CLOSE WINDOW

D1421
བོད་ཡིག

@##/ /rgya gar skad du/ shrI he ru kA b+h+yu da ya ma hA yo gi nI tan+t+ra rA dza ka ti pa yAk+Sha ra pany+tsi kA/ bod skad du/ dpal he ru ka mngon par 'byung ba rnal 'byor ma'i rgyud kyi rgyal po chen po'i dka' 'grel yi ge nyung ngu / dpal bde mchog 'khor lo la phyag 'tshal lo/ / he ru ka dpal phyag 'tshal te/ /de yi mngon 'byung rgyud kyi ni/ /dka' 'grel yi ge cung zad cig /sngon du byas te bri bar bya/ /de nas zhes bya ba la sogs pa ste/ gsang ba ni bcom ldan 'das dpal he ru ka zhes bya ba ste brjod bya bstan to/ /rig pa ni mngon du bsgom pa ste lam du bstan to//sgrub pa po ni rnal 'byor pa'o/ /bcom ldan 'das de nyid bdag dang ldog pa tha dad med pa'i phyag rgya chen po'i dngos grub len cing thob par 'gyur bas dgos pa bstan pa yin no/ /bcom ldan 'das de nyid lam dang 'bras bur bstan to/ /dri ma dang bcas pa dang dri ma med pa nyid du byas pa de ni khyad par ro//med ces bya ba la sogs pa ste/ tshes grangs la sogs pa ni rnam par rtog pa dang bral ba zhes bya ba la sogs pa'i tha tshig ste drug par khong du chud par bya'o/ /yang na gang gi tshe grangs med par zhes bya ba la sogs pa de'i zhes bya bar sbyar ro//dus tshod thun zhes bya ba la sogs pa ni dus tshod do/ /thabs dang shes rab kyi grong gi srid pa ni grong pa'i chos te snyoms par 'jug pa'i mtshan nyid do/ /spyad pa yis ni rnal 'byor pa'o/ /'grub pa ni lhan cig skyes par 'gyur ba'o//rtsod ldan ni thig le dang bzhi pa'i skad cig la thams cad spros pa dang bcas par mi dmigs pa'i mtshan nyid do/ /rdzogs ldan ni bral ba'i skad cig ma la 'grub pa ste dga' bral gyi'o/ /yon tan zhes bya ba ni shes rab kyi ye shes tsam gyis snang ba med par 'gyur te/thabs kyi ye shes tsam gyis kyang snang ba dang bcas pas so/ /gsum ldan no/ /lta ba dang gsum dang 'khyud pa'i srid ba 'dis dga' ba'i skad cig ma la 'grub ste dga' ba'o/ /nyis 'gyur ni thabs dang shes rab tsam gyis so//gnyis ldan ni mchog gi skad cig ma ste/ gnyis po dag ni thabs dang shes rab dag gi mchog tu byung ba ste/ rdo rje dang pad+ma yang dag par sbyor ba bsnun pa dang bsnun pa'i mtha'i skad cig ma la 'grub ste/ mchog gi'o/ /sum 'gyur ni gsum po yang ma ning gi ye shes tsam gyis so//skad cig ma bzhi'i thig le ro gcig par gyur pa'i skad cig ma la 'grub ste/ thig le bzhi po ro gcig pa de nyid do/ /bzhi 'gyur ni bzhi po gcig gi ngo bo'o/ /dus nas rgya chen po nur nur po dang byed pa dang rkang pa la sogs pa rnams gcig go/ /dbang po la sogs pa ni gnyis pa'o//rnam par shes pa skyes pa ni gsum pa'o/ /skyes par 'gyur ba bzhi pa zhes pa'o/ /bzhi ni 'khor lo bzhi dang / skad cig ma bzhi dang / phyag rgya bzhi zhes bya ste/ 'dis ni lhan cig skyes pa 'grub par the tshom med do/ /gcig dang bcu dang brgya dang stong la ltos nas/gcig 'gyur la sogs pa'i tshig rnams sbyar ba byas so/ /rdzogs ldan ni gcig 'gyur zhes bya ba'i lugs las bzlog pa ste/ skye ba stong phrag gis so/ /gsum ldan de bzhin nyis 'gyur zhes bya ba ni bcu tham pas so/ /gnyis ldan sum 'gyur zhes pa ni brgya phrag gis so//rtsod ldan pa'i bzhi 'gyur zhes bya ba ni go rims las bzlog pa ste/ skye ba gcig gis 'grub pa'o/ /bstan pa'i rim pa 'grub par 'jug pa'i cho ga de'i bshad pa'o/ /rim par phye ba zhes bya ba ni dpal he ru ka mngon par 'byung ba'i rim par phye ba'i dang po'i bshad pa'o//de nas zhes bya ba la sogs pa ni dpal he ru ka'i gsang sngags chen po ste/ A li kA li rnams so/ /bsrung ba bya zhes pa ni/ lha'i sku la go bgo ba la sogs pa dang / rdo rje'i gur la sogs pa dang / snying po sngags la sogs pa rnams kyis phyogs bcing bar bya'o/ / shes pa yis zhes bya ba ni sngags btu ba shes pa'o/ /shin tu rnam par dag pa ni dam tshig bstan pa'o/ /thams cad kun ni chos kyi dbyings kyi phyag rgya'i ngo bo stong pa nyid kyis chos thams cad la khyab pa nyid do/ /btsun mo'i phyag rgya ni yi ge e'i rnam pa'o/ /lte bar bcas zhes bya ba ni dkyil 'khor la gnas pa ste/lte ba dang bcas pa'i pad+ma 'dab ma brgyad pa'o/ /'dab ma brgyad po rnams la sde tshan brgyad po bri'o/ /de la shar gyi 'dab ma la ni dbyangs kyi sde tshan no/ /tsheg drag dang bcas pa la sogs pa ste/ tsheg drag kyang yi ge aH'o/ / bcas pa nyid la sogs pa gang gis de skad cig ces bya'o/ /de'i rjes thogs su thig le dang bcas pa ste/ yi ge aM dang bcas pa'o/ /de'i rjes thogs su ring po yi ge au la sogs pa'o/ /de'i rjes thogs su thung ngu yi ge o la sogs pa'o/ /aHaM au o ai e l-I l-i r-I r-i U u I i A a zhes pa'i rim pas/tsheg drag dang / rjes 'jug dang / ring po dang / thung ngu'i bye brag gis bzhi ste/ dbyangs kyi ming ngo / /gru gsum gnyis kyis ni yi ge bdun pa'i sngags btu ba bstan to/ /dbyangs kyi ming nang nas bstan pa'i yang dag ldan ni rjes 'jug dang /rjes can te/ yi ge aM dang yi ge aH'o/ /'di dag kyang thig le gcig dang gnyis kyis spel ba'i phyir ro/ /ma ning dang dbyangs ring po mo dang dbyangs thung ngu pho zhes bya'o/ /bzhi zhes bya ba ni dbyangs kyi sde tshan gyi'o/ /gnyis pa'i dbyangs thung ngu'i yi ge o la sogs pa'o//dang po'i ring po ni yi ge au la sogs pa'o/ /'di dag ni pho dang mo'i brdas bshad pa ste ring po dang thung ngu la sogs pa'i bshad pa'o/ /dbyangs kyi yi ge'i sde tshan ni go rims las bzlog pas/ gnyis pa la sogs pa'i sde tshan bdun no//bu lnga'i 'dab ma ni brda'o/ /lce rtsa can ka'i sde tshan no/ /tsheg drag ni tsa'i sde tshan no/ /nye bar 'ongs pa ni Da'i sde tshan no/ /ta'i sde tshan dang / pa'i sde tshan dang / mthar gnas kyi sde tshan dang / dro ba'i sde tshan no/ /mtha' ni yi ge k+ShaHsa bsdus pa ste/ spangs pa ni yi ge k+ShaH'o/ /yi ge k+ShaHspangs pa'i lte ba'i har 'dod do/ /dri ba'i sngags kyi yi ge has 'dab ma rnams la bsdus pa ni mi bden pa'o/ /yang na bkod pa dang bcas par yod pa'i nus pa lte ba ha dang bcas pa zhes bya ba ni yang dag par rdzogs pa'i sangs rgyas kyi dgongs pa'o//de nas zhes bya ba la sogs pa ni/ rkang pa brgyad pa'i btu ba ste/ yi ge oM dang por bcas pa'i rkang pa brgyad pa'i sngags ni thabs kyi ngo bo'o/ /phaT kyi mtha' can gyis las thams cad sgrub par byed do/ /ka ra ka ra la sogs pa ni shes rab kyi ngo bo ste/ 'dus shing tshogs pa ni phreng ba'i sngags so//las thams cad byed do/ /sngags thams cad kyi dang por yi ge oM dang tha mar yi ge phaT du shes par bya'o/ /de nas zhes bya ba la sogs pa ni sngags bzhi btu ba'o/ /snying po ni nying khu ste zhal bzhi pa'i sngags 'di thams cad las rnam par rgyal ba'i sngags kyi mchog yin pa'i phyir ro//'jig rten gsum las rnam par rgyal ba ni gang gi phyir de skad ces bya'o/ /yi ge oM ni dang por zhugs te/ oM suM b+ha ni suM b+ha hUM phaT/ gr-ih+Na gr-ih+Na hUM phaT/ gr-ih+NA pa ya gr-ih+NA pa ya hUM phaT/ oM A na ya ho b+ha ga bAn badzra hUM phaT/ zhal bzhi 'byung ba'i phyir zhal bzhi pa'i sngags so/ /zhi ba la sogs pa'i las bzhi sgrub par byed pa'i phyir yang ngo / /de nas zhes bya ba la sogs pas ni na mo b+ha ga ba te la sogs pa'i rkang pa brgyad pa'i yi ge rnams la dbyangs kyis sbyor bar byed pa'o/ /dpa' bo ni dpa' bo rnams te/kA li'i sde tshan rnams so/ /rnal 'byor ma ni A li rnams so/ /ma mo ni mo rnams so/ /yang dag sbyor ni phan pa dang 'dod pa dang shes par byed pa'o/ /bcom ldan 'das bdag nyid dang gnyis su med pa'i rnal 'byor pas bzlas pa'i sngags kyi cho ga rnams shes par byed do//'khor lo bzhi la sogs pa la gnas pa'i dngos grub shes par byed do/ /chos ni chos kyi sku'o/ /'dod pa la longs spyod rdzogs pa'o/ /don zhes bya ba ni don ni btu bar 'os pa ste ngan 'gro la sogs pa las thar cing grol bar byed pas na de skad ces bya ste/ sprul pa'i sku'o//de'i sngags so/ /de nas zhes bya ba la sogs pa ni bklags pas 'grub pa ste/ snying po la ltos nas nye ba'i snying po ston to/ /gzhan du ni sbas pa yin la/ 'dir ni yang dag par brgyud pa rgya mtsho chen po'i sngags kyi cho ga shes par bshad par bya ste zhes bya bar 'gyur ro/ / lnga bcu zhes bya ba la sogs pa ni yi ge bdun pa btu ba'o/ /sde tshan brgyad po la ltos nas lnga bcu ste yi ge k+Sha'o/ /de'i steng ni gong gi yi ge ha'o/ /lnga bcu pa'i gong ma zhes bya ba'i don to/ /ma mo ni dbyangs kyi sde tshan no/ /gnyis dag ces bya ba ni gnyis dang gnyis zhes bya bar brnan par nges par brnan no//ma mo gnyis dag ni ma mo gnyis te/ de'i yang gnyis pa'i ma mo ni yi ge I ste bzhi pa zhes bya ba'i don to/ /dngos grub thams cad kyi gzhi ni thig le gnyis so/ /rnal 'byor ma rnams dang snying dga' ba ni rdo rje sems dpa' ste raM mo/ /de rnams kyis bskor ba ni hrIH'o//dgu pa ni lte ba'i gnas na gnas pa'i yi ge ha'o/ /sum cu rtsa gsum pa ni yi ge ha'o/ /de yang yi ge gnyis zhes bya ba ni yi ge ha gnyis so/ /re re zhes bya ba ni/ so sor bya ba la ma mo bcu gnyis po rnams kyi yi ge dbu dag yang dag par ldan pa'o/ / de yang bco lnga pa yis spras pa ni hUM hUM ngo / /mkha' 'gro chen mo ni rnam par snang mdzad ma ste yi ge oM mo/ /bsad pa yis zhes bya ba ni bsad pa ni yi ge phaT do/ /de yis yongs su bskor cing dkyil du bcug pa'o/ /lam gyis zhes bya ba ni kha cig brjed pa ste de yang yi ge ga phyis pas bsad pa zhes bya ba lhag mar gyur te/'di ni de bzhin nyid kyi don to/ /oM hrIHha ha hUM hUM phaT/ yang na lnga bcu ni yi ge k+Sha'o/ /de nyid dgu ba ste/ sde tshan brgyad kyi phyi rol yin pa'i phyir ro/ /de nas steng ni gang zhes pa'o/ /sum cu gsum pa ni ha'o//de nyid snying dga' ba'o/ /ma mo bcu gnyis dag ni ma mo gnyis pa rnams ni ring po gnyis pas bskor ba'o/ /bco lngas spras pa ni/ haM hiM huM heM hoM haHzhes bya ba'i don ni mkha' 'gro chen mo'i lam ni yi ge oM dang phaT de/ de yis yongs su bskor ba'o/ /oM hAM hIM heM hUM haiM hauM hA phaT/de ltar na yang thung ngu rnams las dngos su snying po btus pa'o/ /haM hiM hUM he ho ha zhes par sbyar ba nyid du dmigs pa'o/ /'dir btus pa yang haM hIM hUM heM ho ha zhes bya ba ni yi ge re re ni brjod pa'i khyad par ro/ /yang na lnga bcu'i steng ni ha'o/ /dgu ba ha'o/ sum cu gsum pa ni ha ste/ 'di gsum ni ha'o/ /ma mo gnyis dag gis bskor ba ni go rims las bzlog pa'i gnyis pa'o/ /de dang ldan pa ni dang po'i ha'o/ /dbyangs kyi sde tshan gyi bzhi pa'i bye brag thung ngu'i sde tshan dang / ring po'i sde tshan dang / ma ning gi sde tshan dang / yang dag par ldan pa'i sde tshan no zhes pa'o//de las ring po'i sde tshan la ltos nas ma mo gnyis pa I'o/ /des na gnyis po'i hI'o/ /go rims las bzlog pa ni thung ngu'i sde tshan la ltos nas ma mo'i gnyis pa e'o/ /des na gnyis po'i he'o/ /yi ge gnyis zhes bya ba ni yi ge hI hA+e 'di dag go//rnal 'byor ma rnams snying dga' ba yis ni rdo rje sems dpa'i bye brag tu khyad par du byas pa ste/ de las hI hA+e zhes bya bar 'gyur ro/ /dngos grub thams cad kyi gzhi ni ha bzhi'o/ /ma mo bcu gnyis rnams zhes pa ma mo bcu gnyis kyi yi ge u'o/ /de bzhin zhes bya ba ni bye brag tu byas pa ste hUM ngo //re re zhing so sor bco lnga pas spras pa/ zla tshes dang thig le mgo bor gnas par bya'o/ /de las hrAM hrAM hrAM huM zhes pa'o/ /mkha' 'gro chen mo ni rnam par snang mdzad ma ste oM mo/ /bsad pa ni phaT do/ /de dag gis kun nas yongs su bskor cing dkyil du byas pa'o//de nas oM hri hriM hraiM hreM hUM zhes bya ste/ dpa' mo drug gi go cha'i yi ge btu ba'o/ /lugs mi mthun la sogs pa ni phyi rol dang nang gi dngos grub 'du ba'i gnas kyi pho nya mo'o/ /he ru ka spangs pa'i drug pa'i skad cig ma dang / phyag rgya phag mo ni bdun pa'i skad cig ma dang /zla ba ni sbrang rtsi'o/ /tsA ru ni gzhom du med pa'o/ /bza' ba gcig ni dpa' bo la sogs pa yang ngo / /'di rnams las gzhan mchog tu gyur pa ni med do/ /de nas zhes bya ba la sogs pa ste/ zhag ni mar khu'o/ /sha chen zhes bya ba ni kha cig go/ /me tog ni rang byung ngo //bdud rtsi las byung ba ni khu ba'o/ /zho ni klad pa'o/ /dri chen zhes bya ba ni kha cig go/ /'o ma ni rdo rje'i chu'o/ /dkyil 'khor thams cad kyi mchog ni tshogs kyi dkyil 'khor ro/ /'di'i chos 'byung las 'byung zhing yang dag pa'i sbyor bas dam tshig gi rdzas sgrub pa'o//oM zhes bya ba la sogs pas ni mngon par bsngags par gsungs so/ /rdo rje zhes bya ba la sogs pa ste/ thod pa ni pad+ma'o/ /rdo rje pad+ma'i sbyor bas thod par thal mo sbyar te/ rab tu sgrub pa'i rdzas kyis mchod par bya'o/ /pad+mas bskor zhing sbyin pas phyag rgya mchod par bya'o//mchod pa 'di dag gis ni sangs rgyas la mchod par 'gyur ro/ /de ltar zhes bya ba la sogs pas ni bskyed pa dang rdzogs pa'i rim pas 'grub ste/ phyag rgya chen po'i ye shes bsam gyis mi khyab pa'i tshul yang ngo / /de la zhes bya ba ni rnal 'byor pa'i yul gyi phyag rgya mchod pa yang ngo //rnal 'byor chen po ni bde mchog gi rnal 'byor chen po'i phyag rgya'o/ /sangs rgyas gtsug na nor bu ni de bzhin gshegs pas rgyas btab pa'o/ /phag mo ni bdag nyid kyi phyag rgya ma'o/ /mtshon cha ni gri gug dang thod pa'i pad+ma'o/ /stan gcig ni chos thams cad kyi bdag nyid du'o//sa ni sa'i ngo bo'o/ /nam mkha' ni bde ba'o/ /gnas pa ni 'khyud pa'o/ /phag mo'i phyag gis he ru ka la 'khyud pa'o/ /de ltar zhes bya ba ni phyi rol dang nang gi tshul gyis so/ /sa ni zhes bya ba la sogs pa ni sa'i phyag rgya ste/ phyag rgya'i rnal 'byor bya zhing las la sogs pa bya zhes bya ba'i don to//de nas zhes bya ba la sogs pas ni rnal 'byor ma ni phag mo'o/ /dpa' bo dang gnyis su med par phyag rgyar ldan pa'o/ /de nas las thams cad brtsam mo/ /de nas zhes bya ba la sogs pas ni nye ba'i snying po dang rtsa ba'i phreng ba'i sngags dag 'dra ba'i rim pa'o//dpal zhes bya ba la sogs pa ni gnyis ka snyoms par 'jug pa'o/ /'bum phrag ni mngon par brjod pa'i 'bum pa'o/ /rgyas par mngon par brjod pa 'bum phrag gsum yang ngo / /'bum phrag tu mi dmigs pa'i skad cig gi phyir ro//'bum phrag gsum ni bskyed pa dang / skyes pa dang / yongs su rdzogs pa'o/ /dga' ba gsum yang ngo / /bzlas pa bya ba ni sngon du bsnyen pa'o/ /kun las zhes bya ba la sogs pa ni yongs su rdzogs pa'i rim pa'o/ /dran pa dang ni bskyed pa'i rim pa'o//shes pa ni 'khor lo bzhi'i rim pa'o/ /de nyid ni mnyam par bde ba'i ngo bo'o/ /khyad par ni chos kyi dbyings kyi tshul lo/ /chos thams cad la khyab pa'i rgyu de'i phyir ro/ /bzlas pa dang bsgom pa ni bsam gyis mi khyab pa'o/ /thams cad ni nang pa'i chos la 'jug pa'i dang ngo //bdag nyid kyi grub mtha' grub pa'o/ /rigs rnams ni gzugs la sogs pa'i yul nyid do/ /bza' ba ni rnam par rtog pa'o/ /de nas zhes bya ba la sogs pa ni bdag nyid kyis mngon par 'dod pa'i las kyi brnag pa de'i lha'i dkyil 'khor ro/ /ras ris bris te/bcom ldan 'das ma mchod cing bzlas pa bya'o/ /de nas rdo rje phag mo'i sku bdag nyid kyi phyag rgya snyoms par 'jug par bya'o/ /bzlas pa'i btung ba bya ba kun sbyin sreg go/ /'thungs nas skyugs pa mar ro/ /dran pa ni sbyin sreg go/ /de nas zhes bya ba la sogs pa ni dpa' bo ni bcom ldan 'das so//dpa' bo dang gnyis med ni rnal 'byor ma dang tha mi dad pa'o/ /rtag tu 'khyud ni ling ga mkhrang bas gsang ba'i mchod pa'o/ /khar bcug ces bya ba la sogs pa ni des mtshan ma 'greng bar bya ba'i phyir ro/ /sha za ni sna go d+ha ti'i ba ru ra'o//b+hU mi ta ni ki tsu ling ga'o/ /pa tha ni a ba di d+ha ka Ni'o/ /ra tsa ni yung ba nag po'o/ /gzhan dag ni rab tu grags pa'o/ /'di dag zhes bya ba ni phru ba gcig tu byas pa'o/ /rdzogs zhes bya ba la sogs pa ni bcud kyis len no/ /bdag gi byang sems dang bsres pa ni dbang po'i phye ma bdag nyid kyi mchil mas byug par bya'o//rang ngam gzhan gyi 'dod pa'i bud med kyi khyim du'o/ /lug mo ni lug mo'o/ /de'i khrag ni khrag gis kyang skyes pa lug tu 'gyur ro/ /lug gi rang 'byung gi khrag dang / rang gi khrag gi rang gi byang sems kyi rdzas de yis khyo ga 'am bud med la bskus na pad+ma kha 'byed cing khyo gas mtshan ma 'jug par mi 'gyur ro//mtshan ma mi ldang zhes ni kha cig go/ /bdun pa mngon par phyogs pa ras ris shar du mngon par phyogs pas bri bar bya'o/ /de'i tshul gyis bdag nyid rdzogs par 'gyur ro/ /phag mo phyag rgya bzang mo dang snyoms par 'jug pas he ru ka dang phag mo mchod pas phyag rgya chen po 'grub par 'gyur ro//phyag rgyas 'jig rten gsum la khyab pa'i tshul gyis bag chags dang bcas pa'i nyon mongs pa dang shes bya'i sgrib pa shin tu rab tu spangs shing mngon sum du byas pa'i mtshan nyid 'grub par rnam par bshad par grags so//de nas zhes bya ba la sogs pa ni des bza' ba sgom zhing bsgom par 'dod pas dngos grub ste/ dpa' bo he ru kas dngos grub ster ba'o/ /lus la gnas pa kun gyi zhal ni zhal bzhi la sogs pa rnams so//thams cad ces bya ba ni bdun pa'i mtshan nyid skye ba bdun pa'i gzugs rdo rje phag mo'i sku can sems nyid dang sems dang sems kyi ngo bo dmigs pas stong pa'o/ /phyag ces bya ba la sogs pa ni chos kyi dbyings de las khyab pa'i phyir ro/ /bdag gis zhes bya ba la sogs pa ni bdag nyid lus las mkha' 'gro ma spros la bsgrub bya'i lam nas zhugs te/de'i rtsa'i sgo'i lam nas zhugs te/ bsgrub bya'i sa bon dang srog gi sa bon khu ba la sogs pa blangs nas phyung ste rang gi lus la gzhug par bya'o/ /me zhes bya ba la sogs pa ni/ de nas dgug pa ni rlung tshub kyis sbar ba ni mes bsreg cing / mkha' 'gro ma la sogs pa rnams kyis gsol bar blta'o/ /bcings zhes bya ba la sogs pa ni bsam gtan gyi mkha' 'gro ma rnams rbad pas de 'gugs par byed pa'o/ /dbang zhes bya ba la sogs pa ni de dbang du byed pa ste bdag nyid kyi phyi bzhin 'brang bar 'gyur ro//a ha pya ni mi g.yo ba ste mi 'gyur ba'o/ /brgyad pa ni bla ma'i man ngag go/ /de de ltar gsungs pa ni phan zhing bde ba'i rgyur ro/ /de nas zhes bya ba la sogs pa ni drug cu rtsa lnga'i bdag nyid kyi dkyil 'khor rim pa lnga zhes bya ba phyi'i don to//pad+ma 'dab ma bzhi ni pad+ma bzhi'o/ /gang zhe na/ bde ba chen po'i 'khor lo'o/ /bde ba chen po'i 'khor lo'i dkyil 'khor du dpa' bo dang rnal 'byor ma gnyis su med par ro/ /bzhi zhes bya ba la sogs pa ni bzhi yang yin la pad+ma yang yin pas pad+ma bzhi'o//pad+ma gcig bstan no/ /de'i phyi rol du 'dab ma brgyad pa'o/ /de'i phyi rol du 'dab ma bcu drug pa'o/ /de'i phyi rol du 'dab ma sum cu rtsa gnyis pa'o/ /de'i phyi rol du dam tshig gi dkyil 'khor ro/ /'dab ma bzhi po rnams la mkha' 'gro ma la sogs pa bzhi'o/ /brgyad po rnams dang bcu drug po rnams la rab tu gtum mo la sogs pa nyi shu rtsa bzhi'o//sum cu rtsa gnyis po 'di dag la ni ya mi ni la sogs pa'i sum cu rtsa gnyis so/ /sgo bzhi po rnams su rdo rje lcags kyu ma dang / rdo rje zhags pa ma dang / rdo rje lcags sgrog ma dang / rdo rje dril bu ma'o/ /lan cig ni dang po'i mchod pa'o//de nas gzhan rnams mchod do/ /de nas de'i byang chub kyi sems kyis so/ /drang po ni yon po ma yin pa'o/ /sbom po ni zlas drangs pa'i mtho ba ste/ shin tu mtho ba ma yin pa'o/ /mnyam pa ni sbom pa ma yin pa ste/ 'og tu phra zhing steng du lhag par bya'o//de nas zhes bya ba la sogs pas ni bzhi dang / nyi shu rtsa bzhi dang / sum cu rtsa gnyis so/ /bzhi zhes bya ba ni drug cu rtsa bzhi las ruk+mi ni dang / g.yon bden ma zhes bya ba dang / gnyis rnal 'byor pa bdag nyid bden pa'o/ /g.yon med ces pa ni bcom ldan 'das bdag nyid kyi rig ma phag mo 'grub par rab tu grags pa'o//sngon zhes bya ba ni sngar gyi dkyil 'khor 'di dag go/ /khaN+Da ro hA la sogs pa nyi shu rtsa brgyad ni dkyil 'khor gyi snying po la dbus ma gzhan dang 'brel lo/ /snying po bzhi dang brgyad dang bcu gnyis dang 'dab ma rnams la zhes bya ba'i don to//de'i snying po de'i phyi rol la 'dab ma sum cu rtsa gnyis la shugs kyis gshin rje spyan ma la sogs pa dang / snying bo'i phyi rol du sgo bzhi don gyis shes par bya'o/ /yi ge oM zhes bya ba dang hUM hUM phaT ces bya ba'i sngags ni thams cad la mchod par bya zhing bsgom par bya ba 'di dag ni thams cad kyi thams cad du'o//gus pas zhes bya ba la sogs pa ni yon gyis mchod pa'o/ /de la zhes pa ni dkyil 'khor du chu skyes kyi snod du dri chen la sogs pa legs par sbyar te slob dpon lhor mngon par phyogs par gnas/ slob ma gdong bcings pa de drang bar bya ba'o/ /yi ge oM la sogs pa'i dbyangs kyis gzhan bsrung zhing / po taM gi dang / pra sa'i lan bya ba sngon du 'gro bas gzhag par bya'o/ /dbyangs gsum gyis mngon par bsngags la de nyid kyis bsrung bar bya zhing dpal he ru ka rab tu bskul bar bya zhing bzlas par bya'o//bzlas pa ngal bar byas na rmi lam la sogs par 'chi ba ston par 'gyur ro/ /bzlas shing gsol ba btab pas rang dang gzhan gyi tshe tshad ston par 'gyur ro/ /bdag nyid ces bya ba ni bdag go/ /dben par gcig pu nyid kyis zhag gsum du ras ris la sogs pas dbyangs gsum gyis mchod par bya ste/tho rangs nas brtsams la nyi ma gsum dang mtshan mo gsum ji srid du bdag nyid kyi phyag rgya dang snyoms par zhugs shing dbyangs gsum bzlas par bya'o/ /de nas lha'i sku la sogs par 'gyur ro/ / de nas zhes bya ba la sogs pa ni bdag nyid 'grub par bya ba'i ched dam/ slob ma rjes su gzung bar bya ba'i don du tshogs kyi dkyil 'khor ro/ /bcu bzhi la sogs par shes rab ma dang bcas pa'i rnal 'byor ma bcu drug bya'o/ /de nas phag mo ni phag mo'i sngags bzlas nas phyir zhing sum+b+ha la sogs pa'i sngags kyis dkyil 'khor gyi bsrung ba bya'o//pho nya mo ni mchod bar bya zhing slob ma kun du gzung ba la sogs pa bya'o/ /dpa' bo dang pho nya mo bcu drug po rnams gnyis su med par gnas pa'i rnal 'byor pas cho ga thams cad bya ba'o//dbang thob pa'i ye shes can nyid la bdag gis bshad kyis nyon cig pa'o/ /mchog dang bar ma'i sgron ma lnga'o/ /dri'i chu ni bdud rtsi lnga'o/ /ri lu bza' ba ni tshogs kyi dkyil 'khor la sogs par pho nya mo mchod pa'o/ /tha ma ni sngags skyes so/ / mchog ni lhan cig skyes pa'o/ /bar ma ni zhing skyes so/ /mngon pa'i dngos grub tu gyur pa ni rnal 'byor pa de'i'o/ /dpal zhes bya ba la sogs pa ni he ru ka'i rnal 'byor dang sngags dang phyag rgya las byung ba'i rnal 'byor pa dang / rnal 'byor ma rnams 'dus te bza' ba dang btung ba la sogs pa rnams kyis cho ga bzhin du mchod par bya'o//me tog gcig ni dang po'i khrag go/ /rdo rje dang pad+ma dag gis bsgrubs nas thod par bzhag ba'i bza' ba sbyin par bya'o/ /lha'i 'khor lo rnams kyi phyag des bza' zhes pa'o/ /snod gnyis ma lus par legs par sbyar te tsA rur bya'o//sngags kyang rgyud kyi shes rab kho na nyid rig pa'o/ /gang dang gang gis ni rigs dang rgyud do/ /bya khyung gdong ni 'gro ba'o/ /kha yis shes rab kyi pad+ma la gnas pa'i byang chub kyi sems blang bar bya'o/ /lnga zhes pa ni ba ri su ma mu/ go ku da ha na'o/ /de rnams gcig tu bya ba'o/ /rgya chen po dang der gnas pa ni shes rab kyi pad+ma la gnas pa'i tsA ru dang thod pa la gnas pa'o/ /me yis bya ba ni 'bar ba dang sreg pa'o/ /rgyu dang mi rgyur bcas pa ni sa bon lnga la sogs pa'o/ /me tog ni me tog go/ /pad+ma ni mtsho las skyes pa'o//de la gnyis gnyis las byung ba'i byang chub sems de bza' ba'i rnal 'byor bya'o/ /sgrub pa ni nyon mongs pa spangs pa ste/ bsgrub dka' ba'i dngos grub 'bar ba la sogs pa'i sgrub pa spangs pa'o/ /pad+ma la gnas pa'i me tog la sogs pa'i rnal 'byor gyis so//skye ba bdun pa'i phyugs kyi mtshan nyid kyi don to/ /bong bu'i phyugs kyi rnal 'byor bstan pa'o/ /ce sbyang la sogs pa'i rnal 'byor gyis tha mal la sogs pa'i dngos grub sbyin pa'o/ /mkha' 'gro ma zhes pa la bsreg bya'i bza' ba dbul lo/ /de dag rdzas ni de'i byang chub sems so//'byung ba ni rdzas las so/ /nang gi tsA ru mnyam par sbyor ba'i lte ba'i zla ba la gnas pa'i yi ge hUM las spros pas thugs kar son pa'i de bzhin gshegs pa rnams mi g.yo zhing skur mi dmigs pa'i rgya che ba la bsam gyis mi khyab pa'i mchod pa gzugs la sogs pa las 'das shing bye brag tu bral zhing ye shes lnga dang tha mi dad par gzhom du med pa'i dgang blugs stobs can skad cig ma bdun du mkha' 'gro ma la dbul lo//rnal 'byor gnas ni 'khor lo bzhi po der byung ba'i rdzas gzhom du med pa'i tsA ru 'phos pas dga' ba la sogs pa'i khyad par yi ge hUM gi mes phyi rol gyi bza' ba dang /phyi rol gyi sbyin sreg gi rim pas bsreg par bya'o/ /ji srid ces bya ba la sogs pa ni bden pa nyid du sngags kyi phyag rgya la sogs pa ji ste slob mar byed na sngags yi ge hUM ngo / /de'i ni rnal 'byor ma'i'o/ /mtshan mo thams cad du shes rab ma'i cho ga dran pa'i tshul lo//phyag rgya'i sbyor ba'i ngang tshul ni dbang bskur ba ye shes dang ldan pa'i dam tshig dang snying rje ldan pa gang la yang khro ba med pa can no/ /ye shes ni lnga'o/ /lus ni mtshan dang dpe byad do/ /kun du zhes bya ba la sogs pa ni/ zhag bcu drug tu rnal 'byor dang rnal 'byor ma mchod de bkur stir bya zhing bzlas pa dang sngags dang phyag rgyar ldan pa'i gcer bus rtag tu shes rab dang bcas pa de don du gnyer zhing bzlas pa bya'o//gcer bu ni sngags dang phyag rgya dang go cha la sogs pa dang bral ba'o/ /ye shes lnga'i ma mo'o//bdag gi pho nya ni lhan cig skyes pa mdzes pa dang ldan pa gnyis su med pa nyid las gzhan kun du mchog tu gyur pa cung zad kyang yod pa ma yin no/ /de'i rdzas ni snyoms par zhugs pa'i dus so/ /de'i dus su mi dmigs pa'o/ /mtshan mo ni shes rab ste dngos su gcer bu bya ba'o//nyin par ni thabs so/ /gsang ba ni gcig tu gyur pa'o/ /mi dmigs pa ste ji srid du nam mkha'i khams kyi mthar thug par gsal ba dkyil 'khor gyi 'khor lor gsang bar snyoms pa'o/ /srog chags yan lag gos ni rang gi lus kyi pags pa de nyid kyis te/gnas su shes bar bya'o/ /bde ba ni rdo rje 'dzin pa ste don du gnyer bas bskyod cing bsgom pa'o/ /dkar ba ni dkar ba ste bcom ldan 'das kyis 'byung ba bzhi la sogs pa'i zhal spangs pa'o/ /rgyud pa ni dbang po'i yul la sogs pa'o/ /zos pa ni rang bzhin med pa nyid du lhag par rtogs pa'o//bza' ba'i btung ba ni dgra kun mi dmigs pa'o/ /gnyis su med par mchod pa ni gtsang sbra gsum pa mo'o/ /de nas zhes bya ba la sogs pa ni spyod pas spun zla ni rdo rje spun no/ /zla ba ni gnyis su med pa ste/ rdo rje dang pad+ma'i thig le'i skad cig ma'o//gnyis su med pa ni ye shes so/ /bde ba ni byang chub kyi sems so/ /sdug bsngal ni khrag go/ /lhan cig ni lhan cig go/ /bde ba dang sdug bsngal lhan cig par gyur pa zhes bya ba'i don to/ /sngags sun 'byin pa la yang ngo / /de bzhin du gsal bar ston pa nyid dam/sngags sun 'byin pa nyid la mchog tu mi bya bar 'gyur ro/ /tsA ru ni gang la legs par sbyar ba'o/ /g.yon pas za ba ni shes rab kyi byang chub sems so/ /g.yon pa ni bud med do/ /lus ni lus so/ /de yis g.yon pa'i bud med la der 'khyud pa la g.yon pa mchod par bya'o//g.yon pas spyod ces pa ni bud med mchod pa thos nas lhan cig skyes par mngon par byang chub pa'o/ /g.yon pas thar ba ni phag mo ste/ skad cig ma bdun pa'i dus su mya ngan las 'das pa'o/ /bstan pa zhes bya ba la sogs pa ni bzlas pa dang / brtul zhugs la sogs pa gsungs kyang /skad cig ma bdun pa la phyi rol gyi phag mo dang he ru ka'i sku bskul nas thams cad 'grub par 'gyur ro/ /de nas zhes bya ba la sogs pa ni snying ga'i thig le rang gi sna rtser bltas la brnag pa'i bud med sna'i rlung gis bkug nas de'i gong 'og tu bcug ste rgyu ba'i bu ga nas bcug ste mgo la bskor nas bskul zhing brjod de rang gi mgrin par gzhug go//yi dwags mo ni shi ba'o/ /rma med la sogs pa ni der dri zhim po'i chus khrus bya'o/ /de'i skye gnas su gi wang dang rang gi rdo rje bcug ste bsam gtan dang bzlas pa brtsams la de ru ngu ba la sogs pa bya'o//der 'dzag pa ni gi wang blangs nas so/ /de'i thig las thams cad dbang du dgug par 'gyur ro/ /ba bla la zhes bya ba la sogs pas ni ba bla dang ldong ros dag bu mo mig ser skya'i skye gnas su bcug la de dang snyoms par zhugs la de srid du bsam gtan dang bzlas pa bya ste/ji srid du 'jags kyi bar du bya'o/ /de'i thig les gter la sogs pa'i nor dbyung ba'o/ /ba bla la sogs pa ni ba bla dang ldong ros dag bu mo mig ser skya'i skye gnas su bcug la de dang snyoms par zhugs pa'i rnal 'byor dang ldan pas kha dog gi thig le byas pas nor la sogs pa ster ro//'tsho ba ni zhes pa ni 'tsho ba'i thabs so zhes pa ni kha cig gi'o/ /sde zhes bya ba la sogs pa ni mig gi steng du raM bsams la rlung g.yos pas yi ge yi byin gyis brlabs te rlung gi dkyil 'khor gyis rab tu 'bar bar blta'o/ /de nas de la tsheg drag gi yi ge aH'o//mtshon cha'i go cha'o/ /mtshon cha mchog ni raM mo/ /de nas zhes bya ba la sogs pa la de ltar go cha'i rig pa des mngon par shes pa'i rnal 'byor pas bskal par go cha gang la nye bar spyod do/ /rgyud ces pa ni kha cig gi'o/ /snying ga ni snying ga tsam nas sbyin sreg byed do//rim pas bsam gtan dang bzlas pa dang brtul zhugs kyi nus pas dur khrod la sogs pa'i ro langs ni rang gi nus pas so/ /de nas zhes bya ba la sogs pa ni/ snying po la sogs pa'i sngags kyi bzlas pa'i tshul lo/ /rigs ni rigs te rgyas pa'i dang srog chags kyi dang shing gi khyad par ro//grangs ni phreng ba zhes bya'o/ /rdo rje phreng ba ni rdo rje'i bgrang phreng ste/ shing gi bye brag kha cig gi'o/ /dbang chen skyes bu'i rus pa yis/ /zhes bya ba ni/ mtshan nyid dang ldan pa'i skyes bu'i rus pa'o/ /rnal 'byor chen po'i pang gnas pa ni/ bcom ldan 'das kyis sngon nas 'khyud pa ste/rdo rje phag mo'i rang gi btsun mo g.yon nas su'o/ /nus pa gsal ba'i rnal 'byor ma rnams dang lhan cig tu rol pas dga' ba'i tshal na bzhugs pa'o/ /de nas zhes bya ba la sogs pa ni rang gi phyag rgya dang gnyis su med pa'i bsreg rdzas kyi sbyin sreg bya'o//'o ma ni bstan pa'o/ /bsreg rdzas la mtshan mo stong phrag mngon par bsngags te/ 'bum phrag gcig sbyin sreg bya'o/ /de nas zhes bya ba la sogs pas ni de ltar brgya rtsa brgyad mngon par bsngags pa'i rdzas de rnams rtsa ba'i sngags kyis stong phrag gcig tu sbyin sreg dbul bar bya'o//sngags gzhan brgyas sbyin sreg bya'o/ /zla ba'i 'o ma'o/ /longs spyod pa ni sa gzhi la'o/ /bdag gis ni rdo rje phag mo dang rnal 'byor gyi dbang phyug bcom ldan 'das dang thabs cig tu'o/ /sha chen po'i 'am gzhan gyis sbyin sreg bya'o//pad+ma ni me tog pad+ma'o/ /re re ni gcig go/ /de nas zhes bya ba la sogs pa ni dpa' bo ni rnal 'byor pa'o/ /bsnyen ba ni byed pa'o/ /gdol pa'i me blangs nas spar bar bya'o/ /gdol pas 'dus byas pa'i me zhes pa ni kha cig gi'o/ /mtshan mo ni dben par ro/ /mdung thung gis phug dgug pa'i rnal 'byor pas bsreg bya'i rdzas la bsgrub bya bkug la bcug ste bya'o//pho nya de nyid ni chos thams cad rang bzhin med pa nyid de'i rnal 'byor gyi sdig pa 'gyod pas 'byang ste/ de nyid la phyi nas mar la sogs pa'i mar gyi sbyin sreg gi bzlas pas kyang sdig pa zad par 'gyur ro zhes pa ni kha cig gi'o//zhi ba zhes bgyi ba ni gzhan gyi'o/ /nim pa'i khu bas khra'i gshog pa dang sha za'i sha kho d+ha ka sbags te brgya rtsa brgyad ni brgya rtsa brgyad po lan cig go/ /dbang du byas pa la bcom ldan 'das sin d+hu ra'i mdog can no/ /rdzas la yang sin d+hu ra byug go//de ni bsgrub bya'i ming sngags kyi mthar smos te yid la mngon par 'dod pa'i phyag rgya brnags pa'i cho gas so/ /rgyal dbang ni rnal 'byor pa'o/ /ye shes gzugs ni nus pa thob pa'o/ /mngon par 'gugs so/ /rol pa drug cu rtsa bzhi'i rnal 'byor ni rol pa phyag rgya chen po'o//'di dag ni tha ma dang 'bring po la ltos nas bstan pa'o/ /dbang po rab kyi rnal 'byor pa ni lhag pa'i rnal 'byor pa'o/ /thams cad ces bya ba la sogs pa ni he ru ka'i nga rgyal byed pa'o/ /bdag gi phyag rgya dang ldan pa gcig tu phyag rgya gnyis su med par rtag tu mchod do/ /de nyid ces bya ba la sogs pa ni gsod pa ni yi ge hUM gi 'od zer gyis gzhom du med par 'gyur ba'i ye shes kyi mes rtog pa thams cad spangs te/gnyis su med par legs par brten par ldan pa'o/ /pho nya lhan cig skyes zhes bya ba la sogs pa ni lha'i rnal 'byor gnyis su med pa'i rnal 'byor ro//gsod pa ni khu tshur la sogs pa'i rnal 'byor gyis so/ /len pa ni bza' ba'i cho ga la sogs pa ste/ bza' ba bsten pa dang ldan pa'o/ /de nas zhes bya ba la sogs pa ste/ dkyil 'khor gyi 'khor lo ni rnal 'byor pa ste ro la sbyin sreg byed pa'o/ /de dang de'i sgrub sngags nyid kyis nga rgyal bya ste bzlas pa bya'o//bcom ldan 'das dang rnal 'byor ma du mas yongs su bskor cing ngo / /de nas 'jig rten gsum du rgyu zhes pa la sogs pa ni srid pa mtha' dag las rgyal ba'o/ /che zhes bya ba la sogs pa ni rim pa 'dis ni he ru ka dang rdo rje sems dpa'i go 'phang thob pa'o//bzlas med ma byas ni sngon du bsnyen pa'o/ /ma lus zhes bya ba la sogs pa ni nam mkha' rdo rje bsgoms pas rdo rje sems dpa' nyid du 'grub par 'gyur ro/ /de nas zhes bya ba la sogs pa ni dum bu gcig pa'i thod pa ni dum bu gcig pa'o/ /dum bu gcig pa'i thod pa'am gro ga la pad+ma 'dab ma brgyad phyed pa can gyi lte ba la ming dang lhan cig pa'i bsgrub bya'i lus bri bar bya'o//'dab ma rnams la lugs las bzlog pa'i sngags dang ming thod pa la blta bar bya'o/ /de bzhin du yang pha rol gyi dmag tshogs bris pa des 'dod pa 'grub po/ /de nyid pad+ma'i 'dab ma rnams la sngags bri zhing 'dab ma rnams la sngags bzlog ste bzlas pa bya zhing re rer sbyin sreg bya'o//der yid la 'dod pa'i bsgrub bya bsam mo/ /sbyin sreg zhes bya ba la sogs pa ni rnal 'byor ma rnams kyi 'dab ma bsregs pas bsgrub bya grangs nas bcug ste 'gugs so/ /'khor los gtor ma dbul lo//gnyis med pa ni phyag rgya'o/ /a ha ta la gzhan du na bya ba ma yin no/ /tsan+dan dmar po las byung ba'i gzugs brnyan byas pa'i snying gar ni rang gi khrag dang gi wang dag gis 'khor lo bri bar bya'o/ /dam tshig phyin ci log gis ni/ /zhes pa ni/sgrub pa phyin ci log gis so/ /gser gyi mdog ni btsag go/ /kun du rig pa'i 'khor lo phag mo'i snying po'i sngags so/ /rang gi lus mtha' dag la rtsa ba'i sngags bsgom pa la sogs pas bkod pa byas na rnal 'byor pa de de bzhin gshegs pa dang mtshungs bar 'gyur ro/ / sngags gzhan gyis so/ /de nas zhes bya ba la sogs pa ni phyag rgya ni rang gi phyag rgya rdo rje phag mo yis bcings nas 'khyud pa'o/ /sa bon dgod par tshig rnam par sbyar ro/ /sngags dgod pa bcom ldan 'das kyi sku'i gzugs rnal 'byor pa la'o/ /'di dag rig pa ni rdo rje phag mo'i snying ba'i sngags bsgrub bya'i ming dang lhan cig tu lan cig bzlas pas thams cad 'gugs pa la sogs pa'o//rlung gi dkyil 'khor gcig gis khyer ba'i 'dab ma la che ge mo skrod cig ces bya ba la sogs pa bris pa'i 'khor lo rlung gi dkyil 'khor gzhan la bskur bar bya'o/ /de nas zhes bya ba la sogs pa ni po tang gi legs par 'ongs par dris pa dang /pra ti po tang gi phyag 'tshal ba ste legs par 'ongs so zhes pa ni lan no/ /de nas zhes bya ba la sogs pa ni g.yon pa dag ni 'byung ba'i gnas ni rnal 'byor ma rtogs pa'i rgyur ro/ /cho ga shes pa rnal 'byor pa'o//skul byed ces pa ni stong pa nyid dang pha rol tu phyin pa zhes bya ba ming gi rnam grangs so/ /spyi bo ni bla ma dang dbu ma'o/ /gtso bo ni ming med do/ /byis pa can ni mthe'u chung ngo / /shing ni mthe bong ngo / /dkyil du dpa' bo dang rnal 'byor ma thams cad kyi dkyil du 'dus te/ dkyil du dpa' bo dang rnal 'byor pa dang /rnal 'byor ma rnams gang du 'tshogs pa gang gi tshogs tshul gyis brda dang skad la sogs pa shes pa de nyid spyod pa'o/ /gnas la lha'i 'khor lo bkod de dbang por byas la rmongs pa 'di yang skal pa dang mi ldan pa'o/ /dkyil 'khor 'dir zhes pa ni bstan pa'i lag pa g.yon pas lag pa g.yas pa'i rgyab phyis te gshegs su gsol ba'o//de nas des gzhan du bza' bar bya'o/ /de ltar zhes bya ba la sogs pa ni rang gi rigs kyi slob ma dam tshig shes pa dang lhan cig tu bza' bar bya'o/ /rnal 'byor pa dang rnal 'byor ma'i lag mthil gyi rgyab kyi dkyil 'khor gyi 'khor lo dri ma med par gshegs su gsol to/snod gnyis kyi lhag ma'i tsA ru slob ma brda shes pa dang lhan cig tu bza' bar bya'o/ /de bzhin mchog gi dkyil 'khor ni sku rnam kun zhi ba la sogs pa rnams kyi dkyil 'khor dgod par bstan to//gshin rje la sogs pa'i yul gyi rim pas rnal 'byor ma la sogs pa dgod par bya'o/ /rnal 'byor ma g.yon nas spyod pa'o/ /mkha' 'gro ma ni yang dag pa'i bka' drin gyis rtogs nas gnas so/ /'di dag ni 'di rnams te sgrub po de dang de rnal 'byor ma dang g.yon nas so//mi mo ni rnal 'byor ma ste/ rtag tu rang gi dam tshig dang dngos grub ston par byed cing gnas kyi yang dag par ston par 'gyur ba dang yang dag par 'byung bar 'gyur ro/ /g.yon pa'i sor mo ni rang gi phyogs kyi gnas la sogs pa kun du ston par byed do/ /rnyed par dka' zhes bya ba la sogs pas ni bdud rtsi lnga bsten pa'i rnal 'byor ma dang 'dra ba de yang dngos grub byed pa'o//dpa' bo ni rnal 'byor pa'i rigs khang par phyag rgya rnams mtshon par bya'o/ /dga' ba dang zag med ni 'phel ba dang mi zad pa'i dngos po rang gi dam tshig bsrung ba'o//de nas zhes bya ba la sogs pa ni sngags ni bcom ldan 'das kyi snying po'o/ /kun du rdo rje ni sna tshogs rdo rje'o/ /de nyid ces pa bzhi pa'o/ /de nas zhes bya ba la sogs pa ni bsgom pa dang / sngags dang / phyag rgya dang / go cha la sogs pas bsrung ba byas ba'o/ /brgyan pa ni mtshan pa'o//man ngag ces bya ba la sogs pa ni lte ba'i phyogs su spros pa dang bral ba'i thig le nA da'i yi ge oM AHhUM la sogs pa'i gzugs kyis 'bar ba'i tshul srog gi rlung rgyu ba'o/ /gang dang zhes bya ba la sogs pa ni sngags nyid de bzhin gshegs pa'i dgongs pas bzlas na de bzhin gshegs pas brnags pa'i 'bras bu kun ster te/yid bzhin gyi nor bu bzhin no/ /de nas zhes bya ba la sogs pa ste/ shin tu gsang ba'i sngags shes pa'o/ /sbyor ba de nyid brtsam par bya ba ni 'di dag gzhan bya ba la sogs pa'i rgyud de rnams su sgrub pa po rnams rmongs par byed pa'o//de gzhan du snying po ma lus pa'i sngags la sogs pa sbas nas snying po med pa bstan pa ma yin no/ /he ru ka bsgoms pas mnyam par 'jug cing bdag nyid he ru ka'i gzugs su nga rgyal brtan por ro/ / slob dpon gyi ni bdag nyid chen po ni bla ma de'i bka' drin gyis te/ bla mas brdas bstan pa'i phyag rgya'i phyi rol dang nang gi shes rab ste/ shes rab kyi pha rol tu phyin pa yang ngo / /rnal 'byor gyis goms pa'i rdzogs pa'o/ /g.yon pa'i shes rab bud med do/ /brten pas kyang spyod pa'o//srid pa gsum la dmigs pa ni ye shes kyi skyed par byed pa'o/ /g.yon pa'i sngags zhes bya ba ni rgyud du gsungs pa'i sngags dang lha mo yis so/ /rnal 'byor ye shes sbas pa ni/ /zhes bya ba ni stong pa dang ye shes so/ /bya ba'i bstan bcos la 'jug pa zhes bya ba ni stong pa dang snying rje'i bdag nyid can gyi rdo rje 'chang gi ngo bo sbas pa'i don du kri ya'i bstan bcos la sogs pa la 'jug pa'o//de yis na rgyud kyi rjes su 'brangs pa'i nyon mongs pa med pa dngos grub 'grub ba ste phyag rgya chen po'i dngos grub mi 'grub pa'o/ /gang du de'i don sbas pa'o//de nyid de la 'jug par byed pa la kri ya la sogs pa'i bstan bcos bstan to/ /de nas de'i 'grub ces pa ni kri ya la sogs pa'i dngos grub de ni 'dir dka' ba med par 'grub pa'o/ /smin par byed pa ni rnal 'byor gyi rgyud do/ /grol ba la ni rnal 'byor bla na med pa'i rgyud do//gzhan du rten sbas pa nyid de/ 'dir smras pa/ ba glang lci ba ni rlung ngo / /lhag ma ni me'o/ /skam pa med pa ni chu'o/ /mgo skam ni sa'o/ /ri ni ri'i rgyal po ri rab bo/ /rten ni pad+ma'o/ /bdag po sems kyi dkyil 'khor ro/ /ba glang lci ba zhes bya ba la sogs pa'i mdor bstan pa'i rgyas par bshad pa ni 'byung ba bzhi zhes bya ba la sogs pa'o//gcig gis brgya phyed ma tshang ba ni ha'o/ /gsum zhes pa ni tshes gsum ste/ mtha' ni zla ba cha gsum pa'o/ /de'i steng du cha gsum pa'i thig les brgyan pa'o/ /bzhi pa'i mtha' ni dbyangs yig lnga pa ste de yang dag par sbyar ba ste/des na hUM zhes bya bar 'gyur ro/ /kha cig ni gsum pa'i mtha' zhes pa ni sha Sha sa'i mtha' ste ha zhes zer ro/ /des na hUM las bskyed pa'o/ /dkyil 'khor zhes zer ro/ /mtshon zhes bya ba ni bcom ldan 'das kyi sku bsgom pa'i ste/rten 'brel bcu gnyis dag pas nyi shu rtsa bzhi'i phyed kyi phyag rgya'o/ /phyag 'bum pa'i bar du'o/ /bden pa gnyis la mnyam par brten pa ni phyag gnyis kyi rnam par dag pa zhes bya ba'i don to/ /don dam par shes rab dang kun rdzob tu gzugs mthar phyin pa'o//drug cu rtsa bzhi'i 'khor zhes pa ni mchod cing bsgom pa'o/ /'jig rten dbang phyug thang shing ni pad+ma dmar po la gnas pa'o/ /de'i rjes su 'brang ba'i rdzas so/ /de nyi shu rtsa bzhis 'khor lo mchod pa'o/ /sangs rgyas nyid sgrub par byed pa'i thabs so/ / dus 'di nyid la rgyas par byed pa'o/ /'di zhes bya ba ni tshe 'di nyid la'o/ /da ltar 'di nyid ni rta dang glang po che'o/ /khro bo ni mi'o/ /bya rgod ni bya rgod do/ /gzhan yang rdzas des gtor ma dbul lo/ /rdo rje phag mo'i snying po'i sngags dngos su bskor ro/ /nyi ma bris pa spyi bor gzung bar bya'o//skyes pa dang bud med dag gi dpung pa dang lag par byin la de'i sngags bzlas par bya'o/ /de dang de yang dbang du 'gyur ro/ /rkang mgyogs ni mun pa la 'bar bar 'gyur te/ tsher ma la sogs pas mi 'bigs so/ /gzhan gyi rig pa zlos pa las thal ba la gzhan gyi sngags la sogs pa blos gnas par bltas nas bsnun pa nus pa mi 'byung ngo //sngags des thal ba la mngon par bsngags te bsnun pas rengs par 'gyur ro/ /brgya rtsa brgyad bzlas te bcings na gos mang po dbang du 'du bar 'gyur ro/ /de bzhin du so ga la sogs pa'o//mdzub mo dang gung mo dang ming med rnams kyis dpral bar thal ba'i ri mo'i thig le gsum bya'o/ /mthe bos thal ba byugs te/ thig le bya'o zhes pa ni kha cig gi'o/ /sa phyogs tsam du thal re thal re sbyin sreg bya'o/ /'chi zhes bya ba ni go bar bya'o//skyes pa'i mtshan ma dang bud med kyi skye gnas su ni bud med smyo bar 'gyur ro/ /dpa' bo'i chu ni chang ngo / /phyag rgya yongs su bsgyur ba ni sngags zlos pa ste/ skyes pa 'am bud med kyi ming nas smos te brjod na gzhan par 'gyur ro/ /'di dag ni rim par phye ba nyi shu rtsa dgu pa'o//brtse ba'i ston mo ni tshul gcig pa la mos pa rnams ni lhan cig pa'i ston mo'o/ /rdo rje spun rnams lhan cig la ni 'khor lo'i ston mo'o/ /bdag nyid kyi slob ma rnams dang lhan cig pa ni tshogs kyi ston mo ste/ tshogs kyi 'khor lor 'gyur ro/ /rang gi rnal 'byor ma rnams 'dus pa ni gtor ma'i ston mo'o//dngos grub kyi dkyil 'khor bya ba'o/ /gnyis su med pa'i ye shes shes pa'i rnal 'byor pas de kho na nyid rig pa ni gang zag rnams yongs su longs spyad pas bsod nams kyi tshogs las 'gyur ro/ /skal bzang gi rnal 'byor pas 'grub par 'gyur ro//bud med ces bya ba la sogs pa ni nor ro/ /lha'i skur rnal 'byor pa dang rnal 'byor ma rnams kyis bsams te bza' bar bya'o zhes pa'i don to/ /bud med ni phyi rol dang nang gi tshul gyis shes rab kyi pha rol tu phyin pa'o/ /ka ba gcig ni mgo bo dang bcas pa'i sgal tshigs so//sgo ni 'byung ba dang 'jug pa'i thabs kyi bug pa phung po lnga dang dbang po dang nyon mongs par gyur pa la sogs pa'o/ /he ru ka'i gzugs kyis so/ /rab tu grub pa ni rab tu 'grub par 'gyur ro/ /zla ba ni chang ngo / /dri chu la sogs pa ni bdud rtsi lnga'o//'tsho ba'i rdzas byang chub sems so/ /bcom ldan 'das ma zhes bya ba la sogs pa ni phag mo'i gzugs can gyi rnal 'byor pas bzlas pa la sogs pa dang bral bas kyang 'grub cing skyes pa'i dngos grub ces bya ba'i don to/ /gsang ba'i zhes bya ba la sogs pa sangs rgyas dang mnyam pas kyang gsang ba'i pad+ma'i spyod pa brten pa la sogs pa'o//gru gsum zhes bya ba la sogs pa ni chos 'byung ngo / /bsten pa ni rang byung gi me tog nye bar longs spyod pa'o/ /bdag gis zhes bya ba la sogs pa ni rang gi me tog gi mchod pas phag mo'i bka' drin gyis tshe ring zhing nad med pa'i mchog rnal 'byor pas rnyed par 'gyur ro//bdag gis zhes pa ni rang byung gi thig le byas na rdo rje phag mo zhes pa kha cig gi'o/ /phag mo dag gi bka' drin gyis mchog brnyes so/ /sngags ni snying po la sogs pa'o/ /yid kyis bzlas pa ni gzhan gyis mi thos pa'i phyir ro//'di dag ni rim par phye ba sum cu tham pa'o/ /kun sbas ni yi ge drug pa'i sngags so/ /de nas mngon par bsngags pa'i dbyig pa la sogs pa bkrus pa'i chus gtor nas thig le byas na ji skad bstan pa bzhin du 'gyur ro//bsgrub bya'i ming yi ge phaT kyi mtha' can gyi yi ge drug pa'i sngags kyis bsngags pa la sogs pas bcing ngo / /de nas zhes bya ba la sogs pa ni bcom ldan 'das ma'i bzlas pa ji skad du bstan pa 'grub bo/ /thang ka bkram ste yo byad rnam pa lngas mchod cing phyag rgya'i gsang bas kyang mchod par bya'o//de ltar ma yin na brtse ba'i ston mo la sogs pa'i phyi'i gtor ma'o/ /rang gi ston mo ni zhal zas dang mar me dbul lo/ /mar me'i dud pas ltung bar 'gyur ro/ /mar me zhes bya ba la sogs pa ni chu'i snod la sogs par sbyin par bya'o//'di dag ni sum cu rtsa gcig go/ /brje ba nyid ni cher gsang zhing sba ba'o/ /bya ba'i cho ga nges par bshad pa ba lang gi spu zhes bya ba la sogs pa'o/ /thal ba dang bcas pa ni dur khrod kyi thal ba'o/ /yi ge e byas shing gnas pas dgug pa dang lhan cig tu bzlas par bya'o//sngags bri zhing bzlas par bya'o/ /sbas pa'i las ni byed pa'o/ /de nyid kyi sol bas bri bar bya'o/ /ba lang gi ra ba na ba lang gnas pa'o/ /gnas ni bris so/ /thams cad rang gi lus so/ /rig pa ni bcom ldan 'das ma'i snying po'i sngags dang /bcom ldan 'das ma'i nye ba'i snying po'i sngags so/ /de dag brjod pa'i bzlas pa la sogs pas las thams cad byed do/ /rig pa ni nges par bstan pa ji lta bar zhes bya ba la sogs pa'o/ /sa ni oM mo yi ge ba dang yi ge oM dang sa bon ni yi ge ha las yi ge e'o//me'i bu ni ra'o/ /gsum pa na i'o/ /hUM phaT/ de nas oM bo hi re hUM phaT/ rtog pa gzhan gyi bya ba'i cho ga'i rim par phye ba bcu las gsungs pa'i bud med kyi khrag la sogs pas bdug cing sngags 'di bzlas so/ /snod du 'bebs pa ni sgrub pa po nub tu mngon par phyogs pas 'dug ste/brjod par 'dod pa bcu drug la sogs pa dkyil 'khor gzhan nyid bsgrubs te/ gor bstan la gos dor te 'dug la/ de'i mdun du dkyil 'khor byas te bza' ba la sogs pas dbul lo/ /nir yas go ku da ha na bdud rtsis mchod de ji ste mngon sum du bin na smra bar 'gyur ro//de rnal 'byor pa'i yid la rnam par shes pa skyed par 'gyur ro/ /de lta ma yin na gtor ma dang ston mo la sha la sogs pa dbul bar bya'o/ /dam tshig bla ma mchod pa he ru ka la mchod pa byas par 'gyur ro/ /'di dag ni sum cu rtsa bzhi'o/ /rab smra ba ni rab tu sgrub ba byed pa'o//gang gis ni ye shes gang gis so/ /phyag rgya chen po sgrub pa ni de'i ye shes kyi khyad par ro/ /bdag nyid kyis kyang dbang bskur thob cing bsgoms pa la sogs pas mtshan ma thob pas sngar gyi bzhin ni phag mo'i ras ris kyi spyan sngar phyi rol gyi phyag rgya chen po mchod par bya'o//mtshan gsum ni phyag rgya chen po'i rnal 'byor gnyis su med pa'i sbyor ba la gnas gsang ba'i rnal 'byor pas phyag bya'o/ /de nas bdag nyid phyag rgya gnyis su med pa'i sbyor bas mchod par bya'o/ /de nas bar do'i sems bzhin du rmi lam dang sgyu ma dang gzugs brnyan la sogs pa dang mtshungs par dpal he ru ka dang rdo rje phag mo sgrub pa po dang de'i phyag rgya dag gis lus la 'jug par bya'o//de nas de dang mtshungs par 'gyur ro/ /bcom ldan 'das nyid rnal 'byor par 'gyur ro zhes bya ba'i don to/ /phyag rgya chen po grub pa ni 'grub par 'gyur ba'i tha tshig go//gsum ni mtshan ma gsum mo/ /he ru ka dang lhan cig ni de'i bcom ldan 'das dang lhan cig tu phag mo'o/ /gzhan yang mchod yon dang sngags dgod pa la sogs pa'o/ /pus mo ni snying rje'o/ /sa ni chos 'byung ngo //phyag 'tshal ba ni rdo rje'i spyi bor dga' ba bzung ba'o/ /mchod pa ni bskyod pa'o/ /de ni lhan cig skyes pa'i sgrub pa po'o/ /de lta bas na mchog 'di ni mchog tu rnam par chad pa bde ba chen po'i sgrub pa'o/ /'bras bu'i rnam par gzhag pa rnam par 'chad cing dngos po med pa'o//de nas bsgrub par bya ba'i thabs kyi lus kyi rdo rje'i sgo nas shes rab la thim pa'i byang chub sems kyi snyoms par zhugs pa 'jug cing 'dus te/ sngags dang phyag rgya'i dngos grub sgrub pas na sgrub pa po'i phyag rgyar 'brel pa ste/ byang chub kyi sems gcig gi sems su 'gyur zhes bya ba'i don to//thabs dang shes rab kyi byang chub kyi sems gcig nyid du 'gyur zhes pa'i tha tshig go/ /chad ba dang dngos po med par de la 'jug pas na the tshom med do/ /dga' ba dang ldan pa ni lhan cig skyes pa'i dga' ba'i rang bzhin gyis mtshon pa'i skad cig gi skad cig la thob pa'o//dpa' bo ni bcom ldan 'das so/ /kun ni lhan cig skyes pa ro gcig pa'i sna tshogs des mkhyen cing kun kyang mkhyen pas kun mkhyen no/ /de ni gzhan dang dngos po med pa'o/ /'jig rten gsum spyod pa ni 'jig rten gsum gyi bdag nyid rtsa ba'i 'khor lo yan lag dang /nying lag rkang pa'i mthil nas spyi bor thug gi bar gyi lus thams cad la byang chub kyi sems 'pho ba'i bde ba chen po phyag rgya dang bcas pa'o/ /ye shes ni phyag rgya chen po'i ye shes so/ /thams cad du ni chos kyi dbyings rig pas ni chos kyi sku'o/ /rab tu dga' ba'i yid ces bya ba la sogs pa ni longs spyod rdzogs pa'o//thams cad du thams cad kyi don byed pa zhes bya ba ni sprul pa'i sku'o/ /'jig rten gsum gyi mnga' bdag ni bsnyen bkur ba'o/ /rtsod pa thams cad ji srid du spang bar bya ba'o/ /gang gi phyir phyag rgya chen po'i ye shes kyi shes pas mngon par sangs rgyas nas mkhyen cing mkhyen pas zhes pa kha cig gi'o//sa zhes bya ba la sogs pa ni skye rags so/ /rengs pa ni 'dir skyes pa las so/ /'di'i zhes pa ni de bzhin du rengs par 'gyur ro zhes pa'i don to/ /de bzhin du gzhan yang rengs bar byed pa'i sngags rgyu ba dang bcas pa gsum la sogs pa rengs par byed do//sa gzhi bzhin du mi g.yo ba'o/ /sngags kyi mthus so/ /de bzhin du zhes bya ba la sogs pa ni chos kyi 'byung gnas kyi nang du gnas par sngags dgod par bya'o/ /kha zhes bya ba la sogs pa ni lkugs par bya ba bsgrub par bya ba'i khar ro//phyir rgol ba'i rig pa 'gugs pa ni lce la'o/ /dga' ba'i tshul gyis sngags bsgrub bya'i lus la'o/ /bdag gi ni bdag nyid de/ yid bzhin gyi nor bu ni sngags so/ /thams cad du bdag kyang yid bzhin du dpal he ru ka'i rnal 'byor dang ldan pa'o//brtul zhugs bzang po ni lhung ba med pa'o/ /chu bo zhes bya ba la sogs pa ni he ru ka'i rnal 'byor pa la gnod par byed pa'o/ /'jug pa la sogs pa ni rang bzhin du 'gyur te rdo rje sems dpa' dag tu 'gyur zhing nye bar 'dug ste bsrung ba'i don to//sngags pa zhes bya ba la sogs pa ni las kyi rab 'byams ming brten pa'i sngags bri bar bya'o/ /'di dag ni rim par phye ba sum cu rtsa lnga pa'o/ /'khyam du gzhug pa rlung gi dkyil 'khor gyi steng du bcings te/ rlung gi gzugs brnyan gyi snying gar snying po sngags kyis brten pa'i ming bris te 'khor lor bcug la snying po phyin ci log tu bzlas so//yi ge drug pas pho nya mo rnams kyis 'phyan zhing khyer bar blta'o/ /rlung gi dkyil 'khor ni rlung gis bsgrub bya bsreg go/ /snying po ni sum+b+ha la sogs pa'i sngags kyis so//gang la zhes bya ba ni de bzhin du snying gar nges par bcug nas brgya rtsa brgyad bzlas te/ rnal 'byor ma rnams zhes bya ba la sogs pa bsam gtan de bzhin du bya'o/ /zla ba phyed pa bya ste bstan pa ltar bri zhing zla ba phyed pa la bsgrub bya'i ming dang sngags bri'o/ /de nyid kyis zhes pa ni las kyis sngags sun 'byin par byed pa 'chi bar 'gyur ro//khrag 'dzag pa zhes bya ba ni kha cig go/ /bdag nyid kyi dngos grub yid la 'dod pa ste/ de rnams de bzhin gshegs pa la sogs pa'i spyan sngar bla ma dang sangs rgyas la sogs pa la gnod par byed pa thos par 'o dod 'bod par bya zhing las bya'o//stong pa chen po ni dur khrod de der las brtsam mo/ /'di de lha nyid dang lhan cig tu bya'o/ /'jig rten spyod pa ni dbang la sogs pa'o/ /mkhas pa ni sbyor ba la mkhas pa'o/ /sum cu drug pa'o/ /rang gi ming ni mtha' yas la sogs pa'i so so'i ming gi dang po dang tha mar so so'i sngags so//lnga pa'i gnyis pa ni pha'o/ /lnga pa ni u'o/ /bcu drug pa ni aH'o/ /de rnams la phuH'o/ /dang po'i mthar ni zhes pa ni phuHa nan+ta phuHzhes bya ba la sogs pa'i sngags kyis so/ / des chu bo'i 'jim pa la ni gdengs ka bdun pa'i klu brgyad byas te/ dur khrod kyi ras la pad+ma 'dab ma brgyad pa la klu brgyad bri'o/ /de rnams la re re'i snying ga rnams su de'i ming brten pa'i he ru ka'i snying po'i sngags dkyil rnams su bri bar bya'o/ /de nas ras la sogs pa las byas pa de klu rnams kyi snying gar bcug la de klu gnas pa'i mtsho las skyes pa'i 'dab ma brgyad po rnams la gzhag par bya'o//de nas nyi ma bdun du de mchod par bya'o/ /yul ni phyogs so/ /kha dog ces pa ni rang rang gi mdog go/ /dur khrod kyi ras la de dang 'dra ba nyid kyi de'i 'khor lo bris nas sbu gu'i nang du bcug nas bsro bar bya'o//dang po thog mar gang byung nas mtha' mar ci zhe na/ dang po dang mtha' ma'i bar gyi gza' zla ba la sogs pa'i mthar mjug rings so/ /dang por yi ge oM mo/ /rang rang de'i dang de'i mig dang khro bo'i snying po'i mthar swA hA/de nas oM AHdar+ya hUM hUM swA hA zhes bya ba la sogs pa ni sngags so/ /de nas grags pa 'di rnams kyang yi ge oM dang po dang / rang gi ming dang / hUM hUM swA hA mtha' ma'i sngags de grags pa'o/ /khro bo ni yi ge hUM ngo / /de dang ldan pa dang ni rang gi ming ngo //bstan bcos ni bdag nyid phag mo'i rnal 'byor pa dkyil 'khor gyi bdag pos phyi rol dang nang gi sbyin sreg bya'o/ /de nas de rnams kyi thab khung du phyag mtshan gyi gtso bo dang rang gi sngags kyis bris la phyi rol gyi sbyin sreg gis bsgrub bya ci bgyi ba'i bar du 'gyur ro//zhal bzhi ni sum+b+ha la sogs pa'i sngags so/ /de la sogs pa'i sngags kyis phyogs bcings la bdag nyid bsrung bar bya'o/ /de nas mar spags pa'i 'bras bu sbyin sreg bya'o/ /khri phrag gnyis dang dgu bcu rtsa brgyad bya'o/ /de nas de mnyes shing ye shes de'i mchog dang lhan cig tu ma bral bar thams cad mkhyen pa de rnal 'byor pas mnyes par 'gyur ro//kun zhes bya ba la sogs pa ni mnyes pa'i khyad par te kun mkhyen ye shes de ni mchog go/ /rang gi sngags dang phyag rgya des rtogs pa ni kha cig gi'o/ /drug cu rtsa bzhi ni phyi rol dang nang gi bye brag gis mchod par bya'o//gzhi'i ye shes ni lhan cig skyes pa'i ye shes te/ de ni sna tshogs ro gcig par bstan pa'i phyir ro/ /de nyid rang byung ye shes zhes bya ba ni thams cad mkhyen pa'i ye shes ni brda'o/ /bdag nyid kyang der 'gyur zhing de'i stobs kyis 'gyur ro//'di dag ni rim par phye ba sum cu rtsa bdun pa'o/ /mchog ni mchog tu 'byung ba'o/ /pho nya mo dbang phyug ni mya ngan las 'das pa'i mtshan nyid kyi phag mo'o/ /zhal bzhir 'gyur ba ni yi ge hUM ngo / /las kyi dbye ba las kha dog gi dbye ba'o/ / sum+b+ha ba la sogs pa'i sngags zhes pa ni kha cig gi'o/ /gos chen phyogs kyi gos can nam/ /mi la sogs pa'i pags pa 'am/ /ro gtums pa'i ras so/ /dur khrod las 'byung ba ni phyag dar khrod do/ /dbang chen ni rgyus pa'o/ /sbrang chen ni mar khu chen po'o/ / thams cad dur khrod ni rang gi lus te de nyid la lhan cig skyes pa ni gnas shing nang gi shes rab ste dur khrod ces bya ba'i phyag rgyas bstan to/ /khams gsum pa thams cad kyang dur khrod de bdag med pas so/ /de'i 'di shin tu rnam pa sna tshogs pa'i shes rab kyi pha rol tu phyin pa sna tshogs pa'i phyag rgya'i phyag rgya'o//phyi rol lam nang gi gos chen la sogs pa brten pa de rnal 'byor pa 'di'i phyag rgya'o/ /nang gi 'khor lo bzhi yin no zhes pa kha cig go/ /dgongs pa cir 'gyur zhe na/ gsungs pa/ ji srid du rdul phra rab kyi dngos po grangs med pa'i bar du ni shes par 'gyur zhes pa'i don to//rdul phra rab kyi grangs su yang dgra bo dgug go/ /zhags pa zhes bya ba la sogs pa ni kha cig gi'o/ /bsgrub bya'i mgo la gnas nas sbyin sreg byas pas 'chi bar 'gyur ro/ /de bzhin du grub pa'i rnal 'byor ma la sogs pas kyang mgo la bzhugs nas sbyin sreg bya/bsam gtan bya'o/ /snying po'i sngags kyis bsgrub bya'i gzugs brnyan byas te/ rang gi snying ga nas rnal 'byor ma rnams spros te gang du gang gi gzugs brnyan la gzhug pa ste/ phyag rgya kub dzi ka bsgom pa la sogs pas bya'o zhes pa ni kha cig gi'o//phyag rgya'i rnal 'byor ma kub dzi ka zhes pa gzhan no/ /'dis gsungs pa/ bsdu ba ni rengs bar byed pa'o/ /'dis pho nya mo gzhan de'i rang bzhin gyis 'jig rten 'jig par byed do zhes pa kha cig gi'o/ /yul thams cad dang yul can gyi ldog pa thams cad mi dmigs pa'o//kub dzi ka'i phyag rgya des 'khor gsum bsdus zhes pa gzhan gyi'o/ /sngar bstan pa'i rim par phye ba bcu dgu pas gsungs pa'i cho ga ni nim pa'i 'dab ma dang khu bas sbags nas sbyin sreg bya'o/ /'di dag ni rim par phye ba sum cu rtsa brgyad pa'o//cho ga ni bdag nyid sgrub cing phyogs bcing ba la sogs pa'o/ /shin tu rnam par dag pa ni sngags kyi lus la sogs pa'o/ /rdza rnga bris pa de'i dkyil du thad kar ri mo drug drug bya'o/ /rdza rnga'i cha chings ma ri mo thag pa ri mo gcig steng du bri bar bya'o/ / de'i rjes su ri mo dgus bcings la zhes pa bcings shing bsdams pa'o/ /yi ge rim gyis dang mnyam por te mi mnyam pa yang ma yin no/ /steng du ri mo brgyad thad kar kun nas zlum por ri mo sbyin no/ /rdza rnga'i bya ba la sogs pa gzhan shin tu mang bar yod do/ /yi ge ra ni re pha'o//dbyangs kyi lnga pa ni yi ge u'o/ /'dis ru zhes par 'gyur ro/ /oM he he ru yi ge bzhi pa la ltos nas lnga pa ru zhes pa kha cig gi'o/ /oM sum+b+ha ni sum+b+ha hUM hUM phaT/ rdo rje sems dpa'i 'o/ /oM hI hrIM gr-ih+Na gr-ih+Na hUM hUM phaT/ rnam par snang mdzad kyi'o//oM A ro li ka swA hA/ pad+ma gar gyi dbang phyug gi'o/ /oM he he ru ru kaM hUM phaT/ he ru ka'i 'o/ /oM kha solkA ya hUM phaT/ rdo rje nyi ma'i'o/ /oM b+ho b+ho ga baM a na ya hUM phaT/ rta mchog gi sngags so/ /'di dag ni rim par phye ba sum cu rtsa dgu pa'i'o/ / kun du mtshon pa ni sngags bkod pas so/ /las thams cad ni zhi ba la sogs pa'o/ /dgod par bya ba ni bzla bar bya ba'i don du'am/ rnal 'byor pa glo bur du 'ongs pa la brda bstan par bya'o/ /lag pa la phag mo dang snyoms par zhugs pa'i he ru ka'o/ /lag pa'i rgyab tu rnal 'byor ma drug cu rtsa bzhi bsam par bya'o//brda byas na mnyam pa go'o/ /dpa' bo dang rnal 'byor ma phyogs kyi rim pas lho dang / shar dang / byang dang / nub kyi phyogs rnams su'o/ /phyogs dang bral ba ni rim pas bden bral dang / rlung lha dang / dbang ldan dang /me'i mtshams rnams su snod la sogs pa'i snod rnams su btung ba la sogs pa bya'o/ /yang gsungs pa/ lugs 'byung lugs las bzlog pas go rims kyis thod pa dbul bar bya'o/ /dus ni rnal 'byor ma'o/ /drug ni rim par phye ba bzhi bcu rtsa gcig pa las gsungs pa'i spyan ma dang /mA ma kI dang / gos dkar mo la sogs pa pha rol tu phyin pa'i mthar thug pa'o/ /nyis 'gyur zhes pa ni bstan pa'i rdo rje sems dpa' la sogs pa'o/ /mchod paHni bkod pa'i 'khor lo dang bcas pa'i bcom ldan 'das mchod par bya'o//tsA ru ni bza' ba dang ston mo'i las gzhan bde mchog gi bdag nyid kyis 'khor lo snod gnyis kyi lhag ma tsA ru'o/ /tshes ni bcu pa'o/ /tshes grangs ni bco lnga pa'o/ /dus rim pa zla ba kun du rdzogs pa'i thig le dang tsA ru'i thig le dus kyi rim pas kun du rdzogs nas he ru ka nyid kyi dkyil 'khor thig le gzugs so//nang du ni lus kyi nang du ste yi ge ha'i thig le'o/ /shes rab kyi bde ba zhu ba'i dus su lag pa'i mchod pa la rab tu 'jug par bstan to/ /lag pas mchod pa mthe bong g.yon pa la sogs pas bza' ba'o/ / rnal 'byor gyi dbang phyug ni gsang ba shes rab po/ /dus drug gi sgra'i brjod bya ba ni rnal 'byor ma nyis 'gyur du sgra'i brjod bya rdo rje sems dpa' la sogs pa rnams dang lhan cig tu 'dus nas dkyil 'khor bya ba ste bcu gnyis pa rnams rnal 'byor ba dang rnal 'byor ma zhes bya ba'i don to//bcu gnyis kyi grangs la rnal 'byor ma bcu gnyis po rnams dang bcu gsum gyi bdag nyid can he ru ka'i dkyil 'khor du son pa'i lha'i grangs mkha' 'gro ma'i brda bstan no/ /sring mo'i sgra'i brjod bya ni rnal 'byor ma'o/ /'di dag ni rim par phye ba bzhi bcu pa'o/ /bzhi ni 'khor lo'i skad cig gi dga' ba'o//'jig rten pa thams cad la grags pa'i dus la sogs pa yang rdzogs ldan la sogs par bstan te/ de rnams la mkha' 'gro ma 'byung ste/ thams cad kyi ma la sogs pa'i sgra'i brjod bya ni 'dir rnal 'byor ma ste de rnams der brten pas yon tan 'grub par 'gyur ro//ma ni bla ma'i shes rab ma dbang lnga bskur ba'o/ /sring mo ni lhan cig tu mnyan pa'i bla mas dbang drug bskur ba'o/ /bu mo ni bdag nyid kyis sngags la sogs pa byin te 'dus byas nas dbang bdun bskur ba'o/ /gzhan gyis dbang bskur zhing bdag nyid la mnyan pa ni chung ma ste bdag nyid kyis kyang shes rab kyi dbang bskur ba'o//dpa' bo thabs ni he ru ka dang gnyis su med pa'i ye shes rjes su 'dod pa'o/ /tshangs pa la sogs pa ni thams cad kyis grub pa mchod pa'o/ /bzhi mchog gi mchog ni mkha' 'gro ma phag mo'i rig pa dang de'i sngags gcig go//rgyal po he ru ka'i rig pa dang de'i sngags gnyis so/ /sngags la sogs pa dang dam tshig dang sdom pa ni gsum pa'o/ /rnal 'byor gyi ye shes dang / thabs dang shes rab gnyis su med pa'i ye shes ni rin po che'i bzhi pa'o/ / dkyil 'khor zhes pa der skyes bu'i pad+ma'i lag pas btung ba la sogs pa dbul lo/ /bdag nyid kyang de bzhin nyid du blang ngo / /de bzhin du mchod pa dang bcas na nga mchod pa yin no/ /rnal 'byor pa lhan cig tu dpa' bo thams cad de las gnyis med du gnas pa yin no//der 'dus ni nga'i sku ji ltar mchod pa de bzhin du thams cad la mchod pa bya'o/ /gang zhig bdag nyid gnyis su med pa 'dod na skye bo'i bdag nyid du 'dus te thams cad du gnas la gzhan thams cad spangs pa'o/ /gzhan thams cad go sla'o/ /rim par phye ba zhe gcig pa'o//zla ba gcig ni bsgom pa dang bzlas pa la sogs pa bya'o/ /de nas mtshan mar rnal 'byor mas ston ni bdag nyid kyang gzhan nas 'ongs phrad de dngos su mthong bar 'gyur ro/ /'bras kyi phye ma las gzugs brnyan byas te/ grog la sogs pa la bsgrub bya'i ming dang sngags 'khor lo bris te gzhug par bya'o//de'i lus la tsan+dan dmar po byugs te mchod nas sngags kyi bzlas pa la sogs pa bya'o/ /de nas de dbang du byas par 'gyur ro/ /yang na bsgrub bya bkug la de'i khrag btung zhing zos pas mkha' spyod kyi gnas dngos grub po/ / dkyil 'khor gyi dus su mchod pa'i khyad par ro/ /bya ba'i dam tshig he ru ka'i gzugs kyi phyi rol dang nang gi sbyin sreg bya ste chang dang sha'i sbyin sreg bya zhing dur khrod du gtor ma btang ngo / /rtogs pa ni bcom ldan 'das kyi sku'i bdag nyid du bsdus pa'o/ /rnal 'byor bzhi ni rdzogs pa'i phyag rgya bsdus pa'o//thams cad ni ji srid bya bar 'gyur ro/ /de nyid gsungs pa/ rang gi bya ba la sogs pa'i rim pas phye ba'i mtha' mas so/ /lha'i rnal 'byor gcig dang bcas pa'i rnal 'byor ro/ /'di las gzhan cung zad kyang rnal 'byor yod par bya ba ma yin no//rnal 'byor bzhi dang phyag rgya dang sku dang sngags dang phyag mtshan 'dus par rang gi phyag rgya'o/ /chos dang longs spyod rdzogs pa dang sprul pa dang bde ba chen po'i bye brag gi thig le dang nA da'i gzugs bstan cing bltas la/ sbyor ba med cing rang bzhin med pa de'i mtshan nyid ni phyag rgya chen po'i rnal 'byor ro//phyag rgya chen po ni la lar tshig ste de'i ni spang ba nyid kyi don te zhes pa ni kha cig gi'o/ /las kyi dbye bas dge ba la sogs pa la zhi ba la sogs pa'i don to/ /lte ba dang snying ga la sogs par hUM gi yi ge dmigs pa dngos po'i bye brag gi dbang gis 'phar ba la sogs par brjod de zhes bya ba ni kha cig gi'o//mi 'dod pa spangs pa ni thar pa dang zhi ba dang gsod pa dang mngon spyod do/ /dril bu zhes bya ba la sogs pa ni 'phang ba'i nges pa med pa yang ngo / /bshad pa sprin zhes pa ni ring ba'o/ /ba lang zhes pa ni thung ba'o//ji ltar ba lang rnams u zer zhing mjing pa bkug nas 'thung zhing chags pa can dal gyis 'don par 'gyur ro/ /ji ltar sbrul rnams phu zhes zer zhing de ma thag tu rnam par gcod do/ /rnam par shes pa ni pu lu ste brgyad do/ /dbang du bya ba'i don du gsang chen du brjod do//phyi rol lam ni phyi rol gyi lam la phyogs pa'o/ /thabs ni sri zhu dang bkur sti nye bar dmigs pa'i mtshan nyid do/ /mtshan ma ston cing rtogs pa mngon pa'i thabs te chu'i dong du chu 'du ba la sogs pa bzhin no/ /gzung ba'i yul te he ru ka'i rnam pa las kyi rab 'byams so//de'i ye shes ston par byed pa'i bla ma ste/ lam bsgom pa la sogs pa'i rim pa'o/ /bstan bcos nye bar ston pa la sogs par go bar bya'o zhes pa ni kha cig gi'o/ /bstan bcos kyi mtshan nyid ston pa'i thabs so/ /'di dag ni rim par phye ba bzhi bcu rtsa gnyis pa'o//nyon zhes pa ni bcom ldan 'das la'o/ /ngas ni phag mos bshad pa'o/ /bshad pa ni rgyas par mngon par brjod pa 'bum pa'o/ /'dir yang ka ba gcig la sogs pa ni dkyil 'khor gyi gzhal yas khang ngo / /gzhan du na yang lte ba'i nang na gnas so//de la pad+ma'o/ /de la pad+ma'i ste bcom ldan 'das rang bzhin med pa cha med pa'i stong pa nyid kyi phyir ro/ /cha'i rnam pa'ang lus kyi thig le dang nA da la sogs pa'o/ /nyon mongs pa med pa zhes pa ni kha cig gi'o/ /gos pa med pa ni rang bzhin med pa dngos po med pa zhes pa kha cig gi'o//phag mo rnam par sbyar ba dang ldan pa khar 'khyud pa ste bcom ldan 'das nyid la yang dag par phyogs pa b+ha ga dang / la la nyid ni lte ba'i pad+mar 'di shes rab kyi pha rol tu phyin pa gnas so/ /shes pa ni 'dir dam pa'i chos la phyogs pa'i sgo nas dang bskyed pa'i sgo nas gtso bo'i lus so//dang po la sogs pa ni 'dir rab tu sgrub par byed pa'o/ /rlung ma lus pa bkag ste/ sems dang sems las 'byung ba 'gog pa nam mkha' kun khyab kyi ting nge 'dzin no/ /de'i gzugs ni gong bu gzhom du med pa'i lus thig le dang ldan pa zhu ba'o//de nas de yang gong du thig le dang nA da yang de tsam mo/ /de nas yang thams cad mi dmigs shing dmigs su med pa'i sems tsam mo/ /de yang sems zhes bya ba'i chos kyi dbyings so/ /rim par phye ba bzhi bcu rtsa gsum pa'o/ /de la ni pad+ma'o//de bzhin ni gzhom du med pa'i sgyu 'phrul shes rab kyi pha rol tu phyin pa'i phyir dang de bzhin nyid yin pa'i phyir yang ngo / /sna tshogs pa'i sgyu 'phrul gyis gzugs can zhes pa ni kha cig gi'o/ /mgo bo'i zla ba ni rang gi snying gar ro/ /lte ba zhes pa la sogs pa ni sngon du 'gro ba'i rnal 'byor nyid rdzogs pa'o//pad+ma sum cu rtsa gsum gyi 'dab ma ze ba dang ldan pa'o/ /zla ba la gnas shing gzhom du med pa'i byang chub kyi sems g.yon nas 'jug pa'i A li dang / de'i phyi rol gyi g.yas su bskor ba'i kA li dag ni thabs dang shes rab yin te/ kha sbyor du byas nas 'og dang steng du phyogs shing yang dag par ldan pa'i bskor ba'o//de stong pa nyid de nyid la blta'o/ /chos dang longs spyod rdzogs pa dang sprul pa dang bde ba chen po'i pad+ma dang zla ba rnams so/ /dag pa zhes bya ba la sogs pa rnams ni rnam par dag pa'i A li kA li g.yo bas nyi ma sna bug nas 'char ba dang nub par blta'o zhes pa ni kha cig gi'o//dag pa ni mdor bstan te/ 'dir rnal 'byor pa'i nyi ma dang zla ba'i phyi rol du shar nas rgyu zhing snar nub pa'o/ /sems g.yo ba med cing rlung rgyu ba'i dngos po med pa'o/ /sna rtse ni kun 'dar ma bya rog gi gdong can gyi thig le yungs kar tsam mo//rgyu ba ni brten pa'o/ /mi rgyu ba ni rten no/ /sgra la sogs pa ni stong pa nyid kyi ye shes nges par bsam gtan byas pa'i rim pa 'dis byang chub mthong zhing mngon sum du byed par 'gyur ro/ /nyon mongs pas ni sngon du mngon par phyogs par byas pa'o//de nas rang gi ngang gis bya bas nyon mongs pa spangs shing rnal 'byor gyi yul gyi bde ba'i tshogs zhes pa kha cig gi'o/ /rnal 'byor pa mtshon pa ni mtshan ma'o/ /'dod pa na spyod pa'i lha mo gang gis 'dod pa'i yon tan la longs spyod par nyams su myong bar blta zhing gnas bzang por gnas pa nyid du dmigs par bya'o//gzugs na spyod pa'i lha mo gang gi dga' ba'i zas la sogs pa sems las byung ba'i bsam gtan no/ /gzugs med pa na spyod pa gang gi yang snyoms par 'jug pa la sogs pa'i zas la snyoms par 'jug pa'o/ /nam mkha' dang rnam shes dang ci yang med pa'i 'du shes dang gsum srid pa'i rtse mo sems las byung ba dang yid kyi chos kyi dbyings su yid kyi shes pa la sogs pa nyams su myong bar 'gyur ro//chos kyi dbyings ni 'od gsal lo/ /sangs rgyas ni zung 'jug gi mngon par byang chub pa'o/ / rtse gcig du bsam zhing nA da de tsam yang rdul phra rab kyi gzugs so/ /de ni rtog pa thams cad las 'das pa phra mo'i ye shes su 'gyur ro zhes pa kha cig gi'o/ /sems med ces bya ba la sogs pa ni bsam gyis mi khyab par bshad pa'o/ /don dam par rdul med do/ /rdul phra rab kyi phra mo gang la dkyil 'khor gyi 'khor lo'o//sa bon ni gzhom du med pa la sogs pa'i gzugs dkyil 'khor gyi 'khor lo la sogs pa'i rang bzhin du bsam zhing bltas pas lha'i mig dang / rna ba dang / sna dang / gzhan gyi sems dang / sngon gyi gnas rjes su dran pa'i shes pa dang lnga'o//drug pa zag pa zad pa'i mngon par shes pa mngon sum du byas pa'o/ /zag pa zad pa'i mngon par shes pa zad pa mkhyen cing mngon par shes par nges par 'gyur ro/ /rnam pa thams cad du zad pa 'di bzhin du zag pa zad pa zhes pa ni zad pa'i shes pas mthong na zad pa'i shes pa mngon par shes pa'o//yang mi skye bar 'gyur ba zhes pa ni mngon par shes pa'i don gyis na yang mi skye zhing zad pa'i mngon shes te 'dir ni zad pa ni dngos po med pa'o/ /de yang slar mi skye ba ni mngon sum du rnam par shes pa brgyad do/ /kun shes ni sprul pa kun byed pa ste sprul pa dang ye shes kyi sku dang /chos kyi sku'o/ /stobs kyi rtse ba mthong ba ni sku blta bas chog mi shes pa dang / dpag bsam gyi shing bzhin du rnam par rtog pa med par yang 'gro ba'i don byed pa longs spyod rdzogs pa'i sku ste/ yongs su lhag ma zhes bstan to//byung ba ni rdzogs pa'o/ /skye ba'i chos ston cing rtag tu gang yang rnam par ma chad pa'i dngos po'o/ /ji srid ces bya ba la sogs pa ni lha'i rnal 'byor gsungs pa/ ji srid du rigs thams cad kun du 'dzin par byed pa lus kyi rnam par g.yeng ba ni zlos gar ro/ /ngag gi rab 'byams hUM phaT kI la ya kI la ya la sogs pa'i sgra brjod pa'i mtha'i dngos po lnga po rnams rang rang gi sngags kyi sa bon las rdzogs pa'i phyag rgya dang lus gang dag de dag gis sngags dang phyag rgya'o//rang gi sa bon la sku rdzogs par bskyed do/ /bye brag tu gsungs pa dpal khrag 'thung dang /rdo rje dang / sangs rgyas dang / rin po che dang / pad+ma dang / sna tshogs mkha' 'gro ma'i 'o/ /go 'phang ni thabs dang shes rab kyi khyad par la gnas shing de la rnam par zhugs pa'o/ /pad+ma 'dab ma bzhi ni pad+ma bzhi'o/ /'khor lo ni gzhal yas khang du pad+ma 'dab ma bzhi pa la mkha' 'gro ma bzhi'o//lte ba la mkha' 'gro gcig 'khor ro/ /'di dag ni bzhi bcu rtsa bzhi pa'o/ /bstan pa'i rdzas kyi nad pa 'dra ba'i gzugs bya'o/ /ji srid pa ni nad pa'i tshad du skra yang de srid kyi tshad du bu mos bkal ba'i skud pa dum bu dum bur gtubs la 'dra gzugs kyi sku bya'o//nad pa la ras la sogs pa bla re dang me tog la sogs pas mdzes par ldan pa'i bag ca bcas la/ de la ro bzhin du 'dra gzugs mdun du gzhag go/ /de nas bcom ldan 'das dang bcom ldan 'das ma'i snying po dang / nye ba'i snying po dang / phreng ba dang dkyil 'khor pa mtha' dag gi sngags rnams dgos pa bsnyen la/de'i nga rgyal du shugs phyung la bskul bar bya'o/ /de'i ye shes sems dpa' gzhug par bya'o/ /rang 'dod pa'i lha'i sa bon gyis byin gyis brlabs la dpa' bo drug gi go bskon pa dang / phag mo'i yi ge drug pa'i go cha dang /rje btsun dang rje btsun ma'i sngags gnyis kyis bsrungs la gos sar pa dmar po bgo bar bya'o/ /snying po'i sngags kyi me tog dang phreng ba'i khyad par dang bcas pa dang / bdug pa yang gzhag go/ /de nas de'i sa btang bar gang ci yang rung ba'i rgyan la sogs pa de rnams thams cad de'i mdun logs su gzhag go//de nas zhugs pa dbyung bar bya'o/ /yi dwags 'gro ba ni bag tsha'i las so/ /kye kye shing ngo / /gang gi phyi rol gyi lag gdub la sogs pas slob dpon la lag gdub la sogs pas brgyan pa'o/ /skyed pa bcings nas mtshon cha ral gri thogs nas gtsug tor bcings la go bgo ba la sogs pa byas la/dpa' bo la sogs pa rnams kyis bskor nas 'gro'o/ /gdod ma la sogs pa dur khrod ni rnying par ro/ /de nas yi ge hUM brjod par bya zhing bya ba byed pa song shig pa'o/ /de nas zhi ba'i sbyin sreg kyang bya'o//dkyil 'khor yang bzhengs par bya'o/ /de phyogs dang phyogs dang bral ba brgyad du khwa gdong ma la sogs pa brgyad kyi sngags dgod par bya'o/ /dkyil du 'dra gzugs mgo lhor bstan la sngags slob dpon gyis mtshan pa'o/ /'dra gzugs byas pa'i go cha la sogs pa phyung la nad pa'i lus la dgod do//de yang sum+b+ha la sogs pas bsrung ba byas la/ bsgrub bya dkar por nad las thar par blta ba byas la nad las thar na 'di bzhin du 'gyur zhes pa'o/ /g.yon brkyang ni slob dpon no/ /bsrung ba ni bsrung bya la g.yogs pa'o/ /'dra ba ni lus so/ / 'dra gzugs de brgal bar bya ba lha sbyin gyi sdug bsngal gcod pa ni shi ba nyid la de ral gris gtubs la dbang po dang gzhan shar gyi khwa gdong la sogs pa'o/ /ma mo brgyad po rnams la de dum bu dum bur gtubs la zhi ba'i don du snying po sngags kyis dbul bar bya'o/ /de nas gnas der bzhugs pa'i yo byad thams cad slob dpon la dbul bar bya'o//nad las thar pa ni zhi ba'o/ /de nas der zhugs pa thams cad khrus byas te/ gtor ma btang la/ dang por re zhig des zar gzhug go/ /gzhan dang gzhan la sogs pa yang zar gzhug go//gos la sogs pas mnyes par bya'o/ /de nas zhi bar byas par 'gyur ro/ /dpal he ru ka mngon par 'byung ba las rim par phye ba bzhi bcu rtsa lnga'i dka' 'grel lo/ /dpal he ru ka mngon par 'byung ba rnal 'byor ma'i rgyud kyi rgyal po'i yi ge cung zad ces bya ba'i 'grel pa slob dpon zla ba gzhon nus mdzad pa rdzogs so// //mngon 'byung he ru ka yi dka' 'grel byas pas bsod nams gang bsags pa/ /de yis sna tshogs kun nas he ru ka dpal 'byung bar shog /kye ma bla ma slob ma'i skye bos bsten cing kye ma bla ma'i thugs rjes slob ma la'o//gang zhig mngon par 'byung ba zab mo'i rgyud kyi bka' 'grel zla ba'i gzhon nus byas/ /lho phyogs o Di bi Sha'i yul/ /b+ha tsha ma yi grong khyer du/ /gso sbyor sman gyi rigs su 'khrungs/ /rje btsun yi ge pa yi rigs/ /mkhas pa'i mkhas pas bsngags pa yi//rak+Shi ta pa'i zhal sngas bsgyur// //rgya gar gyi mkhan po ta thA ga ta rak+Shi ta'i zhal snga nas dang / bod kyi lo tsA ba dge slong d+harma blo gros kyis dpal bi kra ma shrI lar bsgyur ro// //[]@##/ /rgya gar skad du/ yo gi nI saM tsAr+ya ni ban+d+haM/ bod skad du/ rnal 'byor ma kun du spyod pa'i bshad sbyar/ 'jig rten dbang phyug la phyag 'tshal lo/ /rtag tu bde ba'i sems ni thugs kyi mgon po gcig po ste/ /nang gi ngo bor bden zhing mi bden shin tu mi gsung ba/ /srid la phan pa'i don du gang gis sku ni sprul mdzad de/ /sdu gu mdzes ma'i phyag gis 'khyud pas 'gro las rgyal gyur cig /rgyud 'dir 'di skad bdag gis thos pa zhes bya ba la sogs pa'i gleng gzhi'i tshig ci'i phyir med ces rgol ba la/ bcom ldan 'das ni rtag tu gnas pa'i phyir yongs su mya ngan las 'das pa nyid ma yin no zhes slob dpon kha cig gsung ngo //yang gsungs pa/ sangs rgyas mya ngan mi 'da' zhing / /zhes bya bas so/ /yongs su mya ngan las 'das pa srid na sdud pa pos gleng gzhi'i tshig rjod par byed do/ /de bzhin du mdo las kyang / dge slong dag nga yongs su mya ngan las 'das nas 'di skad bdag gis thos pa'i zhes bya ba la sogs pa'i tshig gis nga'i chos bsdu bar gyis shig ces so//gzhan yang rgyud gzhan gyis gleng gzhi'i tshig rgyud 'dir drang bar bya snyam du sems so/ /dang por re zhig rjod par byed pa dang / brjod par bya ba dang / 'brel ba dang / dgos pa dang /de'i dgos pa rnams nye bar mthong nas rtog pa dang ldan pa rnams 'jug par 'gyur ro zhes bya ba ste/ de nyid bstan par bya ba'i phyir 'di skad du/ nyan po thos la 'jug bya'i phyir/ /don sgrub 'brel pa grub pa dang / /'brel pa dgos par bcas pa ni/ /bstan bcos kyi ni dang por brjod//ces so/ /de la de nas zhes bya ba nas brtsams nas/ kun du spyod pa zhes bya ba'i gzhung gi tshogs thams cad ni rjod byed do/ /gang zhig de'i brjod bya bcom ldan 'das dang / bcom ldan 'das ma'i ngo bo nyid ni brjod par bya ba'o/ /brjod bya dang rjod byed dag gi dngos po'i mtshan nyid dang /thabs dang thabs las byung ba'i dngos po'i mtshan nyid ni 'brel pa'o zhes bya ba ni gzhan gyi'o/ /dgos pa ni kun du spyod pa'i don gus pas rgyun mi 'chad par dus ring bar goms par byed pa'o/ /dgos pa'i dgos pa ni dpal bde mchog 'khor lo'i go 'phang thob par byed pa yin no//de nas zhes bya ba la sogs pa la/ de nas zhes bya ba ni 'dir tshig phrad kyi tshogs so/ /de la de nas kyi sgra ni rjes thogs dang / rim pa ston pa ste nam mkha' dang mnyam pa'i rgyud kyi rjes thogs la rim pa 'dis 'og nas 'chad par 'gyur ba'i don to/ / yang dag bshad bya ba zhes pa ni yang dag pa phyin ci ma log par bstan par bya ba'o/ /kun du spyod pa'i cho ga zhes bya ba ni kun du spyod pa ni rab tu spyod pa ste/ rnal 'byor ma rnams dang rnal 'byor pa'i lus kyi dkyil 'khor ro/ /de'i cho ga ni cho ga rnam par gzhag pa'o/ /gong na med pa'i go 'phang thob pa'i rgyur gyur pas na mchog go//ston cig ces bya ba'i ston pa ni 'dir gsal bar byed pa ste/ de yang sems can rnams la ston cig ces pa'i don to/ /phyag na rdo rje zhes bya ba ni lhag ma'o/ /de nyid kyis na phyag na rdo rjes sdud pa po mdzad do/ / 'di zhes bya ba ni 'dir thugs la gnas par byas pa'i kun du spyod pa'i cho ga'o/ /cir gyur pa zhe na/ 'khor lo gsum bdag 'di bsgom pa/ /rnal 'byor lam la rnam gnas pa/ /zhes pa ni/ 'khor lo gsum gyi bdag nyid bcom ldan 'das de'i rnal 'byor ni sgom pa'o/ / de nyid kyi rim pas sgrub byed nye bar gnas par byed pa'i phyir lam ste/ de'i tshul gyis rnam par gnas pa'o/ /slar yang cir 'gyur zhe na gsungs pa/ sbas pa zhes bya ba la sogs pa ste/ sbas pa ni ma dad pa rnams la mi gsal bar byas pa'o/ /gang zhes pa ni gang zhig la'o/ /de bzhin zhes pa ni de bzhin du yod kyang ste/lam nyid du yod ces pa'i don to/ /rgyud du zhes pa ni mngon par brjod pa 'bum par ro/ /ji ltar sbas she na/ gsungs pa/ lugs 'byung lugs las bzlog par gnas/ /zhes pa ste/ rim pa dang rim pa las bzlog pa gnyis su brjod pa'i phyir ro/

CLOSE WINDOW