CLOSE WINDOW

D1402
བོད་ཡིག

@##/ /rgya gar skad du/ lak+Sha a b+hi d+ha nA ta ud+d+h+r-i to la g+hu tan+t+ra piN+Da ar+tha bi wa ra NaM nA ma/ bod skad du/ mngon par brjod pa 'bum pa las phyung ba nyung ngu'i rgyud kyi bsdus pa'i don rnam par bshad pa zhes bya ba/ dpal he ru ka la phyag 'tshal lo/ /gang gi g.yon dang g.yas pa'i zhabs kyis gzhu 'dzin dang ni gangs ri'i bu mo nyi mar brdzis//khro bo'i gzigs pas lha dang 'byung po lha min dbang po gza' yi tshogs bcas skrag mdzad cing / /phyag rgya glang po stag lpags brang 'gro dge byed mi yi thod pa mgo bo'i phreng bas brgyan/ /de la btud nas de yi rgyud dang 'grel bshad gsal ba rdo rje'i tshig rnams 'byed pa 'di bri bya//dpa' bo'i dbang pos bskul ba 'di/ /dpal phyag rdo rje bdag gis ni/ /rnal 'byor pa yi dge spel zhing / /phyag rgya che 'bras thob bya'i phyir/ /de nas mngon brjod 'bum pa yi/ /rgyud las snying po phyung ba ni/ /dpal he ru ka rnal 'byor che//mkha' 'gro ma yi dra ba sdom/ /snyigs ma lnga yi dus 'dir ni/ /bsod nams ye shes 'bras thob phyir/ /phag mos gsol btab rdo rje can/ /nyung ngu'i rgyud ni rab gsal mdzad/ /tshe thung brtson 'grus chung ba yi/ /sgrub po rnams la phan phyir te/ / 'dod chags zhe sdang sogs ldan la/ /de nyid kyi ni thabs kyis kyang / /gsang chen mkha' 'gro ma gsang ba/ /thams cad bdag nyid rtag tu bzhugs/ /sems dpa' pho nya kun rang bzhin/ /rdo rje sems dpa' bde ba che/ /'di ni rang byung bcom ldan 'das/ /'dod pa'i don kun sgrub byed pa//sgra yi tshul las rnam par 'das/ /dam tshig spyod pa'i spyod yul te/ /thog ma dbus mthar yang dag gnas/ /'jig rten gsum du rnyed par dka'/ /thabs dang shes rab las byung ba/ /sngags dang rnal 'byor cho ga'i rim/ /brjod byar bshad pa de nyid ni//rjod par byed par gsungs pa ste/ /lhan cig skyes dga' he ru ka /dbu ma mchog gis dbugs 'byung ba/ /bshang gci zla ba nyi ma yi/ /rtsa ni bzhi dang yang dag ldan/ /phyag rgya chen po rten med pa/ /rdo rje phag mo rigs ldan ma/ /las kyi phyag rgya'i bde spangs pa'i//rnal 'byor pa des de mchod bya/ /zhes pa e waM dbang bskur don/ /nyung ngu'i rgyud las gsal min gang / /mdor bsdus tsam zhig rab gsungs te/ /'grel pas rnam par rgyas par bya/ /'dir dang por re zhig brjod par bya ba dang rjod par byed pa dang 'brel pa dang dgos pa dang dgos pa'i dgos pa rnams mngon par gzigs nas/gdul bya'i skye bo nges pa dang bral ba rnams kyis rang gi sems kyis bsam pas skye ba 'dir sangs rgyas nyid ster bar byed pa/ gsang chen mchog la bzhugs pa/ dpa' bo dang dpa' mo'i dbang phyug ma rnams kyis yongs su bskor ba/rdo rje phag mos gsol ba btab pa/ bcom ldan 'das dpal he ru kas/ rtsa ba'i rgyud mngon par brjod pa 'bum pa las snying po las snying po mchog gi rgyud gzhung gi tshad stong bdun brgya pa yang dag par bstan to zhes pa'o/ /'dir shes rab dang thabs kyi bdag nyid can bcom ldan 'das dpal he ru ka ni brjod par bya ba'o//'dir rtogs par byed pa'i rgyud kyi rgyal po ni rjod par byed pa'o/ /rjod par byed pa dang brjod par bya ba de dag gis phan tshun brjod bya rjod byed kyi mtshan nyid ni 'brel pa'o/ /dkyil 'khor du 'jug pa la sogs pa sems can gyi don byed pa dang 'jig rten pa'i dngos grub bsgrub pa ni dgos pa'o//bsod nams dang ye shes kyi tshogs kyis phyag rgya chen po'i dngos grub bsgrub pa dang sangs rgyas nyid ni dgos pa'i dgos pa'o/ /'di rnams mngon par gzigs nas/gdul bya'i skye bo nges pa dang bral ba rnams kyis zhes pa nges pa ni nyan thos kyi sdom pa ste/ de dang bral ba ni nges pa dang bral ba'o/ /de rnams kyi rang gi sems kyi bsam pa ni 'dod chags dang zhe sdang la sogs pa'i bdag nyid can te/ rang gi sems kyi bsam pa des kyang /skye ba 'dir sangs rgyas nyid ster bar byed pa ni snyigs ma lnga'i dus na tshe thung zhing brtson 'grus chung ba'i sgrub pa po rnams kyang skye ba 'dir sangs rgyas nyid ster bar byed pa ni bsgom pa'i thabs de nyid kyis so/ /gsang chen mchog la bzhugs pa zhes ba chos 'byung nam mkha'i khams ni gsang chen te/de la bzhugs pa ni gsang chen mchog la bzhugs pa'o/ /dpa' bo dang dpa' mo'i dbang phyug ma rnams kyis yongs su bskor ba zhes pa dpa' bo ni thod pa'i dum bu la sogs pa nyi shu rtsa bzhi ste/ zla ba'i rkang pa rnams so/ /dpa' mo'i dbang phyug ma ni mkha' 'gro ma la sogs pa ste/byang chub kyi phyogs kyi chos sum cu rtsa bdun gyi rang bzhin rnams so/ /de rnams kyis yongs su bskor ba ni dpa' bo dang dpa' mo'i dbang phyug ma rnams kyis yongs su bskor ba'o/ /rdo rje phag mos gsol ba btab pa/ bcom ldan 'das dpal he ru ka zhes pa/shrI yig gnyis med ye shes te/ /he yig rgyu dang bral ba'o/ /ru yig gzugs las nges par grol/ /ka yig byed pa spangs pa'o/ /zhes pa dang / dbang phyug la sogs yon tan ldan/ /b+ha ga yang ni bdud bcom phyir/ /gang la de mnga'i phyir na ni//bcom ldan khams gsum dbang phyug gsungs/ /zhes pa'o/ /bcom ldan 'das dpal he ru ka des rtsa ba'i rgyud mngon par brjod pa 'bum pa las snying po las snying po mchog gi rgyud gzhung gi tshad stong bdun brgya pa yang dag par bstan to/ /bcom ldan 'das de yang rgyud 'di'i ngo bo nyid kyis gnas pa ste/dang po bzhugs pa'i gnas kyi ngo bo nyid kyis gnas pa dang / de nas dam tshig gi spyod pa'i ngo bo nyid kyis gnas pa dang / de nas gsol ba 'debs pa po dang / ston pa po'i ngo bo nyid kyis gnas pa dang / rigs ldan mchod pa'i ngo bo nyid kyis gnas pa dang /de nas pho nya mo'i dngos grub dang / mchod pa'i ngo bo nyid kyis gnas pa dang / 'dod pa'i dngos sgrub bsgom pa'i ngo bo nyid kyis gnas pa dang / de nas byang chub kyi sems kyi thig le rnams kyis sangs rgyas dang byang chub sems dpa' la sogs pa mchod pa'i ngo bo nyid kyis gnas pa dang /sdig pa thams cad las nges par grol ba'i ngo bo nyid kyis gnas pa dang / de nas rnal 'byor pa nyid bsgrub pa'i ngo bo nyid kyis gnas pa dang / dam tshig bskyang ba'i ngo bo nyid kyis gnas pa dang / de nas dam tshig bral ba bsrung ba'i ngo bo nyid kyis gnas pa dang /bdud rtsi lnga bza' ba'i ngo bo nyid kyis gnas pa dang / tshogs kyi 'khor lo la mthe bong dang ming med dag gis zhal du zla ba'i btung ba myang ba'i ngo bo nyid kyis gnas pa dang / dbang po gnyis snyoms par 'jug pa'i ngo bo nyid kyis gnas pa dang /de nas zla ba bza' bsngags pa'i ngo bo nyid kyis gnas pa dang zhes pa lha dang mi'i bde ba cha bcu drug pa 'gyur ba med pa'i bde ba mchog mchod par bya'o zhes pa bcom ldan 'das rnam par gnas pa ste le'u dang po'i bsdus pa'i don to// // de nas ri'i phug la sogs pa gnas nges pa'i ngo bo nyid kyis gnas pa dang / dkyil 'khor la sogs pa de nyid bcu'i ngo bo nyid kyis gnas pa dang / de nas bla ma dang dpa' bo dang dpa' mo'i dbang phyug ma dang dkyil 'khor gyi 'khor lo mchod pa'i ngo bo nyid kyis gnas pa dang /slob ma dkyil 'khor du gzhug pa'i ngo bo nyid kyis gnas pa dang / de nas dbang bskur ba sbyin pa'i ngo bo nyid kyis gnas pa dang / phyag rgya'i spyod pa dang / mchod pa'i ngo bo nyid kyis gnas pa zhes pa bcom ldan 'das dkyil 'khor dang dbang bskur ba'i le'u'i ngo bor bzhugs pa'o//de nas mkha' 'gro ma'i gnas su rol pa'i ngo bo nyid kyis gnas pa dang / de nas sngags btu ba'i ngo bo nyid kyis gnas pa dang / de nas rig pa'i rgyal po'i las rab 'byam gyi ngo bo nyid kyis gnas pa dang / 'jig rten pa'i dngos grub brgyad bsgrub pa'i ngo bo nyid kyis gnas pa dang /de nas brda'i ngo bo nyid kyis gnas pa dang / las kyi phyag rgya'i mtshan nyid kyi ngo bo nyid kyis gnas pa dang / de nas de rnams kyis yang dag par smra ba dang 'gro ba dang 'ong bar bya ba'i ngo bo nyid kyis gnas pa dang / mkha' 'gro ma'i mtshan nyid kyi ngo bo nyid kyis gnas pa dang /de nas phyag rgya dang phyag rgya'i lan gyi ngo bo nyid kyis gnas pa dang / dam tshig gi ming brjod pa'i ngo bo nyid kyis gnas pa dang / 'jig rten dang 'jig rten las 'das pa'i dam tshig chen po brgyad kyi ngo bo nyid kyis gnas pa dang / de nas gcig tu tsA ru'i ston mo'i ngo bo nyid kyis gnas pa dang /gtor ma sbyin pa'i ngo bo nyid kyis gnas pa dang / de nas gnod mdzes rgyal po'i sngags btu ba'i ngo bo nyid kyis gnas pa dang / de'i las rab 'byam bsgrub pa'i ngo bo nyid kyis gnas pa dang / sngags dang gzugs brnyan dang bsam gtan gyi ngo bo nyid kyis gnas pa dang /de nas rnam par mi rtog pa'i de kho na nyid bsgom pa'i ngo bo nyid kyis gnas pa dang / 'jig rten las 'das pa'i sbyin sreg gi ngo bo nyid kyis gnas pa dang / de nas zhal bzhi la sogs pa'i sngags kyi rkang pa dang lhan cig dpa' bo dang dpa' mo'i dbang phyug ma'i ming nang du son pa mthar thug rdo rje la sogs pa'i sngags bzlas pa'i ngo bo nyid kyis gnas pa dang /gnas la sogs pas bcu dang gnas nyi shu rtsa bzhi nges par bstan pa'i ngo bo nyid kyis gnas pa dang / spyi bo la sogs par dgod pa'i ngo bo nyid kyis gnas pa dang /byang chub kyi phyogs dang mthun pa'i chos sum cu rtsa bdun rnam par dag pa'i ngo bo nyid kyis gnas pa dang / de nas thod pa'i dum bu la sogs pa nyi shu rtsa bzhi khams rnam par dag pa'i ngo bo nyid kyis gnas pa dang / lha mo rnams sa spyod dang mkha' la spyod pa gzugs yongs su bsgyur ba'i ngo bo nyid kyis gnas pa dang /rigs sum cu rtsa bdun gyi rtsa mchod pa'i 'khor lo kun du spyod pa longs spyod pa dang thim pa dang dbang byed pa'i ngo bo nyid kyis gnas pa dang / chos kyi 'khor lo rab tu bskor ba'i ngo bo nyid kyis gnas pa dang / de nas sprul pa dang longs spyod dang chos dang dag pa'i sku'i ngo bo nyid kyis gnas pa dang /stong pa nyid dang snying rje dbyer med pa'i ngo bo nyid kyis gnas pa'o zhes pa de ltar bcom ldan 'das dpal he ru ka'i rgyud kyi ngo bo nyid kyis gnas pa'o/ /'dis kyang rjod par byed pa dang brjod par bya ba'i bdag nyid rdo rje phag mo la rab tu gsal bar mdzad pa/de nas 'di las gsang ba bshad/ /mdor bsdus pa las rgyas par min/ /zhes pa la sogs pas so/ /gal te rgyud kyi rgyal po thams cad du 'di skad bdag gis thos pa zhes pa la sogs pas bzhugs pa'i gnas nges par bstan pa ma yin nam/ji ltar rgyud 'dir de nas 'di las gsang bzhes pa la sogs pas bzhugs pa'i gnas nges par bstan pa bcom ldan 'das kyis gsung bar 'gyur/ 'dus pa dang kye'i rdo rje la sogs pa rnal 'byor dang rnal 'byor ma'i rgyud du/'di skad bdag gis thos pa zhes pa la sogs pas bcom ldan 'das kyis gsungs pa'i rgyud bden par 'gyur ro/ /de'i phyir rgyud 'di bcom ldan 'das kyis yang dag par bstan pa ma yin no zhes pa tshig 'bru la rab tu rton pa 'ga' zhig gi bsam pa 'byung bar 'gyur te/de'i phyir brjod par bya'o/ /'dir ma 'ongs pa'i dus na byis pa'i skye bo tshig 'bru la rab tu rton pa la brten pa rnams kyis 'di skad bdag gis thos pa zhes pa la sogs pa dang bral ba'i rgyud kyi rgyal po ni bcom ldan 'das kyis gsungs pa ma yin no zhes gang zhig smra bar 'gyur ba de ni ma yin te/gang gi phyir bcom ldan 'das kyis gzhan du rton pa bzhis gsungs ba'i phyir ro/ /'di lta ste/ don la rton par bya'i tshig 'bru la rton pa ma yin pa dang / ye shes la rton par bya'i rnam par shes pa la rton pa ma yin pa dang / nges pa'i don la rton par bya'i drang ba'i don la rton pa ma yin pa dang /chos la rton par bya'i gang zag la rton pa ma yin pa'o/ /bcom ldan 'das kyi gsung 'di'i phyir/ tshig 'bru la rab tu rton pa ni theg pa gang du yang bcom ldan 'das kyis ma gsungs so/ /dbyangs dang gsal byed tshogs pa ni ming tsam ste/ming can dngos po dang dngos po med pa'i chos rnams rtogs par byed pa'o/ /'dir dngos po dang dngos po med pa'i chos gcig la yang ming du mar 'gyur ro/ /de rnams kyi nang nas ming gcig gtso bo'am/ gtso bo ma yin par 'gyur ba med de/ thams cad kyi dngos po dang dngos po med pa gcig rtogs par byed pa'i phyir/bud med dang mi mo dang na chung ma la sogs pa rnams kyis nu ma dang skrar ldan pa'i dngos po'i chos rab tu rtogs par byed pa'i phyir dang / de bzhin du nam mkha'i me tog dang nam mkha'i pad+ma la sogs pa rnams kyis dngos po med pa'i chos rab tu rtogs par byed pa'i phyir ro//de ltar thams cad du ming dang ming can du 'brel pa rnal 'byor pa rnams kyis rtogs par bya'o/ /'dir a yig stong pa nyid rtogs par byed pa bdun pa'i mtha' can e yig tu 'gyur ro/ /de'i phyir e zhes pa'i ming gis rnam pa thams cad kyi gzhi nam mkha'i khams gzung bar bya'o//de bzhin du mkha' 'gro ma rdo rje gur du bcom ldan 'das kyis gsungs pa/ mkha' dbyings bems min dang ba dang / /go 'byed ngab tu gsal ba dang / /sna tshogs rdo rje gnas dang gzhi/ /kun gyi dbyings dang yid 'ong bar//zhes pa la sogs pa/ gsang chen mchog tu dgyes pa dang / /thams cad bdag nyid na rtag bzhugs/ /zhes pa'i bar gyis ming sna tshogs pa'i khyad par gyis gnas bstan par gsungs so/ /de bzhin du dpal 'dus pa la sogs par/ 'di skad bdag gis thos pa dus gcig na/bcom ldan 'das de bzhin gshegs pa thams cad kyi sku dang gsung dang thugs kyi snying po rdo rje btsun mo'i b+ha ga rnams la bzhugs so zhes pa 'di la yang ming du ma ste/ e dang b+ha ga pad+ma dang / /bde ba'i gnas su bde ba can/ /seng ge'i khri dang dmigs pa med//de bzhin nyid dang pha rol phyin/ /zhes pa rten no/ /de bzhin du brten pa ni/ /baM dang rdo rje smra mchog ster/ /lhan cig skyes dga' 'gyur ba med/ /bde dang zhi ba dge ba dang / /dbang phyug kun du 'gro ba mchog /ces pa la sogs pa du ma'i ming rnams kyis//brten pa yongs su bsgrags pa yin/ /bcom ldan 'das kyis mtshan yang dag par brjod par/ ye shes sku ni rgyu med pa/ /zhes pa dang / shes rab pha rol phyin pa rten/ rnam pa thams cad pa nyid brtags/ /dmigs pa med pa'i snying rje gang / /de ni brten par rab tu bsgrags//zhes pa dang / de'i phyir rgyud gzhan du gsungs pa/ /e yig cha byad bzang po gang / /dbus su baM yig gis brgyan pa/ /bde ba thams cad kyi ni gzhi/ /sangs rgyas rin chen za ma tog /ces pa dang / de bzhin du/ thog mtha' med cing zhi ba ste/ / dngos po dngos med zad pa'i gtso/ /stong nyid snying rje dbyer med pa/ /byang chub sems zhes dran pa'o/ /zhes pa la sogs pa rgyud gzhan du mar shes rab dang thabs kyi bdag nyid kyi rnal 'byor 'di bcom ldan 'das kyis gsungs so/ /de nas gang la 'di skad bdag gis thos pa la sogs pa yod pa de ni bcom ldan 'das kyis gsungs pa'i rgyud yin la/gang la med pa de ni ma yin no zhes sangs rgyas pa rnams kyis smra bar mi bya ste/ 'dir log pa'i thos pas mngon par khengs pa dang ldan pa rnams kyi sngags kyi tshul la ma mthong ba'i chos kyi skyon bzung ba las rtsa ba'i ltung bar 'gyur ro//rtsa ba'i ltung ba la sogs pas thos pa'i mngon pa'i nga rgyal dang ldan pa rnams mnar med par 'gro bar 'gyur ro zhes pa'o/ /de'i phyir rgyud 'dir de nas 'di la gsang ba zhes pa la sogs pa'i rgyud bstan pa la 'gal ba med de/stong pa nyid dang snying rje'i bdag nyid shes rab dang thabs kyi chos rab tu rtogs par byed pa'i phyir ro/ /'dir mngon par brjod pa 'bum par gsungs pa/ stong nyid snying rje gcig gyur pa/ /rgyud gang la ni rab bstan zhing / /'jig rten mgon po sgrub byed pa/ / rgyud de sangs rgyas kyis bstan pa'o/ /'jig rten kun rdzob bden pa yis/ /'jig rten dngos grub bsgrub pa'i phyir/ /sngags bzlas de bzhin cho ga dang / /rnam rtog sgom pa rab tu gsungs/ /don dam bden pas gsungs pa ni/ /ye shes sku ni rab bsgrub phyir/ /kun rtog thams cad spangs pa yi//sgom pa de bzhin gshegs pas gsungs/ /zhes pa rgyud so sor bzhag pa'i nges pa'o/ /da ni/ de nas 'di las gsang ba bshad/ /ces pa la sogs pas rgyud la gsungs pa'i drang ba'i don dang nges pa'i don gyis rnam par dbye bar bya ste/ de nas 'di las zhes pa rdo rje 'jigs byed kyi ting nge 'dzin gyi bar ma chad par mkha' 'gro ma'i 'khor lo bde mchog gi ting nge 'dzin la snyoms par zhugs te/mngon par brjod pa 'bum pa las/ bcom ldan 'das dpal he ru kas/ rdo rje phag mo la bos par gyur pa/ kye rdo rje phag mo/ /rnal 'byor nyid dang cho ga yis//ye shes rgyud du bshad pa nyon/ /zhes pa gang zhig mngon par brjod pa 'bum par he ru kar brjod pa gsang ba de nyid ngas khyod la bshad par bya ste/ mdor bsdus pa las rgyas par min/ /zhes pa'o/ /de ci'i phyir bcom ldan 'das rtsa ba'i rgyud las bsdus pa'i rgyud bstan par mdzad ce na/bcom ldan 'das kyis gsungs pa/ 'dir snyigs ma lnga'i dus na 'dzam bu gling pa'i mi rnams dang / khyad par du 'phags pa'i yul du tshe thung zhing shes rab dman pa 'byung bar 'gyur ro/ /rdo rje slob dpon gang yin pa de rnams rtsa ba'i ltung ba la 'jug pa 'byung bar 'gyur ro//dge slong rnams mi dge ba bcu byed pa 'byung bar 'gyur ro/ /khyim na gnas pa rnams dkon mchog gsum gyi rdzas nye bar longs spyod pa 'byung bar 'gyur ro/ /mkhas pa rnams ma thos pa'i rgyud 'chad pa 'byung bar 'gyur ro/ /mkhas pa'i mngon pa'i nga rgyal gyis rgyud la dka' 'grel dang 'grel bshad byed pa 'byung bar 'gyur ro//rgyud kyi don phyin ci log tu bstan nas dmyal bar 'gro ba 'byung bar 'gyur ro/ /gang zhig sangs rgyas pa rmongs pa de rnams blun pa'i dad pa nyid kyis khyim na gnas pa'i slob dpon rnams la bsnyen bkur byed par 'gyur ro//thams cad mkhyen pa'i rgyal mtshan 'dzin pa rnams la sun 'byin pa 'byung bar 'gyur ro/ /slob ma gang yin pa de rnams bla ma dam pa'i skyon tshol ba 'byung bar 'gyur ro/ /bla ma dam pa ma yin pa bza' ba dang gnyis su med pa rnams la bstod pa dang mchod pa byed par 'gyur ro//bla ma mnyes par bya bar gsungs pa sangs rgyas kyi gsung bzhin mi byed par 'gyur ro/ /chos ston pa po rnams mi dge ba bcu la rab tu 'jug pa 'byung bar 'gyur ro/ /sgrub pa po rnams phyi rol gyi bza' ba dang btung ba la longs spyod pa la chags pa 'byung bar 'gyur ro//bud med kyi 'gro ba rnams 'dod pa la shin tu brkam pa 'byung bar 'gyur ro/ /de'i phyir bcom ldan 'das kyis rtsa ba'i rgyud thams cad las bsdus pa'i rgyud bstan to/ /de yang rdo rje'i tshig mang ba nyid kyi phyir thar pa don du gnyer ba'i mkhas pa rnams kyis bla ma dam pa nye bar bsten pa dang /byang chub sems dpa' rnams kyis mdzad pa'i 'grel bshad dang rgyud ni rgyud gzhan du gsungs pas shes par bya'o zhes pa'o/ /de'i phyir/ mdor bsdus pa las rgyas par min/ /gsang ba bdag gis bshad par bya//gsang ba zhes pa drang ba'i don gyis las kyi phyag rgya'i b+ha ga la brjod do/ /nges pa'i don gyis shes rab kyi pha rol tu phyin pa stong pa nyid do/ /dpal he ru ka yang dag sbyor/ /zhes pa la shrI zhes pas lhan cig skyes pa'i dga' ba'o/ /he zhes pas rgyu las kyi phyag rgya dang ye shes kyi phyag rgya spangs pa'o//ru zhes pa gzugs kyi mtshan nyid dang bral ba'o/ /ka zhes pa mig la sogs pa'i byed pa spangs pa ste/ dmigs pa med pa'i snying rje'i mtshan nyid do/ /de'i yang dag sbyor zhes pa stong pa nyid dang lhan cig gcig pa nyid de stong pa nyid dang snying rje dbyer med pa nyid ngas bshad par bya'o zhes pa'o//drang ba'i don gyis dpal he ru ka ni skyes pa'i dbang po'o/ /de'i yang dag sbyor ba ni bud med kyi b+ha ga dang lhan cig pa nyid de/ byis pa'i skye bo dbang po gnyis kyi bde ba mngon par 'dod pa rnams kyi bsod nams kyi tshogs kyi don dang /sems yul gzhan las yongs su dgrol ba'i don du ngas bshad par bya'o zhes pa'o/ /'dod pa'i don kun sgrub byed pa/ /zhes pa las kyi tshig dang bdag gis bshad pa byed pa po la pa ra smai'i tshig tu thams cad rig par bya'o/ /'dir phyi rol du drang ba'i don gyis 'dod pa'i don kun ni phra ba la sogs pa'i 'jig rten pa'i yon tan brgyad kyi dbang phyug dang sngags dang las dang ye shes kyi phyag rgya'i rnal 'byor gyis 'gyur ro//de'i sgrub byed ni sngar brjod pa'i shes rab ye shes zhes pa'o/ /nges pa'i don gyis 'dod pa kun gyi rdo rje sems dpa' ste/yang dag par rdzogs pa'i sangs rgyas so/ /de'i don ni thams cad mkhyen pa nyid de/ /stobs bcu dang mi 'jigs pa bzhi la sogs pa chos kyi 'khor lo rab tu skor bar byed pa'o/ /de'i sgrub byed ni 'dod pa'i don kun sgrub byed do/ /stong pa nyid dang snying rje dbyer med pa'i rnal 'byor bshad par bya'o zhes pa'o//bla ma las kyang bla ma ste/ /zhes pa bla na med pa 'dod pa'i don te mi'i yul gyi bde ba rnams kyi bla ma/ 'dod pa dang gzugs dang gzugs med pa na spyod pa'i bde ba dbang phyug la sogs pa'i yon tan brgyad dang yang dag par ldan pa'i dngos grub po//de las kyang bla mar gyur pa ni mchog gi bla ma ste/ thams cad mkhyen pa'i bde ba dbang phyug gi yon tan thams cad dang yang dag par ldan pa/ chos thams cad kyi ston pa po rnam pa thams cad pa thams cad du son pa ni bla ma las kyang bla ma ste zhes pa'o/ /mkha' 'gro ma yi dra ba sdom//zhes pa ni 'dir drang ba'i don gyis mkha' 'gro ma ni rdo rje mkha' 'gro ma la sogs pa rnams te/ nang du rtsa sum cu rtsa drug po rnams dang / ye shes dang thugs dang gsung dang sku'i 'khor lo rnams dang / khwa la sogs pa sgo brgyad po rnams la gnas pa rnams so//de rnams kyang bdag gi gdan la sogs pa'i ming gis gsungs pa lhag ma za ba'i dur khrod kyi mthar thug pa phyi rol du ri rab kyi phyogs brgyad po rnams su 'chad par 'gyur ba'i rim pas gnas la sogs pa dang / spyi bo la sogs pa'i nges pa bstan pa ni brten pa'i chos rnams kyi rten du shes par bya'o zhes so//mkha' 'gro ma 'di rnams kyi 'khor lo tshogs pa ni dra ba'o/ /de'i sdom pa ni gcig nyid de/ bdag gi gdan la sogs pa la he ru ka dang lhan cig 'dus pa ni/ /mkha' 'gro ma yi dra ba sdom/ /zhes pa'o/ /he ru ka yang dpa' bo rnams dang bcas pa nyi shu rtsa lnga'i bdag nyid de/rdo rje phag mo dpa' mo'i dbang phyug ma rnams dang bcas pa sum cu rtsa bdun gyi bdag nyid can no/ /'di rnams kyi he ru ka dang dpa' bo nyi shu rtsa bzhi rnams dang lhan cig 'dus pa ni mkha' 'gro ma rnams kyi sdom pa'o/ /'dir he ru ka dang lhan cig pho nya mo bcu gnyis po rnams kyi sdom pa dang /dpa' bo rnams dang lhan cig pho nya mo nyi shu rtsa bzhi rnams kyi sdom pa'o/ /de bzhin du A li kA li'i rnal 'byor dang / sngags kyi sa bon gyis brjod par bya ste/ de la re zhig rnal 'byor ma sum cu rtsa drug gi rgyud rnams/ ka yig la sogs pa yi ge re res dbyangs kyi tshogs dang bcas pas gtso bo ma gtogs pa sum cu rtsa drug gi dkyil 'khor pa'i bdag nyid dang /gtso bo dang bcas pa sum cu rtsa bdun gyi bdag nyid du 'gyur ro/ /de la re zhig ka rdo rje'i rgyud brjod par bya ste/ snying por ye shes kyi 'khor lo'i ze'u 'bru la stong pa nyid lnga'i bdag nyid hUM yig dang /phyogs kyi 'dab ma la a A aM aHmtshams kyi 'dab ma la ka kA kaM kaH dur khrod kyi phyogs rnams su yon tan gyi dbye bas ka kA kaM kaH mtshams su ha hA haM haH thugs kyi 'khor lo la phyogs rnams su ki kr-i ku kl-i// mtshams rnams su kI kr-I kU kl-I// zhes pa'o/ /gsung gi 'khor lo la yon tan dang 'phel ba'i dbye bas phyogs rnams su ke kar ko ka la/ mtshams rnams su kai kAr kau kA la zhes pa'o/ /sku'i 'khor lo la ya Nar bsgyur ba'i dbye bas phyogs rnams su/ kya kra k+Wa kla/ mtshams rnams su kyA krA k+WA klA zhes pa ste/ rlung dang me dang chu dang sa'i chos kyis brjod pa'i gsal byed 'khor lo gsum la nyi shu rtsa bzhi'i bdag nyid du 'gyur ro/ /stong pa'i chos kyis brjod pa ye shes kyi 'khor lo dang dur khrod brgyad la bcu gnyis kyi bdag nyid du 'gyur te/ des na gang zhig stong pa'i chos can gyi mkha' 'gro ma de rnams dmigs pa med pa'i snying rje'i sku dang lhan cig sdom pa/bcom ldan 'das kyi spyan bcu gnyis te/ rdo rje phag mo dang lhan cig 'khyud pa'o/ /dpa' mo'i dbang phyug ma rnams dpa' bo nyi shu rtsa bzhi po rnams dang lhan cig 'khyud pa'o zhes pa drang ba'i don gyis mkha' 'gro ma'i dra ba sdom pa'o//ka yig la ji lta ba de ltar kha rdo rje la sogs pa'o/ /'di lta ste/ ka kha ga g+ha nga / tsa tsha dza dz+ha nya/ Ta Tha Da snya Na/ pa pha ba b+ha ma/ ta tha da d+ha na/ sa be+e Sha sha rko/la wa ra ya/ ha k+ShaHzhes pa rnal 'byor ma'i rgyud sum cu rtsa drug gi gtso mo rnams dang /rnal 'byor kyi rgyud sum cu rtsa drug gi gtso bo yang ste/ sa bon gcig gis rdzogs pa'i dkyil 'khor par 'gyur ro/ /sa bon tha dad pa sum cu rtsa drug gis bskyed pa'i dkyil 'khor pa tha dad pa'i rgyud kyi rigs su 'gyur te/ de rnams rigs gcig tu rtogs par bya ba ni ma yin no//gang gi phyir/ rigs gsum dang ni rigs lnga nyid/ /rang bzhin gcig dang rigs brgya'o/ /zhes pa bcom ldan 'das kyis gsungs las/ rigs sna tshogs pa'i bdag nyid kyi rgyud rnal 'byor pas don la rton pa la brten nas rtogs par bya'o zhes pa de bzhin gshegs pa'i nges pa'o zhes pa 'jig rten pa'i dngos grub bsgrub pa'i phyir 'jig rten pa'i kun rdzob tu mkha' 'gro ma'i 'khor lo sdom pa'o//nges pa'i don gyis mkha' 'gro ma'i 'khor lo sdom zhes pa mkha' 'gro ma ni byang chub kyi phyogs dang mthun pa'i chos sum cu rtsa bdun po rnams so/ /de rnams kyi tshogs pa ni 'khor lo ste/chos kyi sku'i mtshan nyid stong pa nyid kyi bdag nyid can no/ /de ni ngo bo nyid kyi sku dmigs pa med pa'i snying rje'i bdag nyid can dang lhan cig sdom pa ste gcig pa nyid do/ /de la snying rje ni zla ba byang chub kyi sems te/ zla ba'i rkang pa nyi shu rtsa lnga'i mtshan nyid bde ba chen po sgrib pa med pa/nyi ma bcu gnyis stong pa'i bdag nyid can de dang lhan cig sdom pa ni mkha' 'gro ma'i 'khor lo sdom pa ste/ bdag gis bshad ces bya ba'i nges pa'o/ /de ltar gsungs pa'i rim pas/ gsang chen mchog tu dgyes pa dang / /thams cad bdag nyid na rtag bzhugs/ / sems dpa' pho nya kun rang bzhin/ /rdo rje sems dpa' bde ba'i mchog /ces pa 'dir sngar gsungs pa'i stong pa nyid kyi dbyings chos can thams cad bdag nyid na rtag tu thams cad kyi tshe 'das pa dang ma 'ongs pa dang da ltar byung ba'i dus na bzhugs zhes pa skye ba dang 'jig pa'i chos dang bral ba'i phyir ro//sems dpa' pho nya kun rang bzhin/ /zhes pa pho nya mo ni mkha' 'gro ma rnams te/ de rnams phung po dang khams dang skye mched sgrib pa spangs pa nam mkha' dang mnyam pa'o/ /nam mkha' la 'gro ba la Dai zhes pa khams bklags pa las nam mkha' la rgyu ba yin gyis/gnas dang nye pa'i gnas na gnas pa grong gi lha mo sems can thams cad la gnod pa byed pa rnams ni ma yin no zhes pa'o/ /de rnams byang chub kyi phyogs dang mthun pa'i chos sum cu rtsa bdun gyi rang bzhin du gyur pa ni de'i rang bzhin te pho nya kun rang bzhin zhes pa'o//sems dpa' ni khams gsum pa'i mtshan nyid can chos kyi sku'o/ /rdo rje sems dpa' bde ba'i mchog /ces pa lhan cig skyes pa'i sku bzhi pa ste/ mchog tu bde ba 'gyur ba med pa'i bde ba zhes pa'i don no/ /chos dang lhan cig skyes pa'i sku 'di dag gcig pa nyid rdo rje sems dpa' zhes brjod par bya ste/rdo rje zhes pa chos kyi sku stong pa nyid shes rab bo/ /sems dpa' zhes pa lhan cig skyes pa'i sku dang snying rje dang thabs so/ /de ltar shes rab dang thabs kyi bdag nyid he ru ka'i yang dag par sbyor ba ni rdo rje sems dpar mngon par brjod par bya'o//'di ni rang byung bcom ldan 'das/ /mkha' 'gro ma yi dra ba sdom/ /zhes pa 'dir rang byung ni tshangs pa'o/ /de yang sku rdo rje rnam par snang mdzad de/ tshangs pa sku yi rdo rje 'dzin/ /zhes pa'i gsung la rgyud gzhan gyis rtogs par bya'o/ /de yang 'di lta ste/sgyu 'phrul dra ba las bcom ldan 'das kyis gsungs pa/ nam mkha' las byung rang byung ba/ /shes rab ye shes me bo che/ /'od chen rnam par snang bar byed/ /ye shes snang ba lam me ba/ /zhes pa la sogs pa nas/ rdo rje lcags kyu zhags pa che/ /zhes pa'i mthar thug pa'i tshogs su bcad pa rnams kyis shes par bya'o//rang byung ni rnam par snang mdzad sprul pa'i sku rnam pa thams cad kyi mchog dang ldan pa'o zhes pa mkha' 'gro ma'i dra ba sdom pa'i nges pa'o/ /sgra yi tshul las rnam par 'das/ /dam tshig spyod pa'i spyod yul te/ /zhes pa 'di las lhan cig skyes pa dang chos dang sprul pa'i sku gcig tu sbyar ba'i phyir/longs spyod rdzogs pa'i sku sgra'i tshul can te/ thams cad mkhyen pa'i skad gzhom du med pa'i mtshan nyid do/ /de'i rang bzhin ni sngags kyi sku ste/ dam tshig spyod pa rnams kyi spyod yul du gyur pa nA da'i rang bzhin sngags kyi lha gzhom du med pa'i rang bzhin gyi skad do//'di gang gi spyod yul dang rtogs par 'gyur ba'i spyod yul gyis dam tshig gi spyod pa de ni 'chad par 'gyur bar brjod par bya'o/ /de bzhin du bcom ldan 'das kyis gsungs pa/ chos kyi dung ste sgra chen ldan/ /chos kyi gaN+DI sgra bo che//mi gnas mya ngan 'das pa po/ /phyogs bcu chos kyi rnga bo che/ /zhes pa'o/ /'jig rten gsum du rnyed par dka'/ /thog ma dbus mthar yang dag gnas/ /zhes pa ye shes 'di ni lhan cig skyes pa dang / chos dang longs spyod rdzogs pa dang sprul pa'i sku'i bdag nyid ye shes dang thugs dang gsung dang sku gcig tu 'dres par gyur pa 'jig rten gsum mtho ris dang sa stengs dang sa 'og rnams su chos thams cad la yang dag par gnas pa/bsod nams dman pa rnams kyis rnyed par dka' ba'o// //thog ma dbus mthar zhes pa 'das pa dang ma 'ongs pa dang da ltar byung ba'i dus su yang dag par gnas pa ste/thog ma dbus mthar yang dag gnas/ /zhes pa'o/ /bsrub cing bsrubs pa'i sbyor ba las/ /sngags bzlas bsam gtan la sogs ldan/ /zhes pa 'dir ye shes de nyid rnal 'byor pa rnams kyi dbang po gnyis snyoms par zhugs pa bsrub cing bsrubs pa'i sbyor bas ji ltar gyur pa rnal 'byor nyid sngar bshad pa'o//cho ga'i ye shes ni 'jig rten pa'i cho ga'i ye shes dngos grub ste/ sngags bzlas pa dang dkyil 'khor gyi 'khor lo'i bsam gtan gyis grub pa'o/ /sogs pa'i sgras sbyin sreg la sogs pa rnams dang ldan pas bsgrub par bya ba de nyid ye shes te/cho ga'i ye shes 'jig rten pa'i ye shes zhes pa'o/ /de ltar rnal 'byor nyid ni sngar brjod pa'i stong pa nyid dang snying rje'i bdag nyid can no/ /kyang gi sgra las cho ga'i ye shes kyang ste/ rgyud du nges par gsungs pa zhes pa gang zhig mngon par brjod pa 'bum par gsungs pa'o//de bdag gis da ni bsdus pa'i rgyud du rdo rje phag mo la bstan par bya yis/ snying po las snying po mchog gi rgyud nyon cig ces pa ston pa po dang gsol ba 'debs pa po'i 'brel pa dang / brjod par bya ba dang rjod par byed pa'i 'brel pa dang bcas pa'i 'grel bshad kyis drang ba dang nges pa'i don gyis rab tu gsal bar byas pa ni bcom ldan 'das kyi nges pa zhes pa'o// //da ni rigs ldan ma'i mchod pa brjod par bya ste/ dbu ma mchog gi dbugs 'byung ba/ /zhes bya ba la sogs pa ste/ 'dir dbu ma a wa d+hU tI A le kA li dag gi dbus su me ri lta bur rab tu 'bab pa'o//de'i dbugs ni drug brgya lhag pa'i stong phrag nyi shu rtsa gcig rnams kyi dbus su nyin mtshan gyi dus sbyor bcu gnyis 'pho ba rnams la bdun cu rtsa lnga lhag pa'i drug brgya'i grangs rnams so/ /lhag ma rkang pa dang bcas pa'i brgya phrag dgu lhag pa'i stong phrag nyi shu'i grangs ni dus sbyor bcu gnyis po rnams la la la nA dang ra sa nA rab tu 'bab pa ste/lug la sogs pa mi mnyam pa'i dus sbyor la so sor dbugs brgya phrag bco brgyad la la nA ra rab tu 'bab pa'o/ / de bzhin du glang la sogs pa mnyam pa'i dus sbyor la so sor ra sa nA ra rab tu 'bab po/ /de dag gi dang po dang tha ma'i dbugs 'pho ba so so'i dus la mnyam pa dang mi mnyam pa'i dus sbyor gyi dbus su dbu ma a wa d+hU tA+e las rkang pa dang bcas pa lnga bcu rtsa drug gi grangs rnams te/ dman pa'i srog chags rnams la 'chi ba ster ba rigs ldan ma'i dus yang dag par 'byung bar 'gyur ba'i rang bzhin 'chi ltas kyis 'chi bar byed pa ste/dus me'i rab tu rgyu ba las so/ /lhag ma rkang pa dang bcas pa lnga bcu rtsa drug gis dman pa'i dbugs brgya phrag bco brgyad la la nA dang ra sa nA'i dkyil 'khor lnga 'bab pa'o//de rnams la dkyil 'khor so sor 'bab pa drug cu lhag pa'i sum brgya'i grangs te rkang pa dang bcas pa'i dbugs bcu gcig gis dman pa'o/ /'dir la la nA las nam mkha' la sogs pa'i dkyil 'khor lnga dang / ra sa nA nas sa la sogs pa'i dkyil 'khor lnga ste g.yon pa dang g.yas pa la'o//'dir lte ba'i pad+ma'i 'dab ma la grangs ji lta bar dbus dang shar dang g.yas dang g.yon dang nub tu stong pa dang rlung dang me dang chu dang sa'i dkyil 'khor rnams dang / lte ba la rnam par dag pa ye shes kyi dkyil 'khor dang drug go//steng du sna'i bu ga dag la ji lta ba bzhin du dbus dang steng dang g.yas dang g.yon dang 'og la rim pa ji lta bas g.yon la stong ba la sogs pa dang g.yas la sa la sogs pa ste/ drug pa ni sna'i bu ga dag la cig car gyi rkang pa dang bcas pa'i dbugs lnga bcu rtsa drug gi bdag nyid ces pa'o//dkyil 'khor 'di rnams kyi g.yon pa dang g.yas par rab tu 'bab pa'i dbugs rnams rtsa kun du rgyu ba'i stobs rnams sam srog rtsol gyi stobs kyis kyang dbu ma a wa d+hU tI la rab tu zhugs par gyur pas thun mong ba'i 'chi ltas kyis 'chi ba bslu bar 'gyur ro/ / rnal 'byor gyi stobs kyis dbu ma la rab tu zhugs par gyur pa'i phyir mchog ste/ srog chen por gyur pa dman pa thun mong ba rnams kyis 'joms par byed pa/ mchog tu mi 'gyur ba'i bde ba ster ba/ rnal 'byor pa'i ye shes rang rig pa/ phyi rol gyi dbang bo dang yul gyi bde ba 'jig pa'i rang bzhin spangs pa mchog gi dbang pos rtogs par bya ba dbugs kyi 'khor lo'i grangs lhan cig skyes pa'i dga' ba'i rang bzhin can te/bde ba chen po 'dzag pa med pa'i phyir ro zhes pa'o/ /de rnams las so sor mchog tu mi 'gyur ba'i bde ba'i dbugs ni mchog ste/ dbu ma mchog gi dbugs zhes pa'o//de nas/ dbu ma mchog gi dbugs dang ni/ /dri dang chu dang bcas pa yis/ /zhes pa la 'dir dri zhes pa rnam par snang mdzad dang zla ba'i dbugs rab tu 'bab pa ste/ 'og dang steng du la la nA'o/ /chu zhes pa mi bskyod pa dang nyi ma'i dbugs rab tu 'bab pa ste/'og dang steng du ra sa nA'o/ /dbu ma zhes pa khu ba dang rdul dang sgra gcan dang dus kyi me'i dbugs rab tu 'bab pa ste/ 'og dang steng du a wa d+hU tI'o/ /dbu ma a wad+hU tI'i dbugs 'gyur ba med pa ni srog chags rnams kyi 'chi ba ster ba thun mong ba'i 'chi ltas kyi 'chi ba slu bar byed pa ste/mchog ni mchog tu mi 'gyur ba'i bde ba phyag rgya chen po'i dngos grub ster ba'o/ /de'i phyir/ dbu ma mchog gi dbugs 'byung ba/ /zhes brjod do/ /de nyid 'og dang steng du bshang gci zla ba nyi ma'i rtsa rnams dang ldan pa ste/ khu ba dang rdul dang sgra gcan dang dus kyi me'i rtsa ro mnyam du gyur pa/byang chub kyi sems kyi thig le bzhi 'dzin pa/ sku dang gsung dang thugs ro mnyam par gyur pa/ steng dang 'og tu rdo rje rtse gcig pa zhes pa'o/ /de nas dbu ma mchog gi dbugs des/ dri dang chu dang bcas pa yis/ lhan cig skyes pa'i dga' ba'i rang bzhin gyis gzung ba dang 'dzin pa spongs pas rdo rje 'dzin pa'i dbugs chen pos las kyi phyag rgya dang ye shes kyi phyag rgya'i rgyu dang bral bas phyag rgya chen po'i rgyur gyur pas rnal 'byor pa'i ye shes rang rig pas yul dang dbang po gcig tu 'dres par gyur pa/lte bar gtum mo 'bar bas phung po dang khams dang skye mched bsregs te/dpral ba'i zla ba bzhu ba'i bdud rtsi 'dzag pa med pa steng du 'gro ba mchog tu mi 'gyur ba las byung ba'i lhan cig skyes pa'i sku yis/ A li dang kA li dang hUM phaT yi ge dang bral bas dkyil 'khor gyi 'khor lo bsgom pa spangs pas sngags bzlas pa dang phyag rgya dang byin gyis brlab pa dang bla ma'i bka' kun du spyod pa'i chos rnams las phyi rol du gyur pas/srid pa dang mya ngan las 'das pa la rab tu mi gnas pas snying rje dang stong pa nyid dbyer med pas/ dbral ba nas rdo rje nor bu'i mthar thug pa bar ma chad par byang chub kyi sems kyi thig le'u gzugs kyis 'dzag pa med pa'i chags pa chen pos dbu ma mchog gi dbugs 'byung ba 'dis/rtag tu rigs ldan ma mchod bya/ /zhes pa 'dir rigs ldan ma ni dbu ma a wa d+hu tI'i rdo rje phag mo sgrib pa med pa gzung ba dang 'dzin pa spangs pa/rnal 'byor pa rnams kyi bdud kyi tshogs zad par byed pa mo/ mi shes pa rnams kyi phung po dang khams dang skye mched kyi tshogs dang byang chub kyi sems kyang zad par byed pa mo/ byang chub kyi sems 'pho ba las 'chi ba ster ba mo'o/ /de ni rdo rje rnal 'byor ma rang gi sems kyi snang ba tsam phyag rgya chen po rnam pa thams cad kyi mchog dang ldan pa/shes rab kyi pha rol tu phyin pa stong pa nyid dang de bzhin nyid dang rigs ldan ma dang pad+ma zhes brjod par bya'o/ /rigs ldan ma de la mchog tu mi 'gyur ba'i bde ba 'dzag pa med pa'i byang chub kyi sems kyi thig le zla ba zhu ba'i chags pa chen po dbu ma mchog gi dbugs dri dang chu dang bcas pa/rigs ldan mar yang dag par gyur pa'i thabs des rang gi shes rab de nyid mchod par bya'o zhes pa ste/ gzung ba dang 'dzin pa'i sems dang shes pa dang shes bya dang stong pa nyid dang snying rje dag gcig pa nyid du rnal 'byor pas bya'o zhes pa nges pa'i don to//rtag tu mchod bya zhes pa dus thams cad du gtsang ba'am mi gtsang ba'am langs pa'am 'dug pa'am gnyid log pa'am lus dang ngag dang sems bya ba la gnas pa na/ mchog tu mi 'gyur ba'i bde ba la rjes su chags pa phyi rol gyi 'dod pa thams cad la nye bar longs spyod pa'i dga' ba dang bral ba mchog gi dbang po rnams kyis mthong ba'i yul nye bar longs spyod pa la ma chags pa'o zhes pa dbu ma'i dbugs kyi rigs ldan ma mchod pa'i cho ga /'jig rten las 'das pa'i bden pas phyag rgya chen po'i dngos grub kyi don du bcom ldan 'das kyis gsungs pa'o//da ni 'jig rten pa'i dngos grub bsgrub pa'i phyir pho nya mo'i kun du spyod pa dang 'khor lo 'dus pa la bdud rtsi lnga'i ril bu dang / g.yul du mtshon gyis bsad pa kha na ma thob dang bral ba'am nad kyis shi ba'am las ngan pas bsang ba yang ste/go ku da ha na la sogs pa rnams dang / nye bar spyod pa lnga la sogs pa rnams gyis pho nya mo rnams mchod pa'i cho ga phyi rol dang nang du brjod par bya ste/ dus kyi khyad par zhes pa la sogs pas so/ /'dir re zhig dus ni rnam pa gnyis te/ phyi rol dang nang du yang ngo //lo so so dang nyin zhag so sor grangs ji lta bar 'di'i dus kyi khyad par te/ phyi rol dang nang du khyim gyi 'khor lo dus sbyor bcu gnyis kyi bdag nyid can zhes pa khyad par gyi dus so/ /'dir phyi rol du lo so so'i dus kyi khyad par te/ slar yang nyin zhag rnams dang phyogs dang zla ba dang dus drug dang dus bzhi dang dus gsum dang bgrod pa zhes pa'o//nang du ni nyin zhag so so'i dus kyi khyad par te/ slar yang dbugs rnams dang chu srang dang chu tshod dang yud tsam dang thun phyed dang dus sbyor dang thun dang thun mtshams dang nyin mtshan zhes pa dus kyi khyad par ro/ /phyi rol du lo so so'i dus [(]gyi [,]kyi [)]khyad par ni nyin zhag drug cu lhag pa'i sum brgya rnams dang phyogs nyi shu rtsa bzhi dang zla ba bcu gnyis dang dus drug dang zla ba gsum gyi bdag nyid kyi dus bzhi dang zla ba bzhi'i bdag nyid kyi dus gsum dang zla ba drug gi bdag nyid kyi bgrod pa gnyis te 'di rnams kyi tshogs ni lo gcig gi dus so//nang du nyin zhag so so'i dus ni dbugs drug brgya lhag pa'i stong phrag nyi shu rtsa gcig rnams dang / chu srang sum stong drug brgya rnams dang / chu tshod drug cu dang / yud tsam sum cu dang / thun phyed pa bcu drug dang / dus sbyor bcu gnyis dang /thun brgyad dang / thun mtshams bzhi dang / nyin mo dang mtshan mo rnams te 'di rnams kyi tshogs ni nyi ma gcig gi dus so/ /de ltar phyi rol du nyi ma rgyu bas dus kyi khyad par ji lta ba de bzhin du nang du srog rab tu rgyu bas dus kyi khyad par te/ dus kyi khyad par des lo so so'i nyi ma so so la pho nya mo rnams mchod par bya'o zhes pa'o//pho nya mo ni rdo rje mkha' 'gro ma la sogs pa gshin rje 'joms ma'i mthar thug pa sum cu rtsa drug gi rnal 'byor ma rnams te/ de rnams mchod par bya'o zhes pa'o/ /'dir ji ltar pho nya mo rnams mchod pa de bzhin du lhan cig skyes grub rnams te/rim pa ma yin pas rdo rje sems dpa' la sogs pa nyi shu rtsa bzhi dman pa dang bar ma dang mchog rnams te sku dang gsung dang thugs kyi 'khor lo rnams la sa 'og dang sa stengs dang nam mkha' la spyod pa'i dngos grub ster ba nyid kyi phyir zhes pa'o/ /de rnams kyang dus kyi khyad par gyis mchod par bya'o zhes pa de bzhin gshegs pa'i nges pa'o//de ltar pho nya mo rnams dang lhan cig skyes grub rnams bdud rtsi lnga'i ri lu dang / go ku da ha na la sogs pa'i sha kha na ma tho ba dang bral ba'i dam tshig rnams dang / nye bar spyod pa lnga po rnams kyis phyi rol du tshogs kyi 'khor lo dang nang du ye shes dang thugs dang gsung dang sku'i 'khor lo la mchod par bya ste nyi ma rgyu ba dang srog rgyu bas dus kyi khyad par ro//dus kyi khyad par des pho nya mo'i kun du spyod pa'o/ /pho nya mo'i kun tu spyod pas longs spyod pa dang tham pa dang dbang byed pa dang bdag po nyid de/ rigs ldan ma dang pho nya mo sum cu rtsa drug po rnams kyi yang rim pa ji lta bas da ltar byung ba'i dus la longs spyod do//ma 'ongs pa'i dus la thim mo/ /'das pa'i dus la dbang byed do/ /nyi ma 'char ba na longs spyod do/ /nyi ma phyed pa na dbang byed do/ /nyi ma nub pa'i gnas la bdag po nyid do//mtshan phyed pa na nub pa zhes pa rigs pa'o/ /de ltar phyi rol du longs spyod pa'i nyin zhag dang nang du longs spyod pa'i dus la rnal 'byor ma'i kun tu spyod pa'o/ /rnal 'byor ma'i kun du spyod pas 'khor lo 'dus pa ste/ 'khor lo 'dus pas longs spyod pa'i nyin zhag dang longs spyod pa'i dus la mchod par bya'o zhes pa'o//byis pa'i dus la longs spyod pa dang lang tsho'i dus la dbang byed pa dang / rgan po'i dus la bdag po nyid dang nub par gyur pa'i dus la thim pa ste/ thim pa las slar skye ba byis pa zhes brjod do/ /de ltar dus kyi khyad par gyis thun mtshams bzhi'i dbye ba dang /thun brgyad kyi dbye ba dang / phyogs nyi shu rtsa bzhi'i dbye bas rnal 'byor ma sum cu rtsa drug po rnams kyis longs spyod pa dang thim pa dang dbang byed pa dang bdag po zhes pa thams cad nges pa'o/ /nga ni mchod pa'i cho ga brjod par bya ste/ 'dir phyi rol dang nang du rigs ldan ma rdo rje phag mo bde ba chen po 'gyur ba med pa'i skad cig mas dbu ma mchog gi dbugs kyis phyag rgya chen po'i dngos grub kyi don du sngags pas dus thams cad du mchod par bya'o//'jig rten pa'i dngos grub kyi don du rdo rje mkha' 'gro ma la sogs pa rnams rim pa ji lta ba'i dus kyi khyad par gyis mchod par bya'o zhes pa'o//'dir phyi rol du chu srin gyi 'pho ba la shar gyi zhal 'byung ba na bsad pa'i las sgrub pa'i don du rdo rje mkha' 'gro ma la mchod par bya'o/ /lug gi 'pho ba la g.yas pa'i zhal 'byung ban/ dbang gi las sgrub pa'i don du lA ma mchod par bya'o//karka Ta'i 'pho ba la nub kyi zhal 'byung ba na rengs pa'i las sgrub pa'i don bu dum skyes ma la mchod par bya'o/ /srang gi 'pho ba la byang gi zhal 'byung ba na zhi ba'i las sgrub pa'i don du gzugs can ma la mchod par bya'o zhes pa ste/ 'pho ba'i zla ba gsum gyi mthar nyi ma'i dus la nor dang bu lon 'phel ba dang nyams pa'i dbye bas lo'i dus bzhi'i mtshams so//de rnams kyi 'pho ba'i nyin zhag rnams la ji ltar brjod pa'i rim pas mkha' 'gro ma bzhi po longs spyod par 'gyur te/ thugs dang gsung dang ye shes dang sku'i zhal gyi dbye bas bcom ldan 'das kyis shar dang lho dang nub dang byang gi lha mo rnams bsad pa la sogs pa'i las sgrub pa'i ched du rtogs par bya'i/sa la sogs pa'i khams kyi dbye bas ma yin no zhes pa nges pa'o/ /de ltar thams cad du 'chad par 'gyur ba la zhal gyi dbye bas las rab 'byam sgrub pa la lha mchod pa'i nges pa'o// //da ni dur khrod kyi lha mo rnams kyi mchod pa brjod par bya ste/ 'dir chu srin gyi 'pho ba'i nyin zhag la bskrad pa'i don du khwa gdong ma dang bum pa'i phyed kyi nyin zhag la dgug pa'i don du 'ug gdong ma dang / lug gi 'pho ba'i nyin zhag la phur bus gdab pa'i don du khyi gdong ma dang /glang gi phyed kyi nyin zhag la rgyas pa'i don du phag gdong ma dang / karka Ta'i 'pho ba'i nyin zhag la dug gzhil ba'i don du gshin rje brtan ma dang / seng ge'i phyed kyi nyin zhag la rmongs pa'i don du gshin rje pho nya mo dang / srang gi 'pho ba'i nyin zhag la rengs pa'i don du gshin rje mche ba mo dang /sdig pa'i phyed kyi nyin zhag la rnam par dbye ba'i don du gshin rje 'joms ma la rnal 'byor pa rnams kyis mchod par bya'o/ /phyed dang bcas pa phyed dang bcas pa'i zla ba'i bdag nyid kyi lo'i thun brgyad do/ /de rnams kyi dang po'i nyin zhag rnams la ji ltar brjod pa'i rim pas rnal 'byor ma brgyad po rnams longs spyod de phyed dang bcas pa phyed dang bcas pa'i zla ba'i ji srid par zhes pa nges pa'o//nga ni thugs dang gsung dang sku'i 'khor lo'i lha mo rnams mchod pa brjod par bya ste/ 'dir mgo'i zla ba'i gnam stong la bsad pa'i las sgrub pa'i don du rab gtum ma dang thod pa'i dum bu la'o//nya la dbang du bya ba'i don du gtum mig ma dang keng rus chen po la'o/ /rgyal gyi zla ba'i gnam stong la rengs pa'i don du 'od ldan ma dang keng rus can la'o/ /nya la rgyas pa'i don du sna chen ma dang mche ba rnam par gtsigs pa la'o//mchu'i zla ba'i gnam stong la zhi ba'i don du dpa' bo'i blo can ma dang chang dgra la'o/ /nya la rmongs pa'i don du mi'u thung ma dang 'od dpag med la'o/ /dbo'i zla ba'i gnam stong la dgug pa'i don du lang ka'i dbang phyug ma dang rdo rje'i 'od la'o//nya la rnam par dbye ba'i don du shing grib ma dang rdo rje'i sku la'o zhes pa mgo'i zla ba la sogs pa zla ba bzhi phyogs brgyad kyi nyin zhag rnams la ji ltar brjod pa'i rim pas dpa' bo dang dpa' mo'i dbang phyug ma brgyad po rnams thugs kyi 'khor lo la longs spyod do/ /da ni gsung gi 'khor lo la mchod pa brjod par bya ste/'dir nag pa'i zla ba'i gnam stong la bskrad pa'i don du sa srungs ma dang myu gu can la'o/ /nya la kun du gdung ba'i don du 'jigs byed chen mo dang rdo rje ral pa can la'o/ /sa ga'i zla ba'i gnam stong la sde rengs pa'i don du rlung shugs ma dang dpa' bo chen po la'o//nya la sprin gyi char dbab pa'i don du chang 'thung ma dang rdo rje hUM mdzad la'o/ /snron gyi zla ba'i gnam stong la rims nye bar zhi ba'i don du lha mo sgo bsangs ma dang rab tu bzang po la'o/ /nya las 'og 'byed pa'i don du shin tu bzang mo dang rdo rje bzang po la'o//chu stod kyi zla ba'i gnam stong la dbab pa'i don du rta rnam dang 'jigs byed chen po la'o/ /nya la sprin rnam par 'joms pa'i don du mkha' 'gro bya gdong ma dang mig mi bzang la'o zhes pa nag pa'i zla ba la sogs pa zla ba bzhi'i phyogs brgyad kyi nyin zhag rnams la ji ltar brjod pa'i rim pa dpa' bo dang dpa' mo'i dbang phyug ma brgyad po rnams gsung gi 'khor lo la longs spyod do//da ni sku'i 'khor lo la mchod pa brjod par bya ste/ 'dir gro bzhin gyi zla ba'i gnam stong la ral gri chen po sgrub pa'i don du 'khor lo'i shugs can ma dang stobs po che la'o//nya la klu'i bu mo dbang du bya ba'i don du dum skyes ma dang rin chen rdo rje la'o/ /khrums kyi zla ba'i gnam stong la klu'i rgyal po rengs par bya ba'i don du shauN+Di ni dang rta mgrin la'o/ /nya la ro chen po sgrub pa'i don du 'khor lo'i go cha ma dang nam mkha'i snying po la'o//tha skar gyi zla ba'i gnam stong la bdud rtsi sgrub pa'i don du rab tu dpa' mo dang dang he ru ka la'o/ /nya la rdzas kyi gter sgrub pa'i don du stobs chen ma dang pad+ma gar gyi dbang phyug la'o/ /smin drug gi zla ba'i gnam stong la rin po che sgrub pa'i don du 'khor los sgyur ma dang rnam par snang mdzad la'o//nya la 'jig rten gsum 'dar ba'i don du brtson 'grus chen mo dang rdo rje sems dpa' la'o zhes ba gro bzhin gyi zla ba la sogs pa zla ba bzhi'i phyogs brgyad kyi nyin zhag rnams la ji ltar brjod pa'i rim pas dpa' bo dang dpa' mo'i dbang phyug ma brgyad po rnams sku'i 'khor lo la longs spyod do//yang na sdig pa'i 'pho ba'i nyin zhag dang sdig pa'i phyed kyi nyin zhag dang / gzhu'i 'pho ba'i nyin zhag dang gzhu'i phyed dang chu srin gyi 'pho ba'i nyin zhag dang chu srin gyi phyed dang bum pa'i 'pho ba'i nyin zhag dang bum pa'i phyed kyi nyin zhag ste nyin zhag brgyad po rnams la dpa' bo dang dpa' mo'i dbang phyug ma brgyad po rnams thugs kyi 'khor lor longs spyod do//de ltar nya'i 'pho ba dang nya'i phyed dang / lug gi 'pho ba dang lug gi phyed dang / glang gi 'pho ba dang glang gi phyed dang /'khrig pa'i 'pho ba dang 'khrig pa'i phyed de/ nyin zhag brgyad po 'di rnams la ji ltar brjod pa'i rim pas dpa' bo dang dpa' mo'i dbang phyug ma brgyad po rnams gsung gi 'khor lor longs spyod do/ /de bzhin du karka Ta'i 'pho ba dang / karka Ta'i phyed dang /seng ge'i 'pho ba dang seng ge'i phyed dang / bu mo'i 'pho ba dang bu mo'i phyed dang / srang gi 'pho ba dang srang gi phyed de nyin zhag brgyad po 'di rnams la ji ltar brjod pa'i rim pas dpa' bo dang dpa' mo'i dbang phyug ma brgyad po 'di rnams sku'i 'khor lo la longs spyod do//'dir rab byung la sogs pa lo gsum gsum gyi rab tu dbye bas da ltar ba ni thog ma'i lor gzung bar bya'o/ /'di lta ste/ rab byung rnam byung dkar po dang / /rab myos skyes bdag ang+gi ra/ /dpal gdong dngos po na tshod ldan/ /'dzin byed dbang phyug 'bru mang po//myos ldan dpa' bo khyu mchog dang / /sna tshogs nyi ma nyi sgrol byed/ /sa skyong mi zad thams cad 'dul/ /kun 'dzin 'gal ba rnam 'gyur dang / /bong bu dga' ba rnam rgyal nyid/ /rgyal ba myos byed gdong ngan dang / /gser 'phyang rnam 'phyang sgyur byed dang / /kun ldan 'bar ba dge byed dang //mdzes byed khro mo sna tshogs dbyig /zil gnon spre'u phur bu dang / /zhi ba thun mong 'gal byed dang / /yongs 'dzin bag yod kun dga' dang / /srin bu me dang dmar ser can/ /dus kyi pho nya don grub drag /blo ngan rnga chen khrag skyugs pa/ /mig dmar khro bo zad pa'o//zhes pa lo skor drug cu'o/ /lo gsum po de rnams la slar dang po'i lo la yon tan gsum gyi dbye bas gzung bar bya'o/ /de la dang po'i lo la lha mo bzhi'i ming dang lhan cig zhal bzhi'i sngags zla ba gsum gsum gyi dbye bas bzlas par bya'o/ /de nas lo gnyis pa la rnal 'byor ma brgyad kyi ming dang lhan cig rkang pa brgyad pa'i sngags phyed dang bcas pa'i zla ba'i dbye bas bzlas par bya'o//de nas lo gsum pa la lha mo nyi shu rtsa bzhi'i ming dang lhan cig yan lag so so'i phreng ba'i sngags sngar brjod pa'i las rab 'byam sgrub pa'i don du bzlas par bya'o/ / de ltar lo gsum dang lo drug dang lo dgu dang lo bcu gnyis rnams kyis mkha' 'gro ma sum cu rtsa drug bsgrubs nas/ de nas sngags pas 'jig rten pa'i dngos grub las rab 'byam thams cad bsgrub par bya'o zhes pa de bzhin gshegs pa'i nges pa'o/ /de ltar nang du thun mtshams bzhi dang thun brgyad dang phyed dang bcas pa'i dbyu gu gnyis kyi bdag nyid can gyi dus sbyor gyi phyogs nyi shu rtsa bzhi rnams te/dus 'di rnams la nyin zhag so sor sngar brjod pa'i dngos grub sgrub pa'i phyir rdo rje mkha' 'gro ma la sogs pa rnams mchod par bya'o zhes pa dus kyi khyad par gyis pho nya mo rnams mchod pa'i cho ga'i nges pa'o//da ni rgyud gzhan dang gzhan du gsungs pa'i dus kyi khyad par brjod par bya'o/ /'dir bcom ldan 'das kyis dus kyi khyad par rgyud dang rgyud gzhan du gsungs te/ /'dir ni mdor bstan pa tsam gyis gsungs so/ de yang rgyud gzhan du gsungs pa'i dgongs pas 'dir rtogs par bya ste/ rgyud ni rgyud gzhan gyis rtogs par bya'o zhes pa de bzhin gshegs pa'i gsungs las so/ /de ltar dus kyi khyad par don dang por re zhig rdo rje gdan bzhir chu srin la sogs pa'i dus sbyor gang yin pa de rnams ro hi ta la sogs pa rtsa bcu gnyis dang /rgyal la sogs bzla ba bcu gnyis gang yin pa de rnams ma rig pa la sogs pa yan lag bcu gnyis rnams so/ /de ltar phyi rol dang nang du lo so so dang / nyin zhag so so la dus sbyor bcu gnyis rnams te/dus sbyor re re ni dbyu gu lnga'i bdag nyid do/ /dbyu gu ni chu srang drug cu'i bdag nyid do/ /chu srang ni dbugs drug gi bdag nyid do/ /de ltar nyin mtshan gyi dbugs drug brgya lhag pa'i stong phrag nyi shu rtsa gcig rnams 'byung ste/ phyi rol du nyi ma'i dbyu gu dang nang du ni dbugs rnams so//de ltar nyin mtshan gyis zhes pa'o/ /de bzhin du bcom ldan 'das kyis dpal kye'i rdo rjer gsungs te/ sprul pa'i 'khor lo la rkang pa dang bcas pa'i chu srang lnga bcu rtsa drug gi bdag nyid kyi dbyu gu drug cu rtsa bzhi dang bde ba chen po'i 'khor lo dbyu gu gnyis kyi bdag nyid kyi chu tshod sum cu rtsa gnyis dang /longs spyod kyi 'khor lo la chu tshod gnyis kyi bdag nyid kyi 'pho ba bcu drug dang / chos kyi 'khor lo la thun mtshams brgyad de/ 'dir longs spyod dang bde ba chen po'i 'khor lo go bzlog pa ni bla ma'i nye bar bstan pa'o/ / de ltar nyin mtshan gyi dus kyi khyad par nyung ngu'i rgyud las mdor bsdus pa'o/ /rtsa ba'i rgyud du ni bcom ldan 'das kyis slar yang mngon par brjod pa 'bum pa la sogs pa rgyas par gsungs pa/ 'di lta ste/ de la phyi rol du nyi ma'i lo so so ni nyin zhag nyid do/ /nyin zhag de la dus kyi khyad par dbyu gu drug brgya lhag pa'i stong phrag nyi shu rtsa gcig rnams te de rnams kyang nyi ma'i dbugs so//de rnams kyang nang du nyin zhag so sor lus can rnams kyis dbugs so zhes so/ /de ltar phyi rol du lo la dbyu gu drug cu drug cu'i bdag nyid kyi nyin zhag drug cu lhag pa'i sum brgya rnams te/nang du nyin zhag la dbugs drug cu drug cu'i bdag nyid rnams so/ /de ltar dbyu gu dgu brgya dgu brgya'i bdag nyid kyi phyogs nyi shu rtsa bzhi rnams te/ nang du ni dbugs dgu brgya dgu brgya'i bdag nyid ces pa'o/ de bzhin du phyi rol du dbyu gu brgya phrag bco brgyad bco brgyad kyi bdag nyid kyi zla ba bcu gnyis rnams te/ nang du ni dbugs brgya phrag bco brgyad bco brgyad kyi bdag nyid ces pa'o/ /phyi rol du dbyu gu brgya phrag sum cu rtsa drug brgya phrag sum cu rtsa drug gi bdag nyid kyi dus drug rnams te/ nang du ni dbugs brgya phrag sum cu rtsa drug sum cu rtsa drug gi bdag nyid ces pa'o//phyi rol du dbyu gu brgya phrag lnga bcu rtsa bzhi brgya phrag lnga bcu rtsa bzhi'i bdag nyid kyi dus bzhi rnams te/ nang du ni dbugs brgya phrag lnga bcu rtsa bzhi brgya phrag lnga bcu rtsa bzhi'i bdag nyid ces pa'o/ /phyi rol du dbyu gu brgya phrag bdun cu rtsa gnyis brgya phrag bdun cu rtsa gnyis kyi bdag nyid dus gsum mo//nang du ni dbugs brgya phrag bdun cu rtsa gnyis brgya phrag bdun cu rtsa gnyis kyi bdag nyid ces pa'o/ /phyi rol du bgrod pa gnyis la so sor dbyu gu khri brgyad brgya lhag pa'i stong phrag bcu'i bdag nyid do//nang du dbugs khri brgyad brgya lhag pa'i stong phrag bcu'i bdag nyid ces pa'o/ /de ltar na phyi rol du nyi ma'i zhag so so la nyin mtshan gyi dbyu gu drug brgya lhag pa'i stong phrag nyi shu rtsa gcig rnams te/ nang du ni nyin zhag so sor lus can rnams kyi dbugs rnams so//'dir mi rnams kyi dbugs 'byung ba dang rngub pa la lus skyes srin bu'i rigs rnams kyi nyin mtshan no/ /de la 'di nyid kyi khyad par gyis dus rtogs par bya ste/ 'dir mi rnams kyi zla ba ni yi dags rnams kyi nyin mtshan no/ /lha min rnams kyi lo ni lha ma yin rnams kyi lo skor drug cu'o//dbugs kyi 'khor lo'i grangs kyi lo ni nus pa zhes pa byang chub sems dpa' rnams kyi nyin mtshan no/ /nyin zhag de nyid gtso bo'i dbugs gcig ste/ sems can gyi don dang snying brtse ba'i phyir zhes pa'o/ /de ltar dus kyi khyad par nyin zhag so so la thams cad du rtogs par bya ste/rgyud dang rgyud gzhan du de bzhin gshegs pas gsungs so/ /de ltar gdan bzhi la sogs pa rnams kyis 'khor lo sdom pa'i dus kyi khyad par shes par bya ste/ rtsa ba'i rgyud thos pa med pa'i phyir ro/ /'dis ni mkhas pa rnams kyi gdan bzhi la sogs pa'i rgyud du rnal 'byor ma'i kun du spyod pa la longs spyod pa dang thim pa dang dbang byed pa mkhas pa rnams kyis khong du chud par bya'o zhes pa'o//dus kyi khyad par gyis phyi rol dang nang du mchod pa'i cho ga'i nges pa'o// //da ni rigs kyi pho nya mo sum cu rtsa drug brjod par bya ste/sum cu rtsa bdun na ni rigs ldan ma'o/ /'di lta ste/ rtsa ba'i rgyud 'dir rdo rje phag mo ni rigs ldan ma'o/ /rigs med pa ni g.yung mo'o/ /mkha' 'gro ma ni dmangs rigs ma'o/ /lA ma ni rgyal rigs ma'o/ /dum skyes ma ni rje'u rigs ma'o/ /gzugs can mo ni bram ze mo'o//khwa gdong ma ni kla klo ma'o/ /'ug gdong ma ni 'phyag pa ma'o/ /khyi gdong ma ni gtum mo'o/ /phag gdong ma ni stag gzig ma'o/ /gshin rje brtan ma ni ri khrod ma'o/ /gshin rje pho nya mo ni b+hi l+li'o/ /gshin rje mche ba ma ni puk+ka sI'o/ /gshin rje 'joms ma ni smyon thabs ma'o/ / rab gtum ma ni 'od zer mkhan ma'o/ /gtum mig ma ni chang mkhan ma'o/ /'od ldan ma ni phreng ba mkhan ma'o/ /sna chen ma ni gser mgar mkhan ma'o/ /dpa' bo'i blo can ni khron pa mkhan ma'o/ /mi'u thung ma ni smyig ma mkhan ma'o/ /lang ka'i dbang phyug ma ni 'khar ba mkhan ma'o/ / shing grib ma ni nor bu mkhan ma'o/ /sa srungs ma ni lcags mkhan ma'o/ /'jigs byed chen mo ni rgya skyegs mkhan ma'o/ /rlung shugs ma ni srin pa la mkhan ma'o/ /chang 'thung ma ni til mar mkhan ma'o/ /lha mo sngo bsangs ma ni 'breg mkhan ma'o/ /shin tu bzang mo ni ko lpags mkhan ma'o//rta rna ma ni shing mkhan ma'o/ /mkha' 'gro gdong ma ni gling bu mkhan ma'o/ /'khor lo'i shugs can ma ni sha 'tshong ma'o/ /dum skyes ma ni g.yos mkhan ma'o/ /shauN+Di ni ni tshem bu ma'o/ /'khor lo'i go cha ma ni gar mkhan ma'o/ /shin tu dpa' mo ni tshos mkhan ma'o//stobs chen ma ni nya ba ma'o/ /'khor los sgyur ma ni rdza mkhan ma'o/ /brtson 'grus chen mo ni smad 'tshong ma'o/ /'di rnams rim pa ji lta bas phyi rol du longs spyod pa'i nyin zhag dang longs spyod pa'i dus la sngar brjod pa'i las rab 'byam dang 'jig rten pa'i dngos grub sgrub pa'i don du sngags pas mchod par bya'o zhes pa rigs kyi pho nya mo mchod pa'i cho ga bcom ldan 'das kyi nges pa'o// //da ni dam tshig gi pho nya mo rang gi gzugs yongs su bsgyur ba brjod par bya ste/ 'dir rdo rje phag mo ni rigs ldan ma ste/ thams cad du gzugs thams cad yongs su bsgyur ba ma'o//rdo rje mkha' 'gro ma ni khyi mo'o/ /lA ma ni rgod ma'o/ /dum skyes ma ni glang ma'o/ /gzugs can ma ni ba'o/ /rab gtum ma ni lug mo'o/ /gtum mig ma ni ra mo'o/ /'od ldan ma ni ri dgas mo'o/ /sna chen ma ni bong mo'o/ /dpa' bo'i blo can ma ni phag mo'o/ /mi'u thung ma ni rnga mo'o//lang ka'i dbang phyug ma ni 'brog dgon pa'i khyi mo'o/ /shing grib ma ni 'brog dgon pa'i seng ge mo'o/ /sa srungs ma ni bse mo'o/ /'jigs byed chen mo ni stag mo'o/ /rlung shugs ma ni dom mo'o/ /chang 'thung ma ni spre mo'o/ /lha mo sngo bsangs ma ni 'bri mo'o//shin tu bzang mo ni ce sbyang ma'o/ /rta rnam ni sram mo'o/ /mkha' 'gro gdong ma ni byi la mo'o/ /'khor lo'i shugs can ma ni kum+b+hi rI'o/ /dum skyes ma ni 'gron bu mo'o/ /shau N+Di ni karka TI'o/ /'khor lo'i go cha ma ni nya mo'o/ /shin tu dpa' mo ni chu srin mo'o/ /stobs chen mo ni sbal pa mo'o//'khor los sgyur ma ni rus sbal mo'o/ /brtson 'grus chen mo ni dung mo'o/ /kha gdong ma ni go d+hi'o/ /'ug gdong ma ni byi ba mo'o/ /khyi gdong ma ni shA li dza ti ki'o/ /phag gdong ma ni spre'u mo'o/ /gshin rje brtan ma ni ri bong ma'o/ /gshin rje pho nya mo ni gzugs mo'o//gshin rje mche ba mo ni iSh+Ta ki'o/ /gshin rje 'joms ma ni rtsangs pa ma'o zhes pa thang la spyod pa dang / chu la spyod pa dang / nags la spyod pa dang / gzugs yongs su bsgyur ba'i dam tshig gi lha mo sum cu rtsa drug po de rnams kyi rang bzhin gang gi tshe rnal 'byor pas shes par gyur pa de'i tshe dngos grub ster bar 'gyur ro// //da ni mkha' la spyod pa'i gzugs yongs su bsgyur ba brjod par bya ste/ 'dir rdo rje phag mo ni rigs ldan ma ste/ gzugs thams cad yongs su bsgyur ba mo'o/ /mkha' 'gro ma ni tsA ta ki'o/ /lA ma ni ne tso ma'o//dum skyes ma ni ri skegs ma'o/ /gzugs can ma ni khu byug ma'o/ /rab gtum ni lA mo'o/ /gtum mig ma ni phug ron ma'o/ /'od ldan ma ni bya dkar mo'o/ /sna chen ma ni tsa Ta ki'o/ /dpa' bo'i blo can ma ni gyur pa mo'o/ /mi'u thung ma ni ngang pa ma'o/ / lang ka'i dbang phyug ma ni hor pa mo'o/ /shing grib ma ni ljon shing dgra ma'o/ /sa srungs ma ni bya rog mo'o/ /'jigs byed chen mo ni bya rgod ma'o/ /rlung shugs ma ni 'ug pa mo'o/ /chang 'thung ma ni ri dgas dgra ma'o/ /lha mo sngo bsangs can ma ni gtsug pud can ma'o/ /shin tu bzang mo ni bya gag mo'o//rta rna ma ni b+he Da Ni'o/ /mkha' 'gro gdong ma ni 'ol ba mo'o/ /'khor lo'i shugs can ma ni khrung khrung ma'o/ /dum skyes ma ni khu byug mig ma'o/ /shau N+Di ni ni ri ra dza ki'o/ /'khor lo'i go cha ma ni b+ha ga ba ti'o/ /shin tu dpa' mo ni tit+ti ri'o/ / stobs chen mo ni bzhad mo'o/ /'khor los sgyur ma ni chu'i bya rog ma'o/ /brtson 'grus chen mo ni chu skyar mo'o/ /khwa gdong ma ni mig sngon mo'o/ /'ug gdong ma ni tsa ko ri'o/ /khyi gdong ma ni a ni la ma'o/ /phag gdong ma ni pha wang ma'o/ /gshin rje brtan ma ni puk+ka mi'o/ /gshin rje pho nya mo ni Di Da Ti b+hi'o//gshin rje mche ba ma ni b+he ruN+Di 'o/ /gshin rje 'joms ma ni am+b+ha ri ka ma'o zhes pa nam mkha' la spyod pa'i gzugs yongs su bsgyur ba'i rnal 'byor ma sum cu rtsa bdun no/ /thang la spyod pa dang chu la spyod pa dang nam mkha' la spyod pa 'di rnams phan tshun bsad pa la sogs pa'i kha na ma tho ba dang bral ba ji ltar rnyed pa'i sde/bdud rtsi lnga dang bcas pa rnams 'chad par 'gyur ba'i rim pas ril bur byas pa bzung nas dur khrod kyi sa la bsgrubs te des gsung rdo rje la sogs pa mchod pa'i rdzas rnams rab tu bsang bar bya'o/ /de nas sbyang ba dang rtogs pa dang rab tu 'bar ba dang bdud rtsir byas nas/ji ltar rnyed pa'i dam tshig gi rdzas rnams 'khor lo la mchod pa'i dus su sngags pas rnal 'byor ma rnams la dbul bar bya'o/ /sgom pa'i dus dang kun du spyod pa'i dus dang snyoms par 'jug pa'i dus su bdag nyid kyi zhal du ril bu gzhug par bya zhing /shes rab kyi zhal dang dpa' bo dang dpa' mo'i dbang phyug ma rnams kyi zhal du yang ngo zhes pa mchod pa'i cho ga'i nges pa'o// //da ni phyi rol dang nang du gnas la sogs pa rnal 'byor ma kun du rgyu ba'i gnas brjod par bya ste/ phyi rol du ri rab kyi rtse mor sna tshogs pad+ma'i lte ba la'o//nang du ni gsang ba'i pad+ma las te/ rtsa ba'i gnas la rdo rje phag mo rigs ldan ma'o/ /pad+ma'i shar gyi 'dab ma la snying ga'i pad+mar bdag gi gdan la rdo rje mkha' 'gro ma'o/ /lho'i 'dab ma la mgrin pa'i pad+mar gzhan gyi gdan la lA ma'o/ /nub kyi 'dab ma la lte ba'i pad+mar sngags kyi gdan la dum skyes ma'o//byang gi 'dab ma la dpral ba'i pad+mar de kho na'i gdan la gzugs can ma'o/ /ze'u 'bru la gtsug tor gyi pad+mar thams cad kyi gdan la dpal he ru ka'o zhes pa ye shes kyi 'khor lo mchod par bya'o/ /de nas nam mkha' la thugs kyi 'khor lor ri rab kyi phyogs brgyad po rnams su shar gyi rtsibs la/pUr+N+Na gi rir spyi bo la rab gtum ma dang thod pa'i dum bu'o/ /lho'i rtsibs la dzA lan+d+ha rar spyi gtsug tu gtum mig ma dang keng rus chen po'o/ /nub kyi rtsibs la uDi yA Nar rna ba g.yas par steng du 'od ldan ma dang keng rus so//byang gi rtsibs la arbu dar mgrin pa'i rgyab kyi steng du sna chen ma dang mche ba rnam par gtsigs pa'o zhes pa dpa' bo dang bcas pa'i dbang bo'i dbang phyug ma rnams gnas bzhi po rnams su longs spyod par 'khor ba ni g.yas skor gyis so/ /da nas dbang ldan gyi rtsibs la go dA ba rir rna ba g.yon pa'i steng du dpa' bo'i blo can ma dang chang dgra'o//rlung gi rtsibs la rA me shwa rir smin ma'i dbus su mi'u thung ma dang 'od dpag med do/ /bden bral gyi rtsibs la de wI ko Tar mig gnyis po la lang+ka'i dbang phyug ma dang rdo rje 'od do/ /me'i rtsibs la mA la war/ dpung pa'i rtsa ba la shing grib ma dang rdo rje lus so zhes pa dpa' bo dang bcas pa dpa' mo'i dbang phyug ma rnams nye ba'i gnas bzhi po rnams su longs spyod pa ste/'khor ba ni g.yon skor gyis so/ /de ltar gnas dang nye ba'i gnas longs spyod pa mkha' la spyod pa la thugs kyi 'khor lo la mchod par bya'o//de nas sa'i khor yug la ri rab kyi phyogs brgyad po rnams su gsung gi 'khor lor shar gyi rtsibs la kA ma rU par mchan khung gnyis su sa srungs ma dang myu gu can no/ /lho'i rtsibs la o Ter nu ma zung la 'jigs byed chen mo dang rdo rje ral pa can no zhes pa zhing dag la dpa' bo dang bcas pa'i dpa' bo'i dbang phyug ma dag longs spyod pa'o//nub kyi rtsibs la tri sha ku ner lte ba la rlung shugs ma dang dpa' bo chen po'o/ /byang gi rtsibs la ko sa lar sna rtse la chang 'thung ma dang rdo rje hUM mdzad do zhes pa nye ba'i zhing dag la dpa' bo dang dpa' bo'i dbang phyug ma dag longs spyod pa'o//de ltar zhing dang nye ba'i zhing dag la longs spyod pa ste 'khor ba ni g.yas skor gyis so/ /de nas dbang ldan gyi rtsibs la ka ling+gar kha la lha mo sngo bsangs ma dang rab tu bzang po'o/ /rlung gi rtsibs la lam+ba kar mgrin pa la shin tu bzang mo dang rdo rje bzang po'o zhes pa tshan+do ha dag la dpa' bo dang bcas pa'i dpa' bo'i dbang phyug ma dag longs spyod pa'o//bden bral gyi rtsibs la kAny+tsir snying ga la rta rnam dang 'jigs byed chen po'o/ /me'i rtsibs la hi ma la yar mdo mar bar du mkha' 'gro gdong ma dang mig mi bzang ngo zhes pa nye ba'i tshan+do ha dag la dpa' bo dang bcas pa'i dpa' bo'i dbang phyug ma dag longs spyod pa'o//tshan+do ha dag la longs spyod pa ste 'khor ba ni g.yon skor gyis so/ /de ltar zhing dang nye ba'i zhing dang tshan+do ha dang nye ba'i tshan+do ha longs spyod pa sa la spyod pa dag la gsung gi 'khor lor sngags pas mchod par bya'o//de nas sa'i steng dang sa'i 'og rgya mtsho'i khor yug la ri rab kyi phyogs brgyad po rnams su sku'i 'khor lor shar gyi rtsibs la pre ta pU ri dang rtags la 'khor lo'i shugs can ma dang stobs po che'o/ /lho'i rtsibs la gr-i ha de ba tar bshang lam du dum skyes ma dang rin chen rdo rje'o zhes pa 'du ba dag la dpa' bo dang bcas pa'i dpa' bo'i dbang phyug ma dag la longs spyod do//nub kyi rtsibs la sau rASh+Tar brla zung la shauN+Di ni dang rta mgrin no/ /byang gi rtsibs la gser gling du byin pa dag la 'khor lo'i go cha ma dang nam mkha'i snying po'o zhes pa nye ba'i 'du ba dag la dpa' bo dang dpa' bo'i dbang phyug ma dag longs spyod pa'o//de ltar 'du ba dang nye ba'i 'du ba dag la longs spyod pa ste 'khor ba ni g.yas skor gyis so/ /de nas dbang ldan gyi rtsibs la na ga rar rkang pa'i sor mo rnams la shin tu dpa' mo dang he ru ka'o//rlung gi rtsibs la sin+d+hur rkang pa'i rgyab dag la stobs chen ma dang pad+ma gar gyi dbang phyug go zhes pa dur khrod dag la dpa' bo dang bcas pa'i dpa' bo'i dbang phyug ma dag longs spyod pa'o/ /bden bral gyi rtsibs la ma rur rkang pa'i mthe bong dag la 'khor los sgyur ma dang rnam par snang mdzad do//me'i rtsibs la ku lu tar pus mo gnyis la brtson 'grus chen mo dang rdo rje sems dpa'o zhes pa nye ba'i dur khrod gag la dpa' bo dang bcas pa'i dpa' bo'i dbang phyug ma dag longs spyod pa'o/ /de ltar dur khrod dang nye ba'i dur khrod dag la longs spyod pa ste 'khor ba ni g.yon skor gyis so//de ltar 'du ba dang nye ba'i 'du ba dang dur khrod dang nye ba'i dur khrod la longs spyod pa sku'i 'khor lo mchod par bya'o/ /rnal 'byor ma'i kun du spyod pa'i rim pas 'khor lo 'dus pa 'chad par 'gyur ba'i rim pas bya'o zhes pa 'khor lo gsum gyi kun du spyod pa'i cho ga'o//de nas sa 'og tu me dang rlung gi khor yug gi dbus su ri rab kyi phyogs brgyad po rnams su mi bzad pa'i du ba'i dmyal ba chen por dur khrod chen po brgyad po rnams su ste/ de la shar gyi dur khrod du mdung gis 'bigs par kha'i sgor khwa gdong ma'o//lhor ro bsregs par sna bug g.yas par 'ug gdong ma'o/ /nub tu rul pa'i drir bshang lam du khyi gdong ma'o/ /byang du rnag gi drir sna bug g.yon pa'i sgor phag gdong ma'o zhes pa 'khor ba ni g.yas skor gyis so/ /de nas dbang ldan du byis pa shi bar rna ba g.yon pa'i sgor gshin rje brtan ma'o//rlung du sprul gyis zos par rna ba g.yas pa'i sgor gshin rje pho nya ma'o/ /bden bral du drag po'i g.yul du mig g.yas pa'i sgo ru gshin rje mche ba ma'o/ /me ru lhag ma za bar mig g.yon pa'i sgor gshin rje 'joms ma'o zhes pa 'khor ba ni g.yon skor gyis so//de ltar g.yas skor dang g.yon skor gyis lugs dang mthun pa dang lugs las bzlog pa dur khrod chen po brgyad longs spyod pa 'khor lo 'dus pa la mchod par bya'o zhes pa'o/ /de ltar lte ba dang snying ga dang mgrin pa dang dpral ba rnams dang ye shes dang thugs dang gsung dang sku'i 'khor lo rnams dang kha la sogs pa sgo brgyad po rnams su sgo skyong ba rnams so//de ltar phyi rol dang nang du rnal 'byor ma sum cu rtsa drug ste 'di rnams kyi gnas bstan pa'o// //da ni rigs ldan ma la sogs pa rnams kyis longs spyod pa dang thim pa dang dbang byed pa dang bdag po nyid rnams brjod par bya ste/'dir rigs ldan ma ni bdag gi gdan la sogs pa la thams cad du longs spyod pa dang thim pa dang dbang byed par shes par bya'o/ /rdo rje mkha' 'gro ma la sogs pa rnams kyi rim pa ji lta bas bdag gi gdan la sogs pa la longs spyod pa la sogs pa ste 'dir bdag gi gdan du longs spyod do//gzhan gyi gdan du thim mo/ /de kho na'i gdan du dbang byed do/ /sngags kyi gdan du bdag po nyid do/ /gzhan gyi gdan du longs spyod do/ /sngags kyi gdan du thim mo//bdag gi gdan du dbang byed do/ /de kho na'i gdan du bdag po nyid do/ /sngags kyi gdan du longs spyod do/ /de kho na'i gdan du thim mo/ /gzhan gyi gdan du dbang byed do/ /bdag gi gdan du bdag po nyid do/ /de kho na'i gdan du longs spyod do/ /bdag gi gdan du thim mo//sngags kyi gdan du dbang byed do/ /gzhan gyi gdan du bdag po nyid do zhes pa thun mtshams bzhi'i dbye bas 'khor lo 'dus pa la g.yas skor gyis lte bar ye shes kyi 'khor lo la pho nya mo'i kun du spyod pa'o/ /de nas pUr+Na gi rir longs spyod do/ /dzA lan+d+ha rar thim mo//athu tar dbang byed do/ /o Di ya nar bdag po nyid do/ /dzA lan+d+ha rar longs spyod do/ /o Di ya nar thim mo/ /pUr+Na gi rir dbang byed do/ /arbu tar bdag po nyid do/ /o Di ya nar longs spyod do/ /arbu tar thim mo/ /dzA lan+d+ha rar dbang byed do/ /pUr+Na gi rir bdag po nyid do//arbu tar longs spyod do/ /pUr+Na gi rir thim mo/ /o Di ya nar dbang byed do/ /dzA lan+d+ha rar bdag po nyid do zhes pa sdig pa 'char ba dang sdig pa'i phyed dang gzhu'i 'char pa dang gzhu'i phyed la snying gar thugs kyi 'khor lo la rnal 'byor ma'i kun du spyod pa ste 'khor ba ni g.yas skor gyis so//de nas go dA wa rir longs spyod do/ /rA me shwa rir thim mo/ /mA la war dbang byed do/ /de wI ko Tar bdag po nyid do/ /rA me shwa rar longs spyod do/ /de wI ko Tar thim mo/ /go dA wa rir dbang byed do/ /mA la war bdag po nyid do/ /de wI ko Tar longs spyod do/ /mA la war thim mo//rA me shwa rar dbang byed do/ /go dA wa rir bdag po nyid do/ /mA la war longs spyod do/ /go dA wa rir thim mo/ /de wI ko Tar dbang byed do/ /rA me shwa rar bdag po nyid do zhes pa chu srin 'char ba dang chu srin gyi phyed dang / bum pa 'char ba dang bum pa'i phyed la snying gar thugs kyi 'khor lo la rnal 'byor ma'i kun du spyod pa ste 'khor ba ni g.yon skor gyis so//phyi rol du 'khor lo 'dus pa la gnas dang nye ba'i gnas rnams dang / thugs kyi 'khor lo la rnal 'byor ma'i kun du spyod pa'o/ /'dir gang gi tshe kA ma rU par longs spyod pa de'i tshe o Ter thim mo//ko sha lar dbang byed do/ /tri sha ku ner bdag po nyid do/ /de ltar o Ter longs spyod do/ /tI sha ku ner thim mo/ /kA ma rU par dbang byed do/ /ko sha lar bdag po nyid do/ /tri sha ku ner longs spyod do/ /ko sha lar thim mo/ /o Ter dbang byed do/ /kA ma rU bar bdag po nyid do//ko sha lar longs spyod do/ /kA ma rU bar thim mo/ /tri sha ku ner dbang byed do/ /o trer bdag po nyid do zhes pa zhing dang nye ba'i zhing longs spyod pa g.yas skor gyis 'khor ba ste/ mgrin par gsung gi 'khor lo la phyi rol du 'khor lo 'dus pa na nya 'char ba dang nya'i phyed dang lug 'char ba dang lug gi phyed la rnal 'byor ma rnams kyi kun tu spyod pa'o//'dir gang gi tshe ka ling+kar longs spyod pa de'i tshe lalba kar thim mo/ /hi ma la yar dbang byed do/ /kAny+tsir bdag po nyid do/ /de ltar lam+ba kar longs spyod do/ /kAny+tsir thim mo/ /ka ling+gar dbang byed do//hi ma la yar bdag po nyid do/ /kAny+tsir longs spyod do/ /hi ma la yar thim mo/ /lam+ba kar dbang byed do/ /ka ling+ga ra bdag po nyid do/ /hi ma la yar longs spyod do/ /ka lang+gir thim mo/ /kAny+tsir dbang byed do/ /lam+ba kar bdag po nyid do zhes pa 'dus pa dang nye ba'i 'dus pa longs spyod pa g.yon skor gyis 'khor ba ste/glang 'char ba dang glang gi phyed dang 'khrig pa 'char ba dang 'khrig pa'i phyed la mgrin par gsung gi 'khor lo la phyi rol du 'khor lo 'dus pa na zhing dang nye ba'i zhing dang 'dus pa dang nye ba'i 'dus pa longs spyod pa rnal 'byor ma rnams kyi kun du spyod pa'o//'dir gang gi tshe pre ta pU rir longs spyod pa de'i tshe gr-i ha de wa tar thim mo/ /su war+Na dwI par dbang byed do/ /sau rASh+Tar bdag po nyid do/ /gr-iha de wa tar longs spyod do/ /sau rASh+Tar thim mo/ /pre ta pu rir dbang byed do//su war+N+Na drI par bdag po nyid do/ /sau rASh+Tar longs spyod do/ /su war+Na dwI par thim mo/ /gr-i ha de wa tar dbang byed do/ /pre ta pu rir bdag po nyid do/ /su war+Na dwI par longs spyod do/ /pre ta pu rir thim mo/ /sau rASh+Tar dbang byed do/ /gr-i ha de wa tar bdag po nyid do zhes 'dus pa dang nye ba'i 'dus pa longs spyod pa g.yas skor gyis 'khor ba ste/dpral bar sku'i 'khor lo la karka Ta 'char ba dang / karka Ta'i phyed dang seng ge 'char ba dang seng ge'i phyed la phyi rol du 'khor lo 'dus pa na sku'i 'khor lo rnal 'byor ma rnams kyi kun du spyod pa'o//'dir gang gi tshe na ga rar longs spyod pa de'i tshe sin+d+hur thim mo/ /ku lu tar dbang byed do/ /ma rur bdag po nyid do/ /de ltar sin+d+hur longs spyod do/ /ma rur thim mo/ /na ga rar dbang byed do/ /ku lu tar bdag po nyid do/ /ma rur longs spyod do/ /ku lu tar thim mo//sin+d+hur dbang byed do/ /na ga rar bdag po nyid do/ /ku lu tar longs spyod do/ /na ga rar thim mo/ /ma rur dbang byed do/ /sin+d+hur bdag po nyid do zhes pa dur khrod dang nye ba'i dur khrod longs spyod pa g.yon skor gyis 'khor ba ste/ bu mo 'char ba dang bu mo'i phyed dang srang 'char ba dang srang gi phyed la dpral bar sku'i 'khor lo la phyi rol du 'khor lo 'dus pa na rnal 'byor ma'i kun du spyod pa ste/rnal 'byor ma nyi shu rtsa bzhi po 'di rnams 'khor lo gsum la sdig pa la sogs pa dus sbyor bcu gnyis kyi phyed phyed kyi dbye bas dus kyi khyad par la kun du spyod pa'o/ /'dir gang gi tshe rtse mos 'bigs par longs spyod pa de'i tshe ro bsreg par thim mo//rnag gi drir dbang byed do/ /rul pa'i drir bdag po nyid do/ /de ltar ro bsreg par longs spyod do/ /rul pa'i drir thim mo/ /rtse mos 'bigs par dbang byed do/ /rnag gi drir bdag po nyid do/ /rul pa'i drir longs spyod do//rnag gi drir thim mo/ /ro bsreg par dbang byed do/ /rtse mos 'bigs par bdag po nyid do/ /rnag gi drir longs spyod do/ /rtse mos 'bigs par thim mo/ /rul pa'i drir dbang byed do/ /ro bsreg par bdag po nyid do zhes pa phyogs kyi dur khrod chen po longs spyod pa g.yas skor gyis 'khor ba ste/mtshan phyed nas thun dang po dang gnyis pa dang gsum pa rang bzhin pa la khwa la sogs pa sgo bzhi po rnams dang phyi rol du tshogs kyi 'khor lo yang rnal 'byor ma rnams kyi kun du spyod pa'o/ /'dir gang gi tshe byis pa shi bar longs spyod pa de'i tshe sbrul gyis zos par thim mo//lhag ma za bar dbang byed do/ /mi bzad pa'i g.yul du bdag po nyid do/ /de ltar sbrul gyis zos par longs spyod do/ /mi bzad pa'i g.yul du thim mo/ /byis pa shi bar dbang byed do/ /lhag ma za bar bdag po nyid do/ / mi bzad pa'i g.yul du longs spyod do/ /lhag ma za bar thim mo/ /sbrul gyis zos par dbang byed do/ /byis pa shi bar bdag po nyid do/ /lhag ma za bar longs spyod do/ /byis pa shi bar thim mo/ /mi bzad pa'i g.yul du dbang byed do/ /sprul gyis zos par bdag po nyid do zhes pa mtshams kyi dur khrod chen por longs spyod pa g.yon skor gyis 'khor ba ste/nyi ma phyed dang thun dang po dang gnyis pa dang gsum pa dang bzhi pa las/ rna ba g.yon pa la sogs pa sgo bzhi po rnams la dur khrod chen por rnal 'byor ma rnams kyi kun du spyod pa'o/ /phyi rol du 'khor lo 'dus pa dang nang du khwa la sogs pa sgo brgyad po rnams la/thun brgyad kyi dbye bas dus kyi khyad par gyis kun du spyod pa'o/ /de ltar phyi rol dang nang du rnal 'byor ma rnams kyi kun du spyod pa rnam pa gnyis te/ gcig ni shar la sogs pa thugs dang gsung dang ye shes dang sku'i zhal bzhi'i dbye bas shar la sogs pa'i phyogs rnams su g.yas skor gyis 'khor ba dang /gzhan ni sku dang ye shes dang gsung dang thugs kyi zhal gyi dbye bas phyogs bral rnams su g.yon skor gyis 'khor ba'o/ /'dir ye shes kyi pad+ma'i shar gyi 'dab ma dang thugs dang gsung dang sku'i 'khor lo rnams kyi shar dang me'i rtsibs rnams dang /shar dang me'i dur khrod chen por longs spyod pa ni thugs kyi zhal gyi rang bzhin gyis bsad pa la sogs pa'i las kyi dngos grub ster bar 'gyur ro/ /de ltar lho'i 'dab ma dang lho dang bden bral gyi rtsibs rnams dang /lho dang bden bral gyi dur khrod chen por longs spyod pa ni gsung gi zhal gyi rang bzhin gyis dbang du bya ba la sogs pa'i las kyi dngos grub ster bar 'gyur ro/ /de ltar nub kyi 'dab ma dang nub dang rlung gi rtsibs rnams dang / nub dang rlung gi dur khrod chen por longs spyod pa ni/ye shes kyi zhal gyi rang bzhin gyis rengs pa la sogs pa'i las kyi dngos grub ster bar 'gyur ro/ /de bzhin du byang gi 'dab ma dang byang dang dbang ldan gyi rtsibs rnams dang byang dang dbang ldan gyi dur khrod chen por longs spyod pa ni sku'i zhal gyi rang bzhin gyis zhi ba la sogs pa'i las kyi dngos grub sngar brjod pa rnams ster bar 'gyur ro//'di rnams rlung dang me dang dbang chen dang chu'i dkyil 'khor rnams te/ yar la wa'i yi ge las yang dag par byung ba snying ga dang mgrin pa dang lte ba dang dpral bar rim pa ji lta bas rang rang gi rtsibs kyi steng du gnas pa rnams rtogs par bya'o zhes pa bcom ldan 'das kyi zhal bzhi'i dbye bas 'di rnams kun du spyod pa'o//nyi ma dang srog kun du rgyu bas dus kyi khyad par te dus kyi khyad par gyis mchod pa'i cho ga'o/ /de ltar thams cad du rnal 'byor ma'i rgyud du rnal 'byor ma'i tshad dang /dus kyi khyad par gyis kun du spyod pa ste/ sgyu ma chen mo las rnal 'byor ma bzhi po rnams kyi thun mtshams bzhi'i dbye bas kun du spyod do/ /gang na rnal 'byor ma brgyad yod pa der thun brgyad kyi dbye bas so/ /gang na bcu drug yod pa der thun phyed kyi dbye bas so//gang na sum cu rtsa gnyis yod pa der chu tshod kyi dbye bas so/ /gang na drug cu rtsa bzhi yod pa der dbyu gu'i dbye bas so/ /gang na bco lnga yod pa der tshes bco lnga'i dbye bas so/ /gang na bcu gnyis yod pa der dus sbyor gyi dbye bas so/ /gang na nyi shu rtsa bzhi yod pa der dus sbyor phyed pa'i dbye bas so//gang na drug yod pa der dus drug gi dbye bas so/ /gang na gsum yod pa der dus gsum gyi dbye bas so/ /gang na gnyis yod pa der bgrod pa'i dbye bas so/ /gang na gcig yod pa der kun du spyod pa med do/ /'dir thams cad du dus kyi dbye bas srog kun du rgyu'o//srog kun du rgyu bas sna tshogs pa'i dbye bas dus kyi khyad par ro/ /dus kyi khyad par des thams cad du rnal 'byor ma'i rgyud rnams la pho nya mo'i kun du spyod pa'o/ /kun du spyod pa'i dbang gis longs spyod pa dang thim pa dang dbang byed pa dang bdag po nyid do zhes pa thams cad du rtogs par bya'o//da ni tshogs kyi 'khor lo la rigs ldan ma dang pho nya mo rnams kyi gnas las gnas kun du rgyu ba brjod par bya'o/ /de la tshes gcig gi mtshan phyed na shar gyi zhal 'byung ba na dbus nas bdag po'i gnas las rdo rje phag mo rigs ldan ma ni shar gyi 'dab ma la kun du spyod do//rdo rje mkha' 'gro ma ni bdag po'i gnas su rigs ldan mar gyur te/ gnas kyi dbang gis rdo rje mkha' 'gro ma gang yin pa de ni rigs ldan mar 'gyur la/ rdo rje phag mo gang yin pa de ni rdo rje mkha' 'gro mar 'gyur ro/ /de nas snga dro'i thun mtshams la lho'i zhal 'byung ba na dbus kyi bdag po'i gnas las rdo rje mkha' 'gro ma rigs ldan ma ni lho'i 'dab ma la kun du spyod do//lA ma ni dbus kyi bdag po'i gnas su'o/ /de'i phyir gnas kyi dbang gis rdo rje mkha' 'gro ma rigs ldan ma gad yin ba de ni lA mar 'gyur la/lA ma gang yin pa de rigs ldan mar 'gyur ro/ /de nas nyi ma gung gi thun mtshams na nub kyi zhal 'byung ba na dbus kyi bdag po'i gnas las lA ma rigs ldan ma ni nub kyi 'dab ma la kun du spyod de/ dum skyes ma ni dbus kyi bdag po'i gnas su'o//de'i phyir gnas kyi dbang gis lA ma rigs ldan ma gang yin pa de dum skyes mar 'gyur la/ dum skyes ma gang yin pa de rigs ldan mar 'gyur ro/ /de nas phyi 'phred kyi thun mtshams la byang gi zhal 'byung ba na dbus kyi bdag po'i gnas las dum skyes ma rigs ldan ma ni byang gi 'dab ma la kun du spyod de/gzugs can ma ni dbus kyi bdag po'i gnas su'o/ /de'i phyir gnas kyi dbang gis dum skyes ma rigs ldan ma gang yin pa de gzugs can mar 'gyur la/ gzugs can ma gang yin pa de rigs ldan mar 'gyur ro/ /slar yang nyin zhag gnyis pa la gzugs can ma rigs ldan ma la sogs pa kun du spyod do//de la mtshan phyed kyi thun mtshams la shar gyi zhal 'byung ba na gzugs can ma rigs ldan ma dbus kyi bdag po'i gnas las/ shar gyi 'dab ma la kun du spyod de rdo rje phag mo mkha' 'gro ma ni dbus kyi bdag po'i gnas su'o/ /de'i phyir gnas kyi dbang gis gzugs can ma ni rdo rje mkha' 'gro mar 'gyur la/rdo rje phag mo mkha' 'gro ma ni rigs ldan mar 'gyur ro/ /de nas snga dro'i thun mtshams la rdo rje phag mo rigs ldan ma lho'i 'dab ma la kun du spyod do/ /rdo rje mkha' 'gro ma lA ma ni dbus kyi bdag po'i gnas su'o//de'i phyir gnas kyi dbang gis rdo rje phag mo ni lA mar 'gyur la/ rdo rje mkha' 'gro ma lA ma gang yin pa de rigs ldan mar 'gyur ro/ /de nas nyi ma gung gi thun mtshams la rdo rje mkha' 'gro ma lA ma rigs ldan ma nub kyi 'dab ma la kun du spyod de/ lA ma dum skyes ma ni dbus kyi bdag po'i gnas su'o//de'i phyir gnas kyi dbang gis rdo rje mkha' 'gro ma lA ma rigs ldan ma gang yin pa de dum skyes mar 'gyur la/ lA ma dum skyes ma gang yin pa de rigs ldan mar 'gyur ro/ /de nas phyi 'phred kyi thun mtshams la lA ma dum skyes ma rigs ldan ma byang gi 'dab ma la kun du spyod de/dum skyes ma gzugs can ma ni dbus su bdag po'i gnas su'o/ /de'i phyir gnas kyi dbang gis lA ma dum skyes ma rigs ldan ma gang yin pa de gzugs can mar 'gyur la/ dum skyes ma gzugs can ma gang yin pa de rigs ldan mar 'gyur ro//de nas nyin zhag gsum pa la dum skyes ma rigs ldan ma la sogs pa kun du spyod do/ /de la mtshan phyed kyi thun mtshams la shar gyi zhal 'byung ba na/ dum skyes ma gzugs can ma rigs ldan ma shar gyi 'dab ma la kun du spyod de/ gzugs can ma rdo rje mkha' 'gro ma ni dbus su bdag po'i gnas su'o//de'i phyir gnas kyi dbang gis dum skyes ma gzugs can ma rigs ldan ma gang yin pa de rdo rje mkha' 'gro mar 'gyur la gzugs can ma rdo rje mkha' 'gro ma gang yin pa de ni rigs ldan mar 'gyur ro/ /de nas snga dro'i thun mtshams lho'i zhal 'byung ba ni/gzugs can ma rdo rje mkha' 'gro ma rigs ldan ma gang yin pa de lho'i 'dab ma la kun du spyod de/ rdo rje phag mo lA ma ni dbus su bdag po'i gnas su'o/ /de'i phyir gnas kyi dbang gis gzugs can ma rdo rje mkha' 'gro ma rigs ldan ma gang yin pa de lA mar 'gyur la/rdo rje phag mo lA ma gang yin pa de rigs ldan mar 'gyur ro/ /de nas nyi ma gung gi thun mtshams la nub kyi zhal 'byung ba na/ rdo rje phag mo lA ma rigs ldan ma nub kyi 'dab ma la kun du spyod de/ rdo rje mkha' 'gro ma dum skyes ma dbus su bdag po'i gnas su'o/ / de'i phyir gnas kyi dbang gis rdo rje phag mo lA ma rigs ldan ma ni dum skyes mar 'gyur la/ rdo rje mkha' 'gro ma dum skyes ma ni rigs ldan mar 'gyur ro/ /de nas phyi 'phred kyi thun mtshams la byang gi zhal 'byung ba/ rdo rje mkha' 'gro ma dum skyes ma rigs ldan ma byang gi 'dab ma la kun du spyod de/lA ma gzugs can ma ni dbus su bdag po'i gnas su'o/ /de'i phyir gnas kyi dbang gis rdo rje mkha' 'gro ma dum skyes ma rigs ldan ma gang yin pa de gzugs can mar 'gyur la/ lA ma gzugs can ma gang yin pa de rigs ldan mar 'gyur ro//de nas nyin zhag bzhi pa la lA ma rigs ldan ma la sogs pa kun du spyod do/ /de la mtshan phyed kyi thun mtshams la shar gyi zhal 'byung ba na/ lA ma gzugs can ma rigs ldan ma shar gyi 'dab ma la kun du spyod de/ dum skyes ma rdo rje mkha' 'gro ma ni dbus su bdag po'i gnas su'o//de'i phyir gnas kyi dbang gis lA ma gzugs can ma rigs ldan ma ni rdo rje mkha' 'gro mar 'gyur la/ dum skyes ma rdo rje mkha' 'gro ma rigs ldan mar 'gyur ro/ /de nas snga dro'i thun mtshams la lho'i zhal 'byung ba na/ dum skyes ma rdo rje mkha' 'gro ma rigs ldan ma lho'i 'dab ma la kun du spyod de/gzugs can ma lA ma ni dbus su bdag po'i gnas su'o/ /de'i phyir gnas kyi dbang gis dum skyes ma rdo rje mkha' 'gro ma rigs ldan ma ni lA mar 'gyur la/ gzugs can ma lA ma ni rigs ldan mar 'gyur ro//de nas nyi ma gung gi thun mtshams la nub kyi zhal 'byung ba na/ gzugs can ma lA ma rigs ldan ma nub kyi 'dab ma la kun du spyod de/ rdo rje phag mo dum skyes ma ni dbus su bdag po'i gnas su'o/ /de'i phyir gnas kyi dbang gis gzugs can ma lA ma rigs ldan ma gang yin pa de dum skyes mar 'gyur la/rdo rje phag mo dum skyes ma gang yin pa de rigs ldan mar 'gyur ro/ /de nas phyi 'phred kyi thun mtshams la byang gi zhal 'byung ba na/ rdo rje phag mo dum skyes ma rigs ldan ma byang gi 'dab ma la kun du spyod de/ rdo rje mkha' 'gro ma gzugs can ma ni dbus su bdag po'i gnas su'o//de'i phyir gnas kyi dbang gis rdo rje phag mo dum skyes ma rigs ldan ma gang yin pa de gzugs can mar 'gyur la/ rdo rje mkha' 'gro ma gzugs can ma gang yin pa de rigs ldan mar 'gyur ro/ /de nas nyin zhag lnga pa la rdo rje mkha' 'gro ma rigs ldan ma la sogs pa kun du spyod do//de la mtshan phyed kyi thun mtshams la shar gyi zhal 'byung ba na/ rdo rje mkha' 'gro ma gzugs can ma rigs ldan ma shar gyi 'dab ma la kun du spyod de/ lA ma rdo rje mkha' 'gro ma ni dbus su bdag po'i gnas su'o//de'i phyir gnas kyi dbang gis rdo rje mkha' 'gro ma gang yin pa de lA ma dang dum skyes ma dang gzugs can ma dang rigs ldan mar gyur nas/ slar yang de nyid rang gi gnas su rdzogs pa dang po la rdo rje mkha' 'gro mar 'gyur la/ lA ma rdo rje mkha' 'gro ma ni rigs ldan mar 'gyur ro//de nas snga dro'i thun mtshams la lho'i zhal 'byung ba na/ lA ma rdo rje mkha' 'gro ma rigs ldan ma lho'i 'dab ma la kun du spyod de/ dum skyes ma lA ma ni dbus su bdag po'i gnas su'o/ /de'i phyir gnas kyi dbang gis lA ma gang yin pa de dum skyes ma dang gzugs can ma dang rdo rje mkha' 'gro ma dang rigs ldan mar 'gyur te/slar yang de nyid kyi gnas su lA mar 'gyur la/ dum skyes ma lA ma ni rigs ldan mar 'gyur ro/ /de nas nyi ma gung gi thun mtshams la nub kyi zhal 'byung ba na/ dum skyes ma rigs ldan ma nub kyi 'dab ma la kun du spyod de/gzugs can ma dum skyes ma ni dbus su'o/ /de'i phyir gnas kyi dbang gis dum skyes ma gang yin pa de gzugs can ma dang rdo rje mkha' 'gro ma dang lA ma dang rigs ldan mar gyur nas/ slar yang de nyid rang gi gnas su dum skyes mar 'gyur la/ gzugs can ma dum skyes ma gang yin pa de rigs ldan mar 'gyur ro//de nas phyi 'phred kyi thun mtshams la byang gi zhal 'byung ba na/ gzugs can ma dum skyes ma rigs ldan ma byang gi 'dab ma la kun du spyod de/ rdo rje phag mo gzugs can ma ni dbus su'o/ /de'i phyir gnas kyi dbang gis gzugs can ma gang yin pa de rdo rje mkha' 'gro ma dang lA ma dang dum skyes ma dang rigs ldan mar gyur nas/slar yang de nyid rang gi gnas su gzugs can mar 'gyur la/ rdo rje phag mo gang yin pa de rdo rje mkha' 'gro ma dang lA ma dang dum skyes ma dang gzugs can mar gyur nas/slar yang de nyid rang gi gnas su rigs ldan mar 'gyur ro/ /de ltar nyin zhag lnga pa la thun mtshams nyi shu rnams la rnam pa nyi shus rdzogs par byang chub pa yongs su bskor ba'o/ /'di ni rdo rje phag mo la sogs pa'i kun du spyod pa ste/ dga' ba dang bzang po dang rgyal ba dang stong pa dang rdzogs pa tshes gcig pa dang gnyis pa dang gsum pa dang bzhi pa dang lnga pa zhes pa'i tshes kyi dbye ba dang /zla ba'i cha lnga'i rang bzhin dang dang po'i dga' ba'i dbye bas shes pa'o/ /de ltar tshes gcig ji lta ba de ltar drug pa dang gnyis pa ji lta ba de ltar bdun pa dang gsum pa ji lta ba de ltar brgyad pa dang bzhi pa ji lta ba de ltar dgu pa dang lnga pa ji lta ba de ltar bcu pa la kun du spyod de mchog dga'i dbye bas so//de ltar drug pa ji lta ba de ltar bcu gcig pa dang bdun pa ji lta ba de ltar bcu gnyis pa dang / brgyad pa ji lta ba de ltar bcu gsum pa dang dgu pa ji lta ba de ltar bcu bzhi pa dang /bcu pa ji lta ba de ltar nya la kun du spyod de dga' bral gyi dga' ba'i dbye bas so/ /de'i mthar mchod pa chen po bya ste/ phyogs dang po la rnal 'byor ma kun du spyod pa'o/ /de nas gnyis pa nag po'i phyogs kyi tshes gcig gi nyin zhag la mtshan phyed nas thun dang po la rigs ldan ma shar gyi dur khrod chen por kun du spyod de khwa gdong ma dang dbus su bdag po'i gnas su'o//de'i phyir gnas kyi dbang gis rigs ldan ma ni khwa gdong mar 'gyur la/ khwa gdong ma gang yin pa de rigs ldan mar 'gyur ro/ /de nas thun gnyis pa la khwa gdong ma rigs ldan ma lho'i dur khrod chen por kun du spyod de/'ug gdong ma ni dbus su'o/ /de'i phyir gnas kyi dbang gis khwa gdong ma rigs ldan ma ni 'ug gdong mar 'gyur la 'ug gdong ma ni rigs ldan mar 'gyur ro/ /de nas thun gsum pa la 'ug gdong ma rigs ldan ma nub kyi dur khrod chen por kun du spyod de/khyi gdong ma ni dbus su'o/ /de'i phyir gnas kyi dbang gis 'ug gdong ma rigs ldan ma ni khyi gdong mar 'gyur la/ khyi gdong ma ni rigs ldan mar 'gyur ro/ /de nas thun bzhi ba la khyi gdong ma rigs ldan ma byang gi dur khrod chen por kun du spyod de/phag gdong ma ni dbus su'o/ /de'i phyir gnas kyi dbang gis khyi gdong ma rigs ldan ma ni phag gdong mar 'gyur la/ phag gdong ma ni rigs ldan mar 'gyur ro zhes pa g.yas skor gyis 'khor ba ste/ nyi ma'i cha la thun bzhi'i dbye bas kun du spyod pa'o/ /de nas zla ba'i cha la nyi ma gung nas thun dang po la phag gdong ma rigs ldan ma dbang ldan gyi dur khrod chen por kun du spyod de/gshin rje brtan ma ni dbus su'o/ /de'i phyir gnas kyi dbang gis phag gdong ma rigs ldan ma ni gshin rje brtan mar 'gyur la/ gshin rje brtan ma ni rigs ldan mar 'gyur ro//de nas thun gnyis pa la gshin rje brtan ma rigs ldan ma rlung gi dur khrod chen por kun du spyod de/ gshin rje pho nya mo ni dbus su'o/ /de'i phyir gnas kyi dbang gis gshin rje brtan ma rigs ldan ma ni gshin rje pho nya mor 'gyur la/ gshin rje pho nya mo gang yin pa de rigs ldan mar 'gyur ro//de nas thun gsum pa la gshin rje pho nya mo rigs ldan ma bden bral gyi dur khrod chen por kun du spyod de/ gshin rje mche ba ma ni dbus su'o/ /de'i phyir gnas kyi dbang gis gshin rje pho nya mo rigs ldan ma ni gshin rje mche ba mar 'gyur la/gshin rje mche ba ma gang yin pa de rigs ldan mar 'gyur ro/ /de nas thun bzhi pa la gshin rje mche ba ma rigs ldan ma me'i dur khrod chen por kun du spyod do/ /gshin rje 'joms ma ni dbus su'o/ /de'i phyir gnas kyi dbang gis gshin rje mche ba ma rigs ldan ma ni gshin rje 'joms mar 'gyur la/gshin rje 'joms ma gang yin pa de rigs ldan mar 'gyur ro zhes pa g.yon skor gyis 'khor ba ste zla ba'i cha la rnal 'byor ma'i kun du spyod pa'o/ /de ltar nyin zhag dang po la rnal 'byor ma'i kun du spyod pa rig par bya'o/ /slar yang nyin zhag gnyis pa la mtshan phyed nas thun dang po la gshin rje 'joms ma rigs ldan ma shar gyi dur khrod chen por kun du spyod de/rdo rje phag mo khwa gdong ma ni dbus su'o/ /de'i phyir gnas kyi dbang gis gshin rje 'joms ma rigs ldan ma ni khwa gdong mar 'gyur la/ rdo rje phag mo gang yin pa de rigs ldan mar 'gyur ro//de nas thun gnyis pa la rdo rje phag mo rigs ldan ma lho'i dur khrod chen por kun du spyod de/ khwa gdong ma 'ug gdong ma ni dbus su'o/ /de'i phyir gnas kyi dbang gis rdo rje phag mo rigs ldan ma ni 'ug gdong mar 'gyur la/ khwa gdong ma 'ug gdong ma gang yin pa de rigs ldan mar 'gyur ro//de nas thun gsum pa la khwa gdong ma rigs ldan ma nub kyi dur khrod chen por kun du spyod de/ 'ug gdong ma khyi gdong ma ni dbus su'o/ /de'i phyir gnas kyi dbang gis khwa gdong ma rigs ldan ma ni khyi gdong mar 'gyur la/'ug gdong ma khyi gdong ma gang yin pa de rigs ldan mar 'gyur ro/ /de nas thun bzhi pa la 'ug gdong ma rigs ldan ma byang gi dur khrod chen por kun du spyod de/ khyi gdong ma phag gdong ma ni dbus su'o/ /de'i phyir gnas kyi dbang gis 'ug gdong ma rigs ldan ma ni phag gdong mar 'gyur la/khyi gdong ma phag gdong ma gang yin pa de rigs ldan mar 'gyur ro zhes pa g.yas skor gyis 'khor ba ste nyi ma'i cha la kun du spyod pa'o/ /de nas nyi ma gung nas thun dang po la khyi gdong ma rigs ldan ma dbang ldan gyi dur khrod chen por kun du spyod de/phag gdong ma gshin rje brtan ma ni dbus su'o/ /de'i phyir gnas kyi dbang gis khyi gdong ma rigs ldan ma ni gshin rje brtan mar 'gyur la phag gdong ma gshin rje brtan ma gang yin pa de rigs ldan mar 'gyur ro/ /de nas thun gnyis pa la phag gdong ma rigs ldan ma rlung gi dur khrod chen por kun du spyod de/gshin rje brtan ma gshin rje pho nya mo ni dbus su'o/ /de'i phyir gnas kyi dbang gis phag gdong ma rigs ldan ma ni gshin rje pho nya mar 'gyur la/ gshin rje brtan ma gshin rje pho nya ma gang yin pa de rigs ldan mar 'gyur ro//de nas thun gsum pa la gshin rje brtan ma rigs ldan ma bden bral gyi dur khrod chen por kun du spyod de/ gshin rje pho nya ma gshin rje mche ba ma ni dbus su'o/ /de'i phyir gnas kyi dbang gis gshin rje brtan ma rigs ldan ma ni gshin rje mche ba mar 'gyur la/gshin rje pho nya ma gshin rje mche ba ma gang yin pa de rigs ldan mar 'gyur ro/ /de nas thun bzhi pa la gshin rje pho nya ma rigs ldan ma me'i dur khrod chen por kun du spyod de/ gshin rje mche ba ma gshin rje 'joms ma ni dbus su'o/ / de'i phyir gnas kyi dbang gis gshin rje pho nya ma rigs ldan ma ni gshin rje 'joms mar 'gyur la/ gshin rje mche ba ma gshin rje 'joms ma gang yin pa de rigs ldan mar 'gyur ro zhes pa g.yon skor gyis 'khor ba ste zla ba'i cha la rnal 'byor ma'i kun du spyod pa'o/ /de nas nyin zhag gsum pa la slar yang mtshan phyed nas thun dang po la gshin rje mche ba ma rigs ldan ma shar gyi dur khrod chen por kun du spyod de/gshin rje 'joms ma khwa gdong ma ni dbus su'o/ /de'i phyir gnas kyi dbang gis gshin rje mche ba ma rigs ldan ma ni khwa gdong mar 'gyur la/gshin rje 'joms ma khwa gdong ma gang yin pa de rigs ldan mar 'gyur ro/ /de nas thun gnyis pa la gshin rje 'joms ma rigs ldan ma lho'i dur khrod chen por kun du spyod de/ rdo rje phag mo 'ug gdong ma ni dbus su'o/ /de'i phyir gnas kyi dbang gis gshin rje 'joms ma rigs ldan ma ni 'ug gdong mar 'gyur la/rdo rje phag mo 'ug gdong ma gang yin pa de rigs ldan mar 'gyur ro/ /de nas thun gsum pa la rdo rje phag mo rigs ldan ma nub kyi dur khrod chen por kun du spyod de/ khyi gdong ma khwa gdong ma ni dbus su'o//de'i phyir gnas kyi dbang gis rdo rje phag mo rigs ldan ma ni khyi gdong mar 'gyur la/ khwa gdong ma khyi gdong ma gang yin pa de rigs ldan mar 'gyur ro/ /de nas thun bzhi pa la khwa gdong ma rigs ldan ma byang gi dur khrod chen por kun du spyod de/ 'ug gdong ma phag gdong ma ni dbus su'o//de'i phyir gnas kyi dbang gis khwa gdong ma rigs ldan ma ni phag gdong mar 'gyur la/ 'ug gdong ma phag gdong ma gang yin pa de rigs ldan mar 'gyur ro zhes pa g.yas skor gyis 'khor ba ste nyi ma'i cha la kun du spyod pa'o/ /de nas zla ba'i chal nyi ma gung nas thun dang po la 'ug gdong ma rigs ldan ma dbang ldan gyi dur khrod chen por kun du spyod de/khyi gdong ma gshin rje brtan ma ni dbus su'o/ /de'i phyir gnas kyi dbang gis 'ug gdong ma rigs ldan ma ni gshin rje brtan mar 'gyur la/ khyi gdong ma gshin rje brtan ma gang yin pa de rigs ldan mar 'gyur ro//de nas thun gnyis pa la khyi gdong ma rigs ldan ma rlung gi dur khrod chen por kun du spyod de/ phag gdong ma gshin rje pho nya ma ni dbus su'o/ /de'i phyir gnas kyi dbang gis khyi gdong ma rigs ldan ma ni gshin rje pho nya mar 'gyur la/phag gdong ma gshin rje pho nya ma gang yin pa de rigs ldan mar 'gyur ro/ /de nas thun gsum pa la phag gdong ma rigs ldan ma bden bral gyi dur khrod chen por kun du spyod de/ gshin rje brtan ma gshin rje mche ba ma ni dbus su'o/ /de'i phyir gnas kyi dbang gis phag gdong ma rigs ldan ma gshin rje mche ba mar 'gyur la/gshin rje brtan ma gshin rje mche ba ma gang yin pa de rigs ldan mar 'gyur ro/ /de nas thun bzhi pa la gshin rje brtan ma rigs ldan ma me'i dur khrod chen por kun du spyod de/ gshin rje pho nya ma gshin rje 'joms ma ni dbus su'o//de'i phyir gnas kyi dbang gis gshin rje brtan ma rigs ldan ma ni gshin rje 'joms mar 'gyur la/ gshin rje pho nya mo gshin rje 'joms ma gang yin pa de rigs ldan mar 'gyur ro zhes pa g.yon skor gyis 'khor ba ste zla ba'i cha la rnal 'byor ma'i kun du spyod pa'o//de nas nyin zhag bzhi pa la mtshan phyed nas thun dang po la gshin rje pho nya ma rigs ldan ma shar gyi dur khrod chen por kun du spyod de/ gshin rje mche ba ma khwa gdong ma ni dbus su'o/ /de'i phyir gnas kyi dbang gis gshin rje pho nya ma rigs ldan ma ni khwa gdong mar 'gyur la gshin rje mche ba ma khwa gdong ma gang yin pa de rigs ldan mar 'gyur ro//de nas thun gnyis pa la gshin rje mche ba ma rigs ldan ma lho'i dur khrod chen por kun du spyod de/ gshin rje 'joms ma 'ug gdong ma ni dbus su'o/ /de'i phyir gnas kyi dbang gis gshin rje mche ba ma rigs ldan ma ni 'ug gdong mar 'gyur la/gshin rje 'joms ma 'ug gdong ma gang yin pa de rigs ldan mar 'gyur ro/ /de nas thun gsum pa la gshin rje 'joms ma rigs ldan ma nub kyi dur khrod chen por kun du spyod de/ rdo rje phag mo khyi gdong ma ni dbus su'o//de'i phyir gnas kyi dbang gis gshin rje 'joms ma rigs ldan ma ni khyi gdong mar 'gyur la/ rdo rje phag mo khyi gdong ma gang yin pa de rigs ldan mar 'gyur ro/ /de nas thun bzhi pa la rdo rje phag mo rigs ldan ma byang gi dur khrod chen por kun du spyod de/khwa gdong ma phag gdong ma ni dbus su'o/ /de'i phyir gnas kyi dbang gis rdo rje phag mo rigs ldan ma ni phag gdong mar 'gyur la/ khwa gdong ma phag gdong ma gang yin pa de rigs ldan mar 'gyur ro zhes ba g.yas skor gyis 'khor ba ste nyi ma'i cha la kun du spyod pa'o/ / de nas za ba'i cha la nyi ma gung nas thun dang po la khwa gdong ma rigs ldan ma dbang ldan gyi dur khrod chen por kun du spyod de/ 'ug gdong ma gshin rje brtan ma ni dbus su'o/ /de'i phyir gnas kyi dbang gis khwa gdong ma rigs ldan ma ni gshin rje brtan mar 'gyur la/ 'ug gdong ma gshin rje brtan ma gang yin pa de rigs ldan mar 'gyur ro/ /de nas thun gnyis pa la 'ug gdong ma rigs ldan ma rlung gi dur khrod chen por kun du spyod de/ khyi gdong ma gshin rje pho nya ma ni dbus su'o/ /de'i phyir gnas kyi dbang gis 'ug gdong ma rigs ldan ma ni gshin rje pho nya mar 'gyur la/khyi gdong ma gshin rje pho nya ma gang yin pa de rigs ldan mar 'gyur ro/ /de nas thun gsum pa la khyi gdong ma rigs ldan ma bden bral gyi dur khrod chen por kun du spyod de/ phag gdong ma gshin rje mche ba ma ni dbus su'o/ /de'i phyir gnas kyi dbang gis khyi gdong ma rigs ldan ma ni gshin rje mche ba mar 'gyur la/phag gdong ma gshin rje mche ba ma gang yin pa de rigs ldan mar 'gyur ro/ /de nas thun bzhi pa la phag gdong ma rigs ldan ma me'i dur khrod chen por kun du spyod de/ gshin rje brtan ma gshin rje 'joms ma ni dbus su'o//de'i phyir gnas kyi dbang gis phag gdong ma rigs ldan ma ni gshin rje 'joms mar 'gyur la/ gshin rje brtan ma gshin rje 'joms ma gang yin pa de rigs ldan mar 'gyur ro zhes pa g.yon skor gyis 'khor ba ste zla ba'i cha la rnal 'byor ma'i kun du spyod pa'o//de nas nyin zhag lnga pa la mtshan phyed nas thun dang po la gshin rje brtan ma rigs ldan ma shar gyi dur khrod chen por kun du spyod de/ gshin rje pho nya ma khwa gdong ma ni dbus su'o/ /de'i phyir gnas kyi dbang gis gshin rje brtan ma rigs ldan ma ni khwa gdong mar 'gyur la/gshin rje pho nya ma khwa gdong ma gang yin pa de rigs ldan mar 'gyur ro/ /de nas thun gnyis pa la gshin rje pho nya ma rigs ldan ma lho'i dur khrod chen por kun du spyod de/ gshin rje mche ba ma 'ug gdong ma ni dbus su'o//de'i phyir gnas kyi dbang gis gshin rje pho nya ma rigs ldan ma ni 'ug gdong mar 'gyur la/ gshin rje mche ba ma 'ug gdong ma gang yin pa de rigs ldan mar 'gyur ro/ /de nas thun gsum pa la gshin rje mche ba ma rigs ldan ma nub kyi dur khrod chen por kun du spyod de/gshin rje 'joms ma khyi gdong ma ni dbus su'o/ /de'i phyir gnas kyi dbang gis gshin rje mche ba ma rigs ldan ma ni khyi gdong mar 'gyur la/ gshin rje 'joms ma khyi gdong ma gang yin pa de rigs ldan mar 'gyur ro/ /de nas thun bzhi pa la gshin rje 'joms ma rigs ldan ma byang gi dur khrod chen por kun du spyod de/rdo rje phag mo phag gdong ma ni dbus su'o/ /de'i phyir gnas kyi dbang gis gshin rje 'joms ma rigs ldan ma ni phag gdong mar 'gyur la/ rdo rje phag mo phag gdong ma gang yin pa de rigs ldan mar 'gyur ro zhes pa g.yas skor gyis 'khor ba ste nyi ma'i cha la rnal 'byor ma'i kun du spyod pa'o//de nas zla ba de cha la nyi ma gung dang thun dang po la rdo rje phag mo rigs ldan ma dbang ldan gyi dur khrod chen por kun du spyod de/ khwa gdong ma gshin rje brtan ma ni dbus su'o/ /de'i phyir gnas kyi dbang gis rdo rje phag mo rigs ldan ma ni gshin rje brten mar 'gyur la/khwa gdong ma gshin rje brtan ma gang yin pa de rigs ldan mar 'gyur ro/ /de nas thun gnyis pa la khwa gdong ma rigs ldan ma rlung gi dur khrod chen por kun du spyod de/ 'ug gdong ma gshin rje pho nya ma ni dbus su'o//de'i phyir gnas kyi dbang gis khwa gdong ma rigs ldan ma ni gshin rje pho nya mar 'gyur la/ 'ug gdong ma gshin rje pho nya ma gang yin pa de rigs ldan mar 'gyur ro/ /de nas thun gsum pa la 'ug gdong ma rigs ldan ma bden bral gyi dur khrod chen por kun du spyod de/khyi gdong ma gshin rje mche ba ma ni dbus su'o/ de'i phyir gnas kyi dbang gis 'ug gdong ma rigs ldan ma ni gshin rje mche ba mar 'gyur la/ khyi gdong ma gshin rje mche ba ma gang yin pa de rigs ldan mar 'gyur ro/ /de nas thun bzhi pa la khyi gdong ma rigs ldan ma ma'i dur khrod chen por kun du spyod de/phag gdong ma gshin rje 'joms ma ni dbus su'o/ /de'i phyir gnas kyi dbang gis khyi gdong ma rigs ldan ma ni gshin rje 'joms mar 'gyur la/ phag gdong ma gshin rje 'joms ma gang yin pa de rigs ldan mar 'gyur ro zhes pa g.yon skor gyis 'khor ba ste zla ba'i cha la rnal 'byor ma'i kun du spyod pa'o//de nas nyin zhag drug pa la mtshan phyed nas thun dang po la phag gdong ma rigs ldan ma shar gyi dur khrod chen por kun du spyod de/ gshin rje brtan ma khwa gdong ma ni dbus su'o/ /de'i phyir gnas kyi dbang gis phag gdong ma rigs ldan ma ni khwa gdong mar 'gyur la/gshin rje brten ma khwa gdong ma gang yin pa de rigs ldan mar 'gyur ro/ /de nas thun gnyis pa la gshin rje brtan ma rigs ldan ma lho'i dur khrod chen por kun du spyod de/ gshin rje pho nya ma 'ug gdong ma ni dbus su'o/ / de'i phyir gnas kyi dbang gis gshin rje brtan ma rigs ldan ma ni 'ug gdong mar 'gyur la/ gshin rje pho nya ma 'ug gdong ma gang yin pa de rigs ldan mar 'gyur ro/ /de nas thun gsum pa la gshin rje pho nya ma rigs ldan ma nub kyi dur khrod chen por kun du spyod de/ gshin rje mche ba ma khyi gdong ma ni dbus su'o//de'i phyir gnas kyi dbang gis gshin rje pho nya ma rigs ldan ma ni khyi gdong mar 'gyur la/ gshin rje mche ba ma khyi gdong ma gang yin pa de rigs ldan mar 'gyur ro/ /de nas thun bzhi pa la gshin rje mche ba ma rigs ldan ma byang gi dur khrod chen por kun du spyod de/gshin rje 'joms ma phag gdong ma ni dbus su'o/ /de'i phyir gnas kyi dbang gis gshin rje mche ba ma rigs ldan ma ni phag gdong mar 'gyur la/ gshin rje 'joms ma phag gdong ma gang yin pa de rigs ldan mar 'gyur ro zhes pa g.yas skor gyis 'khor ba ste nyi ma'i cha la rnal 'byor ma'i kun du spyod pa'o//de nas zla ba'i cha la nyi ma gung nas thun dang po la gshin rje 'joms ma rigs ldan ma dbang ldan gyi dur khrod chen por kun du spyod de/ rdo rje phag mo gshin rje brtan ma ni dbus su'o/ /de'i phyir gnas kyi dbang gis gshin rje 'joms ma rigs ldan ma ni gshin rje brtan mar 'gyur la/rdo rje phag mo gshin rje brtan ma gang yin pa de rigs ldan mar 'gyur ro/ /de nas thun gnyis pa la rdo rje phag mo rigs ldan ma rlung gi dur khrod chen por kun du spyod de/ khwa gdong ma gshin rje pho nya ma ni dbus su'o//de'i phyir gnas kyi dbang gis rdo rje phag mo rigs ldan ma ni gshin rje pho nya mar 'gyur la/ khwa gdong ma gshin rje pho nya ma gang yin pa de rigs ldan mar 'gyur ro/ /de nas thun gsum pa la khwa gdong ma rigs ldan ma bden bral gyi dur khrod chen por kun du spyod de/'ug gdong ma gshin rje mche ba ma ni dbus su'o/ /de'i phyir gnas kyi dbang gis khwa gdong ma rigs ldan ma ni gshin rje mche ba mar 'gyur la/ 'ug gdong ma gshin rje mche ba ma gang yin pa de rigs ldan mar 'gyur ro/ /de nas thun bzhi pa la 'ug gdong ma rigs ldan ma me'i dur khrod chen por kun du spyod de/khyi gdong ma gshin rje 'joms ma ni dbus su'o/ /de'i phyir gnas kyi dbang gis 'ug gdong ma rigs ldan ma ni gshin rje 'joms mar 'gyur la/ khyi gdong ma gshin rje 'joms ma gang yin pa de rigs ldan mar 'gyur ro zhes pa g.yon skor gyis 'khor ba ste zla ba'i cha la rnal 'byor ma'i kun du spyod pa'o//de nas nyin zhag bdun pa la mtshan phyed nas thun dang po la khyi gdong ma rigs ldan ma shar gyi dur khrod chen por kun du spyod de/ phag gdong ma khwa gdong ma ni dbus su'o//de'i phyir gnas kyi dbang gis khyi gdong ma rigs ldan ma ni khwa gdong mar 'gyur la/ phag gdong ma khwa gdong ma gang yin pa de rigs ldan mar 'gyur ro/ /de nas thun gnyis pa la phag gdong ma rigs ldan ma lho'i dur khrod chen por kun du spyod de/ gshin rje brtan ma 'ug gdong ma ni dbus su'o//de'i phyir gnas kyi dbang gis phag gdong ma rigs ldan ma ni 'ug gdong mar 'gyur la/ gshin rje brtan ma 'ug gdong ma gang yin pa de rigs ldan mar 'gyur ro/ /de nas thun gsum pa la gshin rje brtan ma rigs ldan ma nub kyi dur khrod chen po kun du spyod de/gshin rje pho nya ma khyi gdong ma ni dbus su'o/ /de'i phyir gnas kyi dbang gis gshin rje brtan ma rigs ldan ma ni khyi gdong mar 'gyur la/ gshin rje pho nya ma khyi gdong ma gang yin pa de rigs ldan mar 'gyur ro/ /de nas thun bzhi pa la gshin rje pho nya ma rigs ldan ma byang gi dur khrod chen por kun du spyod de/gshin rje mche ba ma phag gdong ma ni dbus su'o/ /de'i phyir gnas kyi dbang gis gshin rje pho nya mo rigs ldan ma ni phag gdong mar 'gyur la/ gshin rje mche ba ma phag gdong ma gang yin pa de rigs ldan mar 'gyur ro zhes pa g.yas skor gyis 'khor ba ste nyi ma'i cha la rnal 'byor ma'i kun du spyod pa'o//de nas zla ba'i cha la nyi ma gung nas thun dang po la gshin rje mche ba ma rigs ldan ma dbang ldan gyi dur khrod chen por kun du spyod de/ gshin rje 'joms ma gshin rje brtan ma ni dbus su'o//de'i phyir gnas kyi dbang gis gshin rje mche ba ma rigs ldan ma ni gshin rje brtan mar 'gyur la/ gshin rje 'joms ma gshin rje brtan ma gang yin pa de ni rigs ldan mar 'gyur ro/ /de nas thun gnyis pa la gshin rje 'joms ma rigs ldan ma rlung gi dur khrod chen por kun du spyod de/rdo rje phag mo gshin rje pho nya ma ni dbus su'o/ /de'i phyir gnas kyi dbang gis gshin rje 'joms ma rigs ldan ma ni gshin rje pho nya mar 'gyur la/ rdo rje phag mo gshin rje pho nya ma gang yin pa de rigs ldan mar 'gyur ro//de nas thun gsum pa la rdo rje phag mo rigs ldan ma bden bral gyi dur khrod chen por kun du spyod de/ khwa gdong ma gshin rje mche ba ma ni dbus su'o/ /de'i phyir gnas kyi dbang gis rdo rje phag mo rigs ldan ma ni gshin rje mche ba mar 'gyur la/ khwa gdong ma gshin rje mche ba ma gang yin pa de rigs ldan mar 'gyur ro/ /de nas thun bzhi pa la khwa gdong ma rigs ldan ma me'i dur khrod chen por kun du spyod de/ 'ug gdong ma gshin rje 'joms ma ni dbus su'o/ /de'i phyir gnas kyi dbang gis khwa gdong ma rigs ldan ma ni gshin rje 'joms mar 'gyur la//'ug gdong ma gshin rje 'joms ma gang yin pa de rigs ldan mar 'gyur ro zhes pa g.yon skor gyis 'khor ba ste zla ba'i cha la kun du spyod pa'o/ /de nas nyin zhag brgyad pa la mtshan phyed nas thun dang po la 'ug gdong ma rigs ldan ma shar gyi dur khrod chen por kun du spyod de/khyi gdong ma khwa gdong ma ni dbus su'o/ /de'i phyir gnas kyi dbang gis 'ug gdong ma rigs ldan ma ni khwa gdong mar 'gyur la/ khyi gdong ma khwa gdong ma gang yin pa de rigs ldan mar 'gyur ro/ /de nas thun gnyis pa la khyi gdong ma rigs ldan ma lho'i dur khrod chen por kun du spyod de/phag gdong ma 'ug gdong ma ni dbus su'o/ /de'i phyir gnas kyi dbang gis khyi gdong ma rigs ldan ma ni 'ug gdong mar 'gyur la/ phag gdong ma 'ug gdong ma gang yin pa de rigs ldan mar 'gyur ro//de nas thun gsum pa la phag gdong ma rigs ldan ma nub kyi dur khrod chen por kun du spyod de/ gshin rje brtan ma khyi gdong ma ni dbus su'o/ /de'i phyir gnas kyi dbang gis phag gdong ma rigs ldan ma ni khyi gdong mar 'gyur la/ gshin rje brtan ma khyi gdong ma gang yin pa de rigs ldan mar 'gyur ro//de nas thun bzhi pa la gshin rje brtan ma rigs ldan ma byang gi dur khrod chen por kun du spyod de/ gshin rje pho nya ma phag gdong ma ni dbus su'o/ /de'i phyir gnas kyi dbang gis gshin rje brtan ma rigs ldan ma ni phag gdong mar 'gyur la/gshin rje pho nya ma phag gdong ma gang yin pa de rigs ldan mar 'gyur ro zhes pa g.yas skor gyis 'khor ba ste nyi ma'i cha la rnal 'byor ma'i kun du spyod pa'o/ /de nas zla ba'i cha la nyi ma gung nas thun dang po la gshin rje pho nya ma rigs ldan ma dbang ldan gyi dur khrod chen por kun du spyod de/gshin rje mche ba ma gshin rje brtan ma ni dbus su'o/ /de'i phyir gnas kyi dbang gis gshin rje pho nya ma rigs ldan ma ni gshin rje brtan mar 'gyur la/ gshin rje mche ba ma gshin rje brtan ma gang yin pa de rigs ldan mar 'gyur ro//de nas thun gnyis pa la gshin rje mche ba ma rigs ldan ma rlung gi dur khrod chen por kun du spyod do/ gshin rje 'joms ma gshin rje pho nya ma ni dbus su'o/ /de'i phyir gnas kyi dbang gis gshin rje mche ba ma rigs ldan ma ni gshin rje pho nya mar 'gyur la/ gshin rje 'joms ma gshin rje pho nya ma gang yin pa de rigs ldan mar 'gyur ro/ /de nas thun gsum pa la gshin rje 'joms ma rigs ldan ma bden bral gyi dur khrod chen por kun du spyod de/ rdo rje phag mo gshin rje mche ba ma ni dbus su'o/ /de'i phyir gnas kyi dbang gis gshin rje 'joms ma rigs ldan ma ni gshin rje mche ba mar 'gyur la/rdo rje phag mo gshin rje mche ba ma gang yin pa de rigs ldan mar 'gyur ro/ /de nas thun bzhi pa la rdo rje phag mo rigs ldan ma me'i dur khrod chen por kun du spyod de/ khwa gdong ma gshin rje 'joms ma ni dbus su'o/ / de'i phyir gnas kyi dbang gis rdo rje phag mo rigs ldan ma ni gshin rje 'joms mar 'gyur la/ khwa gdong ma gshin rje 'joms ma gang yin pa de rigs ldan mar 'gyur ro zhes pa g.yon skor gyis 'khor ba ste zla ba'i cha la rnal 'byor ma'i kun du spyod pa'o/ /de nas nyin zhag dgu pa la mtshan phyed nas thun dang po la khwa gdong ma rigs ldan ma shar gyi dur khrod chen por kun du spyod de/'ug gdong ma khwa gdong ma ni dbus su'o/ /de'i phyir gnas kyi dbang gis khwa gdong ma ni rigs ldan ma la sogs pa rnams su gyur nas slar yang khwa gdong ma nyid du 'gyur la/'ug gdong ma khwa gdong ma gang yin pa de rigs ldan mar 'gyur ro/ /de nas thun gnyis pa la 'ug gdong ma rigs ldan ma lho'i dur khrod chen por kun du spyod de/ khyi gdong ma 'ug gdong ma ni dbus su'o/ /de'i phyir gnas kyi dbang gis 'ug gdong ma ni rigs ldan ma la sogs pa rnams su gyur nas slar yang 'ug gdong ma nyid du 'gyur la/khyi gdong ma 'ug gdong ma gang yin pa de rigs ldan mar 'gyur ro/ /de nas thun gsum pa la khyi gdong ma rigs ldan ma nub kyi dur khrod chen por kun du spyod de/ khyi gdong ma phag gdong ma ni dbus su'o//de'i phyir gnas kyi dbang gis khyi gdong ma ni rigs ldan ma la sogs pa rnams su gyur nas slar yang khyi gdong ma nyid du 'gyur la/ khyi gdong ma phag gdong ma gang yin pa de rigs ldan mar 'gyur ro/ /de nas thun bzhi ba la phag gdong ma rigs ldan ma byang gi dur khrod chen por kun du spyod de/gshin rje brtan ma phag gdong ma ni dbus su'o/ /de'i phyir gnas kyi dbang gis phag gdong ma ni rigs ldan ma la sogs pa rnams su gyur nas slar yang 'phag gdong ma nyid du 'gyur la/ gshin rje brtan ma phag gdong ma gang yin pa de rigs ldan mar 'gyur ro zhes pa g.yas skor gyis 'khor ba ste nyi ma'i cha la kun du spyod pa'o//de nas zla ba'i cha la nyi ma gung nas thun dang po la gshin rje brtan ma rigs ldan ma dbang ldan gyi dur khrod chen por kun du spyod de/ gshin rje pho nya ma gshin rje brtan ma ni dbus su'o//de'i phyir gnas kyi dbang gis gshin rje brtan ma ni rigs ldan ma la sogs par gyur nas slar yang gshin rje brtan ma nyid du 'gyur la/ gshin rje pho nya ma gshin rje brtan ma gang yin pa de rigs ldan ma nyid du 'gyur ro/ /de nas thun gnyis pa la gshin rje pho nya ma rigs ldan ma rlung gi dur khrod chen por kun du spyod de/gshin rje mche ba ma gshin rje pho nya ma ni dbus su'o/ /de'i phyir gnas kyi dbang gis gshin rje pho nya ma ni rigs ldan ma la sogs pa rnams su gyur nas slar yang gshin rje pho nya ma nyid du 'gyur la/ gshin rje mche ba ma gshin rje pho nya ma gang yin pa de rigs ldan mar 'gyur ro//de nas thun gsum pa la gshin rje mche ba ma rigs ma ldan pa bden bral gyi dur khrod chen por kun du spyod de/ gshin rje 'joms ma gshin rje mche ba ma ni dbus su'o/ /de'i phyir gnas kyi dbang gis gshin rje mche ba ma ni rigs ldan ma la sogs pa rnams su gyur nas slar yang gshin rje mche ba ma nyid du 'gyur la/gshin rje 'joms ma gshin rje mche ba ma gang yin pa de rigs ldan mar 'gyur ro/ /de nas thun bzhi pa la gshin rje 'joms ma rigs ldan ma me'i dur khrod chen por kun du spyod de/rdo rje phag mo gshin rje 'joms ma ni dbus su'o/ /de'i phyir gnas kyi dbang gis gshin rje 'joms ma ni rigs ldan ma la sogs pa rnams su gyur nas slar yang gshin rje 'joms ma nyid du 'gyur la/ rdo rje phag mo gang yin pa de khwa gdong ma la sogs pa rnams su gyur nas/slar yang rang gi gnas kyi dbang gis rigs ldan ma nyid du 'gyur ro zhes pa g.yon skor gyis 'khor ba ste zla ba'i cha la rnal 'byor ma'i kun du spyod pa'i rnal 'byor pas rtogs par bya'o zhes pa dur khrod chen po brgyad po rnams su dus kyi khyad par gyis rnal 'byor ma'i kun du spyod pa ste/nyin zhag dgu pa la rang gi gnas su bgrod pas kun du spyod pa yongs su spyod pa'o/ /de nas mchod pa byas nas slar yang nyin zhag bcu pa la tshes gcig gi nyin zhag la ji lta ba bzhin kun du spyod do/ / gnyis pa ji lta bar bcu gcig pa la'o/ /gsum pa ji lta bar bcu gnyis pa la'o/ /bzhi pa ji lta bar bcu gsum pa la'o/ /lnga pa ji lta bar bcu bzhi pa la'o/ /drug pa ji lta bar gnam stong la'o/ /bdun pa ji lta bar dkar po'i tshes gcig gi nyin zhag la'o/ / brgyad pa ji lta bar gnyis pa la'o/ /dgu pa ji lta bar gsum pa la kun du spyod do/ /de'i phyir rang rang gi gnas su bgrod pa'i dbang gis rdo rje phag mo la sogs pa rnams slar yang rang rang gi ngo bor 'gyur ro/ /de nas mchod pa byas nas slar yang bcu pa la ji lta bar bzhi ba la kun du spyod do//lnga pa la bcu gcig pa bzhin no/ /drug pa la bcu gnyis pa bzhin no/ /bdun pa la bcu gsum pa bzhin no/ /brgyad pa la bcu bzhi pa bzhin no/ /dgu pa la gnam stong bzhin no/ /bcu pa la dkar po'i tshes gcig bzhin no//bcu gcig pa la gnyis pa bzhin no/ /bcu gnyis pa la gsum pa bzhin te/ dur khrod na gnas pa rnams kyi thugs dang gsung dang sku'i dbye bas kun du spyod do/ /de'i phyir nyin zhag dgu rnams kyis rgyu skar dgu'i sbyor bas rgyu skar nyi shu rtsa bdun rnams dang /zla ba'i khyim bcu gnyis mthar thug pa ji srid par ro/ /de ltar cha bco lnga'i dbye bas mkha' 'gro ma la sogs pa rnams kyis he ru ka dang lhan cig kun du spyod do/ /khwa gdong ma la sogs pa rnams kyis rgyu skar nyi shu rtsa bdun gyi dbye bas kun du spyod do//de nas zla ba dang nyi ma'i dbye bas nyin zhag gsum la rab gtum ma la sogs pa rnams kyis kun du spyod par 'gyur ro/ /'di lta ste/ 'dir dkar po'i bcu gsum pa sdig pa'i dus sbyor 'char ba na thugs kyi 'khor lo'i shar gyi rtsibs du mchod pa byas nas thabs spangs te rab gtum ma lho'i rtsibs la kun du spyod do//gtum mig ma ni nub kyi rtsibs la'o/ /'od ldan ma ni byang gi rtsibs su'o/ /sna chen ma ni shar gyi rtsibs su'o/ /de'i phyir gnas kyi dbang gis rab gtum ma ni gtum mig ma dang / gtum mig ma ni 'od ldan ma dang / 'od ldan ma ni sna chen ma dang /sna chen ma ni rab gtum mar 'gyur ro/ /de nas sdig pa'i phyed la snga ma'i rab gtum ma ni kun du spyod de nub kyi rtsibs su'o/ /snga ma'i gtum mig ma ni byang gi rtsibs su'o/ /snga ma'i 'od ldan ma ni shar gyi rtsibs su'o/ /snga ma'i sna chen ma ni lho'i rtsibs su'o//de'i phyir gnas kyi dbang gis rab gtum ma ni 'od ldan ma dang / gtum mig ma ni sna chen ma dang / 'od ldan ma ni rab gtum ma dang / sna chen ma ni gtum mig mar 'gyur ro/ /de nas gzhu 'char ba na snga ma'i rab gtum ma ni byang gi rtsibs la kun du spyod do/ / snga ma'i gtum mig ma ni shar gyi rtsibs su'o/ /snga ma'i 'od ldan ma ni lho'i rtsibs su'o/ /snga ma'i sna chen ma ni nub kyi rtsibs su'o/ /de'i phyir gnas kyi dbang gis rab gtum ma ni sna chen ma dang / gtum mig ma ni rab gtum ma dang / 'od ldan ma ni gtum mig ma dang / sna chen ma ni 'od ldan mar 'gyur ro//de nas gzhu'i phyed la snga ma'i rab gtum ma ni shar gyi rtsibs su kun du spyod do/ /gtum mig ma ni lho'i rtsibs su'o/ /'od ldan ma ni nub kyi rtsibs su'o/ /sna chen ma ni byang gi rtsibs su kun tu spyod do/ /de'i phyir gnas kyi dbang gis rab tu gtum ma la sogs pa'i pho nya mo rnams rang rang gi gzugs 'dzin par 'gyur ro zhes pa g.yas skor gyis 'khor ba ste/sdig pa 'char ba dang sdig pa'i phyed dang / gzhu 'char ba dang gzhu'i phyed la dbyu gu phyed dang bcas pa'i gnyis gnyis kyi rnal 'byor ma bzhi'i tshogs kyi 'khor lor kun du spyod par shes par bya'o//de nas chu srin 'char ba nas mchod pa byas nas/ dpa' bo'i blo can ma ni dbang ldan nas rlung gi rtsibs su kun du spyod do/ /mi'u thung ma ni bden bral gyi rtsibs su'o/ /lang ka'i dbang phyug ma ni me'i rtsibs su'o/ /shing grib ma ni dbang ldan gyi rtsibs su kun du spyod do//de'i phyir gnas kyi dbang gis dpa' bo'i blo can ma ni mi'u thung ma dang / mi'u thung ma ni lang ka'i dbang phyug ma dang / lang ka'i dbang phyug ma ni shing grib ma dang / shing grib ma ni dpa' bo'i blo can mar 'gyur ro/ /de nas chu srin gyi phyed la snga ma'i dpa' bo'i blo can ma ni bden bral gyi rtsibs su kun du spyod do//snga ma'i mi'u thung ma ni me'i rtsibs su'o/ /snga ma'i lang ka'i dbang phyug ma ni dbang ldan gyi rtsibs su'o/ /snga ma'i shing grib ma ni rlung gi rtsibs su kun du spyod do/ /de'i phyir gnas kyi dbang gis dpa' bo'i blo can ma ni lang ka'i dbang phyug ma dang /mi'u thung ma ni shing grib ma dang / lang ka'i dbang phyug ma ni dpa' bo'i blo can ma dang / shing grib ma ni mi'u thung mar 'gyur ro/ /de nas bum pa 'char ba na/ snga ma'i dpa' bo'i blo can ma ni me'i rtsibs su kun du spyod do//snga ma'i mi'u thung ma ni dbang ldan gyi rtsibs su'o/ /snga ma'i lang ka'i dbang phyug ma ni rlung gi rtsibs su'o/ /snga ma'i shing grib ma ni bden bral gyi rtsibs su kun du spyod do/ /de'i phyir gnas kyi dbang gis dpa' bo'i blo can ma ni shing grib ma dang / mi'u thung ma ni dpa' bo'i blo can ma dang /lang ka'i dbang phyug ma ni mi'u thung ma dang / shing grib ma ni lang ka'i dbang phyug mar 'gyur ro/ /de nas bum pa'i phyed la dpa' bo'i blo can ma ni dbang ldan gyi rtsibs su kun du spyod do/ /snga ma'i mi'u thung ma ni rlung gi rtsibs su'o/ /snga ma'i lang ka'i dbang phyug ma ni bden bral gyi rtsibs su'o//snga ma'i shing grib ma ni me'i rtsibs su kun du spyod de/ de'i phyir rang rang gi gnas kyi dbang gis dpa' bo'i blo can ma la sogs pa'i rnal 'byor ma rnams rang rang gi gzugs 'dzin par 'gyur ro zhes pa g.yon skor gyis 'khor ba ste chu srin 'char ba dang /chu srin gyi phyed dang / bum pa 'char ba dang bum pa'i phyed la rnal 'byor ma rnams kyis kun du spyod pa'o/ /de ltar dus sbyor phyed pa'i dbye bas rnal 'byor ma brgyad po rnams kyi thugs kyi 'khor lo la kun du spyod pa tshogs kyi 'khor lor rnal 'byor pa rnams kyis rtogs par bya'o//de nas mchod pa byas nas gsung gi 'khor lo la kun du spyod pa ni 'di lta ste/ 'dir nya'i dus sbyor 'char ba nas srungs ma ni gsung gi 'khor lo'i shar gyi rtsibs nas lho'i rtsibs su kun du spyod do/ /'jigs byed chen po ni nub kyi rtsibs su'o/ / rlung shugs ma ni byang gi rtsibs su'o/ /chang 'thung ma ni shar gyi rtsibs su kun du spyod do/ /de'i phyir gnas kyi dbang gis sa srungs ma ni 'jigs byed chen mo dang / 'jigs byed chen mo ni rlung shugs ma dang / rlung shugs ma ni chang 'thung ma dang / chang 'thung ma ni sa srungs mar 'gyur ro//de nas nya'i phyed la snga ma'i sa srungs ma ni nub kyi rtsibs su kun du spyod do/ /snga ma'i 'jigs byed chen mo ni byang gi rtsibs su'o/ /snga ma'i rlung shugs ma ni shar gyi rtsibs su'o/ /snga ma'i chang 'thung ma ni lho'i rtsibs su kun du spyod do/ /de'i phyir gnas kyi dbang gis sa srungs ma ni rlung shugs ma dang /'jigs byed chen mo ni chang 'thung ma dang / rlung shugs ma ni sa srungs ma dang / chang 'thung ma ni 'jigs byed chen mor 'gyur ro/ /de nas lug 'char ba na snga ma'i sa srungs ma ni byang gi rtsibs su'o/ /snga ma'i 'jigs byed chen mo ni shar gyi rtsibs su'o//snga ma'i rlung shugs ma ni lho'i rtsibs su'o/ /snga ma'i chang 'thung ma ni nub [(]gyi [,]kyi [)]rtsibs su kun du spyod do/ /de'i phyir gnas kyi dbang gis sa srungs ma ni chang 'thung mar 'gyur ro/ /'jigs byed chen mo ni sa srungs ma dang / /rlung shugs ma ni 'jigs byed chen mo dang /chang 'thung ma ni rlung shugs mar 'gyur ro/ /de nas lug gi phyed la snga ma'i sa srungs ma ni shar gyi rtsibs su'o/ /snga ma'i 'jigs byed chen mo ni lho'i rtsibs su'o/ /snga ma'i rlung shugs ma ni nub kyi rtsibs su'o/ /snga ma'i chang 'thung ma ni byang gi rtsibs su kun du spyod do//de'i phyir rang rang gi gnas kyi dbang gis sa srungs ma la sogs pa rnams rang rang gi gzugs 'dzin par 'gyur ro zhes pa g.yas skor gyis 'khor ba ste/ rnal 'byor ma bzhi po rnams kyi dus sbyor phyed pa'i dbye bas gsung gi 'khor lo'i kun du spyod pa'o//de nas mchod pa byas nas glang gi dus sbyor 'char ba na/ lha mo sngo bsangs ma ni dbang ldan gyi rtsibs nas rlung gi rtsibs su kun du spyod do/ /shin tu bzang mo ni bden bral gyi rtsibs su'o/ /rta rnam ni me'i rtsibs su'o/ /mkha' 'gro gdong ma ni dbang ldan gyi rtsibs su kun du spyod do//de'i phyir gnas kyi dbang gis lha mo sngo bsangs ma ni shin tu bzang mo dang / shin tu bzang mo ni rta rnam dang / rta rnam ni mkha' 'gro gdong ma dang / mkha' 'gro gdong ma ni lha mo sngo bsangs mar 'gyur ro/ / de nas glang gi phyed la snga ma'i lha mo sngo bsangs ma ni bden bral gyi rtsibs su kun du spyod do/ /snga ma'i shin tu bzang mo ni me'i rtsibs su'o/ /snga ma'i rta rnam ni dbang ldan gyi rtsibs su'o/ /snga ma'i mkha' 'gro gdong ma ni rlung gi rtsibs su'o/ /de'i phyir gnas kyi dbang gis lha mo sngo bsangs ma ni rta rnam dang /shin tu bzang mo ni mkha' 'gro gdong ma dang / rta rnam ni lha mo sngo bsangs ma dang / mkha' 'gro gdong ma ni shin tu bzang mor 'gyur ro/ /de nas 'khrig pa 'char ba na snga ma'i lha mo sngo bsangs ma ni me'i rtsibs su kun du spyod do//snga ma'i shin tu bzang mo ni dbang ldan gyi rtsibs su'o/ /snga ma'i rta rna ma ni rlung gi rtsibs su'o/ /snga ma'i mkha' 'gro gdong ma ni bden bral gyi rtsibs su kun du spyod do/ /de'i phyir gnas kyi dbang gis lha mo sngo bsangs ma ni mkha' 'gro gdong ma dang / shin tu bzang mo ni lha mo sngo bsangs ma dang /rta rna ma ni shin tu bzang mo dang / mkha' 'gro gdong ma ni rta rna mar 'gyur ro/ /de nas 'khrig pa'i phyed la snga ma'i lha mo sngo bsangs ma ni dbang ldan gyi rtsibs su kun du spyod do/ /snga ma'i shin tu bzang mo ni rlung gi rtsibs su'o/ /snga ma'i rta rna ma ni bden bral gyi rtsibs su'o//snga ma'i mkha' 'gro gdong ma ni me'i rtsibs su kun du spyod do/ /de'i phyir rang rang gi gnas kyi dbang gis lha mo sngo bsangs ma la sogs pa rnal 'byor ma rnams rang rang gi gzugs 'dzin bar 'gyur ro zhes pa g.yon skor gyis 'khor ba ste gsung gi 'khor lo la rnal 'byor ma rnams kyi kun du spyod pa'o//de ltar nya la sogs pa dus sbyor phyed pa'i dbye bas rnal 'byor ma brgyad po rnams kyi tshogs kyi 'khor lor kun du spyod pa rtogs par bya'o/ /de nas mchod pa byas nas sku'i 'khor lo la kun du spyod pa ni 'di lta ste/'dir karka Ta 'char ba na 'khor lo'i shugs can ma ni sku'i 'khor lo'i shar gyi rtsibs nas lho'i rtsibs su kun du spyod do/ /dum skyes ma ni nub kyi rtsibs su'o/ /shauN+Di ni byang gi rtsibs su'o/ /'khor lo'i go cha ma ni shar gyi rtsibs su kun du spyod do/ / de'i phyir gnas kyi dbang gis 'khor lo'i shugs can ma ni dum skyes mar 'gyur ro/ /dum skyes ma ni shauN+Di ni dang / shauN+Di ni ni 'khor lo'i go cha ma dang / 'khor lo'i go cha ma ni 'khor lo'i shugs can mar 'gyur ro/ /de nas karka Ta'i phyed la snga ma'i 'khor lo'i shugs can ma ni nub kyi rtsibs su kun du spyod do//snga ma'i dum skyes ma mi byang gi rtsibs su'o/ /snga ma'i shauN+Di ni ni shar gyi rtsibs su'o/ /snga ma'i 'khor lo'i go cha ma ni lho'i rtsibs su kun du spyod do/ /de'i phyir gnas kyi dbang gis snga ma'i 'khor lo'i shugs can ma ni shauN+Di ni dang / snga ma'i dum skyes ma ni 'khor lo'i go cha ma dang / snga ma'i shauN+Di ni ni 'khor lo'i shugs can ma dang / snga ma'i 'khor lo'i go cha ma ni dum skyes mar 'gyur ro/ /de nas seng ge'i dus sbyor 'char ba na snga ma'i 'khor lo'i shugs can ma ni byang gi rtsibs su kun du spyod do/ /snga ma'i dum skyes ma ni shar gyi rtsibs su'o//snga ma'i shauN+Di ni ni lho'i rtsibs su'o/ /snga ma'i 'khor lo'i go cha ma ni nub kyi rtsibs su kun du spyod do/ /de'i phyir gnas kyi dbang gis snga ma'i 'khor lo'i shugs can ma ni 'khor lo'i go cha ma dang / snga ma'i dum skyes ma ni 'khor lo'i shugs can ma dang /snga ma'i shauN+Di ni ni dum skyes ma dang snga ma'i 'khor lo'i go cha ma ni shauN+Di nir 'gyur ro/ /de nas seng ge'i phyed la snga ma'i 'khor lo'i shugs can ma ni shar gyi rtsibs su kun du spyod do/ /snga ma'i dum skyes ma ni lho'i rtsibs su'o/ /snga ma'i shauN+Di ni ni nub kyi rtsibs su'o/ / snga ma'i 'khor lo'i go cha ma ni byang gi rtsibs su kun du spyod do/ /de'i phyir rang rang gi gnas kyi dbang gis 'khor lo'i shugs can ma la sogs pa'i rnal 'byor ma rnams rang rang gi gzugs 'dzin par 'gyur zhes pa g.yas skor gyis 'khor ba ste sku'i 'khor lo la kun du spyod pa'o//de nas mchod pa byas nas g.yon skor gyis kun du spyod pa ni 'di lta ste/ 'dir bu mo'i dus sbyor 'char ba ni shin tu dpa' mo ni dbang ldan gyi rtsibs nas rlung gi rtsibs su kun du spyod do/ /stobs chen ma ni bden bral gyi rtsibs su'o/ /'khor los sgyur ma ni me'i rtsibs su'o//brtson 'grus chen mo ni dbang ldan gyi rtsibs su kun du spyod do/ /de'i phyir gnas kyi dbang gis shin tu dpa' mo ni stobs chen ma dang / stobs chen ma ni 'khor los sgyur ma dang / 'khor los sgyur ma ni brtson 'grus chen mo dang / brtson 'grus chen mo ni shin tu dpa' mor 'gyur ro//de nas bu mo'i phyed la shin tu dpa' mo ni bden bral gyi rtsibs su kun du spyod do/ /snga ma'i stobs chen ma ni me'i rtsibs su'o/ /snga ma'i 'khor los sgyur ma ni dbang ldan gyi rtsibs su'o/ /snga ma'i brtson 'grus chen mo ni rlung gi rtsibs su'o//de'i phyir gnas kyi dbang gis shin tu dpa' mo ni 'khor los sgyur ma dang / stobs chen ma ni brtson 'grus chen mo dang / 'khor los sgyur ma ni shin tu dpa' mo dang / brtson 'grus chen mo ni stobs chen mar 'gyur ro/ /de nas srang gi dus sbyor 'char ba na snga ma'i shin tu dpa' mo ni me'i rtsibs su kun du spyod do//snga ma'i stobs chen ma ni dbang ldan gyi rtsibs su'o/ /snga ma'i 'khor los sgyur ma ni rlung gi rtsibs su'o/ /snga ma'i brtson 'grus chen mo ni bden bral gyi rtsibs su kun du spyod do/ /de'i phyir gnas kyi dbang gis shin tu dpa' mo ni brtson 'grus chen mo dang /stobs chen mo ni shin tu dpa' mo dang / 'khor los sgyur ma ni stobs chen ma dang / brtson 'grus chen mo ni 'khor los sgyur mar 'gyur ro/ /de nas srang gi phyed la shin tu dpa' mo ni dbang ldan gyi rtsibs su kun du spyod do/ /snga ma'i stobs chen ma ni rlung gi rtsibs su'o//snga ma'i 'khor los sgyur ma ni bden bral gyi rtsibs su'o/ /snga ma'i brtson 'grus chen mo ni me'i rtsibs su kun du spyod do/ /de'i phyir rang rang gi gnas kyi dbang gis shin tu dpa' mo la sogs pa rnal 'byor ma bzhi po rnams rang rang gi gzugs 'dzin par 'gyur ro zhes pa g.yon skor gyis 'khor ba ste/bu mo la sogs pa'i dus sbyor phyed pa'i dbye bas sku'i 'khor lo la rnal 'byor ma rnams kyis tshogs kyi 'khor lor kun du spyod pa rtogs par bya'o/ /de ltar nyin zhag dang po la sdig pa la sogs pa dus sbyor bcu gnyis phyed pa nyi shu rtsa bzhi'i dbye ba rnams kyis bcu gsum pa la rnal 'byor ma rnams kun du spyod pa'o//'dir bcu gsum pa la thugs kyi dbye ba dang mun pa'i yon tan gyi dbye ba ji lta ba de bzhin du bcu bzhi pa la ste/ nyin zhag gnyis pa la gsung gi dbye ba dang /rdul gyi yon tan gyi dbye bas so/ /de ltar nya la ste nyin zhag gsum pa la sku'i dbye ba dang / snying stobs kyi yon tan gyi dbye bas rnal 'byor ma nyi shu rtsa bzhi'i kun du spyod pa sdig pa la sogs pa dus sbyor bcu gnyis kyi phyed pa nyi shu rtsa bzhi'i dbye ba rnams kyis tshogs kyi 'khor lor rnal 'byor ba rnams kyis rtogs par bya'o zhes pa nyi shu rtsa bzhi'i dus kyi khyad par gyis rnal 'byor ma rnams kyi kun du spyod pa'i nges pa'o//'dir rnal 'byor ma gang gnas gang du kun du spyod pa der de'i lhag ma za ba'i dbang gis dang de'i rigs kyi thabs kyis bzung bas de de'i rigs su 'gyur ro//ji srid rang gi gnas su ma phyin pa de srid du rang gi rigs su mi 'gyur ro/ /de nas rang gi gnas su phyin pas rang gi rigs su gnas par 'gyur ro/ /'di ltar dpal he ru kas bzung ba dang rigs ldan ma'i lhag ma za ba'i dbang gis mkha' 'gro ma la sogs pa'i rnal 'byor ma gshin rje 'joms ma'i bar gang zhig dbus su zhugs pa de ni rdo rje phag mo rigs ldan mar 'gyur la/rdo rje phag mo rigs ldan ma gang yin pa de gzhan gyi lhag ma za ba'i dbang gis de'i rigs dang ldan par 'gyur ro//de ltar rigs sum cu rtsa drug gi rnal 'byor ma rnams gnas kyi dbang gis rigs dang mi ldan pa ni rigs dang ldan par 'gyur la/ rigs dang ldan pa ni rigs dang mi ldan par 'gyur te/ ji ltar 'jig rten kun rdzob tu rigs dang mi ldan pa yang 'khor los sgyur ba'i rin po che'i gdugs kyi 'og tu bzhag pas rigs dang ldan par 'gyur ro//'dir sna tshogs bshes gnyen la sogs pa rnams khyi sha 'tshed pa la sogs pa mngal nas byung ba rigs dang mi ldan pa yang sngags dang bsam gtan dang dka' thub kyis stobs dang bram zer 'gyur ro//de bzhin du rigs dang ldan pa'i bram ze rnams kyang ba lang gi sha la sogs pa zos shing gdol pa la sogs pa rigs dang mi ldan pa rnams kyi khyim du zos pas rigs dang mi ldan par 'gyur ro/ /de bzhin du rnal 'byor ma'i kun du spyod pa la gzhan gyi gnas dang bza' ba dang thabs dang longs spyod pas bzung ba'i dbang gis 'jig rten pa'i kun rdzob tu rnal 'byor ma rnams rnal 'byor pa rnams kyis shes par bya ste/sngar brjod pa'i g.yung mo la sogs pa rigs kyi pho nya mo sum cu rtsa bdun po rnams tshogs kyi 'khor lor kun du spyod pa'i don du'o//de ltar ji srid lo gsum gyi bar du mchod pa dang sngags bzlas pa dang bsam gtan bya ste/ sngags bzlas pa'i mthar sbyin sreg bya'o/ /de nas phyogs gsum ji srid par tshogs kyi 'khor lor rnal 'byor ma rnams kyis kun du spyod par bya'o//de nas sngar brjod pa'i 'jig rten pa'i dngos grub kyi sgrub thabs rgyud las gsungs pa thams cad thams cad kyi tshe rnam pa thams cad kyi sgrub pa po la 'grub par 'gyur ro/ /rnam pa gzhan gyis kyang las gcig gi dngos grub gcig 'grub ste/ sngags bzlas pa dang bsam gtan dang sbyin sreg gis shes pa'o//rnal 'byor pa'i gtso bo'i dngos grub tu mi 'gyur te/ las gcig gis ral gri la sogs pa'i dngos grub gcig 'grub par 'gyur ro/ /des na dus sbyor gyi khyad par gyi rnal 'byor ma'i kun du spyod pa 'di ni rtsa ba'i rgyud mngon par brjod pa 'bum par rnal 'byor pa rnams kyis dus kyi khyad par gyis rtogs par bya'o//yang na/ de las byung ba'i 'grel bshad 'dis shes pa ste/ 'jig rten pa'i las rab 'byam thams cad dang dngos grub thams cad mngon du bya ba'i phyir grub pa chen po nyid du bsgrub pa'i phyir yang nges pa'o zhes pa rnal 'byor ma'i kun du spyod pa'i cho ga'o//da ni gnas kyi ming yig dang po'i sa bon yongs su gyur pa las phyi rol dang nang du gdan dang tshogs kyi 'khor lo yang brjod par bya'o/ /de la phyi rol du lhun po'i 'og tu haM yig yongs su gyur pa pa las nam mkha'i dkyil 'khor ro//nang du ni gtsug tor gyi pad+ma'i ze 'bru'o/ /phyi rol du de'i steng du yaM yig yongs su gyur pa las rlung gi dkyil 'khor ro/ /nang du ni dpral ba'i pad+ma'i ze 'bru'o/ /phyi rol du de'i steng du raM yig yongs su gyur pa las me'i dkyil 'khor ro//nang du ni mgrin pa'i pad+ma'i ze 'bru'o/ /phyi rol du de'i steng du baM yig yongs su gyur pa las chu'i dkyil 'khor ro/ /nang du ni snying ga'i pad+ma'i ze 'bru'o/ /phyi rol du de'i steng du laM yig yongs su gyur pa las sa'i dkyil 'khor ro/ /nang du ni lte ba'i pad+ma'i ze 'bru'o//phyi rol du de'i steng du maM yig yongs su gyur pa las lhun po'o/ /nang du ni gsang ba'i pad+ma'i ze 'bru'o/ /phyi rol du de'i steng du sna tshogs pad+ma'o/ /nang du ni rdo rje nor bu'i nang du son pa'i rtsa brgyad ze 'bru dang bcas pa'o/ /phyi rol du pad+ma'i ze 'bru la nyi ma'i dkyil 'khor ro//nang du ni dus kyi me'o/ /phyi rol du de'i steng du u ma dang / dbang phyug chen po'o/ /nang du ni rdul dang khu ba'o/ /phyi rol du de'i steng du he ru ka'o/ /nang du ni de dag 'gog pa las lhan cig skyes pa'i dga' ba'o/ /rdo rje phag mo ni thams cad mkhyen pa nyid de dang /'od zer dang / 'od dang / zla ba dang / zla ba'i 'od ltar dbyer med pa'i chos can no/ /de ltar lte ba dang gsang ba dang rdo rje nor bur sku dang gsung dang thugs kyi chos kyis lhan cig skyes pa'i dga' ba ni bcom ldan 'das dpal he ru kar brjod par bya'o/ /'dir lhan cig skyes pa'i dga' ba ni ye shes rdo rje bzhi pa'o//de ltar na bcom ldan 'das he ru ka zhal bzhi pa ste/ sku dang gsung dang thugs dang ye shes kyi bdag nyid can no/ /zhal bzhi po de rnams kyi rang bzhin gyis byang dang lho dang shar dang nub kyi 'khor lo'i rtsibs rnams su gnas pa'i rnal 'byor ma sum cu rtsa drug po de rnams kyi rang rang gi gnas kyi ming gi yi ge dang po yongs su gyur pa las ro'i gdan rnams su 'gyur ro//phyi rol du ye shes kyi 'khor lo la shar gyi rtsibs su laM yig yongs su gyur pa las mkha' 'gro ma'i yi dags kyi gdan no/ / nang du ni lte ba'i pad+ma la dkyil 'khor 'bab pa'i rtsa drug cu dang / thun mtshams kyi rtsa bzhi ste/ de rnams su shar la sogs pa'i rtsa rnams la srog gi rlung 'gags pa ni ro'i gdan du brjod do/ /de ltar phyi rol du paM yig yongs su gyur pa las lho'i rtsibs su lA ma'i'o/ / nub kyi rtsibs su maM yig yongs su gyur pa las dum skyes ma'i'o/ /byang du taM yig yongs su gyur pa las gzugs can ma'i'o/ /phyogs bral rnams su dri chen dang dri chu dang khrag dang sha'i thod pa rnams so zhes pa ye shes kyi 'khor lo la'o/ /phyi rol du dur khrod brgyad po rnams la shar gyi dur khrod du shu yig yongs su gyur pa las ro'i gdan ni khwa gdong ma yin no//nang du ni kha'i rtsa la srog gi rlung 'gags pa'o/ /de bzhin du phyi rol du sha yig yongs su gyur pa las lho ru 'ug gdong ma'i'o/ /nang du ni sna bug g.yas pa'i rtsa la srog gi rlung 'gags pa'o//phyi rol du pu yig yongs su gyur pa las nub tu khyi gdong ma'i'o/ /nang du ni bshang lam gyi rtsa la thur sel gyi rlung 'gags pa'o/ /phyi rol du kl-i yig yongs su gyur pa las byang du phag gdong ma'i'o/ /nang du ni sna bug g.yon pa'i rtsa la srog gi rlung 'gags pa'o//phyi rol du ba yig yongs su gyur pa las dbang ldan du gshin rje brtan ma'i'o/ /nang du ni rna ba g.yon pa'i rtsa la srog 'gags pa'o/ /phyi rol du sa yig yongs su gyur pa las rlung du gshin rje pho nya ma'i'o/ /nang du ni rna ba g.yas pa'i rtsa la srog 'gags pa'o//phyi rol du g+ho yig yongs su gyur pa las bden bral du gshin rje mche ba ma'i'o/ /nang du ni mig g.yas pa'i rtsa la srog 'gags pa'o/ /phyi rol du u yig yongs su gyur pa las me ru gshin rje 'joms ma'i yi dags kyi gdan no/ /nang du ni mig g.yon pa'i rtsa la srog gi rlung 'gags pa'o zhes pa dur khrod brgyad po rnams su khwa gdong ma la sogs pa rnams kyi phyi rol du tshogs kyi 'khor lo la rig par bya'o// //da ni rab gtum ma la sogs pa rnams kyis gnas kyi ming yig dang po'i sa bon yongs su gyur pa las thugs dang gsung dang sku'i 'khor lo la gdan rnams brjod par bya ste/'dir phyi rol du thugs kyi 'khor lo'i shar gyi rtsibs la pU yig yongs su gyur pa las rab gtum ma'i ro'i gdan no/ /nang du ni nges pa'i don gyis chos kyi 'khor lor shar gyi rtsa la srog 'gags pa ste/ drang ba'i don gyi phyi rol du spyi bor pU yig dgod pa'o/ /de ltar phyi rol du lho'i rtsibs la dzA yig yongs su gyur pa las gtum mig ma'i ro'i gdan no/ /nang du ni lho'i rtsa la srog 'gags pa ste/ drang ba'i don gyis spyi gtsug tu dzA yig dgod pa'o/ /phyi rol du nub kyi rtsibs la o yig yongs su gyur pa las 'od ldan ma'i ro'i gdan no//nang du ni nub kyi rtsa la srog 'gags pa ste/ drang ba'i don gyis rna ba g.yas pa'i steng du au yig dgod pa'o/ /phyi rol du byang gi rtsibs la a yig yongs su gyur pa las sna chen ma'i ro'i gdan no/ /nang du ni byang gi rtsa la srog 'gags pa ste/drang ba'i don gyis mgrin pa'i rgyab tu a yig dgod pa'o zhes pa gnas kyi so bon dgod pa'o/ /de bzhin du thugs kyi 'khor lo'i dbang ldan gyi rtsibs la go yig yongs su gyur pa las dpa' bo'i blo can ma'i ro'i gdan no/ /nang du ni chos kyi 'khor lor dbang ldan gyi rtsa la srog 'gags pa ste/drang ba'i don gyis rna ba g.yon pa'i steng du go yig dgod pa'o/ /phyi rol du rlung gi rtsibs la ra yig yongs su gyur pa las mi'u thung ma'i ro'i gdan no/ /nang du ni rlung gi rtsa la srog 'gags pa ste/ drang ba'i don gyis smin ma'i dbus su rA yig dgod pa'o//phyi rol du bden bral gyi rtsibs la de yig yongs su gyur pa las lang ka'i dbang phyug ma ni ro'i gdan no/ /nang du ni bden bral gyi rtsa la srog 'gags pa ste/ drang ba'i don gyis mig gnyis la de yig dgod do/ /phyi rol du me'i rtsibs la mA yig yongs su gyur pa las shing grib ma'i ro'i gdan no//nang du ni me'i rtsa la srog 'gags pa ste/ drang ba'i don gyis dpung pa'i rtsa la mA yig dgod pa'o zhes pa thugs kyi 'khor lo la nye ba'i gnas kyi lha mo rnams kyi gdan gyi nges pa'o/ /de nas phyi rol du gsung gi 'khor lo dang nang du longs spyod 'khor lo'i phyi rol gyi yongs su bskor ba la rtsa sum cu rtsa gnyis dang /nang du yongs su bskor ba la rtsa brgyad de/ 'di nyid la chos kyi 'khor lo la ji lta ba de ltar gdan rnams brjod par bya'o/ /phyi rol du gsung gi 'khor lo'i shar gyi rtsibs la kA yig yongs su gyur pa las sa srungs ma'i ro'i gdan no//nang du ni nges pa'i don gyi longs spyod 'khor lo'i nang gi yongs su bskor ba'i shar gyi rtsa la srog 'gags pa ste/ drang ba'i don gyis mchan khung gnyis su kA yig dgod pa'o/ / phyi rol du lho'i rtsibs la o yig yongs su gyur pa las 'jigs byed chen mo'i ro'i gdan no/ /nang du ni lho'i rtsa la srog 'gags pa ste/ drang ba'i don gyis nu ma gnyis la o yig dgod pa'o/ /phyi rol du nub kyi rtsibs la tri yig yongs su gyur pa las rlung shugs ma'i ro'i gdan no//nang du ni nub kyi rtsa la srog 'gags pa ste/ drang ba'i don gyis lte ba la tri yig dgod pa'o/ /phyi rol du byang gi rtsibs la ko yig yongs su gyur pa las chang 'thung ma'i ro'i gdan no/ /nang du ni byang gi rtsa la srog 'gags pa ste/ drang ba'i don gyis sna'i rtse mor ko yig dgod pa'o zhes pa zhing dang nye ba'i zhing gi lha mo rnams kyi gdan gyi nges pa'o//de ltar phyi rol du dbang ldan gyi rtsibs la ka yig yongs su gyur pa las lha mo sngo bsangs ma'i ro'i gdan no/ /nang du ni mgrin pa'i 'khor lo'i dbang ldan gyi rtsa la srog 'gags pa ste/drang ba'i don gyis kha la ka yig dgod pa'o/ /phyi rol du rlung gi rtsibs la la yig yongs su gyur pa las shin tu bzang mo'i ro'i gdan no/ /nang du ni rlung gi rtsa la srog 'gags pa ste drang ba'i don gyis mgrin par la yig dgod pa'o/ /phyi rol du bden bral gyi rtsibs la ka yig yongs su gyur pa las rta rna ma'i ro'i gdan no//nang du ni bden bral gyi rtsa la srog 'gags pa ste drang ba'i don gyis snying gar ka yig dgod pa'o/ /phyi rol du me'i rtsibs la hi yig yongs su gyur pa las mkha' 'gro gdong ma'i ro'i gdan no/ /nang du ni me'i rtsa la srog 'gags pa ste drang ba'i don gyis mdoms bar du hi yig dgod pa'o zhes pa gsung gi 'khor lo la 'dun pa dang nye ba'i 'dun pa'i rnal 'byor ma rnams kyi gdan gyi sa bon dgod pa ste/longs spyod kyi gsung gi 'khor lo la'o/ /de ltar na zhing dang nye ba'i zhing dang 'dun pa dang nye bar 'dun pa'i lha mo rnams kyi gdan gyi nges pa'o//de nas phyi rol du sku'i 'khor lo dang nang du dpral bar lhan cig skyes pa'i 'khor lo'i phyi rol gyi yongs su bskor ba la rtsa bcu drug dang nang gi yongs su bskor ba la rtsa brgyad de/ 'di nyid la longs spyod 'khor lo la ji lta ba de ltar gdan rnams brjod par bya'o//'dir phyi rol du sku'i 'khor lo'i shar gyi rtsibs la pre yig yongs su gyur pa las 'khor lo'i shugs can ma'i ro'i gdan no/ /nang du ni nges pa'i don gyis lhan cig skyes pa'i 'khor lo'i shar gyi rtsa la srog 'gags pa ste/ drang ba'i don gyis rtags la pre yig dgod pa'o/ /phyi rol du lho'i rtsibs la gre yig yongs su gyur ba las dum skyes ma'i ro'i gdan no/ /nang du ni lho'i rtsa la srog 'gags pa ste drang ba'i don gyis bshang lam du gri yig dgod pa'o/ /phyi rol du nub kyi rtsibs la sau yig yongs su gyur pa las shauN+Di ni'i ro'i gdan no//nang du ni nub kyi rtsa la srog 'gags pa ste drang ba'i don gyis brla zung la sau yig dgod pa'o/ /phyi rol du byang gi rtsibs la su yig yongs su gyur pa las 'khor lo'i go cha ma'i ro'i gdan no/ /nang du ni byang gi rtsa la srog 'gags pa ste drang ba'i don gyis byin pa gnyis la su yig dgod pa'o zhes pa 'dus pa dang nye ba'i 'dus pa'i pho nya mo rnams kyi gdan gyi sa bon dgod pa'o//de nas phyi rol du dbang ldan gyi rtsibs la na yig yongs su gyur pa las shin tu dpa' mo'i ro'i gdan no/ /nang du ni dbang ldan gyi rtsa la srog 'gags pa ste drang ba'i don gyis rkang pa'i sor mo rnams la na yig dgod pa'o//phyi rol du rlung gi rtsibs la si yig yongs su gyur pa las stobs chen ma'i ro'i gdan no/ /nang du ni rlung gi rtsa la srog 'gags pa ste drang ba'i don gyis rkang pa'i rgyab dag la si yig dgod pa'o//phyi rol du bden bral gyi rtsibs la ma yig yongs su gyur ba las 'khor los sgyur ma'i ro'i gdan no/ /nang du ni bden bral gyi rtsa la srog 'gags pa ster drang ba'i don gyis rkang ba'i mthe bong dag la ma yig dgod pa'o/ /phyi rol du me'i rtsibs la ku yig yongs su gyur ba las brtson 'grus chen mo'i ro'i gdan no//nang du ni me'i rtsa la srog 'gags pa ste/ drang ba'i don gyis pus mo gnyis la ku yig dgod pa'o zhes pa sku'i 'khor lo la dur khrod dang nye ba'i dur khrod kyi lha mo rnams kyi gdan gyi sa bon dgod pa ste/ de ltar na sku'i 'khor lo la 'dus pa dang nye ba'i 'dus pa dang dur khrod dang nye ba'i dur khrod kyi lha mo rnams kyi gdan gyi nges pa'o//'dir phyi rol du mkha' 'gro ma rnams kyi gnas la sogs par 'gro ba'i don du yi dags kyi gdan rnams ji lta ba de bzhin du nang du khams thams cad kyi srog gi rlung 'gags pas gdan zhes pa dang /ji ltar phyi rol du tshogs kyi 'dus par rang rang gi 'khor lo'i rtsibs rnams su ro'i gdan rnams la gnas pa de bzhin du nang du srog gi rlung rnams kyis rang rang gi 'khor lo'i rtsa la bum pa can gyi sbyor bas gnas pa ni nges pa'i don to/ /'dir phyi rol du tshogs kyi 'khor lo la pho nya ma sum cu rtsa drug rnams kyi mi'i pags pa ro rnam par dag pa rnams bshad pa'i sa bon gyi yi ge rnams kyis lan bdun mngon par bsngags te rang rang gi gnas su sbyin par bya'o//dbus su gtso bo'i ba lang gi pags pa dang stag gi pags pa'o zhes pa gdan gyi cho ga'o//'dir rab gtum ma la sogs pa rnams dang / mkha' 'gro ma la sogs pa rnams kyi rang rang gi ming yig dang po'i sa bon gyis bskyed pa chos kyi 'khor lor sa bon de dang de nyid kyis mngon par bsngags te gnas nas gnas su kun du spyod par bya'o zhes pa rgyud thams cad du nges pa'o//da ni kha la sogs pa dag par bya ba'i don du dam tshig gi ril bu brjod par bya'o/ /'dir nam mkha' la sogs pa yon tan re re 'phel ba'i dbye bas bdud rtsi lnga dang sgron ma lnga rnams gzung bar bya ste/ gang gi tshe zla ba dang nyi ma gcig tu sbyor ba'i zla ba gcig la 'dzin par 'gyur te/dang po zla ba dang phyi nas nyi ma'am/ dang por nyi ma dang phyi nas zla ba 'dzin pa'i zla ba de dang de la'o/ /'dir zla ba bzung ba'i tshes gcig 'jug pa'i dus na/ bu mo lo bcu gnyis ma'am lo bcu drug lon pa kha dog dkar ba bu ma skyes pa la yo byad thams cad kyis mchod par bya ste/lha'i dmigs pa bya ste pad+mar rdo rje bcug ste/ hUM phaT yi ges byang chub kyi sems spro bar bya zhing spro ba na 'og tu pad+ma'i snod bzhag nas rdo rje pad+ma'i snod der gzhug par bya'o/ /tshes gnyis pa la ro la mchod par byas nas glad pa blang bar bya'o//gsum pa la mi mo dkar sham la mchod pa byas nas rin po che'i rdul blang bar bya'o/ /bzhi pa la rang gi rdo rje'i chu blang bar bya'o/ /lnga pa la dri chen blang bar bya'o/ /de ltar khu ba ma sha ka gcig dang / glad pa ma sha ka gnyis dang / rin chen 'byung ldan ma sha ka gsum dang /rdo rje'i chu ma sha ka bzhi dang / rnam par snang mdzad ma sha ka lnga ste/ de ltar nam mkha' dang rlung dang me dang chu dang sa rnams yon tan gcig dang gnyis dang gsum dang bzhi dang lnga dang 'phel ba'i dbye bas nyin zhag lngas rdzas lnga rnams blang bar bya'o/ /de nas drug pa la ro la mchod par byas nas mi'i sha dang /bdun pa la rta'i sha dang / brgyad pa la so ldan gyi sha dang / dgu pa la khyi'i sha dang / bcu pa la ba lang gi sha blang bar bya ste/ cha gcig dang cha gnyis dang cha gsum dang cha bzhi dang cha lnga ji lta ba'i rim pas sgron ma blangs te/bdud rtsi lnga dang gcig tu byas nas ma sha ka bdun cu rtsa lnga rnams so/ /de nas sbrang rtsi bco lnga dang bdud rtsi lnga lhan cig tu byas te/ tshes bcu gcig pa la zas ma zos par/ sbrang chang ngam/ bu ram chang ngam/ rgun chang ngam/ shing tA la la sogs pa skyes pa'am/ 'bras las skyes pa'am/ sbyar ba'i chang ji ltar 'dod pa 'thungs nas skyug par bya'o/ /skyugs pa de thod par blangs la rdzas bcu po de rnams dang btags par bya'o/ /de nas ce spyang gi rgyal bu blangs te de'i nang du gzhug par bya'o/ /de nas thod pa kha sbyar du bya ste/ de nyid du mtshan mo'i dus na dur khrod kyi sa gzhir skyes pa'i ro dang bud med kyi ro lhan cig me la bcug nas bsregs pa'i sa'i 'og tu khru gang khru gsum du brkos te der dri dang bdug pa la sogs pa rnams kyis mchod nas/ sngags kyi cho ga 'dis gtor ma rgya chen po dbul bar bya'o//oM badzra kro d+he shwa ri sar+b+ba dra bya Ni pi sho d+ha ya hUM phaT/ ces pa gtor ma sbyang ba'i sngags so/ /sangs rgyas yab yum bcas pa sras bcas g.yog 'khor dang / /grogs bcas gnyen rnams dag gis bskor ba'i tshogs pa ni/ /lha dang lha mo'i tshogs kyis mnyes par byed pa dang //mchog gi rdo rje sems dpa' dag ni gshegs su gsol/ /zhes pas de bzhin gshegs pa thams cad spyan drang ba'o/ /oM shrI he ru ka A kaD+D+h+ya ya/ pra pe sha ya/ pra be sha ya/ ban+d+ha ya ban+d+ha ya/ to Sha ya to Sha ya/ sar+b+ba DA ki nI nAM/hr-i da yaM dzaHhUM baM hoHhUM phaT swA hA/ zhes pa mkha' 'gro ma rnams dgug pa'i sngags so/ /oM sum+b+ha ni sum+b+ha huM hUM phaT/ oM gr-i h+na gr-i h+na huM hUM phaT/ oM gr-i h+NA pa ya gr-i h+NA pa ya huM hUM phaT/ oM A na ya hoH b+ha ga wAn badzra rA dza huM hUM phaT/ zhes pa gtor ma dbul ba'i sngags so/ /de nas mchod yon dang zhabs bsil la sogs pa phul te/oM shrI badzra he he ru ru kaM huM hUM phaT DA ki ni dzA la saM ba ra swA hA/ sngags 'dis brgya rtsa brgyad mngon par bsngags te/ sa brkos pa der gzhug par bya zhing dur khrod kyi thal bas bkang nas steng du ral gri chen po gzhag par bya'o/ /oM badzra bai ro tsa nI ye swA hA/zhes pa'i sngags 'dis bsrung bar bya ste rang gi khyim du 'ongs nas/ bcu gnyis pa la thun bzhir zhal bzhi pa'i sngags bzlas par bya'o/ /bcu gsum pa la rkang pa brgyad pa dang bcu bzhi pa la rkang pa nyi shu rtsa bzhi pa'o/ /de nas gnam stong la nyi ma gzas bzung ba na bton nas mi'i rkang dang bsres la sran chung gi tshad tsam gyi ril bu byas la ril bu de bza' ba dang btung ba la sogs pa la kuN+Da go la las byung ba dang bcas pas bsangs pas rnam par dag par 'gyur te/khar bcug pas kha dag par 'gyur ro/ /tshogs kyi 'khor lo dang bsgom pa'i dus na yang thams cad bsrung bar 'gyur ro zhes pa ril bu'i cho ga'i nges pa'o// //da ni tshogs kyi 'khor lo chen po la sngar bshad pa'i g.yung mo dang dmangs rigs la sogs pa rigs sum cu rtsa drug gi pho nya mo rnams kyi bza' ba dang btung ba'i cho ga brjod par bya'o/ / 'dir skye bo dang bral ba'i khang ba'am shin tu sbas pa'i gnas su rigs kyi pho nya mo gos dang bral ba thams cad dang sgrub pa po nyi shu rtsa bzhi po rnams kyang phyag rgya lngas rnam par brgyan pa rang rang gi gnas su rnal 'byor ma skra grol ba rnams dang / sgrub pa po ral pa'i cod pan bcings pa rnams mi'i pags pa'i steng du 'dug cing tshogs kyi bdag po ni 'khor lo'i dbus su ba lang dang stag gi pags pa'i steng du'o//de nas mi'i pags pa khru gang tsam gyis sder byas te tshogs kyi gtso bo la dbul bar bya'o/ /shar gyi rnal 'byor ma rnams la rta'i pags pa'i sder dang /lho'i rnal 'byor ma rnams la khyi'i pags pa'i sder dang / nub kyi rnal 'byor ma rnams la glang po che'i pags pa'i sder dang / byang gi rnal 'byor ma rnams la ba lang gi pags pa'i sder dang / dbang ldan gyi rnal 'byor ma rnams la ma he'i pags pa'i sder dang / rlung gi rnal 'byor ma rnams la bong bu'i pags pa'i sder dang /bden bral gyi rnal 'byor ma rnams la ce sbyang gi pags pa'i sder dang / me'i rnal 'byor ma rnams la rnga mo'i pags pa'i sder dbul bar bya'o/ /de nas btung ba'i don du rang gi rigs kyi ro'i thod pa dum bu gcig pa dang dum bu gnyis pa dang dum bu gsum pa'am ji ltar rnyed pa rnal 'byor ma rnams la dbul bar bya'o//de nas bza' ba sder du dbul zhing btung ba pad+ma'i snod du phul te/ sgrub pa pos bskor ba gsum byas la dri dang bdug pa dang me tog la sogs pa rnams kyis mchod nas gsol ba gdab par bya ste/bsod nams 'di yis sems can thams cad phyag rgya chen po'i ye shes thob par gyur cig ces pa'o/ /'di lta bu'i tshogs kyi 'khor lo ni rgyal pos bya ste/ thun mong ba rnams kyis sngags kyi stobs sam lha'i nges pa'o/ /gzhan du na sgrub pa po rnams la bar chad 'byung bar 'gyur ro//thun mong ba'i tshogs kyi 'khor lo ni yul dang rigs kyi tha snyad kyis bya'o/ /bsod nams kyi tshogs kyi don du rang gi khyim du rigs kyi btsun mo yongs su smin pa dang lhan cig bya'o/ /gzhan du na tshogs kyi 'khor lor mi 'gyur zhing shes rab dang thabs snyoms par 'jug pa'i bde bas dman zhing byang chub kyi sems myang ba spangs pa'i bza' ba dang btung bas dpa' bo'i ston mor brjod par bya'o//de nyid dge bsnyen rnams kyis slob dpon gtso bor bya'o/ /sngags kyi tshul la slob dpon yang rnam pa gsum ste/khyim gnas dge tshul dge slong ni/ /dman pa 'bring dang mchog yin no/ /zhes pa'o/ /de nyid bcu yongs su shes pa dang dbang bskur ba dang rjes su gnang ba dang ldan pa yang mtshungs pa ma yin te/ rgyud du gsungs pa'i bcom ldan 'das kyi gsung las so//khyim na gnas pa dang dge tshul gnyis po de dag la bla mar gyur kyang chos 'chad pa'i dus su dge slong brtul zhugs 'dzin pa rnams kyis dam pa'i chos la sogs pa mdun du byas te phyag 'tshal bar bya'i/ /chos 'chad pa ma yin par gzhan gyi dus su ni ma yin no//gzhan gyi dus na dam pa ma yin pa'i las dang phyag 'tshal ba spangs te/ sngon du ldang ba dang gdan bstab pa la sogs pa bkur sti thams cad bya'o/ /dam pa ma yin pa'i las rkang pa bkru ba la sogs pa dang / lus dang ngag dang yid kyi phyag sbangs nas nor la sogs pas bkur bar bya ste/khyim na gnas pa dang dge tshul dag la dge slong rnams kyis zhes pa'o/ /sngar dge slong phyis rdo rje slob dpon gyis dbang bskur te rdo rje 'dzin pa byas pa'i bla ma la ni dge slong rnams kyis dus thams cad du phyag bya'o zhes pa nges pa'o/ / khyim na gnas pa dang dge tshul mngon par shes pa thob pa dag la dge slong dang mi'i bdag pos kyang phyag bya'o/ /de'i phyir khyim na gnas pa dang dge tshul dang dge slong dbang bskur ba rnams la rgan pa dang gzhon pa'i mtshan nyid kyis bkur bar bya'o/ /'dir khyim na gnas pa dag gis sngar dbang bskur ba ni rgan pa'o//de bzhin du dge tshul dag gi nang du'o/ /de bzhin du dge slong dag gi nang na sngar dbang bskur ba ni rgan pa ste sngar gyi gnas skabs kyi dbang gis so/ /ji ltar 'khor los sgyur ba'i bu dbang bskur ba ni 'khor los sgyur bar 'gyur ro/ / rgyal po'i bu dbang bskur ba ni rgyal bor 'gyur ro/ /blon po'i bu dbang bskur ba ni blon por 'gyur ro/ /de bzhin du dge slong dbang bskur ba ni slob dpon mchog tu 'gyur ro/ /dge tshul ni slob dpon 'bring por 'gyur ro/ /khyim na gnas pa ni slob dpon tha mar 'gyur ro/ /de'i phyir gsum po rnams las sngar dge slong phyis rdo rje 'dzin par byas pa ni tshogs kyi 'khor lo dang rab gnas la sogs pa la tshogs kyi 'dren pa'o//de med na dge tshul te/ de med na khyim na gnas pa'o/ /gang gi tshe slob dpon dge slong yod kyang sbyin pa'i bdag pos tshogs kyi gtso bor mi byed na/de'i tshe mchod bya dang mchod pa'i rim pa log pas sbyin pa'i bdag po rnams kyis bsod nams phyin ci log tu 'gyur te/ ngur smrig gi rtags sun 'byin pa'i phyir ro/ /de ltar yon tan thams cad ldan/ /thams cad mkhyen pa'i rgyal mtshan 'dzin/ /mi dge bcu po spangs pa ni//tshogs kyi 'khor lo'i gtso bor bya/ /snying brtse med cing khro la gdug /khengs dang brkam chags ma bsdams pa/ /rang la bstod pa rtag tu ni/ /sangs rgyas bde 'dod pas mi bya/ /gang zhig khyim pa bsti gnas spyod/ /gshol 'dzugs tshong pa gcam bu ba//rmongs pa dam chos 'tshong ba ni/ /tshogs kyi 'khor lo'i gtso bor min/ /zhes pa'o/ /de ltar rdo rje slob dpon thams cad mkhyen pa'i rgyal mtshan 'dzin pa/ dpa' bo'i ston mo la sbyin pa'i bdag pos shar du phyogs par gzhag par bya'o/ /de'i g.yas kyi char rgan pa dang gzhon pa'i rim pas slob dpon dge slong gi gral shar du phyogs par bya'o//de nas bden bral nas brtsams te me'i mthar thug par rgan pa dang gzhon pa'i dbye bas slob dpon dge tshul gyi gral byang du phyogs par bya'o/ /dbang ldan nas brtsams te rlung gi mthar thug bar rgan pa dang gzhon pa'i dbye bas slob dpon khyim pa'i gral lhor phyogs bar bya'o//rlung nas brtsams te bden bral gyi mthar thug par slob dpon dge slong gi gral bya'o/ /tshogs kyi bdag po'i dbang du byas pa'i shar du bza' ba dang btung ba la sogs pa gzhag par bya'o//dbus su rdul tshon gyi dkyil 'khor med na/ ba byung gi maN+Dal gru bzhi pa byas te der dri dang me tog la sogs pa rnams kyis mchod par bya zhing tshogs kyi bdag po'i g.yon du las kyi phyag rgya gcig bzhag nas tshogs kyi bdag po'i phyag rgya bya'o//rnam pa gzhan du rnal 'byor ma dang bral ba ni tshogs kyi bdag po'i btung bar mi 'gyur bas/ dpa' bo'i longs spyod la yang gdon mi za bar sbyin pa'i bdag pos tshogs kyi bdag po la bsod nams 'phel ba'i don du phyag rgya dbul bar bya'o/ /gal te gong du dge slong rdo rje 'dzin pa'i dbang du rgan po dang rmongs pa dang gzhon pa ston pa por gyur pa der gzhon pa tshogs kyi bdag po ste/rgan po rmongs pa ni khyim gzhan du tshim par bya'o/ /de bzhin du rgyud gzhan dang gzhan du dbang bskur ba'i rnal 'byor ma rnams kyang dpa' bo'i ston mo la khyim so sor mchod par bya'o//sngar dge slong ma dbang bskur ba thob pa rnams rgan pa dang gzhon pa'i dbye bas shar du mngon par phyogs pa'o/ /dge tshul ma dbang bskur ba rnams byang du phyogs pa'o/ /dge bsnyen ma dbang bskur ba rnams lhor mngon par phyogs par bya'o//tshogs kyi bdag po'i g.yon du sbyin pa'i bdag pos thabs gzhag par bya'o/ /rnam pa gzhan du thabs dang bral ba'i tshogs kyi bdag mos sha bza' bar mi bya'o/ /de nas dpa' mo'i ston mo la gdon mi za bar sbyin pa'i bdag pos thabs dbul bar bya'o/ /lhag ma dkyil 'khor la sogs pa snga ma bzhin dbus su ste bza' ba dang btung ba la sogs pa shar du'o//de nas tshogs kyi gtso bo la sogs pa'i g.yon skor gyis bza' ba ston mo dbul zhing btung ba ni kham phor ram/ nA ri ke la la sogs pa'i snod du dbul bar bya'o/ /de'i phyir chang la sogs pa spyad par bya ba dang rtogs par bya ba dang sbar bar bya bas bdud rtsir bya ste/gtor ma la sogs pa phul nas sngar bshad pa'i ril bus bsang gtor byas la/ de nas lag pa g.yon pa dang oM yig gis sbyang bar bya'o/ /lag pa g.yas pa dang AHyig gis rtogs par bya'o//gnyis kas bkab ste hUM yig gis sbar bar bya'o/ /mkha' lding gi phyag rgya dang hoHyig gis bdud rtsir bya ste/ chang gi thigs pas g.yon pa'i ming med kyi rtse mos sa la chos 'byung gru gsum byas nas/ de'i dbus su thig le ltar zlum por bskor bar bya'o/ / de'i dbus su ye shes [(]gyi [,]kyi [)]'khor lo lha sum cu rtsa bdun gyi bdag nyid dngas shing gzugs brnyan dang mtshungs pa de 'chad par 'gyur ba'i cho gas tshim par bya'o/ /zhing skyong la sogs pa rnams kyi grong khyer dang grong gi ming gi yi ge mnyam pa rnams mnyam pa'i ming gis yi ge dang po dang /ming gi yi ge gsum pa rnams mi mnyam pa'i yi ge ste dang po dang bar dang mtha'i yi ge rnams kyis ming du 'gyur ro/ /dang po oM yig dang dbus su ming dang mthar AHhUM che ge mo ba liM gr-ih+Na gr-ih+Na sar+b+ba sa twA nAM shAn+tiM tsit+taM ku ru ku ru swA hA/ de bzhin du oM ha ri tI paN+Di ke pra tIts+tsha swA hA/'phrog ma'i chang bu'i sngags so/ /oM dU ti kI a gra grA saM pra tI ts+tsha swA hA/ oM AH hUM zhes pa'i sngags kyis mngon par bsngags nas bza' ba'i mthar ji srid par sa la gzhag par bya'o/ /oM kha kha khA hi khA hi u ts+tshiSh+Ta ba li b+hak+Sha b+hak+Sha ka swA hA/ lhag ma'i gtor ma'i sngags so/ /ji ltar skabs su bab pa'i dus na thams cad re re zhing bya'o/ /de nas slob dpon slob ma dang bcas pa thams cad kyis bza' ba dang btung ba bya'o/ /gang gi tshe 'ga' zhig 'thab pa dang rtsod pa byed pa de bskrad par bya'o/ /de bzhin du dge tshul dang khyim pa nga rgyal byed na de'i tshe nus pa dri bar bya'o//gal te mngon par shes pa lnga la sogs pa'i nus pa ston par byed na/ de'i tshe de thams cad kyis thams cad du tshogs kyi gtso bo'o/ /rnam pa gzhan du thos pa'i mngon pa'i nga rgyal dang dbang bskur bas rgan pa'i mngon pa'i nga rgyal gyis dge tshul dang khyim na gnas pa tshogs kyi gtso bor mi 'gyur ro//gang zhig sngar dge slong yin pa de thams cad du tshogs kyi gtso bo'o/ /gal te dpa' bo'i ston mo la bskrad pa de chad pa 'bul na/ de'i tshe bza' ba dang btung ba la sogs pa'i chad pa sbyin par bya ste/de ni tshogs kyi bdag pos so/ /de ltar sbyin pa'i bdag pos tshogs kyi 'khor lo dang dpa' bo'i ston mo la thams cad du slob dpon gyis bsgrub par bya'o// //da ni sngags bsgrub pa'i cho ga brjod par bya ste/ 'dir 'chad par 'gyur ba'i tshigs su bcad pas dkyil 'khor bzhengs pa dang sngags bsgrub pa'i gnas bstan pa gsungs pa 'di lta ste/ri bo tshang tshing ri sul dang / /rgya mtsho chen po'i 'gram dang ni/ /gdod nas grub pa'i dur khrod du/ /der ni dkyil 'khor bri bar bya/ / zhes pa las rab 'byam 'jig rten pa'i dngos grub bsgrub pa'i don du bcom ldan 'das kyis gsungs so/ /de la gsungs pa'i gnas su 'chad par 'gyur ba'i dkyil 'khor bzhengs nas ri bo'i steng du rengs pa dang rmongs pa dang phur bus btab pa bsgrub bar bya'o//tshang tshing shing ljon pa rgyas par dkyil 'khor bzhengs nas dbang dang dgug pa bsgrub par bya'o/ /ri sul chu dang 'bab chu'i 'gram du dkyil 'khor bzhengs nas zhi ba dang rgyas pa bsgrub par bya'o/ /rgya mtsho chen po'i 'gram du dkyil 'khor bzhengs nas dbye ba dang bskrad pa dang bsad pa bsgrub par bya'o//gdod nas grub pa'i dur khrod du dkyil 'khor bzhengs nas mkha' 'gro ma'i sngags btu ba bsgrub par bya'o/ /de bzhin du 'jig rten pa'i dngos grub rnams te 'dir ri bor gter gyi dngos grub bsgrub par bya'o/ /tshang tshing du rin po che'i dngos grub bsgrub par bya'o//ri sul du ro bcud kyi dngos grub bsgrub par bya'o/ /rgya mtsho chen po'i 'gram du ral gri'i dngos grub bsgrub par bya'o/ /dur khrod du mig sman gyi dngos grub bsgrub par bya'o/ /gzhan yang gnas de rnams su gsungs pa'i cho gas gsang sngags bsgrub par bya'o//'dir dang por re zhig dur khrod du dkyil 'khor bzhengs nas mchod pa chen po bya ste/ lo dang po'i nag pa'i nya la rtsa ba'i sngags kyis mchod yon phul nas/ mi'i so'i bgrang phreng gis rtsa ba'i sngags zla ba so so la 'bum phrag gsum bzlas par bya zhing /lnga pa la sogs pa rdzogs pa so so la las rab 'byam du gsungs pa'i rdzas rnams kyi bcu chas sbyin sreg bya'o/ /de ltar lo gcig gis 'bum phrag sum cu rtsa drug bzlas par bya zhing / sbyin sreg khri phrag sum cu rtsa drug bya'o/ /oM shrI badzra he he ru ru kaM huM hUM phaT/DA ki ni dzA la saM ba ra swA hA/ zhes pa rtsa ba'i sngags so/ /de nas lo gnyis pa la cho ga de nyid kyis snying po'i sngags lo gcig gi bar du bzla zhing sbyin sreg bya ste/ oM hraM hriM hreM hUM phaT ces pa snying po'i sngags yi ge drug pa'o/ /slar yang cho ga de nyid kyis lo gsum pa la nye ba'i snying po bzla zhing sbyin sreg bya ste/oM hrIHha ha huM hUM phaT ces pa nye ba'i snying po'i sngags yi ge bdun pa'o/ /de nas lo bzhi pa la cho ga de nyid kyis go cha'i sngags bzla zhing sbyin sreg bya ste/ oM h+r+l-iM hr-iM hreM hraHhuM hUM phaT ces pa go cha'i sngags yi ge brgyad pa'o/ /de nas lo lnga pa la cho ga de nyid kyis rdo rje phag mo'i snying po'i sngags bzla zhing sbyin sreg bya ste/oM badzra bai ro tsa nI ye huM hUM phaT ces pa snying po'i sngags yi ge bcu pha rol tu phyin pa bcu rnam par dag pa'o/ /de nas lo drug pa la cho ga de nyid kyis lha mo'i go cha'i sngags bzla zhing sbyin sreg bya ste/oM boM yoM moM hreM hrIM huM hUM phaT ces pa go cha chen mo'i sngags yi ge brgyad pa'o/ /de ltar lo drug po rnams kyis sngags drug po rnams bye ba phrag gnyis dang 'bum phrag bcu drug bzlas shing / sbyin sreg 'bum phrag nyi shu rtsa gcig dang khri phrag drug bya ste/des rnal 'byor pa'i lus dag par 'gyur ro/ /da ni zhal bzhi pa rnam par dag pa'i don du zhal bzhi pa'i sngags kyi bzlas pa brjod par bya'o/ /'dir chu srin gyi 'pho ba la rgya mtsho chen po'i 'gram du dkyil 'khor bzhengs te mkha' 'gro ma la mchod yon phul nas/zla ba so so la shar gyi zhal gyi sngags mkha' 'gro ma'i ming dang lhan cig pa huM hUM phaT kye mtha' can 'bum phrag gsum bzlas pa bya zhing rdzogs pa so so la bcu cha'i sbyin sreg bya ste/ oM sum+b+ha ni sum+b+ha badzra DA ki nI huM hUM phaT ces pa shar gyi zhal gyi sngags yi ge bcu bzhi pa'o//zla ba gsum gyis las rab 'byam gyi sgrub thabs su gsungs pa'i bgrang phreng gis 'bum phrag dgu bzlas par bya zhing sbyin sreg khri phrag dgu byas te zla ba dang po la mi'i rus pa'i bgrang phreng dang / gnyis pa la rnga mo'i rus pa'i bgrang phreng dang /gsum pa la bong bu'i rus pa'i bgrang phreng gis bzlas pa bya zhing / las rab 'byam du gsungs pa'i rdzas rnams kyis sbyin sreg bya'o/ /de nas lug gi 'pho ba la tshang tshing du dkyil 'khor bzhengs te/ lA ma la mchod yon phul nas zla ba so so la 'bum phrag gsum bzlas pa bya zhing rdzogs pa so so la bcu cha'i sbyin sreg bya'o//dang po'i zla ba la pad+ma'i phreng bas so/ /zla ba gnyis pa la tsan+dan dmar po'i phreng bas so/ /zla ba gsum pa la lung tang dmar po'i phreng bas so/ /de ltar bzlas pa 'bum phrag dgu dang sbyin sreg khri phrag dgu byas te/oM gr-ih+na gr-ih+na badzra lA me huM hUM phaT zhes pa lho'i zhal gyi sngags yi ge bcu gnyis pa'o/ /de nas karka Ta'i 'pho ba la ri bor dkyil 'khor bzhengs te/ du ma skyes ma la mchod yon phul nas zla ba so so la nub kyi zhal gyi sngags 'bum phrag gsum bzlas pa bya zhing bcu cha'i sbyin sreg bya'o//zla ba dang po la bo de tse'i bgrang phreng dang / zla ba gnyis pa la ru rAk+Sha'i bgrang phreng dang / zla ba gsum pa la lung tang gi bgrang phreng gis bzlas pa bya zhing las rab 'byam du gsungs pa'i rdzas rnams kyis sbyin sreg bya'o/ / oM gr-ih+na pa ya gr-ih+na pa ya badzra khaN+Da ro hi huM hUM phaT ces pa nub kyi zhal gyi sngags yi ge bco brgyad pa ste 'bum phrag dgu bzlas pa bya zhing sbyin sreg khri phrag dgu bya'o/ /de nas srang gi 'pho ba la ri sul du dkyil 'khor bzhengs te/ gzugs can ma la mchod yon phul nas zla ba so so la byang gi zhal gyi sngags 'bum phrag gsum bzlas pa bya zhing las rab 'byam du gsungs pa'i rdzas rnams kyis khri phrag gsum sbyin sreg bya'o//zla ba dang po la shel gyi bgrang phreng dang / gnyis pa la mu tig gi bgrang phreng dang / gsum pa la dung gi bgrang phreng gis so//de ltar zla ba gsum gyis 'bum phrag dgu bzlas shing khri phrag dgu sbyin sreg bya'o/ /oM A na ya ho b+ha ga wAn badzra badzra rU pi NI ye huM hUM phaT ces pa byang gi zhal gyi sngags yi ge bco brgyad pa bzlas shing sbyin sreg bya'o/ /de ltar lo gcig gis 'bum phrag sum cu rtsa drug bzlas pa bya zhing 'bum phrag gsum dang khri phrag drug sbyin sreg bya ste/de nas zhal dag par 'gyur ro/ /da ni kha dang rna ba la sogs pa rnam par dag pa'i don du rkang pa brgyad pa'i sngags bzlas pa brjod par bya'o/ /'dir lo gnyis pa la chu srin gyi 'pho ba la rgya mtsho chen po'i 'gram du dkyil 'khor bzhengs te khwa gdong ma la mchod yon phul nas phyogs dang po la mi'i so'i bgrang phreng gis bzlas ba bya'o//gnyis pa la rnga mo'i so'i bgrang phreng dang / gsum pa la bong bu'i so'i bgrang phreng gis so/ /de ltar phyed bcas zla ba phyed dang bcas pa'i 'bum phrag bzhi bzlas par bya zhing shar gyi zhal gyi las rab byam du gsungs pa'i rdzas rnams kyis sbyin sreg khri phrag phyed dang bcas pa bzhi bya'o//oM na mo b+ha ga wa te wi re shA ya badzra kA kA s+ye huM hUM phaT ces pa rkang pa dang po'i sngags yi ge bcu dgu pa'o//de nas bum pa'i phyed la tshang tshing du dkyil 'khor bzhengs te/ 'ug gdong ma la mchod yon phul nas lA ma la brjod pa'i bgrang phreng gis phyogs gsum la phyed dang bcas pa'i 'bum phrag bzhi'i sngags bzlas shing bcu cha'i sbyin sreg bya ste/oM ma hA ka wAg+mi saM ni b+hA ya badzrod lu kA s+ye hUM phaT ces pa rkang pa gnyis pa'i sngags yi ge bco brgyad pa'o/ /de nas lug gi 'pho ba la ri bor dkyil 'khor bzhengs te khyi gdong ma la mchod yon phul nas zla ba phyed dang bcas par dum skyes ma la brjod pa'i bgrang phreng gis phyed dang bcas pa'i 'bum phrag bzhis sngags bzlas shing bcu chas sbyin sreg bya ste/oM dza TA ma ku Tong+ka TA ya badzra shwA nA s+ye huM hUM phaT ces pa rkang pa gsum pa'i sngags yi ge bcu bdun pa'o/ /de nas khyu mchog gi phyed kyi nyin zhag la ri sul du dkyil 'khor bzhengs te/phag gdong ma la mchod yon phul nas zla ba phyed dang gnyis su bcas par gzugs can ma la brjod pa'i bgrang phreng gis phyed dang bcas pa'i 'bum phrag bzlas pa bya zhing phyed dang bcas pa'i khri phrag bzhis sbyin sreg bya ste/ oM daMSh+TA ka rA lo gra b+hI Sha Na mu khA ya badzra shu kA rA s+ye huM hUM phaT ces pa rkang pa bzhi pa'i sngags yi ge nyi shu rtsa gnyis pa'o//de nas karka Ta 'char ba na pad+ma'i mtshor ri sul ltar dkyil 'khor bzhengs te/ gshin rje brtan ma la mchod yon phul nas/ gzugs can ma la brjod pa'i bgrang phreng gi cho gas phyed dang bcas pa'i zla bar phyed dang bcas pa'i 'bum phrag bzhis bzlas pa bya zhing bcu chas sbyin sreg bya'o//oM sa ha sra b+hu dza b+hA su rA ya badzra ya ma dA D+hI huM hUM phaT ces pa rkang pa lnga pa'i sngags yi ge bcu dgu pa'o/ /de nas seng ge'i phyed kyi nyin zhag la ri bor dkyil 'khor bzhengs te/gshin rje pho nya mo la mchod yon phul nas dum skyes ma la brjod pa'i bgrang phreng dang cho gas phyogs gsum gyi phyed dang bcas pa'i 'bum phrag bcu bzhis bzlas pa bya zhing bcu chas sbyin sreg bya ste/ oM bar shu pA sho d+ya ta shU la/ kha T+wAM ga d+ha ri Ne badzra ya ma dU tI hUM hUM phaT ces pa'i rkang pa drug pa'i sngags yi ge nyi shu rtsa lnga pa'o//de nas srang gi 'pho ba la skyed mos tshal du dkyil 'khor bzhengs te/ gshin rje mche ba ma la mchod yon phul nas lA ma la brjod pa'i bgrang phreng dang cho gas zla ba phyed dang bcas pa'i 'bum phrag bzhi bzlas pa bya zhing phyed dang bcas pa'i khri phrag bzhi sbyin sreg bya ste/oM byA g+h+ra dzi nAM ba ra d+ha rA ya badzra ya ma daM Sh+Ti Ni huM hUM phaT ces pa rkang pa bdun pa'i sngags yi ge nyi shu pa'o/ /de nas sdig pa'i phyed kyi nyin zhag la rgya mtsho'i 'gram mam rgya mtsho med na rdzing bu'i 'gram du dkyil 'khor bzhengs te/gshin rje 'joms ma la mchod yon phul nas rdo rje mkha' 'gro ma la brjod pa'i bgrang phreng dang cho gas phyogs gsum la phyed dang bcas pa'i 'bum phrag bzhi sngags bzlas shing rdzogs pa re re la ji srid phyed dang bcas pa'i khri phrag bzhi'i bar du sbyin sreg bya ste de ltar cho ga thams cad la'o//oM ma hA d+hu mrA n+d+ha kA ra wa buShA ya badzra la ma ma thA ni huM hUM phaT ces pa rkang pa brgyad pa'i sngags yi ge nyi shu rtsa gnyis pa'o/ /de ltar lo gcig gis 'bum phrag sum cu rtsa drug bzlas pa bya zhing sbyin sreg khri phrag gsum cu rtsa drug bya ste/ de nas kha dang rna ba dang bshang lam dang sna dang mig dag par 'gyur ro// //da ni yan lag so so'i sngags rkang pa nyi shu rtsa bzhi pa'i bzlas pa brjod par bya'o/ /'dir rgya mtsho'i 'gram mam ma rnyed na ba tsha can gyi chu 'gram du dkyil 'khor bzhengs te/ mgo'i zla ba'i gnam stong la rab gtum ma la mchod yon phul nas tshes lnga la khri phrag lnga bzlas par bya zhing stong phrag lnga sbyin sreg bya'o//de ltar nyin zhag bco lngas sngags 'bum phrag phyed dang bcas pa bzlas par bya zhing sbyin sreg khri phrag phyed dang bcas pa bya ste/ rdo rje mkha' 'gro ma la brjod pa'i bgrang phreng gis so sor sngags khri phrag lnga bzlas pa ni/oM ka ra ka ra badzra pra tsaN+De badzra khaN+Da ka pA li huM hUM phaT ces pa rkang pa dang po'i sngags yi ge nyi shu pa'o/ /de nas mgo'i zla ba'i nya la tshang tshing ngam skyed mos tshal du dkyil 'khor bzhengs te/ gtum mig ma la mchod yon phul nas lA ma la brjod pa'i bgrang phreng gis sngar bzhin phyogs gcig gis 'bum phrag phyed dang bcas pa bzlas shing sbyin sreg khri phrag phyed dang bcas pa bya ste/oM ku ru ku ru badzra tsaN+DA k+ShI badzra ma hA kaM kas la huM hUM phaT ces pa rkang pa gnyis pa'i sngags yi ge nyi shu ba'o//de nas rgyal gyi zla ba'i gnam stong la ri bor dkyil 'khor bzhengs te/ 'od ldan ma la mchod yon phul nas dum skyes ma la brjod pa'i bgrang phreng gis tshes bco lnga rnams kyis phyed dang bcas pa'i 'bum phrag bzlas shing phyed dang bcas pa'i khri phrag sbyin sreg bya'o//oM ban+d+ha ban+d+ha badzra pra b+hA wa ti badzra kaM ka la huM hUM phaT ces pa rkang pa gsum pa'i sngags yi ge bcu dgu pa'o/ /de nas rgyal gyi zla ba'i nya la ri sul lam pad+ma'i mtsho 'gram du dkyil 'khor bzhengs te/ sna chen ma la mchod yon phul nas gzugs can ma la brjod pa'i bgrang phreng gis nyin zhag bco lnga rnams kyis 'bum phrag phyed dang gnyis bzlas shing khri phrag phyed dang bcas pa'o//oM trA sa ya trA sa ya badzra ma hA nA se badzra bi ka Ta daM Sh+TI Ne huM hUM phaT ces pa rkang pa bzhi pa'i sngags yi ge nyi shu rtsa gsum pa'o/ /de nas mchu'i zla ba'i gnam stong la ri sul lam pad+ma'i mtsho 'gram du dkyil 'khor bzhengs te/dpa' bo'i blo can ma la mchod yon phul nas gzugs can ma la brjod pa'i bgrang phreng gis phyogs gcig la phyed dang bcas pa'i 'bum phrag bzlas shing khri phrag phyed dang bcas pa'i sbyin sreg bya ste/ oM k+Sho b+ha ya k+Sho b+ha ya badzra bI ra ma ti badzra su bai ri huM hUM phaT ces pa rkang pa lnga pa'i sngags yi ge nyi shu rtsa gnyis pa'o//de nas mchu'i zla ba'i nya la ri bor dkyil 'khor bzhengs te/ mi'u thung ma la mchod yon phul nas dum skyes ma la brjod pa'i bgrang phreng gis nyin zhag lnga tshan gsum la 'bum phrag phyed dang gnyis pa bzla zhing sbyin sreg khri phrag phyed dang bcas pa bya'o//oM hrauM hroM badzra khar+b+ba ri badzrA mi hA b+hA huM hUM phaT ces pa rkang pa drug pa'i sngags yi ge bcu drug pa'o/ /de nas dbo'i zla ba'i gnam stong la tshang tshing ngam skyed mos tshal du dkyil 'khor bzhengs te lang ka'i dbang phyug ma la mchod yon phul nas nyin zhag lnga tshan gsum la lA ma la brjod pa'i bgrang phreng gis 'bum phrag phyed dang bcas pa bzla zhing sbyin sreg khri phrag phyed dang bcas pa bya'o//oM hraHhraHbadzra laM ke shwa rI badzra pra b+hA huM hUM phaT ces pa rkang pa bdun pa'i sngags yi ge bcu drug pa'o//de nas dbo'i zla ba'i nya la rgya mtsho'i 'gram mam ba tsha can gyi chu 'gram mam khron pa'i 'gram du dkyil 'khor bzhengs te/ shing grib ma la mchod yon phul nas mkha' 'gro ma la brjod pa'i bgrang phreng gis nyin zhag lnga tshan gsum pa la 'bum phrag phyed dang bcas pa bzla zhing sbyin sreg khri phrag phyed dang bcas pa bya'o//oM phe pheM badzra dru mats+tshA ye badzra de ha huM hUM phaT ces pa rkang pa brgyad pa'i sngags yi ge bcu drug pa'o/ /de ltar nag pa'i zla ba'i gnam stong la rab gtum ma la brjod pa'i cho gas sa srungs ma la mchod yon phul nas sngags bzla zhing sbyin sreg bya'o//oM da ha da ha badzra rA ba ti badzrAM ku ri ka huM hUM phaT ces pa rkang pa dgu pa'i sngags yi ge bco brgyad pa'o/ /de nas nag pa'i zla ba'i nya la gtum mig ma la brjod pa'i cho gas 'jigs byed chen mo la mchod yon phul nas sngags bzla zhing sbyin sreg bya'o/ / oM pa tsa pa tsa badzra ma hA b+hair be badzra dzA Ti la huM hUM phaT ces pa rkang pa bcu pa'i sngags yi ge nyi shu pa'o/ /de nas sa ga'i zla ba'i gnam stong la 'od ldan ma la brjod pa'i cho gas rlung shugs ma la mchod yon phul nas sngags bzla zhing sbyin sreg bya'o/ /oM b+hak+Sha b+hak+Sha badzra bA yu be ge badzra ma hA bI ra huM hUM phaT ces pa rkang pa bcu gcig pa'i sngags yi ge nyi shu pa'o//de nas sa ga'i zla ba'i nya la sna chen ma la brjod pa'i cho gas chang 'thung ma la mchod yon phul nas sngags bzla zhing sbyin sreg bya'o/ /oM ba sa ru d+hi rAn+t+ra mA lA ba laM bi na gr-ih+Na gr-ih+Na badzra su ra b+hak+Shi badzra huM ka ra huM hUM phaT ces pa rkang pa bcu gnyis pa'i sngags yi ge sum cu rtsa gcig pa'o//de nas snron gyi zla ba'i gnam stong la dpa' bo'i blo can ma la brjod pa'i cho gas lha mo sngo bsangs ma la mchod yon phul nas sngags bzla zhing sbyin sreg bya'o/ /oM sap+ta pA tA la ga ta b+hu dzaM ga sarbaM pA ta rdza yata rdza ya badzra sh+yA ma de wi badzra su b+ha dre huM hUM phaT ces pa rkang pa bcu gsum pa'i sngags yi ge sum cu rtsa bzhi pa'o//de nas snron gyi zla ba'i nya la mi'u thung ma la brjod pa'i cho gas shin tu bzang mo la mchod yon phul nas sngags bzla zhing sbyin sreg bya'o/ /oM A kaD+D+h+ya A kaD+D+hu badzra su b+ha dre badzra pra b+ha dra ye huM hUM phaT ces pa rkang pa bcu bzhi pa'i sngags yi ge bcu dgu pa'o//de nas chu stod kyi zla ba'i gnam stong la lang ka'i dbang phyug ma la brjod pa'i cho gas rta rna ma la mchod yon phul nas sngags bzla zhing sbyin sreg bya'o/ /oM hriM hriM badzra ha ya kar+Ne badzra ma hA b+hai ra ba huM hUM phaT ces pa rkang pa bco lnga pa'i sngags yi ge bcu dgu pa'o//de nas chu stod kyi zla ba'i nya la shing grib ma la brjod pa'i cho gas mkha' 'gro gdong ma la mchod yon phul nas sngags bzla zhing sbyin sreg bya'o/ /oM dz+nyauM dz+nyauM badzra kha gA na ne badzra bi rU pAk+Sha huM hUM phaT ces pa rkang pa bcu drug pa'i sngags yi ge bco brgyad pa'o//de nas gro zhun gyi zla ba'i gnam stong la rab gtum ma la brjod pa'i cho gas 'khor lo'i shugs can ma la mchod yon phul nas sngags bzla zhing sbyin sreg bya'o/ /oM k+Sh+mAM k+Sh+mAM badzra tsakra be ge ma hA ba la huM hUM phaT ces pa rkang pa bcu bdun pa'i sngags yi ge bco brgyad pa'o//de nas gro zhun gyi zla ba'i nya la gtum mig ma la brjod pa'i cho gas dum skyes ma la mchod yon phul nas sngags bzla zhing sbyin sreg bya'o/ /oM hAM hAM badzra khaN+Da ro hi badzra rat+na badzra huM hUM phaT ces pa rkang pa bco brgyad pa'i sngags yi ge bco brgyad pa'o//de nas khrums kyi zla ba'i gnam stong la 'od ldan ma la brjod pa'i cho gas shauN+Di ni la mchod yon phul nas sngags bzla zhing sbyin sreg bya'o/ /oM hIM hIM badzra shauN+Di nI ye badzra ha ya gr-I ba huM hUM phaT ces pa rkang pa bcu dgu pa'i sngags yi ge bcu bdun pa'o//de nas khrums kyi zla ba'i nya la sna chen ma la brjod pa'i cho gas 'khor lo'i go cha ma la mchod yon phul nas sngags bzla zhing sbyin sreg bya'o/ /oM huM hUM badzra tsakra wa rmiNi badzra A ka sha gar+b+ha huM hUM phaT ces pa rkang pa nyi shu pa'i sngags yi ge bcu dgu pa'o//de nas tha skar gyi zla ba'i gnam stong la dpa' bo'i blo can ma la brjod pa'i cho gas shin tu dpa' mo la mchod yon phul nas sngags bzla zhing sbyin sreg bya'o/ /oM ki li ki li badzra su bI re badzra he ru ka huM hUM phaT ces pa rkang pa nyi shu rtsa gcig pa'i sngags yi ge bco brgyad pa'o//de nas tha skar gyi zla ba'i nya la mi'u thung ma la brjod pa'i cho gas stobs chen ma la mchod yon phul nas sngags bzla zhing sbyin sreg bya'o/ /oM si li si li badzra ma hA ba le badzra pad+ma narte shwa ra huM hUM phaT ces pa rkang pa nyi shu rtsa gnyis pa'i sngags yi ge nyi shu rtsa gnyis pa'o//de nas smin drug gi zla ba'i gnam stong la lang ka'i dbang phyug ma la brjod pa'i cho gas 'khor los sgyur ma la mchod yon phul nas sngags bzla zhing sbyin sreg bya'o/ /oM hi li hi li badzra tsakra brti ni badzra bai ro tsa na huM hUM phaT ces pa rkang pa nyi shu rtsa gsum pa'i sngags yi ge nyi shu rtsa gcig pa'o//de nas smin drug gi zla ba'i nya la shing grib ma la brjod pa'i cho gas dkyil 'khor bzhengs te brtson 'grus chen mo la mchod yon phul nas nyin zhag lnga tshan gsum gyi sngags 'di 'bum phrag phyed dang bcas pa bzla zhing khri phrag phyed dang bcas pa'i sbyin sreg bya ste/oMd+hi lid+hi li badzra ma hA bIR+Ye badzra sa twa huM hUM phaT ces pa rkang pa nyi shu rtsa bzhi pa'i sngags yi ge bco brgyad pa'o/ /de ltar lo gsum pa la rkang pa nyi shu rtsa bzhi pa'i sngags 'bum phrag sum cu rtsa drug bzla zhing sbyin sreg khri phrag sum cu rtsa drug bya'o//de ltar lo gsum gyis 'bum phrag brgyad lhag pa'i bye ba bzla zhing sbyin sreg khri phrag brgyad lhag pa'i 'bum phrag bcu bya'o/ /de nas rnal 'byor pa rnams kyi yan lag so so rnam par dag par 'gyur ro zhes pa sngags bzlas pa'i cho ga'o/ /yang na rkang pa nyi shu rtsa bzhi pa'i sngags 'pho ba bcu gnyis pa'i phyogs nyi shu rtsa bzhi rnams kyis brjod pa'i cho gas bzlas pa dang sbyin sreg bya ste/sdig pa'i 'pho ba dang sdig pa'i phyed kyi nyin zhag la'o/ /de lta bur dus sbyor bcu gnyis kyi dus sbyor phyed la nyi mas longs spyod pa na dkyil 'khor bzhengs te rang rang gi sngags kyis mchod yon phul nas de nas sngags bzla zhing sbyin sreg bya ste/ji srid tshogs kyi 'khor lo byed pa na lha'i nges par 'gyur ba lo bcu gnyis kyi bar du rkang pa nyi shu rtsa bzhi pa'i sngags bzlas par bya'o/ /sngags kyi tshig thams cad la sngon du oM yig go/ / de nas yan lag so so'i tshig go/ /de nas badzra sngon du 'gro ba'i pho nya mo rnams kyi ming dang dpa' bo rnams kyi ming yang ngo / /gang la ming gi sngon du badzra med par der hUM yig dang po thung ngu dang phyi mar ring po ste de'i mthar phaT yig gcig go/ /gang la mthar hUM yig gsum yod pa der thams cad ring po ste/phaT yig gnyis so zhes pa thams cad du sngags bzlas pa'i nges pa'o/ /'dir rtsa ba'i sngags la sogs pa sngags thams cad ni so so'i las kyi rjes su mthun pas mthar hUM phaT ces pa'i yi ge'i gnas su lha spyan drang ba la swA hA'i mtha' can du bya'o//de bzhin du ar+g+ha'i gnas su yang mchod pa la na maH'i mtha' can te zhi ba'i sngags bzlas pa la yang ngo / /rgyas pa'i sngags bzlas pa la swA hA'i mtha' can no/ /dgug pa'i bzlas pa la bau ShaT kyi mtha' can no/ /dbang du bya ba'i bzlas pa la wa ShaT kyi mtha' can no//g.yon pa dang g.yas pa'i zhal du gsungs pa'i cho ga la'o/ /shar dang nub kyi zhal du gsungs pa'i cho ga la huM hUM phaT ces pa'i mtha' can du thams cad la bya'o/ /sbyin sreg gi sngags la thams cad du swA hA'i mtha' can te g.yon pa dang g.yas pa'i zhal du gsungs pa'i las kyi cho ga la'o//shar dang nub kyi zhal du gsungs pa'i las kyi cho ga dang sbyin sreg gi sngags thams cad la hUM phaT ces pa'i mtha' can du bya'o/ /phyin ci log pa'i sngags bzlas pa dang sbyin sreg gi cho ga dang phyin ci log pa'i gnas su dkyil 'khor bzhengs pa dang phyin ci log pa'i thab khung dang phyin ci log pa'i sbyin sreg gi rdzas rnams kyis byis pa rnams kyi dngos grub bsgrubs pa thams cad 'bras bu med par 'gyur ro//de'i phyir 'chad par 'gyur ba'i dkyil 'khor bzhengs te sngags kyi lha rnams la mchod yon phul nas sngags bzlas par bya zhing 'chad par 'gyur ba'i thab khung rnams su/'chad par 'gyur ba'i sbyin sreg gi rdzas rnams kyis lo bcu gnyis kyi mthar thug par sbyin sreg bya zhing sngags bsgrub par bya ste/ ji srid tshogs kyi 'khor lo bya ba'i phyir 'dir 'dod pa'i lha'i nges par ma gyur pa'i bar du'o//de nas phyogs gsum du tshogs kyi 'khor lo bya ste/ lha dang sngags kyi stobs kyis zla ba nya la tshogs kyi gtso bor gyur nas/ chog 'dis sgrub pa po tshogs kyi 'khor lo dang lhan cig 'grub par 'gyur ro/ /cho ga gzhan gyis sngags gcig gis lo bcu gnyis rnams kyis bsgrubs te/lha'i nges pas las kyi phyag rgya gcig bsten na 'grub par 'gyur ro/ /de thams cad du 'jig rten pa'i dngos grub rnams kyi snod du 'gyur te/ brtson 'grus dman pa'i phyir tshogs kyi 'khor lo la dngos grub bsgrubs pa rnams kyi mngag gzhug par bya'o//de nas dus kyi khyad par gyis pho nya lhan cig skyes pa grub pa rnams mchod de/ sngar bshad pa'i cho gas rnal 'byor pas 'jig rten pa'i dngos grub thams cad kyi sgrub thabs bsgrub par bya'o zhes pa bcom ldan 'das he ru ka mngon par brjod pa 'bum pa'i nges pa'o//phyag na rdo rje bdag gis 'grel bshad 'dis dpa' bo'i dbang po'i nges pa thabs yongs su shes pa rnams kyi dngos grub thams cad bsgrub pa'i phyir pho nya mo sum cu rtsa drug dus kyi khyad par gyis mchod pa'i cho ga brjod pa'i nges pa'o zhes pa pho nya mo mchod pa'i cho ga'i nges pa'o//da ni dman pa dang 'bring dang mchog gi dngos grub ster ba brjod par bya ste/ pho nya mo zhes pa la sogs pas lhan cig skyes pa grub pa brtson 'grus chen mo la sogs pa nyi shu rtsa bzhi dang rdo rje sems dpa' la sogs pa grub pa'i dpa' bo rnams so//de rnams kyi brgyad ni dman pas 'og la gnas pa ste/ sa 'og gi dngos grub stsol ba'i phyir ro/ /de bzhin du brgyad ni bar ma sa stengs na gnas pa ste rgyal srid la sogs pa'i dngos grub ster ba'i phyir ro/ /brgyad pa ni mchog nam mkha' la spyod pa ste/'dod pa na spyod pa'i dngos grub ster ba'i phyir ro/ /mkha' 'gro ma la sogs pa bzhi yang mchog ste gzugs na spyod pa'i dngos grub ster ba'i phyir ro/ /khwa gdong ma la sogs pa rnams kyang dman pa ste yi dags dang dud 'gro'i dngos grub ster ba'i phyir ro zhes pa de ltar 'jig rten pa'i bden pas rnal 'byor pa rnams kyi gang cung zad bsgrub par bya ba de thams cad kyi 'bras bu dngos grub rnam pa gsum ste dman pa dang bar dang mchog go//de'i phyir gang gis rnal 'byor pa rnams kyi rga ba dang 'chi ba zad pa'i rgyur gyur pa'i sangs rgyas nyid du mi 'gyur ba de bsgrub pas ci zhig 'byung bar 'gyur/de ltar shes par bya ste thar pa 'dod pa'i rnal 'byor pa rnams kyis/ yid ni nang du chud pa yis/ /'dod pa'i dngos grub bsgom par bya/ /zhes pa de bzhin gshegs pa'i nges pa'o/ /da ni phyag rgya chen po bsgom pa brjod par bya ste/yid ni nang du chud pa yis/ /zhes pa la sogs pas so/ /sngags kyi tshul 'dir shes rab dang thabs kyi rgyud rnams su rdo rje'i tshig 'di dgongs pa'i skad gzhan gyis rgyud dang rgyud gzhan gyis rtogs par bya'o/ /yid ni nang du chud pa yis//zhes pa rkang pa 'di'i tshig snga ma la sogs pa 'di yang rdo rje'i tshig ste/ dpal 'dus pa stong phrag nyi shu lnga par sangs rgyas bcom ldan 'das kyis gsungs pa/ rdo rje'i skyil krung gis sems ni/ /nor bu'i nang du gnas par blta/ /rgyu mthun la sogs bde ba rdzogs//dri ma med pa'i bar du bsgom/ /zhes pa dang / de bzhin du/ b+ha gar ling+ga rab bzhag nas/ /byang chub sems ni spro mi bya/ /khams gsum pa ni ma lus pa/ /sangs rgyas gzugs su bsgom par bya/ /zhes pa'o/ /'dir tshigs su bcad pa gnyis po 'dis rdo rje'i tshig 'dis bsdus pa'i don rtogs par bya ste/rgyud 'dir tshigs su bcad pa phyed kyis gsungs so zhes pa'o/ /'dir rdo rje nor bu'i nang du gnas pa'i byang chub kyi sems la yid ni nang du chud pa zhes brjod do/ /yid nang du chud pas 'dzag pa med pa'i byang chub kyi sems des las kyi phyag rgya'am ye shes kyi phyag rgya dang 'grogs pa na khams gsum pa'i mtshan nyid sangs rgyas kyi gzugs su bsgom par bya'o zhes pa khams gsum pa 'dod pa dang gzugs dang gzugs med pa'i mtshan nyid brtan pa dang g.yo ba dngos po dang dngos po med pa'i rang bzhin rnam pa thams cad kyi mchog dang ldan pa'i bdag nyid ma lus pa rnal 'byor pas bsgom par bya'o//de nyid shes rab kyi pha rol tu phyin pa rnam pa thams cad kyi mchog dang ldan pa'o/ /de yang rgyud 'dir bcom ldan 'das kyis 'dod pa'i dngos grub tu gsungs te shes rab kyi rgyud 'di nyid las so//'dod pa'i dngos grub de rnal 'byor pas bsgom par bya'o/ /'dir 'dod pa ni 'dod chags chen po rdo rje sems dpa' don chen po mchog tu mi 'gyur ba'o/ /dngos grub ni phyag rgya chen po shes rab kyi pha rol tu phyin pa rnam pa thams cad kyi mchog dang ldan pa'o//de ltar na 'dod pa ni dmigs pa med pa'i snying rje chen po'o/ /dngos grub ni dmigs pa dang bcas pa'i chen po stong pa nyid de rnal 'byor pa rnams kyis rang rig pa nyid kyi phyir ro//las kyi phyag rgya dang ye shes kyi phyag rgya'i dngos grub dag las gong ma'i yang gong ma'i dngos grub bo/ /phyag rgya chen po 'dod pa'i dngos grub de ni thams cad mkhyen pa nyid dang rnam pa thams cad mkhyen pa nyid dang lam mkhyen pa nyid dang lam gyi rnam pa thams cad mkhyen pa nyid dang stobs bcu dang mi 'jigs pa bzhi la sogs pa sangs rgyas kyi yon tan mtha' dag ster bar byed pa mo ste/sangs rgyas nyid kyi phyir bsgom par bya'o zhes pa rgyud dang rgyud gzhan rnams su de bzhin gshegs pa'i nges pa ste/ rgyud ni rgyud gzhan gyis rtogs par bya'o zhes pa de bzhin gshegs pa'i gsung las so//'di nyid bsgom pa rnam pa gnyis te/ sngon du gzugs brnyan sgom pa dang / phyi nas gzugs brnyan bsgom pa'o/ /sngon du gzugs brnyan bsgom pa ni du ba la sogs pa'i mtshan ma gzugs brnyan gyi mthar thug par bsgom pa'o//phyi nas bsgom pa ni gzugs brnyan mthong ba nas b+ha gar ling+ga rab tu bkod de mchog tu mi 'gyur ba'i bde ba 'phel ba'i don du bsgom pa'o/ /slar yang bde ba chen po 'phel ba'i phyir las kyi phyag rgya dang ye shes kyi phyag rgya yongs su spangs te phyag rgya chen po bsgom par bya'o//'dir las kyi phyag rgya dang ye shes kyi phyag rgya bsgom pa dgag pa ni bcom ldan 'das kyis mchog gi dang bo'i sangs rgyas stong phrag bcu gnyis par gsungs so/ /de ltar yang bcom ldan 'das kyis gsungs pa/las kyi phyag rgya yongs dor zhing / /ye shes phyag rgya rnam spangs te/ /mchog tu mi 'gyur rnal 'byor gyis/ /phyag rgya chen po rnam bsgom bya/ /zhes pa de bzhin du sngon du las dang po pa'i bsgom pa ni/ ji srid byang chub sems 'dor ba//de srid rnal 'byor pas mi bya/ /rgyun mi 'chad par skye gnas la/ /mchog tu dga' ba thob par 'gyur/ /bde ba'i rang bzhin de nyid kyis/ /ji srid khu ba brtan pa'i phyir/ /rdzogs pa'i sangs rgyas gzugs brnyan gyi/ /bdag nyid rtag tu bsgom par bya//zhes pa ste rdo rje'i tshig 'di yang dbang bskur ba'i don gyis rtogs par bya'o/ /'dir shes rab dang thabs kyi bdag nyid kyi rgyud kyi rgyal po la byis pa rnams kyis rtogs par bya ba'i don du bcom ldan 'das kyis 'jig rten pa'i bden pas las kyi phyag rgya'i rjes su chags pa las byung ba dbang po gnyis las skyes par gyur pa'i bde ba shes rab ye shes so zhes gsungs pa yin gyis/de ni don dam pa'i bden pas ma yin no/ /gang gi phyir zhe na/ bzhi pa slar yang de bzhin no/ /zhes bcom ldan 'das kyi gsung las so/ /'dir byis pa'i skye bo rnams/gsum pa shes rab ye shes de nyid dbang bskur ba bzhi pa'o zhes smra bar 'gyur te des na brjod par bya'o/ /'dir gsum pa shes rab ye shes de nyid slar yang de bzhin gyi sgras bzhi par mi 'gyur ro/ /gal te gsum pa de nyid de'i tshe bskyar nas brjod na tshig zlos pa'i skyon du thal bar 'gyur ro//ci ste gsum pa ni rgyu yin zhing bzhi pa ni 'bras bu'o/ /rgyu dang 'bras bu dag la dbye ba med pa'i phyir bzhi pa yang gsum par grub po zhes pa'i byis pa rnams kyi tshig 'byung bar 'gyur ro/ /des na brjod par 'gyur ba 'di nyid bcom ldan 'das kyi gsung ma yin te sngar brjod pa'i don dam pa'i bden pa las so//gang gi phyir bcom ldan 'das kyis 'bras bu gsum bsgrub pa'i phyir phyag rgya gsum gsungs pa'i phyir ro/ /'dir sngags kyi tshul la 'bras bu rnam pa gsum ste/ 'dod pa dang gzugs dang thams cad mkhyen pa'i dngos grub kyi dbye bas so//de la las kyi phyag rgya'i dngos grub ni 'dod pa na spyod pa'i 'bras bu'o/ /ye shes kyi phyag rgya'i dngos grub ni gzugs na spyod pa'i 'bras bu'o/ /phyag rgya chen po'i dngos grub ni thams cad mkhyen pa'i 'bras bu'o//'dod chags dang bral ba rnams kyi gzugs med pa'i khams kyi 'bras bu ste phyag rgya gsum spangs pa'o/ /de'i phyir phyag rgya chen po sgrub pa la las kyi phyag rgya dang ye shes kyi phyag rgya ni rgyur mi 'gyur te/ las kyi phyag rgya dang ye shes kyi phyag rgya bsgom pa yongs su spangs pa'i phyir phyag rgya chen po bsgom pa'i nges pa'i phyir ro//'dir dbang po gnyis las skyes pa 'dzag pa ni 'dod pa na spyod pa'i bde ba'o/ /g.yo ba'i mtshan nyid ni gzugs na spyod pa'i bde ba ste bde ba chen por mi 'gyur ro/ /gsum pa'i rgyu las skyes pa 'dzag pa dang g.yo ba ni gsum pa'i 'bras bu'o//de ni sangs rgyas rnams kyis bzhi par ma gsungs te rgyu mthun pa'i 'bras bu nyid las so/ /'dir bzhi pa ni gsum pa'o zhes sangs rgyas pa rnams smra bar 'gyur te/ des na bcom ldan 'das kyis mchog gi dang po'i sangs rgyas su gsungs pa/'dod pa na spyod dngos grub ni/ /las kyi phyag rgyas bsgrub par bya/ /ye shes phyag rgyas gzugs khams kyi/ /'og min gnas kyi mthar thug par/ /yan lag phyag rgya che bsgoms pas/ /rnal 'byor chen pos kun mkhyen nyid/ /'gyur med bde ba'i rang bzhin bsgrub//skye ba 'dir ni sangs rgyas nyid/ /ces pa'o/ /de'i phyir mkhas pa rnams kyis 'di thams cad rgyud dang rgyud gzhan gyis rtogs par bya'o/ /'dir/ skyes pa rdo rje 'chang gzugs te/ /bud med rdo rje btsun mo'o/ /zhes rgyud dang rgyud gzhan gyis gang gsungs pa ni byis pa'i skye bo rnams rab tu gzhug pa'i don du'o//tshig des dbang po rnon po rnams kyis las kyi phyag rgya gzung bar mi bya ste/ 'di ltar phyag rgya chen mo gong ma'i yang gong ma'i tshig las snga ma'i tshig brdzun par 'gyur ba'i phyir ro/ /'dir shes rab kyi yan lag la 'jig rten pa dang 'jig rten las 'das pa'i bden pas dbang bskur ba bzhi'o//de rnams las gsum ni 'jig rten kun rdzob pa ste bzhi pa ni don dam pa'o/ /de yang rnal 'byor gyis rtogs par bya ste/ bla ma dam pa'i gdams ngag las don dam pa'i bden pas rtogs par bya'o//de bzhin du 'dus pa phyi mar bcom ldan 'das kyis gsungs pa/ dbang bskur rnam gsum tha dad pa/ /rgyud 'di ru ni rab tu bstan/ /dang po bum pa'i dbang yin te/ /gnyis pa gsang ba'i dbang du 'dod/ /shes rab ye shes gsum pa ste//bzhi pa de yang de bzhin no/ /zhes pa dang / de bzhin du kye yi rdo rjer yang / /slob dpon gsang ba shes rab dang / /bzhi pa de yang de bzhin no/ /zhes pa de ltar rgyud gnyis su dbang bskur ba bzhi ste/ dbang bskur ba'i rim pa brjod pa las so/ /de rnams re zhig dga' ba la sogs pa'i skad cig ma rnam par dpyad na 'gyur ba ma yin no//de bzhin du sgyu 'phrul dra bar yang / mkhas pa rnams kyis chu la sogs pa'i dbang bskur ba bdun so sor rtogs par bya'o zhes pa dang / de bzhin du dang po'i sangs rgyas su bcom ldan 'das kyis gsungs pa/chu dang cod pan dar dpyangs dang / /rdo rje dril bu brtul zhugs che/ /ming dang rjes gnang yang dag ldan/ /dbang bskur rnam bdun mi yi bdag /ces pa'o/ /de'i phyir dbang bskur ba bdun po rnams kyi gong ma ni bum pa'i dbang bskur ba'o/ /yang na so sor gong ma gsum po rnams kyi dang po ni slob dpon gyi dbang bskur pa'o//gnyis pa ni gsang ba'i dbang bskur ba'o/ /gsum pa ni shes rab ye shes kyi dbang bskur ba'o/ /gsum po de rnams kyi gong ma'i gong ma ni bzhi pa de yang de bzhin gyi dbang bskur ba ste 'jig rten las 'das pa'o//de ltar dbang bskur ba'i rim pa brjod pa las dbang bskur ba'i rim pa bzhi ste/ lus dang ngag dang sems dang ye shes rnam par dag pa'i don du bcom ldan 'das kyis gsungs so/ /'di rnams la bden pa gnyis ka las kyang dbang bzhi pa lhan cig skyes pa'i dga' ba ma yin par 'gyur ro//gal te gyur na de'i tshe dga' ba bzhi po rnams kyi rim par 'gyur ro/ /gal te de ltar dga' ba ni bum pa'i dbang du 'gyur ro/ /mchog tu dga' ba ni gsang ba'i dbang du 'gyur ro/ /dga' bral gyi dga' ba ni shes rab ye shes kyi dbang du 'gyur ro//lhan cig skyes pa'i dga' ba ni bzhi pa de yang de bzhin gyi dbang du 'gyur ro/ /de lta na dga' ba la sogs pa'i skad cig ma'i dbye bas dbang bskur ba rnams kyi go rims rnam par gzhag pa med par 'gyur ba'i phyir ma yin pa nyid do/ /'dir 'jig rten kun rdzob tu bum pas dbang bskur ba ni slob dpon gyi dbang bskur ba'o//gsang bar blta bas bdud rtsi myang ba ni gsang ba'i dbang bskur ba'o/ /las kyi phyag rgya gtad pas dbang po gnyis las skyes bar 'gyur ba'i bde ba rtogs pas shes rab ye shes kyi dbang bskur ba'o//nor bu'i nang du chud pa'i byang chub sems kyi bde ba rtogs pas bzhi pa shes rab ye shes kyi dbang bskur ba'o zhes pa 'jig rten pa'i bden pas drang ba'i don gyis dbang bskur ba'i cho ga rnam pa bzhi'o/ /don dam pas ni slar yang 'di phyin ci log pa dang don med pa'o/ / 'dir gal te dang por bum pa'i dbang bskur ba na slob ma slob dpon du gyur na/ de'i tshe gsang ba dang shes rab ye shes dang bzhi pa la yang ji zhig 'byung bar 'gyur/ slob dpon nyid ni rdo rje 'chang gi ming ste/ de ji ltar dang po bum pa'i dbang gis dbang bskur bas slob dpon zhes bya/de'i phyir 'di ni gang zhig byis pa'i skye bo rnams kyi 'khrul pa ste rigs pas mi 'thad pa'i phyir ro/ /'dir rgyud gzhan dang dgongs pa'i skad gzhan dang nges pa'i don gyis slar yang bum pa'i sgras nus ma brjod de/ de la reg pa las 'gyur ba'i bde ba gang yin pa ni bum pa'i dbang bskur ba'o//gsang bar rdo rje spros pa las 'gyur ba'i bde ba gang yin pa de ni gsang ba'i dbang bskur ba'o/ /dbang po gnyis snyoms par zhugs pa na gang zhig 'dzag pa'i bde ba de ni shes rab ye shes kyi dbang bskur ba'o/ /phyag rgya chen po'i rjes su chags pas gang zhig 'gyur ba med pa'i bde ba de ni bzhi pa de yang de bzhin gyi dbang bskur ba'o//de ltar 'jig pa dang 'gyur pa dang 'dzag pa dang 'gyur ba med pa'i dbye bas dbang bskur ba rnam pa bzhi'o/ /'dir dbang bskur bar byed pa ni dbang ste/ bde ba'i sems dang ldan par byed pa'i phyir ro zhes pa'i don to//'dir bcom ldan 'das kyis mchog gi dang po'i sangs rgyas su gsungs pa/ dang por dbang bskur bdun po gang / /byis pa rnams ni gzung phyir ro/ /rnam gsum 'jig rten kun rdzob ste/ /dam pa'i don gyis bzhi pa'o/ /bum pa gsang ba'i dbang bskur dang //shes rab ye shes zhes bya dang / /slar yang shes rab chen po dang / /de ni ye shes su brjod do/ /'gyur dang 'gyur dang de nas 'dzag /de nas 'gyur ba med pa mchog /dbang bskur gsum gyi rim pa yis/ /lus ngag sems ni yang dag sbyor/ / bzhi pa ye shes dag pa ste/ /lus ngag sems ni sbyong ba'o/ /zhes pa ste/ de ltar dbang bskur ba bzhi'o/ /'di rnams kyi dbang bskur ba re re la dga' ba bzhi bzhi'o/ /dga' ba re re la lus dang ngag dang sems dang ye shes kyi dbye bas gnas skabs bzhi ste thig le bzhi'i dbye bas so/ / de ltar cha bcu drug gi dbye bas dbang bskur ba so so la dga' ba bcu drug ste lus dang ngag dang sems dang ye shes kyi thig le'i dbye bas bzhi'o/ /de'i phyir dkar po'i lnga pa ni dga' ba'o/ /bcu pa ni mchog tu dga' ba'o/ /nya ni dga' bral gyi dga' ba'o/ /cha bcu drug pa ni lhan cig skyes pa'i dga' ba ste/dpral ba dang mgrin pa dang snying ga dang gsang bar khu ba bgrod pas zhes pa dang / gsang ba las rdo rje nor bu'i nang du bgrod pas lhan cig skyes pa'i dga' ba zhes pa'o/ /de nas nag po'i tshes gcig 'ongs pa na khu ba nyams par 'gyur te/ de'i phyir lnga pa ni dga' ba zad pa'o//bcu pa ni mchog tu dga' bzad pa'o/ /gnam stong ni dga' bral gyi dga' ba zad pa'o/ /gnam stong gi mthar bcu drug pa ni zla ba'i cha nyams pa lhan cig skyes pa'i dga' ba zad pa ste/ gsang ba dang snying ga dang dpral ba dang khu ba nyams pas chags bral dang /gtsug tor du zla ba'i cha byang chub kyi sems nyams pa ni chags bral chen po'o/ /pad+mar rdo rje lhung ba las lus kyi khams zad pa'o/ /de ltar 'khor ba pa rnams kyi chags pa dang chags bral rab tu 'jug pa des na 'khor ba'o/ /de'i phyir phyag rgya chen po'i dngos grub kyi don du las kyi phyag rgya dang ye shes kyi phyag rgya spangs te/yid byang chub kyi sems nang du chud pas 'dod pa'i dngos grub phyag rgya chen po bsgom par bya'o zhes pa ste/ dpral bar zla ba zhu ba rdo rje nor bur bzung bas bya rog gdong can a wa d+hU tIr yid nang du chud pas 'dod pa'i dngos grub bsgom par bya'o zhes pa de bzhin gshegs pa'i nges pa'o//de bzhin du bcom ldan 'das kyis sgyu 'phrul dra ba stong phrag bcu drug par/ chags bral dang po chags pa che/ /kha dog sna tshogs 'bar ba'i 'od/ /rdo rje skyil krung rdzogs sangs rgyas/ / sangs rgyas 'gro ba'i chos 'dzin pa/ /zhes pa dbang bskur ba'i rdo rje'i tshig bshad par bya'o/ /'dir chags bral ni nag po'i phyogs te sngar brjod do/ /de'i dang po ni gang zhig chags pa chen po ste/ de ni/ chags bral dang po chags pa che/ /zhes pa 'bras bu mang pos nges par bstan pa'o//de bzhin du de'i chos mi mthun pas cha bco lnga'i bdag nyid can dkar po'i phyogs ni chags pa'o/ /de'i mthar chags pa chen po ste cha bcu drug pa zhes so/ /rdo rje skyil krung rdzogs sangs rgyas/ /zhes pa rdo rje rdzogs sangs rgyas ni langs pa ste skyil krung ni gdan no//byang chub kyi sems rdo rje gang gi rdo rje skyil krung rdzogs sangs rgyas ni nor bu'i nang du pad+ma chud pa la gnas pa'i don te/ byang chub kyi sems 'gyur ba med pa'i phyir ro/ /sangs rgyas 'gro ba'i chos 'dzin pa/ /zhes pa sku dang gsung dang thugs dang ye shes kyi thig le bzhi 'dzin pa'o zhes pa ste 'di ni 'chad par 'gyur bar brjod par bya'o//de bzhin du kye'i rdo rjer bcom ldan 'das kyis gsungs pa/ zla bar gyur pa byang chub sems/ /bco lnga cha yi bdag nyid can/ /bde ba chen po A li'i gzugs/ /rnal 'byor ma rnams de yi cha/ / zhes pa'o/ /'di yang dbang bskur ba'i rdo rje'i tshig ste bshad par bya'o/ /'dir tshes gcig la sogs pa ji srid dkar po lnga'i bar tshes lnga rnams bdag med ma la sogs pa'i rnal 'byor ma phung po lnga rnam par dag pa ste dang po'i dga' ba'i 'khor lo'o/ /de bzhin du drug pa la sogs pa ji srid bcu'i bar tshes lnga rnams puk+ka sI la sogs pa'i rnal 'byor ma khams lnga rnam par dag pa ste gnyis pa mchog tu dga' ba'i 'khor lo'o//de bzhin du bcu gcig pa la sogs pa ji srid nya'i bar tshes lnga rnams gau rI la sogs pa'i rnal 'byor ma yul lnga rnam par dag pa ste/gsum pa dga' bral gyi dga' ba'i 'khor lo'o/ /de'i mthar lhan cig skyes pa'i dga' ba kye'i rdo rje bcom ldan 'das stong pa las stong pa byang chub kyi sems kyi cha bcu drug pa'o zhes pa dbang gi don no/ /de bzhin du bcom ldan 'das kyis gsungs pa/dang po dga' bar rab tu brjod/ /mchog tu dga' ba gnyis pa ste/ /dga' bral dga' ba gsum pa'o/ /lhag ma lhan cig skyes dga' nyid/ /ces pa de lta bu la sogs pa ni dbang gi don no/ /'dir lha mo lnga lnga'i 'khor lo gsum gyi mthar bzhi pa lhan cig skyes pa'i dga' ba byang chub kyi sems kyi cha bcu drug pa 'jig rten kun rdzob tu bcom ldan 'das kyis gsungs pa'o//de bzhin du sgyu 'phrul dra bar bcom ldan 'das kyis gsungs pa/ rnam pa thams cad rnam pa med/ /bcu drug phyed phyed thig le 'chang / /cha med cha las 'das pa ste//bsam gtan bzhi pa'i rtse mo 'chang / /zhes pa dbang bskur ba'i rdo rje'i tshig 'di bshad par bya ste/ rnam pa thams cad rnam pa med/ /ces pa ni rgyu ste sngar brjod pa'i sangs rgyas kyi gzugs brnyan zhes pa'o/ /bcu drug phyed phyed thig le 'chang / / zhes pa ni 'bras bu ste byang chub kyi sems zhu ba'i thig le bzhi 'dzin pa'o/ /cha med pa ni bco lnga'i mthar gnas pa'o/ /cha las 'das pa ni nag po'i tshes gcig la ma zhugs pa'o/ /bsam gtan bzhi pa'i rtse mo 'chang / /zhes pa lhan cig skyes pa'i dga' ba'i mtha' 'chang ba'i zhes pa de bzhin gshegs pa'i nges pa'o//de ltar na dbang bskur ba gsum pa de nyid bzhi par mi 'gyur ro/ /de bzhin du mkha' 'gro ma rdo rje gur du/ bcom ldan 'das kyis dbang bskur ba gsum pa las bzhi pa tha dad par gsungs pa/ bum pa'i dbang ni dang po ste//gnyis pa gsang ba'i dbang du 'dod/ /shes rab ye shes gsum pa ste/ /de ni ji ltar de bzhin min/ /zhes pa dang / de bzhin du slar yang de nyid kyi le'u bco lnga par/ chu yi dbang ni dang po ste/ /cod pan dbang bskur gnyis pa'o/ /gsum pa dang dpyangs dbang bskur te/ / rdo rje dril bus bzhi pa'o/ /lnga pa rang gi bdag po nyid/ /ming gi dbang ni drug pa ste/ /sangs rgyas rjes gnang bdun par 'dod/ /brgyad pa bum pa'i dbang yin te/ /gsang ba'i dbang ni dgu pa yin/ /shes rab dbang bskur bcu pa'o/ /de nyid rdo rje'i rab sbyor gyis/ /rdo rje brtul zhugs kun sbyin zhing //rang nyid ston pa lung ston pa/ /'di ni dbang bskur chog yin/ /slob dpon brnyas par mi bya zhing / /bde gshegs bka' las 'da' mi bya/ /zhes pa de ltar de nyid rdo rje'i rab sbyor gyis zhes pas gtso bor dbang bcu gcig pa bcom ldan 'das kyis rab tu gsal ba'i gsung las mkhas pa rnams kyi dbang bzhi pa'am bcu gcig pa tha dad par rtogs par bya'o//de ltar thar pa 'dod pa rnams kyis thams cad du bla ma dam pa'i nye bar bstan pa dang mang du thos pa dang / /rgyud ni rgyud gzhan gyis rtogs par bya'o zhes pa ste/ phyag rgya chen po bsgom pa'i dbang bskur ba'i cho gas yid ni nang du chud pas zhes bcom ldan 'das kyis gsungs pa'o//da ni rang rdzas zhes pa la sogs pas bde ba chen po'i mchod pa brjod par bya'o/ /'dir shes rab dang thabs kyi rgyud las mchod pa rnam pa gnyis te/ phyi rol gyi mchod pa dang nang gi mchod pa'o/ /de la phyi rol gyi mchod pa ni nye bar spyod pa lnga la sogs pa rnams dang / bdud rtsi lnga dang sgron ma lnga la sogs pa rnams kyis phung po dang khams la sogs pa rnams yang dag par tshim par byed pa'o/ /nang gi mchod pa ni rang rdzas thig les mchod par bya ste/gsang ba dang lte ba dang snying ga dang mgrin pa dang dpral bar son pa'i thig le bzhi po rnams kyis rgyu mthun pa dang rnam par smin pa dang / /skyes bu'i byed pa dang dri ma med pa'i rang bzhin rnam pa sna tshogs pa dang rnam par smin pa dang rnam par nyed pa dang bum pa bzang po dang g.yas dang g.yon du dung dang pad+ma rnams dmar po'o//nub tu byang chub kyi shing dang / g.yas dang g.yon du mi'am ci dang mi'am ci mo rnams ser po'o/ /byang du duM du b+hi dang g.yas dang g.yon du dbyug pa dang thob dkar po'o/ /pad+ma'i 'dab ma kha dog lnga ste de nyid la mchod pa'i rdzas rnams dgod do//sa'i dkyil 'khor ser po'o/ /de'i dbang ldan mtshams su zla ba'i dkyil 'khor gang ba cha bcu gnyis pa'o/ /bden bral mtshams su nyi ma'i dkyil 'khor nub bzhin pa'o/ /chu'i dkyil 'khor dkar po'o/ /me'i dkyil 'khor dmar po'o/ / rlung gi dkyil 'khor nag po'o/ /de dag gi dbus su cha nyi shu rtsa bzhi la 'khor lo rtsibs brgyad pa'i dur khrod brgyad bri bar bya'o/ /de rnams kyi phyogs rnams dmar po mtshams rnams dkar po'o/ /shar dang nub kyi 'khor lo'i phyi rol du stong pa'i dkyil 'khor dag go/ /de yang de dag ni sgrub thabs kyi le'ur gsungs pa ltar ro//'khor lo bcu la mtshan ma gri gug bri bar bya'o/ /rlung gi dkyil 'khor la mtshan ma sna tshogs dgod par bya'o/ /nam mkha'i dkyil 'khor gyi kha dog sngon po'o/ /de nyid kyi phyogs gnyis su cha gsum gsum pa tsam bskor bar bya'o/ /dbus kyi cha drug la rdo rje'i ra ba'o//ma ri'i phreng ba kha dog lnga'o/ /thugs kyi dkyil 'khor gyi shar gyi rdul tshon nag po'i dpangs la nas kyi rkang pa gcig go/ /lho phyogs kyi dmar po la rkang pa gnyis so/ /nub phyogs kyi ser po la bzhi'o/ /byang phyogs kyi dkar po la gsum mo/ /rtsig pa'i tshon rnams ni ser po'i sum 'gyur du bya ba ste rdo rje'i rab la yang ngo //re khA gzhan rnams ni tshon ser po nyis 'gyur ro/ /pad+ma rnams ni snam bu rnams kyi nyis 'gyur ro/ /zla ba dang nyi ma rnams ni pad+ma rnams kyi nyis 'gyur ro/ /de ltar gsungs pa rnams kyi nyis 'gyur gsung gi dkyil 'khor la'o/ /de nyid kyi nyis 'gyur sku'i dkyil 'khor la ste/kra ma shIR+Sha'i phyi rol gyi mchod pa'i sa gzhi la nas gcig go/ /sa'i dkyil 'khor la sogs pa rnams rdo rje'i ra ba dang me ri rnams kyi dpangs su sku'i rtsig pa'i tshad kyis so/ /sa gzhi gzhan rnams la tshon sum 'gyur ro/ /de ltar gtso bo'i pad+ma'i lte bar lte ba dang mnyam pa'i steng du dkar po dang /dmar po dang / nag po dang / dmar po'i zla ba dang nyi ma dang sgra gcan dang dus me rnams la rdo rje rtse mo gsum pa bcom ldan 'das dus kyi 'khor lo'o/ /shar gyi 'dab ma la spos snod nag po'o/ /lho phyogs su mar me dmar po'o/ /nub phyogs su dung ser po'o/ / byang phyogs su lha bshos dkar po'o/ /me mtshams la sogs par rnga yab nag po dang / dmar po dang / ser po dang / dkar po rnams so/ /de'i phyi rol gyi dbang ldan du chos kyi dung dkar po'o/ /me ru yid bzhin gyi nor bu nag po'o/ /bden dral du chos kyi gaN+DI dmar po'o/ /rlung du dpag bsam gyi shing ser po'o//'phar ma gnyis pa'i shar phyogs kyi pad+ma dkar po dang nyi ma dmar po'i steng du ral gri nag po'o/ /me mtshams su pad+ma dmar po dang zla ba'i steng du ut+pal sngon po'o/ /lho phyogs su rin po che cha dgu ba dmar po'o/ /bden bral du pad+ma dmar po'o/ /nub phyogs su 'khor lo ser po'o/ rlung du 'khor lo ser po'o/ /byang du pad+ma dkar po'o/ /dbang ldan du ut+pal dkar po'o/ /'phar ma gsum pa'i sgo so so'i logs rnams la pad+ma brgyad de/ /de rnams la drug la nyi ma'o/ /nub dang byang gi g.yon gyi phyogs la zla ba'o/ /zur rnams kyi pad+ma la zla ba bzhi'o/ /de rnams kyi dbang ldan nas brtsams te/me long dang / rdo rje dang / ral gri dang / gos dang / rdo rje dang / rin po che dang / bdud rtsi'i snod dang / chos 'byung dang / 'khor lo dang / dri'i dung dang / pi wang dang pad+ma rnams dkar po dang / nag po dang / nag po dang / ljang gu dang / dmar po dang / dmar po dang / ljang gu dang / ser pa dang / ser po dang / sngon po dang / dkar po rnams so/ /shar gyi sgo la pad+ma dang nyi ma'i steng du ral gri nag po'o/ /lho phyogs su dbyug pa dmar po'o/ /nub phyogs su pad+ma ser po'o/ /byang phyogs su tho ba dkar po'o/ /de rnams las nyi ma'i dkyil 'khor rnams kyi pad+ma dkar po rnams so/ / zla ba'i dkyil 'khor rnams kyi pad+ma dmar po rnams so/ /shar phyogs kyi 'dod yon gyi rta babs ka ba'i 'og gi g.yon du dung nag po'o/ /g.yas su me tog gi phreng ba sngon pa'o/ /lho phyogs su spos snod dang mar me dmar po'o/ /nub phyogs su cod pan dang mu tig gi phreng ba ser po'o/ /byang ba de'i tshe/bla ma'i man ngag ces bya ba de ci zhig /de'i phyir dgongs pa'i skad gzhan la sogs pa thams cad bla ma'i man ngag gis rig par bya'o/ /yang na byang chub sems dpas mdzad pa'i 'grel bshad kyis rtogs par bya'i/ gzhan mkhas pa'i mngon pa'i nga rgyal dang ldan pa rnams kyis byas pa ni ma yin no//des na 'dir bsam gtan zhes pa la sogs pas yan lag gzhan gsum rtogs par bya ste/ rgyud gzhan du gsungs pa'i yan lag drug po rnams 'dir mdor bya ste yan lag gsum po rnams kyis rtogs par bya'o/ / 'dir 'dus pa phyi mar bcom ldan 'das kyis gsungs pa/ so sor sdud dang bsam gtan dang / /srog rtsol de bzhin 'dzin pa dang / /rjes su dran dang ting nge 'dzin/ /sbyor ba yan lag drug tu 'dod/ /ces pa'o/ /de'i phyir bsam gtan gyi sngon du so sor sdud pa rig par bya'o//sngags bzlas pa'i sngon du srog rtsol rig par bya'o/ /'dir sngags bzlas pa'i sgras ma ning gi bzlas pa'am rdo rje'i bzlas pa ste srog 'dzin par brjod do/ /bde ba'i sngon du rjes su dran par rig par bya ste 'dir bde ba'i sgras ting nge 'dzin brjod do/ /de ltar yan lag drug po 'di rnams kyis rnal 'byor pas sangs rgyas nyid 'grub par 'gyur ro//thun mong gis phyi rol gyi rnal 'byor pas 'jig rten pa'i dngos grub 'grub par 'gyur ro/ /las dang po pa byis pa'i rnal 'byor pa rnams kyi 'jig rten pa'i dngos grub ni 'bras bu ste/ sngags bzlas pa dang bsam gtan dkyil 'khor gyi 'khor lo la sogs pa rnam par rtog pa'i bsgom pa'i sems dang bde ba las kyi phyag rgya dang ye shes kyi phyag rgya 'dzag pa dang g.yo ba'i bde ba 'jig rten pa'i bden pas 'og min gyi gnas kyi mthar thug pa'o/ /de ltar gnyis ka'i rim pas 'jig rten pa dang 'jig rten las 'das pa'i rnal 'byor pa nyid 'grub par 'gyur ro//'dir 'jig rten las 'das pa'i rnal 'byor pa nyid yan lag drug gi sbyor bas 'grub par 'gyur ba ji lta ba de bzhin du brjod par bya'o/ /'dir so sor sdud pa zhes bya ba ni gzugs la sogs pa phyi rol gyi yul rnams mig la sogs pa'i dbang po rnams kyis mig gi rnam par shes pa la sogs pa rnams mi 'jug par nang gi yul rnams dang lha'i mig gi dbang po la sogs pa rnams kyis lha'i mig gi rnam par shes pa la sogs pa rnams 'jug pa ste/nang du stong pa nyid la dmigs pas stong pa la ma brtags pa'i dngos po thams cad mthong ba ni/ pra phab pa'i me long lo gzhon nu mas mthong ba ltar khams gsum pa'i sangs rgyas kyi gzugs brnyan mthong ba las so sor sdud pa'i yan lag tu brjod do/ /de nas bsam gtan zhes bya ba ni/yod pa'i dngos po thams cad stong par mthong ba rnams la shes rab ces bya ba ni dngos po de rnams la sems 'jug pa'o/ /rtog pa zhes bya ba ni sems kyi dngos po 'dzin pa'o/ /dpyod pa zhes bya ba ni 'dzin pa'i dngos po rtogs pa'o/ /dga' ba zhes bya ba ni dngos po thams cad la sems gnas pa'o//bde ba zhes bya ba ni dngos po thams cad las g.yo ba med pa'i bde ba phun sum tshogs pa'o zhes pa de ltar bsam gtan gyi yan lag lnga brjod do/ /de nas srog rtsol zhes bya ba ni la la nA dang ra sa nA g.yon pa dang / g.yas pa'i lam 'gags pa las dbu ma a wa d+hU tI'i lam du srog gi rlung rtag tu 'jug pa dgang ba dang bum pa can dang dbyung ba'i sbyor bas a wa d+hU tIr oM yig gis 'byung ba dang hUM yig gis 'gog pa dang AHyig gis 'jug pa zla ba dang sgra gcan dang nyi ma'i rang bzhin gyis rnal 'byor pas goms par bya'o zhes pa srog rtsol gyi yan lag brjod do//de nas 'dzin pa zhes bya ba ni lte ba dang snying ga dang mgrin pa dang dpral bar dbang chen dang chu dang me dang rlung gi dkyil 'khor la srog zhugs pa'i phyi rol du 'gro ba med par thig le la srog gnas pa zhes pa 'dzin pa'i yan lag brjod do//de nas rjes su dran pa zhes bya ba ni rang gi 'dod pa'i lha mthong ba gzugs kyi rnam pa rnam par rtog pa dang bral ba'o/ /de las 'od zer du ma 'phros pa'i rang bzhin 'od kyi dkyil 'khor te/ de las rnam pa du ma 'phro ba'i rang bzhin khams gsum par spro ba zhes pa rjes su dran pa'i yan lag tu brjod do//de nas ting nge 'dzin zhes bya ba ni 'dod pa'i lha la rjes su chags pa las gang zhig 'gyur ba med pa'i bde ba thob pa ste/ /de la gcig tu gyur pa'i sems gzung ba dang 'dzin pa dang bral ba ni de bzhin gshegs pa rnams kyis ting nge 'dzin gyi yan lag tu brjod do//'dir yan lag drug gi rnal 'byor mdor bsdus pas gsungs pa ste/ rgyas par mngon par brjod pa 'bum pa'am/ mchog gi dang po'i sangs rgyas su bla ma dam pa'i man ngag nye bar bstan pas phyag rgya chen po'i dngos grub kyi phyir rnal 'byor pas rtogs par bya'o//'dir yan lag drug gi dang po'i lam bsgom pa'i yan lag gdams ngag rgyud gzhan rnams su yang gsungs te/ 'dir dpal 'dus pa phyi mar bsnyen pa dang nye ba'i sgrub pa dang sgrub pa chen po zhes pa'o/ /de nyid bcom ldan 'das kyis gsungs pa/bsnyen pa'i dus na gtsug tor che'i/ /gzugs brnyan 'bad pas rnam bsgom bya/ /nye bar bsgrub pa'i dus su ni/ /bdud rtsi 'khyil pa'i gzugs brnyan no/ /rnal 'byor brtson pas bsgrub pa la/ /lha yi gzugs brnyan bsgom bya ste/ /sgrub pa chen po'i dus su ni//sangs rgyas mnga' bdag gzugs brnyan no/ /zhes pa'o/ /'dir dgongs pa'i skad gzhan gyis gtsug tor chen po'i gzugs brnyan khams gsum pa ma lus pa'i sangs rgyas kyi gzugs te nam mkha'i chos 'byung la thugs rdo rje rab tu bzhag nas bsnyen pa'i dus na zhes pa dus dang por so sor sdud pas bsgom par bya zhing bsam gtan gyi yan lag gis brtan par bya'o//'dir bcom ldan 'das kyis dam bca' ba ni/ bsam pa thams cad yongs spangs te/ /nyi ma gcig ni yongs su brtag /gal te rtags ni ma byung na//de tshe nga yi brdzun tshig yin/ /zhes pa'o/ /'dir rtags ni du ba la sogs pa'i mtshan ma ste gzhan sngags la sogs pa nyi ma gcig gis 'grub par mi 'gyur bas/ gang gis sngags pas rtags 'byung bar 'gyur/ de'i phyir yod pa dang med pa'i blo yongs su spangs te zhen pa med par byas nas zab mo stong pa dmigs pa med pa bsgom pa ste/rnal 'byor pas du ba la sogs pa'i rtags 'byung ba mthong bar 'gyur ro zhes pa de bzhin gshegs pa'i nges pa'o/ /de bzhin du/ byed pa bcing ba'i sbyor ba yis/ /sa gsum po ni bsgrub par bya//zhes pa byed pa mig la sogs pa rnams kyis sa gsum du sangs rgyas kyi gzugs brnyan bsgrub par bya ste/ de'i nye bar bstan pa ni bla ma'i zhal las rtogs par bya'o/ /'dir bla ma'i nye bar bstan pas nam mkha' la rnal 'byor pas dang po du ba mthong ste smig rgyu ni ma yin no zhes rang gis nyams su myong bas shes par bya'o//de'i phyir na smig rgyu ste du ba la sogs pa de nyid rtog pa dang bral ba pra phab pa lta bu'o/ /de ltar du ba ni mtshan ma dang po'o/ /smig rgyu ni mtshan ma gnyis pa'o/ /mkha' snang ni mtshan ma gsum pa'o//sgron ma ni mtshan ma bzhi pa'o/ /sprin med pa'i nam mkha' lta bu ni mtshan ma lnga pa'o zhes pa 'dus pa phyi ma dang mkha' 'gro ma rdo rje gur du yang bcom ldan 'das kyis gsungs so/ /de las gzhan yang mkha' 'gro ma rdo rje gur du bcom ldan 'das kyis gsungs pa/ phyi nas sgyu ma'i rnam pa ste/ /rmi lam rnam pa skad cig las/ /de ni thams cad mkhyen pa'i rgyu/ /dngos grub nye bar gyur pa'o/ /zhes pa la sogs pa'o/ /de'i phyir bcom ldan 'das kyis gsungs las/ dang por du ba la sogs pa'i mtshan ma ni bsgom pa'i dus na rtags su 'gyur ro//kha cig grub pa'i dus na zhes smra ba de rnams thams cad ni bcom ldan 'das kyi dam bca' ba nyams par byed pa ste/ bsam pa thams cad yongs spangs te/ /nyi ma gcig ni yongs su brtag /ces pa'i bcom ldan 'das kyi bka' sun 'byin pa'o/ /grub pa'i dus na gang zhig 'jig rten pa'i du ba la sogs pa dang sgyu ma dang rmi lam lta bu de ni mtshan mar mi 'gyur te/dngos su 'bar ba dang du ba la sogs pas bsreg pa'i bya ba nus pa'i phyir ro/ /de bzhin du gur gum dang me tog dang rin po che dang gser gyi char yang ngo / /de'i yan lag drug gi rnal 'byor las du ba la sogs pa'i mtshan mar 'gyur ro zhes pa'o//de bzhin du yang mkha' 'gro ma rdo rje gur du bcom ldan 'das kyis gsungs pa/ yan lag drug bsgom de las ni/ /slar yang rang byin brlab pa ste/ /rjes mthun cho ga'i rim pa yis/ /phyi nas mtshan ma mtshon par bya/ /zhes pa ste/ 'dir rang byin brlab pa zhes bya ba ni so sor sdud pas kun rdzob pa'i stong pa nyid mthong ba'o/ /mtshan ma zhes bya ba ni sprin dang du ba la sogs pa ltar snang ba ste de yang sgron ma'i mthar thug pa dang po mthong ba'o/ /de nas sprin med pa'i nam mkha' dri ma dang bral ba'o/ /rgyud rnams su gzhan 'bar ba la sogs pa'i thig le'i mthar thug pa mtshan ma rnam pa drug ste/bcom ldan 'das kyis sgyu 'phrul dra ba'i ting nge 'dzin dra ba'i le'ur gsungs pa 'di lta ste/ nam mkha' las byung rang byung ba/ /shes rab ye shes me bo che/ /'od chen rnam par snang bar byed/ /ye shes snang ba lam me ba//'gro ba'i mar me ye shes sgron/ /gzi brjid chen po 'od gsal ba/ /rig pa'i rgyal po sngags dbang po/ /gsang sngags rgyal po don chen byed/ /ces pa tshigs su bcad pa gnyis kyis sgyu 'phrul dra bar mtshan ma gzhan bcom ldan 'das kyis dgongs pa'i skad gzhan gyis gsungs te/sngar brjod pa'i sprin med pa'i nam mkha' las byung ba'i snang ba gang yin pa de ni rnam par rtog pa thams cad dang bral ba'i sems las nam mkha' las byung rang byung ba'o/ /'dir/ shes rab ye shes me bo che/ /zhes pa 'bar ba ltar snang ba'o/ /'od chen rnam par snang bar byed//ces pa zla ba ltar snang ba'o/ /de nyid/ ye shes snang ba lam me ba/ /zhes pa'o/ /'gro ba'i mar me zhes pa nyi ma ltar snang ba'o/ /ye shes sgron zhes pa sgra gcan ltar snang ba'o/ /gzi brjid chen po 'od gsal ba/ /zhes pa glog ltar snang ba'o/ /rig pa'i rgyal mchog sngags dbang po//zhes pa thig le ltar snang ba ste kha dog sngon po zla ba'i dkyil 'khor gyi rnam pa'o/ /gsang sngags rgyal po don chen byed/ /ces pa khams gsum pa'i rang bzhin gyi snang ba rnam pa thams cad sgyu ma dang rmi lam dang pra phab pa lta bur so sor sdud pas mig gi dbang po'i byed pas rnal 'byor pas mthong bar 'gyur ro//de nas srog rtsol gyis bcings pa ste/ byed pa 'di rnams kyis bcings pa'i sbyor bas 'dod pa dang gzugs dang gzugs med pa'i mtshan nyid brtan pa dang g.yo ba'i rang bzhin can sa gsum po ni bsgrub par bya zhes pa'o/ /de bzhin du bcom ldan 'das kyis mkha' 'gro ma rdo rje gur du gsungs pa/'jig rten khams ni thams cad du/ /ji srid rdo rje'i lus dang ldan/ /khams gsum rgyu bcas mi rgyu ba/ /ma lus lus pa med par 'grub/ /ces pa yan lag drug bsgoms pas so zhes pa bcom ldan 'das kyi nges pa'o/ /de bzhin du dpal 'dus par bcom ldan 'das kyis gsungs pa/dngos po med la sgom pa med/ /sgom pa bsgom pa nyid ma yin/ /de ltar dngos po dngos po min/ /sgom pa dmigs par mi 'gyur ro/ /zhes pa'o/ /'dir dngos po med pa sprin med pa'i nam mkha' la sgom pa ni so sor sdud pa ste de nyid dngos po med la sgom pa med//ces pa'o/ /sgom pa bsgom pa nyid ma yin/ /zhes pa 'dir so sor sdud pa sgom pa ni dngos po med pa sprin med pa'i nam mkha' la'o/ /de ni sgom pa nyid ma yin par 'gyur te rnam par rtog pa'i sgom pa dang bral ba'i phyir ro zhes pa'o/ /dngos po med pa la gang zhig so sor sdud pas mthong pa de ni dngos po dngos po min te/rnam par ma brtags pa 'das pa dang ma 'ongs pa dang da ltar byung ba'i dngos bo med pa mthong ba'i phyir ro zhes pa'o/ /de'i phyir so sor sdud pa'i sgom pa la rnam par rtog pa'i sgom pa dmigs par mi 'gyur ro zhes pa bcom ldan 'das kyis gsungs so//sgom pa 'di ni bcom ldan 'das kyis shes rab kyi pha rol tu phyin par yang gsungs pa 'di lta ste/ de nas lha rnams kyi dbang po brgya byin gyis tshe dang ldan pa rab 'byor la 'di skad ces smras so/ /'phags pa rab 'byor 'dir shes rab kyi pha rol tu phyin pa la rnal 'byor du byed pa des ji ltar bslab par bya/rab 'byor gyis smras pa/ kau shi ka gang nam mkha' la rnal 'byor du byed pa de shes rab kyi pha rol tu phyin pa la rnal 'byor du byed pa'o/ /kau shi ka gang bla gab med pa la rnal 'byor du byed pa de shes rab kyi pha rol tu phyin pa la bslab par bya'o zhes pa phyag rgya chen po sgom pa pra phab pa dang sgyu ma dang mtshungs pa sprin med pa'i nam mkha' la snang ba bcom ldan 'das kyis gsungs so//de ltar so sor sdud pa dang bsam gtan gyis bsnyen pa'i yan lag brjod do/ /de nas bdud rtsi 'khyil ba'i gzugs brnyan gyi ming can dgongs pa'i skad gzhan gyis rlung gsungs so//de yang rnam pa lnga ste/ de bzhin du 'dus pa phyi mar bcom ldan 'das kyis gsungs pa/ rin chen lnga yi rang bzhin dbugs/ /sangs rgyas lnga yis byin brlabs pa/ /gong bu'i gzugs kyis phyung nas ni/ /sna yi rtse mor rnam bsgom bya//zhes pa ste 'dir rin po che lnga'i sgras ra sa nAr dkyil 'khor lnga'i chos can sa la sogs pa khams lnga po rnams so/ /de'i rang bzhin gyi dbugs ni rin chen lnga'i rang bzhin dbugs te sna bug g.yas pa la'o/ /de bzhin du sangs rgyas lnga ni la la nA dkyil 'khor lnga'i chos can rnam par shes pa la sogs pa'i phung po lnga po rnams so//des byin gyis brlabs pa'i dbugs ni sna bug g.yon pa la'o/ /gong bu'i gzugs kyis phyung nas ni/ /zhes pa 'dir gong bu'i g.yas pa dang cig shos kyi dkyil 'khor rnams kyi srog gi rlung dbu ma a wa d+hU tIr gcig pa nyid do//de yang srog gi rlung / /gong bu'i gzugs kyis phyung nas ni/ /sna yi rtse mor rnam bsgom bya/ /zhes pa 'dir sna'i sgras lte ba dang snying ga dang mgrin pa dang dpral ba dang gtsug tor gyi pad+mar brjod de de'i rtse mor bsgom par bya'o/ /sna yi rtse mor rnam bsgom bya'o/ /lte ba'i dbus su g.yas pa dang cig shos kyi pad+ma'i 'dab mar gnas pa zhes pa'o//de ltar de rnams kyis thig le'i gnas su gong bu'i gzugs kyis srog 'gags pa de ni 'dzin par brjod do/ /de ltar yan lag gnyis kyis nye bar bsgrub pa ste/ bdud rtsi 'khyil pa'i gzugs brnyan gyis//zhes pa'o/ /nye ba'i sgrub pa de nyid rdo rje'i bzlas pa zhes brjod de/ dbu mar dbyer med pa'i yan lag gis bzlas par bya'o zhes pa g.yon pa dang g.yas pa'i rtsa la srog gi rgyu ba med pa'o/ /gtsug tor gzugs brnyan mthong ba na/ /phyi nas sngags pas srog rtsol bya//zhes pa bla ma'i nye bar bstan pa dang dgongs pa'i skad gzhan gyis rtogs par bya'o zhes pa ni srog rtsol dang 'dzin pa ste nye ba'i sgrub pa brjod do/ /de nas lha'i gzugs brnyan sgrub pa la zhes 'dzin pa'i stobs kyis lte ba'i gnas su gtum mo 'bar ba rnal 'byor pas mthong ste/ sgrib pa thams cad dang bral ba pra phab pa lta bu phyag rgya chen po sangs rgyas kyi 'od zer gyi sprin mtha' yas pa spro bar byed pa 'od kyi dkyil 'khor gyis rnam par spras pa de ni rjes su dran pa'i yan lag sgrub par brjod do/ /'dzin pa'i mtha' gtum mo'i rnal 'byor pa bsgom par bya'o zhes pa nges pa'o//de'i ye shes kyi 'od zer gyis phung po dang khams dang skye mched la sogs pa rnams bsregs te/ g.yon pa dang g.yas pa'i rtsar son pa rnam par shes pa la sogs pa dang sa la sogs pa'i dkyil 'khor gyi rang bzhin rnams gcig tu 'dres par gyur nas dpral bar zla ba'i dkyil 'khor la rab tu zhugs te/de nas gtum mo'i ye shes kyi 'od zer gyis zla ba zhu bar gyur pa na gang zhig byang chub kyi sems thig le'i gzugs kyis 'og tu son pa mgrin pa dang snying ga dang lte ba dang gsang ba'i pad+mar dga' ba dang mchog tu dga' ba dang dga' bral gyi dga' ba'i rang bzhin dang /ji srid rdo rje nor bu'i mthar lhan cig skyes pa'i dga' ba'i rang bzhin gyis zhes pa'o/ /yang rnam pa sna tshogs dang rnam par smin pa dang rnam par nyed pa dang mtshan nyid dang bral ba'i rang bzhin gyis zhes pa'o/ /de ltar cha bcu drug rdzogs pa nor bu'i mthar son pa bsgoms pa'i stobs kyis bde ba ster ba 'dzag pa med pa'i bde ba lta bu ste dpe tsam mo//rang gi ngo bo ni dbang po gnyis las skyes par 'gyur ba'i bde bas mchog tu mi 'gyur ba'i bde ba'i bye ba phrag stong gi char yang mi phod do/ /'dir 'gyur ba med pa'i bde ba'i gnas skabs na lhan cig skyes pa'i dga' ba'i rang bzhin de ni byis pa'i rnal 'byor pa rnams kyis gnas skabs kyi 'bras bur shes par bya'o//byang chub sems dpa' rnams kyis stong pa nyid kyi ting nge 'dzin zhes brjod do/ /'on kyang 'jig rten la grags pa med pa'i rjes su lhung ba ni ma yin no/ /de ltar yan lag drug gi rnal 'byor bsam gtan dang sngags bzlas pa dang bde bas rnal 'byor pa rnams sangs rgyas nyid du 'grub par 'gyur te bsod nams mchog /dag byed sdig pa 'jig byed pa/ skye ba 'dir zhes pa bsgrub par bya ba dang / sgrub par byed pa'i nges pa bcom ldan 'das kyis gsungs so//da ni dam tshig ces pa la sogs pas dam tshig bskyang pa brjod par bya'o/ /'dir dam tshig rnam pa gnyis te phyi rol dang nang gi bdag nyid do/ /dam tshig de rnams rnal 'byor pas bskyang zhing bsrung bar bya ste phyi ni phyi rol la 'jig rten pa 'jug pa'i don no//nang gi bdag nyid ni nang du ye shes pa 'jug pa'i don no/ /'dir phyi rol la 'jig rten pa 'jug pas rnal 'byor pa rnams kyi bsod nams kyi tshogs su 'gyur te phyi rol gyi dam tshig bsrung ba las so/ /nang gi bdag nyid la ye shes 'jug pas ye shes kyi tshogs su 'gyur te nang gi bdag nyid kyi dam tshig bsrung ba las so//de'i phyir/ legs par mnyam gzhag sgrub pa pos/ /rtag tu dam tshig bskyang bar bya/ /zhes pa'o/ /'dir phyi rol dang nang gi bdag nyid kyi dam tshig rnams rgyud dang rgyud gzhan gyis rtogs par bya ste/ 'dir bcom ldan 'das kyis dpal 'dus pa'i le'u bcu bdun par gsungs pa/dang por re zhig nang gi bdag nyid kyi dam tshig rnams la 'das pa 'di lta ste/ de nas phyag na rdo rje de bzhin gshegs pa thams cad kyi bdag pos sangs rgyas thams cad kyi sku rdo rje'i dam tshig nyid kyi sku dang gsung dang thugs rdo rje rnams las phyung bar gyur te/sangs rgyas ye shes rgya mtsho yis/ /dam tshig bzhi po bsrung bar bya/ /sha chen rtag tu bza' bya ste/ /'di ni dam tshig mchog yin no/ /zhes pa'o/ /'dir 'dus par gsungs pa'i cho ga 'dis 'khor lo sdom par dam tshig bskyang bar rig par bya ste/rgyud ni rgyud gzhan nas rtogs par bya'o zhes pa de bzhin gshegs pa'i nges pa'o/ /'dir sangs rgyas thams cad kyi sku rdo rje'i dam tshig gi nges pa'i don ni/ 'dir nang du byang chub kyi sems kyi thig le sku'i mtshan nyid sad pa'i gnas skabs skyed par byed pa shes rab kyi chags pas zhu bar gyur pa gsang ba'i pad+mar son pa'o//de nyid rnam pa bzhi ste/ sku'i dga' ba dang gsung gi dga' ba dang thugs kyi dga' ba dang ye shes kyi dga' ba'i dbye bas byang chub kyi sems rnam pa bzhi'i sku'i thig le'i dam tshig tu brjod do/ /dam tshig ni 'dus pa ste/sku dang gsung dang thugs dang ye shes rdo rje rnams gsang bar byang chub kyi sems kyi gzugs kyis gcig pa nyid do/ dam tshig bzhi po de nyid bsrung bar bya ste/ de bsrungs pas/ sha chen rtag tu bza' bya ste/ /zhes pa sha chen po 'du byed kyi phung po'o/ /de nyid bza' bar bya ste sgrib pa med par bya'o zhes pa nges pa'i don no//gang gis she na/ sangs rgyas ye shes rgya mtsho yis/ /zhes pa sangs rgyas bcom ldan 'das kyis so/ /'di ni dam tshig mchog yin no/ /zhes pa byis pa'i rnal 'byor pa rnams kyis bgrod par bya ba ma yin no zhes pa'i don no/ / de ltar 'chad par 'gyur ba'i dam tshig bzhi po thams cad la nges pa'i don khong du chud par bya'o zhes pa sku rdo rje'i dam tshig gsungs pa'o/ /de nas gsung rdo rje'i dam tshig brjod par bya'o/ /'di lta ste/ de nas phyag na rdo rje de bzhin gshegs pa thams cad kyi bdag pos de bzhin gshegs pa thams cad kyi gsung rdo rje'i dam tshig nyid kyi sku dang gsung dang thugs rdo rje rnams las phyung bar gyur te/'gyur med chen pos gsung rdo rje/ /dam tshig bzhi po bsrung bar bya/ /bshang gci rtag tu bza' bya ste/ /'di ni gsang ba rmad byung che/ /zhes pa'o/ /'di'i nges pa'i don yang brjod par bya'o//'dir byang chub kyi sems kyi thig le gsung gi mtshan nyid rmi lam gyi gnas skabs skyed par byed pa shes rab kyi chags pas zhu bar gyur pa lte ba'i pad+mar son pa'o/ /de nyid rnam pa bzhi ste sku'i mchog tu dga' ba dang gsung gi mchog tu dga' ba dang thugs kyi mchog tu dga' ba dang ye shes kyi mchog tu dga' ba'i dbye bas byang chub kyi sems rnam pa bzhi gsung gi thig le'i dam tshig brjod do//dam tshig ni 'dus pa ste sku dang gsung dang thugs dang ye shes rdo rje rnams lte bar byang chub kyi sems kyi thig le'i gzugs kyis gcig pa nyid do//sku'i mchog tu dga' pa la sogs pa dam tshig bzhi po de nyid bsrung bar bya ste/ 'gyur med chen pos gsung rdo rje/ /zhes pa byang chub kyi sems 'dzag pa med pa'i bde ba'i skad cig ma 'gyur med chen pos rnal 'byor pa rnams kyis bsrung bar bya'o//gsung rdo rje'i thig le de bsrungs pas/ bshang gci rtag tu bza' bya ste/ zhes pa gzugs kyi phung po dang rnam par shes pa'i phung po ste/ rnal 'byor pa rnams kyis sgrib pa med par bya'o zhes pa de bzhin gshegs pa'i gsung don dam pa las so/ /'di ni gsang ba rmad byung che//zhes pa mchog tu mi 'gyur ba rnams kyis byang chub kyi sems bsrung ba 'di ni rnal 'byor pa byis pa'i blo can dbang po gnyis kyi bde ba 'dod pa rnams las rmad du byung ba chen po'o zhes pa gsung rdo rje'i dam tshig tu gsungs pa'o/ /de nas thugs kyi rdo rje'i thig le'i dam tshig brjod par bya'o//'di lta ste/ de nas phyag na rdo rje de bzhin gshegs pa thams cad kyi bdag pos rdo rje 'dzin pa thams cad kyi dam tshig 'di nyid kyi sku dang gsung dang thugs rdo rje rnams las phyung bar gyur te/ rdo rje sems dpa' rdzu 'phrul che/ /dam tshig bzhi po bsrung bar bya//khrag dang khu ba yang dag ldan/ /brtul zhugs brtan pas rtag tu bza'/ /zhes pas so/ /'di'i nges pa'i don yang brjod par bya'o/ /'dir byang chub kyi sems kyi thig le thugs kyi mtshan nyid shin tu gnyid log pa'i gnas skabs skyed par byed pa shes rab kyi chags pas zhu bar gyur pa snying ga'i pad+mar son pa'o//de nyid rnam pa bzhi ste/ sku'i dga' bral gyi dga' ba dang gsung gi dga' bral gyi dga' ba dang thugs kyi dga' bral gyi dga' ba dang ye shes kyi dga' bral gyi dga' ba'i dbye bas byang chub kyi sems rnam pa bzhi thugs kyi thig le'i dam tshig tu brjod do//dam tshig ni 'dus pa ste/ sku dang gsung dang thugs dang ye shes rdo rje rnams snying gar byang chub kyi sems kyi thig le'i gzugs kyis gcig pa nyid do/ /rdzu 'phrul che zhes pa gsum pa thugs kyi thig le'i lam la gnas pa'i rnal 'byor pa rnams kyis yan lag drug gi rnal 'byor gyis//dam tshig bzhi po de bsrungs pas/ /khrag dang khu ba yang dag ldan/ /brtul zhugs brtan pas rtag tu bza'/ /zhes pa ni tshor ba dang 'du shes kyi phung po sgrib pa med par bya'o zhes pa nges pa'i don te/ dus thams cad du brtul zhugs brtan pas las kyi phyag rgya dang 'grogs pa na yang khu ba 'pho ba med pa'i rnal 'byor pa rnams kyis zhes pa thugs rdo rje'i thig le'i dam tshig gsungs pa'o//'dir bcom ldan 'das kyis rigs gsum gyi bdag nyid dpal 'dus par thig le gsum gyi dam tshig gsungs pa'o/ /thig la bzhi pa'i dam tshig bstan pa ni/ rigs bzhi pa'i bdag nyid can mchog gi dang po'i sangs rgyas su bcom ldan 'das kyis gsungs pa/ 'di lta ste/ mi phyed lam la gnas pa yis/ /dam tshig bzhi po bsrung bar bya/ /go ku la sogs rtag tu bza'/ /dam tshig 'di ni 'da' bar dka'/ /zhes pa'o/ /'di'i nges pa'i don yang brjod par bya'o//'dir byang chub kyi sems kyi thig le ye shes kyi mtshan nyid bzhi pa'i gnas skabs skyed par byed pa shes rab kyi chags pas zhu bar gyur pa mgrin pa'i pad+mar son pa'o/ /de nyid rnam pa bzhi ste/ sku'i lhan cig skyes pa'i dga' ba dang / gsung gi lhan cig skyes pa'i dga' ba dang / thugs kyi lhan cig skyes pa'i dga' pa dang / ye shes kyi lhan cig skyes pa'i dga' ba'i dbye bas byang chub kyi sems rnam pa bzhi'i ye shes kyi thig le'i dam tshig brjod do/ /dam tshig ni 'dus pa ste/ sku dang gsung dang thugs dang ye shes rdo rje rnams mgrin par byang chub kyi sems kyi thig le'i gzugs kyis gcig pa nyid do//sku'i lhan cig skyes pa'i dga' ba la sogs pa thig le'i dam tshig bzhi po de nyid bsrung bar bya ste/ bzhi pa ye shes kyi thig le'i dam tshig 'di ni/ mi phyed lam la gnas pa yis//zhes pa du ba la sogs pa stong pa nyid kyi lam la gnas pa ste/ lam de la gnas pa'i rnal 'byor pa rnams kyis shes pa'o/ /go ku la sogs rtag tu bza'/ /zhes pa dgongs pa'i skad kyis go dang po'i sgras mig go/ /ku dang po'i sgras rna ba'o/ /de dang po'i sgras sna'o//ha dang po'i sgras lce'o/ /na dang po'i sgras lus kyi dbang po'o/ /sbrang bu'i skyugs pa'i sgras yid kyis dbang po rtogs bar bya ste de rnams bza' ba'o/ /de ltar rgyu mtshan med pas rgyu mtshan can yang med de/ gzugs la sogs pa yul drug dang /mig gi rnam par shes pa la sogs pa rnam par shes pa drug po rnams rnal 'byor pa rnams kyis bza' bar bya'o/ /de ltar khams bco brgyad po rnams bza' bar bya ste/ ye shes kyi thig le'i dam tshig bzhi rtag tu bsrung bar bya'o/ /de bzhin du dbang bskur ba'i gsol ba gdab pa'i dus na slob mas bla ma la bstod pa'i tshigs su bcad pa rgyud gzhan du bcom ldan 'das kyis gsungs pa 'di lta ste//khyod kyi sku la sha khrag dang / /bshang gci khu ba nyid dang ni/ /khams rnams bco brgyad nyid kyang med/ /rdo rje'i sku la phyag 'tshal bstod/ /ces pa la sogs pa thams cad nang gi bdag nyid kyi dam tshig bsrung bar rnal 'byor pa rnams kyis rtogs par bya'o//'dir dam tshig bsrung ba rnams kyi 'bras bu gang yin pa de nyid bcom ldan 'das kyis dpal 'dus par gsungs pa/ sku gsung thugs kyi rdo rje yis/ /dam tshig 'di ni rmad byung che//rtag par sangs rgyas thams cad kyi/ /rdo rje 'dzin pa rnams kyis bsrungs/ /gang zhig dam tshig 'di bsrungs pa/ /rdo rje sems dpa' gzi brjid che/ /sku gsung thugs dang chags pa'i bdag /skad cig de las sangs rgyas 'gyur/ /zhes pa bcom ldan 'das kyi dam tshig bsrung ba'i nges pa'o//phyi rol du ni slar yang phyi'i dam tshig bzhi po yul dang rigs kyi tha snyad kyi bsrung zhing sbas pas bza' bar bya'o/ /de bzhin du mchod sbyin gyi dus na rigs dang ldan pa rnams kyis bza' bar bya ste rnal 'byor pa rdza phor 'dzin pa 'jig rten gyi tha snyad rnam par spangs pa rnams kyis bza' bar bya'o//'dir phyi rol gyi dam tshig bzhi ni/ chang rnam pa lnga btung ba dang / sha rnam pa lnga bza' ba dang / rigs rnam pa lnga dang 'grogs pa dang / bdud rtsi rnam pa lnga myang ba zhes bya ste/ rgyas par ni sum cu rtsa bdun gyi dbye ba tha dad pas rtsa ba'i rgyud gzhan mngon par brjod pa 'bum pa la sogs par bcom ldan 'das kyis gsungs pa rnal 'byor pas shes par bya'o/de ltar dam tshig bsrung bar bya ba dang bza' bar bya ba ni rgyud gzhan thams cad du 'jig rten pa dang 'jig rten las 'das pa'i dngos grub kyi don du'o zhes pa bcom ldan 'das kyis gsungs pa nges pa'o//de'i phyir thabs kyi rgyud kyi dgongs pas shes rab kyi rgyud rtogs par bya'o/ /shes rab kyi rgyud kyi dgongs pas thabs kyi rgyud rtogs par bya ste/ dam tshig rnam par dag pa'i don dang rtsa'i 'khor lo rnam par dag pa'i don du'o//sgyu 'phrul dra ba stong phrag bcu drug par yang dam tshig bzhi po rnam pa bcu drug po de'i bsrung ba'i thabs bcom ldan 'das kyis gsungs te/ sngar brjod pa'i dbang bskur ba'i tshigs su bcad pas 'dir dam tshig bsrung ba la'ang de ltar rig par bya'o/ /rnam pa thams cad rnam pa med//ces pa la sogs pa rdo rje'i tshig nges pa'i don no/ /'dir rnam pa thams cad rnam pa med ni rgyu ste so sor sdud pas gang zhig mthong ba dngos po bum pa dang snam bu la sogs pa pra phab pa dang mtshungs par snang ba'o/ /rnam pa thams cad ces pa rtog pa dang bral ba ma 'khrul pa'i mngon sum gyis mthong ba las shes pa'o//rnam pa med ces pa rdul phra rab kyi chos nyid las 'das pa rtog pa dang bral ba nyid las so/ /gang gi phyir bkab pa dang ma bkab pa'i mig gis rtogs par bya ba de'i phyir gzugs ma yin zhing gzugs las gzhan pa yang ma yin te/mig gis rtogs par bya ba ma yin/ mig med par yang rtogs par bya ba ma yin no/ /de ltar rnam pa thams cad rnam pa med ni rgyu ste shes rab kyi pha rol tu phyin pa chen po stong pa nyid rnam pa thams cad kyi mchog dang ldan pa'o/ /yang na sangs rgyas kyi gzugs brnyan khams gsum pa ma lus pa zhes pa rgyu'o//de las skyes pa'i 'bras bu mchog tu mi 'gyur ba'i bde ba bcu drug phyed phyed thig le 'chang ba ste/ de bzhin gshegs pa rnams kyis shes rab chen po'i ye shes brjod do/ /cha bcu drug bo rnams kyi phyed na brgyad do/ / de'i phyed ni thig le bzhi po rnams te/ sku dang gsung dang thugs dang ye shes kyi mtshan nyid sad pa dang rmi lam dang shin tu gnyid log pa dang bzhi pa'i gnas skabs skyed par byed pa'o/ /de rnams 'dzin pa'i phyir bcu drug phyed phyed thig le 'chang ste/ dam tshig bzhi po skyong bar byed//ces pa'i don to/ /rdo rje sems dpa' chags pa chen po ni cha med ces pa dkar po'i cha bco lnga spangs pa ste/ de rnams kyi mthar gnas pa dkar po rdzogs pa'i mthar zhes pa'o/ /bgrang las 'das pa zhes pa bgrang ba nag po'i tshes gcig ste de la ma zhugs pa bgrang ba las 'das pa lhan cig skyes pa zhes pa'i don no//bsam gtan bzhi pa'i rtse mo 'chang / /zhes pa 'dir dang po dga' ba'i bde ba'i bsam gtan dang gnyis pa mchog tu dga' ba'i bde ba'i bsam gtan dang gsum pa dga' bral gyi dga' ba'i bde ba'i bsam gtan dang /bzhi pa lhan cig skyes pa'i dga' ba'i bde ba'i bsam gtan te lnga pa dang bcu pa dang nya dang nya'i mthar thig le la mchog tu mi 'gyur ba'i bde ba'i bsam gtan gnas pa'o/ /de yi rtse mo mtha' yi cha/ /bde ba yongs su rdzogs pa nyid/ /bsam gtan gyi rtse mo ste de 'dzin pa'i phyir/bsam gtan bzhi pa'i rtse mo 'chang / /zhes pa bcom ldan 'das kyis gsungs so/ /de ltar dam tshig bcu drug po 'di rnams bsgoms pa'i stobs kyis rtag tu dus thams cad du bskyang bar bya'o/ /legs par mnyam gzhag sgrub pa po/ / zhes pa 'dir mnyam par gzhag pa ni dkar po'i phyogs kyi mthar gnas pa'i shes rab dang thabs bsgoms pa'i stobs kyis tshes gcig la sogs pa tshes lnga ni byang chub kyi sems kyi dga' bskyed par byed pa'o/ /drug pa la sogs pa tshes lnga ni mchog tu dga' ba skyed par byed pa'o//bcu gcig pa la sogs pa tshes lnga ni dga' bral gyi dga' bskyed par byed pa'o/ /nya'i mthar cha bcu drug pa lhan cig skyes pa'i dga' ba skyed par byed pa'o/ /cha bcu drug pa ni dmigs pa med pa ste de la gnas pa ni/ legs par mnyam gzhag sgrub pa pos//zhes pa dang / tshul khrims chen po 'chang ba'i mchog /ces so/ /de'i mthar 'dzag pa'i dus te nag po'i tshes gcig 'ongs pa na 'dzag pa chags bral nag po'i phyogs so/ /de la zhugs pa ni mnyam bar ma bzhag pa ste dga' bzhi zad pa las so/ /'dir byang chub sems kyi zla ba'i nag po'i phyogs chags pa dang bral ba dga' ba bzhi zad pa'i rgyur gyur pa'o//de la nag po'i tshes gcig la sogs pa tshes lnga ni dga' ba zad par byed pa mo'o/ /drug pa la sogs pa tshes lnga ni mchog tu dga' ba zad bar byed pa mo'o/ /bcu gcig pa la sogs pa tshes lnga ni dga' bral gyi dga' ba zad par byed pa mo'o//gnam stong gi mthar zla ba'i cha bcu drug pa nyams pa ni lhan cig skyes pa'i dga' ba zad par byed pa mo'o/ /de ltar dkar po'i phyogs dang nag po'i phyogs ni 'khor ba pa rnams kyi chags pa dang chags bral gyi phyogs so/ /de dag gi dbus su lhan cig skyes pa bzhi pa shes rab ye shes 'gyur ba'am 'gyur ba med pa dbang po gnyis las skyes pa dang bral ba'o//'dir shes rab kyi tsum pa nas dang po dga' ba'i skad cig mar 'gyur te de yang sku'i dam tshig go/ /dga' ba zad pa las pad+mar rdo rje zhugs pas mchog tu dga' ba'i skad cig mar 'gyur te de nyid gsung gi dam tshig go//mchog tu dga' ba zad pa las pad+mar rdo rje bskyod pas dga' bral gyi dga' ba'i skad cig mar 'gyur te de nyid thugs kyi dam tshig go/ /dga' bral gyi dga' ba zad pa las rdo rje nor bur byang chub kyi sems son pas lhan cig skyes pa'i dga' ba'i skad cig mar 'gyur te de nyid bzhi pa ye shes kyi dam tshig tu bcom ldan 'das kyis gsungs so//de ltar skad cig snga ma 'gags pas phyi ma 'byung bar 'gyur te/ ji ltar lhan cig skyes pa'i skad cig ma'i bar ni chags pa'i phyogs so/ /de ltar dga' ba thams cad lhan cig skyes par ro mnyam pa nyid dang rdzogs pa nyid do//de nas rdo rje nor bur byang chub kyi sems 'phos par gyur na chags bral gyi phyogs so/ /chags bral gyi phyogs la dang po dga' ba'i chags bral lo/ /dga' ba'i chags bral zad pa las mchog dga'i chags bral lo//mchog dga'i chags bral zad pa las dga' bral gyi dga' ba'i chags bral lo/ /dga' bral gyi dga' ba'i chags bral zad pa las lhan cig skyes ba'i dga' ba'i chags bral lo zhes pa de ltar dam tshig bzhi bcom ldan 'das kyis gsungs so//de ltar skad cig re 'gags pas skad cig gzhan 'byung bar 'gyur te ji srid lhan cig skyes pa'i dga' ba'i chags bral gyi skad cig ma'i bar ni chags bral gyi phyogs so/ /de ltar dga' ba la sogs pa'i chags pa dang bral ba thams cad lhan cig skyes pa'i chags bral du re mnyam pa nyid dang rdzogs pa nyid do//de ltar dkar po'i phyogs ni dga' ba bzhi'i bdag nyid can no/ /nag po'i phyogs ni dga' ba bzhi'i chags bral gyi bdag nyid can no/ /de ltar chags pa dang chags bral dag las 'jig rten gsum po rnams mnyam par ma bzhag cing rnam par 'khrug par byed de/lhan cig skyes pa'i skad cig 'pho ba med pa la rnam par gnas pa med pa nyid kyi phyir zhes pa mnyam par gzhag pa dang mnyam par ma bzhag pa'i sgrub pa po'i nges pa'o/ /shes rab dang 'grogs pa 'di nyid la bsnyen pa la sogs pa bcom ldan 'das kyis rgyud gzhan rnams su gsungs pa 'di lta ste/tsum pa 'khyud pa bsnyen pa ste/ /pad+mar rdo rje nyer sgrub pa/ /rdo rje bskyod pa bsgrub pa ste/ /de yi bde ba sgrub pa che/ /zhes pa'o/ /de ltar byang chub kyi sems kyi thig le'i dam tshig rnams sgrub pa pos legs par mnyam par gzhag pas bskyang bar bya'o zhes pa bcom ldan 'das kyi nges pa'o//de bzhin du bcom ldan 'das kyis rgyud 'di nyid du dam tshig chen po brgyad gsungs pa 'di lta ste/ nges par dngos grub rnams kyi rgyu/ /dam tshig rnams ni bskyang ba dang //rigs gzhan las byung pho nya mo/ /'dod la chags pas bgrod mi bya/ /gnyis med thogs pa med pa dang / /dam tshig rnams ni bskyang ba dang / /mi mo'i spyod pa legs par bsrubs/ /tshangs par spyod pa de bzhin zhal/ /'dren pa rtsa yi kun spyod do/ /zhes pa dam tshig brgyad du dran//rnal 'byor dbang pos gang bsrung ba/ /myur du dngos grub thob par 'gyur/ /zhes pa'o/ /'di'i nges pa'i don brjod par bya'o/ /dngos grub rnams kyi zhes pa 'dir dngos grub rnams ni las kyi phyag rgya dang ye shes kyi phyag rgya dang phyag rgya chen po'i dngos grub ste/gsum po rnams kyi rgyu ni nges par byang chub kyi sems te 'dod pa na spyod pa dang gzugs na spyod pa dang yang dag par rdzogs pa'i sangs rgyas kyi 'bras bu thob ba'i phyir byang chub kyi sems 'pho ba med pa'o zhes pa dam tshig dang po'o/ /dam tshig rnams ni bskyang ba dang / / zhes pa dam tshig ni byang chub kyi sems kyi thig le bzhi po rnams te de rnams sngar brjod pa'i cho gas mgrin pa dang snying ga dang lte ba dang gsang bar 'ongs pa shes rab kyi chags pas zhu bar gyur pa dga' ba bcu drug gi bdag nyid can rnams so/ /de rnams bskyang ba ni bsrung ba ste rnal 'byor pa rnams kyi dam tshig gnyis pa'o//rigs gzhan las byung pho nya mo/ /'dod la chags pas bgrod mi bya/ /zhes pa 'dir rigs ldan ma dor nas phyi rol du dngos grub kyi don du mkha' 'gro ma la sogs pa gzhan gyi rigs las byung ba rnams bsgom par mi bya'o zhes pa nges pa'i don te dam tshig gsum pa'o//gnyis med ces pa thig le bzhi'i dam tshig rnams nya'i mthar gnyis su med par byed pa ste dam tshig bzhi pa'o/ /thogs pa med pa zhes pa dang yi ge las thig le bzhi'i dam tshig rnams kyi spyod pa dga' ba bcu drug gi rang bzhin thogs pa med pa nag po'i phyogs la ma zhugs pa'o zhes pa dam tshig lnga pa'o//mi mo'i spyod pa legs par bsrubs/ /zhes pa mi mo ni shes rab kyi pha rol tu phyin pa kun du bzang mo'o/ /de'i spyod pa ni byang chub sems dpa' rnams kyi sems can gyi don gyi bya ba rnam pa du ma ste/ legs par bsrubs pa ni bde ba'i sems kyis rtag tu spyod pa'i zhes pa dam tshig drug pa'o//tshangs par spyod pa de bzhin zhal/ /zhes pa 'dir zhal ni rdo rje'i sgo ste rtag tu 'pho ba med pa'i tshul khrims zhes pa dam tshig bdun pa'o/ /'dren pa rtsa yi kun spyod do/ /zhes pa 'og tu son pa'i byang chub kyi sems kyi thig le rnams rtsa'i kun spyod a wa d+hU tI mkha' 'gro gdong mar kun du spyod par son pa rnams/rdo rje nor bu las 'dren pa ni 'gugs pa ste/ gsang ba dang lte ba dang snying ga dang mgrin pa dang dpral ba dang gtsug tor du lte ba nas lte ba'i kun spyod la khu ba steng du bgrod pa'o zhes pa dam tshig brgyad pa'o//de ltar dam tshig brgyad po 'di rnams gang zhig nges par dus thams cad du skyong par byed pa ste/ myur du phyag rgya chen po'i dngos grub thob par 'gyur zhes pa ste nang gi dam tshig bskyang ba'o/ /slar yang phyi rol du ni dngos grub rnams//zhes pa phyi rol gyi dngos grub 'og min gyi gnas kyi mthar thug pa'o/ /rgyu ni nges par byang chub kyi sems bskyed pa dang / sbyin pa la sogs pa bsod nams kyi tshogs te dam tshig dang po'o/ /dam tshig rnams ni bskyang ba dang / /zhes pa dam tshig ni phyi rol du chang dang go ku la sogs pa dang /rigs dang mi ldan pa la mngon par bgrod pa dang bdud rtsi lnga bza' ba la sogs pa'o/ /de rnams bskyang pa ni yul dang rigs kyi tha snyad kyis bsrung ba'o/ /gal te byed pa de'i tshe sbas te byed pa ni dam tshig gnyis pa'o/ /rigs gzhan las byu ba pho nya mo zhes pa la rigs gzhan zhi ba la sogs pa'o//rigs der dbang bskur ba ni rigs gzhan las byung ba ste/ rigs gzhan las byung ba ni sangs rgyas pa'i dam tshig sun 'byin pa'o/ /de bzhin du gzhan dam tshig dang mi ldan pa rnams la bgrod par mi bya'o/ /'dod pa la chags pas gal te bgrod par byed pa de'i tshe dam tshig rnam par nyams pa'i phyir 'jig rten pa'i dngos grub nyams par 'gyur ro zhes pa dam tshig gsum pa'o//gnyis med ces pa pho nya mo dang dpa' bo dag dus gcig la gnyis su med pa'i byang chub kyi sems dang bde ba myang ba'o zhes pa dam tshig bzhi pa'o//dam tshig rnams kyi spyod pa dang / /zhes pa thogs pa med pa bsnyen pa dang dam tshig rnams kyi spyod pa dang / sngags kyi dngos grub la sogs pa spro ba'i lha rnams gzhom du med pa ste/ bgegs rnams kyis gzhom par mi nus pa'o zhes pa dam tshig lnga pa'o//mi mo'i spyod pa legs par bsrub/ /ces pa mi mo ni rigs thams cad las byung ba'o/ /de'i spyod pa ni tsum pa na dang 'khyud pa la sogs pa rnam pa mang po ste/ de rnams la legs par bsrub par byed pa'o zhes pa dam tshig drug pa'o/ /tshangs par spyod pa de bzhin zhal/ / zhes pa tshangs par spyod pa ni bde ba ste/ de bzhin zhes pa bsrub pa'o/ /zhal zhes pa rdo rje'i sgor shes par bya ste 'pho ba'i dus na'o zhes pa dam tshig bdun pa'o/ /'dren pa rtsa yi kun spyod do/ /zhes pa la la nA dang ra sa nA dang dbu mar rgyu ba'i byang chub kyi sems 'dren pa'o zhes pa'o/ / de 'dzin pa ni rga ba dang nad la sogs pa bsal ba'i phyir dam tshig bsten pa'o zhes pa dam tshig brgyad pa'o/ /de ltar phyi'i dam tshig brgyad po de rnams rnal 'byor pa legs par mnyam par gzhag pas 'jig rten gyi bya ba spangs nas skyod bar byed pa gang yin pa de/ myur du dngos grub thob par 'gyur//zhes pa de bzhin gshegs pa'i nges pa ste dam tshig bskyang ba'i cho ga'o/ /da ni dam tshig ces pa la sogs pas dam tshig bye bas dngos grub nyams par brjod par bya'o/ /'dir dam tshig bye ba ni rnam pa gnyis te phyi rol dang nang gi bdag nyid do/ /de la phyi rol du bdud rtsi lnga dang sgron ma lnga po de rnams bza' ba dang /rigs lnga la mngon par bgrod pa dang ma dang sring mo la sogs pa rang gi rigs rnams la mngon par bgrod pa dang / gal te bye bar gyur pa de'i tshe dam tshig bye ba'o/ /dam tshig nyams pa des na 'jig rten pas smad par 'gyur te/yul dang rigs kyi tha snyad kyis 'jig rten pas smad pas bstan pa la smod par 'gyur ro/ /des ni las dang po pa rnams la sdig par 'gyur te/ sdig pa'i mthu las bsod nams nyams so/ /bsod nams med pa las dngos grub gsum nyams par 'gyur ro/ / de lta/ dam tshig rnams ni bye ba yis/ /'dod pa'i dngos grub thob mi 'gyur/ /rnal 'byor pa rnams kyi phyi rol gyi dam tshig bye ba yis zhes pa nges pa'o/ /nang du ni dam tshig byang chub kyi sems kyi thig le bzhi po rnams so/ /de rnams bye bas shes pa 'pho bas bde ba chen por nyams par 'gyur te/bde ba chen po nyams pa ni chags pa dang bral ba'o/ /chags pa dang bral ba zhes bya ba ni sdig pa ste/ sdig pa las sdug bsngal 'byung bar 'gyur ro/ /de ltar dam tshig bye bas 'dod pa'i dngos grub phyag rgya chen po'i dngos grub rnal 'byor ba rnams kyis thob par mi 'gyur ro zhes pa'o//de bzhin du bcom ldan 'das kyis mchog gi dang po'i sangs rgyas su dbang mdor bstan par gsungs pa/ 'phos pa las ni chags bral 'gyur/ /chags bral las ni sdug bsngal 'byung / /sdug bsngal skyes bu'i khams zad byed/ /zad pa las ni 'chi bar brjod//ces so/ /gzhan yang 'di nyid du/ chags bral las gzhan sdig pa med/ /bde ba las gzhan bsod nams med/ /de phyir 'gyur med bde bar sems/ /mi bdag rtag tu gnas par bya/ /zhes pa'o/ /gzhan yang dam tshig gi le'ur gsungs pa/ dngos grub kun gyi gter gyur pa/ / byang chub sems lhung gyur na 'dir/ /phung po rnam shes brgyal 'gyur zhing / /dngos grub mi 'thob brtul zhugs can/ /zhes so/ /de ltar rgyud kyi rgyal po thams cad du dam tshig bye ba dgag pa phyi rol dang nang du bcom ldan 'das kyis gsungs so/ /'dir gang gi tshe phyi rol dang nang du zhi ba dang drag po'i lha rnams rnal 'byor pas bsgrub par bya ba de'i tshe de rnams kyi dam tshig bsten par bya'o//rnam pa thams cad du ni gzhan gyi dam tshig gis gzhan gyi bya ba 'grub par mi 'gyur gyi/ sgrub pa po rnams la 'chi ba ster bar byed par 'gyur te rgyud du gsungs pa'i cho ga dang bral ba'i phyir ro zhes pa'o/ / de'i phyir phyi rol dang nang du dam tshig bsrung bar bya'o/ /gang gi tshe dbang bskur ba la sogs pa'i nyin zhag la bya ba'i phyi'i dam tshig ni shin tu sbas pas bya zhing / phyi nas bla ma dam pa rnams kyis rigs kyi bu rnams la dgag par bya'o/ /dge slong rnams la ni dbang bskur ba'i dus su'ang sbyin par mi bya ste/chos gos 'dzin pa rnams la bla mas rang gi tshig gis thams cad rab tu bstan par bya'o/ /rnam pa gzhan du bla ma dam tshig nyams par 'gyur ro/ /de rnams la theg pa chen po la sems bskyed pa dang / lus dang ngag legs par bsdams pa sbyin par bya ste/ nyan thos kyi bslab pa ji lta ba de bzhin du lus dang ngag gis bskyang bar bya'o zhes pa dam tshig bskyang bar bya ste dge slong chos gos 'dzin pa rnams kyis dam tshig bskyang bar mi bya'o//chos gos dor bar gyur na lus dang ngag dang sems kyi bya bas dam tshig rjes su bsgrubs pa las kyi phyag rgya'i dam tshig gis tshim pas gsal bar rdo rje slob dpon gyi gnas thob pa'i phyir dbang bskur ba sbyin par bya'o zhes pa dam tshig bye bas dngos grub nyams pa'i nges pa'o//'dir mngon par brjod pa 'bum pa las phyung ba bsdus pa'i rgyud 'dir 'jig rten pa dang 'jig rten las 'das pa'i dngos grub sgrub par byed pa dbang bskur ba la sogs pa dang dam tshig gi don mdor bsdus te/de nas 'di la gsang ba bshad/ /ces pa la sogs pa nas/ 'dod pa'i dngos grub thob mi 'gyur/ /zhes pa'i mthar thug pa'i tshigs su bcad pa phyed dang bcas pa bcu gcig po rnams kyis rgyud thams cad kyi don mchog tu gsang ba dgongs pa'i skad gzhan dang rgyud gzhan gyis rtogs par bya ste/phyag rgya chen po'i dngos grub 'dod pa'i rnal 'byor pa rnams kyis bla ma dam pa nye bar bsten pas shes pa'o/ /de ltar bsdus pa'i rgyud thams cad du gsungs pa'i don ni gtso bor rtsa ba'i rgyud dam byang chub sems dpa' rnams kyis mdzad pa'i 'grel bshad kyi mthar thug gi don 'di thams cad yul gzhan lho dang byang du song ste shes par bya'o//gzhan du mkhas pa'i mngon pa'i nga rgyal dang ldan pa rnams kyis byas pa'i 'grel bshad kyis gsang ba'i don rtogs par mi 'gyur ro zhes bcom ldan 'das kyis gsungs so//'dir bsdus pa'i rgyud kyi 'grel bshad mdor bsdus pas bsdus pa'i don rab tu gsal bar byas pa ste/ brtson 'grus dang ldan pa rnams kyis rgyud rgyas pa'i 'grel bshad rgyas par rtogs par bya'o zhes bcom ldan 'das kyis nges pa'o zhes pa mngon par brjod pa 'bum pa las phyung ba nyung ngu'i rgyud kyi bsdus pa'i don rnam par bshad pa zhes bya ba le'u dang po'i 'grel bshad byang chub sems dpa' chen po phyag na rdo rjes mdzad pa rdzogs so// //rgya gar gyi mkhan po chen po dpal rab 'byor zhi ba'i zhal snga nas cog gru lo tsA ba dge slong ting nge 'dzin bzang pos bsgyur ba las dus phyis thub pa'i dbang po'i gsung rab thams cad la dbang 'byor ba bla ma dam pa chos kyi rgyal po'i bka' drin gyis nye bar bskyangs pa/legs par sbyar ba'i skad kyi brda sprod pa'i bstan bcos rig pa shang lo tsA ba dge slong blo gros brtan pas brag dmar dben sar legs par bsgyur zhing dag par byas pa'o/

CLOSE WINDOW