CLOSE WINDOW

D1399
བོད་ཡིག

@##/ /rgya gar skad du/ Ar+ya many+dzu shrI nA ma saM gI ti s+ya a nu saM sA br-i t+ti/ bod skad du/ 'phags pa 'jam dpal gyi mtshan yang dag par brjod pa'i phan yon gyi 'grel pa/ 'phags pa 'jam dpal gzhon nur gyur pa la phyag 'tshal lo/ /sangs rgyas kun gyi ye shes sku/ /nam mkha' las byung rang byung ba'i/ /gzugs brnyan ma lus 'chang ba'i mchog /'gro ba'i mgon la phyag 'tshal lo/ /gang gis de don rtogs 'dod pas/ /dam pa'i zhabs las byung ba yi//bdud rtsi mi shes zug rngu 'joms/ /de phyir 'di ni bri bar bya/ /'dir mkhas pa nga rgyal can dag rig pa dang sgra dag gis sems khengs nas 'grel pa byas pa dag yod mod kyi/ 'on kyang dam pa'i gdams ngag dang bral ba'i phyir yang dag par rdzogs pa'i sangs rgyas kyis dgongs te gsungs pa'i don ni shes par 'gyur pa dkon no//de'i phyir bla ma gcig nas gcig tu brgyud pa'i gdams ngag gis mtshan yang dag par brjod pa'i gzhung gi mdud pa dgrol bar bya'o/ /de yang sngar mtshan yang dag par brjod pa tshig gi bdag po bcom ldan 'das kyis tshigs su bcad pa'i tshul gyis don gsang sngags kyi rgyal po drug dang ldan par gsungs la/'dir de'i don gsal bar dgrol ba'i phyir zhu ba po la bod par mdzad de/ kye lag na rdo rje rdo rje 'chang / /zhes bya ba la sogs pa phan yon gyi gnas skabs lngar bka' stsal to/ /de la 'khor lo dang po'i phan yon gyi skabs kyi ni dang po zhus pa'i skabs dang /lan gnang ba'i skabs dang / rigs drug la gzigs pa'i skabs dang / sgyu 'phrul dra ba'i skabs dang / byang chub kyi sems rdo rje'i skabs dang / chos kyi dbyings kyi ye shes kyi skabs rnams nye bar 'grel to/ /gzhan 'khor lo gnyis pa'i phan yon gyis ni me long lta bu'i ye shes 'grel to//'khor lo gsum pa'i phan yon gyis ni so sor rtog pa'i ye shes kyi skabs 'grel to/ /'khor lo bzhi pa'i phan yon gyis ni mnyam pa nyid kyi ye shes kyi skabs 'grel to/ /'khor lo lnga pa'i phan yon gyis ni bya ba sgrub pa'i ye shes kyi skabs 'grel to//de la/ lag na rdo rje rdo rje 'chang / /zhes pa gang gi lag na sangs rgyas thams cad kyi thugs yang dag pa'i ye shes mtshon par byed pa'i rdo rje 'dzin pa ste de la de skad ces bya'o/ /mtshon par bya ba'i rdo rje bstan pa'i phyir rdo rje 'chang zhes gsungs te/ rdo rje 'chang zhes pa ni 'dir stong pa nyid dang snying rje dbyer med par sems bskyed nas/bdag dang gzhan gyi don mthar phyin pa'o/ /de'i phyir lag na rdo rje'i lag na ye shes kyi rdo rje rtse lnga pa bsnams pas na/ 'jig rten gsum gyi gdul bar dka' ba 'dul ba'i don du khro bo'i zhal dang spyan dang phyag zhabs can smin ma khro gnyer la sogs pa dang / khro bo'i nyams rnams dang ldan par byas te rdo rje nam mkha'i dbyings su 'phen par byed cing 'dzin par byed pa'o/de yang gdul bya gcig la sku de lta bu gcig byung nas/ 'dul ba ma yin gyi dpag tu med cing bgrang ba'i mtha' las 'das pa du ma 'dul bar byed pa'o/ /de lta bu'i lag na rdo rjes/ de bzhin gshegs pa bcom ldan 'das//rdzogs sangs rgyas la phyag 'tshal nas/ /thal mo sbyar te zhes pas na/ /btud de spyan sngar 'dug ces pa'i bar gyis gsol ba btab pa gang yin pa dang / bcom ldan 'das shAkya thub pa ngas kyang snod du rung bar bya ba'i phyir 'od zer gyis 'gro ba'i rgyud sbyangs nas khyod la ston cig par gdams te/snod gang zag gi rigs dang / bcud theg pa'i rigs la gzigs nas/ thabs sgyu 'phrul dra bas byang chub kyi sems rdo rje'i dbyings kyi rang bzhin 'od gsal ba de la glo bur gyi dri ma'i sgrib pas bsgribs pa de bsal ba'i phyir ye shes lnga'i ngo bo nyid du mtshan brjod pa pa 'di ni bcom ldan 'das ye shes kyi spyi gzugs zhes bya ba gsungs te/'di zhes pa ni de ltar bshad ma thag pa'i 'di'o/ /ni zhes pa ni brjod bya des par ston ba'i sgra'o/ /bcom ldan 'das zhes pa ni phung po la sogs pa'i bdud bzhi'i dpung 'jig par byed pas na'o/ /ldan zhes pa ni legs pa rnams drug dang ldan pa'o//'das zhes pa ni 'jig rten las 'das pa'o/ /ye shes zhes pa ni me long lta bu la sogs pa'o/ /spyi gzugs zhes pa ni ye shes lnga'i ngo bo nyid du ro gcig pa'i sku'o/ /de kho na sangs rgyas thams cad kyi ye shes kyi skur bstan pa'i phyir de bzhin gshegs pa thams cad kyi ye shes kyi sku zhes gsungs te/de bzhin gshegs pa'ang yin la ye shes kyang yin pas na/ de bzhin gshegs pa thams cad kyi ye shes so/ /de ni dus gsum gyi de bzhin gshegs pa thams cad kyi shes kyi sku rang byung ni de'i zhes pa'o/ /de ni dngos po brjod par bya ba'o/ /de brjod pa ni mtshan gyi tha snyad du 'jam dpal ye shes sems dpa' dang 'brel ba'i mtshan yang dag par brjod pa zhes gsungs te/'jam dpal zhes pa ni dngos po dang stong pa'i zug rngu dang bral bas na 'jam pa'o/ /dpal ni de kho na khong du chud nas bdag dang gzhan gyi don phun sum tshogs pa'o/ /ye shes sems dpa' zhes pa la//ye shes ni rang byung gi ye shes so/ /sems dpa' ni de'i ngo bo nyid du gyur pa'o/ /dad pa zhes ni nye bar sdud pa'i sgra'o/ /don nye bar bsdu na de bzhin gshegs pa thams cad kyi thugs yang dag pa'i ye shes brjod par bya ba la rjod par byed pa 'jam dpal ye shes sems dpa'i mtshan phyin ci ma log par brjod pa'o//de bas na brjod par bya ba dang rjod par byed pa'i thabs dang thabs las byung ba'i 'grel pa'i mtshan yang dag par brjod pa zhes pa'o/ /mtshan yang dag par brjod pas brjod bya khong du chud nas sangs rgyas pa ni brjod bya'i dgos pa'o//de skad du yang / de yi brjod bya rjod byed dag /'brel dang dgos pa shes par bya/ /zhes bya bas so/ /de ltar dgos 'brel du bshad nas man ngag tu bstan par bya ste/ 'di ni bcom ldan 'das ye shes kyi spyi gzugs zhes gsungs te/ bcom ldan 'das ni gtsug tor gyi 'khor lo la gnas pa'i haM ngo /de khams bzhi'i nus pas bcings te mi 'dzag pa las thams tsaN+Da li bzhu nas 'byung ba bzhi'i nus pas bcom pa ni bcom pa'o/ /ye shes kyi bdud rtsi bkug nas/ gnyis su med par byas pas na ldan no/ /rang gi gnas nas 'bab pas na 'das pa'o/ /ye shes zhes pa ni de nyid ye shes lnga'i ngo bo nyid do//de skad du yang / de nyid me long ye shes ldan/ /zhes bya ba la sogs pa gsungs so/ /de yang a bad+hU tI zhes bya ba'i rtsa chen po'i yar sna gtsug gi gnas tshangs pa'i bu ga la thug par gnas la/ 'byung ba nam mkha' dang rnam par shes pa 'bab pa'o/ / de'i shar gyi rtsa nas rlung ngo / /lho phyogs nas me'o/ /nub phyogs nas sa'o/ /byang phyogs nas chu'o/ /de yang rlung ni 'du byed do/ /me ni 'du shes so/ /sa ni gzugs so/ /chu ni tshor ba'o/ /de bzhin du skye mched rnams kyang ngo / /nam mkha' ni/ thig le chen po yi ge med/ /ces pa'o//de'i dbus na haM ngo / /g.yas na thig le zla ba'o/ /g.yon na tsheg drag nyi ma'o/ /rgyab na sgra gcan no/ /mdun na dus kyi me ste stong pa chen po yi ge lnga/ aM yaM raM khaM laM mo/ /de'i yon tan gyis a A i I u U ar Ar al A la e ai o au aM aHzhes pa'o//spyi zhes pa ni spyi bo bde ba chen po'i 'khor lo la gnas pa'i khaM lha'i sa bon/haM byang chub kyi sems so/ /de'i nus pas byang chub kyi sems kyi thig le spros pa ni/ /a a A A i i I I u u U U r-i r-i r-I r-I l-i l-i l-I l-I e e ai ai o o au au oM aM aHaH zhes pa'i thabs dang shes rab kyis rab tu phye ba'o//de rnams ni spyi bo nas lus kyi khams rnams skyed pa'i rtsa rnams kyis bzung ba ste/ rtsa 'di rnams lo bcu drug la gang / de nas yang bde ba chen po'i gnas su 'bab cing rgyu mthun pa skyed par byed pa'o/ /lo re la zla ba bcu gnyis kyis rdzogs par bstan pa'i phyir/ ma ning sbas pas bstan te/a A a I u U e ai o au aM aHzhes pa'o/ /zla ba re re la nyin zhag sum cur bstan pa ni dbyangs yig tha ma spangs pa/ ring ba bco lnga dang thung ba bco lnga'o/ /de la thung ngu rnams ni tshes gcig nas nya rdzogs pa'i bar ro/ /ring ba rnams ni bcu drug nas gnam stong gi bar ro/ /de yang nang du ni nyin zhag gcig la lo zhes pa'o//'dir ring ba dang thung ba ni nyin mo dang mtshan mo'o/ /nyin mtshan gcig la dus drug tu phye ba'i rim pas dus re re la zla ba gnyis gnyis zhes pa ni thun zung re re byas pa'o/ /gsum gsum du phye ba ni bzhi'o/ /bzhi bzhir phye ba ni gsum mo/ /drug drug tu phye ba ni gnyis so/ / de ni zla ba bcu gnyis las phye ba dang bsdus pa'o/ /zhag tu brtsis pa ni chu tshod la sogs las go bar bya ste/ ma ning ma bor bar nyis 'gyur du byas pa'o/ /de yang tshes gcig la aM/ gnyis la iM/ gsum la riM/ bzhi la uM/ lnga l-i laM/ drug la aM/ bdun la eM/ brgyad la ar/dgu la o/ /bcu la al/ bcu gcig la haM/ bcu gnyis la yaM/ bcu gsum pa la raM/ bcu bzhi pa la waM/ bco lnga pa la laM ngo / /'di ni mun pa dang / rdul dang / snying stobs kyi dbye bas chung ngu dang 'bring dang chen po'i dbye ba'o/ /tshes gcig byis pa/ bcu gnyis pa gzhon nu/ bcu gsum pa lang tsho/ /bcu bzhi pa rgan po/ bco lnga pa yongs su smin pa ste rdzogs par brjod pa'o/ /de bzhin du nag po phyogs la yang ste/ tshes bcu drug la lA/ bcu bdun la wA/ bco brgyad rA/ bcu dgu pa la yA/ nyi shu la hA/ nyi shu gcig la A/nyi shu gnyis la au/ /nyi shu gsum pa la Ar/ nyi shu bzhi pa la ai/ nyi shu lnga pa la A/ nyi shu drug pa la l-I/ nyi shu bdun pa la U/ nyi shu brgyad pa la r-I/ nyi shu dgu pa la I/ gnam stong pa la A'o/ /de la 'di ni 'bri ba'i rim pas go rims bzlog par shes par bya ste/ snying stobs dang rdul dang mun pa'i dbye bas chen po dang 'bring dang chung ngus tshes gcig la byis pa/ gnyis la gzhon nu/ gsum la lang tsho/ /bcu bzhi la rgan po/ /gnam stong la yongs su smin par 'gyur pa'o/ /de nas dkar po'i phyogs kyi tshes gcig 'phel ba na/sa'i khams kyi mun pa 'jig cing / rlung gi khams kyi snang ba 'phel te/ de bzhin du rlung gi mun pa bri ba nas sa'i khams kyi snang ba 'phel ba'i bar du rig par bya'o/ /dkar po'i phyogs la ni thig le'o/ /nag po'i phyogs la ni tsheg drag go/ /nya nas gnam stong gi bar mtha' dag la ni sgra gcan gyis 'dzin pa'i dus gnyis so//'dir lo bco lnga pa'i g.yas dang g.yon ni 'phel ba dang 'grib pa'i phyogs dag ste/ /g.yas pa'i rkang pa'i mthe bo che nas spyi bo'i khaM la thug pa dang / khaM nas g.yon pa'i mthe bo che'i bar du rig par bya'o/ /gzugs zhes pa ni longs spyod kyi 'khor lo hUM gi sa bon la bya ste/gong du bde ba chen po'i 'khor lor byang chub kyi sems kyi bkod pa bstan nas/ 'dir rlung gi bkod pa bstan pas na/ hUM bshad par bya'o/ /de yang gzugs zhes pa ni nye bar mtshon pa tsam ste mig gi yul du byas pa kha dog dang dbyibs kyi bdag nyid can no//de bzhin du yul dang yul can rna ba dang / sgra dang / sna dang / dri dang / lce dang / ro dang / lus dang / reg bya ste/ yan lag gi rlung bcu la dgongs nas de rnams longs spyod pa dang / longs spyod par byed pa'i mtshan nyid can sngags kyi theg par thabs khyad par can du gsungs so//'dir longs spyod kyi 'khor lo ni mgrin pa'i gnas su gsungs la/ de ni ngag gi sgo rdo rje zhes pa'o/ /ngag gi sgo ni sgra 'byung ba'o/ /lus ma grub par ngag 'byung ba ni med de lus ji ltar grub ce na/ de yang / sangs rgyas kun gyi sku che ba/ / sangs rgyas kun gyi gsung yang yin/ /zhes pa sangs rgyas kun ni rnam par snang mdzad la sogs pa sangs rgyas kyang yin la kun kyang yin pas so/ /sku che ba ni brtan pa dang g.yo ba ma lus pa'i bdag nyid can sku gcig tu gyur pa'o/ /de yang ji ltar zhe na/ a zhes pa dang / ya zhes pa dang /ra zhes pa dang / wa zhes pa dang / la zhes pa dang / ma zhes pa dang / k+Sha zhes pa dang / ha zhes pa dang / thig le zhes pa dang / nA da zhes pa yi ge rnams gcig tu gyur pa ni 'jig rten khams kyi lus sku rdo rjer gyur pa'o/ /sangs rgyas kun gyi gsung yang yin/ / zhes pa ni sangs rgyas kyang yin la zhes pa snga ma bzhin no/ /gsung yang yin pas ni yi ge'i bkod pa ste/ a A zhes pa nam mkha'i khams kyi yi ge dang / i I zhes pa rlung gi khams kyi yi ge dang / u U zhes pa chu'i khams kyi yi ge dang / r-i r-I zhes pa me'i khams kyi yi ge dang /l-i l-I zhes pa sa'i khams kyi yi ge dang / ma mA me ru zhes pa ri rab kyi yi ge dang / k+Shi k+She pa zhes pa g.yo ba'i yi ge dang / ba bin du zhes pa thig le'i yi ge dang / na nA da zhes pa sgra mtha'i yi ge rnams so/ /de la nam mkha'i khams kyi yi ge nas r-i r-I ri'i rgyal po ri rab kyi bar gyi yi ges ni brten pa'i 'jig rten gyi khams so//k+Sha nas nA da'i bar gyis ni g.yo ba'i 'jig rten gyi khams so/ /yi ge de rnams go rims bzhin brtsegs te lus kyi gnas rnams su dam pa'i gdams ngag gis bsgom pa ni/ sku dang gsung dbyer med pas na gsung yang yin no//de rnams kun rlung la brten pas na rtsa ba'i rlung bstan te/ de yang / lnga'i bdag nyid bcu'i ming can zhes gsungs te rtsa ba'i rlung lnga dang / yan lag gi rlung lnga'o/ /de yang ji bzhin pa dang / ji bzhin pa ma yin par gsungs te/ srog dang / thur sel gyi dang /gyen rgyu dang / khyab byed dang / mnyam gnas zhes bshad pa ni sgra ji bzhin pa'o/ /klu dang rus sbal rtsangs pa dang / lha sbyin dang ni gzhu las rgyal/ /de dag bdag gzugs bud med du/ /slar yang sprul par mdzad pa yin/ /zhes pa dang / ko ta khya dang / ko ta pa/ko Ta/ ko ta bash+tsa/ ku ti ra ga /ko la khya/ ko la pa/ ko la pa/ ko la/ ko la bash+tsa/ ko la ta tha/ zhes pa sgra ji bzhin pa ma yin par bshad pa'o/ /rgyu ba dang / rnam par rgyu ba dang / yang dag par rgyu ba dang / rab tu rgyu ba dang / nges par rgyu ba dang / zhes pa ni sgra ji bzhin par bshad pa'o//'di rnams lus kyi cha la gnas nas lus kyi bya ba byed de/ rlung lnga ni dbang po rnams dang skye mched kyi bya ba byed do/ /srog ces bya ba snying ga na gnas te mi bskyod pa'o/ /thur sel mdoms na gnas te rin chen tog go/ /gyen du rgyu ba lkog ma na gnas te 'od dpag med pa'o//me dang mnyam gnas lte ba na gnas pa don yod grub pa'o/ /khyab byed tshigs thams cad la gnas pa ste rnam par snang mdzad do/ /rgyu ba'i rlung ni gzugs so/ /rnam par rgyu ba ni sgra'o/ /yang dag par rgyu ba ni dri'o/ /rab tu rgyu ba ni ro'o//nges par rgyu ba ni reg bya'o/ /yang rlung bcu po 'di dag dkyil 'khor bzhi'i bya brag gis e waM ma yA'o/ /de dag go rims bzhin du sangs rgyas spyan la sogs pa'i lha mo rnams dang / sa la sogs pa lnga dang / me long lta bu'i la sogs pa'i ye shes lnga dang /dkar po la sogs pa'i 'od zer lnga dang / 'byung ba dang / 'jug pa dang gnas pa'i tshul gyis rdo rje'i bzlas pa dang / yi ge gsum gyis sbyang ba la sogs pa las thams cad byed pa'o/ /steng du 'bar ba me'o/ /'og tu 'bab pa chu'o/ /'phred la gnas pa sa'o/ / thad kar rgyu ba rlung ngo / /phyogs bzhi po rnams su g.yas skor gyis 'byung ba ni sa'o/ /ya wa la ra'o/ /mtshams rnams su g.yon skor gyis 'jug pa ni yA rA lA wA'o/ /dbus na a'o/ /'byung ba cha phra ba'i dkyil 'khor spro ba la chos kyi dbyings kyis gtugs pa'i gnas su brjod du med par spro zhing steng du sems can gyi don byed pa'i snying rje'i ngo bo nyid do//bsdu ba 'jig pa'i rim pas g.yon skor gyis nang du zhugs nas stong pa nyid kyi rang bzhin mtshan ma med pa'o/ /de lta bu'i g.yas la sogs par 'pho ba ni lan bcu drug ste rgyud la la'i bzhed pas ni/'dir dbyangs tha ma spangs pa'i bco lnga'o/ /de yang nyin mtshan cha mnyam pa'i dbang du byas nas nyin mo dang mtshan mo 'pho ba brgyad do/ /de la thabs kyi 'pho ba dang shes rab kyi 'pho ba re re'i dbang du byas pa sum cu rtsa gnyis dang / tha ma spangs pa la sum cu nyid do/ / sngar smos pa nyin mtshan gcig la phyogs nyi shu rtsa bzhi dang bgrod pa bcu gnyis dang / dus drug dang / thun bzhi dang / dus gsum dang / bgrod pa gnyis kyis lor 'gyur te/ /de la mi'i dbugs 'byung ba dang 'jug pa gnyis gcig tu brtsis pa'i nyi khri chig stong drug brgya ni nyin zhag gcig yin la/nyi khri chig stong drug brgya'i cha gcig ni lus las skyes pa'i srin bu'i dbugs 'byung ba dang 'jug pa ste dbugs phra mo zhes bya'o/ /dbugs phra mo de drug la lus las skyes pa'i srin bu la sogs pa'i rigs rnams kyi chu srang gcig go/ /chu srang drug cu la chu tshod gcig go//chu tshod drug cu la nyin zhag gcig go/ /mi rnams dang lus las skyes pa la sogs pa rnams kyi rang rang gi nyi ma la dbugs rngub pa dang / 'byung ba'i grangs nyi khri chig stong drug brgya'o/ /mi rnams kyi zhag sum cu'i dbugs bsgres pa la yi dwags rnams kyi nyin zhag gcig gi dbugs te/mi rnams kyi yar ngo mar ngo ni yi dwags rnams kyi nyin mo dang mtshan mo'o/ /mi rnams kyi dbugs sum brgya drug cu la lha rnams kyi dbugs gcig go/ /mi rnams kyi dbugs nyi khri chig stong drug brgya la lha ma yin rnams kyi dbugs gcig go/ / mi rnams kyi lo gcig gi dbugs rnams la 'og min gyi lha rnams kyi dbugs gcig go/ /mi rnams kyi dbugs nyi khri chig stong drug brgya'i dbugs ril la 'du shes med 'du shes med min gyi skyed mched du nye bar song ba'i dbugs gcig go/ /dbugs phra mo dang / zla ba dang chu tshod dang /nyin zhag dang / lo dang / dus dang nyi khri chig stong drug brgya dag drug gi rim pas lus las skyes pa dang / mi rnams dang / 'byung po rnams dang / lha dang / lha ma yin rnams dang / 'og min dang / /gzugs med pa'i gong ma'i nyin zhag gcig go//de ltar bshad pa'i rim pa las lus las skyes pa nas gzugs med pa gong ma'i bar du rang rang gi dbugs nyi khri chig stong drug brgya nyi mar 'gyur ro/ /'og min gyi tshad 'di rnams mi'i lo'i dus bzhi las steng du 'khor los sgyur pa dang / sangs rgyas kyi chos kyi 'khor lo bskor bar 'gyur zhes pa dang po'i sangs rgyas las gsungs so//da ni phra mo la sogs pa'i dbugs kyi dbye ba'i sgo nas sngar gyi lus dbye bar bshad de/ 'dir nyi ma song ba la lus las skyes pa la sogs pa zla ba phyed pa nyi shu rtsa bzhi la rang rang gi dbugs dgu brgya dgu brgyas lor 'gyur ro//dbugs stong brgyad brgya stong brgyad brgyas zla ba bcu gnyis kyi nyin zhag las lor 'gyur ro/ /dbugs brgya phrag sum cu rtsa drug brgya phrag sum cu rtsa drug gis nyin zhag las lor 'gyur ro/ /dbugs brgya phrag lnga bcu rtsa bzhi brgya phrag lnga bcu rtsa bzhis dus su 'gyur ro//dus bzhis nyin zhag las lor 'gyur ro/ /dbugs brgya phrag bdun cu rtsa gnyis kyis dus gsum gyi nyin zhag las lor 'gyur ro/ /dbugs khri brgyad brgya brgyad brgyas bgrod par 'gyur te/ bgrod pa gnyis kyis nyin zhag las lor 'gyur ro//de bzhin du dbugs nyi khri chig stong drug brgya'i nyi ma la rang rang gi tshad kyis so so'i nyi ma las lor 'gyur ro/ /lus las skyes pa la sogs pa rnams kyi'o/ /gzhan ni gzhung mangs pas 'jigs pa'i phyir ma spros so/ /de dag gis ni nang du nyin zhag gcig la ji tsam rgyu ba dang /phyi rol du lus las skyes pa la sogs pa'i lo la ji tsam 'byung ba bshad de/ rtsa ba'i rlung gi dbang du byas pa'o/ /yan lag gi yul ni yul dang dbang po la brten nas rnam par shes pa tshor ba bde ba dang / sdug bsngal dang / bde ba yang ma yin sdug bsngal yang ma yin pa skye ba ste/de'i dbang gis 'dod chags dang zhe sdang dang / gti mug tu skye ba longs spyod kyi 'khor lo'i bla ma'i bka' drin gyis sbyang bar bya'o/ /da ni thig le dang rlung la brten pa'i byang chub kyi sems de bzhin gshegs pa lnga dang ye shes lnga dang phung po lnga la sogs pa bshad pa'i phyir/de bzhin gshegs pa thams cad kyi ye shes kyi sku zhes gsungs te/ chos kyi 'khor lo la gnas pa'i rnam par snang mdzad la sogs pa lnga ni de bzhin gshegs pa thams cad do/ /ye shes kyi sku zhes pa ni rdo rje 'chang ngo / /de yang lte ba'i rtsa ba nas pa long gi rmig pa'i mthar thug par chu shing gi me tog ltar 'phyang zhing 'og tu phyogs pa nyi ma dang zla ba'i dbus na 'khor ba dang mya ngan las 'das pa'i sa bon gzhom du med pa gnas pa de ni chos kyi 'khor lo'o//de yang dngos su don dam byang chub kyi sems 'od gsal ba'o/ /de nyid thog ma med pa nas bdag tu nga rgyal ba dang /bdag tu rmongs pa la sogs pa'i nyon mongs pas dkrugs nas 'khor ba'i 'dam chen por bying ba ste/ de bsal ba'i phyir thabs sgyu 'phrul dra ba zhes bya ba goms nas byang chub pa'i 'bras bu thob par byed pa'o/ /de yang 'chang bzhin pa'i bla ma dam pa'i gru la brten bzhin pa'o//slob ma mtshan nyid dang ldan pas thun mong ma yin pa'i gsang sngags kyi lam la brten nas thog ma med pa'i bag chags dang bcas pa'i phung po dang khams dang skye mched sbyang ba'i phyir bum pa'i dbang gi skabs su de bzhin gshegs pa rnams dang /yab yum dang / sems dpa' dang / sems ma dang / khro bo'i rtog pa skyes pa'i gnas ni snying ga'o/ /bla mas ye shes sems dpa' bkug ste/ bstim pa'i gnas kyang chos kyi 'khor lo'o/ /de nas de bzhin gshegs pa thams cad ni chos kyi 'khor lo'o/ / de yang dbus kyi ze 'bru la rnam par shes pa'i phung po rnam par dag pa mi bskyod pa sdug bsngal gcod byed de bzhin gshegs pa'o/ /shar du gzugs kyi phung po rnam par dag pa rnam par snang mdzad shes rab ye shes kyi sku'o/ /lho phyogs su tshor ba'i phung po rnam par dag pa rin chen 'byung ldan ye shes kyi sku'o//nub phyogs su 'du shes kyi phung po rnam par dag pa snang ba mtha' yas ngag gi dbang phyug go/ /byang phyogs su 'du byed kyi phung po rnam par dag pa don yod grub pa de bzhin gshegs pa sdig pa sreg byed do/ /mtshams su sa dang / chu dang / me dang / rlung rnam par dag pa'i rang bzhin go rims bzhin du/ sangs rgyas spyan dang / mA ma kI dang / gos dkar mo dang / sgrol ma rnams so/ /gzugs kyi phung po la spros pa'i byang chub sems dpa' bzhi dang / de bzhin du tshor ba'i phung po dang / 'du shes kyi phung po dang /'du byed kyi phung po dang / rnam par shes pa'i phung po las 'phros pa'i byang chub sems dpa' bzhi spros pa'i rang rang gi khams phra mo'i rnam par dag pa'o/ /phyi'i lha mo bzhi ni phyi rol gyi skye mched rnam par dag pa'o/ /nang gi lha mo rnams ni nang gi skye mched rnam par dag pa'o//byams pa la sogs pa bcu drug ni shes rab stong pa nyid bcu drug las snying rje bcu drug gis sems can yongs su skyong ba'o/ /sgo skyong ma bzhi ni tshad med pa bzhis sems can gyi don du de bzhin gshegs pa thams cad bskul ba dang / 'bebs pa dang / brtan pa dang / dgyes par byed pa dang / de bzhin gshegs pa rnams kyi thugs kar yang rtsibs brgyad pa dang / yang rtsibs drug pa rnams su oM badzra tI k+Sha duH kha ts+tshe da/ pra dz+nyA dz+nyA na mU rta ye dz+nyA na kA ya bA gI shwa ra/ a ra pa tsa na ya te namaH/ zhes pa'i sngags rnams man ngag ji lta ba bzhin dgod par bya'o//der mu khyud rkyang pas bcad pa la/ rtsibs sum cu rtsa gnyis dgod par bya'o/ /de bzhin du rtsibs bcu drug pa dang yang rtsibs brgyad pa dang / rtsibs drug cu pa dang / rtsibs sum cu rtsa gnyis pas mtshan pa dgod par bya'o/ /dang po'i rtsibs sum cu rtsa gnyis la dgod pa ni 'di lta ste/A A zhes pa ring po bcu drug dang / a a zhes pa thung ngu bcu drug go/ /rtsibs bcu drug la dgod pa ni/ a A zhes pa ring thung 'dres pa bcu drug go/ /rtsibs brgyad pa la dgod pa ni/ a I u r-i l-I e o aM zhes pa'o/ /rtsibs drug cu pa la dgod pa ni/ka kha la sogs pa 'byung ba'i yi ge bzhi tsho gcig spangs nas lugs las bzlog par bkod pa'o/ /rtsibs sum cu rtsa gnyis par dgod pa ni/ a a zhes pa thung ngu sum cu rtsa gnyis so/ /de'i phyi rim re khA gnyis kyis bskor ba'i bar du ni dag cing yongs su dag pa'i chos thams cad rnam par dag pa'i sngags oM sarba d+harmA zhes pa nas a'i mthar thug pa dgod par bya'o//drug pa ye shes kyi sku rdo rje 'chang ba la ni man ngag ji lta ba bzhin du gtsug tor la sogs pa gnas drug tu blta bar bya'o/ /de ltar goms par byas shing rtog pa bskyed pa ni de bzhin gshegs pa thams cad kyi dbugs sbyin pa'o//de rnams kyang dbus kyi gtso bos rgyas 'debs shing dkyil 'khor gyi 'khor lo spro ba yang rang gi sems snang ba tsam du shes par byas pa ni mi bskyod pa'i dbugs 'byung ba'o/ /de yang snang ba dang stong pa dbyer med can gyi ye shes kyi sku rdo rje 'chang du rtogs pa ni rdo rje sems dpa'i dbugs 'byung ba'o//de ni chos kyi 'khor lo la de bzhin gshegs pa thams cad du bsgom pa'i don to/ /de nas gsang ba'i dbang gi gdams ngag tu byas nas bla ma dang phyag rgya bsten pa las byung ba'i byang chub sems kyi dbang bskur bas sngar gyi rigs lngar snang ba'i de bzhin gshegs pa thams cad gsung yi ge'i rang bzhin du gyur te/b+h+rUM dzr-IM AM khaM hUM zhes pa lnga dang / laM maM paM taM zhes pa bzhi dang / al u e o zhes pa bzhi dang / u e i al zhes pa bzhi dang / e i al U zhes pa bzhi dang / i al U e zhes pa bzhi dang / a a aM a zhes pa bzhi dang /r-i r-I l-i l-I zhes pa bzhi dang / a A i I u U r-i r-I li l-I e ai o au aM aHzhes pa bcu drug dang / r-i r-I l-i l-I rnams su rig par bya'o/ /de yang sngar de bzhin gshegs pa thams cad kyi gnas skabs na phyogs dang phyogs bral na rang rang gi gnas su pad+ma dang nyi ma dang zla ba'i gdan la bzhugs pa yin la 'dir pad+ma'i ze 'bru la thig le chen po yi ge med pa rten du byas nas sems kyi re khA pad+ma'i snal ma ltar phra bas re khA bzhis re mig dgur byas la/de'i phyi rol du zlum por bskor ba dang / de nyid rim pa gnyis par bskor ba dang /thig le'i mtha' skor gyi rngams la phyogs bzhir ma ning gi yi ge bkod la bsgom par bya zhing yi ge de rnams re re las kyang 'od zer kha dog lnga steng gi cha las mar me'i rtse mo bzhin du byung bas sems can gyi khams mtha' yas pa'i nyon mongs pa dang las kyi tshogs bsal nas slar 'dus nas ye shes kyi sku stong pa chen por thim nas/dmigs pa med par bya ba dang / /rjes la stong pa chen po yi ge lnga la sogs pa'i yi ge brgyar spros pa nas mtha' yas par spros te 'di ltar snang ba'i chos thams cad yi ge tsam dang brdar btags pa tsam du rig par bya'o//da ni ming tsam gyi sgo nas don bstan par bya ba'i phyir/ 'jam dpal ye shes sems dpa' zhes bya ba gsungs te/ 'jam dpal ye shes sems dpa' zhes bya ba ni sprul pa'i 'khor lo la gnas pa'i yi ge a'o/ /de nyid ni don dam pa'i yi ge yin pa'i phyir ro//de lta bar gyur pa'i zug rngu dang bral bas 'jam pa'o/ /bdag dang gzhan gyi don phun sum tshogs par byed pas na dpal lo/ /de nyid kyi mi shes pa ma lus pa spangs pas na ye shes so/ /de'i don gang gis khong du chud pa ni sems dpa'o/ /de kho nas chos thams cad kyi rang bzhin mtshon pas na a'o//de yang de kho nas zhes pa ni dngos po bden par ston pa'i sgra'o/ /chos thams cad ces pa ni 'khor ba dang mya ngan las 'das pa'i chos te/ phung po dang khams dang skye mched la sogs pa thams cad dang de bzhin gshegs pa rnams dang / lha mo rnams dang byang chub sems dpa' la sogs pa'o//rang bzhin zhes pa ni ngo bo nyid do/ /mtshon par byed pas na a zhes pa'i yi ge'o/ /de skad du yang rgyud kyi rgyal po chen po brtag pa gnyis pa las/ a kA ro mu khaM sarba d+harmA NaM A d+ya nud+pan na twA ta ces gsungs te/ de bas na chos thams cad thog ma nas ma skyes pa'i mtshan nyid do//de'i don rtogs pa ni chos kun gyi ngo bo nyid khong du chud pa'o/ /de la yang 'dir kha cig ni skye ba med pa zhes bya ba nyi tshe ba'i stong pa nyid yin snyam sems so/ /de ltar blta bar mi bya ste/ /rten cing 'brel bar 'byung ba'i chos 'di dag nyid skye ba med pa ste/thams cad chu'i zla ba lta bu'o zhes gsungs so/ /de skad du yang / rten cing 'brel par 'byung ba gang / /ngo bo nyid kyis de ma skyes/ /zhes gsungs so/ /'di nyid las kyang / srog chen po ste skye ba med ces gsungs pa yin te/ srog kyang yin la chen po yang yin pa'i phyir de skad ces bya'o//yang 'di nyid las/ mi 'gyur 'gro ba khyab pa po/ /zhes gsungs so/ /de yang mi 'gyur pa ni 'dus ma byas pa'i phyir yin la/ /kun du 'gro ba ni sna tshogs pa'i rjes su 'gro ba'o/ /khyab pa ni brtan pa dang g.yo ba'i dngos po kun la khyab pa ste/dngos po kun la'o zhes gsungs pa'o/ /de bas na 'di nyid sna tshogs su sprul pas na sprul pa'i 'khor lo'o/ /de la 'byung ba chen po lngas bskor bas na/ 'byung ba chen po rgyu gcig po/ /zhes gsungs pa yin no/ /de'i rten lus las 'byung ba'i dus su yang 'byung ba chen pos bskor cing 'byung ba ste/de yang / bde ba chen po gcig nyid las/ /kun du ru las lnga ru 'gyur/ /zhes so/ /de nas a de nyid la sde tshan lnga bcus bskor ba ni 'di lta ste/ dang po a'i bcu drug las khams dbye ba brjod par bya ste/ a A zhes pa nas nam mkha'i khams so//de ni khong nas 'byung ba'i phyir ro/ /i I zhes pa ni rlung gi khams kyi yi ge ste/ ya'i yon tan las byung ba'i phyir ro/ /e ai zhes pa me'i khams kyi yi ge ste/ /yi ge ra'i yon tan las 'byung ba'i phyir ro/ /r-i r-I l-i l-I ni me dang sa'i yon tan yin te dbyangs kyi ma ning bzhi zhes bya'o//o au zhes pa ni chu'i khams kyi yi ge ste/ yi ge wa'i yon tan las 'byung ba'i phyir ro/ /aM ni rnam par shes pa'i khams las byung ba ste/ byang chub kyi sems kyi rang bzhin gyi phyir ro/ /aHzhes pa ni ye shes kyi khams las 'byung ba'o/ /yang na aM zhes pa ni zla ba'i khams so//aH zhes pa ni nyi ma'i khams so/ /de dag las khams lnga dang drug tu rab tu phye ba'o/ /de ltar dbyangs yig yon tan las gsal byed rnams kyang 'byung bar lta ste/ gang zhen 'di lta ste/ ka kha ga g+ha nga zhes pa ni dbyangs yig a A'i yon tan las 'byung ste/a ku ha zhes bya ba'i sgra mgrin pa las 'byung ba nam mkha'i khams so/ /de ni gsal byed dbyangs yig as khyad par du byas pa'o/ /tsa tsha dza dz+nya nya zhes pa ni dbyangs yig i I yon tan las 'byung ba ste/ i tsu ya sha zhes bya ba'i sgra ni spyi bo las 'byung ba rlung gi khams so//de ni gsal byed yi ge is khyad par du byas pa'o/ /Ta Tha Da D+ha Na zhes pa'i gsal byed dbyangs r-i'i yon tan las 'byung ste/ /r-i Tu ra Sha zhes bya ba'i sgras lce rtse dang rkan las 'byung ba'i me'i khams so/ /de rnams ni gsal byed la dbyangs yig r-is khyad par du byas so//ta tha da d+ha na zhes pa ni dbyangs yig l-i l-I'i yon tan las 'byung ba ste/ l-i tu la sa zhes bya ba'i sgra lce rtse dang so las 'byung ba sa'i khams so/ /de ni gsal byed dbyangs yig l-is khyad par du byas pa'o/ /pa pha ba b+ha ma zhes pa ni dbyangs yig o au'i yon tan las 'byung ba ste/u o pu wa zhes bya ba'i sgra mchu las 'byung ba chu'i khams so/ /de ni gsal byed la yi ge was khyad par byas pa'o/ /ya ni rlung ngo / /ra ni me'o/ /la ni sa'o/ /wa ni chu'o/ /sha Sha sa ha k+Sha zhes pa ni lce chung las 'byung bas lte ba'i yi ge'o//de bas 'di ltar sprul pa'i 'khor lo 'dab ma drug cu rtsa bzhi la yi ge ston nas g.yas nas bskor ba'i gsal byed la 'byung ba gnyis dang / /g.yon nas bskor ba'i gsal byed la 'byung ba gnyis te/ drug cu tham pa bkod pa'o/ /de dag kyang 'byung ba'i bye brag gis kha dog gi bye brag gsal te/de yang nam mkha'i kha dog sngo ba dbyibs gru gsum dang rlung ljang gu dbyibs zla ba phyed pa me dmar ser dbyibs gru gsum chu dkar po dbyibs zlum po sa ser po dbyibs gru bzhi pa'o/ /ji skad du sngar chos kyi 'khor lor smos pa'i rlung rnams dang gong ma'i 'khor lo la smos pa rnams kyang 'di las shes par bya'o//'dir yi ge bshad ma thag pa 'di dag las so so'i kha dog dang dbyibs kyang rim par bya'o/ /de skad du yang / a mchog tu gyur dam pa ste/ /sde tshan brgyad kyis yang dag bskor/ /a ni yig 'bru kun gyi mchog /don chen sde tshan rnams kyi gtso/ /lus can rnams kyi sngags rnams ni/ /de nyid nas ni yang dag 'byung / /zhes gsungs so/ /de nyid las steng du mngon par phyogs nas rlung dang rnam par shes pa steng gi sgo rnams su 'bab pa de'i tshe nyi ma dang zla ba'i lam las dkyil 'khor lnga lnga g.yas skor gyis 'byung ba dang g.yon skor gyis 'jug pa la sems sbyong zhing nang du 'jug pa la lte bar rim gyis gnas pa'i tshe 'jam dpal ye shes sems dpa'i ming gi don dam pa khong du chud par byed do//yang gsang sngags kyi thabs gtum mo zhes bya ba'i rim pas g.yas pa dang g.yon pa'i rtsa ro ma dang rkyang ma srog gis gang bar byas nas dbus kyi rtsa gsor gsor ba bzhin skyes pas a ba d+hU tIr srog gi rlung zhugs te sngar bshad pa'i snying ga'i 'khor lo chen por zhu bas thig le rten dang bcas pa'i sa bon tsam yang mi dmigs par bya ste/'dzin pa rang bzhin stong par zhugs nas sngar bshad pa'i longs spyod kyi 'khor lo la bkur sti lan gsum byas te/bde ba chen po'i lam nam mkha' la rgyu ba'i lam du zhugs pas 'jig rten gsum po thams cad snang bar byas te/ ye shes kyi 'khor lor gyur pa'i thugs kar song ste/ de dag gis dam tshig gi 'khor lo dkrugs te/ye shes kyi bdud rtsi 'dzin pas stong pa'i thig le dang bcas pas gtsug tor gyi 'khor lor sngar bcom ldan 'das kyis don bshad pa bzhin babs te/ thams cad byang chub sems dpa'i ngo bor byas nas/ du ba la sogs pa mngon du shar bas rim gyis bde ba chen po'i 'khor lor spros te nyams su myang ba ji skad du ston pa bzhin skyed do/longs spyod rdzogs pa'i 'khor lor sku rdo rje'i ngo bor thim pas sngar bshad pa'i gdams ngag gi rim pas rlung dang rnam par shes pa'i thabs khyad par can la brten nas dang po rnam par shes pa'i ye shes su shes par bya'o//de nas slar nang du 'jug pa'i rim pas snying ga chos kyi 'khor lor gnas pa'i tshe ro langs chen po'i ting nge 'dzin zhes pa sngar gsang pa thams cad gsos te de yang thal bar gyur pa yin yang gso bar byed pa zhes bya bas thig le chen po las sems bskyed pa dang / sems kyi re khA dang / /sa bon dang lha'i sku rnams snga ma bzhin du blta'o/ /'on kyang khyad par ni 'di yin te/ sgyu ma'i dpe rnams kyis nye bar mtshon pa'o/ /mtshon nyid dbang po'i gzhu lta bu'o/ /de yang lha rnams bla ma'i man ngag gi rim pas bcu drug phyed phyed thig le can du gyur te slar lte ba'i dkyil 'khor gyi don dam pa'i mtshon gzhi dang mtshon byed a'i gnas su mtshon bya yan lag med cing rtsis las 'das pa de bzhin gshegs pa thams cad kyi ye shes kyi skur gnas pa'o//de nyid 'og tu mngon par phyogs nas/ 'gro ba thams cad skyed par byed pas bla ma gcig nas gcig tu brgyud pas rim pas slar ye shes kyi skur grub par bya ba'i phyir 'brel ba'i mtshan yang dag par brjod pa zhes gsungs te/gal te ye shes kyi sku dang 'brel na 'jog po'i nor bu bzhin blang bar mi nus pa las thabs gang gis she na mtshan yang dag par brjod pa zhes pa ste/de la mtshan gyi rnam grangs mi zad pa la 'jug pa ste/ dngos po gcig la yang ming du mas ston pa'i phyir ro/ de bas na ye shes sku'i yan lag med cing rtsis las 'das pa la 'jam dpal ye shes sems dpa' zhes bya ba'i ming du brjod pa ni mtshon bya phyin ci ma log par ston pas yang dag par brjod pa'o//gzhan du na ye shes sems dpa' sems kyi don dam pa de ni sangs rgyas nyid yin pas bltar mi snang ba'i phyir ro/ /de yang / sgra dang blo ni kun rdzob ste/ /don dam blo yi spyod yul min/ /zhes bya bas so/ / 'o na 'jam dpal ye shes sems dpa' zhes bya ba 'di yang sgra nyid yin la/ don dam pa de tshu rol mthong ba la blo'i yul lo zhe na/ bden mod kyi chos thams cad brjod du med pa nyid sgra yin kyang blo dang ldan pa dag ni brjod du med pa'i sgra tsam la dpyod par mi byed do/ /de yang / stong pa la sogs mngon brjod pa//de la sgro 'dog gcod pa yi/ /zhes gsungs so/ /'di nyid las kyang / yang dag bdag med de bzhin nyid/ /yang dag mtha' ste yi ge med/ /stong nyid smra ba'i khyu mchog ste/ /zhes bya ba la sogs pa chos su smra bar brda tsam du gsungs so/ / brda de yang rnam pa gsum ste/ rnam pa khong du chud par byed pa dang / bya ba khong du chud par byed pa dang / de nyid khong du chud par byed pa'o/ /de la rnam pa khong du chud par byed pa ni rgyu mtshan las ming du btags pa'i brda'o/ /bya ba khong du chud par byed pa'i brda ni yan lag dang nyid lag gis zas skom gyi brda byed pa lta bu'o//de nyid khong du chud par byed pa'i brda ni dngos po rang gi mtshan nyid la reg par byed pa'o/ /de las snga ma gnyis ni thun mong pa'o/ /phyi ma ni thun mong ma yin pa'o/ /thun mong ma yin pa de yang gang zhe na/ /dper na me la reg pa dang dug zos na sreg pa dang 'chi ba bzhin cung zad kyis kyang don byed nus pa'o//de bas na bla ma'i byin rlabs kyis gsang gnas kyi 'khor lo 'dir 'khor ba lugs su 'jug pa/ skye ba rang gi mtshan nyid dang lugs las zlog par byed pa'i rang gi mtshan nyid do/ /de la ci'i phyir gsang ba'i gnas zhes bya zhe na 'di lta bu'i gsang ba gdams ngag gi gnas yin pa'i phyir dang /de bzhin gshegs pa thams cad kyi sku dang gsung dang thugs kyi gsang ba las snying po mchog tu gsang ba'i gnas su 'gyur pa dang / 'dod chags dang bral bas sreg pa'i gnas yin pas gsang ba'i gnas zhes bya'o/ / lugs su 'jug pa srid pa'i yan lag tu byas nas ma rig pa la sogs pa yan lag bcu gnyis su rnam par gzhag go/ /lugs las bzlog pa rnam par dag pa'i dbang du byas nas dag pa rnam pa bcu gnyis su rnam par gzhag go/ /de yang ma rig pa la sogs pa pha dang ma'i 'du 'phrod las lus ji ltar len pa'i rim pa ni ma dag pa'i skye ba zhes bya ste phyi zhes bya'o//skye ba'i rim pa de nyid bskyed pa dang rdzogs pa'i tshul gyis rnam par dag par byed pa ni nang zhes bya'o/ /yang dam pa gcig nas gcig tu brgyud pa'i gdams ngag dang bral nas sgrub pa'i thabs sgra ji bzhin pa tsam du zhes pa ni phyi zhes bya'o//las kyi phyag rgya la sogs pa la brten nas sgra ji bzhin pa ma yin par nyams su len pa ni nang zhes bya'o/ /de yang / ji ltar phyi rol de bzhin nang / /zhes gsungs pas phyi rol sgra ji bzhin ma yin par gsungs pa'i tshul nang du yang rig par bya'o//de la sgrub pa'i thabs kyi dang por gnas gsungs pa phyi rol du dur khrod la sogs pa gsungs pa la/ nang du lus la sogs pa gsungs so/ /phyi rol du sa blang ba la sogs pa'i cho ga bya bar gsungs la/ nang du rig ma sbyang ba'i rim pa gsungs so/ /phyi rol du dkyil 'khor bya zhing rten dgram pa'i cho gar gsungs la/nang du byang chub kyi yan lag spos dang me tog gis mdzes par bya bar gsungs so/ /phyi rol du dkon mchog spyan drang zhing mchod pa'i cho gar gsungs la/ nang du 'dus pa la dpa' bo'i ston mor gsungs so/ / phyi rol du tshad med pa la sogs par bya ba'i cho gar gsungs la/ nang du bsnyen pa dang / nye bsnyen dang / sgrub pa dang / sgrub pa chen por sems goms par bya bar gsungs so/ /phyi rol du sngags la sogs pa'i sgo nas stong pa nyid du bsgom par gsungs la/nang du thabs dang shes rab dag sbyong bas stong pa nyid du gsungs so/ /phyi rol du smon lam gyi mthus langs par 'dod la/ nang du thabs dang shes rab kyi mthu las sgrub par gsungs so/ /phyi rol du bgegs dang log par 'dren pa bskrad cing phur bus gdab par gsungs la/nang du mi dge ba bcu bsdam pa dang / sbyin pa la sogs pas sems can bsdu ba dang / de yang sems can gyi don bya bar gsungs so/ /dngos su tha mal pa bzlog par bya bar gsungs so/ phyi rol du nam mkha'i khams mtha' med pas shes rab kyi chos 'byung yin la/nang du shes rab kyi lus nam mkha'i rang bzhin gang la yod pa'o/ /de la phyi ru nam mkha' dbus su yi ge sa bon yaM las gyur pa'i rlung gi dkyil 'khor rgyar dpag tshad 'bum phrag bzhi pa sna tshogs rdo rjes mtshan pa'o/ /nang du shes rab kyi lus la dpral bar rlung gi dkyil 'khor sngar bshad pa'i rim pas so//phyi ru rlung gi dkyil 'khor gyi steng du raM las gyur pa'i me'i dkyil 'khor gru gsum dmar po rgyar dpag tshad 'bum phrag gsum pa/ 'og dang steng du hUM las yongs su gyur pa'i sna tshogs rdo rje gnyis dang lhan cig g.yung drung gis mtshan pa'o//nang du mgrin par me'i dkyil 'khor ro/ /phyi rol du me'i steng du baM las gyur pa chu'i dkyil 'khor dkar po rgyar dpag tshad 'bum phrag gnyis pa 'og dang steng du hUM las gyur pa'i sna tshogs rdo rje gnyis dang / pad+mas mtshan pa'o/ /nang du snying gar chu'i dkyil 'khor ro/ / phyi rol du chu'i steng du laM las gyur pa sa'i dkyil 'khor ser po rgyar dpag tshad 'bum phrag gcig la 'og dang steng du hUM las gyur pa'i sna tshogs rdo rje gnyis dang lhan cig pa rdo rje gnyis kyis mtshan pa'o/ /nang du shes rab kyi lte bar sa'i dkyil 'khor ro/ /phyi rol du ma las gyur pa'i lhun po rdo rje'i rang bzhin ri rab chen po'i 'og gi rgyar dpag tshad bcu drug steng gi dpag tshad stong phrag lnga bcu'o//nang du lte ba sa'i dkyil 'khor la thug pa lhun po chen po'o/ /phyi rol du lhun po'i steng du k+Sha las gyur pa'i sna tshogs pad+ma lhun po chen po'i phyed tsam mo/ /nang du bcom ldan 'das ma'i gsang ba'i pad+ma'o//phyi rol la de'i phyed kyi cha'i ze'u 'bru la dpag tshad stong phrag phyed dang bcu gsum mo/ /nang du bshang ba dang / gci ba dang / khu ba 'bab pa'i rtsa gsum ni/ zla ba dang / nyi ma dang / sgra gcan gyi dkyil 'khor rnams gsang ba'i pad+ma'i ze'u 'bru la de dang mnyam pa'i rgyu ba'o//phyi rol du de'i steng du hUM las skyes pa zla ba'i dkyil 'khor ze'u 'bru dang mnyam pa'o/ /nang du haM las byung ba'i khu ba'o/ /phyi rol la de'i steng du tsheg drag las byung ba'i nyi ma'i dkyil 'khor ro/ /nang du g.yon pa las byung ba'i nyi ma'o/ /phyi ru de'i steng du thig le las byung ba sgra gcan gyi dkyil 'khor mdog sngon po'o//nang du a ba d+hU tIr 'dres pa'o/ /phyi rol du de thams cad 'dres pa bstan pa'i yi ge brtsegs pa ni/ h+k+Sh+m+l+W+r+yaM zhes pa ni sa bon rnams bsgom pa'o/ /nang du khams gsum pa brtan pa dang g.yo bar bcas pa shes rab ma la rtogs par bya'o//de'i man ngag ni 'di yin te/ a zhes pa ni nam mkha'i khams so/ /ya zhes pa ni rlung gi khams so/ /ra zhes pa ni me'i khams so/ /wa zhes pa ni chu'i khams so/ /la zhes pa ni sa'i khams so/ /ma zhes pa ni ri rab po/ /de ni brtan pa snod kyi 'jig rten gyi khams so//k+Sha zhes pa ni g.yo ba bcud yin te/ 'dod pa'i khams dang / thig le dang / tsheg drag dang / zla ba dang / nyi ma dang / ha zhes pa ni gzugs khams dang / sgra mtha' gzugs med pa'i khams so/ /de bas na khams gsum kun bskyed pa'i yul mchog tu blta'o zhes pa'o//de nyid de bzhin gshegs pa thams cad kyi btsun mo'o/ /yang phyi rol du sku gsung thugs kyi 'khor lo'o/ /nang du lus dang ngag dang yid do/ /phyi rol du thugs kyi dkyil 'khor sa'i khor yug la thug pa'o//de'i phyi rol du gsung gi dkyil 'khor chu'i khor yug la thug par ro/ /de'i phyi rol du sku'i dkyil 'khor rlung gi khor yug la thug par ro/ /sku'i dkyil 'khor la rgyar dpag tshad bzhi'o/ /gsung gi dkyil 'khor la rgyar dpag tshad gnyis so//thugs kyi dkyil 'khor la yang de'i phyed do/ /bde ba chen po'i dkyil 'khor la yang de'i phyed do/ /de'i yang phyed ni bcom ldan 'das kyi pad+ma'o/ /pad+ma'i sum cha ni lte ba'o/ /zla ba dang / nyi ma dang / sgra gcan gyi dkyil 'khor yang de bzhin no/ /nang du ni gsang ba'i pad+ma nas lte ba dang /snying ga dang / mgrin pa dang / spyi bo dang / gtsug tor gyi bar ro/ /yang na snying ga dang / dpung pa dang / lag ngar dang / /sen mo la thug par shes rab kyi lus la rnam par brtags nas bsgom pa'i nges pa'o/ /phyi ru dkyil 'khor so so la sgo bzhi bzhi'o//nang du rA shi bcu gnyis dang / lus ngag yid gsum gyi dbye ba'o/ /phyi rol du nor bu dang / gser las byung ba'i rta babs so/ /nang du ni zla ba dang nyi ma 'byung ba'o/ /phyi rol du sku'i dkyil 'khor du dur khrod brgyad do/ /nang du rnam par shes pa brgyad do//phyi rol du ka ba brgyad do/ /nang du dpung pa la sogs pa brgyad do/ /phyi ru gtso bo'i rang bzhin no/ /nang du sems las grub pa'o/ /phyi rol du rdo rje'i thig la sogs pa'o/ /nang du rtsa rnams so/ /phyi rol du dkar po la sogs pa'i kha dog go/ /nang du bad kan la sogs pa'o//phyi rol du 'dod pa'i lha mo'o/ /nang du yul dang yul can no/ /phyi rol du dra ba dang dra ba phyed pa'o/ /nang du nyon mongs pa dang nye ba'i nyon mongs pa'o/ /de ltar lus kyi khams dag par bstan nas/ chos kyi phung po dag pa'i sgo nas phyi rol bskyed pa'i rim pa dang /nang zab mo bskyed pa'i rim pa ste/ chos kyi phung po rnam par dag pa bstan te/ phyi rol du byang chub kyi phyogs kyi chos sum cu rtsa bdun dang rnam par thar pa brgyad dang yan lag bcu gnyis dang / sa rnams dang / pha rol tu phyin pa la sogs pa rnams rnam par dag pa yin la/nang du 'chad bzhin pa'i phan yon lnga pa'i dpa' mo'i tshad bstan pa las rtogs par bya'o/ /da ni phyi rol du lha bskyed pa dang / nang du sku rdzogs pa de brjod par bya'o/ /phyi rol du a i r-i u l-i a e ar al ha ya wa ra la aM dang bcu drug g.yon skor byas pa dang /de nas g.yas skor du nag po'i tshes gcig la sogs pa'i cha la wA rA yA hA al u ar i e a/ shA u dr-i i aHmthar tsheg drag /a zhes bya ba dbyangs bcu drug gis skyes bu chen po'i mtshan sum cu rtsa gnyis 'grub par byed pa'i zla ba'i cha'o/ /nang du zla ba 'bab par byed pa'i rtsa sum cu rtsa gnyis te/'dir ring thung gnyis thabs dang shes rab tu ldan par zla ba byang chub kyi sems rdzogs pas na'o/ /k+Sha ha sa Sha sha al wa ra ya ha/ s+sa ny+p+ny+pa Sh+Sha sh+sha t+ta th+tha d+da d+da d+h+d+ha n+na/ p+pa ph+pha b+ba b+h+b+ha m+ma/ T+Ta Th+Tha D+Da D+h+D+ha N+Na/ ts+tsha tsh+tsha dz+dza dz+d+dz+dza ny+nya/ k+ka kh+kha g+g+ha g+d+g+ha d+da/ zhes pa bzhi bcu g.yas skor du dgod de/sa la sogs pa'i dbye ba dang ldan pa'o/ /de nas g.yon skor du dgod pa ni/ nga g+ha ga kha ka/ /nya dz+ha dza tsha tsa/ Na D+ha Da Sha Ta/ ma b+ha ba pha pa/ na d+ha da tha ta/ k+Sha sga Sha sa ha/ ya ha wa ra la/ Da b+ha ya ra la zhes pa bzhi bcu'o/ /de ltar dpe byad brgyad cu dang nyi ma'i cha'o// //nang du nyi ma 'bab par byed pa la nam mkha' la sogs pa lugs su 'byung ba'i rtsa bzhi bcu dang / sa la sogs pa lugs las bzlog pa'i rtsa bzhi bcu ste/ des nyi ma'i byang chub kyi sems rdzogs pa'o/ /phyi rol nyi ma'i 'og tu'o/ /zla ba'i steng du'o//nang du 'dres par 'gyur pa'o/ /phyi rol du de dag gi dbus sa bon dang mtshan ma'o/ /'khor ba lugs su 'byung ba la kun gzhi rnam par shes pa dri za nye bar 'khor ba'i sems can no/ /g.yas dang g.yon gyi ngos gnyis su/ /zla ba nyi ma zhes bya ste/ /mgrin pa'i gnas las brtsams pa yi//rtsa ni longs spyod rdzogs pa can/ /'og tu phyogs shing bdud rtsi 'dzag /lte ba'i dbus su ngal bso na/ /lte ba nas 'gring rtsa ni dkar/ /steng gi phyogs ni de bzhin du/ /khrag ni 'bab pa'i bar du gnas/ /mgrin pa'i dbus su ngal bso'o//bdud rtsi zla ba zhes bya ste/ /khrag ni nyi mar brjod pa yin/ /steng dang 'og tu brten nas su/ /sgo gnyis la ni 'byung ba yin/ /nyi zlar grags pa'i rtsa gnyis dag /dpa' bo mkha' 'gro ma rnams kyi/ /'gro dang 'ong dang nges par brjod//shar dang nub dang gnyid log dang / /g.yas dang de bzhin g.yon gnyis su/ /steng las dbyangs yig bcu gnyis gnas/ /ka sogs 'og tu bltas pa ni/ /ngos gnyis dag tu spel ba'o/ /dbus su de ni sbyar bar bya/ /'og gi cha la gnas pa ni//yi ge k+Sha yis bsrung bar bya/ /gang gis mgrin par chags chen po/ /zla ba'i gzugs kyis yang dag gnas/ /de tshe longs spyod rdzogs par bshad/ /sangs rgyas rnams kyi sku yi mchog /gang tshe rdo rje'i rtser gnas pa/ /de tshe de ni sna rtse ru'o/ /gang tshe longs spyod rdzogs sku de//nub par 'gyur pa de yi tshe/ /b+ha ga'i nang du son de yang / /yungs kar zhes ni brjod par bya/ /nyi ma'i gzugs su yang dag bshad/ /sprul pa'i skur ni brjod pa ste/ /sangs rgyas byang chub sems dpa'i rnams/ /bskyed cing spro bar byed pa yin//pad+ma gar dbang rgyal po yis/ /pad+ma 'byed pa'i 'byor ldan pa/ /de ni nyi ma nub gyur pa/ /sprul pa'i rang bzhin gang yin de/ /rdzogs pa'i byang chub sems zhes bya/ /gong bur gyur pa rtog med dngos/ /'khor ba'i lam ni rnam gcod cing / /spros pa nyer zhi dge ba dang //dmigs med mchog tu dag pa yin/ /rdo rje sems dpa'i rang bzhin dang / /dpal ldan he ru ka zhes bya/ /dgod dang lta dang lag bcangs dang / /gnyis gnyis 'khyud dang rnam pa bzhi/ /srin bu'i tshul gyis rgyud bzhir gnas/ /'dod chags nyid dang chags bral ni//zos nas srin bu'i tshul du gnas/ /rtsa rnams thams cad mnyam sbyor ba/ /mkha' 'gro ma yi dra ba sdom/ /zhes bshad pa'i rgyud las gsung pa ste bla ma'i man ngag gis blang bar bya'o/ /de bzhin du rtsa ba'i rgyud las kyang / rdo rje btsun mo'i b+ha ga ni/ e yi rnam pa'i cha byad gzugs/ /sangs rgyas rin chen za ma tog /bde ba can rtag tu bzhugs/ /'chad pa po nga chos kyang nga / /rang gi tshogs ldan nyan pa nga / /'jig rten ston pa bsgrub bya nga / /'jig rten 'jig rten 'das pa nga / /lha cig skyes dga'i rang bzhin nga / /mchog mtha' dga' bral dang por ni//mun pa la ni mar me ltar/ /de bzhin bus kyang yid kyis ni/ /btsun mo'i b+ha ga bde chen du/ /ston pa sum cu rtsa gnyis mtshan/ /gtso bo dpe byad brgyad cu ldan/ /khu ba zhes bya rnam par gnas/ /de med pas na bde med 'gyur/ /nus pa med phyir ltos dang bcas//lha yi rnal 'byor las bde ba/ /de phyir sangs rgyas dngos po min/ /de nyid dngos med tshul yang min/ /zhal phyag rnam pa'i gzugs can nyid/ /mchog tu dga' bas gzugs med pa/ /de phyir 'gro kun lhan cig skyes/ /rang bzhin lha cig skyes par brjod//ces gsungs te/ phyi rol dang nang du bcas pa'i man ngag gi gsang gnas ye shes kyi 'khor lo la gang zag dang ye shes kyi sku 'brel bar byed pas 'khor ba lugs las bzlog par bstan pa'o/ /de ltar rten 'khor lo drug gis 'gro ba'i dngos po rnam par dag par bstan nas/da ni thun mong ma yin par bstan pa'i phyir/ yongs su dag pa thun mong ma yin pa'i mtshan yang dag par brjod pa yin te zhes bya ba gsungs te/ ma dag pa 'khor ba lugs su 'jug pa sngar bstan pa ltar dag par bya ste/ yongs su dag pa ni legs par dag par byas zhes bya ba'i don to//thun mong ma yin pa ni yongs su dag par byed pa'i lam thun mong ma yin pa'o/ /de gang zhe na/ mtshan yang dag par brjod pa yin te zhes pa'o/ /thun mong zhes bya ba ni drang ba'i don dang sgra ji bzhin pa dang dgongs te gsungs pa'o/ /thun mong ma yin pa ni nges pa'i don dang sgra ji bzhin ma yin pa dang dgongs te gsungs pa ma yin pa'o//drang don gang zhe na theg pa sna tshogs su gsungs pa'o/ /nges don gang zhe na theg pa gcig tu gsungs pa'o/ /sgra ji bzhin pa gang zhe na bskal pa grangs med pa bzhis sangs rgyas pa'o/ /sgra ji bzhin ma yin pa gang zhe na skad cig mas sangs rgyas pa'o//dgongs te gsungs pa gang zhe na nyon mongs pa spangs nas sangs rgyas pa'o/ /dgongs te gsungs pa ma yin pa gang zhe na/ nyon mongs pa spang du med par gsungs pa'o/ /de skad du yang 'di nyid las/theg pa sna tshogs thabs tshul rig /'gro ba'i don la rtog pa po/ /theg pa gsum gyis nges 'byung la/ /theg pa gcig gis 'bras bur gnas/ /zhes bya ba la sogs pa gsungs so/ thun mong ma yin pa ni gsang sngags kyi theg pa ste/ dbang dang / dam tshig dang / sngags dang / phyag rgya la sogs pas khyad par du byas pa'i phyir ro/ /thun mong ma yin pa'i gsang sngags las kyang khyad par can gyi dbang bskur ba'i don bstan pa'i phyir/ khyod kyi dga' ba dang / dang ba dang / mgu ba chen po bla na med pa skyes pa dang zhes gsungs te/khyod ces bya ba ni lag na rdo rje zhes pa'o/ /dga' ba zhes bya ba ni gzung ba dang 'dzin pa'i ngo bo snang ba sna tshogs pa'i skad cig ma ste/ dga' ba dang dang ba zhes bya ba ni gzung ba dang 'dzin pa sna tshogs kyi dri ma dang bral bas dang ba ste/ rnam par smin pas mchog tu dga' ba'o//mgu ba chen po zhes bya ba ni sngar gyi bde ba phul du phyin pa'i nyams su myong ba tsam la dmigs pa mgu bar byas pa rnam par nyed pa dga' bral lo/ /bla na med pa bskyed pa zhes ba ni mthar thug pa'i ye shes gang na med pa rnam par rtog pa'i mtshan nyid dang bral ba lhan cig skyes dga'o//bskyed pa zhes pa ni sngon khyod kyi rgyud la ye shes de lta bu skye ma myong ba de dag bskyed par bya'o zhes pa'o/ /de dag gis kyang ci byed ce na/ dam pa'i chos kyi tshul yang dag par gzung ba'i bar gyi phyir ngas bstan cing bshad ces bya bar 'brel lo/ / de yang mdor bsdu na/ ma dag pa bstan par bya ba'i phyir/ lus dang ngag dang yid kyi gsang ba yongs su ma dag pa zhes gsungs te/ ma dag pa'i dngos po bzhi yod do zhes pa'o/ /ma dag par byas pa ni dri ma ste dri ma dang bcas pa'i lus la sogs pa'o/ /de yang nyon mongs pa dang las dang shes bya'i dri mas so//nyon mongs pa ni yid 'dod chags la sogs pa dang ldan pas kun nas bslangs te/ /lus kyi las srog gcod pa la sogs pa gsum lus las kyi dri ma dang / brdzun du smra ba la sogs pa bzhi ngag las kyi dri ma dang / gnod sems la sogs pa gsum yid las kyi dri ma dang / las dang nyon mongs pa kun cha phra mos kyang dri ma dang bcas par byed pa ni/ /gsang ba yongs su ma dag pa'o/ /dag par bya ba dang zhes pa ni gang gis dag par byed ce na/ thun mong ma yin pa'i lam gyi ye shes kyis dag par byed de//'dir dbang bzhi las skyes shing rtogs pa'i ye shes kyis so/ /dbang bzhi gang zhe na/ bum pa dang / gsang ba dang / shes rab ye shes dang / bzhi pa'o/ /de la bum pa'i dbang gis ni lus kyi dri ma dag nas rtogs pa'i ye shes lus yongs su dag nas lha'i dkyil 'khor ro//gsang ba'i dbang gis ni ngag gi dri ma dag nas rtogs pa'i ye shes ngag yongs su dag pa yig 'bru sngags kyi 'khor lo'o/ /shes rab ye shes kyi dbang gis ni yid kyi dri ma dag nas rtogs pa'i ye shes yid yongs su dag pa ye shes kyi 'khor lo'o/ / dbang bzhi pas ni ma dag pa gsang ba'i sgrib pa thams cad dag nas gsang ba yongs su dag pa bde ba chen po'i 'khor lo'o/ /dang zhes pa'i sgra ni kyang gi don to/ /ma dag pa me long gi g.ya' dang nam mkha' la sprin lta bu dag nas kyang ma rdzogs pa dang / ma thob pa dang ma rdzogs pa rnams rdzogs pa dang /rtogs pa dang thob par byed pa zhes pa'o/ /de dag bsdu ba'i sgra bstan nas so sor bstan pa'i phyir/ yongs su ma rdzogs pa'i sa dang zhes gsungs te/ de la yongs su'i sgra ni mchog tu'o/ /ma rdzogs pa ni ma tshang ba dang / ma khengs pa'o/ / dngos po gang ma rdzogs she na sa zhes pa'o/ /de las ni gong ma'i 'bras bu dang / yon tan gyi rten du gyur pa'o/ /rdzogs pa ni bcu gcig pa dang / bcu gsum pa ste sangs rgyas kyi sa'o/ /de bas na sangs rgyas kyi sa de dag ma rdzogs pa'o/ /ji skad du gsungs pa'i pha rol tu phyin pa'i theg pa chen po ni sa bcu gcig pa sangs rgyas kyi sar gsungs la/gsang sngags kyi theg par ni bcu gsum rdo rje 'dzin pa'i sa zhes gsungs so/ /bcu gcig man chad thun mong du gsungs la/ bcu gnyis yan chad khyad par gyi sar gsungs so//pha rol tu phyin pa'i theg par ni sa bcu rim gyis bgrod pa'i theg par 'dod la/ 'dir ni thabs kyi khyad par dang gdams ngag gi khyad par gyis mi'i skye ba 'di nyid la rdzogs par 'dod do/ /de yang khyad par nang gi sa bcu ni 'di lta ste/ gnas dang nye ba'i gnas dang /zhing dang nye ba'i zhing dang / 'du ba dang nye ba'i 'du ba dang / 'thung gcod dang nye ba'i 'thung gcod dang / dur khrod dang nye ba'i dur khrod dang bcu'o/ /'dir sngar bshad pa'i chos dang longs spyod pa dang sprul pa'i 'khor lo'o/ /nang na gsang ba'i rtsa brgyad brgya pa nyi shu rtsa lnga bla ma'i man ngag gis byang chub kyi sems kyis gang ba'i rim pas khengs tsa na sa bcu dang /pha rol tu phyin pa dang / bsod nams dang ye shes kyi tshogs yongs su ma rdzogs pa yongs su rdzogs shing yongs su dag par bya ba dang zhes bya'o/ /de la pha rol tu phyin pa ni sbyin pa dang /tshul khrims dang / bzod pa dang / brtson 'grus dang / bsam gtan dang / shes rab dang / stobs dang / thabs dang / smon lam dang / ye shes bcur gang gsungs pa rnams so/ /dang zhes pa ni sa bcu dang / shes pa bcu dang / dbang bcu dang /rnam pa bcu dang / don bcu dang / stobs bcu bsdu ba'o/ /de la pha rol tu phyin pa bcu yang gnas pa lam la ma rdzogs pa yongs su rdzogs par bya ba dang / dag pa rang bzhin la ma rdzogs pa yongs su rdzogs par bya ba dang / thob pa 'bras bu la ma rdzogs pa rdzogs par bya ba dang / tshul gdams ngag la ma rdzogs pa rdzogs par bya'o//de yang gnas pa lam la pha rol tu phyin pa bcu rdzogs par bya ba ni byang chub kyi sems rdo rje dbyings kyi dkyil 'khor gyi skabs nas ston to/ /dag pa rang bzhin gyi pha rol tu phyin pa bcu ni chos kyi dbyings kyi ye shes kyi skabs nas ston no//thob pa 'bras bu'i pha rol tu phyin pa ni so sor rtog pa'i ye shes kyi skabs nas ston no/ /tshul man ngag gi pha rol tu phyin pa ni bla ma'i man ngag gis theg pa chen po'i tshul dang sbyar ba'o/ /bsod nams dang ye shes kyi tshogs ni pha rol tu phyin pa rnams nyid de/ sbyin dang tshul khrims bzod pa gsum/ /longs spyod rdzogs dang sprul pa'i sku/ /bsam gtan shes rab chos kyi ste/ /brtson 'grus gnyi gar 'dod pa yin/ /zhes bya bas so/ /stobs dang thabs dang smon lam ni bsod nams kyi tshogs so/ /ye shes ni ye shes kyi tshogs so//de ltar bdag dang gzhan gyi don gnyis tshang ba ni rdzogs pa'o/ /yang na rdzogs pa zhes bya ba'i sgra ni zla ba nya ba bzhin no/ /yongs su rdzogs pa ni sngar smon pa'i bcu po kun rnam par dag par 'gyur pa'o/ /bya ba zhes bya ba ni rgyu des na zhes pa'i don to/ / thabs las byung ba'i 'bras bu bstan pa'i phyir bla na med pa'i don ma rtogs pa rtogs par bya ba dang / ma thob pa thob par bya ba nas zhes smos te/ bla na med ces pa ni gong na med pa'o/ /don ni don du nye bar bya ba phyag rgya chen po'o/ /ma rtogs pa zhes bya ba ni khong du ma chud pa'o//rtogs par bya ba dang zhes bya ba ni mngon sum du byed ces bya ba'i tha tshig go/ /dper na dbul pos gter yod par rtogs pa bzhin no/ /ma thob pa zhes bya ba ni sangs rgyas kyi yon tan gang dang gang gis thob par ma nus pa de'o/ /thob pa ni de'i bdag nyid du gyur pa'am dbang bskur ba'o//nas zhes pa ni dngos po gzhan 'og nas 'byung ba sdud par byed pa ste/ thog mtha' bsdu ba'i sgra'o/ /de gang zhe na/ ji snyed de bzhin gshegs pa thams cad kyi zhes bya ba gsungs te/ ji snyed ces pa ni dus ji srid ces dus kyi mtha' gzung ba'o//de bzhin gshegs pa yang yin la thams cad kyang yin pas na de bzhin gshegs pa thams cad de dus gsum gyis bsdus pa'am rigs drug gis bsdus pa'o/ /dam pa'i chos kyi tshul yang dag par gzung ba'i bar gyi phyir dang zhes pa ni dam pa ni bshad ma thag pa'i de bzhin gshegs pa rnams so//de rnams kyis gsungs pa'i chos ni dam pa'i chos te chos kyi phung po brgyad khri bzhi stong gi snying po rdo rje theg pa 'di'o/ /de bas na 'di gzung bas sangs rgyas kyi bka' mtha' dag gzung bar 'gyur zhes pa'o/ /shin tu rgyas par skabs 'og nas ston to//phyir zhes pa ni dgongs pa smos pa'o/ /dang zhes pa ni dgos pa gzhan yang yod de zhes pa'o/ /gang zhe na ngas bshad cing bstan te 'grel zhing rnam par phye la gsal bar byas te byin gyis brlab bo zhes bya ba gsungs te/ ngas zhes pa ni shAkya thub pa ngas zhes pa'o//bshad cing zhes pa ni gzhung yi ge'i sgo nas so/ /bstan te zhes bya ba ni mngon sum du nyams su myong bar byas zhes pa'o/ /'grel zhing zhes bya ba ni dgongs pa nges par 'grel ba ste/ drang don dang nges don la sogs pa'i man ngag go/ /rnam par phye la zhes pa ni bshad pa'i rnam grangs dbye ba ste zab pa dang rgya che ba la sogs par ro//gsal bar byas zhes pa ni bshad ma thag pa'i don bzhi'i sgo nas rim pa bzhin du gzhung dang nyams su myong ba dang dgongs pa'i don dang / /bshad pa'i rnam grangs gsal bar khong du chud par bya'o zhes pa'o//de dag thams cad kyang mdor bsdu na byin gyi rlabs kyi sgo nas 'jug pa bstan pa'i phyir ro/ /lag na rdo rje rdo rje 'chang / /zhes pas bod pa mdzad de/ lag na rdo rje'i tshig gi don ni snga ma bzhin no/ /ngas yang khyod kyi rgyud la gsang sngags thams cad kyi chos nyid kyi byin gyi brlabs kyis byin gyis brlabs pa'o zhes bya ba ni yang zhes bya ba ni bsnan pa'i sgra ste bshad pa dang /'grel pa dang rnam par phye ba gsum gyis gzhung thos pa la sogs pa byin gyis brlabs la/ yang bstan pa dang gsal bar byas pa gnyis kyis ni rtogs par byin gyis brlabs pa'o//ngas zhes pa ni ston pa po ngas zhes pa'o/ /khyod kyi rgyud la zhes pa ni snod dang ldan pa lag na rdo rje khyod kyi shes pa'i rgyud la zhes pa'o/ /gsang sngags thams cad kyi zhes pa ni gsang sngags kyang yin la thams cad kyang yin pas na rig sngags dang gzungs sngags thams cad do//de rnams chos kyi bcud du gyur pas byin gyis brlabs so zhes pa'o/ /chos nyid ces pa ni rnam par snang mdzad mngon par byang chub pa'i rgyud las gsang ba'i bdag po gzhan yang gsang sngags kyi chos nyid ni de bzhin gshegs pa thams cad kyis ma byas/byed du ma bcug /rjes su yi rang bar ma byas pa yang ma yin no/ /de ci'i phyir na/ 'di ni chos thams cad kyi mtshan nyid de/ 'di lta ste de bzhin gshegs pa rnams byung yang rung ma byung yang rung ste/ chos rnams kyi chos nyid de ye nas gnas pa ste/de yang 'dir/ gsang sngags rnams kyi chos nyid do/ /zhes bya ba la sogs pa rgya cher 'byung ba'o/ /de lta bu la sogs pa'i byin gyis brlabs ni de nyid khong du chud pa la sogs byin gyis brlabs pa'o/ /de dag gis ni 'khor lo dang po'i phan yon tshig bcu gcig tu bgrang ba'i rnam par bshad pa'o// //de nas 'khor lo gnyis pa me long lta bu'i ye shes kyi skabs bshad par bzhed nas/ lag na rdo rje rdo rje 'chang / /zhes bya ba gsungs te/ tshig gi don ni go bde ba'o/ /rdzogs par byed pa'i mtshan yang dag par brjod pa'i dgos pa 'khor lo dang po'i phan yon gyi skabs su de ltar bstan nas/da gnyis pa'i skabs 'di ni mi 'dra bar bstan pa'i phyir/ gzhan yang mtshan yang dag par brjod pa 'di ni zhes bya ba gsungs te/ de yang mtshan yang dag par brjod pa zhes pa'i gzhung gcig tu zin kyang skabs phye ba las don tha dad par ston to zhes pa'o//'dis don ci ston zhe na/ de bzhin gshegs pa thams cad kyi shin tu dag cing yongs su byang ba'i thams cad mkhyen pa'i ye shes zhes bya ba gsungs te/ de bzhin gshegs pa yang yin la thams cad kyang yin pas na de bzhin gshegs pa thams cad de/dus gsum du gshegs pa'i de bzhin gshegs pa ma lus pa'o/ /de shin tu dag pa ni legs par dag pa snang ba dag pa ste/ dri ma dang sgrib par gyur pa ma lus pa rnam par dag pa chos kyi dbyings kyi ye shes so/ /de yang sngar yongs su rdzogs pa dang dag pa zhes bshad do//byang ba zhes pa ni bsod nams dang ye shes kyi tshogs la rab tu 'byungs ba ste/ legs par sbyangs pa'i gser bzhin nyes pa phra mo'i tshad tsam yang mi mnga' ba'o/ /de ltar dag pa dang byang ba'i phyir ji snyed pa dang ji lta ba mkhyen pa ni thams cad mkhyen pa'i ye shes zhes bya'o//de nas de bzhin gshegs pa thams cad kyi ye shes ro gcig pa rang gi don rtag tu mnyam par gzhag pa'o/ /da ni sems can thams cad kyi don du dag pa 'jig rten pa'i ye shes kyi snang ba'i rim pa so sor bstan pa'i phyir/ sku dang gsung dang thugs gsang bar 'gyur pa'o zhes bya ba gsungs te/shin tu dag cing byang bar byas pa'i me long la gzugs brnyan sna tshogs so sor snang ba bzhin du thugs rje chen po'i smon lam gyis 'dul ba la sku dang gsung dang thugs dang gsang ba dang yongs su gyur pa rnams ni me long lta bu'i ye shes so/ / de bas na me long lta bu'i ye shes mi bskyod pa'i dkyil 'khor dang gdul bya drag po 'dul ba'i phyir mi bskyod pa yang rnam pa lngar 'gyur par go bar bya'o/ /de rnams kyi don gtso bor mi bskyod pa nyid bstan pa'i phyir de bzhin gshegs pa thams cad kyi sangs rgyas kyi byang chub po zhes bya ba la sogs pa gsungs te/de bzhin gshegs pa ni rnam par snang mdzad la sogs pa bzhi po'o/ /thams cad ces bya ba ni de bzhin gshegs pa ma lus pa kun kyang rigs lngar 'dus so zhes dgongs pa'o/ /sangs rgyas zhes bya ba ni blo bye ba dang rgyas pa'i phyir ro/ /de'i mtshan gang la yod pa'o//byang chub po zhes pa ni de dag kun gyi byang chub ni thugs kyi rigs mi bskyod pa zhes pa'o/ /mi bskyod pas rgyas btab pa'i phyir thams cad ces pa'i sgra ni 'og nas ston pa la yang go bar bya'o/ /yang dag par rdzogs pa'i sangs rgyas rnams kyi mngon par rtogs pa'o zhes bya ba ni/phyin ci ma log par bdag dang gzhan gyi don phun sum tshogs pa rdzogs pa ni yang dag par rdzogs pa'i sangs rgyas so/ /de rnams kyi mngon du bya ba'i chos nyid mi bskyod pas na mngon par rtogs pa'o/ /de bzhin gshegs pa thams cad kyi chos kyi dbyings thugs su chud pa'o zhes pa ni/de bzhin gshegs pa snga ma bzhin no/ /chos kyi dbyings zhes pa ni stobs dang mi 'jigs pa la sogs pa'o/ /dbyings zhes pa ni 'byung khungs su 'gyur pa'o/ /bla na med pa ni de'i gong na gzhan med pa'o/ /thugs su chud ces pa ni mngon du mdzad ces pa'o//de ltar rtogs pa dang thugs su chud pas cir 'gyur zhe na/ rgyal ba rnams kyis bdud kyi stobs thams cad pham par mdzad pa'o zhes gsungs te/ mi mthun pa'i phyogs kun las rnam par rgyal bas na rgyal ba'o/ /dper na rdo rje ni rin po che'i khyad par kun las rgyal ba bzhin no//mi mthun pa'i phyogs de dag gang zhe na/ bdud kyi stobs thams cad pham par mdzad pa'o zhes gsungs te/ bdud ni phung po dang / lha'i bu dang / nyon mongs pa dang / 'chi bdag gi bdud do/ /de rnams khams gsum pa'i sems can la dgra dang 'dra bar nye bar 'tshe zhing 'jigs par byed pas bdud do//lha'i bu'i bdud kyi stobs kyis mdangs 'phrog pa dang / dbugs 'phrog cing longs spyod dang / byang chub kyi lam sgom pa rnams la bar du gcod do/ /nyon mongs pa'i bdud kyi stobs kyis ni dran pa dang shes bzhin la sogs pa mtho ris dang thar pa'i dge ba'i bar du gcod par byed do//de skad du yang / nyon mongs stobs chen dgra 'dis ni/ /zhes bya ba la sogs pa gsungs so/ /phung po'i bdud kyi stobs kyis ni rlung dang mkhris pa la sogs pas lang tsho la sogs pa 'joms par byed do//'chi bdag gi bdud kyi stobs kyis ni myur du bar dor 'khrid cing gson po'i tshe 'joms par byed pa'o/ /de las gzhan pa'i stobs rnams bsdu ba'i phyir thams cad ces pa'o/ /pham par mdzad pa ni de lta bu des bcom pa dang bshig par byas pa'o/ / de bas na/ bdud rnams rab tu 'jig par mdzad/ /ces bya'o/ /da ni rang gi ye shes kyi stobs bstan pa'i phyir/ stobs bcu dang ldan pa thams cad kyi stobs nyid do zhes gsungs te/ de la stobs bcu ni gnas dang gnas ma yin pa mkhyen pa'i stobs dang / dbang po mchog dang mchog ma yin pa mkhyen pa'i stobs dang /khams sna tshogs mkhyen pa'i stobs dang mos pa sna tshogs mkhyen pa'i stobs dang / bsam gtan dang ting nge 'dzin dang snyoms par 'jug pa dang sna tshogs pa'i ting nge 'dzin dang rnam par thar pa dang kun nas nyon mongs pa dang rnam par byang ba mkhyen pa'i stobs dang /thams cad du 'gro ba'i lam mkhyen pa'i stobs dang / sngon gyi gnas rjes su dran pa'i stobs dang / 'chi 'pho dang skye ba mkhyen pa'i stobs dang / zag pa dang zag pa med pa mkhyen pa'i stobs te bcom ldan 'das kyi mthu rtsal khyad par bsgom pa'i phyir dang /thog ma med pa'i mnyam pa nyid kyi gnas las spros par mthong ba'i phyir mkhyen pa zhes bya'o/ /de yang mkhyen pa'i stobs kyi gzhi spyan rnams dang / stobs kyi rtags phyag drug tu'o/ /de yang shes rab kyi stobs dang thabs kyi stobs te/ sngar gyi steng du gnyis bsnan pa ni bcu gnyis so/ /de yang / mig drug lag drug stobs dang ldan/ /zhes pa'o/ /stobs bcu dang gang ldan pa de la de skad ces bya'o/ /stobs bcur gang brtsis pa de rnams kyi stobs ni thabs shes rab kyi stobs las byung bas na stobs bcu'i stobs so//de yang shes rab kyi stobs kyi khyad par bstan pa'i phyir/ thams cad mkhyen pa'i ye shes rnams kyi thams cad mkhyen pa nyid do zhes gsungs te/ thams cad kyi sgra ni ma lus pa'o/ /mkhyen pa ni ji lta ba bzhin du ste/ /ye shes kyi spyan mnyam pa med pas ji snyed pa mkhyen pa'o//rnams kyi zhes pa ni thams cad mkhyen pa'i ye shes mnga' ba rnams kyi ye shes ye shes kyi spyan 'di zhes pa'o/ /nyid do zhes pa ni kho na ste nges par bya ba'o/ /de ltar stobs rnams kyis bdud bzhi'i stobs rnams dug ha la ha la dang 'dra ba thams cad mkhyen pa'i ye shes kyis bdud rtsir byas nas zhal brgya'i stobs mnga' bas gsol ba'o//'chi bdag gi bdud la sogs pa rtsad nas gcod pas na mche ba'i khyad par kyang rab tu gtsigs pa'o zhes sbyar ro/ /de bas na bgegs dang log par 'dren pa rnams kyi yang gnyen po dang gdul dka' 'dul ba'i dus su nam mkha' las thog ltung ba bzhin 'jigs par mdzad do//de ltar yang cis mngon zhe na/ sangs rgyas thams cad kyi chos thams cad kyi lung ngo zhes gsungs te/ thams cad mkhyen pa'i ye shes kyi stobs ni rdo rje ltar gang la yang thogs pa med do zhes so/ /sangs rgyas kyang yin la zhes pa snga ma bzhin te dus gsum gyi sangs rgyas kun no//chos zhes pa ni theg pa chen po'o/ /lung ngo zhes pa ni gzhan las 'ongs pa'i phyir ro/ /de bas na rang dang gzhan la de skad du grags pa'o/ /da ni thams cad mkhyen pa'i ye shes rdo rje lta bu de bsgrub bya snying por bstan pa'i phyir/sangs rgyas thams cad kyi yang dag par bsgrub pa'o zhes gsungs te/ snying po rdo rje de phyin ci ma log par bsgrubs pas sangs rgyas thams cad kyang sangs rgyas pa'o zhes pa'o/ /de yang de nyid bsgrub na tshogs rdzogs par bstan pa'i phyir/ byang chub sems dpa' chen po thams cad kyi bsod nams dang ye shes kyi tshogs rdzogs pa dri ma med cing shin tu rnam par dag pa'o zhes gsungs te/sems rdo rje ltar skyes pas na/ de byang chub sems dpa'o/ /gzhan yang gnas de la dgod par sems pas na sems dpa' chen po'o/ /kun zhes pa ni sa thob pa dang ma thob pa kun no//bsod nams ni thabs so/ /ye shes ni shes rab po/ /rdzogs pa ni gnyis su med par gyur pa ste/ rdo rje ltar dbyer mi phyed pa'i phyir ro/ /dri ma med cing zhes pa ni skyon med pa'i phyir ro/ /shin tu rnam par dag pa ni sgrib par gyur pa med pa'o/ /da ni thams cad kyi skye gnas su bstan pa'i phyir nyan thos dang rang sangs rgyas thams cad kyi skye gnas so zhes gsungs te/don dam par chos gang la yang skye ba 'am 'gag pa zhes bya bar yang dag par rjes su ma dmigs kyang kun rdzob tu gnyis su med pa'i ye shes de nyid sgyu ma dang sprul pa'i tshul gyis thams cad skye ba'i gnas su bstan te/de yang theg pa chung ngu nyan thos dang rang sangs rgyas gnyis kyi grub pa'i mtha' yang 'di las skyes so zhes pa'o/ /'jig rten pa'i bde ba'i 'byung khungs su bstan pa'i phyir/ lha dang mi thams cad kyi phun sum tshogs pa'i zhing ngo zhes gsungs te/ lha ni 'dod pa dang /gzugs dang / gzugs med pa'i lha'o/ /mi ni gling bzhi la sogs par skyes pa'o/ /thams cad ces pa ni de dag ma lus pa'o/ /phun sum tshogs pa ni gzugs dang dbang po dang / tshe dang longs spyod dang 'khor rab tu 'byor ba mthar phyin pa'o//zhing ni me tog dang / 'bru'i 'byung khungs so/ /de bzhin du zhes pa'o/ /theg pa chen po'i gzhi'o zhes pa ni theg pa chen po ni theg pa yang yin la chen po yang yin pas theg pa chen po ste/ theg pa gang gis bdag dang gzhan gyi don sgrub pa de la de skad ces bya'o/ /gzhi'o zhes pa ni rten de stong pa nyid dang snying rje chen po la brten nas zhes pa'o//byang chub sems dpa' rnams kyi 'byung khungs so zhes pa ni byang chub ni mnyam pa nyid do/ /der sems bskyed pa ni byang chub sems dpa'o/ /rnams zhes pa ni 'bru mang po'o/ /'byung khungs so zhes pa ni gang ji snyed pa dag kyang 'di las so zhes pa'o//'phags pa'i lam yang dag par rdzogs pa thams cad kyi mtha'o zhes pa ni/ 'phags pa ni khyad par du 'phags pa ste/ nyan thos dang rang sangs rgyas dang byang chub sems dpa'o/ /lam zhes pa ni gang gis rang gi 'bras bu thob par bya ba'i phyir 'gro bar byed pa'i lam mo//yang dag par rdzogs pa zhes pa ni skyon med par rang rang gis mthar phyin pa'o/ /thams cad kyi mtha'o zhes pa ni/ de rnams kyi gang du gyur pas mthar thug pa sangs rgyas kyi sa'o zhes pa'o/ /rnam par grol ba rnams kyis brtags pa'o zhes pa ni rnam par grol ba ni 'ching bar gyur pa thams cad dang bral ba'o//rnams zhes pa ni nyan thos la sogs pa rnams so/ /brtags pa'o zhes pa ni tshad mar gyur pa ste 'dis brtag par bya ba kho na'o/ /nges par 'byung ba'i lam gyi skye gnas so zhes pa ni nges par 'byung ba ni rang rang gi sa la the tshom mi za bar 'bras bu thob pa ste nyan thos kyi nges par 'byung ba dang /rang sangs rgyas kyi nges par 'byung ba dang / byang chub sems dpa'i nges par 'byung ba'o/ /lam zhes pa ni theg pa'o/ /skye gnas zhes pa ni mngal lo/ /de dang chos mthun pa'i phyir de skad ces bya ste/dngos su chos thams cad kyi 'byung gnas su gyur pa'o/ /de las byung pa rigs khyad par can du bstan pa'i phyir/ de bzhin gshegs pa'i gdung rgyun mi 'chad pa'o zhes gsungs te/ de bzhin gshegs pa zhes bya ba ni de bzhin nyid du gshegs pa ste/de bzhin nyid ni chos thams cad kyi de kho na nyid rdo rje ltar brtan pa'o/ /de'i ngo bo nyid du son pas na gshegs pa'o/ /yang na de mkhyen pa'am ma gshegs pa la yang de skad ces bya'o/ /de skad du yang / dpal ldan de bzhin nyid gshegs shing / /de bzhin slar yang byon pas na//de bzhin gshegs zhes bya ba yin/ /zhes gsungs so/ /gdung ni rus so/ /mi 'chad par zhes bya ba ni nam yang gzhan du mi 'gyur pa'o/ /byang chub sems dpa' sems dpa' chen po'i rigs dang rgyud rab tu 'phel ba'o zhes bya ba ni byang chub ni sngar bstan ma thag pa'i rdo rje ltar brtan pa'o//de lta bu la rang gi thos par bya ba dang / khong du chud par bya bar sems bskyed pa dang / sems can thams cad kyang gnas de la dgod par bya ba ni sems dpa' dang sems dpa' chen po'o/ /rigs zhes pa ni rus so/ /dang zhes pa ni rnam grangs bsdus pa'o/ / rgyud ces pa ni sa bon sngar bstan pa de las skyes pa ni de'i bdag nyid kyi rgyu 'dzin pa'o/ /'phel ba ni mang por gyur pa'i don to/ /des kyang ci byed ce na/ pha rol gyi rgol ba thams cad tshar gcod pa'o zhes gsungs te/ de la pha rol ni rang gi sde las gzhan pa'o/ /rgol ba ni skyon rtogs shing rgol bar bya bar sems dpa'o//tshar gcod pa ni de lta bu'i stobs med par byed pa'o/ /de yang rang gi sde pa rdo rje'i snying po 'dus ma byas pa'i phyir ro/ /rgol ba po de yang su zhig yin zhe na/ mu stegs can thams cad rnam par 'joms pa'o zhes gsungs te/ shes rab phyin ci log gis rtag pa'i mu dang /chad pa'i mu la rten bcas pas na mu stegs so/ /thams cad kyi sgra ni lta ba ngan pa la gnas par gyur pa'i gti mug can rnams gzung ngo / /'joms pa zhes pa ni drag po'i sgra ste/ glang po che bsad nas pags pa gyon pa lta bu de la de skad ces bya'o/ /tshar gcad pa'i phyogs gzhan yang gsungs pa/bdud bzhi'i sde dang dpung thams cad pham par byed pa'o zhes pa ni/ bdud bzhi ni go sla'o/ /sde ni dmag gi tshogs so/ /dpung ni nag po'i rtsa lag kun no/ /de thams cad 'di ltar me long gi nang gi gzugs brnyan lta bu'i sku drag po dang / de bzhin gshegs pa'i phrin las gang yin pa la gdul bya drag pos 'dul ba la nyes pas mi gos te/gzugs bzhin no/ /gsung gi sgra drag pos sprul pa rlag par byed pas na pham par byed pa'o/ /de lta bur tshar bcad nas phan gdags par bya ba gang zhe na/ sems can thams cad yang dag par sdud pa'o zhes pa ni sems can yang yin la thams cad kyang yin pas na sems can thams cad de las so so'i dbang gis 'gro ba'i gnas so so'i skye gnas su skye ba'i phyir te/mgo las skyes pa'i skra bzhin no/ /yang dag par sdud pa ni phyin ci ma log par sdud pa de rtogs pa sems su sdud pa dang /spyod pa bsdu ba'i dngos po bzhis sdud pa ni yang dag par sdud pa'o/ /de ni ral pa gcig tu bsgyings pa lta bu'o/ /de bas na dngos po sna tshogs su snang yang sems las mi g.yo ba dang / sangs rgyas dang byang chub sems dpa' rnams kyi mdzad pa tha dad kyang sems can gyi don las mi g.yo zhes pa'i don to//gzhan yang ci mdzad ce na/ nges par 'byung ba'i bgrod pa thams cad kyi 'phags pa'i lam yongs su smin pa'o zhes bya ba gsungs te/ de las nges par 'byung ba ni 'bras bu'o/ /bgrod pa zhes pa ni sgrub par byed pa'i lam mo/ /thams cad kyi zhes bya ba ni nyan thos la sogs pa'o//'phags pa'i lam zhes pa ni khams gsum las nges par 'byung ba'i lam ste/ tshogs kyi lam la sogs pa'o/ /yongs su zhes pa ni mchog tu zhes pa'o/ /smin pa ni 'bras bu mthar phyin pa thob par byed pa'o/ /tshangs pa'i gnas bzhi la gnas pa rnams kyi ting nge 'dzin to zhes pa ni/de la tshangs pa nyid ni yang dag par rdzogs pa'i sangs rgyas so/ /de skad du yang / tshangs pa mya ngan 'das sangs rgyas/ /zhes gsungs so/ /gnas bzhi ni byams pa dang / snying rje dang / dga' ba dang / btang snyoms dang bzhi'o/ /la zhes pa 'dud pa'i sgra'o/ /gnas pa rnams zhes pa ni theg pa chen po rnams te/ gzhan nyan thos la sogs pa la de lta bu'i gnas med pa'i phyir ro/ /ting nge 'dzin ni blo chos thams cad la mnyam par 'jog pa'o/ /de yang dngos su na me long lta bu'i ye shes zhes pa'o//sems rtse gcig pa rnams kyi bsam gtan to zhes pa ni/ sems rtse gcig tu 'jog pa rnams kyi zhes pa ste/ gang dag sems kyi rnam par shes pa'i yul gyi rjes su 'brang zhing g.yeng ba ni sems mnyam par 'jog mi nus so snyam nas sems nang du yang dag par 'jog pa la dmigs nas rtog pa dang dpyod pa'i blos 'dod chags dang bral ba'i dga' ba dang bde ba las 'byung ba'i dmigs pa rnams so//bsam gtan zhes pa yang de nyid do/ /de ltar sems 'ba' zhig lhur len pa la yin gyi gzhan ma yin nam zhe na/de'i phyir lus dang ngag dang yid 'dul ba la brtson pa rnams kyi rnal 'byor ro zhes gsungs te/ lus zhes pa ni lus kyi las gnas ngan len dang bcas pa spong ba'o/ /ngag ces pa ni smra ba'i nyes pa dang bcas pa ngag gi gnas ngan len spong ba'o/ /yid ni nyon mongs pa dang bcas pa'i sems kyi gnas ngan len spong ba'o//de yang dran pa dang shes bzhin gyis zin pa'i spyod lam 'bras bu med pa'i bya ba spangs nas rtag tu bag yod pa la gnas pa ni 'dul ba zhes bya'o/ /brtson pa zhes bya ba ni rtag tu don de la dga' ba'o/ /rnal 'byor zhes pa ni zhi gnas dang lhag mthong gi lus dang ngag dang yid rnal 'byor du 'jug pa'o//de ltar tshar gcad pa dang / phan gdags pa'i las bstan nas/ da ni nyes pa kun dang bral bar bstan pa'i phyir/ /kun du sbyor ba thams cad dang bral bar byed pa'o zhes bya ba la sogs pa gsungs te/de la kun du sbyor ba ni dug dang / me dang / mtshon cha dang / dgra la sogs pa'i gnod pa sna tshogs pa'o/ /bral bar byed pa dang mi tshugs par byed pa'o/ /nyon mongs pa dang nye ba'i nyon mongs pa thams cad spong ba'o zhes pa ni/ nyon mongs pa thams cad ni 'dod chags la sogs pa drug go//nye ba'i nyon mongs pa ni g.yo sgyu la sogs pa nyi shu'o/ /thams cad kyi sgras ni kun nas nyon mongs pa la sogs pa yang bsdus pa'o/ /spong ba ni bral bar byed pa'o/ /sgrib pa thams cad yongs su zhi ba'o zhes pa ni/ /yang dag pa'i don gsal bar mi byed pa ste/glo bur du g.yogs pa zhes pa'i don to/ /thams cad shes pa ni nyon mongs pa'i sgrib pa dang / shes bya'i sgrib pa dang / las kyi sgrib pa dang / skye ba'i sgrib pa'o/ /zhi ba zhes pa ni byang ba zhes pa'o/ /'jigs pa thams cad las rnam par grol ba'o zhes pa ni 'jigs pa ni yid sdug bsngal ba dang bcas pa'o//thams cad ces pa ni tshe 'di dang phyi ma'i 'jigs pa kun no/ /rnam par grol ba ni yid 'jigs pa dang bral nas bde bar gyur pa'o/ /phung po thams cad las rnam par thar pa'o zhes pa ni phung po yang yin la thams cad kyang yin pas/ phung po thams cad de nye bar len pa'i phung po kun no//de rnams ni sdug bsngal gyi rang bzhin du gsungs te/ mdor na nye bar len pa'i phung po lnga ni sdug bsngal lo zhes gsungs so/ /de bas na de'i 'ching ba dang bral nas zag pa med pa'i phung po dang ldan pa'o/ /rnam par thar pa ni rnam par grol ba'o//sems kyi g.yeng ba thams cad zhi ba'o zhes bya ba ni sems ni rnam par shes pa'o/ /g.yeng ba ni yul la rnam par 'phro ba'o/ /thams cad ces pa ni ma lus pa zhes pa'o/ /zhi ba ni sems rnal du 'jog pa'o/ /'byor pa thams cad kyi 'byung gnas so zhes pa ni 'byor pa ni phun sum tshogs pa'o//thams cad ces pa ni tshe ring ba dang longs spyod la sogs pa'o/ /'byung gnas so zhes pa ni me long lta bu'i ye shes so zhes pa'i don to/ /rgud pa thams cad sel ba'o zhes pa ni rgud pa ni dman pa zhes pa'i don to/ /thams cad ces pa ni 'byor ba gzhan la sogs pa thams cad do//sel ba zhes pa ni rgud pa dang bral nas dar bar byed pa'o/ /ngan song gi sgo thams cad gcod pa'o zhes pa ni ngan song ni ngan par song ste skye gnas dman pa'o/ /sgo ni der 'jug pa'i sdig pa mi dge ba'i las so/ /thams cad ni lus dang ngag dang yid mi dge ba'i sgo kun no//gcod ces pa ni bsdams pa'i don to/ /des cir 'gyur zhe na/ rnam par grol ba'i grong khyer gyi lam bzang po'o zhes gsungs te/ bcings pa thams cad las grol ba ni grol ba'o/ /grong khyer zhes pa ni sangs rgyas kyi pho brang stug po bkod pa'o//'jug pa ni gnas der 'gro ba'i lam bzang po skyon med pa'o/ /'khor ba'i 'khor lor mi 'jug pa'o zhes pa ni 'khor ba ni gnas gcig tu ma nges pa ste/ kun du 'gro ba'o/ /de yang go rims su 'khor ba ni ma yin te/ gnas gang du skye ba ma nges pa'i phyir ro/ /'khor lo zhes pa ni shing rta'i 'khor lo'am/zo chun gyi 'khor lo lta bu'o/ /de yang 'khor lo zhes pa'i sgras rnam par gcod pa'o/ /mi 'jug pa zhes pa ni skye ba mi len pa'o/ /chos kyi 'khor lo bskor bar gyur pa'o zhes pa ni/ chos ni chos kyi phung po brgyad khri bzhi stong ngo / /'khor lo ni lha dang mi la sogs pa rnams la'o//bskor ba zhes pa ni 'di'i sgo nas sangs rgyas nas zhes pa'o/ /de bzhin gshegs pa'i bstan pa la gdugs dang rgyal mtshan dang ba dan bsgreng ba'o zhes pa ni/ de bzhin gshegs pa'i chos dkar po'i phyogs nas de bzhin du gshegs pa'o/bstan pa ni rnam par dkar ba'i chos kyis rang gi sems 'dul ba'o/ /gdugs ni tsha ba skyob pa'i phyir ro/ /rgyal mtshan ni bdud kyi g.yul las rgyal ba'i mtshan rtags su byas pa'o/ /ba dan ni rang gi sde yongs su mtshon pa'o/ /bsgreng ba ni pha rol gyi dpung las rgyal bar gyur pa'i dus na slong ba dang /'bubs pa'o zhes gsungs so/ /chos thams cad kyi bstan pa'i gnas so zhes pa ni/ chos kyang yin la thams cad kyang yin pa ste/ 'di ltar yang dag par rdzogs pa'i sangs rgyas ji snyed pas sems can gyi don du chos ji snyed cig bstan cing gsungs pa'i gnas de yang 'di'o zhes pa'o//de'i phyir na/ rdo rje'i gdan ni ma lus ldan/ /zhes gsungs so/ /byang chub sems dpa' gsang sngags kyi sgo'i spyad pa spyod pa rnams kyis myur du 'grub pa'o zhes pa ni byang chub sems dpa' ni theg pa chen po'i rigs can no//gsang sngags ni rdo rje theg pa'i sgo nas rtogs pa'i ye shes so/ /sgo ni 'jug pa'i lam mo/ /spyad pa spyod pa rnams zhes pa ni sems can gyi don du las rnam pa bzhi spyod pa'o/ /myur du 'grub pa zhes pa ni gzhung 'di nyid rdzogs pa'i sgo nas spyod pa'am mos pa'i sgo nas yid la byed pa'am/'dun pa'i sgo nas zhal du brjod pa'o/ /'di'i byin gyi rlabs kyis bgegs med par dngos grub thob pa'o zhes pa'o/ /byang chub sems dpa' shes rab kyi pha rol tu phyin pa la mngon par brtson pa rnams kyi bsgom pa'i rtogs pa'o zhes pa ni byang chub sems dpa' zhes pa snga ma bzhin no//shes rab kyi pha rol tu phyin pa ni ngo bo nyid kyis stong pa'o/ /brtson pa ni de la sems mngon par spro ba'o/ /bsgom pa ni nyams su len pa'o/ /rtogs pa de'i dbang gis khong du chud pa'o/ /gnyis su med pa'i spobs pa la sogs pa la brtson pa rnams kyi stong pa nyid rtogs pa'o zhes pa ni gnyis ni gzung ba dang 'dzin pa'i ngo bo de dang bral ba ni gnyis su med pa ste/chos thams cad bdag med pa'o/ /spobs pa zhes pa ni de la sems ma zhum pa'o/ /sogs pa zhes pa der brtson pa dang nyams su len pa dang thob par 'dod pa la sogs pa'o//rnams zhes pa ni de lta bu'i rigs kyi bu'am zhes pa'o/ /brtson pa ni sems de la spro ba'i sgo nas sgo gsum rtsol bar byed pa'o/ /stong pa nyid ces pa ni gnyis su med pa'i don gyi rnam grangs su bstan pa'o/ /rtogs pa ni khong du chud pa'o/ /pha rol tu phyin pa thams cad kyi tshogs pa'o zhes pa ni pha rol tu phyin pa yang yin la thams cad kyang yin pas pha rol tu phyin pa thams cad do//dge ba'i rtsa ba gang gi bla na med pa'i gnas phyin par byed pa'o/ /de ni rnam pa bcu ste go sla'o/ /tshogs ni bsod nams kyi tshogs dang ye shes kyi tshogs so/ / rdzogs pa'o zhes pa ni ma lus pa mthar phyin pa'o/ /sa thams cad yongs su rdzogs pa dang yongs su dag pa'o zhes pa ni sa yang yin la thams cad kyang yin pas na sa thams cad de phyi nang du gtogs pa'i sa kun no/ /gang gi tshe legs par gang ba ni rdzogs pa dang yongs su dag pa zhes bya'o//'phags pa'i bden pa bzhi po rnams kyi yang dag par grub pa'o zhes pa ni/ 'phags pa ni khams gsum gyi chos las 'phags pa'o/ /bden pa yang yin la bzhi yang yin pas bden pa bzhi ste/ sdug bsngal 'phags pa'i bden pa dang / kun 'byung dang 'gog pa dang / lam 'phags pa'i bden pa dang bzhi'o/ /de rnams kyi phyin ci ma log par bsgrubs pa'i 'bras bu yang 'di nyid do/ /chos thams cad kyi dran pa nye bar gzhag pa rnams kyi sems rtse gcig gis rtogs pa'o zhes pa ni/ chos thams cad ni lus dang / tshor ba dang / sems dang / chos thams cad do//dran pa ni 'dris pa'i dngos po la sems 'dzin pa'o/ /nye bar gzhag pa ni yang nas yang goms par byas pa'o/ /rnams kyi sems rtse gcig gis zhes pa ni gang dag dran pa nye bar gzhag par byed pa rnams kyi dran pa'i ngo bo nyid kyi sems rnam pa gzhan gyis ma g.yengs par gyur pa ste/gdams ngag la sogs pas lus la sogs pa'i yang dag pa nyid khong du chud pa ni rtogs pa'o/ /mtshan yang dag par brjod pa 'di zhes pa ni me long lta bu'i ye shes dang / de bzhin gshegs pa mi bskyod pa'i dkyil 'khor bstan pa 'di zhes pa'o/ /sangs rgyas thams cad kyi yon tan thams cad kyi rab tu bskyed pa dang yongs su rdzogs par byed do zhes pa ni mdor na zhes pa ste shugs las rnyed pa'i sgra ste/yon tan gyi rnam pa mang du smos nas bskal bar brjod kyang zad par mi 'gyur gyi/ 'dir bsdus nas bstan pa ni sangs rgyas thams cad kyi yon tan ni rta dbyangs kyis gsungs pa ltar ro//brjod par nus pa ma yin no/ /nam mkha' bai DUr+ya'i mdog /bya yis mthar thug mi rtogs ltar/ /zhes bya ba la sogs pas bstan to/ /de bas na sangs rgyas gcig gi yon tan yang brjod par mi nus na/ /thams cad kyi lta smos kyang ci dgos te/de lta bu'i yon tan gyi tshogs rab tu mang ba dang gzhan yang gzhung kha cig la rab tu zhes pa yang yod de/ 'jig rten gyi yon tan ji snyed pa dang nyan thos dang rang sangs rgyas ji snyed pa dang / byang chub sems dpa' la sogs pa bsdu'o/ /yongs su rdzogs pa dang /rab tu skyed par byed ces pa ni rab tu skyed pa ni sangs rgyas kun la mnga' ba'i yon tan gyi 'byung gnas su 'gyur ro/ /yongs su rdzogs pa zhes pa ni de rnams kyi yon tan ma lus pa rdzogs par byed pas na rgyu zhes pa'o/ /'khor lo gnyis pa'i phan yon la tshig gi rnam grangs lnga bcu rtsa gnyis kyis brtsis pa'i bshad pa'o// //de ltar 'khor lo gnyis pa'i bshad pa bstan nas/ 'khor lo gsum pa'i phan yon so sor kun du rtog pa'i ye shes dang / snang ba mtha' yas kyi dkyil 'khor bshad pa'i phyir/ lag na rdo rje rdo rje 'chang / / gzhan yang mtshan yang dag par brjod pa 'di ni zhes bya ba la sogs pa gsungs te/ de la lag na rdo rje'i don ni brda phrad par zad do/ /gzhan yang zhes pa ni phan yon snga ma bas mi 'dra ba bstan te/ mtshan yang dag par brjod pa 'di ni zhes pa ni sngar de bzhin gshegs pa snang ba mtha' yas su mtshan brjod ma thag tu 'di zhes pa'o//ji ltar bshad ce na/ sems can thams cad kyi lus dang ngag dang yid kun du spyod pa'i sdig pa ma lus pa rab tu zhi bar byed pa'o zhes gsungs te/ de la sems ni kun gzhi rnam par shes pa'o/ /de gang dang ldan pa rnams ni sems can thams cad do//lus dang ngag dang yid ni mi dge ba'i spyod pa'i sgo'o/ /kun du spyod pa ni nyes pa kun du spyod pa dang rnam par smin pa kun du spyod pa'o/ /nyes pa kun du spyod pa ni mi dge ba bcu nyon mongs pa spyod pa'o/ /rnam par smin pa ni ngan song gsum la sogs pa'i sdug bsngal rnams so//kun du zhes pa'i sgras ni thun mong du zhes pa'o/ /ma lus pa'i sgras ni phra mo bag la nyal ba dang bcas pa'o/ /zhi ba ni bde ba 'thob par byed pa'o/ /gang gis zhi bar byed pa ni snang ba mtha' yas kyis te/ de bzhin gshegs pa thams cad kyi thugs yang dag pa de bzhin nyid kyis ni sems can kun gyi yid la kun du spyod pa'i sdig pa ma lus pa zhi bar byed pa ni de bzhin gshegs pa'i nges pa'o//gzhan du na gang gis sems rnam par dag par nus zhes pa sangs rgyas kun gyis brtags pa'o/ /stong pa nyid dang bdag med pa'i sgra brda'i sngags dang / brjod pa'i sngags kyis sems can thams cad kyi ngag la kun du spyod pa'i sdig pa ma lus pa zhi bar byed ces pa ni sangs rgyas rdo rje 'dzin pa'i nges pa'o/ /gzhan du na rig byed klog pa'i rig pas ngag rnam par dag par ga la nus zhes pa'o/ /de bzhin gshegs pa'i sku sgyu ma la sogs pa dang mtshungs pa'i yid kyi lus dang 'dra ba'i mtshan dang dpe byad kyis spras pa sems can thams cad kyi lus la kun du spyod pa'i sdig pa ma lus pa zhi bar byed pa ni sangs rgyas kyi nges pa'o//gzhan du na ma rungs par byas pas lus rnam par dag par byed pa lta ga la nus zhes pa'o/ /gal te de lta bu yin du nges na/sems bsam gtan la dmigs pa dang / glegs bam klag pa dang / sbyangs pa'i yon tan yang bcom ldan 'das kyis ci'i phyir bstan zhe na/ de lta mod kyi bla ma'i gdams ngag dang bral ba'i byis pa rnams ni rnam par dag par mi 'gyur par gsungs so/ /de bas na gzhan dag las kyang byang chub ni dge ba'i gshes gnyen la rag lus pa'o zhes gsungs la/'di nyid las kyang / 'jig rten shes legs slob dpon te/ /'jig rten slob dpon 'jigs pa med/ /ces bya ba la sogs pa gsungs so/ /de bas na de'i yon tan bstan pa'i phyir ngan 'gro thams cad bzlog pa'o//zhes gsungs te/ 'gro ba rnams las ngan par 'gro ba gang yin pa de ni ngan 'gro'o/ /dmyal ba thams cad dang / yi dwags thams cad dang / byol song thams cad ni ngan 'gro thams cad do/ /de zlog pa ni thams cad skye gnas su mi 'jug pa'o/ / las kyi sgrib pa thams cad yang dag par gcod pa'o zhes pa ni las dkar pos bsgribs pa dang nag pos bsgribs pa dang / dkar nag gis yang dag pa'i don la kun nas g.yogs pa ni las kyi sgrib pa'o/ /de ma lus pa kun dag cing las la dbang thob pa de'i dbang gis khams gsum gyi nyon mongs par mi 'gyur pa ni yang dag par gcod pa'o//mi khom pa brgyad po thams cad kyi skye ba'i rgyun mi skye bar byed pa'o zhes pa ni mi khom pa ni dal ba'i gnas skabs med pa ste rtogs pa dang goms pa'i klags med pa'o/ /du zhe na/ brgyad de sems can dmyal ba rnams dang /yi dwags rnams dang / byol song rnams dang / yul mtha' 'khob pa rnams dang / dbang po ma tshang ba rnams dang / lha tshe ring po rnams dang / lta ba log pa rnams dang / las yang dag pa ma yin pa la zhugs nas dkon mchog gsum po spong ba rnams ni brgyad du grags pa thams cad do//skye ba'i rgyun zhes pa ni yang dang yang du de dag la skye ba len pa'o/ /mi skye bar byed pa ni der mi 'jug pa'o/ /bdag dang gzhan gyi zhes pa la sogs pa ji snyed pa'o/ /de dag ni 'jig rten phyi ma dang snga ma'o/ /'jig rten 'di bstan pa'i phyir/'jigs pa chen po brgyad rnam par zhi bar byed pa'o zhes gsungs te/ 'jigs pa yang yin la chen po yang yin pa'i phyir 'jigs pa chen po ste/ sems can sdug bsngal gyi tshor ba lhag par che ba gang yin pa'o/ /de'i dngos po brgyad de/ mes 'jigs pa dang / chus 'jigs pa dang /gcan gzan khro bos 'jigs pa dang / sbrul gyis 'jigs pa dang / glang po ches 'jigs pa dang / mi ma yin gyis 'jigs pa dang / chom rkun gyis 'jigs pa dang / rgyal po'i chad pas 'jigs pa dang brgyad do/ /rnam par zhi ba ni de'i sdug bsngal dang bral nas bde ba thob pa'o//rmi lam ngan pa thams cad sel bar byed pa'o zhes pa ni rmi lam ngan pa ni khams 'khrugs pa dang / bag chags dang 'byung po la sogs pas snang ba bsgyur ba ste/ gang zhig mtshan ma bkra mi shis par gzung ba thams cad do/ /de yang gang dag gis mthu med par byed pas sel bar byed pa'o//ltas ngan pa thams cad sel bar byed pa'o zhes pa ni/ gang zhig gis ltas su byas pa'i mtshan mar blta ba ni ltas zhes bya ba ste/ pra se na'i lta bu ral gri dang / me long dang / gzhon nu la sogs pa la sbyor ba rtog pa'i tshe ngan pa'i ltas su 'byung ba thams cad ni ltas ngan pa thams cad do//de dag gi mthus med cing sdigs par mi 'gyur pas na sel bar byed pa'o/ /bdud dang bgegs kyi sde ngan pa thams cad sel bar byed pa'o zhes pa ni bgegs ni log par 'dren pa ste/ gang dag gi dngos grub kyi bar du gcod pa dang /bsam pa phyin ci log tu byed pas na bgegs zhes bya'o/ /brda ni de dag gi sngon du 'byung ba ste/ gzugs dang sgra la sogs pa ni yid du mi 'ong ba ston pa'o/ /gang gis mthong zhing thos na bkra mi shis par 'gyur pa ltas ngan pa'o/ /zhi ba ni de lta bu mi 'byung bar byed pa'o/ /bdud kyi dgra'i dpung bzhi thams cad rab tu spong ba'o zhes pa ni/bdud nyid dgra dang 'dra bas na dgra'o/ /'di lta ste/ dgra rnams kyis rta dang glang po che dang / rkang thang dang zhubs can gyi dpung bzhi bshams nas nor dang srog 'phrog par byed pa'o/ /de bzhin du bdud kyi dpung bzhis kyang dge ba'i nor dang thar pa'i srog 'joms par byed pa'o//de bas na de rnams kyis mi tshugs par byed pa'o/ /dge ba'i rtsa ba dang / bsod nams thams cad 'phel bar byed pa'o zhes pa ni/ de ltar bar du gcod pa'i tshogs dang bral nas bgegs med pa'i dge ba'i rtsa ba la sogs pa zla ba sgra gcan 'dzin las grol ba ltar 'gyur ro zhes pa'i don to//de'i phyir na mgon skyob 'jig rten yid gcugs pa/ skyabs dang skyob pa bla na med/ /ces bya ba la sogs pa dang / slob dpon gyi yon tan dang mtshan nyid bstan nas da ni de dang 'brel ba'i dbang bskur bstan pa'i phyir tshul bzhin ma yin pa yid la byed pa thams cad mi skye bar byed pa'o zhes gsungs te/tshul bzhin ma yin pa yid la byed pa ni sems mnyam par 'jog pa'i mi mthun pa'i phyogs ma rig pa sngon du 'gro ba can no/ /thams cad ces pa ni 'dod chags yid la byed pa la sogs pa'o/ /ji ltar mi skye bar byed ce na/ bla ma'i gdams ngag gis brtags la mtshan mar 'dzin pa las log cing phyi nang gi chos la bdag med par shes pas tshul bzhin ma yin pa yid la byed pa las bzlog go//ma rig pa nyid gang zhe na/ tshul bzhin ma yin pa'i dbang gis rgyags pa dang dregs pa dang / nga rgyal dang / nga yir 'dzin pa thams cad 'joms par byed pa'o//de la rgyags pa ni rang gi phun sum tshogs pa la chags shing sems dga' ba la chags pas bag med par spyod pa'o/ /dregs pa ni bdag la lhag par sems pa'o/ /nga rgyal ni sems khengs pa'o/ /nga yir 'dzin pa ni bdag gir 'dzin pa'o/ /gang la brten zhe na nye bar len pa'i phung po lnga la brten nas rnam par shes pa la bdag tu 'dzin la lhag ma rnams la bdag gir 'dzin no//de bas na khams drug 'dus pa ril por 'dzin pa la ma rig pa zhes bya'o/ /da ni bdag med par rtogs pas snang ba 'byung ba'o/ /bu ga dang srubs med pa'i phyir sgo nga'i sbubs bzhin no//de gang gis phyed par nus she na/ /rdo rje ltar rab tu mkhregs pa'i thabs theg pa ste/ de yang rig pa'i dbang gi dus su ngar 'dzin pa'i phung po mi bskyod pa de bzhin gshegs par rig pa dang / nga yir 'dzin pa'i phung po bzhi de bzhin gshegs pa bzhir rig pa dang /sa la sogs pa yum bzhir rig pa dang / mig la sogs pa'i skye mched rnams byang chub sems dpa' rnams su rig go/ /gsang ba'i dbang gi dus su lha'i 'khor lo rnams kyang gzung ba dang 'dzin pas stong pa bdag med par rig cing shes rab ye shes kyi dus su lhan cig skyes pa'i ye shes snang ba dang stong pa ro gcig pas ma lus pa 'joms par byed do//de yang ma rig pa bcom pas srid pa'i nyes dmigs sdug bsngal dang yid mi bde ba thams cad mi skye bar byed pa'o zhes gsungs te/ dbang gsum pa'i dus su dga' ba dang bral ba'i sdug bsngal dang /mchog dga' la bde ba phul du ma phyin pa'i yid mi bde ba'i sdug bsngal dang yid mi bde ba'o/ /de'i byed pa'i rgyu ni shes rab dman pas log par rtog pa'o/ /mi skye bar byed pa ni bde ba phul du phyin pa'i lhan cig skyes pa'i ye shes nyams su myong bas na sdug bsngal dang yid mi bde ba nub par gyur pa'o//de nyid ji lta bu zhe na/ de bzhin gshegs pa thams cad kyi snying po'o zhes gsungs te/ de bzhin gshegs pa ni sngar gyi rig pa'i dbang gi dus na rnam par snang mdzad la sogs pa'o/ /de bzhin gshegs pa yang yin la thams cad kyang yin pas na de bzhin gshegs pa thams cad do//snying po ni de rnams ro gcig par 'gyur pa'i bcud de/ chos thams cad de kho na nyid sgrib pa'i dri ma dang bral ba nam mkha' lta bu dus gsum mnyam pa nyid du gnas pa'i don to/ /byang chub sems dpa' thams cad kyi gsang ba pa'o zhes pa ni byang chub sems dpa' ni sa'i snying po la sogs pa kun no//gsang ba ni ro gcig par gyur pa'o/ /nyan thos dang rang sangs rgyas thams cad kyi gsang chen no zhes pa ni/ /nyan thos dang rang sangs rgyas ni 'dod chags dang bral ba'o/ /de las gyur pa ni chags bral gyi gnas su skye ba 'dzin pa'o//gsang chen ni longs spyod rdzogs pa'i snang ba nub nas nyungs kar tsam du gnas pa'i tshe'o /'di ni dga' bral gyi ye shes bla ma'i bka' drin gyis shes par bya'o/ /phyag rgya dang sngags thams cad do zhes pa ni/ /phyag rgya ni 'di mtshon par byed pas na phyag rgya ste/ las kyi phyag rgya la sogs pa'o//sngags ni yid mi skyo bar byed pa'i ye shes so/ /thams cad ni de lta bu'i mtshan nyid can kun no/ /chos thams cad brjod du med par smra ba rnams kyi dran pa dang shes bzhin yang dag par skyed pa'o zhes pa la/ chos ni phung po dang khams dang skye mched do/ /brjod du med pa ni thig le chen po yi ge med do//smra ba ni gang gis de'i don khong du chud par bya ba'i phyir gzhan la tha snyad tsam du smra ba'o/ /rnams zhes pa ni de gzung 'dzin kun zhes pa'o/ /dran pa ni rang gis sngar nyams su myong bar byas pa'o/ /shes bzhin ni gdams ngag gi brda la yid ches par byas nas dngos po kun la rang dbang du 'jug pa'o//yang dag par skyed pa ni de dag phyin ci ma log pa ste de lta bu 'grub par byed pa'o/ /de ni zhar la byung ba bzhi pa'i gdams ngag tu shes par bya'o/ /da ni thun mong gi dngos grub kyi rgyu bstan pa'i phyir/ bla na med pa'i shes rab bskyed pa dang /yid gzhungs par byed pa'o zhes gsungs te/ bla na med pa ni de'i gong na med pa'o/ /shes rab ni shes pa'i khyad par te/ shes rab phul du byung ba zhes bya ba'i don to/ /gang gis skyed ce na/ sngar dam pa'i bka' drin las byung ba'i bdud rtsi'i thig le snying ga'i pad+ma'i steng du bzhag ste bsgoms na zag pa med pa'i shes rab kyis dus gsum mkhyen par 'gyur pa dang /gang gis rdo rje pad+mar yang dag par sbyar ba'i bcud lces blangs na yid gzhungs shing blo 'phel te tshigs su bcad pa brgya stong sems kyis 'dzin cing mi brjed pa la sogs par 'gyur pa'o//de skad du yang / blo dang stobs ni 'phel ba'i phyir/ /mi 'chi lce yis blang bar bya/ /zhes gsungs so/ /nad med pa dang / stobs dang dbang phyug phun sum tshogs par byed pa'o zhes pa la/ de la nad ni rlung dang / mkhris pa dang / bad kan la sogs pa'o//gang dag bdud rtsi lnga po spyir bsgrubs pas sam/ so sor bsgrubs pas sam/ bcud kyis len nam/ sman mar gyi ye shes dang / bsku byug gi ye shes dang / nad med cing tshe nam mkha' dang mnyam par 'gyur pa la sogs pa rgyud de dang der bcom ldan 'das kyis rgyas par gsungs so//stobs dang zhes pa ni sha lnga'i sbyor ba'am bdud rtsi lnga nyid kyis phyag rgya stong la sbyar bas stobs 'phel bar byed pa'o/ /dbang phyug ni rig pa 'dzin pa'i rnam grangs su gyur nas dbang phyug tu gyur pa'o/ /phun sum tshogs pa ni sa 'og dang ral gri la sogs pa yang 'grub par byed do zhes pa'i tha tshig go//de ltar thun mong gi dngos grub sgrub pa bstan nas/ 'jig rten gyi bde ba dang legs pa sgrub pa bstan pa'i phyir/ dpal dang / dge ba dang / zhi ba dang / legs pa rnams rab tu 'phel bar byed pa'o zhes gsungs te/ de la dpal ni bkra shis pa'o/ / dge ba ni dkar po'i chos so/ /zhi ba ni bde ba skyed pa'o/ /legs pa ni gang la yod na mdzes pa dang gzhan dga' bar 'gyur pa'o/ /de rnams des 'phel zhing rgyun mi 'chad par 'gyur pa ni rab tu 'phel lo/ /grags pa dang / snyan pa dang / tshigs su bcad pa dang / bstod pa dang grags par byed pa'o zhes pa la/grags pa ni bdag gi yon tan kun gyis brjod pa'o/ /snyan pa ni ji bzhin gyi yon tan brjod pas bdag sems bde ba'o/ /tshigs su bcad pa ni bdag gi bsngags pa brjod pa'i tshe tshigs su bcad pa'i tshul gyis so/ /bstod pa ni bdag gi che ba'i bdag nyid brjod pa'o//grags pa ni kun gyis thos pa'i tshul lo/ /nad dang 'jigs pa chen po thams cad rab tu zhi bar byed pa'o zhes pa ni/ nad ni lus dang sems la zug rngur gyur pa'o/ /'jigs pa chen po thams cad ces pa ni sha za'i 'jigs pa dang / nad kyi 'jigs pa dang /dbang po la sogs pa'i 'jigs pa dang / nor med pa'i 'jigs pa dang / mdza' bo dang bral ba'i 'jigs pa dang / rgyal po'i chad pas 'jigs pa dang / thog lhung pa'i 'jigs pa dang / don nyams pas 'jigs pa ni 'jigs pa chen po'o/ /thams cad kyi sgra ni 'jigs pa chen po 'di dag dang /sngar smos pa kun zhi bar byed pa'o zhes bya'o/ /de ltar dbang bskur zhing rtog pa dang ldan pa la sems bskyed pa dang / dbugs dbyung ba'i phyir de ltar bstan nas/ dag byed khyad par can du bstan pa'i phyir/ shin tu rnam par dag pa rnams kyi yang shin tu rnam par dag pa'o zhes gsungs te de la shin tu rnam par dag pa ni lha'i sku'o//rnams kyi yang zhes bya ba ni/ rang rang gi bsam pa rnam par dag pa'o zhes gang gis brtags pa rnams so/ /yang zhes pa ni kyang zhes pa'i don to/ /mtshungs pa las khyad par du byed pa'i sgra'o/ / ji ltar bshes gnyen can rnams la dge sbyong dang bram ze zhes bya ba lta bu'o/ /de bas na rnam par dag pa lha'i sku yang yin mod kyi/ 'on kyang shin tu rnam par dag pa ni skyon spong pa'i lhan cig skyes pa'i ye shes zhes bya'o/ shin tu rnam par dag pa rnams kyi yang shin tu rnam par dag pa'o zhes pa ni shin tu'i sgra ni rab ces pa'o//dag pa ni dri ma dang bral ba'o/ /rnams kyi yang zhes pa ni de lta bu gang dag yin pa rnams kyi yang ngo / /shin tu dag pa'o zhes pa ni dag pa'i ngo bo nyid de yang 'di zhes pa'o/ /shin tu dag byed rnams kyi yang shin tu dag byed do zhes pa ni/ shin tu'i sgra ni snga ma bzhin no// //dag byed ces pa ni dag par bya ba la ltos pa ste gang dag dri ma dang bcas pa gang yin pa'o/ /de 'khru bar byed pas na dag byed do/ /dri ma de yang gnyis ste/ phyi'i dri ma zhes bya ba dang nang gi dri ma'o/ /de la phyi'i dri ma dag pas nang gi dri ma dag par 'dod pa dang / nang gi dri ma dag pas phyi'i dri ma dag par 'dod pa dang /rang bzhin rnam par dag pas dri ma rnam par dag par 'dod pa'o/ /phyi'i dri ma dag pas nang gi dri ma dag par 'dod pa ni dag byed sa dang chu dang ku sha la sogs pa bstan pa'o/ /nang gi dag pas phyi'i dag par 'dod pa ni phyag rgya dang sngags zlos pa dang bsgom pas dag pa'o//de lta bu yang dag byed du blta bas dag byed rnams so/ /shin tu dag byed ni rang bzhin rnam par dag pa'o/ /gzhan du dag par byed pa ni btags pa tsam mo/ /de skad du yang / 'di ltar mi gtsang las byung zhing / /mi gtsang bas ni ril por gang //de lta bu yi lus 'di nyid/ /gang+gAr bkrus pas ji ltar 'dag /mi gtsang thum po'i chu dag gis/ /yang yang bkrus kyang dag mi 'gyur/ /de bzhin mi gtsang lus gang ba'i/ /phung po 'di yang dag mi 'gyur/ /zhes 'byung ba dang / yang de nyid las/ khrus kyis sdig pa zad pa yang /nges par yod pa ma yin te/ /ji ltar 'bab stegs bsten pa la/ /nyon mongs la sogs skye bar mthong / /zhes bya ba la sogs pa 'byung ngo / /phyag rgya dang sngags 'ba' zhig gis kyang dag pa ma yin par gsungs pa ni/ lha dang sngags kyang yod ma yin/ /zhes bya ba la sogs pa gsungs so//rang bzhin rnam par dag pas dag byed khyad par du bstan pa yang gsungs pa/ nges par dngos po thams cad kyi/ /dag pa de bzhin nyid du brjod/ /dag pa gzhan gyis rnam grol min/ zhes pa dang / yang dag byed kyi thabs khyad par can bstan pa'i phyir pho nya dag byed kyi khyad par dang /btung ba dag byed kyi khyad par dang / bza' ba dag byed kyi khyad par bstan pa'o/ /de ci'i phyir zhe na/ sems kyi dri ma 'joms pa'i phyir ro/ /de skad du yang / pho nya'i gtsang sbra dang po ste/ /gnyis pa zhi ba'i btung ba yin/ /snod gcig tu ni za byed pa/ / gtsang sbra gsum pa yin par 'dod/ /ces gsungs so/ /gtsang sbra dag gi khyad par gsungs pa/ gtsang sbra dag gi khyad par gsungs pa/ gtsang sbra de yi yon tan yang / /stong phrag gcig gis gzhal min par/ kha cig gis ni brjod nus sam/ /zhes gsungs so/ /gzhan yang gzhan dag 'dod pa'i mchod phyir thogs pa la sogs pas dag par mi 'gyur gyi/gsang sngags kyi spyod pa la dag byed kyi dag byed ces bya'o/ /rang bzhin dag pa yin na de lta bu ci dgos she na/ glo bur gyi dri ma de bsal ba'i phyir ro/ /da ni chu la sogs pas kyang dag go zhe na/ sems kyi dri ma ni rnam par rtog pa ste/ chu la sogs pas de gal nus she'o//rab tu byang ba rnams kyi yang rab tu byang ba'o zhes pa ni/ rab tu byang ba ni legs par rab tu byang ba ste skyon du 'gyur pa cha phra rab kyang med pa'o/ /de lta bu gang dag yin pa de rnams kyi rab tu byang ba'i ngo bo nyid gang dag yin pa ste ye shes 'di'o zhes pa'o/ /de ltar dag pa dang byang bar lung bstan nas/da ni dag pa dang byang ba'i 'bras bu bstan pa'i phyir/ rab tu bkra shis pa rnams kyi yang rab tu bkra shis pa'o zhes gsungs te/ rab tu bkra shis pa ni rab tu dpal che'o/ /de ni mkhyen pa'i khyad par las byung bar gsungs so/ /ci mkhyen pa dang cis mkhyen na dus mkhyen pa dang /dag pa dang byang ba'i ye shes mkhyen pa'o/ /dus gang zhe na/ bzang ba'i dus dang ngan pa'i dus so/ /de ni dbang thang gi 'khor lo bstan pa las shes par bya'o/ /gang dag gis bzang po'i dus rnams shes par byas nas bya ba rtsom na bya ba thams cad la bkra shis par 'gyur la/ ngan pa'i dus shes nas der bya ba ma brtsams pas bkra mi shis pa thams cad mi 'byung ngo / /de'i phyi rab tu bkra shis pa ni rtag tu bkra shis pa'o/ /de las kyang bkra shis pa ni bcom ldan 'das dga' ldan nas 'pho ba dang / lhums su zhugs pa la sogs pa'i dus na bkra shis pa ni rab tu bkra shis pa'o//de ltar bkra shis pa bshad nas/ da ni sems can kun gyi don du rjes su gnas pa yang bstan pa'i phyir skyabs 'dod pa rnams kyi skyabs so zhes gsungs te/ skyabs 'dod pa rnams ni sems 'jigs pa dang bcas pa yang rab tu gyur pa'o/ /de spang bar 'dod pa'i sems dang bcas pa'o//'jigs pa sel zhing gzhan sems yang ba las bsrung bas na skyabs so zhes bya'o/ /gnas med pa rnams kyi gnas so zhes pa ni/ gang la 'dug par bya ba'i rten med pa'o/ /de lta bu kun kyang rten byed cing rab tu gnas pas gnas so/ /sa gzhi ltar sems dpa' sems can kun gyi rten gyis shig pa'i don to//skyob pa 'dod pa rnams kyi skyob pa'o zhes pa ni/ ji ltar tsha bas gdungs pa rnams kyi tsha ba skyob par 'dod pa'o/ /grang bas nyen pa rnams kyi grang ba skyob par 'dod pa'o/ /de'i phyir skyob par 'dod pa'o/ /de bzhin du bkres pa dang skom pa la sogs pa'o/ /skyob pa ni gdugs dang /snam bu dang / zas dang / skom la sogs pa'o/ /de ltar bsam zhing don gyis shig pa'o/ /dpung gnyen 'dod pa rnams kyi dpung gnyen no/ /zhes pa ni pha rol po'i sde rab tu gnyen te/ bdag sde dang dpung rab tu tshol ba'i dpung gnyen no/ / de ltar sdug bsngal ba mthong nas de'i dpung dang gnyen byed pa ni dpung gnyen no/ /gling 'dod pa rnams kyi gling ngo zhes pa ni gang dag 'bab chu'am chu bo'am/ mtsho rnams kyis kun nas bskor ba'i dbus na rten du gyur pa'i sa'am thang lta bu'i gling zhes bya'o/ /gang dag 'bab chu la sogs pas khyer te gong ma lta bu dang phrad par sems la smon pa ni gling 'dod pa'o//bdag de ltar gyur par byed cing don byed pa ni gling ngo / /'khra sa bla na med pa 'dod pa rnams kyi 'khra sa bla na med pa'o zhes pa/ 'khra sa zhes pa ni gang dag gcan gzan la sogs pas rab tu nyen pa na shing dang brag la sogs pa ni 'khra sa'o//bla na med pa ni bdud dang ngan 'gros nyen pa la sogs pa gtan du gab pa'i gnas so/ /de bas na 'khra sa bla na med pa'o zhes so/ /srid pa'i rgya mtsho'i pha rol du 'gro bar 'dod pa rnams kyi gru'o zhes bya ba ni de la srid pa ni 'dod pa dang / gzugs dang / gzugs med pa rnams ni rgya mtsho dang 'dra bas na mtsho'o//ci'i phyir zhe na/ rab tu rgal dka' ba'i phyir ro/ /zab pa dang rgya che ba dang / dba' klong dang / mi ma yin pa dang / chu srin la sogs pa rab tu mang bas na/ yang rab tu rgal dka' ba'o/ /de bzhin du srid pa yang shin tu rgal dka' ba ste thog ma med pa nas bsags pa'i bag chags mthug po dang /nyon mongs pa rab tu che ba dang / sdig pa'i grogs po rab tu mang ba la sogs pa srid pa ni rab tu rgal dka' zhes bya'o/ /de'i pha rol ni mya ngan las 'das pa'o/ /'gro bar 'dod pa ni srid pa'i nyes dmigs shes shing mya ngan las 'das pa'i yon tan shes pa'o//de skad du yang / 'khor ba'i rgya mtsho 'jigs pa las/ /'grol bar 'gyur pa'i bsam pa can/ /zhes gsungs so/ /gru bo zhes bya ba ni de las sgrol ba'i thabs te/ gzings la sogs pa lta bu'i zhes pa'o/ /nad thams cad sel ba'i sman gyi rgyal po chen po zhes pa ni/nad kyang yin la thams cad kyang yin pas nad thams cad do/ /sel ba ni zhi bar byed pa'o/ /gang gis she na sman pa'i rgyal po ste/ sangs rgyas bcom ldan 'das so/ /des phyi dang nang gi nad thams cad zhi bar byed do/ /zug rngu phra mo yang ma lus par 'joms pas na de skad ces bya'o//blang pa dang dor ba'i dngos po'i bye brag phyed pas shes rab nyid do zhes pa ni/ blang ba ni bsgrub par bya ba'o/ /dor ba ni spang bar bya ba'o/ /dngos po zhes pa ni don byed nus pa'i phyir ro/ /gzhan du na dngos po gsum ni srid pa'i phyir ro/ /bye brag phyed ni khyad par zhes pa'o//shes rab ni chos rnams la khyad par dang bye brag shes par byed pa'i shes rab bo/ /lta ba ngan pa'i mun nag thams cad sel ba'i ye shes kyi snang ba'o zhes pa ni lta ba ngan pa zhes pa ni shes rab phyin ci log pa ste/ rgyu dang 'bras bu'i don la rmongs pas 'jig rten pha rol med ces smra ba'o//de nyid mun pa dang 'dra bas na mun nag go/ /yang dag pa'i shes rab kyi phyin ci log bsal nas rgyu dang / 'bras bu dang / sku dang ye shes kyis sems can gyi don byed pa ni ye shes kyi snang ba zhes bya'o/ /des ci byed ce na/ sems can thams cad kyi sems kyi bsam pa ji lta ba bzhin yongs su rdzogs par byed pa'i yid bzhin gyi nor bu'o zhes pa ni sems can yang yin la thams cad kyang yin pas na sems can thams cad do//sems ni yid do/ /bsam pa ni re ba smon pa'o/ /ji lta ba bzhin re ba ni ji lta ba bzhin no/ /yongs su rdzogs pa ni bsam pa mthar phyin par byed pa'o//yid bzhin gyi nor bu'o zhes pa ni nor bu khyad par can gyis sems can kun gyi yid la bsams pa'i don sbyin par nus pa ni yid bzhin gyi nor bu'o zhes bya'o/ /des nye bar mtshon pa'i dpag bsam gyi shing dang / bum pa bzang po ltar sems can kun gyi don byed ces pa'o//'jam dpal ye shes sems dpa'i sku thob par bya ba'i phyir thams cad mkhyen pa'i ye shes so zhes pa ni 'jam dpal ye shes sems dpa'i don ni bshad zin to/ /sku ni ye shes kyi sku rang byung ngo / /thob pa ni rtogs par 'gyur pa'o/ /thams cad mkhyen pa'i ye shes ni dngos po ma lus pa ji lta ba bzhin mkhyen pa'o//de bas na ye shes kyi sku de ni thams cad mkhyen pa'i yum yin no zhes bstan pa yin no/ /gzhan gyi yum ma yin nam zhe na/ spyan lnga thob par bya ba'i phyir/ ye shes mthong ba yongs su dag pa'o zhes pa ni spyan lnga ni sha'i spyan dang /lha'i spyan dang / shes rab kyi spyan dang / chos kyi spyan dang / sangs rgyas kyi spyan no/ /thob par bya ba zhes pa ni de rnams dang ldan par bya dgos pa'o/ /ci'i phyir zhe na/ ye shes mthong ba yongs su dag pa'o zhes bya'o/ /ye shes ni sngar bshad ma thag pa thams cad mkhyen pa'i ye shes so//ye shes kyi sku rab tu blta dka' ba yang gzigs pas na yongs su dag pa'o/ /spyan lnga po gang la rab rib mi mnga' ba gsal ba'i bdag nyid yod pa gang yin pa 'di ni ye shes kyi'o zhes pa yang ngo / /zang zing dang mi 'jigs pa dang / chos kyi sbyin pa gtang ba'i phyir pha rol tu phyin pa drug yongs su rdzogs pa'o zhes pa ni//zang zing ni nor dang 'bras bu la sogs pa'o/ /mi 'jigs pa ni skyabs byed pa la sogs pa'o/ /chos ni rnam par dkar bas 'gro ba'i don byed pa'o/ /sbyin pa ni gzhan la phan par 'dod nas mi 'jigs par gtong ba'o/ /'dir dngos po gsum yongs su gtong ba'i phyir sbyin pa'i pha rol tu phyin pa lnga ji ltar rdzogs par 'gyur zhe na/'di ltar zang zing gis sems can gyi don byed pa'i tshul khrims dang skyabs kyis ni sdom pa'i tshul khrims dang / chos kyis ni dge ba'i chos sdud pa'i tshul khrims so/ /de'i dus na bya ba gzhan la mi 'jug pa ni brtson 'grus so//sems g.yeng pa gzhan mi sems pa ni bzod pa'o/ /rtse gcig tu gnas pa ni bsam gtan no/ /de rnams kyi rang bzhin shes pa ni shes rab bo/ /de ltar na pha rol tu phyin pa drug yongs su rdzogs pa'o/ /bsod nams dang ye shes kyi tshogs dang / ting nge 'dzin yongs su rdzogs pa'i phyir sa bcu thob pa'o zhes pa ni bsod nams ni gang byas na dge bar 'gyur ro//ye shes ni gang byas na grol bar 'gyur pa'o/ /tshogs ni bde ba mchog tu 'gyur pa'o/ /ting nge 'dzin ni blo mnyam par 'jog pa ste/ 'di ltar lus drang por bsrang ste/ sngar bshad pa'i 'khor lo drug po lus la bsam par byas nas a las skyes pa'i ral gri as mtshan pa 'bar bas sdug bsngal gyi rtsa bar gyur pa snying ga'i rtog pa bcad nas rdo rje chos kyi lam dang /rdo rje zab mo'i lam nas ye shes kyi bdud rtsis sku gsum gyi gsang ba'i rtsa nyi shu rtsa bzhi gang bas sa bcu thob cing pha rol tu phyin pa rdzogs par 'gyur pa snga phyi'i gdams ngag gis shes par bya'o//de ltar dbang gi cho ga'i rim pa bshad nas/ da ni gnyis med kyi ye shes de kho na nyid gsal bar bstan pa'i phyir/ chos gnyis dang bral ba'i phyir gnyis su med pa'i chos nyid do zhes pa ni/ chos gnyis ni gzung ba dang 'dzin pa rnams so//bral ba ni ngo bo nyid kyis ma grub pa'o/ /de bas na ye shes 'di gnyis su med pa'o zhes pa'o/ /sgro btags pa med pa'i phyir de bzhin nyid kyi rang bzhin dang / gzhan ma yin pa'i chos nyid do zhes pa'i sgro btags pa ni med pa la yod par sgro btags pa'o/ / de bzhin du yod pa la med par skur pa 'debs pa yang ste/ de lta bu'i mtha' las 'das pa ni de kho na nyid kyi rang bzhin no/ /gzhan ma yin pa'i chos nyid ces pa ni chos rnams las chos nyid gud na med pa'i tha tshig go/ /de skad du yang / chos rnams kyi chos nyid ni gang nas kyang ma 'ongs/ gang du yang mi 'gro'o/ /gang gnas pa las gzhan du 'gyur pa yang med ces gsungs so/ /de bzhin gshegs pa'i ye shes yongs su dag pa'i ngo bo nyid yin pa'i phyir yang dag pa'i mtha'i rang bzhin nyid do zhes pa ni/ de bzhin gshegs pa'i don ni brda phrad par zad do/ /ye shes yongs su dag pa zhes bya ba la ye shes ni ye shes lnga ro gcig pa'i sku'o//yongs su dag pa ni skyon ma lus pa dang bral ba'o/ /phyir zhes pa ni de bas na zhes pa'i don to/ /yang dag pa'i mtha'i rang bzhin nyid do zhes pa ni yang dag pa ni phyin ci ma log pa ste/ mtha' ni mthar thug pa ste de las lhag pa med do zhes pa'i tha tshig go//rang bzhin nyid kho na'o zhes pa'o/ /lta ba ngan pa'i tshang tshing brgya stong ma lus par sel ba'i phyir rnam pa thams cad kyi mchog dang ldan pa'i stong pa nyid kyi rang bzhin nyid do zhes pa ni/ lta ba ngan pa ni chad par lta ba'o/ /de tshang tshing dang 'dra bas na tshang tshing ste/lam bde ba las gol ba'i tshang tshing mi mnyam par 'gro ba'o/ /de bzhin du lta ba ngan pa ni nyi tshe ba'i tshang tshing du 'gro ba'o/ /ma lus par sel ba ni lam der mi 'jug pa'i phyir yang dag pa'i lta ba'o/ /stong pa nyid dang snying rje dbyer med par goms par byed pa'o//rnam pa thams cad kyi mchog dang ldan pa'i stong pa nyid kyi rang bzhin ni rnam pa'i snang ba gang yang ma chad pa dang / de yang ngo bo nyid stong pa ste chos thams cad dbang po'i gzhu dang mtshungs par khong du chud pa kho na'o/ /da ni de ltar bstan pa de dag mjug bsdus te bstan pa'i phyir/mtshan yang dag par brjod pa 'di ni zhes gsungs te/ mdor na zhes pa shugs la ston pa'o/ /mtshan yang dag par brjod pa 'di ni de bzhin gshegs pa snang ba mtha' yas dang / so sor rtog pa'i'o/ /de dag mdor bstan pa gang zhe na/ 'di lta ste/ gnyis su med pa'i chos nyid kyi don gyi mtshan yang dag par brjod pa 'dzin pa ston pa'i phyir chos thams cad brjod du med pa'i shes rab nyid do/ /de la gnyis su med pa'i chos nyid ces pa la gnyis su med pa ni gzung ba dang 'dzin pas stong par rig pa'o/ /chos nyid ni rig pa'i ngo bo nyid kyis stong pa brjod du med pa'i rang bzhin no//don gyi mtshan yang dag par brjod pa 'dzin pa zhes pa ni de lta bu'i chos nyid kyi don yin pas na don no/ /kyi zhes pa drug pa'i sgra'o/ /mtshan ni ming gi bla dwags so/ /'dzin pa ni don khong du chud pa la phan par 'dod pa'o/ /ston pa ni gzhan la'o/ / 'khor lo gsum pa'i phan yon las tshig gi rnam grangs lnga bcu rtsa gnyis su bgrangs pa'i bshad pa'o// //de ltar 'khor lo gsum pa'i phan yon bshad nas/ da ni 'khor lo bzhi pa'i phan yon bshad pa'i phyir/ lag na rdo rje rdo rje 'chang / /zhes pa la sogs pa gsungs te/lag na rdo rje ni don snga ma bzhin no/ /gzhan yang zhes pa ni snga ma bzhin no/ /rigs kyi bu'am rigs kyi bu mo gsang sngags kyi spyad pa spyod pa gang la la zhes pa ni rten gyi gang zag gi rigs kyi khyad par bstan par dgongs pa ste/ de la rigs kyi bu zhes pa ni sems bskyed pa dang /dbang bskur ba thob pa ste/ 'dir rigs ni rdo rje la sogs pa'o/ /me tog gang du ltung ba ni rigs de'i bu'o/ /rten gyi bye brag gis pho dang mor gyur pa ni bu dang bu mo'o/ /gsang sngags ni gang dag gsang ba'i dam tshig rnams so/ /spyod pa ni mtshan nyid dang ldan pa rnams kyis spyad par bya ba'i phyir ro//spyod pa zhes pa ni nyams su len pa'o/ /gang la la zhes pa ni gzhi bye brag tu ma phye ba spyir ston pa'i sgra ste gsang sngags kyi spyod pa rigs kyi bu 'am rigs kyi bu mo gang rung ba dbang po tha ma'am/ dbang po 'bring ngam/ dbang po rab mchog rnams kyis zhes pa'o//de la dbang po tha ma spyad par bya ba ji tsam yin pa bstan par bya ba'i phyir/ bcom ldan 'das 'jam dpal ye shes sems dpa' zhes bya ba la sogs pa gsungs te/ bcom ldan 'das kyi don ni sngar bstan pa kho na'o/ /ye shes sems dpa'i zhes pa'i ye shes ni dam tshig lngas nye bar mtshon pa'i dam tshig lnga'o//bza' ba lngas mtshon pa'i de bzhin gshegs pa rnams kyi ye shes lnga yin la/ de'i phyir de skad ces bya'o/ /de dag dbyer med par gyur pa ni sems dpa'o/ /de bzhin gshegs pa thams cad kyi thams cad mkhyen pa'i ye shes kyi sku gnyis su med pa'i don dam pa'i mtshan yang dag par brjod pa zhes bya ba'i gtsug gi nor bu 'di zhes pa ni de bzhin gshegs pa thams cad kyi thams cad mkhyen pa'i ye shes kyi sku zhes pa ni dbang po tha ma la dmigs pa'i yul yang de yin zhes pa ste/don ni bshad ma thag pa nyid de/de'i mtshan nyid ci 'dra zhe na gnyis su med pa zhes pa ste/ /de'i don go bar zad do/ /de nyid kun rdzob tu ma yin par bstan pa'i phyir/ don dam pa zhes pa'o/ /gang gis mtshon zhe na/ mtshan yang dag par brjod pa zhes bya ba'i zhes pa ni mtshon par byed pa'i gzhung de'i ming de skad ces bya'o//gzhung de'i che ba'i dpe bstan pa'i phyir gtsug gi nor bu zhes pa ste/ /gang gi spyi bo'i gtsug na nor bu rin thang med pa yod pa de 'dra zhes pa'o/ /dbang po thams cad dmigs par bya ba de yin gyi/ spyod pa'i tshul de ltar yin nam zhe na/ gzhung yid bzhin gyi nor bu dang 'dra ba 'di spyod pa'i tshul yin gyi/ gsang sngags spyod pa'i don ni de ltar ma yin no/ /de ltar cis shes she na yongs su rdzogs pa dang / ma nyams shing lhag chad med pa tshigs su bcad pa'i tshig dang yig 'bru 'di dag nyid kyis zhes gsungs te/thams cad ces pa ni ma lus pas so/ /yongs su rdzogs pa ni mtshan yang dag par brjod pa'i de nas zhes pa nas rdzogs so zhes pa'i bar ro/ /ma nyams shing zhes pa ni tshigs su bcad pa'i rkang pa tshang ba'o/ /lhag chad med pa zhes pa ni yig 'bru tshang ba'o/ /de gang zhe na tshigs su bcad pa dang yig 'bru zhes pa ste yi ge re re bgrangs pa ni yig 'bru'o//yig 'bru brgyad brgyad ni tshig rkang pa zhes pa'o/ /rkang pa bzhi bzhi ni tshigs bcad ces pa'o/ /'di dag nyid ces pa ni de ltar bgrangs pa dang brtsis pa 'di dag nyid ces pa'o/ /kyis zhes pa ni gsum pa'i don la drug pa ste/tshig dang yi ge lhur len par byed pas bdag dang gzhan gyi don byed pa ste/ de bas na nyin gcig bzhin du dus gsum du 'chang ba dang / klog pa dang / kun chub par byed pa dang / tshul bzhin du yid la byed pa dang zhes gsungs te/ nyin gcig bzhin du zhes pa ni nyi ma re re bzhin zhes pa'o//dus gsum du zhes pa ni snga dro dang / nyi ma phyed dang / phyi 'bred do/ /'chang ba ni gzhung 'dzin pa'o/ /klog pa ni glegs bam 'don pa'o/ /kun chub par byed pa ni don la sems pa'o/ /tshul bzhin nges pa ni gzhung sngar bstan pa bzhin no//yid la byed pa ni blo la gnas par byed pa'o/ /de lta bu des kyang gzhan don byed par gsungs la/ gzhan dag la yang dam tshig ji lta ba bzhin ston pa dang zhes pa ste gzhan zhes pa ni pha rol po'o/ /ngag la yang zhes pa ni yang gi sgras rang gi don du 'chang ba dang /klog pa bzhin du gzhan dag la yang 'chang ba dang / klog pa dang / kun chub par byed pa dang / tshul bzhin du yid la byed pa ston pa'o/ /dam tshig ji lta ba bzhin zhes pa ni snod kyi rim par sbyor ba'o/ /de ltar dbang po tha ma bstan nas/ da ni dbang po 'bring gis dmigs pa'i yul gang yin pa bstan pa'i phyir/mtshan gyi don gang yang rung ba re re nas kyang 'jam dpal ye shes sems dpa'i sku la dmigs te zhes gsungs te/ de la mtshan ni ming ngo / /don ni des mtshon pa'i lha'o/ /gang yang rung ba zhes pa ni gnas skabs gang la bab pa'o//'jam dpal ye shes sems dpa' ni shes rab kyi 'khor lo'i lte ba la gang gnas par gyur pa'o/ /dmigs te zhes pa ni bsams te zhes pa'i don to/ /don ni des mtshon pa'i lha'o/ /da ni spyod pa'i tshul bstan pa'i phyir/ sems rtse gcig tu sgom pa dang / mos pa dang zhes gsungs te/ sems rtse gcig gi bsam gtan gyi gnas skabs na dmigs pa'i yul las gzhan du mi 'phro ba'o/ /sgom pa ni dngos po la'o/ /mos pa dang zhes pa ni/ de ltar sems kyi 'dun pa'o/ /de kho na nyid yid la byed pa zhes pa ni de kho na nyid ni lha'i de kho na nyid do//yid la byed pa ni sems kyis mngon du byed pa'o/ /pas zhes pa ni gsum pa'i sgra'o/ /kun nas sgo'i gnas pas gnas pa dang zhes pa ni/ kun nas zhes pa ni spyod lam mo/ /sgo zhes pa ni sgo gsum mo/ /gnas pas ni 'dug pa'o/ /gnas pa ni nyal ba'o/ /dang zhes pa ni 'gro ba la sogs pa bsdu ba'o//de la mtshan yang dag par brjod pa'i don gsang sngags kyi rgyal po dkyil 'khor drug la lha'i rnal 'byor ji ltar bshad pa bzhin dmigs nas mtshan gyi yig 'bru spro ba dang / bsdu ba'i ting nge 'dzin gyis gdul bya'i nyon mongs pa sbyangs nas lha dang yig 'bru'i tshul gyi bzlas brjod dang bstod pa'i tshul gyi sgo gsum gyi spyod lam gyis nyin mtshan 'da' bar byed pa'o//da ni dbang po rab gsang sngags kyi sgo'i spyad pa bstan pa'i phyir/ chos thams cad rtogs pa'i mchog ces gsungs te/ de la chos ni 'dus byas dang / 'dus ma byas kyi chos so/ /thams cad ces pa ni de las gzhan la mi srid pa'i phyir ro//rtogs pa ni shes rab phul du byung ba'o/ /mchog ni lhan cig skyes pa'i ye shes skad cig la khong du chud pas na'o/ /de skad du yang / shes rab chen po skad cig la/ /chos kun khong du chud pa po/ /zhes bya ba la sogs pa gsungs so//ci'i sgo nas she na rnyog pa med pa zhes bya ste rab tu dang ba'o/ /dba' rlabs dang bral ba'i chu bzhin no/ /gang zhe na/ dad pa dang ldan zhing mos pa dang zhes pa ste/ dang pa'i dad pa dang ldan pa'o/ /mos pa ni 'dun pa'o/ /gzhan yang ci zhe na/ /de kho na nyid yid la byed pa dang /sems rtse gcig tu sgom pa dang zhes pa ste/ de la de kho na nyid ni gsang sngags kyi de kho na nyid kyi phyag rgya'i ye shes so/ /yid la byed pa ni tshul bzhin du sems pa'o/ /de bsgoms nas yid la byed pa gzhan mi 'gyur pa ni sems rtse gcig pa'o/ /bsgom pa dang zhes pa ni thos pa dang /bsam pa dang zhes pa'i sgra'o/ /de ltar dbang po rab kyi mtshan nyid bstan pa ste/ sngar bshad pa'i rigs kyi bu'am rigs kyi bu mo zhes par 'brel to/ /des ci bya zhe na/ spyod pa spyad par bya'o/ /de'i phan yon ci zhe na/ de la dus gsum gyi dus med pa dang ldan pa'i sems zhes gsungs te/de la zhes pa ni dgar ba'i sgra ste/ gzhan du na dbang po 'bring la sogs pa la ni dus dang tshes grangs la sogs pa la ltos pa yod kyi 'di la ni med do zhes pa'o/ /'di nyid las/ dus gsum dus med rtogs pa po/ /zhes pa dang / gzhan dag las kyang / dus kyi nges pa yongs spangs nas//bla med gnas su skye bar 'gyur/ /zhes so/ /de bas na dbang po mchog gang yin pa de la dus gtso bor ma gsungs so/ /yang na dbang po mchog chos thams cad rtogs pa'i mchog lam yin mod kyi/ dbang po mchog gi rigs can las dang po pa tsam la dgongs nas bzang po'i dus dang ngan pa'i dus dang 'bring po'i dus tsam du gsungs so//gzhan dag nas yi dwags zla phyed bcu bzhi la sogs par gsungs pa dang / rtag tu dus kyi khyad par bshad pa yang drang ba'i don dang / nges pa'i don kho nar rig par bya'o/ /de ltar dus kyi the tshom bsal nas bla ma'i man ngag gis nyams su blang ba bde blag tu bstan pa'i phyir/sangs rgyas dang byang chub sems dpa' thams cad ces bya ba'i go rims so sor te/ spyod pa'i yul lam gzhi bstan pa'i phyir dus bstan pa'i 'og tu gnas gsungs pa ni/ grong dang / grong khyer dang / grong rdal dang / ljongs dang / yul 'khor dang / rgyal po'i pho brang 'khor na 'dug kyang rung zhes pa ste/ de la grong zhes pa ni gang dag grong khyer las gud na gnas pa'i grong brgya la sogs pa'i khyim tshogs pa'o/ /grong khyer zhes pa ni yul kun dang 'brel ba'i grong khyer chen por grags pa'o//grong rdal ni tshogs su grags pa'o/ /ljongs zhes pa ni gangs rtse dang / sman gyis rgyas pa'i yul bdag gir bzung ba'o/ /yul 'khor ni de dag nye ba'i yul gang yin pas rgyal po la dpya phul ba'i yul lo/ /rgyal po'i pho brang ni sa'i bdag po gang na bzhugs pa'i gnas su gtogs pa'o//'dug kyang rung zhes pa ni gnas par bsngags pa'o/ /gnas 'di dag tu gnas nas char dbab pa la sogs pas phan gdags par bya'o/ /yang na 'di dag tu rgyu zhing gang dag tu sus kyang mi shes par spyod pa bya ba'o/ /gzhan yang gtor ma rab tu dbul ba'i gnas bstan pa'i phyir/sgo dang / sgo khang dang / khri lam dang / srang dang / bzhi mdo dang / sum mdo dang / grong bar dang / tshong khang na 'dug kyang rung zhes gsungs te/ sgo ni gang yin pa'i phyi rol du gyur pa'o/ /sgo khong ni sgo'i skyabs su byas pa gang yin pa'o//khri lam ni lam po che'o/ /srang ni khyim de dang nye ba'i lam mo/ /chu srang dang / zhes pa'i gzhung yod de de yang de nyid do/ /bzhi mdo dang zhes pa ni lam bzhi 'dus pa'i sa gang yin pa'o/ /sum mdo zhes pa ni lam gsum 'dus pa'i dbus so/ /grong bar zhes pa ni grong gnyis la ltos pa'i sa'o//tshong khang zhes pa ni tshong 'dus kyi khyim mo/ /na zhes pa'i sgra ni yul gyi 'dun pa'i sgra'o/ /'dug kyang rung zhes pa ni der gnas nas gtor ma'i las bya ba ste mkha' 'gro dang / 'byung po dang / sha za dang / yi dwags la sogs pa'i rgyu ba'i gnas yin pa'i phyir ro//da ni tshogs kyi 'khor lo'i gnas bstan pa'i phyir/ khang stong dang / ri dang / chu klung dang / nags tshal dang / nags tshang tshing na 'dug kyang rung zhes gsungs te/ khang stong ni mi med pa'i grong khyer ro/ /ri ni bya skyibs dang / ri phug dang / ri'i sul la sogs pa'o//chu klung ni 'bab chu chen po'i 'gram mo/ /yan na rgya mtsho chen po'i 'gram mo/ /nags tshal ni shing gi tshal phun sum tshogs pa yod pa'o/ /nags tshang tshing ni shing 'khrigs pas g.yogs pa'i sa'o/ /'di dag ni rab tu dben pa'i gnas su gsungs pa'o//de bas na so so'i skye bo dang / nyan thos dang / rang sangs rgyas la sogs pas dben pa'i sa phyogs su bya ba'o/ /de ci'i phyir zhe na/ so so'i skye bo la gsang ba bstan pa rtsa ba'i ltung ba 'gyur pa dang / gzhan dag las kyang / gang zhig dge slong dngos gnas dang / / gang dag rtog ge la dga'i mi/ /gang zhig rgan po'i gnas gyur pa/ /de lta de nyid mi bstan no/ /zhes gsungs so/ /de ci'i phyir zhe na/ 'dir 'dod chags kyi sgo nas byang chub 'grub pa yin la/ kha cig la ni gnyis pa lugs dang 'dra bar gyur pas spangs pa kho na'o/ /de bas na bcom ldan 'das kyis kyang rgyud kha cig tu spang bar bya bar gsungs la/kha cig tu spyad pas grol bar gsungs zhing / kha cig tu srog gcod pa bkag la kha cig las gcad par gsungs na/ 'dir ji lta bu zhe na brjod par bya ste/ 'dir khyad par can gyi rgyu las khyad par can gyi 'bras bu 'byung bar 'dod de/gzugs la sogs pa 'dod pa'i don rnams la khyad par gyi longs spyod kyi dngos por gyur pas don grub pa yin par shes par bya'o/ /gzhan du spong bar 'dod pa rnams don grub par mi 'gyur te/ dbang po dang yul tshar bcad nas gzhan du 'dod pa'i phyir ro/ / de skad du yang / dka' thub sdom pa mi bzad pas/ /lus skams 'gyur zhing sdug bsngal la/ /sdug bsngal gyis ni sems g.yengs te/ /g.yengs pas dngos grub gzhan du 'gyur/ /zhes gsungs pa dang / /yang gsungs pa/ dka' thub dka' spyad mi bzad pa/ / bsten na 'grub par mi 'gyur gyi/ /'dod pa kun la longs spyod pas/ /bsten na myur du 'grub par 'gyur/ /zhes pa'o/ /de bas na 'dod pas don grub pa'i nges pa'o/ /thabs kyis zin na nyon mongs pa spyad pas dug tu mi 'gyur pas nyon mongs pa'i rang bzhin zhes pa'i phyir ro/ / nyan thos la sogs pa kha cig la ngan song gi rgyur 'gyur la/ de'i rang bzhin shes pa la ni de ltar mi 'gyur la de skad du yang / 'dod chags zhe sdang gti mug gsum/ /'dzin pas dug tu 'gyur pa yin/ /dug nyid nye bar zhi gyur na/ /dug ni dug med byas pa yin/ /bdud rtsi nyid du rim bsten nas//bdud rtsi kho nar gyur pa yin/ /zhes gsungs pa dang / gzhan dag las kyang / gang zhig 'di ltar ngas skyabs spro ba ni/ /dug gi sngags can dug gis ga la tshugs/ /zhes so/ /de bzhin du 'od srungs 'di lta ste/ sngags dang sman gyis yongs su zin pas 'chi bar byed mi nus so//'od srungs de bzhin du thabs dang shes rab dang thabs mkhas pas yongs su zin pa'i nyon mongs pa'i dug gis kyang log par ltung mi nus so zhes pa dang / gzhan dag nas kyang / blun po gang zhig 'ching 'gyur pa/ /mkhas pa de yis myur du grol//byang chub rnam par bsgom na ni/ /'di dag thams cad phyin ci log /gang gis rmongs pa'i 'ching 'gyur zhing / /ngu 'bod mthar ni grol bar 'gyur/ /de nyid kyis ni grol 'gyur zhing / /shes rab stobs kyis bde ba thob/ /ces gsungs pa dang yang gsungs pa/ / las drag gang gis skye bo rnams/ /mi bzad dmyal bar 'tshed par 'gyur/ /thabs dang bcas na de nyid kyis/ /srid pa'i 'ching las grol bar 'gyur/ /zhes gsungs pa dang / yang gsungs pa/ shes rab thabs dang bcas pa la/ /nyon mongs byang chub yan lag 'gyur//zhes bya ba la sogs pa rgya cher 'byung bas spyod pa dang grol ba'i 'bras bu 'byung ba ni bcom ldan 'das kyi nges pa'o/ /de ltar dben pa'i gnas su gsungs pa der bza' ba la sogs pa'i longs spyod pa yang gnas la sogs pa'i khyad par yin yang rung / gal te ma yin yang de ru mos pa rgyas par bya ste/ der 'du ba'i khang pa sum brtsegs byas la/ dang por ni dpa' bo dang dpa' mo dang spun dang ming sring gi tshogs kyang tshogs par bya'o/ /gnyis par ni rol mo'i bye brag go/ /gsum par ni bza' ba la sogs pa'i bye brag go//dpa' bo 'du ba'i gnas de yang so phag la sogs pa las bya ba'am/ yang na brus par bya ba ste/ gru bzhi pa sgo bzhi pa rta babs bzhis mdzes par byas pa/ rdo rje rin chen pad+ma sogs/ sgo srung bzhi dang ldan par bya/ /rang gi lha dang [(]'gren [,]'gran [)]pa yi/ /bud med dag ni legs bsgrub pa'i/skal bzang rang gi phyag rgyas mtshan/ /tshogs kyi 'khor lo brtag par bya/ /zhes gsungs pas de lta bu'i gnas su 'dug par bya ba gang yin pa de bstan pa'i phyir/ sangs rgyas dang byang chub sems dpa' thams cad 'dus te gshegs nas kyang chos kyi sgo thams cad rtogs par 'chad de sku yang ston to zhes gsungs te/de la sngar bshad pa'i gnas der dpal dam pa dang po'i dkyil 'khor thugs dang gsung dang sku'i dkyil 'khor rnams su sgo bzhi gzhal yas khang par brtags la/ sangs rgyas dang zhes pa ni dpal dam pa dang po'i sangs rgyas dang yul sna tshogs pa ni thugs kyi 'khor lo'i dbus su'o//'og nas bshad bzhin pa'i de bzhin gshegs pa rnams kyang ngo / /dkyil 'khor de nyid kyi me dang / bden bral dang / rlung dang / dbang ldan du rjes su spyod pa mo du ba ma la sogs pa bzhi nag mo dang / dmar mo dang / ser mo dang /dkar mo'i tshul gyis gnas par bya'o/ /de rnams kyi nye 'khor du yang chos kyi dung dkar po dang / gaN+DI dmar po dang / yid bzhin gyi nor bu nag po dang / dpag bsam gyi shing ser po gzhag par bya'o/ /yang la la dag ni/ shar du rnal 'byor ma nag mo/ lhor dmar mo/ nub tu ser mo/ /byang du dkar mo 'bar ma'i tshul gyis gnas par bya'o/ /yang de'i phyi rol gyi 'dab ma bzhi'i gnas su sangs rgyas bzhi ste/ shar du don yod grub pa dang / lhor rin chen tog dang / nub tu rtag pa/ byang du 'od dpag med do/ /de rnams dang lhan cig spyod pa ni mer sgrol ma/bden bral du gos dkar mo/ /dbang ldan du mA ma kI/ rlung du spyan gyi rang bzhin gyis gnas par bya'o/ /la la ni shar la sogs pa'i sgo rnams su go rims bzhin du khro bo rab stobs dang / lkugs byed dang / rmongs byed dang / rengs byed dang / nga rgyal byed ces bya'o/ / shar sgo'i g.yas logs kyi rtsig pa'i rtsar nam mkha'i snying po'o/ /la la ni sgo'i g.yas logs kyi ra ba'i phyogs kyi rtsig pa'i rtsar mer reg rdo rje dang / lho sgo'i g.yas su sa'i snying po dang / bden bral du ro rdo rje dang / nub sgo'i g.yas su sgrib pa thams cad rnam par sel ba dang / rlung gi mtshams su dri rdo rje dang /byang sgo'i g.yas su 'jig rten dbang phyug dang / dbang ldan du gzugs rdo rje dang / 'og na gnas pa'i byang chub sems dpa' ni shar sgo'i g.yon logs kyi rtsig pa'i rtsar kun du bzang po'o/ /byang sgo'i g.yon du sgra rdo rje'o/ /steng gi byang chub sems dpa' ni lho sgo'i g.yon du phyag na rdo rje'o//nub sgo'i g.yon du chos kyi dbyings kyi dbang phyug ma'o/ /'di rnams ni byang chub sems dpa' rnams dang lhan cig phyogs pas na gtso bo la rgyab phyogs pa'o/ /de rnams kyis ni thugs kyi 'khor lo'i gnas rim par phye ba'o/ /da ni gsung gi 'khor lo brjod par bya ste/thugs kyi 'khor lo'i phyi rol gyi snam bu la phyogs mtshams brgyad du pad+ma 'dab ma brgyad brgyad du dgong pa la gtso bo'i tshul du gnas pa 'di lta ste/ shar du ni rgan byed mo'o/ /me ru ni nam mkha'i lding gi bdag mo'o/ /gshin rjer ni phag mo'o/ /bden bral du gzhon nu ma'o//chur ni dbang mo'o/ /rlung du tshangs mo'o/ /byang du ni drag mo'o/ /dbang ldan du ni dpa' mo'o/ /'di dag lte ba la'o/ /de la rgan byed ma'i shar phyogs kyi 'dab ma la 'jigs ma'o/ /shar lho la sogs par drag mo dang / mche ba gtsigs ma dang / 'bar ba'i gdong ma dang / rlung shugs ma dang / rab tu gtum ma dang / gtum mig ma dang / sna chen ma rnams so/ /mer khyab 'jug ma gnas pa'i 'dab ma la shar la sogs pa'i 'dab ma rnams la snga ma bzhin du g.yang ma dang / sgyu ma dang / drag ma dang / dpal mo dang / rnam par rgyal ma dang /dpal rgyal ma dang / dpal rgyal byed ma dang / dpal gyi rdo rje ma rnams so/ /de nas lho phyogs kyi pad+ma dang po'i 'dab ma la keng rus ma'o/ /de bzhin du dus mtshan ma dang / rab tu khros pa'i gdong ma dang / dus kyi lce ma dang / gtsigs ma dang / nag mo dang / 'jigs ma dang / gzugs ngan ma rnams so/ /de bzhin du bden bral du gzhon nu ma'i shar la sogs pa'i 'dab mar pad+ma dang / yan lag med ma dang / gzhon nu ma dang / rigs kyi bdag mo la gnas ma dang / rin po che'i phreng ba ma dang / shin tu spyan ma dang /rigs bzang mo dang / bzang mo rnams so/ /de bzhin du nub tu rdo rje ma dang / rdo rje lus dang / gser btso ma lta bu dang / 'dod pa la dbang ma dang / ri mo'i dri ma dang / rtsol ma dang / kun du tshim ma dang / shin tu sgrogs ma rnams so/ /de nas rlung du tshangs pa'i shar la sogs par rtsa bcas ma dang /pad+ma'i mig dang / chu las skyes ma dang / bla gos ma dang / ngag gi dbang phyug ma dang / glu len byed ma dang / glog ma dang / dran ma rnams so/ /byang phyogs kyi drag mo'i gtso mo'i shar la sogs pa'i 'dab ma la dkar mo dang / gang ga ma dang / rtag ma dang / shin tu myur ma dang / thig le mchog ma dang / dpal gyi gdong ma dang / ser skya ma dang / nag mo rnams so/ /de nas dbang ldan du dpal gyi lha mo'i shar la sogs pa'i 'dab ma rnams la dkar mo dang / zla ba dri med ma dang / zla ba'i gdong ma dang / ngang pa'i kha dog can ma dang / 'dzin byed ma dang / pad+ma dang / skar ma dang bcas pa'i mig can dang / dri ma med pa'i zla ba rnams so/ /de dag ni gsung gi 'khor lo'i gnas su dgod pa'i rim par phye ba'o/ /de bzhin du la la ni sku'i 'khor lo la gnas par bya ste/ sku'i dkyil 'khor gyi pad+ma bcu gnyis kyi shar gyi sgo'i g.yas kyi cha la sogs par gnas par bya ste/shar gyi dkyil 'khor la gnas pa'i nam mkha'i snying po la sogs pa gnas pa'i tshul bzhin du 'dir yang ra ba'i rtsig pa'i rtsar gnas par bya'o/ /de la shar gyi sgo'i g.yas phyogs su srin po/ /me ru rlung lha'o//gshin rje ni lho'i sgo'i g.yon du'o/ /de'i g.yas su me lha'o/ /bden bral du gdong drug pa'i gzhon nu'o/ /nub kyi sgo'i g.yon du gnod sbyin no/ /de'i g.yas su ni brgya byin no/ /rlung du tshangs pa'o/ /byang sgo'i g.yon du drag po'o/ /g.yas su chu lha'o/ /dbang ldan du tshogs kyi bdag po'o//shar sgo'i g.yon du khyab 'jug go/ de dag gis sku'i dkyil 'khor gyi gnas kyi rim par phye ba'o/ /da ni sgo ba'i gnas brjod par bya ste/ la la ni shar sgor lu gu rgyud ma'o/ /lhor sgor ni khro gnyer ma'o/ /nub kyi sgor ni 'od zer can no/ /byang gi sgor ni skul byed ma'o//thugs kyi dkyil 'khor gyi sgo ba'i rim par phye ba'o/ /dbyug pa sngon po dang / 'dod pa'i rgyal bo dang / stobs po che dang / mi g.yo ba rnams ni shar la sogs par rim pa bzhin te gsung gi dkyil 'khor gyi sgo ba'o/ /yang shar la sogs pa'i sgo rnams su khyi gdong ma dang /phag gdong ma dang / ce spyang gi gdong ma dang / stag gi gdong ma bzhi ni sku'i 'khor lo'i sgo ba'o/ /phyi'i sku'i dkyil 'khor gyi phyi rol du ni rnal 'byor pa gang dag skal ba ngan pa kha cig klu chen po rnams kyi tshul gyis gnas par bya ste/ de yang rta babs bzhi 'degs pa'i ka ba brgyad kyi 'og dang shar dang nub ste/shar du ni pad+ma dang / stobs kyi rgyu'o/ /lho ru ni nor rgyas dang / dung skyong dang ngo / /nub tu 'jog po dang / pad+ma chen po'o/ /byang du mtha' yas dang rigs ldan no/ /sngar smos pa gnyis su rgyal ba dang / rnam par rgyal ba'o//klu rnams kyi gnas rim par phye ba'o/ /khwa gdong ma dang / bya gdong ma dang / nam mkha' lding gi gdong ma dang / 'ug pa'i gdong ma ni sku'i dkyil 'khor gyi phyi rol du bden bral la sogs pa'i mtshams rnams su'o/ /phyi'i khor yug chen po la ni de las gzhan pa'i 'byung po skye gnas bye ba phrag phyed dang bzhi'o//de dag ni bla ma'i gdams ngag gis 'dus pa chen po dang ldan pa dang po sangs rgyas kyis 'khyud pa'i mtshan yang dag par brjod pa rdo rje dbyings chen po'i tshogs kyi 'khor lo'i 'dus pa chen po yin no/ /de bas na sangs rgyas dang byang chub sems dpa' thams cad 'dus te gshegs nas zhes bya'o//ci mdzad ce na/ chos kyi sgo rtogs par 'chad do/ /de la chos ni phung po dang / skye mched dang / khams rnams so/ /sgo ni skye ba med pa nyid do/ /de skad du yang a zhes bya ba ni chos thams cad kyi sgo zhes gsungs pa dang / yang chos thams cad a'i rnam pa'i sgo can te thog ma nas ma skyes pa'i phyir ro zhes gsungs so/ /de bas na de lta bu'i rtogs pa ni 'dus pa rnams kyis khong du chud par byed pa'o/ /sku yang ston to zhes pa ni 'og nas ston pa'i sprul ba'i sku gzugs kyi zhes pa dang 'brel to/ / rnam pa ci 'dra zhe na ma rungs pa 'dul ba'i khro bo'i rgyal po rnams dang zhes pa ste ma rungs pa 'dul dka' ba'i nyon mongs pa rnams so/ /de'i dbang du gyur nas zhi ba'i sku la sogs pas mi 'dul ba rnams so/ /yang 'dus pa de rnams la kha cig skal ba dang mi ldan pa dag gzu lums kyis zhugs pa yod de de lta bu 'dul ba'i phyir mi g.yo ba dang /dbyug pa sngon po la sogs pa rnams su sprul pa'i gzugs 'dzin tshar gcod pa'o/ /ci sangs rgyas dang byang chub sems dpa' dang / khro bo'i rgyal po rnams su 'dus shing 'khod pa de ltar yin gyi rnal 'byor ma 'dus pa gang las shes she na/gsang sngags dang rig sngags kyi rgyal po ma lus shing lus pa med pa dang zhes gsungs te/ gsang sngags zhes pa ni lhan cig spyod pa'i rnal 'byor ma sangs rgyas spyan la sogs pa'o/ /rig sngags zhes pa ni rjes su spyod pa'i 'od zer can la sogs pa'o//rgyal mo zhes pa ni gang dag gtso bor gyur pa'o/ /ma lus zhes pa ni rnal 'byor ma mtha' dag ces pa'o/ /lus pa med pa dang zhes pa ni thams cad kyang gnas der 'dus pa'o/ /rdo rje 'chang chen po la sogs pa 'gro ba yongs su skyob pa rnams kyang sprul pa'i gzugs kyis zhes pa ni rdo rje 'chang chen po ni rdo rje 'chang yang de chen po yang de bas te/dbus kyi dpal dam pa dang po'i sangs rgyas so/ /sogs pa'i sgras ni 'byung po bye ba phrag phyed dang bzhi'i bar dag go/ /de dag thams cad kyang 'gro ba yongs su bskyab pa'i phyir/ zangs dang ra gan la sogs pa la lha rnams kyi 'dra 'bag tu byas nas rtsa ba dang 'bras bu'am/ni raM su'i rgyan byas te sprul pa'i gzugs kyis gzhan dang bar bya zhing ngo mi shes par bya'o/ /gang gi tshul gyis she na/ lus sna tshogs kyis zhes pa ste/ zhal bzhi dang / mgrin pa gsum dang / phyag nyi shu rtsa bzhi la sogs pas so/ / la la ni zhal gsum phyag drug pa yis so/ /la la ni zhal gcig dang phyag bzhi pa'o/ /la la ni nam mkha' lding dang / phag la sogs pa'i gdong ngo / /la la ni gdengs ka dang ldan pa'i klu chen po'i gzugs kyis so/ la la ni skems shing ring pa/ la la ni sbom zhing thung ba ste/ mi mthun pa'i phyir sna tshogs zhes bya'o//ci'i phyir zhe na/ mdangs dang / stobs dang / gzi brjid zil gyis mi non pa dang zhes gsungs te/ /'gro ba rnams thun mong ma yin par bstan pa'i phyir ro/ /de la mdangs ni kha dog gsal ba'o/ /stobs ni nus pa'o/ /gzi brjid ni gzi byin no//zil gyis mi non pa ni khyad par du gyur pa'o/ /de skad du yang / dkyil 'khor gang ba'i gnas nyid du/ /sangs rgyas gar mkhan rol pa mdzad/ khams rdul de bzhin rtsa ba'am/ dag pa'i rus pa'am rgyan rnams kyis/ /sangs rgyas rnams kyi gar mkhan gar//bde ba dga' bar byed dang bcas/ /chos 'byung grong khyer nyams dga' bar/ /rdo rje dam tshig glu yis dang / /rdo rje rkang pa'i gom pa'i gar/ /mthar ni rdza rnga la sogs pa/ /phyag rgya chen po gsang ba'o/ /de nyid 'di ni cher gsang ngo / /zhes gsungs so/ / de nas khro bo mig yon po zhes bya ba la sogs pa'i sgo ba rnams la phyi rol nas gsol ba gdab par bya ste/ 'di skad du/ khro bo sngon po zhes pa ste/ /dam tshig che ldan phyag na bsnams/ /rin chen spras pa'i dbyug pa bsnams/ /bdag nyid ldan pa 'khor ba las/ /bsgral phyir rnal 'byor ma dbus su//bzang po'i sgo ni phye ste mthong / /zhes so/ /gsang sngags dang phyag rgya dang mngon par rtogs pa dang dkyil 'khor thams cad sgrub par byed do zhes pa ni/ de la gsang sngags ni rang gi spun dang ming sring ma yin pa sus kyang mi shes par gsang bar bya ba yin te/spun dang ming sring nyid ces pa ji lta bu zhe na phyag rgya dang zhes pa ste/ de yang rang gi spun dang ming srin rnams/ the tshom med par shes par 'gyur/ /brda yi rim pa bshad par bya/ /zhes pas phyag rgya dang phyag rgya'i lan gyi brda dang brda'i lan gyis shes par 'gyur pa'o/ / de yang lus kyi brda dang / ngag gi brda'o/ /de la ngag gi brda ni oM a hi ho zhes pa ni phyag 'tshal ba'o/ /oM pra ti ka zhes pa ni phyag 'tshal ba'i lan no/ /tsh+tsha tsh+tsha zhes pa ni slob dpon la phyag 'tshal ba'o/ /b+ha k+Sha ni zhugs pa'o/ /tsh+tsha zhes pa ni legs par 'ongs sam zhes pa'o//ts+tsha ni 'dug shig pa'o/ /khaM ni zo cig pa'o/ /traM traM ni sha'o/ /shraM shraM ni khrag go/ /dreM dreM ni zo cig pa'o/ /dzaM paM ni rdo rje'i chu'o/ /so ma ni bdud rtsi'o/ /e ma ni chang ngo / /shaM ba ri ni btung ba'o/ /saM pa ri ni chu'o/ /pu tra ya ni me tog go/ /a na tsha ya ma ni 'bras bu'o//dza la kaM ra ni gos so/ /khyab pa zhes pa ni khyim mo/ /ka ma dam ni lha'i khang pa'o/ /khre ta pa ni dkyil 'khor ro/ /b+heM ta ni dkyil 'khor gyi dpon no/ /a pa ya ni slob ma'o/ /me da raM ni dga' ba'i lha mo'o/ /go pri ta ni rdo rje rnal 'byor ma'o/ /dar ma ri ni rdo rje mkha' 'gro ma'o//ya la pa ni me rnams so/ /swa mu kha ni pha'o/ /yo kya ni bu'o/ /phriM phriM ni bu mo'o/ /ba hu la ni gzugs bzang ma'o/ /lo ta ni 'gro ba dang 'ong ba'o/ /ba hi ri ni zo cig pa'o/ /d+ha nu ni rdzas byin cig pa'o/ /she she ni song shig pa'o/ /phre se ni shog cig pa'o/ /traM ni med pa'o/ / bi tu mo ni khros pa'o/ /tse ra ni rtsod pa'o/ /dzi ba ni srung ba'o/ /ni ra ni chags pa dang bral ba'o/ /hri ni chags pa'o/ /dra ba ni rdzas so/ /rim pa bzhin du mchod pa ni su ra ta s+t+waM zhes pa'o/ /rang gi lha rjes su dran pa la su ra ta haM zhes pa'o/ /a nu rA ga mi zhes pa ni rdo rje sems dpa' bskul ba'o//a ni pa te ya mi zhes pa ni he ru ka'o/ /ma nu ra ga ya zhes pa ni gar dbang gi'o/ /a nu par sha ya mi zhes pa ni rdo rje mgyogs 'gro bskul ba'i len yin no/ /rnal 'byor ma rnams sa ma ya s+t+waM zhes pa lan no/ /sa ma ya ho zhes pas dpal dang po'i sangs rgyas mchod pa'o/ / de dag ni ngag gi brda'o/ /lus kyi brda bstan pa ni spyi bor nyug pa ni phyag 'tshal ba'o/ /dpral ba sa la reg pa ni phyag gi lan no/ /g.yas pa'i smin ma bskyod pa ni dngos grub bo/ /g.yon pa ni rnam par rgyal ba'o/ /mig g.yon pa'i smin ma la reg pa ni bud med bzang mo'i zhes pa'o/ / g.yas pa la reg pa ni skyes pa bzang po'o/ /rna ba g.yon pa la reg pa ni legs par 'ongs pa'o/ /g.yas pa la reg pa ni legs par smra ba'o/ /sna bug g.yas pa la reg pa ni spos so/ /g.yon pa la reg pa ni slong ba'o/ /lce g.yas su rgyu ba ni sha'o/ /g.yon du rgyu ba ni chang slong ba'o/ / mchan khung g.yon la reg pa ni zas so/ /g.yas pa la reg pa ni tshod ma slong ba'o/ /lus kyi brda'o/ /de ltar rtags de dag gis mtshon pa ni phyag rgya ste/ gang gi de phan tshun shes pa ni skal ba dang ldan pa rgyud gcig gis bsdus pa'i ming sring dang / spun du gyur pa'o/ /gal te mi shes na skal ba dang mi ldan pas spun dang ming srin ma yin pa ste skal ba med pa'o//gal te thams cad snga nas yin par shes kyang tshogs kyi 'khor lo la longs spyod kyi phyir brda bya ba kho na'o/ /yang na gzhan gyis mi rig pa'i phyir ro/ /gal te de'i tshe dpa' bo la sogs pa rnams rang gi gzugs kyis sam/'on te lha'i rnal 'byor gyis she na mngon par rtogs pa dang zhes bya ba gsungs te/ de la mngon par rtogs pa ni sgrub pa'i thabs kyi rim par phye bas 'bras bu mngon par rtogs par byed pa ste de bas na sgrub thabs las 'byung ba bzhin lha'i rnal 'byor gyi rim pas gnas par bya zhes pa'o//de nas gzugs la sogs pa rang rang gi yul la longs spyad par bya ste/ de la nyon mongs pa dang / 'jig rten pa'i bya ba dang / rang nyid kyi don du spyad par bya ba ni bcom ldan 'das kyis ma gsungs so/ /de yang / spyod pa longs spyod phyir ma gsungs/ /zhes bya ba la sogs pa dang //yang gsungs pa/ 'dod la chags par mi bya ste/ /sems can don phyir rnal 'byor pas/ /mchod pa thams cad rtag par bya/ /zhes gsungs pa'o/ /gang gi tshe gzhan du nyon mongs pa'i dbang du gyur pa de'i tshe dpa' bo zhes pa'i ming mi thob bo/ /de bas na mi shes pa'i dregs pa dang /nyon mongs pa'i g.yul gzhom pa dang / dpa' bo'i blos lha sbyin dang lha'i dbang po'i spro ba dang / 'jigs pa med pa dang / sems brtan pas mi g.yengs zhing brjed ngas pa med pa dang / bag tsha ba spangs nas mi sdug pa'i phyogs kyi gos la gnas pa ni dpa' bo'o//kun du ru mchod pa'i gnas btsal te/ des kyang dang por gzugs kyi mchod pas mnyes par bya ba'i phyir sngar bshad pa'i rgyan nam/ yang na mi rus las byas pa'i rgyan bya'i mu tig la sogs pas mdzes par bya bar ma gsungs so/ /de skad du yang / dung dang mu tig byi ru rnams/ /gsum char bco brgyad bcu dgu las/ /byung zhing de dag med na yang / /chos sku'i ye shes lus can gyi/ /thod pa la ni su zhig smod/ /dpa' bo thod pa'i phreng ba can/ /zhes gsungs so/ /de nas sges pa'i nyams la sogs pa bstan te/ sgeg pa'i nyams dang /dpa' ba'i nyams dang / mi sdug pa'i nyams dang / rgod pa'i nyams dang / drag po'i nyams dang / 'jigs su rung ba'i nyams dang / zhi ba'i nyams dang / rngam pa'i nyams dang / snying rje'i nyams so/ /de la/ lag pa dag ni brgyar bskyod cing / /gom pa'i stabs kyis gar bya ste//lag pa'i bkod pa ni rdo rje'i tshul dang / ral gri'i tshul dang / 'khor lo'i tshul dang / rin po che'i tshul dang / pad+ma'i lag pa dang / yang ral gri'i tshul dang / gzhu'i tshul dang / dbyug pa'i tshul dang / gtun shing gi tshul dang / rdo rje rtse gcig pa'i tshul dang /kha bcu pa'i tshul dang / gri'i tshul dang / sna tshogs dbyug pa'i tshul dang / mdung gi tshul dang / gong bu bskyod pa'i tshul dang / 'phen gnyis pa'i tshul dang / 'phen gsum pa dang / me tog gi tshul dang / bdug spos kyi tshul dang / mar me'i tshul dang / dri'i tshul dang / lA s+ya'i lag pa dang / phreng ba'i lag pa dang / glu'i lag pa dang / gar gyi lag pa dang / gling bu'i lag pa dang / pi wang gi lag pa dang / rdza rnga'i lag pa dang / rked rnga'i lag pa dang / de la g.yas dang / g.yon dang / dbus dang / spyi bo'i steng du bsgyur ba ni brgyar bkod pa'o//gom pa'i stabs kyis rnam par yang / /g.yas brkyang ba dang / g.yon brkyang ba dang / mnyam pa'i rkang stabs dang / rdo rje'i rkang stabs dang / dkyil 'khor dang / sna tshogs thabs dang / rus sbal gyi rkang stabs dang / bung pa'i dra ba dang / rgya mtsho bskyod pa dang /ri'i mchog dang / mdzes pa'i phod can dang / khro mo'i bkod pa'o/ /de ltar lag pa dang rkang pa'i bkod pa so sor bstan nas/ da ni nam mkha'i khams khyad par gnyis kas gar bya ba ni/ gus bcas dang por sgeg par ldan/ /dang por rtse bcas rjes bzung bas/ /rkang pa brgyad du cho ga yis//rdo rje'i gom pas rol par bya/ /me tog snyim par sbyor ba dang / /spos kyi yal ga'i sbyor ba dang / mar me'i sdong bu'i lag tshul dang / /yang ni dbyug pa'i lugs dang ni/ /brdung ba 'am dkrol pa'i sbyor ba bya/ /de bzhin slar yang g.yon pas so/ /de nas rgyun gyi gar byas nas//g.yon pa yang ni gar bya zhing / /myur du brdung bas de bzhin gar/ /byas nas 'khor lo ltar bur bskor/ /phyi nas gru bzhi dag par bya/ /phyis ni 'dod pa'i lag pas bskor/ /sa la pus mo gnyis btsugs nas/ /lag pa mchod rten legs par bya// ji snyed gang [(]gyi [,]gi [)] bstan bcos su//byed pa'i cha lugs brjod pa ni/ /de nyid rdo rje sems dpa' yi/ /sgeg pa byang chub sgrub pa'i thabs/ /zhes so/ /rnal 'byor ma rnams kyi 'dug tshul bstan pa'i phyir yang gsungs pa/ rdo rje'i skyil krung dang / sems dpa'i skyil krung dang / pad+ma'i 'dug stangs dang /bzang po'i 'dug stangs dang / skyil krung phyed pa dang / bkra shis pa'i 'dug stangs te/ de lta bu dag gis 'dug par bya'o/ /de nas sgra'i yul spyad pa'i phyir drug gi rjes su 'gro ba'i glu dang / drang srong gi rjes su 'gro ba'i glu dang / dri za'i rjes kyi glu dang / bar ma'i rjes kyi glu dang /blo gsal gyi rjes kyi glu dang / nyan pa'i glu'o/ /nyung ngu'i dbye ba dang / sgrol ba'i dbye ba dang / 'jigs pa'i dbye ba dang / gang ba'i dbye ba dang / rnam par 'dren pa dang / 'dod chags gnyis pa dang mtshungs par byed pa dang / 'dod chags gsum pa dang mtshungs par byed pa dang /lkog ma nyed pa dang / rkan nyed pa dang / lce nyed pa dang / so nyed pa ste/ glu'i bye brag go/ /gzhan yang rol mo'i rab tu dbye ba ni/ cha lang dang ni rnga dang yang / /rdza rnga kha cig pi pang rgyas/ /ma ra b+han d+ha gling bu dang / /rgyud gsum ka ra ka ni dang / rnam gsum brdung bas brdung bar bya//chung ngur bsdus pa rgyas pa ste/ /dkyil 'khor gsol ba gdab par bya/ /mchod pa 'di ni bla na med/ /ces so/ /de dag gi brdung ba la sogs pa'i sgra yang 'di skad du/ A ra A ra/ dzaM sma ra dzaM sma ra/ ra tsa taM paM ho/ / hu lu hu lu/ hu dza hu dza/ a la ya a la ya a la ya/ hUM hUM hUM/ Nu Nu Nu/ hri hu ha/ me he ta mau ta/ mo g+ho g+he g+ha ta Ta/ g+heM g+he ta bi sha// g+ha ha na ho do/ /hUM ka ka to/ /hUM hUM/ ka ka / kaM kaM peM ke peM/ badzra badzri/ he ko hung to/ hu d+ho hu d+ho hu d+ho hu d+ho/ /ru lu ru lu hUM b+h+yo hUM b+h+yo zhes pa dang /thra ti thra ti/ thra ka thra ka /thu ya thu ya/ tho ho tho ho/ /b+hi d+hi sa b+hi d+hi dang / d+hi dang / u da kra ka kra ka /tha ka tha ka /d+hi di ti te/ d+hi di ti da ta Na po/ /tra tra ta po ta zhes pa dang / ka ka ka ka / hi hi hi/ hi hi hi/ hi hi hi hi/ hUM hUM hUM hUM/ ha ha ha ha/ i ha ha/ i ha ha/ A I A I/ dzi dza dzi dza/ aM aM/ dzeM dzeM/ i a/ oM hi hi hi hi/ ka tsa Ni Di hi zhes pa ni sgra'i rab tu dbye ba'o/ /de nas dri byug spyad pa'i phyir/ /gla sgang ku na ta na dang / /ru rta ku shi la ta ka /a gar rgya spos sha ri pa/ /gur kum tsan+dan pa na ka / gaM d+ha sgron ni shing khrag par//shug pa pA la par+Ni ka /li shi shing tsha ka la ya/ /thang shing ardzu pri yang ku/ /so b+ha Na dang ba la ka/ /shai la ba dang yu be dang / /seng phrom sha ti ka pid+tha/ /ka ru ka ru pa la ni/ /na li shi pa tsam pa dang / /su brna dang sha ka ma/ /ma du lung ga shun par bcas pa la u yad yo su na//mkhan pa mu tra ma ru pa/ /ke shi ta ma la bu ka /sug smel bya g+ha na ga dang / /'u su pa to la yi li/ /ta ka sbus pa ha ra mu/ /dzA ti pha la tsa ram ga /su pu ni ya da ma ka tsan+dan tu rus pra star/ /thung chu dang ni ra sa dang / /ge sar la sogs sbyar ba las//dri sbyar phyir ni rgyud shes pas/ /bdag nyid 'dod pa bzhin du sbyar/ /zhes gsungs so/ /de nas ro'i yul spyad par bya ba'i phyir kha ba dang / mngar ba dang / skyur ba dang / tsha ba dang / lan tshwa dang / bska ba rnams dang ldan pa'i bza' ba dang / bca' ba dang btung ba'i rab tu dbye ba ni 'di lta ste/de yang bza' ba dang / thun mong ba dang / thun mong ma yin pa rnams so/ /de la thun mong ni kha zas gang yang rung ba zan dang 'bras chang la sogs pa'o/ /thun mong ma yin pa ni sgron ma lnga dang bdud rtsi lnga'o/ /bca' ba ni rtsa ba dang 'bras bu'i bye brag rnams so/ / de skad du yang / a mra rgun 'brum pa na sa/ /na ri ke la a ru sogs/ /'bras bu dag ni sna tshogs pa/ /tshogs kyi 'khor lo dbul bar bya/ /zhes gsungs so/ /btung ba'i yang gsungs pa/ /chang ni sgeg mo yin par bshad/ /rab tu myos pa sbrang rtsi'o/ /bu ram chang ni myos byed gsungs//rgun chang dag ni bdud rtsi yin/ /bdud rtsi lam gyi yan lag brgyad/ /sangs rgyas kun gyi brda yin no/ /rgun 'brum sbrang rtsi dpa' bo gcig /tsha ni 'dod chags bral ba yin/ /khu ba skyur po g.yon can te/ /sing po dag ni bran mor bshad/ /sha dang chang du ldan pa dag /de ltar sna tshogs ston mo yin/ /dga' ba'i longs spyod skal bzang po/ /rdo rje sems dpa' rab sgrub pa'o/ /zhes pa'o/ /rdo rje sems dpa' zhes pa ni phyi dang nang gi bye brag gis dkyil 'khor gyi gtso bo dang 'khor gyi khyad par gyis dkyil 'khor thams cad sgrub par byed pa dang / byang chub kyi sems stong pa nyid dang snying rje dbyer med pa'i snying po len par byed pas na dkyil 'khor thams cad sgrub pa'o/ /de ni dkyil 'khor de thams cad kyang de yin pas na dkyil 'khor thams cad do/ /dga' ba dang / bde ba dang / spyod pa dang / grol ba sgrub par byed do/ /de nas bza' ba la sogs pa spyad pa yang rang rang la dkyil 'khor gyi 'khor lo'i sngar bzhin pa'i mngon par rtogs pa grub par byas la/me tog bdug pa mar me dang / /bza' ba'i ston mo de bzhin dbul/ /zhes bya ba me tog la sogs pa rnams gtso bo nas bzung ste rim pa bzhin du dbul bar bya'o//me tog la sogs pa'i dbye ba ni gzhung mangs kyis 'jigs pas ma bris so/ /de nas gang gi sbyin sreg gi rim pas lkog ma sbyang ba la sogs pa byas la dkyil 'khor pa rnams tshim par bya'o/ /de yang / g.yas pa pad+mar bsams nas su/ /g.yon pa rdo rje bsgreng byas nas//pad+ma'i bskor bas bskor nas ni/ /phyag rgya chen po bstan par bya/ /oM ha ho hrIH swA hA/ phyag rgya chen po'i sngags dang phyag rgya'o/ /rnal 'byor pa yis mtshungs pa ru/ /lha rnams thams cad bsam par bya/ /'jig rten pa sogs ye shes spyan//phyi yi dkyil 'khor brtag par bya/ /so sor dri yis byugs pa dang / /so sor me tog dor ba dang / /so sor bdug spos bdug sogs mas/ /so so'i sbyor bas dbul bar bya/ /bdud rtsi lnga ni bsres nas su/ /nya phyis la sogs dbul bar bya/ /ha zhes bya bas kha dog 'phrog /ho zhes bya bas dri gzhom ste/ hrIH zhes pas ni nus pa 'joms/ /go rims de ltar mngon par brjod/ /rnam gsum lan gsum brjod nas ni/ /lha gsum du ni bsam par bya/ /pad+ma'i dbang phyug gzugs mdzes gser gyi mdog /dri chu'i ngo bo shin tu rnam snang mdzad//myangs bas rdo rje dbang phyug phyag rdo rje/ /lha gsum rnam pa gsum du bsgom par bya/ /g.yon pa zla ba'i lag pa la/ /zla ba'i dbus su bdud rtsi yi/ /yi ge kun rig gug skyed bcas/ /mthe bong sor mo sa nyid de/ /srin lag kyang ni ri rab bo/ /bsrubs pa'i stobs kyis bdud rtsi yi//chu yi rnam gsum shes par bya/ /rnal 'byor pa ni thams cad la/ /mthe bo'i thor nas so sor dbul/ /de yang rang gi dngos po yi/ /bdag nyid la ni bsam par bya/ /sgrogs pa lnga yi mchod rten ni/ /rnam pa lnga ni bkru bar bya/ /lce rtse thig le'i steng du yang //blo dang ldan pas gnas gsum mchod/ /ces gsungs pa'i rim pas btung ba la sogs pa sbyong ba'o/ /btung ba 'dri ma pa'i tshe na yang / /mi thod chen po dum gcig par/ /myos byed kyis ni rab bkang la/ /bla ma skal ba che la dbul/ /phyag byas nas ni rang gis btung //dbul ba dag ni len pa dag /pad+ma'i lag pas bskor byas shing / /der ni sgrub pa po rnams kyis/ /yang dang yang du phyag bya'o/ /'dren pa pos a la la ho zhes bya'o/ /len pa pos a ho su kha zhes bya'o/ /bdud rtsi la sogs pa 'dri ma pa'i tshe yang 'di skad brjod do/ / ltos shig shin tu mdzes pa'i chos/ /'di la rtog pa yod min pas/ /bram ze khyi dang gdol pa gsum/ /rang bzhin gcig pas lhan cig bza'/ /rnal 'byor pho mo'i dkyil 'khor du/ /tshigs bcad 'di yis sbyin par bya/ /pad+ma'i bskor ba sngon 'gro bas/ /sems ni shel ltar bsams nas su//g.yas pas pad+ma'i gdan la ni/ /rdo rje rtse gsum bsgreng bar bya/ /'dod chags dri ma bral ba yis/ /legs 'ongs chos ni rin thong med/ /'dzin dang 'dzin med rnam par spangs/ /de kho nyid la bdag phyag 'tshal/ /sbyor ba'i dngos grub don du ni/ /kun spyod de ni ji bzhin du//rnal 'byor pa yis kun du sbyar/ /ji ltar bde bar spyod ces brjod/ /lan so sor tshigs su bcad pa'o/ /de ltar kha zas la sogs 'dri ma pa'i tshe 'thor 'thung la sogs pa bya ba'am zhe na/ /gtsang sbra ma byas pa dang zhes gsungs te/ dag dang ma dag mi brtag go//zhes pa dang / de yang gzhan nas kyang / 'dir ni bza' dang bza' min dang / /bgrod dang bgrod min de bzhin no/ /btung dang mi btung mi brtag go/ /zhes pa dang / khrus dang gtsang sbra 'dir mi dgos/ /dka' thub dka' spyad 'dir mi dgos/ /zhes pa dang /grong pa'i chos ni rab tu spang / /zhes pa dang / ra ro ba dang / bag med par 'dug kyang rung ste zhes pa ni btung ba'i nyes pa gzhung gzhan las gsungs kyang / 'dir de lta bu'i nyes par 'gyur pa med do zhes pa'o/ /da ni reg bya'i yul la spyad par bya ba'i phyir reg bya'i yul bstan pa yang /ma dang sring mo tsha mo dang / /sgyug mo der ni kun du spyod/ /tshogs kyi dkyil 'khor 'grub par 'gyur/ /zhes gsungs pas rgyal rigs dang / bram ze dang / rje'u rigs dang / dmangs rigs su gyur pa gar ma dang / tshos ma dang / sme sha can dang / g.yung mo la sogs pa'i rigs rnams la yang bye brag tu ma bzung bar mchod par bya'o//de dag rigs lnga'i bdag nyid kyis rgyas gdab par byas nas/ byang chub kyi yan lag tu rung ba'i skra mchog tu ring ba gnag pa'am mthon mthing ltar 'dug pa/ li ba/ pad+ma la nor bu pad+ma rA ga'i 'od chags pa mig yangs pa/skabs byed pa la sogs pa sprul sku'i mtshan lta bu dang ldan pa/ rnal 'byor ba brgya'i yid 'phrog par nus pa de la sbyang ba ni lus lhar dran pa nye bar gzhag pa dang / tshor ba bde ba dran pa nye bar gzhag pa dang / sems lhan cig skyes par dran pa nye bar gzhag pa dang /chos skye ba med par dran pa nye bar gzhag pa dang / de rnams kyis kyang sdig pa mi dge ba ma skyes pa mi skyed pa dang / skye ba mi mthun par gyur pas spong ba dang / dge ba'i chos ma skyes pa skyed pa dang / skyes pa rnams brtan par byed pa'o//de bzhin du khams gsum 'di las sangs rgyas kyi zhing gzhan na med par 'dun pa dang / sems kyi byang chub skad cig la rtogs pa dang / brtson 'grus kyi ting nge 'dzin skad cig la rdzogs pa dang / dpyod pas skad cig la the tshom gcod pa'o/ /bla ma dang spun la brtse zhing rtsa ba'i ltung bar gyur pa la 'dzem pa ni dad pa'i dbang po dang /de nye bar len pa ni brtson 'grus kyi dbang po dang / dran pa gsungs pa ste/ ting nge 'dzin gyis rtse gcig tu sgom pa ni ting nge 'dzin gyi dbang po'o/ /ting nge 'dzin gyis rtse gcig tu byas pa de nyid rang gi nyams su myong bar byed pa ni shes rab kyi dbang po'o//dbang po lnga po de nyid gong nas gong du 'phel bar byed pa ni stobs lnga'o/ /byang chub kyi yan lag bdun ni dran pa dang / chos rab tu rnam par 'byed pa dang / brtson 'grus dang / dga' ba dang / shin tu sbyangs pa dang / ting nge 'dzin dang / btang snyoms te/ 'di rnams ni lus khrus byas nas spos dang me tog la sogs pas brgyan pa la 'dod pa dang / spos dang / me tog dang / mar me dang / dri dang / mchod yon dang / rol mo dang / bshos gtsang la dgongs pa'o/ /zhes kyang 'chad do//'phags pa'i lam yan lag brgyad ji lta bu zhe na/ bla ma la rdo rje 'dzin par yang dag par lta ba dang / phung po dang / khams dang / skye mched lhar yang dag par rtogs pa dang gsung sngags su gnas pa dang / dam tshig dang sdom pa la spyod pa'i las dang /nyung zad dang ngan ngon gyis 'tsho ba'i phyir sha lnga la spyod pa ni yang dag pa'i 'tsho ba'o/ /sems can gyi don bya bar rtsol ba ni yang dag pa'i rtsol ba'o/ /bla ma'i gdams ngag mi brjed pa ni yang dag pa'i dran pa'o/ /sems phyag rgya chen po'i go 'phang la gnas pa ni yang dag pa'i ting nge 'dzin to//de bas na 'dir byang chub kyi phyogs kyi chos sum cu rtsa bdun po 'di la la la dag ni dkyil 'khor gyi rnam par dag pa la 'chad do/ /'dir ni las kyi phyag rgya sbyar bar rig par bya'o/ /gal te byang chub kyi phyogs ni 'dod chags dang bral ba'i lam yin la/las kyi phyag rgya zhes pa ni 'dir 'dod chags can la gsungs so zhe na/ sems can kun la shas cher chags/ /nam mkha' lta bur chags pa med/ /ces gsungs pas 'di lta bu'i thabs ma yin pas sangs rgyas kyi lam ma rig pas sangs rgyas kyi sa dang lam rig pa'i thabs nyid du gsungs so//de bas na thabs 'di la brten pa'i phyir/ sa gzhir gsungs so/ /de skad du yang / gzhi ni sa gzhis byas nas su/ /rnal 'byor longs spyod sa gzhi yin/ /zhes gsungs so/ /de bas na sa gzhi gnon par bya ba ni snyoms par 'jug pa ste/rkang stabs dang / tshul ji ltar zhe na/ gzhan yang rkang stabs bcing ba ni/ /sems can sgrol ba'i gnas yin te/ /gnyis ni kun du 'dus nas bskyod/ /de nyid phyag rgya zhes bya zhing / /mnyam pa'i rkang stabs dang / bung ba'i dra ba dang / dbye ba'i rkang stabs dang / zlum po'i stabs dang /rus sbal gyi stabs dang / gsum gnon pa'i stabs dang / g.yas brkyang ba dang / g.yon brkyang ba dang / gnas bcing ba dang / 'dug pa dang / rkang pa 'phen pa dang / mchod sdong gi tshul dang / pus mo btsir ba dang / bsdu ba'i tshul dang / mnyam du gnas pa dang //dus kyi me'i snying po dang / /dga' bas gnas pa dang / gcig tu sdud pa'o/ /rkang stabs spyod pa bco brgyad ni/ mchod pa'i dus su sbyar bar bya/ /yon tan thams cad 'byung ba'i gnas/ /rnal 'byor ba yis mtshon par bya/ /snying ga btsir pa dang / rkang pa sbyar ba dang /phreng ba'i tshul dang / gung mo'i tshul dang / rtse gsum pa'i tshul dang / gnyis ka sbyar te bza' ba dang / phyed kyis 'khyud pa dang / gnyis ka'i lag pa phyed kyis 'khyud nas gsang bar reg pa dang / nu ma mnye ba dang / /ko sko mnye ba dang / de ltar tshul ni rnam pa bcu//zhal ni bzhad cing sgeg dang bcas/ /mtshan nyid sna tshogs ldan pa yis/ /de yi las rnams bsgrub par bya/ /zhes gsungs so/ /ji ltar 'dod pa'i bstan bcos las 'byung ba bzhin du lus kyi ka ra Na bya'o/ /de ltar tshogs kyi 'khor lo bya ba yang 'byor ba che chung gis bya'o//thams cad du rgya chen po mi bya bar mi rung ba ma yin no/ /de skad du/ de nas sgrub pa po rnams kyis/ /sbyor ba kun la med par bshad/ /bza' dang bca' ba'i dngos po sogs/ /ci nus pa ni rnam par bya/ /med par gyur kyang bza' ba ni/ /lnga pa nyid du byas pa yin//mtshan mo rtag tu bya ba ste/ /bza' dang bca' ba rgya che ba/ /mchod pa'i dus nyid du ni bya/ /de nas pho nya rab sbyin zhing / /rang gi pang bar shes rab gzhag /dpa' bos gnyis med mchod par bya/ /ma'am yang na sring mo 'am/ /bu mo mdza' mo chung ma nyid/ / 'di 'dra'i cho ga sbyor ba yis/ /bcings pa las ni grol bar bya/ /de nas sngags ni 'grub 'gyur te/ /ji srid 'byung po yod par du'o/ /slob dpon lus su legs gnas te/ /sgrub pa pos ni mchod pa len/ /dpa' bo rnams kyi gdan nyid dang / /phyag rgya nyid du the tshom med/ / sgrub pa shin tu mnyam gzhag pas/ /glu dang gar la sogs pa bya/ /lus can thams cad ji srid du/ /rnal 'byor ye shes la mngon zhe na/ /de srid 'khor bar 'khor 'gyur zhing / /mya ngan sdug bsngal gyis g.yeng 'dir/ /kun nas dang por sgrub pa pos/ /dngos po kun gyis phyag rgya mchod//mchod pa des ni mchod 'gyur te/ /mnyam pa yis ni nges par bsreg /rnal 'byor rgyud la gnas pa yis/ /phyag rgya chen po dang por bsgrub/ /de bzhin rab tu 'bad pa dang / /kun nas dang bas mchod par bya/ /de yi 'og tu dpa' bos ni/ /dpa' bas kun du spyad par bya//de ltar mchod pa byas na ni/ /sa 'og 'gro ba 'grub pa dang / /zhi dang rgyas dang dbang dang dgug /gsad dang bskrad la sogs pa dang / /rmongs dang rengs sogs las sbyor zhing / /dbye dang de bzhin tshar bcad dang / /las rnams gang ci rung ba la//nyon mi mongs par sgrub pa pos/ /'grub par 'gyur par gdon mi za/ /zhes gsungs so/ /de ltar tshogs kyi 'khor lo chen po la sogs pa'i nye bar spyod pa zin nas/ /gtor ma'i las bstan pa'i phyir sangs rgyas dang byang chub sems dpa' thams cad kyis kyang byin gyis rlob par mdzad de zhes gsungs so//de la sangs rgyas ni dpal dam pa dang po la sogs pa'o/ /byang chub sems dpa' ni nam mkha'i snying po la sogs pa'o/ /thams cad kyi sgras ni dkyil 'khor chen por 'dus pa gang yin pa thams cad do/ /byin gyis rlob par mdzad de zhes pa ni gtor ma chen po'i bza' ba dang btung ba rab tu sbyar ba bum pa'am thod pa la sogs par gnas par byas nas/oM na maHshrI badzra rA ga ya oM AH hUM zhes brjod de/ oM gyi yi ges sbyang bar bya ba'o/ /AH'i yi ges rtogs par bya ba'o/ /hUM gi yi ges 'bar bar bya ba'o/ /ho'i yi ges bdud rtsir bya ba'o//lag pa g.yon pas sbyang bar bya ba'o/ /lag pa g.yas pas rtogs par bya ba'o/ /thal mo bkab nas goms par bya ba'o/ /nam mkha' lding gi phyag rgyas zla ba zhu bas rang bzhin gyi bdud rtsir bya ba'o/ /de nas g.yon pa'i srin lag gis dbus nas thig le la chos 'byung gru gsum bya zhing de'i nang du zlum po thig le'i gzugs bya'o//de'i nang du me long gi gzugs brnyan shin tu gsal ba'i dkyil 'khor gyi 'khor lo gsal zhing des tshim par bya'o/ /de'i phyir gsungs pa/ sku dang gsung dang thugs thams cad kyis de'i rgyud la byin gyis rlob po zhes pa la/de'i rgyud ces pa ni dkyil 'khor gyi 'khor lo'o/ /de yang sbyor ba dang po la sogs pa mchog gi yan lag gsum gyi mthar gsang ba'i gnas de nas spro ba'am/ rang ye shes kyi 'khor lo dang gnyis su med pa'i snying ga'i sa bon las sam/sna'i bu ga gnyis las spro zhing dgod do/ /sa bon ji lta bu zhe na/ oM AH hUM/ a A/ i I/ u U/ r-i r-I/ l-i l-I/ zhes pa rnams dang / a A/ e ai/ ar Ar/ o au/ /a la A la/ aM AH zhes pa rnams dang /ya yA/ ra rA/ wa wA/ ha hA/ zhes pa rnams dang / ka kA/ kha khA/ ga gA/ g+ha g+hA/ nga ngA/ tsa tsA/ tsha tshA/ dza dzA/ dz+ha dz+hA/ nya nyA/ Ta TA/ Tha ThA/ Da DA/ D+ha D+hA/ Na NA pa pA/ pha phA/ ba bA/ b+ha b+hA/ ma mA/ ta tA/ tha thA/ da dA/ d+ha d+hA/ na nA/ sha shA/ Sha ShA/ sa sA/ wa wA/ ha hA/ ya yA/ ra rA/ la lA/ k+Sha k+ShA zhes bya ba ni thabs dang shes rab las byung ba'i thugs dang gsung dang sku dang dkyil 'khor gyi lha rnams tshim par bya ba'i phyir srin lag dang / mthe bong gis thig le phul te dkyil 'khor rang gi yan lag la bsdu ba byas la/rang gi kha mtshan ma gcig pa'i gnas su bdud rtsi lnga'i thig le mkha' 'gro ma'i grangs dang mnyam par sngags 'dis dgod par bya'o/ /oM sarba kro ta t+ya ki Nu/ i maM bA li pra ti Ne ru sa ma ya ma nu sma ra a hUM phaT swA hA/ de nas yongs su mnyes par bya ba'i don du sngags 'di yang brjod par bya ste/oM di bya Ne sa ma d+hI d+h+ya na pi na nA swA hA zhes bya'o/ /de nas las thams cad bsgrub pa'i phyir 'byung po'i gtor ma gtang bar bya ste/ 'di ltar gsungs pa'i sngags kyi rjes su 'brangs nas sngar bshad pa'i sgo dang / sgo khang la sogs par bum pa dang / thod pa la sogs pa bza' bas yongs su bkang la mchod pa lnga dang /yang dag par ldan pa'am sha la sogs pa'i gtor mas 'jig rten dang 'jig rten las 'das pa'i lha'i tshogs kyis bskor ba'i lha tshogs dgod pa'i phyir tshangs pa dang / dbang po dang / nye ba'i dbang po dang / drag po dang /tshangs pa chen po dang / kun 'gyed gzhon nu dang / dbang phyug chen po dang / smin drug gi bu dang zhes bya ba la sogs pa gsungs te/ de la gru gsum gyi dbus su thig le zlum po la sngar smos pa'i ye shes kyi lha bkod la/ phyis zhi ba la sogs pa'i kha dog dang dbyibs su byas pa'i rim pa gnyis pa la shar du ni tshangs pa'o//lhor dbang po'o/ /nub tu nye ba'i dbang po'o/ /byang du drag po'o/ /mer tshangs pa chen po'o/ /srin por kun 'gyed gzhon nu dang / rlung du dbang phyug chen po'o/ /dbang ldan du ni smin drug gi bu'o/ /de steng du nag po chen po'o/ / 'og tu ni dga' byed dbang phyug go/ /de dag kyang zhal gcig spyan gsum pa phyag bzhi pa gos dang rgyan sna tshogs pas brgyan pa'o/ /sku mdog kyang go rims bzhin du phyogs rnams nag po dang / ser po dang / dkar po dang / dmar po dang / mtshams rnams ni dmar po dang / dkar po dang / ser po dang / nag po'o/ /tshangs pa ni phyag na thod pa dang / bgrang phreng dang / spyi blugs dang / pad+ma'o/ /dbang po'i mdung thung dang / thod pa dang / dbyug to dang / bgrang phreng 'dzin pa'o/ /nye ba'i dbang po'i mdung rtse gsum dang / thod pa dang / zhags pa dang /bgrad phreng ngo / /drag po'i dung dang / 'khor lo dang / thod pa dang / dbyug to'o/ /mtshams kyi ni gri dang / thod pa dang / kha T+wAM ga dang / mdung rtse gsum kun la'o/ /steng 'og gi kha dog dang phyag mtshan ni shar nub gnyis bzhin no/ /da rnams kyi thun mong ni 'og nas 'chad pa kho na'o//de'i phyi rol du phyogs skyong bcu bstan pa'i phyir gshin rje dang / chu lha dang / ku be ra dang / 'phrog ma dang / phyogs bcu'i 'jig rten skyong ba gang yin pa de dag kyang zhes gsungs te/ de la gshin rje la sogs pas nye bar mtshon pa ni/ shar du i las brgya byin te//glang po che yi stan la 'dug /mdog ser phyag ni bzhi pa la/ /rdo rje dang ni thod pa'i lag /lag gnyis thal mo sbyor bar mdzes/ /me mtshams khaM gis drang srong ni/ /mdog dmar phyag bzhi ra skyes zhon/ /me thab dang ni thod pa dang / /skrag pas thal ma sbyor bar brtson//lho ru yaM las nyi ma'i bu/ /mdog dmar phyag bzhi ma he zhon/ /dbyug pa thod pa bsnams pa dang / /skrag pas thal mo sbyor la brtson/ /bden bral raM gis srin po ni/ /mdog ljang phyag bzhi mi ro zhon/ /ral gri dang ni thod pa thogs/ /skrag pas thal mo sbyor la brtson//nub tu baM gyis chu bdag ni/ /mdog dkar phyag bzhi chu srin stan/ /zhags pa dang ni chu srin thogs/ /skrag pas thal mo sbyor la brtson/ /rlung mtshams yaM yig rlung gi bdag /dud ka phyag bzhi ri dwags stan/ /ba dan dang ni thod pa nyid//de bzhin thal mo sbyor la brtson/ /byang du ku yis lus ngan po/ /mdog ser phyag bzhi bum pa thogs/ /rin po che dang thod pa 'dzin/ /thal mo sbyor la brtson par mdzad/ /dbang ldan i las byung ba'i bdag /thal ba'i mdog la khyu mchog stan/ /thod pa dang ni sum brtsegs 'dzin//skrag nas thal mo sbyor la brtson/ /steng du baM las tshangs pa ni/ /ser po shing rta'i stan la gnas/ /gri gug thod pa 'dzin pa ste/ /de bzhin thal mo sbyor bar byed/ /'og tu phu las sa bdag ni/ /ser po klu yi stan la bzhugs/ /bum pa dang ni thod pa'i lag /lag pa thal mo sbyor la gus/ /'phrog ma ni 'og nas 'byung ba'i ma mo rnams dang zhes gsungs pa'i skabs 'di nyid du rig par bya ste/ ma mo rnams ni/ shar du hri las phag mo ni/ /mdog sngon drag mo chen mo ste/ /phag mo zhes bya phyag bzhi ma/ /mda' dang gzhu dang de bzhin du//rgyal mtshan dang ni thod pa nyid/ /phag gi gdod can 'jigs byed ma'o/ /byang gi pheM gyis sgeg ma ni/ /mdog dmar drag mo chen mo ste/ /thod pa nyid dang lcags kyu dang / /kha T+wAM ga ste de bzhin no/ /nub tu kuM las gzhon nu ma/ /mdog ser ma la phyag bzhi na//mdung rtse gsum dang ba dan gsum/ /gzhu dang mda' ni de bzhin no/ /lho ru hi yis tsa muN+DI/ /mdog sngon ma la phyag bzhi ma/ /kha T+wAM nyid dang thod pa dang / /de bzhin ral gri cang te'u'o/ /me mtshams sa yi mtshams la ni/ /sku mdog dkar po phyag bzhi ma/ /tshangs pa'i sku dang thod pa nyid//gzhu dang mda' ni de bzhin no/ /srin por gaM gis tshogs bdag ma/ /mdog ljang ma la phyag bzhi na/ /mdung rtse gsum dang thod pa'i phyag /bgrang phreng dang ni la phug go/ /rlung mtshams baM yig khyab 'jug ma/ /mdog sngon ma la phyag bzhi na/ / tshangs dang chu yi thod pa bsnams/ /zhags pa kha T+wAM de bzhin no/ /dbang ldan i yig las byung ba'i/ /dbang mo mdog ser phyag bzhi na/ /rdo rje dung dang thod pa dang / /sdigs mdzub dang ni zhags pa nyid/ /ma mo thams cad gyen skra 'bar/ /sna tshogs rgyan gyis rnam par bklubs//ri mo'i stan la bzhugs spyan gsum/ /stag gi pags pas rked pa dkris/ /dbang ldan maM yig gnod sbyin ma/ /khyu mchog stan la bzhugs pa ste/ /mdog dkar ma la phyag bzhi ma/ /thod pa dang ni mdung rtse gsum/ /thal mo sbyor la brtson pa'o/ /de nas yang sngar bshad pa'i tshangs pa la sogs pa dang de rnams kyi btsun mo dang 'khor bstan pa'i phyir/tshogs kyi bdag po gzhan dag dang ma mo bdun po dag gang yin pa rnams dang / gnod sbyin mo dang srin mo dang sha za mo gang yin pa de dag thams cad ces gsungs te/ de la tshogs ni gtor ma'i dkyil 'khor chen po la gtogs pa'o//de'i bdag po ni rdo rje he ru ka'o/ /gzhan dag ces pa ni 'byung po'i bdag po las gzhan du go bar bya'o/ /yang na ma mo'i tshogs kyi bdag po gang yin pa ni tshogs kyi bdag po'o/ /gzhan dag ces pa ni snga ma bzhin no/ /ma mo bdun po gang yin pa zhes pa ni tshangs pa la sogs pa'i btsun mo yin pas gtso mo zhes pa'o//gnod sbyin mo zhes pa la sogs pa ni 'chad par 'gyur pa'i ma mo rnams kyang rigs 'di gsum du bsdus pa'o zhes pa'o/ /gang zhe na/ drag mo'i mdun du tsa muN+Di'o/ /g.yon du drag mo'o/ /rgyab tu mi sdug ma'o//g.yas su dka' zlog ma ste mdog nag mo/ mchod pa lngas gang ba'i thod pa bsnams pa'o/ /nye ba'i dbang po'i mdun du ni rgyal ma dang / rnam par rgyal ma dang / mi thub ma dang / gzhan gyis mi thub ma rnams te bca' ba dang ldag pa 'dzin pa ljang gu'i mdog go/ /dbang po'i mdun du nag mo bzang mo dang /nag mo chen mo dang / nag sbom ma dang / rnal 'byor ma rnams te/ dmar mo mchod pa lngas gang ba'i thod pa thogs pa'o/ /tshangs pa'i mdun du dbang mo dang / zla ba mo dang / drag mo dang / snga ma rnams te/ bza' ba dang btung ba thogs pa ser mo'o/ / smin drug gi bu'i mdun du 'phyang ma dang / lha'i dbang phyug ma dang / dung can ma dang / mar me ma rnams te/ gtso bo'i mdog can phyag na bza' ba dang btung ba thogs pa'o/ /tshan po che'i mdun du 'jib ma dang / grong khyer na gnas pa'i rnal 'byor ma dang / drag po'i gzugs can ma dang /gzugs ma rnams te gtso bo'i mdog dang ston mos bkang ba'i thod pa thogs pa'o/ /kun 'gyed gzhon nu'i mdun du bka' las 'das kyi chung ma dang / phye ba'i gzugs dang / gzigs ma dang / thod pa'i phreng ba can dang / gshin rje'i kha T+wAM ga phyar ba rnams te bdag po'i mdog can bza' btung 'dzin pa'o//dbang phyug chen po'i mdun du lag na ral gri ma dang / lag na dgra sta ma dang / lag na rdo rje ma dang / lag na mda' chen ma rnams te/ bdag po'i mdog dang bza' btung la sogs pa thogs pa'o/ /gza' dang rgyu skar dang zhes pa la/de'i phyi rol du shar du ni nyi ma mdog dmar mo phyag gnyis na pad+ma 'dzin pa/ thal mo sbyor ba la brtson par mdzad pa'o/ /rta bdun ldan pa'i shing rta zhon/ /me mtshams shuM gis pa ba sangs/ /kha dog dkar po 'bar ba ste/ g.yon pas pad steng nor bu 'dzin/ /g.yas pas de bzhin 'khor lo ste//thal sbyor byas par skyes zhon/ /lho ru aM gis mig dmar ni/ /mdog dmar ro yi stan la gnas/ /ral gri dang ni zhags pa 'dzin/ /thal mo sbyor la brtson par byed/ /srin por raM gis sgra gcan 'dzin/ /g.yas na nyi ma g.yon zla ba/ /dud kha thal mo sbyar byas pa//lus phyed rang gi stan la gnas/ /nub tu saM yig sben pa sngo/ /phyag gnyis thod pa 'dzin pa dang / /thal mo sbyar ba byas pa'i phyag /me yi thab kyi steng du ni/ /me bzhin 'bar ba gnas pa'o/ /rlung du shaM gis zla ba dkar/ /g.yon du pad+ma nor bu'o/ /g.yas pa pad+ma'i steng du zla//thal mo sbyar nas ngang pa zhon/ /byang du paM gis phur bu ser/ /g.yon du ril ba spyi blugs te/ /g.yas su de bzhin thod pa'o/ /thal sbyar rin chen stan la gnas/ /dbang ldan bruM gis gza' lag dkar/ /g.yas pa na ni rin chen te/ /de bzhin g.yon du thod pa'o//thal sbyar bum pa'i stan la gnas/ /kaM gis rgyal mtshan sprul gzugs dmar/ /phyag gnyis ral gri thal sbyar brtson/ /zhes so/ /de bzhin du rgyu skar rnams kyang bud med kyi gzugs can te/ tha skar ni dkar po'o/ /bra nye ni ljang gu'o/ /smin drug ni sngo bsangs so//snar ma ni dmar skya'o/ /mgo ni sngon po'o/ /lag ni ser po'o/ /nab so ni ser po'o/ /rgyal ni sngo bsangs so/ /skag ni dkar po'o/ /mchu ni ser po'o/ /bre ni me tog bri yang ku lta bu ljang gu'o/ /dbo ni ljang gu'o/ /me bzhi ni dkar po'o/ /nag po ni ljang gu'o//sa ri ni ser po'o/ /sa ga ni nag po'o/ /snron ni ser po'o/ /snubs ni ljang gu'o/ /chu stod ni sngon po'o/ /chu smad ni dkar po'o/ /gro bzhin ni skya bo'o/ /byi bzhin ni sngo bsangs so/ /mon gru ni sngon po'o/ /mon gre ni ser po'o/ /khrums stod ni ljang gu'o/ /khrums smad ni ser po'o//nam gru ni skya bo'o/ /thams cad kyang gser gyi stod g.yogs can thal mo sbyar bar bsam mo/ /yang shar phyogs kyi dur khrod kyi mdun du 'jigs byed dang thod phreng can dang / srin po kha T+wAM can dang / tshogs kyi dbang phyug dang bzhi po de dag chung ma dang bcas pa nag po'o//byang gi dur khrod du gtum pa'i dbang phyug dang / dzaM yig lnga dang / sgeg pa'i ru dra dang / /sbom po'i dbang phyug rnams chung ma dang bcas pa ljang gu'i mdog can no/ /nub kyi dur khrod du mar dang / la ra dang / phe ga dang / 'jigs su rung ba rnams chung ma dang bcas pa dmar po'i kha dog can no//lho phyogs kyi dur khrod du sku'i dbang phyug dang / sgra chen dang / mche ba gtsigs pa dang / mda' 'dzin rnams chung ma dang bcas pa kha dog ser po'o/ /de dag thams cad kyang zhal gcig pa phyag bzhi pa/ kha T+wAM ga dang / thod pa dang mdung rtse gsum pa dang lha mo la 'khyud pa ste shing brgyad la gnas par bsam par bya'o//de dag thams cad kyang gcig tu 'dus shing mthun par dpung dang bcas/ 'khor dang bcas zhes pa'i don yang de dag ste go sla'o/ /gzhan yang gsungs pa/ lha dang klu dang gnod sbyin dang / / zhes pa ste lha ni ma hA de ba la sogs pa brgyad do/ /klu ni mtha' yas la sogs pa brgyad do/ /gnod sbyin ni gang ba bzang po la sogs pa brgyad do/ /'di dag rnams kyang so sor gtor ma'i cho gar gsungs pa'am shar la sogs par sgrub pa'i thabs gzhan las bshad pa bzhin dgod par bya'o//gzhan yang 'jig rten gsum na gnas grub pa dang / rig pa 'dzin pa dang / lha yi bu mo dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang / mi ma yin pa gzhan dag kyang phyogs mtshams dang mdun du bdar te yi dwags dang /sha za la sogs pa kun kyang shAn+tiM ka / puSh+TiM ka / wa shang ku ru dang / mA ra ya'i sgra sgrogs pa yid kyis bsam par bya zhing sgrub pa po la mchog stsol bar blta bar bya'o/ /de dag gi yang rang rang gi yi ge snying gar bkod la/ oM AH hUM hrIH zhes bya bas byin gyis brlabs te/oM brah+ma/ in+d+ra/ u pa in+d+ra/ ru dra biSh+Nu/ sa na da ku mA ra/ ma he shwa ra/ ku mA ra karti ka /ma hA kA la/ nan+di ke shwa ra/ ya ma/ ba ru Na/ ku be+e ra/ ha ri te/ da sha di ka lo ka pA lA shA/ nA ga /ya k+Sha/ gan+d+ha rba/ a su ra/ ga ru Ta/ kin+na ra/ ma nu Sh+ya/ gra ha naM/nak+Sha tra/ ma tri naM/ ga Na pa ti/ sap+ta ma traM/ yak+Sha na/ rA k+Sha sa/ pi shA tsa/ sarbA NAM/ sarbA nAM/ sa pa ri wA rA na i daM ba liM kha kha khA hi khA hi/ gr-ih+Na gr-ih+Na/ mA ti kra ma tha/ b+hu ny+dzu tha/ pi pa tha/ sa ma ya ma nu sma ra rak+Sha n+tu/ ma ma sarba sid+d+hi pra ya ts+tshan+tu sarba byA d+hi shIn+taM ku ru hUM phaT swA hA/ zhes bya bas cho ga bzhin du 'thor 'thung byin la me tog dang /bdug pa dang / mar me dang / rol mo la sogs pas mchod la gtor ma gtang bar bya'o/ /de nas cho ga gzhan las gsungs pa bzhin du sbyin sreg gis kyang zhi ba dang rgyas pa la sogs pa yang bsgrub par bya'o/ /zhi ba dang rgyas pa dang mngon spyod kyang 'grub par bstan pa'i phyir srung ba dang /skyob pa dang / sbed par byed par 'gyur ro/ /zhes gsungs te/ srung ba ni sdig pa dang bar chad kyis mi tshugs par byed pa dang / bsod nams dang dge ba'i rtsa ba la sogs pa mi nyams par byed pa'o/ / skyob pa ni 'jig rten 'di dang phyi ma'i 'jigs pa la sogs skyob pa'o/ /sbed par byed pa ni gang dag nyes pa'i yul du 'jug pa'am/ lam du 'jug pa'i dus su mi dang mi ma yin pa rnams kyis bltar mi snang ba'o/ /gnas skabs gang du zhe na/ mnyam par gzhag kyang rung zhes gsungs te go sla'o//dus ji tsam du zhe na/ ring ba dang nye ba dag te/ de bstan pa'i phyir rtag par rgyun mi 'chad par nyin mtshan phyed par zhes gsungs te/ rtag par rgyun mi 'chad par yun ring po ste gtan du'o/ /nyin mtshan phyed par ni dus nye bar te nyin zhag gcig la'o/ /spyod lam gang zhe na/'gro yang rung zhes bya ba la sogs pa ste go sla'o/ /rgyas pa'i las bstan pa'i phyir/ mdangs dang stobs dang gzi brjid mchog kyang zhes gsungs te go sla'o/ /dbang gi las bstan pa'i phyir/ sangs rgyas dang / byang chub sems dpa' thams cad kyis kyang phan gdags pas zhes bya ba la sogs pa gsungs te/chos thams cad la mi 'jigs pa'i dbang thob pa dang / mi 'jigs pa'i spobs pa yang dag par sgrub par mdzad pa'o/ /lhag ma ni go sla'o/ /drag po'i las bstan pa'i phyir bgegs dang log par 'dren pa dang / bdud kyi dgra dang /phyir bzlog pa dang / gzhan gyis mi tshugs pa zhes gsungs te/ de la bgegs ni dngos grub kyi bar du gcod pa ste/ bsam pa la bgegs byed pa'o/ /log par 'dren pa ni lam phyin ci log par 'dren pa'o/ /bdud kyi dgra nyid ni de dag ste/ bdud kyang de bgegs kyang de yin pas na bdud kyi dgra'o//de bas na de la mngon spyod kyi las bya bar gsungs so/ /lhag ma ni go sla'o/ /'khor lo bzhi pa'i phan yon la tshig gi rnam grangs bcu dgus bshad pa ste/ bla ma'i man ngag gis dkrugs pa phreng du byas pa'o/ /de ltar 'khor lo bzhi pa rnam par bshad nas/da ni 'khor lo lnga pa 'di la las dang po pa dang / dbang po tha mas tshul ji ltar nyams su blang ba'i phan yon ni tshul ji ltar nyams su blang ba la gnyis te/ 'don pa'i tshul dang / bsam gtan gnyis las bton pas gzugs sku mthong ba dang /sbyor ba drug las bsam gtan bstan/ des drod bstan/ de la yang gnyis te/ nyin mo'i rtags dang mtshan mo'i rtags las/ nyin mo'i phyi rtags su bstan/ mtshan mo nang gi rtags su ston/ sprul sku mthong ba la gnyis te/ skye ba'i sgrib pa bcu spangs pas mthong ba dang /dbang bcu dang ldan pas sangs rgyas kyi yon tan bgrang bas mi long ba mjug sdud de bstan pa'o/ /de'i rjes la gzhung gi 'jug don bstan te/ de la ma 'ongs dus su gzhung 'di 'dzin par lung bstan pa dang / mjug dge ba'i rtsa ba bsngo zhing bzod bar gsol ba'o//da ni 'khor lo lnga pa'i phan yon bshad pa'i phyir/ lag na rdo rje 'chang gzhan yang / /zhes bya ba la sogs pa gsungs te/ sngar brda phrad par zad do/ /mtshan gyi gtsug gi nor bu 'di/ /zhes pa ni sngar bshad pa bzhin no/ /gang zhig nyin gcig bzhin du dus gsum du ma nyams par lan gsum du kha ton du 'don tam/glegs bam du byas pa la klog cing brjod pa la zhes pa ni de la gang zhig ces pa ni rigs kyi bu'am rigs kyi bu mo dbang po tha ma'am las dang po pa zhes pa'o/ /nyin gcig ces pa ni nyi ma re re bzhin zhes pa'o/ / dus gsum ni go sla'o/ /ma nyams pa ni lhag chad med par gyur pa'o/ /lan gsum du zhes pa ni theb gsum du zhes pa'o/ /kha ton ni blo la gsal ba khar brjod pa'o/ /glegs bam ni po ti klog pa'o/ /bcom ldan 'das 'jam dpal ye shes sems dpa'i gzugs yid la dmigs shing gzugs dang mthun par sems te/de'i gzugs dang mthun par bsam gtan du byed pa zhes pa ni dbang po 'bring po sngar 'khor lo bzhi pa'i skabs su bshad pa bzhin skyes pa'i rim pa la dmigs nas gzugs su bsgom pa'o zhes pa'o/ /de'i gzugs dang mthun par bsam gtan byed pa ni zhes pa ste de'i gzugs ni de'i ngo bo nyid do//'dir la la dag ye shes sems dpa'i sku la dmigs nas kha ton dang / glegs bam klog cing 'don pa'o zhes 'chad do/ /de ltar ni sngar yang gzugs dang mthun par dmigs te zhes zlos pa'i skyon du 'gyur ro//de rang bzhin dang mthun pa ni ji lta bu zhe na/ de'i rang bzhin ni sangs rgyas thams cad kyis kyang rtogs par mdzad par 'gyur pa dang / rtogs par mdzad pa dang / rtogs par mdzad par gyur to/ /de bas na de'i ngo bo nyid ni sangs rgyas kyi byang chub bla na med pa'o/ /tshul gang las byung zhe na/bla na med pa rdo rje'i theg pa las byung ba'i sku'i ngo bo nyid do/ /de'i sgrub pa'i yan lag ni sbyor ba dang po dang / dkyil 'khor rgyal mchog la sogs pa bzhi dang / rnal 'byor bzhi dang / bsnyen sgrub bzhi dang / rnal 'byor gyi yan lag drug la sogs pa'o/ /de las byung ba'i ye shes sems dpa'i ngo bo nyid yi ge med pa'i de kho na nyid do//'on kyang de kho na nyid la snying rje rgyun chad nas gnas pa ma yin te/ sangs rgyas kyi che ba'i yon tan ni rigs gsum pa dang / lnga dang rigs drug dang brgyad la sogs pa yang 'byung ngo / /de bas na sku de'i ngo bo nyid ni stong pa chen po dang thig le chen po zhes bya'o//de'i phyir rnam pa thams cad kyi mchog dang ldan pa'i stong pa nyid yin pas rnam pa yang rang bzhin med pa'i rnam pa'o/ /de ni las kyi phyag rgya'am phyag rgya chen po'am/ ye shes kyi phyag rgya'am/ las kyi phyag rgya dang ye shes la brten pa yang phyag rgya sbyang ba ni bsnyen pa'o//snyoms par 'jug pa ni nye bar bsnyen pa'o/ /bcu drug phyed phyed thig le can gyi gnas skabs ni sgrub pa chen po'o/ /de ltar rnal 'byor bzhi la sogs pa bsam gtan gyi yan lag bzhi bzhir gsungs pa kun rig par bya'o/ / phyag rgya chen po ni stong pa dang snying rje dbyer med pa'i ngo bo nyid yin pas bsnyen pa la sogs pa bsgrub par bya ba kho na yin pas yan lag med cing rtsis las 'das pa'o/ /de lta bas na de'i ngo bo nyid dang mthun par bsam gtan byed pa'o/ /sbyor ba'i yan lag drug las bsam gtan zhes pa ni yan lag gcig gsal bar bcom ldan 'das kyis gsungs so//don gyis na yan lag drug go bar bya'o/ /de yang / so sor sdud dang bsam gtan dang / /srog dang rtsol ba 'dzin pa dang / /rjes su dran dang ting nge 'dzin/ /sbyor ba'i yan lag drug tu 'dod//ces gsungs te bla ma'i man ngag las rtogs par bya'o/ /de la bsam gtan ni bzhir gsungs te/ rtog pa dang / dpyod pa dang / dga' ba dang / bde ba'o/ /de la rtog pa ni phyi nang du thams cad la 'dzin par byed pa'o/ /dpyod pa ni de'i ngo bo nges par byas shing de'i rang bzhin khong du chud par byed pa'o//dga' ba ni stong pa nyid kyi sku mthong bas de nyid la zhen pa dang bcas shing sems mi 'gyur par gnas pa'o/ /bde ba ni sku dang lhan cig sems 'dres nas ro mnyam pa gsal ba'i bdag nyid can gyis mi g.yo bar 'gyur ro/ / gdul ba'i dbang gi phyir ring por mi thogs par sprul pa'i de nyid kyi gzugs kyi lus mthong bar 'gyur ro zhes pa ni/ de bzhin gshegs pas sems can gyi don du tshogs bsags shing smon lam btab pa'i dbang gis snying rje chen po'i skus gdul bya la sku bstan pa ni gdul bya'i dbang gi phyir ro//ring por mi thogs par zhes bya ba ni bsam gtan gyi sbyor ba dag pas na'o/ /de skad du yang / bsam gtan sbyor ba dag pa yis/ /mngon par shes pa lnga po ni/ /thob par 'gyur ro kye mi bdag /ces gsungs so/ /bsam gtan gyi sbyor ba ni sngon du dbang bskur ba thob cing tshogs bsags pa dang /lha bsgom pa dang / bzlas brjod bya ba la sogs pa byas pa can gyi rnal 'byor pas rdzogs pa'i rim pa sgom zhing lus bsrang ba dang / mig gi lta stangs dang / srog dang rtsol ba bsdams pa dang / byang chub kyi sems 'dzin pa la sogs pa bla ma'i man ngag bzhin sgom pa ni sbyor ba dag pa'o//de la rang byung ba'i rtags du zhe na/ phyi rtags dang nang rtags gnyis las phyi'i rtags la yang nyin mo'i rnal 'byor gyi rtags dang / mtshan mo'i rnal 'byor gyi rtags so/ /de la nyin mo'i rnal 'byor gyi rtags zla ba shar ba lta bu dang /nyi ma'i dkyil 'khor lta bu dang / me long lta bu dang / 'ja' lta bu dang / thig le lta bu dang / 'od zer lnga skra'i rtse mo'i tshad tsam du mthong ba'o/ /mtshan mo yang du blta bu dang / smig rgyu lta bu dang / nam mkha' ltar gsal ba lta bu dang / mar me lta bu dang /sprin med pa'i nam mkha' lta bu'o/ /de la du ba lta bu ni dang po rnal 'byor pa yid ches par byed pa yin la/ lhag ma bcu po ni phyi nas bstan par byed pa'i sbyor ba yang dag par byed pa yin no/ /de rnams kyang rnal 'byor gyi sems gsal ba rang bzhin med pa mi rtog pa bsgoms pa'i stobs las byung ba yin gyi mtshan ma dang bcas pas gzung ba dang 'dzin pa las byung ba ni ma yin no//nad rtags ni lte ba'i 'og tu don dam byang chub kyi sems kha dog nag mo skra'i tshad tsam sor gcig pa'am/ ba thag rgyas pa lta bu'am/ dar dkar gyi skud pa brkyang pa lta bu mthong ba'o//de skad du yang / ji srid thig le'i nang du yang / /ri mo nag po skra rtse'i tshad/ /dri ma med pa'i 'od 'phro ba/ /dus kyi cha ni mthong ba yin/ /de mthong 'od gsal go 'phang ni/ /rnal 'byor pa yis mthong bar 'gyur/ /'di ni lus ngag yid gsum dri ma med pa las byung ba yin gyi/lus ngag dri ma dang bcas pa las ni ma yin no/ /de ltar bsam gtan sbyor ba dag pa'i rtags byung nas mngon par shes pa lnga'am drug mthong ba ste/ de la yang lha'i spyan dang / sha'i spyan dang / shes rab dang / chos kyi dang / ye shes kyi spyan no/ /de nyid kyis sprul pa'i las mthong bar 'gyur ro zhes pa ni//de nyid kyis zhes pa ni rnal 'byor pa de nyid kyis tshe 'di la'o/ /sprul pa ni gcig tu ma nges so/ /gzugs ni sna tshogs pa'o/ /lus ni mig gi yul du byas pa de nyid do/ /ci gzugs sna tshogs pa de yang byol song la sogs pa'am zhe na/de'i phyir sangs rgyas dang byang chub sems dpa' thams cad kyi gzugs kyi sku rnam pa sna tshogs dang ldan pa zhes gsungs te/ de la sangs rgyas ni mtshan dang dpe byad kyis spras so/ /byang chub sems dpa' ni de'i 'khor gyis bskor ba'i nam mkha'i snying po la sogs pa kun no//gzugs kyi sku rnam pa sna tshogs dang ldan pa zhes pa ni sku mdog dang phyag mtshan la sogs pa'o/ /de ltar mthong ba yin gyi thos pa ma yin nam zhe na/ nam mkha'i dkyil na bzhugs pa dag mthong bar 'gyur ro zhes gsungs te/ nam mkha' ni bar snang ngo / / dkyil zhes pa ni dbyings na zhes pa'o/ /de na bzhugs nas byang chub sems dpa' dang nyan thos rnams la chos gsungs pa'i sgra yang lha'i rna bas thos par 'gyur ro zhes pa'o/ /de ltar rnal 'byor bas gzugs su snang ba thos pa ni sprul pa'i sku'o/ /sgrar thos pa ni longs spyod rdzogs pa'i sku'o//sems kyis thos pa ni chos kyi sku'o/ /gal te de ltar mthong zhing thos pa de yang phyi rol gyi don du mthong zhing thos nas bla ma'i gdams ngag gis ma zin pas shes bya'i sgrib par 'gyur ro/ /de yang / chu nyid lta bur ba snang ba/ /dri ma med pa sna tshogs mdog /rnam pa kun te rang gi sems/ /gzhan gyi sems min rang gi sems/ /rang gi sems yin bde ba nyid/ /gzhan gyi sems yin bde ba min/ /yul dang rnam par bral ba yi/ /rang bde yid kyis nyams myong ba/ /gzhan gyi sems bde med pa'i phyir/ /bde ba bstan du mi btub bo//zhes 'byung ngo / /de bas na 'dir dang po rang gi sems kyi snang ba 'di de bzhin gshegs pa'i spyan shes bya'i sgrib pa dang bral bas/ dpag tshad stong mthong bar 'gyur ro zhes bya ba la sogs pa mdo sde las kyang gsungs so/ /de bas na sha'i spyan dang / lha'i dang / sangs rgyas kyi dang / shes rab dang / ye shes kyi spyan rnams kyang 'di lta ste/ rnal 'byor pas sems a wa d+hU tIr btsud cing bsgoms pa'i stobs kyis 'byung bar 'gyur ro/ /de bas na thams cad mkhyen pas ma gzigs pa'am mi mkhyen pa cung zad kyang med do/ / de ltar rnal 'byor pas srog gi rlung dbugs nyi khri chig stong drug brgya bdun cu rtsa lnga a ba d+hU tI'i dbu mar btsud nas sna bug g.yas g.yon nas ni rgyu na phyag rgya chen po bsgoms pa'i stobs kyis dbugs stong phrag brgyad brgya rnal 'byor pa la 'gag par 'gyur ro/ /de ltar 'gags na ni sa dang po thob par 'gyur ro//de'i ye shes dang 'bras bu ni sha'i spyan rnam par dag pa thob ste/ phyogs bcu'i 'jig rten gyi khams gcig mthong bar 'gyur ro/ /'pho ba gnyis pa 'gags pas sa gnyis pa 'thob ste/ de bzhin du 'jig rten gyi khams gnyis mthong bar 'gyur ro//'pho ba gsum pa 'gags pas sa gsum 'thob ste/ lha'i spyan gyis mi las 'das pa'i 'jig rten gyi khams gsum mthong bar 'gyur ro/ /'pho ba bzhi pas sa bzhi 'thob ste phyogs bcu'i 'jig rten gyis khams brgya tshun chad mthong bar 'gyur ro//'pho ba lnga pas ni sa lnga 'thob ste sangs rgyas kyi spyan gyis phyogs bcu'i 'jig rten gyi khams bcu drug mthong bar 'gyur ro/ /'pho ba drug pas srog gi rlung khri brgyad brgya sum cu rtsa phyed dang brgyad 'gog par 'gyur ro/ /sa drug pa 'thob la phyogs bcu'i 'jig rten gyi khams sum cu rtsa gnyis mthong bar 'gyur ro//'pho ba bdun pa srog gi rlung dgog pas ni phyogs bcu'i 'jig rten gyi khams drug cu rtsa bzhi'i mtha' tshun chod mthong bar 'gyur ro/ /'pho ba brgyad pas srog gi rlung khri brgyad brgya sum cu rtsa phyed dang brgyad 'gags pas sa brgyad 'thob la sa brgyad pa'i mngon par shes pas ni shes rab kyi spyan rnam par dag pas ni phyir mi ldog pa'i sa 'thob la phyogs bcu'i 'jig rten gyi khams brgya nyi shu rtsa brgyad kyi mtha' tshun tshad mthong bar 'gyur ro//'pho ba dgu pa'i srog gi rlung rgyu ba 'gags pas sa dgu 'thob par 'gyur ro//mngon par shes pa shes rab kyi spyan thob par 'gyur pas phyogs bcu'i 'jig rten gyi khams nyis brgya lnga bcu rtsa drug gi mtha' tshun chad mthong bar 'gyur ro/ /'pho ba bcu pas srog gi rlung 'gags pas sa bcu thob pa la mngon par shes pa ni ye shes kyi spyan rnam par dag pas phyogs bcu'i 'jig rten gyi khams lnga brgya rtsa gnyis kyi mtha' tshun chad mthong bar 'gyur ro//'pho ba bcu gcig pas srog gi rlung 'gags par gyur pas ni sa bcu gcig pa sangs rgyas kyis sgrib pa gsum spangs pa thob par 'gyur ro/ /mngon par shes pa las ye shes kyi spyan lnga thob pas phyogs bcu'i 'jig rten gyi khams stong phrag gcig dang nyi shu rtsa bzhi'i mtha' tshun chad mthong bar 'gyur zhe'o//'pho ba bcu gnyis pas srog gi rlung rgyu ba nyi khri chig stong drug brgya bdun cu rtsa lnga gtsug tor gyi 'khor lor 'gags na ni sa bcu gnyis pa tshe 'di nyid kho na la rnyed de/rdo rje 'chang gi sa thob pas stong gnyis pa bar ma'i 'jig rten gyi khams dang / stong spyi phud kyi 'jig rten gyi khams dang / stong gsum gyi stong chen po'i 'jig rten gyi khams dang / gzhan yang 'jig rten gyi khams gang+gA'i klung gi bye ma snyed grangs med pa dang /dpag tu med pa dang / brjod kyis mi lang ba rnams ye shes kyi spyan lngas mthong bar 'gyur ro/ /'dir dbang bcu gcig gis sa ji lta thob pa dang / 'og sgo bde ba 'phel ba las sa ji ltar thob pa ni gzhung spros pas 'jigs pas ma bris so//de ltar mthong ba'i rnal 'byor pa de la ji skad ces bya/ des ji ltar 'gyur zhe na de'i phyir gsungs pa/ sems can chen po de ni zhes bya ba la sogs pa gsungs te/ sems can yang yin la chen po yang yin pas na sems can chen po ste/ sems can rnams kyi nang na klu chen po dang 'dra bas de skad ces bya'o//nam yang ji ltar gyur kyang zhes pa ni skye ba la dbang thob pas thams cad kyi thams cad rnam pa thams cad kyi thams cad du zhes pa'o/ /ji ltar gyur kyang zhes pa ni sprul pa'i sku gzugs kyi lha dang mi la sogs pa'i 'gro ba rigs de dang der skyes kyang 'gro ba kun bzhin du sdug bsngal la sogs pa ni ma yin no zhes pa'o//de skad du yang / rigs ngan kla klo yin na yang / /yul de yongs su brtags pa yin/ /zhes gsungs so/ /da ni skye ba'i sgrib par gyur pa bcu dang bral bar ston te/ de yang 'dzin pa'i yan lag gi skabs kyi gdams ngag las byang chub kyi sems kyi thig le rdo rje nor bu nas phaT la sogs pas gzung zhing bzlog pas tshangs par spyod pa la skyon med pas ngan 'gro ngan song du ltung bar mi 'gyur ro zhes pa'o//de la sems can dmyal ba dang yi dwags dang byol song ni ngan 'gro dang ngan song ste/'gro ba drug las 'di gsum ngan par 'gro ba yin pa dang / skye ba'i gnas ngan pas de skad ces bya'o/ /ltung bar mi 'gyur zhes bya ba ni 'og na yod pas de skad ces bya ste skye ba'i sgrib pa dang po'o/ /rigs ngan du skye bar mi 'gyur ro zhes pa ni/ / mtho ris na rigs kyi skye ba'i sgrib pa ni mi 'gyur pa la yod pa ste/ shan pa dang / nya ba dang / smyig ma mkhan dang / ko lpags mkhan la sogs pa'o/ /de bas na de ni skye ba'i sgrib pa gnyis pa'o/ /yul mtha' 'khob tu skye bar mi 'gyur ro zhes pa ni gang na sangs rgyas kyi chos med pa'i yul te/de ni gnas kyi skye ba'i sgrib pa ste gsum pa'o/ /dbang po ma tshang bar mi 'gyur ro/ /dbang po nyams par skye bar mi 'gyur ro zhes pa ni long ba dang 'on pa la sogs pa'am/ za ma dang ma ning du gyur pa ste de ni rten nyams pa'i skye ba'i sgrib pa ste bzhi pa'o//log par lta ba dang lta ba ngan pa'i rigs su skye bar mi 'gyur ro zhes pa la sogs pa ni/ /mi rtag pa la rtag par lta ba la sogs pa'o/ /lta ba ngan pa ni chad pa'i lta ba'o/ /rigs ni lta ba phyin ci log par 'dzin pa'i bram ze'i rigs la sogs pa ste/ de ni lta ba nyams pa'i skye ba'i sgrib pa ste lnga pa'o/ /sangs rgyas mi bzhugs pa'i sangs rgyas kyi zhing du skye bar mi 'gyur ro zhes pa ni sangs rgyas bcom ldan 'das mya ngan las 'das pa'i sangs rgyas kyi zhing khams na chos med pa'o/ /de ni zhing yang ma dag pa dang / sangs rgyas mthong ba'i skal ba med pa'i skye ba'i sgrib pa ste drug pa'o//sangs rgyas bzhugs na yang des bstan pa'i chos spong ba dang bkol bar mi 'gyur ro zhes pa ni brgya lam na zhes pa shugs la rnyed par 'gyur te/ sangs rgyas 'byung ba dang phrad kyang chos la ma dad pa'i dbang gis nyan par mi 'dod pa ni spong ba'o//rang bzhin dang gnas la sogs pas bskal nas chos thos pa'i skal ba med pa ni bkol ba'o/ /de ni ma dad pa dang bkol ba skye ba'i sgrib pa ste bdun pa'o/ /lha tshe ring po rnams kyi nang du yang skye bar mi 'gyur ro zhes pa ni 'du shes med pa'i lha'i bye brag ste/yun ring por byang chub la bgegs byed pa ste/ de ni chos kyi yun gyi sgrib pa ste brgyad pa'o/ /mu ge dang nad dang mtshon gyi bar gyi bskal pa'i nang du skye bar mi 'gyur ro zhes pa ni/ /mar 'grib pa'i mthar mu ge'i bskal pa dang / nad kyi bskal pa dang / mtshon gyi bskal pa 'byung ste/ de ni bskal pa dus kyi skye ba'i sgrib pa ste dgu pa'o/ /snyigs ma lnga'i dus su yang skye bar mi 'gyur ro zhes pa ni tshe'i snyigs ma dang / sems can gyi snyigs ma dang / lta ba'i snyigs ma dang / bskal ba'i snyigs ma dang / yo byad kyi snyigs ma ste/de'i dus na bskal pa ngan pa gsum po'i dus su skye ba ni snyigs ma'i dus kyi skye pa'i sgrib pa ste bcu pa'o/ /skye ba'i sgrib pa de rnams dang bral ba ni rang dbang yod pa ste/ rnal 'byor pa de gal te sems can gyi don mthong na gdul bya'i dbang gis zhes pa snga ma dang don sbyar ro//nyon mongs pa la dbang ba'i phyir rgyal po dang / dgra dang / chom rkun gyi 'jigs pa yang 'byung bar mi 'gyur zhes gsungs te/ rgyal po'i chad pa dang / dgras srog 'phrog pa dang / nor 'phrog pa dang / chom rkun pas 'jab bus 'phrog pa dang / stobs kyis nor 'phrog pa dang /'joms pa ste 'jigs pa gsum mo/ /ci nas kyang dman pa dang / dbul po'i 'jigs pa 'byung bar mi 'gyur ro zhes pa ni nges par zhen pa ste rnal 'byor pa 'jig rten chos la sogs pa la zhen pa'o/ /dman pa ni kha zhan pa'o/ /dbul ba ni nor dang bral ba'o//de bas na 'jigs pa lnga'o/ /dri ngas pa dang / skur pa dang / smad pa dang / mi snyan pa dang / gtam ngan gyi 'jigs pa yang 'byung bar mi 'gyur ro zhes pa ni/ dri ngas pa ni gzhan gyis byas pa'i skyon bdag la bsgo ba'o/ /skur ba zhes pa ni gzhan dad pa med par bya ba'i phyir bdag la yon tan med par sgrogs pa'o//mi snyan pa ni snyan par 'os pa ma yin pa'i tshig brjod pa'o/ /gtam ngan ni grags pa ma yin pa gleng ba'o/ /smad pa ni mtshang 'bru ba'i gleng gzhi brjod pa'o/ /de ltar 'jigs pa rnam pa bcu ni nyon mongs pa la dbang pa'i phyir mi 'byung ba'o//da ni lhag par mos pa la dbang pa'i phyir rgyud dang rus dang / rigs bzang po dang yang dag par ldan par 'gyur ro zhes pa ni rgyud dang rus dang rigs ni rnam grangs so/ /bzang po ni rgyal rigs la sogs pa'o/ /de ltar rigs mos pa'i yul dang por bstan pa'i phyir kun nas mdzes pa dang /gzugs dang / kha dog dang yang ldan par 'gyur ro zhes gsungs te/ kun nas mdzes pa ni lus tshad dang ldan pa'i phyir ro/ /gzugs dang kha dog ni sku chu zheng gab pa dang / mdog gser btso ma lta bu'i mos pa'i yul gsungs so//mos par byed pa gang yin pa dang / yul gzhan bstan pa'i phyir/ 'jig rten pa rnams la sdug pa dang yid du 'ong ba dang 'grogs na bde ba dang / mthong na dga' bar 'gyur ro zhes gsungs te/ 'jig rten pa ni 'gro ba tshu rol mthong ba'o/ / sdug pa ni gang gis mthong na lhag par brtse ba'o/ /yid du 'ong ba ni 'gro ba'i yid 'phrog par byed pa'o/ /'grogs na bde ba ni gang dang lhan cig tu gnas na sems dbugs phyin pa'o/ /mthong na dga' ba ni gang gi mig lam du snang na bde ba thob pa'o/ /de ltar mos pa'i yul bdun no//'jig rten pa rnams la mdzes pa dang skal ba dang ldan pa dang / tshig btsan par yang 'gyur ro zhes pa ni/ 'jig rten pa rnams la mdzes pa ni gang la yod pa de rgyan lta bur gyur pa'o/ /skal ba dang ldan pa ni dpal chen po'o/ /tshig btsan pa ni bden par smra ba la yid ches pa'o//de ltar mos pa'i yu bcu'o/ /da ni sems la dbang ba bstan pa'i phyir/ gang dang gang du skyes pa de dang der yang tshe rabs dran par 'gyur ro zhes gsungs te/ de la gang dang gang du skyes pa zhes pa ni skye pa'i gnas bstan pa'o/ /de dang der ni zhes pa ni 'brel pa bsgrub pa'i tshig go//tshe rabs zhes pa ni/ gnas dran pa dang / yul dang / rus dang / ming dang / kha zas dang / pha ma dang / cha'i tshad dang / chos la spyod pa dang / gang nas shi 'phos nas der skyes pa dang / de nas shi 'phos nas gar skyes pa dang /de nas shi 'phos nas 'dir skyes pa dang / 'di nas shi 'phos nas gang du skye zhing 'dul ba'i skal pa gang yin pa dran pa ste/ dran pa bcu ni sems la dbang ba'o/ /yo byad la dbang ba bstan pa'i phyir longs spyod kyi gzhi che ba dang / 'khor mang ba dang / longs spyod mi zad pa dang /'khor mi zad pa dang yang ldan par 'gyur ro zhes bya ba gsungs te/ de la longs spyod ni chos kyi dbyings las yang dag par byung ba'i gzugs la sogs pa'o/ /de bas na gzhi che ba'o/ /'khor mang ba ni lha dang mi la sogs pa'o/ /longs spyod mi zad pa ni mthar thug pa med pa'o//'khor mi zad pa ni 'khor mi phyed pa dang ldan pa'i phyir ro/ /sems can thams cad kyi mchog dang zhes pa ni/ sems can kyang yin la zhes pa ste kun gyi gtso bor gyur pa'o/ /yon tan mchog dang yang dag par ldan par 'gyur ro zhes pa ni/yon tan mchog dang ldan pa ni stobs dang mi 'jigs pa la sogs pa ste/ 'jig rten las 'das pa'i yon tan dang yang dag par ldan par 'gyur ro/ /rang bzhin gyis kyang pha rol tu phyin pa drug gi yon tan dang ldan par 'gyur ro zhes pa la rang bzhin gyis zhes pa ni rang gi ngang gis zhes pa ste/ched du ma bsgrubs kyang zhes pa'o/ /pha rol tu phyin pa drug po nyid yo byad du gsungs te/ ji skad du/ sbyin pa ni yo byad do zhes pa nas shes rab ni yo byad do zhes pa'i bar gyis yo byad du gsungs pa'o/ /tshangs pa'i gnas bzhi la yang gnas par 'gyur ro zhes bya ba ni tshangs pa'i sems can mchog go//gnas bzhi ni go sla'o/ /dran pa dang shes bzhin zhes pa yang yo byad do/ /de ltar mang ba gnyis dang mi zad pa gnyis dang lhag pa bcu ni yo byad la dbang ba'o/ /de nas smon lam la dbang ba bstan pa'i phyir/ thabs dang stobs dang smon lam dang ye shes dang ldan par 'gyur ro zhes gsungs te/de la smon lam ni pha rol tu phyin pa bcu gzhan gyi don du smon pa tsam gyis 'grub pa'o/ /gzhan go sla'o/ /da ni chos la dbang ba bstan pa'i phyir bstan bcos thams cad la yang 'jigs pa med pa dang sma ba la mkhas par 'gyur ro zhes gsungs te/de la bstan bcos ni phyir mi ldog pa'i bstan bcos dang / nang rig pa'i bstan bcos dang / sgra dang tshad mar gyur pa rig pa'i bstan bcos dang / bzo dang sgyu rtsal rig pa'i bstan bcos dang / gso ba rig pa'i bstan bcos so/ /de rnams la dbang thob pa ni mi 'jigs pa'o//smra ba la mkhas pa ni gzhan la ngag skyon dang bral bar ston pa'o/ /mi blun pa dang zhes pa ni sangs rgyas bcom ldan 'das la thos pa dang bsam pa dang bsgom pas rgyud sbyangs pa'i phyir ro/ /tshig gsal ba dang zhes pa ni smra ba'i dus su gzhan gyis nyan par bde ba'o//sgrin por yang 'gyur ro zhes pa ni sems kyis thegs pa ste g.yer ba'o zhes pa'i don to/ /shes nyen can dang zhes pa ni shes par bya ba'i chos thams cad la dbang thos pas na de skad ces bya'o/ /bstan bcos lnga dang 'og ma lnga ste bcu'o/ /da ni rdzu 'phrul la dbang ba bstan pa'i phyir le lo med pa dang zhes bya ba la sogs pa gsungs te/de la le lo med pa ni shin tu myur bar 'grol bar byed pa'o/ chog shes pa dang zhes pa ni nyung zad kyis tshim par byed pa'o/ /don che ba dang zhes pa ni cho 'phrul gsum gyis sems can gyi don byed pa'o//sred pa med par yang 'gyur ro zhes pa ni rang gi nus pa la sems kyis gdung ba mi skyed pa'o/ /sems can thams cad kyi mchog tu yid brtan pa dang zhes pa ni 'jig rten las 'das pa'i rdzu 'phrul gyi sgo nas yid ches pa'o/ /slob dpon dang zhes pa ni gang gis gus par bya pa'i yul lo//bla mar bkur ba yang 'gyur ro zhes pa ni bkur sti bya ba'i ming gi rnam grangs su gsungs so/ /des sngon ma thos pa'i bzo dang / sgyu rtsal dang zhes pa ni sems can chen po des snga ma la ma bslabs su zin kyang rdzu 'phrul gyi sgyu rtsal drug cu rtsa bzhi la sogs pa rang bzhin gyis 'byung ngo //mngon par shes pa'i shes pa dang zhes pa ni bshad zin to/ /bstan bcos thams cad kyang don dang yi ge'i sgo nas shes par 'gyur ro zhes pa ni/ bstan bcos thams cad ni don dang yi ge gnyis su 'dus pa'o/ /de skad du yang / ji ltar mnams na rab dku la//myangs na zhim pa'i sman bzhin du/ /chos kyang rnam pa gnyis su gnas/ /don dang yi ger shes par bya/ /zhes gsungs so/ /de ltar tshig bcus ni rdzu 'phrul la dbang pa'o/ /da ni las la dbang pa bstan pa'i phyir/ tshul khrims dang zhes pa gsungs te/tshul khrims ni dge slong la sogs pa'i'o/ /dang zhes pa ni byang chub sems dpa' dang rdo rje 'dzin pa'i bsdu ba'o/ /'tsho ba dang zhes pa ni gang yod na 'tsho bar 'gyur pas de skad ces bya'o/ /kun du spyod pa zhes pa ni thams cad du spyod pa ste lus kyi kun du spyod pa dang ngag gi kun du spyod pa dang yid kyi kun du spyod pa'o//shin tu yongs su dag par spyod pa dang zhes pa ni khyad par du yang zhes pa'i don to/ /yongs su ni yang dag par zhes pa'o/ /dag pa ni sngar smos pa'i tshul khrims la sogs pa gsum dang /de'i rten sgo gsum dang / 'tsho ba dang bdun skyon med par spyod pa'o/ /legs par rab tu byung ba dang zhes pa ni phyogs gnyis te/ byang chub sems dpa'i theg pa'am/ yang na rdo rje theg par ro/ /gzhan du na ni legs par rab tu byung bar mi 'gyur par 'og nas gsal ba nyid du ston to//de bas na rnam pa dgu'o/ /legs par bsnyen par rdzogs par 'gyur ro zhes pa'i don go bar 'gyur ro/ /yang zhes pa ni dang zhes pa ste de dang bcu ni las la dbang ba'o/ /da ni ye shes la dbang ba bstan pa'i phyir/ thams cad mkhyen pa nyid kyi byang chub kyi sems kyang mi brjed par 'gyur ro zhes gsungs te/thams cad mkhyen pa ni chos kyi sku dang / longs spyod rdzogs pa'i sku dang / sprul pa'i sku dang / bde ba chen po'i sku'o/ /yang na chos kyi dbyings kyi ye shes kyi skabs las/ sangs rgyas sku lnga'i bdag nyid can//khyab bdag ye shes lnga yi bdag /ces bcur gsungs so/ /byang chub kyi sems ni thams cad mkhyen pa'i ngo bo nyid dang tha mi dad pa yin pas thams cad mkhyen pa nyid kyi byang chub kyi sems so/ /mi brjed pa ni dran pa'i ngo bo nyid de/ /sngar bstan pa'i yan lag drug ni man ngag go//legs par rab tu byung ba nyid gang zhe na/ nyan thos dgra bcom pa dang / rang sangs rgyas kyi nges pa la nam yang 'jug par mi 'gyur ro zhes gsungs te/ 'dod chags dang bral ba'i theg pa ni nam yang sangs rgyas par mi 'gyur zhes pa ste gzhan gyi tshig don ni go sla'o//da ni sngar bstan pa de la ngag gi don bsdus nas bstan par bya ba'i phyir/ lag na rdo rje rdo rje 'chang de ltar na yon tan dpag tu med pa dag dang ldan par 'gyur te zhes bya ba la sogs pa gsungs te/ de ltar na zhes pa ni sngar bstan ma thag pa de ltar na zhes pa'o/ /yon tan ni che ba'i yon tan no//dpag tu med pa ni grangs dang rtsis kyis mi lang zhing / tsam zhes pa'i mtha' las 'das pa'o/ /rnam pa de lta bu'i yon tan gyi tshogs dpag tu med pa gzhan dag dang yang ldan par 'gyur ro zhes pa ni/ chos dang / longs spyod dang / sprul pa'i sku la sogs pa'i che ba'i bdag nyid sngar bshad pa dang /'dir ma smos pa'i yon tan gzhung gzhan las ji snyed bshad pa de dag kyang 'dir lag na rdo rje khyod kyis rig par bya'o/ /da ni mtshan yang dag par brjod pa'i don gzhung 'di gang dang gang gis 'dzin pa'i gang zag ma 'ongs pa'i dus su lung bstan pa'i phyir/lag na rdo rje rdo rje 'chang / /zhes bod pa mdzad nas/ don dam pa'i mtshan yang dag par brjod pa 'di yang dag par 'dzin pa'i skyes bu de ni zhes gsungs so/ /de la don dam pa ni nges pa'i don to/ /tshig gi yul las 'das pa'o/ /mtshan ni bla dwags kyi ming ngo / / yang dag par brjod pa ni sgra'i skyon spangs pa'o/ /'dir zhes pa ni de ltar bshad ma thag pa 'di zhes pa'o/ /yang dag par 'dzin pa ni phyin ci log par 'dzin pa'o/ /skyes bu zhes pa ni yon tan gang gi phyir ro/ /yang dge ba'i bshes gnyen tshol ba dang / chos nyan pa dang / don sems pa dang /don bzhin du spyod pa dang / chos bzhi dang ldan pa ni skyes bu zhes pa'o/ /bsod nams kyi tshogs dang / ye shes kyi tshogs legs par bsags shing zhes pa ni/ mtshan yang dag par brjod pa nyid bsod nams dang ye shes kyi tshogs yin pas na'o/ /de yang dag par bzung bas tshogs sog par 'gyur zhes pa'o//des cir 'gyur zhe na/ sangs rgyas kyi yon tan rnams shin tu myur bar 'grub nas ring por mi thogs par zhes pa ste/ de la ring por mi thogs pa ni tshe 'di nyid la'o/ /lhag ma ni go sla'o/ /bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur te zhes pa ni byang chub de'i bla na gang yang yod pa ma yin no zhes pa'o//bskal pa mang por yongs su mya ngan las 'da' ba'i chos su mi 'gyur par zhes pa ni bstan pa dang ston pa yang yun ring du gnas par 'gyur ro//ci byed ce na/ sems can thams cad la bla na med pa'i chos ston pa dang zhes pa ste/ bla na med pa'i chos ni rdo rje theg pa'i chos so/ /de las gzhan pa'i chos kyi 'khor lo bskor bar bstan pa'i phyir/ phyogs bcur dam pa'i chos kyi rnga sgra chen po rgyun mi 'chad par sgrogs pa'i chos kyi rgyal po chen por 'gyur ro zhes pa ni phyogs bcu ni 'jig rten drug gi phyogs bcu'o//dam pa'i chos ni gsung rab yan lag bcu gnyis so/ /rnga sgra dang 'dra bas na rnga sgra'o/ /rgyun mi 'chad pas na rtag tu'o/ /chos kyi rgyal po chen po ni sangs rgyas bcom ldan 'das so//yang na rgyal po yang yin la chen po yang yin pas na rgyal po chen po ste/ 'khor los sgyur pa'i rgyal po lta bur chos la dbang sgyur bar 'gyur ro/ /de ni 'khor lo lnga pa'i phan yon tshig gi rnam grangs lnga bcu rtsa gcig tu brtsis pa'i bshad pa'o/ /ji srid mi yi dbang po yi/ / zhabs kyi pad+mar mchod byas nas/ /'jam dpal ye shes sems dpa' yi/ /mtshan ni yang dag brjod pa'i mchog /lag na rdo rje la bshad pa/ /zab mo rtogs dka' rdo rje'i tshig /mkha' 'gro'i gnas su phyin gyur pa'i/ /sgrub pa po ni snying po rnyed/ /de yi zhal nas brgyud pa'i mthus//don zab bde gshegs spyod yul ba/ /bdag gis kyang ni rnam par dgrol/ /dran par ma gyur dgra yis ni/ /gdams ngag las ni tshig 'ga' dag /nor na dam pas bzod par mdzod/ /bdag gi lus dang ngag yid kyis/ /gus pas dam pa rnam par phye/ / yon tan gter ni rab gsal pa'i/ /dge de 'gro ba'i rgyud la smin/ /bdag kyang 'di dang gzhan dag tu/ /dam pa'i zhabs dang mi 'bral zhing / /'jam dpal dbyangs kyi zhal mthong nas/ /de bzhin 'gro ba'i don byed shog /'phags pa 'jam dpal gyi mtshan yang dag par brjod pa'i phan yon gyi 'grel pa sngags kyi don snying po bsdus pa zhes bya ba/dpal mkhas pa chen po dus kyi 'khor lo ba grags pas mdzad pa rdzogs so// //rgya gar gyi mkhan po A tsaR+YA a b+ha ya badzra dang / dge bsnyen rdo rje rgyal pos bsgyur cing zhus te gtan la phab pa'o// //

CLOSE WINDOW