CLOSE WINDOW

D1420
བོད་ཡིག

@##/ /rgya gar skad du/ shrI saM ba ro da ya ma hA tan+t+ra rA dza s+ya pad+mi nI nA ma pany+tsi kA/ bod skad du/ dpal sdom pa 'byung ba'i rgyud kyi rgyal po chen po'i dka' 'grel pad+ma can zhes bya ba/ dpal bde mchog 'khor lo la phyag 'tshal lo//zab mo'i rin chen ma lus 'byung ba 'gro ba'i 'tsho ba gcig pu'i gter/ /rnam sad tshogs kyis yang dag brten pa ngo mtshar sna tshogs brgya phrag gnas/ /dpa' mo yang dag ldan sku bdud rtsi dang bcas rab dang legs pa'i gzhi//sdom pa 'byung ba'i rgyud chen 'o ma'i rgya mtsho mkhas pa rnams kyis brten/ /bla ma'i bka' drin sgron ma yi/ /'od kyis mun bsal blo mig gis/ /sdom pa 'byung ba'i don ji snyed//mthong ba 'dir ni bri bar bya/ /gal te bdag ltas 'di la zhugs kyang ji lta'i gting mtha' rtogs par mi nus mod/ /de lta na yang dge ba goms pa 'byung bar 'dod pas rnam par bshad pa brtsam//gang gi chu bo'i gter gyi gting la kun du reg par nus pa nyid min na/ /cho ga der 'jug rnams kyis 'dod pa'i don dpal thob par 'gyur ba min nam ci/ /'dir bcom ldan 'das nges par khams gsum ma lus pa 'don par bzhed pas yang dag par rdzogs pa'i sangs rgyas byang chub rtogs nas/skal pa ji lta bar 'gro ba rnams chos kyi bdud rtsis yang dag par tshim par mdzad do/ /yang 'ga' zhig de'i dus na nye bar mi gnas pa'i gdul bya'i skye bo rnams kyi phyir chos yang dag par bsdu ba 'di mdzad do//bsdu ba zhes bya ba ni 'bral pa dang go rims ji lta bar thos pa'i chos bstan bcos su nye bar bsdebs pa'o/ /de la re zhig dang por lha dang lha ma yin dang mi la sogs pa 'gro ba mtha' dag gi ston pa gcig pu dam pa'i mchog mnyam pa med pa tshad mar gyur pa'i skyes bus bka' stsal pa nyid kyis bstan bcos 'di rang nyid kyis ma byas pa nyid de rna ba'i shes pas yang dag par khong du chud pa nyid kyis bdag nyid tshad mar gyur pa bstan pa'i phyir/'di skad bdag gis zhes pa la sogs pa gsol ba btab pa zhes pa'i bar bcom ldan 'das sdud pa pos nyan pa'i skye bo 'jug pa'i yan lag tu nye bar bstan pa'o/ /de gsungs pa/dad ldan 'jug pa'i yan lag tu/ /rang nyid tshad mar rab bsgrub phyir/ /ston pa 'khor dang dpang po dang / /yul dang dus rnams nges par bstan/ /sdud par byed pas 'jig rten du'ang / /yul dang dus ni nye bar mtshon/ / smra ba dbang por zhes brjod pas/ /tshad ma nyid ni lhag thob 'gyur/ /zhes so/ /gal te so sor nges pa'i yul dang dus ma brjod pa'i phyir/ 'di dag ji ltar shes par byed pa yin zhe na brjod par bya ste/ de dag 'ba' zhig kho na nges par shes par byed pa'i gtso bo nyid ma yin te/ de dag med kyang 'ga' zhig du dbang po tsam gyis tshad ma nyid du 'gyur ba'i phyir ro//yul dang dus ni nye bar mtshon/ /zhes pa ni phal che ba nyid kyis so/ /pha rol tu phyin pa'i tshul la yang dus ni dngos po ma yin pa'i phyir/ yul kho na bsod nams dang ltad mo la sogs pa la 'gro bar rung ba nyid kyis nges par bstan to/ /'dir ni gang dang gang gi tshe gang dang gang kho nar gdul bar bya ba de dang de'i tshe de dang de kho nar bstan pa 'di rab tu 'jug pa'i phyir yul gyi nges pa yang bya bar mi nus so zhes thun mong du bstan pa kho nar mdzad do//yang na gang yul dang dus so sor nges pa dag kyang yod de/ de ltar yang bcom ldan 'das kyis mos pa dman pa rnams kyi phyir nyan thos kyi theg pa nye bar bstan te/zab mo la mos pa rnams kyi phyir dang 'dod chags dang bral ba'i bsam pa rnams kyi phyir/ pha rol tu phyin pa'i tshul rab tu gsal bar mdzad nas/ mchog tu zab pa'i chos kyi snod rnams kyi phyir dpal 'bras phung gi mchod rten du nag pa'i zla ba'i nya la dpal chos dbyings gsung gi dbang phyug gi dkyil 'khor bzhengs te/sngags kyi tshul gyi bstan bcos mtha' dag gsal bar mdzad do zhes gsungs so/ /'on kyang 'dir dam pa'i don gyi tshul nyid kyis phyi rol gyi gzung bar zhen pa bsal ba'i phyir de nye bar ma bstan to zhes pa'o/ /yang na 'khor ba'i bar phyogs bcu ma lus pa nam mkha'i khams rab 'byams la gnas pa'i chos thams cad kyi rdul phra rab so so'i nang na gnas pa/rdo rje nor bu'i rtse mo'i gzhal yas khang pa'i nang du bzhugs pa nyid rab tu bstan pa'i phyir 'dir yul dang dus kyi nges pa ma gsungs so/ /gang gi phyir 'di la sogs pa'i tshig rnams kyis bstan pa'i mtshan nyid dang bya ba bsgrub pa'i rgyu dang /yon tan mtha' dag brjod par 'gyur te/ de ltar yang rnam pa 'di lta bu'i ston pas rnam pa 'di lta bu'i gnas su 'di lta bu'i 'khor 'dus pa la rnam pa 'di lta bu'i zhu ba pos zhus pas chos 'di bstan to/ /de'i phyir gdon mi za bar 'dir don gyi khyad par yang srid par 'gyur ro zhes gdul bya'i skye bo nyan pa po rnams thos pa la sogs pa la shin tu gus par 'gyur ro//rgyu'i yon tan brjod pa rnams kyang 'bras bu'i yon tan khyad par du 'phags pa'i gsal byed du 'gyur ba ni/ ji ltar 'tshed pa la sogs pa'i bya bas gang zhig bsgrub pa na sgrub byed mdzad mkhan la sogs pa'i yon tan bsngags pa bzhin no//'on kyang ston pa po kho na 'dir brjod par bya ba dang rjod par byed pa yang ngo / /de gsungs pa/ brtag pa gnyis kyi rgyal por/ 'chad pa po nga chos kyang nga / /rang gi tshogs ldan nyan pa nga / /zhes so/ /de'i phyir rjod par byed pa dang brjod par bya ba dang 'brel pa dang dgos pa dang de'i dgos pa rnams kyang brjod par bya'o/ /de la le'u sum cu rtsa gsum gyi bdag nyid can gyi rgyud 'di ni rjod par byed pa'o//rim pa gnyis yan lag dang bcas pa'i rang bzhin rgyu dang 'bras bu'i bdag nyid bcom ldan 'das dpal bde mchog ni brjod par bya ba'o/ /de dag gis rjod par byed pa dang brjod par bya ba'i mtshan nyid ni 'brel ba'o/ /gdul bya'i skye bo'i rgyud la rgyud kyi don rtogs par gyur pa ni bstan bcos kyi dgos pa'o//rim gyis sgrib pa gnyis spangs te 'gro ba mtha' dag la nye bar mkho bas phyag rgya chen po 'grub pa ni dgos pa'i dgos pa'o zhes bsdus pa'i don to/ /yan lag gi don la yang brjod par bya ste/ 'di skad ces pa ji ltar 'chad par 'gyur ba de kho na ltar chad pa dang lhag pa med do zhes pa ste/'dis sdud par byed pa po bdag nyid gzungs rab tu thob par bstan to/ /bdag gis thos pa zhes pa la sogs dngos las thos par bstan pa'i phyir/ phyin ci log gi dogs pa sel bar byed de gsungs pa'i don ston par byed pa'i phyir ro/ /yang na gang thos pa nyid de bdag gis mngon sum du byas pa dang rang gis byas pa ma yin no zhes pas te 'dis ni chos kyi mchog tu zab pa nyid bstan par bya'o//yang na bdag gis re zhig 'di skad thos la/ gzhan rnams kyis rnam pa gzhan du yang ste/ bcom ldan 'das kyis bstan pa'i tshul rnams lhag par mos pa'i dbang gis rnam pa du mar rab tu 'jug pa'i phyir ro//dus gcig na zhes pa skad cig gcig kho na la bcom ldan 'das kyis kyang bstan cing bdag gis kyang thos zhes pas te/ 'dis ni bdag nyid rnam par thar pa'i sgo bsam gyis mi khyab pa thob ba nyid du'o/ /yang na gcig gi tshe 'di dang gzhan gyi tshe gzhan zhes pa ste thos pa mang bar ro/ /yang na dus gcig kho na 'di ltar thos la gzhan gyi tshe res 'ga' yang ma yin no zhes pa ste/chos rnyed dka' ba nyid du rab tu bstan no/ /bcom ldan 'das zhes pa dbang phyug la sogs pa'i yon tan ldan pa'i phyir dang nyon mongs pa'i bdud la sogs pa bcom pa'i phyir yang zhes pa ste/ 'dis ni legs par yongs su rdzogs shing yongs su dag pa'i bsod nams dang ye shes kyi tshogs yang dag par khong du chud pa rang gi don gyi 'byor pa mtha' dag phul du byung zhing mthar thug pa nyid kyis gzhan gyi don gyi 'byor pa ma lus pa sgrub pa'i nus pa mnga' ba'i ston pa yang dag par brjod par 'gyur ro//thams cad ces pa de thams cad kyang yin la de bzhin gshegs pa yang ste/ de rnams kyi sku dang gsung dang thugs kyi sprul pa dang chos dang longs spyod rdzogs pa'i sku rnams so//de nyid bde ba chen po'i rang bzhin gyi phyir dang de'i rgyu nyid kyi phyir yang rdo rje rnal 'byor ma'i b+ha ga'o/ /yang na de bzhin gshegs pa thams cad kyi sku dang gsung dang thugs rdo rje ni bcom ldan 'das rdo rje sems dpa' ste/ de'i rnal 'byor ma dang de'i b+ha ga'o//yang na de nyid b+ha ga ste de la'o/ /btsun mo thams cad bsdus pa'i rang bzhin nyid las mang po'o tshig go/ /rnam pa gnyi ga ltar yang chos 'byung la gnas pa'i gzhal yas khang gi nang du'o zhes pa'i don to/ /bla na med pa'i chos kyi rol pa dang dga' ba dang bde ba'i gnas nyid kyis gnas phun sum tshogs pa yongs su bstan to//'khor phun sum tshogs pa rab tu bstan pa'i don du gsungs pa/ 'phags pa zhes pa la sogs pa ste sdig pa'i chos rnams las ring bar spyod pa'i phyir 'phags pa'o/ /sangs rgyas kyi chos rnams la ting nge 'dzin la sogs pa rnams kyis kun du dga' bar byed pa zhes pa 'phags pa kun dga' bo'o//sogs pa ni de 'dod chags dang bral ba gang rnams kyi dang po yin pa de bzhin du de'o/ /de rnams kyis bskor ba thog mar te/ gang 'phags pa spyan ras gzigs dbang phyug la sogs pa byang chub sems dpa'i tshogs kyis de bzhin du de'o//ji ltar nyan thos kyi theg pa'i dbang du byas pa rnams 'dir zhugs te/ 'dod chags dang bral ba'i bsam pa'i phyir dang / shes rab dman pa'i yang phyir ro/ /gsungs pa ni/ dge slong bsam gtan la gnas gang / /gang yang rtog ge dga' ba'i mi/ /rgas pa'i rten la gnas pa gang //de la de nyid bstan mi bya/ /zhes so zhe na brjod par bya ste/ 'di dag ni byang chub sems dpa' sprul pa'i nyan thos 'dzin pa nyid yin gyi/ nyan thos nyid ni ma yin no/ /de gsungs pa/ thun mong ma yin pa'i gsang ba rnal 'byor gyi rgyud du kun dga' bo ni kun du bzang po yin no zhes pa la sogs pa'o//de ltar na byang chub sems dpa'i 'khor bstan pa nyid las rtogs te/ ci'i don du slar so sor bstan zhe na/ sngags kyi tshul la sgrub pa po dge slong mchog nyid du rtogs pa'i don du'o/ /de ltar yang / dge slong rdo rje 'dzin pa bya/ /de ni ma rungs bsdigs pa'i mchog /ces so/ phyag na rdo rje'i zhabs kyis kyang / /khyim pa dang dge tshul gyi slob dpon la ltos nas slob dpon dge slong mchog tu gsungs so/ /nyan thos kyi theg pa tsam la lhag par mos pa shes rab dman pa la ltos nas ni bkag pa yang 'thad pa'i don to/ /bye ba phrag brgyad cu zhes pa grangs med pa nyid yin yang gtso bo rnams kyi grangs bstan pa'o//rnal 'byor pa zhes pa shes rab dang thabs snyoms par 'jug pa ste/ zhi gnas dang lhag mthong zung du 'jug pa'i ting nge 'dzin no/ /de gang rnams la yod pa de rnams dbang phyug ste phul du byung ba thob pa'i phyir ro/ /zhu ba po phun sum tshogs pa gsungs pa/phyag na rdo rje zhes pa ste me long lta bu la sogs pa ye shes lnga'i bdag nyid can gyi ting nge 'dzin mtshon pa'i rdo rje gang gi phyag na lag mthil ltar yod pa de bzhin du de'o/ /'dzum pa zhes pa ston pa'i dgongs pa mtshon pa ste/ de bzhin gshegs pa rnams kyis ston par bzhed pa'i dgongs pa khong du chud pas 'khor rnams btang snyoms su mi lus pa'i phyir zhes pa sangs rgyas bcom ldan 'das rnams mtshan ma nye bar ston par mdzad de/ji ltar 'phags pa shes rab kyi pha rol tu phyin pa ston pa'i dus na 'phags pa byams pa la rnam par gzigs pa dang 'od zer rab tu bkye ba dang 'dzum pa rab tu gsal ba'i mtshan nyid kyi rtags rnam pa gsum nye bar bstan pa bzhin no//'phags pa spyan ras gzigs dbang phyug la sogs pa de rnams yod kyang phyag na rdo rje la rnam par gzigs pa ni/ 'di sku gzugs dang dam pa'i chos bsrung bar nus pa'i phyir dang /rdo rje theg pa sdud pa la dbang ba'i phyir dang / gdul bar dka' ba 'dul bar nus pa'i phyir ro/ /stan las langs te zhes pa chos la gus pas dul ba dang / rab tu dang ba'i sbyor ba las ma 'ongs pa'i slob ma la bslab pa'i don du yang ngo / /gang yang 'di nyid kyis rgyud mtha' dag gi bsdus pa'i don bstan te de ltar yang gsal ba dang go bar byed pa zhes pa rgyud do//de ni rnam pa gsum ste/ thabs kyi rgyud dang / rgyu'i rgyud dang / 'bras bu'i rgyud kyang ngo / /de gsungs pa 'dus pa phyi ma las/ /rgyud ni rgyun chags su brjod de/ /rgyud de rnam pa gsum du 'gyur/ /rten dang rang bzhin nyid dang ni/ / mi 'phrogs pa yi rab dbye las/ /zhes pa'o/ /de la 'bras bu'i rgyud ni zung 'jug gi bdag nyid bcom ldan 'das dpal rdo rje 'chang ste/ ston pa po'i rang bzhin brjod pa'i phyir gsungs pa nyid do/ /gal te yang sgrub pa po dang 'brel pa'i 'bras bu kho na brjod par rigs pa de lta na yang rdzogs par gyur pa na 'di lta bu nyid kyi 'bras bu 'grub po zhes de dang 'dra ba kho nas gsungs so//gzhan yang sngags kyi tshul la sgrub pa po'i rang bzhin grub pa yongs su dag pa'i sangs rgyas kyi snying po nyid yod pa la yang dri ma dang bral zhing yongs su dag par dmigs pa nyid kyis mi mthun pa'i phyogs mtha' dag spangs pas 'dod pa'i bsgrub bya 'grub par 'gyur ro//gsungs pa yang / sangs rgyas nyid ni bsgrub pa'i rgyu/ /rnam pa thams cad sangs rgyas sbyor/ /zhes so/ /de bzhin du ye shes zhabs kyis kyang / /kun du bzang po'i bdag nyid ni/ /bsgom pa'i 'bad pa byang chub che/ /zhes so/ / sangs rgyas kyi snying po nyid nye bar bstan pa yang rgyu gsum rnams nyid kyis te rdzogs pa'i sangs rgyas kyis chos kyi sku khyab pa dang / de de bzhin nyid dang dbyer med pa'i phyir dang / sangs rgyas nyid sgrub par rung ba nyid kyis so/ /de gsungs pa/ rdzogs pa'i sangs rgyas sku 'phro'i phyir/ /de bzhin nyid dbyer med phyir dang //kun la rtag tu rigs yod phyir/ /lus can sangs rgyas snying po'o/ /zhes so/ /de'i phyir bcom ldan 'das nyid 'bras bu dang lam du yang ste/ rgyu'i rgyud ni ltos nas brjod par bya'o/ /e yig ni lha mo'i chos 'byung ngo / /waM yig ni rdo rje'o/ /ma yA zhes pa 'dus pa'o//shru taM zhes pa zhu zhing ltung ba'o/ /dus gcig na zhes pa thun mong ma yin pa'i lus dang ngag dang sems mtha' dag nye bar dmigs pa rdzogs pa'i rang bzhin lhan cig skyes pa'i dga' ba'i skad cig la bcom ldan 'das byang chub kyi sems kyi rdo rje bde ba chen po dang dbyer med pa'i sku bzhugs pa ste/chos thams cad khyab pa'i rang bzhin nyid kyis gnas pa'o/ /de gsungs pa/ e yig b+ha ga zhes par brjod/ /yi ge waM ni rdo rjer dran/ /ma yA zhes pa bskyod par byed/ /shru taM gang de rnam gnyis 'dod/ /khu ba'i rnam pa bcom ldan 'gyur/ /de yi bde ba 'dod mar dran//chos dang longs spyod rdzogs rang bzhin/ /rdo rje sems dpa'i mtshan nyid do/ /zhes so/ /yang na/ e yig sa ru shes par bya/ /las kyi phyag rgya las can ma/ /lte ba sprul pa'i 'khor lo la/ /'dab ma drug cu rtsa bzhir gnas/ /waM yig chu ru shes par bya/ /chos kyi phyag rgya mA ma kI//snying kha chos kyi 'khor lo la/ /chu skyes 'dab ma brgyad par gnas/ /ma yig me ru nges par bstan/ /phyag rgya chen mo gos dkar mo/ /mgrin par longs spyod 'khor lo la/ /chu skyes 'dab ma brgyad gnyis gnas/ /yA yig rlung du rab tu brjod/ /dam tshig phyag rgya sgrol ma ste//bde ba chen po'i 'khor lor gnas/ /chu skyes 'dab ma sum cu gnyis/ /shru taM lhan skyes zhes par brjod/ /rnam gnyis dbye bas phye ba'o/ /zhes pa'o/ /lhag ma ni sngar bzhin no/ /'phags pa kun dga' bo la sogs pa zhes pa 'jig rten las 'das pa'i dga' ba mchog la sogs pa yod pa'o//'phags pa spyan ras gzigs zhes pa 'dod chags la sogs pa rang bzhin brgyad cu rnams kyi rang bzhin du gyur pa stong pa nyid dang ro gcig pa bde ba chen po'i rnal 'byor las yon tan du gyur pa nyid kyis dbang phyug rnams kyi dbus su gyur pa'o/ / gsungs pa yang / nyon mongs byang chub yan lag 'gyur/ /zhes so/ /phyag na rdo rje ni gnyis su med pa'i ye shes so/ /rnam par gzigs pa ni nyams su myong ba'o/ /stan las langs te zhes pa ni ting nge 'dzin de las langs te yang na gsang ba'i 'khor lo las so/ / bla gos phrag par byas nas zhes pa yan lag mchog la thob par byas nas so/ /pus mo g.yas pa'i lha nga sa la btsugs te zhes pa de bzhin gshegs pa'i brda las/ yongs su dag pa'i longs spyod rdzogs pa'i sku'o/ /sa la zhes pa chos nyid la'o/ /de nyid lag pa thal mo sbyar bar byas nas zhes pa srid pa dang zhi ba dbyer med par gyur pa'o//bcom ldan 'das la zhes pa rje btsun gnyis su med pa'i ye shes de nyid la'o/ /gsol ba btab pa zhes pa yid la byed pa med pa nyid kyis 'gro ba'i don la bskul bar mdzad pa'o/ /bskyar nas bshad pa la 'brel pa med pa ma yin no//thabs kyi rgyud kyang 'di nyid kyis rnam par bshad de/ thabs zhes bya ba nye bar len pa'i rgyur gyur pa'i rgyu'i rgyud kyi lhan cig byed rgyu gnas pa'o/ /yang na gang rgyud gsum ka yang rnam par bshad pa 'di nyid kyis gsungs par gtogs par bya'o/ /rgyu dang 'bras bu'i dngos po dang khyad par ni de ma thag bshad par bya'o//gal te rdo rje 'chang nyid ni bskyed bya dang rnam par bsgyur bya dang thob bya rnams las cir 'gyur/ bskyed bya yin no zhe na/ rnam par 'jigs pa dang phyogs gcig par 'gyur ro/ /gsungs pa yang dge slong rnams gang cung zad kun 'byung ba'i chos can de thams cad ni 'gog pa'i chos can yin no zhes so//de'i phyir slar 'khor ba pa nyid du 'gyur gyis phyogs gcig pa nyid kyis thams cad mkhyen pa nyid du mi 'gyur te/ yul dang dus bzlog nas gnas skabs gzhan gcig par shes pa la yul dang dus gzhan mi shes pa srid pa'i phyir ro//de'i phyir grol ba dang ma grol ba dag khyad par med par thal bar 'gyur ro/ /rnam par bsgyur bya'i phyogs ni bskyed bya'i phyogs dang khyad par med de/ 'ga' zhig gis gnas skabs can gcig nyid kyi gnas skabs gzhan bzlog nas gnas skabs gzhan rab tu 'jug pa la gser la sogs pa'i rna rgyan gyi dngos po la sogs pa ltar rnam par 'gyur ba'i tha snyad do//de yang skad cig 'jig par smra ba'i sangs rgyas pa rnams kyi 'dod pa la mi srid de/ shin tu mtshungs pa rnams kyis kyang skad cig so sor rjes su 'gro ba med par 'jig pa 'byung ba'i rang bzhin nyid kyi phyir ro//thob bya nyid la ni nyes pa mang ste thob bya'i 'bras bu lhan cig byed pa dang nye bar len pa dag nye bar mkho ba med do/ /gang yang thob ba zhes bya ba ni ma thob pa thob pa'o/ /de yang tha dad pa nyid la rigs par 'gyur te/ phrad pa dang bral ba dag tha dad du mtha' gcig pa'i phyir ro//de ltar na yang sangs rgyas nyid dang ldan pa zhes par 'gyur gyi sangs rgyas zhes par ni mi 'gyur te/ ji ltar ba lang dang ldan pa bzhin no/ /tha dad med na ni thob pa nyid de thob bya ma yin no/ /gang zhig dang tha dad med pa de de'i rang bzhin du 'gyur te/ ji ltar me'i tsha ba nyid bzhin no/ / de'i phyir lam goms pa med pa kho nar sems can thams cad sangs rgyas nyid du 'gyur te/ gang zhig gang gi rang bzhin nyid yin pa de ni mngon du byed pa'i thabs kyi rab tu sbyor ba la 'bad pa med do/ /gal te rang bzhin du gyur kyang kun rdzob tu thog ma med pa'i rnam par rtog pa yang dag pa ma yin pa'i rab rib kyis bsgribs pa'i phyir/rab tu gsal ba dang ldan pa'i rang bzhin dang tha dad pa lta bur 'gyur ro/ nam mkha'i rab tu gsal ba la sogs pa yang sprin la sogs pas bsgribs pa bzhin no zhe na ma yin te/ gnyi gar yang chos nyid gcig tu gnas pa nyid kyis bsgrib par bya ba dang sgrib par byed pa dag mi rigs pa'i phyir ro//nor bu la gnas pa'i 'od dang mkhregs pa dag la bsgrib par bya ba dang sgrib par byed pa nyid ces bya ba yod pa ma yin no/ /'gal ba de dag ni chos dang chos can tha dad pa dag kho na la rigs so/ /gang yang bsgribs pa nyid ces bya ba ni sangs rgyas nyid kyi nges pa dang mi ldan pa'i rang bzhin nyid na/gang zhig gang la nges pa dang mi ldan pa nyid kyi gnas pa de ni de la rang gi don bya ba yongs su 'dor ba ma yin te/ sreg pa zhes ma nges kyang sreg byed ma yin par mi 'gyur ro/ /ji srid byis pa la sogs pa'i lus la gnas shing des nges pa dang mi ldan pa'i nor bu dang /sngags dang sman rnams kyang rang gi don bya ba byed do/ /gzhan yang rnam par rtog pa rnams kyis yang dag pa'i don mthong ba sgrib par byed pa nyid kyis/ mun pa'i tshul nyid la sgrib par byed pa nyid du 'gyur na yang sangs rgyas nyid ni mnyam pa med pa'i snang ba mchog gi tshul nyid las ji ltar bsgrib par bya ba nyid du 'gyur/snang ba ni mun pas bsgrib par bya ba ma yin te snang ba ni mun pa 'joms par byed pa'o/ /gal te yang de ltar yin na nam yang sgrib pa spong ba dang bsgom par bya ba ma yin no/ /gang yang dri ma spangs par gyur pa sems kyi bsgrib par bya ba dang /gnyen por 'gyur ba dum bu ma yin pa'i rang bzhin dngos po gcig dang dus gcig la gsum po 'di dag ji ltar rigs par 'gyur/ /bdag nyid la bya ba 'gal ba'i phyir ro/ /dus tha dad pa nyid la ni shin tu mi rigs te gcig gi dus na gzhan mi srid pa'i phyir ro zhe na de dang de dag thams cad la snying po med de/gsungs pa'i don rtog ge'i bgrod bya ma yin pa nyid kyi phyir ro/ /gsungs pa yang mdo sde rgyan du/ rten dang ma nges ma khyab dang / /kun rdzob pa dang skyo ba can/ /byis pa la brten rtog ger 'dod/ /de phyir de ni de yul min/ /zhes so/ /de nyid gsungs pa/dpal he ru ka mngon par brjod par/ thun mong rgyud rnams thams cad kyi/ /gtan tshigs rnams kyis gzhom bya min/ /dad pa tsam gyis gzung bya ste/ /mig dang lag par ma yin no/ /zhes so/ /theg pa chen po'i rgyud bla mar yang / /rang byung rnams kyi don dam la/ /dad pa kho nas 'dir 'jug bya//'od 'bar nyi ma'i dkyil 'khor la/ /mig med mthong bar mi 'gyur ro/ /zhes so/ /sa ra ha'i zhabs kyis kyang / /blo yi spyod yul nyid min ngag gi spyod yul min/ /bla mas bstan pa dngos po'i gtam ni ring por 'jug /de ni rim gyis snying rje la sogs yon tan dkar//dad ldan snying gar go 'phang rang nyid sbyin par 'gyur/ /zhes so/ /de ltar na rig byed la sogs pa'i rab tu 'jug pa yang mi 'gal ba nyid do zhe na ma yin te/ de ni 'jig rten las 'das pa'i tshad mas kyang mi 'thad pa'i phyir ro/ /'dir ni de mi srid de/ bla ma brgyud pa las 'ongs pa'i man ngag gis nyams su myong ba khong du chud pa'i phyir ga la mtshungs//dad pa yang 'dir yod pa nyid dang yon tan can nyid dang nus pa nyid kyis tshad ma'i yid brtan pas yid ches pa dang dang ba dang 'dod pa'i rnam pa ste/ gzhan blun po rnams kyis ltar rigs pa dang bral ba ni ma yin no//'on kyang khas blangs nas kyang brjod par bya ste/ re zhig gang bskyed bya nyid la rnam par 'jig pa nyid du brjod pa de la 'di'i rnam par 'jig cing mar me la sogs pa ltar rgyun zad pa tsam mam/ sa bon la sogs pa dang myu gu la sogs pa ltar rgyun gzhan skyes pa na sngar gyi rgyun log gam skad cig so sor 'bras bu 'dra ba gzhan dang gzhan skye ba yin/re zhig dang po ni ma yin te sems ni brtan pa ltar rnam pa thams cad du 'chad pa mi srid pa'i phyir ro/ /mar me la sogs pa la yang nye bar 'tshe ba med pa'i sa phyogs su mar khu dang sdong bu la sogs pa yod na yun ring du gnas pa grub na nam mkha' ltar yangs shing dri ma med pa bsod nams dang ye shes kyi tshogs dang ldan pa'i bcom ldan 'das smos kyang ci dgos/'jig rten na yang ji srid bsod nams dman pa tsam yod pa de srid sems can rnams kyi rgyun mi 'chad par mthong ba yin no//de nyid kyi phyir phyogs gcig tu gnas pa nyid kyi skyon med de tshogs gnyis kyis khyab pa'i phyir ro/ /phyogs gcig pa nyid la yang thams cad mkhyen pa nyid med do/ /gzhon nu ma'i pra ti se na'i shes pa lta bu dang / bden pa'i rmi lam gyi shes pa ltar dus dang phyogs mtha' dag na gnas pa'i dngos po phyin ci ma log par shes pa rnal 'byor pa'i ye shes so//de yang phyogs gcig nyid kho na ma yin te/ gzhan du na yun ring po dang 'das pa la sogs pa 'ga' zhig rtogs pa med do/ /phyogs gnyis pa yang bcom ldan 'das la mi srid de/ 'bras bu mi 'dra ba bskyed pa'i rgyu mi srid pa'i phyir ro//kun nas nyon mongs pa gnyis ni de'i rgyu ste de yang bcom ldan 'das kyis spangs so/ /'on te de yang mi 'dod pa'i rkyen gyi stobs kyis nyams pa/ 'dod pa ma yin zhing rang gi 'dod pa'i dbang gis kyang ma yin te/ de'i sprul pa'i sku'i rgyun bstan pa la mi srid pa'i phyir ro//gsum pa ni mi 'dod pa ma yin te chad pa med cing rtag pa'i longs spyod rdzogs pa'i sku la 'dod pa nyid kyi phyir ro/ /de'i phyir longs spyod rdzogs pa dang sprul pa'i sku la ltos nas bskyed bya nyid kyang 'dod pa'o/ /chos kyi sku la ltos nas ni thob bya nyid do/ /ji ltar brjod pa'i skyon gyi skabs kyang med de/de ltar yang re zhig gang brjod pa tha dad med pa la thob pa 'gal zhes pa'o/ /de la thob pa ni khong du chud pa de lag pas 'dzin pa ni ma yin no/ /de yang dbyer med kyang nyes pa med do/ /gang zhig gang la gnas shing rang bzhin du gyur pa la yang de gdon mi za bar nges pa ma yin te/ ji ltar skad cig 'jig pa la sogs pa la yang ji srid nges par gyur pa de srid ma nges pa nyid du dpyod do/ /gang yang 'di dag don dam pa'i bden pa la ltos nas sam/ kun rdzob kyi bden pa la ltos nas brjod par bya/ dang po ltar na mi 'dod pa cung zad kyang med do/ /don dam pa'i bden pa la ni thob par bya ba dang thob par byed pa dang thob pa rnams med de/don dam pa'i chos thams cad nye bar dmigs pa med pa'o/ /gnyis pa la ni mngon sum gyis 'gal ba'o/ /gang gi phyir sems kyi rnam 'gyur las rang gi ngo bo rnam pa gzhan du gnas pa yang rnam pa gzhan du mthong bar 'gyur te/ji ltar mkhris pa 'khrugs pa'am d+ha du ra la sogs pa zos pa las rang gi lus la sogs pa 'khor ba med kyang 'khor ba nyid dang / ji ltar yang de'i glo bur gyi 'khrul pa'i rgyu rnam par nyams pa dang rang gi lus la sogs pa rang bzhin du gnas pa la yang thob par brjod cing de thob pa'i ched du thabs kyi rab tu sbyor ba yang byed pa de bzhin du 'dir yang mi rigs pa ci yod/'di nyid kyi nges pa dang mi ldan pa nyid kyis kyang yod pa'i don gyis bya ba byed pa nyid du brjod pa spangs pa yin te 'di ni rnam pa thams cad du rigs pa med do/ /gang yang snang ba ni ji ltar mun pas sgrib bar byed ces pa la sogs pa brjod pa de yang cung zad med de/sangs rgyas nyid dang rnam par rtog pa dang / snang ba dang mun pa'i sgra'i brjod par bya'i tshul khyad par med de/ mi mthun pa'i phyogs bzlog par nus pa'i phyir dang / de rnams kyis bzlog par mi nus pa'i phyir dang / shes bya thams cad khong du chud pa'i rgyud nyid kyis kyang snang ba'i tshul du brjod cing /rnam par rtog pa rnams kyang rtag tu yang dag pa ma yin pa la mngon par zhen pa nyid kyis mun pa'i tshul nyid du'o/ /gal te 'gal ba dag chos can gcig nyid ces ji ltar brjod ce na/ mthong ba la mi rigs pa ci rtag par 'dzin ba la sogs pa mi mthun pa'i phyogs dang /skad cig ma nyid la sogs pa la'ang gnyen po'i phyogs yin gyi chos can du ma nyid ni ma yin te/ sems kyi rang bzhin skad cig ma nyid la rang gi ngo bo dang ldan par 'dzin pa dang phyin ci log tu gzung ba yang de nyid do//de nyid kyi phyir/ sems kyi rang bzhin dag pa la/ /dri ma rnams ni glo bur pa'o/ /zhes gsungs so/ /dum bu ma yin pa'i sems gcig la zhes pa ni khyod gang gis bslus par gyur/ rnam par ma dpyad pa'i kun rdzob tu sems ni yid 'phrog pa gcig dang du ma ste de'i chos rnams kyang mang po'o//don dam par ni gcig ma yin zhing du ma yang ma yin no/ /de nyid kyi phyir dkyil 'khor gyi 'khor lo la sogs pa du ma'i rnam par spro ba dang / ye shes lnga dang sku gsum dang stobs dang mi 'jigs pa la sogs pa'i chos rnams kyang tha dad pa ma yin te/phan tshun ldog pa ma grub pa'i phyir dang / ye shes gcig rjes su 'gro ba'i phyir dang rnal 'byor dang bde ba gcig pa'i phyir yang ngo / /tha mi dad pa yang ma yin te mtshan nyid tha dad cing don sna tshogs kyi bya ba byed pa'i phyir yang ngo / /dngos po don dam pa khas blangs na tha dad pa dang tha mi dad pa la sogs pa'i phyogs su lhung ba'i skyon du 'gyur gyi/rmi lam la sogs pa ltar rnam pa thams cad rab tu mi gnas pa la ni ma yin no zhes pa ste ha cang thal bar 'gyur bas chog go/ /da ni mdor bsdus te brjod pa'i don nyid gsal bar bya ba'i phyir bshad par bya ba/gsol ba gdab par bya ba'i phyir yul du gyur pa las thabs kyis bsdus pa'i don gsol ba 'debs pa po rang nyid kyis nye bar bsdus te gsungs pa/ nyan par zhes bya ba la sogs par gsungs pa'o/ /de la thog ma kho nas thabs kyi rgyud kyis bsgom pa'i go rims bstan pa'i phyir dang /rnam par sbyang bar bya ba'i don mdor bsdus pa'i phyir dang / yongs su dag pa'i rang bzhin gsal bar bya ba'i phyir yang bskyed pa'i rim pa la gsol ba btab pa'o/ /bskyed pa zhes pa bskyed pa dang bltam pa dang skye ba'o/ /de la rab tu sbyor ba 'di yis zhes pa rnal 'byor te de'i mtshan nyid do//de nas de'i thabs las byung ba rdzogs pa'i rim pa ste/ bskyed pa dang rdzogs pa dang grub pa dang zung 'jug gi rim pa'o/ /de'i rgyu ni bskyed pa'i rim pa'i 'bras bu'i rang bzhin de rgyu la 'bras bu nye bar btags nas de ltar brjod do/ /de yang rnam pa gnyis te rang byin gyis brlab pa dang 'od gsal gyi dbye ba las so//rdo rje'i bzlas pa ni rim pa gnyis la rjes su 'gro'o/ /bskyed pa dang rdzogs pa'i rim pa'i dbye ba las rim pa dag ni gnyis kho na'o/ /de gsungs pa/ rdo rje can gyi chos bstan pa/ /rim pa gnyis la yang dag brten//bskyed pa'i rim pa nyid dang ni/ /rdzogs pa'i rim pa nyid kyang ngo / /zhes so/ /de'i phyir gtso bo nyid kyis rim pa gnyis po kho na thog mar zhus pa ste/ zhu ba'i lhag ma rnams ni de'i yan lag go/ /de nyid gsungs pa/ rnam pa thams cad gcig sdom la/ / zhes pa 'di thams cad kyi rnam pa'i rab tu dbye ba rnam pa gcig ste/ gnyis pa med pa ni sdom pa ste bsdus pa gang yin pa de bzhin du de'o/ /de la zung 'jug ni 'bras bu'i rgyud do/ /rang byin gyis brlab pa dang 'od gsal ba dag pa dang de'i yan lag kyang rgyu'i rgyud do/ /bskyed pa'i rim pa yan lag dang bcas pa ni thabs kyi rgyud do//de'i rjes la bskyed pa dang rdzogs pa'i rim pa 'di dag kyang 'byung ba dang 'byung ba las gyur pa'i tshogs la brten pa dag go zhes khams lnga'i mtshan nyid zhus pa/ ji ltar rlung dang me dang chu/ /zhes pa rlung dang me dang chu dang sa dang nam mkha' yang ji ltar te mtshan nyid ji ltar zhes pa'o//'dir yang tshig 'bru la rab tu rton pa las bzlog ste don la rab tu rton par brjod pa dang / rgyud ni bla ma'i bka' drin gcig pus khong du chud pa nyid du gsal bar bya ba'i phyir rtags la sogs pa bzlog par blta'o/ /rim pa gnyis ka la yang ye shes lnga'i rang bzhin can gyi lha bsgom par bya'o zhes rnam pa lnga'i mtshan nyid zhus so//yul drug gi mtshan nyid zhus pa ni bar du chod kyang khams lnga zhus pa'i mthar shes par bya'o/ /de nas yul drug ces pa yul drug dang yul can gyi yang mtshan nyid ci ste/ yul gyi sgras 'dir yul can yang ma bzung ste 'brel pa can gyi sgra nyid las so//sku gsung thugs byin gyis brlab pa dang ldan pa'i lha bsgom par bya'o zhes te zhus pa/ sku gsung thugs byin gyis brlab ces pa'o/ /sku gsung thugs byin gyis brlab pa dang / phyi dang nang du rnam par dag pa yang rab tu rtogs par bya'o zhes de zhus pa/phyi rol dang ni nang du gnas/ /zhes pa'o/ /phyi dang nang gi rnam par dag pa bla na med pa mtshan sum cu rtsa gnyis dang dpe byad brgyad cus spras pa/ sna tshogs pa'i phyag dang zhal la sogs pa'i sprul pa yang bskyed pa'i rim pas ji ltar zhes de zhus pa/lha yi zhes pa la sogs pa'o/ /bskyed pa'i rim pa la gnas pa rdzogs pa'i rim pa la 'jug pa ni rdo rje'i bzlas pa las gzhan gyis ma yin zhing de yang lam lnga shes pa med na med la de rnams kyang lus kyi rang bzhin shes pa med na med de/ de yang rtsa'i rang bzhin dang grangs med pa dag las ma yin no zhes rim pa gnyis ka'i yan lag tu gyur pa rdo rje'i bzlas pa la sogs pa rnams kyi rim pas zhus pa zla ba nyi ma zhes pa la sogs pa'o//rim pa gnyis pa la'ang lus kyi gong bu'i dngos po lus dang ngag dang sems mnyam pa nyid bsgrub par bya'o zhes de zhus pa lus kyi gong bu de ji ltar zhes lus kyi ste lus 'di'o//gong bu zhes pa gong bu ni rnam dbye dang bral bar bstan pa ste/ de'i mtshan nyid ces shes par bya'o/ /bskyed pa'i rim pa sgom pa pos nges par tshogs kyi pU dza bya zhing der dam tshig bsrung ba'i don du brda shes par bya'o zhes de dag zhus pa dam tshig ces pa la sogs pa'o//rtsa'i 'khor lo yang 'khor lo nges par bya ba'i rnal 'byor pas kyang phyi dang nang gi bdag nyid kyi gnas la sogs pa'i rnam par gzhag pa dang rab tu dga' ba la sogs pa'i sa'i rnam par gzhag pa yang phyi dang nang du shes par bya'o zhes de dag rim gyis zhus pa gnas kyi brda zhes pa la sogs pa ste/gnas la sogs pa'i brda rnams ji tsam zhes pa'i don to/ /phyi rol gyi gnas la sogs pa bskor ba'i rnal 'byor pa/ rnal 'byor ma blta bar 'dod pas de mthong bar 'gyur ram zhes te zhus pa ji ltar mtshan ma mthong bar 'gyur zhes pa'o//bzlas pa dang sbyin sreg byas pa'i rnal 'byor pas rang gi don du las rab 'byams bsgrub par bya'o zhes gsungs pa/ ji ltar khyod kyi las bcu gnyis zhes pa la sogs bcu gnyis po rnams gang ces pa'i don to//cho ga dang ldan pa kho na'i sngags bzlas na 'grub par 'gyur ro zhes sngags bzlas pa'i mtshan nyid zhus so/ /de yang cho ga byas pa kho na'i bgrang phreng gis bsgrub par bya'o zhes bgrang phreng zhus pa ji lta bu'i bgrang phreng rigs zhes pa de bgrang phreng ji lta bu rigs zhes so/ /bzlas pa nyid kyang sngags kyi mtshan nyid shes pas bya'o zhes de zhus pa/bzlas pa'i mtshan nyid ji tsam zhig ces pa rnam pa ji tsam dang / bzlas pa zhes pa bzlas pa'i sngags te de'i mtshan nyid do/ /'di dag thams cad lha'i rnal 'byor gyis bya'o zhes lha'i rnal 'byor zhus pa/ ji tsam zhes pa la sogs pa ste/lha'i rnam pa'i rnal 'byor las dkyil 'khor gyis 'khor bar bskor nas bzhugs pa ste/ rgyud 'dir ji tsam gyi lha'i bdag nyid can gyi dkyil 'khor zhes pa'i don to/ /lha'i rnal 'byor yang bsrung ba dang phur bu gdab pa la sogs pa sngags rnams kyis dman pa ma yin no zhes de zhus pa/grub pa'i sngags ni ji ltar blta/ /zhes pa grub pa'i rgyur gyur pa'i sngags ni grub pa'i sngags so/ /bgegs dang bral bar bsgom pa'i rgyud nyid las 'dir rnal 'byor ma'i tshul la gnas pas bzlas pa dang bsam gtan mchog gis gzhon nu ma'i mchod pa bya ba dang /de yang tshes gang la dang de la yang chang dang ldan pa'i gtor ma ji ltar dbul bar bya zhes gsum zhus pa'i rim pas gzhon nu ma zhes pa la sogs pa ste gzhon nu ma nyid gzhon nu ma'o/ /ji tsam zhes pa gang la'o/ /thams cad kyi tshe 'di nyid kyi bgegs dang bral ba'i don du dam tshig gi ril bu bsten par bya'o zhes bdud rtsi lnga dang lcags kyu lnga zhus so//lha'i 'khor lo rgyas par bsgom pa'i rnal 'byor bas slob ma rjes su gzung ba la sogs pa'i don du rdul tshon gyi dkyil 'khor bri bar bya ba de yang thig gdab pa sngon du 'gro ba dang / de yang sa sbyang ba sngon du 'gro ba dang / de rnams kyang srung ba'i 'khor lo sngon du 'gro ba can no zhes bzhi po rim pas zhus so/ /slob mas ji lta bu bla mar bya zhing des kyang ji lta bu'i slob ma yang dag par bsdu zhes bla ma dang slob ma'i mtshan nyid zhus pa/ slob dpon zhes pa rnam dbye med pa ni//dang po gcig gi tshig gi mtha' can no/ /gang gis zhes pa mtshan nyid kyis/ /zhes par shes par bya ste lhan cig pa'i don la gsum pa'o/ /cho ga ji lta ba bzhin dbang bskur ba ni rgyud nyan pa la sogs pa la dbang ba'o zhes gsungs pa/ ji tsam zhes pa la sogs pa ste/dbang bskur ba rnam pa du zhes pa'i don to/ /bzhi pa kho na gtso bo dang 'bras bur gyur pa'o zhes de zhus pa'o/ /rnal 'byor pas rang dang gzhan rnams kyis kyang dus dang dus ma yin pa'i 'chi ba'i rtags shes nas nus pa ji lta bar de bzlog pa la 'bad par bya'o zhes de dag zhus pa'o//dus bzhi'i mtshan nyid shes pa ni sngags la sogs pa bsgrub pa la mkhas pa nyid de zhes de zhus pa'o/ /de bzhin du gleng gzhi'i rnam par gzhag pa la mkhas pa dge ba la 'jug par 'gyur ro zhes gleng gzhi gzhag pa zhus pa'o/ /dus gang la sngags ji tsam bzlas pas 'grub zhes gsungs pa dus shes pa la sogs pa'o//drod la sogs pa thob kyang rnal 'byor pa spyod pa dang bral bas mi 'grub po zhes gsungs pa/ spyod pa zhes pa la sogs pa'o/ /rnal 'byor ma'i rgyud la sogs pa lhag par mos pa'i dbye bas bstan pa rnams kyi yang grangs nges pa ni rab tu dang ba'i phyir ro zhes te zhus pa bzhi pa'o//rang ngam gzhan gyis byas pa'i sku gzugs la sogs pa rab tu gnas pa dang bral na mchod par mi 'os pa nyid do zhes rab gnas zhus pa'o/ /sngags la sogs pa 'grub pa'i yan lag nyid las sbyin sreg ces te sbyin sreg nyid mchod sbyin no//sbyin sreg la sogs pa las gzhan gyis kyang sngags 'ba' zhig 'grub par byed pa yod do zhes grub pa phra mo don du gnyer bar byed pa 'ga' zhig gi phyir de zhus pa'o/ /rnal 'byor gyi stobs kyis skra dkar la sogs pa bzlog par mi nus na sman gyi rab tu sbyor ba bya'o zhes bcud len zhus pa'o//yan lag gi dam tshig gi gtso bo nyid las chang btso ba zhus pa'o/ /rna ba phan tshun brgyud pa tsam gyi sngags kyi gug skyed la sogs pa nyams par 'gyur ro zhes sngags btu ba'i phyir zhus pa gnyis so/ /sngags rnams kyi 'byung gnas ni 'di las zhes pa ste/sngags kyi 'byung gnas A li kA li bkod pa'i 'khor lo zhes pa'i don to/ /bskyed pa'i rim pa la gnas pas kyang tshar bcad pa dang rjes su bzung bas kyang 'ga' zhig gdul bar bya'o zhes de dag zhus pa'o/ /phyag rgya chen po'i dngos grub ni de kho na sgom pa rnams kyis te gzhan gyis ma yin no//de kho na'ang stong pa nyid dang snying rje dbyer med pa'o/ /stong pa nyid kyang rnam pa gnyis so zhes rdzogs pa'i rim pa rgyas par bya ba'i don du bzhi po rim pas zhus pa ste/ de nyid rnams zhes pa bdag gi de kho na la sogs pa'i dbye bas rnam pa bzhi nyid las mtshan nyid ces 'brel par bya'o//stong pa nyid dang snying rje dag la yang ji ltar dbyer med pas bsgom zhes gsungs pa/ chos rnams thams cad yongs shes pa'i/ /rgyur gyur pa'i sgom pa de chos thams cad bsgom pa ste de'i mtshan nyid ji lta bu bshad du gsol lo//zhu ba gzhan ni med de 'di dag kho nas rim pa gnyis yan lag dang bcas pa rdzogs so zhes pa'o/ /skabs su bab pa snod kyi mtshan nyid la sogs pa'i don yang de nyid las zhus pa nyid do/ /de ltar don drug cu rtsa gnyis po rnams kyis gsol ba gdab pa'i sgo nas nye bar bsdus pa las/'di tsam kho na'i don bshad par bya'o zhes pa rgyud kyi bsdus pa'i don bstan te zhes pa'o/ /le'u dang po'i rnam par bshad pa'o// //'di nas brtsams te gsungs pa'i zhu ba rnams kyi don rim pas bstan pa'i phyir le'u gnyis pa la sogs pa sum cu rtsa gsum gyi mthar thug pa ni gzhung ngo //de la bcom ldan 'das kyis gsungs pa zhes pa sdud par byed pa'i tshig go/ /legs so legs so zhes pa mtha' dag yongs su rdzogs par gsol ba btab pa nyid kyis phyag na rdo rje la bsngags pa'o/ /de nyid gsungs pa/ gsang ba zhes pa ste gang las khyod nyan thos dang rang sangs rgyas mtha' dag gi spyod yul ma yin pa'i don rdzogs par zhu ba zhes bsngags pa'i rim pas skabs kyi don bstan pa'i phyir gsungs pa/ de nas zhes pa la sogs pa'o/ /de nas kyi sgra ni bar ma chad pa'i don to//'di las zhes pa mgo 'di las le'u'i mthar thug pa bskyed pa'i rim pa bshad par bya'i zhes 'brel lo/ /bskyed pa'i rim pa ni skye gnas bzhi dang chos mthun pas de rnam par dag pa'i phyir dang / lus dang ngag dang sems dben pa'i rim pas rdzogs pa'i rim pa la 'jug pa'i phyir yang bsgom par bya'o//de'i phyir skye gnas de rnams kho na rim pas ston pa bzhin zhes pa la sogs pa'o/ /de las zla ba dang nyi ma las sa bon dang mtshan ma'i rim pas rdzogs pa'i lha ni skye gnas sgo nga las skyes pa'o/ / yab dang yum gyi rdo rje dang pad+ma bsrubs pas zhu ba'i byang chub kyi sems las 'thon pa ni skye gnas mngal las skyes pa'o/ /zla ba dang sa bon tsam las skyes pa ni skye gnas drod gsher las skyes pa'o/ /spro ba ni skye gnas drod gsher las skyes pa'o zhes kha cig go/ /sa bon la sogs pa dang bral bas skad cig la 'od gsal las skyes pa ni skye gnas rdzus te skyes pa'o//skye gnas rdzus te skyes pa nyid zab mo bskyed pa'i rim pa dang brtag pa rdzogs pa'i rim par yang rnam par gzhag par bya'o/ /gang yang sman pa snying rje dang ldan pa ni gzhan gyi yang 'chi 'pho ba la nad gzhi dang bcas pa nye bar bstan nas/sman nye bar bstan pa ltar thog mar kun nas nyon mongs pa gsum kho na nye bar bstan to/ /gzhan yang / mya ngan 'das pa'i mtha' gang yin/ /'khor ba dag gi mtha' yang ste/ /de dag khyad par phra mo yang / /cung zad yod pa ma yin no//zhes pa'i tshul las yongs su dag pa'i rang bzhin kho na thog mar bstan te/ yongs su dag pa'i rang bzhin shin tu nges pa na dri ma dang bral ba yongs su dag pa'o/ /de gsungs pa dpal brtag pa gnyis pa'i rgyal por/ chos 'di rnams ni mya ngan 'das//'khor ba'i rang bzhin gti mug las/ /rmongs med 'khor ba dag pa ste/ /'khor ba la ni mya ngan 'das/ /zhes so/ /gal te chos bstan pa 'di 'dzam bu'i gling las gling gzhan na'ang yod pa ma yin nam/ gal te med na ji ltar zhe na gsungs pa/ shar zhes pa la sogs pa'o//longs spyod chen pos yang dag 'tsho/ /zhes pa longs spyod chen pos yang dag par 'tsho bar 'gyur ba'i las kyis yang dag par 'tsho ba'o/ /blun pa rang nyid sgrub pa dang sel ba la rmongs pa'i phyir ro/ /rmongs pa gzhan gyis brjod pa'i don 'dzin mi nus pa'i phyir/ de dag nyid bye brag mi phyed pa'o//'dzam bu'i gling rnams na ji lta zhe na gsungs pa/ 'dzam bu'i gling zhes pa la sogs pa ste/ gcig gi tshig mang po'i tshig go/ /yang na gling bzhi pa gzhan gyi 'dzam bu gling la ltos pas so/ /las kyi sa zhes pa legs byas dang nyes byas kyi las rnams kyi gnas te/gling gzhan rnams ni phal cher rnam smin gyi 'bras bu longs spyod pa'i sa'o/ /las kyi rnam par dbye ba ston pa/ legs byas zhes pa la sogs pa ste/ legs byas dang nyes byas kyang so sor rnam pa gsum mo/ /phal cher gyi rgyu mthun pa dang dbang gi 'bras bu longs spyod pa'i sa ni 'dzam bu'i gling 'di'o zhes gsungs pa skye ba snga ma zhes pa la sogs pa'o//ji ltar 'di kho na las kyi sa yin zhe na gsungs pa/ rgyags pa zhes pa la sogs pa ste 'di kho nar mi bzad pa'i rgyags pa dang ser sna dang gdug pa'i sems dang g.yo dang sgyu dang mngon pa'i nga rgyal dang 'dod chags dang zhe sdang dang gti mug dang rga ba dang na ba rnams kyis gzir ba'o//gal te 'dzam bu'i gling pa rnams la yang ci thams cad du 'di ma bstan pa ma yin nam zhe na gsungs pa/ 'dzam bu'i zhes pa la sogs pa ste dbus kyi yul du skyes pa ste zhes pa ni yul dbus su skyes pa la'o//'di yang sngon gyi dge ba'i las la ltos pas sems can rnam pa gsum ste/ rtul po dang bar ma dang rnon po'i dbye ba las so zhes gsungs pa/ rtul zhes pa la sogs pa'o/ /nye bar bsdu ba gsungs pa/mi ru zhes pa la sogs pa'o/ /de'i phyir 'dzam bu'i gling du mi khom pa brgyad las rnam par grol ba'i mi'i skye ba thob pa dang / khyim nas nges par 'byung ba dang / de bzhin gshegs pa'i bstan pa la rab tu 'byung ba dang / ting nge 'dzin thob pa zhes pa ste/ji ltar mchog gi gter rnyed pa ltar shin tu rnyed par dka' zhes pa'o/ /gal te bskal pa dang po pa dang bar do'i srid pa dang dngos po'i yul la sogs pa'i yon tan dang ldan pa rnams ma grol ba ji ltar zhe na gsungs pa/ sgyu ma lta bu zhes pa la sogs pa'o/ /des na sngon byas las zhes pa rgyu des na sngon byas pa'i las kyis 'pho ba dang skye bar 'gyur ro//'phos nas bar do'i srid par dus ji tsam ji ltar gnas shing de las ji ltar yang 'gro ba gzhan du nying mtshams sbyor ba rnyed ce na rim pas ston pa/ tshogs pa zhes pa la sogs pa ste tshogs pa ni skye ba'i rgyu mtha' dag ste/ji srid ma tshogs pa de srid zhag bdun bdun las 'phos nas yang dang yang skyes te de nyid du gnas so/ /der gnas pa'i gzugs ci zhe na gsungs pa/ srid pa'i skye bo can du mthong / /zhes pa skye bar 'gyur ba'i srid pa bzhin no/ /shin tu nges par kun dga'i stobs//zhes pa bya ba'i khyad par ro/ /kha yi lam la rab tu 'jug /ces pa kha'i lam gyis rab tu 'jug pa'o/ /'o na bar do'i srid pa nyid na ji ltar 'pho zhing skye bar 'gyur zhe na gsungs pa/ rta zhes pa la sogs pa'o/ /rta zhon pa ni rta la zhon pa zhes pa ste de ltar shes pa rlung la zhon pa ni bzhon pa la bzhin no//de'i phyir gang du gcig yod pa der lhag ma'o zhes pa'i rim pa las shes pa'i rang bzhin lus 'grub pa'i rgyu yod ces dgongs pa'o/ /yang na pha'i dbugs rab tu rgyu ba'i rlung la brten nas 'jug go zhes pa'i don to/ /ji ltar 'jug pa mi shes so zhes gsungs pa/shin tu myur bar zhes pa la sogs pa ste/ nyi ma'i 'od zer phog pas me shel dang ras bal la me 'bar ba bzhin zhes dgongs pa'o/ /skad cig gang la rab tu 'jug ce na gsungs pa/ gnyis dang zhes pa la sogs pa ste gang gi tshe rtsa'i 'khor lo bskul te/ zla ba dang nyi ma zhu bar byas pa mchog tu dga' ba yang dag par 'thob pa'i skad cig de la zhes pa'i don to/ /thig le'i gzugs kyis zhes pa nam mkha'i gzugs kyis so/ /nur nur po la sogs pa'i gnas skabs na'ang phung po lnga rnam par dag pa'i rgyu ye shes lnga'i bdag nyid can de bzhin gshegs pa lngar byin gyis brlabs pa yod do zhes ston pa/nur nur po zhes pa la sogs pa ste 'di dag rnam par dag pa nyid rnam pa lnga bsgom pa'o/ /nur nur po zhes pa la sogs pa ste/ nur nur po ni khams gnyis 'dres par gyur pa 'dred pa'o/ /mer mer po zhes pa lbu ba'i rnam pa nang stong pa chu'i chu bur lta bu'o//ltar ltar po zhes pa nur nur po nyid cung zad mkhregs par gyur pa'o/ /gor gor po zhes pa sha lta bu ste pags pa shin tu 'jam pa dang ldan pa nyid las so/ /mkhrang 'gyur zhes pa mgo dang lag pa dang rkang pa'i rgyur gyur pa lnga rgyas pa ste/ slar yang der dri chu dang khrag dang khu ba rnams so/ /gong bu tsam zhes pa ro la sogs pa rnams 'dus pa'o/ /'dres pa zhes pa dri chen te mi bskyod pa la sogs pas byin gyis brlabs pa'o/ /'di rnams kyis mngal skyes kyi rim pa rnam par bshad nas/ yongs su dag pa'i rang bzhin dang khu ba dang khrag dag gi rten gsungs pa/rtsa gnyis zhes pa la sogs pa ste skye gnas dbus su ni zhes pa lte ba'i 'og gnas su'o/ /de dag ces pa rtsa dag ste/ chos kyi dbyings kyi rang bzhin nyid ces pa/ a ba d+hU tI'i rang bzhin las so/ /mngal du 'jug pa'i rim pa gsungs pa las zhes pa la sogs pa las nyid sa bon te bskyed pa'i rgyu nyid las so//de dang chos mthun pa'i rlung gis yongs su bsgyur zhing kha thur du byas nas chos 'byung gi sgo la mngon du phyogs par 'khrid par 'gyur te skye bar 'gyur zhes pa'i don to/ /dri za'i sems can ni skyes par 'gyur na nying mtshams sbyor ba'i dus su pha la phrag dog gis rab tu 'jug ste/bud med ni ma la'o/ /de'i phyir de'i skyes pa mngal du ma'i rgyab la mngon du phyogs par gnas la/ bud med ni bzlog ba yis so zhes ston pa g.yas pa zhes pa la sogs pa'o/ /de dag rtags kyis shes par ston pa sa bon zhes pa la sogs pa'o//las zhes pa la sogs pa rtag tu 'gyur zhes pa'i bar zhar la 'phros pa'o/ /lus ni pha ma'i khams gnyis las skyes pa'o zhes de gnyis rgyu mthun pa'i rnam par dbye bas ston pa/ chu khams zhes pa la sogs pa'o//nye bar sdud pa de ltar zhes pa la sogs pa ste/ drug bsdus pa'i phung po rnams la byung ba ni drug bsdus lus can no/ /lus byung zhes klog pa la yang don de nyid do/ /phung po lnga'i bdag nyid kyang 'di zhes ston pas gzugs zhes pa la sogs pa'o/ /'di dag thams cad rtogs pa'i 'bras bu gsungs pa/skye bo zhes pa la sogs pa ste/ skye bo skye ba zhes pa srid pa 'grub pa'o/ /shes pa zhes pa shes nas so/ /'dis ni sgyu ma dang rmi lam la sogs pa ltar skye ba dang gnas pa dang 'jig pa'i dngos po rnams ngar 'dzin pa la sogs pa'i gnas ma yin par gsal bar bstan to//de gsungs pa/ gang yang sgyu mas sprul pa dang / /sgyu rnams kyis ni gang sprul pa/ /de ni gang nas 'ongs pa dang / /gang du 'gro zhes brtag par bya/ /zhes gsungs so/ /de nyid kyi phyir shes pa kho na sangs rgyas nyid kyi rgyu'o/ /de ltar yang tsar pa Ti'i zhabs kyis/sgyu ma nyid ces bstan pa gang gi blo/ /de yi dngos po 'ching byed ma yin te/ srid dang mya ngan 'das pa nyer zhi'i blo/ /de ni gnyis med grub pa'i snod du 'gyur/ /zhes so/ /le'u gnyis pa'i rnam par bshad pa'o// //rdzogs pa'i rim pa zhus pa'i lan gdab pa'i phyir gsungs pa/de nas zhes pa la sogs pa'o/ /rim pa gnyis ka la'ang phung po dang khams dang skye mched kyi 'khor lo kho na sku gsum gyi bdag nyid can des bsgom par bya'o zhes gsungs pa/ lus kyi zhes pa la sogs pa'o/ /de la bskyed pa'i rim pa la yaM yig la sogs pa las skyes pa rlung la sogs pa'i dkyil 'khor rdzogs pa'i rim pas/ri rab kyi steng du gzhal yas khang gi nang na gnas pa'i lha'i 'khor lo'i mchod pa dang bstod pa dang / bdud rtsi myang ba'i mthar thug pas sprul pa'i sku'o//'od gsal la rab tu zhugs pa ni chos kyi sku'o/ /de las skad cig las rab tu bzhengs pa ni longs spyod rdzogs pa'i sku'o/ /de dag kyang rnam pa gnyis te/ dri ma dang bcas pa dang dri ma med pa'i dbye ba las so/ /de la dri ma dang bcas pa ni rang byin gyis brlab pa'i rang bzhin nyid kyis rnam par gzhag par bya'o//dri ma med pa ni zung 'jug gi bdag nyid kyis so/ /rdzogs pa'i rim pa la ni rang nyid 'chad par 'gyur ro/ /chos dang longs spyod rdzogs sku rnams/ /zhes pa ma ning nyid bstan to/ /'di dag gis nye bar mtshon nas sprul pa'i sku yang rtogs par bya'o//gsungs pa'i don nyid rgyas par ston pa lus kyi zhes pa la sogs pa de nyid lus kyi dkyil 'khor te/ maN+Da ni snying po bde ba chen po'i sku'o/ /la ni len par byed pa'o/ /gsungs zhes pa 'dus pa la sogs par te/ rang gi yang gnas gzhan gsungs pa'i skabs su bstan to//bskyed pa'i rim pas brtan pa thob pa dbang po rnon po rdzogs pa'i rim pa la 'jug go zhes go rims nye bar bstan pa'i phyir gsungs pa/ bskyed pa zhes pa la sogs pa ste dbang po rtul po'i gang zag mngal skyes la sogs pa skye gnas bzhi'i rim pas thog mar rim gyis rdzogs pa'i lha'i 'khor lo mtha' dag rnam par rtog pa la gsal bar bya'o//dbang po 'bring po ni skad cig nyid la skye gnas rdzus te skyes pa ltar lhan cig nyid la rnam pa thams cad sdogs pa'o/ /dbang po rnon po ni slar brtan pa dang g.yo ba'i bdag nyid can gyi 'gro ba kho na lha'i rnam pa stong pa nyid dang snying rje ro gcig pa nyid la rang bzhin gyis grub pa nyid du lhag par mos pa'o zhes so//ji ltar yang bskyed pa'i rim pa la chos thams cad rang bzhin med par byas pa'i mjug thogs su phung po dang khams dang skye mched kyi 'khor lo kho na yaM yig la sogs pa las skyes pa rlung la sogs pa'i dkyil 'khor gyi rim pas rten dang brten pa'i dbye ba tha dad pa'i lha'i 'khor lo'o//de bzhin du khams gsum pa'i 'khor lo 'di yang zhig pa'i mjug thogs su rim gyis rdzogs pa'i snod dang sems can gyi 'jig rten gyi bdag nyid can rten dang brten pa'i 'khor lo'i rang bzhin te/stong pa nyid dang ro gcig pa yang ngo / /de gsungs pa/ 'phags pa lha'i zhabs kyis/ gzhal yas khang pa 'di ni sa gsum ma yin 'di rnams rgyal ba srog chags min/ /mi min 'di ni 'khor lo'i dbang phyug yul min dbang po ma yin sa sogs min//gzugs la sogs pa yang min chos nyid bdag nyid phyir na de rnams dkyil 'khor pa/ /sna tshogs 'di rnams dkyil 'khor 'khor lo shes par gyis dang sems khyod ci la 'khrul/ /zhes so/ /sa ra ha'i zhabs kyis kyang / /bud med 'di rnams nyid ni dpal ldan rdo rje btsun mo'i tshogs su shes bya ste//skyes bu 'di rnams nyid ni dpal ldan dkyil 'khor pa rnams zhes par shes par bya/ /rang lus de rnams nyid ni dpal chen rdo rje can nyid dag tu shes par bya/ /de ltar khyed cag 'gro ba'i zlos gar 'di ni rang bzhin gyis grub 'od gsal lo//zhes pa'o/ /'di dag kyang rtul po la sogs pa'i dbye bas gcig gi yang goms pa 'jug pa'i rim pas 'gyur te/ gcig nyid kyi gnas skabs kyis phye ba'i byis pa la sogs pa bzhin no/ /gang zag gi dbye ba tha dad pa yang gang zag tha dad par gsal ba'i byis pa la sogs pa bzhin no//'on kyang rtul po dang 'bring po dag gis kyang mnyam gzhag med pa'i gnas skabs su rnal 'byor 'di dmigs par bya'o zhes gsungs pa yang / mnyam par ma bzhag rnal 'byor gyis/ /thams cad sangs rgyas rang bzhin bsgom/ /zhes so/ /de dag nyid ston pa/rnon po'i zhes pa la sogs pa'o/ /ji ltar de dag rim pas dmigs pa ma yin zhe na/ gsungs pa/ skad cig ces pa la sogs pas te mdor bstan pa'o/ /rgyas par ston pa khams gsum zhes pa la sogs pa'o/ /oM AHhUM zhes sngags kyis zhes pa khams gsum pa bsdus pa'i don gyis sku dang gsung dang thugs su mngon par brjod par bya zhing de dang dbyer med pa'i phyir rnal 'byor pa'i lus dang ngag dang sems rnams kho na dkyil 'khor ro//de nyid gsungs pa/ mtho ris sa steng sa 'og tu/ /zhes pa mtho ris dang sa steng sa 'og rnams kyi'o//sngags ni de bzhin nyid kyis so/ /brjod bya ni mngon du byed pa'o/ /'di dag gi 'bras bu gsungs pa/ thams cad ces pa la sogs pa ste/ dpa' bo thams cad mnyam sbyor ba ni gang gi mkha' 'gro ma'i tshogs dang kun du sbyor ba de bzhin du'o/ /de'i bde mchog ni bcom ldan 'das dang bcom ldan 'das ma zhes dgongs pa'o//de gsungs pa/ rdo rje mkha' 'gro bde ba'i mchog /ces so/ /gang phyir 'byung ba che bde ba/ /de phyir bde ba de nyid min/ /zhes brtag pa gnyis kyi rgyal por gsungs pa de ni stong pa nyid dang dbyer med pa'i bde ba la dgongs pa'i phyir ro//'di dag nyid rgyas par ston pa khams bzhi zhes pa la sogs pa'o/ /'di dag gis sprul pa'i sku gsungs so/ /gal te rnam pa dang cig shos dag ji ltar dbye ba med ce na/ de bzhin nyid ces pa la sogs pa'o/ /yang na khams bzhi dang phung po lnga dang yul drug rnams kyang lha mo thams cad bsdus pa'i gzugs can bcom ldan 'das ma nyid de ye shes ni bcom ldan 'das so//de dag tha dad par brtag par mi bya'o/ /tha dad pa ma yin pa'i rgyu gsungs pa/ de bzhin nyid ces pa la sogs pa'o/ /de nyid gsungs pa/ bdag med ces pa la sogs pa ste/ de bzhin nyid kyi bdag nyid can sna tshogs kho na bdag med ma ste/ de yang bde ba chen po dang snying rje chen po'i bdag nyid can rdo rjes 'khyud pa nyid do/ /de dag nye bar bsdus pa zung 'jug ces pa la sogs pa'o/ /de'i phyir lhun gyis grub pa nyid kyis zung 'jug gi rang bzhin gyi dkyil 'khor 'grub ces pa'i don to//gal te rang bzhin gyis 'grub pa la'ang zung 'jug de gang du gsal bar 'gyur te/ rnam pa sna tshogs pa'i rnam par rtog pas 'khrul pa'i phyir ro zhe na gsungs pa/ sems zhes pa la sogs pa'o/ /yang na gang grub pa'i gnas skabs su yang zung 'jug 'di'i rnal 'byor pa gang yang rung ste/'jug pa dang ldog pa la sogs te 'jug pa dang ldog pa'i bsam pa'i bye brag dang spyod pa'i bye brag rnams kyang rnam par rtog pa yin la/ de yang zung 'jug gi rang bzhin nyid do/ /de nyid gsungs pa/ sa ra ha'i zhabs kyis//gang du chu la chu ni zhugs gyur pa/ /de ni ro mnyam nyid du 'gyur ba yin/ /skyon dang yon tan sems kyi rang bzhin gyis/ /rmongs pa mi mthun phyogs ni gang yang med/ ces so/ /'di ltar gang las zhe na gsungs pa/ rnam kun zhes pa la sogs te thams cad du rnam pa'i mchog 'di la zhes pa rnam pa kun gyi mchog go//de ltar gyur kyang de bzhin nyid dang ro gcig pa'i bde ba chen po dmigs pa med pa khong du chud cing thob pa'i dbang po dang rnam pa thams cad mchog tu nye bar mdzes pa bde ba dam pa'i rang bzhin nyid la'ang ji ltar stong pa nyid dang ro gcig pa nyid ce na gsungs pa/dngos dang zhes pa la sogs pa ste/ dngos dang dngos med pa'i bdag nyid can ni dngos po byas nas rtag tu 'byung ba der 'gyur ro zhes pa lhag ma'o/ /'di dag ji ltar bya zhe na gsungs pa/ sgro ma btags zhes pa la sogs pa'i sgro btags ni 'di kho na zhes lhag par zhen pa ste/de gang la med pa de bzhin du de'o/ /yid la byed pa ni rnam par rtog pa ste/ /'di ni de ltar yin gyi 'di ltar ma yin zhes pa'o/ /de med pa'i phyir yid la mi byed pa'o/ /sgro 'dogs dang yid la byed pa dag kho nas dngos po dang dngos po med pa 'di dag tha dad par rnam par gzhag go zhes pa'o//ngo bo nyid du na rtag pa'i chos sku dang rtag pa'i ngo bo nyid las de 'byung ste khyab pa nyid kyi bde ba chen po yang ngo / /'di dag nyid rgyas par ston pa skye ba zhes pa la sogs pa ste skyes pa'i dngos po kho na mgal me'i 'khor lo la sogs pa ltar don dam par ma skyes pa'o//'di dag gis longs spyod rdzogs pa'i rang bzhin gsungs so/ /'od gsal ba nyid mdor bstan pa/ bems po min phyir zhes pa la sogs pa ste/ bems po'i don las bzlog pa'i rang bzhin nyid las so/ /shes par bya min zhes yid kyi rnam par rtog pa thams cad nub pa'i rang bzhin nyid las so//mig la sogs pa'i dbang po'i bgrod bya ma yin pa nyid las mthong bya min pa'o/ /yang na gang kun gzhi dang nyon mongs pa'i yid kyis so/ /rnam par shes pa dang 'jug pa'i rnam par shes pa drug rnams kyis nye bar dmigs pa ma yin pa'i phyir rim pas tshig gnyis so//gal te de dngos po'am dngos po med pa yin/ dngos po yin na'ang rtag pa'am mi rtag pa yin/ dngos po rtag pa nyid na rgyun dang ldan par 'gyur zhing mi rtag pa nyid la ni snga ma dang phyi ma mi mthun par 'gyur ro zhes pa de dag spong ba/ gzugs med ces pa la sogs pa ste/rnam pa'i 'khor lo nye bar dmigs pa med pa'i phyir ro/ /gar mi gnas zhes pa snga ma dang phyi ma ma zhig pa dbyug pa lta bu mi ldan pa'i phyir zhes pa'i don to/ /gzugs can rtag pa ni dngos po tshogs pa la gnas pa rtag par 'gyur la/ de dag kyang mi srid de dngos po rnams skad cig 'jig pa nyid las so//'o na ji ltar rtag pa yin zhe na gsungs pa/ rnam 'gyur med phyir zhes pa ji srid nam mkha' rnam par 'gyur ba mi ston pa bzhin no/ /des na dngos po med par 'gyur ro zhe na gsungs pa/ kun rdzob ces pa la sogs pa ste 'khor ba ji srid par gnas pa dang /kun rdzob tu skye ba 'byung ba'i phyir chad pa yang mi srid do/ /'on kyang chos rnams thams cad kyi gdod ma nas grub pa'i rang bzhin 'di kho na ste rang bzhin gzhan gyis dngos por 'gyur ba med do/ /de nyid gsungs pa lhan cig skyes zhes pa la sogs pa ste chos rnams kyis ma byas pa'i rang bzhin la lhan cig skyes pa zhes brjod par bya'o//de yang 'jig rten mtha' dag las 'das pa mchog tu dga' ba'i rang bzhin no/ /yang na de ni chos rnams thams cad kyi lhan cig skyes te ming gzhan 'od gsal ba la sogs pa'o/ /lhan cig skyes dga'i rang bzhin dang //zhes pa lhan cig skyes pa'i dga' ba'i rang bzhin nyid bla ma'i bka' drin las gsal bar 'gyur ro zhes pa lhag ma'o/ /'di ni/ rang byin brlab dang rang 'byung dang / /zhes pa rang nyid la gnas pa'i phyir ro/ /gzhom du med cing zhes pa rnam par 'gyur ba med pa'o//'jig med pa zhes pa rtag pa'i phyir ro/ /gal te rnam par rtog pas nye bar dmigs pa med pa'i rang bzhin bde ba chen po ji ltar bsgom zhing ma bsgoms na yang mngon sum du mi 'gyur ro zhe na gsungs pa/ skye ba med pa zhes pa la sogs pa'o/ /de gsungs pa/ gang tshe skye ba spangs pa yis/ /skye med de nyid blo gros kyang / /de yis rnam par brten pa las/ /de tshe de nyid 'di rtogs bzhin/ /zhes so/ /gsungs pa'i gtan tshigs nyid bstan par byed pa/ shes rab nyid ces pa la sogs pa ste chos thams cad rang bzhin med par 'dzin pa'i blo ni shes rab po//de nyid bsam gtan te de dang ro gcig pa nyid kyis gnas pa'i phyir ro/ /de nyid gsungs pa/ chos kun zhes pa la sogs pa ste gang gi'am gang gis chos thams cad yongs su shes pa de bzhin du ste ma ning ngo / /'di nyid bde chen mngon par rdzogs par byang chub ste/nam mkha'i khams mtha' dag khyab pa thun mong pa rgyun mi 'chad pa nyid dang ldan pa'i phyir ro/ /yang na de chen po yang yin la bde ba yang ste lhan cig skyes pa'i dga' ba'o/ /de'i mngon du phyogs pas yang dag par rdzogs pa'i byang chub thob par 'gyur ba 'di'i zhes pa de'i skyes bu'i drug pa'o//gal te ji ltar chos kyi rang bzhin de rnams las phye nas nye bar bstan zhes gsungs pa/ chos zhes pa la sogs pa'o/ /chos rnams kyi'am yang na chos kho na de nyid de/ chos kyi sgras kyang chos nyid mngon par brjod pa'i phyir ro/ /de la 'jug pa ni de rim gyis rtogs pa'i don du ste ngo bo nyid du na dbye ba med pa kho na'o//de gsungs pa/ bden pa gnyis po de dag zung 'jug ldan/ /gcad du med cing tha dad mi 'gyur te/ /de dag tha snyad gnyis las mthar thug cing / /shes pa gang de 'dir bcings rnam par grol/ / zhes so/ /de'i phyir 'jig rten pa'i yang dga' ba la sogs pa la 'di kho nas khyab pa nyid kyi phyir ro/ /'di dag gis/ rgyu la 'bras bus rgyas gdab cing / /'bras bu'ang rgyu yis rgyas gdab po/ /gzhan du bsgoms na dngos grub ni/ /bskal pa bye bar 'byung mi 'gyur/ /zhes pa de brjod do//'di dag ji ltar rtogs par bya zhe na gsungs pa/ bla ma dam pa zhes pa la sogs pa'o/ /bla ma dam pa'i gdams ngag las kyang 'di dag gang du gsal bar 'gyur zhe na/ bde mchog ces pa la sogs pa'o/ /de gsungs pa/ e yig cha byad bzang po gang / / dbus su baM yig gis brgyan pa/ /bde ba thams cad 'byung ba'i gnas/ /sangs rgyas rin chen za ma tog /ces so/ /de brjod pa dbang bskur ba'i dus su rdo rje dang chu skyes sbyar ba na bla ma dam pa'i gdams ngag las zla ba yang dag par 'gog pa'i dbang gis dbang bzhi pa'i rang bzhin 'di gsal bar 'gyur ro zhes pa'o//yang na e yig shes rab kyi bdag nyid sprul pa dang longs spyod rdzogs pa'i sku 'khor lo'i rang bzhin lte ba dang mgrin pa la baM yig thabs kyi bdag nyid chos thams cad bde ba chen po'i 'khor lo'i rang bzhin nyid snying ga dang spyi bo'i gnas kyis kha sbyar ba bsgoms na lhan cig skyes pa'i dga' ba 'byung bar 'gyur ro zhes pa'o//yang na e yig de bzhin nyid la baM yig sems rab tu zhugs na ji ltar gsungs pa ltar 'gyur ro zhes pa'o/ /de gsungs pa/ stong par sems ni rab tu zhugs las ro mnyam byed pa de ni skye gnas 'khrig pa min/ /zhes so//'di nyid la lus dang ngag dang sems kyi chos rnams thams cad dang / phung po la sogs pa'i rnam pa thams cad gcig tu thun mong ma yin par sdom pa ni sdom pa'o/ /'di dag ji ltar zhe na gsungs pa/ sdom pa zhes pa la sogs pa'o/ /bde ba ni rnam par rtog pa thams cad nub pa'i phyir dngos po thams cad mnyam pa nyid rab tu rtogs pa ste/chos rnams thams cad rnam par rtog pa tsam gyi bdag nyid kyi phyir ro zhes pa'o/ /de gsungs pa/ skye ba dang ni 'gag gyur pa/ /rkyen rnams 'ga' zhig kho nas so/ /zhes pa'o/ /yang na/ dbang bskur nas ni de nyid bshad/ / ces pa'i tshig las bde mchog ces pa la sogs pa'i tshigs su bcad pa gnyis kyis dga' ba bzhi'i rang bzhin gyi dbang bskur ba bzhi bstan to/ /de la bde mchog ces pa la sogs pa'i tshigs su bcad pa phyed kyis mdor bstan pa'o/ /sku zhes pa la sogs pa rkang pa gnyis kyis slob dpon dang gsang ba dag go//sdom pa zhes pa la sogs pa rkang pa gnyis kyis shes rab ye shes kyi dbang bskur ba'o/ /brjod par bya ba yin zhes pa rang rig pa nyid las so/ /bstan du med ces pa 'jig rten dang 'jig rten las 'das pa'i dpe med pa'i phyir ro/ /de nyid gsungs pa/ gzhan gyis brjod min lhan cig skyes//gang du yang ni mi rnyed de/ /bla ma nye bar bsten pa dang / /bdag gi bsod nams las shes bya/ /zhes pa'o/ /shes rab kyi pad+ma la sogs pa dang yang mtshungs pa ma yin te rten gzhan med pas dpe tsam du gsungs so/ / de gsungs pa/ ye shes grub par/ mi rtag bde chen nyid ma yin/ /rgyun du rtag pa bde chen po/ /g.yan pa phrugs pa las skyes pa/ /ji ltar bde ba chen po min/ /zhes so/ /yang na der gang bla ma'i gdams ngag gis zla ba bkag pa'i dbang gis bltar med pa'i de kho na rtogs pa ste/'jig rten na de las gzhan rnam pa de lta bu mi srid pa'i phyir ro/ /de gsungs pa/ de phyir bsod nams phung po bsags pa'i sku gang 'ga' zhig de ni phyogs gcig pa/ /phyag rgya'i 'khrig la yid ni g.yo med grub pa de rnams la phyag 'tshal/ /zhes pa'o/ /gal te snga ma dang phyi ma dag ji ltar mi 'gal zhe na/ma yin te snga mas ni 'gyur ba'i bde ba kho na smad pa'i phyir ro/ /de nyid gsungs pa/ zla ba rdo rje la 'phos slar yang 'di ni dgos pa ci yang med/ /ces pa ste/ mi 'gyur ba'i bde ba la ltos nas ni ma yin no/ /de gsungs pa/ de phyir 'gyur med bde ba kho na skye bo rnams kyis shin tu 'bad pas bsten//de la yun ring gnas nas mnyam par gzhag pa'i de nyid skyes pa slar yang zung / /zhes so/ /yang na gang 'dod pa snga ma ni rgyu las 'bras bur mngon par zhen pa bzlog pa'i phyir dang / phyi ma ni rgyu bstan pa'i don du'o zhes pa ste 'gal ba med do//de nyid kyi phyir de yang lhan cig skyes pa zhes brjod par bya ste/ de ltar thabs dang bcas par goms par byas na 'dis 'jig rten las 'das pa thob pa'i phyir ro/ /de ltar yang mngon par 'dod pa'i lha mo'i gzugs su skye ba'i las kyi phyag rgya'am/yang na ye shes kyi phyag rgyas 'khyud pa rang gi lhag pa'i lha'i rnal 'byor dang ldan pas dpe las byung ba'i bde ba de nyid longs spyod rdzogs pa dang kha sbyor dang bde ba chen po dang rang bzhin med pa dang snying rje dang rgyun chad med pa dang 'gag pa med par brjod pa ni yan lag bdun dang ldan pa bsgom par bya zhing 'jig rten las 'das par rdzogs par bya'o zhes pa man ngag go//'on kyang ye shes kyi phyag rgya la sogs pa snyoms par 'jug pa yang bsgom pa mthar thug pa nas las kyi phyag rgya'i snyoms par 'jug pa kho na phul du byung zhing mthar thug pa'i thabs su 'gyur ro zhes bla ma rnams so//de ltar yang / rdo rje snying po'i dbang bskur sbyin/ /thig le mchog nyid bkug pa nyid/ /ces pa ste zhar la 'ongs pa'o/ /skabs su bab pa brjod par bya ste/ gsang ba zhes pa la sogs pa rkang pa gnyis kyi bzhi pa ste/ sangs rgyas thams cad kyi zhes pa phung po rnams kyi'o//'dus pa ni ro gcig tu gyur pa'o/ /'di thams cad ni bla ma'i bka' drin kho nas rtogs par nus zhes bstan par bya ba'i phyir slar gsungs pa/ rang byin zhes pa la sogs pa'o/ /le'u gsum pa'i rnam par bshad pa'o// //zhu ba gsum pa'i lan gdab pa'i phyir gsungs pa/de nas zhes pa la sogs pa'o/ /gang zhes pa brtan pa dang g.yo ba'i bdag nyid can gyi dngos po gang yin pa de dang de rnams thams cad ni 'byung ba chen po bzhi'i rang bzhin te gnas so zhes pa'i tshig gi lhag ma'o/ /de rnams kyang rnam pa gnyis te/phyi dang nang gi bdag nyid kyi dbye ba las so/ /de la de rnams gnyis ka'i thun mong du las dang rang bzhin yang gsungs pa sa zhes pa la sogs pa'o/ /de la zhes pa de rnams la'o/ /sa zhes pa sa'i'o/ /yang na sa nyid de dngos po gang 'ga' zhig sra ba dang mkhregs pa la sogs pa'i mtshan nyid rnams so//'dis ni sa'i mtshan nyid las 'dzin pa dang rang bzhin sra ba yang ngo / /me yis thams cad du 'tshed do/ /zhes pa 'dis me'i rang bzhin dro ba dang byed las smin par byed pa yang ngo / /chu yis 'ju bar byed pa yin/ /zhes pa chu'i rang bzhin gsher ba nyid dang byed las sdud par byed pa yang ngo //rlung gis lhan cig bskyod par byed/ /ces pa rlung gi rang bzhin g.yo ba dang byed las bskyod par byed pa yang ngo / /nam mkha'i yul zhes pa thog mar de'i rang bzhin stong pa dang byed las go skabs 'byed pa yang ngo / /de nyid gsungs pa/stong par gnas pa des ni skye/ /zhes pa stong par gnas pa la dngos po thams cad skye bar 'gyur te/ des na zhes pa go skabs sbyin pa'i gtan tshigs 'dis so/ /de nyid kyi phyir nam mkha' ni 'byung ba chen po ma yin no/ /'on kyang rang gi mtshan nyid 'dzin pa'i phyir khams nyid dang sa la sogs pa bzhi po kho na 'byung ba chen po rnams so zhes pa mdor bstan pa'i tshig rgyas par ston pa 'gal ba med do//gal te 'di rnams kyi mtshan nyid rang las grub pa'am ma yin zhe na gsungs pa/ gang du zhes pa la sogs pa ste 'dis phan tshun ltos pa dang bcas pa brtags pa tsam gyi bdag nyid can nyid gsungs so//gsungs pa'i don nges par byed pa rtsa zhes pa la sogs pa ste/ rtsa la sogs pa snod kyi 'jig rten gyi 'byung ba chen po bzhi rnams kho na'o/ /bems po rnam par shes pa tsam/ /zhes pa'i tshig gi don gnyis kho na ste/bems po dang bems po ma yin pa'i dbye ba las so/ /de nyid kyi phyir tsam zhes pa lhag ma'i don sel bar byed pa'i phyir ro/ /yang na tshig gi don ni rab tu gsal ba tsam gyi bdag nyid las bems po yang rnam par shes pa nyid do/ /'gro ba drug po zhes pa 'byung ba chen po bzhi po zhes pa snga ma dang 'brel lo//de ltar na sems can dang snod kyi 'jig rten du ji ltar dbye zhe na gsungs pa/ rnam shes dang ni lhan cig 'jug /ces pa gang rnam par shes pa dang lhan cig 'jug pa de rnams ni sems can du rnam par gzhag par bya'o/ de nyid gsungs pa des na zhes pa la sogs pa ste/des na zhes pa 'byung ba chen po bzhi'i sbyor ba yis so/ /kun la zhes pa 'gro ba thams cad la lus kyi gong bur 'gyur ro zhes pa srid pa'i dngos po blo dang ldan pas shes par bya'o/ /thams cad kyi tshe'i 'byung ba bzhi'i rang bzhin nyid la sems can rnams kyi 'chi ba la sogs pa 'gyur ba ji ltar zhe na gsungs pa/'chi sogs rnams la zhes pa la sogs pa ste/ bskyod byed ces pa bskyod do zhes pa'i don to/ /yan lag nying lag thams cad la/ /zhes pa thams cad du lus thams cad dang yan lag thams cad la 'gro ste/gang gi tshe rlung bskyod pa de'i tshe tshor ba med par 'gyur ro zhes pa'i don to/ /skabs nye bar sdud pa skye ba zhes pa la sogs pa ste/ 'byung ba thams cad 'gro zhes pa 'byung ba rnams ni thams cad du 'gro zhes pa'i don to/ /thams cad du 'gro ba nyid gsungs pa/ lha zhes pa la sogs pa ste/'byung ba med par min zhes pa 'byung ba rnams kyis mnan na gang yang skye bar mi 'gyur ro zhes pa lhag ma'o/ /de nyid ston pa lha zhes pa la sogs pa ste/ 'jig rten skyong ba la sogs pa lha thams cad kyi lus rnams la yang skyong ba dang lhan cig gnas so zhes pa'i don to//de dag gis 'di ltar gsungs te de rnams thams cad kyang 'chi bar 'gyur zhes pa'o/ /yang na de rnams kho na skye ba dang 'chi bar 'gyur gyi bcom ldan 'das sems kyi rdo rje ni ma yin no zhes pa'o/ /gal te 'di rnams sems las tha dad med do zhes gsungs la/de yang thams cad kyi tshe cha mthun par rgyun du gnas pa yin na/ de ji ltar 'byung ba rnams kyi cha mthun pa dang cha mthun pa ma yin pa nyams pa dang skye ba'i mtshan nyid 'chi ba dang skye ba yin zhe na/ gsungs pa/ mtha' dag ces pa la sogs pa'o/ /'di'i don ni rtag tu zhes pa 'khor ba thog ma med par ji ltar gsungs pa'i rang bzhin yongs su ma shes pa'i phyir sems las tha dad pa dang /rtag pa dang mi rtag pa la sogs pa'i rang bzhin nyid kyi rig byed kyi mtha' la sogs pa'i bstan bcos de rnams rmongs pa rnams kyis 'dod cing sgom par byed de 'jig rten du'ang de las byung ba'i lta ba ngan pa 'byung ste/de gsungs pa/ 'phags pa lha'i zhabs kyis/ mu stegs bye ba mang po rnams/ /don med rgyur gyur mthong nas ni/ /skye bo chos 'dod pa rnams la/ /gang gi snying rje 'byung mi 'gyur/ /zhes pa'o/ / gal te 'dzin pa las snang ba tha dad pas phye ba'i gzung ba yang ji ltar sems dang tha mi dad pa yin zhe na gsungs pa/ gang du thams cad la zhes pa la sogs pa ste/ gang gi phyir gang las thams cad du 'byung ba thams cad la thams cad 'gro'o zhes pa kun 'gro'o/ /rnam par shes pa'i khams gnas zhes pa gnas par gyur pa sa las skyes pa thams cad de 'byung ba las gyur pa yang de nyid do//yang na gang gi phyir thams cad la thams cad kun 'gro rnam par shes pa'i khams dang sa las skyes pa zhes pa 'byung ba gzhan yang gnas par 'gyur ro zhes 'brel to//de nyid kyi phyir de ma thag gsungs pa/ gang du gcig ni gnas pa der/ /bzhi po de kun nye bar gnas/ /zhes so/ /de dag gis 'di ltar brjod de rang las grub pa'i rang bzhin med pa'i phyir rang gi sems 'ba' zhig gis byas pa rnam par rtog pa tsam gyi bdag nyid la tha dad pa mi srid ces so//de nyid gsungs pa/ 'byung ba bzhi po gzhan gtso bo zhes pa 'byung ba bzhi po rnams las gzhan rnam par shes pa kho na gtso bo ste/ de rnams sprul pa nyid las te/ /bstan bcos kun la yang dag 'dod/ /ces pa'o/ /yang na mtha' dag ces pa phyi ma'i bstan bcos mtha' dag la'ang de rnams nyid 'dod cing sgom par byed do//de bas na de rnams kho na gtso bor gyur pa zhes dgongs pa'o/ /de dag nyid bstan par byed pa thams cad la zhes pa la sogs pa ste/ thams cad la zhes pa kun 'gro rnams so//yang na kun la zhes pa thams cad la bya ba'i khyad par ro/ /thams cad ces brjod pa la'ang de bzhin no/ /sa la skyes zhes pa dgu'i bdag nyid can la skyes pa zhes pa de rnams thams cad la gnas zhes 'brel lo/ /sa la skyes zhes pa ni bdun pa'i mang po'i tshig ste/ gzugs med pa'i khams na yang nyan thos kyi 'dod pa gzhan gyis don cung zad 'byung ba srid do zhes pa skyon med do/ /bshad pa nye bar bsdu ba gsungs pa/ 'byung ba bzhi zhes pa la sogs pa'o/ /'di dag gis 'byung ba bzhi la yang dag par brten pa kho nas sngags kyi tshul gyis rnal 'byor pa bskyed pa dang rdzogs pa'i rim pa'i rnal 'byor goms par bya'o zhes bshad pa yin no//thun mong gi mtshan nyid mngon par brjod nas khyad par gyi mtshan nyid nang gi 'byung ba'i mtshan nyid gsungs pa/ srog ces pa la sogs pa ste/ /srog byed pa dang / rgyu ba'i phyir srog ni rlung ngo / /yang dag gnas zhes pa shes par bya ste/ rlung ni 'byung ba dang / rngub pa'i bdag nyid rnam par shes pa sbyor bar gyur par shes par bya'o zhes dgongs pa'o/ /me ni tsha ba'i mtshan nyid de/ /zhes pa tsha ba'i mtshan nyid ni me ste gzi brjid rang bzhin skyed par byed pa'i phyir ro//chu ni bdud rtsi'i rang bzhin no/ /zhes pa 'chi ba mi 'chi bar byed pa'o/ /de'i phyir chu ni 'chi med rang bzhin zhes pas te tshim par byed pa'i tshul gyis brtan par byed pa'i phyir ro/ /sa ni rten tsam nyid du'o/ /zhes pa zhing lta bur skye ba dang gnas pa dang 'phel ba'i rgyu nyid kyi phyir sa ni rten yin no//don 'di yin te 'di rnams nyid 'khor ba'i gnas skabs su yul rnams dang / 'jig rten las 'das pa'i gnas skabs su bde ba chen po la rim pa ji lta bar bskul ba dang gzi brjid dang tshim pa dang 'dzin pa rnams kyis sems kyi rgyal po la 'khyud nas rjes su 'dzin cing gnas so zhes pa'o//yang na lus kyi za ma tog tu de rnams nyid la yang dag par brten nas sems kyi rgyal po gnas te/ 'di rnams gang yang rung ba med na 'chi ba'i phyir rnam par shes pa thun mong ma yin pa rjes su 'dzin par gsungs so//nam mkha' ni rnam par shes pa las shin tu dbyer med pa'o/ /'on kyang de dang ro mnyam pa nyid kyis gnas so zhes pa ste so sor ma bstan to/ /yang na go skabs sbyin pa nyid de'i rjes su 'dzin pa ste/ de yang thun mong gi mtshan nyid kyi skabs su gsungs so//de dag nyid gsungs pa/ de la rtag tu gnas pa'i lha/ /rnam shes mchog gi dbang phyug go/ /zhes pa lha'i ngang tshul nyid las lha'o/ /da ni/ rnam pa lnga ni ji ltar lha/ /zhes zhus pa'i lan gdab pa'i phyir gsungs pa/ de'i zhes pa la sogs pa ste/ de'i zhes pa 'byung ba lnga dang ldan pa'i rnam shes kyi'o//kun du 'jug ces pa kun nas rnam pa thams cad 'byung bar 'gyur ro zhes pa'i don to/ /lha zhes pa lha yi'o/ /rnam pa lnga'i lha rnams ni/ /zhes pa rnam pa lnga rnams dang lha lnga yang ngo / /de la rnam pa lnga ni phung po lnga dang ye shes lnga rnams so//de nyid gsungs pa/ gzugs zhes pa la sogs pa ste/ gzugs zhes pa gzugs sna tshogs pa'i bdag nyid can so sor snang ba'o/ /de ltar tshor ba la sogs pa yang ngo / /me long zhes pa me long ye shes te/ de ltar gzhan rnams kyang ngo //ye shes 'di rnams rab tu gnas/ /zhes pa/ gzugs kyi phung po la sogs pa 'di rnams ye shes kyi rang bzhin kho na'o/ /yang na ye shes kyi sgra las mngon du me long la sogs pa'i sgra 'di rnams so sor gnas so zhes pa'i don to/ /de'i phyir me long ye shes dang mnyam pa nyid kyi ye shes zhes pa la sogs par 'gyur ro//lha lnga ston pa rnam par snang mdzad zhes pa la sogs pa'o/ /'di dag kyang rim pa ji lta ba me long la sogs pa'i ye shes kyi bdag nyid gzugs kyi phung po la sogs pa rnam par dag pa'i rang bzhin rnams te gtso bor sa la sogs pa'i khams la brten pa'o//de rnams kyang spyan ma la sogs pa'i lha mo'i rang bzhin rnams so/ /de dag gi rnam par dag pa kho na'i bskyed pa'i rim pa sgom pa pos mngon par rdzogs par byang chub pa rnam pa lngas bsgom par bya'o zhes ston pa rnam pa lnga zhes pa la sogs pa ste/rnam pa lnga po rnams gcig pa nyid kyis rdzogs pa'i byang chub rtogs pa 'di'i zhes pa drug pa rdo rje 'chang ngo / /lnga pa yul drug zhus pa'i lan gdab pa'i don du gsungs pa/ yul zhes pa la sogs pa/ rnam pa kun gyi mchog gnas pa//yul gyi rnam dag rtogs par bya/ /zhes pa'i bar du'o/ /de la yul zhes pa 'dis yul can yang brjod de yul rnams ni yul can la ltos pa dang bcas pa'i phyir ro/ /'di dag gis skye mched bcu gnyis po rnams gsungs so/ /'di rnams zhes pa 'di rnams kyi'o/ / rnam dag ces pa rnam par dag pa'o/ /bshad ces pa gzugs rdo rje ma la sogs pa dang sa'i snying po la sogs pa rab tu grags pa rnams so/ /khams ni bco brgyad dag tu dran/ /zhes pa de rnams kho na'i dbye bas khams bco brgyad do/ /phung po'i rang bzhin 'di rnams las//zhes pa 'di rnams kho na mdor bsdus pa las phung po lnga'i rang bzhin nyid do/ /'gyur med mchog ni bsgom par bya/ /zhes pa slar yang de nyid 'gyur med mchog rdo rje sems dpar 'gyur ro/ /sangs rgyas nyid 'bras rgyu ru 'gyur/ /zhes pa de nyid sangs rgyas nyid kyi mtshan nyid 'bras bu dang de'i rgyur yang 'gyur ro//ji ltar 'gyur zhe na gsungs pa/ mig sogs rnams la bsgom bya ste/ /zhes pa/ rang nyid rdo rje sems dpar gyur nas mig la sogs pa'i skye mched rnams la bcom ldan 'das de nyid 'bras bu dang de'i rgyur yang 'gyur ro//gzugs kyis bsgom par bya'o zhes pa'i don to/ /de gsungs pa/ bcom ldan 'das de nyid sa'i snying po'i rnam pas mig gi skye mched la gnas nas gzugs gsum rnam par sbyangs te rdo rje'i mig gi skye mched de steng bar mdzad do zhes rgyas par ro/ / de rnams nyid ston pa/ mig gi zhes pa la sogs pa ste/ mig gi dbang po dang yul gzugs dang mig gi rnam par shes pa ni bcom ldan 'das thugs rdo rje sems dpa'i rnam 'phrul yin no/ /mig gi dbang po'i sgras mig gi yul yang brjod pa nyid kyi phyir ro/ /de nyid gsungs pa/gsum zhes pa la sogs pa'o/ /de bzhin du yul gyi sgras kyang yul can bstan te bshad ma thag pa nyid do/ /bstan pa'i rim pa 'di yang yul dang yul can dag la don dam par dbye ba med par rtogs pa'i don du'o/ /gsum po 'di dag ni rang bzhin rnam dag don 'od gsal gyi go 'phang gi rten du 'gyur ro zhes pa'i don to//rnam shes zhes pa rna ba'i rnam shes te de ltar bzhi yang ngo / /rnam shes zhes pa'i tshig ni de dang de'i dbang po las skyes pa zhes shes par bya'o/ /sgra'i zhes pa sgra'o/ /dmigs pa med pa'i rang bzhin las//'od gsal gyi ni go 'phang zhes pa snga ma dang 'brel lo/ /snom byed dri dang zhes pa sna dang dri'o/ /rnam dag de bzhin nyid du dran/ /zhes pa chos dang chos nyid dag la dbye ba med pa'i phyir ro/ /rnam dag nyid las zhes pa rnam par dag pa nyid kyi phyir ro/ / lus dang reg bya lus rnams shes/ /zhes pa dang po'i mang po'i tshig go/ /yid dang chos dang yid rnam shes/ /zhes pa yid kyi dbang po dang chos kyi khams dang yid kyi rnam par shes pa rnams so/ /snying ga nyid du rnam par dag /ces pa khyab byed kyang snying gar gnas pa'o//rnam par dag pa nyid kyi phyir/ /'od gsal gyi ni go 'phang zhes pa snga ma dang 'brel lo/ /nye bar bsdu ba gsungs pa/ drug ces pa la sogs pa'o/ /kun gzhi zhes pa kun gzhi la'o/ /de bzhin gshegs pa zhes pa gti mug rdo rje la sogs pa'o//dpal he ru ka'i ting 'dzin gnas/ /zhes pa dang po'o/ /yul dang yul can rnal 'byor gyis/ /zhes pa yul gzugs rdo rje ma la sogs pa dang / yul can gti mug rdo rje la sogs pa'i rnal 'byor gyis snyoms par 'jug pas gnas na rtog pa med pa'i bde ba skye ba'o zhes dgongs pa'o//de dag nyid gsungs pa/ yul gyi zhes pa la sogs pa'o/ /stong pa nyid 'ba' zhig gis sangs rgyas ma yin te/ 'on kyang rnam pa thams cad mchog dang ldan pa nyid kyis so zhes pa'i don to/ /de dag gis 'di skad gsungs te/ bskyed pa'i rim pa sgom pa pos rdo rje sems dpa'i sku ru dmigs pa sngon du 'gro bas bcom ldan 'das nyid stong pa nyid dang ro gcig pa'i sku 'di'o zhes nges par gzung ste mig la sogs pa'i dbang po rnams dang gzugs la sogs pa'i yul rnams kyang rang bzhin med pa nyid du mngon du byas nas ji lta ba bzhin sa bon dang mtshan ma yongs su gyur pas/mig la sogs pa rnams gzugs rdo rje la sogs pas 'khyud pa'i gti mug rdo rje la sogs pa rnams bsgom par bya'o/ /rdzogs pa'i rim pa la gnas pas ni de bzhin nyid dang dbyer med pa rnam par rtog pa dang bral ba lhan cig skyes pa chen po'i bdag nyid bcom ldan 'das dpal rdo rje sems dpa' nyid brtan pa dang g.yo ba'i dngos po mtha' dag la khyab pa nyid kyis rnam par gnas pa'o zhes bla ma'i gdams ngag las bsgom par bya'o zhes pa'o//da ni zhu ba drug pa'i lan gdab pa'i phyir gsungs pa/sangs rgyas zhes pa la sogs pa rang bzhin no zhes pa'i bar ji srid pa ste/ zung 'jug gi bdag nyid bcom ldan 'das gcig kho na sangs rgyas dang chos dang dge 'dun du brtags te phye ba las so/ /sangs rgyas ni gzugs sku'i rang bzhin nyid las so/ /chos ni chos sku'i rang bzhin nyid las so//dge 'dun ni rab tu dga' ba la sogs pas phye ba'i sa rnams la yang de nyid gnas pa'i phyir te/ rab tu dga' ba la sogs pa'i sa thob pa kho na dge 'dun no/ /de dag nyid skyabs gsum mo/ /de nyid sku dang gsung dang thugs kyi de nyid rnams te de nyid gsum mo//stong pa nyid dang mtshan ma med pa dang / smon pa med pa rnams te rnam par thar pa gsum mo/ /'di dag rnam par dag pa zhal gsum ste 'dir bcom ldan 'das kyi zhal lo/ /lha gsum zhes pa rtag pa dang snang ba mtha' yas dang mi bskyod pa rnams so/ /dkyil 'khor gsum zhes pa sku dang gsung dang thugs kyi 'khor lo rnams so//rnal 'byor gsum zhes pa ting nge 'dzin rgyal po mchog dang / dkyil 'khor rgyal po mchog dang / las kyi rgyal po mchog rnams so/ /lam gsum zhes pa nyan thos dang rang sangs rgyas dang byang chub sems dpa'i dbye ba las lam gsum po rnams so//dam tshig gsum zhes pa lha dang sngags dang phyag rgya rnams sam/ yang na rdo rje dang dril bu dang lha'am/ yang na sdom pa'i tshul khrims la sogs pa rnam pa gsum mo/ /dge ba gsum zhes pa thog ma dang bar ma dang tha ma rnams so//gsang gsum zhes pa sku dang gsung dang thugs kyi gsang ba rnams so/ /chos kyi 'byung gnas rang bzhin las/ /zhes pa chos 'byung gru gsum gyi phyag rgya'i rang bzhin gyis gnas pa'i phyir ro/ /'khor gsum mi dmigs rnal 'byor gyis/ / zhes pa bsgom par bya ba dang sgom pa po dang sgom pa rnams kyis so/ /sngags gsum gyi ni rang bzhin dang / /zhes pa ni snying po dang nye ba'i snying po dang phreng ba'i sngags rnams so/ /phyi dang nang gi zhes pa la sogs pa zhu ba bdun pa'i lan gdab pa'i phyir gsungs pa/ phyi rol zhes pa la sogs pa yongs grags zhes pa'i bar du'o/ /de la phyi rol dang zhes pa snod kyi 'jig rten te de rnam par dag pa gzhal yas khang ngo / /nang gi zhes pa sems can gyi 'jig rten te/ de rnam par dag pa lha'i 'khor lo'o/ /dgos pa gsungs pa phyi zhes pa la sogs pa'o//de la lha'i 'khor lo'i dbang du byas nas gsungs pa/ chos zhes pa la sogs pa'o/ /lha rnams dmigs pa zhes pa dpa' bo nyi shu rtsa bzhi po rnams bsgom pa'o/ /chos kyi dbyings kyi rang bzhin du/ /so sor zhes 'brel lo/ /rnam pa kun gyi rang bzhin las//lha mor yongs su brtag par bya/ /zhes pa rnam pa'i 'khor lo'i rang bzhin lha mo rnams so/ /yang na gang byang chub kyi phyogs kyi chos sum cu rtsa bdun gyi rnam pa'i rang bzhin rnams so/ /dang po lha yi gzugs kyis ni/ /rdo rje sems dpa' rnam par bzhugs//zhes pa dang po lha'i gzugs ni dbus kyi gtso bo'o/ /dkyil 'khor ba'i lha rnams dgod pa'i gnas gsungs pa/ gnas dang zhes pa la sogs pa'o/ /de bzhin zhes pa la sogs pas spro ba gsungs te/ ji ltar gzhal yas khang gi nang na lha rnams bzhugs pa de kho na ltar kha sbyor bde ba chen po'i tshul gyis grangs med pa spros nas phyogs bcu rnams su 'gro ba'i don mdzad do zhes pa lhag ma'o//de nyid gsungs pa/ grangs med pa la sogs pa'o/ /grangs ni dkyil 'khor la bzhugs pa rnams kho nas te spros pa rnams kyis ni ma yin no zhes dgongs pa'o//spros pa rnams kyi grangs ni gzhal du med pa'i phyir bsam gyis mi khyab pa'o zhes gsungs pa/ bsam gyis mi khyab ces pa la sogs pa'o/ /'di dag gang las spro zhe na gsungs pa dpal zhes pa la sogs pa ste go sla'o/ /yang na dpal he ru ka yang dag sbyor//zhes pa bde mchog dang phag mo nyid mkha' 'gro ma'i gzugs kyis gnas so zhes pa lhag ma ste de dag kyang don dam par dbye ba med do/ /'di dag gis bsdu ba gsungs so/ /de nyid gsungs pa/ de dag ces pa la sogs pa'o/ /'bras bu gsungs pa/ de rnams kun zhes pa la sogs pa'o/ /'di dag ji ltar bslab par bya zhe na gsungs pa/ rags pa zhes pa la sogs pa'o/ /'di ltar gsungs te/ bla ma'i zhal las rim pa mtha' dag bzung ste bsgoms pas sems rtse gcig pa goms pa phul du byung ba'i gnas skabs rtog pa dang bral ba'i ye shes skye bar 'gyur ro zhes pa'o//yang na de kho na rnam pa gnyis te/ bla mas rab tu bstan pa dang de nyams su myong ba'i tshul lo/ /de gnyis ka'i 'bras bu ni gsum pa'o/ /de gsungs pa/ thag pa'i zhabs kyis/ de nyid ye shes rnam gnyis te/ gang yang brjod bcas brjod med do//zhes pa'o/ /yang na rags pa sgra zhes pa rags pa ni sgra'i bdag nyid can/ AHdang hUM gi yi ge la sogs pa'i rang bzhin no/ /phra mo bsam pa'i rang bzhin zhes pa de bsgom pa'i rim pa ni bla ma'i gdams ngag las so/ /bsam pa dang bral ba'i de kho na rtogs pa zhes pa de goms pa las rtog pa dang bral ba'i bde ba rtogs par 'gyur ro zhes pa'o//'byung ba bzhi la sogs pa zhu ba lnga'i yul gcig nyid du bstan pa'i phyir/ le'u gcig nyid kyis lan btab par mdzad do zhes pa'o/ /de ltar le'u gzhan du yang shes par bya'o/ /le'u bzhi pa'i rnam par bshad pa'o// //zla ba nyi ma ji ltar lha/ /zhes pa zhu ba brgyad pa'i dbang du byas te gsungs pa/ de nas zhes pa la sogs pa'i le'u 'dir ni rnam par shes pa'i rten du gyur pa bde ba dang sdug bsngal dang 'tsho ba dang 'chi ba la sogs pa dge ba dang mi dge ba mtha' dag ston pa dang /rdo rje'i bzlas pa'i rim pa'i yan lag rlung gi de nyid ni brjod par bya ba'o/ /de yang la la nA dang ra sa nAr grags pa'i rtsa gnyis la yang dag par brten to zhes thog mar rtsa gnyis kyi mtshan nyid gsungs pa/ zla ba zhes pa la sogs pa rim pa ji lta ba bzhin gyi bar ni mdor bstan pa'o//mgrin pa zhes pa la sogs pa rgyas par bshad pa'o/ /'og gi kha zhes pa gal te yang 'di'i bu ga gnyis ka yang kha yin pa de lta na yang blang ba dang dor bar byed pa nyid kyis 'og gi lte ba'i rtsa ni kha bzhin du 'di'i kha'o zhes pa 'og gi kha'o/ /de bzhin du steng gi kha yang ngo //rab tu 'jug pa zhes pa g.yas pa nas 'thon te yul bzung nas de ma thag rlung la zhon pa'i rnam par shes pa la la nA nas 'jug pa'i phyir ro/ /de dag nyid gsungs pa sna'i zhes pa la sogs pa'o/ /da ni skabs su bab pa rlung gi 'gyur ba dang mi 'gyur ba'i mtshan nyid brjod pa'i ched du phyi'i nyin mtshan rnams la nyin mtshan gyi rnam par gzhag pa kho na re zhig gsungs pa/nyi ma zhes pa la sogs pa ste go sla'o/ /thun brgyad kyi bdag nyid can nyin mtshan gcig la rnal mar gnas pa khams snyoms pa'i rlung rim pas rgyu ba de bstan pa'i phyir gsungs pa/'pho ba zhes pa la sogs pa ste go sla'o/ /gal te nyin mtshan gyis 'pho ba bcu drug rgyu ba la sna bug gang kho nas nyi ma gcig la nyi ma shar ba nas brtsams te rlung rgyu bar 'gyur ba de kho nas rnal mar gnas pa thams cad kyi tshe rgyu bar 'gyur te/ji ltar nyi ma bzhi pa'i snga dro la sna bug gzhan gyis rlung rgyu bar 'gyur zhe na brjod par bya ste/ 'dir nyin mtshan gcig la dkyil 'khor dgu bcu rtsa drug 'pho bar 'gyur ro/ /de la dkyil 'khor gcig nas dkyil 'khor gzhan du 'pho ba na 'chad par 'gyur ba'i tshul gyis bdud kyi bu mor grags pa'i rtsal dbugs phyed phyed zad pa las dkyil 'khor dgu bcu rtsa drug rnams kyi dbugs bzhi bcu rtsa brgyad zad pas zhag gsum gyis bzhi bcu rtsa bzhi lhag pa'i dbugs brgya chad par 'gyur ro//de bzhin du mtshan mo dang nyin mo mnyam pa'i dus su sna bug gcig nas sna bug gzhan du 'pho ba na cung zad dman pa'i dbugs kyi rkang pa gsum lhag pa'i dbugs nyi shu rtsa lnga sna bug gnyis ka'i rab tu rgyu ba las/phyed dang bcas pa'i brgya phrag bcu gsum gyi bdag nyid sna bug gcig gi rgyu ba chad par 'gyur ro zhes pa nyi ma bzhi pa'i snga dro la sna bug gzhan gyis rgyu bar 'gyur zhes song ba ni 'phros pa'o//skabs su bab pa brjod par bya ste/ rnam par gzhag pa 'di la dbyu gu'i rnam par gzhag pa ji ltar zhe na gsungs pa/ rlung ni zhes pa la sogs pa'o/ / de la re zhig chu srin gyi 'pho ba la nyin mo dbyu gu'i tshad ston pa srog rnams zhes pa la sogs pa ste/ de rkang pa yang dag ldan pa rnams kyis zhes pa dbugs gsum po rnams kyang so sor rkang pa dang ldan pa'o/ /de'i phyir chu srang lnga bcu dang dbugs gsum dang dbugs kyi rkang pa gsum ni byang bgrod kyi nyi ma'i dbyu gu gcig go//dbugs kyi tshogs kyis ni rkang pa gcig gis dman pa'i dbugs bzhi lhag pa'i dbugs sum brgya'o/ /mtshan mo'i dbyug gu la ni rkang pa dang bcas pa'i dbugs lnga lhag pa'i chu srang drug cu rtsa gcig rnams so/ / dbugs kyi tshogs kyis rkang pa dang bcas pa bdun cu rtsa gcig lhag pa'i dbugs sum brgya rnams so/ /'di lta bu'i dbyu gu'i tshad 'dis mtshan mo sum cu rtsa gnyis zhes pa'o/ /de nas nyi ma byang du bgrod pa las/ /de ma thag tu so sor nyin mo'i dbyu gu 'phel ba dang mtshan mo'i dbyu gu 'bri bar 'gyur ro//gal te zla ba re la ji tsam 'phel ba dang 'grib par 'gyur zhing / nyi ma so so la yang ji tsam zhe na gsungs pa/ dbugs rnams kyis zhes pa la sogs pa'o/ /zla ba gcig las dbyu gu gcig la rkang pa gcig lhag pa'i dbugs bcu gcig lhag par 'gyur ro//de'i phyir bco lnga pa lhag pa'i dbugs sum brgya ni bum pa'i 'pho ba'i nyin mo'i dbyu gur 'gyur ro/ /mtshan mo ni drug cu lhag pa'i dbugs sum brgya rnams dbyu gu gcig go/ /de ltar 'pho ba so so la ste ji srid lhor bgrod pa'i bar du'o//zhag so so la ji tsam 'phel ba dang 'grib pas rkang pa dang bcas pa'i dbugs bcu gcig tu 'gyur zhe na gsungs pa/ dbugs kyi zhes pa la sogs pa ste/ nyi shu rtsa bzhi cha lhag pa'i dbugs sum cha 'phel lo zhes snga ma dang 'brel lo/ /gal te dbyu gu so so la nyi shu rtsa bzhi cha lhag pa'i dbugs sum cha 'phel ba'i phyir dbyu gu sum cu rtsa gnyis kho nar 'gyur ro//de'i phyir chu srang gnyis so/ /phyi rol gyi bstan bcos dang rgyud gzhan rdo rje mkha' 'gro la sogs par nyi ma so sor chu srang bzhi 'phel lo zhes 'dod do/ /gang yang chu srang drug cu'i bdag nyid kyi dbyu gu'i tshad kyis byang du bgrod pa'i nyin mo la dbyu gu nyi shu rtsa bzhi nyid de/de yang dbugs kyi grangs kyis bzhi bcu dang bcas pa drug brgya lhag pa'i stong phrag brgyad kyi dbugs rnams so/ /rgyud 'di'i rim pas bdun brgya lhag pa'i stong phrag dgu rnams byang du bgrod pa'i nyin mo'i dbugs kyi tshogs te/de ni 'dir brgya dang bcu lhag pa'i stong phrag gcig gis mang bas khyad par ches so zhe na 'dir brjod par bya ste/ gnyis ka'i yul tha dad pa nyid kyi phyir skyon 'di med do/ /de ltar yang rgyud 'di ni nang gi rnam par gzhag pa ste/'pho ba'i yan lag bcu drug gi/ /rlung ni nyin zhag gcig gis 'gyur/ /sna yi bu ga la rtag tu/ /thun ni phyed phyed yang dag rgyu/ /zhes bar ma chad par gsungs pa'i phyir ro/ /de la mnyam pa'i mtshan mo dang nyin mo la rtsa drug cu rtsa bzhi'i bdag nyid can/sprul pa'i 'khor lo rtsa re re la phyed dang bcas pa sum cu rtsa bdun lhag pa'i dbugs sum brgya rgyu ba'i rnam par gzhag pa'i rim pas rtsa drug cu rtsa bzhi rgyu ba'i phyir/ dbyu gu drug cu rtsa bzhi rnams so/ /de bzhin du rtsa sum cu rtsa gnyis kyi bdag nyid can/spyi bo bde ba chen po'i 'khor lo rtsa re re la de nyis 'gyur gyis bdun cu rtsa lnga lhag pa'i dbugs drug brgya rgyu ba'i rnam par gzhag pa dang / rtsa sum cu rtsa gnyis rgyu ba'i phyir chu tshod sum cu rtsa gnyis rnams so/ /de bzhin du rtsa bcu drug gi bdag nyid can longs spyod 'khor lor rtsa re re la de nyis 'gyur gyis phyed dang bcas pa'i dbugs brgya phrag bcu gsum rgyu ba'i rnam par gzhag pas thun phyed bcu drug rnams so//de bzhin du rtsa brgyad kyi bdag nyid can chos kyi 'khor lor rtsa re re la dbugs brgya phrag nyi shu rtsa bdun rgyu ba la thun brgyad do zhes pa'o//de bzhin du yang brtag pa gnyis pa'i rgyal po las/ zla ba dang / nyi ma dang / A li dang kA li dang 'pho ba bcu drug dang dbyu gu drug cu rtsa bzhi dang chu tshod sum cu rtsa gnyis dang thun tshod brgyad rnams so zhes so/ /rdo rje mkha' 'gro la sogs par ni rtsis kyi byed pa gtso bo nyid kyis phyi rol gyi rnam par gzhag pa'o zhes pa ste de yis 'di la 'gal ba med do//yang na 'di ni phyi dang nang thun mong gi rnam par gzhag pa'o/ /de ltar yang nyi ma shar ba zhes pa la sogs pa nyin mo thun bzhi dang mtshan mo thun bzhi'i rnam par dbye ba las nyin zhag gi thun brgyad dang /thun phyed bcu drug dang / thun bzhi cha'i thun tshod kyi tshogs kyis chu tshod sum cu rtsa gnyis dang / de'i tshad dbyu gu'i rnam par gzhag pas dbyu gu drug cu rtsa bzhi rnams so/ /zhes pa phyi rol kho na'i rnam par gzhag pa'o/ /dbyu gu'i tshad ni rang gi 'dod pas rnam par gzhag pa'i phyir te/de ltar yang b+ha sa ta'i rtsis mdzad pas nyin zhag gcig la dbyu gu brgya byas so/ /'dir ni dbyu gu drug cu rtsa bzhi rnams nyid kyis nang dang thun mong gi rnam par gzhag pa yin te bshad ma thag pa ji lta ba bzhin no/ / de'i phyir yang 'di nyid mdzes so/ /de ltar na 'pho ba chen po bzhi ste/ gang mnyam pa gnyis dang byang du bgrod pa dang lhor bgrod pa'o/ /de rnams la gtso bo'i phyir dang rnam par gzhag pa bya sla ba'i phyir yang mnyam pa'i dbyu gu'i nang dang phyi'i dbugs kyi mtshan nyid dang chu srang gi rnam grangs gzhan srog gi mtshan nyid sngon du 'gro ba can gyis rnam par gzhag pa gsungs pa/srog rnams zhes pa la sogs pa ste/ srog lnga bcu pa'i dbugs ji snyed pa de rnams kyis dbugs kyi grangs rim pas gzhag pa rnams dang / de'i steng du gsum rnams te dang po stong pa gzhag pas ji ltar gyur pa rnams kyis/de rkang yan lag ldan rnams kyis/ /zhes pa de'i rkang pa sum cu'o/ /de rkang de yis yang dag ldan/ /rnams kyis mnyam pa'i dbyu gu'o/ /zhes pa lhag ma'o/ /'di dag gis phyed dang bcas pa sum cu rtsa bdun lhag pa'i sum brgya ni mnyam pa'i dbyu gu ste snga ma bzhin no//byang du bgrod pa dang lhor bgrod pa'i nyin mo dang mtshan mo'i dbyu gu rnam par dbye ba'i don du gsungs pa/ byang du bgrod pa'i zhes pa la sogs pa'o/ /'di dag gi chu srang bzhi bcu rtsa lnga rnams kyis byang du bgrod pa'i nyin mo'i dbyu gu ste dbugs kyi tshogs kyis bdun cu lhag pa'i nyis brgyar gyur to//mtshan mo'i dbyu gu ni phyed dang bcas pa'i chu srang drug cu rtsa bdun rnams kyis te/ dbugs kyi tshogs kyis ni lha lnga lhag pa'i bzhi brgya yis so//byang du bgrod pa'i nyin mo'i dbyu gu ji lta ba de bzhin du lhor bgrod pa'i mtshan mo'i dbyu gu'o/ /de dag 'gyur ba ji ltar zhe na gsungs pa/ dbyu gu dbyu gur zhes pa mdor bstan pa ste/ de'i rgyas par bshad pa gsungs pa/ dbugs rnams kyis zhes pa la sogs pa ste//drag po rkang pa dang bcas pa rnams dang / /drag po rkang pa dang bcas pa rnams te/ /de rnams kyis 'pho ba so so la 'phel ba dang 'grib par 'gyur ro/ /'di dag gsungs pa/ srang gi 'pho ba la sogs pa byang du bgrod pa ji srid pa dang / lug gi 'pho ba la sogs pa lhor bgrod pa ji srid par 'pho ba gsum gyis 'pho ba so sor dbyu gu re re la phyed dang bcas pa'i dbugs nyi shu rtsa gnyis rnams mtshan mo dang nyin mo'i rnam par dbye bas rim pa ji lta ba bzhin 'phel ba dang bri ba dang /bri ba dang 'phel ba dag gis phyed dang bcas pa'i dbugs drug cu rtsa bdun 'phel ba dang 'bri ba las kyang ji ltar brjod pa'i dbyu gu nyid du 'gyur ro//gal te zhag so sor mtshan mo dbyu gu gcig la ji tsam 'phel ba dang / nyin mo dbyu gu gcig la ji tsam 'grib pas zla ba gcig gi phyed dang bcas pa'i dbugs nyi shu rtsa gnyis su 'gyur zhe na/dbugs kyi zhes pa la sogs pa ste/ dbugs kyi sum cha ni cha shas gsum ste de yis so/ /dbyu gu drug cu rtsa gnyis rnams kyis ji tsam gyis 'phel ba dang 'bri bar 'gyur zhe na gsungs pa/ de rkang zhes pa la sogs pa ste/rkang yig ni zla ba 'phel ba bsdus pas rjes su 'gugs pa'i don to/ /zla ba 'phel ba bsdus pa nyid rkang pa drug chas zhes pa chu srang gi rkang pas dbugs kyi rkang ba drug gi bdag nyid can gyis phyed dang bcas pa'i dbugs dang lhan cig go/ /'di dag gis dbyu gu sum cu rtsa gnyis rnams kyis mtshan mo dang nyin mo so so la dbugs nyi shu rtsa bzhis 'phel ba dang 'grib par 'gyur ro zhes bshad pa yin no//rnal mar gnas pa'i gnas skabs bstan nas/ bzlog pa dang de'i 'bras bu yang gsungs pa/ thun ni phyed zhes pa la sogs pa go sla'o//'gyur ldan zhes pa nyi ma drug rgyu na nyi shu rtsa bzhi chad pa'i lo gsum las so/ /nyi ma bdun rgyu bas de nyis 'gyur chad pa las so/ /nyi ma brgyad rgyu bas nyi shu rtsa bzhi sum 'gyur chad pa las so/ /nyi ma dgu rgyu bas nyi shu rtsa bzhi bzhi 'gyur chad pa'i lo gsum las te/skad cig gang la sna bug gzhan du 'pho ba'i skad cig de la 'chi'o zhes pa'i don to/ /de ltar gzhan du yang 'gyur ldan zhes pa'i tshig gi don to/ /dus ma yin pa dang dus kyi 'chi ba nye bar bstan nas/ de slu ba nye bar ston pa gsungs pa/cho ga bzhin zhes pa la sogs pa'o/ /rtsa zhes pa la la nA dang ra sa nA yang ste/ 'di dag ni 'chi ba slu ba'i yan lag go/ /slu ba'i cho ga ni 'chad par 'gyur ro/ /bshad pa'i nyin mo dang mtshan mo'i dbugs ston pa gsungs pa/ drug brgya rnams kyis lhag pa'i zhes pa la sogs pa'o//da ni gzhan yang rlung gi rnal 'byor pa'i zhi ba la sogs pa'i las 'grub pa'i yan lag gsungs pa/ dbang chen zhes pa la sogs pa ste/ dbang chen gyi dkyil 'khor la byas pas rgyas pa la sogs pa'i las so/ /de ltar/ chu yis don rnams yang dag 'byung //zhes pa zhi ba la sogs pa mngon par 'dod pa'i 'bras bu 'grub pa'o/ /bkres skom zhes pa me'i dkyil 'khor la rlung rgyu na drag po'i las 'grub po zhes pa'i don to/ /drag po'i las nyid kyis bye brag bskrad pa la sogs pa rlung las 'grub par 'gyur ro zhes gsungs pa rlung las zhes pa la sogs pa'o//dbang chen zhes pa dbang chen la'o/ /rnyed pa zhes pa rdzas kyi rnyed pa la'o/ /de thob pa ni rab tu thob pa ste drug pa'i don la dang po'o/ /sdud pa byed pa 'gro'o zhes pa lhag ma'o/ /chu skyes la sogs pa yang ltad mo rnams kyi dbang du byas te'o//de'i phyir rnal 'byor mchog gtso bo rlung gi de nyid ces sngar byas te/ ci 'dra ba'i rlung gi de nyid gtso bo yin zhe na gsungs pa/ rdo rje sems dpa'i gsung ji bzhin/ /zhes pa ji ltar bcom ldan 'das rdo rje sems dpas gsungs pa de ltar mchog nyid do zhes pa'i don to//yang na ji ltar rdo rje sems dpa'i gsung rnam pa thams cad du mi slu ba nyid kyis mchog tu tshad mar gyur pa de bzhin du bshad pa dang 'chad par 'gyur ba'i rlung gi de nyid kyang gsungs so zhes dgongs pa'o/ /gzhan gyis dris pa las rnal 'byor bas dge ba dang mi dge ba shes par bya'o zhes dris pa shes par bya ba'i dbang du byas te gsungs pa/rlung zhes pa la sogs pa ste go sla'o/ /gnas skabs las 'gyur ba'i rlung gi dbye ba bstan nas rang bzhin gyi rlung gi de nyid nye bar ston pa gsungs pa/ srog ces pa la sogs pa ste rnam par rgyu zhes pa dkyil 'khor gcig nyid la 'od zer lnga'i rang bzhin de bzhin gshegs pa lnga'o zhes pa'i don to//g.yas nas zhes pa sna bug gcig kho na'i g.yas kyi cha las te/ de ltar g.yon gyi cha las so/ /gnyis las zhes pa ni gnyis ka'i dbus kyi cha las so//'og ma zhes pa drang po'i 'og dang phyogs la reg pa'o/ /dal bu rab tu rgyu ba ces pa bsil ba 'jam pa myur ba ma yin par 'gro ba'o/ /rdo rje mgon po ni mi bskyod pa'o/ /lus kun la ni rjes 'gro zhes pa nam mkha'i dkyil 'khor gyi rang bzhin nyid kyis khyab pa nyid kyi phyir ro//'di dag nyid srog la sogs pa'i rlung lnga po rnams so/ /de la 'od dpag med kyi bdag nyid kyi rlung gyen du mgrin pa la gnas so/ /don yod grub pa'i bdag nyid mnyam gnas lte ba la gnas so/ /rin chen 'byung ldan gyi bdag nyid thur ser gsang ba la'o/ / mi bskyod pa'i bdag nyid srog snying ga la gnas so/ /rnam par snang mdzad kyi bdag nyid khyab byed de de'i gnas ni brjod zin to/ /rlung gi khams kyi rang bzhin sgrol ma'i yab nyid kyis don yod grub pa thog mar ston par rigs pa la/ rdo rje'i bzlas pa'i rim pa gsung rdo rje'i dbang du byas pa'i phyir ro//dang po 'od dpag med kyis bstan to/ /gal te khyab byed du grags pa nam mkha'i dkyil 'khor gyi rgyu ba ma brjod pa ji ltar zhe na mi srid pa'i phyir ro/ /de ltar na ji lta ba bzhin du dkyil 'khor la rgyu ba rnam par gzhag ce na/ dkyil 'khor bzhi'i rjes su 'gro ba nyid kyis so//de ltar yang rkang pa dang bcas pa nyis brgya'i bdag nyid can dkyil 'khor gcig rgyu ba la/ dbugs sum cu gcig dang sum cu rtsa gcig gi de ma thag bdud kyi bu mor brjod pa'i rtsa la dbugs re re rgyu ba'i phyir dang lhag ma dbugs gcig gi phyed rgyu ba'i phyir yang bskor ba bdun rnams kyis phyed dang bcas pa'i dbugs bdun khyab byed kyi rgyu'o zhes rnam par gzhag pa'o//des na gtso bo rgyu ba ni dkyil 'khor bzhi kho na'o/ /nam mkha' yi ni de'i rjes su 'gro ba nyid de so so ma yin no/ /gal te bu ga gang la dkyil 'khor ji tsam rgyu zhe na/ dkyil 'khor bu ga gang la thog mar rgyu zhe na brjod par bya ste/mtshan mo dang nyin mo mnyam pa'i dkyil 'khor gcig la dbugs rnams ji snyed pa de snyed kyi chu srang gi rnam grangs gzhan srog rnams te bu ga gcig la'o/ /de'i phyir dkyil 'khor rgyu bar 'gyur ro zhes pa bu ga'i dbye bas dkyil 'khor rgyu ba'i rim pa'o//nam mkha' la sogs rtag tu g.yon/ /g.yas su rtag tu sa la sogs/ /zhes pa'i tshig las thim pa dang 'char pa'i rim pas shes par bya'o zhes pa'o/ /'chi ltas kyis zhes 'chi ba ni slu ba dag la 'bad par bya zhes pa/ rtul po dang 'bring dang rnon po'i dbye bas slu ba'i thabs rnam pa gsum gsungs pa rlung ni zhes pa la sogs pa ste go sla'o//de ni bsgom pa'i rnal 'byor gyis kyang 'chi ba slu bar ma nus na 'pho ba ston pa gsungs pa/ snying ga'i zhes pa la sogs pa go 'phang 'thob ces pa'i bar du'o/ /don ni 'di yin te lha'i rnal 'byor sngon du 'gro bas snying gar pad+ma'i lte bar zla ba la gnas pa'i hUM yig dkar po la sems brtan par bya ste/steng dang 'og gi rlung kha sbyor gyi rang bzhin bsgom par bya'o/ /de la cung zad brtan pa na de la yul la sogs kyis mi 'ching zhes pa yul la sogs pa rnams kyis rnal 'byor pa 'ching ba ma yin te/de la sems rab tu mi rgyu ba'i phyir yang dag par brtan pa rnams kyis brtan pa'i go 'phang thob par 'gyur ro/ /gang gi tshe yang dag pa'i brtan pa thob par ma gyur na/ de'i tshe sbyor ba 'di nyid kyis 'pho bar bya ste/ de ni le'u bcu dgu pa las gsal bar bya'o zhes pa'o//de ma thag 'chad par 'gyur ba'i le'u yis lhan cig yul gcig pa nyid yin kyang phal cher rnal mar gnas pa dang / rnal mar gnas pa ma yin pa dang / dus dang dus ma yin par 'chi ba dang / de slu ba rnams kyi rtags su gyur pa rnams bstan pa'i phyir le'u 'di tha dad pa nyid do zhes so//le'u lnga pa'i rnam par bshad pa'o// //lam lnga po de ni ji ltar 'gyur zhes zhus pa dgu ba'i lan gdab pa'i phyir/ bshad pa'i rlung gi de nyid dkyil 'khor lnga'i bdag nyid can lha mo lnga'i rang bzhin nyid kyi khyad par gyis ston pa gsungs pa 'di las zhes pa la sogs pa ste/sngar ni 'od zer lnga'i rang bzhin de bzhin gshegs pa lnga'i bdag nyid kyis bstan to zhes pa slar brjod pa skyon med do/ /de nyid kyi phyir la ma lnga zhes pa khams lnga po rnams zhi ba la sogs pa'i las kyi lam gyi rang bzhin nyid kyi phyir ro//de dag nyid gsungs pa rang gzhan zhes pa la sogs pa ste/ phun tshogs zhes pa phun sum tshogs pa'o/ /dkyil 'khor gyi zhes pa dkyil 'khor la'o/ /rgyu ba la zhes pa skabs kyi rlung gi zhes pa'i don to/ /'di ltar gsungs te/ dkyil 'khor las dkyil 'khor gzhan du 'pho ba'i dus su bdud kyi bu mor brjod pa'i rtsa la dbugs phyed chad par 'gyur ro zhes gang gsungs pa de ni rnal 'byor pa'i dbu mar zhugs pa'o//'di nyid la dgongs te/ dpal gsang ba 'dus pa las gsungs pa/ rig pa'i tshul gyis cho ga yis//thun bzhi'i rab tu sbyor ba las/ /zhes so/ /de nyid kyi phyir gzhan rnams kyi bdud kyi bu mo gang yin pa de rnal 'byor pa'i 'chi med bu mo zhes bla ma rnams gsung ngo / /bdud kyi bu mo de ci/ a wa d+hU tI yin nam zhe na de lta ma yin te 'on kyang a wa d+hU tI la yang dag par brten pa'o//de ltar yang / 'khyil gsum 'dod ma khyim dang ni/ /gtum mo 'chi med bu mo'o/ /zhes pa'o/ /lnga po 'di rnams ni chos kyi 'khor lor rim pas sa la sogs pa'i khams kyi rang bzhin no/ /de'i phyir dkyil 'khor las dkyil 'khor gzhan du 'pho bar mtshon par bya'o zhes pa'o//lhag ma ni go sla'o/ /'dir sngags kyi de kho na nyid kyang nye bar bstan pa khong du chud par bya'o/ /yang na gang le'u lnga par snying ga zhes pa la sogs pa tshigs su bcad pa gsum gyis bstan te/ 'dir ni rlung gi de nyid kho na'o/ /de'i phyir yang rdo rje'i bzlas pa'i rgyu sngags kyi de kho na'o//de'i rgyu rlung gi de kho nas te 'bras bu'i sngon du 'gro ba bshad pa'i rim pa'o/ /de'i phyir yang dang po'i lha'i rnal 'byor pas rlung gi de kho na brtag pa sngon du 'gro ba can sngags kyi de kho na'i rim pas rdo rje'i bzlas pa la yang bslab par bya'o zhes bshad par 'gyur ro//le'u drug pa'i rnam par bshad pa'o// //lus kyi rang bzhin ji ltar lags/ /zhes pa la sogs pa zhu ba bzhi pa'i lan gdab pa'i phyir gsungs pa/ de nas zhes pa la sogs pa'o/ /de la mang ba nyid kyi phyir re zhig rtsa'i grangs gsungs pa/ bdun cu rtsa gnyis zhes pa'o/ /de la thun mong gi rtsa stong phrag bdun cu rtsa gnyis rnams so/ /de rnams la rlung gi bzhon pa dang rnam par shes pa'i rten gyi gtso bo nyid kyis chos dang longs spyod dang bde ba chen po dang sprul par brjod pa'i 'khor lo bzhi po rnams la/ rim pa ji lta bar brgyad dang bcu drug dang sum cu rtsa gnyis dang drug cu rtsa bzhi'o zhes pa nyi shu lhag pa'i brgya ni gtso bo'o//de rnams la yang sen mo dang so la sogs pa nyi shu rtsa bzhi lus kyi khams rgyas pa dang gnas pa'i rgyu nyid kyis spyi bo la sogs pa gnas nyi shu rtsa bzhi ni gtso bo'o/ /de rnams thams cad la yang yang dag par sdud pa po nyid kyis gtso bo gsum mo//de la yang bde ba chen po bskyed pa'i rgyu nyid kyis dbu ma gtso bo yin no zhes gsungs pa/ rtsa zhes pa la sogs pa sna chu 'bab pa'i zhes pa'i bar gyi don gyi bskyed pa'i rim pa ste/ lU yi pa'i mngon par rtogs pa'i 'grel par rab tu grags so//rtsa nyi shu rtsa bzhi'i khams rnams la nyi ma nyi shu rtsa bzhi'i gdan la gnas pa pU dza la sogs pa'i yi ge nyi shu rtsa bzhi rnams zla tshes dang thig le dang bcas pa bsgom par bya'o zhes kha cig go/ /rtsa rnams kyi gtso bo dang gtso bo ma yin pa dang /grangs dang gnas dang bya ba dang / lus kyi rang bzhin yang bstan nas/ lus kyi gong bu de ji ltar zhes bstan pa'i phyir gsungs pa/ de'i tshogs zhes pa la sogs pa ste/ de'i zhes pa de rnams kyi'o/ /tshogs kyi gong bu lha'i gzugs su yang dag par skyes pa spyi bo la sogs pa'i gnas kyi rtsa rnams kho na'i tshogs te/rim pa ji lta bar rab gtum ma la sogs pa'i lha mo rnams so/ /de nyid kyi phyir gsungs pa/ gzugs zhes pa la sogs pa ste/ gzugs ni rang bzhin gyi gzugs so/ / gong bu zhes pa lus so/ /gong bu las 'das pa yang 'od gsal te de nyid lha'o/ /de dag nyid nye bar sdud pa de phyir zhes pa la sogs pa'o/ /'di ltar gsungs te/ bskyed pa'i rim pa sgom pa po nang gi bdag nyid rnam par dag pa rtogs te/ phyi rol gzhal yas khang gi nang du lha sum cu rtsa bdun gyi 'khor lo cho ga bzhin rnam par bsgoms nas ye shes sems dpa'i dga' ba'i sgras yang dag par bkug pa'i 'gro ba dur khrod la'o//de dam tshig gi 'khor lo la'o zhes pa la sogs pa'i rim pas snang ba med par bya ste/ rtog pa dang bral ba de bzhin nyid kyi rang bzhin gyis gnas nas yang dang yang de las ldang ba dang 'jug pa rnams te/de dang ro gcig pa thob nas mthar thug pa na bag chags dang bral bar 'gyur ba ldang ba dang gnyis su med pa'i ye shes thob par 'gyur ro zhes pa'o/ /yang na gang rab gtum ma la sogs pa'i lha mo 'di rnams gzhal yas khang gi nang du rnam par bsgoms pa de rnams nyid tshogs pa ste/gong bu zhes pa spyi bo la sogs pa rnams la kun du bsdus pa'i lha'i bdag nyid yang dag par skyes pa'o/ /de nyid kyi phyir gsungs pa/ gzugs las 'das pa zhes pa ste/ phyag dang zhal gyi rnam pa yongs su spangs pas rtsa'i rang bzhin du rtogs pa'i phyir ro/ /gong bu zhes pa lus so/ /don 'di yin te/ dang po 'di rnams gzhal yas khang la gnas nas spro ba dang bsdu bas 'gro ba'i don byas te/ de nas lus la rtsa'i rang bzhin du rtogs pa'i rnal 'byor pa rtog pa dang bral ba/de bzhin nyid dang ro gcig pa'i bde ba chen po'i rang bzhin phyag rgya chen po'i dngos grub skyed par byed do zhes pa'o/ /de nyid kyi phyir de gsal ba zhes pa lha de rnams so/ /de dag nyid nye bar sdud pa de phyir zhes pa la sogs pa'o/ /'bras bu gsungs pa/ gang gi zhes pa la sogs pa ste/thob 'gyur zhes pa 'thob par byed pa'o/ /yang na/ de yi tshogs las yang dag skyes/ /zhes pa de rnams kyi tshogs pa las yang dag skyes pa'i rim pas dzA lan+d+ha ra las/ smin ma dang mgrin pa dang snying ga dang rdo rje nor bu'i rtse mo'i bar du skyes bar gyur pa'o//gong bu ni gcig tu gyur pa ste rtsa rnams thams cad las lha'i bdag nyid can bde ba chen pos rol pa'i phyir ro/ /gzugs las 'das pa ni dmigs pa las 'das pa ste/ de las mi 'gyur ba'i phyir ro/ /gong bu zhes pa la lus thams cad khyab pa las rang gi gnas thob pa'o//gong bu las 'das pa zhes pa stong pa nyid dang ro gcig pa bde ba chen po nyid thob pa'i phyir de nyid lha'o/ /de'i phyir zhes pa ji ltar gyur pa'i rang bzhin gyis so/ /bsam gyis mi khyab sbyor bas rnam par rtog pa dang bral bas so/ /kun 'gro de bzhin nyid rang bzhin//zhes pa stong pa nyid kyi rang bzhin thams cad du 'gro ba'i skur 'gyur ro zhes pa lhag ma'o/ /de'i byed pa gsungs pa/ gang zhes pa la sogs pa ste de'i bdag nyid ces pa bde ba dam pa'i bdag nyid kyi rang bzhin thob nas so/ /thob 'gyur zhes pa sems can rnams la thob par byed ces pa lhag ma'o//yang na gsungs pa'i bye brag rnams dang rgyud gzhan rnams las kyang ste/ gang yang rung bas rab tu byed pa gcig gis 'od gsal gyi go 'phang la gnas te/ de'i rang bzhin kho nas dpal he ru ka la sogs pa gcig pa nyid kyi phyir de bzhin nyid dang ro gcig pa lhan cig skyes pa'i bde ba chen po'i rang bzhin thob nas rnam par rtog pa med pa kho nar gdul bya thams cad la mngon par 'dod pa'i gzugs ston pa'i rgyu nyid kyi phyir gzugs sna tshogs pa'i nor bu lta bu dang /'gro ba'i bsam pa rab tu rdzogs par byed pa nyid kyi phyir yid bzhin gyi nor bu lta bu'i sangs rgyas rnal 'byor pas yang dag par thob par 'gyur ro/ /lam gyi tshul mtha' yas pa nyid las mi 'thad pa cung zad kyang med do zhes pa/ bcom ldan 'das kyi dgongs pa'o/ /de gsungs pa/tshul la mkhas pa rnams kyis de la cung zad smad par mi bya ste/ /'gro ba rnams la dpag med thabs ni rdzogs pa'i sangs rgyas rnams kyis gsungs/ /zhes so/ /le'u bdun pa'i rnam par bshad pa'o// //dam tshig zhes pa la sogs pa zhu ba bcu bzhi pa'i lan gdab pa'i phyir gsungs pa/de nas zhes pa la sogs pa'o/ /dam tshig ni rnal 'byor pas gdon mi za bar bya ba nyid kyis 'da' bar bya ba ma yin par sgrub pa'o/ /de yang rnam pa gnyis te/ bsrung bar bya ba dang / bza' bar bya ba'o/ /de dag gi rnam pa'i rab tu dbye bas mang pos gsungs pa/dam tshig rnams zhes pa'o/ /'bras bu gsungs pa gang gis zhes pa la sogs pa'o/ /de la bza' bar bya ba'i dam tshig gi dbang du byas nas gnas dang mchod par bya ba dang / mchod pa'i cho ga dang / yo byad rnams nges par byed pa rim pas gsungs pa/ rang khyim zhes pa la sogs pa//bla med 'bras bu 'dod phyir ro/ /zhes pa'i bar gyis gnas kyi nges pa'o/ /rnal 'byor zhes pa la sogs pa rab tu bsngags zhes pa'i bar gyis mchod par bya ba'i nges pa'o/ /spyan drangs zhes pa la sogs pa byin brlab bya zhes pa'i bar ni mchod pa'i cho ga'i nges pa'o//sbrang chang la sogs pa tshigs su bcad pa phyed kyis yo byad kyi nges pa'o/ /lhag ma yis kyang cho ga nyid do/ /de la/ zhing dang sngags skyes gnas skyes dang / /zhes pa zhing dang sngags las skyes pa rnams ni zhing dang sngags skyes te de ltar gnas skyes so/ / zhing dang gnas ni nye bar mtshon pa ste nye ba'i zhing rnams kyi yang ngo / /sngags skyes zhes pa dbang bskur ba la sogs pa'i rim pas skal ba dang ldan par bya ste/ bsam gtan dang bzlas pa la sogs pa la gzhol ba rnams so/ /lha rnams thams cad spyan drang bya/ /zhes pa lha'i gzugs kyis thams cad spyan drang bar bya'o//slob dpon dge slong nyid kyang ste/ /zhes pa dge slong nyid slob dpon mchog tu bya'o zhes pa lhag ma'o/ /ji ltar slob dpon dge slong nyid yin zhe na gsungs pa/ kha cig zhes pa la sogs pa ste gsang sngags kyi tshul gyi rim pas lam la gnas pa de rnams slob dpon nyid du 'gal ba med de/zab mo'i chos la lhag par ma mos pa'i skye bo rjes su gzung ba'i don du dge slong du gnas pa'o/ /de gsungs pa/ rdo rje phreng ba las/ nad du 'dus pa la dga' zhing / /phyi ru nyan thos spyod pa byed/ /zhes pa dang / de bzhin du/ gsang ba'i brtul zhugs la brten nas/ /bla na med pa'i go 'phang 'grub/ /zhes pa gzhan du yang ngo / /kha cig yon tan zhes pa mngon par shes pa la sogs pa'i yon tan dang ldan na/ dge slong las gzhan yang gtso bo'i slob dpon du bya'o/ /longs spyod brten zhes pa mchod rten gyi rdzas longs spyod pa'o//mthar lhung spyod ces kha cig klog ste de'i tshe dam tshig gi spyod pa las gzhan du phyogs pa ni mthar lhung ba ste nyan thos la sogs pa'i sdom pa ni mtha' gcig tu gnas pa'i phyir ro/ /longs spyod ces pa 'dod pa'i yon tan lnga la mtha' gcig tu gnas pa'i chags pa'o//yang na bza' ba la mtha' gcig tu gnas pa ste/ bza' ba las mi phyed pa zhes pa'i don to/ /rtag tu sems can ltos pa bcas/ /zhes pa sems can rnams la rtag tu 'dzin pa snying brtse zhing mnyes gshin pa'o/ /legs pa zhes pa mchog ste/'khor lo la sogs pa'i phyag rgya'o/ /gtor ma slob dpon gyis brtag bya/ /zhes pa slob dpon gyi 'chad par 'gyur ba'i cho gas gtor ma brtag par bya'o/ /thog mar dam tshig kun spyod las/ /lcags kyu lhan cig ldan pa ste/ /zhes pa thog ma kho nar cho ga ji lta ba bzhin byas pa'i bdud rtsi lnga dang sgron ma lnga'i ril bus dam tshig gi yo byad thams cad la mngon par gtor te/'khor lo'i gnas su bcug nas slob dpon gyis byin gyis brlab par bya'o/ /'dir bsdus pa'i don ni 'di yin te/ shin tu sbas par dam tshig dang mi ldan pa 'jug pa bzlog pa'i sgo skyong bzhag ste/ khyim la sogs pa shin tu dben par gdan la sogs pa bshams nas/ dam tshig gi yo byad la dam tshig gi ril bus bsang gtor bya ste/ slob dpon sngon du 'gro bas dkyil 'khor pa rnams thams cad kyi zhabs dri bzang po'i chus bkrus nas dbang bskur ba'i rim pas rgan pa ji lta ba bzhin bkod de/a r+g+ha la sogs pa phul nas dam tshig gi yo byad bshams pa rnams slob dpon gyis cho ga ji lta ba bzhin sbyangs te/ me tog la sogs pa phyi rol gyi mchod pa sngon du 'gro ba can gyi lag pa mchod pa'i tshogs tshim par bya'o//lag pa la 'byar ba'i rdzas ni lha'i zhal las byung ba'i lhag ma lta bur brtags nas/ las kyi rdo rjes bza' ba dang btung ba la sogs pa mtha' dag la bsang gtor bya zhing slob dpon gyis yi ge gsum brjod par bya'o//de nas bza' ba la sogs pa rnams la phud cung zad cung zad blangs te snod chen por blugs nas tshogs kyi dbus su bzhag ste/ gdugs dang rgyal mtshan la sogs pas brgyan pa'i gtor ma chen po dang por dbul bar bya'o/ /de nas mjug tu de'i rjes la las kyi rdo rjes bdud rtsi lnga dang sgron ma lnga'i ril bu gsum dang bcas pa'i so so'i snod lag pa g.yas par bzung ste/g.yon pas ba dan gsum pa'i phyag rgya nye bar bstan nas/ mthong ba'i chos ni dag pa la/ /med do snyam pa'i rtog pa thong / /bram ze khyi dang gdol pa rnams//lhan cig gcig pa nyid du gsol/ /zhes pa'i tshigs su bcad pa 'di yis slob dpon sngon du 'gro ba thams cad la so sor nye bar dbul bar bya'o/ /len pa po de rnams kyis kyang phyag rgya de nye bar bstan nas/ bde gshegs chos la rin thang med/ /'dod chags dri ma dang bral zhing //gzungs dang 'dzin pa rnams spangs pa/ /de nyid la ni gus pas 'dud/ /ces pa'i tshigs su bcad pa 'dis blang bar bya ste/ bza' ba la sogs pa gzhan yang de ltar kun du spyad par bya'o/ /de la gnas dang nye ba'i gnas/ /zhes pa la sogs pa'i tshigs su bcad pa gnyis brjod nas 'khor lo'i gtso bo'i lha'i 'khor lo la bstod par bya'o//de'i rjes la sbyin pa'i bdag pos maN+Dal byas te/ thal mo sbyar nas bstod pa dang phyag 'tshal ba sngon du song bas/ ji ltar bde bar zhes brjod par bya'o/ / de la srid pa dang mnyam zhes pa la sogs pa'i tshigs su bcad pas lha mo dang bcas pa'i 'khor lo mtha' dag la sbyin pa'i bdag po'i don du gsol ba gdab par bya'o/ /rnal 'byor pa'i tshul nyid kyis de rnams gtso bo yin pa'i phyir de nyid la gsol ba gdab par bya ste/rnal 'byor zhes pa la sogs pa dang / e yig zhes pa la sogs pa dang / dpal ldan zhes pa la sogs pa dang / tshigs su bcad pa gsum gyis gtso bo la sogs pa la phyag 'tshal ba'o/ /de nas zhes pa la sogs pa dang / lha mo zhes pa la sogs pa dang /skye ba la sogs pa'i tshigs su bcad pa gsum gyis gtso mo la phyag 'tshal ba'o/ /ji snyed ces pa la sogs pa dang / dpal he ru ka zhes pa la sogs pa dang / rnam par rtog pa med ces pa la sogs pa tshigs su bcad pa gsum gyis 'khor lo'i bstod pa'o//de la stong pa nyid dang snying rje dbyer med pa'i rnal 'byor nyid bdud rtsi'o/ /de gcig ste gnyis su med pa'i ro 'thung bas rnam par dag pa'i sems gang gi yin pa de bzhin du de'o/ /phyi dang nang gi gnas la sogs pa lhag par bgrod pas lus dri ma med pa nyid kyi phyir rnam par dag pa'i lus so//dpal gyi gnas zhes pa rdo rje'i gnas bde ba chen po'i 'khor lo'i ze'u 'bru'o/ /chen po'i gsung zhes pa gzhung ngo / /gang gis zhes pa gang dag gis te/ bcom ldan 'das ma rtsa ba'i rgyud kyi ston pa po zhes dgongs te zhes pa ste/rgyud de'i byed par 'dod pa yang rgyud kyi sgra yod de ji ltar rang rgyud byed pa lta bu'o/ /bdun la 'gro ba zhes pa bdun 'gro ste nyi ma'o/ /de nyid mi shes pa'i mun pa dang bral bar 'gro ba nyid kyi phyir ro/ /lha mo'i phreng ba zhes pa rtsa'i 'khor lo'i rang bzhin lha mo'i tshogs sku'i dbyibs su gsal ba zhes pa ste don gzhan med do//de nyid bde ba phun sum tshogs pa'i rgyu nyid las/ rin po che ltar gang gi rin po che'o/ /dpa' bo zhes pa nyi shu rtsa bzhi'i khams rnams kyis so/ /'khor lor gnas mgon zhes sprul pa'i 'khor lor gnas pa dang /gtso bo nyid kyis sems can thams cad yongs su skyob par nus pa'i phyir mgon por gyur pa'o/ /yang na 'khor lor gnas pa ni chos la sogs pa'i 'khor lo la gnas pa'o/ /mgon po ni gang gi yin pa de bzhin du de yi'o/ /lhan skyes dri ma med pa zhes pa rang bzhin nyid kyi me lce 'bar ba ltar rab tu 'bar ba nyid las so//yaM yig ni nges par gzung ba'o/ /de nyid kyi phyir bde mchog rnal 'byor snying po zhes pa bde mchog gi rnal 'byor gyi snying por gyur pa'o zhes pa'i don to/ /e yig gi dbyibs 'di yi zhes pa e yig gi dbyibs so//snying por gyur pa'i khu ba'i gnas te pad+ma'i snying po zhes pa sprul pa la sogs pa'i pad+ma'i rten la'o/ /'pho zhing skye ba kun gyi bdag nyid can/ /zhes pa lus thams cad la khyab pa'o/ /kun mkhyen zhes pa rdo rje sems dpa'i rang bzhin nyid las so/ / shin tu rnam dag sangs rgyas gnas/ /zhes pa mi bskyod pa'i phyag rgya nyid las shin tu rnam par dag pa'i ye shes kyi bdag nyid ni sangs rgyas mi bskyod pa'o/ /lha mo rnams gnas zhes pa lha mo rnams ni rab gtum ma la sogs pa'i rang bzhin rtsa rnams nyid de/ gnas gang gi yin pa de bzhin du de'o//dri med lhan skyes zhes pa dri ma med pa'i rang bzhin kun+da'i mdzes pa nyid las so/ /dpal ni 'jig rten las 'das pa'i phun sum tshogs pa'o/ /de gang la yod pa de dpal ldan te de'i phyir ro/ /rdo rje ni mi phyed pa'i ye shes so/ /DA ni mkha' la 'gro ba la DA'o//a ka na ni 'khyog por 'gro ba la a ka'o/ /mi phyed pa'i ye shes kyi rdo rje mkha' la 'gro ba dang phyogs bcur 'phros pa las 'khyog por 'gro ba yang ste gang gi yin pa de bzhin du de'o/ /de'i phyir a ki nyid ni gang rnams kyi ngang tshul zhes pa'o/ /mkha' 'gro ma de rnams kyi 'khor lo de la bskor ba ni gang gi tshul yin pa de de bzhin du de'o//kun du rtog pa'i 'ching gcod cing / /zhes pa gzung ba la sogs pa'i rang bzhin ni kun du rtog pa'i 'ching ba nyid do/ /gcod pa ste gang rnams la spangs par gyur pa de bzhin du de'o/ /dpal he ru ka dpa' bo chen po'i rnal 'byor nyid las dkyil 'khor pa rnams kyang de kho na'o zhes gsungs pa/dpal he ru ka zhes pa la sogs pa ste/ rnam par rtog med ni sgro ma btags pa'o/ /yang dag rtog pa ni yid kyi bya ba ste gang gi yin pa de bzhin du de'o/ /de nyid kyi phyir rab tu mi gnas pa ni 'ga' zhig kyang dmigs pa la gang gi yid ni de bzhin du de'o//dran pa dang yid la byed pa med pa las/ yid la mi byed dran pa med/ /ces pa bod pa'o/ /mchog gi lus 'dzin ma zhes pa gong na med pa'i sku dang ldan pa'o/ /khams gsum gzugs can ma zhes pa khams gsum pa'i rang bzhin no//gsum rnams kyis zhes pa rnal 'byor pa dang rnal 'byor dang 'bras bu rnams dang sku dang gsung dang thugs rnams la dgongs nas tshigs su bcad pa gsum rnams te/ so sor chos mthun pa'i phyir ram/ yang na gcig tu bstan pa'i phyir zhes pa gsungs so//ji ltar bde zhing yid spro bas/ /zhes pa bde ba mi nyams pa'i rim pas ma da na la sogs pa bsten pa la yid spro ba'i phyir ro/ /ki li ki li zhes pa rdo rje'i glu'o/ /'di dag nyid ston pa sna tshogs zhes pa la sogs pa ste/ phyag rgya sngags kyis zhes pa la sogs pa gar dang glu dag la phyag rgya dang sngags kyi rang bzhin gyis brgyan pa'o//gnas mtshan rkang pa rnams kyis zhes pa gnas la sogs pa'i grangs kyi rdo rje rkang pa rnams kyis so/ /tshogs kyi gtso bo zhes pa 'khor lo'i 'dren pa'o/ /yon bdag dge ba'i bsam pa la//zhes pa yon bdag dge ba'i bsam pa 'di yi zhes pa byas nas so/ /spros pa'i dkyil 'khor rnam pa ni/ /zhes pa dkyil 'khor gyi rnam pa ji ltar yin pa de ltar spro ba dang bsdu ba zhes pa'i don to/ /lhag ma'i gtor ma bsdus nas ni/ / 'byung po 'chol pa rnams la sbyin/ /zhes pa mthar khro bo dang 'byung po rnams la gtor ma nye bar bsdus te'o/ /'di ltar gsungs te tshogs kyi gtso bo sngon du 'gro ba can thams cad kyis ji ltar bde ba kho na 'dod pa lnga la nye bar longs spyod de mnyes pa de rnams kyis yon bdag gi dge ba'i sems sngon du byas te de'i dge ba la bsngags pa'o//zhi ba la sogs pa de'i mngon par 'dod pa la spros pas phun sum tshogs par bya ba la spros pa'i lha'i 'khor lo yang dag par bsdu ba byas nas/ lag pa gnyis steng du rab tu brkyangs te 'og tu phyogs pa'i mthe bong gnyis yang dag par sbyar nas mdzub mo gnyis rtse mo sbyar te lhag ma rnams rab tu brkyang ba zhes pa'i phyag rgya 'di yis kha'i thad kar bzhag la chang gis kha bkang ste yi ge gsum brjod pa sngon du 'gro ba'i phud yig gis lhag ma'i gtor ma sbyin par bya'o//de nas sbyin ba'i bdag pos yon dang tam bu la sogs pa yang phul nas mnyes pa sngon du 'gro ba can gyis phyag 'tshal te gshegs par bya'o zhes pa'o//le'u brgyad pa'i rnam par bshad pa'o// //ts+tsho ma bshad du gsol zhes pa la sogs pa mtshan ma mthong bar 'gyur zhes pa'i bar zhu ba bco lnga pa la sogs pa bzhi'i lan gdab par bya ba'i phyir gsungs pa/de nas zhes pa la sogs pa'o/ /de la de nas zhes pa la sogs pa gang zhes pa'i bar ni brda bstan pa'o/ /mkha' 'gro ma zhes pa la sogs pa sangs rgyas kun dang mnyam zhes pa'i bar ni phyi dang nang gi bdag nyid kyi gnas la sogs pa bstan pa'o//gnas ni rab tu dga' ba'i sa/ /zhes pa la sogs pa mi rnams zhes pa'i bar ni bstan pa'o/ /bskor zhing zhes pa nas rab tu skye zhes pa'i bar ni mtshan ma bstan pa'o/ /de lag g.yon gyi ni zhes pa lag pa g.yon pa ste nges pa bzung ba la ni'o/ /rnal 'byor zhes pa rnal 'byor ma ste myur du grub pa skye bar 'gyur/rnal 'byor pa zhes pa lhag ma'o/ /yang na gang gis rnam par shes pa'i rnal 'byor pa de yis myur du grub pa skye bar 'gyur zhes pa'i don to/ /'di ltar gsungs te bzlas pa dang bsam gtan mchog gi rnal 'byor pa gnas pa'am gnas la sogs pas bskor ba na'ang rung ste/rnal 'byor ma rnams de rjes su gzung ba'i phyir brda rnams kyis bdag nyid nye bar ston par byed do/ /rnal 'byor pas kyang de rnams kyi brda nye bar mthong ba na brda'i lan bya ste/ des de rnams mnyes te/ yang dag pa'i phan pa dang grub pa nye bar byed par 'gyur ro zhes pa'o//de la rnal 'byor ma rnams kyi yan lag gi brda ni g.yon pa yis te/ rnal 'byor pas ni brda'i lan g.yas pa yis so/ /sor mo gcig ces pa mdzub mo'o/ /gang zhes pa ni gang legs par 'ongs sam zhes 'dri ba'i don to/ / gnyis kyis zhes pa mdzub mo dang gung mo dag gis lan gyi brda'o/ /g.yon pa'i mthe bong sdom byed na/ /zhes pa mdzub mo dang gung mo dag gis zhes pa lhag ma'o/ /'di la g.yas pas de ltar lan gyi phyag rgya'o/ /g.yon pa'i sor mo sbyor byed na/ /zhes pa kha cig klog ste/ de'i tshe mdzub mo dang gung mo sbyar ba zhes pa'i don to/ /phyogs gcig pa zhes pa mdzub mo ste/ mthe bong zhes kha cig go/ /ming med ston byed ces pa reg pa ste/ de ltar mgrin pa la'o/ /dar dpyad zhes khu tshur bcangs te mdzub mo dang gung mo rab tu brkyang zhing sbyar bas dpral bar 'dzin pa'i phyir ro//rtse gsum zhes pa mthe bong rgan pos mthe'u chung mnan te sor mo lhag ma gsum de dang bral bar brkyang ba'i phyir ro/ /sa ni zhes pa sa'o/ /so zhes kha cig go/ /'khor lo zhes pa rgan po dang mdzub mo dag rtse mo sbyar ba las so/ /spyi bo zhes pa gtsug tor la reg pa'i phyir ro//de la rol pa bstan par bya/ /zhes pa lag pa gnyis po dag gis dga' ba'i tshul gyis gar bstan par bya'o zhes pa'i don to/ /lus dang ngag dang yid kyi spyod pa las kyang rnam par shes nas brten par bya'o zhes gsungs pa/ g.yon pas zhes pa la sogs pa ste/g.yon pas zhes pa rkang pa g.yon pas dang por 'gro ba'o/ /mkha' 'gro ma zhes pa dang po'o/ /g.yon nas zhes pa skyes pa'i zhes pa'o/ /lag pa g.yon pas rab smra ma/ /zhes pa lag pa g.yon pa bsgrengs te rab tu smra ba'i ngang tshul lo//g.yon du phyogs nas sgra byed do/ /zhes pa kha cig go/ /bud med rnams ni dga' smra ma/ /zhes pa bud med rnams la dbyangs kyis smra'o/ /dam tshig ldan par des shes bya/ /zhes pa de ni dam tshig can zhes pa'i don to/ /bud med rnams kyi don mchog ces pa de rnams kyi don du dam tshig rnams brten par bya'o zhes pa'i don to//rigs kyi sa bon rnams kyis zhes pa rnam par snang mdzad la sogs pa'i sa bon rnams kyis so/ /rigs kyi bya ba zhes pa rigs gang la skyes pa de'i rigs kyi bya ba'o/ /rang gi rig pa zlos zhes pa rang gi rigs kyi sngags so//rtag tu rig pa yang dag 'dri/ /zhes pa rang gi sngags 'dri'o zhes pa'i don to/ /rang gi khyim du 'dri bar dga'/ /zhes pa mchod nas zhes pa lhag ma'o/ /mkha' 'gro ma rigs yang dag 'byung / /zhes pa rdo rje phag mo'i rigs las yang dag par byung ba'o//yul du zhes pa la sogs pa ni go sla'o/ /gong bu de rang bzhin zhes pa de rnams kyis pUl+li ra la sogs pa yul nyi shu rtsa bzhi gnas la sogs pa bcur bsdus pa rnams dang / gnas de rnams kyi rab gtum ma la sogs pa'i lha mo dang thod pa'i dum bu la sogs pa'i dpa' mo rnams kyis gang gcig tu yang dag par bsdus pa gang yin pa de'i rang bzhin ni rnal 'byor pa'i lus so//de nyid kyi phyir gsungs pa/ sangs rgyas kun zhes pa la sogs pa ni/ rnal 'byor pa dbang po rnon pos rang gi lus nyid la 'di mtha' dag bskyed par bya'o zhes pa dgongs pa ste nang du nus pa med na/phyi rol gyi gnas la sogs par 'gro bar bya ba ma yin pa kho na'o/ /'di ltar gsungs te/ mngon bar brjod pa bla ma las/ /phyi rol bgrod las rnal 'byor pa/ /de rnams kyi khams zad par 'gyur/ / de phyir phyi rol nges bsal te/ /rnal 'byor rol pas gnas par bya/ /gal te de nyid med gyur na/ /de la 'khrul pa ci yang med/ /yang na de ni de nyid ldan/ /de la 'khrul pa ci yang med/ /ces so/ /yang na nang gi bzlas pa dang bsgom pa la sogs pa nus pa dang lha mo'i snang ba thob pa las phyi'i gnas la sogs pa blta bar bya'o zhes phyi'i zhing la sogs pa rnams su spyod pa byed pa'i rgyur gyur pa ni/nang du yongs su grags pa'o/ /zhes pa'o/ /de nyid kyi phyir 'chad par 'gyur ba'o/ /nus na gnas bskor phyi rol gyi/ /rnal 'byor ma rnams yang dag mchod//zhes pa ste/ rnam pa sna tshogs pa'i gdul bya rnams kyi bsod nams yongs su smin pa zhes pa snga mas 'di'i 'gal ba med do/ /bskor zhing zhes pa gnas la sogs par ro/ /mtshan ma zhes pa rnal 'byor ma rnams kyi spyod pa'o/ /de nyid gsungs pa/ sna tshogs zhes pa la sogs pa ste/ stag la sogs pa'i gzugs dang gnod sbyin la sogs pa'i gzugs dang khro bo la sogs pa'i gzugs kyis kyang kha cig rnal 'byor pa dang nye bar 'ongs shing / ha ha zhes pa la sogs pa 'jigs su rung ba'i gad mo yang dgod par byed de/ de la rnal 'byor pas 'jigs par mi bya'o/ /slar yang ci zhe na gsungs pa/ rang lhag zhes pa la sogs pa ste/ rdo rje phag mos 'khyud pa'i dpal bde mchog gi gzugs su dmigs nas hUM yig gi sgra bya'o zhes pa'i don to/ /de nyid gsungs pa/ seng ge zhes pa la sogs pa ste/mthong dang reg pa zhes nye bar mtshon pa ste tshig la sogs pa thos pa las kyang ngo zhes khong du chud par bya'o zhes so/ /le'u dgu pa'i rnam par bshad pa'o// //ji ltar khyod kyi las bcu gnyis zhes pa zhu ba bcu dgu'i lan gdab pa'i phyir gsungs pa/ de nas zhes pa la sogs pa'o//de la las bcu gnyis po rnams ni/ bgegs la sogs pa zhi ba dang / rims la sogs pa zhi ba dang / nor rgyas pa dang / /lus rgyas pa dang / dbang du bya ba dang / dbang gi dgug pa dang / rengs pa dang / lkugs par byed pa dang / gsad pa dang / dbye ba dang / bskrad pa dang / smyo bar byed pa rnams so/ /las thams cad zhi ba'i nang du 'dus pa'i phyir dang por zhi ba kho na bstan to/ /de la 'di ni man ngag ste/ zhi ba'i las la zhi ba'i sems kyis gtor ma sbyin pa sngon du 'gro zhing / kha shar du phyogs pa'i bde mchog dkar po phyag gnyis pa'i rnal 'byor dang ldan pa ste/gur kum dang tsan+dan bsres pa dag gis skyes pa zhi ba las so/ /bud med zhi ba la ni gi waM dang bsres pa'i tsan+dan gyis te/ dkar po'i phyogs la dar la sogs pa'am ras gtsang ma la zla ba'i dkyil 'khor gyi steng du rtsibs drug pa'i 'khor lo gnyis zhes pa 'khor lo zur gsum gnyis te/rtsibs brgyad pa la sogs pa'i 'khor lo bzhin no zhes kha cig go/ /rdo rje'i phreng bas bskor ba mngon par bris nas shar la sogs pa'i rtsibs drug po rnams la rim pas oM yig la sogs pa drug mgo phyir bstan pa la g.yas skor gyis gcig ste/gnyis pa ni g.yon skor gyis bri bar bya'o/ /lte bar ni phaT swA hA che ge mo shAn+tiM ku ru swA hA zhes pa ste/ bud med zhi ba la na maHlhas byin shAn+tiM ku ru na maHzhes pa'o/ /de nas kha sbyar du byas te/ de gnyis ka kham phor gsar pa gnyis kyis bsdams pa srad bu dkar pos dkris nas tsan+dan la sogs pa las byas pa'i maN+Dal gyi steng du bzhag ste/ cho ga ji lta ba bzhin ye shes sems dpa' gzhug pa sngon du 'gro bas/ me tog dkar po la sogs pa rnams kyis mngon par mchod par bya'o//de nas 'khor lo la dmigs te/ yi ge bdun pa'i sngags grangs stong la sogs pa bzlas nas/ 'khor lo dang bdag nyid kyi bar gyi mdun du bsgrub bya zla ba la gnas pa bltas te/ rang gi snying ga'i sa bon las 'thon pa'i dum skyes ma dkar mo phyag na ye shes kyi bdud rtsi'i chus yongs su gang ba'i shel gyi bum pas/oM sarba ta thA ga tA b+hi She ka sa ma ya shrI ye hUM zhes pa'i sngags brjod cing dbang bskur ba'i yid kyis ye shes kyi bdud rtsi'i rgyun rnams kyis bkrus te/ bshang lam nas sdig pa la sogs pa nag po'i gzugs kyis song bas dag pa shel gyi gzugs ltar grub par bsam par bya'o//de nas slar yang yi ge bdun pa'i sngags brjod pa'i 'od zer rnams kyis gsal pa'i bsgrub bya rnam par bsam zhing zhi ba'i sems kyis sngags bzlas par bya'o/ /de ltar thun gsum du byas te/ ji srid 'bras bu grub pa'i bar du'o zhes pa'o//'bras bu grub pa na kham phor bsal te rig pa'i tshul gyis bsgrub bya'i mgrin pa la sogs par gdab par bya'o/ /yang na ye shes kyi 'khor lo gshegs te chu la sogs pa rnams la bskur bar bya'o/ /rims la sogs pa zhi ba gsungs pa/rims zhes pa la sogs pa'o/ /de la nus pa dang ldan pa'i rnal 'byor pas ji ltar gsungs pa'i 'khor lo kho na lag pa g.yon par rnam par bsgoms te/ cig shos kyis brjod ma thag pa'i cho gas lag pa g.yas pas dUr ba dang rma bya'i sgro dang ku sha rnams kyi chun po'am gzhan yang rung ste/chu la bsnyugs pas rims dang dug la sogs pas nyen pa la byab cing bsgrub bya zla ba la gnas pa rnam par bsgoms te/ kha shar du phyogs pas nye bar 'dug nas de'i rkang pa dang nye bar gtor ma dang chu dang mes gang ba'i snod gsum bzhag ste/der dug la sogs pa bsregs pa'i bsam pas che ge mo la nir dz+wa la raM nir wa shaM ku ru swA hA/ zhes pa rnam par spel te lag pa dag gis spyi bo nas brtsams te/ ji srid rkang pa'i mtha'i bar du bya ba cing rang gi snying ga'i sa bon gyi 'od zer dkar po rnams kyis rims la sogs pa de kho na bzhin bkug ste snod rnams su bskyur bar bsam par bya'o//da ni rgyas pa'i 'khor lo gsungs pa/ gur gum zhes pa la sogs pa ste kham phor gnyis la zhes pa kham phor gnyis kyi nang du'o/ /de la 'di'i bsdus pa'i don ni byang du mngon par phyogs te gtor ma sbyin pa sngon du 'gro ba'i bde mchog ser po phyag gnyis pa'i rnal 'byor dang ldan pas rgyas pa'i sems kyis kham phor gyi nang du glang po che'i rgyab kyi steng du rtsibs drug pa'i 'khor lo gnyis bris nas/der gcig la g.yas skor gyis rtsibs drug po rnams la yi ge drug rnams so//lte bar ni phaT bau ShaT che ge mo puSh+TiM ku ru bau ShaT swA hA zhes pa'o/ /de ltar gzhan la g.yon skor gyis yi ge bdun gyi sngags mngon par bris nas/ gnyis kha sbyar du byas la/ srad bu ser pos dkris te ye shes kyi 'khor lo la bcug nas mar gyis gang ba'am sbrang rtsis gang ba'i snod du gzhag la me tog ser po la sogs pa rnams kyis mngon par mchod cing sngar bzhin sngags bzlas te 'khor lo dang bdag nyid kyi bar gyi mdun du bsgrub bya zla ba'i dkyil 'khor ser po la gnas pa bsams nas/rang gi snying ga'i sa bon las 'thon pa'i dum skyes ma ser mo phyag na bdud rtsi'i chu ser pos gang ba'i bum pas dbang bskur zhing bdud rtsi'i chu rgyun ser po rnams kyis dri ma'i rang bzhin dang dbul ba bsal ba dang / me tog ser po la sogs pa rnams kyis mchod de/che ge mo'i tshe la sogs pa puSh+TiM ku ru swA hA zhes pa'am/ yang na pau ShaT ces pa spel zhing brjod pa'i sngags kyi 'od zer las 'thon pa'i rin po che la sogs pas gang ba rnam par bsam zhing / thun gsum du rgyas pa'i sems kyis sngags bzlas par bya'o//dbang du bya ba gsungs pa dmar po zhes pa la sogs pa'o/ /de la rim pa 'di yin te/ nub tu mngon par phyogs te gtor ma byin la bde mchog dmar po phyag gnyis pa'i rnal 'byor dang ldan pas/ rjes su chags pa'i sems kyis tsan+dan dmar po dang sen rtsi dang ming med kyi khrag rnams kyis ras sam yang na gro ga'i 'dab ma la bud med kyi pad+mar sngar bzhin 'khor lo gnyis mngon par bris nas de kho na bzhin sngags dgod/lte bar ni phaT hoHche ge mo'i 'am/ che ge mo ba shrIM ku ru hoHzhes pa'o/ /bud med dbang du bya ba la ni/bau ShaT che ge mo'i che ge mo ba shIM ku ru bau ShaT ces pa spel ba/ kham phor so ma btang ba gnyis su bcug la kha sbyar du byas te/ srad bu dmar pos dkris nas sngar bzhin ye shes kyi 'khor lor bcug ste sngar bzhin mar la sogs pa'i nang du bzhag la me tog dmar po la sogs pa rnams kyis mngon par mchod nas 'khor lo dang bdag nyid kyi bar gyi mdun du bsgrub bya zla ba'i dkyil 'khor dmar po la gnas pa bsams la/snying ga'i sa bon gyi 'od zer las 'thon pa'i dum skyes ma dmar mo phyag na zhags pa dang lcags kyu can te/ zhags pas mgul pa bcings shing lcags kyus snying ga nas phug pa bkug la/ myos par gyur pas zhabs drud du lhung bar bsam zhing / che ge mo ba sA mA na ya hoH/ zhes pa spel ba'i sngags thun gsum du bzlas par bya ste/ ji srid zhag bdun phrag gsum gyi bar du'o/ / dbang gi dgug pa gsungs pa dur khrod ces pa la sogs pa ste go sla'o/ /bri ba la sogs pa'i rim pa ni snga ma kho na bzhin te/ khyad par ni shar b+ha 'am seng ge'i rgyab tu 'khor lo bris te hrIHdzaHyi ge rnam par spel zhes pa bud med dgug ba la hrIHche ge mo A kaR+Sha ya hrIH/ skyes pa dgug pa la ni dzAHche ge mo A kaR+Sha ya dzaH/zhes pa'o/ /bsgrub bya ni nyi ma'i dkyil 'khor la'o/ /sngags bzlas pa'i dus su ni phaT kyi mtha' can te/ che ge mo A kaR+Sha ya dzaH/ zhes pa spel ba'i sngags bzlas par bya'o zhes pa kha cig go/ /gdung ba'i dus su sngags brjod cing gdung bar bya'o//rengs pa'i 'khor lo gsungs pa/ de nas zhes pa la sogs pa'o/ /ri mo brgyad brgyad mnyam sbyar te/ /zhes pa gnyis ka nas ri mo brgyad brgyad rnams kyis ltar so so la bdun bdun gyi re'u mig gis re'u mig bzhi bcu rtsa dgu'i bdag nyid can gyi 'khor lo gru bzhi par 'gyur ro//de la gnyis ka nas re'u mig gis phreng ba gsum gyi dbus kyi re'u mig gi ltar la sngags kyi yi ge dgod par bya ba ma yin te/ re'u mig bcu gsum po rnams ni stong pa nyid do/ /zur bzhi po rnams la re'u mig dgu dgur 'gyur ro//de la re'u mig dgu po re re la dbus kyi re'u mig la yongs su bskor ba'i re'u mig brgyad po rnams la zur gyi re'u mig nas brtsams te/ oM sum+b+ha ni sum+b+ha huM hUM/ oM gr-ih+Na gr-ih+Na huM hUM/ oM gr-ih+NA pa ya gr-ih+NA pa ya huM hUM/ oM A na ya hoH/ b+ha ga wAn bid+yA rA dza huM hUM/ re'u mig dgu'i dbus kyi re'u mig bzhi po rnams la/ phaT laM lhas byin staM b+ha ya laM/ rkang pa gnyis par dbus kyi re'u mig la bri bar bya ste/ phaT yig gnyis po ni dpal rdo rje mkha' 'gro'i tshig las so/ /bzlas pa'i dus rkang pa so so la phaT yig re re'o//de dag ston pa dbus su zhes pa la sogs pa'o/ /bri ba'i rim pa ni lhor mngon par phyogs te/ gtor ma byin la bde mchog ser po phyag gnyis pa'i rnal 'byor dang ldan pas dur khrod kyi ras la yung ba'i khu ba dang ba bla dag gis lcog brgyad pa'i ri rab kyi steng du bshad ma thag pa'i rim pas g.yon dang cig shos su bskor ba dag gis 'khor lo gnyis mngon par bris nas 'khor lo'i phyi rol shar la sogs pa'i phyogs rnams su g.yon skor gyis sum+b+ha la sogs pa'i sngags kyi rkang pa bzhi po rnams ji ltar gsungs pa bzhin spel ba mgo nad du bstan pa rnams so//de'i phyi rol du ri mo gsum bris nas gnyis ka kha sbyar du byas te kham phor gnyis kyis bsdams la steng gi kham phor gyi steng du slar yang ri rab bo/ /de'i steng du laM gyis sa'i dkyil 'khor dang hUM yig las skyes pa'i sna tshogs rdo rjes mtshan pa bri bar bya'o//de nas srad bu ser pos dkris te ye shes sems dpa' gzhug pa sngon du 'gro ba can gyi me tog ser po la sogs pa rnams kyis 'khor lo la mngon par mchod nas/ 'khor lo dang bdag nyid kyi bar du bsgrub bya la 'og dang steng dang phyogs bzhi rnams su yang ri rab kyis mtshon par dmigs la/ji ltar gsungs pa'i sngags thun gsum du bzlas par bya'o/ /ngag rengs pa gsungs pa/ de nyid bzhin du zhes pa la sogs pa'o/ /de nyid bzhin zhes pa sngar bzhin rtsibs drug pa'i 'khor lo'o/ /de la 'di'i 'khor lo bri ba ni/ dur khrod kyi ras la rengs pa'i cho gas lug gi snying gar dbang chen gyi dkyil 'khor gyi steng du rtsibs drug pa'i 'khor lo gnyis bris nas/ sngar bzhin yi ge bdun pa'i sngags bkod de/ lte bar phaT baM lhas byin mu kha ban+d+ha ya baM/ rtsibs drug pa'i 'khor lo las phyi rol du ri mo gru bzhi pa'i nang du sum+b+ha la sogs pa'i sngags kyi rkang pa bzhi mgo nang du bstan pa ji ltar gsungs pa'i spel ba rnams//shar la sogs pa'i phyogs rnams su g.yon skor gyis bris nas snga ma bzhin bzhag ste yang dag par mchod la 'khor lo dang bdag nyid kyi bar du bsgrub bya lug la gnas pa bltas nas/de'i lce la laM yig las skyes pa'i dbang chen gyi dkyil 'khor la gnas pa'i hUM yig las skyes pa'i sna tshogs rdo rje'i steng du dum skyes ma ser mo bsgoms te/ sum+b+ha la sogs pa'i sngags spel ba dang bcas pa thun gsum du bzlas par bya'o//gsad pa gsungs pa/ de nas zhes pa la sogs pa'o/ /kA ka zhes pa bya rog go/ /'dir bsdus pa'i don ni 'di yin te nyi ma gung ngam nam phyed na phub ma dang sol ba la sogs pa gtor ba'i sa phyogs su gshin rjer kha bltas te/ drag po'i sems kyis gtor ma byin la/nyi ma la gnas pa'i bde mchog sngon po phyag gnyis pa'i rnal 'byor dang ldan pas dur khrod kyi ras la dug dang lan tsha dang tsha ba dang mar khu dang ske tshe la sogs pa rnams kyis bya rog gi sgro'i 'dri smyug gam yang na mi'i rus pa'i 'dri smyug gis gshin rje'i lto bar sngar bzhin re'u mig bzhi bcu rtsa dgu'i 'khor lo la snga ma kho na bzhin du sum+b+ha la sogs pa'i sngags bkod de/stong pa'i re'u mig bcu gsum po rnams la dang po la hUM yig ring po'o/ /de nas gnyis pa la lhas byin mAr ya/ de nas gsum pa la hUM/ de ltar re'u mig thams cad la g.yas skor gyis bri'o//rim pa 'dis 'khor lo gnyis pa g.yon skor gyis bris nas kha sbyar du byas te kham phor gnyis la'am/ yang na thod pa gnyis la bzhag ste/ srad bu sngon pos dkris la ye shes kyi 'khor lo bcug nas me tog sngon po la sogs pa rnams kyis mngon par mchod de/'khor lo dang bdag nyid kyi bar du bsam bya zhes pa la sogs 'thung bar byed ces pa'i bar gyis gzhung gi don mngon du byas nas thun gsum du sngags bzlas par bya'o/ /las 'di dag kyang rnal 'byor pas lus la 'pho bar byas nas/ bde 'gro dang rnam par dag pa'i sangs rgyas kyi zhing du skye bar byed pa dang / rnam par shes pa bkug nas gzhug par nus pa kho nas bya'o/ /'on kyang gal te dkon mchog gsum la gnod par byed pa 'dis nges par bzlog kyang mi ldog na de'i tshe sangs rgyas dang byang chub sems dpa' rnams la snyan mnan te/snying rje chen po bskyed nas ji skad gsungs pa bzhin rjes su bsgrub par bya'o/ /de nyid kyi phyir gsungs pa/ e ma ho zhes pa la sogs pa'o/ /gal te de ltar nus pa dang ldan pa la 'khrul 'khor gyis ci byed ce na bden te gang su dag drag po'i las la mngon par dga' ba de rnams rjes su gzung ba'i phyir ro//de gsungs pa brtag pa gnyis kyi rgyal po las/ bsad pas 'dir ni 'bras med de/ /grub pa nyams pa mchog tu 'gyur/ /sems can slu ba spangs nas ni/ /bya ba ma yin thams cad bya//sems can gnod pa byed tsam gyis/ /phyag rgyas 'grub pa mi thob ste/ /ma rungs gzhug phyir cho ga kun/ /gtso bo las ni rab tu 'grub/ /ces so/ /dbye ba gsungs pa/ de bzhin nyid du zhes pa la sogs pa ste/ de nyid bzhin zhes pa gsod pa'i bzhin du 'khor lo dang sngags bri ba la sogs pa'i rim pa'o//khyad par ni ma he'i rgyab tu 'khor lo gcig dang gnyis pa ni rta'i rgyab tu bri bar bya'o/ /spel ba ni/ phaT lhas byin dang mchod sbyin dag bi dwe sha ya phaT/ de nas sngar bzhin dur khrod dam bzhi mdor sbas te/ 'khor lo dang bdag nyid kyi bar du bsgrub bya ma he dang rta la zhon pa phan tshun mtshon cha thogs pa dag dang rang gi snying ga'i sa bon las 'thon pa'i khro bo'i tshogs dag gis g.yul 'gyed du 'jug pa rnam par bsgoms nas thun gsum du sngags bzlas par bya'o//bskrad pa gsungs ba/cho ga de nyid kyis zhes pa la sogs pa ste/ de nyid kyis zhes bshad ma thag pa'i cho ga nyid kyis rnga mo'i rgyab kyi steng du 'khor lo gnyis bris nas/ hUM phaT lhas byin uts+tsa Ta ya hUM phaT/ zhes pa spel te sngar bzhin thams cad byas nas gang bya ba de gsungs pa bsgom bya zhes pa la sogs pa go sla'o//smyo bar byed pa gsungs pa/ khros pa zhes pa la sogs pa gsungs te rang khrag ces pa wa mo'i khrag go/ /de la 'di'i don ni bsgrub bya smyo bar byed par 'dod na/ dug la sogs pa rnams kyis dur khrod kyi ras la spre'u'i snying gar bshad ma thag pa'i 'khor lo la sogs pa bris nas/hUM phaT/ che ge mo un man+da ku ru hUM phaT/ zhes pa spel te sngar bzhin thams cad byas nas bsgrub bya spre'u la zhon pa gar byed pa bsgoms te thun gsum du sngags bzlas par bya'o/ /khros pas gshin rjer bltas zhes pa la sogs pa de bzhin du zhes pa'i bar slar gsungs pa/dbye ba la sogs pa drag po'i las thams cad la cho ga 'di'o zhes bstan par byed pa'o/ /'khor lo gnyis zhes pa la sogs pas 'khor lo bri ba'i cho ga gsungs te de dag kyang bstan zin to/ /'di dag thams cad kyang yang dag pa'i bla ma kho na las shes par bya'o zhes gsungs pa/bla ma zhes pa la sogs pa'o/ /le'u bcu pa'i rnam par bshad pa'o// //sngags kyi bzlas pa ji ltar blta/ /zhes pa zhu ba nyi shu pa'i lan gdab pa'i phyir gsungs pa/ de nas zhes pa la sogs pa'o/ /sngags zhes pa bcom ldan 'das kyi snying po la sogs pa'i sngags so//dkyil 'khor zhes pa tshogs kyi 'khor lo'o/ /de ni sngar gsungs cho gas zhes pa dam tshig gi le'ur gsungs pa'i cho ga yis so/ /'bum phrag ces pa rdzogs ldan gyi dbang du byas pa ste/ dus gzhan la 'chad par 'gyur ro//'jig rten 'jig rten 'das dngos grub/ /ces pa 'di ni sngags thams cad la thun mong ngo / /gtso bo nyid kyis ni char dbab pa la sogs pa bstan to/ /nye ba'i snying po'i sngags nyid khyad par du ston pa gsungs pa/ bsgrub bya zhes pa la sogs pa'o/ /sngon du bsnyen pa dang mthar las kyi dus su gang bya ba de gsungs pa/gang gis zhes pa la sogs pa ste gang gis las ni zhi ba la sogs pa'o/ /bye brag ni cho ga'o/ /de'i kha dog sogs zhes pa las de'i rjes su mthun pa'i gzugs dang kha dog la sogs pa'i lha la sogs pa bsgom par bya'o zhes pa'i don to//de nyid gsungs pa gdan dang zhes pa la sogs pa ste/ gdan dang zhes pa zla ba'i dkyil 'khor nyid la sogs pa'o/ /grangs med ces pa bye ba la sogs pa'i sngags bzlas pas phyag rgya chen po'i dngos grub dang rjes su mthun pa'i dngos grub rnams skye bar 'gyur ro zhes pa'i don to//de'i phyir snga mas thun mong gi dngos grub nyid do/ /de rnams zhes pa sngags de rnams te nges pa'i rnal 'byor gyis ni ji ltar gsungs pa'i cho gas bsgrubs na nges par dngos grub thob par 'gyur zhes pa'o/ /le'u bcu gcig pa'i rnam par bshad pa'o// //ji lta bu yi bgrang phreng rigs/ /bzlas pa'i mtshan nyid ji tsam zhig /ces pa zhu ba nyi shu rtsa gcig pa la sogs pa gnyis kyi lan gdab pa'i phyir gsungs pa/ nyon zhes pa la sogs pa ste go sla'o/ /de la gser dang zhes pa la sogs pa mdor bstan pa ste/zhi dang rgyas la sbyar bar bya/ /zhes pa gser dang zangs la sogs pa la byas pas rgyas pa la'o/ /dngul dang shel dang dung la sogs pa la byas pa zhi ba las te sbyar bar bya'o zhes pa'i don to/ /gur gum la sogs dri la sogs/ /zhes pa las kyi rjes su mthun pa'i gzugs dang kha dog dang dri la sogs pa byug par bya ste sbyar bar bya zhes pa snga mas 'brel lo//gur gum la sogs pa rnams kyi ril bu nyid do zhes kha cig go/ /rtag tu ril bu lnga bcu'o/ /zhes pa A li kA li'i rnam par dag pas so/ /de nyid kyi phyir ril bu lnga bcu rnams kyis byas pa'i phreng ba las thams cad pa'i 'o//drag po'i las la ni ril bu drug cu rnams kyis so/ /mthe bong lha yi rang bzhin las/ /zhes pa mthe bong lcags kyu lta bus rang bzhin gyi ril bu dgug pa'i phyir/ las rnams kun la sbyar bar bya/ /mchod 'os ril bu thams cad de/ / zhes pa bzlas pa'i sngags dang lha'i rang bzhin gyi ril bu thams cad do/ /chos kyi dbyings kyi rang bzhin no/ /zhes pa steng gi ril bu chos kyi dbyings mchod rten gyi gzugs so zhes pa'i don to/ /ril bu gzhan yang stobs dang mi 'jigs pa la sogs pa'i rang bzhin du bya'o zhes kha cig tu gsungs so//'di dag gis bgrang phreng gi rab gnas mtshon pa'o/ /mnyam gzhag ces pa la sogs pa sems brtan par gyur pa de bzhin du bzlas pa dang bsgom pa dag gis bgrang phreng gi ril bu lha'i rang bzhin mthe bong gis dgug cing sngags kyis bod pa'i tshul gyis bzlas par bya'o zhes dgongs pa'o//rdzogs ldan la ni bzlas bya gcig /ces pa sngags gang gis 'bum phrag gcig bzlas par gsungs pa dang / 'bum phrag gnyis la sogs pa yang ste/ de nyis 'gyur la sogs pa gzhan rnams la rig par bya'o zhes pa'o//sngags kyi tshul ni bzhi po la/ /zhes pa sngags kyi bzlas pa rnam pa bzhi'o/ /de dag ston pa/ ngag gi bzlas pa zhes pa la sogs pa'o/ /'gro dang 'ong ba zhes pa rlung 'gro ba dang 'ong ba dang gnas pa zhes pa'i don to/ /'di zla ba dang nyi ma dang lam lnga bstan pa'i le'u sngags kyi de kho na'i skabs su shes par bya ste/'dir skabs su bab pa dag gi bzlas pa'o/ /mtha' gsum las ni rnam grol ba/ /zhes pa skye ba dang gnas pa dang 'jig pa spangs pa'o/ /yang na 'jug pa dang gnas pa dang ldang ba spangs nas a wa d+hU tI la rlung g.yo ba med bar 'gyur ba'o//de dag gis 'di ltar gsungs te/ sprul pa'i chu skyes kyi snying po la gnas pa'i nA da las snying po la sogs pa'i bzlas pa'i sngags gang yang rung ba brjod pa na g.yas pa nas 'thon te/ dkyil 'khor gyi 'khor lo'i rnam par spros nas 'gro ba'i don bya ste/g.yon pa nas zhu bar gyur pa rab tu zhugs pa de kho na ltar 'byung ba bsgom par bya ste/ brtan par gyur na sngags kyi dngos grub thob bo/ /de dag nyid nye bar sdud pa 'di rnams zhes pa la sogs pa ste 'di dag kho nas sngags bzlas pa'i mtshan nyid dang cho ga yang nges par brjod pa'o zhes pa'i don to//le'u bcu gnyis pa'i rnam par bshad pa'o// //lha yi rnam pa'i rnal 'byor pas/ /dkyil 'khor bskor ba ji tsam zhig /ces pa zhu ba nyi shu rtsa gsum pa'i lan gdab pa'i phyir gsungs pa/ de nas zhes pa la sogs pa'o/ /de la 'di ni bsgom pa'i rim pa ste/dang por re zhig sems can thams cad dpal bde mchog 'byung ba'i go 'phang thob bar bya ba'i phyir dpal bde mchog tu 'gyur bar bya'o zhes byang chub kyi sems bskyed nas skad cig gis stong ba nyid mngon du byas te/ shes rab dang bcas pa'i bde mchog phyag gnyis pa'i rnal 'byor dang ldan pa'i phung po dang khams dang skye mched rnams la ji lta ba bzhin rnam par snang mdzad la sogs pa'i rnam par dag pa mos par byas nas g.yon pa'i sdigs mdzub kyis se gol byed pa dang dus mnyam du shar la sogs pa'i phyogs rnams su g.yon skor gyis sum+b+ha la sogs pa'i sngags bzhi las yang dag par byung ba'i sngon po dang ljang khu dang dmar po dang ser po bzhi dang de dang dus mnyam pa kho nar 'og tu hUM las skyes pa'i sa gzhi sna tshogs rdo rje'i rang bzhin dang /steng du de'i 'od zer 'phros pa las rdo rje'i mda'i dra ba dang /rdo rje'i gur dang bla re rnams rnam par bsams te/ rang gi snying gar paM ser po las skyes pa'i sna tshogs pad+ma'i steng du/ oM yig las skyes pa'i zla ba la hUM sngon po las skyes pa'i 'od zer rnams kyis bcom ldan 'das 'chad par 'gyur ba'i sku 'khor dang bcas pa mdun du yang dag par bkug nas phyag 'tshal ba sngon du 'gro ba can rang gi snying ga'i sa bon las 'thon pa'i mchod pa'i lha mo me tog ma la sogs pa rnams kyis yang dag par mchod de/bzod gsol zhes pa sdig pa bshags pa la sogs pa bya'o/ /de nas dkon mchog gsum la skyabs su 'gro ba la sogs pa btang snyoms kyi mthar thug pa rnam par bsgom par bya'o zhes pa bsod nams kyi tshogs so//sems can gzhan btang snyoms so zhes pa sems can gzhan rjes su chags pa dang khong khro ba'i gnas su gyur pa rnams la btang snyoms su thams cad la sems snyoms pa nyid ni btang snyoms zhes pa'i don to//de nas ye shes kyi tshogs kyi phyir/ oM swa b+hA ba zhes pa la sogs pa'i sngags kyi don sngon du bya'o/ /de la oM zhes pa khas blangs pa'o/ /swa b+hA ba shud+d+haHsarba d+harmAHzhes pa rang bzhin kho na las sgyu ma lta bu nyid kyis dag pa'i gzung ba rnams so//swa b+hA ba shud+d+hou0f85haM/ zhes pa chos rnams thams cad ji lta ba de ltar bdag ces pa'o/ /'di dag gi gzung ba dang 'dzin pa'i dag pa gsungs te/ snang ba dang bcas pa'i stong pa nyid kyang 'di'o/ /de'i phyir/ sems tsam la ni rnam gnas bya/ /zhes pa dam pa'i don gyis gzung ba dang 'dzin pa'i dngos po rnam par spangs pa'i phyir 'di dag sems tsam kho na'o/ /de yang / oM AHhUM zhes pa yi ge gsum gyi rang bzhin steng nas steng du gnas pa'o/ /bdag nyid 'di lta bu'i rang bzhin rtogs par bya ste/kye ma sems can 'di dag ni thog ma med pa'i ma rig pa'i dbang gis bdag nyid de lta bu'i rang bzhin du ma mthong ba 'khor ba na 'khor ba dmus long lta bu'o/ /de'i phyir bdag gis de rnams la rang gi tshul so sor rtogs par bya'o zhes chos la dmigs pa'i snying rje bskyed nas/de rnams kyi phyir 'khor lo gsum rnam par spros te 'gro ba 'khor lo gsum du byas nas bde ba chen pos zhu bar byas te de nyid la gzhug par bya'o/ /de nas oM yig AHyig la'o/ /AHyig hUM yig la'o/ /de yang U dang ha dang mgo dang zla ba phyed pa dang thig le'i rim pas nA da la gzhug bar bya'o//de nas nA da'i gzugs nyid kyis gnas te/ 'di lta bu bzhin du chos thams cad kyi de kho na bdag gis mngon sum du byas nas sems can thams cad la'ang rtogs par bya'o zhes pa dmigs pa med pa mngon du bya zhing / nA da tsam gyi rnam par rtog pa yang dor bar bya'o//de dag nyid gsungs pa/ byang chub tshogs ni bsgom rnams kyis/ /zhes pa ste ye shes kyi tshogs bsgom par bya'o zhes pa'i don to/ /brtan par bya ba'i phyir gsungs pa/ oM zhes pa la sogs pa'o/ /stong pa nyid la zhugs pa'i sngon gyi smon lam gyi nus pa las ldang ba'i rim pa gsungs pa/rten dang brten pa la sogs pa ste brten pa'i steng du b+hai raM pa sogs zhes pa'i don to/ /b+hai raM pa sogs rnams bsam bya/ /zhes pa b+hai raM pa zhes bya ba'i rlung de gang gi thog ma yin pa de bzhin du de'o/ / de dag ston pa/ yaM zhes pa la sogs pas brgyan pa'i bar de go sla'o/ /de steng pad+ma lte ba dang / /ge sar ldan pa bsgom par bya/ /zhes pa de'i steng du tshig las sngon du shes par bya'o/ /de dbus rnal 'byor bsgom par bya/ /zhes pa zla ba'i dkyil 'khor ro//A li kA li'i rnam dag las/ /zhes pa A li kA li yongs su gyur pa ste/ 'dir ni zla ba'i dkyil 'khor bskyed pa rnal 'byor du rnam par gzhag go/ /de'i zhes pa la sogs pa ni go sla'o/ /thod pa'i phreng bas brgyan pa'i thod/ /ces pa zhal so so la de bzhin gshegs pa lnga'i bdag nyid can thod pa lnga dang ldan pa nyid las so//dgong bya zhes pa bsgom par bya ste/ pad+ma'i phyogs gnas la zhes pa phyogs kyi 'dab ma rnams la'o/ /gal te yang gshin rje 'joms ma'i mthar thug pa 'di dag bcom ldan 'das rdzogs pa dang dus mnyam pa kho nar rdzogs pa de lta na yang rnam par rtog pa'i bsgom pa gcig gi tshe yul du bya bar mi nus pa'i phyir rim pas gsungs te/phyag dang zhal la sogs pa'i rim pas gsungs pa bzhin no/ /de nas rnam pa thams cad rdzogs pa'i bcom ldan 'das kyi thugs kar ye shes sems dpa' dang de'i thugs kar ting nge 'dzin sems dpa' yang rnam par bsgoms nas/oM AHhUM oM sarba bI ra yo gi nI nAM kA ya bAka tsit+ta badzra swa b+hA ba At+ma kou0f85haM/ oM badzra shud+d+hAHsarba d+harmA badzra shud+d+hou0f85haM/ zhes pas byin gyis brlab cing mig la sogs pa drug po rnams la gti mug rdo rje la sogs pa drug dang /sa la sogs pa rnams la ltung byed ma la sogs pa dang / gzugs kyi phung po la sogs pa rnams la rnam par snang mdzad la sogs pa rnam par bsgom ste/ bcom ldan 'das dang bcom ldan 'das ma dag la go cha gnyis bya ste/ gcig ni oM ha zhes pa la sogs pa'o/ /gnyis pa ni oM baM zhes pa la sogs pa'o/ /spyi bo la sogs pa'i gnas rnams su rtsibs stong pa'i 'khor lo'i gzugs nyi shu rtsa bzhir nyi ma'i dkyil 'khor rnams la/ pU dza la sogs pa'i yi ge rnams kyang zhes kha cig go//de'i rjes la pad+ma dang rdo rje'i 'du byed sngon du 'gro ba'i shin tu dga' ba brtsam zhing rang gi snying ga'i sa bon gyi 'od zer rnams dang / 'bar ba'i phyag rgya dang phaiM yig gis kyang ye shes kyi 'khor lo spyan drangs te/ dzaHhUM baM hoH/ zhes pa'i sngags rnams kyis dgug pa la sogs pa byas nas pad skor sngon du 'gro ba'i 'khyud pa'i phyag rgyas mnyes par bya ste/sngar bzhin sngags gsum gyis byin gyis brlab cing ye shes kyi 'khor lo dang lhan cig byon pa'i dpa' bo dang dpa' mo'i dbang phyug ma rnams kyis bdag nyid la dbang bskur bar bya'o/ / dbang bskur ba'i de ma thag bcom ldan 'das dang bcom ldan 'das ma dag gi spyi bor mi bskyod pa dang rnam par snang mdzad dag go/ /mkha' 'gro ma dang lA ma dang dum skyes ma dang gzugs can ma rnams kyi spyi bor rim pa ji lta bar rnam par snang mdzad dang / rin chen 'byung ldan dang /snang ba mtha' yas dang / don yod grub pa rnams so/ /khwa gdong ma la sogs pa rnams kyi don yod grub pa nyid de rgyas gdab pa sngon du 'gro ba'i rang gi snying ga'i sa bon las 'thon pa'i mchod pa'i lha mo rnams kyis mchod cing bstod nas lha mo ro mas drangs pa'i ro myangs te rim kyis 'od gsal la gzhug par bya'o//de la 'di ni rim pa ste/ ye shes sems dpa' yab yum gyi dga' ba'i sgras yang dag par bkug pa'i 'gro ba dur khrod la'o/ /dur khrod dam tshig gi 'khor lo la'o/ /de mkha' 'gro ma la sogs pa rnams la'o/ /de rnams bcom ldan 'das dang bcom ldan 'das ma dag kho na la'o//de dag kyang rim gyis 'od gsal la bcug ste de nas 'od gsal la gnas pa dang ldang ba dang 'jug pa'o/ /skyo bar gyur na sngags kyi le'ur gsungs pa'i cho gas sngags bzlas te/ ldang bar 'dod na ji ltar bya zhe na gsungs pa/chos dang zhes pa la sogs pa ste/ chos la sogs pa'i 'khor lo rnams la mkha' 'gro ma la sogs pa bsgom zhing zhal dang sna bug g.yon pa dang bshang ba'i sgo dang sna bug g.yas pa rnams la khwa gdong ma la sogs pa rnams dang / rna ba g.yas pa dang g.yas min dang mig g.yas pa dang g.yas min rnams la gshin rje brtan ma la sogs pa rnams bcug ste/spyi bo la sogs pa rnams la sngar bzhin rtsa nyi shu rtsa bzhi dang / de dang snyoms par zhugs pa'i so dang sen mo la sogs pa'i khams kyang nges par bya zhing bcom ldan 'das dang bcom ldan 'das ma'i gsang gnas dang /de'i snyoms par 'jug pa yang bla ma'i gdams ngag las shes par byas la/ bdag nyid dang sna tshogs pa yang bde ba chen po'i rang bzhin du bltas te ji ltar bde ba rnam par spyad par bya'o zhes pa'o//de dag nyid nye bar sdud pa de ltar zhes pa la sogs pa ste/ de ltar gsungs pa'i lus kyi rang bzhin ni dpa' bo ste sangs rgyas thams cad dang mtshungs par 'gyur ro/ /'di dag gang gi phyir zhe na gsungs pa/ gnyis med ces pa la sogs pa ste/ gang gi phyir bde ba chen po'i rang bzhin de stong pa dang gnyis su med pa'i rnal 'byor gyis bsam gyis mi khyab pa'i sangs rgyas kyi go 'phang bstan to zhes pa'i don to//de nyid kyi phyir gang gi lam nyid bskyed pa'i rim pa spros pa'i rim pa bsgoms pas ting nge 'dzin yang thob par mi 'gyur na/ gang la slar yang sangs rgyas nyid de rigs pa dang lung dang 'gal ba'i phyir ro//de ltar yang re zhig rim pas bsgom par bya ba/ rten dang brten pa'i rang bzhin lha du ma'i 'khor lo brtags pa'i tshul la sems brtan par byed pa/ lhan cig la yang skad cig gis rdzogs par lhag par mos pas bsgoms pa na/gang gi tshe zhal bsgoms pa de'i tshe phyag la sogs pa bsgom pa med de/ de ltar gang gi tshe phyag la sogs pa'i yan lag gzhan dang gzhan bsgoms pa de'i tshe zhal la sogs pa bsgom pa med do/ /ma bsgoms na yang zhal la sogs pa gsal ba ma yin te rnam par rtog pa gnyis ni cig car ma yin no zhes skye bo thams cad kyi rang rig gis grub bo//de gang las zhe na sems rtse gcig pa'i mtshan nyid ting nge 'dzin rnam par rtog pa du mas 'khrugs pa'i phyir ro/ /gang yang sangs rgyas nyid ni bsod nams dang ye shes kyis tshogs kyi 'bras bu ste/de ji ltar bsgom pa tsam gyis 'gyur ba ma yin te/ dbul po 'ga' zhig bdag 'khor los sgyur ba'i rgyal po'o zhes bsgoms pas 'khor los sgyur ba nyid thob pa dang / yi dags bsgoms pas yi dags nyid thob par 'gyur te/gang gi phyir dge ba dang mi dge ba'i las 'bras bu dang bral bar thal pa'i phyir ro/ /bsgoms pas yul cung zad gsal bar 'gyur mod/ de lta na yang 'dod pa can gyi 'dod ma'i rnam pa gsal ba ltar dus skad cig tsam rjes su 'brel bar 'gyur ro/ /brtags pa nyid kyis brdzun pa'i bdag nyid kyi phyir te/de nyid ma yin pa'i mngon par zhen pa las byung ba nyid kyis 'jig rten pa'i chos rnams ni de ltar mi rtag pa nyid do/ /brtags pa'i rnal 'byor ni 'jig rten pa'i chos rnams las kyang shin tu brdzun te/ kha dog dang dbyibs dang bral ba'i sgra la sogs pa rnams kyang de bzhin du des sgom par byed pa'i phyir ro//gang yang gsal bar gyur pa dus skad cig tu gnas kyang dgos pa med pa nyid do/ /gzugs can rnams ni so sor nges pa'i yul dang dus la gnas pa'i phyir ro/ /khyad par byed pa ma yin pa nyid kyis 'gro ba'i don la nye bar mkho ba'i mngon par shes pa la sogs pa'i yon tan dang mi ldan pa'i phyir ro//khyab pa ni rnam pa de lta bu'i yon tan dang ldan pa dag go/ /gzugs can ni khyab par byed pa nyid ma yin te/ bum pa yang khyab par byed pa nyid du thal ba'i phyir ro/ /gal te yang gang bsgoms pa de kho na gsal bar 'gyur ro zhes 'dod pa yin no zhe na/de ji ltar gzugs sna tshogs pa'i nor bu bzhin du gdul bya mos pa tha dad pa du ma'i mngon par 'dod pa rnam pa du ma cig car rab tu gsal ba de yang 'dod par 'gyur ro/ /de nyid kyi phyir gdul bya mtha' yas pa'i mos pa'i dbye ba las/rnam pa sna tshogs pa gzhal du med pa dang ldan pa'i longs spyod rdzogs pa dang sprul ba'i sku dag ni bsgom par mi nus pa'i phyir de'i rgyu kho na la 'bad par bya'o/ /de yang bsgom pa tsam nyid ni ma yin no/ /de ltar re zhig rig pa las spros pa'i rnam pa bsgoms pas sangs rgyas nyid ma yin no//lung las kyang ma yin te/ de ltar yang dpal rdo rje mkha' 'gror/ ji ltar rgyud kyi rjes 'brangs pas/ /byas pa'i mngon rtogs la mi rnams/ /'bad pas nyon mongs bslang byas te/ /rang gi sems ni rnam par 'joms//de phyir 'bad pa thams cad kyis/ /dkyil 'khor la sogs cho ga yi/ /bya bas rnam thar mi 'gyur te/ /'khrul pa kho na'i rgyu yin no/ /zhes pa'o/ /dpal brtag pa gnyis kyi rgyal por yang / sngags kyi bzlas med dka' thub med cing sbyin sreg med/ / dkyil 'khor pa med dkyil 'khor yang ni yod ma yin/ /de ni sngags bzlas dka' thub de ste sbyin sreg de/ /de ni dkyil 'khor pa de de ni dkyil 'khor yang / /bsdus pa las ni 'dus pa sems kyi gzugs can no/ /zhes pa'o/ /dpal thig le kha sbyor las kyang / stong bar bsgom par bya min te//stong min yang ni bsgom pa min/ /stong min stong par 'dzin pa las/ /gzhan du rtog pa skye bar 'gyur/ /zhes pa'o/ /in+d+ra b+hU ti'i zhabs kyis kyang / /phyag rgya dkyil 'khor sngags la sogs/ /bzlas dang bsgom pa'i rtsol ba ste/ /bskal ba bye bar grangs med kyis//mchog gi grub pa nyid mi 'gyur/ /zhes pa'o/ /sa ra ha'i zhabs kyis kyang / /sngags med rgyu med shes bya 'dzin pa med/ /kye ho thams cad rmongs dang 'khrul pa'i rgyu/ /dri med sems la sgom pas gos mi bya/ /bde bar gnas pa'i sems la sdug mi bya//zhes pa la sogs pa'o/ /gal te de ltar na lha'i rnam pa dang bsgom pa la sogs pa ji ltar nye bar bstan zhe na 'jig rten pa'i dngos grub kyi don du ste/ de 'dod pa rnams kho na'i don du'o zhes kha cig go/ /de gsungs pa/ dang po'i las can sems can gyi/ / lha yi sku ni bsgoms pa yis/ /las kun rab tu bsgrub pa'i phyir/ /dang por rgyud du nges par bstan/ /zhes pa'o/ /de kho na'i ye shes kyi skal ba dang ldan par bya ba'i don tsam nyid do zhes gzhan no/ /dpal he ru ka la sogs pa'i gzugs bsgoms pas de tsam kho na 'grub par 'gyur te de ltar yang /mtha' yas byang chub bde bar gshegs pas bstan/ /zhes pa ste gzhan no/ /'di la sogs pa de rnams thams cad yod pa ma yin te/ rnam pa thams cad kyi mchog dang ldan pa stong pa nyid dang ro gcig pa bde ba chen po'i rang bzhin gyis bcom ldan 'das ni bsgrub par bya ba dang bsgom par bya ba nyid kyi phyir ro//rnam pa tsam ni nges par bsgom par bya ba ma yin no/ /chos nyid tsam yang rnam pa'i 'khor los logs su 'gram du gnas pa mi srid do/ /gang 'ba' zhig pa bsgom par bya bar 'gyur ba/ 'ba' zhig pa de sgom pa de ni de kho na'i don sgom pa ma yin pa kho na'o//de gsungs pa 'phags pa lha'i zhabs kyis/ dngos med bsgom pa'i rmongs pa rnams/ /'ba' zhig pa gang nye bar brten/ /byis pa'i nam mkha'i chos can te/ /de ni bems po'i mchog rab 'gyur/ /zhes pa'o/ / 'phags pa'i zhabs kyis kyang / /skye ba med ces stong pa zhes/ /bdag med ces kyang chos nyid ni/ /dman pa'i bdag nyid gang sgom pa/ /de ni de yi sgom pa min/ /zhes so/ /de'i phyir lha'i rnam pa tsam la brtan par byas nas zung 'jug gnyis su med pa'i rang bzhin bde ba chen po'i rang bzhin kho na bla ma'i gdams ngag las bsgom par bya ba nyid do zhes pa de ji ltar brjod pa'i skyon gyi skabs ga la yod/'on kyang gang re zhig brjod pa'i ting nge 'dzin yang thob par mi 'gyur ro zhes pa de ni bden pa ma yin te/ gus pa la sogs pa goms pa khyad par du 'phags pa'i sems dmigs pa'i dngos po la brtan pa thob par 'gyur ba myong bas grub pa'i phyir ro//de gsungs pa/ de'i phyir yang dag yang dag min/ /gang gang shin tu goms gyur pa/ /bsgoms pas stobs ni rdzogs pas na/ /de gsal mi rtog blo 'bras bu//zhes pa'o/ /rgyud las kyang / gang gang gis ni bsgom pa yis/ /mi rnams kyi yid yang dag sbyor/ /de yis de yi rang bzhin 'gyur/ /nor bu sna tshogs gzugs ji bzhin/ /zhes pa'o/ /rnam pa gcig ma yin pa la yang / rtog pa dang bral ba'i mthong ba dang thos pa dag cig car de kho na ltar rab tu gsal bar 'gyur ro zhes pa yang myong bas grub pa kho na'o//chos thams cad yid kyi rang bzhin tsam gyi lus nyid kyi phyir 'khor los sgyur ba la sogs pa bsgoms pa las kyang de gsal bar 'gyur ba la 'gal ba ga la yod/gsungs pa yang sa ra ha'i zhabs kyis kyang / mtha' dag srid pa'i sa bon sems gcig pu/ /mya ngan 'das kyang gang la rnam par 'phro/ /yid bzhin nor bu lta bur 'dod pa yi/ /'bras bu ster ba de la phyag 'tshal lo/ /zhes pa'o/ /sngags kyi tshul la lam yang bsgom pa'i bdag nyid kho na'o//pha rol tu phyin pa'i tshul la gnas pa bya ba'i rang bzhin gyi lam khas blangs pa rnams kyi yang bsgom pa'i bdag nyid kho nas thams cad rab tu rdzogs te tshul khrims la sogs pa phyi rol gyi dngos po la mi ltos pa'i phyir ro/ /gsungs pa yang /nya la sogs rnams gang zhig tu/ /de dag gsod mi 'gyur bar bskrad/ /spong ba'i sems ni thob pa las/ /tshul khrims pha rol phyin par 'dod/ /zhes so/ /sbyin pa'i pha rol tu phyin pa'i dbang du byas nas kyang gsungs pa/ bdog pa thams cad 'bras bcas te/ / skye bo kun la btang sems la/ /sbyin pa'i pha rol phyin par gsungs/ /de phyir de ni sems nyid do/ /zhes pa'o/ /ye shes tshogs ni bsgom pa tsam gyis 'gyur ro zhes gsal bar rtogs so/ /de'i phyir/ bsgom pa kho na bsod nams dang ye shes kyi tshogs yongs su rdzogs par byed do zhes pa'o//ji ltar 'phags pa'i zhabs kyis/ theg pa chen po bdag nyid che/ /bsod nams ye shes dag gi tshogs/ /kun mkhyen go 'phang de yi phyir/ /skye ba 'di la thob par 'gyur/ /zhes pa'o/ /de bzhin du/ gzhan nyid kyi ni mos pa 'di/ /byang chub sbyor ba gzhan du ste//sems kyi rnam pa dag pa'ang gzhan/ /'dir ni 'bras bu gzhan du mthong / /zhes pa dang / ji ltar 'khri shing yang dag 'byung / /me tog 'bras bu yang dag ldan/ /de bzhin skad cig rdzogs byang chub/ /tshogs gnyis yang dag 'byung ba'o/ / zhes pa yang ngo / /de nyid kyi phyir yun ring po ma yin par gnas pa nyid du thal ba yang ma yin te/ de nyid ma yin pa'i mngon par zhen pa las byung ba kho na bzlog pa kho na'i phyir ro/ /sgra la sogs pa rnams kyang phyag dang zhabs la sogs pa'i rnam pa ltar kha dog la sogs pa dang ldan pa nyid kyis sems las mi ldog cing 'jug pa kho na'o//de ltar na yang bcom ldan 'das kyi spyan yang nyan no/ /bsgom mo zhes pa la sogs pa rgyas par 'gyur ro/ /rgyud las kyang / kun nas phyag dang zhabs dang ldan/ /kun nas spyan dang dbu dang zhal/ /kun nas thos ldan 'jig rten du//thams cad la ni khyab par gnas/ /zhes pa'o/ /gzugs can nyid yin yang ma khyab pa'i skyon med de gzugs kyang khyab pa nyid kyi phyir ro/ /de gsungs pa/ bcom ldan 'das ma las gzugs mtha' yas pa nyid kyi phyir/ shes rab kyi pha rol tu phyin pa mtha' yas pa'o zhes pa la sogs pa'o//bum pa ni brtags pa gzung ba dang 'dzin pa'i mngon par zhen pa las byung ba nyid las ma khyab pa nyid tha snyad bya ba'i gzugs can nyid tsam gyis ni ma yin no/ /stong pa nyid dang ro gcig pa'i snying rje chen pos byas pa'i smon lam gyi pha rol tu phyin pa'i tshul nyid kyis gzugs sna tshogs pa ste/stong pa nyid tsam bsgoms pas ni ma yin no/ /dpal bde mchog la sogs pa'i rnam pa yang / de kho na ltar bsgom par bya ba dang / gzugs sna tshogs pa 'grub pa gang gis dgag par bya ste/lung gis 'gal ba ni dgongs pa yongs su ma shes pa'i phyir ro/ /de ltar yang gang zhig lha'i rnam pa la sogs pa 'ba' zhig kho na la de nyid du zhen pa de rnams la brtsams nas/ ji ltar zhes pa la sogs pa gsung rab dang grub pa'i slob dpon gyi gsung yang ste/de kho nar bden pa gnyis su med pa'i rang bzhin gyi phyir ro/ /de dang bral bas kyang grol bar 'thad pa ma yin no/ /de gsungs pa/ lha mo bzhis yongs su zhus pa las/ thub pa chen po'i chos phung po/ /stong phrag brgyad cu rtsa bzhi la/ /gang zhig de nyid mi shes pa/ / de rnams kun la 'bras bu med/ ces pa'o/ /in+d+ra b+hU ti'i zhabs kyis kyang rgyas par brjod pa las gsungs pa/ log pa de nyid thams cad ni/ /brtags pa shin tu spangs pa yis/ /zhes pa'o/ /sa ra ha'i zhabs kyis kyang / /gal te sa 'og la 'dzul lam//yang na mkha' la 'gro yang rung / /rnam pa tha dad rtog pas ni/ /thar pa'i re ba ga la yod/ /zhes so/ /'o na de nyid spros pa bsgom pa'i don dang bral bar 'gyur ro zhe na ma yin te/ bsgrub bya zung 'jug gnyis su med pa'i ting nge 'dzin gyi phyir ro/ / de yang phung po dang khams dang skye mched rnams kho na de bzhin nyid dang ro gcig pa bde ba chen po'i rang bzhin nyid kyis 'grub bo/ /de gsungs pa/ dpal brtag pa gnyis pa'i rgyal por/ bde ba nag po bde ba ser/ /bde ba dmar po bde ba dkar/ /bde ba ljang gu bde ba sngo/ / bde ba rgyu mi rgyu mtha' dag /bde ba shes rab bde ba thabs/ /bde ba kun du ru skyes dran/ /bde ba dngos po bde dngos med/ /bde ba rdo rje sems dpar dran/ /zhes pa'o/ /gal te zung 'jug gi rang bzhin de dag kho na bla ma'i gdams ngag las spros pa mtha' dag dor te goms par byed pa de ni gal te nus na'o//'on te gang gi yul rags pa kho na la rab tu zhugs te/ ma nus na ji ltar de'i mchog tu phra ba'i rnam pa de lta bu la rab tu gzhug ces pa mi shes so/ /gal te bla ma'i gdams ngag kho na las so zhe na de ni 'di dag dad par bya ba'o//rdzogs pa bsgom pa med par gsungs pa'i rigs pa dang / lung las kyang mi 'thad pa'i phyir te/ de ltar yang dpal brtag pa gnyis kyi rgyal por rdo rje snying pos gsol pa/ rdzogs pa'i rim pa'i rnal 'byor 'di/ /dam pa'i bde ba bde chen dran/ /rdzogs pa bsgom pa med pa ste//bskyed pa la ni dgos pa ci/ /bcom ldan 'das kyis bka' stsal pa/ /e ma byang chub sems dpa' che/ /dad pa'i shugs kyis 'di nyams so/ /zhes pa dang / gang phyir lus kyi dngos med bde/ /bde ba smra bar nus ma yin/ /khyab bya khyab byed rang bzhin gyis//bde bas 'gro ba khyab pa nyid/ /ji ltar me tog gnas pa'i dri/ /me tog dngos med rtogs mi 'gyur/ /de bzhin gzugs sogs dngos med pas/ /bde ba dmigs pa nyid mi 'gyur/ /zhes pa dang de bzhin du/ /ltos bcas nus pa med nyid phyir/ / lha yi rnam pa las bde ba/ /zhes pa dang / de phyir sangs rgyas dngos med min/ /dngos po'i gzugs kyang de nyid min/ /phyag zhal rnam pa gzugs can dang / /gzugs med pa la mchog gi bde/ /zhes pa'o/ /'phags pa lha'i zhabs kyis kyang / /don 'di kho na la dgongs te gsungs pa/mdo rgyud rtog bsres su/ bdag lta bu'i so so skye bos thog ma med pa'i phyi rol gyi dngos po dang dngos po med pa sna tshogs pa'i mngon par zhen pas/ med pa nyid dang yod pa nyid gcig nyid dang du ma nyid dang gnyis ka dang gnyis ka ma yin pa dang yod pa ma yin pa dang med pa ma yin pa dang rtag pa dang mi rtag pa'i bag chags kyi rang bzhin gyi rgyu mngon par rtogs pa'i rnam par rtog pa la mngon par zhen pa rdzogs pa'i rim pa'i ting nge 'dzin la slob par 'dod pas ji ltar rim pas bslab par bgyi'am/'on te bla ma'i gdams ngag tsam gyis skad cig gis gsal bar bgyi/rdo rje slob dpon gyis bka' stsal pa/ rim gyis zhugs te bslab par bya'i cig car ni ma yin no zhes pa la sogs pa'o/ /de dag gis ni dngos po dang dngos po med pa la sogs pa'i rnam par rtog pa phal cher dang mi ldan pa kho na ste 'phags pa'i sa thob pa ni rdzogs pa'i rim pa goms par byed par rigs so zhes rtogs par bya'o//lhag par mos pa tsam ni cig shos kyi yang 'gal ba med do/ /gang yang goms pa med pa'i phyir dang / 'di las lam khong du chud pa med pa'i phyir dang /brjod pa med pa'i phyir dang / glo bur ba'i phyir dang / nyon mongs pa med pa'i phyir dang / rtag tu lkog tu gyur pa ma yin pa'i phyir dang / bla ma'i bka'i dga' ba las dbang po'i tshogs mtha' dag bkag pa las rang rig pa tsam gang ci yin pa de ni byin gyis brlab pa'o zhes pa 'di la sogs pa bla ma'i mthu'i dbang du byas te tha ga pa la sogs pas gsungs pa de yang rnam pa de lta bu'i bsod nams dang ye shes kyi tshogs nye bar bsags pa dang ldan pa'i gang zag la ltos nas rtogs par bya ste/gzhan du na de bzhin gshegs pa gcig kho nas sems can thams cad sgrol bar 'gyur ro//de'i phyir brtag pa gnyis pa la sogs par gsungs pa kho na goms pa'i rim pa'o/ /de la gsungs pa ni/ bskyed pa'i rim pa'i rnal 'byor gyis/ /spros pa bsgom bya brtul zhugs can//spros pa rmi lam ltar byas nas/ /spros pa rnams kyis spros med byas/ /de ltar sgyu ma ji ltar rmi/ /ji ltar bar do'i srid pa yin/ /de bzhin nyid du dkyil 'khor gsal/ /rtag tu goms pa'i sbyor ba las/ /zhes pa'o/ /de bzhin du 'dus pa phyi mar/ thabs kyi rgyud du grags pa'i bskyed pa'i rim pas ni rdzogs pa'i rim pa skye ba dang gnas pa dang 'phel ba'i rgyu nyid kyi phyir gzhi'i rang bzhin du gsungs so//don 'di nyid DoM bi pa'i zhabs kyis kyang bstan te/ bsgom pa rnams kyi thog ma'i bya ba bskyed pa'i rim pa legs blo'i dbang phyug rnams//phyag rgya sngags dang rnam dag brjod pa thams cad 'dir ni nges par brjod mi bya/ /phul byung blo gros thob ste slar yang de nyid sems gcig legs par blo/ /rdzogs pa'i rim pa bsgom pa'i bsam gtan las ni rtag tu dga' ba srid pa 'joms/ /rdzogs pa'i rim pa'i gnas skabs su bskyed pa'i rim pa bsgom pa po rnam pa'i 'khor lo bde ba chen po'i rang bzhin stong pa nyid dang ro gcig pa nyid kyis rgyun mi 'chad par gnas so zhes pa yang ji ltar sgyu ma zhes pa la sogs pa dpal kye'i rdo rje'i tshigs su bcad pa las gsal bar rtogs par bya'o//mkha' 'gro ma rdo rje gur du yang / kye'i/ grogs po chu nang zla ba ltar/ /brdzun pa dang ni brdzun ma yin/ /dkyil 'khor 'khor lo de ltar te/ /lus ni rang bzhin gyis dag pa/ /zhes pa'o/ /gang yang / gang las de bzhin gshegs chags pa//lha dang lha mo'i 'khor lo las/ /dkyil 'khor 'khor lo rnam bral ba/ /lhan skyes skad cig la gnas so/ /zhes pa/ nag po zhabs kyis gsungs pa de ni rang dbang du gyur pas slar yid la byed pa med pa'i phyir ro/ /yang gal te gzhan du na pha rol tu phyin pa'i tshul las 'di gang gis khyad par du 'phags te spros pa dang bral ba bsgom pas rdzogs pa'i rim par brjod pa'i phyir dang /gnyis ka la mnyam pa nyid kyi phyir ro/ /gsungs pa ni sgo mtha' yas pa'i gzungs las/ bsam bya bsam du med bsam ste//bsam gyis mi khyab nyid mi bsam/ /bsam bya rnam par mi sems pa/ /de las gzungs rnams thob par 'gyur/ /zhes pa'o/ /'dir yang le'u sum cu rtsa gsum par/ /gang gi tshe na de nyid rig /bsam pa thams cad bsam du med/ /gang du bsam du med sems pa//de tshe bsam mi khyab par 'gyur/ /zhes pa la sogs pa'o/ /lU yi pa'i zhabs kyi mngon par rtogs par yang / bsam med bsam bya de yang ni/ /sems la'ang mtshon du med pa nyid/ /de yang bsam mi khyab sems dpa'/ /de las gzungs rnams thob par 'gyur//zhes pa'o/ /shes rab kyi pha rol tu phyin par yang / gang nam mkha' la rnal 'byor du byed pa de dang / bla gab med pa la rnal 'byor du byed pa de ni shes rab kyi pha rol tu phyin pa la rnal 'byor du byed pa'o zhes pa'o/ /bde ba chen po'i rang bzhin nyid kyang pha rol tu phyin pa'i tshul la rtogs par bya ste/ji ltar rnam par mi rtog pa la 'jug pa'i gzungs las gsungs pa/ rab tu zhi ba mi g.yo mchog /dbang chen mnyam dang mi mnyam pa/ /de phyir rnam par rtog med bde/ /byang chub sems dpa' brtags par 'gyur//zhes pa'o/ /de bzhin du yab sras mjal bar yang / bcom ldan 'das chos thams cad bde bas khyab pa zhes bya ba'i ting nge 'dzin yod de/ ting nge 'dzin gang thob nas byang chub sems dpa' dmigs pa'i dngos po thams cad la tshor ba bde ba kho na myong bar 'gyur gyi/sdug bsngal dang sdug bsngal yang ma yin bde ba yang ma yin bde ba ma yin pa'ang ma yin no zhes pa la sogs pa gsungs nas kAR+ShA pa Na'i tshad tsam du bcad cing gtubs te gong bur bcos pa rnams kyang 'tshed pa dang glang po rnams kyis brdzis pa la yang bde ba'i 'du shes kho na rab tu 'jug go zhes pa gsungs so//bde ba de dag kyang sngags kyi theg pa dang mi mthun pa ma yin no/ /mi bde ba yang mchog tu bde/ /zhes pa/ gal te grub na bsgrub bya gzhan med do/ /zhes pa sa ra ha'i zhabs kyis so/ /'di'i thabs la gsungs pa yang ma yin te/byang chub kyi sems kho na bsod nams dang ye shes kyi tshogs ma lus pa'i bdag nyid kyi phyir 'jig rten dang 'jig rten las 'das pa'i bde ba phun sum tshogs pa mtha' dag gi rgyu'i gtso bo zhes pha rol tu phyin pa'i tshul la thams cad du bstan te/sngags kyi tshul la yang ngo / /de ltar yang gsungs pa rab tu snang ba'i rdo rje 'byung bar/ bde sbyin bsod nams 'bras bu ste/ /de bkag pa las de don bral/ /bsod nams kyis ni bde ba 'thob/ /bde ba las kyang bsod nams 'thob/ /byang chub sems las skyes pa'i phyir//bsod nams 'di ni nam mkha' ltar/ /zhes pa'o/ /de nyid gsungs pa/ rnal 'byor chen po'i rgyud dpal rdo rje rtse mor/ gang zag bzhi rnams 'jig rten du/ /cho ga yis kyang mi 'grub ste/ /gang yang mngon par sbyor ba yi/ /bskal ba bye ba rnams kyis kyang //sems ni ma bskyed pa dag dang / /dad pa med pas mi 'grub ste/ /the tshom dang ni 'dzin par bcas/ /bka' bzhin mi byed pa nyid do/ /zhes pa'o/ /'dod pa lnga la nye bar longs spyod pa yang pha rol tu phyin pa'i tshul la yod pa kho nas te/ 'dod pa brten cing thabs mkhas pa//zhes pa la sogs pa'i tshig las so/ /cho ga'i tshul gyis kyang der 'di bstan to zhes brtag par bya'o/ /'di lta ste/ 'od srung bu ram shing gi zhing ngam/ 'bras kyi zhing ngam/ rgun 'brum gyi zhing la lud kyi phung po nye bar mkho ba can du 'gyur ro/ / de kho na ltar byang chub sems dpa' rnams kyi nyon mongs pa nye bar mkho ba can du 'gyur ro zhes dkon mchog brtsegs par gsungs pa'i phyir ro/ /yul rnam par dag pa yang med pa ma yin te/ chos thams cad kyi de bzhin nyid kyi rang bzhin rtogs pa'i phyir ro/ / 'dir yang yul nye bar longs spyod pa thams cad la gdon mi za bar yod pa ma yin te/ kha cig yul rnams spangs nas ni/ /zhes pa la sogs pa'i tshig las thams cad sngags kyi tshul kho na la dgongs te gsungs pa ma yin nam zhes pa yang brjod par mi bya ste/ thabs gzhan ma gsungs pa'i phyir ro/ /'bras bur gyur pa'i chos sa la sogs pa rnams ni tshul gnyis kar yang khyad par med pa kho na ste/ gang yang rdo rje snying po rgyan du kun du bzang po'i 'od ces pa la sogs pa gsungs pa yang rab tu dga' ba la sogs pa las ming gzhan pa'o//rab tu dga' ba la sogs pa'i sgra rnams kyis kyang sngags kyi tshul phal cher du gsungs pa'i phyir ro/ /de'i phyir bskyed pa'i rim pa bsgom pa med na sngags kyi tshul las khyad par med pa kho na'o/ /gang yang bde ba chen po'i rang bzhin kho na thog ma nas brtsams te sngags kyi tshul las so sor rtogs par bya zhing goms par bya'o//de yang thabs gzhan gyis mi nus pa'i phyir/ thabs dang bcas pa la goms par bya'o/ /de yang thabs kyi rgyud du brjod pa'i bskyed pa'i rim pa de kho na'o/ /de ltar na de yan lag bdun dang ldan par goms par bya'o//de la dpal bde mchog gi rnam pa ni longs spyod rdzogs pa'i yan lag go/ /rdo rje phag mo la kun du 'khyud pa ni kha sbyor gyi yan lag go/ /de'i dga' ba ni bde ba chen po'i yan lag go/ /de stong pa nyid dang ro gcig pa ni rang bzhin med pa'i yan lag go//de las ldang ba ni snying rje'i yan lag go/ /de bar ma chad pas rgyun chad med par bsgom pa'i yan lag go/ /'khor ba'i bar du mya ngan las mi 'da' ba'i phyir 'gag pa med pa'i yan lag go zhes pa yan lag bdun rnams so/ /yan lag dang po gsum ni thun mong ma yin pa ste theg pa gzhan las ma gsungs so zhes pas so//de nyid kyi phyir 'dus pa phyi mar thabs kyi rgyud du brjod pa'i bskyed pa'i rim pa ni gzhi nyid du gsungs te/ rdzogs pa'i rim pa skye ba dang gnas pa dang 'phel ba'i rgyu nyid kyi phyir ro//de'i phyir bskyed pa'i rim pa bsgoms pas gnas pa kho na 'jig rten pa'i dngos grub bsgrub pa'i yan lag ma yin zhing 'ba' zhig pa nyid kyang de kho na rtogs pa'i snod tsam dang / de tsam mngon du byed pa yang ma yin no zhes pa ste ha cang thal bar 'gyur bas chog go//de ltar bsgom pa dang bzlas pa mchog gi rnal 'byor pa 'di'i spyod pa mdor bstan pa sems kyi zhes pa la sogs pa ste 'di dag kyang phyi nas rgyas par bstan par bya'o/ /le'u bcu gsum pa'i rnam par bshad pa'o// //gzhon nu ma rnams mnyes pa ci//zhes zhu ba nyi shu rtsa gnyis pa la sogs pa'i lan gdab pa'i don du gsungs pa/ de nas zhes pa la sogs pa'o/ /mchod pa zhes pa mngon par 'dod pa'i dngos grub dag gsol ba gdab pa ste/ de yang mchod pa sngon du 'gro ba'o zhes pa 'dir skabs su bab pa mchod pa'i cho ga'o//mchod pa zhes pa kha cig klog pa ni go sla'o/ /dgos pa gzhan yang gsungs pa/ phyi rol zhes pa la sogs pa ste/ rnal 'byor ma ni zhes pa gnyis pa'i don la dang po gcig gi tshig ste nyung ngu nyid kyang ngo / /yang dag mchod min zhes pa ste 'di ni na nya'i a yig phyis pa las so//'di la yang sngon du bsnyen pa bya'o zhes gsungs pa/ rang khyim zhes pa la sogs pa'o/ /mchod pa'i dus gsungs pa/ nag po'i zhes pa la sogs pa'o/ /byug pa yis ni zhes pa dri bzang po'i mchod pa yis zhes pa'o//gcig dang zhes pa gcig go/ /'dir gzhon nu ma zhes pa lo bcu'i bar ro/ /bsgom bya zhes pa rdo rje phag mo la sogs pa'i gzugs kyis te mchod bya yang ngo / /dpa' bo zhes pa rnal 'byor ma'o/ /brda ni bstan par bya zhes pa legs par 'ongs pa'i phyag rgya dang /phyag 'tshal ba'i phyag rgya yang bstan par bya'o zhes pa'i don to/ /spyi bor lag pa g.yon pa bzhag nas ji ltar rang gi sngags kyis byin gyis brlab par bya'o zhes kha cig go/ /de dag nyid rgyas par ston pa rdo rje zhes pa la sogs pa'o/ /'dir rim pa 'di yin te/nag po'am dkar po'i bcu pa la ji ltar nus pa'i nya dang sha la sogs pa'i yo byad rnams bshams te/ dam tshig gi ril bus bsangs la/ bdud rtsi sgrub pa'i cho gas rab tu bsgrubs nas gzhon nu ma yan lag ma tshang ba med pa gcig nas brtsams te/ji srid nyi shu rtsa bzhi'i bar ji ltar nus pa lha mo'i rnam pa nyin par snga dro bos te tho rangs dril phyis dang khrus dang byug pa byas te spyan drangs la dri bzang po dang me tog gi chu yis zhabs bkrus la/ dben pa'i phyogs 'ga' zhig tu byug pa dang bsang ba dang rab tu bdug pa bya ste/dkyil 'khor gyi rim pas sam phreng ba'i rim pas bde ba'i stan la bzhugs su gsol ba rnams skad cig gis stong pa nyid kyi de ma thag ri rab la gnas pa'i gzhal yas khang gi nang du dam tshig sems dpa'i gzugs kyi rnam par bsgoms nas/ye shes sems dpa' rab tu bcug ste/ mchod yon dang zhabs bsil dang zhal bsil dang bsang gtor sngon du 'gro ba'i mig sman dang sin+d+hu ra dang dri bzang po'i phye ma dang byug pa dang / me tog dri zhim po'i chun po dang bdug pa la sogs pa rnams dang / 'byor na na bza' dang rgyan la sogs pa rnams kyis kyang yang dag par mchod nas/ mdun du lha bshos ltar bza' ba dang tshod ma la sogs pa'i yo byad rnams drangs te/ gtor ma sbyin pa sngon du 'gro ba'i pad kor dang 'khyud pa la sogs pa nye bar bstan nas/ 'dod pa ji lta bar tshim par bya zhing bstod pa dang glu rnams kyis kyang ngo / /mchod pa'i khyad par 'di'i 'bras bu ston pa 'dir ni zhes pa la sogs pa ste 'di rnams la mchod pa bya ste'o/ /mtshan mor zhes pa gnyis pa'i don la bdun pa'o/ /mchod de zhes pa mchod pa ni zhi ba dang rgyas pa zhes pa mtshan ma'i khyad par mtshon par bya zhes 'brel lo//nyed ces pa nyed pa dag go/ /gang gis zhes pa rgyu yis so/ /gad mo drag po'i sgra zhes pa'i gad mo zhes dgod cing ngo / /sgra byed na zhes pa gad mo drag por dgod par byed na zhes pa'i don to//mchod pa de yi skad cig la/ /zhes pa mchod pa byas pa'i skad cig gang la'o/ /'tsho ba nyid ni the tshom med/ /ces pa'i rnal 'byor pa 'tsho bar 'gyur ba ma yin no zhes pa'i don to/ /mchod pa zhes pa mchod na'o/ /gang ltar zhes pa gang gi tshe'o/ / gnyis dag ces pa gnyis so/ /sgrub pa po yi zhes pa sgrub pa po yis so/ /byas te zhes pa byas shing ngo / /zung dang zung zhes pa gnyis gnyis dag gi phan tshun kha sprad pa dang rgyab sprad de blta ba zhes pa'i don to/ /gzhon nu ma zhes pa gzhon nu ma kho na'o/ /yang na gang gzhon nu ma rnams kyis 'di gzhon nu ma'o//brjod do zhes pa rjod par byed do/ /rnal 'byor ma zhes pa rnal 'byor ma gzhon nu ma'i gzugs te rgyab tu phyogs shing khar sen mo 'jug pa'o zhes pa'i don to/ /slar yang las rnams dgos par 'gyur/ /zhes pa slar yang sha la sogs pa sbyin par 'os zhes pa'i don to//yang na phal cher yang mchod pa byed par 'os zhes pa'o/ /mtshon cha'i gnod pas 'joms la sogs/ /zhes pa mtshon cha'i gnod pas 'joms pa la sogs pa rnams so/ /des zhes pa der ro/ /dgod pa zhes pa gad mo'o//gzhon nu ma zhes pa gzhon nu ma rnams so/ /dor nas zhes pa gtor nas so/ /phyogs zhes pa phyogs bzhir ro/ /kun du 'khrugs zhes pa smad pa ste/ /'khyog par byed ces pa'i don to/ /bdag gi zhes pa bdag la'o/ /bya ba nyams zhes pa/ bsrung bar bya ba'i dam tshig rab tu gsal bar gyur zhes pa'i don to//za bar zhes pa za ba'i dus na'o/ /'gro ba na zhes pa 'gro ba'o/ /slar yang las ni dgos pa dang / /zhes pa rnal 'byor pa slar yang mchod pa la sogs pa'i las 'os zhes pa'i don to/ /bzlog pa'i skyon gsungs pa/ring mo zhes pa la sogs pa'o/ /babs gyur zhes pa 'gyel pa la sogs pa'am phan tshun 'thab mo byed pa'o/ /le'u bcu bzhi pa'i rnam par bshad pa'o// //'dir gzhon nu ma'i mchod pa dang / tshogs kyi 'khor lo la sogs par yang / pad+ma'i snod nye bar sbyar bar bya'o zhes pa ma zhus pa'am/shugs kyis zhus pa'i snod kyi mtshan nyid ston pa de nas zhes pa la sogs pa ste/ de ltar gzhan du yang shes par bya'o/ /'jim pa la sogs pa rnams kyi yang pad+ma'i snod kyi rnam par byas pa nyid kyi phyir pad+ma'i snod nyid do/ / bram ze zhes pa la sogs pa mi'i rigs ma yin gyi 'on kyang thod pa'i rigs nyid do/ /de dag nyid ston pa dkar po zhes pa la sogs pa ste/ dkar po ni bram ze'i rigs so/ /dmar po dang dkar po rgyal rigs so/ /ser po dang dmar ser rje'u rigs so/ /ljang khu dmangs rigs so//'khrugs pa ni sdeb sbyor gyi dbang gis so/ /thal ba la sogs pa'i mdog ni dman pa'i rigs so/ /dman pa zhes pa srab pa dang dbyibs ngan pa ste de bzhin du lhag pa yang ngo / /gsher ba ni snum pa'o/ /yang na tshig gsum gyis dman pa dang bar ma dang mchog bstan to//gzugs zhes pa la sogs pa go sla'o/ /yongs su brtag ces pa nges par byed pa'o/ /sngags pas zhes pa sngags pa'o/ /bsgrub par bya'o zhes pa blang bar bya'o/ /bram ze 'joms zhes pa bram ze rnams la rnal 'byor pa'i 'jigs pa 'byung ngo //de ltar ba lang 'joms pa'o/ /sngags pa dman zhes pa grags pa med par byed pa'o/ /sngags ni 'jig ces pa sngags kyi dngos grub 'jig pa'o/ /ma nyams pa'i zhes pa nye bar nyams pa med pa'o/ /brtul zhugs rgyun zhes pa rgyun gyis skyed par byed pa ste tshul khrims kyi zhes pa'o//me dang ldan pa zhes pa mer kha bltas pa'o/ /chom rkun zhes pa rkun po 'gugs par byed do/ /bud med 'joms zhes pa 'chang ba po'i bud med nyams par byed pa'o/ /gtum po zhes pa bran la sogs pa 'joms par byed pa'o/ /gnas su 'gyur zhes pa gnas la sogs par 'gro ba la mi skyo bar 'gyur ro//dkyil 'khor dbang phyug ces pa mang po'i mchod pa bya'o/ /sgrub pa po'i dngos grub ste/ /zhes pa sgrub pa po'i 'dod pa sgrub par byed pa ste/ dngos grub gang sgrub par 'dod pa ste phun sum tshogs par byed do zhes dgongs pa'o//cha bzhi pa zhes pa dum bu bzhi pa'o/ /slong mo pa zhes pa slong mo rnyed par byed pa'o/ /dngos grub sgrub pa'i 'bras bu med/ /ces pa zhi ba la sogs pa'i dngos grub sgrub pa la 'bras bu med de/ drag po la ni sbyar bar bya'o zhes dgongs pa'o//bu ga'i dbang gis kyang rigs la sogs pa nges par bya'o zhes gsungs pa bu ga zhes pa la sogs pa'o/ /'di dag kyang chu blugs te shes par bya'o/ /pad+ma lta bu pad+mas mtshan/ /zhes pa pad+ma rgyas pa ltar dbyibs shin tu zlum pa nyid dang de'i kha dog nyid kyis so//mu tig bcas zhes pa mu tig gi phreng ba lta bu'i thig le dkar po'i phreng ba dang ldan pa nyid las so/ /'di ltar gsungs te 'khrug pa'i sar g.yul sprad de shi ba'am/ yang na dur khrod chen po la sogs par bor ba rnams kyi thod pa brtags nas gnas pa'i skyon spangs te/ji ltar gsungs pa'i yon tan dang ldan pa gcig gdon mi za bar rnal 'byor pas bcang bar bya'o zhes pa'o/ /le'u bco lnga pa'i rnam par bshad pa'o// //bdud rtsi lnga zhes pa la sogs pa zhu ba nyi shu rtsa bdun pa la sogs pa gnyis kyi lan gdab pa'i phyir gsungs pa/de nas zhes pa la sogs pa'o/ /bram ze zhes pa bram ze mo'o/ /rin chen rigs ma zhes pa rin po che'i rigs te/ rdo rje yi yang rin chen nyid kyi phyir ro/ /pad+ma can zhes pa pad+ma'i rigs las skyes pa'o/ /de nyid gar ma zhes pa 'jig rten du yongs su rab tu grags so//de bzhin gshegs zhes pa snang ba mtha' yas kyi rigs nyid las so/ /dang po'i me tog rab bsngags te/ zhes pa med na gzhan rab tu ma bsngags kyang blang bar bya'o zhes dgongs pa'o/ /sha dang zhes pa la sogs pa ni gzhan yang de yis byin pa zhes man ngag go//de nyid gsungs pa gzung bar bya/ /zhes pa'o/ /'di ltar gsungs te/ bram ze mo dang gdol pa mo dang gar ma dang tshos ma dang gtum mo dkar ser dang nag mo dang dmar ser dang ljang gu dang ser mo'i yan lag can/dam tshig dang ldan pa rnams la mchod pa la sogs pa de mnyes pa sngon du 'gro ba can la snod dang mi ldan pa'i spyod yul du ma gyur par byas te/ gsungs pa'i rim pas rnam par snang mdzad la sogs pa blangs nas pad+ma'i snod du gzhag par bya'o/ /de bzhin du go ku la sogs pa lnga gang gis kyang ma bsad pa ji ltar gsungs pa ste/med na ji ltar rnyed pa yang blangs nas rdzas bcu po rnams gla rtsi la sogs pa dri bzang po rnams kyis bsres te/ bcu pa la sran ma'i chad kyi ril bu byas nas shin tu sbas te grib ma la skam par bya'o//de nas tshogs kyi 'khor lo'i dbus su pad+ma'i snod du bzhag la gyen du 'greng ba'i lag pa g.yas par nyi ma'i gzugs bkod cing lag pa g.yon par zla ba'i gzugs kyis bkab ste/ lha'i rnal 'byor sngon du song bas bdud rtsi sgrub pa'i tshogs rnam par bsgom zhing /oM ha hoHhrIHzhes pa 'di yis te/ yang na/ oM AHhUM zhes pa 'di yis brgya rtsa brgyad bzlas nas byin gyis brlab par bya'o/ /de nas las thams cad la nges par sbyar bar bya'o/ /le'u bcu drug pa'i rnam par bshad pa'o// //nyid kyis dkyil 'khor bri bar gsungs//zhes pa la sogs pa zhu ba nyi shu rtsa dgu pa la sogs pa bzhi'i lan gdab pa'i phyir gsungs pa de nas zhes pa la sogs pa'o/ /de la 'di ltar zhes pa la sogs pa'i tshigs su bcad pa phyed dang bcas pas sngon du bsnyen pa'i mtshan nyid dang srung ba'i 'khor lo'o//bstan zhing zhes pa la sogs pa ni skabs yin pa'i phyir slob dpon gyi mtshan nyid do/ /gtsug lag khang zhes pa la sogs pa mchog gi sdom pa 'byung ba zhes pa'i bar ni sa sbyang ba ste/ yongs su bzung ba la sogs pa yang sbyang ba'i sgra'i rnam par bshad do//lnga zhes pa la sogs pa gsungs pa'i cho ga yis zhes pa'i bar ni thig gdab pa'o/ /rin chen lnga zhes pa la sogs pa lhag ma rdul tshon gdab pa ste/ 'dir ni dkyil 'khor bri ba'i sgra nyid kyis rnam par bshad do//'di ltar zhes pa 'di dag thams cad 'chad par 'gyur ba'o/ /kha cig ces pa cung zad do/ /sa zhes pa sa rnams te rang sems sgyu ma lta bu'i rnam pa nyid kyis yongs su dag pa'o/ /gsol gdab zhes pa sgo'i slob dpon rnams kyis so/ / mkha' 'gro ma lhan cig zhes pa shes rab dang bcas pa'o/ /dang po bzhi 'gyur tshad kyis ni/ /zhes pa 'gyur ba dang bgrang ba dang rnam par dbye ba'o/ /'di yis ni zhes pa 'gyur ni cha chung ste sgo'i bzhi cha'o/ /de'i phyir tshangs thig gi logs gcig tu pad+ma'i ze'u 'bru rnam par bcad pa'i don du cha chung bzhi pa'i thig go//de'i phyi rol du brgyad 'gyur 'di yis ni/ /zhes pa pad+ma'i 'dab ma rnam par bcad pa'i don to/ /slar yang brgyad 'gyur 'di yis ni/ /zhes pa tshangs pa'i logs gnyis kar cha chung brgyad las phyi rol du cha chung bzhi'i bar gyis rtsa ba'i thig go//'di nas brtsams te thig thams cad logs gnyis kar rtogs par bya'o/ /de las nyis 'gyur nyid kyis kyang / /zhes pa cha chung gi bar gyis rtsig pa'i thig go/ /de las bzhi 'gyur 'di yis ni/ /zhes pa cha chung gnyis kyi bar du stegs bu'i thig go//slar yang nyis 'gyur 'di yis ni/ /zhes pa cha chung gcig gi mthar rin chen snam bu'i thig go/ /de las bzhi 'gyur 'di yis ni/ /zhes pa cha chung gnyis kyi bar gyis dra ba dang dra ba phyed pa'i thig go/ /de las nyis 'gyur 'di yis ni/ /zhes pa cha chung re re'i bar gyis rin chen shar bu dang mda' yab kyi don du thig gnyis gdab par bya'o//gal te de dag ji ltar cha chung brgyad la sogs par gsungs pa rnams la cha chung bzhi la sogs par 'gyur zhe na gsungs pa/ de phyed zhes pa la sogs pa ste gsungs pa de'i phyed phyogs gnyis la ni logs gnyis 'bri bar bya ste/logs gnyis ka la yang / thig la sogs pa'i rnam pa mnyam pa nyid kyis kha sbyor lta bur gnas pa'i phyir ro/ /'di rnams kyis mda' yab kyi mthar thug pa 'khor dang bcas pa'i gzhal yas khang gsungs so//'di dag gis mdor bstan pa tsam ste/ yongs su rdzogs pa rgyud gzhan du shes par bya'o/ /de dag nyid gsungs pa/ thig skud ces pa la sogs pa ste/ thig skud kyi mtshan ma ni/ 'dis mtshan ma zhes pa'o/ /thig skud mtshan ma ni cha chung ste/ de yang drug cu rtsa bzhi'o//rnam dbye phyis pa'i phyir dkyil 'khor zhes pa dkyil 'khor gyi'o/ /ji tsam gyi bar gyis cha chung drug cu rtsa bzhi pa'i dkyil 'khor zhe na gsungs pa/ kun du 'khor lo'i zhes pa la sogs pa ste 'khor lo'i khor yug ni rdo rje'i phreng ba'o/ /cho ga yis zhes pa sgo dang sgo khyud dang 'gram dang logs dang rta babs la sogs pa rnams kyis rnam par dbye ba'i rim pas so//ji ltar zhe na gsungs pa ji lta ba bzhin no/ /yang na tshangs pa dang zur dang rtsa ba'i thig rnams gnas pa la ji ltar bya zhe na gsungs pa/ dang por zhes pa la sogs pa snga ma bzhin no/ /slar yang zhes pa rin chen snam bu'i bar ji srid pa'o/ /de las zhes pa dra ba dang dra ba phyed pa'i snam bu'i don du'o/ /de las bzhi 'gyur zhes pa rin chen shar bu'i snam bu dang rta babs kyi phyed ji srid par ro/ /cha chung drug cu rtsa bzhi pa'i phyogs la rta babs kyang steng du cha chung bzhi pa'o//slar yang zhes pa rta babs rnam par bcad pa'i don du'o/ /de las zhes pa cha chung gnyis pa'i 'khor lo dang ra'i don du'o/ /de las zhes pa cha chung gnyis gnyis kyi bar gyis 'dab ma'i phreng ba dang /rdo rje'i phreng ba dang 'od zer gyi phreng ba'i don du thig gnyis gdab par bya'o/ /de'i 'dab ma'i phreng ba dang rdo rje'i phreng ba yang so sor cha chung gnyis sam zhe na/ de ra'i mtha'i thig las pha rol cha chung gnyis pa'i gnas te/ phyed phyogs gnyis la bri bya zhes pa phyed ji ltar gyur pa de bzhin du phyogs gnyis ka la bri bar bya'o//des na 'dab ma dang rdo rje phreng ba'i gnas ni cha chung re rer 'gyur ro/ /'di yang bcom ldan 'das ni dur khrod brgyad kyis yongs su bskor ba'i gzhal yas khang gi nang na bzhugs pa'i phyir dur khrod rnams kyang bri bar bya'o zhes gsungs pa rdo rje zhes pa la sogs pa'o//de la 'di ni phyi'i don te/ dkyil 'khor bri bar 'dod pa'i slob dpon bgegs dang bral ba'i don du bdud rtsi'i ril bus byin gyis brlabs te/ gtor ma sbyin pa sngon du 'gro bas/ lha'i le'ur gsungs pa'i cho gas bdag nyid lha'i 'khor lo rab tu bsgoms la de'i sngags 'bum la sogs pa'i grangs bzlas par bya ste/ji srid 'khor lo dang bcas pa'i 'khor lo'i mgon po'i gzugs rnam pa thams cad rdzogs pa bdag nyid la cig char spro ba dang bsdu ba lhag par mos par nus pa dang /de'i gnang ba thob pa zhes pa sngon du bsnyen pa'i cho ga'o/ /de nas yid du 'ong ba'i phyogs 'ga' zhig tu dkyil 'khor bri ba'i don du srod la dri bzangs la sogs pas rang gi 'dod pa'i lha'i maN+Dal byas la yang dag par mchod de/gtor ma byin nas de rnams nam mkhar bkod la de na 'khod pa'i zhing skyong la sogs pa la gtor ma rnams kyis tshim par byas nas/ gang yang 'dir gnas lha dang klu/ /gnod sbyin srin po'am gzhan la yang / /dkyil 'khor don du sa 'di ni/ /bdag zhu khyed kyis stsal du gsol//zhes lan gsum brjod pas/ de rnams kyis rmi lam la sogs par byin pa'am/ yang na ma bkag par shes nas nyi ma gzhan gyi snga dro bcom ldan 'das 'khor dang bcas pa nam mkhar bzhugs pa la gsol ba btab ste/ de'i rjes su gnang ba zhes yid kyis mos par byas nas/ nyi ma gung la srung ba'i 'khor lo bsgoms pas bgegs tshar bcad de/ las thams cad pa'i sngags bzlas shing yungs kar dang chu dang thal ba rnams kyis sa la bsang gtor byas la de nyid du rdo rje skyil krung gis sa'i lha mo'i gzugs 'chad par 'gyur ba bsams nas/zhabs bsil la sogs pa sngon du 'gro ba can/ tshur gshegs tshur gshegs zhes pa la sogs pas lan gsum du gsol ba btab pas de ltar gyis shig ces brjod nas nam mkhar bzhengs par bltas te/da ni bgegs dang bral ba'i sa yin no zhes shes par byas la/ gtor ma byin nas sa bdag klu nges par bya ste brko ba la sogs pa rung ba las brko ba la sogs pa bya'o zhes pa'o/ /de la sa bdag brtag pa ni 'di yin te/ dkyil 'khor gyi sa la dkyil 'khor nyis 'gyur gyi tshad kyis maN+Dal gru bzhi byas te/thams cad re'u mig dgu bcu byas la/ der sa bdag klu khrums dang mgo dang dbo dang snron la sogs pa zla ba gsum gsum la rim pas shar dang lho'i phyogs su mgo dang lho la sogs par kha bltas shing nyal ba'i lus re'u mig dgu khyab pa ste/khrums la sogs pa'i dgu bcur zhag dgu bcu rnams la so sor re'u mig re re gnon pa 'das pa'i nyin gyi dbyu gu rnam par dbye bas kyang 'gro ba brtags la/ mgo'i phyogs la re'u mig nyi shu 'am nyi shu rtsa gcig dang /lto bar yang re'u mig gnyis sam gsum yongs su spangs te/ rgyab dang mjug ma yang nges par byas nas lto bar brko bar bya ste/ dngos grub dman pa dang 'bring dang mchog gi dbye ba las pus mo dang dpyi dang lte ba ji srid par zhes pa sa brko ba'o//de nas sa'i ro bsal la dri bzang po'i chu dang ldan pa'i sa de nyid kyis dong dgang ste ma khengs na gzhan gyis kyang ngo / /las thams cad pa'i sngags bzlas pa'i dri bzang po'i chu yis bran cing brdungs la/ khru phyed mtho ba rus sbal gyi rgyab lta bu dbang ldan du cung zad dma' ba bya'o//khang bzang la sogs par ni brko ba la sogs pa med pa nyid do/ /lag pa reg ste hUM yig bzlas nas sngar bzhin thal ba la sogs pas bsang gtor byas la/ shar phyogs nas brtsams te ba'i rnam lngas legs par byugs la dri'i chus bran par bya'o//de bas brko ba la sogs pas dag pa'am gzhan yang rung ste/ oM b+hU khaM zhes brjod la nam mkhar byas nas hUM laM hUM zhes pa 'dis rdo rje'i rang bzhin du rnam par bsgoms te/ oM me di ni badzrI b+hA ba badzra ban+d+ha hUM/oM ha na ha na badzra kro d+ha hUM phaT/ oM AHhUM/ sho d+ha ya sho d+ha ya rak+Sha rak+Sha hUM phaT/ zhes pa'i sngags gsum gyis lag pa reg la byin gyis brlab cing las thams cad pa'i sngags bzlas te/ rin po che dang sman dang 'bru dang snying po lnga rnams sbas pa'i sa dri'i chus byugs par gtor ma dang mchod yon sngon du 'gro bas nam mkhar gnas pa'i sa'i lha mo nang du bsgoms nas/oM AHhUM brjod cing pad kor sngon du 'gro ba'i yi ge brgya pa brjod par bya'o zhes pa sa sbyang ba'o/ /de nas me tog gis mngon par gtor ba'i dkyil 'khor gyi sa'i dbus su 'dug ste rdo rje dang dril bu 'dzin pas 'dri bar 'gyur ba'i dkyil 'khor gyi rnal 'byor dang ldan pa'i srung ba'i 'khor lo la sogs pa bya ste bgegs bcom nas spos phor bzung ste/hUM las skyes pa'i rdo rje'i lce can gyis/ / ma lus phyogs na bzhugs pa yi/ /sangs rgyas bdag la dgongs su gsol/ /che ge yi ni rdo rje bdag /'dir ni dkyil 'khor bri bar bgyid/ /sangs rgyas la sogs kun byon la/ /'dir ni dngos grub rab tu stsol/ /zhes rdzogs pa'i sangs rgyas la sogs pa spyan drangs te mchod pas mchod nas nam mkhar bzhugs pa la sogs pa dang de'i rnal 'byor dang ldan pa'i slob ma rdo rje dang rdo rje dril bu dang bcas pa phyogs bzhir gnas pa rnams kyis/de bzhin gshegs pa kun zhi ba/ /de bzhin gshegs pa kun gyi gnas/ / bdag med chos rnams kun gyi mchog /dkyil 'khor dam pa bshad du gsol/ /mtshan nyid thams cad yang dag rdzogs/ /mtshan nyid ma yin thams cad spangs/ /kun du bzang po sku yi mchog /dkyil 'khor dam pa bshad du gsol/ /chos mchog zhi ba las byung zhing //ye shes spyod pa rnam sbyong ba/ /kun du bzang po gsung gi mchog /dkyil 'khor dam pa bshad du gsol/ /sems can kun gyi sems chen po/ /rang bzhin dag pa dri ma med/ /kun du bzang po spyod pa'i mchog /dkyil 'khor kha lo bsgyur bshad gsol//zhes pa'i tshigs su bcad pa bzhis bdag nyid la gsol ba gdab par bya zhing dngos su med na bsams nas kyang ste/ de ltar gnas nas dkyil 'khor gyi 'khor lo la sogs pa spro ba la sogs pa sngon du 'gro ba can bsgoms pa'i lha'i 'khor lo rdo rje khu tshur gnyis kyis mdzub mo gnyis brkyang zhing rtse mo sprad pa 'og tu kha bltas pa spyi bor bzhag ste/hUM badzrod tiSh+Tha zhes pa brjod de nam mkhar btegs nas rang nyid langs te kha shar du bltas la rkang pa mnyam par gnas pa'i spyi bor thal mo sbyar bas rdzogs pa'i sangs rgyas la phyag 'tshal nas skad cig gis khro bo rdo rje hUM mdzad kyi sku smin ma bsnyer ba mche ba gtsigs pa 'gying ba dang bcas par bya ste/g.yas pa dang g.yon pa'i mig dag ma dang Da yig las nyi ma dang zla ba'i gzugs dang / hUM yig gis mig 'bras gnyis bskal pa'i me ltar byas la phyogs thams cad du rdo rje'i lta stangs kyis blta zhing nga rgyal bya ste/nga ni rang nyid rdo rje can/ /rdo rje sems dpa' rang nyid nga / /nga ni sangs rgyas rgyal po che/ /nga ni stobs chen rdo rje can/ /rnal 'byor dbang phyug rgyal po nga / /nga ni phyag na rdo rje brtan/ /zhes pa'o//de nas rkang pa'i mthil du rdo rje 'bar ba bsgoms te/ 'gying ba dang bcas par pad kor sngon du 'gro bas rdo rje gsor zhing dril bu dkrol ba dang bcas par rdo rje'i rkang stabs kyis dbang ldan du song ste/ de nas brtsams nas g.yas skor du rdo rje'i rkang stabs la sogs pa rnams kyis ji ltar nus pa'i gar byed cing gzhan du dengs zhes pa la sogs pa lan gsum brjod la/spros pa'i khro bo mtha' yas pa rnams kyis bgegs tshar bcad nas dkyil 'khor gyi sa gzhi sa 'og la thug par rdo rje'i rang bzhin du byin gyis brlabs te/ de nas ji ltar nus pa dang ji ltar 'dod par gar bya'o/ /nus pa med pa'am mi 'dod na gar ma byas kyang skyon med do zhes pa sa yongs su gzung ba'o/ /de nas 'gro ba rdo rje 'chang nyid thob par bya ba'i phyir bgegs med par bya'o zhes rnam par bsams te/ skad cig gis stong pa nyid kyi de ma thag par raM las skyes pa'i nyi ma la gnas pa'i hUM las skyes pa'i sna tshogs rdo rje la gnas pa'i hUM gi 'od zer las skyes pa'i rdo rje rnams kyis rdo rje'i rang bzhin gyi sa gzhi dang ra ba dang gur dang bla re dang mda'i dra ba rnams bskyed de/ skad cig gis rdo rje sems dpa' gzhan du gyur nas/rdo rje hUM mdzad sna tshogs chu skyes dang nyi ma la gnas pa 'jigs byed dang dus mtshan mnan pa/ rtsa ba dang g.yas pa dang g.yon pa'i zhal gsum sngon po dang ser po dang ljang gu ste zhal so sor spyan gsum gsum pa/ phyag rgya drug dang mi mgo'i phreng ba dang / stag gi pags pa'i sham thabs dang klu brgyad kyis brgyan pa rdo rje dril bu dang bcas pa'i phyag dag gis rdo rje khu tshur gnyis byas nas rgyab sbyar te/ mthe'u chung lcags sgrog byas la mdzub mo rab tu brkyang bar bya'o zhes pa'i 'jig rten gsum las rnam par rgyal ba'i phyag rgyas rang 'od kyi shes rab ma la 'khyud pa/g.yas pa dag gis lcags kyu dang zhags pa/ g.yon pa dag gis thod pa dang kha T+wAM ga dag bsnams pa/ sku mdog nag po gcig pu 'jigs pa'i bdag nyid kyis 'jig rten gsum la kun du gzigs te/snying gar gnas pa'i hUM yig gi 'od zer rnams kyis phyogs bcu'i bgegs rnams bkug ste de las skyes pa'i gshed ma khro bo bcu la gtad par bya'o/ /phur pa rnams kyi srid du sor brgyad pa sboms su dkyus kyi sum cha'i sor te/ seng ldeng dang lcags dang rus pa rnams las byas pa snod gsar par bcug ste/ don grub dang tsan+dan dmar pos byugs la tshon skud sna lngas dkris pa mngon par mchod de/ me tog dmar po'i phreng ba bcings pa'i phur pa bcu lte ba'i 'og rtse gcig pa'i rnam pa steng dang rang rang gi phyogs kyi khro bo'i gzugs su bsgoms te/rnal 'byor pa'i g.yon pas bzung la g.yas pas gtso bo'i mtshan ma gzhan du gyur pa'i tho ba bzung nas/ srung ba'i 'khor lor gsungs pa'i cho gas dkyil 'khor gyi khang pa'i phyi rol du phur bu gdab cing bsrung bar bya'o//de rnams la thun so sor me tog la sogs pa rnams kyis mchod par bya'o zhes pa phur bu gdab pa'i cho ga'o/ /de nas sa gzhi de dri bzang po dang bdud rtsi lnga dang yi ge gsum bzlas pa rnams kyis byugs pa me tog bkram pa dang ldan par slob dpon khrus byas te/ji ltar rnyed pa'i gos la sogs pas brgyan pa oM AHhUM swA hA/ oM badzra uSh+NI Sha hUM phaT/ zhes pa lan bdun bzlas pa'i gos dmar po'i cod pan can dbus su 'dug nas shar du kha bltas te/ 'khor lo'i dbang phyug gi rnal 'byor dang ldan pas lha'i gnas rnams su bdud rtsi dang tsan+dan la sogs pas byas pa'i maN+Dal rnams su rang gi dam tshig gi 'khor lo ji lta ba'i rnam par bsgoms te/ye shes kyi 'khor lo bcug la mchod pa dang bstod pa dang bdud rtsi myang ba yang byas nas/ bsgoms pa'i phyi rol shar la sogs pa'i phyogs na gnas pa'i zhi ba dang rgyas pa las thams cad pa'i don du lto ba zlum pa sor bcu drug dpangs la sor bcu bzhi/de'i steng du mgrin pa sor drug /mchu'i mtha' nas mchu'i mtha' la kha'i rgya sor brgyad/ mgrin pa'i bu ga la sor bzhi/ mgrin pa'i bu ga'i logs so sor thad kar mchu'i rgya la sor gnyis 'phyang ba'i mchu la sor gnyis lto ba'i 'og nas kha'i mthar bsdus pas dpangs la sor nyi shu 'jim pa dang zangs la sogs pa'i rang bzhin nag po dang rtsa ba med pa las dang rjes su mthun pa'i gzugs su byas te/stong par byas nas baM yig gis rin po che'i gzugs su bsgoms la lha'i mtshan ma bris te dri bzang po'i chu dang bdud rtsi dang rin po che dang sman dang 'bru lnga nang du bcug la yal gas kha brgyan pa phreng ba dang bcas pa'i gos zung gis mgrin pa bcings la/ hUM bdun bzlas pa'i srad bu dkar po rnams kyis/ oM badzra shi kha ra ru Ta ma Ta di shAM ban+d+ha ban+d+ha hUM zhes pa mngon du brjod cing dkris pa rnams bla re'i 'og tu 'chad par 'gyur ba'i rdul tshon gyi dkyil 'khor la mtshan ma dgod pa'i rim pas so so so sor dri bzang po'i maN+Dal gyi steng du rjes su mthun pa'i gdan la bzhag nas lhag par gnas par bya ste mtshan ma bri ba ni/gtso bo'i rnam par rgyal ba'i bum pa la chos 'byung dang sna tshogs chu skyes dang nyi ma la gtso bo'i mtshan ma rdo rje nag po rtse lnga pa'o/ /bum pa gzhan rnams la sna tshogs pad+ma dang nyi ma la gri gug go//mu tig dang gser dang pad+ma rA ga dang byi ru dang mu men rnams ni rin po che lnga'o/ /bri ha ti dang kaN+Da ka ri dang daN+Do ta pa la dkar dmar dang a pa rA dzi ta rnams ni sman lnga'o/ /til dang nas dang mon sran dang 'bras so ba dang gro rnams ni 'bru lnga'o//a mra dang nA ga ge sar dang a sho ka dang a shwad+tha dang u dum bA ra rnams dang gzhan yang rung ste yal ga rnams so/ /bum pa rnams ni lha so so'am yang na snying po'i gnas su bzhugs pa rnams kho na'i lnga ste las thams cad pa'i lhag ma'o/ /med na gtso bo'i gcig pu yang ste de'i tshe gtso bo'i mtshan ma'i g.yon logs su las thams cad pa'i mtshan ma'o//de la 'di ni lhag par gnas pa'i rim pa ste/ thog mar rnam par rgyal ba'i bum pa'i steng du/ oM badzra a mr-i te u da kaHThaHhUM oM AHhUM zhes pa dag gis lan bdun bzlas te/ye shes kyi bdud rtsir byas pa rdo rje'i rdul phra rab kyi rang bzhin ji ltar rnyed pa'i bdud rtsi lnga dang dri bzang gi chu dang ldan pa hUM bsngags pa'i pad+ma'i snod dang me tog phreng ba bcings pa'i rdo rje bzhag nas bum pa'i nang du oM ta p+he ta p+he swA hA zhes pas bkug pa'i lha'i dkyil 'khor 'gro ba'i chu'i rang bzhin gyi chu la skad cig gis rten dang bcas pa lha'i 'khor lo rnam par bsams te/rang gi snying ga'i sa bon kyi 'od zer gyis bkug pa'i ye shes kyi 'khor lo bltas la zhabs bsil la sogs pa sngon du 'gro bas/ de la gzhug cing de'ang chags pa chen pos zhu bar gyur te sngar blugs pa'i chu dang ro gcig tu gyur pa dang /mtshan ma la yang dam tshig gi lha dang ye shes kyi lha gcig tu gyur par rnam par bsams la/ rdo rje la btags pa'i me tog phreng ba'i mtha' nas g.yon pa'i khu tshur gyis hUM gi sngags kyis bzung ste/'khor lo'i dbang phyug gi snying po brgyad dang bcas pa'i brgya bzlas nas dum skyes mas bsngags pa'i me tog chu la bskyur bar bya'o/ /de ltar bum pa gzhan la yang ste/ chu la mngon par bsngags pa ni rang rang gi sngags kyis so/ /de nas de rnams la me tog phreng ba la sogs pa rnams kyis yang dag par mchod nas las thams cad pa'i chus bsangs te/bum pa 'dir ji srid dkyil 'khor la sogs pa'i bya ba rnams ma rdzogs pa de srid du bgegs rnams bzlog par mdzod cig zhes brjod la gtor ma phul te nye reg byas nas rkang pa brgyad pa'i sngags kyis bstod cing dril bu dkrol bar bya'o//de rnams las chu cung zad blangs te thod par blugs nas shar sgo'i byang logs su man+dzi'i steng du gzhag bar bya ste/ rang dang slob ma rnams kyi bsang gtor gyi don du'o/ /bum pa rnams kyi mchod pa dang sngags la sogs pa nyi ma so sor bya'o zhes pa bum pa lhag par gnas pa'i cho ga'o//de nas sa de'i dbus su 'dug nas maN+Dal byas la baM las byung ba'i sa'i lha mo bsgoms te/ lag pa g.yas par zla ba la hUM gsum bsams nas/ sor mo'i rtse mo gsum bsnun pas de'i sgra dang sngags kyi 'od zer rnams kyis kyang bskul nas 'thon pa'i ye shes sems dpa'i gzugs dang sa'i lha mo lhan cig tu gyur te/dga' ba dang 'brel ba'i thugs can ser mo zhi ba na bza' dkar mo rgyan sna tshogs dang ldan pa g.yon pa dang cig shos kyi phyag gnyis kyis gser gyi rang bzhin gyi bum pa bzang po 'dzin pa dang mi 'jigs pa/zhal gcig ma'i mdun du 'dug pa la mchod yon la sogs pa rnams kyis yang dag par mchod de gus pa dang bcas par/ oM tshur gshegs tshur gshegs sa yi ni/ /lha mo chen mo 'jig rten yum//rin chen rang bzhin kun gyis gang / /lha yi rgyan gyis brgyan pa yi/ /do shal rkang gdub sgra dang ldan/ /rdo rje sems dpa' rab mchod ma/ /mchod yon 'di ni bzhes nas su/ /dkyil 'khor bya ba legs par sgrubs/ /hI hi hi hi hAM swA hA/zhes pa lan gsum brjod de spyan drangs pa dang nang du nye bar gnas par gsol ba'i lhag par gnas par bya'o/ /de yang de ltar mdzod ces brjod nas de nyid du thim par bsams te rdo rje bcing ba 'og tu byas la des sa gzhi mnan la/ oM badzrI b+ha ba hUM lan gsum mngon par bsngags te rdo rje bcing ba las mngon par mthon pa'i hUM yig 'bar ba'i tshogs rnams kyis sa 'og gi bar du rdo rjer byas par bsgoms la/oM badzra dri D+ha tiSh+Tha zhes pa lan gsum brjod cing byin gyis brlab par bya ste/ de ltar sa rang nyid kyir 'gyur ro/ /nor 'dzin ma lhag par gnas pa'i cho ga'o//de nas sa de dri la sogs pas byug cing me tog rnams gtor ba'i shar du 'dug nas/ nub du bltas te dbus su bdud rtsi lnga dang bcas pa'i dri rnams kyis gtso bo la sogs pa lnga'i gnas su gru bzhi dang gzhan rnams la zlum po'i maN+Dal byas la/de rang rang gi snying ga'i sa bon gyi 'od zer gyis bkug pa'i bcom ldan 'das spyan drangs te/ mchod yon la sogs pa sngon du 'gro bas yang dag par mchod cing bstod de bdud rtsi myangs nas pus mo g.yas pa sa la btsugs te/ hUM las skyes shing des byin gyis brlabs pa'i lce rdo rje rtse gcig pa dang lag pa g.yas par spos phor thogs te/g.yon pas dril bu 'khrol zhing / bcom ldan 'das bde mchog rdo rje mchog /rig pa'i rgyal po phyag 'tshal bstod/ /mgon po thugs rje'i bdag nyid can/ /dkyil 'khor dag ni 'bri bar 'tshal//sems can rnams la brtse don dang / /khyed rnams la ni mchod phyir yang / /bdag gus de la bcom ldan 'das/ /bka' drin dag ni bya bar 'os/ /bdag la dgongs mdzod sangs rgyas ni/ /'gro ba'i 'khor lo bya don stsol/ /byang chub sems dpa' 'bras gnas dang //gang gzhan sngags kyi lha rnams dang / /lha dang 'jig rten skyong rnams dang / /'byung po rdzogs pa'i byang chub gnas/ /sems can bstan la mngon dga' dang / /gang su lha yi spyan mnga' rnams/ /bdag ni che ge rdo rje che/ /bde mchog 'byung ba'i dkyil 'khor ni//nye 'khor ji ltar nus pa las/ /'gro ba sbyang slad bri bar bgyi/ /de phyir slob mar bcas bdag la/ /rjes su brtse bas nyer bzung ste/ /dkyil 'khor dang bcas thams cad ni/ /nye bar gnas par mdzad par 'os/ /zhes pa don yid la brnags pas lan gsum brjod cing gsol ba gdab par bya'o zhes pa lha lhag par gnas pa'i cho ga'o//de nas lhag par gnas pa'i lha'i 'khor lo yang dag par mchod de ye shes kyi thig la sogs pa'i don du dkyil 'khor gyi sa'i steng gi nam mkhar bkod la rang gis dbang bskur pa'i slob ma kho na sgo'i slob dpon bzhi dang las kyi rdo rje gcig gis dbye bas lnga rnams dang med na gcig gis kyang ste/shar du kha bltas pa dkyil 'khor gyi dbang phyug gi rnal 'byor dang ldan pas/ gzhon nu mas byas pa'i srad bu lnga lnga rnams snod lngar bzhag la/dkar po dang ser po dang dmar po dang ljang gu dang nag po dang dri dang kha dog bzang po rnams dang yung skar dang bdud rtsi lnga bsres pa so so so sor kha bsgyur te/ lag pa g.yon pa'i sor mo'i rtse mo na sa mthe bor gyi rta bar ji srid par rim pas bkod la/ /b+hUM oM hrIH hA hUM las skyes pa'i de bzhin gshegs pa lnga rdzogs pa nam mkhar bzhugs pa rang rang gi phyogs kyi de bzhin gshegs pa 'dus par gyur pa'i de bzhin gshegs pa lnga'i thugs ka rnams su b+h+rUM la sogs pa las skyes pa'i 'od zer gyi rang bzhin ye shes kyi srad bu rnams bltas nas/oM AH shA shwa ta badzra sU traM me pra yats+tsha ma hA maN+Dal sU tra NA ya hUM/ zhes pa 'di yis brtag pa'i ming yongs su bsgyur te/ rin chen 'byung ldan la sogs pa rnams la yang gsol ba btab la/ dzaHyig las skyes pa'i zla ba dang nyi ma ser po'i mig gnyis/oM dIp+ta dr-iSh+Ta aM ku shi dzAHzhes brjod cing mig shin tu myur bar g.yo ba rdzi ma 'debs pa 'bar ba'i spyan gyi lta stangs lcags kyu lta bus rnam par snang mdzad la sogs pa bskul te/ rang gi lag par gnas pa'i srad bu rnams la ji lta ba bzhin bcug nas/dum skyes ma'i gzugs kyis slob ma dang lhan cig oM a no n+ya a nu ga tAHsarba d+harmAHs+pha ra s+pha ra a nu phra piSh+TAH sarba d+harmA a t+yan ta a nu pra biSh+TAH sarba d+harmA oM AH hUM zhes pa brjod cing thog mar srad bu lnga lnga re re rab sgril nas lnga rnams gcig tu bsgril bar bya'o//bla ma dang slob ma'i lag pas non pa lhag pa'i cha ma gtogs pa ring ba dkyil 'khor nyis 'gyur dang / sboms su sgo'i nyi shu cha ji lta ba bzhin 'gyur ro/ /de'i rjes la sngar gyi sa gzhir dri nye bar byugs pa'i snod gtsang mar dri bzangs la sogs pas spangs la/yi ge gsum dang ldan pa me tog la sogs pa rnams kyis mngon par mchod de/ lag pas mnan la dum skyes mas bsrungs nas g.yas pa dang cig shos kyi mig dag la/ ma dang Ta yig las skyes pa'i nyi ma dang zla ba blta zhing sngar bzhin badzra driSh+Ti ma Ta ces brtan par byas la khaN+Da ro ha bzlas pa'i bdud rtsi'i chu bran te/lag pa g.yas pa rdo rje dang bcas pas reg cing oM badzra sa ma ya sU tra mA ti kra ma hUM zhes pa 'di bzlas nas yi ge gsum brgyad dang bcas pa brgya rtsa bsngags la lhag par gnas par bya'o/ / de nas oM sarba saM sho d+ha ni hUM phaT ces pa'i sngags kyis dang / bum pa thams cad kyi chus maN+Dal lnga byas pa'i phyogs kyi rnam par dbye bar sa la bsang gtor bya ste/ dri yis nye bar byugs pa phyi rol du me tog gtor ba'i nam mkhar 'dri bar 'gyur ba'i dkyil 'khor bltas la/mchod yon la sogs pa sngon du 'gro bas yang dag par mchod cing phyag 'tshal nas/ rang de'i rnal 'byor dang ldan pas slob ma las thams cad pa'i gzugs su bltas te/ rang dang de'i g.yon pa dang cig shos kyi mig dag dzaHyig las skyes pa'i zla ba dang nyi ma ser po dag bsams la/rdo rje'i rkang stabs kyis thig skud g.yon pa'i khu tshur gyis bzung ba lte bar 'dzin pa dang de bzhin du slob ma ste thig skud dzaH yig rnams dang / dzaH yig gsum gyis bskul zhing / slob mas kyang dzaH yig gsum gyis dang / dzaH yig rnams kyis bkug la mngon du phyogs par gnas pa nub phyogs su gnas pa shar du ba lta ba dang lhor gnas te byang du blta bas tshangs thig gnyis lte ba dang mnyam pa'i bar snang la gdab ste/oM badzra sa ma ya sU tra mA ti kra ma hUM hUM oM swA AHha ces pa brjod cing lag pa g.yas pa rdo rje dang bcas pa'i mthe bong dang sor mo dag gis thig skud bzung la se gol gyi sgras bskul bas nam mkhar bzhugs pa'i de bzhin gshegs pa rnams nang du thim par bsgom zhing se gol gyi sgra bya'o//de nas bla ma dang slob ma'i g.yon pa'i khu tshur gyis thig skud mnyam par mnan pa'i lag pa dag gis nam mkha' ltar sa la tshangs thig gnyis 'od zer gyi phreng ba ji srid pa dang /me'i zur du gnas pa dang bden bral gyi zur du gnas te/ rlung dang dbang ldan gyi zur gyi thig gnyis mda' yab kyi thig bar du btab nas me'i zur du gnas te byang du bltas pas shar la rtsa ba'i thig dang rlung du gnas te lhor blta bas nub la'o//de nyid du gnas te shar du blta bas byang la'o/ /slar yang me'i zur du gnas te nub du blta bas lho ru ste/ rtsa ba'i thig bzhi 'khor lo'i tshad du gdab par bya'o//bskor ba ni thams cad du g.yas bskor gyis chos thams cad mnyam pa nyid du lhag par mos pas so/ /nye bar 'dug pa yang slob dpon g.yon pa skyil krung phyed pa byas nas g.yas pa'i zhabs sa la btsugs la nye bar 'dug ste/ slob ma de las bzlog pas so//g.yon pa rdo rje khu tshur gyis thig bzung la/ rgyab nas 'gro zhing nam mkha'i thig lhag par mos pa yang thig gdab pa thams cad la'o zhes shes par bya'o/ /de nas 'khor lo brgyad chas tshangs pa'i logs gnyis nas cha chung gnyis kyis cha chung bzhi bcom ldan 'das kyi sku dang thar pa'i sgo'i gegs su gyur pa'i bdud bsal bar bya'o zhes lhag par mos pa las/hIHyig gis g.yon pa dang cig shos kyi mig dag zla ba dang nyi mar bskyed nas/ khro bo'i lta stangs kyis kun du blta zhing hI hI zhes brjod de phyis la/rtsa ba las phyir gcig gnyis gcig /gnyis gcig gcig gi bar rnams kyis/ /zur nas thad kar thig drug rnams/ /tshangs pa las rim ring ba las/ /dang po thig gnyis cha chung gsum/ /cha chung gnyis pa'i rtser reg pa'o/ /cha chung bdun gyi bar gyis te//stegs bu'i thig las drang po gsum/ /srid du cha chung lnga yin te/ /cha chung re re spangs par ro/ /thad ka'i thig rtse las phrad pa/ /de rnams dang po'i thig yin no/ /rtsa ba'i rtse las 'thon pa'i thig /cha chung bzhi po cha chung gnyis/ /thad ka steng du'o thad kar de//cha chung brgyad pas yang dag sbyar/ /cha chung brgyad pa'i steng du gdung / /cha chung bcu par shes par bya/ /de nas rta babs thad kar ni/ /sgo gsum steng du cha chung bzhi/ /nor dang nor dang nyi ma dang / /rgyal ba nor dang rgyal ba dang / /nyi ma nor dang nyi ma dang / / rgyal ba nor rnams rim pa las/ /sgo yi cha shas steng du der/ /de ltar snam bu bcu gcig go/ /tshangs pa'i logs su thad kar ni/ /phyed bcas cha chung chu gter mthar/ /cha chung phyed bcas gnyis snam bu/ /thig ni phyed bcas gsum gsum mo/ /cha chung lnga las gnyis pa dang //gsum pa yang ni cha chung gsum/ /cha chung bzhi las bzhi pa gsum/ /cha chung phyed bcas gsum la mda'/ /phyed bcas gsum mo gsum las drug /cha chung lnga po de las gsum/ /cha chung brgyad de cha bdun gcig /mthar ni cha chung drug pa'o/ / phyi rol dang ni nang du gcig /thig skud rtse mor yang dag son/ /slar yang nang du 'khyog po ste/ /cha chung phyed mthar yang dag gnas/ /rta babs steng du 'khor lo ste/ /ri dgas brgyan pa cha chung gnyis/ /'khor lo'i steng du de bzhin rwa/ /de bzhin du ni zlum po bzhi/ / dang po rwa rtse nas lhag ma/ /cha chung gcig dang gcig nyid las/ /zlum po'i thig ni dkyil 'khor gyi lte bar seng ldeng gi phur pa steng dang 'og rtse mo lnga pa gcig pa hUM las skyes pa bltas nas/ phur pa gdab pa'i sngags kyis brgyad dang bcas pa brgya bzlas te/ brdung ba'i sngags kyis rdo rje tho bas brdungs la/de nas brtags pa'i sngags nyis lnga ba tu byas pa'i thig skud kyis so/ /de nas thig skud la gtor ma sngon du 'gro bas yang dag par mchod de/ oM AHhUM badzra muHzhes gshegs la nam mkhar bzhugs pa'i de bzhin gshegs pa'i thugs ka rnams su bkod nas/tshon sna lnga'i srad bu gnas ji lta bar gzhag par bya'o zhes pa thig gdab pa'i cho ga'o/ /de nas gtor ma phul te/ 'bras la sogs pa la byas pa/ baM laM raM haM yaM las skyes pa/ dkar po dang ser po dang dmar po dang ljang gu dang nag po'i tshon ji lta ba bzhin rang gi sa bon las grub pa rnam par snang mdzad la sogs pa'i rang bzhin rnams la thig 'dus byas par gsungs pa'i cho gas spyan drangs te bcug pa'i ye shes kyi tshon dang ro gcig tu gyur cing rnam par snang mdzad la sogs pa'i sa bon bzlas pa rnams la/oM badzra tsi tra sa ma ya hUM zhes pa brgya rtsa brgyad bzlas nas/ sngar bzhin 'bar ba'i lta stangs kyis gzi brjid bskyed de so so la hUM yig bkod la/ rdul tshon mang po'i bden pa gang gis sems can dang sangs rgyas bcom ldan 'das rnams sems can la chags pa dang /rjes su chags pa'i bden pa des rdul tshon 'bar bar gyur cig ces bden pa'i byin gyi rlabs kyis rab tu sbar te/ me tog la sogs pas mngon par mchod la snod gsar par gzhag par bya'o/ /de nas dkyil 'khor gyi lte bar gnas pa'i phur pa 'chad par 'gyur ba'i hUM yig bzhi'i sngags kyis bton la/rang gi lag pa'i rdo rje la blos nang du bsgoms nas phur bu'i khung bu rdul tshon lnga rnams kyis kun du bkang zhing mnyam par bya ste/ dril bu'i sgra dang rdo rje'i glu rnams kyis mtshan ma ngan pa bsal la/ / 'di ni chos dbyings dag pa ste/ /sems can khams ni rab grol byed/ /rdo rje 'dzin pa'i rgyal po rang / /de bzhin gshegs pa kun gyi gnas/ /nyes pa kun las rnam grol ba/ /'khor lo'i nang du yang dag gnas/ /zhes chos kyi dbyings rnam par dag par lhag par mos shing /dang por dkyil 'khor gyi nang du 'dug ste/ lag pa g.yas pa rdo rje dang bcas pa g.yon pa rdo rje khu tshur/ oM badzra tsi tra sa ma ya hUM/ zhes brjod cing kha shar du bltas la dbang ldan nas brtsams la g.yas skor du kha dog lnga'i tshon cung zad tsam gdab par bya'o//phyi nas gzhan nam rang gis kyang zhes pa ji ltar bde bar ro/ /re khA rnams kyang sboms pa dang phra ba dang chad pa dang 'khyog pa dang phan tshun 'dres pa ma yin pa ste thams cad sgo'i nyi shu cha'o/ /'jug pa dang 'thon pa la yang rdul tshon gyi re khA yid kyis nam mkhar bteg nas/oM badzra be gA kra ma hUM zhes pa'i thig la sogs pa 'gom pa'i nyes pa zhi bar bya ba'i phyir brjod par bya'o/ /de la thog mar sna tshogs rdo rje'i lte bar sna tshogs chu skyes kyi ze'u 'brur nyi ma ser po la/ bcom ldan 'das kyi rdo rje drag po rtse lnga pa sngon po'o//shar dang byang dang nub dang lho'i 'dab ma dmar po rnams la mkha' 'gro ma la sogs pa rnams kyi gri gug go/ /me dang bden bral la sogs pa phyogs bral gyi 'dab ma ser po dang / ljang gu dang ser po dang nag po char sprin lta bu rnams so/ /'dab ma'i phyi rol rtsa ba'i thig gi nang du g.yon skor gyis shar la sogs pa'i sa ni rnam par snang mdzad dang don yod grub pa dang snang ba mtha' yas dang rin chen 'byung ldan gyi kha dog go//shar la sogs pa'i sgo rnams su khA gdong ma la sogs pa rnams dang / me la sogs pa'i zur rnams su gshin rje brtan ma la sogs pa rnams kyi g.yon dang cig shos kyis bskor bas sna tshogs chu skyes dang nyi ma la gnas pa'i gri gug go//sgo'i logs gnyis su bum pa brgyad do/ /rtsa ba'i thig las phyi rol rdul tshon gyi snam bu las so/ /nang nas brtsams te nag po dang ljang khu dang dmar po dang ser po dang dkar po'i re khA rnams so//de'i phyi rol gyi stegs bu ji ltar mdzes pa'o/ /sgo dang sgo khyud kyi mtshams su zla ba'i cha la gnas pa'i rin po che rnams dang steng du rdo rje phyed po rnams so/ /rta babs kyi kyog po'i nang gi nam mkha' dang ka ba rnams kyang rang rang gi phyogs kyi de bzhin gshegs pa'i kha dog ste/gru bzhi pa'i stegs bur gnas pa'i bum pa la gnas pa rtsa ba dang rtse mor nor bu bcings pa dang ldan pa'o/ /dar dpyang gi snam bu la glang po che'i steng du seng ge'i kha nas 'phyang ba'i rin po che'i do shal lo//rin chen snam bu la zur du zur gsum dang / gru bzhi dang thig le dang / zlum po rnams rim pas rin po ches bcings pa'o/ /dra ba'i snam bu la gser gyi rked dkris bzhi la btags pa chu srin gyi kha nas byung ba'i srad bu dmar pos brgyus pa'i mu tig gi dra ba ste/nor bu'i chun po gser gyis bcings pa gnyis dbus su gnas pa'o/ /dra ba'i logs dag tu gser gyis bcings pa'i nor bu sbom pos rtse mo mdzes pa'i dra ba phyed pa'o/ /'ga' zhig tu dril bu'i nang du rnga yab dang cung zad thung ba'i rin po che'i phreng bas logs gnyis brgyan pa'o//'ga' zhig tu me tog gi phreng bas logs gnyis brgyan pa'o/ /dra ba'i nang du pad+ma dang zla ba'i cha rdo rje phyed pas mtshan pa'i rin po che'o/ /'ga' zhig tu nyi ma'i dkyil 'khor ro/ /'ga' zhig tu pad+ma la gnas pa'i rdo rje'o/ /ba ku li rnams dkar po'o//mda' yab rnams ni dkar po pad+ma'i 'dab ma phyed pa'i dbyibs so/ /sgo logs kyi steng du gdung gi snam bu la rin po che sna tshogs pa'i pa tra dang ldan pa'i gdung ngo / /de'i steng du bar snang gi snam bu sngon po'o/ /mnga' yab rnams la phyogs brgyad du gser la sogs pa gang yang rung ba'i bum pa la gnas pa'i rgyal mtshan dang ba dan rnams te/zla ba tshes pa dang rin po che dang rdo rje dang ldan pa/ rin po che'i dbyug pa'i rtse mor btags pa'i dril bu las 'phyang ba'i lce gcig pa dang gnyis pa'i rtse mor ri dgas kyi rgyal po dang ngang pa'i rgyal po dang rma bya dang nya dang chu srin gyis mtshan pa rnams so//de bzhin du ba dan yang ste mtshan ma dang bral ba'o/ /zur rnams su gdugs dag go/ /rta babs kyi snam bu bcu gcig po rnams la ka ba'i rtse mo nas brtsams te rim pas ba ku li dang rin po che dang rta rmig dang gser dang chu srin dang yang gser dang rta rmig dang rin po che dang rta rmig dang gser dang mda' yab rnams so//mda' yab kyi snam bu la gnas pa'i pad+ma dang zla ba'i gdan gyi steng du gser gyi 'khor lo rnams so/ /'khor lo'i logs gnyis su gser gyi rang bzhin ri dgas dang ri dgas mo dag 'khor lo la mngon du phyogs pa mgrin pa stod de nyal ba ji ltar mdzes pa'o//'khor lo'i steng du sna tshogs rdo rje'i rwa cha chung gnyis pa rang gi phyogs kyi de bzhin gshegs pa'i kha dog go/ /rta babs kyi logs gnyis su gnas pa'i rwa kyog po ste de las tshu rol du mda' yab rnams la ri dgas mo'i mjug ma'i logs su gnas pa'i spre'us yu ba nas 'dzin pa'i gdugs rnams te ji ltar mdzes pa'o//gzhal yas khang gi zur dang nye ba rnams su dpag bsam gyi shing rnams so/ /sna tshogs chu skyes kyi ze'u 'bru ljang gu ge sar ser po 'dab ma rnams kha dog sna tshogs pa ste/de'i sa ni dkar dmar ro/ /rdo rje phreng ba'i re khA nag po ste/ rtse mo gsum pa 'am lnga pa'i rdo rje rnams so/ /de yi sa ni ji ltar mdzes pa'o/ /'od zer ni kha dog lnga pa'o/ /de'i phyi rol du dur khrod rnams bri bar bya'o//skal ba dang mi ldan pa 'dus pa med na ste gzhan du ma yin no/ /de yang rgyud kho nar shes par bya'o/ /de nas las thams cad dang hUM yig gis kyang bzlas pa'i dri chu bdud rtsi lnga dang bcas pas dkyil 'khor gyi phyi rol du byugs nas de bzlas shing chu yis 'khor lo la bsang gtor byas te rdul tshon lhag ma yang dag par mchod la/oM AHhUM badzra muHzhes ye shes kyi rdul tshon gshegs shing snod na gnas pa rnams dben par gzhag par bya'o zhes pa rdul tshon gdab pa'i cho ga'o/ /de nas sngar lhag par gnas pa'i rnam rgyal gyi bum pa dkyil 'khor gyi 'khor lo la g.yas skor byas nas/'od zer phreng ba'i phyi rol gyi sa la ste/ dur khrod yod na de'i phyi rol du dkyil 'khor gyi shar sgo'i thad ka las cung zad g.yas su gzhag par bya'o/ /g.yon du mkha' 'gro ma'i dang las thams cad pa ste g.yas skor du'o//g.yas su khwa gdong ma yi'o/ /byang sgo'i g.yon du lA ma'i dang g.yas su 'ug gdong ma yi'o/ /nub sgo'i g.yon du dum skyes ma'i dang g.yas su khyi gdong ma yi'o/ /lho sgo'i g.yon du gzugs can ma'i dang g.yas su phag gdong ma yi'o//me la sogs pa'i mtshams rnams su gshin rje brtan ma la sogs pa'i bum pa rnams so/ /zur gyi bum pa bzhi rnams la mda' bya rgod ma bzhi ste/ oM badzra yak+Sha hUM zhes pa'i sngags kyis gzhag par bya'o zhes pa bum pa dgod pa'i cho ga'o/ /de'i rjes la bla re dang gdugs dang rnga yab la sogs pa rnams hUM yig gis bsngags te oM badzra sba ra Na khaM zhes pa'i sngags kyis spros la de rnams kyis ji ltar nus pa dang ji ltar mdzes pa bzhin mchod pa byas nas/slob dpon khrus la sogs pa byas te las thams cad pa bzlas pa'i chus dkyil 'khor la bsang gtor byas shing /de nyid kyis bsrungs la dkyil 'khor gyi shar du zhal nub tu phyogs par 'dug ste/ rdo rje dril bu dang bcas pas 'khor lo'i dbang phyug gi bdag nyid can bris pa'i dkyil 'khor skad cig la stong par byas nas/ srung ba'i 'khor lo dang bgegs la phur bu gdab pa la sogs pa cho ga thams cad tshang bar bsgoms la/dkyil 'khor gyi rang bzhin du nges par byas te/ rab tu bsgrubs pa phyi'i phyag rgya'am ye shes kyi phyag rgya dang lhan cig rab tu dga' ba'i sgras spyan drangs pa'i ye shes kyi 'khor lo la mchod yon la sogs pas yang dag par mchod nas nang du bcug ste/chags pa chen pos zhu bar gyur pa rdo rje'i lam nas pad+mar phyung ba/ ye shes kyi 'khor lo'i bdag nyid can spros nas/ dam tshig gi 'khor lo la gnas ji lta bar rab tu bzhugs par rnam par bsam zhing /mig la sogs pa byin gyis brlabs pa'i de ma thag rang gi snying ga'i sa bon gyi 'od zer gyis spyan drangs pa'i de bzhin gshegs pa rnams kyis dbang bskur ba dang rgyas gdab par bya'o/ /de nas spros pa'i lha mo rnams kyis mchod nas/shI ta li ka'i gos zung la sogs pa dang / bza' ba dang bca' ba la sogs pa'i nus pa ji lta bas rab tu mchod la/ phyi rol gyi rnal 'byor ma rnams kyis gar la sogs pas mchod de/ dril bu dkrol zhing rkang pa brgyad pa'i sngags kyis bstod nas rang gi shes rab ma'i me tog dang byang chub kyi sems pad+ma'i snod du bzhag la bdud rtsir byas te dbul bar bya'o//bdud rtsi de myangs pas tshim par gyur nas bde ba chen po'i rang bzhin du lhag par mos pa bya zhing / 'khor lo'i dbang phyug gi sngags brgya rtsa brgyad dang /gzhan rnams kyi nyi shu rtsa re re dang yi ge brgya ba yang bzlas te/ 'chad par 'gyur ba'i gtor ma'i le'u'i cho gas 'byung po thams cad pa'i gtor ma dbul bar bya'o/ /de'i rjes la lag pa g.yas pa gan rkyal du byas la/ gung mo dang ming med cung zad bkug pa kha'i mngon du byas te/de'i gru mo pus mo'i bar du byas la/ tsog pur 'dug cing mi smra bar lag pa'i rtse mo zhal la mang du byab cing / lan gsum rna ba dag dang mig dag dang sna dang kha dang lag pa dang lte ba dang spyi bor yang reg par bya'o zhes pa nye reg bya ba'o/ / de nas 'jig rten gsum las rnam par rgyal ba'i rnal 'byor dang ldan pas me tog gi phreng ba bzung ste/ oM sum+b+ha zhes pa la sogs pa zhal bzhi pa'i sngags brjod cing / rdo rje'i shugs kyis dkyil 'khor du zhugs nas rdo rje gsor zhing dril bu dkrol te/ oM hUM phaT/ oM hUM AHphaT/ oM hUM AHphaT/ oM hUM ha na mA ra ya duSh+TAn g+hA ta ya g+hA ta ya AHAHhUM hrIHphaT/ ces pa'i sngags bzhi rim pas shar dang lho la sogs pa'i sgo'i slob dpon rnams kyis brjod pa dang lhan cig rdo rje'i rkang stabs kyis g.yas skor gsum byas nas/ bcom ldan 'das la phreng ba phul la nub dang byang la sogs pa'i sgor gnas te/shar dang lho la sogs pa'i sgor oM badzra ut+b+ha Ta ya sa ma ya pra be sha ya hUM zhes pa'i sngags kyis phye bar bltas nas/ oM sa ma yaM pra bi shA ya mi zhes brjod de/ slar gar byed cing phreng ba blangs la rang gi spyi bor bcings nas 'khor lo la phyag 'tshal te/sems can thams cad la dngos grub rab tu stsal du gsol zhes gsol ba gdab cing bsam gtan dang bzlas pa bya'o/ /dkyil 'khor gyi lha rnams dang phyogs kyi bdag po rnams la ji ltar nus pa'i ba dan yang dbul bar bya'o zhes pa dkyil 'khor bsgrub pa'i cho ga'o//de ltar rdzogs pa'i dkyil 'khor du rab tu gnas pa dang / dbang bskur ba dang / /sbyin sreg la sogs pa dang / rang la dbang bskur ba yang byas nas/ sngon du tshogs kyi 'khor lo bya ste dkyil 'khor gshegs par bya'o//de la gshegs pa ni 'di yin te phyi rol du phyogs skyong gi gtor ma dang mchod pa la sogs pa byas la/ nang du zhugs te 'khor lo la phyag 'tshal zhing 'khor lo'i dbang phyug la mchod yon la sogs pa phul te/ dge ba yongs su bsngos la bskor ba gsum byas nas shar gyi sgor bcom ldan 'das la mngon du phyogs par 'dug ste/yi ge brgya pa brjod la/ nus pa med pa dag gis gtso/ /ma rnyed pa dang ma 'tshal nas/ /ma tshang ba dang lhag pa gang / /bgyis pa de dag bzod par 'os/ / sngags nyams pa dang bya ba nyams/ /gang yang cho ga nyams gyur pa/ /de ni dpa' bos bzod par 'os/ /mchog gi dbang phyug bka' drin mdzod/ /ces pa 'dis bzod par gsol nas oM badzra muHzhes pa la sogs pa dang oM AHhUM zhes pa 'dis kyang ye shes kyi 'khor lo gshegs shing rang gi sprul pa'i 'khor lo bdag nyid kyi nang du bsgoms te/oM a kA ro mu khaM sarba d+harmA NAM/ A d+ya nut+pan+na twAta oM AHhUM phaT swA hA/ oM la'aHhUM muHzhes brjod cing chos thams cad skye ba med par lhag par mos te/ dril bu 'khrol zhing lag par gnas pa'i rdo rjes shar sgo nas brtsams nas tshangs thig gi lam nas gtso bo'i gnas ji srid pa phyis la rang gi spyi bor rdul tshon cung zad tsam bzhag nas pad+ma la sogs pa dbyi bar bya'o//de nas sgo dang zur rnams lag par gnas pa'i rdo rjes gzhig par bya'o//de'i rjes la oM badzra kI la ya uta kI la ya/ sarba kI lan badzra d+ha ra Adz+nyA ya hUM hUM hUM hUM phaT hoHzhes pa hUM yig bzhi'i sngags kyis phur pa rnams bton nas/ oM ru ru s+phu ru dz+wa la taSh+Thi sid+d+ha lo tsa ni sarba ar+tha sA d+ha ni swA hA/ zhes brgya rtsa brgyad bzlas pa'i 'o mas khrus byas te phur pa'i lha rnams kyang gshegs la/de'i khung bu rnams bkang nas thams cad rnam rgyal gyi bum pa'am bum pa gsar pa gzhan la gos kyis brgyan par blugs te 'od li la gzhag nas rnal 'byor ma sbyin bdag gis byin pa'i gos dang ldan pas 'dzin pa/'do li la gnas pa'i slob dpon nam slob mas dril bu'i sgra dang bkra shis kyi glu dang rol mo dang gdugs dang rgyal mtshan la sogs pa rnams kyis mdun du bdar ba/ chu bo chen po dang rgya mtsho'i chu ngogs su 'dug ste/ ba'i lci bas byugs pa'i dkar po'i dri rnams kyis maN+Dal byas nas/pad+ma'i dbus su rdo rje sems dpa' dang / shar la sogs pa phyogs rnams kyi 'dab ma rnams la g.yon skor dang dbang ldan la sogs pa phyogs bral gyi 'dab ma rnams la g.yas skor gyis rim pa bzhin mtha' yas dang nor rgyas dang 'jog po dang pad+ma dang pad+ma chen po dang dung skyong dang stobs kyi rgyu dang ma dros pa rnams/dkar po dang sngon po dang dmar po dang ljang gu dang ser po dang dud kha dang ljang khu dang ser po rnams te/ lte ba las steng du mi'i cha byad can thal mo sbyar ba spyi bor gdengs ka dang ldan pa bcom ldan 'das la mngon du phyogs pa/rang dang 'dra ba'i mdzes ma'i phyag g.yon pas 'khyud pa rnam par bsams la/ oM AHbadzra ba ru NA ya hUM swA hA/ oM AHA nan+tA ya hUM swA hA/ de ltar rang rang gi ming rnam par spel ba'i sngags rnams kyis me tog dkar pos yang dag par mchod nas/lag pa g.yon pas gdengs ka'i tshul gyis bstan cing lag pa g.yas pa brkyang ste/ oM A nan+ta/ bA su ki/ tak+Sha ka/ karko Ta/ pad+ma/ ma hA pad+ma/ shaM kha pA la/ ku li ka/ pA la de ba ti/ ma hA de ba ti/ so ma shi khi/ ma hA so ma shi khi daN+Da d+ha ra ma hA daN+Da d+ha ra/ a pA lA ya hUM lu Na Da nan+da/ u ba nan+ta/ sA ga ra/ ma hA sA ga ra/ tap+ta/ ma hA tap+ta/ shrI kAn+ti/ ma hA kAn+ti/ rat+nakAn+ti/ su ru pa ma hA su rU pa/ b+ha drA hi ka/ma ho d+ha ra shi li/ ma hA shi li/ oM bak+Sha/ A gats+tsha A gats+tsha ma hA nA ga a d+hi pa ti/ sarbaHb+hur b+hu ba phaiM hUM swA hA/ zhes pa klu'i gtor ma'i sngags brjod cing de rnams la 'o ma dang 'o ma'i gtor ma byin nas mchod de/ de rnams la rdul tshon bskur bar bya zhing de rnams kyis kyang bkur sti chen pos spyan 'dren par bsams la/chu la bskur bar bya'o/ /rdul tshon khyer ba'i bum pa yang chus bkang la de kho na ltar spyan drangs la de'i chus zhi ba'i don du dkyil 'khor gyi khang pa la sogs pa bsang gtor bya'o/ /dkyil 'khor gyi khang par ba'i lci ba byugs la gzhon nu ma rnams la ston mo bya'o zhes pa dkyil 'khor gyi nye bar bsdu ba'o//le'u bcu bdun pa'i rnam par bshad pa'o// //slob dpon gang gis ji ltar bya/ /zhes pa la sogs pa zhu ba bzhi pa'i lan gdab pa'i phyir gsungs pa de nas zhes pa la sogs pa'o//de la dul ba zhes pa la sogs pa nas rig par bya zhes pa'i bar ni slob dpon gyi mtshan nyid do/ /slob dpon gyis ni zhes pa la sogs pa dge ba'o zhes pa'i bar ni slob ma'i mtshan nyid do/ /thal mo sbyar zhes pa la sogs pa lhag mas ni dbang bskur ba'i grangs cho ga dang bcas pa ste dbang bzhi pa yang ngo //snyan pa ni ngag snyan pa'o/ /sems can la bu bzhin du zhes pa rab tu 'jug ces pa lhag ma'o/ /sems ni mnyam nyid phyag rgyar ldan/ /zhes pa sems 'di mnyam pa nyid kyis rgyas btab ces pa ste/dgra dang bshes dang bran mo rnams la byams pa'i sems so/ /dbang po zhes pa la sogs pa dbang po thams cad yang dag par rdzogs pa'i lus zhes pa'i don to/ /dbang bskur don gyi de nyid shes/ /zhes pa dbang bskur ba dang de'i don gyi de kho na nyid yang ste de shes pa'o//rtag par rgyun du gnas bsten pa/ /zhes pa gnas la sogs pa bsten par byed pa zhes pa'i don to/ /'di dag gis rim pa gnyis kyis lha sgom pa'o/ /slob ma'i mtshan nyid gsungs pa slob dpon gyis ni zhes pa la sogs pa go sla'o//'di dag ces pa la sogs pa'i 'grub pa zhes pa la sogs pa yang dag par grub pa ste/ 'das pa dang ma 'ongs pa dang / da ltar byon pa'i de bzhin gshegs pa rnams kyi tshul gcig gis bstan pa'i phyir ro/ /dbang bskur ba thob pa'i bya ba gsungs pa/ji ltar zhes pa la sogs pa'o/ /dbang bskur ba la sogs pa'i 'bras bu gsungs pa snod du zhes pa la sogs pa'o/ /'dir bsdus pa'i don ni 'di yin te/ thog mar ji ltar gsungs pa'i rdul tshon gyi dkyil 'khor dang / thang sku la sogs pa'i dkyil 'khor yang rung ste/nye bar spyod pa lnga'i mchod pa byas nas/ dkyil 'khor gyi gnas las phyi rol na 'dug pa'i lha'i rnal 'byor du byas pa'i slob ma legs par brtags la/ maN+Dal byas pa me tog gi phreng ba bzung ba pus mo sa la btsugs la/ rang gi lus la kha nas bcug ste rdo rje'i lam nas bton nas lha mo'i pad+mar gzhag pa rnams la snying ga'i sa bon gyi 'od zer gyis spyan drangs te/kha nas bcug pa'i de bzhin gshegs pa shes rab dang bcas pa zhu ba rnams kyis dbang bskur ba rnams la/ dpal bde mchog gi gzugs kyis de las bton te dkyil 'khor gyi shar sgo dang nye bar gzhag la/skye rga 'chi ba na kra yis/ /chu srin la sogs 'jigs rung gi /srid pa'i mtsho las sgrol ba gcig /bdag gi ston pa dga' chen khyod/ /byang chub chen po'i tshul bstan pa/ /mgon po chen po bdag 'tshal lo//dam tshig de nyid bdag la stsol/ /byang chub sems kyang bdag la stsol/ /sangs rgyas chos dang dge 'dun te/ /skyabs gsum po ni bdag la stsol/ /thar pa chen po'i grong mchog tu/ /mgon po bdag ni gzhug par mdzod/ / ces brjod pas gsol ba 'debs pa rnams/ tshur shog mnyes gshin theg chen gyi/ /sngags spyod tshul gyi cho ga ni/ /khyod la yang dag bshad par bya/ /khyod ni tshul chen po yi snod/ /sku gsung thugs kyi rdo rje can/ /dus gsum 'byung ba'i sangs rgyas rnams//rdo rje sngags kyi mthu rnams kyis/ /mnyam med ye shes yang dag brnyes/ /sngags kyi rab sbyor mnyam med pa/ /gang gi shAkya seng ge sogs/ /mchog rnams kyis ni bdud kyi sde/ /stobs chen drag po chen po bcom/ /rjes 'jug 'jig rten thugs chud de//'khor lo bskor nas mya ngan 'das/ /de phyir mnyes gshin blo gros 'di/ /thams cad mkhyen pa thob phyir gyis/ /zhes pa brjod nas/ yang dag par len du gzhug ste/ /dkon mchog gsum la bdag skyabs mchi/ /sdig pa thams cad so sor bshags//'gro ba'i dge la rjes yi rang / /sangs rgyas byang chub yid kyis gzung / /zhes pa lan gsum du brjod du bcu gnas/ thun mong gi sdom pa bzung ba rnams la slob dpon gyis sdom pa don du gnyer na/ 'khor lo phyir mi ldog pa'i dbang //dam pa bdag la stsal nas mgon/ /'khor lo lha yi de nyid dang / /slob dpon gyi ni phrin las dang / /sangs rgyas kun gyi dam tshig dang / /sdom pa mchog tu gsang ba gsungs/ /sems can kun don bsgrub pa'i phyir/ /bdag ni rtag tu slob dpon 'gyur//zhes pa brjod pas slar gsol ba 'debs pa rnams la/ sangs rgyas dang byang chub sems dpa' thams cad bdag la dgongs su gsol/ bdag ming 'di zhes bgyi ba dus 'di nas bzung ste ji srid byang chub snying por mchis kyi bar du/ ji ltar dus gsum mgon po rnams//rdzogs pa'i byang chub nges mdzad pa'i/ /byang chub sems ni bla med pa/ /dam pa bdag gis bskyed par bgyi/ /bslab pa rnams gsum tshul khrims dang / /dge ba'i chos ni sdud pa dang / /sems can don byed tshul khrims kyang / /bdag gis so sor brtan por gzung //sangs rgyas chos dang dge 'dun mchog /bla na med pa'i dkon mchog gsum/ /sdom pa sangs rgyas rnal 'byor 'byung / /deng nas brtsams te gzung bar bgyi/ /rdo rje dril bu phyag rgya yi/ /de nyid so sor gzung bar bgyi/ /rdo rje'i rigs chen las byung ba'i//slob dpon yang ni gzung bar bgyi/ /rin chen chen po'i rigs ldan pa'i/ /dam tshig yid du 'ong ba la/ /nyi ma nyi mar lan drug tu/ /sbyin pa bzhi ni rtag tu sbyin/ /byang chub chen po las byung ba'i/ /pad+ma'i rigs chen dag pa la/ /phyi dang gsang ba theg pa gsum//dam chos so sor gzung bar bgyi/ /las kyi rigs chen las byung ba'i/ /ji ltar nus pa mchod pa'i las/ /sdom pa thams cad yang dag ldan/ /thams cad so sor gzung bar bgyi/ /sems can kun don bsgrub pa'i phyir/ /bla na med pa'i byang chub sems//dam pa bdag gis bskyed bgyis shing / /sdom pa thams cad bzung bgyis nas/ /ma rgal ba rnams bsgral bar bgyi/ /ma grol ba rnams bdag gis sgrol/ /dbugs ma phyung ba dbugs dbyung bgyi/ /sems can mya ngan 'das la dgod/ /ces lan gsum du brjod du bcug nas/sngon du byang chub tu sems bskyed de slob dpon gyis sdom pa bzung ba rnams la las thams cad pa'i sngags kyis bsrung ste/ de rnams kyi snying ga dang mgrin pa dang spyi bo rnams su rdo rje dang pad+ma dang 'khor lo'i steng du nyi ma dang zla ba la gnas pa'i hUM AHoM gyi yi ge nag po dang dmar po dang dkar po rnams bltas nas/de nas brjod cing snying ga dang mgrin pa dang spyi bor lag pa g.yas pa nas bzung ba'i dri'i chu dang ldan pa'i rdo rjes reg ste/ spyi bor me tog dang mdun du spos dang mar me dang snying gar dri bzangs rnams me tog la sogs pa'i sngags kyis phul la a shwat+tha la sogs pa'i so shing drang po sor bcu gnyis pa 'bu med pa ma gas pa rma med pa dri bzang po'i chus bkrus la rtse mor me tog gi phreng ba bcings pa/de rnams la byang du phyogs te byin te/ de rnams kyang gru bzhi pa khru bzhi'i maN+Dal ba'i lci ba la sogs pas byugs par kha shar ram byang du bltas la so shing de/oM badzra ha sa ha zhes brjod nas rtse mo 'chos te ma gas pa steng du bltas la/ ltos pa med par mdun du dor bar bya'o/ /maN+Dal gyi nang du shar dang byang dang nub dang lho dang steng dang 'og tu bltas pa lhung ba las/zhi ba dang rgyas pa dang dbang dang mngon spyod dang rig pa 'dzin pa dang / sa 'og gi dngos grub 'byung bar 'gyur ro zhes pa de rnams la bshad par bya ste/ phyi rol du lhung na dngos grub med do/ /de nas baM yig las skyes shing de nyid kyi bzlas pa'i chu zhal bsil gyi phyir byin nas/las thams cad pa lan bdun bzlas pa'i dri'i chu khyor ba gsum/ oM hrIHsu bi shud+d+ha sarba d+harmAHpA pa ni tsa s+ya bi sho d+ha ya sarba bi kalpA na a pa na ya hUM phaT/ ces brjod cing 'thung du gzhug go/ /de nas phyi rol na nye bar 'dug pa rnams la hUM las skyes shing de lan bdun bzlas pa'i ku sha rtse mo ma nyams pa mang po stan gyi don dang /de bzhin du gcig d+hIHyig las skyes shing / de dang de las thams cad pa bzlas pa sngas kyi don du byas te/ oM badzra tik+Sh+NA d+haM zhes pa'i sngags kyis byin nas slob ma'i lus tshad kyi srad bu dmar po sum bldab tu byas pa/hUM las skyes shing de dang las thams cad pa lan bdun bzlas te/ mdud pa gsum byas la de rnams kyi dpung pa g.yon par/ oM bud+d+ha mai tri rak+Sha rak+Sha sarbA na swA hA/ zhes pa brjod cing btags la yang dag par bsrungs te rab tu spro ba bskyed la/bskal pa bye ba du ma ru/ /sngon du byas pa'i sdig pa gang / /de dag thams cad 'di lta bu'i/ /dkyil 'khor mthong nas zad par 'gyur/ /spyod mchog 'di la gang rnams kyi/ /blo gros shin tu dri ma med/ /sdug bsngal thams cad 'byung ba yi/ / ngan 'gro rnams de 'byin par byed/ /bdag nyid chen po khyed rnams kyis/ /rnyed pa mnyam med de ring rnyed/ /gang gis khyed rnams rgyal ba kun/ /sras bcas rnams kyi bstan pa 'dir/ /thams cad yongs su bzung nas gnas/ /bdag nyid chen po skye bar 'gyur//de yis theg pa chen po la/ /khyed rnams skye ba dag tu 'gyur/ /theg pa chen po 'byung ba che/ /dpal dang ldan pa'i lam mchog 'di/ /gang gis khyed rnams 'gro 'gyur na/ /de bzhin gshegs pa rnams su 'gyur/ /zhes pa nyan du bcug nas de'i rjes la de rnams 'khyil pa'i sngags kyis bsrungs shing /de bzlas pa'i don du 'khyil pa'i sngags bshad de/ /snga dro bdag la smros shig /ces brjod la gzhal yas khang gi nang du dkyil 'khor gyi sa'i tha mar yol bas bar du bcad par ram/ gzhan du'ang rung ste seng ge'i nyal stabs kyis nyal du bcug nas/rang nyid dkyil 'khor gyi khang par zhugs te/ bsrung ba'i don du 'khyil ba'i sngags bzlas par bya'o zhes pa slob ma lhag par gnas pa'i cho ga'o/ /de'i rjes la bla mas snga dro gtor ma phul nas/ dkyil 'khor gyi khang pa las phyi rol 'thon la slob ma rnams la rmi lam dris te/ri la sogs pa la lhung ba'i mi dge ba mtshon pa'i rmi lam las thams cad pa'i sngags kyis bsrungs nas/ dkyil 'khor gyi khang par 'jug pa'i dus su slob ma rnams kyis/ oM pra bi sha b+ha ga bAn ma hA su kha mok+Sha pu raM sarba sid+d+hi su kha pra daM/pa ra ma su kha ut+ta ma sid+d+h+ya dzaHhUM baM hoHpra sid+d+h+ya swA/ zhes pa spro ba bskyed de bcug nas/ g.yas skor du 'khor lo'i dbang phyug gi sku nub la sogs pa'i sgo rnams su gnas te/ dkyil 'khor gyi shar la sogs pa'i sgo rnams la/oM badzra ut+g+haT ya sa ma ya pra be sha ya hUM/ zhes pa brjod cing sgo phye nas me tog gi phreng ba/ oM pa ra ma su khA sha ya su lA li ta bi lA sa na mi ta/ na mi tair b+ha ga bA na taM/ dzaHhUM bam hoHhi hi hi hi hrIHpra tIts+tshaHku su mAny+dza li nA tha hoH zhes pa'i sngags kyis dkyil 'khor du dor nas/slar blangs te phreng ba'i dbang bskur ba'i bsam pas rang gi spyi bor bcings la/ mngon sum du gyur pa'i 'khor lo'i dbang phyug kyang bla mar lhag par mos te/ des gnang ba'i phreng ba'i dbang bskur ba la sogs pa'i 'chad par 'gyur ba'i dbang bskur ba mtha' dag blangs shing /slob dpon gyi las thams cad pa la cho ga ji lta bar rjes su gnang ba yang thob nas slob ma yang gzhug pa'i phyir bde ba chen po'i bdag nyid thabs dang shes rab kyi rang bzhin de kho na'i bstod pa sngon du 'gro bas dkyil 'khor gyi dngos grub mngon par zhu ba dang bden pa'i byin gyi rlabs kyang bya ste/nam mkha' las byung mtshan ma'i phyir/ /thog ma tha ma med pa'i mchog /sems dpa' rdo rje che rang bzhin/ /ding bdag mi bskyod rdo rjer bsgrubs/ /grub pa chen po kun gyi mchog /dbang phyug chen po lhag pa'i lha//rdo rje 'dzin pa kun gyi rgyal/ /bdag la 'gyur med mchog sgrubs shig /nyes pa med pa rtag med pa/ /chags pa kun gyi rjes su chags/ /chags pa chen po dga' ba che/ /bcom ldan de nyid kyis bdag sgrubs/ /shin tu dag pa chos kyi mchog /gdod nas grol ba de bzhin gshegs//kun du bzang po kun gyi bdag /byang chub sems dpa' bdag la sgrubs/ /grub pa chen po kun gyi mchog /dbang phyug chen po phyag rgya mchog /phul byung rdo rje chen po yi/ /rdo rje snying por bdag sgrubs shig /sems can kun yid khyab pa bo//sems can kun gyi snying la gnas/ /sems can kun gyi yab nyid de/ /dam tshig mchog gi 'dod pa mchog /bden pa gang gis ye shes yod/ /dkyil 'khor thabs dang shes rab bdag /bden pa de yis mgon po khyod/ /bdag gi 'dod pa yongs rdzogs mdzod//chos rnams gzugs brnyan lta bu ste/ /gsal zhing dag la rnyog pa med/ /gzung du med cing brjod du med/ /rgyu dang las las yang dag byung / /de nyid de bzhin nyid nges 'byung / /zhes pa'i bden pas dkyil 'khor ni/ /gzugs brnyan gsal bar slob ma rnams//thams cad sgrib med mthong bar shog /ces brjod par bya'o zhes pa slob dpon rab tu 'jug pa'i cho ga'o/ /de nas slob ma khrus bya zhing dri bzangs la sogs pas gtsang bar byas la/ las thams cad pa bzlas pa'i gos dmar po bskon pa'i yol ba'i phyi rol du 'khor lo'i dbang phyug gi skur dmigs la/oM sarba ta thA ga ta a nut+ta ra bo d+h+yA laM ka ra was+t+ra pU dza me g+ha sa mu dra s+pha ra Na sa ma ye hUM/ oM badzra rak+Sha hUM/ oM badzra uSh+NI Sha hUM phaT/ ces pa'i sngags rnams kyis smad g.yogs stod g.yogs dang gtsug tor byas la/ las thams cad pa'i sngags bzlas pa'i gos dmar po'am ser pos/oM tsak+Shu ban+d+ha wa ra ma na ya hUM zhes mig ras bcings la/ A khaM bI ra hUM zhes brjod nas/ me tog gi phreng ba gzung zhing yon phul ba las thams cad pa'i chus bsang gtor byas la/ snying kha dang mgrin pa dang spyi bor gnas pa'i rdo rje dang pad+ma dang 'khor lo'i dbus su nyi ma ngang /zla ba'i steng du hUM AH oM yig nag po dang dmar po dang dkar po'i 'od zer gyis lus rab tu gsal bar byas la hUM zhes brjod nas dkyil 'khor gyi shar sgor gzhag pa las kyi rdo rjes gzung ba rnams la dkyil 'khor du gzhug pa'i phyir dri ba bya ste/kye dga' ba la dga' khyed su zhig /ces so/ /des smra bar bya ba ni/ bdag ni skal bzang bde ba che/ /zhes pa'o/ /de nas de yis oM sarba yo ga tsit+ta ut+pA da yA mi/ zhes pa brjod la byang chub kyi sems bskyed nas me tog dang bcas pa'i snying gar/oM su ra te sa ma ya s+t+waM hoHsid+d+h+ya badzra ya thA su khaM/ zhes pa brjod cing bzung ste/ de ring khyod de bzhin gshegs pa thams cad kyis byin gyis rlob par 'gyur gyis/ de bzhin gshegs pa thams cad kyi gsang chen dam pa'i dkyil 'khor du ma zhugs pa la smra bar mi bya zhing ma dad par yang mi bya'o zhes brjod nas oM A khaM bI ra hUM zhes pa 'dis yol ba'i nang du gzhug par bya'o//de nas spyi bor rdo rje bzung la dril bu dkrol zhing / khyod kyis dam tshig rdo rje 'di/ /gal te 'di ni 'ga' zhig tu/ /smras na khyod kyi spyi bo 'gems/ /zhes brjod nas snying gar rdo rje bzung ste/oM de ring rdo rje sems dpa' nyid/ /khyod kyi snying la yang dag zhugs/ /gal te tshul 'di smras gyur na/ /skad cig de la dral te gshegs/ /zhes bka' bsgos nas/ rnam par rgyal ba'i bum pa'i steng na gnas pa pad+ma'i snod kyi chu bdud rtsi lnga bsres pa la/oM pany+tsa a mr-i ta u da ka ThaHzhes pa lan bdun bzlas te/ 'di ni khyod kyi dmyal ba'i chu/ /dam tshig 'das na sreg par byed/ /dam tshig bsrungs na dngos grub ster/ /rdo rje bdud rtsi'i chu 'thung shig /ces brjod cing g.yon pa'i ming med dang / mthe bong gis bzung ba'i snod kyi kha yis slob ma'i khar byin la 'thung du gzhug go/ /khyod kyis nga la brnyas mi bya/ /dam tshig nyams par mi bya ste/ /dmyal ba la sogs 'gro bar 'gyur/ /zhes brjod nas bdud rtsi lnga dang sgron ma lnga bsres pa'i rdul gos pa'i ras dang / byi la'i brun skam po dang gu gul dag bsres te pad+ma'i snod du dur khrod kyi sol ba'i me la blugs la/g.yas pas de 'dzin cing g.yon pas dril bu 'khrol ba g.yas brkyang gi stabs su gnas te/ dpal bde mchog gi bdag nyid du dmigs te/ tiSh+Tha ma hA kro d+ha a be sha ya hUM shrI he ru kA ya bid ma he bi h+yA rA dzA ya d+hi ma he swA hA/zhes pa khengs pa dang bcas par brjod cing bdag nyid du byas pa'i slob ma snying gar thal mo sbyar ba la spos kyis bdug cing dbab par bya'o/ /gal te babs pa ring du 'phar na de'i tshe de'i steng du rdo rje'i rang bzhin lhun po dang / dbang chen gyi dkyil 'khor dang / rdo rje rtse lnga pa ser po dang / dzaHyig dang rnam par snang mdzad rnams rim pas steng nas steng du gnas pa bsams nas de bzlog par bya'o/ /de ltar babs pa na slob ma'i thugs rdo rje'i sa bon gyi 'od zer rnams kyis gsung rdo rje'i sa bon gyi bdag nyid bskul nas/lce la AHyig dmar po zla ba la gnas pa 'bar ba'i phreng ba 'khrigs par bsams te/ rdo rje smros shig ces pa brjod par bya'o/ /de nas de rang dang gzhan rnams kyi dge ba dang mi dge ba smra bar byed do/ /de'i rjes la phab pa'i lha rang gi snying ga'i 'od zer rnams kyis spyan drangs la/snying ga'i sa bon la thim par bsgom zhing / /slob ma'i spyi bor rdo rje bzung nas oM mdzad do zhes pa la sogs pa sngon du 'gro ba'i hUM haH AHdz+haiM muHzhes gshegs par bya'o/ /de nas 'khor lo la mngon du phyogs pa'i slob ma la khyed kyi mig la ji ltar snang zhes dris nas/des brjod pa'i dkar po dang ser po dang dmar po dang nag po'i snang ba rnams kyis rim pa ji lta bar zhi ba dang rgyas pa dang dbang dang mngon spyod 'grub par 'gyur te/ de rnams la bshad par bya'o/ /de nas bcom ldan 'das la thal mo sbyar te/yang dag dkyil 'khor 'di ru ni/ /bdag gis slob ma rab tu gzhug /lha rnams rigs kyi rim pa dang / /ji lta'i bsod nams de ltar shog /'di yis dngos grub ji ltar 'gyur/ /rigs ni gang gi snod du rung / /bsod nams mthu yang ji 'dra ba/ /de ltar dkyil 'khor du gyur cig /ces bden pa'i byin gyi rlabs byas nas/ /sngar bzung ba'i me tog phreng ba las dri ma med pa'i me tog cig traM yig gis sngags la/ hUM yig gis dkyil 'khor du dor zhing / oM he ru ka badzra puSh+pa pra tIts+tsha hUM zhes brjod cing me tog de lha gang la lhung ba'i rigs te de la bstan par bya'o//de nas me tog de blangs nas slob ma'i spyi bor bcings la/ sems dpa' stobs chen khyod kyis ni/ /'dir ni rab tu gzung bar mdzod/ /ces brjod do/ /de nas slob ma'i snying gar zla ba la bdag po dang / dpral bar raM dang / mig gnyis la oM gnyis 'bar ba dang bcas pa rnam par bsgoms te/ oM de ring rdo rje sems dpa' nyid/ /khyod kyi mig ni 'byed par brtson/ /mig ni thams cad phye bas na/ /bla na med pa rdo rje'i mig /ces brjod cing mig ras bsal nas/ kye rdo rje ltos shig ces brjod cing /lha'i mtshan dang bcas pa'i gnas bshad par bya'o zhes pa slob ma gzhug pa'o/ /de'i rjes la yon phul ba'i slob ma phyag 'tshal ba sngon du 'gro bas/ pus mo sa la btsugs te thal mo sbyar la/ byang chub rdo rjes sangs rgyas rnams/ /ji ltar mchod chen stsal ba ltar//bdag kyang skyob pa'i don gyi phyir/ /nam mkha'i rdo rje deng bdag stsol/ /zhes pas gsol ba 'debs pas kha nas bcug ste/ rdo rje'i lam nas bton pa lha mo'i pad+mar bzhag la/ skad cig la stong pa nyid kyis bar ma chad par hUM las skyes pa'i bde mchog gi sku phyag gnyis pa shes rab dang bcas pa mi bskyod pa'i rang bzhin la rang gi snying ga'i sa bon gyi 'od zer gyis spyan drangs pa'i de bzhin gshegs pa la sogs pa'i shes rab dang bcas pa chags pa chen por zhu bar gyur pa rnam par snang mdzad kyi sgo nas nang du bcug ste/rdo rje'i lam nas byung ba kun rdzob khu ba'i rang bzhin rnams kyis dbang bskur bar bsams nas/ pad+ma las phyi rol du byas pa de la de rnams nyid dang / de las 'thon pa'i phyag dang zhabs la sogs pa gzugs can rnam pa sna tshogs pa'i mchod pa dang bkur sti rnams kyis dbang bskur ba dang mchod par bsgom zhing /rnam par rgyal ba la sogs pa'i bum pa nas blugs pa pad+ma'i snod na gnas pa'i chu yis/ hUM las skyes pa hUM yig gis byin gyis brlabs pa'i rdo rje las skyes pa'i mi bskyod pa rang gi sa bon gyi 'od zer gyis spyan drangs pa'i ye shes sems dpa' dang gcig tu gyur par bltas nas yang dag par mchod de/de yongs su gyur pa las lag pa g.yas par bzung ba'i yal 'dab rdo rje dang bcas pa'i rtse mos te/ rnal 'byor ma rnams kyis glu len par bsam shing / bkra shis kyi glu sngon du 'gro bar/rdo rje chen po'i dbang bskur ni/ /khams gsum pa yis phyag byas pa/ /sangs rgyas kun gyi gsang gsum gyi/ /gnas las byung ba sbyin par bya/ oM tsakra bI ra twaM a b+hi Shiny+tsa mi/ zhes brjod cing dbang bskur bar bya'o zhes pa chu'i'o/ /de nas/ cod pan 'jig rten gsum rgyal srid/ /sems can kun gyi don bsgrub pa'i/ /rdo rje sems dpa' yon tan gnas/ /thugs rje che mnga' bdag la stsol/ /zhes gsol ba 'debs su bcug nas/ aM las skyes shing des byin gyis brlabs pa'i rin po che yongs su gyur pa las/rin chen 'byung ldan gyi sku ye shes sems dpa' dang gcig tu gyur pa'i slob ma dang / de bzhin du cod pan rin chen 'byung ldan yongs su gyur pa rnam par bsams te/ oM sarba bud+d+ha zhes pa la sogs pa bcom ldan 'das ma dang / bcom ldan 'das kyi snying po la sogs pa'i sngags rnams brjod cing / slob ma'i mgo la bskon par bya'o zhes pa cod pan no/ /de nas/ gang gis bdag gi ma rig pa/ /bsal nas ye shes thob 'gyur ba'i/ /ye shes lnga yi rang bzhin brjod/ /rdo rje'i brtul zhugs bdag la stsol//zhes pa gsol ba 'debs pa la dzr-iM las skyes shing des byin gyis brlabs pa'i pad+ma yongs su gyur pa las snang ba mtha' yas kyi sku ye shes sems dpa' dang dbyer med pa'i slob ma dang / de bzhin du rdo rje yang snang ba mtha' yas kyi skur yongs su gyur par bsams te/slob ma'i lag pa g.yas par gtad la/ de ring he ru ka dpal dang / /dpa' mo rnams kyis khyod dbang bskur/ /'di de sangs rgyas kun rdo rje/ /rab tu grub phyir khyod kyis zung / /zhes brjod par bya'o zhes pa rdo rje'o/ /de nas/ gang zhig thob pas thams cad du/ /bdag ni rmad byung ldan gyur pa/ /shes rab pha rol phyin rang bzhin/ /dril bu'i dbang bskur bdag la stsol/ /zhes gsol ba 'debs pa la/ khaM las skyes shing des byin gyis brlabs pa'i ral gri yongs su gyur pa las/ don yod grub pa'i sku ye shes sems dpa' dang dbyer med pa'i slob ma dang /de bzhin du dril bu yang don yod grub pa yongs su gyur par bsams te/ slob ma'i lag pa g.yon par/ 'di de rnal 'byor ma kun gyi/ /dril bu dbyangs kyi rjes 'gror bshad/ /byang chub mchog tu rgyal ba bzhed//khyod kyis kyang ni rtag tu zung / zhes brjod cing gtad nas rdo rje dang rdo rje dril bu ldan pa'i lag pa dag gis lte bar 'khyud pa'i tshul byed du gzhug go zhes pa dril bu'o/ /de nas/ bdag la bsam min chos kyi snod/ /dam pa dbang bskur bdag gis mdzod/ / ces pas gsol ba 'debs pa la b+h+rUM las skyes shing des byin gyis brlabs pa'i 'khor lo yongs su gyur pa las/ rnam par snang mdzad kyi sku ye shes sems dpa' dang dbyer med pa'i slob ma bsams te/ de'i spyi bor rang gi rdo rje dril bu dang bcas pa rang gi lag pa gnyis kyis bzung nas/oM shrI tsakra a d+hi pa ti shrI he ru ka bI ra twaM a b+hi Shiny+tsa mi/ che ge rdo rje khyod ces pa ming ngo / /de la rdo rje sems dpa'i ming ni/ /mchog gi dang po dang / dpe med dang / dga' ba dang / ro mnyam pa dang / rnam par rgyal ba dang / a la la dang / sems dpa' dang /bde ba chen po dang / yan lag med pa dang / /ye shes dang / lhan cig skyes pa'i rdo rje rnams te/ rdo rje'i sgra ni so sor 'brel par bya'o/ /de bzhin gshegs pa drug gi ming rnams la de ltar ro/ /mi bskyod pa'i bzhad pa dang / rnam par sgeg pa dang / dga' bral dang /rol pa dang / 'gying ba dang / rang byung dang / zhe sdang dang / he dang snying rje dang / thugs dang / hUM mdzad dang / mi bskyod rdo rje rnams so/ /rnam par snang mdzad kyi oM mdzad dang / rtag pa dang / de bzhin gshegs pa dang / sgyu ma dang / sangs rgyas dang / gzugs dang /sku rdo rje rnams so/ /rin chen 'byung ldan gyi rin chen dang / yid bzhin nor bu dang / mkha' 'gro dang / nam mkha' dang / gzi brjid dang / nyi ma dang / 'od zer dang / nga rgyal rdo rje rnams so/ /snang ba mtha' yas kyi/ 'dod chags dang / spyan ras gzigs dang / chos dang / pad+ma dang / rdo rje myu gu dang / pad+ma'i myu gu dang / snying rje myu gu dang / mchog dga' dang / shin tu dga' ba'i dga' ba dang / mtha' yas dang / gsung rdo rje rnams so/ /don yod grub pa'i don yod dang / rta mchog dang / dam tshig dang / pha rol tu phyin pa dang /las dang / rlung dang / reg bya dang / phrag dog rdo rje rnams so/ /bud med rnams kyi rdo rje sems ma'i/ rdo rje shugs ma dang / rdo rje rnam sgeg mo dang / rdo rje myos ma dang / rdo rje kong ka na dang / rdo rje bzhin drangs ma dang / rdo rje ba dan ma dang / rdo rje phreng ba ma dang /rdo rje 'byung ma rnams so/ /mi bskyod pa'i/ rdo rje bdag med ma dang / rdo rje phyag ma dang / rdo rje phreng ba ma dang / rdo rje 'ong ma dang / rdo rje mA ma kI dang / rdo rje dga' ma zhes pa'o/ /rnam par snang mdzad kyi/ mkha' 'gro ma dang / rdo rje dkar mo dang / rdo rje sgeg mo dang / rdo rje spyan ma dang / gti mug dga' ma zhes pa'o/ /rin chen 'byung ldan gyi/ rdo rje do shal ma dang / rdo rje dbugs 'byin ma dang / rdo rje 'bar ma dang / rdo rje phreng ba ma dang / rdo rje nam mkha' ma dang / nam mkha' dga' ma zhes pa'o/ /snang ba mtha' yas kyi/rdo rje 'dod chags ma dang / rdo rje glu ma dang / rdo rje bde ba e ma dang / rdo rje ro langs ma dang / rdo rje blo gros ma dang / rdo rje bzhad ma dang / rdo rje gos dkar mo dang / 'dod chags dga' ma zhes pa'o/ /don yod grub pa'i/ rdo rje snyems ma dang / rdo rje sgyu ma dang / rdo rje rgod ma dang / rdo rje sgrol ma dang / rdo rje gar gyi dbang phyug ma dang / rdo rje dam tshig ma dang / rdo rje dga' ma zhes bya'o/ /thams cad du gsungs pa'i cod pan la sogs pa rnams dang / 'chad par 'gyur ba'i dbang bskur ba rnams la yang nam mkhar bzhugs pa'i de bzhin gshegs pa la sogs pa phyag na ye shes kyi bdud rtsis gang ba'i bum pa thogs pa rnams kyis slob ma la dbang bskur bar blta zhing /bkra shis kyi glu sngon du 'gro bas/ rdo rje chen po'i dbang bskur ni/ /zhes pa la sogs pa brjod cing chu'i dbang bskur ltar dbang bskur bar bya'o//slob dpon gyi sdom pa don du mi gnyer na thun mong gi sdom pa sngon du 'gro bar rim pa de dag nyid kyis ma rig pa bsal ba las ye shes lnga thob pa'i rgyur gyur par sbyin par bya ste/ de las de dag bya ba dang spyod pa'i rgyud nyid kyi nyan pa dang 'chad pa la sogs pa'i skal ba can du 'gyur ro//de gsungs pa rdo rje phreng bar/ sangs rgyas lnga ni rnam dag pa'i/ /dbang bskur thob par byed pa des/ /ma rig bsal ba'i rim pa las/ /ye shes lnga rnams thob par 'gyur/ /zhes pa'o/ /don du gnyer ba la ni/ sdom pa gnyis ka sngon du 'gro bar/ de dag 'chad par 'gyur ba rnams kyang sbyin par bya'o zhes pa'o//de nas/ sngags kyi dbang bskur ye shes mchog /grub pa ster ba bdag la stsol/ /zhes gsol ba 'debs pa'i slob ma'i phyir/ rang nyid bcom ldan 'das kyi snying po'i sngags brgya rtsa brgyad bzlas te/ ri bong can gyi zhal bkang nas//rnam par sbyangs pa sngags kyi sku/ /dngos grub ster ba slob ma'i phyir/ /bla ma'i zhal brgyud pa las sbyin/ /zhes pa byin nas/ sngags brjod par bya ste/ bdag gis stsal gyis bcom ldan 'das/ /'di la nye bar mdzad du gsol/ /zhes brjod do/ /slob mas kyang /bdag gis bzung gis bcom ldan 'das/ /bdag la nye bar mdzad du gsol/ /zhes pa 'dis bzung nas lan gsum bzlas par bya'o zhes pa sngags kyi dbang ngo / /de nas ye shes lnga'i rang bzhin zhes pa'i tshigs su bcad pas gsol ba 'debs pa'i slob ma rdo rje sems dpa'i gzugs su bsgom pa la/'di ni sangs rgyas thams cad de/ /he ru ka dpal phyag na gnas/ /he ru ka dpal brtul zhugs brtan/ /khyod kyis kyang ni rtag tu zung / /zhes pa brjod cing rdo rje gtad par bya'o/ /des kyang oM sarba ta thA ga ta sid+d+h+ya badzra sa ma ya tiSh+Tha e Sha shwaM d+ha ra yA mi/oM hIHhi hi hi hi hUM zhes brjod cing blang bar bya'o zhes pa rdo rje'i brtul zhugs so/ /de nas/ gang gi spyod pa sbyang slad du/ /sna tshogs bsam pa'i dbye ba yi/ /sems can kun don sgrub pa'i thabs/ /spyod pa'i brtul zhugs bdag la stsol/ /zhes gsol ba 'debs pa bcom ldan 'das kyi skur byas pa las/bcom ldan 'das kyi snying po'i sngags lan gsum bzlas pa'i kha T+wAM ga dang / Da ma ru dang pad+ma'i snod rnams/ /kha T+wAM ga dang cang te'u snod/ phyi dang nang du yang dag gnas/ /he ru ka dpal phyag rgya 'di/ /sbyin gyis dpa' bos gzung bar mdzod//ces brjod nas sbyin par bya'o zhes pa spyod pa'i brtul zhugs so/ /de nas/ de ring sangs rgyas rigs su zhugs/ /mgon pos bdag ni lung bstan mdzod/ /ces pa gsol pa 'debs pa bcom ldan 'das kyi skur dmigs la rang nyid de bzhin gshegs pa'i spyod lam byas te/rang gi snam sbyar gyi grwa g.yon pa'i khu tshur gyis snying gar bzung zhing g.yas pa mi 'jigs pa'i phyag rgya byas nas/ 'khor lo gsum gyi dbang phyug bdag /sangs rgyas kun gyi rang bzhin nyid/ /he ru ka dpal zhes bdag gis//de bzhin gshegs pa khyod lung bstan/ /dpal he ru ka zhes bya ba'i de bzhin gshegs par 'grub bo/ /sa ma ya s+t+waM b+hur b+hu ba swAM/ khams gsum rgyal srid chen po'i bdag /yon tan 'byung gnas dpal dang ldan/ /grong khyer mchog tu bdud kyi tshogs/ / thams cad btul nas khyod zhugs so/ /zhes brjod de lung bstan par bya'o zhes pa lung bstan pa'o/ /de nas/ 'gro ba'i bya ba mtshan ma med/ /de ltar gang gis byed 'gyur ba/ /phyir mi ldog pa'i dbang bskur che/ /dpa' bo chen pos bdag la stsol/ /zhes gsol ba 'debs pa'i slob ma khri la sogs pa'i gdan la bzhag ste/rdo rje sems dpa'i skur rnam par bsgoms nas/ chu yi dbang las gsungs pa'i cho gas dbang bskur la mi bskyod pa cod pan du bsgom zhing / gzhan de bzhin gshegs pa dang lha mo rnams ye shes sems dpa'i tshul gyis de nyid du bstims te/oM su pra tiSh+Tha badzre swA hA/ zhes byin gyis brlabs la me tog la sogs pa mchod pa thams cad kyis mchod par bya'o zhes pa phyir mi ldog pa'o/ /de nas rjes su gnang ba sbyin par bya ste/ de nyid rig pa'i rnal 'byor pa/ /mi bya cung zad yod ma yin/ /dpa' bo de nyid shes de nas//'dod pa lnga po rnams la spyod/ /dpa' bo kun gyi rang bzhin bdag /lha mo kun gyi bdag nyid rang / /de phyir bdag gi bya ba kun/ /bdag nyid he ru ka dpal mchod/ /gzugs brnyan rang bzhin sems can rnams/ /rten cing 'brel 'byung chos can te/ / de ltar khams gsum pa rig nas/ /sems can don ni mnyam med kyis/ /zhes pa rjes su gnang ba'o/ /de nas bya ba byas pa yi/ /slob mas bla mar yon phul te/ /bstod cing bdag nyid kun btud nas/ /skye bo dam pa bsdu bar bya/ de nas/ ston pa skyabs med pa yi skyabs//bde mchog 'khor lo bdag skyobs shig /rgyu med par ni snying rje che/ /mgon med mgon po bka' drin mdzod/ /ji ltar bdag nyid chen po khyed/ /khyab bdag de ltar bdag kyang mdzod/ /'khor ba 'dam gyi tshogs nang du/ /bying ba skyabs med bdag skyobs mdzod//ces slob mas gsol ba btab ste/ bla ma la slob mas phul ba'i dam tshig can ma/ gzugs la sogs pa dang ldan pa/ yol ba la sogs pa skye bos dben par byas pa'i phyogs su rdo rje phag mo'i gzugs dang / bdag nyid dpal bde mchog gi gzugs su bsgrubs te/pad+ma dang rdo rje'i 'du byed sngon du 'gro bar/ oM sarba ta thA ga ta a nu rA ga Na badzra swa b+hA wa At+ma kou0f85 haM/ zhes brjod nas snyoms 'jug bya zhing snying ga'i sa bon gyi 'od zer gyis spyan drangs pa'i spyan la sogs pa dang snyoms par zhugs pa'i r nam par snang mdzad la sogs pa de bzhin gshegs pa rnams bdag nyid la bcug la chags pa chen pos zhu bar gyur pa rang gi byang chub kyi sems dang lhan cig a wa d+hU tI nas song ba rdo rje nor bur brtan par byas nas/lhan cig skyes pa rjes su myangs te rdo rje nor bu las 'thon pa/de bzhin gshegs pa'i khu ba'i rang bzhin rang gi byang chub kyi sems kyi khu ba de mthe bong dang ming med dag gis rdo rje nor bu pad+ma las phyir phyung ste btsir nas/ gsung rdo rje'i rang bzhin gyi slob ma'i khar mig ras la sogs pas ji ltar de'i spyod yul du gyur pa ma yin par/'di de dpa' bo lha mo yi/ /dam tshig rmad byung chen po ste/ /khams lnga po ni ro gcig pa'i/ /bde ba dam pa myang bar gyis/ /'das pa'i rdo rje 'dzin sogs kyis/ /ji ltar sangs rgyas sras dbang bskur/ /de bzhin byang chub sems bzang pos/ / mnyes shing khyod la dbang bskur bya/ /zhes pa dang / bcom ldan 'das kyi snying po'i sngags kyang brjod cing sbyin par bya'o/ /des kyang rnam par snang mdzad la sogs pa de bzhin gshegs pa thams cad 'dus pa'i blos/ a ho ma hA ta a ti su khaM/ ston pa'i bka' lags zhes brjod cing btung ngo //shes rab kyang langs la gos med pa nyid du rang gi chu skyes la gnas pa'i sbrang rtsi'i thig le de'i khar gzhug par bya zhing / des kyang de bzhin du btung bar bya'o zhes pa gsang ba'o/ /de'i rjes la/ dngos grub thams cad sdud pa yi//dbang bskur bdag la sbyin par mdzod/ /ces gsol ba 'debs pa'i slob ma la/ de'am shes rab gzhan dam tshig dang sdom pa la gnas pa/ gzugs dang lang tsho dang ldan pa/ de yi g.yon logs su gzhag ste/ phyag rgya chen po'i lha mos ni/ /bde ba mtha'i yas ster ba mo//gzung phyir bu yis thams cad du/ /bla na med pa'i mchod pa gyis/ /zhes gtad par bya'o/ /des kyang / lha mo de nyid ye shes mchog /shin tu grub phyir bdag la stsol/ /zhes gsol ba btab pas/ byang chub sa bon bza' ba las/ /dpa' bo khyod ni spro'am ci//rigs lnga las ni yang dag 'khrungs/ /rig ma gus par yang dag mchod/ /dri chu sha khrag la sogs pa/ /da lta rab tu spyad par gyis/ /gzhan yang ji ltar 'dod pa yis/ /dam tshig bzang po bu khyod smros/ /zhes slob ma la smra bar bya'o/ /des kyang / byang chub sa bon bza' ba la//lha mo bdag gis cis mi spro/ /rtag tu spyod par cis mi gus/ /bud med pad+ma cis mi mchod/ /ces smra bar bya'o/ /des kyang gur gum la sogs pa dri bzang pos byugs pa gos dang bral ba'i chu skyes ston cing / e ma bdag gi pad+ma 'di/ /bde ba thams cad yang dag ldan//cho ga yis ni gang bsten pa/ /bdag ni de yi mdun na gnas/ /rdzogs pa'i sangs rgyas mnyes byed sogs/ /pad+mar bya ba ji bzhin gyis/ /rang nyid bde chen rgyal po ste/ /'di nyid du ni rtag tu bzhugs/ /zhes pa dang / b+hany+dza mo k+Sha hoHces brjod cing bstan par bya'o//de nas sgrub pa po rang nyid bde mchog gi sku dang / rdo rje phag mo'i gzugs su bskyed nas/ rdo rje dang chu skyes kyi 'du byed sngon du 'gro bar pad+ma'i snying por gnas pa'i rtsa mdzub mo dang lce'i rtse mor hrIH yig gis byin gyis brlabs pas bskul nas/ 'dar ba la sogs pa byung ba na de dang lhan cig /oM shI shI shI ho ho ho swA hA zhes pa'i sngags brjod cing / oM sarba ta thA ga ta a nu rA ga Na badzra swa b+hA ba At+ma kou0f85 haM/ zhes brjod la snying ga'i sa bon gyi 'od zer gyis spyan drangs pa'i de bzhin gshegs pas lus byin gyis brlabs te dga' bar bya'o//de ltar bla mas gdams ngag las nus pa ji lta bar byang chub kyi sems bzung ste/ dga' ba la sogs pa'i dbye ba nye bar dmigs la/ lhung ba ni chu skyes las ro ma nyid blangs nas bza' bar bya'o/ /de nas bcom ldan 'das dgyes ma/ /b+hany+dza mok+Sha'i sngags brjod ma//spyi bor rkang pa g.yon pa bzhag /rjes su gnang ba bstan par bya/ /bu khyod de ring nas brtsams te/ /ji srid byang chub snying po'i bar/ /sems can kun don rmi lam bzhin/ /bdag nyid kun gyis bsgrub par mdzod/ /ces pa shes rab ye shes so/ /de'i rjes la shes rab las nyams su myong ba de nyid yan lag bdun dang ldan par bsgom pa'i phyir du nye bar bstan par bya'o zhes pa bzhi pa'o//de'i rjes la shes rab de'i lag pa slob ma'i lag par gtad de/ de gnyis ka rang gi lag pa g.yon pas bzung nas/ lag pa g.yas pa rdo rje dang bcas pa slob ma'i spyi bor bzhag la/khyed rnams dpang por gyur pa 'dir/ /bdag gis 'di la 'di gtad do/ /zhes de bzhin gshegs pa dpang por bya ste/ rig ma 'di ni spangs nas khyod/ /thabs gzhan gyis ni sangs rgyas min/ /'di de sangs rgyas thams cad kyi/ / rig ma'i brtul zhugs bla na med/ /brtul zhugs rnams kyi mchog gi mchog /mnyes gshin rig ma'i brtul zhugs spyod/ /rmongs pa gang zhig 'da' bar byed/ /de la mchog gi dngos grub med/ /ces brjod cing rig ma'i brtul zhugs sbyin par bya'o/ /zhes pa rig ma'i brtul zhugs so//gsungs pa'i dbang bskur bzhi rnams kyis/ /gang tshe brtul zhugs can dbang bskur/ /bsam gyis mi khyab chos thob slad/ /de tshe de nyid la de 'dir/ /zhes pa'o/ /le'u bco brgyad pa'i rnam par bshad pa'o// //dus kyi nges pa ji lta bu//de bzhin 'chi ba slu ba yang / /zhes zhus pa'i lan gdab pa'i don du gsungs pa/ de nas zhes pa la sogs pa'o/ /sngar gsungs pa ni rlung tsam la brten pa las gtso bor dus su 'chi ba'i mtshan nyid do/ /'di ni rang gi lus dang de'i phyi rol la brten pa phal cher dus ma yin pa la 'chi ba'i mtshan nyid do zhes pa khyad par te go sla'o//ji lta'i gdams ngag ldan rnams kyis/ /zhes pa nye bar bstan pa las mi 'da' ba'i rim pas/ rab tu sbyor ba'i nor bu dang / sngags dang sman rnams kyis so/ /de bzhin du de nyid kyis zhes pa bsgoms pas so//chos kyis zhes pa sbyin pa la sogs pa byas pas so/ /gang gi tshe 'chi ba bzlog par ma nus na/ de'i tshe rnal 'byor pas 'pho ste lus spang bar bya'o zhes gsungs pa/ gzhan yang zhes pa la sogs pa'o/ /dbyung dang dgang pa'i sbyor ba yis/ / zhes pa gtod dang 'gengs pa'i sbyor bas so/ /sna tshogs zhes pa phyi dang nang gi 'chi ba'i rtags nye bar dmigs pa na'o/ /dbugs zhes pa rlung dag go/ /chad cing chad gyur te zhes pa rang gi gnas 'dor ba'o/ /de nyid gsungs pa 'chi ba'i dus zhes pa la sogs pa'o/ / phyung nas 'pho ba zhes pa lus las byung nas 'pho ba ste/ rnam par shes pa gshegs pa'o/ /sgo dgu zhes pa mig gnyis dang rna ba gnyis dang sna bug gnyis dang kha dang rtags dang gsang ba ste/ sgo dgur grags pa rnams so/ /rab tu zhi bas zhi bar 'gyur/ /zhes pa bum pa can goms pa las rlung brtan par gyur pa na brtan par skye bar 'gyur ro zhes pa'i don to//rnam shes 'phrog pa zhes pa rnam par shes pa gshegs pa'o/ /gzhan du pha rol bgrod pa yis/ /zhes pa rang dbang du gyur pa'i rnal 'byor pa rnams kyi tshul dang rnam pa zhes dgongs pa'o/ / bskyed pa dang rdzogs pa'i rim pa la brtan pa thob pa rnams kyis da ltar byung ba'i lus 'dis phyag rgya chen po mngon du byas pas 'ga' yang 'jigs pa mi srid do/ /de nyid kyi phyir thabs 'di cig shos kyi'o/ /A li kA li zhes pa sna bug g.yon dang g.yas kyi rlung dag go/ /phyed bcas yi ge zhes pa hi dang dbyangs spangs pa'i ka yig go//rlung gi sa bon yaM yig go/ /rnam shes bzhon pa rlung yin te/ /zhes pa rnam par shes pa'i rlung ngo / /rlung gi sgo ni zhes pa rlung gi sgo yin te/ bsams pa yis zhes pa rnam par bsgom zhes pa lhag ma'o/ /'dir gdams ngag 'di yin te/dang por re zhig las gzhan med par mnyam par gzhag ste/ tshangs bug tu k+ShuM/ de 'og tu hUM/ smin ma'i dbus su hUM/ bde ba chen po'i chu skyes kyi ze'u 'bru la haM/ mgrin pa'i bu gang suM/ rtags la s+m+chuM/ bshad bar k+ShuM/ rna ba dang sna'i bu ga rnams la yuM/ zhes pa'i sa bon 'di rnams rnam par bsgoms te/lte ba'i rtsa bar yaM gi gzugs gtum mo'i 'od zer gyi lcags kyu dang / dgang ba la sogs pas kyang spyi bo la sogs pa gnas nyi shu rtsa bzhi rnams las yang dag par bkug pa gnas bcur gnas pa'i rlung gsang ba'i 'khor lo gong bur gyur pa rnams kyis so//de bzhin du sbar ba'i gtum mo 'bar ba'i lcags kyu snying ga'i rlung gi dkyil 'khor la sbyar te/ yuM zung las skyes pa'i dkyil 'khor gnyis kha sbyar ba'i hUM/ sems kyi steng 'og tu gnas pa'i sngags bla ma'i gdams ngag gis bzlas par bya'o/ /de nas nges pa'i phyi dang nang gi 'chi ba'i rtags kyis 'chi bar nges nas 'pho ba bya'o//gal te tshe yod kyang rnam par shes pa gshegs na dmyal ba la sogs par skye bar 'gyur ro/ /gang dang zhes pa grol ba'i dngos grub rab tu ster ba rnam par shes pa'o/ /lte ba zhes pa lte ba la song na 'dod pa la spyod pa'i lhar 'gyur ro//thig le yis zhes pa smin ma'i bu ga ste/ gzugs can lus zhes pa gzugs la spyod pa'o/ /steng gi zhes pa tshangs bug gi ste/ gzugs med khams su ste zhes gzugs med pa la spyod pa'o/ /de ni bzang por 'gro dbye ba'o/ /zhes pa bzang por zhes nye bar mtshon pa ste/'gro ba bzang po ma yin pa'i gnas su 'gro ba'i dbye ba yang shes par bya'o zhes pa mdor bstan nas/ rgyas par ston pa gnod sbyin zhes pa la sogs pa'o/ /grol ba rnams kyi zhes pa 'phos nas 'gro ba rnams kyis te/ de rnams rang 'dod par 'pho ba'i phyir ro//'chi ba dus la bab na ste zhes pa 'chi ba'i dus la bab pa nyid na 'pho bar bya'o zhes pa'i don to/ /le'u bcu dgu pa'i rnam par bshad pa'o// //dus bzhi'i yan lag ji tsam zhig /ces pa la sogs pa zhu ba gnyis kyi lan gdab pa'i phyir gsungs pa/de nas zhes pa la sogs pa'o/ /bskal pa zhes pa bar gyi bskal pa'o/ /stong phrag nyi shu rtsa brgyad ces pa stong phrag nyi shu lhag pa'i stong phrag brgyad rnams so/ /de'i phyir stong phrag nyi shu lhag pa'i 'bum phrag bcu bdun ni rdzogs ldan gyi tshad do/ /de ltar gzhan du bcu pa las/pha rol mtshams kyi tshad dang bcas pa'o/ /mgon po zhes pa gnod sbyin gyi sde dpon nyid las phyag na rdo rje la bos pa'o/ /le'u nyi shu pa'i rnam par bshad pa'o// //spyod pa ji ltar spyad par bgyi/ /zhes zhus pa'i lan gdab pa'i phyir gsungs pa/ de nas zhes pa la sogs pa'o//pha rol son zhes pa 'khor ba'i rgya mtsho'i pha rol du 'gro ba'i rgyu nyid kyis rgyu la 'bras bu nye bar btags pa'i phyir ro/ /yang na gang pha rol tu 'gro ba'i zhes pa ste/ de rnams kyi pha rol son pa'o/ /gang gis zhes pa spyod pas so/ /grub pa'i mthar zhes pa grub pa'i mthar thug pa phyag rgya chen po'i dngos grub ste/sgrub pa po zhes sgrub pa po yis so/ /thun mong zhes pa bya ba'i rgyud la sogs pa rnams la'o/ /bla ma dam pa zhes pa bla ma dam pa las te/ bsnyen bkur te zhes bsnyen bkur byas pa las so/ /'dir bsdus pa'i don 'di yin te/cho ga ji lta ba bzhin bla ma mnyes par bya ste/ bskyed pa dang rdzogs pa'i rim pa man ngag dang bcas pa la goms pa phul du byung ba thob pa gzhan rjes su 'dzin pa dang / tshar gcod nus pa nor la sogs pa rang rang gi lus kyi mthar thug pa gtong zhing ma chags pa'i rnal 'byor pas/bla ma dang bcom ldan 'das dpal bde mchog la sogs pa la gsol ba btab cing rjes su gnang bas spyod pa rnam pa gsum po rnams kyis gang yang rung ba brtsam par bya'o/ /de la spros pa med pa'i spyod pa spyad pa'i dbang du byas nas gsungs pa/ sngon du zhes pa la sogs pa ste go sla'o//shes rab thabs bdag ces pa bsgyur ba la sogs pa thob pa'i shes rab dang lhan cig go/ /yang na mi mnyam pa zhes pa smyon pa'i spyod pa'o/ /lhan cig min par zhes pa 'dir 'du 'dzi rgyu ba dang / phyag rgya dang gnas pa dang / yid la byed pa med pa nyid du byas te'o//de nyid 'dab ma bskyod pa bzhin du zhes 'chad par 'gyur ro/ /gcig pu zhes pa phyi rol gyi yan lag ma dang bral ba'o/ /gcig pu'i yid ces pa brtsams pa'i spyod pa las gzhan gyi sems med pa'o/ /bzo yi khang pa sbas pa'i gnas/ /zhes pa de ltar gyur pa'i brtul zhugs 'di la bza' ba dang bsod snyoms kyi don du yang mi smra ba'i phyir smyon pa'i spyod pa las khyad par 'phags so//de nyid gsungs pa/ thub pa'i rnal 'byor gyis gnas bya/ /zhes pa'o/ /'o na lus ji ltar gzung bar bya zhe na gsungs pa/ bza' ba zhes pa la sogs pa'o//slong mos gnas pa zhes pa bsod snyoms kyis gnas par bya'o/ /le'u nyi shu rtsa gcig pa'i rnam par bshad pa'o// //rnal 'byor pa'i rgyud ni du zhes pa la sogs pa zhu ba bzhi pa'i lan gdab pa'i phyir gsungs pa/ de nas zhes pa la sogs pa'o/ /theg chen gyi zhes pa theg pa chen po'i las te/gzhan zhes pa nyan thos kyi theg pa'i'o/ /'di rnams thams cad gsungs pa ni 'di dag thams cad la gsungs pa rnams/ thub dbang zhes pa thub pa'i dbang po rnams kyis te/ sku gsum rang bzhin can zhes pa sku gsum gyi rang bzhin can rnams kyis so//bde bar gshegs pa'i bstan pa zhes pa nye bar bsdu ba ste/ 'di lta bur gyur pa ni bde bar gshegs pa'i bstan pa'o zhes pa'i don to/ /gang gis dbang du byas shing bstan zhe na/ gsungs pa 'dul ba'i zhes pa la sogs pa ste/ nyan thos rnams las bdag nyid bstan zhes pa nyan thos kyi rigs can gyi gang zag rnams la zhes pa ste/rgyu mtshan ni bdun pa'o/ /bdag nyid bstan zhes pa bdag nyid dul ba dang zhi ba la sogs pa'i don du bstan pa zhes pa'i don to/ /che bshad pa zhes pa mdo sde gzhan rnam par bshad par gyur pa'i mdo sde rnams te/byang chub sems dpa'i zhes pa byang chub sems dpa'i rigs can gyi don du'o/ /rnal 'byor rnal 'byor ma rgyud kyi/ /zhes pa dang po'i don la drug pa'o/ /sangs rgyas spyod yul zhes pa sems can gyi dbang du byas nas zhes pa lhag ma ste/'di sangs rgyas kho na'i spyod yul du gyur pa zhes pa'o/ /'di dag gis shes rab chen po'i don gyi phyir sngags kyi tshul bstan to zhes gsungs so/ /ji skad du/ sems nyid rnam dag tu gsungs pa/ /theg pa chen po'i bdag nyid che/ /sems dpa' chen po'i spyod yul lo//zhes pa dang gzhan du yang / don gcig na'ang ma rmongs dang / /thabs mang dka' ba med pa dang / /shes rab chen pos dbang byas phyir/ /sngags kyi theg pa khyad par 'phags/ /zhes so/ /ngo mtshar ba bstan pa 'di gang la zhe na/ gsungs pa/ bsod nams dman pa zhes pa ste//bsod nams dman pa'i sems can rnams kyang rim gyis 'dul ba la nye bar 'gyur ro zhes dgongs pa'o/ /yang na bsod nams dman pa'i sems can rnams kyi don du sngags kyi theg pa lha'i rnam pa tsam gyis bdag nyid bstan te/ lha'i rnam pa la brten nas/chos kyi sku la sogs pa bsgom zhing de la brten nas stong pa nyid dang snying rje'i bdag nyid shes rab dang thabs zung du 'jug pa bsgom zhes pa ste/ 'di dag gi sngags kyi tshul la bskyed pa dang rdzogs pa'i rim pa rang bzhin rgyu dang 'bras bu'i bdag nyid can gyis lam rim pa gnyis rab tu bstan to//'di yang / myur du sangs rgyas nyid thob 'gyur/ /zhes pa brtson 'grus dang ldan na skye ba 'di nyid la sangs rgyas nyid thob pa'i phyir ro/ /rab gnas kyi zhu ba'i lan gdab pa'i phyir gsungs pa/ de nas zhes pa la sogs pa'o/ /rab gnas kyi zhes pa rab gnas la ste/cho ga'i pha rol son zhes pa cho ga yongs su rdzogs pa'o/ /las bcu zhes pa chu la sogs pa'i dbang bskur ba rnams te/ slob ma dbang bskur ba la ji ltar byas pa de bzhin du sku gzugs la'ang bya'o zhes pa'i don to/ /skye bo tshim na rgyas pa ste/ /zhes pa skye bo tshim pas sku gzugs rgyas par 'gyur te/shugs kyis yon bdag gi yang ngo / /sku gzugs rgyas pa las cir 'gyur zhe na/ gsungs pa/ rgyas pas zhes pa la sogs pa'o/ /bkra shis bcas las zhes pa rab gnas kyi dus su bkra shis nye bar bsgrubs pa las de'i zhi bar 'gyur ro//de las cir 'gyur zhe na/ gsungs pa/ zhi ba'o zhes te zhi ba zhes pa ji srid bsrung ba dang phyir bcos pa zhes pa'o/ /gang gi phyir smod pa'i rnal 'byor zhes pa smad pa'i sbyor ba las te smad pa la sogs pa'i rab tu sbyor ba las zhes pa'i don to/ /nyer 'tshe sdug bsngal sna tshogs 'byung //zhes pa nye bar 'tshe ba dang / sdug bsngal sna tshogs te/ sku gzugs kyi sdug bsngal ni gcod pa dang bshig pa la sogs pa'o/ /nye bar 'tshe ba ni me dang chu la sogs pas so/ /de la cho ga ni 'di yin te/ gsungs pa'i rdul tshon gyi dkyil 'khor ram/ thang sku'i dkyil 'khor du sku gzugs la sogs pa stong pa nyid du byas pa'i rjes la ji lta ba bzhin bskyed de/dam tshig sems dpa'i gzugs thugs kar sa bon dang bcas pa rnam par bsams nas/ gos gsar pa dmar po la sogs pas brgyan pa/ me tog dang bcas pa'i yon bdag gis de'i me tog phreng ba'i mtha' nas bzung ba byas nas dkyil 'khor mthong ba'i bdag nyid can du byug pa byed du bcug ste/dkyil 'khor gyi shar ram dbang ldan gyi mtshams su mi ring bar stegs bu gru bzhi pa dpangs su khru gnyis pa'i 'jim pa'i rang bzhin nam/ji ltar gnas pa'i sa'am byug pa la sogs pa byas pa'i dbus su sna tshogs chu skyes nub tu sgo dang khru bzhi pa re khA gcig gis bskor ba bris te/ bla re la sogs pas brgyan pa/ sil snyan dang glu la sogs pa mdun du byas shing spras pa/ de'i dbus su shing stan gyi dbus su bris pa'i pad+ma 'dab ma brgyad la bsgoms pa'i zla ba'i dkyil 'khor la gnas pa'i sku gzugs la sogs pa bzhag nas/mchod yon la sogs pa sngon du 'gro bas/ las thams cad pa'i sngags dang hUM yig gis kyang lan bdun bzlas shing / g.yas pa dang cig shos kyi khu tshur dag gis bzung la so sor lan gnyis kyis g.yon skor du/oM sarba pA paM da ha na badzrA ya sar+b+ba satwa s+ya sar+b+ba pA paM da ha na swA hA/ zhes brjod cing sbyangs te don grub me la dor bar bya'o/ /de bzhin du g.yas skor gyis so/ /de bzhin du chu yang g.yon dang g.yas su yongs su bskor zhing de ltar dkar rtsis yongs su byugs pa'i kham phor bzhi dang /dUr ba'i myu gu dang bcas pa'i ba'i lci ba'i chang bu dang zan gyi chang bu dang / nya lcibs kyang yongs su bskor zhing sa la gzhag par bya'o/ /me la ni ma yin no/ /de nas lag pa dag gis sku gzugs la sogs pa la nye reg byas la/'khor lo'i dbang phyug gi sngags kyis dri la sogs pa byug par rung na dri yis byug cing mi rung na me long gi gzugs brnyan la'o/ /de'i spyi bor me tog gi phreng ba dkris te mdun du mchod yon phul nas/ mar mes yongs su bskor la/las thams cad pa dang hUM yig gis kyang lan bdun bzlas pa'i spos dkar dmar dang bcas pa'i bdug spos bdug par bya'o zhes pa byur bsal bar byas nas zho dang 'o ma dang mar dang sbrang rtsi dang ka ra zhes pa bdud rtsi lnga rnams zangs kyi snod du bsres pa dang / de'i rjes la zho dang 'o ma dang mar dang ba'i lci ba dang ba'i chu rnams de kho na ltar zangs kyi snod du bzhag pa las thams cad pa bzlas pa'i dUr ba'i chun po blangs pa rnams kyis/oM hUM trAM hrIHa zhes pa sngar bzhin rung ba dang mi rung bas rab tu byugs te/ las thams cad pa bzlas pa'i dri bzang po'i chus khrus gsol nas 'khar ba'i snod na gnas pa'i shi ri Sha dang u dum bA ra dang pa Da dang par ka dra'i phye mas gtsub par byas la/oM hUM trAM hrIH a zhes pa brjod cing 'khar ba'i snod na gnas pa'i dri bzangs dang / mar khus byugs te/ slar yang gtsub par byas la/'khar ba'i snod na gnas pa'i skyu ru ras byugs la/ bkrus nas 'khar ba'i snod na gnas pa'i yung bas byug cing bkrus te/ shrI khaN+Da dang tsan+dan la sogs ji ltar tshogs pas byugs te/ snying ga'i sa bon gyi 'od zer gyis spyan drangs pa'i de bzhin gshegs pa dang lha mo rnams kyi bum pas khrus byas pa'i bsams pas/bkra shis kyi glu dang rol mo la sogs pa sngon du 'gro bas rnam par rgyal ba'i bum pa la sogs pa'i chu dung chos sam gzhan du blugs pa rnams kyis ji ltar bltams pa zhes pa la sogs pa brjod cing khrus bya'o/ / de nas de la gos pa'i chu gos 'jam pos phyi nas ji ltar nus pa'i gos la sogs pa rnams kyis brgyan te/ rab tu gnas par bya ba'i ye shes sems dpa' dang / sangs rgyas dang byang chub sems dpa' la sogs pa'i lha rnams snying ga'i sa bon gyi 'od zer rnams kyis mdun gyi nam mkhar spyan drangs la/mchod yon la sogs pa sngon du 'gro bas yang dag par mchod nas pus mo g.yon pa sa la btsugs te/ g.yon pas dril bu 'khrol zhing g.yas pas spos phor bzung ste/ oM hUM badzra dzi hwA/ bcom ldan che ge rdo rje mchog /rig pa'i rgyal po phyag 'tshal bstod//mgon po brtse ba'i rang bzhin can/ /khyed kyis rab gnas bgyid par 'tshal/ /slob ma rnams la brtse don dang / /khyed rnams la ni mchod phyir dang / /sems can bsod nams spel don dang / /byang chub sems ni 'byung phyir yang / /de la bdag gus bcom ldan 'das//bka' drin dag ni mdzad par 'os/ /bdag la yang dag dgongs sangs rgyas/ /'gro ba'i 'khor lo bya don stsol/ /byang chub sems dpa' 'bras gnas dang / /gang gzhan sngags kyi lha rnams dang / /lha dang 'jig rten skyong rnams dang / / 'byung po rdzogs pa'i byang chub gnas/ /sems can bstan la mngon dga' dang / /gang gzhan lha yi spyan mnga' rnams/ /bdag ni che ge rdo rje che/ /che ge yi ni rab gnas dag /bgyid 'tshal de phyir khyed rnams ni/ /nye bar byon par mdzad par 'os/ /zhes lan gsum brjod do//rab tu gnas pa'i don dang / lhag par gnas pa'i don dang / nye bar byon par gsol ba btab la/ yang dag par mchod cing phyag 'tshal te bstod nas/ oM badzra pu na rA ga ma na ya muHzhes pas gshegs par bya'o/ /khrus byas pa'i sku gzugs la sogs pa'i snying ga dang spyi bo dang mgrin pa dang gtsug tor la kun du byugs la las thams cad pa'i sngags brjod cing lag pa g.yas pas lan gsum reg ste rang gi sngags ji lta ba bzlas par bya'o//phyogs skyong gi gtor ma yang dbul bar bya'o zhes pa lhag par gnas pa'o//de nas snga dro khrus kyi stegs bu de nyid las sngar bzhin 'dus byas nas/ dge ba yud tsam la sogs pa la rdo rje 'dzin pa'i sku'i slob dpon shes rab dang bcas pa nye bar 'dug ste/ sngon du gtor ma byin la stong pa nyid kyi rjes la sku gzugs la sogs pa dam tshig sems dpa'i gzugs su rnam par bsgoms nas sngar bzhin khrus dang byur bsal ba brjod ma thag pa'i bdud rtsi lnga byug pa dang chus phyi ba'i mthar thug pa rnams bya ste/dkyil 'khor gyi khang par bcug la dkyil 'khor mngon du phyogs par bzhag nas/ mig la sogs pa byin gyis brlabs pa sngon du 'gro bar brjod ma thag pa'i ye shes sems dpa' spyan drangs pa'i rim pas bcom ldan 'das zhes pa la sogs pa nas/nye bar byon par mdzad par 'os/ /zhes pa'i bar lan gsum brjod de/ dam tshig sems dpa' la ye shes sems dpa' gzhug cing ro gcig tu byas nas dbang du bya'o//de nas rang gi snying ga'i sa bon gyi 'od zer gyis spyan drangs pa'i phyogs bcu'i de bzhin gshegs pa dang / spyan ma la sogs pa'i lha mo rnams la/ rdo rje can gyis 'gro bskyab phyir/ /sangs rgyas rnams kyis dbang bskur ni/ /yon tan 'byung gnas byin ji ltar//de bzhin 'di la sbyin par mdzod/ /ces pa'i tshigs su bcad pas gsol ba gdab cing / /de rnams rnam par snang mdzad kyi lam nas rang gi lus la bcug ste/ shes rab dang snyoms par zhugs pa chags pa chen pos zhu bar byas nas rdo rje'i lam nas 'thon pa de'i zhu bas rang gi kha nas zhugs pa lha mo'i pad+mar bzhag pa'i sku gzugs la sogs pa la dbang bskur zhing pad+ma las phyir 'thon te/slar phyag dang zhal la sogs pa'i gzugs can de rnams kyis pad+ma las 'thon pa la slar bkra shis kyi glu la sogs pa sngon du 'gro ba'i dbang bskur bar bsgom zhing /yal ga dang bcas pa'i rdo rje dang ldan pa'i lag pa g.yas par bzung ba dang rnam par rgyal ba la sogs pa'i chu byang chub kyi sems bdud rtsi'i tshul gyis ji ltar bltams pa zhes pa la sogs pa dang / oM sarba ta thA ga ta a b+hi She ka sa ma ya shri ye hUM swA hA zhes pa dang /oM badzra u da ka a b+hi Shiny+tsa hUM zhes pa yang brjod cing dkyil 'khor gyi bdag po bcom ldan 'das rdo rje sems dpa' kho nas dbang bskur ba'o zhes lhag par mos pa brtan pas dbang bskur bar bya'o zhes pa chu'i dbang ngo / /oM hUM trAM hrIHa zhes pa 'dis cod pan bskon par bya'o zhes pa cod pan gyi'o//sngar bzhin thams cad du bcom ldan 'das kho na'i lhag par mos pa'o/ /'di nyid la sku gzugs la sogs pa'i dpral bar dar bcing ba'o/ /de ring zhes pa la sogs pa'i tshigs su bcad pas rdo rje 'dzin du gzhug go zhes pa rdo rje'i'o/ / oM badzra a d+hi pa ti s+t+waM a b+hi Shiny+tsa mi tiSh+Tha badzra sa ma ya s+t+waM/ zhes brjod cing dril bu 'dzin du gzhug go zhes pa dril bu'i'o/ /oM badzra satwa s+t+waM a b+hi Shiny+tsa mi badzra nA ma a b+hi She ka taH/ oM badzra satwa zhes pa brjod cing ming gdags par bya'o zhes pa ming ngo / /sku gzugs la sogs pa rdo rje dang /rdo rje dril bu dang bcas pa'i phyag gnyis kyis ye shes kyi phyag rgya la 'khyud pa rnam par bsgoms te/ chu'i dbang bskur ba'i cho gas dbang bskur zhing rigs kyi bdag pos rgyas btab pa bltas nas/ lhag ma de bzhin gshegs pa la sogs pa de nyid du bcug la/ oM su pra tiSh+Tha badzre swA hA/zhes pa'i sngags kyis byin gyis brlab par bya'o zhes pa slob dpon no/ /rigs kyi bdag po 'khor lo'i dbang phyug gi sku rdo rje sems dpa' dang / rang gi snying ga'i sa bon gyi 'od zer gyis spyan drangs pa'i rnam par snang mdzad la sogs pa'i de bzhin gshegs pa'i tshogs rig ma dang bcas pa rnam par snang mdzad kyi sgo nas zhugs te/zhu bar gyur cing bde ba chen pos rjes su myangs te/ rdo rje dang pad+ma dag las byung ba'i byang chub kyi sems kyi rang bzhin sku gzugs la sogs pa'i zhal du 'jug par bsam par bya'o zhes pa gsang ba'o/ /de nas rdo rje sems dpa' des gtad pa'i lha mo dang sku gzugs la sogs pa'i lha rnams snyoms par zhugs te/lhan cig skyes pa'i dga' ba'i rang bzhin du lhag par mos pa bya'o zhes pa dbang bzhi pa'o/ /de nas lha'i snying po'i sngags kyis gos la sogs pa'i mchod pa phul te/dam tshig gi rdzas dang gi wang yang byin nas/ oM badzra satwa AH zhes pa'i sngags kyis me long bstan la sbyin bdag la sogs pa dang mngon par 'dod pa'i zhi ba la sogs pa'i don du/ mA Sha ka las mi chung ba'i gser gyi thur ma dngul gyi snod na gnas pa'i mar dang sbrang rtsi bskus pa yis oM tsak+Shu tsak+Shu sa man+ta tsak+Shu ra bi sho d+ha ne swA hA/zhes brjod cing mig 'byed pa'i bsam pas mig sman bskus nas/ sbyin bdag la sogs pa zhi ba la sogs pa'i don du mchog tu gzigs par mos par bya'o/ /de nas sbyin sreg gi thab kyi me'am de med na gzhan du yang man+ji la gnas pa'i snod du 'o ma dang 'bras ma grugs pa dang /mar dang sbrang rtsi dang ka ra rnams bsras te/ rang gi bdag po'i sngags khengs pa dang bcas par brjod cing 'o thug bsgrubs nas/ oM di byan+ne sa mA d+hi d+h+ya na prI Na ne swA hA/ zhes pa mngon par bsngags shing brjod de/sku gzugs la sogs pa la mngon sum du'am/ gzugs brnyan la gsol du bcug la zhal bsil dang / tAM bu la yang phul nas/ oM hUM trAM hrIH a zhes pa dam tshig thos par byas nas me tog la sogs pa nye bar phul la thal mo sbyar te/ji ltar rdzogs pa'i sangs rgyas kun/ /zhes pa la sogs pa'i tshigs su bcad pa brjod cing / yun ring du bzhugs par gsol ba btab nas/ sku gzugs la sogs pa'i smad dang bar dang ro stod kyi cha lag pa g.yas pa rol pa'i rdo rje lan gsum bskor te/ rkang pa brgyad pa'i sngags dang /mi bskyod pa zhes pa la sogs pa'i tshigs su bcad pa rnams kyis bstod la/ oM badzra satwa zhes pa la sogs pa'i yi ge brgya pa lan gsum brjod de/ ma rnyed yongs su ma shes phyir/ /nus pa med cing ma tshang ba/ /gzhan yang gang bgyis de dag kun/ / brtse ba'i rang bzhin bzod par 'os/ /rdzogs sangs rgyas dang lha rnams dang / /de sras rnams dang tshangs la sogs/ /lha klu rnams kyi cho ga gang / /ma tshang la sogs bzod par 'os/ /sa chu me dang rlung rnams las/ /sku gzugs yun ring bsrung bar mdzod/ /sbyin bdag zhi dang rgyas pa dang //thams cad du ni bkra shis mdzod/ /de yi bu sogs slob ma dang / /bdag cag rnams la'ang de stsal te/ /sangs rgyas yul du gshegs nas kyang / /slar yang 'byon par mdzad du gsol/ /zhes pa lan gsum gsol ba btab nas/ phyogs kyi gtor ma dang 'byung po thams cad pa'i gtor ma dbul zhing sbyin bdag gis kyang sku gzugs la sogs pa la mchod pa dang phyag la sogs pa byas nas/yon la sogs pa rnams kyis slob dpon mnyes par bya'o zhes pa rab tu gnas pa'i cho ga'o/ /yang na sku gzugs la sogs pa stong pa nyid du byas nas/skad cig la rdzogs pa'i byang chub dam tshig pa'i gzugs mig la sogs pa byin gyis brlabs te/ rang gi snying ga'i sa bon gyi 'od zer gyis ye shes sems dpa' spyan drangs la/ nang du bsgom zhing / de kho na ltar spyan drangs pa'i de bzhin gshegs pa la sogs pa dang /rang gi bum pa'i chu rnams kyis dbang bskur te/ yang dag par mchod la de'i sngags brgya rtsa brgyad bzlas par bya'o zhes pa 'dis kyang sku gzugs la sogs pa rab tu gnas par bya'o/ /bgrang phreng la ni stong pa nyid kyi de ma thag gsung rdo rjer rnam par bsgoms te/ye shes sems dpa' dang gcig tu byas/ de yongs su gyur te bgrang phreng gi rnam par bsams la/ bum pa'i chus bsang gtor bya zhing yang dag par mchod nas gsung rdo rje'i snying po brgya rtsa brgyad bzlas par bya'o zhes pa bgrang phreng gi rab gnas mdor bsdus pa'o/ / gal te rab tu mi gnas pa'i sku la bcom ldan 'das ji ltar rab tu gnas she na/ gsungs pa/ ji ltar rab tu mi gnas zhes pa la sogs pa ste/ gsol ba 'debs zhes pa gsol ba 'debs pa ste/ dad pa zhes pa dad pa'i'o/ /bya'o ni byas pa'i'o/ /mchod bya mchod pa mnyam ldan pa//zhes pa mchod bya dang mchod pa mnyam par 'gyur ba'o/ /le'u nyi shu rtsa gnyis pa'i rnam par bshad pa'o// //sbyin sreg zhus pa bstan pa'i phyir gsungs pa de nas zhes pa la sogs pa'o/ /sor mo bcu drug pa zhes pa sor bcu drug pa dang sor bco brgyad pa'i thab khung ni rgyas pa nyid kyi'o//sor mo nyi shu pa ni zhi ba nyid kyi ste/ yams kyi nad rnams zhi bar byed/ /ces pa yams kyi nad zhi ba'i phyir ro/ /'di dag thab kyi nges pa zhes pa nges pa 'di'o/ /bsreg bya'i rdzas kyi tshad rnams ni/ /zhes pa thab khung gi tshad kyi yam shing la sogs pa'o//las kyi rjes mthun te gzugs 'bras zhes pa kha dog dang mtshan ma'o/ /rgya khyon gyi ni cha gsum gyi/ /zhes pa thab khung gi thad ka'i tshad kyi cha gnyis bskor bar bya'o/ /'di ni thab khung zhes pa 'di thab khung thams cad kyi'o/ /brgyad cha yis zhes pa thab khung gi kha'i brgyad cha yis so//thab khung dbus su khyad par du/ /rdo rje dag gis mtshan pa'o/ /zhes pa rdo rje rnams de bzhin gshegs pa'i rang bzhin nyid kyis so/ /mtshan ma rnams las kyi bye brag gis bkod par bya'o zhes pa'i don to/ /de la mngon spyod kyi thab khung du pad+ma nag po la gnas pa'i rdo rje drag po'o//rgyas pa'i thab khung du 'khor lo rtsibs brgyad pa'i lte ba la gnas pa'i rdo rjes mtshan pa'i rin po che'o/ /dbang gi thab khung du pad+ma dmar po la gnas pa'i rdo rje'o/ /zhi ba'i thab khung du pad+ma dkar po la gnas pa'i zhi ba'i rdo rje'o/ /las thams cad pa'i thab khung du pad+ma la rdo rje phreng bas bskor ba'o//phyogs kyi 'dab ma rnams la de bzhin gshegs pa bzhi'i mtshan ma rnams so/ /ze'u 'bru las dang rjes su mthun pa'i mtshan ma rnams te/ 'di rnams kyi tshad ni ji ltar mdzes pa'o/ /rang snying chu skyes zhes pa rang rdo rje sems dpa'i gzugs kyi snying gar chu skyes la gnas pa'i hUM yig go//yig gsum las byung zhu rnam pa/ /zhes pa sbyin sreg gi gdams ngag go/ /lhag ma ni go sla'o/ /de la 'di ni bsdus pa'i don to/ /bde mchog phyag gnyis pa'i rnal 'byor dang ldan zhing gtor ma sbyin pa sngon du 'gro bas/thab khung brko ba'i nang du sa stong par bsgoms te/ lag pas mnan la 'khor lo'i dbang phyug gi sngags brgya rtsa brgyad bzlas nas/ der las dang rjes su mthun pa'i las thams cad pa'i thab khung bshad pa'i mtshan nyid can brko bar bya'o/ /las dang rjes su mthun par spyad pa'i sa dang ba'i lci ba bsres pa byugs te/de kho na ltar dri'i chu yis bran cing me tog gtor bar bya'o/ /de nas las dang rjes su mthun pa'i yam shing dang / bud shing la sogs pa dang ldan par/ slob dpon rdo rje gsor zhing dril bu 'khrol ba sngon du 'gro bas/ gtor ma byin nas srung ba'i cho ga bya ste/dum skyes ma'i sngags kyis mar gyi sgron me 'bar bas me rab tu spar bar bya ste/ de bzlas pa'i chu ku sha'i rtse mos blangs pas bsang gtor byas la/ zhi ba la g.yas skor dang drag po la g.yon skor gyis rtswa skam po gtsang ma'i tshem bus lhan cig du ba dang bral ba dang /drag po la du ba dang bcas pa thab khung du bcug la/ hUM yig dang rlung yab kyis rab tu sbar zhing rigs kyi snying po lan bdun bzlas pa'i blugs gzar na gnas pa'i mar gyis rab tu sbar bar bya ste/ drag po la tsha ba dang til mar gyis so/ /de nas oM badzra satwa AHzhes pa 'di bzlas nas ku sha gsar pa ljang gu dri ma med pa ma ral pa ma chag pa gnyis gnyis stegs bu la shar dang lho dang nub dang byang du rtse mo bstan pa'o//shin tu ring ba ma yin pa gzhan pa lang gi rna ba lta bu rnams kyis te/ zhi ba dang rgyas pa dang dbang dang mngon spyod rnams la rim pa ji lta bar shar dang byang dang nub dang lhor rtse mo bstan pas thab khung la bskor bar bya'o//shar la sogs pa ni sgrub pa po'i kha lta ba la ltos nas so/ /de nas lha'i bdag nyid can sa bon hUM las skyes pa'i thab khung rnam par bsams la/ de'i dbus su stong pa nyid de/raM las byung ba'i me'i dkyil 'khor la pad+ma dang nyi mar gnas pa'i me lha raM yig las byung ba thung zhing gsus pa 'phyang ba/ zhal gsum pa phyag drug pa zhal so so la spyan gsum pa/ rtsa ba'i phyag gnyis kyis rang 'od kyi shes rab ma la 'khyud pa/ lhag ma g.yas kyi phyag dag gis mi 'jigs pa dang bgrang phreng 'dzin pa g.yon pa dag gis dbyug pa dang ril pa 'dzin pa/sma ra dang ral pa'i thor tshugs dang ldan pa/ rnam par shes pa'i 'od zer gyi phreng ba dang ldan zhing rigs kyi bdag pos rgyas btab pa/ sku mdog dang rgyan las dang rjes su mthun pa'o//de la yan lag thams cad dang rtsa ba'i zhal dkar po nyid la g.yas g.yon gyi zhal nag po dang dmar po'o/ /ser po dang dmar po dang ljang gu nyid la sngon po dang dkar po'o/ /sngon po nyid la dkar po dang dmar po'o/ /snying gar sa bon raM dang bcas pa'i me'i dkyil 'khor gyis byin gyis brlabs pa'i dam tshig sems dpa' rnam par bsams nas/de'i snying ga'i sa bon gyi 'od zer gyi lcags kyus dam tshig sems dpa' lta bu'i ye shes sems dpa'i me lha me'i phyogs kyi nam mkhar spyan drang bar bya ste/ oM tshur gshegs tshur gshegs 'byung po che/ /lha yi drang srong bram ze mchog /sreg blugs zhal zas bzhes slad du/ /'dir ni nye bar bzhugs par mdzod/ /oM ag+ne ye/ A dI bya/ A dI bya/ A bi sha A bi sha ma hA shri ye ha bya ka bya ba ha nA ya swA hA/ zhes pa mdun du spyan drangs la mchod yon la sogs pa sngon du 'gro bas/dam tshig sems dpa' la dzaHhUM baM hoH'i yi ge rnams kyis dgug pa dang / gzhug pa dang bcing ba dang / mnyes pa rnams bya'o/ /der g.yon logs su gser la sogs pa la byas pa med na/ 'dab ma'i kyong bur las dang rjes su mthun pa'i me tog dang dri bzang po bdud rtsi lnga dang bcas pa bcug pa ste/khyad par du zhi ba la til dang 'bras yos dang / nas dang 'o ma dang ldan pa'o/ /rgyas pa la til dang zho dang ldan pa ste/ yi ge gsum dang 'khor lo'i dbang phyug gi sngags dang / las thams cad pas kyang lan bdun bzlas pa'i snod gsum dang de'i mdun du bzed zhal gyi snod gsum yang bzhag la/bsang gtor ni zhal bsil gyi snod nas ku sha'i chun pos chu blangs te/ oM AHhrIHpra wa ra sat+kA ra prok+Sha NaM pra tIts+tsha hUM swA hA/ zhes pa'i sngags kyis rol pa dang bcas pa'i lag pa yongs su bskor zhing /bsang gtor sku la dbul ba'i bsam pas/ bzed zhal gyi snod du lan gsum dbul bar bya'o/ /de nyid las me tog dang bcas pa'i chu khu tshur kha 'og tu bstan pa'i mdzub mo dag gis blangs te/ mthe'u chung dang ming med dang gung mo dang mdzub mo rnams rim gyis brkyang zhing phyag gam zhal bkrus pa'i bsam pas/snod de nyid du brjod ma thag pa'i sngags prok+Sha Na'i gnas su/ Any+tsa ma naM bcug ste lan gsum du dbul bar bya'o/ /sngags 'di nyid kyis mchod yon dang zhabs bsil yang ar+g+haM dang pA d+yaM gi sngags sgra bcug nas lan gsum dbul bar bya ste/mchod yon gyi snod las me tog dang bcas pa'i chu rdo rje snyim pas mdun du dbul ba'i bsam pas/ bzed zhal gnyis par mchod yon no/ /zhabs bsil gyi snod nas me tog dang bcas pa'i khu tshur kha steng du bstan pa'i mdzub mo dang mthe bong dag gis blangs te/rol pa dang bcas pa yongs su bskor zhing mdzub mo dang gung mo dang / ming med dang mthe'u chung rnams rim pas brkyang ste/ zhabs dag la dbul ba'i bsam pas/ bzed zhal gsum par zhabs bsil lo//thams cad du mchod yon la sogs pa'i skabs su cho ga 'di nyid do/ /da nas oM badzra a na la ma hA b+hU ta dz+wa la ya sarba b+ha smiM ku ru sarba duSh+TaM hUM phaT dr-i sh+ya dzaHhUM baM hoHsa ma ya s+t+waM sa ma yo haM/ zhes lan gsum dam tshig bsgrag ste/ gser la sogs pa las byas pa'am mchod sbyin gyi shing las byas pa/yu ba'i srid du skyes bu tshang dang ldan pa'i mthe bong gi sor nyi shu rtsa bzhi pa sboms su rdo rje dang bcas pa'i khu tshur gyis gzung du rung ba yu ba'i steng du sor bzhi gru bzhi pa/ zabs su sor gnyis dma' ba'i dbus su sor gnyis pa'i rdo rje rtse lnga bas mtshan pa zabs kyi steng gi logs bzhir rgyar sor gcig pa'i rdo rje phreng bas mtshan pa'o//gru bzhi pa'i steng du sor bzhi pa'i rdo rjes mtshan pa zabs su mthe'u chung gi tshad dang ldan pa/ pad+ma 'dab ma'i mtshan ma mthe'u chung gi tshad kyi bcud 'dzag pa'i bu ga dang ldan pa'o//yu ba las 'og tu gnas pa'i sor gsum pa'i rin po che'i 'og tu sor gsum pa'i rdo rje ste/ mar gyis bkang ba lag pa g.yon pa byang chub mchog gi phyag rgya kha gyen la bstan pas bzung nas/ lag pa g.yas pas kha 'og tu bstan pas blugs gzar dgang gzar gyi yu ba'i phyed kyis phra ba khru gang tsam gyi yu ba ste/yu ba'i steng gi char pad+ma'i 'dab ma lta bur rgyar sor gnyis pa zabs su sor gcig pa rdo rje rtse lnga pas mtshan pa'o/ /'og gi char sor gsum pa'i rdo rje dang ldan pa/ sor gsum pa'i rin po ches mtshan pa kha gyen la bstan pa mar gyis bkang ba ste/drag po la ni gnyis ka yang dug dang tsha ba'i mar khus bkang ba phyin ci log tu bzung la/ dgang gzar dang blugs gzar dag gi kha la rang gi 'dod pa'i lha'i sa bon yi ge gsum gyi nang du spel ba 'od zer dang bcas pa dang /me lha'i zhal du raM bkod de dgang gzar gyi zhal du blugs gzar gyi zhal bkab pa'i lag pa dag bus mo'i bar du bcug ste/ drag po la ni phyi rol du byas nas g.yas skor dang / zhi ba la ni g.yon skor gyis yongs su bskor zhing / zhal cung zad gdangs pa dang / drag po la rab tu gdangs par/ oM ag+ne ye A di pya zhes pa la sogs pa'i sngags kyis dgang blugs gsum mam bdun sbyin par bya'o/ /oM ag+ne ye swA hA zhes cig shos kyi sreg blugs kyi sngags so/ /dgang blugs phul ba'i tshe dge ba dang mi dge ba'i mtshan ma ji ltar gsungs pa'i me'i kha dog la sogs pa rnams kyis mtshon par bya'o//mi dge ba'i mtshan ma la ni me la ni bsang gtor dang bsrung ba dang mar gyi sreg blugs bdun du ma skyes ma'i sngags kyis bya ste/ de nas me lha'i sngags kyis kyang ngo / /de nas slar las thams cad pa'i sngags kyis bsang gtor bya ste/ me lha'i sngags kyis dgang blugs lan gsum dbul bar bya'o//thog mar ni oM swA hA/ zhes pa'i sngags kyis yam shing la sogs pa rab tu bkrus te/ oM AHswA hA/ zhes pa yam shing dang / oM dzrIM swA hA/ zhes pa 'bru rnams dang / oM ku ru ku ru swA hA/ zhes pa rdzas gzhan rnams dang / oM shrI swA hA zhes pa mar rnam par sbyang bar bya'o/ /de nas rab tu 'bar ba'i me la rim pas yam shing dang mar dang til dang / dUr ba dang 'bras dang zho zan rnams rang rang gi sngags kyis so/ /de la zhi ba la pa la sha dang u dum bA ra dang byang chub kyi shing dang kasma ri dang a mra dang / ka dam pa dang / sa mi dang / blak+Sha dang / ba Da la sogs pa 'o ma can gyi shing rnams kyi rtse mo'i char skyes pa rtse mor 'dab ma zung dang bcas pa 'khyog po ma yin pa mnyam par bcad pa rlan dang bcas pa sboms su mthe'u chung gi sor gyi tshad tsam pa rtse mo gnyis sbrang rtsi dang 'o ma dang mar la bsnyugs pa bdud rtsi dang dri'i chus rab tu bsangs pa'i yam shing rnams ming med dang mthe bong gis bzung ste rtse mo gcig sreg blugs bya'o//ku sha dang a mra'i 'dab ma dang dUr ba rnams ni gnyis sbyar te'o/ /'bras zan dang 'o ma dang til dang nas dang zho dang / /pri yang ku dang tsan+dan dang 'bras yos rnams ji ltar rnyed pa'o//rgyas pa la ni yam shing de dag nyid kyi dbus kyi char skyes pa bdud rtsi dang bcas pa'i dri'i chu ser pos bran la/ zho dang 'o ma dang mar dang mngar gsum la bsnyugs pa zas mchog dang zho dang sbrang rtsi dang ldan pa'i til nag po dang / zho zan dang / mar la snyugs pa'i sha ta puSh+pa dang bil pa'i 'bras bu dang 'bras khar ma dang / pad+ma dang klu shing dang kar+Ni kA ra'i me tog dang 'bru rnams kyang ngo / /dbang la tsam pa ka dang mya ngan med pa dang / pan+ta ga dang klu shing dang / ka se ra dang la ku tsa dang / pri yang ku rnams dang zhi ba'i mtshan nyid dang ldan pa'i yam shing dang 'bras bu dang me tog rnams ji ltar rnyed pa'o//drag po la ni nim pa dang seng ldeng la sogs pa tsha ba dang tsher ma can dang kha ba'i shing rnams kyi rtsa ba'i char skyes pa dug dang khrag dang tsha ba'i yungs mar la bsnyugs pa rtse mo gnyis rno ba'i yam shing ngo //tsha ba'i yungs mar dang khrag dang yungs kar dang ske tshe dang nim pa'i 'dab ma la sogs pa ji ltar rnyed pa'am/ thal ba dang sol ba dang phub ma la sogs rnams kyis dgra'i gzugs su bya ste/ dug la sogs pa la bsnyugs pa la rkang pa g.yon pa'i mthe'u chung nas brtsams te/mtshon rnon pos bcad cing sreg blugs bya'o/ /las thams cad pa la zhi ba lta bu'i yam shing dang seng ldeng dang a karka dang kaM ka ta dang a pa marga las byung ba'i gsar pa bdud rtsi dang bcas pa'i dri bzang po'i chus bran pa las dang rjes su mthun pa'i snum la sogs pa rtse mo gnyis bsnyugs pa mkhyid gang tsam pa'o//zhi ba dang rgyas pa la gsungs pa'i mar dang 'o ma la sogs pa dang mar dang bsres pa'i gu gul lam spos dkar dang / gang cung zad bdag nyid kyi bza' ba de thams cad do/ /bud shing ni mchod sbyin gyi shing rnams dang /'brog gi ba lang gi lci ba ni zhi ba la'o/ /de nyid 'brog gi ba lang gi lci ba spangs pa ni rgyas pa la'o/ /nim pa dang skyu ru ra'i shing las skyes pa'i me tog dang bcas pa ni dbang la'o/ /tsher ma can la sogs pa'i shing las skyes pa dang / dur khrod kyi shing dang bong bu la sogs pa'i brun skam po ni mngon spyod la'o//'on kyang yam shing ni 'od la'o/ /zho zan la sogs pa'i bza' ba dang 'bras bu rnams kyang phyag tu'o/ /btung ba zhal du'o/ /bdug pa dang mar me dag mdun du'o/ /me tog spyi bor te/ me dang rang 'dod pa'i lha la yang dbul bar bya'o//de'i rjes la me lha la zhal bsil dang bsang gtor byin nas/ de'i snying gar pad+ma la bcom ldan 'das 'khor dang bcas pa dang snyoms par 'jug pa'am gcig pu'ang rung ste ji lta ba bzhin rdzogs pa las dang rjes su mthun pa'i sku mdog la sogs pa bskyed de//spros pa'i sku rnams dang dkyil 'khor ba rnams kyis mngon par 'dod pa'i don bsgrub par bsams nas rang yang de'i rnal 'byor dang ldan par hUM yig dang dum skyes ma'i sngags kyis kyang / yam shing la sogs pa rnams bsangs te/ ye shes sems dpa' spyan drangs la sngar bzhin bsang gtor la sogs pa sngon du 'gro bas dam tshig sems dpa' la gzhug par bya zhing /dbang bskur ba'i mthar thug pa bsams nas snying po la sogs pa mngon par 'dod pa'i sngags kyis sngar bzhin dgang blugs zhes pa la sogs pa'i rim pas ji ltar 'dod pa'i sreg blugs bya'o//de nas mthar 'khor lo'i dbang phyug la sogs pa'i sngags kho nas gsum mam bdun nam nyi shu rtsa gcig tu mar gyi sreg blugs phul nas/ dgang blugs kyang phul te snying po'i sngags bzlas pa'i mchod yon la sogs pa dbul par bya'o//de nas bsangs la zhal bsil dang na bza' gsar pa dang rdo thal dang bral ba'i tAm+bu la dang / drag po la ni rdo thal dang bcas pa phul nas yang dag par mchod cing bstod de phyag 'tshal nas mchod yon phul la snying gar thal mo sbyar te/ rmongs pa'i blo can bdag gis slar/ / nyes byas cung zad bgyis pa gang / /gang phyir lus can rnams kyi skyabs/ /mgon po khyod kyis de bzod mdzod/ /gtso bo nus pa ma mchis shing / /ma rnyed yongs su ma 'tshal slad/ /'dir ni bya ba gang bgyis pa/ /de dag thams cad bzod par 'os/ /zhes bzod par gsol nas ma tshang ba la sogs pa'i skyon zhi ba'i phyir dang /mngon par 'dod pa'i dngos grub kyi phyir yang yi ge brgya pa brjod de/ oM khyed kyis sems can zhes pa la sogs pa brjod la lha rnams gshegs par bya zhing thab khung na nye bar bzhugs pa'i me lha slar yang yang dag par mchod de/rdzas lhag ma sreg blugs byas nas sngar bzhin gshegs par bya'o/ /de ltar nyi ma so sor ji ltar gsungs pa'i zhi ba la sogs pa'i dus dang thun gsum dang thun bzhir yang bya'o zhes pa'o/ /gzhan don du sbyin sreg byed na yon phul ba'i slob ma'i g.yas pa'i mthe bong g.yon pa'i mthe'u chung gis bzung ste thab khung las g.yas skor gsum byed du bcug la/blugs gzar gyis mgo bo la bskor zhing sreg blugs bdun byin nas dgang blugs dbul bar bya'o/ /las thams cad pa bzlas pa'i srung skud de'i lag pa la bcings te/ bsang gtor bya'o/ /de nas rab gnas kyi skabs su gsungs pa'i cho gas tsA ru dang bral ba ma yin par las dang rjes su mthun par dri yis byugs pa'i me tog gi phreng ba mgrin pa la bcings te/ sa bon hUM las skyes pa bdud rtsi'i rang bzhin gyi'o thug rab tu bsgrubs nas/ 'di ni de bzhin gshegs pa mchod/ /gsol na sdig pa rnam par 'joms/ /zhes brjod nas lha dang 'jig rten skyong ba la sogs pa rnams la dbul te/ sbyin bdag dang bdag nyid kyang bza' bar bya zhing 'dod pa rnams la'ang bgo bar bya'o/ /de'i rjes la zhi ba la 'o ma dang rgyas pa la chu ser po dang /dbang la 'o ma dmar po dang / drag po la nag pos me bsad la sbyin sreg gi thab khung gi thal ba la sogs pa las thams cad pa'i bum pas khyer te/ 'bab chu'i rgyun la bskur bar bya'o zhes pa'o/ /phyi rol gyi sbyin sreg gsungs nas/nang gi sbyin sreg bstan pa'i phyir gsungs pa/ 'jig rten zhes pa la sogs pa ste rtogs sla'o/ /le'u nyi shu rtsa gsum pa'i rnam par bshad pa'o// //grub pa'i sngags ni ji ltar 'gyur/ /zhes zhus pa'i lan gdab pa'i phyir gsungs pa/ de nas zhes pa la sogs pa'o//dngos grub sna tshogs go 'phang zhes pa dngos grub sna tshogs yang dag par gnas te/ sna tshogs las kyi rang bzhin gyi 'bras bu gang rnams la 'byung ba de bzhin du de'o/ /bsnyen pa khri yis zhes pa rang gi 'dod pa'i lha'i rnal 'byor gyis so/ /ling ga bzung nas zhes pa lha chen po'i ling ga ste rang gi ling ga zhes pa kha cig go//oM tsa muN+Da zhes pa la sogs pa'i sngags rnams la sngon du bsnyen pa de kho na ltar ro/ /oM badzra zhes pa la sogs pa'i sngags la'ang de bzhin de thams cad du sngon du bsnyen pa'i khyad par ma gsungs pa'i sngags la sngon du bsnyen pa'i rim pa de kho na ltar ro//bsres pa zhes pa lhag ma'o/ /klu'i me tog ces pa klu shing gi me tog go/ /yaM yig dag gis zhes pa rlung gi dkyil 'khor dag gis so/ /rlung gis bskyod pa'i lo 'dab ces pa tshub ma'i rlung gis khyer ba'o zhes so/ /don 'di yin te rlung gis khyer ba'i lo 'dab blangs te/de la dug la sogs pa rnams kyis bya rog gi sgro'i bris smyug gis ya yig gi nang du hUM hUM hUM che ge mo uts+tsha Ta ya phaT phaT phaT zhes pa lo 'dab gnyis la bris nas kha sbyar du bya ste/ mtshan mo ling ga gcig par sngags bzlas la rlung tshub bam 'bab chu drag po la bskur bar bya ste dgra bskrad par 'gyur ro//ba'i lci ba sa la ma lhung bas zhes pa la sogs pa'i sbyor ba la yang sngags 'di nyid kyi'o/ /rlung gi zur du zhes pa nas brtsams pa'i sbyor ba ni bcom ldan 'das kyi snying po dang nye ba'i snying po'i sngags dag go zhes kha cig go//lha khang zhes pa ling ga gcig par ro/ /thams cad kyi zhes pa thams cad las ti bla ma la gus pa las 'grub par 'gyur ro zhes pa lhag ma ste/ bla ma'i gdams ngag dang bral ba las 'grub pa med do zhes dgongs pa'o/ /gnyis zhes pa dkar po dang dmar po ste/gnyis ka yang gcig tu bgrang bar bya'o/ /de ltar tsha ba gsum dang 'bras bu gsum yang ngo / /me tog shing dang yung ba dag /ces pa me tog shing dang shing yung ba yang ngo / /nyi ma yis zhes pa nyi ma la 'gro ba la'o/ /bsnyen gnas zhes pa gso sbyong gis so//le'u nyi shu rtsa bzhi pa'i rnam par bshad pa'o// //bcud len yang ni ji ltar blta/ /zhes zhus pa'i lan gdab pa'i phyir gsungs pa/ de nas zhes pa la sogs pa'o/ /lus kyi thabs kyi mtshan nyid 'gyur/ /zhes pa lus brtan par byed pa'i thabs su 'gyur ro zhes pa'o//zla ba zhes pa la sogs pa mdor bstan pa'o/ /de la zla ba ni snang ba mtha' yas so/ /si h+la ni rin chen 'byung ldan no/ /gla rtsi ni mi bskyod pa'o/ /sman ni don yod grub pa'o/ /tsan+dan ser po ni rnam par snang mdzad do/ /so so zhes pa gcig kyang rung ngo / /lnga zhes pa dam tshig dang ldan pa'i rigs lnga la sogs pa las yang dag par blangs pa'o//dang po tha ma zhes pa 'dir nus pa'i man ngag ni shing nim pa las byas pa'i sbubs sam/ smyug ma las byas pa'i sbubs la cha gsum gyi bar du bug pa gnyis bya ste/ bsil bar gyur pa'i mi bskyod pa steng gi cha dor ba'i bar gyi cha blang bar bya'o//smyug sbubs la ni ke ta ka'i yal ga'i phye ma btab nas/ de'i steng du mar khu'i cha dang 'og tu lan tshwa'i cha dang bar du dag pa'i char 'gyur ro/ /zhi bar byed ces pa gza' la sogs pa zhi ba'o/ /rtag tu bzhi mnyam gyur pa ni//zhes pa rtag tu gzhon nur byed pa'o/ /zla ba la rgyu btung byas te/ /zhes pa zla bas zla ba btung bar bya zhes pa lhag ma'o/ /de'i phyir rgyu ba ni lus la rgyu ba'o/ /gang gi tshe zhe na gsungs pa/ zla ba zhes pa la sogs pa ste/ zla ba 'ba' zhig gam/yang na rdzas gzhan dang ldan pa'o/ /de nyid gsungs pa 'di dag ces pa la sogs pa'o/ /gnag dang zhes pa dmar po ma yin pa'o/ /dri ma dri med rnam par spangs/ /zhes pa mar khu dang lan tshwa'i cha dang bral ba'o/ /rab dang zhes pa la sogs pa rang bzhin nyid kyis de ltar gyur pa blang bar bya'o//'di ni mdor bstan pa'i rgyas par bshad pa'o/ /gong bu ni lus te de'i bcing ba ni brtan par byed pa'o/ /sman rnams kyi cho ga gsungs pa/ nya zhes pa la sogs pa ste yang dag ldan zhes pa ldan par byas nas so/ /de yi zhes pa de yis so//lnga po zhes pa dngos po lnga rnams nyid de rtogs shing zhes pa sbyangs pa dang rtogs pa la sogs pa sngon du 'gro bar 'gyur ro/ /'dir bsdus pa'i don ni 'di yin te nye bar 'tshe ba dang bral ba'i phyogs 'ga' zhig tu spyil po bya ste/ dad pa dang gus pa mchog dang ldan pa'i slob bu gcig pa sgrub pa'i grogs su byas nas sbyin pa dang yon phul la/rang nyid spyil por zhugs te/ gtor ma dang mchod pa rnams kyis rang gi lha mnyes par bya zhing gzhan thub par byas la ji srid lo bdun gyi bar du rang gi lus sbyang bar bya'o/ /de la 'di ni sbyang ba'i rim pa ste/dge ba'i nyi ma la bu ram cung zad zos nas/ 'bras bu gsum gyi thang dang lan tshwa dang rgya skyegs kyi shing gi 'bras bu phye ma dang ldan pa btung bar bya ste/ srin bu lhung zhing dri ma dag par 'gyur ro/ /de nas ke ta ka'i yal ga'i khu ba dang tsha ba'i mar khu dang hi la mo tsi dang rgyam tsha rnams gcig tu byas nas 'thungs te/nyi ma la gdung zhing lus bcag par bya ste/ shig dang bral bar 'gyur ro/ /de dag nyid hi la mu tsi'i khu ba dang / lhan cig 'thung zhing de kho na ltar bcag par bya ste/ lus kyi lan tshwa med par 'gyur ro/ /hi la mu tsi'i khu ba rgyam tsha dang bcas pa 'thung zhing grib ma la bsdad na/mkhris pa med par 'gyur ro/ /ka ta ka'i yal ga'i khu ba dang / te la ku tsa'i khu ba dang ba'i 'o ma rnams mnyam par gcig tu byas nas btung bar bya ste/ mar khu med par 'gyur ro/ /ku smaN+Da'i yal ga'i khu ba dang rgyam tsha ldan pa btung bar bya ste/mig nad med par 'gyur ro/ /sbrang rtsi rnar blugs na bad kan med par 'gyur ro/ /sbyor ba 'di dag kyang nyi ma gcig gam gnyis su bzhag cing re re la lan gnyis rab tu sbyar bar bya'o/ /de nas rdo'i snod du bzhag pa'i gla rtsi 'bras bu gsum dang ldan pa nyi ma so sor btung bar bya'o//nya dang sha dang chang dang 'o ma dang skyur po dang bral ba bza' bar bya zhing bud med dang 'grogs pa yang spang bar bya'o/ /de nas rdo rje gsum du bdud rtsi lnga'i ya gyal lam/ mtha' dag cho gas brten par bya'o/ /de'i rjes la sman spangs te/sman gyi dus kho nar bza' ba dang spyod pa'i bya bas lo gsum du gnas par bya'o/ /dril phyis gsungs pa bud+d+ha zhes pa tsakra marda ka'o/ /a ka ra zhes pa yung ba'o/ /bal gu dze zhes pa so ma ra dza'o/ /gla rtsi zhes pa mar khu'i cha'o/ /tsan+dan ldan zhing phye ma skam pa'o//tsar zhes pa spang spos so/ /rdzas 'di rnams gla rtsi btags nas dril phyis bya'o/ /gdungs pa'i rtog pa'i cho ga bya bar mi nus na/ bcud len gyi cho ga gsungs pa/ 'bras bu gsum zhes pa la sogs pa'o/ /bcud len gyi cho ga la drang ba dang rlung la sogs pa yongs su spang bar mi bya'o//lo ma skyur po dang chang dang bud med dang 'grogs pa ni spang bar bya'o/ /de la sbyor ba bzhi pa ni gla rtsi'i dbus kyi cha ji ltar gsungs pa'i cho gas blangs te 'bras bu gsum dang tsan+dan gyi phye ma dag dang sbyar la btung bar bya'o/ /'bras bu gsum dang tsan+dan gyi phye ma dang gla rtsi rnams kAn+ta'i snod du sbyangs te blugs par bya'o//rdo'i snod du gla rtsi blugs nas 'bras bu gsum gyi phye ma steng du btab ste skabs su btung bar bya'o/ /'di dag kyang snga dro bzhag ste thun gcig lon pa na bya'o/ /'bras bu gsum dang tsan+dan gyi phye ma zho re nyi ma so sor bza' bar bya'o//sbyor ba bzhi po 'di rnams gang yang rung ba'i sbyor ba bya'o/ /le'u nyi shu rtsa lnga pa'i rnam par bshad pa'o// //chang zhus pa bstan pa'i don du gsungs pa/ de nas zhes pa la sogs pa'o/ /gzhan ma brjod ces pa 'dir ma brjod pa ma yin te bya ba'i rgyud la sogs par ro//ye shes rdo rje zhes pa rdo rje sems dpa'o/ /mkha' dbyings ni chos kyi dbyings so/ /man+dA ra dang 'o ma'i mtsho dag ni 'jig rten la rab tu grags pa tsam la brten nas dpe dag go/ /yang na ye shes rdo rje dang mkha' dbyings 'di dag ni tha snyad gzhan no//bdud rtsi la zhes pa rgyu mtshan gyi bdun pa'o/ /man+dA ra las byung ba zhes pa man+dA ra las 'bab pa'o/ /kun zhes pa thams cad de/ chu bor 'gyur te zhes pa chu bo rnam pa lnga rnams so/ /dbus 'gro ba zhes pa de rnams kyi dbus nas 'gro ba gang gA zhes pa'i don to//'o ma'i rgya mtsho zhes bya ste/ /zhes pa 'di dag phyi rol bstan pa'o/ /zla ba'i btung ba'i zhes pa zla ba'i btung ba'i rang bzhin no/ /sku zhes pa lus la bcom ldan 'das ma rdo rje phag mo gnas so/ /ji ltar gnas she na gsungs pa/ rnam snang mdzad ma'i zhes pa la sogs pa ste/ bcom ldan 'das he ru ka dang rnam snang mdzad ma phan tshun 'khyud nas gnas pa dag chags pa chen pos zhu bar gyur zhes pa'i don to/ /de dag nyid gsungs pa/ dpa' bo kun zhes pa la sogs pa ste/ thams cad gcig tu gyur pa'i zhes pa brtan pa dang g.yo ba'i bdag nyid kyi dngos po'o//thams cad gcig tu gyur pa nyid de yang na rtsa thams cad nyid do/ /bdud rtsi ni lhan cig skyes pa'i dga' ba'i rang bzhin thar pa ste/ 'di nyid bcom ldan 'das ma nyon mongs pa la sogs pa'i bdud rnams la mi 'jigs par mdzad pas drag po'i gzugs can ma'o//'di dag gi spyi bo'i 'khor lo las a wa d+hU tI'i lam nas rtsa thams cad khyab par byas te/ bde ba chen po'i rang bzhin nyid kyis zhu ba'i byang chub kyi sems dang bcom ldan 'das ma gnyis dga' ba chen po skyed par byed pa nyid las chang gi gzugs can ma'o//gang gsungs pa/ gang zhig thig le dkar po'i rgyun rnams nyin dang mtshan mor 'bab pa de ni chang min mA ma kI/ zhes pa dang / 'di nyid du yang / khu ba'i rnam pa bcom ldan 'das/ /de yi bde ba 'dod mar dran//zhes pa'i tshig las dbye ba med pa de nyid kyi phyir/ 'ga' zhig tu bcom ldan 'das kyi rang bzhin gyis bde ba dang byang chub kyi sems kyang bstan to/ /de nyid 'ga' zhig tu skyes pa'i rtags dang / bud med kyi rtags kyis kyang ste/ bde ba tsam la ltos pas ma ning gis kyang bstan to//'phrog pa zhes pa sdug bsngal la sogs pa'o/ /byed pa ni dga' ba la sogs pa'o/ /longs spyod ni sems kyi rang bzhin nyid las sems kho na bde ba chen po'i rang bzhin te/ de'i snying po'i bdud rtsi de bzhin no zhes pa'o/ /de dang de dag kun rdzob tu lus kyi nang du bdud rtsi ji lta ba de ltar phyi rol du yang ngo zhes ston pa thab khung zhes pa la sogs pa'o//dgos pa gsungs pa chang med ces pa la sogs pa ste ye shes ni 'jig rten las 'das pa'o/ /rnam shes ni 'jig rten pa'o/ /de'i phyir ye shes rnam shes phun sum tshogs pa zhes pa dang /'gro ba kun du rmongs pa ste/ 'di dag gis 'di'i rang bzhin bsgrags pa'o/ /khyad par gyi dgos pa yang gsungs pa/ gnas zhes pa la sogs pa ste/ gnas la sogs par phyin nas mchod pa'i don du 'di mchog go zhes pa'i don to/ /de ci 'di bstan bcos thams cad kyi yang dag pa'i 'dod pa'am zhe na gsungs pa rgyud dang zhes pa la sogs pa'o//kun spyod kyi cho ga nye bar ston pa gsungs pa/ lhag par zhes pa la sogs pa ste/ lhag par byed pa ni rnal 'byor pa'i btung ba'i don du'o/ /bla ma dpa' bo dang rnal 'byor ma rnams so//'di ltar gsungs te lag pa g.yas par hoHyig las skyes pa'i 'khor lo rnam par snang mdzad kyi rang bzhin hoHyig gis byin gyis brlabs pa rnam par bsgoms te/ de'i steng du rdzas kyi snod la ha yig las skyes pa'i pad+ma dmar po 'dab ma brgyad pa ha yig gis byin gyis brlabs pa snang ba mtha' yas kyi rang bzhin rnam par bsgoms pa'i lag pa g.yon pas bkab cing rdzas kyi steng du nyi ma la gnas pa'i hrIHyig mi bskyod pa'i rang bzhin bltas nas lan gsum dang lnga dang bdun du ha hoHhrIHzhes pa'i sngags brjod de/oM AHhUM zhes pa'i sngags rdzas kyi steng du rim pas g.yas dang g.yon dang mdun du gnas pa de kho na ltar brjod cing mnyes par byed pa'i cho gas bla ma dang dpa' bo dang rnal 'byor ma rnams mnyes par byas te rang nyid brten par bya'o//de ltar ma byas par brten pa'i nyes pa gsungs pa/ lha gsum zhes pa la sogs pa ste/ lha gsum ni rnam par snang mdzad dang snang ba mtha' yas dang mi bskyod pa'i bdag nyid oM la sogs pa'o/ /bla ma la 'khu bla mar smod/ /sems can 'khu la zhes pa 'di rnams la sbyin par mi bya ste/ 'di rnams dam tshig la gzhug par mi bya'o zhes pa'i don to//dam tshig dang ldan pa la ni slu bar mi bya'o zhes gsungs pa/ rnal 'byor zhes pa la sogs pa'o/ /cho gas bsten pa'i 'bras bu gsungs pa/ shes rab ces pa la sogs pa'o/ /gtso bo'i don du rnam par dbye bas bstan pa'i phyir gsungs pa/rdzas zhes pa la sogs pa ste rdzas ni skyu ru ra la sogs pa'o/ /rtsa ba ni sman sna tshogs pa rnams kyi'o/ /shing skyes zhes pa a mra la sogs pa'o/ /gtso bo'i cho ga gsungs pa/ mtha' yas zhes pa la sogs pa'o/ /shi gru ni shau b+hany+dza na'o/ /pAs+thA ma zhes pa srang bcu drug go//'byung po'i me tog ces pa 'byung po'i skra zhes pa ste rab tu grags so/ /ma la ya ni tsan+dan no/ /shA ri ba zhes pa ut+pal shA ri ba ste/ ats+tshu at+ti zhes 'jig rten du grags so/ /krAn+ta zhes pa khyab 'jug krAn+ta ste/ legs mthong zhes 'ga' zhig go//rkang pa'i cha yis zhes pa chu ste d+ha ta ki la sogs pa rnams kyi srang brgyad rnams zhes pa'i don to/ /se bya ni u shI ra'o/ /mA ga d+ha zhes pa pi pi ling ngo / /chu ni zhes pa srang bcu drug go/ /tsakra ni legs mthong ngo / /bung ba can zhes pa sbrang rtsi ste/ shi gru'i rtsa ba'i khu ba ras la btsags pa sbrang rtsi'i brgyad 'gyur la sbrang rtsi'i lhag mar btso bar bya'o zhes pa'i don to//brgya'i cha shas kyis zhes pa sbrang rtsi'o/ /'bigs pa zhes pa gzhug pa'i don to/ /sbrang ma ni sbrang ma las te/ de las grub pa zhes pa 'di ni sbrang rtsi zhes pa'i don to/ / de yang bzhi 'gyur te/ sau b+hany+dza na dang ra'i chu sbrang rtsi'i lhag mar btso bar bya'o/ /rnam pa gnyis pa zhes pa nyis 'gyur te/ tu hi na zhes pa tu hi na ga bur la sogs so/ /grub pa rkang pa'i lhag ma ni/ zhes pa bzhi cha lhag pa'o/ /dri'i rdzas zhes pa brjod ma thag pa'i'o/ /de nyid kyis ni rim pa 'grub pas zhes pa 'grub ste/zla ba so sor sbyar ba'o/ /yul gyi rjes 'gro zhes pa chang yul gyi rjes su 'gro ba zhes shes par bya'o/ /yul ni nye bar mtshon pa ste/ /dus kyi yang ste drod chung ba'i yul dang dus su nyin gcig la tshar ba'i chang mi bya'o zhes dgongs pa'o//mchod pa zhes pa mchod pa rnams te ji ltar mar dang bral ba'i sbyin sreg dang / mi rigs nyid gzhan du srid min zhes pa 'di mi rigs pa ste gsungs pa las gzhan du 'di'i mchod pa la sogs pa'i bye brag gi rigs pa srid pa ma yin no zhes pa'i don to/ /glegs bam kha cig las grol ba//zhes brjod de/ grol ba nyid gzhan du srid pa min te chos dang bral ba zhes pa'i don to/ /'bras las zhes pa 'bras las yang dag par byung ba'i chang / mchog ma yin zhes pa lhag ma'o/ /gang du zhes pa gang du yang ste de dam tshig tu 'gyur ba ma yin no//'bras la sogs pa gtso bor gyur pa'i myos byed ni ro dang nus pa dang smin pa khyad par du 'phags pa ma yin pa'i phyir dam tshig tu 'os pa ma yin no/ /de'i phyir gsungs pa'i bye brag rnams bsgrub par bya'o zhes dgongs pa'o/ /glegs bam kha cig la gzhan du srid pa zhes brjod do//de'i tshe myos byed las gzhan gang du'ang dam tshig srid pa ma yin no zhes pa'i don to/ /de'i phyir dam tshig yongs su bskyang ba dang bla ma mnyes par byed pa ni myos byed do zhes ston pa bdag nyid ces pa la sogs pa'o/ /la la zhes pa rnal 'byor pas dam tshig yongs su bskyang ba'i bsod nams dang bla ma mnyes pa las kyang 'jig rten dang 'jig rten las 'das pa'i don thob par 'gyur te/de yang dam tshig gi rdzas dang bral bas ma yin no zhes pas gdon mi za bar dam tshig gi rdzas gtso bor bya'o zhes khyad par gyis bstan par byas pa'o//de la 'di ni btso bo'i cho ga ste yul dang dus dang nus pa ji lta ba bzhin ji ltar gsungs pa'i sman rnams nye bar bzhag nas/ shes rab dang bcas pa'i sngags pas gtor ma sbyin pa sngon du 'gro bas rang gi lhag pa'i lha'i rnal 'byor dang ldan pa'i mdun du mtha' yas dang nor rgyas dang /chu lha ste klu'i bdag po gsum gyi rang bzhin chun po la sogs pa'i gdan gyi steng du rdza ma gu gul gyi bdug pas bdugs te/ me tog gis mchod la/ de'i nang du shau b+hany+dza na la sogs pa gnur ba'i gong bu chu dang bsres pa bcug nas rdza ma'i nang du skad cig la dpal rdo rje phag mos 'khyud pa'i dpal bde mchog 'khor dang bcas pa bde ba chen por zhu bar gyur pa las skyes pa'i maM yig las byung ba'i chang gi lha mo ji ltar gsungs pa'i rang bzhin can rnam par bsgoms te/bde ba chen po'i rang bzhin ye shes kyi bdud rtsi khu ba'i rang bzhin nam gzugs nyid kyis gnas pa lhag par mos shing spro ba la sogs pa rgyun du bya'o zhes pa'o/ /le'u nyi shu rtsa drug pa'i rnam par bshad pa'o// //sngags btu bzhus pa'i lan gdab pa'i phyir gsungs pa/'di las zhes pa la sogs pa'o/ /'dod pa zhes pa bcu gsum pa'o/ /drag po zhes pa bcu gcig pa'o/ /bu ga zhes pa dgu'o/ /thub pa zhes pa bdun no/ /mda' zhes pa lnga pa'o/ /gzugs zhes pa gcig ste 'di ni me'i pha rol du rtogs par bya'o//me zhes pa gsum mo/ /man ngag las zhes pa re'u mig bcu gsum gyi bdag nyid kyi phreng ba'i re'u mig dang po nas brtsams te zhes pa gdams ngag go/ /re'u mig dang po'i zhes pa re'u mig gi phreng ba dang po'i sde/ lnga pa zhes pa re'u mig lnga pa na gnas pa'o/ /de la re'u mig dang po nyid gong du yang dag sbyin par bya zhes pa de nyid la re'u mig gi phreng ba dang po'i re'u mig dang po na gang gnas pa de gong du sbyin par bya'i zhes pa'i don to//de la re'u mig gcig pa nyid ces kha cig rjod pa la'ang de bzhin no/ /de la yon tan du byas te oM yig tu 'gyur ro//de la re'u mig bcu gcig pas zhes brjod pa ni de las zhes pa de la ste/ re'u mig las bri ba'i rim pas bgrangs pa'i bcu gcig pa na gnas pa'i oM yig ste/ de'i gong du bzhag pas lhan cig yon tan du byas te/ zla ba phyed pa dang / lhan cig pa'i oM yig tu 'gyur ro//mtshams sbyar ba nyid las so/ /des na dgu pa'i grangs kyi re'u mig gi phreng ba'i gsum pa ma yig thig le'i gzugs zla ba phyed pa'i steng du sbyin par bya'o/ /lhag ma ni go sla'o/ /'dir thog mar bcom ldan 'das kyi snying po'i sngags yi ge bcu pa'o//de nas nye ba'i snying po'i sngags yi ge bdun pa'o/ /de nas lha mo'i snying po'i sngags yi ge bcu gsum pa'o/ /de nas rkang pa bzhi pa'i sngags te 'di dag btu ba ni bla ma las shes par bya'o/ /de ltar sbas pa'i dgongs pa gsungs pa/ glegs bam zhes pa la sogs pa'o//sngags btu ba 'di dag gang gi tshe bya zhe na/ gsungs pa/ bcu pa zhes pa la sogs pa'o/ /sngags dang lha dag la dbye ba ni dam tshig nyams pa ste de'ang mi bya'o zhes gsungs pa/ srog ni zhes pa la sogs pa'o/ /shes rab snod pa spong ba 'jig rten pa la zhes pa la sogs pa'o//tshim dang bza' ba g.yon pa ste/ /zhes pa lag pa g.yon pas tshim pa dang bza' ba yang ngo / /byams pa chen po spong ba dgag pa rigs lnga zhes pa la sogs pa'o/ /kun rtog thams cad nges grol zhing / /zhes pa thog ma dang bar dang tha ma dang stong pa'i chos rnams thams cad la thog ma la sogs par rtog pa dang bral lo//gnyis pa thams cad rnam par spangs/ /zhes pa phung po lnga dang de bzhin gshegs pa lnga po dag dbye bar mi bya'o/ /bla ma la mi gus pa dang smod pa spong ba/ bla ma zhes pa la sogs pa ste thams cad ces pa la sogs pa bla ma'i khyad par ro//'di dag gis rtsa ba'i ltung ba yongs spangs shing / /zhes pa dbang gi le'ur gsungs pa'i rtsa ba'i ltung ba bcu bzhi po rnams kyis ji tsam bstan pa dang / rgyud gzhan du gsungs pa thams cad kyang shes par bya'o//'di lta ste/ bla ma dam pa la brnyas shing / /rdzogs sangs rgyas kyi bka' las 'das/ /khros pas spun gyi nyes pa brjod/ /byams pa chen po rnam par spong / /byang chub sems ni yongs spong dang / /theg gsum gzhan la smod pa dang //ma smin pa la gsang ba sgrogs/ /sangs rgyas bdag nyid phung por smod/ /rang bzhin dag par som nyi dang / /gdug la thog mtha' bar du byams/ /stong par de dang der rtog cing / /dad dang ldan pa'i sems sun 'byin/ /dam tshig ji bzhin rnyed mi brten/ / bud med smod ces bcu bzhi'o/ /'di rnams gang rung ltung ba la/ /slar yang dbang bskur gyis dag bya/ /rtsa ba'i ltung ba'o/ /shes rab stobs kyis de bzung zhing / /de bzhin byang chub sems kyang bzung / /gsang ba skal med la mi sbed/ /tshogs kyi dkyil 'khor du rtsod cing //dad ldan las gzhan chos kyi gtam/ /nyan thos rnams kyi zhag bdun gnas/ /brdzun nyid rnal 'byor pa nga rgyal/ /ma dad pa la chos ston pa/ /zhes pa sbom po'i ltung ba brgyad/ /nyams par gyur na bshags bya ste/ /cho ga las ni shes par bya//rtsa ba sbom po'i ltung ba'i rim/ /zhes pa'o/ /le'u nyi shu rtsa bdun pa'i rnam par bshad pa'o// //tshar bcad rjes gzung zhus pa'i lan gdab pa'i phyir gsungs pa/ de nas zhes pa la sogs pa'o/ /sngags zhes pa bcom ldan 'das kyi snying po'i sngags so//gdol ba'i me la zhes pa gdol pa'i khyim nas blangs pa'i me la'o/ /mtshan phyed ces pa mtshan phyed na'o/ /sha za'i me zhes pa dur khrod kyi me'o/ /rlung gi steng gi phyogs gnas pa/ /zhes pa rlung gi dkyil 'khor la zhon pa'o/ /'di ltar gsungs te/ 'gugs par byed par 'dod pas rlung du bltas te/gtor ma byin la bde mchog dmar po'i rnal 'byor dang ldan pas rol pa'i stabs kyis gnas te/ rlung gi dkyil 'khor la zhon pa'i bsgrub bya la snying ga'i sa bon las 'thon pa'i dum skyes ma lcags kyu dang zhags pa'i phyag gi zhags pas ske bcings te/lcags kyus snying phug nas bkug par bsgom zhing dzaHche ge mo A kaR+Sha ya dzaHzhes pa spel ba'i snying po la sogs pa'i ji ltar mngon par 'dod pa'i sngags bzlas par bya ste/ gro ga la rang gi ming med kyi khrag dang gi wang dag gis thang phrom gyi shing gi bri smyug gis bsgrub bya'i gzugs mngon par bris nas rma med pa dum bu gcig pa mdzes pa'i thod par bzhag la ras kyis g.yogs te/de'i steng du ka ra bI ra dmar po'i me tog sngags re re brjod pa sngon du 'gro bas sbyin sreg byas na 'gugs par 'gyur ro/ / de nas gzhan yang ni bkug pa'i rab tu sbyor ba gzhan yang ste go sla'o/ /b+ha ga mngon par bris la zhes pa mdun du zhes pa lhag ma'o/ /lag pa g.yon pas zhes pa mnan nas zhes shes par bya'o/ /gyen du langs pa'i tshub ma zhes pa rlung gi dkyil 'khor la'o/ /yi dwags kyi gos zhes pa ro'i gos so//nA ga'i kong bu zhes pa nA ga ge sha ra'i shing las byas pa'i mar me'i kong bu'o/ /zha nye'i kong bu zhes kha cig go/ /glang po che'i lci ba zhes pa glang po che dang lhan cig pa'o/ /le'u nyi shu rtsa brgyad pa'i rnam par bshad pa'o// //de nyid rnams zhes pa la sogs pa bzhi zhus pa'i lan gdab pa'i don du gsungs pa/de nas zhes pa la sogs pa'o/ /de la sgom pa zhes pa la sogs pa rgyal ba zhes pa'i bar gyis de kho na bstan to/ /gnyis kyis zhes pa la sogs pa he ru ka'i dbyibs zhes pa'i bar gyis de kho na nyid kyi stong pa nyid dang snying rje'i rnam par dbye ba bstan to//snang ba med ces pa la sogs pa tshigs su bcad pa gnyis kyis de dag bzung ba'i dngos po thams cad kyi mi mthun pa'i phyogs nyid kyis rang bzhin med pa'i tshul rab tu bstan to/ /de bzhin zhes pa la sogs pa bzhi zhes pa'i bar gyis slar yang /de dag nyid kyi spros pa dang bral ba'i phyir rnam par rtog pa dang bral ba bde ba chen po'i sku'i mtshan nyid kyi rang bzhin rab tu bstan to/ /ngo bo ni dbang bzhi pa'i don gyi rang bzhin 'od gsal gyi rim pa ming gzhan lhan cig skyes pa'i dga' ba nyid ldog pa'i dbye ba las rnam par phye bar gsungs so//ji lta'i zhes pa phyin ci ma log pa ste de nyid ni dngos po ma bcos pa ste rang bzhin med pa'o/ /srid pa'i rang bzhin nyid bsgom pa/ /zhes pa srid pa nyid bsgom pa'i bdag nyid can no//de'ang ngo bo nyid ni dngos med ces pa rang bzhin med pa'o/ /rang bzhin med pa gang zhe na spros pa dang bral ba ste/ rnam par rtog pa'i 'jug pa thams cad dang bral ba zhes pa'i don to/ /gal te phyi rol gyi gzung ba brtags pa rnams dngos po med par 'gyur mod/rang rig pa'i rang bzhin nyid kyis spros pa'i gzugs dang sems dag ji ltar 'gyur zhe na/ gsungs pa/ rang rig ces pa la sogs pa ste/ rnam par shes pa yang kho na'o/ /don gyi bya ba byed pa ni dngos po nyid de/ de'ang 'das pa dang ma 'ongs pa dang da ltar byung ba'i dbye bas tha dad pa'o//de la gang 'das pa de ni rjes 'gro med par zhig pa'o/ /ma 'ongs pa ni mo gsham gyi bu lta bu'o/ /da ltar byung ba yang rang bzhin med pa kho na'o/ /gang las she na/ gsungs pa gcig dang zhes pa la sogs pa ste/ da ltar byung ba'i rnam par shes pa'i mtshan nyid kyang gcig dang gcig min gyi rang bzhin dang bral ba kho na ste/gang gi phyir de yang cha dang bcas pa'am cha med par 'gyur/ cha dang bcas pa nyid na rdul phra rab las chags pa'i skyon las grol ba med do/ /cha med pa nyid na nam mkha' dang mtshungs pa kho na'o//skad cig nyid las zhes pa snga ma las te/ rab skyes zhes pa kun rdzob tu'o/ /de nyid gsungs pa rang rig ces pa la sogs pa ste/ ri bong gi rwa ltar btags pa 'ba' zhig ni ma yin no/ /ngag gi spyod yul las 'das pa ste 'di dag nyid de kho na dang thams cad pa'i stong pa dang 'od gsal gyi rim pa dang chos kyi sku zhes pa 'di yi rnam grangs cung zad ston pa kun mkhyen zhes pa la sogs pa ste go sla'o//de ci 'di dag bde ba'i rang bzhin ma yin nam zhe na/ gsungs pa/ 'di ni zhes pa la sogs pa ste sangs rgyas bde ba 'byung ba ni 'di las zhes pa ste sangs rgyas kyi bde ba 'byung ba'o//gang la zhes pa don dam pa'i bden pa gang las te/ chos thams cad kyi rten nyid kyis bstan to/ /'ga' zhig tu zhes pa gzhan 'ga' zhig tu'o/ /byang chub gnas zhes pa byang chub kyi gnas so//dpe med so sor mnyam par de nyid kho na de bzhin nyid kyi mtshan nyid de/ rgyal ba rnams kyis bstan to/ /de ni bdag gis gzhan du ma bstan te/ 'dir ni gsal bar byas zhes dgongs pa'o/ /gnyis zhes pa gnyis ni gzung ba dang 'dzin pa dang dngos po dang dngos po med pa dang 'khor ba dang mya ngan las 'das pa dang kun rdzob dang don dam pa zhes pa la sogs pa'o//de spangs pa gang la de rab gsal bde ba chen po'i rang bzhin gyis rab tu mtshon pa nyid kyi phyir gsal ba ni spros pa'i dga' ba'i rlabs gzhan dang gzhan nyid las te/ yang dag rig ni des skal pa bzang ste/ yid 'phrog ces pa khyad par bsdus pa de'i skyes bu'o/ /tshogs ni bar med pa'i dga' ba'o/ /rab spel ni gang la spel nas gnas pa de bzhin du de'o/ /stobs mchog ste mi ldog pa'i ros rdzogs shing khyab pa mkha' dkyil te/nam mkhar sgro ma btags pa de bzhin du de'o/ /rnam pa du ma spros pa rnams kyis te/ rnam pa sna tshogs pa'i sprul pa rnams kyis nyer bsags khyab pa'o/ /mtha' dag bar snang gnas gyur te/ /nam mkha' ma lus pa skabs 'byed pas gnas pa de bzhin du de'o/ / de ltar gyur pa'i yid la 'jig rten gsum po la thim pa lta bur rab tu gsal zhes pa'i don to/ /rang bzhin zhes pa rang bzhin te/ /brjod zhes pa le'u gsum par ro/ /dkyil 'khor zhes pa 'di nyid yang dag rig ni chos thams cad kyi yang dag pa'i bdag nyid can gyi snying po len ba zhes bya ste/phung po la sogs pa mtshan nyid thams cad kyis khyad par 'phags pa'i mtshan nyid 'di'i zhes pa mchog mtshan nyid do/ /yang na gang rnam pa thams cad kyis khyad par du 'phags pa'i mtshan nyid 'dis zhes pa ste/ rnam pa thams cad mchog mtshan nyid/ /mtshan sum cu rtsa gnyis dang dpe byad bzang po brgyad cus brgyan zhing spras pa'i sku'o/ /mkha' 'gro ma zhes pa dran pa nye bar gzhag pa la sogs pa'i chos rnams te/ de nyid 'di'i rtsa rnams so/ /'di dag gis byang chub kyi phyogs la sogs pa sangs rgyas kyi yon tan mtha' dag gi rdul phra rab las yongs su grub pa de ni sku ma yin no zhes gsungs so//de nyid gsungs pa thams cad ces pa la sogs pa ste thams cad ces thams cad kyi'o/ /snang ba med ces pa brtan pa dang sra ba la sogs pa'i snang ba nye bar dmigs pa med par rtogs pa de bzhin du de'o//skabs med ces pa bu ga la sogs pa dang bral ba'o/ /lus pa med pa zhes pa lhag ma med ces pa'i don to/ /bag chags kyang ma lus pa nyid kyi phyir ro/ /gnas med ces pa rten dang brten pa'i dngos po dang bral ba nyid las so//ci'i don du de ltar thog mar nye bar bstan zhe na/ gsungs pa/ rang bzhin zhes pa la sogs pa ste gang la zhes pa gang las so/ /gzugs med ces pa gzung du med pa'i dbye bas nye bar dmigs pa med pa nyid las te/ byas pa'i dga' ba zhes pa skyes pa'i dga' ba'o//de bzhin sems des sems med la/ /zhes pa bsam pa dang / rtog pa'i spros pa dang bral ba des sems med pa rnam par mi rtog pa'o/ /gsungs pa ni bcom ldan 'das mar sems de ni yod de sems gang bsam gyis mi khyab pa'o zhes so//gcig ces pa gnyis med pa'o/ /sna tshogs rtogs par byed ces pa phyogs dang dus mtha' dag bstan to/ /'di dag nyid gsungs pa dngos po zhes pa la sogs pa ste/ gang la zhes pa gsungs pa'i mtshan nyid rtog pa dang bral ba'i rang bzhin gang la yod pa de ni bzhi par brjod de rab tu grags pa lhan cig skyes pa'i dga' ba ste gsal zhes 'brel lo//ji ltar bya ba de dag rtogs shing khong du chud pa'i chen po dang ldan pa gang la bdag nyid chen po ste de bzhin du de'o/ /yang ji ltar/ nam mkha'i mtha' klas khyab pa po//zhes pa'o/ /yang ji ltar 'gyur na/ dngos po dang dngos po med pa dag rnam par dben pas so so'i dngos po de dang mi ldan pa'o/ /yang ji ltar 'gyur na/ me long dang mtshungs dkyil 'khor spro/ /dri ma med pa'i rgyun nyid kyis/ /'gro ba rnam pa thams cad kyi gzugs brnyan 'char ba'i rgyun nyid las me long dang mtshungs pa'i dkyil 'khor spro ba'o//rnam pa kun khyab ces pa rnam pa thams cad kyis khyab par byed pa ni 'di'i ngang tshul lo zhes bya ba'i khyad par ro/ /yang na rnam pa kun bral zhes pa ste/ thams cad du de dag chags pa dang bral ba nyid dang /dri ma dang bral ba nyid kyis zhes dgongs pa'o/ /yang ji ltar 'gyur na thams cad kyi bde ba rnams kyi phul du byung ba mthar thug pa 'grub pas gnas te gzhi'o/ /yang na gang la zhes pa lhan cig skyes pa'i dga' ba la ltos pas so/ / des na don 'di yin te/ gang yod na de ltar yon tan gyi rnam pa'i tshogs grub pa de nyid bzhi par zad par 'bras bur 'gyur ba'i lhan cig skyes par rig par bya ste/ cig shos ni bstan pa tsam mo/ /de nyid gsungs pa yang dag ces pa la sogs pa ste go sla'o/ /zung 'jug bsgom pa'i spyod pa gsungs pa/chags med ces pa la sogs te rim pa 'di yang gang la brjod par bya zhe na/ gsungs pa/ dge ba zhes pa la sogs pa'o/ /'di'i rnal 'byor gyis 'di ltar gyur pa rtag tu goms pa nyid phyi rol gyi bya ba mtha' dag gi 'bras bu thob par byed do zhes gsungs pa/de bzhin zhes pa la sogs pa'o/ /le'u nyi shu rtsa dgu pa'i rnam par bshad pa'o// //ji ltar gsungs pa'i de kho na nyid bsgom pa'i nus pa med pas/ bskyed pa'i rim pa bsgom pas lha'i rnam pa bsgom par bya'o/ /de yang gzugs brnyan ma mthong ba las mi nus so zhes pa'i don gyis 'phangs pa'i thang sku dang sku gzugs mtshan nyid dang ldan pa kho na bsod nams dang ye shes kyi tshogs kyi rgyu yin la/bzlog pa ni mthong ba dang ma mthong ba'i skyon gyi rgyu yin te/ gang 'chad par 'gyur ba'i ring ba gsum ni zhes pa la sogs pa'o//gzhan du yang / mtshan nyid rnam ldan sku gzugs ni/ /zhi ba la sogs nyams dang ldan/ /tshad dang nye ba'i tshad kyis mdzes/ /de lta bu la rab gnas 'gyur/ /sku gzugs byed pa 'jig rten na/ /tshad dang nye tshad dman rnams kyis//nad dang 'chi dang nor 'joms so/ /de bzhin gnyen dang 'bral bar 'gyur/ /cha shas thams cad mdzes gyur zhing / /thams cad zhi bar byed pa'i mchog /dman min lhag pa min pa'i sku/ /gsungs pa'i tshad ldan mchod pa bya/ /gzugs dang dbyibs kyi rang bzhin dang //snying rje gdan dang rol pa dang / /gnas kyi kha dog yang dag ldan/ /de la lha ni nye bar 'gyur/ /zhes pa'o/ /de'i phyir thad sku la sogs pa'i mtshan nyid gsungs pa/ de nas zhes pa la sogs pa'o/ /khyon zhes pa dkyus dang zheng ngo / /tshangs pa'i ri mo gzugs kyi sngar//zhes pa gzugs byed pa'i dang por tshangs pa'i ri mo zhes pa tshangs thig go/ /cha lnga dag ni gdan yin no/ /zhes pa mtho lnga'i rgya ste g.yas brkyang gis gnas so/ /sku ni dum bu gsum can gyi/ /zhes pa dum bu ni 'khyog pa ste/ sku gsum 'khyog ces pa'i don to//de nyid gsungs pa/ zhal dang mnyam pa phrag pa'o/ /zhes pa zhal dang phrag pa gnyis la yang zhes pa'i don to/ /de'i phyir gdan dang sku dang mgrin pa yang 'khyog pa ste/ mgrin pa dang sku ni zhal dang phrag pa'i rten nyid kyi phyir ro/ /tshangs pa'i thig btab la zhal la sogs pa bgo bar bya'o zhes pa'i don gsungs pa/zhal zhes pa la sogs pa ste/ sku gzugs ji srid pa khru la sogs pa'i tshad bya ste/ de'i bcu cha dang zhal gyi khyon dang thal mo dang / mtho zhes pa rnam grangs so/ /zhal gyi yang bcu gnyis cha dang cha chung dang / sor dang sor mo zhes pa don gcig ste/de thams cad du cha chung gi rnam par dbye bar shes par bya ste/ bcom ldan 'das kyi ni sangs rgyas kyi gzugs nyid las phyed dang bcas pa'i cha chung bcu gnyis pa'i zhal bya'o zhes sku gzugs kyi mtshan nyid la sogs pa gsungs pa shes par bya'o//bcu gnyis cha zhes pa ni sangs rgyas las gzhan thams cad la thun mong ba nyid du gsungs pa'o/ /sor mo bzhi ni mgrin pa la'o/ /zhes pa bcom ldan 'das kyi mgrin pa sor mo bzhi'o/ /dbu dang skra mtshams de nyid ltar/ /zhes pa dbu'i gnas dang skra'i mtho dman yang de nyid ltar zhes te cha chung bzhi pa zhes pa'i don to//snyan gnyis dag la'o zhes pa snyan gnyis dag kyang srid du de kho na ltar phyed dang bcas pa'i cha chung bzhi dag go/ /de nyid gsungs pa/ legs par mtshan zhes pa mtshan nyid mchog ces pa'i don to/ /zhal ni cha gsum rnams kyi ste//zhes pa zhal ni cha gsum ste/ /cha chung bzhi bzhi rnams kyi cha re re'o/ /de la cha gcig dpral ba'o/ /gnyis pa shangs so/ /gsum pa zhal lo/ /zhal ni shangs kyi 'og nas o sko'i bar la tha snyad byas so/ /de yang bcom ldan 'das kyi phyed dang bcas pa'i sor mo bzhi ru 'gyur te/phyed dang bcas pa'i cha chung bcu gnyis kyi zhal nyid las so/ /smin ma'i mtha' dang zhal steng gi zhes pa smin ma'i 'og gi gnas dang zhal gyi steng du rgyar sor mo gnyis te spyan gyi zheng zhes pa'i don to/ /sor mo bzhi ru bcad pa zhes pa mig thad kar sor mo bzhi bcad pas zhes pa'i don to//dbus kyi nor lha'i cha las thal mo gnyis zhes pa rgyar cha chung brgyad pa'i mgrin pa'i mtha' nas phrag pa gnyis kyi thad kar zhal re re ste so sor cha chung gnyis gnyis kyi sha 'bur ba'i cha spangs nas zhes pa'i don to/ /lha'i cha la zhes klog pa la yang lha ni nor lha kho na'o//snying ga dang ni lte ba'i gnas/ zhes pas mgrin pa'i rtsa ba nas snying ga dang snying ga nas lte ba'i gnas la thal mo'i tshad do/ /nu ma'i bar ni thal mo ste/ /zhes pa nu ma dag gi bar thal mo gcig go/ /nu ma dag las brang mthil bzhin//zhes pa nu ma dag las steng du mchan khung dag gi bar du brang ni mgrin pa dang lte ba'i bar gyi thal mo bzhin zhes pa cha chung nyi shu rtsa lnga zhes pa'i don to/ /yang na nu ma dag las rgyab tu mngon par phyogs par logs la drang por thal mo gcig go//phyag ni thal mo gsum pa ste/ /zhes pa phyag dag ni mchan khung nas nor bu'i 'ching ba bcu ji srid pa ste/ so so so sor re rer thal mo gsum gyi phyag dag go/ /thal mos 'di'i phyag mgo gnyis/ /zhes bya ba phyag mgo gnyis so sor thal mo'i tshad du 'gyur ro//sor mo bzhi dang ldan pa yi/ /brla dang byin pa yang dag ldan/ /zhes pa pus mo'i lha nga sor mo gsum dor nas pus mo'i steng dang 'og tu mtshams cha chung gnyis gnyis dag dang lhan cig brla dang byin pa la yang dag ldan te/ phyag gnyis kyi tshad dang ldan zhes pa'i don to//des na brla'i rtsa ba nas ji srid byin pa'i rtse mo la cha chung lnga bcu rtsa bdun du 'gyur ro/ /cha shas sor mo bzhi yin te/ /zhes pa cha chung gnyis gnyis sha 'bur ba nyid kyi cha shas cha chung bzhi dag go/ /yang na long bu las 'og tu rting pa'i cha chung bzhi bya'o/ /de nyid bzhin du zhabs mthil lo//zhes pa zhabs kyang de nyid thal mo'i tshad de rting pa'i sor mo drug dor nas zhes pa'i don to/ /mthil dang thal mo bcu gnyis kyi/ /lha yi gzugs ni bri ba la/ /zhes pa la thun mong ba'i lha'i gzugs su bri ba la thal mo cha bcu gnyis su 'gyur ro zhes pa'i don to//yang na ral pa'i thor tshugs dang / /gdan dang lhan cig thal mo bcu gnyis pa'i lha bri bar bya'o zhes pa lhag ma'o/ /gdan la thal mo dang cha chung gang bya ba de gsungs pa/ sor mo bzhi yi lhag ma ni/ /zhes pa lhag ma sor mo bzhi dor nas/ 'jigs byed dus mtshan mor brjod pa'i gdan sor brgyad rnams kyis mtho bar bya'o zhes pa'i don to//dor ba'i cha chung bzhi la ci bya zhe na/ gsungs pa/ gdan dang gdan gyi 'brel pa yi/ /gnyis kyi sor dang sor mo'o/ /zhes pa gdan nyi ma dang sna tshogs chu skyes gnyis sor gcig dang gsum mthong ba dag gis 'brel pa zhes pa'i don to//yang na 'di la bcom ldan 'das mi bskyod pa bzhugs pa'i phyir gdan ni ral pa'i cod pan no/ /gdan la 'di'i gdan zhes pa gdan dang gdan te/ gtsug gi nor bu sor gnyis mtho ba'o/ /des 'brel pa'i ral pa'i cod pan bya'o zhes pa'i don to//de nyid ral pa'i cod pan gyi khyad par gyis gsungs pa/ snying bor zla ba'i dkyil 'khor te/ zhes pa zla ba tshes pas brgyan pa'i ral pa'i cod pan no/ /thal mo bcu gnyis mtshan nyid do/ /zhes pa thal mo'i mtshan nyid cha bcu gnyis zhes pa snga ma rnams nyid kyi don nye bar sdud pa'o//yang na gang gdan gyi mtha' nas ral pa'i mthar thal mo bcu gnyis bcom ldan 'das kyi mtshan nyid do/ /zab mo'i sa bcu gnyis rnam par dag ba'o/ /dma' ba zhes pa dma' ba dang mtho ba dang / sbom pa yan lag dang nying lag thams cad rol pa phun sum tshogs pa bri bar bya'o zhes pa'i don to//de yang zhes pa de thal mo'i tshad kyi khongs su gtogs pa nyid do/ /slar yang ji ltar gsungs pa'i thal mo'i tshad spangs nas rang gi 'dod pas brtag par bya ba ma yin no zhes dgongs pa'o/ / phyag gnyis dag gis mtshungs pa yi/ /zhes pa phyag gnyis ka yang dbyibs mnyam po dag bya'o zhes pa'i don to/ /spang bar bya ba zhes pa zhi ba'i lha 'dri na cha chung gnyis gnyis spang bar bya'o zhes pa mdor bstan pa'o/ /de yang zhes pa de'i yang ngo / /rtag tu phyal ni dga' bar bya//zhes pa phyal ni mngon du phyogs pas dga' zhing dang ba 'dren pa zhes pa'i don to/ /mdor bstan pa nges par ston pa dor bar bya ba zhes pa la sogs pa ste/ mtshams dang mtshams la so sor cha chung gnyis gnyis chad par 'gyur te/ des na byang chub sems dpa' la sogs pa zhi ba'i lha rnams la sku'i stod dang smad dag gi cha chung phyed dang bcas pa gnyis gnyis bri ba las cha chung nyi shu lhag pa brgya'i tshad kyi skur 'gyur ro zhes dgongs pa'o//khro bo la sogs pa'i mtshan nyid gsungs pa/ khro bo zhes pa la sogs pa ste thal mo bcu zhes pa gdan gyi mtha' nas ji srid skra'i zhags pa'i mthar shes par bya'o//thung zhing gsus pa 'phyang ba'i lha ni thal mo brgyad pa zhes gsungs so/ /rol pa'i khro bo'i lha ni thal mo bcu pa nyid do/ /gzugs mdzes yid du 'ong ba ni/ /zhes pa yid 'phrog pa'i gzugs nyid de/thal mo dgu zhes pa sku thal mo dgu pa bya'o/ /rdo rje phag mo la sogs pa dkyil 'khor pa'i lha mo rnams dang 'phags ma sgrol ma la sogs pa rnams kyang thal mo dgu pa bya'o zhes pa'i don to/ /de nyid gsungs pa rim pa zhes pa la sogs pa ste/ rim pa 'dis lha rnams thams cad bri bar bya'o zhes dgongs pa'o//'dir bsdus pa'i don 'di yin te/ ji srid sku gzugs byed pa de srid kyi tshad kyi tshangs thig btab nas/ de'i bcu cha la thal mor rnam par gzhag cing / slar de phyed dang bcas pa'i cha chung bcu gnyis su byas la de'i cha gcig ni cha chung ngu nges par bya ste/de'i dbus su dpangs sor bzhi'o/ /'di yang cha chung dang sor dang sor mo zhes pa rnam grangs te/ de'i brgyad cha 'di nas zhes tha snyad bya'o/ /de bzhin du dbu'i 'og nas dpral ba cha chung bzhi'o/ /de'i 'og nas shangs cha chung bzhi'o//de'i 'og tu o sko'i mthar phyed dang bcas pa'i cha chung bzhir bgo bar bya'o/ /de nas dpral ba la ni tshangs thig gi logs gnyis su sor bzhi bzhi nyid kyis thad kar sor brgyad de/ sor dgu zhes kha cig go/ /dpral ba'i mtha'i cha las 'phred la song ba'i smin ma dag ni tshangs pa'i logs gnyis nas rkang pas dman pa'i cha chung re re'i mthar dpral ba'i cha chung bsnan la gzhu lta bu 'khyog pa ji ltar mdzes pa ste/dkyus la cha chung bzhi dang sboms su dbus la nas gnyis so/ /de'i 'og tu tshangs pa'i logs gnyis nas cha chung phyed phyed dor te/mig 'gebs pags pa sha'i rang bzhin mig shugs su brjod pa nang gi grwa dang phyi'i grwa la ltos pa'i rim pas/ dbus su rkang pa dman pa'i sor gcig mtho ba nyid kyi pad+ma'i 'dab ma lta bu steng du zheng gi tshad dang 'phred la dkyus kyi tshad dag gis cha chung gsum dang bzhi'i dbus su smin ma'i bar gyis sor gnyis dor nas mig lam gyi thig go//mig dag ni tshangs pa'i logs gnyis nas cha chung phyed phyed kyi mtha' nang gi grwa dang phyi'i grwa dag so so'i cha chung phyed dag dang lhan cig cha chung bzhi pa 'phred la song ba'o/ /de la sna dang nye ba ni nang gi grwa ste/de la cig shos ni phyi'i grwa'o/ /'di gnyis kyang dkar po zlum po'i rtsa ba ste/ de dor nas dkar po zlum po rgya sor gsum dang sor gnyis so/ /de'i dbus su mthong mig tu brjod pa nag po zlum po kun nas cha chung gcig go/ /de'i dbus su cha chung gi lnga chas pu ta li'o/ /rno mig ming gzhan mu khyud kyang pu ta li dang mnyam pa'o//mig lam gyi rten gyi gzugs ni mig gis mud ga brjod pa cha chung bzhi chas mtho ba'o/ /mig 'bur ni dpangs su smin ma'i dbus kyi 'og gi nang gi cha las brtsams te/ mig lam gyi rtsa ba'i mthar thug pa las 'bur ba'i sgra'i brjod bya sor gnyis so//'dir nyams dang rjes su mthun pa'i tshul btsums pa dang bgrad pa la sogs pa'o/ /yang na sangs rgyas thams cad bsam gtan gyis gzigs pa'i spyan gyi zheng nas gnyis dang dkyus nas drug lhag pa'i sor gnyis te gzhu'i rnam pa'o/ /byang chub sems dpa' rnams kyi zheng nas bzhi dang /dkyus nas nyi shu ste ut+pa la lta bu'o/ /bcom ldan 'das dpal bde mchog gi ni rtsa ba'i zhal gyi spyan gyi zheng nas bcu dang / dkyus nas bcu bzhi ste zlum pa'o/ /khro bo'i lha rnams gzhan gyi yang ngo / /g.yas pa dang g.yon pa'i zhal gyi spyan ni slar zheng sor mo gcig dang dkyus sor mo gnyis te pad+ma lta bu'o//nub kyi zhal gyi spyan zheng nas drug dang / dkyus nas bco brgyad de nya'i lto ba'i rnam pa'o/ /sgeg pa'i ro gtso bor gyur pa'i bud med kyi yang ngo / /mig dag gi bar du sna'i rtsa ba rgya dang dpangs kyang cha chung gcig go//rtse mo ni rgyar sor gnyis dang dpangs su phyed dang bcas pa'i sor mo'o/ /sna'i bu ga dag ni 'phred la cha chung phyed phyed pa dpangs cha chung re re'o/ /bu ga gnyis kyi dbus su sna'i rgyud thad kar cha chung phyed do/ /sna'i rtse mo ni zlum po 'khyog pa'i tshad kyis nas dang bcas pa'i sor gcig go//sna bug gnyis ni so so nas gnyis rgyas pa'o/ /sna'i 'og tu yang mchu ni sna'i mtha' nas brtsams te 'thon pa dang / so'i rtsa ba nas rngams su yang cha chung gcig go/ /'phred la rgyar tshangs pa'i logs gnyis nas cha chung re re'o//mchu'i steng du dbus dma' ba nyid kyis rkang pas dman pa'i cha chung ste gots+tshi kha ti lta bu'o/ /gots+tshi'i 'og tu tshangs thig dang mnyam pa'i ya mchu'i rtse mor thad ka'i rgyar cha chung gnyis te dbus cung zad mtho ba'o/ /de'i 'og tu de lta bu'i ma mchu ste/ 'phyar ba dang rngams dag cha chung re re nyid dang thad ka'i rgyar cha chung gnyis las dbus su ni tshangs thig dang mnyam pa cung zad dma' ba ri mor brjod pa'o//mchu gnyis kyi mtha' gnyis kyi cha dag tu kha 'gram cha chung re re ste nas gcig rgyas pa'o/ /mtha' mar ni nas las cung zad lhag pa rgyas pa ste bsdus pas zhal sor bzhi'o//'dir mig 'bras dang o sko dang kha 'gram gyi thig mnyam par bya'o/ /de bzhin du mig gi nang gi grwa dang sna'i bu ga dag kyang ngo / /ma mchu'i 'og tu o sko sor gnyis ring ba'o/ /mgrin pa'i rtsa ba las 'thon pa dang kha 'gram gnyis ka'i mtha'i mnyam pa'i thig gi mthar thug par khyab pa ste 'phred la sor bzhi'o//o sko'i rtse mor ni 'phred la rgyar sor gnyis kho na'o/ /osko'i 'phreng la khyab pa'i mtha' ma las rna ba'i rtsa ba ji srid pa kha'i cha 'gram pa'i sgra'i brjod par bya ste/ srid du sor drug dang zheng la phyed dang bcas pa'i sor gnyis so//rna ba'i mtha' nas brtsams te 'gram pa'i rgya'i gnas kyi mtha' ma la zlum po ji srid mkhur tshos kyi dkyus dang zheng dag sor bzhi'o/ /mkhur tshos kyi rnam grangs ji srid sna'i rgya'i mthar mig gi 'og nas zlum po'i cha ste de yang sor gsum pa kun nas sor gcig mtho ba'o//'gram pa'i rtsa ba nas rna ba'i srid du sor phyed dang bcas pa bzhi ste/ ji ltar smin ma'i 'khyog po dang mnyam pa'i thig rna ba'i rtse mor gyur pa de ltar bya zhing thad kar sor gnyis rgyas pa'o/ /de la ber ka ris kyi rnam pa rna ba'i 'khyil pa'i 'og mig gi zur nas/phyed dang bcas pa'i sor lnga na gnas pa za 'gram gyi mtha' nas 'thon pa me tog kha phye ba'i rnam pa'i 'dab ma'i thad ka'i rgya dang 'phyar ba la yang cha chung phyed dang srid du cha chung gcig go/ /de'i 'og zhags pa'i rtsa ba'i steng du ka kA ni rna ba'i 'dab ma lta bu'o/ /de'i pha rol du rna ba'i bu ga cha chung phyed de 'phyar ba la cha chung gcig go//de las lhag ma cha chung gcig pa rdo gzhong lta bu dpangs dang 'phyar ba dang rgya la yang cha chung gcig nyid do/ /ka kA ni'i steng du gyen gyi tshad kyis sor gnyis pa rgyar sor gcig pa bu ga'i rnam pa rdo gzhong lta bu las pha rol rna ba'i 'dab mar brjod pa las tshu rol du rna ba'i cha shas sha ku li zhes pa thad kar nas gnyis dang rgyas pa rdo gzhong bskor ba ltar gnas pa rdo gzhong lta bu'i steng du yang gyen gyi tshad kyi phyed dang bcas pa'i sor mo dang rgya rkang pa dang bcas pa'i sor gcig bya'o//rna ba'i 'khyil pa ni rna ba la bskor ba pags pa'i rang bzhin ber ka ris lta bu zheng dang dpangs la cha chung bzhi cha'o//lhag pa'i cha las rna ba'i rgyab 'phyar ba la phyed dang bcas pa'i sor mo'i snyan shal rna ba'i thig le ni ji ltar mdzes pa mngon du phyogs pa rgya cha chung phyed dang bcas pa'o//rna ba'i 'dab ma yang de ltar ro/ /mdun du phyogs pa'i rna ba dag gis bar gyi dbu la sor bco brgyad do/ /rgyab la ni sor bcu bzhi'o/ /bcom ldan 'das ni zhal bzhi nyid dang zhal gsum nyid la yang rgyab kyi cha med par rig par bya ste/ bsdus pas dbu bskor ba la cha chung sum cu rtsa gnyis so//de'i phyir zlum po'i dbus kyi thig drang po de cha gsum nyid kyis te/ cung zad lhag pa'i phyed dang bcas pa'i cha chung bcur 'gyur ro/ /de nas 'dri ba la yang sku gzugs kyi zhal la thad kar rna ba nas rna ba'i mthar cha chung ji snyed pa de snyed kho nar 'gyur ro//dbu ni slar gdugs kyi rnam par bya'o/ /sangs rgyas bcom ldan 'das kyi dbu'i dbus kyi gtsug tor la dpangs dang rgyar yang sor bzhi'o/ /gtsug tor dpral ba dag gi bar la sor brgyad do/ /bcom ldan 'das dpal bde mchog gi gtsug tor dbus su byas te/ sor bcu gnyis kyis ral pa'i thor tshugs so//dpa' bo rnams kyi sor brgyad dam sor bcu ste/ byang chub sems dpa' rnams kyi yang ngo / /zhal ni bsdus pa rnam pa bzhi ste khyim bya'i sgo nga dang til dang zlum po dang gru bzhi'i rnam pa nyid kyis so/ /de gsungs pa/ khyim bya'i sgo nga til rnam pa//gru bzhi dang ni zlum por bcas/ /thun mong sku rnams thams cad kyi/ /zhal gyi dbyibs ni rnam bzhi'o/ /skyes bu chen po lha mo yis/ /khyim bya'i sgo nga til gyi dbyibs/ /mdzes shing blta na sdug pa yi/ /zhal ni rnam pa gnyis nyid bya/ /yi dwags 'byung po sha za dang //khro bo rnams kyi rnam 'gyur dbyibs/ /zlum po dang ni gru bzhi ste/ /zhal ni gnyis dag bya ba yin/ /zhes pa'o/ /de la zhal gyi gnas lngar byas pa'i mtshan nyid la nas bzhi dor nas bcu gnyis su bgos te rgyar 'og gi zur dag la gcig dang phyed dang bcas pa gcig dang /gcig dang gnyis dang phyed dang bcas pa gnyis kyi/ cha spangs pa bskor ba las bcom ldan 'das bde mchog gi rtsa ba dang g.yon pa dang g.yas pa dang nub kyi zhal rnams so/ /g.yas pa'i zhal ni rdzogs pa'i sangs rgyas dang byang chub sems dpa' la sogs pa'i zhal lta bur nas bzhir lhag pa'i khyim bya'i sgo nga lta bu'o//rdo rje phag mo dang dum skyes ma dang gzugs can ma rnams kyi nub kyi zhal lta bur til gyi gzugs kyi rnam pa'o/ /mkha' 'gro ma'i rtsa ba'i zhal lta bur zlum po'i rnam pa'o/ /lA ma dang dpa' bo dang dpa' mo'i dbang phyug ma rnams kyi/g.yon gyi zhal lta bur gru bzhi'o/ /zhal gyi 'og tu mgrin pa sor bzhi thad kar sor brgyad de dbus la kun du bskor bas sor nyi shu rtsa bzhi'o/ /de yang gnyer ma gsum dang ldan pa ste/ de la gnyer ma dang po sor gnyis so/ /gnyis pa rkang pa dang bcas pa'i sor gcig go//gsum pa rkar pas dman pa'i sor gcig go/ /gnyer ma dang po ni phrag pa'i rtsa bar te/ ji ltar de las kyang gyen du mgrin pa sor bzhi nyid du 'gyur ba de ltar bya'o/ /mgrin pa'i mtha' nas thad kar phrag pa sor brgyad do/ /de las thad kar dpung mgo sor bzhi ste phrag par brjod pa'o//'di gnyis ka yang sha 'bur bas zlum zhing sha rgyas pa nyid kyi phrag pa thad kar sor drug ste de bzhin du mchan khung gi steng du yang ngo / /mchan khung gi 'og nas phyag dag la srid du thal mo bzhi'o/ /de la mchan khung gi rtsa ba nas brtsams te gru mo'i cha ni cha chung nyi shu'o//gru mo las 'og nor bu 'ching bu las gong du lag ngar cha chung bcu drug go/ /nor bu 'ching bu'i 'og tu lag pa'i 'dab ma cha chung bcu gnyis so/ /gru mo dang nor bu 'ching bu dag so sor cha chung re re dag go/ /dpung pa dang lag ngar dang nor bu 'ching ba rnams kyis bskor ba'i tshad ni rim pas cha chung nyi shu dang bcu drug dang bcu gnyis rnams so//lag pa'i 'dab ma la ni nor bu 'ching ba nas sor mo'i rtsa ba'i bar gyi cha la lag mthil zhes bya ste/ thad ka'i zheng dang srid du yang cha chung bdun no/ / mdzub mo dang mthe bong gi bar gyi mtha' nas brtsams te rgyar lag pa'i mthar thug pa'i cha chung lnga'o/ /de la dung dang 'khor lo la sogs pa'i dbyibs kyi ri mo bya'o/ /lag mthil nas steng du sor mo dbu ma srid du cha chung lnga'o/ /de las tshigs phyed dman pa mdzub mo'o//gung mo las sor phyed kyis dman pa'i ming med do/ /de las tshigs gcig dman pa mthe'u chung ngo / /thams cad tshigs gsum pa ste ji ltar mdzes pa'o/ /tshigs phyed kyis sen mo'o/ /mthe bong ni nor bu'i 'ching ba las cha chung bzhi ring ba ste bskor ba la'ang bzhi'o//tshigs gnyis pa'i tshigs kyi phyed sen mo'o/ /de ltar mthe bong ji lta ba bzhin bya ste/ 'di las mdzub mo cha chung gsum lhag par 'gyur ro/ /de'i phyir mthe bong gi rtsa ba nas mdzub mo'i rtsa ba'i cha chung gsum du rnam par gzhag go/ /mthe'u chung ni slar nor bu 'ching ba las sor lnga bar na gnas par ro//lag pa'i rtse mo'i mtha' skor yang sor bcu gnyis so/ /sor mo rnams kyis ni mthar skor du rtsa ba las rang gi dkyus kyi sum cha chad pa'o/ /dbus la rtsa ba'i tshigs kyi sum cha chad pa'o/ /rtse mo la dbus kyi tshigs kyi sum cha chad pa'o//'di dag gi rtsa ba nas brtsams te rim gyis phra ba shin tu zlum pa'i sor mo ji ltar mdzes par bya'o zhes brjod par 'gyur ro/ /mgrin pa nas snying gar phyed dang bcas pa'i cha chung bcu gnyis te/ snying ga nas lte ba'i bar du yang de'o//nu mi'i zlum po las nu rdog tu grags pa nas tsam gyi rgya las gzhan de lta bu'i nu ma zlum po ji srid par yang de bzhin no/ /'dir nu rdog gi logs zlum por brjod pa'i rgya la kun du nas bzhi'o/ /nas gnyis kyi rgya'o zhes kha cig go/ /nu ma las steng du mchan khung gi rtsa bar sor drug gi bar ro//mchan khung las steng du phrag pa'i mthar thug pa'i cha la cha chung dgu'o/ /mchan khung nas mchan khung gi bar du brang sor nyi shu rtsa lnga'o/ /mchan khung gi rtsa ba la ni 'phred la drang por sor brgyad do/ /kun nas bskor ba'i tshad ni brang dang mchan khung gi rtsa ba mnyam pa la sor drug cu rtsa drug go//mchan khung gi 'og gi cha logs kyi sgrar brjod pa de/ thad ka'i rgyar rgyab nas nu rdog gi bar cha chung bcu gnyis so/ /logs gnyis kar gnas pa'i rgyar nu ma'i rtsa ba dang mnyam pa las phyed dang bcas pa'i cha chung nyi shu rtsa gnyis su brjod do//kun nas bskor bas sor drug cu rtsa dgu'o/ /snying ga'i mthar thug pa las rgyar cha chung nyi shu ste/ de bzhin du rgyab la'o/ /logs gnyis las so sor cha chung bcu'o zhes de bskor bas cha chung drug cu'o/ /gsum pa'i phyogs kyi cung zad zlum pa nyid dbus la cha chung bco lnga ste bskor ba la ni cha chung bzhi bcu rtsa lnga'o//lte ba dang mnyam pa la ni mtha' skor cha chung bzhi bcu rtsa drug go/ /lte ba'i steng du cung zad 'phred la nu ma'i thad kar ji srid nu rdog gi bar la sor bcu drug go/ /mgrin pa'i gshong mo nas nu rdog la sor bcu gnyis so/ /lte ba ni kun nas cha chung gcig pa g.yas su 'khyil ba cha chung gcig zab pa'o//lte ba'i 'og tu sor brgyad dor nas/ rked pa thad ka'i rgyar cha chung bco brgyad de/ cha chung bcu dgu pa zhes kha cig go/ /bskor bas ni sum 'gyur ro/ /lte ba nas pho mtshan gyi bar la zhal gcig go/ / pho mtshan la ni dkyus dang mtha' skor du yang zhal phyed do/ /'bras bu dag ni srid du cha chung lnga dag dang / rtsa ba'i rgyar thad kar cha chung bzhi dag go/ /gnyis po 'di dag yid kho nas sprul par byas te/ bcom ldan 'das kyi mdoms kyi gsang ba sbubs su nub pa'i phyir ro/ /rgyab tu ni 'phongs tshos dag kun nas cha chung bzhi dag go//'phongs tshos 'bur ba'i zlum po sor brgyad de/ sor gsum zhes kha cig go/ /'bras bu'i rtsa ba nas pus mo'i mthar thug pa'i brla cha chung nyi shu rtsa lnga ste de'i rtsa ba bskor ba la sor sum cu rtsa drug go/ /dbus la sor sum cu rtsa gnyis so//pus mo sor nyi shu rtsa brgyad do/ /pus mo'i steng dang byin pa dag gi mtshams sbrel ba'i gnas kyi dum bu sor gsum gyi tshad do/ /'di'i steng dang 'og tu yang brla dang byin pa dag 'brel ba'i mtshams dag la cha chung gnyis gnyis so/ /de'i 'og tu byin pa ji srid long bu'i bar te cha chung nyi shu rtsa lnga'o//de'i dbus la mtha' skor cha chung nyi shu rtsa gcig go/ /rtse mo ni cha chung bcu bzhi'o/ /'di dag gis brla'i rtsa ba bskor ba'i cha chung sum cu rtsa drug nas ji srid byin pa'i rtse mo cha chung bcu bzhi'i rim gyis gzhol bar bya'o zhes brjod par 'gyur ro/ / de gsungs pa/ brla yi rtsa ba de dbus dang / /pus mo'i steng dang pus mo'i gnas/ /de yi 'og dang byin pa'i zlum/ /byin mjug dang ni long bu'i steng / /re re bri'o thal mo nas/ /ji srid sor lnga gnas pa'i bar/ /de ltar de dag rnams kyi rgya/ /sum 'gyur bskor ba dag la'o//zhes so/ /byin pa'i rtse mo nas long bu dkyus dang zheng la'ang cha chung gnyis te de yang mi mngon pa'o/ /long bu la mdun du 'thon pa'i zhabs cha chung gnyis so/ /rtse mo la thad ka'i rgyar de'i phyed do/ /dbus la cha chung lnga'o/ /rtsa bar rting pa'i gnas la cha chung bzhi'o/ / mthe bong gi rtsa bar zhabs kyi dpangs sor gnyis so/ /dbus su long bu'i 'og nas rting pa'i dpangs cha chung bzhi'o/ /de'i phyir 'bras bu'i rtsa ba nas ji srid rting pa'i rtse mo'i bar sku smad sor drug cu rtsa gsum mo/ /'bras bu'i rtsa ba nas steng du ji srid gtsug tor gyi rtsa ba'i sku stod sor drug tsu rtsa gsum mo//mthe'u chung gi rtsa ba nas ji srid rting ba'i rtsa ba'i bar la dpangs cha chung gcig pa'o/ /zhabs kyi rtsa ba nas 'thon pa'i rting pa cha chung drug go/ /de'i phyir bsdus pas zhabs kyi dkyus sor mo bco brgyad do/ /zhabs kyi rtsa ba las mtha' skor du yang de bzhin no//de la mthe bong gi tshigs gnyis pa tshigs phyed kyi sen mo ste mtha' sor lnga dang sor gsum du ring ba'o/ /mthe bong dang dkyus mnyam par mdzub mo'o/ /mdzub mo'i bcu drug cha chad pa gung mo'o/ /gung mo'i brgyad cha chad pa ming med do//de'i brgyad cha chad pa mthe'u chung ngo / /mthe'u chung la sogs pa'i sor mo ni bzhi po ste/ tshad ni rang gis dkyus bskor bas so/ /'di dag ni re zhig sangs rgyas bcom ldan 'das dang dpal bde mchog gi mtshan nyid de/ byang chub sems dpa' dang dpa' bo rnams kyi yang 'di dag kho na'o//'on kyang thal mo bcu rnams la yang thal mo so sor cha chung phyed phyed dor nas cha chung gnyis pa'i thal mos thal mo bcu'i rnam gzhag bya'o/ /yang bcom ldan 'das rdo rje phag mo la sogs pa ni sor bcu gnyis kyi thal mos thal mo dgu'o//lha'i bud med rnams kyi yang ste/ dbang po dang nye dbang dang chu lha dang dbang phyug dang rlung dang tshangs pa dang gza' zhi ba dang klu rnams thung zhing / gsus pa 'phyang ba'i khro bo gshin rje mthar byed la sogs pa rnams ni thal mo brgyad pa ste/ thags bzangs ris dang lus ngan dang bden bral dang gshin rje dang me lha dang gza' drag po rnams kyang ngo //ro langs ni thal mo bcu gnyis so/ /de la zhi ba rnams ni zhal khyim bya'i sgo nga lta bu'o/ /drag po rnams ni zhal gru bzhi'o/ /lhag ma rnams ni sngar bzhin te/ 'di dag gi rjes su 'brangs nas de nyid la cha chung gi rnam par gzhag par byas la/mkhas pa rnams kyis rang gis dpags la sku'i dpyi dang yan lag rnams ji ltar mdzes pa'i sbom pa dang grims pa dang rol pa la sogs pa rtogs par bya'o/ /bcom ldan 'das ma'i cha chung lnga bcu rtsa bzhi'i sku'i phyed snga ma dang phyi ma dag go//skra'i rtsa ba nas lte ba'i mthar thug pa la cha chung bzhi bcu rtsa gnyis te/ lte ba dang mnyam pa'i mtha' skor la cha chung bzhi bcu rtsa drug go/ /nu ma'i rtse ba la ni cha chung nyi shu rtsa brgyad do/ /de ltar rjes su 'brangs te 'gram pa dang shangs dang mgrin pa dang phrag pa dang dpung pa dang mchan khung dang phyag dang brla'i rtsa ba la sogs pa rnams la gsungs pa'i bcom ldan 'das kyi cha chung gi mtshan nyid las cung zad phra zhing yangs pa ji ltar mdzes pa'o//gsungs pa yang / spyan dang spyan la mnyam blangs te/ /byin pa brla dang rked ba'i gnas//dbus su dkyus las yang dag bzung / /cha las thad kar de bzhin sor/ /nu ma gnyis dag rab tu brtag /zlum mkhregs mtho zhing rgyas pa dag /rgyas pa nyid las zhal gyi sor/ /bzung bya mtho tshad las rab brtag /sna yi mtho ba yang dag bzung / / smin ma zung la gnas dgod bya/ /rtsa bar sbom po'i don lha mo/ /mdun nas sngar bzhin ji lta bar/ /'gram pa dag la rtsa ba'i phyogs/ /rgyas pa nyid la sor mo bzung / /rnam gnyis bgos te dgod par bya/ /de bzhin dpral ba zhal la'o/ /mkhur tshos mtho ba cha shas drug /bzung nas mig dag la dgod bya/ /dkyus las thad kar de phyed kyang / /rna ba dag 'phyang de bzhin sor/ /skra yi rtsa ba spang bar bya/ /dpral ba'i cha ni bzhi pa ste/ /cha shas gnyis ni rab tu bya/ /dbang rten tshad la dman pa'o/ /mdzes ma dbang rten phyed kyis dman//phrag pa dag ni rab tu bya/ /mgrin pa sor mo chad par yang / /thad kar bya ste steng du dgod/ /lag ngar gnyis kyi cha dag las/ /bzung ste sor gnyis rim pa las/ /brla dang pus mo byin pa las/ /rgyas pa ru ni rab brtag bya/ /zhabs dag mtho ba nyid la yang //zhabs dag mthil dang mnyam de bzhin/ /cha gnyis yang dag bzung nas ni/ /dpung ba'i dkyus las yang dag bskyed/ /'phongs tshos rgyas shing zlum pa dag /sor mo rnams las rang tshad bya/ /cha shas bdun ni yang dag bzung / /dkyus la de rnams nyid brtag bya//lhag ma ji ltar bstan pa 'dir/ /bud med tshad du yongs brtag bya/ /phrag pa mtho zhing logs mdzes pa/ /rab tu dngas shing 'jam pa'i mdangs/ /ma mchu pim pa mig yangs ma/ /bud med du ni yongs su grags/ /zhes pa'o/ / 'khyog po zhes pa 'khyog po'o/ /zhom pa zhes pa phra ba'o/ /mig yon zhes pa mig dag 'khyog pa nyid do/ /sna nyams na zhes pa sna'i tshad dag nyams pa ste rna ba dag dang mchu dang dpral ba rnams kyi yang ngo / /nges par bdag ces pa nges par rnal 'byor pa rnams kyi bdag nyid do//steng du gzigs pa'i dbugs zhes pa mig dag dang sna'i bu ga dag steng nyid du'o/ /stobs gzhan tha dad gyur rnams kyis/ /zhes pa sbom phra dang 'dug stangs phyin ci log na'o/ /rang gi gdan las zhes pa rang gi gdan 'khrugs na'o/ /nang tshoms zhes pa brang la sogs pa'i tshad phyin ci log tu gyur na nyes pa mang por rab tu grags so//yon po'i mig ni tshad nyams pa ste mtshan ma dang phyag rgya phyin ci log pa la yang ngo / /khyad par gyis dul zhing legs par bslabs pa'o/ /legs par mnyam par gzhag ste bri/ /zhes pa 'dri ba na legs par mnyam par gzhag par 'gyur ba'o//mtshan nyid thams cad ces pa la sogs pa ni mtshan nyid thams cad yongs su rdzogs shing / gzugs mdzes pa'i cho ga zhes pa'i don to/ /sku gzugs la nyams kyang bya'o/ /zhes gsungs pa zhi ba zhes pa la sogs pa ste/ nyams gang gtso bor gyur pa'i lha de kho na ltar bri bar bya yis/ bzlog pa ni ma yin no zhes pa dgongs pa'o/ /le'u sum cu pa'i rnam par bshad pa'o// //rnal 'byor pa rim pa gnyis ka la gnas pa dag gi yang shes rab de nyid bsten par bya'o/ /de yang ma mnyes na dngos grub sbyin par mi 'gyur ro zhes pas de yongs su mnyes pa'i phyir ston pas gsungs pa/de nas zhes pa la sogs pa'o/ /pad+ma'i bcing bas zhes pa pad+ma'i gdan gyi bcings pas so/ /reg pa pad+ma lta bu zhes pa yan lag shin tu 'jam pa'o/ /ri lu'i rnam pa'i reg pa zhes pa pad+ma'i nang du'o//ba lang lce rnams zhes pa pad+ma'i nang du rtsub pa'o/ /tshigs bcad snyan ngag gtsang sbra dag /ces pa tshigs bcad la sogs pa tshig dang don gtsang ba la chags pa zhes pa'i don to/ /phyag rgya bsten pa'i rnal 'byor pas rlung dang sems kyi yang dag par rgyu ba mtshon par bya'o zhes pa'i skabs 'dir le'u lnga dang mthun par gsungs pa'i 'pho ba'i dbye ba 'khor lo bzhi'i mtshan nyid kyi khyad par ston pa gsungs pa/de nas zhes pa la sogs pa'o/ /nang gi bdag nyid ni rlung dang byang chub kyi sems dag gi 'pho ba phra ba'o/ /de yang gtum mo'i rnal 'byor dang bral bas mtshon par dka'o zhes de nye bar bstan pa'i phyir gsungs pa/spyi bor zhes pa la sogs pa ste spyi bor zhes pa gtsug tor la'o/ /chang gnas zhes pa bde ba chen po'i 'khor lo la'o/ /phyi rol tu zhes pa de'i 'og go/ /byang chub ces pa byang chub kyi sems kyi bdag nyid can cha bco lnga'i steng du zla ba'i dkyil 'khor rdzogs pa'i rang bzhin no//rnal 'byor ma zhes pa cha bcu drug pa bcom ldan 'das ma zhes pa'i don to/ /logs gnyis su zhes pa de'i logs gnyis su A li kA li'i rang bzhin la la nA dang ra sa nA'o/ / 'bras bu zhes pa phyi ma phyi ma 'bras bu dang snga ma snga ma rgyu ste dga' ba bzhi'o/ /gtso bo nyid kyis ni lhan skyes dga' ba'i rang bzhin no/ /de nyid kyi phyir gnyis med mchog gi dbang phyug mo de yang rnam pa gnyis so zhes gsungs pa kun rdzob ces pa la sogs pa ste kun rdzob byang chub kyi sems 'bab pa kun da ltar dkar ba'o//sgrib med ces pa don dam pa ste rtog pa med pa bde ba tsam gyi rang bzhin no/ /de gnyis ka'i thun mong gi rang bzhin gsungs pa/ sangs rgyas zhes pa la sogs pa ste phung po dang khams dang skye mched rnams kyi rten no/ /rdo rje 'dzin pa zhes pa byang chub kyi sems rdo rje'o//de las zhes pa de nyid las so/ /tshangs pa'i sgo nga zhes pa dbus su shin tu stong pa nyid las so/ /rang byung ye shes kyi ni 'di kun rdzob tu rten dang brten pa'i dngos po'o/ /pad+ma la zhes pa pad+mar ro/ /gnas su zhes pa gnas la'o/ /stong phrag bdun cu rtsa gnyis rnams la zhes pa drug pa'i don la bdun pa'o//thams cad ces pa thams cad kyi ste kun rdzob dang don dam pas gtso bor gyur pa 'di bstan pa'i phyir bcom ldan 'das de rnams la phyag 'tshal lo/ /de nyid gtso bor ston pa gang gis zhes pa la sogs pa'o//yang na 'di ni bshad pa dang 'chad par 'gyur ba'i lam goms pa'i rim pa'i rigs pa'o/ /don dam pa la ni khyad par du ston pa/ dngos po zhes pa la sogs pa ste/ phung po dang khams dang skye mched kyi tshogs tshig gcig dang gcig ma yin pa'i rang bzhin dang bral ba'i mtshan nyid kyis rnam par dpyad pas gang zhig bskul ba'i shes rab de nyid rlung ste/des bskyod pas 'bar bar 'byed par 'gyur ba gtum mo gsal ba dang / rab tu gsal ba dag sdug bsngal dang btang snyoms dang mun pa'i gnyen por gyur pa/ bde ba chen po 'bar ba'i mtshon chas rnam par 'phro zhing thams cad du rgyas par gyur pas yang dag rig cing dri med de nyid do//'di gang gi tshe gsal bar 'gyur zhe na gsungs pa/ bsregs zhes pa la sogs pa ste phung po la sogs pa'i rnam par rtog pa nub par gyur na'o/ /de nyid gsungs pa/ dmigs pa med pa yang dag rig /ces pa gang zhig 'di ltar de las nam mkha'i dkyil 'khor khyab pa'i dngos po mtha' dag ro mnyam par bsgoms pa'i go 'phang dang ldan pa ni bdud rtsi'o/ /dmigs pa dang bcas pa ni phyogs gcig la gnas pa dang nyams par 'gyur ba zhes pa dgongs pa'o//thog mar phyi rol gyi dga' ba'i cho ga dang / shes rab nyid kyis zhu bar 'gyur ba rig par bya'o zhes de'i don du gsungs pa/ de nas zhes pa la sogs pa'o/ /thig le'i gzugs zhes pa thig le'i gzugs can no/ /ji lta ba de nyid bzhin zhes te/ khyad par ni g.yon pa zhes pa dkar po'i phyogs la mthe bo nas spyi bor lus kyi g.yon la brten nas 'dzeg par byed cing /nag po'i phyogs la ni spyi bo nas mthe bong du lus kyi g.yas la brten nas 'bab par byed de/ de nyid rim pa ji lta bar 'phel ba dang zad pa'i sbyor ba las zla ba dang nyi ma'i tha snyad kyi cha'o//rim pa ji lta bar 'phel ba dang mtshon par dka' ba nyid kyis phra ba'i rang bzhin no/ /'grib pa'i tshul nyid kyis rags pa'i rang bzhin zhes pa rnam par gzhag par bya'o/ /khu ba dang 'dod pa dang tshes kyi rim pas gnas nye bar bltas te/ gnas de dang de rnams su yi ge de dang de rnams la nyi ma la gnas pa'i zla ba dang thig le dang 'bar ba dang bcas pa mgo gyen la bstan pa bsgom ste/'o byed pa dang / nyed pa dang / sen mos 'debs pa la sogs pa rnams zhu bar bya'o zhes pa'o/ /gal te zla ba'i cha dang 'pho ba bcu drug ji ltar zhe na/gsungs pa byang chub ces pa la sogs pa'o/ /'di dag gi tshes kyi dbye ba las nang gi gnas kyi dbye ba dang sna bug 'pho ba'i dbye bas kyang 'pho ba rnam pa gnyis gsungs pa ste rags pa dang phra ba'i rang bzhin no/ /rlung dang lhan cig so sor steng dang 'og tu khu ba'i gzugs nyid kyis g.yon dang g.yas la zla ba yang dag par rgyu'o//de yang mnyam par gzhag pa rnams kyis rgyu ba mtshon par dka'o zhes pa phra ba'o/ /gal te 'pho ba bcu drug ji ltar zhe na/ gsungs pa/ zla ba zhes pa la sogs pa ste/ gang gi phyir zla ba dang nyi ma dag 'dzin par 'gyur ro//de nyid gang las she na/ gsungs pa/ thig le 'gog dang nam mkha' 'gog /ces pa rlung gi phyi rol du rgyu ba dang nang du 'jug pas zla ba skam par byed de/ de'i phyir de'i cho gas rgyu ba'i rtsa'i bu ga zum par byed do/ /sbyor ba 'di dag dang ldan pas 'pho ba bcu drug shes par bya zhes pa nye bar bsdus pa'o//yang na gang ji ltar gsungs pa'i 'pho ba bcu drug mchog tu nges pa'i rnal 'byor pa'i zla ba dang nyi ma dag 'gag par 'gyur ro/ /de nas thig le 'gag go/ /de nas nam mkha' zhes pa rnam par shes pa 'gag cing spros pa'i rgyu nye ba med pa bde ba la thim par 'gyur ro//gtan tshigs 'di dang yang dag ldan/ /'pho ba bcu drug rnam par gzhag /ces pa'o/ /de nyid gsungs pa rnam par mi rtog pa zhes pa la sogs pa ste/ mngon 'dod ye shes gzugs can te/ /zhes pa 'di dag kho na rnam par rtog pa dang bral ba'i bde ba the tshom med pa'i ye shes kyi rang bzhin no//yang na lhag par ltos pa dang bral ba'i ye shes phyi rol la reg pa las skyes pa ma yin pa nyid las mnyam pa med par zhes pa'i don to/ /phyi rol du ni khyad par du 'phags shing khyad par du 'phags pa 'byung ba'i rgyu nyid kyis rdzogs pa dang mthar thug pa med do//de ci phyi rol gyi dgongs pa med dam zhe na/ gsungs pa/ dga' ba zhes pa la sogs pa ste nang du mnyam pa dang bde ba'i khang par 'jug pa'i thabs su gyur pa zhes dgongs pa'o/ /le'u sum cu rtsa gcig pa'i rnam par bshad pa'o// // myos byed gtor ma ji ltar gtso/ /zhes zhus pa'i lan gdab pa'i phyir gsungs pa/ de nas zhes pa la sogs pa'o/ /dkyil 'khor zhes pa dkyil 'khor bri ba dang sbyin sreg dang bzlas pa la sogs rtsom pa'i dus su'o/ /myos byed gtor ma zhes pa/ chang dang khu ba'i rdzas dang ldan pa'i gtor ma med na'o//bsrung ba zhes pa bcom ldan 'das dang bcom ldan 'das ma dag gi go cha gnyis so/ /hUM yig sgra ni bsgrags pa dang / /zhes pa yi ge gsum brjod pa sngon du 'gro ba'o/ /skad cig ces pa rdzogs pa'i rim pa sgom pa po la sogs pa la ltos pas so//sngags zhes pa/ oM sarba bI ra zhes pa la sogs pa'o/ /don 'di yin te bsam gtan rtsom pa la sogs pa thams cad du skad cig la bde mchog phyag gnyis pa'i rnal 'byor sngon du 'gro bar/ oM AHhUM sarba bI ra yo gI nI nAM kA ya bAka tsit+ta badzra swa b+hA ba At+ma kou0f85haM/ oM badzra shud+d+haHsarba d+harmA badzra shud+d+hou0f85haM/ zhes pa'i sngags gsum brjod nas skad cig nyid la phung po dang khams dang skye mched rnam par dag pa dang / go cha gnyis dang lus kyi gnas nyi shu rtsa bzhi rnams la dpa' bo dang dpa' mo'i dbang phyug ma nyi shu rtsa bzhi la sogs pa mtha' dag ma tshang ba med par lhag par mos te/mdun du dri bzangs la sogs pa'i maN+Dal byas la/ ji lta ba bzhin lha'i 'khor lo yang dag par mchod nas ji ltar bya zhe na gsungs pa/ thog mar zhes pa la sogs pa go sla'o/ /sa ma ya s+t+waM zhes pa la sogs pa lha rnams mnyes par bya'o zhes pa'i mthar ya thA su khaM zhes pa 'di bar ma chad par blta bar bya'o//de la don 'di yin te/ gsungs pa'i rim pas gtor ma bsgrubs nas dra ba'i phyag rgya dang de'i sngags dag gis bcom ldan 'das spyan drang bar bya zhing / de dang dus mnyam pa kho nar in+d+ra zhes pa la sogs pa'i sngags kyis dbang po la sogs pa 'khor dang bcas pa rnams te/mchod yon la sogs pa sngon du 'gro bas yang dag par mchod nas ji ltar rigs par dam tshig gi 'khor lo la bcug ste/ zla ba dang nyi ma'i rang bzhin rang gi lag pa g.yon pa dang cig shos kha sbyar bar gnas pa hUM yig las skyes pa'i rdo rje'i snyim pa las gtor ma'i snod bzhag pa'am bsams te/sa ma ya zhes pa la sogs pa'i sngags brjod cing lha mo zhes pa la sogs pa'i tshigs su bcad pa yang brjod nas hUM yig las skyes pa'i rdo rje rtse gcig pa las 'thon pa'i 'od zer gyi sbu gu rnams kyis bdud rtsi bkug ste lha rnams gsol bar bltas la/g.yon pa dang cig shos kyis bskor ba dag gis bskor zhing / oM ka ra zhes pa la sogs pa'i sngags kyis bcom ldan 'das dang bcom ldan 'das ma dag la ste/ mkha' 'gro ma la sogs pa gshin rje 'joms ma'i mthar thug pa rnams la yang /oM badzra zhes pa la sogs pa'i sngags kyis gtor ma dbul bar bya'o/ /de nas zhes pa la sogs pa ste go sla'o/ /rkang pa brgyad pa zhes pa go sla'o/ /mtha' dag la tAM bu la sogs pa phul nas rkang pa brgyad pa'i sngags kyis bcom ldan 'das la mngon par bstod de/mngon par 'dod pa'i don zhu ba la sogs pa gsol ba gdab par bya'o/ /brda zhes pa mdor bstan pa'i tshig ste/ oM zhes pa la sogs pa rgyas par bstan pa'o/ /ba dan gsum gyi phyag rgya ni brda'i lag pa zhes kha cig go/ /de'i phyi nas zhes pa tshogs kyi 'khor lo'i skabs kho na'i lhag pa'i gtor ma'i khyad par ro//'dir snod thams cad la gnas pa'i bza' ba dang tshod ma la sogs pa bsdus te snod gcig tu bzhag nas me tog dang bdug pa la sogs pa byin la/ slob dpon gyis myos byed kyis kha bkang ste dra ba'i phyag rgyas mngon du phyogs par bzhag nas/de'i bu ga na gnas pa'i rdzas hA pUM gi yi ge brjod par bya zhing des gtor ma'i snod la bran te/ oM sarba kha khA zhes pa la sogs pa'i sngags kyis sbyin par bya'o/ /dur khrod la sogs pa dben pa'i phyogs su bskyal bar bya ste/ las kyi rdo rjes zhes pa'o//snying rje zhes pa tshogs kyi 'khor lo la rdo rje'i glu blang bar bya'o zhes pa'i don to/ /gang gis zhi ba la sogs pa'i las rnams 'grub par 'gyur zhe na gsungs pa/ rnam pa thams cad ces pa la sogs pa ste/ rnam pa thams cad kyi mchog dang ldan pa rnam par dag pa'i bde ba chen po'i rang bzhin thabs dang shes rab kyi bdag nyid can dpal bde mchog dang rdo rje phag mo bsgom pa'i rnal 'byor pa'i zhes pa'i don to//rdzogs pa'i byang chub ces pa tshogs kyi 'khor lo la sogs pa byas pa'i bsod nams byang chub kyi sems kyi rang bzhin de bzhin nyid du bsngo bar bya'o//nyin re zhes pa 'byor na tshogs kyi 'khor lo nyi ma so sor ram zla ba so sor bya ste/ ma 'byor na yang lo re re la gdon mi za bar bya'o/ /sbyin pa'i bdag pos yon la sogs pa phul te/ dkyil 'khor gyi dbang phyug dang dkyil 'khor pa rnams kyis 'dus nas/de'i ched du dge ba'i bkra shis bya ste/ sbyin ba la sogs zhes pa tshigs su bcad pa 'di yis so/ /de 'di dpal 'byor khyed la gyur cig ces 'brel lo/ /gang dag ce na/ gang zhes pa gang zhig ste 'khor lo yongs su bskor zhes pa rab tu skor bar byed pa'o/ /rnam pa gang gis na/he ru ka la sogs pa mkha' 'gro ma yis zhes pa dpal bde mchog dang dpal rdo rje phag mo la sogs pa'i rnam pas so/ /ci byas nas she na/ 'gro ba zhes te 'gro ba rnams kyang yid la re ba yongs su rdzogs par bya'o/ /slar yang ci bya zhe na/ rnam rtog gti mug grong khyer thams cad bcom zhing ste/skal ba ji lta bar gdul bya rnams byang chub gsum la rab tu bzhag nas te/ rang nyid sangs rgyas thob par byas nas zhes pa yang na'o/ /rgyal ba bla ma zhes pa rdo rje sems dpa'o/ /ye shes las gnyis su med pa ni ye shes 'byung gnas te/ 'di dang zhes pa ye shes 'byung gnas so//sbyin pa la sogs pa'i pha rol tu phyin pa rnams kyis tshogs gnyis yongs su rdzogs par bya ste/ bla na med pa yang dag par rdzogs pa'i byang chub lhag par rtogs nas/ rdo rje phag mos 'khyud pa'i dpal bde mchog la sogs pa'i gtso bo dang dkyil 'khor gyi 'khor lo'i rnam pas/so sor yang dang yang khams gsum ma lus pa'i sems can gyi don mdzad pa'i bcom ldan 'das dpal rdo rje sems dpa'i dge ba gang / stobs dang mi 'jigs pa la sogs pa mtshungs pa med pa'i yon tan gyi tshogs dbang phyug chen po'i bdag nyid can de rnams kyis mnyes pa las khyed la yang de ltar gyur cig ces pa tshigs su bcad pa'i don to//le'u sum cu rtsa gnyis pa'i rnam par bshad pa'o// //thams cad ces pa la sogs pa zhus pa'i lan gdab pa'i don du gsungs pa/ de nas zhes pa la sogs pa'o//ye shes zhes pa ye shes kyi 'byung ba gsal bar gyur pa'o/ /dngos grub ni phul du 'byung zhing mthar thug pa'i gnas te/ gang gi sdom pa mdor bsdus te brjod pa de bzhin du de'o/ /sna tshogs zhes pa nges par byed pa dang thob par byed pa rnam pa sna tshogs pa zhes pa'o/ /tshul 'bras bu de gang gis nges par byed na thabs gang gis te de bzhin du de'o//de nyid gsungs pa dngos grub ces pa la sogs pa'o/ /rdzogs pa'i rim pa'i le'u mdor bstan pa dang / de kho na nges par bstan pa'i le'u rgyas par bshad pa ste 'di ni shin tu rgyas par bshad pa'o/ /bsam pa thams cad bsam du med//ces pa sems can thams cad bsam gyis mi khyab pas so/ /bsam du med ces pa bsam pa dang bral bas so/ /ji ltar zhes pa sems can thams cad dang rnal 'byor pa'i sems dang de bzhin gshegs pa rnams kyi khyad par med pa'i phyir ro/ / bsam du med pas zhes pa sems med pas so/ /bsam gyis mi khyab sems pa de'i zhes pa bsam du med par sems pa'o/ /sna tshogs sgro 'dogs min zhes pa sgro 'dogs dang bcas pa med sgro 'dogs dang bral ba yang med pa'o/ /'dir gdams ngag 'di yin te/ bskyed pa'i rim pa sngon du song zhing rdo rje bzlas pa'i rim pa'i mthar thug pa legs par goms pa'i rnal 'byor pa sa phyogs 'ga' zhig tu skyil krung bcas la 'dug ste/khams gsum pa la de'i dngos por grub pa cung zad kyang med cing shes rab dang thabs kyi bdag nyid can/dpal rdo rje phag mo dang bde mchog gi rang bzhin gyis khyab pa'o zhes rab tu bstan par bya ste/ yod pa ma yin pa'i rnam par rtog pa mtha' dag bsal nas de kho na ltar bla ma'i gdams ngag las 'od gsal gyi rim pas rnam par rtog pa med par gnas na/yun mi ring bar rnam par mi rtog pa'i ye shes gsal bar 'gyur ro zhes pa'o/ /de las langs nas kyang rmi lam lta bur rang gi ngo bo tha dad pa dang bral ba brtan pa dang g.yo ba'i dngos po ma lus pa la/ kye gang zhig blang zhing dor bar bya ste/ de bzhin du rnam par blta bar bya'o zhes pa'o//de dag ston pa rmi lam zhes pa la sogs pa ni/ gang zhig rnam par rtog pa dang bral ba la gnas par 'gyur ba'i rnal 'byor pa de kho na ltar rang rig pa'i bde ba ste/ de nyid shes rab kyi pha rol tu phyin pa'o/ /dga' ba'i 'bras bu la gnas pa kho na rtogs pa ste/ de nyid rang bzhin bral ba'o/ /de dag nyid shes rab dang thabs dag ste/ stong pa nyid dang snying rje yang ngo / /sems gcig nyid kyi chos 'di gnyis te/ bde ba chen po rtogs pa'i rang bzhin med pa nyid do/ /'di ltar gnas skabs gnyis kar yang 'di bsgom zhing 'dod pa lnga la nye bar spyod pas tshogs yongs su rdzogs par 'gyur ro//'di ji ltar rmi lam la sogs pa lta bur yang mthong la/ nye bar longs spyod pa'i phyir rab tu 'jug pa yin zhe na/ gsungs pa/ sgyu ma zhes pa la sogs pa'o/ /de ltar bstan pa'i rim pa gnyis yan lag dang bcas pa goms pa mthar thug pa 'bras bur gyur pa'i bcom ldan 'das khams gsum ma lus pa khyab pa/dga' ba bzhi'i rang bzhin nye bar sdud pa'i sgo yis bstan pa'i phyir gsungs pa/ e ma ho bde chen zhes pa la sogs pa ste/ bza' zhes pa longs spyod pa'o//dmigs pa zhes pa gzung ba'i rnam pas te gzhon nu ma'i rmi lam ji bzhin no zhes pa gzhon nu mas bu rnyed pa mthong ba bzhin no/ /'di dag thams cad kyang bla ma kho na las yang dag par khong du chud par bya'o zhes gsungs pa/ mchod pa thams cad ces pa la sogs pa'o//de la man ngag gi snod du gyur pa'i slob ma'i mtshan nyid gsungs pa/ 'jigs dang zhes pa la sogs pa ste/ 'jigs dang sdig pa 'phrog pa dang / /zhes pa 'jigs pa dang sdig pa spangs pa'o/ /rgyud kyi che ba'i bdag nyid gsungs pa dpal ldan zhes pa la sogs pa'o//gal te 'di kho na mchog gi lam yin na/ de ltar spyod pa gzhan yang bstan zhe na/ gsungs pa/ mos pa sna tshogs zhes pa la sogs pa'o/ /de'i phyir 'di la lhag par mos pa med pa rnams kyis kyang tshul 'di la rab tu smad par mi bya'o zhes gsungs pa/zab mo yis zhes pa la sogs pa'o/ /gtan tshigs gsungs pa/ bsam gyis mi khyab ces pa la sogs pa ste/ chos nyid thams cad ces pa/ sangs rgyas thams cad kyi chos nyid kyi rang bzhin 'gro ba'i don phun sum tshogs pa'i mtshan nyid do/ /bsam gyis mi khyab pa ni gzhal du med pa nyid las te/byang chub sems dpa' rnams kyi yang zhes dgongs pa'o/ /bsam gyis mi khyab pa yang / stong nyid snying rje dbyer med pa/ /zhes pa shes nas/ sangs rgyas rol pa 'di nges par ro/ /gsungs pa yang / stong nyid snying rje dbyer med pa//gang la sems ni rab sgom byed/ /de nyid sangs rgyas chos dang ni/ /dge 'dun gyi yang bstan pa'o/ /zhes so/ /de nyid 'dir yang stong pa nyid dang snying rje dbyer med pa'i ye shes mkha' 'gro ma'i 'khor lo las yongs su 'khor ba dpal he ru ka'i rnam par bstan no zhes pa sangs rgyas pa rnams kyis gzung zhing blang bar bya'o zhes pa dgongs pa'o//lam gzhan rnam pa gang gis ci'i don du cir gyur pa yang dag par bstan zhe na/ gsungs pa/ sems can zhes pa la sogs pa ste/ sems can rnams gzhug pa'i phyir ro/ /mos pa ni gang zhig mos pa'i lam 'di rnams kyis zhes bya ste/de rnams thams cad la dga' ba ltar bstan to zhes pa lhag ma'o/ /rang gi ngo bos ni dpa' mo thams cad kyis yongs su bskor ba dpal he ru ka'i ting nge 'dzin bde ba chen po'i rang bzhin la rnam par gnas pa rnams so//'di dag gis lam gzhan gyis rab tu 'jug pa rnams kyi yang mthar thug pa na lam nyid mthar thug pa'i 'bras bur gnas so zhes yongs su gsal bar byas par 'gyur ro/ /de ni sdud par byed pas bsdus pa nye bar bsdu ba gsungs pa zhes pa la sogs pa ste/ 'bum phrag gsum gyi bdag nyid can dpal he ru ka mngon par brjod pa'i rgyud las/ de don mtha' dag bsdus pa'i khyad par gyis 'dir lhan cig skyes pa'i dga' ba rab tu bstan pa'i phyir/ phyi ma'i rgyud dang nyung ngu'i rgyud bshad pa'i rgyud kyang ste/ lhan cig skyes pa 'byung ba'i rtog pa zhes bya ba/ming gzhan sdom pa 'byung ba'i yang dag par phyung ste/ snyigs ma lnga'i dus su skyes pa'i gdul bya rnams rjes su gzung ba'i phyir zhes pa'o/ /slob mas gsol btab thos pa'i rjes 'brangs rab brjod khengs pa la sogs tshul gyis min/ /skyon gang de 'dir bdag la bskyed mdzad dpal ldan rdo rje phag mo bzod par mdzod//skyes pa'i long ba grogs med bgrod dka'i lam du yang dag gnas pa yod min te/ /skad cig so so so sor 'khrul zhing the tshom du gyur des na bzod par 'os/ /gzhan yang byis pa'i brjod pa don bral 'khrugs pa'i tshig rnams kyang //ma la rab tu 'dod cing dga' ba kho na skyes par 'gyur/ /zhes pa yid la gzhag ste 'di nyid brjod las gang thob pa'i/ /dge ba des 'dir mtha' dag rdzogs pa'i byang chub grub gyur cig /gang yang grub pa slob dpon gzhan dang gzhan 'ongs man ngag dam pa'i nyi ma phog pa las//rgyas par 'gyur ba'i yid kyi pad+ma can 'di'i dri zhim ngad la phan chun du/ /gti mug las ni yun ring 'khor zhing dal med ngal bar gyur pa de dang de rnams kyi/ /sems la zhen par gyur pa skal ldan bung ba'i tshogs la dga' bas kun du khyab gyur cig /dpal sdom pa 'byung ba'i rgyud kyi rgyal po'i dka' 'grel pad+ma can zhes bya ba grub pa brnyes pa'i mkhas pa chen po dge slong rat+na rak+Shi ta'i zhabs kyis mdzad pa rdzogs so// //de nyid kyi dngos kyi slob ma thams cad mkhyen pa'i dpal bzang pos rang 'gyur du mdzad pa las dus phyis yon tan mtha' yas pa dang ldan pa bla ma dam pa chos kyi rgyal po'i bka' lung dang /dpon chen kun dga' bzang po'i gsung gis bskul nas/ bod kyi lo tsA ba dge slong blo brtan gyis phu ri'i gtsug lag khang du bsgyur cing bcos te dag par byas pa'o/ /zab mo stong nyid snying rje'i don//rdo rje'i tshig gis bcings pa'i rgya/ /bdag lta bu yis mi phyed mod/ /gus pas 'jug la'ang 'gal ci yod/ /'di 'bad dge ba nyi zer gyis/ /mtha' dag 'gro ba bung ba la/ /pad+ma can gyi sbrang rtsi'i rgyun/ /gegs med dus su sbyin par shog /

CLOSE WINDOW