dang / /sgeg dang rngam dang mi sdug pa/ /drag shul khro bo'i nyams dang ldan/ /sgo bzhir khro mo dgod bya ba/ /he ru ka yi 'od ma dang / /rdo rje gtum mo dang rdo rje/ /srin mo rdo rje 'jigs byed ma//drag cing gdul dka' kun gsol ma/ /thal kar mdog dang ljang gu dang / /dmar dang sngo ba drag shul 'jigs/ /lang tsho gzhon pa nu ma rgyas/ /lhung bzed kha T+wAM 'khar gsil g.yon/ /chos kyi 'khor lo rnge chung g.yas/ /phrag pa'i steng na chos gos te/ /kun kyang zhal gcig phyag bzhi ma//rgyan rnams kun gyis rnam par bklubs/ /ro steng zla ba'i dkyil 'khor la/ /skyil krung phyed pa'i gar gyis gnas/ /skra grol gcer bu rgyan lnga 'chang / /bcom ldan rdo rje rnal 'byor ma/ /thabs dang shes rab ngo bo nyid/ /snying rje chen po stong pa nyid/ / tha mi dad pa'i bdag nyid do/ /bsod snyoms pa dang chos gos gsum/ /phyis mi len dang cog pu pa/ /stan gcig pa dang bla gab med/ /shing drung pa dang bas mthar gnas/ /dur khrod pa dang phyag dar khrod/ /phying ba pa dang gzhi ji bzhin/ /sbyangs pa'i yon tan bcu gnyis te//de rnams rnal 'byor ma rnams dag /mdo yi sde dang dbyangs kyis bsnyad/ /lung du bstan dang tshigs su bcad/ /ched du brjod dang gleng gzhi dang / /rtog pa brjod dang de ltar byung / /skyes pa rabs dang shin tu rgyas/ /rmad du byung dang gtan la phab/ /gsung rab yan lag bcu gnyis kyang //rnal 'byor ma yi ngo bo nyid/ /de nas hUM gi 'od zer gyis dam tshig gi 'khor lo dang 'dra ba'i ye shes sems dpa' dang / dbang bskur ba'i de bzhin gshegs pa dang / /phyi dang gsang ba'i mchod pa byed pa'i lha mo rnams spyan drangs te/ de dag dang lhan cig tu 'ongs pa'i bgegs zhal rnams kyis hUM zhes brjod pas bskrad nas/snying ga'i sa bon gyi 'od zer las byung ba'i mchod yon/ oM ar+g+haM pra tI ts+tsha swA hA/ zhes bya bas phul la/ dzaHhUM baM hoHzhes bya bas dgug pa dang gzhug pa dang bcing ba dang mnyes par byas nas/ de bzhin gshegs pa thams cad bdag la dbang bskur du gsol zhes gsol ba btab pa dang /de bzhin gshegs pa rnams rin po che'i bum pa bdud rtsi lnga'i khu bas gang ba bsnams/ oM sarba ta thA ga ta a b+hi She ka sa ma ya shri ye hUM zhes gsung zhing dbang bskur ba dang chu'i lhag ma las dbu la rigs kyi bdag pos rgyas gdab par bya ste/de la bcom ldan 'das kyi dbu la rdo rje sems dpa' rdo rje rnal 'byor ma la mi bskyod pa'o/ /ma tang gi la sogs pa bzhi la rim bzhin du/ /rtag pa don grub 'od dpag med dang rin chen 'byung / /ba d+ha kI la sogs pa la ni rtag pa dang / / rin chen dbang dang 'od dpag med dang don yod grub/ /he ru ka b+ha la sogs pa la yang ma tang gi la sogs pa la rtag pa la sogs pa bzhin no/ /de nas pi wang ma la sogs pa dang / ma tang gi la sogs pa shin tu mdzes shing yid 'phrog pa rnams kyis yang dag par mchod par bya'o//de nas lha mo de dag gis legs par bstod pa byas nas/ lha mo de rnams rang rang gi gnas su yud kyis gshegs par bsam mo/ /de'i rjes la yi ge hUM las gsang ba'i rdo rje dkar po byA las nor bu dmar po byA ser pos bu ga bkag pa/yi ge A las phyag rgya'i pad+ma dmar po 'dab ma gsum pa d+h+yaM las ze'u 'bru dkar po d+h+yaM ser pos bu ga bkag par bsams la/ lte ba la sogs pa la snying po la sogs pa yang bkod nas/ oM shrI ma hA su kha badzra he he ru ru kaM AHhUM hUM phaT swA hA zhes bya bas dga' ba tsam zhig lhan cig skyes pa'i dga' ba dam pa'i bde bas bdag dang dkyil 'khor par bcas pa rjes su mnyes par bya'o//phyi rol shin tu dga' ba'i bya ba la'ang / /pad+ma rdo rje byin rlabs 'di dag bya/ /mdun du yi ge yaM las rlung dkyil 'khor/ /gzhur snang sngon po mtha' gnyis ba dan ldan//de steng yi ge raM las me'i dkyil 'khor/ /zur gsum nyid la dmar po 'bar bas mtshan/ /de steng a las pad+ma'i snod/ /dum bu gcig pa nang dmar po/ /de'i nang du shar nas brtsams te dbus kyi bar du oM khaM AM trAM hUM/ dkar po dang ljang gu dang dmar po dang ser po dang mthing ga rnams las byung ba'i gsang ba'i sman dang sha chen po dang /byang chub kyi sems dang rang byung gi me tog dang / rdo rje'i chu rnams la slar yi ge de dag nyid kyis mtshan pa dang / me dang bden bral rlung dang dbang ldan gyi phyogs su lAM mAM pAM tAM/ /dkar dang sngo dang dmar dang ljang / / ba lang khyi dang glang po che dang rta'i sgron ma dang / sa bon de dag nyid kyis byin gyis brlabs pa'o/ /de nas rlung gis me sbar bas/ /de dag thams cad zhu bar gyur pa/ nyi ma'i dkyil 'khor ltar dmar por 'bar ba snang ba/ de'i steng du yi ge hUM dkar po yongs su gyur pa las kha T+wAM ga dkar po mgo thur du bstan pa byang chub kyi sems kyi rang bzhin der lhung bas/bdud rtsi de shin tu mdog dkar po bsil ba'i rnam par gyur par blta'o/ /de nas A li dang kA li thog mar oM dang mtha' mar hUM hUM phaT dang bcas pa brjod pas/ yi ge de dag nyid kha dog sna tshogs pa bdud rtsi'i steng du gnas par bltas la/slar yang yi ge de dag nyid oM AHhUM zhes bya ba'i yi ge gsum dkar po dang dmar po dang mthing ga'i kha dog can gong nas gong du gnas par gyur par bltas te/ de dag las 'od zer gyi tshogs dpag tu med pa 'phros pas phyogs bcu'i nam mkha'i mthas gtugs pa'i de bzhin gshegs pa thams cad kyi thugs ka'i sa bon gyi cha las/ye shes kyi bdud rtsi bkug ste yi ge gsum la bsdus pa dang / yi ge gsum yang rim pa bzhin du bdud rtsir lhung bas/ de dag ro gcig tu gyur pa'i bdud rtsi'i mchog tu bltas nas/yi ge gsum gyis lan gsum byin gyis brlabs la/ bcom ldan 'das dang rnal 'byor ma/ /rnams kyi lce la yi ge hUM/ /las byung rdo rje rtse gsum pa/ /dkar po nas 'bru tsam bkod de/ /de yi 'od kyis bu gus drangs/ /bdud rtsi gsol bas mchog tshim blta//rig sngags bzlas brjod byas pas 'grub par 'gyur ro zhes gsungs pa'i phyir bzlas brjod bya ste/ de ni rdo rje'i bzlas pa dang / bzlas brjod bya ba'i gsang sngags kyi yi ge gang dag yin pa rnams rang gi thugs ka'i sa bon las 'og nas byung ba rang gi rdo rje'i rtse mo nas phyag rgya'i b+ha gar bton nas/yang lha mo'i zhal nas rang gi zhal du zhugs pa rang gi sa bon la zhugs par blta zhing / zhal thams cad dang rnal 'byor ma thams cad kyis kyang sngags zlos par bsgom par bya ste/ khro bo'i bzlas pa yang bya'o/ /rim pa 'dis bzlas brjod kyi nyes pa dang bral bar sems mnyam par gzhag pas ji srid skyo bar ma gyur gyi bar du bzlas brjod bya'o//de la bzlas brjod kyi sngags ni 'di dag yin te/ oM shrI badzra he he ru ru kaM hUM hUM phaT DA ki ni dzA la saM ba ra swA hA/ oM hrIHha ha huM hUM phaT/ lha'i snying po dang nye ba'i snying po'o/ /oM sarba bud+d+ha DA ki nI ye badzra bar+N+Na nI ye huM hUM phaT swA hA/oM badzra bai ro tsa nI ye huM hUM phaT swA hA/ lha mo'i snying po dang nye ba'i snying po'o/ /oM mA taM gI huM hUM phaT/ oM Dom+bi nI huM hUM phaT/ oM rA dza kI huM hUM phaT/ oM puk+ka sI huM hUM phaT/ oM ba d+ha ki huM hUM phaT/ oM sa ha tsa ri huM hUM phaT/oM bu d+hi tsa ri huM hUM phaT/ oM sha ba rI huM hUM phaT/ oM he ru ka b+ha huM hUM phaT/ oM badzra tsaN+DA lI huM hUM phaT/ oM badzra rak+Sha sI huM hUM phaT/ oM badzra b+hai ra bi huM hUM phaT/ dpa' bo'i sngags so/ /oM na mo b+ha ga wa te wI re shA ya/ ma hA kalpA g+ni saM ni b+hA ya/ dza Ta ma kuTot+ka TA ya/ daM Sh+T+rA ka rA lo gra b+hI Sha Na mu khA ya/ sa ha sra b+hu dza b+hA su rA ya/ pa ra shu pA sho d+ya ta shU la kha T+wAM ga d+hA ri ni/ byA g+h+rA dzi nAm+ba ra d+ha rA ya/ ma hA d+hum+b+rA n+d+ha ka ra wa pu ShA ya/ ka ra ka ra ku ru ku ru/ ban+d+ha ban+d+ha/ trA sa ya trA sa ya/ k+Sho b+ha ya k+Sho b+ha ya/ hrauM hrauM/ hraHhraHpheM pheM/ phaT phaT/ da ha da ha/pa tsa pa tsa/ b+hak+Sha b+hakA/ ba sa ru d+hi rA na tra mA lA ba laM ne/ gr-ih+Na gr-ih+Na sap+ta pA tA la ga ta b+hu dzaM ga sarbaM ba ta rdza ya tardza ya/ A kaD+D+h+ya A kaD+D+h+ya hriM hriM/ dz+nyauM dz+nyauM/ k+Sh+mAM k+Sh+mAM/ hAM hAM/ hIM hIM/ hUM hUM/ ki li ki li/ si li si li/ hi li hi li/ d+hi li d+hi li/ huM hUM phaT/ phreng ba'i sngags so//oM shrI tsit+ta DA ka d+h+r-i ka a khaM huM hUM phaT/ DA ki nI dzA la saM ba ra swA hA/ oM shrI bAka DA ka A ro li ka DA ki ni dzA la saM ba ra huM hUM phaT/ oM shrI kA ya DA ki nI dzA la saM ba ra ru lu b+h+rUM huM hUM phaT swA hA/ oM shrI rat+na DA ka ya oM AHhUM DA ki ni dzA la saM ba ra huM hUM phaT swA hA/ oM shrI karma DA ka a khaM hUM DA ki ni dzA la saM ba ra huM hUM phaT swA hA/gtso bo lnga'i sngags so/ /gang tshe bzlas pas skyo bar gyur pa na/ /sa bon 'od kyis shes rab bdag po dang / /'khor lo pa dang khang pa brtsegs ma rnams/ /snang bar byas te 'od gyur rim bzhin bsdu/ /hUM de yongs su gyur las bdag nyid ni//zhal gcig phyag gnyis g.yas brkyang gom pas gnas/ /lang tsho gzhon pa 'gying bag mtshan dang ldan/ /phyag rgya drug ldan dril bu rdo rje 'chang / /de nas yongs su bsngo ba dang smon lam gdab pa dang / yi ge brgya pa brjod pa yang byas pa lha'i nga rgyal gyis gnas par bya'o//gung dang phyi dro'i thun mtshams su/ /bsam gtan khang par stan bder 'dug /bdag nyid 'od zer du gyur pa/ /hUM du byas te yongs gyur las/ /bcom ldan 'khor lo bde mchog gi/ /dkyil 'khor 'khor lo lha bcu bzhi/ /khang brtsegs rin chen tshogs las grub//dur khrod brgyad bskor gsal dmigs nas/ /dbang bskur ba la sogs pa cho ga thams cad bya'o/ /thun tha ma la ni sngar bstan pa'i cho ga thams cad spyad la/ bzlas brjod kyi rjes la hUM gi 'od zer gyis thams cad 'od du gyur pa bdag la bsdus la/bdag dang phag mo yang 'od du gyur pa snying ga'i shes rab yab yum la/ de yang snying ga'i nyi ma dang bcas pa'i hUM la bsdu zhing / nyi ma dang U dang ha dang zla tshes dang / thig le dang nA da'i bar du bsdus la nA da yang dmigs pa med par byas la nyal lo/ /nangs par gyi dus su rdo rje rnal 'byor ma'i glus bskul bas sad par mos par byas la/cho ga thams cad nyi ma snga ma bzhin du bya'o/ /hUM sngon rdo rje las byung ba/ /thugs kyi 'khor lo bde mchog ni/ /dbang bskur bdag po mi bskyod rgya/ /gzhan ma rnams ni sngar bzhin du/ / oM dmar pad+ma las byung ba/ /gsung gi 'khor lo bde mchog ni/ /dmar po g.yon sngo pad+ma bsnams/ /dbang bdag 'od rgya gzhan sngar bzhin/ /oM dkar 'khor lo las byung ba/ /sku yi 'khor lo bde mchog ni/ /dkar po g.yas sngo 'khor lo bsnams/ /dbang bdag rtags rgya gzhan sngar bzhin//trAM ser rin chen las byung ba/ /yon tan 'khor lo bde mchog ni/ /ser po g.yas sngo rin chen bsnams/ /dbang bdag rin rgya gzhan sngar bzhin/ /khaM ljang sna tshogs rdor byung ba'i/ /phrin las 'khor lo bde mchog ni/ /ljang gu steng sngo sna tshogs bsnams//dbang bdag don rgya gzhan sngar bzhin/ /de ltar gus pa dang bcas pas rgyun mi 'chad par bsgoms pas sems brtan par gyur pa dang / rdzogs pa'i rim pa'i ting nge 'dzin bsgom par bya'o/ /rnal 'byor chen po ngal so ba/ /A li kA li mdun bsams nas//zla ba'i dkyil 'khor las rdzogs pa/ /lte ba'i dbus su gnas par bsgom/ /de yi dbus su gnas pa yi/ /yi ge dam pa'i gnas bsgom bya/ /sku gsung thugs kyi rdo rje can/ /lha yi gzugs su bsgom par bya/ /de ni gzugs las 'das gyur pa//sems nyid du yang bsgom mi bya/ /bsam bya min par bsam de yang / /sems nyid du ni mtshon pa min/ /de yang bsam bya min bsam bya/ /de las gzugs ni thob par 'gyur/ /dang po ri dwags sred bzhin snang ba ste/ /mtshan ma gnyis pa dud ka'i rnam pa can//gsum pa srin bu me khyer dang 'dra ba/ /bzhi pa sgron me 'bar ba lta bur gsal/ /mtshan ma lnga pa rnam par ma brtags par/ /sprin bral nam mkha' lta bur snang ba yin/ /de lta bu yi mtshan ma tho ba nas ni/ /phyag rgya chen po thob par gyur pa yin/ /shrI ni gnyis med ye shes te//he ni rgyu sogs stong pa nyid/ /ru ni rtog pa dang bral ba/ /ka ni gang na'ang mi gnas pa'o/ /sems ni ngal so rnal 'byor pa/ /mya ngan 'das pa bstan pa min/ /rnal 'byor pa rnams 'pho tshe dpal/ /khrag 'thung dpal sogs rnal 'byor ma/ /me tog sna tshogs lag na thogs//rgyal mtshan ba dan sna tshogs dang / /rol mo'i sgra ni sna tshogs dang / /glu yi mchod pa sna tshogs kyis/ /mkha' spyod gnas su khrid par byed/ /'chi ba zhes 'di rnam rtog yin/ /de ltar rje btsun he ru ka'i/ /sgrub thabs gsal bar byas pa las/ / dge ba thob pa gang yin des/ /'gro kun rdo rje 'dzin gyur cig /bcom ldan 'das dpal 'khor lo bde mchog gi sgrub thabs/ rin po che gtsug gi nor bu zhes bya ba/ slob dpon chen po la ba pa'i zhal snga nas kyis mdzad pa rdzogs so// //rgya gar gyi paN+Di ta chen po su ma ti kI rti dang /

CLOSE WINDOW