CLOSE WINDOW

D1435
བོད་ཡིག

/smon lam btab ste ldang bar bya/ /slob dpon chen po rdo rje dril bu pa'i man ngag lus kyi dkyil 'khor gyi mngon par rtogs pa rdzogs so/ /[]@##/ /rgya gar skad du/ shrI tsakra saM ba ra pany+tsa gra ma br-ita ti/ bod skad du/ dpal 'khor lo sdom pa'i rim pa lnga pa'i 'grel pa/dpal 'khor lo sdom pa la phyag 'tshal lo/ /snying ga'i hUM las 'od zer spros la a wa d+hU tI nas gre bar byung nas sna bug g.yas pa nas byung ste sa la babs pa tsam gyis hUM du gyur te/ hUM zhu ba las sna tshogs rdo rje rtse dbus dang / shar dang / byang dang / nub dang / lho sgo rim bzhin du mthing ka dang sngon po dang / ljang gu dang / dmar po dang / ser po'i rdo rje rtse mo lnga ru gyur par bsgom mo/ /de las 'od zer phyogs bzhir byung bar bsams pas/ shar dang byang dang nub dang / lhor rim pa bzhin du rdo rje rtse mo lnga ba sngon po dang / ljang gu dang / dmar po dang / ser por thim pas rlung yang mi thar bar gyur par bsam mo/ /rdo rje de dag gi rtse mo las 'od 'phros pas shar phyogs dang / byang phyogs dang / nub phyogs dang / lho phyogs kyi steng gi cha rdo rje rtse lnga pa sngon po dang / ljang gu dang / dmar po dang / ser por thim pas mig mangs ris su gnas pas rlung yang mi thar bar gyur par bsams te/de ni rdo rje'i gur ro/ /sna tshogs rdo rje'i dbus kyi lte bar hUM de zhu ba las sna tshogs pad+ma 'dab ma brgyad par bsam/ de'i lte ba shar dang byang dang nub dang / lhor shes rab ye shes kyi dbang gi dus su nyams su myong ba bde ba tsam dang bcas pa'i byang chub kyi sems kyi thig le dkar ba/'tsher ba/ gsal ba/ gzi mdangs dang ldan pa mthing ga dang / sngon po dang / ljang gu dang / dmar po dang / ser po rnams chu las nya 'phar ba bzhin du sran ma spom po'i tshad tsam pa lnga bsams la/de zhu ba las he ru ka zhal gcig phyag gnyis pa g.yas rdo rje g.yon dril bu mchan khung na kha T+wAM ga bsnams pa/ zhabs g.yas brkyang bas bzhugs pa/ g.yon bskum pa/ dbu skra ser po gyen du brdzes pa/ zla ba phyed pas dbu la brgyan pa/ spyan gsum pa/ smin ma kham pa/ phyag rgya drug dang ldan par bdag nyid gyur par bsam mo/ /thig le sngon po dang / ljang gu dang / dmar po dang ser po zhu ba las rim pa bzhin badzra DA ki nI dang / lA ma dang / khaN+Da ro hA/ rU pi Ni rnams sngon po dang / ljang gu dang / dmar po dang / ser po rnams lha mo bzhir gyur par bsam/lha mo rnams kyang zhal gcig pa/ spyan gsum pa/ dbu skra ser po gyen du brdzes pa/ zla ba phyed pas dbu brgyan pa/ gcer bu g.yon brkyang bas bzhugs pa/ phyag rgya lnga dang ldan pa/ g.yas na gri gug /g.yon na thod pa bsnams pa/ lha lnga kar yang ro'i gdan la bzhugs pa/mtshams kyi 'dab ma bzhi la rin po che'i bum pa bzhi'o/ /steng du rang bzhin gyi bdud rtsi rnam lngas bkang ba'i ka pA la bzhi bzhag pa skad cig gis bsgom ste/ de ni gnas dang lus dang / longs spyod phun sum tshogs pas bsdus pas bskyed pa'i rim pa'o/ /rdzogs pa'i rim pa gang bsgom yang rung /thog mar bskyed pa'i rim pa bsgom par bya ste/ de'i rjes la rdzogs pa'i rim pa bsgom pa la gsum ste/ hUM la dmigs pa dang / thig le la dmigs pa dang / nA da skra ris phra mo sor gcig la dmigs pa'o/ /de la hUM la dmigs pa bsgom pa ni/ snying khong stong gi nang du/ 'og tu nyi ma'i dkyil 'khor ro/ /de'i steng du zla ba'i dkyil 'khor bsam mo/ /nyi ma dang zla ba'i bar du thig le'i rgyal po yi ge hUM rgun 'bru'i sa bon gyi tshad tsam mam/ sran ma'am/ yungs kar sbom po'i tshad tsam shes rab kyi dbang gi dus su nyams su myong ba'i bde ba de nyid dran par bya zhing /'og gi rlung yang bskum pa dang / rgyu zhabs kyi nang na yar drangs pa dang / lce yang rkan la sbyar ba'i sbyor ba yang bya ste/ thig le'i rgyal po yi ge hUM snga ma'i tshad tsam du byas la/ dkar la 'tsher ba bde ba dang bcas pa gzi mdangs dang ldan pa zla ba'i dkyil 'khor gyi bu gur rgun 'bru'i sa bon gyi tshad tsam mam/yungs kar sbom po'i tshad tsam du dmigs par bya'o/ /de nas hUM las 'od zer 'phros pas ma dag pa'i snod dang bcud la reg pa tsam gyis lan tshwa la chus phog pa bzhin du 'od kyi gong bur bzhu ste dag pa'i snod bcud la bstim/ dag pa'i snod bcud kyang bdag la bsdu/bdag nyid kyang zhu ste/ nyi ma dang zla ba'i dkyil 'khor la bstim/ zla ba dang nyi ma'i dkyil 'khor yang zhu ste/ hUM la bstim/ hUM yig kyang zhabs kyu la bstim/ zhabs kyu ha la bstim/ ha zla tshes la bstim/ zla tshes thig le la/ thig le nA da skra ris tsam phra mo la thim pa'o//nA da skra ris phra mo yang nam mkha' la thim mo/ /thim pa de nyid la sems gtad nas/ de nas chu la nya 'phar ba bzhin du'am/ nam mkha' la glog 'gyu ba ltar/ skad cig tsam gyis snga ma ltar dran te/ snang la rang bzhin med pa'i lha'i skur bsams te/ mig dang / rna ba dang / sna dang lce dang lus dang / ngag dang / yid dang dzi na dzika dang / badzra d+h+r-ika dang / rat+na d+h+r-ika dang / pradz+nyA d+h+r-ika dang / badzra satwa dang / sku dang gsung dang thugs rdo rjer mos pa bya ste/ mnyam par ma bzhag pa'i spyod pas gnas par bya'o/ /thig le la gnas pa ni bskyed pa'i rim pa'i gnas dang / lus dang / longs spyod phun sum tshogs pas bsdus pa bsgom pa snga ma dang 'dra'o/ /nyi ma dang zla ba'i dkyil 'khor gyi bar du byang chub kyi sems kyi bde ba'i thig le dkar la 'tsher ba gzi mdangs dang ldan pa/ shes rab ye shes kyi dus su myong ba'i bde ba de nyid dran par bya ste/ 'og gi rlung bskum mo//'og gi rlung bskum pa dang / rgyu zhabs kyi sha yar drangs pa dang / lce yang rkan la sbyar ba'i sbyor ba byas nas/ zla ba'i bu gu rgun 'bru'i sa bon tsam mam/ sran ma tsam mam/ yungs kar tsam nas snga ma'i thig le rgun 'bru'i thig le tsam mam/ sran ma'am/ yungs kar tsam la rnam par shes pa'i tshogs lnga char bkug la/kun gzhi rnam par shes pa las bsdus te gtad par bya'o/ /thig le la sems zin cing gzhan du mi 'phro ba'i don dus su rlung 'gags shing bde ba'i ye shes kyang chos nyid kho nas skye bar 'gyur ro/ /nA da skra ris phra mo la dmigs pa ni gnas dang longs spyod dang lus phun sum tshogs pas bsdus pa'i bskyed pa'i rim pa snga ma dang 'dra'o//rdzogs pa'i rim pa ni snying khong stong 'od gsal ba'i gnas nA da skra ris phra mo sor gcig pa la sbom phra skra'i nyag ma tsam la byang chub kyi sems dkar la 'tsher ba gzi mdangs dang ldan pa bde ba dang bcas pa 'og gi rlung bskum pa dang /rgyu zhabs kyi sha yar drangs pa dang / lce rkan la sbyar bas sbyor zhing shes rab ye shes kyi dbang gi dus su myong ba'i bde ba de nyid dran par byas la nA da skra ris phra mo la dmigs par bya'o/ /nA da skra ris phra mo la rtsa gnyis gzung ste/ gnas pa las sna bug gang nas dbugs 'byung ba brtags te/gang nas dbugs rgyu ba zhig nas nA da skra ris la rlung dang sems 'dres pa'i bde ba dang bcas pa dkar la 'tsher ba/ gzi mdangs dang ldan pa phyir byung ba la dmigs so/ /de nyid nang du 'jug pa la dmigs te/ 'byung ba dang 'jug pa yun bsdu zhing gnas pa la yun ring du sems gtad cing gnas par bya'o//de'i rjes la nA da skra ris phra mo dang bcas pa'i chos thams cad cir yang ma grub par bsgom par bya'o/ /de nas skad cig tsam gyis sgyu ma lta bu'i skur bsams la/ dbang po drug dang lus ngag yid gsum sangs rgyas drug dang sku gsung thugs su bsam zhing shes par bya ste/mnyam par ma bzhag pa'i spyod pas gnas par bya'o/ /de tsam gyis ni bdag byin gyis brlab pa'i rim pa'i man ngag bstan zin to// //sna tshogs rdo rje dri med kyi rim pa la gnyis te/ 'jig rten pa'i dngos grub bsgrub pa'i rim pa dang /'jig rten las 'das pa'i dngos grub bsgom pa'i rim pa'o/ /dang po 'jig rten pa'i dngos grub bsgrub pa'i rim pa la gnyis te/ bskyed pa'i rim pa dang rdzogs pa'i rim pa'o/ /bskyed pa'i rim pa bsgom pa la gnyis te/ rten rdo rje'i gur dang pad+ma bsgom pa dang /brten pa lha bsgom pa'o/ /rten bsgom pa snga ma dang mthun no/ /brten pa lha bsgom pa ni pad+ma'i dbus su hUM bsam mo/ /hUM zhu ba las rdo rje bsam mo/ /rdo rje zhu ba las he ru ka zhal gcig phyag gnyis pa dbu skra ser po gyen du brdzes pa/ smin ma kham pa/thod pa lnga yis dbu la brgyan pa/ zla ba phyed pas dbu la mdzes pa/ mche ba gtsigs pa la sogs pa dang ldan pa/ sku mdog sngon po dang dmar po gang yang rung ba'o/ /dbu la dang po'i sangs rgyas kyis brgyan pa/ g.yas brkyang pa/ g.yon bskum pa phyag rgya lnga dang ldan pa/mi mgo rlon pa'i do shal can nyi ma phyed pa'i 'od dang ldan pa'i rdo rje dbang phyug gi skur bsgom par bya'o/ /de ni bskyed pa'i rim pa'o/ /rdzogs pa'i rim pa bsgom pa ni/ mig stong pa nyid du bsgom pa dang / mig gi nang du byang chub kyi sems kyi bde ba'i thig le sran ma tsam dkar la 'tsher ba gzi mdangs dang ldan pa bde ba dang bcas pa la sems gtad par bya'o//de bzhin du rna ba dang / sna dang / lce dang lus rnams stong pa nyid du bsgoms la/ rna ba la sogs pa rnams su byang chub kyi sems kyi bde ba'i thig le dkar la 'tsher ba snum la 'dril ba gzi mdangs dang ldan pa bde ba dang bcas pa re re nas yul rnams la sems gtad par bya'o//snying gar byang chub kyi sems kyi bde ba'i thig le sran ma tsam dkar la 'tsher ba gzi mdangs dang ldan pa bde ba dang bcas pa sran ma sbom po'i tshad tsam la sems gtad par bya'o/ /mgo bo bde ba chen po'i 'khor lor byang chub kyi sems kyi thig le gong ma dang 'dra ba la sems gtad par bya'o//mgrin pa longs spyod kyi 'khor lor byang chub kyi sems kyi thig le snga ma dang 'dra ba la sems gtad par bya'o/ /lte ba sprul ba'i 'khor lor byang chub kyi sems kyi thig le snga ma dang 'dra ba la sems gtad par bya'o//'jig rten las 'das pa'i dngos grub bsgrub pa'i rim pa la gnyis te/ bskyed pa'i rim pa dang rdzogs pa'i rim pa'o/ /bskyed pa'i rim pa la snga ma dang 'dra'o/ /rdzogs pa'i rim pa bsgom pa'i mdzod spur bde ba'i thig le dkar po 'tsher ba bde ba dang ldan pa sran ma sbom po'i tshad tsam la sems gtad par bya'o//de la sems brtan pa thob pa dang / dmar ting pa'i rtags 'byung bar 'gyur ro/ /de byung ba dang dpral ba'i nang du bde ba'i thig le dkar la 'tsher ba gzi mdangs dang ldan pa sran ma sbom pa'i tshad tsam la sems gtad par bya'o//de la sems brtan pa thob pa'i mtshan ma ni dkar ting ba 'byung ngo / /de'i rjes la mtshog ma'i gnas su bde ba'i thig le gnag la 'tsher ba gzi mdangs dang ldan pa bde ba dang bcas pa sran ma sbom po'i tshad tsam pa la sems gtad par bya'o/ /de la sems brtan pa thob pa'i mtshan ma ni nag ting ba 'byung ngo /de ni rjes la rtog pa dang bral ba'i bde ba chen po rang rig gnyis su med pa'i ye shes dang gis skyes pa ni yum shes rab kyi pha rol tu phyin ma ste/ de la sras sangs rgyas 'khrungs par de ni sna tshogs rdo rje dri med kyi rim pa ste gnyis pa'o// // nor bu dgang pa'i rim pa la bzhi ste/ dam tshig gi phyag rgya la brten pa dang / las kyi phyag rgya la brten pa dang / chos kyi phyag rgya la brten pa dang / phyag rgya chen po la brten pa'o/ /de la dam tshig gi phyag rgya la brten pa ni legs par brlabs pa'i mi'i yo shi d+ha'i rigs dang / spyod pas nye ba dang /ma sring ltar snying brtse bas dga' bas gnas pa dang / sngags dang phyag rgya 'dzin pa'i nus pa dang ldan pa dang / lo bcu gnyis nas nyi shu'i bar smin pa'i lam gyis smin par byas pas dbang bskur dang ldan pa nyer bsdogs byas te/ gnas yid du 'ong bar me tog dmar pos gcal du bkram pa'i bar du lus kyi dri nga ba mi tshor ba tsam du gos mdzes pa gon zhing stan 'jam po la gnas te/bza' ba'i dam tshig zhag bdun gyi bar du 'o ma dang / ka ra gnyis sbyar ba'i btung ba dang / lug gzhon nu ma'i sha sar ba mi drag pa tsam du btang bar byas te/chags pa'i mig gis phan tshun du blta zhing gnas par bya'o/ /de nas mnyam par sbyor ba'i dus su bdag dang shes rab he ru ka dang bdag med mar nga rgyal bskyed la/ shes rab kyi mgo bo dang / lkog ma dang / snying ga dang / lte ba dang / gsang ba dang / brla rnams su yi ge dgod do//oM AHhUM ho haM k+Sha swA hA zhes pa rnams bkod la/ rdo rje dang pad+ma byin gyis brlabs te/ rol rtsed mchu gzhib pa dang / tsum pa bya ba dang / rtsa rme ba dang / gnas dgur sen mo gdab pa la sogs pa de ltar byas la/ de'i rjes su phan tshun 'khyud cing chags pa'i nga rgyal bya'o/ /de nas gol che ba'i lag pas a wa d+hU tI brud cing gsal bar bya'o//a wa d+hU tI dang gol che ba'i lag pa phrad pa'i dus su bzhin 'gyur ba dang / shes skad 'byin pa dang / snying 'dar ba la sogs pa'i rtags blo la bzhag ste/ rdo rje dang pad+ma mnyam par sbyor ba'i dus su sngar gyi rtags lta bur 'byung ba'i dus su rdo rje de nyid sbyar te/gcer bu kha sbyor gyi sbyor ba 'khor lo lta bu srub cing bsrub par bya'o/ /thabs dang shes rab kyi thur sel gyi rlung dang / srog dang rtsol ba'i rlung sdom zhing 'khrul 'khor gyi sbyor ba yang bya'o/ /rgyu zhabs nas yar sbyar/ lce yang rkan la sbyor ba'i sbyor ba yang bya'o//tang ku li'i sbyor ba yang bya'o/ /de ni 'khrul 'khor gyi sbyor ba'o/ /sman gyi sbyor ba ni tsi tra ka dang / arka dkar po'i rtsa ba dang / rdo rje 'o mas 'ju ba mnyam du bsres pa'i ri lu sran ma'i tshad tsam dang mid la/ sems 'byung 'dod pa'i dus su sman gyi ri lu de gsum las mnyam pa gcig kyang med par bya'o//rdo rje 'o ma dang ba'i 'o ma gnyis sbyar bas rkang mthil gnyis kyang bsku bar bya'o/ /bi nu kan ta'i rtsa ba dang pad+ma dkar po nang na dkar po nar nar po gnyis bsku bar bya ste/ rked pa bcing bar bya'o/ /de ni d+ha ra a sho ka zhes bya ba sems 'dzin pa'i sman no//mnyam par sbyor ba gzud pa'i dus su 'gron bug lhugs pa'i nang du dngul chus bkang ba'i ser ka'i phyogs spra tshil gyis bkag ste/ lce rtsar bzhag la sems 'byung 'dod pa'i dus su lkugs pa'i lce rtsar sbyar bar bya'o/ /de ni nor bu rin po che lkugs pas sems gzung ba'i thabs so//shes rab [(]gyi [,]kyi [)]'phongs su glong gzhug ste/ rang gi rdo rje'i tshad pas sor gcig pas ring ba'i phying ba'i dra ba byas la spra tshil gyis gtum par bya'o/ /shes rab kyi rked pa dar gyis bcing zhing gsang ba'i pad+ma'i nang du rdo rje'i gzugs sor gcig tsam bcug la rked pa yar gyi cung zhig bsdam mo//sor gnyis tsam zhugs pa dang cung zad kyang bsdam mo/ /de bzhin du rdo rje cung zhig bcug cing rked pa bsdam par bya'o/ /sor gcig lus mus kyi bar du bcug cing de yang shin tu bsdam mo/ /sor gcig po shes rab nyid kyis gyen du bcug pas pad+ma phyir log ste/a wa d+hU tI sor gcig pas phyir byung bas rdo rje'i bug par bcug cing 'khor lo lta bu'i sbyor thabs kyis bcug cing gtsub par bya'o/ /man ngag de rnams kyi stobs kyis dpe'i lhan cig skyes pa'i me tog lta bu'i bde ba chen po'i rang rig gnyis su med pa'i ye shes nyams su myong bar 'gyur ro//de'i rjes la 'khor lo'am/ thig le'am/ kha sbyor ram ma ning gi bzlas pa'am/ man ngag de bzhi las gang yang rung ba cig la sems gtad cing sngar gyi bde ba dran zhing don gyi lhan cig skyes pa'i me tog gi dri lta bu'i bde ba chen po'i rang rig gnyis su med pa'i ye shes la bslab par bya'o//mnyam par ma bzhag pa'i skabs su yang bskyed pa'i rim pa bsgom pa'i skabs su rang gi sems kyi mtshan nyid bde ba chen po'i rang bzhin du ci mthong ba thams cad la mos par bya ste/ nga ma mthong ba 'gro ma mthong //sa gsum po yang nga las skyes/ /bde ba ser po bde ba dkar/ /bde ba dmar po bde ba ljang / /de bzhin kun du ru skyes bde/ /zhes bya ba'i tshul gyis bslab par bya'o/ /yon tan dang ldan pa'i shes rab dgug par 'dod na 'bras bu gsum dang / bil ba dang / bal po'i si'u dang /star ka dang / po son cha dang / da trig dang / ba li ka dang / shu kra rnams gnyis te/ sman sna bcu gcig po cha mnyam par bsres pa'i lde gus bskus pa'i me tog bsnol du gzhug go/ /khyi'i rus pa dang / mi rus dang / bya rgod kyi rtug pa gsum sbyar te bdag nyid kyi dpral bar bsku'o//gzhan gyi sems mi bsgyur ba'i thabs ni pha wang tshes bzhi'i dgongs ka btags la de'i ril ma btags pas bdag nyid kyi gsang ba'i rdo rje'i rtse mo la bskus nas snyoms 'jug byas na gzhan gyis sems bsgyur bar mi 'gyur ro/ /'khor ba mi spel ba'i man ngag ni lag pa'i mthil dag par bkrus pa'i steng du dngul chu srin lag dag pa la bskus la 'bru mar mi tshe ba bsdus te blangs la lag pa chang gi nang du bcug ste/bskams tsam na dpral ba la bskus te/ yo shi ti ldan du bzhag go/ /yang na mtshal smug po zho gnyis zhi ba tu btags pa'i phye ma snga dro'i dus su chang zhim po dang sbyar la blud do//lcags kyi ldug la spu pi ka'i rtsa bas dkris pa thogs su gzhug go/ /yang spu pi ka'i rtsa bas rked pa dkri bar bya'o/ /lcags kyi khu bas srod kyi dus su pad+ma bkru bar bya'o/ /bu ram dang til mar dang / lan tshwa dang rgya shug gi 'bras bu dang /'bras dang / nas rnams 'o ma dang bskol te/ til mar nyi tshe lus pa btsags pa'i nang du srin lag bcug ste/ pad+ma'i nang du bcug la yun ring du dkrugs par bya'o/ /ra rtsa'i bya ba ni da du ra'i rtsa ba dang / ga pur dang sbyar ba rdo rje la bsku bar bya'o//sha kha ra dang ba'i mar srang phyed sbyar ba zas zos pa'i 'og tu bza'o/ /mchil pa'i sha zhag gcig lon pa mtshams kyi dus su zos la 'o ma bskol ba tshad du btung bar bya'o/ /til mar dang mon sran gre'u'i phye ma 'o ma dang bsres pa bza' bar bya'o/ /go cha dang ba'i 'o ma dang shing mngar rnams mar dang sbyar ba btung bar bya'o//ba'am ra'i 'o ma'i nang du dbang po lag pa'i phye ma dang ka ra'i phye ma zhib tu btags pa btab ste btung bar bya'o/ /dam tshig mi nyams pa'i man ngag ni dge slong gi so sor thar pa'i sdom pa'i tshul khrims ni byang chub tu sems bskyed pa'i dus su byang chub sems dpa'i tshul khrims su gyur te gnas so//spyir gsang sngags kyi dam tshig nyams na sdom pa gsum 'jig par 'gyur ro/ /byang chub sems dpa'i sdom pa dang / gsang sngags kyi dam tshig gi lugs kyi kha na ma tho ba gnyis te/ rang bzhin gyi kha na ma tho ba dang /bcas pa'i kha na ma tho ba gnyis so/ /de la yang rang bzhin gyi kha na ma tho ba ni srog gcod pa dang / ma byin par len pa dang / 'dod pas log par g.yem pa dang / brdzun du smra ba dang / de bzhi las dang po gnyis dang / tha ma ni rig pa 'dzin pa'i sde snod la nyams su blang bar bya ste/'di ru ma bshad do/ /'dod pas log par g.yem pa ni rang bzhin gyi kha na ma tho bar gtogs pas nyams su blang bar 'di ru ma bshad do/ /mi tshangs par spyod pa ni bcas pa'i kha na ma tho ba yin pas de ni de bzhin nyid kyi bdag nyid can gyis shes par spyod cig /don chen po yod pas gdams ngag yod na mi 'gal bar rtsa ba'i rgyud rnams su bcom ldan 'das kyis bshad do//'dod pas log par g.yem pa ni rang bzhin gyi kha na ma tho ba yin pa'i phyir dang / gzhan gyi lus bsrungs pa yod pa'i phyir nyams su blang par bcom ldan 'das kyis 'di ru ma bshad do//mi tshangs par spyod pa ni nyams su blang bar gsungs te/ de yang lo bcu gnyis pa'am bcu drug pa'am/ lo nyi shu tshun chad kyi gzhon nu ma zhes gsungs pas ni mi 'gal lo/ /de yang gzhan gyi dbang ma byas pa dang mnyam par sbyor ba snang ngo / /'dir yang don chen po yod pas dus rnam pa bzhir nyams su blang bar bya'o//dus bzhi ni byang chub kyi sems kyi bde ba mtshang pa'i dus dang / dkyil 'khor gyi lha bsgrub pa'i dus dang / slob ma la gsang dbang bskur ba'i dus dang / shes rab ye shes kyi dbang bskur ba'i dus so/ /mchod pas ni lha mnyes pas dngos grub rnam pa gnyis thob pa'i don chen po yod pa'i phyir dang /dkyil 'khor bsgrubs pas ni sku gsung thugs dang / ye shes kyis 'gro ba'i don chen po mdzad pas chos kyi thob pa'i 'gro ba'i don chen po yod pa'i phyir dang / gsang ba'i dbang bskur bas ni slob ma theg pa chen po'i snod du rung ba'i phyir mi skye ba'i chos la bzod pa thob pa'i don chen po yod pa'i phyir ro/shes rab ye shes kyi dbang bskur bas ni/ rang gi sems kyi mtshan nyid bde ba chen po rang rig pa'i ye shes gnyis su med pa'i ye shes spros pa thams cad kyi mtha' dang bral bar nyams su myong ba'i phyir don chen po yong pas 'dir dam tshig las mi 'gal bar bsten to//byang chub sems dpa' rnams kyis mdzad pa'i 'grel par shes par bya'o/ /mkhas pa nga rgyal dang ldan pas byas pa la ni ma yin no/ /de ni spros pa dang bcas pa'i spyod pa dang / spros pa med pa'i spyod pa'o/ /shin tu spros pa med pa'i spyod pa la ni dngos po la reg pa med pas nyes par mi gzhag go//ma dad pa spang ba'i man ngag ni/ ga bur gla rtsi/ gur kum/ tsan+dan/ ma he shukra bsres pa'i lde gus dpral bar bsku bar bya'o/ /de ni dam tshig gi phyag rgya la brten pa'i nor bu dag pa'i rim pa'o/ /las kyi phyag rgya la brten pa'i nor bu dag pa'i rim pa ni gnas kyi dam tshig dang /bza' ba'i dam tshig dang / spyod lam gyi man ngag ni snga ma dang 'dra'o/ /rnal 'byor pa gan rkyal du gnas te/ rkang pa'i mthe bong gnyis nam mkha' la bsgrengs te/ gnas pas sor mo lhag ma thur du bskums la gzhag go/ /tang ku li'i sbyor ba yang bya ste/'og gi rlung bskum pa dang / rgyu zhabs kyi sha yar la drangs pa dang / lce rkan la sbyar ba'i sbyor ba yang byas te/ lag pa zhes bya ba'i phyag rgya'i sbyor ba'i bye brag gis brud pa'i sbyor ba byas la bde ba rtog pa med pa'i ye shes nyams su myong bar bya'o/ /chos kyi phyag rgya la brten pa'i nor bu dgang ba'i rim pa ni sems kyi snang ba'i lha mo bsams te/snga ma'i man ngag gis shes rab ye shes kyi dbang gi dus kyi bde ba dran par byas la/ 'khor lo'am/ thig le'am/ kha sbyor ram/ ma ning gi bzlas pa'i man ngag la sems gtad par bya'o/ /phyag rgya chen po la brten pa'i nor bu dgad ba'i rim pa ni sngar skyes pa'i bde ba de nyid stong pa nyid kyi mtshan nyid du bsgom pa'o//de ni nor bu dgad ba'i rim pa'o/ /dzA lan+d+ha ra'i rim pa la gnyis te/ bskyed pa'i rim pa dang / rdzogs pa'i rim pa'o/ /bskyed pa'i rim pa ni sngar dang 'dra'o/ /rdzogs pa'i rim pa bsgom pa ni rang gi lte ba'i 'og chu so'i gong du chos 'byung gi phyag rgya gru gsum dkar la dmar chags pa bsams la/de'i nang du 'khor lo dkar la dmar chags pa/ rtsibs bzhi pa dbus kyi lte ba la bsams te/ dbus su bde ba'i thig le dkar po dang phyogs bzhir sngon po dang dmar mo dang /ser po dang / ljang gu dang / sran ma'i tshad tsam bsams la/ de nyid sangs rgyas lngar mos pa bya ste/ 'og sgo dang steng sgo'i rlung bkag pas thig le lnga'i 'od zer 'phros te sna'i bu ga'i nam mkha' nas byung nas dbugs gang nas rgyu ba'i sna bug na sor bcu gnyis kyi bar du 'byung ste/slar nang du bcug ste/ thig le lnga la thim/ sgom pa'i dus phyir 'byung ba dang / nang du 'jug pa'i dus na yang je thung je thung la grangs kyang je nyung je nyung du bya zhing / nang na gnas pa la yun yang je ring je ring du sems brtan par bya'o/ /mig gis mthong ba bas thig le lnga gsal bar mthong ba de srid du bsgoms la de nas lce dang dpung pa dang mig dang rna ba dang /sna dang lce la snga ma'i thig le de nyid bsams na 'jig rten pa'i dngos grub ji ltar 'dod pa 'grub par 'gyur ro/ /bsam gyis mi khyab pa'i rim pa la gnyis te/ bskyed pa'i rim pa dang /rdzogs pa'i rim pa'o/ /bskyed pa'i rim pa ni snga ma dang 'dra'o/ /rdzogs pa'i rim pa ni sems yul rnams la bzlog ste/ chos thams cad sems tsam du bsgoms te/ sems de nyid bde ba rtog pa med par bya ste/ shes pa de nyid kyang stong pa nyid du bsgom par bya'o/ /

CLOSE WINDOW