CLOSE WINDOW

D1428
བོད་ཡིག

/[]@##/ /rgya gar skad du/ shrI tsa kra saM ba ra sto tra sarba ar+tha sid+d+hi bi shud+d+ha tsU Da ma Ni nA ma/ bod skad du/ dpal 'khor lo sdom pa'i bstod pa/ don thams cad grub pa rnam dag gtsug gi nor bu zhes bya ba/dpal bde mchog la phyag 'tshal lo/ /thugs rje dbyings las bzhengs pa'i sku mchog ni/ /nyon mongs rnam dag ye shes sku brnyes shing / /srid pa sbyor mdzad nyon mongs gdung ba sel/ /sgyu ma sprul pas 'gro don sgrub mdzad pa'i/ /'khor lo sdom pa mkha' 'gro kun gyi gtso//'jigs mdzad dpa' bo bskal pa'i me ltar 'bar/ /sna tshogs phrin las rigs lngas yongs mtshon pa'i/ /ral ba'i thor tshugs sna tshogs rdo rjes mdzes/ /byang chub sems mchog chos rnams rab gsungs pa'i/ /spyi bor zla tshes cod pan 'khor los brgyan/ / zhal gdangs khro gnyer smin ma glog ltar 'gyu/ /skye shi rtsad gcod keng rus mche ba gtsigs/ /tshad med bzhi ldan dpa' bo zhal bzhi la/ /mi bskyod rigs mtshon ye shes lnga ldan pa'i/ /rdo rje'i phreng dang thod pa lnga lngas brgyan/ /stong nyid snying rje rab tu 'dres gyur pa'i/ /'od zer 'phro ba sna tshogs du ma las//sangs rgyas tshogs kyis kun du sprin 'phro ba'i/ /sku gsum dpa' bo ye shes lnga bdag nyid/ /sgeg pa la sogs rol pa'i nyams kyis mdzes/ /snying rje'i spyan dmar bcu gnyis me bzhin 'jigs/ /he ru ka dpal bde mchog sprul pa'i sku/ /'chad byed chos dang nyan pa'i tshogs ldan pa'i//nyan thos rang sangs bla med rgyal ba dang / /'jig rten rab gnas 'jig rten 'das pa yi/ /rang bzhin nyid ni khyod las gzhan ma mchis/ /gsang ba'i bde mchog bdud bral ye shes sku/ /pha rol phyin drug phyag rgya drug gis mdzes/ /a la la zhes dur khrod gar dang ldan//pheM gyi sgra sgrogs mkha' 'gro'i tshogs rnams sdud/ /'du byed rnam dag mgo bo'i phreng bas brgyan/ /drag po kun 'dul stag gi sham thabs can/ /rdo rje'i rta gad khams gsum bsdigs mdzad cing / /ma rig la sogs rten 'brel rnam dag pa/ / byams pa'i thugs mnga' bcu gnyis phyag dang ldan/ /g.yas kyi dang po rdo rje rtse lnga ni/ /ye shes lnga ldan dug lnga rnam par 'joms/ /phyag g.yon dang po dril bu rnam 'dzin pa/ /rtog pa rnam spangs shas rab rang bzhin ldan/ /de 'og phyag gnyis gti mug rnam dag pa'i/ /glang chen ko rlon dpa' bo'i gos su mnabs//chos rnams sgrogs pa'i Da ma ru bsnams shing / /lha sku rnam dag kha T+wAM rdo rjes mtshon/ /gri gug 'bar bas nyon mongs 'ching ba gcod/ /'dod chags rnam dag thod pa khrag chen 'dzin/ /thugs rje'i dgra stas drag po'i lha rnams 'joms/ /sdigs mdzub zhags pas bdud dang gshin rje 'dul//tri shUl rtse gsum skyes bu phug cing 'phyar/ /bdud bzhi las rgyal lha chen rnams bsad cing / /tshangs pa'i mgo bcad dpa' bo'i lag na 'dzin/ /rtag chad spangs phyir sna tshogs pad+ma dang / /nyi ma'i dbus na bgegs chen du ma gzir/ /'jigs byed dus mtshan g.yas brkyang zhabs kyis mnan//ha ha sgra sgrogs phag mo'i sku la 'khril/ /khros pa'i dpung chen bdud dgra rlag par byed/ /gsang ba'i mgon po rang nyid la gus shing / /bskyed rdzogs la gnas gsang ba'i mchog la dgyes/ /brtan pa'i blo can brtson pa'i rnal 'byor pa/ / dngos grub mchog stsol he ru ka la 'dud/ /gsang ba kun ldan rdo rje phag mo ni/ /bde mchog 'khor lo 'jigs byed rgyal po'i yum/ /'dod pa'i dbang phyug sangs rgyas mkha' 'gro che/ /hi hir bzhad cing bde gshegs sku la 'khril/ /bdud 'dul rgyal mo skal ldan dbang phyug ma/ /sku mdog dmar mo thod pa'i phreng ba can//gri gug sdigs mdzub gdug pa sreg mdzad cing / /thod pa khrag can he ru ka la 'khyud/ /mche ba gtsigs shing drag shul 'jigs ldan ma/ /dman pas 'grub 'gyur mkha' 'gro dbang du sdud/ /chags ltar rtog med zhal gnyis ldan pa yi/ / rdo rje rnal 'byor stong nyid snying rje che/ /bdud 'dul mkha' 'gro dbang phyug ye shes sku/ /gsang ba'i lha mo 'gro ba'i don mdzad ma/ /ye shes me dpung klong na klog ltar 'gyu/ /mkha' 'gro phag mo 'bar ba'i gzi brjid can/ /'jigs pa'i cha byad bdud bzhi kun skrag byed/ /'khor los dbu rgyan rdo rje'i rna cha can//mgul rgyan do shal spyi gtsug nor bu dang / /dpung rgyan lag gdub se ral khar byas shing / /dum bu'i ske rags sil sil sgra dang ldan/ /zhabs gnyis brkyang bskum gnyis med 'khril ba'i tshul/ /bde ba'i rang bzhin legs pa'i chos dbyings ldan//dbu skra grol zhing thugs rjes kun khyab pas/ /zhi rgyas dbang dang mngon spyod la sogs dang / /grub chen brgyad sogs sgrub po la ster zhing / /ye shes spyan gsum dus gsum gdul bya gzigs/ /dang ba'i sems kyis 'jigs dus khyod dran na/ /sdug bsngal kun sel dngos grub mchog stsol zhing //longs spyod sprul pa sna tshogs skur ston pa'i/ /sgrub po'i don mdzod rnal 'byor ma la 'dud/ /bde chen 'khor lo sna tshogs pad+ma yi/ /'dab brgyad phyogs nas mA ma kI sogs gnas/ /zhal bzhi la phyogs dngos grub ster ba yi/ /gsang ba'i dbang phyug dpa' mo bzhi la 'dud//me long ye shes las skyes thod phreng can/ /in+d+ra nI la'i mdog can gtum pa mo/ /gsang ba'i lha mo dpal ldan dbang phyug sku/ /g.yas brkyang dpa' mo ro yi steng na gnas/ /phyag bzhi nag mo 'jigs pa'i glu len ma/ /gri gug thod pa kha T+wAM cang te'u bsnams//lus rjes dran pa'i ngo bo chu rang bzhin/ /rdo rje mkha' 'gro che la phyag 'tshal lo/ /bya ba nan tan ye shes dpal ldan ma/ /sems ma rdo rje dam tshig sgrol ma'i mchog /'khor lo la sogs phyag rgya lnga yis brgyan/ /Da ma ru sgras gtso mo skul byed cing / /kha T+wAM ga bsnams 'jigs pa'i pheM sgra sgrogs//tshor rjes dran pa'i rang bzhin rlung bdag nyid/ /ljang khu'i mdog can gri gug thod pa 'dzin/ /las rigs mkha' 'gro lA ma che la 'dud/ /so sor kun rtog ye shes dbyings phyug ma/ /rA ga'i mdog can gar gyi stobs ldan ma/ /Da ma ru 'khrol kha T+wAM g.yon na bsnams//gri gug thod khrag dgra bgegs zhal du gsol/ /chos rjes dran pa'i gcer bu spyan gsum ma/ /me yi bdag nyid pad+ma'i mkha' 'gro che/ /sku mdog dmar mo ma rungs gsod pa yi/ /khaN+Da ro ha che la phyag 'tshal lo/ /mnyam nyid ye shes rang bzhin las skyes shing //bdud 'dul dpa' mo rus pa'i rgyan 'dzin cing / /me dpung nang bzhugs mgo phreng ngo shal can/ /gri gug gcod mdzad thod pa'i khrag 'thung ma/ /kha T+wAM ga bsnams sor mo cang te'u 'khrol/ /sems rjes dran pa'i mkha' 'gro kun gyi gtso//rigs can mkha' 'gro sa yi bdag nyid ma/ /gzugs can dbang phyug ma la phyag 'tshal lo/ /snying rje'i sems kyi bdud bzhi tshar gcod cing / /dam tshig can la dngos grub mchog stsol byed/ /dam tshig nyams pa'i sngags pa gsong la brtson/ /ye shes mkha' 'gro bzhi la phyag 'tshal lo//mtshams kyi pad+mar rin chen bum pa'i stengs/ /'dod chags zhe sdang gti mug rnam dag pa'i/ /dngos grub dang ldan mtshan bzang ka pA la/ /bdud rtsi lnga ldan bde ba che la 'dud/ /pul+lI ra mar dpa' bo thod dum ni/ /zhal gcig phyag bzhi sen mo sol gnas//rab tu gtum mo 'dun pa'i rdzu 'phrul rkang / /gcer bu mgor gnas ma la phyag 'tshal lo/ /dza lan d+ha rar ma hA kaM ka la/ /mkha' la spyod byed skra spu la gnas dang / /gtum pa'i mig can brtson pa'i rdzu 'phrul rkang / /spyi gtsug la gnas khyod la phyag 'tshal lo//o D+yan la gnas dpa' bo kaM ka la/ /pags pa dri ma rnam dag sa bla 'dul/ /'od ldan ma ni dpyod pa'i rdzu 'phrul rkang / /rna g.yas la gnas khyod la phyag 'tshal lo/ /a ra pu dar gnas mche ba rnam par gtsigs/ /lha rnams 'dul zhing sha la rnam par gnas//sna chen ma ni sems kyi rdzu 'phrul rkang / /rgyab la gnas gyur mkha' 'gro khyod phyag 'tshal/ /go dA ba rir su ra bI ri ni/ /rgyus pa rnam dag g.yas brkyang zhabs kyis gnas/ /dad pa'i dbang po brtan pa'i blo can ma/ /rna ba g.yon pa la gnas khyod phyag 'tshal//'od dpag med ni rus pa'i khams dag cing / /brkyang bskums tshul gyis rA me shwa rir gnas/ /smin ma'i dbus gnas brtson dbang mi'u thung ma/ /snyom las rab spangs mkha' 'gro khyod phyag 'tshal/ /mchin pa rnam dag de wI ko Ti ru//rdo rje 'od ni 'byung kun 'dul bas gnas/ /dran pa'i dbang po lang+ka'i dbang phyug ma/ /mig gnyis la gnas mkha' 'gro khyod phyag 'tshal/ /mA la ber gnas dpa' bo rdo rje'i sku/ /snying la rab gnas drag po 'jigs byed 'dul/ /shing grib ma ni ting 'dzin dbang po ste//phrag pa gnyis gnas mkha' 'gro khyod phyag 'tshal/ /thugs kyi 'khor lo mkha' la rnam spyod cing / /rnam thar brgyad ldan rtsibs brgyad sngon po ste/ /rdo rje'i rigs mtshon rdo rje'i phreng bas mdzes/ /zhe sdang can 'dul rdo rje khyod phyag 'tshal/ /myu gu can ni kA ma rur gnas shing //mig gnyis rnam dag e ra ba ti mdzes/ /sa srungs ma ni shes rab dbang ba ste/ /mchan khung rnam dag mkha' 'gro khyod phyag 'tshal/ /o Ter gnas pa'i rdo rje ral ba can/ /mkhris pa rnam dag rdo rje rol pa'i zhabs/ /dad pa'i stobs ni 'jigs byed chen mo ste//nu ma rnam dag mkha' 'gro khyod phyag 'tshal/ /tri sha ku ner dpa' bo chen po chang / /glo ba rnam dag rab tu 'jigs pa'i gzugs/ /rlung gi shugs can brtson 'grus stobs rang bzhin/ /lte ba'i dkyil 'khor dpa' mo khyod phyag 'tshal/ /ko sa lar ni rdo rje hUM mdzad do//rgyu ma rnam dag pheM gi sgra sgrogs shing / /dran pa'i stobs ni chang 'thung dpa' mo ste/ /sna rtse la gnas dpa' mo khyod phyag 'tshal/ /ka ling kar gnas rab tu bzang mo ni/ /gnye ma la gnas dngos grub kun ster ba'i/ /ljang lha mo ni ting 'dzin stobs ldan zhing //kha yi nang gnas mkha' 'gro khyod phyag 'tshal/ /laM pA kar gnas rdo rje bzang po ni/ /grod pa rnam dag dpa' bo chen po ste/ /shes rab stobs ni shin tu bzang mo yin/ /mgrin pa la gnas mkha' 'gro khyod phyag 'tshal/ /kAny+tsi'i gnas su 'jigs byed chen po ste/ / zhabs gnyis brkyang bskum chu so la gnas shing / /rta rna ma ni ting 'dzin yan lag ste/ /snying ga la gnas mkha' 'gro khyod phyag 'tshal/ /hi mA lar ni dpa' bo mig mi bzangs/ /skra mtshams la gnas ha ha'i sgra sgrogs shing / /brtson 'grus yan lag bya gdong chen mo ste//'doms bar la gnas mkha' 'gro khyod phyag 'tshal/ /gsung gi 'khor lo sa stengs longs spyod cing / /rnam thar brgyad ldan rtsibs brgyad dmar po ste/ /gsung gi rigs mtshan pad+ma'i phreng bas mdzes/ /'dod chags can 'dul pad+ma khyod phyag 'tshal/ /pre ta pu rir dpa' bo stobs chen ni//bad kan rnam dag phyag bzhis rnam par brgyan/ /dga' ba byang chub yan lag 'khor lo'i shugs/ /mtshan ma la gnas mkha' 'gro khyod phyag 'tshal/ /gri ha de bar rin chen rdo rje ni/ /sna tshogs dag la g.yas brkyang rol pas bzhugs/ /shin tu sbyangs pa'i yan lag dum skyes ma//bshang lam la gnas mkha' 'gro khyod phyag 'tshal/ /sau rASh+Tar rta mgrin rgyal ba ni/ /khrag la gnas shing drag po kun 'dul ba/ /chos rnams rab 'byed yan lag glang sna ma/ /brla gnyis la gnas mkha' 'gro khyod phyag 'tshal/ /su wa r+N+Na dwI nam mkha'i snying po ste//'jigs byed dpa' bo rdul tshogs rnam dag cing / /dran pa yan lag 'khor lo'i go cha ma/ /byin pa la gnas mkha' 'gro khyod phyag 'tshal/ /na ga rar gnas dpal ldan he ru ka /tshil khrag rnam dag phyag rgya drug gis mdzes/ /shin tu dpa' mo btang snyoms yan lag ste//sor mo la gnas mkha' 'gro khyod phyag 'tshal/ /sin+d+hU'i gnas su pad+ma gar dbang phyug /mchi ma rnam dag 'jigs mdzad dpa' bo che/ /stobs chen dpa' mo yang dag lta ba ste/ /rkang pa'i bol gnas mkha' 'gro khyod phyag 'tshal/ /ma ro'i gnas su rnam par snang mdzad che//mchil ma rnam dag dbang phyug chen po'i sku/ /'khor los sgyur ma yang dag rtog pa ste/ /mthe bong la gnas mkha' 'gro khyod phyag 'tshal/ /ku lu tAr gnas rdo rje sems dpa' ni/ /'gro ba'i mgon po snabs sogs rnam dag pa/ /brtson 'grus chen mo yang dag ngag ldan zhing //pus mo la gnas mkha' 'gro khyod phyag 'tshal/ /sku yi 'khor lo sa 'og la gnas shing / /rnam thar brgyad ldan rtsibs brgyad dkar po ste/ /sku yi rigs mtshon 'khor lo'i phreng bas mdzes/ /gti mug can 'dul 'khor lo khyod phyag 'tshal//'gro ba'i don la thugs rje sprul pa'i gnas/ /mkha' 'gro'i tshogs ldan nyi shu rtsa bzhi ru/ /sku gsung thugs gnas sgrub la brtser dgongs pa'i/ /'khor lo'i lha la rtag par phyag 'tshal lo/ /ma rungs 'dul mdzad rnam rgyal la sogs rnams//gdul bya'i dbang gis khro mo'i skur ston cing / /sgo mtshams dag na ma rungs phyogs bdag 'dul/ /khwa gdong la sogs sprul pa'i mkha' 'gro gnas/ /bya rog gdong can mkha' 'gro 'jigs pa'i gzugs/ /zhal gyi nga ros 'brug stong bdud las rgyal//gar gyi sbyor ldan gcer bu phyag bzhi ma/ /nag mo 'jigs byed ma la phyag 'tshal lo/ /shar gyi sgo srung yi dwags gdan la bzhugs/ /dpa' mo spyan gsum phyag rgya lnga yis mdzes/ /kha nas khrag 'dzag a la la zhes sgrogs/ /yang dag las mtha'i dpa' mo khyod phyag 'tshal//'ug pa'i gdong can bgegs tshogs sreg mdzad ma/ /kha nas lce 'dril mche ba rnam par gtsigs/ /ha ha dgod cing spyan mig glog ltar 'gyu/ /dgra bgegs tshar gcod ma la phyag 'tshal lo/ /byang gi sgo srung ljang dmar 'od ldan ma/ /mkha' 'gro mi srun rus pa'i rgyan dang ldan//sku mdog dmar ljang gri gug thong pa 'dzin/ /yang dag 'tsho ba'i dpa' mo khyod phyag 'tshal/ /khyi yi gdong can thod pa'i rgyan ldan ma/ /sku mdog dmar mo phaT kyi sgra sgrogs shing / /spyan gsum sdang mig dus mtha'i me bzhin 'jigs/ /sgrub pa'i don mdzad ma la phyag 'tshal lo//nub kyi sgo srung dpa' mo stobs ldan ma/ /zhabs gnyis brkyang bskum 'byung po zil gyis gnon/ /mkha' 'gro mgo bo'i phreng bas do shal byas/ /yang dag rtsol ba'i ngo bo khyod phyag 'tshal/ /phag gi gdong can gsang ba'i dbang phyug ma//bdud 'dul mkha' 'gro phyag rgya gar gyis skyod/ /rna cha mgul rgyan spyi gtsug nor bus brgyan/ /'jigs byed khrag 'thung ma la phyag 'tshal lo/ /lho yi sgo srung ser mo 'jigs pa'i gzugs/ /zhal nas me 'bar bdud kyi dpung rnams sreg/ /Da ma ru 'khrol kha T+wAM g.yon na bsgreng //yang dag dran pa'i dpa' mo khyod phyag 'tshal/ /shar lhor dbang sgyur gshin rje brtan ma ni/ /g.yas sngo g.yon ser brkyang bskum tshul du bzhugs/ /rgyan rnams kun gyis rab mdzes mkha' 'gro ma/ /dbang phyug gsang ba'i lha la phyag 'tshal lo/ /rdo rje mkha' 'gro sems can don brtson ma//rus pa'i ska rags khrag gi thig le can/ /dpal ldan mkha' 'gro dur khrod chas kyis brgyan/ /dge chos yang dag bskyed la phyag 'tshal lo/ /lho nub dri med gshin rje pho nya mo/ /g.yas ser g.yon dmar mkha' 'gro gzugs mdzes ma/ /ha ha'i sgra sgrogs gsed byed mthu rtsal can//mkha' 'gro dgos 'dod skong la phyag 'tshal lo/ /thabs dang shes rab mnyam nyid rol pa'i sku/ /bde chen mnyam nyid mkha' 'gro kun gyi gtso/ /kha nas khrag 'dzag gri gug thod pa 'dzin/ /dge chos yang dag bsrung la phyag 'tshal lo/ /nub byad mkha' 'gro gshin rje mche ba mo//g.yas dmar g.yon sngo spyan bgrad 'jigs pa'i gzugs/ /gsang ba'i lha mo rdo rje'i glu len ma/ /stobs chen mkha' 'gro ma la phyag 'tshal lo/ /rus pa'i dum bu khrag gi thig les brgyan/ /tshangs skud mgo bo'i phreng bas rab brgyan pas/ / rus pa'i ska rags sil sil sgra dang ldan/ /mi dge yang dag spong la phyag 'tshal lo/ /byang shar gsang ba'i gshin rje 'joms byed ma/ /g.yas ljang g.yon sngo 'gying zhing rol pa'i sku/ /zhal gcig phyag bzhi g.yas brkyang gdan la bzhugs/ /mkha' 'gro dbyings phyug ma la phyag 'tshal lo//nyon mongs 'khrugs byed 'bar ba'i 'od ldan ma/ /khro gnyer mche gtsigs dgra bgegs zhal du gsol/ /bsnyen sgrub byed la gsang ba'i dngos grub ster/ /mi dge skyed mi byed la phyag 'tshal lo/ /dam tshig 'khor lo mi'am ci sogs 'dul/ /phyogs bzhi gdong can mtshams bzhi phyed gzugs ma//las kyi rigs mtshon sna tshogs rdo rjes mdzes/ /phrag dog can 'dul 'khor lo khyod phyag 'tshal/ /sku gsum ye shes lnga ldan 'jig rten gsum/ /phyi nang brtan g.yo'i dngos po khyod rang bzhin/ /khyod kyi srid gsum rang bzhin lhan cig skyes//khyod 'dab phyogs bzhir yum bzhi mtshams bum thong / /rim gsum dpa' bo dpa' mo bzhi bcu brgyad/ /sgo mtshams lha mo brgyad de drug cu gnyis/ /sgrub la brtser dgongs 'khor lo lngar gnas pa'i/ /lha tshogs la ni gus pas phyag 'tshal lo/ / he ru ka dpal gsang ba'i grong khyer mchog /dkyil 'khor bde chen sdig pa rab 'joms pa'i/ /nyon mongs zhi bas pad nyi zlum por gnas/ /mi shes gcod phyir gri gug phreng bas mdzes/ /lha rnams mchod phyir yon tan kun ldan pa'i/ /bum pa sna tshogs bdud rtsis rab bkang nas//'dod yon snam bur lha mo kun ldan zhing / /pany+tsa rA ga rin chen pha gur ldan/ /dra ba dra phyed rin chen nyi zla dang / /me tog phreng dang gser gyi dril bu dpyangs/ /brtson 'grus rlung bskyod dam pa'i chos sgra sgrogs/ /da ru ka sogs mdzes pa'i rgyan gyis brgyan/ /yon tan rgyas phyir gru bzhi sgo bzhis mdzes//rin chen rta babs chos 'khor gdugs kyis phug /yid 'ong ri dgas ba dan bcu drug ldan/ /rin chen ka ba twa ra Na bzhis mdzes/ /ba so pad+ma bkra shis bum pa dang / /thod pa'i phreng ba rdo rje ra bas mdzes/ /legs pa'i sgo khyud dpal ldan phyogs bzhir gnas//mi dge rnams bsrung sna tshogs pad+ma'i phyir/ /rdo rje'i sa gzhi ra ba bla re gur/ /mda' yi dra ba 'jigs pa'i me dpung 'bar/ /lha klu gnod sbyin srin po gshin rje dang / /drag po sreg byed tsha tsha skar ltar 'phro/ /tshogs brgyad dag phyir dur khrod rab 'jigs byed/ / shi riSha sogs byang chub shing brgyad la/ /khwa gdong la sogs shing lha sprin dang bcas/ /klu dang gnod sbyin lha chen brgyad por ldan/ /dbang po me dang gshin rje srin po dang / /chu bdag rlung lha nor bdag 'byung por ldan/ /sa yi lha mo nyi zla tshangs pa dang / /drag po zhing skyong phyogs mtshams kun na gnas//mchod rten brag sogs chu dang me brgyad dang / /nyi shu rtsa bzhi mkha' 'gro gnas pa'i sa/ /'byung po 'dus pa ce spyang sgra sgrogs shing / /sha za ro langs 'phra men ma brgyad dang / /u ma dus mtshan dur khrod bdag mor bcas/ /rgyal chen bzhi sogs 'jig rten dbang phyug ldan//grub chen brgyad sogs phyag rgya mchog ldan zhing / /grub pa'i rnal 'byor spyod pa rnam mdzes pa'i/ /sgrub pa'i rten gyur bde gshegs kun gyi gnas/ /snod bcud dag la gsang ba'i dkyil 'khor mchog /yon tan kun ldan thar pa'i grong mchog la//bdag ni rab gus dang bas phyag 'tshal lo/ /lhan cig skyes dga' rang bzhin bde mchog ni/ /'khor lo lnga sogs dur khrod bcas bstod pa'i/ /dge ba gang byung des ni 'gro ba ma lus pa/ /bde mchog la gnas myur du sangs rgyas nyid thob shog /dpal 'khor lo sdom pa'i bstod pa don thams cad grub pa rnam dag gtsug gi nor bu zhes bya ba rgyal po mchog gi dngos grub thob pa/slob dpon dA ri ka pas mdzad pa rdzogs so// //yul kha che'i mkhan po d+har+m+mA badzra dang / bod kyi lo tsA ba rgya brtson 'grus seng ges bsgyur ba'o/ /slad kyi rgya gar gyi mkhan po thun mong gi dngos grub brnyes pa'i paN+Di ta ku mA ra badzra dang /

CLOSE WINDOW