CLOSE WINDOW

D1394
བོད་ཡིག

@##/ /rgya gar skad du/ shrI kA la tsakra ho ma pa pA yi ka bi d+hi/ bod skad du/ dpal dus kyi 'khor lo'i sbyin sreg gi cho ga zhes bya ba/ dpal dus kyi 'khor lo la phyag 'tshal lo/ /da ni dbang dang rab tu gnas pa la sogs pa thams cad la sbyin sreg sngon du 'gro bar gsungs pas kun rdzob kyi sbyin sreg 'dir brjod par bya'o//nyin mo'i thun dang po la sogs pa la zhi ba la sogs pa'i las bya ste/ de ltar mtshan mo la yang ngo / /de ltar thun phyed rnams sam thun rnams la ste/ las thams cad pa zhi ba dang / rgyas pa dang / gsad pa dang / dbye ba dang /dbang dang / dgug pa dang / rmongs pa dang / rengs pa rnams grong khyer gyi dbus dang / gshin rje dang / bden bral dang / chu bdag dang / rlung dang / gnod sbyin dang / dbang ldan dang / shar dang / me mtshams rnams su ste/ dbang bskur ba'i dus su rdul tshon me ri'i phyi rol khru do spangs pa'i gnod sbyin nam/drag po ru zlum po dang / gru bzhi dang / gzhu'i rnam pa dang / zur lnga dang / bdun dang gsum dang drug dang brgyad rnams dang ldan pa'o/ /khru gang ba dang / khru do pa dang / khru gang gi phyed dang / zum po dang mtshungs pa dang / sor bzhi bcu dang / nyi shu dang / sum cu dang / drug cu rnams so/ /thab khung rnams kyi rgya'i phyed gting du'o/ /thab kyi kha khyer du thad kar dpangs kyi drug cha'o/ /de dag gi nyis 'gyur stegs bu la'o/ /de'i nyis 'gyur kha khyer chen po la'o/ /yang chu dang mnyam pa'i phyi ru kha khyer bya'o/ / steng du nyi ma dang zla ba dang maN+Dal sngon po dang / dmar po dang / du ba'i maN+Dal dang / maN+Dal ser po dang ri rab gnyis rnams kyis mtshan ma'i thab bya'o/ /stegs bu cha lnga ru byas pa'i logs gnyis kyi cha gnyis spangs te cha gsum la 'og nas byung ba'i mtshan ma rnams kyis rim pa bzhin bskor ro//gal te sa yis byed na chu'i phyed kyis so/ /rdul tshon gyis byed na nges pa med do/ /de'i phyi rol du gnyis la pad+ma'i 'dab ma dang / gnyis la sor mo dang bcas pa'i lag mthil dang / khra'i mjug sgro gnyis la shing arga'i 'dab ma dmar po dang / shing arga'i 'dab ma ser po rnams kyi phreng bas bskor ro//de'i phyi rol du gnyis la ku sha dang / shi ba'i skra dang / yi [(]dgas [,]dwags [)]shing gi lo ma dang / gnyis la me tog dmar po dang / gnyis la me tog ser po rnams kyis bskor ro/ /thab kyi tshad kyis pad+ma'i 'dab ma'o/ /bcu gnyis kyi cha yis gtso bo'i lte ba la'o//de la rdo rje nag po dang pad+ma dmar po dang / 'khor lo dkar po dang / gri gug nag po dang / ral gri nag po dang / mda' dmar po dang / rdo rje lcags kyu dmar po dang / sbrul zhags ser po dang / rdo rje lcags sgrog ser po rnams dgod par bya'o//las thams cad pa'i thab khung la shar la sogs pa'i pad+ma'i 'dab ma rnams la ral gri dang / rin po che dang / 'khor lo dang / pad+ma rnams so/ /mtshams rnams la ni gri gug nag po dang / lcags kyu dmar po dang / rdo rje zhags pa ser po dang / rtse gsum dkar po rnams so//de ltar zhi ba la yang ngo / /rgyas pa la phyogs rnams rdo rje la sogs pa'i mtshan ma rnams dang / mtshams rnams su gri gug nag po la sogs pa'o/ /de ltar bsad pa la shar du phyogs pa'i dkyil 'khor te/ gsad pa dang dbye ba la ral gri la sogs pas mtshan pa'o//dbang dang dgug pa la lhor kha phyogs pas phyogs rnams la rin po che rnams so/ /mtshams rnams su lcags kyu dmar po la sogs pa'o/ /rmongs pa dang rengs pa la nub tu kha phyogs pas phyogs dang phyogs bral rnams la 'khor lo'o/ /zhags pa ser po la sogs pa'o//thab khung las khru do spangs par rdul tshon dkar po dang dmar po dang nag po rnams kyis ra ba gsum pa byas te/ byang la sogs par kha phyogs pa'i ra ba'i nang gi rgya'i brgyad cha sgo'o/ /dkyil 'khor gyi sgo dang mtshungs pa'i rta babs dang bcas pa thab khung kun la bya'o/ /thab khung gi mdun du khru do spangs pa'i gnas su zhi ba la sogs pa'i dbye bas dbyibs dang ldan pa la snga ma ltar pad+ma dang mtshan ma'i bye brag bkod pa'i khru gang pa rang rang gi phyogs su gzhag go//las thams cad pa la sna tshogs rdo rje chos 'byung du chud pas mtshan pa'o/ /de ltar sbyin sreg gi dgang gzar la sogs pa'i gdan dang /yon chab kyi gdan g.yon dang g.yas su'o/ /gdan de la rim pa ji lta ba bzhin gnas par bya ste/ rkang pa g.yas pa g.yon pa'i pus mo'i 'og tu bzhag pa pad+ma'i 'dug stangs so/ /rkang pa g.yas pa g.yon pa'i brla steng du bzhag cing g.yon pa g.yas pa'i brla steng du bzhag pa rdo rje'i 'dug stangs so//lha ma yin gyi 'dug stangs ni lus bskum ste rus sbal ltar gnas pa'o/ /rkang pa'i long mo gnyis gshibs te tsos po che 'phongs dang sbyar nas pus mo gnyis bslang ba ni tsog pu'i 'dug stangs so/ /rkang pa g.yon pa skyil krung du gnas nas g.yas pa tsog pu ste cung zad brkyang ba skyil krung phyed pa'o//de las bzlog pa ni bye brag gnyis pa'o/ /rkang pa g.yon pa'i rting pa bshang lam du gnas te g.yas pa tsog pur gnas pa rkang pa bshang lam la gnas pa'o/ /de las bzlog pa rnams so/ /de nas rim pa bzhin du shel dang / mu tig dang / ba'i so dang / bo de tse dang / pad+ma'i sa bon dang / tsan+dan dmar po dang / lung tang dang / ru drA k+Sha'i phreng ba rnams so/ /de nas pad snod 'dab ma dang / lte ba rnams la sor bcu gnyis pa shel dang dngul dang thod pa dang lcags dang / gser dang zangs dang shing dang sa las byas pa'i yon chab kyi snod rnams so//de nas dgang gzar ni/ rdo rjes mtshan pa'i khru gang ba'i yu ba la ste thal mo sbyar ba'i rnam pa'o/ /de'i nang dbus su gru bzhi pa pad+mas mtshan pa sor bzhi pa dang ldan pa'o/ /de'i rtse mo rdo rje rtse lnga pa'o/ /ra dbus ma nas bcud 'gro ba'i gnas dang ldan pa'o/ / de nas cung zad phra la chung ba srid du mtshungs pa steng gi cha pad+ma dang mtshungs pa'i blugs gzar ro/ /de ltar zhi ba la sogs pa'i las gnyis gnyis te/ u dum+bA ra dang / byang chub shing dang / n+ya gro d+ha dang / parka Di dang / rgun 'brum shing rnams kyi yam shing lnga brgya'o/ /mi'i rus pa mthe chung gi rnam pa lnga brgya dang /de ltar khra'i mjug sgro yang ngo / /de ltar seng ldeng ngam pa la sha las byung ba dang / de ltar bi lo las byung ba lnga brgya sor bcu gnyis pa'o/ /de ltar rdzas rnams ni zhi ba la ba'i 'o ma dang dUr ba'o/ /rgyas pa la mar dang dUr ba'o/ /gsad pa la sha dang dug go/ /bskrad pa dang dbye ba la mi'i zhag dang bcas pa'i rA dzi ka dang tshwa'o//dbang la rdul dang ka ra bI ra la sogs pa'i me tog dmar po'o/ /dgug pa la dri chu dang shing le'i 'dab ma dang 'bras bu'o/ /rengs pa la mchil ma dang me tog rnying pa'o/ /rmongs pa la tshwa dang thang phrom gyi 'dab ma'o/ /de ltar gnyis gnyis te/me tog dri zhim pa la dkar ba dang / tsha ba la tsher ma dang ldan pa'i nag po dang / dmar po dang ser po rnams so/ /de ltar drang ba'i bdug spos ni a ga ru dang / si h+la dang / ga bur dang / sbrang rtsi ka ra rnams kyis so/ /de ltar shin tu bdug pa'i spos ni bshang ba dang sha dang khrag rnams kyis so//de ltar dri che bar gyur pa'i spos ni gu gul dang rgya skyegs dang / spos dkar dang / kun du ru dang / shri ba sa dang / bu ram rnams so/ /de ltar bska ba'i spos a ru ra'i phye ma dang / bu ram dag gis so/ /yang na rim pa ji lta ba bzhin no//'o ma'i zan dang zho dang bcas pa'i zan dang grod pa dang / mar dang bcas pa'i zan dang / til dang bcas pa'i zan dang / sran ma tsa na ka dang sha dang bcas pa'i zan rnams so/ /de ltar gnyis gnyis la tsan+dan dkar po dang / khrag dang / sol ba dang / gur kum dang / gi wang ngam tsan+dan dmar po dang /yung ba dang / ba bla rnams rnam par blugs so/ /de ltar mar dang mi'i zhag dang til mar dang / dz+yo tisma'i mar dang / bal+la ta ka'i mar rnams kyi mar me'o/ /de ltar 'bras sA lu dang / ra tsi ka dang / yungs kar dang / sran chung rnams kyis ma nyams pa'o//de ltar na na bza' dkar po la sogs par bgo bar bya'o/ /de nas slob dpon ji ltar gsungs pa'i gdan la ji ltar gsungs pa'i 'dug stangs kyis gnas nas las thams cad la ljang gu'o/ /zhi ba la sogs gnyis gnyis te/ zhi zhing dkar ba dang / khro la gnag pa dang /chags pa dang bcas pa'i dmar po dang / rengs shing ser ba ste/ sngon du gsungs pa'i dus kyi 'khor lo'i cha byad rnam par bsgoms te/ srung ba'i 'khor lo byas nas sngon du gsungs pa'i cho ga'i rim pa bzhin du u dum+bA ra'i dang ba Ta dang mya ngan med dang rus pa dang lcags dang seng ldeng dang sa ko Ta dang /bi lo rnams las byung ba'i phur pas phyogs bcu ru btab la/ oM AH hUM hrIH phaT/ ces pa'i sngags kyis ku sha'i yon chab nas blangs te bsang gtor bya'o/ /de nas las thams cad pa dang zhi ba la sogs pa la tsan+dan la sogs pa dri zhim pa dang / 'o ma can gyi shing dang /tsan+dan dmar po la sogs pa dang / bska ba'i shing rnams brtsigs te/ lha khang dang / bram ze dang / dmangs rigs dang / gdol pa dang / rgyal rigs dang / rje rigs rnams kyi khyim nas me blangs te der bcug la rlung g.yab kyis sbar bar bya'o/ /de nas sngags 'dis me lha spyan drang ba ni/oM e h+ye hi ma hA b+hU ta de ba r-i Shi dI dza sa ta ma/ gr-i hi twA yu d+ha ma hA ra a smin san+ni hi to b+ha bA badzra d+ha ra a dz+nyA pa ya ti swA hA zhes brjod de/ rang gi snying ga dang phyi'i thab khung du las kyi bye brag gis zla ba'am nyi ma la raM las byung ba'i me'i lha'i rnam pa bsgoms te/ dzaHhUM baM hoH/ brjod cing lcags kyu'i phyag rgyas dgug go/ rdo rje'i phyag rgyas gzhug go/ /zhags pa'i phyag rgyas bcing ngo / /dril bu'i phyag rgyas dbang du bya'o/ /de nas yang las thams cad pa la sku mdog ljang gu g.yas pa'i phyag dag gis rdo rje dang phreng ba'o/ /g.yon pa'i phyag dag gis dril bu dang pad+ma'o//na bza' dang spyan dang dbu skra rnams dmar la ser ba/ mi bskyod pas rgyas btab pa'o/ /zhi ba la dkar po g.yas pa dag gis pad+ma dang shel gyi phreng ba'o/ /g.yon pa dag gis spyi blugs dang dung ngo / /rgyas pa la g.yas pa dag gis 'khor lo dang mu tig gi phye ma'o//g.yon pa dag gis pad+ma dang spyi blugs so/ /'od dpag med kyis rgyas btab pa'o/ /gsad pa la lag pa g.yas pa dag gis gri gug dang rtse gsum pa'o/ /g.yon pa dag gis thod pa dang kha T+wAM ga'o/ /don yod grub pas rgyas btab pa'o/ /bskrad pa dang dbye ba la g.yas pa dag gis ral gri dang rtse gsum pa'o//g.yon pa dag gis thod pa dang kha T+wAM ga'o/ /dbang du bya ba la gur gum gyi kha dog go/ /g.yas pa dag gis mda' dang rin po che'o/ /g.yon pa dag gis gzhu dang me long ngo / /rin chen 'byung ldan gyis rgyas btab pa'o//dgug pa la g.yas pa dag gis rdo rje lcags kyu dang rin po che'o/ /g.yon pa dag gis rdo rje zhags pa dang me long ngo / /rmongs pa dag la g.yas pa dag gis sbrul dang dbyug pa'o/ /g.yon pa dag gis 'khor lo dang thod pa'o/ /rengs pa dang phur bus gdab pa dag la ser po g.yas pa dag gis lcags sgrog dang tho ba'o//g.yon pa dag gis 'khor lo dang phur ba dag gis so/ /rnam par snang mdzad kyis rgyas btab pa'o/ /zhi ba la sogs pa rang rang gi kha dog dang mtshungs pa'i na bza'o/ /de nas oM pra wa ra sa t+kA ra ma hA rA smin pra tIts+tsha swA hA zhes pas yon chab sbyin no//de nas oM badzra dang por ro/ /puSh+paM la sogs pa bar du'o/ /swA hA zhes pa mtha' sbyar ba'i puSh+paM dang / d+hU paM dang / gan+d+haM dang / dI paM dang / ak+Sha taM dang / nai bi d+yaM dang / lA s+yaM dang / ha s+yaM/ bA d+yaM dang / nr-i t+yaM dang / gI t+yaM dang / kA maM rnams kyis mchod par bya'o//de nas me lha'i zhal gdangs par/ oM sarba pA paM da ha na badzra ag+ne badzra satwa s+ya sarba pA paM da ha da ha swA hA zhes pas/ las thams cad pa la sogs pas sreg blugs len par spyan drang ba'i gsang ba la sogs par oM badzra ag+hi sarba b+hU ta na dz+wa la ya sarba naM b+ha smi ku ru sarba duSh+TA na swA hA zhes pas so//de nas oM AHhUM ho haM k+ShaH swA hA zhes pas yam shing brgya rtsa brgyad kyis bsnun par bya'o/ /oM hr-IM hr-IM hr-IM h-IM hA swA hA zhes pas brgya rtsa brgyad do/ /de nas oM a A e ai ar Ar o au al Al aM aHswA hA zhes pas kyang de ltar ro//de nas oM ha hA ya yA ra rA wa wA la lA haM ha swA hA zhes pas kyang de ltar ro/ /de ltar bzhi bcus lhag pa'i lnga brgya la lnga brgya zhes brjod do/ /zhi ba la sogs pa la chu shel dang pu Shu rA ga dang ban+d+hu ka dang gser zhun ma'i kha dog rnams so/ / ma li ta dang / ga bur dang / a ga ru dang / tsam pa ka'i dri rnams so/ /pi wang rgyud mangs dang / gling bu dang / mr-i daM ga dang / shin tu grags pa'i sgra rnams so/ /dpal be'u dang / gdugs dang / ral gri dang / pad+ma dang / bum pa la sogs pa'i gzugs rnams so/ / gcig dang gnyis dang gsum dang bzhi la sogs pa bzang ngo / /shin tu g.yo ba dang / thig le nag po can dang / me stag 'phro ba dang / rang gi phyogs su phyogs pa dang / g.yo zhing 'bar ba dang / kha dog sna tshogs pa dang / shin tu gnag pa dang / tsheg sgra dang / thog sgra rnams ni gsad pa la bzang ngo //de nas 'bru la sogs pa rnams sngon du song ba'i sngags kyi cho gas te/ dgang gzar yang ngo / /de nyid med na lag pa g.yon pa gan rkyal du byas te/ lag pa g.yas pa mchog sbyin byas pa'i mthe bos bskyor zhing sngon gyi rdzas rnams la bsnun par bya'o/ /zhi ba la ni ma'i mtha' can no/ /rgyas ba la swA hA mtha' can no//dgug pa la bo Sha Ta'o/ /gsad pa dang bskrad pa dang dbye ba rnams la hUM ngo / /dbang la wa ShaT ces pa'o/ /phur bus gdab pa dang / rengs pa dang rmongs pa rnams la phaT kyi mtha' rten dang bcas pa brjod cing bsnun par bya'o/ /de nas hUM h+k+Sh+m+l+W+yaM zhes pa'i sngags kyis mar gyis dgang gzar bkang la mnyam par gzhag pa'i slob dpon dang las kyi rdo rjes me lha la dgang blugs dbul bar bya'o//de nas me tog la sogs pa sngags kyis phyogs bcur sbyin pa ni/ oM b+hur b+hu wa swaH na mo de be b+h+yaH/ swa sti pra dzA b+h+yaH/ swa hA rA dza b+h+yaH/ swa d+hapi tr-i b+h+yaH/ a laM b+hu te b+h+yaH/wa Sha DiM n+d+rA ya zhes pas so/ /de ltar me long la sogs pa dbul lo/ /oM AHhUM kA ya bAka tsit+ta swa b+hA wa shud+d+haH swA hA zhes pas zhal bsil dbul lo/ /de nas oM dzaHgats+tsha ma hA rasmi swa s+tha na san+t+ri p+to ho/ pu na rA gA mi Shu si yi de wa/ hA na yA mi swA hA zhes pas snying ga'i pad+ma las ye shes kyi me lha gshegs su gsol zhing /thab kyi me lha yang gshegs su gsol lo/ /'di ni sbyin sreg gi cho ga'i rim pa'o/ /de nas slob dpon gyis snga ma ltar mchod pa byas la/ rdo rje dang dril bu bzung ste rdo rje'i 'dug stangs la gnas nas/ rang gi snying ga'i pad+ma las ye shes sems dpa' gshegs su gsol ba ni rim pa bzhin du/gtsug tor dang / dpral ba dang / mgrin pa dang / snying ga dang / lte ba dang / gsang ba'i 'khor lo rnams so/ /a i r-i u l-i haM/ yi ge rnams stong pa la sogs pa'i zad pa rnams dang / phyogs skyong rnams dang /gza' rnams dang / klu rnams dang / 'byung po rnams dang / khro bo'i tshogs rnams gshegs su gsol lo/ /de nas bum pa'i gos zung rnams bum pa bsrung ba'i gzhon nu ma rnams la sbyin du gzhug go/ /byang chub shing gi lo ma'am/ rang gi lag pa 'am rdo rjes/ tshangs pa'i thig gi lam nas bde ba chen po'i 'khor lo'i bar bshig par bya'o//de nas rang gi spyi gtsug tu rdul tshon cung zad bzhag ste/ pad+ma la sogs pa bsdu bar bya'o/ /de nas rdul tshon phyags te bum par blugs nas ji ltar 'dzom pa ltar glang po la sogs pa'i steng du bzhag ste/gdugs dang rgyal mtshan la sogs pa dang bcas pas khyer la/ rgya mtsho la 'gro ba'i chu bo la dor bar bya'o/ /bum pa de nyid nas bkang la/ dkyil 'khor gyi khang bar 'ongs te gtor nas ba lang gi lci ba la sogs pas kyang byugs te/ der gnas nas 'o ma la sogs pa'i dkar ba dang mngar ba dang /ras zung rnams kyis gzhon nu ma rnams mnyes par byas nas gshegs su gsol ba dang / mtshan mo'i dus su sngon gyi cho gas dpa' bo'i ston mo sbyin par bya'o/ /'dir ni gshegs su gsol ba'i cho ga'i rim pa'o/ /sems can don phyir rab tu spro bar mdzad pa'i mnga' bdag dpal ldan dus kyi 'khor lo yi//dkyil 'khor cho ga'i yan lag sbyin sreg byas pa'i dge bar gyur pa dkar ba'i 'od zer dang ldan pas/ 'gro kun ma rig mun pa'i sgrib pa zad nas bla med mchog gi lam la myur bar bgrod par shog/ /dpal dus kyi 'khor lo'i lugs kyi sbyin sreg slob dpon dus 'khor zhabs kyis mdzad pa rdzogs so/

CLOSE WINDOW