CLOSE WINDOW

D1414
བོད་ཡིག

@#/ /rgya gar skad du/ mU la tan+t+ra hri da ya saM gra ha ab+hi d+hA not+tar tan+t+ra mU la mU la br-i t+ti/ /bod skad du/ rtsa ba'i rgyud kyi snying po 'dus pa nges par brjod pa'i rgyud bla ma rtsa ba rtsa ba'i 'grel pa/ dpal rdo rje mkha' 'gro la phyag 'tshal lo/ /gang du snying gi pad+ma kha sbyar dbus na gsal//phra bar lta ba rang 'byung myong ba'i sems 'jug pa/ /khams gsum me lus gnyis med par ni nyer 'gro ba/ /gsal ba chos kyi dbyings mchog de la bdag phyag 'tshal/ /gang gi phyir na rgyud ni gnyis te/ rtsa ba'i dang yan lag gi'o/ /yang rtsa ba dang bshad pa'o/ /ci rtsa ba gnyis gcig gam tha dad ce na/gnyis nyid de/ gtso bor gyur pa dang / bshad byar gyur pa'o/ /de dang de gnyis rgyas pa dang bsdus pa ste/ ji ltar zhe na/ 'di ni phyi ma'o/ /rtsa ba'i rgyud 'bum pa'i gleng gzhi stong phrag gsum bsdus rgyud 'di le'u gcig gis mdor bsdus pa bshad do//rtsa ba'i rgyud 'bum pa'i gleng bslang ba stong phrag gsum bsdus rgyud 'di'i le'u gcig gis mdor bsdus nas bshad do/ /rtsa ba'i rgyud 'bum pa'i rgyud 'byung ba'i rgyud stong phrag gsum bsdus pa'i rgyud 'di le'u gcig gis mdor bsdus te bshad do/ /rgyud 'bum pa'i bskyed pa'i rim pa'i sngon 'gro gnas phun sum tshogs pa dang /gang zag phun sum tshogs pa dang / sgrub pa'i yan lag phun sum tshogs pa dang / sngon du 'gro ba rnal 'byor bsrung ba dang / bdag bsrung ba dang / gnas bsrung ba dang / bsod nams kyi tshogs bsags pa dang / ye shes kyi tshogs bsags pa'i rtsa ba'i rgyud las stong phrag gcig gsungs pa/bsdus pa'i rgyud 'di'i le'u bzhi pa'i cha gcig gis bshad pa yin no/ /de ltar rgyud 'bum pa'i stong phrag bcu rgyud 'di'i le'u phyed dang bzhis bshad do/ /le'u bzhi pa nas nyi shu'i bar gyi le'u bcu bdun gyis rtsa ba'i rgyud 'bum pa'i stong phrag bcu bdun gyi 'khor lo bshad do//le'u bzhi pa'i de kho na nyid kyi man ngag gis rdzogs pa'i rim pa dang / le'u bcu bzhi pa rim pa bzhi pa bsgom pa'i rdzogs pa'i rim pa dang / le'u nyi shu rtsa lnga ba thig le bsgom pa'i rdzogs pa'i rim pa gsum gyis rgyud 'bum pa'i rdzogs pa'i rim pa stong phrag gsum bshad do//de de ltar na stong phrag sum cu tham pa bsdus rgyud 'di'i le'u nyi shu man chad kyis bshad do/ /le'u nyi shu rtsa gcig pa nas le'u bdun cu'i bar gyis rgyud 'bum pa'i stong phrag lnga bcu bsdus rgyud 'di'i le'u lngas bshad do//de'i phyir de ltar na rgyud 'bum pa'i stong phrag brgyad cu ni bsdus pa'i rgyud nges par brjod pa'i rgyud bla ma 'dis bsdus pa yin la/ rtsa ba'i rgyud kyi rdzogs pa'i rim pa dang / las tshogs ni rgyud 'di dang phyi ma'i bshad pa'i rgyud rdo rje mkha' 'gro dang / sgyu ma chen mo dang / he ru ka 'byung ba dang /rig pa byed rgya mtsho'i rgyud bzhis stong phrag nyi shu bshad pa yin no/ /de ltar na bshad pa'i rgyud kyis rtsa ba'i rgyud stong phrag brgya pa bshad pa yin no/ /rjod byed kyi rgyud de rnams kyi brjod bya'i rgyud ni gsum ste/ rgyu'i rgyud dang / thabs kyi rgyud dang 'bras bu'i rgyud do/ /rgyu'i rgyud ni gsum ste/bskyed pa'i rim pa bsgom pa dang / rdzogs pa'i rim pa bsgom pa dang / bskyed rdzogs gnyis ka bsgom pa dang gsum mo/ /thabs kyi rgyud ni gnyis te bskyed pa'i rim pa dang rdzogs pa'i rim pa'o/ /'bras bu'i rgyud ni gsum ste/ chos dang longs spyod dang sprul pa'i sku'o//rgyud kyi don gsum po thos bsam gyis khong du chud pa ni dgos pa'o/ /bsgom pa'i shes rab kyis bskyed rdzogs kyi don mngon sum du grub pa ni dgos pa'i dgos pa'o/ /'brel ba ni brjod bya dang rjod byed kyi rgyu las dgos pa'i shes pa bskyed pas de nyid las 'brel pa log shig na med do//de ltar dgos pa'i don bshad nas/ bsdus pa'i don ni bzhi ste/ gleng gzhi dang gleng bslang ba dang rgyud 'byung ba'i le'u gsum dang / rgyud dngos so/ /dngos la lnga ste/ le'u bzhi nas nyi shu'i bar ni dngos grub bsgrub pa'i 'khor lo bcu bdun no/ /nyi shu rtsa gcig pa nas sum cu rtsa bdun gyi bar gyis ni dngos grub sna tshogs kyi 'khor lo'o//le'u sum cu rtsa brgyad pa nas bzhi bcu rtsa bdun gyi bar gyis ni dngos grub kyi yan lag tshogs kyi 'khor lo bshad do/ /le'u bzhi bcu rtsa brgyad pa nas drug cu rtsa gsum gyi bar gyis le'u bcu drug gis thun mong gi 'khor lo bshad do//drug cu rtsa bzhi pa nas le'u bdun cu'i bar gyis phrin las rnam bzhi'i khyad par gyi 'khor lo bshad do/ /de ltar bsdus pa'i don bshad nas/ yan lag gi don bshad pa ni/ 'di skad bdag gis thos pa zhes bya ba la sogs pa ston te/'di'i bshad pa'i rgyud kyi le'u bzhi bcu rtsa bzhi pas bshad pa ni de nyid dang sbyar gyi 'dir mi blang ngo / /lcang lo can gyi pho brang du sdud pa po lag na rdo rje la bla gos lnga brgya gdan du bting nas/ 'phags pa kun du bzang bos chos kyi 'khor lo bskor ba'i mdo/ / bde bar gshegs pas gang du gsungs/ shes rab chen po khyod smros shig /rdo rje 'chang ba khyod smros shig /ces gsol ba btab pa dang / sdud pa pos gleng bslang ba'i tshig 'di skad bdag gis thos pa zhes gsungs so/ /de la 'di skad ni lag na rdo rje'i yid kyi rnam par shes pa la rgyud kyi tshig dang sgro 'dogs dang skur 'debs bral bar snang ba la e waM zhes bya'o//bdag gis zhes bya ba ni bdag kho nas thos kyi brgyud pas sam/ 'khor las sam sprul pa las sam/ phrin gtang ba las ni ma yin no zhes bzhi gcod pa yin no/ /thos pas ni rang gis rtogs nas byas pa ma yin gyi sangs rgyas kyis gsungs nas thos pas gzhan dbang yin par ston to//yang 'khor rnams kyis dus gang gi tshe thos/ ston pa gang las thos/ gnas gang du thos/ 'khor su dang lhan cig tu thos/ bshad pa'i chos ci thos she na/ dri ba lnga'i lan du rgyud kyi gleng gzhi gsungs te/dus gcig na ni kun rdzob tu lan cig 'di thos la/ dus gzhan gyi tshe ni gzhan dag kyang thos so/ /des na thos pa mang bar ston to/ /don dam par na rgyud kyi don rnam par thar pa'i sgo mtha' yas pas dus kyi mtha'i skad cig ma gcig la rtogs te/ de yang / blo gros chen pos mthong rnams kyi/ /rnam pa thams cad cig car nges /zhes bshad do/ /bcom ldan 'das ni bdud bzhi bcom pas sam/ dbang phyug la sogs pa drug dang ldan pas so/ /gang du thos pa'i gnas ni de bzhin gshegs pa thams cad kyi zhes pa phyogs thams cad kyi dus thams cad ye shes lnga'i snang ba rigs lnga'o//de'i 'khor lo rdo rje khro ba'i mkha' 'gro ni dpa' bo nyi shu rtsa bzhi'o/ /mkha' 'gro ma rnams ni dpa' mo sum cu rtsa bdun no/ /de la rdo rje ni zag med kyi ye shes so/ /khro bo ni zhi bas mi 'dul ba la mngon spyod kyi sku'o/ /mkha' 'gro ni zhi gnas kyi nam mkha' bsam gtan bzhi dang /gzugs med bzhi'o/ /lhag mthong gi nam mkha' ni sa bcu gcig gi stong pa nyid do/ /de ltar rtogs shing 'gro bas na mkha' 'gro dang mkha' 'gro ma zhes btags so/ /de'i dri ba ni mkha' 'gro dang mkha' 'gro ma'i tshogs bye ba khrag khrig 'dus pa'i dkyil 'khor ro//gsang ba'i snying po ni 'dzam bu'i gling gru gsum ste/ nyan thos dang rang rgyal ba dang / tshangs pa dang khyab 'jug la sogs pas mi rtogs pas na gsang ba'o/ /snying po ni longs sku las sprul pa'i sku'i dpa' bo dang dpa' mo bskyed pa'i gnas yin pas snying po'o//bzhugs te zhes bya ba ni lan cig de na bzhugs kyi dus gzhan gyi tshe na gzhan dag na yang bzhugs pas gcig gi tshig dang sdud pa po'i dus los lkog tu gyur pa 'das pa'i tshig tu bstan to/ /'khor ni rgyud nyan pa'i ched du gsol ba 'debs pa'i 'khor te/ gnas der bcom ldan 'das de bzhin gshegs pa gang+gA'i klung gi bye ma snyed thams cad kyi 'khor 'dus nas/ ston pa po bcom ldan 'das sprul pa'i sku 'bras bu'i he ru ka thog ma skye ba dang tha ma 'jig pa med pa'i chos kyi dbyings las byung ba'i dpal rdo rje sems dpa' la gsol ba btab po//chos gang gi ched du gsol ba 'debs she na/ kye bcom ldan 'das zhes bos nas/ de bzhin gshegs pa rigs lnga thams cad kyi dkyil 'khor lnga bcu rtsa drug gi rdo rje khro bo'i mkha' 'gro nyi shu rtsa bzhi tha dad pa dang dkyil 'khor lnga bcu rtsa drug gi mkha' 'gro mang po'i dra ba'i tshogs rgyud 'bum pa'i stong phrag brgyad cu gsal zhing nges par brjod pa rtsa ba'i rgyud bla ma'i bla ma ste/'jig rten pa'i gnyen po zhi gnas dga' ba bzhi'i ting nge 'dzin bla ma dang lhag mthong sgyu ma 'od gsal zung 'jug ston pa ni bla ma'i bla ma ste/ de sems can gyi rgyud la bskyed pa'i gnas yin pas ni snying po'o//gsang ba ni rgyud 'bum par bshad pa byas slar snying po ngos mi zin pa'o/ /bshad du gsol ni rtsa ba'i rgyud 'di nyid du bsdus nas bshad du gsol zhes 'khor phun sum tshogs pas gsol ba 'debs pas zhar la rgyud kyi mtshan bshad pa yin no//chos phun sum tshogs pa ni bcom ldan 'das kyis bka' stsal pa/ kye lag na rdo rje khro bo chen po'i bdag po ni sangs rgyas kyi sdud pa po khro bo'i cha lugs 'chang ba rnam par thar pa'i sgo bsam gyis mi khyab pa ston pa'i bdag po'o/ /'khor rnam pa sna tshogs ni rdo rje gtsug tor dang rdo rje mdzod spu la sogs pa rdo rje rtse mo'i rgyud las rdo rje 'chang nyi shu rtsa drug bshad pa dang bcas pa nyon cig ces bod pa'o//ci mnyan zhe na/ rnam par rol pa chos kyi sku dang / rnam par 'phrul pa'i longs spyod rdzogs pa'i sku dang / 'phro ba sprul pa'i sku bshad kyis snod kha sbubs pa lta bu'i mi rtogs pa spongs la legs par nyon cig /snod zhabs rdol lta bu'i log rtogs spongs la rab tu nyon snod dri ma can lta bu'i the tshom spangs la yid la zung shig ces pa'o/ /de ltar gleng gzhi phun sum tshogs pa lnga bshad nas/ de la rgyud 'chad par skabs 'byed pa ni/bcom ldan 'das la 'khor thams cad kyis legs so zhes gsol te/ lag na rdo rje 'khor rdo rje gtsug tor la sogs pa dang bcas pa thal mo sbyar nas 'dud pa la/ bcom ldan 'das kyis gsungs pa yin no zhes mtshams sbyar ro/ / le'u dang po'i rgyud kyi dgos 'brel gsungs pa ni/ de nas gsang ba bshad bya ba ni 'khor gyi bsam pa la ltos pa'i de nas so/ /gsang ba ni bskyed rdzogs gnyis kyi brjod pa mdor bstan pa'o/ /bshad bya ni slob mas khong du chud par bya ba sgra'i dgos pa'o/ /mdor bsdus pa ste rgyas min ni le'u 'bum pa las mdor bsdus nas sh+lo ka 'bum pa las bskyungs pas na rgyas par ma yin pa ste rjod byed bstan to//brjod bya'i rgyas bshad ni dpal he ru ka yang dag sbyor te/ bskyed pa'i rim pa'i he ru ka longs sku dang sprul sku'i zlos gar bsgom pa dang / rdzogs pa'i rim pa chos kyi sku'i he ru ka'i zlos gar bsgom pa'o//yang dag sbyor ba ni bskyed pa'i rim pa'i yul lha mo'i gzugs dang / las kyi phyag rgya dang chos kyi phyag rgya dang dam tshig gi phyag rgya rnams so/ /rdzogs rim chos kyi sku ye shes kyi yul sgyu ma'i dpe brgyad phyag rgya chen po'o/ /yang dag sbyor ni 'dod pa'i khams kyi dbus nyi khri chig stong drug brgya bkag /'dod pa'i khams kyi rnam par rtog pa rang bzhin brgyad cu bkag nas bsam gtan dang zag med kyi sdom pa bde ba mchog la sbyor ba ni/ bde mchog gi rnal 'byor te gsang ba'o/ /'dod pa'i don kun gyi ni bsod nams kyi las kyi 'bras bu 'dod khams kyi mi lha dang 'khor los sgyur ba 'grub pa'o//thun mong gi dngos grub ni mi g.yo ba'i las kyi 'bras bu mngon par shes pa lnga'o/ /mchog gi dngos grub ni zag med kyi las kyi 'bras bu sangs rgyas dang byang chub sems dpa'i ye shes so/ /de ltar rgyud kyi dgos 'brel bshad nas/mtshan bshad pa ni bla ma ni bla ma zhes bya ba ni zhi gnas kyi bla ma las lhag mthong gi bla ma khyad par du gyur ba'o/ /mkha' 'gro ma'i dra ba sdom pa ni rtsa'i 'khor lo dang / rlung gi 'khor lo dang / sems kyi 'khor lo gnyis kyi tshogs ni dra ba'o/ /sdom pa ni bsam gtan dang zag med kyi sdom pa ste/rtsa dang rlung dang sems las bde ba mchog 'grub pas na mkha' 'gro ma dra ba'i sdom pa'o/ /don de dang ldan pa'i mtshan bshad pa'o/ /de ltar mtshan bshad nas rtsa ba'i rgyud kyi gleng gzhi bshad pa ni/ gsang ba mchog gi dgyes pa na/ /zhes pa ni gnas te gsang ba ni dga' ba'i gnas so//mchog ni mchog dga'i gnas so/ /dgyes pa ni lhan cig skyes dga'i gnas te 'dzam bu'i gling gru gsum na bzhugs pa'o/ /thams cad bdag nyid ni 'khor te/ de bzhin gshegs pa'i rigs dang / rdo rje'i rigs dang / rin po che'i rigs dang / pad+ma'i rigs dang /las kyi rigs te thams cad do/ /bdag nyid ni bzhi ste/ drag po 'jigs byed gdul bya'i 'khor dang / sangs rgyas dang byang chub sems dpa' nyan pa'i 'khor dang / dpa' bo dang dpa' mo sprul pa'i 'khor dang / lcang lo can gyi bdag po sdud pa po'i 'khor dang bzhi'o//rtag tu ni dus te gdul bya 'dul bya 'dul ba rnams rdzogs pa dus de'i bar ro/ /bzhugs pa ni sangs rgyas kyi zhing du ston pa yin no/ /ston pa dang sbyar ba na dbang mdzad pas bzhugs/ longs spyod pas bzhugs/ thim pas bzhugs pa'o/ /sprul pa'i sku'i ston pa ni mkha' 'gro kun dngos sems dpa' ste/'bras bu'i he ru ka zhal bzhi phyag bcu gnyis pa'o/ /de la mkha' ni zhi gnas dang lhag mthong gi nam mkha'o/ /'gro ba ni zhi gnas dang lhag mthong gi sa bcu gcig pa rtogs pa'o/ /kun gyi ye shes kyi 'khor lo dang / thugs kyi 'khor lo dang /gsung gi 'khor lo dang / sku'i 'khor lo dang / dam tshig gi 'khor lo dang / dur khrod brgyad kyi 'khor lo ste drug gi dbus na sgyu ma mkhan bzhin du 'bras bu'i he ru ka skyed byed kyi gtso bo yin pas na dngos zhes bya'o/ /rdo rje sems dpa' bde ba'i mchog ni longs spyod rdzogs pa'i sku te rgyu'i he ru ka'o//rdo rje ni stong pa nyid kyi ye shes so/ /sems dpa' ni snod bcud thams cad du snang ba'i longs sku ni rdo rje sems dpa' zhes bya bar rdo rje mkha' 'gro'i le'u bzhi bcu rtsa gnyis pa nas bshad do/ /bde ba'i mchog ni dag pa 'jig rten pa'i ye shes ji snyed pa mkhyen pa'i ye shes yin pas bde mchog go//'di ni rang byung bcom ldan 'das/ /zhes bya ba ni chos kyi sku ste/ 'di ni zhes bya ba ni don dam pas na zhes bya'o/ /rang 'byung ba ni rang rig pa rgyu nus pa thogs med nyams su myong ba'i 'od gsal ba'i rgyu las skyes pa yin gyi/ glo bur gyi rgyu rkyen las ma skyes pas na rang byung ngo //mnyam sbyor gyi rgyud las/ rtag tu da ltar 'byung ba bzhin/ /zhes bya ba rang gi sems kyi chos nyid nyams su myong ba 'dus byas dus gsum du mi dmigs pas na rang byung zhes bshad do/ /bdud bzhi bcom pas na bcom ldan 'das so/ /nyon mongs pa dang shes bya'i sgrib pa'i bag la nyal phra mo spangs pas dpa' ba'o//de ltar sku gsum gyi ston pa bshad nas/ chos phun sum tshogs pa ni mkha' 'gro dra ba'i sdom pa yin/ /zhes pa ste/ bskyed pa'i rim pa lha'i 'khor lo sdom pa dang / rdzogs pa'i rim pa dman pa dbyibs rtsa'i 'khor lo sdom pa dang /gsang bsngags rlung gi dra ba'i sdom pa dang / mthar thug chos sems kyi dra ba'i sdom pa gsum mo/ /de ltar kun rdzob tu phun sum tshogs pa lnga thos bsam gyi shes rab kyi thad kar bshad nas/ bsgom pa shes rab kyi dbang du byas nas/ ut+pal lta bu'i gang zag chags lam pa'i ngor las kyi phyag rgya'i b+ha ga la dga' ba gsum 'byung bas na gsang ba mchog gi dgyes pa na'o//thams cad bdag nyid ni 'khor lo bzhi'i rtsa'o/ /sku gsum gyi ston pa ni lkog ma dang snying ga dang lte bar phyin pa'i bde ba'o/ /chos ni 'khor lo bzhi la bde bas khyab pa'o/ / pad+ma lta bu'i gang zag grol ba'i lam pa'i dbang du byas nas gsang ba sngags su bshad pa ni/ dbugs 'byung rngub gsum gyi gnas yin pas na gsang ba mchog gi dgyes pa na'o/ /thams cad kyi bdag nyid ni dbugs nyi khri chig stong drug brgya'i 'khor ro/ /rtag tu bzhugs pa ni rlung gnyis 'gog pa'i dus te/srog a wa d+hU tIr chud pa'o/ /sku gsum gyi ston pa ni lte ba'i rlung dbus su chud nas/ mig tshums gcig sdod pa dang / snying gar mig tshums gnyis sdod pa dang / lkog mar mig tshums gsum sdod pa'i rtog pa med pa'i shes pa gsum skyes pa'o/ / bshad pa'i chos ni dbugs nyi khri chig stong drug brgya'i dra ba bkag pa las sdom pa'i bde mchog skyes pa'o/ /rin po che lta bu'i gang zag bdag byin gyis rlob pa'i lam la mthar thugs chos kyi dbang du byas na chos kyi dbyings rnam par thar pa sgo gsum gyi rang bzhin phyag rgya chen po ni gsang ba mchog gi dgyes pa na'o//thams cad bdag nyid ni byang chub kyi phyogs kyi chos sum cu rtsa bdun no/ /rtag tu bzhugs pa ni bsam gyis mi khyab pa'i dus te/ rang gi sems kyi stong nyid la rtag tu bzhugs pa'o/ /mkha' 'gro kun dngos sems dpa' ni gong bu'i gzugs las 'das pa gzung ba rang bzhin med pa'i ye shes sprul sku'o//rdo rje sems dpa' bde ba mchog ni 'dzin pa rang bzhin med pa longs sku'o/ /'di ni rang 'byung bcom ldan dpa' ni sems kyis bsam mi khyab ces pa'i bde chen chos kyi sku'o/ /bshad pa'i chos ni sems kyi mkha' 'gro ma dra ba'i sdom pa sgyu ma'i 'od gsal zung 'jug rtogs pa'o//de ltar gleng gzhi bshad nas/ bskyed rim gyi lus mdor bstan ni/ sgra'i tshul las nges par 'byung ba ni lhar bskyed pa'i rgyu ste/ sgra ni hUM ngo / /tshul ni rlung dbu ma'o/ /nges 'byung ni 'khor lo lnga dang dur khrod dang bcas pa rten dang brten pa'i dkyil 'khor sprul pa'o//dam tshig spyod pa ni dbang thob pa'i rnal 'byor pa'o/ /spyod yul yin ni lha'i 'khor lo bsgom pa'o/ /ji ltar bsgom zhe na/ thog mar tshad med pa dang byin gyis brlab pa dang / srung ba'i 'khor lo dang tshogs bsags pa dang stong pa nyid kyi rnal 'byor ro/dbugs ni ldang ba dang / 'jug pa dang / yongs su rdzogs pa dang / byin gyis rlob pa dang / dbang bskur ba dang / mchod pa'i rnal 'byor dang / ting nge 'dzin bsgom pa'o/ /mtha' ni nye bar bsdu ba dang / kun du spyod pa ste ldang ba ni rnal 'byor ro/ /rnam par gnas pa ni//thog ma dbus mtha' dri ma med ni/ sbyor ba dang / dngos gzhi dang rjes kyi tshul gyis sprul pa'i sku dri ma med pa zag med kyi snang bas gnas pa'o/ /de'i phan yon ci zhe na/ 'jig rten gsum du rnyed dka' ba ste sa 'og sa bla sa steng du zag pa med pa'i sprul pa'i sku rnyed par dka' ba'o//rdzogs pa'i rim pa'i lus mdor gzhag pa ni/ shes rab thabs kyi kun sbyor las/ /zhes bya ba shes rab phyag rgya bzhi dang / thabs shes pa bzhi mngon sum gyi lam gyis kun du sbyor bas bde ba rtog pa med pa dang dbang po drug bde ba dga' ba dang / yul drug bde ba mchog dga' dang /rnam par shes pa drug bde ba lhan cig skyes dga' ni/ 'chi med ji lta de lta bur/ /zhes bya ba ste/ me dang chu dang rlung gi bar du mi 'chi bas na 'chi med do/ /de la sgyu ma dang 'od gsal ba dang zung du 'jug pa rnam pa thams cad kyi mchog dang ldan pa'i stong pa nyid ni rang bzhin 'od gsal dag pa zhes bya'o//de'i rgyu gang las byung zhe na/ gsang ba'i gnas byung zhes bya ba las chos dang dam tshig gsum las byung ba'i bsam gtan gyis lus dang yid bde ba'o/ /las 'byung ba ni bsam gtan gyi bde ba de las skyes pa'i sgyu ma 'od gsal zung 'jug rtogs pa'o/ /de la nyes bral ni sgyu ma'i dpe brgyad dang mtshungs pa'i bdag byin gyis brlab pa'o//rtag pa ni 'od gsal rnam par thar pa'i sgo gsum gyi ting nge 'dzin to/ /zhi ba ni zung 'jug ste 'dus byas dang 'dus ma byas cig car rtogs pa'o/ /de skad du yang /blo gros chen po mthong rnams kyis/ /rnam pa thams cad cig car nges//zhes gsungs so/ /shes pa de gsum gyi yul gang yin zhe na/ nam mkha' dang mnyam pa skyed pa po ste/ chos kyi dbyings kyi rgyu las byung ba'o/ /rgyu de yang rang bzhin dag pa las byung ste sems kyi chos nyid 'dus ma byas pa'o/ /dbang po bdag po'i rkyen bsam gtan de gang las skye zhe na/rnal 'byor ma yis bde ba ster/ /zhes bya ba las kyi phyag rgya dang / chos kyi phyag rgya dang / dam tshig gi phyag rgya dang gsum gyis bde ba ster ro/ /de'i mtshungs pa de ma thag pa'i rkyen yid nang du chud pa ste rdo rje'i bzlas pa'o/ /dbang po bdag po'i rkyen ni bsam gtan de dga' ba bzhi'o//sogs ni yul phyag rgya bzhi dang / rgyu'i rkyen bsam gtan dang zag med kyi sa bon gyi bag chags so/ /de'i 'bras bu sbyor ba nyid cho ga'i ye shes ni rgyu rkyen tshogs pa'i sbyor ba ni cho ga ste de'i rnam shes dga' ba gsum dang / ye shes sgyu ma 'od gsal zung 'jug shes pa'o//de skad du yang mnyam sbyor las/ ngo bo nyid dang mthu dag gis/ /rang bzhin gyis ni de 'grub po/ /zhes gsungs so/ /bskyed rdzogs kyi de nyid rgyud 'bum pa las gsungs pa dag /gsang ba'i bdag po sdud pa po/ /lag na rdo rje rab tu nyon/ /zhes bya'o/ /dbugs 'byin bar ma mchog dag dang //zhes bya ba ni gleng gzhi'i le'u stong phrag gsum las stong phrag gcig tshogs kyi 'khor lo bsam gtan bskyed pa'i stong phrag btung ba sgyu ma lta bu'i ye shes bskyed pa stong phrag gcig pho nya'i gtsang sbra stong pa nyid kyi ye shes bskyed pa'o/ /de las dang por bsam gtan bskyed pa'i zas ni dbugs 'byin byang chub kyi sems dang bar ma rang byung gi khrag dang /mchog sha chen po dang / dri bshang ba'i dngas ma dang sam dang / chu lci ba'i dngas ma dang bcas pa ni/ rta dang glang po dang khyi dang ba lang dang mi'i sha de lnga la/ oM aHhUM gsum gyis bdud rtsir byas nas mkhas pa tshogs kyi 'khor lo byed pas bdud rtsi lnga'i ri lu byas pa'i khams kyi zas de su la sbyin zhe na/pad+ma'i dkyil 'khor dag la mchod/ /ces bya ste ye shes kyi 'khor lo'i pad+ma dang / thugs dang / gsung dang / sku dang dam tshig dang / dur khrod brgyad kyi bar gyi dkyil 'khor drug la ro'i bdud rtsi mchod par bya'o//dus nam gyi tshe zhe na/ 'byung po'i dus kyi khyad par la ste/ yar ngo'i tshes bcu'am/ mar ngo'i tshes bcu'am/ zla ba gcig la zhag sum cu thun bzhi'i dus kyi khyad par la mchod par bya'o/ /ro gcig pu yin nam zhe na/ pho nya rnams kyis de la mchod/ /ces pas pho nya rnams ni rigs lnga'i rnal 'byor dang rnal 'byor ma se/de'i gzugs yid du 'ong ba dang / rdo rje'i glu snyan pa dang / ga bur dang tsan+dan dang / gla rtsi'i dri dang / bdud rtsi lnga'i ro dang lag bcangs dang 'khyud pa la sogs pa'i reg bya lngas 'khor lo lnga'i lha la mchod do/ /mchod pa ni bsam gtan gyi ting 'dzin yin te/de'i yul dmigs pa'i rkyen ni/ mchog ye shes las skyes pa skyes rabs kyi byang chub sems ma'o/ /'bring ni bsam gtan bzhi dang gzugs med bzhi 'thob pa'i rnal 'byor ma'o/ /tha ma ni slob dpon gyis ye shes phab nas srog a wa d+hU tIr chu pa'i sngags skyes ma'o//yul de las 'bras bu gang 'byung zhe na/ mthar thug dngos grub thams cad 'byung ste/ zhi gnas dang lhag mthong mngon par shes pa lnga dang / zag pa zad pa'i ye shes thams cad 'byung ngo / /de'i mtshungs ba de ma thag pa'i rkyen ni yid ni nang du bsdus pa yis//zhes bya ba srog a wa d+hU tIr chud pas dbugs nyi khri chig stong drug brgya dang / rnam rtog gi rang bzhin brgyad cu 'gags pa'o/ /des ci 'grub ce na/ yid nang du chud na 'dod pa'i dngos grub gsum bsgrub par bya'o/ /bsam gtan bdag po'i rkyen ni rang rdzas thig le spyi gtsug gi kun rdzob byang chub kyi sems gtum mo drod kyis phab pa ste/dbang po bdag po'i rkyen yin no/ /gal te dga' bral du song na sangs rgyas te phung po lnga dang / sems dpa' dbang po drug dang / 'byung ba yum lnga la mchod par bya'o/ /bdag nyid rang gi lha'i sbyor ba dang ldan pa dang / gzhan rnal 'byor ma lha'i sbyor ba dang ldan pa'i lus kyi dkyil 'khor la yang mchod par bya'o/ /las kyi phyag rgya spangs pa'i grol ba'i lam la yid nang du chud pa yul gang las bsgom zhe na/ mthong ba gzugs dang / reg pa lag bcangs dang / thos pa sgra dang / dran pa chos kyi rdo rje ma la ma rmongs par dran pa'i 'du byed kyi chos kyi phyag rgya 'dod pa'i yon tan lnga la bsam gtan gyi ting nge 'dzin bsgoms na 'dod pa'i khams kyi sdig pa kun las grol zhing dben pa las skyes pa'i dga' ba dang /bde ba'i ting nge 'dzin ji ltar skyes pa de ltar grol ba'i lam gyi rnal 'byor pa 'di la skye bar the tshom med do//de ltar chags lam dang grol lam gyi tshogs kyi 'khor lo las skyes pa'i bsam gtan gyi ting nge 'dzin bshad nas/ de'i phan yon shA+o ka gcig gsungs pa ni/ bsam gtan thob pa'i rnal 'byor pa nyid bsod nams kyi tshogs mi g.yo ba'i las yin no/ /'dod pa las dben pa sdig pa mi dge ba'i chos las dben pa/dben pa las skyes pa'i dga' ba dang bde ba can bsam gtan dang po'i ting nge 'dzin yin no zhes shes rab 'bum pa las gsungs pa'i dag byed ni kun 'byung nyon mongs pa dag pa'o/ /sdig pa 'jig par byed pa ni sdug bsngal gyi bden pa dag pa'o//sngags bzlas ni srog a wa d+hU tIr chud pas dben pa las skyes pa'o/ /dga' ba dang bde ba can ni bsam gtan gyi dga' ba lus dang yid bde ba'o/ /myur du tshe 'di las dngos grub skye bas na mngon sum gyi lam lhan cig skyes pa las 'grub pa'o/ /rgyud kyi sdud pa pos 'grel pa mdzad pa ni de nyid las shes par bya'o//rtsa ba'i rgyu bsdus pa rtsa rgyud phyi ma slob ma la snying po nges brjod kyi rgyud kyi dam tshig la 'jug pa'i le'u dang po'i 'grel pa'o// //phyi ma'i phyi ma snying po'i le'u dang por sbas te lhag ma tshogs pa la bshad pa tsam bsdus par zad do//de'i phyir slob ma dang tshogs pa dag la so sor bshad par bya'o/ /rgyud phyi ma dang yang phyi ma'o/ /stong phrag gnyis kyi don gyi ni rtsa ba'i rgyud dang mthun par le'u bzhi bcu rtsa brgyad pa las phyis 'chad par 'gyur ro/ /de ltar gleng gzhi'i le'u dang po bshad nas/ gleng bslang ba'i le'u gnyis pa ni de'i rjes thogs la de nas zhes gsungs so//bcom ldan 'das rdo rje sems dpa' ni 'bras bu'i he ru ka'o/ /rdo rje dbyings la rnam par rol pa zhes bya ba ni rdo rje dbyings ni chos kyi sku'o/ /rnam par rol ba ni longs sku dang sprul sku'i 'khor ro/ /'khor de yang khro bo chen po'i gzugs su snang ba'i yul la dmigs pa'i ting nge 'dzin zhi gnas dang lhag mthong mnyam par zhugs nas/dngos grub thams cad 'grub pa'i lha rnams kyi ming gi gsang ba gsungs pa'o/ /su'i 'khor yin zhe na longs spyod rdzogs pa'i sku'i 'khor bcom ldan 'das rgyu'i rdo rje 'chang ba rnam par snang mdzad kyis snga ma'i ting nge 'dzin la snyoms par zhugs nas/brjod du med pa'i yang brjod du med pa'i sangs rgyas kyi zhing grangs med pa'i rdul dang mnyam pa'i byang chub sems dpa' sems dpa' chen po rnams sprul nas longs spyod rdzogs pa'i sku la phul ba ni/ 'di lta ste/ dpa' bo chen po ni nyon mongs pa dang shes bya'i sgrib pa spangs pa'o//gzugs kyi dbang phyug rdo rje ni rnam par snang mdzad lta bu 'khor lo dang dril bu thogs pa dkar po/ tshor ba rdo rje ni rin po che dang dril bu thogs pa ser po/ 'du shes rdo rje ni pad+ma dang dril bu thogs pa dmar po/ 'du byed rdo rje ni sna tshogs rdo rje dang dril bu thogs pa ljang gu/rnam par shes pa'i rdo rje ni rdo rje dang dril bu thogs pa mthing ga'o/ /de bzhin gshegs pa lnga po thams cad la khyab pa'i chos kyi dbyings las skyes pa'i gtso bo dbang phyug chen po ni thod pa dang kha T+wAM ga bsnams pa sku mdog mthing ga'o/ /gti mug rdo rje ni 'khor lo dang dril bu bsnams pa sa'i snying po'o//rna ba'i rdo rje ni rdo rje dang dril bu bsnams pa mthing ga phyag na rdo rje'o/ /sna rdo rje ni rin po che dang dril bu bsnams pa ser po nam mkha'i snying po'o/ /chags pa rdo rje ni pad+ma dang dril bu bsnams pa dmar po spyan ras gzigs so/ /ser sna rdo rje ni sna tshogs rdo rje dang dril bu bsnams pa ljang gu sgrib pa rnam par sel ba'o//dbang phyug rdo rje ni rdo rje dang dril bu thogs pa mthing ga kun du bzang po'o/ /sa rdo rje ni 'khor lo dang kha T+wAM ga thogs pa dkar po'o/ /chu rdo rje ni rin po che dang kha T+wAM ga thogs pa ser po'o/ /me rdo rje ni pad+ma dang kha T+wAM ga thogs pa dmar po'o//rlung rdo rje ni rgya gram dang kha T+wAM ga thogs pa ljang gu'o/ /nam mkha' dbyings kyi rdo rje ni rdo rje dang dril bu thogs pa mthing ga'o/ /de dag la sogs pa ni gzugs rdo rje dang / sgra dang / dri dang / ro dang reg bye dang chos rdo rje lha mo'i gzugs can chos kyi dbyings kyi mthas gtugs pa bcom ldan 'das la phul lo//yang rin chen 'byung ldan gyis snga ma'i ting nge 'dzin la snyoms par zhugs nas/ 'khor sprul nas phul ba'i ming 'bras bu'i he ru kas bshad pa ni phyogs bcu mtha' yas ma lus pa snod dang lus pa med pa'i bcud kyi 'jig rten du rnam par 'phro ba sprul ba'i gsang ba'i snying po chos kyi dbyings las skyes pa 'khor lo gsum gyi dkyil 'khor gyi 'khor lo sku dkar po gsung dmar po thugs nag po/kha dog sna tshogs pa'i mchog rnams sku gsung thugs kyi gsang ba gsum gyi zag med kyi dam tshig chen po sa bcu'i 'khor lo la bzhugs pa chen po ni nyon mongs pa dang shes bya'i sgrib pa spangs pa'o//rdo rje thod pa'i dum bu ni 'og nas 'byung ba'i dkyil 'khor gyi bye brag gis zhal gcig phyag gnyis pa dang / zhal gcig phyag bzhi pa dang / zhal gsum phyag drug pa dang / zhal bzhi phyag brgyad pa la sogs pa sku mdog du mar yang snang mod kyi thugs 'di brgyad rdo rje dang dril bu thogs pa nag po//gsung 'di brgyad pad+ma dang dril bu thogs pa dmar po/ /sku 'di brgyad 'khor lo dang dril bu thogs pa dkar po/ /thod pa'i dum bu ni drag po 'jigs byed kyi gdul bya'i ming yin la/ sgyu 'phrul dra ba'i rgyud du zhi ba'i sku ni kun du bzang po'o//keng rus chen po ni 'jam dpal dbyangs so/ /keng rus can ni 'jig rten dbang phyug go/ /mche ba rnam par gtsigs pa ni sa'i snying po'o/ /lha'i dgra ni phyag na rdo rje'i'o/ /rdo rje 'od dpag med ni byams pa'o/ /rdo rje 'od ni nam mkha'i snying po'o/ /rdo rje sku ni nam mkha'i mdzod do//gsung gi 'khor lo'i rdo rje myu gu ni sgrib pa rnam par sel ba'o/ /rdo rje ral ba can ni spos kyi glang po'o/ /dpa' bo chen po rnams ni blo gros mi zad pa'o/ /rdo rje hUM mdzad ni ye shes tog go/ /rdo rje bzang po ni spobs pa brtsegs pa'o/ /rab tu bzang po ni mya ngan dang mun pa kun 'joms so//'jigs byed chen po ni ngan song kun 'dren no/ /mig mi bzang ni dra ba can gyi 'od do/ /sku'i 'khor lo ni dpa' bo stobs po che zla 'od gzhon nu'o/ /rdo rje rin chen ni rdo rje 'od do/ /rta mchog ni nyi ma'i 'od kyi snying po'o/ /nam mkha'i snying po ni rdo rje 'od zer ro//he ru ka ni mthu chen thob pa'o/ /pad+ma gar gyi dbang phyug ni nor bzangs so/ /rnam par snang mdzad ni bzang skyong ngo / /rdo rje sems dpa' ni blo gros rgya mtsho'o/ /de dag la sogs pa dpa' bo de bzhin gshegs pa rigs lnga thams cad kyi sprul pa nam mkha'i khams thams cad gang bar gzigs so//de nas bcom ldan 'das 'bras bu'i he ru ka rigs lnga thams cad kyi bdag po'i sku gsung thugs la rdo rje gsum gyi zag pa med pa'i dam tshig thabs dang shes rab gnyis su med pa zhes bya ba'i yul la dmigs pa'i ting nge 'dzin la snyoms par zhugs te/ rin chen 'byung ldan gyi sprul pa'i dam tshig chen po chos kyi dbyings kyi rang bzhin rang gi ye shes kyi gsang ba'i b+ha ga stong pa nyid la 'byung ba'i rnal 'byor ma dpa' bo rang gi gsang ba'i dam tshig thabs dang shes rab lhan cig 'khyud pas gnyis su med pa'i dam tshig chen po'i mtshan gsungs pa ni 'di lta ste/rnal 'byor ma chen mo ni stong pa nyid la dmigs pa'i byang chub kyi phyogs kyi chos sum cu rtsa bdun gyi rnal 'byor ma chen mo ltung byed ma ni gri gug dang kA ba la thogs pa ser mo sangs rgyas spyan te/rgyal du 'jug pa'i phrin las byed pas ming de skad ces btags zhes rdo rje mkha' 'gro'i le'u bcu bzhi pa las gsungs so//gsod byed ma ni gri gug dang ka pA la thogs pa dkar mo mA ma kI ste ming ni phrin las kyi sgo nas so/ /'gugs byed ma ni gri gug dang ka pA la thogs pa dmar mo gos dkar mo ste phrin las kyi ming ngo / /gar gyi dbang phyug ma ni gri gug dang ka pA la thogs pa ljang gu sgrol ma ste dbang du byed pa'i phrin las kyi ming ngo //pad+ma'i dra ba can ni gri gug dang ka pA la thogs pa sngon mo kun du bzang mo ste 'chi ba'i phrin las kyi ming gi sgo nas so/ /mkha' 'gro ma chen mo zhes bya ba ni zhi gnas dang lhag mthong gi nam mkha' stong pa nyid du rtogs shing snying rje chen pos gzhan la stong pas na chen mo'o//rdo rje mkha' 'gro ma ni nye ba'i mA ma kI gri gug dang ka pA la bsnams pa'i sngon mo'o/ /rdo rje lA ma ni nye ba'i sgron ma ste gri gug dang ka pA la bsnams pa'i ljang gu'o/ /dum skyes ma ni nye ba'i gos dmar mo gri gug dang ka pA la thogs pa dmar mo'o/ /gzugs can ma ni nye ba'i sangs rgyas spyan te gri gug dang ka pA la thogs pa ser mo'o//rab tu gtum ma la sogs pa'i thugs kyi 'khor lo'i lha mo brgyad ni/ gri gug dang ka pA la thogs pa sngon mo'o/ /gsung gi 'khor lo'i lha mo brgyad ni gri gug dang ka pa la thogs pa'i dmar mo'o/ /sku'i 'khor lo'i brgyad ni gri gug dang ka pA la thogs pa'i dkar mo'o//de la rab tu gtum mo ni sgyu 'phrul dra ba las zhi ba'i sku rdo rje pho nya mo'o/ /gtum mig ma ni skul byed ma'o/ /'od ldan ma ni rin chen sgron no/ /sna chen ma ni rdo rje nyi ma'o/ /dpa' bo'i blo gros ma ni rdo rje ro langs ma'o/ /mi'u thung ma ni rdo rje gzhon nu ma'o/ / lang ka'i dbang phyug ma ni kam+bu dzi'o/ /shing grib ma ni sangs rgyas byang chub ma'o/ /gsung gi 'khor lo'i sa srung ma ni ye shes sgrol ma'o/ /'jigs byed chen mo ni rdo rje 'jigs ma'o/ /rlung shugs ma ni dri ldan ma'o/ /chang 'thung ma ni rgyan ldan ma'o/ /sngo bsangs ma ni sgrol ma'o/ /rab bzang ma ni gos dkar mo'o//rta rna mo ni nye ba'i spyan no/ /bya gdong ma ni nye ba'i mA ma kI'o/ /sku'i 'khor lo'i shugs can ma ni rgyal mtshan rtse mo'o/ /dum skyes ma ni so sor 'brang ma'o/ /kos rings ma ni rma bya chen mo'o/ /'khor lo'i go cha ma ni ri khrod lo ma can mo/ /rab tu dpa' mo ni rdo rje lu gu rgyud do//stobs chen ma ni phyir bzlog chen mo'o/ /'khor los sgyur ma ni gtsug tor dkar mo'o/ /brtson 'grus chen mo ni rdo rje 'jigs ma'o/ /sngon grub pa yi lha mo ste/ /'dod pa'i dngos grub thams cad gsol/ /zhes le'u drug cu bdun pa las gsungs pa'o/ /de lta bu la sogs pa zhes bya ba ni rang dang 'dra ba'i sku gsung thugs kyi 'khor lo'i lha mos gdul bya sna tshogs 'dul ba'i gzugs kyis stong gsum gyi nam mkha'i khams mthar thug pa ru yab kyi zhal nas hUM dang yum gyi zhal nas phaT sgrogs shing cang te'u dkrol nas kI li kI li'i sgra sgrogs pa rkang pas rang gi thabs kyi dam tshig la 'khyud pa dang zhal gyis zhal la reg ba'i tsumA na dang /snying rje'i nyams kyis phyag rgya drug yongs su rdzogs pa'i dpa' bo nyi shu rtsa bzhi dang / rnal 'byor ma nyi shu rtsa bzhi rnams kyis nam mkha'i khams gang bar gzigs pa rin chen 'byung ldan gyis phul lo//de rnams kyi mtshan nyid bshad pa ni/ /dpa' bo byang chub kyi phyogs kyi chos sum cu rtsa bdun gyi dam tshig gi mchog rang gi thabs la dgongs shing gzigs nas dpal rdo rje mkha' 'gro ma'i dam tshig gis gdul bya la stong ba nyid ston pas gdul bya lhag mthong dang zhi gnas kyi nam mkha' 'gro ma 'bras bu'i lha mo rgyu rdo rje phag mo'i dam tshig chos kyi dbyings kyi ye shes las yang dag par byung ba lha mo rnams kyis thun mong gi ming ni shes rab kyi pha rol tu phyin pa 'byung ba zhes bya ba 'khor lo gsum la bzhugs so//snang ba mtha' yas kyi sprul pa'i lha mo rnams ni/de nas bcom ldan 'das 'bras bu'i he ru kas ma mo'i tshogs thams cad kyi gsang ba ni lha mo bcu gnyis so/ /thabs sbas nas shes rab 'ba' zhig gi sku gsungs pa 'di lta ste/ mi'am ci 'dul bas rdo rje ma mo zhes btags so/ /khwa gdong ma la sogs pa'i dam tshig gi lha mo brgyad ni/thams cad kyang gri gug dang ka pA la thogs pa/ shar sngo ba byang ljang ba nub dmar ba lho ser ba mtshams phyed gzugs ma'i kha dog can/ khwa gdong ma la sogs pa bzhi ni mi'am ci 'dul bas mkha' lding gi gdong du bstan pa la lus bud med kyi gzugs ni/ gau rI dang /tsau rI dang / puk+kasI dang / betA la'i bzhi'i/ /zhal bzhi ni khams gsum rnam par rgyal ba dang / bdud rtsi 'khyil ba dang / rta mchog dang / gshin rje'i gshed dang bzhi thabs sbas pa'o/ /gshin rje brtan ma ni g+hasma rI'o/ /gshin rje pho nya mo ni sha ba rI'o/ /gshin rje mche ba ni tsaN+Da lI'o/ / gshin rje 'joms ma ni Da~M bi nI'o/ /g.yas ba'i phyed ni thabs dbyig sngon can dang / 'dod pa'i rgyal po dang / mi g.yo ba dang / stobs po che dang / khro bo chen po sngon grub pa khro mo dang bcas pas gdug pa gnon zhes gsungs so/ /de lta bu la sogs pa ni khams gsum du sprul ba'i lha mo'o//ma mo'i tshogs thams cad kyis zhes pa ni sprul pa dang nyid sprul thams cad kyis nam mkha'i khams dang mnyam pa'i chos kyi dbyings thams cad yongs su bkang nas zhes bya ba ni/ chos kyi dbyings las byung ba'i stong gsum gyi gzhal yas khang nas so/ /rigs ma lus pa lnga'i bdag pos 'bras bu'i he ru ka'o//de'i chos kyi dbyings rnam par dag pa'i rang bzhin yum rdo rje phag mo thabs dang shes rab gnyis su med pa'i shes rab las byung ba na mngal skyes dang rdzus skyes dang / drod gsher skyes so/ /dpal he ru ka'i dam tshig ni stong ba nyid do/ /de gnyis shes rab kyi pha rol tu phyin pa'i bdag nyid do//rdo rje ni stong ba nyid de'i rigs ni ye shes/ de'i dam tshig ni kun rdzob kyi lha mo'o/ /de gsungs pa ni chos rnams thams cad dngos po med pa ni stong ba nyid de gzhi lnga'i dngos po dang bral ba'o/ /chos kyi mtshan nyid rnam par spangs pa ni mtshan nyid gsum dang bral ba'i mtshan ma med pa'o//bdag med chos las yang dag 'byung ni gang zag dang chos kyi bdag med pas ma 'ongs pa la smon pa med pa'o/ /rnam thar sgo gsum 'di ni don dam pa'i dam tshig mchog yin la/ de las byung ba'i lha mo bcu gnyis ni snang ba mtha' yas kyis sprul nas phul ba'o/ /da ni don yod grub pas snga ma'i ting nge 'dzin la snyoms par zhugs nas go cha drug gi dpa' bo dang dpa' mo bcu gnyis phyung nas phul ba ni de rnams kyi ming 'bras bu'i he ru ka gsungs pa yin pas na/de nas zhes bya ba ni de ma thag pa'o/ /bcom ldan 'das kyis gnyis su med pa'i rdo rje'i dam tshig ni dpa' bo dang dpa' mo drug go//de gsungs pa ni 'di lta ste zhes bya ba'o/ /rnal 'byor gyi dbang phyug chen po zhes bya ba ni stong ba nyid shes pa'i lhag mthong dang / bde ba dang yid bde bzhi gnas dang lhan cig sbyor ba'i 'bras bu rigs drug gi dbang phyug bskyed pa ni rdo rje sems dpa' rdo rje dang dril bu thogs pa dkar po/rnam par snang mdzad 'khor lo dang dril bu thogs pa ser po/ pad+ma gar gyi dbang phyug pad+ma dang dril bu thogs pa dmar po/ rdo rje he ru ka rdo rje dril bu thogs pa sngon po/ /rdo rje nyi ma rin po che dang dril bu thogs pa ser po/ rta mchog sna tshogs rdo rje dang dril bu thogs pa ljang gu'o//rigs drug po de dag phyi rol du 'khor lo rtsibs drug la dgod pa dang / lus la snying ga dang mgo bo dang spyi gtsug dang phrag pa dang mig dang yan lag lnga la dgod pa'i zag med kyi dam tshig srung ba'o/ /de dang gnyis su med pa'i de bzhin gshegs pa nyid las skyes pa'i shes rab dang lhan cig gnyis su med par dkyil 'khor la dgod pa'am/yang na lus la srung ba'i rnal 'byor chen mo'i mchog mu stegs can la gsang ba nyan thos la sbas pa gsungs pa ni/ rdo rje phag mo ni gri gug dang thod pa thogs pa dmar mo/ /gshin rje ma ni gri gug dang ka pA la thogs pa ser mo//rmongs byed ma ni gri gug dang ka pA la thogs pa dkar mo/ /g.yo byed ma ni gri gug dang ka pA la thogs pa sngon mo/ /skrag byed ma ni gri gug dang ka pA la thogs pa'i du ba'i mdog can/ tsan+Di ka ni gri gug dang thod pa thogs pa dmar mo'o/ de lta bu nam mkha'i khams dang mnyam pa'i chos kyi dbyings las byung ba'i gnas su dpa' bo dang gnyis su med pa'i dam tshig gi lha mo drug yum gyi lte ba dang /snying ga dang / dpral ba dang / spyi gtsug dang / yan lag thams cad la bsrung ba'i phyir gsang ba'i chos kyi dbyings kyi lha mo'o/ /de lta bu la sogs pa'i rnal 'byor mang po du ma sna tshogs pas 'thung ba'i rak+ta la sogs pa bdud rtsi lnga'i mchog rang gi 'od zer gyis thod pa'i nang du phyung nas/bcom ldan 'das longs spyod rdzogs pa'i sku la rnam snang dang / rin chen 'byung ldan dang / snang ba mtha' yas dang / don yod grub pas sprul pa'i lha mos mchod pa byas so//de nas longs spyod rdzogs pa'i sku gdul bya sna tshogs la gzigs pas 'dul byed kyi 'khor lo dgongs pa sna tshogs pa'i kha dog dang dbyibs tha dad pa'i kun rdzob kyi dam tshig chen po rnam par rol cing sprul pa'i rdo rje zhes bya ba'i yul de la dmigs pa'i ting nge 'dzin la snyoms par zhugs so//snod kyi 'jig rten ma lus shing bcud kyi sems can lus pa med pa'i sems can byang chub kyi snying po can gyis chos kyi dbyings kyi snang ba kun du gang bar gzigs nas/ gdul bya de'i don du longs spyod rdzogs pa'i sku'i rang gi ba spu'i bu ga nas gling bzhi bye ba phrag brgyar dkyil 'khor gyi 'khor lo sna tshogs pa spros te/gdul bya sna tshogs pa 'dul ba'i thabs kyis nam mkha'i khams yongs su gang bar gdul bya snod dang ldan pa rnams la lha'i mig dang rna ba la snang bar gyur to/ /'dzam bu'i gling yon tan rgyal mtshan 'dir bcom ldan 'das bde mchog rigs lnga thams cad kyi bdag po zhal bzhi phyag bcu gnyis pas sna tshogs pa'i sku 'dzin pa drag po 'jigs byed kyi gdul bya'i sems can lha bzhi dang /dri za bzhi dang / gnod sbyin bzhi dang / srin po bzhi dang / klu bzhi dang / lha ma yin bzhi dang / mi'am ci bzhi dang / dur khrod brgyad kyi sems can la phan par rjes su dgongs nas rgyu thugs rje chen po las byung ba'i 'bras bu'i khro bo'i nyams dgu dang ldan pa'i yab yum gnyis su med pa'i sbyor bas ye shes dang /thugs dang / gsung dang / sku dang / dam tshig gi 'khor lo ngo mtshar ba sna tshogs shing 'dzam bu'i gling mtha' yas pa'i gnas sum cu rtsa gnyis su dbang byas pa dang /longs spyod pa dang / thim pa'i cho 'phrul chen po rdul phra rab dang mnyam pa'i sa 'og dang / sa bla dang sa steng gi bdag po'i 'khor lo bde mchog gi dkyil 'khor du yang dag par bstan nas/ sprul pa'i sku gzugs kyi sgo nas gdul bya btul ba chos bshad nas//da ni yaM las rlung gi dkyil 'khor dang / raM las me'i dkyil 'khor dang / baM las chu'i dkyil 'khor dang / laM las dbang chen gyi dkyil 'khor gyi steng du ri'i rgyal po ri rab shar shel/ /lho baiDUr+ya/ nub pad+ma rA ga/ /byang gser gyi rang bzhin gyi gzi brjid gser gyi ri bdun dang /gling bzhi gling phran brgyad lcags ri nag pos bskor ba de'i steng du/ dpal rdo rje sems dpa'i rang bzhin e gru gsum chos kyi dbyings kyi nang du/ oM las 'khor lo/ /de las rnam par snang mdzad 'og nas 'byung ba lta bu'i khro bo chen po yongs su gyur pa las byung ba'i sna tshogs rdo rje chen po dang pad+ma dang bcas pa'i gzhal yas khang dkyil 'khor chen po lnga bcu rtsa drug 'khor ba'i gnyen por gyur pa na rgyal po'o//kun du bzang po gyur ba las byung ba'i e gru gsum gyi dbus su rdo rje chen po'i dkyil 'khor sprul pa'i nang du phyi'i 'khor lo rnams la mngal skyes dang /sgong skyes dang / drod gsher las skyes dang / rdzus skyes kyis 'du zhing 'khor bar 'gyur te/ rin po che rnam pa sna tshogs pas mdzes pa'i sa gzhi gzhal yas khang bslang ba'i rtsig pa la rin po che'i rgyan/ /shar du rdo rje dang / lhor rin po che dang / nub tu pad+ma dang / byang du sna tshogs rdo rjes spras pas/zla ba dang nyi ma ltar mdog sdug pa'i nyi zla dang / dril bu dang / phyogs bzhir rnga yab dang / rgyal mtshan dang / g.yer ka'i dra bas mig mangs ris su bris ba/ rta babs bzhi dang rdo rje theg pa'i mdo sde'i chos kyi 'khor lo la 'jug pa'i rdo rje 'obs dang me 'od kyis bskor ba/ dril bu g.yer kas chos kyi 'khor lo'i sgra sgrogs pa de'i nang du dur khrod brgyad ni shar gyi shing la sna tshogs pa'i lha dang / nub kyi shing la klu dang / byang gi shing la gnod sbyin dang / lho nub kyi shing la srin po dang / byang shar gyi shing la 'byung po dbang ldan dang / lho phyogs kyi shing la gshin rje yi dags kyis bskor ba dang /shar lho'i shing la me lha sha za'i gzugs can dang / nub byang gi shing la rlung lha smyo byed brjed byed kyi 'khor can dang / de rnams kyi gzugs can ni glang po che la sogs pa'i gdong ba can nam/ yang na phyogs skyong rang gi gzugs kyis bri bar bya'o/ /de'i 'khor ni shar du lha'i gdon dang /lhor ma mo ma rungs pa dang / nub tu klu shin du gdug pa dang / byang du gnod sbyin la ro langs mang po'i 'khor dang / byang shar du ro ma tshig pa dang / shar lhor ro bsregs pa dang / lho nub tu gtum pos za ba dang / nub byang du ce sbyang dang / ce sbyang mo yis zos nas dum bur byed cing sgra sgrogs pa dang /dur khrod brgyad du dpa' bo brgyad dang / mkha' 'gro ma brgyad phaT kyi sgra dang / a la la'i sgra sgrogs pa rnal 'byor ma dril bu/ /dpa' bo cang te'u brdung ba'i sgra sgrogs shing ngo mtshar ba'i phyir/ /mgo med pa brgyad gar byed pas nye bar brgyan pa/ bcom ldan 'das mi bskyod pa gzhal yas khang gdan dang bcas pa bcom ldan 'das la phul lo//gnas de ru gleng bslang ba'i phyir phyag na rdo rjes bsnyen bkur gyi phyag dang mchod pa byas nas gdul bya sems can thams cad dge ba la gzud pa'i phyir snying rje'i nyams kyis stang stabs drug cu rtsa bzhis rkang ba'i rol pa dang /lag pa'i phyag rgyas rnam par rol pa'i pad+mo'i sdong bu bskor ba ltar lha drug cu rtsa bzhi gar byed cing thal mo sbyar nas mchod do/ /de nas g.yas brkyang ba'i gnas pas thal mo sbyar te/ rus pa'i rgyan gyis brgyan pa'i sangs rgyas thod pa la gsol ba btab po zhes bya ba gsol ba btab pa'o//ston pa'i mtshan nyid ni mchog tu zab mo'i chos kyi sku'i tshul dang / khro bo'i rgyal po chen po longs spyod rdzogs pa'i sku dang / sprul pa'i sku ru yum dang 'khyud pa rnam par sgeg pa'i sku chen po 'dzin pas/ 'dzam bu'i gling du gzugs kyi sgo nas chos bshad kyang ri rab kyi steng du 'khor gyi dkyil 'khor du stong pa nyid dang /ye shes ston pa'i zab pa'i gsung gi rtsa ba'i rgyud nges par brjod pa'i ba ma zhes bya ba'i dkyil 'khor lnga bcu rtsa drug gi mkha' 'gro ma'i dra ba'i tshogs kyi sdom pa 'dul byed kyi 'khor lo'i rgyal pos gdul bya sems can sna tshogs pa'i bsam pa dang mthun pa mi phyed kyi dbang phyug ma la sogs pa'i 'khor lo ma 'ongs par dngos grub gsum gyis phan zhing tshe 'dir dngos grub gsum gyi bde bas bskyed rdzogs sna tshogs pa'i chos bstan pa rtsa ba'i rgyud mdzad du gsol zhes rgyud kyi gleng bslang ba dang skabs phye ba ni gdul bya'i don du sems dpa' chen po legs so//'dul byed kyi 'khor lag na rdo rje khyod legs par nyon cig ces bya'o/ /le'u gnyis pa'i 'grel pa'o// //de ltar gleng gzhi dang gleng bslang ba bshad nas rgyud 'byung ba'i rgyu lus mdor gzhag bshad par bzhed pas de nas bya ba gsungs pa'o/ /ston pa bcom ldan 'das kyis nyan pa'i 'khor gyi dkyil 'khor thams cad la don dang po bskyed rim thams cad kyi rgyud rdo rje gsang ba gsungs pa ni/ma 'ongs pa'i rnal 'byor pa rnams kyi snying gar dbyangs yig las zla ba'i dkyil 'khor/ gsal byed las nyi ma'i dkyil 'khor/ de'i dbus su hUM bsgoms pa las rdo rje phra mo'i dkyil 'khor lnga bcu rtsa drug sprul pa ni/ma 'ongs pa'i rnal 'byor pas thun bzhir bsgoms te/ dkyil 'khor lnga bcu rtsa drug po de dag de bzhin gshegs pa thams cad kyi mkha' 'gro ma dra ba'i sdom pa zhes lnga bcu rtsa drug kun la ming gis gdags so/ / don gnyis pa dkyil 'khor grub zin pa de rnams la/ 'og nas 'byung ba'i sngags 'di ni byin gyis brlab pa bstan par byed pa yin te/ de yang byin gyis rlob pa'i mkha' 'gro ma'i dra ba'i sdom pa zhes bya'o/ /byin gyis brlab pa'i sngags de ji lta bu lags zhes zhus pa dang / gsang ba'i snying po mchog nyon cig /ces bka' stsal te/ de la ye shes kyi tshogs snod bcud thams cad oM AHhUM gsum du bsdus pa'i tshe sngags dang pos rang bzhin dag pas chos thams cad dag go zhes gsungs so/ /oM AHhUM gsum thig ler gyur pa'i tshe sngags gnyis pa stong pa nyid kyi ye shes kyi rdo rje'i rang bzhin bdag nyid nga yin no zhes gsungs so//rdzus skyes la nyi zla'i dbus su thig le 'jug pa'i sngags gsum pa rdo rje dag pas chos thams cad dag go zhes gsungs so/ /nyi zla kha sbyar gyi dbus na hUM gi spro bsdu las 'byung ba'i dam tshig sems dpa' la ye shes sems dpa' 'jug pa'i tshe sngags bzhi pa rnal 'byor ma dag pas chos thams cad kyi rnal 'byor ma dag go zhes gsungs so//la la sgong skyes la mos pa'i tshe sngags lnga pa ye shes dag pas chos thams cad kyi ye shes dag go zhes gsungs so/ /drod gsher skyes la mos pa yig 'bru dang phyag mtshan las skyes pa'i tshe sngags drug pa dam tshig dag pas chos thams cad kyi dam tshig dag go zhes gsungs so//mngal skyes la mos pa'i tshe rdo rje dang pad+ma byin gyis brlab pa'i sngags bdun pa de bzhin gshegs pa thams cad kyi stong pa nyid kyi ye shes rjes su chags pa'i rdo rje'i rang bzhin bdag yin no zhes gsungs so//phung po lnga sangs rgyas dbang po drug sems dpa' 'byung ba lnga lha mo gnas nyi shu rtsa bzhi lus kyi dkyil 'khor la bkod pa'i tshe sngags brgyad pa de bzhin gshegs pa thams cad rnam par dag pa'i chos kyi dbyings kyi ye shes kyi rdo rje'i rang bzhin bdag yin no zhes gsungs so//lus kyi gnas nyi shu rtsa bzhir pu dzA oM a go rA de mA la sogs pa bkod pa'i tshe sngags dgu pa sngags thams cad dag pas chos thams cad dag go gsungs so/ /lha thams cad skyes pa las gar gyi nyams dgur grub pa'i tshe/ sngags bcu pa khro bo thams cad kyi chos kyi sngags kyis dag go zhes gsungs so//sgom brgyad bskyed pa'i tshe sngags bcu gcig pa khro bo dag pas chos thams cad kyi khro bo dag go zhes gsungs so/ /thugs kyi 'khor lo bskyed pa'i tshe sngags bcu gnyis pa sems dag pas chos thams cad sems kyis dag go zhes gsungs so//gsung gi 'khor lo bskyed pa'i tshe sngags bcu gsum pa dag pas chos thams cad dag gis dag go zhes gsungs so/ /sku'i 'khor lo bskyed pa'i tshe sngags bcu bzhi pa lus dag pas chos thams cad lus kyis dag go/ /ye shes sems dpa' bcug pa'i tshe sngags bco lnga pa ye shes bdud rtsi dag pas chos thams cad ye shes bdud rtsis dag go//dpa' bo dang dpa' mo'i go cha bkon pa'i tshe sngags bcu drug pa dam tshig sna tshogs kyi chos kun yang dag pas chos thams cad dam tshig sna tshogs kyis dag go/ /bzlas pa byed pa'i tshe sngags bcu bdun pa spyod pa dag pas chos thams cad spyod pas dag go//dam tshig sems dpa'i thugs kar ye shes sems dpa' de'i thugs kar phyag mtshan dang yig 'bru ting nge 'dzin sems dpa' bsgom pa'i tshe sngags bco brgyad pa rnal 'byor gsum dag pas chos thams cad rnal 'byor gsum gyis dag go//dbang bskur ba'i tshe sngags bcu dgu pa dbang bskur dag pas chos thams cad dbang bskur gyis dag go/ /rkang pa brgyad pa'i sngags kyis lha mo brgyad sprul pa'i tshe sngags nyi shu pa mchod pa dag pas chos thams cad mchod pas dag go/ /yab yum gnyis dga' ba bzhi bsgom pa'i tshe sngags nyer gcig pa de bzhin gshegs pa thams cad gnyis su med pa'i mchod pa'i rang bzhin bdag yin no zhes bya ba'o//byang chub kyi phyogs sum cu rtsa bdun bsgom pa'i tshe sngags nyer gnyis pa dkyil 'khor dag pas chos thams cad kyi dkyil 'khor dag go//gtso bo yab yum 'ba' zhig bsgom pa'i tshe/ sngags nyer gsum pa bdag po dag pas chos thams cad bdag pos dag go/ /khams nyi shu rtsa bzhi dpa' bor bsgom pa'i tshe sngags nyer bzhi pa dpa' bo dag pas chos thams cad dpa' bos dag go/ /nyi shu rtsa bzhi dpa' mor bsgom pa'i tshe/sngags nyer lnga pa rnal 'byor ma dag pas chos thams cad rnal 'byor mas dag go/ /sgyu ma dang stong pa zung 'jug gi lha bsgom pa'i tshe sngags nyer drug pa de nyid dag pas chos thams cad de kho na nyid dag go/ /he ru ka'i mtshan nyid bsgom pa'i tshe sngags nyer bdun pa ste/ he zhes bya ba rgyu dang bral bas chos thams cad rgyu dang bral ba'o/ /ru zhes bya ba bkod pa dang bral bas chos thams cad bkod pa dang bral ba'o/ /ka zhes bya ba gang du yang mi gnas pas chos thams cad gang du yang mi gnas so/ /thun bzhir lhan cig tu cig car bsgom pa'i tshe sngags nyer brgyad pa skad cig gis dag pas chos thams cad skad cig gis dag go//stong gsum gyi snod bcud lha'i 'khor lor bsgom pa'i tshe sngags nyer dgu pa srid pa dag pas chos thams cad srid pas dag go/ /'gro ba rigs drug lhar bskyed pa'i tshe/ sngags sum cu pa skye ba dag pas chos thams cad skye ba'i srid pas dag go//'dod pa'i yon tan lnga la longs spyod pa'i tshe sngags so gcig pa longs spyod dag pas chos thams cad longs spyod kyis dag go/ /kha zas kyi rnal 'byor bdud rtsi lngar byin gyis brlabs nas za ba'i tshe/ sngags so gnyis pa bza' ba dag pas chos thams cad bza' bas dag go//thun mtshams kyi he ru ka spyod lam rnam bzhi'i tshe sngags so gsum pa mnyam par ma bzhag pa'i dag pas chos thams cad mnyam par ma bzhag pas dag go/ /zab pa'i rdzogs rim bsgom pa'i tshe sngags so bzhi pa rang rig pa dag pas chos thams cad rang rig pas dag go//zhe sdang bsgom pa'i tshe sngags so lnga pa zhe sdang dag pas chos thams cad zhe sdang gis dag go/ /rnam snang bsgom pa'i tshe/ sngags so drug pa gti mug dag pas chos thams cad gti mug gis dag go/ /'od dpag med bsgom pa'i tshe sngags so bdun pa 'dod chags dag pas chos thams cad 'dod chags kyis dag go//rin chen 'byung ldan bsgom pa'i tshe sngags so brgyad pa nga rgyal dag pas chos thams cad nga rgyal gyis dag go/ /las kyi rigs bsgom pa'i tshe sngags so dgu pa phrag dog dag pas chos thams cad phrag dog gis dag go/ /rdo rje he ru ka bsgom pa'i tshe sngags bzhi bcu pa nam mkha' dag pas chos thams cad nam mkha' rdo rjes dag go//lus kyi nang du 'khor lo gsum bsgom pa'i tshe sngags zhe gcig pa 'khor lo gsum dag pas chos thams cad 'khor lo gsum gyis dag go/ /mkha' 'gro ma bcu gnyis bsgom pa'i tshe/sngags zhe gnyis pa mkha' 'gro ma dag pas chos thams cad mkha' 'gro ma bcu gnyis kyis dag go/ /'gro ba thams cad la lha rigs brgya'i dbye bas bsgom pa'i tshe/ sngags zhe gsum pa rigs brgyas dag pas chos thams cad rigs brgyas dag go/ /dur khrod brgyad kyi ma mo brgyad bsgom pa'i tshe/sngags zhe bzhi pa ma mo dag pas chos thams cad ma mos dag go/ /gnas nyi shu rtsa bzhi bsgom pa'i tshe sngags zhe lnga pa pi ta shud+d+ha sarba d+harmAHpi ta shud+d+hou0f85haM/ de bzhin du oM pa pi ta shud+d+ha sarba d+harmAHpa pi ta shud+hou0f85haM zhes bya ba nas/ u pash+ma shA na shud+d+ha sarba d+harmAHu pash+ma shA na shud+dou0f85haM/zhes bya ba'i don ni de bzhin du ji srid du nye ba'i dur khrod kyi bar thams cad rnam par dag par shes par bya'o/ /thams cad la oM yod pa ni ye shes lnga'o/ /thams cad la a haM yod pa ni rang rig pa'i rgyal po'o/ /don gnyis pa sngags de rnams ni lha'i sku'i don bsgom par mi nus pa sngags brjod cing nga rgyal bsgom pa'i tha ma'i don yin no//rnal 'byor pa rab thos bsam bsgom gsum la mkhas pa don gsum pa bsgom pa ni mtshan nyid brgyad shes pa yin te/ gnas kyi mtshan nyid ni pu pul+li ra ma la ya nas/ ku ku lu ta'i bar du yi ge nyi shu rtsa bzhis sngon 'byung yul nyi shu rtsa bzhi dang /rjes 'jug 'khor lo nyi shu rtsa bzhi dang / lus la nyi ma'i dkyil 'khor nyi shu rtsa bzhi bsdu na/ sa bcu dang pha rol tu phyin pa bcu'i don yin te phung po khams dang skye mched la sogs pa'i shes pa bcu dag pa dang / dbang bcu rnam par dag pa bsgom pas 'khor lo gsum gyi gnas yongs su dag nas gnas nyi shu rtsa bzhi zag med kyis dag par 'gyur ro//zag med kyi dge ba yin pa'i rgyu des dus gsum pas grol/ gnas skabs thun brgyad grol/ 'o na ci yin zhe na/ rnal 'byor yid dga' ba'i byang chub kyi phyogs kyi don te/ byang chub kyi phyogs kyi chos sum cu rtsa bdun las 'bras bu lus dang sprul pa'i 'khor lo'i he ru ka'i dkyil 'khor 'byung bas nges brjod bla ma zhes mtshan btags te/gsang chen chos dang / mchog longs spyod dang dam pa sprul pa'i sku la phyogs g.yon skor dang / mtshams g.yas skor gyis mchod pa dang lha dgod pa dang / sgom pa dang bzlas pa'i tshe bskor bar bya'o//mtshan nyid dang po'o/ /gnyis pa'i rnal 'byor pa'i mtshan nyid ni mtshan ma thob pa'i rnal 'byor pa gang gis sgyu ma dang stong pa nyid shes pas dag byed dang / dbang dang / dpa' bo dang / bkas gnang ba dang / ngan spyod kyi rnal 'byor gyi brda lnga bya'o/ /gang la mi bstan zhe na/dbang ma bskur ba la'o/ /rgyud 'dir bla mas dbang bskur ba las gzhan du 'bras bu med pa dang / glegs bam tsam thos nas tshogs kyi 'khor lo byed na phyi ma dmyal bar ltung ba dang / tshe 'di la phol mig la sogs pa nas tshogs bdag gis gsod cing phyi ma dmyal bar ltung ngo / / de bas zhes bya ba ni mjug bsdu ba ste/ bla ma'i brgyud las dbang thob nas sngags myur du grub pa dang / gnyis med ye shes kyi sbyor ba lha bsgoms na mchog sangs rgyas nges par thob par 'gyur ro/ /gsum ba las kyi phyag rgya'i mtshan nyid ni/ mi'i bu mo 'og nas 'byung ba mtshan nyid 'chad pa 'di 'dra ba spang ngo //de gang zhe na dam tshig mi shes zhes bya ba nas phyag rgya spang bar bya zhes bya ba'i bar du'o/ /blang bar bya ba'i rnal 'byor ma ni gzugs bzang ba dang / lo nyi shu la sogs pas brgyan pa lhan cig la sems zin pa/ tshogs kyi 'khor lo'i brtul zhugs shes pa/ dam tshig thams cad shes pa/dur khrod kyis mi 'jigs pas dpa' ba/ sgyu mar shes pas chags pa dang bral ba/ stong nyid shes pas 'dzem pa med pa/ zag med shes pas nga rgyal med pa/ lhag mthong shes pas ser sna med pa/ dmangs rigs kyi bu mo mchog blangs nas de dang lhan cig rig pa'i brtul zhugs bde ba stong pa nyid bsgom mo//gsum pa spyod pa'i mtshan nyid ni mngon par shes pa skyes nas rdzu 'phrul thob pas 'jig rten gyis smod pas mi 'jigs pa/ /spros bcas kyi spyod pa dang / spros med kyi spyod pa srog a wad+hU tIr chud pas sngags rig pa ni smig rgyu dang du ba dang srin bu me khyer dang / sgron ma dang nam mkha' stong pa lta bu'i rtags rig nas bdag nyid brtul zhugs spyod do//rus pa'i phyag rgya lnga rtag tu bcang ngo / /rus pa'i cod pan mgo la rgyan bya'o/ /thod pa dang kha T+wAM ga bzung nas thal ba'i rdul gyis byung / /sha chen bza'/ chang btung / ro'i ras bgo /lhag ma zos kyang ting nge 'dzin mi nyams/ spros med rtogs na khrag gi btung bas tshim par bya'o//skyed mos tshal la sogs pa'i gnas su stong pa nyid bsgoms pas gnas par bya'o/ /nyan thos dang rang rgyal dang / 'jig rten gyi mu stegs skal pa med pa rdo rje theg pa la smod pa'i gtsug lag khang du gnas par mi bya'o/ /der gnas na nyes pa ci yin zhe na/ byang chub sems dpa' gzhan don mi 'grub pa'i dbul por 'gyur ro//gnas gang du gnas she na/ dur khrod du gnas/ rdo rje gar gyi phyag rgya dang stang stabs bya/ yid 'ong lha mo dang bcas/ tshig pa dang ma tshig pa'i sha chen bza'/ chang btung / ro yod pa'i dur khrod kyi gnas su bsgom mo/ /lnga pa phyag rgya chen po'i mtshan nyid ni shin tu spros pa med pa'i rnal 'byor pas las kyi phyag rgya med na/phyag rgya chen po stong pa nyid khams gsum gyi dri ma spangs pa chos kyi dbyings kyi ye shes las byung ba yum shes rab kyi pha rol tu phyin pa'i lha mo gzung 'dzin med cing brjod byed med pa 'dus ma byas dang gnyis su med par sems rtse gcig par byas nas spros med bsgom pa'i spyod pa lus bde ba dang sems dga' ba'i dngos grub tu 'gyur te/shes rab thabs kyi cho ga'i rim pa ni phyag rgya chen po stong pa nyid dang nges par rol pa'i sgom pa mngon sum du 'grub pas rnam par mi rtog pa'i ye shes sa dang po skyes pa khams gsum gyi nyes pa thams cad las grol bas tshe 'di la dngos grub thob po//drug pa phan yon gyi mtshan nyid ni sngon gyi bde mchog dang 'dra bar g.yon pa bde ba stong pa nyid ni yum shes rab po/ /g.yas pa bde ba med pa 'dod khams kyi sems dang stong nyid med pa kun rdzob kyi shes rab ni thabs yin no//'dus byas dang 'dus ma byas dang / kun rdzob dang don dam cig car shes pa'i bsgom pa'i mthu stobs dang ldan na zung 'jug gi ye shes yin te/ slar zhing gang la yang mi bslab/ /ces bshad pa dang / blo gros chen po mthong rnams kyis/ /rnam pa thams cad cig car nges/ / zhes bshad do/ /de ltar/ zung 'jug thob na mnyam sbyor las/ /tshangs pa ngo 'thon stobs kyis mnan/ /dga' bde mi spong 'phrog nas ni/ /brgya byin ngo 'thon stobs kyis mnan/ /bde sogs ma yang 'phrog nas ni/ /zhes gsungs pas sum cu'i dbang phyug la dbang byed ni lha dbang du byed pa longs spyod pa thim pa'o//thog ma'i dngos grub ni dang po thugs kyi dngos grub ster ba'i rnal 'byor ma'o/ /gnod sbyin ni zhing dang nye ba'i zhing gi rnal 'byor ma'o/ /srin po ni tshan+do ha dang nye ba'i tshan+do ha'i rnal 'byor ma'o/ /klu mo ni 'dus pa dang nye ba'i 'dus pa'i rnal 'byor ma'o/ / lha ma yin ni dur khrod dang nye ba'i dur khrod kyi rnal 'byor ma'o/ /dri za mo ni nye ba'i gnas bzhi'i rnal 'byor ma'o/ /gzhan yang sna tshogs pa ni grong mtha' dang nye ba'i grong mtha' brgyad kyi mi'am ci'i lha mo brgyad do/ /'dod pa'i longs spyod ces pa ni/ gdong drug ngo 'thon stobs kyis mnan/ / gzhon nu ma yang 'phrog nas su/ /zhes bshad pas lha mo dang dri za mo dang / gnod sbyin dang srin mo dang klu mo dang lha ma yin mo dang / mi'am ci mo rnams la dga' bzhi'i longs spyod nas/ A li kA li thabs dang shes rab mnyam par bsgom pas don dam gyi bden pa de nyid sgyu ma dang / 'od gsal ba dang /zung 'jug thob pa'i thabs gsang ba shes rab ye shes dang / dbang bzhi pa gong nas gong du bskor nas rang gi lha'i rnal 'byor gyi gang zag thams cad kyis rgyud sde bzhi thams cad le de bzhin du brtag par bya'o/ /bdun pa brda'i mtshan nyid ni ye shes babs pa'am/ tshogs kyi 'khor lo byed pa'i tshe dpa' bo dang rnal 'byor mas brda rnams bstan pa ni/dpa' bo rnams kyis lag pa g.yon pas brda bya/ rnal 'byor mas lag pa g.yas pas brda bya'o/ /rgyu ba sems dang mi rgyu ba snod kyi 'jig rten gsum snod bcud kyi 'gro ba thams cad stong pa nyid sgyu ma lta bu'i g.yon pa las byung ba yin pas rdo rje sems dpa' mtheb mo la bzhugs so//rnam par snang mdzad mdzub mo la bzhugs so/ /gung mo la pad+ma gar gyi dbang phyug /srin lag la dpal he ru ka /the'u chung la nam mkha'i snying po'o/ /sen mo lnga la rta mgrin/ dpa' bo rnams kyi gzhi ni sor mo yin no//lag pa'i mthil du pho nya drug dbus dang 'dab ma lnga 'dus pa la bsgoms la/ go cha bgo na ye shes sems dpa' bcug la/ lag pa'i rgyab gzhal yas khang du bsams nas tshogs kyi 'khor lo'i brda bya'o/ /lag ba'i 'byung ba lnga ni lha mo lngar go sla'o/ /ldang ba'i tshe lag pa'i rgyab tu thim nas gshegs par bsam/dbang ma bskur ba la dam tshig tu mi bstan/ tshogs kyi 'khor lo lhan cig za ba'i tshe bya/ tshogs kyi 'khor lo dpa' bo thams cad tshogs pa'i lag pa'i mkha' 'gro dra ba'i sdom pa yin no/ /brgyad pa thabs la mkhas pa'i mtshan nyid ni rgyud le'u bdun cu'i don thams cad shes pas tshogs kyi 'khor lo'i slob dpon bya'o zhes rtogs par bya ba'i phyir/phan tshun rjes 'gro thams cad dang / /zhes bya ba ni le'u bzhi pa sku'i 'khor lo nas brtsams nas le'u sum cu rtsa bdun pa go cha'i 'khor lo'i bar du dkyil 'khor sum cu rtsa bzhir dpa' bo blta ba dang /tshur lha mo blta bas rjes 'gro thams cad ces bya'o/ /de ltar le'u sum cu rtsa bdun gyis gcod tshig rkang pa gcig bshad nas/ le'u sum cu rtsa brgyad pa nas bzhi bcu rtsa bdun gyi bar du dngos grub kyi yan lag le'u bcu pa'i sa gcod ni tshig rkang lnga yin te/ sna tshogs brda ni dag byed la sogs pa'i brda' bzhi'o//tshig ni pro tang+gi pra ti pro tang+gi la sogs pa ngag gi brda'o/ /mkha' 'gro ma'i mtshan nyid ni ye shes las skyes pa'i lha mo/ /pho nya rnams kyi mtshan nyid ni zhing skyes dang sngags skyes so/ /sgrub pa po la phan pa'i phyir ni sbyor ba gtsang sbra gsum gyi mchod pa dang / dngos gzhi gtsang sbra gsum gyi brtul zhugs dang / rjes gtsang sbra gsum gyi spyod pa de dag thams cad dang / dbang bzhi pa'i mtshan nyid kyi 'bras bu ma lus par 'chad pa yin no/ /le'u bzhi bcu rtsa brgyad pa'i sngar song ba'i sum cu rtsa bzhi dang / phyis 'ong ba thams cad kyi rab gnas kyi le'u ras ris ba lang gi pags pa la sogs pa sna tshogs par bri ba dang /rdo rje dang rin po che dang ba so dang shing la sogs pa la 'bur du brkos pa'i sku gzugs dang / de bzhin bri ba ni tshon rtsi bshad do/ /dri chen chu dang zhag dang khrag /mig sman chen po de bzhin te/ /mi rus bdar ba'i dkar po dang //rang byung me tog sa bon dang / rigs ngan bram ze gdol pa mo/ /g.yung mo las byung rang byung khrag /shu kra rak+ta'i khyad par dang / /mi skra rus pa'i pir gyis bri/ /zhes phyis 'chad par 'gyur ro/ /dam tshig dang le'u bzhi bcu rtsa dgu pa mdor bstan pas yan lag gis gcod de/dbang bskur ba'i tshe dkyil 'khor gyi dam tshig bshad pa'o/ /'dir dbang bskur nas lha thams cad phyis bsgom mo zhes dgongs so/ /sku mdog gi ni khyad par gyis/ /gang gi sgrub pa pos 'grub pa/ /zhes pa ni le'u bco brgyad pa'i mdor bstan dang yan lag gis gcod de/dkyil 'khor gang la bskyed pa'i rim pa'i dus su ye shes babs nas dbyangs skyong gi glu len pa dang / rdzogs pa'i rim pa'i dus su dga' bral du mi gtong ba ni dbyangs skyong ba ste dbyangs ni byang chub sems bde ba'o/ /de skyong ba'i lha sku mdog dkar po 'ba' zhig gi khyad par bsgom pa dang /sna tshogs dga' ba'i gsang sngags dang / /zhes pa ni le'u gcig pa dang gnyis pa'i bsdus don gyis gcod de nye snying dang snying po'i sngags kyi 'khor lo'o/ /gzhung lugs sna tshogs dkyil 'khor ni nga gsum pa rnam dag gi le'u mdor bstan pa rgyas pa'i sa gcod do/ /dkyil 'khor lus dang /dkyil 'khor b+ha ga dang / dkyil 'khor chos kyi dbyings te gzhung lugs sna tshogs pa'o/ /yid 'ong dam tshig mchog rnams dang / /zhes pa ni thabs kyi tshogs kyi 'khor lo le'u nga bzhi pa'i rtsa ba'am sa gcod do/ /sna tshogs rnal 'byor ma mchog dang / /zhes pa ni le'u nga lnga pa'i rtsa ba'am sa gcod de/shes rab kyi 'khor lo gru gsum pa bsgom pa'o/ /yid 'ong dpa' bo sna tshogs dang / /rnal 'byor ma yi man ngag dang / zhes pa ni le'u lnga bcu rtsa drug pa'i rtsa ba'am sa gcod de rgyu'i rgyud dang / thabs kyi rgyud dang / 'bras bu'i rgyud dang gsum ston pa'o/ / mkha' 'gro ma yi man ngag dang / /zhes pa ni le'u nga bdun pa rtsa ba'i sngags btu ba dang / nga brgyad pa go cha gnyis dang snying po'i sngags btu ba dang / nga dgu pa rdo rje phag mo'i snying po'i sngags kyi 'khrul 'khor dang / drug cu pa rdza rnga bcing ba'i gnod mdzes 'khor lo'i rtsa ba dang sa gcod bstan to//sna tshogs rigs mchog dam pa dang / /zhes pa ni grong khyer dkrugs pa drug cu rtsa gcig dang / dngos grub len pa'i tshogs kyi 'khor lo bong bu'i rnam par mdzad pa re gnyis pa dang / rigs lnga'i dbang bskur ba re gsum pa dang / lha mo bzhis zhus pa re bzhi pa dang / gshin rje'i 'khor lo re lnga pa'i rtsa ba dang sa gcod bstan to//bla ma brgyud pa'i man ngag ni/ /slob ma rnams la phan phyir ro/ /zhes pa ni le'u re drug pa skye ba bdun pa'i shas bskyar ba'i sa gcod do/ /bdag po'i las la shin tu mkhas/ /sngags dang rgyud la legs par bslabs/ /zhes pa ni le'u re bdun pa'i sgyu 'phrul dra ba'i sngags dang rgyud kyi dkyil 'khor dang /re brgyad pa so sor 'brang ma'i dkyil 'khor gyi sngags dang rgyud la legs par bslab pa'o/ /bya ba'i rgyud dang / spyod pa'i rgyud dang / gnyi ga'i rgyud dang / rnal 'byor gyi rgyud gzhan gyi cho ga'i rim pa rigs gsum mam rigs lnga'i lha'i khyad par rnams nges brjod rgyud kyi las nyid kyis te/phrin las rnam bzhi bshad pa las rgyud rdo rje mkha' 'gro bshad par bya ba'i rtsa ba'i rgyud 'di'i sngags pas rgyud gzhan gyi cho ga rnams lta ba mngon sum gyi lam dang spyod pa man+t+ra tan+t+ra gsum gyis gzhan rmongs par shes par bya'o/ /le'u sum cu rtsa brgyad pa la sogs pa'i rnal 'byor ma de rnams lha'i 'khor lor ji ltar 'gyur zhe na/skyes rabs kyi byang chub sems dpa' dang 'dra bar/ rnal 'byor ma yis spyod pa dang / /zhes pa zhing skyes dang / mkha' 'gro ma yang de bzhin te/ /zhes ye shes las skyes pa dang / ma mo phyi rol phyag rgya ni//zhes pa sngags te/ phyi rol ni rgyud tha dad pa'i bud med do/ /phag mo'i rigs las 'byung ba dang / /zhes pa ni bsam gtan dang gang zag med kyi sdom pa yod la/ gser rir dmangs rigs stong phrag bcu/ /zhes lung bstan pa dang / de rnams dkyil 'khor la ji ltar gzhag ce na ye shes dang /thugs dang / gsung dang / sku dang / dam tshig gi 'khor lo dpa' bo kun gyi spyod pa dang mthun pa'i kha dog dang dbyibs dang spyod lam dang ldan pa'i rigs so/ /'khor lo'i spyod pa shin tu sla ni thugs kyi 'khor lo rams kyis byug pa dang / gsungs kyi 'khor lo mtshal gyis byug pa dang /sku'i 'khor lo rdo thal gyis byug pa dang / gri gug dang / thod pa dang / kha T+wAM ga cang te'u dang / srog a wa d+hU tIr chud pa'i bsgom pa dang / bzlas pa bsam gtan dang / sgyu ma dang / 'od gsal dang / zung 'jug bsgom pa la shin tu bslabs pa phyi rol gyi rnal 'byor gyi dbang phyug spros bcas dang /spros med dang shin tu spros med kyi spyod pa mkhas par shes par bya'o/ /de ltar spyod pa'i rgyas bshad byas nas slob dpon gyi mtshan nyid la mkhas pa ni dpal he ru ka'i rigs las byung ba dang / slob dpon gyi spyod pa bsnyen sgrub bzhi'i khyad par dang /yul gyi spyod pa sgra nyams dang saM skr-i ta'i skad dang / sangs rgyas spyan gyi rgyud mnyam sbyor dang / mA ma kI'i rgyud dgyes rdor dang / gos dkar mo'i rgyud bde mchog dang / sgrol ma'i rgyud sgrol ma 'byung ba'i rgyud dang bzhi shes pa dang / rnal 'byor gyi rgyud de nyid bsdus pa dang /gsang 'dus dang / rin po che'i cod pan dang / pad+ma dra ba can dang / rdo rje don yod pa'i rgyud lnga shes pa dang / bya ba'i rgyud dpung bzangs dang / rgyud kyi dbye ba rig pa mchog dang / sna tshogs rab tu grub pa dang / phyag na rdo rje dbang bskur ba'i rgyud dang / sgyu 'phrul dra ba'i rgyud thams cad rnam par shes pa dang /sangs rgyas kyi lung las 'grub pa'i bstan bcos mngon par 'dul ba mdo sde sde snod gsum dang / mdo'i sde dang skyes pa rabs kyi sde la sogs pa gsung rab mdo sde yan lag bcu gnyis dang / bla na med pa'i spyod pa skabs brgyad ston pa'i shes rab kyi pha rol tu phyin pa rgyas 'bring gsum dang /phyi rol gyi bstan bcos ni slob dpon kha cig tshangs pa dang brgya byin dang khyab 'jug dang ma hA de bas bshad pa'i bstan bcos dor byar shes pa'o zhes 'chad kyang / sgra dang tshad ma shes pa spyod pa'i mchog 'jig rten pa ji ltar mos pa rig pa'i gnas lnga sna tshogs pa bslabs nas kyang zhes bya ba thabs mkhas pa'i mtshan nyid dang po'o//de ltar thos bsam gyis shes nas rnal 'byor pa bsgom pa'i tshe 'khor lo bde mchog mthar thug pa'i gnas bskyed rim dang rdzogs rim sbyor ba dang dngos gzhi thams cad la bslab par bya'o/ /rjes ni bza' ba'i tshe nang gi sbyin sreg dang /spyod pa thams cad ni snod bcud lha'i 'khor lor bsgom pa dang / 'dod pa'i yon tan lngas yid gnyis med pa'i sems kyis mchod pa dang / yi ge brgya pas gsang sngags bstan pa'i phyir shrI he ru ka sa ma ya ma nu pA la ya zhes ming dang gcig tu spel la bzlas na lhag pa dang ma tshang ba bskang ngo //gsum pa rgyun du bya ba'i thabs la mkhas pa ni/ dngos grub gsum gyis don thams cad 'grub pa'i rtsa ba'i sngags rtag tu bzla ba dang / sngags btu ba byas nas go cha'i dang / yab yum gyi snying po dang nye snying dang srung ba gnod mdzes kyi sngags btus la bzlas par bya'o//gnas gang du btu snyam na/ rdza rnga'i dkyil 'khor shin tu mdzes pa'i dbus su yi ge bkod nas btu ba'am/ pad+ma 'dab ma brgyad pa'i dbus kyi lte ba la dpa' bo dang rnal 'byor ma thams cad kyi sngags bcu pos 'byung ba'i yi ge'i phyi mo dbyangs dang gsal byed bzhi bcu rtsa dgu bkod nas gsang sngags thams cad gsang ba'i gsang ba gru gsum gyi nang nas btu'o//yi ge phyi mo ni sngags kun gyi gnas yin zhing lha'i 'gro ba thams cad kyang bskyed pas sngags kyi yi ge'i dam tshig tu gzhan la mi bstan/ bstan na dngos grub nyams par 'gyur ba yin no/ /bzhi pa rnam dag gi thabs la mkhas pa ni phyis 'ong ba'i bsgom pa 'di ni mchog yin te/ci'i phyir zhe na/ bdud bzhi bcom pas 'dod pa'i dngos grub bla na med pa'i phyir ro/ /dngos grub nam gyi tshe na thob ce na/ tshe 'di la rdo rje sems dpa'i go 'phang 'thob po/ /phung po'i bdud las rgyal ba'i phyir//snying gar hrIHlas pad+ma 'dab ma brgyad/ a las zla ba'i dkyil 'khor hUM las tshad med pa'i 'od zer bzhi spros nas 'gro ba'i phung po dang khams dang skye mched lhar byas pa dang / rang gi phung po dang khams dang skye mched bsdus pas lhar byas pa ni byams pa'i go cha bgos pa ste/ snying rje yi ni ya lad bgos/ /zhes bya'o/ /shes rab kyi mtshon chas lha'i 'khor lo sgyu ma dang stong par bsgoms pas nyon mongs pa'i bdud las rgyal lo/ /le'u nyi shu rtsa gcig pa'i phyir bzlog chen mo'i srung bas ye shes kyi 'khor lo dang thugs kyi 'khor lo'i rgyab tu rdo rje kha bzhi pas mtshan pa dang /sku gsung thugs kyi 'khor lo gsum las rdo rje pad+ma 'khor lo'i phreng bas mtshan pas srung ba thams cad kyi mchog dngos grub thams cad rab tu stsol bas 'chi bdag gi bdud las rgyal bar rgyud 'di nyid las 'chad do/ /lha'i bu'i bdud las rgyal ba ni/ su m+b+ha ni'i bka'i 'khor lo srung ba chen po'i phur bus bgegs med pa dang /logs su rdo rje'i rab dang / 'og tu rdo rje'i sa gzhi dang / steng du mda'i dra ba dang / steng gi bla re me 'od kyi phreng ba rab tu dgyes pas gdug pa'i bdud thams cad skrag par bya zhes pa ni 'di ltar bsgom ste/ 'og tu sa gzhi dang rdo rje'i sa gzhi gnyis las/logs su rdo rje rab dang dra ba gnyis/ steng du mda'i bla re dang rdo rje'i bla re gnyis/ thams cad gdug pa skrag pa'i me/ phyis phur bu bcu gnyis pa bgegs med par byed pa'i cho ga'i go rims yin no/ /las dang po pa'i bdud bzhi las rgyal ba'i rnam dag bshad nas/zab pa'i rdzogs rim bsgom pa shin tu spros med kyi spyod pa byed pa ni/ rang rig pas sems kyi chos 'dus byas rtogs na phyi rol gyi bdud bzhi mi 'joms pas phyi rol gyi bdud dang bdud ma yin pa rang gi sems 'dus ma byas la bcings pas kun rdzob kyi bdud 'jug pa med do/ / 'dus ma byas kyi sems ni dri yang de yin/ byug pa yang de yin/ g.yas ngos su ste'us 'jog pa dang / g.yon ngos su tsan+dan gyis skud pa la 'dus ma byas rtogs pas sems mnyam pa nyid yin te/ mkhas pa'i phyir na mi dga' med/ /bsod nams bsags pas sdug bsngal med/ /ces gsungs so//ste 'us 'jog pa la bzod pa bsgom pa ni me tog yin la/ sems kyis stong nyid la 'bad pa'i brtson 'grus ni gtor ma yang de yin/ sems dag pa rang bzhin gyis 'od gsal ba mar me yang de yin/ 'dus byas dang 'dus ma byas mnyam nyid bsgom pa bdug pa yang de yin te/ ci'i phyir zhe na/ji ltar chu la chu bzhag dang / /ji ltar mar la mar bzhin du/ /rang gis rang gi chos nyid mthong / /mchod dang phyag 'tshal kun yin no/ /zhes bshad pa'i phyir ro/ /gang gsungs na ci de dag gi bskyed chog gi lugs gang zhe na/ ji ltar/ sngon 'gro lnga dang dngos gzhi gsum/ / rjes brgyad thun mtshams bcu gnyis te/ /rgyas pa'i yan lag bzhi bcu brgyad/ /sbyor ba dang po'i chos dgu dang / /dkyil 'khor rgyal po'i mchog gi drug /las rgyal mchog brgyad bsdus pa'i dgu'o/ /rtsa ba'i rgyud kyi le'u gsum pa'i 'grel pa'o// //de ltar gleng gzhi dang / gleng bslang ba dang /rgyud 'byung ba'i rgyu dang / rgyud kyi lus mdor gzhag pa bshad nas/ rgyud kyi don dang po dngos grub bsgrub pa'i dkyil 'khor bcu bdun las thog ma sku'i 'khor lo ston par bzhed pas de nas zhes bya ba gsungs te/ bcom ldan 'das rdo rje mkha' 'gro ni 'bras bu'i he ru ka'o/ /de kho na nyid kyi gsang ba ni sku gsum bsgrub pa'i sgom pa'i thabs bcu bdun gsungs pa'o//de nas zhes bya ba ni 'khor rnams kyis bdud rtsi lngas mchod phyag 'tshal nas zhus pa'i rjes la de nas zhes gsungs so/ /gzhan yang bshad bya ba ni sku'i 'khor lo nges brjod rgyud kyi bla ma 'di rjod byed do/ / de'i brjod bya sgrub pa po la phan btags pa'i phyir ro/ /sgrub thabs kyi rim pa ji ltar shes snyam na/ 'das pa'i sangs rgyas rnams kyis gsungs/ /ma 'ongs rnams kyang gsung 'gyur la/ /da ltar byung ba rdzogs sangs rgyas/ /zhes sangs rgyas kyi bla ma dus gsum du brgyud pas bshad pa'i rgyud rdo rje mkha' 'gro ma dag gis kyang bshad par bya ba rtsa ba'i rgyud bsdus pa 'dis gsal bar rtogs par 'gyur ro//sgrub thabs la don gsum ste/ sgrub pa'i rten gang zag dang / sgrub pa'i gnas dang / sgrub pa'i thabs so/ sgrub pa po rten gyi gang zag ni mtshan nyid bcu drug dang ldan pa ste/phyi rol 'dod pa'i yon tan lnga'i rnam par rtog pa spangs nas/ dam tshig bsrung ba dang yid gnyis med pa gtan la phab pa dang / bgegs la sogs pas mi 'jigs pa dang / mtshan ma thob pas tshes grangs mi brtsi ba dang / skar ma mi lta ba dang / smyung ba mi byed pa dang /gtsang sbra khrus mi byed pa dang / kha zas la mi gtsang ba med pa dang / sgo dgu'i dbang po dri ma dang par mi byed pa dang / dus drug mi lta ba dang / chu tshod sum cu rtsa gnyis mi lta bas grol ba dang / sbyangs pa'i yon tan gnyis kyis dag pa spangs pa dang / rang gi rgyud bde mchog gi bzlas pa'i sngags dang /bsgom pa'i rnal 'byor shes pa dang / snying rjes sems can gyi don byed pa mtshan nyid bcu drug dang ldan pa'o/ /sgrub pa'i gnas ni bcu bzhi ste/ ri sul nas bzhi mdo'i bar du'o/ /gnas kyi 'bras bu ni dngos grub 'dod pa thams cad stsol ba'o//las dang po pas gnas pa brtag pa byas pa dang / mtshan ma thob pa'i rnal 'byor pas yid gang du dga' ba der bsgrubs na dngos grub tu 'gyur te/ sgrub pa'i thabs du bsgom zhe na/ dbye ba du mas bsgom pa ni dkyil 'khor lnga bcu rtsa drug go/ /de'i rgyu ci zhe na/ gdul bya'i mos pa bsam pa'i dbang gis so//de la sgrub pa'i thabs kyi yan lag ni/ ye shes lnga'i bdud rtsis sa gzhi byugs pa sbyin pa dang / tshul khrims dang / bzod pa dang me tog 'thor ba'i 'bad pa brtson 'grus dang / sna tshogs pa'i phyag rgya grol lam la chos kyi phyag rgya yid du 'ong ba bcu gnyis dang / / bcu drug lang tshos brgyan pa'i gdan la dga' ba bzhi'i bsam gtan bsgom pa'o/ /byeng rmugs dang rgod 'gyod bsal nas rtse gcig pa'i sems shes rab/ de ltar pha rol tu phyin pa drug bsgrub pa'i yan lag dang ldan pa'i sgrub pa'i thabs ni gsum ste/ sngon 'gro dang / dngos gzhi dang / rjes so/ /de la sngon 'gro ni lnga ste/ dang po sems can gyi don ni snying gar hrIHlas pad+ma 'dab ma brgyad/ a las zla ba'i dkyil 'khor/ de'i steng du yi ge hUM las 'od zer dkar po/ /ser po/ dmar po/ ljang gu bzhi 'phros pas sems can la tshangs pa'i gnas bzhis byams pas phung po lnga dang khams dang skye mched lhar bskyed pa'i bde ba dang phrad par byas/snying rjes khams gsum gyi sdug bsngal dang bral/ dga' bas lha'i chos nyid rtogs/ btang snyoms kyis sems can la dbri bkol med pas btang snyoms par byas pa'am/ /yang na sbyin pa dang / snyan par smra ba dang / don spyod pa dang / don mthun par byas nas sam/ yang na 'od zer spros pas dge ba bcu la bkod pa'i sems can gyi don bya ba rnal 'byor bsrung ba'o/ /de'i 'od zer tshur 'dus pas phyi gzugs kyi phung po dang / nang tshor ba dang 'du shes dang 'du byed dang rnam par shes pa sgyu ma lta bu'i lha bsgom pa dang /phyi'i dbang po lnga dang nang yid kyi dbang po dang drug sgyu ma lta bu'i sems dpa' drug tu bsgom pa dang / phyi 'byung ba bzhi nam mkha' dang bcas pa lha mo lngar bsgom pa ni/ thams cad stong pa nyid du bltas nas zhes bya ba ni phung po khams dang skye mched rnam par dag pa'i lha bsgom pa ste/ de'i mtshan nyid ni byang chub kyi tshogs zag pa med pa'i lha mchog dam pa rang gi sems kyi snang ba tsam la gnas par bya ba yin te bdag phung po'i bdud las bsrung ba'o//de nas tshogs bsags pa'i rnal 'byor ni/ rang gi snying gar hrIHlas pad+ma 'dab ma brgyad pa/ de'i dbus su ma las nyi ma'i dkyil 'khor/de'i steng du hUM de kho na nyid mchog tu gyur pa las/ kha dog sna tshogs pa'i 'od zer gsal ba 'phros pas/ phyogs bcu kun du khyab pa dang / ye shes lnga'i rang bzhin nyon mongs pa zhi ba'i sku sngon grub pa'i sangs rgyas bskul nas sdig pa bshags pa dang / rjes su yi rang ba dang skyabs su 'gro ba la sogs pa'i byin gyis rlob par mdzad pa yin no//de nas nam mkha'i khams lnga nyams dga' bar dkyil 'khor mchog lnga mthong ba ni/ 'khor lo bde mchog gi lha drug cu rtsa gnyis khro bo'i gzugs kyis khyab par mthong ste/ gtso bo sangs rgyas lnga dang / 'khor byang chub sems dpa' drug cu rtsa gnyis phrag lnga dang /byang chub kyi sems 'khor lo bde mchog gi gzugs can bla ma gtso bo'i cha byad can dang / lha mo bcu gnyis sna tshogs pa mthong nas rnal 'byor pa bdag gis le'u nyi shu rtsa drug pa nas 'byung ba bzhin du lha mo brgyad dam bcu drug gam nyi shus mchod la/bla ma dang dkyil 'khor la phyag bya/ rjed par bya'o/ /sangs rgyas kyi sprul pa'i tshogs dang / khro bo'i rgyal po rnams kyi ye shes lnga'i 'od zer spros pas rnal 'byor pa dang / 'gro ba rigs drug gi sems can rnams kyi gzugs bskyed nas 'god pa ni sdig pa bshags so/ /de la dga' ba ni rjes su yi rang ba'o//de nas 'od zer gyen la bsdus pas nam mkha'i dkyil kun khyab par sangs rgyas lnga'i dkyil 'khor mchog rnams bzhugs par mthong bas thugs kar bsdus nas byang chub kyi snying po'i bar du dkon mchog gsum la skyabs su 'gro ba ni thugs kar zhugs pa'o/ / sangs rgyas ni gtso bo/ 'khor ni dge 'dun no/ /thugs ka'i yig 'bru ni chos so/ /bdag dang 'dra bar sems can thams cad bud+d+ha lnga'i thugs kar zhugs pa ni go 'phang de la bzhag pa zhes bya'o/ /der sgrub pa pos gsol ba gdab ces pas na/ chos kyi 'khor lo bskor bar bskul ba dang /mya ngan las mi 'da' bar gsol ba 'debs pa'o/ /lus phul nas dge rtsa bsngo ba ni/ rtag tu skyabs su 'gro bar bya/ /zhes pa'o/ /de ltar tshogs bsags pa'i rnal 'byor bshad nas/ gal te phung po khams dang skye mched lhar bsgoms pas bdag dang bdag gir blta ba rmongs pa'i phung po 'dis khams dang skye mched la gnyen po lha'i nga rgyal bsgom pa ni bskyed pa'i rim pa'i bsam pa bzang po bskyed par bya ste/mgo bor gzugs kyi phung po'i gnyen por b+hUM las rnam par snang mdzad 'khor lo dang dril bu bsnams pa dkar po/ tshor ba'i gnyen po lte bar oM las rdo rje nyi ma rin po che dang dril bu bsnams pa ser po//'du shes kyi khams kyi gnyen po lkog mar hrIHlas pad+ma gar gyi dbang phyug pad+ma dang dril bu bsnams pa dmar po/ rkang pa'i long bu gnyis su 'du byed kyi gnyen por hoHlas rdo rje rgyal po sna tshogs rdo rje dang dril bu bsnams pa ljang gu/ snying gar rnam shes kyi gnyen po hUM las rdo rje sems dpa' rdo rje dang dril bu bsnams pa mthing ga'o/ /nub ma'i bar du he las de bzhin gshegs pa thams cad kyi bdag nyid he ru ka rdo rje dang dril bu bsnams pa sngon po bdag nyid bsam mo/ /mig tu oM las gti mug rdo rje rnam par snang mdzad dang 'dra'o//rna bar hUM las zhe sdang rdo rje rdo rje sems dpa' dang 'dra/ sna la hrIHlas phrag dog rdo rje rdo rje nyi ma dang 'dra/ lce la oM las 'dod chags rdo rje pad+ma gar gyi dbang phyug dang 'dra/ spyi bor khaM las ser sna rdo rje rdo rje rgyal po dang 'dra/ snying gar skye mched thams cad la 'jug pa'i yid haM las dbang phyug rdo rje rdo rje dang dril bu bsnams pa sngon po'o//snying gar sa'i dkyil 'khor laM las ltung byed ma gri gug dang ka pa la thogs pa ser mo/ lte bar chu'i dkyil 'khor maM las gsod byed ma gri gug dang ka pA la thogs pa dkar mo/ lte bar me'i dkyil 'khor la paM las 'gugs byed ma gri gug dang ka pA la thogs pa dmar mo/rkang pa rlung gi dkyil 'khor gsang ba'i gnas su taM las gar gyi dbang phyug ma gri gug dang ka pA la thogs pa ljang gu /mgo nam mkha'i dkyil 'khor baM las pad+ma'i dra ba can gri gug dang ka pA la thogs pa nam mkha'i mdog can sngo skya'o/ /de ltar lha la dga' ba'i rnal 'byor pa'i phung po khams dang skye mched sbyangs nas/oM pra kr-i ti pa ri shu d+ha sarba d+harmA/ pra kr-i ti pa ri shud+hou0f85haMHzhes bya bas phyi stong pa nyid du rnam par dag par bsgoms la/ de'i rjes la de nas dkon mchog gsum la bdun rnam dag dang skyabs 'gro bya'o/ /de nas srung ba'i rnal 'byor d ang /de nas bdag bsrung ba dang / de nas bsod nams kyi tshogs bsags pa skyabs 'gro/ /de nas ye shes kyi tshogs bsags pa bya'o zhes go rims gsungs pa yin no/ /de nas dpral bar oM/ lkog mar A/ snying gar hUM/ yi ge gsum gyis sngags kyi skur gyur bar bsgoms nas/ de nas 'od zer spros pas phyogs bcu'i sems can kun gyi don du he ru ka'i gzugs su bskyed nas bdag nyid he ru ka dang 'dra bar sems can thams cad he ru ka'i go 'phang mchog la snod kyi 'byung ba bzhi'i rdul phra rab tshun chad lha'i skur dgod par bya'o/ /de nas oM swa b+hA wa bi shu d+ha sarba d+harmA swa b+hA wa shud+d+hou0f85haM/zhes bya ba lan gsum bzlas pas ye shes kyi tshogs bsag go/ /de nas srung ba'i rnal 'byor ni rang nyid rgyu'i hUM mdzad du bskyed la/ de'i thugs ka nas khro bo brgyad sprul nas rgyu'i hUM mdzad de gyur pa las 'bras bu'i hUM mdzad bskyed do/ /de'i thugs ka nas steng 'og gi khro bo gnyis bskyed de/khro bo bcu la bka' bsgos nas bgegs gdan du bting ba'i rjes la bgegs mi 'jug pa'i srung ba 'di rnams bya'o/ /'bras bu'i he ru ka'i thugs ka nas phyogs bcu srid pa'i rtse mo'i bar du rdo rje phra mo'i 'od zer 'phros pas 'od de gyur pa las de'i 'og tu rdo rje'i sa gzhi dang /'og gis gzhi gnyis byin gyis brlabs la/ phyogs dang mtshams kyi logs su rab dang dra ba nyis rim/ steng du rdo rje bla re/ mda'i bla re nyis rim/ de thams cad kyi phyi rol nas rdo rje me 'od 'bar ba rnal 'byor pa'i bsam pa dang mthun par 'dzam bu'i gling tsam phyi rol nas bskor ram/ gling bzhi tsam stong spyi phud tsam/ stong gnyis pa'am/ stong gsum tsam du phyi rol nas srung ba'i 'khor lo dgod par bya'o/ /'og gi sa gzhi dang rdo rje'i sa gzhi gnyis/ oM me di ni badzri b+ha ba badzra ban+d+ha hUM/ logs kyir ba'i sngags ni/ oM badzra prA kA ra badzra hUM baM hUM/ nang gi rdo rje dra ba'i sngags ni/oM badzra pany+tsa ra hUM baM hUM/ steng du rdo rje bla re'i sngags ni/ oM badzra bi tA na hUM khaM hUM/ steng gi nang du mda'i dra ba'i sngags ni/ oM badzra sha ra dzA la traM shaM traM/ phyi rol nas bskor ba'i rdo rje me 'od kyi sngags ni/ oM badzra dz+wa la a na lA rka hUM/ de ltar srung ba'i 'khor lo byas pa'i sngon du gang bsgom zhe na/ bcom ldan 'das khrag 'thung gis su m+b+ha nis bka' bsgos pa'i 'khor lo rtsibs brgyad 'bar ba'i steng du/ ma las nyi ma'i dkyil 'khor bsams la/ de'i dbus su hUM las rdo rje sems dpa' zhal gsum phyag drug zhi ba shel ltar dkar ba/ rang snang ba'i yum phyag rgya chen mo lha mo dang snyoms par 'jug pa yab yum gnyis skyil krung gis bzhugs pa rus pa las byas pa'i sangs rgyas lnga'i dbu rgyan can/mi bskyod pa ni gtsug gi lte ba la bzhugs pa/ rna rgyan dang / mgul rgyan dang / dpung rgyan dang / lag gdub dang do shal dang sen mo do dang / ska rags dang rkang gdub ste rgyan thams cad rdzogs pa/mtshan dang dpe byad kyis brgyan pa/ dang po'i rdo rje dang dril bus 'khyud pa/ gnyis pa'i g.yas g.yon na thod pa dang kha T+wAM ga 'dzin pa/ gsum pa'i g.yas g.yon na lcags kyu dang zhags pa bsnams pa/ zhal g.yas ser ba/ g.yon ljang ba/ dbus dkar ba/ de'i yab yum gyi thugs ka nas khro bo brgyad spros te/shar du rdo rje drag po/ byang du rdo rje nyi ma/ nub tu rdo rje gtsug tor/ lhor rdo rje thab sbyor/ shar lhor rdo rje gnod sbyin/ lho nub tu rdo rje nag po/ /nub byang du rdo rje stobs po che/ byang shar du rdo rje 'jigs byed/ khro bo 'di dag shar sngo ba/ byang ser ba/ nub dmar ba/lhor ljang gu/ shar lho du ba'i mdog can/ lhon nub dkar ba/ nub byang gnag pa/ byang shar sngo dmar/ thod pa las byas pa'i sangs rgyas lnga'i dbu rgyan can thams cad zhal gsum phyag drug pa/ rus pa'i rgyan gyis snga ma bzhin du thams cad brgyan pa/ sna tshogs pa'i pad+ma'i 'dab mar nyi ma'i steng du/g.yas brkyang pas phyogs skyong brgyad zhabs kyis mnan par bsam mo/ /g.yas g.yon gyi dang po gnyis na thod pa dang kha T+wAM ga /gnyis pa gnyis na lcags kyu dang zhags pa/ cang te'u dang dril bus rang snang ba'i shes rab la 'khyud pa/ dbu skra dmar ser mche ba bzhi gtsigs pa/stag gi pags pa'i sham thabs la rdo rje dang sbrul gyi rgyan gyis brgyan pa'i gnas thams cad sbrul gyis kyang brgyan par shes par bya'o/ /khro bo brgyad bskyed nas rgyu'i hUM mdzad de gyur pa las bdag nyid 'bras bu'i hUM mdzad 'od zer 'bar ba mche ba gtsigs pa/ zhal gsum phyag drug pa g.yas brkyang ba'i gnas pas bzhugs/dang po rdo rje dang dril bus 'khyud pa gnyis pa na lcags kyu dang zhags pa/ gsum pa na kha T+wAM ga dang thod pa 'dzin pa mi mgo lnga bcu'i do shal can/ rus pa'i rdo rje rgya gram gyi phreng ba'i ske rags can/ gdug pa can thams cad kyi bdag po 'jigs byed dus mtshan zhabs kyis mnan pa/sangs rgyas bzhi dang spyi gtsug na rdo rje sems dpa'i cod pan can bsgom mo/ /de'i thugs ka nas steng 'og gi khro bo gnyis bskyed par bya'o/ /steng gtsug tor dkar po 'og rdo rjes 'og mig sman lta bu sngon po/ /zhal gsum pa phyag brgyad pa/ dang po gnyis na rdor dril/gnyis pa gnyis na lcags kyu dang zhags pa/ gsum pa gnyis na mdung rtse gsum pa dang 'khor lo/ /bzhi pa gnyis na thod pa dang kha T+wAM ga 'chang ba/ g.yas brkyang bas bzhugs pa bsgom/ /de ltar khro bo bcu bskyed nas yang 'bras bu'i hUM mdzad kyi thugs ka las/ de nas stod khro bo smad phur bu'i rnam pa phyogs bcur spros nas bgegs la phur bus gdab pa'o//de nas 'bras bu'i hUM mdzad du bsgoms pa'i sngags pas khro bo bcu la bgegs med par gyis shig ces bka' bsgo ste/ sngags pas su m+b+ha ni'i sngags dran zhing phyogs bzhir sdigs mdzub kyi se gol gyi phyag rgyas/shar du oM su m+b+ha ni su m+b+ha hUM hUM phaT kyis brgya byin non cig ces bka' bsgo ba'o/ /byang du oM gr-ih+Na gr-ih+Na hUM hUM phaT kyis gnod sbyin gyi bgegs med par gyis shig pa'o/ /nub tu oM gr-i h+NA pa ya hUM hUM phaT kyis chu lha'i bgegs med par gyis shig pa'o/ /lhor oM A na ya ho b+ha ga bAn badzra rA dza hUM hUM phaT kyis gshin rje'i bgegs med par gyis shig pa'o//de bzhin du yang sum+b+ha ni'i sngags brjod pas shar lho me'i bgegs dang / lho nub tu gr-i gnas srin po'i bgegs dang / nub byang du gr-ih+NA pa yas rlung gi bgegs dang / byang shar du A na ya hos dbang ldan gyi bgegs med par gyis shig pa'o//lan gsum brjod pas steng gi lha'i bgegs dang / sa 'og gi lha ma yin gyi bgegs med par gyis shig pa'o/ /khro bo bcu la bka' bsgos pa'i rjes la 'og tu sa gzhi dang / rdo rje'i sa gzhi gnyis/ logs su ra ba dang dra ba gnyis dang /steng du rdo rje'i bla re dang mda'i bla re gnyis/ phyogs thams cad du me 'od bsams la sngar bskyed pa'i phur bus 'og nas 'byung ba'i gsang sngags kyi rgyal po 'dis phyogs skyong bcu bgegs kun gyi glad pa la lugs 'byung ba phyogs dang / lugs bzlog mtshams kyi phur bus gdab bo//de'i sngags g+ha g+ha gsod pa'o/ /g+hA ta ya ni gsod par gyis shig pa'o/ /su bsad ce na/ sarba duSh+TAM big+h+n+rAM ni gdug pa'i bgegs thams cad do/ /kI li kI la ya ni phur bus so/ /su la zhe na/ sarba pA paM ste sdig pa'i las byas pa thams cad la'o/ /hUM gsum dang badzra kI la ya ni rdo rje phur bu sum cu bskyed pa'o//su'i bkas gdab ce na/ badzra d+ha ro Adz+nyA pa ya ti/ rdo rje 'dzin pa'i bkas so/ /gang la gdab ce na/ kA ya dpral ba/ bAka mgrin pa/ tsit+ta snying gar ro/ /sus gdab ce na badzra kI la ya hUM phaT de rdo rje phur bus so/ /phur bu 'debs pa'i tshe khro bo'i sdang mig gis bltas nas sngags bzlas shing gdab po//de nas khro bo thams cad kyi phyag g.yas pa'i rdo rjes bgegs bsad pa'i mngon spyod kyi blos brdung bar bya'o/ /oM badzra mung+gar ni rdo rje tho ba'o/ /oM badzra kI la ya ni rdo rje phur bu'o/ /A ko Ta ya ni rdungs shig pa'o/ /de nas bgegs med par 'dod na khro bo bcu gcig gi bzlas pa la bdud rtsi lnga'i ri lu'i nang gi sbyin sreg bya'o//sngags bcu gcig ni go sla'o/ /de la nang gi sbyin sreg gi rdzas ni/ maM sa sha dang rkang dang zhag /shu kra dang khrag dang lhan cig sbyar nas/ oM AHhUM/ gsum gyis ri lu byas shing zos na bgegs med pa'i dngos grub tu nges par 'gyur ro//bzlas pa dang nang gi sbyin sreg byed pa'i tshe khro bo zhal gsum phyag drug pa bsgom pa ni/ rdo rje hUM mdzad dbus sngo ba g.yas ser ba g.yon ljang ba'o/ /byang gi khro bo dbus ser ba g.yas gnag pa g.yon ljang ba'o/ /lho dang shar lho'i khro bo ni dbus sngo ba'i mdog dang g.yas ser ba g.yon ljang ba'o//lho nub dang steng gi khro bo ni dbus dkar ba g.yas ser ba g.yon ljang ba'o/ /nub kyi khro bo ni dbus dmar ba g.yas ser ba g.yon ljang ba'o/ /shar dang nub byang dang byang shar dang 'og gi khro bo bzhi ni bdag po bzhin du dbus sngo ba/ g.yas ser ba/ g.yon ljang ba'o/ /thams cad kyi spyi bor mi bskyod pa'i cod pan bsam pa nas nang gi sbyin sreg byas na rdo rje can kun mnyes par 'gyur ro/ /de lta bu'i srung ba'i 'khor lo ni rlung ni rgyun las ldog pa yang srid/ nyi ma dang zla ba dogs sa la lhung ba yang srid/ bde bar gshegs pa'i bka'i dam tshig 'da' bar dka' ba'o//de bzhin du dkyil 'khor lnga bcu rtsa drug brda la sogs pa du ma rnams la gtso bo'i bka' bsgos pas bgegs med par mthong nas sngags pas lnga bcu rtsa drug gi dkyil 'khor gang 'dod pa lnga bcu rtsa drug bsgom pa la gnas par bya'o/ /las dang po pa dang mtshan ma thob pa gnyis kas bsgom mam zhe na/gcer bu'am yang na mi gcer ba/ /skra grol thal bas byugs kyang rung / /zhes gsungs pas gos med pa'i spyod pa dang / gos can gnyi gas kyang bya bar gsungs so/ /de ltar re zhig 'khor lo bzlas/ /zhes pa ni phyis 'byung ba'i dkyil 'khor lnga bcu rtsa drug gi sngags bzlas nas skyo bar gyur na stong pa nyid kyi ye shes kyi rdo rje la mnyam par gzhag par bya'o//dpral ba dang lkog ma dang snying gar oM AHhUM gsum bkod la 'od zer spro bsdu yi ge gsum du bsdus nas stong par bsgoms te/ oM thim pa'i tshe oM shU n+ya tA'i sngags brjod//AHthim pa'i tshe oM a mi ta dz+nya na zhes bya ba mtshan ma med pa'i sngags so/ /hUM thig ler zhu ba'i tshe a pra ti ha ta dz+nyA na zhes bya bas smon pa med pa'i sngags bzla'o/ /de ltar na rta mchog bi na shrI lta bu tshad med pa'i rnal 'byor dang / byin gyis brlab pa'i rnal 'byor dang / bsod nams kyi tshogs bsogs pa'i rnal 'byor dang /ye shes kyi tshogs stong pa nyid kyi rnal 'byor dang / srung ba'i 'khor los byas la nang gi sbyin sreg byas pa'i rjes la lha'i 'khor lo lnga bcu rtsa drug gang 'dod pa bsgoms nas bskyed pa'i rim pa'i rnam thar sgo gsum gyi stong pa nyid bsgom/ mo/ /in+d+ra b+hU ti lta bu bskyed pa'i rim pa'i zhabs su de kho na nyid kyi man ngag rdzogs pa'i rim pa bsgom mo/ /pad+ma rdo rje lta bu bskyed pa'i rim pa la mos pa ni sku dang gsung dang thugs dang / dam tshig ye shes dang / sgong skyes la sogs pa bskyed pa'i rim pa mngal skyes dang / sgong skyes dang / drod gsher skyes dang / rdzus skyes kyi 'khor lo rnal 'byor gsum dang bsnyen sgrub bzhi dang ldan pa bsgom par bya'o/ /gzhung lugs gsum yin no/ /de la dang po bshad zin nas bar ma in+d+ra b+hU ti lta bu bsgom pa ni/ snang brnyan tsam gyi rnam par shes pa ni/ rnam thar sgo gsum bsgom pa'i thig le'o//sems tsam du ni rnam par brtag /ces pa ni/ thig le me long la rlangs pa zhu ba ltar mi snang bar song nas/ gzung ba rang bzhin med pa rnam par snang mdzad kyis rgyas btab ste/ sems rig pa tsam du bsgom mo/ /chos rnams nam mkha' lta bu de ni rnam par shes pa drug gis kyang mi dmigs pas 'dzin pa rang bzhin med pa mi bskyod pas rgyas gdab po//de'i mtshan nyid ni chos sems kyang ma yin chos nyid sems kyi stong pa yang ma yin na nam mkha' lta bur gzung 'dzin gyis gos pa med cing gzhi lnga po dngos po med pas mtshan nyid gsum du gnas pa med pa rdo rje sems dpa'i rgyas btab pa bsgom par bya'o//ci'i phyir bsgom zhe na/ gang du snying gi pad+ma kha sbyor zhes pa ni/ snying ga'i chos kyi 'khor lo rtsa brgyad dang / lte ba drug cu rtsa bzhi kha sbyar ba'i dbus na gsal zhes bya ba gtum mo drod de/ phra bar blta ba ni rtsa dbu ma chu shing gi snying po ltar drang ba/til gyi mar me ltar gsal ba/ rgya skyegs kyi me tog ltar dmar ba/ pad+ma'i skud pa ltar phra ba la blta ba'o/ /rang 'byung ba ni spyi gtsug nas byang chub kyi sems babs pas dbang po drug bde bar myong ba'i dga' ba'i sems 'jug pa dang / yul drug bde bar myong ba mchog dga'i sems 'jug pa dang /rnam par shes pa drug bde bar myong ba lhan cig skyes dga'i sems 'jug pa khams gsum ma lus pa 'dus ma byas pa dang / gnyis su med pa'i nye bar 'gro zhing rtogs pas rang rig pa mngon sum du gsal ba'i chos kyi dbyings sems kyi stong nyid de la bdag 'tshal lo//klu sgrub kyi zhal snga nas kyang / /ji ltar chu la chu bzhag dang / ji ltar mar la mar bzhin du/ /de ltar rang gi ye shes ni/ /legs mthong gang yin 'dir phyag yin/ /zhes bshad do/ /so so skye bo yid kyi rnam shes kyi nges pa ma drangs par rang rig pa stong nyid la tshad mar ji ltar 'gyur zhe na/lan du/ dbang po g.yo ba'i/ rta kun nang du nges sbyar ba'i/ /zhes pa ni dbang po yul drug la g.yo ba'i rta dbugs nyi khri chig stong drug brgya yin la/ de kun srog a ba d+hU tI'i nang du bcug nas nges pa'i rnal 'byor du 'gyur te/ rtsa ba'i rgyud 'di las kyang bsdus pas phyi ma'i rgyud las/yid ni nang du chud pa yis/ /'dod pa'i dngos grub bsgom par bya/ /zhes gsungs so/ /ye shes rgyal ba ma lus 'dus pa'i snod gyur pa ni/ dus gsum gyi rgyal ba ma lus pa'i sa bcu gcig gi ye shes dbugs bkag nas 'dod pa'i khams kyi sems rang bzhin brgyad cu bkag pa'i mtshungs pa de ma thag pa'i rkyen dang /gtum mo drod dmigs pa'i rkyen dang / spyi gtsug gi byang chub kyi sems dbang po bdag po'i rkyen las rnam par shes pa bsam gtan gyi dga' bde skyes la/ de las khams gsum ma lus pa las 'das pa 'dus ma byas dang / gnyis su med pa mngon gsum gyis nye bar rtogs nas 'dus ma byas mthong ba'i ye shes nam mkha' dang 'dra ba khams gsum gyi gzung 'dzin dri ma dang bral bas dpal rdo rje 'chang du 'gyur ro/ /snying ga'i kha sbyor gyi ming ci zhe na/ sangs rgyas rjes dran sbyor ba yis/ /zhes bya ste snying ga'i rtsa brgyad sangs rgyas yab yum brgyad/dbu ma dpal he ru ka yin te de yang sangs rgyas spyan dang / chu'i rtsa mA ma kI dang / me'i rtsa gos dkar mo/ /rlung gi rtsa sgrol ma/ bshang ba'i dngas ma rgyu ba'i rtsa rnam snang / lci ba'i dngas ma 'byung ba'i rtsa rin 'byung / khrag gi dngas ma rgyu ba'i rtsa snang ba mtha' yas/sha'i dngas ma rgyu ba'i rtsa don yod grub pa/ dbus ma byang chub sems dang mkha' rgyu ba'i rtsa he ru ka'o/ /de ni sangs rgyas rjes su dran pa'i sbyor ba rgyud kyi rim pa'o/ /chos rjes su dran pa'i bsgom pa ni gtum mo drod de/ g.yas g.yon gyi rtsa srub thag /dbu ma a wa d+hU tI'i srub shing /khrag gi thig le gtsub stan/ dbugs 'byung rngub bkag nas gtsubs pa las gtum mo drod yin no/ /lte ba nas 'bar ba las 'khor lo bzhi bsregs pa ni chos rjes su dran pa'i sbyor ba lus kyi khams nyi shu bzhi'i bar du bsregs pa ni/ chos kyi skur ni bdag 'gyur te//zhes bya ste su chu la thim pas smig rgyu lta bu'i rtags dang / chu me la thim pas du ba lta bu'i rtags dang me rlung la thim pas srin bu me khyer lta bu'i rtags dang / rlung rnam par shes pa la thim pas nam mkha' stong pa lta bu'i rtags 'byung ba ni/ chos kyi sku'i bdag nyid du gyur pa yin no//des spyi gtsug nas byang chub kyi sems phab nas snying ga'i dbus na 'byung ba lnga dang bdud rtsi lnga gcig tu gyur pa'i thig le ni/ dge 'dun dkon mchog de las mngon sum gyis shes pa'i gsal byed dga' ba mchog dga' lhan cig skyes dga'i rnam par lhan cig shes pa la ye shes kyi mchog bde ba stong pa nyid sa bcu gcig gi de kho na nyid kyi man ngag shes pa rnams kyis bla ma dam pa'i man ngag la brten nas shin tu bsgoms pa goms pa las/sa thob pa'i rtags dgu 'bar ba la sogs pa 'og nas le'u lnga bcu rtsa drug pa las bshad pa'i yon tan skye bar the tshom med do/ / rnal 'byor pas dus yun du byang chub sems dpa' rtag tu ngu bzhin du snying la gnas pa'i thig le rlung bkag pas yi ges brjod du med pa rnal 'byor pa'i skyes bus de bsgoms na sa bcu gcig gi ye shes skye ba la the tshom med do/ /sems can rjes dran sbyor ba yis/ /sems can rjes dran bsgom par bya//zhes pa ni klu sgrub lugs kyis sems can rjes dran ni sems sgyu ma lta bu bdag byin gyis rlob pa dran pa dang / sems 'od gsal ba stong pa nyid dran pa dang / sems zung 'jug pa bde ba chen po rjes su dran pa bsgom par bya'o/ /rjes su dran zhes pa ni mngon sum gyi tshad ma yin no//blo gros chen pos mthong rnams kyi/ /rnam pa thams cad cig car nges/ /zhes pas dran pa'i nges pa drangs pa'i tshad ma yin no/ /sems can rjes dran chos kyis ni/ /chos kyi sems dpa' bsgom par bya'o/ /zhes pa ni dag pa 'jig rten pa'i ye shes sems can gyi don byed pa'i chos kyi sems dpa' spyan ras gzigs dbang phyug bzhin du 'gro ba mi gtong ba'i thugs rje chen po bsgom par bya zhes pa'o//tshigs bcad 'di rnams kyi 'brel ba ni de kho na nyid kyi man ngag ces bya ba'i sgrub pa'i thabs byas pa de yang blta bar bya'o/ /bcom ldan 'das kyi dgongs pa ni bskyed rim lnga bcu rtsa drug gis skyon sems ngal gso ba'i thabs rdzogs pa'i rim pa bde ba stong pa nyid bsgom par nges pa'o//de ltar sngon du 'gro ba'i rnal 'byor lnga rdzogs nas/ rten dang brten pa'i dang po sbyor ba 'byung ba bzhi'i ri rab gzhal yas khang dang bcas pa bskyed pa ni don dam pa'i stong pa nyid yin yang snying rje'i bdag nyid kyis sems can la phan gdags pa'i phyir byang chub tu sems bskyed pa'i rim pa smon lam gyi dbang gis yaM las rlung gi dkyil 'khor gzhu lta bu kha dog sngon po zur bzhi pa ba dan gyis mtshan pa/raM las byung ba'i me'i dkyil 'khor gru gsum dmar po 'bar ba'i phreng bas dkrigs pa gru gsum du rdo rjes mtshan pa/de'i steng du baM las chu'i dkyil 'khor zlum po dkar po bum pas mtshan pa/ de'i steng du laM las byung ba'i sa'i dkyil 'khor gru bzhi ser po sna tshogs rdo rjes mtshan pa/ de'i steng du suM las byung ba'i ri rab zur bzhi pa/ shar shel/ lho baiDUr+ya/ nub pad+ma rA ga/ /byang gser gyi kha dog /phyogs bzhi mtshams brgyad kyi rtse mo mtho ba/ de'i steng du b+h+rUM las rnam par snang mdzad 'khor lo dang dril bu bsnams pa yongs su gyur pa las sku'i 'khor lo gzhal yas khang steng du brtsegs pa tshad med pa bzhi zur bzhi dang / rnam par thar pa'i sgo bzhi dang / bsam gtan bzhi dang rta babs bzhis brgyan pa nyon mongs pa dang shes bya'i sgrib pa spong ba'i dra ba dra phyed kyis mdzes pa ye shes bzhi'i snang ba'i ba dan bzhi dang /byang chub kyi yan lag me tog phreng bas brgyan pa/ zur dang sgo khyud kyi mtshams su rdo rje rin po ches brgyan pa/ phyi'i dkyil 'khor thig gdab bo/ /zhes bya ba ni sngon byung sprul pa dang /rjes 'jug bri ba gnyis ka zin par dgongs so/ /de'i nang du 'khor lo rtsibs brgyad pa dkar po 'khor lo'i phreng bas bskor ba/ de'i dbus su sna tshogs pad+ma 'dab ma brgyad pa/ shar sngo ba lho ser ba nub dmar ba byang ljang ba/ mtshams phyed gzugs kyi pad+ma gri gug gi phreng bas bskor bar bsam mo//rten gyi dang po sbyor ba bstan nas brten pa lha'i dang po sbyor ba ni/ zla ba me long ye shes kA li/ nyi ma mnyam pa nyid kyi ye shes A li/ hUM baM gnyis dang po rdo rje dang gri gug so sor rtog pa/ 'od zer spro bsdu bya ba nan tan la sogs pa chos kyi dbyings kyi ye shes rgyu'i he ru ka rdo rje sems dpa' rig ma dang bcas pa mdun dkar ba/g.yas ser ba/ rgyab dmar ba/ g.yon ljang ba/ mdun ma zhi ba'i nyams kyi zhal/ g.yas dgod pa'i nyams kyi zhal/ rgyab khro ba'i nyams/ g.yon 'jigs su rung ba'i nyams/ phyag dang po rdo rje dang dril bus 'khyud pa/g.yas g.yon gyi gnyis pas tshangs pa'i pags pa bsnams pa/ g.yas g.yon gyi gsum pa ni gri gug dang thod pa/ g.yas g.yon gyi bzhi pa na cang te'u dang kha T+wAM ga /g.yas g.yon gyi lnga pa na dgra sta dang zhags pa/ g.yas g.yon gyi drug pa na mdud dang tshangs pa'i mgo bo ste/phyag bcu gnyis pa/ sems dpa'i skyil krung can/ dbu rgyan rus pa las byas pa'i sangs rgyas lnga'i cod pan can/ rgyan thams cad kyis spras pa'i mtshan dang dpe byad can no/ /nam mkha' dang mnyam pa'i rgyud las rdo rje bsgom pa'i shes rab/dril bu thos bsam gyi shes rab/ tshangs pa'i pags pa bzod pa/ gri gug ye shes/ thod pa thabs mkhas pa/ cang te'u smon lam/ kha T+wAM ga bsam gtan/ dgra sta tshul khrims/ zhags pa brtson 'grus/ mdung sbyin pa/ tshangs pa'i mgo bo stobs te pha rol tu phyin pa bcu gnyis las byung ba yin no zhes gsungs pas dkyil 'khor pa thams cad kyi phyag bcu gnyis ni don dang sbyar ro//de'i thugs kar nyi ma'i dkyil 'khor gyi dbus su ye shes sems dpa' zhal bzhi phyag bcu gnyis pa de'i thugs kar zla ba'i rdo rje'i dam tshig can ting nge 'dzin sems dpa' ste sems dpa' sum brtsegs so/ / ye shes sems dpa'i cod pan gyi dbus su rdo rje 'dzin ba ji ltar thabs la phyag rgya drug yod pa bzhin du shes rab de la phyag rgya lngas byin gyis brlabs pas zhal gcig phyag gnyis pa gri gug dang ka pA la bsnams pa'o/ /phyogs bcu'i sangs rgyas yab yum gyi zhal nas zhugs pas/ lkog ma dang snying ga lte bar srid pa bar dor 'od zer dkar dmar yab yum gyi mkha' gsang gi gnas su rigs kyi dbye bas phye ba'i ye shes kyi lha mo bzhi/sku'i 'khor lo yab yum bcu drug dam tshig gi lha mo brgyad de nyi shu rtsa brgyad mngal skyes kyi dkyil 'khor gyi gnas la bkod pa ni yab yum gyi rdo rje dbyings kyi rgyu las lha nyi shu rtsa brgyad sras kyi tshul du bskyed pa ni dbang phyug mchog ces bya'o//de lta bu'i rgyu'i he ru ka longs skus mngal skyes kyi 'khor gyi lha mo sprul nas bde ba chen po chos kyi skur yab yum gyi mkha' gsang gi thad kar sku gnyis nyi zla'i thig ler zhu ba las lha mo rnams kyi glus bskul ba ni sku'i 'khor lo sa 'og na gnas pa'i dbang po brgyad dang /rnal 'byor ma nyi shu rtsa bzhi rnams kyis chags pa'i mig gis blta ba dang / lag pa bskyod pa'i gar dang ngag gi sgo nas bcom ldan 'das la bstod pa ni/ yum bzhis bde bar gshegs pa bde ba chen po/ rab dga' bde chen mchog thob mdzod/a la la la ho zhes brjod pa dang / yang sku'i 'khor lo'i lha mo brgyad kyis kyang tshig de rang gi glu blangs pa dang / yang dam tshig gi lha mo rnams kyis de nyid glu blangs pas tshigs bcad phyed dang gnyis su 'gyur ro/ /glu 'di blangs pa tsam gyis khams gsum gyi srid pa las grol ba'i chos ni sku'i bde bar gshegs pa sgrib pa rnam gnyis spangs pa'i dag pa chen po yang dkyil 'khor gyi gtso bo'i tshul du yang brtag par bya'o//rnal 'byor pa kha cig mos pa'i dbang gis mngal skyes la dga' bas 'khor sngon du skyes pa chos kyi sku la sprul sku'i dkyil 'khor mngal skyes yin no//de nas de ma thag pa'i zhes pa'i sku'i mkha' 'gro ma sprul pa'i sku la sngar grub pa'i dpa' bo dang rnal 'byor ma rnams kyi 'khor dang bcas pa g.yas brkyang pas bzhugs pa/ mdun dkar pa/ g.yon sngo ba/ g.yas ser ba/ rgyab dmar ba/ 'khor lo dang dril bus 'khyud pa/ sngar gyi rdo rje sems dpa'i rim gyis phyag dang phyag mtshan 'dzin pa zhes bya ba nas dgyes pa rol pas khyab par bzhugs so zhes bya ba ni go sla bas ma bshad do//de ltar gtso bo bskyed pa ni bsnyen pa/ lus kyi dkyil 'khor sgrub pa/ ye shes sems dpa' 'jug pa dang / go bskon pa la sogs pa sgrub pa chen po yin no zhes le'u bcu bzhi pa las gsungs so//rgyu'i he ru ka bskyed pa dang po sbyor ba/ lha mo bskyed pa dang zhu ba dang glus bskul ba dang 'bras bu'i he ru ka bskyed pa dang / lus kyi 'khor lo dang sprul pa'i 'khor lo rnams ni dkyil 'khor rgyal mchog yin no/ /ye shes sems dpa' gzhug pa dang po go cha bskon pa la sogs pa ni las kyi rgyal mchog yin pas mngal skyes thams cad kyi ting nge 'dzin gsum de ltar shes par bya'o//lus kyi dkyil 'khor gyi khams dang phung po dang skye mched rnams byin gyis brlab pa'i ming dang sku mdog dang sa bon ni bshad mi dgos so//thams cad kyang gri gug dang ka pA la bsnams par shes par bya'o/ /gzugs kyi phung po la sogs pa'i sa bon dang sku mdog dang phyag mtshan dang gnas rnams ni rgyud las gsal la/ phyag mtshan ni sngar bshad pa bzhin du shes par bya'o/ /mig la sogs pa'i dbang po drug ni sa bon dang /sku mdog dang ming rgyud las gsal la phyag mtshan dang gnas ni sngar bshad pa bzhin no/ /sku gsung thugs byin gyis brlab pa ni/ dbus kyi gtso bo yab yum yin par rgyud las gsal lo/ /ye shes kyi lha mo bzhi dang mtshams kyi bum pa bzhi ni rgyud las gsal/gri gug gi phreng bas bskor bar bya'o zhes kha bskang ngo / /phyi rol gyi rtsibs brgyad kyi 'khor lo'i ming dang / dpa' bo dang dpa' mo'i ming dang / sku mdog dang phyag mtshan ni rgyud las gsal/ 'khor lo'i phreng bas bskor ba kha bskang ngo / /dam tshig gi lha mo rnams kyi shar dang byang dang nub dang /lho sgo'i ming dang sku mdog dang phyag mtshan ni rgyud las gsal/ mtshams kyi lha mo rnams kyang rgyud las gsal te/ rang rang gi gzugs can gyi ro'i gdan la bzhugs par kha bskang ngo / /dpa' bo dang dpa' mo 'di dag thams cad kyi dpral bar me long lta bu'i ye shes byung ba'i rtags su 'khor lo'i phreng ba can no//dur khrod brgyad dang rdo rje ra ba dang / me 'od ni le'u bcu pa las kha bskong ngo / /sku'i 'khor lo'i glus bskul ba ni 'dir bshad kyang skye ba dang bsgom pa'i go rims kyi sngar bstan to/ /de ltar dkyil 'khor rgyal mchog bshad nas/ las kyi rgyal mchog ni snying gar hrIHlas pad+ma 'dab ma brgyad pa/a las zla ba'i dkyil 'khor hUM las 'od zer gyis ye shes kyi dkyil 'khor pheM pheM gye sngags dang phyag rgya dang bcas pas spyan drangs nas/ nam mkha' la blta ste/ rkang pa brgyad kyis sprul pa'i lha mo brgyad kyis mchod la/ dpa' bo dang dpa' mo'i sngags kyis bstod pa byas nas/ye shes sems dpa' de nyid kyis dbang bskur nas/ snying ga'i phyag rgya dang oM yo ga shud+d+haHsarba d+harmA yo ga shud+d+hou0f85haM gis bcug la bsgom par bya'o/ /phyir bshad pa'i rgyud 'di la bsgom pa bcu tham pa snang ste/ de las 'dir gtso bo'i thugs ka nas stong g sum gyi 'jig rten gyi khams su spro ba dang bsdu ba'i sbyor ba bsgoms te de yang thun dang por spros nas/thun mtshams su ldang ba'i cho ga snying gar bsdus pas dngos po med par bsgom mo/ /spros nas lha'i 'khor lo gnas pa'i tshe/ rnal 'byor pas ma nor bar bzlas pa 'khor lo khri dang gtso bo la 'bum nyin zhag re rer bzla bar bya'o//bsgoms pa dang bzlas pa'i 'bras bu skye ba 'di nyid la mngon par shes pa drug 'thob pas rdzu 'phrul kyi lus 'grub ste/ mkha' spyod sangs rgyas kyi zhing khams su gnas par the tshom med do/ /de la rgyud 'di las spro bsdu bsgom pa dang gtso bo yab yum 'ba' zhig bsgom pa dang /'khor dang bcas par bsgom pa dang / sprul pa'i 'khor lo'i lha bsgom pa dang sems kyi 'khor lo rnam dag bsgom pa dang / lus kyi 'khor lo rtsa dang khams kyi rang bzhin bsgom pa dang / yab yum gyi mkha' gsang gi gnas su yungs kar gyi 'bru tsam gyi lha phra mo'i dkyil 'khor bsgom pa dang /lha thams cad zhu ba'i thig le bsgom pa dang / phrin las rnam bzhi'i kha dog tu bsgyur nas bsgom pa dang / sems dpa' sum brtsegs kyi ting nge 'dzin sems dpa' bsgoms la bskyed pa'i rim pa ni bsgom pa bcu'i yin la/ rdzogs pa'i rim pa ni rgyud 'di nas rtsa bsgom pa dang / rlung bsgom pa dang /thig le bsgom pa dang / drod bsgom pa dang / byang chub sems bsgom pa dang / mtshan bcas bsgom pa dang lnga yin la/ ye shes kyi tshogs don dam pa'i bden pa sgyu ma lta bu dang / 'od gsal stong pa nyid bsgom pa dang / zung 'jug bsgom pa dang gsum ste/ srog a wa d+hU tIr 'jug pa'i thabs bsam gtan bsgom pa ni lnga yin la/ye shes kyi tshogs don dam pa'i bden pa bsgom pa ni gsum yin la/ de ltar bskyed pa'i rim pa ni bcu yin la/ rdzogs pa'i rim pa ni brgyad yin pas spyir bsgom pa'i bye brag bco brgyad yin no/ /bzlas pa ni bskyed pa'i rim pa la bzhi ste/rdzogs pa'i rim pa ni gcig yin te/ spro bsdu bsgom pas bzla ba dang / yab kyi zhal nas yum gyi zhal du zhugs nas lto ba nas mgal me'i 'khor lo ltar bzla ba dang / snying gar yi ge'i 'khor lo yi ge bdun pa'am/ nyi shu rtsa gcig pa'am/ bcu gsum pa'am/ go cha'i sngags kyi 'khor lo rtsibs lnga pa'am/rkang pa brgyad pa'am/ rdo rje rol pa rta'i 'gros sam/ yi dags srin po'i gdong ngam/ gshin rje dbyug pa 'chang ba'am/ ma mo rigs ldan ma'i 'khor lo ltar zlo ba dang / yang na lce pad+ma'i 'dab ma la zla ba rdo rje'i zlo ba dang bzhi yin no/ /rdzogs pa'i rim pa ni srog a wa d+hU tIr chud pa gcig pu yin no//a wa d+hU tIr chud pa la dbye na lte bar mig btsums gcig sdod pa'i AHdang snying gar mig btsums gnyis sdod pa hUM/ lkog mar mig btsums gsum sdod pa oM dang / spyi bor a na ha mi shigs pa'i rlung dang bzhi zlo ba yin no/ /shAn+ti pa'i zhal nas bgrang ba dang /rjes su 'gro ba dang / 'jog pa dang / rtog pa dang / bsgyur ba dang / yongs su dag pa dang drug gis bzla'o zhes gsungs te/ mngon pa mdzod las dbyig gnyen gyis bshad kyang rnal 'byor ma'i rgyud 'di la ni ma mthong ngo / /'dir ni bzlas pa gsum du 'gro ste/ spro bsdu bsgom pa la ye shes kyi bzlas pa zhes ming 'dogs/dbugs 'byung rngub dang 'grogs na zlo ba la yid kyi bzlas pa zhes ming 'dogs/ phreng ba bgrangs nas ngag gis zlo ba la ngag gi bzlas pa zhes bcom ldan 'das kyis tshig bla dgas su gdags so/ /ngag gi bzlas pa de yang mnyam sbyor gyi rgyud las 'khun pa dbugs kyi rlung 'byin srin po'i ngar skad/de nyid bsdus pa las khro bo'i 'brug sgra dang / he ru ka 'byung ba las rigs bzhi'i glus zlos pa ni gsum yin no/ /'dir bzlas pa'i snying po ni go sla bas ma bshad do/ /yum bzhi'i sngags phyis bshad kyang gtso bo yab yum bzlas pa'i rjes la yum bzhi bzlas//de nas sku'i 'khor lo yum bzhi bzlas/ /de nas dam tshig gi sgo mtshams ma brgyad bzla'o zhes bla ma'i man ngag gis gsungs so/ /de nyid rgyud 'di las/ 'di ni mkha' 'gro ma sogs te/ /dang por pad+mar sbyar bar bya/ /lnga pa'i bdag nyid rtag bzlas na//dngos grub 'gyur gyi gzhan du min/ /lnga'i bdag nyid las gtso bo yab yum gyi dngos grub gsum du 'gyur gyi gzhan du ma yin no/ /mkha' 'gro mas zhi ba/ lA mas dbang / khaN+Da ro his rmongs pa/ gzugs can mas gnon pa dag 'grub pa dang / sku'i mkha' 'gros dngos grub dam pa me long lta bu'i ye shes 'grub par 'gyur ro zhes gsungs pa dang /bzlas pa'i go rims nges pa dang 'bras bu bshad do/ /de ltar bsgom pa dang bzlas pa bshad nas/ bdud rtsi myang bar bya ste/ bum pa bzhi la thod pa bteg par bsams la/ yaM las rlung gi dkyil 'khor bzhi/raM las me'i dkyil 'khor gru gsum pa bzhi/ ka bzhi las thod pa rgya che ba bzhi/ de'i nang du dbus su mu las bai DUr+ya lta bu'i bdud rtsi'i gong bu la don yod grub pa'i sa bon hUM/ shar du bi las bdud rtsi shel dang ba lta bu la rnam snang gi sa bon b+h+rUM/ lhor ra las gser btso ma lta bu la rin chen 'byung ldan gyi sa bon o/nub tu shu las pad+ma rA ga lta bu'i gong bu la snang ba mtha' yas kyi dzr-IM/ byang du ma las margata lta bu'i gong bu la don yod grub pa'i sa bon khaM bsam mo/ /de'i steng du oM kar po/ de'i steng du AHdmar po/ de'i steng du hUM mthing ga bsams nas/ sna bug gi rlung gis ba dan g.yo bas na me sbar te/bdud rtsi'i rlangs pa oM la phog ste/ oM thim pa las 'dod pa'i khams kyi kha dog dang dri dang ro dag dang / AHlhung ba las bsam gtan dang po'i mes mi 'tshig pa'i bdud rtsi dang / gnyis pa chus mi shigs pa dang gsum pa rlung gis mi shigs pa'i bdud rtsir 'gyur ro//hUM rdo rjer gyur nas ye shes kyi ro bdud rtsi'i chos nyid bkug nas thim pas zag pa med pa'i kha zas su gyur pa ni hUM gi rdo rje zhu ba las blta bar bya'o/ /de nas oM AHhUM gsum lan lnga'i bar du bzlas nas/ oM ma hA a mr-i ta hri tha zhes bya bas lha rnams kyi ljags las 'od zer gyi sbu gu byung bas 'thung bar bsam par bya'o//gtso bo phyogs na gnyis so/ /yum dang mtshams rnams re re'o/ /bdud rtsi myangs pas tshim pa las/ /zag med ro yis tshim par 'gyur/ /thod pa bzhi bum pa las phab nas sgo bzhir gzhag ste/ oM a ral+li ho dzaHhUM baM hoH/badzra DA ki nI sa ma ya s+t+wa dr-i sh+ya ho zhes bya bas sgo phye nas/ dur khrod brgyad kyi phyogs skyong bkug la/ le'u dgu pa nas 'byung ba'i gtor ma'i sngags kyis bsngos pas 'byung bar bsam mo/ /de nas rkang pa brgyad pa'i sngags brjod nas lha re re la lha mo brgyad brgyad sprul nas mchod pa dang /dpa' bo dang dpa' mo'i sngags kyis stong gsum gyi stong chen por spros pa nas lha dbyangs kyi yan lag rgya mtsho'i zhal nas brjod nas 'khor la bstod pa dang / 'khor gyis gtso bo la bstod par bsam mo/ /dkyil 'khor byed pa'i tshe ni mtshan brgya rtsa brgyad pas bstod do/ /langs pa'i dus su bsrung ba gsum bya ste/go cha drug gis bsrung ba dang / le'u nyi shu pa nas 'byung pa'i tsham ngam gyi sngags kyis bsrung ba dang / phyir bzlog pa chen mo'i zhag ces le'u nyi shu rtsa drug pa nas bshad pa bzhin du srung ba gsum las 'dir dpa' bo'i go cha drug dang / dpa' mo'i [(]cho [,]go [)] cha drug gis srung ba ni rgyud nas go sla bas ma bshad do//dpa' bo dang rnal 'byor ma sku'i mkha' 'gro la gnas so zhes pa ni/ go cha bgos nas sprul pa'i dpa' bo dang rnal 'byor ma thams cad lus kyi dkyil 'khor la bsdu'o/ /rang gi lha yi sbyor ba yis/ thams cad 'di yis rnam par brtag /ces pa ni bsdus pa'i rjes la/ stong gsum gzhal yas khang du bsams nas 'gro ba rigs drug dang 'dra ba'i lha'i skur brtag go/ /'chi med ye shes lnga bza' zhing / /zhes pa ni lha la bdud rtsi dbul ba dang mthun par thun mtshams su kha zas rnams ye shes lnga'i bdud rtsir bskyed la bza' zhing thun mtshams su spyod lam rnam bzhi ji ltar bde bar gnas par bya'o//dam tshig rdo rje'i mchod pa dag /ces pa ni thun mtshams bzhi ru ldang ba'i tshe 'dod pa'i yon tan lnga gzugs rdo rje ma la sogs par byin gyis brlabs nas rang gzhan la 'dod pa'i yon tan lngas mchod pa dus bzhir bsgrub par bya'o//rtsa ba'i rgyud bla ma 'dir thun mtshams kyi cho ga ni bcu gnyis te/ ye shes sems dpa' gshegs pa'i tshe smon lam gdab pa dang / dkyil 'khor bsdus nas 'gro ba'i tshe khams gsum lha'i 'khor lor bsgom pa dang / bdag dang gzhan la 'dod pa'i yon tan lngas mchod pa dang /'dug pa'i tshe kha zas bdud rtsir byin gyis brlabs nas nang gi sbyin sreg bya ba dang / rnam par rtog pa shas che na rdo rje rnam 'joms la sogs pa'i khrus chog bya ba dang / dam tshig nyams na sngags bzlas pas kha bskang ba dang / dbang bskur ba le'u nyi shu rtsa drug pa bzhin du bya ba dang /phrin las rnam bzhi'i 'khor los sems can gyi don bya ba dang / tshogs kyi 'khor lo'i rnal 'byor pho mo bsngags nas mngon bar shes pa bskyed pa dang / bar chad kyi bgegs kyi bdud bzhi las rgyal ba'i phyir srung ba'i 'khor lo bya ba dang / chos spyod bcus sems can gyi don bya ba dang /theg pa gsum gyi gang zag dang mthun pa'i phyir rgyun bshags bdun bya'o/ /le'u bzhi pa 'dir ni phyogs gcig tsam mtshon pa mdzad pa yin no/ /de'i don 'di skad ston pa yin te/ sgrub pa nyams su len pa bsgom na thog mar mal nas langs la tho rangs ka'i thun mtshams la tshad med pa'i rnal 'byor dang /byin gyis brlab pa'i rnal 'byor dang / srung ba'i rnal 'byor dang / bsod nams kyi tshogs bsags pa'i rnal 'byor dang / stong pa nyid kyi rnal 'byor dang lnga/ dngos gzhi rten gyi dang po sbyor ba ni ri rab sna tshogs rdo rje gzhal yas khang dang bdun/ brten pa lha'i dang po sbyor ba mngon par byang chub pa lngas rgyu'i he ru kas bskyed pa phyogs bcu'i sangs rgyas yab yum gyi zhal du zhugs nas mkha' gsang du gnas pa ste gnyis dang 'khor mngal nas bskyed pa dang /rgyu'i he ru ka bzhu ba dang / lha mo rnams kyi glus bskul ba dang / 'bras bu'i he ru ka bskyed pa dang /'khor gyi mtshan nyid dang / lus kyi dkyil 'khor dang drug go/ /las rgyal mchog ni ye shes sems dpa' gzhug pa dang / go cha bskon pa dang / dbang bskur ba dang / bsgom pa dang / bzlas pa dang / bdud rtsi myang ba dang / mchod pa dang / bstod pa ste brgyad dang / 'jig rten pa la gtor ma byin nas/ yi ge brgya pas lhag pa dang ma tshang ba bskang / bzod pa gsol nas dge ba'i rtsa ba bsngo/ dkyil 'khor lus la bsdu/ thun mtshams kyi lha bsgom pa dang / tsham ngam gyi sngags kyis bsrung / rkang pa brgyad pas mchod/ smon lam gdab po//de ltar sngon 'gro lnga dang / dngos gzhi'i ting nge 'dzin rnam pa nyi shu rtsa gsum dang / rjes kyi cho ga brgyad dang / ldang ba'i cho ga bcu gnyis te gang zag gcig lha'i 'khor lo bsgoms la zhib mo rnam par 'thag pa'i dbang du byas nas don bzhi bcu rtsa brgyad yin no/ /de ltar le'u bzhi pa nas drug cu rtsa brgyad kyi bar du don zhib mos 'di ltar bsgom par bya'o//le'u bzhi pa'i 'grel pa'o// //sku la mos pa de bsgom pa'i thabs bshad nas gsung la mos pa'i don du de nas zhes bya ba de ma thag pa ston te/ gzhan yang bshad bya ba zhes bya ba ni gsung gi 'khor lo brjod par bya'o//'dir yang gsung bsgom pa'i rten gyi gang zag de'i gnas dang / de bsgrub pa'i yan lag tshogs nas tshad med pa dang byin gyis brlab pa dang / tshogs bsags pa stong pa nyid dang / srung ba'i 'khor lo dang / 'byung ba bzhi ri rab sna tshogs rdo rje gzhal yas khang dang bcas pa bskyed nas/de'i rjes la gsung gi dkyil 'khor rnams bsgom ste/ sngar gyi dkyil 'khor dus dag tu/ /zhes pa ni sngar sku'i dkyil 'khor dag bshad pa dang mthun pa yin no/ /gsung gi 'khor lo'i dbus su ye shes 'khor lo sna tshogs pad+ma 'dab ma brgyad gri gug gis bskor ba de'i phyi rol du 'khor lo rtsibs brgyad dmar po'i mdog can la pad+ma'i phreng bas bskor ba de'i nang sna tshogs pad+ma'i lte bar snga ma bzhin du mngon par byang chub pa lnga'i rim pas rgyu'i rdo rje sems dpa' zhal bzhi phyag bcu gnyis pa yab yum bskyed la/de la phyogs bcu'i sangs rgyas zhal nas zhugs nas mkha' gsang du 'khor nyi shu rtsa brgyad bskyed nas/phyir byung nas dkyil 'khor gyi gnas su gzhag pa ni snga ma bzhin zhes bya ba'i don yin no/ /de nas rgyu'i he ru ka yab yum zhu ba dang / ye shes dang gsung dang dam tshig gi 'khor los glus bskul ba ni/ lha mos glu 'di blangs pa yis//sems can dge la mngon brtson pa/ /brtson 'grus pha rol phyin brten nas/ /chos rnams kun gyis bskul bar bya/ /zhes bya ba 'og nas gsungs pa'i glus 'dir bskul nas/ thig le mngon bar byang chub pa lnga'i rim pas yongs su gyur pa las gsung gi mkha' 'gro rnam par bsgom pa ni zhal bzhi phyag gnyis pa/pad+ma'i mkha' 'gro zhal gcig phyag gnyis ma/ pad+mas mtshan pa'i gri gug dang thod pa bsnams pa la yab kyi phyag dang po pad+ma dang dril bu bsnams pas 'khyud pa/ dbang phyug chen po'i bags pa bshus pa phyag gnyis kyis brkyang nas 'dzin pa/ gsum pa gnyis na cang te'u dang kha T+wAM ga bzhi pa gnyis na gri gug dang ka pA la/lnga pa gnyis na dgra sta dang zhags pa/ drug pa gnyis na mdung dang dbang phyug chen po'i mgo bo bsnams pa ni snga ma'i rim pa bzhin du 'gyur ro zhes bya ba'i don yin no/ /dbang phyug chen po'i 'khor rnams ni ye shes kyi 'khor lo dang /gsung gi 'khor lo dang dam tshig gi 'khor lo rnams kyis mnan la/ dbang phyug chen po'i khyo shug ni bcom ldan 'das kyi zhabs kyis mnan par lta'o/ /zhal dbus ma dmar ba/ g.yas sngo ba/ rgyab ser ba/ g.yon dkar ba spyan gsum pa/ ral ba gyen la brdzes pa la rus pa'i cod pan sangs rgyas lngas brgyan pa/de la zhal bzhi pa ni ye shes bzhi'i snang ba'o/ /spyan gsum ni rnam thar sgo gsum mo/ /thod pa'i phreng ba'i cod pan ni ye shes lnga'o/ /cod pan la pad+ma'i phreng bas bcings ba ni gsung gi rigs kyi dbang rtags so/ /mche ba gtsigs pa ni bdud bzhi 'joms pa'o//zhal rnam par 'gyur ba ni sems can la thugs rje skyes pa'o/ /sgeg pa yab yum 'khyud pa dang / dpa' ba lta chen zhabs kyis mnan pa dang / 'jigs su rung ba ni zhal bzhi phyag bcu gnyis pa ni sku la tshor ba bde sdug btang snyoms nus pa'i rtags so/ /zhal g.yas pa bzhad pa dang /rgyab mi sdug pa mche ba gtsigs pa dang / g.yon pa rngam pas lha chen po'i mgo bo zhal du stobs pa ni/ gsung la tshor ba bde sdug gsum nub pa'i rtags so/ /yum la 'khyud pa'i phyag dang po gnyis snying rje'i nyams dang / thal ba'i rdul gyis byugs pas zhi ba dang / klu'i rgyal po seng shas mi mgo lnga brgyus pas ngo mtshar ba'i nyams te/ de ltar sgeg pa la sogs pa'i nyams dgu dang / nyon mongs pa dang shes bya'i sgrib pa spangs pas stag gi pags pa mnabs pa dang / mi mgo rlon pa'i phreng ba 'phyang bas 'du byed lnga bcu rtsa gcig dag pa dang / phyag rgya drug pha rol tu phyin pa drug gis rgyas btab pa dang /rang snang ba'i lha mo gcer bu 'jig rten gyi chos brgyad spangs pa dang nyon mongs pas las grol bas skra grol ba dang / nyon mongs pa gcig dang du mar phye nas spangs pas dum bu'i ske rags can dang / bdud kyi khrag dang ldan pa'i thod pa phyag g.yon pas gzung bas 'chi bdag gi bdud 'joms pa dang /pad+mas mtshan pa'i gri gug gis nyon mongs pa'i bdud 'joms pa dang / gzi brjid 'bar bas sprul pa'i 'khor lo 'gyed pa dang / zhal nas khrag lta bu'i 'od zer dmar po 'dzag pas rgyud sde bzhi ston pa dang / byin pa gnyis kyis 'khyud pas stong pa nyid dang ye shes tha mi dad par ston pa dang dngos grub thams cad gsol ba ni gtso bo yab yum bskyed pa ni bsnyen pa'o//mkha' 'gro ma la sogs pa'i pad+ma'i kha dog la khyad par med kyang shar gyi mkha' 'gro ma dkar/ nub kyi dum skyes ma nag /lha mo gnyis ni sngar bshad pa'i kha dog dang dbyibs dang mthun/g.yon gyi kha T+wA ga ni bsam gtan/ thod pa ni snying rje/ g.yas pa'i cang te'u ni lhag mthong / gri gug ni ye shes/ mtshams bzhi'i bum pa ni rnam snang dang rin 'byung dang / snang ba mtha' yas dang don yod grub pa dang bzhi nang na bzhugs pa'i phyi rol bum par snang ba'o//bum pa'i steng gi thod pa'i bdud rtsi ni 'chi bdag gi bdud 'joms so/ /pad+mas mtshan pa'i gri gug gi phreng bas bskor bas kha bskang ngo / /'khor lo rtsibs brgyad pa kA ma ru pa la sogs pa'i sa dang pha rol tu phyin pa'i snang ba la zhing gis ming btags/ myu gu can dang sa srung ma la sogs ma gnod sbyin dang srin po btul bas gdul bya'i ming gis btags/ thams cad kha dog dmar por mi snang ba ni sangs rgyas bzhugs pa'i dbang gis gdul bya'i nye ba la dgongs so/ /gsung gi 'khor lo ni 'dul byed snang ba mtha' yas kyi rigs so//sa spyod ni gnod sbyin dang srin po 'dul ba'o/ /dpa' bo rnams phyag bzhi ni tshad med pa bzhi'o/ /spyan gsum ni rnam thar sgo gsum mo/ /ral ba gyen du brdzes pa ni sprul pa'i 'khor lo 'gyed pa'o/ /cod pan lnga ni ye shes lnga'o/ /dar dpyangs ni snyan pa'i ba dan 'jig rten du grags pa'o/ / phyag dang po pad+ma dang dril bus 'khyud pa ni thabs dang shes rab gnyis su med pa'o/ /kha T+wAM ga dang cang te'u ni zhi gnas dang lhag mthong / phyag rgya lnga ni pha rol du phyin pa lnga/ g.yas brkyang pa'i gnas pas bzhugs pa ni shes rab kyis srid pa la mi gnas/ snying rjes zhi ba la mi gnas pa/lha mo brgyad kyi thod pas 'khyud pa ni 'chi bdag gi bdud 'joms so/ /g.yas pa'i pad+ma dang sdigs mdzub ni nyon mongs pa'i bdud 'joms/ mgul rgyan la sogs pa'i rus pa'i rgyan lnga ni phung po'i bdud 'joms/ thod pa'i phreng ba'i mgul rgyan ni 'jig tshogs la lta ba drug cu rtsa gnyis dag /dril bu g.yer ka'i ska rags ni gsung rab yan lag bcu gnyis kyi mdo sde 'chad pa'i rtags/ khwa'i gdong can la sogs pa bzhi ni mi'am ci'i khwa gdong ma la sogs pa'i gzugs 'dul ba dang / mtshams bzhi'i lha moM phyed gzugs ma ni/ gdul bya'i mi'am ci 'dul ba dang mthun no//dpral bar pad+ma'i phreng ba ni dbang rtags/ 'khor bskyed pa nye ba'i bsnyen pa'o/ /phung po dang khams dang skye mched dang khams kun sku'i 'khor lo bzhin du bsgom/ thugs ni AHdmar po/ gsung ni oM dkar po/ /sku ni hUM nam mkha'i mdog can 'khor thams cad kyang phung po dang khams dang skye mched byin gyis brlabs pa dang sbyar bar bya'o//lus kyi 'khor lo bsgrub pa bstan to/ /snga ma bzhin du snying ga'i ga'i hUM las 'od zer 'phro ba dang sngags dang phyag rgyas ye shes kyi 'khor lo spyan drangs te de la bltas nas phyag 'tshal ba dang / bstod pa dang mchod pa byas nas/ de nyid kyis bum pa dang gsang ba dang / shes rab ye shes kyi dbang bskur te thams cad ro gcig pa'i sems dpa' sum brtsegs bsgoms nas dpral ba'i sku'i 'khor lo las sku'i 'khor lo spro ba dang / lkog ma'i gsung las gsung gi 'khor lo spro ba dang /thugs ka'i hUM las thugs kyi 'khor lo spro bsdu bya ba ni ye shes kyi bzlas pa bsgom par bya'o/ /dpa' bo'i snying po ni chos kyi sku'i ye shes ston/ nye ba'i snying po ni longs sku'i gzugs ston/ yum gyi snying po ni chos kyi sku'i 'dus ma byas ston/ yum gyi nye snying ni longs sku las sprul sku 'gyed pa ston/yum bzhi'i sngags ni 'og nas 'byung ba'i phrin las bzhi mdzad/ gsung gi 'khor lo'i yab yum gyi sngags ni gsung so sor rtog pa'i ye shes kyi dngos grub 'thob/ gong ma brgyad kyi sngags kyis ni sangs rgyas la mchod pa dang / sems can la phrin las bzhi mdzad/de ltar bzlas pa ni spro bsdu dag gis bzlas pa bya'o/ /rdo rje dam tshig gis mchod nas/ /zhes pa ni snga ma bzhin du thod pa bzhi'i bdud rtsi myangs la de nas bzlas pa byas pa'i go rims ston to/ /yum bzhi'i bzlas pas ni dgug pa dang rgyas pa dang sna tshogs kyi las zhi ba dang mngon spyod 'grub par 'gyur ro//gsung gi 'khor lo bzlas pas ni chos chen po'i so sor rtog pa'i ye shes yid 'ong tshangs pa'i gsung dbyangs drug cu ngag gi dngos grub 'grub par 'gyur ro/ /yang na rdzogs pa'i rim pa la mos na mchog ye shes skyes pa dang / bar ma zhing skyes dang / tha ma sngags skyes kyi bud med mchog bsam gtan dang zag med kyi sdom pa la gnas pa de thams cad 'khor lo la bkod nas/gnas pa la 'dod pa'i chags pa dga' ba dang mchog dga' ba rjes su chags pa lhan cig skyes dga' 'dod pa'i dga' bas myos pa ni rnam pa thams cad kyis 'od gsal ba stong pa nyid bsgom pa'i sgrub pa po de'i dbang du 'khor gyi lha mo rnams gnas pa yin te/de ci'i phyir zhe na/ sna tshogs pad+ma mdzes gnas nas/ /zhes pa 'khor lo bzhi'i pad+ma la gtum mo drod kyis mjes par gnas nas byang chub sems phab pas rnal 'byor chen po rnam par spyod pa la khams gsum gyi 'dod chags spangs pa chos nyid stong pa nyid 'od gsal ba bsgoms pas bde ba can du rnam par bzhugs pa dang 'dra bar rdzogs pa'i rim pa bsgom mo//langs pa'i dus su dri chen rnam snang dang / dri chu mi bskyod pa bza' zhing bdud rtsi myangs pas zag pa med pa'i chos kyi phung po lnga rdzogs nas stong pa nyid kyi rig pa'i rgyal po sangs rgyas dang /bde ba rig pa gzugs khams kyi 'khor los sgyur ba dang / bsod nams rig pa mi'i 'khor los sgyur ba 'grub bo/ /ldang ba'i tshe go chas lus la bsrung ba ni rgyud la gsal bas ma bshad do/ /bzlas pa'i dus kyi mthar bkod nas//zhes bya ba ni bzlas pa zin nas go cha bgo ba'i dus bstan to/ /ji ltar bde bas spyad par bya/ /zhes pa ni thun mtshams su dpa' bo gcig pus gnas pa'o/ /dkyil 'khor snying gar bsdu ba ni/ dpa' bo rnal 'byor ma rnams kye/ /zhes pa so so'i sngags brjod cing lus kyi go 'phang gi gnas la bzhugs par bya'o//dkyil 'khor thams cad snying gar bsdus nas gsung gi mnyam pa nyid zhal gcig phyag gnyis pa la dmigs te mnyam par gzhag pas tha mal pa'i ngag mi gsung bar rkang pa brgyad pas bstod cing bzhugs pa'o/ /rang gi lha yi sbyor ba yis//chos rnams thams cad ni 'dod pa'i yon tan lnga lha mor bskyed nas rang dang gzhan la mchod pa rab tu brtag go/ /de nas kha zas kyi rnal 'byor ni/ rdo rje chu dang rnam snang dang / sbrang rtsi rang byung gi me tog dkar dmar byang chub sems dang rkang sha chen dang lhan cig sbyar nas lce la/zla ba rdo rje'i 'od zer gyi bu gul dam tshig gi sbyor bas gsol bas snying ga'i ye shes sems dpa' gsung gi 'khor lo snang ba mtha' yas kyi bdag po'i dbu rgyan bsgoms la bza' bar bya'o/ /shugs kyis lkog mar sku'i 'khor lo dang / spyi bor thugs kyi 'khor lo bsgoms la lha'i gzugs su 'gyur bas 'dod pa'i lha drug gi bdag po brgya byin dang tshangs pa'i gzugs can 'thob par 'gyur ro//bza' ba bdud rtsi lnga dang 'o ma'i btung ba 'thungs na tshe 'di la na ba dang rgas pa rnam par spang ngo / /langs pa'i rjes la tshogs kyi 'khor lo byed pa'i tshe glu len pa dang /sngar thig le zhu ba las glus bskul ba'i don gnyis ka cig car gsungs pa ni sems can gyi don la dgongs pas glu blangs te/ sems can gyi don la brtson 'grus bskyed nas mngon bar byang chub pa lnga'i chos rnams kun bskyed pa'i phyir/ bskul nas brtson 'grus kyi pha rol tu phyin pa dang /lag pa'i gar la brten nas sems can la thugs rjes 'bras bu'i ha ru ka bslang ba'i thugs kyis gsung gi 'khor gyi ngag gi dngos grub 'grub pa'i ma 'ongs pa'i rnal 'byor ba in+d+ra b+hU ti la sogs pa'i don du gsang ba mchog gi glu bstan du gsol/ zhes lag na rdo rjes gsol ba btab nas dgongs pa ci'i phyir zhe na/sems can la 'jig rten pa'i dngos grub kyis phan pa'i phyir dang / gsang ba'i chos kyi glus grol ba'i phyir ro/ /rdo rje'i glu ji ltar bstan pa'i grol bar mdzad ces sdud pa po lag na rdo rjes zhus pa yin no/ /de nas bcom ldan 'das kyis 'khor gyi lha mo rnam pa sna tshogs pa mchod pa'i glu dang /dam tshig gi gar ngo mtshar du 'gyur bas chags pa'i lta ba'i mig phye nas/ rnal 'byor ma rnams kyis bskul ba'i bstod pa gsungs pa ni/ dang po yum bzhis/ a shin tu dgyes pa'i bde mdzad mchog /gnyis med bde ba'i bdag nyid can//zhes mkha' 'gro ma dga' ba'i glu dang / dgyes pa dgyes pa bde gshegs zhi ba'i bdag po spyod/ /ces lA ma'i glu dang / bde gshegs rnam 'phrul rnam par 'phrul ba pad+ma'i dra rnams kyis/ /zhes khaN+Da ro hI'i glu dang / pad+ma'i dra ba bde gsol mdzad pa'i pad+ma'i dra ba yis//bde drug pad+ma'i gar gyis rol pas bde ba sna tshogs dra rnams 'jug /ces gzugs can ma'i glu dang / ha ha hUM ha ha ho bzhi ka'i sngags kyis gsol lo/ /gsung gi lha mo brgyad kyi glu ni/ bde gshegs gzi brjid bdag nyid brgyad la shar gyi glu'o/ /rab dgyes dpal gyi bde bas rol cig ho//byang phyogs pa'i glu dang / sna tshogs dgyes pas rgyal ba'i gzi brjid mi bzad 'chang / /nub phyogs pa'i glu dang / ha ha ha ho ba ra ha sa su kha ho hUM ho ho/ lho phyogs pa'i glu'i ye shes bzhi ston to/ /kA kA s+yes ni/ rab dgyes chags pa bde ba'i bde bas bsdus/'ug gdong ma'i glu ni/ dpal mchog bde ba'i bde ba ho/ /khyi gdong ma'i glu ni/ bde ba chen po'i rgyu yi mchog /phag gdong ma'i glu ni/ thub pa'i bde snyed dbang phyug mchog /ho b+ha ga bAn ma hA su kha hUM/ ho ni bzhi ka'i sngags ni rnam thar bzhi'i glu'o/ /bde dra sna tshogs du ma khyod ni gshin rje brtan ma'i glu'o//dgyes te sna tshogs bde chen mchog ho/ /gshin rje pho nya ma'i glu'o/ /bde ba'i dam pa rjes gzung mdzod/ /gshin rje mche ba ma'i glu'o/ /sna tshogs bde bas rab dgyes khyod/ /gshin rje 'joms ma'i glu'o/ /a A ro l-i ka ma hA su khaM gr-ih+Na ho bzhi ka'i sngags so//yang dag par spong ba bzhi ston te glu'i 'bras bu gsungs pa ni/ glu 'di dag blangs pas dga' ba'i 'dus pa 'khor rnams kyi 'bras bu'i bde mchog sgyu ma mkhan lta bu'i yed kyi rnam par shes pa rang bzhin gsung gi bde mchog gi 'khor lo dngos grub gsum myur du 'thob par 'gyur ro//de'i don 'di skad ston te/ gsung gi 'khor lo bsgom pa'i rnal 'byor pas thog mar mal nas langs nas tho rangs ka'i thun mtshams su tshad med pa'i rnal 'byor dang / byin gyis brlab pa'i rnal 'byor dang / srung ba'i rnal 'byor dang / tshogs sogs pa'i rnal 'byor dang /stong pa nyid kyi rnal 'byor lnga/ sbyor ba dang / dngos gzhi dang / rten gyi dang po sbyor ba 'byung ba bzhi ri rab sna tshogs rdo rje gzhal yas khang bdun dang / brten pa lha'i dang po sbyor ba mngon par byang chub pa lngas rgyu'i he ru ka bskyed pa dang / phyogs bcu'i sangs rgyas yab yum gyi zhal du zhugs pas mkha' gsang du gnas pa ste/gnyis pa dang 'khor mngal nas bskyod pa dang / rgyu'i he ru ka zhu ba dang / lha mo rnams kyi glus bskul ba dang / 'bras bu'i he ru ka bskyed pa dang / 'khor gyi mtshan nyid dang / lus kyi dkyil 'khor dang drug dkyil 'khor rgyal mchog go//las rgyal mchog ni ye shes sems dpa' gzhug pa dang go cha bskon pa dang / dbang bskur ba dang / bsgom pa dang / bzlas pa dang / bdud rtsi myang ba dang / mchod pa dang / bstod pa ste brgyad dang rjes la 'jig rten pa la gtor ma sbyin pa dang / yi ge brgya pas lhag pa dang ma tshang ba bskang ba dang /bzod pa gsol ba dang / dge ba'i rtsa ba bsngo ba dang / dkyil 'khor lus la bsdu ba dang / tsham ngam gyi sngags kyis bsrung ba dang / rkang pa brgyad pas mchod pa dang / smon lam gdab bo/ /langs nas thun mtshams kyi cho ga bcu gnyis dang bcas pa gang zag gcig lha'i 'khor lo bsgom pas zhib mo rnam par 'thag pa'i dbang du byas nas don bzhi bcu rtsa brgyad yin no//le'u lnga pa'i 'grel pa'o// //de ltar gsung gi 'khor lo bshad nas/ thugs kyi 'khor lo ston par bzhed pas/ de nas gzhan yang bshad bya ba//zhes bya ba gsungs te thugs kyi 'khor los 'dul ba'i gdul bya'i ngor bshad pa'o/ /thugs kyi 'khor lo mos pa'i gang zag tshad med pa dang byin gyis brlabs pa dang / bsrung ba dang / tshogs sogs pa dang / stong ba nyid kyi rnal 'byor byas nas/ ldang ba'i rnal 'byor 'byung ba bzhi'i dkyil 'khor dang /ri rab dang / sna tshogs rdo rje'i steng du/ b+h+rUM las byung ba'i rnam par snang mdzad gyur pa las thugs kyi dkyil 'khor gzhal yas khang brtsegs ma/ de'i dbus su 'khor lo rtsibs brgyad sngon po rdo rje'i phreng bas bskor ba/ de'i dbus su sna tshogs pad+ma 'dab ma brgyad rdo rjes mtshan pa'i gri gug gi phreng bas bskor ba/'khor ba'i chos nyid rtogs pa'i rnam par dag pa'i gdan la/ de'i dbus su zla ba la sogs pa mngon par byang chub pa lnga'i rim pa rgyu'i he ru ka rdo rje sems dpa' bskyed la/ yab yum snyoms par zhugs pa'i zhal du phyogs bcu'i sangs rgyas zhugs nas mkha' gsang du thugs kyi dkyil 'khor du 'gyur ba dang /'khor gyi 'khor lo mngal skyes kyis bskyed la/ de nas rgyu'i he ru ka de zhu nas yongs su gyur pa'i zla ba dang nyi ma'i thig le mchog la/ chos kyi sku las bzhengs pa'i phyir lha mos glu blangs pa/oM AHhUM bde chen a la la ho/ khyod ni bde ba chen po ste/ /zhes mkha' 'gro ma'i glu dang / bde ba che la mngon par sbyor/ /byang chub bde mchog dgyes pa che/ /lA ma'i glu dang / khyod ni bde ba rjes sgrub pa/ /khaN+Da ro hI'i glu dang / bde ba'i rang bzhin dgyes bdag po//gzugs can ma'i glu dang / oM AHhUM ho/ dga' ba bzhi'i glu dang thugs ka'i 'khor lo'i lha mo brgyad kyis/ bcom ldan bde chen sgrol mdzad pa/ /bde ba'i bdag nyid kun mchog hUM/ /a la la la ho/ /dam tshig gi lha mo brgyad kyi glu ni/ khyod ni bde ba chen po ste/ /bde mchog dri med zla ba nyid//sna tshogs bde mchog dra ba ste/ /dgyes pa'i bde chen bde ba mchog /a la la la ho/ /yang dag par spong ba bzhi'i glu'o/ /de'i mod la mngon par byang chub pa lnga'i rim pas chos kyi sku las bzhengs nas bcom ldan 'das 'bras bu'i he ru ka'i thugs kyi he ru ka mkha' 'gro dang bcas pa'i dbus na/bcom ldan 'das zhal bzhi pa phyag bcu gnyis pa g.yas brkyang ba'i gnas pas bzhugs pa/ phyag rgya drug gis rnam par brgyan pa'o zhes bya ba'i bar ni rgyud na gsal bas go sla'o/ /mdun ni mkha' 'gro ma zhal gcig pa phyag gnyis pa bya ba nas/yid 'ong chos kyi sgra sgrogs pa/ /zhes bya ba'i bar du go sla bas ma bshad do/ /rgyu'i he ru ka dang 'bras bu'i he ru ka mngon par byang chub pa lnga las skye ba ji ltar shes she na lan du/ de bzhin nyid dang yang dag mtha'/ /stong pa nyid dang chos kyi dbyings/ /me long mnyam nyid so sor rtog /bya ba nan tan grub rang bzhin/ /shin tu mnyam gzhag bsgom bya ba/ /rnal 'byor 'di ni mchog gi mchog /ces bya ba de bzhin nyid dang / me long lta bu las zla ba dang po'o/ /yang dag pa'i mtha' dag mnyam pa nyid la nyi ma'i dkyil 'khor gnyis pa/ stong pa nyid dang so sor rtog pa las yig 'bru dang phyag mtshan/chos kyi dbyings dang bya ba grub pa las 'od zer spro bsdu/ shin tu rnam par dag par bsgom pa las rnal 'byor 'di ni rgyu'i he ru ka'o/ /yang mchog ni 'bras bu'i he ru ka'o/ /chos rnams ro gcig byas nas ni nyi zla gnyis dang / yig 'bru gnyis dang /'od zer spro bsdu gnyis dang brgyad 'gyur ba las rang rig gi 'khor lo rnam par blta zhes te/ lha mo rnams kyang mngal du yab yum gyi sa bon nyi zla gnyis dang / yig 'bru dang / phyag mtshan dang / 'od zer spro bsdu dang bcas pa'i mngon par byang chub pa lnga las nges par skyes par gdon mi za ba'o//bsnyen pa'o/ /shar gyi 'dab ma la mkha' 'gro ma zhes bya ba nas/ yongs gang thod pa gzhag par bya/ /zhes pa'i bar du pad+ma dang sku mdog phyag mtshan ni go sla'o/ /bum pa dang thod pa yang rgyud na gsal/ rdo rjes mtshan pa'i gri gug gi phreng bas bskor ba kha bskang ngo //thugs kyi 'khor lo'i shar phyogs kyi rtsibs brgyad la/ pul+li ra ma la ya la sogs par 'dogs pa ni sangs rgyas kyi zhing dang sa dang pha rol tu phyin pa'i snang ba'o/ /thod pa'i dum bu dang rab gtum ma la sogs pa'i mtshan nyid ni mkha' spyod lha dang dri za btul bas gdul bya'i ming gis 'dul byed la btags so//zhal dang phyag mtshan dang / g.yer kha'i sgra sgrogs pa'i ska rags can no zhes bya ba'i bar du rgyud na gsal bas ma bshad do/ /rdo rje'i phreng bas bskor ba kha bskang ngo / /sgo dang grwa yi lha mo rnams/ /khwa gdong gshin rje brtan ma sogs//mkha' 'gro ma sogs mdog 'dra bstan/ /zhes bya ba mkha' 'gro ma dang mthun pa'i khwa gdong ma dkar mo/ 'ug gdong ma ljang gu/ /khyi gdong ma dmar mo/ phag gdong ma ser mo/ g.yon na thod pa dang kha T+wAM ga /g.yas na gri gug dang cang te'u bsnams pa/ mtshams kyi lha mo de bzhin te/ /zhes bya ba ni/ shar lhor gshin rje brtan ma sngo ser/ lho nub gshin rje pho nya mo dkar ser/ nub byang gi gshin rje mche ba ma dmar ljang / byang shar gyi gshin rje 'joms ma ljang sngo/ phyag mtshan bzhi ni sgo ma dang mthun/ rang dang 'dra ba ro'i gdan la bzhugs pa yang dag par spong ba bzhi'i dngos grub gsol ba bsgom par bya'o//nye bsnyen no/ /'dir lus kyi dkyil 'khor phung po dang khams dang skye mched lhar bskyed pa bsgom pa kha bskang ste grub pa'o/ /sgrub pa chen po las kyi rgyal mchog ni snga ma bzhin du ye shes kyi 'khor lo spyan drangs nas/de nam mkhar byon pa mthong nas/ phyag 'tshal ba dang / mchod pa dang bstod pa snga ma bzhin du byas nas/ bum pa thogs pa'i lha mos gtso bo dang 'khor la dbang gsum bskur nas rang dang 'khor dang dur khrod kyi bar du ye shes sems dpa' dang dam tshig sems dpa' ro gcig par byas nas/don dam par 'dus ma byas chos thams cad bdag med pa'i go 'phang la gnas nas/ 'dod pa'i don dngos grub kun sgrub par byed pa'i thugs kyi 'khor lo snying gar bsgom pa dang / lkog mar gsung gi 'khor lo bsgom pa dang / dpral bar sku'i 'khor lo bsgoms la/sku gsung thugs kyi 'khor lo gsum lus la rnam par bkod nas sangs rgyas kyi mchog sku gsung thugs kyi 'khor lo phyogs bcur spro bar bya'o/ /de ltar bsgom pas skyo na bum pa bzhi'i steng gi thod pa las/ ye shes lnga'i bdud rtsi'i chus bza' ba'i dam tshig rtag tu bskyang ba dang /lha thams cad kyi bdud rtsi'i dam tshig gi mchod pa byas pa'i rjes la/ spro bsdu'i rnal 'byor bsams nas/ gtso bo nas 'khor gyi bzlas pa byas so/ /bzlas pa'i sngags ni snga ma bzhin no/ /bsgom pa dang bzlas pas spro bsdu'i rim gyis sngags pa la dngos grub myur du 'grub pas rdo rje sems dpa' dang mnyam pa'i dam tshig thob pa dang mngon par shes pa lnga dang ldan pa'i sems la dmigs pa'i rig 'dzin thob nas mkha' spyod 'og min gyi bdag po rnal 'byor pa mchog khams gsum gyi bdag por 'gyur ro//mchod pa dang bstod pa dang gtor ma gtang ba gsum kha bskang ngo //ldang ba'i dus su go cha drug gis bsrung ba dang / khams gsum pa'i gnas pa'i 'gro ba ma lus pa thugs kyi 'khor lo mchog gi ngo bor shes pa dang / stong gsum gzhal yas khang 'gro ba rigs drug lha dang gnyis su med pa'i rnal 'byor 'di'i dngos po thams cad kyi rang bzhin ngar 'dzin pa dang /nga yir 'dzin pa med pas bdag tu snang ba med pa'i gzung ba snod bcud bdag gir snang ba yang mi dmigs pa las mi g.yo'o/ /de'i don 'di skad yin te/ sngon 'gro rnal 'byor lnga dang dngos gzhi dang po sbyor ba dgu dkyil 'khor rgyal mchog drug dang /las rgyal mchog brgyad dang / rjes rnam pa brgyad dang / thun mtshams kyi cho ga bcu gnyis te bzhi bcu rtsa brgyad thugs kyi 'khor lo la mos pa'i rnal 'byor pas zhib mo rnam par 'thag pa'i sgrub thabs bsgom par bya'o/ /le'u drug pa'i 'grel pa'o// //de ltar thugs kyi 'khor lo bshad nas dam tshig gi bde mchog ston par bzhed pas/ de nas zhes bya ba smos te dam tshig gi 'khor lo la dga' ba'i ngor dam tshig gi dkyil 'khor ston pas/ de nas gzhan yang bshad bya ba/ /zhes bya'o/ / dang po tshad med pa'i rnal 'byor dang / byin gyis brlab pa'i rnal 'byor dang / bsrung ba'i rnal 'byor dang / tshogs sogs pa'i rnal 'byor dang / stong pa nyid kyi rnal 'byor sngon du 'gro ba byas nas/ ldang ba'i rnal 'byor 'byung ba bzhi dang ri rab dang / b+h+rUM las byung ba'i rnam par snang mdzad gyur pa las gzhal yas khang bskyed pa'i rjes thogs la/de nas gzhan yang bshad bya ba/ /zhes bya ba smos so/ /dkyil 'khor gang zhe na/ dam tshig gi dkyil 'khor mchog tu gyur pa zhes bya ba smos te/ dam tshig ni sgom brgyad do/ /sku gsung thugs spangs pa'i lha mo bcu/ gnyis kyis bskor ba'i zag pa med pa'i dkyil 'khor mchog ni brjod par bya'o/ /de'i 'bras bu 'jig rten gyi dngos grub dang thun mong gi dngos grub ni 'dod pa'i gsang ba kun ster ba'o/ /mchog gi dngos grub ni sbas pa'i chos kyi sku dang / gsang ba longs spyod rdzogs pa'i sku dang / sprul pa'i sku'i dngos grub stsol ba'o/ /dgos pa ci zhe na/ sgrub pa po dam tshig gi dkyil 'khor la dga' ba la thos bsam gyis phan pa'i phyir de khong du chud pa'i don to/ /phan pa gang zhe na dam tshig gi dkyil 'khor sgrub pa'i thabs kyi don bshad par bya'o/ /sgrub pa'i don gyi dkyil 'khor gyi snga ma bzhin du sgo bzhi sgo khyud dang rta babs dang rdo rje'i ra ba me 'od kyis bskor bar bya'o//de'i dbus su 'khor lo gsum spangs pa'i ye shes kyi 'khor lo shar gnag pa/ lho ser ba/ nub dmar ba/ byang ljang ba/ mtshams phyed gzugs sna tshogs kyi mdog can ge sar dang bcas pa'i dbus su zla ba dang /nyi ma'i steng du yi ge hUM dang phyag mtshan spro bsdu dang mngon par byang chub pa'i rim pas rgyu'i rdo rje sems dpa' zhal bzhi phyag bcu gnyis pa sku mdog dkar po mtshan dang dpe byad kyis brgyan pa rang snang ba'i yum dang 'khyud pa'i dgyes pa chen po sbyor bas phyogs bcu'i sangs rgyas zhal du zhugs nas mkha' gsang nas lha mo bcu gnyis mngal skyes kyi rim pas bskyed pa ni yab yum gnyis su med pa las lha mo bcu gnyis su med pa'i 'bras bu mchog bskyed pa'o//de nas yab yum byang chub kyi sems nyi zla'i thig le zhu ba'i tshul ni byang chub sems dri ma med pa chos kyi sku'o//mngal skyes kyi 'od zer gyis bslang ba lha mo bcu gnyis kyi glu lnga po 'dis chos kyi skur zhu ba la skul byed do/ /dga' ba ye shes kyi 'khor lo'i sgo nas bstod pa ni/ hUM rol cig rol cig dgyes pa ho ni ye shes kyi lha mo bzhi la rol cig pa'o//bde ba chen po'i rdo rje ni mnyam pa nyid kyi ye shes kyi rgyud las ye shes kyi pad+mo'i gnas 'di nyid du lha mo bzhi'i bdag mor bzhengs su gsol na/ a la la la ho dgyes pa che/ da ni thugs kyi 'khor lo chos kyi dbyings kyi ye shes kyi sgo nas bstod pa ni/ khyod ni bde ba mchog yin te ni stong pa nyid kyi ye shes so//khyod kyi sprul pa'i sku'i zhal khums ba tsam gyis bdag cag thugs kyi 'khor lo'i lha mo rnams kyis bde ba stong pa nyid kyi ro gcig pa rnyed pas kye ma bcom ldan 'das rdo rje'i rigs kyi bde ba chen po dgyes pa rdo rje sems dpa' khyod kyis nyams dgu/ dga' ba bzhi'i nyams kyi mchog gis rdo rje'i rigs kyi dgyes pa'i bde ba rnams dus rtag tu dngos grub kun gyi phyir bdag thugs kyi lha mo rnams la dga' ba bzhi pa rol cig rol cig par mdzod cig pa'o//thugs kyi 'khor lo'i lha mo brgyad po thams cad dang / bcom ldan 'das rdo rje 'chang chen po'i dbang po brgyad sprul nas/lha mo pad+ma la dgyes par rol/ hUM a la la la ho dgyes pa che/ /de ltar thugs kyi sgo nas bstod nas/ /gsung gi sgo nas bstod pa ni/ bcom ldan 'das so sor kun du rtog pa'i ye shes kyi tshogs kyis sems can 'dod pa la khyod dgyes pas 'dod pa'i dngos grub gsol ba de'i phyir/gsung gi 'khor lo'i lha mo brgyad kyi pad+ma mchog la dgyes par rol/ hUM a la la la ho dgyes pa che/ gsung gi 'khor lo'i sgo nas/ sku'i 'khor lo'i bstod pa ni/ me long lta bu'i ye shes kyi tshogs kyi bde bas sems can la dus rtag tu rdo rje mchog sku'i dngos grub 'dzin pa rnam par snang mdzad kyi sku'i 'khor lo'i lha mo brgyad kyi kha sbyor gyi bde bas pad+ma la dga' ba bzhi'i rol par mdzod cig pa'o//dpe ji lta bu zhe na zhe na zhes pa'i dpe ni bung ba'o/ /bde ba stong pa'i dpe ni sbrang rtsi'o/ /lte ba sprul pa'i 'khor lo'i dpe ni pad+ma'o//sku'i 'khor lo'i dpe ni lha mo brgyad ni pad+ma la rol pas kye ma ni ngo mtshar ba'o/ /grogs po ni dge ba'i bshes gnyen no/ /dgyes chen ni bde ba stong pa nyid do/ /'dir ni b+ha ga'o/ /rdo rje mchog ni sa bcu gcig pa'i bde ba la sbyar bya'o/ /dus thams cad du bde ba stong pa nyid kyis sems can la phan par mdzod cig pa'o//dus da lta nyid du yang dag par rdzogs pa'i byang chub rgyu'i rkyen 'dus pa las skye bar mdzod cig pa'o/ /a la la la ho dgyes pa che/ /sku'i 'khor lo'i bstod pa bshad nas/ dam tshig gi 'khor lo la bstod pa ni/ bde chen ni bya ba nan tan gyi ye shes so//kun du ni phyogs thams cad du'o/ /dgyes pa mchog ni bde ba stong pa nyid do/ /rol zhes pa ni dam tshig gi lha mo brgyad kyi bdag po mdzod cig ces pa'o/ /a la la la ho/ /a ni don dam byang chub sems so/ /la gsum ni dga' ba mchog dga' lhan skyes dga' ba'o//ho dgyes pa chen po ni rnam pa thams cad kyi 'od gsal lo/ /'dir sku gsung thugs med na ci'i phyir bstod snyam na/ gtso bo'i dpral ba dang / lkog ma dang / snying ga na sku gsung thugs kyi 'khor lo dang ldan no/ /'khor lo lnga la bstod par rin chen rdo rjes bshad do/ /glu 'dis bskul ma thag tu mngon par byang chub pa lnga las bzhengs pa'i bcom ldan 'das dam tshig gi bde ba mchog 'khor lha mo bcu gnyis kyis bskor ba dang bcas par rang nyid blta bar bya ste/de la bcom ldan 'das ni zhal mdun ma sngo ba/ g.yas pa ser ba/ rgyab ma dmar ba/ g.yon ljang ba/thugs kyi 'khor lo bzhin du g.yas skor yin par nges so/ /zhal bzhi ni gdul bya lus kyi dkyil 'khor bsgom pa la mos pa la sa chu me rlung bzhi'i rtsa bsgom pa bstan to/ /spyan gsum ston pa ni rtsa gsum sgoms shig pa'o/ /phyag bcu gnyis bstan pa ni rtsa bcu gnyis sgoms shig pa'o//'jigs byed dus mtshan mnan pas ni 'og sgo gnyis kyi rtsa dgag pa'o/ /rdo rje dril bu bsnams pas mig dang gzugs kyi rtsa 'gegs pa'o/ /gnyis kyis tshogs bdag gi pags pa 'dzin pa ni rna ba dang sgra'i rtsa 'gegs pa'o/ /cang te'u dang kha T+wAM ga rnams ni sna dang dri'i rtsa 'gegs pa'o//dgra sta dang zhags pa ni lce dang ro'i rtsa 'gegs pa'o/ /gri gug dang ka pA la ni lus dang reg bya'i rtsa 'gegs pa'o/ /mdung rtse gsum pa dang bdud bzhi'i mag bo ni yid dang chos kyi rtsa 'gegs pa'o/ /ral pa'i cod pan ni spyi gtsug gi rtsa sum cu rtsa gnyis ston to//thod pa'i phreng ba 'phyang bas ni spyi gtsug gi byang chub kyi sems babs pas ye shes lnga bskyed par ston to/ /zla ba phyed pas ni spyi gtsug gi byang chub kyi sems ston to/ /sna tshogs rdo rje ni spyi gtsug gi rtsa dzA lan+d+ha ra na gnas par ston to/ /mche ba gtsigs pa ni sna bug gnyis kyi rtsa 'gegs par ston to//nyams dgu ni 'byung ba lnga dang bdud rtsi lnga'i rtsa ston to/ /nam mkha' dang byang chub kyi sems kyi rtsa gcig yin no/ /stag gi pags pas ni lte ba sprul pa'i 'khor lo'i drug cu rtsa bzhi ston to/ /mgo bo'i phreng bas ni ras nA dang la la nA'i rtsa gnyis ston to//dbang po drug gi rtsa bkag pas phyag rgya drug gi rtsa ston to/ /rdo rje phag mo ni rtsa a wa d+hU tI'i gtum mo drod ston pa yin no/ /yum gyi sku mdog dang phyag mtshan ni rgyud na gsal lo/ /chos kun gnas ni bde ba yin/ /zhes pa ni rgyu dang 'bras bu'i he ru ka dang 'khor rnams mngon par byang chub pa lnga las skyes par ston te/A li me long lta bu dang / kA li mnyam pa nyid dang / chos kun gzhi yig 'bru dang / phyag mtshan so sor rtog pa'i dge ba dang / 'od zer spro bsdu bya ba nan tan rtog pa med pa'i de bzhin nyid dang / chos dang chos nyid spangs pa'i ye shes lnga pa sku bsgrub pa'o//pad+ma'i 'dab ma la gnas pa'i lha mo bzhi dang / ye shes kyi 'khor lo'i bum pa bzhi dang / thod pa ni rgyud na gsal bsam bshad do/ /gri gug gi phreng bas bskor ba kha bskang ngo / /khwa gdong ma la sogs pa'i sgo ma bzhi zhal gyi kha dog dang mthun pa dang / mtshams kyi lha mo bzhi phyed gzugs yin pa rgyud na gsal bsam bshad de/rang gi kha dog dang dbyibs dang mthun par ro'i steng na bzhugs par kha bskang ngo / /gtso bo bskyed pa bsnyen pa/ 'khor bskyed pa nye bsnyen no/ /sgrub pa lus kyi dkyil 'khor ni khams dang skye mched dang phung po dang sku gsung thugs ni rnam bsgom pa ni sngar bshad pa bzhin du sku mdog dang phyag mtshan shes par bya'o//snying gar hUM las thugs kyi 'khor lo/ /lkog mar AHlas gsung gi 'khor lo/ /spyi bor oM las sku'i 'khor lo/ /nu ma gnyis su he las ye shes kyi 'khor lo/ /lte bar khaM las dam tshig gi 'khor lo//gtso bo'i lus kyi nang du 'khor lo lnga bsgoms la/ 'khor lha mo bcu gnyis thams cad la yang phung po dang khams dang skye mched dang sku gsung thugs byin gyis brlabs pa'i 'khor lor rnam par bsgom mo/ /sgrub pa chen po ni bcom ldan 'das la chags pa'i yum rdo rje phag mo dang rjes su chags pa'i lha mo bcu gnyis dang bcas pa'i ye shes kyi 'khor lo sngar bshad pa'i sngags dang phyag rgyas spyan drangs la/de bltas nas phyag bya/ rkang pa brgyad pas mchod/ dba' bo dang dpa' mo'i sngags kyis bstod la/ thugs ka nas lha mo byung nas bum pa dang gsang ba dang shes rab ye shes kyi dbang bskur/rjes su chags pa lha mo bcu gnyis dang bcas pa'i gtso bo'i sbyor bas dam tshig sems dpa' la bzhugs nas ro gcig par bsgom mo/ /stong gsum gyi dngos po'i ngo bo lha'i 'khor lor rnam par bsgom pas thun bzhir spro ba dang bsdu ba'i sbyor ba byas te ye shes kyi bzlas pa bsgom mo//dam tshig gi mchod pa thod pa bzhi las bdud rtsi myang ba'i sbyor bas lha mo rnams tshim par byas nas/ ngag gi bzlas pa stong gsum lha'i 'khor lo cho ga bsgoms la bzlas pa bya'o/ /sngags ni go sla'o//spro ba dang bsdu ba'i sbyor bas dam tshig gi sdom pa lha bcu bzhi'i bsgom pa dang bzlas pa bya'o/ /sngags kyi yi ge gang dgod ce na/ 'di ni rnal 'byor ma'i rgyud thams cad kyi man ngag ste/ snying gar dbyangs yig bcu drug las zla ba'i dkyil 'khor bskyed la/ de'i steng du dpa' bo dang yum gyi sngags dang lha mo rnams kyi sngags zhi ba la dkar po//rgyas pa la ser po/ dbang la dmar po/ mngon spyod la nag po byas nas bzlas pa bya'o/ /de nas bstod pa dang mchod pa dang gtor ma bya ba kha bskang ngo / /bsgom pas dub na langs pa'i tshe dpa' bo dang dpa' mo'i go chas bsrung /stong gsum gyi snod bcud kyi dngos po thams cad rang dang mnyam pa'i lha'i rang bzhin du bsams nas/ 'dod pa'i yon tan lnga'i chos thams cad kyi rang bzhin ro gcig pa'i mnyam pa nyid du mchod nas gnas par bya'o/ /kha zas za ba'i tshe ye shes lnga'i rang bzhin du byin gyis brlabs nas nang gi sbyin sreg bya'o//thun bzhi'am dus bzhi'am dus gsum du ji tsam nus pa'i tshogs kyi 'khor lo byas nas dam tshig bsrung ba'o/ /'di ni gsang ba'i mchog yin pas su la yang mi bstan to/ /'di skad ston te/ sngon du 'gro ba lnga dang / dngos gzhi ting nge 'dzin gsum dang /rjes rnal 'byor brgyad dang / thun mtshams kyi rnal 'byor bcu gnyis te/ sgrub pa'i thabs zhib mo rnam par 'thag pa bzhi bcu rtsa brgyad bsgom par bya'o/ /le'u bdun pa'i 'grel pa'o// //de ltar dam tshig gi 'khor lo bshad nas ye shes kyi 'khor lo bshad par bzhed pas de nas zhes bya ba gsungs te/gdul bya ye shes kyi 'khor lo la dga' ba'i ngor cho ga gzhan gyi rim pa bshad par bya zhes gsungs so/ /tshad med pa'i rnal 'byor dang / byin gyis brlab pa'i rnal 'byor dang / srung ba'i rnal 'byor dang / tshogs sogs pa'i rnal 'byor dang / stong pa nyid kyi rnal 'byor dang /'byung ba bzhi ri rab dang sna tshogs rdo rje dang / gzhal yas khang bskyed pa'i rjes la de nas zhes bya ba gsungs te/ de'i dbus su 'khor lo gsum spangs pa'i pad+ma 'dab ma brgyad pa/ shar sngo ba/ lho ser ba/ nub dmar ba/ byang ljang bas na/ sna tshogs 'dab ma yid 'ong ba//zhes bya ba ste mtshams ni phyed gzugs so/ /de'i steng du zla ba dang nyi ma'i dkyil 'khor/ de'i dbus su shes rab sna tshogs kyi pad+ma de'i lte bar gsum pa sna tshogs rdo rje/ de'i steng du bzhi pa nyi ma'i dkyil 'khor/ rim pa bzhi'i gdan gyi steng du A li ka lI'i nyi zla kha sbyor/ de'i dbus su yig 'bru dang phyag mtshan/ de nas 'od zer spro bsdu mngon par byang chub pa lnga pa las rdo rje sems dpa' phyogs bcu'i sangs rgyas zhal du zhugs nas mkha' gsang gi gnas nas lha mo bzhi bskyed nas rgyu'i he ru ka zhu ba la lha mo bzhi'i glus bskul ba ni/ ho srid pa gsum gyi bde snyed gtso/ /a la la la ho/ /zhes rdo rje mkha' 'gro ma'i glu dang / rgyal ba bde chen pad+ma'i tshogs/ /pad+ma la ni rdo rje rol/ /a la la la ho/ /lA ma'i glu dang / phyogs bcu'i bde gshegs snying po spros/ /kun gyi snying po bdag por mdzod/ /a la la la ho/ / khaN+Da ro ha'i glu dang / srid pa gsum gyi snying po yis/ /bde ba chen po rtogs par mdzod/ /bdag dgyes pa la rol pa mdzod/ /bde chen a la la la ho/ /gzugs can ma'i glus bskul bas/ /thig le de yongs su gyur pa las rnal 'byor bdag nyid zhal lnga pa phyag gnyis pa spyan gsum pa'i he ru kar gyur te/zhal lnga bstan pas gdul bya rlung gi dkyil 'khor la mos pa/ 'byung ba lnga'i rlung gi dkyil 'khor kha dog gcig par ston to/ /phyag bcu gnyis kyis dbang po drug dang yul drug gi rlung 'gegs par ston to/ /spyan gsum gyis dbugs dbyung rngub gsum gyi rlung 'gegs par ston to//zhabs bzhi g.yas g.yon brkyang bas 'og sgo gnyis kyi dbugs 'byung 'jug 'gegs par ston to/ /'jigs byed dus mtshan mnan pas 'dod pa'i khams kyi rlung 'gegs pa ston to/ /stag gi pags pa gos su mnabs pas lte ba'i rlung drug cu rtsa bzhi 'gegs par ston to//thod pa'i phreng bas brgyan pas spyi bo'i rtsa sum cu rtsa gnyis kyi rlung 'gegs par ston to/ /zla ba tshes pas a na ya'i rlung ston to/ /sna tshogs rdo rjes spyi gtsug dzA lan+d+ha ra'i rlung ston to/ /sgeg pa la sogs pa'i nyams dgus 'byung ba bzhi dang bdud rtsi lnga'i rlung 'gegs par ston to//mi mgo'i do shal lnga bcus ra sa nA dang la la nA'i rlung 'gegs par ston to/ /phyag rgya drug gis dbang po drug gi rlung 'gegs par ston to/ /thod pa dang dril bus yum la 'khyud pa'i phyag rgyas gzugs kyi gzung 'dzin 'gegs so/ /'jigs byed kyi pags pas bsnams pa gnyis kyis rna ba dang sgra'i gzung 'dzin 'gegs so//rdo rje dang kha T+wAM gas sna dang dri'i gzung 'dzin 'gegs so/ /mdung rtse lnga dang zhags pas lce dang ro'i gzung 'dzin 'gegs so/ /dgra sta dang gri gug gis lus dang reg bya'i gzung 'dzin 'gegs so//cang te'u dang drag po'i mgo bos yid dang chos kyi gzung 'dzin 'gegs so/ /de'i bcom ldan 'das yum phag mo'i sku mdog dang phyag mtshan go sla bas ma bshad do/ /bcom ldan 'das ni skye bo 'dod chags can gyi don du chos kyi dbyings kyi yum dang 'khyud pa ni thugs rdo rje chags pas rnam par rol pa'o//spyi gtsug na rdo rje sems dpa'i dbu rgyan can dpal he ru ka ni/ zhal dang po sngo skya g.yas ser ba rgyab dmar ba g.yon ljang ba steng dkar ba'o/ /mdun ma khro ba g.yas pa bzhad pa rgyab sgeg pa g.yon rngam pa steng zhi ba dang ldan pa'o/ /gtso bo la phung po dang khams dang skye mched byin gyis brlabs par bsgoms/'khor la yang phyis bsgom par bya'o/ /shar gyi 'dab mar mkha' 'gro ma dang / byang du lA ma dang / nub tu dum skyes ma dang / lhor gzugs can ma zhal gcig phyag bzhi pa khro mo drag po'i gzugs can dgod pa dang / mtshams bzhir bum pa'i steng du thod pa gzhag par bya ba ni rgyud na gsal bas ma bshad do//gtso bo bskyed pa bsnyen pa/ 'khor bskyed pa nye bsnyen/ lus kyi 'khor lo bskyed pa sgrub pa byas nas sgrub pa chen po ni sngags dang phyag rgya dang ting nge 'dzin gyis ye shes sems dpa' bkug nas/ phyag bya ba dang bstod pa dang dbang bskur bar bsams nas bzhugs par bya'o//dpral bar oM lkog mar AHsnying gar hUM gsum las 'khor lo gsum bsgoms la/ nu ma'i bar du he las ye shes kyi 'khor lo bsgoms te dbugs 'byung rngub dang sbyar nas gsang sngags yid kyis bzlas pa bya ste sngags ni go sla'o//lus kyi 'khor lo las khro bo'i sprul pa spros pas khams gsum gyi 'gro ba 'khor lo gsum gyi lhar rdzogs par byas nas spro ba dang bsdu ba'i bsgom pa dang bzlas pa bya'o/ /khams gsum ma lus pa kun sku gsung thugs kyi lhar bskyed nas ci bde bar bdud rtsi myang ba dang /mchod pa dang / bstod pa dang / gtor ma gtang ba ji ltar bde bar byas la/ bsgoms pa las ldang ba'i dus su dpa' bo dang dpa' mo'i go cha gnyis bskon nas bsrung bar bya'o/ /de nas srid pa dang zhi ba'i dngos po thams cad snying gar zla ba'i dkyil 'khor gyi steng du yab yum gyi snying po dang /nye ba'i snying po dang lha mo rnams kyi sngags bkod pa la/ dbyibs lha'i 'khor lo bsdu ba dang / de nas sngags kyang byang chub kyi phyogs kyi chos sems la bsdu bar bya'o/ /sgrub thabs thams cad kyi lugs kyis sprul pa'i 'khor lo lus kyi dkyil 'khor sems kyi 'khor lo la bsdu ba ni/sngags dang dbyibs dang chos bdag nyid/ /ces bya ba ste/ de thams cad du shes pas bsgom pa'i rnal 'byor gyis spyod lam rnam pa bzhi la ji ltar bde bar gnas par bya'o/ /de'i don 'di skad ston pa yin te/ sngon du 'gro ba'i rnal 'byor lnga dang /dngos gzhi ting nge 'dzin rnam pa gsum dang / rjes brgyad dang / thun mtshams kyi cho ga bcu gnyis te/ sgrub pa'i thabs zhib mo rnam par 'thag par rnam pa bzhi bcu rtsa brgyad kyis sgrub pa'i thabs bsgom par bya'o/ /dman pa dbyibs bskyed rim/ zab pa sngags rdzogs rim/ thabs rtsa rlung gi de kho na/ mthar thug de kho na chos thams cad las byung ba ye shes kyi rim pa phyag rgya chen po don gyi gnas lugs so/ /le'u brgyad pa'i 'grel pa'o// //de ltar mngal skyes kyi 'khor lo lnga bshad nas/ sgong skyes ston par bzhed pas byed pa mjug thogs kyi de nas zhes bya ba gsungs so//gdul bya sgong skyes la dga' ba'i ngor de nas gzhan yang bshad par bya'o/ /de nas zhes bya ba tshad med pa dang / byin gyis brlab pa dang / srung ba dang / tshogs sogs pa dang / stong pa nyid dang lnga sngon du 'gro ba dang / 'byung ba bzhi ri rab dang / sna tshogs rdo rje gzhal yas khang dang bdun bskyed pa'i rjes thogs la/de nas gzhan yang bshad bya ba ni brten pa lha'i dang po sbyor ba bsgom pa'o/ /dpa' bo gcig pas sgong skyes kyi tshogs ni/ gzhal yas khang gi dbus su 'khor lo'i ngo skal du rlung dang me'i dkyil 'khor bsams la/ de'i steng du ye shes kyi 'khor lo'i sna tshogs pad+ma/de'i lte bar nyi ma'i dkyil 'khor gyi gdan/ de'i steng du thong pa ye shes lnga'i bdud rtsis gang ba'i phyed tshal/ de'i steng du A li lugs 'byung bcu drug dang / lugs bzlog bcu drug dang sum cu rtsa gnyis/ gsal byed sum cu rtsa bzhi dang / lce rtsa las byung ba'i yi ge gnyis dang /phus 'debs pa'i yi ge gnyis dang / tsheg drag las byung ba'i yi ge gnyis te/ yi ge drug gis bsnan pas gsal byed bzhi bcu lugs 'byung dang lugs bzlog gnyis kyis brgyad cu/ dbyangs yig sum cu rtsa gnyis las mtshan sum cu rtsa gnyis kyi zla ba/ gsal byed brgyad cu tham pa las dpe byad bzang po brgyad cu nyi ma/ nyi zla kha sbyor gyi sgo nga hUM gi khong par baM bcug pa'i byi'u phrug /'od zer spro bsdu/ rdo rje sems dpa'i sbyor bas dgyes pa'i hUM las 'byung ba/ sgo nga bcag nas byi'u phrug tshar pa lta bu sgong skyes kyi dpal he ru ka rang snang ba'i lha mo dang /thugs rje'i chags pas rnam par rol pa'i bdag nyid bsgom par bya'o/ /de yang ye shes bzhi'i zhal bzhi pa/ rten 'brel yan lag bcu gnyis dag pa'i phyag bcu gnyis pa/ snying rje dang shes rab kyis g.yas brkyang bas bzhugs pa/ tshad med pa bzhi'i mche ba gtsigs pa/ rnam thar sgo gsum gyi spyan gsum/ mi dmigs pa'i thugs rjes zhal rnam par 'gyur ba/ sangs rgyas lnga'i thod pa'i phreng ba can/ pha rol tu phyin pa drug phyag rgya drug gis dpa' bo'i lus la rgyas btab pa/ 'khor ba dang mya ngan las 'das pa 'joms pa'i 'jigs byed dus mtshan mnan pas/sgrib pa spangs pa'i stag lpags bsnams pa/ chos nyid kyi phag mo la phyag gis 'khyud pa/ phyag mtshan lhag ma ni go sla bsam bshad do/ /zhal mdun ma sngo ba/ g.yas ser ba/ rgyab dmar ba/ g.yon ljang ba/ mdun ma sgeg pa/ g.yas drag pa/ rgyab dgod pa/ g.yon ljags bskyod pa'o//de'i mdun du A li kA li'i sgo nga las byung ba'i bcom ldan 'das/ yum ye shes bzhi'i zhal bzhi pa/ tshad med pa bzhi'i phyag bzhi pa/ rnam thar gsum gyi spyan gsum pa/ nyon mongs pa las grol ba'i dbu skra grol ba/ 'jig rten gyi chos brgyad spangs pas gcer bu/gcig dang du ma bral ba mtshon pas dum bu'i ska rags can/ phyag g.yon pa'i thod pa bdud rtsi lngas gang bas 'chi bdag gi bdud 'joms pa/ g.yas kyi gri gug gis nyon mongs pa'i bdud 'joms pa/ g.yas pa'i cang te'us lha'i bu'i bdud 'joms pa/ g.yon pa kha T+wAM gas phung po'i bdud 'joms pa/ ba spu'i bu gnas bskal pa'i me'i gzi brjid can/ zhal nas 'od zer dmar po khrag 'dzag pa lta bu 'phro ba/ 'dus ma byas kyi byin pa gnyis kyis thabs kyi ye shes la 'khyud pa bde ba chen po'i bdag nyid can no/ /zhal mdun ma dmar ba/ g.yon pa ljang gu/ /rgyab ser ba/ g.yas sngo ba/ bcom ldan 'das kyi sku mdog ci 'dra bar phyag bzhi sngon po/ phyag bzhi ser po/ g.yon pa'i phyag bzhi dmar po/ yang bzhi ljang khu/ sprul pa'i sku'i sems kyis bris nas bsgom mo/ /bsnyen pa'o/ /rnal 'byor pa 'di nyid kyi lus la gnas nyi shu rtsa bzhi la lha dgod pa ni/nang gi rnal 'byor zhes bya'o/ /ji ltar bsgom zhe na/ pul+li mgo bor nyi ma'i dkyil 'khor gyi dbus su thod pa'i dum bu dang rab tu gtum ma sngon mo/ dpa' bo rdo rje dang dril bu/ dpa' mo gri gug dang ka pA la bsnams pas 'khyud pa bsam mo//yi ge dzA las spyi gtsug nyi ma'i dkyil 'khor keng rus chen mo dang gtum mig ma sngon mo/ dpa' bo rdo rje dang dril bu/ dpa' mo gri gug dang ka pA la bsnams pa'o/ /yi ge o las rna ba g.yas par nyi ma'i dkyil 'khor gyi dbus su keng rus chen po dang 'od ldan ma sngon mo/ dpa' bo rdo rje dang dril bu/dpa' mo gri gug dang ka pA la/ a las ltag par nyi ma'i dkyil 'khor la mche ba rnam par gtsigs pa dang sna chen ma sngon mo/ dpa' bo rdo rje dang dril bu/ dpa' mo gri gug dang ka pA la bsnams pa'o/ /gnas ni sngon 'dzam bu'i gling lha btul ba'i ming gis btags te sa rab tu dga' ba'i snang ba'o//de bzhin du go las rna ba g.yon par nyi ma'i dkyil 'khor gyi dbus su dpa' bo dang dpa' mo snga ma bzhin no/ /ra las smin ma'i dbus nyi ma'i dkyil 'khor gyi dbus su/ de las mig gnyis su nyi ma'i dkyil 'khor/ ma las phrag pa gnyis su nyi ma'i dkyil 'khor/dpa' bo dang dpa' mo sku mdog dang phyag mtshan ni snga ma bzhin no/ /nye ba'i gnas ni sngon dri za btul ba'i ming gis btags te sa gnyis pa'i snang ba dang / thugs kyi 'khor lo 'dul byed/ mkha' la spyod pa ni gdul bya lha btul ba dang lha dang dri za btul ba'i ming gis btags/ ka las mchan khung gnyis su nyi ma'i dkyil 'khor la myu gu can dang sa srung ma la sogs pa'i dpa' bo dang dpa' mo thams cad dmar mo/ dpa' bo pad+ma dang dril bu bsnams pas 'khyud pa/ dpa' mo gri gug dang ka pA la/ oM las nu ma gnyis su nyi ma'i dkyil 'khor la dpa' bo dang dpa' mo snga ma bzhin no//zhing ni sa gsum pa'i snang ba'o/ /tri las lte bar nyi ma'i dkyil 'khor ro/ /ko las sna rtser nyi ma'i dkyil 'khor dpa' bo dang dpa' mo snga ma bzhin no/ /nye ba'i zhing gi sa lnga pa'i snang ba'o/ /ka las lce la nyi ma'i dkyil 'khor/ la las mgrin par nyi ma'i dkyil 'khor tshan+do ha sa lnga pa'i snang ba'o//ka las snying gar nyi ma'i dkyil 'khor/ hi las rgyu zhabs su nyi ma'i dkyil 'khor/ nye ba'i tshan+do ha sa drug pa'i snang ba'o/ /gsung gi 'khor lo 'dul byed sa la spyod pa gnod sbyin dang srin po btul ba'o/ /pre las mtshan ma la nyi ma'i dkyil 'khor dpa' bo stobs po che dang /'khor lo'i shugs can dkar po/ dpa' bo 'khor lo dang dril bu bsnams pa/ dpa' mo gri gug dang ka pA las 'khyud pa'o/ /gr-i las bshang sgor nyi ma'i dkyil 'khor/ dpa' bo dang dpa' mo snga ma bzhin no/ /'dus pa can sa bdun pa'i snang ba'o/ /so las brla gnyis su nyi ma'i dkyil 'khor/su las byin pa gnyis su nyi ma'i dkyil 'khor/ dpa' bo dang dpa' mo snga ma bzhin no/ /nye ba'i 'dus pas brgyad pa'i snang ba'o/ /na las rkang pa'i sor mo kun la nyi ma'i dkyil 'khor/ si las rkang pa'i bol gnyis su nyi ma'i dkyil 'khor dur khrod sa dgu pa'i snang ba'o//ma las rkang pa'i mthe bo gnyis la nyi ma'i dkyil 'khor/ ku las pus mo gnyis su nyi ma'i dkyil 'khor/ dpa' bo dang dpa' mo dkar mo/ dpa' bo 'khor lo dang dril bu bsnams pa/ dpa' mo gri gug dang ka pA la bsnams pas 'khyud pa/ nye ba'i dur khrod ni sa bcu pa'i snang ba'o//sku'i 'khor lo ni 'dul byed/ sa 'og na gnas pa'i klu dang lha ma yin gdul bya'o/ /mkha' 'gro ma la sogs pa lha mo bcu gnyis thams cad kyang / gri gug dang ka pA la bsnams pa g.yas brkyang pa'i gnas pas bzhugs pa sku mdog snga ma bzhin no//gnas ni rgyud na gsal lo/ /bum pa dang byang chub kyi sems thod pa ni smin mtshams kyi mdzod spu'o/ /nye bsnyen no/ /laM las snying gar sa'i dkyil 'khor la ltung byed ma gri gug dang kA pa la bsnams pa ser mo/ maM las lto ba chu'i dkyil 'khor la gsod byed ma gri gug dang ka pA la bsnams pa/baM las lte ba me'i dkyil 'khor la 'gugs byed ma dmar mo gri gug dang ka pA la bsnams pa/ haM las rlung gi dkyil 'khor gsang ba'i gnas su gar gyi dbang phyug ma gri gug dang ka pA la bsnams pa ljang khu/ khaM las mgo bo nam mkha'i dkyil 'khor la pad+ma'i dra ba can gri gug dang ka pA la bsnams pa sngon mo//phung po lnga dang dbang po drug ni snga ma bzhin no/ /snying gar hUM las yid mi 'khrugs pa thugs kyi 'khor lo/ ngag gi AHlas lkog mar tshe dpag med gsung gi 'khor lo/ /lus ni spyi bor oM las rnam par snang mdzad sku'i 'khor lo sgrub pa'o//oM ha las snying gar rdo rje sems dpa' rdo rje dang dril bu bsnams pa dkar po'o/ /rnam par snang mdzad 'khor lo dang dril bu bsnams pa ser po/ /gar gyi dbang phyug pad+ma dang dril bu bsnams pa dmar po/ /he ru ka rdo rje dang dril bu bsnams pa mthing ga /nyi ma rin po che dang dril bu bsnams pa ser po/rta mchog sna tshogs rdo rje dang dril bu bsnams pa ljang gu/ phag mo la sogs pa lha mo drug ni thams cad kyang gri gug dang ka pA la bsnams pas g.yas brkyang pa'o/ /phag mo dmar mo/ /gshin rje ma ser mo/ /rmongs byed ma dkar mo/ /skyod byed ma sngon mo//skrag byed ma du ba'i mdog can/ tsaN+Di ka dmar mo/ /de ltar go cha bskon nas/ ye shes sems dpa' spyan drangs pa'i phyag rgya ni go sla'o/ /rkang pa g.yon pas g.yas pa mnan pa'i phyag rgya dang / mig gyen du blta ba dang / nag phaiM gyi sgra sgrogs pa ste bzhi dang / snying ga'i pad+ma dang zla ba'i hUM las 'od zer 'phros pa'i ting nge 'dzin gyis phyogs bcu'i 'jig rten gyi khams kyi ye shes sems dpa'i 'khor lo bcu byon pa la/phyag 'tshal ba dang / bstod pa dang / mchod pa byas nas 'od zer lcags kyu lta bus dgug pa dang / zhags pas gtso po 'khor la gzhug pa dang /lcags sgrog gis tha mi dad par bcing ba dang / dril bus dam tshig sems dpa' dang tha mi dad par dbang du bya'o/ /yang snga ma bzhin du lus ngag yid gsum gyi phyag rgyas dpa' bo dang rnal 'byor mas bskor ba'i dbang bskur ba'i 'khor lo lnga nam mkha'i dbyings su rnam snang dkar po//rin chen 'byung ldan gyi 'khor lo ser po/ /mi bskyod pa'i 'khor lo mthing ga /snang ba mtha' yas kyi 'khor lo dmar po/ /don yod grub pa'i 'khor lo ljang gus gang bar bltas la/ sangs rgyas spyan dang / mA ma kI dang / kun du bzang mo dang / gos dkar mo dang / sgrol ma'i lha mo lnga thugs ka nas phyung nas bdud rtsi lngas yongs su gang ba'i bum pa dang / thod pas spyi bo nas rkang pa'i bar du rdo rje'i rdul phra rab kyi chus dri ma bkrus nas dbang bskur bar bsam mo/ /dbang bskur ba'i tshigs bcad ni go sla'o/ /oM sarba ta thA ga ta a b+hi She ka hUM zhes pa ni/chu'i dbang bskur ba'i sngags te/ rtags ni rdo rje rtse lnga pa'o/ /sa ma ya hUM zhes pas yab yum lnga'i mkha' gsang nas byang chub sems kha dog dkar dmar lce la bab pas sgyu mar rtogs pa'i dbang bskur ba dang / dbang rtags ni lkog mar tshangs pa'i gsung dbyangs dang / smin mtshams kyi mdzod spu 'bur ba'o//shrI ye hUM zhes bya bas shes rab ye shes kyi sngags te/ lha mo lnga dang rang gi lha mo la zhugs pas mdoms kyi sba ba sbubs su nub pa dang / spyi gtsug gyen du 'bur ba ste rtags so/ /de nas bdud rtsi myang bar bya ste/ 'og tu yaM las rlung gi dkyil 'khor ba dan gyis mtshan pa/raM las me'i dkyil 'khor gru gsum me 'od kyis mtshan pa/ a las byung ba'i ka pA la rgya che ba bsams la/ de'i nang du dbus su mu dang hUM las bai DUr+ya lta bu'i gong bu/ shar du bi dang b+h+rUM las shel lta bu'i gong bu/ lho ru ra dang oM las gser btsom lta bu'i gong bu/ nub tu shu dang dzrAM las pad+ma rA ga lta bu'i gong bu/byang du ma dang khaM las margata lta bu'i gong bu/ de'i steng du dbyangs yig bcu drug las zla ba'i dkyil 'khor/ de'i steng du hUM/ 'og tu oM/ zla ba'i dbus su AHsa byin gyis brlabs pa la/ oM las sku'i 'khor lo brgyad spro bsdus zhu ba dang /AHbas gsung gi 'khor lo bskyed nas zhu ba dang / hUM las thugs kyi 'khor lo bskyed nas zhu bar bsgom par bya'o/ /oM AHhUM gsum las 'od zer 'phros pas 'khor lo gsum gyi lhar bskyed pa mgron du bya'o zhes rin chen rdo rje dang gu Na kI rti dang / dI paM ka ra dz+nyA na rnams mgron yin par bzhed do//oM sa ma ya shud+d+ha zhes bya ba'i sngags kyis sku gsum 'khor lo chos thams cad ro gcig par mnyam par gnas par bsam mo/ /ye shes kyi bdud rtsi lha thams cad kyis gsol ba'i tshe/ oM badzra amr-i ta u da ka hUM/ ThaHThaHtraM a khaM hUM zhes brjod pas 'thung bar bsam mo//de nas bsgom par bya ste/ ye shes kyi bzlas pa spro bsdu bsgom pa dang / dung chen gyi phreng ba blangs nas lha de rnams la ngag gi bzlas pa bya ba dang / rang gi srog rtsol zhes bya ba dbugs 'byung rngub bkag nas gtum mo drod spar nas dga' ba bzhi'i ting nge 'dzin bsgom pa'i rjes la bzlas pa bya'o//snying po dang nye snying gi sngags ni go sla'o/ /de nas skyo bar ma gyur na yang sems kyi 'khor lo bsgoms la bzlas pa bya'o/ /byang chub kyi phyogs bsgom pa ni/ dpa' bo nyi shu rtsa lnga sgyu ma lta bu/ dpa' mo sum cu rtsa bdun sems kyi stong pa nyid bsgom par bya ste/lus kyi stong pa nyid shes pa ni mkha' 'gro mar snang ngo / /tshor ba'i stong pa nyid shes pa dang dran pa ni lA mar snang ngo / /chos kyi phung po dang khams kyi stong pa nyid shes pa dran pa nye bar gzhag nas bsgom pa ni dum skyes mar snang ngo / /sems kyi stong nyid shes pa ni gzugs can mar snang ngo //ye shes kyi pad+ma don dam pa'i bden pa'i rnam dag go/ /thugs kyi 'khor lo bdun pas grogs byas pa'i ting nge 'dzin mthar phyin pa'i rdzu 'phrul gyi rkang pa shar phyogs kyi rab gtum mar snang ngo / /brtson 'grus kyis grogs byas pa'i rdzu 'phrul gyi stong pa nyid ni byang phyogs kyi gtum mig mar snang ngo //spyod pa'i shes rab kyis grogs byas pa'i rdzu 'phrul gyi stong nyid nub phyogs kyi 'od ldan mar snang ngo / /sems kyis grogs byas pa'i rdzu 'phrul gyi stong nyid lho phyogs kyi sna chen mar snang ngo / /gnas kyi dang po lha mo rnam dag go/ /dad pas ma dad pa spangs nas rang gi rigs 'dra'i dbang po'i chos nyid ni shar lho'i brtan pa'i blo gros mar snang ngo //brtson 'grus kyi dbang po'i stong pa nyid lho nub kyi mi thub mar snang ngo / /dran pa'i dbang po'i chos nyid nub byang gi lang ka'i dbang phyug mar snang ngo / /ting nge 'dzin gyi dbang po'i chos nyid shing grib mar snang ste sgyu ma lta bu brgyad ni dpa' bor snang ngo //lus kyi gnas brgyad kyi lha'i rnam par dag par ston to/ /gsung gi 'khor lo'i shes rab kyi dbang po'i stong nyid shar phyogs kyi srung mar snang ngo / /dad pa'i stobs kyi stong nyid byang phyogs kyi 'jigs byed chen mor snang ngo / /brtson 'grus kyi stobs kyi stong nyid nub phyogs kyi rlung gi shugs can mar snang ngo //dran pa'i stobs kyi stong nyid ni lho phyogs kyi chang 'thung mar snang ngo / /ting nge 'dzin gyi stobs kyi chos nyid shar lho'i sngo bsangs mar snang ngo / /shes rab kyi stobs kyi chos nyid lho nub kyi shin tu bzang mor snang ngo / /ting nge 'dzin yang dag par 'dus ma byas pa byang chub sa dang po'i yan lag grogs nub byang gi rta rna mar snang ngo //brtson 'grus yang dag byang chub kyi yan lag ni byang shar gyi bya gdong mar snang ngo / /sgyu ma lta bu brgyad ni dpa' bar snang ngo / /gsung gi 'khor lo lus la dgod pa'i rnam par dag pa'o//sku'i 'khor lo'i dga' ba yang dag byang chub kyi yan lag ni shar gyi 'khor lo'i shugs can mar snang ngo / /shin tu sbyangs pa yang dag byang chub kyi yan lag ni byang gi dum skyes mar snang ngo / /chos yang dag par 'byed pa ni nub kyi kos rings mar snang ngo / /dran pa yang dag byang chub kyi yan lag ni lho'i 'khor lo'i go cha mar snang ngo //btang snyoms yang dag byang chub kyi yan lag ni/ shar lho'i shin tu dpa' mor snang ngo / /yang dag pa'i stong nyid kyi lta ba ni lho nub kyi stobs chen mar snang ngo / /yang dag pa'i rtog pa ni nub byang gi 'khor los sgyur mar snang ngo //yang dag pa'i ngag ni byang shar gyi brtson 'grus chen por snang ngo / /sgyu ma lta bu brgyad ni dpa' bor snang ngo / /sku'i 'khor lo'i lus kyi dkyil 'khor gyi rnam par dag pa'o/ /yang dag pa'i las kyi mtha' la sogs pa bzhi ni phyag g.yas pa bzhi lha mo'i stong pa nyid ston to//yang dag pa'i ting nge 'dzin ni dpal he ru ka nyid du snang ngo / /chos kyi dbyings ni yum rdo rje phag mor snang ngo / /yang dag par spong ba bzhi ni phyag g.yon pa bzhi'i lha mo'i rnam dag ston to/ /lus kyi rnam dag bstan pas sprul pa'i dkyil 'khor gyi rnam dag shugs la go ba yin no//de ltar ma lus par bsgoms nas/ sgrub pa pos ni nges par 'grub/ /ces pa ni sgong skyes kyi he ru lus kyi dkyil 'khor bsgoms pas dngos grub gsum nges par 'grub par 'gyur ro/ /le'u 'di la don gsum yod pa'i dang po bstan pa yin no/ /don gnyis pa mngal skyes lnga bsgom pa yang rung ste/sems can gyi don du rnal 'byor pas spros nas bdag nyid dang mnyam pa'i lha'i dam tshig spro bsdu bsgom pa ni mchog yin no/ /de ji ltar bsgom zhe na/ sngar gyi mngal skyes kyi 'khor lo lnga so sor cho ga'i dbye bas bsgom pa'i tshe/ shar la sogs pa'i phyogs bcur bla na med pa'i mngal skyes kyi 'khor lo lnga so sor dbye bas spro ba'i tshe/lha so so'i dbye bas phye nas lha re re gtsor byas pa'i dkyil 'khor du 'gyur la/ des sprul pa'i 'khor lo so so'i dbye bar gtso bor byas nas/ yang 'khor lo spros la thug med kyi 'khor lor 'gyur ro/ / sangs rgyas mnyam sbyor las kyang / de la sogs pa mtha' yas mchog /nam mkha'i khams kyi mthas klas pa/ /zhes bya ba 'di yin no/ /spro bsdu bsgom pa'i pha rgyud dang ma rgyud kyi man ngag thams cad rtsa ba'i rgyud 'di ma gtogs pa gzhan bshad pa'i rgyud gang na yang gsal ba med do//snga mas sprul pa'i 'khor lo phyi mas gtso bo byas pa/ yang phyi mas gtso bo byas pa/ des sprul pa'i 'khor lo la yang phyi mas 'khor byas la thug med ces bya'o/ /de'i rgyas bshad ni/ dpa' bo he ru kas gtso bo byas nas bskor ba de bzhin du lha mos gtso bo byas pa yang thug pa med par 'gyur ro//sku'i sangs rgyas kyi mkha' 'gros gtso bo byas pa la sku'i dkyil 'khor zhes ming brdar btags so/ /b+ha ga'i dbus su rnam par bsgom/ /zhes pa ni chos kyi dbyings gzhal yas khang dang bcas pa bsgom mo/ /de bzhin du gsum ka'i rnal 'byor la yang gang gtso bo byas pa de'i ming gis btags so//dbus ma mkha' 'gro ma lngas gtso bo byas na b+ha ga'i dbus su dkyil 'khor dang bcas pa lngar 'gyur ro/ /pad+ma'i mkha' 'gros gtso bo byas pa dang / rdo rje mkha' 'gros gtso bo byas pa dang / dam tshig gi mkha' 'gros gtso bo byas pa dang /ye shes mkha' 'gros gtso bo byas pa de bzhin du 'dir yang sku gsung thugs kyi 'khor lo gsum gyis 'khor byas la spro'o/ /spro ba'i tshe thams cad lha drug cu rtsa gnyis gzhal yas khang dang bcas pa bskor bar nges so/ /mngal skyes spro ba bshad nas/ sgong skyes kyi dpa' bo gcig pu yum dang bcas pa b+ha ga'i gzhal yas khang pa'i sna tshogs pad+ma'i dbus su sku gsung thugs yon tan phrin las kyi sgong skyes kyi he ru ka lngas thod pa'i byi'u tshang dang ldan pa yang na sgong skyes kyi rnal 'byor ma lnga dpa' bos snying gar sbas pa bsgom pa dang /dpa' bo lngas kyang rang gi snying gar rnal 'byor ma lngas sbas pa bsgom pa ste/'khor gyi rnal 'byor ma bcu gnyis kyang phyag bzhis mdzes pa/ dpa' bo snying gar sbas nas phyag gnyis kyis 'khyud pa/ phyag gzhan gri gug dang ka pA la sna tshogs kyi mtshan ma dang ldan pa/ thod pa bsnams pa'o/ /dpa' bo ni stong pa nyid shes rab yin la/dpa' bo thabs kyi kun rdzob yin pas dpa' bo mi snang ba dpa' mo'i thug med kyang bsgom mo/ /sgong skyes kyi thug med ni rnal 'byor pa sgom pa po mos pa rim pa bzhin du rnam par bsgom pa ni/ yang na lnga pa 'dus pa drug cu rtsa gnyis kyis bskor ba bsgom pa'am/ yang na sku la skus bskor ba'am/ gsung la gsung gis bskor ba'am/ thugs la thugs kyis bskor ba/ dam tshig la dam tshig gis bskor ba/ 'khor lo so so'i dbye bas phye ba rnal 'byor pa ji ltar bsgom pa mos pa ltar bsgom mo/ /bdag po la sogs dbye ba yis/ / rigs kyi dbye ba rnam par bsgom/ /zhes pa ni lha phos gtso bo byas pa'i thug med bsgom pa'o/ /lha mo'i dbye bas phye ba yis/ /bdag po yang rnam par bsgom pa ni lha mos gtso bo byas pa'o/ /gtso bo gang byed pa'i ming gi dbye bas dkyil 'khor la mkha' 'gro ma'i ming gis gdags so//yang na sku gsung thugs dbye ba'i dbang gis zhes bya ba ni/ re re la lha drug cu rtsa gnyis tshangs pas bskor ba'o/ /de yang so so'i 'khor lo la gtso bo'i dpa' bo dang / rnal 'byor ma'i ming gis gdags so/ /de ltar thug med bshad nas/ mngal skyes dang sgong skyes kyi dbye ba bshad pa ni/mngal skyes glu dang bcas pa/ sgong skyes glu med pa/ rnal 'byor ma kha cig 'dod pas sgong skyes bstan/ glu'i sgra spangs pas brjod bya rjod byed kyi dngos po med pas brjod bya mi gsal/ brjod par bya ba'i don gnyis/ shes pa'i gzung 'dzin dang bral ba ni/ dbye ba mdor bstan to//rgyas bshad ni mngal skyes la glu'i sgras bskul/ rgyu'i he ru ka longs sku las khu ba chos kyi sku'i go 'phang mchog /'bras bu'i he ru ka sprul pa'i sku stong pa dang snying rje'i bdag nyid/ 'dod yon lnga la spyod pa sems can gyi don la bzod pa dang brtson 'grus can gyi sprul sku/mkha' 'gro ma'i glus bskyed pa la/ rnal 'byor ma gzhan gyi mngal skyes kyis mi dmad do/ /glu gang zhe na/ ho srid pa gsum gyi bde bar gshegs pa gtso/ /a la la la ho/ /zhes sngar le'u brgyad par bshad zin/ bstod pa'i rgyal po 'dis pad+ma la gnas pa'i 'khor gyi lha mos bstod pas mngon par byang chub pa lnga las/pad+ma rdo rje'i sbyor ba'i yab yum bzhengs par 'gyur ro/ /des na sku gsum gyi gzhi las bzhengs nas rgyal bas bskyed pa ni/ chags can gyi ngor mngal skyes bshad do/ /sgong skyes kyi rgyas bshad kyis/ rgyu'i he ru ka dang 'bras bu'i he ru ka'i cha shas spangs/sa bon dang phyag mtshan med/ klu spangs rgyu'i he ru ka'i gzugs mi snang / rgyu'i he ru ka'i bde ba dang / chos kyi skur zhu ba las/ chos kyi skur zhu ba'i sdug bsngal med/ bskul bya dang skul byed med/ rgyu 'bras kyi dngos po gnyis med/ rtag pa'i yum thig ler zhu ba med/chos lha'i sku dang / chos ma yin pa thig le las grol/ lha mo chags pa'i sdig pa'i nyes pas mi gos/ gzung 'dzin gnyis las grol ba ni/ sgong skyes kyi yon tan te/ mngal skyes kyi shin du rgyas bshad do/ /ye shes kyi gnyid sad par byed/ 'bras bu'i he ru ka ma rtogs pa rtogs pa'i phyir/sems can gyi don du mngal skyes kyi he ru ka'o/ /glus bskul ba ni lha mo ni sngon gyi su yin zhe na/ bcom ldan 'das kyis sngon gyi gtam rgyud gsungs pa ni/ zhing skyes kyi lha mo dang / gnas skyes kyi lha mo dang / rigs skyes kyi lha mo gsum yin no/ /de yang mthar skyes kyi glu dang lha ma yin mo dang /bar snang spyod pa gsung gi lha mo dang / gnod sbyin ma dang srin mo dang / /mkha' spyod lha dang dri za mo/ /tha ma sku/ bar ma gsung / mchog thugs yin no/ /sa spyod ni gsung sum cu rtsa gsum gyi lha mo ni thugs sa 'og ma ni sku/ gnod sbyin mo dang srin mo ni gsung gi lha mo//klu mo dang lha ma yin mo ni sku'i lha mo/ /mi'am ci mo ni dam tshig gi lha mo/ /dri za mo ni lha'i 'khor nye ba'i gnas kyi mkha' spyod ma thugs so/ /lha mo 'di thams cad bcom ldan 'das kyi tshe na sngon grub pa'i gtam rgyud rnying pa yin no/ /dur khrod kyi lha mo rnams kyang bde bar gshegs pa'i bsam pa can dkon mchog gsum la mngon par dga' ba thams cad phyi'i dkyil 'khor na gnas pa'i lha mos gtso bo mchod pa yin no//mngal skyes kyi shin tu rgyas bshad do/ /le'u 'di'i don gnyis pa bshad nas/ don gsum pa rten gyi dkyil 'khor gtor ma dang bcas pa bshad pa ni/sku'i dkyil 'khor spro ba'i tshe thams cad rlung gi dkyil 'khor la gnas so/ /chu la gsung gnas so/ /me la thugs gnas so/ /dbang chen la dam tshig gnas so/ /dbang chen la ye shes kyi 'khor lo yang gnas so/ /thams cad kyang b+ha ga chos kyi dbyings kyi gzhal yas khang gi dbus su sna tshogs pad+ma bsgom mo//sgong skyes ni nyi ma'i dkyil 'khor gyi dbus su dpa' bo gcig tu bsgom mo/ /skul 'khor lo'i phreng ba/ gsung la pad+ma'i phreng ba/ thugs la rdo rje'i phreng bas bskor ba/ dam tshig la sna tshogs rdo rje'i phreng bas bskor ba/pany+tsa rA ga lnga ro'i gzugs can gyi rtsig pas bskor ba/ de'i phyi rol na dur khrod phyogs mtshams sna tshogs kyi mdog can brgyad la/ shing kha dog sna tshogs brgyad/ shar lhor khyi'i gdod can/ lho nub tu ce sbyang / nub byang du 'jigs pa ro langs kyi/shar du bya rog gi /byang du 'ug pa'i/ nub tu chu skyar/ lhor bya rgod/ byang shar du ce spyang mo'i gdong can no/ /sa gzhi ni shar ro bsregs pa/ nub keng rus can/ nub byang gsal shing la bskyon pa/ byang phyed tshig pa/ byang shar 'gegs pas 'phyad pa/ lhor mgo thod rje ngar lag pa dum bur gyur pa/shar lhor ce spyang gi sgra sgrogs pa/ lho nub tu sprul pa sna tshogs kyis gang bar snang ba/ shar gyi pho nya seng ge / byang gi pho nya phag /nub kyi stag /lho'i ra lug/ shar lho'i glang po che/ lho nub tu khyi/ nub byang dang 'og tu glang / byang shar du rnga mo sna tshogs/ der dpa' bo dang dpa' mo'i bza' ba sna tshogs/chang mang po/ dpa' bo dang rnal 'byor ma tshogs pas tshogs 'khor byed pa/ dpa' bo thod pa dang kha T+wAM ga 'dzin pa/ lha'i rnga gling bu pi wang rdza rnga rnga rings brdung ba/ ro'i mchog ni bza' ba sha sna tshogs dang / reg bya sna tshogs shar sham pa na/ lhor a li ka /nub tu tshu sha le/ byang du mchog dga' dam pa byed pa'o/ /gnas der tshogs 'khor zin nas dur khrod kyi srin po dang ro langs dang / gnod sbyin la sogs pa la rnal 'byor pa he ru ka'i gzugs bsgoms nas/ gtor ma sbyin par bya ste/ cang te'u la sogs pa dkrol nas phyogs kyi gos can/phyag rgya dang mnyam par sbyor ba yi ge hUM phaT kyi sgra 'byin cing / g.yas brkyang pa lag pa phed phed phyag rgya bcings la bdud rtsi lngas kha bskangs nas sngags dang phyag rgyas bsngo bar bya ste/ gtor ma'i cho ga ni go sla'o/ /thun mtshams bzhi ru maM sa bza'/ / zhes bya ba ni langs pa'i kha zas kyi spyod lam mo/ /don gsum pa bshad nas/ sgong skyes bsgom pa la yang / sgrub thabs su byed na sngar bshad pa'i don bzhi bcu rtsa brgyad bsgom par bya'o/ /le'u dgu pa'i 'grel pa'o// //de ltar sgong skyes bshad nas/ 'jam dpal rdo rje la mos pa'i ngor de'i dkyil 'khor 'chad pas/de nas gzhan yang bshad bya ba/ /zhes bya'o/ /dag pa'i gnas kyi cho ga ni sku gsung thugs kyi 'khor lo 'ba' zhig gis bskor ba'o/ /gsang ba mchog ni chos sku'o/ /mkha' 'gro ma'i snying po ni/ gzugs su gnyis ka gzung / sprul pa'i sku'i gsang sngags kun nas phrin las bzhi'o//dngos grub thams cad gsum gsol ba ni mdor bstan to/ /de nas 'khor gyi de bzhin gshegs pa thams cad dang / byang chub sems dpa' rdo rje chen po'i rnal 'byor gyi dbang phyug rnams dang / mngag gzhug pa khro bo bcu dang bcas pa'i sku gsung thugs kyi mkha' 'gro dang mkha' 'gro ma thams cad kyis bcom ldan 'das la phyag 'tshal nas gsol pa/e ma bde ba ni chos kyi sku'o/ /e ma ho bde ba gtso bo ni longs sku'o/ /mkha' 'gro ma'i tshogs ni sprul sku'o/ /sku gsum dang ldan pa'i gsol ba 'debs pa'o/ /sangs rgyas rnal 'byor sku'i 'khor lo/rnal 'byor che/ gsung gi 'khor lo/ rdo rje rnal 'byor che/ thugs kyi 'khor lo ste/ gdul bya 'jig rten gsum bde bar byed pa bstan du gsol zhes brten pa lha la bstod pa dang / rten gyi dkyil 'khor ni shar rdo rje/ lhor rin po che/ nub pad+ma/ byang sna tshogs kyis bskor ba'i rgyu'i rnam snang las 'byung bar bstan par gsol ba 'debs pa'o//lan du tshad med pa'i rnal 'byor dang / byin gyis brlab pa dang / bsrung ba dang / tshogs sogs pa dang / stong pa nyid kyi rnal 'byor bsgoms la/ 'byung ba bzhi'i ri rab sna tshogs rdo rje/ b+h+rUM las rnam snang gi gzhal yas khang de'i dbus su zur bzhi sgo bzhi dang ldan pa'i sku'i 'khor lo nang du zlum po//thugs rtsibs brgyad sngon po rdo rjes bskor ba/ gsung rtsibs brgyad dmar po pad+mas bskor ba/ sgo bzhi dang zur bzhi'i rtsig pa'i rtsar 'khor lo'i phreng bas bskor ba/ phyi rol gyi khyams kyi snam bu la 'dod yon gyi lha mo kha dog dang dbyibs kyi rnam par dbye ba sna tshogs pa/phyi rol gyi rtsig pa yi dags ro'i phreng bas kha dog sna lnga'i mdog can 'dod yon lha mo gar byed gdong dang / lce bskyod nas glu len pa dbus su zla ba la yi ge hUM rgyu'i rdo rje sems dpa' zhal gsum phyag drug spyan gsum rang snang ba'i lha mo dang snyoms par 'jug pa zhal dkar ba sngo ba dmar ba gsum//sku gsung thugs kyi stong nyid las skyes pa/ rdo rje dang dril bu bsam gtan dang shes rab kyis 'khyud pa/ thod pa dang kha T+wAM ga'i bzod pa dang brtson 'grus can/cang te'u dang tshangs pa'i mgo bo tshul khrims dang sbyin pa'i pha rol tu phyin pa'i snang ba'o/ /rgyu'i he ru ka'i lus po la dpa' bo dang dpa' bo nyi shu rtsa bzhi dgod/ phung po dang khams dang skye mched kyi lha dgod/ sku gsung thugs gsum yang rnam par bsgom mo/ /lha mo dang 'khyud pa'i snying ga'i zla ba'i dbus su ho dmar po gnyis kyi dbus su 'jam dpal gyis bon ma bcug la/sngon grub pa'i sangs rgyas lnga dang bcas pa zhal nas thugs kar zhugs pa/ phyag rgya 'dis rgyas btab pa'i de ma thag tu sku gsung thugs kyi dpa' bo dang dpa' mo srid pa bar ma do'i maM las mngal skyes kyi lha skyes par gyur cig /gtso bo la zhal bltas pas chags shing de la gnas so/ /de nas rdo rje sems dpa' yab yum dgyes bzhin du zhu bar gyur to/ /de nas dpa' bo dang rnal 'byor ma de rnams de ma thag tu langs te/ thabs dang shes rab mnyam par sbyor ba las cang te'u'i sgras bskul nas bde ba chen po dgyes pa'i glus bskul lo//de'i rjes la nam mkha'i khams thams cad kyi rdul phra rab dang mnyam pa'i sngon grub pa de bzhin gshegs pa mar me mdzad dang / rnam par gzigs la sogs pa bde mchog gi dpa' bo dang dpa' mo'i gzugs kyis bskor ba byang chub sems dpa'i 'khor lo chen po du ma mkha' 'gro dang mkha' 'gro ma'i tshogs su gyur nas/phyi dang nang gi khams gsum rnam par rgyal ba dang / lha mo gos dkar mo la sogs pa bde mchog gi pho nya dang pho nya mo'i tshogs rgya che bar gyur nas/ blta zhing blta ba dang gar byed cing glus bskul ba ni/e ma'o ngo mtshar rmad kyi chos/ /zhes pa bzhi ni/ mkha' 'gro ma la sogs pa'i yum bzhis so/ /e ma'o kun du bzang po'i don ni bcom ldan 'das la bskul lo/ /e ma'o bde ba yang dag 'dus nas/ /e ma'o pha rol phyin pa'i sa zhes pa'i ba'i bar brgyad ni/thugs kyi 'khor lo brgyad bskul ba'o/ /e ma'o rig pa rjes 'jug pa nas/ e ma'o dga' ba'i gar chen de'i bar du brgyad ni/ gsung gi 'khor lo la bskul ba'o/ /e ma'o shin tu dri med glu/ e ma'o rnal 'byor ma brgyad ni/ e ma'o sgyu 'phrul lta bu nas/ e ma'o ngo mtshar sems can rnams kyi bar ni tshig bskang brgyad sgom dang mtshams ma brgyad kyi glu'o//e ma'o ngo mtshar lha mo ni yum la bstod pa'o/ /glu 'di rnams kyi mgon po la bskul bas/ maM gyi sa bon dang / rdo rje'i mtshan ma las byung ba'i mngon bar byang chub pas bskyed pa 'jam dpal gur gum gyi mdog lta bu rigs drug gi rang bzhin zhal drug pa/pha rol tu phyin pa'i phyag bcu gnyis pa bde mchog gi rtags su phag mos brgyan pa/ yang na skyil krung phyed pa/ yang na g.yas brkyang pas bzhugs pa/ zhal dang phyag mtshan lha rgyud na gsal/ pad+ma'i lte ba la zla ba'i dkyil 'khor gyi dbus su 'jam pa'i rdo rje/mkha' 'gro ma dra ba'i sbyor ba'i bde mchog las 'jam dpal gyi bde mchog yin no/ /bum pa bzhi las ye shes kyi lha mo bzhi bskyed/ thog ma thugs kyi 'khor lo'i rtsibs brgyad du thugs kyi dpa' bo dang / dpa' mo'i sku mdog dang phyag mtshan rgyud las gsal lo//gnyis pa gsung gi 'khor lo'i dpa' bo dang dpa' mo'i sku mdog dang phyag mtshan rgyud na gsal la/ gsum pa sku'i 'khor lo ni zur bzhi dang sgo bzhir dgod de/ sku mdog dang phyag mtshan rgyud na gsal/ thams cad zhal gsum phyag drug pa yin/dpa' bo thams cad zhal gsum phyag drug pa yin no/ /yum rdo rje phag mo ni zhal gcig phyag gnyis snga ma'i cho ga'i rim pa bzhin du bsgom mo/ /dang po sbyor ba dang dkyil 'khor rgyal mchog bshad nas/ las kyi rgyal mchog ni/ ye shes kyi 'khor lo sngags dang phyag rgyas bkug nas/phyag dang mchod pa dang bstod pa byas nas ro gcig par bsgom par bya'o/ /de nas go chas byin gyis brlabs nas dpa' bo dang rnal 'byor ma nyi shu rtsa bzhi lus la dgod/ phung po dang khams dang skye mched kyi lha bskyed/ dpral bar sku'i 'khor lo/ lkog mar gsung gi 'khor lo/snying gar thugs kyi 'khor lo/ /nu ma'i bar du 'jam pa'i rdo rje'i ye shes kyi 'khor lo/ /de'i thugs kar phyag mtshan gyi dam tshig gi ting nge 'dzin sems dpa'/ de nas dbang bskur ba'i lha spyan drangs nas phyag 'tshal mchod bstod de dbang bskur nas rang la thim par bsgom mo//de nas go chab gos la zhes bya ba ni sngar gyi rgyas bshad do/ /mkhas pas ye shes kyi bzlas pa ni spro bsdu bsgom pa'o/ /yang na srog rtsol bsdam pas rdzogs pa'i rim pa bzhi'i tshul gyis bsgoms la bzlas pa bya'o/ /dpral bar oM las sku'i 'khor lo'i spro bsdu dang / lkog mar AHlas gsung gi 'khor lo'i spro bsdu dang / nu ma'i bar gyi maM las ye shes kyi 'jam dpal gyi spro bsdu dang / hUM las thugs kyi 'khor lo'i spro bsdu bya'o/ /ngag gi bzlas pa ni rgyud na gsal bas ma bshad do/ /ngag gi bzlas pa'i tshe dung chen gyi phreng ba dang / thun bzhi ru bsgom bzlas bya'o//gal te grub na bskyar ba'i cho ga ni tshogs kyi 'khor lo'i bdag nyid phyag rgya dang ldan pas sngags pas rtag tu mchod cing / sku gsung thugs kyi dpa' bo dang / rnal 'byor ma bcu gnas rang gi lha'i skur bsgom zhing dkyil 'khor mchog dga' ba bzhis bsgrub par bya'o//de ltar dkyil 'khor gyi lha tshogs kyi 'khor los dngos grub thams cad thob bo/ /'di skad ston to/ sbyor ba lnga dang / dngos gzhi ting nge 'dzin gsum dang / rdzas brgyad dang / thun mtshams kyi cho ga bcu gnyis kyis zhib mo rnam par 'thag pa'i sgrub thabs kyi 'jam pa'i rdo rje bsgom par bya'o//rtsa rgyud las/ le'u bcu pa'i 'grel pa'o// //de ltar 'jam dpa'i rdo rje bshad nas rdo rje sems dpa' la mos pa'i gang zag gi ngor rdo rje sems dpa'i dkyil 'khor bshad par bzhed pas/ de nas gzhan yang bshad bya ba/ /gsungs so/ /rigs kyi dbye bas mchog dam pa ni le'u 'di la rigs drug gi dkyil 'khor yod do//gnas sogs rim pas sbyor ba ni/ dkyil 'khor drug ka la gnas nyi shu rtsa bzhis bskor ro/ /ji ltar bskor zhe na/ phyogs kyi rim pas rnam par dbye/ /zhes pa ni/ phyogs bzhir dpa' bo dang dpa' mo lnga lnga nang du bzhi ste nyi shu rtsa bzhis kun la bskor ba dang /lha mo bcu gnyis sgo dang mtshams kyi phyi rol du bzhag pas rnal 'byor chen po'i dkyil 'khor kun gyi mchog rnal 'byor dbang phyug gi gang zag la dngos grub gsum rab tu ster ro/ /rigs drug ka'i rten gyi gang zag dkyil 'khor rnam par snang mdzad rdo rje'i sku lus las byung ba yin no//de ltar mdor bstan nas rgyas par bshad pa ni/ de nas 'khor gyi de bzhin gshegs pa thams cad dpa' bo dang dpa' mo'i rnal 'byor pas 'khor dang bcas pas 'dug ste bdag po rdo rje 'dzin pa chen po la dga' ba'i mig dang / brkyang bskum gyi gar dang /lag pa gnyis sgeg pa dang bcas pa'i gar bskyod nas mig zur gyis blta bas smin ma g.yo ba dang bcas pas phyag 'tshal nas gsol ba btab pa/ bcom ldan 'das kyi de nyid ni/ /zhes bya ba chos kyi sku sems kyi dkyil 'khor srungs shig pa'o/ /rol pa'i bde ba chen po ni zhes pa nas a la la la ho'i bar gyis longs sku'i sku lus kyi dkyil 'khor srungs shig pa'o//de bzhin gshegs pa thams cad kyi bde ba chen po mchog tu dgyes pa zhes bya bas/ sprul pa'i sku srungs shig pa'o/ /glu 'di blangs pas so/ /srid pa las 'das pa'i de bzhin gshegs pa ye shes sgyu ma'i dkyil 'khor du ston pa yin no//de nas zhus pa'i lan du zhal 'dzum pa dang / spyan rgyas pa dang / smin ma g.yo ba dang bcas pas zag med kyi sku gsung thugs las dkyil 'khor drug gsungs so/ /dang po rdo rje sems dpa'i dkyil 'khor la mos pa'i ngor dkyil 'khor zlum po thugs kyi lha'i gnas rdo rje'i dkyil 'khor dang gnyis pa rnam snang gi zla ba rgyas pa lta bu'i dkyil 'khor rdo rje dgyes chen gyi dkyil 'khor ro//gsum pa mi bskyod pa'i sngo nag 'bar ba sna tshogs pa'i rlung mel brten pa zla ba phyed pa lta bu'i rgyal ba'i rdo rje'i dkyil 'khor dang /bzhi ba ni rin chen 'byung ldan gyi rin chen zur brgyad yid 'ong ba/ nyi ma dang bcas pas rdo rje rin chen gyi dkyil 'khor ro/ /lnga pa snang ba mtha' yas kyi pad+ma 'dab ma brgyad pa kha bye ba lta bu pad+ma'i dkyil 'khor ro/ /drug pa don yod grub pa'i dkyil 'khor gru gsum 'bar ba me'i dkyil 'khor dang 'dra ba las kyi rdo rje'i dkyil 'khor ro//bsgom pa'i tshe phyogs bcur spro ba'i lha drug cu rtsa gnyis re re la yang 'khor gyis bskor nas/ de la sogs pa mtha' yas mchog /dkyil 'khor mchog tu rab brtags na/ /zhes gsungs so/ / rgyud 'bum pa na drug tshang bar bzhed kyang 'dir rdo rje sems dpa' skyob pa'i dkyil 'khor ji lta ba bzhin du sprul nas bstan pa yin no/ /de la sngon du 'gro ba'i rnal 'byor lnga byas nas rten 'byung ba bzhi ri rab sna tshogs rdo rje'i steng du nam mkha'i khams kun du bzang po'i bdag nyid kyi dbus su b+h+rUM las rnam par snang mdzad kyi gzhal yas khang brtsegs ma bsgoms la de'i dbus su sna tshogs pad+ma'i gdan la rdo rje dbyings kyi dkyil 'khor ltar dkyil 'khor tshom bu lnga ji lta bu'i phyogs bzhi dang dbus su dgod do//dbus ma'i dbus su sgong skyes kyi rim pas he ru ka yab yum bsgoms te/sngar bshad pa'i sgong skyes bzhin du zhal lnga phyag bcu gnyis pa spyan gsum pa g.yas brkyang ba'i gnas pas bzhugs pa snga ma dang mthun no/ /de'i shar du pul+li ra ma la yar thod pa'i dum bu dang rab gtum ma/ zhal gsum phyag drug pa'o/ /de bzhin du byang nub lhor yang dbu gsum phyag drug pa bzhi bzhag ste/ming ni rgyud na gsal/ mtshams su ni bum pa bzhi thod pa dang bcas pa gzhag pa 'og nas 'chad/ /de'i shar phyogs kyi dbus su go dA ba rir lha dgra dang dpa' bo'i blo gros ma zhal gsum phyag drug gzhag /de'i shar byang nub lhor yang dpa' bo dbu gsum phyag drug pa gzhag /byang gi dkyil 'khor gyi dbus su o Ter rdo rje ral ba can dang / 'jigs byed chen mo dbu gsum phyag drug pa gzhag /de'i shar byang nub lhor dpa' bo dang dpa' mo dbu gsum phyag drug pa gzhag /ming rgyud na gsal/nub kyi dkyil 'khor gyi dbus su kAny+tsir 'jigs byed chen mo dang / rta rna ma zhal gsum phyag drug pa gzhag /de'i shar byang nub lhor dbu gsum phyag drug pa gzhag /ming rgyud na gsal/ lho'i dkyil 'khor gyi dbus su su bar+Na dwI par nam mkha'i snying po dang / 'khor lo'i go cha ma dbu gsum phyag drug pa gzhag /de'i shar byang nub lhor dpa' bo dang dpa' mo dbu gsum phyag drug pa gzhag /rdo rje dbyings kyi sangs rgyas lnga dang sems dpa' nyi shu dngos yin no/ /thod pa'i dum bu la sogs pa dang / rab gtum ma la sogs pa'i lha mo zhal gsum phyag drug /spyan gsum pa dbus ma bzhi sngo/ shar phyogs pa lnga dkar/ byang phyogs pa lnga ljang / nub phyogs pa lnga dmar/ lho phyogs pa lnga ser/ dbus kyi mtshams su bum pa bzhi dang thod pa yod pa bzhin du/ shar gyi mtshams bzhi dang / byang dang nub dang lho'i mtshams bzhi ru bum pa dang / thod pa nyi shu nges so/ / phyi rol gyi mtshams kyi cha bzhir mkha' 'gro ma la sogs pa'i lha mo bzhi phyed skyes pa phyed bud med kyi gzugs can zhal gsum phyag drug spyan gsum pa/ g.yas brkyang pas bzhugs pa/ gri gug dang mgo'i thod pa dang kha T+wA ga dril bu dang cang te'u bsnams pa'o/ / dkyil 'khor lnga pa rdo rje'i phreng ba dang me 'od kyis bskor bar rgyud na gsal/ sgo bzhi dang mtshams bzhi yang phyed gzugs ma phyed kyi dbang phyug ma ste/ shar gyi khwa gdong ma/ g.yas g.yon gnyis bong bu'i gdong can/ byang gi 'ug gdong ma/ g.yas g.yon gnyis rnga mo'i gdong can/nub kyi khyi gdong ma g.yas g.yon gnyis ra'i gdong can/ lho'i phag mo'i gdong ma g.yas g.yon gnyis byi la'i gdong can/ mkha' 'gro ma dang khwa gdong ma sngo/ lA ma dang 'ug gdong ma ljang / khaN+Da ro hi dang khyi gdong ma dmar/ gzugs can ma dang phag gdong ma ser/gshin rje brtan ma la sogs pa bzhi ni phyed gzugs ma phyed kyi dbang phyug ma ste/ zhal dang phyag mtshan dang sku mdog ni rgyud na gsal lo/ /rdo rje phag mo ni bcom ldan 'das ji lta ba de ltar zhal lnga phyag bcu gnyis phyag rgya lnga bud med kyi dbyibs dang ldan pa/ zhal steng ma phag rgod kyi gdong can no//gnas ji lta bar brgyud pa'i rim pa'i 'khor lo drug ni rgyud 'bum sde'i 'khor lo'i go cha'i rim pas bstan pa 'di bshad pa'i rgyud rnams dang lnga bcu rtsa gnyis par gsang ste ming tsam yang ma bstan pa/ rgyud kyi rgyal po man ngag thams cad kyi rtsa ba'i rgyud thams cad kyi bla mar gyur pa'i rgyud 'dir/rdo rje sems dpa'i rnal 'byor ma'i dkyil 'khor gyi le'u gcig pu gsungs te/ gzhan yang bskyed pa'i rim pa ni/ sgra yi tshul las nges byung ba/ /dam tshig spyod pa'i spyod yul yin/ /zhes rdo rje mkha' 'gro nges par 'byung ba mchog gi le'u dang por bstan to//dkyil 'khor lnga'i ni shugs la go bas drug yod do zhes gsungs so/ /lnga pa lnga'i bdag nyid ni phyogs bzhi dang dbus su dkyil 'khor sde tshan lnga bkod pa ni/ ma 'ongs pa'i rnal 'byor pas dkyil 'khor bri ba ni/ rgyu gser dngul las byas pa'i bum pa lha'i sku mdog dang mthun pa'i gos kyis mgul pa bcings la/bdud rtsi lnga dang sman lnga rin po che lnga 'bru lnga dang ldan pa nang gi mtshams su bzhi/ phyi'i mtshams su bcu drug gzhag go/ /'dod yon gyi snam bu kha dog sna tshogs pas mchod pa byed pa/ glu dang gar dang sna tshogs pa'i rol mo'i sgra dang bcas pas phyi rol gyi mu khyud kyi nang du 'dod yon gyi lha mos bskor ro//dur khrod brgyad sngar sgong skyes kyi lha dkyil 'khor bzhin du byas te/ dkyil 'khor rgyal mchog bstan to/ /las kyi rgyal mchog ni mdun du ye shes sems dpa' spyan drangs nas/phyag 'tshal mchod bstod dbang bskur nas gcig tu thim par bsams pa la mkhas pas lus la gnas nyi shu rtsa bzhir/ dpa' bo dang rnal 'byor ma dgod/ phung po dang khams dang skye mched kyi lha bskyed/ go cha gnyis kyang bgo /'khor kun la yang lus kyi dkyil 'khor bsams/lus la dpral bar sku'i 'khor lo/ /ngag lkog mar gsung gi 'khor lo/ /yid snying gar thugs kyi 'khor lo/ /ye shes kyi 'khor lo lha mo bcu gnyis kyis bskor ba snying ga nu ma'i bar du dgod/ sna tshogs yid du 'ong ba'i bdud rtsi'i thod pa nyi shu'i dam tshig gi lha mchod/ye shes kyi bzlas pa spro bsdu grangs med pa bya/ dung chen gyi phreng ba blangs nas ngag gi bzlas pa bya'o/ /dam tshig gi 'khor lo la rkang pa brgyad pas mchod/ dpa' bo dang dpa' mo'i sngags kyis bstod/ rtsa ba'i rgyud le'u nyi shu rtsa gcig pa'i smon lam yang gdab/bzlas pa'i sngags ni go sla bas ma bshad do/ /gtso 'khor rim pa ji lta ba bzhin du/ dam tshig gi bdud rtsi'i mchod cing bzlas pa byas nas lha thams cad dkar por bsgoms pas zhi ba 'grub/ ser por bsgoms pas rgyas pa 'grub/ dmar pos dbang 'grub/ nag pos mngon spyod 'grub/ dkyil 'khor 'di drug ka sgong skyes kyi dbye bas yin no/ /dngos grub bla na med pa'i dkyil 'khor he ru ka'i gnas su rigs lnga gang la dang po bzhag nas gtso bo spro ba yin/ bla ma'i zhal las rnyed par 'gyur/ bud med rnal 'byor ma la dga' na yang gzhan yang rnal 'byor ma'i zhal nas ston/bzlas pa bye ba byas na sngon 'grub pa'i rnal 'byor ma rnams kyis ston/ dkyil 'khor drug po 'di gzhan la bstan par mi bya zhes pa la sogs pa ni phan yon te rgyu des na tshogs pa la bshad pa'i phyir le'u lnga bcu rtsa gnyis pa bsdus pa yin la/ rtsa ba'i rgyud bsdus pa 'di ni slob ma la bshad pa'i dbang du mdzad nas bsdus pa yin no/ /'di skad ston pa yin te/ rnal 'byor pa drug gis sngon 'gro dang rjes dang thun mtshams dang / spyod pa dang 'chags pa zhib mo rnam par 'thag pa'i sgrub pa'i yan lag bzhi bcu rtsa brgyad dang ldan pa bsgom par bya'o//le'u bcu gcig pa'i 'grel pa'o// //de ltar rigs drug gi 'khor lo bshad nas/ da n+yi ma phyed kyi dbang phyug ma la mos pa de'i ngor/ de nas rnal 'byor bshad bya ba/ /zhes bya ba smos te/ 'dod pa'i don dngos grub gsum sgrub par byed pa rtsa ba'i rgyud 'bum pa las kyang rtsa ba'i rgyud 'di bsdus pa'i ma phyed kyi dbang phyug ma mkha' 'gro ma'i dra ba'i sdom pa rgyud gzhan du gsang zhing ming tsam yang ma bstan pa phag mo mngon par 'byung ba rtsa ba'i rgyud yang dag pa man ngag gi snying po bshad par bya zhes mdor bstan to//rgyas par bshad pa ni dngos grub gsum legs par ster ba rdzus skyes kyis rdo rje phag mo'i dkyil 'khor lha mo sum cu rtsa bdun gyi snying po bsdus pa yin no//de bsgom par 'dod na dang po tshad med pa dang / byin gyis brlab pa dang / bsrung ba dang / tshogs sogs pa dang / stong pa nyid kyi rnal 'byor bsgoms nas/ 'byung ba bzhi ri rab sna tshogs rdo rje dang pad+ma bskyed de/de'i lte ba'i dbus kyi zla ba'i dkyil 'khor la A li kA li mngon par byang chub pa'i rim pas rdo rje phag mo gzhal yas khang dang bcas pa skad cig gi rnal 'byor gyis bskyed nas/ de yang zhal bzhi pa phyag bcu gnyis pa zhes bya ba nas/sku lus mdzes shing yid 'phrog pa/ /zhes bya ba'i bar du sku mdog dang phyag mtshan ni rgyud nas gsal te/ ma phyed ces bya ba ni sku g.yas skyes pa g.yon bud med mtshan gnyis sbyor bar byed pa'o/ /don thabs shes rab po/ /bsnyen pa'o/ /shar phyogs kyi mkha' 'gro ma ni dkar mo seng ge'i gdong pa can/byang du lA ma ljang gu phag gi gdong can/ nub tu dum skyes ma dmar mo glang po'i gdong can/ lhor gzugs can ma ser mo rta'i gdong can/ de'i phyi rol du rdo rje'i phreng bas bskor ba/ mtshams su bum pa bzhi dang thod pa bzhi dgod do/ /de'i phyi rol gyi phyogs bzhir 'khor lo rtsibs drug pa bzhi dgod do//shar la sogs pa rtsibs drug gi dbus su shar du mA ma kI dbus sngo ba/ g.yas dkar ba g.yon dmar ba/ byang du spyan ma dbus dkar ba g.yas sngo ba/ g.yon dmar ba/ nub tu sgrol ma dbus ljang gu g.yas dkar ba g.yon dmar ba/lhor gos dkar mo dbus dmar ba/ g.yas ser ba/ g.yon ljang ba/ phyag drug pa mA ma kI rdo rje dang dril bu/ spyan ma 'khor lo dang dril bu/ sgrol ma sna tshogs rdo rje dang dril bu/ gos dkar mo pad+ma dang dril bu bsnams nas pad+ma ltar gar bskor ba'o/ /phyag gzhan bzhi ni thod pa dang kha T+wAM g.yon na/cang te'u dang rdo rje gri gug g.yas kyis bsnams pa shar la sogs pa drug po thams cad du gnas nyi shu rtsa bzhi dang sbyar ro/ /shar gyi rtsibs sngon po drug la rab gtum ma la sogs pa drug gi dkar mo dang ljang gu phyed gzugs ma thod pa dang kha T+wAM ga 'khor lo dang cang te'u dang gri gug bsnams pa'o//byang gi rtsibs ljang gu drug la sngo ba dang ser ba'i phyed gzugs ma/ rdo rje dang thod pa dang kha T+wAM ga cang te'u dang gri gug go/ /nub kyi rtsibs dmar po drug la lha mo dmar ba dang / ser ba'i phyed gzugs ma pad+ma dang thod pa dang / kha T+wAM ga dang cang te'u dang gri gug go//lho'i rtsibs drug la lha mo ser mo dang / dmar ba'i phyed gzugs ma sna tshogs rdo rje dang thod pa kha T+wAM ga dang cang te'u dang gri gug go/ /lha mo de dag thams cad zhal gcig pa spyan gsum pa phyag bzhi pa rang dang mthun pa'i ro'i gdan nyi shu rtsa bzhi la bzhugs pa'o/ /shar gyi rtsibs drug la rdo rje'i phreng bas bskor ba/byang 'khor lo'i phreng bas bskor ba/ nub sna tshogs rdo rje'i phreng bas bskor/ lho pad+ma'i phreng bas bskor/ dbus rdo rje'i phreng pas bskor/ zur bzhir sna tshogs rdo rje rgya gram gyi steng du gshin rje brten ma la sogs pa'i lha mo bzhi bri/ mtshams dang sgo thams cad sna tshogs rdo rje'i phreng bas bskor/shar khwa gdong ma sngo dmar phyed gzugs/ byang 'ug gdong ma ljang ba dang dmar ba dang phyed gzugs/ nub khyi gdong ma dkar ba dang ser ba phyed gzugs/ lhor phag gdong ma ljang ba dang sngo ba'i phyed gzugs/ shar lhor gshin rje brtan ma ma he'i gdong /lho nub tu gshin rje pho nya mo bong bu'i gdong / nub byang du gshin rje mche ba mo rnga mo'i gdong / byang shar du gshin rje 'joms ma rta'i gdong / g.yon gyi dang pos thod pa dang kha T+wAM ga gzung pa/ g.yon gyi gnyis pas mgo bo skra dang bcas pa gzung ba dang / g.yas kyi dang po gri gug/gnyis pa cang te'u shin tu 'jigs pa'i sgra sgrogs pa'i nye bsnyen no/ /lhag ma'i mtshan nyid rgyan dang dbyibs rgyud na gsal/ phyi rol nas bskor ba'i 'dod pa'i yon tan gyi lha mo ni/ gzugs rdo rje ma me tog dang spos dang mar me thogs pa/ dri rdo rje ma dri chab thogs pa/ ro rdo rje ma lha bshos kyi phreng ba dang byug pa thogs pa/ reg bya rdo rje ma lha'i gos thogs pa/ sgra rdo rje ma sil snyan thogs nas mchod pa byed pa'o/ /de la sogs te mtha' yas mchog gi gling bu dang / pi wang dang / rdza rnga dang rnga rings dang rnga dra ba can dang rnga zlum dang rnga bo che dang / pa Ta ha dang / sgeg mo dang phreng ba ma dang glu ma dang gar ma dang / bdud rtsi lnga la sogs pa'i lha mo'o/ /dkyil 'khor 'di'i phyi rol gyi rtsig pa ni/ pany+tsa rA ga pha gu yi dags kyi gzugs can ro sngon po dang ser po dang dmar po dang ljang gus brtsigs pa'o/ /dur khrod brgyad dang / rdo rje ra ba me 'od kyis bskor ba'o//lus kyi dkyil 'khor bsgom pa ni/ lus la go rims ji lta ba bzhin du dgod par bya'o/ /so dang sen mo ni mgo bo'i ming yin no/ /snabs ni pus mo'i ming yin te/ khams nyi shu rtsa bzhi lha mor bsgoms pas so zhes kha cig 'chad do/ /yang na khams nyid yin par 'thad do//de'i rgyas bshad ni pul+lir ma la yar nyi ma'i dkyil 'khor mgo bor gtum mig ma zhes bya ba nas/ ku lu tA pus mor nyi ma'i dkyil 'khor brtson chen ma'i zhes bya ba'i bar du gnas nyi shu rtsa bzhi'i dbus su dpa' bo nyi shu rtsa bzhi bsgoms te/ sgo ma brgyad kyang mig la sogs pa'i sgo brgyad la dgod pa kha bskang ngo //thugs kar ye shes kyi 'khor lor sa la sogs pa khams lnga'i lha mo snga ma bzhin/ gzugs kyi phung po la sogs pa'i lha yang snga ma bzhin/ mig la sogs pa skye mched kyi lha yang snga ma bzhin/ yid mi 'khrugs pa'i snying gar thugs kyi 'khor lo/ngag 'od dpag med/ lkog mar gsung gi 'khor lo/ /lus rnam snang dpral bar sku'i 'khor lo sgrub pa'o/ /sgrub pa chen po ni/ de ltar dgod pa byas nas ni/ /zhes pa dpa' bo dang dpa' mo'i go cha drug bskon nas ye shes kyi 'khor lo spyan drangs te/ de bltas nas/ phyag bya ba mchod bstod lus la bcug nas lha'i dngos po kun dang tha mi dad pa'i de'i ngo bor bya'o//dbang bskur ye shes sems dpa' spyan drangs nas mchod pa dang / dam tshig gi chu la sogs pas dbang bskur ba dang / tha mar ro gcig par bsgom mo/ /de'i snying ga nu ma'i bar du ma phyed kyi dbang phyug ma'i 'khor lo bsgom pa la bum pa bzhi'i thod pa'i bdud rtsi'i ros dkyil 'khor la mchod la/lus sku dang / ngag gsung dang / yid thugs kyi 'khor lo las dam tshig gi lha mo 'od zer spros pas sems can yang lhar bskyed/ sems med pa'i bems po snod kyi 'jig rten yang lhar bskyed/rnam par rtog pa spangs pa sgyu ma lta bu'i 'khor lo dang ye shes kyi bzlas pa bya'o/ /dam tshig gi mchog ngag gi bzlas pa ni yum gyi snying po dang nye snying ni gsal/ 'khor gyi lha mo rnams kyi sngags ni/ oM DA ki ni ye hUM hUM phaT ces bya ba nas/ oM ya ma ma thA ni hUM hUM phaT ces pa'i bar du sngags kyi bzlas pa yongs su rdzogs par bya'o//bzlas pas dub na thod pa bzhi las zhi ba'i btung ba bdud rtsi myangs nas chos thams cad mnyam pa nyid du bsgoms la lha thams cad la bdud rtsi'i dam tshig gis mchod do/ /de nas sems kyi 'khor lo bsgom pa ni/ byang chub kyi phyogs kyi chos sum cu rtsa bdun chos bdag med pa'i stong pa nyid la dkyil 'khor gyi lha mo rnams bcug nas shes rab kyi pha rol tu phyin pa bdag med pa'i chos nyid bsgom mo//'di ni don dam snying po las shes par 'gyur ro/ /mtshan ma med pa bsgoms nas rten 'brel gyi chos mtshan ma med pa'i de nyid lha mo sum cu rtsa bdun gyi gnas der 'bras bu'i tshod tsam gyi thig le'i lha/lha'i mig gis blta bar bya'o/ /tshad ji tsam zhe na/ rdul phra rab dang mnyam pa'i thig le'i 'khor lo bsgom mo/ /yang na skra'i rtse mo brgya stong du gshegs pa'i tshad tsam gyi lha mo sum cu rtsa bdun gyi b+ha ga'i dbus su he ru ka dang bcas pa'i lha mo'i 'khor lo kha gdong ma la sogs pa brgyad kyis phyi rol nas bskor ba bsgom mo//de nas rdzus skyes bshad nas mngal skyes 'di ltar bsgom ste/ yang na ma phyed kyi dbang phyug ma dang 'khyud pa'i bdag po he ru ka mkha' 'gro ma bzhis bskor ba mngal skyes kyis bsgom par bya ste/dpa' bo dang dpa' mo phan tshun bdag por byas nas/ rdo rje sems dpa' rgyu'i he ru ka dang / sogs pas lha mo'i 'khor lo mngal skyes nas bskyed pa dang / rgyu'i he ru ka zhu ba dang / 'bras bu'i he ru ka bskyed pa'i sbyor ba dang ldan pa mngal skyes kyis bskyed nas/grub pa'i rnal 'byor ma nyi shu rtsa bzhi la sogs pa'i ting nge 'dzin gsum gyis sbyor ba'i khams gsum gyi bdag po chen po dpal he ru ka'i dngos grub thob nas/ lha'i mig med pa la mi snang ba'i sems can gyi don du sa la spyod pa 'grub bo/ /gal te mchog gi dngos grub ma grub na/tha ma mi'i 'khor los sgyur ba/ 'bring lha'i 'khor los sgyur ba 'grub bo/ gal te ma grub na bskyar ba'i cho ga tshogs kyi 'khor lo bshad pa ni/ sbyor ba'i cho ga 'di yis ni/ /'chi bdag phyogs ni bcom zhing zad/ /ces bya ba ni tshogs kyi 'khor lo 'dis dus ma yin par 'chi ba brgyad 'joms so//tshogs kyi 'khor los tshe ring ba'i 'bras bu 'dod pa'i mchod pa gang gis bya zhe na/ mtshams med pa la sogs pa mi dge ba byed pa'i sdig can mkhas pas sngags kyi mthus srog dang phral nas mchod pa bya'i las gzhan du dge ba byed pa sdom pa can srog dang phral na dngos grub 'jig par 'gyur ro//srog dang 'bral ba'i thabs ji ltar bya zhe na/ bag zan la phyugs kyi gzugs byas la/ de mar la btsos pa'i ling+ga gsod pa'i sbyor bas dum bur bcad nas rnal 'byor ma sum cu rtsa bdun la/ sems can 'di ni mtshams med pa lnga byed pa/ rdo rje slob dpon smod pa/rdo rje spun la sdang ba/ dkon mchog gsum gyi dgra mkha' 'gro ma rnams kyis srog dang phrol/ mgo chod/ snying phyung / pags pa shus zhes bzlas zhing che ge ma ma ra ya phaT ces sngags kyi sbyor ka'i bsgrub pa'i sbyor bas tshogs kyi 'khor lo'i lha mo dang / sring mo la dbul ba 'am/mchog ye shes skyes pa'am/ bar ma zhing skyes sam/ bu mo sngags skyes dang lhan cig tu dga' ba bzhi'i ting nge 'dzin mnyam par sbyor bas/ dam tshig gi mchog mngon spyod kyis bsgrub par bya'o/ /rang gi lha'i 'khor lo'i sbyor bas 'dod pa'i yon tan lnga yang longs spyad cing dbul bar bya'o//de nas phag mo'i ting nge 'dzin gyis lte bar sdigs mdzub kyis phul nas/ mkha' 'gro ma'i dkyil 'khor thams cad kyis kyang mdung rtse lta bu'i 'od zer gyis sgo dgu la zhugs nas/ snying ga'i pad+ma phug nas khrag 'thung bar bsam zhing / mkha' 'gro mas zos pas sangs rgyas su 'gyur gyi/ngan song gsum la sogs pa gzhan du ma yin no/ /de'i don 'di skad ston pa yin te/ ma phyed kyi dbang phyug ma bsgom pa'i rnal 'byor las sbyor ba sngon 'gro'i rnal 'byor dang / dngos gzhi'i ting nge 'dzin gyi rnal 'byor dang / rjes ldang ba'i rnal 'byor dang / thun mtshams kyi rnal 'byor zhib mo rnam par 'thag pa'i sgrub pa'i thabs bzhi bcu rtsa brgyad bsgom mo//'dir ni dngos grub bsgrub pa'i rgyu mtshan spro bsdu bsgom pa dang / sems kyi 'khor lo mtshan med bsgom pa dang / lha'i gnas su thig le bsgom pa dang / lha mo'i b+ha ga'i dbus su phra mo bsgom pa dang / b+ha ga'i dbus su he ru ka yum bzhi dang bcas pa bsgom pa dang / mngal skyes kyi rim pa bsgom pa dang / bskyar ba'i cho ga mngon spyod kyi tshogs kyi 'khor lo bsgom pa dang bcas pa ni/ rtsa ba'i rgyud phag mo mngon par 'byung ba'i le'u bcu gnyis pa'i 'grel pa'o// //de ltar ma phyed kyi dbang phyug ma bshad nas/'khor lo spangs pa'i re mig gi dkyil 'khor la dga' ba'i ngor/ de nas gzhan yang bshad bya ba/ /zhes bya ba la sogs pa gsungs so/ /dpa' bo nyi shu rtsa bzhi dang rnal 'byor ma sum cu rtsa bdun gyi gnas 'khor lo spangs pa'i re mig la dgod pa'i man ngag bshad par dam bca' ba'o//sngon grub pa'i rnal 'byor ma rnams kyi brgyud pa dang 'das pa'i sangs rgyas kyi bla ma brgyud pa las/ gzhan du 'dod rgyal gyis dris pa ma yin no/ /de la sngon du 'gro ba'i rnal 'byor lnga dang / ldang ba'i rnal 'byor bdun bskyed nas mngon par byang chub pa lnga'i rim pa las lha dang gzhal yas khang rdzus skyes kyis bskyed pa'i gzhal yas khang ni thugs kyi 'khor lo spangs pa'i re mig dgu/gsung re mig dmar po brgyad/ sku yang re mig dkar po brgyad de bcu drug go/ /re mig dgu pa'i dbus su ye shes kyi sna tshogs pad+ma 'dab ma brgyad de'i dbus su A li kA li nyi zla kha sbyor me long lta bu dang /mnyam pa nyid/ hUM so sor rtog pa/ rdo rje sems dpa'i 'od zer spro bsdu bya ba nan tan/ de yongs su gyur pa las he ru ka rnam par bsgom pa chos kyi dbyings kyi ye shes so/ /zhal lnga phyag ni bcu pa zhes bya ba nas/ thugs rje'i chags pas rnam par myos//zhes bya ba'i bar gyis sku mdog dang phyag mtshan ni go sla'o/ /bsnyen pa'o/ /shar gyi 'dab ma la mkha' 'gro ma zhes bya ba nas/ he ru ka yi rnam par bsgom/ /zhes pa'i bar ni pad+ma brgyad ye shes kyi 'khor lo gri gug gis bskor ba'o/ /de'i phyi rol sa gzhi sngon po ka ba brgyad dang / rdo rje ra ba gru bzhis bskor ba'i re mig brgyad la thugs kyi 'khor lo'i ming dang sku mdog ni gsal/ de'i phyi rol du sa gzhi dmar po pad+ma rA ga'i ka ba brgyad pad+ma'i phreng bas gru bzhir bskor ba/ de'i re mig brgyad la gsung gi 'khor lo'i lha dgod pa gsal lo/ /de'i phyi rol du sku'i 'khor lo//sa bzhi dkar po la ye shes kyi ka ba brgyad 'khor lo'i phreng bas gru bzhir bskor ba/ de'i nang du sku'i 'khor lo brgyad dgod do/ /sku mdog dang phyag mtshan dang rgyan ni rgyud na gsal lo/ /sgo srung dang zur gyi lha mo rnams ni gzhung lugs du ma mthong ba'i mkhas pas/khwa gdong ma dbus ma khwa dang g.yas pa bya rog dang / g.yon pa chu skyer gyi zhal yin no/ /bya gdong ni 'ug pa'i gdong can ma ni g.yas pa 'ug pa dang / g.yon pa byi la'i gdong can no/ /nub kyi khyi gdong can ni/ g.yas pa khyi dang g.yon pa seng ge'i gdong yin no/ /lho'i sa 'dzin phag rgod ma ni g.yas pa phag dang g.yon pa lug gi gdong can no//lha mo thams cad dang dpa' bo thams cad kyang zhal gsum phyag drug pa sku mdog dang phyag mtshan ni rgyud na gsal lo/ /sprul pa'i sku ni gdul bya mos pa'i gtso bo yin pas 'khor lo med pa gru bzhi rim pa gsum gyi re mig la dgod pa dang /gshin rje brtan ma la sogs sgor dgod/ khwa gdong ma la sogs pa mtshams su bkod la rang dang 'dra ba'i khro bo brgyad dang 'khyud pa'i thabs dang bcas pa dang / nang gi ye shes kyi lha mo bzhi yang sangs rgyas zhal gsum phyag drug pa bzhi dang 'khyud pa/sngon gyi sangs rgyas bla ma'i bkas gnas kyi gzhung lugs kyi dpa' bo dang dpa' mo ji ltar 'dod pa de ltar sems can gyi bsam pa'i khyad par gyis dpa' bo dang bcas pa'i rnal 'byor bcu gnyis bsgom mo/ /mtshams kyi bum pa dang thod pa yang bzhag /phyi rol 'dod yon gyi lha mos bskor ba'i tshul gyis sna tshogs kyi mkha' 'gro ma dpa' bo dang 'khyud pa sprul nas me tog dang bdug spos la sogs pas mchod par bya'o//phyi rol gyi rtsig pa yi dags kyi gzugs kyis yongs su bskor ba/ sngon gyi bla ma sangs rgyas kyi man ngag gi bems po ro'i rtsig pa lnga'i dngos po ni/dngos med ye shes lnga'i snang ba yin no zhes bstan to/ /gru bzhi rim pa gsum gyi ka zhu dang ka tan kyang rdo rje pad+ma 'khor los mtshan pa/ sa gzhi yang sngon po dmar po dkar po sna tshogs pas 'byed pa dang ldan pa'o/ /gnas nyi shu rtsa bzhi'i lus kyi 'khor lo bkod pa dang / khams dang phung po dang skye mched kyi lha yang bkod nas/ye shes rdo rje'i lha mo bzhi dang / ye shes kyi 'khor lo nu ma'i bar du dgod/ sku gsung thugs kyi 'khor lo gsum dpral ba lkog ma snying gar bkod de sgrub pa'o/ /sgrub pa chen po ni ye shes sems dpa' spyan drangs nas phyi rol gyi mchod yon dang /zhabs bsil dang / mchod pa lngas mchod dam tshig sna tshogs pa rkang ba brgyad pa'i lha mos mchod/ sna tshogs pa'i khyad par ni sha chen lnga po dag gis mchod/ dpa' bo dang dpa' mo'i go cha gnyis bskon/ dbang bskur nas ma lus par ro gcig par bsgom lha thams cad la dam tshig sems dpa' dang ye shes sems dpa' dang ting nge 'dzin sems dpa' mkhas pas sbyor ba gsum du sbyar/rnam dag sum cu rtsa bdun bsgom/ /yang na ye shes kyi bzlas pa 'khor lo gsum gyi spro bsdu bsgoms la bzlas pa bya/ dus bzhi ru bdud rtsi lnga'i dam tshig rnams kyang rnal 'byor pa mkhas pas bsrung bar bya/khams gsum khrag 'thung gi gzugs can du bsams nas/ 'gro ba drug gi 'khor lo 'od zer spros pas thug med kyi 'khor lo bzhin du srid pa sbyangs nas thugs kar gzhug par bya zhing / spro bsdu byas pas dngos grub myur du 'thob bo//dung chen gyi phreng ba blangs nas ngag gis bzlas pa'i sngags ni rgyud na gsal/ bsgom pa dang bzlas pa'i 'bras bu'i sa'i rlung 'gags pas 'dar ba dang / chu'i rlung 'gags pas g.yo ba dang / me'i rlung 'gags pas 'bar ba dang / rlung gi rlung 'gags pas mig 'bar ba dang /rnam shes kyi rlung 'gags pas tshig 'jam pa'i rtags drug ni rdo rje dbab pa'i 'bras bu yin no/ /rtags de rnams ma byung na srog dang rtsol ba dbugs 'byung rngub bkag nas yum lte ba'i oM las yab snying ga'i hUM kha sbyor chos kyi dbyings spro ba'i le'u bzhi'i dkon mchog gsum rjes su dran pa'i sgyu ma 'od gsal zung 'jug tu spros pas/sangs rgyas kyi chos kyi mchog spros pa ste bskyed pa'i rjes la rdzogs pa'i rim pa bsgom pa 'di ni/ ma 'ongs pa'i sems can kun la phan pa dang / gdul dka' ba'i drag po 'jigs byed bstan pa yin no/ /langs pa'i tshe khams gsum pa thams cad rgyu ba dang mi rgyu ba'i snod bcud sku gsung thugs kyi 'khor lor bsams nas/'jug pa'i tshe sngags pas bza' ba gang cung zad de thams cad bdud rtsi ltar dam tshig gis byas nas zos pas chos kyi dbang phyug snang pa mtha' yas su 'gyur ro//dam tshig nyams kyi dogs pa la bla ma la mchod pa byas nas chu'i khrus kyis bum pa'i dbang blang ba dang / lo bcu gnyis 'jam pa'i gdan phul nas gsang ba'i dbang blang ba dang / sangs rgyas dang dpa' bo dang rnal 'byor ma dang lha mo bcu gnyis kyi mkha' 'gro ma lus la bkod nas yid kyi mchod par bshad pa/shes rab ye shes kyi dbang bskur ba dang / langs pa'i tshe na nam mkha'i dbyings su dkyil 'khor bzhag la smon lam gdab pa dang / rgyu ba dang mi rgyu ba khams gsum pa thams cad lha'i 'khor lo'i ngo bo nyid kyis dag par rang gi lha yi yum dang tha mi thad pa'i 'khor lor brtag par bya'o//'di skad ston pa yin te/ zhib mo rnam par 'thag pa'i sgrub pa'i thabs don bzhi bcu rtsa brgyad 'dir yang bsgom mo/ /dbang gi rtsa ba'i rgyud kyi le'u bcu gsum pa'i 'grel pa'o// //de ltar re mig dgod pa'i 'khor lo bshad nas/ ro mnyam gyi 'khor lo gsungs pas/de nas zhes bya ba gsungs te/ gnas kyi 'dus pa mchog yin no zhes bya ba ni/ sku gsung thugs kyi 'khor lo gcig pa dbyibs ro mnyam dgod pa la sogs pa yin no/ /don dam pa'i chos thams cad rang bzhin gyis 'dres pas ro gcig par 'gyur ba de las byung ba'i kun rdzob tu ro mnyam pa'i dkyil 'khor ni kha dog gsum ldan pa ste/sku gsung thugs kyi lha thams cad kha dog gsum du nges pa yin no/ /de ltar mdor bstan nas rgyas par bshad pa ni/ tshad med pa dang byin gyis brlab pa dang / bsrung ba dang / tshogs sogs pa dang / stong pa nyid kyi rnal 'byor byas nas 'byung ba bzhi ri rab sna tshogs rdo rje/b+h+rUM las rnam par snang mdzad kyi gzhal yas khang bskyed nas/ dkyil 'khor gru bzhi sgo bzhi sgo khyud dang bcas pa/ rta babs dang rdo rje ra ba dang me 'od kyis brgyan pa/ de'i dbus su dbyibs ro mnyam gyi lha gsungs te/ 'khor lo nyi shu rtsa bzhi phreng ba gcig tu bskor ba/de'i dbus su pad+ma 'dab ma brgyad pa lte ba dang ge sar du bcas pa/ de'i steng du nyi ma'i dkyil 'khor gyi dbus su rdo rje sems dpa' ni bde ba chen po zhes bya ba rnal 'byor pa'i sems thig ler gnas pa las skar mda'i tshul du A li hUM la zhu ba dang sngar bshad pa bzhin du zla ba me long ye shes nyi ma mnyam nyid ye shes/yig 'bru dang phyag mtshan so sor rtog pa dang / 'od zer spro bsdu bya ba nan tan/ de yongs su gyur pa las rdo rje mchog he ru ka chos kyi dbyings kyi ye shes rnam par bsgom mo/ /dus mtha'i me ltar drag po'i zhes pa nas zla ba phyed pas rnam par mdzes//zhes pa'i bar ni go sla'o/ /'gro ba rigs drug 'dul ba'i zhal drug pa 'jigs su rung bas ha ha sgrogs pas g.yas pa sgeg pa dang bzhad pa gnyis kyis hUM hUM dang / hi hi sgrogs pa/ g.yon pa drag pa dang dpa' bo gnyis kyis phaT phaT dang / hUM hUM sgrogs pa/steng ma ljags bskyod pa tra ta tra ta sgrogs pa'o/ /lhag ma ni go sla'o/ /zhal drug pa rnal 'byor pa sus bsgom zhe na/ rnal 'byor som nyi spangs nas su/ /zhes bya ba thabs dang shes rab snyoms par 'jug pa'i bde mchog bsgom pa la som nyi med pa'o/ /bcom ldan 'das snying rje chen pos brlan pas sems can gyi don gyi phyir/dbyibs ro mnyam 'byung ba bzhi dang / ri rab gyur pa las nam mkha'i mtha' las gzhal yas khang sprul nas longs spyod cing sems can gyi don du zhal drug gis 'gro ba rigs drug gi srid pa rnam par spyod pa yin no/ /dbyibs ro mnyam gyi dkyil 'khor bshad nas/da ni gzhal yas khang gi dbus su kha dog ro mnyam gyi gtso bo dang 'khor bskyed pas/ 'byung ba bzhi ri rab dang sna tshogs rdo rje gyur pa las/ gzhal yas khang stong pa'i ye shes las byung zhing rtog pa med pas zla ba dang po'o/ /gnas med pa nyi ma/ rang bzhin med pa yig 'bru/ so sor rtog pa mchog tu phra ba/ spro bsdu bya ba nan tan/ thig le'i sgra spangs pa'i chos kyi dbyings kyi ye shes mnyam pa nyid dam tshig ye shes bzhi'i zhal can de mthong bas phyi'i gzhal yas khang kha dog bzhir snang ba'i dam tshig gi 'khor lo dang 'dra ba'i zhal bzhi phyag bcu gnyis pa bsgom mo//de'i snying gar ye shes sems dpa'/ de'i thugs ka'i zla ba'i dbus su zla ba rdo rje hUM sa bon dang bcas pa'i sems dpa' sum brtsegs bsgom mo/ /gtso bo gnyis bsnyen pa'i rnal 'byor ro/ /mkha' 'gro la sogs rim pa yis//zhes bya ba nas/ rim pa bzhi ni dgod par bya/ /zhes bya ba'i bar du ye shes kyi 'khor lo gri gug gis bskor ba'o/ /dang po shar phyogs nas zhes bya ba nas rdo rje sems dpa' dang brtson 'grus chen mo ljang gu zhes bya ba'i bar du sku'i ro mnyam pa'i 'khor lo bshad do/ / yang na sku dang gsung dang thugs kyi dbye bas ji ltar 'dod pa'i kha dog tu bya'o zhes bya ba ni/ kha dog ro mnyam gyi bde mchog zhal bzhi phyag bcu gnyis pa'i thugs kyi 'khor lo brgyad nag pos bskor/ gsung gi brgyad dmar pos bskor/ sku'i 'khor lo dkar po brgyad kyis bskor ba/thugs rdo rje'i phreng bas bskor ba/ gsung pad+ma'i phreng bas bskor ba/ sku'i 'khor lo'i phreng bas bskor ba bri'o/ /sgo rnams su go rims bzhin du lha mo brgyad bri ba ni/ dbyibs ro mnyam dang kha dog ro mnyam gyi sgo ma dang thun mong yin no/ /mtshams ma bzhi kha dog ro mnyam yin na phyed gzugs mar 'gyur ro//thod pa'i dum bu la sogs pa'i dpa' bo ni zhal gcig phyag bzhi pa/ dpa' mo ni zhal gcig phyag gnyis pa/ dpa' bo rdo rje dang dril bu g.yon na thod pa dang kha T+wAM ga /yum ni gri gug dang ka pA la 'chang ba'o/ /kha dog ro mnyam gyi 'khor lo bshad pa ni/ yang na rigs gsum gyi dbye bas rtsa ba'i mtshan ma rdo rje dang dril bu thams cad 'dzin pa lha mo thams cad gri gug dang ka pI la 'chang ba skra grol bas bzhugs pa'o/ /khwa gdong ma la sogs pa'i lha mo rnams ni rang snang ba'i dpa' bo dang 'khyud pa nyi ma dang pad+ma'i steng na gnyis su med pas bzhugs pa'o//yang na gang zag kha cig rjes su chags pas ma'i zhal nyid du mos te/ lha mo bcu gnyis ni zhal gcig phyag bzhi la g.yon pas thod pa dang khwa T+wAM ga 'dzin pa/ cang te'u dang gri gug dang mgo bo'i do shal 'chang ba/ dkyil 'khor thams cad yi dwags kyi gdan la la bzhugs pa nye bsnyen gyi rnal 'byor ro//dpa' bo'i lus kyi dkyil 'khor yan lag so sor dgod pa ni/ sgrub pa brtsams te/ so dang sen mo dag pa thod pa'i dum bu zhes bya ba nas/ bsgoms ni rdo rje sems dpa'o/ /zhes bya ba/ dpa' bo nyi shu rtsa bzhi lus la dgod pa'o/ /pul+li ra ma la ya mgor nyi ma'i dkyil 'khor la rab gtum ma'o zhes pa nas ku lu tA pus mo gnyis la brtson 'grus chen mo'i bar du dpa' bo dang dpa' mo dag lus la dgod pa dang /sgo ma brgyad bu ga brgyad la dgod pa kha bskang ngo / /khams dang phung po dang skye mched kyi lha sngar bshad pa bzhin du blta'o//yid mi 'khrugs pa ni snying gar thugs kyi 'khor lo/ /ngag 'od dpag med ni lkog mar gsung gi 'khor lo/ /lus rnam snang ni mgo bor rnam snang sku'i 'khor lo/ lha mo bcu gnyis kyis bskor ba'i ye shes sems dpa'i nu ma'i bar du sgrub pa'o/ /sgrub pa chen po ni rang gi snying ga'i 'od zer lcags kyu lta bus ye shes sems dpa' spyan drangs la/mchod pa dang / bstod pa bya ba dang / dgod pa nyid ni byas nas ni/ /zhes pa dpa' bo dang dpa' mo drug gi go cha dgod pa'o/ /de nas rim pa bzhin du dbang bskur ro/ /rdo rje lcags kyus dgug pa dang / 'od zer zhags pas gzhug pa dang /'od zer lcags sgrog gis bcing ba dang / 'od zer dril bus rjes su chags pas mnyes par bya'o/ /dam tshig sems dpa' la ye shes sems dpa' gcig gi ngo bor thim par gyur nas go cha gnyis dgod de/ /oM ha las rdo rje sems dpa' zhes bya ba nas yan lag thams cad kyi go cha'o zhes bya ba'i bar ni sngar bshad pa bzhin du sku mdog dang phyag mtshan blta bar bya'o//dbang bskur ba'i lha spyan 'dren pa'i phyag rgya ni/ mdzub mo mdud byas zhes bya ba nas 'ching ba dang dbang du bya ba yin zhes bya ba'i bar du 'od zer lcags kyu lta bu zhags pa dang /lcags sgrog dang dril bu lta bu bzhis bkug la/ phyag 'tshal ba dang mchod pa dang bstod pa byas nas 'khor lo'i dpa' bo dang rnal 'byor ma lngas ye shes kyi bdud rtsi'i bum pa lngas dbang bskur ba'i sngags dang bcas pas chu'i dbang bskur ba dang / glu 'dis bskul bas mkha' 'gro ma chen mo rnams dgyes nas rang gi gnas yum la thim pas dga' ba bzhi'i dgyes pas dgyes shing /shes rab ye shes sa bcu pa'i zag pa med pa'i ye shes kyi dbang skur bar byed do/ /shes rab ye shes kyi dbang bskur bar bskul ba'i gru ni/dbang bskur rol pa'i bde ba chen po sbyin pa'i stong pa nyid do/ /mkha' 'gro dra pa'i bde ba'i mchog ni/ tshul khrims kyi stong pa nyid do/ /dgyes chen bde chen las byung ba ni/ bzod pa'i stong pa nyid do/ /mkha' 'gro bde mchog longs spyod ni/ brtson 'grus kyi stong ba nyid do/ / mkha' 'gro dra ba'i bde chen po ni/ bsam gtan gyi stong pa nyid do/ /a la la la ho ni dga' ba bzhis mnyes pa'o/ /ye shes dang dam tshig ro gcig par gyur nas/ 'khor lo kun yang ro gcig par bsgoms pas rtags ni/ rdo rje sems dpa'i dbu rgyan ye shes lnga dang ldan pa 'byung ba ro gcig pa'i rtags yin no//snying gar a las zla ba'i dkyil 'khor gyi steng du yab yum gyi snying po rim pa bzhin dang / dpa' bo dang dpa' mo'i sngags kyi rim pa lnga/ go cha'i dpa' bo dang dpa' mo'i sngags kyi rim pa drug /rkang pa brgyad pa'i dpa' bo dang dpa' mo'i sngags dang rim pa bdun bkod pa la/thun bzhir spro bsdu bya ste/ ka ra ka ra la sogs pa'i rtsi ba'i sngags las tshangs pa'i skud pa la sogs pa phyag rgya drug gi spro ba dang bsdu ba de las brtag go/ /phag mo'i rkang pa brgyad pa'i sngags las mgrin pa'i mgul rgyan spro/ /snying po'i sngags yi ge nyi shu rtsa gnyis pa las brgya phyed kyi mgo bo'i phreng ba spro/yi ge bdun pa'i sngags la zhal g.yas ser po/ rgyab dmar po/ g.yon ljang gu las rna cha zlum po drug dang bcas pa spro/ yum gyi nye snying las phyag g.yas pas pags pa bsnams pa/ cang te'u dang gri gug dang dgra sta dang gri gug dang /tri shUl rtse gsum pa'i phyag lnga de las spro bsdu pa'i che yang sngags de la bsdu/ go cha'i rnal 'byor ma drug gi sngags las dril bu/ g.yer ka drug cu rtsa bzhi dang bcas pa'i ska rags dang stag gi sham thabs spro/ go cha'i dpa' bo'i sngags las go cha'i lha drug spro/DA ki nI hUM phaT/ lA me nI hUM phaT/ lA ma la sogs pa'i 'khor lo kun gyi rnal 'byor ma'i sngags pas thod pa 'dzin pa'i phyag rgya dang / glang po'i pags pa 'dzin pa'i phyag rgya dang / kha T+wAM ga dang zhags pa dang tshangs pa'i mgo bo thogs pa'i phyag lnga de las spro zhing de las bsdu'o/ /yum gyi snying po'i sngags las thod pa'i cod pan lnga'i spyi gtsug gi sna tshogs rdo rje/rus pa'i 'khor lo rtsibs brgyad pa zla ba tshes pa de las spro/ de la bsdu/ sprul pa'i dpa' bo dang dpa' mo nyi shu rtsa bzhi lus kyi dkyil 'khor gyi rtsa dang khams kyi dpa' bo dang dpa' mo la bsdu/ de las spro bar yang rnam par brtag go//de ltar bsdus nas zhal gcig phyag gnyis par gyur pa la/ gnod mdzes tsham dam gyi sngags kyis bsrung ba dang / rkang pa brgyad pas mchod pa dang / 'jigs pa brgyad dang / sdug bsngal brgyad dang / dus ma yin par 'chi ba brgyad kyi 'jigs pa spangs te/rnal 'byor ma'i bdag nyid bsam mo/ /spro bsdu ye shes kyi bzlas pa sgrub pa chen po'i rnal 'byor ro/ /'di'i yan lag tu bdud rtsi myang ba dang mchod pa dang bstod pa dang gtor ma gtang ba yang sgrub pa chen por 'gyur ro/ /spro bsdu de ltar bsgom pa la mi mos na/ rdo rje khro bo'i thig le bsgoms te/rang gi mkha' gsang ni sna rtse'i bu ga la rgyu ba dang / mi rgyu ba'i snod bcud thams cad thig le'i lhar bltas nas nam mkha'i khams su spro'o/ /yang na khro bo phra mo rgyu ba dang mi rgyu pa'i thams cad pha mo'i ltar mngal skyes spangs nas blo dang ldan pa'i ba spu'i bu ga nas khro bo phra mo'i sprin spro bar bya'o//yang na byang chub kyi phyogs kyi chos sum cu rtsa bdun/ dpa' bo rnams ni sgyu ma lta bu/ dpa' mo sum cu rtsa bdun ni stong pa nyid du bsgom pa ni sngar bshad pa bzhin du bya'o/ /de nas dam tshig gi bzlas pa bya ba'i sngags ni go sla bas ma bshad do/ /dung chen gyi phreng ba blang ba ni lag pa g.yon pa'i mthe bong dang srin lag gis blangs nas phyis ci bder bzlas par bya'o//bzlas pa zin nas thod pa bzhi la dam tshig gi sbyor bas bdud rtsi lnga'i dam tshig bza' bar bya'o/ /de nas gtor ma sbyin pa ni/ gcer bu skra grol gyur pa yi/ /brtul zhugs can gyis gtor ma sbyin//zhes pa ni mtshan ma thob pa'i rnal 'byor pas bya'o/ /rkang pa g.yas pa brkyang nas su/ /zhes bya ba spyan 'dren pa'i phyag rgya dang sngags lan gsum mam bzhi'am lnga'i bar du brjod do/ /tshogs kyi 'khor lo byed pa'i tshe skra grol ba'i gcer bu stan mthon po la 'dug nas kha lhor bltas te/mtshan phyed na gtor ma sbyin no/ /de nyid las kyi rjes su 'brangs nas zhes pa ni/ zhi ba la gtor ma dkar po bsams/ rgyas pa la ser po/ dbang la dmar po/ mngon spyod la nag por bsam mo/ /de nyid gsum ni oM AH hUM gsum gyis lan lnga'i bar du sngags/ brjod cing sngar bshad pa bzhin du byin gyis brlab bo/ /gtor ma'i sngags ni go sla'o/ /de ltar bskyed pa'i rim pa rdzogs nas/ rdzogs pa'i rim pa bsgom par 'dod pas/ dpa' bo dang rnal 'byor ma thams cad bde ba chen po babs pas sprul pa'i 'khor lo sku gsung thugs la zhugs pa ni/'khor lo bzhi'i brgyud pa'i rim pa'o/ /A li kA li g.yas g.yon gyi rtsa lte ba'i dbus su mnyam par byas nas/ lte ba'i khrag gi thig le gtsub gtan la a wa d+hU tI chu shing gi snying po ltar drang ba'i reg gnas der g.yas g.yon gyi rlung mnan nas nges par spyod/ g.yas g.yon gyi srub thag gis gtsubs pas steng du 'khor lo bzhi la gtum mo drod 'bar ba'i tshul gyis spyi gtsug gi haM bsregs nas byang chub kyi sems phab pa ni dga' ba bzhi'i rgyu yin pa'i phyir ro/ /'chi med thig le ni lkog mar dga' pa'i thig le/ snying gar mchog dga'i thig le/lta bar lhan cig skyes dga'i thig le/ 'di kun rdzob kyi sa bon yungs kar sbom po'i tshad mu tig gi mdog lta bu 'bab par 'gyur ro/ /de'i rgyas par bshad pa ni/ thabs byang chub kyi sems dang / shes rab khrag gi thig le la gtum mo srub shing gi 'khor lo'i dbye bas ye shes kyi me 'di 'og sgo dang steng sgo'i las kyi rlung gis bskyod pas/sa'i rlung 'gags pa'i rtags su du ba 'thul ba dang / me'i rlung 'gags pas gsal bar dka' ba dam tshig gi 'khor lo de bzhin gshegs par ming brtags pa'i rtsa brgyad bsregs/ lkog mar rtsa bcu drug gi de bzhin gshegs par grags pa'i longs spyod kyi 'khor lor song ste/dbugs 'byung rngub gsum gyi bar du thabs snying ga'i byang chub sems la dbugs 'byung rngub kyis bskor ba byas nas/ smin mtshams kyi mdzod spu rA me shwa rI nas zhugs nas rna ba g.yas pa u D+ya na gyi gnas kyi sgo phye nas spyi bo'i rtsa sum cu rtsa gnyis phyogs bcu'i de bzhin gshegs par grags pa bsregs nas/ye shes kyi bdud rtsi zhu nas blangs te/ spyi gtsug gi bu ga gser gyi sgo dzA lan+d+ha ra zhes bya ba'i ming can du zhugs so/ /de nas so mtshams kyi bu ga nas zhugs nas/lkog ma longs spyod kyi 'khor ngal bsos te/ snying ga bsregs pas de bzhin gshegs pa kun dgyes pa bskyed nas/ lte ba'i dkyil 'khor gyi dbus su b+ha sa n+ta ti la ka'i rang bzhin du gnas par 'gyur ro/ /las dang po pa yis 'di'i a wa d+hU tIr 'jug pa dang mi mthong ste/skra'i rtse mo brgya stong du gshegs pa'i tshad tsam phra ba'i phyir ro/ /de'i bsam gtan dang po'i lus dga' ba dang yid bde ba'i ting nge 'dzin yin no/ /rnal 'byor pa zab pa'i rdzogs rim bsgom par 'dod pas/ bskyed pa'i rim pa'i rang gi lha'i sbyor ba thams cad kyi zhabs su thig le stong pa nyid du bsgom pa 'di brtag go//rdzing bu la rde'u bskyur bskyur bzhin du dbus su bu ga phug nas rjes su gzhig pa'i stong pa nyid bsgom pa'am/ me long la rlangs pa zhu ba'i dpe mtha' nas zad nas dbus su skra'i rtse mo'i tshad tsam du ril por 'dzin pa'i stong nyid bsgom pa ni/thig le de yang bsam gyis mi khyab par bsam mo zhes bya ba gzung bar rang bzhin med pa rnam par snang mdzad kyis rgyas gdab bo/ /sems nyid rtag par mi bya'o/ /zhes bya ba ni gzung ba med pas 'bras bu 'dzin pa mi dmigs par bsgom pa mi bskyod pas rgyas btab pa yin no//bsam gyis mi khyab de bsams na/ /zhes bya ba ni rang rig pa'i sems kyi stong nyid bla ma'i man ngag gis yid kyi rnam shes kyi nges pa drangs nas rang rig pas stong nyid shes pa ni sa dang po'i rnal 'byor gyi mngon sum yin te/ des so so yang dag pa'i rig pa bzhi sa bcu gcig gi bar du 'thob par 'gyur ro//des thob pa'i spros med kyi spyod pa ni/ lag pa g.yon pas kha T+wAM ga zhi gnas gzung / g.yas pas Da ma ru shes rab lhag mthong bzung / nyin mo snang ba thams cad dpal he ru kar mthong / /mtshan mo mi snang ba thams cad mkha' 'gro ma shes par spyod pa yin no//chos kyi dbyings kyi sprul pa dag pa ni phag mo/ 'dus ma byas dang gnyis su med pa'i ye shes ni shrI/ 'das pa'i rgyu rkyen gyis stong pas na te/ da ltar gyi sna tshogs kyi bkod pa dang bral bas ru/ ma 'ongs pa 'khor ba gang du yang mi gnas pas ka /rang gi sems kyi stong nyid shes pa la ngal bso na de las tha dad pa'i chos kyi sku bstan du med do/ /rnal 'byor pa 'chi 'pho ba'i tshe ji ltar bya snyam na/ pheT pheT kyis he ru ka la sogs pa'i lha'i 'khor lo spyan drangs nas/ snying po'i phyag rgya dang yo ga shud+d+ha'i sngags kyis thugs kar zhugs nas/lha rnams kyis me tog sum cu rtsa gnyis ni gtor/ rol mo drug cu rtsa gnyis ni sgrogs/ glu drug cu rtsa gnyis kyis mchod/ 'jig rten pas 'chi ba zhes bya ba la rnam par rtog pa ni/ rnal 'byor ba mkha' la spyod pa'i gnas su khyer ro/ /'di skad ston pa yin te/sbyor ba sngon 'gro lnga dang / dngos gzhi'i ting nge 'dzin gsum/ rjes rnam pa brgyad dang thun mtshams kyi cho ga bcu gnyis dang bcas pa zhib mo rnam par 'thag pa don bzhi bcu rtsa brgyad dang ldan pa'i sgrub thabs zhib mo rnam par 'thag pa 'dir yang bsgom par bya'o/ /le'u bcu bzhi pa ro mnyam gyi 'grel pa'o// //de ltar ro mnyam gyi 'khor lo bshad nas/ drod gsher bskyed la mos pa'i gang zag gi ngor/ de nas gzhan yang bshad bya ba/ /zhes bya ba gsungs te/ tshad med pa'i rnal 'byor dang / byin gyis brlab pa dang / srung ba dang / tshogs sogs pa dang /stong pa nyid kyi rnal 'byor bsgoms nas nam mkha'i dbus su b+h+rUM las gzhal yas khang sgo bzhi sgo khyud dang rta babs dang bcas pa rdo rje ra ba me 'od dang bcas pa bsgom mo/ /de'i dbus su dbyangs yig bcu gnyis kyi yi ge phyi mo las yab yum r-i r-I l-i l-I bzhi las ye shes kyi lha mo bzhi ka nas b+hA'i bar yi ge nyi shu rtsa bzhi las dpa' bo dang dpa' mo ya ra la wa brgyad las sgo ma brgyad bskyed do//de nas yi ge phyi mo'i dbye bas lha thams cad kyi sngags kyi gnas kyang yi ge phyi mo yin la/ de bzhin gshegs pa'i dkyil 'khor kun bskyed pa'i gnas yin pa dang /yi ge thams cad kyi khong na yod pas as 'dus ma byas ston pas chos kyi sku thams cad mkhyen pa skye ba dang / thams cad mdzad pa'i longs sku dang kun la khyab pa'i sprul sku bskyed pa yin no/ /thung ngu drug gi sku gsum bskyed pa'i rgyus sangs rgyas kun gyi bdag nyid gdul bya sems can kun gyi snying la zag pa med pa'i sa bon byang chub kyi snying po gnas so//oM nas aH'i bar gyi dbyangs yig bcu gnyis ring po drug pos yum bskyed pa dang / thung ngu drug gis yab bskyed pa me long lta bu dang mnyam pa nyid yin no/ /dbus kyi hUM so sor rtog pa yin no//'od zer spro bsdu bya ba nan tan yin no/ /dpal he ru ka yab/ dbang phyug mchog yum/ zla ba'i cha ltar dkar ba/ zhal gcig phyag gnyis pa/rdo rje dang dril bu bsnams pa/ yum gri gug dang ka pA la bsnams pa/ r-i r-I li l-I/ bzhi las yum bzhi zhal gcig phyag gnyis pa thams cad dkar ba'o//ka nas dza'i bar du yi ge brgyad las thugs kyi 'khor lo dkar po rdo rje dang dril bu bsnams pa'o/ /dz+haM nas taM gyis bar du gsung gi 'khor lo dkar po pad+ma dang dril bu bsnams pa'o/ /thaM nas b+haM bar du sku'i 'khor lo dkar po 'khor lo dang dril bu bsnams pa'o//thod pa'i dum bu la sogs pa'i dpa' bo nyi shu rtsa bzhi rab gtum ma la sogs pa'i dpa' mo nyi shu rtsa bzhi sku gsung thugs kyi 'khor lo gsum yab yum so sor bsgoms pas thugs kyi rtsibs bcu drug la rdo rjes bskor ba/ gsung gi rtsibs bcu drug la pad+mas bskor ba/sku'i rtsibs bcu drug la 'khor los bskor ba/ yab yum gnyis ka'i ring thung gnyis nas ring thung gnyis kyi bar du mi thig le dang bcas pa las bskyed do/ /ya ra la wa bzhi las khwa gdong ma la sogs pa'i sgo ma bzhi dang sha Sha sa ha bzhi las gshin rje brtan ma la sogs pa bzhi'o//de thams cad ma'i thig le dang bcas pa'o/ /de ltar bskyed pa'i rim pa'i lha bskyed pa'i sa bon bshad nas/ yi ge k+Shas rdzogs pa'i rim pa ston te/ ser sngags kyis ser ba 'bebs pa'am/ dug sngags kyis dug gsod pa ltar/k+Shas gtum mo drod kyi gzugs bskyed pa dang / bde ba shu kra'i gzugs 'bebs pa dang / bde ba stong pa nyid thams cad mkhyen pa rtogs pa dang / dag pa 'jig rten pa thams cad gzigs pa dang / 'gro ba rigs drug gis 'byung ba kun gyi stong nyid rtags pa'i gnas yin zhing /'byung ba bzhi kun la khyab pa'i rtag tu stong pa nyid dang / sku'i stong nyid mi gsal/ gsung gi stong nyid phra ba/ thugs kyi stong nyid mi 'gyur ba/ de nyid srog gi dbang po de nyid thugs kyi dbang po rang rig pa gson pa'i chos nyid rang gi ngo bo nam mkha' lta bu 'chi ba'i 'od gsal ba'i bdag nyid rtogs na mkhas pas grol ba/k+Sha de nyid lte ba'i dbus su babs pa las dga' ba dang mchog dga' dang lhan cig skyes dga' dang / rnam pa thams cad kyi 'od gsal ba skye ba'o/ /yi ge gcig po k+Shas rdzogs rim bskyed do/ /bskyed rim gyi rgyas bshad ni/'khor lo gsum gyi yab yum so sor gnas pa gsang bas gzhan la mi bstan ro mnyam gyi 'khor lo bzhin du zhal gcig phyag gnyis pa'i phyag dang phyag mtshan dang ldan pa thams cad kyang dkar po/ las kyi rgyal mchog ni dpa' bo dang dpa' mo'i go cha gnyis de bzhin du lha la bskon la/sngar bshad pa bzhin du ye shes sems dpa' bcug la dbang bskur la/ phung po dang khams dang skye mched byin gyis brlabs te/ dpa' bo nyi shu rtsa bzhi yan lag rnam par dag pa lus kyi dkyil 'khor bsgom pa dang / byang chub kyi phyogs kyi chos sum cu rtsa bdun sems kyi 'khor lo bsgom pa dang /sprul pa'i 'khor lo ji ltar bsgom zhe na/ lugs 'byung lugs bzlog gis bkod la thams cad dkar po/ dpa' mo thams cad gri gug dang ka pA la thogs pa/ dpa' bo thams cad rang gi mtshan ma dang dril bu bsnams pa/'khor lo rim pa gsum la rtsibs bcu drug pa gsum gyi steng du dpa' bo dang dpa' mo so sor dgod par rang snang ba'i thabs dang shes rab gnyis su med par gnas pa sngags bzlas pa dang / bdud rtsi myang ba dang / mchod pa dang bstod pa dang / gtor ma gtang ba dang / snga ma bzhin du byas la/snying gar bsdu ba dang / kun du spyod pa kha bskang ngo / /rdo rje snying po dang dpa' bo rnams dang / rnal 'byor ma sba zhing gsang ba gsungs so/ /zhib mo rnam par 'thag pa'i sgrub pa'i thabs don bzhi bcu rtsa brgyad 'dir yang bsgom par bya'o/ /le'u bco lnga pa'i 'grel pa'o// //de ltar yig 'bru las bskyed pa'i dkyil 'khor bshad nas/ so so'i skye bo las dang po'i ston par bzhed pas/ de nas gsang ba bshad bya ba/ /zhes bya'o las dang po pa'i bsgom pa ni/ sngon du 'gro ba'i rnal 'byor lnga byas nas 'byung ba bzhi dang ri rab kyi steng du b+h+rUM gyur pa las gzhal yas khang bskyed pa de'i dbus su nyi zla kha sbyor gyi dbus nas yi ge hUM las mngon byang lnga'i rim pas skad cig gis sa dgu rdzogs pa'i rnal 'byor dam pa mchog gsungs pa yin no zhes pa mdor bstan to//rgyas bshad ni/ phyag gnyis pa la zhal gcig pa/zhes pa nas/ dpa' bo g.yas brkyang gnas pa ste/ /mkha' 'gro ma'i byin pas 'khyud pa/ /gnyis su med par mnyam ldan pas/ /rjes su chags pas bde ba'o/ /zhes bya ba'i bar du dkyil 'khor rgyal mchog ni go sla'o/ /las rgyal mchog ni ye shes 'khor lo mnyam ldan pa//zhes bya ba go cha bskon nas ye shes sems dpa' bcug la gcig tu thim pas ye shes sems dpa' de thob pas chos kyi rol bas 'khor lo thams cad dang ro gcig par 'gyur ro/ /de nas dbang bskur ba'i lha spyan drangs nas dbang bskur ro/ /dpral bar sku'i 'khor lo//lkog mar gsung gi 'khor lo/ snying gar thugs kyi 'khor lo dam pa bsgom mo/ /de nas bzlas pa ni dpa' bo dang dpa' mo thams cad kyi ming gi thog mar oM dang tha mar hUM hUM phaT dang bcas pas bzlas par bya/ yab yum gyi snying po dang nye snying ni go sla'o/ /spro bsdu ji ltar bsgom zhe na/ba spu'i khung bu'i rtse mo nas lha drug cu rtsa gnyis kyi 'khor lo spros nas/ re res kyang rang rang gi 'khor lo spros pas thug med kyi chos kyi longs spyod kyi sems can rjes su gzung ba'i phyir/ 'gro ba rigs drug bsgral nas bde mchog gi go 'phang bla na med pa'i gnas su gzhag par bya'o//sngags pas rgyas pa la dga' na/ rigs lnga'i 'khor lo'i dbus su bde mchog bzhugs pa spro ba'am/ yang na dpral ba las sku/ lkog ma las gsung / snying ga nas thugs kyi 'khor lo gsum po 'ga' zhig spro bsdu'i dbye ba gnyis bya'o//'di skad ston pa yin te/ zhib mo rnam par 'thag pa yan lag bzhi bcu rtsa brgyad dang ldan pa'i sgrub thabs bsgoms te/ zhal dang phyag nyung ba las dang po yin no/ /le'u bcu drug pa'i 'grel pa'o// //dbang po rtul po'i bsgom pa bshad nas/ dbang po 'bring po zhal bzhi phyag bzhi pa rdo rje snying po rab tu bshad pa ste/dbang po 'bring gi rnam par bsgom/ /zhes pa ni mdor bstan to/ /rgyas bshad ni tshad med pa la sogs pa sngon du 'gro ba lnga bsgoms nas/ 'byung ba bzhi ri rab sna tshogs rdo rje dang / b+hUM las gyur pa las gzhal yas khang bskyed la lha rnams mngon par byang chub pa lnga'i rim pas skad cig gis bskyed pa'i rnal 'byor gtso bo rnam par bsgom pa dang /'khor yang rnam par bsgom mo/ /zhal bzhi pa la phyag bzhi pa/ /zhes bya ba nas/ dpa' bo'i longs spyod 'dod pas khyab/ /chags pa'i mig gis rnam par blta/ /zhes pa'i bar du/dkyil 'khor rgyal mchog gi phyag dang phyag mtshan la sogs pa ni go sla'o/ /las kyi rgyal mchog gi sngar bshad pa'i cho ga bzhin du go cha bskon pa dang / ye shes sems dpa' gzhug pa dang / dbang bskur ba dang / spro bsdu bsgom pa dang / gsang sngags dpa' bo dang dpa' mo rang gi ming nas brjod pas bzlas pa bya'o//yab yum gyi sngags ni go sla'o/ /las rgyal mchog gi rgyas bshad ni/ dngos po kun gyi de ltar zhes bya ba dkyil 'khor rgyal mchog gi lha thams cad la bltas nas go cha bgo nas/ ye shes 'khor lo la bltas te phyag 'tshal mchod pa bya/dbang bskur ba nas/ dam tshig sems dpa' dang ro gcig tu gyur par bsgom mo/ /thod pa bzhi las bdud rtsi mchog byin gyis brlabs nas tshim par bya/ ye shes kyi bzlas pa'i spro bsdu bya/ sku gsung thugs kyi 'khor lo gsum gyi rim pas spro bsdu byas pa'i rjes la/ngag gis bzlas pa bya yin no/ /'di skad ston pa yin te/ 'dir yang zhib mo rnam par 'thag pa'i sgrub thabs yan lag bzhi bcu rtsa brgyad bsgoms la/ zhal dang phyag nyung bas dbang po 'bring po'i sgom pa yin no/ /le'u bcu bdun pa'i 'grel pa'o// //de ltar dbang po 'bring po'i bsgom pa bshad nas/dbang po rnon po'i bsgom pa bstan te/ de nas gzhan yang bshad bya ba/ /zhes bya ba smos te/ dgos pa ni dbang po rnon po'i sgrub pa po la phan pa'i phyir/ de ltar bskyed pa'i rim pa'i bsgom pa bshad do/ /shes rab kyi pha rol tu phyin pa dang sbyar na dbang po rnon po'i bsgom pa ni/rnam pa thams cad mkhyen pa nyid yin la/ dbang po 'bring po'i ni lam shes pa nyid yin la/ dbang po rtul po'i ni kun shes pa yin te/ tshigs bcad gnyis po de ni mdor bstan pa yin no/ /sngon du 'gro ba'i rnal 'byor lnga rdzogs nas/ ldang ba'i rnal 'byor 'byung ba bzhi'i ri rab dang bcas pa sna tshogs rdo rje dang pad+ma bskyed la/de'i steng du A li kA li'i sbyor ba dpal he ru ka'i nyi ma'i dkyil 'khor la bzhugs pa'i gzhal yas khang dur khrod brgyad dang bcas pa rdo rje ra ba me 'od kyis bskor ba rdzus skyes kyis bskyed do/ /mgon po zhal gsum pa ni rnam thar sgo gsum mo//phyag drug ni pha rol tu phyin pa drug /'khor thams cad kyang zhal gsum phyag drug pa sku mdog dang phyag mtshan ni rgyud na gsal bas ma bshad do/ /gtso bo bskyed pa ni bsnyen pa/ 'khor bskyed pa ni nye bsnyen/ lus dkyil 'khor bsgrub pa ni kha bskang ngo / / de ltar dkyil 'khor rgyal mchog ma lus par bsgoms nas/ las kyi mchog 'di ni go cha bskon la ye shes sems dpa' spyan drangs nas mchod yon dang me tog la sogs pa phyi'i mchod pa dang / nang gi bdud rtsi lnga la sogs pa'i mchod pa dang / dbang bskur nas ro gcig par bsgom mo//srog dang rtsol ba dbugs 'byung rngub bkag la ye shes kyi bzlas pa'i lha'i sbyor ba'i spro bsdu bsgom pa dang / bdud rtsi lngas lha thams cad la mchod pa dang / 'khor lo'i dam tshig gi ngag gi bzlas pa khro bo 'brug sgra lta bu'i tshig gi bzlas pa bya'o/ /dkyil 'khor thams cad kyi bzlas pa yang lha so sor mnyam par bzhag la/shes rab dang thabs kyi bzlas pa dpa' bo dang dpa' mo so so'i nga ro kha nas mgal me'i 'khor lo ltar bzlas na mngon sum du lha mthong nas mchog gi dngos grub stsol lo/ /bzlas pa'i sngags ni go sla bas ma bshad do//bsgom pa dang bzlas pas dub na/ yang bdud rtsi myangs la/ ngal bsos nas lha'i rnal 'byor la gnas par bya'o/ /'di skad ston pa yin te/ sngon du 'gro ba lnga dang / ldang ba'i cho ga bdun dang / dang po sbyor ba gnyis dang / dkyil 'khor rgyal mchog drug dang / las rgyal mchog brgyad dang /rjes kyi rnal 'byor drug dang / thun mtshams kyi rnal 'byor don bcu gnyis dang / mngal skyes la don bzhi bcu rtsa brgyad bsgom pa dang / rdzus skyes kyang rgyu'i he ru ka zhu ba dang / glus bskul ba med kyang mngon par byang chub pa lnga phye bas grangs mnyam pa yin no/ /de ltar zhib mo rnam par 'thag pa'i don bzhi bcu rtsa brgyad bsgom mo/le'u bco brgyad pa'i 'grel pa'o// //dbang po rab 'bring tha ma'i bsgom pa bshad nas/ rdo rje snying pos gsungs pa'i phag mo kun gzugs mchod pas/ de nas gzhan yang bshad bya ba/ /zhes bya ba'o/ /mdor bsdus rnal 'byor sdom pa ste//zhes bya ba ni 'khor lo lnga mdor bsdus nas ye shes kyi dkyil 'khor gyi rnal 'byor gyi sdom pa gsungs te/ phag mo kun gzugs ni 'khor lo lnga'i lha sangs rgyas kun dang mnyam par sbyor ba mkha' 'gro ma'i sdom pa'i mchog ston pa ni mdor bstan to/ /rgyas bshad ni sngon 'gro lnga dang ldang ba'i rnal 'byor bdun rdzogs nas rdzus skyes kyi skad cig rnam pa rten dang brten pa'i dkyil 'khor cig car spro ba yin no//pad+ma'i dbus su A li kA li mngon par byang chub pa'i rim pa lnga las he ru ka zhal bzhi pa phyag bcu pa dbus sngo ba/ g.yas ser ba/g.yon ljang ba/ steng gi zhal dkar po zhi ba'o/ /drug pa thod pa'i cod pan la sogs pa go sla'o/ /phyag dang po gnyis kyis rdo rje dang dril bu mnyam par ldan pas phag mo'i sku rtsa btsir ba/ g.yon gnyis na thod pa dang kha T+wAM ga/ /g.yas gnyis na zhags pa dang lcags kyu/ phyag gnyis kyis tshangs pa'i pags pa bsnams pa/gnyis kyis cang te'u dang tshangs pa'i mgo bos chos kyi sgras rab tu 'gengs pa ste phyag bcu yin no/ /phag mo ni dmar mo zhal gcig phyag gnyis ma yin no/ /'khor gyi lha mo bzhi ni zhal bzhi phyag brgyad pa g.yon na cang te'u dang kha T+wAM ga /g.yas na rdo rje mdung thung / gnyis kyis mi lpags bsnams pa/ gnyis kyi dril bu dang cang te'u/ gnyis kyis mgo bo dang gri khug bsnams pa ste/ phyag brgyad do/ g.yer ka'i skra sgrogs ska rags ldan/ /zhes bya ba nas thams cad de ltar bsgoms nas zhes pa dkyil 'khor rgyal mchog rdzogs nas dpa' bo dang dpa' mo'i go cha bskon pa/mtshan dang dpe byad can gyis ye shes sems dpa' spyan drang ngo / /mchod pa dang bstod pa byas la dbang bskur nas/ ye shes kyi bzlas pa'i spro bsdu dang ngag gis bzlas par bya ste/ sngags ni go sla bas ma bshad do/ /bsgom pa dang bzlas pa rim pas bdud rtsi myang ba'i dam tshig gi sdom pa la gnas pa'i phyir/sgron ma sha lnga bza' zhing gnas dur khrod du rtag tu bzlas pa bya'o/ /gal te ma grub na/ mtshan mo bdun gyis sbyor ba yis/ /phag mo kun gzugs bsgom pa nas/ /bdud bzhis mi 'jigs pa'i dngos grub nges par thob par 'gyur ro//phag mo kun gzugs ni/ gong du smos pa'i zhal brgyad phyag stong yod pa bsgoms te/ de la bcom ldan 'das kyi zhal bzhi dang dpa' bo nyi shu rtsa bzhi'i zhal/ bum pa bzhi rig bzhi'i zhal te/ dpa' bo rnams kyi zhal sum cu rtsa gnyis rim pa brgyad du brtsegs pa dang /de'i steng du lha mo sum cu rtsa drug dur khrod brgyad kyi zhal dang / bzhi bcu rtsa bzhi dang bdun cu rtsa drug yin la/ bong bu'i he ru ka'i rnam pa sku gsung thugs kyi 'khor lo dud 'gro'i zhal nyi shu rtsa bzhi ste/ brgya tham pa'i zhal mnga' ba/ phyag kyang bcom ldan 'das kyi phyag bcu gnyis dang yum gyi phyag gnyis dang bcu bzhi mngal skyes lnga dang sgong skyes lnga'i phyag mtshan dpa' bo dang dpa' mo drug cu tshan bcu dang /rdzus skyes dpa' bo dang dpa' mo drug cu'i phyag mtshan dang drod gsher skyes dpa' bo dang dpa' mo drug cu'i phyag mtshan dang /bong bu'i he ru ka'i rnam pa sna tshogs kyi 'khor lo lha drug cu'i phyag mtshan dang sgyu 'phrul dra ba'i lha drug cu dang / so sor 'brang ma'i lha dgu phyis 'byung ba'i dkyil 'khor gsum dang bcas pa'i phyag mtshan phyag stong yin no/ /de'i don ni/ sna tshogs gzugs can bde ba che//rnal 'byor pa ni mi snang bzhugs/ /zhes pas thabs mi snang ba dang / bza' ba dang bza' min bdud rtsi lngar byin gyis brlabs nas/ bza' ba dang btung ba dang / btung min byin gyis brlabs nas btung ba dang phyogs kyi gos can gyi gar gyis myos shing smyos pa lta bur bsgoms na so so'i skye bos grib ma yang mi mthong bar rnal 'byor chen po sa steng na spyod do//shin tu spros med kyi rnal 'byor ma bas ma hA ru ti rA bdud rtsi lnga dang / zas kyi lhag ma dri chen dang / dri chu dang ldan pa'i sha sna tshogs pa sems rtse gcig pas bza' ste/ nang gi bdag nyid sgyu ma dang 'od gsal dang zung 'jug gi sbyor bas nyin mo rtag tu gsang bas mtshan mo gnas par bya'o//de lta bu'i spyod pa'i dgos pa ci zhe na/ mnyam par ma bzhag pa'i spros bcas dang spros med kyi spyod pa'i rnal 'byor gyis ye shes kyi mig la sogs pa mngon par shes pa drug thob par 'gyur ro/ / las dang po pa yin na zhib mo rnam par 'thag par yan lag bzhi bcu rtsa brgyad bsgom mchog tu gyur pa'i rnal 'byor pa yin na mngon par byang chub pa lnga'i rim pa'i dang po sbyor bas/ dkyil 'khor rgyal mchog gi snod bcud cig car skyes la/ las kyi rgyal mchog gi go cha bskon/ ye shes sems dpa' gzhug/dbang bskur/ bsgom pa'i tshe na spros bcas kyi spyod pa'am/ spros med kyi spyod pa'am/ shin tu spros med kyi spyod pas gnas pas bza' btung thams cad bdud rtsir 'gyur la ngag tu bzlas par 'gyur la/ lag pa dang rkang pa'i phyag rgya ji snyed gar gyi mchod pa dang /glu'i mchod par 'gyur/ dngos rjes kyi bsgom pa la tha dad med/ gzhal yas khang dang stong gsum la tha dad med/ 'gro ba drug dang lha'i 'khor lo la tha dad med par ye shes kyi mig gis mthong pa yin no/ /le'u bcu dgu pa'i 'grel pa'o// //de ltar rdo rje phag mo kun gzugs bshad nas he ru ka phyag 'bum pa bsgom pa 'chad pa ni/de nas gzhan yang bshad bya ba/ /smos te/ rtsa ba rgyud kyi rtsa rgyud 'dir/ /zhes bya ba ni rgyud 'bum pa las rtsa ba thams cad tshang bar bsdus pa'i phyir 'di'i don rgyas par der ston pas na 'di nyid rtsa ba'i rgyud yang dag pa'o/ /de'i phyir zhabs nas rgyud gzhan yan lag rgyud du zad ces gsungs so//cho ga bzang po gzhan du ste/ /zhes bya ba ni ro langs bsgrub pas gal te bgegs kyis 'jigs na/ cho ga bzang po phyis 'chad pa'i zhal brgyad phyag bcu drug pa'am/ yang na zhal bcu gnyis pa phyag nyi shu rtsa gnyis pa'am/ yang na zhal nyi shu rtsa bzhi pa/ phyag bzhi bcu rtsa brgyad pa'am/ yang na sna tshogs pa'i dud 'gro'i zhal can nam mkha' lding gi zhal nyi shu rtsa lnga pa/ dud 'gro rkang bzhi pa'i seng ge la sogs pa'i zhal nyi shu rtsa lnga ste lnga bcu/ phyag brgya phrag bcu yin no/ /yang na zhal stong yin te/ rigs kyi de bzhin gshegs pa lnga dang / sems dpa' nyi shu rtsa bzhi dang / dpa' bo dang dpa' mo bzhi bcu rtsa brgyad dang / gzungs bcu dang / pha rol tu phyin pa bcu dang / sa bcu dang / dbang bcu dang / stobs bcu dang / mi 'jigs pa bzhi dang / so so yang dag par rig pa bzhi dang /tshad med pa bzhi dang / sangs rgyas kyi chos ma 'dres pa bco brgyad kyi zhal dang dbyibs dang kha dog sna tshogs pa zhal stong phrag 'bum dang ldan zhing / 'jig rten dang 'jig rten las 'das pa'i rgyud sde bzhi'i lha tshogs kyi phyag mtshan 'dzin pa dang / 'dod khams gnas ris nyi shu'i 'gro ba rigs drug sna tshogs kyi gzugs 'dzin pa phyag na bsnams pa dang /gzugs khams gnas ris bcu bdun/ gzugs med mu bzhi'i lha phyag tu 'dzin pa dang / rig pa'i gnas lnga sgyu rtsal bco brgyad phyag na bsnams pa dang / zhabs stong gis g.yas brkyang dang g.yon brkyang 'chol bar bzhugs pas 'jigs byed dang dus mtshan la sogs pa drag po 'jigs byed drug cu rtsa gnyis dang /tshangs pa bsam gtan bzhi pa'i lhas bskor ba/ dbang po nye dbang gis bskor ba/ drag po rtse gsum 'chang gis bskor ba/ khyab 'jug lha ma yin gyis bskor ba/kun 'gyed gzhon nu nam mkha' lding gis bskor ba/ kArti ka rgyal chen ris bzhi'i lhas bskor ba/ nag po chen po ma mo'i tshogs kyis bskor ba/ dga' byed dbang phyug dri za'i 'khor gyis bskor ba/ gshin rje mkha' 'gro mas bskor ba/ chu lha klus bskor ba/nyi ma dang zla ba gza' brgyad dang / rgyu skar nyi shu rtsa brgyad kyis bskor ba/ 'chi bdag gi bdud dus ma yin par 'chi ba brgyad kyis bskor ba/ phung po'i bdud nad bzhi brgya rtsa bzhis bskor ba/ lha'i bu'i bdud gdon stong phrag brgyad cu'i 'khor gyis bskor ba/ nyon mongs pa'i bdud 'dod chags khyim bya dang /zhe sdang sbrul dang / gti mug phag la sogs pa thams cad kha sbub tu zhabs kyis mnan par blta ste/ phyag stong phrag gcig zhal 'jigs su rung ba dang / phyag stong phrag gcig zhal bzhin 'gyur ba dang / drag po dang / mche ba gtsigs pa dang /bzhad pa dang / smin ma bcum pas mi sdug pa dang / mchu mnan pas rab tu 'jigs pa dang / spyan gdangs pas dpa' ba dang / sgegs pas 'dzum pa dang / lce brkyang bas rngam pa dang / smin ma bsdus pas khro ba dang / steng ma zhi ba dang / ljags g.yo ba dang / ljags mi g.yo ba dang /zhal gdangs pa dang / rnam par rol pa sna bug du ljags 'jug pa dang / ljags bskyod pas zhal gyi dkyil 'khor khebs pa dang / sna tshogs pas ngo mtshar ba dang / mche ba lhag ger byung bas gshe ba dang / phyag stong phrag nyi shu'i zhal rin po che'i rigs/phyag stong phrag nyi shu'i zhal pad+ma'i rigs/ phyag stong phrag nyi shu'i zhal las kyi rigs/ phyag stong phrag nyi shu'i zhal de bzhin gshegs pa'i rigs te/ phyag 'bum gyi 'od zer 'phro ba'i nyams kyi mchog gi lus kyi rnam par rig byed ston par mdzad pa yin no/ /thod pa'i phreng ba stong zla ba phyed pa stong /sna tshogs rdo rjes dbu brgyan pa stong sangs rgyas lnga'i cod pan stong / rdo rje sems dpa' spyi gtsug na stong / spyan sum stong / zhabs stong la stag gi pags pa stong las sham thabs byas pa/ mgo bo'i phreng ba lnga bcu rtsa gcig gis brgyan pa/ phyag rgya drug las spyi gtsug gi rus pa'i 'khor lo stong / rna cha nyis stong / mgul rgyan chig stong / tshangs pa'i skud pa 'bum/ thal ba'i rdul gyis byugs pa 'bum/ dpung rgyan 'bum/ lag gdub 'bum/ yan lag la sbrul gyi rgyan 'bum/ dbu la stong zhabs la stong gi sbrul gyi rgyan gyis brgyan pa/yum rdo rje phag mo zhal gcig phyag gnyis pa/ rdo rje dang thod pas 'khyud pa can no/ /bcom ldan 'das kyi phyag dang po gnyis rdo rje dang dril bu stong gis 'khyud pa/ thod pa dang kha TAM ga stong 'dzin pa/ lcags kyu stong / zhags pa stong / dgra sta stong /khab stong / skud pa stong / me long stong gi bar du stong phrag brgya'i phyag mtshan phyag 'bum gyi phyag rgyas 'dzin pa/ cho ga sna tshogs pa'i phyag mtshan re re la 'khrul 'khor re res phrin las re re mdzad do zhes nam mkha' lding gi gdong can gyi le'u sum cu rtsa drug pa las bshad do//'khor gyi mkha' 'gro ma sum cu rtsa drug dpa' bo sum cu rtsa drug dang 'khyud pa/ dbu gsum phyag drug sku mdog mtha' yas sna tshogs kyi mdog can/ phyag mtshan sna tshogs 'dzin pa bsgom par bya'o/ /'dod yon gyi snam bu la sna tshogs gar gyis longs spyod cing bdud rtsi lnga'i zas dang / me tog la sogs pa phun sum tshogs pas mchod par bsam mo//mdog sna tshogs pa'i dur khrod brgyad kyi zhing skyong mchog dam pa dang bcas pa/ de ltar dkyil 'khor rgyal mchog sngags pas bsgoms nas/ las kyi rgyal mchog gi rnal 'byor ye shes sems dpa' gzhug pa dang / go cha bskon pa dang /dbang bskur ba dang / bdud rtsi myang ba dang / bsgom pa rdzogs par byas nas/ yi ge nyi shu rtsa bzhi pa dang bsreg pa'i phreng ba'i sngags bzlas par bya'o/ /lha mo rdo rje phag mo yang phyogs kyi gos can/ skra grol ba/ pha rol tu phyin pa dang / gzungs dang / sa'i rang bzhin bsgoms nas yab kyi phreng ba'i sngags bzlas pa ni/'bras bu dang bcas pa go sla'o/ yum rdo rje phag mo'i sngags ring dang yab kyi rkang pa brgyad pa dang / yum gyi rkang pa brgyad pa yang go sla'o/ /ldang ba'i tshe A li kA li rdo rje ni/ phag mo'i bdag nyid bsgom byas nas/ /zhes bya ba lha'i 'khor lo thams cad snying gar bcug/lus kyi zhal stong dang / zhabs stong dang / phyag 'bum dang / yum dang snying gar bcug par bsgoms nas/ rkang pa brgyad pa'i sngags kyis bdag nyid la mchod nas/ haM las khrab bskyed/ khaM las brgyun bskyed/ rdo rje khrab kyi steng du/ zhal zhi ba'i khro bos byin gyis brlabs te/suM b+ha ni shar du/ gr-ih+Na lhor/ gr-ih+Na pa ya nub tu/ A na ya ho byang du/ yang na khro bo med pa kun rdo rje'i khrab tu bsam mo/ /de'i lte bar dpal he ru kar bdag nyid bsgoms nas/ 'khor sgrub pa'i grogs po thams cad kyang de ltar gnod mdzes kyi khro bos bsrung du gzhug go//de ltar phyag 'bum pa bsgom pa ni/ mtshan ma thob nas ro langs bsgrub pa'i las tshogs bya ste/ gong nas 'byung ba'i ji lta ba'i rim gyi nang du nyon mongs pa 'joms pa'i dud 'gro la sogs pa'i gzugs brnyan gyi bza' ba bsgrub pas bya ba dang /phyi rol du de bzhin du bde bar gshegs pa'i bstan pa la sdang ba'i ling+ga dang / dkon mchog gsum gyi dkor 'phrog pa dang / mtshams med pa byed pa dang / sngon slob dpon la smod pa dang theg chen la smod pa'i gro ba'i ling+ga byas la bsad nas mkha' 'gro ma dang lhan cig bza' bar bya'o//ling+ga'i rgyu ci zhe na/ 'bras phye'am bag phye srab par blings la glang po che'i sha'am/ ngang pa'i sha'am/ ba lang gi sha'am/ bya rog chu skyar spyang ki khrung khrung / mdzad pa'i sha btsos nas/ nas tsam sran ma tsam du mtshon rnon pos gtubs nas mar la btsos te/tshos pa dang bton nas tsha ba gsum dang mngar gsum dang / 'bras bu gsum dang / shing tsha dang / tsan+dan dkar dmar dang / gur gum dang 'gi wang dang / li shi dang sug smel dang / rgyam tsha la sogs pa'i phye ma'am lde gus btab nas/ bag zan gyis dril nas tsA ru zhes bya ba'i nang gi ling+ga ste/bde bar gshegs pa'i bstan pa la sdang ba'i gzugs sam/ dkon mchog gsum gyi dkor 'phrog pa la sogs pa'am/ mi'i gzugs bya/ khro bo 'dod pa'i rgyal po'i phyag rgya dang sngar bshad pa'i dpa' bo dang dpa' mo'i sngags yum rdo rje phag mo'i sngags ring rkang pa brgyad pa dang bcas pa'i sngags kyis sgrub pa pos lan brgya'am stong khri'i bar du dud 'gro rnams kyi sems sngags dang phyag rgyas dgug par bya'o//de la/ nyon mongs 'joms pa'i dud 'gro ni/ /nga rgyal bong bu yi gzugs bya//the tshom mi yi gzugs kyis te/ /ser sna rus sbal gzugs yin no/ /log par lta ba rnga mo'i gzugs/ /zhe sdang khyi yi gzugs yin te/ /g.yo sgyu ce spyang gzugs yin no/ /phrag dog rta yi gzugs yin no/ /zhes sgyu 'phrul dra ba nas bshad pas/ / nyon mongs pa'i gzugs ni nang gi ling+ga yin no/ /dud 'gro rnams kyi sha dngos grub kyi yan lag tu rab tu bsgrags pa mi sha dang glang po che'i sha la sogs pa go sla'o/ /de rnams ro'i khar sbyin sreg byed par 'dod na yar ngo dang mar ngo'i bcu bzhi dang bco lnga la 'gegs nas shi ba'i ro pad+ma 'dab brgyad kyi dkyil 'khor gyi kha la ro bzhag na/dur khrod brgyad kyi bgegs gang yang rung ba nang du bcug la/ ro'i kha nas me phyung la ro'i snying gar g.yas brkyang pas 'dug la/ khyi nag mo'i 'o ma'am/ ma sha'i 'bras bu nag po'i chan dang bcas pas 'dzem pa med par ro'i kha'i mer sbyin sreg brgya rtsa brgyad byas nas/ro de langs nas ci bgyi zhes smra bar 'gyur ro/ /de'i tshe yang phyag 'bum par ting nge 'dzin gsum gyis bskyed la/ sa 'og lha ma yin gyi bu mo la dbang ba'i dngos grub nga la byin zhes brjod do/ /yang na ral gri 'di thogs pas dgra kun sod/dbang du gyis/ yang na ral gri thogs la rim gyis 'dre sod la zhi bar gyis/ dus ma yin par 'chi ba brgyad sod la tshe 'phel bar gyis zhes tshar gcod pa dang / phan 'dogs pa'i phrin las rnam bzhi dang / yang na ri lu blangs nas mi snang ba dang /mig sman gyi mngon shes bskyed pa dang / gter blangs nas phyug por 'gyur ba dang / yang na rkang mgyogs kyis dpag tshad du mar 'gro ba dang / bcud kyis len gyis lo stong ngam khri thub pa dang / dngos grub gcig ster gyi/ du ma ni 'jig rten pas ster mi nus/dngos grub 'di las gzhan du mi 'gyur te lha'i bu mo dang / 'og klu'i bu mo yang ro langs kyis ster bar the tshom med do/ /rtsa ba'i yang rtsa ba'i rgyud 'di las/ gzhan yan lag gi rgyud ni lnga bcu rtsa gnyis pa dang he ru ka mngon par 'byung ba la sogs pa'o/ / le'u nyi shu pa'i 'grel pa'o// //de ltar dngos grub bsgrub pa'i 'khor lo bcu drug bshad nas/ dngos grub sna tshogs kyi 'khor lo ston pa ni/ de nas gzhan yang bshad bya ba/ /zhes gsungs te/ dngos grub sna tshogs kyi 'khor lo le'u bcu bdun pa las dang por sems can bsrung ba'i phyed du phyir bzlog gi 'khor lo rgyud gzhan du sbas pa khams gsum du zag med kyi bsrung ba rnyed par dka' bas bshad pa'i rgyud 'dir 'chad pas the tshom mi bya'o//nam gyi tshe bsrung bar bya zhe na/ dbang bskur nas bsrungs te/ zhi ba gro ga la bri/ rgyas pa ras la bri/dbang la bud med kyi smad sham la bri/ mngon spyod dur khrod kyi ras sam thod pa la bri/ zhi ba gi'u wang gis shar du kha bltas nas 'dam bu'i smyu gus bri/ rgyas pa la gur kum gyis kha byang du bltas la smyu gus bri/ dbang la kha nub tu bltas te khrag gam mtshal gyis sgro rtsa'i smyu gus bri/mngon spyod la dug dang dur khrod kyi sol bas mi rus kyi smyu gus bri/ /zin nas bum par bcug la bsnyen pa bya/ rab gnas bya de nas lus kyi spyi bo'am/ mgul ba'am/ dpung par gdags so/ /yang na sngar bshad pa'i dkyil 'khor bcu bdun bsgoms nas ldang ba'i tshe/snying gar 'khrul 'khor bkod la bsrung bar bya'o/ /ji ltar bri zhe na/ dbus su hUM gi khong du baM/ de'i lte bar oM AHhUM/ oM AHhUM/ de'i dbus su ming dang bcas pa'i sngags bri/ de'i phyi rol du sna tshogs rdo rje rtse mo bcu gnyis pa'i ra dbus sum bzhi la mkha' 'gro ma la sogs pa'i ming bri/mtshams su bum pa dang thod pa bri/ de'i phyi rgyab tu pad+ma 'dab ma brgyad la/ thugs kyi 'khor lo'i yab yum brgyad kyis bskor ba dgod/ thugs kyi phyi rgyab tu sna tshogs rdo rje bri/ de'i rwa dbus ma bzhi la/ gnod mdzes kyi sngags bzhi bri/de'i phyi rol du ri mo gnyis kyi bar du dbyangs yig bcu gnyis kyis bskor/ de'i phyi rol du rdo rje ra bas bskor/ de'i phyi rol du pad+ma 'dab ma bcu drug la yi ge brgya pa cha bcu drug tu bgos pas dgod do/ /mkhas pas lte bar bri ba ni/ /zhes pa ye shes kyi 'khor lo la pad+ma'i dod du rdo rje rtse mo bcu gnyis pa yin/de'i lte ba la yab kyi hUM chen po dang / yum gyi baM chen mo/ de'i nang du yi ge oM AHhUM gsum/ de'i nang che ge mo rak+Sha rak+Sha zhes pa bsgrub bya'i ming spel lo/ /rdo rje'i ra bzhi la mkha' 'gro ma bzhi'i daM laM khaM ruM r-i r-I l-i l-I bzhis mnan la dgod do//de la gri gug gi phreng ba'i dod du gnas dza'i bar du yi ge brgyad lte ba'i mu khyud la bri'o/ /sngar bshad pa'i pad+ma 'dab ma brgyad ni thugs kyi 'khor lo'i bzhi yin/ de'i shar la sogs pa'i pad+ma'i 'dab ma'i phyogs bzhi dang mtshams bzhi'i dpa' bo dang dpa' mo'i sa bon ni ming mtshan gyi dang po brgyad yin te/hUM brgyad dang spel nas bri bar bya'o/ /pad+ma'i phyi rol gyi mu khyud la sngar bshad pa'i cha rnams zhes bya ba ni/ dbyangs yig bcu gnyis thig le can gyis bskor ro/ /de'i phyi rgyab tu thugs rang gi rtags rdo rje phreng bas bskor ro/ / de'i phyi rgyab tu pad+ma 'dab ma bcu drug la yi ge brgya pas bskor zhes 'og nas le'u nyi shu rtsa drug pa nas 'chad do/ /de'i phyi rol du sku dang gsung gnyis cig car 'khor lo rtsibs bcu drug pa bri'o/ /shar nas byang gi bar gyi gsung gi dpa' bo dang dpa' mo'i ni ming mtshan gyi dang po'i bar du hrIHdang spel lo//nub dang lho'i bar brgyad la/ sku'i dpa' bo dang dpa' mo'i ming mtshan gyi dang po'i bar du oM dang spel ba bri bar bya'o/ /bsgrub bya'i ming gang du bri zhe na/ dbus kyi lte ba la oM dang AHhUM gsum gyi bar du phrin las rnam pa bzhi mtha' rten dang bcas pa bri'o//de'i mtha' nas gsal byed kyi yi ge lhag ma ja nas b+ha'i bar gyi de'i phyi rol gyi mu khyud la bri bar bya'o/ /pad+ma'i phreng ba dang 'khor lo'i phreng ba gnyis kyis bskor bar nges so/ /'khor lo'i phyi rol gyi sgo bzhi la khwa gdong ma la sogs pa'i ming mtshan gyi dang po bzhi dang /ya ra la wa bzhi dang bsgrub bya'i ming dang / thog mar hUM kaM yaM che ge mo rak+Sha phaT ces bya ba spel la bri bar bya'o/ /de bzhin du byang phyogs kyi sgor hUM oM ra che ge mo phaT bri bar bya/ de bzhin du sbyar ro/ /mtshams bzhi ru gshin rje brtan ma la sogs pa'i ming dang /sha Sha sa ha bzhi dang / hUM phaT ming dang spel bar bya'o/ /sgo'i steng du rta babs kyi bar rdo rje rgya gram zur bzhir nyi zla la rdo rje rgya gram/ de thams cad kyi steng du khro bo'i sku yan lag chos kyi 'khor lo dod skal/ de'i khro bo'i zhal nas rkang pa'i sngags byung ba yin phyogs brgyad pa'i sngags phyogs bzhi mtshams brgyad du bri'o//de'i phyi rol du rdo rje ra ba'i dod du phyir bzlog gi sngags rings bri'o/ /de'i phyi rol du me 'od kyi dod du k+Sha'i phreng bas bskor ba dang / de'i phyi rol du dbyangs yig bcu drug tshan bzhi phyogs bzhin bkod/ de'i phyi rol du tha'i phreng bas bskor/de'i phyi rol du rdo rje'i phreng bas bskor ro/ /de'i phyi rgyab tu skud pa dkar pos bskor zhing phreng ba'i sngags bzlas/ de nas rgya skyegs bzo byas pas gtum/ de'i steng du tshon rtsi dkar pos rdo rje zhi ba la bri/ rgyas pa la tshon ser pos rin po che bri/ dbang la tshon dmar pos pad+ma bri/mngon spyod la tshon nag pos gri gug gi phreng ba bri/ de ltar bris nas bsnyen pa bya ba ni/ bdag nyid dpal he ru kar bsgoms/ yi ge bdun pa'i sngags phrin las rnam bzhi dang sbyar ba bzla/ 'khor lo bri ba'i snag tsha ni/ rigs ngan dang / bram ze mo dang / rgyal rigs mo rang byung gi me tog dang / glang chen me tog mi bskyod pa dang / byang chub kyi sems dang / ro tsa na sha chen po dang / bud med kyi pad+ma'i dri chu dang / mig sman chen po mi sha dang bsres nas bdud rtsi lngas 'khor lo bri bar bya'o/ /thams cad kyi tha mar rdo rje bris nas mngon spyod mi'i pags pa'am/zhi ba gro ga'am/ mngon spyod dang dbang dur khrod kyi ras la bdud rtsi lngas bris la rgya skyegs kyis gtums nas/ bum pa'i mar dang / 'o mas bkang ba'i nang du gzhug go/ /de la rkang pa brgyad pa'i sngags kyi sa bdud rtsi lnga dang chang dang cang te'u dang / 'khyud pa'i mchod pa'o//de ltar bsnyen pa byas nas las la sbyor ba'i tshe/ gser ram dngul gyi bum pa'i nang du bdud rtsi lnga'i chus gang bar byas la/ 'khor lo skud pa dkar pos dkris pa'i skud sna nas bzung nas phreng ba'i sngags bzlas/ de nas dbang bskur na nad dang ldan pa yang nad med par 'gyur ro//ling+ga la mngon spyod kyi sngags dang chang blugs nas dbang bskur na/ dbang ngam/ mngon spyod kyi las byed do/ /ji lta ba'i las kyi rjes su 'brangs nas zhi pa la swA hA dang / dbang la ho dang / mngon spyod la phaT dang bcas pa'i sngags bzla bar bya'o/ /srung ba'i 'khor lo mgo'am mgul pa'am/dpung pa'am ci rigs par gdags so/ /le'u nyi shu rtsa gcig pa'i 'grel pa'o// //de ltar 'khor lo bshad nas/ 'khor lo de'i bdag po ston pa ni/ de nas de'i bsgom pa ni/ sems can kun la phan 'dogs bshad/ /ces gsungs so//dang por tshad med pa la sogs pa'i sngon 'gro lnga bsgoms la/ 'byung ba bzhi dang ri rab sna tshogs rdo rje dang pad+ma'i steng du mngon par byang chub pa lnga'i rim pas rdzus skyes bdag nyid kyi lha mo phyir bzlog pa chen mo bsgoms te/ de yang zhal bzhi phyag bcu drug dus ma yin par 'chi ba brgyad kyi bgegs zhabs g.yas brkyang pas gnon pa/'jigs pa brgyad kyi bgegs zhabs g.yon pas gnon pa/ zla ba'i dkyil 'khor dbus na gnas/ zhes pa nas/ sku lus zla pa'i mdog can no/ /zhes pa'i par go sla bas ma bshad do/ /de la las kyi rgyal mchog ye shes sems dpa' gzhug pa dang /go cha bskon pa dang / dbang bskur ba dang / bsgom pa'i tshe de'i thugs kar zla ba'i dkyil 'khor gyi dbus su phyir bzlog chen mo'i 'khor lo bkod pa shin tu dad pas mnyam par bzhag nas bsgom mo/ /de nas 'chi ba 'tsho ba'i sngags bzlas par bya ste/sngags ni rgyud na gsal lo/ /bsnyen pa bye ba byas la las la sbyor ba'i tshe/ khri bzlas na 'chi ba thams cad 'tshe ste/ dus ma yin par 'chi ba las nges par rgyal lo/ /de nas rnal 'byor ma sum cu rtsa bdun dgyes nas 'chi ba blu ba'i sngags gsungs pa ni/ 'chi bdag gi bdud kyi gzugs brnyan byas la/ de'i snying gar gsod pa'i 'khrul 'khor bcug nas mkha' 'gro ma snying gnas sprul nas hi hi 'don pa dang / lA ma sprul nas ha ha 'don pa dang / dum skyes mas ho ho zhes brjod pa dang / gzugs can mas he he zhes brjod pa dang / rab gtum mas hUM hUM zhes brjod pa dang / gtum mig mas hUM hUM zhes brjod pa dang / 'od ldan mas phaT phaT ces brjod pa dang / sna chen mas hUM hUM zhes brjod pa dang / dpa' bo'i blo mas dza dza zhes brjod pa dang / mi'u thung mas sa sa zhes brjod pa dang / lang ka'i dbang phyug mas sA h+hu zhes brjod pa dang /shing grib mas hUM baM zhes brjod pa dang / sa srung mas hUM buM bzhi dang / hUM gsum brjod pa dang / dpa' mo chen mos ha ha zhes brjod pa dang / rlung shugs mas b+huM b+huM brjod pa dang / lha dgra mas hraM hraM zhes brjod pa dang / sngo bsangs mas truM truM zhes brjod pa dang /rab bzad mas saM saM zhes brjod pa dang / khwa gdong mas laM laM zhes brjod pa dang / 'khor lo'i shugs can mas d+hiM d+hiM zhes brjod pa dang / dum skyes mas dziM dziM zhes brjod pa dang / glang sna mas hUM hUM zhes brjod pa dang / 'khor lo'i go cha mas hri hri zhes brjod pa dang / rab tu dpa' mos dzaM dzaM zhes brjod pa dang / stobs chen mas ho ho zhes brjod pa dang / 'khor los sgyur mas haM haM zhes brjod pa dang / brtson 'grus chen mos ho ho zhes brjod pa dang / gshin rje brtan mas TaM TaM zhes brjod pas gdug pa 'dul ba dang / gshin rje pho nya mos g+huM g+huM gis me tog dbul ba dang /gshin rje mche ba mas gaM gaM gis dri 'bul ba dang / gshin rje 'joms mas raM raM gis bsangs nas mar me 'bul ba'o/ /sgo ma bzhi dzaHhUM baM hoHglu dang bcas pas 'chi bdag zhi ba la sogs pa byed pas phrin las rnam pa bzhi'i sgo nas tshe 'phel ba dang /'chi bdag gsad pa dang / dbang du bya ba grub par bya'o/ /de nas gtor ma gtang / dkyil 'khor snying gar bsdu/ rang phyir bzlog chen mo'i sngags kyis bsrung ngo / /le'u nyi shu rtsa gnyis pa'i 'grel pa'o// //'chi ba bslu ba'i phyir bzlog chen mo bshad nas/sdig pa zad pa dang / dam tshig nyams pa gso ba'i dkyil 'khor 'chad par bzhes pas/ /de nas gsang ba bshad bya ba/ /zhes pa gsungs te/ sngags de nyid ni k+Sha'o/ /cho ga'i rim pa ni lha bskyed pa'o/ /bcom ldan 'das rdo rje snying pos dkyil 'khor thams cad kyi sdig pa zad pa'i cho ga mchog tu bshad do//rdo rje snying pos su la gsan zhe na/ 'das pa'i sangs rgyas rnal 'byor ma'i brgyud pa'i rim pas gsang ba me long lta bu dang / gsang ba mnyam pa nyid/ gsang ba so sor kun du rtog pa'i ye shes/ mchog tu gsang ba bya ba nan tan/ye shes bzhi las lha'i sku bskyed pa'i rim pa dang rdzogs rim dga' ba bzhi grangs bzhin sbyar ba bsgom pa'i mchog bsgom mo zhes bya ba mdor bstan pa'o/ /da la rgyas par bshad pa ni/ tshad med pa'i rnal 'byor dang byin gyis brlabs pa dang / bsrung ba dang / tshogs sogs pa dang / stong pa nyid kyi rnal 'byor mngon du byas nas/'byung ba bzhi'i ri rab dang sna tshogs rdo rje dang b+h+rUM las gzhal yas khang bskyed nas/ pad+ma'i dbus su zla ba dang / nyi ma dang / yi ge k+Sha dang / 'od zer spro bsdu gyur pa las bdag nyid dpal he ru ka dpa' bo dang mkha' 'gro mas bskor ba bsam par bya'o//rten dang brten pa'i dang po sbyor ba'o/ /bcom ldan 'das k+Sha las skyes pa'i sku mdog dmar po/ ye shes lnga las byung ba'i zhal lnga dbus dmar ba/ g.yon pa sngo ba/ rgyab ljang ba/ g.yas ser/ steng zhi ba dkar po/ spyan gsum phyag bcu gnyis pa ni go sla'o/ /de ltar dkyil 'khor rgyal mchog bshad nas/las kyi rgyal mchog ni/ ye shes sems dpa' gzhug pa dang / go cha bskon pa dang / dbang bskur ba dang / bdud rtsi myang ba dang / kha bskang ba'i rjes la/ nu ma'i bar du k+Sha las byung ba'i ye shes sems dpa' snga ma'i sku mdog dang phyag mtshan can/zla ba'i dkyil 'khor la gnas pa'i ye shes sems dpa' bsgom mo/ /de'i thugs kar dbyangs yig bcu gnyis las byung ba'i zla ba'i steng du dam tshig sems dpa'i ral gri bde ba chen po'i zhes ming 'dogs pa thams cad mkhyen pa'i ye shes las byung bar bsam mo//de'i mgo bor oM las sku'i 'khor lo/ lkog mar gsung gi 'khor lo snying gar thugs kyi 'khor lo bsgoms nas/ 'od zer spro bsdu snga ma bzhin du byas la/ sngags kyi de nyid 'di ru bzlas te/ oM zhes bya ba nas oM AHhu'aM zhes bya ba'i bar du bcom ldan 'das ni dbyangs yig dang k+Sha las skyes pa'i snying po'o//yum gyi snying po yang de bzhin no/ /lha mo bzhi ni ma ning gi yi ge bzhi las skyes pa'o/ /dpa' bo rnams ni b+ha'i bar gsal byed kyi yi ge las skyes pa'i sa bon dang / ming snying po yin no/ /dpa' bo nyi shu rtsa bzhi ni ming mtshan gyi dang po sa bon dang snying po yin no//sgo ma bzhi ni ya ra la wa bzhi snying po yin no/ /mtshams ma ni sha Sha sa ha bzhi yin no/ sku gsung thugs kyi 'khor lo'i dpa' bo dang rnal 'byor ma'i gsang sngags 'di ni lus kyi dkyil 'khor dang sprul pa'i dkyil 'khor gnyis ka bskyed pa'i rten yin te/bskyed pa'i sa bon de nyid snying po yin no/ /thugs dang gsung dang sku dang dam tshig gi lha mo rnams kyi sku mdog dang phyag mtshan ni rgyud na gsal lo/ /mtshams kyi lha mo bzhi ni/ me long dang dri'i dung chos dang ro'i snod dang reg bya'o gos yid du 'ong ba gri gug spangs pa yin no//nang gi bzhi dang sgo ma rnams ni/ g.yon pa thod pa dang kha T+wAM ga dang dril bu/ g.yas pa gri gug dang cang te'u bsnams pa yin no/ /mchod pa dang / bstod pa dang gtor ma gtang ba ni kha bskang / yang na sdig pa bshags pa'i thabs gnyis pa ye shes kyi 'khor lo sangs rgyas yab yum bcu sku gsung thugs kyi sems dpa' dang sems ma nyi shu dam tshig gi 'khor lo khro bo sna tshogs pa du ma brgyad bya'o//yang na gsum pa de bzhin gshegs pa nya tshe drug cu rtsa gnyis kyi dkyil 'khor gyi 'khor lo la sdig pa bshags pa'o//yang na ma mo sum cu rtsa drug gi/ /gtso mo 'od zer can la mos pa skul byed ma la sogs pa shes rab kyi pha rol tu phyin pa la mos pas gtso mo byas la lha mo'i dkyil 'khor la sdig pa bshags so/ /'khor sna tshogs su ci'i phyir snang zhe na/ gang dang gang la mos pa mi rnams yid de dang de la sbyor bas nor bu sna tshogs pa'i mchog shel yin no/ /yang na sdig pa bshags pa'i thabs lnga pa ni bcom ldan 'das rdo rje sems dpa' zhal gcig phyag gnyis pa 'khor rnams kyang zhal gcig phyag gnyis pa sna tshogs kyi gzugs kyis 'gro ba dad pa'i gnas su gyur pa thams cad mkhyen pas sems can gyi don thams cad mdzad pa/kun la khyab pa'i bde ba chen po chos kyi sku'o/ /dkyil 'khor 'di yang zhib mo rnam par 'thag pa yan lag bzhi bcu rtsa brgyad dang ldan pa'i sgrub pa'i thabs su 'gyur ro/ /le'u nyi shu gsum pa'i 'grel pa'o// //de ltar sdig pa bshags pa'i 'khor lo bshad nas/ go cha drug gi 'khor lo bshad par bzhed nas/ de nas gzhan yang bshad bya ba/ /zhes pa gsungs te/ rigs drug gi mkha' 'gro bskyed pa'i rim pa ni bsrung ba'i don du gsungs so/ /rgyas par phye na rigs du ma rnam pa brgyar bshad pa'i las mdor bsdus nas sku gsung thugs kyi rigs gsum mam/ye shes lnga'i rigs lnga'i rgyud sde bzhi las bshad pa yin la/ gdul bya khams gsum ma lus pa'i srog chags rnams kyang rigs drug gi bag chags las 'byung ba'i kun rigs drug tu yang dag par 'byung ba yin no//de ltar mdor bstan nas/ dang po 'khor rnams kyi gleng bslang ba ni/ de nas rigs kyi yum sangs rgyas spyan ma la sogs pa yum thams cad dbang po drug bde ba'i dga' ba dang / yul drug bde ba'i mgu ba dang / rnam par shes pa drug bde ba'i rangs pa dang /'dus ma byas rtogs pa'i yid bde ba skyes par 'gyur ro/ /de nas sdud pa rdo rje snying pos bcom ldan 'das kyis bstan du gsol zhes zhus pa dang / sngon du 'gro ba'i rnal 'byor lnga dang 'byung ba bzhi dang / ri rab dang sna tshogs rdo rje dang gzhal yas khang bskyed pas dbus su dang po sbyor ba'i sa bon 'khor lo'i lte bar baM 'khor lo'i rtsibs lnga la hUM b+h+rUM aM traM khaM sngags 'di gsungs pas snod kyi 'jig rten rab tu g.yo zhing sangs rgyas sras dang bcas pa dgyes shing rgyal nas kyang /rdo rje stong pa nyid kyi ye shes las mi 'khrugs pa la sogs pa'i rigs lnga dang rdo rje sems dpa' dang drug bskyed par grags so//de la lnga ni mkha' 'gro he ru ka zhes bya ba la/ drug pa ni nyon mongs pa dang shes bya'i sgrib pa spangs pa'i rdo rje dpa' bo zhes grags so/ /de ltar mtshan bshad nas sku mdog bshad pa ni/ nam mkha'i mdog ces bya ba nas/zla ba'i 'od dang 'dra ba'i 'od ces bya ba'i bar ni go sla'o/ /thams cad kyang spyan gsum pa/ rdo rje skyil krung gis bzhugs pa/ cod pan rus pa'i rgyu las byas pa'i phreng ba can gdan glang po che dang seng ge la sogs pa drug dang / phyag rgya rdo rjes la reg pa langs nas/ dkyil 'khor drug bri bar bya zhes pa'i bar du gdan dang phyag mtshan bshad nas/rten gyis dkyil 'khor ston pa sgo bzhi dang ldan pa'i dbus su/ shar gyi rtsibs la rdo rjes bskor ba de bzhin du rtsibs gnyis pa la 'khor los gsum pa la rin po ches/ bzhi pa la pad+mas/ lnga pa la sna tshogs rdo rjes bskor ba'o//dbus su rdo rje rtse lnga pa'i phreng bas bskor pa'i dkyil 'khor drug rnam par dgod do/ /dkyil 'khor drug la gnas nyi shu rtsa bzhir dgod pa ni dbus kyi rdo rje sems dpa' bde ba chen po'i dkyil 'khor gyi rtsibs la gnas bzhis bskor bas dang po ste/ sku mdog dang phyag mtshan ni go sla'o//rnam par snang mdzad kyi dkyil 'khor ni lte ba'i gnas bzhis bskor bas gnyis pa ste/ sku mdog dang phyag mtshan ni go sla'o/ /rin chen mkha' 'gro'i dkyil 'khor la zhing dang nye ba'i zhing gis bskor ba sa gsum pa 'od byed pa'o/ /pad+ma mkha' 'gro'i rtsibs bzhi pa la tshan+do ha dang /nye ba'i tshan+do ha ni lhas bskor bas bzhi pa 'od 'phro ba'o/ /rdo rje mkha' 'gro'i rtsibs bzhi la 'du ba dang nye ba'i 'dus pa'i lhas bskor ba sa lnga pa sbyang dka' ba'i snang ba'o/ /sna tshogs mkha' 'gro'i rtsibs bzhi la dur khrod dang nye ba'i dur khrod kyi lhas bskor ba/sa drug pa mngon du gyur pa'i snang ba'o/ /sku mdog dang phyag mtshan thams cad ni go sla'o/ /dkyil 'khor gyi phyi rol du pany+tsa rA ga ni yi dwags kyi phreng bas bskor ba'o/ /'khor lo drug po de'i rgyab kyi zur bzhi la sna tshogs rdo rje'i steng du yum bzhi dgod do/ /bum pa bzhi dang thod pa bzhi ni dbus kyi dkyil 'khor gyi mtshams su dgod/yum bzhi ni sa'i lha mo bzhi yin pa dang / mtshams kyi lha mo sgom dang bcas pa ni rgyud na gsal/ de ltar dkyil 'khor rgyal mchog bshad nas/ las kyi rgyal mchog ni ye shes sems dpa' spyan drangs thugs gnas nu ma'i bar du bzhugs par lta'o//ye shes sems dpa' gzhug pa dang / go cha dang dbang bskur ba dang / bdud rtsi myong ba dang / bsgom pa'i thugs kar hUM las thugs kyi 'khor lo/ nu ma'i bar du baM las ye shes kyi 'khor lo/ lkog mar A las gsung gi 'khor lo/ srog dang rtsol ba las dbugs 'byung rngub dang bcas pa spro bsdu bsgom par bya'o//gtso bo lha lnga sku gsung thugs kyi 'khor lo'i steng du/ rang gi nu ma'i bar du rang gi ye shes sems dpa' sa bon dang bcas pa bzhi bsgom par bya'o/ /ngag gi gsang sngags gsungs pa ni rgyud na gsal lo/ / 'khor kun gyis gsang sngags ni gtso bo dang 'khor gyi dpa' bo dang dpa' mo bzhi bzhi mkha' 'gro ma'i bzlas pa bya'o/ /yang na spro bsdu mi bya bar dam tshig chen po/ kha sbyor ba yis yab kyi zhal nas yum gyi zhal du thams cad kyi dam tshig dang shes rab kyi dam tshig mchog tu gyur pas gnyis su med pa'i sbyor bas mgal me'i 'khor lo bzhin du bzlas nas 'khor los sgyur ba drug gis dngos grub 'thob bo//yang rdo rje sems dpa'i gnas su rnam snang la sogs pa'i rigs drug gang la dad pa'i rnal 'byor pas dbus su bzhag pas gnas la sogs pas bskor bas dkyil 'khor drug tu 'gyur ro zhes 'das pa'i sangs rgyas rnal 'byor ma'i bka' dang /'das pa'i de bzhin gshegs pa'i bla ma brgyud pas rigs drug tu 'gyur gyi/ gzhan du na sngags pa rigs drug so so la dad kyang gtso bo gang gzhag pa mi 'gegs pas 'khor bar 'gyur zhing / zhal mthong pa dang bka'i snang ba yang mi 'thob bo//'di la yang bstod pa dang mchod pa dang gtor ma gtang ba kha ba skad do/ /zhib mo rnam par 'thag pa sgrub pa'i thabs yan lag bzhi bcu rtsa brgyad dang ldan pa 'di yang bsgom par bya'o/ /le'u nyi shu rtsa bzhi pa'i 'grel pa'o// // de ltar dkyil 'khor thams cad la phyir bzlog gi 'chi bdag gi bdud las bsrungs/ sdig pa zad pa'i 'khor los nyon mongs pa'i bdud las bsrungs/ go cha'i 'khor los phung po dang lha'i bdud las bsrungs nas/ mchod pa'i 'khor lo bstan par bzhed pas/ de nas gzhan yang bshad bya ba//zhes bya ba gsungs so/ /rnal 'byor gyi lam mchod pa'i 'khor lo rnyed par dka' bas rnal 'byor ma yab yum sbyor ba'i rkyen gnas kyi snying po las mngal skyes kyi gnas kyi rim pa 'khor rnams skad cig gis skur 'byung / skad cig gis phyag mtshan dang rgyan gyi mtshan ma dang ldan pa ste/mdor bstan pa'o/ /rgyas par bshad pa ni dang por sngon 'gro lnga dang / 'byung ba bzhi ri rab sna tshogs rdo rje gzhal yas khang dang bdun bskyed pa'i dus su rgyu'i he ru ka mngon par byang chub pa lngas rdo rje sems dpa' bskyed nas/ mngal skyes kyi mchod pa'i 'khor spros nas/bde ba chen po bla na med par rgyu'i he ru ka yab yum zhu ba dang / de la 'khor gyi lha mo dang / de bzhin gshegs pa thams cad dang / mkha' 'gro dang mkha' 'gro ma thams cad kyis gsol ba 'debs shing glus bskul ba ni/ khro bo bde ba dgyes pa yis/ /bde ba'i longs spyod las byung ba//zhes bya ba la sogs pa'i tshigs bcad drug gis glus bskul ba ni phyi nas ston to/ /thig le de yongs su gyur pa las 'bras bu'i he ru ka de'i mngon par byang chub pa'i rim pas skad cig gis zar ma'i me tog lta bu kha dog sngo skya 'phags pa'i lam yan lag brgyad pa'i phyag /ye shes bzhi'i zhal zhes bya ba nas/ lte ba'i dbus su bcom ldan bzhugs/ /zhes bya ba'i bar gtso bo yab yum bskyed pa bsnyen pa'o/ /shar gyi 'dab sogs phyogs chal/ /mkha' 'gro ma sogs bzhi po dgod/ /ces bya ba nas/ de'i steng thod pa ni/byang chub sems kyis rab gang ba/ /zhes bya/ ye shes kyi 'khor lo'i sku mdog dang phyag mtshan ni go sla'o/ /phyi rol gyi 'khor lo gsum la thugs kyi 'khor lo la kai ri la sogs pa brgyad dang / gsung gi 'khor lo pi wang ma la sogs pa brgyad ni/ lag pa g.yon pa'i tshul can ni/so'i phreng ba thogs pa'i bzhad pa ma'o/ /rdo rje dril bu'i tshul can ni sgeg mo'o/ /khar khrol gyi tshul can ni glu mkhan ma'o/ /pad+ma'i gar bskor ba'i tshul can ni gar ma'o/ /phyag lhag ma gnyis kyis thod pa dang kha T+wAM ga 'dzin pa ste/ phyag bzhi'o/ /sku'i 'khor lo'i me tog ma la sogs pa brgyad zhal gcig phyag bzhi ma/g.yas pas me tog dang bdug pa dang / mar me dang / byug pa dang / mtshams su me long dang ro'i snod dang / reg bya'i gos dang / chos kyi dbyings gru gsum pa thogs pa/ phyag lhag ma gnyis kyis cang te'u dang kha T+wAM ga bsnams pa'i zhal gcig phyag bzhi ma'o//sgo ma bzhi dang mtshams kyi lha mo ni go sla'o/ /nye ba'i bsnyen pa'o/ /sgrub pa'i lus kyi dkyil 'khor ni snying gar nu ma'i bar du ye shes sems dpa' lha mo bcu gnyis kyis bskor ba/ dpral bar sku'i 'khor lo dkar po/lkog mar gsung gi 'khor lo dmar po/ snying gar thugs kyi 'khor lo sngon po/ dpa' bo dang dpa' mo thams cad zhal gcig phyag gnyis pa man ngag gis rjes la bsgom pa ni sgrub pa'o/ /sgrub pa chen po las kyi rgyal mchog ni/ snying ga'i pad+ma dang zla ba dang hUM gi 'od zer lcags kyu lta bus ye shes kyi 'khor lo bkug la/phyag 'tshal mchod pa dang bstod pa'i rjes la dbang bskur nas gcig tu gyur pas bsam mo/ /de'i rjes la bsgom pa ni/ spro bsdu ye shes kyi bzlas pa srog rtsol dbugs rngub pa dang bsgrags nas/ dpral ba nas sku'i 'khor lo spro ba dang /lkog ma'i AHlas gsung gi 'khor lo spro ba dang / snying gar hUM las thugs kyi 'khor lo spro ba dang / nu ma'i bar gyi hUM las lha mo bcu gnyis spro ba dang / ngag gi bzlas pa'i sngags ni go sla'o/ /bzlas pas skyo na bum pa bzhi'i bdud rtsi'i myangs nas bzlas pa bya'o//thabs rang du sbas pa'i shes rab kyi lha mo rang snang ba'i thabs dang rig pa'i lus gnyis su med pa gdul bya 'gro ba gsum po mchod pa'i 'khor lo'i gzugs byas nas/ dpral ba sku dang / lkog ma gsung / snying ga thugs la bsdu nas/ rgyu ba sems can dang /mi rgyu ba snod kyi 'jig rten thams cad lha'i 'khor lor blta bar bya ba ni/ bsgom pa'i dngos gzhi'o/ /dkyil 'khor ni mngal skyes yin pas rgyu'i he ru ka zhu ba las dam tshig can 'bras bu'i he ru ka langs pa'i dus su/ glus bskul ba ni/ khro bo'i bde ba dgyes pa yi/ / zhes pa tshigs bcad gcig ye shes kyi lha mo zhal bzhi phyag brgyad pa'i glu yin no/ /bde chen bde bza'i gar gyis rol/ /zhes pa nas/ A ral+li ho zhes pa'i bar gyi ni thugs kyi 'khor lo'i lha mo zhal gcig phyag bzhi ma'i glu'o/ /rab dgyes mgon po dgyes bzhugs mdzod/ /ces pa'i tshigs bcad gcig gi 'khor lo'i pi wang ma la sogs pa bzhi'i glu'o//thar pa'i mtshan nyid ldan pa'i khyon/ /zhes pa'i tshigs bcad gcig ni me tog ma la sogs pa lha mo brgyad kyi glu'o/ /chags pa'i 'dam gyis khyod ma sgyur/ /zhes pa'i tshigs bcad gcig gis dam tshig gi 'khor lo ste ye shes lnga ston pa'i glu yin no//'di yis mgon po bskul nas ni/ /'bras bu'i he ru ka bzhengs pas dkyil 'khor nges par 'grub bo/ /snyan cing 'jam pa'i dbyangs zhes pa tshigs bcad phyed dang gnyis ni mngal skyes kyi glu'i phan yon ston to/ /'dir 'chad pa'i go rims ci yin zhe na/ rnal 'byor bsgom pa'i dus su dbyangs yig bcu gnyis kyi cha dang ldan pa'i zla ba rdo rje la thim nas/ bsgom pa'i dus su dgyes pa'i glu 'dis bskul nas bde ba chen po la slong ba'i glu yin pas rgyu'i he ru ka slong ba dang / zla ba rdo rje las slong ba gnyis ka zin pa'i phyir phyi nas bshad do/ /ldang pa'i tshe bsrung ba ni yi ge brgya pa ste thog ma dbang gi dus dang /bar du bsgom pa'i dus dang / tha mar ldang ba'i dus gsum du yi ge brgya pa bzla'o/ /gnas gang du dgod ce na/ ldang ba'i tshe snying gar phyir zlog chen mo'i 'khrul 'khor bkod la/ de'i 'dab ma bcu drug la yid kyis bris la bzlas pa byas nas/lhag pa dang ma tshang ba bskang bas bdag nyid brtan par byed do/ /langs pa'i tshe stong gsum gzhal yas khang rang gi lhag pa'i lhar khams gsum po blta bar bya'o/ /bskyed pa'i rim pa bstan nas/ zab pa rdzogs pa'i rim pa ni/ bskyed pa'i rim pa la brtan pa thob nas srid pa'i dpa' bo zhal gcig phyag gnyis pa'i ngo bo nyid de'i srid pa bdag gir ba lta bas stong pa dang rang gi lus ngag yid gsum bdag tu blta bas stong par bsgom mo//de ltar bdag med pa'i sems kyi stong nyid la gnas na/ bskyed pa'i rim pa 'di dka' thub la sogs pa gang yang bya mi dgos/rdo rje 'chang chen po dngos yin pas rang byung rangs pa'i 'dus ma byas la bdag dang bdag gir lta bar dgag pa nyid kyang mi mdzad do/ /ji ltar chu la chu bzhag dang / /ji ltar mar la mar bzhin du/ /rang gi sems kyi chos nyid ni/ mthong ba mchod pa'ang de yin no/ /de'i rgyu mtshan can gyis rdzogs rim ni gtum mo drod sbar nas snying ga'i byang chub sems kyi thig le bzhus pas zla ba'i dkyil 'khor dga' ba bzhir rdzogs par lte ba'i dbus su babs nas gnas bsams pa dang /yi ge gnas kyi mchog srog a wa d+hU tIr chud pas de'i dbus su gnas par bsams te/ de yang sku byang chub kyi sems dang gsung khrag gi thig le dang / thugs srog gi rlung phyir mi 'byung bar gnas pa rdo rje can bsam gtan gyi lha'i sku yin no/ /de ltar mtshan bcas kyi rdzogs rim las mtshan ma med par bsgom pa'i gzung ba rang bzhin med pa dang / 'dzin pa rang bzhin med pa'i 'du shes med pa'am/'gog pa'i snyoms par 'jug pa bzhin du sems rgyun 'chad pa ma yin pa chags pas sems brtag pa ma yin chags par rgyun 'chad pa ma yin/ gnyi ga 'dres pa ma yin pa'i ye shes snying ga'i dbus na/ dmigs pa med pa 'dus ma byas la gnas pa rjes dpag gi gtan tshigs ma yin pas mngon sum gyi yul phyag rgya bzhi'i bud med thams cad kyi rnal 'byor ma dang /snyoms par 'jug pa'i thugs rdo rje kun rdzob kyi byang chub kyi sems las skyes pa'i dga' ba bzhi'i mchod pa b+ha ga zla tshes kyi steng du byang chub kyi sems kyi yul sa bon phyag rgya'i rnam par shes pa la mngon sum du snang bas mchog tu bshad pa'o//de'i mtshungs pa de ma thag pa'i rkyen dbugs nyi khri chig stong drug brgya 'gags pas ni mi shigs pa ste/ yul phyag rgya bzhi dang dbang po bdag po'i rkyen kun rdzob byang chub kyi sems kyi bde ba dang / mtshungs pa de ma thag pa'i rkyen srog a wa d+hU tIr chud pa las sa dang po'i ye shes kyi byang chub skyes pa'i ming ni rnyog pa med pa'i gzhung mngon sum gyi lam don dam snying po yin la/gzhung gzhan rjes dpag gis gtan la phab pa'i stong nyid ni log lta'i 'od gsal yin no/ /sogs pa'i sgras ni mu stegs can gyi don dam thams cad bsdu'o//shes rab dman pa dang thabs ngan pas mngon sum gyi lam la smad na mnar med par ltung ngo / /de ltar le'u bzhi pa'i de kho na nyid kyi man ngag gis rdzogs rim dang / le'u bcu bzhi pa'i rim pa bzhi bsgom pa dang / le'u 'di'i thig le bsgom pa dang / rgyud 'bum pa'i stong phrag gsum gyi don bsdus pas phan tshun gcig gis gcig 'grel pa yin no zhes gdams ngag gis ston to//le'u nyi shu rtsa lnga pa'i 'grel pa'o// //de ltar mchod pa'i dkyil 'khor bshad nas/ bdud rtsi myang ba'i dkyil 'khor ston pas/ de nas sbyor ba bshad bya ba/ /zhes gsungs te/sangs rgyas thod pa'i nang du bskyed pa mchog sku/ dam pa gsung / sbyor ba kun gyi mchog thugs/ des dngos grub thams cad gsol ba 'bras bu kun rdzob tu oM sba zhing AHgsang ba dang hUM su la yang mi bstan to/ /rnal 'byor ma thams cad kyi snying la gnas pa'i oM AHhUM gsum de nyid mchog tu bzung na sbas pa sgyu ma dang /gsang ba 'od gsal dang zhes pa zung 'jug bla ma'i zhal nas bsgom par bya'o/ /de bsgom pa'i gnas ni tshigs bcad gcig gis bstan to/ /sngon 'gro lnga dang 'byung ba bzhi ri rab sna tshogs rdo rje gzhal yas khang dang bdun bskyed pa'i dbus su nyi zla kha sbyor gyi lte ba'i hUM de yongs su gyur pa'i spro bsdu las sangs rgyas thod pa can gyi mchog bskyed do//de'i rgyu'i rgyas bshad ni zla ba me long lta bu'i gnas med pa nyi ma mnyam pa nyid kyis zhi ba hUM so sor kun du rtog pa dag pa/ spro bsdu rnam rtog spangs pa bya ba nan tan/ de lta bu'i A li kA li las byung ba'i gnyis su med pa'i ye shes kyi snang ba zhi ba zhal gcig phyag gnyis pa zhes bya ba nas/'jigs byed dang ni dus mtshan dag /sred dang ldan pa zhabs kyis gnon/ /zhes bya ba'i bar du go sla'o/ /de'i nu ma'i bar du ye shes sems dpa' lha mo bcu gnyis kyis bskor ba zhal gcig phyag gnyis pa'i gzugs can b+hUM las byung ba bsgom mo/snying gar thugs kyi 'khor lo sngon po/ lkog mar gsung gi 'khor lo dmar po/ dpral bar sku'i 'khor lo dkar po/ 'khor lo gsum pa zhal gsum phyag drug pa bsgom pa ni go sla'o/ /nu ma'i bar gyi ye shes sems dpa' la mkha' 'gro ma dang /lA ma dang / dum skyes ma dang / gzugs can ma bzhi pad+ma'i phyogs la dgod pa dang / thod pa bzhi mtshams su dgod pa dang / phyi rol gyi pad+ma brgyad la khwa gdong ma dang / gshin rje brtan ma la sogs pa dgod do/ /mtshams kyi lha mo bzhi ni phyag g.yas pa mi 'jigs pa sbyin pas me long dang /gling bu dang dri'i snod dang chos dang ro yis gang ba'i thod pa bsnams pa/ g.yon pas thod pa dang kha T+wAM ga 'dzin pa lha mo cang te'u dang gri gug bsnams pa'o/ /de ltar lugs kyi nang du sa bcu'i rim pa sku gsung thugs kyi sbyor ba bsgoms nas byang chub kyi phyogs kyi chos sum cu rtsa bdun gyi rnam par dag pa bsgom mo//dpa' bo rnams kyi snying po ni/ oM kaM hUM hUM phaT/ oM khaM hUM hUM phaT/ oM gaM hUM hUM phaT ces bya ba nas b+haM hUM hUM phaT ces bya ba'i bar dpa' bo nyi shu rtsa bzhi'i snying po yin no/ /mkha' 'gro ma rnams kyi ming nyid snying po yin no/ /sku'i brgyad la oM dang spel/gsung gi brgyad la AHdang spel/ thugs kyi brgyad la hUM dang spel ba ni/ dpa' bo rnams kyi yin no/ /mkha' 'gro ma la sogs pa bzhi'i ni ma ning gi yi ge bzhi dang / ming mtshan gyi dang ba bzhi sngags su 'gyur ro/ /sgo ma bzhi la ya ra la wa/ mtshams kyi lha mo bzhi la sha Sha sa ha/thog ma'i oM dang tha ma'i hUM gnyis phaT dang sbyar ba ni snying po'o/ /dbus kyi sangs rgyas thod pa'i go sla'o/ /lus kyi dkyil 'khor 'byung ba lnga sangs rgyas/ skye mched drug sems dpa' yig 'bru la sogs pa bzhin du bskyed pa la sbyor bar bya'o/ /las kyi rgyal mchog ye shes sems dpa' spyan drang ba dang /go cha bskon pa dang / dbang bskur ba dang / gcig tu gyur par bsgoms la/ mtshams kyi lha mo bzhi'i phyag na gnas pa'i mchod pa bzhi sngags kyis mchod par bya ste/ oM ru pa badzrA hUM/ oM gan+d+ha badzri hUM/ oM ra sa badzrI hi zhes sangs rgyas thod pa dang /lus kyi rgyan gyi dkyil 'khor thams cad la gsang ba'i mchod pa bzhi po bzlas nas mchod par bya'o/ /bsgom pa ni 'khor lo gsum gyi spro bsdu snga ma bzhin du bya'o/ /bzlas pa yang snga ma bzhin no/ /bdud rtsi myang ba dang / mchod pa dang / gtor ma gtang ba yang snga ma bzhin no//sangs rgyas thod pa ni bsgom pa'i 'bras bu ni gsum ste/ dkyil 'khor thams cad kyi dam tshig nyams pa bskang ba'i thabs ni/ gsang sngags kun gyi dam tshig ni/ /zhes bya ba nas/ ye shes lha yi 'chi med mchog /ces bya bas thod pa'i bdud rtsi myangs pas dam tshig bskang ba dang po'o//yang na rang gi ming dang sngags bzlas pa gnyis pa'o/ /gsum pa dam tshig nyams pa zhi bar 'gyur zhing skal ba dang ldan pa'i rnal 'byor pa rnal 'byor ma'i 'khor lo las dbang bskur ba dus bzhi ru phyi dang nang gi chus khrus bya ba dang / slar yang bla ma la gsol ba btab nas gsang ba dang shes rab ye shes kyi dbang bskur ba blangs nas nges par dngos grub can du 'gyur ro//le'u nyi shu rtsa drug pa'i 'grel pa'o// //de ltar sangs rgyas thod pa bshad nas/ rdo rje sems dpa' la sogs pa'i dkyil 'khor ston par bzhed pas/ de nas gzhan yang bshad bya ba//zhes bya ba gsungs te/ sngon du 'gro ba'i rnal 'byor lnga bsgoms nas/ snod bcud thams cad stong pa nyid du bsgom pa'i dbus su 'byung ba bzhi ri rab dang sna tshogs rdo rje gyur pa las e gru gsum gyi dbus su gzhal yas khang e gru gsum gyi dbus su gnas pa'i don bshad pa ni/gsang ba'i de nyid rnyed par dka' ba bstan pa dang / g.yo ba snod bcud kyi 'gro ba thams cad dang / sngags kun bskyed pa'i rgyu yi ge e de'i gzhi dpa' bo dang rnal 'byor ma dang / sangs rgyas kun gyi gnas e gru gsum chos kyi dbyings mi zad pa'i rang bzhin thog ma dang tha ma dbus su dri ma med pas gru gsum des bskyed pa'i gzhal yas khang gi dbus su rdo rje sems dpa' zhal gsum phyag drug pa ni go sla'o//nu ma gnyis kyi bar du ye shes sems dpa' rang dang 'dra ba'i lha mo bcu gnyis kyis bskor ba sku gsung thugs kyi dkyil 'khor gsum hUM dang /A dang / oM las bskyed pa'i lus kyi nang gi dkyil 'khor bsgom par bya'o/ /i las phyag rgya chen po zhal gsum phyag drug pa 'khor lo gsum gyi lte ba'i dbus su bsam mo/ /I las yab yum gsum b+ha ga'i pad+ma can bsam mo/ /de ltar dkyil 'khor rgyal mchog bshad nas/las kyi rgyal mchog gi go cha dgod pa ni/ u las snying ga'i rdo rje sems dpa'/ U las gdan zla ba'i dkyil 'khor/ e las mgo la rnam par snang mdzad/ e las spyi gtsug tu pad+ma gar gyi dbang phyug /o las phrag pa gnyis su dpal he ru ka /au las mig gnyis rdo rje nyi ma/ oM las go cha'i khrab/ aHlas yan lag la rta mchog /l-i las sangs rgyas spyan shar du/ r-i las dam tshig sgrol ma byang du/ l-I las gos dkar mo nub tu/ r-I las rin po che sgrol ma lhor/ dkar ba ljang ba dmar ba ser ba/ dbu gsum phyag drug pa/de dag sgo'i thad ka'i pad+ma'i dbus su zla ba'i gdan la dgod do/ /grwa bzhir mchod pa'i lha mo bzhi zhal gsum phyag drug pa/ phyag dang po ral gri 'dzin pa'i dod du me long dang pi wang dril bu dang dung dang bcud len gyi snod thogs pa/ g.yas kyi lhag ma gnyis na mda' dang lcags kyu/g.yon gsum na rin po che dang gzhu dang zhags pa 'dzin pa'o/ /lhag ma ni go sla'o/ /bsgom pa dang bzlas pa'i sngon du ye shes sems dpa' spyan drangs nas/ dam tshig can gyi phyag 'tshal ba dang / mchod pa dang / dbang bskur ba dang / gcig tu bsdus nas 'khor lo gsum po spro ba dang /bsdu ba'i sbyor ba bsgom pa dang / sngar gyi sngags bzlas pa la bdud rtsi myang ba dang / gtor ma gtang ba kha bskang ngo / /ldang ba'i dus kyi tshe khams gsum ma lus pa rdo rje 'dzin par bsgom pa dang / dus gsum gyi sems can sku gsum gyi go 'phang la bzhag pa ni/ngo bo nyid kyi mthu dag gis/ /rang bzhin gyi ni de 'grub bo/ /zhes gsungs pas lhan cig skyes dga' dag pa'i bdag nyid yin no/ /le'u nyi shu rtsa bdun pa'i 'grel pa'o// //rdo rje sems dpa'i dkyil 'khor bshad nas/ 'jam pa'i rdo rje dpa' bo gcig pu ston par bzhed pas/de nas mchog gzhan bshad pa zhes bya ba gsungs te/ sngon du 'gro ba'i rnal 'byor lnga dang / nam mkha' stong pa'i dbus su gzhal yas khang dang bcas pa'am/ gzhal yas khang med par zla ba'i gdan la yi ge maM las 'jam pa'i rdo rje zhal gsum phyag drug pa bsgom pa ni rgyud na gsal/de'i nu ma'i bar du rang dang 'dra ba'i 'jam pa'i rdo rje la lha mo bcu gnyis kyis bskor ba/ ye shes sems dpa' sku gsung thugs kyi snying po oM AHhUM gsum dpral ba lkog ma snying gar 'khor lo gsum gyi dbus su sngar bshad pa'i gnas nyi shu rtsa bzhi dpa' bo dang dpa' mos bskor nas/rdo rje sems dpa'i dkyil 'khor bzhin du yi ge gsum gyi sngags rjes su dran nas dpa' bo dang dpa' mo'i spro bsdu rjes su bsgom mo/ /srog dang rtsol ba dbugs 'byung rngub dang 'grogs pa'i 'khor lo gsum gyi lha spros nas thun bzhir brtul zhugs chen pos gsang sngags bzlas/thun bzhir bzlas pa zin nas snying gar bsdu/ bdud rtsi myang ba dang / mchod pa dang bstod pa dang / gtor ma gtang ba kha bskang ngo / /le'u nyi shu rtsa brgyad pa'i 'grel pa'o// //de ltar 'jam pa'i rdo rje'i sgrub thabs bshad nas/rnam par rtog pa 'joms pa'i zad byed kyi mkha' 'gro bshad par bzhed pas/ de nas gzhan yang bshad bya ba/ /zhes bya ba gsungs te/ yi ge dgu pa ni k+Sha ste sde tshan gyi dgu pa'o/ /k+Sha'i yi ge las byung ba ni drod gsher las skyes pa'o//sdug bsngal dang kun 'byung zad par byed do/ /sdug pa thams cad zad par byed pa'o/ /sdug bsngal dang kun 'byung gi rgyu bdag dang bdag gis blta ba'i rnam par rtog pa bcom par zad par byed pas na zad byed mkha' 'gro ste/ mdor bstan to/ /rgyas par bshad pa ni sngon du 'gro ba'i rnal 'byor lnga bsgoms nas/'byung ba bzhi ri rab sna tshogs rdo rje gyur pa las 'byung ba'i gzhal yas khang nam mkha' dang mnyam pa stong pa nyid las byung ba'i rten med par nam mkha'i longs spyod la gzhal yas khang gnas pas na rten med par longs spyod pa'o//de'i dbus su yi ge k+Sha las byung ba'i zhal lnga ye shes lnga'i rang bzhin zhal drug pa bong bu dang 'dra ba'i zhal gdong spangs pa'i phun sum tshogs pa'i snang ba'o/ /phyag bcu gnyis ni pha rol tu phyin pa bcu gnyis yum yang zhal lnga yab dang mthun pa drug pa phag rgod kyi gdong can gyi yab yum bsgom mo//lus kyi dkyil 'khor ni snying gar ye shes kyi mkha' 'gro yab yum la 'khor lo rtsibs brgyad kyi sting du khwa gdong ma la sogs pa bzhi dang / gshin rje brtan ma la sogs pa bsgom mo/ /sku gsung thugs kyi 'khor lo ma bsgoms par de la ye shes sems dpa' bcug la/go cha bskon pa dang dbang bskur ba byas nas thun bzhir zhag bdun gyi dus dang / chu 'gram mam dur khrod kyi gnas su bsnyen pa byas na/ 'phrog pa dgug pa dang / dbang du bya ba dang / gsod pa dang /brgyal ba la sogs pa'i las 'grub par the tshom med do/ /khwa gdong ma'i zhal gsum ni dbus ma khwa g.yas g.yon lug /'ug gdong ma'i g.yas g.yon rnga mo/ khyi gdong ma'i g.yas g.yon rta/ phag gdong ma'i g.yas g.yon seng ge /gshin rje ma'i g.yas g.yon ra/pho nya ma'i g.yas g.yon glang / mche ba ma'i g.yas g.yon ma he/ 'joms ma'i g.yas g.yon dred/ phyag mtshan rgyud na gsal/ yang na sems can gyi don du thugs rjes ro rnam par myos pas sku gsung thugs kyi yi ge gsum la skyes pa nas rdo rje dang pad+ma 'khor lo'i dbus su bsgom/nu ma'i bar du lha mo bcu gnyis kyi A li'i 'khor lo bsgom/ de la ye shes sems dpa' spyan drangs nas/ mchod bstod/ dbang bskur nas ro gcig tu gyur par bsam mo/ /gsang ba gsum gyi gnas nas 'khor lo gsum gyi spro bsdu bsgom pa dang bzlas pa ni rgyud na gsal/bdud rtsi myang ba dang / mchod bstod kha bskang / zhag bdun rtse gcig par bsgoms nas 'khor lo gsum gyi mkha' 'gro'i dngos grub myur du 'thob pa'o/ /le'u nyi shu rtsa dgu pa'i 'grel pa'o// //de ltar sgyu ma lta bu'i lha zad byed kyi mkha' 'gro ma bshad nas/ dgyes pa'i rdo rje ston par mdzad pas/ de nas gzhan yang bshad bya ba/ /zhes bya ste/ snying gar lha mo bcu gnyis 'joms pas A li'i mkha' 'gro rten 'brel bcu gnyis dag par bsgom pa'o//dbus su gtso bo ni A li ye shes las byung bas gtso bo la A li mkha' 'gro zhes gdags so/ /de ltar mdor bstan nas rgyas par bshad pa ni/ sngon 'gro lnga bsgoms nas 'byung ba bzhi ri rab sna tshogs rdo rje'i steng du mngon par byang chub pa lnga rdzus skyes dgyes rdor zhal brgyad phyag bcu drug pa/zhal brgyad rnam par thar pa brgyad/ phyag bcu drug stong nyid bcu drug pa/ yab yum sku mdog dang phyag mtshan go sla bas ma bshad do/ /gtso bo bskyed pa bsnyen pa'o/ /lus kyi dkyil 'khor de'i snying gar 'khor lo rtsibs bcu gnyis pa de'i lte bar rang dang 'dra ba'i zhal brgyad phyag bcu drug pa'i ye shes sems dpa' de'i 'khor lo'i rtsibs bcu gnyis la rten 'brel yan lag bcu gnyis rnam par dag pa'i lha mo zhal gsum phyag drug sku lus thams cad dkar po/g.yas sngo ba g.yon ljang ba thams cad kyang a la la'i sgra sgrogs pa go sla'o//oM las snying gar thugs kyi 'khor lo'i rdo rje phreng bas bskor ba'o/ /AHlas lkog mar gsung gi 'khor lo pad+mas bskor ba'o/ /hUM las dpral par sku'i 'khor lo 'khor lo'i phreng bas bskor ba bsgom par bya'o/ /las kyi rgyal mchog ni ye shes sems dpa' gzhug pa dang /go cha bskon pa dang / dbang bskur ba dang / 'dod pa'i khams kyi dbugs 'byung rngub srog rtsol bsdams nas ye shes kyis bzlas pa'i sbyor ba lha mo bcu gnyis bcu gsum pa rdo rje 'dzin pa'i gtso bo sku gsung thugs kyi 'khor lo gsum la yang ye shes sems dpa' bcug nas go cha bskon nas ro gcig par gyur pa'i sku gsung thugs kyi spro bsdu bsgom mo//ngag gi bzlas pa ni gtso bo'i rgyud nas gsal/ 'khor rnams ni thog mar oM dang bar du lha mo'i ming dang tha mar hUM hUM phaT dang ldan pa ni snying po'o//bdud rtsi myang ba dang mchod pa dang bstod pa dang gtor ma btang ba kha bskang ngo / /nye bar bsdu ba rgyas par bshad pa ni/ rang gi snying gar sngags kyi 'khor lo rim pa bdun pa sngar bshad pa bzhin du bkod la/ srid pa dang zhi ba'i chos rnams don dam par dngos po med par shes pas/dbyibs lha'i 'khor lo snying ga'i sdigs la bsdu/ sngags sems kyi 'khor lo chos la bsdu/ sems can gyi khams kyang chos la bsdus nas rang gi lha'i sbyor bas gnas pa la rkang pa brgyad pas mchod par bya'o/ /ldang ba'i cho ga ni mnyam par ma bzhag pa'i sems kyis sngags sprul ba'i 'khor lo dang /lus lus kyi 'khor lo dang / chos sems kyi 'khor lo bskyed pa'i rim pa bsgom zhing chos thams cad stong pa nyid du ro gcig pas bsgom par bya ste/ chos rnams snod bcud la bdag gir 'dzin pa dang /de'i chos bdag gir 'dzin pa bzhi dang mig la sogs pa chos lnga'i rang bzhin gyis stong zhing kun brtags la sogs pa'i mtshan nyid gsum med par bsgom par bya'o/ /le'u sum cu pa'i 'grel pa'o// //de ltar dgyes pa'i rdo rje'i mkha' 'gro bshad nas/bya ba'i rgyud rigs gsum la mos pa'i dbang du byas nas/ de nas sbyor ba bshad bya ba/ /zhes bya ba gsungs te/ sna tshogs gar gyi dbang phyug ni kr-i ya'i rgyud kyi lha'o/ /thams cad mchog ni gtso bo/ rnal 'byor che ni chos kyi mchog ma/ brtson 'grus chen mo rgya mtsho'i mchog ma ste mdor bstan to//rgyas bshad bskyed pa'i rim pa'i sbyor ba ni gong du bstan pa'i rim pas sngon du 'gro ba'i rnal 'byor lnga rdzogs nas/ 'byung ba bzhi ri rab sna tshogs rdo rje gzhal yas khang bskyed pa'i dbus su/ nyi ma'i dkyil 'khor gyi dbus su/iM yongs su gyur pa las g.yas su rgya mtsho'i mchog ma/ oM yongs su gyur pa las sna tshogs kyi dbang phyug gsal byed kyi mkha' 'gro/ daM yongs su gyur pa las chos kyi 'khor lo ma/ rigs gsum mgon po'i gtso bo ni/ zhal drug rigs drug gi kha dog sna tshogs 'chang ba phyag bcu gnyis kyis pha rol tu phyin pa'i phyag mtshan bsnams pa/ zhabs drug gis mu stegs can gyi lta ba lnga dang / nyan thos dang rang rgyal gyis mya ngan las 'das pa lta ba drug gnon pa khyab 'jug gi pags pa'i sham thabs/tshangs pa'i pags pa'i stod g.yogs dbang phyug chen po'i mgo bo 'dzin pa/ phyag gnyis pa kha dog bcu gnyis dang ldan pa/ rgya mtsho mchog ma pi la pa ste khyim dang / g.yon du chos kyi mchog ma nye ba'i pi la ste nye ba'i khyim pa btsun mo gnyis mnga' ba/btsun mo gnyis ka yang zhal lnga pa phyag bcu pa/ bcom ldan 'das ni 'jigs byed dang dus mtshan zhabs kyis gnon pa/ zhal drug dang ldan pa mgrin pa drug dang ldan pa yum gnyis ni zhal lnga pa mgrin pa bzhi dang ldan pa/ steng gi zhal la mgrin pa med pa'o//phyag mtshan bcu ni go sla'o/ /lus kyi 'khor lo bshad pa ni/ gnas gsum du sku gsung thugs kyi 'khor lo bsgom pa dang / oM las ye shes kyi mkha' 'gro rigs gsum la lha mo bcu gnyis kyis bskor ba'o/ /de la las kyi rgyal mchog ye shes sems dpa' gzhug pa dang /go cha bskon pa dang / dbang bskur ba dang / sngar bshad pa bzhin du 'khor lo gsum gyi spro bsdu bsgoms la/ gsang sngags kyi bzlas pa bya'o/ /sngags ni rgyud na gsal lo/ /gsang ba gsum gyi 'khor lo spros nas 'khor lo gsum gyi lha bsdu ba'i tshe lha b+ha ga'i dbus kyi rtsa gsum la bsdu bar bya'o//gal te rdzogs rim bsgoms na 'khor lo gsum gyi lha rtsa gsum la bsdus la/ rdo rje phag mo'i b+ha gar gsang ba gsum po rtsa'i rang bzhin bsgom pa ni/ de kho na nyid sbyor ba bsgom pa zhes bya'o/ /bskyed pa'i rim pa bsgom pa'i tshe tha mal pa'i nga rgyal spangs nas thun bzhir bsgom pa dang bzlas pa bya'o//rtag tu dam tshig bskyang ba ni bdud rtsi myang ba ste/ 'o ma ni byang sems dkar dmar ro/ /bram ze ni rnam snang ngo / /sbrang rtsi ni mi bskyod pa'o/ /ma hA mAM sa ni sha chen no/ /sha lnga dang yang dag ldan pa de nyid oM AHhUM gis byin gyis brlabs la bza' bar bya'o//spros bcas kyi tshogs kyi 'khor lo 'du 'dzi med cing srid pa la mngon par zhen pa 'khor lo yongs su mi 'dzin pa'i lha mo gnyis dang / 'dod pa'i khams kyi sems bkag pas kha na ma tho ba dang mi ldan pa'i 'bad pa med par lhun gyis grub pa'i 'dod pa'i yon tan lnga la dga' ba bzhi'i longs spyod bza' bar bya'o//btung ba yang 'bad pa med pa srog a wa d+hU tIr chud pas 'dod pa'i yon tan lnga la longs spyod cing bdud rtsi lnga btung zhing 'dod khams kyi btung ba nam yang mi btung ngo //nang gi bdag nyid srog a wa d+hU tIr chud pa'i sbyor ba dang ldan pa yab yum gnyis kyi spros bcas kyi 'khor lo bcom ldan 'das pi las rnal 'byor ma nye pi la tshogs kyi 'khor lo bya'o/ /yang na thabs nyi shu rtsa bzhi'i pi la na 'am/shes rab nyi shu rtsa bzhi'i nye pi la ste/ 'khor lo gsum gyi spros bcas bsgom pa/ grong khyer gyi mtha' 'khor lo gsum gyi lha bsgom pa/ grong gi mtha' bsgom pa lha mo bcu gnyis kyi spros bcas kyi 'khor lo gsum pa'o/ /zla ba dang nyi ma gtum mo drod byang chub kyi sems mnyam par sbyor ba las skad cig ma bzhis dga' ba bzhi skyes pa'i 'bras bu mngon par shes pa drug ni mthu stobs dang ldan pa skye ba 'di la 'grub bo//spros med kyi spyod pa ni sngar bshad pa'i pa shu thams cad bza' zhing ling+ga'i lha bshos dag snga ma bzhin du bza' ste/'dus pa thams cad kyi 'khor lo glu dang gar dang bza' ba thams cad sgyu ma 'od gsal zung 'jug tu shes pa rnam par rtog pa thams cad spangs pa'i spros med kyi 'khor lo bya ste bskyar ba'i cho ga'o/ /le'u sum cu rtsa gcig pa'i 'grel pa'o// //de ltar rigs gsum gyi 'khor lo bshad nas/ dam tshig gi bde mchog ston par bzhed pas/ de nas gzhan yang bshad bya ba/ /zhes bya ba gsungs te/ rigs lnga'i dngos grub kyi sbyor ba mkha' 'gro lnga dang mkha' 'gro ma lnga dam tshig gi sdom pa bshad pa ni mdor ston to//rgyas bshad ni gong du bstan pa'i rim pas sngon 'gro lnga rdzogs nas 'byung ba bzhi dang / ri rab sna tshogs rdo rje drug gyur pa las/ gzhal yas khang nam mkha' dbyings kyi rdo rje'i dbus su gnas pa'i gzhal yas khang nyis rim dbus ma yab yum bcu'i dkyil 'khor lngas brgyan pa dbus su nyi ma'i gdan la mdzes pa'o//A li'i mtshan sum cu rtsa gnyis kyi zla ba/ kA li'i dpe byad bzang po'i nyi ma/ dbus su sa bon no/ /'od zer spro bsdu gyur pa las dus mtha'i me ltar 'od zer 'bar bas rab tu 'jigs pa zhal lnga pa phyag drug pa zhal mche ba gtsigs pa yum yang zhal lnga pa phyag drug pa re mig dbus ma la dgod do//gtso bo bskyed pa bsnyen pa'o/ /shar du sangs rgyas mkha' 'gro mkha' 'gro ma dang 'khyud pa/ nub tu pad+ma mkha' 'gro gos dkar mo dang 'khyud pa/lhor rin chen mkha' 'gro gzugs can ma dang 'khyud pa/ zhal dang sku mdog dang phyag mtshan ni rgyud na gsal/ mtshams bzhi ru sangs rgyas mkha' 'gro ma pad+ma'i mkha' 'gro ma/ rin chen mkha' 'gro ma zhal gsum phyag drug ma/ de'i sgo bzhi'i shar sgor sna tshogs gzugs can ma'o//byang sgor gzugs bzang ma ljang gu/ nub sgor rdo rje mchu dmar mo/ lho sgor 'od byed ma ser mo/ /zhal gsum phyag drug ma/ shar gyi snam bu la stag gdong ma/ dred gdong ma/ rdo rje sna chen ma/ snyan grags ma dang bzhi sngon mo/ lho'i snam bu la rdo rje pho nya mo/ /rdo rje san mo/ gzhon nu ma/ kam po rtse dang bzhi ser mo/ nub kyi snam bu la ro langs ma/ mda' can ma/ dri ldan ma/ 'jigs byed ma dang bzhi dmar ba/ byang gi snam bu la zla ba'i spyi gtsug khro gnyer can/ sna tshogs gzugs ka ta ya na bzhi ljang ba'o//mtshams bzhir rdo rje lu gu rgyud ma/ lha mo sgyu 'phrul dra ma/ grags byed ma/ me 'bar ma dang bzhi phyogs kyi kha dog can phyi'i sgo bzhi la ser skya ma/ rdo rje 'bar ma/ rdo rje 'khyil ba ma/ rdo rje 'jigs byed ma dang / bzhi phyogs kyi kha dog can no/ /sngon grub pa'i mkha' 'gro ma rab gtum ma la sogs pa sku gsung thugs dang dam tshig gi lha mo rnams yin te/mkha' 'gro ma de dag thams cad zhal gsum phyag drug pa/ dang po na rdo rje gsor ba dang dril bu gnyis/ gnyis kyi g.yas na cang te'u/ g.yon na thod pa dang kha T+wAM ga/ /gsum pa gnyis kyis lcags kyu dang /zhags pa bsnams pa'o/ /gzhal yas khang bshad pa ni/ nang gi pho brang re mig dgu sgo bzhi dang bcas pa phyi'i lha rnams phyi'i sgo ma bzhi dang bcas pa/ rta babs bzhis brgyan pa ni go sla'o/ /'khor bskyed pa ni bsnyen pa'o/ /lus kyi dkyil 'khor bsgrub pa ni/byang chub kyi phyogs sems kyi 'khor lo dang / dbus kyi 'khor lo sa bcu gsum khyams kyi lha mo nyi shu rtsa bzhi gnas dang nye ba'i gnas la sogs pa sa bcu'i rang bzhin du bsgom pa dang / thugs kar ye shes kyi mkha' 'gro ma lha mo bcu gnyis kyis bskor ba/phung po dang khams dang skye mched lhar bskyed pa dpa' bo dang / dpa' mo'i go cha gnyis po lus la bkod pa gsang ba gsum gyi gnas su rtsibs nyi shu rtsa bzhi la sku gsung thugs kyi mkha' 'gro gsum bkod pa sgrub pa lus kyi 'khor lo'o/ /sgrub pa chen po ni ye shes kyi 'khor lo bkug nas mchod pa dang ye shes kyi chus dbang bskur ba dang /ba spu'i ba thams cad las sku gsung thugs kyi gsang ba gsum spros nas/ sems can ma lus pa thams cad sku gsum gyi mkha' 'gror bskyed nas thun bzhir slar bsdu ba dang /gnyis pa sangs rgyas la mchod pa'i phyir 'khor lo gsum pa ba spu'i bu ga nas spros nas mchod pa dang gsum pa tshar bcad pa dang phan gdags pa'i phyir rdo rje gsum gyi lha srog rtsol dang lhan cig tu spro bsdu 'brug gi sgra ltar sngags bzla ba dang / bzhi pa dbugs phar 'gro ba dang tshur bsdu ba'i sbyar bas mi smra ba'i lha'i cha byad kyi brtul zhugs chen po zhag bdun gyis mngon par shes pa 'grub ste de'i rtags ni/g.yo ba sa'i rlung 'gags pa dang / 'dar ba chu'i rlung 'gags pa dang / 'khrug pa me'i rlung 'gags pa dang /'phar ba nam mkha'i rlung 'gags pa dang ldan pa'i rtags byung na nad dang ldan pa tshar bcad pa dang / nad med pa phan 'dogs pa 'grub bo/ /de ltar bsgom pa byas nas zhes bya ba tshigs bcad phyed ni mjug bsdu ba'o/ /don lnga pa rtags byung nas srog a wa d+hU tIr chud pa'i nang gi sbyor ba dang /ldan pas bdud rtsi lnga zos nas tshe lo stong thub na sangs rgyas kyi gnas su nges par 'jug go/ /snying po dang gnas ni rgyud na gsal ba ma bshad do/ /thun bzhi'i bsgom bzlas zin nas dkyil 'khor kun gcig tu byas te bsdus nas rnal 'byor chen po lus gzi brjid can gyi sngags khri'am 'bum bzlas na/ji ltar 'dod pa 'grub par 'gyur ba ni phan yon no/ /gal te rang gi lus rgas na byis pa gzhon nu ma lo brgyad pa mtshon dang rims kyis ma rig pa glo bur bu shi ba'i ro rnyed na gzhan gyi lus su zhugs nas 'gro ba pa su ra pra bi sha zhes bya ste/rdzu 'phrul dang mi snang ba dang gzugs du ma ston pa la sogs pa 'grub par 'gyur ro/ /mchod pa dang bstod pa dang gtor ma btang ba ni kha bskang ngo / /le'u sum cu rtsa gnyis pa'i 'grel pa'o// //mngon par shes pa lnga bskyed pa dam tshig gi sdom pa bshad nas/mngon shes bsgrub pa'i spros bcas kyi spyod pa ni/ de nas gzhan yang bshad bya ba/ /zhes bya ba gsungs te/ gang zag skye ba snga ma nas tshul khrims goms pas sbyangs pa'i yon tan bcu gnyis bsrung ba de ni lung gi rim pas tshul khrims kyi phung po yin la lung dang bral na mu stegs can yin no//rnal 'byor pa dkon mchog gsum la skyabs su song nas chos kyi dbyings shes rab kyi pha rol tu phyin pa la dmigs te/ sbyangs pa'i yon tan bcu gnyis lha mo bcu gnyis su bskyed pa ni/tshul khrims kyi phung po yin la/ dga' ba bzhi'i ting nge 'dzin thob pa'i ting nge 'dzin gyi phung po dang / sgyu ma 'od gsal zung 'jug gis rgyas btabs nas shes rab kyi phung po yin no/ /rnam par grol ba'i phung po'i dngos grub tu 'gyur ro/ /gong du bstan pa'i sbyor ba sngon du 'gro ba lnga dang /'byung ba bzhi ri rab sna tshogs rdo rje dang pad+ma'i steng mngon par byang chub pa lnga skad cig gi rnam pa rdzus skyes kyi sbyor bas gtso bo dang 'khor thams cad cig car bskyed pa/ gtso bo zhal bzhi phyag bcu gnyis phag mo zhal gcig phyag gnyis pas 'khyud pa bsnyen pa'o//shar la sogs pa'i rtsibs brgyad du mi dang seng ge la sogs pa'i lha mo brgyad dang / sgo bzhir khrag 'thung ma dang / gtum mo dang srin mo dang drag mo dang bzhi ste/ lha mo bcu gnyis rab tu byung ba'i gzugs can thams cad kyang zhal gcig phyag bzhi pa ste/ bsod snyoms pa dang /phyis mi len pa dang / stan gcig pa gsum ni zas la ma chags pa'o/ /chos gos gsum pa dang / phyag dar khrod pa dang / phying ba pa ni gos la ma chags pa'o/ /tsog pu pa dang gzhi ji bzhin pa ni gnas mal la ma chags pa'o/ /bla gab med pa dang / shing drung pa dang / dgon pa pa dang / dur khrod pa ni gnas la ma chags pa ste/ de rnams kyi lha mo ni dkyil 'khor rgyal mchog go/ /las kyi rgyal mchog ni ye shes sems dpa' spyan drangs nas go cha bskon pa dang / dbang bskur ba dang / bdud rtsi myang ba ye shes mnyam pa'i dam tshig mchog//ro gcig par ni rnam par bsgom/ /zhes pa sku gsung thugs kyi 'khor lo lus ngag yid gsum gyi spro bsdu bya ba dang / ye shes sems dpa' nu ma'i bar ni sbyangs pa'i yon tan lha mo bcu gnyis kyi spro bsdu bsgom mo/ /snying po ni go sla'o//ji ltar sgom zhe na/ shar zhi ba/ byang mche ba gtsigs pa dang / lho bzhad pa/ nub lce bskyod pa/ shar lho zhi ba/ lho nub snying rje/ nub byang sgeg pa/ byang shar rngam pa/ sgo bzhir drag cing khro ba'i nyams can sgom mo/ /rab tu byung ba'i chas gon nas ji ltar khros pa'i nyams yin zhe na/sems can mos pa sna tshogs 'dul ba'i thabs 'dod yon lnga la longs spyod pa na/ stong pas rgyas btab na bla med ye shes kyi 'bras bu thob bo/ /kha zas bdud rtsi lngar byin gyis brlabs nas 'chi med bde ba'i longs spyod kyi 'bras bu rnyed do//sems can thams cad lhar bsgoms pas zag med kyi go 'phang mchog thob bo/ /'di ni las dang po'i spyod pa ma yin pas mchog tu gyur pa'i rnal 'byor pa'i spyod pa yin pas/ sngon 'gro dang dngos gzhi dang rjes thams cad tshang bar mi dgos so/ / le'u sum cu rtsa gsum pa'i 'grel pa'o// //de ltar spros bcas kyi spyod pa bshad nas rgyas par char dbab pa'i cho ga bshad par bzhed pas/ de nas gzhan yang bshad bya ba/ /zhes bya ba gsungs te/ gong gi sngon du 'gro ba'i rnam pa lnga byas nas 'byung ba bzhi ri rab sna tshogs rdo rje dang gzhal yas khang gi dbus su pad+ma 'dab ma brgyad pa'i dbus su yi ge hUM las rdo rje de yongs su gyur pa las sku lus sngon po zhal bzhi pa mche ba gtsigs pa phyag brgyad kyi dang pos rdo rje mtha' yas gcig pa/g.yon gyi dang po sdig mdzub nor rgyas kyi zhags pa can/g.yon pa na thod pa dang kha T+wAM ga la 'jog po bcings pa/ g.yas pa'i lcags kyu la pad+ma bcings pa/ g.yon pa'i mdung la pad+ma chen po bcings pa/ dbang po'i pags pa bsnams pa'i phyag gnyis kyi gdu bu dung skyong dang stobs kyi rgyus byas pa/g.yas pa'i cang te'u la ma dros pas brgyan pa/ slad ma ni go sla'o/ /yang na phyag bcu gnyis pa gri gug dang / tshangs pa'i mgo bo dang rdo rje dang dril bus 'khyud pa rang snang ba'i rdo rje phag mo zhal gcig phyag gnyis pa gri gug dang ka pA la bsnams pa/ 'dzam bu chu bo'i mdog lta bu'i sngon po bsam mo//nam mkha' lding gi gdong can zhal lnga pa phyag brgyad pa ni yum spangs pa yin la/ phyag bcu gnyis ni yum dang ldan pa ste/ gnyi ga yang khyad par du nam mkha' lding gi gdong can yin no/ /chu lha chung ma dang bcas pa kha dog dkar po thal mo sbyar nas bka' nod par byed pa g.yas brkyang ba'i zhabs kyis mnan pa'o//pad+ma 'dab ma brgyad la klu brgyad thal mo sbyar nas chung ma dang bcas pa bka' nod par bsam/ klu rnams kyi mjug ma chu lha'i 'og tu mnan par bsam mo/ /de ltar dkyil 'khor rgyal mchog bshad nas/las kyi rgyal mchog ni ye shes sems dpa' spyan drang / go cha bskon/ dbang bskur nas bsgoms pa'i tshe/ snying gar nu ma'i bar du ye shes kyi 'khor de'i sku mdog dang phyag rgya dang zhal lnga dang ldan pa bskyed/ ye shes sems dpa' de'i thugs kar ting nge 'dzin sems dpa'i rdo rje rtse mo lnga la hUM naM hUM dgod do//dpral bar sku'i 'khor lo/ lkog mar gsung gi 'khor lo snga ma bzhin bsams/ klu brgyad kyi snying gar hUM laM hUM gsum dgod/ khams gsum sku gsung thugs kyi spro bsdu bsgom 'og nas 'byung ba'i gsang sngags kyi rgyal po khro bo'i tshig bzlas brjod byed pa'am 'bum mam khri bya//bstod pa dang mchod pa bya/ gtor mas kha bskang ngo / /ting nge 'dzin gsum bsnyen pa'i cho ga'o/ /las la sbyor ba'i bsgrub pa'i gnas bshad pa ni/ chu bo'i 'gram mam/rgya mtsho la sogs pa klu yod pa'i gnas su bsgom bzlas bya/ snying po ni go sla'o/ /nyin re zhing thun bzhi zhag bdun gyi bar du las la sbyar bas char dbab/ ma babs na bskyar ba'i cho ga ni/ 'o ma btung ba dang / sbrang rtsi bza' zhing 'o ma dang mar dang bcas pas sbyin sreg bya/'o mas gang ba'i bum pa brgyad kyis klu la khrus bya/ phyogs mtshams brgyad du gtor ma 'o ma dang bcas pa sbyin no/ /klu brgyad kyi sngags ni go sla'o/ /des kyang 'bab par ma gyur na/ klu brgyad kyi snying po khri tsam du bzla/ smyung ba bya/ de mi nus na 'o ma dang mar dang 'bras snying bza'/tha mal pa'i tshig gis mi smra bar nam mkha' lding gi gdong can bris pa'i sku gzugs rab gnas byas pa'i mdun du bcom ldan 'das kyi snying po 'bum bzlas/ ring bsrel gyi snying po can gyi sku lugs ma dri chu dang / 'o ma dang bsres pas sku khrus bya/chu bo'i 'gram gnyis kyis las byas pa'i gzugs brnyan mgo dgu pa byas la chus dbang bskur na char 'bab par 'gyur ro/ /las la sbyar ba'i cho ga bshad nas/ da ni spyir btang ba'i cho ga 'chad pa ni/ las tshogs brgya byed pa'i dus su khro bo gzhan dang gzhan gyis gzugs su bsgom pa'i tshe/rgyud sde bzhi'i lha tha dad pa'i rjes su 'brang yang / lha de'i snying gar nam mkha' lding gi gdong can gyi he ru ka bsgoms na/ char 'bab par 'gyur ro/ /'dis ni 'di skad ston pa yin te/ de'i snying gar phyir bzlog chen mo la sogs pa las brgya byed pa'i dus lha'i snying gar bsgoms nas las brgya byed do zhes bsdus pa las kyang gsungs so//gal te snying gar mi bsgom na phyag mtshan gyi dbus su bsgoms nas kyang las tshogs byed pa ni/ mdung rtse gsum pa la nam mkha' lding gi gdong can gyi 'khor lo bris na ser ba gcod pa cang te'u la bris nas me rengs par byed ces bya ba nas glang po che'i pags pa la bris na/dpag tshad stong phrag brgyar 'gro 'ong byed do/ /snying gar mi bsgom na phyag rgya drug las 'khor lo bris na mi snang ba la sogs pa'i las drug byed par 'gyur ro//le'u sum cu rtsa bzhi'i 'grel pa'o// //de ltar klu 'dul ba'i dkyil 'khor bshad nas/ de nas gzhan yang bshad bya ba/ /zhes bya bas phur bu'i lha ston to/ /rgyud sde bzhi las phur bu'i srung ba sna tshogs bshad pa/ gsang ba mchog gi rgyud 'dir mdor bsdus na gsungs pa ni/phur bu bsgom par 'dod pas sngon du 'gro ba lnga dang 'byung bzhi ri rab sna tshogs rdo rje dang gzhal yas khang bskyed la/ pad+ma'i lte bar yi ge hUM las skad cig gis rdzus skyes kyi he ru ka zhabs gcig pa bsgom pa ni dang po sbyor ba'o/ /sku mdog sngon po zhal drug pa phyag bcu gnyis pa zhabs gcig pa yum rdo rje phag mo zhabs gcig par bsgoms te go sla'o//'khor bshad pa ni/ shar lho mtshams su gshin rje brtan ma glang po che'i gdong can zhabs gcig pa/ nub byang mtshams su gshin rje mche ba ma ri dwags kyi gdong can zhabs gcig pa/byang shar gyi mtshams su gshin rje 'joms byed ma seng ge'i gdong can ma zhabs gcig pa'o/ /phyogs bzhi ni phur bu'i lha'i gtso bo zhal drug pa rta'i gdong can zhal nub tu gzigs pa yin pas dang po khyi gdong ma'i phur bus gdab bo//gnyis pa byang du 'ug gdong ma'i phur bus gdab bo/ /gsum pa lhor phag gdong ma'i phur bus gdab bo/ /'di rnams la ye shes sems dpa' gzhug go cha bskon dbang bskur bdud rtsi myangs bsgom pa dang bzlas pa byas/ mchod pa dang bstod pa bya/gtor ma btang nye bar bsdu ba bshad pa ni/ sngags dang dbyibs dang chos bdag nyid/ sna tshogs gzugs ni chen po yin/ /zhes bya ba gsungs te/ dbyibs snying ga'i sngags la bsdu/ /yang na phur bu lnga bya ste/ dbus su gtsug tor 'khor los sgyur ma/shar du mtha' yas khams gsum rnam par rgyal ba lhor rnam par rgyal pa las 'jam dpal gshin rje gshed/ nub tu sprin sgra las rta mchog /byang du stobs po che las bdud rtsi 'khyil pa ste/ lnga bskyed la/ rnal 'byor gyi rgyud las grags pa bzhin du thams cad mkhyen cing thams cad mdzad pas/ji ltar sems can 'dod pa'i sku lus phur bu'i lha lta bu yang 'chang bar mdzad pa yin no/ /de ltar rnal 'byor pa dad pas bsgom zhing yun ring ba bar chad med pa rnam par bsgoms na nor mchog shel bzhin du bdag nyid chen po sna tshogs pa rnam par rol par 'gyur te/rdo rje mkha' 'gro las/ yang dag yang dag ma yin pa/ /dngos po gang dang gang zhig la/ bsgom pa'i don ni rdzogs pa na/ de gsal mi rtog blo 'dras skyes/ /zhes gsungs so/ /le'u sum cu rtsa lnga pa'i 'grel pa'o// //bgegs 'ching ba'i dkyil 'khor bshad nas/ yum gyi snying po'i yi ge bcu gsum las skyes pa'i lha mo bcu gsum gyi dkyil 'khor ni/ de nas gzhan yang bshad bya ba/ /zhes bya ba gsungs te/ sngon du 'gro ba'i rnal 'byor lnga rdzogs nas rten gyi dang po sbyor ba 'byung ba bzhi ri rab sna tshogs rdo rje gzhal yas khang bskyed/mngon par byang chub pa lngas phag mo'i sku bdag nyid bsgom zhing rnam par bsgom pa ni dang po sbyor ba'o/ /dkyil 'khor rgyal mchog ni/ sku ni nyi ma bcu gnyis gzi/ /zhes bya ba nas/'khor gyi phyag mtshan go rims bzhin/ /zhes bya ba'i bar go sla'o/ /las rgyal mchog ni go cha bskon pa dang / ye shes sems dpa' spyan drangs pa dang / dbang bskur ba dang / bdud rtsi myang ba dang / bsgom pa de'i snying ga'i nu ma'i bar du ye shes kyi lha mo bcu gsum/dpral ba dang lkog ma dang snying gar sku gsung thugs kyi dkyil 'khor bsgoms la/ ye shes kyi 'khor lo yang de dang 'dra bar bcug nas ro gcig tu gyur par bsgoms te/ ye shes kyi bzlas pa'i spro bsdu bsgom pa dang / ngag gis bzlas pa yang bya'o//ldang ba'i tshe rang gi lha'i rnal 'byor gyis sems can thams cad la lha'i skur brtag /stong gsum gzhal yas khang du bya'o/ /stong gsum lha yi 'khor lo'i sku/ sku gsung thugs kyi chos gsang ba gsum la gzhag go/ /gsang ba gsum pa yang sems kyi chos nyid bdag med pa chos dang chos ma yin pa la 'das pa'i 'dus ma byas la gzhug go//le'u sum cu rtsa drug pa'i 'grel ba'o// //de ltar rdo rje phag mo'i dkyil 'khor bshad nas go cha drug gi dkyil 'khor ston pa ni/ de nas gzhal yas khang bshad bya/ /zhes bya ba gsungs te/sngon du 'gro ba lnga bsgoms nas 'byung ba bzhi ri rab sna tshogs rdo rje gzhal yas khang gi nang du rnal 'byor ma drug gi yig 'bru las drod gsher skyes kyi cho ga'i rim pa dang po sbyor ba'o/ /dkyil 'khor rgyal mchog ni mtshan bzhir 'gyur te/ go cha drug gi lha mo bzhi la dpa' bos 'khyud pa ni/'khor zhal gcig phyag bzhi pa ni dang po yin no/ /dpa' bo dang dpa' mo so so bsgom pa'i 'khor lo/ rdo rje sems dpa' zhal gsum phyag drug pa dang / dpa' bo zhal gcig phyag bzhi pa ni gnyis pa yin no/ /gtso bo phyag bcu gnyis pa zhal drug pa la go cha'i lha zhal gcig phyag bzhi pa lngas bskor ba ni gsum pa yin no//'jam pa'i rdo rje la go cha drug gi lhas bskor ba ni bzhi pa yin no/ /de la dang po ni lte ba ge sar gyis khyab pa'i pad+ma 'dab ma brgyad pa bris pa'i dbus su phag mo zhal drug pa 'khor gshin rje ma las sogs pa zhal gcig phyag bzhi pa/g.yon pa na thod pa dang kha T+wAM ga /g.yas pa na cang te'u dang gri gug /phag mo rdo rje sems dpa' dang 'khyud pa/ tsaN+Di kA rta mchog dang 'khyud pa ste/ sku mdog dang phyag mtshan ni go sla'o/ /yang na rdo rje sems dpa' zhal gsum phyag drug pa phag mo dang gnyis dbus su 'khor lo rtsibs bcu la rnam par snang mdzad la sogs pa'i dpa' bo lnga dang /gshin rje ma la sogs pa zhal gcig phyag bzhi ma so sor bsgom pa ste gnyis pa'o/ /yang na gtso bo phyag bcu gnyis pa zhal drug pa/ 'khor rnams zhal gcig phyag bzhi pa bsgoms pas mi'i 'khor los sgyur pa drug thob pa dang /yang na lha'i 'khor los sgyur ba drug lha ma yin g.yul gyis mi 'pham zhing rgyal 'thob pa'am/ mchog gi dngos grub stobs chen mngon par shes pa drug dang ldan pa bdud bzhi'i pha rol gnon pa dngos grub rab thob nas/'gro ba drug gi sems can bsgral ba/ rdo rje 'dzin pa mtshungs pa gru gsum pa'o/ /yang na 'khor lo zur drug la go cha drug gi lha mo zhal gcig phyag gnyis pa dang / dpa' bo zhal gcig phyag bzhi pa bkod nas/ de'i dbus su 'jam pa'i rdo rje zhal lnga pa phyag bcu pa gur kum dmar po'i mdog lta bu zhes bya ba nas/skra grol ba la phyogs gos can zhes pa'i bar du dkyil 'khor rgyal mchog go sla'o/ /las kyi rgyal mchog ni ye shes sems dpa' spyan drang pa dang / go cha bskon pa dang / dbang bskur ba dang /bdud rtsi ba dang / bsgom pa'i tshe snying ga'i nu ma'i bar du ye shes kyi 'khor lo sku gsung thugs kyi 'khor lo gsum go cha gnyis dang / go cha chen po gnas nyi shu rtsa bzhi la dpa' bo dang mkha' 'gro ma rnams dgod pa ni lus kyi dkyil 'khor bsgrub pa'o/ / sprul pa'i 'khor lo sgo bzhi dang mtshams bzhi ru khwa gdong ma la sogs pa lha mo brgyad zhal gcig phyag bzhi pa dgod par bya'o/ /bsgom pa'i tshe spro bsdu'i sbyor bas ye shes kyi bzlas pa bya ba dang / ngag gi bzlas pa'i tshe sprul pa'i 'khor lo'i tshogs khams gsum gyi 'gro ba sku gsung thugs kyi 'khor lo bsgoms la ngag gi bzlas pa bya ste/sku gsung thugs kyi de nyid gsum gyi sngags ni/ dpa' bo dang mkha' 'gro ma'i ming gi mthar hUM hUM phaT dang / thog mar oM dang bcas pas lus kyi nang gi 'khor lo gsum gyi sngags kyi bzlas pa bya'o//sprul pa'i 'khor lo'i go cha drug gi lha dang sgo ma brgyad kyi sngags ni go sla'o/ /go cha gnyis po 'dis dkyil 'khor thams cad kyi snying gar bkod dam/ phyag mtshan la bkod dam/ lus la go char bkod na dngos grub thams cad kyi 'bras bu gsol ba ni phan yon no//de'i rnam dag ni pha rol tu phyin pa drug ni go cha drug go/ /bzhi ni khwa gdong ma la sogs pa sgo ma bzhi/ bden pa bzhi ni gshin rje brtan ma la sogs pa bzhi'o/ /'jam pa'i rdo rje ni chos kyi dbyings kyi ye shes so/ /mchod pa dang / bstod pa dang / gtor ma btang ba dang nye bar bsdu ba ni kha bskang ngo //'di'i mtshan ni gsang ba chos kyi sku dang / yang gsang ba longs spyod rdzogs pa'i sku dang / mchog tu sbas pa sprul pa'i sku ste/ yab yum 'khyud par bsgom pa'am/ so sor bsgom pa'am/ gtso bo zhal bzhi phyag bcu gnyis pa'am/'jam pa'i rdo rje dbus su bsgom pa ni/ thod rgal gyi ting nge 'dzin zhes bya'o/ /yang na lag pa g.yon pa'i sor mo lnga dang sen mo dang drug la dpa' mo drug /g.yas pa'i sor mo lnga dang sen mo dang drug la dpa' bo drug /lag pa'i mthil du dpa' bo dang dpa' mo'i 'khor lo bsgom pa go cha gnyis po gsal bar he ru ka 'byung ba nas gsungs pas the tshom mi bya'o//le'u sum cu rtsa bdun pa'i 'grel pa'o// //de ltar le'u bzhi pa nas nyi shu'i bar du dngos grub bsgrub pa'i 'khor lo dang / nyi shu gcig pa nas sum cu rtsa bdun gyi bar du dngos grub sna tshogs kyi 'khor lo bstan nas/da ni dngos grub kyi yan lag gi le'u bcu ston par bzhed pas/ de nas gzhan yang bshad bya ba/ /zhes bya ba gsungs te/ spyir dkyil 'khor bdun yod pa las rnal 'byor pho mo'i 'khor lo ston pa rdzogs rim gyi spyod pa yin te/de la rigs gsum yod de skye ba snga ma sa dang po nas sa bcu'i bar du ye shes dang ldan pa las sems can gyi don du skyes rabs kyi mdo sde bzhin du/ 'dir skyes pa'i rnal 'byor pho mo la zag med kyi las las byung bas ye shes las skyes ma zhes bya'o//yang na bsam gtan bzhi dang / gzugs med bzhi thob pa las mir skyes pa'i rnal 'byor pho mo tshangs pa dang khyab 'jug gi sprul pa gtan du mi g.yo ba'i las bsam gtan gyi sdom pa las 'byung ba ni zhing skyes zhes bya'o/ /tshe 'di la rdo rje slob dpon gyi stobs kyis bsam gtan dang zag med kyi sdom pa skyes pa ni sngags skyes zhes bya'o//de la dang po sdom pa dang ldan par shes pa'i rtags ni ngag gi brda dang lus kyi brda dang yan lag gi brda gsungs te/ de la ngag gi brda ni yi ge'i brda dang tshig gi brda'o/ /lus kyi brda ni mig gi brda dang mchu'i brda'o//yan lag gi brda ni yan lag dang nying lag gi ste/ de skad du yang chos bcu pa'i mdo las/ du ba las ni mer shes te/ /chu skyar las ni chu yin te/ /byang chub sems dpa' blo ldan gyis/ /rigs ni mtshan ma rnams las shes/ /zhes gsungs pa'o//de'i brda dbang ma bskur ba la mchog tu gsang ba'i brda mi shes na de 'grub par mi 'gyur la/ gang zhig brda legs par shes na dngos grub bsgrub par the tshom med pa'i phyir brda bstan to/ /de ltar mdor bstan nas rgyas par bshad pa ni/ da zhes bya ba'i yi ge gnas gtsang ma'i brda mtshan ma thob pa'i skyes bu nyi shu rtsa bzhi pa'o//di zhes bya ba dbang bskur nas mtshan ma thob pa'i bud med sum cu rtsa drug go/ /du zhes bya ba 'khyud pa ston/ /su zhes bya ba bdud rtsi lnga'i bza' ba ston/ ma zhes bya ba rdo rje slob dpon dang dus mnyam du srog a wa d+hU tI ra chud pa ston/bi zhes bya bas rang dang dus mnyam du dbang bskur ba ston/ bu zhes bya bas slob ma dbang bskur ba ston/ lu zhes bya bas rang gi dbang bskur ba ston/ pri ni gsang ba'i dbang bskur ba'i rang byung gi me tog ston/ so ni gsang ba'i dbang bskur ba'i zhi ba'i btung ba ston/pi ni sman sna brgya rtsa brgyad bskol pa'i tswa ru'i sha ston/ su zhes bya ba tshogs kyi 'khor lo'i 'dus pa ston te/ gsang ba'i dbang bskur brda yin no/ /shes rab ye shes dag byed kyi lha mo'i brda ni/ pi zhes bya ba sems 'dzin pa'i gnas dur khrod do/ / pri zhes bya ba skye ba bdun pa'i ro kha zas su bza' ba'o/ /'di ni phag mo'i rigs so/ /la ni sgrol ma'o/ /tri ni sangs rgyas spyan no/ /ku ni mA ma kI'o/ /ha ni gos dkar mo'o/ /dza ni zag med kyi lha mo rnams dang sems 'dzin pa'o/ /dpa' bo'i lha mo'i brda bshad pa ni/ thog mar phrad pa'i tshe/ b+ha zhes bya ba phyag 'tshal ston/ swa phyag 'tshal ba'i lan no/ /mi ni nya la sogs pa'o/ /ba ni bdud rtsi lnga'i bza' ba'o/ /b+h+yo ni bdud rtsir byin gyis ma brlabs pa'o/ /byo ni bdud rtsi lngar byin gyis brlabs pa'i btung ba'o/ /byin gyis ma brlabs pa'i btud pa'o//ga ni dbang bskur ba la skrod pa dang dbang ma bskur ba/ dam tshig dang ni mi ldan pa'i rig ma bsten par dga' ba dang zhes bya ba'i ltung ba byung bas bskrad par mi bya'o/ /bkas gnang ba'i lha mo'i brda ni/ ka zhes bya ba rigs lnga'i lha mo so sor 'dod par bya'o/ / sa zhes bya ba skyes pa gzhan gyi drung du mi 'gro'o/ /ra ni bdag po med pa'i mchog ma'i phyag rgya'o/ /ngan par spyod pa'i brda ni/ du ni gzugs 'tshong ma'o/ /su zhes bya ba sangs rgyas la dad pa'o/ /na zhes bya ba mu stegs pa la dad pa'o/ /sa zhes bya ba dbang bskur ba thob pa'o//A zhes bya ba dad pas 'ongs pa'o/ /na zhes pa dad pa med pas ma 'ongs pa'o/ /so ni yid du 'ong ba'i yul dam par gyur pa'o/ /yi ge re re'i brda 'di dag tshor ba sdug bsngal btang snyoms tshor ba bde ba rtog pa med pa mngon sum gyis lam bsgom pa la sbyin par bya'i ma dad pa la mi sbyin no//grol ba'i lam pa yang ma yin no/ /dus nam gyi tshe sbyin zhe na/ dbang bskur ba'i dus su rnal 'byor pas ye shes babs nas brda byed pa dang / dbang bskur thob na sa de'i 'og tu bde ba stong pa nyid dam tshig mchog dang ldan pa gus pa la sbyin pa 'am/dam tshig dang dbang bskur ba'i dus dang / tshogs kyi 'khor lo'i dus su sbyin par bya'o/ /le'u sum cu rtsa brgyad pa'i 'grel pa'o// //brda shes pa'i rjes thogs la/ de nas gzhan yang mtshan nyid bshad par bya ba ni/ rnal 'byor ma'i kha dog dang dbyibs dang spyod lam dang ldan pa'i mtshan nyid gang gis shes pa tsam gyis sgrub pa po la rgyu rkyen tshogs pas lhan cig skyes pa'i dngos grub 'thob par 'gyur te/bcom pa mo lha'i bshes gnyen la nor bzangs kyis bde ba stong pa nyid kyi sems bskyed pa'am/ tshong dpon gyi bu mo la rtag tu dus sems bskyed pa bzhin du'am/'khor los sgyur ba'i rgyal po gling bzhi dang mnyam pa'i btsun mo rin po che bde ba stong pa nyid ston pa lta bur 'gyur bas de'i kha dog gi mtshan nyid ni bud med pad rtsa ltar dkar zhing zhes pa kha dog dkar po dang / dbyibs mig dkyus ring ba dang / gos dkar la dga' ba dang / tsan+dan gyi dri yod pa dang / dkon mchog gsum la dad pa ni pad+ma'i rigs te/ gsung gi 'khor lo la dgod do/ /mi gang btso ma'i gser lta bu/ /zhes bya ba nas/ de yang / bzang po'i rjes 'gror 'gyur/ /zhes pa ni/ rin po che'i rigs te/ ye shes kyi 'khor lo la dgod do//thams cad ut+pal ltar sngo bsangs zhes bya ba ni he ru ka'i rigs te/ dbus su dgod pa'o/ /bud med pad dkar mdog 'dra gang / /zhes pa tshig rkang gsum ni rdo rje'i rigs yin te/ thugs kyi 'khor lo la dgod do/ /dmar zhing ser ba'i bud med gang //zhes pa ni phag mo'i rigs te/ dbus kyi 'khor lo la dgod do/ /ser zhing ljang ba'i bud med gang / /zhes bya ba ni las kyi rigs rnams kyi gnas su dgod do/ /bud med gang zhig kha dog dmar/ /zhes pa ni/ rnam par snang mdzad kyi rigs te/ sku'i 'khor lo la dgod do//de ltar rnal 'byor ma bdun bde ba stong pa nyid g.yon pa'i spyod pa la dga' ba sems kyi rtags dang / lus kyi rtags snga ma bzhin du kha dog dang dbyibs dang ldan par skyes la/ ngag gi rtags tshig gi thog mar oM maM hUM ngam/ hrI 'am AH 'don pa yin no//rang gi phyag rgya ma bslabs par rigs drug gi phyag rgya 'ching zhing sngags brjod pa'o/ /shes rab kyi rtags g.yon las 'gro ba'i bud med gang zhes bya ba rtag tu bde ba stong pa nyid bsgoms pa dang / thabs kyi rtags bde ba stong pa nyid kyi ched du mchod pa dang / bde stong gi ched du blta ba dang /bde ba stong pa'i ched du smra ba dang / bde stong gi ched du bud med gang gis bstan pa'i don de nyan cing gzhan la yang bde ba stong pa nyid kyi rigs kyi sa bon gzhan la ston pa'o/ /bde ba stong pa nyid kyi rigs mi spong zhing bde ba stong gi mdor bstan pa dang / rgyas bshad mi 'dor ba dang /bde ba stong pa nyid kyi rig pa zlo bar byed pa de ni rtag tu ngu bzhin du nyin mo dang mtshan mo yid la mi byed bde ba stong pa nyid yid la byed pa'i dam tshig dang ldan pa'o/ /phyag 'tshal ba yang bde ba stong pa nyid kyi ched du 'dud pa dang / lha mo rnams dang kun du smra ba ni/bde ba stong pa nyid kyi ched du rtag tu ngu bzhin du sa dang por 'gro'o/ /thabs kyi rtags bshad nas mi'i lus la bsam gtan bskyed pa'i thabs bshad pa ni/ bsam gtan dang po'i dga' ba dang dbang po drug bde ba skyes nas/ mthe bo g.yon pas sa la ri mo 'dri ba dang / mgo 'phrug pa dang /mig zur gyis lta ba dang / lag pas gar byed pa'i rtags ston pa bzhi yin no/ /mchog dga' yul drug la bde ba skyes pa dang / rang gi rig pa yum drug chos kyi phyag rgya dran pa dang / mkhur ba dang / ko sko dang / sna gsum du thal mo ston pa'o/ / rnam par shes pa drug bde ba lhan cig skyes dga'i rtags mig zur gyis lta ba dang / a na ha'i sngags lan cig bzlos pa dang / mig mi 'dzum par rig pa thams cad la blta ba ste/ sa dang po 'thob pa'i bcom pa mo lha'i gshin rje bzhin du/ bde bar 'gro ba'i dam tshig can yin no//bde ba stong pa nyid bsgom pa dag byed kyi 'khor lo'i brda yin no/ /de ltar dag byed kyi lha mo'i brda bshad nas/ dbang gi lha mo ni ye shes dang zhing dang sngags la rnyed par dka' ba'o/ /zhi gnas dang lhag mthong gi nam mkhar 'gro ba'i phyag rgya'o/ /de'i las ci yin snyam na/bdud rtsi lnga rnams slob ma'i lce la yang dag 'byung zhing 'bebs pa'o/ /grangs du zhe na/ rgyud 'bum pa las bdun gsungs te/ ya mi ni sangs rgyas spyan/ skrag byed ma nye ba'i spyan/ 'od ldan ma sgrol ma/ yongs su bsgyur ma nye ba'i sgrol ma/ 'jigs gzugs ma gos dkar mo//kun spyod ma nye ba'i gos dkar mo/ /'od ldan ma mA ma kI 'ba' zhig ste bdun yin no/ /nam mkha' dang mnyam pa'i rgyud las bshad pa/ gzugs can ma dang tsum+bi ka/ /lA ma yongs bsgyur byis can ma/ /mi ldog i hi ki lha mo/ /zhes gsungs pa'i de mtshan nyid ni ye shes babs nas/chags pas ldan pa'i mig mi 'dzums pa smin ma 'degs pa sngar khros pas phyis 'dzum pa ni/ sangs rgyas spyan gzugs can ma'i mtshan nyid do/ /sdug pa'am mi sdug pa la 'khyud nas 'o byed pa ni nye ba'i spyan no/ /zur gyis blta ba'i smin ma bsgyur ba sdigs mdzub byed pa dbugs 'byin pa sgrol ma'i mtshan nyid do//phag la sogs pa'i srog chags 'jigs par byed pa nye ba'i sgrol ma'o/ /shin tu dgod pa dang / lus dang sems gzhan du song nas phyir mi ldog pa dang / srog a wa d+hU tIr chud nas mi rtog pa gsal bar dgod pa gos dkar mo'i mtshan nyid do//yid khros pas rkang pa dang lag pa la sogs pas reg pa mi 'tsho ba ni nye ba'i gos dkar mo'i rigs te/ zhi ba mi bsgrub pa/ bsgrub pa min pa mngon spyod la 'phrod pa'o/ /mkha' 'gro ma mA ma kI'i rigs ni mtha' yas kyang 'dir dbang bskur ba dang /tshogs kyi 'khor lo byed pa dang / mchod pa byed pa dang / khams lta ba dang bzhir 'gyur ro/ /ma bslabs par khyim du thod pa 'dri ba gzugs can ma/ nye bas dgra sta/ sgrol mas mche ba/ nye bas ral gri/ gos dkar mos dgra sta/ nye bas rdo rje/ mkha' 'gro mas mdung ste/ phyag rgya dang ldan pa'i lha mo go cha drug gis lha bgos na nyi shu rtsa bzhir 'gyur la bdun pa ni/ rdo rje phag mo/ dbus kyi gtso mo yin no zhes rdo rje mkha' 'gro dang a bi d+hA na las bshad do/ /le'u sum cu rtsa dgu pa'i 'grel pa'o// // dag byed dang dbang gi lha mo bshad nas dpa' bo'i tshogs kyi 'khor lo'i lha mo ni/ de nas gzhan yang bshad bya ba ste/ /bsam gtan bzhi dga' bde mkha' 'gro ma'i mtshan nyid rnal 'byor pa gang zhig gis shes na/ zhi gnas kyi mkha' 'gro ma bsam gtan gyi sdom pa'i dam tshig la gnas pa bsam gtan dang po'i dga' bde dang /gnyis pa ni nang rab tu dang ba dang / gsum pa ni yid bde ba bskyed do/ /gsung gi 'khor lo la dgod pa'i pad+ma gar dbang gi rigs so/ /kha dog dmar zhing dkar ba dang / gnyis pa pad+ma dri stong pa/ gsum pa lta stangs zhi ba/bzhi pa mig mi 'dzum par blta ba/ lnga pa sen mo dmar ba/ drug pa mig dmar ba/ bdun pa khyim du pad+ma 'dri ba'i rtags dang ldan pa'o/ /thugs kyi 'khor lo rdo rje'i rigs kyi lha mo ni/ smin ma'i dbus su ri mo gsum yod pa lus sngo skya/ sems rdo rje'i rigs bsgom pa/spyod lam khyim du rdo rje 'dri zhing mchod pa'o/ /las kyi rigs kyi lha mo dam tshig gi 'khor lo la dgod pa/ dpral bar ri mo gsum mam/ gcig snang ba mig dmar ba/ lus kyi kha dog ser ba/ lag pa dang rkang pa'i mthil dmar ba/ ra skyes dang khyim bya la dga' ba/ khyim du rdo rje 'dri zhing mchod pa ni sgrol ma'i rigs so/ /dpral ba dang lag pa la 'khor lo'i ri mo yod pa/ gos sngon po dpral bar 'ching ba/ skal chen phyug po'i rigs su skyes pa/ khyim du 'khor lo bris nas mchod pa rnam snang gi rigs sku'i 'khor lo la dgod do/ /sems kyi rtags ni ting nge 'dzin gyi stobs kyis dregs pa kha dog gi rtags mig sman gyi mdog 'dra ba dbyibs kyi rtags so//so dkar zhing mtho ba mngon spyod la sogs pa'i las la sems brten pa/ spyod lam khrus la dga' ba mang du mi smra ba rdo rje bris nas mchod pa rdo rje phag mo'i rigs gser ri ma ni stong phrag bcu gnyis yod par grags so//dkar zhing ser ba la sogs pa'i kha dog dang dbyibs dang khyim du rdo rje 'dri zhing mchod pa gos dmar mo'i rigs so/ /sha la dga' ba la sogs pa'i kha dog dang dbyibs dang thod pa 'bri zhing mchod pa'i spyod lam dang ldan pa mA ma kI'i rigs so//sprin gyi mdog 'dra dgra sta bris nas mchod pa byed pa rnam par 'dren pas sangs rgyas spyan gyi rigs so/ /mkha' 'gro ma brgyad po 'di dag he ru ka'i bsam gtan dang zag med kyi sdom pa las skyes pa sangs rgyas phal po che'i mtshan mo dpyid kyi lha mo bzhin du sgrub pa po la phan pa'i phyir mi'i yul du skyes pa'i mtshan nyid bshad do//le'u bzhi bcu pa'i 'grel pa'o// //de ltar bsam gtan bskyed pa'i lha mo bshad nas/ mngon shes bskyed pa bkas gnang ba nod pa'i lha mo ni/ de nas gzhan yang bshad bya ba/ / zhes bya ba gsungs te/ rang la mngon par shes pa med na tshogs kyi 'khor lo'i yon tan byas nas sgrol ma'i rigs kyi lha mo la mngon par shes pa bskyed nas/ tshe 'di la dngos grub gang sgrub pa dris nas bka' nod pa'o/ /sgrol ma'i mtshan nyid kyang lnga ste/ yan lag cha shas med nas sgrub pa pos shes par bya ste/rdo rje rigs kyi sgrol ma dang / pad+ma'i rigs kyi sgrol ma dang / las kyi rigs kyi sgrol ma dang / sku'i rigs kyi sgrol ma dang / phag mo'i yon tan gyi rigs kyi sgrol ma ste lnga shes par bya'o/ /de'i kha dog dang dbyibs dang spyod lam bshad pa ni/gang zhig gzhan gyi 'khor lo ni/ /zhes pa nas/ dpa' bo'i sring mor de shes bya/ /zhes pa ni go sla'o/ /spyan ras gzigs dbang phyug gi pad+ma'i phyag rgya byed na/ kr-iSh+Na sa ra ri dwags kyi pags pa 'dzin pa'i phyag rgya ni lan yin no/ /lag pa g.yon pa kha bub nas g.yas pa de'i steng du kha sbub pa ni/rus sbal gyi phyag rgya de'i lan du bum pa spyi blugs 'dzin pa ni byams pa'i phyag rgya'i lan yin no/ /tshes bcu la ye shes babs pas khyim du pad+ma 'dri ba rdo rje'i rigs kyi lA ma thugs kyi 'khor lo brgyad yin no/ /gsus pa glo zhing mig dkyus ring //zhes pa nas/ gtam dag la ni rab tu dga'/ /zhes pa ni go sla'o/ /rnal 'byor pa g.yon pa'i sdigs mdzub kyi mdung gi phyag rgya bstan pa/ rkang pa g.yon pa bskum pa'i gar bya/ /rnal 'byor mas de'i lan du g.yon pa las bzlog pa g.yas pa'i rkang pa bskum pa'i lan yin no//bcu bzhi dang tshes brgyad la pi ti ri dang ldan pas khyim du mdung rtse bris nas/ mchod pa'i pad+ma'i rigs kyi lA ma gsung gi 'khor lo brgyad la gnas pa'o/ /gang gis mkhur tshos dag tu ni/ /zhes pa nas/ rtsod pa la ni dga' ba sti'i bar ni go sla'o//rnal 'byor pas g.yon pa'i sdigs mdzub bstan/ rkang pa g.yon pa'i gar bya ba/ /rnal 'byor mas dril bu'i phyag rgya bya/ g.yas pa'i rkang pa bskum pa lan yin te/ khwa gdong ma la sogs pa'i gnas brgyad la dgod do/ /thung zhing byin pa sbom pa dang / / zhes pa nas gos kyang 'chang zhes pa ni go sla'o/ /rnal 'byor pas khu tshur gyi gung mo bsgreng ba rdo rje'i phyag rgya bstan la/ rnal 'byor pas sor mo rtse bcum pa rkang pa g.yas pa bskum pa'i gar gyi phyag rgya'i lan yin no/ /tshes bcu bzhi'i ye shes babs nas khyim du rdo rje 'bri pa de bzhin gshegs pa'i rigs yin pas sku'i 'khor lo la dgod do//lus kun la ni ba spu yod/ /ces pa nas/ sprin gyi mdog can yid 'phrog pa/ /zhes pa'i bar ni go sla'o/ /lag pa g.yas g.yon gyi sor mo brkyang ba'i phyag rgya bstan pa rnal 'byor mas sdigs mdzub kyi phyag rgya dang /rkang pa g.yas pa bskum pa'i gar gyi phyag rgya'i lan yin no/ /phag mo'i rigs kyi lA ma ye shes kyi 'khor lo la dgod do/ /tshes bcu gnyis la khyim du mche ba bris nas mchod la/ ye shes lus la babs pa'i rtags dang ldan pa de'i tshe 'das pa dang / ma 'ongs pa thams cad lung ston to//le'u bzhi bcu gcig pa'i 'grel pa'o// //de'i brda bshad pa ni/ de nas gzhan yang bshad bya ba/ /zhes bya ba gsungs te/ ye shes babs pa'i mkha' 'gro ma'i brda dpa' bo nyi shu rtsa lnga'i spun dang rnal 'byor ma sum cu rtsa bdun gyi sring mor shes par 'gyur ba'i mdor bstan to//rgyas par bshad pa ni dbang gi lha mo'i ris drug gis 'khor lo bkod pa'i tshe zag pa med pa'i ye shes babs pas sangs rgyas dang byang chub sems dpa'i brdar gyur pa gang zhig lag pa g.yon pa ston pa gsong por smra ba phyag 'tshal ba ston pa ste/de'i lan du srin lag ston pa gnyis ka la ye shes babs par shes pa las lan du 'gyur ro/ /de ni rab gtum ma dang thod pa'i dum bu'i brda yin no/ /de nas brtsams te/ gtum mig ma dang keng rus can la sogs pa'i dpa' bo dang rnal 'byor ma nyi shu rtsa bzhi brda ston pa las thams cad rdzogs par ma tshang yang /pho nya mo ni gang yang rung / /de dag kun gyis yang dag spyad/ /ces bshad pa'i dpa' bo nyi shu rtsa lnga dang sbyar/ rnal 'byor ma sum cu rtsa bdun kun brda 'di byed pa'i tshe gsang ba'i dbang bskur bar bya'o/ /le'u bzhi bcu rtsa gnyis pa'i 'grel pa'o// //dpa' bo lha mo'i brda bshad pa ni/ de nas yan lag phyag rgya'i zhes pa gsungs te/ yan lag ni lnga ste/ de'i yan lag ni sor mo nyi shu'o/ /de'i brda'i mtshan nyid ni ngas bshad par bya zhes gsungs so/ /tshogs kyi 'khor lo'i sbyor ba'i tshe ngo shes par byed pa'o//dngos gzhi'i ye shes babs pa'i tshe sangs rgyas kyi spyod pa ston pas tshogs kyi 'khor lo'i dngos gzhi la dpa' bo dang dpa' mo la ye shes babs nas lus kyi chos ston par nges so/ /bud med dam skyes pa gang gis spyi gtsug la reg par byed na/kho mo la rtsa a wa d+hU tIr yod ces ston to/ /phyag rgya'i lan du mgo bo de la ston pa ni/ bde ba stong nyid khyod dang / bdag rgyu rkyen tshogs pas bsgom zhes pa'o/ /gang gis dpral ba ston pa de la mkhur tshos bstan zhes pa ni/ lha mos ni lus kyi gnas nyi shu rtsa bzhi 'di na yod ces rigs ston pa dang /de'i ting nge 'dzin bsgom pa'i yul a wa d+hU tI'i yod par ston to/ /lhag ma ni go sla'o/ /lha mo sum cu rtsa bdun la brda nyungs so zhe na/ bden te phyogs gcig mtshon par bcom ldan 'das kyis dgongs so/ /le'u bzhi bcu rtsa gsum pa'i 'grel pa'o// //bkas gnang ba'i lha mo'i brda ni/ de nas gzhan yang rab bshad pa/ /zhes bya ba gsungs te/ bkas gnang ba'i tshogs kyi 'khor lo dpa' bo dang rnal 'byor ma la ye shes babs pa'i yan lag ji lta ba bzhin du phyag rgya'i cho ga byed pas dpa' bo nyi shu rtsa bzhi'i spun gang yin pa rnal 'byor ma sum cu rtsa bdun sring mo gang yin par the tshom med do//de ltar mdor bstan nas bshad pa ni sor mo gcig ston pa la phyag 'tshal ba gnyis ston pa la phyag gi lan 'di ni/ rnal 'byor ma kun dag byed dang / dbang gi dang / dpa' bo dang /bkas gnang ba dang / kun spyod ma lnga'i phyag 'tshal ba dang lan gyis phyag rgya bshad do/ /rnal 'byor pas ji srid 'tsho ba'i bar du lha gang bsgom zhes dris pa dang / mdzub sor gnyis bkug mig gi rgya ji srid 'tsho'i bar du lha de dbab tu 'gyur ro zhes ston to/ /gang zhig gung mo ston byed pa//de la mdzub mo bstan par bya/ /zhes phag mos gung mo bstan nas rab gtum mas srin lag ston pa nas dpral ba ston pa ni/ shing grib ma'i brda'o/ /lte ba ston pa gsung dang sku'i 'khor lo kun gyi rim gyis phyag rgya bstan pas de'i rtags ni gsang ba chags lam gyi rnal 'byor ma yin pa yang dag pa'i lta ba sa bcu gcig pa'i ye shes su 'gro bar 'gyur ba'o//gal te lha mos bkas gnang ba ma byin na/ sangs rgyas mnyam sbyor las/ pra dang chu pra dang me long gi pra la sogs pra se na mang po gdab pa dang / gang la me tog babs pa rigs lngar shes pa'i pra gdab bo//le'u bzhi bcu rtsa bzhi pa'i 'grel pa'o// //de ltar dag byed dang dbang dang dpa' bo dang bkas gnang ba'i mtshan nyid bzhi dang brda bzhi bshad nas/ da ni tha mal pa'i kun spyod pa bstan pa'i phyir/ de nas gzhan yang bshad bya ba/ /zhes bya ba gsungs te/las dang po pa'i kun spyod ma'i mkha' 'gro ma'i mtshan nyid rnal 'byor pa gang gis rigs nas kha dog dbyibs dang spyod lam las dpa' bo'i 'khor lo lnga'i sring mor shes par 'gyur ro/ /de ltar mdor bstan nas rgyas par bshad pa ni/ rnal 'byor pa dam tshig can ye shes babs pa'i tshe/rnal 'byor ma gang la rjes su chags shing dga' ba de'i rigs yin no/ /tha mal pa'i bud med dang skyes pa rdzogs rim bsgom du ji ltar rung zhe na/ dpa' bo'i longs spyod sa gzhi yin/ /zhes bya ba smos te/ bsam gtan gyi ting nge 'dzin gyi lo tog bskyed pa'i sa gzhi skyes pa dang /bud med kyi lus yin no/ /gzhi ni sa gzhir bya ba ni/ dge bsnyen gyi sdom pa dang / byang chub sems dpa'i sdom pa dang / sngags kyi sdom pa bum pa dang gsang ba dang shes rab ye shes kyi dbang bskur bas snod du rung bar byas nas rnal 'byor pa'i lus kyi 'khor lo sdom pa mchod par bya'o//mnyam sbyor dang mkha' 'gro las kyang / dga' ba dang / bde ba kun mos pas/ ngan spyod ma la'ang 'grub par 'gyur/ /zhes gsungs so/ /de las gzhir gyur pa de ltar shes she na/ 'bras bu'i rtags kyis te/ go bzlog pa'i lta ba mig phab nas mig zur gyis blta ba dang /dmar po rnam par 'gyur ba dang / smin ma g.yos pa ni dga' ba skyes pa sna tshogs kyi rtags so/ /de bzhin du mkha' 'gro ma las byung ba'i rtags bzhin rnam par 'gyur ba dang / gdong dang mig zlum zhing 'khyil ba dang / dpral ba'i ri mo gsum zlum por gyur pa ni/mchog dga'i rtags sku'i rigs su shes par bya'o/ /gal te'am brgya la rlung gyen du ldog pas srog a wa d+hU tIr chud na rngon pa gnyid logs pa bzhin du sngar bshad pa'i dga' ba dang mchog dga'i rtags kyi don med kyi ting nge 'dzin skyes pas stong par 'gyur ro//rlung 'gags pas de'i gdong gi nyams pa 'jigs par 'gyur ba dang / ha ha hi hi la sogs pa brgyad kyi rdo rje lta bu'i skad gsal po smra ba ni lhan cig skyes dga'i rtags yin no/ /rdo rje'i rigs so/ /gsung gi rigs ni sgra khu byug gi skad ltar gsal ba dang 'dod pa'i khams kyi sems 'gags pas rnam pa thams cad kyi bde ba stong pa nyid skyes pa'i shes pa gsal ba ni gsung gi rigs kyi rtags yin no//de'i ye shes babs pa ni rdo rje me long gi 'od can 'dri ba dang / rin po che'i rigs ral gri me long can 'dri ba dang / pad+ma'i rigs rgyal mtshan me long can 'dri ba dang /sku'i rigs kyi mdung rtse gsum pa me long can 'dri ba dang / las kyi rigs kyi me long nyis brtsegs 'dri ba de lus ngag gi mtshan ma'i gzugs kyi rtags kyis sngags skyes kyi mchog yin par shes par bya'o/ / lha mo de rnams la ye shes babs pa'i ngag gis brdar bstan pa ni/ dang po phrad pa'i tshe po tang gi phyag 'tshal ba/ pra ti po tang gi phyag gi lan no/ /gnas pa'i yan lag gr-ih+Na zhes pa nas/ a mr-i ta brda nas zhes bya bas so/ /tshogs 'khor gyi yan lag sa ga mi zhes bya ba nas/ gan+d+ha pa si zhes bya ba'i bar gyis so/ /mchod pa'i yan lag ku ta ni/ /zhes pa nas/ a ta na yi dkyil 'khor ro/ /zhes pa'i bar gyis so/ /khams rta ba'i yan lag sha nas zhes bya ba nas/ 'og tu med ces pa'i bar gyis so/ /le'u bzhi bcu rtsa lnga'i 'grel pa'o// // mi'i 'khor lo lnga po ma bcos pa don rang gi mtshan nyid ni lus la bsam gtan dang zag med ji ltar skye ba'i thabs rnam par thar pa'i sgo gsum yin te/ tshogs kyi 'khor lo snod gcig tu za ba zhes bya ba bsam gtan bzhi skye ba'i rnam par thar pa dang zhi ba'i btung ba bdag byin gyis rlobs pa zhes pa/sgyu ma lta bu drod rtse mo bzod pa chos mchog skye ba'i thabs dang / 'od gsal ba pho nya'i gtsang sbra'i rnam par thar pa zhes pa sa dang po rab tu dga' ba nas sa bcu pa sprin gyi bar du bskyed pa dang / sa bcu gcig pa zung du 'jug pa'i ye shes dbang bzhi zhes bya ba/mi slob pa'i lam de ltar snyigs ma lnga'i dus su bla ma mnyes par byas pas rgyu rkyen gyi tshogs pa las shes pa/ de rnams bskyed pa yin te/ mkha' 'gro dang mnyam sbyor gyi rgyud las kyang / ngo bo nyid kyi mthu dag gis/ /rang bzhin gyis ni de 'grub bo/ /zhes gsungs so//de ston pas de nas rnal 'byor gyi rgyud 'di ru spyod pa dang / bya ba dang gnyis ka dang rnal 'byor gyi rgyud las rnyed par dka' ba'i bsam gtan dang zag med kyi dam tshig nga yis bshad pa'o/ /skyes pa'am bud med bde ba stong pa nyid g.yon nas 'gro ba 'dod pa la rgyu rkyen tshogs pa'i dngos grub ster bar 'gyur ro//khyim lnga ye shes kyi 'khor lo bzhi thugs dang sku dang gsung dang dam tshig la gnas pa'i kha dog dang dbyibs dang spyod pa la yul gyi skal ba sngar ma sprad kyang da ltar de'i rtags kyis shes so/ /shes nas ci bya zhe na/ tshogs kyi 'khor lo 'dod pa'i yon tan lnga'i yul srog a wa d+hU tIr chud nas 'dod khams kyi sems rang bzhin brgyad cu 'gags pas mtshungs pa de ma thag pa'i rkyen spyi gtsug gi byang chub sems bdag po'i rkyen skye ba snga ma'i bag chags rgyu'i rkyen de'i yod pas sngar bshad pa'i kha dog dang /dbyibs dang spyod lam gyi rtags kyis shes so/ /de ltar tshogs kyi 'khor lo'i rnam thar bshad nas zhi ba'i btung ba'i rnam thar ston pa ni/ dpal he ru ka'i rnal 'byor mngon sum gyi lam yin/ de bzhin du rnal 'byor pa'i lam ston pa ni/ slob dpon med de lung dang rjes dpag la mi rten/mngon sum gyi yul bskal pa rnam pa gsum gyi bskal pa rtag tu ngu'i tshong dpon gyi bu mo'am/ nor bzangs kyis bcom pa ma lha'i gshes gnyen bzhin du/ sgyu ma lta bu'i sbyor ba'i lam ston pa ni/ slob dpon rnal 'byor ma nyid yin no/ /rgyud 'di ru sgrub pa po 'dod pa'i khams kyi sems dang bral ba rtog bral ma 'khrul pas sgyu ma lta bur gyur pa ni legs par gyur pa yin te/sgyu ma mngon sum gyis grub pa la lus ngag gis mi brnyas shing sems kyis mi spang / lha ma tshang na yang re re dang gnyis gnyis dang sgyu ma lta bu bsgom mo/ /da ltar sa dang po skye ba'i pho nya'i gtsang sbra'i rnam thar ma ni/bdud 'byung bas bar chad kyi bgegs sel ba'i srung ma khwa gdong ma la sogs pa brgyad kyis spros med kyi spyod pa shes rab ye shes la bde ba la log par byed/ stong pa nyid la dad par/ 'dus ma byas rtag pa'i dam tshig brgyad bskyang ba'i rnal 'byor pa la srung bar byed do//sa dang po 'dus ma byas kyi dam tshig brgyad gang zhe na lha mo gzhan stong pa nyid ma mthong ba la kun du sbyor ba yang rang gi 'dod chags dang gti mug la sogs pa rang bzhin brgyad cu spangs/ bde ba gsal po med pa'i 'du shes med bzhin du gzung 'dzin gnyis med pa spangs/dus gsum dang khams gsum du rtog pa'i sems can gyi don la ma chags ma thogs pa'i shes pa spangs/ lha mo sa dang po'i dam tshig sbyangs pa de bcom pa ma lha'i bshes gnyen bzhin du longs spyod bud med kyi dbang phyug la rang bzhin gyis rang bzhin brgyad cu bkag nas shin tu rnal 'byor bsgom bde ba gsal po'i bsam gtan dang /tshangs par spyod pa'i stong pa nyid gnyis su med pa bsgom/ sems can gyi don la khong khro ba med pa mi dmigs pa'i thugs rje'i rgyun la kun du spyod/ 'di brgyad ni sa dang po skye ba'i chos mchog chen po'i mtshan nyid zag pa med pa'i tshul khrims kyi phung po rtag tu shes par bya'o//mngon sum gyi lam rgyud sde bzhi thun mong gi lam la gnod byed kyi gtan tshigs med par ltag chod kyis nyams par mi bya'o/ /rang rig pa'i stong pa nyid 'di dag dad pas blang bar bya'o//mig dang rna ba dang sna dang lce dang lus kyi lag pa kha phyir lta bas na ma yin no/ /mngon gsum gyi lam gsang ba 'di sde snod gsum pa la mi bstan/ bskyed rim pa la sba/ blo ldan rdzogs rim pa a wa d+hU tIr kha sbyar nas mthe'u chung bskyod pa'i ye shes las bskyed pa'i pho nya mo rnams la ting nge 'dzin 'di yang dag par gnas so//gang zag su la bstan zhe na/ ma dag pa bskyed rim lha mnyes par byed pa la mi bstan/ 'dres pa bskyed rdzogs gnyis ka bsgom pa la mi bstan/ rnam par dag pa srog a wa d+hU tIr chud pa'i rnal 'byor pa la bstan to//rgyu gang zag dang / thabs mngon sum gyi lam yang 'bras bu'i bsam gtan dang zag med kyi 'bras bu mdor bstan pa'o/ /sbyor ba mchod pa/ dngos gzhi brtul zhugs rjes ni spyod pa bstan par bya ba'i phyir/ yul dang yul du pho nya yis/ / gzugs dang mtshan nyid brtul zhugs so/ /zhes bya ba ni/ le'u nyi shu rtsa bzhi zhing skyes pho nya'i kha dog dang dbyibs dang spyod lam gyi mtshan nyid dang ldan na skye ba snga ma'i bsam gtan dang zag med las skyes pa yin pa dus rtag tu brtul zhugs bsgom par bya'o/ /bskal pa gsum gyis ma bskal pa'i pho nya ral gri'i so dang 'dra zhing las dang nyon mongs pa dag par byed/bde ba stong pa nyid kyi bsod nams 'phel bar byed/ ral gri'i so 'dra ba 'di dpe de bzhin du pho nya dang rang bzhin brgyad cu bkag nas/ legs par 'dus nas rgyu rkyen tshogs pa sgrub pa po la bde ba stong pa nyid sa dang po'i ye shes 'thob bo//bskyed rim gyis bzlas pa dang mchod pa dang bsam gtan med kyang don rang gi mtshan nyid kyi rgyu rkyen tshogs pa la bskyed rim bcom pa ma'i rnal 'byor grogs su mi 'gyur/ de bas na sngags srog a wa d+hU tIr chud pa dang /phyag rgya yul dmigs pa'i rkyen sgrub pa po bsam gtan thob pas bde stong gi mchod pa nyid rab tu brtags te/ ye shes kyi tshogs kyi mchod pa 'di las lhag pa'i mchod pa gzhan med da ltar bstan bcos don rnam par nges shing gtan la phab pa mngon sum gyi lam yin no/ / gtsang sbra gsum gyi rgyu'i tshogs pa la mchod pa zhes bya ba ste/ ye shes kyi tshogs kyi mchod pa rdzogs so// //dngos gzhi dang rjes ro mnyam pa'i thabs kyi spyod pa ni/ pho nya'i lam pa dga' ba'i dad pa dang / sgrub pa'i ting nge 'dzin dang / dngos grub la brtson 'grus yod na/ 'dod pa'i yon tan lnga'i zas la rtag tu longs spyod cing slob ma la yang sbyin par byed do/ /chos thams cad sgyu ma lta bur rig pa dang / srog a wa d+hU tIr chud pa'i sngags dang / mtshan nyid dang ldan pa'i phyag rgya rgyu tshogs pa dang ldan na mnyam par gzhag pa'i sgrub pa pos gzugs kyi rigs thams cad dang /sgra dang dri dang ro dang reg bya'i rigs lnga'i lha mo la longs spyad par bya zhing bza' ba ma yin pa don dam par mi rtag go/ /bsam gtan gyi spyod pa bstan nas/ zhi ba'i btung ba'i spyod pa ni/ pho nya mo gnyis sgyu ma dang 'od gsal ba bsgrub pa la don dam pa de nyid du dbyer med kyang rnam pa gnyis kyi nang nas 'dir sgyu ma lta bu'i pho nya mo kho na bsgom pa yin te/sgyu ma lta bu sbyor ba'i lam bsgom pa 'dis 'bras bu sa dang po rab tu dga' ba dang / mngon par shes pa lnga'i dngos grub sgrub pa po la nye bar gnas so/ / pho nya gcig pu de ji lta bu zhe na/ bla ma brgyud pa'i rim gyis dbang bskur ba thob pas rlung 'gags pa dang / bsam gtan gyi bde ba thob cing zag med kyi stong pa nyid rtogs pas pho nya rnams ni zag med kyi tshul khrims kyi phung po dang ldan pa yin no/ /de ltar zhi ba btud pa bshad nas/pho nya'i gtsang sbra shin tu spros med kyi spyod pa ni/ dang por rnal 'byor dang rnal 'byor ma'i mtshan nyid ston to/ /phyag rgya legs sbyor dang tshul can no/ /dbugs nyi khri chig stong drug brgya dang / rang bzhin brgyad cu 'gags nas sbyor ba'o/ /sbyin pa dang tshul khrims dang /kha dog dang dbyibs dang spyod lam gyi sgo nas ye shes kyi rgyu las skyes pa'i bzod pa dang / yang dag par rdzogs pa'i brtson 'grus dang / nyin mo'i sems dang snang ba dang / mtshan mo'i sems snang ba mched pa dang / srod kyi ye shes snang ba 'thob pa dang / nang par gyi sems 'od gsal ba'i bsam gtan dang ldan pa des rgyud kyi rim pa lus kyi 'khor lo bzhi dang /rtsa gsum dang / gnas nyi shu rtsa bzhi kun shes par bya ste/ bsam gtan skye ba'i yan lag rlung me'i drod can la sha stag ces bstan bcos kyi ming gis brtags nas 'khor lo bzhi bsregs pa dang /spyi gtsug nas byang chub kyi sems phab nas ye shes kyi rim pa lus thams cad la gnas par bya ba dang / gsang ba'i rim pa stong pa nyid kyi dgag par byas pa'i lus ni shes rab ye shes sa dang po dngos yin no/ /de'i dngos rjes ro mnyam pa'i thabs ni/ rtag tu sngags brjod pa srog a wa d+hU tIr chud pa dang /rnal 'byor gyi gnas dga' ba mchog dga' lhan cig skyes dga' rnam shes gsum/ sgyu ma 'od gsal zung 'jug ye shes gsum/ nges par brtag cing dbang po lnga'i mtshon cha yul las 'da' zhing bsgom par mi bya ba dang / ye shes skyes pa dang /zhing skyes pa dang / sngags skyes gsum la khro bar mi bya ba dang / mngon par brtson pa'i bde stong las 'da' bar mi bya ba dang / de dang lhan cig skyes pa'i bde ba stong pa nyid bsgom pa dang drug ni dngos rjes ro mnyam pa zag med kyi ting nge 'dzin gyi phung po'o/ /zag med kyi shes rab ni grol ba'i don rnal 'byor gyi mngon sum dang de'i don mngon par shes pa drug gi tshogs la spyod cing /rtog pa dang bral zhing ma 'khrul ba'i longs spyod kyi rnal 'byor ma 'di dang lhan cig sa stengs su shin tu spros med kyi spyad pa bya'o/ /de ltar spros bcas dang spros med dang shin tu spros med kyi spyod pa gsum bshad nas/dngos gzhi brtul zhugs ni gnyis te phyi dang nang ngo / /phyi'i brtul zhugs ni lha'i cha byad lus mtshon rtsis byug pa'o/ /gdong brnyan gyon nas lha'i cha byad du zhugs pa'o/ /de yang nyin par gsang zhing mtshan mo nam mkha'i gos can dang / yab gnag pa dang / yum dmar ba bsgyur ba dang / glang po che dang stag gi pags pa'i gzugs brnyan gyon pa dang / bde ba stong pa nyid bsgoms pas bskyed pa'i rim pa'i phyag rgya drug spangs pa dang / don rang gi mtshan nyid kyi he ru kar byin gyis brlabs pas dngos su rus pa'i phyag rgya lnga dang ldan pa dang /mngon sum gyis rgyud dus kun du bsgom pa ni/ mnyam sbyor gyi rgyud las/ de ni rang 'byung bcom ldan dpal/ /rtag tu da ltar 'byung ba bzhin/ /zhes bshad do/ /rigs dang rigs ma yin pa'i blang dor mi byed/ /bskyed rim gyi spyi gtsug bcing ba la sogs pa'i phyag rgya drug spangs/'khor lo lnga'i lha'i cha byad byas pa ni/ phyi'i brtul zhugs so/ /pho nya'i gtsang sbra shin tu spros med ni mchog yin/ sgyu ma lta bu bsgom pa zla ba lta bu'i spros med ni 'bring yin/ spros bcas bsam gtan gyi dga' bde bzhi bsgom pa 'khor lo lnga'i lha bsam gtan gyi snod gcig tu za ba ni gsum pa yin te/skye ba'i rim pas tshogs kyi lam gyi dga' ba bzhi bsam gtan bsgoms nas/ sbyor ba'i lam sgyu ma lta bur bsgoms nas pho nya'i gtsang sbra sa dang po 'dus ma byas kyi ye shes skye ba gtsang sbra'i rim pa 'di dag bskyangs pas tshe gcig la gtsang ma dag pa'i rnam par thar pa'i rim pa mngon sum gyi lam gyis mthong nas dngos grub ci'i phyir 'byung bar mi 'gyur te 'byung ngo //mnyam sbyor gyi rgyud las/ ngo bo nyid kyi mthu dag gis/ /rang bzhin gyis ni de 'grub bo/ /zhes gsungs so/sa dang po'i ye shes skyes na de nyid bsdus pa nas gsungs pa'i dngos grub dang / bde mchog mnyam sbyor las gsungs pa dang / gsang ba 'dus pa'i rgyud las gsungs pa dang / dpal mchog dang po las gsungs pa dang / rdo rje 'jigs byed las gsungs pa'i dngos grub kyang rgyud 'dir bsam gtan gsum gyi gtsang sbra tsam gyis sngags pas 'grub ste phan yon dang po'o//las kyi phyag rgya spangs pa'i grol lam chos kyi phyag rgya bsgom pa'i rnal 'byor lam la dga' bas kyang / gtsang sbra gsum po rtog bral ma 'khrul ba mngon sum gyi lam 'di spyad na/grol ba'i lam gyi sa dang po 'thob pa'i bsod nams tha mal pa kha cig gis brjod par mi nus so/ /phan yon gnyis pa'o// //dpal he ru ka'i bde ba stong pa nyid kyi ye shes rnam par dag pa sa dang po'i mtshan nyid kun nas bsgrub pa'i rnal 'byor pa sa bcu'i bsod nams kyi chu 'thung ba nyams pa dag /sdig pa 'jig /grol ba'i lam pa'i mig gis mthong ba dang / rna bas thos pa dang / snas bsnams pa dang / lces myangs pa dang / lus kyis reg pas kyang sdig pa kun las grol nas/ zag med kyi lus ngag skyon med par 'gyur ro//phan yon gsum pa'o// //gang zhig spyod pa byed pa de'i tshe 'di las brtsams te skye ba thams cad du de bzhin gshegs pa dang mi 'bral zhing / mngon par dga' ba'am/ bde ba can du skye bar 'gyur ba phan yon bzhi pa'o/ /de ltar sa dang po thob nas 'jig rten pa'i rgyal po chen po bzhi dang phyogs skyong ba bcu la gtor ma byin nas sems can gyi don byed pa'i phrin las rnam pa bzhi 'chol ba'i gtor ma'i cho ga ni rdo rje mkha' 'gro nas bshad pa bzhin du bya'o//de ltar sa dang po rang don rdzogs nas sa gnyis pa dri ma med pa nas sa bcu pa chos kyi sprin gyi bar gyis gzhan don gyi spyod pa bslab pa ni/zag med kyi mchod pa rnam par dag pa/ sprul pa byung ba rnams/ yan lag drug cu sems kyis sprul nas/ bdag nyid gtso bor byas pa dang mchod pa dang / bum pa bzhi sangs rgyas sogs kyi yum bzhi dang sras dang bcas pa dpa' bo nyi shu rtsa bzhi dang /rnal 'byor ma sum cu rtsa drug brten pa gzhal yas khang sprul pa dang / g.yo ba lha'i spun dang sdug pa dang / dpa' bo dang dpa' mo la mchod par bya'o/ /rdul tshon dang / gzugs brnyan dang / lha'i cha byad byas pa'i dkyil 'khor gsum las 'das pa'i sgra'i tshul nges par 'byung ba/dam tshig spyod pa'i spyod yul can/ /zhes bya ba sa bcu'i dbang phyug gi dkyil 'khor yin no/ /de ltar mdor bstan nas brgyad par bshad pa ni/ zla ba'i 'dus pa mngon sum gyi las 'dir 'jig rten pa'i spun dang / bu la sogs pa la bstan par mi bya'o/ /sngags sgyu ma lta bu dang / phyag rgya 'od gsal ba bsgom pa yang bstan par mi bya'o/ /su la bstan zhe na/ dam tshig dang ldan pa la dag byed kyis zas tshogs 'khor dang / sngags sgyu ma lta bu dang / man ngag 'od gsal ba/ gnas ci rigs pa'i dbang bskur ba thob pa la sbyin par bya'o/ /blang dor gyi gang zag bshad nas/mchod pa dngos bshad pa ni/ pho nya gsum ma gtogs pa yul gzhan dang sems bde ba stong pa ma gtogs pa 'dod chags dang gti mug la sogs pa bsgom par mi bya'o/ /thar pa sa bcu 'dod pas pho nya 'dus ma byas bsrung / byang chub sems dpa' chos 'phags bzhin du 'dus ma byas dang /mi 'da' ba'i longs spyod bya'o/ /pho nya ma ma gtogs pa gzhan su zhe na/ skye gnas dman pa bsam gtan dang zag med las ma skyes pas 'dod pa'i khams kyi lus la bsnyen bkur gyi mchod pa mi bya'o/ /bsrung ba'i pho nya gang zhe na/ 'dus ma byas thob pa'i ma dang sring mo la sogs pa'o/ /'dus ma byas de'i 'bras bu ci zhe na/ rgya che ba lha'i 'khor lo dang / zab pa bzhin du stong pa nyid 'grub bo/ /'dod pa'i khams kyi skye gnas dman pa la nyes pa ci yod ce na/ bsam gtan dang zag med kyi dka' thub zad par 'gyur ro//bcom pa ma lha'i bshes gnyen lta bu dang / rtag tu ngu'i tshong dpon gyi bu mo bzhin du lhan cig snyoms par zhugs pas 'dus ma byas kyi ye shes 'dren par byed pa de ltar rdzas rgyu rkyen tshogs pa rnam par nges pa gtan la phab pa yin no/ /de ltar gzhan gyi mchod pa bshad nas/brtul zhugs ni rnal 'byor la rtag tu ngu bde ba stong pa nyid kyis spyod/ rkang pa bde stong gi ched du 'dor lag pa bde stong gi ched du bsgyur g.yon pa'i phyed bde bas mchod/ lus kyi bde ba stong pa nyid du bsgom pa ni/ shin tu'am rnam par g.yo ba zhes bya'o//bde stong gi ched du tshim zhing za/ bde ba stong pa nyid kyi brtul zhugs las ma nyams na brtul zhugs rdzogs pa yin no/ /sgrub pa po zag med kyi dam tshig la brtson pa dang / zag med kyi rigs la spyod pa dang / zag med kyi 'dod pa'i yon tan lnga'i zas la spyod pa dang / rigs lnga'am rigs bzhi 'dus ma byas kyi rigs gcig tu bsgom pa ni/ sa thob pa ste/ de ltar grub pa'i rnal 'byor pa rnams la mchod na yul gyi bsod snyoms don yod pa za bar yin no/ /stong pa nyid thob pa'i spros bcas kyi spyod pa ni/ sha lngas dkyil 'khor gru gsum la mngon spyod byed pa phyi'i sbyin sreg go//de bzhin du dpa' bo'i zas phrin las rnam bzhi sngags dang phyag rgya dang ldan pas dpal he ru ka'i lus kyi dkyil 'khor sprul la/ sbyin sreg gi bstan bcos rgya chen po pha rol gzhan las byung ba bzhin du nang gi sbyin sreg bya ba dang / gtum mo drod rtag tu bzung bar byas nas phrin las rnam bzhi kun la gtum mo drod kyi 'khor lo bzhi bsregs nas byang chub kyi sems phab pa bsrungs na bgegs mi 'byung bas gsang ba'i sbyin sreg 'di la dngos grub gzhan du 'gyur mi srid do//chags pa'i lam gyi sbyin sreg ni bcom pa ma lha'i bshes gnyen lta bu'i pho nya mchog bzang po dang ting nge 'dzin brtson zhing lhan cig ldan pa pas byang chub sems dpa' rtag tu ngu bzhin du btsun mo'i b+ha ga thab khung gsang ba'i rdo rje dgang gzar/byang chub sems kyi dgang blugs ma chags dga' ba'i longs spyod rdzogs pas dga' bral gyi rjes rnam par 'byed pa spong ba yin no//bla ma'i man ngag gis de'i don stong pa nyid du bsgrubs nas bla na med pa'i sbyin sreg tu 'gyur ro/ /de ltar gzhan gyi don gyi mchod pa dang bstod pa dang brtul zhugs rdzogs nas 'bras bu dbang bzhi bsgom pa ni/ rdo rje spun dpa' bo nyi shu rtsa bzhi spun dang /gtso bo bde mchog pha dang / yum dang lhan cig bde mchog nyid du lha'i mig gi mngon shes kyis mthong ba de'i tshe/ lce sbom zhes bya ba dung can ma'i mtshan nyid dang / mig dmar ser zhes bya ba pad+ma can gyi mtshan nyid dang / rtsub bcing zhes bya ba ri dwags can gyi mtshan nyid dang /spu ni dmar ser yin zhes bya ba phreng ba can gyi mtshan nyid mi slob pa'i stong pa nyid bskyed pa'i lha mo ni rdo rje mkha' 'gro'i le'u lnga bcu rtsa dgu pa las bshad pa'o// //de la rnal 'byor bzhi bskyed pa skye ba'i rim pa ni/ dngos grub thams cad kyi rgyu a wa d+hU tIr chud pa'i bzlas pa dang /bde stong gi brtul zhugs la dga' ba la dran pa'i nges pa drangs nas mngon sum gyi tshad ma dang yang dag par ldan pas gnas nyi shu rtsa bzhi'am mkha' 'gro ma spyod pa mngon shes dang / grol ba rnal 'byor gyi mngon sum gyi 'bras bu ster ba dung can ma yin no/ / rjes su rnal 'byor 'dod pa'i don dngos grub kun bsgrubs na rtsa ba'i sngags srog a wa d+hU tIr chud pa zlos shing snod bcud kyi 'jig rten gsum gyi 'bras bu yid nang du chud pa'i sngags 'di las byung ba yin te/ de'i pad+ma can dang snyoms par 'jug pa yin no/ /shin tu rnal 'byor ni sgrub pa po dngos grub la brtson pa rgyu'i rkyen dang /sngags yid nang du chud pa mtshungs pa med pa de ma thag pa'i rkyen dang / phyag rgya dang ldan pa dmigs pa'i rkyen las gal te/ tshogs pa ma tshang na yul dmigs pa'i rkyen phyag rgya ri dwags can lta bu dang bral na/ yid nang du chud pa'i gsang sngags kyi lus can rnal 'byor pa la sems kyi stong nyid rtogs par byin gyis mi brlab bo//skye ba'i dus ji srid dro ba'i bya ba dag ces bya ba gtum mo drod kyi byang chub kyi sems phab pas dbang po bdag po'i rkyen dang bzhi tshogs na shin tu rnal 'byor rtogs par 'gyur ro/ /rnal 'byor 'dod pa'i don zung 'jug gi rnal 'byor chen po ni/blo gros chen po mthong rnams kyis/ /rnam pa thams cad cig car nges/ /zhes bya ba 'dus byas dang 'dus ma byas thams cad mkhyen pa 'bras bu mi slob pa'i ye shes yin no/ /rgyud bde mchog gi lugs kyi phyag rgya bzhi mngon sum gyi lam la brten nas tshogs lam yang snod gcig tu za ba dang /sbyor lam zhi ba'i btung ba dang / mthong lam pho nya'i gtsang sbra dang / bsgom lam gzhan don gyi brtul zhugs dang / mi slob pa'i lam la dung can ma dang / ri mo can dang / phreng ba can zhes bya ba'i rnal 'byor ma bzhi 'khor los sgyur ba'i btsun mo rin po che dang 'dra ba'i reg bya'i stong pa nyid las mi slob pa'i rnal 'byor gyi mngon sum skye bar gsungs so//de lta bu'i lam de la gnas pa'i rnal 'byor pa la gang zhig sdang na khyi'i skye gnas dang / sme sha can du 'gyur ro/ /mngon sum gyi lam bor nas lha'i 'khor lo la bsod nams kyi tshogs bsgoms kyang chu bsrubs pa las mar mi 'byung ba bzhin du nyon mongs par zad do//bsod nams kyi tshogs thos pa dang 'dzin pa dang / mchod pa byed pa ni tshe 'di la mchod pa la brtson pas mchod par 'gyur ro/ /me la sbyin sreg sbyor dang ldan//bzlas pa yis ni bag chags zad/ /ces 'tsho ba'i rgyur gsungs so/ /rnal 'byor gzhan bsod nams kyi tshogs la brten yang ye shes kyi tshogs kyi rgyud la don med par 'gyur ro/ /de ltar nyes dmigs bshad nas phan yon bshad pa ni/ sems kyi stong nyid rtogs pa'i dpa' bo yul mtha' 'khob na gnas sam rigs ngan kla klo yin yang yul de sangs rgyas kyi zhing khams su rtag pa byang chub sems dpa'i rigs dang ldan pa'i sems can gzung ba'i phyir/de nas bcom ldan 'das phyag g.yas pa gser gyi mdog can brkyang nas byin gyis rlob bo//le'u bzhi bcu rtsa drug pa'i 'grel pa'o// //de ltar rdzogs rim gyi 'khor lo bshad nas/ nye ba'i snying po'i sngags kyi las tshogs bshad pa ni/ de nas gzhan yang bshad bya ba/ /zhes bya ba gsungs te/ mkha' 'gro ma sum cu rtsa bdun dang dpa' bo nyi shu rtsa lnga kun gyi snying po 'di dran pa tsam gyis sa g.yo bar byed pa ni phan yon no//sngags 'di las thams cad byed pa dang / dngos grub gsum bskyed pa ni 'bras bu'o/ /sngags 'di ni gsang sngags che zhes bya ba yab kyi nye snying ngo / /'dis kyang phrin las rnam bzhi byed par 'dod pa'i dngos grub gsum sgrub par byed pa yin/lha thams cad kyi sngags su grags pa yin pa ni phan yon no/ /'bras bu ni sa 'og la sogs pa 'jig rten gsum na gang cung zad yod pa'i dngos grub thams cad bsgrubs pa'i 'bras bu'o/ /yab yum gyi snying po'i phan yon dang 'bras bu dang /yab kyi snying po'i phan yon dang 'bras bu bzhi bshad nas dpa' bo dang mkha' 'gro ma'i gnas 'byung ba bzhi dang ri rab kyi steng du gzhal yas khang bskyed la mkha' 'gro ma bzhi dang / lha mo bcu gnyis bcom ldan 'das yab yum dang bcu bzhi hUM las skyes/dpa' bo'i mchog bum pa bzhi ha ha he he las skyes/ /oM las sku'i 'khor lo skyes/ AHlas gsung gi 'khor lo skyes/ hUM las thugs kyi 'khor lo skyes/ 'khor lo'i gnas su bzhugs pa'i lha drug cu rtsa gnyis la go cha bskon dbang bskur/ ye shes sems dpa' gzhug /bdud rtsi myang rtag tu mchod dngos grub 'dod pas ting nge 'dzin la mnyam par gzhag dngos grub kyi rgyur sngags kyi bzlas pa bya/ yab yum gyi snying po dang nye snying gi 'khrul 'khor bya ba zhes sngon gyi sangs rgyas bye ba dang / dpa' bo bye bas kyang gsungs so/ /lha 'di rnams da ltar 'dzam bu'i gling na bzhugs sam zhe na khyim dang gnas nyi shu rtsa bzhi dang /nye ba'i grong brgyad la sogs pa gnas sum cu rtsa bdun mdun du mkha' 'gro ma re re la 'khor bye ba bye bas bskor nas bzhugs pas bskyed rim gyi bsgom pa dang bzlas pas dngos grub kun skye bar byed pa dge zhing shis pa'i lam yin no//le'u bzhi bcu rtsa bdun pa'i 'grel pa'o// //dngos grub kyi yan lag gi le'u bshad nas/ thun mong gi 'khor lo le'u bcu drug bshad pa ni/ de nas gzhan yang bshad bya ba/ /zhes bya ba gsungs so/ /de la dang po lugs su blugs pa'am/'bur du brkos pa'am/ sku gzugs mtshan dang dpe byad dang ldan pa'i ras ris sam mi'i rus pa las 'bur du brkos pa las dang po pa'i rnal 'byor pas rtag tu bcang / mchod pa bdud rtsi lngas bya/ mi'i sha skam gyi bdug pas bdugs na bla na med pa'i dngos grub dang rgyal srid nyid kyang rnyed par 'gyur ro/de ltar las dang po bshad nas/ mtshan ma thob pa'i rnal 'byor pa phyis 'chad pa'i rnal 'byor pas glang po che'i pags pa la sogs pa mtshan ma thob pas zhag bdun du ras ris kyi mdun du bsgrubs na dngos grub 'grub/gal te ma grub na yang rnal 'byor ma dang bla ma'i rgyud la gnas skyes kyi mkha' 'gro ma rnams kyis bstan nas grub pa 'grub par 'gyur ro/ /de ltar mdor bstan nas rgyas par bshad pa ni/ mkha' bsgrub glang po che'i pags pa la bya'o zhes bya ba nas rgyal mtshan gyi gos la bri'o zhes bya ba'i bar du ras ris nyi shu rtsa gcig go sla'o//rengs par byed pa rdo leb la bri ba dang / ce spyang mo'i pags pa la bri ba'i bar ni bris sku la rab gnas bya'o/ gser dngul la sogs pa lugs ma dang / rdo leb la sogs pa la 'bur du brkos pa dang / shing ngam rus pa la sogs pa la rko ba'i bye brag dang /sa dkar ba dang / ser ba dang / dmar ba dang / gnag pa las byas pa'i lder so la rab gnas bya'o/ /de ltar rab gnas bshad nas/ tshon rtsi ni/ dri chen chu dang zhag dang khrag /ces bya ba nas/ cho ga bzhin du sku gzugs bri/ /zhes bya ba go sla'o//mi'i skra las pir dang thig skud bya ba dang / mi'i ro'i gnas nyi shu rtsa bzhi'i lha bshos bya ba dang / der ni phyugs bdun dbul bar bya/ /zhes bya ba mchod pa'i rdzas go sla'o/ /sna tshogs phyag rgya'i mchod pa yis/ /zhes bya ba nas/ 'di ni go cha'i rim pa'o/ /zhes bya ba rab gnas bsgrub pa'i tshogs kyi 'khor lo bya ba ste go sla'o//rab tu gnas pa'i dus dag tu/ /nyis 'gyur tshogs pa bsags byas te/ /zhes bya ba nas/ chun 'phyang dag gis rnam par brgyan/ /zhes pa'i bar ni rab gnas kyi rdzas dbul ba ste go sla'o/ /don drug pa lha la dbang bskur ba'i bum pa ni/ras kyis mgul ba bcings pa bdud rtsi lnga dang gser dang dngul dang / mu tig dang / byi ru dag dang dung ste rin po che lnga dang / thabs kyi sman lnga shes rab kyi sman lnga ste bcu dang / ga bur dang tsan+dan la sogs pa dri'i bye brag dang / ar+g+ha'i snod tsu ta'i shing dang /tsam pa ka'i yan lag dang ldan pa dang / bum pa'i nang du thabs kyi sman am+bu tsam+bu dang / ka dam+pa dang / bilba dang / bI dza pU ra dang / ba la mo ta dang / drug pa ni dany+dza dany+dza dang / bdun pa ke ri karni ka dang / brgyad pa e na ra bi da dang / dgu pa ha sa de ba dang / bcu pa tsam bu ste sman rnams bum par bcug la/ sku'i sman i ma na dang / gsung gi sman dzA ti pha la dang / thugs kyi sman gla gor zho sha dang bcas pas sku khrus gsol ba dang dbang bskur ro/ /chu'i dbang bskur ba'i rjes la gser gyi mchod phyir thogs cod pan dang bcas pa dang phyag rgya drug gis brgyan nas/lha la na bza' gsol te/ sgrub pa po rnams rnam par rtog pa med pa'i sems gcer bus gar byed cing stong pa nyid kyi sems kyis rab gnas byas pa'i lha la dad pa sngon du 'gro bas dus gsum du mchod pa'am/ tshes bcu'am yar ngo mar ngo'i tshes bco lnga la mchod par bya'o//go cha bskon pa dang / ye shes sems dpa' gzhug pa dang / dbang bskur ba dang / bdud rtsi myang ba dang / spyan dbye ba rna ba dang sna dang zhal dbye ba na bza' gsol la yo byad dbul/ de nas mchod pa rgyas pa bya ba kha bskang ngo / /le'u bzhi bcu rtsa brgyad pa'i 'grel pa'o// //de ltar rab gnas bshad nas dbang bskur ba'i 'khor lo 'chad pa ni/ de nas gzhan yang bshad bya ba/ /zhes bya ba smos te/ dkyil 'khor thams cad du dngos grub bsgrub pa rtsa ba'i rgyud kyi le'u dang po ro mnyam gyi dkyil 'khor dam pa 'dir dbang bskur bas/dkyil 'khor gyi snying po lha thams cad skyes pa'i le'u 'dis bsdus pa yin no/ /de ltar mdor bstan nas rgyas par bshad pa ni/ /shin du mnyam gzhag sgrub pa pos/ /zhes pa tshigs bcad gcig gis rten gyi gang zag bstan to/ /sprang mi mtshal dang ga bur bcas//zhes bya bas gsang ba'i dbang bskur ba dngos te sbrang rtsi ni mi bskyod pa'o/ /mtshal ni rang 'byung ngo / /ga bur ni byang sems so/ /tsan+dan dmar ni sha chen no/ /sbyar ba ni rnam par snang mdzad dang go cha'i lha'i rigs tshogs kyi 'khor lo'i nang du bum pa bzhi'i gnas su bzhag nas/kha zas kun gyi mchog tu bcud kyis len du 'gyur ro/ /tshogs kyi lha de rnams ji lta bu zhe na/ rdo rje kun 'khor dang mchog gtso bo mtshan ma thams cad rdo rje'i rgyan gyis brgyan pa'o/ /bcud len du ji ltar 'gyur zhe na/ oM AHhUM gsum gyis byin gyis brlabs nas/ grol ba'i lam pas sbom po mtheb mo dang / mtha' ltag srin lag gi rtse mo sbyar nas rnal 'byor pas sgyu ma lta bu rig pas btung bar bya'o/ /chags lam gyi dbang du byas nas/ rdo rje gdan bzhi las sbom po mtha' ltag b+ha ga rtse sbyar ba a wa d+hU tI ra phrad nas bde ba sgyu ma lta bur rig pas rtag tu spyad pa'o//rnal 'byor pa gnyi ga la mtshungs pa de ma thag pa'i rkyen srog /a wa d+hU tIr sod pa dang dbang po bdag po'i rkyen bsam gtan thob nas chags lam grol lam gnyi ga /yul ro dang reg bya yin pas sgyu mar 'gro ba the tshom med do//dper na mu stegs can la ri bo ba di ra las rtswa so ma na btus nas wA rA Na sI'i bya ka ra gi wang yod pa'i ba ser mo'i pags par btums nas rig byed kyi sngags kyis byin gyis brlabs nas gang zag gis 'thungs pas srid pa'i ting nge 'dzin thob pa'i dpe de bzhin du/bdud rtsi lnga myangs na dngos grub rtag pa 'dus ma byas 'thob par 'gyur ro/ /gal te sgyu ma lta bu ma rtogs na mi 'chi bar tshe ring ba dang nad med par 'gyur te/ 'jig rten gyi dngos grub thams cad la 'jug go/ /de ltar zhi ba'i btung ba sgyu ma lta bur rtogs nas sngags 'bum bzlas na dkyil 'khor byar rung /gnyis pa shes rab ye shes kyi dbang bskur ba mchod pa bzhi rdo rje'i rigs la stong nyid bsgom pa dang / rin po che'i rigs la mtshan ma med pa dang / pad+ma'i rigs la smon pa med pa dang / las kyi rigs la 'od gsal ba'i mchod pa bzhi ye shes las skyes pa bsgom pa de bzhin du/dpa' bo rnal 'byor pa ni las dang po pa'i ngan par spyod pa la yang dbang po gnyis kyi a wa d+hU tI'i reg bya las don dam pa'i de kho na nyid 'dus ma byas sems kyis 'dzin cing rtogs pa ni bsnyen pa yin no/ /des kyang gtso bo la 'bum dang me tog phog pa'i lha la 'bum/'khor la khri bzla'o/ /bde ba stong pa nyid de lha dang mi'i bde ba zag bcas pas zag med kyi bcu drug char yang mi phod do zhes rtsa ba'i rgyud las gsungs te/ 'dir zag med las byung ba'i dkyil 'khor la yang brtags nas bshad do/ / bsnyen pa bstan nas sa'i cho ga'i dkyil 'khor gyi gnas bshad pa gdod nas grub pa'i dur khrod la sogs par dkyil 'khor brtsam par bya zhes bya ba sa'i cho ga go sla'o/ /dkyil 'khor chen po'i tshon nyid ni gdul bya drag po 'jigs byed dur khrod du spyod pa dang mthun pa'i ro bsregs pa'i sol ba'i phye ma las nag po rus phye la dkar po/so phag tshig pa las dmar po/ ma tshig pa las ser po/ dur khrod shing lo las ljang gu bya ste/ phyug na rin po che dang bsre/ dbul na rin po che med pa'o/ /tshon gyi mtshan nyid bshad nas bzhi pa slob dpon gyi mtshan nyid ni/lus ngag yid gsum thams cad zag med dang ldan pa'o/ /zag bcas kyi mtshan nyid kun spangs pa/ sems kyi mtshan nyid ni rgyud sde bzhi 'dus ma byas zhes pa ni 'dus byas lha'i 'khor lo shes pa/ sngags zhes pa ni ngag go/ /khro med snying rje can gtsang ba/ ltung ba med pa mkhas pa de nyid bcu shes pa sbyor zhes zhi gnas dang ldan pa ye shes lhag mthong gis 'khor ba'i pha rol tu 'gro ba spyi gtsug rus pa'i 'khor lo rtsibs brgyad pas brgyan pa nas phyag rgya drug la thal bas byugs pa/go cha drug gis lus brgyan pa rus pa'i phreng ba'i tshangs pa'i skud pa can rna rgyan la sogs pa rus dang ldan pa dum bu gcig las spyi gtsug gi 'khor lo byas pa/rus phreng gi do shal yod pa lag pa g.yon pas kha T+wAM ga gzung ba/ g.yas pas cang te'u thogs pa/ gnas dang ldang ba nyid dang ni/ /'jug dang yongs su rdzogs pa dang / byin gyis brlab dang dbang bskur dang /ting 'dzin mchod pa nye bar bsdu/ /zhes bya ba'i bar gyis sta gon gyi lha bsgoms pas bdag nyid he ru kar byas nas/ de'i 'og tu bgegs nye bar zhi ba'i cho ga byed pas/ snying gar 'khor lo nyi shu la bcug nas bdag nyid go cha chen po lus kyi 'khor lo la bgos te ra ba rnams phyogs bzhir dgod/'og tu sna tshogs rdo rje'i 'khor lo'i gzhal yas khang dang 'dra ba steng du mda'i dra ba bdag nyid la go cha drug bskon/ logs su rdo rje'i ra ba steng du rdo rje'i bla re me 'od kyi phreng ba phur bus gdab pa byas na sum cu rtsa gsum gyi lha'i dbang po brgya byin gyis kyang gzhig par mi nus phan yon no//de nas lha lhag gnas/ bum pa sbyin sreg /slob ma lhag gnas kha bskang de ltar sta gon rdzogs nas bdag nyid la sngags go cha drug dang / phyag rgya drug gis brgyan pa'i lhar bskyed nas/ dkyil 'khor 'jigs pa bri bar bya//zhes pa ni mdor bstan to/ /rgyas bshad ni de nas sems med ro'i skra'am/ rgyus pa'am/ ro g.yogs kyi ras kyi skud pas thig gdab pa ni go sla'o/ /de'i dbus su tshon dgye ba ni/ pad+ma 'dab ma brgyad pa lte ba dang ge sar du bcas pa'i steng du bcom ldan 'das zhal bzhi spyan gsum phyag bcu gnyis las glang po che'i pags pa smin mtshams kyi thad du bsnams pa/rdo rje dang dril bu 'gying bas snying gar 'khyud pa/ kha T+wAM ga dang phyag mtshan lnga bstan pas phyag mtshan bdun le'u bcu bzhi pa ro mnyam gyi 'khor lo las shes so/ /lhag ma ni go sla'o//dpa' bo dang dpa' mo drug cu yang ro mnyam bzhin du sku mdog dang phyag mtshan bya'o/ /dngos grub 'dod na lha yab yum tshang pa la dbang bskur bya ma tshang na dngos grub mi thob bo/ /thig gdab pa dang tshon dgye ba bstan nas bum pa bsgrub pa ni/ rtsa ba nag po med pa mtshan nyid do//mu tig la sogs pa ni rin po che lnga'o/ /grangs shar phyogs su rgyal ba dang bkra shis/ /lho phyogs su dngos grub dang rnam 'phrul/ nub tu rgyal ba dang rnam rgyal/ byang du grub pa dang srung ba/ rnam rgyal dang grub pa la gser dngul gyis phyag mtshan bris la mu tig gi phreng bas kha brgyan pa'o//de ltar bum pa bsgrub pa bshad nas/ dkyil 'khor gyi yo byad ni/ dkyil 'khor thams cad 'byor na rin po che gser la sogs pas bris na dngos grub thob bo/ /kun nas sgo'i bum pa las thams cad rnam par rgyal ba'i dri'i chus bsang la/ mar me zhes bya ba sems gsal bar byed pa'i sha rgyas nye bar mtshon pa'i me tog bdug pa mar me dri chab lha bshos kun rgyan yin no//de ltar rdzas bsags nas don lnga pa ye shes sems dpa' spyan drang ba ni/ mkha' 'gro ma yid la gzhug pa dang / sa stengs gsung la gzhug pa dang / sa 'og sku la gzhug pa dang /ma mo bcu gnyis phyogs mtshams su gzhug pa dang / dur khrod brgyad dang gzhal yas khang yang shugs kyis rtogs so/ /don drug pa mchod pa'i rdzas dbul ba ni/ dpa' bo dang rnal 'byor ma re re la dngos grub 'dod pas mchod par bya'o/ /rgyal mtshan ni go sla'o//dmar ba gsung dang ser ba ye shes kyi 'khor la dkar ba sku/ gnag pa dang thugs/ ser skya sgo bzhi la/ sna tshogs pa mtshams bzhi la mda' dang phur bu brgyad kyis bsrung ba dang / bza' ba dang btung ba tshogs 'khor la'o/ /de ltar drug pas dkyil 'khor mchod nas/ slob mas 'dod yon lnga'i dngos po kun gyis slob dpon mnyes par byas la/ dngos grub 'dod pas ci nus kyi yon dbul lo/ /de nas slob dpon gyi bdag 'jug bya ste/ dril sbyang lo bcu gnyis ma dang ting nge 'dzin bsgom pa dang / sgra snyan dril bu bcu drug ma dang bsgom pa dang / brda nyi shu pa dang ting nge 'dzin bsgom pa ha brgyad kyis ye shes bab kyi bar du bsgom la de nyid kyi dga' bral du mi gtang bar bya'o//de ltar slob ma'i gdong la dar gyis bcings nas/ snyim par me tog gzhag pa phyi'i 'jug pa bdun rnam par dag pa dang / sdom pa gzung ba dang / byang chub tu sems bskyed pa dang / lhar bskyed pa dang / phyi rol bum pa'i chus dbang bskur ba dang / sgo bzhi nas zhugs nas pad+ma'i gar bskor bas phyag bya ba dang / slob ma sras por lha'i dam tshig bsgrags pa dang / slob dpon gyi dam tshig bsgrags pa dang / ye shes dbab pa dang / snyim pa'i me tog gtor ba/ gang du babs pa rang gi lhar shes par bya ba'i phyir lan cig bskor ba byas nas shin tu mnyam par bzhag pas ye shes dbab pa dang / grong khyer mchog gi nang du gzhug pa'o/ /de nas slob mas lho phyogs su lus kyis gnas te sngar me tog 'phangs pa ma phog na slar yang snyim pas dor te/gang la bab pa de'i rigs bstan/ gdong g.yogs bkrol/ dkyil 'khor bstan/ dbab pa nye bar bsdu ba bya/ lha de'i ming gis gdags/ de ltar 'jug pa rdzogs nas/ slob dpon legs par mnyam par bzhag pas phyag rgya lha mo rnams ye shes phab nas bum pa dang /cod pan dang / rdo rje dang / dril bu dang / ming gis dbang bskur la/ de nas nyin zhag gnyis pa la sangs rgyas mnyam sbyor gyi rgyud las bdud rtsi lnga la mtshal chen gyi ming gis btags pa la/ oM AHhUM gsum gyi bzlas pas gnas gsum du thig le byas la/lce la bdud rtsi lnga bzhag nas gsang ba'i dbang bskur bar bya'o/ de nas nyin zhag gsum pa la slob ma'i gdong phye la lus kyi dkyil 'khor bstan nas/ bde ba stong pa nyid bskyed pa'i lha'i gnas rtsa dbu ma gang yin pa der 'dus ma byas kyi stong nyid de yang bstan par bya'o//de ltar shes rab ye shes kyi dbang bskur nas slob mas slob dpon la phyag bya bskor ba bya/ yon dbul ba ni go sla'o/ /de ltar bla ma nyes pa dang / dbang bskur ba nges par byas nas de'i rjes la sgrub pa pos yon dbul ba rab tu nges par bya'o/ /de ltar byas pa'i phan yon ni//sgrub pa po de la mkha' 'gro ma kun mnyes pas sgrub pa po'i mngag gzhug byed pa dang po'o/ /rnal 'byor pa la dngos grub tu 'gyur ba mi snang ba gnyis so/ /sgrub pa po rang 'dod pa tsam gyis gzugs du ma byed pa dang / tshar gcod pa dang phan 'dogs pa gsum pa'o//sngags pa dkyil 'khor ma mthong bas dngos grub mi 'thob pa dang / sku gsum gyi dkyil 'khor 'dir dbang bskur na lha la sogs pa zil gyis gnon pa dang / de nyid bsdus pa la sogs pa las khyad par du 'gyur ba ston to/ /de ltar phan yon lnga bshad nas/ 'di'i brjod bya bshad zin pa'i don dang ma bshad pa'i don thams cad kyis brjod bya dang / dpal he ru ka'i snang ba yin par ston to/ /le'u bzhi bcu rtsa dgu pa'i 'grel pa'o// //de ltar dbang bskur ba'i 'khor lo bshad nas/ bstod pa 'chad pa ni/ de nas gzhan yang bshad bya ba//zhes gsungs te/ chags pa dang bcas pa dang / chags bral gyi mtshams gang du chags bral gyi chus mi gos shing 'dod pa'i khams kyi chags pa spangs pa'i mtshams der stong pa nyid kyis rgyas btab nas/ sems can thams cad kyi srid pa 'jig par byed pa'o//de ltar mdor bstan nas rgyas par bshad pa ni gong du bstan pa'i rim pas sngon 'gro'i rnal 'byor lnga dang / dngos gzhi 'byung ba bzhi ri rab sna tshogs rdo rje dang bcas pa bskyed nas/ he ru ka dbyangs skyong gi lha mngon par byang chub lnga'i rim pas rdzus skyes cig car 'byung ba'i snang ba bsgom mo//de yang / /dung kun da'i mdog kyang 'dzin/ /zhes bya ba nas/ thun bzhi ru ni bsgrub par bya/ /zhes bya ba go sla'o/ /zhal gsum phyag drug pa'i sku mdog dkar po dbyangs skyong gi lha bsgoms nas/ dbyangs skyong gi bstod pa'i don ni rnal 'byor pas lha thams cad bsgom pa la dga' bral/'dod pa'i khams kyi sems su mi gtong zhes bstod pa yin no/ /de la rdzogs rim bsgom pa ni/ dga' ba bzhi'i gnas 'khor lo bzhi dang a thung dang haM las bden pa bzhi dang phag mo dang khrag 'thung ba'i ming gis btags pa la rtsa 'dab drug cu rtsa bzhi dang brgyad dang bcu drug dang sum cu rtsa gnyis pa dag la dga' bral du mi 'gyur ba'i lam bde ba chen po stong pa nyid bsgom pa la dbyangs skyong zhes bya'o//de ltar rdzogs pa'i rim pa'i mtshams su/ rjes su sgrub pa'i don bskyed pa'i rim pas zhal gsum phyag drug pa'i lha'i sku bsgoms nas bdud rtsi lnga myangs te dbyangs skyong gi sngags kyis mnyam par bzhag pas bzlas pa bya'o//de la ye shes sems dpa' gzhug pa dang / go cha bgo ba dang dbang bskur ba dang / bdud rtsi myangs nas bsgom pa dang / bzlas par bya ba shes so/ /de la dbyangs skyong gi 'bras bu dang po phrin las rnam bzhi kun byed pa gnyis pa dus ma yin pa'i 'chi ba las rgyal ba/gsum pa zhi ba la sogs pa 'grub pa/ bzhi pa dus gsum shes pa/ lnga pa stong phrag gcig bzlas pas 'jig rten gsum gyi dngos grub thob pa/ drug pa zhag gsum gyis lha'i 'khor los sgyur ba thob pa/bdun pa mngon shes drug rig pa/ brgyad pa skye rga na 'chi spangs pa'o/ /de ltar 'bras bu bshad nas/ gal te de ma thob na bskyar ba'i cho ga ni/ 'byung po'i nyin zhag gsum la tshogs 'khor byas la ye shes sems dpa' spyan drang / gal te mngon sum mthong na phyag bya mchod yon dbul/'dod pa'i don la gsol ba btab nas dngos grub blang / mngon par shes pa drug mnga' ba'i dpa' bo thams cad mkhyen pa khams gsum gyi mchog tu 'gyur ro/ /de'i phan yon ni/ 'di ni dpa' bo chen po ste/ gnyis pa thams cad rnam par spangs//zhes pa bdag lta'i gzung 'dzin dang bral nas sa gzhi rgya mtsho dang bcas pa'i 'gro ba rigs drug gi don la dbang bar 'gyur ro/ /dkyil 'khor gyi bstod pa mngon par brjod pa le'u lnga bcu pa'i 'grel pa'o// //de nas gzhan yang bshad pa ni/ dkyil 'khor thams cad kyi nye ba'i snying po yi ge bdun pa'i lha bsgom pa ni gong du bstan pa'i sngon 'gro lnga byas nas 'byung ba bzhi dang ri rab sna tshogs rdo rjer gyur pa'i rang bzhin gzhal yas khang gi dbus su yi ge hUM las byung ba'i rdo rje mkha' 'gro zhal gsum phyag drug pa'i sku mdog dang phyag mtshan go sla'o//lha mo drug ni hUM dang phaT kyi bar du yi ge drug las bskyed do/ /ye shes sems dpa' gzhug pa dang / go cha bskon pa dang / dbang bskur ba dang / bdud rtsi myang ba dang / byang chub yan lag bdun bsgom pa dang bzlas pa ni snga ma bzhin shes par bya'o/ / khro bo kun gyi gnas mchog ste/ /mnyam med gsang sngags bzla bar bya/ /zhes bya ba'i 'khor lo rtsibs drug pa bkod pa de la yi ge bdun pa bkod nas bzlas na zhag bdun gyis the tshom med par 'grub ste nA ro pas dgyes pa'i rdo rje yan lag drug gis 'chad pa'i 'grel pa mdzad nas mtshan thog thag gcig gis ti lo pa'i lung bstan thob pa'i phyir te/gdams ngag drug 'grub nas shAn+ti pa las gsang 'dus zhus/ he badzra'i 'grel pa mtha' drug tshul bzhi pa mdzad do/ /ma grub na bskyar ba'i cho ga ni/ dpyi zla tha chungs kyi nya la tshogs kyi 'khor lo byas na tho rangs he ru ka dang mtshungs par 'gyur ro//mngon par brjod pa las le'u lnga bcu rtsa gcig pa'i 'grel pa'o// //de nas gzhan yang dkyil 'khor thams cad kyi snying po bshad pa ni/ sngon 'gro lnga 'byung ba bzhi ri rab sna tshogs rdo rje dang gzhal yas khang bskyed la/ de'i dbus su yi ge nyi shu rtsa gcig las drod gsher skyes kyi lha sems can kun la phan 'dogs pa bskyed de/ hUM dang shrI gnyis gtso bo yab yum zhal brgyad phyag bcu drug zhal gcig phyag gnyis pa'o/ /pad+ma 'dab ma brgyad la oM shar du/ ba byang du/ dzra nub tu/ he lho ru/ de las 'khor mkha' 'gro ma bzhi zhal gsum phyag drug pa'o//mtshams bzhi ru bum pa bzhi dang thod pa/ shar la sogs pa'i rtsibs brgyad zhal gcig phyag bzhi pa mdog sngon po sha stag go/ /sgo bzhi dang mtshams bzhir lha mo brgyad zhal gsum phyag drug pa'o/ /sku mdog dang phyag mtshan rgyud las go sla'o//ye shes sems dpa' gzhug pa dang / go cha bskon pa dang / dbang bskur ba dang / bdud rtsi myang ba dang / bsgom pa'i tshe dpral bar sku'i 'khor lo/ lkog mar gsung gi 'khor lo/ snying gar thugs kyi 'khor lo'i sbyor bas spro bsdu bsgoms la/ lha nyi shu rtsa gnyis po thams cad kyi snying po/oM shri badzra he he ru ru kaM hUM hUM phaT DA ki nI dz+wA la sam+ba raM swA hA zhes bzla bar bya'o/ /gal te rnam dag bsgoms na zhal brgyad rnam thar brgyad phyag bcu drug stong nyid bcu drug /nang gi yum bzhi so sor yang dag par rig pa bzhi/ 'khor lo rtsibs kyi phyogs bzhir lha mo ston pa bzhi/mtshams bzhi'i lha mo chos kyi mdo bzhi/ phyi rol gyi sgo bzhi dang mtshams bzhi mi 'jigs pa bzhi'o/ /dpe byad bzang po brgyad cu kA li nyi ma las bcom ldan 'das skyes/ dbyangs yig sum cu rtsa gnyis kyi rang bzhin las yum skyes par bsgom mo/ /mchod pa dang bstod pa dang /gtor ma gtang ba dang / nye bar bsdu ba kha bskang ngo / /le'u lnga bcu rtsa gnyis pa'i 'grel pa'o// //de nas gzhan yang dkyil 'khor thams cad kyi rnam par bshad pa ni gsum du 'gyur te/ srog a wa d+hU tIr chud nas gtum mo drod kyis byang chub kyi sems phab pa ye shes lnga'i rang bzhin/sku'i rang bzhin sa'i cha ni spyan du snang / rtsa 'khor lo'i char phye ba thig skud rnam snang du snang / khams nyi shu rtsa bzhi rdul tshon sna tshogs dang mchod pa sna tshogs su snang / mgo bo pul+lI ra mA la'i rlung lte ba'i pad+ma brgyad du snang / spyi gtsug dzA lan+d+ha ra'i rlung thugs kyi 'khor lor snang /rna ba g.yas pa o D+ya na gyi rlung gsung gi 'khor lor snang / rtag pa arbu da'i rlung sku'i 'khor lor snang / rna ba g.yon pa go dA ba ri'i rlung logs bzhir snang / smin mtshams kyi mdzod spu'i rlung shar lho mtshams su snang / mig de bI ko TI rlung bden bral mtshams su snang /phrag pa mA la be'i rlung nub byang gi zur du snang / mchan khung kA ma rU pa'i rlung dbang ldan gyi zur du snang / nu ma o Te'i rlung shar sgor snang / lte ba tri sha ku ni'i rlung lho sgor snang / sna rtse ko sa la'i rlung nub sgor snang / kha ka ling+ga'i rlung byang sgor snang / mid pa lam+pa ka'i rlung shar gyi rta babs su snang /snying ga kAny+tsi'i rlung lho'i rta babs su snang / rgyu zhabs kyi hi ma la'i rlung nub kyi rta babs su snang / gsang ba'i gnas pre ta pu ri'i rlung byang gi rta babs su snang / gr-i ha de ba ta'i rlung lha'i snam bur snang / brla sau rASh+Ta'i rlung rin chen pha gur snang / byin pa gser gyi gling rlung dra ba dra phyed du snang / sor mo nA ga ra'i rlung rnga yab la sogs par snang / rkang po la sin+d+hU'i rlung rdo rje'i thig zlum por snang / rkang pa'i mtheb mo ma ro'i rlung sgo khyud bzhir snang ngo / /pus mo ku lu tA'i rlung zur rnams kyi rdo rje rin po cher snang / de ltar pad+ma dkar po lta bu'i gang zag gcig srog a wa d+hU tIr chud nas bde ba stong pa nyid skyes pa'i snang ba'i dkyil 'khor gyi 'khor lor snang /gsang ba sngags su bshad pa'i gsung gi rnam dag go/ /gtum mo drod spar nas/ byang chub sems ni sum cu gnyis/ /gang tshe 'dir ni yongs gang ba/ / de tshe lus kyi dkyil 'khor yin/ /zhes gsungs pas/ ut+pal lta bu'i gang zag lus byang chub sems kyis gang ba'i rkang pa dang lag pa don yod grub pa'i snang ba dkyil 'khor gyi nang khong stong kun du snang ngo / /dpral ba'i snang ba sku'i 'khor lo/ lkog ma'i snang ba gsung gi 'khor lo//snying ga'i snang ba thugs kyi 'khor lo/ lte ba'i snang ba dbus kyi pad+ma sgo bzhi dang rta babs dang dur khrod la sogs pa rnams su snang ngo / /lus kyi tshor ba bde ba rtog med kyi snang ba sku'i 'khor lo/ /'du shes bde ba rtog med gsung gi 'khor lo/ 'du byed bde ba rtog med thugs kyi 'khor lo/rnam shes bde ba rtog med nang gi pad+ma 'dab brgyad shin tu rnam par dag pas ye shes ri mo lngar snang / khams kyi dpa' bo nyi shu rtsa bzhi'i snang ba pany+tsa rA ga phyogs bzhi'i nyi shu/ sa gzhi'i kha dog bzhi dang nyi shu rtsa bzhir snang ngo / /nyi shu rtsa bzhi ni rnal 'byor ma 'khor lo'i rtsibs nyi shu rtsa bzhir snang ngo //lte ba khung gi thig le rdo rje phag mor snang ngo / /snying ga'i byang chub sems kyi sa bon khrag 'thung mchog tu snang ngo / /snying ga'i rtsa bzhi'i rang bzhin mkha' 'gro ma bzhir snang ngo / /de ltar na dman pa dbyibs su bshad pa rtsa dang khams kyi bde ba las skyes pa'i snang ba yin te/sems can la snang ba'i dkyil 'khor 'bras bu yin la/ de'i rgyu gsang sngags rlung las bde ba skyes pa'i snang ba'am/ dman pa dbyibs rtsa la bde ba skyes pa'i snang ba bshad pa yin no/ /mthar thug chos su byang chub kyi phyogs kyi chos sum cu rtsa bdun rin po che lta bu'i gang zag mthar thug chos bsgom pa ni/dpa' bo dang dpa' mo ltar snang ba'o/ /lha de yang yig 'bru'i dkyil 'khor dang / phyag mtshan gyi dkyil 'khor la sogs pa drug tu snang ste go sla'o/ /mthar thug chos sems dang sbyar na/ dbus kyi pad+ma sa dang po rab tu dga' ba'i snang ba nas/rta babs chos kyi sprin gyi snang ba las dngos grub rgya che ba thob par 'gyur ba ni go sla'o/ /de ltar na rnam dag bshad nas/ de kho na nyid bzhi bshad pa'i dang po 'khor lo bde mchog gi dkyil 'khor la shes rab ye shes kyi dbang bskur ba'i b+ha ga'i dkyil 'khor dang /gsang ba'i dbang bskur ba'i lus kyi dkyil 'khor dang / dbang bzhi pa bskur ba'i rin chen sems kyi stong nyid gnyis med kha sbyar gyi dkyil 'khor dang gsum yin no/ /dang po dkyil 'khor gyi de nyid bshad nas/ gnyis pa bdag gi de nyid ni gtso bo'i lha'i ting nge 'dzin yin no//gsum pa lha'i de nyid ni 'khor gyi ting nge 'dzin yin no/ /sngags kyi de nyid ni phyag rgya stang stabs sngags zlos pa'o/ /de ltar na de nyid bzhi yin no/ /dkyil 'khor gyi mjug bsdu ba ni/ sgo bzhi dang mtshams bzhi dang / rta babs bzhi la sogs pa'i yul gyi yan lag kun las 'das pas zhes pa rtog bcas dang /rtog med spangs pa brjod phyi mo thig le las 'das pa ni 'dus ma byas kyi dkyil 'khor de mchog yin no/ /de la lus kyi dkyil 'khor ni 'dus byas dang 'dus ma byas/ lus kyi rtog pa chos dge mi dge sgyu ma lta bur rnam par spyod pa rten dang brten pa'i dkyil 'khor thams cad rnam par dag pa khams nam mkha'i 'ja' tshon dang mtshungs pa ni bdag byin gyis rlob pa'i dkyil 'khor ro//gnyis pa dkyil 'khor b+ha ga ni 'khor ba'i chags pa dang / mya ngan las 'das pa'i chags med du mnyam pa pad+ma rA gas kha bsgyur ba'i chu bzhin du rang gi sems kyi chos nyid bde bas kha bsgyur ba bde ba stong nyid kyi dkyil 'khor gyi mchog yin no//gsum pa chos kyi 'khor lo ni/ 'dod khams gnas rigs nyi shu gzugs khams gnas rigs bcu bdun gzugs med skye mched mu bzhi las 'das pa'i dkyil 'khor te/ming gsum ni go sla'o/ /le'u lnga bcu rtsa gsum pa'i 'grel pa'o// //dkyil 'khor thams cad la mtshan ma thob na tshogs kyi 'khor lo ji lta bu snyam na/ de nas gsang ba bshad bya ba/ /zhes gsungs te/ sems can mtshan ma thob pa thams cad la phan pa'i dngos grub gsol ba A li kA li mngon par byang chub pa lnga las chos kyi dbyings kyi grong khyer dang bcas pa cig car rdzus skyes byed pa'o//de ltar mdor bstan bshad nas rgyas par bshad pa ni/ rnal 'byor pho mo 'tshogs nas sngon 'gro tshogs sogs pa lnga dang / 'byung ba bzhi ri rab sna tshogs rdo rje pad+ma dang bcas pa bskyed la/de'i lte ba'i dbus su mngon par byang chub pa lnga'i rim pas gzhal yas khang dang bcas pa dus gcig la bskyed la/ dbus su pad+ma 'dab ma brgyad la ye shes kyi 'khor lo nyi ma'i dkyil 'khor gyi steng du thugs kyi 'khor lo brgyad/ gtso bo zhal bzhi phyag brgyad pa/lha mo yang zhal bzhi phyag brgyad pa/ ye shes kyi lha mo bzhi dang / thugs kyi 'khor lo brgyad sngar gang la mtshan ma thob pa'i lha'i sku mdog dang phyag mtshan de bzhin du bsgom mo/ thugs kyi 'khor lo'i phyi rgyab tu gsung gi 'khor lo shar dang / byang du dmar po rtsibs brgyad nub dang /lho ru dkar po rtsibs brgyad pa/ mtshams su gshin rje brtan ma la sogs pa/ sgor khwa gdong ma la sogs pa ye shes kyi lha yab yum gdong rgyan can lha mo bcu gnyis thams cad shar sngo ba/ rams sam mthing shun gyis byugs pa/ byang thams cad spang mas byugs pa/nub mtshal gyis byugs pa/ lhor ba blas byugs pa/ phyogs bzhi'i kha dog can de bzhin du thugs kun la rams kyis byugs pa nag po/ gsung mtshal gyis byugs pa/ sku rdo thal gyis byugs pa ji ltar 'dod pa'i khyad par rdo rje snying pos bshad pa'i gnas nyi shu rtsa bzhir dpa' bor mos na rnal 'byor pa nyi tshe'i bya'o//kha cig dpa' mo la mos na rnal 'byor ma nyi tshe bya/ sngar bshad pa'i kha dog dang dbyibs dang spyod lam sna tshogs pas rigs ji ltar 'dod pa bsgom/ gzhan yang zhal dang phyag mtshan ni sngar bshad pa bzhin du gnas kyi rim pas dgod do//de la yang ye shes sems dpa' gzhug pa/ go cha bskon pa dang / dbang bskur ba dang / sum cu rtsa bdun gyi rnam dag bsgom pa dang bzlas pa bya'o/ /A li kA li las byung ba bsgom pa dga' ba/ rnam par bsgom pa mchog dga'/bsgom pa lhan cig skyes dga'/ mchog 'od gsal ba dga' ba bzhi bsgom par bya'o/ /chos kyi dbyings kyi grong khyer rnam par dag pa 'di ni rdul tshon dang lugs su blugs pa dang / 'bur du brkos pa dang / ri mor bris pa ma yin te/ sngar bshad pa'i mtshan nyid dang ldan pa'i sems can gyi khams rab tu bcug nas gsang ba'i tshogs kyi 'khor lo 'di su la yang mi bstan to//le'u lnga bcu rtsa bzhi pa'i 'grel pa'o// //de nas gzhan yang shes rab kyi tshogs 'khor bshad par bya ba ni/ b+ha ga'i pad+ma shes rab la mos pa bsgom pa rdo rje snying pos zhus pa la bka' stsal pa ni/shes rab kyi tshogs kyi 'khor lo ni nges par gsang ba'o/ /rnal 'byor pho mo 'tshogs nas sngon 'gro lnga bsgom/ 'byung ba bzhi ri rab sna tshogs rdo rje pad+ma 'dab ma gsum pa bskyed/ de'i dbus su mngon par byang chub pa lnga'i rim pas rdo rje phag mo dang he ru ka ma'i slob dpon lte ba la bsgom/gzhal yas khang dang bcas pa rdzus skyes kyi 'dab ma gsum la ye shes kyi lha mo mkha' 'gro ma lA ma dum skyes ma gsum bsgom/ bcom ldan 'das dang lha mo rnams kyi sku mdog dang phyag mtshan rgyud na gsal/gru gsum gyi pad+ma'i phyi rol du thugs kyi 'khor lo'i lha brgyad dgod/ dbus kyi pad+ma'i logs gsum du thod pa gsum dang bum pa gsum gzhag /dkyil 'khor gyi zur gsum gyi shar gyi zur la sku'i 'khor lo brgyad/ nub byang gi zur la dam tshig gi 'khor lo brgyad/ lho nub mtshams su gsung gi 'khor lo brgyad/ /bcom ldan 'das zhal bzhi phyag bzhi pa'i sku mdog dang phyag mtshan ni rgyud na gsal/ ye shes dang thugs dang gsung dang sku'i 'khor lo dam tshig gi 'khor lo rnal 'byor pho mo gang mos pa'i sku mdog dang phyag mtshan can bsgoms te/ thams cad rang gi cod pan can/ /zhes bya ba'i bar ni rgyud kyis gsal lo/ /dpa' bo dang rnal 'byor ma de dag mkha' 'gro bla ma'i brgyud pa'i rim pas lus kyi dkyil 'khor bsgom pa dang / go cha dgod pa dang / ye shes sems dpa' gzhug pa dang / sku gsung thugs lha'i 'khor lo spro bsdu dang /rang rang gi bzlas pa ni rnal 'byor ma ye shes babs pa'i zhal brgyad pa'i rim pa la mnyam par gzhag cing rtag tu bsgom mo/ /'di su la yang mi bstan/ su'i rna bar yang ma brjod na dpa' bo dang gnyis su med pas dngos grub 'thob bo /dam tshig rtag tu bsrung bya zhing //bza' dang bca' ba spyad par bya/ /zhes bya ba ni tshogs kyi 'khor lo la bya ste/ rang gi lha mo bgrod min gzhan gyi lha mo la dus bzhir gtum mo drod dang byang chub sems 'char nub bsten na sngags 'grub par 'gyur ro/ /le'u lnga bcu rtsa lnga pa'i 'grel pa'o// //dkyil 'khor thams cad kyi rgyu'i rgyud kyi gang zag gi mtshan nyid can/ thabs kyi rgyud bskyed rdzogs gnyis te 'bras bu'i rgyud sku gsum ston pas/ de nas gzhan yang bshad bya ba/ /zhes bya ba gsungs te/ gsang ba chos sku/ mchog longs sku/ yang mchog sprul sku/ de'i rig pa lha dang sngags phyag rgya chen po bshad pa ni mdor bstan to/ /rgyas bshad ni/ log pa'i shes pa'i lta ba la/ /cung zad ngas ni ma bstan gang / /zhes pa dor bya'i gang zag go/ /ji ltar bla ma'i rim pa bstan pa/ /zhes tshigs bcad phyed dang gnyis ni skye ba snga ma bsam gtan dang zag med las skyes pa'i skal ldan blang bya ba'i gang zag go//lkugs shing glen la sdig ngan can/ /zhes bya ba tshigs bcad phyed dang gsum ni skal med dor bya'i gang zag bshad do/ /slob dpon bdag nyid chen po yis/ /zhes bya ba tshigs bcad gsum ni sngags skyes kyi rnal 'byor pho mo thams cad mkhyen pa'i ye shes phab pas mthong ba reg pa thos pa dran pa las kyang sdig pa las grol bar the tshom med do//rgyu'i rgyud bshad nas/ thabs kyi rgyud bskyed rim thams cad kyi lha bzlog ste bkod pa sngags bzlog ste zlo ba ni g.yas skor dang g.yon skor gyis ming bzlog pa zhes brtags te/bskyed rim 'di ni rgyud sde bzhi thun mong du sems can yongs su ma smin pa las dang po pa la de bzhin gshegs pas dbugs dbyung ba gsungs pa/ bsod nams chung ba'i rnal 'byor pas kyang lha mnyes par byas pas dngos grub bskyed par 'gyur ro//bskyed rim bshad nas zab pa'i rdzogs pa'i rim pa bde ba stong pa nyid bsgom pa la bsrung med bza' med ces bya ba nas mdor na sems ni mnyam nyid bya ba ni go sla'o/ /bla ma mnyes pa la brtson 'grus yod na rnam shes dga' ba bzhi dang ye shes sgyu ma 'od gsal zung 'jug goms pas mngon gsum gyi lam ni tshig lung gis ma yin/bstan bcos rjes dpag gis ma yin/ rnal 'byor pa'i rgyu rkyen tshogs pa'i thabs kyi sems bde ba stong pa nyid kyi mtshan nyid dang rig pa bstan pa dang / dpa' bo rang yin par bstan pa dang bde stong mngon sum gyis grub na/skad cig gi rnal 'byor phyag rgya lha kun dang gnas thams cad sngags kun skad cig ma gcig gis rtogs so/ /de ltar rdzogs pa'i rim pa bstan nas pus mo sa la gtsugs nas sgrub pa po lag na rdo rjes 'bras bu'i rgyud la gsol ba btab pa/ mya ngan las 'das pa chos sku phyag rgya chen po longs spyod rdzogs pa'i ston pa gang nas gang du gnas par gyur nas brtan pa dang /g.yo ba sprul pa'i chos kyi rol pa bstan du gsol zhes pa dang / lan du legs par nyon la zhes skabs phye nas don dam par chos kyi sku las gzhan na med/ rnam rtog gi gzung 'dzin gyis bsam du med/ gzhan dbang gi gzung 'dzin dang bral ba'i sems kyi rang rig pa'i chos nyid la rtag tu da ltar byung ba bzhin du bzhugs so/ /de yang / thams cad bdag nyid rtag tu bzhugs/ /zhes sngar bshad pa'i don ni rnal 'byor ba'i dkyil 'khor lus la brten pa'i dbus nas gtum mo'i drod spar nas/byang chub kyi sems phab pas rang rig pa'i stong nyid la nges pa drangs pa la thams cad mkhyen pa zhes bya/ rdo rje can de na bzhugs par byed pa 'dus ma byas dang / cha dang bcas pa 'dus byas spangs pa'i lus ni btsun mo'i b+ha ga zhes bya bas lus kun la phung po lnga sangs rgyas/dbang po drug sems dpa'/ 'byung ba rnams lha mor rol pa ste/ bde bar gshegs pas ji srid gsungs pa thams cad kyi rtsa ba'i rgyud sgyu 'phrul dra ba las/ mdor na phung po lnga dag ni/ /rdzogs pa'i sangs rgyas lnga ru grags/ /khams dang skye mched mang po kun//byang chub sems dpa'i dkyil 'khor nyid/ /sa chu spyan dang mA ma kI/ /me rlung gos dkar sgrol ma ste/ /nam mkha'i dbyings kyi dbang phyug ma/ /srid gsum ye nas sangs rgyas shing / /zhes bka' stsal to/ /rang rig pa'i stong nyid rtogs pa ni lus la gnas kyang lus las ma skyes pa ste/lus las dang nyon mongs pa'i snang bas ma bskyed pas na 'das zhes bya'o/ /de bzhin gshegs pa byung yang rung ma byung yang rung ba'i zag pa med pa'i sa bon byang chub kyi snying po ni glo bur gyi dri mas gos pa med do/ /'o na mya ngan las 'das pa dang 'khor ba ji ltar snang zhe na/mes du ba la phan 'dogs pa bzhin du rang rig pa don dang sems can du snang bas/ lus kun la ni rnam par grol/ /zhes bya'o/ /du bas me la phan mi 'dogs pa bzhin du dge mi dge zag bcas kyi lus las skyes pa ni chos sku dang longs sku bshad nas/ sprul pa'i sku ni snang bar 'chad pa ni/la lar gzugs can dag tu bshad/ /ces bya ba nas/ gang zhig thams cad bdag nyid bzhugs/ /zhes bya ba'i bar gyis zag pa med pa'i sa bon rang rig pa/ gnyis med 'khor ba dang mya ngan las 'das pa thams cad kyi bdag nyid la bzhugs pa de ni sprul pa'i sku'i mtshan nyid lag na rdo rje khyod la bstan pa yin no//gsang ba mchog gi dgyes pa ni sprul pa'i sku thams cad kyi bdag nyid bzhugs pa ni bshad zin to/ /chos kyi sku'i gsang ba mchog gi dgyes pa ni/ lha gang gi cha shas spangs pa sgyu ma sna tshogs pa 'di snang yang rtag tu bsam gyis mi khyab pa'i ye shes b+ha ga chos nyid la bzhugs pa yin no//longs spyod rdzogs pa'i sku'i gsang ba mchog gi dgyes pa na/ thams cad bdag nyid rtag tu bzhugs pa ni lte ba'i dbus nas pad+ma 'dab ma bcu drug pa la yi ge dbugs 'byung rngub kyis dbugs bkag nas rtsa dang gnas pa'i rlung sbyar nas de'i dbus na sems kyi stong pa nyid sprul pa'i sku 'byin zhes pa dang /sdud par byed pa nyid don dam pa'i de kho na nyid 'dus ma byas kyi ye shes rang byung bas 'dus byas kun la khyab pas chos sku'o/ /de ni sangs rgyas dngos zhes sprul pa'i skur mtshan brtags pa dang / rdo rje sems dpa' bde ba'i mchog /ces kyang mtshan brtags pas thams cad mkhyen pa 'dus byas kyang kun du 'gro zhing 'dus byas kyi mi shigs pas rdo rje sems dpa' bde ba'i mchog rgyud kyi gleng gzhi'i 'grel pa rnal 'byor pa'i rgyud la yod pa'i mdo sde 'dul ba mngon pa'i sku gsum dang mi mthun pa rjes su mthun pa'i sku gsum 'bras bu'i rgyud bshad do//rdzogs rim thob pa'i rtags bshad pa ni/ skra'i rtse mo brgyar gshags pa'i cha'i tshad tsam ni a wa d+hU tI yin no/ /phra ba'i rdul ni byang chub kyi sems zla ba'i rgyun 'dzag pa yin no/ /stong pa nyid yang ma yin zhes pa ni rang rig pas myong ba'o//dmigs su med ces pa ni rtog pa dang bral ba'o/ /de ni dga' ba ste dbang po drug bde ba'o/ /yi ge med pa ni brjod bya rjod byed dang bral ba'o/ /stong pa ma yin zhes pa ni yul drug bde ba'o/ /rdul med ces pa ni tshogs drug gis 'dzin pa med pa'o/ / srog med pa ni rlung dbus ma la brten pa'i rang rig par mngon par mi zhen pa lhan cig skyes dga'o/ /gzugs pa med ces bya ba ni mtshan gzhi lnga dang bral ba'o/ /mtshan ma med ces pa mtshan nyid gsum 'gags pa ste rnam pa thams cad kyi 'od gsal ba'o/ /rnam par shes pa'i dngos po ni dga' ba gsum de'i ye shes ni sgyu ma 'od gsal zung 'jug go//ye shes skye ba'i rtags ni/ sgron ma lta bu dang po dang / mkha' snang lta bu gnyis pa dang / dkar po'i 'od zer 'phro ba gsum pa dang / 'dod pa'i lha'i longs spyod snang ba bzhi pa dang / gzugs kyi lha'i bde bar snang ba lnga pa dang /gzugs med kyi ye shes bdun pa dang / chos kyi dbyings kyi ye shes brgyad pa dang / rgyud sde bzhi lha dgu ste 'dus ma byas kyi ye shes kyi rtags dgu skyes nas sa bcu'i dbang phyug thob pas khams gsum pa'i ye shes pa gzhan dag snying po med pa rtswa dang mtshungs so//de ltar rgyu'i rgyud skal ldan dang skal med gnyis dang / thabs kyi rgyud bskyed rdzogs gnyis dang 'bras bu'i rgyud sku gsum dang / phyir mi ldog pa'i rtags drug bstan nas/ las dang po pas rdzogs pa'i rim pa ji ltar bsgom pa dang / bskyed pa'i rim pa ji ltar bsgom pa bshad pa ni/de kho na nyid don dam pa'i bden pa shes pa ni rgyu rkyen tshogs pa las te/ srog chags rnams kyi srog a wa d+hU tIr chud pa a na ha mi 'gyur ba zhes bya ba khyab byed kyi rlung de mtshungs pa de ma thag pa'i rkyen yin pas sems kyi 'dus ma byas shes pa de ni sangs rgyas kyi ye shes dpal he ru kar bshad do//phyir rgyu ba skyes pa dang / nang du 'jug pa bud med dang / gnas pa bum pa'i rlung la ma ning zhes grags pa'o/ /de la sogs pa zhes pa ni dbugs nyi khri chig stong drug brgya bkag pa'i rlung dbus ma phra ba'i snying po 'dzin pa'i ye shes skye ba de la brten nas sa bcu dang /bstan bcos mngon shes drug dang rgyud sde bzhi rig byed kyi dngos grub dang / gang ji snyed gnas pa rnams srog a wa d+hU tIr chud pa 'di las byung ngo / /tshe 'di dang phyi mar yang rgyu rkyen tshogs pa med na dngos grub mi thob pas rgyud sde bzhi rig byed grub mtha' la ye shes skye ba'i snying po gcig pu kho nas bshad do//yul dmigs pa'i rkyen 'dus ma byas tshogs ma bsags sgrib pa ma spangs kyang sgyu ma'i dpe brgyad las mthong bas rnyed sla/ gzhon nu ma'i lus dang yid bde ba bsam gtan gyi cha dbang po bdag po'i rkyen yang rnyed sla/ bag chags rgyu'i rkyen zag pa med pa'i sa bon byang chub kyi snying po yang rgyu yin pas rnyed sla'o/ /rkyen gsum po rnyed par sla yang / yid nang du chud pa rlung 'gags pa'i 'dod pa'i khams kyi sems can med pa ni rnyed par dka' bas man ngag gi gtso bo 'di yin no/ /de'i phyir/ ngo bo nyid kyi mthu dag gis//rang bzhin gyis ni de 'grub bo/ /zhes rdzogs pa'i rim pa bshad nas/ bskyed pa'i rim pa thams cad kyi mdor bsdus pa'i yan lag bshad pa ni/ 'dug pa'am gnas pa ni sngon 'gro lnga'o/ /ldang ba ni 'byung ba bzhi ri rab sna tshogs rdo rje pad+ma dang bdun no/ /'jug pa ni nyi zla kha sbyor du sems 'jug pa'o//rdzogs pa ni sprul pa dang lus dang sems kyi 'khor lo/ byin rlabs ni go cha dang ye shes sems dpa' 'jug pa gnyis so/ /dbang bskur ba ni mchod pa dang bstod nas dbang bskur ba'o/ /ting nge 'dzin ni bsgom bzlas so/ /mchod pa ni bdud rtsi myang ba dang rkang pa brgyad pa dang gtor ma gtong ba'o//nye bar bsdu ba ni dkyil 'khor lus la gzhug pa'o/ /spyir de ltar yin pa las skabs 'dir cho ga'i ming ni gzhan dag thabs shes rab kyi spro bsdu zhes bya ste/ dbyangs yig bcu drug ni shes rab bo/ /gsal byed sum cu rtsa bzhi ni thabs so/ /de gnyis nyi zla kha sbyor gyi lha mo las lha thams cad bskyed par 'gyur ba'o//don dam pa dang kun rdzob ston pa'i chos kyi sgo mo brgyad khri bzhi stong yang yi ge phyi mo rnams las skyes/ sngags kyi spyod pa phrin las rnam bzhi thams cad kyi rgyud shes rab dang thabs A li kA li las 'gro zhing skye'o/ /thog ma'i dbyangs dang gsal byed ni zhi ba dang rgyas pa dge ba'i lha'am/dbang dang mngon spyod mi dge ba'i lha'i lus kyi dkyil 'khor rgyan nam ska rags lta bu A li kA li las byung ngo / /de ltar las dang po pa'i bskyed pa'i rim pa rdzus skyes kyi sgrub pa'i thabs so/ /rdzogs rim gyi dbang du byas nas A li kA li khrag dang byang chub sems kyi thig le la sogs te lte ba'i khrag gi thig le gtsub gtan/dbus ma rtsa a wa d+hU tI srub shing / g.yas g.yon gyi rlung srub thag /bsrubs pa las khrag gi thig le las byung nas snying ga'i A li kA li byang chub kyi sems bzhus pas gzhon nu ma'i bde ba lta bu ngal so//bde ba skyes pa la sems kyi chos nyid bsam gyis mi khyab pa 'dus ma byas kyi sems myong bar mi rtag /sems de nyid don dam par bsams na 'dzin pa rdo rje 'chang thob par 'gyur ro/ /'di ni nang gi A li kA li don rang gi mtshan nyid de rgyud sde bzhi gsang ba lag na rdo rje khyod la bshad pa yin no//bsod nams kyi tshogs lha'i 'khor lo dang / ye shes kyi tshogs 'dus ma byas rtogs pa gnyis ka'i rgyud bum pa so btang ba lta bu mi 'jigs pa thig le bsgom pa 'di 'bar bas spar bar bya'o/ /bskyed rim gyi dpa' bo dang rnal 'byor ma thams cad kyang 'dis 'thob/nges brjod bla ma'i rgyud kyi mngon sum gyi man ngag 'di snod min la mi bshad/ bshad na tshe 'dir sdug bsngal/ tshe phyi mar mya ngan las 'das pa'i 'bras bu mi 'thob bo/ /bum pa rlon pa lta bu ni bskyed rim lha'i 'khor lo yun ring por bsgoms kyang rnam rtog gi snang bas 'jig pa dang /ye shes kyi tshogs dbu ma lta bu rjes dpag gi stong pa nyid bsgom pa yang bskal pa grangs med gcig gis sa dang po thob pas rnam rtog yun ring bas rdzogs par 'gyur la/ srog a wa d+hU tIr chud nas bde ba stong nyid bsgom pa ni 'dus ma byas mngon sum gyis mthong ba'i lam bum pa so btang ba lta bu phyir mi ldog pa'i lam mi 'jig pa yin no//dper na bud med dang byis pa tshogs nas phan tshun kun du smra/ rjes su yi rang bas bsten yang don med pa de bzhin du bskyed rim dang rjes dpag gis lam dge ba zag bcas zag med ma bshad pas 'ching bar 'gyur ba yin no//mi'i lus po 'jim pa lta bu bskyed rim gyis bum pa lta bur bcos/ rjes dpag gis don dam pa'i lhar bcos kyang rung / dge ba zag bcas bum pa rlon pa dang 'dra/ srog a wa d+hU tIr chud nas bde ba stong pa mngon sum gyis grub pa'i tshe rnal 'byor lus brtan pa gzugs dang /g.yo ba tshor ba 'du shes 'du byed rnam par shes pa kun dpal he ru ka'i sku'i yan lag bcu gnas bcur mkha' 'gro ma'i brda ming btags pa/ mtho ris thugs dang sa stengs gsung dang sa 'og sku'i dpa' bo'i yan lag brtan g.yo thams cad he ru ka'i phyag dang zhabs dang mig spyan du 'gyur/mgo bo dbur 'gyur/ byang zhal du 'gyur/ rna ba snyan du 'gyur/ 'jig rten na yod pa thams cad g.yogs pa bzhin du mngon sum du grub nas brjod byar bzhugs so/ /A li kA li bum pa so btang ba lta bu'i thig le'i 'khor lo bde mchog bstan pa yin no//da ni mngal skyes kyi 'bras bu dang bcas pa bshad pa ni/ de nas dngos grub bsgrub bya ba/ /zhes bya ba gsungs te/ mngal skyes kyi bsam gtan gyi sems don bcu bzhis sa bcas pa sgrub pa po la phan pa'i phyir gsungs so/ /de nas gzhan yang mdo sde dang rgyud dag tu sbas pa'i dpa' bo dang rnal 'byor ma'i brda ni dang po'o//gos stod g.yogs dang smad g.yogs dang phyag mtshan lnga cod pan dang rgyan la sogs pa ni lus kyi kun du spyod pa gnyis pa'o/ /shes rab mdun du gzhag pa ni gsum mo/ /phur bu dang dra ba la sogs pa ni srung ba'i 'khor bzhi pa'o/ /A li kA li brjod pa bsod nams kyi tshogs sogs pa lnga pa'o//rnam thar sgo gsum gyi rgyud la sogs pa stong pa ye shes kyi tshogs ni drug pa'o/ /nyi zla kha sbyor du sems 'jug pa'i yig 'bru dang phyag mtshan la sogs pas lhar bskyed pa ni bdun pa'o/ /rgyu'i he ru ka gsungs pa ni brgyad pa'o//glu'i sbyor ba dang ldan pa ni dgu pa'o/ /bdud rtsi tshim byed myang ba dang ye shes sems dpa' bcu pa'o/ /lag pa'i mchod pas go cha bskon pa ni bcu gcig pa'o/ /dbang bskur ba ni bcu gnyis pa'o/ /go cha chen po lus kyi dkyil 'khor dang sems kyi dkyil 'khor bsgom pa ni bcu gsum pa'o//sngags kyi mchod bstod gtor ma gtang ba ni bcu bzhi pa'o/ /mi mchog gang zhig kun spyod pa/ /zhes bya ba tshigs bcad phyed dang gnyis ni smon lam dang yon no/ /'bras bu ni zla ba nya la mtshan ma thob nas dngos grub blangs nas zag med kyi ye shes dang ldan pas mtho ris kyi longs spyod lha'i 'khor los sgyur ba dngos grub 'bring /mi'i 'khor los sgyur ba dngos grub tha ma/ rnal 'byor pa 'pho ba'i tshe mkha' spyod kyi gnas bde ba can nam/ mngon par dga' bar khrid nas skyes pa ni dngos grub rab bo/ /le'u lnga bcu rtsa drug gi 'grel pa'o// //dkyil 'khor thams cad kyi sngags btu ba/ de nas gzhan yang bshad bya ba/ /zhes bya ba smos te rgyud 'dir btu ba'i thabs kyang bzhi/ 'bras bu bcu gcig yin no/ /de la rtsa ba'i rgyud las e gru gsum gyi dbus su pad+ma 'dab ma brgyad la sde tshan brgyad bkod pa ni btu ba'i gnas dang po'o//rdo rje mkha' 'gro las gzhal yas khang gi dbus su re'u mig bzhi bcu rtsa dgu gris pa ni btu ba'i gnas gnyis pa'o/ /rtsa ba'i rgyud le'u sum cu rtsa gcig pa nas rdza rnga'i dbyibs kyi nang du re'u mig bzhi bcu rtsa dgu byas nas btu ba'i gnas gsum pa'o//mnyam sbyor gyi rgyud phyi ma las pad+ma 'dab ma brgyad dang mtshams bzhi dang bcas pa las byung ba ni bzhi pa'o/ /btu ba'i thabs ni bzhi ste dbyangs dang gsal byed kyis btu ba dang / ming gis btu ba dang / lha'i 'khrul 'khor gyis btu ba dang / phyed btus pa ste bzhi'o/ /'bras bu ni bcu gcig ste yab yum gyi snying po bzhi dang /dpa' bo dang dpa' mo'i sngags gnyis dang go cha gnyis dang rkang pa brgyad pa'i sngags gnyis dang / gnod mdzes kyi sngags dang bcu gcig go/ /'dir sngags btu ba ni dben pa'i gnas su bdud rtsi lngas byugs la/ bdag nyid he ru kar bskyed nas dmangs rigs kyi khrag gis thig le dang me tog dgod pa dang bdug pa dang mar me dang cang te'u dang glu gar gyis mchod nas phyag rgya drug dang ldan pa'i lus kyis srung ba'i 'khor lo byas te/e gru gsum gyi dbus su/ A li kA li sde tshan brgyad bsdebs pas bzhi bzhi brgyad du byas nas dang por rtsa ba'i sngags kyi gsal byed btu ba ni go sla'o//rkang pa brgyad pa dang / ka ra ka ra la sogs pa rtsa ba'i sngags btu ba yin no/ /de'i phan yon ni rig pa rgyal ba'i gsang sngags te bya ba dngos grub thams cad sgrub pa zag bcas kyi 'jig rten gsum na dpal he ru ka zag med kyi sngags shes na mchog yin no//le'u lnga bcu rtsa bdun pa'i 'grel pa'o// //de nas gzhan yang yab kyi snying po yi ge nyi shu rtsa gnyis pa lha dang sbyar nas 'khrul 'khor gyis btus/ nye ba'i snying po yang lha dang sbyar nas btus zin/ ya tshogs brgyad pa ha la dbyangs bcu gnyis dang sbyar ba ha ring po la sogs pa drug phyi la dor bar bya'o//ha thung ngu drug dang oM na ma swA hA bau Sha Ta hUM hUM phaT kyi sngags dang sbyar bas gnas drug tu go cha drug tu 'gyur ba ni go sla'o/ /de nas dbyangs yig bcu gsum pa ni o/ yi ge gnyis pa ni ma dag dang sbyor ba ni mor 'gyur ro//dbyangs yig bcu gnyis pa ni e/ yi ge drug pa ni ha/ brgyad pa ni her 'gyur ro/ /dbyangs kyi zhi ba ni I/ yi ge bdun pa ni ba/ sbyar ba ni bIr 'gyur ro/ /dbyangs yig bcu gnyis pa ni ai yi ge brgyad pa nir/ mkhas pas sbyar ba ni rer 'gyur ro/ /dbyangs yig gnyis pa ni A/ yi ge dgu pa ni sha/ brgyad pas ni shA ring por 'gyur ro/ /de ltar na na mo b+ha ga wa te bI re shA ya'i sngags su 'gyur ro/ /lhag ma ni go sla'o/ /yab kyi snying po dang nye ba'i snying po go bzlog nas bris pa ni mngon spyod dbang las zlos pa'o/ /yum gyi snying po dang go cha'i lha mo drug gi ming dang po dang bsdebs pas sngags drug tu 'gyur ro//go cha'i sngags gnyis ni phyed btus pa'o/ /le'u lnga bcu rtsa brgyad pa'i 'grel pa'o// //de nas gzhan yang lha mo'i snying po yi ge bcu gsum pa lha bskyed pa'i sa bon 'khrul 'khor gyi sngags btu ba ni/ snying po bla med bshad par bya/ /zhes pa'o//sngon 'gro lnga dang / 'byung ba bzhi dang ri rab sna tshogs rdo rje gzhal yas khang dang drug bskyed nas/ de'i dbus su drod gsher skyes kyi yum gyi snying po dang sbyor ba'o/ /dkyil 'khor rgya mtsho ni pad+ma'i dbus su phag mo ha las bskyed pa dang / 'dab ma brgyad pa gsal byed la oM las ba las rta gdong ma/dzra las rdo rje ma/ bai las dpa' mo/ ro las khyo byed ma/ rtsa las gsod ma/ nI las khug rna ma/ ye las zung ldan ma dang brgyad do/ /hUM las shar sgor hUM mdzad ma/ hUM rings las lho skor sreg mdzad ma/ phaT las nub sgor phaT mdzad ma/ swA las byang sgor zhi mdzad ma/drod gsher skyes kyi 'khor los yum gyi snying po yang btus so/ /sku mdog dang phyag mtshan rgyud na gsal/ ye shes sems dpa' gzhug pa dang / go cha bgo ba dang / dbang bskur ba dang / bdud rtsi myang ba dang / bsgom pa dang / lha mo bcu gnyis kyi spyi'i snying po bzlas pa dang / mchod pa dang / gtor ma btang bas kha bskang ngo / /le'u lnga bcu rtsa dgu pa'i 'grel pa'o// //de nas gzhan yang gnod mdzes kyi sngags btu ba bshad pa ni/ rdo rje rol pa rta'i 'gros dang / yi dwags srin po'i gdong dang / gshin rje dbyig pa 'chang ba dang / ma mo rigs kyi 'khor lo gnod mdzes kyi sngags las byung bas shin tu rnyed par dka' ba ste/'khrul 'khor de rnams gang zhig gis shes pa tsam gyis myur du dngos grub thob bo/ /mdor bstan nas rgyas par bshad pa ni/ sa'i cha mnyam pa la tsan+dan gyis byugs nas me tog dang spos kyis mchod la/ bdag nyid shes rab kyi yan lag dang bcas pas phyogs bcings la/rdza rnga kha bzhi pa bri ste/ re'u mig bzhi bcu rtsa dgu pa la yi ge'i phyi mo bkod pa gnas de las dpa' bo sum+b+ha ni btu'o/ /rim gyis btu ba'am rim las bzlog nas btu ba ni go sla'o/ /de nyid bsdus pa dang / dpal mchog dang /bde mchog mnyam sbyor dang / rdo rje 'jigs byed la sogs par shar sngo ba/ lho ser ba/ nub dmar ba/ byang ljang ba'i khro bo bzhi dang / mtshams su phyed gzugs kyi khro bo brgyad dang bcas pa dkyil 'khor bsrung ba'i don du steng 'og gi gdug pa kun 'dul ba'i khro bo bcu bsgom pa'am/yang na khro bo bzhi bsgom par bya'o/ /sha chen la sogs pa bdud rtsi lnga'i ri lus le'u bzhi pa las bshad pa bzhin du nang gi sbyin sreg byas nas rdo rje can brgya byin yang 'chi bar 'gyur ro/ /sngags ni go sla'o/ /dkyil 'khor ni nam mkha'i khams su pad+ma 'dab brgyad kyi lte ba'i dbus su yi ge hUM las hUM mdzad zhal brgyad phyag bcu drug par bsgom pa ni rgyud na gsal lo/khro bo bzhi ni shar du 'dod pa'i rdo rje sngo ba/ byang du rdo rje rnon po ljang ba/ nub tu stobs rdo rje dmar ba/ lho ru mi g.yo rdo rje ser nag /bdud bzhi gnon pa/ shar 'khor lo dang dril bu/lhor rin po che dang dril bu/ nub tu pad+ma dang dril bu/ byang du rgya gram dang dril bu/ rang gi mtshan ma dril bur bcas/ /zhes pa thams cad kyang khams gsum rnam par rgyal ba'i phyag rgya bcings pa zhal gsum phyag drug pa bsgoms la ye shes sems dpa' gzhug pa dang go cha bskon pa dang dbang bskur ba dang /dpral ba lkog ma snying gar sku gsung thugs kyi sbyor ba bsgom/ sum cu rtsa bdun gyi rnam dag yang bsgom/ sum+b+ha na'i sngags bzlas/ ma grub na bskyar ba'i cho ga nang gi sbyin sreg khyi'i gzugs kyi ling+gas zhe sdang bza' ba dang / phag gi ling+gas gti mug bza' ba dang /khyim bya'i ling+gas 'dod chags bza' ba dang / mkha' 'gro la yang gtor ma bya ba dang / dung dang nya phyis dang mu tig rnams srog chags kyi rgyu las byung ba khyad par med kyang mi'i thod pa bsod nams dang ye shes kyi tshogs kyi rgyud las byung bas/ dpa' bo dang rnal 'byor ma'i rgyan byas pa la smad par mi bya'o//tshogs kyi 'khor lo bskor ba'i cho ga'o/ /le'u drug cu pa'i 'grel pa'o// //dkyil 'khor thams cad kyi 'gro ba 'dul ba grong khyer dgug pa'i sngags kyi dkyil 'khor bshad pa ni/ de nas gzhan yang bshad bya ba smos te slob dpon Ar+ya de bas shar phyogs dri za'i yul du phyin nas 'gro ba mi dad pa las sde tshan brgyad kyi yi ge'i lha bkod nas sngags drag po bzlas pas rgyal po dang bcas pa g.yo ba dang /sems dga' bas btul ba bzhin du/ sde tshan brgyad kyis bsgom pa 'byung ba bzhi dang ri rab bzhi 'gyur ba'i nam mkha'i dbyings kyi gzhal yas khang gi pad+ma'i dbus su hUM las rdo rje he ru ka drod gsher skyes zhal lnga phyag bcu gnyis yum baM las byung ba dang 'khyud pa 'jigs byed chung ma dang bcas pa zhabs kyi 'og tu mnan pa/sku mdog dang phyag mtshan ni go sla'o/ /shar gyi 'dab ma la a las mkha' 'gro ma dkar mo/byang du pa las mkha' 'gro ma dmar mo/ nub tu tsa las mkha' 'gro ma ser mo/ lhor ka las mkha' 'gro ma sngon mo/ shar lhor Ta las mkha' 'gro ma dmar mo/ lho nub tu ta las mkha' 'gro ma dud ka /nub byang du ya las mkha' 'gro ma ljang gu/byang shar du sha las mkha' 'gro ma ser mo zhal gcig phyag bzhi ma/ 'jig rten skyong ba brgyad mnan pa/ sku mdog dang phyag mtshan ni go sla'o/ /yul de'i bud med rgyal mo byed na rdo rje phag mo dbus su gzhag /ye shes sems dpa' gzhug /go cha bskon/ dbang bskur/ bdud rtsi myang /sku gsung thugs kyi 'khor lo nang du bsgom/ de nas rang thag gis phye 'thag pa ltar bsgoms la/ oM a ka tsa Ta ta pa ya sha hUM phaT swA hA zhes bya ba zlos shing nam mkha' stong pa e gru gsum pa'i b+ha ga'i dbus su yul gyi ming rgyal po dang bcas pa gzhag /rang gi dkyil 'khor dang bsre/de nas 'khor lo bskor ro/ /ma grub na tshogs kyi 'khor lo byas la rta dang wa dang pha wang la sogs pa'i sha yi ge brgyad kyi dang por byas pa'i 'bras bu btags pa'i phye ma'i gzugs brnyan byas nas tshogs kyi 'khor lo byas na mngon par shes pa skye/ skye ba bdun pa'i mtshan nyid kyang shes nas de'i sha zos na myur du mkha' la 'gro bar the tshom med do//le'u drug cu rtsa gcig pa'i 'grel pa'o// //dkyil 'khor thams cad bsgoms pa las mtshan ma thob na mngon shes bskyed par bya ba'i dkyil 'khor ni/ de nas gzhan yang bshad bya ba/ / zhes bya ba'o/ /mtshan ma thob nas rang dad pa'i dpa' bo dang mkha' 'gro ma gcig la gsol ba btab nas 'dzam bu'i gling gi mi rnal 'byor ba nyi shu rtsa lnga dang rnal 'byor ma sum cu rtsa bdun ye shes las skyes pa'am/ zhing skyes khug la spyon zhes bcol la tshogs kyi 'khor lo bya ba'am yang na rang gis dbang bskur ba'i rnal 'byor ba dang /rnal 'byor ma srog a wa d+hU tIr chud pa sngags skyes su byas la/ gdong rgyan ye shes kyi 'khor lo'i lha lnga bong bu'i gdong rgyan bskon/ yum rdo rje phag mo phag gi gdong rgyan bskon/ sngar bshad pa'i dkyil 'khor gang la mos pa zhal gcig phyag gnyis pa'am/zhal gcig phyag bzhi pa'am zhal gsum phyag drug pa'i sku mdog dang phyag mtshan sngar bshad pa'i rim pa bzhin du/ thugs kyi kun nam mkha' lding gi gdong can/ gsung gi kun rma bya'i gdong can/ sku'i 'khor lo brgyad kyi lha seng ge'i gdong can/ sgo bzhir khwa gdong la sogs pa'i gdong can/mtshams bzhir ma he'am ri dwags kyi gdong can gyi dkyil 'khor spyan nyi ma dang zla ba dang me'i mig gsum 'bar bar bsgoms la mngon shes drug bskyed do/ /blo ldan rig 'dzin gyi rnal 'byor ba 'chi 'pho ba dang skye ba shes pa'i dngos grub dang / rnal 'byor pa la mchog ster ba zag pa zad pa'i mngon shes dang /rdo rje theg pa'i man ngag skye ba dran pa dang / mngon shes dang ngag gi dngos grub rgyud sde bzhi 'chad shes pa lha'i rna ba shes pa dang / ma thos pa'i chos bstan pas sems can grol ba gzhan gyi sems shes pa dang / mi snang ba la sogs pa'i rdzu 'phrul gyi yul shes pa dang /'jig rten gsum skad cig gis mthong ba thob bo/ /mngon shes drug thob nas dpa' bo dang rnal 'byor ma'i sngags bzlas pa'i dngos grub gang 'dod pa rtag tu bde blag tu thob par 'gyur ro/ /mngon shes ma skyes na nye ba'i snying po rnal 'byor pas bzlas nas pra se na bya sna bong bu'i rnam pa'i mngon shes 'thob bo//mngon shes thob nas dpa' bo dang rnal 'byor ma sngags bzlas pa'i dngos grub gang 'dod pa ma grub na bskyar ba'i cho ga gdong brnyan gon nas lo gcig gam zla ba drug gam zla ba gsum mam/ khwa la sogs pa srog chags brgyad kyi sha dang /bdud rtsi rnam pa lnga bza' zhing bsam gtan gyi bsgom bzlas byas na myur du dngos grub thob bo/ /rdzu 'phrul gyi yul shes pa tshangs pa dang khyab 'jug gi chung ma'am/ lha dang mi'i bu mo gang dang gnas pa bza' ba bdud rtsi lngar byin gyis ma brlabs pa dang bgrod pas dbang bskur ba dang /bgrod min dbang ma bskur ba dang / btung ba bdud rtsi'i chu dang / bdud rtsi ma yin pas kyang 'grub par 'gyur ro/ /mkha' 'gro ma lA ma'i gzugs dang / bu mo dang sring mo la sogs pa'i gzugs kyi rnal 'byor pa ci 'dod pa'i phyag rgya chen po srog a wa d+hU tIr chud nas stong pa nyid rtogs pas 'grub pa'o//rdo rje gdan bzhi las b+ha ba na mu kha zhes bya ba lte bar rlung zhugs nas stong nyid bsgom pa la ming 'dogs te/ bong bu'i mkha' 'gro bsgoms nas ni/ /bkug na myur du dngos grub 'gyur/ / zhes bshad do/ /le'u drug cu rtsa gnyis pa'i 'grel pa'o// //de nas dkyil 'khor thams cad kyi dbang bskur ba'i 'khor lo ni/ de nas gzhan yang bshad bya ba ni rigs lnga'i 'khor lo rang rang gi gnas su so so'i sa bon dang phyag mtshan las skyes pa'i 'khor lo ste mdor bstan pa'o//rgyas par bshad pa ni sa bon gyi mchog nga nya Na na ma lnga las gtso bo bskyed pa ni sngon 'gro lnga byas nas 'byung ba bzhi ri rab dang sna tshogs rdo rje dang gzhal yas khang bskyed pa dang / gdan dang sku mdog dang gtso bo dang 'khor lha'i ming dang phyag mtshan dang / sgo ba rnams kyi ming dang sku mdog dang phyag mtshan dang /phyi rol du yi dwags kyis yongs su bskor ba bsgom par bya zhes pa dkyil 'khor rgyal mchog go sla'o/ /las kyi rgyal mchog ni thog mar oM dang bar du ming dang mthar hUM phaT dang bcas pas bzlas par bya/ de'i sngon du go cha bskon ye shes sems dpa' gzhug /phung po dang khams dang skye mched byin gyis brlab/ rdo rje mkha' 'gro gal te mos nas zhal drug phyag bcu gnyis pa dbus ma sngo ba/ g.yas ser ba/ rgyab dmar ba/ g.yon ljang gu/ lnga pa dud ka ste steng ma'o/ /de'i steng ma zhi ba dkar po'o/ /shar phyogs kyi sangs rgyas mkha' 'gro dbus dkar/g.yas sngo/ /rgyab ser ba/ g.yon dmar ba/ lnga pa ste ljang gu/ drug pa thal ba'i mdog can/ lho'i rin chen mkha' 'gro dbus ser ba/ g.yas sngo/ rgyab dkar/ g.yon dmar/ lnga pa ljang gu ste steng ma drug pa dmar ba'o/ /nub phyogs pad+ma'i mkha' 'gro dbus dmar ba/g.yas dkar ba/ rgyab sngo ba/ g.yon ser ba/ steng lnga pa ljang gu/ drug pa nam mkha'i mdog can no/ /byang phyogs su las kyi mkha' 'gro dbus ljang / g.yas dkar/ rgyab dmar/ g.yon sngo steng ma/ lnga pa ser ba/ drug pa dkar po'o/ /phyag dang po dbus rdo rje dang dril bu/shar 'khor lo dang dril bu/ lho rin po che dang dril bu/ nub pad+ma dang dril bu/ byang rgya gram dang dril bu/ thams cad kyi g.yas g.yon gnyis pa gnyis na mdung rtse gsum pa dang lcags kyu/ gsum pa gnyis na thod pa dang kha T+wAM ga/ /bzhi pa gnyis na mgo bo dang cang te'u/lnga pa gnyis na mdung dang gri gug /drug pa gnyis kyis mi lpags 'dzin pa'o/ /'khor rnams zhal gcig phyag bzhi pa phyag mtshan dang sku mdog ni rgyud na gsal lo/ /yang na gtso 'khor thams cad zhal gcig phyag gnyis pa/ de la ye shes sems dpa'i gzhug /go cha bskon/dbang bskur/ bdud rtsi myang / bsgom pa bya bzlas pa bya/ mchod pa dang bstod pa byas la dkyil 'khor thams cad du dbang bskur ba ni 'dir dbang bskur thams cad kyi gsang ba dang shes rab ye shes su 'gyur ro/ /dbang bskur ba dngos bshad pa ni/ sna tshogs pa ni du mar dga'//zhes bya ba sna tshogs ni dus su/ du mar dga' ba ni dbang po drug gi dga' ba'o/ /rtags ni 'khyud pa dang tsum pa ka'o/ /rnam smin ni dus su ye shes dam pa ni mchog dga' yul drug bde ba'o/ /b+ha gar ling+ga sbyor ba ni rtags so/ /rnam par 'joms pa ni dus so/ /phyag rgya bskyod pa ni dus so//shin tu dga' ba ni mtshan nyid do/ /mtshan nyid dang bral ba ni dus so/ /rang rig pa'i tshad mas nges par brtags pa ni rtags so/ /lhan cig skyes dga' ni mtshan nyid do/ /de ltar dga' ba dbang po drug bde ba dang / mchog dga' yul drug bde ba dang /shin tu dga' ba rnam par shes pa drug bde bar rang rig pa sgro 'dogs dang bral ba lhan cig skyes dga' 'dus ma byas la dmigs pas bla na med pa'o/ /rnal 'byor dang rjes su rnal 'byor dang / shin tu rnal 'byor dang rnal 'byor chen po'i ye shes kyi cho ga'i rim pa'o/ / de ltar dga' ba bzhi bum pa dang gsang ba dang shes rab ye shes dang dbang bzhi pa'i don thig le'i rnal 'byor shes pa las kyang ste/ phra mo'i rnal 'byor las kyang thams cad mkhyen pa'i ye shes kyi nye bar len pa'i rgyud sems kyis chos kyi dbyings rtogs na myur du 'grub par 'gyur ro/ / de ltar rab gnas kyi le'u nas brtsams nas dbang bskur ba'i le'u'i bar du le'u bcu drug pa/ dang po sku'i 'khor lo bsgom pa nas le'u drug cu rtsa brgyad pa so sor 'brang ma'i bar gyi rab gnas dang / dbang bskur dang bstod pa dang snying po nye snying dang / rnam dag dang rgyud kyi don dang tshogs 'khor dang sngags btu ba dang dngos grub len pa dang srung 'khor dang nang gi dbang bzhi len pa ni le'u thams cad kyi yan lag tu 'gyur ro//le'u drug cu rtsa gsum pa'i 'grel pa'o// //da ni dbang du bya ba lha mo bzhi zhus dang / mngon spyod rdo rje 'jigs byed dang / zhi ba sgyu 'phrul dra ba dang /rgyas pa so sor 'brang ma dang / bskyar ba'i cho ga skye ba bdun pa'i sha ste lnga bshad pa yin no/ /nang gi sems dang / phyi rol gyi 'gro ba rigs drug dbang du bya ba ni/ de nas gzhan yang bshad bya ba/ /zhes bya ba gsungs so/ /sngon 'gro lnga dang 'byung ba bzhi ri rab sna tshogs rdo rjer gyur pa las/nam mkha'i dbus su gzhal yas khang bsgoms te/ rdo rje sems dpa' thugs kyi snying po nyi zla kha sbyor gyi dbus su yi ge a las rdo rje sems dpa' bde ba chen po kha ba kun+da shel gyi mdog lta bu zhal gsum phyag drug pa'i rdo rje sems dpa' rnam par bsgom zhes bya ba'i bar du go sla'o//I las rdo rje zla ba ma sangs rgyas spyan/ i las rdo rje sgyu 'phrul mA ma kI / e las chos kyi rdo rje ma gos dkar mo/ /ai las sna tshogs rdo rje sgyu 'phrul ma sgrol ma ste thams cad zhal gsum phyag drug pa kun kyang dkar ba/ g.yas sngo ba/ g.yon dmar ba/rdo rje dang dril bu gnyis/ mdung dang gri gug gnyis thod pa dang kha T+wAM ga gnyis/ phyag mtshan drug 'dzin pa'o/ /gtso bo bskyed pa bsnyen pa/ 'khor bskyed pa nye bar bsnyen pa/ lha mo bzhi'i dbus su gsang ba'i sgron ma chos kyi dbyings kyi yum dang 'khyud pa 'khor gyi lha mo bzhi yang rang snang ba'i thabs dang kha sbyor ba'o//sgrub pa ni snying gar u las rdo rje sems dpa' mgo bor o thung las rnam snang / spyi gtsug tu au ring po las pad+ma gar gyi dbang phyug/ mig tu U ring gnyis las rdo rje nyi ma/ phrag pa gnyis su aM las he ru ka /yan lag lnga la a las rta mchog /lus kyi nang du sku gsung thugs kyi 'khor lo gsum dang /phyi rol gyi lus la 'khor lo gsum gyi lha bkod la bsgom pa ni sgrub pa'o/ /sgrub pa chen po ye shes sems dpa' spyan drangs la mchod pa dang gnyis su med par ro gcig par bsgom pa dang / bdud rtsi myangs pa'i rjes la nang par sangs rgyas spyan dang / kha sbyar gyi dga' ba bzhi bsgom/nyi phyed la mA ma kI dang kha sbyar ba dga' ba bzhi bsgom/ srod la gos dkar mo dang kha sbyar ba'i dga' ba bzhi bsgom/ mtshan phyed na sgrol ma dang kha sbyar ba'i dga' ba bzhi bsgom/ skya rengs shar khar stong nyid kyis rgyas btab nas cha med 'dus ma byas bsgom/ cha bcas sgyu ma lta bu rdo rje sems dpa' cha med 'dus ma byas 'od gsal ba rdzogs rim bsgoms la/ bskyed rim bsgom pa ni/ ye shes kyi bzlas pa dpral bar sku'i 'khor lo/ /lkog mar gsung gi 'khor lo/ snying gar thugs kyi 'khor lo/ /nu ma'i bar du ye shes kyi 'khor lo/ lte bar dam tshig gi 'khor lo/ phyi rol gyi lus kyi dkyil 'khor dang drug gi spro bsdu bsgom sngags go sla'o/ /rdzogs pa'i rim pa bsgom pa ni/ sdig pa dag par byed/ bsod nams che/ dge bas zag bcas kyi nyes pa 'joms/ sdug bsngal 'joms/ bde ba ster/ sngags kun ston sangs rgyas bskyed/mkha' 'gro ma kun 'byung shin tu dag pa'i sa bcu'i sems dpa' 'byung / de'i thabs lha mo bzhi las skyes pa'i dga' ba dang / mchog dga' bde ba rigs kyi dga' ba lhan cig skyes dga' rang 'byung bde ba chen po rdo rje sems dpa' yin no/ /le'u drug cu rtsa bzhi pa'i 'grel pa'o// //mngon spyod kyi rdo rje 'jigs byed bsgom pa ni/ de nas rnal 'byor mchog bshad pa/ /zhes bya ba gsungs te/ las dang nyon mongs pa'i gdug pa zad par byed pa dang phyi'i bgegs stong phrag brgyad cu nang gi nad bzhi brgya rtsa bzhi'i sdug bsngal 'joms pa la dgos pa'o/ / sngon 'gro lnga dang 'byung ba bzhi ri rab sna tshogs rdo rjer gyur pa las stong pa nam mkha'i dbus su gzhal yas khang de'i dbus su yi ge k+Sha yongs su gyur pa las rdo rje 'jigs byed zhal gcig phyag gnyis pa bsgom pa ni go sla'o/ /gang zag sus bsgom zhe na/ stong pa nyid kyi blo can 'jigs pa spangs pa rnam par rtog pa bcom pa tshad med pa dang ldan pa 'du 'dzi spangs pa'i rten gyi gang zag gis bsgom mo//gnas gang du bsgom zhe na/ shin tu bgrod dka'i dur khrod ces pa go sla'o/ /yang na zhal bzhi phyag brgyad pa'i zhal dbus ma sngo ba/ g.yas dkar ba g.yon dmar ba/steng ser ba/ phyag dang po rdo rje dang dril bu/ rdo rje dang thod pa mdung dang cang te'u/ mgo bo dang gri gug thogs pa'o/ yang na ma he'i gdong can zhal dgu phyag sum cu rtsa bzhi pa bsgom mo/ /ma he'i gdong can ni phyag sum cu rtsa bzhis sna tshogs pa'i mtshon cha bsnams pa ma he'i zhal gyi ljags bskyod pa/zhal lhag ma brgyad kyis ha ha hi hi hUM hUM phaT phaT brgyad sgrogs pa dang / dpa' bo gcig pu 'od zer 'phros pas 'jigs par mdzad pa phyogs skyong ba brgyad dang chung ma mkha' 'gro ma brgyad gdul dka' thams cad 'dul bar mdzad pa ye shes sems dpa' bcug go cha bskon dbang bskur sgom pa'i tshe sku gsung thugs kyi khro bo spro dam tshig gi spro bsdu byas nas bzlas/phan yon ni khams gsum gyi sdig pa za ba dang / mtshams med pa lnga byed pa za ba dang / sdug bsngal srid pa sbyong / bklags pas 'grub pa yin no/ /las la sbyor ba'i tshe na gdug pa can dang gnod pa can gyi ling+ga byas la/sangs rgyas kyi sprul pa pho nya spros nas ma rungs pa bkug nas/ ming dang bcas pa'i sngags bzla zhing sha lnga bdud rtsi lnga za zhing gcer bu skra grol ba lus kyi spyod pa lcags kyu dang zhags pa lag pas bzung nas sngags khri phrag stong bzlas na khams gsum po yang gsod par 'gyur ro//yang na mkha' 'gro ma sum cu rtsa drug 'khor gyis bskor bar bsams la thams cad kyang rdo rje mkha' 'gro'i khro bo dgra bo'i snying du zhugs nas snying dang rgyu ma la sogs pa drangs nas za bar byed par bsams nas zhag bdun gyi nyi ma phyed dang mtshan phyed na kha lhor bltas nas tsher ma can gyi me la hUM phaT raM raM zhes bya ba'i sngags zlos shing /mar ngo'i bcu bzhi la sbyin sreg byas na rdo rje 'dzin pa brgya byin yang 'chi bar 'gyur ro/ /rang la 'bangs byas skyabs su song na 'o ma can gyi shing la zhi ba'i sbyin sreg bya ba ni go sla'o//le'u drug cu rtsa lnga pa'i 'grel pa'o// //gal te tshe 'di la bsnyen pa byas kyang ma grub na rten 'brel gyi mthu skye ba bdun pa'i shas 'grub par 'gyur te/ de nas yang dag bshad bya ba/ /zhes bya ba smos so/ /skye ba bdun pa'i mtshan nyid ni/ lha'i gzugs can ni rtags dang po'o//snyan par smra ba gnyis pa/ gsum pa bde bar gshegs la dga' ba/ bzhi pa skra ring pa/ lnga pa mig dkyus ring ba/ drug pa mig pad+ma lta bu/ bdun pa rdul dri zhim pa dang / brgyad pa glang po'i dri yod pa/ dgu pa ga bur gyi dri yod pa/ bcu pa bshang gci gla rtsi'i dri yod pa/ bcu gcig pa tshig 'jam pa/ bcu gnyis pa lag pa rkang pa 'jam pa/ bcu gsum pa ut+pala'i dri yod pa/ bcu bzhi pa skra dkar dang gnyer ma med pa/ bco lnga pa lus mdangs dang ldan pa/ bcu drug pa snying dang klad pa ni gi'u wang yod pa/ bcu bdun pa grib ma bdun yod pa/ bco brgyad pa ngang pa'i 'gros su 'gro ba/bcu dgu pa snying rje can/ nyi shu pa dkon mchog gsum la dad pa/ rtags nyi shu rtsa gcig pa pha rol du phyin pa drug dang ldan pa de lta bu rnal 'byor pas rtogs na/ de la phyi rtags dus ma yin par 'chi ba brgyad kyis mi tshugs seng ge dang stag dang spyang kis mi za des mtshan mo mthong la nyin mo mi snang /de lta bu rtogs nas khyod grongs na bdag la khyed kyi lus sbyin par mdzad du gsol zhes blang bar bya'o/ /de nas rnal 'byor pas bdud rtsi lnga lcags gsum gyis dkris pa khar bcug nas yab yum gyi snying po lhar bskyed dbang po sbyangs nas nye ba'i snying po 'bum bzlas na de 'chi ba'i tshe ro lag tu byin nas mi 'khrugs pa'i zhing khams su skye'o//de nas dben pa'i gnas su khyer nas bdud rtsi'i bsgrub pa byas na dngos grub thams cad 'byung bar 'gyur ro/ /skye ba bdun skra dang dud 'gro'i spu bsres nas srad bu byas nas mgul du bcings na de'i gzugs su 'gyur ro zhes bya ba nas/de'i gi wang zos na lus 'dir rang dang lhan cig tu khams gsum gyi rgyal por 'gyur ro zhes bya ba las tshogs lnga bcu pa yin no/ /le'u drug cu rtsa drug pa'i 'grel pa'o// //rtsa ba'i rgyud rnams las zhi khro tshang bar 'gyur ba'i phyir/zhi ba'i lha gang dang gang yin shes par bya ba dang de la mos pa'i ched du zhi ba sgyu 'phrul dra ba'i dkyil 'khor ston pa ni/ de nas gzhan yang bshad bya ba/ /zhes bya ba smos te/ gong du bstan pa'i cho gas sngon 'gro lnga dang / 'byung ba bzhi ri rab sna tshogs rdo rjer gyur pa las gzhal yas khang gi dbus su rang gi chos kyi dbyings kyi yi ge las drod gsher skyes kyi lha bdag med pa'i chos kyi snang ba bsgom mo//de ltar mdor bstan nas rgyas par bshad pa ni/ rang gi chos kyi yi ge hUM las ye shes las skyes pa'i chos kyi lus su 'gyur/ he las ni 'bras bu'i he ru kar bsgom mo//hi las tshogs pa bsgom mo/ hUM las srung ba'i 'khor lo'i tshe rdo rje hUM mdzad du bsgom mo/ /hUM las ni tshogs sogs pa'i lha mi bskyod pa bsgom mo/ /baM las ni gtso bo rdo rje sems dpa' bsgom mo/ /shar sangs rgyas mkha' 'gro/ /sku gsung thugs ye shes kyi yi ge dang bzhi las skyes so//lhor rin chen mkha' 'gro yang yi ge bzhi las skyes/ nub pad+ma'i mkha' 'gro yang yi ge bzhi las skyes/ byang las kyi mkha' 'gro yang sku gsung thugs ye shes bzhi las skyes so/ /yum lnga ni ming mtshan gyi dang po yi ge re re las skyes so//bcom ldan 'das kyi sku gsung thugs kyi yi ge he ru ka dang / maM bzhi las skyes so/ /thod pa'i dum bu la sogs pa sgyu 'phrul dra ba dang sbyar na 'jam pa'i rdo rje la sogs pa'i sems dpa'i ming ni go sla'o/ /lha mo rab gtum ma la sogs pa rdo rje pho nya mo zhes bya ba nas rdo rje 'jigs pa zhes bya ba'i bar du sngon grub pa'i dpa' bo dang /lha mo'i oM bar du ming tha mar hUM phaT swA hA dang bcas pa snying po de nyid kyis dngos grub stsol lo/ /khwa gdong ma la sogs pa brgyad ni gshin rje gshed la sogs pa'i khro bo brgyad yin te/ dkar mo la sogs pa'i lha mo brgyad dang gnyis su med pa sgo dang mtshams kha sbyar gyis gzhug pa thog mar oM bar du ming tha mar hUM phaT swA hA dang bcas pa'i snying po yin no//mtshams kyi gzugs rdo rje mas shar lho'i bum pa gzung / sgra rdo rje mas lho nub kyi bum pa gzung / dri rdo rje mas nub byang gi bum pa gzung / ro rdo rje mas byang shar gyi bum pa gzung / reg rdo rje mas gtso bo rdo rje sems dpa' gzung / yum chos kyi dbyings lngas thabs ye shes lnga gzung ba yin no/ /las kyi rgyal mchog ni go cha bskon ye shes sems dpa' gzhug/ /dbang bskur bdud rtsi myang / bsgom pa dang bzlas pa bya'o/ /de'i don ni/ ye shes sems dpa' gnyis med gzhug//rnal 'byor rgyud kyi rjes 'brangs nas/ /rnal 'byor ma dbang rtogs par bya/ /zhes pa yin no/ /rgyud 'bum pa rig pa'i rgya mtsho zhes grags pa de la dpa' bo rnams rgyas par bshad pa/ rtsa ba'i rgyud 'dir bsdus pa yin no/ /gzhung lugs sna tshogs bzang po 'di la bshad pa'i rgyud bzhi yod de/rdo rje mkha' 'gro dang sgyu ma bde mchog dang / rnal 'byor ma 'byung ba'i rgyud dang gsang ba'i rgyud do/ /nges brjod bla ma rgyud de dag gis rtsa ba'i rgyud kyi man ngag sems can bsam pa'i khyad par gang la mos pa rjes su gzung ba'i phyir/ gzhung lugs sna tshogs kyi man ngag gis sangs rgyas kyi byang chub ster ro//dbus kyi 'khor lo la rigs lnga yab yum bcu thugs rdo rje phreng bas bskor/ gsung pad+ma'i phreng bas bskor/ sku 'khor lo'i phreng bas bskor ba'i rigs lnga dang byang chub sems dpa' du ma dang / khro bo brgyad dang / dkar mo la sogs pa brgyad kyis phyogs skyong brgyad mnan nas 'khor gyi mchog dang sgo dang mtshams su dgod par bya'o//sku mdog dang phyag mtshan rgyud na gsal bas go sla'o/ /nyan thos dang rang rgyal ba'i sangs rgyas dang mu stegs can la gsang ba dang / mchod pa dang bstod pa gtor ma gtang ba bla ma'i zhal nas sam/rmi lam du rnal 'byor ma'i drin gyis bstan nas/ lha rnams kyi rnam dag sum cu rtsa drug bsgom pa dang / gnas bcu sa bcu dang / pha rol tu phyin pa bcu rtogs pa dang / dang po sbyor ba dkyil 'khor rgyal mchog las rgyal mchog gi sbyor ba gsum/ rnam par dag pa'i don dri ma med pa'i mchog bsgom pa ni mjug gi sdom pa yin no//le'u drug cu rtsa bdun pa'i 'grel pa'o// //da ni/ rgyal ba'i dkyil 'khor mchog tu bshad bya ba/ /zhes bya ba smos te/ bdag nyid bsgom pa'i go cha'i rim pa zhes bya ba ni/ sngon 'gro lnga dang 'byung ba bzhi ri rab sna tshogs rdo rjer gyur pa las gzhal yas khang de'i nang du so sor 'brang ma'i gzungs las 'byung ba bzhin du/gtso bo zhal lnga pa phyag sum cu rtsa gnyis la/ 'khor gyi lha mo mA ma kI dang / spyan ma dang / sgrol ma dang / gos dkar mo dang / 'od zer can dang /rmug 'dzin ma dang / skul byed ma dang / sa 'dzin ma dang brgyad ni zhal bzhi phyag bcu gnyis pa gtso bo rdo rje'i skyil mo krung / 'khor sems dpa'i skyil mo krung gis bzhugs par bsgom mo/ /yang na rang gi ming las byung ba'i khro bo brgyad shar sngo lho ser/ nub dmar byang ljang / shar lho gnag /lho nub dkar/ /nub byang ser/ byang shar sngo ba sna tshogs pa'i gzugs can ma zhal gcig phyag gnyis pa khro ba'i mchog 'byung po 'dul byed ni dbus su mig sman sngon po'i mdog can rdo rje dang sdigs mdzub na bza' sngon po stag gi pags pa'i sham thabs can sbrul gyis brgyan pa mnyam par ma bzhag pa'i tshe yang zhal gcig phyag gnyis pa bsgom par bya'o//phra ba nang gi rdo rje can bsgom pa ni snying ga'i nu ma'i bar du khro bo dgu/ gnas gsum du 'khor lo gsum gyi lhas 'gro ba gsum po dag par byas pa ni mchod pa dang po'o/ /gang gi rdo rje'i sbyor bas 'dod pa'i yon tan lnga'i rdo rjes mchod pa ni gnyis pa'o//mchod pa lnga me tog dang bdug pa la sogs pas mchod pa ni gsum pa'o/ /stong pa nyid bzhi yum bzhi mnyam pa nyid kyi mchod pa ni bzhi pa'o/ /ye shes sems dpa' gzhug pa dang / go cha bgo ba dang / dbang bskur ba dang / bdud rtsi myang ba dang / gtor ma gtang ba ni kha bskang ngo / /le'u drug cu rtsa brgyad pa'i 'grel pa'o// //lha'i 'khor lo sngar bshad pa rgyud 'bum pa las sngags dang de nyid rgyas par bstan/ rgyud 'dir mdor bstan pa'i lha'i 'khor lo ni don dam pa ma yin/gal te don dam pa'i shes pa skyes na ston pa po dang bstan pa lha'i 'khor lo yang med do/ /'o na su'i don du bstan zhe na/ 'khor ba 'dir sgyu ma sdug bsngal can gyis skyes pa la lha nyi shu rtsa bzhi'i 'khor lo gnas dang bcas pa sgyu ma can bstan pa don dam pa'i bden par ni ma yin no//gal te don dam par med na lha'i 'khor lo 'khrul pas ci zhig bya/ 'on te don dam pa'i ye shes la rnam pa lha'i 'khor lo yod na 'khrul pa ci yod ce na/ gnas dang nye ba'i gnas la sogs pas sgyu ma sdug bsngal can spangs nas sgyu ma bde ba dri ma med par 'gyur ro/ / yang don dam pa'i bsgom pa mi nus pa 'dod pa'i yon tan lnga la bag med par spyod pa'i mi la thams cad lha'i 'khor lo byas nas gnas 'di bsgrags par bya'o/ /ngas dkyil 'khor gyi 'khor lo du ma bshad pa ni/ sems can bsam pa sna tshogs yod pas bsam gtan gyi bde bar bsgom pa'i phyir lha'i 'khor lo bshad do//rnal 'byor pa phyi rol gyi zhing rmo ba dang / tshong bya ba dang / phyugs bskyang ba dang / spyod lam rnam bzhi sdug bsngal bas khams zad par 'gyur ba la de spangs nas snod kyi 'jig rten gzhal yas khang 'gro ba rigs drug lha'i 'khor lo 'dod pa'i yon tan lngas mchod pa'i rol pas gnas pa'i rnal 'byor can/de la sangs rgyas kyi spyan lngas gzigs nas ci 'dod pa'i dngos grub mtha' yas pa'i dngos grub stsol lo/ /don dam par med kyang kun rdzob tu bsod nams kyi tshogs bsgom pa bshad nas/ brtan pa thob pa'i rnal 'byor pa des rje btsun gyi ye shes la 'bad de bsgrub par bya'o//ji ltar bya zhe na/ lha sna tshogs kyi mdzad pa dang ldan pa'i lus po lha'i cha byad bya/ gang yang rung ba'i kha zas bdud rtsir bsam/ nyal ba gcer bu'am ma nyal ba gos dang bcas pa rang gi lha'i rnam pa'i nga rgyal bya/lkugs pa bzhin du mi smra bar bzlas pa byas na zla drug gis lha gang 'dod pa gsal bar 'gyur ro/ /de ltar dkyil 'khor thams cad kyi spyod pa dang brtul zhugs bshad nas/ phan yon gyi mngon par shes pa skyes nas pad+ma'i rdzing bu lta bu'i rnal 'byor pa la dpa' bo dang rnal 'byor ma rnams ngang pa'i tshogs bzhin du 'du ba dang /yid mig 'phrul mkhan sgyu mkhan ltar 'gro ba'i don byed pa'i rdo rje 'dzin pa 'khor dang bcas pa mngon sum du mthong bar the tshom med do/ /phan yon bshad nas/ gdams ngag ston pa ni mngon par 'dod pa'i dkyil 'khor 'di la nges par sna gtad nas dad pa skad cig tsam bshad pa nyan pas sems dga' bar gyis shig ces gsol ba 'debs so//dkyil 'khor lnga bcu rtsa drug gi thams cad ldan pa'i tshe rdo rje drag po hUM mdzad kyi sbyor ba dang ldan pa'i snying gar sngags bkod pa la 'od zer lcags kyu lta bu'i sbyor bas lus kyi dkyil 'khor sngags la bsdus nas sngags chos kyi dbyings sems kyi 'khor lo chos kyi dbyings su brtag go//rang gi chos kyi yi ge go cha drug gis skye mched drug gzung 'dzin dang bral bar bsgom mo/ /ji ltar lha'i 'khor lo rtag pa'i snying gar bsdus nas/thun mtshams su zhal gcig phyag gnyis pa gzhan gyi gzugs su bsgom par bya'o/ /sems yid gti mug pa mos pa mtha' yas pa la gzugs sna tshogs su bstan par blta bar bya'o/ /le'u drug cu rtsa dgu pa'i 'grel pa'o// // rang bzhin med pa'i chos rnams zhes pa'i tshigs bcad gcig ni rgyud brjod bya'o/ /rgyud rdzogs pa yis sbyor ba yin/ /zhes pa tshigs bcad gcig gis ni rgyu'i rgyud la rjes su yi rangs shing bstod pa'o/ /sangs rgyas byang chub dka' drin mchog /ces pa'i tshigs bcad phyed ni thabs kyi rgyud la bstod pa'o//sgrub pa'i bla ma'i bla ma ste/ /zhes pa'i tshigs bcad gnyis ni 'bras bu'i rgyud la bstod pa'o/ /legs so rdo rje'i bla ma kun/ /zhes pa tshigs bcad gcig gis rgyud 'bum pa 'chad pa'i gtso bo dang 'khor la bstod pa'o/ /le'u bdun cu pa'i 'grel pa'o// // rtsa ba'i rgyud chen po man ngag thams cad mngon zhing nges par brjod pa'i rgyud kyi 'grel pa slob dpon shU raM ga badzras mdzad pa rdzogs so// //bcom ldan 'das bde mchog gi rgyud 'bum pa chen po'i gdams ngag de kho na nyid tshang bar bsdus pa man ngag thams cad kyi snying po nges par brjod pa'i rgyud bla ma'i yang bla ma zhes bya ba'i 'grel pa/bde mchog 'bum pa'i de kho na nyid nges par byed pa de kho na nyid kyi snying po zhes bya ba sgra bsgyur gyi lo tsA ba chen po 'phags pa shes rab kyis dz+nyA na shrI mi tra'i gsung ji lta ba bzhin du bsgyur ba'o// //

CLOSE WINDOW