CLOSE WINDOW

D1398
བོད་ཡིག

/ //rgya gar gyi mkhan po a b+ha ya badzra dang / bod kyi lo tsA ba sbal rdo rje rgyal pos bsgyur cing zhus te gtan la phab pa'o/ /[]@##/ /rgya gar skad du/ Ar+ya many+dzu shrI nA ma sang+gI ti tI kA bi ma la pra b+hA/bod skad du/ 'phags pa 'jam dpal gyi mtshan yang dag par brjod pa'i 'grel pa dri ma med pa'i 'od ces bya ba/ 'phags pa 'jam dpal gzhon nur gyur pa la phyag 'tshal lo/ /stong nyid snying rje'i bdag nyid can/ /srid gsum skye dang zad pa med//shes dang shes bya gcig pa'i lus/ /dang po'i sangs rgyas la phyag 'tshal/ /rnam pa dang bcas rnam pa med pa'i bcom ldan 'das ma shes rab ma des rab tu 'khyud/ dgod pa la sogs sgeg dang 'jigs pa'i 'dod pa'i bde ba rnam par spangs pa'i mi 'gyur bde//sku gsum dang ldan dus gsum yang dag mkhyen pa'i sangs rgyas rnams ni rab tu skyed byed pa/ /thams cad mkhyen pa dang po mchog gi sangs rgyas bcom ldan gnyis med de nyid la phyag 'tshal/ /stong nyid ye shes yang dag pa/ /rnam dag ye shes mi g.yo ba//mtshan med ye shes yang dag cing / /chos kyi bdag nyid gnyis med sems/ /smon pa'i ye shes dag pa yi/ /gsung gi sngags ni mi zad dbyangs/ /de bzhin mngon par 'du mi byed/ /ye shes dag phyir rnyog pa med/ /sku yi rnam pas rdzu 'phrul gshegs//rdo rje sems dpa' sems dpa' che/ /byang chub sems dpa' de bzhin gshegs/ /dam tshig sems dpas gsungs pa gang / /dngos dang dngos med zad pa'i bdag /thog ma tha ma med zhi ba/ /byang chub sems la phyag 'tshal lo/ / sprul pa po yi sku gsung thugs/ /ye shes gcig tu sbyor ba rdzogs/ /longs spyod rdzogs pa'i sku gsung thugs/ /ye shes gcig tu sbyor ba sdom/ /dpal ldan chos kyi sku gsung thugs/ /ye shes gcig tu sbyor ba sdom/ /lhan cig skyes pa'i sku gsung thugs//ye shes gcig tu sbyor ba sdom/ /sad pa'i rmi lam gnyid stug dang / /bzhi pa dbang po gnyis skyes bde/ /ye shes thugs gsung sku yi ni/ /gnas bzhi rnams su mi gnas te/ /las kyi phyag rgya rnam par spangs/ /phyag rgya chen po las byung ba//lhan skyes gzhan dang lhan cig min/ /rnam rtog bsgom pa las 'das pa/ /phyag rgya chen po mi 'gyur bde/ /gzung dang 'dzin pa'i rnam pa yi/ /rtog pa brjod pa rnam par spangs/ /dri za'i grong khyer rnam pa dang / /phra rnams kyi ni rang bzhin du/ / thabs dang shes rab rang bzhin sbyor/ /e waM yi ge la phyag 'tshal/ /de bzhin gang zhig rdo rje rnal 'byor bde gshegs dpag tu med pa dang ni bstan pa de bzhin 'di/ /byang chub sems dpa' mchog gi rdo rje 'chang bas gsang sngags ma lus pa rnams rig pas yang dag bsdus//blun po bdag gis rnal 'byor mchog tu mi 'gyur bde ba dus 'khor mtshan brjod gnyis don bshad par 'dod/ /nam mkha' la ni mgyogs par 'gro ba'i nam mkha'i bdag po 'gro zhes ci'i phyir gzhan dag la mi 'gro//ston pa rang gi lung bstan gang zhig rgyal ba'i bdag po bde ster rdo rje theg pa ma lus pa'i/ /sdud par byed pa mchog gi rdo rje 'dzin par rgya cher 'grel byed bdag 'dra'i byang chub sems dpa' ste/ /de phyir sangs rgyas kyi mthus lha dang klu dang mi rnams kun ni smin par bya ba'i don du gsungs//gang dag mngon shes lnga med de ni brdzun pa'i tshig gis bdag ni rgyal ba'i dbang po yin zhes smra/ /sna tshogs klu yis ma 'ongs dus su rtag tu rtog ge la sogs bstan bcos kyis dregs pa'i/ /sangs rgyas pa rnams gzhan gyi rtog ge'i stobs kyi dbang gis log par yang ni smra ba 'byung //rtog ge'i dregs pa'i tshul gang gis ni rgan pa'i yul gang ston par byed/ /blo ngan de dag kho na'i nyes pa 'joms pa'i rgya cher 'grel pa bdag gis bri bar bya/ / mchog tu mi 'gyur bzhi pa dang / /de bzhin shes rab ye shes gang / /sangs rgyas de yang de bzhin 'dir/ /phyag rgya chen po rgyal bas gsungs/ /dpyid kyi dus su phrad pa'i myu gu ni/ /ltung 'gyur a mra'i 'bras bu ci phyir 'byung / /shes rab 'dus pas gang gi khu ba 'dzag /'di ni de yi bde ba gang gis 'phel/ /gang gis 'dzag pa med pa ma thob par/ /de 'dzag bde ba 'dod pa sdug bsngal yin/ /chu ni kun gyi 'tsho ba byed pa ni/ /tsa Ta ka skom sa ya chu mi 'thung / /'khor ba bde ba mi rtag pa/ /ma thob 'dod pa rmongs chen po//mkhas pa mthar phyin spangs byas la/ /yang dag rgyal ba'i bden ston to/ /ri [(]dgas [,]dwags [)]rgyal po ri [(]dgas [,]dwags [)]zas za ba/ /lo gcig nang du gal te 'khrig par spyod/ /gseg ma phra mo zas su za ba yi/ /phug ron rtag tu 'dod pa spyod pa yis//gnyis ka la yang mchog gi bde ba med/ /res 'ga' rtag tu khu 'dzag gang ji bzhin/ /de bzhin 'dod ldan nang ni dka' thub pa/ /sad dang rmi lam na ni 'dzag pa'i phyir/ /ji ltar gnyid log sprul gyis sos btab pa/ /mi 'tsho khu ba bsdus pa med pa ltar//de bzhin du ni so yis btab pa yi/ /dka' thub dang ni byis pa'i skyon rnams so/ /ji ltar rdo sogs skud pa las byas gos/ /de nyid mer bsregs dag par 'gyur pa ltar/ /de ltar skyes bu'i shes rab ye shes sems/ /ji ltar dngul chu me la bsregs na rab tu 'brel te g.yo bar mi 'gyur ltar//de bzhin skye gnas dang ni reg pa khu ba rtag tu 'pho ba yin/ /ji ltar sman la sogs pa'i stobs kyis g.yo ba yang ni me dang phrad na de 'ching ltar/ /de bzhin shes rab yang dag phrad pas khu ba'i blo yis sbyangs pas so/ /rgyud 'di dag gi rgya cher 'grel//de bzhin gshegs pas lung bstan pa'i/ /'jam dpal gyis ni bskul nas ni/ /'jig rten mgon pos bris pa nyid/ /byis pa mkhas dang rmongs rnams la/ /rgyud kyi gsang ba gsal byed do/ /ma nyid bu rnams la phan pa/ /bde 'dod lus can thams cad la//lam bzang rdo rje sems dpa' yi/ /bdag gis rig pa'i rnal 'byor pa/ /de phyir de ni myur du bri/ /'dir dang por re zhig rtsa ba'i rgyud kyi rjes su 'brangs nas/ brjod par bya ba dang / rjod par byed pa dang / 'brel ba dang / dgos pa dang / /dgos pa'i yang dgos pa mngon par gzigs nas/gdul bya'i skye bo nges pa dang bral ba rnams kyi rang gi sems kyi bsam pa de nyid kyi skye ba 'dir sangs rgyas nyid kyi 'bras bu ster ba/ bde ba chen po la gnas pa'i dang po mchog gi sangs rgyas rdo rje dbyings kyi dkyil 'khor chen po seng ge'i gdan la bzhugs nas sangs rgyas dang byang chub sems dpa' dang khro bo'i rgyal po dang /lha dang / klu dang / lha mo'i tshogs kyis yongs su bskor ba/ khams gsum gyis zhabs kyi pad+ma la phyag 'tshal ba/ lo ka gsum pas gcig tu 'khor los sgyur ba'i dang po mchog gi sangs rgyas rgyu med pa'i bcom ldan 'das dpal dus kyi 'khor lo la zla ba bzang pos gsol ba btab pas/stong phrag bcu gnyis pa dang / dang po mchog gi sangs rgyas rgyu med pa'i dus kyi 'khor lo rdo rje 'chang / ye shes kyi sku'i dbang du gyur pa'i mtshan yang dag par brjod pa dang ldan pa/rgyud rnams thams cad kyi rdo rje'i tshig gi dbang du gyur pa/ rgyud gzhan gyi rjes su 'brangs nas rtogs par bya'o/ /sangs rgyas kyi rin po che'i za ma tog kha bye ba/ lo ka dang lo ka las 'das pa'i bden pa la brten pa mngon par byang chub pa bzhi dang /rdo rje bzhi yongs su dag pa dang / sku bzhi dang / rigs drug dang / bden pa bcu gnyis dang / de kho na nyid bcu drug dang / stong pa nyid bcu drug dang / snying rje bcu drug gi bdag nyid dang / lo ka pa'i dbang bcu dang / lo ka las 'das pa'i dbang bcu gcig pa gsal bar dbang bskur ba dang /dam tshig gi phyag rgya dang / las kyi phyag rgya dang / ye shes kyi phyag rgya dang / phyag rgya chen pos lo ka dang lo ka las 'das pa'i sgrub pa ni/ mtshan yang dag par brjod pa'i le'u bcu bzhir gnas pa ni brjod par bya'o/ /'dir rjod par byed pa ni le'u bcu bzhi'i tshig dang yi ge'i tshogs su gnas pa'o//yang brjod par bya ba ni dang po sangs rgyas rgyu med pa'o/ /rjod par byed pa yang de skad brjod pa'o/ /yang na brjod par bya ba ni ye shes kyi sku/ rjod par byed pa ni de'i tshig gi tshogs so/ /brjod bya dang rjod byed kyi mtshan nyid kyi brjod bya rjod byed kyi 'brel pa'o//'dir dang po dkyil 'khor du 'jug pa dang / lo ka pa'i dbang byin nas bsod nams dang ye shes kyi tshogs kyis sems can gyi don byed pa ni dgos pa'o/ /shes rab chen po bzhi pa lo ka las 'das pa'i dbang bskur nas rgyu med pa'i phyag rgya chen po'i dngos grub thob par bya ba'i phyir bsod nams dang ye shes kyi tshogs kyis sems can gyi don byed pa ni dgos pa'i yang dgos pa'o//de dag gis ni de nyid brjod par bya ba'i mtshan nyid du yang dag par gzigs nas/ gdul bya'i skye bo nges pa dang bral ba rnams kyi sems zhes bya ba ni nges pa'i nyan thos kyi sdom pa la bya ste/'dod pa'i longs spyod lnga la nges par longs spyod pa dang bral ba'i tshul khrims kyi sdom pa zhes bya ste/ de dang bral ba ni nges pa dang bral ba'o/ /de rnams kyi rang gi sems kyi bsam pa ni nges pa'i longs spyod la nges par 'dod pa'o//de bzhin du dbang po gnyis kyi bde ba chen po 'dod pa'i rang gi sems kyi bsam pa ni nges pa dang bral ba zhes bya'o/ /rang gi sems kyi bsam pas skye ba 'di nyid la sangs rgyas kyi 'bras bu ster bas zhes bya ste/ 'dir skye ba ni mi'i skya ba 'di nyid la sangs rgyas ster ba rgyud kyi rgyal por ro//lha la sogs pa'i 'gro ba lnga'i skye ba rnams kyis ni ma yin no/ /de ci'i phyir zhe na/ las med pa'i sar skyes pa'i phyir ro/ /'dir lha la sogs pa rnams kyis kyang mir skye ba thob nas sangs rgyas nyid kyi 'bras bu nges par thob par 'gyur zhes bcom ldan 'das kyi nges pa'o//bsod nams dang ye shes kyi tshogs kyis khams drug gi bdag nyid kyi skyes bu chen po'i gang zag gis shes bzhin du las ngan pa'i skye ba 'dir sangs rgyas nyid kyi 'bras bu ster bar 'gyur pa ni ma yin zhes bya ba ni de bzhin gshegs pa'i nges pa'o//des na 'dir sngags kyi theg pa las bcom ldan 'das kyis gsungs pa 'di lta ste/ rigs ngan smyig ma mkhan la sogs/ /mtshams med lnga po byed pa dag /sngags kyi spyod pa rjes spyad pas/ /tshe 'di nyid la sangs rgyas 'gyur/ / zhes gsungs pa ni bden te/ gang sngon du byas pa'i mtshams med pa la sogs pa ma rungs pa'i las te/ skye ba 'dir sngags kyi theg pa'i phyir phyag rgya chen po mi 'gyur pa'i bde ba'i don gyis bcom pa nyid de/ gzhan glo bur gyi mi dge ba la mi 'jug pa'i phyir rdo rje chos 'byung [(]gyi [,]gi [)]khang par bdud bzhi'i bgegs la sogs pa 'jug pa'i sgo rnams su/byams pa dang / snying rje dang / dga' ba dang / btang snyoms la sogs pa'i byang chub kyi phyogs kyi chos rnams kyi sgo glegs bcug nas/ der rdo rje sems dpa' bsgrub pa'i phyir/ phyag rgya chen po dang lhan cig pa'i mtshams med pa byas pa yang /skye ba 'di nyid la sangs rgyas kyi 'bras bu rnyed par 'gyur zhes bya ba ni de bzhin gshegs pa'i bka'i nges pa'o/ /yang sngags kyi theg par zhugs pa tsam gyis ni mtshams med pa lnga la sogs pa ma rungs pa'i las byas pa yang skye ba 'di nyid la sangs rgyas nyid kyi 'bras bu rnyed par zhes bya ba ni sangs rgyas bcom ldan 'das kyi dgongs pa ma yin no//'dir bcom ldan 'das kyis theg pa gsum gyi don mi shes par gsungs pa/ theg pa gsum ni bcom ldan 'das kyis thog mar dge ba bar du dge ba tha mar dge bar gsungs so//sngags kyi theg par zhugs nas sdig pa mi byed pa ni sangs rgyas nyid kyi 'bras bu rnyed par 'gyur ro zhes bya ba ni de bzhin gshegs pa'i nges pa'o/ /sngags pas sha mi bza' ba'o/ /za ba yod na gsod pa yod pas so/ /rin gyis nyos na yang de'i don du gsod pa'i phyir na sha sngags pas bza' bar mi bya'o//rnal 'byor pa rnams sha ma bkag pa ni kha na ma tho ba med pa'i ba lang dang khyi la sogs pa rang gi las kyis shi ba rnams so/ /go ku la sogs pa lnga dang rnam par snang mdzad la sogs pa lnga rnams/ yungs kar gyi tshad tsam nyin re bzhin du dam tshig gi don du bsten par bya'o//rtag tu kha na ma tho ba med pa'i bud med dang chang ni bsgom pa ma rmongs pa'i chos su gsungs so/ /rtsa ba'i rgyud las bcom ldan 'das kyis bka' stsal pa/ 'di lta ste/ lha nor 'dzin dang pha ma dang / /yid 'dod sgrub don 'tshong ba gang //sems can skyon med bsad pa gang / /gdug pa sdig pa byed rnams kyis/ /kha na ma tho byas pa'i sha/ /nyos nas sha dang 'dod bcas las/ /ma blangs snod du lhung ba dang / /kha na ma tho med nyid phyir/ /srog chags gcig cig gi ni sha//mang po zos pa mchog yin te//srog chags du ma yi ni sha/ /mi gcig gis ni mi bza' ba'o/ /snying rje bskyed par bya ba'i phyir/ /rnal 'byor ldan pas bza' bar byed/ /rnam par mi rtog pa yi sems/ /kha na ma tho med gzhan med/ /rigs kyi zhen pa bzlog pa'i phyir//bza' ba btung ba thams cad sbyin/ /rigs ngan po la bgrod par brjod/ /rdo rje 'chang gi de nyid bstan/ /ces pas theg pa gsum gyi don shes par bya ste 'dir mang po ma spros so/ /rgyas par 'grel pa chen po las shes par bya'o/ /de rnams nyan thos dang pha rol tu phyin pa dang sngags kyi theg pa rnams su mchog tu mi 'gyur pa ni/snying por bcom ldan 'das rdo rje 'dzin pa mtshan yang dag par brjod par de bzhin gshegs pas gsungs pa/ de'i don mi shes pa'i bla ma dam pa ma yin pa nyams pa mchog tu mi 'gyur pa'i ye shes nyams pa ma 'ongs pa'i dus su 'byung bar 'gyur te/sems can nyams par byed pa ste nyams par byed pa'i phyir rtsa ba'i rgyud du rnam pa lnga'i ye shes kyi bstod par tshigs su bcad pa lngas ye shes lnga bsgom pa bcom ldan 'das kyis gsungs pa 'di lta ste/stong pa'i dngos po dngos 'di la/ /brtag pa'i gzugs ni spangs pa ste/ /gzhon nu ma yis ma long du/ /gzugs brnyan nyid du mthong ba bzhin/ /zhes pa bems po med pa'i 'jig rten las 'das pa'i bde ba'o/ /gzugs phung me long lta bu'i ye shes so//dngos po thams cad mnyam par 'gyur/ /gcig ni rang bzhin g.yo med gnas/ /g.yo med ye shes yang dag 'byung / /chad pa min dang rtag min pa'o/ /zhes tshor ba'i phung po mnyam pa nyid kyi ye shes so/ /thams cad 'du shes bdag nyid bdog/ /a yi yi ge rigs las byung //g.yo med chen po go 'phang rnyed/ /shes pa med cing shes bya'ang med/ /ces 'du shes kyi phung po so sor kun du rtog pa'i ye shes so/ /skye ba med pa'i chos rnams la/ /'du byed spangs pa rnams la yang / /byang chub med cing sangs rgyas med/ /sems can srog kyang med do zhes//'du byed kyi phung po bya ba nan tan gyi ye shes so/ /rnam par shes pa'i chos las 'das/ /ye shes dag pa dri ma med/ /rang bzhin 'od gsal ba yi chos/ /chos kyi dbyings su mngon par son/ /zhes rnam par shes pa'i phung po shin tu rnam par dag pa chos kyi dbyings kyi ye shes so//de bzhin du nyung ngu'i rgyud du yang gsungs te ma spros so/ /de bzhin du mtshan yang dag par brjod par bcom ldan 'das rdo rje sems dpa' mchog tu mi 'gyur pa'i ye shes sangs rgyas dang / byang chub sems dpa' rnams kyi snying por gyur pa/ /de bzhin gshegs pas tshigs su bcad pa brgya drug cu rtsa gnyis su bstan pa la//de nas dpal ldan rdo rje 'chang / /zhes pa la sogs pa nas/ /lus btud nas ni spyan sngar 'dug /ces bya ba'i bar gyi tshigs su bcad pa bcu drug gis zhu ba bstan pa'o/ /de nas bcom ldan shAkya thub//ces bya ba nas/ /bcom ldan de ni legs zhes gsol/ /zhes bya ba'i bar gyi tshigs su bcad pa drug gis lan bstan pa'o/ /de nas bcom ldan shAkya thub/ /ces bya ba nas/ rigs chen gtsug tor cher gzigs nas/ /zhes bya ba'i bar gyi tshigs su bcad pa gnyis kyis rigs drug la gzigs pa bstan/gsang sngags rgyal po drug ldan zhing / /zhes bya ba la sogs pa nas/ a ra pa tsa nA ya te na maH/ /zhes bya ba'i bar gyi tshigs su bcad pa gsum gyis sgyu 'phrul dra bas mngon par byang chub pa'i rim pa bstan/ /'di ltar sangs rgyas bcom ldan 'das//zhes bya ba nas/ /theg pa chen po'i tshul gyi mchog /ces bya ba'i bar gyi tshigs su bcad pa bcu bzhis rdo rje dbyings kyi dkyil 'khor chen po'i bstod pa gsungs so/ /sangs rgyas rnam par snang mdzad che/ /zhes bya ba la sogs pa nas/rdo rje lcags kyu zhags pa che/ /zhes bya ba'i bar gyi tshigs su bcad pa rkang pa gcig gis mchog nyi shu rtsa lngas shin tu rnam par dag chos kyi dbyings kyi bstod pa bstan to/ /rdo rje 'jigs byed 'jigs par byed/ /ces bya ba la sogs pa nas/ / sgra dang ldan pa rnams kyi mchog /ces bya ba'i bar rkang pa gcig gis lhag pa'i tshigs su bcad pa bcus me long lta bu'i ye shes kyi bstod pa bstan to/ /yang dag bdag med de bzhin nyid/ /ces bya ba la sogs pa nas/ /ye shes me lce 'od rab gsal//zhes bya ba'i bar gyi tshigs su bcad pa bzhi cu rtsa gnyis kyis so sor kun du rtog pa'i ye shes la bstod pa bstan to/ /'dod pa'i don grub dam pa ste/ /zhes bya ba la sogs pa nas/ nor bu chen po rin chen tog/ /ces bya ba'i bar gyi tshigs su bcad pa nyi shu bzhis mnyam pa nyid kyi ye shes la bstod pa bstan to//sangs rgyas kun gyis rtogs bya ba/ /zhes bya ba la sogs pa nas/ 'jam dpal dpal dang ldan pa'i mchog /ces bya ba'i bar gyi tshigs su bcad pa bco lngas bya ba nan tan gyi ye shes kyi bstod pa bstan to/ / mchog sbyin rdo rje mchog khyod 'dud/ /ces bya ba la sogs pa nas/ ye shes sku nyid khyod la 'dud/ /ces bya ba'i bar gyi tshigs su bcad pa lngas de bzhin gshegs pa lnga la ye shes kyi bstod pa'o/ /tshigs su bcad pa brgya drug cu rtsa gnyis pa 'di dag ni theg pa thams cad las bton nas bsdus pa bcom ldan 'das rdo rje 'dzin pa'i snying po'o//kun du bzang po mchog tu mi 'gyur pa'i bde ba chen po nam mkha'i khams thams cad kyi mthar thug pa son pa snang bar byed pa'i ye shes/ rnam par dag pa'i tshogs yang dag par bsdus pa/ zab cing rgya che ba'i gzugs kyi mchog /rang bzhin gyis 'od gsal ba/ /thog ma dang tha ma rnams kyi bdag dang bdag gi gzung ba dang 'dzin pa la sogs pa'i dri ma spangs pa/ dus thams cad du nyon mongs pa'i tshogs thams cad kyi rang bzhin shes pa/ 'khor ba'i bag chags las rnam par grol ba//'gro ba dang 'ong ba rnam par spros pa med pa'i gzugs rang gi ngang gis rab tu 'jug pa/ rmugs pa dang rnam pa sna tshogs pa las grol ba/ ting nge 'dzin dang gzungs rnams kyi rten/ bum pa bzang po dang dpag bsam gyi shing dang yid bzhin gyi nor bu bzhin/sems can gyi bsam pa yongs su skong ba/ thub pa chen po rnams kyi spyod yul/ sems [(]gyi [,]kyi [)]phung po chen po mchog tu zhi bar byed pa/ sgyu ma lta bu rmi lam lta bu gzugs brnyan lta bu sgra brnyan lta bu de bzhin du dus gsum gyi nges pa chen po'o/ /rnal 'byor pa rnams kyi rang rig pa mchog tu mi 'gyur pa'i bde ba//rnal 'byor pa rnams kyis spang bar mi bya zhes de bzhin gshegs pa'i nges pa 'di bsgom par bya'o/ /rtsa ba'i rgyud kyi rgyal por ye shes kyi le'ur gsungs pa 'di lta ste/ /du ba la sogs bsgom pa nyid/ /sems ni mi g.yo ba ru byas//dbu ma dag par byas nas ni/ /mchog tu mi 'gyur bde ba bsgom/ /rdo rje pad+mar rab gzhag la/ /srog ni thig ler gzhag par bya/ /thig le 'khor lo'i thig le rnams/ /rgyu mthun rdo rje dgag pas ni/ /rnal 'byor de la rtag tu 'khyud/ /steng du sa bon rtag tu bya//phyag rgya che la rab sbyangs pas/ /rdo rje 'bebs pas byin gyis rlob/ /nyi khri chig stong drug brgya ni/ /mchog tu mi 'gyur skad cig la/ /rgyal po chen po yongs mkhyen nas/ /rdo rje sems dpa' rang nyid 'gyur/ /zhes pas so/ /de bzhin du nyung ngu'i rgyud du yang gsungs pas 'dir ma spros so//lag na rdo rje 'chang zhes bya ba la sogs pa nas/ /phyogs bcur dam pa chos kyi rnga sgra chen po rgyun mi 'chad par sgrogs pa'i chos kyi rgyal por 'gyur ro'i bar gyi phan yon bstan to/ /oM sarba d+harmA zhes bya ba la sogs pa nas/dz+nyAn gar+b+ha A zhes bya ba la sogs pa'i bar gyis sngags kyi le'u bstan to/ /de nas dpal ldan rdo rje 'chang / /zhes bya ba la sogs pa nas/ /rdzogs pa'i sangs rgyas kun gyis bshad/ /ces pa'i bar gyis rjes su yi rang ba bstan to/ /de ltar le'u bcu bzhi'i don brjod par bya'o/ /le'u bcu bzhi'i tshig ni rjod par byed pa'o//de ston par byed pa'i ston pa dang / zhu ba po'i 'brel pa ni 'dir brjod par bya ste/ sangs rgyas bcom ldan 'das ni sa bcu gnyis kyi dbang phyug ste/ /sngon du sangs rgyas dang bsod nams dang ye shes kyi tshogs dang / smon lam gyi dbang gis sprul pa'i skus sems can gyi don byed par snang ste//mkhas pa sgyu 'phrul chen po 'chang / /sgyu 'phrul chen po'i mig 'phrul can/ /zhes pas/ 'phags pa'i yul lum+bi'i tshal du shAkya'i rigs mi'i dbang po zas gtsang gi lha mo sgyu 'phrul ma chen mo'i lhums nas yang dag par 'byung ba'i don grub gzhon nu zhes bya'o//des dka' ba rnam spyad nas sa bcu gnyis phyis mngon du mdzad ces bya'o/ /de bzhin du sham+b+ha la'i yul ka lA pa'i grong khyer du lha mo nyi ma'i 'od rnam par rgyal ma'i mngal nas yang dag par byung ba'i sa bcu'i dbang phyug phyag na rdo rje zla ba bzang po zhes bya'o//chu bo si ta'i byang phyogs su zla ba bzang po'i gdul bya bye ba phrag dgu bcu rtsa drug gi grong khyer na gnas pa rnams dang po mchog gi rgyud kyi rgyal po yang dag par rdzogs pa'i sangs rgyas kyi lam thob par bya ba'i phyir/ byang chub sems dpa' phyag na rdo rje rgyal po zla ba bzang por gyur to//'di dag sangs rgyas dang byang chub sems dpa' dag gis ston pa po dang zhu ba po'i 'brel ba sprul pa'i sku'am longs spyod pa'i skus kyang rung ste snga ma dang phyi ma la 'gal ba med do/ /sangs rgyas dang byang chub sems dpa'i mdzad pa la sems can gyis brtag par mi bya'o//'phags pa'i yul du bcom ldan 'das rdo rje 'chang gis dpal 'bras phung gi gtsug lag khang du rigs gsum mgon po la sogs par snang ngo / /yul sham+b+ha lar rgyal po zla ba bzang pos bram ze drang srong rnams la/ /rdo rje'i tshig gsal bar mdzad pa rdo rje'i tshig gsal bar byed pa'i stong phrag bcu gnyis pa dang po mchog gi sangs rgyas yang dag par bstan to//de las bsdus pa'i rgyud sdud par byed pa'i phyir/ 'phags pa 'jam dpal gyi sprul pa rgyal po grags pa mi'i dbang po lung bstan to/ /pad+ma dkar po bdag kyang rgya cher 'grel pa byed pa rtsod pa'i dus gnyis par lung bstan to//de nas bdag gi rjes la gshin rje mthar byed la sogs pa lung bstan to zhes bya'o/ /rtsa ba'i rgyud las bcom ldan 'das kyis gsungs pa 'di lta ste/ dang po'i lo nas drug brgya'i lo/ / sham+b+hal zhes bya ba 'byung / /drang srong rnams ni smin don phyir/ /'jam dpal grags pa'i dbang po ste/ /sgrol ma lha mo chen mo 'dir/ /sras po pad 'chang 'jig rten dang / /zla ba bzang po de rigs bdag /shAkya'i rigs las yang dag 'byung / /ngag gi dbang phyug de rigs dag /de nas grags pa rdo rje'i rigs/ /rigs bzhi po ni rigs gcig ste/ /rtsod dus bram ze'i rigs ma yin/ /zhes gsungs pas don dam par na bcom ldan 'das nyid ston pa dang sdud pa dang 'grel pa byed pa dang tha mi dad par grub bo/ /dam pa dang po bcom ldan 'das kyis gsungs/phyag na rdo rjes bsdus pa lha stong phrag drug brgya nyi shu la nyung ngu'i rgyud kyi lha rnams 'khor lo sdom pa che chung gnyis dang / rnal 'byor rig pa'i lha tshogs 'dus pa drug sgyu 'phrul dra ba gsum gyi lha rnams so/ /de la dpal rgyu skar gyi dkyil 'khor can zhes pa'o//de rnams phyag na rdo rjes glegs bam du bris so/ /sems can rnams the tshom med par bya ba'i phyir/ sngags kyi theg pa thams cad las bsdus nas/ mtshan yang dag par brjod pa bcom ldan 'das kyis phyag na rdo rje la yang dag par bstan to/ /des na gang dang po mchog gi sangs rgyas kyi theg pa mi shes pa des mtshan yang dag par brjod pa mi shes so//gang mtshan yang dag par brjod pa mi shes pa des rdo rje 'chang gi ye shes kyi sku mi shes so/ /gang rdo rje 'chang gi ye shes kyi sku mi shes pa des ni sngags kyi theg pa mi shes so/ / gang sngags kyi theg pa mi shes pa de 'khor ba ste thams cad du bcom ldan 'das rdo rje 'chang gi lam dang bral bas so/ /des na dang po mchog gi sangs rgyas thar pa'i don du slob ma mchog rnams kyis mnyan par bya'o/ /bla ma dam pas kyang bshad par bya'o/ /de nas le'u dang po zhus pas bshad par bya ste/sdud pa po dang / de'i grogs dang / zhu ba'i tshul ji ltar dang / dgos pa gang gi ched du dang / yul gang la zhus pa dang / chos gang zhus pa dang / gzung bar khas blangs pa gsal bar bya ste/ de nas dpal ldan rdo rje 'chang / / zhes pa la/ 'di skad bdag gis thos pa la sogs pa med par/ de nas zhes pa ji ltar yin zhe na bshad par bya ste/ tshig gi rjes su 'brang ba na rtsa ba'i rgyud khri drug stong ba'i sgyu 'phrul dra ba sngar gsungs pa'i rjes yin pas na de nas zhes bya'o/ /yang 'di skad bdag gis thos pa la brtags te/sangs rgyas kyis thos pa yin na sangs rgyas min te gzhan la rag las pas so/ /sdud pa po yin na bka' bslad pa'i phyir ro/ /de yang rtsa ba'i rgyud las gsungs pa/ /'di skad bdag gis thos pa 'dir/ /drang srong rnam la chos bstan pa//gzhan las thos phyir kun mkhyen min/ /zhes pas so/ /don gyi rjes su 'brang na ston pa dang sdud pa dang 'grel par byed pa tha mi dad pa dang gang du rdo rje'i rigs su yang gsungs la/ rgyud gzhan dang gzhan du yang gsal lo/ /'dir brjod bya'i don la yang 'jug ste/a tha shrI badzra d+ha ra zhes pas rgyu dang lam dang 'bras bur sbyar te thog ma bar dang mthar dge ba'o/ /rgyu las kyi sar skyes pa rnams la/ de la a tha ni shes rab kyi rang bzhin ma'i lus so/ /thas thabs kyi rang bzhin pha'i lus so/ /shrI ni yi ge gsum du 'gro ste/sha shu kra'i sgras pha'i khu ba'o/ /ra rak+ta'i sgras ma'i khrag yin no/ /gu gu i yin pas/ i pa zhes pa waM yin no/ /ba na bA yu yin pas rlung ste kun gzhi rnam shes dang bcas pa'o/ /de bzhin tshogs pa'i sgra'i skad du dpal du 'gro ste mi'i lus su grub pas so/ / badzra ni rdo rje yin te mi'i lus la gnas nas nam mtsho'i bar du dbyer mi phyed pas rdo rje'o/ /d+ha ra ni 'dzin pa'am yang na 'chang bar 'gro bas khams drug dang ldan pa'i mi'i lus skye ba 'di rnams sangs rgyas pa'i rgyu'i lus sems su 'grub pa'o/ /bar du dge ba'i lam yin pas/a ni gtum mo'i lte ba las ye shes kyi me 'bar ba'o/ /tha ni spyi bo byang chub kyi sems 'dzag pa'o/ /shrI ni dpal te bde ba rim gyis skyes pa'o/ /badzra ni dbyer mi phyed pas bde ba dang stong pa'o/ /d+ha ra ni 'dzin pa yin pas sangs rgyas pa'i bar du'o/ /tha mar dge ba ni sangs rgyas kyi sa bcu gnyis pa ste/a ni rnam par thar pa bzhi stong pa chos kyi dbyings rnam par dag pa'o/ /tha ni snying rje mthar phyin pa'i ye shes rnam pa lnga dang ldan pa'o/ /shrI ni dpal te bdag dang gzhan gyi don du sku bzhi thob pa'o/ /badzra ni sku bzhi tha dad pa ma yin pa'o//d+ha ra ni mchog tu mi 'gyur pa'i ye shes chen po 'chang bas na rdo rje 'chang zhes bya'o/ /tshig gi rjes su 'brang na de nas zhes sngar bshad nas/ dpal ldan rdo rje 'chang zhes pa la 'di ni sdud pa po phyag na rdo rje'o/ /sems can thams cad kyi skad gzhan gyis de bzhin gshegs pas gsungs pa'i chos rnams kyi sdud pa po nyid kyi phyir/de bzhin gshegs pa thams cad kyi snyan du gyur pas na gsang ba'i bdag po'o/ /gsang ba ni nyan thos dang rang sangs rgyas kyi theg pa las/ bla na med pa'i rdo rje'i theg pa nyid sdud pa'i phyir gsang ba'i bdag po'o//de bzhin du phyi ru 'jig rten pa'i kun rdzob tu gsang ba'i sgras ni gnod sbyin te/ de'i bdag po ni gsang ba'i bdag po'o/ /lcang lo can gyi gnas ni phyi'i lcang lo can gyi sgra ni srog nyams pa'i ro'i tshogs te/ de 'di la yod pa ni dur khrod kyi lcang lo can no//gnod sbyin chen po des sems can rnams 'tshe ba'i bgegs du ma byed do/ /de dag gi gnod pa byed pas lcang lo can gyi gnas te/ nags su ri [(]dgas [,]dwags [)]kyi bdag po bzhin du lcang lo can gyi gnas su gnod sbyin chen po bdag po zhes bya'o/ /nang gi lcang lo can zhes bya ba la drug brgyas lhag pa stong phrag nyi shu rtsa gcig gi dbugs dbyung ba dang rngub pa rnams las brgya phrag sum cu rtsa drug gis ma gang ba 'gog pa 'di la yod pa ni chos kyi sprin gyi sa ste/de'i gnas lcang lo can gyi gnas te bdud dang nyon mongs pa dang shes bya dang / snyoms par 'jug pa'i sgrib pa de gang zad par gnod par byed pa ste//gnod sbyin gyi bdag po'o/ /de bzhin gshegs pas chos ston pas seng ge'i sgras sems can rnams la chos ston pa la/ phyag na rdo rjes gsol ba btab ces bya'o/ /gdul dka' 'dul ba rnams kyi mchog/ / ces pa la gdul dka' ba ni phyi ru gnod sbyin yin te/ nang du ni bdud dang nyon mongs pa la sogs pa'o/ /'dul ba rnams kyi mchog ni byes bcu'i dbang phyug go/ /dpa' bo 'jig rten gsum las rgyal/ /zhes pa dpa' bo ni sku gsung thugs gzhan gyis brdzi pa dang bag tsha ba mi mnga' ba'o//des na 'jig rten gsum las rnam par rgyal ba'o/ /rdo rje dbang phyug gsang ba'i rgyal/ /zhes pa rdo rje ni rdo rje'i theg pa mchog tu mi 'gyur pa'i ye shes so/ /de la dbang sgyur pa'i mngon du gyur pas na dbang phyug pa'o/ /gsang ba ni zab pa ste/ nyan thos la sogs pa rtogs par dka' ba'o//de la longs spyod pas rgyal ba'o/ /pad+ma dkar po rgyas 'dra'i spyan/ /pad+ma rgyas 'dra'i zhal mnga' ba/ /zhes pas phyi ru spyan dang zhal gyi mdangs legs par kun gyis bkur ba dang mchod pa'i gnas su gyur pa'o/ /nang du ni pad+ma'i sgras stong pa nyid kyi don la rtag tu gnas pa ste/'dir rtsa ba'i rgyud las gsungs pa/ e dang pad+ma nam mkha'i dbyings/ /b+ha ga chos 'byung chu skyes kyi/ /seng ge'i gdan bzhugs rdo rje 'chang / /rgyud gzhan du ni nga yis bshad/ /ces pa'o/ /rang gi lag gis rdo rje mchog/ yang dang yang du gsor byed pa/ zhes pa phyi ru sems can rnams kyi don du sku'i phrin las kyi gdug pa can 'dul ba'o/ /nang du ni rang gi lag gis ni rang gi dpal lo/ /de gang zhe na rdo rje mchog ste/ /stong pa dang snying rje dbyer mi phyed pa'i bde ba chen po'o/ /yang dang yang du gsor byed pa//thugs rdo rje lta bus sems can gyi don 'byung ba'o/ /de ltar sdud pa po bshad nas de dang lhan cig pa'i grogs bshad par bya ste/ lhan cig tu zhes bya bar sbyar ro/ /tshul ji ltar na lus btud rnams dang ngo / /de yang gang zhe na/ khro gnyer rim par ldan la sogs//lag na rdo rje mtha' yas pa/ /zhes so/ /khro gnyer ni smin ma bsdus pa dang mche ba gtsigs pa la sogs pa'i khro bo cha byad dang ldan pa'o/ /sogs ni gtso bo grangs lnga brgya'o/ /mtha' yas pa ni lnga po de re re la yang mtha' yas pa dang ldan pa'o/ /dpa' bo gdul dka' 'dul pa po//zhes pa sngar bshad do/ /'jigs su rung dang dpa' byad can/ /zhes pa 'jigs su rung ba ni sku dang gsung dang thugs kyi nyams dgu dang ldan pa'o/ /dpa' byad ces pa mdor bstan/ /rgyas par/ khro bo'i lus kyi gzugs ldan pa/ /zhes sbyar ro/ / shin du gdug par gyur rnams la/ /zhi bas phan par mi 'gyur te/ /shes rab thabs kyi rnal 'byor pas/ /khro bo de bzhin gshegs kun mdzad/ /ces pas gdug pa can tshar gcod pa'i phyir sku che ba byin pa smin pa gsus pa che ba mche ba gtsigs pa zhal rngam pa/ dbu skra gyen du brdzes pa'o/ /de ltar mdzad pa'i dgos pa sangs rgyas phrin las zhes pa sangs rgyas kyi phrin las kyis sems can 'khor ba las sgrol ba'o/ /de rnams kyi phyag mtshan ni/ /rdo rje rtse mo rab 'phro ba/ /rang gi lag gis gsor byed pa/ /zhes pa'o/ /rdo rje ni rtags kyi'o/ / rab 'phro ba ni sems can gyi don du'o/ /nyon mongs pa dang bcas pa yin nam zhe na/ snying rje che dang shes rab dang / /thabs kyis 'gro don byed pa'i mchog /ces pas snying rje gsum dang shes rab gsum gyis sems can gyi don byed pa'i thabs la mkhas pas don byed pa'o/ /dga' mgu rangs pa'i bsam pa can//zhes pa nas/ dga' ba ni sems can gyi don byed pa'o/ /mgu ba dang rangs pa ni gzhan ma gus pa med par ro/ /de ltar zhu ba'i grogs bshad nas su la zhu ba'i tshul ji ltar bshad na/ su lan/ de bzhin gshegs pa bcom ldan 'das/ / rdzogs pa'i sangs rgyas la zhes pa/ /mdzes pa dang gang ba dang phyin ci ma log par gshegs pa ste/ bag chags dang bcas pa'i dri ma spangs pas mdzes par gshegs pa'o/ /dper na rims na dbyang ba lta bu'o/ /gang ba ni legs pa'i yon tan thams cad kyis brgyan pa'o/ / phyin ci ma log par gshegs pa ni de kho na nyid kyi don la gnas pa'o/ /bcom ldan 'das ni b+ha ga bAn te bcom pa dang ldan pa'o/ /bdud bzhi bcom pa dang / dbang phyug la sogs pa'i yon tan drug dang ldan pa'o/ /spangs pa ni spang bya ma lus pa spangs pas/ rdzogs pa dang rgyas pas ni thob bya ma lus pa thob pa'o//phyag 'tshal ba ni/ thal mo sbyar bar byas nas ni/ /spyan sngar 'dug ste 'di skad gsol/ /zhes pa ni zhu ba la gus par byed pa'i tshul te go sla'o/ /de ltar zhu tshul bstan nas/ dgos pa gang gi ched du bshad par bya ste khyab bdag bdag la sman pa dang /bdag don bdag la thugs brtse'i phyir/ /zhes pa/ khyab bdag ni bcom ldan 'das te/ thugs rjes sems can thams cad mnyam par khyab pa'o/ /des na thugs brtse ba'i phyir zhes pa'o/ /bdag la sman pa ni rang gi don du zhus pa dang / bdag don bdag la ni gzhan gyi don du zhus pa'o/ /sgyu 'phrul dra bas mngon rdzogs pa'i/ /byang chub ci nas bdag thob mdzod/ /ces pa sgyu 'phrul dra ba ni sku dang gsung dang thugs dang ye shes la bzhi bzhi bcu drug gis mngon par rdzogs par sangs rgyas pa zhus pa ste/ 'og nas de nyid rnam pa bcu drug rig /ces pas lan 'debs pas 'dir ma spros so/ /des byang chub thob par zhus pa ni dgos pa'o/ /nyon mongs pas ni sems dkrugs shing / /zhes pa nyon mongs pa ni drug lnga'am gsum mo/ /sems dkrugs pa ni de'i bag chags kyi dbang gis so//mi shes pa zhes pa rang dang po'i sangs rgyas sku bzhi'i ngo bor gnas pa ma shes pa'o/ /'dam du bying pa de ma shes pa'o/ /sems can rnams ni 'khor ba na gnas pa rnams so/ /ji ltar 'khor ba na chos dang longs spyod dang / sprul pa dang / ye shes sku la bag chags dri ma glo bur bas bsgribs nas gnyid dang rmi lam dang sad pa dang /bzhi pa'i gnas skabs kyi dus sad par byed de/ de rnams la smin par bya ba'i phyir na/ bla med 'bras bu thob pa ni gzhan la phan pa'i dgos pa'o/ /nyon mongs ma lus bsal ba dang / /mi shes ma lus spangs pa'i phyir//zhes pa sbyor ro/ /nyon mongs ma lus ni drug /rtsa ba'i nyon mongs pa la sogs pa'o/ /mi shes ma lus ni ji lta ba dang ji snyed pa mi shes pa'o/ /bsal ba dang mang ba ni lam mo/ /de'i phyir/ bsam pa'i khyad par ji bzhin du/ /sems can rnams la bshad par 'tshal//zhes pa bsam pa'i rim pa thun mong theg pa gsum dang khyad par du yang gsang sngags kyi yang rim pa'i lam rnams zhus so/ /de ltar dgos pa bstan nas yul gang la zhu ba bshad par bya ste/ /rdzogs pa'i sangs rgyas bcom ldan 'das/ /zhes pa'i 'bras bu gong du bshad do//'gro ba'i bla ma ston pa po/ /zhes pa 'gro ba sems can rigs drug tu 'khod pa'o/ /bla ma ni sangs rgyas chos ston pa'o/ /dam tshig chen po de nyid mkhyen/ /zhes pa dang po sems bskyed nas rang don chos sku thob pa dang / gzhan don gzugs skus don 'byung bas dam tshig go//dam tshig ni de nyid mkhyen pa na'o/ /yang na gdul bya'i bsam pa mkhyen pas na'o/ /dbang po bsam pa mkhyen mchog gis bshad du gsol zhes sbrel to/ /de yang dbang po bsam pa ni/ rab dang 'bring dang tha ma dang 'tsham par chos ston pa'o//de ltar zhu ba'i yul bstan nas chos gang zhus pa bshad de/ bcom ldan 'das kyi ye shes sku/ /gtsug tor chen po tshig gi bdag /ye shes sku ste rang byung ba/ /'jam dpal ye shes sems dpa' yi/ /zhes pa bcom ldan 'das ni dus gsum gyi sangs rgyas so//de'i sku ni ye shes kyi sku'o/ /de ston par byed pas na sangs rgyas dbu'i gtsug tor dang 'dra bas bcom ldan 'das so/ /de nyid tshig thams cad kyi bdag pos bshad du gsol zhes sbyar ro/ /gang zhe na ye shes kyi sku'o/ /de rdul phra rab las grub pa ni ma yin te rang rig pa'i snang bas so//rang rig don du 'dod dam zhe na ma yin te/ rnam par shes pa'i chos nyid las 'das pa/ shes rab kyi pha rol tu phyin pa/ lhan cig skyes pa rang bzhin gyis 'od gsal ba/ mchog tu mi 'gyur pa'i ye shes dang po'i sangs rgyas/ phyag rgya chen po'i zhes rnam grangs so/ /rang byung ba zhes pa rgyu med de thabs las ma byung /tha dad pa las ma byung / des na thabs dang shes rab gnyis su med pa'i rang byung gi sku ste/ de'i phyir rtsa ba'i rgyud las gsungs pa/ rnal 'byor thabs kyi tshul gyis min/ /shes rab gcig pu yang ma yin/ /thabs dang shes rab snyoms 'jug pa'i//rnal 'byor de bzhin gshegs pas gsungs/ /zhes pas so/ /'jam dpal ye shes sems dpa' yi/ /zhes pa de'i rang bzhin ni de yin pa'i phyir ro/ /ming ni yang dag brjod pa'i mchog /don zab don ni rgya che zhing / /don chen mtshungs med rab zhi ba//zhes pa ming gi ye shes kyi sku de'i'o/ /yang dag brjod pa'i mchog ni sku'i snang lugs te/ phyi dang nang gzhan du snang bar brjod do/ /don zab ces pa mi 'gyur pa'i ye shes so/ /don rgya che ba ni theg pa gsum mo/ /don chen mtshungs med ces pa gsang sngags kyi lam dang 'bras bu'o//rab zhi ba zhes pa theg pa de rnams dang gsang sngags kyi 'bras bu zag pa med pa'i ye shes su zhi ba'o/ /thog ma bar dang mthar dge ba/ /zhes pa rgyu dang lam dang 'bras bur go bar bya'o/ /'das pa'i sangs rgyas rnams kyis gsungs//ma 'ongs rnams kyang gsungs 'gyur la/ /da ltar byung ba'i rdzogs sangs rgyas/ /yang dang yang du gsungs pa gang / /zhes pa dang po'i sangs rgyas de thog ma med pa'i dus su thog ma med pa'i sangs rgyas kyis gsungs so/ /ma 'ongs pa rnams kyang gsung bar 'gyur pa dang /da ltar yang de bzhin gshegs pas so/ /rgyud chen sgyu 'phrul dra ba las/ /rdo rje 'chang chen gsang sngags 'chang / /dpag med rnams kyi bka' bzhin du/ /glur blangs gang lags bshad du gsol/ /zhes pa dam pa dang por sgyu 'phrul dra ba gsum rgyas par bstan te/sus bshad na rdo rje 'chang gis so/ /gang bshad na gsang sngags de brtag dka' bas so/ /rdo rje 'chang gcig pur ma nges te dpag tu med pa rnams kyi bka' bzhin du'o/ /glur blangs ni tshig gang du blangs pa ni min te glu'o/ /de ma go ba shes par 'dod pas rgyud phyi ma 'di bshad du gsol zhes zhus pa'o//de ltar chos gang zhus pa bstan nas/ gsung bar khas blangs pa bshad par bya ste/ mgon po rdzogs sangs rgyas kun gyi/ /gsang 'dzin ci nas bdag 'gyur phyir/ /nges par 'byung gi bar du ni//bdag gi bsam pa brtan pos gzung / /zhes pa mgon po ni sems can gyi'o/ /de sangs rgyas yin pas so/ des gsungs pa sdud pa po bdag nyid phyag na rdo rje'o/ /sems can thams cad 'khor ba las nges par ma byung gi bar du bdag gi bsam pa ni sems bskyed pa las ma nyams par bya ba'i phyir ro//gsang dbang lag na rdo rje yis/ /de bzhin gshegs la de skad du/ /gsol nas thal mo sbyar byas te/ /lus btud nas ni spyan sngar 'dug /ces pa mjug bsdus pa ste go sla'o/ /de ltar le'u dang po'i bshad pa'o// //da ni gnyis pa lan bshad par bya ste/ston pa dang sku'i cho 'phrul dang / gsung gi cho 'phrul dang / sdud pa po legs par brjod pa dang / chos ston pa la gdams pa dang / sdud pa pos gus par bya ba gsal bar bya'o/ /de nas bcom ldan shAkya thub/ /rdzogs pa'i sangs rgyas rkang gnyis mchog / ces pa ston pa ste de nas ni zhu ba song bas so/ /bcom ldan 'das ni sngar bshad/ shAkya ni rigs phun sum tshogs pa'o/ /thub pa ni sku gsung thugs thub pas mnyam pa la gnas pa ni thugs kyi cho 'phrul lo/ /rdzogs pa'i sangs rgyas de lha dang mi rnams kyi mchog tu gyur pas na rkang gnyis mchog go//des 'khor gus par bya ba'i phyir sku'i cho 'phrul mdzad pa/ nyid kyi zhal nas ljags bzang ba/ /ring zhing yangs par brkyang mdzad de/ /zhes pa zab mo'i chos gsung pa'i rtags su ljags bzang ba dang / ring ba dang mtha' yas pa'i tshogs la gsungs pa'o/ /'jig rten gsum po snang po byed cing //zhes pa zhal gyi sgo nas 'od zer 'phros pas so/ /bdud bzhi'i dgra rnams 'dul byed pa/ /zhes pa nyon mongs pa dang 'chi bdag dang phung po dang lha'i bu'i bdud do/ /sems can rnams kyi ngan song gsum/ /sbyong bar byed pa'i 'dzum bstan nas/ /zhes pa lha dang mi rnams kyi ngan song gi rgyu dang ngan song gsum gyi 'bras bu la gnas pa sbyong ba'i zhal 'dzum par snang ba'o//tshangs pa'i gsung ni snyan pa yis/ /'jig rten gsum po kun bkang nas/ /zhes pa 'jig rten pa lha tshangs pa gdong bzhi nas rig byed brjod pa ni ma yin te/ de bzhin gshegs pa ni sems can rnams 'khor ba las thar ba'i chos kyi sgra sgrogs pa ni tshangs pa'i gsung ngo //snyan pa ni rang rang gi skad du go ba'o/ /'jig rten gsum po kun bkang nas/ /zhes pa 'dod pa dang gzugs dang gzugs med pa'o/ /kun ni stong gsum gyi stong chen po na gnas pa'o//bkang nas zhes pa gsung gcig gsungs pas dus gcig la rang rang gi skad du go ba ni gsung gi cho 'phrul lo/ /de nas sdud pa po la legs par brjod pa ni/ lag na rdo rje stobs po che/ /gsang dbang la ni slar gsungs pa/ /zhes pa la sogs pa ste/lag na rdo rje ni dbyibs dang chos su go bar bya'o/ /stobs po che ni bdud dang nyon mongs pa bcom pa'o/ /gsang dbang ni sngags kyi sdud pa po'o/ /slar gsungs pa ni len no/ /snying rje che dang ldan gyur pas/ /zhes pa sdud pa po'i yon tan no/ /'gro la phan pa'i don du khyod//ces pa dgos pa'o/ /nga las nyan par brtson pa ni/ /legs so dpal ldan rdo rje 'chang / /lag na rdo rje khyod legs so/ /zhes sbyar te/ /nga las nyan par brtson pa ni/ /zhes bya ba phyag na rdo rje la le lo med kyang gzhan don du brtson par mngon pa'o/ /legs so gcig ni nyan pa la brjod la gcig brtson 'grus dang ldan pa'o//gsang ba'i bdag po de phyir ngas/ /zhes pa nyan par 'dod pa dang brtson 'grus dang ldan pas na de'i phyir ro/ /khyod la legs par bstan par bya/ /zhes pa ni snod kyi rim pas don rim par bstan par bya zhes zhal gyis bzhes pa'o/ /khyod ni rtse gcig yid kyis nyon//zhes pas phyag na rdo rje la thugs yeng ba med kyang ma 'ongs pa rnams la gdams pa'o/ /de ltar chos sdud pa la gdams nas brjod bya'i chos bstan pa ni/ /ye shes lus can 'jam dpal gyi/ /ming brjod pa ni don che ba/ /dag par byed cing sdig sel ba/ / zhes pa gang du ye shes kyi sku zhus pa'o/ /de lta ba'i lus ni 'jam dpal gyi sku'o/ /ming la brten nas don khong du chud pas na don che ba'o/ /don des dag par byed pas na spang pa phun sum tshogs pa'o/ /sdig pa sel bas na ye shes phun sum tshogs pa'o/ /sdud pa pos gus par bya ba ni/ / bcom ldan de ni legs zhes gsol/ /zhes pa gus pas sems la 'dzin pa'o/ /de ltar le'u gnyis pa'i bshad pa'o// //da ni rigs kyi dbye ba brjod par bya ste/ rigs la gang gis gzigs pa dang / rigs gcig pa dang gnyis pa dang gsum dang lnga dang drug dang sum cu dang /drug cu dang / sum brgya drug cu dang / stong brgyad cur phye bas gsal bar bya'o/ /rigs de rnams la gang la gang gis gzigs na/ de nas bcom ldan shAkya thub/ /ces pa nas cher gzigs pa zhes par 'brel te thams cad mkhyen pas so/ /gsang sngags rigs chen thams cad dang //zhes pas gsang sngags ni man+t+ra yin pas/ man ni yid yin/ tra ni skyob pas yid skyob pa'i rigs te/ thugs kyi bdag po'i rigs gcig go/ /gsang sngags rig sngags 'chang ba'i rigs/ /zhes pa gsang sngags 'chang ba thabs kyi rigs dang / /rig sngags 'chang ba shes rab kyi rigs te//thabs dang shes rab kyi rigs gnyis so/ /rigs gsum la ni rnam par gzigs/ /zhes pa sku gsung thugs kyi rigs gsum mo/ /phyag rgya chen po'i rigs mchog dang / /zhes pa mi bskyod pa la sogs pa rgyas 'debs pa'i rigs lnga'o/ / rigs mchog dang zhes pa rigs kyi bdag po dpal rdo rje 'chang dang rigs drug go/ /'jig rten 'jig rten 'das pa'i rigs/ /zhes pas rigs drug re re la yang lnga lngar phye bas rigs sum cu ste 'jig rten pa'i rigs so/ /'jig rten las 'das pa'i rigs ni rigs sum cu las thabs dang shes rab kyi phye bas rigs drug cu'o//'jig rten snang byed rigs chen dang / /zhes pa rigs drug cu la pha las thob pa'i rigs gsum dang / ma las thob pa'i rigs gsum dang / drug gis phye bas rigs sum brgya drug cu'o/ /rigs chen dang zhes pa ni rigs sum brgya drug cu la sku dang gsung dang thugs kyi rigs gsum dang phye bas rigs stong brgyad cur 'gyur ro//de ltar rigs kyi dbye ba mang na yang / rigs chen gtsug tor cher gzigs nas/ /zhes pa 'dir rigs drug gtsor gzung ngo / /de ltar le'u gsum pa'i bshad pa'o// // da ni sgyu 'phrul dra bas mngon par byang chub pa brjod par bya ste/ tshig gi bdag pos tshigs su bcad/ /gsang sngags rgyal po drug ldan zhing / /zhes pa la sogs pa gang gis gsung pa gang gsung pa de'i ngo bo dang dbyangs yig dang mtshams sbyar ba'i dod dang sngags kyi rgyal po drug rnams kyis gsal bar bya'o//de la tshig gi bdag po ni de bzhin gshegs pa'o/ /tshigs su bcad ces pa tsheg par bdun par 'chad pa dang / /rigs mang yang drug tu nges par tshigs su bcad pa'o/ /de ni gang gis bsdus pa'o/ /gang gsung na/ gsang sngags rgyal po drug ldan zhing //zhes pa gsang sngags ni brjod bya'i don te/ /phyi ru ni 'jig rten khams so/ /nang du ni mi'i lus so/ /gzhan ni lam dang 'bras bu'i tshul du'o/ /rgyal po drug ldan zhing zhes pa phyir 'byung ba lnga ye shes kyi khams dang drug las snod kyi 'jig rten gyi khams dang bcud rigs drug gi sems can no//nang du ni mi'i lus kho na ste phung po drug dang khams drug dang / /dbang po drug dang / yul drug dang / las kyi dbang po drug dang / las kyi dbang po'i yul drug dang ldan pas so/ /gzhan lam dang 'bras bu la ni spang bya nyon mongs pa lnga/ cha mnyam pa gcig dang drug /de'i gnyen po dkyil 'khor drug dbyibs lha drug dang gsang sngags rlung dang / chos steng dang / 'og gi rtsa drug dang / 'khor lo drug dang / khams drug dang / de bzhin sbyor ba'i yan lag drug go/ /'bras bu ni longs spyod rdzogs pa'i sku rgyal ba rigs drug tu nges par byas pa'o/de ni de rnams kyi ngo bor brjod par bya ste/ gnyis su med par 'byung ba dang / /mi skye chos can 'di gsungs pa/ /zhes pa rgyu dang rkyen med pa dang / /skye ba dang skye ba med pa gnyis ka med par rang byung ba ste/ sems can rnams la bag chags kyi stobs kyis so//lam la gnas pa ni de'i lam mo/ /'bras bu la gnas pa rnams 'bras bu'i tshul du'o/ /de'i phyir bcom ldan 'das kyis gsungs pa/ sgyu ma chen po grags chen mo/ /'byung ba me rnams sdud byed ma/ /rang nyid byed cing rang nyid 'phrog /rang nyid rgyal po rang nyid gtso//zhes bya ba ste don dam par brdzun pa nyid de/ /byed pa po med pas na 'byung ba dang zhes bya'o/ /mi skye chos can 'di gsungs pa/ /zhes pa 'og tu 'byung ba'i a rnams so/ /dbyangs yig rnams bstan pa ni/ a A/ i I/ u U/ e ai/ o au/ aM aHzhes pa gong du/don zab don ni rgya che zhing / /zhes pa zhus lan gyi tshigs su bcad pa ste/ a ni brda'i rang bzhin te gnyis so/ /de bzhin nyid kyi brda dang ngag gis brjod pa'i brda'o/ /a des spros pa dang grags pa dang bral ba'i chos nyid ma bcos pa mi 'gyur pa'i ya shes su go bas zab pa'i lam bstan pa'o//de yang 'og na/ thog ma med pa spros med bdag /de bzhin nyid bdag dag pa'i bdag /ces 'byung ngo / /ngag tu brjod pa'i brda ni mchu dang rkan la sogs pa'i sgra la brten nas don mtshon pa ste rgya che ba'i lan no/ /de yang yi ge 'di rnams kyis theg pa thun mong pa gsung dang khyad par pa'i theg pa'i gsang sngags rnams su gnas te/'og nas/ theg pa gsum gyi nges 'byung la/ /theg pa gcig gis 'bras bur gnas/ /zhes pa'o/ /theg pa gsum gyi don mi shes pa ni byang chub mi thob pas nyan thos kyi theg pa mi dge ba las ldog pa dang / /'dod pa'i yon tan lnga la chags pa'i dbang gis longs spyod pa las ldog pa'o//de med na byang chub med pas na dang po la nyan thos ni phyi rol na rdul phra mo rdzas su grub par 'dod la/ nang du gang zag gi bdag med pa'i chos bdag rtag pa dang / mi rtag par khas len par khur khur ba yod par 'dod pas na/ rdul phra rab 'dus pa las snod dang bcud kyi 'jig rten 'byung ba bshad par bya ste/a A dang po nam mkha' stong par ro/ /i I ni rlung gi rdul phra mo 'dus pa las rlung gi dkyil 'khor rgya chen po'o/ /e ai ni me'i rdul phra mo 'dus pa las me'i khor yug go/ /de'i steng du o au las sa'i rdul phra rab 'dus pa las sa'i khor yug go//de'i dbus su aM aHni ye shes kyi khams ri rab dang ri gzhan rnams so/ /de nas s+thi to ni gnas de na/ hr-i di ni snying po ste bcud sems can no/ dz+nyA na mU rti ni gdod nas ye shes can no/ /de su'i yin na ra haM ni nga'i yin pa'o/ /bud+d+ho bud+d+hA nAM ni sangs rgyas kyi snying po can/t+r+ya d+h+wa brti nAM ni dus gsum du bde bar gshegs pa'i snying po dang ma bral bar gnas so/ /badzra tI k+Sh+Na la sogs pa'i sngags drug ni rigs drug gi sems can no/ /yang dbyangs yig bcu gnyis ni dum bu bcu gnyis so/ /gnam la yang khyim bcu gnyis te//nyi zla dang gza' skar gyis brgyan pa'o/ /der yang zab pa'i don cir yang ma grub pa las rgya che ba cir yang snang du rung bar shar ba don dam par na rdo rje 'chang gi sku'o/ /de yang dus 'khor las gsungs pa/ dus las stong pa las ni rlung dang me dang chu dang sa dang gling dang rgya mtsho dang //rgyu skar zla ba nyi ma skar ma'i tshogs dang drang srong rnams dang 'byung po klu rnams dang / /byol song skye gnas rnam bzhi sna tshogs sa yi steng na mi rnams dang ni dmyal ba rnams/ /stong pa'i dbus nas yang dag 'byung ba chu las lan tshwa bzhin du sgo nga'i nang nas skyes pa rnams//sku dang ye shes nam mkha' nges par rlung me chu sa rnams te brtan pa rnams dang g.yo ba dang / /mthong ba med par skyes pa'i lha ste rnam pa bcu po sa yi steng du rdo rje'i skur gsungs pa/ sngags kyi skye gnas las ni skye bar 'gyur pa mi yi bdag po slar yang 'di dag 'jig par 'gyur//de ltar gang gis yang dag kun du rtogs pas grol zhing phyugs kyi sems su mi 'gyur ro/ /zhes pas gsal lo/ /de nas rang rgyal ba'i theg pa ni slob dpon mi 'dod pas sangs rgyas med pa'i zhing du smon lam btab nas/ der skyes pa dang dur khrod du phyin nas ro la brtags pas/skye ba las byung de srid pa las byung / de yang de bzhin du gong ma gong ma las byung bas/ ma rig pa las byung bar shes pas rten 'brel lugs 'byung dang lugs las bzlog pas sangs rgyas thob pas na dbyangs bcu gnyis ni rten 'brel bcu gnyis so/ /de la brten nas sangs rgyas pas bse ru lta bur gcig tu gnas pas na bud+d+ho bud+d+hA'o//sngags drug ni ne tso ltar khyu lding ba'o/ /yang byang chub sems dpa'i theg pa ni dang po sems bskyed nas pha rol tu phyin pa drug la longs spyod pas sa bcu gnyis rim gyis bgrod nas sangs rgyas pa'i don mtshon te dbyangs bcu gnyis sa bcu gnyis te a sbyor ba'i lam/A ring po tshogs kyi lam/ i mthong ba'i lam sa dang po'o/ /de nas rim gyis bgrod nas sa bcu 'das nas gnas 'og min du sangs rgyas pa'i bud+d+ho bud+d+hA'o/ /sngags drug ni pha rol tu phyin pa mthar phyin pa'i sku dang ye shes so/ gzhan zhes bya ba sngags kyi lam 'bras bu dang sbyor bas/ dang po sbyar bya glo bur gyi dri ma drug ni/ a A ni nam mkha'i khams zhe sdang ngo / i I ni rlung gi khams phrag dog go/ /u U ni chu'i khams 'dod chags so/ /e ai ni lus rlung yin dang bsam pa me'i khams nga rgyal lo/ / o au ni lus chu yin dang bsam pa sa'i khams gti mug go/ /aM aHni ye shes kyi khams nyon mongs pa cha mnyam pa'o/ /de nyid gnyen por dkyil 'khor drug ni/ a A ni me long lta bu ye shes mi bskyod pa'i lha'i dkyil 'khor ro/ i I ni bya ba grub pa'i ye shes don yod grub pa'i lha dang dkyil 'khor ro//u U ni so sor rtog pa'i ye shes snang ba mtha' yas kyi lha dang dkyil 'khor ro/ /e ai ni mnyam pa nyid kyi ye shes rin chen 'byung ldan gyi lha dang dkyil 'khor ro/ /o au ni chos kyi dbyings rnam par dag pa'i ye shes rnam par snang mdzad kyi lha dang dkyil 'khor ro//aM aHni ye shes lnga'i ngo bo nyid rdo rje dbyings kyi dkyil 'khor dang rdo rje 'chang gi sku'o/ /s+thi to hr-i di ni lha rnams kyi thugs ka'o/ /dz+nyA na mU rti ni ye shes pa'o/ /ra haM nga'o/ /bud+d+ho bud+d+hA nAM ni sangs rgyas so/ /t+r+ya d+h+wa brti nAM ni dus gsum sangs rgyas so/ /badzra tI k+Sh+Na ni snang ba mtha' yas thugs kar rdo rje rnon po/duH khats+tshe da ni mi bskyod pa'i thugs kar sdug bsngal kun gcod do/ /pradz+nyA dz+nyA na ni rnam snang gi thugs kar shes rab ye shes so/ /dz+nyA na kA ya ni don yod grub pa'i thugs kar ye shes kyi sku can no/ /pA gI shwa ri ni rin chen 'byung ldan gyi thugs kar ngag gi dbang phyug go//a ra pa tsa na zhes pa rdo rje sems dpa'i thugs kar ye shes bsdus pa bsgom mo/ /sngags 'di rnams brda yin pas don rnams mtshon/ /sa bon yin pas lha rnams bskyed/ srog bskul ba yin pas snying po zlos/ bsgom bya yin pas thugs kar gnas pa'o//de'i dbyibs kyi rnal 'byor ro/ /da ni sngags kyi rnal 'byor la/ lte ba'i 'khor lo la khyim bcu gnyis nas 'pho ba bcu gnyis su nyin mtshan bcu gnyis phrugs gcig la rgyu/ /grangs nyi khri chig stong drug brgya rgyu/ dbyu gu drug cu tham pa'o//de la a ni rtsa g.yas nas nam mkha'i rlung stong brgyad brgya rgyu/ A ni rtsa g.yon nas nam mkha'i rlung stong brgyad brgya rgyu/ i I ni rtsa g.yas dang g.yon nas rlung gi rlung stong brgyad brgya brgyad brgya rgyu/ /u U ni rtsa g.yas dang g.yon nas chu'i rlung stong brgyad brgya brgyad brgya rgyu'o//e ai ni rtsa g.yas dang g.yon nas me'i rlung stong brgyad brgya brgyad brgya rgyu'o/ /o au ni rtsa g.yas dang g.yon nas sa'i rlung stong brgyad brgya brgyad brgya rgyu'o/ /oM aHni rtsa g.yas dang g.yon nas gong gi grangs rnams kyi kha nas 'pho ba'i bar du lnga bcu rtsa drug dang rkang pa re re ye shes kyi rlung rgyu bas/spyir bsdams pas drug brgya dang bdun cu rtsa lnga ni nyin zhag gcig pa'o/ /s+thi to ni gnas yin pas rtsa dbus mar ro/ /hr-i di ni snying po yin pas dbu ma'i gzugs so/ /dz+nyA na mU rti ni des ye shes skye bas bud+d+ho bud+d+hA nAM sangs rgyas so/ /t+r+ya d+h+wa brti nAM ni rtsa dbus mar sdom pa'o/ /de 'khor lo drug na gnas pas sngags te ye shes sems dpa' drug go/ /da ni chos kyi rnal 'byor la 'khor lo drug ni/ a A ni spyi bor nam mkha'i 'khor lo/ u U ni dpral ba chu'i 'khor lo/ e ai ni mgrin pa me'i 'khor lo/ i I ni snying ga rlung gi 'khor lo/ /o au ni lte ba sa'i 'khor lo/ /aM aHni gsang gnas ye shes kyi 'khor lo'o/ /de la steng 'og gi rtsa drug ni aM aHsteng gi rtsa dbus ma'o/ /e ai g.yas kyi rtsa ro ma'o/ /i I ni g.yon gyi rtsa brkyang ma'o/ /'og gi gsum la o au ni g.yas bshad pa 'bab pa'o//u U ni g.yon dri chu 'bab pa'o/ /aM aH ni dbus dung can ma byang chub kyi sems 'bab pa'o/ /khams drug ni sa dang me dang rlung dang nam mkha' dang / ye shes kyi lam rtsa stong phrag bdun cu rtsa gnyis nas 'bab pa/ 'khor lo drug tu 'dzin pa ni sangs rgyas yin te ye shes sems dpa' drug go//de bzhin nyid sbyor ba'i yan lag drug tu sbyar nas/ aM aHni so sor bsdus pa'o/ /a A ni bsam gtan no/ /i I ni srog rtsol lo/ /e ai ni 'dzin pa'o/ /u U ni rjes su dran pa'o/ /o au ni ting nge 'dzin to//de las 'bras bu 'byung ba ni nam mkha' chos kyi 'byung gnas su thugs rdo rje rab tu bzhag nas/ bsnyen pas dus kyi thog mar so sor bsdus pa la sogs pa bsgom par bya'o zhes bshad pas/ des sa bcu gnyis pa rim gyis bgrod pa'i brdar dbyangs yig bcu gnyis sngar bshad do//'di la mtshan ma yang rnam pa gsum ste/ dang po'i mtshan ma dang / bar ma'i mtshan ma dang / tha ma'i mtshan ma'o/ /dang po'i mtshan ma ni du ba la sogs pa'i mtshan ma ste/ /yan lag drug gi sbyor ba las gzugs yongs su rdzogs par mi 'gyur pa'i skad cig ma thob pa'o//bar ma'i mtshan ma ni lugs las byung bas mchog tu mi 'gyur pa'i skad cig la rlung brgya phrag bco brgyad 'gags pas sa dang po thob bo/ /mngon par shes pa lngas ma mthong ba'i don yang dag par mthong ba 'jig rten pa'i dngos grub thob pa zhes bya'o//tha ma'i mtshan ma ni 'khor lo re re la sa gnyis gnyis rim gyis thob/ rlung brgya phrag sum cu so drug 'gags nas sangs rgyas rdo rje 'chang nyid mchog tu mi 'gyur pa'i skad cig gis sa bcu gnyis thob pa ni phyag rgya chen po'i dngos grub ces bya'o/ /de ltar le'u bzhi pa'i bshad pa'o// //da ni rdo rje dbyings kyi dkyil 'khor chen po brjod par bya ste/ 'di ltar sangs rgyas bcom ldan 'das/ /rdzogs pa'i sangs rgyas a las byung / /a ni yig 'bru kun gyi mchog /don chen yi ge dam pa yin/ /zhes pa gang du dbyangs yig la dbyibs kyi rnal 'byor dang /sngags kyi rnal 'byor dang / chos kyi rnal 'byor dang / de bzhin nyid kyi rnal 'byor mdor bstan pa las 'dir ji ltar 'byung ba snyam pa'i rnam par rtog pa dang ldan pa'i 'khor rnams la 'di lta ste zhes pa'o/ /sangs rgyas zhes pa spangs pa dang thob pa gnyis yod pa'o/ / 'o na sangs rgyas kyi mchog pa la bcom ldan 'das cis she na/ sangs rgyas ni nyan thos dang rang sangs rgyas la yang yod pas/ de las khyad par du bcom ldan 'das ni rnam pa thams cad mkhyen pa'o/ /yang bcom ldan 'das rnam pa thams cad mkhyen pa yin na rdzogs pa'i sangs rgyas zhes pa zlos so snyam pa rigs lnga'i de bzhin gshegs pa las khyad par dpal rdo rje sems dpa' rdo rje 'chang kho na'o//de gang na a las byung zhes pas e'i rnam pa chos 'byung ngo / /a ni yig 'bru kun gyi mchog /ces pa baM yig go/ / don chen yi ge dam pa yin/ zhes pa a k+Sha ra ste mi 'gyur pa'o/ /de ltar yang stong phrag drug cu pa sgyu 'phrul dra ba'i tan+t+ra las gsungs pa/ sngags kyi skye gnas yi ge med/ /gsang sngags chen po rigs gsum pa/ /stong pa chen po yi ge lnga/ /thig le stong pa yi ge drug / ces pa la 'di brda rnam pa gnyis te gcig ni ngag gi brda dang / gnyis pa ni de bzhin nyid kyi brda'o/ /sngags kyi brda ni ngag gi brjod pa ste 'jig rten pa'o/ /de bzhin nyid kyi brda ni don dam pa ste brjod pa dang bral ba'o/ /bcom ldan 'das kyis sngags kyi theg pa las gsungs so//de ltar na mya ngan las 'das pa ye shes kyi khams gzhal du med cing brjod du med pa ste/ dbyangs dang gsal byed kyi mtshan nyid brjod du med pa zhes bya'o/ /nam mkha'i khams la sogs sngags kyi brdas ni ngag gi brjod pa'i mtshan nyid mgrin pa la sogs pa nas brjod pa'i chos rnams bcom ldan 'das kyis gsungs pa'o//de la stong pa chen po yi ge lnga ni rnam par shes pa'i khams a gri gug lta bu dbus su'o/ /steng du 'du byed rlung gi khams a dbyug pa lta bu'o/ /g.yas su tshor ba me'i khams a tsheg drag lta bu'o/ /g.yon du 'du shes chu'i khams las thig le lta bu'o//'og tu gzugs sa'i khams a thong gshol lta bu'o/ /de ltar lnga ni baM yig rdo rje sems dpa'i rang bzhin mtshon par byed pa'i brda'o/ /sngar gyi mtshan ma lnga'i steng du rnam par shes pa la sogs pa mtshon par byed pa'i gsal byed ka'i sde tshan nam mkha'i khams so//shar du 'du byed la sogs pa mtshon par byed pa tsa'i sde tshan rlung gi khams so/ /lho ru tshor ba la sogs pa mtshon par byed pa Ta'i sde tshan me'i khams so/ byang du 'du shes mtshon par byed pa'i sde tshan chu'i khams so/ /de'i nub tu gzugs la sogs pa mtshon par byed pa ta'i sde tshan sa'i khams so//'og tu ye shes khams la sogs pa mtshon par byed pa sa'i sde tshan ye shes kyi khams so/ /de rnams gcig tu gyur pa ni e yig chos kyi dbyings so/ /'di stong pa chen po yi ge lnga ni dbyangs yig gi tshogs te khu ba dang zla ba zhes bya'o//thig le stong pa yi ge drug ni gsal byed 'dus pa ste khrag dang nyi ma zhes bya'o/ /'dir khu ba dang rdo rje ni waM yig ste rdo rje'o/ /khrag dang nyi ma ni e yig ste pad+ma'o/ /rdo rje dang pad+ma ni 'di dag gi ngag gcig pa nyid ni rdo rje sems dpa' zhes bya//de mi 'gyur pas na a k+Sha ra'o/ /dbyangs dang gsal byed kyi dang po dang / tha ma 'dus pas gnyis su med pa'o/ /rdo rje sems dpa' de yang gnyid dang rmi lam dang / sad pa dang bzhi pa'i gnas skabs bzhi dag pa'i sku bzhi ste/ /sku bzhi la dag bya gnas skabs bzhi/dag byed rnal 'byor bzhi/ dag pa mngon byang bzhi/ dag pa'i 'bras bu mkhyen pa bzhi/ dag pa'i mtshan nyid rnam thar bzhi/ dag pa'i ngo bo rdo rje bzhi'o/ /lhan cig skyes pa'i sku de nyid stong pa nyid kyi rnam par thar pa dang / /yongs su dag pa'i ye shes rdo rje dang / thams cad mkhyen pa dang / thabs dang shes rab kyi bdag nyid rnam par dag pa'i rnal 'byor zhes bya'o/ /chos kyi sku de nyid mtshan ma med pa'i rnam par thar pa dang / rnam par dag pa'i thugs rdo rje dang / ye shes kyi sku dang thabs dang shes rab kyi bdag nyid chos kyi rnal 'byor zhes bya'o//longs spyod rdzogs pa'i sku smon pa med pa rnam par thar pa dang / rnam par dag pa'i gsung rdo rje dang / nyi ma'i sku dang thabs dang shes rab kyi bdag nyid sngags kyi rnal 'byor ces bya'o/ /sprul pa'i sku de nyid mngon par 'du byed pa med pa'i rnam par thar pa dang / /yongs su dag pa'i sku rdo rje dang /pad+ma'i 'dab ma bzhin du yangs pa'i spyan dang / thabs dang shes rab kyi bdag nyid dbyibs kyi rnal 'byor zhes bya bar gsungs so/ /de la e waM gyi don ni dbyibs dang sngags dang / /chos dang de bzhin nyid dang bzhi la 'jug ste/ gzhung dkyil 'khor drug rnams brjod bya 'di rnams la la ni rgyas par ston//la la ni bsdus par ston/ la la ni shin tu bsdus par ston to/ /de la rdo rje dbyings kyi dkyil 'khor 'di dang po la dbyibs kyi rnal 'byor rgyas par bstan to/ /e ni gzhal yas khang yin la/ waM ni rigs drug gi lha rnams so//de ji ltar grub ce na dpal dus kyi 'khor lo las gsungs pa/ 'khor lo'i snying por gyur pa mi yi bdag po dkyil 'khor gyi ni nges par sum cha'o/ /phung po khams kyi lhag pa'i lha dang slar yang snam bu phyi mar rdo rje sgra ma la sogs brgyad/ /phyi rim 'khor lor gnas pa nges par phyogs bcur 'khod pa nyi mar bzhugs pa'i khro bo'i tshogs rnams so//de yi rtsig pa ra ba la ni chu gter bzhi yis bskur ba'i byang chub sems dpa' ma lus pa/ /sgyu 'phrul dra bas rnam pa gsum ste lus kyi dbye bas lha ni zhal gsum pa la phyag drug pa//rmongs pa'i sems kyi dbang las g.yon gyi zhal nas cho ga la sogs ma lus pa rnams spro/ /zhes pa de bsgom par bya ba'i rim pa ni dang po'i sbyor ba ni 'di lta ste/ gnas khang la sogs sngon du 'gro bas nam smad gnyid sad pa dang / bdag thun mtshams kyi rdo rje 'chang zhal gcig phyag gnyis pa g.yas rdo rje g.yon dril bu 'dzin pa cig tu bsam/khrus byas stan bde ba la 'dug la spyi bor oM dkar po/ mgrin pa AH dmar po/ /snying gar hUM mthing nag /lte bar ho ser po/ gsang bar k+Sha sngon po/ spyi gtsug tu haM ljang gu rnams bsams la 'khor lo rtsa ba'i grangs bzhin du rdo rje kha dog drug tu gyur nas ba spu'i bu ga rnams nas 'thon nas gnod par byed pa rnams phyir ded nas/dpag tshad mang por bsgral/ de nas rdo rje ra ba dang sa gzhi dang gur du gyur nas 'dus pa las lus la ba spu'i bu ga re re yang rdo rje re rer gyur pa ni bsrung ba bya ba dang lus dag pa rdo rjer bya'o//oM sarba d+harmA b+hA wa swa b+hA wa bi shud+d+ha badzra tsak+Shu aM aHzhes lan cig brjod pas ngag dag /gnyis dang gsum bzlas pas sems dag par bya'o/ /de nas thugs ka'i hUM las 'od 'phros pas/ rang bzhin gyi gnas nas sgyu 'phrul dra ba'i lha rnams dang bla ma dang bcas pa mdun gyi nam mkha' la spyan drangs la lha mo rnams kyis mchod par bya'o//thog ma med pa nas bsags pa'i sdig pa bshags so/ sangs rgyas dang byang chub sems dpa' la sogs pa'i dge ba byas pa la rjes su yi rang bar bya'o/ /lha de dag la skyabs su 'gro bar bya'o//bdag gi dngos po dbul ba'o/ /byang chub mchog tu sems bskyed do/ /byang chub kyi lam bsten to/ /tshad med pa bzhi bsgom mo/ /oM sarba d+harmA la sogs pa lan gsum bzlas pas dngos po thams cad stong par bsam mo/ /de'i rjes la stong pa nyid dang mtshan ma med pa dang //smon pa med pa dang / mngon par 'du mi byed par bsam par bya'o/ /dkyil 'khor rgyal mchog la/ de nas stong pa nyid las 'jig rten las 'das pa'i phung po gzung bar bya ba'i phyir 'byung ba rim brtsegs bskyed pa ni nam mkha' chos kyi 'byung gnas gru gsum pa nam mkha' khyab par bsam par bya'o//rnam par shes pa nA da'i tshul du gnas pa las yaM nag po cig 'og tu chad pas de gyur pa las rlung gi dkyil 'khor nag po zla ba phyed pa lta bu rgya chen po la steng dang 'og tu rdo rje gnyis dang / mtha'i rtse mo la rlung gi ba dan gyis mtshan pa'o/ / de'i steng du raM dmar po cig chad pas de gyur pa las me'i dkyil 'khor dmar po gru gsum rgya chen po cig bsam ste/ steng 'og tu sna tshogs rdo rje gnyis dang / mtha' ma'i zur gsum la g.yung drung ris dmar pos mtshon pa'o/ /de'i steng du baM dkar po cig chad pas de gyur pa las chu'i dkyil 'khor dkar po zlum po rgya chen cig bsam/steng dang 'og tu sna tshogs rdo rje gnyis dang mtha' mar pad+ma dkar po 'dab ma lngas mtshan pa'o/ /de'i steng du laM ser po cig chad pas de gyur pa las sa'i dkyil 'khor ser po rgya che ba la steng dang 'og tu sna tshogs rdo rje gnyis dang zur bzhi la rdo rje rtse mo lnga pas mtshan pa'o//de'i steng du maM sna tshogs pa'i mdog can cig chad pa de gyur pa las dbus kyi ri rab shar nag po/ /lho dmar po/ nub ser po/ /byang dkar po/ dbus mthing ga zlum po dpangs su dpag tshad 'bum phrag gcig pa//'og gi rgyal dpag tshad stong phrag bcu drug pa/ steng gi rgya la dpag tshad stong phrag lnga bcu pa/ steng gi phyogs bzhi na lcog bzhis mtshan pa'o/ /de'i steng du k+Sha yig chad pas de gyur pa las sna tshogs pad+ma dpag tshad stong phrag nyi shu rtsa lnga pa gcig bsam par bya'o//de'i steng du haM dkar po la zla ba'i dkyil 'khor dpag tshad stong phrag phyed dang bcu gsum pa cig bsam mo/ /de'i steng du tsheg drag dmar po las nyi ma'i dkyil 'khor dmar po zla ba'i dkyil 'khor dang rgya mnyam pa'o/ /de'i steng du thig le sngon po las sgra gcan gyi dkyil 'khor sngon po nyi zla dang rgya mnyam pa'o//de las aM haM yaM raM baM laM badzra A kA sha bA yu te dza u da ka pr-i thi bI badzra swa b+hA ba pa ny+tsa d+hA two badzra maN+Dal ni ku ru ku ru swA hA/ zhes brjod pas brtan par bya'o/ /de'i steng du hUM yongs su gyur pa las rdo rje'i ra ba dang gur dang sa gzhir gyur par bsam mo/ /de'i steng du b+h+rUM mam yang na oM las byung ba'i gzhal yas khang gru bzhi pa sgo bzhi pa sgo gnyis brtsegs pa/rta babs dang snam bu dang dra ba phyed pa dang / /dril bu dang / rnga yab dang / rgyal mtshan dang / ri [(]dgas [,]dwags [)]kyis mtshan pa/ gzhal yas khang gi phyi rol rdo rje ra ba'i nang du dur khrod brgyad dang bcas pa rin po che'i rtsig pa lngas phyi rim dkyil 'khor la yod pa nang pho brang dkyil 'khor gru bzhi la le tshe dgu pa ka ba bcu drug rgyan dang ldan pa sum cha la gtso bo'i gdan ni paM las gyur pa'i gdan 'dab ma brgyad pa//de'i steng du zla ba dang nyi ma dang sgra gcan gyi gdan dang bcas par bsam par bya'o//de nas yab yum bskyed pa ni/ /'di ltar sangs rgyas bcom ldan 'das/ /rdzogs pa'i sangs rgyas a las byung / /a ni yig 'bru kun gyi mchog /don chen yi ge dam pa yin/ /zhes pa phung po lnga dang khams lnga dang lnga lnga cha mnyam pa'i drug pa yang yab yum bskyed pa gdan thog tu mtshan sum cu rtsa gnyis kyi sa bon du A li bcu drug nyis skor las zla ba'i dkyil 'khor du gyur pa me long lta bu'i ye shes so//dpe byad bzang po'i sa bon du kA li so bzhi nyis skor las nyi ma'i dkyil 'khor du gyur pa mnyam pa nyid kyi ye shes so/ / de nyid kyi bar du hUM sngon po cig bsam pa ni so sor rtog pa'i ye shes so/ /hUM de 'phros 'dus pa las rdo rje hUM gis mtshan pa'o/ /de las 'phros 'dus pa las haM sngon po cig tu gyur pa ni bya ba grub pa'i ye shes so/ /de las 'od 'phros 'dus pa gcig tu gyur pa las yab yum gyi skur rdzogs pa ni chos kyi dbyings kyi ye shes las mngon par byang chub pa'o//de yang gdan pad+ma dang nyi ma dang zla ba dang dus me'i steng na drag po dang 'dod pa'i lha mnan pa/ dang po'i sangs rgyas rdo rje sems dpa' sku mdog sngon po zhal gsum pa phyag drug pa zhal dbus sngo ba g.yas dmar ba g.yon dkar po//phyag g.yas dang po rdo rje/ bar pa gri gug /tha ma dgra s+t+wa/ g.yon na dril bu dang / /thod pa dang / tshangs pa'i mgo bo'o/ /dbu la ral pa'i thor tshugs dang sna tshogs rdo rje'i steng na mi bskyod pa bzhugs pa/ g.yon gyi phyogs na zla ba phyed pa can no/ dbu la thod pa lngas brgyan pa/thod pa rlon pa'i phreng bas se ral khar brgyan pa/ stag gi pags pa'i sham thabs mnabs pa zhabs g.yas brkyang bas bzhugs pa'o/ /yum chos kyi dbyings kyi dbang phyug ma sku mdog dang phyag mtshan yab dang mthun pas yab la 'khyud nas zhabs g.yon brkyang ba'o//yab kyi thugs ka na nyi ma'i dkyil 'khor la a ra pa tsa na zhes bya ba ye shes lnga bsdus pa'i ngo bo sku mdog sngon po rdo rje dang dril bu 'dzin pa sems dpa'i skyil krung gis bzhugs pa'o/ /thugs ka na 'khor lo rtsibs bcu la a ra pa tsa na ya te na maHgnas pa'o/ / de'i lte ba la a sngon po'o/ /yab kyi sku la 'khor lo drug gi lte ba la haM oM AH hUM ho k+Sha/ /ljang gu dang / dkar po dang / dmar po dang / nag po dang / ser po dang / /sngon po rnams rim gyis gnas pa'o/ /a las 'od 'phros pas sems can thams cad bsdus nas yab kyi zhal du zhugs nas rtsa dbus ma nas yum gyi pad+mar zhugs pas byang chub kyi sems su zhu ba de ye shes sems dpa'i thugs ka'i a la thim par bsam mo//a las 'od 'phros pas de bzhin gshegs pa thams cad spyan drangs nas yab kyi zhal dang dbu ma dang yum gyi pad+mar zhu ba de ye shes sems dpa'i thugs ka'i a la thim par bsam mo//de nas 'khor bskyed pa ni skye ba'i rim pas dbyung bar bya ste/ rnam shes phung po dag pa mi bskyod pa ni/ mchod pa chen po zhe sdang che/ /nyon mongs kun gyi dgra che ba/ /zhes pa ye shes sems dpa'i thugs ka'i a las a cig rna ba g.yas nas 'thon nas mdun gyi nam mkha' la mi bskyod pa sku mdog dang zhal phyag la sogs pa gtso bo dang mthun pa cig tu gyur nas dbu'i steng gi mi bskyod pa la thim mo//de nas shar la sogs pa'i phyogs kyi le tshe bzhi la yab kyi gdan pad+ma dang nyi ma'i steng du spros pa las 'du byed kyi phung po dag pa don yod grub pa ni/mchod pa chen po khro ba che/ /khro ba chen po dgra che ba/ /zhes pa ni a las a cig sna g.yas pa las 'thon nas shar gyi le tshe'i gdan thog tu don yod grub par gyur nas zhal gsum la phyag drug pa sku dang rtsa ba'i zhal nag po g.yas dmar ba g.yon dkar ba/phyag g.yas na ral gri dang / gri gug dang / rtse gsum pa g.yon phub dang thod pa dang kha T+wAM ga bsnams pa'o/ /tshor ba'i phung po dag pa rin 'byung ni/ mchod pa chen po chags pa che/ /chags pa thams cad sel bar byed//ces pas a las raM cig mig g.yas nas 'thon nas lho'i gdan thog tu rin chen 'byung ldan zhal gsum phyag drug pa/ sku dang rtsa ba'i zhal dmar po/ /g.yas dkar po/ g.yon nag po/ g.yas na mda' dang lcags kyu dang / /cang te'u dang g.yon na gzhu dang /zhags pa dang / nor bu dri ma med pa'o/ /rdo rje skyil krung du bzhugs pa'o/ /'du shes kyi phung po dag pa snang ba mtha' yas ni/ mchod pa chen po 'dod chags che/ /sems can thams cad dga' bar byed/ /ces pa a las u cig lce zur g.yas nas 'thon nas byang gi le tshe'i gdan thog tu snang ba mtha' yas su gyur nas zhal gsum pa phyag drug pa sku dang rtsa ba'i zhal dkar po g.yas nag po g.yon dmar po//phyag g.yas na tho ba dang mdung dang / rtse gsum pa/ g.yon na pad+ma dkar po 'dab ma brgyad pa dang / me long dang / bgrang phreng ngo / /rdo rje skyil krung gis bzhugs pa'o//gzugs kyi phung po dag pa rnam par snang mdzad ni/ mchod pa chen po gti mug che/ /gti mug blo te gti mug sel/ /zhes pa a las l-i cig bshang lam g.yas zur nas 'thon nas nub kyi le tshe'i gdan thog tu rnam par snang mdzad zhal gsum pa phyag drug pa/sku dang rtsa zhal ser po g.yas dkar po g.yon nag po/ /g.yas na 'khor lo dang dbyug pa dang rdo rje/ g.yon na mdung dang / lcags kyu dang / dril bu'o/ /rdo rje skyil krung du bzhugs pa'o/ /nam mkha'i khams dag pa rdo rje dbyings phyug ma ni/ a ni yig 'bru kun gyi mchog /ces pa yang a las a cig rna ba g.yon nas 'thon nas mdun gyi nam mkha' la rdo rje dbang phyug ma mi bskyod pa dang 'dra ba cig tu gyur nas de nas rtsa ba'i yum la thim mo/ /mtshams bzhi'i le tshe'i steng du gdan pad+ma dang zla ba'i steng du yum rnams pad+ma'i bzhugs stangs kyis gnas te/rlung gi khams dag pa sgrol ma ni/ /tshig kun rab tu gsal bar byed/ /ces pa a las i sna g.yon pa nas me'i mtshams kyi gdan thog tu sgrol mar gyur nas sku mdog la sogs pa ni don yod grub pa bzhin no/ /me'i khams dag pa gos dkar mo ni/ tshig tu brjod pa spangs pa ste/ /zhes pa a las r-i cig mig g.yon pa nas 'thon nas bden bral du gos dkar mor gyur te rin 'byung bzhin no/ /chu'i khams dag pa mA ma kI la a las u cig lce zur g.yon nas dbang ldan gyi mtshams su mA ma kI ra gyur nas snang ba mtha' yas bzhin no//sa'i khams dag pa sangs rgyas spyan ni/ srog chen po ni skye ba med/ /ces pa a las l-i cig bshang lam nas 'thon nas rlung gi mtshams su sangs rgyas spyan du gyur nas rnam par snang mdzad bzhin du/ yum rnams pad+ma'i bzhugs stangs kyis gnas pa'o//de rnams phung po drug dang khams drug bsdus pas lha'i dbus kyi pho brang ni ye shes kyi 'khor lo'o/ /de'i phyi rol lha rnams kyi thugs kyi 'khor lo la/ sems dpa' bcu drug spros te/ yang a las a bzhi sna'i sgo nas shar gyi snam bu la rim pas sems dpa' bzhir gyur te/mkhas pa sgyu 'phrul chen po 'chang / /zhes pa dang po snying ga'i 'khor lo dag pa rlung gi khams rdo rje las so/ /sgyu 'phrul chen po don grub pa/ /zhes pa de'i 'og sna'i dbang po dag po rdo rje las so/ /rlung gi khams dag pa rdo rje srung ba'o/ / sgyu 'phrul chen po dga' bas dga'/ /zhes pa de'i 'og reg bya dag pa rlung gi khams gnod sbyin no/ /sgyu 'phrul chen po mig 'phrul can/ /zhes pa tha mal yul sgra nam mkha'i khams dag pa rdo rje khu tshur ro/ /de bzhin du sku mdog la sogs pa don yod grub pa bzhin no/ /yang a las a bzhi mig nas 'thon nas lho phyogs kyi gdan thog tu sems dpa' bzhir gyur te//gzugs che lus kyang che ba ste/ zhes pa ste dang po mgrin pa me'i 'khor lo dag pa me'i khams sems dpa' rdo rje rin chen no/ /kha dog che zhing lus bong che/ /zhes pa de'i 'og mig gi dbang po dag pa me'i khams rdo rje nyi ma'o//ming yang che zhing rgya che ba/ /zhes pa de'i 'og ro'i khams dag pa rdo rje rgyal mtshan no/ /dkyil 'khor chen po yangs pa yin/ /zhes pa tha ma yid nam mkha'i khams dag pa rdo rje bzhad pa'o/ /de bzhin rin chen 'byung ldan bzhin no/ /yang a las u cig lce las 'thon nas byang phyogs kyi gdan thog tu gyur spros pas sems dpa' bzhir gyur te/shes rab mtshon chen 'chang ba ste/ /zhes pa dang po dpral ba chu'i 'khor lo dag pa rdo rje chos so/ /nyon mongs chen po lcags kyu'i mchog /ces pa de'i 'og yul gzugs dag pa chu'i khams rdo rje rnon po'o//grags chen snyan grags chen po ste/ /zhes pa de'i 'og lce'i dbang po dag pa chu'i khams rdo rje rgyu'o/ /snang ba chen po gsal ba che/ /zhes pa tha ma khu ba chos dag pa nam mkha'i khams rdo rje smra ba'o/ /de bzhin snang ba mtha' yas bzhin no/ /yang a las A li bzhi bshang ba'i sgo nas 'thon pa nub phyogs kyi gdan thog tu sems dpa' bzhir gyur te/'dod pa chen po zhes pa dang po lte ba'i sa'i 'khor lo dag pa rdo rje sems dpa'o/ /bde ba chen po zhes pa de'i 'og lus kyi dbang po dag pa sa'i khams rdo rje rgyal po/ dga' ba chen po zhes pa de'i 'og tu yul dri sa'i khams dag pa rdo rje legs pa'o//mgu ba chen po zhes pa tha ma rna ba'o/ /dbang po dag pa ye shes kyi khams rdo rje chags pa'o/ /de bzhin rnam par snang mdzad bzhin no/ /sems dpa' thams cad gdan pad+ma dang nyi ma'i steng na sems dpa'i skyil krung gis bzhugs pa'o//de thugs kyi 'khor lo'o/ /de'i sgo g.yas g.yon gyi 'dod pa'i yon tan gyi snam bu la mchod pa'i lha mo brgyad spros te/ brtson 'grus chen po brtul ba yin/ /zhes pa yang a las sna g.yon nas ni gcig 'phros pas shar gyi sgo'i g.yas kyi gdan thog tu pags pa rlung gi khams dag pa gar ma sngon mo gar bsgyur ba'o//tshul khrims chen po 'chang ba'i mchog /ces pa a las mA cig mig g.yon nas 'thon nas lho'i sgo'i g.yas su 'phros pa las khrag me'i khams dag pa mA le dmar mo phreng ba 'dzin pa'o/ /bzod chen 'chang ba brtan pa po/ /zhes pa a las gI cig lce zur g.yon nas 'thon nas byang sgo'i g.yas su 'phros pas rngul chu'i khams dag pa gI ti dkar mo pi wang gis glu len pa'o//byams chen rang bzhin dpag tu med/ /ces pa a las a cig bshang lam g.yon zur nas nub sgo'i g.yas su spros pas rus pa sa'i khams dag pa lA s+ye ser mo 'gying ba'i tshul byed pa'o//smon lam ye shes rgya mtsho ste/ /zhes pa a las gcig sna sgo g.yon nas 'thon nas sgo g.yon du 'phros pas sha rlung gi khams dag pa dri chab ma nag mo dri thogs pa'o/ /shes rab chen po lus 'chang ba/ zhes pa a las mig g.yon nas du cig 'thon nas lho sgo'i g.yon du 'phros pas chu ser me'i khams dag pa'i me tog ma dmar mo me tog thogs pa'o/ /stobs po che la thabs che ba/ /zhes pa a las lce zur g.yon nas a cig 'thon nas byang sgo'i g.yon du 'phros pas/ gci ba chu'i khams dag pa mar me ma mar me thogs pa'o//bsam gtan chen po ting 'dzin gnas/ /zhes pa a las bshang lam gyi g.yon du d+hu cig 'phros/ nub sgo'i g.yon du spros pas rkang pa dag pa sa'i khams bdug spos ma ser mo thogs pa'o/ /lha mo brgyad po zhal gcig phyag gnyis ma zhi ba'i tshul du pad+ma dang zla ba'i gdan la bzhugs pa'o//de ni gsung gi 'khor lo'o// //de nas sku'i 'khor lo la khro bo bcu spros te/ rdzu 'phrul chen po'i stobs dang ldan/ /zhes pa a las ya cig sna g.yon pa nas 'thon nas shar gyi rtsibs la spros pas ngag gi dbang po rlung gi khams dag pa bgegs mthar byed nag po'o//shugs chen mgyogs pa chen po ste/ /zhes pa a las mig g.yon pa nas ra cig 'thon nas/ lho'i rtsibs la spros pas lag pa'i dbang po me'i khams dag pa shes rab mthar byed do/ /rdzu 'phrul chen po cher grags pa//zhes pa a las lce'i zur g.yon nas wa cig 'thon nas/ byang phyogs kyi rtsibs la spros pas rkang pa'i dbang po chu'i khams dag pa khro bo pad+ma mthar byed pa'o/ /stobs chen pha rol gnon pa ste/ /zhes pa a las bshang ba'i lam nas la cig 'thon nas nub kyi rtsibs la spros pas bshang ba'i dbang po sa'i khams dag pa khro bo gshin rje mthar byed pa'o//srid pa'i ri bo chen po 'joms/ /zhes pa/ a las mig g.yas pa nas a cig 'thon nas/ me'i rtsibs la spros pas 'dus pa rlung gi khams dag pa dbyug sngon can no/ / mkhregs shing rdo rje chen po 'chang / /zhes pa mig g.yas pa nas ra cig 'thon nas/ bden bral gyi rtsibs la spros pas me'i khams dag pa khro bo 'dod pa'i rgyal po'o/ /drag po chen po drag shul che/ /zhes pa a las chu'i lam nas wa cig spros pas/ dbang ldan gyi rtsibs la rngul chu'i khams dag pa khro bo mi g.yo ba'o//'jigs chen 'jigs par byed pa po/ /zhes pa a las gtsug tor nas la cig 'thon nas/ rlung gi rtsibs la spros pas bad kan sa'i khams dag pa khro bo stobs po che'o/ /shar dang me'i khro bo'i zhal phyag ni don grub bzhin no/ /lho dang bden bral ni rin 'byung bzhin no//byang dang dbang ldan ni snang mtha' bzhin no/ /nub dang rlung mtshams ni rnam snang bzhin no/ /mgon po rigs mchog chen po ste/ /zhes pa rna ba g.yon pa nas ha cig 'thon nas/ steng gi rtsibs la dbang po mchog ye shes dag pa khro bo gtsug tor 'khor los sgyur pa sku mdog gtso bo dang mthun pa'o//bla ma gsang sngags che ba'i mchog /ces pa a las rna ba g.yas pa nas ha cig 'thon nas 'og gi rtsibs la gci ba'i dbang po nam mkha'i khams dag pa khro bo gnod mdzes so/ /zhal phyag la sogs mi bskyod dang mthun pa'o/ /khro bo rnams nyi ma'i gdan la g.yas brkyang bas bzhugs pa'o//de ni sku'i 'khor lo'o/ /lha bzhi bcu gsum gyi sgyu 'phrul dra ba'o/ /zhe lnga'i sgyu 'phrul dra ba ni/ theg pa chen po'i tshul la gnas/ /zhes pa ye shes 'khor lo'i steng du rdo rje sems dpa' bzhugs pa'o/ /theg pa chen po'i tshul gyi mchog ces pa ye shes 'khor lo'i 'og tu rdo rje dbang phyug ma gdan pad+ma dang zla ba la gnas pa ste zhe lnga'i sgyu 'phrul dra ba'o//zhe dgu pa'i sgyu 'phrul dra ba ni de'i steng du/ byams chen rang bzhin dpag tu med/ /ces pas a las sna nas hoHcig shar sgor 'phros pas sgo ba dril bu'o/ /snying rje chen po blo yi mchog /ces pa a las mig nas hUM cig 'phros pas/ nang gi lho'i sgor sgo ba zhags pa'o/ /shes rab chen po blo chen ldan/ /zhes pa a las lce las baM cig 'thon nas/ byang gi nang sgor 'phros pas sgo ba lcags sgrog ma'o/ /mkhas pa chen po thabs che ba/ / zhes pa a las bshang lam nas dzaHcig 'thon nas/ nub kyi nang sgor 'phros pas sgo ba lcags kyu'o/ /sku mdog gi rigs gong ma bzhin du bsams pas zhe dgu pa'i sgyu 'phrul dra ba'o/ /da ni las rgyal mchog brjod par bya ste/ ye shes sems dpa' spyan drang ba ni/ ye shes sems dpa'i thugs ka'i a las 'od zer kha dog lnga 'phros pas rang bzhin gyi gnas nas sgyu 'phrul dra ba'i lha tshogs spyan drangs nas mdun gyi nam mkha' la bzhugs pa la lha mo brgyad kyis bstod pa bya/'dud kyis bstod la de nas khro bo bgegs mthar byed kyis dzaH zhes brjod pas dgug /khro bo shes rab mthar byed kyis hUM zhes brjod pas gzhug /khro bo gshin rje mthar byed kyis baM zhes brjod pas bcings/ khro bo pad+ma mthar byed kyis hoHzhes brjod pas dgyes par bya'o/ /des dam tshig pa ye shes sems dpa'i rang bzhin du byas so/ /de nas spyi gtsug dang dpral ba dang mgrin pa dang snying ga dang lte ba dang gsang ba rnams su/haM oM AH hUM hoH k+Sha kha dog so sor 'od zer 'phros 'dus pa las rigs drug gi de bzhin gshegs pa drug tu gyur pas gtso bo la byin gyis brlabs/ 'khor rnams la sku gsung thugs las oM AH hUM las rigs gsum du gyur pas byin gyis brlab bo//de nas dbang bskur ba ni thugs ka'i a las 'od zer 'phros pas ye shes kyi lha'i tshogs spyan drangs nas mdun gyi nam mkha' la bzhugs pa la/ mchod pa rnam pa sna tshogs pas mchod nas/ bdag la dbang bskur cig par gsol ba btab pas/ rigs lnga'i de bzhin gshegs pa yab yum gyi bum pa ye shes kyi bdud rtsis gang bas lha rnams kyi spyi bo nas blugs pas lus kyi sgrib pa rnams dag nas/chu thigs pa re re spyi bor gsal ba las/ gtso bo yab yum la mi bskyod pas rgyas btab pa'o/ /don grub dang sgrol ma la don grub kyis/ rin 'byung dang gos dkar mo la rin 'byung gis/snang mtha' dang mA ma kI la snang mthas/ rnam snang dang sangs rgyas spyan la rnam snang gis/ 'khor shar phyogs pa la spyi bor ral gri re/ lho phyogs pa la rin po che re/ nub phyogs pa la 'khor lo re/ byang phyogs pa la pad+ma re res rgyas btab pa'o/ /de nas mchod pa byas gsang ba'i dbang bskur bar gsol ba btab pas/rigs lnga yab yum gyi byang chub kyi sems [(]gyi [,]kyi [)]chu rgyun ngag la bab pas ngag gi sgrib pa dag go/ /yang mchod pa byas nas gsol ba btab pas/ mi bskyod pa yab yum der zhugs nas gzhan rigs bzhi po yum bzhi la steng gi yab bzhi zhugs nas 'khyud/yab bzhi la steng gi yum bzhi zhugs nas 'khyud nas snyoms par zhugs pa las dga' ba bzhi la bzhi bzhi bcu drug nyams su myong bas sems kyi dri ma dag pa ni dbang gsum pa'o/ /de nas mi bskyod pa yab yum gyi dbang bzhi pa mi 'gyur pa'i ye shes dang brtan par bsam mo//da ni gzhan lus sngags kyi rnal 'byor dang / rang lus chos kyi rnal 'byor 'og nas/ rdo rje nyi ma snang ba che/ la sogs pa dang / stong pa chen po yi ge lnga/ /la sogs par 'gyur ro/ /'dir dag pa de bzhin gyi rnal 'byor ni/ dag pa rnam thar bzhi dang / dag byed ye shes lnga dang /'bras bu sku bzhi dang / lam pha rol tu phyin pa bcu dang / sku bzhi'i mdzad pa'o/ /de la dag pa rnam thar bzhi ni/ srog chen po ni skye ba med/ /tshig tu brjod pa spangs pa ste/ /brjod pa kun gyi rgyu yi mchog /tshig kun rab tu gsal bar byed/ /ces pa mi'i lus khams drug dang ldan pa la sku bzhi rang bzhin gyis gnas pa glo bur gyi dri ma gnyid dang rmi lam dang /sad pa dang bzhi pa'i bag chags kyi dri mas g.yogs pa'o/ /srog chen po ni skye ba med/ /ces pa stong pa nyid kyi rnam par thar pa ste/ phyi nang gi dngos po thams cad gcig dang du mas dpyad na ci'i ngor yang ma grub pa'i phyir na stong pa'o//stong pa nyid bsgoms pas rang bzhin gyis dag pa la glo bur gyi dri ma yod pa dag nas ye shes su dag pa'o/ /tshig tu brjod pa spangs pa ste/ /zhes pa mtshan ma med pa ste stong pa nyid de yang rgyu dang mtshan mas stong pa'i phyir na mtshan ma med pa'o//de bsgoms pas gnyid mthug po'i dri ma dag pa nas sems chos skur dag pa'o/ /brjod pa kun gyi rgyu yi mchog /ces pa smon pa med pa ste/ mtshan ma med pa de yang glo bur du gnyid du 'char ba'i phyir na smon pa med pa ste/ de bsgoms pas rmi lam gyi dri ma dag nas ngag longs skur dag pa'o//tshig kun rab tu gsal bar byed/ /ces pa mngon par 'dus ma byas pa'o/ /glo bur ba de yang byed pa po la la ma ltos par rang bzhin 'byung ba'i phyir na mngon par 'dus ma byas pa'o/ /de bsgoms pas sad pa'i gnas skabs dag nas lus sprul pa'i skur dag pa'o//de yang rtsa ba'i rgyud las/ sems dang ngag dang lus dbye bas/ /gnyid log rmi lam sad pa dang / /bzhi pa'i de nyid ces su grags/ /rmongs pa bla ma'i bka' yis ni/ /sems dang ngag lus yang dag 'khrugs/ /lus can rnams kyi khu ba shor/ / zhes pa'o/ /yang de nyid nas/ chags sems dri ma can gyi sems/ /'dzag pas 'khor bar byed pa ste/ /de yi rnam dag sbyor ba yis/ /dag pa'i rang bzhin dri ma med/ /ces pa'o/ /dag byed ye shes lnga ni/ mchod pa chen po 'dod chags che/ /la sogs te nyon mongs pa lnga lha lnga ru dag /lha lnga ye shes lngar dag pa 'og tu ye shes lnga la bstod pa'i le'u lnga'i mdor bstan pa yin te/ mchod pa chen po 'dod chags che/ /sems can thams cad dga' bar byed/ /ces pa 'dod chags dag pas so sor rtog pa'i ye shes te/ sems can thams cad dga' bar byed pa ni 'dod pa'i longs spyod lnga la mngon par zhen la 'dod chags che zhes pas mi 'gyur pa'i ye shes chags pa chen pos tha mal pa'i chags pa dang bral ba'o//de ka thun mong ma yin pa'i mchod pa yin pas che ba'o/ /mchod pa chen po zhe sdang che/ /nyon mongs kun gyi dgra che ba/ / zhes pa zhe sdang dag pa ni me long lta bu'i ye shes te/ tha mal pa'i chags pa dang bral ba ni zhe sdang ste rang bzhin gyis 'od gsal ba'o/ /de nas nyon mongs pa'i dgra chen po'o/ /mchod pa chen po gti mug che/ /gti mug blo ste gti mug sel/ /zhes pa'o/ /gti mug rnam par dag pa chos kyi dbyings kyi ye shes te 'od gsal lo//de gzung 'dzin gnas su dag pas gti mug chen po ste/ de la gnas pa ni gti mug blo ste de mi shes pa'i gti mug bral ba ni sel ba'o/ /mchod pa chen po khro bo che/ /khro ba chen po dgra che ba/ /phrag dog rnam par dag pa bya ba grub pa'i ye shes te/ gti mug de la 'du byed kyi rnam rtog mi gnas pas na/phrag dog dag pa ste des na khros pa'o/ /khros pa chen po des khro ba bcom pa'o/ /mchod pa chen po chags pa che/ /chags pa thams cad sel bar byed/ /ces pa ser sna dag pas mnyam pa nyid kyi ye shes te/ zag med kyi chags pa chen po des/ser sna'i chags pa sel bar byed pa'o/ /des na nyon mongs pa lnga ye shes lngar dag pa la mchod pa chen po'o/ /'bras bu sku bzhi la lhan cig skyes pa'i sku ni/ 'dod pa chen po bde ba che/ /dga' ba chen po mgu ba che/ /zhes pa 'dod pa chen po ni rang bzhin lhan cig skyes pa'o//de mi 'dzag pas na bde ba'o/ /de mi 'gyur pas na dga' ba chen po'o/ /de la gnas pas mgu ba chen po'o/ /de la chos kyi sku ni/ shes rab mtshon chen 'chang ba ste/ /nyon mongs lcags kyu che ba'i mchog /grags chen snyan grags chen po ste/ /snang ba chen po gsal ba che//zhes pa chos sku bstan pa ste/ /shes rab chen po ni ji lta ba dang ji snyed pa shes pa'o/ /'chang ba ni sa bcu pa la gnas pa'o/ /shes rab kyi lcags kyu des nyon mongs 'joms pa ni dpe glang po che'i sna la lcags kyus btab pa dang 'dra bas so/ /de chos sku'i ngang la bzhugs kyang grags pa dang snyan pa chen pos 'jig rten khams la khyab pas so//de ye shes kyi snang ba la gnas pas snang ba chen po gsal ba che ba'o/ /de la longs sku ni/ gzugs che lus kyang che ba ste/ /kha dog che zhing lus bong che/ /ming yang che zhing rgya che ba/ /dkyil 'khor chen po yangs pa yin//zhes pa longs spyod rdzogs pa'i sku'o/ /khams rnams dag pa ye shes lnga'i sku la gnas pa'i byang chub sems dpa' rnams kyi snang bar 'gyur pa longs sku yin pas gzugs che ba'o/ /lus che ba rgyus ma bskyed pa'o/ /kha dog che ba gcig tu ma nges pa'o/ /lus bong che ba dbyibs che ba'o//ming che ba de bzhin gshegs par brtag pa'o/ /rgya che ba gtso bo dang 'khor lo'o/ /dkyil 'khor chen po yangs pa yin/ /zhes pa rigs bsdus pa dang bye brag pa'o/ /de la sprul pa'i sku ni/ mkhas pa sgyu 'phrul chen po 'chang / /sgyu 'phrul chen po don grub pa/ / sgyu 'phrul chen po dga' bas dga'/ /sgyu 'phrul chen po'i mig 'phrul can/ /zhes pa tshogs lam sbyor lam pa'i snang bar gyur pa dang gang la gang gis 'dul bar snang ba'i sku ste/ mkhas pa ni sems bskyed pa'o/ /sgyu 'phrul chen po 'chang ba ni de 'bras bu las 'byung ba'o/ /des sems can gyi don byed pas don grub pa'o//des don byed pa la sems can dga' ba yin la/ de la dgyes par snang bas dga' bas dga' ba'o/ /mig 'phrul can ni sgyu ma'i mkhan pos mig sngags btab pa la rta dang glang po la sogs pa med bzhin du snang ba'o/ /lam pha rol tu phyin pa bcu ni/ sbyin bdag chen po gtso bo ste/ /zhes pa thun mong ba la chos dang zang zing mi 'jigs pa skyabs kyi yin la/ chen po dang gtso bor ni nor la yongs su 'dzin pas spangs pa'o/ /tshul khrims chen po 'chang ba'i mchog /ces pa tshul khrims thun mong ba mi dge ba las log pa yin la/chen po 'chang ba'i mchog ni byang chub sems kyi thig le mi 'dzag pa'o/ /bzod chen 'chang ba brtan pa po/ /zhes pa bzod pa thun mong ba ji mi snyam pa'i bzod pa dang chos la nges par sems pa yin la chen po 'chang ba brtan pa ni yul lnga yul can la thim pa'o/ /brtson 'grus chen po brtul ba yin//zhes pa brtson 'grus thun mong dge ba'i las la brtson pa yin la/ chen po brtul ba ni g.yas g.yon gyi rlung rtsa dbus mar gnas pa'o/ /bsam gtan chen po'i ting 'dzin gnas/ /zhes pa bsam gtan thun mong pa sems rtse gcig tu gnas pa yin la/chen po ni ting nge 'dzin zag pa med pa'i bde ba la gnas pa'o/ /shes rab chen po'i lus 'chang ba/ /zhes pa shes rab thun mong pa thos bsam bsgom gsum pa yin la chen po'i lus 'chang ba zhes pa ni mchog tu mi 'gyur pa'i ye shes kyi sku'o/ /stobs po che zhes pa 'khor 'das kyi chos thams cad zil gyis gnon pa'o//thabs che ba ni nyon mongs pa lnga ye shes lngar dag pa'o/ /smon lam rgya mtsho ni sems can la tshad med pa'i thugs rjes khyab pa'o/ /ye shes rgya mtsho ni mi 'gyur pa'i ye shes de la tshad gzung ba med pa'o/ /da ni sku bzhi'i mdzad pa brjod par bya ste/byams chen rang bzhin dpag tu med/ /snying rje chen po blo yi mchog /shes rab chen po blo chen ldan/ /mkhas pa chen po thabs che ba/ /zhes pa sprul sku'i mdzad pa ste/ sprul sku de'i byams par bya ba ni sems can no/ /yul tshad med pa la byams pa'i thugs rje tshad med pas na//chen po dang dpag tu med pa'o/ /snying rje chen po ni sems can gyi sdug bsngal la dgongs pa'o/ /blo yi mchog ni sdug bsngal de thugs kyis mi bzod par snang ba'o/ /'o na sprul skus don bya ba'i rnam rtog yod dam zhe na/ lan ni/ shes rab chen po blo chen ldan//zhes pa'o/ /dmigs pa med pa'i snying rje'o/ /des blo dang ldan pa'o/ /mkhas pa chen po ni sprul pa'i sku'o/ /thabs che ba ni gang la gang gis 'dul ba'i thabs mkhyen pas so/ /da longs sku'i mdzad pa la/ rdzu 'phrul chen po stobs dang ldan/ /shugs chen mgyogs pa chen po ste//rdzu 'phrul chen po cher grags pa/ /stobs chen pha rol gnon pa po/ /zhes pa longs sku de rdzu 'phrul che bas mang por snang ba'o/ /stobs dang ldan pa ni rdul gcig gi steng du rdul snyed kyi sangs rgyas bzhugs pa'o/ /shugs che ba dang mgyogs pa ni lag pa brkyang bskum gyis stong gsum gyi stong na bzhugs par snang ba'o//rdzu 'phrul chen po cher grags pa ni gsung gi sgra gsung dbyangs drug cus chos ston pa'o/ /stobs chen pha rol gnon pa po ni nyan thos dang rang rgyal ba'i sangs rgyas pas stobs des khyad par du byas pa'o/ /da ni chos sku'i mdzad pa la/srid pa'i ri bo chen po 'joms/ /mkhregs shing rdo rje chen po 'chang / /drag po chen po drag shul che/ /'jigs chen 'jigs par byed pa po/ /zhes pa la srid pa'i ri bo chen po ni/ /ma rig pa nas rga shi'i bar du'o/ /de 'joms pas chos sku thob pas so/ / chos sku'i rang bzhin ni dbyer mi phyed pas mkhregs pa'i rdo rje chen po 'chang ba ste/ drag po chen po ni chos sku yin la/ de nyon mongs pa dang lhan cig mi gnas pas drag shul che ba'o/ /'jigs chen ni las dang nyon mongs pa yin la/ 'jigs par byed pa ni de spangs pa'am bcom pas so//da ni lhan cig skyes pa'i sku'i mdzad pa la/ mgon po rigs mchog chen po ste/ /bla ma gsang sngags che ba'i mchog /theg pa chen po'i tshul la gnas/ /theg pa chen po'i tshul gyi mchog /ces pa la mgon po ni lhan cig skyes pa'i sku mi 'gyur pa'i ye shes so/ /rigs mchog chen po ni rigs bzhi'i rang bzhin sku bzhi'i mchog tu gyur pa'o//bla ma ni gong na med pa'o/ /gsang sngags ni rnal 'byor gyi rgyud man chad kyi spyod yul du ma gyur pa'o/ /sngags che ba'i mchog ni rnal 'byor bla na med pa'i spyod yul du gyur pa ye shes kyi sku'o/ /theg pa chen po'i tshul la gnas pa ni nyan thos dang rang rgyal ma yin pa'i theg pa chen po'o//theg pa chen po'i tshul gyi mchog ni byang chub sems dpa'i theg pa las kyang khyad par du gyur pa gsang sngags bla na med pa'i theg pa la gnas pa'o/ /de ltar le'u lnga pa'i bshad pa'o// // da ni chos kyi dbyings kyi ye shes la bstod pa brjod par bya ste/ sangs rgyas rnam par snang mdzad che/ /thub pa chen po thub chen ldan/ /zhes pa la dang po dbyings kyi rnal 'byor ni dkyil 'khor drug rim gyis bsgom pa ltar na/ sngar rdo rje dbyings kyi dkyil 'khor gyi gtso bo dang po'i sangs rgyas rdo rje sems dpas gtso bo byas pa de 'pho ba ste/mi bskyod pa nub kyi le tshe la bzhugs/ rdo rje dbyings kyi dbang phyug ma rlung gi mtshams kyi le tshe la bzhugs/ dbus kyi le tshe la rnam par snang mdzad dang yum sangs rgyas spyan zhal sbyor du bzhugs pa sku mdog dang phyag mtshan ni rang gi sngar bzhin no//yab kyi thugs ka'i nyi ma'i dkyil 'khor la ye shes sems dpa' shes rab ye shes zhes bya ba zhal gcig pa phyag gnyis pa sku mdog ser po/ g.yon 'khor lo dang / g.yas na ral gri bsnams pa rdo rje skyil krung du zhugs pa de'i thugs ka nas 'khor lo rtsibs bcu pa la/ oM pradz+nyA dz+nyA na mU rta ye na maHzhes pa gnas pa'o/ /de'i lte ba la a ser po gnas par bsam mo/ /nub kyi 'khor sngar ser po yin pa la mi bskyod pa'i rigs ljang gur 'gyur ro/ /rdo rje sems dpa' yab yum ni rigs so so la thim pa'o/ /dkyil 'khor drug rang rkyang par bsgom na dang po gnas srung ba nas tha ma dbang bskur ba yan chad gong bzhin bsgoms pa la 'og tu/mchog gi dang po sku gsum 'chang / /sangs rgyas sku lnga'i bdag nyid can/ /khyab bdag ye shes lnga yi bdag /sangs rgyas lnga bdag cod pan can/ /zhes pa dang sbyar ro/ /'jig rten pa'i dbang bcu rnam dag dang bcas pa dang //'jig rten las 'das pa'i dbang bcu gcig pa dang / dbang bskur slob ma'i mtshan nyid dang slob dpon gyi mtshan nyid dang / theg pa gsum dang / dbang bzhi thun mong du bstan pa dang / 'bras bu sku bzhi'i mtshan nyid dang / sbyor ba'i yan lag drug bstan pa'o//de rnams la dang po/ /sangs rgyas rnam par snang mdzad che/ /thub pa chen po thub chen ldan/ /zhes pa sangs rgyas ni rigs lnga'i nang nas sku'i rigs so/ /'og min du lha bzhi bcu zhe gsum mam zhe lnga'am zhe dgu'i sgyu 'phrul dra ba'i ngo bor bzhugs pa'o/ /thub pa chen po ni sku gsung thugs thub pa'o//thub chen ldan ni mi 'gyur pa'i ye shes mnga' bas so/ /de'i rgyu gang zhe na/ gsang sngags tshul chen las byung ba/ /gsang sngags tshul chen bdag nyid can/ /zhes pas gsang sngags tshul chen las byung ba ni dbang bcu ste/ chu dang cod pan dang dar dpyangs dang rdo rje dril bu dang brtul zhugs dang ming dang rjes gnang dang bdun slob ma'i dbang ngo //brgyad pa bum pa'i dbang slob dpon gyi'o/ /dgu pa gsang ba'i dbang ngo / /bcu pa shes rab ye shes te 'jig rten pa'i dbang ngo / /gsang sngags tshul chen bdag nyid can ni 'jig rten las 'das pa'i dbang ni bcu gcig pa bzhi pa zhes bya'o//dbang bzhi pa bum pa la sogs pa'i dbang ni 'phags pa'i yul na gnas pa rnams la sbas nas gsal bar mdzad do/ /de cis she na/ snod min pa la nor la bltas nas chos ston pa dang / /nor med na mi dge ba bcu srung ba rnams la mi ster ba'i phyir dbang gsal bar ma mdzad do//dbang gsum pa shes rab ye shes ni/ de ltar de bzhin bzhi pa'i ye shes la sangs rgyas kyi ye shes yin te/ rgyu dang 'bras bu tha dad med par byed pa'i bcom ldan 'das kyis gsungs pa'i phyir ro zhes smra bar gyur to/ / de'i phyir 'di rnam par dag pa'i phyag rgya chen po'i dngos grub ster bar byed pa dang po mchog gi sangs rgyas las rab tu gsal bar byed pa glegs bam du bris pa ste/ chu bo si ta'i byang phyogs su skal ba dang ldan pa'i sems can rnams kyi mos pa mkhyen nas bcom ldan 'das kyis bstan pa dang /phyag na rdo rjes glegs bam du bris so/ /mtshan yang dag par brjod pa tshad mar byas te/ gang gis sems can the tshom med par gyur pa des sngags kyi theg pa thams cad kyi nges pa'i don sngags kyi theg pa las mtshan yang dag par brjod pa bcom ldan 'das kyis phyag na rdo rje la bstan to//des na bdag gi gnas skabs gsum ste/ btags pa ba cha mthun pa mtshan nyid pa'o/ /las dang po skye bar skyes pa la btags pa tsam mo/ /tshogs dang sbyor ba phun sum tshogs pa la dbang cha mthun pa tsam mo/ /sa dang po nas bcu pa'i bar du 'jig rten pa'i dbang yin te dbang mtshan nyid pa'o//sa bcu gcig pa ni 'jig rten las 'das pa'i dbang ngo / /des na dbang la mtshan nyid pa ni dbang bdun bskur ba'i chu'i ming can byin gyis brlabs pas sa bdun par lung bstan la dge bsnyen du brjod do/ /dge tshul du bum pa'i dbang bskur bas sangs rgyas kyi sras gzhon nu zhes sa brgyad pa mi g.yo bar lung bstan to//gsang ba'i dbang bskur bas dge slong du gyur te rgyal tshab gzhon nu zhes sa dgu pa legs pa'i blo gros su lung bstan pas gnas brtan zhes bya'o/ /shes rab ye shes kyi dbang bskur bas slob ma sdud par byed par 'gyur te/sa bcu pa chos kyi sprin du lung bstan pa'i phyir sangs rgyas gnyis pa bzhin no/ /de'i phyir na rig ma bcu khyim pa'i slob ma la slob dpon gyis gtad par bya'o/ /'dir rtsa ba'i rgyud las bcom ldan 'das kyis gsungs pa/ tsha mo dang ni sring mo dang / /de bzhin sring mo'i skyed byed ma/ / de ltar chung ma'i skyed byed ma/ /ma mo de bzhin bud med rnams/ /pha khu spun gyi chung ma dang / /de bzhin tsha mo skyed byed ma/ /rang gi ma dang tsha mo dang / /rang gi chung ma mchog gi gzugs/ /sgrol ma la sogs chos kyi khams/ /rig ma bcu po rang rig skyes/ /dbang gi dus su rab tu sbyin/ /thar pa 'dod pas gzung bar bya//zhes pas rig ma bcus dbang bskur ba yin no/ /pha rol tu phyin pa bcu dang / sa bcu dang / shes pa bcu dang / stobs bcu dang / yi ge bcu'i brda'o/ /sna tshogs don ni ma lus byed/ /rnam bcu dbang ldan che ba po/ /zhes pa brda yin te/ / h+k+Sh+m+l+W+r+yaM 'di la phyi dang nang dang gzhan du bshad pa yod pa 'dir ma spros te/ 'grel pa chen por shes par bya'o/ /'dir dbang rnam dag dang bcas pa'i phyir bkod pa'o/ /pha rol phyin bcu thob pa ste/ /zhes pa rig ma bcu la brten nas dbang bcu thob pas pha rol tu phyin pa bcur dag pas thob pa'o//pha rol phyin pa bcu la gnas/ /zhes pa dbang dang po thob pas sbyin pa'i pha rol tu phyin pa'o/ /de ltar dbang re re la pha rol tu phyin pa re re dag nas slob dpon la stobs kyi pha rol tu phyin pa dang gsang dbang la smon lam gyi pha rol tu phyin pa dang / shes rab ye shes kyi pha rol tu phyin pa'o//de pha rol tu phyin bcu dag pa ste/ de ka la/ pha rol phyin pa bcu yi tshul/ /zhes pa pha rol tu phyin pa bcu dag pa'o/ /mgon po sa bcu'i dbang phyug ste/ /sa bcu la ni rab tu gnas/ /zhes pa dbang bcu thob pas sa bcu thob pa ste/ chu dbang gis ni rab tu dga' ba'i sa'o//de bzhin du rim pa ji ltar dri ma med pa dang 'od byed pa dang / 'od zer 'phro ba dang / sbyang dka' ba dang / mngon du gyur pa dang / ring du song ba dang / mi g.yo ba dang / legs pa'i blo gros dang / chos kyi sprin rnams thob pa'o/ /shes bcu rnam dag bdag nyid can/ /zhes pa rig ma bcu pha rol tu phyin pa bcur shes par bya ba dang sa bcur shes par bya'o//shes bcu rnam dag 'chang ba po/ /zhes pa/ shes rab ye shes la brten nas mi 'dzag pa'i ye shes thob par 'chang ba'o/ /rnam pa bcu po don bcu'i don/ /zhes pa de sems can gyi don byed pa'o/ /don gang gis byed na/thub dbang stobs bcu khyab pa'i bdag /ces pa stobs bcu ni/ bsam pa'i stobs dang / lta ba'i stobs dang / sbyor ba'i stobs dang / shes rab kyi stobs dang / smon lam gyi stobs dang / theg pa'i stobs dang / spyod pa'i stobs dang / rnam par 'phrul pa'i stobs dang / byang chub pa'i stobs dang / chos kyi 'khor lo bskor ba'i stobs so/ /stobs rnams thob par byed pa ni dbang bcu yin te/ sna tshogs don ni ma lus byed/ /rnam bcu dbang ldan che ba po/ /zhes pa 'jig rten pa'i dbang bcu'i brda gang du yi ge bcu brtsegs pa'o/ /bskur ba'i dbang bcu bskur bas thag pa'i dbang bcu ni byang chub sems dpa'i dbang bcur 'gyur te/tshe la dbang ba dang / las la dbang ba dang / shin tu mos pa la dbang pa dang / yo byad la dbang ba dang / smon lam la dbang ba dang / rdzu 'phrul la dbang ba dang / chos la dbang ba dang / sems la dbang ba dang /skye ba la dbang ba dang / ye shes la dbang ba'o/ /bcom ldan 'das kyis rnal 'byor pa rnams kyi gnas skabs gsungs pa rnal 'byor pa dang po sems bskyed la/ phyis byis par gyur pa de nas gzhon nur gyur pa'o/ /las dang po'i sbyor ba skyes pa sbyor ba phun sum tshogs pa/ bsam pa phun sum tshogs pa/phyir mi ldog pa'i dbang bskur thob pa/ skye ba gcig tu thogs pa zhes so/ /de ltar 'jig rten pa'i dbang bcu bstan nas/ da ni 'jig rten las 'das pa'i dbang bcu gcig pa brjod par bya ste/ thog ma med pa spros med bdag /de bzhin nyid bdag dag pa'i bdag /ces pa nas/ gnyis su med dang gnyis med ston/ /yang dag mtha' la rnam par gnas/ /zhes sbyar ro/ /thog ma med pa ni ma skyes pa'i rang bzhin no/ /spros pa ni rtag chad dang bral ba dmigs pa dang bral ba'o/ /de bzhin nyid ni ma bcos pa'o/ /de'i bdag po ni dag pa'i bdag ces dag pa ni glo bur gyi dri ma dang bral ba'o//gnyis su med pa dang ni yul dang yul can nam dbyings dang ye shes so/ /des na lhan cig skyes pa'i don la gnas pas na gnyis med ston pa'o/ /yang dag mtha' la rnam par gnas/ /zhes pa yang dag pa ma nor ba thob par bya ba'i phyir don thob pas mngon du gyur pa'o//de ltar dbang bcu gcig bstan nas dbang bskur bar bya ba'i slob ma ni/ bden par smra zhing tshig mi 'gyur/ /ji skad smras pa de bzhin byed/ /ces pa ste bden par smra ba ni snod kyi dri ma dag pa g.yo dang sgyu spangs pa'o/ /tshig mi 'gyur pa ni dam bcas pa las mi 'da' ba'o//ji skad smras pa ni slob dpon kyi bka'o/ /de bzhin byed pa ni slob ma'i bka' yin te/ dbang bdun pa thob pas bskyed pa'i rim pa bsgom pa dang / brgyad pa thob pas gzhan gyi don dbang dang rab gnas dang slob ma bsdu bar bya'o/ /gsang ba thob pas bde ba chen po bsgom pa dang /shes rab ye shes thog pas bde ba stong par go ba dang / dbang bcu gcig pa thob pas lhan cig skyes pa bsgom pa dang / de rnams kyi dam tshig la gnas pas de bzhin byed pa'o/ /de ltar slob ma bstan nas/ /slob dpon gyi tshad dam mtshan nyid ni lam gang la gnas pa dang /don gang gis bya ba'o/ /dang po ltar na/ /bdag med seng ge'i sgra dang ldan/ /mu stegs ri dwags ngan 'jigs byed/ /ces pa bdag med pa la gnyis te/ gang zag gi bdag med pas mu stegs las khyad par du byas pas dper na seng ge'i sgras ri dwags bzhin no/ / chos kyi bdag med pas nyan thos las khyad par du byas pas dpe gong ma bzhin te/ de ni tshogs lam dang sbyor ba'i lam la gnas pa'i slob dpon no/ /kun du 'gro ba'i don yod stobs/ /zhes pa kun du 'gro ba ni sangs rgyas kyi zhing stong gsum gyi stong chen por ro/ /don yod pa'i stobs ni sems can gyi don du ste sa dang po nas bdun pa'i bar du'o//de bzhin gshegs pa'i yid ltar mgyogs/ /zhes pas nyan thos su phyir mi ldog pas de bzhin gshegs pa dang 'dra ba'am cha mthun pa brgyad pa'o/ /rgyal ba dgra rgyal rnam par rgyal/ /zhes pa las dang nyon mongs pa las rgyal bas sa bcu skye ba gcig gis thob pa'o//'khor los sgyur pa stobs po che/ /zhes pa sa bcu gnyis pa de bzhin gshegs pa'o/ /de ltar lam gang na gnas pa bstan nas/ don gang gi bya ba la/ tshogs kyi slob dpon tshogs kyi mchog /ces bya ba la sogs te/ tshogs kyi ni tshogs lam man chad pa'i sems can rnams la'o/ /slob dpon ni de'i'o/ /tshogs kyi mchog ni sbyor ba'i lam mo/ /yang tshogs rje ni sbyor lam pa'o/ /tshogs bdag ni mthong lam pa'o/ /dbang dang ldan ni sa dang po pa des dbang mtshan nyid pa thob pas so/ /mthu chen ni sa dang po pa de'o//de'i slob dpon ni zhes pa 'dzin pa ste/ phyir mi ldog pa la gnas pa'i sa brgyad pa'o/ /tshul chen ni sa brgyad pa slob ma'o/ /gzhan gyi dring mi 'jog pa ni sangs rgyas kho na'o/ /de la tshig gi rje ni don la mkhas pas rje'o/ /des ni tshig bdag chos gsungs pa'i gsung la dbang thob pa'o//smra mkhas pa ni don phyin ci ma log par bstan pa'o/ /des na tshig la dbang ba tshig mtha' yas/ zhes pa gsung gcig gsungs kyang du mar go ba'o/ /tshig bden pa dang bden par smra/ /zhes pas rang rang gi skad du don go ba dang don nges par ston par go ba'o/ de ltar slob dpon gyi mtshan nyid bstan nas da ni theg pa gsum dang dbang bzhi thun mong du bstan pa ni/ de la thun mong gi theg pa las nyan thos kyi ni/ bden pa bzhi ni ston pa po/ /phyir mi ldog par phyir mi 'ong / /zhes pa bden pa bzhi ni sdug bsngal dang kun 'byung dang 'gog pa dang lam gyi bden pa'o//ston pa po ni bcom ldan 'das te nyan thos rnams la'o/ /phyir mi ldog pa phyir mi 'ong ba ni rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa'o/ /de ltar zung bzhi dang ya brgyad de nyan thos rnams so/ / rang rgyal ni/ 'dren pa rang rgyal bse ru'i tshul/ /nges 'byung sna tshogs las byung ba/ /'byung ba chen po rgyu gcig po/ /zhes pas rang rgyal ba ni sngon du bskal ba mang por tshogs bsags nas/ 'khor ba'i skyon la bsams nas slob dpon med pa'i sa phyogs su sangs rgyas par smon lam btab nas der skyes pas rten 'brel lugs 'byung dang lugs bzlog bsgoms pas rang rgyal bar gyur pa'o//de la 'dren pa ni ne tso ltar khyung lding pa'i rang rgyal lo/ /bse ru'i tshul ni gcig pur gnas pa'i rang rgyal ba'o/ /de gang gi dbang gis na nges 'byung zhes pa sngar 'khor ba las blo log pa'o//sna tshogs pa ni sngar tshogs bsags pas so/ /las 'byung ba ni de'i 'bras bu'o/ /'byung ba chen po ni rang rgyal ba'i byang chub bo/ /rgyu gcig po ni rgyu dkar po dang nag po 'dres pa ma nges pas dge ba'i las kho na las grub pa'o/ /theg pa chen po pa ni/ dge slong dgra bcom zag pa zad/ /ces pa la sogs pa ni dge slong ni dge ba'i chos la 'dun pa yin pas theg pa chen po'i rten no/ /dgra bcom pa ni lam ste bdag med pa gnyis kyis nyon mongs pa'o/ /zag pa zad pa ni 'bras bu ste/ 'khor bar gnas pa'i rgyud zad pas sangs rgyas so/ / 'dod chags bral bas dbang po thul/ /zhes pa yul la chags pa dang bral bas dbang po rnams rang zhi ba'o/ /bde ba rnyed pa ni chags pa dang bral ba'i 'bras bu'o/ /des na bdud dang nyon mongs las mi 'jigs pa thob pa'o/ /bsil bar gyur pa ni zhe sdang la sogs pa'i byed las so/ /rnyog pa med pa ni chos nyid rang bzhin gyis dwangs pa la glo bur gyi dri ma dang bral ba'o//thun mong ma yin pa gsang sngags kyi dbang dang sbyar na/ bden pa bzhi ni ston pa po/ /zhes pa ston pa po ni gong du bshad pa'i slob dpon de'o/ /bden pa ni mi slu ba ste don dam par ro/ /bzhi ni dbang ste bum pa dang / gsang ba dang shes rab ye shes dang bzhi pa ste mdor bstan pa'o/ /rgyas pa las/phyir mi ldog pa phyir mi 'ong / /zhes pa dbang bdun pa rim gyis thob pa'i rjes la brgyad pa bum pa'i dbang bskur bas brgyad pa'o/ /'dren pa rang rgyal ni slob ma'i tshogs sdud pas 'dren pa'i rang rgyal lo/ / bse ru'i tshul ni slob ma mang po yang slob dpon gcig gis grol bar byed pa'o/ /nges 'byung sna tshogs las byung ba/ /'byung ba chen po rgyu gcig po/ /zhes pa gsang ba'i dbang ste/ nges 'byung sna tshogs ni slob dpon dang slob ma rig pa'i khams sna tshogs pa rnams nges par rtsa'i lam nas byung nas slob ma'i ngag la bskur ba'o//'byung ba ni sa la sogs pa lnga'o/ /chen po ni ye shes kyi lam mo/ /kun rdzob byang chub sems la brten nas don dam pa'i byang chub thob pa'i rgyu yin pas rgyu gcig pu'o/ /dge slong dgra bcom zag pa zad/ /'dod chags bral bas dbang po thul/ /zhes pa dbang gsum pa ste dge slong ni thig le mi 'dzag pas so//dgra bcom pa ni thig le 'dzin pa'i khrag 'dzag pa yin pas de ni dgra bcom pa zag pa zad pa'o/ /'dod chags bral ba ni 'dzag pa'o/ /des na dbang po rnams thul ba'o/ /bde ba rnyed pas 'jigs med thob/ /bsil bar gyur pas rnyog pa med//ces pa dbang bzhi pa ste bde ba rnyed pa ni mi 'gyur ba'i ye shes so/ /des 'dzag pa'i 'jigs pa med pa'o/ /bsil bar gyur pa ni sa bcu gcig pa'i ye shes so/ /de la 'jig rten pa'i rnyog pa med pas med pa'o/ /da ni sku bzhi la de'i rgyu lam dang ngo bo dang mjug bsdus pa'o//dang po thob pa'i rgyu ni/ bdag gir mi 'dzin ngar mi 'dzin/ /bden pa gnyis kyi tshul la gnas/ /zhes pa bdag gir mi 'dzin pa ni yul rnams la'o/ /ngar mi 'dzin pa ni 'dzin pa'i sems stong par rtogs pa'o/ /bden pa gnyis ni snang ba dang / /lha kun rdzob kyi bden pa rang bzhin med pa don dam pa'o//de su la yod na sa dang po la yod pas shes pa 'ba' zhig las byung ba zhes pa gnyis te shes pa ni sa dang po pa'o/ /shes rab mtshon chen rnams 'joms pa/ /zhes pas sa dang po'o/ /shes rab des nyon mongs pa mngon du gyur pa rnams bcom pa'o//des sa bcu rim gyis brgyud nas sangs rgyas pas/ 'khor ba'i pha rol mthar son pa/ /zhes pas sa bcu pa yang las dbang min te/ smon lam gyi dbang gis sems can gyi don la bzhugs la sangs rgyas de'i mthar son pa'o/ /bya ba ni sems can don yin la byas pa ni bskal pa grangs med pa gsum du'o//de byas nas skam sa ni sa bcu gnyis so/ /sa bcu gnyis pa'i ngo bo la sku bzhi ste/ dang po sprul pa'i sku ni/ rig pa dang ni rkang par ldan/ /bde gshegs 'jig rten rig pa'i mchog /ces pa rig pa ni sems can gyi don bya ba la rig cing mkhas pa'o//rkang pa ni sku'i khyad par yin la ldan pa ni sprul pa'i sku'o/ /bde bar gshegs pa ni 'jig rten ni stong gsum gyi stong chen po'o/ /rig pa'i mchog ni de na gnas pa'i don to/ /dam chos chos rgyal gsal bar ldan/ /'jig rten snang bar byed pa'i mchog /chos kyi dbang phyug chos kyi rgyal//legs pa'i lam ni ston pa po/ /zhes pa longs spyod rdzogs pa'i sku ste/ dam chos ni bstan pa'i chos so/ /chos rgyal gsal bar ldan ni zhi ba'i chos so/ /'jig rten ni ma rig pa'i snang ba'o/ /snang bar byed pa'i mchog ni ye shes te des gsal bar byed pa'o//chos kyi dbang phyug chos kyi rgyal ni longs spyod rdzogs pa'i sku ste/ /chos kyi dbang phyug dang chos kyi rgyal por 'gyur pa'o/ /des byang chub sems dpa' rnams la chos ston pas na/ legs pa'i lam ni ston pa po/ /zhes pa'o/ /chos kyi sku ni/ don grub bsam pa grub pa ste//kun du rtog pa thams cad spangs/ /rnam par mi rtog dbyings mi zad/ /chos dbyings dam pa zad mi shes/ /zhes pa don grub ni sems can gyi'o/ /bsam pa grub pa ni sangs rgyas nyid kyi'o/ /kun du rtog pa thams cad spangs pa ni chos kyi sku las so/ /rnam par mi rtog pa'i chos kyi sku'i rang bzhin no//dbyings mi zad pa ni ngo bo'o/ /rnam par mi rtog dbyings mi zad/ /ci zhe na/ chos dbyings dam pa zad mi shes/ /zhes pa chos kyi sku la skye ba med pas zad pa yang med pa'o/ /ye shes sku ni/ bsod nams ldan pa bsod nams tshogs/ /ye shes ye shes 'byung gnas che//ye shes ldan pa yod mi shes/ /tshogs gnyis tshogs ni bsags pa po/ /zhes pa bsod nams ldan pa ni sngar byas pa'i 'bras bu'o/ /bsod nams tshogs ni thabs dge ba'i las so/ /ye shes ni sngar stong pa las mos par byas pa'o/ /de phyis 'byung ba'i ye shes kyi 'byung ba'i gnas so//de'i 'bras bu ni ye shes che zhes pa mi 'gyur pa'i zhes so/ /ye shes ldan pa ni de'i ngo bo'o/ /yod med shes pa ni de'i rang bzhin no/ /tshogs gnyis tshogs ni bsags pa po/ /zhes pa ni 'bras bu longs spyod rdzogs pa'i sku'o/ /de'i mjug bsdu ba ni/ mchog gi dang po sku gsum 'chang //sangs rgyas sku lnga'i bdag nyid can/ /khyab bdag ye shes lnga yi bdag /sangs rgyas lnga bdag cod pan can/ /spyan lnga chags pa med pa 'chang / zhes pa mchog gi dang po ni ye shes kyi sku'o/ /de la gzhan sku gsum dang bzhi ru gnas pas na 'chang zhes pa'o/ /sku bzhi dang ldan pa'i/sangs rgyas sku lnga'i bdag nyid can/ /zhes pa rdo rje rigs la sogs pa rigs lnga'i de bzhin gshegs pa'o/ /khyab bdag ni rigs lnga'o/ /ye shes lnga yi bdag ces pa rigs lnga la ye shes lngas khyab pa'o/ /sangs rgyas lnga bdag cod pan can ni rigs mtshon par byed pa'i rigs gnas pa'o//spyan lnga ni sha'i spyan dang / /lha'i spyan dang / sangs rgyas kyi spyan dang / chos kyi spyan dang / ye shes kyi spyan no/ /chags pa med par 'chang ba ni de ltar yul rnams gzigs kyang dngos por mi 'dzin pa dang ma chags pa'o/ /da ni sbyor ba'i yan lag drug brjod par bya ste/ye shes kyi sku'i grub pa'i rten dang / yan lag drug so so'i mtshan nyid dang / rtags dang / ye shes kyi sku'i ngo bo'o/ /phyag rgya chen po'i lam 'di snod dang mi ldan pa bla ma'i bka' dang mi ldan par rang zhugs su gzhan la ston pa ma 'ongs pa'i dus su 'byung ba'i phyir dkrugs nas bstan to//rten ni/ /sangs rgyas thams cad skyed pa po/ /sangs rgyas sras po dam pa'i mchog /rtag pa kun rgyal rnal 'byor can/ /zhes sbyar ro/ /sangs rgyas thams cad skyed pa ni dam tshig dang sdom pa dang / /theg pa gsum ka 'dzin pa sgrub pa la brtson pa'o//skyed pa po ni sgrub pa po'o/ /sangs rgyas sras ni sa dang po'o/ /dam pa ni sa brgyad pa'o/ /mchog ni sa bcu pa'o/ /rtag pa ni mi 'gyur pa ste ye shes kyi sku'o/ /kun rgyal ni 'khor ba dang mya ngan las 'das pa las so/ /rnal 'byor ni de bzhin nyid kyi rnal 'byor te nyin mo dang mtshan mo'i ste de su la yod pa ni can no//yan lag drug la grangs nges pa dang / go rims nges pa ni dpal 'dus pa phyi ma las gsungs pa/ so sor sdud dang bsam gtan dang / /srog rtsol de bzhin 'dzin pa dang / /rjes su 'dzin dang ting nge 'dzin/ /sbyor ba yan lag drug tu bshad//ces pa'o/ /dang po so sor sdud pa la/ /gtsug tor chen po rmad byung gtsug /nam mkha'i bdag po sna tshogs ston/ /zhes pa gtsug tor 'khor los sgyur pa'i lta stangs te steng du lta ba yin/ chen po ni sgrub pa po yang don chen po'i rmad du 'byung ba'i lta stangs spyi bo'i gtsug tu'o//de yang sprin med pa'i nam mkha' la lta bas na nam mkha'i bdag po'o/ /sna tshogs ston pas na rtags rim pa snang ba'o/ /gong du/ so so rang rig mi g.yo ba/ /zhes sbyar ro/ /so so ni yul gzugs la sogs pa'o/ /rang rig ni yul can mig gi rnam par shes pa la sogs pa'o/ / mi g.yo ba ni yul la yul can mi 'jug par gnas so/ /de nas bsam gtan ni/ bsam gtan pas ma bya blo ldan mchog /ces pa bsam gtan ni sems rtse gcig pa'o/ /bsam bya ni bzhi ste/ rtog pa dang dpyod pa dang dga' ba dang bde ba'o/ /blo ldan mchog ni mi g.yo ba'i don to/ / de la srog rtsol ni/ rigs gsum 'chang ba gsang sngags 'chang / /dam tshig chen po gsang sngags 'dzin/ /zhes pa rtsa gsum na rlung gsum gnas pa nas rgyu ba ste/ g.yon zla ba ste sku/ g.yas nyi ma ste gsung / dbus sgra gcan te thugs kyi rigs te rigs gsum mo/ /de sgrub pa po'i lus la gnas pas na 'chang ba'o//gsang sngags 'chang ni rlung 'byung ba dang 'jug pa dang gnas pa'o/ /dam tshig chen po ni de bsgom pa'o/ /gsang sngags 'dzin ni rlung 'jug pa oM/ 'byung ba hUM/ gnas pa AH// de 'dzin pas na gsang sngags 'dzin pa'o/ /'dzin pa ni/ don yod zhags pa rnam par rgyal//'dzin pa chen po rdo rje zhags/ /rdo rje lcags kyu zhags pa che/ /zhes par sbyar ro/ /'di la phyi dang nang du sbyar te/ phyi ni bskyed rim la ye shes pa spyan 'dren pa'i sgo ba bzhi la/ don yod zhags pa rnam par rgyal ni lho ru zhags pa/ nang du me'i rlung / 'dzin pa chen po ni byang du lcags sgrog /nang du chu'i rlung / rdo rje zhags ni shar du rdo rje dril bu/ nang du rlung gi rlung / rdo rje lcags kyu zhags pa che ni nub tu lcags kyu/ nang du sa'i rlung ngo / /phyi ru ni sgo ba bzhis dgug pa dang / gzhug pa dang / bcing ba dang / dgyes par bya ba'o/ /nang du ni spyi bo'i khams rlung bzhis 'khor lo rim par dgug gzhug byas nas/'dzin pa chen po rdo rje zhags/ /zhes so/ /rjes su dran pa ni/ gtso bo dkon mchog gsum 'dzin pa/ /zhes pa phyi ru ni dkon mchog gsum rjes su dran pa yin la/ /nang du dkon mchog gsum ni pha'i cha dang ma'i cha dang rnam par shes pa dang gsum mo//de gsum rlung gi stobs kyis gcig tu tshogs pa ni dkon pa'i mchog go/ /de las bde ba skyes pas theg pa gsum mchog go/ /ston pa po ni mngon du rtogs pa'o/ /de la ting nge 'dzin ni/ sangs rgyas kun gyi sku yi mchog /'gro kun dga' ba'i mig dang ldan//sna tshogs gzugs can skyed pa po/ /mchod cing rjed pa drang srong che/ /zhes pa sangs rgyas kun gyi sku yi mchog ni ye shes kyi sku'o/ /'gro kun dga' ba'i mig dang ldan ni ye shes kyi spyan gyis thams cad mkhyen pa'o/ /sna tshogs gzugs can ni nam mkha' dag pa'i 'od kyi lus dwangs ma'i rang bzhin no/skyed pa po ni ting nge 'dzin no/ /mchod cing rjed pa dang drang srong che ni g.yas dang g.yon gyi rlung bcu 'gags pas drang srong chen po kun gyis mchod pa'i gnas su gyur pa'o/ /de'i rtags ni/ nam mkha' las byung rang byung ba/ / zhes pa la sogs pa ste/ nam mkha' las byung ni gzugs brnyan yin pas rang byung ba ni rgyu med pa'o/ /shes rab ye shes me bo che ni me 'bar ba'o/ /'od chen rnam par snang mdzad che ni zla ba lta bu'o/ /ye shes snang ba lam me ba ni nyi ma lta bu'o/ /'gro ba'i mar me ye shes sgron ni rdo rje sgra gcan lta bu'o//gzi brjid chen po 'od gsal ba ni glog lta bu'o/ /sngags mchog mnga' bdag rig sngags rgyal ni thig le stong pa ste nyin mo'i rtags drug go/ /de'i nang du rtags can ye shes sku ni/ gsang sngags rgyal po don chen byed/ /ces pa'o/ /de ni longs spyod rdzogs pa'i sku'o//ye shes sku'i ngo bo ni/ shes pas srid 'byung skye gnas med/ /ces pa la sogs te/ shes pas ni lhan cig skyes pa'o/ /srid 'byung ni 'khor ba las yid 'byung ba'o/ /skye gnas par ni 'khor bar ro/ /chos las 'byung ba ni zag med bde ba'o/ / srid pa sel ba ni de 'khor ba'o/ /gcig pu sra mkhregs ni gcig pu ni ye shes sku yin la/ sra mkhregs ni 'dus ma byas pa'i rdo rje'i bdag nyid do/ /skyes ma thag pa ni mi 'gyur pa'i ye shes so/ /'gro ba'i bdag nyid ni sa bcu gnyis pa'o/ /de ltar le'u drug pa'i bshad pa'o// // da ni me long lta bu'i ye shes la bstod pa brjod par bya ste/ rdo rje 'jigs byed 'jigs par byed/ /ces pa la sogs pa/ rnal 'byor bzhi po dang po dbyibs kyi rnal 'byor bsgom pa dang por rkyang bar bsgom na/ dang po srung ba nas dbang bskur yan chad rdzogs par bya/ rim gyis par bsgom pa la gtso bo 'pho ba ni/sngar mi bskyod pa yab yum nub dang rlung gi mtshams su bzhugs pa dbus kyi le tshe la zhal sbyor du bzhugs pa'o/ /rnam snang nub tu/ sangs rgyas spyan rlung gi mtshams su bzhugs pa'o/ /mi bskyod pa'i thugs kar nyi ma'i dkyil 'khor ye shes sems dpa' sdug bsngal kun gcod zhal gcig phyag gnyis pa sku mdog ljang gu g.yon rdo rje g.yas ral gri bsnams pa'o//rdo rje skyil krung du bzhugs pa'o/ /de'i thugs ka nas 'khor lo rtsibs brgyad pa la oM duHkha ts+tshe da ya te na maHgnas pa/ de'i lte ba la a ljang gu gnas pa'o/ /gzhan rdo rje dbyings bsgom pa dang 'dra'o//de ltar dkyil 'khor chen po de la don dam pa'i sgo nas bstod pa la/ sku'i sgo nas bstod pa dang / gsung gi dang / thugs kyi dang / phrin las kyi dang / yon tan gyi sgo nas bstod pa'o/ /de la sku'i sgo nas bstod pa la/ rdo rje 'jigs byed 'jigs par byed//ces pa la sogs la rdo rje ni stong pa dang snying rje dbyer mi phyed pa'i lhan cig skyes pa'i sku'o/ /de ni 'jigs par byed pa yin te su 'jigs na 'jigs par byed ces pa rtag chad du lta ba 'jigs par byed pa'o/ /de nas khro bo'i rgyal po'o/ /rdo rje drug 'jigs zhes pa lhan cig skyes pa de yang rigs drug tu gnas pa'o//des mig drug dang lag drug rigs so/ /stobs dang ldan pa'i sku'o/ /keng rus mche ba gtsigs pa ni drug rtsa ba'i nyon mongs pa 'dzoms pa'o/ /ha la ha la gdong brgya pa ni rigs kyi dbye ba yin te/ rtsa ba'i rigs lnga la rigs re re la lnga lngar phye bas rigs nyer lnga'o//de la thabs dang shes rab kyi dbye bas lnga bcu/ de lus kyi dbang du bsam pa'i dbang gis phye bas rigs brgya'o/ /gshin rje ni 'jig rten pa yin la/ gshed po ni de'i gshed ye shes pa yin la des na bgegs thams cad kyi rgyal por gyur te/ /rdo rje de ci la yang thogs pa med pas shugs che ba ste/gzhan 'jigs par byed pas 'jigs byed pa'o/ /rdo rje grags pa ni rdo rje rdzas kyi ra grags kyang don stong pa yin pas rdo rje snying po can no/ /sgyu 'phrul rdo rje gsus po che ni mi'u thung gi tshul du gnas pa'o/ /ral pa gcig gis bsgyings zhes pa sbyar te ral pa thor tshugs dang ldan pa'o//glang chen rlon gos su gyon pa ni 'khor ba la nyam nga med pa'o/ /de ltar sku'i sgo nas bstod nas/ gsung gi sgo nas bstod pa la/ /grags chen ha ha zhes sgrogs pa ni dgyes pa'i sgra grags par sgrogs pa'o/ /hi hi zhes sgrogs pa ni gsung gi sgra'o//des gzhan la bsdigs par byed pa ni 'jigs par byed pa'o/ /des na gad mo chen po'o/ /gad rgyangs can ni stong gsum sgras khyab pa'o/ /rdo rje gad mo cher sgrogs pa ni stong pa nyid kyi gad mo des khams gsum pa dga' bar byed pa'o/ /de'i phyir/ rdo rje hUM ste hUM zhes sgrogs//zhes pa dang / /gad rgyangs ha ha nges par sgrogs/ /zhes pa dang sbyar ro/ /de ltar gsung la bstod nas/ thugs kyi sgo nas bstod pa ni/ /rdo rje las skyes rdo rje'i bdag /ces pa ni rdo rje las skyes pa ni stong pa nyid kyi las so/ /rdo rje'i bdag ni stong pa la gnas pa'o//de'i rdo rje snying po mkha' dang 'dra'o/ /des ni mi g.yo zhes pa gang gis thugs bskyod par mi nus pa'o/ /rdo rje sems dpa' sems dpa' che/ /zhes par sbyar te/ sems dpa' bdag don yin la sems dpa' chen po ni gzhan gyi don du'o/ /rdo rje rgyal po bde ba che ni zag pa med pa'o//rdo rje drag po dga' ba che/ /zhes pa mi 'gyur pa'i bde ba'o/ /de ltar thugs la bstod nas/ phrin las kyi sgo nas bstod pa la/ mtshon du rdo rje mda' thogs pa/ /zhes pa ni don stong pa nyid mda' des nyon mongs pa la bsnun pa'o/ /rdo rje ral gri ma lus gcod pa ni spang bya thams cad do//rdo rje kun 'chang ni ye shes lnga'i'o/ /rdo rje can ni de dang ldan pa'o/ /de la rdo rje gcig pus g.yul sel ba ni 'khor ba'i g.yul las rgyal ba'o/ /rdo rje 'bar ba mig mi bzang ni phyi ru ye shes la spyan 'dren pa'o/ /nang du lta stangs kyis ye shes skye ba'o//rdo rje 'bebs pa 'bebs pa che ni ye shes so/ /mig brgya pa ste rdo rje'i mig /ces pa mig brgya pa rigs yin/ rdo rje'i mig ni ye shes skye ba'i lta stangs so/ /de ltar phrin las spyi'i sgo nas bstod pa ni/ skra yang rdo rje 'bar ba ste/ /lus ni rdo rje'i ba spu can/ /zhes par 'brel te//rdo rje'i sku de la yon tan gyi khyad par ni lus dang skra dang spu dang pags pa dang / sen mo rdo rjer byas pas shin tu sra ba dang mkhregs pa'o/ /des na/ rdo rje phreng thogs dpal dang ldan/ /zhes pa bsod nams dang ye shes kyi tshogs rdzogs pa'o/ /des na rdo rje rgyan gyis brgyan pa'o/ / yi ge drug pa ni phyi'i skye mched yul drug dang / nang gi skye mched dbang po drug rdo rje ste dbyer mi phyed pa'o/ /'jam dbyangs chen po ni yul thams cad bde bar snang bas na 'jam pa'i dbyangs so/ /sgra che ba ni ci snang ba de las ma 'das pa'o/ /'jig rten gsum na sgra gcig pa ni srid pa gsum dang de las ma 'das pa'o//nam mkha'i mtha' las sgra sgrogs pa ni rdo rje lhan cig skyes pa'i sku des kun la khyab pa'o/ /sgra dang ldan pa rnams kyi mchog /ces pa lhan cig skyes pa'i sgra de sgra thams cad kyi mchog go/ /de ltar le'u bdun pa'i bshad pa'o// // da ni so sor rtog pa'i ye shes la bstod pa brjod par bya ste/ /dang po dbyibs kyi rnal 'byor ni rang rkyang par bsgoms nas/ dang po srung ba nas dbang bskur ba yan chad rdzogs par bya'o/ /rim par bsgom pa gtso bo 'pho ba ste/ sngar gyi snang ba mtha' yas yab yum byang dang dbang ldan gyi le tshe la bzhugs pa'i dbus kyi le tshe la bzhugs pa'o//de la mi bskyod pa byang du/ rdo rje dbyings phyug ma dbang ldan gyi mtshams su bzhugs pa'o/ /snang ba mtha' yas kyi thugs kar nyi ma'i dkyil 'khor la ye shes sems dpa' rdo rje rnon po zhal gcig phyag gnyis pa sku mdog dkar po g.yas na ral gri g.yon na pad+ma bsnams pa rdo rje skyil krung gis bzhugs pa'o//de'i thugs kar 'khor lo rtsibs brgyad pa la oM badzra tI k+Sha ya te na maHzhes pa'o/ /de'i lte ba la a dkar po gnas par bsam mo/ /byang phyogs pa'i lha gzhan dang mi bskyod pa gzhan sku mdog dang phyag mtshan du gyur pa bsam mo//de ltar dbyibs kyi rnal 'byor bshad nas/ de rnal 'byor gzhan lam 'bras bu dang bcas pa la mdor bstan pa dang / rgyas par bshad pa dang / mjug bsdu ba'o/ /dang po ye shes kyi sku mngon sum du bsgom pa dang / dbang bzhi dang / de'i 'bras bu'o//yang dag bdag med yi ge med/ /yang dag mtha' ste yi ge med/ /ces pa 'di ltar bsgom pa ni gnyis te/ rjes dpag dang / mngon sum du bsgom pa'o/ /dang po ni rtog pa dang bcas pa sngar shi ba'i mi/ rang gis ma mthong ba/ gzhan gyis bshad nas bsgom pa'o//mngon sum du bsgom pa ni/ nam mkha' la du ba la sogs pa rim gyis mngon sum du mthong ba'o/ /yang dag pa ni yang dag par ram don dam pa'o/ /bdag med pa ni gang zag dang chos gnyis so/ /de bzhin nyid ni de'i rnal 'byor yin ma bcos pa'i rang bzhin no/ / yang dag pa'i mtha' ste ni thob par bya ba'i 'bras bu yang dag pa'i don to/ /yi ge med pa la skyed par byed pa'i yi ge hUM la sogs pa'i sa bon med par byed pa'o/ /de med pas de bskyed pa'i lha'i zhal dang phyag dang sku mdog dang phyag mtshan med pa'o/ /yi ge med pa de rtsa ba'i rgyud las gsungs pa/mi 'dzag pa dang mi g.yo ba/ /gzhan gyi gnas su mi 'gro bas/ /yi ge'i sgra ni dbyangs su brjod/ /ces mi g.yo ba'i sgra ni mi g.yo ba'i ye shes la rdo rje sems dpa' zhes bya'o/ /de bzhin du yid skyob par 'gyur pa'i phyir/ sngags kyi mchog tu mi 'gyur pa'i ye shes la brjod do//de bzhin du nang gi bdag nyid can gyi rig pa/ shes rab kyi pha rol tu phyin ma/ rang gi 'od gsal ba/ phyag rgya chen po/ /lhan cig skyes pa dga' ba'i gzugs/ /zhes rgyal ba rnams kyis brjod do/ /de bsgom pa'i man ngag ni nyin mo dang mtshan mo'i rnal 'byor te/'og nas/ nam mkha'i lam la rab gnas pa/ /zhes pa nyin mo'i rnal 'byor yin te de'i rnal 'byor la me 'bar ba la sogs pa'i rtags drug gong du bshad pa dang 'brel te/ thig le'i nang du ye shes kyi gzugs brnyan snang ba ste/ rtags drug ni sha'i spyan gyis mthong ngo //lha'i spyan gyis ye shes kyi gzugs brnyan mthong ste/ gzugs med gzugs bzang dam pa ste/ /sna tshogs gzugs can yid las skyes/ /gzugs rnams thams cad snang ba'i dpal/ /gzugs brnyan ma lus 'chang ba po/ /zhes pa ni gzugs med pa ni rdul phra rab 'dus pa'i gzugs med pa ste//gzugs bzang ba ni 'ja' tshon lta bu'i kha dog dang gzugs su ldan pa'o/ /sna tshogs gzugs can ni kha dog drug dang ldan pa'o/ /pha rol ni yul grub pa med pas yid las bskyed pa'o/ /gzugs rnams thams cad snang ba'i dpal//zhes pa rdul gcig gi steng na rdul snyed kyi sangs rgyas bzhugs pa'o/ /gzugs brnyan ma lus 'chang ba po/ /zhes pa longs spyod rdzogs pa'i sku ste/ sprul pa'i sku zhes bya'o/ /de yang 'byung ba las 'byung ba ma yin te rang byung ba'i sku'o/ /de yang dus kyi 'khor lo las gsungs pa/sra ba min par sa'i rnam pa dang ni gsher ba med pa'i chu yi lus te chu ma yin/ /me ma yin pa me yi rnam pa gang zhig g.yo ba med pa'i rlung gi lus te rlung ma yin/ /mthong ba'i stong pa'i rnam pa dang ni mdog med pa yi dkar po ljang gu sna tshogs chen po rnams/ / kun gyi rnam pa yang ni rang gi sems kyi rnyog ma nyon mongs bdud kyi mthu yis mthong ma yin/ /zhes pas so/ /gzugs brnyan de las lha'i rna bas chos thos par 'gyur te/ stong nyid smra ba'i khyu mchog ste/ /zhes pa stong pa nyid las 'byung ba'i gzugs de chos smra ba'i khyu mchog ste/ zab cing rgya che'i sgra sgrogs pa/ /zhes pa zab pa ni mi 'gyur pa'i ye shes so/ /rgya che ba ni theg pa gsum gyi chos kyi sgra sgrogs pa'o/ /de chos kyi dung dang gaN+DI dang / chos kyi rnga bo che'i sgra sgrogs pa'o/ /de ni mi gnas pa'i mya ngan las 'das pa'i sku'o/ /tshugs pa med cing che bar grags//zhes par sbyar te/ tshugs pa med pa ni gzugs sku gsung ba la bdud dang mu stegs kyis so/ /che bar grags pa ni bsod nams zad mi shes pa'o/ /des khams gsum la dbang sgyur pas dbang phyug chen po'o/ /'phags lam shin tu mtho la gnas pa ni longs spyod rdzogs pa'i sku'o//dar ba chen po ni sku bzhi las gzugs skur snang ba dar phyar bar rin po che'i tog gtsugs pa lta bu'o/ /de ltar ye shes kyi sku mngon sum du bsgom pa la sngon du dbang dgos pas dbang bstan pa la/ /'jig rten gsum na gzhon lus gcig /ces pa la 'jig rten gsum lus ngag yid gsum dag par byed pa'i dbang gsum mo//gzhon lus gcig ni chu'i la sogs bdun bskur nas bum pa'i rdo rje slob dpon rgyal tshab gzhon nu zhes bya ste lus dag pa'o/ /de ni sa brgyad pa'o/ /gnas brtan rgan po ni gzhon nu las gong mar gyur pas rgan po ste gsang ba'i dbang gis gang ba'i skye dgu'i bdag po sa dgu pa'o// //sum cu rtsa gnyis mtshan 'chang ba/ /zhes pa shes rab ye shes kyi dbang ste/ rtsa sum cu rtsa gnyis nas byang chub sems rim gyis gsang gnas su 'bab pa'i bde ba lhan cig skyes pa'i rtog pas sa bcu pa shes rab ye shes dbang ngo //sdu gu 'jig rten gsum na mdzes/ /zhes pa dbang bzhi pa gzugs sku mngon du snang ba'i don de mtshan dang dpe byad kyis brgyan pa'o/ /'jig rten shes legs slob dpon te/ /zhes pa 'jig rten pa thams cad la legs pa ston pa'i slob dpon chen po'o//'jig rten slob dpon 'jigs pa med/ /ces pa chos gsung pa la thugs ma zhum pa ltar du snang ba'o/ /mgon skyob 'jig rten yid gcugs pa/ /zhes pa sems can la mdza' bo dang 'dra bar don mdzad pa'o/ /skyabs dang skyob pa bla na med/ /ces pa skyabs ni tshe 'di la'o//skyob pa bla na med pa ni byang chub ma thob par du'o/ /de ltar dbang bstan nas/ de'i mjug bsdu ba dang dbang rtags ni/ ye shes dbang bskur cod pan can/ /zhes sbyar te/ ye shes dbang bskur ni dbang bcu pa'o/ /cod pan can ni dar dpyangs la sogs pa'i dbang bsdus pa'o//rdzogs pa'i sangs rgyas rgyan du thogs pa ni rigs lnga'i sangs rgyas kyis rgyas btab pa'o/ /dbang bzhi ni nam mkha'i mtha' la longs spyod pa la sogs te/ nam mkha' ni dbang po rnal 'byor gnyis te nyin mo dang mtshan mo'i'o/ /mtha' la longs spyod pa ni sangs rgyas kyi bar du'o thams cad mkhyen pa'i ye shes ni ji lta ba dang ji snyed pa mkhyen pa'i ye shes so//mtshos ni dper na nor bu rin po che rgya mtsho las byung ba bzhin rnal 'byor gnyis las ye shes kyi sku byung ba'o/ /ma rig sgo nga'i sbubs 'byed pa/ /zhes ye shes kyis ma rig pa sel ba'i sgo nga'i nang na bya yod pa sgo nga'i shun gyis bsgribs pa bzhin du rang la sangs rgyas yod pa ma rig pas bsgribs pa bla ma'i gdams ngag gis bstan to//srid pa'i dra ba 'joms pa po/ /zhes pa srid pa ni 'khor ba'o/ /des dra ba dang 'dra ba de 'joms pa ni ye shes des so/ /des na nyon mongs pa ma lus pa zhi bar byed pa'o//'khor ba'i rgya mtsho'i pha rol phyin/ /zhes pa 'bras bu mthar phyin pa'o/ /'bras bu sku bzhi las chos sku mdzad pa dang bcas pa ni/ sdug bsngal gsum gyi sdug bsngal zhi/ /zhes pa chos sku thob pas sdug bsngal gsum ni/ sdug bsngal ba'i sdug bsngal/'du byed kyi sdug bsngal 'gyur pa'i sdug bsngal gsum zhi ba'o/ /gsum sel ni chos sku'o/ /mtha' yas grol gsum thob ni nyan thos rang rgyal byang chub sems dpa' mtha' yas pa'i chos sku'o/ /sgrib pa kun las nges par grol ni shes bya dang nyon mongs pa'i sgrib pa las so/ / mkha' ltar mnyam pa nyid la gnas/ /zhes pa chos kyi sku nam mkha' dang 'dra ba'i chos nyid la gnas pa'o/ /nyon mongs dri ma kun las 'das/ /zhes pa drug rtsa ba'i nyon mongs pa la sogs pa'o/ /dus gsum dus med rtogs pa po/ /zhes pas 'das pa'i dus 'das pa'i dus kyis stong //da ltar ba'i dus da ltar pas stong / ma 'ongs pa ma 'ongs pas stong pa'o/ /sems can kun gyi gtso bo ste/ /zhes pa chos dang thos pas so/ /yon tan thod can rnams kyi thod ni byang chub sems dpa' yin/ de yang bkur ba'i gnas thod can gyi thod ni sangs rgyas so/ / de yang lus kun las ni rnam par grol ba ni gzugs sku ma yin pa'i chos sku'o/ /nam mkha'i lam la rab gnas pa ni gong du bshad do/ /chos sku de'i mdzad pa ni/ yid bzhin nor bu chen po 'chang / /zhes pa nor bu la mchod pa dang byi dor byas na bsam pa med kyang dgos 'dod 'byung ba'o//khyab bdag ni chos sku'o/ /rin chen kun ni nor bu rin po che'o/ /mchog ni nor bu las chos sku mchog go/ /dpag bsam shing chen rgyas pa ste/ /zhes pa 'bras bu dang lo ma la sogs pas sems can la phan 'dogs pa'o/ /bum pa bzang po che ba'i mchog ni bum pa la rig pa med kyang rnal 'byor pas bsgrubs pa'i stobs kyis gzhan don 'byung ba'o//des na/ byed pa sems can kun don byed/ /ces pas chos skus so/ /'o na chos sku rtog med de sems can gyi don 'ong ngo snyam na/ chos sku la sems can gyi snang ngo la dang po sems bskyed pas sprul sku 'byung ste/phan 'dogs ni sems can la'o/ /sems can mnyes gshin pa ni 'khor ba ma stongs bar du don 'byung ba'o/ /bzang ngan shes pa ni dge ba dang mi dge ba'i don to/ /'du shes pa ni 'dul ba'i dus la bab pa dang ma bab pa'i dus so/ /khyab bdag ni sprul sku'o//dam shes ni dang po sems can don du dam bcas pa'o/ /dam tshig ldan ni don byed pa'o/ /dus shes ni gdul ba'i dus so/ /sems can dbang po shes pa ni sems can dbang po rab 'bring gi don to/ /rnam grol gsum ni nyan thos dang rang sangs rgyas dang byang chub sems dpa'o//mkhas pa po ni lam gsum so sor ston pa la mkhas pa'o/ /longs spyod rdzogs sku 'char tshul ni/ /yon tan ldan zhing yon tan shes/ /zhes pa yon tan ldan pa ni sangs rgyas so/ /yon tan shes pa ni mtshan dang dpe byad dang stobs dang mi 'jigs pa'o/ / chos shes pa ni dge ba dang mi dge ba'o/ /bkra shis zhes pas ngan song du mi skye ba'o/ /bkra shis 'byung ni bde 'gro lha dang mi thob pa'o/ /bkra shis kun ni mi dang lha'o/ /kun gyi bkra shis pa ni de las tshogs lam la gnas pa'o/ /grags pa'i bkra shis ni sbyor lam pa'o/ /de'i yon tan ni snyan grags dge ba'o//dbugs 'byin chen po ni mthong lam pa'o/ /dga' ston chen po ni zag med kyi bde ba thob pa'o/ /rlung sum stong drug brgya 'gags pas sa gnyis thob pa'o/ /dga' chen rol mo chen po ste/ /zhes pa zag med kyi bde ba des tha mal pa'i gnas skabs dag nas ye shes sku thob pa sa bzhi pa'o//bkur sti rim gro ni lam de nyams su len pa'o/ /phun sum tshogs pa ni lam la mthun rkyen 'dzom pa'o/ /mchog tu dga' ba'i grags bdag dpal ni lam des gnyid mthug po dag nas chos sku thob/ rlung sum stong drug brgya 'gags pas sa drug pa thob pa'o//mchog ldan mchog sbyin gtso bo ste/ /zhes pa rmi lam gyi gnas skabs dag nas chos sku thob pa'o/ /rlung sum stong drug brgya 'gags pas sa brgyad pa thob pa'o/ /skyabs kyi dam pa skyabs kyi 'os/ /zhes pa sad pa'i gnas skabs dag nas sprul pa'i sku thob pa'o//rlung sum stong drug brgya 'gags pas sa bcu thob pa'o/ /de ltar dri ma dang bcas pa'i sku bzhi dag pa'i cha mthun pa'i sku bzhi dang ldan pa'i byang chub sems dpar gyur to/ /'jig rten dag ste rab kyi mchog /ces pa 'jig rten dgra ni dgra dang glang chen seng ge la sogs pa bcu drug go//rab kyi mchog ni longs spyod rdzogs pa'i sku'o/ /bsod nams dang ye shes kyi tshogs mthar phyin pa sgyu 'phrul dra ba las mngon par byang chub pas sa bcu gnyis pa la gnas/ rlung nyi khri chig stong drug brgya 'gags pa'i dpal rdo rje 'chang ngo / /des na/ 'jigs pa ma lus sel ba po/ /zhes pa'o/ /de ltar mdor bstan pa dang rgyas par bshad pa la/ sa dang po dbang la/ gang gi sa bcu pa'i byang chub sems dpa' la phyogs bcu'i sangs rgyas kyis dbang mtshan nyid pa bskur ba yin te/ dang po bum pa'i dbang la gtsug phud ni bskur ba'i gnas spyi bo'o//gtsug phud lcang lo can ni rtsa rnams 'dus pa'i gnas lcang lo can gyon pa dang 'dra ba'o/ /mgo la ral pa'i cod pan can ni rtsa lnga rigs lnga'i bum pa dang 'dra ba la rtsa'i mu khyud kyi cod pan dang 'dra bar bcings pa'o/ /gdong lnga ni 'byung ba lnga'i rtsa 'dab lnga'o/ /zur phud lnga dang ldan pa ni 'byung ba'i rlung rgyu ba'o//zur phud lnga'i rtse mo can ni rlung nyi khri chig stong drug brgya la sum stong drug brgya'i lhag ma 'gags nas de gtsug tor gyi 'khor lo nas rgyu'o/ /de la de bzhin gshegs pa thams cad kyis byin gyis brlabs pas bum pa'i dbang ngo / /mgo zlum brtul zhugs chen po pa//zhes pa mgo zlum ni sa bcu pa de dge slong yin pa'o/ /brtul zhugs chen po pa ni gsang ba dang shes rab ye shes dbang ste/ rtsa gzhan rlung rgyu ba brtul nas rtsa dbu mar zhugs pa'o/ /tshangs par spyod pa ni mi 'dzag pas so/ /des na brtul zhugs rnams kyi mchog go//des dka' thub mthar phyin pa dka' thub chen po'o/ /gtsang gnas dam pa ni des nyon mongs pa rnams dag pa'o/ /de su yin na gau ta ma ste bcom ldan 'das shAkya thub pa'o/ /bram ze tshangs pa ni gtsang sbra can la bya ste/ de bas kyang gtsang ba ni tshangs pa shes zhes pa nyon mongs pa'i dri ma dag pa'o//mya ngan 'das pa tshangs pa thob pa ni tshangs pa bas ches lhag pa'i tshangs pa thob pa'o/ /'gro ba ni 'khor ba las so/ /thar pa ni bcings pa las so/ /rnam grol lus ni bde ba chen po'i sku'o/ /rnam par grol ba'i mtshan nyid ni zhi ba bzhi pa ste chos sku'o/ / de ltar dbang bstan nas 'bras bu la dang por mdor bstan pa ni/ mya ngan 'das shing ni nyan thos kyi phyir mi 'ong ba'o/ /mya ngan 'das pa ni dgra bcom pa'o/ /legs par mya ngan 'das dang nye ba ni rang rgyal ba'o/ /bde sdug bsngal sel pa mthar gyur pa ni yang dag par rdzogs pa'i sangs rgyas so//chags bral lus ni nyan thos so/ /lus de las 'das pa ni sangs rgyas lhan cig skyes pa'i sku'o/ /da ni rgyas par bshad pa la chos sku rgyas pa la/ thub pa med pa ni gzhan gyi dbang du mi 'gyur pa'o/ /dpe med pa ni mtshan pa'i dpe med pa'o/ /mi mngon pa ni lha ru med pa'o//mi snang ba gzugs su grub pa med pa'o/ /gsal byed min ni rang bzhin gyis 'od gsal ba las gzhan gyis ma byas pa'o/ /mi 'gyur ni rkyen gyis so/ /kun 'gro ni sems can nas sangs rgyas kyi bar ro/ /khyab pa po ni chos kyi dbyings so/ /phra ba ni rdul dang bral ba'o//zag pa med pa ni rgyus ma bskyed pas sa bon dang bral ba'o/ /rdul med pa ni dang po nas so/ /rdul dang bral ba ni glo bur gyi dri ma dang bral ba yang med pa'o/ /nyes pa spangs pa ni 'dod chags la sogs pa'o/ /skyon med pa ni shes bya'i sgrib pa yang spangs pa'o/ /shin tu sad pa ni sa bcu gcig pa'i ye shes so//sad pa'i bdag ni sa bcu gcig pa'i ye shes so/ /kun shes ni ji lta ba'o/ /kun rig dam pa po ni ji snyed pa shes pa'i ye shes yin pas dam pa'o/ /'o na rang rig don dam par 'dod dam zhe na/ rnam par shes pa'i chos nyid 'das/ /zhes pa rang rig pa ma yin te/rang rig pa'i chos nyid las 'das pa'o/ /ye shes gnyis med tshul 'chang ba ni lhan cig skyes pa'i ye shes mchog tu mi 'gyur pa'o/ /rnam par rtog med ni ye shes de'i mtshan nyid do/ /lhun gyis grub pa ni ye shes de'i rang bzhin no/ /dus gsum sangs rgyas las byed pa ni ye shes de'i las yin te 'das ma 'ongs da ltar ba mkhyen pa'o//de ltar chos sku rgyas par bshad nas/ /de la ye shes kyi sku'i mtshan nyid ni/ sangs rgyas thog ma med pa ni thog ma med pa nas rang byung ba'o/ /tha ma med pa ni mi 'gag pa'o/ /des na dang po rang nas sangs rgyas pa'o//rgyu med pa ni thabs las byung ba yang min/ shes rab las byung ba yang min pa'o/ /ye shes mig gcig ni bsgrub pa'i dus kyi lta stangs kyis ye shes kyi sku mthong ba'o/ /dri ma med pa ni bsgrubs pa'i 'bras bu ye shes kyi spyan dngos po thob pa'o/ /ye shes lus can de bzhin gshegs pa ni ye shes kyi sku nam mkha' na bzhugs pa mthong ba'o//de bzhin gshegs pa ni sprul pa'i sku ste longs spyod rdzogs pa'i sku ltar du snang ba'o/ /gzugs brnyan de las chos kyi sgra 'byung ba lha'i rna bas thos te/ tshig gi dbang phyug ces pas chos thams cad la dbang sgyur pa'o/ /sgra che ba ni zab pa'i chos so//smra ba'i skyes mchog smra ba'i rgyal ni 'gran zla med pa'o/ /smra ba'i dam pa ni chos so/ /mchog gi gnas ni gsang sngags so/ /smra ba'i seng ge ni sangs rgyas kho na'o/ /tshugs pa med pa ni bdud dang mu stegs nyan thos rang rgyal rnams kyis so/ /de ltar gsung la bstod nas/sprul pa'i sku mdzad pa la bstod pa ni/ kun du lta ba ni shes rab kyi mya ngan las 'das pa la lta ba dang snying rjes 'khor ba lta'o/ /mchog tu dga' ni de nyid la ma chags pa'o/ /gzi brjid phreng ba ni sku la rgyan sna tshogs mnga' bas lta na sdug pa'o/ /'od bzang 'bar ba ni sku la 'od zer kha dog sna tshogs pa 'phro ba'o//dpal gyi be'u ni thugs ka na'o/ /de yang ye shes sems dpa' thugs ka na bzhugs pa'i phyag na bsnams pa lag na 'od 'bar snang ba po zhes so/ /sman pa che mchog ni sems can nyon mongs pa'i nad gso bar byed pa'o/ /gtso bo ni mchog tu gyur pa ste//zug rngu 'byin pa ni sdug bsngal gsum gyi'o/ /bla na med pa ni gong na med pa'i yang gong mar gyur pa'o/ /sman rnams ma lus ljon pa'i shing / /zhes pa lo ka las sman gyi ljon shing las nad gso ba'i sman skye ba bzhin 'khor ba'i sdug bsngal gso ba'i mi 'gyur pa'i ye shes ston pa'o//des nad dang nyon mongs pa gso bas na/ nad do cog gi dgra che ba'o/ sdu gu ni nyon mongs pa gso ba'o/ /'jig rten gsum ni khams gsum ste de na gnas pa rnams kyi mchog tu gyur pa'o/ /de ltar sprul pa'i sku mdzad pa dang bcas pa bshad nas/ dpal ldan rgyu skar dkyil 'khor can//zhes pa la sprul pa'i sku de yang gzhan don du snang lugs gsum ste/ phyi dang nang dang gzhan du'o/ /phyi 'jig rten gyi khams ltar snang ste/ dpal ldan ni ri rab gling bzhi'o/ /rgyu skar ni nyi shu rtsa bdun no/ /dkyil 'khor ni khyim bcu gnyis so//can ni nyi ma dang zla ba gza' rnams so/ /phyogs bcu nam mkha'i mthar thug pa ni khyim der 'khor bar ro/ /chos kyi rgyal mtshan legs par 'dzugs ni sems can la nyin nub dang nam zla dang grang dro dang ston dpyid kyi sgo nas don byed pa'o/ /'gro na ni phyogs rnams su 'khor ba'o//gdugs gcig ni nyin zhag gcig go/ /yangs pa ni kun la khyab par 'khor ba'o/ /nang du ni dpal ldan ni bsgrub pa'i lus sngar bsod nams dang ye shes kyi tshogs las byung ba'o/ /rgyu skar ni sna g.yas nas byung ba'i nyi ma'i rlung dang / g.yon nas rgyu ba'i zla ba'i rlung ngo / / dkyil 'khor ni lnga ste/ sa dang / chu dang / me dang / rlung dang / nam mkha'i rlung ste/ can ni ye shes kyi rlung dbu ma nas rgyu ba'o/ /phyogs bcu ni g.yas dang g.yon gyi dkyil 'khor gyi dbang bcu'o/ /nam mkha'i mthar thug pa ni ba spu'i mthar thug par rlung rgyu ba'o/ /chos kyi rgyal mtshan legs par 'dzugs ni rlung des don dam par byang chub kyi sems kyi rten kun rdzob byang chub sems bzung nas gnas pa'o//'gro na gdugs gcig yangs pa ste/ /rlung dang byang chub sems dbu mar tshud par bde ba chen po skyes pa'o/ /gzhan ni lha ste dpal ldan ni dpal 'bras spungs kyi gtsug lag khang sum thog tu gnas pa/yang thog na rdo rje dbyings kyi lha tshogs bzhugs pa/ bar khang na yo ga'i lha tshogs bzhugs pa/ 'og khang na 'jig rten pa'i lha tshogs bzhugs pas so/ /rgyu skar nyi shu rtsa bdun gyi dbyu gu'i grangs kyis lha stong phrag brgya nyi shu'o/ /can ni dang po'i sangs rgyas la bya ste/ / de nas sangs rgyas bstan pa gnas kyi bar du gnas pa nang na mtshan yang dag par brjod pa'i sgra rang sgrogs pas phyogs bcur nam mkha'i mthar thug par sgras khyab pa/ de nas chos kyi rgyal mtshan legs par 'dzugs pa'o/ /'gro na ni sems can don la'o/ /gdugs gcig yangs pa ni dper na 'jig rten pa gdugs kyis tshad pa las skyob pa bzhin du/chos kyi sgras des sems can rnams la skyob pa'o/ /de ltar dpal rgyu skar gyi dkyil 'khor de sems can rnams la byams pa dang ni bu gcig pa'i ma bzhin no/ /snying rje yang de bzhin no/ /dkyil 'khor can ni gzugs sku la ldan pa'o//dpal ldan ni lha'i 'khor lo'o/ /pad+ma ni 'khor bar gnas kyang skyon gyis ma gos pa'o/ /gar ni snying rjes sems can la g.yo ba'i bdag go/ /khyab bdag chen po ni de bzhin gshegs pa'o/ /rin chen ni dam pa'i chos so/ /gdugs ni chos des sems can la skyob pa'o//longs spyod rdzogs pa'i sku ni/ sangs rgyas kun gyi gzi brjid che/ /zhes pa sangs rgyas kun ni dus gsum gyi sangs rgyas so/ /gzi brjid ni sku mtshan dang dpe byad kyis brgyan pa'o/ /des na sangs rgyas kun gyi sku 'chang ba'o/ /sangs rgyas kun gyi rnal 'byor che/ / zhes pa mchog tu mi 'gyur pa'i ye shes thugs la gnas pa'o/ /sangs rgyas kun gyi bstan pa gcig /ces pa mi 'gyur pa de'i brjod bya gcig pa'o/ /de ltar rgyas par bshad nas/ /da ni mjug bsdu ba la/ dbang gi mjug bsdu ba ni/ rdo rje rin chen ni chu la sogs pa'i dbang bdun no//dbang bskur dpal ni slob dpon gyi dbang ste sa brgyad pa phyir mi ldog pa'o/ /rin chen kun bdag ni byang chub kyi sems dkar dmar ro/ /dbang phyug ni gsang dbang ste slob ma'i lce la gzhag pa'o/ /'jig rten dbang phyug ni sa bcu pa'o/ /kun gyi bdag ni shes rab ye shes so//rdo rje 'chang ba kun gyi rje ni 'jig rten las 'das pa'i dbang bzhi pa'o/ /sangs rgyas kun gyi thugs che bas ni dbang bzhi pas sku gsung thugs dag pa'i ye shes rdo rjer byas pa'o/ /sangs rgyas kun gyi thugs la gnas ni shes rab ye shes kyi thugs la rdo rjer byas pa'o//sangs rgyas kun gyi sku che ba/ /zhes pa bum pa'i dbang bskur bas sku rdo rjer byas pa'o/ /sangs rgyas kun gyi gsung yang yin/ /zhes pa gsang ba'i dbang bskur bas gsung rdo rjer byas pa'o/ /da ni rnal 'byor lam bsdu ba la dbyibs dang / sngags dang / chos dang / dga' ba bzhi yod pa las dbyibs kyi rnal 'byor gang du bshad nas/ da ni mtshon byed dpe'i ye shes zhes bya ste/ sngags [(]gyi [,]kyi [)]rnal 'byor la sbyar na/ rig ma mtshan nyid dang ldan pas slob dpon gyis sbyangs pa slob ma la gtad pa la/ rdo rje nyi ma snang ba che ni shes rab rig ma/rdo rje zla ba dri med de ni thabs sgrub pa po/ /chags bral dang po chags pa che ni snyoms par zhugs pa las dga' ba bzhi'i yang lhan cig skyes pa'i dga' ba'o/ /kha dog sna tshogs 'bar ba'i don 'od ni ye shes kyi snang ba/ rdo rje skyil krung ni gsang ba'i gnas na rtsa gsum lcags sgrog bcings pa 'dra'o//rdzogs sangs rgyas ni lhan skyes kyi ye shes/ sangs rgyas ni gong ma de'o/ /gsung gi chos 'dzin pa rlung mi rgyu bas byang chub sems bzung ba'o/ /dpal ldan ni bde ba dang stong par ldan pa'o/ /pad+ma skyes ni shes rab ma'i las so/ /kun mkhyen ye shes mdzod 'dzin ni/sangs rgyas thams cad ye shes skye pa'i mdzod lta bu 'dzin pa'o/ /rgyal po sgyu 'phrul sna tshogs 'dzin ni ka ra ni'i sbyor thabs so/ /rdo rje rnon po ral gri che ni bde ba des rnam par rtog pa gcod pa'o/ /yi ge mchog ste rnam par dag /ces pa a k+Sha ra ste mi 'gyur pa'i yi ge'o/ / da ni mtshon bya don gyi ye shes zhes pa/ rang lus chos kyi rnal 'byor la sbyar na/ rdo rje nyi ma ni lte ba'i a shad gtum mo'o/ /snang ba che ba ni kha dog dmar la reg bya tsha ba'o/ rdo rje zla ba ni spyi bo'i byang chub sems dpa'o/ /dri med 'od ni kha dog dkar po reg bya bsil ba'o/ /de la bla ma'i man ngag bzhi bsgoms pas/chags bral dang po chags pa che/ /zhes pa rang lus la brten nas lhan cig skyes pa'i don gyi ye shes skye'o/ /de man chad ni gong bzhin no/ /da ni mchog tu mi 'gyur pa'i ye shes zhes bya ba/ /dag pa chen po de bzhin nyid kyi rnal 'byor la sbyar na/ rdo rje nyi ma ni khrag/rdo rje zla ba ni khu ba/ rdo rje snang ba che ni sems/ rdo rje dri med 'od ni ye shes so/ /de bzhi tshogs pa las ye shes skye te/ dpal ldan sangs rgyas pad+ma skyes/ /zhes sbyar ro/ /pad ni bud med kyi skye gnas dang / nam mkha' dang / chos kyi dbyings dang / me tog la 'gro ste 'dir nam mkha' la bzung ste/nyin mo'i rnal 'byor ni sprin med pa'i nam mkha'o/ /mtshan mo'i rnal 'byor ni mun pa nag po zla ba dang nyi ma ni rtsa gnyis dang rlung gnyis rnal 'byor gnyis su sbyar ro/ /nyin mo'i rtags drug dang rtags 'di 'byung ste/ kha dog sna tshogs 'bar ba'i 'od/ /ces pa nam mkha' la me 'bar ba'o//rdo rje zla ba ni gnyis pa'o/ /rdo rje nyi ma ni gsum pa'o/ /snang ba che ni sgra gcan te bzhi pa'o/ /dri med 'od ni glog ste drug pa'o/ /chags bral dang po chags pa che ni thig le stong pa ste shes rab chen pos chos kyi dbyings la chags pa'o/ /rdo rje skyil krung rdzogs sangs rgyas ni thig le'i dbus na rtags can longs spyod rdzogs pa'i sku ni gzugs brnyan rdzogs pa'o//sangs rgyas gsung gi chos 'dzin pa/ /chos kyi sgra sems can rnams la sgrogs pa'o/ /dpal ldan sangs rgyas pad+mar skyes ni stong pa bdag med pa las byung ba'o/ /kun mkhyen ni thams cad mkhyen pa'o//ye shes mdzod 'dzin pa ni me long lta bu la sogs pa'i ye shes lnga dang ldan pa'o/ /rgyal po sgyu 'phrul sna tshogs 'chang ni gang la gang gis 'dul bar snang ba'o/ /sangs rgyas rig pa chen po 'dzin pa ni ji lta ba dang ji snyed pa mkhyen pa'o/ /rdo rje rnon po ral gri che ni des spang bya'i spros pa bcad pa'o//yi ge mchog ste rnam par dag /ces pa mchog mi 'gyur pa'i ye shes grub pa'o/ /dri ma dag par byas pa'o/ /theg pa mchog ni gsang sngags te mi 'gyur pa'i ye shes so/ /des na sdug bsngal gcod pa'o/ /mtshon cha chen po ni sdug bsngal gcod pa'i rdo rje chos te dbyer mi phyed pa'i ye shes la rdo rje chos zhes bya'o//rdo rje zab mo ni stong pa nyid do/ /dzi na dzika ni rnam pa sna tshogs su snang ba gcod pa'o/ /rdo rje blo gros ni mi 'gyur pa'i shes rab/ don bzhin rig ni des ji lta ba dang ji snyed pa rig pa'o/ /pha rol phyin pa kun rdzogs pa ni sbyin pa la sogs pa dang ldan pa gong du rgyas par bshad do//sa rnams kun gyi rgyan dang ldan/ /yang de bzhin du gang du bshad do/ /rnam par dag pa dri ma yongs su dag go/ /bdag med chos ni rang bzhin rnam dag gi chos nyid do/ /yang dag ye shes ni sems rang bzhin gyis 'od gsal ba'o/ /zla 'od ni dpe'o//bzang ba ni de bas ches lhag pa'i 'od gsal ba'o/ /brtson chen ni sgrub pa la'o/ /sgyu 'phrul dra ba ni snang ba dang stong pa dbyer mi phyed pa'o/ /rgyud kun ni bya ba dang / spyod pa dang / rnal 'byor dang / rnal 'byor bla na med pa'o/ /de dang bdag po'am mchog ni mtshan yang dag par brjod pa'o//bdag gi gdan la sogs pa'i gdan bzhi yang 'di la tshang bas ldan pa'o/ /ye shes sku rnams ma lus 'chang ba ni ye shes sems dpa' drug gi ngo bo ye shes mi 'gyur pa'i ye shes la 'dus pa'o/ /kun du bzang po ni dug lnga'i snang ba ye shes lnga shar bas blo gros bzang po'o//sa'i snying po ni khams lnga'i dwangs ma byang chub sems so/ /'gro ba 'dzin pa ni des lus la gnas kyi bar du srog mi 'pho ba'o/ /sangs rgyas kun gyi snying po che ni kun rdzob byang chub sems la brten nas/ don dam byang chub sems gnas pas na snying po'o/ /de ltar lam gyi rnal 'byor bstan nas/da ni 'bras bu mjug bsdu ba las/ dang po sprul pa'i sku ni sprul pa'i 'khor lo sna tshogs 'chang ba ni thabs sna tshogs kyis 'gro ba'i don byed pa'o/ /longs spyod rdzogs pa'i sku ni dngos po kun gyi rang bzhin mchog ste snang stong gnyis med kyi sku'o/ / dngos po kun gyi rang bzhin 'dzin ni snang tsam na stong la stong tsam na snang ba'o/ /skye med chos ni don dam pa'o/ /sna tshogs don ni snang ba ma 'gags par shar ba'o/ /chos kun ni 'khor 'das kyi'o/ /ngo bo nyid 'chang ba ni longs sku'i ngo bor bzhugs pa'o/ /da ni chos kyi sku la/ shes rab chen pos skad cig la//zhes pa thos bsam sgom gsum gyi shes rab po/ /chos kun khong du chud pa ste/ zhes pa shes bya ma lus pa thugs su chud pa'o/ /chos kun mngon par rtogs pa ste/ /zhes pa de yang mngon sum kho nar rtogs pa'o/ /thub pa ni sku gsung thugs so/ /des na blo mchog go/ / 'byung ba'i mtha' ni 'khor ba las nges par 'byung ba'i mtha' sangs rgyas pa'o/ /de ye shes kyi sku ni mi g.yo ba lhan cig skyes pa'i sku de'o/ /rab tu dang ba'i bdag ni glo bur gyi dri ma dag pa'o/ /des na rdzogs pa'i sangs rgyas de bla na med pa'i byang chub 'chang ba'o/ /sangs rgyas kun gyi mngon sum pa ni mi 'gyur pa'i ye shes de'o//ye shes me lce ni 'khor ba'i rnam rtog sreg pa'o/ /'od 'bar gsal ba ni ye shes kyi snang ba'o/ /de ltar le'u brgyad pa'i bshad pa'o// //da ni mnyam pa nyid kyi ye shes kyi sgo nas bstod pa brjod par bya ste/ dang po dbyibs kyi rnal 'byor la/ rkyang bar bsgom na srung ba'i 'khor lo dbang bskur yan chad rdzogs par bya'o/ /rim par bsgom pa gtso bo 'pho ba ste/ rin chen 'byung ldan yab yum dbus kyi le tshe la zhal sbyor du bzhugs pa'o/ /mi bskyod pa yab yum lho dang bden bral la/ snang ba mtha' yas yab yum byang dang dbang ldan la bzhugs pa'o//rin chen 'byung ldan gyi thugs kar nyi ma'i dkyil 'khor la ye shes sems dpa' ngag gi dbang phyug ces bya ba sku mdog dmar po g.yas ral gri g.yon rin po che bsnams pa'o/ /de'i thugs ka nas 'khor lo rtsibs brgyad pa la/ oM wA gI shwa ra ya te na maHzhes pa'o/ / de'i lte ba la a dmar po gnas par bsum mo/ /lho phyogs pa'i lha gzhan rnams kyang mi bskyod pa bzhin phyag mtshan dang sku mdog gyur par bsam mo/ /sems can gyi don bya ba mdor bstan pa dang de'i sku'i sgo nas rgyas par mdzad pa dang / lam 'bras bu dang bcas pa dang / nges par 'byung ba spyir bstan pa dang /spang bya dang gnyen po dang ye shes kyi sku'i mtshan nyid bstan pa'o/ /dang po mdor bstan pa la 'dod pa'i don ni bdag don sangs rgyas thob pa dang / gzhan don sems can 'khor ba las sgrol ba'o/ /de grub pas na don grub pa'o/ /dam pa ni gong na med pa'o/ /ngan song thams cad ni dmyal ba dang yi dwags dang byol song ngo /sbyong ba ni las de las thar bar byed pa'o/ /mgon po ni ngan song gsum gyi'o/ /des na sems can kun gyi mchog go/ /sems can thams cad rab grol byed pa ni dbang po rab 'bring la theg pa so sor don byed pa'o/ /nyon mongs g.yul du gcig dpa' ba/ /zhes pa 'khor ba'i nyon mongs pa las 'thab pa la gcig tu dpa' ba'o//mi shes pa ni gti mug /dgra ni zhe sdang / dregs pa ni nga rgyal/ 'joms pas na dpa' ba'o/ /de nas rgyas pa la sprul skus gzhan don mdzad pa la bstod pa ni/ blo ldan ni shes rab bo/ /sgeg 'chang ni rgyan dang cha lugs so//dpal dang ldan pa ni bsod nams dang ye shes las grub pa'o/ /brtan po mi sdug gzugs 'chang ba ni khro bos 'dul ba'i ngor khro bor snang ngo / /lag pa brgya pas kun bskyod pa ni lag stangs kyi dbye bas gar byed pa'o/ /gom pa'i stabs kyis gar byed pa ni g.yas brkyang ba la sogs pa'i gom stabs so//dpal ldan lag pa brgyas gang ba/ /nam mkha' khyab par gar byed pa/ /zhes pa rdzu 'phrul gyis gar nam mkha' la byed pa'o/ /gzhan gzugs bzang ba las nga rgyal gcog pa ni/ sa'i dkyil 'khor bzhi ni stong gsum gyi stong chen po'i bzhi pa'o//rkang pa ya gcig mthil gyis gnon pa rdzu 'phrul gyi stobs so/ /de bas na zhes nga rgyal ba la/ /rkang mtheb sen mo'i khyon gyis kyang / /tshangs pa'i yul sa rtse nas gnon/ /zhes pa tshangs pa'i yul sa ni gling bzhi ri rab dang bcas pa'o/ /de zhabs kyi sen mos gnon pa'o//da ni sprul pa'i skus don mdzad pa la bstod pa'o/ /da ni chos skus gzhan don byed pa ni/ don gcig ni thob bya chos sku'o/ /gnyis med ni kun rdzob dang don dam gnyis su med pa'o/ /da ni chos kyi don to/ /dam pa'i don de ni chos sku'o/ /'jigs pa med pa ni gnod pa gzhan gyis so//rnam rig sna tshogs gzugs don can ni don bya ba'i yul sems can no/ /sems ni kun gzhi/ rnam shes ni tshogs drug /rgyud dang ldan pa ni nyon mongs pa can ni yid do/ /dngos don ma lus rnams la dga' ni sems can don la sangs rgyas dngos la dga' ba'o/ /stong pa nyid dga' ba ni shes rab chen pos stong pa nyid la chags pa'o//srid pa'i 'dod chags spangs pa ste/ /zhes pa 'dod pa'i yon tan spangs pa'o/ /dang po skus sems can don mdzad pa ni/ srid gsum dga' ba chen po pa/ /zhes pa 'dod pa dang / gzugs dang / gzugs med pa'o/ /sprin dkar dag pa bzhin du dkar//zhes pa longs sku de nam mkha' dag pa la sprin dkar po yang med par dag pa bzhin du chos nyid rang bzhin gyis dag pa'o/ /'od bzang ston ka'i zla ba'i 'od/ /ces pa ni sku'i mdangs so/ /nyi ma 'char ka'i dkyil ltar mdzes/ /zhes pa 'od zer gyi tshogs dpag tu med pa mnga' bas so//sen mo'i 'od ni shes cher dmar/ /zhes pa phyag dang zhabs kyi sen mo'o/ /cod pan bzang po mthon ka'i rtse/ /zhes pa dbu'i cod pan bltar mi mngon pa'o/ /bltar mi mngon pas sgra mchog mthon ka chen po pa'o/ /nor bu chen po 'od chags dpal ni/ cod pan gyi rtse mo la nor bu rin po che'o//sangs rgyas ni longs sku'o/ /sprul pa'i rgyan dang ldan pa ni mtshan dang dpe byad 'od dang gzi mdangs so/ /'jig rten khams brgya kun bskyod pa ni gdul bya'i snang ba la'o/ /'jig rten khams rnams su dus gcig la khyab bo snyam na/ rdzu 'phrul rkang pa'i stobs chen ldan/ /zhes pa rdzu 'phrul gyis gshegs par snang ba'o//lam 'bras bu dang bcas pa ni/ de nyid ma bcos pa'i don lhan cig skyes par mi 'gyur pa'o/ /dran pa ni mi brjed pa yin la/ dran pa chen po ni mi 'bral ba'o/ /dran pa bzhi po ni mi 'bral ba'i don de yang rgyu'i dus su rkyen gyi dbang gis gnas skabs bzhir snang ste/gnyid dang / rmi lam dang / sad pa dang / bzhi pa'o/ /ting nge 'dzin rgyal ni gnyid chos skur dran pa'o/ /rmi lam longs skur dran pa/ sad pa sprul skur dran pa/ bzhi pa ye shes kyi skur dran pa ni ting nge 'dzin gyi rgyal po'o/ /de ltar rkyen gyis g.yo ba'i rgyur ni yod de/ byang chub ni sems nyid mi g.yo ba rang bzhin du gnas pa'o//yan lag ces pa rlung ste sems yul la g.yo bar byed pas rmi lam dang sad pa'i rgyu'o/ /me tog ni khrag /spos ni khu ba de bzhi tshogs pas bzhi pa skye ba'i rgyu'o/ /de bzhin gshegs pa'i yon tan mtsho/ /zhes pa bzhi pa ye shes mi 'dzag par song ba'am/ mi 'gyur pa'i 'bras bu ni ste rgya mtsho chen po dang 'dra bar zad mi shes pa'o/ /de thob par byed pa ni/ lam gyi yan lag brgyad tshul rig /ces pa dbyibs kyi rnal 'byor la/ dkyil 'khor 'khor lo la brten pa dang / ye shes sems dpa' dpa' bo gcig pa'o/ /sngags kyi rnal 'byor la srog rtsol dang bum pa can no//chos kyi rnal 'byor la gzhan lus la brten pa dang rang lus so/ /de bzhin nyid kyi rnal 'byor la mtshan mo'i rnal 'byor dang nyin mo'i'o/ /yang dag sangs rgyas lam rig pa/ /zhes pa mi 'gyur pa'i ye shes ni yang dag pa'i sangs rgyas kyi lam mo/ /sems can kun la shas cher chags//zhes pa dmigs pa med pa'i snying rje'o/ /nam mkha' lta bur chags pa med/ /ces pa rnam pa thams cad dang ldan pa'i stong pa nyid de gnyis dbyer med pa ni lhan cig skyes pa'o/ /sems can kun gyi yid la 'jug /ces pa gdul bya'i don la'o//sems can kun gyi yid ltar mgyogs pa ni dus la bab pa la thugs bsnyel pa mi mnga' ba'o/ /sems can kun gyi dbang don shes pa ni dbang po rab 'bring tha ma la 'tsham par ston pa'o/ /sems can kun gyi yid 'phrog pa ni chos dang gdul bya'i sems zhi bar gyur pa'o/ /phung po lnga don ni gzugs la sogs pa'i dbye ba'o//de nyid shes pa ni ye shes rnam pa lngar ro/ /rnam dag phung po lnga 'chang ba ni gzugs kyi phung po rnam par snang mdzad la sogs rigs lnga'i skur shar ba'o/ /da ni nges par 'byung ba la mdor bstan pa/ nges 'byung kun gyi mtha' la gnas pa ni spyir theg pa gsum ka dang /sgos sngags kyi theg pa'i 'bras bu'o/ /nges par 'byung ba kun la mkhas pa de'i don la'o/ /nges 'byung kun gyi lam la gnas pa ni mkhas pas don la gnas pa'o/ /nges par 'byung ba kun ston pa ni don de bzhin la rgya che bar ro/ /rgyas par bshad pa la rang rgyal ni/ yan lag bcu gnyis srid rtsa bton/ /zhes pa rang rgyal ba ni dur khrod kyi rus pa gang nas byung na shi ba las byung / de sred pa las/ de len pa las/ de srid pa las/ de tshor ba las/ de reg pa las/ de skye mched drug las/ de ming dang gzugs las/ de rnam par shes pa las/ de 'du byed las/de ma rig pa las byung bar shes pas/ ma rig pa 'gags nas rig pa rang la shar nas 'du byed 'gags nas rga shi'i bar du 'gags pas/ slob dpon med par rang sangs rgyas pa'o/ /des na dag pa rnam pa bcu gnyis 'chang ni rten 'brel lugs las ldog pas na dag pa'o/ /nyan thos ni bden bzhi'i tshul gyi rnam pa can ni sdug bsngal dang /kun 'byung dang / 'gog pa dang / lam ste/ de ltar 'phags pa rnams la bden par snang bas na bden pa'o/ /shes pa brgyad po rtogs pa 'chang / /zhes pa chos shes pa dang rjes su shes pas phye bas bzhi la brgyad do/ /bden don rnam pa bcu gnyis ldan//zhes pa mi rtag pa dang / sdug bsngal ba dang / stong pa gsum gyis phye bas bcu gnyis so/ /de nyid rnam pa bcu drug rig /ces pa sdug bsngal la chos shes pa'i bzod pa/ 'jig rten la chos shes pa/ 'jig rten la rjes su shes pa'i bzod pa/ 'jig rten la rjes su shes pa'o//de bzhin bden pa gsum gsum po la yang brtsis pas mthong lam skad cig ma bcu drug ni nyan thos rnams kyi nges par 'byung ba'i lam mo/ /byang chub sems dpa'i nges par 'byung ba'i lam ni/ rnam pa nyi shus byang chub pa/ /zhes pa byang chub sems dpa' rnams kyis spyad par bya ba'i chos pha rol tu phyin pa bcu la spyad nas/bgrod par bya ba'i lam sa bcu bgrod pas na/ rnam pa nyi shus sa bcu'i byang chub sems so/ /rnam par sangs rgyas kun rig mchog sbyar te rnam par ni snang ba sna tshogs so/ /kun rig ni phyi nang yul med de rang gi sems kyi snang ba'o/ /des sangs rgyas kyi mchog grub pa'o//des chos sku thob nas gzhan don du sangs rgyas kun gyi sprul pa'i sku zhes pas sprul sku'o/ /de yang gcig tu ma nges te/ /bye ba dpag med 'gyed pa po/ /zhes pa kun khyab pa'o/ /skad cig thams cad mngon par rtogs/ /zhes pa skad cig ma skye ba dang gnas pa dang 'gag pa'i skad cig ma med par gcig tu rtogs pa'o//sems kyi skad cig don kun rig ni sems dang po ma skyes bar du mi gnas tha ma mi 'gag pa'i don kun rig pa'o/ /de ltar theg pa gsum thun mong la sbyar ba bstan nas gsang sngags bla na med pa ni/ yan lag bcu gnyis srid rtsa bton/ /zhes pa ni 'dir rten 'brel 'gag lugs ni/gang g.yo ba'i chags pa nyams pa de/ mchog tu mi 'gyur pa'i ye shes su gyur te/ mchog tu mi 'gyur pa'i chags pa chen po la chags pas chags pa bral ba nyams pa/ chags bral gyi ming ni zhe sdang ngo / /zhe sdang zad pas zhe sdang chen por 'gyur te/ zhe sdang chen po sems brgyal ba'i ming ngo //des gti mug nyams pas gti mug zad pa'i gti mug las kyang gti mug chen por 'gyur te/ des na chags pa chen po dang / zhe sdang chen po dang / gti mug chen pos chags pa dang / /zhe sdang dang gti mug gi bdag nyid can gyi ma rig pa nyams pa'o/ / ma rig pa nyams pas ma rig pa chen por 'gyur te/ des ma rig pa 'gag /des 'du byed la sogs pa 'gag pa'o/ /des na dag pa rnam pa bcu gnyis 'chang ba ni rten 'brel bcu gnyis 'gags nas sa bcu gnyis thob pa'o/ /bden bzhi'i tshul gyi rnam pa can nam bden pa bzhi ni sku bzhi'o//de'i rnam pa can ni glo bur gyi dri ma dang bcas pa'i sku bzhi sad pa la sogs pa'i gnas skabs bzhi'o/ /shes pa brgyad po ni gnas skabs bzhi sku bzhir shes par byed do/ /dbang bzhi dang rnal 'byor bzhi'o/ /rtogs pa 'chang ba ni dbang bzhis ston pa/ rnal 'byor bzhis nyams su len pa'o//bden don rnam pa bcu gnyis ldan/ /zhes pa khyim bcu gnyis kyi rlung 'pho bas bcu gnyis 'gags nas/ gsung rdo rjes sems can rnams la chos bstan pa'o/ /de nyid rnam pa bcu drug rig /ces pa dga' ba dang / mchog tu dga' ba dang / dga' bral dang lhan cig skyes pa'i dbye bas/sku'i dga' ba/ gsung gi dga' ba/ thugs kyi dga' ba dang / ye shes kyi dga' ba dang / de bzhin du sku'i mchog dga' ba dang / gsung gi mchog dga' ba dang / thugs kyi mchog dga' ba dang / ye shes kyi mchog dga' ba'o/ /de bzhin du sku'i dga' bral dang / gsung gi dga' bral dang /thugs kyi dga' bral dang / ye shes kyi dga' bral lo/ /de bzhin du sku'i lhan cig skyes pa'i dga' ba dang / gsung gi lhan cig skyes pa'i dga' ba dang / thugs kyi lhan cig skyes pa'i dga' ba dang / ye shes kyi lhan cig skyes pa'i dga' ba'o/ /des na de nyid rnam pa bcu drug rig pa bcom ldan 'das kyis gsungs pa'o//rnam pa nyi shus byang chub pa ni rnam pa nyi shus mngon par rdzogs par sangs rgyas pa gsung rdo rje ste/ bden don rnam pa bcu gnyis ldan/ /zhes pa sems can kun gyi skad kyis chos ston pa'o/ /sgyu 'phrul dra ba las mngon par rdzogs par sangs rgyas pa ni sgyu 'phrul dra ba ste/de nyid rnam pa bcu drug rig pa mtha' yas pa'i sgyu 'phrul dra ba sprul pa'i sku zhes bya'o/ /des na/ rnam pa sangs rgyas kun rig mchog /ces pa rnam pa thams cad sgyu 'phrul dra bar go ba'o/ /des na/ sangs rgyas kun gyi sprul pa'i sku/ /bye ba dpag med 'gyed pa po/zhes bya'o/ /skad cig thams cad mngon par rtogs/ /zhes pa phung po lnga ye shes lngar bya ba rdzogs pa'i skad cig la dga' bas na/ rnam pa lnga pas mngon par rdzogs par sangs rgyas pa ni thugs rdo rje ste mchog tu mi 'gyur pa'i ye shes so/ /sems kyi skad cig don kun rig /ces pa skad cig ma gcig la sangs rgyas pa ni ye shes rdo rje ste don thams cad thob pa'o//de ltar rgyas par bshad nas mjug bsdu ba ni/ theg pa sna tshogs thabs tshul gyis/ /zhes pa thun mong pa'i theg pa kun dang / khyad par gsang sngags rdo rje'i theg pa'o/ /des na/ 'gro ba'i don la rtogs pa po/ /zhes dgos pa blo'i bye brag gis so//theg pa gsum gyis nges 'byung la/ /zhes pa nyan thos rang rgyal byang chub sems dpa'i theg pa'o/ /theg pa gcig gi 'bras bu gnas/ /zhes pa dbyer mi phyed pa gsang sngags rdo rje'i theg par gsum po yang 'dus pa'o/ /da ni dag bya gnyen po brjod par bya ste/ de nas dag bya la/ nyon mongs khams rnams dag pa'i bdag /ces pa mig gi khams dang / gzugs kyi khams dang / mig gi rnam par shes pa'i khams la sogs bco brgyad do/ /dag pa'i bdag ni ye shes kyis so/ /las kyi khams rnams zad byed pa/ /zhes pa 'khor bar skye ba'i las kyi lam mo//chu bo rgya mtsho kun las brgal/ /zhes pa skye rga na 'chi la sogs pa'o/ /sbyor ba'i dgon pa las byung ba ni rnal 'byor bzhi bsgoms pas 'khor ba las thar ba'o/ /nyon mongs nye ba kun nyon mongs ni nyon mongs pa ni drug rtsa ba'o/ /nye ba kun nyon mongs ni nyi shu nye ba'i nyon mongs pa'o//bag chags ni sngar gyi rnying pa/ bcas pa ni gsar 'jog pa'o/ /gtan spangs pa ni sangs rgyas pa'o/ /de spang ba'i gnyen po ni snying rje chen po ni dmigs pa med pa'o/ /shes rab ni ji lta ba shes pa'o/ /thabs ni gnyis so/ /don yod 'gro ba'i don byed pa ni snying rje che dang shes rab bo//'du shes kun ni bdag gzhan du 'dzin pa'o/ /spangs pa ni de spangs pa'o/ /rnam shes ni tshog drug go/ /'gag par byed pa ni mi rtog pas so/ /sems can kun gyi yul dang ldan ni sems rang bzhin gyis dag pa'o/ /sems can kun gyi thugs rig pa ni sems rang bzhin gyis dag pa las/gnas pa dang sangs rgyas kun gyi thugs dang de'i'o/ /de sems can gyi yid la gnas pa yang de'o/ /de dag sems dang mthun par 'jug /ces pa stong pa nyid du 'jug pa'o/ /stong pa des sems can kun yid tshim par byed pa'o//sems can kun gyi yid dga' ba/ /zhes pa zag med kyi bde ba la chags pa'o/ /grub pa mthar phyin pa ni mi 'gyur pa'i ye shes so/ /des na de la 'khrul pa med pa'o/ /nor pa thams cad rnam par spangs pa ni dngos por 'dzin pa dang dngos med du 'dzin pa'o/ / don gsum ni bdag gi dang gzhan gyi dang gnyis ka'i don to/ /the tshom med pa'i blo ni don bya bar bsam pa'o/ /kun don ni bdag dang gzhan no/ /yon tan gsum gyi bdag ni bdag don chos sku/ gzhan don sprul sku/ byang chub sems dpa'i don du longs sku'o/ / da ni ye shes kyi sku brjod par bya ste/ phung po lnga don ni gzugs la sogs pa'o/ /don ni rang bzhin gyis rnam par dag pa'o/ /dus gsum ni rgyu dang lam dang 'bras bu'o/ /skad cig thams cad bye brag phyed ni rgyu'i skad cig dang / lam dang 'bras bu'i skad cig gi dbye ba shes pa'o//skad cig gcig gis rdzogs sangs rgyas ni rgyu 'bras thams cad lhan cig skyes pa'i rang bzhin du gcig pas/ skad cig ma gcig la mngon par byang chub pa'o/ /sangs rgyas kun gyi rang bzhin 'chang / /zhes pa ni ye shes kyi sku'o/ /lus med pa ni rdul phra rab 'dus pa'i lus med pa'o/ /lus de lus kyi mchog ni ye shes kyi lus so//lus kyi mtha' ni rtogs pa po ni mthar thug pa'i sku'o/ /gzugs rnams sna tshogs kun du ston ni de las gzugs sku gzhan don du shar ba'o/ /nor bu chen po rin chen tog ni dper na nor bu rin po che rgyal mtshan gyi rtse mo la btags nas dgos 'dod 'byung ba ltar chos sku'am ye shes sku las gzugs skus don byed pa'o//de ltar le'u dgu pa'i bshad pa'o// //da ni bya ba nan tan gyi ye shes kyi sgo nas bstod pa brjod par bya ste/ dang por dbyibs kyi rnal 'byor la/ /rang rkyang par bsgom na srung ba'i 'khor lo nas dbang bskur ba yan chad rdzogs par bsgom mo/ /rim gyis par bsgom na gtso bo 'pho ba ste/don yod grub pa yab yum dbus kyi le tshe la zhal sbyor du bzhugs pa'o/ /mi bskyod pa yab yum shar dang me mtshams la rin chen 'byung ldan yab yum/ lho dang bden bral la dang po bzhin no/ /don yod grub pa'i thugs kar nyi ma'i dkyil 'khor la ye shes sems dpa' ye shes kyi sku zhes sku mdog nag po zhal gcig phyag gnyis pa/g.yas ral gri g.yon sna tshogs rdo rje 'dzin pa/ de'i thugs ka na 'khor lo rtsibs brgyad pa la oM dz+nyA na kA ya te namaHzhes pa'o/ /de'i lte ba la a nag po gnas par bsam mo/ /shar phyogs pa'i lha thams cad kyang mi bskyod pa bzhin sku mdog dang phyag mtshan gyur par bsam mo/ /thob bya la dmigs pa dang lam bgrod bya'i rim pa dang 'bras bu 'char tshul lo/thob bya'i 'bras bu ni/ sangs rgyas kun gyis rtogs bya ba/ /sangs rgyas byang chub bla na med/ /ces pas sangs rgyas ni dus gsum gyi sangs rgyas so/ /rtogs par bya ba ni sku bzhi'o/ /sangs rgyas byang chub ni de yang chos kyi sku'o/ /bla na med pa ni lhan cig skyes pa'i sku'o/ /lam bgrod bya'i rim pa mdor bstan pa ni/rtsa ba ni yang dag par rdzogs pa'i sangs rgyas so/ /chos kyi sbyin bdag ni lam rim gyis ston pa'o/ /phyag rgya bzhi'i don ston pa ni/ dam tshig gi phyag rgya dang / /las kyi phyag rgya dang / chos kyi phyag rgya dang / phyag rgya chen po'o/ /'gro ba ni lam la brten nas byang chub tu'o/ /bsnyen bkur gnas kyi mchog ni lam 'di la bsnyen pa dang /nye bsnyen dang / bstod pa dang / bkur bar bya'o/ /nges 'byung gsum ni nyan thos dang rang rgyal dang byang chub sems dpa'o/ /'grod pa rnams kyis 'di la gnas pas theg pa gsum dang lus so/ /rgyas pa lam brten rgyas pa ni/ /gsang sngags ni gsang ba'i don dam pa rtogs par dka' bas gsang ba'o//sngags ni shes skyob ces bya ste/ /don de rtogs pas 'khor ba las skyob pa'o/ /yi ge med ni don dam pa las A li dang kA li'i yi ge med pa'o/ /gsang sngags chen po rigs gsum pa ni pha'i rigs gsum dang / ma'i rigs gsum kun rdzob tu 'byung ba'o/ /gsang sngags don kun skyed pa po ni 'khor 'das kyi chos rnams rten 'brel gyi tshul du bskyed pa'o//thig le chen po ni chos kyi dbyings yin pas yi ge med pa'o/ /stong pa chen po yi ge lnga/ /zhes pas ye shes kyi phung po dang / rnam par shes pa'i phung po dang / ye shes kyi khams dang / nam mkha'i khams dang / yid dang snang ba dang sgra dang chos kyi khams dang / dbang po mchog dang lha gang dang chu 'dzag pa dang khu ba 'dzag pa 'di rnams sgrib pa dang / nyid ni ro mnyam pa'i sems de nyid gcig tu gyur pa ni stong pa zhes brjod de dngos po thams cad med pa ni ma yin no zhes bya ba'i rnal 'byor pas/ rang gi rig pa'i phyir de bzhin du gzhom du med par rgyal bas gsungs te/'dir gzhom du med pa'i ming gi mtshan ma ni g.yas dang g.yon dang sngon dang phyi ma'i dbus su ni gri gug gi rnam pa ming tsam brjod du med pa'i dang po'i yi ge stong pa chen po zhes bya'o/ /tshor ba'i phung po dang / me'i khams dang / mig dang / ro dang lag pa dang /'gro ba ste/ 'di rnams sgrib pa med pa ro mnyam pa nyid du gcig tu gyur pa nyid ye shes gsum pa mi 'gyur pa'i stong pa chen po zhes bya ste/ 'di'i ming gi mtshan ma ni dbus ma gzhom du med pa'i lho phyogs su brjod du med pa'i thig le gnyis zhes bya'o/ /'du shes kyi phung po dang / chu'i khams dang lce dang / gzugs dang / rkang pa dang / len pa ste/ 'di rnams sgrib pa med pa nyid ro mnyam zhing gcig tu gyur pa ni thig le zhes bya ste/ bzhi pa'i yi ge chen po stong pa zhes bya'o/ 'di'i ming gi mtshan ma ni dbus kyi mtshan ma'i g.yon na brjod du med pa'i thig le gcig ces bya'o/ 'du byed kyi phung po dang / rlung gi khams dang / sna dang / reg bya dang / ngag gi dbang po dang / bshad pa 'dzag pa ste/ 'di rnams sgrib pa med pa nyid ni ro mnyam zhing gcig tu gyur pa nyid ni mchog ces bya ste/ gnyis pa'i yi ge chen po stong pa zhes bya'o/ /'di'i ming gi mtshan ma ni dbus ma gzhom du med pa'i mtshan ma'i mdun du 'byug pa'i rnam pa ming tsam brjod du med pa zhes bya'o//gzugs kyi phung po dang / sa'i khams dang / lus kyi dbang po dang / dri dang / bshang khung dang / smra ba ste/ 'di rnams sgrib pa nyid ro mnyam zhing gcig tu gyur pa ni mchog ces bya ba'i yi ge lnga pa stong pa chen po ste/ 'di'i ming gi mtshan ma ni dbus ma gzhom du med pa'i nub phyogs na ha la'i rnam pa brjod du med pa zhes bya'o//de ltar gsungs pa'i rim pa lnga po rnams gcig tu gyur pas/ stong pa chen po yi ge lnga ni baM gyi yi ge ste/ rdo rje sems dpa' bde ba chen po zhes brjod par bya'o/ /'di la yi ge lnga po rnams kyi yi ge dbyangs kyi ming gis brjod du med pa'o/ /'di lta ste/ dbus su a yig stong pa gri gug gi rnam pa'o/ /lho phyogs na r-i'i yi ge stong pa'i thig le gnyis so//g.yon du u'i yi ge stong pa'i yi ge gcig go/ /shar phyogs su a'i yi ge stong pa dbyug pa'i rnam pa'o/ /nub phyogs su l-i'i yi ge ha la zhes pa thong gshol gyi rnam pa'o/ /de ltar na 'di rnams thung ngu dang ring po dang / yon tan dang / 'phel ba dang / ya'i rkyen 'gyur shes par bya'o//de ltar baM gyi yi ge lnga po stong pa chen po dmigs pa med pa'i snying rje'i bdag nyid dang / rdul phra rab kyi chos nyid las 'das pa bra phab pa'i tshul dang 'dra bar rnal 'byor pas rtogs par bya'o/ /'dir ye shes dang rnam par shes pa'i phung po la sogs pa'i dbyangs rnams ni 'di lta ste/ ye shes kyi phung po aM/rnam par shes pa'i phung po ni A/ ye shes kyi khams ni aH/ nam mkha'i khams ni a/ yid kyi dbang po ni aM/ rna ba'i dbang po ni aH/ sgra ni a/ chos kyi khams ni a/ dbang po mchog ni haM/ b+ha ga ni ha/ chu 'dzag pa ni hA/ khu ba 'dzag pa ni hA/ de lta bu'i dbus kyi gzhom du med pa'i sgrib pa med pa'i gri gug gi rnam pa de ming dang mtshan mar khong du chud par bya'o//'du byed kyi phung po ni i/ rlung gi khams ni I/ sna'i khams ni e/ reg bya ni ai/ ngag gi dbang po ni a/ bshang ba 'dzag pa ni A/ de de lta bu'i shar phyogs su sgrib pa med pa dbyug pa'i rnam pa ste/ ming dang mtshan mar khong du chud par bya'o//tshor ba'i phung po ni r-i/ me'i dbang po ni r-I/ mig gi dbang por ni ar/ ro ni A ra/ lag pa'i dbang po ni ra/ 'gro ba ni rA/ de'i lho phyogs su de lta bu'i sgrib pa med pa'i thig le gnyis kyi ming dang mtshan mar khong du chud par bya'o/ /'du byed kyi phung po ni u/ chu'i khams ni U/ lce'i dbang po ni o/ gzugs kyi yul ni au//rkang pa'i dbang po ni wa/ len pa ni wA/ de lta bu'i sgrib pa med pa'i dbus ma'i mtshan ma'i byang phyogs su thig le ming dang mtshan ma khong du chud par bya'o/ /gzugs kyi phung po ni l-i/ sa'i khams ni l-I/ lus kyi dbang po ni al/ dri'i yul ni Al/ bshang ba'i dbang po ni la/ smra ba ni lA/ nub phyogs su de lta bu'i sgrib pa med pa'i ha la'i rnam pa ste/ ming dang mtshan ma khong du chud par bya'o/ /de ltar sum cu rtsa drug gi dbye bas tha dad pa'i dbyangs dang / yon tan dang / 'pho ba dang / ya'i rkyen gyi rnam pa 'gyur te/ gang phung po sum cu rtsa drug gi dbye bas tha dad par 'gyur te/ phung po'i gnas der ro drug gzung ste/sgyur ba dang / kha ba dang / bska ba dang / tsha ba dang / mngar ba dang / lan tshwa zhes bya ba ste/ aM a i r-i u l-i zhes bya ba ste ro drug go/ /lhag ma brjod pa'i rim pa ni/ de ltar na stong pa chen po yi ge lnga'o/ sum cu rtsa drug gi bdag nyid ni rgyal ba rdo rje 'chang gis gsungs so//de yang 'chang zhes pa ni rdo rje 'chang ngo / /thig le stong pa yi ge drug ni e yig chos kyi 'byung gnas rnam pa thams cad dang ldan pa'i stong pa nyid de 'di ltar rnam par shes pa'i phung po dang / nam mkha'i khams dang / rna ba dang / chos kyi khams dang / b+ha ga dang / khu ba 'dzag pa zhes bya ste/ 'di rnams sgrib pa med pa rnam pa thams cad stong pa dbus ma gzhom du med pa'o//de'i steng du 'di'i ming gi mtshan ma ni/ ka'i sde tshan gyi bdag nyid ka'i yi ge'i gsal byed brjod du med pa'i thig le stong pa nyid dang po zhes bya'o/ /'du byed kyi phung po dang / rlung gi khams dang / sna dang / reg bya dang / ngag dang / bshang ba dang /'dzag pa ste/ 'di rnams sgrib pa med pa thams cad kyi rnam pa stong pa nyid kyi mtshan ma'i shar du 'di'i ming gi mtshan ma ni tsha'i sde tshan gyi bdag nyid gsal byed brjod du med pa'i gsum pa thig le stong pa zhes bya'o/ /'du shes kyi phung po dang / chu'i khams dang / lce dang / gzugs dang / rkang pa'i dbang po dang /len pa ste/ 'di rnams sgrib pa med pa thams cad kyi rnam pa stong pa nyid dang byang phyogs kyi mtshan ma'i nang du 'di'i ming gi mtshan ma pa'i sde tshan gyi bdag nyid gsal byed brjod du med pa bzhi pa'i thig le stong pa zhes bya'o/ /gzugs kyi phung po dang / sa'i khams dang / lus kyi dbang po dang /dri dang / bshang lam dang / brjod pa ste/ 'di rnams sgrib pa thams cad rnam pa stong pa nyid kyi mtshan ma'i nub na 'di'i ming gi mtshan ma ta'i sde tshan gyi bdag nyid de'i sde tshan gyi gsal byed/ brjod du med pa lnga pa'i thig le stong pa zhes bya'o/ /ye shes kyi phung po dang / ye shes kyi khams dang / yid dang / sgra dang / dbang po chu 'dzag pa ste/ 'di rnams sgrib pa med pa thams cad kyi rnam pa stong pa nyid kyi dbus ma gzhom du med pa'i mtshan ma'i 'og nas 'di rnams kyi ming gi mtshan ma ni sa'i sde tshan gyi bdag nyid sa'i sde tshan gyi gsal byed brjod du med pa'i drug pa thig le stong pa zhes bya'o/ /de ltar na thig le stong pa yi ge drug go//chos kyi 'byung gnas ni rdo rje 'chang ste/ e yig ces bya ba stong pa nyid dmigs pa dang bcas pa pra phab pa'i rang bzhin zhes bya'o/ /'dir stong pa chen po yi ge lnga ni/ dbyangs yig gi tshogs te khu ba dang zla ba zhes bya'o/ /thig le stong pa yi ge drug ni gsal byed lus la ste/ khrag dang nyi ma zhes bya'o//'dir khu ba dang zla ba ni waM ste rdo rje'o/ /khrag dang nyi ma'i ni e yig ste pad+ma'o/ /rdo rje pad+ma 'di dag gi ngag gcig pa ni rdo rje sems dpa' zhes bya'o/ /rdo rje ni mchog tu mi 'gyur pa'i bde ba'i ye shes khu ba ste/ rdo rje sems dpa' ni thams cad kyi rnam par shes rab kyi gzugs brnyan zhes bya ste nyi ma'o//ye shes dang rnam par shes par byin gyis brlabs pa'i sgrib pa med pa nyid gcig tu gyur pa ni de kho na nyid 'gro ba'i don byed pa yin no/ /de ltar na sku gsung thugs ye shes rnams gcig tu gyur pa ni de kho na nyid 'gro ba'i don byed pa yin no/ /de ltar sku gsung thugs ye shes rnams gcig tu sbyor ba zhes bzhi pa'i rgyur gyur pa ste/ye shes ni nub phyogs kyi zhal ser po/ rnam par shes pa ni shar phyogs kyi zhal nag po/ zla ba ni byang phyogs kyi zhal dkar po/ nyi ma ni lho phyogs kyi zhal dmar po/ des na rnam pa kun ldan khams dang phung po drug drug sum cu rtsa drug gi rnam pa dang ldan pa'o//rnam pa med ni de rnams kyi sgrib pa dang bral ba'i e waM gyi ngo bo la gnas pa'o/ /de ltar rten bshad nas phyag rgya bzhi rgyas par bshad pa la/ dam tshig gi phyag rgya dbyibs kyi rnal 'byor ni/ e ni gzhal yas khang rdo rje gur gdan dang bcas pa'o/ /waM ni brten pa lha sgyu 'phrul dra ba gsum gang rung gcig go/de la dang po tshogs bsags pa sngon du 'gro ba ni srung ba'i 'khor lo dang bdun rnam dag sngon du 'gro bas/ byams pa'i go cha chas pa ste/ /zhes par sbyar la/ byams pa'i sems sems can la byed pa'i go cha'o/ /snying rjes sems can la phan 'dog pa'i bsam pa ni/ ya lang bgos zhes snying rje'i khrab bo//des mtshon pa'i dga' ba dang btang snyoms bsgom pa'o/ /des na stong par bsgoms nas mngon par byang chub pa lnga la/ gtso bo yab yum ni lha'i dbang po zhes par sbyar/ lha'i dbang po ni dbus kyi gtso bo gang gis byas pa'o/ /lha'i lha ni phyogs bzhi rnams kyi yang gtso bor gyur pas lha rnams kyi yang lha'o//lha'i bdag po ni 'khor rnams kyi lha'i bdag po shar la sogs pa'i gtso bo la bskor ba'i rigs bzhi'o/ /lha min bdag ni lha yab min pas so/ /lha min te yum bzhi mtshams bzhin gnas pa'o/ /'chi med dbang po ni sems dpa' bcu drug go//lha'i lha ni lha mo brgyad do/ /'joms byed ni sems can la 'tshe ba'i bdud bar du gcod pa'o/ /de 'joms par byed pa ni/ 'joms byed dbang phyug ni khro bo bcu'o/ /srid pa'i dgon pa las brgal ba ni phung po dang khams dbang po dag pa'i lha rnam par dag pa'o/ /ston pa gcig pu ni sangs rgyas so//'gro ba'i bla ma ni lam 'dis sangs rgyas thob pa'o/ /'jig rten phyogs bcur rab grags pa ni/ bskyed rim des 'bras bu gzugs sku thob pa'o/ /chos kyi sbyin bdag che ba po ni gzugs sku des sems can rnams la chos ston pa'o/ /shes rab ral gri mda' gzhu thogs ni 'dis mtshon nas gong gi lha rnams kyi phyag mtshan mtshon pa'o//nyon mongs mi shes g.yul ngo sel ni phyag mtshan gyi dgos pa'o/ /dpa' bo bdud dgra bdud 'dul ba/ /zhes dpa' bo des 'dul ba'o/ /bdud bzhi ni phung po dang nyon mongs pa dang 'chi bdag dang lha'i bu'i bdud de bcom pa'o//bdud kyi dpung ni bdud kyi phyogs su gtogs pa'i nag po rnams so/ /de su yin na rdzogs pa'i sangs rgyas zhes sbyar ro/ /de las kyi phyag rgya gzhan lus sngags kyi rnal 'byor ni/ e ni las kyi phyag rgya mtshan ldan gyi pad+ma'o/ /waM ni thabs kyi rdo rje'o/ /de nyid snyoms par zhugs pa las/dga' ba dang mchog dga' dang / dga' bral dang / lhan cig skyes dga'i dbye bas/ sku dang gsung dang thugs dang ye shes kyi rim pas/ re re la yang bzhi bzhi 'byung bar gong du bshad pas na/ bcu drug phyed phyed thig le can/ /zhes bya'o/ /yan lag med pa'i thig le ni byang chub kyi sems so//rtsis ni 'khor lo drug ste spyi bo dang dpral ba dang / mgrin pa dang / snying ga dang / lte ba dang / gsang gnas kyi 'khor lo'i rtsa dbus ma nas rim gyis 'beb pa'o/ /bsam gtan bzhi pa'i rtse mo can ni lte bar 'dzag pa'i bde ba skad cig tsam gyis mi g.yo ba'o/ /bsam gtan yan lag kun shes shing //zhes pa rtog pa dang / dpyod pa dang / dga' ba dang / bde ba'o/ /ting 'dzin rig ni zag bcas te mtshon byed do/ /rgyud rig ni mtshon bya ste rang bzhin lhan cig skyes pa'o/ /'bras bu ni 'dod pa'i khams kyi dngos grub thob pa'o/ /rtsa ba'i rgyud las gsungs pa/ las kyi phyag rgya yangs spangs la skye ba'i zhes pa'o//da ni chos kyi phyag rgya rang lus la brten pa la/ e ni lte ba'i gtum mo'o/ /waM ni spyi bo'i byang chub sems so/ /de la brten pa'i 'bar 'dzag bsgom pas sngar gyi dga' ba bcu drug skye bas bcu drug phyed phyed thig le can no/ /de la brten nas slar 'dzag pa'i bde ba ste de yang zag bcas so//dngos grub ni gzugs kyi khams kyis thob bo/ /de yang ye shes kyi phyag rgya rnams rtags dor zhes pas so/ /da ni/ mchog tu mi 'gyur rnal 'byor pas/ /phyag rgya chen po bsgom par bya/ /zhes pas/ de bzhin nyid kyi rnal 'byor ni e ni chos kyi 'byung gnas te nam mkha'o//waM ni rig pa'o/ /de chos kyi dbyings su rig pa gzhag pa'o/ /de las dga' ba bcu drug skyes pas ni lugs las byung ba'o/ /bcu drug phyed phyed thig le can/ /yan lag med pa'i rtsis las 'das pa ni/ gong dang 'dra'o/ /bsam gtan bzhi pa'i rtse mo can ni gsang ba'i gnas su mi 'gyur ba'i bde ba skyes pa'o//bsam gtan yan lag kun shes shing ni byang chub kyi sems gyen la 'gro ba/ lte ba dang / snying ga dang / mgrin pa dang / dpral bar bzhi pa dang / gnyid dang / rmi lam dang / sad pa dag pa'i/ ye shes sku dang / longs sku dang / sprul pa'i sku thob pas/ ting 'dzin rig dang rgyud rig pa/ /mthar thug pa'i ting nge 'dzin rlung thams cad 'gags pa'o/ /de 'bras bu'i 'char tshul las ting nge 'dzin lus can ni ye shes kyi sku'o/ /lus kyi mchog ni chos sku'o/ /longs spyod rdzogs sku kun gyi rgyal ni longs sku'o/ /sprul pa'i sku ste sku'i mchog ni sprul sku'o/ / sangs rgyas sprul pa'i rgyud 'chang ba/ /phyogs bcur sprul pa sna tshogs 'gyed/ /ji bzhin 'gro ba'i don byed pa/ /zhes pa go sla'o/ /da ni lam yan lag drug gi gnas skabs kyi 'bras bu brjod par bya ste/ bdud bzhi'i 'jigs pa sel bar byed/ /bdud kyi dpung rnams pham byed pa/ / zhes pa 'dzin pa'i 'bras bu ste/ byang chub kyi sems rlung gis bzung ba'i stobs kyis bdud bzhi dang de'i dpung 'joms pa'o/ /rdzogs pa'i sangs rgyas 'jig rten 'dren la sogs srog rtsol gyi 'bras bu ste/ srog dbu mar chud pas rnal 'byor pa rang rdzogs pa'i sangs rgyas su snang ba dang /'jig rten pa rnams 'dren par snang ba'o/ /de'i dus su kun gyis mchod pa dang / bstod pa dang / phyag byed pa dang / rtag tu rim gro bya ba dang / bkur bar bya ba'i 'os dang / rjed par bya ba'i mchog ni bstod pa rgya chen po dang / phyag ni gnas bla ma'i yang bla mar snang ba'o/ /'jig rten gsum po gom gcig bgrod//ces pa la sogs rjes su dran pa ni 'bras bu ste/ pha'i cha ma'i cha rnam par shes pa rlung rnams dbus mar tshogs pa las lus la gtum mo 'bar bas 'od kyi 'khor los lus la bskor nas de nas nam mkha' la 'jig rten gsum po snang ba ni gom gcig bgrod pa'o//mkha' ltar ni snang ba thams cad nam mkha' ltar snang bas ni mtha' med par gnon pa'o/ /gsum rig ni srid pa gsum mo/ /gtsang ma ni rang gi sgrib pa spangs pas gtsang ma dang dag pa'o/ /mngon shes drug ldan ni bsam gtan gyi 'bras bu ste lha'i mig gis gzugs phra rab med pa dang /bar mdo'i sems kyang mthong / /lha'i rna bas sgra che chung med pa dang thag nye ring med pa thos/ gzhan gyi sems shes pas 'dod chags dang bcas pa la 'dod chags dang bcas par shes pa la sogs pa'o/ /sngon gyi gnas rjes su dran pas rigs dang yul dang tshe dang rdzu 'phrul thams cad shes pas stod nas me 'bar ba dang /smad nas chu 'brub pa la sogs pa'o/ /de lnga ni byang chub sems dpa'i yin/ zag pa zad pa'i mngon shes ni sangs rgyas kho na'i'o/ /rjes dran drug ni/ so sor sdud pa'i 'bras bu ste 'gro drug rjes su dran pas ngag gi mchog ster te/ 'gro pa rnams la phan pa'i smon lam 'debs pas zhi ba dang rgyas pa la sogs pa 'grub pa'o//des byang chub sems ni rang don yin la/ sems dpa' ni gzhan don du'o/ /da ni ting nge 'dzin gyi 'bras bu la/ /rdzu 'phrul chen po 'jig rten 'das ni rdzu 'phrul ni sa bcu pa'o/ /chen po 'jig rten 'das ni sangs rgyas kyi'o//shes rab pha rol phyin pa'i mtha' ni sa bcu gcig pa'o/ /shes rab kyis ni de nyid thob ni chos sku'o/ /bdag rig ni sa bcu pa'i ye shes so/ /gzhan rig ni sangs rgyas kyi ye shes so/ /yang na gzhan rig ni sems can thams cad kyi'o/ /rig pa des kun la phan pa'i gang zag mchog go//dper bya kun la 'das pa'i mchog ni ye shes kyi sku'o/ /shes dang ni rnam shes so/ /shes bya ni ye shes so/ /bdag po mchog ni dbyer mi phyed pa'o/ /de ni ye shes kyi sku'o/ /don gyi dam pa ni 'jam dpal ye shes sems dpa'o/ /rnam dag ni sgrib pa'o/ /des na bsod nams dang ye shes kyi tshogs mthar thug pas na dpal lo//'jig rten gsum na skal bzang che ni ye shes sems dpa'i sku'o/ /dpal ldan 'byor pa kun byed pa/ /bdag dang gzhan don grub pas so/ /de su yin/ /'jam dpal lo/ /des dpal thams cad kyi mchog tu gyur pa'o/ / de ltar le'u bcu pa'i bshad pa'o// //de ltar dkyil 'khor drug la rgyas bsdus gsum gyis phye bas dkyil 'khor bco brgyad do/ /dpa' bo gcig pa bzhi bcu zhe dgu dang ye shes sems dpa' drug bstan to/ /gzhan rdo rje shugs la sogs shugs kyis gnas pa ni ma bstan to/ / da ni ye shes lnga las bsdus nas bstod pa brjod par bya ste/ me long lta bu'i ye shes la bstod pa ni/ mchog sbyin rdo rje mchog khyod 'dud/ /ces pa la sogs te/ mchog sbyin ni 'bras bu'o/ /rdo rje mchog khyod 'dud ni mi 'gyur pa'i ye shes so/ /yang dag mthar thug ni lam gyi mthar thug pa'o//de yang stong pa nyid las byung bas na stong nyid las byung khyod la 'dud ces pa'o/ /sangs rgyas byang chub khyod la 'dud ni rnam rtog thams cad spangs pas na byang chub pa'o/ /chos kyi dbyings kyi ye shes la bstod pa ni/ sangs rgyas chags pa khyod la 'dud ni stong pa la shes rab kyi stobs kyis chags pa'o//sangs rgyas 'dod la phyag 'tshal 'dud ni stong pa la chags par 'dod pa'o/ /sangs rgyas dgyes pa khyod la 'dud ni chags pas bde bas na dgyes pa'o/ /sangs rgyas rol la phyag 'tshal 'dud ni bde ba la dus rtag tu rol pa'o/ /so sor rtog pa'i ye shes la bstod pa ni/sangs rgyas 'dzum pa khyod la 'dud/ /ces pa stong pa nyid la chags pas 'dzum pa'o/ /sangs rgyas bzhad la phyag 'tshal 'dud ni yang dag pa'i don la chags pas bshad pa'o/ /sangs rgyas gsung la phyag 'tshal 'dud ni gsung 'gyur pa med pas so/ / sangs rgyas thugs la phyag 'tshal 'dud ni thugs mnyam pa la rtag tu gnas pa'o/ /mnyam pa nyid kyi ye shes kyi sgo nas bstod pa ni/ med pa las byung khyod la 'dud/ /ces pa sangs rgyas rgyus ma bskyed pa las 'bras bu sangs rgyas su snang ba'o/ /sangs rgyas 'byung ba khyod la 'dud ni ma byung ba byung ba ltar snang ba'o//nam mkha' las byung ni pra phab pa ltar snang ba'o/ /ye shes las byung khyod la 'dud ni sems kyi snang ba las shar ba'o/ /bya ba grub pa'i ye shes la bstod pa ni/ sgyu 'phrul dra ba khyod la 'dud/ /ces pa sgyu ma snang ba sprul pa ni stong pa dra ba ni 'brel pa/ sangs rgyas rol ston ni rnam 'phrul mang po ston pa'o//thams cad ni stong byed yin/ yang thams cad ni bstod par bya ba'i yul yin pa'o/ /ye shes sku nyid khyod la 'dud ces lhan cig skyes pa'i sku la bstod pa'o/ /'dud thams cad ni mos pa ma chags par byed pa'i don to/ /de ltar le'u bcu gcig pa'i bshad pa'o// //phan yon rnams go sla bas 'dir ma bshad do/ /le'u bcu gnyis pa'o// //da ni sngags kyi le'u brjod par bya'o/ /oM zhes pa ni dam bca' ba dang bkra shis pa dang nor bu 'dzin zhes bya'o/ /oM byas pas 'og nas sngags cig 'byung bar dam bca' ba dang / yang ye shes lnga'i rang bzhin de bzhin gshegs pa lnga'i sa bon yin pas bkra shis pa dang /de bzhin gshegs pa'i thugs bskul bas yon tan 'byung bas nor bu 'dzin pa'o/ /de yang rdo rje rtse mo las dam bca' ba dang / bkra shis pa dang nor bu 'dzin pa yin zhes bya/ /sarba d+harmA ni chos thams cad/ a b+hA ba ni dngos po med pa//swa b+hA ba ni rang bzhin gyis dag pa/ bi shud+d+ha ni yongs su dag pa/ tsak+Shu ni man ngag gi mig dang ldan pa/ a A aM aHniM rnam par thar pa bzhi/ de rnams rtsa ba'i sngags rtag tu bzlas so/ /da spyan drang ba'i sngags ni/ pra kr-i ti ni zhing gang na bzhugs pa/ pa ri shud+d+ha ni yongs su dag pa/sarba d+harmA ni chos thams cad/ ya du ta ni gshegs shig/ sarba ta thA ga ta ni de bzhin gshegs pa thams cad/ dz+nyA na kA ya ni ye shes kyi sku/ many+dzu ni 'jam/ shrI ni dpal/ pa ri shud+d+ha ni yongs su dag pa/ mu pA da ye ti a ni myur bar gshegs shig pa'o/ /da phreng ba'i sngags la a AH ni skye med skye med do//sarba ta thA ga ta ni rigs bsdus pa'i de bzhin gshegs pa'o/ /hr-i da ya ni snying po'o/ /ha ra ha ra ni/ 'byung ba 'byung ba/ gang 'byung na/ oM hUM hrIHsku gsung thugs 'byung ba'o/ /b+ha ga wAn ni/ bcom ldan 'das/ dz+nyA na ni ye shes/ mU rti ni thams cad nas/ wA gI shwa ra ni bcom ldan 'das ngag gi dbang phyug /ma hA bA tsa ni 'jam pa chen po/ /sarba d+harmA ni chos thams cad/ ga ga ni nam mkha'/ a ma la ni de lta bu/ su ni bde ba/ pa ri shud+d+ha ni yongs su dag pa/ d+harmA d+hA tu ni chos kyi dbyings/ dz+nyA na ye shes/ gar+b+ha snying po/ aHskye med stong pa'o/ /sngags gong 'og gnyis ye shes sems dpa'i thugs ka ru 'di lta bu bsgom ste/dang po lte ba la a/ de'i phyi rim mu khyud la rtsa sngags/ de'i phyi rim mu khyud la dbyangs yig bcu gnyis/ de'i phyi rim 'khor lo rtsibs brgyad pa la ye shes sems dpa' gang bsgom pa'i sngags drug gang rung ba re bsgom/ de'i phyi rim mu khyud la phreng ba'i sngags//de'i phyir rim mu khyud la spyan 'dren pa'i sngags/ /de'i phyi rim mu khyud tha ma la kA li sum cu rtsa bzhi rim par gnas par bsgom mo/ /de rnams gang gi dus su zlos pa dang / bsgom pa bla ma'i gdams ngag zhal nas shes par bya'o/ /de ltar le'u bcu gsum pa'i bshad pa'o// // da ni rjes su yi rang ba brjod par bya ste/ de nas dpal ldan rdo rje 'chang ni phyag na rdo rje gsang ba'i bdag po/ dga' zhing ni gsungs pa la'o/ /mgu ba ni don go bas so/ /thal mo sbyar ba ni lus gus pa'i sgo nas so/ /mgon po ni sems can rnams kyi'o/ /bcom ldan 'das de bzhin gshegs pa dang rdzogs pa'i sangs rgyas rnams ni mtshan gyi bye brag go//phyag 'tshal nas ni lus smad lnga sa la gtugs pa'o/ /de ni zhes pa phyag 'tshal ba'o/ /mgon po ni zhu ba rnams kyi mchog go/ /gsang sngags ni nyan thos la sogs pa'i yul ma yin pa'i gsang sngags so/ / 'khor gzhan dang / lag na rdo rje khro bo'i rgyal/ /zhes pa 'khor ro/ /sna tshogs gzhan ni lha dang mi la sogs pa'o/ /de rnams dang lhan cig tu'o/ /gsang bstod nas ni don dam pa'i bstod pa'o/ /tshig 'di ni 'og ma'o/ /mgon po bdag cag yi rang ngo / /zhes pa sems dang ba dang bcas pa'o//legs so zhes rang la phan pas so/ /legs so legs par gsungs pa ni gzhan sems can rnams kyi don to/ /legs pa'i rgyu mtshan ni/ rnam grol 'bras bu ni sangs rgyas so/ /'tshal ba ni sems can no/ /'gro ba mgon med rnams dang ni rigs drug go//bdag cag ni zhu ba po'o/ /yang dag rdzogs pa'i byang chub ni 'bras bu'o/ /thob pa'i don chen mdzad pa ni dgos pa'o/ /sgyu 'phrul dra ba'i tshul bstan pa ni chos phun sum tshogs pa'o/ /'di ni rnam dag legs pa'i lam/ /zhes thun mong pa dri ma med pa'o/ /zab pa ni rtogs dka' ba mi 'gyur ba'i ye shes so//yangs pa ni rnal 'byor bzhi dang dbang bzhi'o/ /rgya che ba ni theg pa gsum gyi lam mo/ /don chen ni sangs rgyas pa'i don to/ /'gro ba'i don ni des thob pa'o/ /mdzad pa ni sangs rgyas so/ /sangs rgyas rnams kyi yul 'di ni/ /zhes pa sku bzhi'o/ /rdzogs pa'i sangs rgyas kun gyis bshad ni 'das pa dang da ltar ba dang ma 'ongs pa rnams dang bshad par 'gyur ro//bcom ldan 'das ni gong du bshad/ /'jam dpal ye shes sems dpa' yang gong du bshad do/ /don dam pa'i mtshan ni spyir theg pa chen po las kyang / khyad par du gsang sngags de las kyang /rnal 'byor chen po mchog tu mi 'gyur pa'i ye shes grub pa'o/ /yang dag par brjod pa ni phyin ci ma log pa'o/ /bcom ldan 'das shAkya thub pas gsungs pa ni/ da lta'i 'di gsungs pa'o/ /'phags pa 'jam dpal gyi TI ka rgyal po pad+ma dkar pos mdzad pa rdzogs so// // rig pa'i 'byung gnas yul ma ga d+hA'i dpal na len+d+rar rje btsun ma sgrol ma'i lha khang du paN+Di ta chen po dge slong rdo rje 'dzin pa dpal bsod snyoms pa chen pos skyes bu rnams kyi don du bsgyur ba'o/ /'grel pa dri ma med pa'i 'od rdzogs so// //ma rig sgo nga'i sbubs 'byed pa/ /zhes bya ba'am/nam mkha'i mtha' la rab gnas pa/ /zhes pa'am/ ye shes mig gcig dri ma med/ /ces pa la sogs par zab mo'i don gyi gdams ngag yod de snyan brgyud yin pas bla ma la rag las par bya ba'i phyir 'dir ma bris so/ /yang dag par rdzogs pa'i sangs rgyas kyis dam pa dang po gsungs pa la TI ka phyag na rdo rje'i sprul pa rgyal po zla ba bzang pos mdzad do//dam pa dang po las bsdus pa'i rgyud dus kyi 'khor lo sdud pa 'phags pa 'jam dpal gyi sprul pa rgyal po grags pa mi'i dbang po lung bstan/ de'i 'grel pa byed par rgyal po spyan ras gzigs dbang phyug gi sprul pa rgyal po pad+ma dkar po lung bstan to//dgyes rdor 'grel pa ni rdo rje snying pos mdzad do/ /bde mchog 'grel pa ni phyag na rdo rjes mdzad do/ /dus 'khor du 'jig rten dang 'jig rten las 'das pa'i dbang gi khyad par dang / 'gyur pa'i bde ba dang mi 'gyur pa'i khyad par gsal bar ston pa la/ mtshan yang dag par brjod pa dang dus kyi 'khor lo dus gcig tu 'grel pa dri ma med pa'i 'od du bkral lo//don lhag pa dang chad pa dang / log par gyur pa bdog na sangs rgyas dang byang chub sems dpa' dang gong ma rnams kyis bzod par bzhes shig /'di cung zad bris pa'i dge ba'i rtsa ba ci yod pa des/ sems can thams cad 'khor ba'i rgya mtsho chen po las myur du sgrol ba'i gru lta bur chos 'di gyur cig/

CLOSE WINDOW