CLOSE WINDOW

D1429
བོད་ཡིག

bod kyi lo tsA ba dge slong nyi ma'i rdo rjes rgya gar shar phyogs kyi grong khyer mnga' ldan du bsgyur cing zhus te dag par byas so/ /[]@##/ /rgya gar skad du/ shrI tsakra saM ba ra sA d+ha naM tat+t+wa saM gra ha nA ma/ bod skad du/ dpal 'khor lo sdom pa'i sgrub thabs de kho na nyid kyis bsdus pa zhes bya ba/ dpal rdo rje sems dpa' la phyag 'tshal lo/ /gang gi drin gyi bde chen gnas/ /skad cig nyid la thob 'gyur ba/ /bla ma rin chen lta bu dang / /rdo rje can zhabs pad la 'dud/ /rdo rje mkha' 'gro mkha' 'gro ma//sa gsum gnas la gus btud de/ /de nyid rin chen kun bsdus pa/ /sku gsum po yi cho ga bshad/ /dang por sngags kyis yongs su sbyangs pa'i rnal 'byor pas/ dben pa'i gnas su dgos pa tshang ba can gyis gnas te/ byang chub tu sems bskyed de/sems can thams cad kyi don 'byung ba dang lha dang bla ma la/ dang po dang bla na med pa'i lam la gnas pas dga' bas byang chub chen por nyal bar bya'o/ /de nas tho rangs kyi thun la nam mkha'i khams na gnas pa'i dpa' bo dang rnal 'byor ma thams cad kyi mchog gi sgra dang / DA ma rus bskul ba dang langs te/ oM sarba bI ra yo gi nI nAM kA ya wAka tsit+ta praN me na badzra ban+dA nAM ka ro mi zhes bya ba'i sngags kyis phyag byas te/ lus bde bar gnas pa'i las byas nas/ srid pa gsum po rnam par dag pa'i gnas keng rus kyi dbus su sa bcu'i rang bzhin du bsams te gnas la/rnal 'byor bsrung ba'i don du tshangs pa'i gnas bzhi la snyoms bar 'jug pa sngon du 'gro bas/ phung po dang dbang po dang / khams rnams kyi nga rgyal bskyed par bya ste/ de la gzugs kyi phung po ni rnam par snang mdzad do/ /tshor ba'i phung po ni rdo rje nyi ma'o/ /'du shes kyi phung po ni pad+ma gar gyi dbang phyug go//'du byed kyi phung po ni rdo rje rgyal po'o/ /rnam par shes pa'i phung po ni rdo rje mi bskyod pa'o/ /de bzhin gshegs pa thams cad kyi rang bzhin ni dpal he ru ka'o/ /mig la ni gti mug rdo rje'o/ /rna ba gnyis la zhe sdang rdo rje'o/ /sna la ser sna rdo rje'o//lce la 'dod chags rdo rje'o/ /lus la phrag dog rdo rje'o/ /skye mched kyi bdag po la ni dbang phyug rdo rje'o/ /sa'i khams la ni ltung byed ma'o/ /chu'i khams la ni gsod byed ma'o/ /me'i khams la ni dgug byed ma'o/ /rlung gi khams la ni gar gyi dbang phyug ma'o/ /nam mkha'i khams la ni pad+ma'i dra ba can ma'o//de dag ni phung po dang dbang po dang khams rnam par dag pa go cha'i lha ste/ bdag bsrung ba'o/ /he ru ka rnam par rgyal ba'i nga rgyal brtan pas/ g.yas pa'i khro bo'i khu tshur snying gar bsgreng ste/ g.yon se gol dang bcas pa'i sdigs mdzub phyogs su bskor zhing /oM sum+b+ha ni sum+b+ha huM hUM phaT/ oM gr-ih+Na gr-ih+Na huM hUM phaT/ oM gr-ih+NA pa ya gr-ih+NA pa ya huM hUM phaT/ oM A na ya hoHb+ha ga wAn badzra rA dza hUM phaT/ ces brjod cing zhal gyi sgo nas 'od zer gyi tshogs du ma spros pas bgegs rnams bskrad cing bsreg par rnam par bsams par byas la/'od de nyid dang / oM me di ni badzrI b+ha wa badzra ban+d+ha hUM zhes brjod pas/ 'og rtse gsum pa'i bdag nyid kyi sna tshogs rdo rjer byin gyis brlab par bya'o/ /oM badzra prA ka ra hUM baM hUM/ oM badzra pany+dza ra hUM baM hUM bi tA na hUM khaM hUM/ oM badzra sa ra dzA la traM saM traM hUM/ oM badzra dz+wa la a na lArka hUM hUM hUM/zhes bya ba'i sngags rnams kyis rim bzhin du rdo rje'i ra ba dang / gur dang / bla re dang / mda'i dra ba dang / me ri 'bar ba'i mthar thug par bsams te/ las thams cad pa'i khro bor spros nas bgegs kyi dbang po rnams bkug ste/ oM g+haHg+haHg+hA ta ya g+hA ta ya sarba duSh+TAn phaT/kI la ya kI la ya sarba pA paM phaT/ hUM hUM hUM badzra kI la ya badzra d+ha ra A dz+nyA pa ya ti/ sarba big+h+naM kA ya wA ka tsit+ta badzra kI la ya hUM phaT ces bya ba'i sngags kyis phur bus gdab bo/ /oM badzra mud+ga ra/ badzra kI la ya A ko Ta ya hUM phaT ces bya bas phur bu rnams brdung ngo / / de nas rang gi snying gar a las zla ba'i dkyil 'khor de'i steng du hUM sngon po 'od zer sna tshogs 'phro ba bsams te/ de'i 'od kyis mdun gyi bar snang la bla ma dang sangs rgyas la sogs pa'i tshogs bltas te phyag byas nas/ phyi dang gsang ba dang / de kho na nyid kyi mchod pas yang dag par mchod de/sdig pa bshags pa la sogs pa bya'o/ /thog ma med dus 'khor ba na/ /chags sogs rtog pa'i rang bzhin gyis/ /sdig bgyis mgon po'i spyan snga ru/ /ma lus so sor bshags par bgyi/ /rgyu dang lam dang 'bras bu yis/ /nyer bsdus 'gro ba thams cad kyi//bsod nams tshogs ni ma lus la/ /rtag par bdag ni yi rang ngo / /rdo rje'i ye shes thugs chud nas/ /shing dbang drung na bzhugs gyur pa'i/ /'gro la nyer brtses thub dbang rnams/ /chos kyi 'khor lo bskor du gsol/ /rgyal ba'i mdzad pa rdzogs gyur te/ /mgon po dbyings su gshegs bzhed la//sems can sdug bsngal bral bar du/ /mya ngan mi 'dar bdag gsol 'debs/ /bdag ni thub dbang ma gyur bar/ /sangs rgyas sngags sogs chos rnams dang / /dpa' bo rnal 'byor ma tshogs bcas/ /dkon mchog gsum la skyabs su mchi//rnal 'byor lam la gnas bgyi zhing / /dam tshig thams cad bskyang ba dang / /sems can thams cad sdug bsngal las/ /grol bar bdag gis bsgrub par bgyi/ /rten sogs dge ba de dag gis/ /rnam pa'i mchog rnams kun ldan pa'i/ /sangs rgyas nyid du bdag gyur nas//'gro ba yongs su grol byed shog /de nas dngos po rnams yongs su bsal bar byas nas/ oM swa b+hA ba shud+d+haHsarba d+harmAHswa b+ha ba shud+d+hou0f85haM/ zhes bya bas dag par byas nas nye bar bsdus te nA da tsam gyi ye shes la oM shU n+ya tA dz+nyA na badzra swa b+hA wa A t+ma kou0f85haM zhes brjod pas byang chub kyi tshogs yongs su rdzogs pa'o//de las langs te yaM las rlung gi dkyil 'khor sngon po zla ba bkas pa lta bu ba dan gyis mtshan pa'o/ /de'i steng du raM las me'i dkyil 'khor dmar po g.yung drung gis mtshan pa gru gsum pa'o/ /de'i steng du baM las chu'i dkyil 'khor dkar po zlum po bum pas mtshan pa'o//de'i steng du laM las sa'i dkyil 'khor ser po gru bzhi pa rdo rje rtse gsum bas mtshan pa'o/ /de'i steng du suM las ri rab chen po rin po che sna bzhi'i rang bzhin las grub pa gru bzhi pa rtse mo brgyad kyis nye bar mtshan pa'o/ /de'i steng du hUM las sna tshogs rdo rje dang /de'i steng du paM las sna tshogs pad+ma ge sar gyi phreng bas mtshan pa'o/ /de'i dbus su A li kA li la dag pa rnams A li kA li'i rnam par bsdus la de gyur pa las nyi ma dang zla ba'i gzugs su bsams te/ de'i bar du hUM las rdo rje rtse lnga pa hUM gis mtshan pa rdo rje sems dpa'i rang bzhin can bsam par bya'o//de'i 'od kyis dag pa dang ma dag pa rnams bsdus te gyur pa las dpal he ru ka dkyil 'khor gyi 'khor lo dang bcas pas rdzogs par gyur te gru bzhi sgo bzhi pa rta babs bzhi dang ldan pa/ rdo rje rtse mo can dra ba dang dra ba phyed pas brgyan pa/ka ba sum cu rtsa gnyis sam brgyad kyis spras pa/ dar dang zla ba dang nyi ma dang rnga yab dang / 'phan la sogs pas brgyan pa de'i phyi rol na rdo rje'i sa gzhi la dur khrod brgyad gnas pa ste/ shar phyogs su drag tu gtum par mdung gis phug pa'i ro dang shIr Sha ta la glang po'i gdong dang /dbang po dang / lha'i dge 'dun gyi tshogs dang / nor rgyas dang / sgrogs byed rnams gnas pa'o/ /byang phyogs tshang tshing rnam par 'khrigs par byang chub kyi shing la gnod sbyin gdong dang / ku bai ra dang / gnod sbyin gyi tshogs dang / sbrul gyis zos pa ba dang /'jog bo dang / sprin gyi rgyal po ldog byed rnams gnas ba'o/ /nub phyogs 'ur 'ur 'bar bar mya ngan med pa'i shing la chu srin gyi gdong can dang / rul pa dang chu lha dang / sprin gyi rgyal po dang / stobs kyi rgyu dang / 'jigs par byed pa rnams so/ /lho phyogs mthug pa'i dur khrod du bsregs pa'i ro dang /tsu ta'i shing la me he'i gdong dang / gshin rje dang gshin rje'i tshogs dang / pad+ma dang 'khor byed rnams so/ /dbang ldan gyi mtshams ha har dgod par bgegs pa'i ro dang / n+ya gro d+ha'i shing la khyu mchog gi gdong dang dbang ldan dang /yi dwags kyi tshogs dang / pad+ma chen po dang / gang ba rnams kyis mdzes pa'o/ /me'i mtshams nags tshal phun sum tshogs par dum bur gyur pa'i ro dang / ka rany+dza ka'i shing la ra'i gdong can dang / me lha dang / drang srong gi tshogs dang / hu lun ta dang / bgegs byed rnams kyis gang ba'o/ /bden bral gyi mtshams su mun pa mi bzad par byis pa shi ba'i ro dang / 'khri shing la yi dwags kyi gdong dang / srin po dang srin po'i tshogs dang rigs ldan dang / char 'bebs rnams so/ /rlung du kI li kI li'i sgra sgrogs pa smyo ba'i ro dang / u dum+bA ra'i shing la/ ri dgas kyi gdong dang / rlung lha dang rig pa 'dzin pa'i tshogs dang / dung skyong dang sprin stug po rnams so/ /de ltar dur khrod chen po der lha brgyad dang gza' brgyad dang / mkha' 'gro ma chen mo brgyad dang / 'byung po'i tshogs dang / ri dang chu dang me dang sku gdung chen po brgyad dang /rnal 'byor ba brgyad dang / gnod sbyin dang / srin po dang smyo byed dang / brjed byed dang / yi dags dang / sha za dang / mkha' 'gro rnams kyis gang zhing khwa dang / bya rgod dang / khra dang / 'ug pa dang / mgrin rings dang / wa dang / spyang ki dang /ce spyang 'dus shing sgra 'byin pa'o/ /yongs su rdzogs pa'i gzhal yas khang gi snying po la bcom ldan 'das sku mdog sngon po/ /shin tu khros pa dang / chags pa dang / zhi ba dang / mnyam pa'i zhal sngon po dang dmar po dang / ljang gu dang / ser po mnga' gzhal re re la yang spyan gsum pa/rdo rje dang thod pa'i dbu rgyan can ral pa'i thor tshugs kyis mdzes pa/ sna tshogs rdo rje dang / zla ba phyed pa dang / mi bskyod pa gnas pa/ phyag rgya drug gis brgyan pa/ brgya phyed pa'i mgo bo dang / sbrul gyi tshangs skud can/ phyag bcu gnyis pa rdo rje phag mo la 'khyud pa'i phyag gnyis kyis rnam par rgyal ba'i phyag gis rdo rje dang dril bu 'dzin pa/ gnyis kyis glang po che'i pags pa bsnams pa/ g.yas pa'i lhag mas Da ma ru dang dgra sta dang gri gug dang / rtse gsum 'dzin pa'o/ /g.yon pa rnams na kha T+wAM ga dang thod pa dang rdo rje zhags pa dang /tshangs pa'i mgo bo 'dzin pa/ zhabs g.yas brkyang bas 'jigs byed dang dus mtshan mnan pa'o/ /rdo rje phag mo ni sku mdog dmar mo zhal mche ba gtsigs pa/ khrag la dgyes pa gri gug dang thod pa 'dzin pa'i phyag gis 'khyud pa/lhan cig skyes pa'i bde bas dgyes pa/ phyag rgya lnga dang thod pa'i phreng bas brgyan par gnas pa'o/ /shar du mkha' 'gro ma nag mo dang / byang du lA ma ljang gu dang / nub du dum skyes ma dmar mo dang / lho ru gzugs can ma ser mo dang / mtshams su bum pa pad+ma'i snod dang ldan pa/dri chen dang / dri chu dang / rang byung dang / klad pa dang / khu bas gang ba'o/ /de ltar lha lnga'i bdag nyid dam/ thung zhing sgeg pa'i sku rdo rje dang dril bu dang Da ma ru dang / kha T+wAM ga dang thod pa bsnams pa'i rang bzhin 'khor lo lha lnga dang bcas pa'am/ bsdus pa'i rnal 'byor phyi nang gi 'khor lo gnyis bsgom par bya ste/khwa gdong nag mo dang / ljang gu 'ug gdong dang khyi gdong dmar mo dang / phag gdong ser mo dang / gshin rje brtan ma dang / gshin rje 'joms ma dang / gshin rje pho nya mo dang / gshin rje mche ba ma rnams gzugs gnyis ma'i rang bzhin can te/zhal gcig pa phyag bzhi ma gri gug dang thod pa dang / Da ma ru dang / kha T+wAM ga bsnams pa zhabs g.yas brkyang bas ro mnan pa/ phyag rgya lngas brgyan pa/ mi mgo'i do shal can sgeg ba'i zhal dang 'jigs su rung bar gnas pa'o/ /de ltar sprul pa'i sku'i sgom pa la gnas te/longs spyod rdzogs pa'i cho ga rdzogs par bya ba gsungs pa/ he ru ka la sogs pa'i lha/ /rtsa yi gzugs kyis yang dag gnas/ /lus kyi dkyil 'khor nyams dga' ba'i/ /rkang ba'i dkyil du bskyod byed rlung / /gzhu yi dbyibs su yang dag gnas sum mdo'i gnas su me yi dngos//gru gsum 'bar bar yang dag gnas/ /lto bar chu ni zlum po ste/ /snying gar sa ni gru bzhi gnas/ /sgal tshigs dbyug pa'i ri rab nyid/ /rang gi yan lag las byung ba'i/ /ka ba brgyad ni nye bar gnas/ /chu zheng kun tu mnyam pa yis/ / gru bzhi par ni rab tu grags/ /sku gsung thugs kyi ngo bo yis/ /dkyil 'khor gsum ni nges par gsungs/ /pu dzA o a go rA de mA/ /kA o tri ko ka la kA hi/ /pre gr-i sau sun si ma ku/ /mtshogs ma pul+li ma la yar/ /mi phyed rtsa ni so sen 'bab/ /rab gtum thod ba'i dum bu nyid//spyi gtsug dzA lan+d+ha ra ra ni/ /skra spu 'bab pa phra gzugs ma/ /keng rus gtum pa'i mig can ma/ /o D+yan rna ba g.yas pa'i stengs/ /pags dang dri ma brtse ba ma/ /keng rus can dang 'od ldan ma'o/ /lag pa'i steng na ar pu da/ /g.yon pa mar ni sha yi khams//'bab pa mche gtsigs sna chen ma/ /go dA ba ri rna ba g.yon/ /thung ngu ma ni rgyu ma 'bab/ /lha dgra dang ni dpa' blo can/ /rA me shwa ra smin ma'i dbus/ /rus sbal skyes ma rus pa 'bab/ /'od dpag med dang mi thung ma/ /lha mo'i mkhar ni mig gnyis la/ /sgom pa ma ni mkhal ma 'bab//lang+ka'i dbang phyug rdo rje 'od/ /dpung pa'i rtsa bar mA la be/ /snying gi khams 'bab dbang ma ste/ /rdo rje sku dang shing grib ma/ /mkha' spyod nyid de thugs 'khor lo/ /kA ma rU ni mchan khung la/ /mig gi khams 'bab skyon 'byin ma/ /myu gu can dang sa srungs ma//nu ma gnyis la o tre ste/ mjug ma mkhris pa 'bab pa nyid/ /ral pa can dang 'jigs byed ma'o/ /tri sha ku ni lte bar te/ /ma mo'i rtsa ni glo ba 'bab/ /dpa' bo chen dang rlung shugs ma/ /sna yi rtse mor ko sa la/ /mtshan mo'i rtsa ni rgyu ma 'bab/ /rdo rje hUM mdzad chang 'thung ma//ka ling ga ni kha la ste/ /bsil sbyin ma ni gnye ma 'bab/ /rab tu bzang dang sngo bsangs mo/ /mgrin pa'i gnas su lam+bA ka /tsha ba ma ni pho ba 'bab/ /rdo rje 'od dang shin tu bzang / /kAny+tsi snying ga'i gnas su ste/ /gzhol ma'i rtsa ru dri chen 'bab//'jigs byed chen po rta rna ma/ /hi mA la mi chu so ru/ /shin tu gzugs can mtshan ma 'bab/ /mig mi bzang dang bya rgod ma/ /gsung ste sa spyod bdag nyid kyi/ /mkha' 'gro mar ni shes par bya/ /pre ta pu ri mtshan ma la/ /rangs ma'i rtsa ni mchil ma 'bab//'khor lo'i shugs ma stobs po che/ /gr-i ha de ba bshang lam la/ /dpyi ma'i rtsa ni rnag 'bab la/ /rin chen rdo rje dum skyes ma/ /sau rASh+Ta ste brla gnyis la/ /rgyu sbyin ma ni khrag 'bab ma/ /rta mgrin dang ni chang 'thung ma/ /gser gling byin pa gnyis la ste/ /sbyor bral ma ni rdul 'bab byed//mkha' snying 'khor lo'i go cha ma/ /rkang pa'i sor mo na ga ra/ /sdug gu ma ni tshil bu 'bab/ /shin tu dpa' mo he ru ka/ /sin+d+hu rkang pa'i bol nyid la/ /grub ma'i rtsa ni mchi ma 'bab/ /pad+ma gar dbang stobs chen mo/ /ma ru rkang pa'i mthe bo ste/ /'tshed ma kha chu 'bab pa nyid//rnam snang 'khor los sgyur ba mo/ /ku lu tA ni pus mo la/ /yid bzangs ma ni snabs skyed byed/ /rdo rje sems dpa' gtso chen mo/ /sku ste sa 'og spyod ma yi/ /mkha' 'gro dpa' bor shes par bya/ /lte ba'am snying ga'i rtsa bzhi ni/ /'byung lnga'i rlung dang bdud rtsi 'bab//bde chen dgu yi bdag nyid bsam/ /phyag brgyad dam ni sgo brgyad du/ /las kyi rlung ngam byed bdag gis/ /khwa gdong gshin rje ma sogs brgyad/ /me long nang gi gzugs bzhin du/ /rang gi cha lugs brgyan pa'i tshul/ /ro yi gdan la legs par dgod/ / 'od 'phro 'od kyi dkyil 'khor can/ /mdzes shing 'jigs pa'i gzugs can no/ /sku gsung thugs kyi dbye ba yis/ /yi ge gsum gyi ngo bo nyid/ /mtho ris mi yul sa 'og tu/ /skad cig gis ni sku nyid gyur/ /skad cig gis ni rnal 'byor bdag /skad cig sngags dang phyag rgyar ldan//kun nas kun du skad cig ste/ /skad cig gis gsang sngags ldan no/ /oM AHhUM/ oM sarba bI ra yo gi nI kA ya wAka tsit+ta badzra swa b+hA ba At+ma kou0f85haM/ oM badzra shud+d+haHsarba d+harmaHbadzra shud+d+hou0f85haMHoM AHhUM/ ho yig gis/ phyag rgya bzhis ni rgyas btab bya/ oM sa rba bI ra yo gi nI kA ya wAka tsit+ta dz+nyA na badzra swa b+hA ba At+ma kou0f85haM/ye shes las byung 'od tshogs kyis/ /rkang pa nas ni gtsug tor mthar/ /lus kun rab tu gsal byas nas/ /khams gsum khyab par rab tu spro/ /mdzub mo mdud byas gung mo sbyar/ /mthe bong rdo rjer brtan byas nas/ / dpral ba'i steng du rab gzhag ste/ /bskor zhing kun du bskor bar bya/ /rkang pa mnan cing steng du blta/ /gyen du pheM gyi sgra sgrogs shing / /phyogs bcu khams na bzhugs pa yi/ /dpa' bo rnal 'byor ma rnams dgug /sngags dang phyag rgyar rab ldan pas/ /dgug sogs dam tshig ro mnyam bya//oM yo ga shud+d+haHsarba d+harmAHyo ga shud+d+hou0f85haM/ /de nas sngags kyi mtshon cha dgod/ /snying gar oM ha'i rnam pa yis/ /rdo rje sems dpa' yang dag dgod/ /gnyis pa dpal ldan rnam snang mdzad/ /mtshog mar na ma hi nyid do/ /spyi gtsug swA hA hu nyid ni/ /mgon po p ad+ma gar dbang rgyal//bzhi pa dpal ldan he ru ka /phrag pa la ni bau Sha Ta he/ /mig gnyis la ni hUM hUM ho/ /rdo rje nyi ma gzi brjid ldan/ /drug pa rta mchog rgyal po nyid/ /phaT haM tshigs kun mtshon pa'o/ /lte bar oM baM phag mo'i bdag /haM oM snying gar gsod byed ma/ /hriM moM kha la rmongs byed ma//dpral bar hriM hriM skyong byed nyid/ /hUM hUM spyi gtsug skrag byed ma/ /tshigs mtha' kun la phaT phaT te/ /gtum mo'i bdag nyid rnam par bsam/ /bdag tshogs kun gyis g.yo ba yi/ /go cha srung ba bla na med/ /lus las khams gsum kun bkang ste/ /dpa' bo rnal 'byor ma rnams kyis//nam mkha'i gtos ni bkang byas la/ /'dod pa lnga ni mnyes gyur nas/ /mgon po sangs rgyas thams cad kyis/ /dbang bskur ba ni bdag la stsol/ /yid kyis gsol ba legs btab pas/ /ji ltar bltams pa tsam gyis ni/ /de bzhin gshegs kun khrus gsol ltar//lha yi chu ni dag pa yin/ /de bzhin du ni sku khrus gsol/ /oM sarba ta thA ga ta a b+hi She ka sa ma ya shri ye hUM/ de ltar sngags de brjod nas su/ /pad+ma'i bum pas dbang bskur bsam/ /lha rnams lus la bsdus nas kyang / /mchod sprin kun gyis yang dag mchod//sna tshogs bstod pas mngon bstod nas/ /bdud rtsi mchog la longs spyod bya/ /dpa' bos lha rnams gsal dmigs nas/ /chos kyi sku la nges par sbyar/ /dpa' bo lhan cig skyes dga'i dngos/ /dag pa chos kyi sprul pa ni/ /phag mo'i gzugs su bstan pa yin//me long la sogs ye shes bzhi/ /mkha' 'gro ma bzhi pad+mar gnas/ /lus dran pa nye bar gzhag pa ni mkha' 'gro ma'o/ /tshor ba dran pa nye bar gzhag pa ni lA ma'o/ /chos dran pa nye bar gzhag pa ni dum skyes ma'o/ /sems dran pa nye bar gzhag pa ni gzugs can ma'o//'dun pa'i rdzu 'phrul gyi rkang pa ni rab tu gtum ma'o/ /brtson 'grus kyi rdzu 'phrul gyi rkang pa ni gtum pa'i mig go/ /dpyod pa'i rdzu 'phrul gyi rkang pa ni 'od ldan ma'o/ /sems kyi rdzu 'phrul gyi rkang pa ni sna chen ma'o/ /dad pa'i dbang po ni brtan pa'i blo can ma'o/ /brtson 'grus kyi dbang po ni mi thung ma'o//dran pa'i dbang bo ni lang+ka'i dbang phyug ma'o/ /ting nge 'dzin gyi dbang po ni shing grib ma'o/ /shes rab kyi dbang po ni sa srungs ma'o/ /dad pa'i stobs ni 'jigs byed chen mo'o/ /brtson 'grus kyi stobs ni rlung gi shugs chen ma'o/ /dran pa'i stobs ni chang 'thung ma'o//ting nge 'dzin gyi stobs ni sngo bsangs ma'o/ /shes rab kyi stobs ni shin tu bzang mo'o/ /ting nge 'dzin yang dag byang chub kyi yan lag ni rta rna ma'o/ /brtson 'grus yang dag byang chub kyi yan lag ni bya gdong ma'o/ /dga' ba yang dag byang chub kyi yan lag ni 'khor lo'i shugs can ma'o//shin tu sbyangs pa yang dag byang chub kyi yan lag ni khaN+Da ro ha'o/ /chos rnam par 'byed pa yang dag byang chub kyi yan lag ni shauN+Da ni'o/ /dran pa yang dag byang chub kyi yan lag ni 'khor lo'i go cha ma'o/ /btang snyoms yang dag byang chub kyi yan lag ni shin tu dpa' mo'o//yang dag pa'i lta ba ni shin tu stobs chen ma'o/ /yang dag pa'i rtog pa ni 'khor los sgyur ma'o/ /yang dag pa'i ngag ni brtson 'grus chen mo'o/ /yang dag pa'i las kyi mtha' ni khwa gdong ma'o/ /yang dag pa'i 'tsho ba ni 'ug gdong ma'o/ /yang dag pa'i rtsol ba ni khyi gdong ma'o//yang dag pa'i dran pa ni phag gdong ma'o/ /yang dag pa'i ting nge 'dzin ni dpal he ru ka'o/ /dge ba'i chos ma skyes pa rnams bskyed pa ni gshin rje brtan ma'o/ /dge pa'i chos skyes pa rnams bsrung ba ni gshin rje pho nya ma'o/ /mi dge ba'i chos ma skyes pa rnams mi skyed pa ni gshin rje mche ba ma'o//mi dge ba'i chos skye ba rnams spong ba ni gshin rje 'joms ma'o/ /de dag ni dpa' bo dang dpa' mo rnams gnyis su med pa rnam par dag pa'o/ /A li kA li mngon bsams nas/ /rnal 'byor chen po ngal bso ste/ /zla ba'i dkyil 'khor rdzogs pa ni/ / lte ba'i rtsa bar gnas par bsgom/ /yi ge rnams kyi mchog gyur pa/ /sku gsung thugs kyi rdo rje can/ /lha yi sku ni bsgom par bya/ /de ni gzugs las 'das pa ste/ /dngos po med pa'i sems nyid yin/ /sems nyid rtog pas mi bslang ngo / /bsam gyis mi khyab de bsams na/ / de las gzugs ni thob bar 'gyur/ /shrI ni gnyis med ye shes te/ /he ni rgyu sogs stong pa nyid/ /ru ni tshogs dang bral ba ste/ /ka ni gang du'ang mi gnas pa'o/ /de ltar sku gsum sbyor ba yis/ /gnas byas dpa' bo de yis ni/ /yon tan thob ba gang yin pa/ /bskal pa bye ba du ma ru//kha ni brgya stong du ma yis/ /brjod par nus pa ma yin no/ /de nas sngags kyi dngos grub phyir/ /sngags kyi bzlas pa rab tu brtsam/ /oM shrI badzra he he ru ru kaM huM hUM phaT DA ki nI dzA la saM ba ra swA hA/ snying po'i sngags so/ /oM hrIH ha ha huM hUM phaT/ nye ba'i snying po'o/ /oM badzra bai ro tsa nI ye huM hUM phaT/snying po'i sngags so/ /oM sarba bud+d+ha DA ki nI ye badzra war+Na nI ye huM hUM phaT swA hA/ nye ba'i snying po'o/ /sdig kun las ni rnam grol zhing / /'dod pa'i don kun sgrub byed yin/ /oM sum+b+ha ni sum+b+ha/ badzra DA ki nI huM hUM phaT/ oM gr-ih+Na gr-ih+Na badzra lA ma ye huM hUM phaT/ oM gr-ih+NA pa ya gr-ih+NA pa ya badzra khaN+Da ro hi huM hUM phaT/oM A na ya ho b+ha ga bAn badzra rA dza badzra rU pi NI ye huM hUM phaT/ oM na mo b+ha ga ba te wi re shA ya badzra kA kA s+ye huM hUM phaT/ oM ma hA ka la pa ag+ni saM ni b+hA ya badzra u lU kA s+ye huM hUM phaT/ oM dza Ta ma ku Tota ka TA ya badzra shwa nA s+ye huM hUM phaT/oM daMSh+T+wA ka rA lo gra b+hI Sha Na mu khA ya badzra sU ka rA s+ye huM hUM phaT/ oM sa ha sra b+hu dza b+hA su rA ya ya ma dA D+hI huM hUM phaT/ oM pa ra shu pA sho d+ya ta shU la kha T+wAM ga d+hA ri Ne badzra ya ma dU tI huM hUM phaT/ oM byA g+hA dzi nAM ba ra d+ha rA ya badzra ya ma daMSh+nyi Ni huM hUM phaT/ oM ma hA d+hum+bA na d+ha ka ra wa pu ShA ya badzra ya ma ma thA ni huM hUM phaT/rang gi yum dang gnyis su med pa zhal bzhi dang rkang pa brgyad pa'i sngags te bcu pa sbyin sreg dang bcas pas bzlas so/ /gzhan yang rgyas pa'i tshul la yang / oM ka ra ka ra badzra pra tsaN+Di badzra khaN+Da ka pA la huM hUM phaT/ zhes bya ba la sogs pa rnams oM dang huM hUM phaT kyi bar chud pa phreng ba'i sngags dang /dpa' bo dpa' mo rnams 'brel bar bzlas so/ /mda'i 'od dang sgro'i 'od dang / lu gu rgyud dang / sum sgril ni cho ga'i khyad par ro/ /thams cad du'am tshes bcu la/ /rang 'dod las la gtor ma sbyin/ /dang po dpa' bo rnal 'byor ma//chang sogs longs spyod kyis mchod nas/ /'bar ba'i phyag rgya rab bcings nas/ /skra grol gcer bur gyur pa yis/ /lho yi phyogs su kha bltas la/ /dpal chen khrag 'thung nas brtsams nas/ /dur khrod gnas kyi mthar thug par/ /mthon bo'i gnas su mchod par bya//skye bo dam pa kun 'dus la/ /bde ba thams cad dbul bar bya/ /der ni bza' ba rnams zos la/ /lhag ma snod gnyis gzhag par bya/ /he ru ka dpal rnal 'byor bdag /de yis ma mo dga' bar 'gyur/ /de yis lag tu 'ongs pa'i dpal/ /gang gis kyang ni 'phrog mi nus//skye bo dang ldan kun gyis mchod/ /he ru ka dpal dgyes gyur nas/ /spyod dang grol ba'i 'bras rab gsol/ /oM a ral+li ho/ /dzaHhUM baM hoHbadzra DA ki n+yaHsa ma ya s+t+waM dr-i sh+ya hoH/ lan gsum lnga yis bar du brjod/ /rdo rje thal mo gyen du phye/ /oM kha kha khA hi khA hi/sarba yak+Sha rakA sa b+hU ta/ pre ta pi shA tsa/ un ma da/ a pasma ra badzra DA ka DA ki n+yA da ya/ i maM ba liM gr-ih+Nan+hu/ sa ma ya rak+Shan+tu/ ma ma sarba sid+d+hi praM yats+tshan+tu/ ya the baM/ ya theSh+ThaM/ b+huny+dz+wa tha/ pi ba tha/ mA ti pra ma tha/ ma ma sarba karta ya sata su khaM ba brid d+ha ye/ sa ha yi kA b+ha ban+tu huM hUM phaT swA hA/oM kha kha khA hi khA hi uts+tshi Sh+Ta b+hak+Sha ka swA hA/ zhes bya ba'i sngags kyis gtor ma phul la/ lha mo tshad ma dam tshig tshad ma dang / /des gsungs tshig kyang tshad ma mchog yin de/ /bden pa de dag gis ni lha mo rnams/ /bdag la rjes su 'dzin pa'i rgyur gyur cig /ces brjod la yi ge brgya pas brtan par bya ste/sku dang gsung dang thugs kyi dga' bas sems can rnams bde ba chen po'i bdag nyid du yang dag par gnas par bya'o/ /bdag don 'gyur dang gzhan la rnam brtse bas/ /dpal ldan 'khor lo sdom pa'i sgrub pa yi/ /thabs dag cung zad bkod la tshul min pa//'byung 'gyur nyes pa mkhas rnams bzod par mdzod/ /'di yis bsod nams mtha' med sgrub gyur gang yin des/ /mtha' med sems can bde ba'i lam zhugs sangs rgyas shog /dpal 'khor lo sdom pa'i sgrub pa'i thabs de kho na nyid bsdus pa zhes bya ba/

CLOSE WINDOW