CLOSE WINDOW

D1390
བོད་ཡིག

/ //gzhung gi tshad ni tshigs su bcad pa bdun cu rtsa bdun gyis lhag pa'i brgya phrag bzhi'o/ /lo tsA ba'i ming tsam 'dzin pa dpang dpal ldan blo gros brtan pas bsgyur cing zhus te gtan la phab pa'o/ / @##/ /rgya gar skad du/ badzra pA da gar+b+ha saM gra ha nA ma/bod skad du/ rdo rje'i tshig gi snying po bsdus pa zhes bya ba/ bcom ldan 'das he ru ka la phyag 'tshal lo/ /rdo rje 'dzin pa ji lta bu/ /de ltar slob dpon gzugs nyid de/ /sems can rjes su gzung ba'i phyir/ /phal pa'i gzugs kyis gnas pa yi//yang dag ye shes snang ba po/ /grub pas bla ma mngon phyag 'tshal/ /yan lag drug bsgom rnal 'byor pas/ /rdzogs pa yi yang rim pa nyid/ /he ru ka ni bskyed pa'i rgyu/ /dang por gcig ni bsgom par bya/ /dngos po nyid kyis rnam grol zhing / /de yongs shes pas grol ba yin//dngos po bsgom 'gyur shes rab can/ /dngos po med pa yongs shes pas/ /rtog pa thams cad yang dag spangs/ /de ltar he ru ka bsgom bya/ /shrI ni gnyis med ye shes te/ /he ni rgyu tshogs spangs pa'o/ /ru ni tshogs dang bral ba ste/ /ka ni gang du'ang mi gnas pa'o//rdzogs pa'i rim pa'i rnal 'byor las/ /de nyid bcom ldan shes rab ma/ /dri dang ro dang myang las 'das/ /lhan cig skyes dga' byed pa can/ /chos dbyings shin tu rnam dag ma/ /de nyid dkyil 'khor bdag po nga / /de nyid bdag med rnal 'byor ma/ / chos kyi dbyings kyi rang bzhin can/ /bdag med rnal 'byor ldan pa'am/ /yang na he ru ka dpal brtson/ /gzhan pa'i sems kyis skad cig kyang / /dngos grub 'dod pas mi gnas so/ /brtse bas dngos grub don du yang / /zla ba gcig tu yongs su rtogs/ /bsam pa thams cad yongs spangs nas//lha yi gzugs su sems pa yis/ /nyi ma gcig tu ma chad par/ /bsgoms pas yongs su brtag par gyis/ /yang na he ru ka dpal gzugs/ /rnal 'byor ma ni rnam par bsgom/ /rang gzhan don ni rab bsgrub phyir/ /'khor bar thabs gzhan yod ma yin//rig ma lhan cig goms byas pas/ /'phral du mngon du byed pa nyid/ /phyag rgya chen po'i dbang bskur bas/ /ji ltar shes pa'i bde chen po/ /de yi 'di ni byin brlabs yin/ /gzhan las dkyil 'khor 'byung ba med/ /ye shes 'di ni ches phra zhing / /rdo rje nam mkha'i dkyil lta bur//rdul bral mthar sbyin zhi ba nyid/ /khyod rang yang ni de yi pha/ /sgom pa po med sgom pa'ang med/ /lha med sngags kyang yod ma yin/ /spros pa med pa'i rang bzhin las/ /sngags dang lha ni yang dag gnas/ /gang phyir yid kyis mi bsgom par/ / 'gro ba thams cad bsgom par bya/ /thams cad chos ni yongs shes pas/ /sgom pa nyid ni bsgom pa min/ /der ni thog ma dbus mtha' med/ /srid med mya ngan 'das pa med/ /bdag med gzhan yang med pa nyid/ /'dis ni mchog tu bde chen nyid/ /dang por goms par byed dus kyi//gnas ni bzang po nges par brtag /rang gi khyim mam mtshan dus su/ /dbu mar rangs pa'i lta stangs nyid/ /rang gzhan yang dag rig pa spangs/ /mkha' mnyam rdul bral stong pa nyid/ /thabs dang shes rab shin tu 'dres/ /chags dang chags bral rnam par 'dres//dngos dang dngos med bdag nyid mchog /de nyid yi ge dam pa yin/ /'dod chags med cing chags bral med/ /dbu mar dmigs par mi 'gyur ro/ /'di la thabs dang shes rab med/ /yang dag de nyid snang ba po/ /bsgom pa ro gcig mnyam pa nyid//dang por sprin dang 'dra ba yin/ /dang po du ba lta bu ste/ /gnyis pa smig rgyu'i rnam nyid chu/ /gsum pa me khyer rnam pa'o/ /bzhi pa mar me nyer 'bar ba/ /lnga pa rtag tu snang ba ste/ /sprin med nam mkha' lta bu nyid/ /de ni thams cad mkhyen pa'i rgyu//dngos grub nye bar mtshon pa'o/ /grub pa sgyu ma lta bur 'gyur/ /nyal dang log pa'i khyad par las/ /rtag tu rmi lam 'dra bar 'gyur/ /rang rig ye shes nyid du 'gyur/ /dngos grub mtshan nyid mi phyed pa/ /phyag rgya'i rnal 'byor pa yis 'grub/ /rlom sems med pa'i rang bzhin bdag /shing gcig dang ni dur khrod dang / /yang na dben pa'am bas mtha' ru/ /bsgom pa bzang bar brjod par bya/ /nam mkha'i khams kyi pad+ma la/ /b+ha ga zhes bya ye shes brjod/ /bsgom pa zhes bya snyoms 'jug nyid/ /de yi bde ba 'khor lor brjod//rig pa ji bzhin rang rig nyid/ /lha zhes bya ba byang chub sems/ /ji ltar 'byung ba khu ba yin/ /bde ba gnag cing bde ba ser/ /bde ba dmar po bde ba dkar/ /bde ba ljang gu bde ba sngo/ /bde ba rgyu dang mi rgyu kun/ /bde ba dngos dang dngos med bde/ / rdo rje sems dpa' bde bar brjod/ /ji ltar sgyu ma rmi lam dang / /ji ltar bar ma'i srid yin pa/ /rtag tu goms pa'i sbyor ba las/ /dkyil 'khor nyid ni de bzhin 'dod/ /btsun mo b+ha ga'i bde can du/ /khu ba zhes bya'i rnam par gnas/ /de nyid ye shes chen po nyid/ /thams cad lus la rnam par gnas//gnyis dang gnyis su med pa'i tshul/ /dngos dang dngos med bdag nyid gtso/ /brtan dang g.yo ba khyab nas gnas/ /sgyu ma'i gzugs can nyid du 'dod/ /bza' dang btung dang blugs pa dang / /nyal dang log dang sems pa na/ /phyag rgya chen po mngon 'dod pas//de nas mngon du 'gro bar 'gyur/ /brtan dang g.yo ba'i dngos po gang / /rtsa lcug 'khril shing la sogs pa/ /bdag gis dngos po'i rang bzhin las/ /dam pa'i de nyid nges bsgom bya/ /de rnams dam pa gcig yod min/ /rang rig bde ba chen po nyid/ /rang rig nas ni byang chub 'gyur//rang rig phyir na bsgom pa nyid/ /gang phyir 'byung ba che bde ba/ /de phyir bde ba de nyid min/ /lhan cig skyes par gang skyes pa/ /rang bzhin lhan cig skyes zhes brjod/ /phyag rgya'i rgyu dang bral ba las/ /yo gi snying rje thabs su 'gyur/ /stong dang snying rje dbyer med pa//byang chub sems zhes rab tu brjod/ /byang chub sems ni mya ngan 'das/ /kun rdzob don dam tshul can no/ /kun rdzob kun+da lta bu nyid/ /don dam bde ba'i gzugs can ma/ /khu ba'i rnam pa bcom ldan yin/ /de yi bde ba 'dod mar brjod/ /gcig dang du ma bral ba de/ / skad cig gcig la mchog dga' ba/ /rang gi rig pa'i ye shes 'di/ /ngag gi lam 'das spyod yul te/ /'di ni byin brlabs rim pa'i phyir/ /kun mkhyen ye shes de lta bu/ /rang bzhin gdod nas ma skyes pa'i/ /brdzun min bden min de bzhin du/ /thams cad chu yi zla ba ltar//'dod pas rnal 'byor mas shes gyis/ /mchog dgar bsgom pa med cing sgom pa po yang med/ /lus kyang med cing gzung ba med cing 'dzin pa'ang med/ /sha dang khrag kyang med cing bshang dang gci ba'ang med/ /skyug bro rmongs med gtsang sbra mchod phyir thogs med dang /rlom sems med pa'i lhan cig skyes pa sna tshogs nyid/ /sngags kyi bzlas med dka' thub med dang sbyin sreg med/ /dkyil 'khor can yang med cing dkyil 'khor yang ni med/ /de ni sngags bzlas de dka' thub dang de sbyin sreg /de ni dkyil 'khor can dang dkyil 'khor nyid//mdor bsdus pas ni sems ni 'dus pa'i gzugs can no/ /yid ni brtan nam g.yo 'am ci/ /rang gi sems la so sor brtag /spros pa nyid ni spros med byed/ /rtog med dngos grub sbyin pa po/ /gsum la lhan cig skyes pa med/ /gsum po spangs pa nyid kyi phyir//lhan cig skyes pa byang chub brjod/ /des na bzhi pa bsgom par bya/ /chos 'byung las skyes ye shes ni/ /mkha' mnyam lhan cig thabs dang bcas/ /thabs dang shes rab rang bzhin las/ /sgyu ma'i gzugs kyis yang dag gnas/ /yang na de nyid thams cad bdag /yang na kun gyis rnam par spangs/ /ro mnyam de nyid bsgoms pa yis/ /'di kun mnyam pa nyid du blta/ /dbu ma gnyis kyis spangs pa nyid/ /bsgom pa ro gcig mnyam pa nyid/ /de phyir 'gro kun lhan cig skyes/ /rnam dag rnam pa'i sems kyis ni//rang bzhin mya ngan 'das pa nyid/ /sems can rnams ni sangs rgyas nyid/ /'on kyang glo bur dri mas bsgribs/ /de nyid bsal nas sangs rgyas 'gyur/ /'jig rten khams ni gang du yang / /sangs rgyas gzhan du mi rnyed de/ /sems ni rdzogs pa'i sangs rgyas nyid/ /sangs rgyas gzhan du bstan pa med//ston pa sum cu rtsa gnyis mtshan/ /gtso bo dpe byad brgyad cur ldan/ /de med pas na bde med 'gyur/ /bde ba med na de med 'gyur/ /dngos nga dngos po nga ma yin/ /dngos po rtogs phyir sangs rgyas nga / /'jig rten 'jig rten 'das pa nga / /lhan cig skyes dga'i rang bzhin nga //gang zhig le los bsnun pa dang / /rmongs pa gang gis nga mi shes/ /mun pa la ni mar me ltar/ /lha yi rnal 'byor las bde ba/ /de phyir sangs rgyas dngos po min/ /de nyid dngos med tshul yang min/ /zhal phyag rnam pa'i gzugs can nyid/ /mchog tu bde bas gzugs med pas//chags dang 'jig pa dag gis kyang / /thabs dang shes rab gnon mi 'gyur/ /des na rab 'jig yod ma yin/ /de nyid la ni chags pa med/ /lus kyi dngos med gang las bde/ /bde ba smra bar mi nus so/ /khyab dang khyab byed tshul gyis ni/ /bde bas 'gro kun khyab pa nyid//gzhan gyis brjod min lhan cig skyes/ /gang du yang ni mi rnyed de/ /bla ma'i dus thabs bsten pa las/ /bdag gi bsod nams las shes bya/ /chu bo'i rgyun ni rab 'bab dang / /mar me'i rtse mo rab bcings ltar/ /rtag tu de nyid rnal 'byor gyis/ /nyin dang mtshan du mnyam par gzhag /lte bar gtum mo 'bar ba yis/ /de bzhin gshegs pa lnga bsregs shing / /spyan la sogs pa yang bsregs pas/ /bsregs pas ri bong can haM 'dzag /longs spyod kyi ni rlabs gnyis la/ /rang gi g.yas dang lag gzhan gyis/ /mthe bong dang ni srin lag gis//de ni rnal 'byor pa yis btsir/ /de las ye shes skye bar 'gyur/ /de las ci zhig skye zhe na/ /gzhon nu'i dga' ba ji lta ba'am/ lkugs pa'i rmi lam ji lta ba'o/ /bo la'i bde ba phyag rgya che/ /rdo rje'i skye mched thams cad nyid/ /'di ni gsang ba'i snyoms 'jug pas//phyi rol gnyis gnyis bstan pa med/ /ji ltar phyi rol de bzhin nang / /de yi phyag rgya bde ba che/ /lte ba'i dkyil 'khor nyid du gnas/ /thams cad lus la rnam par gnas/ /mchog gi mtha' dang dga' bral dbus/ /stong dang stong min he ru ka /rdo rje mi phyed ces byar brjod//sems dpa' srid pa gsum gcig pa/ /ji ltar pha las bde thob pa/ /de yi bde ba rang gis bza'/ /bde ba gang gis 'ching ba 'dir/ /de yi bde ba bsam gtan brjod/ /de nyid lhan cig skyes pa'i gzugs/ /bde chen bzang po'i rnal 'byor ma//de ni me long ye shes gzugs/ /mnyam nyid ye shes dngos po can/ /yang dag gyur pas so sor rtog /de nyid bya ba nan tan te/ /chos dbyings shin tu rnam dag ma/ /mnyam par bzhag pas dngos grub thob/ /ces pa rdo rje'i tshig snga ma dang phyi ma bsdebs pa ni/

CLOSE WINDOW