CLOSE WINDOW

D1380
བོད་ཡིག

dpal dus kyi 'khor lo'i sdom tshig bzhugs/ @##/ /dam pa rnams la phyag 'tshal lo/ /bden pa dbyer med dus 'khor lo/ /shes bya'i cha nas gnyis zhes bya/ /brjod bya dang ni rjod byed do/ /brjod bya bden pa gnyis yin te/ /kun rdzob phyi nang gzhan dang gsum/ /phyi ni 'chags gnas 'jig pa ste//chags pa rten dang brten pa'o/ /rten ni rgyu dang go rims dbyings/ /rang bzhin kha dog ming dang ni/ /yi ge grangs dang tshad dag go/ /rgyu ni las kyi 'dus byas nas/ /rdul phran dag las skyes par 'dod/ /stong dang rlung sogs rim pa'o/ / dbyings ni gzhu sogs rang bzhin ni/ /g.yo sogs kha dog sngo la sogs/ /ming ni rlung sogs ri la sogs/ /yi ge ya ra la sogs pa'o/ /grangs ni rlung dang mtsho yi bar/ /tshad ni rngams dang mtha' skor ro/ /brten pa sems can zhes bya ste/ /rgyu dang ming gi rab dbye dang / / so so'i gnas dang tshe tshad dang / /sa bon yi ger rab shes bya/ /rgyu ni las dang nyon mongs dang / /ming ni mnar med nas bzung nas/ /srid pa sum cu rtsa gcig bar/ /gnas ni rlung dang srid rtse'i bar/ /tshe tshad lo dang bskal pa'i grangs/ /sa bon yi ge ka la sogs/ /'chags pa sdud par shes par bya//gnas pa rnam pa gnyis yin te/ /bstan pa dus dang byed pa rtsis/ /dang po dus bzhi la sogs pas/ /sa yi dum bu rnams la ni/ /'khor los sgyur rgyal lus kyis su/ /log 'dren mthar byed legs rnams 'dzin/ /byed pa yan lag lngas bsdus te//gza' ni tshes dang rgyu skar dang / /khyim la gnas pa dag yin no/ /tshes ni dbyangs dang rten 'brel dang / /drag mo la sogs shes par bya/ /'jig pa sa sogs rim zhugs pas/ /tha ma stong par gyur pa'o/ /nang ni skye gnas 'chi ba ste/ /skye ba nang dang phyi dag go/ /nang gi dus dang rgyu dag dang //ngo bo rkyen rnams rdzogs dus so/ /dus ni ye shes g.yo ba dang / /rgyu ni khu srog skye gnas khrag /ngo bo phung po khams rang bzhin/ /rkyen ni ma yis ro zos mthus/ /rnam pa khu khrag rtsa rlung gis/ /gtso bo brgyad ni bskyed pa'o/ /rdzogs dus bcu gnyis bcu gsum mo//phyi nas dbyibs dang tshad dag dang / /rnam grangs dag tu bstan pa yin/ /dbyibs ni lus dang yan lag sogs/ /tshad ni sor dang khru yi bar/ /dbye ba phung po khams dag dang / /dbang po las kyi dbang po dang / /'khor lo bya ba'i 'khor lo dang / / las kyi 'khor lo dag tu'o/ /de yang rtsa rlung sems dag gis/ /lus kyi ngo bo bsdus pa'o/ /gnas pa las dang bsrung ba'o/ /las ni phyi nyid nang sbyar bas/ /dus kyi 'khor lor gyur pa'o/ /bsrung ba sems kyi sdig gzhom dang / /nad zhi lus kyi bcud len no/ /'chi ba dus dang dus min pa'o//gzhan ni sgrub pa'i thabs dang ni/ /'jig rten dbang ni ngo bo dang / /nges tshig dbye ba cho ga'o/ /ngo bo gzhan las thob bya ste/ /nges tshig dri 'khrud nges par 'joms/ /dbye ba thun mong khyad par gyis/ /bdun dang gsum du shes par bya'o/ /cho ga sbyor ba dngos gzhi'o/ / sgrub pa lam dang 'bras bu ste/ /lam ni las dang ye shes so/ /las brgya'i ngo bo dbye ba dang / /nyams su blang ba'i cho ga'o/ /ngo bo nus pa sgra ldan pa/ /dbye ba gzhan gyi rigs la sogs/ /nyams blangs bsnyen sgrub sgrub pa'o/ /ye shes phyag rgya'i ngo bo ni/ /rang gi sems kyis brtags pa ste//dbye ba dkyil 'khor rnam gsum mo/ /cho ga sngon 'gro dngos dang mjug /dngos ni bskyed dang bsgom pa'o/ /bsgom pa dngos zhen rnam gnyis dang / /zhen bral dag pa bsgom pa'o/ /rjes ni mnyam gzhag las langs la/ /snang grags chos la sogs pa yang / / nang gi rnam pa phyis sbyar nas/ /lus ngag yid kyis byas pa'o/ /'bras bu 'dod dang gzugs khams kyi/ /mthar thug thob par 'gyur ba'o/ /don dam bden pa la brten pa/ /lta ba lam dang 'bras bu'o/ /chos nyid mi mthun phyi nang gi/ /log par rtog pa bstan pa'o/ /mthun pa gnyis su med sgrub pa//ngo bo dbye ba mtshon byed dang / /dpe yi rnam par shes par bya/ /ngo bo mi rtog ye shes te/ /de yang bems po log pa'o/ /dbye ba chos can dag gi ni/ /stong pa lnga dang thig le drug /spang bya sogs pas shes par bya/ /mtshon byed sgra dang mtshan ma ste/ /e baM a la sogs pa dang //de ru mtshon pa'i dbyibs dag go/ /dpe ni pra ti se na sogs/ /'jig rten dpe las 'das pa'o/ /chos can ci rlung sems dag gi/ /gnas lugs shes par byed pa'o/ /lam ni dbang dang sgrub pa'i thabs/ /dbang ni 'jig rten las 'das te/ /ngo bo rang gi byang chub sems//bla ma'i rkyen gyis ngo shes pa/ /nges pa'i tshig gong dang mtshungs/ /dbye ba dngos dang brtag pa ste/ /dang po sangs rgyas dus su ste/ /brtag pa da lta rgyu dus so/ /cho ga byed dang bral na yang / /re zhig dpe dang brda tshig gis/ /phyi yi rnam par rtog pa'o/ / sgrub pa phyag rgya chen po ste/ /ngo bo mi rtog ye shes so/ /dbye ba rnam pa gsum bdag nyid/ /nyams blang rgyu dang ngo bo dang / /dbye ba'i tshul du bstan pa'o/ /rgyu ni rkyen gsum ngo bo dang / /mi rtog pa la dmigs pa'o/ /dbye ba yan lag drug yin te/ /spang bya spong byed thob bya yis/ / lam ni yan lag der bsdus na/ /gdams ngag mtshan nyid rtags 'bras bu/ /so sor dbye ba la sogs kun/ /sgrub bzhi'i tshul du sgom pa'o/ /'bras bu spangs thob phun tshogs pa'o/ /sangs rgyas sku bzhi la sogs pa'i/ /gdul bya'i sgo nas dag bya yis/ /rnam thar la sogs lam gyis so//de ni brjod bya mdor bsdus pa'o/ /rjod par byed pa'i tshig dag ni/ /gzhung tshad grangs dang bshad tshul bsdu/ /gzhung tshad rgyu dang 'grel pa'o/ /grangs ni rgyud kyi le'u grangs te/ /mdor bsdus dang ni bsdus don no/ /rgyas par bshad pa 'grel pas so/ / rgyud kyi le'u rnam lnga ni/ /grangs nges go rims nges pa yang / /rgyud gsum dag gi grangs dag dang / /gzhan gzhug dngos po'i rim pa dang / /rnal 'byor snyoms zhugs rags pra dang / /dman pa mchog gi go rims so/ /'grel pa rnam gsum bshad pa yang / /grangs nges lus la rtsa dag dang //de yi chas phyed dbus ma'i dbus/ /mtshan dang dpe byad ting 'dzin dang / /go rims so so'i rnam 'grel lo/ /bshad thams mtha' drug mtshan nyid de/ /de yang drang don nges don no/ /don bsdus rgyud gsum dag tu ni/ /spyi ru bsdus dang so so'i dang //dngos dang phal ba'i yul du ste/ /yan lag de dang der shes bya/ /dam pa'i drin gyis nges gsal ba'i/ /dam pa'i lam 'dis sems can la/ /mi yi skye ba 'di nyid kyis/ /byang chub myur thob nges par shog /dpal dus kyi 'khor lo'i sdom tshig paN+Di ta chen po a b+h+yA ka ras mdzad pa rdzogs so/

CLOSE WINDOW