CLOSE WINDOW

D1413
བོད་ཡིག

@##/ /rgya gar skad du/ shrI tsakra sam+ba ra tan+t+ra rA dza su ka ra ha sa muts+tsha nA ma br-it+ti/ bod skad du/ dpal 'khor lo sdom pa'i rgyud kyi rgyal po bde mchog bsdus pa zhes bya ba'i rnam par bshad pa/ dpal bde mchog 'khor lo la phyag 'tshal lo/ /dpal ldan gsang ba'i chos dbyings ngang las thugs rje tshad med byang chub sems kyi bdag nyid spros med las/ /rnam pa rnams brdzun dngos rnams rang sems sgyu mar ston pa las rab 'das gyur snying po chos kyi don//rgyal ba'i dgongs pa du ma dpal ldan he ru ka yi rgyud kun sdom pa rgya mtsho bla mar bsdus/ /sku lnga ye shes rang byung lhun grub rgyal ba de nyid la 'dud de gsal las 'byung don brjod bya//gang la blo gros can dag dam pa'i chos kyi don la dgos pa mthong nas 'jug byed de yi phyir/ /thog ma nyid du bla med 'bras bu 'thob byed don gyi dgos pa bsgrub pa nus pa khyad par can nyid de//de dag ston par 'gyur ba bde blag rtogs par bya phyir rjod byed 'jig rten dag tu bstan pa yin/ de la bdag dang gzhan don phun sum tshogs pa'i 'byung gnas yongs su dag pa grub pa 'dir bstan to/ /de yang 'dir chos thams cad la bdag med cing bla na med pa'i gnas/phyir mi ldog pa'i lam/ thun mong ma yin pa'i theg pa la blo rim gyis sbyangs pa sngon du 'gro bar bya ba ni/ yang dag par rdzogs pa'i sangs rgyas rnam pa thams cad mkhyen pas/'gro ba rnams kyi khams dang bsam pa dang bag la nyal la dgongs te/ chos kyi lam du ma bstan pa ni/ 'di nyid las kyang / mos pa du ma'i sems can la/ /spyod pa sna tshogs ston mdzad de/ /sna tshogs thabs kyis gdul bya la//thabs ni sna tshogs bstan pa yin/ /zhes pa'i don gyis rgya che ba'i lam bstan pa'o/ /zab pa ltar na/ thun mong ma yin pa'i gsang ba rdo rje theg pa la 'jug par 'dod pas/ phyi rol gyi dka' thub la sogs pa mtshan ma'i g.yeng ba can/nyan thos dang rang rgyal dag gi lam dang spyod pa dag las yang dag par grol ba/ lha dang mi la sogs pa 'jig rten gyi spyod yul las 'das pa/ srid pa dang zhi ba thams cad zil gyis gnon pa/ byang chub sems dpa'i lam/bslab pa gsum la slob cing mi gnas pa'i mya ngan las 'das pa thob par 'dod pa dag kyang / lam myur ba ma yin zhing bde ba chen po'i thabs gsang ba med de/ shes bya gnyen pos tha dad du rtog pa dang bral ba med pa'i phyir ro//de las mchog tu gyur pa ni/ gsang ba rdo rje theg pa la gnas pa'i bya ba dang spyod pa'i sgo nas kyang / rig sngags kyi rjes su gnang ba tsam la brten te/ bdag dang lha tha dad du lta ba can/ yongs su brtags pa/ mtshan bcas dmigs pa las grub pa'i don mngon du byed par 'dod pa'o//rnal 'byor gyi rgyud dag las ni rnam par bkod pa'i dkyil 'khor las/ chu dang cod pan la sogs pa'i rjes su gnang ba thob pas/ snang ba lha'i dkyil 'khor du lta zhing / rang rig ye shes kyi ting nge 'dzin la gnas te rig pa 'dzin pa thob par byed pa nyid du bstan to/ /chos thams cad la spros pa med cing rang bzhin gyis 'od gsal ba/ngo bo nyid kyis yongs su grub pa gsang ba'i dkyil 'khor chen por 'jug pa thabs dang shes rab dbyer med pa'i lam/ zag pa med pa'i bde ba chen po la 'jug cing gnas pa'i rnal 'byor pas/ bde ba chen po'i brtul zhugs kyi spyod pas blang dor med pa'i gnas rab tu mi gnas pa'i zung 'jug phyag rgya chen po sku bzhi ro mnyam mchog tu mi 'gyur ba'i yan lag dang ldan pa/mngon du byed pa ni rnal 'byor bla na med pa/ tshe gcig gis rdo rje 'chang gi go 'phang mngon du byed pa 'di nyid do/ /de ltar yang / mi shes rab rib kyis ldongs la//lam mchog gsang ba ston byed pa/ /bde ba kun gyi mchog gyur pa/ /dngos grub thams cad myur grub 'di/ /rdo rje sems dpa'i sprul pa las/ /rdo rje 'dzin pa nyid kyis gsung / /zhes pa'i don to/ /zab pa dang rgya che ba dbyer mi phyed pa'i don ni/ mnyam pa nyid du gnas pa'i don la//sangs rgyas rnams ni byon gyur ram/ /ma byon na yang rnam kun du/ /bsam gyis mi khyab chos nyid ni/ /'phel 'grib spangs pas gnas pa yin/ /zhes pa'i don to/ /'dir ni rnal 'byor gsang ba las/ thog mthar sbas pa kla klo'i skad/ /dzA saM pa tra Na ma su ka /tsa kra uSh+NI Sha sa ya/ /yo gi b+hi Shis ra li/ /e a ra li DA ki nI/ /ko sha tan+t+ra rut+ta ra/ /bi Da ma hA sa g+harni/ /de nyid spros med rin chen bde ba yis/ /kun dga'i tshig gis rnyog pa kun bral ba/ /ro mnyam lhan cig skyes pa mi 'gyur ba'i/ /mkha' dang mtshungs pa bde gshegs gnas thob pa'o//gsang ba dbyings las rab 'byam 'gyur med rtag pa bde ba'i 'byung gnas 'og min chos dbyings dang po nyid/ /zhing rnams rgya mtsho mtha' yas rten dang brten pa kun spyod gnas te mi gnas rang bzhin gnyis med bzhugs/ /zhing khams snying po dpal ldan dbang phyug chen po che ba stug po bkod pa'i pho brang bzhir gyur pa//'od zer las ni 'jig rten khams kun sna tshogs sems nyid snang ba'i yul gyur stong sum stong / /thabs dang shes rab dbyer med snying rje'i bdag nyid byang chub sems dpa' chen po brjod kyis mi lang dang / / rnal 'byor dbang phyug du ma dag dang mkha' 'gro bstan pa dkon mchog gsum gyi gzhir gyur bsil pa rnams/ /bde legs lha mi sa gsum spyod pa'i yul du rnam dag chos 'byung ba ni thugs rje can rnams kyi/ /theg pa'i tshul las phyi nang gsang ba rig 'dzin sde snod nyan rang sde dang byang chub sems dpa'i lam//zab dang rgya che snying po thog ma bar dang mthar ni rnam par gnas pa dgongs dang yang dag don/ /gsang 'dzin bdag po snang ba'i 'od gyur rdo rje snying po rdo rje chos te mchog gi sku mnga' las/ /dam pa dang po 'di nyid dus bzhi las kyang 'dir ni tshe gcig yon tan mngon byed rim pa lus sems la//dus rnams sbyong zhing rgyal ba bde mchog 'khor lor gsang chen gnyis med gnas 'dir yang dag thob byed pa'o/ /de la gsang ba chen po'i ye shes kyi 'byung gnas dkyil 'khor chen po mngon par 'byung ba/ /rnal 'byor rol pa'i 'khor lo lhan cig skyes pa'i dang las byang chub sems rdo rje de bzhin gshegs pa thams cad kyi sku gsung thugs rdo rje ro mnyam bde ba chen po'i snying bo//rdo rje dbyings dpal he ru ka /thabs dang shes rab gnyis su med pa'i ye shes mi 'gyur ba de nyid sangs rgyas thams cad kyi ting nge 'dzin rnam par dag pa/ rig pa mchog tu gyur pa'i khyab bdag /rgyun mi 'chad pa'i chos nyid de/ de nyid de bzhin gshegs pa thams cad kyi tshad med pa'i zhing khams las/ byang chub sems nam mkha' dang mnyam par byin gyis rlob pa rdo rjes chos kyi dbyings kyis klas par rab 'byam snang ba rnam par dag pa ye shes kyi dbang bskur ba ston par mdzad pa'o//e waM thabs dang shes rab de nyid mchog tu mi 'gyur gnyis med rnal 'byor phyag rgya chen po nyid/ /rten dang brten pa dkyil 'khor kun du thig le dus me kun+da nyi zla ye shes rigs bdag che/ /rab tu dgyes par ye shes rgya mtsho bde chen rab tu sdom pa rang 'byung phun sum tshogs par gnas//sangs rgyas byang chub sems tshogs lha mo rol pa bsam mi khyab par mkha' 'gro sa gsum kun du spyod/ /de las mngon par byang chub pa bla na med pa las ye shes kyi sku de bzhin gshegs pa 'jug pa dang gnas pa dang 'byung bar 'gyur ba ni/chos nyid de bzhin nyid kyi byang chub pa ni/ rang bzhin gyis spros pa med pa lhun grub stong pa nyid do/ /khyab cing gsal ba'i ngo bo mngon par byang chub pa ni/ dngos po med par dag cing gsal bar 'byung ba'i khyab bdag rdo rje'o/ /mi zad pa snang ba'i ye shes mngon par byang chub pa ni/mtshungs pa med pa'i snang ba 'od gsal ba'i mtshan nyid rtag tu mi 'gyur ba'i de bzhin nyid do/ /sgyu 'phrul mngon par byang chub pa ni/ kun du 'byung ba thogs pa med pa'i dus na rnam pa thams cad du 'gag pa med pa'o/ /yongs su dag pa chos dbyings mngon par byang chub pa ni tha dad par dmigs pa med pa'i ye shes kyi sku sangs rgyas thams cad byang chub kyi sems dus gsum thog mtha' kun du/dkyil 'khor chen po gsang ba'i bde ba chen po sku gsung thugs rdo rje dam tshig gi 'khor lor zhi ba dang khro bo'i sku sna tshogs su snang ba'o/ /de las 'dir ni dpal 'khor lo sdom pa'i rgyud nyid ston pa/de yang gzhan dag las khyad par du gyur pa yang / dus thams cad du ma byung 'byung bar mi 'gyur bas khyad par du gyur pa dang / sprul pa'i dkyil 'khor bzhugs pas na nus pa dang yon tan myur du thob pa'i phyir dang / dus yun ring po nas thugs rjes gzung bar mdzad pa dang /dus mthar nus pa mi nyams par thogs med du 'byung ba'i phyir dang / de bzhin gshegs pa thams cad rigs du ma bsdus pa'i bdag nyid dpal he ru kar gyur pa'i phyir khyad par du bstan to/ /de nyid gsang chen bla na med pa 'di nyid kyi thog mar gleng gzhi phun sum tshogs pa ji ltar bstan ce na/gnas gang du/ ston pa gang gis/ 'khor tshogs gang la/ dus nam gyi tshe/ chos tshul lam thabs ji ltar gsungs pa'i tshul la sgro 'dogs bcad pa ni/ bcom ldan rdo rje 'chang chen he ru kas/ /gsang ba bde ba chen po mchog gi gnas//dbang phyug chen po che ba'i zhing khams ni/ /rdo rje btsun mo'i chos dbyings 'byung gnas nyid/ /yon tan rdzogs pa rnam dag gnas mchog tu/ /de bzhin gshegs pa dpag med 'dus pa'i tshogs/ /phyir mi ldog pa'i sems dpa' chen po ni/ /rdo rje snying po rdo rje chos snang 'od//gsang ba'i mdzod 'dzin sdud pa por bcas la/ /ye shes 'od gsal lhan cig skyes pa nyid/ /bde mchog gsang ba ting 'dzin nyer dgongs mdzad/ /de las sa gsum 'jig rten don gyi phyir/ /ston pa bcom ldan sku bzhi dbyer med las/ /ri rab ri yi rtse mo ga la ba'i/ / khang brtsegs der ni dkyil 'khor 'khor lo ni/ /mngon par 'byung ba'i pho brang rin chen spras/ /bkod pa tshad med lha tshogs 'dus pa ni/ /bde gshegs rnams dang byang chub sems dpa' ni/ /rig ma lha mo'i tshogs kyis mchod par gyur/ /bcom ldan gar nyams ldan pas bzhugs par mdzad//khro rgyal nyi shu rtsa bzhi 'khor lor bkod/ /dpa' bo rnal 'byor ma tshogs mkha' 'gros bskor/ /rje btsun phyag na rdo rjes 'jig rten gyi/ /lha ni dbang phyug chen po u mar bcas/ /zhabs g.yas bskum pas u ma de ba brdzis/ /g.yon zhabs brkyang pas dbang phyug mnan par gyur//brtul nas gdan du mdzad pas gnas par gyur/ /de nyid phrin las dbang bsgyur gzhan yang ni/ /tshangs pa dbang po 'jug sel la sogs btul/ /gsang chen 'byung ba'i dus te gleng gzhi bstan/ /dkyil 'khor rgyal po mchog tu bstan pa'o/ /'dzam gling gnas su 'gro rnams don gyi phyir//mngon par byang chub tshul bstan bdud btul nas/ /bde bar gshegs pas phrin las stobs gzigs pas/ /d+ha na ka thA par pa thi zhes gling / /chags pa zad byed chos kyi 'byung gnas nyid/ /dkyil 'khor 'khor lor dpa' bo rnal 'byor ma//bye ba phrag ni brgyad cu la sogs pa/ /dpag med 'dus la gsang chen legs gsungs so/ /nyi shu rtsa bzhi gnas brgyad bcas par ni/ /drag po 'jigs byed 'khor dang bcas pa yang / /'jug cing dbang byas longs spyod thim par mdzad/ /'jug gnas gsang ba 'byung ldog gyur pa yis//'jigs byed mi bzad rngam pa nus pa mgon/ /sgra sgrogs glog 'gyu me 'bar nga ro can/ /ljon shing la gnas mgo brnyan can dang ni/ /mi'am yid 'phrog la sogs mtha' brgyad dang / /dur khrod gnas su 'dul bar mdzad pas ni/ /gdul bya'i ming ni 'dul byed la grags gyur//las rgyal mchog gi phrin las bstan pa'o/ /u rgyan gnas su in+d+ra bo d+hi yis/ /bde chen ye shes mchog tu zhus pa'i dus/ /skad cig gis ni dpal ldan rgyu skar gyi/ /dkyil 'khor chen por sde brgyad lha mir bcas/ /dbang du bsdus te rim pas 'jug pa ni//sgo bzhi nas drangs lha khyams gnas pa la/ /lha chen bzhi la sogs pa 'jug par mdzad/ /rgyal po in+d+ra bo d+hi 'khor bcas la/ /dbang bskur byin brlabs gsang chen bla med chos/ /lkog gyur dag tu rdo rje theg mchog gi /chos kyi 'khor lo bskor bar mdzad pa'o//phyi dus rim par lung bstan sdud pa pos/ /ri bo mchog rab byang shar lha gnas mchog /lcang lo can gyi pho brang chen por ni/ /rgyud rnams ma lus sems dpa' chen po'i tshogs/ /bye ba phrag ni dgu bcu rtsa drug sogs/ /'dus te rje btsun gsang ba'i bdag po la/ /gsol ba btab tshe 'di skad bdag thos zhes//rab tu gsungs pa gser gyi shog bu la/ /bai DUr+ya yi zhun mas yi ger bkod/ /de nas ma 'ongs dus la dgongs nas ni/ /u rgyan gnas su klu las gyur pa yi/ /mkha' 'gro'i tshogs la byin gyis brlabs nas su/ /d+harma g+hAdz+ha gsang ba'i chos kyi mdzod//dpal ldan rang 'byung pho brang gan+d+ho rir/ /mkha' 'gro dbang phyug mngon par dga' ma sogs/ /byin brlabs dbang bskur phyi rabs skal ldan la/ /rjes gnang nye bar gdams pa lung bstan pa'o/ /zhes rnal 'byor ma snying po'i rgyud las gsungs pa'i don to/ / de la thog mar rnam par bsdus pa'i don las/ /gsang ba lnga ldan du bstan pa dang / le'u so so'i don ji ltar bsdus pa gtan la dbab pas nges par rtogs par bya ba dang / yan lag gi tshig rnam par bshad pa bstan pa nyid do/ /dang po gsang pa lnga ldan du bstan pa la yang /dbye ba bstan pa ni/ gsang chen gyi gleng gzhi bstan pa dang / khyad par du gleng bslang ba'i don bla na med pa dang / thog mar mngon par 'byung ba'i gzhi lhun gyis grub pa'i snying po gsang ba bstan pa dang / lam grub byed kyi rim pa mthar 'byin cing yongs su rdzogs par 'gyur ba dang /'bras bu gsang ba'i phrin las mngon du bya ba'i don thun mong ma yin pa bstan pa'o/ /de la dang po gsang chen gyi gleng gzhi bstan pa la/ dang po gsang ba bsdus pa'i rgyud nye bar 'byung ba'i tshul ni/ de nas gsang ba bshad bya ba/ /mdor bsdus pa ste rgyas par min/ /bla ma las kyang bla ma ste//mkha' 'gro ma yi dra ba'i sdom/ /zhes pas bstan to/ /gsang ba mchog gi dgyes pa na/ /zhes pa nas/ mkha' 'gro dra ba'i sdom pa yin/ /bar gyis gleng gzhi phun sum tshogs pa bstan/ /sgra yi tshul las nges 'byung rnams/ /dam tshig spyod pa'i spyod yul yin//sbyor nyid cho ga'i ye shes ni/ /rgyud las gsungs pa mnyan par gyis/ /zhes pas khyad par du gleng bslang ba'i don bla na med pa bstan/ thog ma dbus mthar yang dag gnas/ /'jig rten gsum du rnyed dka' ba/ /shes rab thabs kyis kun sbyor ba/ /sngags bzlas bsam gtan la sogs ldan//zhes pas thog mar mngon par 'byung ba'i gzhi lhun grub kyi snying po gsang ba bstan pa'o/ /lam grub byed kyi gsang ba ni/ dpal he ru ka dang yang dag sbyor/ /'dod pa'i don kun sgrub byed yin/ /dbugs 'byin bar ma mchog dag dang / /ces pa nas/pho nyas lhan cig skyes dngos grub/ /ces pa'i bar gyis dang / yang ri sul tshang tshing zhes pa nas/ der ni dkyil 'khor bri bar bya/ /zhes pa'i bar gyis rdul tshon gyi dkyil 'khor sngon du 'gro bas dbang bskur ba ni/ dam tshig sdom gnas dkyil 'khor du/ /dbang bskur dngos grub thob par 'gyur//zhes bstan pa ni rtogs par byed pa dbang bskur ba bstan to/ /lam rim pa'i rnal 'byor bstan pa ni/mchog dang 'bring dang tha ma ste/ /yid ni nang du chud pa yis/ /'dod pa'i dngos grub bsgrub par bya/ /zhes pa dang / rnal 'byor pa nyid bsod nams mchog dag byed sdig pa 'jig byed pa//gsang sngags zlos pa'i bzlas brjod dang / /bsam gtan gyis ni 'grub par 'gyur/ /zhes pas bstan no/ /lam mthar 'byin par byed pa'i dam tshig bstan pa ni/ shin tu mnyam gzhag sgrub pa pos/ /dam tshig rtag tu bskyang bar bya/ / dam tshig nyams pas dkyil 'khor du/ /sngags pas dngos grub 'thob mi 'gyur/ /zhes pas bstan/ yang lam mthar 'byin par byed pa spyod pa'i chos bstan pa ni/ /rang rdzas thig le sangs rgyas dang / /byang chub sems dpa' mchod par bya/ /zhes pa nas/ the tshom med ces pa'i bar dang /sbrang rtsi zhes pa nas/ dngos grub rtag par thob par 'gyur/ /zhes pa'i bar gyis spros bcas spros med shin tu spros med kun spyod tshogs spyod rigs spyod phyogs las rnam par rgyal ba'i spyod pa dang / bde ba chen po'i lam phyag rgya bzhi ldan du grub pa'i gsang ba ni/mchod bzhi de bzhin rnal 'byor ma/ /zhes pa nas/ bcu drug char yang mi phod do/ /zhes pa'i bar gyis lam yongs su rdzogs par 'gyur ba bstan/ rigs ldan rnams ni mchod par bya/ /pho nyas lhan cig skyes dngos grub/ /ces pas rigs ldan ngos gzung ba/ rigs kyi dbye bsdu dang /de nyid dbang du bya bas mchod par bstan pa dang / de las grub pa'i khyad par bstan pa'o/ /gsang sngags zlos pa'i bzlas brjod dang / /bsam gtan gyis kyang 'grub par 'gyur/ /zhes pas bya ba las kyi tshogs rab 'byam 'grub pa phrin las thogs pa ba med par 'grub pa gnas skabs kyi 'bras bu bstan la/'bras bu gsang ba'i don mngon du bya ba ni/ 'di ni mi 'chi bcu phyed 'gyur/ /dngos grub thams cad 'jug byed yin/ /zhes pas bstan to/ /de la le'u dang por brjod bya rjod byed lam dang 'bras bu thams cad mdor bstan la/le'u gnyis pa nas brtsams te le'u lnga bcu pa'i bar du rgyas par bshad pas le'u so sor gtan la phab nas/ le'u lnga bcu rtsa gcig pas gzhung yongs su bsdu bar bstan pa'o/ /de dag la rgyu'i rgyud dang thabs kyi rgyud dang 'bras bu'i rgyud gsum du bsdus te/ de dag gis zab pa dang rgya che ba bla na med pa de kho na nyid ston pa don gyi rgyud do/ /rjod byed sgra'i rgyud ni/ gdul bya mi rigs kyi cha nas dang / dbang po rab 'bring tha ma mchog gi sgo nas dang / dus tshod kyi sgo nas dang / 'jig rten gyi lha chen po rnams gdul phyir bstan pa dang / 'dod khams kyi lha mi'i chags tshul gyi sgo nas kyang bstan pa las bya ba dang spyod pa/rnal 'byor dang / rnal 'byor bla na med pa'i rgyud rnams las/ 'di ni rnal 'byor bla ma'i rgyud du bstan te/ 'di la yang / bla med rnal 'byor chen po pha'i rgyud dang / rnal 'byor ma bla na med pa las/ de dag kyang rnal 'byor pa'i rgyud gtso bor skyes pa rnams 'dul zhing zhe sdang gi rnam par thar pa dang /yum rnams sbas pa'i tshul dang / thabs sgyu ma lta bu lam du gyur pas 'od gsal dang zung 'jug ston pa'o/ /rnal 'byor ma'i rgyud ni chags pa'i rnam thar rnam par dag pas rang sar dag par byed pa'i tshul dang / gtsor bud med rnams 'dul zhing yab sbas pa'i tshul dang /shes rab lhan cig skyes pa'i bde ba rtsa'i kun du spyod pa ston pas lam du byed pa'o/ /de dag kyang thabs shes rab gnyis med bde chen phyag rgya chen po thob par ni gnyis ka mtshungs pa nyid do/ /'dir ni dpal 'khor lo sdom pa'i rgyud de dang po nam mkha' dang mnyam pa chen po ste/de las shin tu bsdus pa 'di nyid du shes par bya'o/ /da ni le'u so so'i don ji ltar bsdu ba gtan la phab pas nges par rtogs par bya ba ni/ de yang le'u dang por gsang chen bla na med pa zab pa dang rgya che ba gnyis su med pa thams cad dpal he ru ka'i sku gsung thugs snying po rdo rje yang dag par bsdus pa nyid du bstan nas/le'u gnyis pa las ni/ thog mar dbang bskur dgos la de nyid kyi rdul tshon gyi dkyil 'khor du 'jug par bya ba'i cho ga le'u gnyis pa bstan/ chos 'byung gi dkyil 'khor du dbang gsang dbang dang / byang chub sems kyi dkyil 'khor du dbang gsum pa thob par byas pas le'u gsum pa bstan/don dam byang chub sems kyi dkyil 'khor du ye shes kyi de kho na nyid ston pas le'u bzhi pa bstan/ der lha mo rnams kyi mtshan sngags kyi don gsal bar bstan to/ /le'u lnga pa las rtsa sngags kyi las dngos btu ba dang /bdun par rgyan yan lag gi 'od gsal bar bstan/ bcom ldan 'das he ru ka'i snying po dang nye ba'i snying po dang / dpa' bo'i go cha btu ba le'u drug pas bstan/ yang dpal he ru ka'i snying po dang dpa' mo drug gi go cha'i sngags btu ba le'u brgyad pas bstan/ rtsa ba'i sngags kyi las tshogs le'u dgu pas bstan/le'u bcu pa 'bras bu mchog sku gsum dang rtsa ba'i sngags kyi phrin las le'u bcu par bstan/ dpal he ru ka'i snying po'i phrin las skye ba bdun pa'i dngos grub bsgrub pa le'u bcu gcig par bstan/ dpal he ru ka'i nye ba'i snying po'i las rab 'byam le'u bcu gnyis par bstan/dpa' bo'i go cha'i las tshogs le'u bcu gsum par bstan/ dpal he ru ka bong zhal gyi rnal 'byor dkyil 'khor gsang ba snying po'i phrin las le'u bcu bzhi par bstan/ brda'i khyad par gsang ba yi ge re re ba'i brda byed pa le'u bco lnga par bstan/rigs ldan ma'i mtshan nyid ngos gzung ba le'u bcu drug par rnal 'byor ma bdun gyis rgyas gdab pa bstan/ rnal 'byor ma rnams kyi rab tu byed pa'i khyad par thun mong ba dang mchog tu gyur pa'i dbye ba le'u bcu bdun par bshad do/ /khyad par du mkha' 'gro ma'i rigs kyi rnam par le'u bco brgyad par bstan/thugs rjes khyad par du gyur pa la ma'i rnam par 'gyur ba le'u bcu dgu par bstan/ brda lan dang bcas pa ston pa yan lag gi brda'i gsang ba le'u nyi shu bar bstan la lus brda'i kun du spyod pa le'u nyer gcig par ro/ /yang dag pa'i phyag rgyas gsang ba'i brda lan gyi byed pa ston pa le'u nyer gnyis pas bstan/rnal 'byor pa la rjes su chags pa'i bde ba ston pa'i mtshan ma bri bar byed pa le'u nyer gsum pas bstan/ ngag gi brda'i yi ge rab byed 'dus pa'i cho ga gsang ba le'u nyer bzhi pas bstan to/ /bcom ldan 'das kyi rtsa ba'i sngags gsal bar bstan pa le'u nyer lnga pa las gsungs pa dam tshig khyad par du bstan pa bsrung bya nges pa bstan pa le'u nyer drug par ro//pho nya dang gtsang sbra bsten pa dang / spros bcas kyis kun du spyod pa dang / rjes gzung bsdus pa dang / gtor ma 'bul ba le'u nyer bdun pas so/ /de kho na nyid dang ldan pa lam rim pa gnyis ka'i gsang spyod la 'jug pa le'u nyer brgyad pas bstan/ rigs ldan gyi khyad par las bde ba bsgrub cing dran pa nyer gzhag bstan pa dang / spyod pa'i dus nges pa dang bcas pa ston pa nus pa thob pa'i don ston pa le'u nyer dgu pas bstan/khams gsum rnam par rgyal ba'i dkyil 'khor du zhal bzhi pa'i sngags btu ba le'u sum cu pas bstan/ bza' ba'i dam tshig las dpa' bo'i snod dang ldan pas lag mchod rgyas par le'u so gcig pas bstan/ dngos grub myur du sgrub cing ro langs bsgrub pa dang /he ru ka mngal skyes kyi mngon rtogs le'u so gnyis par bstan/ steng 'og sgo'i bye brag gis phyag rgya bzhi ldan lam du byed pa le'u so gsum pas so/ /rim pa bzhi la gnas pa gtum mo 'bar 'dzag lam du gyur pa le'u so bzhi pas bstan/ gsang ba dpyid dang thig le'i rnal 'byor nyi zla gza' 'dzin du bcas pa le'u so lnga pas bstan/rang 'od kyi rnal 'byor ma dam tshig phyag rgya dang / bde ba gsang ba byang sems kyi mchod pa bstan pa le'u so drug pas bstan/ thun mong ma yin pa'i bde ba chen po bsgrub pa ye shes kyi phyag rgya dbang du bya ba le'u so bdun pas bstan/las dang po pa kun du bzang po dang / mgon po kun spyod dang / mnyam gzhag chen po dang / rig pa brtul zhugs kyi spyod pa le'u so brgyad pas bstan/ lhag pa'i lha zhal mthong du nye ba nas rdo rje'i gad mo brgyad kyis sad pa'i thabs le'u so dgu pas bstan/ 'gro ba gzhan don gtsor bya ba mi rigs lnga la sogs pa dbang du bya ba le'u bzhi bcu pas bstan/ phrin las thams cad las chen bcu gnyis su bsdu zhing nang la mchog tu gzhol bas 'grub pa dang / rigs kyi khyad par dang ldan pas gnas pa dang nye ba'i gnas la sogs par lhan cig skyes pa'i rnal 'byor ma rnams kyis sgrub pa po la dngos grub ster ba'i grub byed le'u zhe gcig pas bstan pa dang /dbang gsum pa'i lam gsang ba dang / gar gyi nyams dgu dang ldan pas gzugs dang las kyi gsang ba le'u zhe gnyis pas bstan/ rnal 'byor ma rnams kyis rjes su 'dzin pa dang /dpal he ru ka'i nye ba'i snying po'i phrin las rmi lam du byed cing skye ba brtag pa dang / nad zhi bar byed pa la sogs pas rten 'brel gyi che ba du ma ston pa le'u zhe gsum pas bstan/ dpal he ru ka'i nye ba'i snying po dang / rnal 'byor ma drug gis las kyi phrin las bstan pa le'u zhe bzhi pa las so//dpa' bo drug gi go cha'i las dbang du bya ba dang / ngag gi dbang phyug bsgrub pa ste le'u zhe lnga pas bstan/ ha lnga'i phrin las kha sbyar dbye zhing khrag dgug pa'i las zhe drug pas bstan to/ /rje btsun ma'i snying po'i phrin las rab 'byam rtsa sngags ring po'i byed las le'u zhe bdun par bstan pa'o//rje btsun ma'i gsang sngags grub pa'i dbang phyug tu bstan cing dkyil 'khor rgyas par bstan pa le'u zhe brgyad pa dang / skye ba bdun pa'i grub pa bstan pa le'u zhe dgu pa dang / sbyin sreg gi sgo nas 'gro ba dbang du byed pa dang / gnas la sogs pa'i dbang phyug bstan pa lnga bcu pa'o//mngon par rtogs pa bsdus pa'i byed pa dang / 'bras bu'i rgyud dang / rdzus skyes kyi rnal 'byor bstan pas gzhung nye bar bsdu ba le'u lnga bcu rtsa gcig pas bstan pa'o/ /da ni yan lag gi tshig don rnam par bshad pa las/ dang por rgyud don la 'jug pa'i chos kyi khyad par bla na med pa'i snying po bstan par bya ba ni/Ar+tha zhes pa'i sgras gang du bstan pa'i don phyin ci ma log pa yongs su gsal bar byed pa'i phyir/ de nas zhes pa snga ma'i rjes thogs su 'jug pa nyid kyis thog ma dang bar dang tha mar dge ba'i don bstan par bzhed pa'o/ /gsang ba ni dpal khyab bdag ye shes sku can gyis mchog tu mi 'gyur ba bde ba chen po'i ting nge 'dzin la snyoms par zhugs te/thabs dang shes rab snying rje dang stong pa ro mnyam bde chen dbyer med byang chub sems kyi de kho na nyid tshig don tha mi dad par 'byung ba de bshad bya ba zhes smos te/ zab pa rgya mtsho lta bu dang rgya che ba nam mkha' lta bu'i chos bla na med pa ro mnyam pa'i don to/ /rab tu byed pa bstan pa ni/ mdor bsdus pa ste rgyas par min zhes pas/ rab tu gsal zhing rnam par dag pa mtshungs pa med pa las/ gzhung nyung ngu'i rab byed spros pa las mdor bsdus pa yin zhing /dbang po rnon po mchog tu gyur pa'i skal pa can la bstan pa yin gyi rgyas par min pa/ dbang po dman pa'i spyod yul du ma gyur pas dbang po rtul po rnams kyis rtogs par dka' ba'i phyir snying po'i don rgyas pa kun la khyab cing chos nyid mi 'gyur ba'i phyag rgya chen po ston pa'o//de nas de nyid mchog gyur pa/ /snying po gsang ba bla na med/ /rgyal ba rgya mtsho'i dgongs pa che/ /nam mkha' mnyam pa gnyis med pa/ /gsal ba dri med bshad bya ste/ /don rgyas rab byed nyung ngu ste/ /sku gsung thugs dpal bde ba mchog /yang dag rnal 'byor dbang phyug mchog /phrin las nus pa dngos grub ster/ /mi phyed rdo rje mchog sgrub yin/ /zhes dra ba sdom pa las gsungs pa'i don to/ /de nyid 'byung ba'i gnas ye shes kyi sku bstan pa'i phyir/ he ru ka dpal yang dag sbyor/ /zhes smos te de bzhin gshegs pa thams cad kyi sku gsung thugs rdo rje las/ka kA ya badzra zhing khams rten dang brten par bcas pa thams cad sku yongs su rdzogs pa'i rang bzhin can sku rdo rje dang / ru ru ti bA ga badzra brjod du med pa chos nyid kyi ngang las gsung dbyangs mi 'gag pa rang 'byung gsung rdo rje dang / he he ha sa na dgyes pa chen por rol pa thugs rdo rje mi 'gyur ba gsang ba bde ba chen po'i ngo bo ye shes snying rje chen po dang dbyer mi phyed pa'i bdag nyid bde ba mnyam pa nyid yang dag sbyor ba sku lnga ye shes ro gcig lhan cig skyes par 'byung ba'o//phun sum tshogs pa'i 'bras bu myur du ster bar byed pa ni/ 'dod pa'i don kun sgrub byed yin/ / zhes smos te/ las dang dngos grub myur du thob par 'gyur ba ste/ rnal 'byor pa dbang po rnon pos tshe 'di nyid la dpal rdo rje 'chang gi go 'phang thob par 'gyur ba'i don to/ /de nyid gnas skabs dang mthar thug gi 'bras bu yon tan du ma sngon du byed ces pa'i tha tshig can no/ /rgyud thams cad las mchog tu gyur pa bstan pa'i phyir/bla ma las kyang bla ma ste/ /zhes pas/ rnal 'byor chen po bla ma'i rgyud thams cad las 'di nyid kla klo'i skad kyis smras pa nyid de/ kun las khyad par du 'phags pas bla ma mchog ste gsang chen phul du byung ba gong na med pa bde chen gsang ba mi 'gyur ba'o//de nyid la/ kun las mchog gyur bla na med/ /gnyis med rgyud kun las rgyal ba/ /dbang phyug gsum gtso bo ste/ /dra ba sdom par brjod pa yin/ /zhes pa'i don to/ /de nyid rdzu 'phrul tshad med pas lam gong nas gong du 'gro ba'i dbang phyug tu bstan pa ni/ mkha' 'gro ma yi dra ba sdom//zhes pas chos dbyings stong pa nyid kyi ngang du rig pa'i ye shes rang grol ba ste/ des rgyu thabs 'bras bu'i bar du 'brel par rgyun mi 'chad pas na/ 'dzin cing sdud par byed pas na dra ba lta bu ste/ de yang chos thams cad bde stong lhan cig skyes pa'i ngang du sdom pa nyid du bstan pa'o/ / de nyid la rnal 'byor ma mkha' 'gro rgya mtsho ltar na/ de nas de la gsang ba bshad/ /ces bya ba smos te/ lam tshol ba la zhugs pa dang / lam dman pa nyan thos dang rang rgyal ba'i theg pa la gnas pa las 'das pa/ theg pa chen po byang chub sems dpa'i theg pa las kyang mchog tu gyur pa bla na med pa/gsang ba las kyang shin tu ches gsang ba'i gsang ba chen po ste/ de nyid zab pa'i gsang ba sbas pa'i don dang / rgya che ba'i gsang bas rgyas btab cing khyab pa dang ldan pa/ gnyis su med pa'i gsang ba bde chen ye shes snying po de nyid bshad par bya ste/ 'di rtsa ba'i rgyud du nges pa gsang ba lnga ldan du ston pas/bshad pa'i rgyud du ma rnam par gsal bar bshad par rigs so/ /zhes bde blag tu rtogs par bya ba'i don to/ /mdor bsdus pa ni rjod par byed pa tshig tshogs nyung ngur gyur pa yin yang brjod bya'i don mi rgyas pa yang ma yin te/ gzhung tshogs nam mkha' dang mnyam pa chen po la ltos na rgyas par min zhes snying po bsdus pa gsal bar bstan pa'o//dpal he ru ka yang dag sbyor ni spyir na rigs la gnas pas sems bskyed gsum la gzhi dgod pas lam dang / 'bras bu byang chub chen po ste/ yang he'i sgra las drangs na/ he tu u pa g+ha ta sarba d+harmA zhes bya bas/chos thams cad rgyu dang bral bas mtshan ma med pa'i rnam par thar pa'i sgo ston pa'o/ /lus nyid ha'i sgra las drangs na/ ha na u pa tsa ya ta b+hi ra to sarba d+harmA zhes bya bas/ de nyid chos thams cad mnyam pa med pa yin pa na rnam par thar pa'i sgo stong pa nyid bstan/e byin pas/ e'i sgra las drangs pa yin na/ e bi da sha na b+hi ni ra sa g+ho ti sarba d+harmA zhes bya ba'i sgras chos thams cad mtshon pa dang bral bas rnam par thar pa'i sgo smon pa med pa nyid bstan to/ /yang ru zhes pa'i sgra las drangs na/ ru a srit+ti a ut+pa sarba d+harmA zhes byas pas chos thams cad brag ca'i sgra ltar rang grag brjod du med pa rnam thar stong pa nyid du ston to//lus nyid ra'i sgra las drangs na/ rasti saM yug nya sarba d+harmA zhes pas chos thams cad dgag sgrub med pas rnam thar mtshan ma med pa bstan/ ka zhes pas/ ka kA ya tsit+ta sarba d+harmA zhes chos tham thams cad ma skyes shing skye ba med pa/a kA ro mu khaM sarba d+harmA zhes pas rnam par thar pa smon pa med pa'i sgo nyid do/ /yang de dag sdud pa'i rang bzhin shrI ste gnyis su med pa'i ye shes shrI A+o dz+nyA na ste/ ye shes bde ba chen po bdag gzhan gnyis med kyi dpal phun sum tshogs pa ste mngon par 'du bya ba med pa nyid du bstan pa'o//yang dag sbyor ba bla na med pa'i bde ba la zag pa med pa'i gnas la sbyor ba gsang ba'o/ /tha mal sgo gsum rnam par dag pa lha'i rnal 'byor du sbyor ba nyid do/ /khyad par rnam thar sgo gsum skad cig ma dag pa'i tshul dang / sku gsung thugs bde chen mi 'gyur ba yang dag par sbyor ba brjod bya'i don la rjod byed sgra tsam du mtshon pas yang dag par sbyor ba mngon par 'dod pa'i don dgos pa khyad par can thob par byed pa ni/'dod pa'i don kun sgrub byed pa/ /zhes pas nus pa dang yon tan rig pa 'dzin pa'i dbang phyug chen po bsam gyis mi khyab pa mngon du 'gyur ba 'bras bu sku dang ye shes mtshungs pa med pa nyid du bstan pas gsang ba'o//bla ma ni sku gsum spyir thob cing mngon du bya ba lha'i rnal 'byor la/ de las kyang bla ma ste zhes ngo bo nyid bde ba chen po'i sku lam 'di la brten nas myur du thob pa'i don bstan pa yin no//mkha' 'gro ma ni rdo rje DA ki la sogs pa gnas gsum gyis bsdus pa'i chos nyid kyi ngang las ye shes nyid du 'byung ba'o/ /de'i dra ba sdom zhes lus sems kyi de kho na nyid kyi ngang du thabs shes rab dbyer med snying po rdo rje'i gnas su sdom pa nyid de/ de nas de la gsang chen bshad bya/sangs rgyas kun gyi snying po de nyid yan lag rgyas min ngo bo mi 'gyur ba/ /thabs dang shes rab gnyis med bde chen sdom pa yang dag dbyings dang ye shes 'du 'bral med par 'gyur/ /thun mong khyad par las dang dngos grub 'byung gnas bde blag nyid du myur du thob byed pa/ / gong nas gong du mchog 'gyur sdom pa chen po las kyang gsang ba bla med dus 'di nyid du rab 'byung ba/ rdo rje'i gnas 'di rgya mtsho ltar gyur mi phyed yul las brjod bya rjod byed dri med lam ni rnyed dka' ba'o/ /zhes DA ki gsang ba mdzod las gsungs pa'i don to/ /gsang ba ni lha'i 'khor lo yab yum rten dang brten par ldan pa bde chen du rol pa'o//bshad bya ba ni lha'i sku 'byung ba'i go rims nyid de/ /'og min du mngon par byang chub pa'i ye shes mngon du gyur pa'o/ /mdor bsdus pas ni rigs kyi dkyil 'khor gsang ba thams cad spro ba dang bsdu ba can no/ /rgyas par min zhes mdo dang rtog pa rgyud thams cad kyi rab byed bla na med pa sbas pa'o//dpal he ru ka yang dag sbyor ba/ rdo rje 'chang chos dbyings rdo rje ma dang dbyer med pas sku gsung thugs yon tan phrin las kyi 'khor lo nyid do/ /yang dag sbyor ni yab yum gnyis bsrubs pa las yum gyi chos 'byung du dkyil 'khor lha tshogs thams cad kyi sku grub par 'gyur ba'o//'dod pa'i don kun ni yab yum gnyis ka'i lus kyi gnas su snying po dang nye ba'i snying po bkod pa las 'byung ba'i bde ba chen po yon tan 'byung gnas su gyur pa'o/ /sgrub byed pa zhes pa ni lha mo dag gis tshad med pas bskul ba las bzhengs pa bstan pa'o//bla ma ni gtso bo he ru ka yab yum rgyan cha lugs gar gyi nyams dgu dang ldan pa yongs su rdzogs pa'o/ /de nyid las kyang bla ma ste/ /zhes pa thugs ka'i ye shes sems dpa' dang ldan pa'o/ /mkha' 'gro ma ni lha mo'i 'khor lo rigs bdun du gnas pa ma lus pa'o//dra ba'i sdom pa ni de dag gi rang bzhin ni sku gsung thugs ye shes rdo rje'i ngang du rigs thams cad 'dus pa'i tshul du sdom pa gsang ba'o/ /de kho na nyid ltar na/ gsang ba ni yi ge rtsa thig le chos nyid kyi rlung rnams rdo rje'i lus la gnas pa rnams so//bshad bya ba ni de kho na nyid bzhi ldan rnal 'byor gyi lam dang pho nya'i lam du byung ba bdag byin gyis brlabs pa dang / dkyil 'khor 'khor lo'i lam mo/ /mdor bsdus pa ste zhes pa lam lnga byang chub kyi phyogs kyi chos thams cad dkyil 'khor yongs rdzogs su bsdus pa nyid do//rgyas par min ni ming tshig yi ge tha snyad rab tu byed pa thams cad kyi spros pa rnam par bcad pa'o/ /he ru ka dpal ni rnam thar sgo gsum thabs shes rab dbyer med skad cig mar dag pa bde chen sa bcu gsum pa'i dbang phyug dus su//yang dag sbyor ni phyag rgya bzhi rim pa dang ldan pa bde chen du sbyor ba'o/ /'dod pa'i don kun ni rtsa'i 'khor lo rnams las ye shes yongs su dag pa kun 'dar du rlung sems 'dus pa'o/ /sgrub byed pa ni rlung dang rnam par shes pa bde chen dbyer med du lhan cig skyes pa'i ye shes nyid du bsgrub pa'o//bla ma ni rang bzhin lhan cig skyes pa/ de nyid las kyang bla ma ni zhu bde lhan cig skyes pa bde stong mchog mi 'gyur ba'o/ /mkha' 'gro ma ni 'od gsal ba'i ngang du sgyu ma lta bu'i rlung dang shes pa rnam par dag pa bstan/ drab sdom ni 'jig rten dang 'jig rten las 'das pa'i Da ki thams cad bde chen mchog tu mi 'gyur bar gnas pa'o//des rgyud la nges par 'jug pa'i khyad par snying po gsang ba'i thun mong ma yin pa'i rnam par gzhag pa bstan nas/ de ni gleng gzhi phun sum tshogs pa dngos sbas pa bla na med pa bstan pa ni/ ra h+ya s+ye ba ra me ra me/sarbA ta ma ni sa daSh+Thi Ta/ DA ki ni sha b+ha ba satwA ba/ badzra satwa su ka ra h+ya sa na/ ta R+Ya sat+yaM b+hu ba b+ha ga b+h+ya/ DA ki ni dz+wa la saM ba ra bA/ nA da ba nir+ya Na sarba ha sa ma ya car+ya t+ya tsa t+ya bA/ zhes gleng gzhi gsang ba bstan pa'o/ /yang de nyid brjod bya rjod byed dang dgos ched dang dgos pa'i dgos pa khyad par can 'brel ba dang bcas pa thun mong du bstan nas/de las dpal rdo rje 'chang chen pos gsang ba bla na med pa'i rgyud kyi dgongs pa phyi ma'i skye bo yang dag pa'i don myur du grub pa'i dbang phyug snying po bstan pa ni 'di lta ste/ de nas zhes smos te snga ma bstan pa nam mkha' dang mnyam pa las so//gsang ba ni phyi rol pa nas nyan thos dang rang rgyal ba dang / mtshan nyid kyi theg pa rnams dang / bya spyod rnal 'byor gyi rgyud man chad la ma grags pas de'i phyir ro/ /bshad par bya ba 'bum du mngon par brjod pa'i don dpal rdo rje rnal 'byor mas phyi rabs kyi gdul bya 'di la 'jug pa la dgongs pa 'di nyid gsang chen lam rgyu 'bras tshang la ma nor ba bstan pa'i phyir ro//mdor bsdus pa ste zhes pa tshig dang ming yi ge rab byed nyung ngu las/ zab pa dang rgya che ba rgyud gsum du ldan pa nyid las phyin ci ma log pa ste/ spros med rgyas par ston pa 'di ni dkyil 'khor du ma'i 'byung gnas/gzhung tshig mdor bsdus pa'i byed pa las rtogs par sla ba min/ rgyas par don gting dpag dka' ba bshad pa'i rgyud du mas nges par byin pa yin zhes pa'i tha tshig can no/ /gsang ba de kho na nyid ltar na/ rgyu'i gsang ba las sems can thams cad kyi rgyud la gnas pa de bzhin gshegs pa'i snying po rigs sa bon gyi tshul du gnas pas/lus ngag yid dri ma dang ma bral ba'i dus so/ /lam thabs ltar na gsang ba sku snang stong lha sku rnam pa gsal ba la 'khor lo lnga rten dang brten pa ma 'dres la yongs su rdzogs pas/yang dag sbyor ba lha'i de kho na nyid kyi nga rgyal dang ldan pa'o/ /gsung sgra grag stong sngags rgyun mi 'chad par sangs rgyas kyi gsung du sbyor bas dri ma med pa'i dbyings su sbyor bas so/ /thugs bde stong gnyis med du sbyor bas rtog pa thams cad dag pa na yang dag pa ste mi 'gyur ba'i rdo rje'o//'bras bu ltar na sku lnga ngo bo gcig ldog pa tha dad du bstan pas gsang ba he ru ka dpal/ ye shes lnga gnyis med bde chen du rdzogs pas gsang chen de kho na nyid do/ /dpal he ru ka yang dag sbyor ba ni/ de ltar yang / shrI ni gnyis med ye shes te/ he ni rgyu tshogs stong pa nyid//ru ni rtog pa dang bral ba/ /ka ni gang du'ang mi gnas pa'i zhes gsungs pa'i don to/ /bde ba chen po'i cha ltar na/ A li kA li las gyur pa thabs shes rab gnyis med du yang dag sbyor ba/ bde ba dang sbyor ba ni dbus su nyi zla'i steng du hUM ni shrI ste ye shes lnga ldan du sbyor ba shin tu bde ba gsang ba zla ba kun rdzob/de nyid las dpal he ru ka yab yum du gyur pa/ bde ba chen po yab yum snyoms par zhugs pas lhan cig skyes pa mchog tu mi 'gyur ba'i bde ba ni bde ba bla na med pa'o/ /de nyid kyi ngang las snang ba sems su yang dag par sbyor ba dam tshig sems dpa'i gong bu las 'das pa/sems stong nyid spros med du sbyor ba ye shes sems dpa'i gong bu las 'das pa/ spros med ye shes su sbyor ba ste yi ge gong bu las 'das pa/ de nyid dbyings ye shes gnyis med du sbyor ba he ru ka dpal rnam thar sgo gsum gyi stong pa phyag rgya chen po bla ma bla na med pa'o//'dod pa'i don kun sgrub byed pa ni las dang dngos grub las/ las chen bcu gnyis phran tshegs 'jig rten pa'i dngos grub 'dod don la thun mong ba grub pa brgyad mkha' spyod dang bcas pa'o/ /yang mchog ni sku lnga ye shes lnga/dbang phyug brgyad dang bcas pa 'bras bu sa bcu gsum pa'i dbang phyug go/ /des rang dang gzhan gyi don kun ma lus pa phun sum tshogs par 'grub pa la/ bsgrub par bya ba/ sgrub par byed pa bsgrubs pas grub pa bla na med pa gsang chen du bstan pa'o/ /bla ma ni gu ru kar+ya gu ru ya pa ste/ngo bo ni dpal bde ba chen po'i ye shes lhan cig skyes pa kun khyab tu yod kyang lam du ma sbyangs pas sgrib pa can dbul mo'i gter lta bu la/ dam pas de nyid rigs kyi rtags las shes pa ltar lam du sbyangs pas gong nas gong du yon tan 'phel ba la bla ma zhes bya'o/ / de yang rgyud gzhan las yon tan byin rlabs bla na med pas khyad par du gyur pa bla ma las bla ma ste zhes mnyam zhing mtshungs pa med pa'i don to/ /rnam pa 'jig rten du grags pa'i dbang du byas na/ bla ma lha'i rgyud gzhan dang mtshungs la/ khyad par du gyur pa'i bla ma ni gsang chen 'di nyid snying po gang na med pa phul du byung ba ste/thog mar sprul pa'i dkyil 'khor ma bsdus pa'i phyir ro/ /mkha' 'gro ma ni DA d+ha ya a sa ma ste nam mkha' la rgyu ba ste/ ki yo gi ste rnal 'byor ma kun du spyod pa grub pa la/ DA ni nam mkha' 'gro ma zhes/ mkha' la mngon du btags pa ste/ nam mkha' kun du spyod grub pas/ /mkha' 'gro ma zhes brdar btags so/ /zhes pa'i don to/ /dra ba ni dngos po phra ba 'byin la rags pa 'dzin pa ste/ rgyu thabs 'bras bur 'brel pa can/ /sdom pa zhes pa dkyil 'khor phyi nang gsang ba gsum ma lus pa bde stong mchog tu sdom pa'o/ / des rgyud la nges par 'jug pa'i khyad par snying po gsang ba'i rim pa thun mong ma yin pa'i rnam par gzhag pa bstan nas/ da ni gleng gzhi phun sum tshogs pa dngos sbas pa bla na med pa bstan pa ni/ ra h+ya s+ya pa ra me ra me/ sarbA ta ma ni sa daSh+Thi Ta/ zhes pa la sogs pa'i don la/ gsang ba mchog gi dgyes pa nas//thams cad bdag nyid rtag tu bzhugs/ /mkha' 'gro kun dngos sems dpa' ni/ /rdo rje sems dpa' bde ba'i mchog /'di ni rang byung bcom ldan 'das/ /mkha' 'gro dra ba'i sdom pa yin/ /zhes pa'i don phun sum tshogs pa nyid ston pa'o/ / de la phun sum tshogs pa lnga ldan du ston pa'i phyir/ gsang ba mchog gi dgyes pa na/ /zhes smos te/ 'di ni gnas phun sum tshogs pa ste/ chos kyi dbyings kyi ye shes bde ba chen po'i 'byung gnas dkyil 'khor gsang ba bla na med pa 'byung ba rnam par dag pa nyid do/ /ston pa phun sum tshogs pa ni bcom ldan 'das zhes pa bdud bzhi bcom zhing legs pa'i yon tan thams cad dang ldan pa ste/srid pa dang zhi ba las 'das pa nyid du sku lnga dbyer med do/ /de nyid kyi ngo bo nyid gyi khyad par bla na med pa ste rdo rje bde stong dbyer mi phyed pa/ sems dpa' ni snying rje chen po ste dmigs pa med cing tshad med pa'i ye shes kyis rab tu rgyas pa'i bde ba'i mchog byang chub kyi sems mi 'gyur ba'i bdag nyid thabs shes rab gnyis su med pa sku gsung thugs rdo rje ro mnyam snying po rab tu mi gnas pa de bzhin nyid do//mkha' 'gro kun dngos ni 'khor phun sum tshogs pa nyid de/ye shes kyi ngang las 'gro ba'i don du spyod pa'i sangs rgyas dpag tu med pa dang / sems dpa' ni byang chub sems dpa' chen po'i tshogs du ma thams cad bdag nyid de rnal 'byor gyi dbang phyug chen po mtha' yas pa'i rgyal ba rgya mtsho dpag tu med pa bsam gyis mi khyab pa dang rtag tu bzhugs zhes kun kyang ye shes mchog tu mi 'gyur ba'i ngang du gnas pa la thabs cig tu bzhugs so zhes pa'i don to//'di ni rang byung zhes chos phun sum tshogs pa ste/ 'khor 'das thams cad lhan cig skyes pa'i rang bzhin bde stong gsang ba gnyis su med pa'i ye shes chen po nyid do//mkha' 'gro ma ni bde ba chen po stong pa nyid kyi dbyings la thugs rje mi zad pas kun du khyab par mdzad pa'i gar gyi cho 'phrul sna tshogs sgyu 'phrul dra ba dus dang rnam pa thams cad du kun du rol pa ston pa'o/ /yang dra ba'i sdom pa yin zhes smos pas/zab pa ye shes chen po dang rgya che ba dbyings kyi chos nyid pa/ /yul dang yul can gnyis med kyi ngang du ro mnyam par gyur pas dus phun sum tshogs pa bstan te/ bde stong gnyis med 'du 'bral med par 'gyur ba bstan pa'o/ /de nyid la/ zab dang rgya che rang gi ngo bo de nyid gzhan don snang ba phun sum tshogs pa phyi nang gsang ba de nyid do//gleng gzhi yul te mi 'gyur chos nyid bsam gyis mi khyab 'di ni phyag rgya chen po ro mnyam dpe med do/ /zhes pa'i don to/ /rgyud kyi gleng gzhi la dpal rdo rje phreng bar yi ge bzhi bcu'i sgo nas gsal bar byed pa las/'dir ni yi ge bcu drug gi sgo nas dpal rdo rje mkha' 'gro dang kha sbyor thig le las gtan la dbab pa ste/ ra ni mtshal chen po yi khams/ /h+ya ni ri las skyes pa ste/ /ri skyes zhes bya mgo skyes so/ /s+ya ni dri yi snod yin te/ /lus la dri ni ji lta ba'o/ /sa ni rlung du gsungs pa ste//ra ni dri nyid yin par bstan/ /yi ge me ni rtog pa ste/ /ra ni de bzhin lan tshwa'o/ /me ni sha chen por bstan to/ /sa ni rab tu sbyor ba nyid/ /rbAta ni mgo bor rab tu gsungs/ /ma ni lus kyi rkang yin no/ /ni ni dri yi mar khu'o/ /sa ni so dang sen mo ste/ /da ni rgya mtsho las skyes pa'o//Sh+Tha ni nam mkha'i snying po'o/ /Ta ni ga bur bstan pa'o/ /zhes gsungs pas khams bcu drug stong pa nyid rjes su dran pa bcud len du 'gyur ba bstan pa ste/ ra ni rang 'byung gi sih+la lo/ /h+ya ni skra'i mar khu'o/ /s+ya ni gsang ba'i sbubs sha'o/ /sa ni mi yi sngags pa'o//ra ni gzhi mnyam ma'o/ /me me ni sih+la phal pa'o/ /ra ni gla rtsi'o/ /me ni sha chen po'o/ /sa ni tshil chen po'o/ /rbAta ni go ro tsa na'o/ /ma ni rkang mar ro/ /ni ni gzhi mnyam mar khu'o/ /sa ni so dang sen mo'o/ /da ni glo ba'o/ /Sh+Thi ni mchil ma'o/ /Ta ta ni byang chub sems kyi thig le nyid do//Ta ha ta la gang las bskyod pa'i byang chub sems bde ba chen po'i haM las 'bab par 'gyur ba'o/ /de nyid Ta pa ya tu ta sa ma zhes byang sems bde ba dbu ma'i lam nas 'byung 'jug byed pa'o/ /Sh+Thi tha ka rir ni zhes pas bor ba ste spangs pa'i don/ Sh+Thi tha tha ka ni ri ni gnas gang du byang sems brtan par gnas pas mi 'gyur ba'i bde ba rdo rje nor bu brtan par gyis shig pa'o//d+ha ni d+hA ra ste gzungs bya ba lus kyi khams skyed par byed pas bde ba'i gnas yin no/ /da ha da ha zhes pa ni sreg par byed pa ste tsaN+Da lI ye shes kyi me 'bar bas nyon mongs pa bsregs pa'o//sa ma sa ma ya ni dam tshig ste/ sgo dgu nas byung ba'i bdud rtsi sten cig pa las khyad par du so dang sen mo'i dri ma spang du med pas/ sa sa mA pA d+hi zhes pa'i ting nge 'dzin gang srog rlung dbu mar tshud pas gnas par bya ba'i don to/ /ni ni ma la sna tshogs can gyi sri ba ste lus la zas khams sna tshogs su mar khu ltar 'phel ba ste zag pa bzhi mnyam mo//ni na ni b+ha yA zhes te las khams kyi bcud sna tshogs kyis gnyug ma'i shes pa ro mnyam zhes pa'o/ /ma ma hA b+ha na chen po'i chen po ste sha chen po'i rkang mar gyis stobs bskyed pa'o/ /ma ma b+ha d+hu b+ha ra na naM/khams dang sa ma'i cha las grub pa'i gzungs dag pa'i rigs pa skyed ces pa'o/ /rbAd ni ra kats+tsha ces glad rgyas nas khog pa'i bcud gnas pa drang ba'o/ /rbAd da nya ra kats+tsha zhes zla ba rgyas pa lta bu'i byang sems 'phel ba'i gnas nas bskyod pas ye shes bskyed pa'i don to//sa sa ha na bzhad pas dgyes pa ste mnyam pa nyid bskyed pa'o/ /sa sa mu dran bde ba'i phyag rgya lus la khyab pa til dang til mar lta bu'i byang sems mi nyams shing spel bar bya ba'o/ /me me g+ha te sprin lta bu'i shas lus g.yogs pa'i rnam pa/ me ya ma d+ha na gang du stobs kyi chas grub pa'i bde ba dang bral ba med pa'o//ra ra sa yA na zhes bcud kyis len mdangs sdud pa'o/ /ra ra sa yA na ste/ g.yon gyi cha'i kun du spyod pas bde stong gi nyams gong nas gong du 'phel ba'o/ /me ma ya e ki ste sgyu ma'i ye shes 'bar ba lte ba'i me'o/ /me ma ya na zhes pa bdag gi lus kyi rtsa mdud kyi sih+la 'phel bas mkha' 'gro dbang du bsdu bar 'gyur ba'o//ra ra b+hi na zhes pas gang du gzhi mnyam bdud rtsi gnas pas bsten pa'o/ /ra ra b+ha ya zhes gang yul snang brtan g.yo dang sa snyigs phyed pa la spyod pa'o/ /pa ba du su tsa zhes me tog ltar mdangs gsal ba'i pags pa ste gdong ngo //pa pu su tsa gang du mchod pa'i khyad par lnga dang ldan pa sgo lnga'i yul gyi rol pa'o/ /s+ya sa ya sdom pa sdud pa'i gnas kyi shas te 'og rlung steng du bskyod pa/ sha sa ya sa ha dz+ha ste rang bzhin gyi bde ba skyed pa'i gnas thur sel dag par bya ba'o/ / h+ya ha ri ma ni 'phrog pa'i ye shes bstan pa'i dbang phyug gi /sa ha ri zhes pa ni mgo skyes las byung ba'i mar gyi skra dkar dang gnyer ma 'joms pas rgas shing rgud pa sel ba'o/ /ra ni lak+Sha zhes 'dus pa'i nad kyis zag pa zad par byed pa ste rlung 'gog pa'i sbyor ba/ ra sa b+ha ya na mchog tu gyur pa'i sih+la kun khyab nyi ma stobs su gyur pa nyid de/yi ge gsang ba rtsa dang rlung / /byang sems bde ba'i rnam pa las/ /ra sa yA na bcud mchog 'gyur/ /'di ni mkha' 'gro bdud rtsi yin/ /zhes gsang ba mdzod las gsungs pa'i don to/ /'dir rgyu'i rgyu rang bzhin rten gyi gang zag dbang po'i rim pa bstan pa las 'dir ni ngos 'dzin pas rigs su nges pa dang ma nges pa'i bye brag las gsang ba zhes smos te/lus ngag yi ge yid kyi rnam shes thig le/ snying po chos nyid kyi rlung rnams sbas pa'i tshul du gnas pa la/ ma dag pa thun mong gi gang zag dbang po tha ma ste 'di ni rang 'byung zhes pa dang /rtag tu bzhugs zhes pa'i don la/ 'di nyid kyi le'u nyer bdun pa las/ lus sbyang ba la skyon med pa'i zhes pa dang / rab tu zhi zhing ngal ba thul/ /zhes pas sku gsung thugs gsang ba bstan pa nyid do/ /cung zad dag pa 'dres ma ste/ /thams cad bdag nyid ces pas mtshan nyid kyi chos la sogs pa theg pa chen po spyi dang bla med theg pa gzhan du sbyang ba ste/'dres pa gnyis dang ldan pa po/ /zhes pa dang / chags med gtor dang tshul khrims ldan/ /zhes pa'i don gyis dbang po 'bring la blo sbyang ba'o/ /dag pa'i gang zag ni mchog gi dgyes pa ste/las 'phro can skye ba du ma nas thugs rjes gzung ba ni/ mnyes byed rnam par dag pa dang / /zhes pa dang / ye shes rgyu skyes yang dag rdzogs/ /zhes nyer bdun pa las gsungs pa'i don to/ /dbang po mchog tu gyur pa'i blo sbyang ngo / /mkha' 'gro ni las dang sgrib pa myur du dag par byed pa las gsal ba'i ye shes can no//kun dngos sems dpa' ni/ /gsal byed yon tan ldan pa'i mi zhes le'u nyer drug pa las gsang chen bden gnyis dbyer med du blo sbyang ba la bslab pa'o/ /de la thog mar dbang bskur dgos pas na yon tan 'byung ba'i gnas ston pa ni/gsang ba zhes smos pas rdo rje mi bskyod pa chu rgyun gyis so/ /mchog ni rin chen 'byung ldan dbu rgyan cod pan dang ldan pas so/ /dgyes pa ni 'od dpag med rdo rje'i dbang ngo / /thams cad ni don yod rgyal po dus thams cad du chos kyi sgra sgrogs pa'o/ /bdag nyid ni rnam par snang mdzad ming dbang rdo rje dbyings so//rtag tu bzhugs ni rdo rje 'dzin pa bdag po bsdus pa rdo rje slob dpon du gyur pa'o/ /mkha' 'gro ni dam tshig gsum sbyin pa/ kun dngos ni lung bstan/ sems dpa' ni dbugs dbyung ngo / /rdo rje sems dpa' ni gsang dbang ngo //bde ba'i mchog ni shes rab ye shes so/ /'di ni rang byung ni phyag rgya chen po bzhi pa'o/ /bcom ldan ni dbang brtan par gyur pa'i nus pa khyad par dang ldan pa'o/ /dpa' ni bdag gzhan gyi don nus pa thogs med byang chub sems so/ / mkha' 'gro ni longs spyod rdzogs pa'i sku'o/ /dra ba ni sprul pa/ sdom pa ni chos sku/ sku gsum dbyer med ngo bo nyid bde ba chen po gsang ba'i skur sdom pa yin zhes lhun grub nyid du bstan pa'o/ /gsang ba'i dbang la bla ma yab yum la ste/ ra rak+ta sih+la/ ha haM las bab pa'i kun+da lta bu'i byang sems/ sa ma ni gsang ba mnyam par sbyar ba'i bdud rtsi 'bab pa'o/ /sa ra me ni pad+ma ste rig ma'i chos 'byung ngo / /ra rat+na ma ni zhes rdo rje nor bu las so/ /ra me sa ni mnyam sbyor te yab yum bde ba ste/ rbA ta dga' ba/ ma mchog dga'/ ni ni dga' bral/sA d+ha sgrub pa ste lhan cig skyes pa'i ye shes so/ /Sh+Thi ni bde ba/ Ta ta ni stong pa nyid kun 'dar du gnas pas bzhi pa rba rlabs bzhi pa'o/ /de ni rdul tshon rnam par bkod pa dang / lus dang chos 'byung dang / byang chub sems kyi dkyil 'khor du bzhugs pa bstan pa'o//DA ki ni sha b+ha ba satwa ba/badzra satwa su ka ra h+ya sa na/ tat+yA sat+yeM b+hu ba b+ha ga ba n+ya/ DA ki ni dz+wa la saM ba ra bA/ na ta ba nir+ya Na sarba ha/ sa ma ya tsar+ya ya tsar+ya bA zhes rim pa gnyis kyi lam khyad par du bstan pa la sgra'i tshul las zhes A li kA li'i yi ge las lha'i skur bstan pa ste/ ye shes skad cig las rnam pa yongs su rdzogs pa'i dkyil 'khor ro//nges 'byung rnams ni skye gnas bzhi sbyong byed las dkyil 'khor gyi 'khor lo'i rim pa'o/ /byin gyis brlab cing brtan par gyur pas so/ /dam tshig ni tha mal pa'i rtog pas mi gnas pa/ ye shes kyi cha las mi 'da' ba'o/ /spyod pa ni dam tshig gi dkyil 'khor dang /sems lus kyi dkyil 'khor du kun du spyod pa'o/ /spyod yul yin ni nang du ye shes kyi rtsa dang rlung thig les rol pa/ phyir brtan g.yo thams cad lhar gsal bas so/ /lam gyi chos rnam par bshad pa las/ lha'i rnal 'byor gyi sngon du 'gro ba dang / rnal 'byor dngos las dang po la/ rnal 'byor dang / bdag dang / gnas bsrung ba nas bsod nams kyi tshogs dang ye shes kyi tshogs sngon du 'gro ba'o/ /de yang 'byung bzhi rim brtsegs ri rab chen po'i bar du bskyed pa las/ gsang ba ni chos 'byung ste nam mkha'o/ /yang gsang ba ni sa'i dkyil 'khor ba lang gnas so/ / mchog chu'i dkyil 'khor steng lding ba/ /dgyes pa me'i dkyil 'khor skam/ /zhes so/ /thams cad ni rlung kun gyi srog ste rtsa zhes bya/ bdag nyid ni ri bo mchog rab ste rtag tu ni dus gsum rgyun du mi 'gyur ba rus sbal gyi brda'o/ /bzhugs pa ni b+hu~M las byung ba'i gzhal yas khang dkyil 'khor gyi 'khor lo mi phyed pa'o//lha'i 'khor lo nyid la/ dang po'i gtso bo yab yum mngon par byang chub pa lngas rgyu'i he ru ka bskyed pa ni/ gsang ba ni stong pa nyid/ mchog ni nyi ma/ dgyes pa zla ba thams cad ni A li kA li sa bon hUM baM ngo / /bdag nyid ni rdo rje dang thod pa las 'od spro ba dang bsdu ba can no//rtag tu ni sku yongs su rdzogs pa las byang chub pa'o/ /de nyid dpal he ru ka yab yum rgyan dang ldan pa bcas pa rnam pa ma lus pa yongs su rdzogs par bzhugs pa'o/ /mkha' 'gro yul gyi lha mo rnams kyi sa bon las sku 'byin pa dang sdud par mdzad pa 'jug par byed pa'i rnam pa'o//kun dngos ni lha'i tshom bu thub pa dang mes phye ba dag go/ /sems dpa' ni 'khor lo pa thams cad phyung ba'i dkyil 'khor du rnam par bkod pa'o/ /rdo rje sems dpa' ni gtso bo yab yum rjes su chags pa las zhu bar gyur pa'o/ /bde ba'i mchog ni lha mo'i tshad med pa'i glus bskul bas sa bon rdo rje pad+ma las 'bras bu'i he ru ka bzhengs par gyur pa'o//'di ni rang byung ni gtso bor lus kyi dkyil 'khor yongs su rdzogs pa'o/ /bcom ldan dpal ni byang chub kyi phyogs kyi chos sum cu rtsa bdun lha'i bdag nyid du bstan pa bla na med pa'o//mkha' 'gro ni dus dang yon tan dbang las gyur pa dag go/ /dra ba ni gtso bo dang 'khor du 'brel pas gzhan don du thugs rje tshad med pas skyong bar byed pa'o/ /sdom pa ni sems dpa' gsum 'das rim pa gnyis dbyer med du sdom pa yin no/ /sgra tshul ni/ sku gsung thugs byin gyis rlob cing go cha bgo ba'o//nges 'byung rnams ni ye shes sems dpa' spyan drangs nas gnyis su med par bya ba dang dbang bskur zhing rgyas gdab pa'o/ /dam tshig ni rig sngags bzlas pa/ spyod pa ni mchod pa/ spyod yul yin ni bdud rtsi myong ba thun nye bar bsdu ba dang bcas pa ste/de dag gis lam mngon par rtogs pa he ru ka mngal skyes kyi rim pa ste/ rdzus skyes rim pa yang de dang mtshungs par shes par bya ste/ spyir skye gnas bzhi 'gro ba sbyang bar bya ba'o/ /da ni rdzogs pa'i rim pa gsang ba'i de kho na nyid bstan pa las/ rim pa bzhi las rgyud kyi rim pa ni/gsang ba ni lte ba sprul pa'i 'khor lor rgyu mthun/ mchog ni snying gar rnam par smin pa/ dgyes pa ni mgrin par skyes bu byed pa/ spyi bor thams cad ni dbang du gyur pa dri ma med pa'i 'bras bu'o/ /bdag nyid ni smin mtshams su nus pa brtan par gyur pa mdzod spu'o/ /rtag tu bzhugs ni gsang ba bde skyong 'khor lor mi 'gyur ba'i ye shes so//mkha' 'gro ni rlung sems dbyer med kyi thig lo de rtsa kun 'dar du brgyud de 'khor lo de rnams su 'pho 'jug byed/ dra ba ni yul nyer bzhir rtsa gsum gyis bdun cu rtsa gnyis su 'gyur te/ de las stong phrag re rer 'gyur ba'i don to//sdom pa yan na e waM ma yA e waM/ a haM bde stong du sdom pa'o/ /mkha' 'gro ni rlung rgyu ba nyis brgya nyi shu rtsa lnga pa phrag bzhi las/ kun dngos ni ye shes kyi rlung rgyu ba bcu gcig dang bzhi cha byang chub sems dang ldan pa'o/ /rdo rje sems dpa' ni rtsa yi ge thig le dpa' bo rnal 'byor ma dbyer mi phyed pa'o//bde ba ni khams thig le don dam gnyis med do/ /mchog ni rten dang brten pa don dam dang kun rdzob khyab bya khyab byed do/ /'di ni thabs shes rab gnyis med dpal he ru ka rdo rje'o/ /rang byung ni ma bcos pa'i de bzhin nyid kyi gnas lugs so/ /bcom ldan dpal ni skal pa la dbang ba/dbang phyug la sogs pa dang ldan pa 'gro ba sa gsum la gnas pa sgrol bar byed pa'o/ /mkha' 'gro ni rigs bdun gyis bsdus pa'o/ /dra ba ni gnas la sogs par zhugs te thugs rjes gzhan don du 'brel pa/ sdom pa yin ni e waM du yang dag par 'khor lo rnams su'o//sngags kyi rim pa ltar na/ gsang ba ni a haM de tsaN+Da lI dang thig le'o/ /mchog gi ni ye shes drug pa'i rlung bde stong ngo / /dgyes pa ni 'bar 'dzag tu gyur pa'o/ /thams cad ni mnyam rjes med par/ rtag tu ni de nyid la dmigs pa gnad dang ldan pa/ bdag nyid ni rlung rig dbyer med grub ste gcig pa sku dang ye shes tha dad med pa/bzhugs pa ni kun 'dar gyi gnas mkha' dbyings rnam dag tu bde stong lhan cig skyes pa nyid do/ /mkha' 'gro ni rlung sems rtsa kun 'dar tsaN+Da lI gyen du'o/ /byang sems mar 'bab pa las/ kun dngos ni chos thams cad kyi ngo bo stong pa nyid bcu drug /sems dpa' ni snang ba sna tshogs pa ting nge 'dzin du dag pa'o/ /rdo rje ni bde ba mi shigs pa/ sems dpa' ni snying rje chen po/ /bde ba'i mchog ni dga' ba rnams las lhan cig skyes pa mtshan nyid med pa'i skad cig ma'o/ /'di ni ye shes don gyi rang bzhin no//rang byung ni bla ma brgyud pa'i byin rlabs las 'char ba'o/ /bcom ldan ni bdud tshogs rang bzhin gyis rnam par dag pa'o/ /dpa' ba ni gar gyi nyams dang ldan pas bdud kyi g.yul las rnam par rgyal ba'o/ /mkha' 'gro ni chos nyid kyi ngang du rang rig pa rnam par mi rtog pa'i ye shes nyid do/ / dra ba ni chos nyid mnyam gzhag dang bsam gtan las blta bar 'brel pa can no/ /sdom pa yin ni thabs shes rab gnyis med ye shes su bsdus pa'i don to/ /ye shes kyi rim pa ltar na gsang ba ni nyams bde ba/ mchog gis ni gsal ba/ dgyes pa ni mi rtog pa'o/ /thams cad ni bde gsal mi rtog pa tshogs pa gcig par gyur pa'o//bdag nyid ni ye shes kyi de kho na nyid gnas lugs kyi don to/ /rtag tu bzhugs ni rnal 'byor pa'i lus kyi dkyil 'khor du'o/ /mkha' 'gro ni 'jug pa kun rdzob kyi ye shes/ kun dngos ni ldog pa don dam pa'i ye shes/ sems dpa' ni bden gnyis dbyer med du gyur pa la'o//rdo rje ni stong pa nyid spros pa med pa/ sems dpa' ni gzhan don du byams snying rje so/ /bde ba'i mchog ni mi 'gyur bas rab tu mi gnas pa zung 'jug tshad med pa'o/ /'di ni rang byung ni ye shes lhun gyis grub pa'o/ /bcom ldan dpal ni bde ba'i ye shes chen po de nyid kun la khyab cing rten byed pa'i ye shes ngo bo nyid kyi sku'o//mkha' 'gro ni dus thams cad du de bzhin nyid kyi ngang las so/ /dra ba'i don phrin las bzhi la sogs pas gzhan don dang 'brel ba/ sdom pa yin ni 'khor lo lnga ldan shes rgyud gcig gis bsdus pas gnas pa bla na med pa'o//'bras bu gsang ba'i rim pa'i don ni/ gsang ba ni sku'i rigs kyi dkyil 'khor gyi gtso bo rnam snang bde mchog 'khor lo/ mchog gi ni yon tan gyi rigs kyi dkyil 'khor rin chen 'byung ldan bde mchog 'khor lo/ dgyes pa ni gsung gi rigs kyi dkyil 'khor gyi gtso bo 'od dpag med bde mchog 'khor lo/thams cad ni phrin las kyi rigs kyi dkyil 'khor gyi gtso bo rdo rje gdon mi za ba/ bde mchog bdag nyid ni rdo rje rigs kyi gtso bo mi bskyod pa bde mchog 'khor lo'o/ /rtag tu bzhugs ni rigs thams cad kyis bsdus pa ngo bo byang chub sems rdo rje dpal rdo rje 'chang chen po nyid do//mkha' 'gro ni longs spyod rdzogs pa'i sku/ kun dngos ni rnam par snang mdzad chen po nyid do/ /sems dpa' ni thub pa sprul pa'i sku'o/ /rdo rje ni chos sku/ sems dpa' ni sa chen po la gnas pa phyir mi ldog pa'i tshogs so//bde ba'i mchog ni zag pa med pa'i ye shes bde ba chen po'i sku'o/ /'di ni rang byung ni gdod ma nas rnam par dag pa ngo bo nyid kyi sku'o/ /bcom ldan dpal ni ngo bo nyid ye shes kyi sku bdud bzhi bcom zhing legs pa'i don dang ldan pa dpa' bo skye dgu thams cad kyi 'gro ba'i mgon du gyur pa'o//mkha' 'gro ni dbyings stong pa nyid/ ye shes bde ba chen po yul dang yul can gnyis med do/ /dra ba ni rtog pa thams cad las 'das pa'i rab tu rgyas pa'i/ dga' ba bzhi sdom pa yin ni skad cig bzhi'i ngang du zag bcas kyi chos thams cad zag med bde ba chen po'i rang bzhin yon tan dang phrin las tshad med pa'i don bla na med pa bstan pa'o//phyag rgya chen po grub pa ltar na/ gsang ba ni chos thams cad kyi gnas lugs bde stong skye med do/ /mchog ni ma skyes pa'i rang bzhin ni rkyen las grol ba/ dgyes pa ni rang rig 'gag pa med pa'i chos nyid cir yang 'char ba/thams cad bdag nyid gzhan dbang kun brtags yongs grub las 'das pa'o/ /rtag tu bzhugs ni dbyings dang ye shes dbyer med ro mnyam lhan skyes nyid do/ /mkha' 'gro ni rtag chad la sogs pa'i mtha' las 'das pa'o/ / kun dngos ni kun rdzob rnam dag don dam dbu mar ro/ /sems dpa' ni thabs snying rje chen po dang dbyer med pa'o/ /rdo rje ni bde chen mi phyed pa/ sems dpa' ni byang chub sems mi 'gyur ba'o/ /bde ba'i mchog ni rtsa kun 'dar du chos nyid rlung sems mi rtog pa shar ba'o/ /'di ni rang byung ni lhan cig skyes pa lhun grub po//bcom ldan ni sku lnga ro mnyam mo/ /dpa' ba ni phyogs las rnam par rgyal ba'i ye shes mtshungs pa med pa'o/ /DA ki ni 'od gsal ba'o/ /dra ba ni rang gi rtog pa las 'das pa/ sdom pa yin ni zung 'jug spros med du sdom pa nyid 'khor 'das kyi chos thams cad gnyis med tha dad med pa'i rang bzhin du gyur pa'o//thabs dang rtogs pa goms par byed pa brtan pa 'byung ba ni rten ye shes skye ba'i yul tsaN+Da lI spar ba las sgra tshul ni a haM ngo / /phrad pa las bde stong 'char ba/ de nyid las 'byung ba ni bde ba gsal ba mi rtog pa 'char ba'o//dam tshig ni snang grag thams cad bde chen las 'da' ba med pa/ spyod pa ste yul lnga bde ba zag med du rol pa/ spyod yul yin ni yul dang dbang po thabs shes rab gnyis med du sbyor ba bden pa gnyis rnam par dag pa'o/ /de la ma rtogs pa rtogs par byed pa las bum pa gsang ba sngon du 'gro bas shes rab ye shes kyi lam ltar na/gsang chen shin tu rnyed dka' ba ste/ sgra ni rig ma/ tshul ni thabs lus ngag lha sngags/ nges 'byung ni bsrubs pa las byung ba'i dga' ba dang skad cig ma 'char ba/ dam tshig spyod pa'i spyod yul zhes pa yul dang dbang po mnyam sbyor gyi ting nge 'dzin to//gsang chen nges 'byung slar bstan pa/ thog ma ni dga' ba/ dbus mchog dga'/ mthar ni dga' bral/ yang dag gnas ni bde stong lhan cig skyes pa zhu bde'o/ /'jig rten gsum ni rtog bcas kyi dga' ba chags 'jig dang bcas pa'i phyir/ rnyed dka' ba ni blo'i spyod yul dang rtog ge las dben pa'o/ /bdun pa'i sgras mi gsal bar 'gyur ba las 'das pa'o/ /de las bzhi pa ltar na/ bla ma brgyud pa'i zhal las byung ba'i sgra ni rjod byed gsang ba/ tshul ni sgrub pa po nyid kyi shes rgyud rang rig pa'i ngo bo lhan cig skyes pa de nyid nges 'byung ba bla ma'i byin rlabs kyis so//dam tshig ni mtshon bya mtshon byed las 'das pa'i gnas lugs nyid do/ /rang bzhin dag pa ni thog ma dbus mtha' ni thos bsam bsgom pa/ gnas yang dag par zhes gdod ma nas khams rang bzhin rnam dag 'gro 'ong med par ro//de nyid las rgyud kyi rim pa ltar na/ chos thams cad stong pa nyid nA da'i sgra'i tshul de nyid las/ nges 'byung ba ni chos 'byung ba rten dang brten pa'i dkyil 'khor du snang / dam tshig ni stong nyid las 'byung zhing 'jug pa'o/ /spyod pa ni dpa' bo rnams so/ /spyod yul yin ni rnal 'byor ma rnams dang yab yum gnyis med do//nges 'byung las yang thog ma ni thugs kyi tsakra/ dbus gsung / mthar ni sku'i 'khor lo/ /yang dag gnas ni dam tshig gi 'khor lo dang bde ba chen po'i 'khor lo nyid do/ /'jig rten gsum ni lha tshogs de dag phyi nang gi sa gsum du kun du spyod pa'o//rnyed dka' ni bla ma'i lung dang 'brel pa la'o/ /sngags ltar na/ sgra ni shes rab bde ba'i a'o/ /tshul las ni thabs haM las thig le'o/ /nges 'byung ba ni skad cig ma bzhi dang dga' ba bzhi 'char ba'o/ /dam tshig ni lhan cig skyes pa'i ye shes las mi 'da' ba/spyod pa ni lus sems kyi spyod yul yin ni nang dang phyi'i dngos po thams cad bde stong du 'char ba'o/ /thog ma ni sprul pa'i 'khor lor dga' ba dang po/ dbus ni chos kyi 'khor lor mchog dga'o/ /mthar ni longs spyod 'khor lor dga' bral lo/ /yang dag gnas ni spyi bo bde chen du lhan cig skyes pa'i ye shes 'char ba'o//'jig rten gsum ni dga' ba gsum 'jig tshogs can no/ /rnyed dka' ba ni bdun pa'i tshig gsum par mi mngon par gyur ba'o/ /ye shes kyi rim pa ni/ yab yum 'du shes gsum ldan pas/ sgra ni ye shes kyi rig ma'i chos 'byung sngags bcas pa'o//tshul ni thabs kyi gsang ba byin gyis brlabs pa las mnyam par sbyar ba'o/ /nges 'byung ba ni rten mi 'dra yang nyams 'char tshul mtshungs pa'o/ /gsang ba'i rim pa dang sbyar na/ shes rab stong nyid ngang las sgra'i don skye med/ tshul las ni thabs snying rje chen po//nges 'byung ba ni dbyings las ye shes thogs med par ro/ /dam tshig ni ngo bo nyid kyi sku/ spyod pa ni yid bzhin nor bu yon tan phun sum tshogs pa 'byung ba/ spyod yul yin zhes longs sku dag pa'i zhing khams su'o/ /sprul sku thub pa 'gro ba rnams la chos gsung bar mdzad pa'o//thog ma ni chos sku/ dbus ni longs spyod rdzogs pa/ mthar ni sprul sku'o/ /yang dag gnas ni bde ba chen po'i sku bla na med pa'o/ /'jig rten gsum ni rnam thar sgo gsum skad cig ma sa bcu gsum pa'i dus so/ /rnyed dka' ba ni tha snyad spros pa las dben pa brjod bya don gyi gsang chen no//de kho na nyid rnyed par yang rtogs par dga' ba'i chos te thabs kyi khyad par gang las rtogs par bya zhe na/ shes rab thabs kyi kun sbyor ba/ /sngags bzlas bsam gtan la sogs ldan/ /zhes smos te/ shes rab ni dbang po rab kyi rnal 'byor pas so so rang gis rig pa'i ye shes pas chos thams cad la dngos po med par rtogs pa'o//thabs ni bla ma dam pa'i byin rlabs kyis dngos po'i mtshan nyid skye med du rtogs pas/ kun sbyor ba ni gnyis med ye shes gsang ba lhan cig skyes pa mngon du gyur par bya'o/ /de nyid ma rtogs pa rtogs par byed pa dbang ltar na/shes rab ni bum pa'i dbang las/ rigs pa'i dbang lngas ye shes dang ldan pa'i nus pa bzhag thabs de nyid kyi dus su kun du sbyor ba rdo rje slob dpon gyi dbang phyir mi ldog par byed pa'o/ /bsam gtan ni ting nge 'dzin gyi byed las/ sngags bzlas snying po nye snying la sogs pa brjod pa'o/ /la sogs ldan ni dbang rdzas gtad pas nges par te rjes gnang la sogs pa bya'o/ /gsang dbang gis ni/ shes rab ni maM rdo rje slob dpon du gyur pa'o/ /thabs ni bla ma'o/ /kun sbyor ba ni bla ma yab yum he ru ka'i rang bzhin bsrubs pa las byung ba'i sbyin pa'o//sngags bzlas ni a nu rA ga la sogs pa brjod pa/ bsam gtan ni lha'i nga rgyal dang ldan pas so/ /la sogs ldan pa'i dga' ba zag bcas la brten nas lung bstan pa thob pa'o/ /dbang gsum pa'i shes rab ni rig ma'o/ / thabs ni rig ma gtad pa dang mkha' gsang byin rlabs lha'i nga rgyal ldan pas so/ /sngags bzlas ni A li kA li spel ma sde tshan gang gi dus su bab pa'i ye shes ngos 'dzin pa'o/ /bsam gtan ni dga' ba dang skad cig ma las don gyi ye shes rtogs par bya ba'o/ / la sogs ldan ni lus kyi 'khrul 'khor phyag rgya'i gnad bcing bar bya ba bsdus pa'o/ /de la bde stong gnyis su med pa'i ye shes kyi lam phyag rgya bzhis thabs shes rab ro gcig tu lam du bya ba ni/ las kyi phyag rgya ni lhan skyes/ zhing skyes/ sngags skyes ye shes las byung ba'i rig ma'i rtsa rdo rje dbyings kyi dbang phyug ma la brten nas shes rab stong pa nyid du 'char ba dang /thabs bde ba dbyer med nyid de/ bde stong lhan cig skyes pa 'char ba sbyor ba'o/ /chos kyi phyag rgya'i nang du tsaN+Da lI'i byed pas/ yul 'dod yon lnga'i rang bzhin shes rab kyi nyams la/ thabs dbang po'i spyod pa snang ba gsal stong lhan cig skyes par sbyor ba gnyis su med pa'o//dam tshig gi phyag rgya ni nyams myong de nyid las 'byung ba bzhi thim pas 'od gsal shes rab stong nyid spros med las/ thabs zhu bde lhan cig skyes pa rig steng gnyis med du kun sbyor ba ye shes su 'char ba'o/ / phyag rgya chen po la ni shes rab chos thams cad mkha' ltar rnam par dag la/ thabs rang bzhin lhan cig skyes pa gnyug ma bde chen mi 'gyur ba'i kun sbyor ba zung 'jug tu 'gyur ba'o/ /bde ba rtog med tsam la dpe'i ye shes su 'dod pa yang yod la/ bde chen de nyid 'od gsal rnam par mi rtog pa/don gyi ye shes ni kun sbyor ba zhes gnyis med ro mnyam chen por 'gyur ba'o/ /sngags bzlas rlung 'gro 'ong dang bral ba'i dbu mar tshud pas gnas pa'o/ /bsam gtan gyi ting nge 'dzin khams gsum gyi nyams thod rgal du 'jug pa las 'das pa zhi gnas lhag mthong dbyer med bde stong ro gcig go//la sogs ldan khyad par gyi mchod pa dang sbyin sreg dang brtul zhugs spyod pa thams cad phyag rgya bzhi ldan du gyur pas myur du ye shes 'grub pa'o/ /de nyid mkha' 'gro rgya mtsho las/ /gsang ba sgra don 'brel ba'i tshul/ /dkyil 'khor 'khor lo nges 'byung rigs//bsdus dang so so dam tshig gi /spyod yul lus sems bde bar rol/ /thog ma bar dang mthar dge ba/ /de nyid gsang rim sku gsum mchog /srid gsum las ni rnam dag pa'i/ /ye shes rnyed dka' yang dag gnas/ /kun sbyor shes rab dang ldan pas/ / rlung la rnam rgyal ting 'dzin gnas/ /phyag rgya bzhi la sna tshogs thabs/ /sbyor ba'i cho ga bstan pa ni/ /rdo rje rnal 'byor ma la ni/ /'dzin pa'i don du bskul zhing gdams/ /zhes gsungs pa'i don to/ /snying po bsdus pa la gdams pa/ /sbyor nyid cho ga'i ye shes ni/ /rgyud las gsungs pa mnyan par gyis//zhes pa'i don la/sbyor nyid ni/ e waM ste sdom pa thams cad kyi bdag nyid/ dpal he ru ka'i sku gsung thugs mi phyed pa'i rdo rjer gnas pa'o/ /cho ga ni dkyil 'khor gyi 'khor lo la sogs pa'i rtog pa gsang ba'i rim pa/ myur du dngos grub mngon du byed pa'o//ye shes ni lhan cig skyes pa de las spro ba dang sdud pa bstan pa'o/ /yang na sbyor ba ni dpal he ru ka yab yum du sdom pa dkyil 'khor 'khor lo phyi nang du ston pa du ma'i 'byung gnas so/ /cho ga ni lha'i 'khor lo'i rnam par snang ba las/ de nyid lha'i ngo bo bde stong las zhi ba dang khro bo'i sku'i rnam pa du mar ston pas phrin las sna tshogs su 'char ba'o//ye shes ni bde gsal mi rtog pa'i chos nyid 'gag pa med pa las mkhyen pa dang ldan pa'o/ /rgyud ni brjod bya don gyi gsang chen/ gzhi rigs la gnas pa'i rgyu'i rgyud khams rang bzhin rnam dag las/ lam thabs rim pa spyod pa dang dam tshig sdom pas rgyud la sbyang ba thob par byed pa dang /mngon du gyur ba'i sku dang ye shes thogs pa med par 'char ba 'bras bu'o/ /rjod byed sgra'i rgyud kyi gsang ba tshogs pa dang ldan pas/ gnyis su med pa lhan cig skyes pa mi 'gyur ba'i don to/ /de las gsungs pa ni dpal rdo rje 'chang gis gdul bya'i dbang po'i rim pa dang sbyar nas bstan pa'o//mnyan par gyis zhes rdo rje rnal 'byor ma la nye bar gdams pa'o/ /gsang ba'i thabs mchog gnas ni nges pa'i rgyud de dga' ba ye shes rtogs par 'gyur ba rim pa dbyer med nyid/ /bde ba yul ni snying po gsang ba thabs dang thabs las byung ba rang 'byung chos nyid snying po 'dir bstan pa//rdo rje rnal 'byor ma yis rab bskul nas ni gsang ba'i dam tshig dkyil 'khor 'khor lo nyid du bdag byin rlob/ /ces gsang ba mdzod las so/ /des gleng bslang ba bstan pa'o// //de la rnal 'byor ma bla na med pa'i rgyud 'dir ni/ gtsang sbra gsum la gnas par bya ba las dang po kho na/ pho nyas lhan cig skyes dngos grub/ /ces pas de'i don la/ pho nya'i gtsang sbra dang po yin/ /zhes rnal 'byor ma phyi dang nang du gnas pa'i rig ma mnyes pa las ye shes grub par bstan pa'i phyir ro//dang por pho nyas ngos gzung ba bstan pa la/ des ni dngos grub thams cad myur du 'grub par byed cing / phrin las rnams thogs pa med par bsgrub pa ste/ shes rab kyi pho nya dang thabs kyi pho nya dang / gsang ba ye shes kyi pho nya bstan pa'o/ /de la dang po gsang ba shes rab pho nya'i khyad par ni lhan cig skyes zhes smos te/de ni rnam par 'gro ba la lha mo'i tshul du snang ba stong pa rnams te/ 'og min chos dbyings bde ba chen po'i pho brang du ye shes kyi khyad par las byung ba'i dkyil 'khor chen po tshad med pa na gnas pa'i rnal 'byor ma bde stong gnyis su med pa'i ngang la bzhugs shing 'khor tshad med pa dang ldan pa rnams so//gnyis pa pho nya zhing skyes ni thugs rje chen po mnga' bas 'dzam bu'i gling du yul sum cu so gnyis la sogs par 'byung ba ste/ rnal 'byor ma'i rnam pa'i gzugs su ston pa/ ngo bo nyid kyis bla na med pa'i chos thams cad la gnas pa'i ting nge 'dzin gyi yon tan dang ldan pa'o//gsum pa pho nya sngags skyes ni yul dbus la sogs par mkha' 'gro'i skye gnas 'dzin pa ste/ rgyud lam gyis sbyangs pa thob pa las rten du gyur pa 'ga' zhig go/ /grub pa ster tshul ni/ mchog dang 'bring dang tha ma ste//zhes pas mchog ni lhan cig skyes ma ste ye shes kyi snang ba ston pa la/ brda dang brda'i lan lus brda dag brda la sogs pas legs par brtags te/ des ni tshe 'di nyid la rang gi ngo bo nyid yongs su brje bas bla na med pa'i mchog phyag rgya chen po grub pa ster bar byed do/ / 'bring dang zhes pa ni zhing skyes ma ste grub pa rnams dang phrin las sna tshogs te/ las chen po la sogs pa nye bar 'grub par byed pa nyid kyis DA ki ma ngos zin pas yon tan 'byung ba'o/ /tha ma ni sngags skyes ma ste grub pa dang de dang nye ba'i chos mthun grub tu rung ba ste/ lam nye bar bgrod pa'i spyod pa bstan pa ste/dam tshig spyod yul zhes pa'i don bstan pa yin no/ /rigs ldan gyi khyad par bstan pa las/ pho nya ni rdzu 'phrul gyi nus pa dang ldan pa ste rnal 'byor ba'i rdo rje'i lus kyi gnas lugs las 'byung ba bzhi rlung las su rung bas rlung gi byed las chos nyid kyi rlung ni rang bzhin lus la gnas nas kun du mi g.yo ba'i las byed/las kyi rlung ni rtsa ro rkyang gnyis la gnas nas gzung 'dzin bskyed/ dag pa'i cha ni g.yon gyi skye med/ g.yas 'gag pa med pa'o/ /ye shes kyi rlung rtsa dbu mar gnas pas rtog pa spangs pa bde chen mchog tu gyur par byed pas na gzung 'dzin dbu mar 'gog pas lhan cig skyes pa'i ye shes kyis dngos grub 'char ba'o//mchog ni rtsa kun dar las so/ /'bring ni g.yon rkyang ma shes rab kyi cha'o/ /tha ma ni g.yas rtsa ro ma thabs kyi cha ste/ g.yas g.yon rlung rtsol ba dbu mar yon tan 'byung ba'o/ /yid ni nang du chud pa yis/ / 'dod pa'i dngos grub bsgrub par bya/ /zhes pa la/ pho nya dang pos ni gsang ba mchog bde chen shin tu myur bar ster ba ste the tshom med pas so/ /gnyis pas ni grub pa las dang bcas pa myur du ster bas rtog pa med par bya bas brten pa'o/ /gsum pas ni tshe gcig gis 'grub pa ste log par rtog pa tha mal gyi 'du shes dang bral bas man ngag dang ldan pas so//des yid kyi rnam shes lam du gyur pas skad cig ma dang dga' ba bzhi las/ 'dod yon lnga lam du khyer bas dngos grub mchog bsgrub par bya ba nyid yin no/ /yang khyad par du ni/ rnal 'byor pas dpal he ru ka yab yum gyi nga rgyal brtan pa las/yid kyi rnam shes dbu mar 'jug pa'i gnad de/ khams gzhan gyi bdud rtsi len pas nges par 'grub pa ni tsaN+Da lI 'bar ba la brten nas rtags bcu yon tan brgyad kyi dngos grub kyi mthar/ phyogs bcu'i rgyal ba thams cad kyi ye shes kyi bcud blangs nas 'byung ba dang 'jug pa'i sgo nas bdag nyid la bstim pas ni/bdag byin gyis brlab pa'i lam bsgrub par bya ba thun mong ma yin pa'i lam mo/ /da ni rigs ldan mchod par bya ba'i don las/ thog mar mchod pa'i rdzas gang yin pa ni/ dbugs 'byin zhes pa la sogs pas bstan te/ 'khor ba sdug bsngal las lam gyi ye shes cig car du skye bar byed pas dbugs 'byin pa mi skye ba bdun pa'i sha chen po'o/ /bar ma ni g.yas ro ma'i cha las 'byung ba'i sihA 'o/ /mchog ni kun+da lta bu'i thig le zla ba'o/ /dri ni gzhi mnyam mo//chu dang ni gla rtsi rdo rje'i rigs so/ /bcas pa ni de dag lhan cig tu sbyor bar bya/ /bdud rtsi lnga po de nyid sangs rgyas rigs lnga'i rang bzhin gyis gdod ma nas byin gyis brlabs pa ma da nas sbyar ba'am ba'i 'o mas sbyar bar bya'o/ /kyang zhes sha lnga dang bsdoms pas dkyil 'khor sgrub pa dang rjes su 'brel pas phyi nang gsang ba de kho na nyid kyis mchod pas dpa' bo dang rnal 'byor ma thams cad bde chen du mchod pa'o//khyad par du ni/ dbugs 'byin ni kun rdzob sgyu ma lta bu'i lha sku'i ngang las/ rtsa kun 'dar du las kyi rlung chud pas don dam 'od gsal rtogs pas so//bar ma ni yon tan cung zad bskyed pa/ ro rkyang gnyis kyi rlung dbu mar 'gro bas gzung 'dzin ldog pa'o/ /mchog ni kun+da lam du bslangs pas ye shes khyab bya khyab byed kyi tshul du'o/ /khams lnga'i snyigs ma dug lnga yin la/ dngas ma las rigs lnga'i dkyil 'khor 'char bas na/dri ni sna'i dbang po la sogs pa sgo lngar yan lag ro mnyam par spyod pa'o/ /chu dang ni rtsa ba'i khong na gnas pa lus la gnas pa'i bdud rtsis rtsa'i 'khor lo thams cad 'gengs pa'o/ /bcas pas kyang zhes lus phyi nang du dbang pos yul la spyod pas ra sa yA nar gyur pa'o//rnal 'byor pas zhes gang du gang gis mchod pa'i dus ston pa ste/ thabs shes rab gnyis he ru ka'i bsam gtan dang ldan pas dus rtags khyad par zhes pas ting nge 'dzin ma skyes pa skye bar bya ba/ skyes pa brtan pa/ de las bogs dang yon tan bskyed pa'i ched du/phyir yar ngo dang mar ngo'i tshes bcu la sogs pa dang / nang du tshogs khyad par can rdzogs par bya ba'i don du lus kyi gnas thams cad du khams 'jug pa dang / dbang du byas pa dang / longs spyod pa dang thim par 'gyur ba gnas dang nye ba'i gnas la sogs par rlung gi 'pho ba dpa' bo dang rnal 'byor ma gnyis med bde bar rol pa'i dus 'byung ba rtogs par bya ba'o//mchod pa'i yul ni/ rigs ldan rnams ni mchod par bya/ /zhes pas rigs ldan rnams zhes pa la phyi dang nang gi las/ dang po ni zhing skyes ma la sogs pa de dag gi spyod lam dang ngang tshul dang lus ngag gi brda'i rnam par 'gyur ba la sogs par byas la/rnal 'byor ma sum cu so drug la sogs pa thams cad rigs bdun du shes par byas la/ 'jig rten dang 'jig rten las 'das pa'i khyad par dang / dam tshig dang ye shes la spyod pa'i khyad par rtogs pas/ de kho na nyid kyis mchod pas brten par bya ba'o//gnyis pa nang gi ni/ rigs ldan ni/ lus kyi gnas nyi shu rtsa bzhi la sogs pa na gnas pa'i/ DA ki ma rnams 'dus pa'i dus gnad shes pas bsam gtan dang rnal 'byor gyi stobs kyis 'du ba dang nye bar 'du ba shes pas/ dbye ba dang bsdu ba'i rim pa shes par bya bas mchod par bya'o//de nyid las yang rang rdzas thig le ni rnal 'byor dang rnal 'byor ma'i lus kyi rgyu mthun las byung ba'i byang sems kyis dkyil 'khor pa la mchod pa ni/ phung po'i sangs rgyas dang khams kyi rig ma lha mo dang / skye mched kyi byang chub sems dpa' dang /yul gyi lha mo rnams dang / lus kyi cha shas la gnas pa'i khro bo yab yum la sogs pa mchod par bya ba yul dang yul can gyi tshul gyis so/ /yang na rang rdzas ni rang rig pa nyid do/ /rlung rig dbyer mi phyed pa'i thig les zhes pa thams cad kyi ye shes kyi 'byung gnas su rig par bya ba las/sangs rgyas ni ye shes lnga'i ngo bo byang chub sems rdo rje'o/ /byang chub sems dpa' ni dkyil 'khor gyi lha tshogs thams cad de/ tshad med pa dang / dpa' bo dang rnal 'byor ma yab yum dang sgo mtshams ma dang bcas pa la mchod par byed pa dkyil 'khor pa la zab pa shes rab dang /thabs rgya che ba yul dang / dbang po gnyis med kyi tshul du mchod par bya ba'o/ /de nyid la rigs ldan mchod pa'i phan yon gyi che ba ni/ mthong ba dang ni zhes pa la sogs pas bstan pa nyid de/ bde ba lam du byed pa rigs ldan bsten pa'i dus su gzugs rdo rje mthong ba dang /bltas pa tsam gyis so/ /sgra rdo rje ma thos pas bde ba skyed pa dang / dri rdo rje ma bsnams pas dri'i bye brag pad+ma dang dbang dang sih+la la sogs pa dang / ro rdo rje ma mchu'i sbrang rtsi ltar myang ba dang / lha mo reg rdo rje ma las thob pa'i bde stong ye shes kyi nyams myong de nyid dran pa'i yon tan ting nge 'dzin khyad par can gong du 'phel bar byed pa'i nus pa'i stobs 'byung ba'o//yang na bdag nyid sgrub pa po yon tan dang ldan pa de nyid la/ gzhan dag gi mig gis mthong ba dang ni lus kyi yul du reg pa dang chos smra ba rna bas thos pa dang ni zhes gsung gis brjod pa dang / shes pas yid yul du dran pa yis zhes gang gis gus 'dud byas pa la yang yon tan 'byung ba dgongs pa'o//skyon ji ltar dag tshul yang sdig pa kun la zhes tshe thog ma med pa nas bsags pa'i sgrib pa thams cad las myur du grol bar 'gyur ba zhes 'ching ba'i zhags pa thams cad rnam par bcad de/srid pa las 'das pa thob pa ni/ de ltar nyid du ste bla na med pa'i gnas myur du bgrod par 'gyur bar the tshom med ces chos 'di nyid kyi che ba yang bstan pa yin no/ /'dir gsang ba'i spyod pa spyad pa las yon tan 'phel bar 'gyur ba yang / rnal 'byor pa nyid ces pas/ kun [(]du [,]tu [)] bzang po dang /mgon po kun du spyod pa dang / mnyam gzhag chen po sbas pa'i spyod pas rim pa gnyis la goms shing a ba d+hU tI pa'i spyod pa spros bcas la sogs pa la gnas pas/ tshogs gnyis rdzogs pa bsod nams ni yon tan 'phel ba'i rgyu la brten nas 'bras bu gzugs sku grub pa'i don mngon du byed la mchog ni ye shes kyi tshogs te 'khor gsum yongs su dag pa rdzogs pas 'bras bu ngo bo nyid chos kyi sku dam pa thob pa'o//de yang dbang dang lam gyis rgyud yongs su sbyangs pas dag par byed pa ni/ me yis sbyangs pa'i nor bu bzhin no/ /sdig pa 'jig byed ni las dang nyon mongs pa'i bag chags kyis kun nas dkris pa'i 'ching ba las grol zhing thar ba 'thob pa'o//de nyid du rnal 'byor pas rim pa gnyis spyod pa dang bcas pa gnas pa'i nus pa'i stobs myur du grub par de khyad par bstan pa'i phyir/ gsang sngags zhes pa la sogs pas bstan te snod ma yin pa la mi bstan pa ste/skal ba bzang po la bsngags pa las/ man+t+ra'i sgras zhes skyob dang yid skyob ste/ 'di nyid la/ gsang sngags bsam gtan gyis 'grub 'gyur/ /zhes sbyar te/ lha'i rnal 'byor gyi dpa' bo gcig pa nas dkyil 'khor yongs su rdzogs pa'i bar du mnyam rjes med par lam du gyur pas 'grub la/rdzogs par ni bdag byin gyis rlob pa dang / dkyil 'khor 'khor lo'i lam la 'bad pas phyag rgya bzhi ldan du lam rdzogs pas grub pa'o/ /bzlas brjod kyis kyang 'grub par zhes sbyar te/ lha'i snying po dang nye snying / rtsa sngags dang phreng sngags mchod par 'gyur ba/go cha dang srung bar byed pa/ rje btsun ma'i rtsa sngags snying po dang bcas pa tshul bzhin du zlos pa des khyad par du'o/ /yang rdzogs par srog rtsol 'gog pas rdo rje'i bzlas pas rlung las rnam par rgyal ba thob pas rje btsun yab yum gyis byin gyis rlob par 'gyur ba nyid do//da ni lam gyi gzhi sdom pa dang dam tshig bstan pa la/ shin tu mnyam gzhag sgrub pa pos/ /sdom pa rtag tu bskyang bar bya/ /zhes pas/ man+t+ra sam+ba ra ni sngags kyi sdom pas te/ spyi dang bye brag khyad par ye shes bla na med par bsdoms pas gzhi nges par 'byung ba/ bslab pa gsum la gnas pas gsang ba rdo rje theg pa'i sdom pa bde chen ye shes su'o//shin tu mnyam gzhag ni rnal 'byor pas lha'i sku dang / rdzogs par rten dang bcas pa dang / brten pa bsam gyis mi khyab pa'i ting nge 'dzin la mnyam rjes med par ro/ /sgrub pa pos zhes pa'i don la/ so sor thar dang byang chub sems//rig 'dzin rang gi sdom pa'o/ /zhes pa dang / phyi nang gsum pa theg pa gsum/ /dam chos so sor gzung bar bgyi/ /zhes pa'i don to/ /dam tshig rtag tu bskyang bar bya/ /zhes pas/ ma hA sa ma ya gaM b+hI ra ba ste zab pa'i dam tshig chen po dang / mu d+ha rA thA ste rgya che ba'i dam tshig las/mU la ste rtsa ba dang / aM ga la ste yan lag gi dam tshig las/ 'di nyid kyi dgongs pa ni le'u nyer drug pa las rgyas par shes par bya'o/ /de nyid bsams nas rnal 'byor gyis/ /byang chub sems kyis rnam par brgyan/ /sems can kun la rjes brtse bas//dam tshig dang ni sdom la gnas/ /zhes pa'i don to/ /des dam tshig la gnas pa'i tshul bstan nas/ da ni dam tshig dang bslab pa ma bsrungs pa'i nyes pa bstan pa'i phyir/ dam tshig nyams pas dkyil 'khor du/ /dbang bskur dngos grub thob mi 'gyur/ /zhes gsungs pas dang por bla ma las byin rlabs dang dbang thob nas gdams pa dang rjes su bstan pa thob kyang /dam tshig ma bsrungs na 'bras bu yid du mi 'ong ba 'byin la/ de la phyir bcos pa la nyes pa che chung rim pas shes par byas la/ dbang dang tshogs 'khor dang bshags sdom ma byas na rdo rje dmyal bar ltung bas bshags sdom bya'o//des bsrung ba'i dam tshig bstan nas/ da ni bza' zhing spyad par bya ba'i dam tshig bstan pa la/ gtsang sbra gsum las/ dang por rim pa gnyis ldan spyod cing gnas pa'i gang zag gis/ /zhi ba'i btung ba bstan pas gsang ba'i dbang lam du bya ba ste/ sbrang rtsi ni lus kyi me tog gi khyad par las byung ba'i gla rtsi'o//mtshal dang ni rang byung me tog /ga bur dang ni zla ba ri bong 'dzin/ /de dag dang bcas pa gzhi mnyam mo/ /tsan+dan sna tshogs kyi sha mi lus las byung ba'o/ /dkar ba dang dmar ba'i cha ni rkang gi sbu gu las dang / go ro tsa na ma da na 'o ma dang sbyar ba ni sha lnga dang ldan pa'i ri lur sbyar ba dag shes rab kyi rang bzhin sha lnga po las go ku da ha na/de dag la laM maM paM tAM aM zhes pas 'byung ba lnga khams yum du dag par byed/ bi mu ma ra shu bdud rtsi lnga ste/ b+hUM trAM hrAM khaM hUM/ las rigs lnga yab ye shes lnga lhan cig tu bsdus pas thabs shes rab bde ba chen por sbyor ba bdud rtsi'i sgrub pa khyad par du gdams pa nyid do//khyad par du ni sbrang rtsi ni zhe sdang chu'i rlung ngo / /mtshal ni nga rgyal sa'i rlung / ga bur ni 'dod chags me'i rlung ngo / /bcas ni gti mug ste nam mkha'i rlung ngo / /tsan+dan ni phrag dog gi rlung ngo / / dmar dang ni zhes tsi tra ka dang mtshungs pa ste sin+d+hu ra'i bye brag go/ /sbyar ba ni zhes rlung dang sngags lha dang ye shes dbyer med ro gcig tu'o/ /de nyid tshul ji lta ba bzhin myangs na zhes mgrin pa'i 'khor lo la sbyar bar bya ba nyid sngags A li kA li'i byin gyis brlabs pa gsung rdo rje bsgrub pa'o/ / sbom po ste rdo rje 'dzin pa'i lus kyi yan lag gi cha las/ mtha' ltag ni sor mo rtse sbyar bas zhes bdud rtsi legs par blangs pas rnal 'byor pa rang nyid kyi lces len pa ste khams lnga ro mnyam bde ba chen por rig pas rtag tu spyan zhes bdag nyid kyi lus ngag yid bde bar byin gyis brlab cing dbang gi rgyud rgyas par 'gyur ba'o//de nyid la zhi ba'i btung ba zhes bya ste/ dpal rdo rje rnal 'byor ma dang dpal he ru ka gnyis su med pa'i bdud rtsi 'byung ba'i nus pa las dngos grub rtag par thob bar 'gyur ba phyag rgya chen po thob pa ni/ rtag pa dang bde ba dang / gtsang ba dang / mi 'gyur ba bde zhing yon tan rdzogs par 'char ba'o//de las zhi ba'i btung ba ni lhag pa'i lha'i 'khor lo yab yum bdud rtsir zhu ba'i khyad par ro/ /de bzhin du myangs pas ni zhes lha mo ro rdo rje mar gyur pas mgrin pa sbyang ba'o/ /sbom po ni spyi bo'i haM las bdud rtsi'i chu rgyun 'bab pa'o/ / mtha' ltag ni tsaN+Da lI ste 'og rtsa gsum 'dus nas sbar bas rtse sbyar ba ni me chu tsha grang gnyis bde ba dang stong pa nyid du ngo 'phrod pas na rnal 'byor rig pa zhes bya'o/ /rtag tu spyod ni thun bzhi la sogs par ma yengs pas dpyid dang thig le'i rnal 'byor 'bar 'dzag bsgom pa'o/ /yang na sbom po ni thabs snying rje chen po snang ba rdo rje 'char ba/mtha' ltag ni shes rab yul chos nyid stong pa/ rtse sbyar ba ni stong pa dang snying rje dbyer med zung 'jug ro mnyam nyid do/ /da ni snod gcig tu za ba'i gtsang sbra bstan pa ni/ tshogs kyi 'khor lo'i nang du zhugs pa ni/ /zhes bskyed rim du gong gi bdud rtsi sbyangs pa de nyid lha sku bde bar zhu ba ye shes ngang du byin gyis brlab pa'o//thams cad rdo rje'i mtshan ma 'dzin/ /dkyil 'khor gyi lha thams cad he ru kas gsang chen rigs gcig gis phyag rgya chen por rgyas btab pa'o/ /rdzogs pa ltar na lus kyi dkyil 'khor gyi lha tshogs kyi nang du bzhag pa ni 'khor lo lnga po'i lha thams cad skad cig ma'i ye shes kyi ngang las 'byung ngo //thams cad rdo rje'i mtshan ma 'dzin/ /ces lha tshogs dang dpa' bo rnal 'byor ma yab yum de dag thams cad kyang thabs shes rab dbyer mi phyed par 'gyur bas bde stong mchog gi ting nge 'dzin la gnas pas/'di ni bde ba chen po'i ye shes nyams su myong ba la/ bde ba'i ye shes za ba nyid phyi nang ro gcig tu gyur pas dbang gsum pa'i lam dang rjes su 'brel ba bstan pa'o/ /de las 'bras bu'i rgyud kyi gsang chen bstan pa ni/'di ni mi 'chi bcu phyed 'gyur/ /zhes pas/ phyag rgya bzhi ldan te/ las kyi phyag rgya ni gzugs la sogs pa 'dod yon lnga lam du bya/ chos kyi phyag rgya'i dbang po lnga bde bar 'char ba/ phyag rgya chen po'i 'byung ba lnga stobs su 'gyur/ /dam tshig phyag rgya'i ye shes lnga 'char ba nyid ni/rlung sems 'dres pa'i srog gi thig le nyag gcig gi nang du/ srid pa dang zhi ba'i chos thams cad gsal bar 'char bas me long lta bu'i ye shes/ lus kyi gnas thams cad na dbyangs dang gsal byed kyi yi ge so sor thabs shes rab ma 'dres la/ 'jig rten dang 'jig rten las 'das pa'i snang ba ma lus pa'i bye brag phyed pas so sor rtog pa'i ye shes/thig le dkar dmar ro rkyang du srog rtsol dag dbu ma kun 'dar du ro mnyam par gyur pas mnyam pa nyid kyi ye shes so/ /rdo rje lus kyi rtsa dang yi ge thams cad dang / 'byung ba bzhi'i nus pa'i bdud rtsis ma dag pa dang dag pa'i don phrin las sna tshogs byed pas bya ba grub pa'i ye shes/lus sems dbyer mi phyed pa'i ngang du rtsa rlung thig le don dam kun rdzob thams cad sgyu lus 'od gsal du dag la/ de nyid bde gsal mi rtog pa'i ngang du dbyings rigs gnyis med chos kyi dbyings kyi ye shes/ thams cad ro mnyam lhan cig skyes pa zung 'jug bde chen ye shes mi 'gyur ba dpal he ru ka rdo rje 'chang nyid do//dngos grub thams cad 'jug ni sku gsum yan lag bdun ldan dbang phyug brgyad dang bcas pa/ 'jug byed yin ni thog mar dbang bskur ba'i dus su rgyu cha bla ma dang lhag pa'i lha'i byin rlabs kyis so//gnas pa ni lam rim pa sgom zhing dam tshig sdom pa dang ldan pas so/ /'byung ba ni lam mthar phyin pas spyod pa spyad pas gzhan don phrin las nus pa thogs med du ston pas so/ /mchod bzhi de bzhin rnal 'byor ma/ /zhes pas rje btsun he ru ka'i dkyil 'khor gyi bkod pa bstan pa las/bde chen gyi 'khor lo'i mtshams su bum pa bzhi ste/ shar lhor rin po che ke ke ru'i bum pa'o/ /lho nub tu bai DUr+ya'i/ nub byang du pad+ma rA ga'i/ /byang shar du in+d+ra nI la ljang ba'i bum pa/ de dag gi kha rgyan mgul chings dar dpyang dang bcas pas shing a shwad+tha n+ya gro d+ha/ pa ta la dang / ardzu na'i shing ste/ de'i steng du rgyal rigs bram ze/ rje'u gdol ba can gyi thod par sha lnga bdud rtsi lngas gang ba sangs rgyas rigs bzhi'i bdag nyid las bum pa rnams ni yan lag brgyad kyi chu bdud rtsi'i rang bzhin can/ ka pA la rnams ni gsang ba'i dbang gi don to/ / yang mchod bzhi rnal 'byor pas rim pa dang po ltar na/ las kyi phyag rgya'i rnal 'byor ma dran pa nye bar gzhag pa bzhi ni snying po'i lha mo/ chos kyi rnal 'byor ma ni yang dag spong ba bzhi mtshams ma'o/ /phyag rgya chen po'i sgom pa bzhi las/ yang dag pa'i las kyi mtha' 'gugs par byed pa/yang dag pa'i 'tsho bas 'chi bar byed/ yang dag pa'i rtsol bas sdom par byed/ yang dag pa'i dran pas dbang du byed pa'o/ /dam tshig gi phyag rgya dpal rnal 'byor ma zhi gnas lhag mthong rdo rje dang pad+ma snyoms 'jug pa ni drod ni gsal ba/ rtse mo bde ba/ bzod pa mi rtog pa'i chos mchog bde gsal mi rtog pa tshogs pa gcig pas so//mthong lam du phyag rgya bzhi ye shes skad cig ma bcu drug tu shar bas so/ /khyad par du mchod bzhi ni las kyi phyag rgya dga' ba bzhi bde chen gyi lha mo bzhi dang gnyis med do/ /chos kyi phyag rgya sgo srung ma bzhi rnam thar sgo bzhi 'bras bu bzhi dang gnyis med pa'o//phyag rgya chen po tshad med pa bzhi mtshams kyi lha mo bzhi stong pa nyid bzhi dang gnyis med do/ /dam tshig phyag rgya ni/ ye shes de kho na nyid bzhi dpal rdo rje rnal 'byor ma dang dpal he ru ka'i dbang po gnyis snyoms par 'jug pa dpyid dang thig le 'bar 'dzag go//gnyis med bde stong du gyur pa'o/ /snyoms par 'jug pa'ang nyid 'dzin ces pas/ de kho na nyid kyi ngang du lhan cig skyes pa'i ye shes rang bzhin lhan skyes dang / zhu ba de lhan cig skyes pa dbyer med du gyur pa bde ba chen po tshad med pa'i che ba bstan par bzhed nas/lha dang mi'i bde ba ni zhes pa dang dbang po bsam gtan bzhi dang bcas pa/ 'khor los sgyur ba'i rgyal po la sogs pa'i de nyid zag bcas yin pa'i phyir 'dus byas ni mngon par 'byung ba'i cha shas rgyu rkyen 'jig tshogs mtshan ma'o/ /rdo rje 'dzin pa'i zhes dpal rdo rje 'chang he ru ka zag pa med pa'i bde stong ngo bo nyid kyi ye shes/skad cig ma bcu drug char yang mi phod do zhes mtshungs pa med pa'i don to/ /sgrub pa po don gyi ye shes rtogs pa yang de dang cha mthun pa'i ste ngo bo nyid rnam par dag pas/ lhan cig skyes pa rang 'byung lhun grub rtogs pa'i phyir ro/ / de la thog mar dbang bskur ba'i gzhi'am gnas kyi rim pa bla na med pa bstan pa'i phyir/ ri bo zhes pa smos te/ ri bo ni lhun chags pa yon tan dang ldan pa'o/ /tshang tshing ljon pa'i shing sna tshogs pa 'bras bu dang me tog chags pa can no/ /sman ljongs dang zhes pa sman sna skye ba can no/ / chu bo chen po ni gang+gA la sogs pa de dag 'gram g.yas g.yon gyi ngogs dag ni tshal gling chu phran 'dus pa'o/ /gdod nas grub pa'i dur khrod ni dpal he ru kas byin gyis brlabs pa/ bskal ba chags dus nas brtags pa'i rnam par rtog pa 'gags pa'i sa la dbugs rgyu ba dang dbugs bral du shes par bya'o//der ni dkyil 'khor bri bar bya/ /zhes bum pa'i dbang bskur ba'i dus kyi rdul tshon gyis dkyil 'khor bri zhing bsgom par bya ba yang de nyid du shes par bya ba nyid do/ /yang gsang ba dang gsum pa ltar na/ ri bo ni shes rab rig ma'i tshang tshing ni skra dang ba spu'i tshogs 'khrigs pa/ phugs rnams sam zhes pa lus kyi gnas dang nye gnas la sogs par 'du ba'i sa'o/ /sman ljongs ni lus la ra sa yA na gnas pa dag go/ /chu chen po ni rtsa gsum po nas 'bab bo/ /de dag gi dogs dag ni lus kyi phyogs thams cad do/ /gdod nas grub pa ni thog mar lus chags pa nas so//dur khrod du ni rnam par mi rtog pa'i ye shes 'byung ba'i gnas so/ /der ni dkyil 'khor bri bar bya/ /zhes pas chos kyi dkyil 'khor de la brten nas snying po len cing 'dzin pa nyid kyi don to/ /khyad par du ni/ ri bo ni lus kyi dbus las kun 'dar ro/ /tshang tshing ni rtsa bran stong phrag bdun cu rtsa gnyis la sogs pa'o//sman ljongs ni khams byang chub sems dngas snyigs thams cad do/ /phugs rnams ni 'dod chags bral bas sdang zhing skrag la/ bya ba spyad pa la sogs pas ye shes rtogs dka' ba'i phyir ro/ /yang chu bo chen po ni/ sih+la dang gla rtsi dang zla ba 'bab pa'i rtsa la sogs/de'i ngogs dag ni rtsa 'khor lo rnams su khams 'du ba dag go/ /gdod nas grub pa ni rtsa rlung thig le yi ge thams cad rang byung du'o/ /dur khrod du ni lhan cig skyes pa'i ye shes rtogs par byed pa'i sa phyogs dben pa nyid do/ /der ni dkyil 'khor bri bar bya//zhes pa dbang phyi ma dang 'brel pa'i don bde chen bla na med pa kun rdzob don dam byang chub sems kyi snying po len pa'i phyir bstan pa nyid do/ /bla na med pa ltar na/ ri bo 'gyur ba med pa'i chos nyid do/ /tshang tshing ni byams snying rje las bud+d+ha'i yon tan 'byung gnas tshad med pa'o/ /sman ljongs ni pha rol tu phyin pa drug la sogs pa byang chub phyogs kyi chos rnams so//chu bo chen po ni chos thams cad kyi stong pa nyid spros pa med pa'i don to/ /ngogs dag ni mtha' thams cad dang bral ba'i ye shes so/ /gdod nas grub pa ni chos nyid zhi ba mnyam nyid gnyug ma skye ba med pa nyid do//dur khrod du ni rnam shes tshogs brgyad rnam par dag pa sgrib pa thams cad dang bral ba'i gnas so/ /der ni bde ba chen po'i byang chub sems kyi dkyil 'khor bri bar bya zhes gsang ba chen po bla na med pa'i don du bstan pa'o/ /mchod pa'i tshul las bdud rtsi rgyas byed thabs nyid 'gyur med ye shes mngon du byed//gang zag gang gis 'dir zhugs 'jug ldog khyad par brtags nas mi 'da' bar ni don gyi khyad par can la brten/ /yul dang yul gyi phyag rgya chen po'i go 'phang ba chen gsang ba shrI he ru ka yi spyod yul la/ /thun mong khyad par spyi dang bye brag rigs ldan mnyes byed dkyil 'khor gnas ni rab dbye thob pa'o//des le'u'i gzhung mdor bstan pa'i tshul/ le'u'i mtshan ni/ dpal 'khor lo sdom pa las dkyil 'khor du 'jug pa zhes pa ni/ thog mar lam dang ye shes gsang ba bstan pa'o/ /le'u dang po'o// // da ni le'u dang por rgyu thabs 'bras bu thams cad rtsa ba mdor bstan pas lus rnam gzhag ltar bstan pas/ brjod bya'i gsang ba dang rjod byed kyi gsang ba bla na med pa bstan pa yin la/ thog ma dbus mthar yang dag gnas/ /'jig rten gsum du rnyed dka' ba/ /zhes pa'i don gyis dkyil 'khor mngon par 'byung ba rnams yongs su rdzogs pa las/da ni le'u so so'i don ji ltar bsdu ba dang spro ba la nges par rtogs par bya ba dang / yan lag gi dam tshig gi don so sor rnam par bshad pa bstan la dbang ba bstan te/ de ltar yang / de bzhin gshegs kun ye shes ni//rtog pa thams cad rnam spangs pa'i/ /bla med mchog bzang thob 'gyur ba'i/ /rdo rje ye shes dbang bskur bas/ /rnal 'byor ye shes kun bdag nyid/ /dngos grub mchog ni bsgrub par bya/ /zhes pas 'dir de kho na nyid ma rtogs pa rtogs par bya ba dbang bskur ba ste/ rdo rje theg pa gsang chen du dbang bskur ba sngon du 'gro ba nyid rdo rje 'dzin pas gsungs pa ste/de la thog mar smin byed dkyil 'khor sngon 'gro ba snyen pa'i rim pa rnam gsum dag tu shes par bya ba ste/ /mtshan nyid dang ldan rdo rje slob dpon gyis ni skal ldan rjes su 'dzin dang skal dman min/ /gtso bo la 'bum 'khor la khri phrag phrin las sna tshogs nus pa de nyid mtshan ma dus byung ba//rigs ni 'dod yon dag ste stong phrag brgya las mkha' dang mig gis yon tan phrin las nyid/ /dkyil 'khor pa la mkha' dang phyogs kyis rlung bcu dag pas de rjes las kyi snying po can du 'gyur/ /zhes pa'i don te/de nas zhes pa la sogs rgyud 'di nyid du rigs bsdus gsang ba'i dbang bstan par bya ba las/ dang por rdo rje slob dpon te bsgrub bya bla ma'i mtshan nyid ni thun mong ba dang / khyad par lta bsgom spyod pa rnam par dag pas/ skal ldan rjes su 'dzin par nus pas lam la rim gyis blo sbyong ba la slob tu gzhug pa'o//sgrub byed slob mas gsol ba lan gsum du btab pas so/ /tshul ji ltar dkyil 'khor bsgrub pa'i rim pa 'og nas ston to/ /de la thog mar ni slob dpon mtshan nyid thams cad ldan zhes smos te/ rgyud sdom pa gsum gyis mdzes pa las bdag med pa'i don rtogs pa la/yang dag shes shing ni bden pa gnyis kyi don chos thams cad rten cing 'brel bar 'byung ba legs par rtogs pa'o/ /rgyud ces pa ni spyir bla na med pa rgya mtsho lta bu'i de kho na nyid rtogs pa las/ khyad par du dpal 'khor lo sdom pa'i brjod bya rjod byed do/ /dpal ldan khrag 'thung gsang sngags zhes pa ni/dpal rdo rje rnal 'byor ma dang dpal he ru ka'i lha sngags phyag rgya bdag gi de kho na nyid las/ brda dang spyod pas sgra dang de'i skyon rnam par dag tshul snying po rtogs pa'o/ /khro med ni bzod pa dang du len pa rgyud 'jam par 'gyur ba'o/ /gtsang zhing ni nyes ltung gis ma gos par byed pa ste ltung ba zhag tu mi 'jog pa'o//mkhas pa dang zhes phyi nang de kho na nyid kyi dkyil 'khor gyi las dang / yang na de nyid bcu la'o/ /sbyor zhes ni rgyu thabs 'bras bu'i de nyid nyams su myong ba dang bcas pa'o/ /ye shes ni rnam shes dang ye shes kyi lam 'gro ldog rtogs pas de nyid stong pa dang snying rje dbyer med du gyur pa dag go//pha rol 'gro ba ni mnyam rjes gnyis med byang chub sems kyis rang bas gzhan gces kyi blo nus dang ldan pas/ dang po snying rje'i stobs las byung / /rdzogs pa'i byang chub sems brtan byas/ /bum pa la sogs dbang bskur ba//bla ma'i drin gyis yang dag thob/ /srid pa'i longs spyod bde ba thob/ /yongs su 'dzin la rgyab kyis phyogs/ /zhes pa'i don to/ /bsnyen pa 'jug pa'i bya ba rdzogs nas/ /dngos gzhi la dang po sngon du 'gro ba ni/ dur khrod du ni kun spyod cing / /zhes pas/ gtum drag tshang tshing 'khrigs pa dang //'ur 'ur 'bar bas khyab pa dang / /'jigs su rung rnams shar sogs pa'i/ /phyogs su g.yon skor gyis legs gnas/ /ha ha dgod pa dbang ldan du/ /byin za dpal gyi nags tshal te/ /mun pa drag po bden bral du/ /rlung du ki li ki lar sgrogs/ / shiR+Sha a shwata ka ko li/ /tsu ta'i shing rnams sngar bzhin no/ /b+ha ta ka rany+dza nyid dang / /par ka ti dang sar ti pa'o/ /dbang po nor sbyin nyid dang ni/ /klu yi dbang po gshin rje'i bdag /drang srong dang ni bden bral te/ /rig 'dzin 'byung po'i bdag po'o/ /nor rgyas bu dang 'jog po dang //stobs kyi rgyu dang pad+ma dang / /pad+ma chen po hu lu ru/ /rigs ldan dang ni dung skyong ngo / /sgra sgrogs dang ni rmugs 'jigs dang / /drag po dang ni 'khyil ba dang / /gtum po 'di dag sprin brgyad do/ /stug po snyim pa char 'bebs pa/ /ljon shing rnams la brten pa ni/ /zhing skyong brgyad du grags pa ste//lus phyed thon pa gri gug dang / /thod pa rgyan ldan yum ldan no/ /seng ge stag dang ce sbyang gdong / /'ug pa bya rgod phag dang khyi/ /khwa da'i gdong pa phyag gnyis pa'o/ /sangs rgyas byang chub sems dpa' dang / /nyan thos rang rgyal sgrub pa po/ /grub pa'i skyes bu rnal 'byor gyi//dbang phyug byin gyis rlob byed tshogs/ /spyod pa pa dang bsam gtan pa/ /sna tshogs mkha' 'gro sha za dang / /ce spyang ro langs dug sbrul dang / /dur phag gcan gzan du ma dang / /'dab chags du ma keng rus can/ /me dang chu 'bab ri brags sogs/ /mchod rten rang byung lha rnams bcas//'khor 'das chad pa dur khrod de/ /thod pa sha dum khrag 'bab pa/ /ro yi sha la 'thog byed pa/ /de la brten nas mi rtag dang / /sdug bsngal bdag med don spyod pa/ /yid 'byung de las lam spyod pa/ /dur khrod chen por rab bstan pa/ /zhes rdo rje sems dpa' rang 'byung ba'i rgyud las byung ba'o//gnas kyi yan lag ni/ ri yi rtse dang ri sul dang / /chu bo'i ngogs dang tshal gling dang / /rgya mtsho'i 'gram dang bas mtha' dang / /shing gcig dang ni dur khrod sogs/ /dbugs bral bden pa dag tu ni/ /dpa' bo'i gtso bo bsgom par bya/ / brtan pa yi ni gnas dag gam/ /yang na yid ni dga' bar ro/ /zhes pa la sogs par grogs dang mchod rdzas dang zas dang bya ba'i rim pa/ khyad par du bstan pa'i yan lag dang ldan pas/ dang por bgegs nye bar zhib sa'i cho ga la 'jug pas/ lci ba sa lam lhung ba zhes pa ni rnam lnga la spos chu tsan+dan la sogs pas dri'i gtsang khang du byas pas/dang por sa brtag pa'i khyad par dang / lto 'phye brtags nas sa brko zhing / sa'i lha mo la sa bslang ba dang / sa gzung zhing sbyang bar byas pas/ /dkyil 'khor gyi stegs bu bya ba sngon du 'gro bas/ /sa ni legs par byug ces snga ma de dag dang /yang na/ dur khrod thal bar ldan pa dang / /zhes pas skyes bu shi ba bsregs pa'i thal ba dang sol ba phye ma dang / mi 'chi bcu phyed bcas pa yis/ /zhes bdud rtsi ril bu sbyar ba ma da na dang ldan pa des/ dkyil 'khor sa ni nyer byugs te/ /zhes kun du bar mtshams med par khyab par byas pas dbus su ring du brus par ni rin po che sna lnga dang 'bru dang ni sman la sogs par gter du bya zhing sba ba'o//der ni dkyil 'khor yang dag brtsam/ /zhes phyogs la ma 'khrul bas khru bzhi pa nas khru brgyad kyi bar du bya bas so/ /sa sbyang ba med kyang rung bar 'gyur ba ni/rdo rje mkha' 'gro'i rgyud las/ /khang bzang rdo steng gzhi dang ni/ /gtsug lag khang dang zhabs kyis bcags/ /ba lang lhas dang rgya mtsho'i 'gram/ /lag pa rdo rje sa gnon bcas/ /rang gi snying po brgyad brgya bzlas/ /der ni sbyang ba bya mi dgos/ /zhes gsungs so//slob ma rjes gzung la/ khro bo rdo rje hUM mdzad kyis slob ma'i lus kyi bgegs dbyung ba'i sbyor bas/ sbyin sreg bya ba'am/ yang na me phor du yungs kar gyis dbyung zhing / oM badzra kro d+ha/ trai lo kya bi dzA ya kha kha khA hi khA hi sarba paM da ha da ha na b+hasmi ku ru hUM phaT/ ces bgegs phye mar bsregs pa rgya mtshor dor bar bya ba'o//de nas oM A laM badzra hUM hUM/ oM badzra rak+Sha rak+Sha hUM khaM b+hu/ oM me di ni badzrI b+ha ba badzra ban+d+ha hUM/ oM badzra bi dA na hUM khaM hUM/ oM badzra pany+tsa ra hUM b+h+ruM hUM/ oM badzra sha ra dz+wa la traM saM traM/ oM ne tri ban+d+ha sarba big+h+nAM hUM/ oM badzra khaD+ga prA kA ra Na hUM khaM hUM/ oM badzra kha d+h+r-i ka prA kA ra Na hUM yaM hUM/oM tsakra prA kA ra Na hUM hUM/ oM pad+ma prA kA ra Na hUM hUM/ oM badzra dz+wa lA na lArka hUM hUM/ zhes log 'dren gyi bgegs kun gyis mi tshugs par bya ba ste des sa bzung ba'o/ /de nas rdo rje las kyi skyes bu'am rnal 'byor ma bzhi yis dkyil 'khor gyi phyogs bzhir gnas pas/rdo rje slob dpon dkyil 'khor gyi dbus su gnas pa la mchod cing gsol ba gdab par bya'o/ /de nas sa bsrung bar bya ba las/ rdo rje slob dpon bdag nyid lhag pa'i lha'i nga rgyal du bya ba/ dpal ldan he ru kar dran bya/ /zhes pas sngon du 'gro ba byams pa snying rje byang chub sems kyis 'phangs la skad cig gis rten dang brten par bcas pa'i khro bo bcu'i dkyil 'khor du bsams te/rang gi lus ngag yid lhag pa'i lha'i sku gsung thugs rdo rje gsang ba 'dzin pa nyid du gsal bar blta'o/ /de yang lha'i rnam pa gsal zhing dmigs pa brtan par gyur pas 'khor lo 'di'i snying gar bkod nas lus kyi dkyil 'khor dran par bya ba bde ba chen po'i 'khor lo//dam tshig 'khor lo thugs kar gsal gdab/ de yang sku mdog phyag mtshan rgyan la sogs pa shin tu gsal ba las/ bdag nyid de ltar go bgos nas zhes thabs dpa' bo'i go cha dang /go cha chen po bgos pas khams gsum zil gyis gnon pa'i bdud las rnam par rgyal bar bya ba nyid yin no/ /de las phyir yang brtul zhugs kyi spyod pas rol ba'i gar bya ba ste/ dpa' bo chen po seng ge lta bu'i tshul du bsgyur ba la/ /thod pas spyi bor brgyan byas shing / /zhes pas bcos ma'i skra las ral ba 'bar ba'i thor tshugs gcig tu bcings pa la thod pa chung ba lnga la chun 'phyang dang /rdo rje rgya gram dang zla ba tshes pa dang rus pa'i 'khor lo dang rgyal ba rigs lnga'i dbu rgyan dar dpyang dang ldan pa'o/ /yan lag ni rus pa'i phyag rgya lnga'o/ /thal bas byugs pa ni mi rus bsregs pa'i thal ba dang /in+d+ra nI la'i phye ma dang sbyar bas man+d+ha nang gis so/ /phyag rgya dag gis ni rigs lnga'i sngags kyis byin gyis brlabs pas lus brgyan cing ni sngags kyi 'od 'phro ba dang bcas pas so/ /rus pa'i phreng ba ni mi mgo lnga bcu pa'i cha shas te mi rus las byas pa'i mthe bong tsam sprengs pa'o//yang dag rgyan ni stod g.yogs dang smad dkris dar ram ras la glang po'i dang stag lpags su mos pa'o/ /dum gcig spyi bor brgyan pa ni yid bzhin rin chen 'bar ba dang rdo rje rtse gsum pas mtshan pa'o/ /rus pa'i phreng ba rnam par 'phyang ba ni mchod phyir thogs tshangs skud srad bu bsgril ba ga shal bya ba'o//kha T+wAM ga ni sku bde ba mtshon pa rdo rje dang DA ma ru dang thod pa lag na gnas pa bde ba skyong bar byed pa ste/ dpal rdo rje 'dzin pa'i drag po'i nyams kyis brgyan pas thogs pa med par spyod pa'o/ /bsgoms nas bgegs bsal bar bya ste/ de nas rkang mthil du yi ge hUM sna tshogs rdo rje 'bar ba dang / mig gnyis su maM dang traM las nyi ma dang zla ba 'od 'phro bas rdo rje'i blta bas phyogs thams cad du bltas la/ lag pa g.yon gyis dril bu bzung nas/ g.yas kyis rdo rje 'phang zhing / kha T+wAM ga legs par 'khyud nas sa de na gnas pa 'dis bskrad par bya ba'o//sa phyogs 'dir sems can gyi don rtsom gyi lha dang klu dang gnod sbyin dang / 'byung po dang dri za dang srin po dang sha za la sogs pa ma rungs pa gang su yang rung ba rnams phyir byer cig myur du song shig /'di ltar dpal he ru ka'i bka' thos nas myur ba nyid du song shig / gang dag mi 'gro ba de dag pa'i rdo rje 'bar ba dang kha T+wAM ga 'dis mgo bo ardza ga'i dog pa bzhin rnam pa brgyar 'gas par 'gyur ro zhes lan gsum gyi bar du brjod do/ /dbang ldan gyi phyogs nas brtsams te g.yas nas lan gsum du bskor ba bya'o/ /bskal pa'i me lta bu'i 'od zer rkang pa nas byung nas gdug pa rnams bsregs par gyur pas phan tshun 'bros par gyur par blta'o//srung ba'i 'khor lo'i khyad par gyi byed pa bstan pa'i phyir/ ra ba rnams ni phyogs su dgod/ /ces pas rdo rje 'bar ba'i ra bas yongs su 'khor ba rim pa gsum du blta/ 'og tu yang mtshon cha dgod par bya ba ni/sna tshogs rdo rje'i sa gzhi chen po la rdo rje phra mos btams par bsam/ gur byas nas ni go char 'gyur/ /zhes rdo rje'i rtsig pa lnga sbrag las rdo rje'i gur chen pos khyab pa las/ rdo rje rtsig pa'i phyi rol du ni/ ral gri'i ra ba/ de'i phyi rdo rje gri gug gi ra ba/ 'khor lo'i ra ba/ pad+ma'i ra ba/slar yang bdag nyid mkha' spyod du zhes rdo rje gur gyi nang du rdo rje'i bla re chen po bres pa'o/ /steng du mda' yi ra ba dgod/ /ces pas mda' ri bas rdo rje'i rang bzhin gyi khyad par ro/ /de dag thams cad kyi phyi rol du me 'od phreng bas kun du 'khrigs par blta ba'o/ /srung ba'i 'khor lo'i bdag nyid ni shin tu yangs shing rgya che ba tshad med pa nyid do//mtshon char mnyam ni dper na gri bskor mkhan gyi ral gri lta bu ste phar la gcod cing 'khor la/ tshur gang gis kyang mi tshugs pa nyid shin tu 'jigs par ston pa'o/ /de dag gi nus pa'i stobs ni/ de ltar bdag nyid go bgos pas//zhes bdud par du gcod pas glags mi rnyed pas gzi brjid mi bzod pas nye mi nus pa'o/ /sum cu rtsa gsum pas kyang mi shigs zhes/ /dbang po brgya byin la sogs pa ste/ phyogs skyong bcu lta bu'i nus pa dang stobs dang ldan pas kyang nye bar mi nus pa nyid tshad med par bstan pa'o//de nas lha lhag par gnas par bya ba'i phyir/ de ltar bdag nyid ces pas bstan te/ lha'i bu'i bdud gzhan 'phrul dbang byed na gnas pa'i bdud la sogs pa'i gnod pa zlog par byed pa'i khyad par bsrung ba mtshams kyi 'khor lo byas nas/ rab tu bsrungs shing ni phung po dang 'chi bdag dang nyon mongs pa'i bdud dag kyang 'joms par 'gyur ba ste/sngags dang ni zhal bzhi sngags rnams kyis bsrung ba'i mchog go/ /phyag rgyas ni/ dang por lha so so'i gnas su dri'i thig le bkod nas der gsang sngags lha so so'i phreng ba brjod pas me tog tshom bu bkod pas dkyil 'khor ba'i lha thams cad skad cig gis rten dang brten par bcas par bskyed la/las kyi phyag rgya ni dpa' bo dang rnal 'byor ma thams cad sku'i rnam pa gsal ba'i yab yum snyoms par 'jug pa'o/ /chos kyi phyag rgya ni thams cad bde ba chen por 'byor ba'i sku can no/ /phyag rgya chen po ni thabs shes rab ro gcig bde stong lhan cig skyes par 'char ba'o//dam tshig phyag rgya ni de dag thams cad kyi sku gsung thugs rdo rje ye shes nyid la rtogs pas mi phyed pa'o/ /rnam brgyan pa ni lha'i sku la mtshan dang dpe byad dang rin po che dang rus pa'i rgyan gyis so/ /yang na rnam brgyan pa ste/dkyil 'khor gyi gnas nye bar brgyan cing mchod pa dang gtor ma dang / rnam par bkod pas mdzes par byas so/ /de yang lha dam tshig pa bskyed ye shes pa spyan drangs nas mchod bstod bzlas pa bdud rtsi myang ba'i bar du mchod pa las phan yon bstan pa/ dngos grub thams cad rab ster ba'i//zhes gnas skabs de nyid mthar thug tu'o/ /dkyil 'khor 'jigs pa bsam par bya/ /zhes pa bsgom pa de nyid dang rjes su 'brel pa blo'i yul du bri bar bya ba yang gsal gdab ba'o/ /mkha' 'gro dra ba'i bde mchog mchod/ /ces pa phyi nang gi mchod pa/ me tog bdug spos mar me zhal zas byug pa sgra snyan la sogs pa dang /yang gzugs rdo rje la sogs pa rig ma bcu drug la sogs pa dang / sha lnga bdud rtsi dang / de kho na nyid kyi mchod pas mnyes par bya/ mthar bstod pa byas nas gsol ba gdab par bya ba la sogs pas so/ /de'i rjes la slob ma lhag par gnas par bya ba la/nye reg mthor 'thung gis bsang ba bya ste/ 'byung po la gtor ma byin nas/ gsol ba gdab cing gdams pa bstan par bya'o/ /bsrung skud bcing / skyor chu blud/ ku sha'i sngas dang stan khro bo'i sngags kyis bsangs pa byin nas/ rmi lam brtag tu gzhug ste/ mtshan ma ngan na bzlog par bya'o/ /da ni rdo rje slob dpon gyi byed las bstan pa las/ dang por thig gi sbyor ba bstan pa ni/ de nas sems med srad bu'am/ /zhes skyes pa bud med grir shi ba'i ro'i rgyus pa bsngags la/ yang na ro'i skra'am ras ba la ro la dkris pa'am/ yang na gzhon nu ma nyams pas bkal ba'i ras bal bya ba phra sbom sgo'i nyi shu cha'o//ru d+hi ra ni bsgos pa ni dpa' bo g.yul du shi ba'i khrag chen pos bsgos pa'i don to/ /kyang ni bar ma'i sgra ste bdud rtsi lnga'o/ /ma da nas byugs pa yang ngo / /dpal ldan khrag 'thung grong khyer mchog /ces pa thar ba chen po'i pho brang / 'khor lo bde mchog gi yon tan phun sum tshogs pa'i 'byung gnas so//dkyil 'khor ni gzhal yas khang tshad med pa snying po len cing 'dzin pa ste/ dur khrod chen po brgyad kyis bskor ba ni 'jigs pa ste log 'dren rnams skrag par byed pa'o/ /yang na thig gdab par bya ba'i srad bu kha dog lnga pa la/ hUM b+huM traM hraM khaM/'od zer spro bsdus ye shes kyi cha spyan drangs te bstims pa rje btsun gyi snying po nye snying brjod pas mchod pas legs par bsgril bar bya'o/ /rigs bsdus pa'i dkyil 'khor tshad nges pa yang / khru bzhi pa'am khru brgyad pa/ /zhes pas tha ma 'bring nas khru bcu drug pa'i bar gyis so/ / dkyil 'khor dbyibs kyi khyad par ni/ zur bzhi pa ni grwa bzhi ste tshad med pa bzhi'o/ /de la sgo bzhi pa ni rnam par thar pa'o/ /rta babs bzhi yis rnam par brgyan pa ni dran pa nye bar gzhag pa la sogs pa'o/ /de yang pany+tsa re khA dang / 'dod yon snam bu phyi rol 'khor yug stegs bu dmar po can dang /rin chen pa zhu rked pa lta bu las/ bai DUr+ya'i rtsig pa'i logs la dra ba dra phyed 'phyang ba/ mda' yab dang / ri dgas chos kyi 'khor lo gdugs dang bcas pa'o/ /steng phyogs sa gzhi ji lta ba bzhin te/ 'on kyang rim pas gyen du 'phags pa bang rim can las rtse mo mchod rten bum pa lta bu la ka ba nyer bzhis bteg par gnas pa'o//thig gi khyad par yang / sngags pas nyis 'gyur rnams dpyad cing / /ces pas cha chen brgyad las bcu drug tu gyur pa/ de la phye bas sum cu rtsa gnyis dang de las kyang dbye ba'am/ yang na cha chen nyi shu rtsa bzhi la sogs par phye ba ste/dang por ye shes dang / de nas thig gdab par bya ba'o/ /mkha' 'gro dra ba'i bde mchog mchod/ /ces lha lhag par gnas pa mchod cing dkyil 'khor bar snang du bteg pa'am lus kyi dkyil 'khor bsdu ba bstan pa nyid do/ /de las rdul tshon khyad par du ni/ /rin chen lnga yi phye ma'am//yang na 'bras kyi phye me las/ /tha ma 'byung khungs tshon gyis te/ /dur khrod las byung rtog pa 'dag /ces pas 'dir ni/ gang du ro bsregs sol phye dang / /zhes dur khrod sol bas ni rdul tshon nag po/ skyes pa'i rus pa'i phye ma ni rdul tshon dkar po'o/ /ldong ros kyis ser po//dur khrod so phag ldan pa ni rdul tshon dmar po'o/ /rkun mo'i lo ma dang skyes pa'i rus pa'i phye ma dag gis ni rdul tshon ljang gu ste tshon gyi rgyu'o/ /dkyil 'khor ni rigs bsdus pa'i ngo bo dang / rigs tha dad pa rnams las/ bzang por bri bar bya ba ni/ b+ha dra zhes rgyu thabs 'bras bur 'brel pa'i rdul tshon dang ras ris yang gzung ngo //dang por pho brang chen po'i snying po'i dkyil 'khor bstan pa'i phyir/ de'i zhes bla na med pa lte ba nyid kyi dbus su pad+ma ni chu skyes te/ dpal he ru ka yab yum dang lha mo bzhi dang ldan pa bum pa thod pa dang bcas pa'o/ /'dab ma brgyad dang bcas pa ni//phyogs bzhi le brgan me dang rlung skyes kha/ bden bral la bsrubs ka /'byung po lcags ka'o/ /lte ba 'bar ba dang bcas pa ni 'od kha dog sna tshogs 'phro ba'o/ /ge sar yang dag ldan par gzhag ni de yang dbus kyi gtso bo yab yum nas brtsams te dkyil 'khor 'khor lo rdzogs pa rten dang brten par bcas pa nas/dur khrod dang rdo rje phreng ba dang ldan pa/ de dag gi phyi rol du ri rab kyi lcog rtse mo dang ldan pa/ lha gnas dang / ri rab kyi kha khyer dang ldan pa bri ba'o/ /de las lha so so'i gnas su mtshan ma dgod par bya ba las/ sku gsung thugs kyi rim pa las sku rdzogs pa bri ba'i dbang du bya ba ni/dkyil 'khor gyi dbus su bri ba lte bar dgod bya ni bcom ldan 'das dpal he ru ka yab yum gsal bar bri ba ste/ dpa' bo ni zhes pa dbang phyug dang tshangs pa dbang po khyab 'jug 'dul bar mdzad pa'o/ /'jigs byed ni dbang phyug dang u ma 'dul bar mdzad pa zhabs g.yon pa dang g.yas pas gnon pa rtag chad rnam par dag pa'o//yang 'jigs byed ni rje btsun gar gyi nyams kyi nga ro dgu dang ldan pa shin tu drag po'i sku'o/ /drang srong khros pa chen po'i sku can la/ /zhes khro chags 'dren pa'i sku'i rnam pa/ bai DUr+ya'i mdog gi gzugs can no//mdangs dang ldan zhing ni sku gzi brjid mtshungs pa med pa las rab tu 'bar zhes 'od zer dpag tu med pa 'phro bas sa gsum gyi 'jig rten du khyab cing snang bar mdzad pa'o/ /gsung gi nga ro bstan pa ni ha ha zhes pa'i sgra chen bzhad pa ni ye shes rdo rje'i gad mo bcu gnyis sgrogs pas sa chen po g.yo zhing g.yas g.yon du gzigs pa'o//dbu rgyan ral ba'i thor tshugs gcig tu bcings pa la thod pa'i phreng ba ni thod pa skam po dkar ce re ba lnga ye shes lnga dang ldan pa'i rigs lnga'i cod pan dang bcas pas/ yang rgyan dang ldan ni rus pa'i chun 'phyang can/ rus pa'i 'khor lo las sna tshogs rdo rje rgya gram la rdo rje sems dpa' gnas shing /zla ba tshes pa dang yid bzhin nor bus rtse mor mdzes pa'o/ /sku de yang mtshan bzang po dang dpe byad dang ldan pa'o/ /spyan gsum ni dus gsum mkhyen cing thugs rjes 'gro ba rjes su 'dzin pa'o/ /zhal bzhi mnga' ba ni/ rtsa ba'i zhal bai DUr+ya ltar sku dang mtshungs pa/g.yas pa gser mda' ba rngam pa'o/ /rgyab zhal pad+ma rA ga ltar bzhad pa/ g.yon marka ta ljang gu lta bu ste gtsigs pa can no/ /glang po che'i pags pa ni 'gro ba'i ma rig pa rtsad nas gcod pa'o/ /rnam par bgos pa ste bgegs kyi rgyal po thams cad btul bar mdzad pa nyid do//zhal de dag la yang smin ma bzang po ste zhal khro gnyer can me ri ltar 'bar ba 'phro ba'o/ /rdo rje dbyes pa ni ba spu dang ag tshom la sogs pa thams cad rdo rje'i rang bzhin can la/ thams cad du ni rin po che dang rdo rje'i rgyan gyis spras pa nyid do//phyag ni bcu gnyis las/ kha T+wAM ga dang mgo bo bsnams pa tshangs pa'i zhal bcas pa nyid do/ /brgya phyed phreng bas rnam par brgyan pa ni 'du byed lnga bcu rnam par dag pa A li kA li lnga bcu ste/ dang po lha ma yin dang gnod sbyin la sogs pa mgo bo khrag 'dzag pa can dang / yum gyi phreng rgyan ni sha dang bcas pa skams pa'i cha/rgyu ma'i thag pas brgyus pa ni sangs rgyas rigs brgya'i spro bsdu mdzad pa'o/ /des rje btsun he ru ka'i sku'o/ /dpal rdo rje rnal 'byor ma'i sku rab tu 'khril bar bstan pa'i phyir/ de mdun gnas pa'i lha mo ni/ /zhes sangs rgyas thams cad bskyed pa'i yum dpal ldan rdo rje phag mo zhes bya ba ni rnam par rtog pa thams cad rnam par dag pa ste ye shes kyi sku/rab 'jigs ni dngos po thams cad zil gyis gnon pa'i sku'o/ /he ru ka dpal ye shes phyogs ni gtso bo'i sku la 'khyud pa ste rdo rje pad+ma snyoms par zhugs pa ljon shing la 'dzegs pa ltar ro//spyan gsum pa ni srid gsum dus gsum sa ler mkhyen pa/ drag mo'i gzugs mnga' ma ste/ 'jig rten gyi dregs byed srin mo la sogs 'dul ba'o/ /de'i phyag g.yon pa na ka pA la ni an+ta sa bkang gdug pa can bsgral ba'i dbang po'i sgo'i khrag go/ /zhal nas ru d+hir 'dzag cing ni bde ba'i rgyun gsol ba'o//sa bla'i lha dang sa steng mi dang sa 'og gi lha ma yin du bcas pa'i log 'dren rnams thams cad la phyogs bcu kun du ni sdigs mdzub rdo rje dang bcas pas tshar gcod pa'o/ /dkyil 'khor pa'i rnal 'byor ma sa 'og sa steng / mkha' spyod kyi gnas pa dgod pa yang mkha' 'gro ma nyi shu bzhi rnams dang /gzhan yang rnal 'byor ma bcu gnyis dang ldan pa thams cad ni dpal ldan phag mo'i ni rigs las byung zhes ye shes kyi cha shas las byung zhing spro bsdu mdzad pa yang yin no/ /phyogs dang ni lugs 'byung la phyogs kyi mtshams rnams ni lugs las bzlog pa mtshon pa'o//'khor lo'i dbus su dpal ldan rdo rje rnal 'byor ma dang he ru ka'i sku dang / yig 'bru phyag mtshan bkod pa la mchod par bya ba nyid do/ /de bzhin 'di ni dpa' bo yang / /zhes thod pa'i dum bu can las brtsams te rdo rje sems dpa'i bar du'o/ /'khor lo ni sku'i rigs 'khor lo'i mu khyud can dang /gsung gi 'khor lo pad+ma'i mu khyud can dang / thugs kyi 'khor lo rdo rje'i mu khyud can dang / rigs bdag gi phyag rgya dang yang dag gnas pa bri zhes ye shes lnga'i rtsig pa'i nang du'o/ /de dag kyang thabs rkyang ba'am/ yang na shes rab rkyang ba lta bu 'am zhe na/sgrub po gal te dngos grub 'dod/ /ces las dang 'bras bu myur du 'byin pa 'di nyid/ gnyis med dpa' bo mchod par bya/ /zhes lha de dag thams cad kyang yab yum thabs dang shes rab dbyer med bde ba chen por ro/ /de la dkyil 'khor gyi gnas nye bar brgyan pa ni/ dkyil 'khor gyi sa phyogs kun du bkod pa legs par brgyan par bya ba ni/ rin chen dang zhes mu sa la gar+b+ha la sogs pa sna tshogs pa dang / gser rnams kyis ni mdzes par spras pa'i mchod rdzas yid du 'ong ba'i dngos po thams cad kyis yongs su bskor ba'o/ /thar ba chen po'i grong mchog ni lha'i gzhal med khang /yid 'ong ni shin tu mos pas so/ /mchod na ni zhes dkyil 'khor gyi grib yol dang bla re dang gdugs dang gdung g.yogs kyis so/ /me tog phreng ba dang spos sna tshogs dang dri'i byug pa la sogs pa sna tshogs pa'o/ /'grub pa nyid du the tshom med pa yon tan phun sum tshogs pa myur du grub par byed pa'o//'dir bum par lhag gnas bstan pa ni gzhung 'khrugs ma sbyar ba'i don te/ gong du dgos pas blo dang ldan pas shes par bya'o/ /de nas bum pa bya ba ni/ /zhes thog ma'i dbang rdzas bsgrub pa las khyad par du rgyu rin po che las byas pa dang sa las grub pa yang rung ste/mtshan nyid dang mi ldan pa'i skyon ni/ rtsa ba nag po zhes pa 'bar 'bur thag thug med par phyi nang thams cad shin tu 'jam pa la zhabs stegs med pa ni ma yin no/ /ra ri la sogs med pa ste skyon dang bral ba'o/ /mtshan nyid yon tan dang ldan pa ste bre gsum la sogs pa tha ma bre gang ngo //bum pa'i snying po'i rdzas ni mu tig gser dang gzhan yang rin po che in+d+ra nI la dang / byi ru dang dngul dang mu med dang zangs ma'i rgyu ma thing spangs te/ rin po che lnga dang / bza' ba kun ste 'bru lnga dang snying po lnga/ dri lnga dag gis ste spos la sogs pas legs par bkang ste/yang rgyun du 'bab pa'i chus bkang ba la/ snod ka pA la'am du chos sam/ /nya phyis bzang po bdud rtsi ri lu sbyar ba ni bum pa la 'bras bu can gyi shing gis kha brgyan pa'i steng du gzhag par bya ba rdo rje dang bcas pa'o/ /kha dog lnga pa'am yang na gzhan yang gzungs thag ras skud la me tog phreng ba brgyus pas mgrin pa srad bus dkri ba dang zhes 'od zer lnga dang ldan par bsam pa'o//kha khyer la ni 'dab ma 'bras bu can gyi shing a mra la sogs pas brgyan par bya ba ste/ rgyu 'bras kyi lam ston pa'i byed pa'o/ /gos zung gis ni legs dkris pa ni bum pa kun las ras kha tshar ma nyams pa zung gis mgul chings bya ba'o//brgyad ni sgo ru rnam par dgod/ /ces pas rtswa ku sha ras gtsang ma'i steng du gzhag par bya ba ste/ bde chen DA kI bum pa thod pa rigs kyi dang / /thugs gsung sku la gsum/ dam tshig gi sgo ba ma bzhi dang / mtshams ma bzhi dang /las kyi bum pa dang bcas pa'o/ /dkyil 'khor phyogs bzhir zung du'o/ /bum pa dgu pa dbus su gzhag /gtso bo yab yum gyi rnam par rgyal ba'i bum pa dang / bkra shis kyi bum pa yang bya ste/ de dag la lha'i mtshan ma dgod par bya'o/ /bum pa legs par brgyan pa ni/ / gser ram dngul lam rin chen ni/ /sna tshogs bkod pas spras pa ste/ /mu tig gi phreng ba la sogs pa rnams kyis mdzes par byas pa'i chun 'phyang la sogs pas legs par brgyan pa'o/ /da ni dkyil 'khor lhag pa'i lhar bsgrub par bya ba ste/ bdag nyid kun nas sgo la ni/ /zhes pas rdo rje slob dpon gyis rnam par bkod pa bris pa'i dkyil 'khor du/de nyid rten dang brten par bcas pa mngon sum pa ltar bltas la/ ye shes kyi dkyil 'khor spyan drangs nas mchod yon zhabs bsil dang / phyag dang mchod pas sgo'i phyogs bzhi nas bstod pa la sogs pa bya ste/rje btsun he ru ka'i zhal bzhi la dmigs nas thabs shes rab kyi snying po brgya rtsa brgyad kyis brtan par bya'o/ /bdag nyid ni rnal 'byor ma'o/ /kun nas sgo las ni rang gi lus dkyil 'khor dang tha dad med par byang chub phyogs kyang ngo / /dri zhim chu yis legs par gdab pa tsan+dan dang dzA ti gur kum la sogs pa'i chu la 'khyil pa brjod pas phyogs kun du'o//gal te dngos grub mchog 'dod na/ /zhes sku gsung thugs kyi byin rlabs dang dbang gi sgo nas yon tan nus pa mngon du bya bar 'dod na'o/ /mchod pa dag kyang lha grangs las mi nyung ba las/ mar me brgya ni dbul bya zhing //zhes pas des mtshon nas/ me tog bdug spos la sogs pa thams cad kyis dkyil 'khor yongs su 'khor ba'o/ /nam mkha'i zhes mkha' spyod ma'i mkha' 'gro ma rnams ni 'dir lha mo rnams gtso che zhing thugs kyi dpa' bo dang bcas pa thams cad yid kyis te/rnam pa gsal bas thams cad steng du dgod pa rdo rje'i ka ba dang gdung zlum gyis so/ /sa steng mkha' 'gro ma gang yin ni lha mo myu gu can la sogs pa/ dkyil 'khor kun du dgod par bya ba gsung gi lha tshogs yab yum ste pad+ma'i ka ba dang pad+ma'i gdung zlum gyis so/ /gang yang sa 'og mkha' 'gro ma ni 'khor lo'i shugs can ma la sogs pa'i sku'i lha tshogs dpa' bo stobs po che la sogs pa de rnams ni sa 'og gnas su dgod pa 'khor lo'i ka ba dang gdung zlum gyis bteg pa nyid do//rim pa bzhin pho brang 'khor lo rim pa can du gnas pas steng dngas gzhi mtshungs so//de las bde ba chen po'i lha mo ma mo bzhi po ni gtso bo'i phyogs bzhir gnas pa/ mu khyud gri gug phreng bas mtshan pa la'o/ /gzhan yang dam tshig 'khor lo'i ma mo thams cad sgo ba ma ni phyogs dang zhes sgo bzhi'i nang ngos so/ /phyogs mtshams grwa bzhi rnams su gshin rje brtan ma la sogs pa dgod par bya zhes 'gro ba 'dul ba'i phyir ro//'khor lo sdom pa'i lha tshogs la gus pa'i sgo nas/ gal te dngos grub mchog 'dod na/ /zhes myur du'o/ /dri dang me tog bdug spos dang / /zhes byug pa man+dA ra ba la sogs dang / a ka ru la sogs pa'o//dpal ldan khrag 'thung dkyil 'khor gnas/ /zhes rten dang brten par bcas pa'i lha tshogs kyi pho brang yongs su rdzogs pa'o/ /dpa' bo rnal 'byor ma mchod bya/ /zhes pas phyi nang de kho na nyid kyi mchod pa gsang sngags kyis brtan par byed pa'o/ /yang bkod pa'i bye brag dar gyi rgyal mtshan dang ba dan kha dog dmar ba ni dbang dang dgug pa'o//de bzhin ser ba ni rgyas pa'o/ /dkar ba dang ni zhi ba'o/ /gnag pa ni mngon spyod do/ /ser skya dang ni rengs par byed pa la sogs pa la'o/ /de bzhin gos ni sna tshogs dang ni ka shi ka dang pany+tsa li ka dang de la sogs pa kha dog dang rgyu bzang ba'i bye brag gis so//ku mu dang puN+Da rI ka la sogs pa'i me tog phreng ba du ma'i chun 'phyang gis brgyan pa'o/ /bla re dag dang bcas pa ni gdugs dang za 'og las byas pa la'o/ /mda' ni brgyad la sogs pa la dra ba bres pas shin tu mdzes par bya'o/ / yang na yol ba la sogs pa'o/ /dkyil 'khor ba la tshogs kyi mchod pa dbul ba ni de bzhin bza' bca' btung ba yis/ /zhes pas pa la dang ma dan la sogs pa khur ba la sogs pa 'bras chan dang sna tshogs pa la/ rab mnyam gzhag ste/ mchod par bya ba rang gi lha'i rnal 'byor dang ldan pa'i ngang las de dag la tshul bzhin du byin gyis brlabs pa'i sbyor bas bdud rtsi dam tshig pa la/ye shes kyi bdud rtsi bstims te lha rnams la mchod cing / lha tshogs thams cad kyi zhal reg par mos pas gsang sngags bzlas shing brten par gyur pa'i don gyis rmi lam sgyu ma tsam du mos pas gtor ma dbul zhing bzod gsol bya/yi ge brgya pa 'don par bya/ de ni lha mnyes par bya ba'i cho gas dkyil 'khor gyi bsgrub pa bstan pa'o/ /da ni le'u mtshan bsdu ba las/ dpal 'khor lo sdom pa las zhes rgyu thabs 'bras bu ma bla na med pa'o/ /'khor lo ni lnga ldan no/ / mchod pa phyi nang bla na med do/ /cho ga ni gsang chen 'bras bu myur du ster ba'i gnas/ le'u ni gzhung gcod cing skyong ba'o/ /gnyis pa ni grangs bstan pa'o/ /le'u gnyis pa'i rnam par bshad pa'o// //de la 'dir dang por bgegs nye bar zhi ba sa'i cho ga dang / lhag par gnas pa'i cho ga rdzogs pa dang /thig gdab cing rdul tshon gyi dkyil 'khor bris nas/ dkyil 'khor lhag pa'i lhar bsgrub cing gnas nye bar brgyan la/ mchod pa dang gtor ma legs par bshams pa sngon du 'gro bas de nas thog mar ni bla ma la ji ltar mchod pa bstan pa/ de la dpal ldan pad+ma badzra pas//mchod pa kun gyi thog mar ni/ /bla ma la ni gus pas mchod/ /sangs rgyas rin chen za ma tog /dpal ldan 'dus dang gzhan du'ang bstan/ /ces pa la sogs pa gsungs pas so/ /de yang dang por sgrub pa pos zhes bla na med pa'i rgyud 'dir dbang bskur ba thob par 'dod pas so//dngos po kun gyis ni gang rang gi yid du 'ong ba'i rdzas dang longs spyod thams cad do/ /dang por zhes dus kyi khyad par yon tan grub par byas pa la rdo rje slob dpon ni legs pa'i lam ston pa'i mchog de nyid zhing khyad par can no/ /grub 'dod ni tshe 'di nyid la phyag rgya chen po mchog gi dngos grub po//shin tu mnyam gzhag pas ni lhag pa'i lha dpal rdo rje 'chang dang tha dad med par blta bas ci nus pas ni mchod pa phyi nang de kho na nyid kyi bye brag du mas so/ /de la 'di nyid le'u nyer bdun pa las kyang / bla ma brgyud rim gyis thob pa'i/ /dbang bskur ba ni sngags legs ldan/ / zhes pa dang / rnal 'byor lam la dga' bas ni/ /gtsang sbra 'di ni yang dag dpyad/ /bsod nams gtsang sbra las byung ba/ /sgrub pos yon tan rgya chen thob/ /ces pa'i don to/ /de yang rdo rje slob dpon gyis dkyil 'khor mchod cing dbang ji ltar bskur bar bya ba la dang por rang nus pa mthu dang ldan par bya ba'i phyir 'jug par bya ba ni rig pa'i dbang rnams las/dang por mi bskyod pa chu'i dbang las/ dril sbyangs ni bum pa mtshan nyid dang ldan pa a ka ru la sogs pas spos kyis bdug cing legs par sbyangs pa'i sngags/ A li kA li yis dag byed kyis bum pa brgyan pa/ me tog ste rigs lnga'i dbu rgyan cod pan dang ldan pa'o//yang dril sbyangs ni dar dang ras kyis mgul chings byas pa dang 'bras bu can gyi shing gis kha rgyan byas pas mdzes pa'o/ /yang dbu'i cod pan gyi dar dpyang gis bcings ba yang mtshon pa'o/ /shin tu sra mkhregs rdo rje ni bdag po 'od dpag tu med pa'o//sgra snyan ni tshigs su bcad pa thams cad sngags brjod pa'o/ /dril bu dkrol ni rdo rje gdon mi za ba'i dbang bstan pa'o/ /ha ha zhes ni brjod par bya ba ni rnam par snang mdzad ming gi dbang khyad par du gyur pa'o/ /sgrub pa po ni dam tshig gsum dang ldan pas rdo rje slob dpon du/rdo rje sems dpa' drug pa'i bdag nyid du sgrub pa pos gnas par bya'o/ /rnga brdungs zhing ni rnga bo che dang dung dang chos kyi gaN+DI la sogs pas lha phrin las la skul bar byed pa'i phyir ro/ /de ltar yang DA ki rgya mtsho'i rgyud las/ dril sbyangs bum pa mtshan nyid ldan/ / a ga ru sogs spos kyis bdug /legs sbyangs A li kA li yis/ /dar dpyang mgul chings shing los brgyan/ /dag byed rin chen 'bru sman dri/ /snying po chu bo 'bab pas brgyan/ /rigs lnga'i dbu rgyan me tog gi / cod pan dar dpyang mdzes pas brgyan/ /shin tu sra mkhregs rdo rje'i bdag /dril bu don yod rgyal po sbyin/ /bkra shis brjod pa ha ha zhes/ /rab sgrogs ming gi dbang bskur bas/ /sgrub pa dung dang gaN+DI dang / /sgra snyan rnga bo che brdung zhing / /lha rnams phrin las myur bskul 'grub/ /gsang sngags tshig gi sgra snyan brjod/ /rig pa'i cho ga legs sbyin pa/ /dkyil 'khor mdun du dbang bskur ro//zhes gsungs pa'i don to/ /de la theg pa thun mong ba'i lam ltar na/ dril sbyangs ni so sor thar pa dang ldan pa/ skyabs 'gro khyad par can dang pha rol tu phyin pa drug la'o/ /me tog ni smon pa/ spos ni 'jug pa/ brgyan pa don dam sems bskyed do/ /shin tu ni phyi'i 'jug pa drang ba/sgra snyan ni nang gi 'jug pa ye shes dbab pa'o/ /dril bu la sogs pa ni sdom pa dang dam tshig la gnas pa/ 'khrol ba ni lha dang ngo sprad pa'o/ /sgrub pa po ni bla mas so/ /rnga brdung ba ni chos kyi sgra sgrogs pa/ ha ha zhes brjod pa ni dkyil 'khor mthong bas dga' ba skyed pa'o//yang gsang ba dang gsum pa ltar na/ dril sbyangs ni lhan cig skyes ma ste bcu gnyis ma'o/ /sgra snyan ni sngags skyes bcu drug du/ dril bu dkrol ba ni zhing skyes dgu gnyis ma/ rnga brdung ma ni ye shes las byung ba nyi shu ste rigs ldan ma'o/ /me tog spos kyis brgyan pa'i mchod pa thun mong ba'o//ha ha zhes sgrub pa po dang ha ha/ sid+d+hi ste dga' ba dang skad cig ldan pa'o/ /chos kyi phyag rgya ni/ dril sbyangs ni yab yum gnyis// lhar rab tu gsal ba/ me tog ni g.yon rtsa/ spos ni g.yas rtsa/ de dag gis brgyan pa dbu ma/ shin tu sgra snyan ni rtsa gnas su rlung d+hU tIr tshud pa'i sgra/ dril bu ni rdo rje dang mnyam par sbyor bas 'khrol ba/ sgrub pa po ni yab yum 'du shes gsum ldan gyis lhan cig skyes pa'i bde ba bsgrub par bya'o/ /rnga brdung ba ni yum gyis bskyod pa'i bde ba'o/ /thig le gyen du zlog pas dga' ba dang skad cig ma'i bde ba ha ha zhes bde chen gnas su bskyal ba'o//phyag rgya chen po dam tshig ltar na/ dril sbyangs ni spyi bo'i haM mgo thur la 'chang ba'o/ /me tog ni rtsa rkyang ma/ spos ni ro ma/ brgyan pa d+hU tIr tshud pa'o/ /shin tu ni rtsa kun 'dar gyi gnas so/ /sgra snyan ni srog rtsol 'gog pas so/ /dril bu ni gtum mo'i mes 'og rlung bskyod pas so//'khrol ba ni 'bar 'dzag gsang bar gyur pa'o/ /sgrub pa po yis ni rnal 'byor pas gnad kyi 'khrul 'khor dang ldan pas so/ /rnga brdung ba ni 'byung ba bzhi rlung 'gog pa'o/ /ha ha zhes brjod pa lhan cig skyes pa'i bde ba gyen du 'bar bas ye shes kyi gad mo 'byung ba'o/ /des phyag rgya bzhi ldan no//de nyid mchod pa dang rdo rje'i glus yang dag par bstod pa ni/ /de ltar zhes rim pa ji lta ba bzhin du cho ga ni rnam pa thams cad du yang dag pa'i byang chub sems kyis kun nas bslang ba'o/ /dkyil 'khor ni rten dang brten par bcas pa'o/ /'dod pa'i yon tan kun ldan ni gzugs rdo rje ma la sogs pas yang dag par mchod nas ni/zhes skad cig tsam gyis lha'i 'khor lo yongs su rdzogs pa ye shes sems dpa' bstims pa dang ldan pa la cho ga blang ba ste/ dkyil 'khor bdag po de nyid las he ru ka gnyis pa byon pas des dbang thams cad rdzogs par bskur ba nyid kyi rjes la/lha la gnang ba thob pa la ga Na tsakra bya ba yang ngo / /de ltar yang / ka pA la'am nya phyis su/ /bdud rtsi ril bu sbyar ba'am/ /yang na ma da na yang rung / /sum+b+ha brjod cing slob ma la/ /bsang ba byas la snying po sbyin/ /go cha bcing zhing rdo rjes bsrung //ras dmar dri ma med pa yis/ /gdong bcing me tog phreng ba sbyin/ /zhes gsungs pa'i don to/ /de nas phyir khrus bya zhing gos stod smad g.yogs pa dang ldan pa de nyid la/ bu mdzes de dag gdong la ni/ /zhes pas/ bdud rtsi 'khyil pa'i sngags kyis bsangs pa'i ras sam dar gyis legs par bkab nas su/zhes legs par bcing bar bya ba'o/ /lho'i phyogs nas kha bltas te/ /snyim pa me tog gis bkang la/ /ces me tog phreng ba lag tu gtad de bar chad dri ba dang lan brjod pas/ rim gyis 'ong ba la snying gar rdo rje bzhag ste/ oM shrI sarba ta thA ga ta yo ga tsit+ta ut+pA dA yA mi/zhes pas 'dir ni sems bskyed pa rdo rje lta bu yin te/ zhes pa nas/ oM su ra ta s+t+waM sa ma ya ho sa ma ya s+t+waM/ sid+d+ha badzra ya thA su khaM/ zhes brjod cing dkyil 'khor gyi dam la gzhag pa la sogs pa bya'o/ /de nas bskor ba byas nas kyang ni/ oM sarba ta thA ga ta a khaM bI ra hUM gis sgo'i nang du zhugs te shar khyams su 'dug pa la bltas la/oM na maHte hUM/ oM na maHmi hUM/ oM na mo na ma hUM/ /zhes pas phyag bya/ khyad par gyi bla ma dang dkyil 'khor pa la phyag bya ba phyogs nas sngags dang bcas pas so/ /sgrub po shin tu mnyam gzhag pas/ /zhes rdo rje slob dpon dang slob ma thams cad ting nge 'dzin la gnas par bya ste/'di la yang sngon 'gro dang / dngos gzhi dang / rjes la ngo sprad par bya bas/ grong khyer dam pa der gzhug bya/ /zhes nang gi 'jug pa ye shes dbab pas so/ /lho'i phyogs su lus brten la/ /zhes de dag rim bzhin du las kyi rdo rjes drangs la/bden pa'i stobs brjod par byas la/ de nas snyim pas me tog dor pra tIts+tsha badzra ho/ /zhes pas so/ /dkyil 'khor gang du me tog babs/ /zhes mthong ba dri zhim me tog phreng ba spyi bor bcing bar bya'o/ /de'i rigs ni bstan par bya ba lha sku dang pho brang gi 'khor lo gang la phog pa ngos zin zin par bya'o//de nas gdong phye zhes pas rdo rjes mig skyon dag par bsam zhing / tshigs bcad brjod pas gdong g.yogs dgrol bar bya'o/ /dkyil 'khor bstan ces thar pa chen po'i pho brang rten dang brten par bcas pa dur khrod dang me 'od phreng ba'i bar du'o/ /gang gis lha'i gnas gang yin zhes dpal he ru ka'i lha dang /dkyil 'khor gyi de kho na nyid bstan par bya ba'o/ /rdo rje slob dpon gyis lha gang dang gang gi spyi dang bye brag gi khyad par der de yang dag bstan par bya/ de ni slob ma dkyil 'khor du gzhug cing lha ngo bstan pa'o/ /de nas dbang bskur ba dngos la/ dang por rig pa'i dbang lnga zhu ba'i don du maN+Dal me tog dang bcas pa phul nas gsol ba btab pas/sngar gong du tshig rkang bzhis bstan pa'i don dang / yang le'u nyer bdun pa las/ dpal ldan khrag mthung ye shes che/ /rnam dag mtshan nyid kun bsgrub pa/ /bde ba'i bsod nams chu 'thung pa//dag byed sdig pa 'jig byed yin/ /spyi gtsug la sogs bcings pa yang / /phyag rgya thabs ldan rdo rje'i dbang / /reg pa dang ni smra bas kyang / /lus dag pa la skyon med pa/ /sdig pa kun las rnam grol 'gyur/ /zhes pa dang / yang / de ltar rtag tu mchod byas nas/ /dad pa yis ni gtor ma 'bul//ji ltar cho ga'i sbyor ba yis/ /dad pas ji 'dod sbyin par bya/ /zhes gsungs pa'i don to/ /da ni gnyis pa gsang ba'i dbang bskur bar bya ba ni/ de nas slob dpon legs par ni/ /zhes sku gsung thugs rdo rje lha'i ting nge 'dzin dang ldan pas mnyam par bzhag ste ni yab yum mkha' gsang byin gyis brlabs bzhin pas lha'i snying po dgod pa la sogs pa ma yengs par byang chub sems bskyed sngon du 'gro bas phyag rgyas mchod pa ni bde ba bsgrub par bya bas dkyil 'khor gyi lho phyogs su maN+Dal dang ldan par ro//yang na slob dpon phyi de nyid ces lus dang kun rdzob byang chub sems kyi dkyil 'khor gsang ba'i dbang bskur ba ste/de nas mtshal chen ni rig ma las rang byung ba'i khyad par te/ de dang shu kra ga pur dang bcas pa nyid las/ gsang sngags lan gsum bzlas pa yis/ /zhes byug pa dang sbyar bas/ de las ni slob ma'i gnas gsum du thig le dgod par bya ba yin zhes so//des ni sangs rgyas thams cad 'dul ba'i byang chub sems kyi dbang thob par 'gyur ba bstan pas/ sdom pa dam tshig dbang bstan par gyur pa 'bras bu dang bcas pa nyid du gyur pa'o/ /da ni dbang gsum pa bstan par bya ste/ de nas zhes pas maN+Dal me tog dang bcas pa phul te gsol ba btab/ ye shes dbab cing rdo rje btsun mo'i lus la me tog dor/ gdong phye ba ni rdo rje'i spyan dbye ba ste/ ma rig pa'i mun pa bsal ba'o/ /ye shes kyi don mthong bar bya ba chos la chos kyi mig rnam par dag pa chos 'byung gi dkyil 'khor bstan pa 'byung ba lnga dag pa rtsa'i pho brang ngo //dpal he ru ka'i gnas gang yin ni rdo rje lus kyi gnas dang nye gnas la sogs pa'o/ /der ni yang dag pa nges par bstan par bya/ rten dang brten par bcas pa'o/ /de nas rdo rje slob dpon gyis rig ma gtad cing gdams pa bstan pas slob ma de rig ma dang mnyam gzhag ces lha'i nga rgyal brtan pa mkha' gsang byin gyis brlabs bzhin pas/rab tu 'dud pa byas nas ni/ /zhes rtsa dbu ma'i sna rtse 'phrod pas zag bcas rlung 'gog pa'o/ /g.yon nas brtsams pa'i rim pa ni rdo rje dbyings kyi dbang phyug ma'i rtsa btsal ba las dga' ba dang skad cig ma rtogs par bya'o//der ni bskor ba rab tu bya bas te/ snyoms par 'jug pas bsrung ba'i sbyor ba'o/ /de la ni/ dril sbyangs me tog spos kyis brgyan/ /shin tu sgra snyan dril bu 'khrol/ /bsgrub pa po yis rnga brdung zhing / /dkyil 'khor dang ni bla ma la//ha ha zhes ni brjod par bya ba'i don la/ des lhan cig skyes pa'i ye shes bde ba chen po sngon du bya ba'o/ /des ni dkyil 'khor 'khor lo'i lam las don gyis ye shes gsang ba bla na med pa dkyil 'khor gyi nub phyogs su ni/ dkyil 'khor dang ni bla ma la/ /ji bzhin cho gas phyag bya'o//zhes de nyid mchod cing mnyes par bya'o/ /da ni dbang bzhi'i gdams pa cung zad bstan pa ni/ dpal pad+ma badzra pa'i bzhed pas/ /dbang gi rnam bzhi nges pa las/ /yon tan bzhir gyur nus par ldan/ /bskal pa la dbang dri ma 'khru/ /rigs des bstan par gyur pa la/ / thun mong chos dgu khyad par bzhi/ /de nyid mchog tu rtogs par bya/ /zhes gsungs pa'i don gyis/ dang po thun mong gi chos dgu las/ dang po bla ma rdo rje slob dpon du gyur pa/ dkyil 'khor rdul tshon rnam par bkod pa/ phyogs shar du maN+Dal ba'i rnam lngas byugs pa/ dus tshod srod du bdud 'dul ba/yul rang gi lus spyi bo/ /dbang rdzas bum chu la sogs pas lus kyi phung po lnga'i dri ma 'dag /rjes gnang bskyed rim lha'i rnal 'byor la dbang bar gyur pa'o/ /khyad par gyi chos bzhi la/ lta ba gang rtogs pa ni rang gi lus phung po khams dang skye mched tha mal pa las blo log nas lhar shes pa 'byung ngo //der snang ba rang gis sems su ngo 'phrod pas sems tsam rnam bden gyi mtshan nyid rtogs pa'o/ /des gcad bya gang gcod pa ni lus lhar nges pas tha mal du 'dzin pa'i rtog pa chod pa'o/ /dbugs 'byung ni snang srid lhar shar bas rnam par snang mdzad kyi dbugs dbyung ngo //rgyas gang gis 'debs na/ brtan g.yo lha dang gzhal yas khang du shar bas de bzhin gshegs pa'i rgyas 'debs su bstan pa'o/ /gsang ba'i dbang la yang thun mong gi chos dgu las/ dang po ni bla ma rdo rje slob dpon du gyur pa/ dkyil 'khor ni lus kyi dkyil 'khor/maN+Dal bdud rtsi lngas byugs pas/ /phyogs lho/ dus nam phyed mnyam par gzhag pa'i tshe dbang rdzas byang sems/ sih+lag pur/ yul ngag sgra rjod dri ma yang dag dri ma 'dag /rjes gnang rtsa rlung phra thig bsgom pa la dbang ba'o/ /khyad par gyi chos bzhi la blta ba ni/ lhar 'dzin gyi snang ba nub nas bde ba rtog med sems rang rig rang gsal//gsal ba 'dzin med rnam brdzun gyi mtshan nyid rtogs/ gcad bya snang ba rang sems su shes pas phyi rol gyi brtan g.yo lhar 'dzin gyi rtog pa chod/ rgyas 'debs ni bde ba rtog med la gzung 'dzin gyis mi g.yo bas/ rdo rje mi bskyod pas rgyas gdab bo/ /dbugs 'byin pa yang pha rol tu phyin bas rdo rje mi bskyod pas dbugs dbyung ngo / /shes rab ye shes kyi dbang la yang / dang po thun mong ba la dgu ste/ dang por rig ma rdo rje slob dpon du gyur pa/ /chos 'byung gi dkyil 'khor phyogs nub/ dus nam gyi bzhi cha maN+Dal ni sih+la ga pur gyis byugs pa/rdzas yab yum bsrubs pa las 'byung ba'i bde ba/ yul rang gi sems/ dri ma yang rang bzhin brgyad cu'i rtog pa 'dag /rjes gnang dkyil 'khor 'khor lo'i lam las kyi phyag rgya bsten pa'i skal ba la dbang pa'o/ /khyad par gyi chos bzhi la/lta ba gang rtogs pa ni/ don rang gi mtshan nyid bde stong gnyis med zung 'jug rtogs/ gcad bya gang chod pa ni sems bde gsal du 'dzin pa de chod/ rgyas 'debs ni snang srid kyi chos thams cad la dbu ma sgyu ma lta bu rdo rje sems dpas rgyas 'debs so/ /dbugs dbyung ni 'khor 'das kyi chos thams cad la bde chen lhan cig skyes pa ste/zung 'jug slob bzhin pa 'od gsal ba rdo rje/ bde ba'i ye shes dang 'brel med du gyur pas snying rje chen pos sems dpa'i phyir rdo rje sems dpa'i dbugs dbyung ngo / /dbang bzhi pa la yang / thun mong gi chos dgu las/ dang po rdo rje slob dpon ni sems kyi rgyal po//don dam byang chub sems kyi dkyil 'khor/ phyogs dkyil 'khor chen po'i byang / dus nyi ma 'char ka ma'o/ /rdzas sku gsung thugs rdo rje gsum dbyer mi phyed pa/ yul chos nyid yul dang yul can dbyer med pa/ dri ma ni rtog pa phra rab thams cad 'dag /rjes gnang bsam gyis mi khyab pa'i phyag rgya chen po mnyam rje la gnas pa'i skal ba la dbang bar gyur ba'o/ /khyad par gyi chos bzhi ni/ lta ba ni chos thams cad la zung 'jug rab tu mi gnas par rtogs/ gcad bya ni dbu ma rgyun chad mi gnas pas sgyu ma tsam du 'dzin pa de'ang chod/rgyas 'debs ni 'khor 'das dbyer med bde chen 'gyur ba med pa la dpal rdo rje 'chang chen pos rgyas 'debs so/ /dbugs dbyung ni bde chen rang 'byung lhan skyes/ mi slob pa'i zung 'jug byang chub kyi sems/ phyag rgya chen po bla ma'i byin rlabs kyi stobs las/ rdo rje 'chang chen po dpal he ru ka sku bzhi'i ye shes su rang rdzogs par 'byung ba'o//des dbang gi don bstan pa'o/ /da ni bla ma rdo rje 'dzin pa mnyes par bya ba'i phyir rdzas dang longs spyod dbul bar bya ba ni/ de nas bla ma dag la yon ni ji ltar 'byor pa rab 'bring tha ma rnams so/ /de bzhin gshegs pa dpal he ru kas gsungs pa dbul bar bya ba ste/mthar bdag nyid kyang ni dbul bar bya ba'i bar ro/ /de las phan yon bstan pa'i tshul gyis spyi dang bye brag tu dbang bstan par 'gyur bas nus pa'i khyad par 'thob tshul dngos dang brgyud pas bstan pa de ltar nges par bya ba ni zhes pa/ bla ma brgyud pa'i byin rlabs kyis so//nges par byed pa cho ga rim pa go rims ma nor bas so/ /nges par gyur pa ni slob ma'i rgyud la nus pa dang yon tan 'char zhing bar chad thams cad bzlog pa'o/ /sgrub pa po ni rigs su rab nges byas/ /zhes dbang gi dus su gtso bo la me tog phog pas rdo rje 'chang gi rigs su nges par byas/lha tshogs gzhan du lhung na dpal ldan rgyal tshab tu nges par 'gyur ba nyid du shes par bya'o/ /de yang byin gyis brlabs shing dbang bskur bas rten gyi tshogs sku gsung thugs kyi/ glegs bam mchod rten la sogs pa la rab tu gnas par 'gyur la/ zhu ba po'i tshogs la dbang bskur bas rab nges byas/'bras bu sku bzhi 'thob pa'i nus pa gzhag par gyur pa'o/ /sa gsum gyi dbang phyug ma rnams kyis bdag la dgongs par 'gyur ba ni de nas de la zhes pa nas lhan cig gi bar gyis rgyal ba lha tshogs thams cad kyis sras dang spun ltar 'tsho zhing skyong ba nyid do/ / dpa' bo rnal 'byor ma de dag dang bde legs la rnam par spyod pas 'gro ba'i don du ma byed pa'o/ /sgrub pa po ni de dag gi phrin las kyi pho nya mngag gzhug pa thams cad ci bgyi ba gang dang gang gi bya ba las tshogs thams cad byed par the tshom med par 'gyur ba'o/ /da ni dngos grub kyi yon tan 'byung ba ni rnal 'byor 'di ni gnas skabs dang mthar thug gi phrin las la dbang bsgyur ba ste/grub 'gyur na zhes pa dngos grub khyad par can 'thob pa'o/ /'jig rten gsum du mi bzlogs shing ni nang gi dug gsum dag pas srid pa gsum dbang du gyur cing / phyi'i tshangs pa drag po khyab 'jug la sogs pas kyang gnod par mi byed cing slar de dag rnal 'byor pas zil gyis gnon cing bran byed pa nyid do/mi snang bar byed pa ni rnal 'byor pa'i rdo rje'i lus kyi ltag pa'i rus mdud kyi rtsar nam mkha'i rlung gi nus pa brtan pas rang bzhin mi snang bar nus pa 'byung / phug dang zhes sa 'og 'gro ba ni ri 'bigs byed la sogs pa'i lha ma yin gyi phug sgo ste/rtsa dbu ma'i yal ga'i mthongs phyed pas lte ba'i thad ka nas 'jug pa'i sgo nas gnas pa'i don to/ /nam mkhar rgyu ba ni dpral ba'i rtsa mdud zur gsum par chos nyid kyi rlung 'dus pas rnam rtog gcod pa ste ral gri'i dngos grub phyi nang du thogs pa med par grub pa'o//rkang mthil long bur rlung ni rlung ni rlung las su rung bas rdo rje rkang mgyogs grub pa ste/ dpag tshad mang por skad cig gis phyin pa ste yang zhing 'degs par byed pa'i nus pa thob pas so/ /rgyud rdo rje sa 'og nas nang du me rlung la brtan pa thob pas mchan khung na kun 'dar gyi yal ga'i sgo yod do//der lam sbyangs pas lha ma yin gyi phug sgo rnyed pas 'chi med grub pa mngon du byed pa'i don to/ /de bzhin ni/ ro langs grub pas kyang ro de gser lus su gyur cing lce las ral gri dngos grub 'byung ba'o/ /yang na gser 'gyur gyi rtsi grub pa ni gsang bar sa rlung stobs su gyur pa de nyid rlung sems gnas pas so//snying thig le nyi zla kha sbyar gyi bar du rlung sems 'dus pas chu rlung gi nus pas bcud len gyi ri lu grub pa tshe'i dngos grub thob pas dus ma yin par tshe'i dus mi byed pa brgya nyi shu la sogs pa'i bar du'o/ /yang kun 'dar gyi yal ga nu ma gnyis su ye shes kyi rlung brtan pas bum pa bzang po grub cing /nam mkha'i mdzod la mnga' brnyes pa 'byung ba'o/ /'di dag gi don ni le'u so gnyis pa ro langs bsgrub pa las/ de nas ro de langs nas ni/ /ci bgyi zhes ni smra 'gyur zhing / /sa 'og 'gro ba ral gri'am//tshar gcod phan 'dogs nyid dag dang / /ri bu mig sman gter rnams dang / /rkang mgyogs dag gam bcud kyis len/ /gcig cig sbyin par byas na ni/ /'gro bar 'gyur gyis gzhan du min/ /steng dang 'og tu pho nyas grub/ /rgyud 'dir the tshom med pa yin/ /zhes pa'i don to//sgrub pa po ni 'dod tsam gyis las chen bcu gnyis dang / dngos grub gnyis nges par 'grub pa'o/ /rtag par rgyud du bskyed par 'gyur ba 'jig rten pa dang 'das pa'i dngos grub du ma la dbang 'byor pa'o/ /gzugs na du mar byed pa dang 'og nas 'byung ba'i rkang bzhi du ma/ 'dab chags du ma la sogs par bsgyur ba sna tshogs gzugs can no//mkha' spyod kyi gnas 'thob pa'am/ de yang rnal 'byor pa dbang po yang rab lus yongs su dag pas/ sems 'od gsal mngon du gyur pas nam mkha' la ni 'gro bar 'gyur ba 'ja' tshon lta bur 'gyur/ rab kyis sems skye med/ lus thogs med dngos snang zil gyis gnon pas dbang phyug grub pa'i nus pa sgyu ma lta bu thob pa'o/ /'bring gis 'di nyid sbrul shun pa brjes pa ltar 'gyur/ tha mas rdo rje ltar so thub pa ste/ lo brgya stong du mar gnas pa 'byung ba dang mtshon cha la sogs pas mi tshugs pa 'byung ba'o/ / mkha' 'gro rnams kyang rnal 'byor pa de dang lhan cig tu gnas te/ khyad par du 'byung ba bzhi la sogs pa la zad par dang / zil gyis nges par gnon pas rdzu 'phrul du ma ston cing / 'gro ba thams cad lha ma srin du ma yang dbang du 'gyur ba phyi rol gyi snang ba'i rlung sna sgo g.yas g.yon du nus pa thob pas 'byung po ro langs dang gnod sbyin pho mos bran byed par 'gyur ba'o//mgrin par skye mched drug gi rtsa la brten par gyur pas/'jig rten gyi ro drug la longs spyod par nus pa ste/ bdud dang srin po mi'am ci dri za grul bum la sogs pas kyang bran byed do/ /sgrub pa po des lan cig tsam du lta stangs kyis bltas pa'i sbyor bas/ting nge 'dzin skad cig tsam gyis ni sa gsum na gnas pa dbang du gyur pas sbyor ba nyid bskyed/ rnam shes dang ye shes kyi phrin las grub pa'o/ /bshad ma thag pa de lta bu'i dbang bskur ba thob kyang dngos grub thob bam snyam na mi 'grub ste/sngags pas dkyil 'khor ma mthong ba/ /zhes pa rkang pa bzhi'i dpe'i sgo nas bstan pa go sla'o/ /grub pa'i dbang phyug tu bstan pa'i phyir rnal 'byor ni thabs shes rab gnyis med rgyu thabs 'bras bu bla med thob pa ste/ bum dbang thob pa dang mchog ni gsang dbang dang /rab ni shes rab ye shes thob pa/ bla na med pa gsang chen gyi/ /sbyor ba kun gyi bde ba dang / /stong pa dbyer med ye shes las/ /dam pa yis ni dbang bzhi pa/ /phyag rgya chen po rdzogs pa'i don to/ /de yang rten gyi gang zag gang zhig skal ldan snod du gyur pa dus rtag tu bsgom pa la brtson pas ye shes 'dod gyur ba de ni lha dang lha mi na mi rnams te/zhes sa gsum gyi dbang phyug chen por gyur pas/ 'di ni lha mi zil non 'gro ba bdud bzhi'i lha tshogs 'joms shing mtshungs pa med pa'i 'dren pa'i dpal ldan du gyur pa'o/ /da ni dpal 'khor lo sdom pa rigs bsdus pa'i dkyil 'khor 'dir ni dbang bskur ba thob na/gsang sngags rgyud sde bzhi po kun gyi lam gyi ye shes la dbang bzhi sgrub pa yin/ /de yang lhar gsal bar yang blta dang zhes lha thabs shes rab kyi sbyor ba mtshon pa bya ba dang / dgod pa ste yab yum bde ba mtshon pa spyod pa dang /lag bcangs te lha yab yum ye shes kyi sbyor ba dpung ba phan tshun bsdams pa tsam gyis bde bas tshim par byed pa rnal 'byor gyi rgyud dang / gnyis sbyor la sogs pa'i zhes lha yab yum thabs shes rab dbang po gnyis sbyor gyi bde ba lam du byed pa gsal ba rnal 'byor bla na med pa'i rgyud do//de dag nang don du ni/ rnal 'byor pa'i rdo rje'i lus la rtsa 'khor lo rnams dang rtsa ro rkyang gnyis la sogs pa thabs shes rab kyi rtsa gcig la gcig gis blta bar bya ba/ rtswa nang du yi ge rlung gi sgras e waM gi sgras dgod pa sngags 'byung ba spyod pa/ ra sa nA dang la la nA gcig gi rtsa sna la gcig 'dzin pa lag bcangs kun 'dar la cung zad 'khyud pa rnal 'byor thabs shes rab kyi rtsa sna gnyis po dbu mar tshud pas rtsa gsum ro gcig tu gyur pa dbang po mnyam sbyor bde stong gnyis med rnal 'byor chen po bla med ston pa'o//'dir ni dbang bskur gyur pa yin//zhes gsang chen dang lam thun mong ba'i lam rim la blo sbyang ba yang 'di'i sngon du 'gro ba byang chub sems kyi khyad par can du sgrub par byed pa'o/ /de ltar na rgyud gzhan las khyad par du 'phags pas na/ rgyud kun gyi ni bla ma ste byin rlabs phul du byung ba'i don to/ /gzhan yang de nyid bsdus pa ni tat+t+wA saM gra ho/bde mchog ni sgyu ma bde mchog go/ /gsang ba ni 'dus pa'am zla gsang thig le'i nor bu'i rgyal po'o/ /rdo rje 'jigs byed las ni gshin rje'i gshed kyi 'khrul 'khor yang 'dir 'dus pa'i don to/ /dkyil 'khor rnams kyi mchog 'di ni/ /zhes pas 'di nyid kyi le'u gnyis pa gsum pa bzhi pas thog mar dbang bskur ba'i dkyil 'khor bstan/bar chad bsrung zhing bdud las rnam par rgyal ba'i dkyil 'khor le'u sum cu par bstan/ dngos grub sgrub pa he ru ka mngal skyes kyi dkyil 'khor so gnyis par bstan/ rdzus skyes rim pa le'u lnga bcu rtsa gnyis par bstan/las dang dngos grub spyi'i dkyil 'khor zhe brgyad par/ ma byung ba ni bud+d+ha mar me mdzad la sogs pas so/ /phyis mi 'byung ba ni mgon po byams pa'i bstan pa la sogs pa'o/ /las dang dngos grub thams cad ni rgyud 'dir bshad pa dang yang 'dir ma bshad pa'i phrin las gang ci yang rung ba thams cad ma lus pa yang rab 'byam de kun dpal ldan khrag 'thung gnas 'dir myur du 'grub pa'i don to/yon tan dang bcas pa dbang bskur ba'i le'u ste gsum pa'i rnam par bshad pa'o// //de la gang le'u dang por gleng gzhi dang gleng bslang ba'i gsang chen bstan la/ de nyid gsang ba mdor bstan nas le'u gnyis man chad kyi yan lag rgyas par bshad pa ni/le'u gnyis pa dkyil 'khor du 'jug pa'i rim pa sngon du bstan la/ le'u gsum pa dbang bskur ba dngos bstan pa de dag kyang / sngon byung du dpal he ru kas 'og min bde ba chen po'i zhing khams su sangs rgyas dang / byang chub sems dpa' rig ma'i lha mo dpag tu med pa dang / khro bo yab yum gyi tshogs thams cad la bcom ldan 'das chos kyi sku de nyid longs spyod rdzogs sku/ byang chub sems rdo rje 'chang las dpal he ru kar bzhengs te/ ye shes bde ba chen po'i dbang bskur ba mdzad pa'o/ /de nas ri rab kyi khang bu brtsegs par dpal he ru ka sku bzhi dbyer med kyi dkyil 'khor mngon par sprul par mdzad pa yang /'di dag sngon nyid grub pa yin zhes pa'i don la/ 'og min du dkyil 'khor pa thams cad mngon par byang chub pa'i gsang ba sngon du gyur pa de nyid/ de nas gong du gsungs pa 'di ni rjes 'jug la dgongs pa'o//don du na byang chub sems dpa' sems dpa' chen po rnams ni dpa' bo'i rnam par snang ba nyid la/ byang chub sems ma lha mo thams cad la ni rnal 'byor ma rnams ni zhes pas/ dpa' mo thams cad do/ /gnas na zhes yongs su dag pa bde ba chen po ye shes kyi pho brang du'o/ /rnam par 'gying ba ni gar gyi nyams thugs rje chen pos so//yang na sa la ni sa bcu'i dbang phyug ye shes kyi ngang las rnam par rol pa zhes bde stong gnyis med ngang du'o/ /de dag gi ye shes kyi sku ngos gzung zhing gtan la dbab pa ni/ rnal 'byor ma brtson 'grus chen mo ni lha mo rdo rje rab 'jigs ma ste/dpa' bo rdo rje sems dpa' ni byang chub sems dpa' sems dpa' chen po blo gros rgya mtsho nyid do/ /rnal 'byor ma 'khor los sgyur ma ni gtsug tor rnam par rgyal ma'o/ /dpa' bo rnam par snang byed ni/ byang chub sems dpa' bzang skyong ngo / rnal 'byor ma stobs chen ma ni lha mo stong chen mo'o//dpa' bo pad+ma gar dbang ni byang chub sems dpa' nor gyi dbang phyug go/ /rnal 'byor ma rab tu dpa' mo ni lha mo rdo rje lu gu rgyud ma'o/ /dpa' bo dpal he ru ka ni byang chub sems dpa' mthu chen po thob bo/ /rnal 'byor ma 'khor lo'i go cha ma ni lha mo ri khrod lo ma can no/ /dpa' bo nam mkha'i snying po ni dpal byang chub sems dpa' rdo rje snying po'o//rnal 'byor ma chang 'tshong ma ni lha mo rma bya chen mo'o/ /dpa' bo rta mgrin ni byang chub sems dpa' nyi ma'i snying po'o/ /rnal 'byor ma dum skyes ma ni lha mo so sor 'brang ma ste/ dpa' bo rin chen rdo rje ni byang chub sems dpa' rdo rje 'od do//rnal 'byor ma 'khor lo'i shugs can ma ni lha mo rgyal mtshan rtse mo'i dpung rgyan no/ /dpa' bo stobs po che ni byang chub sems dpa' zla 'od gzhon nu'o/ /de dag sku'i 'khor lo la gnas pa'o/ /rnal 'byor ma khwa gdong ma ni nye ba'i mA ma kI dri ma med pa'i 'od do/ /dpa' bo mig mi bzang ni byang chub sems dpa' dra ba can gyi 'dod do//rnal 'byor ma rta rna ma ni nye ba'i spyan ma sa'i lha mo'o/ /dpa' bo 'jigs byed chen po ni byang chub sems dpa' ngan song kun 'dren no/ /rnal 'byor ma shin tu bzang mo ni lha mo nye ba'i gos dkar mo ste/ 'od mchog ma dpa' bo rdo rje bzang po ni byang chub sems dpa' spobs pa brtsegs pa'o//rnal 'byor ma sngo bsangs lha mo ni sems ma sgrol ma ste ri dgas 'dzin ma'o/ /dpa' bo rab tu bzang po ni byang chub sems dpa' mya ngan kun 'joms so/ /rnal 'byor ma chang 'thung ma ni lha mo brgyad ldan ma ste e ka dza TI'o/ / dpa' bo ni rdo rje hUM mdzad de bo d+ha si twa ye shes tog go/ /rnal 'byor ma rlung gi shugs can ma ni/ lha mo dri ldan ma dbyangs can ma ste/ dpa' bo rdo rje dpa' bo chen po ni/ bod+hi satwa blo gros mi zad pa'o/ /rnal 'byor ma 'jigs byed chen po ni lha mo gsang sngags rjes 'dzin te rdo rje 'jigs byed ma dpa' bo rdo rje ral pa can ni bo d+hi satwa spos kyi glang po'o//rnal 'byor ma sa srung ma ni lha mo ye shes sgrol ma ste/ dpa' bo ni myu gu can te/ bo d+hi satwa sgrib pa thams cad rnam par sel ba'o/ /de dag gsung gi 'khor lo la gnas pa'o/ /rnal 'byor ma shing grib ma ni lha mo sangs rgyas byang chub sems ma ste/dpa' bo rdo rje'i sku ni byang chub sems dpa' nam mkha'i mdzod do/ /rnal 'byor ma lang ka'i dbang phyug ma ni lha mo pu ka pu tsi 'od zer can no/ /dpa' bo rdo rje 'od ni byang chub sems dpa' nam mkha'i snying po'o/ /rnal 'byor ma mi thung ma ni lha mo rdo rje gzhon nu ma ste/ dpa' bo snang ba dpag med ni byang chub sems dpa' byams pa'o//rnal 'byor ma dpa' bo'i blo ma ni lha mo rdo rje khro gnyer ma ste/ dpa' bo chang dgra ni byang chub sems dpa'i phyag na rdo rje'o/ /rnal 'byor ma sna chen ma ni lha mo rdo rje nyi ma ste/ dpa' bo mche ba rnam par gtsigs pa ni byang chub sems dpa' sems dpa' chen po sa'i snying po'o//rnal 'byor ma 'od ldan ma ni lha mo rin chen sgrol ma ste/ dpa' bo ni keng rus te byang chub sems dpa' 'jig rten dbang phyug go/ /rnal 'byor ma gtum mig ma ni lha mo skul byed ma ste/ dpa' bo ni keng rus chen po ste byang chub sems dpa' 'jam pa'i dbyangs so/ / rnal 'byor ma rab tu gtum mo lha mo sems ma rdo rje pho nya ma ste/ dpa' bo thod pa'i dum bu can ni/ byang chub sems dpa' sems dpa' chen po kun du bzang po'o/ /thugs kyi 'khor lo la gnas pa'o/ /de la dpa' bo dang rnal 'byor ma de dag gis ni gnyis su med pa bde ba chen po la gnas pa las chen dang /dngos grub myur du sgrub byed yin/ /zhes nye bar gdams pa'o/ /dkyil 'khor gzhal yas khang gi nang du dam tshig 'khor lo'i nang du sku'i 'khor lo dang / de'i nang du gsung gi 'khor lo chud pa dang / de'i nang khongs su thugs kyi 'khor lo dang / de'i dbus su ni bde ba chen po'i 'khor lo ye shes kyi sku gtso bo yab yum 'khor dang bcas pa'o//ji ltar phyi rol de bzhin nang / /zhes pas/ /'og min chos kyi dbyings na gnas pa de nyid ri rab kyi rtser yang mtshungs la/ /ye shes kyi sku ji lta ba de nyid sprul pa 'dzam bu'i gling gi 'khor lo la/ de las dam tshig dang /rnal 'byor pa'i lus kyi dkyil 'khor dang / sems kyi dkyil 'khor du yang de kho na bzhin du gnas lugs mtshan nyid par shes par bya'o/ /mkha' 'gro ma ni nyi shu bzhi/ /zhes pa de dag kyang dpa' bo dang gnyis su med pa phyag rgya chen po 'gro ba'i don mdzad pa de nyid de/ 'di dag sngon nyid grub pa yin/ /zhes gdod ma nas dpal rdo rje rnal 'byor ma nyid dang tha mi dad pas sngon dang phyi ma'i mtha' ma dmigs pa'o/ /da ni de kho na nyid bzhi dang sbyar ba las slob dpon chen po lwa ba pa'i bzhed pa ltar na/ de la dkyil 'khor gyi de kho na nyid la/ rnal 'byor pa'i rdo rje'i lus la rten dang brten pa 'byung bzhi rim brtsegs/'dom gang gru bzhi dkyil 'khor/ lha'i 'khor lo/ yi ge'i gnas/ pU dza la sogs pa lha'i de kho na nyid las byang chub phyogs dang bcas pa'o/ /sngags kyi de kho na nyid las/ lha'i mtshan sngags phreng ba ltar bkod pa/ oM ni thams cad gsal byed de//zhes sku rdo rje rlung nang du 'jug pa yon tan 'phel ba sdud pa ste/ sngags brjod pa la ni a kun gyi khong na srog lta bur rlung gnas pa/ rang ming gsal byed dang dbyangs sbyar ba las byung ba yo gi ni ma hA bI r+ya la sogs pa rnams te/ sa bon las dbyung ba'o/ /mthar ni hUM zhes pa rlung phyir 'gro bas nad dang gdon dang gnod pa thams cad dbyung ba nyid bar chad sel ba'o//hUM gcig ni snying ga'i 'khor lo'i dbus na/ a ni lte bar/ phaT dang sbyar ba ste/ lus kyi sum mdo'i drod kyi rang bzhin 'bar ba can no/ /ye shes kyi de kho na nyid ni rnal 'byor rab mchog ni bdag byin gyis brlab pa dang /dkyil 'khor 'khor lo'i lam gyi lhan cig skyes pa'i ye shes/ sa gser zla ba me lta bu 'bar ba'o/ /de nyid kyi ting nge 'dzin rim pas 'phel bas bad chen ye shes me ste/ zag pa med pa skyes pas gzhan dang rtswa dang mtshungs zhes/ /bsreg cing sbyangs pas phun sum tshogs/ / nus pa thob pa 'di mthong nas/ /zhes ye shes skad cig ma gcig tu rtogs pa'o/ grub rtsol 'dod pa thams cad ni las dang dngos grub lam gnas skabs dang mthar thug gi don 'byung pa'o/ /slob dpon Do m+bi he ru ka'i bzhed pa ltar na rang ming brjod pa ni/ bum pa'i dbang gi dus su rdo rje ming gis dbang bskur ba rjes gnang dang /gsang ba'i dbang gi dus su lung bstan pa dang / gsum pa'i dus su A li kA li rigs kyi khyad par ngos bzung bas rigs su nges par bya ba dang / dbang bzhi par tshig dbang rin po che sbyin pa gzengs bstod pa dang rjes su 'brel to/ /de rtogs lam dbang gi dus su'o//goms par byed pa'i lam du ni/ bskyed pa'i rim par rnal 'byor ma rnams kyi mtshan sngags bzlas pa'i rnal 'byor brtan pas sngags btu ba mdzad pa'o/ /rdzogs par rdo rje bzlas pa dang 'brel bas srog rtsol lo/ /rnal 'byor gyi de kho na nyid ni/ dpa' bo nyid gyur ni rang gi lus ngag yid dpal he ru ka'i sku gsung thugs rdo rjer gyur pas tha mal pa mi phyed pas//grub pa ni zhes bskyed par brtan pa thob cing / rdzogs par rtags 'ga' mthong ba'o/ /khyim du dkyil 'khor mthong ba yin/ /zhes pas bum dbang gi dus su sku rdo rje chos kyi phyag rgya rtsa yi ge gsal stong /dbang gnyis par gsung gi rdo rje'i dkyil 'khor du dam tshig phyag rgya rlung brjod pa snang stong / gsum pa'i dus su las kyi phyag rgya thugs rdo rje thig le bde stong gi dkyil 'khor mthong / dbang bzhi pas phyag rgya chen bos rtsa rlung thig le yi ge thams cad ro mnyam/ ye shes kyi rdo rjer gyur pas mi 'gyur ba lhan cig skyes pa'i ye shes dkyil 'khor mthong ba bla na med pa'o//thabs kyi rim pa bstan pa'i phyir/ de shes rtag tu bsgoms pas ni/ /rnal 'byor rab mchog 'di mthong nas/ zhes pa bskyed par mngal skyes rgyu'i he ru ka mngon par byang chub pa lngas bde chen du grub pa dang /de nyid yab yum bsrubs ba las bde ba'i ngang las 'khor gyi lha tshogs 'byung ba'i dkyil 'khor dang / 'bras bu'i he ru ka tshad med bzhi lha mo'i glus bskul nas bde ba'i ngang las bzhengs nas/ de kho na nyid kyi mchod pa ni bde ba chen po mthong ba'o/ /rdzus skyes ni lus kyi dkyil 'khor ye shes kyi dkyil 'khor skad cig mas bde stong gi ye shes su gyur pa'o//rdzogs par lus kyi dkyil 'khor ye shes kyi ngang las skad cig gis bskyed pa ste/ rim pa bzhi ldan du rdzogs pa ni/ rnal 'byor rgyud kyi rim pa rjes su rnal 'byor sngags/ shin tu rnal 'byor ye shes kyi rim pa/rnal 'byor chen po ni gsang ba'i rim pa bstan pa'o/ /yang na gong bu gsum las 'das pa'i dus su/ bde ba dang stong pa las/ bsam mi khyab pa la gnas pa ni/ rnal 'byor bla na med pa'i ye shes kyi snying po thob pa'o/ /las chen rnams dang dngos grub de bzhin gshegs pas gsungs zhes dbang dang lam gyi rgyud yongs su sbyangs pa thob pas sa dang lam gyi rim pa bgrod nas sangs rgyas par gsungs pa tshe gcig gis rdzogs pa'i byang chub mngon du gyur par bstan pa'o//le'u'i mtshan ni dpa' bo ni nyer lnga po rdo rje sems dpa' sogs dang /rnal 'byor ma brtson 'grus chen mo sogs gnyis su med par bde ba chen por dgod pa'i cho ga bstan pa'i le'u bzhi pa'i rnam par bshad pa'o// //gsang ba bla na med pa'i mchog gi rgyud du bsnyen pa la sogs pa'i yan lag dang ldan par sgrub pa bstan pa'i phyir/ /de nas thams cad ces smos te/le'u dang por/ gsang sngags zlos pa'i bzlas brjod dang / /zhes mdor bstan pa'i don rgyas par bshad pa ni/ de nas yan lag brgyad ldan rgyan gyis mdzes byed de ni thabs dang shes rab ye shes gsum gyi sgo las rnyed/ /gsang sngags kyi ni stobs dag mtshungs pas gzhan med dge ba gsum du yongs dag 'dir bstan pa'o//de la dang po bcom ldan 'das dpal he ru ka'i rtsa ba'i sngags kyi lus dang / gsang sngags kyi gzhi dgod pa bstan pa ni/ chos 'byung bar phyi nang las/ sngags ba tu ba'i gnas mdun gyi ma da na dang bdud rtsis byugs pa'i maN+Dal la/ nang du rdo rje'i lus kyi lte ba'i 'og tu b+ha ga'i dkyil 'khor gru gsum pa'i rnam par snang ba'o//de las 'khor 'das kyi chos thams cad 'byung bas na/ bde bar gshegs pa'i bral pa dang rnam par smin pa'i 'bras bu thams cad kyi brten pa'o/ /sna tshogs pad+ma ni 'dab ma brgyad pa ste/ chags pa med pa 'dam gyis ma gos pa/bde ba skye ba'i rten de la rang bzhin gyis dri ma dag pa'o/ /lte ba ni snying por gyur pa ste/ der gnas pa'i yi ge ni ma skyes pas skye ba med pa/ gnyis su med pa'i don 'byung ba'o/ /mi shigs pa ni 'khrul ba'i rtog pas mi phyed pa/ tha mal pa'i 'dod chags kyi zag bcas spros pa las dben pa'o//shin tu dge ba bkra shis pa dang / bde legs 'byung ba mchog gi rtsa dbu ma'o/ /sngags pas cho ga bzhin du bris/ /zhes pa go rims ma nor bar bya ba rtsa'i 'dab ma la thig le yi ge'i gzugs su gnas pa'o/ /chos 'byung ni srung ba'i 'khor lo dang sa'i cha mnyam pas tshogs gnyis sngon du 'gro bas/ming tshig yi ge rab tu byed pa du ma gcig tu bsdu bar bya ba ni brjod bya don gyi gsang bar/ rjod byed sgra dang yi ge ma lus pa spro ba dang sdud pa rlung gis so/ /slar rgyas par bstan pa la/ 'dir sngags tshig ni 'di yin te/ gang lha thams cad bskyed pa dang gnas pa dang thim pa dang 'byung ba dang /'jug pa gnas pa mngon par 'byung ba'o/ /A li kA li mnyam byas pa ni 'du byed lnga bcu sems las byung ba brgya phyed phreng ba'o/ /sna g.yon nas zla ba'i cha 'jug pa sde tshan dang po/ /sna sgo g.yas nas 'byung ba nyi ma'i cha sde tshan bdun/ rtsa kun 'dar gnas pa la ro rkyang la yi ge sde tshan brgyad ro mnyam pa'o//sde tshan la ni thim par bya ba rigs kyi dbye ba ma 'dres par ro/ /thabs dang shes rab kyi cha phyed pas rtsa dbu mar 'jug pa'o/ /bzhi bzhi ru ni shes byas la/ /zhes pa thig gi khyad par g.yas g.yon cha mnyam pa'o/ /de yang thabs shes rab mnyam par sbyar bas dga' ba dang skad cig ma'o//thub pa mchog ni re'u mig bdun pa ste/ sangs rgyas de bzhin gshegs pa rabs bdun brdar bstan pa/ de dag gi dgod par bya ba ni re mig zhe dgu/ gsal byed nyi ma rta bdun ldan no/ /der gnas dpa' bo 'du bya ba ni bdud las rnam par rgyal bar byed pa/lha dang sngags tha ma dad pa nyid phyogs las rnam par rgyal ba'o/ /'dod don thams cad sgrub byed pa'o/ /zhes gnas skabs su las chen dang thun mong mthar thug tu mchog sku dang ye shes myur du'o/ /de la dpal he ru ka'i rtsa ba'i sngags las khyad par ba rkang pa brgyad pa'i lus thu ba nyid/bzhi pa'i lnga pa gang yin dang / /zhes pa la sogs pas bstan to/ /de'i don ni 'di yin te/ sems bskyed sngon du 'gro bas/ rang he ru kar gsal ba'i thugs ka'i sa bon gyi 'od zer gyis/ mdun gyi sngags la phog de'i 'od kyi snang ba chen pos phyogs bcu'i sangs rgyas dang byang chub sems dpa' dang dpa' bo rnal 'byor ma thams cad kyi yon tan phrin las thams cad bsdus te/rang la thim pas byin rlabs dang / dngos grub dpag tu med pa 'byung bar 'gyur ba ni gsang sngags kyi che ba bstan pa pa'o/ /uSh+mA Na yi gnyis pa nyid/ / de bzhin nyi shu rtsa drug pa'o/ /zhes pa'i bar gyis bstan pa'o/ /dang po'i dang po nyid dang ni/ /zhes pa nas/ gnyis gnyis rkang pa bzhi yin no/ /zhes pa'i bar gyis dpal he ru ka'i rtsa ba'i sngags las rkang pa nyi shu rtsa bzhi pa'i lus thu ba'i gsang ba bstan pa'o/ /de nas ka ra ka ra la sogs pa'i dpa' bo nyer bzhi pa'i 'khor lo bkod pa'o//gsang sngags kyi che ba'i khyad par bstan pa la/ rig pa'i rgyal po ni sngags 'di rig sngags dang gzungs sngags/ gsang sngags thams cad kyi bdag por gyur pa'o/ /bya ba thams cad sgrub byed pa ni rnam pa ni rnam shes dang ye shes kyi las kyis tshar bcad phan 'dogs pa'o//'di las shin tu mchog gyur pa ni gsang ba bla na med pa'i snying po nyid do/ /'jig rten gsum na yod min te/ /zhes lha dang mi dang klu'i gnas thams cad na'o/ /shrI he ru ka'i sngags shes nas/ /zhes spyir bcom ldan 'das kyi sku gsung thugs bskul ba'i rang bzhin gsal bar ston pa rtsa sngags/yon tan phrin las phyogs 'ga' ston pa snying po/ ye shes sdus par gsal ba'i mtshan nyid nye ba'i snying po yin zhes dpal rdo rje dril bu pas bzhed do/ /me ste gzhan dag rtswa dang mtshungs/ /zhes rgyud 'di ni ye shes kyi me lta bu/ spang bya dngos por 'dzin pa'i rtog pa bsreg pa'o//rtsa ba'i sngags su rab tu grags/ /zhes pas nam mkha' dang mnyam pa'i rgyud las snying po bla na med pa bstan pa'o/ /des sngags kyi phan yon bstan pa'i tshul gyis gzhung bsdu ba'o/ /le'u'i mtshan bstan pa la/ rtsa ba'i sngags kyi yi ge bsdu ba'i cho ga ni rdo rje slob dpon gyis slob ma la lung sngags kyi rjes gnang bstan pa'o//le'u lnga ba'i rnam par bshad pa'o// //de la gsang sngags kyi grub pa bla na med pa mchog tu bstan pa las/ gzhan yang zhes pa rnam grangs du ma la/ khyad par du go cha'i sngags bstan pa'o/ /yi ge nyi shu gnyis ni bcom ldan 'das kyi snying po gsang sngags dngos ni le'u brgyad par bstan pa'o//snying po yi ge bdun nye snying po zhes pa le'u bcu gnyis par gsal bar bstan no/ /ya sde brgyad pa'i sa bon dang / zhes pa ya ra la wa sha Sha sa ha yig 'bru brgyad brgyad pa nyid las/ grong khyer dkrugs pa ni yi ge'i phyi mo brgyad do//de bzhin gug skyed bcu gnyis kyi/ /zhes thabs shes rab kyi phyag rgya drug ldan phyi dang nang gi skye mched sbyong bas/ rten 'brel gyi yan lag rnam par dag pa'o/ /dbyangs kyi ma ning yi ge ma gtogs pas/ yi ge bar ma dor byas pa ni A li'i ring po drug bzhag nas thung ngu rnams ha la sbyar ba'i sa bon lta bu'o//yan lag drug ni rigs kyi khro bo lnga/ he ru kar brjod pa dang lus kyi gnas drug tu'o/ /dpa' bo drug dang mnyam sbyor ba ni rdo rje sems dpa'/ rnam par snang mdzad/ pad+ma gar dbang / shrI he ru ka rdo rje nyi ma rta mchog don yod rgyal po'o/ /yi ge gcig ni ha ste/de la rkyen i u e o aM sbyar bas ha hi hu he ho haM gis mdzes par gyur pa'o/ /yang dag gnas pas 'bras bu mngon par shes pa drug 'char ba'i nus pa dang ldan par 'gyur ba'o/ /oM ha/ na maHhi/ swA hA hu/ bau Sha Ta he/ hUM hUM ho/ phaT dang yang dag ldan pa snying po gsang ba nyid do/ / sgrub pos snying por shes par bya ba ni dus dang gnas skabs kun du'o/ /de la lus kyi gnas su dmigs pa la/ dang po snying ga nyid du ste zla ba la oM ha las rdo rje sems dpa'o/ /gnyis pa mgo bor shes par bya ba zla ba la rnam snang / gsum pa'i spyi gtsug dag tu sbyar ba nyi ma la pad+ma gar dbang /bzhi pa go cha nyid du nges pa shrI he ru ka nyi ma la gnas pa'o/ /lnga pa mig tu gyur pa ste rdo rje nyi ma zla ba la'o/ /drug pa mtshon cha zhes byar brjod pa dpal rta mchog rgyan dang so so'i phyag mtshan dang ldan pa ste/ nus pa mchog tu gyur pa thob pas bsrung ba'i mchog bstan pa'o/ /rdo rje go cha bstan pa le'u drug pa'i rnam par bshad pa'o// //de nas zhes bya ba la sogs pas bcom ldan 'das he ru ka'i rtsa ba'i sngags rdo rje zhabs bkra shis ston pa'i lus gong du 'byung ba la dbyangs yig rgyan gyis mdzes byed bstan pa la/ rdo rje mkha' 'gro rgya mtsho las/gsang sngags rnams kyi 'byung gnas ni/ /de nyid lhag gnas sku gsung thugs/ /rnam shes las ni nyer 'byung bas/ /sgra las rkyen sbyar rgyu las bstan/ /yi ge khong 'byung brjod pa las/ /ming tshig rab 'byed snying po nyid/ /bzlas pa tha mal dag byed pas/ /bsod nams 'byung gnas stobs mchog 'gyur//zhes gsungs pa'i don to/ /dbyangs yig bcu gsum nyid ces pa nas/ yi ge brgyad cu rtsa gnyis la/ /de bzhin dbyangs yig gnyis par sbyar/ /zhes pa'i bar gyis bstan pa'o/ /yang rtsa ba las rkang pa nyer bzhi pa'i sngags kyi lus dang dbyangs yig rgyan du gyur pa bstan pa ni/ma mo rnams las lnga pa nyid/ /ces pa nas/ dgu bcu dang ni rtsa brgyad do/ /zhes pa'i bar gyis sgra dang sgra'i lus su 'brel ba la rkyen gyis bsgyur bas yang dag pa'i de kho na nyid gsang ba bla na med pa ston pa'o/ /sngags kyi phan yon bstan pa'i phyir/ 'di ni rtsa ba'i gsang sngags su//mkhas pa rnams kyis shes par bya/ /zhes pas rkang pa nyer bzhi pa rgyan dang ldan pas dag par gyur pa ni dpa' bo chen po 'khor ba'i g.yul las rgyal zhing bdud thams cad 'joms par byed pa'o/ /'di ni re'u mig las btus pa/ /zhes chos kyi gzhi dgod pa las so/ / rgyal ba kun gyis ni rigs thams cad bsdus pa'i snying po'i mchog tu gyur pa gsang chen mngon du 'byung ba'o/ /he ru ka dpal 'gro mgon gyis/ /zhes rje btsun yab yum gyi sku gsung thugs kyi snying po bskul ba'o/ /rtsa ba'i sngags mchog tu zhes bya ba ste/ sku gsung thugs dbyer med las cha nyer bzhi rnam thar brgyad kyi ye shes rdo rje yon tan 'byung gnas so//dngos grub kun gyi gnas yin zhing ni yon tan phrin las mchog thun mong 'thob pa'o/ /mkha' 'gro'i snying ni 'joms pa yin/ /zhes thugs brtse bas sgrub pa po la nye bar dgongs par mdzad pa'o/ /dpal ldan khrag 'thung ni rnam thar sgo gsum dbyer med pa'i sku can lha rigs rgyal ni rigs lnga la sogs pa'i snying pos bar chad zhi zhing bdud las rgyal ba'o//bklags pas 'grub pa ni sngags dang lha tha mi dad pa'i phyir/ don yod pa ste dkyil 'khor pa'i zhal nye bar bsgrub pa nyid do/ /khyad par du bye brag tu thog mtha'i yi ge sbyar ba dang tha mi dad pa'i rnam pa ni/oM ni dang por sbyar bar bya/ /zhes thog mar 'byung ba'o/ /hUM hUM phaT ni tha mar ro/ /zhes yang na dpa' bo nyer bzhi so sor phye ba yang rung ngo / /'di ni rtsa ba'i gsang sngags te/ bsgrub pa thams cad sgrub byed yin/ /zhes dbang bskur ba'i rjes la sngags dang lha'i rjes gnang sbyin par bya ba'i ting nge 'dzin dang ldan pas so//de ni le'u'i mtshan bstan pa dpal 'khor lo bde mchog las zhes rim pa gnyis ldan phyag rgya bla na med pa'o/ /sngags btu ba ni lhag chad nor ba rgyang ring du spang ba'i phyir/ cho ga ni dbang dang rjes su 'brel ba/ le'u ni gzhung skyong ba/bdun pa ni grangs bstan pa ste/ le'u bdun pa'i rnam par bshad pa'o// //de las rtsa ba'i gsang sngags la sogs pa bzlas brjod thams cad kyi sngon du 'gro ba lha'i ting nge 'dzin bstan pa ni de nas zhes lha dang sngags dbyer med du bstan pa ste/ rang gi bdag nyid kyis zhes mngon par rtogs pa nyams su blang ba sngon 'gro dngos gzhi rjes thams cad la dpal he ru ka'i nga rgyal dang ldan pas so//dpa' bo thams cad ni rdo rje sems dpa' la sogs pa nyer bzhi po rnams dang rdo rje pad+ma mnyam sbyor ba'i bde ba la rol pa/ mkha' 'gro ma ni brtson 'grus chen po la sogs pa rnams dang ye shes bde bar rol pa'o//dra ba'i sdom pa ni snying po'i rnal 'byor ma bzhi dang sgo mtshams ma brgyad de/ de dag bcu gnyis po yang gtso bo nyid kyis bde chen du snyoms par 'jug pa la bstan pa'o/ /'khor lo bde mchog yin par 'dod/ /ces lha thams cad yab yum du gnas pa de nyid gsang sngags nyid kyang thabs shes rab zung du 'brel bas gnyis su med pa'i ngang du gnas par dgod pa'o//snying po go bzlog tu bstan pa ni/ shes rab rlom pa dag rang dgar 'jug pa dgag pa'i phyir bla ma la rag lus par bya ba'i phyir bstan pa ste/ gsang sngags lugs las bzlog par bstan pa hA swA la sogs pa yi ge nyi shu rtsa gnyis pa'o//de ltar yang rnal 'byor ma kun du spyod pa las/ lha rnams bzlog ste bkod pa dang / /bsgom pa gsang ba'i bzlog pa dang / /sngags kyi bkod pa bzlog pa ni/ /dngos grub thams cad rab sgrub byed//ces pa'i don to/ /rig pa'i rgyal po ni lam lnga byang chub phyogs kyi chos thams cad sems su 'dus pas snying po ni de bzhin gshegs pa'i ye shes rab tu bskul ba ste/ ma byung 'byung bar mi 'gyur ba ni thub pa mar me mdzad nas thub pa 'od srungs dang / mgon po ma pham pas kyang gsung bar mi 'gyur ba/'og min dag pa'i zhing ni ma gtogs pa'o/ Ta pha hUM hUM ha ha/ hrI oM zhes rje btsun yab yum dang sku gsung thugs yon tan phrin las so/ /rje btsun ma'i go cha'i sngags ni/ yi ge oM baM dang haM oM dang ni/ /hriM mo dang ni hreM hri de nyid dang / /hUM hUM phaT phaT ces bshad pa ni/rim pa can dang rim pa bzlog pa yang shes par bya'o/ /rnal 'byor ma ni drug tu grags/ /zhes go cha drug lus la'o/ /oM badzra bai ro tsa nI ye hUM hU phaT swAhA/ rje btsun ma'i nye ba'i snying po'i/ /mkha' 'gro ma yi rig pa che ni yab yum gyi sngags tshan bzhi'o/ /ma byung 'byung bar mi 'gyur ba ni dus gsum gyi rtog pas mi phyed pa rdo rje lta bu'o//da ltar ba snying po lta bu ni sa steng na ni zhes pas rdo rje theg pa'i bstan pa la rin chen bzhi zhes yid bzhin gyi nor bu rin po che dbang gi rgyal po lta bu sde tshan chu bo lta bur 'byung ba'o/ /bzhi ni rtsa ba dang snying po dang nye snying dang go cha zung du gyur pa bsdus pa'o//phreng ba'i sngags ni zhes dpa' bo dang / rnal 'byor ma'i gsang sngags la thog mtha' gcig tu gyur pa'o/ /dam pa yin zhes pas mchod pa'i sngags la thams cad la thabs shes rab chad bar shes par bya ba nyid do/ /mkha' 'gro ma'i rig pa chen mo ni shes rab kyi pha rol du phyin ma'i sngags rnams so//rig pa'i rgyal po he ru ka ni bla na med pa'i gsang sngags rnams te/ de yang mchod pa dang bstod pa gsol ba gdab pa dbang bskur ba rgyas gdab pa bdud rtsi myang ba thams cad gsang sngags nyid las byung bar rtogs par bya'o/ /le'u'i mtshan ni rnal 'byor ma drug gi sngags btu ba'i cho ga'i le'u brgyad pa'i rnam par bshad pa'o// //de nas zhes pa la sogs pa nas/ lam gyi khyad par mngon par rtogs pas 'bras bu'i gsang chen la/ le'u dang por/ sngags bzlas bsam gtan la sogs ldan/ /sbyor nyid cho ga'i ye shes ni/ /zhes mdor bstan la/ bcom ldan 'das kyi rtsa ba'i snying po nyid las cho ga du mar 'gyur ba me dang yon tan dbang phyug nyid dus dang rgyu rkyen byed pa'i tshul gyi rab 'byams rtog pa rgya mtsho'i ye shes snang ba bstan par 'gyur/gang zag 'jig rten pa'i 'bras bu la sogs pa'i le'u 'dis ston to/ /de yang le'u gnyis pa dang gsum par bstan pa'i cho gas dbang bskur ba thob pas/le'u bzhi pa dang brgyad pa'i stod bzhin du lha la dmigs nas/ le'u lnga pa/ drug pa bdun pa'i rtsa ba'i sngags btus nas/ gsang sngags bzlas pa'i rnal 'byor gyi bsnyen pa dang nye bar sgrub pa sngon du 'gro bas bya ba las tshogs 'grub par 'gyur ba ni/rtsa ba'i gsang sngags kyi las tshogs ni las dang dngos grub myur du grub pa'i thabs dang thabs las byung ba'o/ /go rims ji bzhin ni dang por rtsa sngags/ phreng sngags/ snying po mchod pa'i sngags de dag ni rnam par bshad bya ste/ de yang dag pa'i rnal 'byor pas sbyor ba bsam gtan tsam gyis/'dres pa'i rnal 'byor pas ting nge 'dzin dang sngags kyis so/ /ma dag pas ni 'khrul 'khor rdzas dang phyag rgya ldan pas 'grub pa'o/ /'jig rten gsum na gang yod rnams/ /zhes bsgrub par bya ba'i yul te khams gsum na gnas pa gang yang ngo / /thams cad ni gzhan yang rigs ldan mchod pa dang spyod pa rjes su 'brel ba lta stangs bya'o//bya ba rdzogs pa'i skad cig gis 'grub par 'gyur zhing / gdul bya rdo rje theg pa la dgod pa'i phyir phrin las rnams thams cad myur du grub par byed pa'o zhes ji ltar bshad pa rnams so/ /sgrub par byed pa'i thabs kyi dbang du byas na/bcom ldan 'das kyi rtsa ba'i sngags kyi ngo bo nyid le'u nyer lnga par ston la/ 'dir ni cho ga'i rim pa las gsang sngags kyi phan yon 'bras bu'i che ba dang ldan pa ston pa'o/ /rgyas par bshad pa la/ klu thams cad dang zhes nor rgyas bu la sogs pa'o/ /lha thams cad ni tshangs pa dang /dbang po la sogs pa'o/ /gnod sbyin thams cad ni rnam thos sras la sogs pa'o/ /dri za thams cad ni zur phud lnga pa can la sogs pa'o/ /skye gnas thams cad ni 'gro ba drug pa'o/ /dran pa tsam gyis ni shin tu dag pa'i rnal 'byor pa'i phrin las so//bran du khol ba dang zhi ba dang rgyas pa dbang du byed pas gsod pas te mngon spyod kyang ngo / /char 'bebs par byed pa ni nges brjod dang rdo rje mkha' 'gro nas gsungs pa ltar rnam shes dang ye shes kyi las bstan pas so/ /yang na rtsa ba'i sngags kyi 'khrul 'khor byas te/ dkyil 'khor ras sam shing shun la klu brgyad dang ldan pa'i gzugs bris la/phyi rol nas 'khor lo gsum gyis bskor zhing dug dang lan tshwa dang ske tshe dang tsha ba gsum dang dur khrod kyi thang shing gi dud pas snag tsha byas la dpa' bo rnal 'byor ma rnams kyi sngags bkod la/ klu brgyad po rnams kyi snying gar phu hUM nAM hUM zhes dgod la/dbus su hUM phu nAM hUM sarba nA ga baR+Sha ma na ya b+ha ri sha ya hUM phaT ces bri'o/ /yang grog mkhar gyi sa dang chu 'gram gyis rdzing bu'i sa la ba'i rnam lnga dang bsres la klu nor rgyas kyi gzugs gdengs ka bdun pa can mtho gang tsam du byas pa'i snying gar sngags kyi dkyil 'khor bcug ste dgug gzhug byas nas/sngags kyi 'od spro bsdu bzlas pa khri phrag la sogs pa/ ka ra bI ra'i lcug mas bkab ste gu gul dkar po'i du bas bdug cing / dri bzang po'i chus khrus bya'o/ /gal te char ma bab na/ nyi ma bdun pa la lus de dum bur byas te/ rdza'i bum par bcug nas chu bor bskur na char 'bebs par byed pa'o//sprin thams cad 'thor bar byed cing zlog par byed do zhes char ches na sprin dral ba'i cho ga ste/ snga ma bzhin du 'khrul 'khor bris la/ nor rgyas kyi gzugs kyi snying gar gzhug ste dgug bstim byas la/ yungs kar gyis brdeg pa'am yang na rdo rje 'dzin pa la phul ba'i me tog dag dang /gu gul nag po dang bsres pa'i du bas bdug cing rtsa sngags zlos shing / sha chen gyi spos kyis bdugs pas 'grub par 'gyur ba'o/ /rgya mtsho skems par byed do ni/ rang gis klu brgyad gnon pa'i zhal lnga pa'i mkha' lding gi he ru ka bsgoms nas bzlas pa byas te/mtshan ma byung ba dang / rgya mtsho chen po'i dbus su gnas par bsams la/ nyi ma bcu gnyis kyi gzi brjid dang ldan par bsams pas gdon mi za bar grub par 'gyur ba'o/ /yang kha T+wAM ga dang yang thod pa la pad+ma 'dab ma brgyad pa re re zhing la yang rkang pa brgyad pa bri zhing //chu bo la khaT+wA gas bsnun na rgyun phyogs las bzlog ste 'bab par ston to zhes pa'i don to/ /dbang po zlog par byed pa'i don ni sngon du bsnyen pa'i mtshan ma mthong bas/ rtsa ba'i sngags kyi 'khrul 'khor shing shun la gur gum gyis bris te lag pa g.yon par bzhag la/ sngags las 'od 'phro ba dang ldan par bsgoms pas/sdigs mdzub byas na thog nges par bzlog go /gsang sngags 'di ni rtsa sngags so/ /bzlas brjod 'bum byas pa ni dpal he ru ka rgyas pa'i skur gsal bar/ rnal 'byor pas tri shUl kha sbubs te sa la bsnun nas g.yo bar byed pa'o/ /shing la 'dzegs te zhes pa ni gser shing gi sa bon sbrul nag gi tshil bus lan nyi shu spabs la/bya rog gi thod par dur khrod kyi sa dang thal ba sol ba dang bsres te blugs la/ lam gyi sum mdor sbas te mtshams bcad pa dang srung ba la sogs pa byas la 'bras bu smin tsam na bu mo gzhon nu ma'i lag pa g.yon pas bzung ste khrid la/de'i lag pa g.yon par thod pa'i nang du 'bras bu rnams btogs nas 'jug tu gzhug go/ /de nas thod pa'i nang gi 'bru gu de la sngags 'bum bzlas te thum po byas nas sker btags nas shing la 'dzegs na/ 'gro ba gzhan gyis byar mthong zhing rang nyid gang du 'gro bar 'dod pa der 'gro bar byed do zhes pa'i don to//sngags 'phrog par byed pa ni gzhan gyis bdag la byad ka lta bu la/ bsgrub bya'i gzugs bris pa'i lce la rtsa sngags kyi 'khrul 'khor dug la sogs pas bri la/ che ge mo'i ngag bAka staM b+ha ya lha dang bcas pa nan zhes bri zhing bzlas/ rdo rje ri rab zur brgyad pas mnan par byas na 'grub pa'o/ /dngos grub thams cad 'phrog par byed pa ni bsgrub bya de'i gzugs byas nas snying gar rtsa sngags kyi 'khrul 'khor bcug la drag po'i sbyin sreg bya zhing / thal ba chu bor dor zhing yang na mnan pa byas pas 'grub pa'o/ /khrag 'dren par byed pa ni ras chus spangs pa lus la gyon la khrag gtum po'i thod par mdun du bzhag la de nas mdzub mo la dza bkod de gtum po'i thod par mnyes pas lus kyi ras bskams pa de srid du gzhan gyi lus bskams nas khrag tshur khugs par bsam pas 'grub pa'o//slar yang gtong bar byed do zhes pa rang gi srin lag la hrIH dang ho bkod la drud pas gso bar bya'o/ /gzugs brgya stong phrag du mar byed do zhes pa'o/ /da du ra'i 'bras bu smin pa blangs la/ bdud rtsi lngas sbags te/ khyi nag po'i thod par gtum po'i sa bon dang sbags te/ dur khrod du bskyed la srung ba la sogs snga ma bzhin du byas te/smin pa dang btus la cha gsum du bgos te/ gcig bla ma/ gcig he ru ka la/ gcig rang gi dgos pa bya ste/ rang gis de la gang gi gzugs su byed par 'dod pa de'i rigs kyi sha'i du bas bdugs te/ thum po byas sker btags na gang du byas pa de dang de'i gzugs su 'gyur te/'dod na snang bar byed cing ni gser shing gi sa bon blangs te nyi shu brgyad nas dgu la bya khwa ta'i thod pa'i nang du sbrul nag po'i khrag gis bskus te bskyed pas smin pa dang blangs te gang gi mgul du bcings na mi snang bar byed/ bkrol na snang bar byed pa'o/ khang bzangs dang shing gi rtse mo la sogs pa phye mar byed do zhes pa la/ bsnyen pa la nus pa thob nas he ru ka rgyas pa'i rnal 'byor gyis dgra sta la rkang brgyad pa'i 'khrul 'khor drug la sogs pa bris te/ khros pa'i tshul gyis bsnun na rdul du byed par 'gyur ro/ /dug bdud rtsir byed pa ni lag pa g.yon pa'i steng du zla ba'i dkyil 'khor la rtsa ba'i sngags kyi 'khrul 'khor bkod de/g.yon pa'i sna sgo'i rlung gis lan gsum du bus shing dug la sngags kyis zin pas bcud du 'gyur ro/ /bdud rtsi yang dug tu byed pa ni bram ze mtshon gyis bsad pa'i thod par grog mkhar gyi sa dang da du ra'i 'bras bu bsres te/ lam gyi bzhi mdor bskyed pa dang bsdu ba sngar dang 'dra bar shes par byas la/ 'bras bu de dur khrod kyi sol ba dang bsres nas lde gu byas te/ dpral bar thig le byas te zas gang la btab pa tsam gyis dug tu 'gyur/ rang gis zos na sman du'o/ /zla ba ni nus pa thob pas sngags tsam gyis shrI khaN+Da ltar 'o mar chu ni chang du ku su ma'i phye ma dang /'dzam bu ra'i khu ba'o mar blugs na'o/ /chu yang zla bar byed pa ni sman a rka'i me sbar la/ pad+ma'i snal ma'i phye ma dang ra dkar mo'i 'o mas lan mang du byugs te/ zhi ba'i sbyin sreg gi thal ba la tsi tri ka'i khu ba dang sbrus te/ ri lu grib bskams byas te sen mo'i steng du bcug la chang gi snod du dkrugs na 'o ma lta bu'i kha dog tu 'gyur ro//ku su ma'i phye ma dang 'dzam bu'i khu ba dang bcas pa'o ma'i nang du blugs na chang dang 'dra bar 'gyur ro/ /dri thams cad 'phrog par byed pa ni tsher ma dang bcas pa'i shing ka rany+dza'i phye ma dang bsres pa'i phye mas bdugs na'o//gang du 'dod pa der 'pho bar 'dod pa ni ka rany+dza na dang / sha ka ra'i phye ma gu gul dang bsres pa'i gla rtsi la bdugs na gu gul gyi drir 'gyur la/ gla rtsi dang bsres pa ni gla rtsi'i dri 'pho bar 'gyur ba'o/ /nam mkha' lding gi gdong zhes pa nas/ 'bras bu dang bcas par 'gyur zhes pa'i bar gyis ni rigs ldan ma mchod pa'i dus dang phan yon dang bcas pa ste/de yang rnal 'byor gyi lam pa'i nang gi mchod pa ni/ nam mkha' lding ni spyi bo'i haM ngo / /gdong ni gtum mo'o/ /chos thams cad sna tshogs su snang ba ste 'gro ba nyid do/ /'byin par byed pa ni bde stong 'char ba'o//zhi ba ni byang sems so/ /'dus pa ni 'bar 'dzag la dmigs pa'o/ /lha mo ni ye shes me/ kun du spyod cing ni rtsa dbu mar rol pa'o/ /pho nya'i lam pa ltar na/ nam mkha' lding ni ling+ga'o/ /gdong gi ni rtsa kha khwa mu kho'o/ /chos thams cad lhan cig skyes par 'gro ba nyid do//'dzin par byed cing ni nyams su len par byed pa'o/ /zhi ba ni byang chub kyi sems so/ /'dus pa ni snyoms 'jug gi dus su mnyam par 'dus pa las so/ /yang na nam mkha' lding ni thig le bde ba'o/ /'gro ba'i ni lag pa brkyang ba'o/ /gdong ni kha thur du bltas pa'o//'byin par byed pa ni kun rdzob byang chub sems mi gtong bar 'dzin pa'o/ /yang na nam mkha' lding ni lhan cig skyes pa'i dga' ba/ 'byin pa ni dga' bral lo/ /zhi ba ni mchog dga' 'dus pa ni byang sems bdud rtsi la bza' ba'o/ /lha mo ni rig ma/ kun du spyod cing lus kyi gnas dang nye gnas sogs su bde ba la'o//ma'i mchog ni rigs ldan ma mchod pa'i sgrub pa nyid/ de'i lag mthil na yod pa ni dngos grub nye ba'i dpe'o/ /dpal ni lhan cig skyes pa'i bde ba mi rtog pa'o/ /gang gis kyang mi 'phrogs par 'gyur ba ni ye shes de nyid rtog par mi 'gro ba'o//rnam pa de lta bu'i cho ga dang ldan pa ni bde ba chen po'i ye shes dang 'du 'bral med pa'o/ /dngos grub thams cad ni phyi nang gi rigs ldan mnyes pa las 'bras bu dang bcas par 'gyur ba ni/ de bzhin gshegs pa'i phrin las su 'gyur ba'o/ /dran pa tsam gyis gsad par byed pa ni dur khrod kyi shing la til mar gyis byugs pa'i rdo rje rtse gcig pa la lte bar hUM bris te/de las 'od zer dpag tu med pa spros pas phyogs bcu'i khro bo bcu la sogs pa spyan drangs nas der thim pas khro bo'i rdo rjer bsam/ de nas bdag 'khor lo sdom pa'i ting nge 'dzin dang ldan pas bgegs la sogs pa gang la bsnun pa de srog gtong ba'o//me skyed par byed do zhes pa spra thog gi dbus su me shel bcug la tshon sna lnga'i skud pas dkris te lan stong rtsa gcig tu bskor nas 'phangs na der me 'bar bar byed pa'o/ /yang na gtum mo'i me 'od 'bar bas sna bug g.yas nas rgyu ba'i rlung gis 'gro ba dbang du byed pa 'od spro bsdus so//sa 'og rnam par 'joms par byed pa zhes dur khrod kyi shing la rdo rje rtse dgu pa lta ba la hUM yod par byas te rtsa sngags stong rtsa brgyad dmigs pa dang bcas pas bsnun na klu gnyan sa bdag 'joms par 'gyur ba'o/ /ser ba 'bebs pa dang zhes pas khrag gis bkang ba'i thod pa la rtsa ba'i sngags brgya rtsa brgyad la sogs pa bzlas te/rnal 'byor dang ldan par sgra gcan rgyu ba'i dus dang phyogs nges pas/ de dga' 'grogs la khrag de bsregs pa 'am gtor na grub pa'o/ /dran pa tsam gyis glog skyed par byed pa yang sngar ltar te shing ka ran+ta'i yal ga la rang kha lhor bltas pas/tshes brgyad dam bcu bzhi la khru gang pa bcas la rdo rje phur bu byas te dbus su thog dang glog bris te rlung gi phyogs su klu gnas pa'i sar btab na glog dang thog dang ser ba dang sprin 'dus te/ tsha grang drag po'i sgra 'byin pas thams cad skrag par byed do/ / lha thams cad kyi gzugs brnyan gar byed du 'jug go zhes pa la/ bud med sngo ba sangs ma bu bcas pa'i 'khru ma dang / ke ke ru'i rnga ma dang / ka rka ta'i sha rnams shing dmar po'i sol ba la bsregs pa'i dud pas phyi rol pa la sogs pa'i lha'i gzugs la bdug na de bzhin no/ / yang na rkang pa brgyad pa'i 'khor lo lha rnams kyi thugs kar bcug la 'od ma'i gzhu dang ka ra bI ra'i mda' la khrag chen bskus nas thugs kar 'phangs na'o/ /yang na rang mi g.yo bar gnas la ba dmar ser gyi mar gyis sna bug bkag gu gul dkar po'i dud pas bdugs na gar 'phro chad pa'o//gang zhig grub pas zhes rtsa sngags so/ /ming nas bzung nas lan cig bzlas pa na zhes pa la/ mi'i thod pa sha med par btogs te/ srin lag gis gzugs bris la de'i snying gar 'khrul 'khor ming tshig dang bcas pa bris la/ rtsa sngags kyi gsham du ming dang mA ra ya phaT ces pa lan cig bzlas shing khrag mnyes na mngon spyod de/de'i mod la 'chi bar 'gyur ro zhes pa'o/ /sa ma lus pa rnams la longs spyod par 'gyur ro zhes ba lang gi sha la sbyin sreg rgyas pa'i sbyor bas 'bru dang shing thog la sogs pa phul na rgyal srid kyi 'byor bas rgyas par 'gyur yang 'dod pa'i longs spyod kyis skyo ba na/'dod na sdud par 'gyur ni zhi ba'i sbyin sreg gis g.yeng ba zhi bar byed do/ /bcom ldan 'das dpal he ru ka'i chos 'di la ni rtsa ba'i sngags phrin las rgya mtsho la/ brtul zhugs mi dgos zhes phyi rol pa'i chos bkag /spyod pa dang ni sbyangs pa nyan thos kyi'o/ /smyung ba ni bya ba'i rgyud kyi byed pa la sogs pa mi dgos te phyi rol spros pa bcad pa'o//cho ga 'dis zhes lha dang sngags ldan pa'i sbyor bas ci 'dod pa'i las rnams bya'o zhes phrin las du ma myur du grub pa'o/ /gal te khros pas lan cig bzlas na bye ba gsod par 'gyur ro zhes dpal he ru ka'i bsam gtan sngags bcas kyi nus pa thogs pa med pa ste/dur khrod kyi sol ba la lan cig bzlas pas zhes pa/ arga'i shing der grir shi ba bsregs pa'i sol ba la da du ra'i khu bas me gsad de/ de'i sol ba dang dug dang ske tshe dang lan tshwa dang dur ras la ming dang rkang pa brgyad pa spel te bris la/ snying po'i sngags dang / bsgrub bya'i ming bris la dur sol dang sa las gzugs brnyan byas pa'i snying gar 'khor lo gzhug go/ /de nas yungs kar la dbus su hUM bsam ste/ de yongs su gyur pa las rdo rje bskyed pa de las bsnun pas snga ma'i las 'grub bo/ /gshin rje 'joms par 'gyur zhing ni grul bum lta bu yang 'ching la/de de'i mod la ltung bar byed do zhes mngon spyod grub pa'o/ /shing arga dur khrod du bsregs pa'i thal ba la yongs su bzlas te de ni yungs kar bsregs pa'i thal bas gang la bsnun pa de de'i mod la sha zas gzung bar 'gyur ro zhes drag po'i las so//zhi bas bzlas na 'tsho bar byed do zhes pa/ 'khrul 'khor phyung zhing 'o mas bkrus shing rtsa sngags la shIn+taM ku ru btags pas nye bar 'tshe bzhi'o/ /dur khrod kyi sol ba la lan cig bzlas zhes pa da du ra'i shing dur khrod du bsregs te rigs ngan ma'i khrag gis me gsad de karko ta'i shing ngam shing gzhan la dug dang ske tshe dang tshwas rkang pa brgyad pa'i sngags bsgrub bya'i ming dang bcas pa bris la sngags spel ba dang bcas pa bzlas na 'grub par 'gyur ba'o//a ti mu k+ta'i lcug ma la zhes pa la sogs pa ni nyi ma dang po la phyin te khru do pa la skud pa dmar pos bcings la/ de nas gsol ba btab pas nyi ma gnyis pa la dpal he ru ka'i ting nge 'dzin gyis dkyil 'khor mchod cing gtor ma dbul/ de bcad pa dang sa la ma bzhag par sngags khri phrag gcig bzlas na mo rigs la bsnun pa de rjes su 'brang bar byed do/ /gseg ma la ni mis ma 'goms pa la dbus su rtsa sngags bris te sngags nas gang la bsnun pa de rings par 'gyur ba'o//yang na dur khrod kyi ras la rkang pa brgyad pa'i sngags dang bsgrub bya'i ming zla ba'i dkyil 'khor dbus su chud par yung bas bris te/ dur khrod kyi sa dang sol bas dgra'i gzugs byas la 'khor lo de'i snying gar bcug la sngags zlos shing gseg mas brab bo//des grub po/ /gang du 'dod pa der 'gro bar 'gyur ni bskrad pa ste/ rtsa sngags spel tshig dang bcas pa'i 'khor lo bris te/ /bya rog gi sker btags nas btang na gnas nas 'pho'o/ /gu gul gyi dud pas zhes pa ni a ka ru dang ra skyes kyi rwa dang rmig pa'i rtse rnams dang byi la nag po'i brun dang sha chen dang ke ke ru'i rngam dang bsdebs te/DA ki ma'i spos sbyar bas A be sha ya a A dz+nyA na a be sha ya/ zhes pas 'bebs par 'gyur ba'o/ /dug gso bar byed pa ni lag pa g.yon pa la a las zla ba'i dkyil 'khor la sngags bris pa'am bsams nas bkab pa ni srin lag gi rtses reg na'o//mkha' 'gros rgyas btab pa la dur khrod kyi ras la shing a shwat+tha'i myu gus 'khrul 'khor bris te/ lte ba la zur gsum pa la hUM dang ma ma a mu kA sa rak+Sha zhes pa dang / don gyi ming bcug la mgul du gdags/ gtor ma dang bden pa brjod cing chus gtor na grol bar 'gyur ro//ka ra bI ra'i lcug ma la zhes pa dur khrod kyi ras la bsgrub bya'i ming dang spel ba'i 'khrul 'khor la/ bud med sbrum ma shi ba bsregs pa'i thal ba dang / tsan+dan dmar po'i phye mas bud med gzhan de'i mgul du 'khor lo btags la/ sngar gyi lcug ma khru do ba rlon pa gcig ni dur khrod me la ma tshig tsam du bsros la/ /phyi ma'i spyi bo la bskor zhing rtsa sngags khri phrag gcig gi bzlas pas mngal 'pho ba'o/ /des ni goms par byed pa bskyed pa'i rim pa'i ting nge 'dzin sngags bzlas pa'i las bstan pa'o/ /da ni de kho na nyid ye shes las byung ba/bya ba las kyi tshogs rab 'byam las/ phyi la mchog tu gzhol ba rnams kyis ni/ 'khrul 'khor dang rdzas kyi bye brag dang / sngags dang phyag rgya dang ldan pas rnam shes kyi las kyis mngon par 'grub la/ nang la mchog tu gzhol ba rnams kyis ni bsam gtan dang sngags kyi de kho na nyid kyi/ye shes kyi las kyis shin tu 'grub pa dus kyi nges pa dang bcas pas myur ba nyid du 'grub pa bstan pa'o/ /yang bud med bu skye bar 'dod na/ a shwa ka d+ha'i rtsa ba mar bzang po dang lhan cig bskol la/ ba'i 'o ma bsres la lhan cig tu bskol te lhag pa'i lha'i sngags lan nyer gcig bzlas dus su blud la khrus bya zhing /de'i dus su spyod pas rang gi khyo dang 'dra ba'i bu skye bar 'gyur ro/ /yang 'dod log spang ngo / /yang bu med pa la sngags lan nyi shu rtsa gcig tu sngags te mar rnying pa la/ rma bya'i sgro bsregs te btags la sha kha ra dang ldan pas bskol la btung bar bya ste/a ru ra yang bag tsam re bza' bar bya/ zhag bdun bar du sngags kyang bzlas bzhin du'o/ /las 'di dag gi 'khrul 'khor ni/ chos 'byung la gnas pa'i zla ba'i dkyil 'khor la/ de'i nang ngos su 'khor lo rim pa la mu khyud rim pa bzhi sna tshogs rdo rje kha gyes pa'i lte bar pad+ma 'dab ma brgyad pa'i dbus su dpal he ru ka'i sa bon hUM dang rje btsun ma'i baM bri/pad+ma'i 'dab ma la rkang pa brgyad pa'i sngags dgod/ 'khor lo gsum pa la lha so so'i sngags sku gsung thugs kyi mtshan nyid 'khor lo pad+ma rdo rje mu khyud kyis bskor ba/ sgo bzhi dang grwar gnas pa dam tshig lha mo rnams kyis dang zhal bzhi pa'i sngags dang spel bar bya/lte ba'i sa bon mthar gang la dmigs pa ming spel tshig dang bcas pa bya zhing / mthar rdo rje ra ba dang me 'od phreng bas 'khor ba las/ A li kA li yig mgo phyir bstan pa bri bar bya ba ni/ dpal badzra DA ki las/ nam mkha' dbyings kyi dbus gnas par//zla ba'i dkyil 'khor dam pa ste/ /'od zer tshogs ni gsal ba'i mdangs/ /'khor lo'i phreng bas rnam par brgyan/ /de dbus 'khor lo rtsibs brgyad dang / /pad+ma'i phreng bas shin tu mdzes/ /slar yang 'khor lo bri bar bya/ /sku gsung thugs ni rdo rje yi/ /dkyil 'khor dam pa yangs pa yin//nam mkha' thams cad g.yogs byed pa/ /rang gi lus las spro bar bya/ /dkar dang dmar dang sngo ba ste/ /kha dog mchog ni bye brag bya/ /bya ba'i cho ga 'di yin no/ /dpa' bo dbang phyug rdo rje bri/ /de mthar bskul bar bya ba'i tshig /ji ltar 'dod bzhin sbyar bar bya//phyi rol rdo rje phreng ba dang / /'od zer 'bar bas phreng 'khrugs bskor/ /'di ni srung ba chen po ste/ /las rnams 'grub pa bla na med/ /ces pa'i don to/ /char 'bebs pa mu khyud bar ma la khro bo stobs po che'i sngags/ oM badzra kro d+ha ma hA ba laM/ ha na ha na/ pa tsa pa tsa/ bi d+h+wan sa ya bi d+h+wa na sa ya/ u tsa ta ya/ sarba nA ga nA ga ma ra Na hUM phaT/ ces pas g.yon skor du dgod par bya'o/ /de yang 'khrul 'khor de dag la tshogs kyi mchod pa gtor ma dang ldan pas/ rang lhag pa'i lha'i nga rgyal dang ldan pas/ dam tshig gi 'khor lo lha dang yig 'bru gsal ba la/ye shes kyi 'khor lo spyan drangs te mchod cing gnyis su med pa las/ 'od spros pas 'gro ba la zhi ba dang rgyas pa la sogs pas rjes su 'dzin pa'i las dang / dbye ba bskrad pa gnon pa rengs byed la sogs pa tshar bcad pa'i las/ lha mo dum skyes ma dang khro bo bdud rtsi 'khyil ba la sogs pa phrin las kyi lha rab tu bskul bas 'grub par 'gyur ba'o//de las grub cing nus pa'i stobs 'grub pa dang / thabs kyi khyad par dang mi ldan pas mi 'grub pa dang / 'di nyid nges par 'grub pa'i tshul bstan pa'o/ /le'u'i mtshan nyid ni/ rtsa ba'i gsang sngags kyi las kyi cho ga'i le'u dgu pa'i rnam par bshad pa'o// //de la le'u 'dir khyad par can gyi 'bras bu'i gsang chen bstan pa la/ de nas zhes smos te le'u dang po las/ thog ma dbus mthar yang dag gnas/ /'jig rten gsum du rnyed dka' ba/ /zhes pa'i don la/ thog ma ni ngo bo nyid kyi sku la sbyor ba dang po chos kyi dbyings las byung ba chos sku'i phrin las ye shes longs spyod rdzogs skur byon pas so//dbus ni longs spyod rdzogs skur rdo rje 'chang ri rab kyi khang bu brtsegs par byon pa las/ mthar ni dkyil 'khor rnam par 'phrul pa'i cho 'phrul tshad med pa las sprul pa'i sku dpal he ru ka rdo rje rnal 'byor ma dang gnyis su med pa 'dod khams kyi 'jig rten pa'i lha rnams 'dul ba'i don du 'dzam bu'i gling du yang dag pa'i dkyil 'khor mdzad pa dang ldan pas gnas pa'o//rnal 'byor ni rjes 'jug lam goms par byed pa'i rim pa shes tsam gyis/ 'dir ni gsang ba grub par 'gyur bar the tshom med pa'i don bla na med pa mchog sku gsum po dag gi gleng gzhi dang bcas pa bshad par bya zhes mdor bstan pa las/ye shes kyi 'khor lo sngon byung dang rjes 'jug las/ thog mar sangs rgyas kyis mdzad pa las/ de yang chos kyi dbyings kyi pho brang ye shes dag pa'i ngang du chos sku dbyings dang ye shes dbyer med las/'og min bde ba chen po'i zhing khams der longs spyod rdzogs pa'i sku dpal rdo rje 'chang chen pos/ dag pa'i sa la gnas pa'i byang chub sems dpa' chen po dang / sems ma'i lha mo rnams dang / de bzhin gshegs pa dpag tu med pa nyid dang /dbyer med pa'i tshul gyis 'gyur ba med par gnas pa'o/ /de las 'gro ba 'dul ba'i don du/ gdul bya 'dod chags can ma hA de ba la sogs pa gtso bor bstan pa ri rab kyi khang bu brtsegs par byon te/ gdug pa can thams cad btul ba las/ dpal de bzhin gshegs pa rdo rje 'chang chen po de nyid dang dbyer med pa'i dpal rje btsun phyag na rdo rjes ji ltar btul bar mdzad pa ni/dpal de nyid bsdus pa'i don te/ rdo rje 'dzin pa phyag na rdo rjes gsol pa/ bcom ldan dbang phyug chen po la sogs pa/ ma rungs pa'i sems can dag kyang mchis te/de bzhin gshegs pa thams cad kyis kyang zhi bas 'dul bar mi spyod pa de dag la bdag gis ji ltar bsgrub par bgyi/ de nas bcom ldan 'das dpal rnam par snang mdzad de bzhin gshegs pa thams cad kyis byin gyi rlabs kyis/ de bzhin gshegs pa thams cad kyis thabs chen po'i ye shes rdo rje zhes bya ba'i ting nge 'dzin la snyoms par zhugs te/snyoms par zhugs ma thag tu de bzhin gshegs pa thams cad kyi dbyings thams cad kyi rdul phra mo dang mnyam par 'phros nas/ ri rab ri'i rtse mo na rdo rje dang nor bu rin po las byas pa'i khang bu brtsegs par yang gcig tu 'dus te/de bzhin gshegs pa thams cad kyis mnyam pa nyid du dmigs nas/ bcom ldan 'das rnam par snang mdzad kyi thugs ka'i dpal gyi be'u ru bzhugs so/ /hUM de nas de phyung ma thag tu dpal phyag na rdo rje'i sku'i thugs ka'i rdo rje las 'od kyi snang ba chen pos sa gsum thams cad du khyab par gyur te/'jig rten gyi khams rab 'byams sprin rgya mtsho thams cad na/ 'jig rten gsum gyi bdag po dbang phyug chen po la sogs pa ji snyed pa de dag thams cad na gnas pa'i tshogs kyis bskor ba ma lus shing lus pa med pa rnams de bzhin gshegs pa thams cad kyi dam tshig gi lcags kyus bkug nas der lhags te/khang bu brtsegs pa thams cad du bskor nas/ lha chen po la sogs pa'i 'jig rten gsum po'i dbang po thams cad kha sbub tu lhung ste nyam thag pa'i tshig 'byin cing dpal phyag na rdo rje la skyabs su dong ngo / /lha chen po zhes bya ba'i lha de ni sa la 'gyel te dran pa med par gyur to//der dpal phyag na rdo rjes lha thams cad la bos te/ gal te khyed rnams rang rang gi srog 'dod na/ sangs rgyas dang chos dang dge 'dun la skyabs su dong la/ nga'i bka' yang nyon cig /de nas de dag gis 'di skad ces gsol to/ /sangs rgyas dang chos dang dge 'dun phyag rgya'i tshogs dang bcas pa la skyabs su mchi'o zhes so//yang zhi bar mdzad pas sdig pa las bzlog par mdzad mi spyod pa'i sems can de rnams tshar gcad pa'i phyir byin gyis brlabs so/ /de nas bcom ldan 'das kyis byang chub sems dpa' chen po dpal phyag na rdo rje la bka' stsal pa/ /sems dpa' chen po lha'i bdag po lha chen po 'di ma bslang na/srog chud gsan par byas pas don med/ 'di gsos na 'di yang skyes bu dam par 'gyur ro/ /de nas phyag na rdo rjes de bzhin du bya'o snyam nas/ shi ba gso ba'i snying po 'di smras so/ /oM badzra A yur dz+nyan b+hAM zhes so/ /dpal phyag na rdo rje'i zhabs kyi mthil nas/kun du 'bar ba'i snying po rdo rje'i tshig brjod nas/ lha dbang phyug chen po sbyang ba'i phyir zhabs g.yon pas mnan/ zhabs g.yas pas lha mo u ma de ba'i steng du mnan par mdzad pa'o/ /de nas lha chen po la dpal phyag na rdo rje'i zhabs kyi mthil gyis reg pas/ de nyid du de bzhin gshegs pa thams cad kyi ting nge 'dzin dang /gzungs dang rnam par thar pa'i sgo du ma'i bde ba myong ste/ lha chen po'i lus dpal phyag na rdo rje'i zhabs la phul bas 'og gi 'jig rten gyi khams gang+gA'i klung sum cu rtsa gnyis kyi bye ma snyed kyi 'jig rten gyi khams kyi rdul phra rab snyed 'das pa nas/thal bas khebs pa zhes bya ba'i zhing khams der de bzhin gshegs pa thal ba'i dbang po'i dbyangs zhes bya bar gyur te sangs rgyas so/ /de nas lha chen po'i lus de las ched du brjod pa 'di phyung ngo / /e ma ho sangs rgyas thams cad kyi/ /bde gshegs ye shes bla na med/ /sngags kyi tshig gis mnan pas su//mya ngan las mi 'da' bar gzhab/ /ces so/ /de nas sangs rgyas de las bkod pa sprul pa'i sku gcig /dbang phyug gi lus der zhugs nas ched du brjod pa 'di brjod do/ /e ma ho sangs rgyas thams cad kyi/ /gsang ba ye shes bde ba che/ /gang phyir shi ba'i lus 'di yang / /'tsho ba'i khams su gyur pa yin//zhes brjod do/ /de nas dbang phyug chen po'i lus de sos par byin gyis brlabs te/ 'jig rten gyi khams 'dir sems can thams cad kyi don dang / ma rungs pa rnams thams cad 'dul ba'i phyir/ 'dzam bu gling du nyid kyis rgyal tshab tu bcug go/ / de nas dbang phyug chen po de'i mgo bo la dpal phyag na rdo rje'i zhabs kyis mnan pa'i rjes su zla ba phyed pa gnas par gyur te ral pa'i g.yon logs na 'dug go/ /de nas de bzhin gshegs pa thams cad kyi dpal phyag na rdo rje'i grogs su lag tu mdung rtse byin nas/ rdo rje rig pa dam pa zhes bya ba'i rdo rje'i ming gi dbang bskur ro//de nas rdo rje'i rig pa dam pa/ /byang chub sems dpa' sems dpa' ni/ /rdo rje 'bar ba'i mdung rtse des/ /mgal me'i 'khor lo ltar bskor zhing / /gar gyi mchod pas mchod byas nas/ ched du brjod pa 'di brjod do/ /e ma'o sangs rgyas thams cad kyi//byang chub sems ni bla med pas/ /zhabs mchog gis ni gang reg pa/ /sangs rgyas nyid du rab grub thob/ /ces brjod do/ /de yang gzhan 'phrul dbang byed du khro bo khams gsum rnam par rgyal bar mdzad de ma rungs pa rnams btul/ /'phrul dgar khro bo me ltar 'bar bas so/ /dga' ldan du dpal rdo rje snying pos so//'thab bral du rdo rje hUM mdzad kyis/ /ri rab rtser rje btsun phyag na rdo rje nyid kyis log 'dren rnams btul ba'o/ /des ni dpal phyag na rdo rjes ji ltar mdzad pa bstan pa'o/ /der ni bcom ldan rdo rje 'chang chen nyid kyis sprul pa'i sku/ /sku bzhi dbyer med dpal he ru kar bzhengs te//rnam snang mdzad kyi pho brang dkyil 'khor yang rdzogs lo nyid/ /'od dpag med pas bdud rtsi bum pa shing lo steng du ka pA la rab gang / /don yod skye mched lha yis byin brlabs rig pa'i lha mos mchod/ /dkon mchog dpal gyi gsang sngags yang dag ye shes nyid kyis te//mi bskyod rdo rjes dbang bskur rigs bdag rgyas gdab bla na med/ /rdo rje sems dpa' rjes chags kun du rol pa bde ba mchog /gar nyams dgu ldan mi zad bde mchog khro bo'i skur bstan pa/ /de nyid sku las khro tshogs rnam par 'phrul pa yis/ /sa gsum kun du khyab byed bde ba'i dbang phyug go//oM badzra ba le ta kro d+ha ya/ badzra b+ha shwi d+hi pa ta ya/ badzra d+ha shi bi nA sha ya/ hr-i da A kaR+Sha ya badzra kro d+ha/ oM badzra kro d+ha su karma/ badzra suk+Sha krA ma/ badzra At+ma ka/ badzra d+harmA kra ma hUM/ oM b+hai ra badzra/ hUM ka ra shud+d+ha/ oM bi sho d+ha na/ badzra d+ha ra b+hak+Sha ya/ oM badzra mu di ban+d+ha/ b+h+r-i ku Ti ha ra/ oM sUr+ya dz+wa la/ me pra yats+tsha/ oM badzra ha sa kro d+ha/ badzra sho d+ha ya/ oM badzra ma hA tsakra/ krod+ha ts+tshe da ba ya/ oM ha ra spa ta ya/ b+ha ma tra na hUM/ oM kro d+ha rak+Sh+mA/ badzra kro d+ha su k+Sha ya hUM/ zhes khro bo nyi shu rtsa bzhis sa bla sa steng sa 'og khyab par kun du spyod pas phyi nang dus thams cad du'o/ /de nyid dkyil 'khor rgyal po mchog nyid bde chen sgo mtshams bcas pa'o//bskal pa dang po rdzogs ldan dus su bsnyen pa'i ye shes sngon 'byung ba/ /gsum ldan gnyis ldan rtsod pa'i dus mthar 'dzam gling pad+ma'i dbus/ /las rgyal mchog gis ma ga d+hAr ni 'jigs byed dus mtshan gnas pa yis/ / 'thung gcod nye ba'i 'thung gcod dur khrod bcas par 'jigs byed brgyad/ /nam mkha' las ni lha bzhi lha mor bcas pas gnas zhes btags/ /dri za bzhis ni yum ldan mi 'gyur nam mkhar gnas zhes brjod/ /sa steng nas ni gnod sbyin gnyis ni yum dang zhing zhes bsgrags pa ste/ /nye zhing gnod sbyin zung ste yum bcas gter bdag rim pas gnas//tshan+do ha ni srin po srin mo zung ldan ri bo'i sul longs spyod/ /nye ba'i tshan+do ha ni srin po'i 'khor gyur zung ldan rnam 'gyur spyod/ /'du sa dag tu klu yi dbang po yab yum ldan pas rnal 'byor spyod/ /nye ba'i 'du sar klu yi bran gnyis yab yum bcas pa rol zhing rgyu//dur khrod dag tu lto 'phye zung gyur rtog dpyod 'gog par rol/ /lto 'phye dag gi bran gyur gnyis po yum bcas nye ba'i dur khrod sa 'og spyod/ /de dag srid pa gsum la dbang byas 'jig rten dbang bsgyur gnas pa ste/ /nyi shu rtsa bzhi'i gnas der chags sdang spyod pa 'jig rten pa'o//gang du dbang phyug 'jigs byed u ma 'khor bcas rol pas gnas pa'o/ /bcom ldan he ru ka dpal rdo rje rnal 'byor mar ldan pas/ /dkyil 'khor 'khor lo'i lha tshogs ye shes phrin las/ /gdug pa gdul ba'i cho 'phrul 'jigs pa'i gad rgyangs drag po sgrogs//sa cher rab g.yos 'jig rten khams rnams rab 'khrugs mdzad/ /der ni 'jug dang dbang gyur longs spyod rab tu thim byed pas/ /gdul bya'i ming gi dpa' bo rnal 'byor 'dul byed nyid la btags/ /des ni mngon 'byung rnam par 'phrul pa'i mdzad pa yis/ /sku gsum 'dul ba'i zhing khams phyi nang dag tu 'khor lo lnga ldan pa'o//de ni dang po'i sbyor ba la sogs pa ting nge 'dzin gsum bstan nas/ da ni rjes 'jug nyams su len pa rnams kyis bsgrubs pa'i 'bras bu chos sku thob par 'gyur ba bstan pa/ de nyid kyang rim pa gnyis kyis lam sngon du byas pa ni/ rgyu'i cha las sems can thams cad kyi rgyud la de bzhin gshegs pa'i snying po'i lus can du gnas pa kun khyab tu'o/ /lam du thabs ni gang gi tshe chos thams cad stong pa nyid sngon du 'gro bas ni thams cad rnam par dag par byed la/ sgrub pa pos mnyam rjes gnyis med du nyams su myong bas rnam par mi rtog pa'i ting nge 'dzin 'char bar 'gyur ba de nyid gong nas gong du zhi gnas lhag mthong dbyer med pa de'i tshe ye shes chen po gsang ba bla na med pa chos sku dag pa gnyis ldan mkhyen pa'i ye shes phrin las dang bcas par nga yis bshad do zhes gdams pa'o//gnyis pa'i gzugs sku rnam pa gnyis kyi 'byung tshul ni/rgyu'i cha byang chub sems 'gag pa med pa las/ lam du lha sku sgyu ma lta bu'i lus can snang la rang bzhin med pa/ gang gi tshe rnal 'byor pa'i rgyud la mtshan dpes spras pa'i tshul du gnas pas sgrub pa pos lha sku dkyil 'khor gyi tshul du 'khor lo brten par bcas pa'i bsam gtan bsgom pas de tshe yon tan phun sum tshogs pa 'char bas longs spyod rdzogs pa'i sku thob par smra'o zhes gdams pa'o//gang du rgyud rig pa sna tshogs gzugs can ni sprul pa'i sku/ cir yang 'char ba'i rmi lam sgyu ma lta bu'i lus can du rnam pa nyid byams pa snying rje'i rang bzhin can du dus gang gi tshe/tshad med pa'i byang chub kyi sems kyis gzhan don gtso bor byed pa'i sgrub pa pos rang bas gzhan gces kyi blo dang ldan pas tha mal pa'i snang ba dag par 'gyur ba de'i dus su dkyil 'khor gyi lhar snang la goms pas/ snod bcud lha dang gzhal yas khang du 'char ba de'i 'bras bu sprul sku thob par ngas bshad pa rgyu mthun gyi rgyu 'bras bla na med pa'o//da ni sku gsum dbyer med ngo bo bde ba chen po'i sku 'byung bar bstan pa'i phyir/ chos dang longs spyod rdzogs sprul pa/ /yang dag thob par gdon mi za/ /zhes pas gsang chen gyi snying po phyag rgya chen po lhun gyis grub pa ste/rang bzhin rnam dag stong pa nyid/ /ngo bo 'gyur ba med pa kun du khyab pa mtshan nyid 'od gsal gnyis med ro mnyam pa/ rnam par mi rtog pa/ bsam gyis mi khyab pas rab tu mi gnas pa/ bde ba chen po rang byung gi de bzhin gshegs pa'o/ /ye shes ni rnal 'byor dang ldan pa'i kun 'dar du rlung sems 'dus pa las longs spyod yul snang la dbang thob pas bde chen thob par 'gyur ba'o//nyams myong bde gsal mi rtog pa mthar phyin pas bdag nyid rnal 'byor pa'i lus sku rdo rje ngag gsung rdo rje/ sems thugs rdo rjer gyur pas/ shrI thabs shes rab dbyer med bde ba chen por 'gyur la/he ni gar dgu'i rol pas dgyes par spyod pa/ ru ni bdud rtsi'i rgya mtsho mi zad pa la'o/ /ka ni zhing khams du ma sku la yongs su rdzogs pa'i bde ba'i mchog /rdo rje rnal 'byor ma dang gnyis su med par ni 'grub par 'gyur ba sku bzhi ye shes lnga ldan sa bcu gsum pa'i 'bras bu tshe 'di nyid la the tshom med par thob pa'i don to//rgyu dang lam dang 'bras bu'i gsang ba las/ rgyud kyi rim pa ltar na/ 'chi ba stong pa chos sku/ bar ma do longs spyod rdzogs pa'i sku/ srid pa'i skye ba bzhengs pa sprul sku'o/ /lus gnas pa ltar na/ rtsa sprul pa/ yi ge longs spyod/thig le chos/ ngo bo nyid chos nyid ye shes kyi rlung ngo / /lha'i rnal 'byor ltar na/ rnam pa gsal ba/ sprul pa ngo bo stong pa nyid chos/ /nyams myong bde ba longs sku/ /mi rtog pa ngo bo nyid do/ /sngags kyi rim pa ltar na/ lus rtsa'i dkyil 'khor sprul pa/ A li kA li sngags kyi dkyil 'khor longs spyod/thig le byang chub sems kyi dkyil 'khor chos sku/ snying po'i rlung ngo bo nyid kyi sku'i dkyil 'khor ro/ /yang na gtum mo'i me las rgya sprul pa/ haM chos rgya longs spyod/ 'bar 'dzag phyag rgya chen po chos sku/ /nyams myong dri ma med pa dam tshig phyag rgya ngo bo nyid kyi sku'o/ /ye shes kyi rim pa la/bdud rtsi spyi bo nas bab pas mgrin par dga' ba sprul pa/ snying gar mchog dga' longs sku/ lte bar lhan cig skyes pa'i dga' ba chos sku/ gsang bar dga' bral ngo bo nyid sku ste lugs 'byung lugs bzlog tu shes par bya'o/ /gsang ba'i rim pa la/lte bar rgyu mthun sprul pa/ snying khar rnam smin chos/ mgrin par skyes bu byed pa longs sku/ spyi bor dbang gi 'bras bu ngo bo nyid bde chen no/ /gsang ba de kho na nyid la/ sku'i gsang ba lte ba/ gsung gi gsang ba mgrin pa/ thugs kyi gsang ba snying ga/ /spyi bor ngo bo nyid bde chen ye shes rdo rje dbyer med kyi gsang ba bstan pa'o//de la gnas skabs su las rab 'byams bstan pa la nye bar gdams pa bstan pa ni/ gsang sngags ni yid can shes pas skyob par byed pa'i thabs 'di'i snying po ni gtso bo dang 'khor du bcas pa'i dkyil 'khor ba'i sku gsung thugs bskul zhing dngos grub myur du ster bar dpal he ru ka ngas bshad kyis sgrub pa po dbang po'i rim pa'i khyad par dang ldan pa rnams nyon cig par mdor bstan pa'o//las dang dngos grub mngon du byed pa bya ba las/ tshogs bsgrub pa la/ bsnyen sgrub yan lag bzhi dang ldan pa'i khyad par gyis las myur du grub pa las/sbyin sreg phrin las dang bstun la/ lha'i rnal 'byor yang phyir dkyil 'khor yongs su rdzogs pas bsgrub pa'am/ yang na snying po'i sngags 'di nyid kyi lha tshogs nyi shu rtsa gnyis pa sku gsung thugs kyi 'khor lo las mngal skyes kyi dkyil 'khor dang / rdzus skyes kyi dkyil 'khor gyi bskyed chog yan lag dang ldan pas dbang po rab nang mchog tu gzhol ba kho nas grub la/dbang po 'bring dang tha mas ni phyi la mchog tu gzhol ba 'khrul 'khor rdzas dang sngags dang / bskul tshig dang bcas pas 'grub par 'gyur ba ste/ snying po 'di bzlas pas zhes smos te/ skye ba bdun pa'i ro tsa na la brten pa'i las bcom ldan 'das kyi snying po 'di khrir bzlas te/smin ma'i bar du thig le byas nas nam mkha' la 'gro bar bsam na ni/ dpag tshad bye ba'i bar du 'phags par 'gyur ba ni/ nang don du na rtsa dang byang chub sems dngas par 'gyur bas/ khams gsum sa dgu'i bsgom lam zag bcas las 'das pas byang chub sems dpa'i sa la gnas pas/rnam thar sgo bzhi thob pa'i ye shes kyi ngang las/ 'gro ba ni gzhan du gshegs pa'o/ /'ong ba ni de bzhin nyid du 'jug pa spro bsdu khyad par du byed par 'gyur ro/ /gzugs brgya stong du mar byed do/ / rgyu'i dus su rnam shes sna tshogs gzugs can du snang ba/ lam du nyams myong du 'char la/ 'bras bu de shes pa dang bo d+hi satwa'i ye shes sna tshogs gzugs can du gyur pa'o/ /de yang de nyid las/ khang bzangs dang zhes pas rdo rje'i lus kyi rtsa'i 'khor lo rnams so/ /shing dang ni rtsa kun 'dar ma la brten pa'o//khyim la 'dzegs te zhes dbang po thabs kyi chas yul lnga shes rab dang gnyis med spyod pas 'dzegs te bde chen po rol pa rnal 'byor ma rnams dang zhes khams 'byung ba rnam par dag pa'i ye shes gong nas gong du 'phel bas dpag tshad bye ba'i bar du ni 'og min gyi mthar thug pa'i dag pa'i zhing khams su 'gro bar 'gyur ro zhes mkha' spyod grub pa'o//'od gsal dbyings kyi nam mkha' las zung 'jug tu 'gro zhing gnas/ ye shes nyid du 'jug cing 'ong ba las bde chen nyid du gnas pa las gzhan du mi 'gyur ro zhes gnas 'og mar mi ltung zhes pa'i don to//'dod na snang bar 'gyur zhing ni rang gi 'dod lha'i zung 'jug ye shes kyi skur ro/ /'dod na mi snang bar 'gyur ro ni chos nyid 'od gsal stong pa nyid kyi ngang du gnas pas rtog pas mi phyed pa nam mkha' ltar mi mngon pa'o/ /de las sna tshogs gzugs can du bsgyur ba'i byed pa bstan pa la/'dod na byis pa dang ni thog ma'i dus ting nge 'dzin gyis so/ /rgan mo dang ni tha ma nus pa la nye ba'o/ /da lta ba la dar la bab pa'i ni rtsa rlung byang sems rgyas pas gnas pa gzugs 'dzin par 'gyur ba ni lus kyi bkod pa'am kha dog dang dbyibs dang tshad mi 'dra ba phra rags du ma rtsa dang yi ge dang lus kyi rtsen gar ston pa'o//yang dud 'gro'i skye gnas 'dul ba la/ 'dod na glang po che dang zhes pa la sogs pas dus dang gnas skabs gang la bab pa'i byed pa du ma ston pa nyid du shes par bya'o/ /'dod na rma bya dang zhes pa la sogs pas sgong skyes kyi 'gro ba 'dul ba'i cho 'phrul bstan pa ste/sprul bsgyur la dbang thob par byed pa'o/ /lha dang klu dang gnod sbyin la sogs pa gang 'dod pa de'i gzugs su byed do zhes pa lha ma srin gyi cha byad du bstan nas kyang rdo rje theg pa la yongs su dgod par bya'o/ /yang rgol ba ngan pa phyi rol mu stegs pa la sogs pa'i tshig gis 'phrog pa ni de'i nus mthu dang rtsod pa nyams par ro//mthong ba 'phrog pa mig gi rnam shes nyams par 'gyur ba sna 'phrog pa ste sna dang rna ba'i rnam shes gzir bas nyams pa'o/ /lce 'phrog par byed pa ni brjod pa sgra skad nyams par 'gyur ba ste/rang lhar gsal ba'i sa bon gyi yi ge las 'od zer mtshon cha lta bu spros pas/ bsgrub bya'i dbang po las/ gsang sngags snying po'i 'od zer thog lta bu rdo rje'i rnam pa babs pas me 'bar zhing bsreg par bsams pas nges par 'grub par 'gyur ba'o/ /gang gi 'dod pa bsgrub bya de'i khrag 'dren cing 'gugs par byed pa'am ni drag shul spyod pa gong le'u dgu pa ltar ba ba'o//gnon par byed do ni sum+b+ha ni'i sbyor bas bgegs la phur bus gdab pa'i sbyor ba ltar byas pas nges par 'grub par 'gyur ba'o/ /de dag gis ni rnam shes kyi las kyis tshar bcad cing / ye shes kyi las kyis rjes su 'dzin par bya ba bstan pa'o//le'u'i mtshan bstan pa ni/ dpal 'khor lo sdom pa las/ 'khor lo lnga ldan bde stong du ro gcig par 'gyur ba'o/ /sku gsum 'grub pa'i don ni gong du rgyu thabs 'bras bu las/ snying po'i sngags kyi cho ga ni phrin las mchog tu gyur pa gsang ba bla na med pa'o//le'u'i ming ni pa ta la gzhung skyong ba'i rab tu byed pa'o/ /bcu pa'i rnam grangs bstan pa'i rnam par bshad pa'o// //las kyi lus rnam par dag cing / ye shes kyi sku'i khyad par grub pa'i gsang ba nges par rig pa 'dzin pa'i gnas mngon du byed pa bstan par bzhed nas/ de nas zhes bcom ldan 'das kyi snying po sngags de nyid kyi phrin las ston pa nyid de/gzhan yang yon tan phun sum tshogs pa sgrub pa pos rim pa gnyis la goms pas gang zhig rgyud la brten pa tsam gyis ni gsang sngags kyi che ba ston pa'o/ /mthong chos mngon du byed pas myur du dngos grub la 'jug pa'i don sbas pa gsal bar byed pas/snod gcig tu za ba'i gtsang sbra bdud rtsi bla na med pa bsten pa tsam gyis dngos grub myur du thob thabs bshad par bya zhes mkha' spyod dang sa spyod sa 'og la sogs pa mngon du byed la/ phyag rgya chen po rdo rje'i sku myur ba nyid du 'thob pa ste mdor bstan pa'o/ /da ni rgyas par bshad pa la/skyes bu gang zhig ces pa nas/ skye ba bdun pa'i mtshan nyid bstan pa las/ rtags nye bar mtshon pa nges pa ni/ ngang pa'i 'gros ltar dal gyis 'gro ba dang / de'i grib ma'ang mdun du 'gyur ba nyid/ de ni skye ba bdun du mir 'gyur ba yin te ngo bo nyid kyis snying rje dang ldan pa rgyud mi 'gyur ba'o//ro tsa na yod de ni bsod nams kyi rgyu mthun las byung ba las/ dpal he ru ka'i snying po'i sngags bzlas nas thig le byas na zhes pa yi ge 'bru nyer gnyis pa'i che ba ston pa/ dngos po lkog tu ston pa'i rdzas su phra rags du ma shes pa ni 'jig rten gsum gyi ye shes can du 'gyur ba'i don to//de bsten pa tsam gyis 'byung ba chu'i khams dngas pas rdo rje rigs kyi nus pa brtan/ nad bad kan zhi/ zhe sdang dag pa'o/ /sa'i khams dngas pas rin chen rigs kyi nus pa brtan/ nad mkhris pa zhi/ ser sna nga rgyal dag pa'o/ /me'i khams dngas pas chos kyi rigs kyi nus pa brtan/khrag 'khrugs zhi/ 'dod chags dag /rlung gi khams dngas pas las kyi rigs kyi nus pa brtan/ rlung nad zhi/ phrag dog dag pa'o/ /'byung bzhi dag pas nam mkha' shin tu dngas par 'gyur/ de bzhin gshegs pa'i rigs kyi nus pa brtan/ 'dus pa'i nad zhi/ nyon mongs pa gti mug ma rig pa rang sar dag pa'o//lus kyi sih+la dngas pas/ nyi ma lta bu'i drod dang mdangs brtan/ phyir dbyung ba'i rlung dbu mar tshud/ lus kyi ga bur dngas pas/ zla ba ltar bsil zhing nus pa brtan/ rlung nang du 'jug pa la dbang thob pas dbu mar chud pas/ chags sdang phra ba zhi bar 'gyur ba'o//srog rtsol dbu mar chud pas ye shes kyi rlung du gyur pa'o/ /gang dang gang 'dod pa de dang de 'thob par 'gyur ro zhes/ dbang phyug brgyad ldan slob pa'i zung 'jug mngon du gyur pa'o/ /'bras sA lu la gzugs brnyan spro ba'i don gsol ba btab pas 'grub par 'gyur ba'o/ / 'dis ni 'jig rten pa dang 'jig rten las 'das pa'i yon tan phrin las myur du grub par byed pa/ byin rlabs tshad med pa'i nus pa bstan pa ste/ skye ba bdun pa'i mtshan nyid kyi cho ga ni rig pa 'dzin pa'i dngos grub bstan pa'o/ /le'u bcu gcig pa'i rnam par bshad pa'o// //de la bcom ldan 'das dpal he ru ka'i gsang sngags rang gi ngo bo nyid gong du mdor bstan pa'i tshul du bstan nas/ de nas zhes dpal he ru ka'i snying po'i sngags kyi rjes thogs su bstan pa/ nye ba'i snying po ni gsang ba yi ge bdun pa/ sku gsung thugs kyi snying po kun du bskul ba de nyid de/dngos grub ni gnyis te/ mchog dang thun mong las thams cad ni 'og nas 'byung ba'i las tshogs myur du grub pa thob byed cing ni bsam gtan sngags dang 'brel pas so/ /'jig rten gsum ni sa 'og gi klu dang / sa steng gi gnod sbyin dang sa bla lha ste de dag gi yon tan dang nus pa gang cung zad ci yod pa ma lus pa de kun gyi mthu stobs skad cig gis 'grub pa bshad pa bsnyen sgrub mthar phyin pa'i de nyid kyis so//'di ni bcom ldan 'das dpal he ru ka dang rje btsun ma dang dkyil 'khor pa dang bcas pa'i snying po'i nye ba'i snying po'o/ /de nyid byang chub yan lag bdun dag pa'o//sngags go bzlog pa ni bla ma la rag lus par bya ba'i phyir ro/ /oM hrIH ha ha hUM hUM phaT/ ces gsang ba'i snying po bsdus pa ste/ lha'i rnal 'byor bstan pa/ gnas dang bdag dang rnal 'byor bsrung ba sngon du 'gro bas/ tshogs gnyis dang ldan pas/ rten dang brten pa'i pho brang dkyil 'khor ba lta bar bya ste/mngon par byang chub pa lngas sam/ yang na yig 'bru sa bon tsam las grub pa ni/ 'khor lo rtsibs drug pa'i dbus su hUM dpal he ru ka zhal gsum pa/ sku dang rtsa zhal mthing ga g.yas zhal gser mdog /g.yon zhal margata lta bu/ zhal re la spyan gsum gsum mnga' ba/ phyag dang po gnyis rdo rje dang dril bu bsnams pas rdo rje rnal 'byor ma sku mdog ma tog ban+d+huri ka lta bu la 'khyud pa phyag g.yas g.yon bar ma na mdung rtse gsum pa dang ka pA la'o/ /tha ma gnyis kyis zhing chen g.yang gzhi brgyangs pa 'dzin pa/ rje btsun ma ni gri gug thod pa can sku la rdo rje pad+ma mnyam par sbyar ba/gtso bo zhabs g.yas brkyang bas dus mtshan brdzis pa/ g.yon cung zad bskum pas 'jigs byed sum bltab tu mnan pa/ rus pa'i phyag rgya drug dang / ral pa'i thor tshugs la zla tshes sna tshogs rdo rje dang / thod pa skam po lnga dang / rtse mor nor bu chen pos spras pa'o/ /mi mgo rlon pa khrag 'dzag pa lnga bcu'i do shal can/'od kyi phreng bas 'khrigs par blta'o/ /mdun du phaT las khrag 'thung ma mthing ga dang / hUM las rdo rje 'jigs byed ma gser mdog dang / ha las rdo rje drag gtum mo li khri'i mdog dang / yang ha las rdo rje 'od ldan ma markata mdog dang / hriH las rdo rje drag 'bar ma dud ka dang /oM las rdo rje DA ki ni puN+Da rI ka lta bu ste/ de rnams kyang zhal gcig pa phyag bzhi ma spyan gsum gsum pa/ dang po gnyis kyis Da ma ru dang dril bu/ 'og ma gnyis kyis zhing gi g.yang bzhi gos su mnabs pa'i rgyan thams cad dang ldan pa'o/ /de nas go cha bgo ba dang / ye shes kyi 'khor lo phrag gnyis spyan drangs te mchod nas gnyis su med par bstim pa dang / dbang bskur zhing rgyas gdab pa rdzogs nas/ lha mo so so'i thugs kar sa bon bkod pa las 'od zer spro bsdu'i tshul du bzlas pa dang / de kho na nyid kyi mchod pa byas pas dgyes pa bskyed cing rnam pa gsal bar dmigs pa bya ba nyid do//bzlas thabs nang dang phyi las/ gsang sngags 'di 'bum bzlas pas zhes pa ni/ zag bcas kyi rlung khri phrag brgyad las su rung bas/ lhag ma zag pa med pa'i rlung gis byed pa khri phrag gnyis kyi ye shes kyi rlung rnams su gyur pas nus pa thob pas ni 'jig rten gsum yang ste srid pa gsum brtan g.yo thams cad g.yo bar byed do ni ltas chen po bcwa brgyad 'byung bas 'gro ba dbang du 'gyur ba'i lha dang bcas pa la sogs pa'i don ni dbang po sgo lnga'i rlung gi 'od lcags kyu lta bu yul 'dod yon lnga'i lha dang lha mo 'gugs par byed do zhes pho nya grub pa'i dbang phyug bstan pa'o//yang phyi nang gi chu la dbang thob par bya ba/ rgya mtsho ni sih+la/ gla rtsi/ shu kra/ zhag /chu ser/ rgyus pa/ rnag la sogs pa ste/ rol mtsho chen po bdun no/ /chu bo ni de dang nye ba'i cha mthun pa dag ste/ gang+gA/ sin+tu/ pak+Shu/ lo hi ta sogs so/ /rdzing bu ni gsang ba'i gnas kyi thig le 'khyil ba ste/khams sum cu rtsa drug la sogs pa dpyid dang thig le'i rang bzhin gyis skems shing gnon pa 'bar 'dzag gis bde stong du byed do zhes pa'i don to/ /bseg ma la zhes pa rlung phra ba ste/ rdo rje'i bzlas pa byas te/ dmigs pas DA ki ma'i gzugs brnyan la btab na yul dang dbang po rmongs par 'gyur ba bas/sgrub pa pos gang du bzlas pa'i lus kyi gnas de dang / nye ba'i gnas la sogs pa der mkha' 'gro ma sa 'og sa steng sa bla'i dbang phyug ma thams cad sgrub pa po rnal 'byor dbang phyug phrin las thams cad myur du sgrub pa'i mngag gzhug pa byed par 'gyur ba'o//rang dang gzhan gyi skye ba brtag par bya ba ni/ 'di chu la yongs su bzlas te zhes pas tho rangs kyi dus su 'byung ba chu rlung rgyu bas rdo rje'i bzlas pa byas te/ bdag nyid kyi mig bkrus na zhes pa yi dam yab yum gyi bdud rtsi mig tu babs pas dri ma dag par bltas na mthong ba dag par gyur pas 'gro ba skye ba bdun shes par 'gyur ro zhes gang yin ngos zin par byed do//rang dang gzhan gyi tshe dang dbang thang gi rim pa shes par bya ba ni/ gang dang gang tshe zad cing yul nye ring thams cad du 'chi ba nyid du snang ba yang / tshe ring ba ste tshe 'phel bar bya bar nus pa dang / yang bla dang tshe srog dang bcas pa nyams la 'char bas snang bar 'gyur ro zhes/'chi ba slu ba la 'bad pas tshe gzugs brtag cing le'u so bzhi par shes par bya'o/ /yang dpal he ru ka'i yi ge bdun pas mig la mngon par bsngags nas zhes rang dang mdun gyi lha gnyis ka'i spyan dbu ma la shes pa gtad de/ dmigs pas gang la bltas pa'i lkog tu 'gyur ba'i rdzas la sogs pa de dag dbang pos mngon sum ltar mthong bar 'gyur ro zhes dus gsum gyi spyod yul rtogs pa'o/ /yang mi snang ba bsgrub pa bstan pa la dpa' bo shi ba'i zhes pa nas gsungs pa yin no zhes pa'i bar gyi don ni/ dpa' bo shi ba zhes bya ba//dpa' bo drag po dbang phyug che/ /de nyid bsgral ba'i lus po ni/ /he ru ka yi gdan gyur pa/ /sum blta ba gyur pa'i rkang mthil gyis/ /gyen bstan gnyis po gri gug gis/ /bcad par bsams pa de blangs dang / /de yi khrag ni g.yas rtsa las/ /mtshan mo dbang byed mig yin te/ /dri nga ba ni ro tsa na//gla rtsi sih+la 'byung ba yi/ /me tog rlung gsum tsha grang dang / /brtan byed ri lu sngags 'bru yang / /lhag gnas 'dud las rgyal ba ste/ /kun 'dar brgyud de brgya rtsa brgyad/ /rlung 'gog rang nyid lag g.yon gyis/ he ru ka ni snying gar gnas/ /yab yum zhal du chud gyur pas/ /thabs dang shes rab kha sbyar bas//'od gsal ngang du mi snang 'gyur/ /lha mi kun gyis mi mthong ba/ /gzung 'dzin rtog pas mi phyed pa'o/ /zhes rnal 'byor ma mngon par dga' ba'i snying po'i rgyud las gsungs pa'i don to/ /de las gal te kha las bton na ni yab yum he ru ka bde stong gi zhal 'od gsal ngang las/snang ba zung 'jug tu 'gyur ro/ /yang phyi don du ni lha la sogs pa la 'khrul 'khor ming spel tshig dang bcas pa tsan+dan gur kum gyis bri/ tsan+dan dmar po'i rdul las gzugs brnyan byas la snying gar gzhug/ /rang kha nub tu bltas pas so/ /shing a shwa ka'i myu gus bri/ /skud pa gsang gnas nas dbyung //rang lhar gsal ba'i sna g.yas pa nas khaN+Da ro hi phyag na lcags kyu dang zhags pa thogs pa spros la/ bsgrub bya ni seng ge la zhon pa rang dbang med par mdun du 'ong bar bsams pas 'grub pa'o/ /gal te ma 'ongs na gzugs sbra tshil gyis gtums la seng ldeng gi me la bsro bar bya'o//rgya mtsho la sogs pa skem pa la rang gi snying ga'i hUM gi 'od kyis bskams par bsam mo/ /gnon pa la rengs pa'i 'khor los so/ /'di chu la ni nye snying po/ /chu ni rang gi mi bskyod pa'o/ /des rang gi mig la bskus la/ lag pa g.yon pa'i srin lag la 'khrul 'khor bkod nas/ shro ta a rdza'i phye ma dang dur khrod kyi ras la byas pa'i sdong bu zad pa'i thal ba dang bdud rtsi lnga bsres nas nye snying 'bum phrag gcig bzlas nas mig la byugs pas 'grub po//yang bdud rtsi lnga dang khrag tu bcas pa'i 'dag pa la DA ki ma'i gzugs byas la/ dgug gzhug byas nas/ de'i gdong lag pa g.yon pas bkab nas 'khrul 'khor la rang srung ba gsum dang rak+Sha spel nas rang gis bzung nas/nye snying gi gsham du DA ki ni sarba A kar+Sha ya wa shaM ku ru ho/ zhes khri bzlas pas gzugs de g.yo 'gul byung na/ gang 'dod pa bka' bsgos pas 'grub la/ khyad par du mkha' 'gro ma 'grub pa'o//yang mi snang bar byed pa la/ dpa' bo shi ba'i rkang mthil gyi pags pa dang / de'i khrag de'i thod par bzhag la/ lig bu mig sman gur gum dang / gi wang dang ldong ros bsnos la ri lu byas pa lcags gsum gyis dkri'o/ /lhag par gnas pa ni ri lu de'i dkyil 'khor du dpal bde mchog gi lha tshogs bskyed la/mchod pa la sogs pa bsnyen sgrub skar ma rgyal la bya'o/ /ro langs bsgrub pa la/ de nyid he ru kar bskyed la/ de'i khar ri lu bcug la lag pa g.yon pas kha bkab ste/ de nas ri lu rang gi khar bcug pas mi snang ba thob po/ /khrag dgug pa la/mdzub mo g.yon pa la hUM bkod la thod pa la 'gugs pa'i 'khrul 'khor bri/ g.yas pa'i mdzub mos mnye zhing sngags bzlas pas khrag khugs so/ /mdzub mo g.yon pa la hUM bkod de sngags bzlas nas mnyes na slar 'jug par 'gyur ro/ /mngon par bzlas te/ dur sol gyis snag tsha bya/ba ru ra'i shing gis myu gu byas la thod pa la 'khrul 'khor bri/ de la khu tshur bsnun pas klad pa 'gas so/ /'o mas zhi bar byed do/ /gi wang dang dpa' bo g.yul du bsad pa'i khrag dang bsres pas dpral bar thig le byas pas 'grub po/ /mdzub mo'i khrag gis gsang ba'i 'khor lo bris la gzugs brnyan gyis snying gar gzhug /dug ske tshe tshwas byugs g.yon pa'i sdigs mdzub kyis gzung la g.yas pa'i sdigs mdzub kyis phub ma'i mes bdugs na 'chi bar byed do/ /chus slar sos so/ /yang na bram ze'i thod pa'i nang du gsad pa'i 'khrul 'khor byas pa dur khrod du sba ba'i dus su rkang pa g.yas pa la mngon spyod 'khor lo bsams la des mnan cing sngags bzlas pas 'chi'o//chu 'o mas gso ba'o/ /gdug pa stong la zhes rengs pa'i 'khor lo bris la sdigs mdzub bya ste sngags bzlas pas rengs par byed/ bden tshig gis grol lo/ /sme sha can zhes pa la da du ra dang e raN+Da'i 'dab ma dang 'bras bu la sngags ldan pas sbyin sreg byas pa'i thal ba 'chang bas byugs pas 'grub po//sbyin sreg gi me'i thal ba ni shing a rka la bud shing byas pa'o/ /bzlas brjod ni nye ba'i snying po'o/ /bsnun pa ni bsgrub bya la thal ba des so/ /chu ni mi bskyod pa'o/ /gtor ba ni bsgrub bya 'am yang na de'i gzugs brnyan la'o//thod pa'i phyag rgya ni 'gugs pa'i 'khor lo bris la gzugs brnyan gyi snying gar gzhug /'gugs byed rdzas ni shing srin bus zos pa'i rjes shul dang / shing phyes nyi ma'i rjes su 'gro ba'i shing la/ da du ras 'khor lo bris la khyi smyon shi ba'i thod pa kha sbyar du bcug la dur khrod du sbas na 'grub bo//sems kyis grol ba'o/ /gang gis ni/ gtsug phud bcings pas DA ki ma 'du bar 'gyur ba'o/ /khang stong du song ste zhes pas dur khrod kyi thod pa'i steng du grog mkhar gyi sa dang / gdol ba mo'i lag par de nyid byin te/ sa de la mchil mas 'dag pa byed du bcug la/de'i nang du 'khrul 'khor bcug la ri lu byas la rang gi spyi bor bzhag /mig bgrad la bzlas pa byas pas mi snang ba'o/ /stan dang mal khri la zhes pas/ rnga mo'i rus pa la bu ga byas par mi rus kyi phur pa bcug la sngags bzlas pas 'grub pa'o/ /thod pa dang bcas pa ni/'khrul 'khor phyin ci log tu bri/ /gyo mo'i phye ma dang bsgrubs pa'i yungs kar blugs nas sngags kyis 'grub pa'o/ /steng du bltas te ni dpal rdo rje sems dpa' la phul ba'i me tog gis sbyin sreg byas pas 'grub pa'o/ /gzhan gyi dpung bzlog par bya ba la lag pa g.yon pa'i mthil du ldong ros sam yung bas 'khrul 'khor bris te/khu tshur bcangs nas g.yul 'gyed pa'i phyogs su bstan na rengs par 'gyur ba'o/ /bram ze'i thod par ro bsregs pa'i sas bkang la/ sman gyis bon a pa ra mi ta dang / da du ra dang ldan pa'i bdud rtsi lnga dang / sme sha can gyi bu mo'i rang byung gis bskus la/dgug ster la sa bon btab la/ mA ma kI'i sngags kyi chus bran/ sgron ma'i sngags kyis gtor ma 'phul ba/ skar ma rgyal dang drang srong nyi ma la 'bras bu smin pa sa la ma lhung bar te/ sman gyi thum bu mgul bar btags sam spyi bor bcings sam lus la bcangs na mtshon bzlog go//rdo rje'i lus can du 'gyur ro zhes pas/ nags kyi ras bal la/ bu mo gzhon nus bkal ba'i skud pa la nye snying bzlas shing rdo rje'i mdud pa byas pa lus la 'chang na thub pa med par 'gyur ba'o/ /de nyid nang dang phyi'i bye brag gi las nyer lnga bstan pa'o/ /nye ba'i snying po'i las kyi cho ga ni las rab 'byams so//le'u bcu gnyis pa'i rnam par bshad pa'o// //de la bcom ldan 'das 'khor lo bde mchog gi dkyil 'khor spyir rgyas par rnal 'byor du byed pas sam/ yang na bye brag tu go cha nyid kyi lha dang sngags lam du gyur pas/ dus dang grangs sam/mtshan ma'i bsnyen pa grub pas de nyid kyi bya ba las tshogs sgrub pa la 'jug pa'i phyir/ de nas zhes smos te/ phyi dang nang gi khyad par gyi go cha'i las nye bar 'grub pa'i phrin las rnams ni las dang dngos grub thams cad do/ /'jig rten gsum na gang yod pa ni phyi srid gsum nang du rtsa yi ge thig le rlung gi nus pa sa bon tshul du'o//yid la 'dod pa kun grub pa ni grub pa brgyad mkha' spyod dang bcas pa/ lus ngag yid la rdo rje ltar nus pa dang mngon par shes pa thogs pa med pa 'byung ba'o/ /skye mched rnams byin gyis rlob cing / gsang ba'i srung ba go rims bzhin du bshad par bya zhes bshad pa'i rgyud a b+hi d+ha na la sogs pa las shes par bya ste/go cha'i lha dpa' bo drug dang / dpa' mo drug las/ lam du gtso bo go 'pho yab yum can gyi dkyil 'khor dang / gtso bo yab yum can la 'khor lnga lha rkyang par 'dod pa dang thams cad yab yum can du gnas pa dang /de dag la mngal skyes rdzus skyes so so'i dbye bas rtogs par bya ba'o/ /des mdor bstan nas rgyas par bshad pa'i las bstan pa'i phyir/ de la go cha zlos bzhin du zhes pa rang nyid lhag pa'i lha'i 'khor lor gsal ba'i ngang las/ rdo rje bzlas pas lha dang sngags dbyer med du lus kyi gnas rnams su bkod pa la/yang ba'i lam du zhugs na yang bar chad kyi gnod pas mi tshugs te/ mi'i rkun ma dang ni chom po pa'am/ 'byung po phra mo'i gnod pa mi 'byung zhing / stag la sogs pa dag gis lkog tu gyur pa'i nus ldan dag la yang 'jigs par mi 'gyur ba de dag gis mi mthong zhing mi snang bar 'gyur ro zhes gnas skabs kyi'o//yang na gro ga la ro'i sen mo dang gur gum dang / gi wang gis skar ma bzang po la pad+ma 'dab ma drug gi phyi rol du rdo rje rtse gsum pa drug bri/ lte ba la ming bskul tshig dang bcas pa dang / 'dab ma la go cha'i sngags dang / rdo rje rwa dbus ma la nye ba'i snying po'i hUM gcig bzhag pa drug bris la/dam tshig gi lha sngags la ye shes dgug bstim mchod bstod byas nas lus la bcangs na srung ba chen por 'gyur ba'o/ /yang na dbyi mo'i shing gi 'bras bu bya rog gis zar bcug la de'i brun dang 'bru bram ze'i thod par bskyed la de'i 'bras bu zla ba sgra gcan gyis zin pa'i tshe blangs la/lcags gsum gyis dkris nas khar bcug na yang 'gro ba gzhan gyis mi mthong ngo / /rgyal po'i pho brang du zhes pa khyi nag po'i chu'i sa rlon pa las go cha'i 'khrul 'khor bris nas de'i dkyil 'khor du bcug nas lcags gsum gyis dkris la khar bcug nas sngags bzlas na yang 'grub pa'o//rengs pa'i las la/ go cha'i sngags lan bdun zlos pa'i sngags pas zhes pa ni/ dur khrod kyi me 'gram du 'khrul 'khor bris la/ dur khrod kyi sa dang thal ba las bsgrub bya'i gzugs brnyan byas la 'khor lo snying gar gzhug/ /rang gi lag pa la rengs pa'i 'khor lo bris pa'i lag pas/dur khrod du sbas la de'i steng du gzhi mnyam gyis bkab la bzhag pas 'grub bo/ /khrag dgug pa la rang gi srin lag gi khrag gis 'gegs nas shi ba'i thod par bzhag la sngags bzlas te/ rang gi dpral bar thig le byas na 'grub par 'gyur ro/ /gang gi khyim du zhes pa dur khrod kyi ras la drag po'i rdzas kyis 'khor lo bris la/zag rdzas la gzugs brnyan byas te/ dgug bstim byas pas dur sol me la bsro bas gdung zhing sngags bzlas nas dur khrod du sbas na 'grub pa'o/ /gang gi gdong la bltas te zhes pa la/ bsgrub bya'i zag rdzas las byas pa'i gzugs kyi snying gar/ dur ras la dug gis 'khrul 'khor bris pa'i spel tshig bcug cing bzlas pas khro bo'i blta ba dang bcas pas nges par 'grub bo/ /chu bo dang rdzing bur ni/ sho ma la'i shing la lcang lham bya ste/ pad+ma dang sbal pa'i tshim bu sbrul gyi khrag gser gyi me tog la sbags pa lham nang du bcug ste de la sngags bzlas shing /'byung bzhi'i steng du bcags na chu la thang bzhin du 'gro bar 'gyur ba'o/ /chu sbrul gyi khrag spra tshil gyis gtums la rang gi khar bcug ste sngags spel tshig dang bcas pas bzlas na 'gro ba'am gnas pa la lus la gnod pa mi 'byung ngo / /gnas gsum gyi rnal 'byor ma'i dbang phyug bya bar 'dod pas/lag pa gnyis kyi mthil du zla ba'i dkyil 'khor la dbang du bya ba'i 'khrul 'khor gur gum gyis bris nas/ dur khrod kyi ro zas zos pa'i lhag ma zhib mor byas pa dang bsres pas nyed bzhin du ni dril phyis byas nas/ gsang sngags lan stong bzlas nas lha mo la sogs pa'i ming spel tshig bcug ste a mu kaM me pa shaM ku ru ma na ya ho zhes 'grub bo//mkha' 'gro ma gang yin pa ni rnal 'byor ma sna tshogs zhes pa la sogs pas snying po'i rnal 'byor ma ste/ dbyibs ltar na snying gi 'khor lo'i rtsa phyogs bzhin gnas pa/ sngags ltar na 'byung ba bzhi rlung kha dog so so ba nyis brgya nyer lnga pa phrag bzhi dang /chos ltar na dran pa nye bar gzhag pa bzhi las/ yang thams cad ni mkha' 'gro ma rdo rje'i rigs la sogs pa dang kha gdong ma la sogs pa yang 'gyur ba'o/ /da ni gos kyi rnal 'byor lam du byed pas phyogs bcu kun du 'gro ba'i dbang phyug thob par bya ba ni/skar ma rgyal la ras byas la/ zhes pa la sogs pa'i don ni/ dur khrod la sogs par sbrul gyi ro btsal la/ lus dkar nag gi mtshams su rdo rje gri gug gis sor bzhi bzhir gtubs la zhag byung ba ma 'dres par ras bal gyi sa bon la bskus te/ de ma thag tu [(]bskoms [,]bsgoms [)] la/ma 'dres par dur khrod thag nye bar bskrun pa yin na bzang ngo / /gal te ma yin na rang gi khang pa dben sar dur khrod nas sa blangs te skar ma rgyal gyi nyin par lha mo spyan ma'i sngags kyis btsugs pa nag po zla ba mar ngo'i dus dang / yang mA ma kI'i sngags bzlas pas yar ngo dkar po'i sha dang zhag las/gos dkar mo'i khaN+Da ro hi'i sngags kyis bsrung zhing / bar chad bsrung zhing go cha'i sngags bzlas shing mchod gtor dang ldan pas bskyed do/ /de nas yun ring zhig nas ras bal du gyur pa dang / bu mo ma nyams pas dkar mo la yang sems bskyed dbang thob dam tshig ldan pas dkar mo'i zhag bgos pa blangs la yar ngo'i rgyal la 'thag tu gzhug pa stod g.yogs dang /yang gdol ba'i bu mo la sngar ltar ste nag po'i zhag bgos pa mar ngo'i rgyal la 'thag tu bcug ste ras yug tu grub pa'i tshe na/ zhag so sos yang byugs la/ gu gul dkar nag gi dud pas bdug cing grwar phrin las kyi 'khrul 'khor yang bris la go cha'i sngags stong phrag bcu so sor bzlas nas bla gos dang mthang gos su byas te gar 'gro yang mi snang zhing rig 'dzin gyi dngos grub thob ste/rgya mtsho dang 'og min gyi mthar thug par 'gro bas 'grub par 'gyur ba'o/ /nang don du stod g.yogs glang po'i pags pa dang /smad g.yogs stag gi sham thabs su byin gyis brlabs te/ rig pa brtul zhugs kyi spyod pa dang / phyogs las rnam rgyal kyi spyod pa bya ba nyid do/ /rnam shes ldan pa'i lus ljon shing du bsgyur ba'i byed pa bstan pa la/ shing yongs 'du'i zhes pho nya la brten pa'am/ rnal 'byor gyi lam pas/lus kyi rtsa kun 'dar ma las byung ba'i khu bcud byang sems tsaN+Da lI spar bas blangs la thur la bab pa/ gyen du bzlog cing drang ba/ hUM gis rlung drag por drangs pa'o/ /bzlas brjod stong byas te ni hUM hUM zhes 'dren pa rim pas lte ba nas yar gang la ste lus kyi dpral bar thig le byas pas 'og tu 'pho bar mi 'gyur bas de nyid dpag bsam gyi shing ltar yon tan phun sum tshogs pa thob par 'gyur ro ni le'u zhe dgu par yang bstan pa'o//de nyid bsam gtan zhi gnas bde ba la ma sad pa la/ chu la ni rlung srog rtsol bskul bas bzlas te 'khrul 'khor gyis gtor na lus thams cad du khyab par byas pas slar 'tsho bar 'gyur ba'i ting nge 'dzin las ldang ba'o//stobs khyad par byed pa la 'di dag ni snga ma'i don gyi ye shes so/ /glang po che'i lus ltar bsgrub pa la rkang rjes ni sa rlung rigs bzhi lam du bya bas bzlas brjod stong bzlas pas ni sngags dang rlung dbyer med kyis 'phral ba na byang sems haM gi rdul blangs te zhes kha ba ltar bab pas/gang la bsnun pa de ni 'og tu tsaN+Da lI la ste/ glang po che lta bu'i stobs kyis theg pa chen po gzhan gyi sdug bsngal khur du 'khur ba'i bzod pa thob par 'gyur ba'o/ /de las gong du bstan pa'i rtsa sngags snying po nye snying go cha'i las tshogs grub pa'i khyad par gsang ba bla na med pa bstan pa ni/dbang po gang dang gang lam gyur/ /zhes pas dang po lha'i rnal 'byor ltar na dbang po ni sgo lnga'i rnam par shes pa ste/ mig la sogs pa gti mug rdo rje la sogs pa dang / yid kyi skye mched dbang phyug rdo rje kun du bzang po'i spyod yul lo/ /gang dang gang lam gyur ni lha mo gzugs rdo rje ma la sogs pa phra rags sna tshogs snang ba'o//ye shes kyi rol par 'char ba de dang de'i rang bzhin thabs shes rab gnyis med du 'gro ba de kho na nyid kyi mchod par ro/ /mchog tu ni bde ba chen po mnyam gzhag gis lhar gsal ba/ rjes thob dang ro mnyam du sbyor ba yis ni brtan g.yo thams cad dkyil 'khor pa'i sangs rgyas la sogs pa'i rang bzhin snang sems gnyis med las gzhan du mi 'gyur ba'o//rdzogs pa'i rim par dbang po gang dang gang lam gyur ni/ rlung sems dbyer med las/ snang ba dang snang ba mched pa dang snang ba thob pa thams cad de dang de'i rang bzhin 'gro ni shes rab thabs rgyu 'bras dbyer med du 'od gsal bar 'gro ba'o//de nyid mchog tu ni chos nyid ngang du mnyam gzhag bde chen las sbyor ba yis ni zung 'jug ste/ sangs rgyas sku gsum ye shes lnga thams cad rdzogs pa'i rang bzhin du 'gyur ba lhun grub mi 'gyur ba'o//khyad par snying po'i don du ni/ dbang po gang dang gang lam gyur ni sgo lnga rtog med du 'char ba yul gzugs la sogs pa la/ dga' ba dang mchog dga'i ngo bo bde ba de dang de'i rang bzhin rtog pa thams cad dang bral bas 'gro 'ong med pa'i rang bzhin du bde ba chen po'i mchog lhan cig skyes pa'i dga' ba mi 'gyur ba ro mnyam du mnyam gzhag stong pa nyid dang gnyis su med pa dag 'bral zhu bde'i sbyor ba bas rjes thob snang grags bde bar 'char bas sangs rgyas sku bzhi ye shes kyi rang bzhin du 'gyur ba nyid do//de nyid phyag rgya chen po ltar na/ dbang po ni rnam par shes pa rang rig pa'o//gang dang gang lam gyur ni tshogs drug yul dang yul can du snang ba thams cad do/ /snang ba sna tshogs de dang de'i ni rang sems stong pa nyid kyi cho 'phrul du shes pas/ thams cad skye ba med pa'i rang bzhin du shar bas rnam par mi rtog pa'i nam mkha' lta bu'i rgyu 'bras bu 'gro ba rten 'brel nyid de/bde chen mchog tu gyur pas/ mnyam gzhag rjes ro gcig rab tu mi gnas pas/ don gyi ye shes sangs rgyas thams cad kyi sku gsung thugs rdo rje'i rang bzhin dbyings ye shes dbyer med du 'gyur bas na/ 'gro ba 'di kun sangs rgyas mnga' bdag nyid/ /gar mkhan dag dang ri mo mkhan ltar snang //gang du bde chen zhes bya gcig pu nyid/ /gcig pu'i nyams kyis du ma'i gar mdzad do/ /zhes pa'i don to/ /go cha'i sngags kyi cho ga'i le'u ni thabs dang shes rab kyi srung ba chen po'i dkyil 'khor gsang ba bstan pa ste/ bcu gsum pa'i rnam par bshad pa'o// //da ni gong du thun mong du las bsgrub pa'i rtsa ba'i sngags las tshogs dang bcas pa bstan cing / bcom ldan 'das kyi snying po'i las ston pa las/ bye brag khyad par du las rab 'byams kyi grub pa bye brag tu 'chi bdag bzlog pa dus kyi nges pa dang bcas pas 'grub par gsungs pa ni de nas zhes smos te/gang gis sgrub pa po ni bsnyen sgrub sngon du song ba'i khyad par dang ldan pa'i de nyid las/ 'grub pa'i rim pa gsang ba phyi dang nang gi byed pa'o/ /gang 'grub par bya ba he ru ka bong bu'i rnal 'byor bdag ces lha'i rnam pa gzhan du byed pa rdo rje rtog pas mi phyed pa'o/ /yid kyi gzugs kyis 'jug bya'i phyir ni/bcom ldan 'das kyis thog mar dam bcas pa las bskul bar bya bas/ gang zag nyams su len pa dag la thugs rjes sku gsung thugs rdo rje'i byin rlabs 'jug pa'i thabs kyi bsgrub pa'i rim pa de ni bshad par bya zhes thabs bla na med pa mdor bstan pa'o/ /de nyid kyi don la/ badzra DA ki rgya mtsho las/ /'khor lo sdom pa'i rnal 'byor pas/ /mtshan dang dpe byad ldan pa yin/ /zhal la zhen pa spong ba dang / /dngos po gang dang gang la yang / /dus gsum shes par bya ba'i phyir/ /he ru ka ni bde chen gyi/ /'khor lo'i gtso bo de nyid bong bu'i zhal du bsgyur la bsgrub/ /'dis ni las dang dngos grub kun//thogs pa med par 'grub par 'gyur/ /thugs kyi 'khor lo mkha' lding gdong / /gsung gi rma bya sku seng ge/ /mi phyed lha mo sha ba dang / /ma he stag dang 'ug pa'i gdong / /sgo ba snga ma nyid yin no/ /DA ki ma ni bong bu'i zhal/ /lA ma seng ge glang po che/ /phrag rgod dum skyes rU pi ni/sa gsum dbang phyug gter longs spyod/ /grub pa kun du bsgyur ba'o/ /zhes pa'i don gyis bstan to/ /de yang sgrub pa'i rim pa ni gnas dben par dkyil 'khor bshams pa la/ lhag par gnas pa bzhin du dri'i byugs pa la tshom bu bkod pa'am/ rdul tshon gyis phyag rgya dgod pa la//lhag pa'i lhar bsgrub pa mchod pa dang bstod pa byas la 'khrul 'khor bya ba ni/ gro ga'am shing shun la lte ba la hUM baM bri/ gur kum gyis byas te/ phyogs la snying po nye snying bri/ mtshams su thod pa bdud rtsi can dang / 'khor lo'i rtsibs la dpa' bo'i rtsa sngags/ sgo'i nang du sum+b+ha ni sogs/rdo rje ra ba'i phyi rol dang mu khyud kyi mtshams thams cad du sngags thams cad bri/ ra ba zlum po la yum gyi rtsa sngags/ phyi rol gyi ra ba la spel tshig dang bcas pa ste/ dkyil 'khor gyi steng nas dbub par bya'o/ /dkyil 'khor gyi dbus su 'bras sA lu'am bag phye la mi'i gzugs bong bu'i mgo can bya ste/yang na 'khrul 'khor bris pa spel tshig ni a mu ka shu b+ha shu b+ha ni mi traM ti ka ku ru dang / A mo ka sa p+ta dza ma tri sha ku ru zhes pa dang / 'khrul 'khor gzugs kyi snying gar bcug la/ de la he ru ka bstim ste bsgom bzlas byas nas zhun chen gyi mar me bltams la/ bzlas pa khri phrag re song ba dang me long nang du gzugs brnyan de 'char bar bya ste/lho sgor bzhag la mtshan ltas brtag pas me long nang du gzugs brnyan 'char bas dus gsum dang skye ba bdun pa la sogs pa der shes par 'gyur ba'o/ /rgyas par bstan pa la rnal 'byor pas ni bdag dang lha tha mi dad par bltas pas so//lA ma'i gzugs te zhal rnam par 'gyur ba'o/ /de bzhin du ni mkha' 'gro ma ni ri bong gi zhal can shar du/ dum skyes ma nub tu/ 'dod gzugs can lho phyogs su'o/ /mkha' 'gro ma de dag ni gri gug thod pa dang / Da ma ru rtse gsum lag na thogs zhes pas rgyan la sogs pa spyi'o//de la dran pa dang rig pa phra mo 'char ba ni/ tshe zad pa yang ste sgrub pa 'dis 'chi bdag las rgyal bar 'gyur la/ tshe ring bar ni cung zad nus pa skyes pas tshe la dbang bas/ ltas nges pa sgrub pa nyid kyi nyams snang la gsal ba yin zhes dus gsum shes pa 'byung ba'o//'dir ni bong 'dra'i rnal 'byor ma/ /de tshe bong bu 'dra blta'i gnas skabs su rang dang gzhan gyi skye ba dang 'chi 'pho ba mngon sum du shes par 'gyur/ yang na skye ba snga phyi rtags la brten nas rjes su dpag pa'o/ /glang po nyid du sngon du gang / / mthong ste glang po'i gzugs can yin/ /zhes b+ha ga bAn gyis sngon glang po nges par sku skye ba zhes pa de dang mtshungs pa 'am/ bo d+his hwa ri bong du skye ba bzhes pa ltar/ gang dang gang gi skye ba ni/ sngon gyi skye bar gyur pa dag 'gro ba rigs drug gi snang ba mthong bas zag bcas zag med kyi nyams snang ngo / / rgyu mthun gyi 'bras bu de ni de 'dra'i gzugs dag tu zhes rgyu 'bras kyi bye brag mi 'dres par rnal 'byor pas ni 'dir mthong 'gyur rten 'brel gyi che ba ston pa'o/ /de ni grub pa'i skyes bus te de ni gnas skabs dang mthar thug gi dbang phyug yon tan no/ /khyad par du skye ba bdun pa'i sha kha na ma tho ba med pa la tshogs 'khor dang gtor ma byas pa'i nus pa bstan pa la/skye ba bdun gyi rim pa zhes gnad la bor ba khyad par du bya bas/ de'i sha des tshogs dang gtor ma dang sbyin sreg tu byas nas longs spyod pas sgrub pa po la grub par 'gyur ba 'jig rten dang 'jig rten las 'das pa'i yon tan du ma thong pa'o//de las mkha' spyod grub pa ni/ de bzhin dpag tshad brgya phrag ni rdzu 'phrul gyis bgrod pa stong gi steng du ste lha gnas gong ma thams cad du nus pa'i stobs kyis skad cig tsam la 'gro ba lus shin tu dngas par 'gyur ba'i khyad par ro/ /yang de nyid khyad par du byed pa la rnal 'byor sngags mchog dam pa ste ni nang don ltar na/rnal 'byor pa'i rdo rje lus kyi byed pa las sngags ni/ a/ haM mchog gi rtsa dbu ma'i gdong ste shes rab kyi cha bong bu'i gdong rtsa kha khwa mu kha'o/ /thabs kyi bong bu'i gdong ni spyi bo bde ba chen po'i haM mgo thur du blta ba'o/ /dam pa ni rtsa gsum 'dom pa nas tsaN+Da lI 'bar ba'o//mkha' 'gro ma ni/ steng 'og gi tsaN+Da lI de rlung gis bskul bas rtsa kun 'dar ma nam mkha'i rtsa'i nang brgyud de gyen du 'gro ba las me'i mdangs phrog pas/ sbyor ba ni haM las bdud rtsi bab pas bde stong grub par byed pa ye shes 'char ba la/ rnal 'byor gyi bsam gtan gyis 'bad na mtshan ma rlung sems las su rung bas/du ba la sogs pa'i nyams snang ba dpag tu med pa/ gang gis rlung sngags gnyis med du bzlog pa des ni rtags bcu la sogs pa zla ba gcig gis te/ 'byung ba lnga dbang po lnga yul lnga nyin mtshan du 'bad pas ye shes chen po 'grub par 'gyur ba nyid nges pa'o//gsang ba'i lus kyi rtsa gsum las nyams 'char ba/ sngags 'di yin ni rlung 'gro gsum gcig tu gyur pa'i nus pa'o/ /snying po ni nyams zhi gnas kyis 'jig rten pa'i lam/ lhag mthong gis 'das pa'i lam chod shin tu dge ba yin ni thog ma bar dang mtha' mar ro//gang zhig rnal 'byor bas de nyid ye shes kyi rim pa shes pas ni/ deng 'dir gsang ba grub pa'i rnal 'byor gyi dbang phyug bde chen ye shes nyid thob par gyur pas/ 'di la the tshom som nyi med de lam phyin ci ma log pa 'di nyid ni mkha' chos nyid stong pa la 'gro snying rje dang dbyer med du gyur pas/gzhan don du 'brel pa dra ba ltar 'char/ de nyid bde mchog phyag rgya chen po grub pa yin no/ /de ltar yang / mi g.yo rnam par mi 'khor bas/ /rnam par mi 'gyur gos pa med/ /sgrib pa lnga ni rnam dag pas/ /rang nyid he ru ka dpal gyur/ /zhes dang / lha phyogs skyong bcu gdul ba'i don du ste/drang srong spyod pas ri bong du/ /tshangs pa dbang po phyogs skyong ba/ /gdul phyir dman pa'i zhal brnyan te/ /sdom pas mngon par shes pa bsgrub/ /ces pa DA ki ma dus 'byung ba las byung bas/ dus gsum shes par bya ba'i phyir/ /gsang ba'i rig pa chen po bsgrub/ /ces 'byung ba'i don to//dpal he ru ka bong bu'i rnam par mdzad pa'i cho ga'i le'u ni gnas skabs dang dus dang gdul bya la dgongs pa'i gsang ba'i thun mong ma yin pa'i phrin las bstan pa'o/ /bcu bzhi pa'i rnam par bshad pa'o// //da ni dpal 'khor lo sdom pa'i rgyud 'dir/ rje btsun ma rnal 'byor ma lha mo sum cu rtsa drug dang bcas pa rnam par 'gyur bas du ma'i cho 'phrul gyis 'gro ba 'dul bar mdzad pas de nyid kyi rnam 'phrul ngo shes shing mchod par bya ba la/rigs ldan rnams ni mchod par bya/ /pho nyas lhan cig skyes dngos grub/ /ces le'u dang por bstan pa'i don las/ dbugs 'byin par ma mchog dag dang //zhes pa la sogs pas mdor bstan cing / 'di nas le'u bcus rgyas par bshad pa bstan pa'i phyir de nas zhes smos te/ de yang bco lnga pa nas nyer bzhi pa la thug pa'i bar du rigs ldan ma'i brda dang mtshan nyid bstan/ de la gnas nyi shu rtsa bzhi la sogs pa'i sa chen po la gnas pa'i sangs rgyas dang byang chub sems dpa' rnams lha mo'i gzugs su sprul nas gnas pa'i mtshan nyid brtag pa'i sgo nas brda'i le'u 'di bstan pa'o//sdom pa ni sam+b+ha ra'i sgras bla na med pa lus ngag yid ye shes kyi ngang du gnas shing / sdom pa thams cad la zhes tha mal pa'i tshul bzhin ma yin pa rnam par dag pa'o//gang zhig brda ni shes gyur ba ni ngo bo bsam gtan dang ldan pa'i rnam par 'gyur ba/ sgra 'jug pa'i don sang g+he ta na don zab pa ston/ dbye ba ni lus brda la 'dus pa dang yan lag re re ba'o/ /ngag brda la yi ge re re'i brda 'di nas ston/ 'dus pa 'og nas ston/yul rnal 'byor ma rnams so/ /dus ni spyod pa dbang dang tshogs kyi 'khor lo la sogs pa'i khyad par ro/ /dgos pa dam tshig mi nyams pa'i yan lag dang / bar chad mi 'byung ba dang / gsang ba mi 'phel ba dang / myur du byin gyis brlab cing dngos grub ster ba la/ rang rig ngo shes par 'gyur ba'o//de nyid kyi de 'grub pa ni zhes lhan cig skyes ma/ zhing skyes dang / sngags skyes/ ye shes dang / dam tshig la gnas pa dag la de kho na nyid kyi mchod pas mnyes pa'o/ /the tshom med par bshad pa bya ba ni brda'i rtags kyi bye brag shes pas rigs ldan yin par som nyi za ba med pas/dngos grub myur du 'gyur ba'i thabs bstan pa ste/ de nyid rgyas par bshad pa ni/ DA zhes bya ba la sogs pas/ dpa' bo dang / rnal 'byor ma 'du ba'i gnas dang longs spyod dang rdzas kyi bye brag 'ga' zhig dang spyod tshul tha dad du bya'o/ /de kho na nyid ltar na/ skyes bur bshad pa thabs dpa' bo//yang na phyogs bdag go/ /DI zhes bya ba lha mo yin/ DA ki ni ste shes rab yul lo/ /spyod pa'i khyad par su zhes bya ba gnon pa yin ni byang sems 'dzin pas/ rtogs pas ldang mi nus par byed pa'o/ /su zhes bya ba za bar bya ba nyid de/ ga Na tsakra'i dus su myong ba'i dga' ba bde bar za bas thig le ma zin na rnam rtog zas su za ba'o//ma zhes ni bdag byin gyis brlabs pas chos dbyings ye shes bskyed pa'o/ /yo zhes yo gi dam tshig can gyi rnal 'byor pa la dga' ba bskyed pa'o/ /b+hi zhes b+hi ga ha ste snang ba dang stong pa ye shes mnyam du skyes pa'o/ / wi zhes b+h+ri sa ti ta ste ye shes thod rgal can snang stong dbyer med lhan cig skyes pa bde chen ma rtogs na sangs mi rgya'o/ /lus zhes pa lus tshe ldan ye shes phra mos rnam rtog nyon mongs gcod pa'o/ /yang na lu ti ta de shes pa'i stobs dang mi 'jigs pa 'jo ba'o/ /sri zhes shrI nga b+ha sa ste snying rje'i chags pa chen pos sems can smin par byed pa'o//so ma zhi ba'i brdung ba ste so so la ste rnam rtog skems shing sa d+he na sa ste nyon mongs pa dag par byed pa'o/ /pe ni pa ya nas sman btung ba ste rtog pa nub pa nyid do/ /pa'i g+ha pi sa ya na sgron ma ste sha lnga bstan pa'o/ /he zhes bya bdag pa nyid ni he ni ha tu b+hi g+ha tas chos thams cad rgyu dang bral ba'o//b+ha zhes b+ha ga ta rnam rtog thams cad bde bar za ba dpa' bo'i ston mo dang ldan pa'o/ /b+hu zhes pa rnam rtog za ba ste/ thabs shes rab gnyis med du'o/ /ka ldan ngang pa nyid du brjod pa ste rgya mtsho la 'tsho ba ste zab pa'i ye shes so/ / pi zhes pa thabs shes rab ro gcig pa rtog pa dang bral bas rtog med du'o/ /b+hu zhes ro langs bsgrub pas ye shes la longs spyod pa'o/ /b+ha ga zhes bya rung nyid do/ /ka tu ra ni len par brjod pa ste/ kha dog par rang 'byung ba dang / khams kyi bdud rtsi rdo rjes dbang du byed pa'o/ /DI zhes te ya ta ye shes mkha' 'gro ma'o//g+ha ni sgrol byed kyi ting nge 'dzin no/ /yang na la zhes pa ra la ta las drangs pas sems can thams cad smin par byed pa'o/ /tri ni 'dod pa'i gzugs rU pi ste mtshan dpe ldan pa'o/ /yang na ha na b+ha ha na ste he ni bzhad pa mas dngos grub ster bar byed pa skye 'jig med pa'o//ku zhes pa rig byed ku ru las te rigs kyi sa la gnas pa'o/ /dzA ni spyod pa mtha' gnyis dag pa'i thabs shes rab ldan pa'o/ /b+ha ni bde chen du smra ba nyid do/ /swa zhes 'gro 'ong gnas pa zhi ba nyid do/ /mi zhes rdo rje'i lus la gnas pa'i rgya mtshor 'phyo ba'i chu srin nya mid dag pa ye shes la rol pa'o//b+h+ya zhes pa ni bdud rtsi snying po lus la smin par bya'o/ /pho zhes 'grib med btung mchog nam mkha' nyid do/ /g+ha ni spyod pas gnyis 'dzin dag pa'o/ /ka zhes pa gzugs sogs yul 'dod yon dag bya'o/ /sa zhes rigs gzhan gyi dbang du mi 'gro ba'i ye shes so/ / ra zhes rang bsrung ba ste dpa' mo rang dbang can no/ /du zhes smri ti dun te dran pa mi brjed gzungs thob pa'o/ /su zhes gnyug ma rtog med bde chen no/ /na zhes rtog pa'i cha rang sar dag pa'o/ /sa ni gdod ma nas 'da' ba med pa'o/ /ma zhes mA nu sems can sgrol byed drag mo'o/ /a ni 'gag pa med pa'i ye shes so//na stong pa nyid phyi ma skye ba med pa'o/ /so ni 'dod yon lam du byed pas rnam par dag pa nyid de/ b+hI ra ni mi 'jigs pa dpa' bo ni rnal 'byor pa sring mo yin ni DA ki ma dam tshig la gnas pa la 'du ba mtsho la ngang pa 'du ba ltar ro/ /da ni gzhung nye bar bsdu ba ste/ 'di dag ni yi ge re re zhing gi brda yin te/mtshon pa tsam zur gyis go bar bya ba nyid do/ /dad pa dang mi ldan pa rnams la sbyin par mi bya'i zhes skal ba dman pa la gsang ba'o/ /dam tshig gi mchog yid mthun pa la ni skal bar ldan pa ste dgongs pa dang ni legs par brtags la dad pa rnams la rdo rje'i theg pa gsang ba sbyin par bya'o//brda'i cho ga'i le'u ni gsang zhing snying po'i rim pa le'u bco lnga pa'i rnam par bshad pa'o// //de yang snga ma'i brda de dag gis rigs ldan nyid du ngo shes par gyur kyang / de dag gi khyad par bde bar gshegs pa'i rigs bdun la sogs pa'i nges pa'i khyad par/spyi dang bye brag gi rigs kyi dbye ba shes par bya ba la/ de nas gzhan yang bshad bya ba/ /zhes smos te/ 'dir pho nya'i mtshan nyid le'u gnyis kyis rig par bya ste/ dngos grub chen po'i gsang ba gang ni/ ma bla na med pa'i rgyud 'dir mchog thun mong gi sgrub pa myur du'o/ / skal ldan yid 'ong skal min pa ni snga ma ni rgyud 'dir zhugs pa'i las 'phro can brda dang spyod yul can no/ /yang na lhan cig skyes ma la sogs pa'i rnal 'byor ma'i rigs kyi khyad par shes pa'o/ /phyi ma ni brda ma rtogs pa'i gang zag go/ /yang na rigs dang mi ldan pa dman pa yon tan med pa rnams so//sgrub pa po la bshad bya ba ni rigs ldan mtshan nyid dang ldan pa'am/ rigs ma nges pa dang dman par shes par bya ba'o/ /dad pa rab dang ldan pa ni gang zag snod gsum gyi skyon dang bral ba/ gsang ba 'dir shin tu mos gus ldan pa la'o/ /mchog tu dam tshig bstan pa la ni/ rigs so so'i sdom pa dang bsrung bya spyad pa bza' ba la sogs pa mi 'bral ba'i bslab pa la gnas pas so/ /de la rab tu bstan par bya ba ni khyad par shes pas gsang chen rim pa nyid sbyin pa'o/ /bza' ba yid dga' phan byed pa ni phyi dang nang las bdud rtsi bsten pa'o/ / bza' ba rab tu bsten pa ni phyi nang du bsten pa lus sems tshim par byed pa'o/ /dpa' bo gnyis med rnal 'byor ba ni dpal he ru ka'i brtul zhugs la brten pa'o/ /rigs kyi bye brag gsang ba dang ni rigs bsdus pa dang / rigs bye brag pa'i khyad par shes pa'o/ /dad pas rab tu bsten pa dang ni dkyil 'khor 'khor lo'i lam la mos pa'o//bsten pa dri la sogs pa dang / rnal 'byor ma ni mdog dang lus kyi dri'i bye brag tha dad pa kun no/ /gnyis med dpa' bo bsten zhes bya ba ni gsang ba de kho na nyid kyi mchod pas so/ /gang zhig shes pa tsam gyis ni brda dang brda lan la sogs pa'i rten tshul lo//sgrub pa po rnams dngos grub che ni dbang gi dus me tog gang la phog pa de'i rigs nges par myur du 'grub pa'o/ /thob 'gyur mchog ni bshad par bya/ /zhes pa las dang dngos grub gter lta bu'i grub pa la dbang byed pa nyid do/ /des mdor bstan pa'o/ /da ni rgyas par bshad pa la/rnal 'byor ma rigs bdun so so'i mtshan nyid bshad pa las/ lha mo re re la yang / kha dog dang / dbyibs dang / spyod pa'i tshul dang / dri'i bye brag dang / rnam par 'gyur pa ston pa las/ bud med pad tsa ltar dkar zhing / /zhes pa la sogs rdo rje sems dpa'i rigs ldan du shes par bya'o//bud med gang btso ma'i gser zhes pa la sogs pas rin chen rigs bstan pa'o/ /thams cad ut+pal lta bu ni dpal he ru ka'i rigs g.yung mo'o/ /g.yung mo las mi bskyod pa'i rigs ni pad dkar 'dra mdog ni zhes pas bstan to/ /dmar zhing ser ba ni 'od dpag med gos dkar mo'i rigs so//ser zhing ljang ba'i don yod grub pa las kyi rigs su shes par bya'o/ /gang zhig kha dog dmar zhes pas sangs rgyas rnam snang gi rigs so/ /da ni de dag gi don nye bar bsdu ba bstan pa ni/ rnal 'byor ma'i zhes pa la sogs pas bstan pa ste/ 'di dag rang gi phyag rgya chen po'i rtags kyi mdog gis khyab pa rigs su nges pa'i don to//nges par dam tshig can yin no zhes pa'i bar gyis phyi dang bye brag rigs ldan khyad par du grub pa'i ye shes kyi gar gyi rnam par 'gyur ba bstan pa'o/ /da ni le'u'i mtshan ni/ rnal 'byor ma bdun gyi nges par brtags pa'i mtshan gyi cho ga'i zhes pas rnal 'byor ma thams cad sa gsum du kun du khyab pa'i de kho na nyid kyi phyag rgya bzhi ldan du rgyas btab pas rigs spyi dang bye brag gi gnas bshad pa ste le'u bcu drug pa'i rnam par bshad pa'o// //de la rnal 'byor ma bla na med pa las khyad par du dpal 'khor lo sdom pa'i rgyud kyi dgongs pa/dpal rdo rje rnal 'byor ma dang bcas pa'i chos 'di shin tu dkon par bstan pa'i phyir/ de nas rnyed dka'i rnal 'byor ma/ /zhes pas le'u dang por yang 'jig rten gsum du rnyed dka' ba zhes pa'i don to/ /de bzhin mkha' 'gro ma rnams kyis ni/ brda'i ni dkyil 'khor du bkod pa rnams thams cad do//don ni sems nyid rnam par dag pa byang chub kyi dkyil 'khor dang / lus rtsa'i dkyil 'khor du pU dza la sogs pa'i rten dang brten par bcas pa dang / bde chen byang chub sems thabs shes rab gnyis med rnam par dag pa'o/ /bdud rtsi lnga rnams ni 'byung ba dang rigs dag pa 'khor lo lnga ldan ye shes lngar 'char ba'o//yang dag 'byung ni thabs shes rab rol pa de kho na nyid kyi mchod pa las bde stong lhan cig skyes pa'i ye shes 'char ba nyid do/ /de la rnal 'byor ma thun mong du spyir grags pa ni ya ma ni nyid ni rgyal rigs las byung ba nyid de rdo rje sems dpa'i rigs so//skrag byed ma ni btso blag ma rin chen rigs so/ /'dod ldan nags tshal ma ni las kyi rigs rje rigs las byung ngo / /phag mo ni mi bskyod pa'i rigs gdol ba mo'o/ /'jigs gzugs ma ni gar mkhan ma de shes pa sangs rgyas kyi rigs so/ /kun spyod ma ni bram ze ste 'od dpag med ma'i rigs so//dmangs rigs he ru ka dang dbyer med b+ha su ra ste phyi dang nang du nye bar spyod pa can no/ /mkha' 'gro ma ni rnam pa bdun rigs kyi bye brag tu gyur pa byang chub yan lag gis nges par rgyas gdab par bya'o/ /bsdus pa'i mtshan nyid 'dir bshad bya/ /zhes yongs su sdud par bya ba dang /sdud par byed pa sdud pa'i khyad par du rgyas gdab par bstan pa'o/ /khyad par gsang chen du grags pa'i rnal 'byor ma ni/ gzugs can ma ni sdug pa rjes su 'dzin mi sdug pa tshar gcod pa ste/ mngon par zhen pas zhes pa nas tshig rkang drug gis rgyas par bshad la/mkha' 'gro 'jigs pa'i gzugs can ma/ /sgrib pa thams cad myur 'joms pas/ /de bzhin gshegs pa kun khyab ma/ /rigs kyi dbang phyug gyur pa'o/ /tsum+bi ka ni bde ba'i sbyor ba gsang ba nye bar ston pa nyid do/ /sdug pa'am yang na zhes pa ni tshig rkang bzhis bstan pa la/ma mo'i mkha' 'gro snying po che/ /bde ster tsum+bika pa mo/ /chos bdag pad+ma 'bar ba las/ /dbang phyug mchog ma dga' ba mo/ /lA ma ni tshad med spros pa med pa'i bdag /sgrol byed ye shes snying rje che/ /nags tshal rgyu ba ye shes yum/ /skyob mdzad phrin las sna tshogs mdzad//lA ma ni phongs pa thams cad thugs rjes skyob pa sdug bsngal las dbugs 'byin par mdzad pa/ zas mi za bar zhes pa nas tshig rkang lnga yis bstan pa'o/ /yongs su gyur ma ni gzugs du mar ston pas 'gro ba'i yid tshim par byed ma/ phag dang dred dang zhes pas tshig rkang bzhis bstan la/rdo rje phag mo sa gsum spyod/ /zhi ba gdug pa 'dul zhes 'dzin/ /dga' ba chen po rigs 'byung ma/ /'dod yon rol pa ston pa'o/ /byis bcas ma ni bde ba chen pos rgyud rgyas pa zag med kyi dga' ba spel ba ste/ shin tu dga' ba zhes pa tshig bzhis khaN+Da ro hi mar bstan pa la/b+hu su ra ste sbyin pa'i bdab/ /byis bcas rgyas 'debs dpa' mo che/ /yon tan mi bzad rngam pa ste/ /dgyes sde ma ni byin rlabs bdag /mi ldog ma ni phyir mi ldog pa'i don yang dag par dbyings la 'jug pa stong pa nyid ma'o/ /yid ni kun du skyob pa zhes tshig rkang drug gis zhes pa la yid skyob pa ste/mi phyed ye shes dpal dang ldan/ /dga' skyong ye shes sems ma che/ /rigs ldan rol pa bla na med/ /spros pa spyod byed khro mo nyid/ /e hi ki lha mo ni tshar bcad pa dang rjes su 'dzin pa gsal bar byed pa nyid/ dga' ba'i dbang mo ste/dgod par byed pa ste tshig rkang bzhis snying po zla med yang dag pa mnga' ba ste/ dga' ba'i gnas su khrid cing 'dzin/ /mnyam sbyor lhan cig skyes sku dang / /ro mnyam drag mo 'bar ba che/ /stobs chen bla med snyoms 'jug pa'o/ /lha mo ni rigs kyi bdag po rdo rje 'dzin pa dang gnyis su med pa yongs su bsdus pa'i ngo bo nyid de/khyim gnas nam mkha' gsal byed ma/ /chos dbyings pad+ma gar bsgyur bas/ /mchod pa dga' ba bskyed pa'i bdag /ye shes pha rol phyin mar gyur/ /lha mo gsong por smra ba ste/ /zhes pa tshig rkang drug gis bstan pa'o//de las gsang ba khyad par gyi rtags ngos gzung bas mtshan ma shes par bya ba ni/ mkha' 'gro ma'i rigs ni 'dir dpag tu med pa yang sku gsung thugs yon tan phrin las ye shes bde ba chen po'i rigs su bsdus pa'o/ /dpa' bo'i dbang sogs yin zhes bya/ /zhes dpa' bo thabs snang ba'i cha dang dbang phyug shes rab stong nyid kyi cha las bde chen gnyis med ye shes su rgyas gdab pa ste/de la phyag rgya'i nges pa bdun du shes par byas la/ thod pa ni bde ba'i bdud rtsi myang bar bya ba pad+ma b+haM dza'o/ /dgra sta ni skye ba'i ljon shing gcod pas ma rig pa la sogs rtsad nas gcod pa'o//mche ba bzhi ldan ni rnam rtog zas su za bas bdud bzhi 'joms pa'o/ /ral gri ni spang bya ma lus pa gcod cing dngos grub chen po ster ba'i brda'o/ /kun du skrag byed ni mdung thung ste lta ba ngan pa'i phyogs rigs pas 'bigs pa'o/ /rdo rje ni rtog pas mi phyed pa'i ye shes so//'bud dung nyid dag ni rang 'byung dri ma med pa chos kyi sgra sgrogs pa nyid phyogs bcu rnams su'o/ /rigs bsdus ni dpal rdo rje rnal 'byor ma nyid kyis phyag rgya chen pos rgyas btab pa'i gsang ba yin par bshad ces snying po 'du ba'i don bstan pa'o/ /da ni le'u'i mtshan bstan pa ni dpal 'khor lo sdom par brjod pa ni bsdus pa'i rgyud tshig don bcas pa las rnal 'byor ma'i gzugs yongs su brje ba ni 'jig rten pa dang 'das pa'o//phyag mtshan ni rigs so so ba'i bye brag go/ /phyag rgya bstan pa ni sku gsung thugs la phyag rgya bzhi ldan du rgyas gdab pa'i gsang ba bdun po'i cho ga'i khyad par bstan pa'i le'u ste bcu bdun pa'i rnam par bshad pa'o// //'dir rnal 'byor ma bla na med pa'i gsang chen 'di nyid du mkha' 'gro ma'i rigs bdun du nges pa dang / bsdus pa la dpal rdo rje rnal 'byor mas rgyas gdab pa gong du bstan pa'i rjes thogs la de nas zhes smos te/de dag spyir bstan la/ khyad par du rdo rje'i rigs kyi mkha' 'gro ma dang dam tshig gi rigs kyi lA ma'i khyad par dmigs bsal ba ston pa no/ gzhan yang bshad bya ba ni brjod bya dang rjod byed do/ /mkha' 'gro ma rnams kyi mtshan nyid ni spyod pa'i byed las rnam par gyur pa dang /rigs kyi khyad par bstan pa'o/ /gang zhig ni gnas gsum gyis bsdus pa'o/ /yang dag shes pa yis ni lhan cig skyes ma la sogs pa'i khyad par ro/ /mkha' 'gro'i ye shes gsang ba'i sdom pa dang dam tshig la rnal 'byor pas gnas pa na dngos grub thams cad myur du ster bar 'gyur ba nyid do//des mdor bstan nas/ rgyas par bshad pa la dang por pad+ma'i rigs kyi mkha' 'gro'i khyad par ngos gzung ba dang / dpal he ru ka'i rigs kyi mkha' 'gro dang / dkon mchog dpal gyi rigs dang / de bzhin gshegs pa'i rigs kyi rnal 'byor ma dang /mi bskyod pa'i rigs dang / dpal rdo rje sems dpa'i rigs dang / dpal he ru ka'i rigs dang / dam tshig rgyal po'i rigs kyi rnal 'byor ma ngos gzung ba bstan pa'o/ /gsang ba'i dbang phyug 'dod yon mi 'chi ye shes dag pa rang bzhin rigs ldan yon tan dbang las ni/ /lha mo sangs rgyas rigs skyes phyag rgya bzhi ldan rgyas gdab de nyid gsang ba 'pho tshul ye shes thub pa ni//thun mong gsang ba las ni mi 'da' gdung ni so so'i rigs gyur spyod yul rim pas bde ster 'phel ba gang / /zhi drag tshar bcad rjes 'dzin phrin las mkha' 'gro yul dang dus kun bde bar rol pa'o/ / le'u'i mtshan ni rnal 'byor ma thams cad kyi kha dog gi mtshan nyid dang spyod yul gyi mtshan ma'i cho ga'i le'u bco brgyad pa'i rnam par bshad pa'o// //de nas thabs dang shes rab kyi phyag rgya dang de nyid kyi lan khyad par du ston pa ni/ de nas zhes pa nas/ sgrub pa po'i lA ma'i mtshan nyid ces pa la sogs pa la mdor bstan pa dang rgyas par bshad pa las rin chen dang /pad+ma'i rigs dang / de bzhin gshegs pa'i rigs dang / mi bskyod rdo rje dang / las kyi rigs kyi mtshan nyid bstan pa'o/ /rdo rje phag mo la zhes pas gzhung bsdu ba'o/ /le'u bcu dgu pa'i rnam par bshad pa'o// // da ni gong du bstan pa'i rigs ldan gyi mtshan nyid dang khyad par gyi ngo bo nyid yongs su shes pa de nyid kyis le'u nyi shu pa 'dir yan lag gi phyag rgya'i brda ston pa'o/ /tha snyad pa'i brda las 'das pa de kho na nyid ye shes kyi brda ston pa nyid de/ ye shes yang dag mtshon phyir brda dang cho ga the tshom bral byed gsang chen spyod pa'i de nyid don//brtul zhugs chen pos zag med bde chen mtshon byed phyag rgya gar gyis dris dang lan bstan pa'o/ /'di nyid la dgongs pa khyad par can gsang ba yang dag par ston pa dang / rigs ldan gyi brdal brten pa'i zab pa dang rgya che ba'i snying po dang / khyad par dang spyi'i brda gsal ba bye brag tu rnam par gsal bas nges par bya ba de kho na nyid kyis ye shes kyi gsang ba bla na med pa bstan pa'o/ /le'u nyi shu pa'i rnam par bshad pa'o// //da ni mi 'gyur ba gsang ba'i rgyas 'debs par byed pa/ ye shes bde ba chen po mtshon par byed pa phyag rgya chen po gnyis su med pa'i don la blo nges par bya ba ste/phyogs las rnam rgyal rnal 'byor pa yi brdas mtshon de nyid lam gyi 'jug ldog spyod pa ste/ nyer bstan bsdus pa'i brda gang nus ldan dge ba'i chos nyid ro mnyam bde chen mngon du byed par 'gyur ba'o/ /gsang ba bde chen ye shes ston pa'i mtshan nyid nges pa ste/de bzhin gshegs pas nye bar gdams pa dang / de kho na nyid kyi ye shes yul dang rnam par phye ba bye brag tu khyad par rtogs par bya ba/ 'di dag lta ba'i brda bstan pa gsang ba'o/ /le'u nyer gcig pa'i rnam par bshad pa'o// //da ni yan lag 'dus pa'i brda las ye shes kyi gsang ba ston pa de kho na nyid bde chen gyi kun du spyod pa ston pa la/yang dag phyag rgya gsang ba khyad par bla na med pa bstan pa nyid de/ 'dis ni bkas gnang mchod bya'i lha mos 'khor ba sgrol byed yan lag gsang ba phyag rgyas bsdus pa ste/ gang ston lam byed thun mong spyod yul du ni rab tu bsgrub ster bag chags ma 'khrul lam sbyang phyir//de kho na nyid kyi sems ye shes mngon du byed pa the tshom med par gdams pa ste/ gang thabs dang shes rab kyi byed pa rnam par 'gyur bas ye shes rtogs par byed pa la gsang ba nye bar gdams pas gzhung bsdus pa ste/ le'u nyer gnyis pa'i rnam par bshad pa'o// //'dir snying po'i gsang ba bde chen ye shes kyi sdom pa las rigs ldan ma'i rigs kyi phyag rgya'i bye brag nges pa bstan pa las/ gang gis gang du rnal 'byor pa dang rnal 'byor ma ni rjes chags bde bar kun spyod rol pa'i chags tshul du ma de las ni/ / de nyid rim pa phyag rgyas mi 'gyur yon tan rgyas byed rtags ni gsang ba mnyam rjes gnyis med rol/ /nye bar gdams pas yul bde ba'i 'byung gnas te/ ye shes kyi khyad par rjes su chags pa'i spyod yul gyis nye bar spyad pa'i tshul gyis bde ba'i mtshan ma 'char ba nyid las/ phyi dang nang gi rnam par 'gyur bas khams 'du ba'i byed pa ston pa gang yin pa gsal bar gyur pa ste/rigs ldan gyi spyod pa'i tshul gyis bla na med pa phyag rgya'i grub pa ye shes mngon bya ba gang yin pa/ rnam par 'pho 'gyur 'jug ldog gsang bar rang byin gyis brlabs pas lus kyi bya ba nyid dang / rnam par 'gyur bas ye shes bde ba bskyed cing /sngags ngag gi rnam par dbyangs sgra brnyan lta bu dang / rigs kyi phyag rgyas nyams su myong ba skyes tshul ngos gzung ba/ sgyu ma lta bu'i tshul la gnas pas gzugs la sogs pa yul la tshogs drug bde bar rol pa'i spyod pa a ba d+hU tI pa'i spyod pa bya ba'o//lha dang sngags ye shes mchog tu gsang ba'i bde ba chen po nyid mi 'gyur ba lhan cig skyes pa'i ye shes kyi rol pa las/ sku'i phrin las dang / gsung gi brjod pa/ thugs kyi bsam gtan gyi byed pa bstan cing gzhung bsdu ba ste le'u nyer gsum pa'i rnam par bshad pa'o// //de la gong du rigs ldan gyi khyad par rtags kyi byed pa rnam pa dang mtshan nyid rtogs pas/rnal 'byor pa gsang ba'i spyod pa la gnas pas/ gnas dang nye ba'i gnas la sogs par bgrod pa'am/ yang na dur khrod la sogs par dben par ga Na tsakra la sogs pa'i dus su brda'i sgo nas 'dod pa'i yon tan lnga lam du 'gyur bas lhan cig skyes pa'i ye shes myur du rtogs par 'gyur ba ste/de nyid ston pa ni de nas zhes brtul zhugs bla na med pa nyid las/ gzhan yang bshad bya ba ste/ sngar le'u bco lnga par yi ge re re pa'i brda bstan pas ngag gi brda spyir bstan la/ 'dir ngag gi brda'i rab tu byed pa yi ge 'dus pa'i don to//lus brda ni gong du bstan cing sgrub pa po'i brda khyad par du byed pa rnams te/ de nyid rnam dbye shes par bya ba'o/ /dpal 'khor lo sdom pa'i dpa' bo dang rnal 'byor ma spun dang sring mor nges pa ni yul dang skad mi gcig pa yang lha dang sngags dkyil 'khor gcig pa'i don gyis lhan cig tu tshogs gang gis brda dag gis nges par ngo shes par 'gyur ba ste/'dir kla klo'i skad lta bu sgra mkhan dang rtog ge bas mi shes par 'gyur ba'i dgos pa bstan pa'o/ /rgyas par bshad pa la/ dang po dri ba dang lan gyi tshul du ston pa'i brda' ngo 'phrod par bya ba dang //brda phal pa rnams kyis sna tshogs chos nyid ro mnyam du ston pa dang / spyod pa'i bye brag gis ye shes rtogs par 'gyur ba dang khyad par dur khrod la sogs pa'i gnas kyi rim pa bstan pa dang / lus kyi rnam par 'gyur ba'i tshul dang / rigs la dgongs pa bstan pa'o/ /po tang gi zhes bya ba ni gsong por smra ba ni gnas lugs chos nyid kyi bab ste rtog pa gcod pas so//pra ti po taM gi zhes bya ba ni gsong bor smra ba'i lan ni/ rtog pa de sems stong nyid du rtogs par bya ba chos thams cad la bden par rtogs pas yang dag pa'i don zung 'jug rab tu mi gnas par ston pa'o//ga mu zhes bya ba ni 'gro po zhes pa skyob pa ste/ phyir thabs kyi tshul du yang dag pa'i lam la'o/ /luM baM zhes bya ba ni snying po yang dag par na shes rab tu 'ong ngo zhes bya ba dbu ma yin no/ /ku ta ni gnas ga ge mo nas 'ongs so zhes bya ba lus kyi rtsa gnas thams cad du rlung 'gro 'ong med pa ni rnam par mi rtog pa la sogs pa'o//de hi zhes bya ba ni zas zhes smra ba yis ni nang gi sha lnga bdud rtsi lnga bsten pas/ mtha' gnyis la mi gnas par nyams su myong ba'o/ /lce so la reg pas ltogs par ston pa ni/ mgrin par ro drug la longs ma spyad ces pa'o/ /kha la reg pas zos so ni nyams myong bde stong lhan cig skyes pa'i ye shes su shes pa'o//lce rtse la reg pa ni tshim zhing bde bas khengs pas ngoms so zhe'o/ /gr-ih+Na zhes bya ba ni/ bram ze smra ba ni gtsang ma'i drang srong ste/ rtsa kun 'dar mchog tu gnas pa yin no/ /snyi rA bra ma zhes pa snying po nyid do ni dran pa thams cad sems su ro gcig pa'i ha'i da ya chos thams cad sgyu ma lta bu las ye shes kyi snying po len pa nyid du ston pa'o//sa gam ni mi'o zhes gzugs rdo rje ma dang rnal 'byor ma'i gzugs so/ /shra bi Ni rna ba'o ni chos thams cad la sgra brnyan ltar ro/ /mA rA Na ni sgra ngan nyon mongs pa dang rtog pa thams cad rtsad nas gcod pas dngos por 'dzin pa spong ba la'o//g+han+d+ha zhes pa ni dri'i mchog bla na med pa ste/ shing kar+Ni ka'o zhes sim pas lus sems la bde ba bskyed pa ste sih+la dang pad+ma dbang gi dri bro bas/ triSh+Ta na dris bsgo ba ni ye shes nyams pa med pa'i dri'o/ /g+h+ri ha ra ni rdo rje'i chu gtong ba spyi bo nas 'bab pa'i ro rdo rje'o//yin+ta na ni dkyil 'khor te lha'i tshom bu'o/ /a gu li ni yan lag ste thams cad byang chub sems kyis rab tu gang bas mtshan dpe grub pa'o/ /a mr-i ta swa na ni srub pa ste/ ra sa ya nA ni bdud rtsi'i sbyor bas bde chen du'o/ /gang dang lhan cig tu na Ta la ka ste mkha' 'gro ma ni rigs bdun gyi lus kyis sgo gsum du sdud par byed pa'i phyag rgya can no//tri ba pa ni zhu ba ste spyi bo'i haM las thig le 'bab pas so/ /da na da ni char 'bab pa bzlog pa/ gtum mo'i me dang 'khrul 'khor gyis bdud rtsi'i rgyun bzlog pa'o/ /na ra ka ni nang lus kyi dkyil 'khor te yang na chos nyid la'o//Sha nam ni bzhi mdo ste rtsa gsum 'dus pa'i ro gcig pa'o/ /der rnam shes dag pa'i tshul a mo ka ni dur khrod ces rnam par rtog pa 'gags shing mi rtog pa'i ye shes skye ba nyid do/ /ka ki la ni dkyil 'khor sgo bzhi zhing gi rnam thar bzhi'o/ / pa shu li ka ni khyim ste 'khor lo lnga'i yul nyer bzhi'i nang du'o/ /der rnal 'byor ma DA ki ni sring mo lha mo sum cu so bdun kun spyod ma'o/ /me ta ka ni chu bo bdud rtsi'i rgyun zhag 'bab pa ltar ro/ /shi ro ni brdzun no zhes thams cad la sgyu ma lta bur rtogs pa'o/ /kar+Na ni lte ba ste/ chos nyid dbu ma'i snying po spros med lhan cig skyes pa'i ye shes so//pA rA ni skra ste/ sna tshogs du ma ting nge 'dzin du ro gcig pa'o/ /te tsa ni mchod rten no zhes ye shes stong nyid zhi ba nyid do/ /srog chags la kuM b+hir ni chu srin te/ chu'i dri mas ma gos pa'o/ /kri Na ri ni me tog ni yaM las byung ba'i lus kyi khams so/ / du mul ni rgod pa ste bde ba lam du 'gyur ba'o/ /dur d+h+ya ni chu 'dzin phyi'i sprin te/ nang ni haM las rlung sems 'dres pa'i thig le'i 'byung gnas so/ /d+hu ba ni me tsaN+Da lI las byung ba'i du bas bdug pa'o/ /lus la sa nu zhes ri bo bcu gnyis ye shes rgyas par ston pa'i gnas so/ /lus las 'byung bas ri ta ni chu bo phyi nang du chen po bzhi la sogs pa 'bab pa'o//na ra d+ha sa ni ro'o zhes ro langs rtog pa 'gags par longs spyod pa'o/ /b+ha dan ki ni gdong ngo zhes lha'i zhal mi 'dra ba glang po che stobs ldan mi ldog pa'o/ /ngag dag par ston par dzI ki ni zhes mgrin par A li kA li la dbang thob pa'o//Ad+hA na ni so'i bcu drug gnyis kyi thig le rtsa bar 'bab pa'o/ /b+hA k+Shi ni rgyal mtshan te rlung sems gnyis med 'khyams mthong ba'o/ /ts+tsha do ni yi ge rlung sngags kyi phreng ba'i rnam pa can no/ /tsa la ni rgyu ba'i rlung 'gro 'ong gi sgra'o/ /pa shu ni ri dgas bying rgod dang bral ba'o/ /rigs la dgongs pa rgyud nges pa bstan pa/sha sa b+h+ra ma ni bram ze'i rigs gzungs sngags so/ /ba ri d+hi ni rgyal rigs gsang sngags so/ /b+hi ra ti ni rje rigs so/ /kru ra ni dmangs rigs bla ma'i sngags so/ /an tas+tha ni sme sha can gyi grong ste rtsa ba'i 'khor lo lnga'o/ /phal gu shaM ni 'bras bu skye ba sum cu rtsa gnyis phyi nang du ye shes 'char ba'o//ma hA k+Sha ra ma ni ba shu ste/ phyugs chen po ni sgrub pa po ste lam rim la myur du sbyor ba'o/ /gtser ni ra skyes me 'bar ba'i gnas so/ /na ra ni ni rtsa g.yas stong cha'o/ /g+ho d+ha ni khyu mchog rtsa g.yon pa bde ba'o/ /ma na ma he ste dbu mar ldan bde chen no//b+ha ni sha za ba can ye shes ro mnyam du'o/ /d+ha ni rnam grangs ye shes thig le bcu drug go/ /a d+h+ya ni rang rig pa'i rgyal po'o/ /g+ha ta ni rigs pa'i gnas dang nye ba'i gnas la sogs pa'o/ /Na d+ha ste ni stong pa nyid bcu drug rtogs pa'o/ /hri ni ting nge 'dzin med pa na ngo tsha ba'o/ / ho hi ti ni chos thams cad la ma 'dres par ming rgyu 'bras so so'i bye brag go/ /chos 'byung stong pa la reg pa ni me thun gyi gcig pa 'bar 'dzag gis khams rgyas pa'o/ /bla la reg pa ni stong nyid du ste gong nas gong du 'gro ba ste 'og min gyi bar du khyad par du 'og na med pa'o/ / da ni yongs su bsdu ba phyag rgya'i rigs ldan no/ /phyag rgya lan dpa' bo rnal 'byor pas/ dpal he ru ka'i gsung gi yan lag gi brda ni zhi gnas lhag mthong dbyer med du shin tu bstan pa gsang ba'i don to/ /gang gis gsang ba bla na med pa'i brtul zhugs chen po ngag gi brda rnams rgyud chen kun du sbas pa'i phyag rgya bzhi ldan snying po nges pa rnam dag rim pa bstan pa mkha' 'gro'i spyod yul lnga dang lha mo yin zhes pa'i don to//da ni le'u'i mtshan bstan pa la/ rigs bzhi'i mtshan nyid can gyis ni ye shes las skyes la sogs pa'am yang na/ DA ki ma rdo rje'i rigs la sogs pa'i brda'i tshig lus ngag ye shes kyi brdar btags pa'i cho ga'i le'u ste/nyer bzhi ba'i rnam par bshad pa'o// //da ni dpal 'khor lo sdom pa'i rgyud kyi dgongs pa thun mong ma yin pa'i gsang sngags las/ de nas zhes smos te/ gang zag brtson 'grus can mngon par 'dod pa'i don kun bsgrub pa'i zhes pa las dang dngos grub shin tu myur bar bsgrub pa ni 'dir 'jug pa nges pa nyid do//sbas pa ni snod dang mi ldan bskal pa ngan pa'i 'gro ba la'o/ /yang na gong du bsdu ba 'byung yang ni shin tu gsal bar ma smos pa'o/ /brgyad pa'i mthar sbyar bar bya ba ni bcom ldan 'das kyi rtsa sngags rkang pa brgyad pa'i rjes su 'brel ba//'khor lo gsum gyis dpa' bo rnams kyi sku gsung thugs kyi rtsa ba'i snying po gsal bar bstan pa las/ thog mar oM dpal phun sum tshogs bsgrub pa ste/ mthar hUM hUM phaT dang bcas pa so sor bye brag tu ma phyed par rigs gcig tu bsdus pa'i gsang ba bla na med pa bstan pa las/mos pa dman pa'i sems can gang dag sbas pa rtogs par dka' ba'i phyir/ 'dir ni shin tu gsal bar gsungs pa ni rmongs shing ste dbang po rtul po'i don du'o/ /mi shes pa ni chos 'di la mos pa yod kyang blo nus pa med pa/ byams pa dang / snying rje'i sems cung zad dang ldan pa la'o zhes de dag la nye bar gdams pa'o//de las gsang sngags bla na med pa'i don bstan pa la/ dpa' bo ni bcom ldan 'das dpal he ru ka nyid dang rnal 'byor ma ni rdo rje phag mo dang gnyis su med pa'i sku lnga dbyer med las/ /de nyid lha tshogs rnams kyi sku gsung thugs rdo rje'i gsang ba gong du bsdu ba las rang gi ngo bo mi gsal bar dkyil 'khor pa'i sa bon gyi tshul du gsungs pa'i don gyi snying po'i gsang sngags ni 'di yin te zhes 'gro lding ba'i tshul gyis sgra bshad kyi tshul las 'das pa'i lha'i rnal 'byor gyi bsam gtan dang ldan pas bzlas par bstan pa'o//dpa' bo dang rnal 'byor ma rnams lus kyi dkyil 'khor bkod cing gsal byas 'khor lo lnga yi bdag nyid can/ /sgra bcas 'khor bar gyur pa las kyang srog rtsol 'gog pa'i bzlas pa gzhan du ya sde brgyad pa thabs shes dbyer med 'gyur/ /rtsa ba'i gsang sngags rig pa chen po 'di yis ye shes lha rnams ma lus 'bebs par 'gyur ba ste//rang 'byung gsang sngags zung 'gyur sku gsung thugs 'khor dam tshig snying po dag pa rdo rje bstan pa'o/ /da ni le'u'i mtshan bstan pa'i phyir/ rtsa ba'i sngags kyis ni dpal he ru ka nyid dang gzhan yang sku gsung thugs kyi 'khor lo'i dpa' bo nyi shu rtsa bzhi dang bcas pa'i dkyil 'khor ba'i gsang ba'i cho ga'i don gtan la phab pa'i chos nyid bstan pa'i le'u ste nyer lnga pa'i rnam par bshad pa'o// //de la lam gyi gzhi dam tshig la gnas par bya ba ni/ le'u dang po las/ shin tu mnyam gzhag sgrub pa pos/ / dam tshig rtag tu bskyang bar bya/ /zhes mdor bstan pa yin la/ de nyid rgyas par bshad pa le'u 'dis ston la/ yang bzlog pa'i sgo nas bstan pa/ dam tshig nyams pas dkyil 'khor du/ /dbang bskur dngos grub thob mi 'gyur/ /zhes pas so/ /yang dra bsdom pa las kyang / sngags pa dam tshig med pa la//lha yis bsrung bar mi 'gyur zhing / /gal te dam tshig sdom gnas la/ /ye shes can gyis legs skyabs yin/ /zhes gsungs pa'i don gyis de yang bsrung bar bya ba dang / mi 'bral ba dang / bza' ba dang / spyod par bya ba dang / brtul zhugs bla na med pa bstan pa'o//de nas zhes pa le'u nyer lnga pa/ rtsa ba'i sngags bstan pa'i rjes thogs la'o/ /gzhan yang ni rdo rje theg pa'i lam la gnas pa la khyad par du dam tshig la gnas par bya ba'o/ /'jig rten gsum po dag la zhes phyi'i klu dang mi dang lha'i gnas rnams so/ /nang du mi gnas gsum po'i skye ba rnam pa bzhi po la ma grags pa'o//gsang ba ltar na lus can gyi sgo gsum spyod yul lo/ /yod min pa ni bya ba la sogs pa'i rgyud du zab pa dang rgya che ba/ bla na med pa'i dam tshig sbas pa'o/ /gzhan las khyad par du bstan pa'i phyir/ shrI he ru ka'i sngags zhes pa yid can shes pa skyob pa ste/sngags kyi rang bzhin lha dang tha dad med pa'i phyir ro/ /de nyid shes na zhes bdag dang lha sngags ye shes kyi de kho na nyid tha mi dad du shes pas dbyer med du 'gyur ba'i don to/ /rgyud gzhan du bstan pa'i gzungs dang rig sngags la ltos pa med par bstan pa nas gsang sngags thams cad yongs su 'dor ba'o zhes glang po rnyed nas glang po'i rjes mi tshol ba lta bu'o//da ni dngos gzhi lam gyi don dngos po las/ rigs ldan gyi khyad par ji ltar gnas pa'i tshul gsang ba bstan pa las/ lugs 'byung ni rab tu gtum mo nas brtson 'grus chen mo'i bar du rim pa ji bzhin la'o//lugs bzlog pa lha mo brtson 'grus chen mo nas lha mo rab tu gtum mo'i bar du go bzlog nas bstan pa la dgongs pa'o/ /de nyid la rim pa las zlog pa zhes kyang zer ro/ /de dag rang gi ngo bo gang tshul ji ltar gnas she na/ pho nya mo rnams zhes pas rnal 'byor ma rnams so//yang dag gnas ni dpa' bo rnams dang gnyis su med par dkyil 'khor du gnas pa'o/ /'og gi ni sa 'og gi klu dbang du bya ste/ lha ma yin gyi phug la sogs pa'o/ /steng gi nam mkha' la 'gro ba la sogs pa ral gri la sogs pa'i grub pa'i dngos grub ster ba lha rnams dbang du byed pa'o//yang na 'og gi gtum mo 'bar bas sa steng sa bla'i khams bdud rtsir dbab pa/ dngos grub ster ni bde stong gi nyams rang byung du 'char ba'o/ /pho nya mo rnams ni lus kyi gnas la sogs par tsaN+Da lI 'bar ba'o/ /yang dag gnas ni rtsa dang thig le rlung dbyer med bde bar sbyor bas so//rigs ldan phyag rgya bzhi ldan du 'gyur ba ni bdag gi pho nyam kun 'gro ba ni/ pho nya lhan skyes ma dang / zhing skyes ma dang sngags skyes ma ste/ bdag gi bde ba des sa gsum khyab par stong nyid du gnas zhes pa'o/ /de ni las kyi phyag rgya'o/ /byang sems pha dang ma las thob pa'i de'i byang sems lus kyi spyi gtsug nas rkang mthil gyi bar du rten dang brten pa tshul gcig tu khyab par rgyu ba chos rgya'o//lus kyi khams dngas ma'i cha dang snyigs ma'i cha 'byed par byed pas rtsa gnas sum cu rtsa gnyis po kun du 'gro 'ong rlung gi nus pa las 'byung ba ni dam tshig go/ /rang lus sgyu ma lta bu de nyid las/rigs kyi pho nya rmi lam sgyu ma lta bur shes pas 'od gsal chos nyid kyi dang du kun du 'gro bas phyag rgya chen po nyid thob pa'o/ /de las phan yon 'byung ba ni/ pho nya ma des dngos grub ster/ /zhes pas de las lus sems bde bar gnas spros pa med pas zhi gnas/ ye shes bde chen mngon du byas pa lhag mthong ster ba ste/phyag rgya bzhi ldan nyams su blangs pas nus pa thogs med du 'byung bas dngos grub kyi dbang phyug rab tu ster ba'o/ /des grub pa'i khyad par ro/ /da ni mngon par dad pa'i khyad par bstan pa'i phyir/ rnal 'byor gnas kyi khyad par ni/ dam tshig med pa'i skye bos dben par sgrub pa pos/rang byin gyis brlab par bya ste/ rang lus lhar gsal zhing dpal rdo rje rnal 'byor ma'i bde ba lam du bya ba'o/ /tsum+bi ni zhes rlung srog rtsol 'gog pas/ 'og rlung gyen la drang ba'i sbyor ba dang / lhag par 'khyud pa lus kyi me ma dang gnyid ma rtse sprad cing kun 'dar ro ma rkyang ma gnyis 'khyud pa ltar rtsa gsum 'dus pa'o//de las mthong ba ni tsaN+Da lI cung zad bskul ba mthong bas me lce 'bar ba'o/ /de dang reg pa de bzhin ni/ kun 'dar nas brgyud de rim gyis gyen la gshags pas bde chen gyi haM la reg pas ji snyed ni byang sems 'bab pa'o/ / rnal 'byor tshogs rnams ni/ thig le bcu drug 'bab pa las/ bde stong lhan cig skyes pa'i ye shes skyes pa la thams cad dngos grub ste/ skad cig ma la nus pa mngon du byed par zhes lam la gdams pa'o/ /lam nye bar bsgrub pa'i yul bstan pa'i phyir bden/ dngos po thams cad sbyin byed pa//zhes pas 'jug pa kun rdzob kyi bden pa sgyu ma lta bu'i ting nge 'dzin gyis dngos po snang la rang bzhin med par ston la/ ldog pa don dam pa'i bden pa thams cad 'od gsal du ston par byed pa'o/ /gzhan du nam yang ma yin no zhes dngos po dang mtshan mar 'dzin pa can thams cad la dgag pa nyid do//de yang lhag pa'i lam bsgrub pa la/ pho nya rnams zhes pa/ ma ni kun 'dar thog mar chags pas thugs/ sring mo ro ma/ bu mo rkyang ma ste sku dang gsung / /rig ma ni de gsum la brten nas 'khrul 'khor dang ldan par byas la/ gang zhig tsaN+DalI 'bar ba/ / rtag tu 'bar 'dzag la dmigs pas sngags sbyin pa srog rtsol 'gog pa'i sbyor bas/ de'i de nyid bde ba dang stong pa dbyer med pa'i nyams myong drod rtags 'char ba la cho gar bshad ces sku gsung thugs gnyis med ye shes grub pa'i thabs su bstan pa'o/ /da ni bsrung bar bya ba'i dam tshig dngos bstan pa'i phyir/de nas rnal 'byor rgyud 'dir ni/ /rnyed dka'i dam tshig nga yis bshad/ /ces pas/ thun mong gi rgyud las mchog tu 'gyur ba'i thabs shes rab gnyis med ston pa'i rgyud 'dir ni/ skal ba dang mi ldan pas rnyed dka' ba'i dam tshig khyad par ba nga yis bshad ces pas/dam tshig gi ngo bo sgra 'jug pa dang / byed las dbye ba mi nyams par bya ba'i phyir thabs/ nyams na phyir bcos pa la 'jug par bya'o/ /de la thog mar rnal 'byor ma'i rgyud du shes rab kho na gtso che bar bstan pa'i phyir/ skyes pa bud med g.yon nas 'gro/ /zhes pa smos te/ gang yang ngo bo nyid kyis rdo rje rnal 'byor ma mdzes ma'i bdag nyid bde chen po dang ldan pa ni/g.yon pa'i kun du spyod pa la ni gnas pas bde stong dbyer med du gnas pa'i brda go bar bya'o/ /des rigs ldan rnams ni mchod par bya/ /zhes pas rigs ldan ye shes kyi lha mo mdzes ma rnams stong pa nyid bcu drug gi ngo bo mchod par 'gyur ba'o//de'i phan yon ni/ 'dod pa'i dngos grub ster bar byed/ /ces pa gnas skabs dang mthar thug tu bla na med pa'i don stsol bar 'gyur ba'o/ /dpal 'khor lo sdom pa'i rgyud 'dir zhugs shing gnas pa mchod par 'os pa la dus rnams kun du mchod par bstan pa ni/he ru ka dpal rnal 'byor mchog ni rim pa gnyis la gnas pa'i gang zag de brtul zhugs dang ldan pa/ de las sbyor gzhan med pa ni 'khor ba las skyob pa mnyen pa lta bu yin pa'o/ /slob dpon de rang gi rgyud la yon tan bskyed cing yang dag pa'i lam la khrid pa'o/ / gsang ba'i dbang gi dus su ni rnal 'byor ma de nyid kun gyi yum ye shes skyed byed yin/ slob ma'i khams rgyud byin gyis brlabs pa'o/ /khyim dang zhing du rnam par gnas pa ni 'khor lo lnga la gnas pa'i phyi nang gi rdo rje rnal 'byor ma pho nya lhan cig skyes ma la sogs pa rnams kyis sgrub pa po rnams shin tu ring ba 'og min la sogs pa na gnas kyang shes par 'gyur ba ni mngon par shes pas so//yang na rnal 'byor pas lhan cig skyes ma dang / zhing skyes ma rtags kyi sgo nas shes par 'gyur ba'o/ /dpal bde mchog gi rgyud 'di ru ni gang zhugs pa de dag sgrub pa po khyad par du gyur pa yin te/nges par logs pa'i lam khyad par ba la gnas par 'gyur ba nyid du shes par bya ba'i phyir/ /bla ma dang mchod par 'os pa rdo rje sbun la sogs pa la brnyas mi bya zhing spang mi bya/ lus kyis gus 'dud/ ngag gis snyan pa brjod/ sems kyis snying brtse bar bya ba ste/ nus pa yis ni mchod par bya ba lhag pa'i lha dang dbyer med du blta bas tshes bcu phrag gnyis la sogs pa la mchod par bya'o//shes rab kyi rang bzhin DA ki ma'i tshogs la ma gus pa spang zhing gus pa bsgrub pa ni/ khwa gdong la sogs brgyad po ni/ /zhes pas DA ki de dag dang chos mthun du gyur pa'i sems can dud 'gro'i skye gnas la yang mi smad na mir gyur pa la lta smos kyang ci dgos te/gal te smad par byed na nyes byas su 'gyur ba'o/ /de nyid la gus pas nus pa ni rnam shes kyi las mos pa 'phel bas las ma dag pa dag la/ dad pa 'phel bar byed pa ye shes kyi las kyi nyon mongs pa'i sgrib pa dag par byed pa'o//dus rgyun chad med par rtag par dngos grub gnyis la sogs pa rnams thob par byed pa dag gi rgyu'am gzhi rten chos kyi 'byung gnas te/ ye shes mchog tu 'gyur ba spros med shes rab kyi pha rol tu phyin pa don gyi yum la mos par bya ba bstan pa'o/ /de nyid du dam tshig la gnas pa'i gang zag la dpa' bo rnal 'byor ma rnams kyi thugs kyis rjes su 'dzin pas na/dam tshig rnams ni skyong byed pa/ /zhes dpal bde mchog nyid kyis 'gro ba 'dul ba'i don du sna tshogs gzugs can du bstan cing / slob dpon Dom b+hi bas rtsa ba dang yan lag gi dam tshig thams cad la gnas par bya ba ste/mnyam rjes gnyis su med pas gnas par bya zhes so/ /khyad par du rigs ldan spang bar mi bya ba ste/ lha mo gzhan dang kun sbyor ba/ /zhes bdag nyid dpal he ru kar bya ste/ lha mo bcu gnyis po la sogs pa thams cad kyang rdo rje rnal 'byor ma nyid du bskyed cing mnyam par sbyor ba las/dkyil 'khor du ma gtogs pa gzhan la brten par mi bya ba yul gyi dbye bas shes par bya ba'o/ /'dod pas chags par bya ba min/ /zhes smos pas/ tha mal 'jig rten pa'i spyod pas brten pa ni ltung bar 'gyur bas dgag bya'o//da ni bza' bar bya ba'i dam tshig la gnyis su med ces sha lnga bdud rtsi lnga la sogs pa la blang dor spangs pas ro mnyam du spyod la/ thogs pa med ces gsang bar bya ba'i rdzas dang mchod pa'i yo byad/ ga Na tsakra'i byed pa dang rten la sogs pa gzhan la mi bstan cing gsang ba bsgrag par mi bya ba'o//dam tshig spyod pa'i spyad bya ba ni/ dam tshig can legs par brtags pas/ bsnyen sgrub kyi yan lag gis sbyangs nas spyod pa'i rim pa la gnas par bya ba'o/ /gsang ba'i spyod pa ye shes bsgrubs pas gnas pa bsten pa'i phyir lha mo'i dbang phyug legs par sbyor ba ni sngags skyes kyi rigs ldan legs par sbyangs pa ste/dang po gso sbyong sbyin pa nas bslab pa dang / thos bsam dbang dang bsam gtan yab yum gyi snying po dgod pa dang byin gyi rlabs dang ldan pas bsten pa'o/ /de bzhin bsam gtan gyi tshangs spyod ces tshad med bzhi dang ldan pas de bzhin nyid lha dang ye shes kyi bsam gtan bde ba la stong pas rgyas 'debs tshangs par spyod pa bde stong gnyis med du gyur pa la sogs pa so so thar pa'i ltung ba lta bus gos pa med do//nyon mongs pa zil gyis mnan pa'i phyir ro/ /khro med bu gar kun spyod pa/ / zhes pa dgos pa dang mi ldan zhing yon tan med bzhin du byang sems rtse mo las dbyung bar mi bya ba ste/ rten dang brten pa me tog dang dri lta bu ste de dang 'gal na ltung ba'o/ /de'i nyams myong la dad pa nyid kyis gal te ltung na zhes blang gi /mig dang lag pas ma yin no zhes dgag bya'o/ /de dag gi gzhung nye bar bsdu ba'i phyir/'di brgyad dam tshig kun spyod min/ /zhes pas g.yon pa kun spyod bla ma dang mchod 'os mchod pa/ sha lnga bdud rtsi la blang dor med pas tshes bcu dang / rgyud 'dir zhugs pa la mi smad pa/ dud 'gro'i skyes gnas la smad pa spang ba/ kun+da mi spang zhing spel ba/dam tshig gnyis 'dzin rtog pa spong ba/ tshangs par spyod pa can no/ /rnal 'byor pas bsnyen pa dang sgrub pa dang / nye bar sgrub pa la gnas pa ni yan lag bzhi ldan du spyod pa'o/ /sgrub pa pos ni rtag tu lus kyis mtho ris dang sems kyis thar pa mchog shes pas gnas par bya ba'o/ / rgyud rnams thams cad thun mong du ni/ bya ba spyod pa rnal 'byor bla na med pa thams cad du dam tshig gsang ba spyod pa'o/ /rgyu med par ni bcom mi bya/ /zhes thams cad mkhyen pa thob par byed pa'i rgyu'i gtso bo sdom pa dang dam tshig la gnas par bya ba/ ltung ba mi bcab yon tan mi bsgrag / bsam gtan la gnas pa la bslab pa'o/ /bde ba khyad par grub pa nye bar gyur pa ni/ pho nya ma rnams ni lhan skyes zhing skyes sngags skyes rnams so/ /yang dag gnas pa ni lus ngag yid bde bar skyob pa'o/ /shes rab ma'i mchog gi gsang rtsa blo ldan rnal 'byor pas/ mthe chung bskyod pa ni g.yon ngos kyi rdo rje dbyings phyug ma'i rtsa lam du gyur pas/bde ba chen por gnas par bya ba gsang ba'i spyod pa bstan pa'o/ /yang na DA ki ma rigs lnga las 'jig rten gyi DA ki mas tshar bcad rjes 'dzin gyi phrin las byed pa ste/ mthe chung lta bu blo ldan gyis bskyod pa ni rnal 'byor pas DA ki dbang du gyur pa'o//der ni pho nya mo rnams yang dag gnas pa/ phyi nang gi srid pa gsum la gnas nas dngos grub stsol ba'o/ /da ni 'jig rten gyi gang zag bstan pa la/ rgyud 'dir 'jug pa'i gang zag ngos gzung ba'i dbang du byas nas ma dag pa la gnyis las/ rang bzhin gyis ma dag pa dbang po dman pa 'jig rten 'khrul ba'i dbang du song ba dngos 'dzin shas che ba'o//ma sbyangs pas ma dag pa/ las dang po bslab pa dang lam dang dbang gis ma sbyangs pa des ni nyes byed ces/ dad pa'i rjes su 'brang zhing bla ma bsten cing thun mong pa la blo rim gyis sbyang pa la bslab par bya'o//gnyis pa dag pa ni rang bzhin gyis dad pa shes rab snying rje can/ dngos 'dzin shas chung ba/ zab mo la lhag par mos pa'o/ /sbyangs pas dag pa ni bslab pa lam/ dbang gis smin pas rgyud rnam par dag pa chos kyi rjes su 'brang ba/ ye shes myur du skyer rung ba'i gang zag go//de nyid ngo bo nyid kyi yon tan dang ldan pa mi dman pa'i chos la ngang gis gnas so/ 'dres pa ste zhes pas/ dbang po 'bring du gyur pa/ rigs ma nges pa/ rkyen dbang can la/ gsal byed ni grogs bzang po dang ma bral bzhes te/ bsgom pa la 'bad nas lha'i ting nge 'dzin la sogs pa la nus pa cung zad gsal bar 'byung ba'o//de dag la/ sgrub pa po ni gsum du gnas/ /zhes pas dbang po rab 'bring gsum du nges pa/ yang na thos bsam sgom pa byed pa'o/ /des rgyu'i rgyud du bstan pa yang yin no/ /le'u'i mtshan la/ slob ma yongs su brtag pa snod kyi bye brag shes par bya ba dang /sdom pa'i cho ga ni khyad par gyi sdom pas dam tshig la gnas par bya'o/ /le'u nyer drug pa'i rnam par bshad pa'o// //le'u 'dis ni spyod pa gtso bor ston te/ de yang le'u dang por/ mchog dang 'bring dang tha ma ste/ /pho nyas lhan cig skyes dngos grub/ / ces pas mdor bstan la/ rgyas par bshad pa le'u lngas ston pa las spyod pa rang gi ngo bo dang / nges pa'i tshig dang / byed las dang / spyod pa ma byas pa'i skyon dang / spyod pa bya ba'i dus dang / spyod pa'i phan yon bstan pa dang / spyod pa'i dbye ba'o/ /de la dang po ni ting nge 'dzin gong nas gong du bogs 'don par byed cing blang dor med pas chos thams cad la ro mnyam pa nyid du spyod pa'o//nus pas gzhan ma dad pa bzlog pas rdo rje theg pa'i che ba ston pa'o/ /nges pa sgra 'jug pa'i rgyu mtshan ni yo ga tsAr+ya ste lha'i brtul zhugs kyi tha mal gyi rtog pa btsan thabs su spyod pa'o//byed las ni bag la nyal rtsa ba nas 'dag la/ 'jig rten gyi chos brgyad zil gyis mnan zhing ro snyoms pa dang / rnam shes kyi tshar bcad pa dang / ye shes kyi las kyis bsad pa gso bar nus pas byed pa bstan pa'o/ /spyod pa bya ba'i dus tshod ni tshogs lam mngon du gyur nas/sbyor ba'i lam drod chen po thob nas spyod pa bya'o/ /'di nyid kyi le'u nyer dgu pa las/ ji srid dro ba'i bya ba dag /mngon par brtson pas rtogs par bya/ /zhes pa dang / kye'i rdo rje las kyang / cung zad drod ni thob pa na/ /spyod pa 'di ni spyad par bya/ zhes gsungs pa'i don to//spyod pa ma byas pa'i skyon ni las kyi sgrib pa myur du mi spong zhing 'bras bu dang rgyang ring bar 'gyur ba'o/ /phan yon ni 'bras bu myur du thob pas mtshan nyid theg pa la sogs pa las khyad par du gyur pa'o/ /spyod pa'i dbye ba bstan pa la/ kun du bzang po dang mgon po kun spyod dang dpal ldan rgyal tshab kyi spyod pa dang /gsang spyod sbas pa'i tshul dang / mnyam gzhag chen po dang / rig pa brtul zhugs dang / phyogs las rnam par rgyal ba'i spyod pa'o/ /rig pa brtul zhugs la gsum ste/ spros bcas dang / spros med dang / shin tu spros med kyi spyod pa'o/ /dang po mdor bstan pa ni/de nas zhes spyod pa rang gi ngo bo rnal 'byor spyod brtul zhugs zhes smos te thabs dang shes rab dbyer med du sbyor ba lha yab yum la dmigs pa ste/ lha'i rnal 'byor bde ba sgyu ma lta bu dang stong pa nyid gnyis med du sbyor bas lhan cig skyes pa'i ye shes la goms par byed pas spyod pa yang rang gi blo'i 'jug pas rim gyis pa dang cig car bar bzhed do//rnal 'byor ma kun rab sgrub byed/ /ces pa las kyi phyag rgya dang chos kyi phyag rgya dang / phyag rgya chen po dang / dam tshig gi phyag rgya lus sems grub bde gcig pa la/ bde ba dang / gsal ba mi rtog pa/ ro gcig lhan cig skyes pa mi 'gyur ba rab grub 'gyur ba'o//dngos grub myur du thob byed pa/ /zhes pas dgongs pa khyad par can bstan pa ste/ las chen thams cad dang / dngos grub bla na med pa'i mchog stsol pas bde ba chen po 'thob pa'o/ /cho ga thams cad shes par bya/ / zhes a wa d+hU tI pa'i spyod pa dang / b+hu su ku dang / smyon pa lta bu/ nyi ma lta bu la sogs pa mngon du bya ba'o/ /de yang rim pa gnyis kyi rnal 'byor la gnas pas gtsang sbra'i gnas la 'jug pa bstan pa'i phyir/ phyag rgya sngags bcas sgrub pa pos/ /zhes smos te/bdag dang lha yab yum ldan pa dang / sngags dang / ye shes kyi de kho na nyid kyi ting nge 'dzin la gnas pas/ mnyam rjes tha mi dad du gnas par bya zhes so/ /bdag dang lha dbyer med du bya ba'i bsam gtan gyi spyod par yang / mchod pa nyid la rab tu 'jug/ /ces pas dbang pos yul la longs spyod pa thabs shes rab gnyis med du rol ba'i bde bas bdag gzhan brtan g.yo khyab pa la'o//'di las gzhan pa'i mchod pa med/ /ces phyi dang nang de kho na nyid dang ldan pas so/ /de nyid bstan bcos nges pa yin/ /zhes sgyu ma bde mchog la sogs par chags sogs rol mo rgya chen po dang ldan pa yang 'dir 'jug pa'i mchog gi spyod pa lha mo nyi shu dang spyod pa bstan to//bde ba gtso bor sgrub pa ni pho nya'i lam la dga' ba dang ni/ dkyil 'khor 'khor lo'i lam bstan pa'o/ /mi rtog pa'i ye shes lam du byed pa ni/ sgrub pa po ni dngos grub brtson pa/rnam par mi rtog pa rang byin gyis brlab pa'i lam gnas pas so/ /phyag rgyar yang dag ldan rig sngags/ /zhes pa ni bdag nyid dpal he ru ka dang dpal rdo rje rnal 'byor ma dang dbyer med du sbyor bas sgo gsum rdo rje gsum ldan du sbyor ba'o/ /'dir khyad par gyi tshogs kyi 'khor lo la spyad par bstan pa'i phyir/sgrub pa pos ni legs pa nyid ni dur khrod la sogs pa'i gnas khyad par can der tshogs kyi dkyil 'khor bkod pa ste/ rnal 'byor pa dang rnal 'byor ma lha grangs dang mnyam pa'i tshogs pa las mchod pa dang gtor ma tshogs rdzas la sogs pa phun sum tshogs pa dang ldan pas mnyam par gzhag pas thams cad lha'i bsam gtan dang ldan par byas la/dang por ye shes kyi dkyil 'khor spyan drang zhing go bgo dbang bskur ba dang ldan pa la/ phyi nang de kho na nyid kyis mchod pas sku gsung thugs byin gyis brlabs pas/ dri'i byug pa sngon du 'gro bas kun kyang lha'i ting nge 'dzin du gnas pa las/sha lnga bdud rtsi lnga la sogs pa bza' bar bya ba dang bza' bar bya ba ma yin pa mi rtog pas/ rtog pa thams cad rnam par spangs la/ ba la dang ma da na la sogs pa la/ kun la nye bar spyad bya zhing ni glu dang gar la sogs pa'i mthar/pho nya rigs ldan rnams la ni/ /zhes pas bdag nyid he ru kar gnas pas phyogs kyi lha mo bzhir 'byung ba bzhi dag pas sbyor la/ mtshams kyi lha mo gshin rje brtan ma la sogs pas gzugs rdo rje sgra rdo rje dri rdo rje ro rdo rje ma'i rnam par spyod la/ sgo srung bzhi ni/ dgug gzhug dbang du bya ba dgyes pa bskyed pa'i tshul gyis spyod par 'gyur la/reg bya rdo rje ni dpal rdo rje rnal 'byor ma nyid de/ rnal 'byor ma bcu gsum gtso bo dang rol la/ gzhan dpa' bo dang rnal 'byor ma rnams so sor mnyam par rol pa ston pa las/ de nyid du ni dbyer med ces pas 'khor lo lnga'i lha tshogs thabs shes rab gnyis su med pa'i bde ba de yis tshogs khyad par can rdzogs pa'o//de las khyad par phyag rgya bzhi ldan ni/ pho nya ma ni gnyis bsgrub bya/ /zhes pas chos kyi phyag rgya bskyed rim dus kyi rig ma dang las kyi phyag rgya'i dkyil 'khor 'khor lo'i dus kyi'o/ /de dag dang bde ba bsgrub par bya ba bstan pa'o//dngos grub cho ga la spyod tshe ni chos thams cad la sgyu ma lta bu'i ting nge 'dzin la brten nas dkyil 'khor lhag pa'i lha dang gnyis su med pa dam tshig phyag rgya las mi 'da' ba'o/ /pho nya gcig pu kho na yin ni dpal rdo rje rnal 'byor ma phyag rgya chen po bla na med pa'i ye shes su sbyar bas 'grub pa'o//spyod pa'i yul gnas kyi khyad par las byung ba'i rtag pa bstan pa'i phyir/ yul dang yul der bgrod nas ni/ /pho nya'i gzugs ni mtshon par bya/ /zhes pas 'di la'ang phyi dang nang gi dkyil 'khor las/ phyi'i ni gnas sum cu rtsa gnyis la sogs par spyod par bya ste/pho nya zhing skyes ma dang lhan cig tu spyod pa byas pas lam myur du bgrod la/ nang lus kyi dkyil 'khor kun du spyod pa/ thun phyed pa re'i bar du 'pho ba ngos zin pas/ gnas 'di rnams su rnal 'byor ma/ /rtsa gzugs mdzes pas yang dag gnas/ /zhes pas lam du bya ba'o//pho nya ral gri'i so 'dra zhing / /dag byed bsod nams 'phel byed yin no/ /dbang bzhi lam dang ldan pa dang sbyar ba'o/ /de bzhin pho nya logs 'dres pa/ /zhes pa rnam pa gsum du ni/ lhan skyes/ zhing skyes/ sngags skyes gsum gcig tu bya ba'o//rnam pa bzhi ni phyag rgya bzhi dang rnal 'byor pa rgyud gcig tu sbyor ba'o/ /sgrub pa pos dngos grub thob pa ni/ /bsam gtan gyi nyer bsdogs thob pas/ bsam gtan gyi dngos gzhi skyes nas yon tan du ma 'byung ba'o/ /nang gi don mngon du gyur pas phyi rol ltos pa med par bstan pa'i phyir/rig sngags kyi bzlas brjod dang / phyi rol gyi lha mchod pa'i rim pa'i dngos po mtshan ma'i bsam gtan med par yang / myur ba nyid du 'grub par 'gyur ba rang gar grub pa bstan pa'o/ /de las gnas la sogs par bgrod pas yon tan 'char ba dang / nang du lus kyi gnas dang nye ba'i gnas la sogs par/rlung sems la gnad du tshud pas/ sa dang po'i bden pa mngon du byed par 'gyur ba ni/ rab dga' nyid dang phyag rgya chen po'i dngos grub ni lus kyi rtsa mdud grol bas/ der byang chub kyi sems kyi stobs su 'gyur/ /rlung gnas pa la dbang thob pas/sgrub pa dag snang stong gnyis med sgyu ma lta bu las/ nye bar sgrub pa gsal stong dang / sgrub pa bde stong dang / sgrub pa chen po gnyis med ye shes mngon du 'gyur ba ni lhan cig skyes pa'i ye shes rgyu skyes te/ rgyu rang la gnas pa'i de bzhin gshegs pa'i snying po la/ rgyud bla ma brgyud pa'i rim pas byin rlabs thob pas/dbang bskur ba sngon du 'gro bas rgyud smin par gyur pas ni rten 'brel gyi che bas sngags legs ldan mos gus chen pos/ brtson 'grus brtsams pas lam gyi rim pa thams cad yang dag rdzogs pa ste myur du bla na med pa thob po'o/ / khyad par gyi lam las/ gtong ba ni sbyin pa'o/ /tshul khrims ni sdom pa gsang ba'o/ /ldan pa ni bzod pa dang po/ /chags med ni brtson 'grus thogs pa med pa dang / tshul ldan ni bsam gtan phyag rgya chen po/ /shes rab legs sbyor ni thabs/ 'du 'bral med par sbyor ba stobs/yang dag ni smon lam/ pho nya ni ye shes sngon du 'gro zhing ye shes kyi don dang ldan pa'o/ /pho nya rnams ni khyad par sa bcu rdzogs pas pha rol tu phyin pa bcu'o/ /da ni lam thams cad myur du gcod pa la pho nya zhes ming du grags pa'o/ /da ni lam gyi rim pa mngon par rtogs pa go rims bzhin du dmigs par bya ba'i phyir/re zhig bdag nyid ldang ba las/ /zhes pa ni rnal 'byor pas nyal ba 'od gsal chos sku/ rmi lam longs sku lta bu/ /sad pa sprul pa'i sku'i tshul du Da ma ru'i sgras bskul ba las thugs rje'i ngang las bzhengs pa ste/ rnal 'byor dang bdag dang gnas bsrung ba dang tshogs gnyis dang ldan pa sngon du 'gro bas gzugs kyi bya ba kun bya ste/rten 'byung bzhi rim brtsegs nas/ rten gzhal yas/ brten pa lha'i 'khor lo dang bcas pa cig car du rdzogs pa bskyed pa dam tshig gi dkyil 'khor bskyed pa la shin tu spyad pa ni ye shes sems dpa'i dkyil 'khor phrag gnyis spyan drangs pa'o//lus kyi ni phyag rgya dang / rkang pa mnan pa/ mig gyen du blta ba la sogs pa'o/ /rtag tu sngags ni brjod par bya ba ni/ oM AH hUM sarba bI ra yo gI nI kA ya bAka tsit+ta badzra swa b+hA A t+mau0f85ko/ zhes pas stong pa nyid dang / haM zhes pas bde ba chen po ste bde s tong dbyer med du lhan skyes zhing skyes/'jig rten dam tshig gi dpa' bo rnal 'byor ma rnams mnyam pa nyid du ro gcig par gyur par blta'o/ /sku gsung thugs rdo rje mi phyed pas lus la gnas pa ni bdag gi lus kyi dkyil 'khor ba rnams dang gnyis med du bya ba'o/ /oM badzra shud+has brtan par gyur pa la/dag byed byas pa ni dbang bskur ba'o/ /lus la shin tu mtshon cha ni go cha gsum bgo ba'o/ /rgyas gdab pa dang ldan pa la/ rnal 'byor gnas rnams ni byang chub phyogs chos bsam pa'o/ /nges brtan zhing ni rdo rje 'dzin la gnas pas de kho na nyid kyi mchod pa dang rjes su 'brel ba'o/ / yang sngags ni brjod par bya ba bzlas pa'i rnal 'byor ro/ /mngon par phyogs pas gnas par bya ba ni bdud rtsi myang zhing dkyil 'khor nye bar bsdu ba bstan pa'o/ /da ni spyod pa'i de kho na nyid bstan pa'i phyir/ grol ba'i don dang bde don du ni rim pa bla na med pa'i bsam gtan la gnas pa dang lhan cig skyes pa ye shes kyi rol pa la gnas par bya ba'o//de dang ni rig ma'o/ /lhan cig bde ba bya ba ni dkyil 'khor 'khor lo'i lam bstan pa'o/ /'di dang lhan cig spyod pa bya ba ni 'dod pa'i yon tan lha mo gzugs rdo rje ma la sogs pas ye shes la rol pa'i spyod pa bstan pa'o//gzhan dam tshig gi spyod pa bstan pa ni/ mtshon bya rnams ni 'gom mi bya ba ni rdo rje dril bu la sogs pa lha'i phyag mtshan du gyur pa rnams te/ nang don du rigs lnga'i cha shas kyi rtags dang ldan pa'i rnal 'byor pa la'o/ /rdo rje spun la sogs pa dang rig ma bde chen brgyad dag /dam tshig can la khro mi bya/ /zhes bsrung ba'i dam tshig la gnas par bya ba bstan to/ /da ni brtul zhugs kyi spyod pa ji ltar spyod pa bstan pa la/ mtshan mo rtag par nam mkha'i gos ni rnal 'byor pa dang rig ma dag dur khrod du rgyu zhing gcer bur bya ba'o/ /gnag dang dmar bar rtags bsgyur bya ba lus rnal ma mi shes par bya ba'i don du'o//nang don du dpal he ru ka dang rdo rje rnal 'byor ma'i nga rgyal du bya ba'o/ /gos kyi bye brag ji ltar bgo ba ni/ srog chags yan lag las byung gyon/ /zhes pa glang chen zhing lpags stod g.yogs snam sbyar/ smad la dur khrod ras dang stag gi sham thabs dang ldan pa'i byin gyis brlabs pa'i gos 'chang ba'o//bde ba 'dod pas bde thob 'gyur ba ni/ zag bcas kyi bde ba la brten nas zag med ye shes kyi bde ba dam pa thob pa'o/ /da ni phyag rgya drug gi rgyan 'chang bas rgyas gdab pa bstan pa'i phyir/phyi rol pas btags pa'i phyir/ mchod phyir thogs pa ni yongs spangs gtsang zhes pa/ dpal bde chen ye shes kyi rgyan tshangs skud bsgril ma 'chang bas A li kA lis brgyan pa'o/ /shrI he ru kas byin gyis brlab pa ni/ rigs drug pa'i bdag nyid kyis so/ /phyag rgya lnga dang yang dag ldan ni dpal rdo rje rnal 'byor ma la drug pa thal chen gyis byug pa med de/rigs lngas rgyas gdab pa nyid do/ /lam bsgom pa'i dus su ni sngags brjod pa nyid rgyan du 'gyur bas yang dus kun du spros bcas la sogs par de dag thams cad du ni yang dag spyad pa rgyan sngags dang lha'i rgyas gdab mtshon pa'o//da ni dpa' bo'i phyag rgya drug bstan pa'i phyir/ mgul rgyan ni rdo rje rnal 'byor ma'i rtsa ba'i sngags kyis tshul khrims kyi pha rol tu phyin pa/ gdu bu dang dpung rgyan dpa' bo lnga'i go cha'i sngags kyis sbyin pa/ rna ba'i rgyan ni he ru ka'i nye ba'i snying pos bzod pa/spyi bor 'khor los rnam par brgyan pa thod pa lnga dang ldan pa ni rdo rje rnam snang mdzad mas brtson 'grus tshangs pa'i skud pa ni thogs med ldan te/ dpa' bo nyi shu rtsa bzhi'i rtsa sngags kyis so mo do ste sna tshogs nor bu'i do shal 'chang bas te zhabs gdub dang bcas pa'o/ /ska rags 'og pag sil sil sgra sgrogs pa ni/rnal 'byor ma go cha'i sngags kyis bsam gtan no/ /mgo bo'i phreng bas mgul du dpyangs pa ni/ bdud ris bsgral ba'i thod pa rlon pa lnga bcu'i phreng ba ste/ shrI he ru ka'i snying pos byin gyis brlabs pa'o/ /dpa' bo'i lus thal chen gyis khyab par byug pa ni/dpal rdo rje sems dpas shes rab kyi pha rol tu phyin pa dang ldan pa'o/ /rdo rje ni sgo gsum lha'i nga rgyal lo/ /thod pa ni mchod yon snod do / kha T+wAM ga ni lha sku sgyu ma mtshon pa'o/ /Da ma ru dang ldan pa ni chos sgra'o/ /hUM sgra sgrogs pa ni bdud tshogs zil gyis gnon par mdzad pa'o//dus kun du ni rnam par gnas pa ni/ thog ma bar dang tha ma kun du rig pa brtul zhugs kyi spyod pa ste/ oM shrI sarba ta thA ga ta dz+nyA na ku las muts+tsha badzra a d+hiSh+Tha na sa ma ya s+t+wA ces thams cad bde chen ye shes gcig pa'i ngo bor sdom pa'o/ /mtshan mo rtag par gsal bya zhing ni dur khrod la sogs par rgyu bar mos pa bya ba rje btsun mas byin gyis brlabs pa'o//nyin par gsal ba nyid du bya ba dpal he ru ka'i nga rgyal dang ldan pas dus byin gyis brlabs pa rnam dag bstan pa'o/ /dpa' bo rnal 'byor go chas brgyan/ /zhes pa ni thabs kyi go cha/ shes rab kyi go cha/go cha chen po dag gis rab tu brgyan par 'gyur ba'o/ /des brtul zhugs kyi spyod pa'i de kho na nyid bstan cing / da ni bden pa gnyis dag pa'i don la/ dbye ba'i ye shes shin tu sbas/ /zhes smos te/ 'jug pa kun rdzob kyi ye shes las ldog pa don dam pa'i ye shes/ dag pa 'jig rten pa las/dpe don gyis byed pas lhan cig skyes pa'i ye shes ngos gzung ba bstan te/ de ni ye shes yongs su dag pa'i lam bstan par bya ba'i phyir/ gtsang sbra gsum du shes bya zhig zhes smos te/ 'di la thun mong ba dang khyad par ba gnyis las/ dang po ni thun mong gi gtsang sbra bya ba dang /spyod pa'i rgyud bzhin du rnam par gnas pa ni/ nye reg dang mthor 'thung la sogs pa lhar mos pa tsam dang rig sngags kyi bzlas brjod tsam gyis gang zag gi lus ngag yid dag par byed pa yin la/ rnal 'byor gyi rgyud bzhin du lce dang lag pa byin gyis brlab pa nas sgo gsum nus pa mthu ldan du byin gyis rlob pa dang /go bgo zhing bka' nan bcing ba la sogs pas dag par byed pa'o/ /khyad par gsang ba bla na med pa'i rgyud 'di nyid bzhin lha dang ye shes gnyis med lhan cig skyes pa'i rnam par gnas pas/ thabs shes rab gnyis med kyi bde ba bsgrub pa'i don gyis bde stong dang ma bral bar spyod pas ye shes la gnas par bya ba'o//rigs dang ni zhes rang rig gi nang don gyi lha dang sngags las byung ba dang / rigs min te gzhan pa'i lha phyi'i sngags las byung ba'i yul spang blang gi ngor mi blta bar thams cad gsang chen rigs gcig tu gnas par bya'o//pho nya'i gtsang sbra dang po yin/ /zhes pa la don khyad par du byed pa la bzhi ste/ bum dbang lha'i rnal 'byor gyi pho nya dang / gsang dbang bdag byin gyis brlab pa'i pho nya dang / dbang gsum pa rang rig pa'i pho nya dang / bzhi pa rang rig pa'i skyes bu ye shes kyi pho nya bstan pa'o//gnyis pa zhi ba'i btung ba yin/ /zhes pa dang pos lha dbang bskur bas dag byed btung ba/ gnyis pas 'chi med bdud rtsi myang ba/ gsum pas bde chen ro mnyam du btung ba/ bzhi pas spros med 'od gsal du btung bar bya'o/ /snod gcig tu ni za ba ni//zhes pas dang pos snang stong gnyis med ro mnyam du za ba/ gnyis pas gsal stong gnyis med ro mnyam du za ba/ gsum pas bde stong gnyis med ro mnyam du za ba/ bzhi pas dngos po dang dngos med thams cad phyag rgya chen po lhan cig skyes pa'i ngang du za ba'o/ /des nyams rtog gnyis med du spyad pa'o//gtsang sbra bzhi pa yin par bshad/ /ces pa rnal 'byor pa'i sgo gsum sbyang ba'i don du grangs dang go rims nges pa'o/ /de ni de kho na nyid rnam dag gsang ba'i spyod pa bstan pa'i phyir/ /rnal 'byor pas rtag par ni mnyam gzhag mnyam langs kyi dus rnam dag la gnas la dri mas ma gos par spyod pa'o//gtsang sbra 'di dag rab bskyangs pas/ /zhes pa nas/ rigs skyes chos ldan rgyal por 'gyur/ /zhes pa'i bar du lam la bslab pa'i yon tan dang / spyod pa'i khyad par gyi gnas skabs dang mthar thug gi yon tan 'byung ba bstan pa dang / lam gyi khyad par gyi rim pa gsang ba grub cing ye shes 'thob tshul dang /gsang chen gyi spyod pa la gnas pa'i nus pa thob la/ sa lam bgrod tshul gyis mngon du 'gyur ba ston pa'o/ /de nyid spyod pa'i brtul zhugs dang ldan pas gtsang sbra'i don bstan nas/ de ltar rtag tu mchod byas nas/ des zhi ba'i btung ba bde chen ye shes su'o//bza' bca' btung la sogs ldan pas/ /zhes gang du rnal 'byor pa dam tshig 'dus pa'i tshogs la/ tshogs kyi mchod pas mnyes par bya ba la/ bdag nyid sangs rgyas kun sogs mchod ni bdag nyid dang grogs dag dang bcas pas dkyil 'khor ba'i lha'i rnal 'byor dang ldan pas phyi nang de kho na nyid kyi rim pas mnyes par bya ba bstan to//de yang tshogs sog pa phyi rol mchod pa maN+Dal tshom bu bkod pa dang / zheng skyong gi maN+Dal dang / DA ka'i maN+Dal/ bla ma mchod pa sta/ ci 'byor pa'i rdzas rim par bshams la lag mchod bya zhing / dad pa yis ni gtor ma dbul//zhes pas dang por 'jig rten las 'das pa'i dkyil 'khor ba la dbul ba'o/ /gnyis pa DA ki'i tshogs dang zhing skyong rnams la/ gsum pa chos skyong la sogs pa dur khrod na gnas pa thams cad la dbul bar bya ba ste/ de ltar yang / gru gsum dkyil 'khor du ni dgod//dmar po me tog spos tshogs kyis/ /bdud rtsi lnga yi khyad par las/ /'byung po 'dul byed he ru kas/ /byin rlabs khyad par ldan pa yis/ /sngon bzhin dam tshig dgug bstim gyis/ /gnyis med gnas la legs mchod do/ /oM shing gcig dang ni dur khrod dang //ri bo brag dang phug rnams la/ /bzhi mdo dang ni lam srang zhing / /lha khang khyad par khyim stong gnas/ /bas mtha' chu dang thang stong dang / /sa steng gdol ba'i khyim gnas sogs/ /nag po drag po drag chan po/ /lha sbyin ma rungs mnyam rten dang / /nag po gtsigs pa 'jigs ston pa//dga' ba las 'das bgegs rgyal po/ /rgan byed ma dang drag mo dang / /'jigs byed ma dang u mas bstod/ /rgyal mo rnam par rgyal mo dang / /thub byed gzhan gyis mi thub ma/ /nag po bzang mo nag chen mo/ /nag sbom sngo bsangs rnal 'byor ma/ /dga' byed ma dang za byed ma//drag mo sdang byed lam pa ki /'phrog byed ma dang mar me ma/ /'joms byed yul gnas rnal 'byor ma/ /drag po'i gzugs dang gzugs chen mo/ /mche ba gtsigs dang thod can ma/ /thod phreng mgo bo'i phreng can ma/ /kha T+wAM ga ma rdzu 'phrul che/ /ral gri dgra sta lag 'dzin dang //rdo rje de bzhin gzhu lag can/ /mkha' 'gro lnga yi bdag nyid che/ /las kun rjes su sgrub byed pa'i/ /sbyor ba'i dkyil 'khor rgyal po che/ /rdo rje dbang phyug de bzhin gtso/ /de bzhin gshegs pa'i sku chen po/ /gos med sbyor ba skyed byed ma/ /rdo rje dbang phyug ma bka' yis//rdo rje khro bo khro bo che/ /rab tu 'bar ba 'jigs pa'i tshogs/ /byang chub sems kyis rtogs mdzad ma/ /rdo rje sems dpa'i dngos grub ldan/ /gus pas bdag la bka' drin skyobs/ /rdo rje dril bu mngon bsgrags nas/ /bstod pa 'di yis nye bar mchod/ /ces pas bskul bar bya ba'o//de nas lha tshogs de dag la phrin las bcol ba ni rang 'dod pa'i las rnams la zhes mngon par 'dod don gsol ba gdab pa'o/ /ji ltar cho ga'i sbyor ba yis/ /zhes pa ni dang por bla ma mchod pa/ de nas dkyil 'khor pa la rig ma lha mo bcu drug la sogs pas mchod bstod cing sdig pa bshags pa la sogs pa bya ba'o//de nas dpal he ru ka dang rje btsun ma'i snying po nye snying / mchod sngags yab yum tha dad pa'i sngags kyis dang / phreng sngags dang / rtsa ba'i rkang pa brgyad pa'i dang / thugs gsung sku'i 'khor lo'i rtsa sngags dang / dam tshig 'khor los kyang ngo //yum rje btsun ma'i rtsa sngags ring po dang bcas pas mchod par bya'o/ /de nas dkyil 'khor pa la gsol ba gdab cing / lha dang bla ma DA ki thams cad las 'od zer du ma dang / gnyis med sbyor ba las byung ba'i bdud rtsi 'bab pa bdag nyid la bstim mo/ /dus ni mtshan mo ste spyod lam ni sgrub po skra grol zhing gcer bur gyur pas lha'i rnal 'byor brtul zhugs can gyis gtor ma sbyin zhes so//dad pas ci 'dod dbul bar bya ba las dang dngos grub gsol bar byed pa'o/ /dus rgyun du'am/ phun sum tshogs pa'i khyad par ni mar gyi ngo'i tshes bcu dang bcu bzhi la sgrib pa 'dag par byed la/zla ba yar ngo'i gang 'gyur la/ /zhes bsod nams dang ye shes kyi tshogs rdzogs par 'gyur bas/ dpa' bo dang rnal 'byor ma rnams 'du ba'i dus kyi nges pa nyid las sgrub pa pos myur du 'bad pas zhes brtson 'grus dang ldan pas mchod bya ste zhes phyi nang de kho na nyid kyis so/ / rdo rje ni dpal he ru ka thabs kyi ngo bo lha mo ni rdo rje btsun mo la sogs pas te myos byed ma da nang gis/ /zhes stobs ster ba ba la zhes so/ /der 'dus pa'i skye bo rnams kyis bla ma dang lhag pa'i lha tha mi dad pa la mchod pa bya zhing / /dkyil 'khor ba'i ye shes gshegs dam tshig rang la bsdus la yi ge brgya ba brjod par bya ba'o//mthar bsngo zhing smon lam gdab par bya ba ni/ he ru ka dpal mngon dga' ba'i/ /zhes ngo bo nyid kyis dkyil 'khor ba'i lha tshogs dag pa'i zhing na gnas pa rnams so/ /mgu ba'i sems mchog dag dang ni lhan cig skyes pa dang zhing skyes la sogs pa dgyes par 'gyur ba'i don gyis//de rnams lag nas mi 'phrogs mchog ni gnas zhes yon tan dngos grub nus pa thob pa ni gzhan 'byung pos glags mi rnyed pa'i don to/ /de las phan yon bla na med pa ni/ shrI he ru ka'i bdag nyid ni rnal 'byor pa dang tha mi dad par gyur pa'i sbyor bas ma mo rnams mnyes 'gyur gnas sum cu rtsa gnyis na gnas pa'i DA ki ma rnams dang zhing skyong la sogs pa rnams dgyes par 'gyur ba zhes pa'i don to//da ni le'u'i mtshan bstan pa la/ spyod pa ni spros bcas sogs/ brtul zhugs ni dpa' bo'i ston mo la sogs pa/ mchod pa phyi nang gsang ba de nyid do/ / gtor ma'i cho ga ni 'jig rten pa dang 'das pa la dbul lo/ /le'u nyer bdun pa'i rnam par bshad pa'o// //da ni rang bzhin gyi don bla na med pa'i dgongs pa'i ye shes bsgrub pa'i gsang ba bstan pa la/ de nas zhes pa la sogs pa smos te/ mchod pa rnam dag dngos ni thabs shes rab dbyer med ye shes bde chen du'o//mya ngan 'das par nges 'byung nyid ni chos kyi dbyings las sems can gyi don du longs sku dang sprul sku'i dkyil 'khor gyi lha tshogs byon nas so/ /de bzhin dpa' bo dang rnal 'byor ma'i bdag nyid/ /shrI he ru ka'i nga rgyal du gnas pa la mchod pa bya ba nyid rnam grangs sgo du ma nas so//sprul pa las byung dpa' bo rnams ni dkyil 'khor ba rnams thams cad do/ /des mdor bstan nas rgyas par bshad pa la/ rnal 'byor pa nyid lha tshogs thams cad tshad med pa'i sgo nas mchod par bya ba ste/ sangs rgyas kun sogs sras bcas ni phung po khams dang skye mched kyi rang bzhin rnams la'o//rdo rje'i lus kyi dkyil 'khor la bstan pa ni lha'i gzhal yas khang rang chas so/ /de dag lha'i pho brang dang g.yo ba ni gong gi dpa' bo byang sems khams dag pa'i cha kun dang rnal 'byor ma ni rtsa gnas su pu dzA sogs yi ge'i cha shas/ /yang 'phel 'grib byed pa'i thig le'o//zla ba nyi ma 'dus legs gnas ni lus kyi g.yon la dkar cha 'phel la/ g.yas la nag po'i phyogs dmar char 'phel ba/ gnyi ga yang kun 'dar du thabs shes rab zab pa bde chen du gnas pas zung 'jug tu'o/ /spun ni srog rtsol sdug gu ni 'byung 'jug gnas pa mchod pa'o zhes pa rlung sems 'dres pa'i thig le 'khor lo dag tu'o//gsang chen gzhan la mi bstan pa ni las kyi spyod pas 'brel pa la gsang ba gang zag dman pa la mi sbyin zhing dbang po rigs dang mi ldan pa la gsang ba'o/ /gang skal ldan rjes su gzung bar bya ba las/ yang rigs ldan bsten par bya ba yon tan bsgrub pa/dkyil 'khor 'khor lo'i sgo nas grub pa kun du spyod pa ste/ rnal 'byor ma'i dam tshig g.yon pa kun spyod la gnas par bya'o/ /rigs kyi zhen pa spang bas mchod pa/ sha lnga la brten pa'i nang gi sbyin sreg de kho na nyid kyi mchod pa bstan/ kun+da lta bu'i byang sems mi nyams par bya ba/'di nyid gsang ba mi 'gyur bar gdams pas/ rnam par mi rtog pa'i don gyis lam grub pa khyad par du gdams pa'o/ /gzhung nye bar bsdu ba ni/ bla ma'i man ngag la dga' zhing ni gong du bstan pa'i lam gyi rim pa la brten pas nyams myong mchog skye bas na/ de'i don ni mchog mtshungs pa'o//zhes spyod pa dang grol ba bla na med pa'i thob pa nyid do/ /da ni le'u'i mtshan bstan pa/ nang gi sbyin sreg ni tsaN+Da lI dang pho nya'i lam mo/ /rigs dang ldan pa'i cho ga ni spyod pa dang rjes su 'brel pa'i don gsang chen grub pa bstan pa'o/ /le'u nyer brgyad pa'i rnam par bshad pa'o// //dpal ldan phyag rgya chen po mi phyed mchog gi shes rab mtshan nyid don rtags shes 'gyur mi 'da' ba/ /ro rkyang kun 'dar bdag po rig pa me lce 'bar ba blo mig gis te yul ni dmar ser nyid/ /rtsa ni 'jam rtsub spu ni sgra gcan a ba d+hU tIr lam byed yon tan dbang las te/ /srog rtsol 'gog par bzlas pa brtul zhugs ting 'dzin lam mchog las//phyi nang mkha' 'gro zhu bde gcig gyur de las mchog thob rtsa ba yan lag snying po nye snying don kun stsol/ /bdud bzhi 'joms byed 'chi med yan lag bde ba gzhan du rnyed mi 'gyur/ /zhes pa'i don to/ /de nyid las rnal 'byor pas rim pa gnyis kyi ting nge 'dzin la gnas pas/rigs dang rjes su mthun pa'i rig ma dang / lhan cig tu bde ba chen po la rol pa'i spyod pa spyad pa las/ de yang spros bcas pas 'dod pa'i yon tan la rol pa rgyas pa dang / spros med pas bsdus pa'i spyod pa lha mo lnga'am/ shin tu spros pa med pas lha mo gcig dang rol pa'i spyod pas sbyor thabs dga' ba bcu drug skyes pa'i rten dang /sbyor thabs kyi dbye ba du ma'i sgo nas lhan cig skyes pa'i ye shes dngos su 'char ba'i thabs la 'bad pa ste rig ma'i rnam pa'i khyad par rtogs par bya ba'i phyir/ de nas gzhan yang gsang ba bstan pa/pho nya'i mtshan nyid rigs rnams te/ /zhes smos te/ rig ma'i mtshan nyid ni lo grangs dang ngang tshul dang spyod lam la rdo rje'i rigs mchog tu shis la/ rigs gzhan pa yang gzung du rung ngo / /dam tshig la ngo bo nyid kyis gnas pa byang chub sems kyi ngang las mkha' 'gro kun du spyod pa mar gyur pa'o//de yang gang zag des gang gis zhes khyad par du rigs ldan gsang ba'i lam la gnas pa'i don shes par gyur pa'o/ /des mdor bstan nas rgyas par bshad pa la/ rnal 'byor pa la yul nye bar spyod pa bstan pa ni/ ming po ni shin tu rtse bas kun nas bslang ba'o/ /yang na pha ni bskyed bya bskyed byed du dmigs pas nye bar gyur pa'i bdag po ni lhan cig tu dmigs pas 'du 'bral med par blta bas/tshogs pa'i skad cig la ye shes de nyid du sbyor ba skad cig la ye shes mthong bas yon tan skye ba la phyogs pa'o/ /'dir rig ma rdo rje'i rigs bye brag tu bstan pa'i phyir/lus kyi khyad par/ /lce sbom ni ljags zlum pa ring ba mig ni dmar ser la zhes 'ug pa'i ltar 'dug pa yangs shing dkyus ring ba/ skra ni rtsub cing gnag la lus kyi ba spu thams cad dmar ser gyen du langs pa'am 'khyil ba yin te/ yon tan dang ldan pa'o/ /dngos grub ni mchog mngon du byed cing /thun mong grub pa ral gri ro langs bum pa rkang mgyogs gser 'gyur bcud len mi snang ba nam mkhar 'gro ba kun shugs las grub pa ste/ thun mong ni sngags skyes su'o/ /brtul zhugs ni lhag pa'i nga rgyal du gnas pa ste/ bzlas pa'i snying po nye snying bzhi po la sogs pa'o/ /de dag la dga' ba ni dbang thob nas dus rgyun du yid la byed pa'o//dran pa dang ni yang dag ldan/ /zhes pa lus dran pa nye bar gzhag pa rang lus lha skur ro/ /tshor ba ni bde ba la gnas pa chos ni bde ba la stong pas rgyas btab pas ye shes ngang du'o/ /sems ni gnyis med rang grol skye med spros pa med pa nyid du gnas pa yang dag pa'i don dran pa'o//pho nya mo sogs ni lhan skyes/ zhing skyes dam tshig las sngags skyes so/ /yang na rnal 'byor ma'i rigs bdun po dag go/ /gnas dang bcas ni phyi'i gnas sa 'og sa steng sa bla ba'i gnas so/ /nang du lus kyi gnas nyi shu rtsa bzhi la sogs par gnas nas dpa' bo dang lhan cig bcas pa rnams so//der rnal 'byor pas rdo rje'i lus la brten nas gnad bcings pas/ rlung drag tu chun pas rtsa yi ge pu dzA o a la sogs pa la gnad du bsnun pas/ rlung sems gcig tu 'dres pas lus gnad rtsa'i mkha' 'gro ma thams cad yi ge'i rnam par dbang du 'dus 'byung ba bzhi rlung mA ma kI sogs phrin las la dbang byed pas gsang sngags lam du byas/thig le byang chub sems bde ba skye ba'i tshul du kun 'dar du byang sems dkar dmar gnyis med du dbang byas pas dpa' bo dang rnal 'byor ma thams cad sgrub pa po'i bka' nyan cing 'dun par byed do//der rlung las su rung bas phyi nang gi rlung gnyis 'dres te dang por drod skye/ de las bde ba/ de las rnam par mi rtog pa'i ting nge 'dzin skye ste/ lus mgo zhabs thams cad khyab par bde ba mi bzod pa 'char/ de yang nang gnas gsum gyi rnal 'byor ma rnams rtsa'i rnam par bzhugs pa dang /dpa' bo rnams so so'i khams byang chub kyi sems kyi thig le rgyas shing 'bar bas/ spyod dang grol ba'i 'bras rab ster/ /zhes der drod dang bde ba mi rtog pa'i ye shes rten cing 'brel bar 'byung ba 'char ba yang / rnal 'byor ma dang dpa' bo thabs shes rab gnyis med kyis rang byin gyis brlabs pa ste/phyi nang gi rten 'brel rang 'grig tu 'ong ste/ bde stong ro gcig pa'i ye shes rnal ma dus de tsam na 'byung / /spyod pa yang 'jig rten chos brgyad zil gyis gnon pa bu chung ltar zhen pa med pa'i ngang las rnam par grol ba'i 'bras bu rab tu thob pa nyid kyis gzhan gyi ma dad pa zlog nus//sngags kyi nus pa thog lta bu thogs pa med par 'byung ba'o/ /de las mngon par 'dod pa'i don 'bras bu bla na med pa kun sgrub byed pa'o/ /rig sngags kyi snying po nyid yin te/ rtsa ba'i sngags ni rtag tu zlos/ /zhes pas dpal he ru ka'i snying po'i sngags la/ oM ka ra ka ra la sogs pa rnams thun bzhi la sogs par bsnyen pa byed pa'o/ /de yang rtsa ba zhes yon tan ma lus pa'i 'byung gnas shes pas skyob pa dang / yid skyob par byed pa'i don to/ /de yang lha'i rnal 'byor dus ni khyogs lta bu dang / mgal me'i 'khor lo ltar dang / mda'i shugs lta bu la sogs par bzlas la/de kho na nyid kyi mchod pa ltar na bde ba chen po nyams su myong ba'i shes rab kyi pad+mar gnas pa'i rdo rje bum pa'i cha las sngags kyi rnam pa mu tig gi rnam pa lta bu la phreng ba ltar dmigs par bya ba nyid do/ /bdud kun rab tu zhi bar byed/ /ces pa ni lha'i bu'i bdud g.yang ba la spros pa med pas zhi/phung po'i bdud sgyu ma rmi lam ltar gyur pas zhi/ 'chi bdag gi chos thams cad skye 'gag med par rtogs pas zhi/ nyon mongs pa ni thams cad 'od gsal bde ba chen por gyur pas rab tu zhi bar gyur pa ste/ shin tu rab tu zhi bar gyur pa nyid do/ /rgyu dang mi rgyu ni brtan g.yo ma lus pa gzhal yas khang dang lha'i dkyil 'khor du snang ba'i 'jig rten srid pa gsum thams cad kyi yon tan la dbang phyug tu gyur ba'o//de dag gi nus pa bla na med pa thob pa'i rnal 'byor rol pas ni/ phyag rgya chen po gsang ba mi 'gyur 'bras rab ster ba ni gsang chen grub pa mngon du 'gyur ba'o//dngos grub kun gyi 'byung gnas ni gsang sngags 'di las te/ las dang dngos grub ma lus pa 'byung 'jug gnas pa gang zag gi rgyud la 'char ba nus pa mngon du 'byung bar bstan pa yin no/ /phyag rgya'i khyad par gyi sgo nas yon tan thob par bstan pa'i phyir/ /sngags dang phyag rgyar yang dag ldan//zhes pa las kyi phyag rgya gsang ba'i sngags kyi bde ba dang yang dag par ldan/ /chos kyi phyag rgya rig sngags lha'i rnal 'byor snang ba rigs kyi dkyil 'khor ldan/ phyag rgya chen po gzungs sngags 'dzin cing sdom pa'i bdag nyid kyis stong pa nyid kyi ye shes dang yang dag ldan/ dam tshig phyag rgya dbyer med ye shes mi 'gyur ba sngags sa bon srog lta bu mi phyed pa'i don dang yang dag ldan pa'o/ /sgrub pa po ni dngos grub brtson pa ni/ 'jug bsam bsgom bsam las dbang po'i khyad par gyis gzugs sgra la sogs pa yul dang dbang po thabs shes rab gnyis med du gnas pas 'bad pa'o//yang ldog pa'i sgo nas phyag rgya bzhi lam du bya ba med na yon tan mi 'byung bar bstan pa'i phyir/ /phyag rgya dang bral gsang sngags ni/ /zhes pa gong ma'i phyag rgya bzhi'i sngags dang mi ldan na yon tan thob pa la ring du 'gyur ba'i don du/ lus can rnams la byin mi rlob/ / ces pa dam tshig la gnas pa dang / ye shes lhun gyis grub pa'i DA ki rnams kyis dngos grub mi ster ba'o/ /da ni spyod pa bya ba'i dus nges pa can du bya ba ni/ ji srid dro ba'i bya ba dag /shin tu sbyor bas rtogs par bya/ /zhes smos te bskyed pa'i rim pa'i dus su gzhan don gtsor dmigs la/ rnam pa snying rjes yul phyi rol snang ba ltar gsal ba/snang ba'i ye shes drod thob pa dang / /bdag don la dmigs pa byams pas rang gi lus lhar gsal ba las snang ba mched pa rtse mo dang / bdag gzhan gnyis ka'i don la dmigs nas rnam pa byang chub sems kyi kun bslang ste brtan g.yo thams cad lha dang gzhal yas khang du 'char ba snang ba thob pa'i ting nge 'dzin gyis bzod pa thob pas stong pa nyid kyi ye shes mngon du byed pa la skrag pa mi skye ba'o//de dag byams snying rje byang chub kyi sems ro mnyam par gyur bas dmigs pa zhi gnas kyi sems las rnam pa 'jig rten chos mchog dang gzhal yas khang dbyer med/snang ba nye bar thob pa'i ye shes stong pa nyid nyams su myong bas yul dang yul can thams cad lha dang lha mo'i rang bzhin du rnam par dag par gyur pas/ rnam shes kyi las 'grub pas rig pa 'dzin pa'i dngos grub 'grub pa'o/ /rdzogs pa'i rim par bdag 'dzin gyi rtog pa dag pas rnam par thar pa'i sgo stong pa nyid sems can la dmigs pa'i snying rjes drod snang ba gsal ba'i ye shes rgyud la 'char ba dang /gzhan 'dzin gyi rtog pa dag pas rnam par thar pa'i sgo mtshan ma med pa thob pas chos la dmigs pa'i snying rjes snang ba mched pa rtse mo'i ye shes bde bar 'char ba dang /bdag gzhan gnyis kar 'dzin pa'i rtog pa rnam par dag pas rnam par thar pa'i sgo smon pa med pa thob pas dmigs pa med pa'i snying rje dang ldan pas snang ba thob pa'i ye shes bzod pa mi rtog pa'i ting nge 'dzin dang / yang bdag gzhan tha dad par rtog pa rnam par dag pas rnam par thar pa'i sgo mngon du bya ba med pa'i ngang las ye shes chen po yang dag pa'i snying rjes snang ba nye bar thob pa stong pa bzhi la/bde gsal mi rtog pa tshogs pa gcig pa'i zhi gnas rtse gcig pa'i bsam gtan gyis chos mchog thams cad stong pa 'od gsal 'char bas na ye shes kyi las khyad par du 'grub pa'o//de la 'dod pa'i yon tan lam du khyer bar bstan pa'i phyir/ /'dod pa'i don kun sgrub byed pa'i/ /zhes pa'i don las phyi rol gzugs sgra la sogs pa thams cad sgyu ma lta bu la/ sna tshogs bde bar 'char bar bstan pa la/ 'ga' zhig gis thub pas gsungs pa/ 'dod pa ni dug gi lo ma lta bu//sbrul gyi mgo dang / me tog kim+pa lta bu la sogs pas dgag byar bsten pa ma yin nam zhe na/ byang chub sems dpa'i theg pas kyang thams cad sems snang rmi lam ltar rtogs la/ gsang chen pos dug la sngags kyis btab pa ltar rang bzhin med par rtogs pas thams cad bde bar 'char zhing zug rngu med pas yul dang dbang po thabs shes rab gnyis med du sbyor bas nges par 'grub pa'i don to//rnal 'byor cha ni rim pa gnyis la goms par byed pa'i gang zag la gang zhig sdang ba ni chos dang gang zag la brnyas par byed pa gang yin pa/bde bar gshegs pas shin tu rnam grangs du mar smad cing lam las gol bar bstan pa yang / khyi yi skye gnas brgyar skyes te/ /sme sha can du skye bar 'gyur/ /zhes gsungs pa'i don to/ /gzhan yang lam brtag pa nyan thos dang rang rgyal ba la sogs pa'i brtul zhugs dka' thub dang /yang dus gsum du khrus dang gos brje ba la sogs pa yang lam dman pa ste/ dper na la la mar 'dod pa las log pas gnas skabs kyi phan bde phra mo 'byung ba srid pa tsam mo/ /theg pa chen po'i rtags tsam 'dzin cing mchod par byed pa bdag dang lha tha dad du lta ba dag kyang gnas skabs kyi nye bar mkho ba 'tsho zhing skyod par byed pa'i thabs du ma'i sgo nas thams cad mkhyen pa'i rgyu tsam du gyur pas/phyi rol don rnal 'byor gzhan la brten pa zhes phyi rol gyi lhas bdag la dngos grub ster bar 'dod pa de dag kyang tha dad du gnas pa'i phyir/ de bzhin don med 'gyur zhes dgag byar bstan pa'o//de las gsang ba mchog la gnas pa'i gang zag gang gis spyod yul gyi khyad par byin gyis brlabs pas khyad par du bstan pa'i phyir/ rnal 'byor chu mchog ni dpal he ru ka'i brtul zhugs dang ldan pas dpa' bo zhes bya'o/ /yul phyogs ni nye bar spyad pa bla na med pa ste/ gang na gnas gyur pa ni sku bltams pa dang rol pa bsten pa gang du bzhugs pa thams cad kun gyis mchod pa'i gnas su gyur pa nyid do//gang du rigs ngan pa dang / kla klo'i skye bo gnas pa'i sa yin na yang / yul de yongs su brtags pa yin/ /zhes yon tan gyi 'byung gnas su rig par bya'o/ / sems can yongs su gzung ba'i phyir/ der ni nga yang rtag par gnas/ /zhes dpal he ru kas 'gro ba'i don du sku gsung thugs rdo rje 'gyur ba med pa bde ba chen po'i ngang du/ gtsang ba/ rtag pa/ bde ba/ yon tan bla na med pa'i pha rol du son pas gnas pa'o zhes pa'i don to/ /le'u nyer dgu pa'i rnam par bshad pa'o// //da ni khro bo'i rgyal po hUM mdzad kyi bka'i 'khor los bar chad rnam par bsrung ba'i don du bstan pa na/ dkyil 'khor rig byed me yis gnas pa dag la gnas dang bya ba thabs bcas bsgrub pa'i cho ga ste/ /de las khyad par gyur pa'i che mchog he ru ka dpal rig byed zhal can gtso gyur 'khor lo bkod pa'am//rdo rje hUM mdzad zhal ni chu bo klu yi phyag ldan dag pa phyogs skyong 'dul bar mdzad pa ni/ /khro bo rnams ni me zhal ro ldan gdengs ka las kyang steng 'og sbyor ba las byung yongs su gnas/ /gsang sngags de nyid 'od zer bcas las yi ge khro mo rig byed me ste lugs 'byung dag gis bskor ba yang / / rig byed me ldan dag gis khro bos bdud 'dul bgegs tshogs ma lus kun las rnam rgyal dri med snying po thob/ /'dir ni lam gyi chos thams cad kyi sngon du 'gro bas byams pa snying rje byang chub sems la blo sbyang bar byas nas gsang chen gyi lam 'dir khyad par gyi srung ba bstan par bya ba ni/ de nas gzhan yang bshad bya ba ni bdag gzhan thams cad kyi don du'o//shin tu rnyed dka' ni bya ba'i rgyud la sogs par ma bstan pa'o/ /'god pa ni sde tshan rnams gsal bar bri ba'o/ /gang zhig shes pa tsam gyis ni ting nge 'dzin dang 'khrul 'khor gyi sbyor ba nyid do/ /myur du dngos grub byed pa ni las chen bcu gnyis la sogs pa las rab 'byams du ma grub pa bla na med pa'o//des mdor bstan nas/ da ni rgyas par bshad pa la/ dang por gnas phun sum tshogs pa bstan pa ni/ sa'i cha mnyam yid 'ong maN+Dal legs par byas pas sbyang ba'o/ /der ba'i gci ba sa la ma lhung ba dang rnam lnga ste/tsan+dan gyis ni nye bar bsku/ /dri bzang dri ldan sa la ni/ /zhes pas byug pa lag pa g.yon pas bya ba'o/ /der mchod pa'i tshogs bsham pa me tog sil ma gcal bkram zhing / spos kyi dris ni nyams dgar bya/ /zhes gtor ma dang tshogs kyi mchod pa dang ldan pas/ bdag gi bya ba ni lhag pa'i lha'i rnal 'byor sgo gsum dag pa'i rnal 'byor khyad par kun byas shing ni go cha bgo ba la sogs pa'o//phyogs bcing ba ni rdo rje'i sa gzhi dang rdo rje'i ra ba dang / rdo rje'i gur dang bla re dag bsam zhing / rdo rje'i ra ba phyi ma'i bar der nyi ma'i dkyil 'khor bcu'i steng du hUM bcu 'phros pa las khro bo yab yum bcu gsal bar blta/de nas bgegs bkug pa la phur bus gdab cing brdung ba la sogs pa byas nas mthar me 'od 'bar bas 'khrigs par blta'o/ /de nas yi ge bsdu ba'i gzhi bstan pa rdza rnga bcing bya ste ni kha bzhi pa'am kha gnyis pa'i rnam pa byas la/ ri mo gsum pa ni war+Na ba ste gsum pa'i ri mo gsum gsum dgu bri ba yongs su zlum por bskor ba ni tha ma'o/ /yi ge phyi mo ni a ka tsa Ta ta pa ya sha ste/ de las byung ba'i sde ni dbyangs dang gsal byed rnams te dgod par bya ba ni/ thabs shes rab kyi cha ldan no/ /der gnas pa las ni re mig bzhi bcu zhe dgu'o//dpa' bo ni dpal he ru kas sngon bdud btul ba'i dus su zhal bzhi nas phyung ba'o/ /'dod pa'i don ni las dang dngos grub de nyid sgrub byed btu ba ni A li kA li las so/ /rim bzhin 'byung ni a nas bgrang ba'i don/ rim min pas ni ha sa nas mas bgrang ba'o/ /dbyangs dang ni A li bcu drug yi ge ni gsal byed sgrub pa pos ni mngon par rtogs pa ldan pa'o//thub pas de lha'i grangs gyur las/ /zhes kA li'i sde tshan bdun no/ /btu ba dngos la/ re mig sum cu gnyis pa blang / /zhes pa nas mtha' ru sbyar yan chad kyis btu ba rgyas par bshad pa'o/ /gsang ba nye bar gdams pa ni rigs rgyal ni bdud las so//'khor los sgyur ba chen po drug gi snying po gsang ba'i sngags 'dis grub pa mthar 'byin pa nyid do/ /gsang ba bla na med pa'i rgyud kun gyi srung ba'i 'khor lo 'dir ston pa yang / 'di ni ma byung 'byung mi 'gyur ni 'dod khams lha mi'i mngon sum du'o//de nyid ba sbus zhes pa la sogs pa'o/ /khro bo bzhi dang yang dag ldan ni phyogs kyi sgo bzhi srung ba'i khro bo/ /a b+hi d+ha na las/ rdo rje drag po dpal gshin rje'i gshed dang / rdo rje nyi ma shes rab mthar byed dang / rdo rje gtsug tor de bzhin bzhed pa dpal rta mgrin dang / rdo rje thal sbyor bdud rtsi 'khyil pa phyogs bzhir ro//yang mtshams su khro bo bzhi dang ldan pa/ rdo rje gnod sbyin shar lhor mi g.yo ba/ rdo rje nag po lho nub tu 'dod pa'i rgyal po dang / nub byang du rdo rje stobs dbyug sngon can dang / byang shar du rdo rje rgyal po stobs po che dang / rdo rje sa 'og ste gnod mdzes dang / rdo rje gtsug tor can ni gtsug tor 'khor los sgyur ba dang //dbus su rdo rje 'jigs pa hUM mdzad zhal bzhi phyag brgyad pa zhabs g.yas brkyang bas gnas pa'o/ /skad cig gis ni sku brgyad 'gyur/ /zhes pas 'di la rnam grangs du mar 'gyur ba de bzhin gshegs pa'i sku dang mchod rten dang / zhing skyong brgyad dang /khro bo dang / byang chub sems dpa' dang / nyan thos mchog brgyad dang / rnal 'byor gyi dbang phyug brgyad la sogs pa'i don gyis bstan pa'o/ /gsang sngags 'di ni nus pa brten pa dkyil 'khor srung ba'i don du ni bka'i 'khor lo 'di nyid la bsam gtan gyi rnal 'byor gyis 'bad na nges par 'grub par 'gyur ro//'jig rten pa'i log 'dren gdug pa can thams cad nges par gnon pa ste ma rungs pa 'dul ba'o/ /'di ni rnyed pa tsam gyis kyang ste rdo rje phur bus gdab pa la sogs pa'i sbyor ba tsam gyis thams cad zil gyis gnon pas na brtag mi dgos par 'chi bar 'gyur zhes dang por tshar gcod cing phyis ldang mi nus pa'i don to//sngags rang gi ngo bo nyid ni/ oM sum+b+ha b+ha zhes pa la sogs pas sngags mtshan bzhi pa sbas pa gsal bar bstan pa'o/ /de nyid kyi 'bras bu grub tshul ni/ rnal 'byor thun mong brjod pa ni/ /zhes rgyu thabs 'bras bu'i dus thams cad du'o//dngos grub kun gyi 'bras bu bskyed pa'o/ /zhes gnas skabs su grub pa brgyad la sogs pa dang mthar thug mi slob pa'i zung 'jug dus su yang byang chub sems rdo rjes gsung pa nyid do/ /da ni le'u'i mtshan bstan te/ rdza rnga bcing ba'i gsang sngags re mig las btu ba'i cho ga'i le'u ste sum cu pa'i rnam par bshad pa'o// //'dir yang le'u dang po las/ zhi ba'i btung ba bzhin myang na/ rtag par dngos grub thob par 'gyur ba'i don bstan pa ste/ de nas sha chen po de dag kun zhes pa la sogs pa'i don to/ /'dir ni sgrub pos tshogs thams cad sgyu ma rmi lam las dben 'od gsal chen por rtogs pas lam//yang na bdud rtsi sgrub byed rdzas gyur chen po'i sha dang khyi dang ba lang mtshon byed cing shes sngo zhing 'phrul dmar gyur pa'i rta/ /mu tig 'byung gnas pa lang sha ste thod pa snod gyur dung dang nya phyis thabs dang shes rab ste/ / mi 'chi bcu phyed bza' bya sbyor ba sgron me sreg blugs ba lar bya bas rang bzhin yon tan dbang / /brda ni lnga las lngar gyur lag g.yon gyis ni mchod pa byas la mtha' yas mthu spyod 'gyur/ /zhes pa'i don to/ /de la mdor bstan pa'i tshul gyis nye bar gdams pa las/ gsang chen du mthun pa'i phyogs grub byed kyi dngos po lam du bya ba/dam tshig gi rdzas kyi yon tan dang / snod kyi khyad par bza' bar bya zhing spyad bya lag mchod kyi don las rnams rnal 'byor pa'i lag g.yon lha'i gnas khyad par grub cing g.yon pa'i kun spyod dang / rdo rje sems dpa' la sogs pa bkod pa las sor mo ltar grub pa/lag mthil du dpa' mo bsam pa/ phyi rgyab tu dkyil 'khor ba bsam pa las/ de nyid bla med mchod par bstan pa'o/ /le'u'i mtshan ni bza' ba dang ni nyams myong phyi nang du sbyar ba/ sbyin sreg ni nang gi rnal 'byor dang / gtor ma'i bya ba ni 'jig rten pa dang / 'jig rten las 'das pa mchod pa dang /lag brda'i cho ga ni lag pa byin brlab kyi rim pa ste/ le'u sum cu so gcig pa'i rnam par bshad pa'o// //'dir thun mong ma yin pa'i grub pa'i gsang chen bstan pa dang po mdor bstan pa de nas zhes pa la sogs pas dngos grub bsgrub pa'i dkyil 'khor bstan cing / dam tshig gi rdzas bsten pa dang /ro langs kyi sgrub pas sbyin sreg bya ba ste/ yang dag cho ga ni lha'i bsam gtan dang / gsang sngags bzlas pa'i byin rlabs kyis bdud rtsi'i rang bzhin du bsgyur/ /sbyang zhing spel bas nus pa thob par 'gyur ba'o/ /rgyas par bshad pa las/ /bzang po ni pa shu pa la ste/phyugs zhes pas gong du bstan pa'i skye ba bdun pa'i rigs shes pas da'i sha dgug bya nyid do/ /dben par dkyil 'khor bzhengs nas spyod pa'i nus pa dang ldan pa'i sgrub pa tshogs kyi 'khor lo byas pas so/ /bzang po de bzhin ni skye ba bdun pa'i sha la gzhan yang lnga rnams te/ bdud rtsi lnga dang rus sbal sogs la so so'i nus pa cung zad yod pa ste/sogs ni ce spyang dang ngo / /dngos grub bsgrub pa'i dkyil 'khor ni rigs drug 'khor los sgyur ba'i dkyil 'khor ram/ 'di nyid kyi dkyil 'khor du/ kha dog rigs las rigs mchog phyugs ni dud 'gro khyu mchog dang / /glang po la sogs pa dug lnga dag byed kyi rdzas so//bya rog khwa ta la sogs rnams kyi bya'i rigs rnams kyi shas DA ki dbang du byed pa'i khyad par dbang phyug tu bsgyur ba'i don to/ /de nas ro longs bsgrub pa ni/ dur khrod la sogs par 'gegs nas shi ba'am gzhan yang rung ste/ rma med pa rul pa ma yin pa so ma la arka la sogs pa'i rdzas kyis bkru zhing dri bzang po'i chus byug//srung ba'i 'khor lo'i sngags kyis bgegs med par byas la/ mchod gtor dang tshogs kyi mchod pa dang ldan pas/ rang he ru kar 'gyur ba'i sa bon las 'od spros dkyil 'khor bskul te de dag las/ thab khung du me lha bskyed bstim bya zhing /dur khrod kyi ro langs chen po bstim la/ de'i snying gar dkyil 'khor ba bsam pa la sreg rdzas dbul ba ste/ kr-iSh+Na ra'i thug pa ni khyi nag mo'am ba nag mo'i 'o ma las/ ma sha 'bras dang til nag po la sogs pa dang / sngar gyi rdzas de rnams kyi nyam nga bag tsha med pa ste/'dzem pa med pas ro'i khar blugs te sbyin sreg brgya rtsa brgyad du bya zhes dkyil 'khor gyi lha mchod par bsams pas/ gang 'dod pa spel tshig dang bcas pas mchod par gyur na de nas ro de langs nas ni/ ci bgyi zhes ni smra 'gyur zhing 'jig rten pa'i las chen bcu gnyis sam yang na grub pa brgyad la sogs pa gang ci 'dod pa'i don sgrub par byed pa ste/gzhan du min zhes pa lha rnams gshegs/ thal ba steng du blugs pas nus med du 'gyur ba'o/ /steng dang ni mkha' spyod dam gnod sbyin mo 'grub la 'og tu pho nya 'grub pa sa bla'i pho nya mo la sogs pa 'grub par 'gyur ba'o//rgyud 'dir the tshom med pa yin/ /zhes gsang ba bla na med pa mchog 'dir/ thabs kyi khyad par gyis gnas skabs su nus pa'i khyad par du ma thob cing / mthar thug phyag rgya chen po mchog gi dngos grub shin tu myur bar rig pa 'dzin pa 'thob pa'o/ /de la dpal bcom ldan 'das mngon par rtogs pa'i rim pa ni/dang por re zhig rnal 'byor gyi dbang phyug gis gnas phun sum tshogs par bya ba'i rim pa dang ldan pas/ sngon du 'gro ba byang chub tu sems bskyed cing / tshad med bzhi bsgoms la bdag nyid kyis skad cig gis sna tshogs rdo rje'i sa gzhi'i steng du raM dmar ser las byung ba'i nyi ma'i dkyil 'khor la/de'i steng du hUM mthing ga las byung ba'i dpal he ru ka zhal gcig pa phyag gnyis pa/ spyan gsum pa/ phyag g.yas na rdo rje dang g.yon na dril bu/ kha TAM ga mtshan khung du bcug pa rgyan cha lugs rdzogs par blta'o/ /de'i thugs ka raM las nyi ma'i dkyil 'khor/de'i steng du hUM mthing ga 'od 'phro ba cig bsams la/ de'i hUM gi 'od zer 'og tu 'phros pas rdo rje'i sa gzhi la sogs pa dang / rdo rje'i gur dang rdo rje'i ra ba la sogs pa srung ba'i 'khor lo bsam par bya'o/ /de nas thugs ka'i sa bon gyis bla ma dang lhag pa'i lha'i 'khor lo spyan drangs la phyag dang mchod pa dang bstod pa dang sdig pa bshags pa la sogs pa bya'o//de'i rjes la oM swa b+hA ba dang shU n+ya tAs chos thams cad stong pa nyid du mos pa bya ba'o/ /da ni sbyor ba dang po'i ting nge 'dzin bstan pa ste/ ba lang gnas dang steng lding ba/ /lhag pa skam rtsa de nas ni/ / dung chen po yi rang bzhin bya/ /mi phyed pa dang rus sbal lo/ /zhes pa'i don la rtsa stong pa'i nang nas rlung rgyu bas na/ rlung gi dkyil 'khor bstan/ skam zhes pa me yin te mes rlan thams cad skems par byed pa'i don to/ /lhag ma ni rlung la ba dan gyis dang / me la 'bar bas mtshan pa/ steng lding ba ni chu'i dkyil 'khor de yang rtswa'i zil pa chags pa lta bu la bum pa'i kha khyer can no//ba lang 'dug pa'am/ sa'i lha mo 'dod 'jo'i bar sprul/ de dag sa la nyal ba lta bu ste/ sa'i dkyil 'khor gru bzhi pa rdo rje rtse gsum pas mtshan pa can no/ /gnas zhes pa sangs rgyas kyi zhing khams dag pa thams cad kyi rten sa'o//de nas ni rim pa bzhin du ste/ dung chen po ni rin po che'i bye brag yin la/ gson po'i dus su'ang stobs dang ldan pa'i phyir ro/ /ri bo mchog rab kyang rin po che las grub pas brdas mtshon pa'o/ /de'i rang bzhin yang ri thams cad kyi rgyal po lhun po mi 'gyur ba'o//mi phyed pa ni ri rab kyi byang phyogs gser du yod pa ste/ ma hA gser gyi rus sbal dang / kha dog dang nus pa cung zad mtshungs pa la dgongs pa'o/ /der b+h+rUM kha dog sna tshogs mdog can las grub pa'i rin po che ni gzhal yas khang tshad med pa dur khrod dang bcas pa bsam pa'o/ / sangs rgyas kyi pho brang dkyil 'khor rten yongs su dag pa de bsgoms pas/ myur du dngos grub sbyin 'gyur yin/ /zhes yon tan du ma rgyud la bskyed pa'i don to/ /de nyid gzhal yas khang gi dbus su lha tshogs ji ltar bskyed pa'i tshul ni/ le'u sum cu rtsa bzhi pa las/ gong ma ni yi ge'o/ /sa dang ni ga bur zla ba/ru d+hir ni seh+la nyi ma/ bcas ni A li bcu drug nyis 'gyur dang / kA li sum cu so bzhi ya la da d+ha Ta D+ha drug gis bzhi bcu nyis 'gyur gyi dbus su/ so lnga pa las sa bon phreng ba zhes pas dbyangs dang gsal byed kyi yi ge phreng ba lta bur bzung ba ste/ hUM ni thog mar gnas pa yin/ / zhes pas ye shes kyi ngo bo hUM 'od 'phro ba can no/ /rdo rje dbye ba nyid dang ni/ /zhes rdo rje rtse lnga pa lte ba la hUM gis mtshan pa'o/ /'bad pas bsreg bya ni 'gro ba'i phung po lnga'am dug lnga'i rtog pa sbyong ba ste/ mngon par byang chub pa lnga dag bya/ /zhes pas bstan/ /lha'i sku yongs su rdzogs par gyur pa//dpa' bo'i dbang po zhal bzhi pa zhes pa dang / gong du gsungs pa/ zhal gcig phyag ni bzhi pa gsum/ /zhes phyag bcu gnyis pa'o/ /ji srid phyag ni 'bum gyi bar/ /zhes te phyag brgyad cu pa dang brgya dang stong dang khri dang 'bum gyi bar du sdom pa chen po la sogs pa dkyil 'khor du ma sku mdog bzhugs tshul rnam par 'gyur ba mi 'dra ba sna tshogs su bstan pa gdul bya'i dbang du byas pa'o//sku ni dkar po khro bo che ni rgyu'i he ru ka sku mdog dkar ba nyid do/ /rdo rje phag mo la gzigs pa/ /zhes rje btsun ma zhal sbyor du mdzad pa'o/ /de'i zhes rje btsun he ru ka ji lta bar sku ni/ dkar ba'i khro bo mtshon cha 'chang //zhes yum med pa'o/ /dpa' bo thod pa'i phreng ba can ni thod pa skam po dkar ba lngas dbu brgyan la/ thod pa rlon pa lnga bcu'i phreng ba 'phyang ba'o/ /sku la thal ba'i rdul gyis nye bar byugs pa ni/ rdo rje 'chang rigs drug pa'i rgyas gdab pa nyid do/ /phyag rgya yis ni sku la brgyan ni rus pa'i rgyan dbu rgyan/snyan cha/ mgul rgyan/ phyag gdub ska rags 'og pag la sogs pa'o/ /me tog cod pan ni dbu skra dang sku la dar dpyangs chun 'phyang gis so/ /mdung dang ldan ni tri shU la rtse gsum pa yab kyi phyag g.yas kyis 'dzin pa'o/ /dus min 'chi las rgyal ba ni Da ma ru'i chos kyi sgras sems ngal sos pas 'chi bdag gis mi tshugs pa'o//yan lag 'ching byed ni rdo rje zhags pa ste/ kha T+wAM ga ni rdo rjes mtshan pas sku gsum mthar phyin pa'o/ /thod pa mchod yon snod ni ka pA la khrag bkang nyid do/ /zhal du mtshon cha ni tshangs pa'i mgo bo ste/ mtshon cha sbyar ni dgra sta bsnams pa'o//rdo rje dril bu snying rje dang stong pa nyid kyi rang sgra'o/ /zhal gyi mche ba ni bzhad pa'i zhal de las cung zad gtsigs pa bdud bsgral bar mdzad pa'o/ /'byung po chen po ni zhabs g.yon pa'i 'og tu 'jigs byed dang dus mtshan mo gnyis gdan du byas pa'o/ /de dag gis ni gtso bo yab yum mngon par byang chub pa lngas bskyed pa ste/de nas rjes su chags pa ni/ kha dog pho nya sogs sngags gang zhes pa mkha' gsang byin gyis brlab pa/ mda'i shugs kyis yongs su 'khor ba ni sngags rnams las 'od zer skar mda' lta bur 'phro ba'o/ /phan tshun 'dus pa'i gsang sngags ni yab yum gyi sku'i thugs ka lte ba mgrin pa dpral ba rnams su'o//der zla ba dang nyi ma la gnas pa'i yul nyid thabs shes rab kyis phye ba'o/ /gsang sngags ni lus la bkod nas/ yab yum snyoms par zhugs pa'i dga' ba'i sgras de bzhin gshegs pa rnams dang byang chub sems dpa' lha mo rig ma dang khro bo du ma thams cad 'og min nas spyan drang pa ni/lcags kyu nyid kyis dgug pa ste/ /zhes smin ma'i bar mdzod spu nas bstim pas dri za nye bar zhugs pa lta bu ste a wa d+hU tIr brgyud/ rdo rje bum pa nas yum gyi chos 'byung du bdud rtsi bab pas/ thig le cha gsum gyi dang po las dkyil 'khor gyi 'khor lo b+h+rUM las gzhal yas khang du gyur to/ /cha gnyis pas mngon par byang chub pa lngas dkyil 'khor pa rnams bskyed pa ni/ 'khor lo lnga ldan la A li zla ba yab las byung ba dang / kA li nyi ma yum rje btsun ma las byung ba dang / hUM baM las gtso bo yab yum gyi rdo rje dang gri gug dang bcas pa la/dpa' bo'i dbang po zhal bzhi pa phyag bskyod par bya ba'i sku yongs su rdzogs par bsams pa'o/ /bde ba chen po'i DA ki bzhi ni/ maM taM paM laM bzhi 'dab ma la pho nya ma bzhi yin zhes pa'o/ /hUM pu dzA o a go rA de ma rnams kyis thugs kyi 'khor lo rdo rje brgyad ldan dang /AHka o tri ko ka laM ka hi/ oM pre gri sau su na si ma ku las 'khor lo brgyad ldan dang bcas pa'i dpa' bo rnal 'byor gnas de bzhi ni zhes pa dang / dpa' bo kun dang gnyis med bde/ /zhes pa'i don gyis bstan/ sgo bzhir dzaHhUM baM hoHlas rdo rje gri gug dang bcas pa las khwa gdong la sogs pa dang /k+Sh+NiM bzhi las mtshams ma bzhi'i rdo rje gri gug las/ de dag thams cad kyi sku chung la yan lag rags pa sku mdog phyag mtshan shin tu gsal bar gyur pas sku yongs su rdzogs pa'o/ /de dag brtan par byed pa la/ oM sarba bI ra yo gi nI kA ya wAka tsit+ta badzra swa b+hA wa At+ma kou0f85haM zhes brjod par bya'o//de nas thig le cha gsum pas bde ba chen po'i mchod par 'gyur ba'o/ /de yang b+ha ga'i dkyil 'khor du rten dang brten par bcas pa rdzogs nas/ yum gyi sku las spro bar bya ba ni/ sa bon spro ba de nas bzung / /zhes pas hUM baM oM AH hUM gi mthar ni gnas pa yin//zhes pas 'bru gsum sgra dang bcas pas dbyung bar bya ba la dang por 'byin pa ni/ yum rdo rje rnal 'byor ma'i b+ha ga nas rtsa dbu ma brgyud de spro ba la/ rnam dbye rang dag sngags pas ni/ /phyin ci log tu sbyor bya zhes pa ni/ /yum rdo rje rnal 'byor ma'i thugs ka nas phyir 'thon pas gdul bya 'gro ba thams cad kyi don bya ba ste/tshar bcad pa las dang nyon mongs dag par bya ba ni/ rjes su 'dzin pas smin grol la bkod pa'i don rnams la las kyi dngos po rnams smin gyi lus rnam par dag pa ste/ de nyid kyi dbye bas 'gro ba yang dag pa'i lam la dgod pa dang / phye nas ni zhes dkyil 'khor 'khor lor thams cad bde chen ye shes kyi go 'phang la bkod pa'o//phye nas slar log pa dang rtsa las lam du sbyar ba ste/ bdag nyid mi bskyod bde mchog 'khor lo nyid sngar gyi rgyu'i rdo rje 'chang sku mdog dkar po'o/ /de'i thugs kar thim pa dang / bdag nyid sngar longs sku rdo rje 'chang de/ sprul sku zhe sdang rdo rjer bsgyur bas na//drag shul spyod pa'i gzugs 'chang ba/ /zhes pas/ khro chags 'dren ma ste/ rje btsun ma sku mdog me tog ban+d+ha ri ka lta bur gyur pa ni 'bras bu'i he ru ka ste/ sbyor ba dang po bstan pa'o// //da ni dkyil 'khor ba lha tshogs rnams 'byin par bya ba ni/ slar yang yab yum rjes su chags pa gsal bar bstan pa/ /yang / mtshan ma gnyis las sngags sbyar te/ /dpa' bo rnal 'byor ma gnyis med/ /snying po rnams ni de bzhin du/ /sngags pas mkha' 'gro ma la sbyar/ /zhes yab yum gnyis ka'i lte ba thugs ka mgrin pa dpral ba rnams su sngags rnams nye snying gsal bar bkod nas/yab yum snyoms par 'jug pa'i sbyor ba la gnas par bya ba ste/ blo ldan rnal 'byor ma bsrung bya/ /dag pa'i lus ni rang 'dod pa/ /dpa' bo mchod pa rnams byas nas/ /phrin las 'bad pa nyid kyis bya/ /zhes pas oM sarba ta thA ga ta a nu rA ga Na swa b+hA ba A t+ma kou0f85haM/zhes pas yang b+ha ga'i dkyil 'khor gyi gtso bo yab yum dbyer med pa'i lha tshogs thams cad bde ba chen po'i mchod pas mchod pa dang / yang snyoms par zhugs pa'i ha ha si si'i sgra las de bzhin gshegs pa dang byang chub sems dpa'i tshogs dang rig ma lha mo dang / khro bo'i tshogs dang bcas pa thams cad nam mkhar byon pa yang so sor bde ba'i ngang du zhugs pas 'od du zhu zhing smin mtshams mdzod spu nas zhugs/a ba d+hU tI'i gnas nas yum gyi chos 'byung du babs pas 'khor lo lnga'i lha tshogs de dag thams cad bde bas rgyas par gyur te/rje btsun ma'i pad+ma nas gyen du brgyud a ba d+hU tI nas thugs ka nas phyir 'bru gsum gyis phyung ste/ phyi rol gyi dkyil 'khor gzhal yas khang chen po'i so so'i gnas dang nye ba'i gnas sogs su 'khod pa tsam gyi sku shin tu rags par gyur te/ sgo mtshams ma'i bar du rim gyis phyung bar dpal Do bi he ru ka'i bzhed pa'o//de nas dkyil 'khor ba rnams rdzogs nas gnas pas thams cad sku gsung thugs gnyis su med pa ye shes la gnas par gyur par blta'o/ /oM sarba ta thA ga ta d+harmA badzra swa b+hA ba At+ma kou0f85haM/ de nas yang gtso bo yab yum snyoms par zhugs p as bde ba chen po'i ngang du zhu bar gyur pa dang /yab yum gyi sku thig le byang chub sems kyi gong bu 'od sna tshogs 'phro ba can du gnas pa las/ mtshams kyi lha mo gshin rje brtan mas byams pa tshad med pas bskul ba/ /khyod kyi bder gshegs rnal 'byor dbu mar bkra shis 'gro 'ong byang sems 'dzag pa yang dag rol mdzad pa//oM ma hA su kha badzra satwa dzaHhUM baM hoHsu ra ta s+t+waM dr-i sh+ya ho/ /zhes kun la sbyar ba'o/ /lha mo gshin rje pho nya mos snying rje tshad med pas bskul ba ni/ gang gi sems ni lnga las srung ba rnal 'byor rang bzhin ma lus dbang phyug gis gcod mdzod//lha mo gshin rje mche ba can mas dga' ba tshad med pas bskul ba ni/ 'gro ba rnams la dbugs dbyung bas te/ thabs dang shes rab gnyis su med pas 'gro la skyabs mdzod cig /ces so/ /yang lha mo gshin rje 'joms mas btang snyoms chen po tshad med pa'i ngang las bskul ba ni/phrin las ston pa'i 'gro dang 'ong ba dri ma med pa mchog tu dga' ba'i rang bzhin can du bzhengs shig pa'o zhes rab tu bskul bar bya ba'o/ /'di yis bskul ba tsam gyis kyang / /baM hUM gnyis las rdo rje can/ /khu ba'i gzugs can las bzhengs pa/ /'jig rten khams la bde chen stsol//ji ltar skye ba'i rim pa yis/ /gnyug ma'i sngags las rang 'byung 'gyur/ /der ni cho ga gsum gyis bzhengs par gyur pa'o/ /dam tshig ye shes yang dag sems/ /'dir ni rdo rje 'dzin par gnas pa ni sems dpa' sum brtsegs nyid do/ /snying ga'i sa bon 'od spros pas//spyan drangs pa yi bde gshegs rnams/ /dbang bskur go 'phang bsam bya ba/ /phyi nas mchod pa yang dag brtsam/ /rab dga' chen po'i dkyil 'khor la/ /rab sbyor don du bsgrub pa'o/ /des ye shes sems dpa' spyan drangs nas bsti ma zhing / dbang bskur zhing rgyas gdab par bya ba'o//de nas lus kyi dkyil 'khor gsal bar bya ba dang / byang chub phyogs kyi dkyil 'khor bsgom par bya ba ste dkyil 'khor rgyal mchog go// //de nas sku gsung thugs byin gyis brlab cing go cha gnyis thabs dpa' bo dang / shes rab rnal 'byor ma'i go cha bgo bar bya'o//de kho na nyid kyi bde ba chen po'i mchod pa'i mthar gsang sngags kyi phreng ba bzlas pa'i rnal 'byor la gnas pas so/ /de rjes la thun nye bar bsdu bas 'gro ba sbyang ba'i bsam gtan dang ldan pas rim gyis dkyil 'khor yongs su bsdus te/ bdud rtsi myang ba dang gtor ma dbul bar bya/des ni mnyam gzhag gi rnal 'byor ro/ /mnyam langs rjes thob la thun mtshams kyi bya ba spyod lam la 'jug par bya'o/ /rdzogs pa'i rim pa lam du bya ba ni/ de nas 'bar ba'i me la ni/ /sreg blugs dgu ni sbyin par bya/ /'bar phreng rgya mtshor blta bar bya//kun nas sgo yi 'khor lor nges/ /zhes pa don gyis bde stong lhan cig skyes pa'i ye shes nyid la gnas pas/ phyag rgya chen po bsam gyis mi khyab pa'i don la gnas pas/ dus dang rnam pa thams cad du dpal he ru ka 'khor lo sdom pa'i nga rgyal du gnas par bya ba nyid do//'di ni he ru ka mngal skyes nyams su blang ba'i rim pa dpal DoM bi he ru ka'i dgongs pa'o/ /de la dpal he ru ka mngal skyes kyi bskyed pa'i rim pa'i khyad par bstan pa'i gzhung bsdu ba bstan pa/ de nas rtag tu sgrub pa pos zhes rnal 'byor pas thun bzhi la sogs par nyams su blang ba'o//gsang sngags ni rtsa ba'i dang snying po dang nye snying la sogs so/ /lha ni shes nas sgom pa bsnyen sgrub bzhis sam sbyor ba dang po la sogs gsum gyis nyams su blang pa mnyam rjes 'brel pas ma yengs par bsam gtan la gnas pa'o/ /de nyid yon tan ni kun brtags 'khrul ba bzlog pa brtan g.yo gzhal yas khang dang lhar 'char ba'o//gzhan dbang las dang nyon mongs pa rnam par dag pas ye shes su 'char/ yongs grub 'khor 'das kyi chos nyid ro mnyam lhan cig skyes pa'i ye shes su 'char ba'i khyad par gyis/ zhi gnas lhag mthong dbyer med du 'gyur bas byang chub sems bde chen rnam par mi rtog pa sgrub pa pos ni 'dod 'grub 'gyur zhes de bzhin gshegs pa'i phrin las la dbang bsgyur ba'o//le'u'i mtshan ni ro langs sgrub pa zhes dur khrod kyi zhing skyong dang sha za sogs bstim ste las kyi pho nya ma bskul zhing bsgrub pa'o//bskyed pa'i rim pa ni skye gnas kyi gzhi'i gnyen pos sbyor byed mngon par byang chub pa'i cho ga'i le'u ste sum cu rtsa gnyis pa'i rnam par bshad pa'o// //de nas dpal ldan mchog gi spyod pa gsang bar bstan pas bsnyen dang nye bsnyen sgrub dang sgrub chen ldan/ / sbyin sreg pho nya legs bstan ma zhen thabs bcas bde chen mchod bya phrin las 'grub/ /da ni sa ma ya na ya ga Na mu pU dza zhes pas dam tshig tshul la tshogs kyi mchod pa bstan/ /de nas sgrub pa po rnams kyis zhes smos te/ rim pa gnyis la gnas pa'i gang zag dam tshig dang sdom pa ldan zhing spyod pa a wa d+hU tI pa sbas pa la spyod pa gsang ba can no//sbyor ba ni rigs ldan ma lhar bskyed pas bde chen du ste/ kun la med pa bshad ni shin tu gsang ba ste/ b+hu su ku'i spyod pa ltar byas pas rab tu dben pa'i tshul gyis spros bcas spros med shin tu spros med kyi tshogs kyi 'khor lo dang 'brel ba'o//sbyor ba de yang khyad par du ni 'di lta ste/ gnas phun sum tshogs par dus khyad par can tshes bcu la sogs pa la lha grangs dang mnyam pa'am/ de ma yin yang dkyil 'khor 'khor lo'i bsam gtan la gnas pa tshogs pa brda byas pas/ khro bo sngon pos bgegs bskrad cing khrus byas nas nang du 'ongs pa la rnam par bkod pa'i dkyil 'khor ram/ tshogs kyi slob dpon gyis lha'i 'khor lo la mchod bstod byas nas/ der lha'i ting nge 'dzin dang ldan pa'i rnal 'byor pa dang / rigs ldan ma la sku gsung thugs byin gyis brlab cing bzlas brjod byas la/mchod pa la byug pa sngon du 'gro bas/ tshogs rdzas dang gtor ma byin gyis brlabs/ lag mchod dang 'brel bas mchod pa ni rig ma bcu drug la sogs pa dbul/ de nas rgyan la sogs pa dbul te/ oM badzra mu ku Ta/ oM kuN+Da li pU dza/ kaN+Thaka / ke yU ra/ ang+gu li/ me kha la/ nU pu ra/ ha ra/ mar+d+ha ha ra/ pA dka /puSh+pa ma la pU dza/ oM tsan+d+ra/ srur+ya/ bi tA na/ d+h+wa dza/ puSh+pa ka ri Ni/ oM pu ri twa ra Ni/ tsa ma ra/ d+harma tA tsakra/ tshat+t+ra/ /A daR+sha/ pakac+cha/ tsakra/ tsin+tA ma Ni/ man+d+ri/ si ka pu ru Sha rat+na/ ha sti rat+na/ a shwa rat+na/ khaD+ga rat+na/ oM shaM kha b+hA Sha/tsakra/ shrI bat+sa/ tshan+t+ra rat+na/ man+dA ra/ d+h+wa dza/ mat+sa/ ka la sha pU dza me g+ha sa mu dra spa ra Na sa ma ya hUM zhes pa/ mchod pa sna tshogs rol mo'i bye brag longs spyod kyis mchod/ de nas thams cad kyang lha'i nga rgyal dang ldan pas lus kyi dkyil 'khor gsal btab la/ kye rdo rje'i sbyor bas nang gi sbyin sreg lam du bya bas dang po bla ma dang lha'i 'khor lo mkha' 'gro'i tshogs la mchod cing / so sor rtog pa dral ba'i cho gas sha lnga bdud rtsi lnga la longs spyad par bya ba'o/ /mthar glu dang gar dang phyi nang bde ba chen po de kho na nyid rnal 'byor gyi ye shes gsang ba lhan cig skyes pa'i nyams bskyang bas kun nas dang bas ci nus par mchod par bya ba/lhag gtor phyir gtang bar bya zhing / mthar bsngo zhing smon lam gdab par bya bas yi ge brgya pa brjod par bya'o/ /des ni dngos grub thams cad nges par 'grub par 'gyur ba ste le'u'i mtshan ni gsang ba'i mchod pa lha'i tshogs phyi nang kun du bde ba chen pos so//bsnyen bkur gyi cho ga ni tshogs kyi 'khor lo ste le'u sum cu rtsa gsum pa'i rnam par bshad pa'o// //khyad par yang dag ye shes mkha' 'gro dra ba sdom pa rgya mtsho chen po'i 'khor lo yi/ /dkyil 'khor rim pa bsdus las dpal ldan rdo rje rnal 'byor ma yis gsang sngags rigs pa rgyu skyes ldan//'dir ni gnas skabs dang mthar thug gi dngos grub thams cad myur du sgrub par byed pa bstan pa ni/ de nas zhes smos te/ mkha' 'gro ma ni dpal rdo rje rnal 'byor ma sku gsung thugs rdo rje'i don kun sgrub par byed pa'i tshogs kyi dra ba sdom pa rgya mtsho'i dgongs pa'o//dpal 'khor lo sdom pa'i dkyil 'khor gyi lha tshogs thams cad kyi cho ga rgyas pa ste zab pa dang rgya che ba'o/ /las gang la ni kun brjod pa ni phyi nang de kho na nyid ye shes kyi sbyin sreg las/ zhi ba dang rgyas pa dbang dgug dang mngon spyod la sogs pa las chen rnams dang dngos grub 'grub par the tshom med pa'o zhes pas rdo rje phag mo zhal gcig phyag pa zhi mas phrin las myur du sgrub pa nyid do//de la 'dir sbyin sreg bstan pa las phyi'i thab khung dang rdzas la sogs pa me lha mchod pa la sogs pa yang gzung ngo //yang lha'i rnal 'byor dang sbyor ba ni/ mkha' 'gro rgya mtsho las/ dpal ldan dpa' bo he ru ka /de yi yan lag 'khor lor gnas/ /rnal 'byor ma ni sa gsum spyod/ /a haM shes rab thabs bdag nyid/ /lha yi rnal 'byor snying ga ste/ /gong ma ga bur sih+la las/ / ro rkyang rtsa dang p+hU tIr/ srog rtsol bcas pa'i sbyor ba'o/ /bsam gtan gnas pas mngon byang chub/ /sa bon rdo rje lnga bdag nyid/ /shes pa dag byed sku rdzogs bya/ /lte ba sprul par pad+ma la/ /A li kA li nges par sbyar/ /a wa d+hU tIr sems dpa' che/ /'bar 'dzag bdud rtsi thig le ni//mdzod spu'i gnas las nges par gzhug /dpa' bo nus pa bzlog gyur pas/ /zhal gyi thigs pa byas chags 'bar/ /tsaN+Da lI yis bsregs de nas/ /bde ba 'bar ba me las ni/ /bsreg bya phung po 'byung bdud rtsi/ /drag 'bar thig le bcu drug gi/ /phreng ba ye shes rgya mtsho che/ /'od 'phro kun nas lus kyi sgo//mgal me'i 'khor lo ltar 'khor gyur/ /dbang phyug dpa' bo dpyid rgyas pas/ /zhal bzhi de nyid phyag rgya che/ /thig les mnyam gnas dga' ba che/ /lhan cig skyes pa mtshan nyid bral/ /skad cig sku gsung thugs ye shes/ /rdo rje snying po rtsa pad+ma/ /'dab gnas yi ge dkar dmar gsal//'byung po'i pho nya rtags dga' bzhi/ /gnas 'dul dpal ldan 'khor los sgyur/ /dpa' bo rnal 'byor gnyis med bde/ /phyi rol 'khrul 'khor las rlung dgug /khaN+Da ro has skul byed yin/ /yul dang dbang po mngon zhen pa/ /ye shes ro mnyam rang gi lus//kun 'dar 'khor lo kun dbus skyes/ /dus dang chu bo'i 'khor lo ni/ /gsang ba rnal 'byor lus gnas yin/ /zhes gsang ba bde ba chen po'i de kho na nyid bstan pa'o/ /le'u'i mtshan rnam par bshad pa ni pho nya mo'i sbyin sreg ni phyi nang gsang ba de kho na nyid bla na med pa'i ye shes bstan pa'o//phyi dang nang du phrin las ye shes kyi khyad par dgug pa'i cho ga ste le'u sum cu rtsa bzhi pa'i rnam par bshad pa'o// //de nas las kyi rab mchog nam mkha' mnyam pa'i bdag nyid ji lta ba bzhin du rim pa bzhi ldan te/ 'bar ba'i phreng bas khams gzhan bdud rtsi len pa'i dus rtags phyogs dang yon tan gdengs can mthar//sku gsung thugs kyi sgo rnams mngon 'gyur dus min 'chi bdag 'joms par 'gyur bas dpa' dbang bde ba thob/ /de la phyi nang de kho na nyid gsang ba'i don bla na med pa bstan pa'i phyir/ de nas las kyi mchog rab ni dang por lha'i rnal 'byor dang ldan pas gsang sngags bzlas pa dang /chos thams cad sgyu ma lta bur shes pas srog rtsol tsaN+Da lI sbar bas/ rigs ldan las thabs shes rab gnyis med bde ba bsgrub cing / brtan g.yo thams cad rang sems stong pa nyid du gnas pa snang stong du shar ba'o//ji bzhin rim gyis mtshon pa ste ni phrin las thams cad pa'i bye brag dang / gtum mo 'bar ba las thig le bzhu btul dang / snyoms par 'jug pa'i bde ba lhan cig skyes pa nyid lam du bya ba snang grags bde stong du 'char ba'i don to/ /mchod pa gnyis med sbyor bdag nyid ni de kho na nyid kyi mchod pa lam du gyur pa dang /rtsa gsum las kun du rim gyis 'bar ba las/ dga' ba dang / skad cig nyams su myong ba ste/ 'khor 'das gsal stong gnyis med du 'char ba'o/ /las ni so sor sbyar bar bya ba ni/ las dang chos dang dam tshig dang phyag rgya chen po gnyis su med pa ro mnyam du ston pa'o//kha sbyar bar gyur pa dang / rdo rje lu gu rgyud bcings pa/ /zhes pa la sogs pa'i don ni dpal rdo rje mkha' 'gro las/ thabs dang shes rab mnyam sbyor bas/ /kha sbyor zhes byar brjod pa yin/ /rtsa gnyis kun du 'khyud pa ni/ /rdo rje lu gu rgyud bcings brjod//rdo rje pad+ma dbye ba dang / /sgro chun sbrang rtsi dbye bar bshad/ /bskor ba gang zhig bskyod pa ste/ /bde de thabs kyis kun rig pa'o/ /chags pa lcags kyu lta bu ste/ /de bzhin gshegs pa thams cad dgug /mi 'khrugs rdo rjes dkrugs pa dang / /de ni bza' ba gsal zhing brjod//de nas chags sogs nyon mongs rnams/ /dbug la dum bu mda' sbyar bya/ /shin tu rgya che dmigs pa ste/ /kun rdzob btung ba mchog nyid dang / /dngos kun rdo rjes rnam dag bya/ /rdo rje zhes bya de bzhin gshegs/ /ji ltar rgyal ba de dbus su/ /rtag tu 'byin dang sdud pa'o//yi ge pho nya la sogs sngags/ /mda' yi shugs bzhin yongs su 'khor/ /sprul pa'i 'khor lo'i dbus su ni /sde tshan brgyad kyis shin tu bskor/ /sngags rnams thams cad 'byung gnas te/ /phan tshun ci yang rung ba bskyed/ /chos kyi 'khor lo zhes bya ba/ /lus can rnams kyi snying khar bye//sgra lnga dang ni yang dag ldan/ /longs spyod 'khor lo zhes bya ba/ /ya ra la wa rnam par blugs/ ro rnams kyi ni rten rang bzhin/ /cha rnams bzhi po dag gis ni/ /kun nas yongs su bskor ba'o/ /bde ba chen po'i 'khor lo che/ /byang sems sum cu rtsa gnyis ldan//zhes bya ba yang de nyid do/ /sa bon phreng ba de nas bsgom/ /hUM gi skud pas brgyu bar bya/ /bsgrub bya 'gog par gyur pa ni/ /gom pa gcig kyang mi 'gro'o/ /'di ni shes rab lhan skyes te/ /de yi gzugs su gyur pas na/ /las kyi rlung gis bskyod nas su/ /lte ba'i dkyil 'khor 'og nas 'bar//kha sbyar sgyu ma chen mor bshad/ /'chi bdag las rgyal rab bsgrub pa'o/ /skra rtse brgyar gyur pa yi cha/ /skad cig glog gi 'od zer can/ /lha yi rnal 'byor dus su ni/ /ba spu rnams kyi bu ga nas/ /phyogs bcu rnams su spros nas ni/ /lha dang lha min bsdigs par byed//snying ga chos kyi 'khor lo ni/ /bsregs te longs spyod 'khor lor 'jug /sna bug g.yos nas byung nas ni/ /slar yang zhugs te smin mtshams kyi/ /mdzod spu'i khung nas phyung nas su/ /phyogs bcur bzhugs pa'i sangs rgyas dang / /byang chub sems dpa' thams cad kyi//shangs sgo g.yon du zhugs nas ni/ /spyi bo'i 'khor lo bsregs nas su/ /bdud rtsi ye shes bcud bsdus pa/ /sngon gyi lam nas slar byung ste/ /slar yang rnal 'byor spyi gtsug zhugs/ /bsreg par gyur pa'i sangs rgyas rnams/ /bde chen rgyas pa'i lte ba yi//dkyil 'khor du ni son gyur nas/ /sngon bzhin du ni gnas par 'gyur/ /zhes gsungs pa'i don to/ /rang rang phyogs kyis phye ba yin/ /'jug pa yis ni dbye ba nyid/ /ces pa'i don la/ zla ba dang ni nyi ma dag /'og dang steng gi sgo gnyis te/ / gzhad 'byed pa ni gser sgo ste/ /dzA lan+darar gtugs pas bzlog /phyir 'gro nang du 'ong bas so/ /'gog pa'i dus dang dpyid kyi dus/ /ji srid g.yas dang g.yon pa yi/ /rlung dang yi ge thig le 'gog /kun 'dar 'gram gyi rtsa dang rtse/ /dzA lan+d+ha rar 'gog 'gyur ba'o//skye ba rab tu 'phel ba'i dus/ /sdud pa 'grib cing ldog pa'i dus/ /gnas pa mnyam par 'gyur ba ste/ /rab tu thim pas stong par gyur/ /tsha grang 'byung ba'i khyad par phyed/ /nyin mo 'phel ba byang bgrod dus/ /mtshan mo 'phel ba lhor bgrod dus/ /mnyam pa dus ldan gnas pa'o//g.yas nas 'phel ba g.yon rtser ldog /g.yon nas 'phel ba g.yas rtser ldog /drod kyang lugs 'byung lugs bzlog las/ /brtan pa dang ni g.yo ba las/ /drod ni 'phel 'grib can yin te/ /gyen du bsnyag dang thur du 'jug /'chi bdag las ni rnam rgyal ba//sgra gcan mchod yon yan lag sbyar/ /gsang ba grub pa rtogs par bya/ /zhes pa'i don to/ /'jug cing mgo zug pa/ dbang du byas pa/ longs spyod pa yongs su thim pa bstan pas nyi ma dang mtshungs pa rtogs par bya ba'o/ /le'u'i mtshan ni dus ma yin par 'chi ba slu ba'i cho ga'i le'u ste sum cu rtsa lnga pa'i rnam par bshad pa'o// //gsang ba de kho na nyid mchod pa rig ma dang ni gnyis med bde ba lam du bya ba nyid/ /rim dang rim pa med pas dpyid dang thig le sos dang ston dus kyis phye zla ba ngos bzung ba'o/ /'dir dpal 'khor lo bde mchog gi rnal 'byor pas/lus sems snang ba bde ba lam du bya ba'i phyir/ de nas phyag rgya'i mchod chen dang / /zhes smos te/ 'di nyid las/ le'u dang po las/ bsrub bya srub byed yang dag sbyor/ /zhes pa dang / sbyor nyid cho ga'i ye shes zhes pa rgyas par bshad pa/ 'di ni dkyil 'khor 'khor lo'i lam bla na med pa bstan pa nyid do//de la rnal 'byor rigs ldan dang / /thun mong sngags kyi dgod pa mchog /go cha chen po bgo ba dang / /snying po nye snying lte ba dang / /snying ga mgrin pa dpral bar ni/ /nyi zla gnas la gsal ba blta/ /phyag rgya snying po mchod pa 'dis/ /bde chen gsang ba grub pa nyid//myur 'grub yin par the tshom med/ /blo ldan dpa' bo lha mchog gis/ /rigs ldan rnal 'byor ma bsrub bya/ /lhar gsal bde bar snyoms zhugs pas/ /haM las bdud rtsi byang chub sems/ /rab 'bab bcu drug cha bcas pa/ /de nyid kun 'dar las brgyud de//thams cad bde ba nyid 'char ba/ /dga' ba mchog dga' lus sems te/ /rnam pa sna tshogs rnam par smin/ /'khor lo rnams la cha shas gnas/ /gsang ba nor bu'i rtse las ni/ /tha mal rtog pa rnam dag dang / ma rig thig le gnyis shor zhing / /ye shes bde ba gsang ba yi//thig le snying po gsang bar gnas/ /gnyis shor gnyis mnyam dus su ni/ /lhan cig skyes pa'i dga' ba ste/ /mtshan nyid bral ba'i skad cig ma/ /rab rdzogs dga' bral rnam par nyid/ /ro mnyam rdo rje mi 'gyur ba'o/ /de nyid chags pa rnam dag pa/ / dri med lus ngag sems dag ni/ /'dam skyes pad+ma ltar gsal 'gyur/ /phyag rgya grub pa'i lus rnams ni/ /bgrod pas 'dod yon lam du 'gyur/ /sa bon 'od 'bar mtshon cha drag /sngags ldan lha mo la sbyar ba/ /snying po gsang ba cho ga nyid/ /'bad pa rgyu 'bras rgyas gdab 'gyur//'bras bu rnams dbye skad cig ma/ /phyin ci ma log gsang ba las/ /thugs ka nas phyung nges par spro/ /rnam shes tshar bcad ye shes kyis/ /phan byed dngos 'dzin las dag 'gyur/ /thabs shes dbye ba 'khor lo yi/ /rtsa yi lam mchog rdo rje yis/ / skyil krung gyur bas rab sbyor 'grub/ /ces pa'i don gyis rab tu byed pas ye shes bde ba chen po rab tu thob pa DA ki badzra rgya mtsho las gsungs pa'i don gyis lam myur du gcod pa phyag rgya chen po'i snying po bla na med pa bstan pa'o/ /le'u'i mtshan ni/ de kho na nyid kyi mchod pa dang / dgug pa'i cho ga ni bde ba lam du gyur pa lugs su 'byung ba dang /lugs las bzlog pa'i rim pa'i skye tshul/ des dbang phyug brgyad ldan gyi gsang ba bstan pa'i le'u ste sum cu rtsa drug pa'i rnam par bshad pa'o// //bde chen sdom pa lam du byed pas spyod pa grub pas rigs ldan thams cad sa gsum por ni dbang du byed//gang du dgug byed smin bsreg sbas pa'i lam nyid dam tshig ldan pas nges 'grub 'gyur/ /'dir rigs ldan gyi khyad par gyi mtshan nyid spyod pa yongs su shes pas dbang du bya ba dang / de kho na nyid kyi mchod pa'i gsang ba bstan pa la/rnal 'byor pa la rjes su chags par 'gyur ba med pa ni/ brtan par bya ba la dbang thob par mi 'gyur bas/ de nyid nges par bya ba ni/ de nas gzhan yang bshad bya ba ni pho nya'i lam pas ni rigs ldan dbang du bya ba la brten 'dod yon lam du khyer bas phyag rgya chen po 'thob pa dang /rnal 'byor gyi lam pas/ de kho na nyid sbas pa'i don gyis rang lus thabs lam du gyur pas ye shes grub pa bla na med pa bstan pas/ phrin las thams cad nang gsang ba'i rigs ldan gyis grub par bstan pa'o/ /tshar bcad grub pa'i cho ga ste/ /zhes pa/ bdag la mngon par mi phyogs pa la/rdzas dang 'khrul 'khor gyi sbyor ba dang / sngags dang bsam gtan nus pa drag tu dmigs pas so/ /rjes su 'dzin pa ni sngags dang rdzas tsam gyis 'grub pa'o/ /grol lam pas cho ga ni de kho na nyid lnga ldan gyi rim pa ste/ bdag gi de kho na nyid ni rnal 'byor pa'i lus sku gsum las byung ba'i rtsa yi ge thig le rlung gi phra rags spyi dang bye brag rtogs pa'o//lha'i de kho na nyid rang lus gdod ma nas dkyil 'khor yongs rdzogs su shes pas so/ /sngags kyi de kho na nyid ni yi ge'i rtsa ba e waM las grub tshul bstan pa phyi mo brgyad dang A li kA li'i tshul lo/ / phyag rgya'i de kho na nyid ni phyag rgya 'ching ba dang 'grol ba brda'i bye brag gis rtogs par gyur pa'o/ /ye shes kyi de kho na nyid ni gnas lugs dang / rtogs pa thabs kyi ye shes dang / thob pa dbang gi ye shes/ grol ba rang 'byung ye shes/ 'bras bu chos nyid ye shes so/ /phan tshun sbyar ba'i gsang sngags te//zhes pas steng 'og phyogs bcu thams cad du rtsa'i 'khor lo la gnas pa'i lus kyi nang khong nas 'byung ba'i rang sgra lam du gyur pa'o/ /dkyil 'khor pa'i 'byung gnas thams cad kyi bdag nyid grub pa'i dbang phyug tu bstan pa'i phyir/ sangs rgyas mkha' 'gro ma ni dpal rdo rje rnal 'byor ma nyid de de dang gcig tu sbyor ba dpal he ru ka ste/yab yum thabs shes rab dbyings rig dbyer med/ rigs kyi dkyil 'khor thams cad spro ba dang bsdu ba'i dbang phyug phun sum tshogs pa gsang ba mi 'gyur ba'o/ /dbang du byed pa la tshogs kyi zhal zas sbyar ba'i bye brag dang /'dod 'jo'i ba'i 'o ma'i rdzas la brten pa dang / khur ba bo la'i sbyor bas bya ba dang / byug pa'i sbyor bas bya ba dang / sbyin sreg gis dbang du bya ba dang / dus thung dus grub pa dang / shin tu gsang ba rnyed dka' bar gdams pa dang / gang zag dman pas kyang grub par bstan pa'o/ /le'u'i mtshan ni nang gi bdag nyid dbang du bya ba'i khyad par du byas pa'i le'u ste sum cu rtsa bdun pa'i rnam par bshad pa'o// //de la gang du phyi nang de kho na nyid kyi sbyin sreg bstan nas da ni de nas zhes smos te/ le'u 'dis khyad par du rigs ldan mchod pa sngon du 'gro bas spyod pa gsang ba nyid las/ dam tshig dang 'gal ba'i las spang bya mi mthun pa'i phyogs dgag pa ston pa nyid las/brda dang mkha' 'gro ma'i zhes pa pho nya'i bye brag go/ /rigs ldan ngos gzung ba'i khyad par lus kyi mtshan nyid dang ngag brda dang yan lag gi brda bya bas dpa' bo'i yan lag gi gsang spyod kyi dbye ba ni/ a wa d+hU tI pa dang / b+hu su ku ltar dang /smyon pa lta bur spyod pa las/ de bzhin du ni spros bcas spros med shin tu spros med dus dang 'brel ba can gyis 'grub par 'gyur ba ste/ mchog bsgrub pa'i don du bstan pa'o/ /de la bsrung ba'i dam tshig las 'phros pa can te/ gsang ba nye bar gdams pa/ ma bsrungs pa'i nyes pa dgag par bya ba la/dpa' bo'i dbang phyug ces pa la sogs pa ste/ de'i don ni/ /gsang ba'i brda dang spyad pa'i khyad par dag pa las/ dam tshig sdom pa yang dag grub ste dpal ldan mkha' 'gro yi/ /dgag dang sgrub phyogs gnas bcas phan yon mthong zhing rnam dag gnas su rnal 'byor rol pa nyid thob 'gyur//de dag lhan skyes legs skyes pa/ /srog chags bsod nams mthong ba yin/ /zhes pas dpal 'khor lo sdom pa'i lam 'di'i gsang ba bde ba chen po mchog gi lam nyams su len pa de dag lam thams cad myur du chod par 'gyur ba'i don to/ /le'u sum cu rtsa brgyad pa'i rnam par bshad pa'o// //'dir ni dngos grub nye ba'i rtags cung zad 'byung ba la/ le'u dang po las/ mchog dang 'bring dang tha ma ste/ /pho nyas lhan cig skyes dngos grub/ /ces pa'i don bstan pa'i phyir/ de nas sgrub pos rnal 'byor che/ /zhes smos te/ rnal 'byor te tshogs lam chung ngu dang /rjes su rnal 'byor te yang dag spong ba shin tu rnal 'byor rdzu 'phrul rkang pa'i nus pa 'phel bas/ rnal 'byor chen po sbyor lam du lhag pa'i dkyil 'khor du pho nya lhan cig skyes pa'am/ zhing skyes kyi lha tshogs kyi dngos grub ster ba'i rtags 'char ba la tshogs kyi dkyil 'khor la mchod pa chen po bya ba ste/de'i dus su dang po dri yid du mi 'ong ba dang yid du 'ong ba du ma 'byung ba dang / de nas sgra'i tshogs sna tshogs pa du ma grag cing mthar gzugs sdug pa dang mi sdug pa sna tshogs 'byung ba'i tshe/ pad+ma gar bskor phyag rgya dang / gsang sngags yid kyis brjod pa ting nge 'dzin mi 'gyur ba'i ngang las lha'i 'khor lo gsal ba'i sngags kyis rnam pa brgyad du bkod pa ye shes kyi gang mo zil non rdo rje rkang pa brgyad pa dpal he ru ka'i brtul zhugs ldan pas blta bar bya'o//bzhad pa rnam pa bzhi pos dgod ni rang he ru ka zhal bzhi pa'i nyams kyi sngags dang lta stangs kyis sad pa'o/ / de'i dus su yang gzugs mi snang ba'i sgra sgrogs pa gal te byung bar 'gyur ba ni 'jigs pa'i sgra ni rnam pa mang po ni phyi dang nang gi las/ rtsa gnas kyi yi ge dang rlung phrad pa las 'byung ba bzhi'i tsha grang las gyur pa dang / nyams nyul ba'i DA ki'i byed pa'i khyad par rtogs par bya'o/ /yang rnal 'byor ma'i tshogs mi zad pa'i mkha' 'gro ma rnams kyis 'jigs byed cung zad bsdigs par byed pa la rje btsun ma'i nga rgyal gyis rkang pa brgyad pa rtsa ba'i sngags brjod par bya'o//der lhag pa'i lha'i sku mthong bas bdud kyi bar chad kyis glags mi rnyed la/ rnal 'byor pa nyid gal te skrag na mi snang bar 'gyur ba'o//de nas dkyil 'khor pa'i lha tshogs rnams 'di'i dus khyad par can la yang dag pa mthong bas de nyid du dngos grub mchog gsol bar gdon mi za ba phyag rgya chen po ye shes ting nge 'dzin gyi sgo thob par 'gyur ba'o/ /yang na rigs ldan pad+ma can ma lta bu de kho na nyid kyi spyod pa gsang ba thabs shes rab lha'i nga rgyal gyis snyom par 'jug pa'i tshe/bzhad pa bzhi ni dga' ba bzhi nyams su myong ba las/ byang sems gyen du bzlog pa lus kyi 'khrul 'khor rlung gnad sngags kyi rnam pa 'dren pa'i yi ge rtsa gnas su dgram par bya ba brgyad du dgod ces pa yan lag dang spyi bor haM la bstim pa'o//de yang dga' ba bzhi dus skad cig ma bzhi dang ldan pas kyang brgyad nyid do/ /thig le bcu drug las/ bde ba chen po lhan cig skyes pa'i ye shes 'char ba'o/ /de yang thabs shes rab gnyis ka la rnam pa sna tshogs pa'i skad cig ma'i dus su thig le gnas nas cung zad g.yo bas 'jigs pa mi bzad pa'i skra mi bzod cing /rngam zhing dbugs rgod pa la sogs pa rnams 'gyur 'byung la gnyis pa rnam par smin pa'i skad cig ma'i dus su bde ba cher 'phel ba ni lus kyi gnas nyi shu rtsa bzhi'i thig le dbu mar 'du ba las dngos grub ye shes rtsol bar 'gyur ba la/thig le rdo rje bum pa nas gnyis shor gnyis gnas mtshan nyid dang bral ba'i skad cig ma bde stong gnyis med thob par gdon mi za ba nyid do/ /de la tha mal pa'i rtog pa thams cad skrag cing rnam par bye bar gyur pa rnam par nyed pa'i skad cig ma dga' bral du gyur pa'o/ /rang gi gnas ni rtsa kun 'dar du kun rdzob kun da las don dam bde ba can ye shes rang byung mi 'gyur ba thob pa'i don gyi gsang ba'i mkha' spyod thob pas zung 'jug rab tu mi gnas pa mngon du gyur pa'o//le'u'i mtshan ni ha ha zhes dgod pa ston pa ni/ /dbang phyug brgyad dang ldan pa bde chen gsang ba mnyam pa nyid ye shes kyi gnas bstan pa'i le'u sum cu rtsa dgu pa'i rnam par bshad pa'o// //de yang gong du le'u sum cu so bdun par rigs ldan ma dbang du bya ba bstan cing / 'di nas 'jig rten gyi yul dang sa'i bdag po la sogs pa dbang du byas pa bstan pa la/ de nas zhes smos te/ gang dag bstan pa rgyas shing bskyang bar bya ba'i thabs da ni bshad bya ba ni/rnal 'byor cho gar gnas pas dngos grub bsgrub pa'i dkyil 'khor chu bo me yis phye ba'i lha tshogs kyis/ /thams cad dbang byed 'khor lo sbyin sreg phyi nang dag gi skal ldan yon tan dbang phyug 'gyur ba nyid/ /ces pa'i don te gang gi mi rnams dbang du 'gyur ba phyi nang de nyid bya ba las tshogs rab 'byams rdzas dang sngags dang 'khrul 'khor thabs kyi dbye bas/thab khung dang / yam shing / bsam gtan gyi khyad par/ dgang gzar blugs gzar gyi bye brag dang / me lha ji ltar mchod pas 'jig rten pa'i lha mnyes par bya zhing /'jig rten las 'das pa'i dkyil 'khor pa mchod pa'i tshul gyis de dag gi phan yon 'byung ba rtogs par bya ba'o/ /rnal 'byor sngags kyi cho gar gnas pa ni/ rim pa gnyis la gnas pa'i nus pa brtag pa las/ lha'i rnal 'byor gyi dus dang / grangs dang mtshan ma mthong zhing /de kho na nyid du rlung las rnam par rgyal ba thob pas/ bsam gtan la dbang bsgyur bas/ chos can dang chos nyid tha dad pa'i gnyis 'dzin rnam par dag pa nyid kyis yul snang dbang du byed pa 'gro ldog nus pa'i byed pa la rag las pa nyid do/ /'jig rten gyi dbang phyug nyid dang 'jig rten las 'das pa'i sa la gnas pa gang yin pa ni 'gro ba dang /rnal 'byor pa'i ting nge 'dzin gyi phrin las so/ /dpa' bo zla bas zhes thun mong du rtsa sngags snying po nye snying gis grub pa'o/ /khyad par du ni rnal 'byor gyi lam pas zla ba byang sems yongs su 'phel ba las yon tan du ma 'grub par 'gyur ba nyid bstan pa'o//thabs dang ldan pas sreg rdzas kyi/ dus kyi khyad par 'gro ba dang gang gi rigs la grangs kyi rim pa las/ rnam shes ye shes las kyi grub pa bstan pa'o/ /le'u'i mtshan las rigs lnga po dbang du bya ba ni/ bram ze/ rgyal rigs/ rje'u rigs/ blon po/ rgyal phran/ dmangs rigs rnams so/ /phyag rgya chen po bstan pa ni/ 'gro ba gdul bya de dag la rnal 'byor pa'i ting nge 'dzin gyis rgyas btab pa'o/ /le'u bzhi bcu pa'i rnam par bshad pa'o// //de nas grub pa'i khyad par rnam shes las dang ye shes dag gi las te/ gsang ba 'jig rten bden pa mngon byas ye shes las te dpag med nus pa rdzu 'phrul tshad med rnam 'byung zhing //rnam shes cho 'phrul bkod pa nyi tshe ba yin rab 'byams zad par zil gnon de las dben par gyur pa nyid/ /las chen bcu gnyis 'di dag re re la yang lag pa zla ba dag gis klu dang rigs byed du 'gyur 'khrul 'khor gsang ba'o//grub byed gnyis dang lhan cig spyod pa'i rigs ldan pho nya rig ma'i skyes bu mngon grub byed/ /ces pa'i don gyis/ de yang gnas skabs dang mthar thug gi phyi la mchog tu gzhol ba dang / nang la mchog tu gzhol bas rab mchog ni las rab 'byams du ma bsdus pa'o//sgrub pa po gang gis thabs dang thabs las 'byung ba'i rim pa shes nas rnal 'byor ma yis grub pa rab tu ster bas nges pa nyid 'grub par 'gyur ba'o/ /des mdor bstan nas rgyas par bshad pa la/ dbang ni rgyal po blon po bram ze la sogs pa'o/ /dgug pa ni pho nya rigs ldan no//dbye ni mdza' sde 'byed pa'o/ /gsad pa bla ma la sdang ba dang rdo rje theg pa la smod pa rnams la'o/ /bskrad pa ni yul phyogs gzhan du'o/ /la sogs pa ni zhi ba dang rgyas pa bsdus pas so/ /rmugs pa ni mi shes par gyur pa'o/ /rengs par byed pa ni lus shing ltar gyur pa/ rmongs pa ni ma rig pa'i ngang du brgyal bar gyur pa ste/phur bus gdab pa ni de dag kun la yang khyab cing yang na dpung non par bya ba'o/ /rtsod par smra ba ni tshig 'phrog pa ngag gi nus pa mnan pas ni lkugs par gyur pa pha rol pa'i ngag gi bden pa'i stobs nyams par byed pa'o/ /'on dang ni rna ba'i sgra 'gog pa'o/ / de bzhin mig nyams par byed pa mthong ba 'gog pa'o/ /ma ning nyid du bya ba ni lus kyi cha shas nyams par byed pa can no/ /gzugs ni yongs su gyur pa rkang bzhi dang rkang gnyis su 'gyur ba dang / 'dab chags du mar bya ba la sogs pa'o/ /las chen bcu gnyis 'di dag ni sngar gong du bstan pa'i phrin las bsdus pa nyid do//dngos grub sgrub pa po la ni/ /zhes bsam gtan gyi byed pas myur du mngon du byed pa ste/ bskyed pa'i rim pa la brten pa thob cing rdzogs pa'i rim pa la rtags 'ga' thon pas ni dran pas 'grub 'gyur gdon mi za ba ni ting nge 'dzin gyi khyad par gyis skad cig re re grub pa'i don la the tshom med par 'grub par byed pa'o//da ni rigs ldan gyi rnal 'byor ma dag gis rnal 'byor pa la gsang ba 'grub pa ston par byed pa ni/ zhing skyes kyi mkha' 'gro kun du spyod pas gnas pa ni/ mkha' 'gro mas ni thams cad khyab/ /ces pa sku gsung thugs yon tan phrin las dam tshig ye shes la gnas pas phyogs bcu kun du rol par mdzad pa'o//gang zag skal par ldan pa la byin gyis brlab par 'gyur ba ni/ shar dang byang gi gnas la sogs zhes pa dkyil 'khor gyi gnas rnam par gnas pa'i phyi nang kun du ste/ gang du spyod pa'i dus la bab pa'i tshe ye shes ldan pa'i rang skyes gnas ni bsod nams dang ye shes las grub pa lhan cig skyes pa'i rnal 'byor ma bram ze la sogs pa'i tshul la gnas nas kun du spyod pa'o//yul dang ni zhing skyes ma rnams so/ /yul du ni yul dbus la sogs par sngags skyes ma dus tshigs khyad par can la skyes pa rigs kyi rtags mtshan mngon par 'char ba can no//de yang dpal he ru ka'i gnas bcu bsdus pa ni rnal 'byor ma nyi shu rtsa bzhi bzhugs la/ 'thung gcod dang nye ba'i 'thung gcod du ni dam tshig gi mkha' 'gro rnams bzhugs pa nges pa'o/ /sangs rgyas thams cad kyi phrin las las grub pa'i rdo rje stobs ldan mi shigs pa'i gnas nyid rdo rje'i dkyil 'khor ni 'khor lo lnga ldan dkyil 'khor sgo bzhi rta babs la sogs pa dang ldan pa'o//de'i dbus kyi dpal he ru ka dang dbyer med pa'i gtso mos rdo rje rnal 'byor ma yin zhes 'khor bzhi dang bcas pa nyid do//da ni mkha' 'gro ma ru bshad/ /ces lha'i rnal 'byor du lus kyi dkyil 'khor du de kho na nyid dang nang gi mchod pas so/ /rdzogs par rtsa dang yi ge byang sems las byang chub phyogs kyi dkyil 'khor du thabs shes rab gnyis med bde chen ye shes kyis mchod par bya ba'o/ /da ni phyi dang nang gi yul nyi shu rtsa bzhi ngos gzung ba rim pa ma yin par bstan pa'i phyir/sku'i 'khor lo nas brtsams te bstan pa ku lu tA dang zhes smos te/ dgon pa ni ma ru ste mya ngam gyi thang ngo / /des dur khrod do/ /sin+d+hu'i yul dang grong khyer ni/ na ga ra ste dur khrod ces bya'o/ /gser gyi gling ni su war+Na dwI ste/sau rASh+Ta ni nye ba'i 'du ba'o/ /de bzhin lha'i khyim ni gr-i ha de ba ta'o/ /'byung po'i grong ni dus zhes bya ba'o/ /gsung gi 'khor lo bstan pa ni/ /kha ba'i gnas ni hi mA la ya/ kAny+tsi ni nye ba'i tshan+do ha/ lam+bA ka ni yul dang / ka ling+ga ni tshan+do ha'o/ /ko sa la dang tri sha ku ne ni nye ba'i zhing / o Te dang ka ma rU pa ni zhing zhes bya'o/ /thugs kyi 'khor lo bstan pa ni/ mA la ba dang lha mo'i mkhar ni de bI ko Ti ste/ rA me shwa ri ni dbang phyug/ go dA ba ri ni nye ba'i gnas zhes bya'o/ /arbu da dang / u D+ya na dzA lan+d+ha ra ni dang / pul+li ra ma la ya ni gnas zhes bya ba'o/ /de la sogs khongs su bsdu ba ni/ / mU la thA dang pi la thA ste gnas brgyad du dam tshig gi lha mo rnams bzhugs pa ste/ yul sum cu so gnyis po kun du rol pa ston pa'o/ /de dag la rgyas 'debs pa'i rnal 'byor ma rnams gang zhe na/ gzugs can 'od byed lA ma dang / /yongs bsgyur ma dang byis bcas mo/ /phyir mi ldog pa e hi ka /rdo rje ma nyid brgyad du dran/ /dang po rgyas 'debs phyag rgya ste/ /gnyis pa snying nas 'gugs byed ma/ /gsum pa rmongs byed pho nya mo/ /bzhi pa de nyid slong byed ma/ /lnga pa bzhad pa'i phyag rgya ste/ /de nyid rigs ldan ma yin te/ /drug pa gsod byed ma ru 'gyur/ /bdun pa za byed dpa' mo che//brgyad pa nges par sdud byed ma'o/ /gshin rje skrag byed drag mo dang / /gtum mo dang ni tshe zan ma/ /b+ha su ra dang ka ma ni/ /bsdus ma phag mo brgyad du 'dod/ /ces rnal 'byor ma bzhi rgyud las gsungs pa'i don to/ /de yang khyad par du mi'i 'gro ba'i skye gnas 'dzin par mdzad pa'i tshul ston pa ni/yul 'di rnams kyi bu mo gang zhes spyi dang bye brag tu 'gro ba'i don du bzhugs pas dngos grub stsol bar byed pa'o/ /dpa' bo khaN+Da ka pA la la sogs pa dang gnyis med rnal 'byor ma zhes rang bzhin gyis byang chub sems kyi ngang las thugs rjes dus rgyun du gzigs par mdzad pa'o//de kun ni lhan cig skyes ma rnams so/ /'dod pa'i khams kyi lha dang mi'i gzugs can yin te/ zhen pa med kyang gzugs sgra la sogs pa la spyod pa ltar snang ba yin no/ /ngo bo chos nyid skye ba med pa ye shes kyi sku yin yang thugs brtse ba chen pos 'gro ba'i don la 'jug pa'i phyir yid kyis 'jug pa yin zhes glog 'gyu ba ltar thogs pa med pa gdul bya'i bsam pa'i dbang gis 'jug kyang /rang bzhin rnam par mi rtog pa'i dang las g.yo ba med ces pa'i don to/ /da ni sku'i 'khor lo sa 'og spyod dang / gsung gi 'khor lo sa spyod dang / thugs kyi 'khor lo mkha' spyod rnams ni mkha' 'gro drug gis yongs su bsdus shing rgyas btab pa ni/ rnal 'byor ma drug ni lA ma dang / gzugs can ma dang / byis bcas ma dang / yongs su bsgyur ma dang / e hi ka dang / mi ldog ma rnams so/ /de yang bye brag so sor bstan pa la/ku lu tA de nyid na lha mo ma hA bIr+ya bzhugs pa'o/ /mya ngam yul na ma ro ste der ma mo rnams ni de nyid rlung gi phyogs kyi tsakra warmi ni'o/ /sin+d+hu'i yul na de nyid bden bral phyogs kyi lha mo ma hA ba la ste/ rigs kyi gtso mo ni thugs rje'i bdag nyid can/ /na ga rar de nyid du lha mo shin tu dpa' mo me'i phyogs so//lA ma ste zhes de nyid rnam par snang mdzad kyi rigs kyi 'khor lo'i mtshams ma rnams lA ma nags tshal mas bsdus zhes pa'o/ /lam+bA ka ni su war+Na dwI pa ste/ de nyid 'chi bdag gi phyogs kyi lha mo tsakra warmi ni'o/ /sau rASh+T+ra ni der chu bdag phyogs kyi lha mo shauN+Di nI'o//rigs kyi lha mo rnams yin no/ /kad+ya che ni gr-i ha de ba ta ste der lha mo khaN+Da ro hi ma gnod sbyin phyogs na'o/ /'byung po'i grong ni pre ta pu ri ste der dbang po'i phyogs kyi lha mo tsakra be ge gnas pa ste/ mkha' 'gro gzugs can ma dung bcas ni sku rdo rje'i rigs kyi phyogs kyi lha mo de rnams rU pa ka ru ste/gzugs can mas bsdus pa nyid do/ /da ni gsung rdo rje'i 'od dpag med kyi rigs las/ hi mA la ya ri bo ni 'byung po'i phyogs der lha mo kha ga na ne nyid do/ /kAny+tsa b+ha li ni kAny+tsi ste der rig 'dzin phyogs su lha mo ha ya kar+Ne nyid do/ /pany+tsa la'i yul dag ni der bden bral phyogs su lha mo su b+ha dre gnas pa'o//ka ling+ga ni me'i phyogs der lha mo sh+ya ma de wi gnas pa las/ brtul zhugs 'dzin pa khyim lha mo ste spyod pa bla na med pa can no/ /gsung gi tsakra'i mtshams ma bzhi ni lha mo byis bcas mas bsdu bar gyur pas te de nyid kho na'o/ /ko sa la ni yul der gshin rje'i phyogs su lha mo su ra b+hak+Shi gnas pa'o//sha zan ma ni skye ba bdun pa'i sha la longs spyod par byed pa nyid do/ /grul bum grong ni oTa'o/ /sha chen ma ni lus yongs su rgyas pa'o/ /rdo rje mkha' 'gro ni de dag na gnas pa'i gnod sbyin gyi phyogs kyi lha mo ma hA b+hai ra bI yi'o//spom dbang phyug ni ye shes la dbang bsgyur ba'o/ /kA ma rU par te de ni brgya byin phyogs kyi lha mo e rA ba ti'o/ /tri sha ku ne ni chu lha'i phyogs te der lha mo bA yu be ge gnas pa ste/ khaN+Da ro hi ni yongs bsgyur ma ste gsung gi 'khor lo'i phyogs kyi lha mo dag bsdus pa ste 'od dpag med kyis rgyas gdab pa nyid do//de dag ni rim pa can ma yin pa'i sgo nas mas rim gyis bstan nas/ da ni thugs kyi 'khor lo'i bsdu bya sdud byed du bstan pa ste/ pul+li ra ma la ya ni de bzhin nyid brgya byin phyogs su lha mo pra tsaN+Di'o/ /de bzhin du ni u D+ya na du ni chu bdag phyogs te lha mo pra b+ha ba tI ye dang a rbu da ni de nyid gshin rje'i phyogs te lha mo ma hA nA se'o//gser rir ni dzA lan+d+ha ra ste gnod sbyin phyogs kyi lha mo tsaN+Da ak+Shi ma'o/ /sme sha can rigs skyes ni lha mo i hi ka skrag byed ma ste thugs rdo rje'i 'khor lo'i phyogs ma bzhi po bsdus pa'o/ /lha mo stong phrag nyi shu bzhi ni dpa' mo gtso mo rnams la 'khor grangs can dang grangs med du bskor ba du ma rnams so//lhag ma gzhan dag ji snyed pa ni thugs kyi 'khor lo'i 'byung po'i phyogs kyi lha mo dru mats+tsha ye dang / de wa'i ko Ti'i rlung gi phyogs kyi lha mo laM ke shwa rI ma dang / rA me shwa rA bden bral phyogs kyi lha mo kharba rI yi dang /go d+ha ba rir me'i phyogs kyi lha mo bI ra ma ti dang lha mo de rnams mi ldog ma zhes bya bar bsdus par shes par bya'o/ /dam tshig 'khor lo ni tsum+bi ki zhes yi ma nis bsdus par ni dpal dzA lan+d+ha ra bas bzhed pa/ bde chen gyi lha mo ni rdo rje rnal 'byor ma ste sdud byed mar grags pa'o//de dag thams cad thabs shes rab dbyer med pa'i sdom par bsdus pa ni dpal ldan he ru ka yin zhes yab snying rje chen po mi 'gyur ba dang / dpal rdo rje rnal 'byor ma shes rab stong pa nyid gnyis su med pa'i ye shes 'khor lo'i lha tshogs rnams byang chub sems su sdom pa'o/ / dpal he ru ka'i sgrub pa chen po ni rje btsun nyid kyi dbang bsgyur ba ste/ de'i dkyil 'khor gtso mo yin ni/ rnal 'byor ma'i rgyud du yum gtso che ba nyid byin rlabs phul du byung ba snying por bstan pa'o/ /da ni DA ki so bdun po kun gyi khyad par bstan pa ni/ mkha' 'gro nyi shu rtsa bzhi 'dis zhes pa gsum kun du spyod pas mi rgyu ba snod kyi 'jig rten dang rgyu ba bcud kyi 'gro ba ma lus pa la khyab par mdzad pa'o//DA ki 'di'i dam tshig gi dkyil 'khor du sprul pa'i dkyil 'khor bsgom pa nyid yin na yang lus kyi dkyil 'khor lo'o/ /bsam gtan ni byang chub phyogs kyi dkyil 'khor nyid do//la sogs gang ci yang rung ni las dngos grub las/ las tshogs rab 'byams rgya mtsho la mnga' brnyes par spyod pa'o/ /rnal 'byor bas sa steng na ni spyod pa rdzogs ni lam mthar phyin pas rdo rje 'chang tshe 'dir 'thob pa'o/ /bsam gtan gyis sbyor bas grub pa ni sngags pas dus rtag tu ting nge 'dzin la mnyam par gzhag pas gsang ba'i spyod pa bya ba mtshan mo nam mkha'i gos can ni shrI he ru ka dang rnal 'byor mar ro//skyes pa'am ni rdo rje 'dzin pa'o/ /g.yon pa ni lha mo bcu gnyis te/ kun ni dkyil 'khor yongs rdzogs so/ / rnal 'byor ma ni rigs bdun no/ /dpa' bo gnyis ni thabs shes rab gnyis med bde ba chen po grub pa'o/ /gzhung bsdu ba ni rigs ldan mchod pas ye shes grub par khyad par thob pa'o/ /le'u'i mtshan ni yi ge nyi shu rtsa bzhi'i dkyil 'khor dgod pa'i cho ga ni/ rgyud 'di'i brjod bya gsang chen gyi dgongs pa thun mong ma yin pa'i snying po phyi nang gi rigs ldan la de kho na nyid kyi mchod pa la gdams pa ste le'u bzhi bcu zhe gcig pa'i rnam par bshad pa'o// //chos rnams sgyu ma'i snang ba rten cing 'brel bar 'byung ba rig pa chen po'i skyes bu rgyu dang 'bras bu dag /yongs su dag pa kun du bsgyur ba he ru ka yi brtul zhugs mchog gnas dbang phyug brgyad ldan gsang ba nyid//phyag rgya drug gis rab spras sngags kyis brgyan pa'i lus ni yi ge gdengs can las ni dag par bya/ /de la 'dir ni gsang ba bla na med pa'i ye shes bde ba chen po bsgrub par bya ba ste/ le'u sum cu rtsa dgu pa'i grub pa nye ba'i ltas brtag pa'i thabs rgyas par bshad cing don nges par bstan pa'i phyir/de nas phyag rgya lhan cig sgrub pa pos zhes pa rnal 'byor pa lha'i bsam gtan dang ldan pas gnas shin tu dben par longs spyod thabs shes rab kyi rdzas dang ldan pas shes rab phun sum tshogs pa ni/bde gshegs kun gyi pho brang mchog /chos 'byung pad+ma 'di spangs nas/ /skye dang bzhugs gnas yod ma yin/ /zhes pas so/ /mtshan mo rtag tu ro mchog spyod pa ni stobs dang myos byed sha lnga bdud rtsi lnga bsten pa'o/ /yang na nyams su myong ba bde ba'i zas la spyod pa'o//lus ngag yid kyi sgo dag par bya ba chos nyid rnam par dag pas spyod pa sngon du 'gro bas sngags gsum dag bya 'di nyid ni sku gsung thugs byin gyis brlab cing go cha gsum bgo ba nyid las tshogs rdzas byin gyis brlab par yang 'brel ba/ gsum gyis rgyas btab gnyis ldan gang //zung 'jug don du grol bar 'gyur/ /myong ba'i don ni gang yin pa/ /dben pa'i tshul du bsgom par bya'o/ /der 'dod pa'i yon tan gzugs la blta ba la sogs pas bdud rtsi chu'i rnam pa lta bu'i bde ba myur du thob par 'gyur ba ste/ lus zungs 'phel zhing bde ba brtan par bya ba la bslab pa'o//rim gyis pa gzugs sgra nas reg bya dang gi bar du brten pa lhan cig tu gnas par bya ba gtso mo che ni dpal rdo rje rnal 'byor ma'i sku dang dpal he ru kar gsal ba'o/ /de nyid rab tu spyod shes nas/ /rnal 'byor ye shes tshogs la 'jug /ting 'dzin gsal ldan yun thung yang //thun bzhi dag dang rgyas par ro/ /bden pas tshangs par spyod par gnas pa ste lha sku mkha' gsang byin rlabs dang / bsam gtan gyi 'khrul 'khor dang thabs shes rab khyad par can te tshul bzhin ma yin pas mi dgos te/ snying rje byang sems ldan pa la//bkag pa rnams kyang de la gnang / /rnal 'byor kun gyis longs spyod kyi/ /ji ltar bde ba sten byed cing / /rang gis lhag pa'i lhar sbyor bas/ /bdag nyid rab tu mchod par bya/ /blta ba dang ni dgod pa dang / /'khyud pa bsgrub pa snyoms 'jug pa/ /de nas dpa' bos me tog chu//'thungs nas zhes pa yi don la/ /lha sbyin gyis ni blta byas la/ /klu yi sgo bzhi dbye bar bya/ /gzhung rgyas kyis ni 'dod pa gzung / rtsangs pa mchog rtsa btsal ba ste/ /rus sbal 'gros kyis 'phel bar byed/ /'gog par byed cing dbugs dbyung dang / /ske rags hig gis gnas su bskyal//sngags ni rjes dran bya ni ha ha he he hri hri hri hriM hi hi hu hu hUM hUM haM ha zhes pas/ gzung zhing bskyil/ drang zhing bzlog spel dang khyab par bya ba/ nad dbyung zhing ye shes chen por 'char ba rtogs par bya ba ste/ dam pa'i dbugs gnyis rab phyung ste//chags pa chen po'i snyoms 'jug gis/ /rab tu sbyar zhing bsrubs pa las/ /nor bu'i mgrin dang rtser khyab pa/ /gnyis 'das nas ni gnyis mnyam ste/ /lhag ma 'das nas dga' bral lo/ /dga' ba 'dzin pa dang bcas pa/ /mchog dga' de las lhag gyur nyid/ / rnam med gzung 'dzin rtog pa dag /lhan cig skyes pa gsum mi dmigs/ /bzlog pas yon tan der shes bya/ /bral la btang snyoms gsum mi dmigs/ /dbang po sgo yi nyi shar ba/ /'di ni blo spangs chos kyi dbyings/ /'thungs dang rdo rje chu 'thungs ni/ /ngang pas bdud rtsi len pa ltar ro//de bzhin sbyin pa ni rang lus kyi gnas dang nye ba'i gnas su khyab par bya'o/ /'khor lo lte ba snying ga mgrin pa spyi bor ro/ /sum 'gyur ni rtsa ro ma rkyang ma kun 'dar mas dkris pa ljon shing la 'khril ba ltar de bzhin du ni rlung gi 'byung 'jug gnas pa la sbyangs pa'i nus pa thig le la dbang thob par 'gyur ba'o//bzhad pa'i phyag rgya ni sngags kyi sbyor ba rlung dbu ma nas thabs shes rab kyi rtsa d+hU tIr tshud pa'o/ /bsgrub bya ba ni bde ba gong nas gong du spel ba'o/ /thog mar dga' ba/ tha mar dga' bral/ bzhad pa'i phyag rgya yin ni skad cig ma bzhi lam du slong ba ni/ 'dir 'bab pa yi ye shes ni/ /rdo rje 'chang chen nyid yin te/ /thog mthar dbus rab zhi ba che/ /sangs rgyas kun gyi sdom pa mchog /e waM sbyor ba thabs gsang ba/ /bde ba rdo rje can gyi gnas/ /dga' ba rnam pa sna tshogs nyid/ /mchog dga' rnam par smin pa ste/ / bral ba rnam par nyed ces bya/ /mtshan nyid bral ba lhan cig skyes/ /ye shes rdo rje de na bzhugs/ /blta ba'i bsnyems pa ni lta stangs gyen du bzlog pa khro bo'i tshul las grags ldan pa sngags nga ro can no/ /mtshan mo'am ni rtog pa 'gag pa'i dus/ /de bzhin nyin mo ni snang ba yul la spyod pa ste/'dis ni bzhad pa dag tu ni bde stong phyag rgya chen po'i nyams des snang grags la rgyas gdab par bya ba ste/ rgyu la 'bras bus rgyas btab pas/ /rig byed mtha' yi 'dod pa bkag /'bras bu la yang rgyus rgyas gdab/ /gsang bar smra ba'i 'dod pa bkag /gnyis la gnyis med rgyas gdab pas/ /la ba can gyi 'dod pa bkag /rnal 'byor spyod dang dbu ma dang / /dbu ma chen po la sogs pa/ /rab tu mi gnas pas bkag ces/ /'di ni bde ba chen po ste/ /shes rab bcu drug thig le can/ /dang po brgyad dang bzhi las kyang //'jig tshogs 'khor ba dag pa yi/ /dus kyi shugs kyis spros pa'o/ /gzugs kyi gsang ba phyag rgya bzhi lam du byed la/ las kyi gsang ba ni 'dod yon lnga lam du bya bas bar mi mngon par gyur pa nyid do/ /ji ltar gnas pa kun rdzob kun da byang sems la don dam pa bde stong gnyis med du'o//dpa' bo nyon ni byang chub sems dpa' rdo rje snying po la gdams pa'o/ /gang zag de yang snying rje chen po dang ldan pa nyid de/ /rtag tu de yi mchi ma 'byung / /dad pas de yi spu yang ldang / /zhes lhag par byams pa dang byang chub sems khyad par gyur pa'o//rang las byung ba'i zas de bzhin/ /zhes pa khams gong nas gong du 'phel bas lus zag med bde ba/ sems bde stong mchog gis rgyas par 'gyur ba'o/ /rdo rje las ni 'gong mi byed ni dga' bral la mi gnas par lhan skyes nyid mnyam rjes gnyis med du bya ba'o/ / 'dod chags nyid bral gnod pa med/ /thun brgyad pa la phyed dbri zhing / /bcu cha rnam pa bcu drug ste/ /chu tshod dag dang dbyug gur snang / /lus kyi rtse mo rdo rje chur/ /bcug nas ngag rtser bdud rtsi gzhag /yid kyi rtse mor ye shes sbyin/ /kun gyi rtse mor bsam mi khyab/ /de bzhin phyogs gos gyur pas mchod pa ni//bde stong ye shes kyi khyad par ston te/ /rje btsun bram ze sa ra ha pas/ steng dang 'og tu phyogs bcu ru/ /gang gang mthong ba de de nyid/ /de ring mgon pos nges bltas 'khrul ba chad/ /da ni su la'ang 'dri bar mi bya'o/ /zhes pa'i don to/ / g.yon pa'i dbang phyug thams cad kyi/ /zhes shes rab stong nyid snying rje dang 'du 'bral med pa dpal rdo rje rnal 'byor ma dpal he ru ka dang yab yum bde chen du sdom pa las dkyil 'khor du ma'i 'byung gnas su gyur pa snying po gsang ba mi 'gyur ba'o/ /'di ni phyag rgya'i tshogs ni bzhi ldan te/las kyi phyag rgya rigs ldan gsang ba'o/ /chos ni lus sems bde stong ngo / /rgyal chen ni zhi gnas lhag mthong dbyer med do/ /dam tshig phyag rgya ni sku gsung thugs rdo rje ye shes tha mal pa'i rtog pa dag pas rim pa ni bzhi ldan nyams su blangs pa'o/ /las kyi phyag rgya la brten nas//chos kyi phyag rgya rnam par bsgom/ /de nyid bde stong phyag rgya che/ /mi 'gyur dam tshig phyag rgya'o/ /rgyud rim rtsa dang yi ge rlung / /gsang ba tsaN+Da lI sbar bsngags/ /ye shes 'byung ba rdo rje dbyings/ /gsang ba sku bzhi rab rdzogs 'gyur/ /zhes pa'i don to/ /de la lhag pa'i lhas rjes su 'dzin par 'gyur ba ni/rnal 'byor pas gar gyi ros sad pa bstan pa la/ dbugs 'byin ni zhi ba snying rje sdud dang ni tsham rngam can dbang du byed pa/ dgod pa ni ha ha zhes bzhad pa/ sgeg dang ni thabs shes rab gnyis med du rol pa dpa' ba ni rab dregs gtsigs pa can gyi rnam par 'gyur ba/ngo mtshar ni bde stong spros med ro gcig gis rgyud rgyas pa'o/ /dga' ba bzhi las rnam pa sna tshogs pa'i skad cig ma dang por byas nas ni zhes dga' ba'i ye shes bde ba bsgrub pa'i don las gal te stong nyams la 'byams pa la/ phyag rgya ni rus pa'i rgyan no//sngags ni rgyan byin gyis rlob pas sngags nyid rgyan du byas pa'o/ /rjes dran bya ba ni lha dang bla ma la mos gus so/ /dbang phyug brgyad kyi rgyu mthun gyi nyams brtan par bya ba la/ /ha ha he he rnam pa brgyad ni 'phags pa'i lam yan lag thob pa'i gsang ba bla na med pa mchog gi don to/ / lhag pa'i lha'i dkyil 'khor pas byin gyis brlab pa la/ ha ha'i rnam pas nyes par brtag /ces sngags kyi byed pas sku gsung thugs kyi nyams la'o/ /du bar byed pas ni 'gro ba sdug bsngal thams cad mthong bas so/ /rtag tu bsngags ni byang chub sems dang ldan pas mchod pa dang bstod par bya ba'o//lhag pa'i lha dang rigs ldan las dngos grub ji ltar 'thob par bya ba yang dgod dang ni gzugs dang sgra'i byed pa/ rnam pa sna tshogs pa'i skad cig ma las bde ba nyams su myong bas dpa' mchog dga' zhes rnam par smin pa'i dga' ba can las/ de nyid kyi de lhan cig skyes pa'i dga' bar 'gyur zhing mtshan nyid dang bral ba'i skad cig ma 'char ba'i rjes thob dga' bral nyid do//gzhan phan phyir ni las rnams gang / /snying rje can gyis gang byas rnams/ /de kun bsod nams phung po zhes/ /'gro ba'i bsam pa rdzogs mdzad gsungs/ /'di nyid kyi don bsdus pa bstan pa ni//sngags dang ni A li kA li rtsa ba dang snying po sogs so/ /phyag rgya ni ye shes kyi rigs dang ldan pa ma la sogs pa'i bye brag go/ //legs par sbyor ba ni thabs shes rab la/ 'jig rten pa'i dga' ba gsum zhi gnas las/ lhan cig skyes pa'i dga' ba lhag mthong 'jig rten las 'das pa nyid kyi bar chad med pa'i lam mo/gtso bo rnams ni rigs lnga he ru ka yang na gtso mo rnams ni rigs bdun gyi khyad par du gyur pa dpa' bo zhes khaN+Da ka pA la la sogs pa'i dkyil 'khor mthong ba ni/ lus kyi ba spu ldang zhing bde ba rgyas pa'i nyams lhan cig 'byung ba ting nge 'dzin 'grib pa med pa 'char ba'o//rdo rje 'gong bar mi bya ba ni ye shes sgrib pa thams cad dag pa'i don rdo rje lta bu'i ting nge 'dzin las mi 'da' ba ste/ phyag rgya chen po mchog gi dngos grub bo/ /g.yon pas yongs su brtag pa ni lus sems rab tu dngas par 'gyur bas bde ba dang stong pa zung 'jug thob pa'i don to//de la 'di ni rang bzhin gyis 'od gsal ba'i ye shes te/ skur gnas ye shes 'dir rigs pas/ /de bas sku ni kun mkhyen yin/ /sku las tha dad tha dad min/ /sangs rgyas rnams kyi ye shes ni/ /sku la yang dag ldan zhe na//mya ngan 'das na de yang 'jig /sku ni 'jig pa'i chos can pas/ /ye shes kyang ni 'jig par 'gyur/ /de bas sangs rgyas ye shes sku/ /'jig par rigs pa ma yin no/ /ye shes lus la gnas gyur na/ /sku med pas na kun mkhyen min/ /rten 'brel las byung ye shes de//de bas 'jig pa nyid du 'gyur/ /rtog med ye shes sku rnams ni/ /thams cad mkhyen pa nyid mi rigs/ /de las sangs rgyas sku dag ni/ /thams cad mkhyen par bya ba yin/ /ye shes las gzhan phyogs la yang / /sangs rgyas skur ni ji ltar 'gyur/ /'di ltar sangs rgyas gzugs brnyan du//de ltar rnal 'byor smra bar rigs/ /sangs rgyas ye shes lhun grub pas/ /de bas mi rtog par gnas te/ /bsam pa'i byed pa yod min te/ /sems med gyur pa ma yin no/ /le'u'i mtshan ni mkha' 'gro ma'i gzugs kyi dgod pa'i cho ga'i le'u ste bzhi bcu rtsa gnyis pa'i rnam par bshad pa'o// //de la 'dir bcom ldan 'das dpal he ru ka'i nye ba'i snying po'i 'khrul 'khor phrin las dang bcas pa bstan pa ni/ de nas blta ba bshad bya ste/ /zhes lha'i sku dang ye shes kyi don la rnam par dmigs pa'o/ /dpa' bo dang ni gnyis med ni dpal he ru ka zhal gsum phyag drug ba dang /yum rdo rje rnal 'byor ma zhal gcig phyag gnyis pa dang bde chen du sbyor bas so/ /'khor gyi lha mo'i gnas kyi dbye ba ni/ rtsibs drug pa'i 'khor lo la rdo rje DA ki ma dang / rdo rje drag mo dang / rdo rje nyi ma/ rdo rje gtum pa ma/ rdo rje 'jigs pa ma/ rdo rje khrag 'thung ma rnams so/ /cho ga shes ni yan lag drug ldan du rdzogs par byed pa las/ sgom la rtag tu mngon dga' ba ni mnyam rjes la yang rdzogs pa'i rim pa bde chen lam du bya ba'o/ /'di'i don ni/ /sgrub pos dang por 'tsham pa'i gnas/ /dur khrod sogs par sbyar bar bya//nyams dga'i phyogs su ye shes kyi/ /bdud rtsi legs par byugs pa la/ /legs 'bras dang mtshungs me tog dgram/ /de nas phyag rgya'i gnas 'dug ste/ /sgrub pos dang bor rang snying gar/ /gsal par gyur pa'i nyi ma la/ /hUM bkod 'od zer gsal snang las//sngon grub pa yis bde gshegs dang / /lha mo khro bo DA ki ma/ /sems dpa' che dang bla ma rnams/ /nam mkhar til gyis gang ltar dmigs/ /rang gi yi ge sa bon las/ /spros te khro tshogs mkha' 'gro ma/ /rigs drug 'gro ba thams cad kyang / /bde gshegs gnas su dgod par bya//de nas bdun po rnam dag nyid/ /byang chub sems mchog brtan byed la/ /sngags kyi lus su gyur pa yis/ /'di skad smon lam gdab par bya/ /he ru ka dpal bdag gyur na/ /sems can kun gyi don gyi phyir/ /he ru ka dpal go 'phang mchog /thob nas sems can ma lus pa//'di la 'jog cing 'god par shog /de nas tshangs pa'i gnas bzhi ni/ /tshad med sems can kun dmigs bsgom/ /de nas phung po skye mched rnams/ /khams kyi rnam par dag pa rnams/ /oM sogs sngags kyis gsal bar blta/ /rang gi snying ga'i 'od zer las//mdun du sprul las sa gzhi kun/ /dra ba bla re mda' dra ba/ /rdo rje las byung thams cad ni/ /shar badzra sngags kyis grub/ /de rjes smig rgyu lta bu yi/ /rang sems gzung 'dzin bral ba'i sngags/ /swa b+hA dag pa gsang ba'i dang / /sh+yU n+ya tA yi sngags brjod de/ /de nas yaM sogs gyur pa las//rlung sogs ba dan sogs mtshan rdzogs/ /ri rgyal rin chen bzhi rang bzhin/ /b+h+rUM las byung ba'i gzhal yas khang / /dkyil 'khor pho brang lte ba la/ /yi ge hUM las yang dag byung / /rdo rje mkha' 'gro bde ba mchog /zhal spyan gsum pa phyag drug ldan/ /mtshan rnams thams cad kyis mtshan cing //dpe byad bzang po brgyad cus spras/ /A li kA li las byung gtso/ /rdo rje rnal 'byor ma mnyam sbyor/ /stong nyid thugs rjes khyab pa ste/ /rdo rje dril bu mnyam par ldan/ /na ra'i pags pa gos su mnabs/ /thod pa kha T+wAM ga 'dzin cing / /gnyis pa'i phyag g.yas mdung rtse gsum//'dod pa'i 'bras bu thams cad stsol/ /thod pa'i phreng ldan dbu rgyan can/ /sna tshogs rdo rje ral pa bcings/ /zla phyed nor bu gtsug tor 'dzin/ /phyag rgya drug gis sku la brgyan/ /dus mtshan 'jigs byed bcas pa dag /g.yas brkyang pa yi zhabs kyis mnan//sna tshogs pad+ma nyi dbus bzhugs/ /'khor lo drug gi dbus su 'gying / /rnal 'byor ma drug mnyam par sbyor/ /myur du dngos grub gsol byed yin/ /dang por khrag 'thung lha mo ste/ /gnyis pa rdo rje 'jigs ma nyid/ /gsum par drag gtum ma yin te/ /zhi bar rdo rje snang byed ma//lnga pa rdo rje drag 'bar ma/ /drug pa rdo rje mkha' 'gro ma/ /g.yon gyi phyogs nas dgod par bya/ /lha mo de dag cher gtum zhing / /spyan gsum dbu skra grol ba ste/ /phyogs kyi gos mchog 'dzin pa yin/ /thams cad ro steng nyi mar gnas/ /mthing shun ser dang ljang ba dang //dmar dang dud kha dung mdog la/ /gri gug dang ni thod pa dang / /Da ma ru dang kha T+wAM dril/ /kun kyang na ra'i pags pa 'dzin/ /thod pa'i phreng ba'i nor bu'i rgyan/ /g.yas g.yon brkyang bskum tshul gyis gnas/ /yi ge drug las yang dag byung / /lha mo gzigs pa mtshan pa ste//mthing mdog gser dang margata de/ /stag gi pags pa 'phyang ba mnabs/ /lha mo byin pa mnyam par 'khril/ /mchog tu dga' bas rnam par rgyal/ /oM hrIHha ha hUM hUM phaT/ /sa bon gnas la DA ki ma/ /yan lag drug ldan rnam par bsgom/ /byang chub yan lag bdun dag pa//ji lta'i rim pas sbyar zhing bsam/ /gsang sngags gzhal du med pa bzlas/ /khro bo kun gyi gnas mchog ste/ /bsod nams chung ba'i sgrub pos kyang / /zla ba phyed na dngos grub ster/ /rtag tu nyin re bsgom pa ni/ /zhag bdun gyis ni the tshom med/ /dpyid zla 'bring po'i nya la ni/ /sku gsum grub byed pho nya las//shes rab thabs kyi cho ga yis/ /bsam gtan nyin mtshan 'bad byas pas/ /tho rangs khrag 'thung dang mnyam 'gyur/ /nges par brjod pa'i le'u lnga bcu pa las gsungs pa'i mngon par rtogs pa'o/ /thabs dang shes rab dbyer med bde chen gsang ba dri med mchog tu rtag cing 'gyur med pha rol son//yan lag bzhi ldan las la brtag brda nus pa thob nas rim pa rtsa ba'i lha dang gzhan dag las sbyar ba/ /las rnams sna tshogs rab 'byams 'grub dang de yi nges pa gsang ba phrin las rnam pa du mar 'char/ /lus dang sems kyi spyod pas rdzas ldan lhan cig ngag gi dbang phyug de yis ye shes 'grub par 'gyur//de la rnal 'byor pas chos thams cad rang bzhin med par rtogs par bya ba/ /sgyu ma'am rmi lam du ni bya ba kun/ /zhes pa la sogs pas dngos por snang ba thams cad rang bzhin bden pas stong pa'i kun rdzob lam du bya ba/ thams cad snang la rang bzhin med pa/rmi lam ltar snang / rmi lam las byung ba/ rmi lam ltar spyod/ rmi lam gyis gnas/ thams cad bdag med pa/ bya ba dang byed pa po rnam par dag pas rten cing 'brel bar 'byung ba sgyu ma rab tu mi gnas pa'i de kho na nyid du rtogs par bya'o/ /'di'i don la slob dpon saman+ta badzra pas khyad par man ngag tu bstan pa/rim pa ni 'di yin te/ dus tshes brgyad kyi dgongs ka'i dus su khye'u 'am bu mo skye gnas ma nyams pa bos nas dbab pa bstan pa ni/ de nas lha dbab pa'i rnam dpyad ston pa la/ sngags bzlas ni de dag gi mig la yi ge bdun pa lan nyer gcig brjod pa btab cing lus kyi sbyar bas lag pa g.yon pas reg nas/rtswa ku sha'i stan las phyogs gtsang mar gnas par byas la/ nang par tho rangs shog cig ces brjod la btang ngo / /de'i nub mo sngags pas lha'i rnal 'byor la goms pas/ /ba'i rnam lngas byugs pa'i maN+Dal la dri bzang po'i thig le byas la/lha grangs gang yang rung ba'i me tog tshom bu bkod cing / /lha gsal bar dmigs la mchod gtor bzang bo bshams te/ bum pa la bzlas pa dang byin gyis brlab pa bya'o/ /rdzas ni yungs kar nyi ma la brdungs nas btsir ba'i 'bru mar la gzhan du bstan pa'i mig sman la sngags bdag nyid brtan/rnal 'byor pa zhes lha'i nga rgyal brtan pas sngags brgya rtsa brgyad bzlas par bya'o/ /nang par tho rangs de dag kun la bum chus bkrus te gos kha dog dmar ba bskon la mig la mig sman byugs te/ ral gri gtsang ma'am me long la bum pa'i chus bsang gtor bya ste/ de la bstan na de'i nang du gang yin pa'i gzugs brnyan mthong nas smra bar byed do//yang na rnal 'byor pas rang gi g.yon pa'i mthe bong la rgya skyegs kyi khu ba'am tsi tra kas byugs la yang yungs mar gyis kyang byugs pa de bstan cing gang mthong zhing snang ba gang yin pa de/ smros shig ces brjod pas/ /pra se na ni 'bebs par byed//ces gsal snang du 'char bar 'gyur ba'o/ /yang ma phebs na bskyar ba ni/ sngags pas lha gsal bar bsgoms nas sngags lan bdun bzlas shing brjod pas ltas bzang ngan gang yin pa dge ba dang mi dge ba 'grub pa dang mi 'grub pa'i mtshan ma ral gri dang me long dang rdo rje dang rgyal mtshan dang nor bu la sogs pa bde legs 'byung ba ston par 'gyur ba dang /yang mi dge ba ston pa ni mdung thung dang gsal shing la sogs pa mthong nas smra bar byed pas/ rnal 'byor pas rtogs par bya'o/ /des le'u'i mtshan gzhung bstan nas/ da ni le'u'i mtshan ni nye ba'i snying po'i las bsgrub pa'i cho ga'i le'u ste bzhi bcu rtsa gsum pa'i rnam par bshad pa'o// //gang du mkha' 'gro ma drug 'khor lo'i sbyor bas las kyi gsang ba sreg blugs rab dbye bstan/ /tshar bcad rjes 'dzin las kyi zhi rgyas dbang byed nus pa grub pa'i gsang ba rjes su bstan de nas pho nya rnams kyi ni//yi ge bdun par ldan bsgrub pa/ /zhes le'u 'dis dpal he ru ka la go cha'i dpa' bo drug gis bskor ba'am/ yang na pho brang pad+ma 'dab ma lnga pa'i dbus su dpal rdo rje rnal 'byor ma la 'khor lha mo lngas bskor ba ste/ dpa' bo 'chol bar byas myur 'grub pa ste/ mngon par rtogs pa ni/ sngon du 'gro ba byang chub sems bskyed pa nas/ tshad med pa dang / tshogs gnyis dang / stong pa'i ngang las 'byung ba'i rim pa ri rab kyi steng du/ dkyil 'khor gyi dbus su pad+ma 'dab ma lnga pa'i lte bar/ nyi zla pad+ma sa bon baM dang rdo rje gri gug las 'od spros/ bsdus pa las/ rdo rje rnal 'byor ma nyi ma la zhabs g.yas brkyang pas gnas pa/ zhal gsum pa/ zhal re re la yang spyan gsum gsum mnga' ba/ sku mdog me tog ban+du rI ka lta bu la/ g.yas gser 'od/ g.yon ma rgad lta bu/ phyag drug pa'i dang po gnyis gri gug thod pa/ bar ma gnyis tshangs mgo dang kha TI ga /tha ma gnyis lcags kyu dang rdo rje zhags pa/ rgyan thams cad yongs su rdzogs pa'o/ /mdun phyogs nas/ ya mi ni mthing ga /rmongs byed ma dkar ba/ skyod byed ma ser ga skrag byed ma ljang gu/ tsaN+DIka dud ka ste kun kyang zhal gcig phyag bzhi ma/ dang po gnyis gri gug dang thod pa/ 'og ma kha T+wAM dang Da ma ru sgrogs pa/rgyan cha lugs rdzogs par blta'o/ /de dag cho ga yan lag rdzogs par byas la bzlas pa'i rnal 'byor bya'o/ /de'i 'khrul 'khor ni dbus kyi pad+ma'i lte ba la oM baM dbang du byed pa ming bskul tshig dang bcas pa'o/ /'dab ma lnga po la haM oM la sogs pa rim pas so/ / mu khyud nang ma la I li dang / de'i phyir 'khor lo rtsibs drug pa la shar du oM hrIHdang 'bru re re rim pa bzhin du'o/ /phyi'i mu khyud la kA li dang rdo rje phreng ba dang me 'od kyis 'khor ba'o/ /thams cad shar nas byang du bskor bar bkod pa nyid kyis tsan+dan dang rgya skyegs kyis bri bar bya'o/ /'khrul 'khor de nyid la g.yon pa'i 'khor lo bskul dang ldan/zhes pa la/ lte ba ge sar ldan pa yi/ /pad+ma 'dab ma drug pa bri/ /zla ba bzang po nyer bris brgyan/ /rdo rje'i phreng bas rnam par bskor/ /de yi phyi rol 'khor lo ste/ /ston ka'i zla ltar dri ma med/ /yi ge mchog ni rnam pa bdun/ /lha mo mchog gi rnam pa ston//zhes pa'i don to/ /des le'u'i mtshan gzhung bstan nas da ni le'u'i mtshan bstan pa ni/ rnal 'byor ma drug gi yi ge bdun gyi las kyi cho ga'i le'u ste bzhi bcu rtsa bzhi pa'i rnam par bshad pa'o// //lha mo ro ldan las kyi 'khrul 'khor rig pa las ni grub pa phrin las thun mong khyad par mchog tu brtags pas bya//de nyid rtsod dus phyi mar bdun 'gyur rnam shes ye shes las ni rim dang cig car grub par 'gyur/ /de la dpal rdo rje rnal 'byor ma'i dpa' mo go cha'i phrin las ston pa ni/ de nas las kyi rab mchog ni dag gi dngos grub byed pa'o/ /zhes pa la sogs pa phyi dang nang gi bye brag gis rnal 'byor pas lha'i rnal 'byor dang /de kho na nyid kyi bsam gtan dang ldan pas spyod pa'i tshul mnyam gzhag chen po'i gsang spyod grub pa'i dbang phyug tu gyur pas/ ngag gi dbang phyug chen po thogs pa med par so so yang dag par rig pa thob par bya ba ste/ de nyid la pu sha'i sbyor ba khyad par du rdul phra rab tu bya bas me tog la brten pas so/ /pu sha'i sbyor ba ni nus pa mchog tu dang / rlung dang rnam shes gnyis med/ lha dang sngags tha mi dad pas rdzas dang lus ngag gi byed pas myur du grub par byed pa'o/ /dgug pa'i sbyor ba'i las gzugs brnyan gyis byed pas lha'i tshogs bskul ba/tsan+dan me la gdung ba'i byed pas rgyal po bskul ba dang / spra tshil las byas pa'i byed pas 'khor los sgyur ba'i rgyal po dgug pas/ sbyin sreg gi khyad par gyis gang dang gang la dmigs pa dbang du bya ba dang / gsang ba'i sbyor bas pho nya bskul ba/ /gang la dmigs pa dang dbang du bya bas myur du grub pa'o//mngon 'gyur ni yongs su grub pa ste bde ba chen po'o/ /tha mal pa'i sems ldog pas ni kun brtags rab tu zhi ba'o/ /gzhan dbang yan lag ni mi g.yo bas skye ba'i ngo bo nyid med pa'o/ /gnyis med ye shes rnal 'byor ldan ni thabs shes rab dbyer med mi gnas pa'i don to//dbang du byed pa skad cig gis ni he ru ka rnam thar sgo rnam dag ye shes grub pa nyid do/ /de la dpal rdo rje rnal 'byor ma la rab tu bstod par gyur pa ni/ dpal ldan rdo rje rnal 'byor ma/ /mkha' 'gro bye ba'i gtso mo ste/ /nyi ma 'bum gyi 'od mnyam gyis//rdo rje g.yas pa'i phyag rnams brgyan/ /khatwAM mgo bo thod khrag ni/ /g.yon pas bde ster rab tu grags/ /dus mtshan drag po mnyam mnan zhing / /gar thabs ro yis nye bar brgyan/ /mche bzhi gtsigs pas bdud 'joms shing / /ban+du rI ka'i me tog 'bar gshin rje ma tshogs rnal 'byor ma//pad+ma'i 'dab mar gnas pas brgyan/ /lte ba'i dbus nas 'byung zhing 'phro/ /chos dang longs spyod rdzogs sprul pa/ /mkha' 'gro thams cad dbang sdud mdzad/ /gtum mo de la phyag 'tshal lo/ /srid zhi mya ngan 'da' mi gnas//'bar byed lus las dkyil 'khor spro/ /nyi shu rtsa bzhi lus can sku/ /rdo rje phreng ba'i nang du ni/ /dur khrod brgyad kyis rnam brgyan cing / /lha rdzas bde bas myong ba yi/ /'jig rten skyong rnams phyag 'tshal 'dud/ /gang gzhan pho nya lha mo'i tshogs/ /thal mo sbyar bas gus 'dud cing //sangs rgyas kun gyi yul 'di ni/ /rdzu 'phrul dngos grub mchog rnams stsol/ /lha mi thar ba'i don du ni/ /khyod nyid la ni skyabs su mchi/ /snying rjes zhu ba'i sems kyis ni/ /lha yi spyan gyis rnam gzigs nas/ /de la mchod cing gsol don du/ /phyogs bcu dag tu rnam bzhugs shing //blo chen ldan pa'i sgrub pa po/ /dngos grub mchog ni su gnas shes/ /mkha' 'gro ma tshogs lhan cig tu/ /phyag rgya'i dngos grub stsol mdzad pa'i/ /rdo rje rnal 'byor ma phyag 'tshal/ /zhes pa rdo rje phag mo la mtshan brgya rtsa brgyad pa dra ba sdom pa las byung ba'i bstod pa'o//da ni le'u'i mtshan ni/ rnal 'byor ma drug gi tshig gi dngos grub lung bstan pa'i cho ga'i le'u ste bzhi bcu rtsa lnga pa rnam par bshad pa'o// //gsang ba ha lnga mkha' 'gro lnga yi 'khor lo phyi nang ldan pas las kyi rab dbye spyi bye brag /gang du'ang rten 'brel lus ngag nus pa'i ting 'dzin ldan pas rlung gi sbyor bas mngon du 'gyur//'di ni le'u dang por sngags bzlas kyi don de bzhin gshegs pa'i rigs lnga'i bdag nyid can gyi phrin las ston pa la/ de nas yi ge lha lnga yi/ /las rnams thams cad sgrub byed pa/ /zhes smos te rnal 'byor bas rdo rje'i lus kyi rtsa 'khor lo lngar//dug lnga'i rtog pa spyod pa ste/ /haM spyi bor 'khor lo dkar po/ /ho mgrin par pad+ma 'bar ba/ he snying gar rdo rje sngo ba/ hUM lte bar rin po che/ haHgsang bar ral gri ljang ba 'od spro bsdu can no/ /'khrul 'khor ni dpa' bo g.yul ngor ded phyogs su gsad pa'i thod pa la/ de nyid kyi khrag gis 'khor lo bri ba ni/ dbus su pad+ma 'dab ma lnga la ha lnga bkod/ de'i lte ba la gang la dmigs pa'i bskul tshig dang bcas pa bri/ mu khyud nang ma la A li bri/ de'i phyir 'khor lo rtsibs drug la dpa' bo'i go cha drug bri/ mu khyud la kA li g.yon skor du bri bas mthar 'od phreng can no//rnal 'byor ma gtso bor byed pas ni/ lus kyi gnas lnga po la sangs rgyas DA ki /pad+ma DA ki /rdo rje DA ki/ rin chen DA ki/ sna tshogs DA ki las 'od spro bsdu byas pas gang la dmigs pa la dgug bstim bya ba lan stong gis nges par 'grub pa ste/ lag pa'i 'khor lo yang de nyid kyis so//de'i dus su mchod pa dang gtor ma/ tshogs kyi mchod pa dang rjes su 'brel bas mkha' 'gro lnga 'khor dang bcas pa myur du 'grub pa'i dbang phyug thob pa ni/ phyi dang nang du khyad par du dmigs pa rlung gi sbyor ba dang ldan pas nges par 'grub pa ni dpal ka tsa ta'i bzhed pa'o//le'u'i mtshan ni yi ge ha lnga'i las kyi cho ga'i le'u ste bzhi bcu rtsa drug pa'i rnam par bshad pa'o// //dpal ldan rdo rje rnal 'byor ma yi snying po nye snying dang bcas gsang ba'i sngags kyi 'khor lo rgyas pa brjod pa sbas pa yi/ /rtsa ba'i gsang sngags mkha' 'gro rig pa sa ya phrag ni nyer bzhi bye ba las ni dung phyur nas//las rnams dra ba sdom pa rgya mtsho'i gsang ba ma lus 'dir ni dam tshig ldan pas spyod pa gang / /'byung 'jug gnas pa gcig gyur rdo rje'i gnas las thams cad sa gsum par grub 'gyur/ /'dir le'u dang po las kyang /mkha' 'gro dro ba'i sdom pa yin/ /zhes pa'i don rgyas par bstan pa las/ sngags bzlas bsam gtan la sogs ldan pa nyid dpal rdo rje rnal 'byor ma'i mngon par rtogs pa bstan pa'i phyir/ de nas yang dag bshad bya ba/ /zhes smos te rje btsun ma'i dkyil 'khor bye brag tu gsal bar ro//mkha' 'gro kun ni gnas gsum gyis bsdus pa'i rigs lnga'am/ bdun gyis bsdus pa'i rnal 'byor ma thams cad do/ /snying po nyid ni sku gsung thugs yon tan phrin las dam tshig la gnas pa myur du skul bar byed pa/ 'di ni brjod pa tsam gyis kyang shes/ shin du myur ba nyid du thugs rje chen pos brtse bar dgongs pas rtag tu byin gyis rlob pa'o//'dir ni gnas skabs dang mthar thug gi dngos grub thams cad skyed byed yin pa ni nam mkha' spyod dang sa spyod dang sa 'og spyod pa ma lus pa'i snying po rtsa ba'i gsang sngags phul du byung ba ston pa'o/ /de yang dkyil 'khor gyi rim pa ni/rje btsun ma la lha mo sum cu rtsa bdun pos yongs su bskor ba'am/ yang na lha tshogs bcu dgu pa'i dkyil 'khor las/ mngal skyes kyi sgo nas sam/ yang na rdzu sa skyes rim pas snying po'i rnal 'byor ma bzhi dang / 'khor lo rtsibs drug las lha mo drug dang / sgo mtshams ma brgyad de/ de nyid bsgom pa bstan la/ yang na ni thugs kyi 'khor lo'i brgyad dam/ yang na gsung gi brgyad kyis sam/ yang na sku'i lha mo brgyad kyis bskor ba yang rung ba'o/ /de yang rnal 'byor pas sems bskyed cing sgo gsum sbyangs/ tshogs gnyis sngon du 'gro bas srung ba'i 'khor lo chen po'i nang du 'byung ba rnams kyi rim pa las/ri'i rgyal po ri bo mchog rab kyi gnas kyi steng du/ sna tshogs pad+ma'i lte bar nyi ma la gnas pa'i mngon par byang chub lnga las/ rdo rje phag mo mngon 'byung ltar zhal bzhi ma bskyed pa'am/ yang na zhal gsum phyag drug ma'am/zhal gnyis ma'am/ zhal gcig phyag bzhi ma'i sku bskyed cing / bde chen DA ki bzhi dang / rnal 'byor ma drug po ni g.yon nas bskor ba ste/ he la ki mthing ga dang / rdo rje 'jigs ma gser mdog dang / rdo rje gtum mo ban+du rI ka lta bu dang / rdo rje nyi ma ljang ba dang / rdo rje drag mo dud ka dang /rdo rje mkha' 'gro dung mdog can no/ /rnal 'byor sgo mtshams ma brgyad dang ldan pa skyed cing / cho ga yan lag rdzogs par byed pa spyi dang mthun pa shes par byas la/ rdzogs rim bsgom pas mnyam langs dus su las rab 'byams la dmigs pa so sor byas pas 'khrul 'khor sngags dang ldan pas 'grub la/de la khyad par du rtsa ba'i rig pa ni 'di yin te/ oM na mo b+ha ga wa te/ badzra pA rA hi baM/Ar+ya pa rA dzi te/ trai lo kya mA te ma hA bid+ye shwa rI/ sarba b+hU ta b+ha yA ba he ma hA badzre/ badzra A sa ne/ a dzi te/ a pa rA dzi te/ ba sh+yang+gA ri Ni ne tra b+h+ra ma Ne/ sho Sha Ni/ ro Sha Ni kro d+ha ka rA li ni/saM tra sa ni/ ma ra Ni su pra b+he da ni/ pa ra dzra ye bi dzA ya/ dzam+b+ha ni/ stam+b+ha ni/ mo ha ni/ badzra bA rA hi/ ma hA yo gi n+li/ he ka me shwa rI/ kha gesh+tsa/ tar+ya thA/ oM shrI pro tang+ge/ ha na ha na pra NAM/ kIM ki ni/ khiM khi ni/ d+hu na d+hu na/ badzra ha ste/ sho Sha ya/ sho Sha ya/ badzrA ka pA la/kha TI ga d+ha ri Ni ma hA bi shi to/ /mAM sa ra sha ni ma nu Sh+yan+ta pra br-it+ti/ san+na d+h+yan ra shi ro mA la gren+thi ta d+ha ra Ni sum+b+ha na sum+b+he/ ha na ha na brA NAM/ sarba pA paM sa ta nAM/sarba pa shU nAM/ ma hA mAM sa ts+tshe da ni/ smr-i tI kro d+ha mUrte/ daMSh+tha ka rA li ni/ ma hA mu dre/ shrI he ru ka de ba s+ya/ a gra ma hi Shi/ sa ha sra shi re/sa ha sra bA ha be/ sha ta sa ha sra/ A na ne dz+wa li ta te dza se/ dz+wa la mu khe/ piM ga la lo tsa ne/ badzra A sa ne/ badzra sha rI re/ mi li ta/ tsi li ta/ he he haHhaHhUM hUM/ kha kha d+hu d+hu ru ru d+hu ru d+hu ru/ mu ru mu ru/ muny+tsa muny+tsa/ a dwe te/ a d+ha ri Ni she b+ha ma Na/ ma hA yo gi nI pa thi ta sid+he/dreM d+haM droM d+haM/ he graM graM he he haHhaH b+hI me/ ha sa ha sa bI re/ hA hA hoHhoHhUM hUM/ trai lokya bi nA sha ni/ sha ta sa ha sra ko Ti/ ta thA ga ta ba ri wA re hUM hUM phaT/ si ha ru be khaH ga dza rU be ga/ /trai lo kyo da re sa mu dra me kha le/ gra sa gra sa hUM hUM phaT/ bI rA dwe te hUM hUM phaT/ haHhaH ma hA pa shu mo ha ni/ma hA pa shu mo ha ni/ badzra DA ki nI/ sarba lo kA nAM/ ban+d+ha ni sa r+ya/ pra t+ya ya ka Ni hUM hUM phaT b+hU ta trA sa ni/ ma hA bI re/ par ma sid+hi/ yo gi shwa rI phaT/ hUM hUM phaT hUM hUM phaT swA hA/ da ni le'u'i mtshan ni/ sangs rgyas thams cad kyi mkha' 'gro ma'i sngags kyi cho ga'i le'u ste bzhi bcu rtsa bdun pa'i rnam par bshad pa'o// //gang zhig de ni gsang ba rnal 'byor tsam gyis bde chen phyi nang 'jig rten gsum po ting nge 'dzin gyis g.yo bar byed/ /lha dang sngags kyi de nyid rjes su dran pa tsam gyis kyang ni yang dag lta ba mchog 'gyur 'thob/ /sangs rgyas mkha' 'gro rdo rje dang ni de bzhin gshegs pas rgyas btab bram ze rgyal rigs dag la ste//rtog bcas dag pas phag zhal rdo rje'i zhal mnga' rigs kyi bdag mo de las du ma rnam par bstan/ /'bras bu dang ni thabs las mchog ste rang bzhin rgyud 'di rgyal ba rgya mtsho kun gyi gnas gyur pa//brjod bya don rgyas bsdus pa tshig gi rjod byed rab 'byams nyung du spro bsdu'i dbye bas zab dang rgya che nyid/ /de nas zhes bya ba smos te/ 'di nyid kyis bcom ldan 'das ma'i snying po nyid nye ba'i snying po phrin las bstan cing / dkyil 'khor rigs kyi snying po dang rigs bsdus kyi 'khor lo dang /de dag ye shes bde chen gyi 'byung gnas su bstan pa la/ gzhan yang bshad bya ba ni mngon par rtogs pa rdo rje gsang ba 'grub pa bstan pa'o/ /mkha' 'gro kun gyi bla na med pa'i ye shes mchog dge ba'i don phun sum tshogs pa bsgrub pa'o/ /snying po 'di ni dbyings kyi dang la gnas pa'i sku gsung thugs bskul ba rnal 'byor ma rnams kyi gtso mor gyur pa rdo rje rnal 'byor ma stong pa nyid snying rje'i bdag nyid can no//de la gus pa'i rnal 'byor pa'i 'dod don thams cad sgrub byed pa ni/ las dngos grub rgya mtsho myur du thob par byed pa'i don to/ /khams gsum gyi dbang phyug tu gyur par bstan pa'i phyir/gang zhig dran pa tsam gyis ni rnal 'byor pas lha dang sngags kyi gsang ba nyid do/ /'jig rten gsum po g.yo byed cing ni sa 'og sa steng sa bla'i lha la sogs pa thams cad kyis mchod par 'gyur ba ste/ rjes su dran pa tsam gyis kyang ni gsang ba'i spyod pa'i khyad par gyis te/dbang po rab 'bring rnams la ste bskyed pa'i rim par lha la gnang ba thob cing / rdzogs par rtags 'ga' thon pas so/ /las chen thams cad dang grub pa brgyad la sogs pa'i yang dag pa'i ye shes kyi don dngos grub rnams rim bzhin ster bar 'gyur ba ni/phyag rgya chen po'i mchog 'grub pa'o/ /lha'i rnal 'byor dang ldan pa'i ngang las gsang sngags go bzlog tu bstan pa ni hA swA nas oM gyi bar du bstan pa snying po gsang ba bstan pa'o/ /nus pa'i khyad par ni/ sngags 'di bklags pas 'grub pa ste zhes rdo rje ltar thogs pa med pa'o//las rnams kun byed dge ba yin/ /zhes thog mtha' bar du mi 'gyur ba'o/ /'di'i 'khrul 'khor gyi sbyor ba ni/ dur khrod kyi ras la 'khor lo dkyil 'khor gyi rnam pa las sgo bzhi dang bcas pa'i dur khrod la rdo rje ra ba dang / me 'od phreng bas bskor ba bya/ lte ba la pad+ma 'dab ma bcu pa la sngags dgod pa ste/dbus su oM baM hUM/ shar nas g.yon bskor du 'dab ma re la yig 'bru gnyis gnyis dgod par bya ba ste/ dbus su phrin las gang bsgrub pa'i ming spel bskul tshig dang bcas pa dgod par bya/ de la lha mo rnams kyi 'khor lo'i dam tshig pa bskyed/ ye shes pa spyan drangs nas bstim/ dbang bskur rgyas gdab/ mchod bstod bdud rtsi myang ba'i bar du yig 'bru lha mo thams cad bstim pas 'od 'bar bar blta'o/ /rdo rje rnal 'byor ma 'khor dang bcas pa'i phrin las 'dir bsdu bar bstan pa'i phyir/ mkha' 'gro rnal 'byor ma rnams dang ni rigs bdun gyis bsdus pa de dag go//dum skyes lA ma la sogs pa ni snying po'i bde chen gyi DA ki dag go/ /mkha' 'gro ma ni thams cad kyi/ /zhes rnal 'byor ma sum cu rtsa gnyis thams cad bsdus pa'i sa bon gyi sngags ni 'di nyid yin par grags pa bla na med pa nges par myur du grub byed kyi snying po nyid do//sa 'og gi sku'i DA ki rnams kyi klu la sogs pas phrin las bsgrub pa/ yang na mtho ris sam ni mkha' spyod thugs kyi DA ki rnams kyi lha'i pho nyas so/ /de bzhin mi yul dag tu yang / /zhes sa spyod gsung gi DA ki rnams kyi gnod sbyin dang srin po la sogs pa bran du bkol ba'i pho nyas phrin las sna tshogs byed pa'o//las ni gang dag yod pa rnams zhes pa las chen bcu gnyis dang / bsdus pa phrin las bzhi pa la sogs pa grub par byed pa'o/ /sngags kyis de dag thams cad 'grub par 'gyur ba ste/dpal rdo rje rnal 'byor ma'i dkyil 'khor gsang ba'i 'khor lo bstan pa ste/ de yang snying po'i rnal 'byor ma bzhi go cha'i lha mo drug /mtshams ma brgyad de rnal 'byor ma bcu dgu'i dkyil 'khor sgo bzhi rta babs dang ldan pa dur khrod kyis yongs su bskor ba ste/de'i cho ga yongs su rdzogs par mnyam rjes lam du bya ba bstan pa'o/ /'di las shin tu mchog tu gyur gang ni/ /ye shes zag pa med pa'i mkhyen pa dang / /bde ba chen po mi 'gyur ba'i gsang ba bstan pa'o/ /'jig rten gsum ni phyi'i lha klu gnod sbyin la sogs pa'i nus pa yang 'dir 'dus la/nang gi ni dug gsum dag pa'i nyams snang nyid las phyi rol na ci yang med par sgro 'dogs chod pa'o/ /gsang chen bde ba mchog gi dngos grub grub pa gang phyir 'di ni bla na med de zhes thabs shes rab tha mi dad pa'i snying po'o/ /las rnams ma lus grub byed yin//zhes las dang dngos grub 'byung ba dang 'byung ba las gyur pa'i dpang phyug phun sum tshogs pa bstan pa'o/ /da ni rigs drug 'khor los sgyur ba bka'i dkyil 'khor gsang ba rigs bsdus pa bstan pa ni/ dpal rdo rje rnal 'byor mkha' 'gro ni rigs kyi bdag po ste/rigs lnga po kun gyi 'byung gnas dpal rdo rje 'chang bde mchog 'khor lo'i rten dang brten pa'i 'khor lo las/ mdor bshad rgyas par ma yin no/ /don yongs su bsdus par bstan la tshig rgya cher ma bstan pa'o/ /'dir mngon par rtogs pa ltar na/ dang por rang nyid skad cig gis nyi ma la gnas pa'i he ru ka zhal gcig gis nyi ma la gnas par bltas la/sems bskyed sngon du 'gro bas gnas dang bdag dang rnal 'byor srung ba byas la/ tshogs gnyis sogs par bya ba dang / stong pa'i ngang las 'byung bzhi rim brtsegs kyi steng du/ b+hUM las byung ba'i ri bo bzang po ni/ lhun po ri bo mchog rab ste/ bri bar bya zhing ni yid kyi yul du blos bsam pa'o/ /me tog ni ri rab kyi steng du sna tshogs pad+ma 'dab ma sum cu so gnyis pa'o/ /'bras bu ni lte ba la ge sar dang ldan pa sna tshogs kyis ni rdo rje rgya gram kha dog bzhi ldan no//yang bzang po bri bya zhing ni dkyil 'khor pho brang gru bzhi sgo bzhi rta babs dang ldan pa sangs rgyas kyi chos ma lus pa yongs su rdzogs pa'i gzhal yas khang bsam pa'o/ /de'i steng du rtag tu bsgom pa ni brten pa lha'i 'khor lo bstan pa la/ dpa' bo rnams ni nyi shu rtsa bzhi po thams cad do//de dag gi dpa' bo chen po nyid ni rgyal ba rigs lnga rdo rje 'chang dang / drug pa'i bdag nyid las/ rdo rje'i mu khyud kyis bskor ba'i 'khor lo pho brang chen por rdo rje mi bskyod pa dang gnyis su med pa'i mkha' 'gro ma dang / rnam par snang mdzad dang gnyis su med pa'i gzugs can ma dang don yod rgyal po dang sbyor ba'i lA ma dang /'od dpag med dang / sbyor ba'i dum skyes ma dang / rin chen 'byung ldan dang / gnyis su med pa'i rin chen rigs kyi lA ma dang / dbus su dpal he ru ka dang gnyis su med pa'i dpal rdo rje rnal 'byor ma ste chos kyi dbyings stong pa nyid kyi rang bzhin can no//ha ha he he zhes bya ba ni/ rin po che ke ke ru dang / margata ljang ba dang / bai DUr+ya dang / pad+ma rA ga'i bum pa'i shing lo'i kha rgyan steng na thod pa bzhi dang bcas pa bdud rtsis gang ba la rab tu bzhad cing dgyes par rol pa'o/ /rigs drug 'khor los sgyur ba'i 'khor du bkod pa ni/dpa' bo nyi shu rtsa bzhi zhes rigs re re la dpa' bo yab yum can bzhi bzhis yongs su bskor ba ste/ so so'i 'khor lo la rdo rje dang 'khor lo dang rdo rje rgya gram dang pad+ma dang rin po ches yongs su bskor ba'o/ /gtso bo la rdo rje gri gug gi phreng bas bskor ba mtshams su bum pa bdud rtsi can ka pA la dang bcas pa nyid do//der ni dpa' bo rnams ni khaN+Da ka pA la la sogs pa ste/ rgyan cha lugs dang ldan pa'o/ /mkha' 'gro nyid ni mtshams ma brgyad dam tshig 'khor lo bkod pa'o/ /dpa' bo dpa' mo rnams kyis 'gro ba 'di dag thams cad khyab//ces pa gsum kun du ye shes kyi rol pas phyi nang de kho na nyid du rol pas so/ /mkha' 'gro dra ba'i bde mchog yin/ /zhes pa thugs rje chen po mnga' ba'i de nyid kyi 'gro ba gzhan don dang 'brel pa nyid ston pa'o/ /de las dkyil 'khor gyi dpa' bo rnams ni badzra twa la sogs nas/khaN+Da ka pA la'i bar du ste/ sku gsung thugs yon tan phrin las bde stong dbyer med du bsdus pa nyid 'dzam bu'i gling du gnas dang nye ba'i gnas la sogs par gdod ma nas grub pa'i dpa' bo nyi shu rtsa bzhi yis zhes lha drag po 'jigs byed u mar bcas pa 'dul ba ste/rnal 'byor ma ni rab gtum sogs dang gnyis su med pas bya ba kun ni 'jug cing mgo zug pa dang / dbang du bya ba nyid dang / longs spyod cing yongs su thim pa'i tshul gyis spangs pa dang ye shes phun sum tshogs par 'gyur bas ni/ gdul bya'i ming ni 'dul byed la btags par shes par bya'o//des sngon byung bstan cing / rjes 'jug la sgrub pa pos mngon par rtogs pa la/ thog mar rigs bsdus pa'i dkyil 'khor gyi 'khor lo drug rigs drug ldan der zhugs par blta bar bya ba ni rtogs par byed pa'i dus su dang / rgyun rnal 'byor pas myur du grub cing shin tu mnyam bzhag pas zhes lam goms par bya ba la/'khor lo'i bdag nyid rtag tu bsgom pa lha'i sku'i rnam pa gsal bar ro/ /rim pa gnyis mnyam par gnas pa/ sngar bshad pa yi cho ga yis/ /zhes le'u so gnyis par gsungs pa dang / 'brel ba 'am de las 'dir rdo rje mkha' 'gro ni bcom ldan 'das he ru ka nyid de 'dra ba'i bde mchog brjod ni rigs thams cad de las 'byung zhing bsdus pa'i ngo bo 'khor lo 'brel pa nyid do//de nyid snying po gsang ba grub pa bstan pa'i phyir/ 'khor lo chen po ni dpal sdom pa rigs drug gi dkyil 'khor/dam tshig dang / lus dang / b+ha ga'i dkyil 'khor gdod nas grub cing kun khyab par gnas pa lam du bya ba nyid do/ /'di ni sangs rgyas de bzhin gshegs pa rnams dang / dpa' bo rnal 'byor gyi dbang phyug bya ba thams cad dpal rdo rje 'chang gi ye shes kyi rnam pa tha dad du ma yang dag par 'dus pa'i sku gsung thugs rdo rjes legs par gsungs zhes che ba'i bdag nyid bstan pa'o//lhag par gyur pa mkha' 'gro ma ni re re'i zhes lhan skyes dang zhing skyes kyi rnal 'byor ma rnams la/ 'khor ni bye ba dag tu 'gyur ba dpag tu med pas yongs su bskor ba'o//snying po'i rnal 'byor ma ni/ rdo rje rnal 'byor ma ni mkha' 'gro rdo rje'i rigs/ lA ma dang dum skyes ma dang / gzugs can ma rnams ni las dang pad+ma dang rin po che'i rigs so/ /de dag la sogs ni rnal 'byor ma rnams la/ dngos grub kun byed dge ba yin/ zhes bar chad med par 'grub pa mthar phyin pa nyid do/ /le'u'i mtshan bstan pa ni/ dpa' bo mkha' 'gro ma'i gnas nyid grub pa'i rigs bsdus chen po bla na med pa'i gsang ba'i dkyil 'khor mchog gi le'u ste/ bzhi bcu rtsa brgyad pa'i rnam par bshad pa'o// // khyad par gsang chen rab bsgrub cho ga sgrub pos go 'phang bde ba chen po sgyu ma'i rnam 'phrul gar/ /skye ba bdun pa'i mtshan nyid rtogs pas mi 'chi sgron mer ldan pas grub pa'i gsang ba grub par 'gyur/ /de la rnal 'byor pa bsam gtan mthar phyin cing sdom pa'i gsang ba spyod pa/ mgon po kun du spyod pas goms par 'gyur bas ni/ spyod pa spros bcas dang spros med la gnas pas dngos grub shin tu myur bar byed pa skye ba bdun pa'i lus kyi cho ga'i grub pa dngos gzung ba'i phyir/ de nas gzhan yang bshad bya ba/ /zhes smos te/ gang du he ru ka'o/ /zhal gyis grub pas bdag nyid mngon shes phra mo dang ldan pas/le'u bcu gcig pa'i don bshad pa ste/ bsgrub bya ni lam myur du gcod pa/ ji bzhin cho ga ni dpal he ru ka dang rje btsun ma'i snying po gnyis dang rjes su 'brel pa'i don to/ /gang zhig gis ni gang zag de spyod pa shin tu spros med snang ba sems kyi yul du shes pa tsam gyis ni//rnam shes gzhan du spro ba grong du 'jug dang 'pho ba'i nad kyis myur du dngos grub thob 'gyur ba/ /dbang po rab kyis tshe 'di nyid du ye shes kyi lus su sgyur bar byed pa'o/ /sngags pas 'bras kyi phye ma las/ /rim pa bzhin du phyugs gzugs bya//zhes pas khyad par gsang ba'i 'pho ba'i dmigs pa dang bcas pas lkog tu phrin las bya ba/ sA lu dang 'bru las gzugs brnyan gyi sbyor bas lam du bya ba/ dud 'gro ni mi dang glang po rta bong dang / rus sbal dang / rnga mo phag /sna tshogs ni 'di dag kyang de nyid skye ba bdun rim par thob pa 'ga' zhig ste/'di dag la so so'i rnam shes ldan par dmigs shing / lha'i 'od zer gyis 'di la DA ki ma spyan drangs pa bstim pas ni/ srog 'phrog par nus pa dang ldan par byed pa nyid kyis/ phyugs 'di dag tu shes par bya ba las kyi DA ki bskul ba'o//'di dag gi khyad par rang bzhin shes par bya ba ni/ ji ltar mtshan nyid rnam pa yis/ /'di dag la ni bshad par bya ba nyid de/ ji ltar mi'i 'gro ba la skye ba bdun pa yod pa bzhin du dud 'gro ba la yang de dang mtshungs par ro/ /de ltar yang / mi nas mir gyur bdun pa la/ / rdo rje stobs mchog dngas byed pa'i/ /nus pa lus la rdzogs gyur te/ /'byung ba brtan la 'od snying po/ /rlung ni nam mkha' srog gsang gis/ /mkha' la lding zhing bdud rtsi thob/ /tshes brgyad zhun mer grib ma la/ /bdun 'gyur bya rgod rkang mig lta/ /de las the tsom med par 'gyur//zhes rdo rje snying po DA ki rang 'byung ba'i rgyud las gsungs pa'i don to/ /de las skye ba bdun gyi nges pa bstan pa ni/ skye ba gcig dang zhes pa nas/ 'gro na'ang ngang pa ltar dal gyis 'gro ba dang / brdzun mi smra ba dang / skad kyi gdangs snyan pa dang / gzi brjid che ba la sogs pa ste/skye ba bdun du 'byung ba yin/ /zhes pa'i bar gyis gtan la dbab pa nges pa'o/ /de yi snying ga'i ro tsa na/ /zhes pa srog gi sa bon no/ /mkhas pa yis ni blangs nas ni/ /zhes pa rim pa gnyis kyi rnal 'byor pas 'khrul 'khor dang dmigs pa'i sbyor ba'o/ /snying po'i sngags ni bzlas nas su//zhes pa yab yum gyi snying po la dpa' mo'i go cha'i sngags btags pa bskyed rim dang 'brel pa'o/ /rdzogs rim du rlung gis byed pa dang bsam gtan gyis gsang ba'i 'pho ba'i bya bas de'i thig le dbang du bya ba yin zhes ye shes yul gzhan la grong 'jug bya ba'o/ / de nyid thob pa las phan yon ni/ de ni bstan pa tsam gyis ni/ /zhes pa nas/ 'di ni rang dga'i gzugs 'chang 'gyur/ /zhes pa'i don gyis mngon shes lnga thob cing / ye shes lus su 'gyur ba bstan pa'o/ /'di'i don ni 'di lta ste/ rang nyid dpal he ru ka'i skur gsal ba thugs ka'i sa bon la snying po gnyis pos 'khor bar bltas pa las 'od spros te/bla ma dang lhag pa'i lha mdun gyi nam mkha' la spyan drangs pa la mchod pa sna tshogs phul te/ de dag la gsol ba gdab pa/ bdag sangs rgyas thob nas 'gro ba'i don bgyid pas/ gang zag skye ba bdun pa 'di'i lus 'di bdag la gnang zhing rang dbang thob par mdzad du gsol zhes gsol ba gdab pa'o//de'i nye ba'i mtshan ma rmi lam dang nyams la gsal ba'i rtags cung zad byung ba dang / sngar byas pa'i mi dang dud 'gro la sogs pa'i gzugs bdun po la dmigs pa gtad pas/ lus cung zad 'gul zhing g.yo ba'am 'phar ba byung na/khams gzhan gyis bdud rtsi len pa bzhin du bya ba ni dpal DoM bi he ru ka'i bzhed pa'o/ /yang na bdag gi sa bon las DA ki ma bskul bas/ DA ki ma'i sku'i 'od zer gyis de nyid kyi snying dkar nag gi mtshams nas rnam shes srog gi thig le a shad lta bu dang bcas pa de blangs te/mdun gyi gzugs brnyan la bstim par bya ba 'dis ni myur du grub par byed pa dpal dzA lan+d+ha ra'i bzhed pa'o/ /yang rang lhar gnas pa'i sa bon las 'od spros nas rlung rtsol drag tu byas te/ 'od kha dog lnga spros pas/ de'i sgo lnga'i rnam shes la bstim nas tshur drang zhing /yang rang gi sna sgo g.yas kyi rlung phyir spro ba dang bstun te/ 'od zer spros pas de'i sna sgo g.yon nas zhugs pas de'i lus kyi nus pa thams cad bsdus te/ srog 'phrog pa'i thig le tshur byung bas mdun gyi gzugs brnyan de dag gi sna sgo g.yon nas zhugs shing thim par blta/de ltar yang dang yang du byas pas dmigs pa gsal bar 'gyur bas myur du grub par 'gyur ba'o/ /mkhas pas shing lo zhes pa la sogs pa rang lus ljon shing gi rnam par bsgyur ba le'u bcu gnyis pa'i las so/ /yang phyugs nyid kyis ni zhes pa la sogs pas le'u zhe bdun pa'i don gyi rnam par bsgyur ba nyid do//mi rnams zhes pa nas 'gog byed yin gyis log rtog dgag pa bstan/ glang po rta dang nas khrung khrung khra'i bar gyis rten 'brel bcu gnyis dag pa'i rnal 'byor pas srid pa dag pa'i ye shes kyi lus nyon mongs pa dang las dang sdug bsngal dag pas/dus sbyor dang nyi khyim rnam par dag pas/ las kyi rlung dag pas/ sa ra sa nam mkha' lding sa'i dbang phyug thob pas/ bzang ngan thams cad dag pa lha'i gzugs su de 'gyur ro zhes las kyi lus rnam par dag pa rdo rje'i sku bstan pa'o/ /'jig rten gsum na yod ma yin gyi bar gyis ni/'od gsal las zung 'jug gi skur ldang ba'i che ba ston pa skad cig ma'i ye shes rnam thar sgo gsum dag pa he ru kar gyur pas bde chen mi 'gyur ba'i gnas thob par ston pa'o/ /le'u'i mtshan ni skye ba bdun pa bsgrub par bya ba ste zhe dgu pa'i rnam par bshad pa'o// //dpal ldan nyi ma'i snying pos rdo rje rnal 'byor ma yi 'khor lo don kun byed ma nyid kyis phrin las spyod/ /gang du gnang la 'bebs pa'i sbyin sreg gsang ba las kyang rab dbye mchog tu bstan pa sdom pa bsdus pa nyid/ ces pa'i don to/ /de la 'dir gong du gsungs pa'i bsam gtan dang gsang sngags kyi sgrub pa bstan par bya ba las rab 'byams kyi phrin las kyi gzhung nye bar bsdu ba bstan pa'i phyir/de nas sbyin sreg cho ga ni/ /zhes smos te/ 'di nyid don mdor bstan pa'i gsang ba ste/ phyi nang de kho na nyid kyi bye brag gis thun mong ba dang khyad par ba'i lha mchod pas/'jig rten pa dang 'jig rten las 'das pa'i dngos grub bsgrub par 'gyur ba'o/ /nges par dbang du byed 'gyur ba ni yul gang la dmigs pa thams cad do/ /yang dag cho ga ni spyir dpal 'khor lo sdom pa'i dkyil 'khor rgyas bsdus kyi bye brag las/ 'dir ni dpal rdo rje rnal 'byor ma'i mngon par rtogs pa'i phrin las gang gis ni gsang chen gyi che ba dka' ba med par/myur du dngos grub thob 'gyur bshad/ /ces sngon byung dang rjes 'jug la dgongs pa'o/ /da ni rgyas par bshad pa la/ dang por lha'i rnal 'byor ni gnas dben par/ nub mo chos kyi sku'i 'od gsal gyi ngang du nyal ba las/rmi lam longs sku'i tshul dang sad pa sprul pa'i sku'i tshul las sems bskyed cing / gnas dang bdag dang rnal 'byor srung ba byas nas/ tshogs gnyis bsags pa'i rjes la/ 'byung bzhi rim brtsegs dang / gzhal yas khang gi lte bar/ pad+ma la gnas pa'i A li kA li las nyi zla pad+ma'i dbus su sa bon baM dmar ba las rdo rje gri gug 'od 'bar ba las 'od 'phros pas gdod ma nas grub pa'i dpal 'khor lo sdom pa'i lha tshogs kyi thugs rgyud bskul zhing mchod par gyur/'od de tshur 'dus pa las dpal rje btsun ma zhal gcig phyag gnyis pa spyan gsum pa/skra grol ba/ phyag g.yas na rdo rje gri gug bsnams pa/ g.yon pa ka pA la bdud rtsis bkang pa 'dzin pa/ gru khugs su kha T+wAM g.yo pa/ zhabs g.yas brkyang zhing g.yon bskum pas dus mtshan dang 'jigs byed mnan pa/ thod pa'i phreng ba dbu la bcings pa/ mgo bo rlon pa'i do shal can/ rus pa'i rgyan cha lnga dang rin po ches brgyan pas/ dar dpyangs kyis mdzes pa'o/ /de'i phyogs bzhir DA ki ma dang lA ma sogs pa pad+ma la gnas pa/ phyogs bral du rin po che'i bum pa'i steng na ka pA la bdud rtsis bkang ba can no/ /de nas dam tshig 'khor lo'i lha mo brgyad dang bcas pa gsal bar bltas la/gnas gsum byin gyis brlab cing go cha bgo ba dang / ye shes kyi dkyil 'khor spyan drangs pa bstim pa dang dbang bskur zhing / dpal rdo rje sems dpas rgyas gdab cing / phyi nang de kho na nyid kyi mchod bstod dang / lte bar sa bon la sngags kyis bskor ba la dmigs nas bzlas pa'i rnal 'byor bya ba'o//de nyid la/ lha rnams thams cad bsgom pa ni/ /zhes dkyil 'khor 'khor lo las/ las thams cad pa'i thab khung du me lha'i thugs kar lha tshogs gsal bar blta ba'o/ /thun gnyis bar du ni mchod bstod dang ldan pas sbyin sreg bya ba ni tshe dang dbang thang 'phel ba'i don du'o//de'i phan yon ni/ mkha' la spyod pa nyid thob gyur ni a d+ha ri shi g+ha man zhes ye shes kyi sku 'thob pa'i don to/ /rang gi lus ni de nyid kyis zhes rnal 'byor pa tha mal pa'i lus 'di nyid yongs su dag pa'i don to//de la dang por dbang gi thab khung la dbyibs zla gam par ro/ /gom sa ni ba lang dmar ser gyi sha dang / myos byed bsre ba da du ra dang ngo / /lag pa g.yon pa la ni de'i dus su lag pa'i mchod pa dang rjes su 'brel ba ste/ dgang gzar blugs gzar dang ldan pas sbyin sreg brgya rtsa brgyad bya ba nyid do//me lha dmar ba'i snying gar lha yang dmar ba ste/ zhag bdun la sogs par spel tshig dang ldan pas phrin las la sbyar bas sangs rgyas lta bu'am/ brgya byin lta bu nus ldan yang dbang du gyur na/ phran tshegs mi ni smos mi dgos/ /des shin tu myur par grub par byed pa bstan pa'o//las kyi bya ba las/ kha chu ni ba dmar ser gyi kha nas 'bab pa ste/ yang na rnal 'byor pas ga Na tsakra'i dus kyi sha lnga'i bdud rtsi zos nas skyugs pa dang / so shing bsregs pa'i thal ba de dag dang ni sbyar ba las yang 'bras phyes dril phyis byas pa'i rang gi lus mnyes pa dri ma de bzhin chags pa dang myos byed da du ra 'am/yang na ma da na ming dang bcas pa ni 'di zhes bya ba A kaR+Sha ya me pa Sha ma na ya hrIHdzaHku ru hoHzhes ming spel dang bcas pas/ khams gsum bdag ni dbang du 'gyur ba la DA ki phrin las la sbyar ba phyi nang du yang dag bar grub pa'o//da ni dgug pa'i las la sbyar ba ni/ rang 'byung gi ni mtshal dang ni rigs ldan grub par bya ba/ rlon pa'i zas dang zos pa ni ske tshe yungs mar btsos ba skyug pa'o/ /mi'i bu mo gzhon nu ma'i skra dang ldan pa'i sbyin sreg byas na/ ming spel dang ldan pas brgya rtsa brgyad la sogs pas mod la 'gugs par 'gyur ba yin zhes thabs kyi che ba bstan pa'o//da ni drag po'i bye brag mdza' bo nang dbye bar bya ba ni/ bsgrub bya'i skyugs pa dang yang zag pa skra dag ste/ nim pa'i shing las sbyin sreg rab sbyar te/ ming spel ba dang bi de sha ya dang rang kha lhor bltas pas me lha nag por bskyed pas mod la dbye bar 'gyur ba yin zhes nang 'thab pa'am so sor 'gro ba'o//yang drag po'i thab khung du me lha nag po'i snying gar lha'i 'khor lo bskyed pa rab mnyam bzhag pas shes/ dam tshig pa la ni ye shes pa bstim par byas shing bsreg rdzas da du ra'i ldum bu la bud shing bya ste/bya khwa ta'i gshog pa dang / yungs mar mes gdungs pa la bsgres pa ni mchod sbyin la brgya rtsa brgyad du mA ra ya u tsa Ta ya hUM phaT kyis sbyin sreg byas par gyur na ni/ gdon mi za bar 'phral du 'chi ba'am/ skrod par 'gyur zhes pa'i don to/ /rnal 'byor pa la pha rol gyi 'khrul 'khor la sogs pa'i bar chad kyis mi tshugs pa ni/zas la spyod pa dang de la sogs pa rnams ni spyod lam gyi dus thams cad du sngags pas lha'i nga rgyal dus rtag tu tsham ngam gyis gsang sngags kyi bzlas brjod byed na srung ba chen po ste/ de la bgegs ni yod ma yin/mnyam langs dus su'o/ /gnyid log ma log 'dug pa'am/ /zhes pa'i don la 'od gsal lam du byed pa'i snying ga'i 'khor lo hUM dang thig le kha dog lnga ldan la dmigs pas lam du bya ba dpal la ba chen po'i bzhed pa'o/ /yang rgyas pa'i thab khung kha dog tsan+dan dang yung ba byugs shing sgron me lnga dang bdud rtsi lnga dang ldan pa me tog ser pos mchod cing /wa'i sha'i sreg blugs brgya dbul zhing / 'bras bu can gyi yam shing gis mchod pa las/ yang dag sbyin blugs byed pa'i mi ni khyad par du brjod pa rdo rje lus kyi rtsa 'khor lo rnams su lha thams cad gser mdog tu bltas la/spel tshig puSh+TiM ku ru yang brjod pas/ dus gsum du phrin las 'dir rin po che'i bye brag gis de ni zla ba gsum rjes la nus pa mngon du 'byung ba ste/ rigs kyi dbul ba 'jig par 'gyur/ /zhes mthong chos myong ba nyid do/ /de la rgyas pa'i thab khung dang ldan pa la sha chen po dang ma da la brten pa'i rnal 'byor pas bdud rtsi lnga dang ldan pa dag gis la la zhig dbang du gyur pa myos byed ldan par ni lha mchod pa'i tshul las sbyin sreg byed pa tshogs 'khor dang 'brel ba brgya rtsa brgyad pa sreg blugs thun gsum du byed pas ni/ma lus pa rnams spyod pa ni/zhes khams gsum sa dgu zag bcas zag med du spyod pa zla ba drug gis dbang du 'gyur ba'i gling bzhi la sogs pa la dbang byed pa nyid 'thob pa'o/ /yang lha rnams sku mdog dmar ser la/ 'bras bu ldan pa'i yam shing la wa'i sha dang mngar gsum sbyar bas mchod pa ni tshim 'gyur mkha' 'gro mas de las ni longs spyod rgyal srid ster bar gdon mi za zhes rgyas pa'i phrin las so//da ni rnal 'byor pa'i tshe dang longs spyod rgyas par bya ba ni/ go ma yu'i 'phral gyi shas ce spyang ngam yang na wa'i sha dang myos byed kyis phyi dang nang gtor ma dang mchod rdzas ldan pa/nang gi sbyin sreg bya ba ni rdzas byin rlabs ldan pa dag lus kyi lha bskyed pa la mchod pa'o/ /me'i lha mchod pa can gyis lag par myur du ni bar chad med par dngos grub thams cad 'grub par 'gyur zhes gang bsams pa grub pa brgyad sogs/ phrin las de dag thams cad la sngags kyi bzlas brjod mtshan mo bzlas pa gsang spyod dang 'brel ba ste/a ka tsa Ta ta pa ya sha'o/ /yul 'khor yang ni 'khrugs par byed pa phyi dang nang du nges pa'o/ /dus bstan pa/ de ltar nyin re byas na ni/ /zhes zla ba drug gi bar du thun gsum par bya'o/ /phan yon ni rgyal po nyid du byed 'gyur ni nus pa thob pa'i sgrub pa pos so//'di la rab mchog gzhan dag ni 'khor lo sdom pa'i phrin las 'di nyid kyis myur du grub pa ste/ 'jig rten gsum na yod ma yin ni gong na med pa/ sa gsum las so/ /rnal 'byor chen po 'tshe med ni sgrub pa po de'i tshe 'phel bar 'gyur bas rang dga' 'chi bdag 'joms par 'gyur ba'o//sgyu ma lta bu'i rdzu 'phrul ston pas te/ sna tshogs gzugs ni 'gro ba mos pa'i dbang ste/ 'dzin cing rol pa ston pa'o/ /yang rgyas pa'i phrin las te/ bil ba ni sman ka bed/ pA la sha ni 'brum bu mngar ba/ u du m+WA ra ni me tog dkar ser ro//rgyas pa'i sbyin sreg la lha thams cad dmar ser ro/ /'bum du byas pa na gtor ma dang mchod pa yang de tsam gyis nor gyi bdag po chen por 'gyur ba 'phags pa ngal sos bu'i mdzod thob pa lta bur rin po che dbang gi rgyal po mnga' brnyes pa'o/ /yang rgyal srid 'thob par 'dod cing grub pa ni/go maM sa ste ba lang sha dang spyod byed bsre ba da du ra'i 'bras bu las sbyin sreg byed pas brgya rtsa brgyad la sogs par mchod pas/ rnal 'byor dbang phyug mnyes byas ni dpal sdom pa'i dkyil 'khor gyi gtso bo bla ma dang tha mi dad pa la mchod pas/ dbul po nyid du ga la 'gyur/ /zhes phan yon mi zad pa nam mkha' mdzod thob pa'o/ /go maM yu ni ce spyang gi sha dang zhi ba'i shing la sbyin sreg byas pa ni/ gang zag des ni las dang dngos grub gang 'dod ci bde bar ni grub par 'gyur ba nyid kyis/ yang go ma yu'i sbyin sreg brgya'am stong la sogs pas dpal 'khor lo sdom pa'i lha tshogs la mchod pa ni myur du nor bdag mnyam par 'gyur zhes rin po che'i phung po thob pa'o//de dag 'di dus su phyi rol gyi dka' thub kyi spyod pa mthar lhung ba dgag pa ni/ brtul zhugs dman pa la sogs pa ste/ gtsang sbra dus gsum gyi khrus la sogs pa bya ba'i rgyud kyi spyod pa med pa'o//ye shes chen po gsang ba mchog bla na med pa thob pa ni brtags pa ni dngos grub 'thob cing / yon tan phun sum tshogs pa la mnga' brnyes par 'gyur ba'o/ /da ni khyad par du sgrub pa po tshe 'phel bar 'dod na/ 'khrul 'khor dang rdzas gnyis las dang por bcud len du gyur pa ni/lhag pa'i tshe ni brag las skye pa can dang / kuSh+ma DaM ni me'i sa bon can no/ /mung+ga ni dbang phyug sa bon/ ma sha ni spra ba lo ma/ tsa na ka ni mo sran no/ /sbrang rtsi'i tshigs ma ni sbra tshil te/ ke tshe dang zhes ra sa yA na ste bcud len du gyur pa ste/ tshe 'phel bar byed pa'i 'chi med bsgrub pa'i sbyor ba gsang ba/ nang du bdud rtsi rlung lam du gyur pas so/ /'khrul 'khor sbyor ba la/ ta ma la'i 'dab blangs de ni gur kum gyis yi ge bcu gsum pa'i 'khor lo A li kA lis mtshan pa bris pa la lha bstim zhing tshe bsgrub pa'i spel tshig can/ phyi rol mu khyud las rdo rje phyogs rnams su yod par rab gnas ldan pas 'grub pa'o/ /gdong g.yogs byas nas zhes pa bar chad bsal zhing gnod pa bzlog pa la 'khrul 'khor da du ra yis bris la/ gnod pa byed pa'i spel tshig bris pa dgug bstim byas la dur khrod du sbas na/ kha bcings par ni 'gyur ba gcan gzan khro bo lta bu'i kha dang lce rengs par byed do//rnal 'byor pa rang gi ji ltar 'dod pa ni grub par 'gyur pa bas/ gong gi las dang dngos grub ma lus pa yang ngo / /gang du dga' ba der gnas so/ /zhes pa rim pa gnyis spyod pa mthar phyin pas so/ / hA swA phaT hUM hUM ye nI tsa ro bai badzra oM gsang sngags so/ /de la gsang chen 'dir lam spyod pa yongs su dag pas phyogs las rnam par rgyal ba mngon du gyur pas/ 'khor lo chen po rigs bsdus pa la goms pa mthar phyin pas/ lam gyi rim pas bcu gsum gyi dbang phyug rang rdzogs su gyur par bstan pa'i phyir/de nas gzhan yang bshad bya ba/ /zhes smos te/ mtshan nyid kyi theg par ji ltar sa lam thams cad 'dir don la ston cing rdzogs pa'i khyad par las rnal 'byor ma'i rgyud du thabs shes rab gnyis su med pa'i bde ba'i ye shes kyi sa dang lam myur du chod pa nyid la gnas dang nye ba'i gnas la sogs pa bcu gnyis kyi ye shes rang rdzogs su gyur par dgongs pa'o//he ru ka dpal ni dpal 'khor lo sdom pa sku lnga ye shes lnga bde chen du sdom pa zung 'jug ye shes kyi sku'o/ /de'i sku'i yan lag ni phyi sprul pa'i 'khor lo/ji ltar gnas pa de nyid nang dbang dang byin rlabs kyis khyad par du gyur pa'i dus nas smin grol gyis sbyangs pa'i tshe/ dpal bde mchog gi lha tshogs kyis bsdus pa'i dkyil 'khor pa thams cad lus la bstim pas de nyid du nus pa bzhag cing rtsa gnas su rnam par 'gyur ba bstan pa'o/ / sku ni dkyil 'khor gyi lha tshogs ma lus pa rigs lnga rdo rje 'chang gis bsdus pa rnams so/ /brtan pa lha'i gzhal yas khang dang / g.yo ba 'gro ba thams cad ma lus pa la ye shes kyi sku'i bdag nyid can gyis khyab cing spro ba dang bsdu ba'i dbang phyug tu mdzad pa'o/ /de dag la DA ki gsang ba mdzod las gsungs pa ni/'dir ni/ rnam spyod gnas dang nye gnas zhing dang nye zhing tshan+do nye ba'i tshan+do 'du ba nye 'du nyid/ /dur khrod nye ba'i dur khrod 'thung gcod nye ba'i 'thung gcod sa rnams dag ste kun du 'od dang ye shes che/ /bcu gsum rdo rje 'dzin pa mchog tu dag pa gsang ba'i sa rnams dri med he ru ka dpal brjod//sa gsum dag tu dpa' bo rnams dang rnal 'byor ma yi rang bzhin yi ge phyi nang dag pa dbyer med gsang bar gnas/ /ma lus 'khor 'das kun du khyab cing dbang sgyur mtha' yas 'jig rten 'das pa'i bdag /des mdor bstan nas da ni rgyas par bshad pa la/ gnas ni rab tu dga' ba'i sa/ /zhes pa ni/ DA ki badzra rgya mtsho las gsung pa'i don te/ gang du phyag rgya de nyid 'khor lo bzhir/ /sku gsung thugs kyi rtsa ni rab gang ba/ /bcu drug bde ba mi phyed ye shes che/ /snying po pad+ma ge sar rab dga' ba/ /rang gi bde chen gnas ni lhan cig skyes/ /mgo bor bdud rtsi 'phel byed phyogs dag ste//zla ba de nyid dpa' bo rnal 'byor ma/ /bdag med gnyis ldan mdzes pa thugs spyod pa'o/ /de bzhin nye gnas dri ma med/ /spyod pa chu rgyun rab 'bab rnam par dag /chos kun bde ba mi 'gyur spros med pa/ /ting 'dzin nyer spyod stong nyid las rlung zhi//rgyal bar mthong ba rnam thar mtshungs med thob/ /zhing ni 'od byed shes par bya/ /lus gnas rtsa las sum mdor me 'bar ba/ /'od zer bye bas 'gro kun khyab 'gyur ba/ /'chi med rnam par dag pa'i zhing gyur ni/ /dpa' bo stobs mchog skye med gsungs rdo rje/ /nye ba'i zhing ni 'od 'phro ba//ye shes 'od zer de nyid spro dang sdud/ /skar mda' thig le gsang ba rab dbye nyid/ /smin cing 'dzag pa chu dbang nyer zhi drag /sgra las brjod pa du ma sdud pa'o/ tshan+do ha ni mngon gyur nyid/ /rnam shes spyod pas ro drug za ba ste/ /ye shes kyis ni zhi ba rab rgyas byed/ / sgyur dka' sems nyid thab 'joms pa las/ /'khor lo ral gri rdzu 'phrul ston pa'o/ /nye ba'i tshan+do sbyang dka' ba/ /sgyu ma rmi lam chos ni mngon du gyur/ /rjes 'gro chos nyid 'phags pa'i lam nyid de/ /dge ba bsam gtan mkha' 'gro khams kun spyod/ /gsal ba nyi ma 'char nub thim par 'gro//'dus sa ring du song ba yin/ /lugs gnas lugs ni ring 'gyur spyod pa dag /phra ba rjes spyod dga' ba'i yul gyur nyid/ /'dod yon dag pa dbang po rab sim pa/ /don byed grong khyer dgra rnams 'dul ba'o/ /nye bar 'dus mi g.yo ba/ /bla med bgrod pa seng ge stobs mchog nyid//phyir mi ldog pa mtha' dag mi 'khrugs pa/ /byang sems ro ma rkyang ma kun 'dar du/ /snying rjes 'du ba rtsa gzhan bla med spyod/ /dur khrod legs pa'i blo gros nyid/ /ye shes mtshungs med legs spyod nam mkha' la/ /thogs med blo gros rgya mtsho'i rnal 'byor che//srog dang rtsol ba dag pas rab mi gnas/ /'od gsal 'gog pa med par spyod pa'o/ /nye ba'i dur khrod chos kyi sprin/ /dba' rlabs chu 'dzin sna tshogs byams pa'i gdugs/ /gling rnams 'gebs pa chos nyid klong yangs te/ /rnam dag yang dag lam gyi snying po che//sra ba mchog 'gyur rdo rje dbyings dbang phyug /yang dag mthar gnas byang chub snying po nyid/ /rdo rje'i ting 'dzin ye shes de bzhin gshegs/ /gdod nas dge pa spros med phyag rgya che/ /mnyam med bdud 'joms sgo gsum ro mnyam gyur/ /'od gsal snying po srog gyur rtsa rnams dag pa ste//sku gsung thugs kyi rdo rje kun du ston gyur pa/ /mchog gyur rgyal po bcom ldan rdo rje 'chang / /de ni khyab bdag ma lus rnam mi rtog /rgyu 'bras bde chen lhun grub bcu gsum pa/ /skad cig gtsug tor rdzogs par rab thim pa/ /rgyun mi 'chad par byang chub sems 'byung 'gyur//yid bzhin nor bu dbang gi rgyal po bzhin/ /ngo bo nyid sku ye shes zung 'jug sku/ /sangs rgyas nam mkha'i sku ni 'dir 'thob byed/ /ces gsungs pa'i don to/ /'dir ni mtshan nyid kyi theg pa las/ snying por gyur pa rdo rje'i theg pa gsang ba bla na med pa'i dpal ldan he ru ka gzhung spyod//ces smos te/ bde ba chen por sdom pa ye shes kyi sku can gyis bstan pa'i don to/ /'di ni nang gi bdag nyid can la mchog tu 'gyur ba nang gi rtsa dang thig le la sogs pa'i rten 'brel phyi snang ba 'khor lo sdom pa'i ngang las ma 'das pa'o/ /de yang dbang bcu mngon du gyur pas sbyin pa nas ye shes kyi bar gyi pha rol tu phyin pa bcu'i bdag nyid kyi dang /lam rnams ni thob tshul mtshungs kyang lam bgrod tshul mi 'dra ba nyid do/ /rnal 'byor ma'i brda'i skad ni kla klo'i skad kyis sbas pa'i gsang ba 'jig rten gyi sgra dang rtog ge bas mi rtogs par gyur pa'o/ /de la dkyil 'khor gsang ba yang dag pa'i gnas tshul ni/mtho ris te thugs mkha' spyod dang sa steng ni sa spyod gsung dang / sa 'og tu spyod pa sku'i 'khor lo la dpa' ba'i yan lag ni dpal he ru'i sku gsung thugs kyi rnam par 'phrul ba'o/ /brtan pa dkyil 'khor gzhal yas khang la g.yo ba lha tshogs 'khor lor gnas pa dag gi bdag ni de thams cad rnal 'byor pa'i lus sems la sdom par gyur pa'o//pul+li ra sogs gang bstan pa ni sprul pa 'dzam bu'i gling gi 'khor lo yul gyi bye brag tha dad pa'o/ /de nyid dpal he ru ka yab yum gyi sku la gnas pa bzhin du rnal 'byor pa'i lus la yang sbyar ba'o//thog med dus su gang bstan pa ni gdod ma nas grub pa'i lhan cig skyes pa'i dkyil 'khor gyi 'khor lo/ 'og min dang / ri rab rtse dang / 'dzam bu'i gling du yang snang bar mdzad pa'o/ /phyi nang bdag nyid can du gnas pa ni kun du khyab cing lhun gyis grub pa'o/ / thogs pa med par kun gyi dbang phyug tu bstan pas gar gyi cho 'phrul ni dpal ldan khrag 'thung rgyal po che ni dus dang rnam pa thams cad du bdud las rgyal ba'i sku gtso bor 'gyur ba'o/ /'dod pa kun ni sgrub pa pos don kun stsol ba nyid las/ dbang phyug gtso ni ye shes kyi dbang phyug brgyad dang ldan pa nyid do//kun du phyag dang ni zla ba bcu gnyis rnam par dag pa/ zhabs ldan zhing ni nyi ma lho byang du bgrod pa gnyis so/ /kun du spyan dang ni dus gsum thams cad dus med mnyam pa nyid du gzigs pa'o/ /gtsug tor zhal te gtsug tor bltar mi mngon pa dang / zhal gyis khyab pa tshad med pa gsang ba bsam gyis mi khyab pa mnga' ba/kun du thos ldan ni gsung gi gsang ba bde chen bsam gyis mi khyab pas bskal pa gang+gA'i klung gi bye ma snyed bcu drug 'das pa'i 'jig rten gyi khams 'od zer can la sogs par yang gsung thos pa nyid kyis so/ /thams cad g.yogs te/rnam par bzhugs pa ni sku gsung thugs ye shes kyi gsang ba bde chen bsam gyis mi khyab pa'i mi zad pa rgyan gyi 'khor los 'khor 'das thams cad kyi don mdzad pa nyid do/ /da ni gzhung nye bar bsdu ba'i sgo nas lam grub pa'i don bstan pa ni de nas dngos grub bya ba ni 'bras bu'i mchog gsang ba mchog thun mong ngo //bsam gtan ldan pa'i sems kyis te ni lam gyi rim pas dam tshig sdom pa spyod pa dang ldan pa mthar 'byin pa'o/ /sgrub pa pos rten gyi gang zag nyams len byed pa la phan pa'i phyir zhes pa ma 'ongs pa'i skal ba dang ldan pa rnams la dgongs pa nyid do/ /de dag chos 'di 'jug par 'gyur bas na/gsang ba chen po rgyud gsum ston pa'i de nyid gsal bar gsungs pa yin zhes snying po mchog tu gyur pa'i don gsang chen la nye bar gdams pa bstan pa nyid do/ /da ni le'u'i mtshan las dpal 'khor lo sdom pa la/ dbang gi sbyin sreg dang /las tshogs rnams so/ /gnas la sogs pa bstan pa'i cho ga ni sa lam rim pa ste/ le'u lnga bcu pa'i rnam par bshad pa'o// //de nas gzhan yang bshad bya ba/ /zhes bya ba la sogs pa smos te/ 'dir ni yongs su bsdus pa'i rgyud 'di la/ rjod byed sgra'i gsang chen dang brjod bya don gyi gsang chen gnyis su med pa bde ba chen po/ye shes kyi gsang chen gyi don ma lus pa thams cad le'u dang por mdor bstan pa/ lus rnam par gzhag pa lta bur gsungs nas/ le'u gnyis pa nas zhe dgu pa yan chad kyis brgyad par bshad la le'u lnga bcu pas las rab 'byams rnams dang /lam dang sa'i rim pa bstan pas cung zad bsdu ba tsam mdzad nas/ le'u lnga bcu rtsa gcig pa 'dis tshig don thams cad nye bar bsdu ba mdzad pa ni/ man ngag ni dpal rdo rje 'chang chen po nas da lta'i bla ma'i bar du byin rlabs mchog tu gyur pa'i rgyud 'di ni skal ba dang mi ldan pas rnyed par dka' ba ste/de bzhin gshegs pa mar me mdzad nas/ thub pa 'od srungs kyi bar gyis kyang ma gsungs pa'i phyir ro/ /de bas na thub pa thugs rje che zhing thabs mkhas pas dpa' bos zhes dpal he ru ka'i brda'i skad du ni sgra ji bzhin pa ma yin par gsang ba snying po'i don lkog tu gyur pa de bzhin gshegs pa spyod yul nyid thun mong pa ma yin par bstan pa'o//nga yis rgyud gzhan rnams thams cad du yang gsal por ma bstan te/ shin tu sbas pa yin zhes sgra pa dang rtog ge pas rtogs par dka' ba kla klo'i skad la sogs pa'i sgo nas bstan pa ste/ rim pa gnyis mngon du gyur pa'i tshul gyi gzhung bsdu ba spyir mdzad pa'o//da ni mngon par rtogs pa yongs su bsdu ba'i don gyi gsang ba ston pa ni/ gos dang zhes pa la sogs pa ste/ b+hA smA she zhes dur khrod las byung ba'i gos sam/ paSh+Thi dza'i sgras gnas la 'gro bas/ dur khrod kyis dben par gnas phun sum tshogs pa'am/tshad med pa bstan pa nyid kyis rnal 'byor srung ba dang / bdag nyid skad cig gis dpal he ru ka la phyag rgya lngas brgyan pa la sogs kyis bdag bsrung ba dang / yang sogs kyis thabs kyi yan lag bsod nams kyi tshogs dang / shes rab kyi yan lag ye shes kyi tshogs dang /phur bu gur gyi gnas bsrung ba sngon du 'gro ba'o/ /rgyu tshogs ni rten 'byung ba rim brtsegs ri ra ba chen po gzhal yas khang bskyed pa la/ brten pa lha'i 'khor lo bskyed pa la/ stong pa sngon 'gro ste A li dang / kA li ste sa bon phyag mtshan la sogs mngon par byang chub pa nyid dang /brjod nas sngon du 'gro bas yongs su rdzogs pa las byang chub pa rgyu'i he ru ka bskyed pa nyid dang / 'jug pa sgra la sogs pa 'bras bu'i he ru ka bskyed pa nyid las/ ji srid bsdus pa nam mkha' nas lhun gyis grub pa'i dkyil 'khor spyan drangs nas bstim pa las/yum gyi chos 'byung du lha'i 'khor lo rdzogs pa las/ dam tshig gi 'khor lo phyung nas bkod pas spro ba dang bsdu ba bstan pa'o/ /mya ngan las 'das pa gtso bo yab yum 'od kyi thig ler zhu ba dang bdud rtsi ste/ thig le'i rang bzhin du gnas pa la tshim byed tshad med bzhi'i ngang las gnas pa la glus bskul ba dang /bsdus pa'i sbyor ldan gtso bo yab yum bzhed par gyur pas sbyor ba dang po'i ting nge 'dzin bstan pa'o/ /go cha chen po lus kyi dkyil 'khor bsgom pa bstan pa dang / myang 'das kyis byang chub kyi phyogs kyi dkyil 'khor bsgom ste/ dkyil 'khor rgyal po mchog go//las rgyal po mchog la lag pa'i mchod pas go cha gnyis bgo ba dang / bsdus pa'i sbyor bas ye shes sems dpa' spyan drangs nas gnyis su med par bstim pa dang / dbang bskur zhing rgyas gdab par bya ba dang / sngags rnams kun gyis mchod pa bla na med pa bstan pas mnyam gzhag gi rnal 'byor de ltar de nyid bcu bzhi ni//zhes pa mngon par rtogs pa he ru ka mngal skyes bstan pa la/ mdor bsdus nas ni bshad pa yin/ /zhes thun nye bar bsdus nas bdud rtsi myang zhing gtor ma dbul bar bya ba dang / rdzogs pa'i rim pa bsgom pa'i bar gyis mnyam gzhag gi rnal 'byor bstan/de nas rjes thob spyod pa la gnas par bya ba'o/ /yang rdzus skyes kyi rim pa ltar na dang por byang chub kyi sems dang ldan pas dpal he ru ka'i nga rgyal dang ldan pas lus ngag yid gsum dag par byas nas/ gos dang zhes tshangs pa'i gnas bzhi bsgom pa rnal 'byor srung ba'o//phyag rgya lnga ni phung po lnga rigs lngas rgyas gdab sogs khongs su khams dang skye mched bsdu bas bdag bsrung ba'o/ /phur bu gur ni gnas bsrung ba'o/ /pra dz+nyA pu N+ya'i sgras ni shes rab kyis zin pa'i bsod nams kyi tshogs rdzogs par byed pa yan lag bdun pas so//rgyu sogs stong pa sngon 'gro ba ni ye shes kyi tshogs so/ /'jug pa ni sgra des gzhom du med pa'i nA da la sogs pa b+he raM b+ha ste/ ji srid bsdu ba'i sbyor ldan pa ni 'byung ba rim brtsegs nas ri rab dang sna tshogs pad+ma dang / A li kA li thig le las sa bon dang bcas pa spro ba dang bsdu bas ngo bo nyid sku'i dam tshig gi dkyil 'khor rgyas par bskyed pa'o//mya ngan 'das ni byang chub phyogs chos sku'i rnal 'byor dang / go cha chen pos ni lus rten dang brten par bcas pa longs spyod rdzogs pa'i sku bstan pa dang / lag pa'i mchod pa ste go cha gnyis bgo ba dang /sdud pa'i sbyor ldan pas ye shes sems dpa' spyan drangs nas gnyis su med par bya ba dang / dbang bskur ba dang sngags rnams kun gyis mchod par bya ba phyi dang / gsang ba dang de kho na nyid kyi mchod bstod bya ba dang / sngags rnams zhes pas bzlas pa'i rnal 'byor yang bstan bdud rtsi tshim byed kyi bdud rtsi myang ba gtor ma dbul ba dang yang bsdus pa'i sbyor ldan pas thun nye bar bsdu ba yang bstan to//des bskyed pa'i don gzhung bsdu ba de kho na nyid ston pa'o/ /da ni de nyid la rdzogs pa'i rim pa ltar na/ khyad par du rnal 'byor rnam par grol ba las/ gos ni lus kun du khyab pa'i kun da byang sems de la brten pa'i don dam pa bde bas kun du khyab pas gos sam gnas su gyur pa'o//phyag rgya lnga ni 'byung ba lnga dang dug lnga dag pa'i ye shes lnga nyid do/ /sogs ni rtsa 'khor lo drug la sogs pa dbye bsdu rnams so/ /shes rab yan lag ni las dang chos dam tshig phyag rgya chen po bzhi dang ldan pa'o//phur bu gur ni rdo rje dra gur lta bu ste/ byang chub sems kyi phur bus srung ba chen po'o/ /A li kA li ni rtsa 'khor lo bzhi yig 'bru dgod pa rnams so/ /brjod pa ni rlung srog dang rtsol ba'o/ /rgyu ni chos nyid kyi rtswa kun 'dar ma'o//sogs ni ro rkyang gnyis dang gzhan rtsa thams cad do/ /bde ba dang stong pa nyid kyi ye shes skye ba'i rten rtsa dbu ma de nyid dang po lus chags pa'i thog mar dang po byung bas na sngon 'gro ba'o/ /'jug pa ni rlung lam du bya ba ste 'byung 'jug gnas pa'o/ /sgra la sogs pa ni rlung dang rtsa yig khong na gnas pa las/ngag las tshig dang / ming dang / brjod pa dang / rab tu byed pa du ma 'byung ba gnas pa thim pa'o/ /ji srid ni srid pa gsum ste rtsa gsum mtshon pa'o/ /bsdus pa ni rtsa dbu ma dang a thung las/ mi shigs pa'i thig le gnas pa las 'od zer spro ba dang sdud pa'o//de nyid khams gzhan gyi bdud rtsi blangs nas rang gi gnas su bsdus pas ye shes myur du skye ba'o/ /sbyor ldan pa ni lte ba'i 'og gi tsaN+Da lI dang steng gi spyi bo'i haM las bdud rtsi phab ste 'khor lo rnams su rim pa bzhin du sbyor ba'o/ /de nyid la 'bar 'dzag tu gyur pas bdud rtsi ni spyi bo'i haM las so//tshim byed ni 'bar ba la thim pas/ lus sems la bde stong lhan cig skyes/ tshim byed du gyur ba'o/ /mya ngan 'das ni nyon mongs pa dang rnam par rtog pa thams cad bsregs pas bde stong du rang sar rnam par dag pa'o/ /lag pa ni phyag rgya ste de dag thams cad la yang phyag rgya bzhi ldan du gnas pas/mchod pa ni rang lus thabs he ru ka bde ba dang / yum stong nyid de/ thabs shes rab gnyis med ye shes chen po mchod pa'o/ /dbang bskur ba ni dga' ba dang skad cig ma lhan cig skyes pa'i ye shes kyis de kho na nyid du dbang bskur ba nyid do//go cha chen po ni lus kyi gnas dang / nye ba'i gnas la sogs pa thams cad du dpa' bo thabs dang rnal 'byor ma shes rab dbyer med gyur pas rtsa dang byang sems ro mnyam bde chen mi rtogs par gnas pas bdud bzhi la sogs pa mi mthun pa'i phyogs 'joms shing bsrung bar 'gyur ba'o//sngags rnams ni 'byung ba lnga'i rlung ste srog rtsol la sbyangs pas dbu mar chud pas snang grags thams cad bdag gzhan dbyer med bde ba dang stong pa gnyis med kyi mchod par bya ba nyid de/ de dag gis lam rdzogs pa'i rim pa dang sbyar ba dpal DoM bi he ru ka'i bzhed pa'o//da ni de dag gi gzhung yongs su bsdu ba'i tshul gyis gdams pa ni/ bA sa ni zhes gnas dang gos la 'jug pas/ sa la 'dod pa kun dbang phyug ni gnas phun sum tshogs pa bstan pa'i gzhung bsdu ba'o/ /dbang gi gzhung bsdu ba ni dbang bskur ba zhes pa'o//lam bskyed pa'i rim pa'i de nyid bcu bzhi po thams cad kyis bstan yang rdzogs rim kyang de nyid kyis so/ /rdzogs rim phyag rgya chen po ni/ /chos nyid bsam mi khyab dran bya/ /zhes pa'o/ /dam tshig la gnyis las bsrung ba'i dam tshig ni gang gis thob nas ma dad pa dbul po sdug bsngal gyis gdungs pa de la rtag tu 'byung bar 'gyur/de la nyes dmigs kyi sgo nas bstan pa'o/ /bdud rtsi tshim byed kyi tshogs kyi 'khor lo'i dus su yang lag pa'i mchod pa zhes pas bza' ba'i dam tshig gi gzhung bsdu ba'o/ /spyod pa la/ phyag rgyu lnga sogs dang /mgul rgyan gdu bu sogs tshig rkang bzhis rig pa'i brtul zhugs dang / spyod pa sna tshogs ston mdzod kyis kun du bzang po mgon po kun spyod sbas pa a wa d+hU tI pa'i spyod pa/ phyogs las rnam par rgyal bar bsdus pa'i spyod pa yang bsdus pa'o/ /A li kA li dang sngags rnams kun gyi zhes gsang sngags snying po nye snying rtsa sngags bzlas pa'i don to//shes rab yan lag dang / mchod par bya zhes pas rig ldan mchod pa bsdus pa'o/ /lam mngon du gyur pa la spangs thob gnyis las/ spang bya rang sar dag par gyur pa ni/ ji ltar sngon bsags sdig pa yi//bag chags kun zad mtshan nyid can/ /zhes pas so/ /'bras bu mngon du gyur pa la/ /de bzhin gshegs pa'i sa thob cing / /sa la 'dod pa kun dbang phyug /ces pas ye shes sa lam rdzogs pa'i gzhung bsdu ba'o/ /da ni dpal 'khor lo sdom pa'i rgyud 'dir zhugs pa'i rnal 'byor pas/'bras bu mchog mngon du gyur pa bstan pa ni/ mi mchog gang zhig kun spyod pa/ /zhes smos te/ 'dir rten gyi gang zag gis thos bsam bsgom pas rgyud sbyangs pas lam la goms par gyur pas/ sgrib pa thams cad rnam par dag / bdag ni las dang nyon mongs pa gnas ngan len myur du bdag spyod pa dang ldan pa'o/ /de bzhin gshegs pa'i sa thob cing ni sa bcu gsum pa'i dbang phyug rdo rje 'dzin pa tshe 'di nyid la mngon du gyur pa dbang po yang rab ste/ sa la 'dod pa kun dbang phyug /ces pa la phra zhing yang la phra bar nus pa dang //spyod pa nus dang bdag nyid chen po dang / /dga' mgur byed cing thams cad dbang du gyur/ /ces 'dod bskyed dang dbang phyug don brgyad do zhes pa'i don gyi mtshungs pa med pa'o/ /yang skye ba bdun tshun chod kyis mchog mngon du gyur pa bstan pa ni/ ji ltar sngon tshe rabs thog ma med pa nas bsags pa'i sdig pa dang ma rig pa'i bag chags kun zad par byed pa'i mtshan nyid can ni/brtson 'grus ldan pa gang zhig gis 'di ni dus rtag tu bsgom pa dag ni/ skye ba dang ni gang dang gang du skye ba der bde bar gshegs pa dag gi rigs skye ste/ khyad par du rnal 'byor dbang phyug chen por gyur pa ni/dang po nas chos dang ldan pa nyid la ste/ dbang po rab kyis thob pa'o/ /da ni mtshan tsam gyis grol ba dri ma dag tshul dpe'i sgo nas bstan pa/ dper na mar gyis gang ba'i snod/ /ces bum pa lta bu de nyid me 'bar ba'i dbus su bzhag par gyur na ni/mar 'bru las byung ba'am srog chags las byung ba'i dngas ma steng du zhu bar gyur cing snyigs ma lus pa phyed cing snod de nyid kyi dri ma 'jig pa nyid du 'gyur ba dri ma thams cad myur du 'dag pa'i khyad par bstan pa las/ don ni de bzhin shrI he ru ka'i zhes pa la/ shrI ni gnyis med ye shes te//he ni rgyu sogs stong pa nyid/ /ru ni bkod pa dang bral ba/ /ka ni gang du'ang mi gnas pa'o/ /zhes pa'i don gyis rnam thar sgo gsum sku gsung thugs skad cig ma bzhi pa mngon par rdzogs par byang chub pa snying po ye shes mngon du gyur pa'o/ /mtshan thos pa tsam gyis skad cig la sgrib pa 'jig par 'gyur ba ni/byang chub sems dpa' chen po shin tu sbyangs pa can gyi spyod yul du gyur pa'o/ /bsam gtan ni thun bzhi la sogs par ro/ /'di nyid yid la sems pa tsam gyis sam mos pa byas pa tsam gyis kyang yon tan du ma thob la/glegs bam du bklag cing kha ton du 'don pa dang bris shing bcangs pas ni/ phan yon gyi khyad par mtho ris yan lag dang ldan pa'i longs spyod phun sum tshogs pa 'thob 'gyur ba'am zhes gnas skabs pa la/ yang na stong 'khor los sgyur ba'i rgyal po chen po rtsibs kyi mu khyud lta bu 'thob ces dbang po tha ma'i lam mo//tshe 'dir mchog ma thob na'ang bar ma dor dkyil 'khor gyi 'khor lo'i snang ba dang mi 'bral bar dag pa'i zhing khams su spyod par 'gyur ba ni/ rnal 'byor pa rnams 'pho ba'i tshe/ /zhes smos te/ sgrub pa po rim pa gnyis la rtags sna 'ga' tsam las ma thob na yang /bar ma dor zhal ston par 'gyur ba ni/ dpal ldan khrag 'thung ni bcom ldan 'das nyid rdo rje btsun mo dang bcas pa dang / sogs ni dpa' bo rnams thams cad dang / mkha' 'gro sa gsum na gnas pa thams cad yul nyi shu rtsa bzhi dang 'og min na bzhugs pa'i lha tshogs kyis lag na me tog sna tshogs thogs pa ste/lha rdzas kyi me tog pad+ma dang / ut+pal dang / ku mu ta dang / puN+Da rI ka dang / many+dzu Sha ka la sogs pas mchod par byed/ lha'i rin po che'i rgyal mtshan sna tshogs du ma dang / ba da na sna tshogs pa du ma dang gdugs dang bla re chen po dang 'phan la sogs pa dang /rol mo'i sgra ni sna tshogs pa dung dang rnga bo che dang gaN+Di dang / pi wang dang / gling bu dang / rgyud mangs dang / pa Ta ha dang / pheg rdob pa dang / Da ma ru dang / dril bu la sogs pa du ma sgrogs par byed cing / sna tshogs klu'i mchod pas mchod pa ni drug ldan dang bzhi 'gyur la sogs pa rdo rje'i glu dbyangs yid du 'ong ba du ma ni lha mo'i tshogs thams cad kyis mchod par 'gyur ba ste/tshu rol pa rnams kyis 'chi ba zhes bya ba rtags tsam du bas kyi/ sgrub pa po la 'chi ba med pas bde ba'i snang ba las ma 'das te/rnam rtog 'di zhes gzhan dag rnams kyi 'khrul snang yin no/ /mkha' la spyod pa'i gnas su khrid pa ni lus 'ja' tshon lta bu'i rnam pa la sems ye shes bde stong du gyur pa nyid kyis zag pa med pa'i skur 'gyur ba'i don to/ /des ni dbang po 'bring gi lam mngon du bya ba'o//phan yon de dag kyang phal pa rnams la 'byung ba ma yin te/ de 'dra'i dpal chen de sgrub pa po dang / rnal 'byor pa lus ngag yid lha'i sku gsung thugs rdo rje dang tha mi dad du gyur pa dag sa steng nas ni rnyed par dka' ba ste u du m+WA ra lta bu srid pa tsam du bstan pa'o/ /da ni bsrung bya'i dam tshig las dpal ldan he ru ka'i rgyud chen 'di la dang por zhugs shing /dbang thob pa chos thos nas/ /gang gis bla ma dang lhag pa'i lha dang gsang ba'i spyod pa dang / mchod rdzas brten pa la sogs pa la rang bzhin shes nas ma dad pas dam tshig ma bsrungs na/ tshe 'di la dbul ba'i sdug bsngal gyis gdung ba la sogs pa rnam par 'tshe ba du ma 'byung la/skye ba phyi ma de la dus rtag tu sdug bsngal dpag tu med pa 'byung bar 'gyur ba ste/ dam tshig las 'das pa'i skyon pa bstan pa'o/ /da ni mngon par rtogs pa sgom pa'i gzhung bsdu ba las/ dang por rdzus skyes rim pa bstan pa ni/ri steng ni 'byung bzhi rim brtsegs kyi steng du ri bo mchog rab po/ /sna tshogs pad+ma ni 'dab ma sum cu rtsa gnyis pa de'i lte bar sna tshogs rdo rje'i dbus su pad+ma 'dab ma brgyad par gnas pa la/ yi ge sa bon tsam las A li kA li skyes ni dbyangs dang / gsal byed kyi dbus su hUM 'od 'phro ba las/ spro bsdu nas skad cig gis gzhal yas khang lha'i 'khor lo lnga ldan du bcas pa rdzogs byed du rnam par blta ste/ dpal he ru ka zhabs g.yas brkyang pas lha mo u ma dus mtshan mo mnan cing / zhabs g.yon pas de'i bdag po 'jigs byed sum bltab tu rnam par gnon cing ste chad pa dang rtag par lta ba 'joms pa'o//bcom ldan 'das kyi rtsa ba'i phyag dang po gnyis kyis rdo rje dang dril bu 'dzin pas yum rdo rje rnal 'byor ma'i sku la 'khyud cing mnyam sbyor ba'o/ /nyi shu rtsa bzhi phyed ldan pa na phyag bcu gnyis rten 'brel bcu gnyis dang sa bcu gnyis rdzogs pas bcu gsum rdo rje 'dzin pa la gnas pa'o//'ga' zhig gis lha bcu gsum pa'i tshig zin du 'dod pa'ang yod do/ /dpa' bo ni sku gsung thugs kyi 'khor lo la gnas pa'i tshogs so/ /rnal 'byor ma tshogs DA ki ma sum cu rtsa drug gis yongs su bskor ba'o//de rnams kyi sku'i rgyan ni/ spyi gtsug gi 'khor lo thod pa lnga nor bu dang ldan pa mi bskyod pa'i phyag rgya dang / mgul rgyan rin chen 'byung ldan gyi phyag rgya/ lag pa gdu bu dpung rgyan de bzhin gshegs pa'i rigs kyi phyag rgya/rna rgyan 'od dpag med kyi phyag rgya/ tshangs pa'i skud pa mchod phyir thogs dang ska rags 'og pags sil sil sgra sgrogs pa ni dam tshig rigs kyi phyag rgya'o/ /thal ba'i rdul gyis byugs pa ni dpal rdo rje sems dpa'i phyag rgya nyid do/ /do shal mgo bo'i phreng ba ni mi mgo khrag 'dzag pa can lnga bcu thag pa rgyu mas byas pa 'du byed lnga bcu dag pa'i brda'o//shI he ru ka phyag rgya chen po ni/ bcom ldan 'khor lo lnga'i dbus na sku lnga bde chen du bzhugs pa'o/ /go 'phang mchog ni bsgom par bya/ /zhes pas dngos grub thams cad sgrub par 'dod pas thun bzhi rim pas gnas par bya ba'o//da ni mngal skyes ltar na khyad par ni dpa' bo nyer bzhi po kun dang rnal 'byor ma sum cu so drug pa'i 'khor lo lnga ldan du gyur pa b+ha ga'i dkyil 'khor gyi dbus su dpal he ru ka yab yum sbyor ldan bsrubs bas pa las byung ba'i mngon par byang chub pa lnga las byung ba rgyu'i he ru ka rdzogs pa'o//'byin pa dam tshig gi dkyil 'khor du bkod pas/ sdud pa gtso bo yab yum zhu ba ni stong nyid 'od gsal du 'jug par mdzad pa yin zhes thig le'i gzugs su gnas pa la/ mtshams kyi lha mo'i glus bskul bas lha tshogs thams cad dgyes pas khyab par gyur cing gnyis med 'gyur ba 'bras bu'i he ru ka slar bzhengs pa nyid cho ga bla na med pa ting nge 'dzin gsum du bstan pa'o//de las bcom ldan 'das kyis gdul bya 'gro ba rnams kyi mos pa'i bye brag dang dbang po'i bye brag tha dad pa du ma'i sems can la sku'i rnam par 'phrul ba gang la gang 'dul du ston pa'o//spyod pa sna tshogs ston mdzad de ni zhi ba dang khro bo dang nyan rang dang bo d+hi satwa rnal 'byor dbang phyug dang zhal gdong brnyan mi 'dra bar gar gyi rol pas sna tshogs tshul gyis thun mong dang khyad par gyis 'khor ba ma stongs bar du gdul bya nam mkha' dang mnyam pa la thabs ni sna tshogs sgyu ma lta bu'i spros pa dang /yang spros pa med pa zab pa dang / rgya che ba du ma ston pa yin zhes snod dang 'tsham par ro/ /da ni gsang chen bla na med pa zab mo snying po'i chos 'di ni he ru ka ngas ston pa la 'ga' zhig gal te/ mos par ma gyur kyang zhes dbang po dman pas 'di la mi 'jug na yang smod pa dag tu mi bya ste/tshar bcad pa'i spyod yul lo/ /chos nyid bsam mi khyab dran bya ni thams cad la blo'i yul las 'das pa phyag rgya chen po yid la mi byed pa la gnas par bya ba'o/ /yang gang zag gang gis chos 'di bdag gis rtogs pa'i spyod yul min pas sus kyang 'di'i don mngon du gyur pa med pa'i shes byed ni/bdag gis chos 'di'i chos nyid ni ma rtogs pas gzhan dag kyang ma shes pa yin no zhes zer ba can ni ma rtogs pa ste/ gang gis mngon du byed pa bstan pa rdzogs sangs rgyas dang zhes dbang po yang rab dang de'i sras ni byang chub sems dpa' dbang po rab dang 'bring du gyur pa rnams dang bdag nyid chen po gang zag thod rgal ba rnal 'byor dbang phyug tu gyur pa rnams kyis mkhyen cing mngon du gyur par mdzad pa'o//de la chos thams cad kyi chos nyid lhun grub 'gyur ba med par ston pa'i phyir/ sangs rgyas rnams ni byon gyur tam//zhes 'jig rten du de bzhin gshegs pa dpag tu med pa byon nas chos dpag tu med pa gsungs pa'am/ ma byon na yang chos mang po ma gsungs na yang dus dang rnam pa kun du de bzhin gshegs pa thams cad kyi sku gsung thugs ye shes bde ba chen po bsam gyis mi khyab pa dpal bde mchog gi 'khor lo'i chos nyid kyi ngo bo nyid dbyings ye shes dbyer med la ni 'phel 'grib spangs pa ste zung 'jug rab tu mi gnas pa brjod pa las 'das pa nyid do//de ltar chos ni tshig dang don du bcas pa/ brjod bya'i gsang ba dang rjod byed kyi gsang chen 'di la lung dang rigs pas rnam par gzhal nas kyang zhes gang zag dbang po rnon po la dgongs nas gsang chen byin rlabs gsang ba mchog tu gyur pa bstan pa la/'jig rten pa tha snyad pa dngos po la mtshan mar 'dzin pa kun gyis yong mi smad de/ sgro 'dogs skur 'debs kyi spros pa las 'das pa'i phyir ro//khyad par snying po gsang ba de'i bgrod pa lam myur zhing bde ba'i lam mchog 'dir bsams shing zhes chos sku zab pa dbyings ye shes ro mnyam pa'i ngang las/ rgya che ba sangs rgyas gzugs sku'i rnam par rol pa gsang ba bsam gyis mi khyab cing /sku gsung thugs mi zad pa rgyan gyi 'khor lo thams cad mkhyen pa/ ngo bo nyid bde ba chen po byang chub sems lhun gyis grub pa'o/ /sangs rgyas kyi bstan pa la 'jug pa bstan pa ni/ mdo sde ni mtshan nyid kyi theg pa chung ngu dang theg pa chen po rnams so/ /ji srid bya ba spyod sogs kr-i ya dang tsar+ya spyod pa'i rgyud dang rnal 'byor gyi bar rdo rje theg pa spyi'o//khyad par ba rnal 'byor gsang mtha' ste bla na med pa dbye ba nyid ni rgyud sde bzhi rim pas 'jug pa la sems can mos pas 'jug pa rnams blo'i rim pa'am/ 'dod pa'i yon tan la chags tshul rim pas bstan pa de dang /de la dga' ba bzhis zhes drang ba dang nges pa dang snying po'i don bstan pa'o/ /mtshan gyis rab grol dbang phyug bde chen go 'phang yan lag mngon 'gyur mi phyed gnas thob pa/ /gang zag u dum ltar te phyir ldog gang yin 'khor bar lhung la phyag rgyar grub pas lam gyur pa/ / skad cig dag gis rdzogs byed rnal 'byor de nyid gsang ba srid pa skye tshul dang mtshungs ston/ /'gro ba skal ldan skal med 'jig rten dag na chos rnams dag cing bdag med mnyam pa nyid du rang 'byung ba'o/ /nyan rang theg chen zhugs dang bram zer spyod dang brtul zhugs can de rnal 'byor rjes su rigs pa dang //mnyam sbyor mi 'gyur de nyid thams cad sems kyi spyod yul gsang ba mi zad chen por brtag /gang du stong dang snying rje dbyer med chos nyid bden pa'i don ni mi rtogs byin rlabs bral/ /tshul ngan rig byed rtog ge'i gzhung lugs log par lta la zhen byas rig don ma mthong //bla ma'i man ngag bral ba'i skye bo rtog pa'i dra bas bcings pa rnams kyis rtogs min pa/ gsang chen snying po'i rgyud ni dri med 'phags pa'i nor gyi blo ldan spyod yul dag tu ni/ /log lta nyams byed skal bar ldan rnams yang dag lam ston mkhas rnams bsrung / /mi bzed snyigs dus rtsod pa'i 'gro rnams gsang chen lam rtogs bya phyir nga nyid de yi tshe na yang //dus dang dus su snying po'i don ston bla ma nyid du gyur nas bstan pa 'byung bar 'gyur ba nyid/ /dpal ldan sdom pa chen po yon tan rgya mtsho'i 'byung gnas gsang ba mdzod 'di gsang ba'i don ston pa'o/ /de la brjod bya dang rjod byed du bcas pa'i rgyud kyi mtshan gyi rnam grangs bstan pa ni/dpal he ru ka zhes bya ba sku gsung thugs rdo rje rnam thar sgo gsum skad cig ma rnam par dag pa'o/ /rgyud kyi rgyal po ni bla na med pa'i gsang chen no/ /nam mkha' dang mnyam pa 'bum pa'i nang nas byung ba zhes khyad par snying po lta bu nyid de rgya mtsho chen po las nor bu rin po che dbang gi rgyal po ltar ston pa dpal rdo rje dril bu pas gdan drangs pa'o//dngos grub kyi cho ga ni mchog dang thun mong gi grub pa myur du 'grub pa sbyin sreg dang 'khrul 'khor la sogs pa'i lam mo/ /shin tu rmad du byung ba ni byin rlabs phul du byung ba'o//bstan bcos thams cad pa ni 'jig rten dang 'jig rten las 'das pa'i 'bras bu phun sum tshogs pa bstan pa'o/ /dpal he ru ka dpa' bo chen po ni bdud las rnam par rgyal ba bklags pas 'grub pa ni/ shin tu myur du don grub par byed pa'o//thams cad/ /mkhyen pa ni rang gzhan gnyis med rnam pa ma lus pa'i don to/ /gzhan gyis mi thub pa ni bar du gcod pa mi 'byung ba'o/ /gdod ma nas grub pa ni dpal he ru ka rdo rje 'chang gi dgongs pa'o/ /rgyud phyi ma ni dang po chen po la ltos pa'o/ /dpal 'khor lo sdom pa zhes bya ba rgyud sde rnams las 'di rnal 'byor chen po bla na med pa'i rgyud kyi rgyal po las le'u lnga bcu rtsa gcig pa rdzogs so zhes yongs su bstan pa ma lus pa'i don to//dpal 'khor lo sdom pa'i rgyud kyi rgyal po bde mchog bsdus pa zhes bya ba'i rnam par bshad pa in+d+ra b+hU ti'i zhal snga nas mdzad pa'o// //

CLOSE WINDOW