CLOSE WINDOW

D1396
བོད་ཡིག

lo tsA ba chag dge slong chos rje dpal gyis bsgyur cing zhus te gtan la phab pa'o/ /[]@##/ /rgya gar skad du/ Ar+ya many+dzu shrI nA ma saM gi ti a mr-i ta bin+du pra ti A lo ka br-i t+ti nA ma/ bod skad du/ 'phags pa 'jam dpal gyi mtshan yang dag par brjod pa'i 'grel pa bdud rtsi'i thigs pa sgron ma gsal ba zhes bya ba/ 'jam dpal gzhon nur gyur pa la phyag 'tshal lo/ /yul dang yul can mkha' 'dra rang bzhin can/ /nyi zla mun pa'i lam zhugs mda' yis g.yo/ /sa mtha' las byung chu yis kun du khyab//bde gshegs 'jam dbyangs de la bdag phyag 'tshal/ /bla ma'i zhal las brgyud pa yi/ /bdud rtsi thigs pa lta bu 'di/ /dang po sangs rgyas legs 'ongs pa/ /mtshan brjod man ngag bri bar bya/ /dpal ldan 'bras spungs mchod rten du/ / sna tshogs rgyud don gnyer ba yi/ /'jig rten pa dang 'jig rten 'das/ /sa ga'i bco lnga la 'dus so/ /de dus ston pas 'gro kun du/ /chos dbyings ngag gi dbang phyug gi/ /dkyil 'khor spros pa 'bras spungs yin/ /de yi phyi dang nang dag tu/ /dpal ldan rgyu skar dkyil 'khor che/ / dang po sangs rgyas dkyil 'khor spros/ /lha la sogs pa thams cad la/ /dbang bskur byin te rgyud sde bzhi/ /snying po'i rgyud dang lnga po dag /rdo rje 'chang gis rgyas par gsungs/ /snying po'i snying po 'di yin no/ /bsdus te mkha' 'gro ma rnams kyis/ /rang rang gnas su rgyas gdab po//snying po'i snying po 'di de ni/ /'gro ba'i don du 'dzam bu'i gling / /bye ba phrag brgyar klags grub tu/ /rab tu grags so 'di yi don/ /zab cing gting dpag dka' ba ni/ /sus kyang shes pa ma yin te/ /zla ba bzang pos dri med bshad/ /de don rigs ldan rnams la ni//bdag gis rab tu dgrol bar bya/ /'di la bcu bzhir gsungs pa yang / /bcu gsum don ldan sgra yi dbyings/ /gcig ni kun gyis bsngags pa'o/ /de nyid phyir na 'dir mi 'chang / /bshad par bya ba bcu gsum ni/ /zhus dang gsungs dang gzigs pa dang / / sgyu 'phrul dra bas rdo rje dbyings/ /chos dbyings me long so sor rtog /mnyam nyid bya grub rgyud bsdus pa/ /sngags dang rjes su yi rang dang / /bcu gsum rdo rje 'dzin pa'i sa/ /de las dang po thog mar ni/ /zhus pa bcu drug bstan par bya/ /'thad pa ston pa chos kyi sku//dzA lan+d+ha ra'i tha yig las/ /zhu po tri sha ku ne yi/ /a yig rkyen pas chos kun 'byung / /e waM ma yA zhes bshad pa/ /de nyid rdo rje'i btsun mo yi/ /b+ha ga la bzhugs de nyid do/ /de yang bshad pa/ de nas rdo rje 'chang dpal ldan/ /gdul dka' 'dul ba rnams kyi mchog /'jig rten gsum las rgyal bas dpa'/ /gsang dbang rdo rje dbang phyug po/ /zhes pa/ a yi rnam pa bdag med pa/ /rab tu mi gnas ston pa nyid/ /rnam pa thams cad bral ba'o/ /tha yi rnam pa mi bskyod pa/ /dmigs med snying rje chen po la/ / sna tshogs dngos rnams snang ba'o/ /rdo rje gnyis med sbyor ba dang / /stong pa snying rje'i snying po can/ /zag gsum 'dzag pa med pa'o/ /'chang ba zung 'jug de nyid ni/ /lhan cig 'dzin pas 'chang bar brjod/ /de yang dus kyi 'khor lo las/ /bsam pa thams cad yongs btang nas//stong par rtse gcig yid byed pa/ /nyi ma gcig tu brtags na yang / /gal te yid ches ma gyur na/ /de tshe nga yi brdzun gyi tshig /ces pas dam bca' gsungs pa'o/ /rtags gsum dang po bar tha ma/ /dang po du sogs lnga thob pa/ /gnyis pa stong dang brgya brgya 'gags//tha mar nyi khri chig stong dang / /drug brgya 'gags pas rdzogs sangs rgyas/ /dpal ni de las rang don gzhan/ /dam pa gnyis ni 'byung ba'am/ /yang na gnyis med sbyor ldan pas/ /ril bu bum pa mchil lham dang / /sa 'og mkha' spyod rkang mgyogs dang /gnod sbyin mo dang bcud kyis len/ /de la sogs pa dpag med mchog /gdul dka' yan lag bzhi pa'i dpung / khyad par lta ba'i tshogs chen po/ /nyi khri chig stong drug brgya dang / /stong dang brgyad brgya sum brgya dang / /drug cu'i dmag dpung gdul dka' ba'o/ /ci phyir nyin mtshan gnod byed phyir/'dul ba drug sogs dpag med kyang / /kun gyis thul ba ma yin te/ /mchog tu mi 'dzag ye shes che/ /'du byed rnams kyi mchog yin no/ /de ni gang las rnyed ce na/ /bum pa gtum mo lhan cig skyes/ /yan lag drug gis lus bcings pa'o/ / de yang dus kyi 'khor lo las/ /byed dang bcings pa'i sbyor ba yis/ /sa gsum po yang 'grub par 'gyur/ /zhes gsungs so/ /'jig rten gsum gyi sgo gsum po/ /rgyal ba rang lus bde stong rgyas/ /khro rgyu can las thag bsrings pa/ gsang ba gsang ba lnga yin te/ / de yang rdo rje theg pa las/ /khyod kyis srog chags gsad par bya/ /ma byin pa yang blang bar bya/ /gzhan gyi bud med bsten par bya/ /brdzun gyi tshig ni smra ba yin/ /myos par gyur pa'i khu ba btung / /de ltar spyad na grol bar 'gyur/ /zhes pa rlung ni srog yin la/ /de 'gog byed pa srog chags gsod//gzhan gyi bud med rang lus mdzes/ /rang gis grub pa rnam par dag /ma byin haM las thig le len/ /sems can thams cad bsgral lo zhes/ /brdzun gyi tshig ni smra ba yin/ /bde ba phyag rgya'i khu ba ni/ /rtag tu btung bar bya ba yin/ /de ltar min par dngos spyod pas//rdo rje dmyal bar nges par 'tshed/ /dgongs pa'i skad kyis bstan pa yin/ /dbang po dbang po lnga yin te/ /dad pa dran pa brtson 'grus dang / /bsam gtan shes rab ldan pa yis/ /rdo rje theg pa'i lam bsgrub pa'o/ /rdo rje gsang ldan dbang lnga ldan/ / de nyid phyir na de dbang phyug /rnam par rgyas pa rdo rje'i lus/ /mi yi 'gro ba mchog yin no/ /pad+ma rtsa la dkar po ni/ /thig le nam mkha'i khams gnas pa'o/ /spyan ni gsal bar snang ba ste/ /rtags dang ye shes nor bu brtan/ /sna tshogs pad+mo rtsa yi dbyibs/ /gdan la bzhugs ni skye mched dag /rang gi lag ni ro rkyang gnyis/ /rdo rje'i mchog ni gnyis med ma/ /rnam grangs mang la brten nas ni/ /nyams su myong bar bya ba'i phyir/ /gsor bar brtson 'grus gnyen po yis/ /yang dang yang du byed ces pa/ /nyams su myong bar byed pa'o/ / khro gnyer dpral ba'i thig le la/ /rim par ldan sogs bcu drug phyed/ /nyams su myong bas ye shes 'phel/ /lag na rdo rje gnyen ye shes/ /thabs chen mtha' yas rnyed pa yis/ /nyon mongs rnam dag gdul dka' 'dul/ /de 'dul dpa' bo rnams kyis ni//phrin las gcig go zhes brjod pa'o/ /dpa' bo de 'joms phyir na dpa'/ /'jigs su rung ba'i nyan rang sogs/ /'dod yon spyod la skrag pa'o/ /gzugs ni gnod sbyin des mi thub/ /mi thung byis pa'i lus 'chang ba/ /zhe sdang mi bskyod rdo rje nyid/ /ces gsungs so//rdo rje lus la rtse mo ni/ /spyi bo'i haM dang bum pa'i a/ /rab 'phro ba ni yar mar gshegs/ /rang gi lag ni yan lag drug /gsor byed pa ni srog rtsol sogs/ /gong nas gong du goms byed pa'o/ /de yang dgos pa ci'i phyir/ /snying rje'i don ni byang chub sems/ /de yang rdo rje mkha' 'gro las//ji srid sems can 'khor gnas su/ /gnas par gyur pa'i bar dag tu/ /dpal mchog mtshungs med sems can don/ /mya ngan mi 'da' byed pa yin/ /de phyir sems dpa' dam pa ni/ /srid pa'i zhags pas rtag mi 'jigs/ /srid bde smon pa dgag pa'i phyir//rtag tu 'dod chags rab myos pas/ /rtogs pa rgyas pas smin par mdzad/ /ces gsungs so/ /da lta'i rnal 'byor dbang phyug che/ /shes rab mi rtog chos kyi dbyings/ /yang na las dang ye shes gnyis/ /lan ni bcos ma ye shes mchog/ de lta'i 'thad pa 'di nyid de/ /thabs kyis 'gro don byed pa'i mchog /'dod chags chen po rjes chags pa 'am/ /so sor sdud dang lha yi yum/ /de la brten nas rtogs pa'o/ /dga' dang bde ba'i ye shes nyid/ /mgu ba mi ngoms spangs pa'o/ /rangs pa de yi lus sems tshim//btang snyoms can ni thar pa 'dod/ /'khor ba spong sogs gnyis rtog med/ /khro bo'i lus kyi gzugs ldan pa/ /zhes pa stong pa khro bo la/ /chags bral ye shes lhan skyes gzugs/ /de yang sangs rgyas thod pa las/ /dngos po thams cad skyed par byed/ / stong pas bshig par byed pas te/ /bshig phyir drag po khro bo'i gzugs/ /slu ba'i ri dgas rnam par spangs/ /rang bzhin stong pa'i nam mkha' ni/ /dgod cing 'dzag pa ma yin no/ /zhes gsungs so/ /sangs rgyas mchog gi bde ba la/ /phrin las bde ba spro byed pa'o/ /don ni rnal 'byor dbang phyug sogs//lus btud nas ni ma nyams pa/ /lhan cig rdzogs pa yang dag rdzogs/ /'dud ces pa ni haM la'o/ /bcom ldan 'das ni yas byon pas/ /de bas rtog pa 'joms pa'o/ /de bzhin gshegs pa mas log pa'o/ /de nyid gnas su gshegs pa'o//rdzogs pa dung khang rdzogs pa la/ /sangs rgyas spang bya spang thob pa'o/ /phyag 'tshal zhes pa de la 'dud/ /thal mo rtsa dang rlung gnyis la/ /sbyar byas thig le 'phror mi ster/ /spyan sngar rdo rje bum pa'i nang / /'dug ste 'od 'phro thig le la/ /'di skad gsol ni lta zhing sdom//khyab bdag 'phel sdug thig le la/ /bdag la sman pa mchog bde dang / /dkar po'i phyogs la lus bde ba'o/ /gzhan don bde ba chen po la/ /rjes su slob par 'dod pa'i rten/ /thugs brtse bas ni rang lus kyi/ /byang chub sems ni ma 'phros par/ /rtag tu ma nyams ldan phyir ro//sgyu 'phrul dga' bas dga' bcu drug /mngon rdzogs dga' ba rnams thim pa'o/ /ji ltar 'das pa'i sangs rgyas kyis/ /rnyed par mi 'gyur ye shes te/ /rang bzhin chos dbyings rnam dag pa/ /de ni mngon sum mthong bar mdzod/ /nyon mongs pas ni thig le nyams//'khor ba rgyas par byas pa yi/ /sems 'khrul pas ni de sdug bsngal/ /sna tshogs rgyas par byas pa'o/ /mi shes ma rig bag chags stobs/ /'dam du bying ba rgal dka' ba/ /de yang mkha' 'gro kun spyod las/ /mi shes mun pas khebs pa dang / / khengs pa la ni rtag tu dga'/ /rtag tu gdug sems ldan kun gyis/ /gsang ba'i spyod yul 'di mi shes/ /zhes gsungs so/ /sems can kun la nyi khri dang / /chig stong drug brgya 'gags pas na/ /sman pa bde chen dbyer med pa'o/ /bla med 'bras bu lhan skyes bde/ / de thob bya phyir dga' bzhi bsgom/ /rab tu gsal ba rdzogs sangs rgyas/ /zhes pa rab gsal rang bzhin la/ /chos dang gzugs su gsal ba'o/ /de nyid rdzogs pa'i sangs rgyas so/ /bcom ldan zag med ye shes la/ /ston pa thig le bde chen po//'byung gnas spyi bo'i haM yig la/ /'gro ba'i rlung gi las rnams so/ /bla ma thabs mchog me rlung sbor/ /gnyis med 'dres pa bde ba che/ /dam tshig chen po'i bde ba bzhi/ /de nyid mkhyen pa ye shes so/ /dbang po bsam pa sgo lnga yi/ /yul dang yul can snang ba'o//so sor sdud pas rtags thob pa/ /mkhyen mchog ces ni de la bya/ /bcom ldan 'das ni rtogs pa'i don/ /ye shes sku ni bzhi pa'i sku/ /nyams pa bzhi pa'i sku ma yin/ /gtsug tor bde chen dpral ba'i haM/ /chen po e yi rnam pa can/ /waM las kA li'i phreng ba la//tshig gi bdag po zhes bshad do/ /ye shes gtsug tor thig le che/ /rang 'byung ba ni rgyu mi ltos/ /byas pa med cing rnam par spangs/ /rang nyid kyis rig bsod nams mchog /dA ri ka pa'i zhal snga nas/ /skye ba med pa'i ye shes de/ /rdul med nam mkha'i dkyil lta bur//lus gnas bde bas rgyas pa las/ /dA ri ka pas da lta rnyed/ /ces gsungs so/ /'jam dpal nor rtse'i thig le las/ /ye shes gnyis med bde ba'i rten/ /sems dpa' ling+gA rgyas pa'o/ /ming ni bde chen lhan skyes te/ /yang dag brjod pa'i rgyud mang las/ /mchog gi bsgrub pa dam par gsungs//don zab rtogs dka' mi 'gyur te/ /rdo rje theg pa'i bsgrub bya'ang de'o/ /don ni rgya chen zhing zhes pa/ /lhan skyes dngos rnams khyab pa'o/ /don chen mtshungs med bzhi pa yi/ /dbang gis thob pa'i cig shos des/ /rab zhi ba ni phyag rgya che/ / nyan rang rnams ni skrag 'gyur pa'o/ /thog ma dga' bas dpa' ba ste/ /bar dang mchog dga' tha mar ni/ /dga' bral dge ba lhan cig skyes/ /'das pa thos pa'i dus dag tu/ /sangs rgyas rnams kyis gsungs pa ni/ /bla mas gsungs pa thos nyams myong / /ma 'ongs sgom pa'i dus dag tu//rnams kyang gsung 'gyur la ba pa/ /sgom pa nyams su myong ba'o/ /da ltar byung ba rdzogs sangs rgyas/ /bsam pas de don rtogs pa'o/ /yang dang yang du gsungs pa gang / /rdo rje theg pa nyams su myong / /rang la rang gis bstan pa'o/ /rgyud chen bde chen rgyun chags pa//spas pa de kho na nyid do/ /sgyu 'phrul mngon par rtogs pa ste/ /dra ba rtsa dang thig ler 'brel/ /rdo rje 'chang chen ye shes sku/ /gsang sngags 'dzin ni bde chen gyi/ /ye shes lnga po gsal bar 'dzin/ /dpag med rnams ni lam bye brag /bka' bzhin du ni kun du 'od/ /ma mthong bar du rlung 'gog mchog /glur blangs gang lags bshad du gsol/ /zhes ni glu yis yid tshim byed/ /de ltar rang nyid rtogs shing bde/ /mgon po rdzogs sangs rgyas kun gyis/ /mchog tu mi 'gyur ye shes la/ /thig le bzhi pa'i mtha' can no/ /rdzogs pa'i sangs rgyas kun gyi gsang //sbyor ba'i yan lag drug yin no/ /'dzin pa thig le 'dzin pa ste/ /dga' bzhi ye shes rgyas par byas/ /nges par 'byung ni haM las skyes/ /lte ba'i dkyil 'khor bar du ni/ /rab tu gsal bar sems can la/ /ji lta bar ni bstan par bya/ /bdag gi rlung gnyis sbyor ba yis//bsam pa brtan pos thig le bzung / /de las phyag rgya chen po thob/ /nyon mongs nyams pa'i sdug bsngal la/ /ma lus bsal bar gcod pa dang / /mi shes rnam par rtog pa'i gzugs/ /ma lus spang phyir dngos po brten/ /bsam mi khyab par ji bzhin du//nyon mongs byang chub yan lag lam/ /de yang sangs rgyas thod pa las/ /'dod chags bral ba lta bu yi/ /khams gsum na ni sdig med pas/ /de bas 'dod la nan tan du/ /bu khyod kyis ni rtag tu gyis/ /zhes gsungs so/ /sems can thig ler gnas pa'o//de yang saM pu Ta las kyang / /'di la bsal ba ci yang med/ /bsnan par bya ba cung zad med/ /yang dag nyid la yang dag lta/ /yang dag mthong na rnam par grol/ /zhes gsungs so/ /rnams la bshad par 'tshal bar ston/ /gsang dbang nor bu'i yan lag na/ / rdo rje yis ni mi bskyod par/ /de skad e waM thabs shes rab/ /de bzhin gshegs pa gyen gshegs pa'o/ /bde chen sems la gsol mdzad nas/ /thabs shes thal mo sbyar byas te/ /lus btud skar ma'i sbyor ba las/ /spyan sngar 'dug ni rtogs pa'o//de ltar d+hU tI la brten nas/ /dga' ba bcu drug rnam dag pas/ /zhus pa'i tshig bcad bcu drug dag /zhus pa'i le'u ste dang po'o// //le'u gnyis pa slar gsungs pa/ /byis pa'i skye bo gdul slad du/ /ston pa la sogs mi 'ga' la/ /'dir ni chen po'i don bshad pa//de nas bcom ldan shAkya thub/ /ces pas shAkya thub pa ni/ /rdo rje 'dzin pa rnam snang che/ /a ra li las zas gtsang thabs/ /sgyu ma chen mo shes rab la/ /don grub rdo rje sems dpa'o/ /mchog tu dga' ba bde ba che/ /bcom ldan 'das ni phyag rgya che//rdzogs pa gtsug tor thig le rdzogs/ /sangs rgyas 'khor drug dag ye shes/ /rkang gnyis mchog ni bden pa gnyis/ /yang na gtsug tor nor bu gnyis/ /nyid kyi zhal nas ljags bzang ba/ /zhes pa yi ni don bshad pa/ /'jig rten kun du khyab pa yi/ / ye shes skyes pas ye shes kyi/ /d+hU tI mthong rtags mthar thug pa/ /re khA nag po phra ba'i phra/ /longs sku 'phro ba mthong ba'o/ /de yang dang por sangs rgyas las/ /du ba smig rgyu srin bu me/ /zhes pa rtags bcu bstan pa'o/ /ring zhing rnam par rtog pa las/ /mtshan rtags thob pas blo yangs pa//nyin mtshan rab tu brkyang mdzad de/ /de yang 'khor lo sdom pa las/ /gang tshe goms pa brtan gyur pa/ /gsal snang dngos su mthong bar 'gyur/ /lce rtser phyin pa'i sbyor ba yis/ /ji srid 'dod pa de srid du/ /lce 'phel bar ni 'gyur ba yis//de tshe khams gsum po yang blta/ /zhes gsungs so/ /'jig rten gsum po lus ngag yid/ /snang byed kyi ni rtsa gsum nyid/ /bdud bzhi phung nyon 'chi lha bu/ /dgra rnams bdud sogs nyon mongs rnams/ /'dul byed bde rlung thig le khams/ / ma thul sems can rnams kyi lam/ /'og bltas rtsa gsum ngan song gsum/ /zag pa rgyas pas 'khor bar 'khor/ /de nas mi 'dzag ye shes gsum/ /sbyong bar byed pa'i lhan cig skyes/ /'dzum bstan nas ni dga' ba bzhi/ /tshangs pa dbu ma'i lam yin te/ / gsung ni gyen rgyu'i lam yin te/ /snyan pa bde rlung sil sgra 'byung / /'jig rten gsum po kun bkang nas/ /zhes pa bcu drug rtsa rgyas pas/ /sgo gsum lhan skyes khyab pa'o/ /lag na rdo rje bsam gtan la/ /stobs po che ni lhan skyes bde/ /rim gyis byon pas dga' bzhi rgyas//gsang dbang rdo rje nor bu la/ /slar gsungs pa ni mthar thug nas/ /slar yang gnas su gshegs pa'o/ /snying rje che dang ldan gyur pas/ /zhes pa thams cad bde chen khyab/ /rang snang bzhin du bzhin snang ba'o/ /'gro la rnam par rtag pa'i rlung / / phan pa'i don du 'gog par byed/ /yum lngas longs spyod ldan pa khyod/ /ye shes lus ni rdo rje'i lus/ /'jam dpal thig le'i khams yin te/ /ming brjod dga' ba skad cig ma/ /don chen rtog med bde ba che/ /dag par byed pa rtog spros bral/ /bcing grol thams cad de bzhin nyid//sdig sel ba ni srog gcod sogs/ /rtsa ba bzhi dag gos pa med/ /ti lo pa yi zhal nas kyang / /ri rab gser gyi legs la gang gnas pa/ /gang gi rang bzhin bor nas gser du snang / /de bzhin skye med rtogs pa'i rnal 'byor gyis/ /dngos po'i rang bzhin bor nas phyag rgya che//zhes gsungs so/ /da ni mchog mi 'gyur ye shes/ /nyan par brtson pa'i rnal 'byor ni/ /dpal ldan rdo rje 'chang nyid do/ /legs so nyon mongs ye shes rtogs/ /lag na rdo rje sbyor grub la/ /khyod legs so ni bsgom pa'o/ /gsang ba to ga nor bu'i gnas//bdag po lte bar bde ba 'dzin/ /lhan cig skyes pa nyams su myong / /de phyir gsum pa'i dus su ni/ /nga yis khyod la rab tu bstan/ /khyod ni rtog med rtse gcig pas/ /yid kyis nyon la bsgom par gyis/ /bcom ldan b+ha ga btsun mo'i gnas/ /de ni skyon nub pas legs zhes//de yang he yi rdo rje las/ /shin tu bzhin bzangs mig yangs ma/ /gzugs dang lang tshos rnam par spras/ /rang gi dbang bskur snying rje che/ /rdo rje bu mo 'di khyer la/ /spyod pa byed par rtogs par bya/ /zhes gsungs so/ /gyen la gshegs pa gsol ba'o//gtsug tor chen po la sogs pa'i/ /'khor lo drug rtsa'i rnam dag pas/ /slar gsungs sh+lo drug tu dag /slar gsungs pa'i rgya cher 'grel pa le'u gnyis pa'o// //rigs drug la gzigs le'u ni/ /de nas bcom ldan shAkya thub/ /ces pas bcom ldan bde ba la//shAkya stong pa chen po nyid/ /thub pa nor bu mi 'da' ba'o/ /gang gis gzigs na de yis gzigs/ /gang la gzigs na rigs drug la/ /ji ltar gzigs na 'khor lo drug /sangs rgyas drug tu gzigs pa'o/ /gsang sngags rigs chen thams cad ni/ / 'khor lo drug lter khyab pa yis/ /'od gsal ba ni byang chub sems/ /nor bu'i kha nas mi 'pho ba/ /mi bskyod rdo rje lhan skyes dga'/ /badzri d+h+r-i ka ste 'jig pa med/ /gsang sngags lte rtsa yi ge'i gzugs/ /rig sngags dkyil 'khor 'khor lo 'phro/ /'chang ba'i rigs ni pha yin te//lte ba'i 'khor lo dzi na dzika /rnam par snang mdzad chen po'o/ /rigs gsum rdul mun snying stobs te/ /rnam par gzigs ni mtshan nyid med/ /dang po sangs rgyas bcom ldan 'das/ /'od dpag med pa A ro l-i ka /'jig rten lte ba'i dkyil 'khor la/ 'jig rten 'das pa snying ga nyid//rigs ni rin chen 'byung ldan la/ /mgrin pa'i 'khor lo rin 'byung nyid/ /rat+na d+h+r-i ka ste gsal bar byed/ /'jig rten zhu ba'i khu ba la/ /snang byed bde chen snang ba'o/ /rigs chen don grub ye shes sku/ /haM las 'bab pa'i phrin las byed/ /stong pas brgyan pas pradz+nyA d+h+r-i ka /phyag rgya chen po rdo rje sems/ /rigs mchog rigs bsdus bde chen grol/ /thig le bcu drug yongs rdzogs pa/ /bco lnga'i mtha' can rnam par dag /de nyid gtsug tor chen po dang / /rin po che yang de nyid do/ /chos kyi rgyal por dbang bskur ba/ /de la ston pas cher gzigs pa'o//gnas dang phung po dga' ba dang / /las dang lha dang ye shes dang / /drug ldan de la gzigs pa'o/ /thabs dang shes rab bdag nyid kyis/ /sh+loka gnyis dag pa'o/ /rigs drug la gzigs pa'i rgya cher 'grel pa ste le'u gsum pa'o// // de nas sgyu 'phrul dra ba ni/ /mngon par byang chub le'u la/ /tshig gi bdag po sangs rgyas kyis/ /tshigs su bcad pa sh+lo ka /rtsa yi dra ba ji snyed pa/ /bsdus pas 'khor lo drug tu bsdus/ /de nyid gsang sngags rgyal po drug /ldan zhing badzra d+h+r-i ka sna tshogs/ /'khor lo drug la ldan pa'o//gnyis su med par 'byung ba dang / /zhes pa kun rdzob don dam la/ /kun rdzob kun brtags gzhan dbang gnyis/ /don dam yongs su grub pa ste/ /med pa bden pa dbyer med la/ /'byung ba sku gsum 'byung ba'o/ /yang na mtha' bzhi bral ba yi/ /chos kyi dbyings kyi rang bzhin no//nang du gnyis ni ro rkyang gnyis/ /de ni rtag chad mtha' yin pas/ /med pa kun 'dar ma nyid do/ /ma skyes rang bzhin ro gcig par/ /'byung ba bde chen mchog mi 'gyur/ /de nyid mi skye chos can no/ /'di gsungs pa ni bsam brjod med//a A i I u U e ai o au oM aH zhes pa 'di yi don bshad na/ ma ning bzhi ni ma bshad pa/ /skye med ston pa'i rgyud yin phyir/ /yi ge bcu gnyis bsten pa ni/ /sa bcu gnyis su bstan pa yin/ /gnas dang nye ba'i gnas dang ni/ /zhing dang nye ba'i zhing dang ni//tshan+do nye ba'i tshan+do dang / /'du ba nye ba'i 'du ba dang / /'thung gcod nye ba'i 'thung gcod dang / /dur khrod nye ba'i dur khrod dang / /thung ngu drug ni dang po la/ /ring ba drug ni nye ba'o/ /'khor lo drug la 'jug pa dang / /gnas pa longs spyod thim pa dang / /bzhi bzhis rlung 'gags mchog thob bo//'o na thob lam sa de gang / /zhe na a sogs bcu gnyis ni/ /kun du 'od dang bdud rtsi 'od/ /nam mkha' 'od dang rdo rje 'od/ /rin chen 'od dang pad+ma'i 'od/ /me tog 'od dang dpe med 'od/ /bla ma'i 'od dang shes rab 'od/ /kun mkhyen dang ni so sor rig /dang po'i thung gsum sgo gsum dga'/ /dang po ring gsum mchog tu dga'/ /gnyis pa thung gsum dag 'bral ba/ /ring gsum lhan cig skyes dga'o/ /dga' bzhi'i rang bzhin pha rol phyin/ /ma skyes pa yi don bshad pa'o//de la skye ba'i rnam 'phrul ni/ /s+thi to hr-i di thig le la/ /dz+nyA na mUr+t+ti bde chen te/ /ra haM bud+d+to sbangs rtogs ldan/ /bud+d+hA nAM ni d+hU tI'o/ /t+ya d+h+wa bar+t+ti nAM ni rlung gsum bsgom/ /oM badzra tI k+Sh+Na zhes pa ni/ /nor bu mi bskyod rlung gcod pa'o/ /duHkha srid pa ts+tshe da ni/ /lte ba'i nang gnas rnam snang mdzad//pradz+nyA shes rab 'od dpag med/ /dz+nyA na mUr+t+ta ye snying ga /dz+nyA na kA ya don grub ste/ /dpral bar gnas pa thig le'i khams/ /wA gI shwa ra rin chen 'byung / /mgrin par chos kyi phung po gnas/ /a ra pa tsa na rdor sems/ /gtsug tor gnas pa bcom ldan 'das//ya te na maHde phyag 'tshal/ /yang na a ra pa tsa na/ /zhes pa'i yi ge don bshad na/ /mi 'gyur ye shes rtogs pa yis/ /'dod chags la sogs sman chen bsten/ /mi 'chi lnga spyad dngos grub thob/ /gsang spyod rigs spyod kun du bzang / /rnal 'byor rig pas dpyad par bya//in+d+ra b+hU ti'i gsung ngag yin/ /de ltar tshigs bcad gsum po des/ /lus ngag yid gsum rnam dag pa'o/ /sngags kyi rgya cher 'grel pa ste le'u bzhi pa'o// //le'u lnga pa rdo rje dbyings/ /dkyil 'khor chen po bshad pa ni/ /phung khams dag pa chos kyi dbyings//'di ltar phyag rgya chen po la/ /sangs rgyas bcom ldan 'das ling+ga/ /rtag tu rgyas bde kun du bzang / /rdzogs pa'i sangs rgyas nor rgyas pa'o/ /a las 'byung ni shes rab phyin/ /'od gsal phyag rgya chen mo la/ /gzugs brnyan snang ba ma mA kI//a ni yig 'bru kun gyi mchog /ma ning rdo rje'i bzlas pa yin/ /rlung 'gog bzlas pa mchog sgrol ma/ /don chen yi ge yon tan la/ /dam pa thams cad ster bar byed/ /khong nas 'byung ba gtum mo'i me/ /de yang he yi rdo rje las/ /lte bar gtum mo sbar ba yis//de bzhin gshegs pa lnga bsregs te/ /spyan sogs yang ni bsregs byas nas/ /haM las ri bong can 'dzag go/ /zhes gsungs so/ /srog chen rdzogs byed gos dkar mo/ /tshig tu brjod pa nyams pa'i mtha'/ /spangs pa bde chen brtan spyan ma/ /brjod pa kun gyi rgyu yi mchog /bde stong dbyer med ye shes so/ /tshig kun rtsa rlung yi ge'i gzugs/ /gtum mos klag pas bde stong gsal/ /de nyid rdo rje rnal 'byor ma/ /nyams su myong ba mchod pa ste/ /phyi rol rdzas rnams rgya chen phul/ /dam pa gsum gyis bsngo byas nas/ /'di phyi'i yon tan rjes 'brangs pas//thar pa'i rgyur gyur shin tu dka'/ /thar pa'i ci smos khams gong ma'i/ /rgyur gyur pa yang ting 'dzin dang / /de byed rnam par g.yengs phyir ro/ /de nas mchod chen ma yin no/ /bdud rtsi bsten sogs 'dod yon spyad/ /de yang rgyud pa'i rgyu min pas//mchod chen ma yin mchod chen ni/ /dug lnga'i de nyid rtogs pa de'i/ /gsum pa'i ye shes gcig pu yin/ /chen po'i shes rab ye shes so/ /'dod chags gsum dus ye shes che/ /sems can las can skal bzang la/ /sgo gsum dpag med dga' bar byed//mchod pa chen po gong bzhin la/ /zhe sdang che ni rlung 'gog pa'o/ /des ni bde g.yos rtog med pas/ /spang bya nyon mongs kun gyi sgra/ /che ba 'di la mi bskyod pa'o/ /mchod pa chen po gti mug che/ /srog rtsol d+hU tI'i lam zhugs pas/ /gti mug blo ni shes rab la//gti mug sel ba snang mdzad pa'o/ /mchod pa chen po gong dang mtshungs/ /khro ba chen po nyams pa 'joms/ /yang na dga' bral ye shes la/ /khro ba chen po lhan cig skyes/ /drag po chen po don grub po/ /mchod pa chen po 'dod pa che/ /bde bas sems bsdus mi rtog rgyas//de yis 'dod pa thams cad nyid/ /sel bar byed phyir rin po che/ /chags pa nyid na chags pa med/ /'dod sogs lnga po dbyer med pa/ /drug pa rdor 'chang dus 'khor lo/ /'dod pa chen po lus bde ba/ /bde ba chen po gang bde ba/ /dga' ba chen po sems bde ba//mgu ba che ni ye shes bde/ /de yang ma log gnyid song dang / /rmi lam rmi lam chen po dang / /de nyid sbrul longs spyod bde chen/ /dga' ba dga' bzhir nyams su myong / /gzungs che thig les ling+ga rgyas/ /lus kyang 'od gsal che ba ste//longs spyod rdzogs sku yul rgyas pa'o/ /de ni lus kyi dga' ba mchog /kha dog che zhing yon tan rgyas/ /lus po che ba d+hU tI rgyas/ /de ni ngag gi mchog dga'o/ /ming yang che zhing mchog gsang theg /rgya che des khyab bde sems dga'/ /dkyil ni bde ba snying po la//'khor ni rtsa thig rlung gis bskor/ /chen po'i chos nyid yangs pa yin/ /sgyu ma lta bur shar ba'o/ /de ni ye shes mchog dga'o/ /de ni longs sku'i dga' bzhi'o/ /shes rab mtshon chen stong pa nyid/ /'chang ba dngos rnams 'joms pa ste/ /nyon mongs chen po las brgya yi//pad+ma la brten skyes pa yi/ /bde myong lus kyi dga' bral dga'/ /lcags kyu'i mchog ni ye shes kyi/ /'dod pas 'khrig chags bzhi bde ba/ /de ni ngag gi dga' bral dga'/ /grags chen me rlung sgra yin la/ /snyan grags gsal snang ye shes te/ / sems kyi dga' bral dga' ba'o/ /snang ba chen po rdo rje thabs/ /gsal ba chen po shes rab yum/ /gnyis med sbyor bas bde rgyas pa/ /ye shes dga' bral dga' ba'o/ /mkhas pa bde stong thabs la mkhas/ /sgyu 'phrul snang stong chen po 'chang / /de ni lus kyi lhan skyes dga'//sgyu 'phrul chen po phyag rgya bzhi/ /'grub pa med pas don grub pa'o/ /ngag gi lhan cig skyes dga'o/ /sgyu 'phrul chen po b+ha ga la/ /dga' bas dga' ni bde myong ba'o/ /de ni sems kyi lhan skyes dga' ba'o/ /sgyu 'phrul chen po rtsa 'khor lo/ /mig 'phrul can ni zhen pa'o//de ni ye shes lhan skyes dga'/ /gtsug tor rdo rje nor bu'i bar/ /dga' gsum dga' ba bcu gnyis las/ /mas yar dga' ba dga' bzhi ste/ /gnyis mnyam gnyis gnas dbus dag na/ /bde dang mi rtog mtshan dang bral/ /lhan cig skyes pa'i yul can la//dga' bral rtog zhes brjod du gsungs/ /dga' ba rnam pa bcu drug go/ /rgyas par bshad pa dri med ltos/ /sbyin bdag chen po phyi nang gtong / /gtso bo sgeg mos lhan skyes ster/ /'jig rten sbyin las khyad par 'phags/ /tshul khrims chen po byang chub sems/ /'chang ba mi mnyam nor bu yi//rtse mor phreng ba ma nyams mchog /bzod chen bde bas sems bsdus blus/ /'chang ba mi 'phro brtan pa'o/ /brtson 'grus chen po g.yas g.yon rlung / /d+hU tIr brtul ba 'phar g.yo gar/ /bsam gtan chen po bde stong la/ /ting 'dzin me tog rtse gcig blta/ / shes rab chen po stong pa nyid/ /lus ni ma rig mun pa'i dngos/ /'chang ba gnyen po'i mar me 'dzin/ /stobs po che ni rlung grub pa/ /mkha' la 'gro ba'i bdug spos can/ /thabs che bas ni bde 'phel bas/ /lus rnams kun la khyab par byug /smon lam khu ba mnyam za bas/ / chos rnams dpe brgyad sa spyod ma/ /ye shes me rlung rgya mtsho ni/ /bin+du dung khang gnas pa ste/ /mkha' spyod rnam par dag pa'o/ /byams chen shes bya bde bar shar/ /rang bzhin spros bral dpag med rtogs/ /snying rje chen po chags bcas la/ /blo yi mchog ni bde stong myong / /shes rab chen po gang du yang //dmigs su med pa phyag rgya che/ /blo chen ldan ni dga' bzhi'o/ /mkhas pa chen po zhes pa ni/ /dpal ldan dus kyi 'khor lo las/ /sems dpa' reg pa chags pa rgyas/ /shin tu chags chen 'dar ba dang / /g.yo dang 'khrug dang yid 'khrug dang / /myos dang brgyal ba bcu ru 'dod//de nyid nang du sbyar ba yis/ /so so bsdu ba'i mtshan ma bcu/ /thabs chen yul ni nyi shu bzhir/ /bde bas khyab pa dpa' bo'o/ /rdzu 'phrul chen po'i stobs dang ldan/ /zhes pa rlung rnams 'chun pa'o/ /shugs chen byang sems mi nyams pa/ / mgyogs pa chen po rtsa kun khyab/ /rdzu 'phrul chen po cher grags pa/ /'jig rten 'jig rten 'das pa yi/ /bde bas bdag gzhan bskul nus pa'o/ /stobs chen mtshams med lnga sogs las/ /pha rol gnod pa des mi gos/ /de yang rdo rje theg pa las/ /gdol pa smyig ma mkhan la sogs//mtshams med lnga sogs byed pa'i mi/ /gsod pa don du gnyer bas kyang / /tshe 'di nyid la sangs rgyas 'gyur/ /zhes pa'o/ /srid pa'i ri bo 'jig tshogs kyi/ /lta ba drug cu rtsa gnyis so/ /chen po gzhig par dka' ba'o/ /'joms ni bde chen spros bral lo//bde chen thob rtags gang zhe na/ /mkhregs shing nor bu'i rtsa gnas la/ /rdo rje chen po ling+ga rgyas/ /'chang ba rdo rje 'jigs byed do/ /de nyid drag po chen po ste/ /drag shul chen po dug gsum 'joms/ /'jigs chen rtag pa 'jigs par byed/ /'jigs par byed pa chad pa 'joms//mgon po rigs mchog phyag rgya che/ /chen po de las lhag med pa'o/ /bla ma bde ba chen po la/ /gsang sngags bde ba'i dam tshig bsrung / /che ba'i mchog ni thabs mchog go/ /theg pa chen po'i tshul la gnas/ /zhes pa thabs 'dis 'jig rten 'di/ /'dir 'degs pas na tshul la gnas//de nas theg pa chen po yi/ /tshul ni he ru bdag med ma/ /mchog ni rdo rje pad+mar sbyor/ /gtsug tor dpral ba mgrin pa snying / /lte ba gsang ba nor bu rtse/ /'gro dang byon pa bcu bzhi yis/ /tshigs bcad bcu bzhi rnam par dag /rdo rje'i lus nyid rdo rje dbyings//gnas bdun byon gshegs bde myong ba/ /lha'o des na dkyil 'khor te/ /brgyad brgya bcu gnyis bzhugs pa'o/ /rdo rje dbyings kyi rgya cher 'grel pa ste le'u lnga pa'o// //le'u drug pa chos kyi dbyings/ /rnam par snang mdzad dkyil 'khor ni/ /sangs rgyas bde chen gsol bar mdzad//rnam par snang mdzad 'od gsal che/ /thub pa chen po mi nyams bde/ /thub chen ldan pa sgo gsum brgyas/ /gsang sngags tshul chen bde stong la/ /de las byung ba 'dod yon lam/ /gsang sngags tshul chen dbang bzhi la/ /rig pa bzhi yi bdag nyid can//pha rol phyin bcu thob pa ste/ /ces pa bum dbang rdzas bcu ster/ /gsum la rdzas gsum ster sbyin pa/ /gnyis sbyor byang sems brtan 'dzin pa/ /tshul khrims rtog bral bzod pa'o/ /brtson 'grus ba thag tsam mi 'jig /bde stong mi g.yo bsam gtan no/ /shes rab lha mo'i phyag rgya las//bla ma'i zhal las rnyed pa'o/ /thabs ni gong gis ma rtogs na/ /ka ra na bcu la brten nas/ /'gog dang zlog dang khyab sogs thabs/ /de yang sdom pa rgya mtsho las/ /kun du tsumA ba kuN+Da li/ /na khas rtse dang nA das rtse/ /yang dag sbyor dang sid ces smra/ / nyed cing skyes pa ltar byed pa/ /brgyad la brgyad brgyad dbye ba yis/ /byed pa drug cu rtsa bzhir 'gyur/ /zhes gsungs so/ /smon lam bde chen mi 'bral ba/ /stobs ni bzlog dka' zlog pa'o/ /ye shes lhan cig skyes pa'o/ /phyin bcu thob pas dbang rdzogs pa'o/ /de yang kam+ba'i zhal snga nas/dur khrod chen po'i dgon par rnal 'byor dbang phyug gis/ /gser snod dag tu seng ge'i zho ldugs tshe na phan tshun du/ /dbul ba sel dang bsil ba thob pas dang po gnyis/ /rjes chags khro med le lo med pas gnyis pas gsum dang bzhi/ /rtse gcig rtog bral gsum pas lnga pa drug pa de bzhin gzhan//'gog len khyab byed gnas pa 'khrul 'khor rlung thabs stobs/ /gnas dang nye gnas la sogs bcu gnyis smon 'debs de bzhin nyid/ /bde dang cig shos dbyer med gnas pa gzhi ni bzhi pa ste/ /bla ma dam pa'i drin gyis bdag la 'di 'dra gsal bar snang //zhes gsungs so/ /pha rol phyin pa bcu la gnas/ /zhes pa khams bcu 'joms pa ste/ /rlung dang sems dang byang chub sems/ /khrag dang rkang dang rus pa dang / /rus pa sha dang dbang po dang / /pags pa la sogs bcu po de/ /bde bas khyab brtan gnas pa'o/ /de nyid gnas dang dag par 'dod//pha rol phyin bcu dag pa ste/ /zhes pa yul dang yul can dag /pha rol phyin pa bcu yi tshul/ /zhes pa ka ra na bcu yis/ /bde stong skyes pa tshul chen no/ /mgon po bde chen he ru ka /sa bcu gnas dang nye gnas sogs/ /dbang phyug mi 'dzag dga' ye shes/ / sa bcu la ni gnas pa'o/ /zhes pa ka ra na bcu la/ /sbyin sogs re res brgyan pa'o/ /shes bcu rnam dag bdag nyid can/ /zhes pa lta stangs shes pa las/ /rnam dag thob rtags rnam pa bcu/ /du ba smig rgyu srin bu me/ /'bar ba zla sngon mkha' dag dang / /thig le re khA nag po'o/ / bdag nyid can ni sna tshogs pa'o/ /longs sku mthong ba yin par 'dod/ /shes bcu rnam dag 'chang ba po/ /zhes pa bug med nam mkha' dag /bltas te dbang po yul yul can/ /gcig tu gyur pa mthong ba ni/ /sbyor ba yan lag drug yin te/ /rtags rtogs ldan pa 'chang ba yin//dpal ldan dang po'i sangs rgyas las/ /nam mkhar sems gtad mig mi 'dzums/ /rdo rje lam zhugs rtags bcu mthong / /zhes so/ /rnam pa bcu po don bcu'i don/ /zhes pa rnam bcu gong rtags la/ /sha la sogs pa spyan lnga yis/ /yul dang yul can mthong ba'o//thub dbang stobs bcu zhes pa ni/ /gyen thur med khyab srog dang ni/ /klu dang rus rtsangs nor lha sbyin/ /khyab pa'i bdag nyid bde stong ngo / /kun gyi nyi khri chig stong la/ /don ni 'gog cing ma lus byed/ /rnam bcu dbang ldan che ba po/ /me dang zla ba nyi ma dang / /thig le nag po thig le che//sangs rgyas longs sku mthong ba'o/ /de yang dang po'i sangs rgyas las/ /tshe las yo byad skye dang chos/ /rdzu 'phrul mos smon sems ye shes/ /rtags bcu'i grub pa dbang bcu'o/ /zhes gsungs so/ /thog ma med pa dga' ba la/ /spros med bdag ni mchog dga'o/ / de bzhin nyid ni lhan cig skyes/ /dag pa'i bdag ni dga' bral lo/ /bden par rang bzhin myong bzhin pa/ /smra zhing rigs ldan bu la ni/ /tshig mi 'gyur ni don dang rtags/ /bde ba che la sbyor ba'o/ /shes rab bu ni bla ma yis/ /ji skad smras pa de bzhin byed/ /ces pa 'dzag pa spong ba'o//gnyis med gnyis su med par ston/ /zhes pa 'di yi don bshad na/ /dang po rtog pa bsgom pa ste/ /de nas rtog med skye ba yin/ /zer ba mi 'thad rgyu 'dra las/ /'bras bu 'dra ba byung phyir ro/ /sA lu las ni khre min no/ /des na rtog med rgyu las ni/ /'bras bu rtog med ye shes skye//yang dag ye shes mtha' nor bu/ /de la rnam par gnas pa ni/ /mi 'dzag ye shes dga' ba'i sems/ /bdag med chos rnams brjod du med/ /seng ge rim gnon sgra ldan pas/ /mu stegs de nyid mi shes pa/ /stong sgras ri [(]dgas [,]dwags [)]ngan 'jigs byed/ /kun du 'gro ba bde chen po//don yod stobs ni sbyor bas brtson/ /ji ltar 'bab pa de bzhin du/ dung khang gnas su slar gshegs pa'i/ /bde chen khyab pa yid ltar mgyogs/ /rgyal ba 'dod chags las rgyal dga'/ /rnam rgyal rlung rgyal dga' ye shes/ /dgra las rgyal ba ma rig sogs/ /rten 'brel las rgyal lhan skyes so//'khor lo drug la sgyur ba ni/ /rtsa la thig les brgyan pa'o/ /stobs po che ni dpung bzhi ste/ /snang ba thob dang snang ba mched/ /brtan dang de kho na zhus bzhi'o/ /tshogs kyi stong phrag bdun cu gnyis/ /slob dpon shu kra ye shes so/ /tshogs kyi dga' gsum mchog ldan skyes//tshogs ni skad cig gsum yin te/ /rje ni mtshan med skad cig ma/ /tshogs ni phyag rgya gsum yin te/ /bdag po phyag rgya chen po'o/ /chos can bco brgyad de dag la/ /dbang dang ldan pas dbang ldan no/ /mthu chen bde chen gces pa la/ /rtag tu nyams med 'dzin pa ste//de nyid tshul chen rtags bcu thob/ /gzhan dring mi 'jog bcos ma med/ /tshig rje dag gis mchog sbyin nus/ /tshig ni so sor yang dag rig /tshig bdag smra mkhas zhes pa ni/ /grub chen brgyad sogs phrin las rnams/ /tshig gi nus pas nges tshig rig /tshig la dbang ba don rig pa'o/ /tshig mtha' yas pa shes rab rgyas/ /spobs pa so sor rig pa'o/ /tshig bden kun rdzob lha dkyil 'khor/ /bden par smra ba don dam ste/ /rdzogs rim rnam pa bzhi yin no/ /de yang mkha' 'gro kun spyod las/ /thams cad bden pa gnyis la ni//brten par ngas ni rtag bshad pa/ /rnal 'byor ba yi dngos grub phyir/ /sgom pa mngon du gyur pa yin/ /rgyud rnams kyi ni rnal 'byor pa/ /bden pa gnyis la yang dag brten/ /zhes gsungs so/ /bden pa bzhi ni sdug bsngal sogs/ /ston pa'i ni dga' bzhir ston//phyir mi ldog pa rlung grub pas/ /phyir mi 'ong ba thig le brtan/ /'dren pa rang gis rig gi rlung / /hUM has bde rlung 'dren pa'o/ /rang rgyal de yis khams rgyas pa/ /bse ru a wa d+hU tI yin/ /tshul ni mya ngan 'das pa'o/ /nges 'byung rdzogs pa'i sangs rgyas so//sna tshogs theg pa sna tshogs lam/ /las byung ji ltar de ltar snang / /'byung ba chen po rgyu gcig po/ /zhes pa 'byung ba lnga yin la/ /chen po de las chos kun skyes/ /rgyu ni rgyu dang rkyen nyid do/ /gcig po chos dang chos can gyis/ /rgyu rkyen gyur pa 'di nyid yin//chos ni 'byung la chos can ni/ /rnam par shes pa de la drug /shes pa skye ba'ang chos yin te/ /shes pa nyid na ci zhig shes/ /shes med sems ni 'od gsal ba/ /don dam des na mya ngan 'das/ /'du shes med 'gog snyoms 'jug yin/ /theg pa chen po'i bsgrub bya ni//srid pa gsum la dmigs nas ni/ /mig 'phrul lta bu'i rnam pa yis/ /lam la thub pa'i yon tan len/ /kun rdzob 'khor dang myang 'das gnyis/ /'byung dang 'byung las gyur pa'o/ /de nyid don du bden 'dod pa/ /nyan thos phyi rol pa yi lugs/ /shes pa snang ba yin no zhes//gsal ba dam pa'i don 'dod pa/ /cig shos rnal 'byor dbang phyug rnams/ /'khor ba dang ni mya ngan 'das/ /khyad par cung zad yod min pas/ /kun rdzob mig 'phrul lta bur snang / /don dam rang bzhin med pa nyid/ /gnyis med phyag rgya chen por 'dod//rdo rje gsum gyi byed pa la/ /'byung dang 'byung 'gyur chos rnams gnas/ /sku rdo rje la sra ba sa/ /gsher ba chu ste dro ba me/ /bskyod pa rlung ste go 'byed mkha'/ /gsung rdo rje yi rnam pa ni/ /A li shes rab ye shes khams/ /kA li thabs las khams lnga 'byung / / ka tsa Ta ta pa lnga sa/ /kha tsha Tha tha pha lnga chu/ /ga dza Da da ba lnga me/ /g+ha dz+ha D+ha d+ha b+ha lnga rlung / /nga nya Na na ma lnga mkha'/ /ka tsa Ta ta pa ye shes/ /mgrin rkang spyi bo mchu so las/ /'byung phyir mkha' rlung me chu sa/ /a ku e kaM ha lnga ni/ /mgrin sgra nam mkha'i khams yin no/ /i tsu k+Sha ya sha lnga ni//rkan sgra rlung gi khams yin no/ /r-i Tu ra Sha ar lnga ni/ /spyi bo'i sgra ste me yi khams/ /u pu pa wa o lnga ni/ /mchu sgra chu yi khams yin no/ /l-i tu la sa al lnga ni/ /so sgra sa yi khams yin no/ /'byung gnas lnga las byung ba yi/ /'byung ba'i nus pa'i me tog ni//kha dog yi ge dug lngar smin/ /yi ge dang po'i sgra brtag pa/ /dbyangs dgra dbyangs la gsal byed dgra/ /gsal byed rang nyid yin par 'dod/ /gsal dbyangs thabs shes gnod pa med/ /dbyangs yig dgra gyur 'chi ba ste/ /gsal byed dgrar gyur nad kyis thebs//yan lag dgrar gyur dpal 'phrog byed/ /dbang thang mi mthun rnyed pa med/ /de rnams mthun par gyur pas na/ /tshe ring nad med dpal 'byor ldan/ /phal pas btang snyoms 'bras gsal min/ /chu dgra rlung la rlung dgra sa/ /sa dgra me la me dgra chu/ / nam mkha' kun grogs mthun pa'o/ /sa bshes chu la chu bshes sa/ /me bshes rlung la rlung bshes me/ /rlung bran chu la me bran sa/ /chu bran me la sa bran rlung / /dgras gnod bshes kyis phan par byed/ /bran ni tshur phan phar gnod pa'o/ /phal pas gsum char med par 'dod//'byung chen srog la 'byung chung lus/ /yan lag dpal la rkyen dbang thang / /gcig pur gyur na de nyid kyis/ /bye brag las ni bzhir shes bya/ /srog mthun tshe ring lus mthun pas/ /nad med dpal mthun dpal dang ldan/ /dbang thang mthun pas longs spyod 'phel//mi mthun tshe thung nad mang zhing / /sems med dpal med longs spyod 'grib/ /phal pas phan dang gnod pa med/ /bran gyis gcig gnod gcig la phan/ /mkha' gnyis dbyings dang ye shes bzang / /gsum ni dbyer med mchog yin te/ /bzhi pas bshig par byed pa yin//rlung gnyis srog rtsol ngan pa ste/ /gsum gyi ye shes bzang por 'gyur/ /me gnyis phan pa yun thung thabs/ /gsum ni sdug bsngal sna tshogs 'khrug /chu gnyis bzang po gsum yang btub/ /bzhi pa thams cad gong dang mtshungs/ /sa gnyis bzang po gsum pa btub//bzhi pa bzang po lnga pa spang / /phan tshun phan gnod stobs las shes/ /stobs mnyam dpal dang dbang thang srog /gsum gyi stobs las phan tshun shes/ /de nyams kun du 'gran par byos/ /phan 'dogs de yi grogs kyis bya/ /gnod byed de yi dgra yis bya//tshe dang nad dang dpal dang grogs/ /srog lus dpal dang dbang thong la/ /de dang de yi gnyen pos byed/ /sa ni ser po sa gru bzhi/ /chu ni dkar po chu zlum po/ /me ni dmar po me gru gsum/ /rlung ni sngon po rlung zla gam/ /nam mkha' kun grogs mdog dbyibs bral//de nyid gcig tu phan gnod dka'/ /'byung ba re la las drug ste/ /bsnun dang dbab dang sreg pa dang / /tshim dang gso dang dgyes pa'o/ /re re'ang thig les brgyan par bya/ /sgron ma'i ming la mtshon byas na/ /oM h+tAHphaT ni bsnun pa'o/ / oM y+tAHhUM 'bebs pa'o/ /oM rtAHbau Sha Ta sreg pa'o/ /oM w+tAHna ma tshim pa'o/ /oM ltAHswA hA gso ba'o/ /oM a+hAMb ShaT dgyes pa'o/ /'byung ba dar dang rgud dang mnyam/ /gsos btab shed smad gnyis gnyis nas/ /re re la yang shes par bya/ /'byung chung nyi shu rtsa lnga la/ /dbyibs mdog las kyang nyi shu lnga//dus phyogs nyon mongs nyi shu lnga/ /spong thob 'dod pas shes par bya/ /sham+b+hal dang sing+ga gling / /'dzam bu gling sogs dpag med na/ /yi ge grangs dang gog sa dang / /ming mi 'dra ba gang yod kyang / /'byung gnas lnga las byung shes pas/ /de yis sgra rnams thams cad shes//dpal ldan dus kyi 'khor lo yi/ /sngags kyi de nyid mi shes par/ /gang zhig lha sgrub las byed pa/ /nam mkha' bza' bar 'dod dang mtshungs/ /de phyir sngags pa rnams la ni/ /phan 'dod dri med 'od kyi don/ /cung zad bdag gis 'dir ni blangs//de yang dgyes pa rdo rje las/ /bo la kak+kol sbyor bas/ /reg pa sra ba sa yi khams/ /gsher ba chu ste dro ba me/ /bskyod pa rlung khams bde nam mkha'/ /lnga yis yongs su bskor ba yin/ /dge slong nyon mongs med pa'o/ /dgra bcom 'dod chags bde 'gyur pa//zag pa dri chu khu zad pa'o/ /'dod chags 'dod pa'i yon tan lnga/ /bral bas dbang gsum ye shes la/ /dbang po thul ba bzhi pa'i dus/ /bde ba rnyed pas mi 'dzag pa'o/ /'jigs med thob ni 'khor ba med/ /bsil bar gyur pa chags pa zad//rnyog pa med ni dwangs ma'o/ /de yang 'khor lo sdom pa las/ /'dod pa'i 'dod chags rnam par spangs/ /gdul bya de rnams shes nas kyang / /yi ge las byung rnam par spangs/ /tshangs pa nyid du gyur nas phyis/ /nam mkha' lta bur 'gyur pa yin/ /zhes gsungs so//rig pa dang ni gsum skyes sri/ /rkang par shes rab ye shes la/ /ldan pa bzhi pa'i ye shes so/ /bde gshegs thig le 'jig rten rig /nyon mongs byang lam rtog pa'i mchog /bdag gir mi 'dzin dga' ba ste/ /las rgya yin no ngar mi 'dzin/ / mchog dga' yi ni chos rgya'o/ /bden pa gnyis kyi tshul la gnas/ /zhes pa lhan skyes dam rgya la/ /'khor ba'i pha rol mthar son pa/ /dga' bral dga' ba phyag rgya che/ /bya ba byas pas skam sar gnas/ /rim gyis bzhi par gnas pa'o/ /shes pa 'ba' zhig chos rnams te//nges gsal lhan skyes ye shes rtogs/ /shes rab mtshon cha stong nyid kyis/ /nyon mongs nye nyon rnams 'joms pa'o/ /dam pa bla ma rdo rje 'chang / /chos ni brgyad khri bzhi stong la/ /chos rgyal e baM chos kun dang / /sangs rgyas kun gyi pha ma'o/ /gsal bar kA li ldan pa a//de las chos rnams thams cad skyes/ /de yang mkha' 'gro rgya mtsho las/ /A li kA li ma gtogs par/ /gal te rdo rje'i chos 'dod pa/ /'dis ni 'bras bu ma yin te/ /phub ma rdung dang byed dang mtshungs/ /zhes gsungs so/ /'jig rten ma rtogs log rtogs so//snang bar zhes pa'i de nyid mthong / /mchog ni lhan skyes ye shes so/ /chos kyi dbang phyug haM las ni/ /rang byin rlob pa chos kyi rgyal/ /legs pa'i lam ni chags bcas pa/ /spyod lam mi spyod snon pa'o/ /don grub mchog tu mi 'gyur thob/ / bsam pa grub pa ste zhes pa/ /las rgya sdug bsngal snod yin pas/ /spangs te ye shes phyag rgya las/ /rdo rje sems dpa' mngon byed pa'o/ /kun du rtog pa mi mo la/ /brten pa'i bde ba thams cad spang / /rnam par mi rtog yan lag drug /phag mo bdag med ma bsten te//dbyings mi zad pa'i ye shes thob/ /'di ni rdo rje 'chang chen po/ /de yang gsungs pa/ /rnam par rtog pa gang gang gis/ /dngos po gang la gang rtog pa/ /de nyid kun du brtags pa yi/ /ngo bo nyid med de med do/ /zhes gsungs so/ /'o na spang bya kho na'am//zhe na chos dbyings dam pa la/ /zad mi shes pa'i thabs yod pas/ /blo ngan rnams la bstan pa yin/ /de yang klu las khros pa las/ /zhi bas phan par ma gyur na/ /de bzhin gshegs nyid khro bor sprul/ /ji ltar ji ltar btul gyur pa/ /'di yi byed pa rdo rje sems//zhes gsungs so/ /bsod nams snying rje chen po la/ /ldan pa chags pa'i blun pa'o/ /bsod nams mi 'dzag bde ba'i sems/ /tshogs ni phyag rgya chen po'i thabs/ /de yang / lus la ye shes chen por gnas/ /'di rtogs grol bar kun 'dod la/ / de rtogs thabs ni bsod ye shes/ /yin par kun mthun thabs mi mkhas/ /bsod nams phyir bsog ye shes ni/ /blo yis byas pas thar pa ring / /'dir ni bsod nams dkyil 'khor che/ /bcud rnams kyis mchod mnyes 'phel bas/ /bde stong rgyas pa rdzogs sangs rgyas//'di 'dra'i bsod nams gang la srid/ /ye shes tshogs rnams de nyid do/ /des na rgyud rnams kun las kyang / /dka' thub dka' spyad 'dir mi dgos/ /'dod pa'i yon tan lnga rnams la/ /ci bde bar ni spyad pas 'grub/ /ces gsungs so/ /ye shes nor bu dmigs med bde//ye shes haM skyes thig le'i khams/ /'byung gnas che ni de nyid do/ /de yang rgyud las 'di skad gsungs/ /rlung bcings pa yi sbyor ba yis/ /rnam par rtog pa thams cad bsreg /rtog med ye shes la sbyor ba/ /lus kyi thabs la brten pa mchog /ces gsungs so/ /rang la ye shes ldan pa yis/ /yod mi shes pa 'di yin te/ pha rol ye shes yod med shes/ /yang na mtha' bral rtogs pa'o/ /tshogs gnyis tshogs ni bsags pa'o/ /zhes pa ba spu'i bu ga nas/ /sprul pa sprul te 'gro don nus/ /'di 'dra'i bde stong snying rje'i sems//med par dka' thub zas spong sogs/ /rgya mtsho rus sbal khog gshog 'dra/ /rtag pa mi nyams kun rgyal ba/ /rtsa stong phrag ni bdun cu gnyis/ /bde chen rang bzhin rgyas pa ste/ /rnal 'byor can ni sgo gsum dag /de yang lus las gsungs pa ni//ye shes tsam la snyoms 'jug pa/ /rnal 'byor zhes ni de bshad do/ /zhes so/ /bsam gtan dga' bzhi bsam bya ni/ /rlung dang rtsa rnams dran pa'o/ /yang na snying ga pad+ma'i gnas/ /cha med dran pa blo ldan mchog /so sor rang rig mi g.yo ba/ /zhes pa gzhon nu sa ha dzAs//rig la smra bar ma nus pa'o/ /mchog gi dang po lhan cig skyes/ /sku gsum 'chang ba rdo rje sems/ /sangs rgyas sku lnga'i bdag nyid can/ /zhes pa ma log log pa dang / /rmi lam rmi lam chen po dang / /sad pa gnas skabs lnga po ni/ /sangs rgyas sku lnga'i bdag nyid do//khyab bdag lhan cig skyes pa la/ /ye shes lnga ni gnas skabs lnga/ /ye shes dag dang ldan pa'o/ /de yang he yi rdo rje las/ /bo la kak+ko la sbyor nas/ /zhes pa 'di ru sbyor ba yin/ /sangs rgyas lnga bdag rigs lnga la/ /cod pan lnga phung dag rtags su/ / sna tshogs rdo rje 'chang ba'o/ /spyan lnga mtshan mo'i rtags lnga la/ /bltas pas chags pa med pa 'chang / /de yang dra ba sdom pa las/ /dang po ri [(]dgas [,]dwags [)]srid du snang ba ste/ /mtshan ma gnyis pa dud kha'i rnam pa can/ /gsum pa me khyer dang 'dra bzhi pa ni/ /sbyin med nam mkha' mtshan ma lnga pa ni//shin tu 'od gsal rang gi snang ba 'char/ /zhes gsungs so/ /sangs rgyas thams cad skyed pa'o/ /zhes pa sprul longs sogs mthong la/ /nyin mo'i rtags mthong mngon shes drug /sangs rgyas sras po byang chub sems/ /dam pa'i mchog ni bskyed pa'o/ / shes pa srid 'byung dkyil 'khor la/ /skye gnas med ni rdzogs pa'i rim/ /de yang gsungs pa/ bskyed pa'i rim la rab gnas shing / /rdzogs pa'i rim pa sgom byed pa/ /sangs rgyas thabs dang ldan pa yis/ /skas kyi sen mo bzhin du bshad/ /ces gsungs so/ /chos las 'byung ba b+ha ga la//baM gzhag pa yi srid pa sel/ /gcig pu sra mkhregs rdo rje'i bdag /ces pa lhan skyes ye shes so/ /dngos de skyes ma thag tu ni/ /kun gyi don grub 'gro ba'i bdag /smin cing 'khrul 'khor ldan pa yis/ /nam mkha' las byung rang byung ba//rtags brgyad mthong ba 'di lta ste/ /shes rab ye shes me bo che/ /rang sems 'bar ba'i rnam pa can/ /mi bskyod rdo rje ye shes che/ /'od chen rnam par snang ba'o/ /zla ba'i ye shes rnam snang mdzad/ /ye shes snang ba lam me ba/ /nyi ma'i ye shes rin chen 'byung //'gro ba'i ye shes mar me sgron/ /rA hu ye shes don yod grub/ /gzi brjid chen po 'od gsal ba/ /glog gi ye shes mtha' yas nyid/ /sngags drag mnga' bdag rig sngags rgyal/ /thig le gnas pa'i ye shes te/ /rdo rje sems dpa'i bdag nyid do/ / gsang sngags rgyal po don chen byed/ /zla sngon snang ba'i ye shes ni/ /he ru ka dpal nyid du 'dod/ /gtsug tor chen po'i lta stangs kyis/ /re khA nag po ye shes mthong / /dus kyi 'khor lo thod pa can/ /rmad 'byung gtsug ni rdo rje 'chang / /thams cad mthong ba mchog thob pa'o//nam mkha'i bdag po ta ra na/ /sna tshogs ston pa yon tan no/ /de yang dang po'i sangs rgyas las/ /ta ra na bcings yon tan gyis/ /srid pa gsum po ma g.yos pas/ /nam mkha'i bdag por de gyur te/ /rtags bcu la sogs sna tshogs ston/ /zhes gsungs so//sangs rgyas kun gyi bdag po ni/ /rtags rnams snang bas dngos po mchog /de 'dra mthong ba'i rnal 'byor te/ /kun dga' chen po mig dang ldan/ /ldan chos lta stangs bzhi yin te/ /sna tshogs gzugs can rtags mtshan rnams/ /byed pa po ni yan lag drug//mchod cing brjod pa bsnyen sgrub bzhi/ /drang srong chen po bcom ldan 'das/ /rigs gsum gnas dang zhing ye shes/ /'chang ba de la bde ba yod/ /gsang sngags 'chang ni rnal 'byor pa/ /thig le mi nyams gsang sngags 'dzin/ /dam tshig chen po rtag tu bde/ / gtso bo rtsa gsum dkon mchog gsum/ /'dzin pa de nang thig le 'dzin/ /theg pa mchog gsum ston pa po/ /zhes pa lhan skyes ye shes rten/ /skal ba dang ni khyogs gdugs so/ /don yod thig le zhags pa ni/ /rlung gis 'bigs pas rnam par rgyal/ /'dzin pa 'khor lo drug tu ni//rlung 'gog chen po rdo rje zhags/ /rlung gis de blangs rdo rje yi/ /lcags kyu zhags pa che zhes bya/ /yang na zhags pa che zhes pa/ /lte ba'i 'og rtsa 'khyil ba ni/ /nor rgyas ming can rlung de yis/ /d+hU tI nas 'phags byang sems 'gugs/ /de la zhags pa zhes brjod do//lus ni yul chen nyi shu bzhi/ /dpral ba la sogs sbyar ba dang / /snying dbus pad+ma'i 'dab mar ldan/ /gnas gtso yin te rtsa lnga yi/ /tshigs bcad nyi shu rtsa lnga dag /rnam par snang mdzad chos kyi dbyings kyi ye shes kyi rgya cher 'grel pa'i le'u ste drug pa'o// // le'u bdun pa rdo rje'i rigs tshigs su bcad pa bcu dang gcig /dang po rdo rje 'jigs byed ni/ /rdo rje a wa d+hU tI la/ /de nang rlung ni 'jigs byed do/ /'jigs par byed ni de rtog bshigs/ /khro bo'i rgyal po dga' bral mtha'/ /so sor sdud sogs gdong drug la/ /'jigs pa des ni rtog pa gcod//mig drug mngon shes lag drug rtags/ /stobs dang ldan ni 'dod chags kyis/ /chags pa thams cad 'joms pa'o/ /keng rus spyi bo'i haM dkar po/ /mche ba a shad gtsigs pa'o/ /bla ma'i gdams pas gtum mo sbyor/ /ha la ha la mkha' ye shes//gdong brgya rtsa rlung stong pa yis/ /ye shes mi 'dra gdong brgya'o/ /gshin rje gnyis med ye shes te/ /gshed po de yis gnyis snang 'joms/ /bgegs kyi rgyal ni bdud bzhi rgyal/ /rdo rje yang dag ye shes la/ /shugs chen zhes pas 'jigs par byed/ / rdo rje drag po lus ngag yid/ /gsang ba 'dus sogs las gsungs so/ /rdo rje snying po chos kyi tshul/ /sgyu 'phrul mA yA e dang waM/ /rdo rje ling+ga gsus po che/ /rgyas shing shin tu rgyas pa'o/ /rdo rje las skyes rdor bum nang / /dzA lan+d+ha ra dbu rgyan par/ /bde bas gang la rdo rje'i bdag//rdo rje snying pos sku gsung thugs/ /mkha' 'dra gsang gnas las skyes bde/ /mi g.yo srog rtsol gnas pa la/ /ral pa gcig pa ro gcig grol/ /bsgyings pa de 'dra gang yod pa'o/ /glang chen bde ba ko rlon no/ /lus kun khyab cing mnyes par byas/ / de ldan pas na gos su gyon/ /grags chen bde bas gang ba la/ /ha ha zhes sgrogs dpa' bo'i gang / /hi hi zhes sgrogs dpa' mo'i gad/ /'jigs par byed pa mngon bde myong / /gad mo chen po bde chen thig /gad rgyangs can ni ltung ba'i sgra/ /ha brgyad brjod pa rdo rje'i gad/ /cher sgrogs pa ni rgyun chad med//rdo rje sems dpa' byang chub sems/ /sems dpa' chen po dbyer med bde/ /rdo rje la rgyal po ni/ /de yi nang nas bde ba che/ /rdo rje drag po stong pa nyid/ /rtag tu de ldan dga' ba che/ /rdo rje hUM ste hUM zhes sgrogs/ /zhes pa hUM bzhis gnas bzhir ni/ /dga' bzhi nyams su myong ba'o//rdo rje a wa d+hU tI la/ /mda' thogs pa ni mtshon cha can/ /g.yas g.yon gnyis kyi rlung 'gags pa/ /mtshon chen de yis rnam rtog gcod/ /rdo rje gnyis med ye shes kyi/ /ral gris nyon mongs ma lus gcod/ /rdo rje rlung rnams kun 'chang ba//sna yi rtse mor yungs 'bru bsgom/ /de nyid nor bu rdo rje can/ /de yang dus kyi 'khor lo las/ /sna rtser yungs kar zhes brjod pa/ /de yang srog dang rtsol bar brjod/ /khams gsum pa ni ma lus la/ /srid gsum gzugs brnyan mthong bar 'gyur/ /zhes gsungs so/ / rdo rje gcig pu las rgya la/ /de bsten bde bas g.yul sel ba'o/ /rdo rje 'bar ba tsaN+Da lI/ /mig mi bzang ni ri [(]dgas [,]dwags [)]mig /spyi bor rdo rje 'bar ba ste/ /zhes pa yar rtse mar rtse 'bar/ /rdo rje 'bebs pa bcu drug la/ /de yi phyed phyed 'bebs pa che/ /khams gsum phyag rgya chen por dbang //mig brgya pa ste mang la bya/ /rdo rje'i mig ni sha yi spyan/ /de yis gzugs brnyan mthong ba'o/ /lus ni rdo rje'i ba spu can/ /zhes pa ba spu bye phyed bzhi/ /nang du thig le'i kha 'bu'o/ /de nyid rdo rje'i spu yin te/ /gcig pu lus ni rgyun chad med/ /sen mo dkar dmar 'dres pa las//skyes pa bde stong rdo rje'i rtse/ /mi 'dzag rtag tu dga' ba'i yid/ /rdo rje snying po rnam rtog med/ /pags pa mkhregs ni skyon mi tshugs/ /rdo rje phreng 'dzin yul rtsa bzhir/ /thim dang longs spyod 'jug pa gsum/ /nyin mtshan dus 'das dpal dang ldan/ /de 'dra'i byed gsum rdo rje rgyan//rnal 'byor lus la brgyan pa ste/ /kun la bde ba'i gad rgyangs ni/ /dga' chen ha ha nges par sgrogs/ /yi ge drug pa 'khor lo drug /rdo rje'i sgra ni a k+Sha ra'o/ /'gyur pa med pa'i yi ge'o/ /'jam dbyangs thig le chen po la/ /de ni mi 'phro sgra che ba//'jig rten gsum na sgra gcig pa/ /zhes pa zag pa dgra gcig pu/ /de 'dul thabs chen stong gsum gyi/ /nam mkha'i mtha' klas sgra sgrogs pa'o/ /sgra dang ldan pa theg chen chos/ /sna tshogs thabs lam bstan pa las/ /rnams kyi mchog gyur 'di nyid do/ / snying ga'i phyi yi rtsa bdun dang / /'og gi rtsa bzhi dri chen dang / /dri chu khrag dang khu ba 'bab/ /bcu gcig dag pa sh+lo ka /bcu dang tshig rkang gcig dag pa'o/ /rdo rje rigs kyi rgya cher 'grel pa ste le'u bdun pa'o// //le'u brgyad pa 'od dpag med/ /pad+ma'i rigs kyi le'u la//tshigs brgyad bzhi bcu rtsa gnyis kyis/ /so sor rtog pa'i ye shes bstan/ /de bzhin nyid ni d+hU tI'o/ /yang dag bdag med g.yas g.yon rlung / /yang dag mtha' ste rlung grub pa/ /yi ge med ni rnam rtog med/ /stong gnyis mi 'dzag gang ba'i sems/ /smra ba A li kA li la//khyu mchog bdud rnams 'joms pa ste/ /zab cing stong nyid rgya chen snang / /dbyer med dbyer med sgra sgrogs pa/ /chos kyi dung ste chos 'byung na/ /rtsa ni bde skyed dung can ma/ /bde ba dpag med sgra chen ldan/ /chos kyi gaN+Di mgrin par gnas/ /brgyad khri bzhi stong chos stong po//sgra bo che ni gsung rdo rje/ /mi gnas phyag rgya chen po la/ /mya ngan 'das pa chos sku'o/ /phyogs bcu yul dang yul can te/ /chos kyi rnga chen rtsa rlung phub/ /gzugs med chos sku stong pa nyid/ /gzugs bzang longs sku bde ba che/ /dam pa ste ni rdo rje'i sku//sna tshogs gzugs can sprul sku'o/ /yid ni bde chen spros bral las/ /skyes pa sku lnga'i bdag nyid do/ /gzugs rnams rgyud lnga'i 'khor ba la/ /thams cad rten dang brten bcas la/ /brten nas sku bzhi'i snang ba'i dpal/ / gzugs brnyan nyin mtshan rtags bcu bzhi/ /ma lus 'chang ba thob pa'o/ /mtshungs pa med ni 'dod yon lngas/ /mi gnod 'phel zhing cher grags pa/ /khams gsum dbang phyug chen po ste/ /bsod nams ye shes tshogs mthar phyin/ /lam dang 'bras bu gnyis yin no//'phags pa nyams pa med pa'o/ /lam ni 'khor lo drug yin no/ /shin tu mtho ba gtsug tor la/ /thig le mi nyams gnas pa'o/ /chos kyi rtog ni rdo rje rtser/ /rgyas pa po ni bde bas gang / /'jig rten gsum ni lus ngag yid/ /gzhon lus gcig ni gsum pa'i dus//gnas brtan sprul pa'i 'khor lo la/ /rgan po lhan skyes ye shes so/ /skye dgu'i bdag ni bug dgu bsdams/ /de yang sgyu ma chen mo las/ /mig gnyis dang ni rna ba gnyis/ /de bzhin sna dang kha dag dang / /yid kyi snying po dgag pa ni/ / seng ge rnam grol phyag rgya che/ /rnal 'byor pa yis bcing bar bya/ /zhes gsungs so/ /de las skyes pa'i bde ba'o/ /sum cu rtsa gnyis mtshan 'chang ba/ /zhes pa 'phel 'grib bcu drug go/ /sdu gu gtum mo'i na chung la/ /'khor gsum 'jig rten gsum na mdzes//'jig rten mig la sogs pa la/ /shes legs skyon gyis ma gos par/ /ston pa slob dpon zhes brjod do/ /'jig rten 'byung ba lnga ldan k+Sha/ /slob dpon bzhi pa ster ba ste/ /de la 'jigs pa med pa mchog /gnyis med sbyor ba mgon skyob pa/ /'jig rten yid gcugs don dam dang //kun rdzob phan tshun mi 'gal ba'o/ skyabs dang 'bab pa skyob pa ni/ /bzlog pas ye shes bla na med/ /nam mkha'i mtha' ni shes rab la/ /longs spyod pa ni gnyis med spyor/ /thams cad mkhyen pa sbyor drug gis/ /rtags ma lus pa thob pa las//ye shes mtsho ni zad mi shes/ /yon tan chen pos gang ba'o/ /ma rig rten 'brel bcu gnyis la/ /sgo nga'i sbubs ni mi shes gtums/ /'byed pa gsum pa'i ye shes so/ /yang na lus la sangs rgyas ni/ /yod pa ma rtogs sgo nga'i sbubs/ /'byed pa bla mas ye shes sbyor//'di de lam mchog yin par gsungs/ /srid pa'i dra ba mi shes bsgribs/ /'joms pa po ni rtogs pa'o/ /nyon mongs rtsa ba nye nyon mongs/ /ma lus bzhi byed dga' ba bzhi/ /dbang bzhi las rnyed ye shes bzhi'o/ /'khor ba'i rgya mtsho las rgya ste/ / pha rol phyin pa ye shes rgya/ /rgya gram gnyis med bde chen po/ /mchog tu mi 'gyur gang rnyed pa/ /de ni ye shes dbang bskur te/ /cod pan can ni gtsug tor smin/ /rdzogs pa rdo rje nor bu rtse/ /sangs rgyas bde chen nyams pa med/ /rgyan du thogs ni bde chen du/ /ye shes lnga ldan dbu rgyan no//gsung ni lus ngag yid gsum la/ /sdug bsngal srog rtsol 'tshed bsregs myags/ /sdug bsngal zhi ni rtog rlung 'gags/ /gsum sel dug gsum sel ba'o/ /mtha' yas lhan cig skyes dga' ba/ /grol gsum thob ni sku gsum mo//sgrib pa sa chu me rlung mkha'/ /rags phra rab phra don spyi dang / /sems dpa' dang ni bcu pa'o/ /kun las nges par grol ba ni/ /du ba la sogs bcu thob pa'o/ /de dus tsam na nam mkha' ltar/ /lhan skyes mnyam pa nyid la gnas/ /nyon mongs dri ma gong gi bcu//kun las 'das pa mthar phyin pa'o/ /de yi dus na lhan skyes dor/ /dus gsum dus med rtogs pa'o/ /de nyid phyag rgya chen por 'dod/ /sems can kun gyi spang bya la/ /klu chen po ni gnyen po ste/ /dga' bzhi reg dug la sogs pa/ /'dod sogs pham byas klu chen po//yon tan theg pa chen po la/ /thod can rnams ni gsang sngags te/ /thod ces de thod 'di yin no/ /nyon mongs kun las zhes pa ni/ /spong dang thar pa 'dod pa'o/ /rnam par grol ni bde chen rtogs/ /rtsol ba med par ngang gis grol/ /shing thags bsregs pa'i thal phung bzhin//mkha' ltar mtha' med bder gnas pa/ /de nyid yid bzhin nor bu che/ /mi 'bral bden pa 'chang ba'o/ /rin chen zag med bde ba ste/ /kun mchog phyag rgya chen po la/ /khyab pa'i bdag ni brtan g.yo la'o/ /dpag bsam shing chen d+hU tI la//rgyas pa rtsa rnams kun du ni/ /rlung dang thig les khyab pa'o/ /bum pa bzang po nor bu la/ /che ba'i mchog ni mi 'dzag bde/ /de yi byed pa ci zhe na/ /sems can gdul bya la dgongs nas/ /kun don byed pa bde 'phel ba'o/ /phan 'dogs yon tan brgyad thob pas//sems can phan pas mnyes gshin pa/ /bzang ngan shes shing dus shes la/ /zhes pa phyi rol de bzhin nang / /phyi rol rten 'brel bcu gnyis kyis/ /skye dang las dang phyogs ngan dang / /g.yo dang rkun po don rnams dang / /ltas dang tshe tshad nad rnams dang //kun gyi bya ba shes par 'gyur/ /nang du g.yas g.yon dkyil 'khor lnga/ /phyi nang don rnams grub pa'o/ /gzhan yang chu srin bum pa nya/ /lug dang khyu mchog me thun/ /karka seng ge bu mo srang / /sdig pa gzhu 'dzin bcu gnyis kyis/ /nyi ma zla ba shes pa'o/ /de yi rang 'byung la sogs shing //dam shes lus ngag ye shes shes/ /dam ldan shes rab ma la ni/ /brtse dang shugs dang drud pa dang / /mi 'dzag bde ba dam tshig bzhis/ /lus sems kun du khyab pa'i bdag /bdud rtsi 'byung ba las gsungs pa/ /mgal me'i 'khor lo ltar rgyug pa'i//rab tu rgyug cing 'pho ba'i sems/ /rnam rtog yul la 'dzag pa'i sems/ /bde bar gzung bar the tshom med/ /ces gsungs so/ /sems can dbang shes rab 'bring bzhis/ /dus shes de la dbang bzhi ster/ /bla ma'i dus thabs bsten pas shes//rnam grol gsum dam las ye shes/ /mkhas pa po ni sa 'og sogs/ /dbang thob nas ni yon tan gyis/ /snying stobs rdul dang mun pa rnams/ /ldan zhing de la ye shes ldan/ /yon tan ye shes de la brjod/ /chos shes bkra shis 'jig rten bde/ /rab bkra shis na 'jig rten 'das//bkra shis kun gyi bkra shis pa/ /dga' ba rnam bcu drug po/ /nyams su myong bas grags pa yis/ /bkra shis snyan grags dge ba thob/ /chags sogs ma spangs dbugs 'byin che/ /tshim par byed pa dga' ston che/ /dga' chen lhan skyes rol pa ni//mig 'phrul lta bu'i snang ba la/ /chen po don dam phyag rgya che/ /bkur sti lus las rtsol ba byed/ /rim gro rlung las legs sbyor ba/ /phun sum tshogs pa yon tan thob/ /mchog tu dga' ba 'jig rten las/ /grags bdag dpal ni lhan cig skyes/ /mchog ldan lhan skyes yod pa las//mchog sbyin bzhi pa'i gtso bo ste/ /de nyid skyabs kyi dam pa dang / /gnyen por che bas skyabs su 'os/ /'jig rten dgra ni dug gsum ste/ /rab kyi mchog ni bde stong ngo / /de yis 'jigs pa ma lus pa/ /shin tu med pas sel ba'o/ / gtsug phud 'khor ba'i bde ba la/ /phud pu dbang gis rab tu bcings/ /lcang lo can ni gzhan don du/ /mdzes shing rgyas par 'gengs pa'o/ /ral pa gnyis su med par sdom/ /len tshar cod pan thogs ldan pa'o/ /gdong lnga ye shes lnga yin te/ /gtsug phud lnga dang ldan pa ni/ rigs lnga dag dang ldan pa'o/ /gnas skabs lnga po me tog thogs/ /zhes pa gnas skabs lnga po ni/ /ma log log dang rmi lam dang / /rmi lam che dang sad pa'o/ /me tog thogs pa rdzas 'dzin pa'o/ /mgo zlum kha khra mu kha la/ /brtul zhugs rnyed dang ma rnyed pa/ /bde ba chen po 'dzin pa ni//tshangs par spyod pa mi nyams pa/ /brtul zhugs mchog kyang de nyid do/ /dka' thub nyan thos mthar thug pa/ /pha rol phyin pa dka' thub che/ /rdo rje'i theg pa nyid yin te/ /de nyid gsal ba'i rgyud las su/ /kha chu tsam zhig zags pa na/ /mkha' 'gro ma mos rnal 'byor pa//bsgral te khrag ni 'thung bar byed/ /dmyal ba zhes pa'ang de las 'gyur/ /zhes so/ /gtsang gnas dam pa skyon med pa/ /gauta ma rigs ma nyams/ /bram ze tshangs pa rig byed yin/ /snyan dngags srid srung nges brjod dang / /mchod sbyin bzhi po tshangs pas shes//mya ngan 'das ni don dam pa/ /tshangs pa bral ba thob pa'o/ /grol ba stong pa thar pa ni/ /bde chen spros bral rnam grol lus/ /rnam grol phyag rgya chen po la/ /zhi ba zhi ba dga' bzhi nyid/ /de yang he yi rdo rje las/ /ji ltar me yis tshig pa la//me de nyid kyis bdugs te 'tsho/ /'dod chags me yis tshig pa la/ /'dod chags nyid kyis rnam grol byed/ /ces so/ /mya ngan 'das pa chos kyi sku/ /mya ngan 'grel ni gzugs kyi sku/ /rnam par bshad pas de legs par/ /mya ngan 'das pa thob par nye//de ni mtha' bral ye shes so/ /de yin pa yi rgyu mtshan yang / /bde sdug sel ba mthar gyur pa/ /zhes pa bde ba dga' mchog dga'/ /sdug pa dga' bral dgos pa ste/ /mthar gyur lhan skyes ye shes so/ /mi 'dzag dga' ba chags bral la/ / yul yul kun las 'das pa'o/ /thub pa med pa spang bya la/ /rgyas par byas pa dpe med pa/ /mi mngon dga' ba 'gro bar min/ /mi snang mchog dga' chags par min/ /gsal byed min ni dga' bral la/ /mi 'gyur lhan cig skyes pa ste/ /kun 'gro khyab pa po de nyid//phra zhing d+hU tI zag med nyams/ /sa bon rtog pa'i dri ma bral/ /rdul med chags pa'i rdul med cing / /rdul bral dngos po'i zhen pa spangs/ /dri ma med pa zhi ba'i dus/ /nyes pa spangs par rang bzhin rig /skyon med pa ni ma bsgribs pa'o/ /shin tu sad pa dbang dus su//go rtog skyes pa de yin la/ /legs par sad ni de nyid dang / /ma bral rtag tu ldan pa'o/ /kun shes gzugs sogs thams cad la/ /lhan skyes shes pa kun rig pa/ /dam pa po ni mchog mi 'gyur/ /rnam par shes pa kun gzhir gnas//de yang mdo las 'di skad du/ /thog ma med pa dus kyi dbyings/ /chos rnams kun gyi gnas yin te/ /de yod pas na 'gro kun dang / /mya ngan 'das pa 'byung ba yin/ /zhes gsungs so/ /bdun po 'gags pa 'od gsal te/ /'od gsal rtog med chos nyid 'das//'das pa gnyis med ye shes de/ /tshig gi yul min smra brjod bral/ /de yang he yi rdo rje las/ /ngag gi lam 'das spyod yul bral/ /bla ma'i dus thabs bsten pas shes/ /tshul 'chang ba ni bla ma yi/ /dus thabs bsten pas lhun grub tu/ / rnam par rtog med ye shes ni/ /gsum pa'i dus su nyams su myong / /'jig rten kun las 'das pa'o/ /dus gsum sangs rgyas rtog pa'ang de/ /las byed pa ni de 'dra bas/ /rang gzhan gnyis ka smin pa'o/ /sangs rgyas thog ma tha ma med/ /ces pa de ni rtog pa'i don//sangs rgyas rang gi ngo gang la/ /thog ma mkha' 'dra skye ba med/ /mkha' dang 'dra bas bar du yang / /gnas dus nyid nas mkha' dang 'dra/ /dper na gzugs brnyan snang ba bzhin/ /rgyu lam 'bras bu rnam dag pas/ /re dogs kun dang bral ba'o/ /de ltar yin pa'i 'thad pa yang //dang po sangs rgyas rgyu med pa/ /zhes pa dus gsum dag pa'o/ /de thabs gang las skyes she na/ /ye shes lhan cig skyes pa la/ /mig gcig d+hU tI nang yin te/ /dri med de ru rlung sems zhugs/ /ye shes lus can bde stong gang / / de bzhin gshegs pa de bzhin nyid/ /ma bsten rang lam byon gshegs byed/ /tshig gi dbang phyug rlung gnas pa/ /smra ba che ni gsung rdo rje/ /smra ba'i rlung la dbang phyug thig /smra pa'i rgyal po rtsar son pa/ /smra pa'i dam pa gsung rdo rje/ /mchog gi gsung ni gsung dag pa'o//rlung grub smra ba'i seng ge nyid/ /nyon mongs rnam dag mtshungs pa med/ /kun du lta ba spang blang med/ /mchog tu dga' ba ye shes snang / /gzi brjid gsum mo ye shes la/ /phreng ba rgyud 'brel goms pa la/ /blta na sdug ni yon tan thob/ /'od bzang 'bar ba sa bon te//dpal gyi be'u bkra shis mtshan/ /dga' ba 'khyil pa 'dzin pa ni/ /lag pas nyams su blangs pa las/ /'od 'bar snang ba bde ba po/ /dug chen po ni dngos po'i gnod/ /'dod chags la sogs gcod chen po/ /gtso mchog gi ni stong pa nyid/ /zug rngu rtog bcas rlung gnyis po//'byin pa rlung bsgom bla na med/ /sman rnams ma lus gnyen po'i tshogs/ /ljon pa'i shing ni d+hU tI rgyas/ /nyon mongs brgyad khri bzhi stong la/ /nad ni thog med des mnar ba'o/ /des na de nyid dgrar che ba'o/ /'jig rten gsum ni sgo gsum ste//thig le dkar dmar 'dres pa ni/ /yungs kar sbom po'i tshad tsam pa/ /mdzes ni 'bar ba bsgom pa'o/ /dpal ldan bde chen khams yin te/ /rgyu skar dkyil 'khor can zhes pa/ /rgyu ba rtsa la skar ma thig /lus kyi khams rnams bskor ba'o/ /de yang rtsa thig du zhe na//gtsug tor bzhi pa dpral bcu drug /nyi shu bad kan mgrin so gnyis/ /snying gar brgyad de bzhi bcu'o/ /mkhris pa lte ba drug cu bzhi/ /gsang ba bcu drug brgyad cu po/ /rlung khams cha mnyam nor bu'i bar/ /bcu drug rigs drug nyi shu gnyis/ /rlung mkhris bad kan 'dus pa'o//rtsa re'i nang na rlung bcu ste/ /rlung la brten pas thig le re/ /de ltar rtsa rlung thig le la/ /rkang grangs sum stong sum brgya dang / /drug cu tham pa yin par 'dod/ /de nyid dpa' bo dpa' mo ni/ /sum cu rtsa bdun rnam par dag /phyogs bcu lus kyi nying lag la/ / nam mkha'i mthar thug rlung lnga'i bar/ /chos kyi rgyal mtshan ye shes khams/ /mi 'dzag bde ba legs par 'dzug /d+hU tI rgyas pa mchog yin no/ /'gro la rtsa rlung byang chub sems/ /gdugs bzhin bde chen 'khor lo la/ /yangs pa mi zad mdzod yin te/ /bde ba skyob phyir gdugs zhes brjod//de yang sgyu 'phrul dra ba las/ /e waM las ni 'byung ba dang / /thabs mang myur dang bde skyob dang / /'dod chags chen pos rjes chags pa/ /rdo rje sems dpa' rgyun du 'dod/ /ces gsungs so/ /byams pa dang ni snying rje yi/ /bde chen dkyil 'khor can bdag nyid//dpal ldan rdo rje pad+ma ni/ /kak+kol zhes rab tu grags/ /gar gyi bdag ni sbyor thabs kyis/ /yan lag drug cu rtsa gnyis te/ /de yang gzhan gyi gzhung lugs yin/ /khyab bdag chen po thig le la/ /rin chen gdugs ni nor bu'i rtser/ /nyon mongs thams cad bsil ba'o//gtum mo che las skyes pa yi/ /ye shes de la rab tu 'jug /de nyid sangs rgyas kun gyi lam/ /mchog tu gyur pas rgyal po la/ /lam des sangs rgyas kun gyi sku/ /'bras bur 'chang ba 'di nyid do/ /sangs rgyas kun gyi lam 'bras la/ /sbyor bar byed pas rnal 'byor che//sangs rgyas kun gyis bstan pa ni/ /bslab gsum yin la de 'di la/ /ldan pas lhan skyes bstan pa gcig /'di ni dang po'i dbang bskur te/ /rdo rje mtha' yas 'du shes dag /rin chen nyi ma tshor ba dag /dbang bskur dpal ni don yod grub/ /'du byed rnam dag kun bdag ni//rnam par snang mdzad gzugs phung dag /dbang phyug ste ni mi bskyod pa/ /rnam shes phung po rnam dag pa'o/ /'jig rten dbang phyug rdo rje 'chang / /rdo rje brtul zhugs kun gyi bdag /de ltar sgrub pa'i dbang phyug thob/ /rdo rje 'chang ba rgyud gsum gyi/ / mchog gam kun gyi rje bo'o/ /de yang gnas rdzas dag dbang dang / /yon tan sgrub pa rnams sbyar ro/ /sangs rgyas kun gyi mthu che ba/ /zhes pa snod du gyur pa'o/ /rdo rje'i ming ni dbang bskur bas/ /skye ba 'dir ni sangs rgyas nyid/ /ces pa 'di yi don bshad na/ /bum pas bskyed rim legs gnas khyod//khyod ni 'gro drug gang ma yin/ /de ni kun brtags yin zhe na/ /'di yang kun brtags des na lha/ /bla ma'i drin las rnyed pa yi/ /ci phyir rin chen ces spras min/ /sangs rgyas kun gyi thugs la gnas/ /rjes su 'dzin cing skyong ba'o/ /sangs rgyas kun gyi sku che ba//dbang dang rab gnas sbyin sreg sogs/ /lus kyi phrin las slob dpon che/ /sangs rgyas kun gyi gsung yang yin/ /zhes pas gsang ba'i dbang yin te/ /bla ma yab yum gnyis med las/ /ye shes dkyil 'khor mngon sprul la/ /rdo rje nyi ma mtha' yas la//de yi bde ba snang ba che/ /rdo rje zla ba mi bskyod pa/ /ye shes 'phro 'du dri med 'od/ /bu yi lce la sbyin par bya/ /chags bral la sogs chags pa che/ /zhes pa gsum pa'i dbang yin te/ /dge slong rdo rje 'dzin rnams la/ /chags bral bla mas mtshon par bya/ / de ltar min na bla ma nyams/ /slob ma shin tu 'dod na yang / /so sor thar pa spang bar bya/ /lam 'di lam mchog thub chen gsungs/ /gang zag rnams la dge slong mchog /longs spyod gnas bsdams nam mkha' mthong / /kha dog gnyis med lhan cig skyes//chags pa che ni bu de la/ /de yang rtsa ba'i rgyud chen las/ /rigs ldan lo ni bcu drug ma/ /lang tsho sogs kyis brgyan pa la/ /dang po legs par bslab bya ste/ /dpral ba la sogs gnas lnga dgod/ /sangs rgyas skur ni bsgom par bya/ /zhes gsungs pa'o//de yi cho ga yang gsungs pa/ /dang po gso sbyong sbyin par bya/ /de nas bslab pa'i gnas bcu sbyin/ /de nas bye brag mdo sde bstan/ /de nas dbu ma'i tshul lugs sbyin/ /de rjes dus kyi 'khor lo sbyin/ /zhes gsungs pas/ ka ra na yi bstan bcos kyis//rnal 'byor ma yang rnam pa lnga/ /bzang mo cod pan dung can dang / /ri mo can dang glang po can/ /gla rtsi pad rtsa chu dri dang / /nya dang rnag gi dri yis mtshon/ /phag mo sgrol ma gos dkar mo/ /mA ma kI spyan ma yi rigs/ /lus ran rked phra rkang lag 'jam//lhung phyed rtse ldan phag mo yi/ /cung zad lus phra ring zhing mig /mi g.yo skra 'khyil pad can sgrol/ /'dod chen ngo tsha med rtsol dga'/ /thung ba dung can gos dkar mo/ /ring zhing lus rgyas skra srab dang / /so mtho thig le lta bur snang / /ri mo can te mA ma kI/ /sbom thung lus mkhrang shin tu sra/ /smra brtson spyan ma glang po ma/ /de bzhin rnal 'byor pha yang lnga/ /seng ge ri dgas rta glang po/ /mi bskyod don grub rin 'byung dang / /'od dpag med dang snang mdzad do/ /dri ni sngon dang 'dra ba la/ /dben gnas 'jigs med yul dang bral/ / gtong dang sdom brtson mi bskyod rigs/ /myur du 'gro zhing myur du 'dzag /skrag cing 'jigs pa don grub bo/ /'dod chen gtong phod gzhan don brtson/ /gzhan dbang 'gyur pa nyi ma'i rigs/ /dal bus 'gro zhing mig mi 'gyur/ /rang bzhin bems po yi yon tan/ /nya dri 'od dpag med pa'i rigs/u0fad /shin tu rmongs bzang smra ba nyung / /rnag dri rnam par snang mdzad rigs/ /dri med 'od las de skad gsungs/ /kha dog sna tshogs 'bar ba'i 'od/ /shes rab de las byung ba dang / /rdo rje skyil krung bcas nas ni/ /rdzogs sangs rgyas kyi sku bskyed la/ /sangs rgyas yang dag brjod chos ni//bum pa'i sbyor ba yan lag lnga/ /'dus byas bsod nams tshogs kun gyi/ /rdo rje 'chang gi 'gran med gsungs/ /'dzin pa dbu ma me tog ldan/ /dpal ldan ye shes chen po ste/ /sangs rgyas pad+ma las skyes pa'o/ /bzhi pa'i dbang bskur byas pa yis//kun mkhyen ye shes mdzod 'dzin pa/ /phyag rgya chen po de rnyed pas/ /rjes la rtog pa'i snang ba ni/ /rgyal po sgyu 'phrul sna tshogs 'chang / /zhes pas rdo rje gcod pa las/ /skar ma rab rib mar me dang / /sgyu ma zil pa chu bur dang / /rmi lam glog dang sprin dang ni/ /sgra brnyan mgal me gzugs brnyan dang //'dus byas de ltar rtogs par bya/ /rtogs pa 'phags pa'i gang zag go/ /zhes gsungs so/ /che ba bzhi pa'i ye shes la/ /gsum 'phags sangs rgyas rig sngags rgyal/ /rdo rje rnon po bzhi pa de/ /ral gri che de rtog kun gcod/ /yi ge mchog ste a yin la//rnam par dag pa 'gyur pa med/ /dbang bzhi de yi yon tan ni/ /theg pa chen po sdug bsngal gcod/ /de yang mi spong brten pas gcod/ /mtshon cha chen po de nyid la/ /rdo rje chos zhes grags pa yin/ /rdo rje zab mo skye med la/ /rgyal ba de rtogs 'jig rten 'das//las rgyal dgra bcom zil mnan pa'o/ /don ni dbang bzhi'i don rnams la/ /rigs ni de nyid lam mchog rtogs/ /de nyid rdo rje blo gros la/ yon tan 'di rnams bshad bzhin thob/ /pha rol phyin pa kun ni bcu/ /rdzogs pa dbang bzhi la ldan pa/ /sa rnams kun ni sa bcu la//rgyan rnams ldan ni dbang re zhing / /dang pos dbang po gnyis pas bzhi/ /gsum pas bzhi dang bzhi pas gcig /de yang gsang ba mdzod las gsungs/ /rab tu dga' ba chu yi dbang / /gsang ba dri med 'od 'phro byed/ /shes rab ye shes sbyang dka' ste/ /mngon gyur mi g.yo ring song ba//phyag rgya chen po'i dbang bskur bas/ /legs pa'i blo gros chos kyi dbyings/ /zhes gsungs so/ /rnam par dag pa'i lam de yis/ /bdag med chos nyid rdo rje 'chang / /yang dag ye shes bde chen po/ /zla 'od bzang po haM las thob//brtson chen bum pa'i sbyor ba yis/ /sgyu 'phrul dra ba rtsa rlung khyab/ /rgyud kun gyi ni rtsa rlung nyid/ /bdag po thig le mchog bde stong / /rdo rje gdan ni lte ba la/ /ma lus ldan ni rigs drug dang / /'phro ba chu tshod dbyu gu dang / /dkyil 'khor lnga lngar ldan pa'o/ /lta stangs yon tan rlung grub dus//ye shes sku ni mtshan ma la/ /rnams ni dug sogs bco lnga la/ /ma lus 'chang ni re khA mthong / /blo gros bzang po rtog dpyod pa/ /lhan cig skyes pa'i ye shes can/ /kun du bzang po mnyam pa nyid/ /phyag rgya chen po lhun gyis grub/ /sa ni sa sogs 'byung lnga yi//snying po ye shes rlung grub pa'o/ /'gro ba 'dzin ni 'gyur pa 'gags/ /sangs rgyas kun ni gshegs pa'i lam/ /snying po chen po d+hU tIr zhugs/ /dus sbyor la sogs bcu gnyis ni/ /rim gyis rim gyis rnam dag pas/ /sprul pa'i 'khor lo rgya la sogs/ / yon tan sna tshogs 'chang ba'o/ /rgyas par dri ma med par blta/ /dngos po kun gyi rang bzhin mchog /mi 'gyur 'od gsal chos kyi dbyings/ /dngos po kun gyi rang bzhin ni/ /skye med rtogs pa'i lta ba 'dzin/ /skye med chos te don dam pa/ /sna tshogs don ni kun rdzob la/ /chos kun theg pa sna tshogs la//ngo bo nyid ni mthar thug pa/ /'chang ni bde stong dran pas skyong / /shes rab chen po stong pa nyid/ /skad cig tshe gcig 'jam dpal mthong / /chos dang 'khor dang mya ngan 'das/ /khong du chud pa ro gcig 'chang / /chos kun khams gsum rtog pa gsum/ / rdul mun snying stobs bde chen du/ /mngon par rtogs pa mchog yin te/ /thub pa mi 'dzag blo mchog ni/ /rnam grol bde stong 'byung po sel/ /mi g.yo rlung la de yis ni/ /rab tu dang ba'i bdag nyid can/ /thig le bde bas brgyan pa la/ /spro dga' gnas pa rdzogs sangs rgyas/ / de lta'i rang bzhin byang chub 'chang / /sangs rgyas kun gyi ye shes de/ /rnal 'byor pa yi mngon sum pa/ /gnyen po ye shes me lce can/ /d+hU tIr 'od 'bar gsal bas thob/ /gnas pa lus la 'khor lo drug /'byung ba phung po rnam pa lnga/ /yon tan drug dang mtha' drug dang //las kyi dbang phyug byed dbang drug /zhi gnas lhag mthong rnam pa gnyis/ /bzhi bcu rtsa gnyis dag pa yis/ /tshigs bcad bzhi bcu rtsa gnyis dag /so sor rtog pa'i ye shes kyi rgya cher 'grel pa ste le'u brgyad pa'o// //dgu pa rin chen 'byung ldan ni//mnyam nyid ye shes le'u ston/ /'dod pa mchog gi ye shes la/ /don grub de ni bde bas thob/ /dam pa ste ni rtsol ba med/ /ngan song dgu ni dug gsum la/ /thams cad nyon mongs brgyad khri stong / /rnam par sbyong ba ma rig pa/ /lhan skyes ye shes chen po rtogs//mgon po rdo rje theg pa 'di/ /sems can kun gyi lam mchog go/ /sems can thams cad ma lus pa/ /phyag rgya chen por rab sgrol byed/ /'khrul pa'i snang ba nyon mongs g.yul/ /stong nyid gcig pus 'joms pas dpa'/ /mi shes bden 'dzin 'du byed rnams//de nyid dgra ste dregs pa 'joms/ /'joms pas dpal ldan nyid yin la/ /blo ldan chos ldan chos de yis/ /sgeg pa 'chang ba ye shes ldan/ /brtan po gtsug tor thig le brtan/ /mi sdug stong pa shes rab la/ /gzugs 'chang ba ni bde stong ldan//lag pa g.yas g.yon rlung gnyis so/ /brgya phrag kun ni nyi khri dang / /chig stong drug brgya'i grangs yin la/ /bskyod cing zhes pa rnam shes rta/ /'phags pa klu sgrub zhal snga nas/ /sems can kun gyi srog gyur pa/ /rlung zhes bya ba las kun byed/ /lnga yi bdag nyid bcu ming can//'di ni shes rab zhon pa'o/ /rtsa lam d+hU tIr 'jug pa ste/ /goms pa'i stabs kyis gar byed cing / /zhes pa sa ma he du sogs/ /skar ma drug cu rtsa bzhi'o/ /dpal ldan d+hU tIr lag pa gnyis/ /brgyas gang la ni rlung rtsa gang / /nam mkha' stong pa'i rang bzhin la/khyab par stong pa rlung dang ni/ /thig les brgyan pa gar byed pa'o/ /ya bo gcig gi khyon gyis ni/ /zhes pa ya bo ster rlung ste/ /khyon ni thams cad rdzogs par blang / /sa yi dkyil 'khor chos 'khor lo/ /mthil du gnon ni snying dbus na/ /chu shing me tog lta bu yi//dpyid kyi thig ler thim pa'o/ /ming gzugs glang bo can zhes grags/ /tshangs pa yi ni sgo nga'i rtse/ /zhes pa tshangs sgo rtsa 'bras gnyis/ /rtse mo 'og rlung 'then pa ste/ khyon ni lus la rkang mtheb kyi/ /sen mo mnan pas gtum mo 'bar/ /dpyid kyi thig le 'byung ba bzhin//kha ba ba mo lta bur 'dzag /de yi 'phel grib dkar nag phyogs/ /rim gyis bin+du 'phel ba yin/ /tshangs pa'i sgo nga gtsug tor rgyal/ /rtse nas rim gyis 'grib pa las/ /nag po g.yon pa'i ma rol 'bab/ /don gcig mi 'gyur byang chub sems/ /gnyis med gzung 'dzin skye mched drug /chos kyi don zhes gsungs pa ni/ /chos kyi yul dang yul can la/ /mig la sa snying gzugs rdo rje/ /rna ba phyag rdor sgra rdo rje/ /sna la 'jam dbyangs dri rdo rje/ /lce la spyan gzigs ro rdo rje/ /lus la sgrib sel reg rdo rje/ /yid la rdor sems chos rdo rje//dbang yul bden par grub pa med/ /dper na lha sbyin gcig nyid la/ /chags sdang gti mug gsum skye ba/ /chung ma dgra dang phal pas phye/ /des na yul gyis gnod pa med/ /don ni bde chen spros bral lo/ /de nyid dam pa'i don yin te/ /'jigs pa med pa phyag rgya che/ / rnam rig kun brtags log shes pa/ /sna tshogs gzugs ni gzhan gyi dbang / /rgyu rkyen dngos po'i snang ba'o/ /don can dmigs med yongs su grub/ /sems ni gsum po rang sems te/ /rang gi ngo bo rnam shes ni/ /'od gsal rgyud dang ldan pa'o/ /dngos ni yul te dga' ba las//don ni yul can mchog dga' nyid/ /ma lus yul dang yul can rnams/ /dga' ba gsum 'dus bcad thob pa/ /reg pa lhan skyes ye shes so/ /stong pa nyid dga' dga' bral ba/ /mchog gi ye shes dbu ma'i lam/ /yid la mi byed 'dod chags blo/ / 'o na dngos por 'gyur zhe na/ /srid pa'i 'dod chags sogs pa yi/ /dngos 'dzin byed pa spangs pa'o/ /srid gsum lus ngag yid gsum la/ /dga' ba chen po ye shes khyab/ /sprin dkar dag pa rdo rje sems/ /dkar po tshor bde gnyis su med/ /'od bzang bag chags spong gnyen po//ston ka'i zla ba'i 'od 'dra ba'i/ /thig le bde chen mkha' la gnas/ /nyi ma 'char ka'i dkyil ltar mdzes/ /gtum mo ye shes me 'bar ba/ /de bzhin gshegs dang yum rnams bsregs/ /sen mo'i 'od ltar 'dres pa yi/ /byang sems mer 'dres shas cher dmar//cod pan bzang po mthon ka'i rtse/ /gtsug tor gnas pa stod par byed/ /skra mchog mthon ka haM las ni/ /chen po can ni bin+du gnas/ /nor bu chen po bum par zhugs/ /'od chags dpal ni bde mi rtog /sangs rgyas sprul pa'i rgyan dang ldan/ /ces pa'i don ni 'di yin te//'di ni rang byung bcom ldan 'das/ /de yang rgyud las gsungs pa ni/ /mngal gyi khru ma chos gos te/ /spyi bor thal mo sbyar ba phyag /gcer bu skra dang kha spu bregs/ /sngags kyi bzlas pa a dang haM/ /zla ba bcu gnyis khrims kyi gnas/ /pha dang ma ni mkhan slob nyid//rang byung skyes pas dge slong nyid/ /rdo rje sems dpa' 'dus ma byas/ /sred pa'i chags pa rnam par dag /ces pa'o/ /'jig rten lus ngag yid gsum la/ /khams brgya kun spyod khyab pa'o/ /rdzu 'phrul rkang pa phyi nang rlung / /yongs su rdzogs pa len par byed//stobs chen ldan ni bde chen rgyas/ /de nyid mi 'bral ldan pa ni/ /dran pa chen po 'chang ba'o/ /dran pa bzhi ni tsum+ba na/ /yul bzhi rjes su dran pa ste/ /gnyis gnyis 'khyud dang lag bcangs dang / /bltas dang bgad pas tshim pa ni/ /rim gyi dran bzhir dbang bzhi sbyar//mchog ni bltas pas tshim pa'o/ /byang chub yan lag ces pa ni/ /byang chub thig le 'byung ba'i rgyu/ /zas bad mkhris dang sha khrag dang / /rus pa klad pa bdun yan lag /me tog kun da spos gtum mo/ /de yang lan bdun bza' bar bya/ /zhes pa mi nyams za ba'o//de bzhin chos kun gshegs pa'am/ /yon tan mtsho ni srid pa sel/ /lam ni a wa d+hU tI la/ /yan lag me rlung thig le'o/ /brgyad ni yas 'bab mas brtan pa'o/ /tshul rig bla ma'i ngag las so/ /yang dag rang byung ye shes la//sangs rgyas lam ni zung 'jug pa/ /mthar thug lam du rig pa'o/ /des na sems can kun la ni/ /sgyu ma lta bur shas cher chags/ /chags pa 'khor ba yin zhe na/ /nam mkha' lta bur chags pa med/ /chags pa med bzhin 'gro don du/ /sems can kun gyi yid la ni//gang 'dul skye ba len cing 'jug /sems can kun gyi yid lta bur/ /brtson 'grus chen pos don byed mgyogs/ /sems can kun gyi dbang don ni/ /rab 'bring chen po mchog rnams shes/ /sems can kun gyi don byed tshul/ /yid 'phrog pa yi 'gro don nus//phung po lnga po don dam pa/ /mya ngan 'das shing ma dmigs pas/ /de nyid shes ni ye shes lnga'o/ /rnam dag phung po lnga po ni/ /tshul khrims ting 'dzin shes rab dang / /rnam grol rnam grol ye shes mthong / /'dzin pa mi 'dzag dga' ba'i sems/ /gang yod de la phud lnga ldan//nges 'byung kun gyi byang chub gsum/ /mtha' la gnas ni rdo rje 'chang / /nges 'byung kun mtha' gong ma nyid/ /de la mkhas pa rdo rje theg /nges 'byung kun gyi lam la ni/ /ngo bor bde chen ye shes gnas/ /nges par 'byung ba rnam pa kun/ /bshad cing spyod pa ston pa'o//yan lag bcu gnyis ma rig sogs/ /ma bkag srid rtsa 'khor ba'i rgyu/ /de ltar yin par byams pas gsungs/ /sgrib pa'i phyir dang 'debs phyir dang / /'khrid dang 'dzin pa'i phyir dang ni/ /rdzogs byed gsum 'dus gcod phyir dang / /nye bar spyod dang sdud pa'i phyir//sbyor ba byed dang mngon du byed/ /sdug bsngal phyir na 'og nyon mongs/ /zhes gsungs so/ /mchog tu mi 'gyur ye shes nyid/ /rtogs dang myong bas srid rtsa bton/ /de nyid dag pa nyid yin la/ /rnam pa bcu gnyis 'chang zhes pa/ /rten 'brel dag pas gnas la sogs//bcu gnyis kun du spyod pa'o/ /bden bzhi lte snying mgrin dpral ba/ /tshul gyi rnam pa can zhes pa/ /sdug bsngal kun 'byung lam 'gog pa/ /gnas brtan phal chen mang bkur smra/ /bden pa re res lam 'bras byed/ /shes pa brgyad po zhes pa ni/ /sna tshogs rnam smin rnams med dang //lha sngags ye shes dga' bzhi brgyad/ /rtog pa 'chang ni de dag pa'o/ /bden don rnam pa bcu gnyis ni/ /byed dbang myong ba rnam par smin/ /'bras bzhi re re che 'bring gsum/ /ldan pa rdo rje'i sku yin no/ /de nyid thig le chen po la/ /dga' ba rnam pa bcu drug rigs//rnam pa nyi shu phung lnga dang / /'byung lnga yab lnga yum lnga la/ /byang chub pa ni bdes khyab pa'o/ /rnam par mi 'dra ba yin la/ /sangs rgyas kun gyi rang 'byung gi /ye shes lhan cig skyes rig mchog /sangs rgyas kun gyi sprul pa'i sku/ /skye dang las dang bzo dang mchog /de nyid dbab zlog bskyil dgram pa'o/ /bye ba dpag med rlung gis ni/ /thig le rtsa mig 'byed pa'o/ /skad cig dus mtha'i skad cig la/ /thams cad lhan skyes mngon par rtogs/ /sems kyi skad cig lhan skyes bde/ /don kun rigs ni bzhi pa'o/ theg pa sna tshogs thabs tshul gyi/ /zhes pa theg gsum gnas pa ni/ /sbyor ba dgu yi tshul gyis ni/ /'gro ba'i sems can sna tshogs pa/ /don byed ji ltar gdul don du/ /ston pa po ni chos don nges/ /theg pa gsum ni dbang gsum gyi/ /bzhi pa kho na'i nges 'byung la/ /bde chen theg gcig gis 'bras bu//bla ma'i dus thabs lta bur gnas/ /nyon mongs khams rnams drug gyur pa/ /dag pa'i bdag nyid shud+d+ha ste/ /gzhan dag nyon mongs spang ba'o/ /rdo rje theg pas rtog pa 'joms/ /nyon zad rtog med ma yin te/ /rtog bral ci yang gnas pa med//de yis de nyid rnyed pa yis/ /dge sdig rtog pa las kyi khams/ /bde ba chen po zad che ba'o/ /chu bo rnam pa lnga yin te/ /bdag lta'i chu bo rdzas chu bo/ /zhe sdang gti mug chu bo dang / /'dod chags chu yi rgyun phyogs khyer/ /dga' bzhi'i gzings kyis sgrol byed pas//rgya mtsho ma lus rgal ba'o/ /de rnams yongs su dag pa yis/ /kun las rgal zhes brjod pa yin/ /sbyor ba thabs dang shes rab la/ /chags bral chags pa mya ngan 'das/ /bde ba tshor ba sred pa 'dzin/ /ngo tsha rtse dang lta rol pa/ /shes rab ma yi chos brgyad do//chags dang tshim dang dga' ba dang / /gya nom pa dang rtse ba dang / /tsum+ba nyed dang sgra brjod dang / /brtan dang brtson dang yid byed pa/ /bcu gcig thabs kyi byed pa'o/ /de lta'i chos spangs sems can ni/ /ye shes rnyed dka' dgon par 'dod/ /de las byung ba ye shes rten//de 'dra'i rnam grol lam gyis ni/ /nyon mongs nye ba kun nyon mongs/ /'khrul pa'i khams rnams rtog pa kun/ /bag chags bcas pa gtan spangs pa/ /de ni thabs chen dug la bsngags/ /brtul ba lta bu yon tan thob/ /sngags med dug gis 'chi bar byed//sngags ni snying rje chen po dang / /shes rab stong par rtogs pa yis/ /sbyor sgrol byed pa thabs kyi mchog /de ltar las rnams don yod pas/ /bde bas 'gro ba'i don byed pas/ /srid dang zhi bar mi gnas pa'o/ /'du shes ming dang rdzas dang brda/ /kun gyi don spangs mnyam gzhag cing //rnam shes don ni 'od gsal bas/ /bltas pas rtog kun 'gag par byed/ /sems can 'gro ba rigs drug la/ /rnams kyi yid yul dug gsum sogs/ /ldan pa chags sdang sems skyes pa'o/ /de 'dra sems can kun gyi yid//rig pas 'khrul spangs gnyen ye shes/ /sems can kun gyi yid la ni/ /'od gsal chos dbyings rab tu gnas/ /de dag don byed ye shes la/ /sems dang mthun par 'jug cing bsgyur/ /sems can kun yid gang yod pa/ /tshim par byed de ma spangs grol//sems can kun gyi 'khor ba'i gnas/ /yid dga' ba ni lam thob pa'o/ /grub mtha' rang rang 'dod pa la/ /'dod pa med pa mthar phyin pa'o/ /'khrul pa med do dam pa'i don/ /de yang dang po'i sangs rgyas las/ /ji bzhin pa ni rtog dang bral/ /byis pa rnam gnyis rnam par rtog /rtog bral rgyal ba chos kyi sku/ /lhan cig skyes pa'i gzugs can yin/ /zhes gsungs so/ /nor pa rtag chad la sogs pa/ /thams cad de la rnam par spangs/ /don gsum kun brtags gzhan dbang dang / /yongs grub de nyid shes pa yis/ /the tshom med pa'i blo thob pa'o//kun don 'gro ba'i bya ba la/ /yon tan gsum gyi bdag nyid can/ /phung po lnga don bde chen du/ /dus gsum mnyam nyid rtogs pa'o/ /skad cig gcig la dbu ma can/ /rlung rnams thams cad bye brag phyed/ /skad cig gcig gis dbu mar tshud//de la bde stong rdzogs sangs rgyas/ /de nyid sangs rgyas kun gyi ni/ /rang bzhin 'chang ni ye shes 'dzin/ /yan lag med pa chos kyi sku/ /sku ni longs sku bde ba che/ /lus kyi mchog ni sprul pa'i sku/ /mtshan dpes brgyan pa de yin no/ /lus kyi mtha' ni sku gsum du//rtogs pa po ni rnal 'byor pa'o/ /de yi mchog thob dus dag tu/ /sna tshogs gzugs ni yongs su ston/ /zhes pa mi 'dra sna tshogs gzugs/ /gang la gang 'dul yongs su ston/ /bsgrub bya yin pas nor bu las/ /'dod dgu 'byung bas rin po che/ /nub pa med pas tog ces bya//dgag phyogs ma rig la sogs pa/ /bcu gnyis spangs te mthun pa'i phyogs/ /sa bcu gnyis ni thob pa las/ /tshigs bcad nyi shu rtsa bzhi dag /mnyam pa nyid kyi ye shes kyi rgya cher 'grel pa ste le'u dgu pa'o// //le'u bcu pa don yod grub/ / bya ba nan tan ye shes la/ /las kyi bya ba tshes bco lnga/ /dag pa sh+loka bco lnga bstan/ /sangs rgyas kun ni dus gsum bzhugs/ /rtogs bya ba ni ye shes sku/ /de yang de nyid 'dus pa las/ /khyod ni thams cad mkhyen pa'i yab/ /'byung dang 'byung bar gyur pa yin/ / sangs rgyas byang chub khyod la brten/ /de bzhin gshegs rnams khyod la brten/ /zhes gsungs so/ /sangs rgyas byang chub lhan cig skyes/ /bla na med pa gong na med/ /yi ge med las gsang sngags 'byung / /zhes pa byang chub yi ge med/ /de las gsang sngags byung ba ni/ / sangs rgyas kun gyi mthu yin no/ /gsang sngags chen po rlung yin te/ /rigs gsum pa ni 'byung 'jug gnas/ /de ni rlung gi byed pa'o/ /gsang sngags don kun bde ba ste/ /bde med rlung ni nyan thos yod/ /de nas bde ba skyed pa'o/ /phrin las zhi rgyas dbang drag bzhi/ / 'di yis nges par sgrub pa'o/ /thig le che ni don dam pa/ /bde chen rdo rje sems dpa' la/ /yi ge med pa nyid yin no/ /stong pa yi ge med pa nyid/ /chen po 'byung lnga phung po lnga/ /yi ge lnga ni 'di yin te/ /oM hUM trAM hrIH khaM lnga dang / /laM maM paM taM baM rnams so/ /thig les rtsa rnams yi ger 'gyur//gyur pas bde ba sna tshogs 'byung / /rlung gis khams gsum rtog pa rgyas/ /stong pa rang gi ngo bos stong / /bde bsdus yi ge drug po ni/ /aH haM oM hUM ho k+ShaH drug /re rer bde rlung 'dus pa las/ /lus ngag yid la mtshan ma 'byung / /yang na snying dbus cha drug pa'i/ / rdo rje 'chang la hUM du 'dod/ /kun rdzob rnam pa kun ldan la/ /don dam par ni rnam pa med/ /dga' ba de nyid dga' bcu drug /mgrin pa la sogs phyed phyed 'dri/ /thig le gnas nas nor bu'i rtser/ /gnyis gnas pa ni dbus na'o/ /de nyid shes rab ye shes so/ /rnam rtog yan lag med pa'o//grangs bgrang byis pa'i rtsis las 'das/ /bsam gtan bzhi pa'i rtog dpyod dang / /dga' bde bzhi sde dga' bzhi sbyar/ /rtse mo 'chang ni gtsug nor gnyis/ /mi 'dzag bde ba 'chang ba'o/ /bsam gtan yan lag kun shes shing / /thabs dang rtog pa las rgya'i las/ / ting 'dzin rig par byed pa'i dus/ /chos kyi phyag rgyar rgyud rig pa/ /gzhan dbang bskyed pa'i rim pa ste/ /ting 'dzin lus can yin par 'dod/ /lus kyi mchog ni dga' ba'i dus/ /phyag rgya chen po lhun grub pa'o/ /bde ba'i dus su longs spyod rdzogs/ /dam tshig phyag rgya kun gyi rgyal//phrin las bde ba chen po byed/ /de nyid gnas skabs sprul sku ste/ /sku yi mchog tu thub pas gsungs/ /sangs rgyas sprul pa'i rgyud rigs lnga/ /rigs gsum ldan pas 'chang ba'o/ /phyogs bcu'i 'jig rten khams brgya ru/ /sprul pa sna tshogs 'gyed pa'o//ji bzhin mchog gi sprul pa yis/ /'gro ba'i don byed 'di lta ste/ /lha ni u ma 'dod chags dag /lha mchog shes rab 'od dpag med/ /lha ni tshangs pa khyab 'jug ni/ /gti mug rnam dag rnam snang mdzad/ /lha min khyab 'jug dbang phyug ni/ /zhe sdang rnam dag mi bskyod pa//sbyin pa dzaM lha bdag po ni/ /ser sna rnam dag rin 'byung ngo / /'chi med dbang phyug dbang phyug ni/ /phrag dog rnams la don yod grub/ /lha ni bgegs bdag bla ma ni/ /nga rgyal rnam dag rdo rje sems/ /'joms byed zla ba lta ba lnga/ /rnam par dag byed phag mo gnyis//'joms byed nyi ma dbang phyug ni/ /the tshom kun sel he ru ka /rtsa ba'i nyon mongs lha chen brgyad/ /srid gsum dbang bsgyur 'joms mdzad pa'i/ /bde chen khyod la bdag phyag 'tshal/ /srid pa khams gsum dgon pa ni/ /bde stong dkon pas dgon pa'o/ /las rgal ba ni rdo rje sems//ston pa gcig pu d+hU tI'o/ /'gran zla med pas gcig pu'o/ /'gro ba'i bla ma thig le'i khams/ /'jig rten lus ngag yid gsum la/ /phyogs bcur rab grags bde rlung khyab/ /chos kyi sbyin bdag gtum mo che/ /che ba po ni 'bar ba'o/ /byams pa'i dam tshig bzhi bsten pa'o//de yang spang blang bsrung spel lo/ /go chas chas pa dga' ba'i sems/ /snying rje yis ni gzhan don spyod/ /ya lad bgos ni thabs bsten pa'o/ /shes rab phyag rgya chen mo la/ /ral gri de yis rtog kun bcad/ /mda' gzhu gtum mo thogs pa ni/ / haM gi 'ben la rdeg pa'o/ /nyon mongs mi shes 'dzag pa rnams/ /rab tu spang ba g.yul ngo sel/ /dgra bo 'dod yon mngon zhen mtha'/ /bdud dgra ye shes chen po yis/ /bdud 'dul ba ni gos pa med/ /bdud bzhi 'jigs pa dga' bzhi yis/ /'gal phyogs spong ba sel bar byed//bdud kyi dpung rnams sna tshogs rtog /pham byed pa yang de nyid do/ /rdzogs pa thig le sangs rgyas bde/ /'jig rten 'dren pa rnams kyi mchog /mchod 'os bza' ba'i dam tshig che/ /bstod 'os rig ma'i mkha' dbyings kyi/ /phyag gi 'os ni thal mo sbyor/ /rtag tu zhen pa spangs pa dang //blang dor med pa'i sems kyis ni/ /rim gror byar 'os byang sems spel/ /mi 'dzag ldan pa'i rnal 'byor pa/ /nyan thos sogs pas bkur 'os pa'o/ /pha rol phyin pa'i theg pa pas/ /yon tan brjod par bya ba'i mchog / rnal 'byor rgyud sogs phyag byar 'os/ /thabs dang shes rab thun mong gis/ /sgyu 'phrul dra ba bla ma'i rab/ /'jig rten gsum po rtsa gsum la/ /gom gcig bgrod pa rlung 'pho ba/ /lnga bcu rtsa drug bzhi cha'o/ /rlung de rgyu dus nam mkha' ltar/ /rtog pa mtha' med rnam par gnon//gsum rig rgyu ba gsum po las/ /dbu ma rkyang ma dag pa ste/ /de yi yon tan mngon shes drug /ldan zhing rjes dran drug sogs thob/ /pha rol phyin pa'i theg par ni/ /byang chub sems dpa' mtshan nyid pa/ /sems dpa' che zhes mtshan gsol ba//dang po pa de 'dir dbu mar/ /zhugs pas rdzu 'phrul chen po dang / /'jig rten 'das pa'i dngos grub bo/ /de nyid shes rab pha rol phyin/ /rtog pa'i mtha' yang de nyid do/ /shes rab gsum pa'i ye shes kyi/ /de nyid thob ni skrag pa med/ /bdag rig rang lus gzhan rig pa//shes rab thabs las thams cad rig /kun las 'phags pas lhan cig skyes/ /gang zag mchog ni 'di de'i lam/ /dper bya kun las 'das pa ste/ /zhes pa nyams myong lhan skyes te/ /bla ma'i ngag las byung ba'o/ /shes dang shes bya yul yul can//bdag po mchog ni gnyis med rtogs/ /gtso bo d+hU tI byang chub lam/ /chos kyi sbyin bdag 'bar 'dzag ste/ /phyag rgya bzhi yi las chos dang / /phyag rgya che dang dam rgya ste/ /chos kun phyag rgya bzhi yis bsdus/ /don ston pa ni lam dang rtags//gnyen po 'bras bu rnams la sbyor/ /'gro ba'i bsnyen bkur bde ba'i rgyu/ /gnas kyi mchog ni ka ra na/ /byed pa drug cu rtsa gnyis so/ /nges 'byung gsum po sku gsum la/ /mtshan ni yang dag brjod chos 'di/ /'gro don zhes ni lam pa'i dus/ / don gyi rnam pa phyag rgya che/ /rnam dag dpal ni bzhi pa'o/ /'jig rten gsum ni lus phyi nang / /bar gsum yin la skal bzang che/ /dpral ba'i thig le bcu drug go/ /dpal ldan 'byor ba dga' bzhi sogs/ /kun byed pa ni gtum mo'o/ /'jam dpal thig le ldan pa ni/ ye shes chen po'i mchog yin no/ /de ltar sh+loka bco lnga'o/ /bsnyen pa nye bsnyen sgrub pa dang / /sgrub chen las sbyor khyad la sbyor/ /pha rol phyin rgyud rnam dag pa'o/ /so sor rtog pa'i ye shes kyi rgya cher 'grel pa ste le'u bcu pa'o// //le'u bcu gcig pa 'dud kyi/ brjod bya ye shes lnga ldan pa'i/ /sangs rgyas sku lnga la bstod pa'o/ /dang po spang bya khams gsum rtogs/ /nyon mongs gti mug gnyen po ni/ /chos dbyings ye shes sgo lnga dag /gzugs phud snang mdzad mig la ni/ /gti mug ye shes sa snying po/ /las rgya sna tshogs bdag de nyid//dga' ba dang po bum pa'i dbang / /bzhi pa bsnyen pa sa yi khams/ /sprul pa'i sku dang bco brgyad ldan/ /de lta'i ye shes gtsug tor la/ /dang po dga' ba bzhis bstod pa/ /mchod sbyin rdo rje'i lus ngag yid/ /mchog khyod 'dud pa dga' ba'i dga'/ /bltas pas tshim pa'i bde ba ni//'khor lo drug rtsa gsal ba'o/ /yang dag mthar 'gyur dga' ba'i mchog /bgad pas tshim pa rlung 'than pa/ /khyod la 'dud pa goms byed pa'o/ /stong nyid las byung dga' ba yis/ /lhan skyes lag bcangs reg bde myong / /me rlung lus la khyab pa'o//khyod la 'dud pa gong dang 'dra/ /sangs rgyas byang chub dga' ba yi/ /dga' bral 'khyud pas haM las ni/ /thig le ba thag 'bab pas bde/ /khyod la 'dud pa mi 'dzag bde/ /rkyen ma ltos pa skyong ba'o/ /gnyis pa'i spang bya bdag tu zhen/ /nyon mongs 'dod chags gnyen po ni//so sor rtog pa nyon yid 'gyur/ /'du shes mtha' yas lce la ni/ /'dod chags rdo rje 'jig rten mgon/ /chos rgya mtshan med lha de nyid/ /dga' ba gnyis pa gsang ba'i dbang / /rgyas par bsgrub pa me yi khams/ /longs spyod rdzogs pa bco brgyad ldan/ / de lta'i sdug bsngal gcod pa la/ /mchog dga'i dga' ba bzhi bstod pa/ /sangs rgyas chags pa mchog dga'i dga'/ /rdo rje pad+ma las sbyor ba/ /snang stong shes pa khyod la 'dud/ /sangs rgyas 'dod pa mchog dga'i mchog /brtson 'grus bde ba cher 'phel ba//kha sbyor rlung ni phyag 'tshal 'dud/ /sangs rgyas dgyes pa mchog lhan skyes/ /phyi rol yul las log pa'i sems/ /brtan par gnas pa de la 'dud/ /sangs rgyas rol pa mchog dga' bral/ /chags pa rnams las chags med byas/ /tshig 'byin byed la phyag 'tshal 'dud//gsungs pa'i spang bya mthar zhen pa/ /nyon mongs zhe sdang gnyen po ni/ /me long ye shes kun gzhi dag /rnam shes mi bskyod rna ba la/ /zhe sdang rdo rjer phyag rdor nyid/ /phyag rgya chen po rnam med sngags/ /dga' ba gsum pa gsum pa'i ngang / /dbang dang sgrub chen chu yi khams//chos kyi sku ste bco brgyad ldan/ /de lta'i rdo rje rnon po la/ /lhan skyes dga' ba bzhis bstod pa/ /sangs rgyas 'dzum pa lhan skyes dga'/ /bde chen rgyas pa khyod la 'dud/ /sangs rgyas bzhad pa lhan skyes mchog /bde stong bral ba khyod la 'dud/ /sangs rgyas gsung nyid lhan skyes skyes//smra brjod 'das pa khyod la 'dud/ /sangs rgyas thugs la lhan skyes bral/ /phyag rgya chen po phyag 'tshal 'dud/ /bzhi pa'i spang bya dgag sgrub bo/ /nyon mongs nga rgyal gnyen po ni/ /mnyam med ye shes yid rnams shes/ /tshor ba rin 'byung sna la ni/ / ser sna rdo rje 'jam pa'i dbyangs/ /dam rgya rnam smin ye shes dang / /dga' ba bzhi pa dbang bzhi pa/ /drag po nye grub nam mkha'i khams/ /rdo rje sku ste bco brgyad ldan/ /de lta'i ngag ni dbang phyug la/ /dga' bral dga' ba bzhis bstod pa/ /med pa las byung dga' bral dga'/ / dpe brgyad rtogs pa khyod la 'dud/ /sangs rgyas 'byung ba dga' bral mchog /dga' la zhen med khyod la 'dud/ /nam mkha' las byung dga' bral ldan/ /spros bral bde chen khyod la 'dud/ /ye shes las byung dga' bral bral/ /gnyen po zad pa khyod la 'dud/ /lnga pa'i spang bya spang bya med//nyon mongs phrag dog gnyen po ni/ /bya grub ye shes rnam shes brgyad/ /'du byed don grub lus la ni/ /dbang phyug rdo rje sgrib rnams sel/ /sna tshogs bya dga' dus mtha' bskyil/ /ye shes dga' ba dbang rdzogs pa/ /mngon spyod sgrub byed rlung gi khams/ /bde chen sku ste bco brgyad ldan//de 'dra'i ye shes sku can la/ /ye shes dga' ba bzhis bstod pa/ /sgyu 'phrul dra ba ye shes dga'/ /bden 'dzin med pa khyod la 'dud/ /sangs rgyas rol ston ye shes mchog /ma 'gags gsal ba khyod la 'dud/ /thams cad thams cad ye shes ldan/ / phyag rgya che ldan khyod la 'dud/ /ye shes sku nyid ye shes bral/ /sgra blo 'das pa khyod la 'dud/ /de ltar sku lnga bdag nyid can/ /'jam dpal ye shes sems dpa' la/ /rtag tu 'dud pa rdo rje'i lus/ /khams lnga dag pas sh+lo ka /lnga yi rnam par dag pa'o/ /'dud kyi rgya cher 'grel pa ste le'u bcu gcig pa'o// //le'u bcu gnyis pa sngags kyi/ /skabs la don dang tshig dang ni/ /rtags kyi sngags dang gsum du 'dod/ /dang po sangs rgyas thugs yin la/ /gnyis pa A li kA li'o/ /gsum pa lha dang ye shes dang / /phrin las bzhi la sbyor ba ni//rtags kyi sngags su 'dod pa yin/ /de yang bshad na 'di lta ste/ /oM ni ye shes lnga yin la/ /sar+b+ba d+harma 'khor 'das gnyis/ /ngo bos stong pa a b+hA ba/ /de nyid bla ma'i gdams pa yis/ /stong par myong ba swa b+hA ba/ /dbyer med rnam dag bi shud+d+ha/ /badzra gnyis med ye shes la//a A a~M aHdga' ba bzhi/ /pra kr-i ti rgyu lam 'bras bu'i dus/ /pa ri shud+d+haH sgrib med pa'o/ /sarba d+harma kun mkhyen par/ /ya du ta snang stong gnyis med pa'o/ /sarba ta thA ga ta ni/ /dus gsum bzhugs pa'i sangs rgyas nyid/ /bde chen dz+nyA na kA ya la//ma ny+dzu shrI ni thig le'i khams/ /pa ri shud+d+hi mi 'dzag pa/ /tA zhes de las mchog med pa'o/ /mu pa dA ni zag pa'o/ /ye ti a ni de ltar na/ /mi 'dzag dga' ba lam mchog go/ /lam mchog de nyid gang zhe na/ /shin tu bsdus pa'i rgyud 'di yin/ /rgyas bsdus gnyis su ji lta bar//bshad tshod 'di la yod pa'o/ /a A mi skye las skye'o/ /sarba ta thA ga ta hr-i da ya/ /ha ra ha ra zhes pa ni/ /so sor sdud pa'i rtags mthar phyin/ /de bzhin gshegs pa kun gyi thugs/ /ha ra so sor yod pa ste/ /ha ras bsdus pa mnyam pa nyid//oM hUM hrIH ni gnas 'byung 'jug /b+ha ga bAn ni nyi khri dang / /bzhi stong bcom pas bcom ldan 'das/ /srog rtsol yan lag yin par 'dod/ /dz+nyA na mUr+t+ti bsam gtan te/ /rjes la bA gI shwa ra na/ /ma hA pA tsa 'byung ba'o/ /sar+b+ba d+ha rma ga ga na/ ting nge 'dzin gyi yan lag go//a ma la su pa ri shud+d+ha/ zhes pa 'dzin pa'i yan lag go/ /d+harma d+hA tu dz+nyA na gar+b+ha AH/ zhes pas rjes su dran pa'o/ /sngags la sh+loka gsum gyis/ /khams gsum po ni dag pa'o/ /sngags kyi rgya cher 'grel pa ste le'u bcu gnyis pa'o/ /bcu gsum rjes su yi rang ba//sa mchog bcu gnyis dag pa yi/ /le'u bcu gnyis bshad pa'i rjes/ /de nas sdud pa po chen pos/ /dpal ldan rdo rje 'chang chen po/ /chos sku spros bral mi 'gyur che/ /ngag tu dga' zhing sems mgu nas/ /lus kyis thal mo sbyar byas te/ / mgon po sangs rgyas bcom ldan 'das/ /rtags su shAkya thub pa ste/ /don du haM las 'bar 'dzag ni/ /de bzhin gshegs zhes bshad pa'o/ /ston pa rdzogs sangs rgyas de la/ /yan lag smad lnga lta bu yis/ /sgrib lnga bsal nas de nyid rtogs/ /rtogs don de la phyag 'tshal nas//de ni mgon po sangs rgyas lam/ /gsang ba'i bdag nyid la bzhugs pas/ /bla mas lag na rdo rje yi/ /bde chen ye shes gtad pa yis/ /khro bo spang bya nyon mongs las/ /rgyal po chen por de gyur to/ /rang 'dra'i sna tshogs snod ldan brten//gzhan ni 'khor bzhi la sogs pa/ /smin cing cho ga ma nyams pa/ /lhan cig 'dug la gsang ba'i don/ /yon tan kun gyis bstod nas ni/ /rab tu dga' mgu'i tshig 'di skad/ /ngag tu brjod cing brtan par byed/ /mgon po bde chen rgyal po la//bdag cag rnams ni yi rang ngo / /legs so gsang sngags don spyod pas/ /legs so khro rgyu spangs pa legs/ /legs par gsungs ni rang spyod ltar/ /gzhan la ston pa 'thad pa yin/ /rnam grol 'bras bu sku gsum mo/ /'tshal ba tshe 'di nyid la 'dod/ / dgos pa 'gro ba mgon med pa/ /nyon mongs 'dam du bying rnams dang / /bdag cag skal ldan 'dus pa'i 'khor/ /yang dag rdzogs pa'i byang chub ni/ /rdo rje 'chang chen thob pa yi/ /thabs su 'gro ba'i don chen mdzad/ /stong pa bde ba'i snying po can/ /kun rdzob sgyu 'phrul dra ba yi//rnam pa rtags tsam tshul bstan pa/ /mtshan brjod pa yi gsung rab 'di/ /rnam dag legs pa'i lam yin no/ /zab cing don la yangs pa thabs/ /rgya chen dbyer med chos 'di'o/ /don chen 'gro ba rigs lnga yi/ /don bgyid pa ni gang 'dul ston/ /sangs rgyas rnams kyi dus gsum gyi//yul lam gnas sam lam 'di ni/ /mar me mdzad sogs rdzogs pa yi/ /sangs rgyas dus gsum bzhugs rnams kyis/ /bshad 'chad 'chad par 'gyur pa yin/ /da lta 'chad pa shAkya thub/ /de nyid rdo rje 'chang chen po/ /dus kyi 'khor lo zhes bya yin//yang na khar+sa pA Ni yin/ /sku gsum phrin las gnyis dag pas/ /sh+lo ka lnga rnam par dag /zab pa'i don la mos rnams la/ /gsang don mthar thug 'dir brjod byas/ /khar+sa pA Ni bzod par gsol/ /dge ba 'gro la yongs su bsngo/ /'phags pa mtshan yang dag par brjod pa'i 'grel pa bdud rtsi'i thigs pa sgron ma gsal ba zhib mo rnam par 'thags pa zhes bya ba/rdo rje 'chang gi zhabs kyi rdul la reg pa'i paN+Di ta chen po a nu pa ma rak+Shi tas mdzad pa rdzogs so// //dpal byang ri bkra shis kyi gtsug lag khang du kha che'i mkhas pa su ga ta shrI dang /bod kyi lo tsA ba d+harma kIrti dang dge slong rdo rje rgyal mtshan gyis bsgyur cing gtan la phab pa'o/ /rgyal ba rnams kyi bgrod pa mthar thug pa/ bstan pa'i snying po rdo rje theg pa'i lam/ /bya spyod rnal 'byor rnal 'byor chen po'i rgyud/ /gsung rab rgya mtsho'i bcud bsdus rdo rje'i tshig / zab cing rtogs dka' rgyal ba'i dgongs pa mchog /mtshan brjod glur blangs yid bzhin nor bu'i gzhung / /ji ltar 'dod pa de ltar snang gyur kyang / /zab mo'i don mchog kun gyis ma rnyed pas/ /spyan ras gzigs dbang dri ma med pa'i 'od/ /rgya cher 'grel pas zab pa'i don bshad pa//dang po'i sangs rgyas rgyud don legs bkrol yin/ /de las rab dga' mtsho las 'o len bzhin/ /zab don bsdus pa'i man ngag bstan bcos 'di/ /dpe med bsrungs pas snod ldan sems can don/ /bdud rtsi thigs pa 'chi med grub pa bris/ / smon lam mthu yis kha ba can ljongs 'dir/ /su ga ta shrI lnga brgya'i kun mkhyen gyis/ /skal bar ldan pa'i dge slong rdor rgyal la/ /legs sbyar skad kyis rgyas par bshad pa las/ /tshig don longs par gyur te gsung sgros dang / /mthun par 'grel 'di 'bad pa chen pos bsgyur//sgra yi byings la byang bar ma gyur pas/ /legs bsgyur mkhas rnams rab nongs bzod par bzhes/ /gsang ba bsgrags pa mkha' 'gros bzod par gsol/ /legs bshad legs bsgyur dge ba 'gro la bsngo// //

CLOSE WINDOW