CLOSE WINDOW

D1441
བོད་ཡིག

/byang chub rkyen du shing brgyad mngon du byung / /'jig rten chos brgyad bsregs la phyag 'tshal lo/ /dpal 'khor lo sdom pa'i bstod pa/ rgyal po chen po in+d+ra b+hU tis mdzad pa rdzogs so/ /[]@##/ /rgya gar skad du/ maN+Dal de ba sto tra rat+na mA ya dA na nA ma/bod skad du/ dkyil 'khor gyi lha la bstod pa rin po che sgyu 'phrul sbyin pa zhes bya ba/ bcom ldan 'das dpal rdo rje mkha' 'gro ma la phyag 'tshal lo/ /thabs dang shes rab rang bzhin dkyil 'khor phyag 'tshal te/ /gus pas bstod la byin rlabs myur 'byung bdag gis brjod//hUM phyogs bcu'i sangs rgyas zhing kun bsdus pa'i dkyil 'khor na/ /bcom ldan dpal chen khro rgyal 'khor lo bde mchog ni/ /ye shes rnam par dag pa thams cad tshogs pa'i sku/ /'jigs byed 'jigs par byed pa mthing nag rin chen 'od/ /zhal bzhi sngo dang dmar dang ser dang ljang ba'i dbu//ral ba'i thor tshugs zla phyed sna tshogs rdo rjes mdzes/ /dmar 'jigs brtson gzigs rab bgrad sdang mig glog ltar 'gyu/ /gtum rngam mche ba gtsigs shing 'jigs pa'i nga ro sgrogs/ /rol pa chen po'i smin mtshams khro gnyer rlabs chen 'khrugs//ljags 'dril mchog las 'od 'phro hUM phaT 'brug sgra che/ /lang tsho gzhon pa gar dgu'i nyams ldan 'gying bag can/ /sum cu rtsa gnyis mtshan dang dpe byad brgyad cus rgyan/ /rten 'brel bcu gnyis 'gags pa'i phyag rnams rab tu snang / /dang po gnyis kyis rdo rje dril bu yum mchog 'dzin//thabs dang shes rab zhal sbyar bde chen mi rtog bzhugs/ /mtha' gnyis glang chen ko rlon mi lpags na bzar brgyangs/ /g.yon pa'i gnyis pa kha T+wAM gsum pas thong khrag bkang / /bzhi pa rdo rje zhags pa lnga pas tshangs mgo bsnams/ / g.yas pa'i gnyis pas cang te'u gsum pas mdung rtse gsum/ /bzhi pas rdo rje dgra sta lnga pa gri gug bsnams/ /rab tu brjid pa'i mgon po stag lpags sham thabs can/ /spyi gtsug 'khor lo nor bu snyan cha gdub kor dang / /mgur chu phyag rgya sku regs thal bas rab tu brgyan//lha yi gdugs dkar mdzes pa steng na 'dzin pa'i dpal/ /brgya phyed khrag 'dzag mi mgo'i phreng ba'i do shal can/ /'jigs byed dus mtshan ma rungs skrag cing gtsigs pa'i zhal/ /nyin mo'i dbang phyug gdan la zhabs gnyis brkyang bskum bzhugs/ /sna tshogs thabs kyis 'gro ba ma lus bde la sbyar//khro bo'i rgyal po thams cad gus pas khyed la 'dud/ /tshangs pa khyab 'jug dbang po lha chen tshogs bdag sogs/ /'gro ba'i gtso bo thams cad 'jigs dang gus mchod pa'i/ /rgyal chen he ru ka dpal khyod la phyag 'tshal bstod/ / hUM dbus phyogs rnam dag rdo rje'i zhing gi dkyil 'khor na/ /bcom ldan 'das ma mkha' 'gro tshogs kyi gtso bo ni/ /chos kyi dbyings kyi ye shes rnam par dag pa'i sku/ /byi ru'i 'od 'bar rdo rje phag mo bde gshegs skyed pa'i yum/ /'dod pa'i dbang phyug skal ldan mkha' 'gro kun gyi rje//rdo rje dbyings kyi khro rgyal phyag rgya chen po'i sku/ /he ru ka dpal yang dag sbyor ba btsun mo'i rgyal/ /zhal gcig phyag gnyis spyan gsum dmar ser me stag 'phro/ /khro 'dzum zhal gyi mche ba gtsigs shing rol pa mo/ /dbu skra legs grol sked sor sleb pa'i lha mo che/ / thod pa skam pos dbu brgyan 'gro ba'i zhe sdang 'joms/ /phyag g.yas rdo rje gri gug sdigs mdzub gdug pa 'dul/ /g.yon pa thod pa sdang ba'i khrag gis bkang ba bsnams/ /dbu yi nor bu snyan cha gdub kor mgur chu dang / /phyag gdub sku regs phyag rgya lnga yis rab tu brgyan//yi dwags phra mo me shel nor bu'i gdan steng na/ /gcer mo rig pa'i rgyal mo zhabs gnyis brkyang bskum bzhugs/ /rdo rje lha mo khro mo'i gzugs can drag snyems ma/ /'byung po'i 'jigs pa ma lus rdo rje chen pos 'joms/ /'jig rten gsum phyogs gzhan gyis bsngo bas mi tshugs shing //bdud kyi 'jigs pa ma lus skem zhing pham mdzad ma/ /rdo rje gdan bzhugs tshangs sogs dbang byed las rgyal zhing / /dngos grub kun 'byung rje btsun ma khyod phyag 'tshal bstod/ /shar phyogs rnam dag sangs rgyas zhing gi dkyil 'khor na//bcom ldan 'das ma sangs rgyas rigs kyi gtso mo ni/ /me long lta bu'i ye shes rnam par dag pa'i sku/ /rin chen bai DUr+ya yi 'od 'bar mkha' 'gro ma/ /zhal gcig phyag bzhi spyan gsum skra grol mche bzhi gtsigs/ /thod pa kha T+wAM gri gug cang te'u phyag na bsnams/ /'khor lo snyan cha mgur chu phyag gdub mchod phyir thogs//phyag rgya lngas brgyan lang tsho rol ba sgeg pa'i sku/ /gcer mo g.yon brkyang srog song zla ba'i gdan la bzhugs/ /chos dbyings las bzhengs 'khor ba grol ba'i khro mo'i rgyal/ /ma mo nam mkha' khyab 'gro 'gro ba'i gti mug 'joms/ / sgyu 'phrul sna tshogs sems can don la khyab par 'jug /ye shes chen mo rnal 'byor skal ldan 'char ba mo/ /bdud dang mu stegs mi mthun phyogs rnams rdul du rlog /lam log 'gro ba bde la thabs kyis sbyor mdzad cing / /dngos grub kun ster lha mo khyod la phyag 'tshal bstod//byang phyogs rnam dag las mchog zhing gi dkyil 'khor na/ /bcom ldan 'das ma las kyi rigs kyi gtso mo ni/ /bya ba grub pa'i ye shes rnam par dag pa'i sku/ /rin chen ma ra ka ta'i 'od 'bar lA ma ni/ /zhal gcig phyag gnyis spyan gsum sgra grol mche bzhi gtsigs//thod pa kha T+wAM gri gug cang te'u phyag na bsnams/ /'khor lo snyan cha mgur chu phyag gdub mchod phyir thogs/ /phyag rgya lngas brgyan lang tsho gzhon pa sgeg pa'i sku/ /gcer mo g.yon brkyang srog song zla ba'i gdan la bzhugs/ /chos dbyings las bzhengs 'khor ba sgrol ba'i khro mo'i rgyal//ma mo nam mkha' khyab 'gro 'gro ba'i phrag dog 'joms/ /sgyu 'phrul sna tshogs sems can don la khyab par 'jug /ye shes chen po rnal 'byor skal ldan 'char ba mo/ /bdud dang mu stegs mi mthun phyogs rnams rdul du rlog /lam log 'gro ba bde la thabs kyis sbyor mdzad cing //dngos grub kun ster lha mo khyod la phyag 'tshal lo/ /nub phyogs rnam dag pad+ma zhing gi dkyil 'khor na/ /bcom ldan 'das ma pad+ma rigs kyi gtso mo ni/ /so sor rtog pa'i ye shes rnam par dag pa'i sku/ /rin chen pad+ma rA ga 'od 'bar dum skyes ma/ /zhal gcig phyag bzhi spyan gsum skra grol mche bzhi gtsigs//thod pa kha T+wAM gri gug cang te'u phyag na bsnams/ /'khor lo snyan cha mgur chu phyag gdub mchod phyir thogs/ /phyag rgya lngas brgyan lang tsho gzhon pa sgeg pa'i sku/ /gcer mo g.yon brkyang srog song zla ba'i gdan la bzhugs/ / chos dbyings las bzhengs 'khor ba sgrol ba'i khro mo'i rgyal/ /ma mo nam mkha' khyab 'gro 'gro ba'i 'dod chags 'joms/ /rdzu 'phrul sna tshogs sems can don la khyab par 'jug /ye shes chen mo rnal 'byor skal ldan 'char ba mo/ /bdud dang mu stegs mi mthun phyogs rnams rdul du rlog /lam log 'gro ba bde la thabs kyis sbyor mdzad cing / /dngos grub kun ster lha mo khyod la phyag 'tshal bstod/ /lho phyogs rnam dag rin chen zhing gi dkyil 'khor na/ /bcom ldan 'das ma rin chen rigs kyi gtso mo ni/ /mnyam pa nyid kyi ye shes rnam par dag pa'i sku//rin chen gtso mo gser 'od 'bar ba gzugs can ma/ /zhal gcig phyag bzhi spyan gsum skra grol mche bzhi gtsigs/ /thod pa kha T+wAM gri gug cang te'u phyag na bsnams/ /'khor lo snyan cha mgur chu phyag gdub mchod phyir thogs/ /phyag rgya lngas brgyan lang tsho gzhon pa sgeg pa'i sku//gcer mo g.yon brkyang srog song zla ba'i gdan la bzhugs/ /chos dbyings las bzhengs 'khor ba sgrol ba'i khro mo'i rgyal/ /ma mo nam mkha' khyab 'gro 'gro ba'i nga rgyal 'joms/ rdzu 'phrul sna tshogs sems can don la khyab par 'jug /ye shes chen mo rnal 'byor skal ldan 'char ba mo/ /bdud dang mu stegs mi mthun phyogs rnams rdul du rlog /lam log 'gro ba bde la thabs kyis sbyor mdzad cing / /dngos grub kun ster lha mo khyod la phyag 'tshal bstod/ /de ltar bdag gis rab dad pas/ /dngos grub chen po 'byung ba'i rgyu//dkyil 'khor lha la gus bstod pas/ /dung dang kun+da ltar dkar ba'i/ /dge des 'gro kun rdo rje 'dzin thob shog /dkyil 'khor gyi lha la bstod pa rin po che sgyu 'phrul sbyin pa zhes bya ba/ slob dpon rdo rje dril bu pas mdzad pa rdzogs so// //ma hA paN+Di ta su ma ti kIrti dang /

CLOSE WINDOW