CLOSE WINDOW

D1392
བོད་ཡིག

/zhes so/ /zhal dang phyag tu brtags pa'i sangs rgyas 'di rnams nges par sangs rgyas min/ /zhes so/ /[]@##/ /rgya gar skad du/ shrI kA la tsakra su pra tiSh+Tho pa yi ka bid+hi/ bod skad du/ dpal dus kyi 'khor lo'i rab tu gnas pa'i cho ga zhes bya ba/ dpal rdo rje sems dpa' la phyag 'tshal lo/ /de nas gsungs pa'i dkyil 'khor ram bris sku la sogs pa'i dkyil 'khor la mchod pa la sogs pa sngon du song bas/ lugs ma la sogs pa rab tu gnas par bya ba ni/stong pa'i ngang las sa bon la sogs pa las yongs su rdzogs pa'am/ skad cig gis dam tshig sems dpa'i gzugs thugs kar sa bon dang bcas pa bsams la/ na bza' gsar pa dmar po la sogs pa bskon pa dang / de nas yon bdag me tog dang bcas pa de nyid gzugs brnyan dang me tog dang bcas par dmigs te/yon bdag lugs ma la sogs pa dang bcas pas slob ma ji lta ba bzhin du rdul tshon gyi dkyil 'khor du 'jug pa ste/ slob dpon gyis kyang lugs ma la sogs pa'i lhag pa'i lha'i mtshan ma'am/ de'i rigs kyi mtshan ma la de'i me tog gi phreng ba dbul du gzhug go//yang na me tog dor ba spangs te lugs ma la sogs pa dkyil 'khor mthong ba tsam gyis 'jug par bya'o/ /de yang dkyil 'khor gyi khang ba'i phyi rol gyi shar phyogs sam byang shar mtshams su khrus kyi gdan gyi snam bu chu dang zheng du ji ltar 'tsham par byas pa'am/ji lta ba bzhin du sa gzhi la byug pa la sogs pa byas pa la bdud rtsi lnga dang bcas pa'i rnam lngas byugs te/ phyogs mtshams la bum pa brgyad bkod pa dang / me tog la sogs pa dang gdugs dang rgyal mtshan dang / ba dan dang / dril bu dang / gar dang glu dang sgra la sogs pa ji ltar nus pa yid du 'ong bar byas la/dge ba'i tshes la sogs pa la slob dpon rgyan la sogs pa btags te/ rdo rje sems dpa'i rig ma dang bcas pa'i nga rgyal gyis/ stegs bu de'i dbus su thugs kyi dkyil 'khor gyi tshad kyi gru bzhi pa rta babs dang bral ba'i nub kyi sgo dang ldan pa sna tshogs pad+ma 'dab ma brgyad pa'o//phyogs dang mtshams rnams la don yod grub pa la sogs pa'i mtshan ma rnams rdul tshon gyis bya'o/ /de'i steng du snam bu la pad+ma 'dab ma brgyad pa bris la lugs ma la sogs pa bskyod par nus pa rnams shar du phyogs pas bzhugs su gsol lo//lha khang dang mchod rten dang dri'i gtsang khang dang / lugs ma chen po rnams snga ma ltar dam tshig pa bskyed la/ dkyil 'khor du bzhugs par bsams te/ de rnams la khrus kyi snam bu dgos pa med pas na de ltar bye brag gnyis so//de yang nub mo'i dus su lugs ma la sogs pa sngon du bzhugs pa dang / de la bdag nyid mngon par phyogs te/ zhabs bsil la sogs pa sngon du song bas/ nir man tsha na bya ba ni/ oM AH hUM ho haM k+ShaH zhes pa'i sngags kyis grub pa'i yungs kar chang ba g.yas g.yon du bzung la so sor lan gnyis su g.yon du bskor zhing /oM sarba pA paM da ha na badzrA ya badzra satwa s+ya sarba pA paM da ha swA hA/ zhes pa bzlas te yungs kar me la brdeg par bya'o/ /de ltar g.yas su bskor zhing g.yon pas kyang ngo / /de ltar chus gang ba'i kham phor dang dUr ba dang bcas pa'i ba lang gi lci ba chang bar bcangs pa dang /chang zan dang bsil yab ras rnams te/ 'on kyang kham phor la sogs pa me ru bsgyur bar mi bya'o/ /de nas lugs ma la sogs pa la lag pas reg la/ gtso bo'i sngags dang bcas pa'i lugs ma la sogs pa la ji ltar rigs pa ltar/dngos su'am me long gzugs brnyan la dri ni thugs kar byug go/ /me tog ni dbu la'o/ /yon chab mdun du'o/ /mar me bskor bzhin pas so/ /mar dang spos dkar yi ge drug pa lan bdun bzlas te bdug bar bya'o/ /'di ni nir man cha na'i cho ga'i rim pa'o//de nas yi ge drug pa bzlas shing dUr ba'i pir gyis zangs kyi snod du gnas pa'i zho dang 'o ma dang mar dang sbrang rtsi dang ka ra rnams te bdud rtsi lnga'i bdag nyid dang / gzhan yang zho dang 'o ma dang mar dang ba lang gi lci ba dang chu rnams kyis lugs ma la sogs pa sku khrus gsol du btub pa rnams la/oM hUM trAM hrIH aH zhes pa'i sngags kyis byug par bya'o/ /bris sku dang po ti la sogs pa rnams me long gi gzugs brnyan la'o/ /de nas yi ge drug pa bzlas shing chu gtsang ma dang dri zhim pos khrus bya'o/ /de nas khar ba'i snod du 'dag chal blugs pas dag par bya ba ni/oM sarba ta thA ga ta kA ya bi sho d+ha ni swA hA/ zhes pas so/ /me dang nyi mas smin pa'i dri'i mar gyis byugs la 'dag chal gyis so/ /skyur pos byugs la de ltar khrus byas te/ khar ba'i snod kyi yung bas byugs nas yang khrus bya'o/ /de nas tsan+dan dang gur gum dang /ga bur dang gla rtsi la sogs pas mnyam par byugs te/ snying ga'i 'od zer gyis spyan drangs pa'i bum pas khrus byed par bsam zhing bkra shis kyi glu dang bcas pas bum pa rnams kyi chus khrus bya ba ni sngon gyi brjod pa'i tshigs su bcad pas so/ /de nyid la chags pa'i chu ras 'jam pos dbyi bar byas pa dang /de la ji ltar nus pa'i na bza' dbul bar bya'o/ /de nas sa bon gyi 'od zer gyis ye shes sems dpa' dang sangs rgyas dang byang chub sems dpa' dang lha rnams mdun du spyan drangs la zhabs bsil dang yon chab rnams sngon du song bas pus mo g.yas pa sa la bzhag ste/lag pa g.yon pas dril bu dkrol zhing / g.yas pas spos snod kyis bdug cing / hUM las byung ba'i rdo rje lce dang ldan pas/ /bcom ldan dus kyi 'khor lo nyid/ /ces pas/ bdag ni rdo rje che ge nyid/ /ces par bsgyur bas bstod de/phyag byas nas oM badzra pu na rA gA ma na yA muH zhes pas gshegs su gsol lo/ /khrus byas pa'i lugs ma la sogs pa rnams kyi gnas lnga rnams la dris byugs la mchod de yi ge drug dang bcas pa'i g.yas kyi rdo rjes lan gsum du reg nas/ de dang de'i sngags bzlos te/de nas phyogs skyong rnams la gtor ma dbul lo/ /zhes so/ /gang zhig sems brtan na lhag par gnas pa med kyang rab tu gnas par bya ba ni gsungs par gyur pa'i cho ga rnams kyis nyi ma gcig la bya'o/ /yon bdag la 'byor pa yod na/ bsod nams kyi tshogs kyi don du lhag par gnas par bya'o//'di ni lhag par gnas pa'i cho ga'i rim pa'o/ /de nas dkyil 'khor gyi shar phyogs kyi sa gzhi la sgo bzhi pa re khA lnga dang bcas pa byas la/ dbus su pad+ma 'dab ma brgyad pa'o/ /phyogs dang mtshams su rim pa ji lta ba bzhin du mtshan ma rnams dgod do//de nas lugs ma la sogs pa dkyil 'khor la mngon du phyogs pas de ru bzhugs pa dang / rgyud dang sgrub thabs la sogs par lha bskyed pa'i bye brag slob dpon gyis go bar byas pa ste/ mchod rten la sogs stong ba'i ngang las rim pas sam/skad cig gis dam tshig sems dpa'i gzugs bsgom mo/ /po ti rnams ni stong pa las AH de las 'od dpag tu med pa rig ma dang bcas pa pad+ma dang nyi ma'i steng du'o/ /de dag yongs su gyur pa las yi ge'i tshogs gzugs brnyan gyi bdag nyid 'od dpag med kyi gzugs kyi dam tshig sems dpa' ru bsgom mo//lha khang dang mchod rten dang dri'i gtsang khang la sogs pa rnams pad+ma dang zla ba la gnas pa oM las byung ba'i rnam par snang mdzad spyan ma la 'khyud ba yongs su gyur pa las/ lha khang la sogs pa'i gzugs brnyan gyi bdag nyid du rnam par snang mdzad kyi gzugs kyi dam tshig sems dpa' ru bsgom mo//gzhan yang stong pa'i rang bzhin du ni byas nas rgyal ba mchog dang bcas pa'i sku gsung thugs kyi rdo rje rnams zhes pas sgrub thabs su gsungs pa'i cho gas bdag nyid dus kyi 'khor lor bsgoms la/ lha la sogs pa rnams kyang so so'i sa bon las byung ba'i so so'i gzugs su rnam par bsgoms la/zla ba dkar po la sogs pa nas rnam shes dkyil 'khor ljang gu'i bar dpral ba la sogs pa 'khor lo gsang pa'i bar du bkod la/ oM nas k+Sha'i bar bsgom par bya'o/ /lha rnams kyang 'dir rang gi sa bon gyi 'od zer gyis ye shes kyi 'khor lo spyan drangs te/zhabs bsil la sogs pas mchod la/ dzaHhUM baM hoHzhes pa brjod de lcags kyu'i phyag rgya la sogs pas khro bo bzhis dgug pa dang / gzhug pa dang / bcing ba dang / dbang du bya ba rnams rim pa bzhin du bya'o//de nas lugs ma la sogs pa rnams snying ga'i pad+ma dang nyi ma dang zla ba kha sbyor gyi nang du sa bon gyi yi ge dgod par bya'o/ /de nas chu la sogs pa'i dbang rnams sngon du gsungs pa'i slob ma la dbang bskur ba ji lta ba bzhin no/ /yang na bsgom pas thams cad yongs su rdzogs par bya'o//gzhan yang dbang bskur ba spangs la thugs kar sa bon bkod pa dang / lha'i gzugs brnyan gyi gzugs su nges par bstan la rang rang gi sngags sam sngags 'dis/ oM AH badzra wA sa se hUM swA hA/ zhes pa dang / de ltar oM AH badzra dang por brjod cing hUM swA hA/ mtha' mar byas pa'i sngags rnams kyis/ me tog dang bdug spos dang mar me dang dri dang lha bshos dang rgyan la sogs pa dbul lo/ /oM AH sarba sho d+ha ni hUM phaT ces pas ni 'bras bu la sogs pa dag par byas pa'i sngags so/ /oM dzaM swA hA/ zhes pa ni 'bras bu 'dren pa'i sngags so//de nas dam tshig gi rdzas byin la/ oM badzra a zhes pa'i sngags kyis me long bstan no/ /de nas sbyin sreg gis mnyes par bya ba ni/ yon bdag gi 'byor ba'i bye brag gis lugs ma la sogs pa'i gzugs kyi bye brag la ste/ zhi ba la sogs pa sangs rgyas kyi bar 'dod pa'i don ni dgod pa'o//gser gyi thur mas dngul la sogs pa'i snod du sbrang rtsi bzhag pa las blangs te/ oM tsak+Shu sa man+ta tsak+shu bi sho d+ha ni swA hA/ zhes brjod cing lugs ma'i spyan la byug cing dbye bar bya'o/ /pu ti la sogs pa rnams ni me long gi gzugs brnyan la ste de ltar bya'o//de nas thab khung gi me'am me gzhan la 'o ma dang / 'bras ma nyams pa dang mar dang / sbrang dang ka ra rnams hom gzar ram pi pi ling gi lo mas sgyed pu'i steng gi snod du blags so/ /gtso bo'i sngags brjod cing tshos par btso bar bya'o/ /thub pa de nyid oM di byan naM sa ma d+hi d+h+yA na pri Na ni swA hA/zhes brjod cing lugs ma la sogs pa lha'i gzugs brnyan du bsams la drang bar bya'o/ /zhal bsil dri zhim po'i sbrang rtsi dang bcas pa dbul lo/ /de nas oM hUM trAM hrIH aH zhes pas dam tshig nyan du gzhug go/ /pu ti rnams la 'od dpag med shes rab dang bcas pa bstims pas byang chub sems dpa' rnams mtshan sum cu rtsa gnyis dang /dpe byad brgyad cu'i rang bzhin dbyangs dang gsal byed du bsgom mo/ /lha khang la sogs pa rnams la rnam par snang mdzad shes rab dang bcas pa thim pas rang bzhin yang dag par rdzogs pa'i sangs rgyas thams cad dang de'i chos dang byang chub sems dpa' dang nyan thos la sogs pa'i rten ting nge 'dzin sna tshogs kyi 'byung khung du bsam par bya'o//mchod rten la de ltar rnam par snang mdzad shes rab dang bcas pa thim pas/ de'i dbus su pad+ma'i lte ba'i steng du zla ba la 'khor lo rtsibs brgyad pa dkar po/shar la sogs pa'i 'dab ma rnams la ral gri dang rdo rje dang rin po che dang pad+ma rnams bsam par bya'o/ /de nas me tog la sogs pa rnams kyis mchod nas thal mo sbyar te/ ji ltar sangs rgyas thams cad kyis/ / dga' ldan gnas su nges bzhugs nas/ /sgyu ma lha mdzes lhums bltams ltar/ /de ltar gzugs brnyan 'di nyid la/ /mgon po drag par drag bzhugs nas/ /byang chub sems ni 'phel don du/ /mchod pa la sogs 'di dag rnams/ /che ge'i don du bzhes par mdzod//ces pas 'di ji srid par bzhugs par gsol ba gdab pa'i don du'o/ /yi ge drug pa bzlas shing lugs ma la sogs pa'i stod dang dbus dang smad kyi cha rnams la lag pa g.yas pa'i rdo rjes/ lan gsum du bskor bas brtan par bya ste/ mchog sbyin rdo rje mchog khyod 'dud//ces pa la sogs pas bstod la lhag pa dang chad pa'i skyon spang ba'i don du yi ge brgya pa gdon no/ /de nas/ med dang mi shes ma gus pas/ /gang zhig chad dang lhag par byas/ /de rnams ma lus thugs rje can/ /khyed la bdag ni bzod par gsol//zhes pas bzod par gsol la/ /sangs rgyas rnams dang lha mor bcas/ /de sras tshangs pa klu la sogs/ /ma lus cho ga chad la sogs/ /de rnams bzod par gsol bar rigs/ /me dang sa dang chu dang rlung / /rnams las lugs ma la sogs skyobs/ / yon gyi bdag la zhi ba dang / /rgyas dang bkra shis rgyun du mdzod/ /de yis bu sogs slob ma dang / /bdag kyang de mtshungs mnyes mdzod la/ /sangs rgyas yul du gshegs nas kyang / /slar yang 'dir ni 'byon par mdzod/ /ces pa lan gsum brjod de/ phyogs skyong dang 'byung po la gtor ma sbyin no//yon gyi bdag pos kyang lugs ma la sogs pa la bskor ba dang mchod pa dang phyag rnams byas la/ slob dpon la yon phul te yang dag par mnyes par bya'o zhes so/ /'od dpag med kyi 'khor du pu ti rnams so/ /rnam par snang mdzad du lha khang la sogs pa'o//rdo rje sems dpa' gtso bor byas par sku'am gzugs brnyan du ma shes pa rnams so/ /gal te lugs ma'am gzugs brnyan du ma shes pa de dang de'i rigs su shes na rigs kyi bdag po de dang de'i dkyil 'khor du'o/ /gang dag tu yang / /gzugs brnyan rab tu gnas pa ni/ / rgyud nyid gang du bzhugs pa ltar/ /de nyid kyi ni dkyil 'khor bya/ /'on te slob dpon rang nyid kyis/ /lha yi bdag nyid gyur pa ltar/ /de yi dge ba shes par bya/ /zhes pa de'i phyir dang rgyud du bzhugs pa'i ltar yang mchog gi bla na med pa 'di'i dgongs pas rab tu gnas par rig go zhes bya'o//tshegs chung ba'i rab tu gnas pa ni/ lugs ma la sogs pa stong pa'i ngang las skad cig gis de nyid kyi sa bon las rdzogs pa'i dam tshig sems dpa' la/ rang gi snying ga'i sa bon kyi 'od zer gyis ye shes sems dpa' gzhug par bya'o/ /rang gi sa bon gyi 'od zer gyis spyan drangs pa'i de bzhin gshegs pa la sogs pa dang rang nyid kyis kyang bum pa'i chus dbang bskur la/yang dag par mchod nas de nyid kyi sngags brgya rtsa brgyad bzlas par bya'o/ /'di ni lugs ma la sogs pa rab tu gnas pa'i cho ga'i rim pa'o/ /bsrung ba'i 'khor lo'i rab tu gnas pa ni/rdo rje 'dzin pa'i nga rgyal dang ldan pa'i slob dpon gyis/ bsrung ba gang dang gang gis dam tshig sems dpa' la de dang de mthun pa'i ye shes sems dpa'i cho ga ji lta ba bzhin gzhug cing bsgom par bya ba ni de ltar bsgrub bya'i bye brag gi de dang de la ste/ de yang bsrung ba'i 'khor gyi gtso bo'i sngags dang /sgrub pa po'i ming la bzhugs par bsgom pa dang / srung 'khor tshangs pa'i bu ga'am kha nas zhugs te/ rdo rje'i lam las lha mo'i pad+mar babs pa las/ snying ga'i sa bon gyi 'od zer gyis de bzhin gshegs pa de ltar zhugs nas dbang bskur ba dang /yang bdag nyid kyi bum pa'i chus so/ /de nas bsrung ba'i gtso bo'i snying po sngags brgya rtsa brgyad pa bzlas so/ /de nas rdo rje 'dzin pa'i nga rgyal dang ldan pa'i slob dpon gyis lag pa g.yas pa'i mthil du skad cig gis rdo rje rtse lnga pa bsgoms la de ru a yig las nyi ma a yig gis byin gyis brlabs pa'o//g.yon pa skad cig gis pad+ma'i 'dab ma'i rnam pa la a yig las zla ba a yig gis byin gyis brlabs pa'o/ /de dag gi dbus su bzhag pa'i phreng ba'i dbus kyi skud pa rdo rje sems dpa'i rang bzhin no/ /phyogs dang mtshams kyi skud pa rnams pad+ma'i phyag gi dang /byams pa dang / nam mkha' mdzod dang / kun du bzang po dang / phyag na rdo rje dang / 'jam dpal dang / sgrib pa thams cad rnam par sel ba dang / sa'i snying po rnams kyi bdag nyid do/ /rdog po rnam par snang mdzad la sogs pa'i rang bzhin no/ / mdo 'dzin stobs la sogs pa'i chos kyi rang bzhin du skad cig gis rnam par bsam mo/ /snying ga'i sa bon gyi 'od zer gyis spyan drangs pa'i rdo rje sems dpa' la sogs pa rnams ji lta ba bzhin du gzhug par bya'o/ /oM pa de pa de ma hA dz+nyA nAM sarba bud+d+ha ma haM b+ha we ta hUM hUM hUM hoH hoH hoH a khaM swA hA/zhes pa'i sngags kyis byin gyis brlabs te/ bum pa'i chus dbang bskur la mchod do/ /tshegs chung bar bya ba ni phreng ba'i skud pa rdo rje sems dpa' dang ro gcig par bsams la/ de nyid yongs su gyur pa las phreng ba'i rnam par bsam par bya'o/ /dbang bskur la gsung rdo rje'i snying po brgya rtsa brgyad bzlas so//yang na de nyid stong pa'i ngang las rdo rje 'dzin pa'i nga rgyal byas pa'i snying ga'i sa bon gyi 'od zer gyis yi ge hUM rnams spyan drangs la mdo 'dzin dang rdog po gzhan rnams la mtshan dang dpe byad kyi bdag nyid gzhug go/ /de ltar dril bu la a la sogs pa'i dbyangs yig sum cu rtsa gnyis so//rdo rje ka la sogs pa'i gsal byed brgyad cus so/ /mchod phyir thogs dang tshangs skud kyi'o/ /'di srung 'khor la sogs pa rab tu gnas pa'i cho ga'i rim pa'o/ /yon bdag nus pa dang ldan pa'i don du rnam par snang mdzad kyis gtso byas pa'i dkyil 'khor rdzing bu'i 'gram du bzhengs la 'khor lo'i gtso bo'i rnal 'byor dang ldan pas/rdzing bu'i phyogs dang mtshams su gtor ma btang ba dang / chu stong pa'i dad las b+h+rUM las byung ba'i 'khor lo b+h+rUM dang bcas pa las rnam par snang mdzad spyan ma dang bcas pa'o//de las rdo rje chu bdag dkar po mi'i gdong pa can/ gdengs ka bdud dang ldan pa phyag g.yon pa na sbrul gyi zhags pa dang bcas pas yum la 'khyud de rol pas gnas pa/ g.yas pas ut+pal sngon po bsnams pa/ lte ba man chad sbrul gyi rnam pa'i dam tshig sems dpa'i rnam par bsgoms la/bdag nyid kyi snying ga'i sa bon las 'od zer spros te rnam par snang mdzad spyan drangs nas zhabs bsil la sogs pa sngon du song bas/ oM sa ma ya s+t+waM zhes brjod pas gzhug par bya'o/ /dbang bskur te me tog la sogs pas mchod nas/de nyid yongs su grub pa las gzugs brnyan dang bcas pa'am/ ye shes kyi bdud rtsi'i rang bzhin dri zhim pa ro dang ldan pa yang ba dang grang ba 'jam pa mgrin pa dang gsus pa la nad mi byed pa'i yan lag brgyad dang ldan pa'i chu sa 'og gi bar du ste/ klu brgyad dang ldan pa phyogs bzhi ru rlabs kyis 'gro ba de nyid kyi shar la sogs pa'i phyogs rnams la dga' bo dang /pad+ma dang 'jog po dang chu bdag rnams so/ /mtshams su dung skyong dang karko Ta dang rigs ldan dang pad+ma chen po rnams rim pa bzhin/ gser dang / ra gan dang /zangs dang dngul dang zha nye dang / 'khar ba dang lcags dang / gsha' tshe rnams las byas pa bsgom pa ste/ skad cig gis dam tshig sems dpa'i gzugs su bsams la/ snying ga'i sa bon gyi 'od zer gyis spyan drangs la ye shes pa bstims la tha mi dad par gnas par bya'o//de'i dbus su mchod sdong de'i dpangs kyi nyis 'gyur dang ldan pa'i gzugs so/ /de'i dbus su chu bdag go/ /de la sbrang rtsi chu dang bcas pa dang bdud rtsi lnga blugs par bya'o/ /me tog la sogs pas de nyid yang dag par mchod nas sbyin sreg bya'o/ /de'i 'gram du ba lang gi lci bas byugs la grang ba'i dris maN+Dal byas la/rang gi snying ga'i sa bon gyi 'od zer gyis spyan drangs la maN+Dal gyi pad+ma'i lte ba la rdo rje chu bdag go/ /shar la sogs pa'i phyogs dang mtshams su dga' bo la sogs pa'o/ /phyi rol gyi phyogs thams cad du klu rnams rnam par bsam par bya'o//oM AHbadzra ba ru NA ya hUM swA hA/ oM AH a nan+tA ya hUM swA hA/ zhes pas de ltar rang gi ming dang ldan pa'i sngags rnams kyis me tog dkar pos rnam par mchod la klu'i phyag rgya dang ldan pas/ oM a nan+tA bA su ki ta k+Sha ka karko Ta ka/ pad+ma ma hA pad+ma shaM kha pA la ko li ka/de wa ti ma hA de wa ti so ma shi khi ma hA shi khi/ daN+Da d+ha ra ma hA daN+Da d+ha ra a pa lA la hu lun+ta/ nan+da u pa nan+da sA ga ra ma hA sA ga ra/ tap+ta ma hA tap+ta shrI kA n+ti ma hA kAn+ti/ rat+na kAd+hi su rU pa ma hA su rU pa b+ha drA hi ka/ ma ho da ra si li ma hA si li/ oM b+hak+Sha b+hak+Sha A gats+tsha A gats+tsha/ ma hA nA ga /a d+hi pa ti sarba b+hur b+hu wa phruM phuHswA hA/ zhes pa'i sngags kyis 'o ma'i gtor ma sbyin no/ /de nas ji srid du bzhugs pa'i don du yi ge brgya pa bzlas nas byin gyis brlabs pa'i gtor ma phyogs brgyad du btang zhing de'i phyi rol du yang ngo / /gzhan ma mnyes par bya ba ste/ 'di ni rdzing bu dang khrus gnas dang /khron pa rnams rab tu gnas pa'i cho ga'o/ /de nas ljon shing dang skyed mos tshal la sogs pa la rab tu gnas pa ni/ phyogs rnams su gtor ma byin la rnam par snang mdzad kyi bdag nyid kyi slob dpon gyis shing rnams kyi gtso bo stong pa'i ngang las rnam par snang mdzad du bsams te/de la ye shes sems dpa' yon chab la sogs pa sngon du song bas gzhug par bya ste/ bum pa'i chus dbang bskur ba dang / de nyid yongs su gyur pa las ljon shing ngo / /de'i dus su ljon shing gzhan yang de ltar lhag par mos par bya'o/ /ljon shing gi gtso bo de nyid la gnas pa'i lha la yang me tog la sogs pas mchod do gzhan gyi bya ba byed cing ji srid du bzhugs par gsol ba gdab cing phyogs rnams su gtor ma btang ba 'di ni skyed mos tshal la sogs pa rab tu gnas pa'i cho ga'i rim pa'o//dpal dus kyi 'khor lo'i lugs kyi rab tu gnas pa/

CLOSE WINDOW