CLOSE WINDOW

D1355
བོད་ཡིག

@##/ /rgya gar skad du/ shrI kA la tsa kra tan+t+ra rA dza s+ya she ka pra kri y-i bra t+ti/ badzra bA do ng+g+ha ti nA ma/ bod skad du/ rgyud kyi rgyal po dbal dus kyi 'khor lo'i dbang gi rab tu byed pa'i 'grel pa/ rdo rje'i tshig 'byed pa zhes bya ba/ dpal dus kyi 'khor lo la phyag 'tshal lo/ /gang zhig shes rab me yis 'dzag pa'i rgya mtsho dug chu skems pa yi//bde chen nam mkha'i dbyings nas 'brug sgra rab bsgrags char rgyun bzhin du 'bebs/ /dpag med bskal par 'gro ba rnams la gar thabs rnam mang ston mdzad pa/ /gar thabs rnams kyi mchog gyur dang po'i sangs rgyas de la bdag phyag 'tshal//gang dag rdo rje'i mtshan ldan pa/ /mkha' la gshegs pa rnam gnyis dang / /bla ma rdo rje 'dzin rnams kyis/ /bgegs med gzhung 'di bsgrub pa'i rigs/ /srid gsum mun nag smag tu gyur la snang ba mdzad pa'i sangs rgyas nyag gcig mya ngan 'das/ /de rjes gzu bor gyur pa'i 'phags pa klu sgrub la sogs da lta 'di na rab mi bzhugs//gang yang gnyis gnyis bde ba lhur len log pa'i lam ston 'gro rnams phung bskyed pa 'di/ /rtog ge 'dod rgyal de rnams go bya'i phyir dang bdag nyid dran phyir 'grel 'di bri bar bya/ /gzhan yang 'di skad du/ / mchog gi gsang chen 'dir zhugs nas/ /rnal 'byor spyod pa yin zer zhing / /bya ba ma yin kun la 'jug /'jig rten sun byed rkun po 'byung / /'jig rten dbugs ni 'byung ngo zhes/ /mgo la chu rgyun ldugs par byed/ /cod pan rdo rje dril bu sogs/ /mgo dang lag pas rab tu 'dzin/ / rdo rje des ni 'tsho ba bsgrub/ /kha cig slob ma'i tshogs sdud cing / /nga yi tshig ni 'di nyid dag /yin zhes zer zhing byis pa 'drid/ /gsang ba log par rab tu ston/ /kha cig bas mthar rab 'khod cing / /bdag med shes rab pha rol phyin/ /skad cig tsam yang mi gnas par/ /'jig rten sngags sogs sgrub par byed//kha cig slong mos rgyu byed cing / /kun du 'gro zhing gya tshom smra/ /mi mo rnams la rab tu chags/ /sangs rgyas dam tshig rab tu 'jig /kha cig grong du 'khod byed cing / /bza' dang btung la rab tu chags/ /khye'u dang bu mo phal mang dang / /dgod cing rab tu rtse bar byed//kha cig rol mo zlos gar dang / /glu dang rgyan po 'gyed byed dang / /'dus pa'i tshogs la lta byed cing / /bzo yi gnas rnams rab tu slob/ /kha cig tshong dang zhing las dang / /glang po ba lang gsod byed dang / /shing rta la sogs 'dren pa dang / /nyes pa mang po rab tu byed/ / gzhan yang rnal 'byor spyod pa yis/ /dge slong ma dang dge sbyong ma/ /dge bsnyen ma dang dge bsnyen dang / /phan tshun mtshon gyis rab tu 'debs/ /legs par gsungs pa'i 'dul ba la/ /rab tu mi gnas srung mi byed/ /sangs rgyas rgyal mtshan sun 'byin cing / /phas pham la sogs rab tu byed//gang gis btung ba'i mchog mi shes/ /sA lu la sogs bcos sbyar ba'i/ /myos pa'i khu ba 'thung byed cing / /de yis phung khrol rab tu bskyed/ /ces rgyal po zla ba bzang pos gsungs so/ /de bas na gang dag rdo rje'i tshig ma shes pas log pa'i lam du zhugs pa de rnams/ log pa'i lam las bzlog par bya ba'i phyir/ rgyud de dang de'i nges pa dang drang pa'i don bdag gis bla ma dam pa'i zhal las thos shing legs par bsams pa dang / gzhan yang gsang sngags kyi sgo nas spyad pa spyod pa'i byang chub sems dpa' rnams kyis ji ltar spyad cing bslab par bya ba'i lung dang rigs pas//dbang rnam pa gnyis kyi rab tu byed pa bsdus pa'i rgyud brtag pa lnga'i don gsungs pa/ 'di'i drang ba dang des pa'i don ji lta ba bzhin du dgrol bar bya'o/ /mi dbang pad dkar phyag na pad+mo 'dzin pa gang / /de yis bsdus legs rab tu bkral gyur mod/ /'on kyang phya mkhan mkhas pa'i rjes nas mchan bu rnams//gzod dang ster thogs nas rjes bzhin legs 'brang dang / /mchan bu bdag kyang mi dbang phya mkhan rjes 'brangs nas/ /shes rab gzod dang sta re legs par rab bzung ste/ /lung rigs bla ma'i gdams ngag bzo bo'i thig btab nas/ /thar pa'i grong khyer brtsigs shing sgra yi 'grel pa byed//'grel 'di ma gtogs rin po che'i/ /rnam gnyis dbang gi de nyid ni/ /gsal zhing the tshom med pa dag /mkhas rnams kyis ni rnyed mi 'gyur/ /dbab pa spangs pa'i phyir na zhes bya ba la sogs pa la/ dbab pa zhes bya ba ni skyes bu gang 'jig rten dang 'jig rten las 'das pa'i dbang mngon par bskur bar 'dod pa de la/thun mong gi dngos grub kyi don du byis pa skye bo rnams brid par bya ba'i phyir/ dkyil 'khor gcig tu legs par babs par ma gyur na/ dkyil 'khor gzhan spro bar bya ba yin gyi/ mchog gi dngos grub kyi don du ni ma yin te/ 'gal pa'i phyir ro//'di ltar mchog gi dngos grub la/ dkyil 'khor gcig tu legs par babs par ma gyur pa/ gzhan du 'bab pas mchog tu gyur pa de lta na ni/ bde bar gshegs pa rnams la yang gzung ba dang 'dzin pa mnga' ba dang / gzhan yang stobs che chung mnga' bar yang 'gyur bas/de lta bas na/ dbab par bya ba ni/ kun rdzob tsam du byis pa so so'i skye bo rnams brid pa'i phyir yin gyi/ de na dam par ni ma yin par khong du chud par bya'o/ /de la gang kun rdzob tsam du thun mong gi dngos grub byis pa rnams kyis rtogs par bya ba de ni 'di lta ste/ ting nge 'dzin dang / sngags dang /sman gsum gyis kyang 'bebs par byed do/ /slob dpon ting nge 'dzin la mchog tu gzhol ba/ ting nge 'dzin gyi mthu thob pa rnams kyis ni/ ting nge 'dzin 'ba' zhig gis 'bebs par byed do/ /bzlas pa cho ga bzhin du gyur pas kyang 'bebs par byed do/ /de gnyis ka dang ldan pas kyang 'bebs par byed la/sman 'ba' zhig gis 'bebs pa dag kyang yod de/ de ni mchog ma yin no/ /dkyil 'khor gyi nang du 'jug par byed pa rnams la/ rnam grangs de lta bu babs pa na/ dge ba dang mi dge ba thams cad dris la/ dge bar gyur pa de lta na ni legs te/ cho ga la 'jug par bya la/ mi dge bar gyur na ni zhi bar bya ba'i phyir/zhib dang rgyas pa'i sbyin sreg la sogs pa mtshan ma ngan pa zhi bar gyur gyi bar du byas la/ phyi nas cho ga la 'jug par bya'o/ /de la dpal dus kyi 'khor lo 'dir 'jug pa'i slob ma la dbab par bya ba ni mi 'chi lnga dang mar me lnga'i spos sngon du cho ga bzhin du bsgrubs te/ des slob ma la bdug par bya zhing / oM AH ra ra ra ra/ la la la la/ badzra A be sha ya hUM zhes bya ba dang bcas pas khro bo'i rgyal po bskul bar bya'o/ /de yang sngags kyi rkang pa 'di rnams sngon du bye ba phrag gcig bzlas shing sbyin sreg 'bum phrag bcu yis bsnyen pa byas nas/ gdod bsams pa tsam gyis 'bebs par 'gyur gyi gzhan du ni ma yin no/ /gzhan yang rdzas 'ba' zhig gis 'bebs pa ni 'di lta ste/yi dags khar ni gu gul bdug/ /mar ngo yi dags nyin zhag la/ /yi dags mes bsregs bdug pas ni/ /'gro ba ma lus 'bebs par byed/ /gzhan yang / thod pa de dang gser shing gi /'bras bu ma du lung ga dang / /a la tsi kra shu dag dang / /khyim bya'i sgongs bdugs na 'bebs/ /zhes gsungs te de ni mchog ma yin no//de la gal te khro bo'i rgyal po babs par gyur pa de lta na ni mtshan nyid 'dir 'gyur te/ khro bo'i rgyal po bab na ni/ /mtshon cha dang bcas lag pa yis/ /bdud sde rnams la khro 'dzum byed/ /chos la 'tshe ba'i brtan g.yo 'joms/ /g.yas brkyang la sogs rkang pa yis/ /sna tshogs rdo rje'i gar yang byed//yi ge hUM gi sgra yis ni/ /bdud dpung sreg byed sgra yang 'byin/ /dang po'i las kyi rnal 'byor la/ /grangs med rgyud las gsungs pa yis/ /mi rnams la ni glu gar ston/ /khro bo'i yon tan dbang gis ni/ /ngo tsha bral zhing som nyi med/ /mtshan ma gang dang gang ston pa/ / de tshe dngos grub rgyur shes bya/ lus dang ngag gi dbye ba yis/ /lus babs pas ni mkha' la 'gro/ /ma mthong dkyil 'khor 'dri ba dang / /ri bo la sogs 'degs par byed/ /ngag ni babs pa tsam gyis kyang / /srid gsum la gnas lha klu las/ /ngag rtsod pa las rgyal 'gyur te/ /'jam pa'i dbyangs dang mtshungs par 'gyur//sems babs pha rol sems shes shing / /'das dang ma 'ongs da ltar gyi/ /dus gsum lkog tu gyur pa rnams/ /ma lus lus pa med par shes/ /dang po'i las kyi rnal 'byor la/ /sangs rgyas spyan gyis byin brlabs pa'i/ /sa babs pas ni ri bo ltar//grangs med skyes bus mi sgul la/ /mA ma kI yis byin brlabs pa'i/ /chu babs pas ni bsil 'gyur zhing / /tsha ba'i rims sogs zin pa la/ /'khyud pa tsam gyis bsil bar byed/ /na bza' dkar mos byin brlabs pa'i/ /me babs pas ni sreg byed cing / /gang bsam de ni sreg byed la//ri bo'ang thal ba lta bur byed/ /sgrol mas byin gyis brlabs gyur pa'i/ /rlung babs pas ni skyes bu dag /bsams pa tsam gyis de sgrol cing / /dpag tshad bye bar skrod par byed/ /stong pa babs pas mthong mi 'gyur/ /mkha' la spyod pa nyid du 'gyur/ /mig babs pas ni mdzes gzugs dang //ma mthong rjes kyang mthong bar 'gyur/ /lha yi rna ba babs gyur na/ /'gro bas mthos sgra thos 'gyur/ /lha yi yid ni phebs gyur na/ /gzhan sems shes pa ye shes 'byung / /lha yi lus dbang babs gyur na/ /reg bya mchog tu gyur pa 'dzin/ /lha yi ljags ni babs pa yis//ro mchog bzang po myang bar 'gyur/ /lha yi shangs ni babs pa yis/ /dri bzangs sna yis tshor bar 'gyur/ /zhes bya ba ni nges pa ste/ sangs rgyas kyi bka' lung ngo / /babs pa'i mtshan nyid rgyas par bstan pa'o// //spangs pa'i zhes bya ba ni/ dbab pa zhes bya ba dang sbyar ro//'dir khro bo'i rgyal po dang / lha rnams kyis byin gyis brlabs te babs pa la bya ba dang bya ba ma yin pa dris nas spang bar bya'o/ /de yang oM AHhUM zhes bya bas me tog gam yang na bdag nyid kyi gos kyi tha mal bsngags te/ spyi bor bzhag pa'am bya bas pas rang rang gi gnas su gshegs par 'gyur ro//gal te des kyang spangs par ma gyur na/ de'i spyi bor sa'i dkyil 'khor dang ri rab kyis mnan pas ni spangs par 'gyur te/ sngon du ni ma yin no/ /phyi nas mgo dang snying ga spyi gtsug lte mgrin dang / gsang ba las ni zhes bya ba la sogs pa la/ spyi bor ni yi ge oM mo/ snying gar ni yi ge hUM ngo //spyi gtsug tu ni haM ste thabs kyi cha'o/ /rang rang rig par gnas zhes bya ba ni/ thabs kyi yul la spyi bo spyi gtsug snying ga yin la/ shes rab kyi yul ni lte mgrin gsang ba'o/ /rdo rje gsum zhes bya ba ni/ sku gsung thugs kyi yi ge gsum gyi ngo bo'o/ /shes rab kyi cha la dgod pa'i yi ge gang yin zhe na/lte bar ni ho/ mgrin par ni A/ gsang ba ni k+Sha'o/ /bsrung zhes bya ba ni gnas drug po der bsrung ba'o/ /gzhan du de bzhin nyid kyi ye shes kyi rdo rje ma shes pa'i byis pa rnams la bdud kyi 'tshe ba 'byung ba'i phyir ro/ /lus la gos dmar bskon zhing mig dag dgab pa ste/ /zhes bya ba ni/ye shes kyi ma mtshon par bya ba'i don du'o/ /slob ma 'dir ni gzhug par bya zhes bya ba ni dus kyi 'khor lo'i dkyil 'khor gyi 'khor lo 'dir ro/ /kun rdzob tu brtul zhugs zhes bya ba ni/ las dang po ba'i byis pa'i skye bos 'di kho na ma mthong ba rnams kyis bsod nams kyi tshogs kyi don du ye shes thob par ma gyur gyi bar du 'bad pas bsrung bar bya ba yin te/brtul zhugs zhes bya ba dang sbyar ro/ /mchog gi 'gro ba song ba zhes bya ba ni/ rnam par gzigs nas shAkya thub pa la thug pa yang brtul zhugs 'di la brten nas/ mchog gi gnas brnyes zhes bya'o/ /'gro ba zhes bya ba bsod nams kyi tshogs de dang /ye shes kyi tshogs 'di dag gis mchog gi gnas su 'dod pa'o/ /de la sbyin zhes bya ba ni/ slob dpon rnams kyi slob ma las dang po pa rnams la/ 'bad pas sbyin zhes bya ste/ de bzhin gshegs pa'i nges pa'o/ /de la brtul zhugs kyang gang yin zhe na/ mnar sems mi bden gzhan gyi bud med spangs te gzhan gyi nor dang de bzhin chang //zhes bya ba la sogs pa gsungs te/ mnar sems kyi sgras ni mi'i 'gro ba la sogs pa gsod pa lta ci smos kyi/ srog dang ldan pa thams cad la/ skad cig tsam mnar sems byas pas kyang byang chub kyi spyod pa las nyams par rtogs par bya'o//mi bden zhes pas ni/ sems can rnams la slu ba'i thabs yang dag par bzung ste/ bdag gis 'dod pa la sems gnas nas brdzun du smra na/ gsang sngags kyi sgo'i spyad pa spyod pa rnams te/ las dang po pa'i ltung bar rtogs par bya'o/ /gzhan gyi bud med spangs te zhes pa ste/ gsang sngags kyi spyad pa spyod pa rnams la/phyag rgya chen po'i mtha' rtogs par bya ba'i phyir/ rgyud de dang de las gsungs pa'i mtshan phun sum tshogs pa'i mi mo gzhan gyis yongs su ma bzung ba ni gnang ba kho na yin la de'i phyir mi ldog pa'i dbang thob pa rnams la 'dzag pa'i bde ba'i phyir ni gnang ba med pa la mi 'gyur ba'i phyir ni bsten pa kho na yin no//dang po'i las can rnams la ni 'dzag pa yin yang rang gi bkag pa med do/ de ltar rnal 'byor pa de gnyis ka dag gis kyang / /gzhan gyis yongs su bzung ba'i mi mo ni bsten par mi bya'o/ /gal te bsten na 'jig rten pa'i kha na ma tho bas sdig tu 'gyur zheng / de'i stobs kyis dam tshig nyams par 'gyur ro//gzhan gyi nor dang zhes bya ba ni/ dud 'gro yan chad kyis yongs su bzung ba bdag gir rku ba'i sems kyis mi bya ste/ bde bar gshegs pas bkag pa'i phyir ro/ /de bzhin chang zhes bya ba ni mi btung zhes bya bar sbyar te/ gang de ni nyes pa kun gyi rtsa ba yin pa'i phyir/ myos pa'i bar du btung bar mi bya'o/ /myos pa ma yin par ni bkag pa med do/ /de bas na myos pa rab tung bar mi bya zhes bya ba'i don to/ /ci'i phyir lnga po de yang spang bar bya zhe na/ bdag gi dge ba 'joms byed 'khor ba'i rdo rje'i sdig pa'i zhags pa lnga po 'di/ /zhes bya ba smos te/ gang gis rang bzhin yongs su ma shes pas de bsten pa ni phung khrol skyed pas spang bar bya ste/de bas na las dang po pa rnams kyis so/ /gzhan de nyid rig pa rnams la ni nyes par ma gsungs so/ /gang zhig gang gi dus zhes bya ba la sogs pa la/ gang zhig ces bya ba ni bde bar gshegs pa'o/ /gang gi dus zhes bya ba ni de nyid kyis 'dul ba'i bstan pa la'o//lta dang mi'i bla mar gyur pa ni shAkya thub pa la sogs pa'o/ /de'i mtshan gyis sbyin zhes bya ba ni shAkya thub pa'i bka' la sogs pa'i mtshan nas smos te sbyin pa'o/ /mtshan nas smos te ji ltar sbyin snyam pa la/ sna tshogs gtso bo zhes bya ba ni 'gro ba thams cad kyi gtso bo ste/shAkya thub pa la sogs pa'o/ /bka' 'dis zhes pa ni/ shAkya thub pa'i bka' 'dis zhes su sbyar ro/ /srid pa'i 'jigs pa las skyob pas/ /zhes bya ba ni/ shAkya thub pa'i bka' 'di ltar rjes su bsrungs pas 'khor ba'i sdug bsngal las bsrung zhes bya'o/ /de bas na rigs kyi bu pho dang rigs kyi bu mo gsang sngags kyi spyad pa spyod pa khyed kyis kyang bskyang zhing srungs shig ces bya ba'i don to//slob dpon gyis slob ma las dang po pa rnams la dam tshig de dag don dang ldan par sbyin pa'o/ /de'i rjes la gal te spro bar gyur na/ cho lo kha na ma tho'i zas dang tshig ngan 'byung pho lha min dbang po'i chos//zhes bya ba/ mu stegs byed kyi rig byed pas brjod pa'i/ pha mes la mtshun 'thor ba la sogs pas spyod pa dang grol bar lta ba ste/ de bzhin du rgyan po 'gyed pa dang / srog bcad pa'i sha la za pa dang / skyes pa dang / bud med dang / rgyal po dang / rkun po dang / dmag la sogs pa'i gtam brjod pa dang /srog las gyur pa'i mchod sbyin la sogs pa ste/ mi byed pa'i sdom pa yang sbyin no/ /de bzhin du spro bar gyur na/ ba lang byis pa bud med skyes bu rnams te lha mi'i bla ma gsod pa dang / /zhes bya ba gsod pa lnga mi byed pa'i sdom pa sbyin no/ /de bzhin du spro bar gyur na/ grogs dang mnga' bdag lha mi'i bla ma dge 'dun dang ni dbugs 'byin la 'khu dang //zhes bya ba rnams kyang mi bya zhes pa'i sdom pa sbyin no/ /gzhan yang dbang po'i yul chags mi bya ste/ /srid pa'i bdag po'i brtul zhugs nyi shu lnga/ /zhes bya ba yang sbyin par bya ste/ yul rnams ni phung khrol bskyed pa'i rgyu zhes bya'o//gnyis gnyis sprod pa srog gcod dang / /ma byin len dang brdzun du smra/ /'di dag ma spangs bsten pa yis/ /gnyis med ye shes thob par 'gyur/ /zhes gsungs pa ma yin nam/ ci'i phyir mngar sems mi bden gzhan gyi bud med la sogs pa spang bar bya zhe na/ de ni bden kyang 'dod pa'i yul bsten pas gnyis su med pa'i ye shes thob par gsungs pa de ni/rnal 'byor pa rang bzhin yongs su shes pa rnams la yin gyi/ las dang po par gtogs pa'i rnal 'byor pa byis pa'i rang bzhin can rnams la gsungs pa ma yin te/ byis pa'i rnal 'byor pa rnams la de nyid kyis yongs su 'ching bar byed de/dper na sngags la sogs pas yongs su btul ba ma byas pa'i dug dang gser dang dngul gyi bza' btung ni sdug bsngal gyi phung po chen po bskyed par 'gyur ba bzhin no/ /de bas na byis pa'i rang bzhin can rnams la ni bkag la/ rnal 'byor pa 'gyur ba med pa thob pa/ chos thams cad nam mkha'i dkyil dang mtshungs par mthong ba rnams la gnang pa kho na yin no//de ltar las dang po pa rnams brtul zhugs nyi shu rtsa lnga byin pa'i rdzas la/ byin pa'i rigs yongs su brtag pa'i don du/ dpal ldan sngags kyis mngon par bsngags pa'i pad+ma'i nang du me tog gcig byin te/ /zhes bya ba sku gsung thugs kyis bsngags pa'i me tog lag tu slob dpon gyis sbyin no//de yang dkyil 'khor du zhugs pa'i don yin gyi gzhan ni ma yin no/ /dang por lan gsum bskor la zhes bya ba ni slob ma las kyi rdo rje dang ldan pas so/ /lag pa pad+ma nas ni me tog dkyil 'khor la dor bya/ /zhes bya ba ni dkyil 'khor la bskor ba lan gsum byas pa'i rjes la/rigs kyi me tog tshom bu'am/ bum pa la sogs pa la dor bar bya'i/ rdul tshon la ni ma yin no zhes bya ba'i don to/ /gang gi gnas su me tog lhung gyur de ni de yi rigs nges mi yi bdag po kye/ /zhes bya ba ni/ phyi nas me tog babs pa'i rigs kyi lha dang rjes su mthun pa'i las kyi phyag rgya bzung na las kyi phyag rgya'i dngos grub thob ces bya ba'i don to//de nas rigs kyi lha la sogs pa yang bstan par bya'o/ /phyi nas dbang bdun dang ni rnam gsum bla med chen po 'dir ni sbyin par bya/ /zhes bya ba ni/ slob dpon gyi las kyi go rims yin te/ de yang slob dpon gyis dkyil 'khor gyi shar gyi sgor dkyil 'khor gyi gtso bo'i nga rgyal dang ldan pas/lha rnams g.yas brkyang ba dang / g.yon bskum bzhugs pa dang / bzhengs pa'i rjes su mthun par gnas te/ chu la sogs pas slob ma la dbang bskur bar bya'o/ /de yang rnam bdun zhes bya ba ni chu la sogs pa bdun te/byis pa rnams gzhug par bya ba yin la/ rnam gsum zhes bya ba ni bum pa dang / gsang ba dang shes rab ye shes te 'jig rten kun rdzob kyi dbang gsum mo/ /bla med chen po zhes bya ba ni/ 'jig rten las 'das pa'i dbang yin te/ de ni 'jig rten pa'i rjes thogs su sbyin gyi sngon du ni ma yin no//da ni dbang bdun gyi cho ga brjod par bya ba'i phyir sman dang drir ldan zhes bya ba la sogs pa la/ sman ni sngon du rtsa ba'i rgyud las gsungs pa'i dri'i mchan khung gi le'u tshe las mig la sogs pa'i chas gzung bar bya ste/ le'u tshe nyi shu rtsa lnga'i dbus nas ji ltar rnyed ba rgyud las gsungs pa'i chogs sman lnga gzung bar bya'o//de yang ji skad du dang po'i sangs rgyas las/ dri mchan le'u tshe rgyal po kye/ /rim pas sman rnams dgod bya ba/ /mig dang zla ba me sogs chas/ /tshangs pa la sogs lnga lnga yis/ /tshangs pa sred med drag po dang / /dbang phyug ma dang mchog dbang mo/ /brgya byin ma dpal phag mo dang //gzhon nu tsa rtsi ka de bzhin/ /sa bdag mo dang chu dang 'od/ /rlung ste de bzhin mkha' spyod ma/ /ma dang sring mo bu mo dang / /tsha mo de bzhin sgyug mo dang / /bram ze rgyal po rje'i rigs dang / /dmangs rigs rigs ngan de bzhin te/ /sman 'di rnams ni rtag par yang / /grub chen bza' dang rdzu 'phrul ster//zhes de bzhin gshegs pas gsungs so/ /de bas na sman dang dri de rnams ni bum pa'i nang du blugs par bya ba yin no/ /rgyal dang rnam rgyal zhes bya ba ni/ gtso bo dang las thams cad pa'i bum pa'o/ /sa bum rang bzhin dag gam zhes bya ba ni/ /spyir bum pa thams cad ni rin po che dang rdo rje'i rigs las bya ba yin la/de ma 'byor pas ni sa'i rang bzhin las kyang bya zhes bya ste/ 'on kyang nang du rin po che dang / 'bru dang / sman rnams kyang blugs par bya'o zhes bya ba'i don to/ /de yang rin po che las ni bram ze la sogs pa'i rigs can bzhi gtso bo yin la/ de bzhin du rdo rje'i rigs ni/in+dza nI la dang / pad+ma rA ga dang / chu shel dang / karke ta ka dang / ma rgad de gtso bo yin no/ /de bzhin du lcags gsum ste/ /gser dngul zangs rnams dang / lcags bzang rnon po'i ni gzhan no/ /de bzhin du rin po che 'bring ni/ /mu tig byu ru rgyal po'i chos/ /shU la nor bu thig le dang //rnam pa drug tu rab tu brjod/ /rin po che tha ma'i rigs ni/ shel dang srog ces bya ba'i rigs dang / 'ong ha ri dang mching bu dang / /nor bu ljang gu'i rigs rnams te/ /de ltar rnyed pa gzung bar bya/ /zhes bya ba'o/ /de med pas me tog dri zhim pa kha dog lngas kyang blugs par bya'o/ /yang rnam par rgyal ba'i steng gi dung chos su rin po che ljang gu blugs par bya'o//rin po che sngon po ni shar nub kyi rgyal ba dang rnam par rgyal ba'i bum par blugs so/ /shar dang me'i bum par nag po'o/ /lho dang bden bral gyi bum par dmar po'o/ /byang dang dbang ldan gyi bum par dkar po'o/ /nub dang rlung gi bum par ser po'o//de bzhin du sman rnams las cha gcig rgyal ba dang rnam par rgyal ba'i bum par ro/ /shar dang me ru cha gnyis pa'o/ /gshin rje dang lha min du cha gsum pa'o/ /byang dang dbang ldan du cha bzhi pa'o/ /nub dang rlung du cha lnga pa'o/ /de ltar na ni nyi shu lnga po de yang thum bur bcings pa bum pa la dgod par bya'o//bzhi brgyad ces bya ba ni rten gyi bye brag gi bum pa'i grangs bstan pa yin la/ de yang dge slong rdo rje 'dzin par bya ba la bum pa bcu'o/ /dge tshul la drug go/ /khyim pa la gcig ste/ de yang bzhi ni dge tshul gyi yin pas/ rgyal ba dang rnam par rgyal ba'i gnyis te drug go/ /brgyad ni dge slong la ste/ rgyal ba dang rnam par rgyal ba dang bcu'o/ /khyim pa'i dbang la rgyal ba dang rnam par rgyal ba gang yang rung ba gcig go/ /de ngag gis dbang bskur ba'i gnas lnga ste/ gtsug tor dang phrag pa g.yas g.yon dang / gru mo g.yas g.yon dang / rkub tshos dang / chu so rnams la'o/ /de nas rigs kyi lha sbyang ba'i phyir/ oM sarba ta thA ga ta ku la bi sho d+ha ni swA hA/ zhes bya bas rdo rje slob dpon gyis me tog la mngon par bsngags te/ /slob mas don du gzhug go/ /de'i rjes la/ oM dbyi na sa mung+g+ha Ta yA mi/ zhes bya bas mig phye la/ dkyil 'khor gyi gtso bo sngon du 'gro bas/ dkyil 'khor ma lus pa dang / rigs kyi lha ngo bstan par bya'o/ / da ni shar sgo nas so/ /de nas slob dpon gyi lag pa g.yon pas slob ma bskul te/ las kyi rdo rje dang lhan cig dkyil 'khor la bskor bar bya ste/ byang sgor ba btang la/ lus kyi dri ma kun rdzob tsam du sbyang ba'i phyir/ sgro la ma la sogs pa'i lha mo rnams kyis sngags kyi bum pa thams cad nas chu blangs te rnam rgyal gyi dung chos su blugs la/yang skye ba'i gnas lngar chu'i dbang bskur bar bya ste/ oM a oM r-i u li pany+tsa d+hA tu bi sho d+ha ni swA hA/ zhes bya ba'i sngags so/ /de nas cod pan gyis kyang / skye ba'i gnas lngar dbang bskur bar bya ste/ oM A a I r-I U ld-i pany+tsa ta thA ga ta pa ri shu d+d+he swA hA/zhes bya bas dbang bskur bar bya'o/ /de nas rin po che 'am gser ram gos las byas pa mgo la bcing bar bya'o/ /de ltar dbang gnyis kyis khams dang phung po yongs su sbyangs pas kun rdzob tsam du lus rnam par dag par 'gyur ro/ /de nas sku'i zhal gyi shar gnas su lus sbyang bar bya'o//de nas yang g.yas skor gyis ngag rnam par dag pa'i phyir lho'i sgor song ste skye ba'i gnas lngar dang dbyangs kyis dbang bskur bar bya ste/ oM a A aM aHha hA haM haH/ ho phreM da sha pA ra mi tA pa ri pU ra Ne swA hA/ zhes bya ba'i sngags 'dis ni rin po che 'am gser ram/ ma 'byor na me tog gi phreng ba la sogs pa'i dar dpyangs bcing bar bya'o/bde nas yang skye ba'i gnas ldar rdo rje dang dril bu'i sngags 'dis dbang bskur te/ oMhUM hoHsrur+ya tsan+d+ra bi sho d+ha ka swA hA/ zhes bya bas rdo rje dril bu spyi bor ba zhag la dung chos kyi chus dbang bskur ro/ /de ltar dbang gnyis kyis gsung rdo rje dag par byas nas rdo rje sor gdub sbyin te/ g.yas nas bskor la shar gyi sgo'i zhal du/ thugs rdo rje dag par bya ba'i phyir skye ba'i gnas lngar brtul zhugs kyi dbang sngags 'dis bskur bar bya'o/ /oM a A/ e ai ar A ra/ o au/ a la A la bi Sha en+ti ya bi sho d+ha ni swA hA/ zhes bya bas so/ /de nas rna ba la sogs pa la me tog phreng ba btags te/yang skye ba'i gnas lngar ming gi dbang bskur ba'i sngags 'dis so/ /oM ha hA/ ya yA/ ra rA/ la wa/ la lA/ tsa tur bra h+ma bi hA ra bi sho d+ha swA hA/ zhes bya ba ste lag gdub dang / rkang gdub la sogs pa med par gyur na/ rkang lag la me tog gi phreng bas bcing bar bya'o/ /de nas lung bstan pa'i dbang ni/rdo rje che ge mo khyod ces bya ba ste/ de ltar rdo rje dang dril bu'i dbang gnyis kyis thugs rdo rje dag par byas nas/ yang ye shes dag par bya ba'i don du/ slar slob ma g.yas phyogs nas nub bsgo'i zhal du rjes su gnang ba'i dbang / sngags 'dis skye ba'i gnas lngar bskur te/ oM haM k+Shad+ha r+m+ma tsakra pra brta ka swA hA/ zhes bya bas dbang bskur nas lus ngag yid ye shes kyi rdo rje dag par bya'o/ /de nas rdo rje dril bu rab sbyin snying rje mchog gis dag pa'i chos ni bstan par bya/ /zhes bya ba gsungs te/ slob dpon gyis slob ma la/ rdo rje che ge mo zhes bos la/ lag tu rdo rje dang dril bu sbyin par bya'o//de nas dag pa'i chos zhes bya ba ni 'di lta ste/ rdo rje rigs kyi nges par srog bcad ces bya ba nas/ dkyil 'khor du ni yang dag sbyin/ /zhes bya ba la thug pa'i tshigs su bcad pa phyed dang gnyis kyis bstan par bya'o/ /de ni dbang bdun gyi cho ga yongs su rdzogs pa yin zhing / de nas phu nu'i rim pa shes par bya ba'i don du/rdo rje slob dpon gyis slob ma la/ sangs rgyas rnams kyis byin gyis brlab par bsam zhing / lo la sogs pa'i tshig brjod par bya ste/ 'dir lo che ge mo dang / rigs ldan rgyal po chos ston pa che ge mo dang / zla ba che ge mo dang / nyi ma che ge mo dang / gza' che ge mo dang / tshes che ge mo dang / skar ma che ge mo dang / sbyor ba che ge mo dang / byed pa che ge mo la/ mchog gi dang po'i sangs rgyas sam/ dkyil 'khor gzhan du/ rdo rje slob dpon che ge mos/ slob ma che ge mo la gtso bo nyid kyis sems can thams cad la bsod nams dang ye shes kyi 'bras bu thob par bya ba'i don dang / 'jig rten pa'i dngos grub bsgrub par bya ba'i phyir/ 'og min gyi gnas kyi mthar thug par bdag gis lung bstan pa dang / rjes su gnang ba yin no zhes bya ba ni dbang bdun gyi nges pa'o/ /gzhan yang 'di ltar rgyud gzhan du de bzhin gshegs pa lnga'i rnam par dag pas dbang sngar gang gsungs pa de byis pa'i skye bo rnams gzhug pa yin te/'di ltar rnam par snang mdzad kyi chu'i dbang dang / rin chen 'byung ldan gyi dbu rgyan yin pa de lta na ni rgyud thams cad la ni dkyil 'khor la me tog babs pa rigs kyi lhar gsungs pa/ de bas na de ji ltar 'thad par 'gyur/ de'i phyir me tog gang la babs bde dang / rigs kyi phyag rgya des de la 'grub par 'gyur ba ni/de bzhin gshegs pa'i nges pa'o/ /mtshan yang dag par brjod pa las kyang / sangs rgyas mnga' bdag cod pan can/ /zhes gsungs pa de'i phyir/ gang la me tog lhung ba de cod pan gyi gtso bor 'gyur gyi/ thams cad du rin chen 'byung ldan ni ma yin no//da ni rnam par dag pa gzhan brjod par bya ste/ rdo rje rigs kyi srog gcad bya zhing zhes bya ba la sogs pas 'dir srog bcad pa la sogs pa'i dam tshig ni/ drang ba dang nges pa'i don gyis rnam pa gnyis te phyi dang nang ngo / /de la phyi ni gang bcom ldan 'das kyis srog gcad par bya ba gsungs pa de ni/mtshams med pa lnga byed pa dang / sangs rgyas kyi bstan pa la gnod par byed pa dang / dam tshig dral ba rnams la nges pa yin pas/ de bas na gang mtshams med pa lnga byed pa de snga phyir shes par bya ste/ 'dir gang gis dang po mtshams med pa la sogs pa byed pa la phyis mi byed pa de lta na ni skad cig tsam gsad bar bya ste/dper na chos rgyal mya ngan med pa lta bu'o/ /de bas na de las gzhan pa dge ba dang mi dge ba'i mtshan nyid mi shes pa dang / mngon par shes pa mthong ba rnams kyis gsad pa'i las byas na nges par dmyal bar 'gro bar 'gyur ro/ /de bas na ji srid du rnal 'byor la mngon par shes pa thob par ma gyur pa de srid du sngags pas/zhib dang rgyas pa dang dbang dang / dgug pa la sogs pa ma gtogs pa drag po'i las mi bya'o/ /de bzhin du brdzun du smra ba dang / ma byin pa len pa dang / gzhan gyi bud med 'phrog pa dang / dam tshig bsten pa dang / rigs dang rigs ma yin pa bgrod pa dang /rang gi lus kyi mthar gtugs pa sbyin pa sbyin par bya ba ni gzhan gyi don du yin gyi bdag gi don du ma yin pa ni nges pa'o/ /gal te 'di ni 'ga' zhig ji srid 'tsho'i bar du mtshams med pa lnga'i las byed pa de lta na ni sngon du gsungs pa'i khro bo'i rig sngags bsgrubs te/ bcom ldan 'das mi bskyod pa'i ting nge 'dzin 'dis gsang bar bya zhes pa ni nges pa'o//gzhan yang lam ma yin par lhung ba rnams drang ba'i phyir brdzun du smra'o/ rang gi don du ma yin pa ni nges pa'o/ /de bzhin du ma byin par blangs pa yang yi dags kyi gnas su 'gro ba las bzlog pa'i phyir yin gyi rang gi don du ma yin no/ /de bzhin du gzhan gyi bud med la bgrod pa yang /dud 'gro'i gnas las bzlog pa'i don du yin gyi/ rang gi 'dod chags kyi don du ni ma yin no/ /bdud rtsi lnga la sogs pa'i dam tshig bsten pa yang rigs su 'dzin pa 'joms pa'i don yin gyi/ gzhan yang las kyi phyag rgya bsgrub pa'i phyir/ rigs ngan pa la sogs pa'i mi mo rnams la brnyas par mi bya'o/ /gzhan yang bsod nams kyi tshogs kyi don du sbyin pa rgya chen po yang gtang bar bya'o/ /'di ltar ral gri dang / rin po che dang / pad+ma dang / 'khor lo dang / gri gug gi rigs rnams kyis sngags bsgrubs te/ nus pa dang ldan pa'i rnal 'byor bas thams cad bya zhing /'jig rten pa'i bzhad gang du mi 'gro bar 'gyur ro zhes ba ni drang ba'i don to/ /da ni nges pa'i don brjod par bya ste/ 'di ni lus can rnams kyis rang rang gi lus kyi srog ltung bar byas pa ni srog bcad pa'o/ /rdo rje'i rigs zhes pa ni/ gtsug tor du 'gog par bya ba ste/srog bcad pa des rnal 'byor ba'i byang chub kyi sems steng du btang ba ni nges pa'o/ /ral gri yis ni brdzun gyi dag /ces bya ba ni/ 'dir brdzun zhes bya ba ni drang don du mi gnas pa'i ngag yin la/ nges don du sems can gyi sgra skad kyis cig car du sems can thams cad la chos ston par byed pa'o/ / de nyid snying ga'i gzhom du med pa'i sgra ni nges pa'o/ /rin po che yis gzhan gyi nor 'phrog ces bya ba ni/ 'dir gzhan zhes bya ba rdo rje sems dpa' yin la/ de'i nor bu rin po che ni/ yid bzhin gyi nor bu rin po che yin zhing de 'phrogs pas ni rin po che'i rigs te mgrin pas brgyad pa'i gnas su nges pa'o/ / rigs mchog pad+ma yis kyang pha rol bud med 'phrog ces bya ba ni 'dir pha rol gyi bud med ni/ phyag rgya chen mo yin la/ de 'phrogs pas ni pha rol bud med 'phrogs pa yin te/ de 'phrog pa ni byang chub kyi sems kyis dbral ba pad+ma'i rigs bcu'i gnas su slebs pa ni nges pa'o/ /chad dang mar me sangs rgyas yul rnams bzang po ma lus 'khor lor bstan par bya//zhes pa la 'dir chang ni/ lhan cig skyes pa'i dga' ba yin zhing / mar me zhes bya ba ni glang dang khyi la sogs pa dang / mi mthun pa'i dngos po lnga po nang du bsdu ba'o/ /sangs rgyas ni bdud rtsi lnga ste/ 'khor lo ni bde ba'i pad+ma'o/ /bsten par bya ba ni bza' ba yin te ting nge 'dzin gyi stobs kyis/bshang gci dang khu ba phyir mi 'dzag par byed pa ni nges pa'i don to/ /rigs ngan la sogs zhes bya ba ni/ rigs pa bzhi'i bud med yin la/ gri gug ces bya ba gsang ba'i pad+ma'o/ /nam mkha'i pad+mo zhes bya ba ni/ chags pa med pa'i ting nge 'dzin gyis so//brnyas mi bya zhes bya ba ni skye gnas la bsrub pa'i dus su tshangs par spyod pa'i dbang gis phyi rol du byang chub sems mi gtong ba ni nges pa'i don to/ /rang lus nor bcas sems can don du sbyin gyi 'dir ni khyod kyis bsrung mi bya/ /zhes bya ba ni/ bsod nams kyi tshogs kyi don du slob ma rnams kyis rdo rje slob dpon la rang gi lus po bu smad dang bcas shing /bdog pa phun sum tshogs pa dbul ba'o/ /de yang 'di ltar bsod nams dang tshul khrims kyi tshogs 'di gnyis kyis ye shes kyi tshogs yongs su rdzogs pa yin la/ tshogs gsum gyis yang dag par rdzogs pa'i sangs rgyas nyid du 'gyur ro/ /kye rigs kyi bu rnams zhes bya'o//de ltar bstan pa las/ gzhan du dpag med bskal ba yis kyang sangs rgyas min par rgyal bas gsungs so/ /rigs kyi bu zhes pa'i don to/ /rnam par dag pa'i chos bstan pa ste/ rgyud thams cad kyi nges pa'i don to/ /de na dbang gi rnam par dag pa brjod pa'i phyir/ chu ni sgrol ma zhes bya ba la sogs pa gang yang 'dir chu'i dbang ste/des ni rlung la sogs pa'i khams lnga rnam par dag pa ste/ sgrib pa med pa'i sku'o/ /de bzhin du cod pan gyi dbang gis ni rnam par shes pa la sogs pa phung po lnga rnam par dag pa'o/ /dpa' bo'i dar dpyangs kyi dbang gis pha rol tu phyin pa bcu rnams yongs su dag par bya ba'i don du/sbyin pa la sogs pa nus ma bcu'o/ /rdo rje dang dril bu'i dbang gis la la nA dang ra sa nA rnam par dag pa ste/ sgrib pa med pa'i nyi ma dang zla ba'o/ /brtul zhugs kyi dbang ni yul gzugs la sogs pa dang / mig la sogs pa'i dbang po lnga rnam par dag pa ste/lha'i spyan la sogs pa 'jug pa yin no/ /ming gi dbang ni byams pa la sogs pa 'jug pa'i rnal 'byor te/ tshangs pa'i gnas bzhi la gnas nas dus thams cad du chags pa dang zhe sdang la sogs pa sgrib pa med par rnam par dag pa'o/ /rjes su gnang ba'i dbang ni yang dag par rdzogs pa'i byang chub dpal te/chos kyi 'khor lo bskor zhing chos ston pa'o/ /de yang srid pa'i 'jigs pa 'joms pa zhes bya ste/ gzhan la phan pa'i phyir ro/ /dus kyi 'khor lo'i rigs zhes bya ba ni/ mi 'pho ba'i bde ba rjes su rig pa'i stong pa nyid bstan pa de nges pa'o/ /sdig pa'i dri ma 'joms pa'i dbang bdun 'di ni dkyil 'khor du ni yang dag sbyin//zhes bya ba ni/ rdo rje slob dpon rnams kyis slob ma rnams la'o/ /rdo rje slob dpon rnams kyis dbang bdun sbyin pa ni/ de bzhin gshegs pa'i nges pa'o/ /da ni dbang gi 'bras bu brjod par bya ste/ dbang bdun bskur ba'i dge ba'i shugs kyis zhes bya ba la 'dir gal te dkyil 'khor chen po 'dir dbang bskur te/dam tshig ma nyams nas bdun gyi dbang phyug tu 'gyur la/ de yang dkyil 'khor gyi 'khor lo mngon du byas na ni/ lus 'di nyid kyis sa bdun thob cing / gzhan du na mi dge ba bcu spangs shing / dge pa'i shugs kyis sa bdun gyi dbang phyug tu 'gro bar nges pa'o/ /bum pa gsang ba'i dbang bskur ba yang phyir mi ldog pa la sogs nges par rab tu 'jug /ces bya ba ni/ 'dir bum pa dang gsang ba'i dbang bskur ba ni tshul khrims kyi stobs yin la/ phyir mi ldog pa ni mi g.yo ba ste/ gang mi g.yo ba'i sgra de ni pad+ma bsrungs pa las byang chub sems mi g.yo ba yin zhing / legs pa'i blo gros ni rgyu des bde ba chen po'i sems te 'pho ba med pa'o//shes rab ye shes mngon dbang bskur bas/ /zhes bya ba ni/ tshul khrims kyi tshogs kyi stobs yin la/ 'jam dbyangs nyid du zhes pa ni srid pa 'jigs pa'o/ /'gyur zhes pa'i/ chos kyi sprin du 'gro ba yin la 'dir chos kyi sprin yang bdag dang gzhan gyi don byed nus pa'i bde ba chen po babs pa ste/de bzhin gshegs pa'i nges pa'o/ /de bas na 'di ltar bsod nams dang tshul khrims kyi tshogs gnyis sngon du 'gro ba ni ye shes kyi tshogs yin la/ de'i dbang gis sa bcu gnyis rnal 'byor pa rnams 'gyur ba ni de bzhin gshegs pa'i nges pa'o/ /gzhan yang g.yo ba'i dbang gis rtsa ba'i ltung ba brgya la byung na zhes pa ni/dbang la gnas kyi rjes la mi dge ba bcu'i las kyi lam la 'jug pa'i dbang gis so/ /'di ni zhes pa ni dbang 'di nyid de slar phyin ci log ste spyad pa'i dbang gis dmyal ba'i sdug bsngal du 'gyur ba ni nges pa'o/ /dbang bdun la gnas yon tan ldan na rtsa ba'i ltung bdag par 'gyur//zhes bya bas ni/ rtsa ba'i ltung ba las byung ba'i rgyu ston te/ 'di ltar dbang bdun la gnas pa la gal te rtsa ba'i ltung ba byung ba sbyar bar 'dod pa de lta na ni/ dang por dag gi bzlas pa dkyil 'khor gyi lha'i grangs ji snyed pa de snyed la/ stong phra gsum cu rtsa drug tu 'gyur ro//yon tan ldan zhes pa ni/ phyis mi byed pa'i sdom pa la gnas na'o/ /brtul zhugs nges stobs bum pa gsang ba rgyal ma na ste zhes bya ba ni/ gal te bum pa dang gsang ba la gnas pa la rtsa ba'i ltung ba byung ba de lta na ni bsod nams dang tshul khrims kyis bdag gi gzhan du ni ma yin no//brtul zhugs nges stobs zhes pa ni/ slar bdag dang 'dod pa gang yin pa de rnams la/ rdo rje slob dpon gyi chad pa'i las sbyin zhing / des kyang chad pa dang du blangs la spyad par bya'o/ /gong ma la ni dag pa med/ /ces pa ni/ shes rab ye shes kyi dbang bskur ba rnams la gal te rtsa ba'i ltung bar gyur pa de lta na ni/gzhan gyis rkyen byas pa ste/ rdo rje slob dpon la sogs pas chad pa byin pas 'dag pa ma yin gyi/ 'dir ni rang gi sems rnam par dag pa tsam gyis 'dag la/ de yang 'di ltar bsod nams dang tshul khrims kyi stobs kyi dbang gis rang la dbang du byas te/ sdig pa bshags pa la sogs pa bya ba ni/sangs rgyas dang byang chub sems dpa' rnams kyis byin gyis brlabs pa'i gnas su song ste/ bdag rang gis 'dag par bya ba ni sangs rgyas pa rnams kyi gzhung ngo / /gzhan yang gang sngon ma rnams ni gzhan gyi rkyen gyi stobs kyis 'dag la/ shes rab ye shes ci'i phyir la la gzhan gyi stobs kyis mi 'dag cing bdag rang gi sbyang bas 'dag pa yin zhe na/de ni 'di ltar 'jig rten na yang byis pa chung dus nyes pa byas pa ni mi shes pas byas pa yin pas/ 'jig rten na kha na ma tho ba chung ba yin la skyes bu cher skyes pa rnams kyis byas pa ni shes bzhin du byas pa yin pa'i phyir/ kha na ma tho ba chen po yin pa ltar/dbang bdun pa dang / bum pa dang / gsang ba dang / shes rab ye shes ni/ rim pa bzhin du byis pa dang / dar la bab pa dang / rgan pa'i khyad par yod pa'i phyir re/ /de bas na gong ma gong ma ni/ byis pa dang / mi shes pa dang / mi gsal ba dang / mi mkhas pa yin la/ phyi ma phyi ma ni shes pa dang /dar la bab pa dang / gsal ba dang / rig pa'i bdag nyid yin no/ /gang zhig rtsa ba'i ltung byung sbyang ba'i don du yang ni dkyil 'khor 'dir gzhug bya/ /zhes bya ba ni/ rtsa ba'i ltung ba sbyang ba'i thabs ston pa yin te/ de yang sngon du ni sngar bstan pa'i chad pa'i las byas pa yin la/ phyis dkyil 'khor du 'jug par bya ba yin no//de las ma gtogs pa gzhan gyis rnam par sbyang bar ma gsungs so/ /de yang phyis mi byed pa'i dam 'cha' ba rnams la yin gyi/ phyis sdom pa'i bsam pa med pa rnams la ni ma yin te/ 'di ltar skyes bu 'ga' zhig dug gis zin na sman pa 'gas de bzlog pa'i phyir/sman gyi btung ba blud nas yang sngar bzhin dug za ba dang mtshungs so/ /slar yang rjes gnang thob nas tshogs kyi thu bo'i ming ni gzhon par 'gyur ba yin/ /zhes bya ba ni/ rgan rabs gang zhig rtsa ba'i ltung bar gyur pa slar dkyil 'khor du bcug pa de slar zhing dkyil 'khor du thu ber 'gyur ba zhes bya ba ni/de bzhin gshegs pa'i nges pa'o/ /da ni rtsa ba'i ltung ba rnams brjod pa'i phyir/ dpal ldan bla ma sems dkrugs zhes bya ba la sogs pa smos te/ 'dir rgyud thams cad du rtsa ba'i ltung ba ni bcu bzhir nges pa yin la/ de rnams so so ji lta ba bzhin du brjod par bya'o/ /bu rnams rtsa ba'i ltung ba ri bod 'dzin pa zhes bya ba ni/spyir ba tang ba yin te/ bcu bzhi po rgyud las gsungs pa ltar ma bskyangs na/ shing ta la'i mgo bcad nas slar skye ba'i skal ba med de/ ltung bar 'gyur ba ltar rdo rje 'chang chang gi gnas las ltung bar 'gyur zhes bya ba'i don to/ /de yang dpal ldan bla ma'i sems dkrugs zhes bya ba la/bla ma yang rnam pa gnyis te/ dam pa dang / dam pa ma yin pa'o/ /de la dam pa ni sems can thams cad kyi don gyi phyir sems 'khrugs pa'o/ /dam pa ma yin pa ni bdag gi bsnyen bkur gyi phyir sems dkrugs pa yin la/ de'i phyir bla ma'i sems dkrugs pa ni mi dge ba bcu la sogs pa byed cing bla ma gang de'i mi dge ba'i rnam grangs byed pa ni rtsa ba'i ltung bar 'gyur gyi rang gi don ltung len cing bdag nyid kyang mi dge ba bcu la 'jug pa'i bla ma la ni yin par nges pa'o//de yang bla ma dam pa yin par shes pa dang / de mi dgyes par shes pa dang / nyon mongs pas kun nas bslangs pa'i lus ngag gi las dang /gzhan gyi don ma yin pa dang / rang gi don ltung blang ba'i bsam pa dang / slar sbyang ba'i bsam pa med pa ste/ chos drug gis ltung bar 'gyur ro/ /de'i bka' 'gongs zhes pa ni bla ma de'i zhes pa dang sbyar ro/ /bka' 'gongs pa ni bla ma dam pas bsgo ba mi nyan pa'o//de yang chos drug dang ldan pas so/ /gzhan du 'gyur zhes pa ni gnyis par 'gyur pa'o/ /sbun la khros pa yang ni gsum par nges/ /zhes bya ba ni/ spun ni bla ma gcig gis yongs su bsdus pa yin la/ gzhan gyi spun la khro bo ni khan mtho ba chung bar gsungs so/ / de yis bsgo zhing bstan pa la gus par mi 'dzin cing khro na gsum pa ste/ rtsa ba'i ltung bar 'gyur ro/ /de yang gong gi chos drug las rang rang gi rdo rje spun gyis khyad par du byas pa dang / chos bdun dang ldan pa'o/ /byams pa spong ba zhes bya ba ni/ 'dir byams pa spong ba la chos bzhi ste/ tha ma dang / 'bring dang /rab dang / rab kyi rab bo/ /de la tha ma ni chur dbyug pas ri mo bris pa ltar/ skad cig gcig tsam byams pa dang bral yang slar 'jug pa'o/ /'bring ni bye ma la ri mo bris ba rlung gis 'phral la nyams par 'gyur ba ltar/ dus de ma thag tu byams par 'jug pa'o/ /rab ni dper na sa'i ser ka can gyi char gyi rgyun gyis nyams par byed pa ltar byams ba cung zad na dran pa'o//rab kyi rab ni dper na brag la sogs pa mkhregs pa'i bdag nyid can rnams la gas pa la sogs pa byung na nam du yang mnyam par 'gyur ba'i skal ba med pa ltar ram shing thog smin cing sa la ltung ba rnams phyir zhing shing rnams la 'byar ba'i skal ba med cing mi gnas pa ltar/byams pa ltar spangs pa'i rtsa ba'i ltung bar 'gyur te/ chu tshod drug cu'i bar gyis so/ /rtsa ba'i ltung ba bzhi par 'gyur ba ni nges pa'o/ /byang chub kyi sems spangs pa zhes bya ba ni/ 'dir byang chub kyi sems kyi sa bon yin la gang yang de nyams na bde ba rmi 'gyur te/de bas na de nyid ma thob cing dbang po gnyis kyi bde bas sangs rgyas par 'dod pa rnams la rtsa ba'i ltung ba mda' zhes bya ba lnga par de yang shes rab chen pos mi 'gyur ba'i rang bzhin zhes pa dang / 'gyur ba'i bde ba tsam du blang ba'i bsam pa dang / de la legs par 'dzin pa dang / gsang ba dang / gzhan gyi bde ba'i don dang /ri lu la sogs pa'i ched ma yin pa ste/ chos bzhi dang ldan nas mda' zhes bya ba lnga par 'gyur ro/ /grub mtha' la smod ces pa ni/ shes rab kyi pha rol tu phyin pa'i theg pa yin la/ de dang gsang sngags kyi tshul tha dad par 'dzin pa ni rtsa ba'i ltung ba yin zhing / de las gzhan pa'i theg pa la smad bas ni rtsa ba'i ltung ba ma yin no//des kyang thun mong gi dngos grub las 'phrog pa yin no/ /des kyang gsang sngags kyi theg pa dang / dbyer med pa'i shes rab kyi pha rol tu phyin pa'i theg pa la zhe sdang la gnas pas smra ba dang / gzhan gyi don la ma yin pa dang / legs par 'dzin pa dang / 'gyod pa med pa ste/ chos lnga dang ldan pas drug par 'gyur ro//ma smin sems can la ni gsang ba ster/ /zhes bya ba la/ ma smin pa ni nyon mongs kyi lam gyis mnan pa'i gang zag yin la/ de gang la gsang sngags kyi gsang ba bsgrags na skrag cing smod pa la brjod pas ltung ba yin te/ gzhan mos par 'gyur ba dang / dad pa dang grol ba'i skal ba yod pa la nyes pa med par gsungs so/ /de yang gsang ba bsgrags nas mos pa ma yin pa skye bar 'gyur ba'i gang zag dang / gdul ba'i don nam yin pa dang / bde ba chen po'i gsang ba bstan pa ste/ chos gsum dang ldan ni ri zhes bdun par 'gyur ro/ /bde ba chen po'i gsang ba las gzhan pa bstan pa'i ltung bas 'jig rten pa'i dngos grub nyams par byed do//lus nyon mongs pa klu ste zhes bya ba ni/ lus te phung po lnga la sogs pa ni rgyal ba rigs lnga'i bdag nyid do/ /khams dang skye mched ni lha mo dang byang chub sems dpa'o/ /nyon mongs par byed ba ni rnam pa gnyis te/lus la tsha grang dang bza' ba ltung gis nyon mongs par byed pa dang / gsod pa'i brtson pas nyon mongs par bskyed pa'o/ /de ci'i phyir rtsa ba'i ltung ba yin snyam pa la/ phung po gzir bas bde ba mi skye la/ bde ba ma skyes pas gnyis su med pa'i ye shes la nyams par 'gyur ro/ /gsod ba la brtson pa ni sems bskyed pas ltung bar 'gyur ba gsungs la/de bas de'i phyir rtsa ba'i ltung ba ste/ de yang phung po la sogs pa rgyal ba dang / lha mo dang / byang chub sems dpa'i yin par shes pa dang / de mnar bas bde ba las nyams par shes pa dang / gzhan gdul ba'i don du ma yin pa ste/ chos gsum dang ldan na ltung ba brgyad par 'gyur ro//dag pa'i chos la ma dad pa'ang / /zhes bya ba ni/ dag pa'i chos ni 'dzin pa thams cad rnam par spang ba'i stong pa nyid zab mo gang yin pa de/ de lam dad cing sun 'byin pa rtsa ba'i ltung ba ste/ de yang gdul ba'i don ma yin pa dang / stong pa nyid gang yin ba de spangs te spros pa dang bcas pa la dang du blang ba'i chos gnyis kyis ltung ba dgu par 'gyur ro//rgyu'i byams pa zhes pa la rgyu'i byams pa ni tshul 'chos te/ dam tshig la sogs pa la dad pa'i sgo nas srung bar mi byed cing rnyed pa dang tshigs su bcad pa lhur blang ba'i tshul gyis bsrung ba ste/ lkog tu mi dge ba byed pa'o/ /de ltar na de ni g.yo nyid dbang du byed pa ste/ chos dang po nyid kyis ltung ba bcu par 'gyur ro/ /ming sogs bral ba'i bde ba ster/ /zhes bya ba ni/ de bzhin gshegs pa rnams kyi sku dang gsung dang thugs kyi de kho na nyid kyi rang bzhin gsang sngags kyi tshul la byang chub sems kyi za ba'i bde ba 'gyur ba med pa/'jig rten gyi dper bya ba dang bral zhing byin pa la the tshom dang yid gnyis kyi dbang gis/ dang du mi len cing rtogs par byed na ltung ba ste/ de yang 'gyur ba'i bde ba ma yin pa dang / mi 'gyur ba'i bde ba dper byas pa las 'das pa dang / gdul ba'i don ma yin pa ste/chos gsum pa des ltung ba drag po ste bcu gcig pa'o/ /dag pa'i sems can zhes pa ni/ rnal 'byor pa rnal 'byor gyi ngang tshul dang ldan pa'o/ /skyon brjod ces ba ni/ kun nas phrag dog gis te/ des ltung bar 'gyur la de yang rnal 'byor gyi ngang tshul dang ldan pa yin pa dang / bdag phrag dog gis smras pa dang /gzhan gdul ba'i don ma yin pa ste/ chos gsum dang ldan pas brjod na ltung ba bcu gnyis par 'gyur ro/ /dam tshig thob dbang zhes pa ni/ dam tshig gi bsrung ba dang / bza' ba'i bye brag gnyis yin la/ de la bsrung ba ni sku gsung thugs kyi ye shes kyi bye brag thig le bzhi bsrung ba ste sngon du brjod pa yin la/'dir ni bza' ba la sogs pa'i tshogs dang / dpa' bo'i bza' ba'i dus su thob pa zhes bya ba rnyed cing dus la bab pa'i bza' ba dang / btung ba dang bud med la me thun bya ba dang du mi len na ltung ba ste/ de yang dam tshig gi dus la bab pa dang / gzhan gyi ngo bsrung ba ma yin pa dang /gzhan gdul ba ma gtogs pa ste/ chos gsum dang ldan na ltung ba bcu gsum par 'gyur ro/ /bud med rnams la bshung ba ni/ /yid dang ngag gis smod ba ni/ /rtsa ba'i ltung ba ste/ de yang rdo rje theg pa la gnas pa'i rnal 'byor pa ste/ gang 'du shes de dang ldan pas smad na ste/ ngag gas smod ba yang gzhan 'dul ba'i don ma yin pas smad na bcu bzhi par 'gyur ro//de ltar rtsa ba'i ltung ba rnams rdo rje slob dpon gyis slob ma rnams la bstan nas dbang gi bye brag rnams kyis mngon bar dbang bskur bar bya'o/ /de yang dge slong rdo rje 'dzin par bya ba'i phyir/ dkyil 'khor gyi phyi rol sar khru bzhi'i rgyar re khA lnga pa byas te/dbus su shing stan la khru do ba'i pad+ma 'dab ma brgyad ba byas la/ de yang kha dog lnga bar byas te/ de bzhin gshegs pa rnams kyi mtshan ma'i phyag rgya spangs pa/ der dge slong dgod cing de'i rjes la/ gzhon nu ma rdo rje'i mtshon gyis ma smad pa gzugs mdzes pa dkar 'dzin legs par brgyan pa brgyad kyis yongs su bskor la gzhon nu ma gnyis kyis chu dang con pan dang dar dpyangs la sogs pa bcing ba gtad pa'i tshul du bya'o//de'i phan yon ni/ dge slong rdo rje 'dzin byas na/ /gang de sul sdig yod mchog /chos gos mthong ba tsam gyis kyang / /lha min la sogs sa 'og 'bros//zhes gsungs so/ /gzhan yang / dge tshul dbang ni bskur ba ni/ re khA lnga las gnyis gsum tsam dang / shing stan gyi steng du bzhag la/ gzhon nu ma bzhis chu la sogs pa'i tshul du bya bar gsungs te/ de yang gang zhig /bslab pa bcu dang ldan pa yi/ /rdo rje 'dzin pa dge tshul ni//de ni slob dpon 'bring po ru/ /rdo rje 'chang gis rab tu gsungs/ /zhes gsungs so/ /khyim pa rnams la ni re khA gcig khru gang ba'i tshad du byas la shing stan la bzhag ste/ slob dpon gyi dbang yin no/ /de yang / gos dkar can gyi khyim pa gang / /rdo rje 'chang du bya ba ste/ /dge slong rdo rje 'chang rnams ni//tshul mthun bsnyen bkur bya phyir ro/ /zhes gsungs te/ slob dpon tha ma'o/ /gnang ba byin nas rgyud kun bstan pa ni de bzhin gshegs pa'i nges pa'o/ /gzhan yang dag pa'i tshul ni dbang bdun pa dang / bum pa dang / gsang ba dang shes rab ye shes kyi sa bdun pa dang brgyad pa dang /legs pa'i blo gros te/ dge bsnyen dang / dge tshul dang / dge slong rnams su sbyar bar bya'o/ /shes rab ye shes kyis ni gnas brtan rgan po ste/ chos kyi sprin du lung bstan pas slob ma rnams la lung bstan pa yin no/ /de bzhin du mtshan yang dag par brjod pa las/'jig rten gsum na gzhon lus gcig /ces bya ba nas/ rnam grol zhi ba zhi ba nyid/ /ces bya ba yan chad kyis don de bstan par gsungs so/ /gzhan yang bum pa dang / gsang ba dang / shes rab ye shes kyis ni lus ngag yid sbyong ba yin te/ tshangs pa dang / dbang phyug chen po dang /khyab 'jug gi ming du yang btags te/ mu stegs pa rnams gzhug pa'i don du'o/ /de ltar yang / tshangs pa sku yi rdo rje 'dzin/ /gsung gi rdo rje dbang phyug che/ /thugs kyi rdo rje 'dzin rgyal gang / /de ni khyab 'jug rdzu 'phrul che/ /zhes gsungs te/ rdo rje slob dpon gyi dbang ngo / /de bzhin du mtshan yang dag par brjod pa las/gtsug phud ces bya ba nas/ zur phud lnga ba me tog thod/ /ces bya ba yan chad kyis bstan par gsungs so/ /da ni rgyud thams cad kyi nges don du/ bcom ldan 'das kyis gsungs so/ /de ltar na 'dir dbang de rnams thob pa'i dge slong dang / dge tshul dang / khyim pa rnams kyis gzhan la brten pa dang / zhing las dang mtshon cha 'tshong ba dang / snag tsha 'tshong ba dang / tshong bsgyur gzhan thams cad mi bya ste/ gal te byed pa de lta na ni/ sangs rgyas kyi bka' bslus pas mnar med pa'i dmyal bar 'gro bar 'gyur ro/ /da ni bum pa la sogs pa'i bla ma'i dbang gsum gyi cho ga rgyas par bstan par bya ba'i phyir/gcig nas phyogs kyi lo bar zhes bya ba smos te/ lam gyi rgyal po gcig dang por byas nas/ lo bcu lon pa de srid pa la lta ba dang reg par bya ba yin gyis/ bya ba gzhan gyi nus pa mi bskyed de/ nu ma med pa'i phyir ro/ /gang yang lo bcu lon pa de ni sbyin pa la sogs pa'i pha rol tu phyin pa bcu dag pa tsam yin te/de yang 'di ltar ji srid du so lhung bar ma gyur pa de srid du/ ye shes kyi khams mi zad pa'o/ /rdo rjes so lhung ba de nas nam mkha'i khams te/ de bas na khams gnyis bos gzhon nu ma skye gnas nyams par mi 'gyur ro/ /de'i phyir de la blta bar bya ba dang /reg par bya ba dang / mchod par bya ba tsam yin no/ /de nas 'khyud par bya ste zhes bya ba ni/ lo bcu gcig pa dang por byas nas nyi shu la thug par 'khyud pa'i sbyor ba bya'o/ /rgya mtsho ror bcas te zhes bya ba ni drug dang bcas pa'i bzhi ste bcu pa'o/ /g.yo ba la sogs bstan par bya/ /zhes pa ni lo bcu gcig pa la rlung ngo //bcu gnyis pa la me'o/ /bcu gsum pa la chu'o/ /bcu bzhi pa las ste bzhi'o/ /de bzhin du bco lnga pa la sgra'o/ /bcu drug pa la reg go/ /bcu bdun pa la ro'o/ /bco brgyad pa la gzugs so/ /bcu dgu pa la dri'o/ /nyi shu pa la chos kyi dbyings so/ /nyi shu lo 'das phyag rgya khro bo 'byung bo lha min rigs te mchog tu 'jigs//zhes bya ba ni/ 'dir lo nyi shu rtsa gcig nas brtsams nas lo so so la grangs ji lta ba bzhin du/ sngon mo dang / shin tu stobs ldan ma dang / brtson 'grus mtha' yas ma dang / yaM b+h+yi dang / nga rgyal ma dang / rengs byed ma dang / 'od zer can ma dang / skul byed ma dang /khro gnyer ma dang / rdo rje lcags sgrog ma dang / drag can ma ste/ khro bo'i rigs kyi lha mo bcu yin no/ /yang lo sum cu so gcig nas 'byung bo'i rigs brgyad de/ rgan byed ma dang / phag mo dang / drag mo dang / dbang mo dang / tshangs ma dang / dpal chen mo dang / gzhon nu ma dang / khyab 'jug ma'o//de bzhin du lo sum cu so dgu nas lha ma yin gyi rigs brgyad ni/ khyi gdong ma dang / phag gdong ma dang / stag gdong ma dang / sbyang gdong ma dang / mkha' lding gdong ma dang / 'ug gdong ma dang / bya rgod gdong ma dang / pho rog gdong ngo / /de ltar na de rnams kyis ni mchog tu 'jigs pa skyed par byed pa'i lha mo rnams yin pas/dbang gi skabs su spang bar bya ba yin no/ /dbang gi don drug dang bzhi ste zhes bya ba ni/ me'i khams nas chos kyi dbyings kyi khams kyi bar du ste bcu'o/ /rlung gi khams la ni rdul mi 'byung ba'i phyir bzung bar mi bya ste nges pa'o/ /bsgom don gzhan zhes pa ni nyi shu rtsa gcig nas bzhi bcu rtsa drug gi bar la bde ba bstan pa'i don tsam yin no//'dir dbang gong ma gsum la dgos pa rnam pa gnyis te/ lam yongs su shes pa'i don du sems can rnams gzhug cing / rgyud nyen pa la dbang bskur ba'i don dang / gzhan 'chad pa po byed cing slob dpon chen po'i gnas sbyin pa'i don to//de la re zhig dang por dbang rnams la/ rnam par 'khrul ba'i skyon spangs la/ slob ma la dbang sbyin par bya'o/ /de ni gang zhig dpal ldan shes rab nu mar dang po reg pa de 'dir bum pa'i dbang / /zhes bya ba la thog mar gang zhig gis gzhon nu ma lo bcu gnyis lon pa yongs su smin par byas nas/bla ma la dbul bar bya zhing / de nas bla ma la gsol ba gdab par byas nas/ de'i rjes la bla ma mnyes pas 'jig rten pa'i kun rdzob kyis rang gi phyag rgya'i dkar 'dzin la reg par bya ste/ de ni bum pa'i dbang ngo / /ri bong 'dzin pa myang dang lta bdag ni gsang las gsang ba'i dbang du 'gyur//zhes bya ba ni/ de nas gsang ba ma la mchod pa bya ste/ slob ma la bdud rtsi sbyin pa dang / phyag rgya'i b+ha ga bstan par bya'o/ /de ni gsang ba'i dbang ngo / /shes rab ye shes dbang la rgyal ba'i rigs rnams kyis ni yan lag gdong rnams sbyang / /zhes bya ba ni/ las kyi phyag rgya'i gdong rnams su ni oM la sogs pa'i sa bon gyis rigs lnga dang ldan par byas la/de nas rgyal ba dag la dbang du gsol te/ bla mas slob ma la ni phyag rgya sbyin/ /zhes bya ste/ lag bcangs dang gnyis gnyis 'khyud pa la sogs pa'i don du/ bla mas rgyal ba rdo rje sems dpa' la sogs pa dbang du bya ba ni/ji ltar sems can gdul bar dka' ba 'di la/ sgom pa dang rgyud kun mnyan pa dang / rang gi slob ma rnams la rgyud kun bstan pa dang / dkyil 'khor bri ba la sogs pa'i don du yin gyi/ gzhan du 'jig rten pa'i bde ba tsam nyams su blangs pa'i phyir ma yin no zhes gsol zhing yid kyi dbang du bya'o//dang por slob ma gzhug pa'i dbang gi nges pa'o/ /de bzhin du yon tan gnyis kyis bdag nyid kyi sa bon gyi bde ba ni/ lha rnams kyi dgod pa dag pas slob dpon no/ /gsang ba ni yon tan gsum gyi bdag nyid de/ /lta ba dag pa yin pas so/ /lag bcangs ni yon tan bzhi'i bdag nyid dag pa yis so//gnyis gnyis 'khyud pa ni yon tan lnga'i bdag nyid kyis sa bon gyi bde ba lha rnams kyi rnam par dag pa yis so/ /de bas na 'jig rten kun rdzob tu sems can rnams gzhug pa'i don du/ dbang rnam pa bzhir nges so/ /de nas rgyud rnams kyi drang ba dang nges pa'i don shes par byas nas bdag po chen por bya ba'i don du rim pa ji lta ba bzhin du slob mas rig ma bcu bla ma la dbul bar bya zhing rig ma de dag kyang rtsa ba'i rgyud las bcom ldan 'das kyis ji skad du/tsha mo dang ni bu mo dang / /sring mo de bzhin ma dang ni/ /chung ma'i ma ni gang yin dang / /de bzhin zhong bo'i chung ma dang / /khu bo'i chung ma dag dang ni//de bzhin pha yi sring mo dang / /rang gi ma yi nu mo dang / /rang gi chung ma mchog gzugs can/ /sgrol ma dang po chos dbyings mtha'/ /rang rigs las skyes rig ma bcu/ /thar ba 'dod pa'i khyim pa yis/ dbang gi dus su bla mar 'bul/ /gal te 'di rnams rigs bsrung phyir/ /rig ma bla mar mi 'bul na//de phyir dbang ni sbyin mi bya/ /dge slong dang ni dge tshul la/ /dmangs rigs la sogs gzhan rnams kyis/ /dkyil 'khor la ni dbang bskur phyir/ /bla mas sbyin no mi dbang kye/ /rlung sogs rim pas dmangs rigs la/ /rgyal rigs de bzhin bram ze mo/ /rje'u rigs rigs ngan nya ba dang //gar mkhan de bzhin tshos ma dang / /ko lpags ma dang gtum mo ste/ /chos kyi dbyings kyi mkha' skyes bcu/ /spyod dang grol ba'i 'bras ster ma/ /rig ma chen mos yang dag brjod/ /'di rnams spyod dang grol 'bras ster/ /zhes gsungs so/ /'di ltar gsungs pa'i rim pas pha rol tu phyin pa bcu dang /dbang bcu dang / sa bcu dang / stobs bcu rnams te/ de rnams kyi rnam par dag pa'o/ /de bzhin du mtshan yang dag par brjod pa las kyang / sangs rgyas rnam par snang mdzad che/ /zhes pa nas/ rnam bcu dbang ldan che ba po/ /zhes pas bstan to/ /de bas na rang nyid dkyil 'khor chen po'i slob dpon du lhag par 'dod pas/phyag rgya bcu dbul bar bya ba ni de bzhin gshegs pa'i nges pa'o/ /de ltar bla ma la slob mas phyag rgya bcu phul te/ de nas gnang ba stsal du gsol/ /zhes gsol ba gdab par bya ste/ kye ma bcom ldan 'das pha rol tu phyin pa thams cad thob pas bdag gis da ci zhig bgyi zhes gsungs pa dang /slob dpon gyis kyang rang gi chung ma 'di bcu'i nang gang yang rung ba gcig dang por de dang gsol ba thob cig ces bsgo bar bya'o/ /rnam par rtog pa che ba'i dge tshul lam/ dge slong la ni gtum mos bya bar bshad do/ /de nas bla mas de dag bzung nas gser la sogs pa'i maN+Dal byed du bcug ste/de gnyis kyis 'di skad ces gsol ba gdab par bya ste/ sgrib pa thams cad rnam spang ba'i/ /dus kyi 'khor lo khyod phyag 'tshal/ /mchog tu mi 'gyur ba des gang ba'i/ /ye shes sku ste khyod phyag 'tshal/ /stong nyid snying rje dbyer med pa/ /gang yang mi 'gyur byang chub sems//mgon po bdag la dbang de ni/ /de ring bka' drin gnang ba'i rigs/ /bu dang chung ma sogs bcas pa/ /khyod la kun du bdag bran mchi/ /byang chub snying po'i bar du ni/ /bdag la slob ma gzhan ma mchis/ /zhes gsol ba btab pa'i slob ma mthong ba dang / sgra rdo rje ma la rgyan kun gyis brgyan te/gcer bur byas te 'khyud par byas la khyim pa la rang gi sgyug mos bya'o/ /de bas rnal 'byor ma dgu po gcer bu skra grol ba lag na gri gug dang thod pa thogs par byas la/ shar du sgrol ma/ lhor gos dkar mo/ nub tu spyan ma/ byang du mA ma kI/ mer reg rdo rje ma/ bden bral du rdo rje ma/rlung du dri rdo rje ma/ dbang ldan du gzugs rdo rje ma/ dbus su me thun bya'o/ /'di ltar dbang sngon ma rnams ni chu la sogs pa bdun yin la/ de las blang bar gyur ba'i dbang ni/ las kyi phyag rgya thun mong ba gang yang rung ba gcig gis bya'o/ /bla ma'i yang bla ma'i dbang ni/ sngon du brjod pa'i dmangs rigs la sogs pa'i phyag rgya bcus bya'o//der yang / dge slong dang ni dge tshul dang / /khyim pa yin te gsum rnams la/ /rim bzhin phyag rgya bcu dang drug /gcig ste khyim pa rnams la'o/ /zhes gsungs so/ /de nas bum pa'i dbang gi don du phyag rgya dbul bar bya ste/ de yang / zhun ma gser gyi mdog 'dra rgyan rnams dang ldan bcu gnyis lo lon bu mo bzang / /zhes bya ba ni las kyi rgyal po lo bcu gnyis nas bzung nas nyi shu'i mtha' zhes bya bar ston to/ /shes rab thabs kyi bdag nyid ces bya ba ni/ 'chad bzhin pa'i lha'i rnal 'byor ro/ /rang gi rdo rje nor bus zhes pa ni gsang ba'i rdo rjes so//chags bcas 'dod pa zhes pa ni/ phyag rgya sngon du rdul dang ldan pa las/ gang gi nub mo rdul langs pa'i nu mo de la brtsam zhes bya ba'i don to/ /slob ma dag par shes byas zhes pa ni/ bla ma'i yang bla mar gyur pa'i dbang la'o/ /rang gi sa bon rdo rje yis ni kha ru 'phang / /zhes pa ni/ byang chub sems myang bar bya ba'i don du'o//phyi nas yang ni rang gi phyag rgya sbyin te zhes pa ni bla mas bdag tu byas pa'am/ slob ma rang gi gang yin pa de gtad par bya'o/ /gzhan yang 'dir bum pa'i dbang gi skabs su slob ma'i shes rab ma gang yin pa de la bla mas nu ma la reg par bya'o/ /gsang ba'i dbang la yang slob mas shes rab kyi kha ru slob dpon gyi rdo rje dgod par bya'o//de yang slob ma dang gsang ba gnyis ka'i gdong g.yogs par byas la/ bla mas shes rab ma'i sna gzhib par bya ste/ de'i rjes la shes rab ye shes la slob ma rang gi phyag rgya slob dpon chen po'i go 'phang thob par bya ba'i ched du slob ma la bla mas gtad cing /de yang phyag rgya bcu'i nang na/ gang 'dod pa de byin la/ mtshan mo phyed na chu tshod gnyis 'das pa dang / nyi ma shar kha'i bar du nyams su myong bar bya'o/ /de nas tshogs kyi 'khor lo'i bya ba brtul la/ slob ma la bla mas sdom pa sbyin par bya ste/ 'dir gang khyad par gyi dga' ba'i mthar lhan cig skyes pa'i skad cig 'byung ngo zhes gang ngas brjod pa de ni kun rdzob pa ste/don dam par mi 'gyur ba'i don dam pa ni gang mi 'gyur ba'i bde ba de nyid yin par rnal 'byor pa rnams la gsungs so/ /de'i phyir bde ba chen po 'di khyod kyis bsrung bar byas la/ de bzhin du dang po'i sangs rgyas las kyang ji skad du/las kyi phyag rgya rab sbyor dang / /ye shes phyag rgya rjes chags la/ /shin tu brtul zhugs brtan po yis/ /bde chen byang sems bsrung bar bya/ /b+ha gar mtshan ma rab bkod de/ /byang chub sems ni mi spro bar/ /'jig rten khams ni ma lus par/ /sangs rgyas gzugs su bsgom par bya//'di nyid bsrung bar byas pa yis/ /skye ba 'di ru sangs rgyas 'gyur/ /bsod nams ye shes dang ldan zhing / /tshul khrims tshogs ni yang dag rdzogs/ /pha rol phyin pa bcu thob cing / /yang dag sangs rgyas dus gsum gshegs/ /'di nyid rdzogs pa'i sangs rgyas te/ /chos kyi 'khor lo rab tu bskor//'jig rten gsum gyi dbang phyug kyang / /ye shes 'di las gzhan na med/ /stong nyid snying rje dbyer med pa/ /bdag gzhan don ni rab bsgrub phyir/ /gal te bu kye skyong byed na/ /skyob pa kun gyis sdom pa'i bdag /sangs rgyas kun gyis byin gyis rlob/ /de nas yang dag byang chub thob//'on te 'dod chags zad byed cing / /gtso bo'i mdun du blangs pa yi/ /sdom pa skyong bar mi byed na/ /de phyir khyod ni ngu 'bod 'gro/ /dman pa'i yid kyis skye gnas su/ /gal te byang chub sems zag na/ /phyag rgya sems shing rang gi lces/ /de yi pad+ma'i phyi rol blang //zhes bde bar gshegs pas gsungs pa 'dis slob ma la slob dpon gyi sdom pa rgyas pa sbyin no/ /slob mas kyang bla ma la yon phul la bla ma'i dkyil 'khor byas nas gsol ba btab ste/ kye bcom ldan 'das dbang gi rab tu dbye ba'i bka' drin bdag la gnang bar mdzod ces bya bas gsol ba gdab bo//de nas bla mas slob ma la bos te/ skyes bu khyod nyon cig /dga' ba bcu drug gi mtshan nyid sems can thams cad kyi bde ba thun mong ba khyod la bstan bar bya'o/ /de yang phyag rgya yon tan dang ldan pa las rtogs par 'gyur gyi/ /gzhan las ma yin no/ /mtshan ngan gyi phyag rgya ma spang bar bya ba ni/dngang dang 'khrul pa'i sems zhes pa ni/ bla ma dngang zhing 'jigs pa'o/ /don log par 'dzin pa ni 'khrul pa'o/ /g.yon ni gya gyu byed pa'o/ /gzhan gyi dbang bskur zhes pa ni skyes bu gzhan la chags pa'o/ /nang can zhes pa ni gcong can no/ /bu bcas zhes pa ni bu btsas pa skyes gnas yangs shing bde ba mi 'byung la bde ba nyams pa'o//khro ba ni spro thung ba'o/ /khengs pa ni rigs la sogs pas nga rgyal pa'o/ /rdzas la zhen pas rngan pa 'dod pa ste smad 'tshong ma'o/ /mi bden pa ni brdzun du smra ba'o/ /rtsod smra ni 'thab mo dus rtag tu byed pa'o/ /ma dag pa ni mtshan nyid dang mi ldan pa'o//yan lag dman pa ni rkang lag dang mig la sogs pa mtshang ba'o/ /skyon de rnams dang ldan ba'i phyag rgya ni shes rab ye shes kyi skabs su spang gi / gzhan gyi gnas skabs su mi spang ste/ rtsa ba'i ltung bar gsungs so/ /de bas na/ 'di ni bla ma dam pas spang bya mi dbang kye//zhes bya'o/ /sangs rgyas bla ma la gus dam tshig 'dzin dang sngon du ji skad gsungs bzhin mchod/ /ces pa ni/ phyag rgya'i mtshan nyid skye ba'i lo nyi shu man chad pa rigs btsun la kho med pa la/ mchod pa rnam pa mang pos mchod par bya zhes dgongs so/ /de las dga' ba bcu drug gi mtshan nyid ji lta ba bzhin skye ba'o//'gro ba bdag gi yid la 'dod chags 'khrug par byed cing rdzogs par son pa'o/ /zhes bya ba la/ 'dir 'gro ba rnams mig gas bltas pas 'dod chags 'khrug pa ni dga' ba dang po ste/ rdzogs pa zhes pa tshes lnga'o/ /de nas bgad pas zhu ba'i gnas skabs ni/ dpral pa na gnas pa'i byang chub sems zhu ba'i gnas skabs te/shes rab ma la 'khyud pa yan chad bsdu zhing tshes ni bcu yan chad yin la/ dga' ba ni gnyis pa ste/ rdzogs pa gnyis yin no/ /ri bong 'dzin las zhu ste lus mchog las ni rdzogs 'bar thig le bzang po 'dzag /ces bya ba ni/ ri bong 'dzin pa ni byang chub sems yin la zhu ba ni g.yo ba'o//gang nas she na/ lus mchog ces bya ba smos te/ spyi bo las 'khrig pa'i gnas skabs 'bar ba zhes bya ba'i dus su 'dzag pa ni dga' ba gsum pa yin te/ tshes bco lnga pa'o/ /oM Das spyan drangs byas te zags pa'i thig le gsum mthar mchog gi bde ba ster/ / zhes bya ba ni/ de ltar oM zhes bya ba thig le 'dzag pa'i gnas skabs yin la/ de yang lus ngag sems kyi thig le 'dzag pa'i mthar lhan cig skyes pa'i bde ba 'ba' zhig pa ni dga' ba bzhi pa yin te/ cha bcu drug gi bdag nyid can du shes par bya'o/ /de ltar na tshes gcig la sogs pa nas tshes lnga lnga'i bar ni/nam mkha' dang / rlung dang / me dang / chu dang / sa'i rang bzhin ni dga' ba dang / bzang po dang / rgyal ba dang / stong pa dang / rdzogs pa'i ming gis a i r-i u l-i/ a e/ a ra o a la/ ha ya ra wa la zhes bya ba'i dbyangs rnams kyi chos can rnams so/ /de ltar lnga pa'i rdzogs pa ni dga' ba'o//bcu pa'i rdzogs pa mchog dga'o/ /nya'i rdzogs pa ni dga' bral lo/ /cha bcu drug pa ni lhan cig skyes pa'i dga' ba ste/ rdzogs pa thams cad kyi khams yang dag par bsdus pa dang / yang dag par tshogs pa dang / mnyam pa dang / 'dus pa dang / bsdom pa yin te/ 'di ltar byang chub kyi sems chags pa ni dkar pa'i phyogs yin la/chags bral ni nag po'i phyogs so/ /de bzhin du mtshan yang dag par brjod pa las kyang / chags bral dang po chags pa che/ /kha dog sna tshogs 'bar ba'i 'od/ /rdo rje skyil krung rdzogs sangs rgyas/ /sangs rgyas brjod pa'i chos 'dzin pa/ /zhes gsungs la/ gzhan yang / rnam pa kun ldan rnam pa med/ /bcu drug phyed phyed thig le can/ /yan lag med pa'i rtsis las 'das/ /bsam gtan bzhi pa'i rtse mo 'dzin/ /zhes gsungs te/ bcom ldan 'das kyi nges pa'o/ /da ni dga' ba bcu drug la sbyor ba bzhi bzhi brjod par bya se/ 'dod dang zhes bya ba la sogs pa la/'dir sems can thams cad la/ sad pa dang / mi lam dang / gnyid mthug po dang / bzhi pa'i dbye bas lus ngag sems dang ye shes kyi sbyor ba'o/ /de dag kyang dga' ba la sogs pa'i dbye ba bcu drug ste/ de la 'dod pa zhes pa ni sku'i dga' ba'o/ /dga' ba zhes pa ni gsung gi dga' ba'o//'dar ba zhes pa ni thugs kyi dga' ba'o/ /mi 'gyur ba zhes pa ni ye shes kyi dga' ba ste/ de bas na de ltar sbyor ba bzhi po de ni gcig ces bya ba dga' ba gcig pa ste/ dang po'o/ /de bzhin du rdzogs pa zhes pa ni sku'i mchog dga'o/ /mchog dga' zhes pa ni ngag gi mchog dga'o/ /skye ba zhes pa ni sems kyi mchog dga'o//dga' bo nus pa zhes pa ni ye shes kyi mchog dga'o/ /gnyis pa'i zhes pa ni mchog dga' gnyis pa yin pa'i phyir ro/ /'bar dang zhes pa ni lus kyi dga' 'bral lo/ /dga' 'bral zhes pa ni ngag gi dga' bral lo/ /rgyal zhes pa ni sems kyi dga' bral lo/ /thig le zhes pa ni ye shes kyi dga' bral te/dga' ba gsum ba yin par sbyor ba gsum pa'o/ /oM Da zhes pa ni lus kyi lhan cig skyes pa'o/ /lhan cig skyes dga' zhes pa ni ngag gi lhan cig skyes dga'o/ /gnyis zhes pa ni/ sems kyi lhan cig skyes dga'o/ /nA da zhes pa ni ye shes kyi lhan cig skyes dga'o/ /de ltar na sprul pa dang /longs spyod rdzogs pa dang / chos dang ngo bo nyid kyi sku'i dbye bas/ lus ngag yid ye shes rnam pa bzhi po re re la'ang bzhi bzhir rtogs par bya ste/ de ltar na dga' ba bcu drug tu 'gyur ro/ /dga' ba bcu drug gi mthar lhan cig skyes pa'i dga' ba skye ba ni nges pa'o/ /da ni las kyi phyag rgya'i dag pa brjod par bya ba'i phyir/ma zhes bya ba la sogs pa smos te 'dir rgyud thams cad du ma la sogs pa'i phyag rgya rnams rnal 'byor pa rnams la chags par bya ba'i don du thun mong du gsungs la/ de yang byang chub kyi sems brtan par byas pa rnams la yin gyi/ gzhan rnams la ni ma yin no/ /gzhan dag las ni 'jig rten pa'i tha snyad kyi bud med rnams gnas skabs kyi dbye bas ma la sogs par bya'o//de yang 'dir gal te rnal 'byor ba dang po'i sems kyis bsams pas mar 'gyur ro/ /reg pa'i dus na sring mor bsams te/ cha ster ba'i phyir ro/ /rdo rje zhugs pa'i dus na bu mor bsams te yon tan 'jo bas so//snying rje dang bcas dga' ba ste/ bde ba 'dzag pas na tsha mor bsams te snying rje chen po g.yo ba'i phyir ro/ /thig le lhung ba na chung mar bsams te/ bde ba rang las 'byung ba'i phyir ro/ /rnal 'byor ma la chags bral gzhan gyi rigs/ /zhes bya ba ni/ gang byang chub kyi sems 'dzag na de nas byang chub sems chags pa bral ba yin pas kha gzhan du lta zhing reg par mi byed pa'i phyir ro//gzhan gdol ba mo'i rigs su bsam mo/ /sa chu me rlung nam mkha' ste chad pa'i dngos po zhes bya ba la/ 'dir lus can kun gyi rgyud la byang chub sems g.yo ba na/ /dang po sa'i khams 'khrug go/ /de nas chu 'khrug go//de nas mi 'khrug go/ /de nas rlung 'khrug go/ /de nas nam mkha'i khams 'khrug go/ /de nas 'pho bar 'gyur ro/ /'di drug rnal 'byor phyag rgya'o/ /zhes pa ni/ de ltar g.yas g.yon gyi dkyil 'khor lnga lngar mdzad pa ste/ 'pho ba'i dus su ni ma la sogs pa rnam par dag par shes par bya zhing /de nyid 'khor lo dang / rna cha dang / nor bu dang / lag gdub dang / ska rags dang / thal ba ste/ rigs drug dag pas rnal 'byor ma rnams la mtshan mar brgyan par byas so/ /de bzhin du sbyin pa la sogs pa'i pha rol tu phyin pa drug kyang rnam par dag par nges pa'o/ /da ni sku la sogs pa'i phyag rgya gsum pa brjod par bya ba'i phyir/pad+mor zhes bya ba la [(]sags [,]sogs [)]pa smos te/ 'dir rgyud thams cad du gzhan drang ba'i phyir/ dbral ba sku'i phyag rgya'o/ /mgrin pa gsung gi phyag rgya'o/ /snying ga thugs kyi phyag rgya'o/ /nges don du pad+mar rdo rje zhugs zhes bya ba ni/ rtag par rdo rje las su rung ba ste/ sku'i phyag rgya'o//me la rlung zhes pa ni rtsa dbu mar srog rlung zhugs pa gsung gi phyag rgya'o/ /thig le ma lhung ba ni thugs kyi phyag rgya'o/ /sku gsung thugs kyi phyag rgya zhes pa ni bstan pa de rnams so/ /rnal 'byor gsum po 'di zhes pa ni/ de ltar phyag rgya gsum du bstan pa de dag dbu mar ji lta ba bzhin du 'dus pa'o/ / bstan pa zhes pa ni slob ma rnams la'o/ /de'i rjes la chags dang chags med thog mtha' zhes bya ba ste chags pa ni dkar po'i phyogs te de'i mthar gyur pa'o/ /chags bral ni nag po ste/ de'i thog mar ro/ /gang de dag gi mthar cha bcu drug pa'i gnas su shes par byas la/ de yang mi 'dzag pa de srid du brjod do//der ni mchog gi dga' ster zhes bya ba ste phun sum tshogs pa thams cad ster zhes bya ba'i don to/ /rnal 'byor pas bgrod pa bzhi pa ni zhes pa ste/ gang yang bzhi pa de ni rnal 'byor pa rnams kyi rdzogs pa'i rnal 'byor pa'i yan lag drug gis bgrod par bya ba yin gyi gzhan du ma yin zhes pa'i don to//phyag rgya zhes pa ni/ rgyud snga phyi kun du 'jig rten las 'das pa'i phyag rgya yan lag drug gis rtogs par bya zhes bya ba'i don to/ /yum mchog ces pa ni lus can thams cad gnyis su med pa'i ye shes su bsgrub par mdzad pa'i phyir ro/ /rnam bcur 'gyur zhes pa ni du ba la sogs pa'i dbye bas sbyin pa la sogs pa'i pha rol tu phyin pa bcu'o//dpal ldan bla ma'i zhes pa ni de lta bu'i bzhi pa'i yon tan kun gyi 'byung gnas bla ma rdo rje sems dpa'i zhal nas rtogs par bya'o/ /gzhan yang bzhi pa gang yin pa de ni ngo bo nyid kyi chos can ma la zhes bya ste nges pa'i don to/ /de ltar slob ma la dbang dang phyag rgya'i mtshan nyid legs par bstan nas/tshogs kyi 'khor lo gyis shig pa'i nges pa byin la/ rigs kyi lha mo sum cu rtsa drug spyan drangs shing / de nyid kyi nyin par gzhon nu ma rdo rje'i mdas ma smas pa bcu la/ 'o thug dang zas mngar ba la sogs pas tshim par byas la yon phul te btang ngo //de nas chu tshod bdun la bab pa na/ sangs rgyas gtsor byas pa'i dge slong gi dge 'dun sde gnyis spyan drangs la/ kha na ma tho ba med pa'i mngar ba'i gsol zas kyis mnyes par byas la/ yon phul te slar 'phags pa'i dge 'dun gtsug lag khang du gshegs su gsol lo/ /de nas skye bo med cing bug pa med pa'i khyim du tshogs kyi 'khor lo'i cho ga la/dpa' bo dang dpa' mo'i dbang phyug ma rnams kyi gnas brtsam par bya ste/ 'dir ji ltar nus pa rjes su mthun par shes rab dang thabs kyi bdag nyid kyi bla ma gtso bo'i dbus su bzhugs su gsol lo/ /phyogs kyi mtshams bzhi la rnal 'byor ma bzhi po dbus su gdol pa mi'o//shar du dmangs rigs ma'o/ /lhor rgyal rigs ma'o/ /nub tu rje'u rigs ma'o/ /byang du bram ze ma'o/ /tshogs kyi gtso bo lnga'i bdag nyid do/ /'di rnams kyi gdan ni mi'i pags pa dang / khyi'i pags pa dang / rta'i pags pa dang / ba lang gi pags pa dang / glang po che'i pags pa'o/ / de nas phyogs ma yin pa la gnyis ni dbang ldan du dri chu'i snod/ rlung du dri chen gyi snod/ bden bral du khrag gi snod/ mer klad pa'i snod do/ /de nas gnyis pa thugs kyi 'khor lo'i gnas ni yongs su bskor ba yin la/ de'i shar du 'khar ba mkhan ma/ lhor shing 'dzeg ma/ byang du nor bu mkhan ma/ nub tu drag spyan ma/mer phreng mkhan ma/ bden bral du chang 'tshong ma/ dbang ldan du gser mkhan ma/ rlung du phreng rgyud ma ste/ rnal 'byor ma brgyad do/ /'di rnams kyi gdan ni grangs ji lta bas/ lug gi pags pa dang / 'brog gi khyi'i pags pa dang / rnga mo'i pags pa dang / seng ge'i pags pa dang / ra'i pags pa dang /ri dgas kyi pags pa dang / bong bu'i pags pa dang / phag gi pags pa'o/ /de nas gsum pa gsung gi 'khor lo'i kun nas bskor ba la shar du sha 'tshong ma/ mer rdza mkhan ma/ lhor g.yos mkhan ma/ bden bral du smad 'tshong ma/ nub tu bsrub mkhan ma/ rlung du nya ba ma/ byang du skar rtsis mkhan ma/dbang ldan du tshos mkhan ma ste/ rnal 'byor ma brgyad do/ /'di rnams kyi gdan ni chu srin gyi pags pa dang / 'gron bu'i gzhug ma dang / sbal pa'i gzhug ma dang / nya lpags dang / chu srin byis pa gsod kyi pags pa dang / sbal pa'i pags pa dang / rus sbal gyi khog pa dang / dung ste grangs ji lta bas so//de nas bzhi pa sku'i dkyil 'khor gyi shar du lcags mkhan ma/ lhor rgya skegs byed ma/ nub tu srin bal mkhan ma/ byang du til mkhan ma/ mer smyug ma mkhan ma/ bden bral du shing mkhan ma/ rlung du ko lpags mkhan ma/ dbang ldan du 'breg mkhan ma ste/ rnal 'byor ma brgyad do//'di rnams kyi gdan ni/ bse'i pags pa dang / stag lpags dang / dom lpags dang / ne'u le'i pags pa dang / g.yag gi pags pa dang / ce spyang gi pags pa dang / sram lpags dang / byi la'i pags pa'o/ /de nas lnga po dur khrod kyis kun nas 'khor ba'i shar du kla klo ma/ lhor lha gzan ma/ nub tu gtu ma mo/ /byang du stag gzig ma/ me ru smyon thabs ma/ bden bral du ro sreg ma/ rlung du ba lang rdzi ma/ dbang ldan du ri khrod ma ste brgyad do/ /'di rnams kyi gdan ni/ sprul gyi pags pa dang / byi la'i pags pa dang / mgo dkar gyi pags pa dang / spre'u'i pags pa dang / ri bong gi pags pa dang / sha khyi'i pags pa dang / e shu ka'i pags pa dang / rtsangs pa'i pags pa'o/ /pags pa 'di rnams med na/ shar nas mer khyi lpags/ lho nas bden bral du rta lpags/ nub nas rlung du glang po che'i pags pa/ byang dang dbang ldan du ba lang gi pags pa dang / dbus su mi'i pags pa'o//de ltar gdan rnams phul nas rnal 'byor ma rnams bzhugs su gsol/ pags pa 'di rnams kyang dbul te/ de bzhin du sder rnams ni shar dang mer nya phyis so/ /lho dang bden bral du na li ke ra'o/ /nub dang rlung du kham phor ro/ /byang dang dbang ldan du mi thod do/ /dbus su shing gi snod do//de nas chang la sogs pa dang / bza' bca' dang mar me la sogs pa 'chad bzhin pa rnam pa bcu phul la/ de nas maN+Dal byas la yon chab la sogs pa byin te/ las kyi rdo rje dang bcas pa'i slob mas de ltar mchod rdzas rnams bsogs te/ tshogs kyi 'khor lo'i gnas dang rigs kyi nges pa'o/ / de nas me thu na'i sbyor thabs bya ba ni de bzhin gshegs pa'i nges pa'o/ /'jig rten kun rdzob kyi dbang bdun pa dang zhes pa ni/ chu nas rjes su gnang ba'o/ /gsum pa ste zhes pa ni/ bum pa dang gsang ba dang / shes rab ye shes so/ /de bas na bcu pa'o/ /bzhi pa ni bzhi pa slar yang de bzhin te zhes pa ni bum pa dang gsang ba dang /shes rab ye shes dang / de'i rjes su sbyin par bya ba yin pas bzhi pa ste/ de bas na 'jig rten las 'das pa'i dbang bzhi pa zhes bya'o/ /bzhi pa ni shes rab ye shes kyi dbang gsum par mi 'gyur te zhes bya ba ni ci'i phyir zhe na/ gsum pa las tha dad par bzhi pa zhes gsungs pa'i phyir ro//bzhi ba ni shes rab ye shes yin te zhes bya ba ni/ shes rab ye shes chen po yin te zhes bya ba'i don to/ /slar yang de bzhin te zhes gsungs pa'i phyir ro zhes bya ba ni gsum pa nu ma dang skrar ldan pa la brten pa bzhin du/ bzhi pa 'di yang slar phyag rgya chen mo la brten pa'am/ yang na gsum pa yongs su rdzogs nas/bzhi pa yongs su rdzogs par 'dod pa de'i tshe/ sngon gyi gsum pa la sogs pa yang slar bzla ste/ de'i rjes la gnang ba sbyin bar bya ba yin pas/ de'i phyir gsungs pa'i phyir ro zhes bya ba'i don to/ /de bas na gsum pa nyid ni bzhi pa ma yin no/ /de yang bcom ldan 'das kyis bsdus pa'i rgyud 'di nyid las gsungs pa/gzhan yang bdud rtsi myang dang rnam par lta ba gang / shes rab sbyar las skad cig bzhi par bdud rtsi 'pho ste byang chub sems zhu gang / /zhes gsungs te/ 'dir shes rab ces bya ba la sogs pa la/ gang blta ba dang / dgod pa dang / lag bcangs dang gnyis gnyis 'khyud pa zhes bya ba dang /dbang rnam pa bzhi ste/ slob dpon dang / gsang ba dang / shes rab ye shes dang / bzhi pa slar yang de bzhin no zhes gsungs pa la/ de bzhin du gsang ba 'dus pa la sogs par yang / bum pa la sogs pa'i dbang slob dpon du gsungs pa de ni/ kun rdzob pa ste de kho na nyid ma yin no//de yang / dbang bskur nas ni de nyid bshad/ /ces gsungs pa'i phyir yang / dgod pa dang / lta ba dang / lag bcangs dang / gnyis gnyis sbyor ba zhes bya ba'i rnam pa bzhi ni gnyis su med par mi 'gyur te/ 'dir de kho na nyid de gnyis su med pa ste/ las kyi phyag rgya'i rgyus 'byung ba ni gnyis su med pa'i ye shes su mi 'gyur ro//de bas na shes rab nu ma gang la reg pa de ni bum pa'i dbang ngo / /gzhan yang bdud rtsi myong ba dang rnam par blta ba ni gsang ba'i dbang ngo / /skad cig bzhi par bdud rtsi 'pho ste/ byang chub sems zhu ba ni shes rab ye shes su gang gsungs pa de ni byis pa rnams gzhug pa yin pa de bas na/de dag thams cad 'jig rten par nges thugs rje mchog gi lam gyi rgyu ru bstan/ /zhes gsungs so/ /gzhan yang 'jig rten las 'das pa'i dbang ni/ rgyal ba mchog gi phyag rgya bzang la sbyar ba gang ni 'jig rten las 'das dbang / /zhes gsungs te/ rgyal ba mchog ni mi bskyod ba la sogs pa yin la/de rnams kyi bdag po ni rdo rje sems dpa'o/ /de'i phyag rgya bzang mo ni rnam pa kun gyi mchog dang ldan pa'i shes rab kyi pha rol tu phyin ma dus gsum gyi sangs rgyas thams cad skyed par mdzad ma yin la/ de nyid la snyoms par 'jug pa ni 'jig rten las 'das pa'i dbang zhes bya ste/ 'jig rten las 'das pa'i dbang gang yin pa de ni/ sems ni dri ma dang bcas las kyi phyag rgya dang brtags pa'i ye shes phyag rgya la brtan pa mi 'thob pa'i phyir spangs pa zhes gsungs so/ /rdzogs pa'i byang chub rgyu ru zhes pa ni nyan thos dang rang rgyal ba'i byang chub ma yin pa gnyis su med pa'i bde ba chen pos brgyan pa rdo rje lta bu'i sku'i ched du'o//mchog gi rgyal ba zhes bya ba ni/ nyan thos dang rang rgyal ba las gzhan pa gang yin pa de nyid yin la/ de yang mi bskyod pa la sogs pa'i ngo bo nyid yin no/ /skyed ma zhes pa ni mi bskyod pa la sogs bskyed par mdzad pa gang yin pa'o/ /de nyid phyag rgya bzang mo ste/rdzogs pa'i byang chub rgyu ru bsgom par bya zhes pa'i don to/ /de nyid kyi nyon mongs pa mtha' dag rtsad nas 'don zhing g.yo ba med par mdzad pa dang / 'gyur ba med par mdzad pa dang / ma rig pa'i mun pa'i mun nag smag tu gyur pa thams cad 'joms shing / gzhan yang de nyid ni nam mkha' lta bur kun du khyab pa yin te/skye bo rnams kyi rang dbang du gnas pa zhes bya'o/ /yang nam mkha' ltar gos pa mi mnga' ba'i tshul du 'gro ba kun la gnas pas mkha' mnyam zhes bya'o/ /de nyid kho na thar pa 'dod pa rnams kyis don du gnyer bar bya ba yin pas/ rnal 'byor gyis ni bgrod ces bya ba'o/ / gzhan yang lus la gnas zhes bya ba ni thig le bzhi la sogs par lus can thams cad kyi lus la gnas pa'o/ /ye shes gzi brjid ces pa na de ltar gnas pa'i thig le bzhi la sogs pa yang / nam mkha' las byung rang byung ba/ /zhes bya ba'i mes bzhu zhing bsregs na/ srid pa'i sdig 'phrog ces bya ste/srid pa'i sdig pa ni thig le bzhi phyir 'pho ba yin la/ nam mkha' las byung rang byung mes/ phyis 'pho ba rgyun bcad pa ni sdig pa 'phrog pa zhes bya'o/ /dus kyi 'khor los rig ces bya ba ni/ dus kyi 'khor los rnal 'byor rjes su rig pas so/ /sems kyi snang ba tsam ste zhes bya ba ni/gang gi dus su du ba la sogs pa lta bur mthong ba de dag sems yongs su gyur pa'i snang bar rtogs par bya'o/ /de bas na rang gi yid las skyes shes kyang bya'o/ /gzhan yang dngos po thams cad sgyu ma'i dpe brgyad dam/ bcu gnyis ltar rtogs shing / shes par bya ba ste/ spyod lam la sogs pa'i dus so//gzhan du ni gzhan du rtogs par bya zhes pa'i don to/ /rgyal ba'i sras rnams dang ni sangs rgyas kyis brten rnal 'byor dbang pos bsten par bya/ /zhes pa ni/ 'jig rten pa'i dper bya ba las 'das pa'i shes rab kyi pha rol tu phyin pa gang yin pa de ni rgyal ba'i sras te dus gsum gyi byang chub sems dpa' rnams dang /dus gsum gyi sangs rgyas rnams kyis bsten cing rim gro mdzad pa ste/ rnal 'byor dbad po khyod kyis kyang / /'bad pa kun gyis dus thams cad du bsten cig ces gdams pa'o/ /ye shes snang ba rab tu rgyas pas zhes bya ba ni/ ye shes kyi me rab tu rgyas na'o/ /bdud dpung yul bcas ma lus zhes pa ni/lha'i bu la sogs pa bzhi yin te/ de yang nges pa'i don du thig le bzhi phyir dor pa bdud du rtogs par bya zhing bdud de dag sreg pa ni/ nam mkha' las byung rang byung ba'i tshangs pa'i mes sreg par spyod la/ brtags pa dang bcas pa'i mes sreg par nus par ma gsungs so//'dod chags la sogs mnyam pa de/ /zhes bya ba ni/ mi 'gyur ba'i thig le bde ba/ las kyi phyag rgya dang ye shes kyi phyag rgyas dman pa'i bde ba'o/ /rnal 'byor pa la zhes pa ni/ shes rab chen po dang snyoms par zhugs pa'i rnal 'byor pa la'o/ /ster ba ni thob par 'gyur ba'o//rnal 'byor los zhes bya ba ni/ lo gsum dang zla ba phyed dang gnyis kyis rlung gi rgyu ba rgyun gcod par byed cing mi 'gyur ba ster zhes bya'o/ /shes rab ye shes de nyid gang ji lta bu zhig snyam pa la/ shes rab ye shes de ni rnam bcur 'gyur ba'i sems te de ni snang ba'o/ /zhes bya ba smos te/ 'dir shes rab ye shes ni 'dzin pa'i sems yin la/rnam bcur 'gyur zhes pa ni gzung bya du ba la sogs pa'o/ /snang ba ni 'dzin pa'i sems la du ba la sogs par snang ba'o/ /dri bral zla 'od lta bu zhes pa ni/ sems rnam par rtog pa'i dri ma dang bral par byas nas/ nam mkha' ltar gnas na zla ba dang 'od ltar dbyer med pa'i rtags mkha' snang la sogs pa'am/yang na zla ba dang 'od ltar dbyer mi phyed pa'i bde ba yin la/ dbang 'dir gang zhig zhugs pa nyid/ /ces pa ni de 'dra bar rtogs shing skye bar 'gyur ba'i dbang 'dir zhugs pa ste/ gzung bya'i yul las ldog par byed pa/ yan lag drug gi sbyor ba ste/ so sor sdud dang bsam gtan dang //srog rtsol de bzhin 'dzin pa dang / /rjes su dran dang ting 'dzin rnams/ /zhes bya bar zhugs pa'o/ /de'i stobs kyis de nas mi 'dzag pa'i lhan cig skyes pa mi 'gyur zhes bya ba stong ba nyid dang / snying rje dbyer mi phyed pa'i bde ba 'dzag pa mi mnga' ba'i lhan cig skyes pa 'byung la/stong nyid snying rje la mi gnas pa gang yin pa de kho na bzhi pa zhes kyang bya'o/ /gzhan yang byis pa dang dar ma dang rgan por gyur pa ni/ 'gyur ba dang bar chad can gyi bde ba dper bya ba yin la/ bzhi pa gang yin pa de ni/ 'jig rten gsum gyi dper bya ba las 'das pa yin no/ de nyid khams gsum gyi spros pa las grol ba yin no/ /gang la sangs rgyas zhal 'di kha dang snying gal gnas nas/ /zhes bya ba ni/ sangs rgyas kyi gsung ste/ gsung gi ye shes 'di zhes bya ba'o/ /thugs la gnas zhes bya ba ni bsgoms shing nyams su myong ba'o/ /gsung la gnas zhes bya ba ni/ slob dpon des slob ma rnams la legs par ston par byed ba'o/ /de yang dus thams cad nyams su myong zhing ston par 'gyur ba rnams gang yin de la/ dpal ldan bla ma de zhes bya ste/ rdo rje sems dpa' dang mtshungs zhes pa'i don to/ /da ni rang gi sems snang ba la 'jug pa brjod par bya ba'i phyir/ nam mkha' zhes bya ba la sogs pa la/de la spyir sbyor ba goms pa ni rnam pa gnyis te/ pha rol tu phyin pa'i theg pa dang / sngags kyi theg pa'o/ /de la pha rol tu phyin pa'i theg pa'i sbyor ba goms pa ni bla gab med pa'o/ /sngags kyi theg pa ni gang nam mkha'i rnal 'byor du byed pa ste/ /de nyid nam mkha' kun zhes bya ba la sogs pas bstan cing /nam mkhar du ba la sogs ba'i rtags la blta'o/ /mis mi 'dzums par rdo rje lam la rab tu zhugs/ /zhes bya ba ni/ mig mi 'dzums pa'i lha'i spyan gyi rtags yin la/ rdo rje lam ni a wa d+hU tIr srog 'jug pa'o/ /de bas nam mkha' kun zhes sems kyi rdo rje lam la rab tu zhugs//zhes bya'o/ /stong la du ba smig rgyu gsal ba dri ma med pa'i me khyer mar me nyid/ /ces bya ba ni/ rnal 'byor pas mthong bar 'gyur ba'o/ /de nas sprin dang bral ba'i nam mkha' ltar mthong ngo / /nam mkha' de las/ nam mkha' las byung rang byung ba/ / shes rab ye shes me bo che/ /zhes bya ba la/ sprin med pa'i nam mkha' de nyid la 'bar ba lta bur mthong ba dang / de bzhin du/ 'od chen rnam par snang bar byed/ /ye shes snang ba lam me ba/ /zhes bya ba zla ba'i snang ba dang / 'gro ba'i mar me zhes bya ba nyi ma'i snang ba dang / ye shes sgron ma zhes bya ba sgra gcan gyi snang ba dang /gzi brjid chen po 'od gsal ba/ /zhes bya ba ni glog gi snang ba dang / sngags mchog sngags bdag rig sngags rgyal/ /zhes bya ba ste/ thig ler snang ba ste mtshan ma bcu'o/ /de rnams ni gsang ba 'dus pa dang / mtshan yang dag par brjod pa las kyang gsungs so/ /de'i rjes la/gsang sngags rgyal po don chen byed/ /ces bya ba/ bum pa dang snam bu la sogs pa rnam pa thams cad kyi mchog dang 'dra ba yin no/ /de dbus zhes bya ba ni thig le de'i dbus so/ /sangs rgyas gzugs brnyan shin tu yul bral zhes bya ba ni/ rdzas kyi ngo bo brtags pa med pa'i phyir te/ de nyid longs spyod rdzogs pa'i sku 'dod pa'i yon tan lnga la mi smon pa'o/ /de ltar gzugs kyi sbyor ba des gzhom du med pa'i sgra gang yin pa de yang yin te/ de gang gzugs rnams mthong ba ni sprul sku yin te gzugs su snang ba'i phyir ro/ /sgra gzhom du med par snang ba ni/ longs spyod rdzogs pa'i sku zhes bya ba'i don to//de yang / rnal 'byor rtse gcig pa yis nam mkha'i sprin bral la mi khebs pas blta bar bya/ /zhes bya ste/ rtags mthong bar 'dod pa rnams kyis snga dro'am phyi dro rgyab nyi ma la bstan cing / gang gis mig la gnod par 'gyur bde ltar mi bya'o/ /nang du phyogs pa rnams kyis ni//ji srid nges par ri mo nag po dri med gsal ba dus kyi rtsa ru mthong / /zhes bya ba dus kyi rtsa ni a wa d+hU tI yin la/ de'i dbus su ri mo nag po skra'i nyag ma'i tshad tsam dri ma gzhan gyis ma 'dres pa/ 'od zer lnga dang ldan pa mthong ba ste/ bde bar gshegs pa lnga'i rang bzhin yin pa'i phyir ro/ / de la thams cad mkhyen pa'i gzugs zhes bya ba ni/ khams gsum ma lus pa sangs rgyas kyi gzugs te/ bde ba chen po'i gzugs su mthong ba'o/ /chu nang nyi ma rnyog bral zhes pa ni/ bde ba chen po'i sku yin pas nyon mongs pa mtha' dag spangs pa'i phyir ro/ /sna tshogs mdog ces bya ba ni de'i stobs kyis du ba la sogs pa'i mdog sna tshogs pa mthong ba'o//rnam pa kun ldan yul bral bdag gi sems te gzhan gyi sems ni min pa nyid/ /ces bya ba ni/ de ltar bum pa dang shing rta la sogs pa'i rnam pa thams cad sangs rgyas kyi sku zhes bya ba de kun dang ldan pa mthong bde yang /gang dang gang rnal 'byor spyod pa de dang ldan pas mthong gi /rnal 'byor dang bral ba gzhan gyis ni mi mthong zhes bya ba'am/ yang na stong pa nyid kyi ting nge 'dzin gang la gnas nas gzugs la sogs pa mthong ba de ni gzhan te/ bdag la sogs pa'i dngos po mthong ba mtha' yin gyi/ bdag nyid snang ba mthong ba zhes bya ba'am/yang na gzhan ma mthong ste/ rang gis rang gi sems rtogs pa zhes bya ba'i don to/ /de yang 'dir dang por sha'i mig gis rang gi sems kyi snang ba ste/ de bzhin gshegs pa lta bu mthong ngo / /de nas lha la sogs pa'i mig gis bdag gi sems shes pa'am mthong ba zhes bya'o/ / de bas na chos yang dag par sdud pa las kyang / bcom ldan 'das kyis mig lngar bshad do/ /de ltar rim pas sha'i mig dang / lha'i mig dang / sangs rgyas kyi spyan dang / shes rab kyi spyan dang / ye shes kyi spyan te/ de rnams ting nge 'dzin gyi stobs kyis 'byung zhing / de'i rjes la thams cad mkhyen pa'i rang bzhin gyis mi shes pa dang mi mthong ba'i dngos po rdul tsam yang yod pa ma yin no//bde ba chen po rgyas par bya ba'i phyir/ srog dang rtsol ba bstan pa ni/ gzugs mthong nas ni nyin gcig bzhin du dus su srog gi rlung na dgag par bya/ /zhes bya bas bstan to/ /srog dang rtsol ba yang bla ma'i man ngag las rtogs par bya ste/des ni rlung dgag pa bstan to/ /tshad gsungs pa/ ji srid nges par bdag gi lus la 'od kyi 'khor los yongs bskor yid mthong ba/ /zhes bya ba bdag gi shes pa la mgal me'i 'khor lo bskor ba lta bu mthong ba na spang bar bya zhes bya ba'i don to/ /gzhan du na dus ma yin par 'chi bar 'gyur ro//srog dang rtsol ba'i dus su bde ba spel ba'i phyir/ dzA gA na zhes bya ba'i bar du/ rgyal mtshan rab tu bkod byas la/ /yid 'ong lha mo rab gsal zhing / /de la kun du snyoms 'jug bya/ /nges par bde chen rgyas par 'gyur/ /so sor sdud pa goms yin na/ /de ni bya ba ma yin te//nyams pa'i gnas su 'gyur zhes gsungs/ /zhes gsungs pa yin te/ gang yang gdams ngag de ni bla ma dam pa las/ dpa' bo'i ston mo'am tshogs kyi mchod pa chen po sngon du 'gro bar bya zhing / gsang ba ma lo nyi shu ma sngon du smin par bya ste/ slob dpon la phul te rtogs par bya'o/ / zhes pa ni de bzhin gshegs pa'i nges pa'o/ /de ma gtogs pa gzhan du tshig tsam gyis rtogs par byed pa gang yin pa'i slob ma nyams pa'i gnas su 'gyur zhing dngos grub 'byung bar mi 'gyur te/ bdud la sogs pas kyang bar du gcod par 'gyur ro/ /rtsol ldan rnams la zla ba drug gis reg pa dang bral pa//zhes bya ba/ lo phyed rgyun ma chad par gnas na reg pa dang bral zhes bya ba/ dbang po gnyis kyi sprod pa las byung ba dang bral ba ste/ mi dgos zhes bya'o/ /bde mnyam zhes pa ni/ mi 'gyur bar yang gnas zhes bya ba yin la/ de yis lam du 'gyur zhes bya ba ste/ de ltar brjod pa'i ting nge 'dzin gyis gnyis su med pa'i ye shes kyi lam du 'gyur zhes bya ba'i don to//rtsol ldan rnams pa la zhes bya ba ni/ las dang po pa'i tshangs par spyod pa rnams la'o/ /de'i rjes la skad cig gcig la mngon par rdzogs par byang chub pa'i mtshan nyid ni/ chags dang chags bral mtha' sogs pa//zhes bya ba gsungs te/ de la chags pa ni dkar po'i phyogs yin la de'i mtha' ni cha bcu drug pa yin no/ /chags bral ni nag po'i phyogs te/ de'i thog mar gnas pa nag po'i phyogs la zhugs pa nyid mngon par byang chub pa'i dus la mtshan nyid yin zhing / de yang skad cig ces pa ni dbugs yin la grangs spel zhes pa ni/bde ba'i skad cig la sum stong drug brgyar gnas su bkag pa'i grangs spel zhes pa'i don to/ /de yang rdo rje nor bu'i rtse mo nas gsang ba'i bar du sum stong drug brgya dang / de nas sprul pa dang / chos dang / longs spyod rdzogs pa dang / bde ba chen po dang / gtsug tor du ste sa bzhi dang /drug dang / brgyad dang / sa bcur 'gyur zhing / gtsug tor du sa bcu gnyis te srog ma lus par zad pa'i phyir ro/ /de bas na oD+Da 'bar ba'i dbus zhes pa ni/ gsang bar gnas pa'o/ /dga' bral lhan cig skyes pa zhes pa ni lte bar ro/ /gnyid dang rgyal ba'i dbus zhes pa ni snying gar ro/ /shes dang rnam shes dbus zhes pa ni mgrin par ro//de bas na lus ngag yid gsum ye shes kyi thig le'i gzugs kyi 'ong ba ni/ gang yang gnyis sprod pa la sogs pa la dbral ba nas/ byang chub kyi sems kyi thig le'i bde ba nor bur 'ongs pa 'phel bar bya ba ste/ steng du gtang bar bya zhes bya ba'i don to//bla ma'i nges pa'i dbang gis zhes pa/ sngon du gsungs pa'i srog 'gog pas 'phel bar 'gyur ba ste/ bla ma'i dbang gis so/ /'phel ba ni dpral ba'i bar du'o/ /nyon mongs bdud ni bcom nas rgyal ba'i go 'phang la gnas zhes bya ba ni/ g.yas pa dang g.yon gyi rgyu ba bdud yin la/ rgyu ba de bkag pa la bcom pa zhes bya'o//rgyal ba'i go 'phang la gnas zhes bya ba ni/ stong pa nyid la gnas na'o/ /los zhes pa ni lo gsum dang / zla ba phyed dang gnyis kyi rnal 'byor te/ bye ba phrag bzhi dang sum 'bum gyis lhag pa'i sa ya phrag gnyis skyes bu tshe lo brgya pa'i rtsa dbu ma'i dbugs su shes par bya ste/de bas na lo zhes bya'o/ /de bas na bum pa can gyi sbyor ba bde ba chen po'i skad cig bskyed cing 'phel bar bya ba ni nges pa'o/ /da ni gzugs kyi mtshan nyid brjod par bya ba'i phyir/ sa zhes bya ba la sogs pa smos te/ 'dir stong pa nyid du snang ba ni/ rdzas su med pa'i phyir ro/ /sa'i rnam par snang yang zhes bya ba ni/gzugs bcu la sogs pa'am/ yang na gang cung zad snang ba des sa chu me rlung gi dngos po gud na yod pa ma yin zhes dgongs so/ /de bas na rlan pa'i chu'i gzugs ni smig rgyu ste chu ma yin no/ /me'i rnam par snang yang zhes pa ni nyi ma'i snang ba la sogs pa ste/ me la sogs pa ma yin no//g.yo ba rlung gi sku yang zhes pa ni/ dngos po rnams g.yo bar mthong yang g.yo ba rlung ma yin no/ /ci'i phyir zhe na/ rdzas su grub pa med pa'i phyir ro/ /'o na snang ba'i dngos po rnams stong pa yin na ji ltar mthong zhe na/ stong pa yin yang mthong ste zhes bya ba/ snang ba'i dngos po rnams sgyu ma'am/ rmi lam mam/ dri za'i grong khyer ltar mthong gi /dngos po rnams snying po dang ldan par ni 'ga' yang ma mthong ngo / /de bas na dkar sngo sna tshogs par yang snang / rdzas su med pa'i phyir kha dog ma yin no/ /de ltar na dngos po rnams gzod ma nas ngo bo nyid kyis stong pa'i snying po dang bral ba'i snying po can rnam pa kun gyi mchog dang ldan pa yin na yang /thams cad du byis pa'i skye bo rnams kyis mthong ba med de/ gang gi phyir zhe na/ rang sems dri ma nyon mongs bdud kyi stobs/ /zhes bya ba/ g.yas g.yon gyi rtsa nas srog kun du spyod pa ma 'gags pa'i bdud de'i stobs kyis mi mthong ba ni nges pa'o/ /da ni srog la sogs pa 'gro ba'i rtsa'i gnas brjod par bya ste/sgra zhes bya ba la sogs pa smos te/ 'dir sgra zhes pa ni/ snying ga'i sems kyi thig le gnyid mthug po bskyed pa'i ngo bo'o/ /thig le zhes pa ni dpral bar lus kyi thig le sad pa'i gnas skabs bskyed pa'o/ /cha zhes pa ni mgrin par ngag gi thig le rmi lam bskyed pa'o//ye shes zhes pa ni lte bar ye shes kyi thig le bzhi pa bskyed pa'o/ /bdud rtsi go 'phang la gnas lu gu rgyud bcings rtsa/ /zhes pa ni/ bdud rtsi go 'phang ni dpral ba yin la/ gnas zhes pa ni la la nA dang / ra sa nA dang / a wa d+hU tI'o/ /lu gu rgyud bcings zhes pa ni rtsa gsum po de lte ba dang snying ga'i dbus su lan gsum du byas nas te/slar yang a wa d+hU tI'i snying ga la sogs pa'i ze 'bru'i gnas phug nas 'gro la/ la la nA dang ra sa nA ni g.yas g.yon gyi pad+ma'i kun du spyod pa'i dbang gis 'gro'o/ /de nas yang snying ga dang / mgrin pa'i dbus nas lam gsum nas 'gro'o/ / de bzhin du dbral ba dang / mgrin pa'i dbus dang / gtsug tor dang / dpral ba'i dbus su lam gsum du byas nas/ la la nA ni g.yon pa'i sna bu gnas 'gro la/ ra sa nA ni g.yas pa nas 'gro zhing / a wa d+hU tI ni cig car sna bug gnyis ka nas 'byung bar byed do/ /thur sel zhes pa ni lte ba'i 'og tu yang de bzhin du 'gro zhes bya ba'i don to//srog dang thur sel lam gsum zhes pa ni/ steng du g.yas g.yon dbus dang gsum yin la/ 'og tu dri chen dri chu sa bon gyi lam gsum mo/ /rdo rje pad+mar bcas zhes pa ni/ bud med rnams kyi skye gnas dang / rgyu mthun pa'i rang bzhin yin pa'i phyir ro//pad+ma nyid ni rdo rje ldan/ /zhes pa ni rang bzhin gyi phyir ro/ /rlung gnyis 'dom pa dag gi dbus zhes pa ni lte bar srog dang thur sel 'dom pa'i dbus su'o/ /yul dang yul can rnams zhes pa ni/ mig la sogs pa rtsa rnams kyi 'byung 'jug ste/ de yang sngon du brjod pa nyid do/ /du ba la sogs pa mtshan ma 'dzin pa yang ni zhes pa ni a wa d+hU tI'i sgo nas so//yang gi sgra de nyid lte bar ro/ /thams cad gsang chen no zhes pa ni byis pa'i skye bo rnams la gsang bar nges pa'o/ /de ni rnal 'byor pa'i nye bar bsdu ba brjod pa'i phyir/ dbus su srog zhugs zhes bya ba la sogs pa la/ 'dir dang po rnal 'byor pas dbus te/a wa d+hU tI'i srog bcug par byas nas/ mtshan ma gang zhig mthong bar 'gyur ro/ /dpal ldan bla ma zhes pa ni/ sangs rgyas kyi rang bzhin gyi sku'i rdo rje gcig pu nyid ces bya ba'i don to/ /nyi mar bcas pa la gnas pa/ /zhes pa ni/ g.yas pa'i bgrod pa dang bcas pa'o/ / ri bong la gnas pa zhes pa ni/ g.yon pa'i rtsar g.yas pa'i rlung ste/ srog de bcing bar bya ba'i nges pa yin la/ de bas na srog zhugs zhes ba ni/ gnyis pa gsung gi rdo rje brjod do/ /sems ni phyag rgyas rab sbyar zhes pa ni/ gzugs la rjes su chags pas bzhu pa'i byang chub kyi sems gsum pa thugs kyi rdo rje'o//mchog gi bde gnas rdo rje sbyar bar bya ba'i phyir zhes pa ni/ de nas gal te gzugs la chags pa'i dbang gis dga' ba skye bar 'gyur ba de lta na ni/ pad+mar rdo rje'i sgra zhes bya ba skad cig tsam cig bya ba yin gyi gnyug mar ma yin no/ /gal te shes rab ma rnyed pa de lta na ni/ chu skyes rang lag gis gsor bde don du//zhes bya ba lag pa dngos ni ma yin gyi/ sngon du brjod pa'i dzA gA na yis so/ /de yang mi 'dzag pa'i bde ba'i don du yin gyi/ 'dzag pa'i phyir ni ma gsungs so/ /de bas de'i phyir/ sa bon mi gtong ba yi bde des 'chi ba'i 'jigs 'joms dpal ldan bla ma'i zhal/ /zhes pa ni/de nyid bzhi pa ye shes kyi rdo rje nyid de rnal 'byor goms pa rnams kyi nges pa'o/ /da ni dkyil 'khor mnga' mdzad cing thim par brjod par bya ba'i phyir sa zhes bya ba la sogs pa smos te/ rnal 'byor bas khro bo'i lta bas g.yas pa'am g.yon pa la rgyu ba'i dus su stong pa la sems gzhag par gyur na ste/ de yang sa zhes bya ba g.yas pa rgyu ba'i dus su sems stong pa la gzhag pa rnams la gsungs kyi/ g.yon gyi rtsa rgyu ba'i dus ni gsungs pa ma yin no/ /de ci'i phyir zhe na/ gang g.yon nas nam mkha' la sogs pa'i dkyil 'khor rgyu ba de'i phyir sa ni chur 'jug ces bya ba ma yin gyi/ gang yang tshig de ni g.yas kyi srog rgyu ba na/dang po sa nas rgyu ste/ de yang sa ni chur 'jug chu yang me ste/ me ni rlung rnams la yang 'jug par 'gyur/ /zhes bya ba la sogs pa gsungs pa yin no/ /de ltar na gcig la gcig ye shes kyi khams kyi bar du 'jug go/ /gzhan yang g.yon gyi rtsa la ni/ nam mkha' la sogs pa las rgyu ba'i gnas ma yin te/'di ltar g.yas pa nas tha ma stong pa la 'jug cing 'gro bar 'gyur ro/ /stong pa mtshan ma rnam pa bcu/ /zhes bya ba ste/ de'i dbang gis du ba lta bu la sogs pa rnam pa thams cad pa'i gzugs 'byung bar 'gyur ro/ /gzugs las mi 'gyur ba'i bde ba 'gyur zhing /shes rab kyi pha rol tu phyin pa'i ye shes 'jug go/ /ye shes de las rdzu 'phrul zhes pa ni ye shes de las nam mkhar 'gro ba la sogs pa'i rdzu 'phrul te/ khams gsum gyi dbang phyug kyang skye ba 'di nyid la 'grub par 'gyur ro/ /kye mi'i bdag po zhes bya ba ste/ lam la 'jug par byed pa'i res pa'o/ / da ni sku bzhi'i dbye ba bcu drug brjod par bya ba'i phyir 'dod las zhes bya ba la sogs pa smos te/ 'dir kun 'byung gi bden pa'i dbang gis gang yang sku gcig las yang sku gsung thugs ye shes dang bzhi bzhir 'gyur bde bas na/ 'dod las zhes bya ba de bas ni/ sku'i dga' ba 'gags nas sangs rgyas rnams kyis sprul pa'i skur 'gyur ro//de nas rdzogs pa ngag ces bya ba ni/ sku'i mchog gi dga' ba 'gags pa las sprul pa'i sku'i gsung du 'gyur ro/ /'bar ba'i dri med sems te zhes bya ba ni/ sku'i dga' bral 'gags pa las sprul pa'i sku'i thugs su 'gyur ro/ /mchog gi bde ba ye shes las kyang oM Da zhes pa ni sku'i lhan cig skyes dga' 'gags nas sprul pa'i sku'i ye shes su 'gyur te/de'i sprul pa'i sku la rnam pa bzhi'o/ /de bzhin du longs spyod rdzogs pa'i sku bzhi ni/ dga' las longs spyod sku ste zhes bya ba gsung gi dga' ba 'gags pas sangs rgyas rnams kyi longs spyod rdzogs pa'i skur 'gyur ro//mchog dga' dga' bral bcas pa 'di rim bzhin/ /zhes pa ni/ gsung gi mchog dga' 'gags pas longs spyod rdzogs pa'i gsung du 'gyur ro/ /dga' bral zhes bya ba ngag gi dga' bral 'gags pas longs spyod rdzogs pa'i thugs su 'gyur ro/ /lhan cig skyes pa zhes pa ni gsung gi lhan cig skyes pa 'gags pas longs spyod rdzogs pa'i ye shes su 'gyur ro//de nas chos kyi gzhi ni/ 'dar dang zhes pa ni/ thugs kyi dga' ba 'gags pas sangs rgyas rnams kyi chos kyi skur 'gyur ro/ /de las skye bar 'gyur ba gang zhes pa ni thugs kyi mchog tu dga' ba 'gags pa las chos kyi sku'i gsung du 'gyur ro//brgyal las nges par chos kyi sems so zhes pa ni thugs kyi dga' bral 'gags pa las chos kyi sku'i thugs su 'gyur ro/ /gnyis la ye shes 'di zhes bya ba ni/ thugs kyi lhan cig skyes pa 'gags pa las chos kyi sku'i ye shes su 'gyur ro//nges par kha dog dag pa'i sku/ /zhes bya ba ni/ lhan cig skyes pa'i sku'o/ /mi 'gyur zhes bya ba ni ye shes kyi dga' ba 'gags pas lhan cig skyes pa'i skur 'gyur ro/ /de nyid dbyings dang bral ba ste brjod du med pa dbyings bral zhes kyang bya'o/ /cha dang zhes bya ba ni zla tshes lta bu ste/ ye shes kyi mchog dga' 'gags pas lhan cig skyes pa'i gsung du 'gyur ro/ /de nyid ni nus pa zhes kyang bya ste gzhan dag gi skad do/ /thig le zhes pa ni ye shes kyi dga' bral 'gags pas lhan cig skyes pa'i ye shes su 'gyur ro/ /nA da zhes bya ba ni/ sgra ste ye shes kyi lhan cig skyes pa 'gags pas lhan cig skyes pa'i ye shes su 'gyur ro//de lta bas na srid gsum la gnas ngag sems ye shes rdo rje bde 'byung dag pa'i sku la'o zhes bya ba ni rdo rje sems dpa'i dga' ba bcu drug gi dbye ba ste/ de nyid rnam pa bcu drug rig /ces gsung pa'i phyir ro/ /rnam pa bcu drug gis de kho na nyid 'di ni mi 'gyur ba'i bde ba chen po don dam pa nyid yin la/kun rdzob tu ni lugs las byung ba'i bden don rnam pa bcu gnyis kyi dbang gis/ de nyid rnam pa bcu drug 'dzag pa'i rang bzhin can yin no/ /sangs rgyas rnams la 'pho ba bcu gnyis kyi rlung lugs las bzlog pas srog zad pa'i phyir/ rdo rje nyi ma snang ba che//bden don rnam pa bcu gnyis ldan/ /zhes bya ba ni/ 'pho ba bcu gnyis kyi chos can gyi nyi ma ste/ rdul lam khrag 'gags pa yin la/ byang chub kyi sems cha bcu drug ba zla ba'i chos can yang 'gags pas/ rdo rje zla ba dri med 'od/ /de nyid rnam pa bcu drug rig /ces bya ba ste dus kyi 'khor lor grub pa'o//da ni sad pa la sogs pa'i gnas skabs bzhi 'gags pa brjod par bya ste/ sad pa dang zhes bya ba la 'dir 'khor ba pa rnams kyi sad pa'i gnas skabs skyed pa ni/ lus gnas zhes bya ba spyi bo na gnas pa'i byang chub kyi sems sad pa skyed pa sku'i thig le'o/ /rmi lam zhes pa ni 'khor ba'i rmi lam gyi gnas skabs skyed par byed pa ni/dbugs thim zhes bya ba mgrin pa na gnas pa'i byang chub kyi sems kyi thig le rmi lam skyed pa ni gsung gi thig le'o/ /rang bzhin gzhan yang 'di dag nyid dang zhes bya ba ni/ 'khor ba'i gnyid kyi gnas skabs skyed par byed pa ni mi g.yo ba'i sems ni thim pa'o zhes bya ba ste/gnas skabs gnyis ka'i yul la mi spyod cing / sems thim pa yin pas/ lus can rnams kyi gnyid mthug po skyed par byed pa/ snying ga na gnas pa ni thugs kyi thig le zhes bya'o/ /ye shes la gnas zhes bya ba ni 'dir 'khor ba rnams kyi spyod pa las byung ba'i bde ba skyed par byed pa bud med sbyar las shes par bya ba ste/'khor ba pa'i sa bon gyi bde ba bskyed pa'i byang chub sems kyi thig le ni sprul pa'i 'khor lor gnas pa ni ye shes kyi thig le zhes bya'o/ /skad cig kyang ni byang chub sems zhur 'gyur/ /zhes bya ba ni/ de ltar bud med rnams dang skad cig tsam gyi sbyar ba las kyang /thig le bzhi rnams 'bod cing / 'khor ba pa'i gnas skabs bzhi skyed pa yin no/ /de rnams 'gags na sprul pa la sogs pa rnams te/ nges par rim byung thugs kyi rdo rje rnam pa bzhi/ /zhes bya ste/ sangs rgyas rnams la'o/ /de ltar srid gsum la gnas zhes pa ni/sad pa la sogs pa'i gnas skabs bzhi skyed pa po'i sems bzhi ni/ lus can rnams kyi thig le'i dbus na brten to zhes bya ba'i don to/ /bde snyam 'bras ster khyab byed thar pa'i rgyu ru rnal 'byor dbang po yis ni bsrung bar bya/ /zhes bya ba ni/ gang byang chub sems kyi thig le rnam pa bzhi po bsrungs na de nyid kyis thar pa'i 'bras bu ster zhes bya ba'i don to//go 'phang mchog bde zhes bya ba ni/ rdo rje 'chang gi gnas yin la/ de thob par byed pa bsam gtan bzhi'i rtse mo bzung na'o/ /rnal 'byor skye ba'i sa bon zhes bya ba ni/ lus can rnams gnyis su med pa'i byang chub tu bskyed par mdzad pa'i phyir ro//thig le bor nas thar ba gang / /zhes bya ba ni/ byang chub kyi sems kyi thig le'i sa bon zag na gnyis su med pa'i ye shes gang la rnyed par 'gyur zhes bya ba'i don to/ /de ci'i phyir zhe na/ bde ba'i rten yin pa'i phyir de skad ces bya'o/ /de'i phyir 'khor ba'i bde ba skad cig rnal 'byor rnams kyis 'dir ni rnam spang bya//zhes bya ba ste/ 'gyur zhing 'gyur te de nas mthun/ /zhes bya ba'i rang bzhin can rnams spang bar bya ba yin zhing / rgyu mthun pa zhes bya ba'i rang bzhin gyis/ byang chub sems steng du btang zhing rnal 'byor ba rnams kyis dri ma med pa'i bar du gtang bar bya ba ni//de bzhin gshegs pa'i nges pa'o/ /de bsan de bzhin gshegs pa zhes bya ba'i nges pa'i tshig kyang ji ltar byon pa de bzhin gshegs pa'i phyir de bzhin gshegs pa zhes bya'o/ /skabs su bab pa'i spyod lam gyi rnal 'byor dang / btung ba dang / bzang ba la sogs pa'i rnal 'byor bstan par bya ba'i phyir/oM AHhUM ho/ rim bzhin dang po 'dir ni rtag tu sbyang zhing rtogs par bya/ /zhes bya ba ni/ bza' ba dang bca' ba la sogs pa kun la bya zhes bya ba'i don to/ /de yang chang gi btung ba ste/ tshogs kyi mchod pa chen po'am/ dpa' bo'i ston mo la sogs pa la/ rnal 'byor pa gang gis btung ba nyams su len pa de'i tshe/chang ni 'bar bar byas nas zla ba zhu ba lta bur rim par bskor bya zhing / /zhes bya ba rnal 'byor ba rnams chang la longs spyod pa na/ dang po btung ba'i snod thod pa khyad par can gzung zhing de med na li ke lar gzung ngo / /de yang med na ci yang rung ba'i snod thod par bskyed la de'i nang du chang bzung ste/rlung mes sbar la bdud rtsi'i rang bzhin du byas la/ stong pa nyid dang snying rje'i gnas sa'am nam mkha' la bris te/ ye shes sems dpa' spyan drangs la/ de la tshim par bya ba dang / shes rab gang yin pa la yang tshim par byas nas btung bar bya ba yin gyi/ gzhan du na btung bar bya bar ma gsungs so//de yang rgyas par bstan pa ni/ de yang snod las thigs pa yis kyang zla ba'i lag par ming med dag gis sa la ni/ /zhes bya ba ni/ lag pa g.yon pa zla ba ste byang chub kyi sems kyi cha yin pa'i phyir ro/ /phyi rol zur gsum stong ba mtshon par byed pa e'o/ /nyin mo byed pa dang / 'dra de yi dbus su zlum po bya/ /zhes bya ba ni/ stong pa de'i dbus su snying rje mtshon par byed pa'i thig le zlum por bya ba ste/ e waM gyi dngos po'o/ /de ni rgyud thams cad kyi thog mar/ 'di skad ces bya ba la sogs pas bstan pa yin no/ /de dbus srid gsum la gnas ye shes 'khor lo zhes bya ba ni/ e waM gang yin pa de'i bar na gnas pa'i bdag nyid can srid pa gsum yongs su gyur pa'i bdag nyid ye shes kyi 'khor lo der spyan drangs pa'o//mthe bong dang ming med gnyis kyis nyin bzhin dus su tshim par bya/ /zhes pa ni ye shes 'khor lo de la mthe bong dang ming med thabs dang shes rab kyi bdag nyid kyis tshim par bya'o/ /yul dang grong khyer bdag ces bya ba nas rigs drug gi sngags yan chad ni go sla bas 'dir ma bkrol lo//da ni don dam pa'i bden pa la zhes bya ba ni/ de ltar brjod pa'i rim pas zas dang spyod lam gyi rnal 'byor pa rnams gong du bstan pa de rnams ni/ kun rdzob pa'i spyod pa bstan pa nyid yin de dang 'gal zhing mi mthun par gyur pa don dam pa ste/bzhi pa yin no/ /de bas na gang bzhi pa de ni rdo rje 'chang gi rgyud ji snyed cig gsungs pa'i snying po'am/ 'bras bur gsungs pa yang yin la/ de las gzhan pa'i tshig dang yi ge rnams ni de nyid rtogs pa'i rgyu'am thabs su gsungs pa yin zhing / 'jig rten pa'i dngos grub gzhan dang las yongs su brkyang ba ji snyed pa de snyed kyang / brgyud pa'i sgo nas bzhi pa nyid legs par rtogs par bya ba'i phyir/ gsungs par zad kyi/ de las gzhan pa'i dgos pa'i phyir cung zad kyang bstan pa med do/ /de bas na bdag gis kyang bzhi ba nyid ci nus kyis bstan par bya'o//de la gang rgyud de dang de thams cad du/ bzhi pa slar yang de bzhin no zhes gang bcom ldan 'das kyis gsungs te zhes bya ba la/ de la rdo rje'i tshig gis kyang rnam pa gnyis te/ 'jig rten pa dang 'jig rten las 'das pa'o/ /de la bzhi pa slar yang zhes bya ba ni/ 'jig rten las 'das pa'i rdo rje'i tshig tu rtogs par bya'o//bzhi pa zhes pa'i tshig gis ni rgyu mthun pa'i bde ba bzhi pa'o zhes bya ba rgyu mthun pa smos pas/ 'gyur dang 'gyur ba'i bar chad can/ /zhes bya ba las dkar ba yin te/ de la 'gyur ba ni 'dzag pa ste/ bum pa'o/ /yang 'gyur ba ni 'dzag pa ste gsang ba'o/ /bar chad can zhes bya ba yang 'dzag pa ste shes rab ye shes so//rgyu mthun pa'i sgra ni mi 'dzag pa'o/ /de bas na byis pa rmongs pa mi mkhas pa mi gsal ba gang dag 'jig pa med pa'i bde ba 'jig rten pa'i dper bya ba las 'das pa kha na ma tho ba med pa/ las dang ye shes kyi phyag rgyas dman pa rnam pa'i mchog ma lus pa dang ldan pa'i yum shes rab kyi pha rol tu phyin pa la dmigs pa/'jig rten pa dang 'jig rten las 'das pa'i phun sum tshogs pa gang dag yin pa de dag /'jig rten pa'i shes rab ye shes zhes bya ba byang chub kyi sems kyi khu ba thur du 'dzag pa phung po dang khams la sogs pa ma rungs par byed pa 'jig rten pa thams cad dang thun mong ba kha na ma tho ba dang bcas pa/nyon mongs pa ma lus pas gang ba'i las kyi phyag rgya nu ma dang skrar ldan pa la dmigs pa/ 'jig rten pa dang 'jig rten las 'das pa'i phun sum tshogs pa thams cad 'jig pa ste/ de dag gi bye brag dang / dbye ba dang /rang bzhin dag ni shin tu tha dad par gsungs kyang byis pa de dag ni bdag tu lta ba la chags shing / ma rig pa'i ling thog gis g.yogs pas/ rgyud kyi don log par ston cing / gsum pa skyon dang bcas pa las bzhi pa 'byung bar 'dod do/ /kha cig gis ni bzhi pa zhes bya ba'i ming tsam yang mi shes shing ma thos pa la las kyi phyag rgya 'ba' zhig nyams su blangs nas/tshe'i dus byas nas mnar med par 'gro bar 'gyur ba dag yod do/ /kha cig gis ni bzhi pa sun 'don cing bum pa la sogs pa nas slar zhing bskyar ba nyid bzhi par 'dod pa dag kyang yod do/ /kha cig shes rab gang yin zhe na/ mi mo yin zhes brjod cing de las byung ba'i bde ba bzhi par 'dod pa dag yod do/ /kha cig bzhi pa zhes bya ba 'bras bu ste/ rdo rje 'chang gi gnas la 'dod pa dag yod de/ de dag thams cad ni byis pa rmongs pa lung dang rigs pa dang bral ba rnams kyi btsan thabs su bzhag par zad do/ /de bas na rtogs par dka' zhing rnyed pa rab tu dka' bas rdo rje'i tshig ces bya'o//de yang 'gal ba'i tshig gi sbyor bas gsungs pa ni/ slar yang de bzhin no zhes gsungs pa ste/ slar yang zhes gsungs pa ni gsum pa la snyeg pa skad du gsungs pa yin la/ yang dag par na slar yang de bzhin zhes pa ni/ byang chub kyi sems bde ba 'byung ba tsam la dgongs pa yin gyi/gsum pa ni ma yin no/ /de bas na byis pa rnams slar yang de bzhin no zhes gsungs pa'i phyir ro/ /rnam par 'khrul nas don du ma rtogs par byed do/ /shes rab ye shes de nyid do/ /zhes pa ni shes rab chen po de zhes bya bar sbyar ro/ /cis mngon zhe na/ 'og nas kyang de ni las kyi phyag rgya dang ye shes kyi phyag rgya dang bral ba'o zhes gsungs pa'i phyir ro//de bas na gsum pa dang bzhi par 'gyur ba dang mi 'gyur ba'i bde bdag ni ka ba dang bum pa tsam gyi 'brel pa yang med par rtogs par bya'o/ /de cis mngon zhe na/ rgyu mthun pa bde ba rang bzhin gyi phyir dang zhes smos pa yin te/ rgyu mthun pa'i rang bzhin gyi bde ba ni 'dzag pa med pa yin la/las kyi phyag rgya ye shes kyi rang bzhin ni 'dzag pa yin pa'i phyir ro/ /shes rab ye shes gang yin pa de ni phyag rgya chen po'i ye shes las yang dag par 'byung ba'i phyir ro zhes bya ba ni kun du rtog pa med pa'i ting nge 'dzin de las gang byung ba'i bde ba de ni 'dzag pa med pa'o//de bas na gang 'dzag pa med pa'i bde ba de ni/ las kyi phyag rgya'i ye shes dang / /zhes bya ba mi mo dang phrad pa las byung ba'i 'dzag pa'i bde ba'o/ /ye shes kyi phyag rgya'i ye shes zhes bya ba dang / rnam par rtog pas bskyed pa'i bde ba 'dzag pa'i bdag nyid can te/ de phyag rgya chen po mi 'dzag pa'i bde ba'i ye shes ma yin zhes bya ba'i don to//'dzag pa med pa cis mngon zhe na/ de yang / rnam pa kun ldan rnam pa med/ /bcu drug phyed phyed thig le 'dzin/ /yan lag med pa'i rtsis las 'das/ /bsam gtan bzhi pa'i rtse mo 'dzin/ /ces mtshan yang dag par brjod pa las gsungs zhes bya ba ni/'jig rten pa'i dper bya ba'i byis pa la sogs pa'i rtsis las 'das nas/ shes rab chen po la yan lag drug gis bskyed par bya ba yin pas/ yan lag drug gi dang po so sor sdud pa ni phyi'i don bum pa la sogs pa'i rnam pa kun yang kun gyi mchog dang ldan pa'i stong pa nyid kyi ro gcig par rtogs la/dus der yang du ba la sogs pa'i rtags kyi rnam pa rnams kyang 'byung ste/ rtags de dag kyang rdzas log pa med pa'i phyir rnam pa med do/ /bcu drug phyed phyed thig le ni dga' ba bcu drug sku gsung thugs ye shes kyi dbye bas/ bcu drug tu phye ba yin la/ de nyid stong pa nyid kyi zhags pa dam pos 'dzin pa la de skad ces bya'o//yan lag med par rtsis las 'das pa ni/ yar ngo dang mar ngo la mi gnas pa'o/ /bsam gtan bzhi pa'i rtse mo 'dzin pa ni/ dga' ba bcu drug yongs su bsdus pa'i thig le bzhi pa'i mthar 'dzin pa la rtse mo 'dzin pa zhes gsungs so/ /de bas na phyag rgya chen po gang yin pa de ni/stong pa nyid las skyes pa'i mi 'gyur ba'i bde ba nyid la mi 'khrul bar gzung bar bya'o/ /ji ltar sems can phal pa gzhan ni thig le 'pho ba ste/ /zhes pa ni mi 'pho ba ni mchog tu bshad cing bzhi pa yin la/ de bas mi mthun cing 'gal bar 'gyur ba'i sems can phal pa ste/'jig rten pa'i dbang bskur ba 'dzag pa yin no/ /de bzhin du bcom ldan 'das 'di ni zhes bya ba ni/ 'jig rten las 'das pa'i mngon par dbang bskur bar thob pa ni/ thig le 'pho ba ma yin te/ ci'i phyir zhe na/ 'dod chags chen po la thug par bcings pa yin pa'i phyir ro//dga' ba dang / mchog tu dga' ba dang / khyad par du dga' ba dang / lhan cig skyes pa ste/ bsam gtan bzhi pa'i rtse mo 'dzin te/ zag pa med pa'i 'dod chags chen po de dang ma bral ba'i phyir ro 'jig rten pa'i 'dzag pa las tha dad par gyur pa mi 'dzag pa bde ba chen po rdo rje 'chang chen po'i go 'phang ster ba'i lung ni/de bzhin du yang / rdo rje skyil krung sems kyis ni/ /nor bu'i nang du gnas par blta/ /rgyu mthun la sogs bdes gang ba/ /de ni dri ma med pa ru/ /lta ba rgyu mthun nyid du brjod/ /rnam par smin pa snying gar dran/ /mgrin par skyes bu byed pa nyid/ /gtso bo dri med spyi bor yin/ / zhes bcom ldan 'das kyis gsungs so zhes bya ba la/ rdo rje ni las kyi rdo rje yin la/ skyil krung ni gnas so/ /sems ni byang chub kyi sems so/ /sems de'i las kyi rdo rje'i nor bu chud par blta'i phyir bral bas ni ma yin no/ /de nyid kho na rgyu mthun la sogs bde gang ba/ /zhes bya ba ste/ rdo rje nor bu nas lte ba man chad du rgyu mthun pa zhes bya ba/mi 'dzag pa'i gtso bor bya'i gzhan la ma yin no/ /de la brtsams nas/ gtso bo dri med spyi bor yin/ /zhes pa ste/ rdo rje nor bu la gnas pa yang spyi bor ma yin pa de srid du nyon mongs pa rtsad nas 'don par ma gsungs na/ 'dzag pa dang ldan pa'i skyes bu gang yin pa de la thar pa'i go 'phang med pa lta ci smos zhes bya ba'i don to zhes bcom ldan 'das kyis gsungs so zhes bya ba ni/de skad ces gsungs pa'i phyir ro zhes bya ba'i don to/ /de bas na/ phyi yi dga' bral 'pho ba yis/ /sangs rgyas ster ba ma yin te/ /zhes bya ba ni gong du brjod pa'i tshul de ltar te/ phyi'i dga' bral chen pos 'jig rten gsum po 'khrug par byed pa de bas na'o/ /ci'i phyir 'khrug ce na/ srid pa dang mya ngan las 'das pa la rab tu gnas pa'i phyir ro zhes bya ba smos te/ srid pa dang mya ngan las 'das pa de gnyis kyis 'khrug cing 'khor bar byed la/ phung khrol chen po byed pa'i phyir/ / zhes bya'o/ /bcom ldan 'das 'di ni srid pa dang mya ngan las 'das pa la rab tu mi gnas pa zhes bya ste/ 'khor ba byed par byed pa'i srid pa dang mya ngan las 'das pa la rab tu gnas so/ /'o na ci zhe na/ 'pho ba med pa'i ye shes so zhes bya ba gsungs te/ 'dzag pa las go bzlog pa 'dzag pa med pa'i bde ba'i ye shes la mnga' brnyes pa'o zhes bya ba'i tha tshig go//de la srid pa dang mya ngan las 'das pa'i zhes bya ba'i tha snyad kyang gang zhe na/ srid pa ni dpral ba ste skye ba'i gnas so zhes bya ba smos te/ dpral ba bde ba chen po'i gnas nas sprul pa'i ming can gyi bar du skyes bu tha mal pa rnams la gnas pa'i zla ba'i rgyun gyis ye shes myong ba med pa gang yin pa de srid pa'am/thabs sam snying rje zhes brjod do/ /mya ngan las 'das pa dang chos mthun pas mya ngan las 'das pa ste/ de yang rdo rje nor bu'i mgrin pa las zhes bya ba gsang ba'i rdo rje'i mgrin pa las so/ /thig le bzhi rnams 'pho ba'o/ /zhes bya ba ni zla ba'i rgyun 'byung ba'i gnas gang yin pa der gnas shing zag par byas zhes bya ba'i don to//rab tu mi gnas pa zhes pa ni/ 'khor ba dang mya ngan las 'das pa'i bshad ma thag pa'i chos gnyis la mi gnas pa ste/ de yang dpral bar mi gnas pa ni 'khor ba'i skyon yongs su shes par bya ba'i phyir yin la/ de nas gang rdo rje nor bu'i mtha' la thug pa'i byang chub kyi sems de phyir mi 'pho ba ste/skyon dang bcas pa'i mya ngan las 'das pa yongs su shes par bya ba'i phyir ro/ /de bas na bcom ldan 'das zhes bya ba ni/ sangs rgyas rin po che'i ga btson gnas pa'i byang chub kyi snying po yin la/ gang yang de lta bu'i bcom ldan 'das kyis/'khor ba'i skyon thams cad 'joms shing / bde ba chen po bskyed pa yin te/ de nyid 'jig rten las 'das pa'i dbang yin no/ /de bzhin du 'byung 'jug dang bral bas 'khor ba'i skyon 'joms shing bde ba chen po'i 'bras bu ster ba rgyud gzhan las kyang gsungs te/ de bzhin du yang zhes bya ba ni rgyud gzhan ston par byed pa'i tshig go /thog ma tha ma zhi ba dang / /zhes pa ni/ thog ma ni dpral ba la sogs pa'o/ /tha ma ni rtse mo la sogs pa'o/ /dngos dang dngos med zad ces pa ni/ gong du brjod pa nyid dam/ yang na thog ma dang tha mar rtogs pa ste zad pa'o/ /de gang gis zad pa ni gtso bo ste/khams gsum gyi mnga' bdag go/ /de nyid ni stong pa nyid dang snying rje dbyer med pa zhes kyang bya ste/ gong du brjod pa'i tshul gnyis ka la'o/ /byang chub sems zhes brjod pa yin/ /zhes bya ba ni/ kun rdzob byang chub kyi sems dang / /don dam pa byang chub kyi sems dag gnyis ka dbyer med pa'i byang chub kyi sems zhes bya bar khong du chud par bya'o zhes bcom ldan 'das kyis gsungs so zhes bya ba ni/dpal gsang ba 'dus pa las bcom ldan 'das kyis gsungs pa de bas na zhes bya'o/ /rgyud de nyid kyi don dgrol bar bya ba'i phyir/ thog ma tha ma zhes bya ba ni gong du bshad ba'o/ / skye ba dang 'jig pa dang bral ba'o zhes bya ba la thog mar skye ba yin la tha ma 'jig pa yin te/ de bcom ldan 'das 'di la bral zhing mi mnga' zhes bya ba'i don to/ /zhi ba ni zhes bya ba ni thog ma tha ma'i ming can gang yin pa de ni zhi ba'o/ /de gang yin zhe na/ bshad pa dbang po 'gyur ba dang bral ba'o zhes bya ba ste/ thog ma tha ma zhi ba de'i stobs kyis mig la sogs pa'i dbang po rnams yul las mi 'bros pa'am/ yang na dbang po'i 'gyur ba'i rlung ngam byang chub kyi sems la bya na/ de'i phyir mi rgyu zhing 'dzag pa med pa la bral ba zhes bya'o/ /dngos dang dngos med zad pa ni/ /zhes pa ni/ dngos por rtog pa dang dngos po med par rtog ba dang bral ba zad pa zhes brjod do//gang rtag chad dang rnam par bral ba'o zhes pa ni/ de nyid de'i dngos po ni/ rtag par lta ba yin zhing / dngos po med pa ni chad par lta ba ste/ de dang bral ba'o/ /de ltar brjod ba des ni yan lag drug gi dang po so sor sdud pa zhes bya ba bstan pa yin la/ gang so sor sdud pa de yang rtog pa'i dra bas dben pa nyid la 'dod do//gang la rtog pa'i dra ba mi mnga' ba de la/ gtso bo ni khams gsum gyi mnga' bdag go zhes bya ba ste/ khams gsum gyi spyod pa las 'das pa zhes bya ba'i don to/ /stong pa nyid snying rje dbyer med pa ni gshegs kyang rung ste/ zhes pa ni/ gong gi so sor sdud pa'i 'bras bu bstan pa yin te/de yang so sor sdud pa chen pos bsdus pa las/ byang chub kyi sems byung ba rdo rje ste nor bu'i mgrin pa la gnas pa ma zag pa la stong pa nyid yin zhing dgongs so/ /dpral ba srid pa'i gnas ni snying rje'o/ /zhes bya ba ni/ dpral ba na snying rje byang chub kyi sems kyi zla ba cha shas bcu drug pa'i gnas yin zhes bya ba'o//'di nyid kyi dbus su zhes pa ni dpral ba dang nor bu'i dbus su'o/ /gang zhig rnam par gnas pa ni zhes pa ni/ stong pa nyid kyis bskyed pa'i byang chub sems gang zhig rnam par gnas pa'o/ /lhan cig skyes pa'i zhes pa ni/ chos rnams kyis de bzhin nyid gzod ma nas gnas pa/dus gsum gyi de bzhin gshegs pa rnams byon yang rung / gshegs kyang rung / mi 'gyur ba gnas pa gang yin pa de 'jig rten gyi kun rdzob kyi lhan cig skyes pa yin la/ de dag nyan bde ba mi 'dzag pa'i ye shes chen po 'dis rtogs shing khong du chud pa yin gyi/ gzhan du ni ma yin zhes bya ba'i don to//'bras bu'i ming rgyu la btags pa yin no/ /gong du bstan pa'i lhan cig skyes pa'i bde ba chen po gang yin pa de 'jig rten pa'i kun rdzob kyi byang chub kyi sems 'dzag pa med pas bsgrub par bya ba yin la/ 'dzag pa med pa gang yin pa de ni bzhi pa ste/ 'jig rten las 'das pa'i dbang zhes kyang brjod par bya ba yin no//de nyid bum pa dang gsang ba dang / shes rab ye shes kyi mthar sbyin par byas la/ gsum pa shes rab ye shes la sogs pa la bzhi par ma gsungs kyi/ bzhi pa ni grangs kho na yin pa'i lung bstan par bya ba'i ched du/ de ni mkha' 'gro ma rdo rje gur zhes bya ba smos te/de ni zhes bya ba ni/ bzhi pa de ni zhes bya ba'o/ /mkha' 'gro ma zhes bya ba ni/ nam mkha' lta bu'i ting nge 'dzin bstan pa'o/ /rdo rje gur zhes pa ni mi phyed pa'i gnas te rdo rje'i gnas rnam par rtog pa'i dra ba thams cad bsal ba la bya'o/ /de ni he badzra'i bshad pa'i rgyud du bstan to/ /dang po la ni bum pa'i dbang //gnyis pa gsang ba zhes su brjod/ /shes rab ye shes gsum pa ste/ /zhes bya ba ni 'jig rten pa'i dbang bstan la/ de yang gsum pa man chad 'jig rten par nges shing / de las tha dad par gyur pa'i 'jig rten las 'das pa'i dbang ni/ ji bzhin de bzhin gshegs pa min//zhes gsungs so/ /de bzhin gshegs pa zhes pa'i nges pa yang / ji ltar byon pa de ltar gshegs pa'am/ /ji ltar gsungs pa de ltar mdzad pa ste/ /bden par smra zhing tshig mi 'gyur/ /ji skad smras pa de bzhin byed/ /ces gsungs pa yin la/ skabs 'dir de bzhin gshegs pa zhes bya ba byang chub sems la brjod do//de yang ji ltar phyi rol de ltar nang / /zhes gsungs pa yin la/ de ni gsum pa la yod pa ma yin te/ de bas na de bzhin gshegs pa zhes bya ba gsum pa yin par ma gsungs so/ /gzhan yang bzhi pa ni byang chub sems ji ltar 'ongs pa de ltar 'gro ste/de la de bzhin gshegs pa zhes gsungs so/ /gang yang de ni/ ji skad smras pa de bzhin byed/ /ces kyang bya ste/ bla mas lung phog pa'i dus su ji skad du/ /khyod kyis 'dod la chags bral bar/ /nam du yang ni mi bya'o/ /'dod chags bral ba lta bu yi/ /khams gsum na ni rig gzhan med/ / ces bsgo ba ni/ shugs kyis dang du blangs pa yin pas/ ji skad du smras pa yin no/ /rjes su gsungs shing byang chub kyi sems ji ltar 'dzag pa de ltar gyen du gtong bas na de bzhin byed pa yin no/ /ji ltar brjod pa'i rim pas gsum pa la mi 'dzag pa'i bde ba med par nges zhes gsungs so zhes bya ba ni/ de bzhin gshegs pa'i rgyud gzhan las kyang /de skad gsungs pa'i phyir ro/ /de bzhin du yang zhes pa ni/ gzhan yang rgyud kyi khungs ston par byed pa'o/ /de gang yin zhe na/ rtsa ba'i rgyud las zhes gsungs te/ rtsa ba'i rgyud ces bya ba ni mchog gi dang po'i rtsa ba'i rgyud las so/ /ji skad gsungs she na/ las kyi phyag rgya dag dang ni/ /brtags pa'i phyag rgya ye shes spangs/ /mchog tu mi 'gyur sbyor ba yis/ /phyag rgya chen po nges bstan bya/ /zhes gsungs so zhes bya ba ni las kyi phyag rgya ni 'pho ba 'khrid par byed pa'i phyir ro/ /ye shes kyi phyag rgya ni kun du rtogs pa'i bdag nyid yin la kun du rtogs pa yin pas de bzhin nyid la reg pa med do//de bas na de nyid spang bar gsungs so/ /de bas na las dang / ye shes las tha dad par gyur pa'i phyag rgya chen mo ni/ /mchog tu mi 'gyur sbyor ba yis/ /zhes bya ba gsungs te/ mchog tu mi 'gyur ba ni byang chub kyi sems yin la/ gang yang de mi 'gyur bar byed pa ni yul la rab tu rgyug par byed pa'i rnam par shes pa'i rta rlung rab tu gzung bar bstan to//rlung gang yin pa de 'dzin pa la/ ji lta ba'i ting nge 'dzin las gzhan pa gzung bar ma gsungs so/ /de bas na ji lta ba'i ting nge 'dzin la mchog tu mi 'gyur ba'i sbyor ba zhes bstan te/ mi 'gyur bar byed pa'i phyir ro//de la gdong phyag rgya chen mo zhes bya ba rnam pa kun gyi mchog dang ldan pa'i bde ba/ 'jig rten pa'i dper bya ba las 'das pa/ kha na ma tho ba med pa/ rmad du byung ba'i bde ba/ bdag dang gzhan gyi don gyi rgyur gyur pa gang yin pa de la/ phyag rgya chen mo nges bstan bya/ /zhes de bzhin gshegs pas gsungs so zhes sbyar ro//de ltar brjod pa'i rim pas/ sangs rgyas rnams kyi bka' 'di ni/ /thog ma bar dang mthar dge ba/ /'das pa'i sangs rgyas rnams kyis gsungs/ /ma 'ongs rnams kyang gsung 'gyur la/ /da ltar byung ba'i rdzogs sangs rgyas/ /yang dang yang du gsungs pa gang //zhes de bzhin gshegs pas gsungs pas de bas na/ phyug bdag tshangs pa dang zhi ba la sogs pas bstan pa las khyad par du 'phags par bstan pa ni/ 'das pa dang / ma byon pa dang / da ltar bzhugs pa'i sangs rgyas rnams kyis/ /gang zhig thog ma dang / bar dang /tha mar dge ba gang yin pa de sangs rgyas rnams kyis gsungs pa yin par shes par bya'o zhes gsungs so/ /de skad ces gsungs pa de bas na dbang phyug la sogs pa bsad pas grol bar ston pa de ni shin tu yang mchog ma yin la/ de las gzhan pa'i rnal 'byor pa sangs rgyas pa'i ming gis bsdus pa gang dag bdag nyid rdo rje sems dpa' ma yin la/de'i nga rgyal byas pas de'i rang bzhin du 'gyur bar ston pa dang / mi mo la shes rab kyi ming du btags nas de la snyoms par zhugs pa tsam gyis thar pa thob par ston pa de dag ni yang dag pa'i lam ston pa ma yin par shes par bya'o/ /phyag rgya chen po gang yin pa de ni 'jig rten pa'i zag pa dang bcas pas mi thob pa de bas/rtog pa thams cad spangs pa/ yid nang du chud pas bsgom par bya ba nges pa'o/ /'jig rten las 'das pa'i dbang bcu gcig pa'o zhes bya ba ni/ 'jig rten ba dang mi mthun pa'i bde ba dang spyod pa ston pas 'jig rten las 'das pa'o//'jig rten pa'i dbang bcu'i rjes la ston pas bcu gcig pa'o/ /de ltar 'jig rten pa dang 'jig rten las 'das pa'i dbang la legs par bstan nas/ da ni zas dang btung ba la sogs pa'i spyod lam gyi rnal 'byor gong du bstan pa rnams rgyas par bya ba'i phyir ro/ / yi ge oM gyis spyad par bya'o zhes bya ba la sogs pa smos te/ de la lag pa g.yon pa zla ba'i cha yin pas rnal 'byor pa'i lag pa g.yon pa'i mthil du oM dkar po yongs su gyur pa las zla ba'i dkyil 'khor dang / de'i steng du oM de nyid yongs su gyur pa las 'khor lo rtsibs brgyad pa dkar po bsams la/de las 'od zer byung nas gtsang ma'i gnas zhes bya ba nas/ sku'i rdo rje rnam par snang mdzad kyi cha lugs 'dzin pa dpag tu med pa spyan drangs la/ de rnams kyis bza' ba la sogs pa byin gyis rlob cing mi gtsang ba'i skyon gyi dri ma bsal te/ byang chub kyi sems kyi bdud rtsi'i rang bzhin du mdzad par bsam mo//yi ge AHsa spel bar bya'o zhes pa ni/ lag pa g.yas pa nyi ma'i cha yin pas/ rnal 'byor pa'i lag pa g.yas pa'i mthil du AHdmar po yongs su gyur pa las nyi ma'i dkyil 'khor dang / de'i steng du AHde nyid yongs su gyur pa las pad+ma dmar po 'dab ma brgyad pa bsams la/de las 'od zer byung bas sngon bzhin du gtsang ma'i gnas nas gsung gi rdo rje 'od dpag med kyi cha lugs 'dzin pa dpag tu med pa spyan drangs la/ de rnams kyis bza' ba la sogs pa rnams mang bar byin gyis rlob par mdzad cing / bdud rtsi chags pa'i ro dang ldan par rtogs shing khong du chud par mdzad par bsam mo//yi ge hUM gis sbar bar bya'o zhes pa ni thal mo gnyis kha sbub pa sgra gcan gyi cha yin pas/ lag pa gnyis kyi mthil du hUM nag po yongs su gyur pa las/ sgra gcan gyi 'khor dang / de'i steng du hUM de nyid yongs su gyur pa las rdo rje nag po rtse lnga pa bsams la/ de las 'od zer byung bas/ yang gtsang ma'i gnas nas thugs kyi rdo rje mi bskyod pa'i cha lugs 'dzin pa dpag tu med pa spyan drangs la/ de rnams kyis kyang bza' ba la sogs pa rnams 'bar zhing gcig tu 'dres par byin gyis rlob par bsam mo/ /yi ge hos bdud rtsir bya'o zhes pa ni/ nam mkha' lding gi phyag rgya rdo rje sems dpa'i rang bzhin yin pas/nam mkha' lding gi phyag rgya la ho ljang gu yongs su gyur pa las/ kha dog thams cad pa'i dkyil 'khor zlum po dang / de'i steng du ho de nyid yongs su gyur pa las/ rdo rje dang dril bu bsams la/ de las 'od byung bas yang gtsang ma'i gnas nas ye shes kyi dpal rdo rje sems dpa'i cha lugs 'dzin pa dpag tu med pa spyan drangs la/de rnams kyis yang bza' ba la sogs pa bdud rtsi'i rang bzhin du byin gyis rlob par mdzad par bsam mo/ /yi ge haM gis spyan drang par bya'o zhes pa ni/ mthe'u chung gnyis mdud par byas pa 'gugs pa'i cha yin pas 'jig rten gsum las rnam par rgyal ba'i phyag rgya la/haM bsam zhing de yongs su gyur pa las pad+ma dang nyi ma'i dkyil 'khor gyi steng du/ yi ge haM ngam hUM yongs su gyur pa las/ rdo rje nag po rtse lnga pa las/ 'od zer byung bas mgron gang yin pa spyan drang bar bsam mo/ /yi ge k+Shas gshegs su gsol lo zhes bya ba ni/ k+Sha ni zad cing mthar gtugs pa zhes bya ba'i don yin pas/lag pa g.yon gyi rgyab kyis gshegs su gsol ba'i brda zhes bya ba'i don to/ /de bas na g.yon gyis sbyang bar bya zhes bya ba nas/ lag pa g.yon gyis ni gshegs su gsol lo zhes bya ba yan chad kyi don yin no/ /chang la zla ba zhu ba lta bu'i gzugs su bsgoms la zhes pa la chang gis mtshon pa tsam yin gyi/gang dang gang bza' zhing 'thung ba de dang de'i byang chub sems kyi bdud rtsir bsam zhes bya ba'i don to/ /de nas lag pa g.yon gyi ming med kyis zhes bya ba ni g.yon gyi srin lag gis so/ /chang gi thigs pa blangs la zhes bya ba ni mtshon pa tsam mo/ / gang dang gang za zhing 'thung ba de shes rab stong pa nyid mtshon par byed pa'i gru gsum pa yid kyis bsams la mngon du bya'o zhes bya'o/ /de'i dbus su thig le'i gzugs zlum po bya'o zhes pa ni mtshon par byed pa yin te/ de ltar bstan pa'i rim pas dus gsum na bzhugs pa'i rdo rje 'chang rnams stong pa dang snying rje dbyer mi byed pa la bzhugs pa ston pa yin la/de yang phyi dang nang dang gzhan kun las grub par gnas so zhes bya ba yang yin no/ /me long gi gzugs brnyan dang mtshungs par dkyil 'khor gyi 'khor lo bsams la zhes bya ba ni/ gang yang rung ba'i dkyil 'khor gyi lha rnams gzung 'dzin dang bral zhing rnam par rtog pa'i dri ma mtha' dag spangs pa'i rang bzhin du bsam zhes bya ba'i don to//de yang e dang waM gyi dbus na bzhugs par bsams la/ ngo bo nyid kyis 'khor ba'i dri ma dang bral zhing dben pas na waM zhes smos so/ /tshim par bya ba ni zhes pa ni rnal 'byor pa bdag gis rtogs pas rdo rje 'chang de rnams tshim zhing dgyes pa lta bur bsam par bya'o//tshim byed kyi sngags rnams bstan pa/ oM AHhUM ho/ zhes bya ba yin la/ de nyid sku gsung thugs ye shes kyi rdo rje'i rig sngags yin pas/ sku gsung thugs ye shes kyi lha rnams la mchod pa'i sngags kyi tshig de rnams kyis so//de nas de'i rjes la a A/ i I/ r-i r-I/ u U/ l-i l-I/ zhes pa'i sngags rnams nam mkha' dang mnyam pa'i bar brjod par bya ba'i phyir/ rlung dang me dang / chu dang sa yis yongs su bsdus pa'i chos can te/ rnam par shes pa nam mkha'i khams kyi rigs zhes bya ba la sogs pa/phung po lnga'i chos can dang / nam mkha'i khams la sogs pa'i khams lnga ste/ de rnams la mchod par bya ba'i sngags kyi tshig rnams yin no zhes bya ba'i don to/ /gzhan yang / a A/ e ai/ ar Ar/ o au/ al Al/ aM A/ zhes pa'i 'phel pa'i yi ge rnams kyis mig la sogs pa'i dbang po drug dang /gzugs la sogs pa'i yul drug ste/ thabs dang shes rab kyi dngos po rnams mchod par byed pa'i sngags kyi tshig rnams yin no zhes bya'o/ /gzhan yang / ha hA/ ya yA/ ra rA/ wa wA/ la lA/ zhes pa rnams yang na na'i rkyen bsgyur ba'i yi ge rnams kyis thabs dang shes rab kyi rigs can gyi sku khro bo khro mo bcu'o//zhe sdang rdo rje la sogs pa'i rang bzhin las kyi dbang po dang las kyi dbang po'i bya bar gyur pa rnams mchod pa'i sngags so/ /gzhan yang / ka kA/ kha khA/ ga gA/ g+ha g+hA/ nga ngA/ tsa tsA/ tsha tshA/ dza dzA/ dz+ha dz+hA/ nya nyA/ Ta TA/ Tha ThA/ Da DA/ d+ha d+hA/ Na NA/ ta tA/ tha thA/ da dA/ d+ha d+hA/ na nA/ pa pA/ pha phA/ ba bA/ b+ha b+hA/ ma mA/ sa sA/ ha hA/ Sha ShA/ sha shA/ Th+ka/ Th+kA/ ha hA/ ya yA/ ra rA/ wa wA/ la lA/ k+Sha k+ShA/ zhes bya ba rnams ni rdo rje ka zhes bya ba la sogs pa'i rgyud ston par byed pa'i rjod byed kyi sngags kyi tshig sum cu rtsa drug ste/thabs dang shes rab kyi rigs sum cu rtsa drug ces bya ba/ rnal 'byor dang rnal 'byor ma'i rgyud du gtogs pa thams cad kyi lha'i rigs mchod par byed pa'i sngags tshig gi cho ga'o zhes bya ba'i don to/ /de yang gsal byed gcig dang ldan pa ni thabs mtshon par byed pa'o/ /gong du gsal byed nyid dang ldan par byed pa ni shes rab mtshon par byed pa'o//de bzhin du thung ngu thams cad ni thabs yin la/ ring po thams cad ni shes rab yin no/ /de bzhin du A li ni thabs kA li ni shes rab/ thig le ni thabs/ tsheg drag na shes rab/ ces rtsa ba'i rgyud chen po las gsungs pa yin la/gzhan du yang ci rigs par sbyar ro/ /rkang gnyis gtso bos dang po'i sangs rgyas rgyud chen gsungs/ /gnod sbyin sde dpon gyis kyang de yi 'grel pa mdzad par gyur/ /thugs rje mnga' ba'i rkang gnyis gtso bos lung bstan pas/ /de rjes 'jam pa'i dbyangs kyis bsdus pa'i rgyud 'di bstan/ /'gro rnams ngo mtshar bskyed phyir spyan ras gzigs dbang gis//'jam pa'i dbyangs dang sgrol ma'i sras su 'gyur zhes bsgrags/ /des kyang sngon gyi dam bcas bshol ba mi mnga' bas/ /bsdus rgyud me tog phreng 'grel dri ma med 'di mdzad/ /rab 'byed dbang gi 'grel pa rdo rje'i tshig /legs par 'byed byed bdag brtsams dge ba gang //chu bo'i rgyun ltar rab 'bab dge ba des/ /chos 'byung dri med grong khyer mchog thob shog/ //dbang gi rab tu byed pa'i 'grel pa/ rdo rje'i tshig 'byed pa zhes bya ba/ dge slong mkhas pa chen po dA ri ka pas mdzad pa/ bod kyi lo tsA ba dge slong shes rab grags pas bla ma las mnyan nas bsgyur pa rdzogs so/

CLOSE WINDOW