CLOSE WINDOW

D1379
བོད་ཡིག

/[]@##/ /rgya gar skad du/ kA la tsakra badzra yA na mU la pa ti/ bod skad du/ rdo rje theg pa dus kyi 'khor lo'i rtsa ba'i ltung ba/ dpal dus kyi 'khor lo la phyag 'tshal lo/ /'phags pa 'jam dpal la phyag 'tshal lo/ / shes rab thabs dag sbyor ba yis/ /sku yi dbyings kyi rdzu 'phrul 'gro/ /rdo rje sems dpa' sems dpa' che/ /byang chub sems la phyag 'tshal te/ /rtsa ba'i ltung ba bcu bzhi ni/ /dus 'khor la gsungs bshad par bya/ /bu yi rtsa ba'i ltung ba ni/ /dpal ldan bla ma'i thugs sun phyung //ri bong 'dzin pa ru ni 'gyur/ /de ni bdag las 'das pa gzhan/ /de bzhin mig tu 'gyur ba yin/ /rten la khros pa yon tan no/ /byams pa 'dor ba rig byed de/ /byang chub sems 'dor mnga'i yin no/ /grub pa'i mtha' smod dbang po yin/ /yongs su ma smin skye bo la//gsang ba ston pa gzhan yang ri/ /dag pa'i chos la mi dad pa/ /gza' zhes rab tu grags pa'o/ /sgyu yi byams po phyogs su 'gyur/ /ming sogs bral bas bde ster ba/ /rtog pa drag po ru ni 'gyur/ /dag pa'i sems can la skyon brjod/ /nyi ma ru ni 'gyur ba yin/ /dam tshig rnyed nas spong ba ni//yan lag ces su gsungs pa'o/ /bud med kun la smod pa ni/ /ltung ba sa ru 'gyur ba yin/ /rdo rje theg la gnas rnams kyi'o/ /bum pa'i gsang ba gnas brgya la/ /brtul zhugs nges pa'i dbang gis te/ /gong ma la ni dag pa med/ /dam tshig gang dgos mi ldan pa'i//rig ma bsten pa zla ba'o/ /tshogs 'khor pa yi ston mo la/ /rtsod pa ltung ba mig ces bya/ /bsten par mi rigs ma sring las/ /bdud rtsi thob byed yon tan 'gyur/ /gsang chos shes kyang 'dod pa'am/ /ser snas snod ldan spong rig byed/ /dad pas sems can chos kyi gtam//dri med dus 'das gyur pa mda'/ /nyan thos skrag dang ldan pa yi/ /nang du zhag bdun 'das par ro/ /shes rab skyob pa mi shes sbyin/ /rlom sems sngangs par ston pa ni/ /snod dang mi ldan sems can la/ /gsang sngags ston pa bkra shis brjod/ /'di brgyad yan lag nyes pa'o//srog gcod gzhan gyi nor 'phrog dang / /gzhan gyi bud med spyod dang brdzun/ /smyos byed khu ba 'thung ba yi/ /sdig pa gzhan pa'i chos lnga yang / /cho lo kha na ma tho'i zas/ /tshig ngan 'byung po kla klo'i chos/ /thub pa'i bka' dang mi mthun pa/ /lnga po spang bar bya ba yin//ba lang dang ni byis pa dang / /bud med skyes bu thub pa lnga/ /gsod pa gdug pa'i bram ze yi/ /'tshe bar byed pa chos lnga yang / /grogs dang rje dpon sangs rgyas dang / /rang la dge 'dun dbugs 'byin la/ /khu ba lnga zhes bya ba ste/ /byas pa mi skyo rnam lnga spang / /dbang po lnga rnams yul gnas kyi//'dod yon lnga la chags pa spang / /mu stegs brtul zhugs nyi shu lnga/ /sangs rgyas pa yis spang bar bya/ /rdo rje theg pa dus kyi 'khor lo'i rtsa ba'i ltung ba yan lag dang bcas pa byang chub sems dpas mdzad pa rdzogs so// //

CLOSE WINDOW