CLOSE WINDOW

D1386
བོད་ཡིག

/rgya gar kha che'i paN+Di ta chen po/ /shAkya shra'i b+ha dras mdzad pa rdzogs so// @##/ /rgya gar skad du/ /pany+tsa gra ha pra ti ga No pa de sha nA ma/ bod skad du/ /gza' lnga so so'i rtsis kyi man ngag ces bya ba/ dpal dus kyi 'khor lo la phyag 'tshal lo/ /dag zlar klu sbyin mkha' mes bsgyur//tshes bsres gnas gsum 'og ma la/ /thub mkha' ris bgos dbus mar gzhug /steng 'og mig dang sum cu bsre/ /'og ma chu dus kyis thob pas/ /steng la phri ba'i lhag ma la/ /ri yis bgos pa'i lhag ma dang / /tshes de'i gza' ni mthun nam blta//mi mthun gyur na gcig la sogs/ /bsnon 'brid byas la mthun par bya/ /de ni dag pa'i nyin zhag ste/ /gza' lnga kun gyi thun mong ngo / /mig dmar dag pa'i zhag mchog la/ /dus chu dor ba'i lhag ma la/ /ri klu dus kyis bgos thob dor/ /dor ba'i lhag ma skar mas bsgyur//de la ri klu dus thob rnams/ /skar ma yin te lhag ma la/ /mkha' dus bsgyur la thob chu tshod/ /chu srang dbugs dag rim pas shes/ /de ltar thob pa de rnams ni/ /gnas gnyis bzhag pa'i gcig la ni/ /skar ma'i gnas nas dgu dang ni/ /chu tshod gnas nas sum cu dor//dor rgyu med na rgyu skar phyed/ /bsres la gong gi de dag dor/ /gal te gong gi de dag ni/ /dor ba'i rjes la rgyu skar phyed/ /lhag na'ang dor ba kho na yin/ /dor ba'i lhag ma drug cus bsgyur/ /'og gi chu tshod yar la blang / /de la mda' yon zla ba yis/ /bgos pa'i thob pas rkang pa gzung //nyi shu rtsa lnga bco brgyad bdun/ /phyi ma la ni de las bzlog /mig dmar dal ba'i rkang pa yin/ /rkang pa zos pa'i sngun ma yis/ /bgos pa'i lhag ma bsgyur bar bya/ /de mda' yon zlas thob chu tshod/ /chu srang dbugs dag rim pas shes/ /de ltar thob pa de rnams kyi//rkang pa sngon ma zos dang sdom/ /phyi ma ma zos la phri la/ /sngar gyi skar ma'i gnas la gcig /sbyin dang dor bar bya ba yin/ /dal ba'i dus su rgyu skar gyi/ /sbyin dor byas nas sbyin pa ste/ /sbyin dor ma byas 'dor ba yin/ /myur la de las bzlog pa'o/ /'di ni gza' lnga spyi yi'o//myur la de nyid gnas gnyis gzhag /gcig gis nyi ma dag pa sbyang / /med na rgyu skar phyed bsre zhing / /lhag na'ang dor bar shes par bya/ /de ltar sbyangs pa'i lhag ma yis/ /myur ba'i rkang pa gzung bar bya/ /dang por nyi shu rtsa bzhi dang / /gnyis gsum bzhi par nyi shu gsum//lnga dang drug par nyi shu gcig /bdun par bco brgyad brgyad par tshes/ /dgu bar bcu gcig bcu par gsum/ /de ni snga ma'i cha yin no/ /bcu gcig dang ni sum cu brgyad/ /brgyad cu dang ni lnga bcu gsum/ /mig dmar myur ba'i rkang pa yin/ /rkang pa zos pa'i sngun ma yis//nyi ma chu tshod dag bsgyur bya/ /de la mkha' dus bgos thob rnams/ /chu tshod gnas su gzhag par bya/ /chu srang dbugs dag rim pas shes/ /de ltar thob pa de rnams kyis/ /rkang pa sngon ma zos dang sdom/ /phyi ma ma zos la phri la/ /bsnon 'brid sngar gyi bshad pas shes//nyi dag mig dmar gyis sbyang zhing / /phur bu dang ni spen pa yi/ /myur ba'i rtsis kyang de bzhin no/ /gza' lhag dang ni pa ba sangs/ /dal ba'i las la nyi ma nyid/ /sbyangs bas dal ba'i rkang pa byas/ /gza' lhag gnas ba'i zhag mchog la/ /mkha' dang stong pa zla bas bsgyur//mkha' dang sde pa zla ris dbang / /thub pa dbugs ri klus thob dor/ /dor lhag skar mas bsgyur ba la/ /thub bug ri klus bgos pa'i nor/ /skar ma yin te lhag ma la/ /mkha' dus bsgyur bas thob chu tshod/ /chu srang dbugs dag rim pas shes//de ltar thob pa'i nor rnams ni/ /myur rtsis don phyir logs shig gzhag /gza' lhag dal rtsis bya ba'i phyir/ /nyi ma phyed dag gnas gnyis gzhag /gcig la skar ma bcu drug dang / /chu tshod sum cu dor bar bya/ /med na rgyu skar thams cad dam/ /phyed bsres gong gi de dag dor//dor rjes 'khor phyed lhag na'ang dor/ /dor ba'i lhag ma mkha' dus bsgyur/ /'og gi chu tshod yar la blang / /mda' yon zlas thob rkang pa gzung / /phyogs ri me'o phyi ma bzlog /gza' lhag dal ba'i rkang pa yin/ /rkang gzung sngun mas lhag ma bsgyur//mda' yon zlas thob chu tshod yin/ /chu srang dbugs dag rim pas shes/ /de ltar thob pa'i nor rnams kyis/ /rkang pa sngun ma zos dang sdom/ /phyi rma ma zos la phri la/ /nyi ma phyed dag gnas gcig la/ /sbyin dor mig dmar dal ba bzhin/ /gza' lhag myur rtsis bya ba'i phyir//dal ba de nyid gnas gnyis gzhag /gcig gis dang por snyed de sbyang / /med na skar ma bsre ba dang / /lhag na'ang dor bar shes par bya/ /sbyangs pa'i lhag mas myur rkang gzung / /bcu drug lan gnyis bco lnga dang / /bcu bzhi bcu gsum bcu gcig bdun//lnga dang nam mkha' zhes bya ba/ /snga ma yin te phyi rkang ni/ /bzhi dang bcu bzhi nyi shu dang / /nyi shu rtsa brgyad sum cu bzhi/ /gza' lhag myur ba'i rkang pa yin/ /rkang pa gzung ba'i sngon ma yis/ /'og gi chu tshod bsgyur bar bya/ /de la mkha' dus thob chu tshod/ / chu srang dbugs dag rim pas shes/ /de ltar thob pa de rnams kyis/ /rkang pa sngon ma zos dang sdom/ /phyi ma ma zos la phri la/ /sngar gyi dal ba'i gnas gcig la/ /sbyin dor mig dmar myur ji bzhin/ /phur bu gsal ba'i nyin zhag la/ /mig dang dus dang 'byung ba sbyin//so me chu yis bgos thob dor/ /lhag ma skar mas bsgyur ba la/ /so me chus thob skar ma yin/ /mkha' dus bsgyur las thob chu tshod/ /chu srang dbugs dag rim pas shes/ /de ltar thob rnams gnas gnyis gzhag /gcig la skar ma bcu gnyis dor/ /med na rgyu skar phyed bsre zhing //lhag na'ang dor bar shes par bya/ /dor ba'i lhag ma mkha' dus bsgyur/ /'og gi chu tshod yar la blang / /de la mda' yon zla ba yis/ /bgos pa'i thob pas rkang pa gzung / /drag po bug me de bzlog phyi/ /phur bu dal ba'i rkang pa yin/ /rkang bzung sngon mas skar lhag bsgyur//mda' yon zla bas thob chu tshod/ /chu srang dbugs dag rim pas shes/ /de ltar thob pa de rnams kyis/ /rkang pa sngon ma zlos dang sdom/ /phyi ma ma zlos la phri la/ /gnas gcig la ni sbyin dang dor/ /mig dmar dal ba ji bzhin no/ /phur bu'i myur rtsis bya ba'i phyir//dal ba de nyid gnas gnyis gzhag /gcig gis nyi ma dag pa sbyang / /med na rgyu skar bsre ba dang / /lhag na'ang dor bar shes par bya/ /dor ba'i lhag mas myur rkang gzung / /bcu pa lan gnyis dgu dang bzhi/ /drug pa lan gnyis gnyis dang gcig/ /phyi ma la ni gsum dang drug /dgu dang bcu gcig bcu drug bdun/ /phur bu myur ba'i rkang pa yin/ /rkang zos sngon mas chu tshod bsgyur/ /de la mkha' dus thob chu tshod/ /chu srang dbugs dag rim pas shes/ /de ltar thob pa de rnams kyis/ /rkang pa sngon ma zlos dang sdom/ /phyi ma ma zos la phri la/ / sngar gyi dal ba'i gnas gcig la/ /sbyin dor mig dmar myur ba bzhin/ /pa sangs gsal zhag phyogs kyis bsgyur/ /dus ri drag po dbri bar bya/ /ri chu lag mig bgos thob dor/ /lhag ma skar mas bsgyur ba la/ /gong gi 'god byed kyis thob pa/ /skar ma yin te lhag ma la/ / mkha' dus bsgyur la thob chu tshod/ /chu srang dbugs dag rim pas shes/ /de dag myur rtsis don du gzhag /dal ba'i rtsis ni bya ba'i phyir/ /nyi ma dag pa gnas gnyis gzhag /gcig la skar ma drug dbri zhing / /med na 'khor phyed sbyin pa dang / /lhag na'ang dor bar shes par bya/dor ba'i lhag ma mkha' dus bsgyur/ /'og gi chu tshod yar la blang / /mda' yon zlas thob rkang pa gzung / /mda' chu zla ba de bzlog phyir/ /pa sangs dal ba'i rkang pa yin/ /rkang zos sngon mas nyi dag bsgyur/ /de la mda' yon zlas thob pa/ /chu tshod sogs su shes par bya//de ltar thob pa de rnams kyis/ /rkang pa sngon ma zos dang sdom/ /phyi ma ma zos la phri la/ /nyi ma phyed dag gcig la ni/ /sbyin dor mig dmar dal ji bzhin/ /pa sangs myur rtsis bya ba'i phyir/ /dal ba de nyid gnas gnyis gzhag /gcig gis sngar gyi rnyed pa sbyang //me sbyin lhag dor shes par bya/ /dor ba'i lhag mas rkang pa gzung / /nyi shu rtsa lnga lan gsum dang / /nyi shu rtsa bzhi lan gnyis te/ /nyi shu rtsa gnyis lan gnyis dang / /bco brgyad tshes dang klu snga rkang / /drug dang sum cu dgu bcu dgu/ /bdun cu don gsum phyi rkang ste//pa ba sangs kyi myur rkang yin/ /rkang bzung sngun mas chu tshod bsgyur/ /de la mkha' dus thob chu tshod/ /chu srang dbugs dag rim pas shes/ /de ltar thob pa de rnams kyis/ /rkang pa sngon ma zos pa dang / /phyi ma ma zos la phril/ /dal ba yi ni gnas gcig la/ /sbyin dor mig dmar myur ji bzhin//spen pa gsal ba'i nyin zhag la/ /mkha' chu me dang zla ba sbyin/ /dus ro ri stong zla bgos dor/ /lhag ma skar bsgyur las thob pa/ /skar ma'i yin te lhag ma la/ /mkha' dus bsgyur la thob chu tshod/ /chu srang dbugs dag rim pas shes/ /rnyed pa de dag gnas gnyis gzhag /gcig la skar ma bco brgyad dbri/ /me sbyin lhag dor shes par bya/ /dor ba'i lhag ma mkha' dus bsgyur/ /'og gi chu tshod yar la blang / /mda' yon zlas thob rkang pa gzung / /nyi shu gnyis dang bco lnga drug /phyi ma la ni de las bzlog /spen pa dal ba'i rkang pa yin//rkang zos sngun mas lhag ma bsgyur/ /mda' yon zlas thob chu byed de/ /chu srang dbugs dag rim pas shes/ /de ltar thob pa'i nor rnams kyis/ /rkang zos sngun sdom phyi phri la/ /sngar gyi rnyed pa'i gnas gcig la/ /sbyin dor mig dmar dal ji bzhin/ /myur la de nyid gnas gnyis gzhag /gcig gis nyi ma dag pa sbyang / /me sbyin lhag dor shes par bya/ /dor ba'i lhag mas rkang pa gzung / /drug dang lnga dang lnga dang bzhi/ /bzhi dang gnyis dang gnyis dang mkha'/ /phyi ma la ni gnyis dang bzhi/ /lnga dang drug dang brgyad dang gsum/ /spen pa myur ba'i rkang pa yin//rkang gzung sngun mas chu tshod bsgyur/ /de la mkha' dus bgos thob pa/ /chu tshod gnas su gzhag par bya/ /chu srang dbugs dag rim pas shes/ /de ltar thob pa de rnams kyis/ /rkang bzung sngon sdom phyi phri la/ /dal ba gcig la sbyin dor ni/ /mig dmar myur ba ji bzhin no//yid bzhin nor bu'i rtsis 'di ni/ /zab cing rgya che dus 'khor rgyud/ /rin chen gling mchog nang nas ni/ /bla ma'i man ngag la brten nas/ /shes rab mig gis legs dpyad byas/ /dran shes brtson ldan gus pas blangs/ /don ldan tshig gis srad pur brgyus//blo ldan rnams kyi mgul rgyan mdzod/ /de las byung ba'i bsod nams ni/ /dri med nyi zla lta bu des/ /'gro ba sems can ma lus rnams/ /kun mkhyen rgyal po thob par shog /gza' lnga so so'i rkyang rtsis kyi man ngag /paN+Di ta chen po shAkya shrI b+ha dras mdzad pa rdzogs so/

CLOSE WINDOW