CLOSE WINDOW

D1387
བོད་ཡིག

/ @##/ /rgya gar skad du/ /Sha Da ga yo ga /bod skad du/ /sbyor ba yan lag drug pa/ /dpal dus kyi 'khor lo la phyag 'tshal lo/ /kun la sgrib pa sprin gyi dra ba bsal ba la/ /rnam rtog rlung gi grangs rnams ma lus nu ba gyur pa'i/ /rang gi nam mkha'i khams su shar ba'i 'od bzang can//'jig rten dbang phyug zla ba gang bas gsal gyur cig /gang zhig 'khor zhi'i dmigs pa bral yang de dag las ni tha dad med cing khyab pa'i bdag /stong pa yin yang 'di ni brtse ba'i rang bzhin gnas pa las ni 'das kyang sa dbang phyug /rtog ldan rnams ni ma lus bde ba rgyas par byed kyang rtog pa spangs shing 'gro med mgon/ /sems dang bral ba 'char ba 'ga' yis 'gro ba'i sems la rgyan du byed gyur cig /cung zad rtog pa'i yangs 'dzin gdon bzhin nyams pa'i ched du 'dzin pas bcings pa ste//de gtong bab col du ni spangs shing shin tu yun ring thar pa med par lhung ba kye/ /de ltar dam pa'i lam la bslad la gang gis nam mkha'i gzugs brnyan sems las rnam 'das shing / /mkhas dang brtse ba'i bdag nyid ston pa'i bla ma mchog la dga' bas rtag tu phyag 'tshal lo//de phyir rang gi rtog pa sgrogs pa kho na de lta bur/ /gyur pa bla ma'i bdag nyid chen po sgrogs pa ste/ /gang phyir 'bar ba'i gzugs can me ni med pa ni/ /du ba'i rtse mo yang dag 'phyur ba rtog pa med/ /bdag gi rtog pa'i nga rgyal skyon gyi rgyun min te//rab tu 'jug byed nyid kyis gzhan don sgrub par byed/ /smra ba po las brjod pa nges pa med pa na/ /skye bo 'dod pa 'grub pa'i ched du ji ltar 'jug /drang don rtogs pas khengs pa'i mkhas pa lam rnams spangs pa'i sngags pa ngan pa rnams/ /shes rab dman pa nyid kyis sgrub pa'i sgo nas dgag pa rnams kyang rig mi byed//rdo rje 'dzin dpal bka' yis 'gro ba gsum rnams dang ched khyab bdag 'jam dpal gyis/ /bcom ldan dus kyi 'khor lo'i nyung ngu'i rgyud ni rab tu gsal ba'i tshig gis gsungs/ /gang la dpal ldan thugs rje chen po bcom ldan 'jig rten dbang phyug sprul pa des//thams cad don can shin tu gsal ba'i tshig gis rgyas 'grel dri ma bral 'od mdzad/ /des gsal byas pa'i sangs rgyas rin chen snying po bsod nams bdag nyid las thob nas/ /nges pa'i don gyi bdud rtsi bsten pas srid pa'i dug rnams 'joms byed dga' bar byed//shes bya'i tshogs rnams kun gyi gzhi rten bcom ldan kun mkhyen mtshan gyi rjes mthun dang / /dam pa de nyid rin chen chu gter gang du dbang phyug la sogs rtsa ru bshad/ /gang du shes rab pha rol tu phyin pa'ang mtha' dag 'du ba'i rnam rtog ljon shing rnams//rab tu 'jig byed nam mkha' las byung sangs rgyas dag pa'i bdag nyid skyed byed ma'o/ /dri ma med pa'i nam mkha' gang la sprul pa mig 'byed la/ /thugs rje chen po rgyas pas brlan pa bsam pa'i brten za las//yod dang med dang gnyis ka dngos med 'byed pa bral/ /stong pa nyid kyi rjes 'gro du sogs ma lus glo bur 'char/ /de ltar rdzogs pa'i rim pa gsal bar byed pa phyag rgya chen po'i lam sgom pa'i rjes su mthun pa dpal dang ldan pa'i rgyud dang po'i sangs rgyas la sogs pa gsung rab rin po che yang dag par rdzogs pa'i sangs rgyas nyid kyi 'bras bu ster par byed pa rnams yang dag par bsdu bar bya'o//gang sangs rgyas rin chen za ma tog rgyud kyi rgyal po dang po'i sangs rgyas su gsungs pa/ gang phyir a sogs ka sogs ri bong can dang nyin byed gcig nyid rdo rje can gyi gdan min zhing //hUM yig nyid kyis mtshan ma dang ni yongs su gyur pa gzhan pa kha dog gzugs ni mi 'dod de/ /'gyur ba med pas bskyed cing 'gyur ba nyams par gyur pa mchog gi dbang po rnams dang ldan pa ni/ /rnam pa kun ldan thig le mtha' dag rgyal ba'i bdag po sna tshogs sgyu ma 'dzin pa 'di la'o//gang gi phyir 'di ltar yin pa de'i phyir mchog tu mi 'gyur ba'i bde ba sgrub par byed pa la mngon par dga' ba'i rnal 'byor pa bla ma dam pa'i man ngag thob pa/ gdug pa'i grogs yongs su spangs pa du ba la sogs pa'i mtshan ma yongs su bsgoms pa las dang po pa dbu ma rnam par sbyangs pa//sems can thams cad la bu gcig pa lta bur mchog tu brtse ba'i sems rjes su bcings pa/ 'jig rten dang 'jig rten las 'das pa'i bden pa la brten pa/ bu dang chung ma la sogs pa dang rang gi lus la ltos pa med pa//tshogs gang gtsug lag khang dang bla ma'i rdzas nye bar longs spyod pa las phyi rol du gyur pa/ sangs rgyas dang byang chub sems dpa'i lam la brten pa/ byams pa dang snying rje dang dga' ba dang btang snyoms te tshangs pa'i gnas bzhis rnam par gnas pa/ zhi ba la sogs pa'i 'jig rten pa'i dngos grub sgrub pa la mngon par dga' ba spangs pa/ thams cad mkhyen pa'i go 'phang la gnas par 'dod pa/ dkyil 'khor gyi 'khor lo la sogs pa rnam par rtog pa'i sgom pa yongs su spangs pa/ nam mkha'i khams la rnam pa thams cad pa stong pa nyid me long la pra phab pa bzhin du ma skyes pa'i chos nges par mthong ba/rang gi sems kyis spros pa'i snang ba rnyan nam mig yor mi lam dang mtshungs pa nyid du sems pa/ rdul phra rab tshogs pa'i bdag nyid kyi chos rnam par dpyad bas stong pa chad pa'i stong la nyid ring du byas pa/nang gi bde ba rang rig par bya ba'i chos la rjes su chags pa/ phyi rol gyi dbang po'i rang rig par bya ba'i bde ba'i chos yongs su spangs pa/ shes rab dang thabs kyi bdag nyid can gyi byang chub kyi sems brtan par byed pa lam gcig tu mkhas pa/ mchog tu mi 'gyur ba'i bde ba chen po'i shes rab ye shes kyi lam gyi man ngag thob pas rten dang brten pa mtshan ma dang kha dog dang phyag dang dbyibs dang dkyil 'khor gyi lha yongs su brtags pa'i chos mi 'dod do zhes pa'o//de bzhin du/ sna tshogs rnam rtog la sogs lam gyis ni/ /de nyid de bzhin gshegs pas gang gsungs pa//bzhi la rab tu dbye ba'i bcu drug can/ /lam dang bral bas thob pa ma yin no/ /bskyed pa'i rim pas gsungs pa'i hUM dang ni/ /phaT yig la sogs rtog pa dang bral ba/ /rdzogs pa'i rim pa'i rnal 'byor de nyid ni/ /de kho na yi sgrub thabs gzhan yod min//ji ltar me ni shing la rtag gnas kyang / /bcad dang dbye ba'i thabs kyis mi mthong ste/ /gtsub shing gtsub gtan lag pas bsrubs pa las/ /de la gnas pa yang ni mthong 'gyur ba/ /de bzhin sems kyi snang bar rtog pa yi/ /bsgom pa'i thabs rnams kyis ni mi mthong ste//de nyid du 'di la la nA dang ni/ /ro ma gcig tu sbyor ba mthong bar 'gyur/ /du ba la sogs mtshan ma rnams kyang ni/ /srog rtsol gyis ni dbu mar 'gag pa dang / /rig ma'i brtul zhugs kyis ni rdo rje ni/ /ltung min de bzhin steng du khu ba ste/ /lam 'di rnams kyis sangs rgyas rnams kyi ni//bde ba mchog tu 'gyur ba med ces pa/ /mngon par sgrub pa 'am pho nya mo kun kyi/ /lhan cig skyes pa rnal 'byor pas 'thob 'gyur/ /gzugs la sogs la rtog par dkyil 'khor gyi/ /'khor lo bsgom pa goms par gyur pas ni//'jig rten pa yi dngos grub 'grub 'gyur gyi/ /'dod pa'i dngos grub chen po ga la zhig /gang rnams sems can rnams la brtse ba yis/ /gzhan gyi bya ba dge brtag brtson pa'i/ /slob ma dag pa rnams la lam rnams ni/ /bla ma dam pa'i drin las 'byung ba yin/ / lam bzangs rin chen 'di ni bag med kyi/ /sems can gzhan pa rnams la byin pa na/ /rang khyim dgon pa rnams su rab zhugs la/ /yul ngan chom rkun rnams kyis 'phrog par byed/ /the tshom 'gyod pa dag dang gnyid dang ni/ /le lo rgod pa'i chom rkun rnams kyis kyang / / gnyen 'dun 'thibs po'i nang du zhugs pa na/ /lam bzangs rin po che ni 'phrog par byed/ /srog gcod ma byin gzhan gyi bud med dang / /brdzun dang tshig rtsub dang ni phra ma dang / /'khyal bar gyur pa'i tshig dang brnab sems dang / /gnod sems lta ba ngan pa'i chom rkun dang //yod pa'i sdig dang nye ba'i sdig pa dang / /gsod 'khu dbang po kun nas chags pa ste/ /chom rkun lnga pa'i lnga po 'di rnams kyis/ /rin po che ni rtag tu 'phrog par byed/ /shin tu bza' dang btung dang sna tshogs pa'i/ /longs spyod du ma'i chom rkun de rnams kyis/ /brtson 'grus ldan du zin kyang bag med cing //rgyal bar gyur pa nyid la 'phrog par byed/ /gang phyir rang nyid rtog pa po min pa/ /rin thang chen por 'gyur ram shes ched du/ /g.yon can gzhan la ston pa min zhes pa'i/ /de yi tshig gis rin chen 'dor bar byed/ /gang rnams rin chen bzang po rig pa rnams//rin chen chen po yongs su rtog tu gzhug /de rnams kyis ni rnam dag ngag rnams kyis/ /rang gi rin chen rnam par shes par bya/ /rdzogs sangs rgyas dang byang chub sems dpa' dang / /pha dang ma dang bu mo sring mo dang / /bu dang spun zla 'dod pa'i chung ma yin//gzugs rnams kyis ni bdud rnams gegs byed do/ /de phyir bla ma dam pas gnang ba yi/ /lam bzangs rin chen slob ma rnams kyis ni/ /chom rkun rtsa lag yongs su gtang byas te/ /'bad pas shin tu legs par sba bar bya/ /dpa' bo'i rim pa bdag byin rlabs pa yi//rim pa'ang thar ba'i ched du lam ma yin/ /shin tu rnam dag rim pa gcig pu ni/ /thar pa'i ched du sangs rgyas rnams kyis bstan/ /mtshams med lnga po byed pa rnams kyang ni/ /dbang bskur don ni bde ba gang zhig gis/ /thabs dang shes rab bdag nyid rgyud du ni//rgyal ba'i dbang pos yang dag gzung bar 'gyur/ /dpa' bo'i rim ni phyi rol la min te/ /lus la srog zad nyid la 'di gsungs so/ /bdag byin rlabs pa'i rim pa stong pa la/ /khams gsum po ni mthong bar gyur pa'i mig /'khor ba snying po med de zad gyur pa/ /de las skyes bu'i sangs rgyas nyid 'bras bu/ /chu shing gi ni 'bras bu smin pa dag /chu shing nyams las yang dag 'byung ba bzhin/ /sdig srin dang ni shing srin sems can rnams/ /gang las byung bde rnams des nyams byed//de bzhin rnal 'byor rnams kyi sems des ni/ /sgyu ma rnam par nyams par byed par 'gyur/ /gnyis med g.yo ba med dang gnyis rtog med/ /'dod dang mchog tu mi 'gyur 'dod chags che/ /dngos dang dngos po med las 'das pa dang / /ye shes dang ni sems pa kun tu bzang //sgra 'thab med dang sgra che pa dang ni/ /lhan skyes dpal ldan byang sems thig le 'dzin/ /dpal ldan dus kyi 'khor lo rdo rje dang / /shes rab thabs kyi bdag nyid rnal 'byor ro/ /de ltar rdo rje'i rnal 'byor gang zhig dpag med bde gshegs rnams kyis ba sten zhing brtan pa dang //byang chub sems dpa' rdo rje mchog 'dzin gsang sngags rig pa kun gyis yang dag bsdus gyur pa'o/ /dang por yang dag bsten par bya ba bla ma'ang dam tshig ldan zhing rdo rje'i theg pa lhag par gnas/ /de khon nyid sgom zhing ma chags dri ma rnam bral bzod pa'i ngang tshul lam la 'jug /slob ma rnams la lam ni sbyin byed dmyal ba'i 'jigs 'phrog de nyid las ni tshangs spyod ldan/ /bdud rnams la ni rdo rje'i dbyug pa de yang 'dzin ma'i gzhi la rdo rje sems dpar rab grags pa'o/ / lha yi dmigs pa gang yin mngon sum dang ni rjes su dpag pa rnam gnyis 'dir 'gyur te/ /mngon sum de kho na nyid sbyor las mkha' la skar ma bzhin du du ma longs spyod rdzogs pa'i sku/ /mngon sum min na rjes su dpag pa shi ba'i lus bzhin de kho na nyid min pas rtag pa gang / / de ni ri mo sogs la blta bya yongs su ma smin blo can rnal 'byor rnams kyi sgom pa'i don/ /'dir sems can rnams kyi bsam pa'i dbang gis rnal 'byor pa rnams kyi lha'i dmigs pa gang yin mngon sum dang ni rjes su dpag pa rnams kyi gnyis su 'gyur ba ste/ mngon sum dang rjes su dpag pa de dag las mngon sum gang yin pa ni de kho na nyid kyi rnal 'byor gyis mkha' la skar ma bzhin du 'gyur te/skar ma'i tshogs bzhin du du ma longs spyod rdzogs pa'i sku zhes pa ni sha la sogs pa'i mig gis gzung bar bya ba srid pa gsum dang rmi lam dang sgyu ma dang mtshungs pa'o/ /'dir dang por las dang po pa'i rnal 'byor pas mngon par shes pa med par sha'i mig gis gzugs brnyan mthong ngo //de nas mngon par shes pa'i mtshams kyi dbang gis lha'i mig gis mthong ngo / /de nas 'dod chags dang bral ba'i mtshams kyi dbang gis sangs rgyas kyi spyan gyis gzigs so/ / de nas byang chub sems dpa'i mtshams kyi dbang gis shes rab kyi spyan gyis gzigs so/ /de nas yang dag par rdzogs pa'i sangs rgyas kyi mtshams kyi dbang gis ye shes kyi spyan gyis gzigs te/ lhag ma kun las rnam grol zhing / /zhes so/ /de ltar de bzhin gshegs pa'i sha la sogs pa'i spyan lnga po rnams ni stong pa nyid gzigs pa'i ched du gsungs te/sems can gzhan rnams ni stong pa nyid lta ba'i yul dmus long ngo zhes pa de kho na nyid sgom pa'i nges pa'o/ /de kho na nyid ma yin pa'i sgrub par byed pa la mngon sum min na rjes su dpag pa shi ba'i lus bzhin/de kho na nyid min pas brtags pa gang / /de ni ri mo sogs la blta bar bya/ /zhes pa ni sangs rgyas dang byang chub sems dpa' rnams kyi ri mo dang sku gzugs byas pa dang lugs ma'am dkyil 'khor gyi 'khor lo bris nas nges pa'i rnam par blta bar bya ste/ byis pa'i rnal 'byor pa dman pa rnams kyi sgom pa'i don du'o zhes pa rnam par rtog pa sgom pa'i nges pa'o//bdud rtsi lnga la sogs dang chu gter rdo rje rnams dang sngags kyi bzlas pa sogs kyi bsnyen pa ste/ /so sor sdud pa sogs dang rdo rje pad+ma las skyes bdud rtsi yis ni nye ba'i sgrub par 'gyur/dga' ba la sogs rnams kyis rdo rje gsum dang chu skyes ro mnyam gyur pa sgom pa sgrub par 'gyur/ /shes rab sbyar la 'pho ba med pa'i pha mo'i rnal 'byor dag las nges par sgrub pa chen por 'gyur/ /'dir las dang po pas dang por sgrub thabs kyi chogs bsnyen pa byas te/ phyi rol du bdud rtsi lnga ni bshang ba la sogs pa'o/ /sogs pa'i sgras go ku la sogs pa ste/ lha mnyes pa'i don du de rnams zos pas bsnyen pa'o/ /nang du bdud rtsi lnga ni phung po lnga rnams so/ /sogs pa'i sgras ni dbang po la rnams sgron ma lnga'o/ /de rnams la ltos pa med pa ni bsnyen pa ste//lus dang rdzas la sred pa yongs su spangs pa'o/ /bsnyen pa des lha rnams mchog ster bar 'gyur gyi bshang ba la sogs pa zos pas ni ma yin no/ /chu gter rdo rje rnams kyis zhes pa lus kyi longs spyod la ltos pa med pa dang / /ngag gi longs spyod la ltos pa med pa dang /sems kyi longs spyod la ltos pa med pa dang / 'pho ba'i longs spyod kyi bde ba la ltos pa med pa ste lus dang ngag dang sems dang tshangs par spyod pa'i sdom pa'o zhes pa'i don to/ /'dis lha mchog sbyin par 'gyur gyi srid pa'i longs spyod la chags pas ni ma yin no zhes so//sngags kyi bzlas pa sogs kyis zhes pa la/ /'dir sngags kyi bzlas pa zhes bya ba ni srog sdom pa ste/ sogs pa'i sgras ni dbyung ba dang dgang ba dang / bum pa can gyi rnal 'byor ni rtag tu bsnyen pa'o/ /des lha mchog ster bar 'gyur gyi srog ma bsdams pas ni ma yin no zhes pa ni nges pa'i don to//drang don gyis bgrang phreng la sogs pas bzlas pa la sogs pa bya ste/ thun mong gi dngos grub kyi don du'o/ /da ni nye ba'i bsgrub pa brjod par bya ste/ /so sor zhes pa la sogs pas so sor sdud pa zhes pa la 'dir 'khor ba rnams kyi sdud pa mig la sogs pa'i dbang po rnams kyis gzugs la sogs pa'i yul 'dzin pa'o//de yongs su spong ba ni so sor sdud par brjod par bya ste/ stong pa nyid kyi gzugs la mig la sogs pa gzhan rnams kyis yul 'dzin pa ni nye ba'i bsgrub pa'o/ /de bzhin du bsam gtan dang srog rtsol dang 'dzin pa ste/rdo rje pad+ma las skyes bdud rtsi yis ni nye bar bsgrub pa ste nges pa'i don gyis so/ /drang ba'i don gyis ni phyi rol du lha spros pas so zhes pa nye ba'i sgrub pa'o/ /da ni sgrub pa gsungs pa/ dga' ba zhes pa la sogs pa ste/ 'dir dga' ba la sogs pa rnams kyis rdo rje gsum po sku dang gsung dang thugs kyi thig le rnams te/de rnams chu skyes su ro mnyam par gyur pa sgom pa bsgrub par 'gyur te snying ga dang lte ba dang gsang bar thig le rnams gnas pa'o zhes bya ba'i don to/ /de ltar sgrub pa'o/ /de nas sgrub pa chen po ni shes rab sbyar la gang gi tshe 'pho ba med pa'i bde bar 'gyur ba de'i tshe sgrub pa chen po ste/phra mo'i rnal 'byor las ni zhes pa nges pa'i don gyis su shu ma na'i rtsa'i steng du khu ba yang dag par sbyor ba las nges pa'i don gyis bsgrub pa chen por brjod par bya'o/ /drang ba'i don gyis ni shes rab kyi chos 'byung gi sna'i rtse mor yungs kar la sogs pa'o zhes pa nges pa'o//de ltar bsgrub pa chen por 'gyur ro/ /dang por stong nyid byang chub nges par slar yang de nas zla ba thig le yang dag 'dzin/ de nas gzugs rnams bskyed cing rab mchog ro yi rig rnams kyis ni yi ge 'god pa nyid//'di ci'i bsnyen pa chu yi gter gyi rdo rje rnams kyis bsgrub pa'i 'bring po yang / /'dir thabs rnam bzhir 'gyur te dman dang brtan pa bsgrub pa'i yan lag de bzhin nyid/ /dir bskyed pa'i rim pas dang por stong nyid byang chub ces bya ba ni srog chags rnams shi ba'i mthar phung po yongs su dor zhing skye ba'i cha shas can gyi phung po 'dzin pa las par gang yin pa stong pa nyid kyi skad cig gcig po srid pa gsum mthong ba ni stong zhes brjod par bya'o//nges par gdon mi za bar ro/ /skad cig de yi phyi nas zla ba thig le yang dag 'dzin//zhes pa 'dir kun gzhi rnam par shes pas ma'i mngal du khu ba'i thig le rnams 'dzin pa ni yang dag 'dzin no/ /de 'og tu khu ba la sogs pa bzung ba de nas gzugs rnams bskyed pa zhes bya ba ni zla ba bdun pa rnams kyis mngal rdzogs pa ste/ lus rdzogs pa'o zhes pa'i don to/ /de nas rab mchog ro yi rigs rnams kyis/ /zhes pa phung po drug po rnams kyis mig la sogs pa rnams kyi yi ge dgod pa ste/ gzugs la sogs pa'i yul la rab tu 'jug pa'o zhes pa'o/ /de bzhin du lha'i rnal 'byor la yang brtags pa'i bdag nyid bsgom par bya ste las dang po pas so//'di ni spyi'i bsnyen pa'o/ /chu'i gter rnams kyis zhes pa lus dang ngag dang sems dang ye shes kyi rdo rje rdzogs pa rnams kyis bsgrub pa 'bring po yang ste srog rdzogs pa'o/ /'dir thabs rnam bzhir 'gyur te zhes pa bsnyen pa'i yan lag dang nye ba'i sgrub pa'i yan lag la dman pa dang brtan pa'o//sgrub pa'i yan lag la de bzhin kho nar lo bcu drug gi mtshams su'o zhes pa nges pa'o/ /'dir dman pa ni skyes pa'i byis pa'o/ /so skyes pas 'bring po'i byis pa'o/ /so lhung nas gzhon nu'o/ /slar yang so skyes nas/lo bcu drug gi rjes la dar ma ste bu skyed par byed pa nyid kyi phyir ro zhes pa'o/ /de bzhin du lha thams cad yan lag rnam pa bzhir rnal 'byor pas bsgom par bya'o zhes pa ni 'jig rten pa'i bden pa'i nges pa'o/ /da ni don dam pa'i bden pas sangs rgyas kyi gzugs rdzogs par brjod par bya ste//'dir dang po stong nyid byang chub ces pa ni mun pa la cung zad kyang bsam par mi bya'o/ /de nas/ zla ba thig le yang dag 'dzin/ /zhes pa ni du ba la sogs pa'i mtshan ma thig le'i mthar thug pa 'dzin pa'o/ /de nas gzugs rnams bskyed cing zhes pa dang / thig le de nas sna tshogs gzugs mthong ba ni gzugs skye ba'o/ /rab mchog ro yi rigs rnams kyis/ /zhes pa sgrib pa med pa'i phung po drug rnams kyis so/ /yi ge dgod pa zhes pa ni nyi tshe ba'i phung po dang khams dang skye mched la sogs pa rnams 'gog pa'o/ /de'i phyir sa thob pa ni dman pa la sogs pa'i dbye bas 'gyur te//ji srid sa bcu gnyis kyi dbang phyug tu ma gyur gyi bar du'o/ /de'i phyir/ bden don rnam pa bcu gnyis ldan/ /de nyid rnam pa bcu drug rig /rnam pa nyi shus byang chub pa/ /rnam par sangs rgyas kun rig mchog /ces so/ /de bzhin du stong par du ba la sogs lam du bla ma'i nges pa'i dbang gis gzugs brnyan mtshams su bsgom par bya//de nas rtsa ba'i 'khor lo rnams su srog dang thur sel rlung ni brtan pa'ang byed pa ste/ /phyi nas bzla ba'i 'gog pa bza' bzhin byed de byang chub sems ni rnal 'byor pa yis so/ /de nas gang zhig cung zad 'dod pa nyin zhag 'ga' yis skye ba 'di la thob par 'gyur//zhes so/ /lam gyi rgyal po 'di sgom pa'i rim pa'i man ngag mchog gi dang po'i sangs rgyas su gsungs pa/ 'di lta ste/ /du ba la sogs bsgom nas ni/ /sems ni g.yo ba med byas te/ /dbu ma sbyangs pa byas nas ni//mchog tu ma 'gyur bsgrub par bya/ /pad+mar rdo rje rab bkod nas/ /srog gi thig ler gzhug par bya/ /'khor lor thig le thig le yi/ /g.yo ba rdo rjer dgag par bya/ /rtag tu rtag rengs rnal 'byor pa/ /rtag tu steng du khu bar 'gyur/ /phyag rgya che dang 'grogs pa yi/ / rdo rje 'bebs pas byin gyis brlabs/ /mchog tu mi 'gyur skad cig ni/ /stong phrag nyi shu rtsa gcig dang / /drug brgya rdzogs pas rgyal po che/ /rdo rje sems dpar rang nyid 'gyur/ /rnam pa gzhan du na/ shes rab ma dang 'grogs mi bya/ /ji srid bcu ni ma shar bar/ /rnal 'byor pa ni phyi'i g.yeng ba//yongs su chad nas mtshan ma rnams/ /so sor sdud pa rgyal ba'i dbang por 'gyur te rnam pa bcu'o bsam gtan mi skyong ba nyid do/ /srog rtsol yang ni ral gri can no slar yang rnam bcu'o 'dzin pa phyag rin chen nyid/ /g.yung mol ni rjes su dran pa pad+ma 'dzin 'gyur dpal ldan ting 'dzin 'khor lo can//re re dbye ba lnga rnams kyis te slar yang gang las a sogs ka sogs kyis phye ba'o/ /so sor sdud pa lus la yul dang yul can bcu rnams rab tu 'jug pa med pa'o/ /bsam gtan yang ni shes rab rtog dpyod dga' dang g.yo med bde ba sems rtse gcig pa'o//srog gi rtsol ba yang ni lam ni gnyis po nyams shing dbu mar srog ni zhugs par 'gyur/ /thig ler srog rab zhugs shing gnyis ka'i bgrod pa bcom pa sems rtse gcig pa 'dzin pa'o/ /gtum po'i snang ba gang zhig nges par lus dang nam mkha' la yang 'gyur ba rjes su dran par 'gyur//shes rab thabs kyi bdag nyid kyis ni 'gyur med bde ba'i dbang gis ye shes gzugs la ting nge 'dzin/ /'di rnams dman pa la sogs dbye ba rnams kyis sna tshogs gtso bo sgrub thabs rnam gsum 'gyur/ / phyag rgya gsum dang gnas skabs gsum ni rnam gsum bgrod pa'i dbang gis las dang kun rtog spyod/ /so sor sdud pas rnal 'byor pa ni yul dang rnam bral sngags rnams kun gyis byin gyis brlab/ /mngon shes lnga ni thob par 'gyur te mi yi bdag po bdag po sbyor bas gdab//srog gi rtsol bas dag pa ri bong can dang nyi ma dang bral byang chub sems kyis mchod/ /bdud dang nyon mongs la sogs nyams shing stobs bcu la ni 'jug 'gyur 'dzin pa'i stobs kyis so/ /rjes su dran pa yang dag dag pa dri med 'od kyi dkyil 'khor ye shes gzugs las so//de nas ting nge 'dzin gyi dag pa nyin zhag 'ga' zhig rnams kyis ye shes lus 'grub bo/ /so sor sdud pa sogs kyis gal te sngags pa sogs kyi 'dod pa grub par ma gyur na/ /nA da goms pas chu skyes su gnas rdo rje nor bu'i stobs kyis thig le bkag nas bsgrub/ / bsnyen pa la ni dang po'i rnal 'byor rnam bcu mkha' la 'khor lo can gyi khro bo'i lta bas so/ /bgegs mthar byed pa'i lta bas bdud rtsi'i lam du son pa yis kyang nye ba'i bsgrub la yan lag drug /shes pa la spros zla ba thig le rdo rje nor bur gnas pa'i 'gyur med gsum ni bsgrub pa la//bde ba mi nyams gcig pu zhi ba lhan skyes ye shes rnal 'byor 'dir ni bsgrub pa chen po la'o/ /da ni rnal 'byor yan lag drug brjod par bya ste so sor sdud pa zhes so/ /las dang po la rgyal ba'i dbang po zhes pa ye shes kyi phung po'o/ /de yang mtshan ma'i dbye ba rnam pa bcu ste/du ba dang / smig rgyu dang / mkha' snang dang / mar me dang / 'bar ba dang / zla ba dang / nyi ma dang / sgra gcan dang / cha dang / thig le mthong ba'i dbye bas ma brtags pa'i ye shes kyi phung po'o/ /bsam gtan mi bskyod pa nyid de rnam par shes pa'i phung po'o/ /rnam pa bcu ni yul dang yul can bcu po rnams gcig nyid du sna tshogs gzugs la bsam gtan no//srog rtsol yang ni ral gri can/ /zhes pa 'du byed kyi phung po ste/ rnam pa bcu ni g.yon dang g.yas kyi dkyil 'khor bcu rnams gcig tu 'dres par gyur pa nyid kyi phyir ro/ /slar yang rnam pa bcu ste 'dzin pa phyag na rin chen no//zhes pa tshor ba'i phung po ste/ srog gi 'dzin pa lte ba dang / snying ga dang / mgrin pa dang / dpral ba dang / gtsug tor gyi pad+ma la 'gro ba dang 'ong ba'i dbye bas rnam pa bcu'o/ /g.yung mo la ni rjes su dran pa pad+ma 'dzin par 'gyur te zhes pa 'du shes kyi phung po'o//g.yung mo dbu ma'i rtsa la rjes su dran pa de yang bcu ste 'dod pa'i gnas skabs bcu'i dbye ba las so/ /dpal ldan ting 'dzin 'khor lo can te rnam par snang mdzad do/ /ting nge 'dzin rnam pa bcu ni rlung bcu po rnams 'gog pa'i phyir ro/ /de ltar bcom ldan 'das ni mi gnas pa'i mya ngan las 'das pa ste/gang dag gi phyir rlung rnams mi 'bab pas so zhes pa'i don to/ /da ni so sor sdud pa la sogs pa rnams kyi mtshan nyid bshad par bya ste/ so sor zhes pa la sogs pa'o/ /'dir so sor sdud pa zhes bya ba ni lus la yul dang yul can bcu po rnams kyi 'brel ba las rnam par shes pa mi 'jug pa ste//stong pa nyid kyi yul rnams la mig la sogs pa gzhan lnga po rnams kyis rab tu 'jug pa'o/ /gzugs de nyid la shes rab ces pa lta ba dang / rtog pa zhes pa dngos po 'dzin pa dang /dpyod pa zhes pa de'i don nges par byed pa dang / dga' ba zhes pa gzugs la chags pa dang / g.yo med bde ba zhes pa gzugs dang lhan cig sems gcig tu byed pa'o/ /de ltar gzung ba dang / 'dzin pa'i dbye bas bsam gtan rnam pa bcu'o/ / 'dir srog gi rtsol ba zhes bya ba yang ni gnyis po zhes pa g.yon pa dang g.yas pa'i lam nyams pa ste 'gog cing dbu ma'i lam du 'jug pa'o/ /de yang dkyil 'khor las 'gog pa las rnam pa bcu'o/ /'dir thig ler zhes pa dpral bar srog rab tu 'jug pa gnyis ka'i bgrod pa bcom pa zhes 'gro ba dang 'ong ba 'dzin pa srog dpral bar 'dzin pas sems rtse gcig pa zhes bya ba'o//gtum mo'i snang ba gang zhig srid pa gsum gyi nam mkha' las gyur pa de ni rjes su dran pa ste/ rnam pa bcu ni sngar gsungs zin to/ /shes rab thabs kyi bdag nyid kyis ni zhes pa shes bya dang shes pa gcig tu 'dres pa nyid kyis te/'gyur med bde ba'i dbang gis ye shes gzugs la ting nge 'dzin to/ /de yang srog la sogs pa rnams med pa las rnam pa bcu'o/ /de ltar rnal 'byor yan lag drug gi sgrub byed do/ /'di rnams dman pa la sogs dbye ba rnams kyis sna tshogs gtso bo dus kyi 'khor lo'i sgrub thabs rnam pa gsum du 'gyur/phyag rgya gsum dang gnas skabs gsum/ /zhes pa ni/ rnam gsum bgrod pa'i dbang gis te/ /'dir byang chub kyi sems 'gyur ba'i bgrod pa ni dman pa'i gnas skabs so//g.yo ba'i bgrod pa ni 'bring po'i gnas skabs so/ /mi g.yo ba'i bgrod pa ni mchog gi gnas skabs so/ /'di ltar las kyi phyag rgya ni 'gyur ba'i bde ba sbyin pa'o/ /ye shes kyi phyag rgya ni g.yo ba'i bde ba sbyin pa mo'o/ /phyag rgya chen mo ni mi g.yo ba'i bde ba sbyin pa'o//de ltar sbyor ba yan lag drug la phyag rgya gsum bsgom par bcom ldan 'das kyis gsungs pa'i phyir rnal 'byor pas sangs rgyas nyid kyi ched du sbyor ba yan lag drug bsgom par bya'o zhes pa'o/ /da ni so sor sdud pa la sogs pa'i 'bras bu brjod par bya ste/ so sor zhes pa la sogs pa'o//'dir gang gi tshe rnal 'byor pa so sor sdud pa gzugs brtan par gyur pas rnam par dag par 'gyur ba de'i tshe sngags rnams kun gyis byin gyis brlab par 'gyur te/ tshig gi mchog sbyin pa la sogs pa ster bar byed do/ /mngon par shes pa lnga ni thob par 'gyur te mi'i bdag po bsam gtan sbyor bas dag pa'o//zhes pa ni 'dir gang gi tshe mig mi 'dzums par gyur pa de'i tshe lha'i mig tu 'gyur ro/ /de bzhin du lha'i rna ba la sogs pa ste bsam gtan rnam par dag pa la 'gyur ro/ /srog gi rtsol bas dag pa zhes pa ni 'dir gang gi tshe rnal 'byor pa nyi ma ri bong can gyi lam dang bral te/rtag tu dbu mar 'bab par gyur pa de'i tshe srog gi rtsol bas dag par gyur pa ni byang chub sems dpa' rnams kyis mchod de bsngags par byed do zhes pa'i don to/ /bdud dang nyon mongs la sogs nyams shing stobs bcu la ni 'jug par 'gyur te zhes pa ni stong pa nyid kyi gzugs gzung ba la 'dzin pa'i sems 'jug par 'gyur te 'dzin pa'i stobs kyis so zhes pa ni srog gi 'gro ba dang 'ong ba zad pas gcig tu 'dres par 'gyur bas so//rjes su dran pa legs par dag pa zhes pa ni gzugs la 'khyud pa'i sems kyis rnam par rtog pa thams cad dang bral ba nyid de de la sa gang gi tshe dag par gyur pa de'i tshe dri med 'od kyi dkyil 'khor du 'gyur ro//kyang gi sgra las 'od zer lnga 'phro zhing ye shes gzugs las zhes pa stong pa'i gzugs las so/ /de nas ting nge 'dzin dag pa na zhes pa 'dir gzung ba dang 'dzin pa'i sems dag gcig nyid kyis 'gyur ba med pa'i bde bar gyur pa'i bde ba de ni ting nge 'dzin du brjod par bya ste/ting nge 'dzin de las dag pa dri ma med pa nyid du gyur pa ni nyin zhag nyung zad rnams kyis zhes pa phyogs gsum dang lo gsum rnams kyi ye shes lus ni grub par 'gyur zhes dbang bcu la sogs pa thob pa'i byang chub sems dpar 'gyur ro//de ltar so sor sdud pa la sogs pa'i nges pa'o/ /da ni stobs kyi rnal 'byor gsungs te/ 'dir gang gi tshe so sor sdud pa la sogs pa rnams kyis gzugs mthong bar 'gyur ba na srog ma bsdams pa nyid kyis 'gyur ba med pa'i skad cig mi skye ba de'i tshe nA da goms par 'chad par 'gyur ba'i stobs kyis srog dbu mar 'bab par byas nas shes rab kyi chu skyes su rdo rje nor bu byang chub sems kyi thig le 'gog pa las mi g.yo bas mi 'gyur ba'i skad cig bsgrub par bya'o zhes pa stobs kyi rnal 'byor ro//nA da goms pa ni 'di nyid du sgrub thabs kyi le'ur bcom ldan 'das kyis gsungs te//nus ma gang zhig lte ba'i dbus nas gzhan gyi gnas su bcu gnyis mtha' dang cha yin mthar 'gro ba/ /de ni lte bar yang dag bkag nas glog gi me dang mtshungs pa'i dbyug pa'i gzugs can langs pa las//'khor lo las ni 'khor lo gzhan du nges par dal zhing rol pa'i bgrod pas dbu ma'i rtsa la bskyod/ /ji srid gtsug tor bu par stobs nyid kyis ni phyi rol pags pa la ni khab bzhin reg par byed/ /de yi dus su thur du sel ba mchog gi btsan thabs nyid kyis steng gi lam du bskul bar bya//zung ni rlung dag 'gags pa na ni gtsug tor phug nas pha rol grong du 'gro bar 'gyur/ /'di ltar yid la rdo rje rab tu sad pas yul dang bcas pa mkha' la spyod pa nyid/ /mngon shes lnga yi rang bzhin du 'gyur slar yang 'di ni rnal 'byor pa rnams dag gi sna tshogs yum//da ni stong pa nyid kyi gzugs bsgrub pa'i ched du lta stangs brjod par bya ste/ bsnyen pa zhes pa la sogs pa'o/ /'dir bsnyen pa zhes pa ni du ba la sogs pa'i mtshan ma sgom pa na ste/ bsnyen pa de la dang po'i rnal 'byor ni sems kyi du ba la sogs pa'i mtshan ma 'dzin pa'o/ /de yang du ba la sogs pa dang lhan cig yid ches par byed pa rnam pa bcur 'gyur te nges na rnam pa bcu'o//de ni 'khor lo can gyi zhes pa gtsug tor gyi khro bo'i lta bas zhes pa mig mi 'dzums par steng du lta bas mtshan par 'gyur te/ mtshan mo'i rnal 'byor gyis rnam pa bzhi dang /nyin mo'i rnal 'byor gyis rnam pa drug ste/ de la gzugs kyi mthar thug pa so sor sdud pa dang bsam gtan gyi bsnyen pa'i yan lag tu 'gyur ro/ /bgegs mthar byed pa'i lta bas zhes pa la bgegs mthar byed ni bdud rtsi 'khyil pa'o/ /de lta bas ni bdud rtsi'i gnas su son pa ste dpral ba'i gnas su son pa'o//lta stangs des te bgegs mthar byed kyi bdud rtsi'i lam du son pas nye ba'i sgrub pa la yan lag drug go/ /kyang yig las srog rtsol dang 'dzin pa bya ste/ srog gi gzugs mthong bar gyur pa na nye ba'i bsgrub pa'o/ /shes rab la spro zla ba thig le zhes pa 'dir shes rab kyi chags pas spros pa yang 'di yin la/zla ba thig le yang yin pa ste shes rab la spros pa'i byang chub kyi sems kyi thig le rdo rje nor bu son pa de'i yang gsang ba dang lte ba dang snying gar 'gyur med gsum du gyur pa gang yin pa de ni sgrub pa'i yan lag la zhes pa gsum sgrub pa'i yan lag la 'gyur ro//de ltar bsgrub pa'i yan lag bya'o/ /bde ba ma nyams gcig pu zhi ba zhes bya ba la/ 'dir bde ba ma nyams pas byang chub kyi sems kyi skad cig gcig pu gang yin pa de ni zhi ba zhes brjod par bya ste/ lhan skyes ye shes rnal 'byor 'dir ni bsgrub pa chen po la zhes pa sems kyi 'gyur ba med pa'i bde ba dang lhan cig gcig pa nyid do zhes pa bsgrub pa chen po'i yan lag ste bzhi pa'o//phyag rgya sgyu ma'i rjes su mthun pa yid dang nam mkha' la ni me long la ni gzugs bzhin te/ /'jig rten gsum po snang bar byed cing dri med glog dang mtshungs pa'i 'od zer du ma 'phro bar byed//phyi dang lus la dbyer med yul dang rnam par bral ba snang ba tsam ste mkha' la gnas pa ni/ /sems kyi rang bzhin 'gro ba du ma'i ngo bo'i sems la 'khyud par byed do de ni gcig pu'o/ /sems kyi snang ba tsam ste rang gi yid las skyes pa me long gi ni gzugs brnyan lta bu nyid/gang zhig mtha' dag rgyal ba'i sras dang sangs rgyas rnams kyis bsten pa rnal 'byor dbang pos bsten bya ste/ /ye shes me lce rab tu rgyas pa de ni bdud tshogs yul dang bcas pa mtha' dag sreg byed cing / /lus la 'dod chags la sogs kyang ste rnal 'byor pa la lo yi sbyor bas bde ba ma nyams ster bar byed//shes rab ye shes kyang ste sems dang de yi snang ba nyid ni rnam pa bcu por 'gyur/ /dbang bskur dri med ri bong can mtshungs gzugs brnyan lta bur 'di la zhugs pa gang yin pa/ /de las mya ngan 'das pa'i bde ba 'pho med lhan cig skyes pa 'gyur med nyid ni bzhi pa ste//sangs rgyas zhal 'di gang gi snying dang kha la gnas pa de ni dpal ldan bla ma'o/ /'dir shes rab ye shes ni grangs bzhin du 'dzin par byed pa'i sems dang sems kyi gzung bar bya ba gang yin pa du ba la sogs pa rnam pa bcu po ste me long gi snang ba pra phab lta bu de nyid ni ye shes te gzung bar bya ba'i sems so zhes pa'i don to//de ltar me long la rang gi mig dang gzugs brnyan ni mig dang gzung bar bya ba yin pa de bzhin du shes rab dang ye shes kyang ste dbang bskur 'di la zhugs pa gang yin pa zhes pa ni 'dir 'dzin par byed pa'i sems kyi gzung bar bya ba'i sems de la rab tu zhugs pa ni phyi rol gyi yul rnams la rab tu mi 'jug pa'o//yan lag drug la so sor sdud dang bsam gtan dang srog rtsol dang 'dzin pa ni zhugs pa zhes rjod par byed do/ /gang zhugs pa de las mya ngan las 'das pa'i bde ba 'pho med lhan cig skyes pa mi 'gyur nyid ni bzhi pa ste/bde ba byis pa dang dar la bab pa dang g.yo ba rnams kyi mchog 'jig rten pa'i dpe las 'das pa 'jig rten gsum gyi spyod pa las grol ba zhes pa'i don to/ /dgod pa dang / lta ba dang /'khyud pa dang / lag bcangs te/ gnyis gnyis 'khyud pa dang bral ba las kyi phyag rgya dang / ye shes kyi phyag rgya'i rgyu dang bral ba stong pa nyid rnam pa thams cad pa so sor snang ba'o zhes pa'o/ /sangs rgyas zhal 'di ste ye shes kyi zhal slob dpon gang gi snying la gnas pa zhes pa myangs shing rang gis nyams su myong ba dang /slob ma rnams la rtogs su gzhug pa'i ched du dus thams cad du kha la gnas par gyur pa de ni dpal ldan bla ma ste rdo rje 'dzin pa'o zhes pa'i don to/ /gzhan dbang po gnyis kyi bde ba rtog par byed pa po rnams ni ma yin no zhes pa'o/ /nam mkhar kun nas chags pa'i sems kyis mig ni mi 'dzums rdo rje'i lam du zhugs pa yis//stong pa las ni du ba smig rgyu dri ma med pa'i mkha' snang rab gsal nyid dang mar me dang / /'bar ba dang ni zla ba nyi ma rdo rje rnams dang mchog gi cha dang thig le mthong bar 'gyur/ /de yi dbus su ye shes gzugs ni yul dang rnam pa dang bral longs spyod rdzogs sku du ma'o//da ni rang gi sems 'di'i rang gi snang ba la rab tu zhugs pa gsungs te/ nam mkhar zhes pa la sogs pa'o/ /'dir sngags kyi theg pa dang pha rol tu phyin pa'i theg pa la rnal 'byor goms pa rnam pa gnyis te/nam mkha' la dang / bla gab med pa'o/ /gang zhig nam mkha' la rnam par goms par byed pa des mtshan mo bug pa med pa'i khang par mun pa la/ nam mkha' kun nas chags pa'i sems dang mig gi 'dzums shing rdo rje'i lam du zhugs pa zhes pa 'dir dbu mar srog rab tu zhugs pas stong pa kho na las du ba la sogs pa'i mtshan ma mthong ste/kun nas zhen pa'i sems dang mig gi 'dzums shing rdo rje'i lam du zhugs pa yis/ /stong pa la ni du ba smig rgyu rab gsal dri ma med pa'i mkha' snang nyid dang mar me dang / /zhes pa ni mtshan mo'i rnal 'byor gyis mthong ngo //de nas nam mkha' sprin med pa lta ste/ nam mkha' de la nyin mo'i rnal 'byor gyis/ /nam mkha' las byung rab byung ba/ /shes rab ye shes me bo che/ /zhes pa 'bar ba mthong ste/ sprin med pa'i nam mkha' la'o/ /de bzhin du 'od chen rnam par snang bar byed//ye shes snang ba lam me ba/ /zhes pa zla ba'i snang ba'o/ /'gro ba'i mar me ni nyi ma'o/ /ye shes sgron ni rdo rje ste/ sgra gcan gzi brjid chen po'o/ /'od gsal ni glog ste mchog gi cha shes pa'o/ /sngags mchog dbang po rig sngags rgyal ni thig le'o/ / de ltar mtshan ma rnam pa bcu ste/ 'dus pa la sogs par mtshan mo'i rnal 'byor gyis dang / mtshan yang dag par brjod par nyin mo'i rnal 'byor gyis bcom ldan 'das kyis gsungs so/ /de nas/ gsang sngags rgyal po don chen byed/ /ces pa rnam pa thams cad du bum pa dang snam bu la sogs pa'i gzugs brnyan mthong ngo zhes pa'o//de'i dbus su ste thig le'i dbus su sangs rgyas gzugs ni yul dang rnam par bral ba ste de'i rdzas med pa'i phyir dang / rtog pa med pa'i phyir te longs spyod rdzogs pa'i sku du ma'o/ /de nas gzugs brnyan gyi rnal 'byor gyi gzhom du med pa'i sgra gang yin pa de kho na thos te de ltar gzugs snang ba las sprul pa'i sku dang sgra snang ba las longs spyod rdzogs pa'i sku'o zhes bya ba'i don to//nam mkha' chu 'dzin bral bar gyur pa rnal 'byor pa yis rengs pa'i mig gis blta bya ste//re khA nag po dri med 'od zer 'phro ba dus kyi rtsa la mthong gyur bar du'o/ /de la kun mkhyen gzugs ni chu la nyi ma lta bur rnyog pa med pa sna tshogs mdog /rnam pa kun ldan rang sems yul dang rnam par bral ba'i sems ni gzhan pa min pa nyid/ / 'dir nyin mo'i rnal 'byor ni nam mkha' chu 'dzin bral ba rnal 'byor pa'i rengs pa'i mig gis blta bar bya ste/ snga dro dang phyi dro nyi ma la rgyab bstan nas so/ /rnam pa gzhan du na nyi ma'i 'od zer rnams kyis mig rab rib tu 'gyur te ngo yis te gnod pa las so/ /nyin mo so sor blta bar bya ste ji srid du thig le'i dbus su ri mo nag po skra'i tshad tsam pa dri med 'od zer 'phro ba dus kyi rtsal ste a wa d+hU tI la mthong bar gyur gyi bar du'o//nang du 'dus pa kun mkhyen gzugs ni khams gsum la lus chu nang nyi ma bzhin du rnyog pa med pa kha dog sna tshogs te rnam pa kun ldan rang sems yul dang bral ba rnams so//sems ni gzhan pa min pa nyid/ /gzhan gyi sems ni ma yin te gzhan gyi sems shes pa med pa'i phyir ro/ /'dir dang por rang gi sems kyi snang ba de bzhin gshegs pa'i sha'i spyan gyis mthong zhing sha'i spyan dang lha'i spyan dang sangs rgyas kyi spyan dang shes rab kyi spyan dang /ye shes kyi spyan ni sgom pa'i stobs kyis 'byung bar 'gyur ro/ /de'i phyir thams cad mkhyen pas ma gzigs pa cung zad kyang med do/ /sa yi rnam par sra ba min zhing zhu ba chu lus khu ba min te gsher ba nyid min phyir/ /me yi rnam pa me min g.yo ba rlung gi lus ni g.yo ba min pas rlung ma yin//stong pa'i rnam pa yin yang blta bya dkar dang ljang dang kha dog sna tshogs chen po kha dog min/ /rnam pa thams cad yin yang blta bya min te rang snying dri ma nyon mongs bdud kyi mthu las so/ /sa ni chu la rab tu 'jug cing chu yang 'bar byed la ste gtsang mar byed pa rlung la'o//rlung ni stong pa la ste stong pa nges par mtshan ma rnam pa bcu ru 'gyur zhing mtshan ma ni/ /rnam pa thams cad pa ru 'gyur te mi 'gyur mchog gi bde ba gzhom du med pa'i ye shes sku/ /ye shes las ni rdzu 'phrul dngos grub tu 'gyur mi bdag skyes bu rnams kyi skye ba 'di nyid la'o//dbu mar srog gi rab gzhug nyi ma dang bcas ri bong can gyi bgrod pa g.yas dang g.yon la gcig /phyag rgya rab tu 'grogs la sems dang mchog gi bde ba la gnas rdo rje yang dag bslang ba yang / / pad+mar rdo rje'i sgra 'am rang gi lag pa chu las skyes pas gsor ba bde ba'i rgyu ru ste/ /sa bon gtong ba min pa'i bde ba de ni 'chi ba'i 'jigs 'phrog 'di ni dpal ldan bla ma'i zhal/ /phyag rgya chen po'i man ngag 'di ni mchog gi dang po'i sangs rgyas kyis kyang rab tu gsungs pa 'di lta ste/'di nyid kyi ni sgrub byed bya/ /snang brnyan bsam pa ma yin pa/ /du sogs mtshan ma de rnams kyis/ /shes rab gzugs brnyan nam mkha' mnyam/ /yod dang med las rnam par 'das/ /rang gi sems kyi yid ches don/ /rdul phran las skyes tshogs pa rnams//kun rtog yongs su dor ba yis/ /du ba smig rgyu mkha' snang dang / /sgron ma 'bar bzla nyi dang / /mun can cha dang thig le che/ /sna tshogs gzugs brnyan 'od gsal ba/ /btsums shing ma btsums mig dag gis/ /stong par gang zhig rjes brtags min//rmi lam bzhin du gzugs mthong 'gyur/ /gzugs de rtag tu bsgom par bya/ /dngos med gzugs la sgom pa de/ /rnal 'byor pa yi sgom ma yin/ /dngos po dngos med sems kyis min/ /gzugs la ma brtags mthong phyir ro/ /ji ltar pra phab gzhon nu mas//me long la mthong dngos skyes min/ /de bzhin 'das dang ma 'ongs chos/ /mkha' la de nyid rnal 'byor pas/ /de yi dngos po dngos med 'gyur/ /dngos po stong pa'i don mthong phyir/ /dngos las dngos med don yod pa/ /sgyu ma rmi lam mig 'phrul bzhin//med pa'i chos can la ni chos/ /skye ba 'di ni rab tu mthong / /yid bzhin nor ltar mtha' yas pa'i/ /sems can re ba yongs skong byed/ /pra phab pa yi gzhon nu mas/ /ma mthong pa yi rkun po mthong / /nyi tshe pa yi mig dag gis/ /song nas sgrub pa po yis mi mthong //gal te yod pa'i gzugs mthong na/ /rang gi gdong pa cis mi mthong / /gal te med pa'i gzugs mthong na/ /ri bong rwa ni cis mi mthong / /gzhan gyi mig gis mi mthong zhing / /rang gi mig gis mthong min pa/ /skye ba med pa mthong ba ni//gzhon nu ma yi bu ji bzhin/ /slar yang gang gis sangs rgyas nyid 'grub pa'i thabs de brjod par bya ste/ /rnal 'byor pa nyid ces pa la sogs pa'o/ /'dir rnal 'byor pa rnam pa gnyis te/ 'jig rten pa dang 'jig rten pa las 'das pa'o/ /de las 'jig rten las 'das pa'i rnal 'byor pa ni sangs rgyas nyid do//de'i khyad par ni bsod nams mchog ste bsod nams kyi tshogs yongs su rdzogs pa nyid kyi phyir ro/ /thabs 'dis rnal 'byor pa rnams kyis sangs rgyas nyid 'grub par 'gyur ro zhes pa lung gi brjod pa'o/ /thabs 'di ni rnal 'byor yan lag drug ste gcig gis bar bcad pa'i yan lag re dor nas dbus ma rim pa ma yin pas gsungs so//ma brjod pa yan lag snga ma de nyid ni snga ma dang phyi ma brjod pa'i yan lag gi shugs nyid las rtogs par bya ste/ dper na 'di nyin mor byed pa'o zhes brjod pa na gzhan mtshan mor brjod pa zhes ma brjod kyang shugs nyid las nye bar thob pa bzhin no//de ltar phan tshun ltos pa'i chos ni ma brjod pa'i chos las thob bo/ /de'i phyir rgyud 'dir re res bar bcad pa'i yan lag phyi ma gsum bstan te/ dbus su gsungs pa'i yan lag snga mar bya ba 'dir bla ma'i gdams ngag las so zhes rig par bya ste/thams cad du de yis rtogs par bya'o/ /yang na byang chub sems dpas mdzad pa'i rgya cher 'grel gyis te/ rnam pa gzhan du mkhas pa nyid kyi mngon pa'i nga rgyal du gyur pa rnams kyis byas pa'i 'grel pas ni ma yin no zhes pa'o//de'i phyir 'dir yan lag gsum bsam gtan dang zhes pa la sogs pa des rtogs par bya'o/ /rgyud gzhan du gsungs pa'i yan lag drug po rnams kyis 'dir yang mdor byas pa'i don yan lag gsum gyis rtogs par bya'o/ /'dir 'dus pa phyi mar bcom ldan 'das kyis gsungs pa/so sor sdud dang bsam gtan dang / /de bzhin srog rtsol 'dzin pa dang / /rjes su dran dang ting 'dzin te/ /rnal 'byor yan lag drug tu 'dod/ /ces so/ /de'i phyir bsam gtan gyi sngon du so sor sdud par rig par bya'o/ /sngags bzlas pa'i sngon du srog rtsol bar rig par bya'o//'dir sngags bzlas pa'i sgras ma ning gi bzlas pa'am rdo rje'i bzlas pa ste srog rtsol bar brjod par bya'o/ /bde ba'i sngon du rjes su dran pa rig par bya ste/ 'dir bde ba'i sgras ting nge 'dzin brjod par bya'o/ /de ltar yan lag drug po 'di rnams kyis rnal 'byor pa sangs rgyas nyid du 'grub par 'gyur ro//thun mong gi phyi rol gyi rnal 'byor pa nyid 'jig rten pa 'grub bo/ /las dang po pa byis pa'i rnal 'byor pa rnams kyis ni sngags bzlas pas te so sor sdud pa'i ming can gyis dang bsam gtan gyis te dkyil 'khor gyi 'khor lo la sogs pa sgom pa'i sems dang bde ba yis te/las kyi phyag rgya dang ye shes kyi phyag rgya 'gyur ba dang g.yo ba'i bde bas 'jig rten pa'i bde bas 'og min gyi srid pa'i mthar thug pa zhes pa'o/ /de ltar rim pa gnyis kyis 'jig rten pa dang / 'jig rten pa las 'das pa'i rnal 'byor pa nyid 'grub bo//'dir 'jig rten las 'das pa'i rnal 'byor pa nyid yan lag drug gi rnal 'byor gyis 'grub par 'gyur ba ji lta ba de ltar brjod par bya'o/ /'dir so sor sdud pa zhes bya ba ni phyi rol gyi gzugs la sogs pa'i yul rnams la mig la sogs pa'i dbang po rnams kyis mig gi rnam par shes pa la rnams mi 'jug par nang gi yul rnams la lha'i mig la sogs pa'i dbang po rnams kyis lha'i mig gi rnam par shes pa la sogs pa rnams 'jug pa ste/nang du stong pa nyid la dmigs pas ni dngos po thams cad stong pa la mthong ba ma brtags pa pra phab pas me long la gzhon nu mas mthong ba lta bur 'gyur ro zhes pa so sor sdud pa'i yan lag tu brjod de/khams gsum pa'i sangs rgyas kyi gzugs brnyan mthong ba'i phyir ro/ /de nas bsam gtan zhes bya ba ni stong pa'i chos thams cad mthong bar 'gyur ba la shes rab ces bya ba 'di rnams la sems 'jug pa dang /rtog pa zhes bya ba sems kyi dngos po rtogs pa dang / dga' ba zhes bya ba dngos po thams cad la sems gnas pa dang / g.yo med bde ba zhes bya ba dngos po thams cad las bde ba kun phun sum tshogs pa ste/de ltar lnga ni bsam gtan gyi yan lag tu brjod do/ /de nas srog rtsol zhes bya ba la la nA dang / ra sa nA g.yon pa dang g.yas pa'i lam 'gags pas dbu ma a wa d+hU tI'i lam du srog gi rlung rtag tu 'jug pa ste/ dgang ba dang bum pa can dang / dbyung ba'i sbyor bas a wa d+hU tI ru oM yig gis 'jug pa dang / hUM yig gis 'gog pa dang / AHyig gis dbyung ba zla ba dang / sgra gcan dang / nyi ma'i rang bzhin gyis rnal 'byor pas byed do zhes pa'o/ /de nas 'dzin pa zhes bya ba srog dbang chen dang / chu dang me dang rlung gi dkyil 'khor la lte ba dang /snying ga dang / mgrin pa dang / dpral bar zhugs pa phyi rol du 'gro ba med par thig le la srog 'jug pa zhes bya ba 'dzin pa'i yan lag tu brjod par bya'o/ /de nas rjes su dran pa zhes bya ba ni rang gi 'dod pa'i lha mthong ba gzugs brnyan gyi rnam pa can rnam par rtog pa dang bral ba'o//de las 'od zer du ma 'phro ba'i ngo bo nyid kyi dkyil 'khor te/ de las rnam pa du ma'i 'od zer 'phro ba'i ngo bo can khams gsum pa spro ba'o zhes pa rjes su dran pa'i yan lag tu brjod par bya'o/ /de nas ting nge 'dzin zhes bya ba ni 'dod pa'i lha la rjes su chags pa las gang 'gyur ba med pa'i bde ba thob pa ste/de la sems rtse gcig tu byed pa gzung ba dang / 'dzin pa dang bral ba'i sems ting nge 'dzin gyi yan lag tu de bzhin gshegs pa rnams kyis gsungs so/ /'dir yan lag drug gi rnal 'byor mdor bsdus pas gsungs pa ste/rgyas par mngon par brjod pa 'bum pa'am mchog gi dang po'i sangs rgyas bla ma dam pa'i man ngag gis rnal 'byor pas phyag rgya chen po'i dngos grub kyi ched du rtogs par bya'o/ /'dir yan lag drug gi dang po'i lam sgom pa'i man ngag rgyud gzhan rnams su yang gsungs te/'dir dpal 'dus pa phyi mar bsnyen pa dang / sgrub pa dang nye ba'i bsgrub pa dang / bsnyen pa'i dus su gtsug tor che'i/ /gzugs brnyan 'bad pas rnam bsgom bya/ /nye ba'i bsgrub pa'i dus su ni/ /bdud rtsi 'khyil ba'i gzugs brnyan no//rnal 'byor brtson pas sgrub pa la/ /lha yi gzugs brnyan bsgom bya ste/ /sgrub pa chen po'i dus su ni/ /sangs rgyas khyab bdag gzugs brnyan no/ /zhes so/ /de la dgongs pa'i skad cig gzhan gyi gtsug tor chen po'i gzugs brnyan ni khams gsum pa ma lus pa nam mkha' chos 'byung la thugs rdo rje rab tu bzhag nas bsnyen pa'i dus su ste thog ma'i dus su so sor sdud pa bsgom par bya zhing bsam gtan gyi yan lag gis brtan par bya'o//'dir bcom ldan 'das kyis dam bca' ba ni/ /bsam pa thams cad yongs spangs te//nyi ma gcig ni yongs brtag bya/ /gal te yid ches med pa na/ /de tshe nga yi brdzun tshig yin/ /zhes so/ /'dir yid ches byed pa ni du ba la sogs pa'i mtshan ma ste/ gzhan sngags la sogs pa'i nyi ma gcig gis bsgrub par bya ba ni ma yin te/ gang gi sngags pa rnams kyis yid ches pa 'byung bar 'gyur ba'o//des na yod pa dang med pa'i blo yongs su spangs te/ rten med par byas nas zab mo stong pa la dmigs pa med par bsgom par bya ste/ yid ches byed du 'gyur ro/ /yid ches byed pa de yang du ba la sogs pa rnal 'byor pas bsgom par bya'o zhes pa de bzhin gshegs pa'i nges pa'o//de bzhin du/ byed pa bcing ba'i sbyor ba yis/ /sa gsum po ni bsgrub par bya/ /zhes byed pa mig la sogs pa rnams kyis sa gsum sangs rgyas kyi gzugs brnyan du bsgrub par bya ste/ de'i man ngag ni bla ma'i zhal las rtogs par bya'o//de la bla ma'i man ngag ces bya ba ni nam mkha' la rnal 'byor pas dang por du ba mthong ste smig rgyu ni ma yin zhes pa rang gnyis su mthong ba shes par byed par 'gyur ro/ /phyi nas smig rgyu ste du ba la sogs pa ni rtog pa dang bral ba pra phab pa lta bu zhes pa'o/ /de ltar thog mar du ba'i mtshan ma'o//smig rgyu ni mtshan ma gnyis pa'o/ /mtshan ma gsum pa ni mkha' snang ngo / /mar me ni mtshan ma bzhi pa'o/ /sprin med pa'i nam mkha' ni mtshan ma lnga pa'o zhes 'dus pa phyi ma dang mkha' 'gro ma rdo rje gur du yang bcom ldan 'das kyis gsungs so//de las steng du bcom ldan 'das kyis gsungs pa/ de ni thams cad mkhyen pa'i rgyu/ /dngos grub nye bar 'jug byed pa/ /phyi nas sgyu ma'i rnam pa ste/ /rmi lam rnam pa skad cig las/ /zhes pa la sogs pa'o/ /de'i phyir bcom ldan 'das kyi gsung las du ba la sogs pa'i mtshan ma ni dang por bsgom pa'i yid ches byed du 'gyur ro//kha cig grub pa'i dus so zhes smra bar 'gyur ba de rnams thams cad de bzhin gshegs pa'i dam bca' ba 'jig par byed pa ste/ bsam pa thams cad yongs spangs nas/ nyin zhag gcig ni yongs su brtag /yid ches byed ces pa'i bcom ldan 'das kyi gsung la tho 'tshams pa'o/ /de grub pa'i dus su 'jig rten gyi khams du ba la sogs pa gang sgyu ma dang rmi lam lta bu de ni mtshan mar mi 'gyur te/ dngos su du ba dang 'bar ba la sogs pas sreg pa'i bya ba nus pa'i phyir ro/ /de bzhin du gur kum dang me tog dang rin po che dang gser la sogs pa'i char pa yang ngo //de'i phyir yan lag drug gi rnal 'byor las du ba la sogs par 'gyur ro zhes mkha' 'gro ma rdo rje gur du bcom ldan 'das kyis gsungs pa/ yan lag drug bsgoms de las ni/ /slar yang rang byin brlab pa ste//byin rlabs rnam pa'i rim pa yis/ /phyi nas mtshan ma mtshon par bya/ /zhes pa'o/ /'dir rang byin gyis brlab pa'i rim pa zhes bya ba ni so sor sdud pas kun rdzob kyi bden pa mthong ba'o/ /mtshan ma zhes bya ba ni sprin dang du ba la sogs pa dang 'dra bar snang ba ste/ de yang sgron ma'i mthar thug pa thog mar mthong ngo / /der sprin med pa'i nam mkha' dri ma med pa'o/ /rgyud rnams su gzhan 'bar ba la sogs pa'i thig le'i mthar thug pa ste/ sgyu 'phrul dra ba'i ting nge 'dzin gyi le'ur bcom ldan 'das kyis gsungs pa 'di lta ste/ nam mkha' las byung rang byung ba//shes rab ye shes me bo che/ /'od chen rnam par snang bar byed/ /ye shes snang ba lam me ba/ /'gro ba'i mar me ye shes sgron/ /gzi brjid chen po 'od gsal ba/ /rig pa'i rgyal mchog sngags dbang po/ /gsang sngags rgyal po don chen byed/ /ces tshigs su bcad pa gnyis kyis mtshan ma yang bcom ldan 'das kyis dgongs pa'i skad gzhan gyis gsungs so//sngar brjod pa'i sprin med pa'i nam mkha' la snang brnyan gang yin pa de ni nam mkha' las byung rang byung ba'o/ /shes rab ye shes me bo che ste rnam par rtog pa thams cad dang bral ba'i sems nyid kyi phyir ro zhes pa'o//des na/ shes rab ye shes me zhes pa ni 'bar ba ltar snang ba'o/ /'od chen rnam par snang bar byed/ /ces pa zla ba ltar snang ba'o/ /de kho na/ ye shes snang ba lam me ba/ /zhes pa'o/ /'gro ba'i mar me zhes pa nyi ma ltar snang ba'o/ / gzi brjid chen po 'od gsal ba/ /zhes pa glog ltar snang ba'o/ /rig pa'i rgyal mchog sngags dbang po/ /zhes thig le snang ba ste/ kha dog sngon po zla ba'i dkyil 'khor gyi rnam pa can no/ /gsang sngags rgyal po don chen byed/ /ces pa khams gsum pa'i dngos po rnam pa thams cad la ltar snang ba sgyu ma dang /rmi lam dang / mig yor dang mtshungs pa'i rnam pas so sor sdud par mthong ngo / /mig gi dbang po'i byed pa dang / de nas srog rtsol bcing ba ste byed pa 'di rnams kyis dang bcing ba'i sbyor bas sa gsum po 'dod pa dang / gzugs dang / gzugs med pa'i mtshan nyid can brtan pa dang / g.yo ba'i rang bzhin gyis bdag nyid bsgrub par bya zhes pa'o/ /de bzhin du mkha' 'gro ma rdo rje gur du bcom ldan 'das kyis gsungs pa/ 'jig rten khams ni thams cad du/ /ji srid rdo rje'i lus dang ldan//khams gsum rgyu dang mi rgyu ba/ /ma lus lus pa med par 'grub/ /ces te yan lag drug gi rnal 'byor bsgom pas so zhes pa bcom ldan 'das kyi nges pa'o/ /de bzhin du dpal 'dus par bcom ldan 'das kyis gsungs pa/ /dngos po med la sgom pa med/ / sgom pa sgom pa nyid ma yin/ /de ltar dngos po dngos med 'gyur/ /sgom pa dmigs su med pa'o/ /zhes so/ /'dir dngos po med pa sgrib med pa'i nam mkha' la sgom pa ni so sor sdud pa ste de kho na dngos po med pa la bsgom pa med ces so/ /sgom pa sgom pa nyid ma yin//zhes pa 'dir so sor sdud pa sgom pa'i dngos po med pa sprin med pa'i nam mkha' la gang sgom pa de ni sgom pa sgom pa nyid ma yin par 'gyur te/ rnam par rtog pa bsgom pa dang bral ba nyid kyi phyir ro/ /de ltar dngos po gang zhig so sor sdud pas mthong ba de ni dngos po dngos min 'gyur te/rnam par ma brtags pa 'das pa dang ma 'ongs pa dang da ltar byung ba'i dngos po mthong ba'i phyir ro zhes pa'o/ /de'i phyir ro so sor sdud pa bsgom pa la rnam par rtog pa'i sgom pa dmigs par mi 'gyur ro zhes pa bcom ldan 'das kyis gsungs so/ / bsgom pa 'di ni bcom ldan 'das kyis shes rab kyi pha rol tu phyin par yang gsungs pa 'di lta ste/ de nas lha rnams kyi dbang po brgya byin gyis tshe dang ldan pa rab 'byor la 'di skad ces smras so/ /'phags pa rab 'byor gang zhig shes rab kyi pha rol tu phyin pa la rnal 'byor du byed pa de ci ltar rnal 'byor du byed pa yin/rab 'byor gyis smras pa/ kau shi ka gang shes rab kyi pha rol tu phyin pa la rnal 'byor du byed pa de ni nam mkha' la rnal 'byor du byed pa'o/ /kau shi ka bla gab med pa la rnal 'byor du byed par sems pa de ni gang shes rab kyi pha rol tu phyin pa la bslab par bya bar sems pa'o zhes sprin med pa'i nam mkha' la phyag rgya chen po bsgom pa pra phab dang mtshungs par bcom ldan 'das kyis gsungs so//de ltar so sor sdud pa dang bsam gtan gyis bsnyen pa'i yan lag brjod do/ /de nas bdud rtsi 'khyil pa'i gzugs brnyan gyi ming gis dgongs pa'i skad gzhan gyis rlung gsungs so//de yang rnam pa lnga ste/ de skad du 'dus pa phyi mar bcom ldan 'das kyis gsungs pa/ rin chen lnga yi rang bzhin dbugs/ /sangs rgyas lnga yis byin rlabs pa/ /gong bu'i gzugs kyis phyung nas ni//sna yi rtse mor rnam bsgom bya/ /zhes so/ /'dir rin chen lnga'i sgra yis ra sa nA'i dkyil 'khor lnga yis chos can sa la sogs pa'i khams rnams so/ /de'i rang bzhin gyi dbugs ni rin chen lnga zhes pa ste sna'i bu ga g.yas su'o/ /de bzhin du sangs rgyas lnga ni la la nA'i dkyil 'khor lnga chos can rnam par shes pa la sogs pa'i phung po lnga rnams te/de rnams kyis byin gyis brlabs pa'i dbugs ni sna bug g.yon par ro zhes pa'o/ /gong bu'i gzugs kyis phyung nas ni/ /zhes pa la 'dir gang bu ni g.yas pa dang /cig shos kyi dkyil 'khor rnams kyi srog gi rlung dbu ma a wa d+hU tIr gcig pa nyid do zhes pa'o/ /srog gi rlung de yang / gong bu'i gzugs kyis phyung nas ni/ /sna yi rtse mor rnam bsgom bya/ /'dir sna'i sgras ni lte ba dang / /snying ga dang / mgrin pa dang dpral ba dang /gtsug tor gyi pad+ma'i ze 'phrul brjod de de'i rtse mor ro/ /rnam bsgom bya ni lte ba dang lte ba'i dbus su ste pad+ma'i 'dab ma la ni ma yin no/ /de ltar thig le'i gnas su gong bu'i gzugs kyis srog 'gog pa de nyid kyis de'i 'dzin par brjod do/ /de ltar yan lag gnyis kyis nye ba'i bsgrub pa ste bdud rtsi 'khyil pa'i gzugs brnyan gyis zhes pa'o//nye ba'i bsgrub pa de nyid rdo rje'i bzlas pa zhes brjod par bya ste/ dbu ma dbyer med pa'i yan lag gis bzlas par bya'o zhes pa srog g.yon pa dang g.yas pa'i rtsal rgyu ba med pas so//gtsug tor gzugs brnyan mthong bas na/ /phyi nas sngags pas srog rtsol bya/ /bla ma'i man ngag dang dgongs pa'i skad kyis rtogs par bya'o zhes pa ni/ srog rtsol ba dang 'dzin pa ste nye ba'i bsgrub pa brjod do/ /de nas/ bsgrub pa la ni lha yi gzugs/ / zhes pa 'dir 'dzin pa'i stobs kyis lte bar gnas pa'i gtum mo'i 'bar ba rnal 'byor pas mthong ste/ sgrib pa thams cad dang bral ba pra phab pa lta bu phyag rgya chen mo 'od zer gyi sprin mtha' yas pa spro bar byed pa 'od zer gyis dkyil 'khor du rnam par gsal ba ni rjes su dran pa ste grub par brjod do//'dzin pa'i mthar gtum mo'i rnal 'byor bsgom par bya'o zhes pa nges pa'o/ /der de ltar ye shes kyi me lces phung po dang khams la sogs pa rnams bsregs pa gcig tu 'dres par gyur te/ g.yon pa dang g.yas pa'i rtsar son pa rnam par shes pa la sogs pa dang sa la sogs pa'i dkyil 'khor gyi rang bzhin rnams dpral bar zla ba'i dkyil 'khor la rab tu zhugs pa rnams so//de nas gtum mo'i ye shes kyi me lces zla ba zhu bar gyur pa ni de byang chub sems thig le'i gzugs kyis 'og tu song ba ni mgrin pa dang /snying ga dang / lte ba dang / gsang ba'i pad+mar dga' ba dang / mchog dga' dang / khyad dga'i dga' ba'i rang bzhin dang / de nas rdo rje nor bu ji srid pa'i bar du lhan cig skyes pa'i dga' ba'i rang bzhin gyis so zhes pa'o/ /yang rnam pa sna tshogs pa dang /rnam par smin pa dang / rnam par nyed pa dang / mtshan nyid dang bral ba'i rang bzhin gyis so zhes so/ /de ltar cha bcu drug gang ba nor bu'i nang ji srid par son pa gang gi tshe bsgoms pa'i stobs kyis bde ba 'brel te/ 'dzag pa'i bde ba dang 'dra ba'o zhes pa ni dpe tsam ste rang gi ngo bos ni dbang po gnyis las skyes pa'i bde bas mchog tu mi 'gyur ba'i bde ba'i gnas skabs kyi lhan cig skyes pa'i dga' ba'i ngo bo can gyis bye ba stong gi char yang mi phod do//gnas skabs de ni byis pa'i rnal 'byor pas ci yang rnam par shes par bya ba ma yin pa'o/ / byang chub sems dpa' rnams kyi stong nyid byang chub ces brjod de/ 'jig rten la grags pa'i med pa nyid kyi rjes su 'gro ba ni ma yin no/ /de ltar yan lag drug gi rnal 'byor gyi sngags bzlas pa dang / bsam gtan dang bas rnal 'byor ba rnams sangs rgyas nyid du 'grub par 'gyur te/bsod nams mchog tu dag byed sdig pa 'jig byed pa/ skye ba 'di nyid la zhes pa sgrub pa po'i nges pa bcom ldan 'das kyis gsungs so/ /slar yang de nyid du 'dir rnam pa thams cad rnam pa med ni rgyu ste/ so sor sdud pas gang zhig mthong ba'i dngos po bum pa dang snam bu la sogs pa dang pra phab pa dang pa so sor snang ba las rnam pa thams cad pa rtog pa dang bral zhing ma 'khrul ba'i mngon sum gyis mthong ba'i phyir zhes pa'o//rnam pa med ni rdul phra rab kyi chos nyid las ma 'das pa ste rtog pa dang bral ba nyid kyi phyir ro/ / btsums shing ma btsums pa'i mig gis rtogs par bya ba gang yin pa de'i phyir gzugs ma yin/ /gzugs las gzhan pa yang ma yin/ mig gis dang mig med par rtogs par bya ba yang ma yin no/ /de ltar rnam pa thams cad rnam pa med ni rgyu ste/ shes rab kyi pha rol tu phyin pa chen po stong pa nyid rnam pa thams cad mchog dang ldan pa'o zhes pa la sogs pa'o//don 'di nyid dpal kye'i rdo rje'i bshad par byang chub sems dpa' chen po dpal rdo rje snying po zhabs kyis gsungs pa 'di lta ste/ sngar bshad pa'i shes rab dang thabs dag gi don dam pa'i sgom pa brjod par bya ste/dngos po bsgom bya zhes pa la sogs pa'o/ /'dir nam mkha' la dngos po bsgom bya ni rmi lam lta bu ste/ rdul phra rab kyi chos nyid las 'das pa'o/ /de yongs shes pa dngos po med pa bsgom par bya ste/ rnam par rtog pa dang bral ba'i sems kyis snang brnyan mthong ba'o//rtog pa dang bral zhing ma 'khrul ba ni mngon sum zhes brjod par bya'o zhes pa la sogs pa'o/ /de bzhin du rgyud phyi mar sa bcu'i dbang phyug 'jam dpal zhabs kyis gsungs pa/ stobs bcu'i stobs dang ldan pas so sor sdud sogs drug po rnams kyis stong ba nyid ni sgom pa gsungs//mtshan mo'i du ba la sogs rnal 'byor slar yang nyin mo mkha' la 'bar ba la sogs rnams kyang ngo / /so sor sdud pas rnal 'byor pa ni nam mkha'i mthil du son pa dus gsum gzugs rnams mthong bar byed/ / de la bsam gtan gyis sems brten par yang ni byed de phyi rol dngos po rnams ni rnam par spong / /srog gi rtsol bas ri bong can dang nyi ma dang bral mun pa can du srog rlung 'bab par 'gyur/ /slar yang 'byung ba dang ni 'jug pas dman par byed de 'dzin pa'i yan lag gis ni thig ler ro//rjes su dran pas mkha' la ri bong can bzhin rang gi gzugs las 'od zer chen por rgyu/ /ting nge 'dzin gyis khu ba rdo rje las ni mgo bor bgrod byed dri med bde bas rab gang ba'o/ /nam mkha'i lta bas gti mug mtha' nyid du ni byed par 'gyur te stong pa nyid ni mthong bas so//nang gi lta bas 'dod chags mtha' nyid du ni byed par 'gyur te srog gi rlung ni 'gags pa na'o/ /lus med lta bas zhe sdang mtha' nyid du ni byed par 'gyur te khu ba dri med bde ba las/ /srog gi lta bas nga rgyal mtha' nyid du ni byed par 'gyur te gzhom med tshangs pa'i dbyangs las so//srog dang rtsol ba 'gags na sangs rgyas gzugs las dri ma dang bral dkyil 'khor dam par 'gyur/ /gsang ba lte ba snying ga'i chu skyes mgrin pa mgo bo gtsug tu sa zung rim pas so/ /khu ba steng du son dang 'og tu'ang rdul gyis gzhom du med pa'i dbyangs las ni//sku gsung thugs kyi rdo rje dri ma rnam bral gang gis sangs rgyas ston pa po/ /khyi la sogs pa'i sha yi mig ste rang bzhin yon tan dbang las lha la sogs pa'i lha yi mig /rang sangs rgyas dang nyan thos rnams kyi mi yi snying la son pa sangs rgyas spyan ni gsum pa'o//byang chub sems dpa' rnams kyi dri ma dang bral dag pa'i shes rab spyan na bzhi par rab tu 'gyur/ /sangs rgyas rnams kyis thams cad gzigs shing dri ma gsum dang rnam bral ye shes spyan ni lnga pa'o/ /'dzag med dga' ba khu ba rdo rje yang ste de 'dzin pa las nges par rdo rje 'dzin pa'o//sa bon lus kyi thig le yab ste lte ba'i 'khor lor bde ba gang zhig dzin dzig ces so/ /de nas mtshon bya mtshon par byed pa snying gar mchog gi bde ba mgon po A ro l-i ka nyid do/ /de ni rig bya rig byed gang gis mgrin par g.yo med bde ba 'dzin pa de yang rat+na d+h+r-ika /gang gi spyi bo'i rgyud du khu ba dri ma med pa'i bde ba 'dzin pa 'di ni pradz+nyA d+h+r-ika /gtsug tor tshangs pa'i bu gar 'gyur ba med pa mchog gi bde ba dga' ba bcu drug gang ba ni/ /gang zhig shes rab rang bzhin med pa mchog gi ri bong can cha bcu drug pa ste nya yi mthar//gang gi rig ma dga' ba de ni rdo rje dang bcas mgo bor drug pa rdo rje sems dpa'o/ /zla ba nyi ma'i rgyu ba nyams shing lam ni gnyi ga yi yang srog gi rlung ni rtag 'gags la/ /chu skyes rdo rjer rab tu sad cing ri bong can zhu nyi ma'i gzugs chen la ni rab tu zhugs/ /dngos dang dngos med gcig gyur rnam gsum 'jigs pa spong zhing gzhom med legs par rab tu rtogs pa na//de yi dus na rnal 'byor pa de gang la gnyis ni cung zad yod pa mchog gi go 'phang 'gro/ /srog dang thur sel 'gags par gyur na ri bong 'dzin pa bskyod pa nyi ma'i gzugs la rab tu 'gro/ /rdo rje pad+mar rab tu sad na slar yang 'di ni nyi ma'i gzugs kyis me lces zhu bar byed//rlung dang zla ba nyi ma 'gags par gyur na rnam par shes pa dang ni ye shes gcig tu 'gyur/ /de ltar e waM dang ni de bzhin de ltar rnam gsum du 'gyur gzhan ni cung zad yod ma yin/ /'khor lo srid gsum kun nas dang pa zhes pa'o 'di bde ba rin chen chags pa nyid//pad+mo'i nyon mongs zad pa ral gri rdo rje ye shes sku ni chen po mi phyed pa'o/ /mi shes gcod pa gri gug mchog gi rigs drug rnams te 'di rnams kyis ni bskyod pa gang / /phung po khams dang dbang po sogs rnams mkha' bzhin ro mnyam de yang de bzhin rig par bya//gong du nges par rigs kyi gzugs ni nyams pa nyid gyur de ni chen po'i gzugs su gsungs/ /gang du 'khor ba'i sdug bsngal nyams pa nyid du gyur pa de ni tshor ba chen por gsungs/ /gang du 'khor ba'i 'du shes mthar byed nyid gyur de ni rdo rje'i 'du shes chen po'o//gang du 'khor ba 'phel ba nyams pa nyid gyur de ni rdo rje 'du byed kho na'o/ /gang du gnyid la sogs pa'i gnas skabs nyams pa nyid gyur de yang rnam par shes par gsungs/ /gang du mi shes dngos po nyams pa nyid du gyur pa de ni thub pa'i ye shes nyid//'di rnams rnam par snang mdzod la sogs dam pa'i rgyal ba mchog rnam drug ste rigs drug rnams/ /gzhan ni khams drug dbye ba rnams te sa dang me dang chu rlung nam mkha' zhi ba rnams/ /gang du gti mug mtha' dag mthar byas nyid gyur spyan ma yin te de ni 'dzin ma'o//gang du nga rgyal mtha' dag nyams pa nyid gyur mA ma kI ste de ni chu nyid do/ /gang du 'dod chags mtha' dag nyams pa nyid gyur gos dkar mo ste de ni me ru 'gyur/ /gang du phrag dog mtha' dag nyams pa nyid gyur de ni sgrol ma'o de ni rlung yang ngo / / gang du zhe sdang mtha' dag nyams pa nyid gyur rdo rje dbyings kyi dbang phyug ma ste mkha'/ /gang du ser sna thams cad nyams pa nyid gyur de ni sna tshogs yum ste de ni 'gyur med do/ /mthong ngam ma mthong gzugs ni yid kyi nam mkha' la yang lta bar byed pa gang de mig /ring nas sgra ni rab tu gsal ba bzhin du thos 'di rgyal ba'i rna ba chen po'o//mchog gi bde ba byed pa'i dri kun 'dzin pa de ni khyab bdag gi yang sna bzang po/ /rang gi zla ba bdud rtsi bde ba ster ba'ang rtag tu myong bar byed pa gang de lce/ /rdo rje'i reg bya kun nas 'dzin pa gang de rtag tu rdo rje lus kyi dbang po ste/ / shes rab thabs dang rab tu 'grogs las yid ni mnyam la 'jug gang de ni 'di yi chos/ /dbye ba drug gis phye ba'i yul dang yul can 'di rnams byang chub sems dpa' btsun mor bcas/ /gzugs brnyan la ni gzugs sogs 'di rnams rgyal ba mchog gi yul rnams rnam drug kun nas ni//dang zhing ma skyes ma 'gags mchog gi bde byed rnyog med ye shes kyis ni rtogs bya ste/ /gzhan gyis gzung bya khams gsum du ni mtha' dag 'gro ba'i dbang po'i sgo yis rtogs bya min/ /sangs rgyas rnams kyi'ang rtogs bya min pa dpag med yon tan dang ldan sangs rgyas sprul pa sgyu ma ni//srid gsum gnas su bdag nyid ston par byed de brgya byin dra ba nyid bzhin nyid du'o/ /sna tshogs dngos rnams kyis phye rgyal ba dang bcas lha rnams kyi rang sems la rab zhugs pa/ /'di ni ma skyes chos te chu la nam mkha' bzhin du 'di la skye bar 'khrul pa ster ba'o//khro bo sangs rgyas lha mo dang bcas nges par ro yi rdo rje rnams dang sa gzhi'i snying po sogs/ /rab tu dga' ba'i thugs can rnams ni rnal 'byor pa la 'grub pa'i dus su mkha' la mngon sum 'gyur/ /de yi 'dod pa'i dngos grub ri bong can gyi zhag gi tho rangs dang ni mtshan mo'i phyed la 'gyur//rin po che'am me tog char pa mchog gyur dus kyi sbyor bas sa yi steng du 'gyur/ /dang po'i sangs rgyas las 'dir rdo rje'i tshig 'di rab tu gsal bar mdor bstan pa dang rgyas par bshad pa rnams kyis bcom ldan 'das kyis gsal bar mdzad do/ /'di nyid kyi sgrub thabs phyag rgya chen po'i sgom pa du ba la sogs pa'i mtshan ma can gyi lam gsal bar mdzad de/stong par rtse gcig yid byas nas/ /nyi ma gcig ni brtag par bya/ /zhes so/ /bcom ldan 'das kyi gsung 'di'i phyir mchog gi dang po'i sangs rgyas su rdo rje'i tshig phyag rgya chen po sgom pa'i lam du ba la sogs pa rab tu gsal ba ste/bla ma brgyud pa'i rim pas 'ongs pa ste/ bla ma'i bka' yis byin gyis brlabs pa ma yin no zhes pa'o/ /lam 'di'i rab tu gsal ba la nyin dang mtshan mor yid ches pa yod de/ nyin zhag gcig ni brtag par bya/ /zhes bcom ldan 'das kyis gsungs pa'i phyir ro//'dir du ba la sogs pa'i mtshan ma bor nas gzhan sngags la sogs pa'i sgrub thabs kyis rnal 'byor pas brtag par bya ba ma yin no/ /mtshan ma yang rnam pa gsum ste/ /dang po'i mtshan ma dang / mtha'i mtshan ma'o/ /dang po'i mtshan ma ni du ba la sogs pa'i lam rnal 'byor yan lag drug gi gzugs brnyan grub par mi 'gyur ba'i skad cig thob pa'o//mtshan ma bar ma ni mchog tu mi 'gyur ba'i skad cig brgya phrag bco brgyad rnams kyis sa dang po thob pa dang / mngon par shes pa lnga dang / /ma mthong ba'i don yang dag par mthong ba dang /'jig rten pa'i dngos grub 'thob pa'o/ /mtha'i mtshan ma ni/ sangs rgyas nyid dang / rdo rje 'chang nyid de mchog tu mi 'gyur ba'i skad cig drug brgyas lhag pa'i stong phrag nyi shu rtsa gcig rnams kyis sa bcu gnyis thob pa phyag rgya chen po'i dngos grub thob po zhes pa'o//rdo rje'i tshig la sogs pa mtshan ma sngon ma can 'di rab tu gsal bar rgyud kyi rgyal po mchog gi dang po'i sangs rgyas su bcom ldan 'das kyis bstan to zhes pa'o/ /dpal ldan mchog gi dang po'i sangs rgyas la sogs par rgyud sna tshogs pa rnams kyi rnal 'byor yan lag drug rdzogs so// //'di ni mkhas pa dpe med pas bsrungs pa'i zhabs kyis mdzad pa'o/ /la stod ding ri'i glang 'khor mkhan pa khrod du rgya gar shar phyogs dza gad ta la'i paN+Di ta chen po bi b+hU ti tsan+d+ra dang / gnyal gyi lo tsA ba mi mnyam bzang pos bsgyur ba'o// //slar yang lo tsA ba'i ming tsam 'dzin pa snyom las ba bsod snyoms pa dpal ldan blo gros brtan pas/ dpal dus kyi 'khor lo'i tshul la lhag par mos shing blo gros kyi snang ba cher rgyas pa'i slob dpon chen po chos grags dpal bzang po'i bkas bskul te/

CLOSE WINDOW