CLOSE WINDOW

D1432
བོད་ཡིག

/ //shrI pha na phi gu ba'i brgyud pa ma nor ba'i bshad pa'o/ /rgya gar gyi mkhan po paN+Di ta kriSh+NA dang / bod kyi lo tsA ba ban+de chos kyi shes rab kyis bsgyur ba'o/ /[]@##/ /rgya gar skad du/ shrI tsakra saM ba ra sA d+ha naM/ bod skad du/ dpal 'khor lo sdom pa'i sgrub pa'i thabs/dpal rdo rje mkha' 'gro ma la phyag 'tshal lo/ /'gro kun don la rab gzhol ba'i/ /rang rgyud sngags dang rnal 'byor shes/ /phyi rol rnam rtog spangs nas ni/ /dam tshig mnyam nyid rnal 'byor che/ nang par sad pa dang mal nas langs te/ rnal 'byor dang rjes su mthun pa'i gnas su/stan bde ba la 'dug nas/ bdud rtsi'i ril bu khar bcug la shrI he ru ka zhes bya ba'i don dran par byas te/ snying gar zla ba la dpal mchog dang po'i yi ge ye shes lnga'i rang bzhin can 'od zer dang bcas pa'o/ /des sgo gsum gyi dri ma'ang sbyang ngo / / 'od zer 'phro bas dngos grub pa/ /bskul nas phyag btsal rang lus gzhug /rkang pa sum mdor lte snying ga /rlung dang me chu sa yin no/ /sgal tshigs ri rgyal de bzhin te/ /lus ni mnyam pa sgo bzhi rlung / /rgyan rnams rab mdzes he ru ka'i/ /lus ni dkyil 'khor du 'dod de//in+d+ra nI la mtshungs pa'i mdog /zhal bzhi re re spyan gsum pa/ /rtsa ba'i lus mdog ljang dang dmar/ /gser gyi 'od ltar gtsigs pa po/ /ral pa'i thor tshugs zla bas brgyan/ /thod phreng sna tshogs rdo rje bcas/ /rdo rje dril bus yang dag 'khyud//gnyis kyis glang po'i pags pa bsnams/ /g.yas kyi lag na Da ma ru/ /dgra sta gri gug rtse gsum pa/ /g.yon na kha T+wAM ga thod pa/ /zhags pa tshangs pa'i mgo bo bsnams/ /g.yas brkyang pa yi gar gyis ni/ /'jigs byed dus mtshan mnyam par mnan/ / stag lpags bsnams dkris mgo phreng can/ /nyams dgu rgyan drug gis btab pa'o/ /baM las 'khyud pa'i bcom ldan yum/ /zhal gcig spyan gsum dmar 'bar ba/ /skra grol dum bu'i rgyan gyis brgyan/ /byin pa gnyis kyis legs par 'khyud/ /g.yon pas 'khyud cing thod pa dag /gdug pa bdud kyi khrag gis gang / /g.yas pa rtag tu sdigs mdzub dang / /ma rungs pa yi gri gug bsnams/ /bde chen thugs rje'i rang bzhin can/ /kha sbyor phyi nyid legs shes pas/ /thugs su a wa d+hU tI hUM/ /ma bcos nang gi bdag nyid do/ / mkha' 'gro lA ma dum skyes ma/ /gzugs can ma ste bzhi rnams kyang / /zhal mdog dang mtshungs kha T+wAM snod/ /gri dang phyag rgya lnga yis brgyan/ /mchod pa bzhi yi rang bzhin rtsa/ /phyogs bral bde chen 'khor lo ste/ /maM laM paM taM hUM brgyad kyang / /dam tshig cig car bshad pa yin//pU dza o/ a/ go/ rA de mA/ kA/ o/ tri/ ko/ ka /la/ kA/ he pre/ gri sau/ su/ na si/ ma ku 'di dag gnas su rnal 'byor ma/ /rtsa yin dpa' bo nyi shu bzhi/ /lus kyi khams su brtag par bya/ /de dag kyang gang zhe na/ go rims ji lta bar/ spyi bor khaN+Da ka pA li dang rab tu gtum mo//spyi gtsug tu ma hA kaM ka la dang gtum pa'i mig can ma'o/ /rna ba g.yas par kang ka la dang / 'od ldan ma'o/ /ltag par mche ba rnam par gtsigs pa dang / sna chen ma ste gnas so/ /rna ba g.yon par su ra bai ri dang / bstan pa'i blo can ma'o/ /smin ma'i mtshams su a mi tA b+hA dang mi thung ma'o//mig tu rdo rje'i 'od dang lang+ka'i dbang phyug ma'o/ /phrag par rdo rje'i sku dang / shing grib ni nye ba'i gnas te/ thugs kyi 'khor lo nam mkha' la spyod pa mdog sngon po'o/ /mchan khung du myu gu can dang sa srungs ma'o/ /nu mar rdo rje ral pa can dang /'jigs byed chen mo ste zhing ngo / /lte bar dpa' bo chen po dang rlung gi shugs can ma'o/ /sna rtser badzra hUM ka ra dang / chang 'thung ma ste nye ba'i zhing ngo / /khar rab tu bzang po dang sh+yA ma de bi'o/ /mgrin par rdo rje bzang po dang / shin tu bzang mo ste tshan+do ha'o//snying gar 'jigs byed chen po dang rta rna ma'o/ /mdoms par mig mi bzang dang / bya gdong ma ste nye ba'i tshan+do ha ste gsung gi 'khor lo sa la spyod pa mdog dmar po'o/ /mtshan ma la stobs po che dang / tsakra be ge'o/ /bshang lam du rin chen rdo rje dang khaN+Da ro hi ste 'dus pa can na//brlar rta mgrin dang / shauN+Di ni'o/ /byin par nam mkha'i snying po dang tsakra war mi Ni ste nye ba'i 'dus pa can no/ /sor mo rnams la shrI he ru ka dang shin tu dpa' mo'o/ /bol gong du pad+ma gar gyi dbang phyug dang stobs chen ma ste dur khrod do/ /mthe bong la rnam par snang byed dang tsakra warti ni'o//pus mo gnyis la rdo rje sems dpa' dang / brtson 'grus chen mo ni nye ba'i dur khrod do/ /sku yi 'khor lo sa 'og na spyod pa ste mdog dkar po'o/ /khaN+Da ka pA la la sogs pa'i dpa' bo rnams bcom ldan 'das kyi rnam pa ji lta ba bzhin te/ 'on kyang zhal gcig phyag gnyis pa'o//rdo rje rnal 'byor ma rnams ni rdo rje phag mo'i rnam pa ji lta ba bzhin te/ sa bcu yongs su dag pa rnams so/ /khwa ta dang 'ug pa dang / khyi dang phag gi gdong pa can rnams dang / gshin rje brtan ma dang / pho nya mo dang / mche ba can dang 'joms ma ste/ 'di dag kyang phyogs dang mtshams su mkha' 'gro ma la sogs pa ji lta ba bzhin te/mtshams kyi lha mo rnams ni 'on kyang gzugs gnyis ma'o/ /byang chub phyogs kyi rang bzhin can/ /me long gzugs brnyan bzhin gsal blta/ /de nas go cha gnyis shes nas/ /ye shes 'khor lo rnam par bsgom//snying ga mgo bo spyi gtsug dang / /phrag pa mig dang yan lag la/ /rdor sems snang mdzad gar dbang phyug /khrag 'thung nyi ma rta mchog bsam/ /lte ba snying ga kha spyi bo/ /spyi gtsug yan lag thams cad la/ /phag mo gshin rje rmongs byed ma/ /sbyin byed skrag byed gtum ma'o//oM ha na ma hiHswA hA hu bau Sha Ta he hUM hUM ho phaT ho phaT haM/ oM baM haM yoM hiM moM hreM hriM hUM hUM phaT phaT/ sngags dang phyag rgya sbyor ba yis/ /spyan drangs mchod nas rang lus gzhug /de bzhin rgyun ni dbang bskur nas/ /cod pan dang ni lhag pa'i lha/ /dzaHhUM baM hoHoM sarba ta thA ga ta a b+hi She ka sa ma ya shri ye hUM/oM shrI badzra he he ru ru kaM huM hUM phaT phaT DA ki ni dzA la saM ba ra swA hA/ oM hriH ha ha huM hUM phaT/ snying po dang nye ba'i snying po'o/ /oM badzra bai ro tsa nA ye huM hUM phaT/ oM sar+b+ba bud+d+hA DA ki nI ye badzra war+N+Na nI ye huM hUM phaT/ bcom ldan 'das ma'i snying po dang / nye ba'i snying po'o//rab tu 'bad nas mchod nas ni/ /dung chen phreng ba blang bya ste/ /ji srid skyo bar ma gyur pa/ /de srid du ni rab tu bzlas/ /bsam gtan mi nus rnal 'byor bas/ /go cha che la sogs bsrungs te/ /rang gi lhag pa'i lha sbyor bas/ /sems can kun las rab brtag bya/ / rkang pa brgyad pa'i sngags bzlas shing / /tshangs par spyod pa rtag tu bsam/ /zas kyi rdo rje sems sogs dang / /snying ga'i dkyil 'khor sbyin sreg bya/ /zhi ba'i btung ba bzhin myangs pas/ /rtag pa'i dngos grub thob par 'gyur/ /dam tshig legs sogs legs gnas pas/ / mtshan phyed gyur nas gtor ma sbyin/ /oM a ral+li hoHdzaHhUM baM hoHbadzra DA ki nI sa ma ya s+t+waM dr-i sh+ya hoHoM AHhUM kha kha khA hi khA hi sarba yak+Sha rak+Sha sa b+hU ta pre ta pi shA tsa un ma da a pa smA ra/ badzra DA ka DA ki n+yA da ya/ i maM ba liM gr-ih+NaM tu sa ma ya rak+Shan+tu ma ma sar+b+ba sid+d+him+me pra ya ts+tsha n+tu/ ya the baM ya thaSh+TaM b+huny+dza thA/ dzi g+ha thA pi pa thA mA ti kra ma thA ma ma sarba karta ya sata su khaM bi br-id d+ha ye sa ha yi ka b+ha ban+tu huM hUM phaT swA hA/ rtag tu snying la gnas pa yi/ /thig le gcig la 'gyur med de/ /de sgom byed pa'i skye bo la/ /nges par ye shes skye bar 'gyur/ /kha T+wAM ga ni lha yi sku/ / shes rab DA ma ru yi sgra/ /nyin mo bcom ldan rdo rje can/ /rnal 'byor ma ni mtshan mo bshad/ /gnyis med ye shes sems ldan la/ /mi bya ba ni ci yang med/ /'jigs pa thams cad rnam spangs te/ /dpa' bo seng ge bzhin du spyod/ /mya ngan 'das byung dpa' bo rnams/ /sdug pa yid kyi sprul pa ste//dag pa chos kyi sprul pa ni/ /phag mo'i gzugs su bstan pa yin/ /sems la rnam gnas rnal 'byor pa/ /mya ngan 'das pa mi ston to/ /gal te 'pho 'gyur rnal 'byor pa/ /mkha' spyod pa yi gnas su khrid/ /de lta'i dpa' bo chen po dang / /rnal 'byor ma ni sa steng dkon//cho ga sna tshogs nyams dga' ba/ /bsam pa sna tshogs gzung ba'i phyir/ /rdo rje 'chang gis gsungs pa'i phyir/ /de nyid med na 'ching 'gyur la/ /gang zhig de nyid yod gyur na/ /de dag thams cad grol ba'i rgyu/ /dpal 'khor lo sdom pa'i sgrub pa'i thabs kyi man ngag /

CLOSE WINDOW