CLOSE WINDOW

D1375
བོད་ཡིག

/ //paN+Di tas man+ta shrI dang / lo tsA ba rwa chos rab kyis bsgyur ba'o// @##/ /rgya gar skad du/ yo ga Sha Dang+ga nA ma/ bod skad du/ rnal 'byor yan lag drug pa zhes bya ba/ dpal rdo rje 'dzin pa la phyag 'tshal lo//so sor gcod dang bsam gtan dang / /srog rtsol de bzhin 'dzin pa dang / /rjes su dran pa ting nge 'dzin/ /rnal 'byor yan lag drug tu gsungs/ /mi g.yo ba ni gsum ldan gyis/ /d+hU tI ra rlung bcu chud gyur pa/ /phyi nang rtog 'gags rtags byung ba/ /so sor gcod pa'i yan lag yin//rtags rnams brtan par mthong 'gyur la/ /shes rab rtog dpyod dga' bde dang / /rtse gcig mi g.yo rtog med ni/ /bsam gtan gyi ni yan lag yin/ /rlung bcud bu mang chud gyur pas/ /'khor lo bzhi yi thig le'i nang / /rlung nyid 'gro 'ong byed pa ni/ /srog rtsol gyi ni yan lag yin/ / srog rlung thig le'i nang chud pas/ /rlung sems bde chen 'khor lo yi/ /haM gi thig ler zin pa ni/ /'dzin pa yi ni yan lag yin/ /rlung sems thig ler zin stobs kyis/ /gtum mo'i me 'od snang ba dang / /bde drod khyad par can 'byung ba/ /rjes su dran pa'i yan lag yin/ /rtags bcu rdzogs par gyur pa na//thig le chen po'i snang ba 'byung / /sna tshogs thig le chen po la/ /re khA nag po'i ri mo 'byung / /de nas 'gro drug la sogs dang / /shin tu pra ba'i sprul sku dang / /longs sku du ma mthong gyur pa/ /sna tshogs gzugs brnyan 'od gsal yin/ /de la sems ni thim pa na/ /ting 'dzin yan lag mthar phyin pa'o/

CLOSE WINDOW