CLOSE WINDOW

D1350
བོད་ཡིག

/[]@##/ /rgya gar skad du/ pad+ma ni nA ma pany+dzi ka /bod skad du/ pad+ma can zhes bya ba'i dka' 'grel/ dpal dus kyi 'khor lo la phyag 'tshal lo//rnam pa kun du yon tan skyon kun dang / /ldan par gyur dang rnam par bral ba dang / /kun nas srid pa skyong bar mdzad pa yi/ /gang zhig de la rtag tu phyag 'tshal lo/ /nyon mongs pa dang bdud kyi rang bzhin ni/ /dbang phyug dag dang 'dod pa'i lha yin la/ /gang gis zhabs gnyis kyis ni mnan par mdzad//dpal ldan dus 'khor de la spyi bos 'dud/ /'jig rten tha snyad bral zhing rtag tu 'byung ba dang / /dbang po bral ba'i bde ba 'gyur ba med pa dang / /dmigs bcas stong nyid dang ldan dmigs med snying rje'i bdag /mchog tu mi 'gyur bde ba de la phyag 'tshal lo//rnam pa dang bcas rnam med pa/ /dngos po kun gyi rang bzhin can/ /ming bral bde ba skyed mdzad ma/ /sna tshogs yum la bdag phyag 'tshal/ /thos pa'i shes rab mtsho las skyes par gyur pa dang / /dpal ldan bla ma'i 'od zer rnams kyis blo yi kha phyer gyur//ma rig pa yis gdungs pa bsil bar byed pa yi/ /dka' 'grel pad+ma can zhes bdag gis bri bar bya/ /de yang rang nyid dran pa'i don du yin gyur gyi/ /gzhan ma rnams la phan 'dogs phyir ni ma yin no/ /ci'i phyir zhe na de bzhin gshegs pa rnams kyis ni/ /gzhan don mdzad kyi gzhan ma rnams kyis nam yang min//thos pa chung dang bden pa ma mthong dang / /nyon mongs ma spangs blo ni ma dag pas/ /gal te skyon dang bcas par gyur na yang / /skyes bu dam pas bzod par bzhes su gsol/ /gang zhig sa bcu'i dbang phyug rnams kyis spyad gyur pa//de la phal ba dag gis spyod par byed pa yin/ /dper na rgya mtsho'i chu ni chu srin rnams kyis 'thung / /sbal ba la sogs rnams kyis de nyid mi 'thung ngam/ /de la dang por re zhig bcom ldan 'das shAkya thub pas sems can thams cad la phan 'dogs pa'i rang bzhin du gyur pa'i bsod nams kyi tshogs dang /gnyis su med pa'i ye shes kyi tshogs kyis/ nyid kyi don phun sum tshogs par mdzad la/ las kyi sa gzhi 'dzam bu gling la gnas par gyur pa'i sems can rnams la phan 'dogs pa'i don du ma ga ng+hA'i yul du rgyal po zas gtsang ma'i rigs las sprul pa'i sku bzhes te/de nas gzhon nu rtse ba la sogs pa dang / chu bo ni rany+dza na'i rtsar dka' thub kyi spyod pa mdzad la/ sems can rnams yongs su smin par bya ba'i phyir/ dpyid zla tha chungs kyi nya la bdud bcom par mdzad nas/ bla na med pa yang dag par rdzogs pa'i byang chub mngon sum du mdzad do//de nas yul bA rA Na sIr gshegs la dbang po rtul por gyur pa dang / bla na med pa'i byang chub la skal ba dang mi ldan pa'i sems can rnams la theg pa 'og ma bka' stsal to/ /de nas dbang po 'bring por gyur pa dang / bla na med pa'i byang chub la myur bar snod du mi 'gyur ba'i sems can rnams la rgyu'i rang bzhin du gyur pa theg pa chen po shes rab kyi pha rol tu phyin pa bya rgod kyi phung po'i ri la bka' stsal to//de nas de bzhin gshegs pa la thugs dgongs ji ltar 'gyur zhe na/ theg pa chen po la bka' gsang sngags ma bstan pa'i bar du chos kyi phung po brgyad khri bzhi stong gi ston pa dang /thams cad mkhyen par mi 'gyur te/ gzhan yang dbang po rnon por gyur pa'i sems can rnams kyis 'dod pa'i yon tan lnga la longs spyod pas myur bar byang chub thob par 'gyur bar thugs la dgongs nas 'jam dpal dang / phyag na rdo rje dang / byang chub sems dpa' 'jig rten mgon po la sogs pa dang lhan cig tu lho phyogs su gshegs par thugs dgongs mdzad do/ /'phags pa'i yul nas/ lho phyogs su yul shrI d+ha na ka Ta ka ra gshegs la/ der lha stong drug brgya nyi shu'i rang bzhin du gyur pa/ dpal ldan rgyu skar gyi dkyil 'khor bzhengs su gsol lo//de nas chu bo si ta'i byang dang gangs ri'i lho phyogs yul shi b+ha la la gnas par gyur pa'i sems can rnams phyag rgya chen po'i dngos grub la snod du rung ba dang / dbang po rnon por gyur pa dang / theg pa chen po bka' gsang sngags la skal ba dang ldan par gyur pa dang /rigs dang gzugs dang thos pa dang lang tsho dang skal ba dang ldan pa'i nga rgyal yongs su dor ba dang / 'khor ba'i bde ba la re ba chad pa dang / rab tu mi gnas pa'i mya ngan las 'das pa'i bde ba 'dod pa dang / bya ba thams cad por nas bdag nyid gcig pu bsgom par nus pa dang / skye ba 'di nyid la bla na med pa'i byang chub 'grub bar nus par gzigs nas yul shaM b+ha lar gshegs so//de la dang por bgegs mthar byed kyi sprul pa'i sku rgyal po nyi ma 'od ces bya ba'i rigs las byang chub sems dpa' phyag na rdo rjes rgyal po zla ba bzang po zhes bya ba'i sprul pa'i sku bzhes nas/yul shaM b+ha la la sogs pa'i grong khyer bye ba phrag dgu bcu rtsa drug la gnas pa'i sems can rnams kyis phyag rgya chen po'i dngos grub thob par bya ba'i phyir/ de bzhin gshegs pa la theg pa chen po'i bka' gsang sngags bstan par gsol ba btab par mdzad do/ /bcom ldan 'das shAkya thub pas kyang mchog gi dang po'i sangs rgyas kyi ting nge 'dzin la snyoms par zhugs nas/nges pa dang bral bar gyur pa'i gdul bya'i sems can rnams la rang gi sems kyi bsam pa dang mthun par rgyud kyi rgyal po dpal mchog gi dang po'i sangs rgyas rjes su bsngags pa'i tshigs su bcad pa stong phrag bcu gnyis pa gnyis su med pa/rdo rje 'dzin pa'i ye shes kyi sku mngon du gyur pa'i mtshan yang dag par brjod pas 'khyud pa/ rgyud kyi rgyal po thams cad kyi rdo rje'i tshig mngon du gyur pa/ sangs rgyas kyi rin chen za ma tog kha 'byed pa/'jig rten dang 'jig rten las 'das pa'i bden pa la rten du gyur pa/ skad cig gcig la mngon par byang chub pa la sogs pa bzhi dang / sku'i rdo rje la sogs pa rdo rje bzhi dang / ngo bo nyid kyi sku la sogs pa sku bzhi dang / rdo rje sems dpa' la sogs pa rigs drug dang / ma rig pa la sogs pa bden pa bcu gnyis dang / lus kyi dga' ba la sogs pa de kho na nyid bcu drug dang / phyi stong pa nyid la sogs pa bcu drug dang / sems can la dmigs pa'i snying rje bcu drug gi bdag nyid kyi rten rjod par byed pa/ chu'i dbang la sogs pa bcu dang / bzhi pa slar yang de bzhin te/ /zhes bya ba ni/ dbang bcu gcig gsal bar mdzad pa las kyi phyag rgya la sogs pa phyag rgya gsum gyi dngos grub gsal bar mdzad pa/ 'jig rten gyi khams dang / nang dang mngon par dbang bskur ba dang sgrub pa dang / ye shes kyi le'u lnga'i rang bzhin du gyur pa/mi la sogs pa sems can thams cad la skye ba 'di nyid du yang dag par rdzogs pa'i sangs rgyas nyid thob par bya ba'i phyir gsal bar bka' stsal to/ /de nas sdud pa po nyid mdzad par bya ba'i phyir dang / rgyud kyi rgyal po la TI ka mdzad pa'i phyir dang / yul shaM b+ha la la sogs pa'i grong khyer bye ba phrag dgu bcu rtsa drug la gnas par gyur pa'i sems can rnams la phyag rgya chen po'i dngos grub thob par bya ba'i phyir/byang chub sems dpa' phyag na rdo rje la de bzhin gshegs pas lung bstan to/ /phyi nas ma 'ongs pa'i dus su tshangs pa'i drang srong nyi ma'i shing rta la sogs pa'i bram ze bye ba phrag phyed dang bzhi ni/rig byed dang sgra dang bstan bcos la sogs pa'i 'jig rten gyi chos thams cad la mkhas par gyur pa/ bcom ldan 'das 'jam dpal gyi spyan sngar 'dul bar gzigs nas/ sdud pa po nyid kyis bsdus pa'i rgyud mdzad pa'i phyir/'jam dpal la lung bstan te/ nga mya ngan las 'das nas lo drug brgya lon nas/ tshangs pa'i drang srong nyi ma'i shing rta la sogs pa'i bram ze bye ba phrag phyed dang bzhi la bla na med pa'i byang chub thob par bya ba'i phyir/ rtsa ba'i rgyud las phyung nas/ me tog phreng 'dzin gyi tshigs su bcad pa sum cus lhag pa'i stong phrag gcig gi rang bzhin du gyur pa/bsdus pa'i rgyud kyi rgyal po dpal dus kyi 'khor lo gyis shig ces bya bar lung bstan to/ /gzhan yang bsdus pa'i rgyud la 'grel bshad mdzad pa'i phyir/ byang chub sems dpa' 'jig rten mgon po la lung bstan to//phyi nas byang chub sems dpa' rnams dang / khro bo'i rgyal po la sogs pa rnams la/ yul shaM b+ha la la sogs pa la gnas par gyur pa'i sems can rnams la phan gdags pa'i phyir rtsa ba'i rgyud dang bsdus pa'i rgyud ston pa nyid kyis lung bstan to//de ltar de bzhin gshegs pas gzhan gyi don phun sum tshogs par mdzad nas/ sprul pa'i skus gang nas byon pa de nyid longs spyod rdzogs pa'i skus gshegs so/ /de nas bgegs mthar byed kyi sprul pa'i sku rgyal po nyi ma'i 'od dang / lha mo rnam par rgyal ma'i rigs las/ byang chub sems dpa' phyag na rdo rje rgyal po zla ba bzang po zhes bya ba'i sprul pa'i sku bzhes nas/ de bzhin gshegs pas lung bstan pa'i stobs kyis rtsa ba'i rgyud sdud pa po nyid kyis yul shaM b+ha la'i skad kyis glegs bam du bris te/ stong phrag drug cu ba rgya cher 'grel pa mdzad nas/phyag rgya chen po'i dngos grub la snod du rung ba'i sems can rnams la de nyid bstan to/ /de nas skal ba dang ldan pa'i sems can rnams la rdzu 'phrul dang / bcom ldan 'das dus kyi 'khor lo'i dkyil 'khor gyi 'khor lo bstan par mdzad nas/ sprul pa'i skus gang nas byon pa de nyid du/longs spyod rdzogs pa'i skus gshegs so/ /de nas byang chub sems dpa' sa'i snying po dang / khro bo'i rgyal po gshin rje mthar byed dang / sgrib pa thams cad rnam par sel ba dang / shes rab mthar byed dang / pad+ma mthar byed dang /byang chub sems dpa' nam mkha'i snying pos lo brgya'i bar du/ yul shaM b+ha la la gnas par gyur pa'i sems can rnams la rtsa ba'i rgyud bstan par mdzad do/ /de nas byang chub sems dpa' nam mkha'i snying po'i sprul pa'i sku/ lha'i dbang po'i rigs dang / lha mo sna tshogs yum gyi mngal nas bcom ldan 'das 'jam dpal gyi sprul pa'i sku rgyal po grags par bzhes te/rin po che chen po'i seng ge'i khri la bzhugs nas/ rtsa ba'i rgyud bstan par mdzad do/ /de nas nyi ma'i shing rta la sogs pa bram ze bye ba phrag phyed dang bzhi yongs su smin pa'i dus mkhyen nas/bcom ldan 'das 'jam dpal gyis de rnams bsdus par mdzad de/ de nas dpyid zla 'bring po'i nya la/ phyag na rdo rjes bzhengs pa'i bcom ldan 'das dus kyi 'khor lo'i khang pa'i nang du/ nyi ma'i shing rta la sogs pa rnams la/ 'jig rten dang 'jig rten las 'das pa'i dbang bskur nas/rtsa ba'i rgyud las phyung nas sdud pa po nyid kyis/ le'u lnga'i rang bzhin du gyur pas me tog phreng 'dzin gyi tshigs su bcad pa sum cus lhag pa'i stong phrag gcig gi rang bzhin bsdus pa'i rgyud kyi rgyal po bka' stsal to/ /byang chub sems dpa' 'jig rten mgon pos kyang /bcom ldan 'das 'jam dpal gyi sprul pa'i sku rgyal po grags pa dang / lha mo sgrol ma'i rigs las sprul pa'i sku pad+ma dkar po zhes bya bar bzhes so/ /de nas bcom ldan 'das 'jam dpal gyis bsdus pa'i rgyud glegs bam du bri ba dang / 'grel pa mdzad par bka' stsal nas/'jig rten gyi khams gzhan du gshegs so/ /byang chub sems dpa' 'jig rten mgon pos kyang de bzhin gshegs pas lung bstan pa'i stobs dang / 'jam dpal gyis bskul ba'i stobs kyis/ rtsa ba'i rgyud la rjes su 'brangs pa stong phrag bcu gnyis pa dri ma med pa'i 'od ces bya ba'i 'grel bshad/mtshan yang dag par brjod pa dpang por mdzad nas bka' stsal to/ /de la nyid kyi don phun sum tshogs pa dang / gzhan gyi don phun sum tshogs pa bsgrub pa'i phyir 'jig rten mgon pos nyid kyi thugs dam la phyag 'tshal bar mdzad do/ / gzhan yang bcom ldan 'das kyis bka' lung thog mar dge ba/ bar du dge ba tha mar dge ba ji lta ba de bzhin du chos de dang mthun pa'i phyir/ phyag 'tshal bar mdzad de/ stong nyid dang ni snying rje'i bdag /srid gsum skye 'jig mi mnga' zhing / /shes dang shes bya gcig ba'i sku/ / dpal ldan dus 'khor la phyag 'tshal/ /zhes bya'o/ /gang la phyag 'tshal zhe na/ dpal dus kyi 'khor lo la phyag 'tshal zhes bya ba la/ dpal zhes bya ba ni gnyis su med pa'i ye shes yin la/ de gang la yod pa de dpal dang ldan pa'o/ /dus zhes bya ba ni 'das pa dang ma 'ongs pa dang da ltar byung ba'i zla ba dang nyi ma'i bdag nyid du gyur pa'o//'khor lo zhes bya ba ni lo dang zla ba dang phyogs dang nyin mtshan dang chu tshod dang chu srang dang dbugs rnams so/ /nang du dus ni g.yas dang g.yon par chu srin la sogs pa dang / khyu mchog la sogs pa'i 'pho ba bcu gnyis te/'khor lo ni dbugs nyi khri chig stong drug brgya'o/ /dus de gang gis sgrib pa med pa'i rang bzhin du mdzad pa de dpal dus kyi 'khor lo zhes bya'o/ /gzhan yang dus ni sgrib pa thams cad zad par byed pa'i rgyur gyur pa mchog tu mi 'gyur ba'i ye shes yin la thabs so/ / 'khor lo ni yid kyi nang du gnas par 'gyur ba'i khams gsum po shes bya yin la shes rab ste/ 'di dag gcig pa nyid ni dus kyi 'khor lo'o/ /gzhan yang rgyu dang bral ba dang / thim par gyur pa dang / g.yo bar sems gang gis rim pas bcings pa de dus kyi 'khor lo zhes bya ba'o//de ji lta bu yin zhe na/ stong pa nyid dang snying rje'i bdag nyid ces bya ba la nyams su myong ba'i bdag nyid du gyur pa'i stong pa nyid kyi bdag nyid yin gyi/ bems po'i rang bzhin du gyur pa ni ma yin no/ /nyams su myong ba la yang rnam pa gsum ste/ thog mar nyams su myong ba dang / bar du nyams su myong ba dang /tha mar nyams su myong ba'o/ /du ba la sogs pa'i lam gyi gzugs sna tshogs rdzogs la/ mi 'gyur ba'i skad cig thob pa ni thog mar nyams su myong ba'o/ /mchog tu mi 'gyur ba'i skad cig stong brgyad brgyas sa dang po thob pa dang / mngon par/ shes pa lnga dang / 'jig rten gyi dngos grub thams cad thob pa ni bar du nyams su myong ba'o/ /mchog tu mi 'gyur ba'i skad cig nyi khri chig stong drug brgyas sa bcu gnyis thob pa dang / phyag rgya chen po'i dngos grub rdo rje sems dpa' nyid ni tha mar nyams su myong ba'o/ /snying rje zhes bya ba la dmigs pa med pa'i snying rje ste/rang rig pa yin yang rtog pa las 'das par gyur pa yin gyi/ rtog pa'i rang bzhin ni ma yin no/ /de dag gi rang bzhin ni stong pa nyid dang snying rje'i bdag nyid ces bya ba'o/ /de lta bu gang yin pa de la 'khor ba'i rang bzhin ma yin nam zhe na/ srid gsum skye 'jig mi mnga' ba//zhes bya ba la/ skye ba dang rga ba dang 'chi ba la sogs pa gang du srid pa yod par gyur pa de 'dod pa dang / gzugs dang gzugs med pas srid pa gsum ste/ de la skye ba dang 'jig pa yod pa ji lta ba de bzhin du/ gang la med par gyur pa de srid gsum skye 'jig mi mnga' ba zhes bya ba ste/'khor ba'i pha rol mthar son pa/ /zhes bya ba'i don to/ /gzhan yang / shes dang shes bya gcig pa'i sku/ /zhes bya ba la/ shes dang zhes bya ba ni rang rig pa'i rang bzhin du gyur pa'i 'dzin pa'i sems te/ shes bya zhes bya ba ni chos nyid kyi rang bzhin du gyur pa gzung ba'i sems te de dag ro mnyam pa nyid kyi rang bzhin du gyur pas na/shes dang shes bya gcig pa'i sku/ /zhes bya'o/ /de ltar don dam pa'i bden pas bcom ldan 'das dus kyi 'khor lo la phyag 'tshal bar mdzad nas/ bcom ldan 'das mchog gi dang po'i sangs rgyas la phyag 'tshal bar mdzad de/rnam bcas dang ni rnam med bcom ldan 'das ma shes rab ma des 'khyud/ /skye 'jig spangs shing mi 'gyur bde ba bzhad sogs bde ba spangs mdzad cing / /sangs rgyas rnams kyi skyed mdzad sku gsum bcas shing dus gsum yang dag rig /kun mkhyen mchog gi dang po'i sangs rgyas bcom ldan gnyis med de la 'dud/ /ces bya ba la/ tshangs pa la sogs pa dang / nyan thos la sogs pa dang / sa bcu'i byang chub sems dpa' rnams las khyad par du gyur pas na mchog ces bya ba'o/ /thog ma med pa'i 'khor ba nas sngon du skyes pas na dang po zhes bya ba'o//dngos po thams cad kyi rang bzhin mkhyen pas na sangs rgyas zhes bya ba'o/ /nyon mongs pa la sogs pa'i bdud bzhi bcom pas na bcom ldan 'das yin la/ yang na dbang phyug la sogs pa'i yon tan drug dang ldan pas na bcom ldan 'das so//gzung ba dang 'dzin pa dang / 'khor ba dang mya ngan las 'das pa dang / thabs dang shes rab dang / yod pa dang med pa gnyis ka'i rang bzhin du gyur pas na gnyis su med pa'o/ /gzhan yang rnam bcas dang ne rnam med bcom ldan 'das ma shes rab ma des 'khyud/ /ces bya ba la/gdul bya'i sems can rnams la don mdzad pa dang / yon tan thams cad dang ldan par gyur pas na rnam pa dang bcas pa'o/ /chos nyid kyi ngo bos gnas par gyur pas na rnam pa med pa'o/ /dngos po thams cad kyi rang bzhin yongs su shes par mdzad pas ni/ bcom ldan 'das ma shes rab ma nges 'khyud pa'o zhes bya ba ni zla ba dang zla ba'i 'od zer bzhin du zhes pa'i don to//de gang yin zhe na/ mi 'gyur bde ba zhes bya ba la/ 'khor ba pa rnams kyi bde ba 'gyur bar gyur pa ji lta ba de bzhin du gang la 'gyur ba med par gyur pa de mi 'gyur ba'i bde ba ste/rgyun mi 'chad par 'jug par gyur pa dang / dngos po thams cad khyab par mdzad pa nam mkha' dang 'dra bar gyur pa zhes bya ba'i don to/ /'khor ba'i bde ba rgyu las skyes pa ji lta ba de bzhin du de yang yin nam zhe na/ bzhad sogs bde ba spangs mdzad cing / /zhes bya ba ni/bzhad pa dang lta ba dang lag pa bcangs pa dang gnyis gnyis 'khyud pa las 'das par gyur pa'o/ /des ci mdzad ce na/ sangs rgyas rnams kyi skyed mdzad ces bya ba la/ sangs rgyas rnams zhes bya ba ni/ mi bskyod pa la sogs pa de bzhin gshegs pa rnams dang / /sgrib pa med pas gzugs kyi phung po la sogs pa rnams yin la/de rnams skyed par mdzad pas na sangs rgyas rnams kyi skyed mdzad pa'o/ /de yang ji lta bu yin zhe na/ sku gsum dang bcas zhes bya ba la/ chos kyi sku dang / longs spyod rdzogs pa'i sku dang / sprul pa'i sku dang ldan pa ste/lhan cig skyes pa'i sku zhes bya ba'i don to/ /de shes pa'i rang bzhin yin nam mi shes pa'i rang bzhin yin zhe na/ dus gsum yang dag rig ces bya ba la/ 'das pa dang / ma 'ongs pa dang / da ltar byung ba'i dus gsum po ni rang bzhin med par mkhyen pas dus gsum yang dag rig ces bya ba ste/shes pa po'i rang bzhin gyis/ shin tu gnyid log pa'i rang bzhin lta bu ni ma yin no/ /nyi tshe ba yin nam zhe na/ kun mkhyen zhes bya ba gsungs te/ kun mkhyen zhes bya ba ni/ brtan pa dang g.yo ba'i dngos po rnams te/ de rnams ji lta ba skyes pa dang 'jig par gyur pa mkhyen pas na kun mkhyen zhes bya'o//de ltar brjod par gyur pa'i yon tan rnams dang ldan pa'i bcom ldan 'das mchog gi dang po'i sangs rgyas la phyag 'tshal bar mdzad nas/ bden don rnam pa bcu gnyis ldan/ /de nyid rnam pa bcu drug rig /ces bya ba'i sgo nas/bcom ldan 'das dus kyi 'khor lo la phyag 'tshal bar mdzad de/ sangs rgyas seng ge'i khrir bzhugs srid gsum gyis mchod rdo rje rnal 'byor rnam dag pa/ /de nyid sku yi dbye bas rnam pa bcu drug gcig yin srid med srid par gshegs/ /shes dang shes bya gcig gyur rgyal ba mchog gi dam tshig rnam bcu gnyis lus kyis//bden don byang chub sems la rgyal ba'i rdo rje'i tshig ste dus kyi 'khor lor 'dud/ /ces bya ba la/ dus kyi 'khor lo zhes bya ba ni/ mchog tu mi 'gyur ba'i bde ba ste/ de la phyag 'tshal bar mdzad de/ de ji lta bu yin zhe na/sangs rgyas zhes bya ba la/ 'pho ba'i bdag nyid du gyur pa'i gnyid las sangs par gyur pa dang / mi 'pho ba'i rang bzhin du gyur pa thob pas na sangs rgyas zhes bya'o/ /de gang du bzhugs she na/ seng ge'i khrir bzhugs zhes bya ba la/ seng ges ri dgas la sogs pa gsod par byed pa ji lta ba de bzhin du/stong pa nyid kyis 'jig rten gyi phung po la sogs pa sgrib pa med pa'i rang bzhin du mdzad de/ de bas na seng ge'i sgras stong pa nyid du brjod do/ khri zhes bya ba ni gzugs sna tshogs yin la/ dus thams cad du de la brten par mdzad pas na seng ge'i khrir bzhugs zhes bya'o//'khor ba pa dang 'dra ba ma yin nam zhe na/ srid pa gsum gyis mchod ces bya bar gsungs so/ /gang la mchod ce na/ rdo rje rnal 'byor zhes bya ba la/ rdo rje zhes bya ba ni sgrib pa med pa'i sku dang gsung dang / thugs dang ye shes kyi rdo rje ste/ rnal 'byor zhes bya ba ni mchog tu mi 'gyur ba'i bde bas ro mnyam pa nyid du gyur pa'o//de yang ji lta bu zhe na/ rnam dag pa zhes bya ba la/ 'khor ba pa rnams kyis 'pho ba'i mthu yis lus dang ngag dang sems dang ye shes ma dag par gyur pa ji lta ba bzhin du ma yin te/ 'pho ba'i bag chags las 'das par gyur pa zhes bya ba'i don to//gzhan yang ji lta bu yin zha na/ de kho na nyid ces bya ba ni 'khor ba'i bag chags kyis g.yogs pa'i dus su ji lta bu yin pa/ 'khor ba'i bag chags dang bral ba'i dus su de rang yin pas na de kho na nyid yin zhes bya'o/ /de yang gcig pu gcig yin na yang /sems can rnams la lus kyi dga' ba la sogs pa'i dbye bas rnam pa bcu drug gi rang bzhin du gyur pa ste/ de bzhin gshegs pa rnams la ni sprul pa'i sku dang / sprul pa'i gsung la sogs pa'i dbye bas rnam pa bcu drug tu gyur pa'o/ /de gar bzhugs she na/ srid med srid par gshegs zhes bya ba la/'khor ba rnams kyi de kho na nyid ni thig le bzhi 'pho ba'i bag chags kyi dbang gis 'khor ba la gnas pa ste/ de bzhin gshegs pa rnams kyi de kho na nyid ni/ bcu drug phye phyed thig le 'chang / /zhes bya ba ni/ mi 'pho ba'i dbang gis 'pho ba mi srid pas srid par gshegs so//de bas na sems can gyi de kho na nyid rgyu yin la/ de bzhin gshegs pa'i de kho na nyid ni 'bras bu yin no/ /rgyu gang gi phyir zhe na/ stong pa nyid bsgoms pa'i stobs kyis rnal 'byor pa rnams la bzhi pa'i gnas skabs skyed par byed pa'i ye shes kyi thig le 'gags na lhan cig skyes pa'i sku thob ste/shin tu gnyid log pa'i gnas skabs byed par byed pa'i sems kyi thig le dang / rmi lam gyi gnas skabs skyed par byed pa'i ngag gi thig le dang / sad pa'i gnas skabs byed par byed pa'i lus kyi thig le 'gags na rim pa ji lta bas/chos kyi sku dang longs spyod rdzogs pa'i sku dang / sprul pa'i sku thob par 'gyur ba'o/ /de bas na sems can rnams la 'pho ba'i de kho na nyid ni 'khor ba yin gyi mi 'pho ba'i rang bzhin ni ma yin no/ /de bzhin gshegs pa rnams la mi 'pho ba'i de kho na nyid ni rab tu mi gnas pa'i mya ngan las 'das pa yin gyi/'khor ba'i rang bzhin ni ma yin no/ /de bzhin du mtshan yang dag par brjod pa las kyang / rnam pa kun ldan rnam pa med/ /bcu drug phyed phyed thig le 'chang / /zhes bya bar gsungs te/ 'khor ba pa rnams thig le bzhi 'pho ba'i phyir 'khor ba'i bag chags kyis zos pa ji lta ba bzhin du sangs rgyas rnams ni ma yin no//rgyu gang gi phyir zhe na/ bcu drug gi phyed ni brgyad yin la/ brgyad kyi phyed ni thig le bzhi 'dzin pa'i phyir ro/ /de bas na mtshan yang dag par brjod pa las/ de nyid rnam pa bcu drug rig /ces bya ba gsungs so/ /de 'khor ba'i rang bzhin yin nam/ mya ngan las 'das pa'i rang bzhin yin zhe na/ shes dang shes bya gcig gyur zhes bya ba la/ mya ngan las 'das pa gang gis shes par byed pa de ye shes yin la srid pa ste/ shes bya nyid kyi don du phun sum tshogs pa'i rang bzhin du gyur pa mya ngan las 'das pa'o//'di dag gcig tu gyur pa ni/ /shes dang shes bya gcig tu gyur/ /zhes bya ba ste/ rab tu gyur pa'i mya ngan las 'das pa'i mtshan nyid pa zhes bya ba'i don to/ /de gang gi spyod yul du gyur zhe na/ rgyal ba mchog gis dam tshig ces bya ba la/bdud dang nyon mongs pa las rgyal bas na rgyal ba yin la/ mi bskyod pa la sogs pa'o/ /de rnams la skyed pa po nyid kyis gtso bor gyur pas na mchog ces bya ba ste/ rdo rje sems dpa'o/ /de la spyod yul du gyur pas na rgyal ba mchog gi dam tshig ces bya ba yin gyi/'khor ba pa rnams la spyod yul du gyur pa ni ma yin no/ /gzhan yang rnam pa bcu gnyis lus kyis/ bden don zhes bya ba la rnam pa bcu gnyis zhes bya ba ni chu srin la sogs pa dang / ma rig pa la sogs pa'i rang bzhin du gyur pa/ g.yas g.yon du mnyam pa dang mi mnyam pa'i 'pho ba bcu gnyis so//lus zhes bya ba ni dkyil 'khor drug cu'i rang bzhin du gyur pa nyid khri chig stong drug brgya'o/ /'khor ba pa rnams la 'pho ba bcu gnyis kyi dbye bas srog gi rlung 'bab pa'i phyir/ bden pa'i don rnam pa bcu gnyis sgrib pa dang ldan pa'o/ /de bzhin gshegs pa la 'pho ba bcu gnyis 'gog par gyur pa'i phyir/sgrib pa med pa'i yan lag bcu gnyis so/ /de bzhin du mtshan yang dag par brjod pa las/ bden don rnam pa bcu gnyis ldan/ /zhes bya bar gsungs so/ /de gang yin zhe na/ byang chub sems zhes bya ba la/kun rdzob tu steng nas gang 'ongs pa de nyid don dam par yang gshegs pas na/ bden don rnam pa bcu gnyis ldan/ /de nyid rnam pa bcu drug rig /ces bya ba ste/ log pa'i byang chub kyi sems zhes bya ba'i don to/ /de ji lta bu yin zhe na/ rgyal ba'i rdo rje'i tshig ces bya ba la/rgyal ba zhes bya ba ni bcom ldan 'das rdo rje sems dpa' ste/ de'i rdo rje'i tshig ces bya ba ni bstan bcos kyi sgo dang / rnam par rtog pa'i stobs kyis mi phyed pa dang / phal pa'i skye bo rnams kyis brjod par mi nus na/ rgyal ba'i rdo rje'i tshig ces bya ba'o//de ltar bcom ldan 'das dus kyi 'khor lo la phyag 'tshal bar mdzad nas/ rtsa ba'i rgyud dang bsdus pa'i rgyud kyi don dang mthun par gyur pa'i sku bzhi'i sgo yis dang po'i sangs rgyas la phyag 'tshal bar mdzad de/ kun mkhyen ye shes sku la rgyal ba'i bdag po lhan cig skyes pa'i chos kyi sku//de bzhin longs spyod sprul pa'i sku ni nyin byed sku ste pad+ma 'dab ma'i spyan/ /rnam par thar dang srid med srid gyur sku gsung thugs dang chags pas rnal 'byor dag pa'o/ /gnyis min shes rab thabs gang lha mi lha min gyis bstod dang po'i sangs rgyas de la 'dud//ces bya ba la kun zhes bya ba ni dbugs nyi khri chig stong drug brgya ste/ mchog tu mi 'gyur ba'i bde ba'i ngo bos mkhyen pas na kun mkhyen zhes bya ba yin la/ de nyid bcom ldan 'das rdo rje sems dpa'i lhan cig skyes pa'i sku zhes bya'o/ /ye shes kyi sku zhes bya ba ni chos nyid kyi rang bzhin du gyur pa gzung ba'i sems te/de yang chos kyi sku zhes bya ba'o/ /de bzhin du 'pho ba'i longs spyod las 'das par gyur pa dang / mchog tu mi 'gyur ba'i bde bas skyes par gyur pas na longs spyod rdzogs pa'i sku zhes bya ste/ de yang ji lta bu yin zhe na/nyin phyed sku zhes bya ba ni mtshan mo'i mun pa ni nyi ma'i 'od zer rnams kyis 'dzoms par byed pa ji lta ba de bzhin du/ thog ma med pa'i 'khor ba na gnas par gyur pa'i sems can rnams la/ ma rig pa'i mun pas chos kyi phung po brgyad khri bzhi stong gis bcom par mdzad pas na nyin byed dang 'dra bar gyur pas na longs spyod rdzogs pa'i sku'o//sems can rnams yongs su smin pa'i phyir rdzu 'phrul la sogs pa sna tshogs pa sprul par mdzad pas na sprul pa'i sku ste/ skyes bu chen po'i mtshan sum cu rtsa gnyis la sogs pa dang ldan par gyur pa'i pad+ma rgyas pa'i 'dab 'dra bar gyur pa'i spyan dang ldan pa'o//de la don ci yin zhe na/ 'dam las skyes par gyur pa'i pad+ma 'dam gyi skyon gyis gos par mi 'gyur ba ji lta ba de bzhin du/ rnam pa thams cad dang ldan par gyur pa'i 'khor ba'i nang du zhugs par gyur na yang / 'khor ba'i bag chags kyis gos par mi 'gyur zhes bya ba'i dpe bstan to//ci'i phyir 'khor ba'i bag chags kyis gos par mi 'gyur zhe na/ rnam par thar pa zhes bya ba 'khor ba'i rgya mtsho las rnam pa thams cad du thar par gyur cing / pha rol tu phyin pas na rnam par thar pa yin la stong pa nyid la sogs pa bzhi ste/de rnams kyis dag par 'gyur gyi phyir gos par mi 'gyur ro/ /gzhan yang srid med srid gyur sku gsung thugs dang chags pas zhes bya ba la/ srid pa zhes bya ba ni skye ba la sogs pa'i gnas skabs de gang las byung ba de srid pa yin la/ srid med ces bya ba ni skye ba la sogs pa'i gnas skabs de rnams gang du mi 'byung ba de rab tu mi gnas pa'i mya ngan las 'das pa ste/de'i rang bzhin du gyur pa'i sku dang gsung dang thugs dang chags pa zhes bya ba ni ye shes yin la/ de rnams kyis dag par gyur pas na 'khor ba'i bag chags kyis gos par mi 'gyur ro//de gang yin zhe na/ stong pa nyid dang snying rje dbyer med pa'i rang bzhin du gyur pa rnal 'byor ro/ /gnyi ga gang du sbyar bar gyur pa dang / ro mnyam pa nyid du gyur pas na rnal 'byor zhes bya ba yin gyis/ stong pa nyid dam snying rje 'ba' zhig pa ni ma yin no//de nyid tshig gis gsal por mdzad de/ shes rab thabs gang gnyis min zhes bya bar gsungs so/ /lha mi lha min gyis mchod ces bya ba la/ lha dang mi dang lha ma yin la sogs pa rnams kyis mchod par 'os pa dang / bstod par 'os pa dang / bla mar gyur pas na/ lha mi lha min gyis bstod ces bya ba'o//gzhan yang phung po dang khams dang skye mched las gtso bor gyur pas na lha mi lha min gyis bstod ces bya ba'i don to/ /de lta bur gyur pa'i mchog gi dang po'i sangs rgyas la phyag 'tshal bar mdzad nas/ rnam par thar pa gang gis dag par gyur pa dang / dag par gyur pa de rnams kyi mtshan nyid ji lta bu yin zhe na brjod par mdzad de/stong nyid ye shes kyis dag pa'i/ /rnam dag ye shes mi 'gyur ba'o/ /zhes bya ba la/ stong nyid ces bya ba ni dmigs pa dang bcas pa'i stong pa nyid de/ dngos po thams cad kyi rang bzhin shes par mdzad pas na de nyid ye shes zhes bya bar brjod do//stong pa nyid kyi rang bzhin du gyur pa'i ye shes des 'khor ba pa'i shes pa rnam par dag par gyur na mi rtog pa'i rang bzhin gang yin pa de 'pho ba med pa dang / nyams pa med pa dang / dus thams cad du rang rig pa'i ngo bos gnas pas na mi 'gyur ba zhes bya ba ste/ lhan cig skyes pa'i sku zhes bya ba'i don to/ /sems gang gis dag par gyur zhe na/ mtshan med ye shes kyis dag pa/ /chos bdag sems ni gnyis min pa'o/ /zhes bya ba la mtshan ma zhes bya ba ni/ bum pa dang ka ba dang thig le dang / nA da la sogs pa yin te/ de las 'das par gyur pa na mtshan ma med pa yin la/chos nyid shes par byed pa'i phyir ye shes zhes bya'o/ /des rnam par rtog pa'i rang bzhin du gyur pa'i sems dag par gyur na chos kyi bdag nyid du 'gyur ro/ /de ji lta bu yin zhe na/ gnyis min pa'o zhes bya ba la/ gnyis zhes bya ba ni gzung ba dang 'dzin pa dang thabs dang shes rab dang /'khor ba dang mya ngan las 'das par brjod pa yin la/ gnyi ga gang du med par gyur pa de gnyis min pa'o zhes bya'o/ /ngag gang gis dag ce na/ smon med ye shes kyis dag pa/ /ngag rnams mi zad pa yi sgra/ /zhes bya ba la 'khor ba pa rnams la sad pa'i gnas skabs su gzung ba dang 'dzin pa la sogs pa'i dbang gis sems kyis kun du spyod par byed de/bag chags de'i dbang gis rmi lam gyi gnas skabs su yang bya ba de dang 'dra bar byed par 'gyur ro/ /chos de nyid mi mthun pas bsam pa las 'das par gyur pas na smon pa med pa ste/de nyid yul dang yul can las ma gtogs par don thams cad gsal por mdzad pas na ye shes zhes bya ba'o/ /des A li dang kA li dang rmi lam gyi gnas skabs skyes par byed pa'i ngag dag par gyur na zad pa med pa'i gsung ni sngags kyi rang bzhin du gyur te/ longs spyod rdzogs pa'i sku'i rang bzhin du gyur pa zhes bya ba'i don to//lus gang gis dag par 'gyur zhe na/ de bzhin mngon par 'dus ma byas/ /ye shes kyis dag rnyog med pa'i/ /shes rab thabs bdag rnal 'byor te/ /dbyibs sku'i rdzu 'phrul ster mdzad pa'o/ /zhes bya ba la/ mngon par 'dus ma byas zhes bya ba ni/'khor ba pa rnams kyi lus po kun gzhi rnam par shes pa dang / khrag dang khu ba la sogs pas 'dus par byas pa skyes par byas pa ji lta ba de bzhin du rgyu dang byed pa po gang gis kyang mngon par 'dus ma byas zhes bya ba ste/ mtshan yang dag par brjod pa las kyang / nam mkha' las byung rang byung ba//zhes bya bar gsungs pa'i phyir ro/ /de nyid skyes bu chen po'i mtshan sum cu rtsa gnyis la sogs pa dang ldan par gyur pa'i sku gsal bor mdzad pas na ye shes zhes bya ba'o/ /des lus po phal pa dag par gyur pas na rnyog pa med pa'i rang bzhin du 'gyur te/'gyur ba med pa dang nyams pa med pa'i zhes bya ba'i don to/ /de gang yin zhe na/ shes rab dang thabs kyi bdag nyid du gyur pa rnal 'byor zhes bya bar gsungs so/ /de ji lta bu yin zhe na/ dbyibs zhes pa ni/ zhal dang phyag la sogs pa dang ldan pa'o/ /don ci mdzad ce na/ sku'i rdzu 'phrul ster mdzad pa'o//zhes bya ba ni/ gdul bya'i sems can rnams la nam mkha' las byon pa dang / nam mkhar gshegs pa dang / sku las me 'bar ba dang / char 'bab pa la sogs pa bstan par mdzad ces bya ba'o/ /de ltar brjod pa'i rim pas stong pa nyid kyis bzhi pa'i gnas skabs kyi rang bzhin du gyur pa'i ye shes dag pa dang /mtshan med pas shin tu gnyid log pa'i rang bzhin du gyur pa'i sems dag pa dang / smon pa med pas rmi lam gyi rang bzhin du gyur pa'i ngag dag pa dang / mngon par 'dus ma byas pas sad pa'i rang bzhin du gyur pa'i lus dag par gyur na/mchog tu mi 'gyur ba'i rang bzhin du gyur pa'i lhan cig skyes pa'i sku dang / chos kyi rang bzhin du gyur pa'i chos kyi sku dang / sngags kyi bdag nyid du gyur pa'i longs spyod rdzogs pa'i sku dang / dbyibs kyi rang bzhin du gyur pa'i sprul pa'i sku rnal 'byor pas thob par 'gyur gyi gzhan du rnam par rtog pa'i sgom pas ni ma yin no//de ltar rdo rje bzhi dang / sku bzhi'i rnal 'byor bshad nas/ de rnams brda'i skad kyis bshad par mdzad de/ /rdo rje sems dpa' sems dpa' che/ /de bzhin gshegs pas byang chub sems/ /dam tshig sems dpar gang gsungs pa//dngos dang dngos min zad pa'i gtso/ /zhes bya ba la rdo rje sems dpa' zhes bya ba ni ngo bo nyid kyi sku'o/ /byang chub sems dpa' zhes bya ba ni chos kyi sku'o/ /sems dpa' chen po zhes bya ba ni longs spyod rdzogs pa'i sku'o/ /byang chub sems dpa' sems dpa' chen po ni tshig sgyur bar mdzad pa de'i tshig bshad mi bde ba'i phyir ro//dam tshig sems dpa' ni sprul pa'i sku'o/ /de gang la yod pa de ji lta bu yin zhe na/ dngos dang dngos min zad pa'i gtso/ /zhes bya ba'o/ /dngos po zhes bya ba ni dkar po dang ser po dang / bum pa dang ka ba la sogs pa yin la/ dngos po ma yin zhes bya ba ni nam mkha'i me tog la sogs pa ste/yod pa dang med pa 'di dag gang la nyams par 'gyur ba de ni dngos dang dngos min zad pa'o/ /gzhan yang dngos po zhes bya ba ni chags pa yin la/ dngos po min pa zhes bya ba ni chags pa dang bral ba ste/ gang du med par gyur pas na dngos dang dngos min zad pa'i gtso gnyis ka las khyad par du gyur pa ni gtso bo'o//don 'di nyid 'bum phrag lnga pa dgyes pa'i rdo rje las/ 'di lta ste/ lte ba zab pa'i spyod yul gyi/ /lte ba'i dkyil du dpa' bo gnas/ /rang 'od shes rab dang ldan pa/ /rdo rje sems dpa' rab tu brjod//phyag gnyis he ru kar bshad de/ /de nyid 'jig rten gsum 'khrug byed/ /sangs rgyas kun gyi bde chen po/ /de nyid ngo bo nyid du brjod/ /de ni ye shes rdo rje yin/ /de ni lhan cig skyes dga'o/ /rgyu mthun pa yang de nyid brjod/ /rtse gcig rdo rje bshad pa'o/ /de yang bzhi pa zad pa yin//mchog tu mi 'gyur rnam dag pa'o/ /gang zhig byang chub la gnas pa/ /snying ga'i pad+mar yang dag gnas/ /sems dpa' hUM yig nyid brjod de/ /mi bskyod pa ni de nyid do/ /de nyid thugs kyi rdo rjer bshad/ /phyag bzhi pa ni khyab 'jug nyid/ /'bar dang 'bar ba de nyid brjod/ / de nyid chos kyi sku yin no/ /sna tshogs dga' ba'i sku 'chang ba/ /chos kyi 'khor lor dpa' bo gnas/ /shin tu gnyid log zad byed pa/ /rnam par smin pa de nyid brjod/ /ye shes chen po'i ros gang ba'i/ /de ni sems dpa' chen por brjod/ /mgrin pa longs spyod 'khor lo la/ /snang ba mtha' yas zhes brjod de//phyag na pad+ma de bzhin gshegs/ /gsung gi rdo rje de nyid bshad/ /de nyid mchog tu dga' bar bshad/ /skyes bu byed par rab tu bshad/ /kun rdzob dang ni don dam par/ /rmi lam zad pa de nyid do/ /sangs rgyas rnams kyi longs rdzogs sku/ /da nyid chos ni ston par byed/ /zhal gsum pa dang phyag drug pa//bde byed de nyid rab tu brjod/ /ke ni rdo rje de nyid ni/ /gsum pa he ru kar 'gyur ro/ /rtag tu dam tshig la gnas phyir/ /gang gnas de ni brjod par 'gyur/ /dam tshig ri bong 'dzin shu kra/ /dpral bar gnas pa'i bde chen po/ /yi ge oM du yongs su brjod/ /rnam par snang mdzad de nyid de//de ni sku yi rdo rje'o/ /sku rdor 'dzin pa tshangs pa ni/ /de ni yongs su brjod pa'o/ /tshangs pa'i ngo bo dga' ba ste/ /de ni sku yi rdo rjer brjod/ /phyag na 'khor lo de nyid bshad/ /sprul ba'i sku yi mtshan nyid do/ /dri med de ni don dam par/ /sangs par zad pa de nyid do/ /zhabs bzhi pa dang dpa' bo ste//phyag bcu drug gis mdzes par 'gyur/ /de wa pi tsu rdo rje yin/ /zhal brgyad he ru kar brjod do/ /de ltar sku yi rab dbye bas/ /bzhi pa he ru kar bshad do/ /zhes bya bar bcom ldan 'das kyis bka' stsal ba/ don de nyid byang chub sems dpa' 'jig rten mgon pos mdor bsdus pa tshigs bcad 'di rnams kyis gsungs so//de dag la sogs pa ni rgyu gang las byung zhe na/ thog ma tha ma med zhi ba/ /byang chub kyi sems de la 'dud/ /ces bya ba la de las gzhan sngon du gyur pa med pas na/ thog ma med pa zhes bya'o/ /mthar thug pa med pas na tha ma med pa ste/ /de ci'i phyir zhe na/gal te rtag pa'i ngo bos dri ma dang bral ba yin pas de lta na ni 'khor ba par mi 'gyur te/ de bas dus thams cad du ma dag pa'i rang bzhin du gyur pa de lta na ni/ mya ngan las 'das pa mi srid do/ /de bas na thog ma med pa dang tha ma med pa zhes bya'o/ /'o na ji lta bu yin zhe na/ zhi ba zhes bya ba ni 'khor ba'i bag chags las 'das pa dang /glo bur gyi dri mas ma gos pas na zhi ba zhes bya ba ste/ snga ma dang 'dra zhes bya ba'i don to/ /gang yin zhe na/ byang chub sems zhes bya ba la/ bla na med pa'i byang chub tu gyur pa'i sems ni mi 'pho ba'i rang bzhin du gyur pa'i sems yin gyi/'pho ba'i rang bzhin du gyur pa ni ma yin no/ /de bas na gang gi drin gyis sku bzhi dang 'bras bu bzhi la sogs pa thob par 'gyur ba'i byang chub kyi sems de la 'dud ces bya ba ni/ dus thams cad du de nyid la 'dud ces bya ba'i phyag 'tshal ba'i 'brel pa'o/ /de bas na rgyu de'i phyir bla na med pa'i byang chub kyi rgyu byang chub kyi sems ni thig le yin gyi/dri chen dang dri chu la sogs pa ni ma yin no/ /de bas na dus thams cad du/ sbyor ba'i yan lag drug gis phyag rgya chen po'i dngos grub 'dod pa'i rnal 'byor pas byang chub kyi sems bsgom par bya'o zhes bya ba ni bcom ldan 'das kyis nges pa'o// //de ltar sku bzhi bshad par mdzad nas/ de nyid dbye ba bcu drug gis rang bzhin du gyur pa'i byang chub kyi sems yin gyi/ sprul pa'i sku dang gsung dang thugs/ /ye shes rnal 'byor sdom pa gcig /ces bya ba la/ lus kyi dga' ba dang ngag gi dga' ba dang sems kyi dga' ba dang /ye shes kyi dga' ba 'gags nas/ sprul pa'i sku dang / sprul ba'i gsung dang / sprul ba'i thugs dang / sprul ba'i ye shes thob par 'gyur ro/ /ro mnyam pa nyid kyi rang bzhin du 'gyur pas na/ rnal 'byor te/ mchog tu mi 'gyur ba'i bde ba las skyes par gyur pas na sdom pa gcig pa yin te/ sprul pa gcig pu'i dbye ba zhes bya ba'i don to/ /gzhan yang / longs spyod sku dang gsung dang thugs/ /ye shes rnal 'byor sdom pa gcig /ces bya ba ni lus kyi mchog dga' dang / ngag gi mchog dga' dang /sems kyi mchog dga' dang / ye shes kyi mchog dga' 'gags na/ longs spyod rdzogs pa'i sku dang / longs spyod rdzogs pa'i gsung dang / longs spyod rdzogs pa'i thugs dang / longs spyod rdzogs pa'i ye shes thob par 'gyur ro/ /ye shes rnal 'byor sdom pa gcig /ces bya ba ni/ sngon bzhin shes par bya'o/ /dpal ldan chos sku gsung dang thugs/ /ye shes rnal 'byor sdom pa gcig /ces bya ba ni lus kyi dga' bral dang / ngag gi dga' bral dang / sems kyi dga' bral dang / ye shes kyi dga' bral gyi thig le 'gags na/chos kyi sku dang / chos kyi gsung dang / chos kyi thugs dang / chos kyi ye shes thob par 'gyur ba'o/ /de bzhin du/ lhan cig skyes sku gsung dang thugs/ /ye shes rnal 'byor sdom pa gcig /ces bya ba ni lus kyi lhan cig skyes dga' dang / ngag gi lhan cig skyes dga' dang /sems kyi lhan cig skyes dga' dang / ye shes kyi lhan cig skyes dga' thig le 'gags na/ lhan cig skyes pa'i sku dang / lhan cig skyes pa'i gsung dang / lhan cig skyes pa'i thugs dang / lhan cig skyes pa'i ye shes thob par 'gyur ba'o/ /de ltar 'pho bar gyur pa'i dga' ba bcu drug 'gags na/rnam pa bcu drug gi rang bzhin du gyur pa'i de kho na nyid rnal 'byor pas thob par 'gyur gyi/ 'pho bar mi 'gyur ba'i bar du ni ma yin no/ /'di rnams kyi gtso bo lhan cig skyes pa yin la/ de nyid ji lta bu yin zhe na/ rmi lam shin tu gnyid log sad/ /dbang po gnyis skyes de bzhin min//zhes bya ba la gzung ba dang 'dzin pa'i rang bzhin du gyur pa sad pa'i gnas skabs dang / yod pa dang med pa'i dngos po las ma gtogs par/ sems kyi bag chags kyi rang bzhin du gyur pa'i rmi lam gyi gnas skabs dang / gzung ba dang 'dzin pa'i gnas skabs las 'das par gyur pa dang /brgyal ba nyid du gyur pa shin tu gnyid log pa'i gnas skabs dang / pho rtags dang mo rtags kyi sbyor ba las thig le 'pho ba'i rang bzhin du gyur pa'i bzhi pa'i gnas skabs ni lhan cig skyes par mi 'gyur te/ de ci'i phyir zhe na/ 'di dag la sogs pa ni 'gyur ba'i rang bzhin du gyur pa dang /'khor ba'i bag chags kyi rang bzhin du gyur pa ste/ lhan cig skyes pa'i dga' ba ni 'khor ba'i bag chags las 'das pa dang / mchog tu mi 'gyur ba'i rang bzhin du gyur pa'o/ /de bas na gnas skabs bzhi las 'das par gyur pa gang yin pa de don dam par lhan cig skyes pa bla na med pa byang chub kyi rgyur gyur pa zhes bya bar brjod de/rten cing 'brel pa las skyes par gyur pa gang yin pa de gdon mi za bar 'khor bar 'khyam pa'i rang bzhin du gyur pa zhes bya ba'o/ /de ltar rgyu dang bral ba nyid bshad par mdzad nas/ gnas dang bral ba bshad par mdzad de/ye shes sems dang ngag dang lus/ /gnas bzhir yang dag mi gnas so/ /zhes bya ba la 'pho ba'i rang bzhin du gyur pa'i bde ba shes par byed pas na ye shes zhes bya'o/ /blang bya dang dor bya'i ngo bor gyur pa dang / 'khor ba'i bag chags la sogs par byed pas na sems zhes bya'o//bum pa dang ka ba rjod par byed pas na ngag ces bya'o/ /lus zhes bya ba ni sha dang rus pa dang / pags pa dang spu la sogs pa bsags pas na lus so/ /'di dag la sogs pa rnams la don dam pa'i rang rig pa'i ye shes mi gnas pa'i ye shes zhes bya ba'o/ / de la don 'di yin te/ 'khor ba pa rnams kyis lus dang ngag dang sems dang ye shes la rten dang brten pa'i tshul gyis gnas par byed pa yin gyi/ bskyed bya skyed byed kyi tshul gyis ni ma yin te/ de ci'i phyir zhe na/ lus mi rtag par gyur na yang rang rig pa'i ye shes mi rtag par mi 'gyur pa'i phyir ro//de bzhin du/ dpal dgyes pa'i rdo rje'i rgyud las/ ye shes chen po lus la gnas/ /rtog pa thams cad yang dag spangs/ /dngos po kun la khyab pa po/ /lus gnas lus las ma skyes pa'o/ /zhes bya bar bcom ldan 'das kyis gsungs pa'o/ /de ltar mi rtag pa'i gnas dgag par mdzad nas/lhan cig skyes pa'i bde ba skye ba'i gnas brjod par mdzad de/ las kyi phyag rgya yongs dor zhing / /ye shes phyag rgya rnam par spangs/ /phyag rgya che las yang dag skyes/ /gzhan dang 'grogs min lhan cig skyes/ /zhes bya ba ni dag pa'i las dang mi dge ba'i las la gang gis rgyas btab ste/skra dang nu ma 'dzin pa la sogs pa dang ldan par gyur pa/ las kyi phyag rgya zhes su brjod do/ /rang gi sems kyis yongs su brtags par gyur pa dang / zag pa'i bde ba shes par byed pas na/ ye shes kyi phyag rgya yin la yi dam gyi lha la sogs pa'i sku gzugs zhes bya ba'i don to//de las skyes bar gyur pa gang yin pa de lhan cig skyes pa ma yin te/ de ci'i phyir zhe na/ rten cing 'brel ba las skyes pa dang / mi rtag par gyur pa dang / 'khor ba'i bag chags las 'das par ma gyur pa dang / bla na med pa'i byang chub mi ster ba'i phyir ro//'o na de gang las skye zhe na/ phyag rgya che las yang dag skyes/ /zhes bya ba la/ phyag rgya che zhes bya ba ni/ 'das pa dang / ma byon pa dang / da ltar byung ba'i de bzhin gshegs pa thams cad skyes par mdzad pa shes rab kyi pha rol tu phyin pa yin la rab tu mi gnas pa'i mya ngan las 'das pa'am/mi 'pho ba'i bde ba la rgyas btab pas na phyag rgya ste/ las kyi phyag rgya dang ye shes kyi phyag rgya las khyad par du gyur pa dang / 'khor ba'i bag chags dang bral bar gyur pas na/ chen mo zhes bya ba'o/ /de gang las skyes pa de don dam par lhan cig skyes pa'i bde ba yin gyi/ rtog pa las gang skyes bde ba lhan cig skyes ba ni ma yin no//de nyid kyi tshig gis bshad par mdzad de/ rnam rtog bsgom pa dag las 'das/ /phyag rgya chen po'i mi 'gyur bde/ /zhes bya ba ni las kyi phyag rgya bde bar 'gyur ba'i rang bzhin dang / ye shes kyi phyag rgya bde ba'i rang bzhin ni/ 'dzag pa'i rang bzhin du 'gyur ba ste/phyag rgya chen po'i bde ba ni mi 'gyur ba'i rang bzhin du gyur pa ste/ ci'i phyir zhe na/ rtog pa las ma skyes pa'i phyir ro/ /de bas na rnam par mi rtog pa bsgom pa'i bla na med pa'i byang chub kyi rgyu yin gyi rnam par rtog pa'i rang bzhin du gyur pa ni ma yin no/ /de bzhin du/ gang du sgom pa po med dang / /bsgom pa gang zhig kyang med de/ /bsgom par bya ba med pa ni/ /de nyid bsgom par de brjod do/ /zhes bya ba gsungs so/ /don dam par lhan cig skyes pa'i sku'i bde ba de ji lta bu yin zhe na/ brjod par mdzad de/ gzung dang 'dzin pa'i dbyibs dag dang / rtogs dang brjod dang rnam spangs nyid/ /ces bya ba ni mig gi rnam par shes pas/ yul gzugs 'dzin pa ji lta ba de bzhin du/ gzung ba dang 'dzin pa'i tshul gyis mi 'dzin te yul dang yul can gyi 'brel ba las 'das pa'i phyir ro/ /de bzhin du gru bzhi dang gru gsum la sogs pa dang / yod pa dang med pa'i rtog pa dang / A li dang kA li la sogs pa las 'das par 'gyur ba'o/ /de ltar rang rig pa'i ye shes la mi rtog pa'i rang bzhin nyid bstan par mdzad nas/ dpe bstan par mdzad de/ dri za'i grong khyer rnam pa dang / /pra ti se na'i rang bzhin pa/ /zhes bya ba ni/ dri za'i grong khyer dngos po med pa'i rang bzhin du gyur na yang /dbang po'i spyod yul du gyur pa ji lta ba bzhin du rang rig pa'i ye shes sems kyis nyams su myong bar 'gyur na yang dngos po thams cad las 'das par 'gyur ba'o/ /gzhan yang me long la sogs pa'i nang du gzhon nu mas yul las ma gtogs par ma mthong ba'i dngos po mthong ba ji lta ba de bzhin du/lhan cig skyes pa'i bde ba'i rten du gyur pa sna tshogs gzugs ni rnal 'byor pas ma brtags kyang mthong bar gyur pa'o/ /de ltar dpe bstan nas/ gnyis su med pa'i rang bzhin bstan par mdzad de/ rnal 'byor thabs dang shes rab bdag /ces bya ba ni/ nyon mongs pa las ma gtogs par phyag rgya chen po'i dngos grub ster bar byed pas na thabs zhes bya'o/ /sangs rgyas kyi yon tan thams cad shes par byed pas na shes rab ces bya'o/ /gzhan yang thabs zhes bya ba ni gzhan gyi don phun sum tshogs pa ste/shes rab ces bya ba ni rang gi don phun sum tshogs pa'o/ /gzhan yang thabs zhes bya ba ni chags pa yin la/ shes rab ces bya ba ni chags pa dang bral ba'o/ /de dag gang du sbyar bar gyur pa de thabs dang shes rab kyi bdag nyid rnal 'byor te/ mi 'pho ba'i rang bzhin du gyur pa'i lhan cig skyes pa'i bde ba zhes bya ba'i don to//de ltar gnyis su med pa'i rang bzhin bshad par mdzad nas/ sgra'i tshul gyis de'i dbyibs bshad par mdzad de/ e waM yi ge zhes bya ba la/ yi ge e zhes bya ba ni/ nges pa'i don gyis rnam pa thams cad dang ldan pa'i stong pa nyid yin te/waM zhes bya ba ni rang gi rig pa'i bde ba dmigs pa med pa'i snying rje'o/ /de dag gi rang bzhin du gyur pa gang yin pa de la 'dud ces bya'o/ /gzhan yang rgyud kyi rgyal po 'di'i bshad pa ji lta bu yin zhe na/ ji ltar phyi rol de bzhin nang / /ji ltar nang du de bzhin gzhan//zhes bya bar gsungs pa'i phyir 'jig rten gyi khams dang / lus po dang dkyil 'khor la mthun par gyur pa'i bshad pa gsungs so/ /de bas na yi ge waM zhes bya ba ni a dang tsheg drag dang gzhan a dang thig le yin la/ nam mkha' dang nyi ma dang sgra gcan zla ba ste/ phyi rol du bstan to//de'i nang du pad+ma dang rdul dang rnam par shes pa dang sa bon du brjod do/ /dkyil 'khor gyi gnas skabs su sna tshogs pad+ma dang / A li dang kA li dang yi ge hUM zhes gsungs so/ /de ltar lus dang ngag dang sems dang ye shes kyi rang bzhin du gyur pa'i lhan cig skyes pa'i bde ba ni/phyi dang nang dang dkyil 'khor du rnal 'byor pas shes par bya'o/ /de'i rten ni nam mkha'i khams kyi rang bzhin du gyur pa'i yi ge a yin la/ yi ge i dang lhan cig tu sbyar na/ yi ge e zhes bya bar brjod do/ /de la don ci yin zhe na/ yi ge e ni stong pa nyid kyi gzugs kyi rten yin la/yi ge waM ni mchog tu mi 'gyur ba'i bde ba rten pa'o/ /de bzhin du rtsa ba'i rgyud las/ yi ge e dbus yi ge waM/ /sangs rgyas kun gyi bde ba'i gnas/ /sku gsung thugs kyi sbyor ba 'di/ /nam mkha'i khams su rdo rje sems/ /zla ba sa bon thig le lus/ /nyi ma rdul dang tsheg drag dang //sems kyi rnam pa mun can brjod/ /e yin nam mkha'i khams la gnas/ /sku gsung thugs dang sbyor ba yis/ /sku gsung thugs kyi dkyil 'khor ro/ /lus ngag sems dang chags pa yis/ /srid gsum bdag nyid la gnas pa/ /zhes bya bar bcom ldan 'das kyis gsungs so/ /de ltar rten dang brten pa'i rang bzhin du gyur pa'i yi ge e waM la phyag 'tshal bar mdzad nas/de dag gi rten du gyur pa'i phyag rgya chen mo la phyag 'tshal bar mdzad de/ phra rab rdul gyi chos nyid 'das/ /pra ti se na'i rang bzhin pa/ /rnam pa kun gyi mchog dang ldan/ /phyag rgya chen mo de la 'dud/ / ces bya ba la/ rdul phra rab ces bya ba ni/ sra ba dang gsher ba dang dro ba dang / g.yo ba'i rang bzhin du gyur pa'i sa dang chu dang me dang rlung gi rdul phra rab ba ste/ de rnams kyi mtshan nyid dang bral bas na rdul phra rab kyi chos nyid las 'das pa zhes bya'o/ /rdul phra rab las 'das par gyur pa gang yin pa de/nam mkha'i me tog dang 'dra bar gtan med pa ma yin nam zhe na/ pra ti se na'i rang bzhin ma/ /zhes bya ba ni/ yod pa dang med pa'i rang bzhin las 'das par gyur pa'i pra ti se na'am gzugs brnyan snang bar gyur pa ji lta ba de bzhin du/ sa chu me rlung la sogs pa'i rang bzhin dang bral bar gyur na yang rnal 'byor pa rnams la spyod yul du gyur pa'o//de 'khor ba'i rang bzhin du gyur pa ma yin nam zhe na/ rnam pa kun gyi mchog dang ldan/ /zhes bya ba la rnam pa zhes bya ba ni mig la sogs pa ste/ mig la sogs pa las khyad par du gyur pas na mchog ces bya'o//lha'i mig la sogs pa mngon par shes pa drug dang gnas dang gnas ma yin pa mkhyen pa'i stobs bcu dang / sangs rgyas kyi chos ma 'dres pa bco brgyad dang / mi 'jigs pa la sogs pa'i khyad par du gyur pa'i yon tan thams cad gang la yod pa de/rnam pa kun gyi mchog dang ldan/ /zhes bya ba'o/ /de bzhin du/ kun nas lag dang rkang la sogs/ /kun nas spyi bo mig dang gdong / /'jig rten kun nas thos pa can/ /kun nas khyab par bzhugs pa'o/ /zhes bya bar gsungs so/ /yon tan de dang ldan pa gang yin zhe na/ phyag rgya chen po de la 'dud//ces bya bar gsungs so/ /de ltar dbyibs dang kha dog la sogs pa dang bral ba dang / stong pa nyid kyi rang bzhin du gyur pa phyag rgya chen po la phyag 'tshal bar mdzad nas/ spyi'i don gyis sna tshogs yum la phyag 'tshal bar mdzad de/ sangs rgyas kun gyi skyed mdzad ma/ / skye dang 'jig pa rnam spangs nyid/ /kun du bzang po'i spyod pa ste/ /sna tshogs yum ni de la 'dud/ /ces bya ba la/ sangs rgyas kun zhes bya ba ni/ /mi bskyod pa la sogs pa'o/ /nges pa'i don du ni sgrib pa dang bral bar gyur pa'i gzugs kyi phung po la sogs pa ste/ de rnams gang gis skyed par mdzad pa de/sangs rgyas kun gyi skyed mdzad ma/ /zhes bya ba'o/ /de nyid ji lta bu yin zhe na/ skye dang 'jig pa rnam spangs nyid/ /ces bya ba ni 'khor ba pa rnams la skye ba dang 'jig pa yod pa ji lta ba de bzhin du gang la med pas na/ de/ skye dang 'jig pa rnam spangs nyid/ /ces bya ba ste/ nam mkha' dang mnyam pa nyid du gyur pa zhes bya ba'i don to//de la sus 'khyud ce na/ kun du bzang po'i spyod pa ste/ zhes bya ba la/ kun du bzang po zhes bya ba ni/ bcom ldan 'das rdo rje sems dpa' ste/ bag chags dang ldan pa'i nyon mongs pa thams cad spangs pa'i phyir ro/ /des nyams su myong bas na kun du bzang po'i spyod pa zhes bya'o//de gang yin zhe na/ sna tshogs yum shes bya ba ni rgyu ba dang mi rgyu ba'i dngos po rnams te/ de rnams kyi rang bzhin gsal bar mdzad pas na/ sna tshogs yum zhes bya ba yin la de la phyag 'tshal lo/ /de ltar bcom ldan 'das ma sna tshogs yum la phyag 'tshal bar mdzad nas/de'i gtso bor gyur pa bcom ldan 'das dus kyi 'khor lo la/ rdzogs pa'i rim pa'i sgo nas phyag 'tshal bar mdzad de/ A li kA li snyoms 'jug dang / /hUM phaT yi ge sogs spangs nyid/ /mi 'gyur ba las skyes pa'i sku/ /dus kyi 'khor lo de la 'dud//ces bya ba la/ A li zhes bya ba ni yi ge a la sogs pa'i dbyangs kyi tshogs so/ /kA li zhes bya ba ni ka la sogs pa'i gsal byed rnams te/ 'di dag yongs su gyur pa las zla ba dang nyi ma'i dkyil 'khor te/ de dag gi dbus su yi ge hUM yongs su gyur pa las rdo rje rtse lnga pa'o/ / de yongs su gyur pa las bcom ldan 'das dus kyi 'khor lo dbyibs dang kha dog la sogs pa dang ldan par gyur pa/ 'jig rten gyi dngos grub bsgrub pa'i don du rnam par rtog pa'i sgom pa la gnas pa'i rnal 'byor pa rnams kyis sgom par byed pa ji lta ba bzhin du/ phyag rgya chen po'i dngos grub bsgrub pa'i phyir/mchog tu mi 'gyur ba'i rang bzhin du gyur pa bcom ldan 'das dus kyi 'khor lo la de dag la sogs pa skyed par byed pa'i rgyu mi dgos te/ de ci'i phyir zhe na/ rnam par rtog pa'i dra bar gyur pa'i phyir dang / mngon par zhen pa'i phyir dang / mi rtag pa'i phyir ro/ / de gang la mi dgos she na/ mi 'gyur ba las skyes pa'i sku/ /zhes bya ba ni/ gang la 'gyur ba med pa dang / nyams pa med pa de mi 'gyur ba yin la nam mkha' dang 'dra bar gyur pa'i stong pa nyid ces bya'o/ /de las gang gi sku zhes bya ba ni rang rig pa'i dngos po'i mtshan nyid du gyur pa'i 'khrungs pa de mi 'gyur ba las skyes pa'i sku zhes bya ba'o//de bas na/ nam mkha' las byung rang byung ba/ /zhes bcom ldan 'das dus kyi 'khor lo la phyag 'tshal bar mdzad ces bya ba'o/ /de ltar brjod pa'i rim pas mchog gi dang po'i sangs rgyas bcom ldan 'das dus kyi 'khor lo gang yin pa de nyid rtsa ba'i rgyud kyi rang bzhin bstan par mdzad de/kun mkhyen ye shes sku zhes pa/ /gtso bo bdud las rgyal ba'i sku/ /pad+ma 'dab ma rgyas spyan te/ /bcu drug dbye bas de nyid do/ /sangs rgyas sku bzhi'i bdag nyid de/ /rdo rje seng ge'i khri la bzhugs/ /lha dang lha min gyis bstod sngon//zla bzang gis btud gsol ba btab/ /ces bya ba ni sngon du bshad zin to/ /de ltar rtsa ba'i rgyud kyi tshigs su bcad pa'i don dang mthun par mdzad nas/ sku bzhi dang rdo rje bzhi'i rnal 'byor bshad par mdzad de/ dag pa ye shes gcig pa'i rnal 'byor rgyal ba mchog gi dam tshig thugs chos rnal 'byor gcig /gsung dang longs spyod rnal 'byor gcig yin srid gsum gyis mchod sku sprul rnal 'byor ro/ /shes dang shes bya gnyis med 'di ni srid med srid gshegs rdor sems rnam bzhi dang / /thabs dang shes rab bdag nyid lha mi lha min gyis bstod rdo rje rnal 'byor de la 'dud//ces bya ba la/ dag pa zhes bya ba ni lhan cig skyes pa'i sku'o/ /ye shes zhes bya ba ni ye shes rdo rje yin la/ de dang ro mnyam pa nyid kyi rang bzhin du gyur pas na rnal 'byor te/ gnyi ga'i mchog tu mi 'gyur ba'i bde ba'i rang bzhin du gyur pa'i phyir ro//de gang yin zhe na/ rgyal ba mchog gi dam tshig ces bya ba ni phung po la sogs pa mchog tu mi 'gyur ba'i bde bas 'dus par byed pa'i gcig pa nyid du byed pas na dam tshig go/ /de bas na lhan cig skyes pa'i sku dang / ye shes rdo rje'i rnal 'byor ni rdo rje sems dpa' la yin gyi/sems can rnams la ni ma yin no/ /de rgyu gang gi phyir zhe na/ sems can rnams la bzhi pa'i gnas skabs dang lus po yang dag par sbyor ba'i phyir ro/ /de bzhin du dpal dgyes pa rdo rje'i rgyud las/ ji ltar me tog gnas pa'i dri/ /me tog med pas thob mi 'gyur/ /de bzhin lus gnas ye shes ni//lus po med pas mi thob bo/ /zhes bya ba ni/ kun rdzob tu bcom ldan 'das kyis gsungs so/ /de bzhin du thugs kyi rdo rje dang chos kyi sku gcig yin te/ rtog pa las 'das par gyur pa'i phyir dang / chos nyid kyi rang bzhin du gyur pa'i phyir ro/ /gsung gi rdo rje dang longs spyod rdzogs pa'i sku gcig yin te/chos ston par mdzad pa'i phyir ro/ /rdzu 'phrul bstan par mdzad pa'i phyir ro/ /sku'i rdo rje dang sprul pa'i sku'i rnal 'byor pa gcig ces bya ba'o/ /de la don 'di yin te lhan cig skyes pa'i sku'i gnas skabs su gtso bo nyid kyi ye shes rdo rje gnas pa ste/ btags pa'i ngo bos thugs kyi rdo rje la sogs pa gnas pa'o//de bzhin du chos kyi sku dang longs spyod rdzogs pa dang / sprul pa'i gnas skabs su thugs dang / gsung dang sku'i rdo rje gtso bo yin la/ ye shes la sogs pa ni btags pa'i ngo bor gyur pa'o/ /de ltar brjod pa'i rim pas bcom ldan 'das rdo rje sems dpa' gcig yin na yang /sku bzhi dang rdo rje bzhi dbye bas rnam pa bzhir 'gyur ro/ /rnam pa bzhi'i rang bzhin du gyur pa'i rdo rje rnal 'byor la phyag 'tshal lo zhes bya ba'o/ /de ltar bsgrub bya la phyag 'tshal bar mdzad nas/ de bzhin gshegs pa rnams kyis thugs su gyur pa'i yang dag pa'i ye shes la phyag 'tshal bar mdzad de/zhabs gcig rdo rje nor bu rdul dang nyi ma dang / /gtsug tor khu ba'i ri bong dag la gnyis pa'o/ /rtag tu mi chod dbyer med 'dod pa dgod pa ste/ /srid gsum gyis mchod gtso bo la ni spyi bos 'dud/ /ces bya ba ni phung po dang khams la sogs pa 'dzin par mdzad pa dang / 'tsho bar mdzad pas na gtso bo zhes bya'o/ /de lta bu yin zhe na/ zhabs gcig rdo rje nor bu rdul dang nyi ma dang / /zhes bya ba ni/ gang gi zhabs gcig ni phyi rol du nyi ma'i dkyil 'khor gyi steng du dgod pa dang / nang du rdo rje nor bu'i rdul gyi steng du'o/ /gzhan yang phyi rol du zla ba'i dkyil 'khor dang / nang du gtsug tor gyi khu ba la gnyis pa'o/ /ji ltar dgod ce na/ rtag tu zhes bya ba ni/ sems can rnams la mi rtag pa'i ngo bos gnas par gyur pa ji lta ba de bzhin du ma yin no/ /rgyun mi 'chad pa'i ngo bos gnas pa ni mi chod pa zhes bya ba'o/ /rtog pa rnams kyis 'joms mi nus pas na dbyer med pa zhes bya ba'o//bla na med pa'i byang chub kyi rang bzhin du gyur pas na 'dod pa zhes bya ba'o/ /de ltar don dam pa'i bden pas rang rig pa'i ye shes la phyag 'tshal bar mdzad nas/ bskyed pa'i rim pa'i sgo nas dbyibs dang / kha dog la sogs pa dang ldan par gyur pa'i bcom ldan 'das dus kyi 'khor lo la phyag 'tshal bar mdzad de/rlung me chu dang sa yi dkyil 'khor lhun po pad+ma dang / /zla ba nyi ma'i gzi brjid steng du bdud dbang ste/ /srid pa'i yum gyi zhabs dang bcas pa zhabs dgod pa/ /gtso bo lha dbang gis btud spyi bos phyag 'tshal lo/ / zhes bya ba ni go sla'o/ /de ltar bskyed pa'i rim pa dang rdzogs pa'i rim pa'i sgo nas 'jig rten gyi dngos grub dang / 'jig rten las 'das pa'i dngos grub ster bar mdzad pa'i thugs dam gyi lha la/ byang chub sems dpa' 'jig rten mgon pos phyag 'tshal bar mdzad nas/ nga rgyal spong ba bshad par mdzad de/de ltar rdo rje rnal 'byor gang la bde gshegs dpag tu med pas brten cing bstan pa dang / /byang chub sems dpa' rdo rje mchog 'dzin gsang sngags rig pa ma lus pa yis sdud/ /mchog tu mi 'gyur bde ba'i rnal 'byor dus 'khor de ni bdag rmongs brjod par 'dod//mkha' la myur 'gro mkha' 'gro'i bdag po 'gro bya gzhan mi 'gro ba'am/ /zhes bya ba ni/ de ltar brjod pa'i rim pas sku bzhi la sogs pa'i rang bzhin du gyur pa rdo rje rnal 'byor gang de bzhin gshegs pa rnams kyis mngon sum du mdzad pa dang / skal ba dang ldan pa'i sems can rnams la phyag rgya chen po'i dngos grub kyi don du bstan par mdzad do/ /byang chub sems dpa' rnams kyis kyang sdud pa po nyid kyis bsdus par mdzad de/ byang chub sems dpa' rnams kyang ji lta bu yin zhe na/ rdo rje mchog 'dzin gsang sngags rig pa ma lus pa/zhes bya ba la/ rdo rje mchog ces bya ba ni/ ye shes rdo rje byang chub kyi sems yin la/ de gang rnams kyis 'dzin pa 'pho bar mdzad pa ste/ rdo rje mchog 'dzin pa zhes bya ba'o/ /yid skyob par byed pa'i phyir sngags zhes bya ba ni/ gnyis su med pa'i rdo rje ye shes te/ de rnams kyis rig pa nyams su myong ba de sngags ni rig pa yin la/de lta bur gyur pa'i byang chub sems dpa' thams cad kyis rdo rje rnal 'byor de sdud par mdzad de/ gcig dang gnyis kyis ni ma yin no/ /de ji lta bu yin zhe na/ mchog tu mi 'gyur bde ba'i rnal 'byor zhes bya ba ni/goms par byed pas na rnal 'byor zhes bya ste/ lhan cig skyes pa'i sku'o/ /rgyud gang las gsungs she na/ dus kyi 'khor lo las zhes bya ba ni/ thabs dang shes rab kyi rang bzhin du gyur pa'i gnyis su med pa'i rgyud kyi rgyal po dpal dus kyi 'khor lo las te de bzhin gshegs pas bka' stsal pa yin gyi/ rgyud gzhan rnams las ma yin no//de la dpal dus kyi 'khor lo las gsungs pa'i rdo rje rnal 'byor gang yin pa de/ bdag rmongs pas brjod par 'dod do/ /'on kyang de la skyon med de/ dper na nam mkha' la mkha' lding myur bar 'gro ba de bzhin du/ bya gzhan mi 'gro ba yin gyi rnam pa thams cad du mi 'gro ba ni ma yin te/de bzhin gshegs pas bka' stsal ba ji lta ba de bzhin du/ bdag gis brjod par mi nus te/ 'on kyang rang gi blo dang mthun par bshad par bya/ /zhes bya ba ni skyon med do/ /rgyud kyi rgyal po la zab pa dang rgya che ba bshad par mdzad de/ ma lus srid pa bdag lus gang du gsal bar ni//zhes bya ba la/ gang du zhes bya ba ni bcom ldan 'das dus kyi 'khor lo ste/ ma lus srid pa zhes bya ba ni 'dod pa dang / gzugs dang gzugs med pa'i phyi rol du ji lta bar bka' stsal ba de bzhin du/ rang gi lus po la brjod do/ /gang gis brjod ce na/ A li thig le 'dzin pa'i rgyal ba'i dbang pos zhes bya ba la/A li thig le zhes bya ba ni/ byang chub sems kyi thig le rnams te/ de gang gis 'dzin pa de U li'i thig le 'dzin pa rgyal ba'i dbang po zhes bya ba ni/ rdo rje sems dpa' yin la des bka' stsal to/ /de bas na rgyud kyi rgyal po 'di chu gter zhes bya ba ni/rgya mtsho zab pa dang rgyas par gyur pa dang rin po che la sogs pa dang / gdug pa'i srog chags rnams kyi gnas su gyur pa ji lta ba de bzhin du dpal dus kyi 'khor lo'i rgyud kyi rgyal po don dang gzhung gis zab pa dang rgya che ba dang / sangs rgyas kyi yon tan rin po che rnams dam tshig nyams pa'i sems can rnams la sdug bsngal gyi gnas su gyur pas na rgya mtsho dang 'dra ba'o//de bas na rgya mtsho de las bdag gis sgrol bar 'dod de/ de la gal te pha rol tu phyin par gyur na bcom ldan 'das shAkya thub pas byin gyis brlabs pa'i mthu yin gyi/ bdag gi yon tan gyi stobs kyis ni ma yin no//de ltar rgyud kyi yon tan bstan par mdzad nas/ rtsa ba'i rgyud dang bsdus pa'i rgyud kyi yon tan bstan par mdzad de/ gsang bdag la ni dang po'i mchog gi sangs rgyas bshad/ /stobs bcu pa yis sngon du lung bstan bsdus rgyud gang / /zhes bya ba la/ gsang ba zhes bya ba ni 'jig rten gyi tha snyad kyis gnod sbyin rnams te/ de rnams kyi gtso bor gyur pas na gsang ba'i bdag po zhes bya'o/ /nges pa'i don du gsang ba zhes bya ba ni/ sems kyi nang du mthong ba'i ngo bos gnas par gyur pa nyon mongs pa la sogs pa rnams te/ de rnams gang gis zad par mdzad pa de ni gsang ba pa'i bdag po zhes bya ba'o//gsang ba pa'i bdag po byang chub sems dpa' phyag na rdo rje la stobs bcu dang ldan pa'i bcom ldan 'das shAkya thub pas sngon du rtsa ba'i rgyud mchog gi dang po'i sangs rgyas dang / rgyud de nyid la TI ka mdzad pa'i phyir lung bstan cing /bsdus pa'i rgyud mdzad pa'i phyir 'jam dpal la lung bstan to/ /bcom ldan 'das 'jam dpal gyis kyang yul shaM b+ha la'i ka lA pa'i grong khyer du bsdus pa'i rgyud ni de bzhin gshegs pas lung bstan pa'i stobs kyis gsungs so/ /gang la gsungs she na/ thub pa rnams la zhes bya ba la/tshangs pa'i drang srong nyi ma'i shing rta la sogs pa bram ze bye ba phrag phyed dang bzhi la bka' stsal to/ /da ni rtsa ba'i rgyud kyi 'grel yon tan dang / gzhung gi tshad bshad par mdzad de/ theg pa thams cad don bsdus pa/ /'grel bshad zla ba bzang pos bris/ /gang zhig stong phrag drug cur 'gyur//zhes bya ba ni/ 'dis sgrol bar byed pas na theg pa ste/ nyan thos la sogs pa'i theg pa'o/ /de rnams kyi don zhes bya ba ni/ bye brag tu smra ba la sogs pa ste/ de gang gis sdud par byed pa gsal bar byed pa theg pa thams cad don bsdus pa zhes bya ba ni 'grel pa'i yon tan brjod do//de gang gis mdzad ce na/ zla ba bzang pos bris zhes bya ba ni/ phyag na rdo rje'i sprul pa'i sku zla ba bzang pos mdzad ces bya ba'o/ /gzhung gi tshad ni ci tsam yin zhe na/ gang gis stong phrag drug cur 'gyur/ /zhes bya ba ni/ yi ge sum cu rtsa gnyis kyi rang bzhin du gyur pa'i rjes su bsngags pa'i tshigs su bcad pa stong phrag drug cu pa'o//de ltar rtsa ba'i rgyud kyi 'grel ba'i mtshan nyid bstan nas/ bsdus pa'i rgyud kyi 'grel bshad kyi mtshan nyid ston par mdzad de/ de ni pad dkar bdag gis su/ /rtsa ba'i rgyud kyi rjes 'brangs pa'i/ /bsdus pa'i rgyud la bri bar bya//gzhung ni stong phrag bcu gnyis te/ /rdo rje dang bcas tshig 'byed pa'o/ /zhes bya ba ni rtsa ba'i rgyud la phyag na rdo rjes 'grel pa mdzad pa ji lta ba de bzhin du rtsa ba'i rgyud kyi don dang mthun par gyur pa gzhung gi tshad stong phrag bcu gnyis pa rdo rje'i tshig gsal bar byed pa/ bdag 'jig rten mgon po'i sprul par gyur pa/pad+ma dkar pos bri bar bya zhes pa'o/ /de lta bur gyur pa'i 'grel pa gang yin pa de la gang nyan du rung zhe na/ rgyud 'di thos sam rgyal bas gsungs pa'i cho gas bla med dbang gis blangs nas su/ /zhes bya ba la/ rgyud 'di zhes bya ba ni rtsa ba'i rgyud de/ sngon du thos pa'am yang na bsdus pa'i rgyud thos nas dbang gi le'u las/de bzhin gshegs pas gsungs pa'i cho ga dbang bzhi pa man chad gang gis thos pa'o/ /phyi nas rtog pa thams cad kyi rang bzhin du gyur pa'i lam dor nas/ yang dag ye shes lam la gnas/ /zhes bya ba la yang dag pa'i ye shes zhes bya ba ni/bcom ldan 'das rdo rje sems dpa'i ye shes te/ de'i lam zhes bya ba ni du ba la sogs pa'i rtags dang ldan par 'gyur ba'i lam mo/ /de la gang gnas pa rnal 'byor pa des 'grel bshad 'di nyan pa yin gyi gzhan rnams kyis ni ma yin no/ /de ji ltar nyan zhe na/ nga rgyal longs spyod phun tshogs du ma btang nas zhes bya ba la/nga rgyal zhes bya ba na rigs kyi nga rgyal la sogs pa'o/ /longs spyod ces bya ba ni/ 'dod pa'i yon tan lnga la sogs pa'o/ /phun sum tshogs pa zhes bya ba ni/ nor dang 'bras so ba dang 'khor la sogs pa ste/ de rnams kyi re ba dor nas 'grel bshad 'di nyan par bya'i//de rnams kyi re ba ma dor bas ni ma yin no/ /gzhan yang sems ni bla mar phul bar bya ba ni/ g.yo sgyu la sogs pa dang bral ba'i sems bla ma la dbul bar bya ste/ bla mas bka' stsal pa ji lta ba de bzhin du nyan par bya zhes bya ba'i don to/ /ci'i phyir nyan zhe na/sangs rgyas nyid phyir zhes bya ba ni/ phyag rgya chen po'i dngos grub kyi phyir zhes bya'o/ /'grel bshad ji lta bu yin zhe na/ gzhan la phan 'dogs spyod yul zhes bya ba ni/ sems can thams cad la bla na med pa'i byang chub kyi rang bzhin du gyur pa phan 'dogs par gyur bas na/ gzhan la phan 'dogs spyod par 'gyur/ /zhes bya ba'o/ /gang yin zhe na/ mchog tu mi 'gyur ba'i rang bzhin du gyur pa'i bcom ldan 'das dus kyi 'khor lo'i 'grel bshad nyan par gyis zhes bya ba'o/ /de ltar nyan du rung ba'i gang zag bstan nas/ bden pa ma mthong ba'i sgra la sogs pa'i bstan bcos kyis mkhas pa rnams kyi skyon brjod par mdzad de/mkhas pa'i nga rgyal dang ldan zhes bya ba ni/ gang gis mngon par shes pa ma thob par bstan bcos la sogs pa'i rnam par rtog pa'i chos dang ldan par gyur pa'i sems dang / sgra la sogs pa mkhas pa'i nga rgyal gyi dbang gis rgya cher 'grel pa byed pa de glang po che smyon long dang 'dra'o//dper na glang po che smyon pa dang long bas/ rang gi sde nyams par byed pa dang / dgra'i sde rgyal bar byed pa ji lta ba de bzhin du/ mngon par shes pa ma thob par gang gis 'grel chen byed pa de rang gi rgyud nyams par byed pa dang /bdud la sogs pa'i bsam pa grub par byed de/ de bas na dus thams cad du de bdud thams cad kyi grogs po yin gyi/ sangs rgyas pa ni ma yin no/ /gzhan yang bden pa ma mthong ba'i bar du/ bka' gsang sngags kyi theg pa la gang gis 'grel pa byed pa de la/ rang gi don dang gzhan gyi don nyams par gyur par bshad par mdzad de/ mkhas pa mngon pa'i nga rgyal can de rgyal ba'i bdag po'i gsung tshul ma shes rtag tu long / /theg mchog 'grel bshad byas te long ba gzhan rnams bkur nas dmyal bar 'jug /ces bya ba'o/ /de ci'i phyir dmyal bar 'jug ce na/'gyod dang srog gcod la sogs mi dge ba yi lam la bud med bde bas sems drangs pas/ /dpal ldan shes rab bde ba nyams shing zhes bya ba la/ dpal ldan shes rab ces bya ba ni/ phyag rgya chen mo ste/ de'i bde ba zhes bya ba ni mchog tu mi 'gyur ba'i bde ba yin la/ de gang la nyams par gyur pa dang /med par gyur pa de/ dpal ldan shes rab bde ba nyams pa'o/ /gzhan yang rdo rje'i tshig nyams zhes bya ba la/ rdo rje'i tshig ces bya ba ni/ bzhi pa slar yang de bzhin te/ /zhes bya ba'o/ /de gang gis ma shes pa rdo rje'i tshig nyams pa'o/ /yang na rdo rje'i tshig ces bya ba ni/ mchog tu mi 'gyur ba'i bde ba'i gnas yin te/ de gang gis ma thob pa de rdo rje'i tshig nyams pa zhes bya ba'o/ /de ji lta bu yin zhe na/ phyi yi longs spyod mngon gyur pa/ /zhes bya ba la/ phyi yi longs spyod ces bya ba ni/ bza' ba dang btung ba mang po zhes bya ba la sogs pa ste/ de rnams kyi dbang du byas pas na/phyi'i longs spyod rnams kyi mngon par gyur pa zhes bya ba'o/ /'o na mkhas pa rnams kyis 'grel pa mi bgyid na gang gis byed ce na/ ston pa nyid kyis rgyal ba'i bdag po'i bde ster rdo rje theg par ma lus gang la lung bstan pa/ /zhes bya ba ni/ mchog tu mi 'gyur ba'i bde ba ster ba'i theg pa chen po bka' gsang sngags las/de bzhin gshegs pa nyid kyis gang rnams la lung bstan pa de rnams kyis zhes bya ba'o/ /de rnams ji lta bu yin zhe na/ rdo rje mchog 'dzin bdag 'dra yis/ /byang chub sems dpa' 'grel bshad sdud byed pa/ /zhes bya ba la/ rdo rje mchog ces bya ba ni gnyis su med pa'i ye shes te/de gang la yod pa de rdo rje mchog 'dzin pa yin la/ bdag ces bya ba ni/ byang chub sems dpa' 'jig rten mgon po rang 'dra bar gyur pa/ byang chub sems dpa' rnams 'grel pa byed pa po dang / sdud pa po yin gyi/ phal pa gzhan rnams ni ma yin no/ /de gang gi phyir zhe na/ lha dang klu dang lha ma yin la sogs pa rnams la sangs rgyas rnams kyis thugs kyi dgongs pa bstan par nus pa'i phyir ro zhes bya ba de nyid bshad par mdzad de/de rnams kyis 'dir lha klu mi rnams smin bya'i don du sangs rgyas kyi thugs bshad par byed/ /ces bya ba'o/ /gzhan yang ma 'ongs pa'i dus su theg pa chen po la gnas pa'i sems can rnams kyis skyon brjod par mdzad de/gang zhig mngon shes lnga med bdag cag rgyal ba'i dbang po'i yin zhes mi bden de rnams smra/ /zhes bya ba ni/ gang rnams kyis mngon par shes pa lnga ma thob pa dang / nges pa'i don ma shes par bcom ldan 'das rdo rje sems dpa' bdag yin zhes de rnams brdzun du smra bar byed do//gzhan yang ma 'ongs pa'i dus su rtag par du ma'i blo ni rtog ge la sogs bstan bcos la gtad pa/ /zhes bya ba ni/ theg pa chen po bka' gsang sngags kyi tshul ma shes par rtog ge dang bstan bcos la sogs pa la sems gtad nas/bla na med pa'i byang chub la ra ba byed de/ de bzhin du sangs rgyas pa rnams/ rtog ge gzhan dang phrag pa'i dbang gis brdzun dag 'byung bar 'gyur/ /zhes bya ba ni/ rtog ge la sogs pa'i blo dang ldan par gyur pa'i sangs rgyas rnams mu stegs pa rnams kyi lta ba dang phrad par gyur na rang gi dam bca' ba gang yin pa de brdzun du 'gyur te/rang gi khyim du byis pa dang / bud med la sogs pa rnams la smra bar byed pa ji lta ba de bzhin du mkhas pa gzhan rnams kyi mdun du smra bar mi nus zhes bya ba'i don to/ /de rnams kyis gzhan ci byed ce na/rtog ge la gtad de yis gang zhig 'dod pa'i yul gyi lam ni ston par byed/ /ces bya ba la/ 'dod pa'i yul zhes bya ba ni/ bla na med pa'i byang chub ste/ de'i lam ni rtog ge la sogs pa'i sgos gang rnams kyis ston par byed pa/ de rnams kho na'i blo ngan gyi skyon 'joms byed 'grel bshad bdag gis bri bar bya//zhes so/ /'grel pa de ji lta bu yin zhe na/ chags bral med pa 'dod chags mtha' yas chu ni zhe sdang sbrul dang chu srin tshogs/ /gti mug rlabs tshogs yin la 'das dang ma 'ongs pa yi nor dpal zhes ni dus kyi dong / /'gyod sogs gsod la sogs pa'i las ni rgod pa chu 'khor drag pa'i sgra//srid pa'i chu yi gter yin dpal ldan rdo rje theg pa'i 'grel bshad rtag tu mnyan pa'o/ /zhes bya ba la/ rdo rje theg pa gru yin la/ 'grel bshad ni mnyan pa'o/ /gang la yin zhe na/ srid pa chu yi gter zhes bya ba ni/ 'khor ba'i rgya mtsho la'o/ /'khor ba dang rgya mtsho la chos mthun pa ji lta bu yin zhe na/chags bral med pa'i 'dod chags mtha' yas chu yin zhes bya ba ni/ rig pa dang rig pa ma yin pa'i rnam pa dpyad pa dang bral ba'i mtha' yas pa'i 'dod chags gang yin pa de nyid chu zhes bya ba'o/ /gzhan yang rgya mtsho la sbrul dang chu srin la sogs pa'i tshogs yod de/'khor ba'i rgya mtsho la de gang yin zhe na/ zhe sdang zhes bya ba'o/ /gzhan yang rgya mtsho la rlabs yod de 'khor ba'i rgya mtsho de la gti mug ces bya ba'o/ /de bzhin du rgya mtsho ni dkar po'i phyogs su 'phel bar 'gyur ba dang / nag po'i phyogs su 'grib par byed pa'i dus kyi don dang ldan par gyur pa ste/'khor ba'i rgya mtsho la de 'das pa dang ma 'ongs pa'i nor zhes bya ba'o/ /de bzhin du rgya mtsho la chu 'khor drag po dang ldan par gyur pa'i rgod ma'i kha yod la/ gang du rgya mtsho'i chu thams cad med par gyur pa ste/ de ni 'khor ba'i rgya mtsho la 'gyod pa la sogs pa dang / srog gcod pa la sogs pa'i las yin la gang du dge ba'i rtsa ba med par gyur pa'o/ /de ltar rgya mtsho dang 'dra bar gyur pa'i 'khor ba'i rgya mtsho las sgrol bar byed pa'i 'grel bshad bya ba'i don to/ /gzhan yang ji lta bu yin zhe na/ dam pa'i bde bas myur du rgal ba'i phyir/ /chen po rnams kyi lam gyi btsun mo de//zhes bya ba ni/ mchog tu mi 'gyur ba'i bde bas skyes pa 'di nyid du 'khor ba'i rgya mtsho rgal bar 'dod pa'i rnal 'byor pa rnams kyi lam gyi btsun mo ni 'grel bshad de zhes bya ba'o/ /'gron po rnams kyi lam gyi sdug bsngal thams cad bud med kyis 'phrog par byed pa dang bde ba ster bar byed pa ji lta ba bzhin du 'grel bshad 'di mdzad ces bya ba'i don to//gang la mdzad ce na/ myur 'gro shes rab rlung gi dar gyis mya ngan las 'das pa yi pha rol 'dod pa rnams la'o/ /zhes bya ba ni/ rlung gi dar gyis rgya mtsho'i pha rol du 'gro ba ji lta ba de bzhin du thos pa dang /bsams pa dang bsgoms pa'i shes rab kyis rab tu mi gnas pa'i mya ngan las 'das pa'i pha rol du rgal bar 'dod pa rnams la yin gyi/ 'khor ba'i rgya mtsho'i nang du 'khyam par 'dod pa rnams la ni ma yin no/ /gzhan yang ji lta bu yin zhe na/ nyon mongs bdud tshogs 'joms pa mkhas pa'i yang dag ye shes yid bzhin nor bu ste//zhes bya ba ni/ yid bzhin nor bu rin po ches/ ltogs pa dang skom pa 'joms par byed pa ji lta ba de bzhin du/ nyon mongs pa dang bdud kyi tshogs 'joms par byed pa'i skyes bu rnams la yang dag pa'i ye shes kyi rang bzhin du gyur pa de yid bzhin gyi nor bu rin po che'o//tha mal pa bzhin du mdzad dam zhe na/ 'jig rten gsum gyi bdag nyid ster ba'i don du 'di ni thams cad ston par byed/ /ces bya ba la/ 'jig rten gsum gyi bdag nyid ces bya ba ni/ phyag rgya chen po'i dngos grub ste/ de ster ba'i don du 'grel bshad 'dis 'jig rten gyi don dang /'jig rten las 'das pa'i don thams cad ston par mdzad ces bya ba'o/ /de ltar 'grel bshad kyi yon tan bshad par mdzad nas/ bla na med pa'i byang chub kyi lam ni phyag rgya chen po'i dngos grub las ma gtogs par lam gzhan ma yin par bshad par mdzad de/rdo rje 'dzin pa'i phyag rgya kun mkhyen bde ba rab ster de nyid chen mo gcig /ces bya ba la de nyid chen mo zhes bya ba ni phyag rgya chen mo ste/ de nyid bcom ldan 'das rdo rje sems dpa'i phyag rgya gcig po yin gyi gzhan rnams kyi ni ma yin no/ / de nyid ji lta bu yin zhe na/ kun mkhyen bde ba rab ster ba/ /zhes bya ba la/ kun mkhyen bde ba zhes bya ba ni mchog tu mi 'gyur ba'i bde ba ste/ de rgyun mi 'chad pa nyid kyis 'khor ba ma zad pa nyid kyi bar du ster bar mdzad pas na/ kun mkhyen bde ba rab ster ba/ /zhes bya ba yin la/ gzhan rnams kyis 'gyur ba dang 'dzag pa'i bde ba ster bar ji lta ba de bzhin du ni ma yin no//don de lta bur mdzad na yang / de nyid kyi mtshan nyid ji lta bu yin zhe na/ phung po la sogs sgrib pa rab bral yul/ /zhes bya ba ni/ rab tu mi gnas pa'i mya ngan las 'das pa'i mtshan nyid du gyur pa'i phung po la sogs pa gang gis bkab par byas ba dang /'khor ba'i bag chags kyis khyab par byas pa de phung po la sogs pa sgrib pa zhes bya ba ste/ 'jig rten gyi phung po la sogs pa zhes bya ba'i don to/ /'khor ba'i rgyur gyur pa phung po rnams gang gis dor bar mdzad pa ste/ phung po la sogs sgrib pa rab bral yul//zhes bya ba'o/ /phung po la sogs pa dang bral bar 'gyur ba gang yin pa de med pa'i rang bzhin ma yin nam zhe na/ gang zhig pra ni rnam brgyad tshul/ /zhes bya ba la rnam pa brgyad kyi rang bzhin du gyur pa pra ti se na zhes bya ba ni/ me long gi nang gzugs brnyan dang rmi lam dang dri za'i grong khyer dang /smig rgyu la sogs pa rnam pa brgyad de/ de dang 'dra bar gyur pas na/ pra ti se na'i rnam pa brgyad kyi rang bzhin du gyur pa zhes bya ba ste/ yod pa dang med pa las 'das pa zhes bya ba'i don to/ /de ltar phyag rgya chen mo'i rang bzhin du gyur pa'i lam bstan par mdzad nas/bla na med pa'i byang chub kyi lam gzhan ma yin par bstan par mdzad de/ de bor nas ni nor la brkam pa'i 'khyog sems brtags pa gang zhig sten byed pa/ /sangs rgyas nyid phyir zhes bya ba la/ de ltar brjod par gyur pa'i phyag rgya chen mo bor nas/ nor la brkam par gyur pa dang /sems ma dag par gyur pa'i las kyi phyag rgya'am/ brtags pa'i rang bzhin du gyur pa ye shes kyi phyag rgya la bla na med pa'i byang chub nyid thob par bya ba'i phyir/ gang gis sten par byed pa lam de la skyon ci yod ce na/ de yang rnam rtog blo yis de ni 'pho ba khrid par byed//ces bya ba la/ de zhes bya ba ni las kyi phyag rgya ste/ yang na rnam par rtog pa'i sems kyi rang bzhin du gyur pa'i ye shes kyi phyag rgyas 'khor ba'i nang du 'khyam pa'i rang bzhin du gyur pa'i 'pho ba ster ba yin gyi/ bla na med pa'i byang chub ster ba ni ma yin no/ /'pho ba la skyon ci yod ce na/'dod chags bral las sdig ste shin tu sdug ma la ni zhe sdang gang phyir skyes/ /zhes bya ba ni/ gang la rang rig pa'i bde ba 'pho bar gyur pa de la sdig par gyur te/ de ci'i phyir zhe na/ shin tu yid du 'ong ba'i phyag rgya mo la zhe sdang skyes pa'i phyir ro/ /zhe sdang la skyon ci yod ce na/ zhe sdang 'di las gti mug skyes//zhes bya ba la gti mug gi rtsa ba ni zhe sdang yin zhes bya ba'o/ /gang gti mug dang ldan pa de la/ de la gnyis su med pa'i ye shes med de gang la gnyis su med pa'i ye shes med pa de la/ mchog tu mi 'gyur ba'i bde ba'i rten du gyur pa'i rang gi rdo rje lhung bar 'gyur te/rdo rje lhung bar gyur pas na sems brgyal ba nyid du 'gyur te/ dran pa dang bral bar 'gyur zhes bya ba'i don to/ /brgyal ba la skyon ci yod ce na/ dam min bza' dang btung sogs yul gzhan dag la ma lus rab tu 'jug pa'o/ /zhes bya ba la/ dam pa min pa'i bza' ba dang btung ba la sogs pa zhes bya ba ni/'jig rten pa'i kha na ma tho ba dang bcas pa dang / sbyang ba dang / spel ba dang 'bar ba dang / bdud rtsir ma byas pa'i rdzas rnam ste/ yul de dag la sogs pa la/ ngal bar gyur pa'i sems 'jug par 'gyur ba'o/ /co 'dri dag dang bde nyams sems ni skye ba drug tu 'khor bar 'gyur ba yin gyi/gzhan du ni ma yin no/ /de bzhin du dbang mdor bstan pa las/ chags bral las ni sdig gzhan med/ /bde las bsod nams mchog med do/ /de bas mi 'gyur bde sems ni/ /rtag tu bsgom bya rgyal po kye/ /zhes bcom ldan 'das kyis gsungs so/ / gzhan yang sgra la sogs pa dang bstan bcos kyi sgo yis bla na med pa'i byang chub thob par mi 'gyur bar bshad par mdzad de/ kun mkhyen pa yi lam 'dod rnams la sgra dang sgra min rnam dpyad chen po med/ /ces bya ba la kun mkhyen pa'i lam zhes bya ba ni/ gnyis su med pa'i ye shes te de gang rnams kyis 'dod pa de rnams la/sgra dang sgra ma yin pa'i rnam par dpyad pas dgos pa med de/ de ci'i phyir zhe na/ du ma yul gyi skad ngan gyis kyang chen po rnams ni lam la rtag tu 'jug /ces bya ba ni phyag rgya chen po'i dngos grub bsgrub par 'dod pa'i rnal 'byor pa rnams la yul sna tshogs pa'i kla klo la sogs pa'i skad kyis gnyis su med pa'i lam la rten par byed do//sgra la sogs pa'i rtsod par 'dod pa dang / 'khor ba'i nang du gnas par 'dod pa rnams la/ lha dang klu la sogs pa rnams kyis nyi tshe bar gyur pa'i legs par sbyar ba'i skad byas pa ji lta ba bzhin du de bzhin gshegs pa'i skad ni ma yin te/ci'i phyir zhe na/ phyogs bcu'i 'jig rten gyi khams la gnas par gyur pa'i sems can thams cad kyi rang rang gi skad dang / rang rang gi bsam pa'i dbang gis de bzhin gshegs pa'i gsung du gyur pa'i phyir ro/ /de nyid tshigs su bcad pa phyed kyis bshad par mdzad de/sems can rnams kyi mos pas sems kyi dbang gis thams cad mkhyen pa'i gsung ni gzhan/ /lha klu rnams kyis sgra sbyar las ni sgra sogs rtsod 'dod rnams la gzhan byas pa'o/ /zhes bya ba'o/ /de bas na don la rton par bya'i/ tshig la rton par mi bya'o zhes bcom ldan 'das kyis gang la gsungs pa'i don de nyid tshigs su bcad pas gsal por mdzad de/zur chag sgra las don yang ni/ /rnal 'byor yul gyi skad kyis len/ /zhes bya ba ni/ legs par sbyar ba'i skad dang bral ba gang yin pa de zur chag pa zhes bya ba'o/ /zur chag gi sgra de las rnal 'byor pa yul gyi skad kyis don 'dzin par byed do//dper na/ chu la 'o ma 'dres pa ni/ /de ni ngang pas bton te 'thung / /zhes bya ba ni/ ngang pa'i rgyal pos chu dang 'o ma 'dres pa las/ chu dor nas 'o ma 'dzin par byed pa ji lta ba de bzhin du/ 'jig rten gyi tha snyad kyi rang bzhin du gyur pa'i sgra dang sgra ma yin pa'i rnam par sbyar ba dor nas/stong pa nyid dang snying rje dbyer med pa gang gis 'dod pa'i rnal 'byor ba des don 'dzin pa yin gyi/ gzhan ma rnams kyis ni ma yin no/ /'o na de ltar yin na/ sgra la sogs pa'i bstan bcos don med par mi 'gyur ram zhe na/bshad par mdzad de/ don dam pa yi de nyid yul la ni/ /tshig la rton pa cha rnams rtag tu min/ /zhes bya ba la/ don dam pa'i de kho na nyid ces bya ba ni/ mchog tu mi 'gyur ba'i bde ba ste/ de goms pa'i dus su skyes bu chen po rnams la tshig la rton par dgos pa med do/ / 'jig rten gyi tha snyad bsgrub pa'i don du legs par sbyar ba'i skad la dgos pa ji lta ba de bzhin du don dam pa'i de kho na nyid la ma yin zhes bya ba'i don to/ /gzhan yang yul gyi mi rnams kyis ni don rnams la/ /shes nas sgra yi bstan bcos kyis ni ci zhig bya/ /zhes bya ba'o/ /gzhan yang / gang la sgra dang zur chag sgra 'byung 'gyur/ /de nyid ye shes su ni mi 'gyur te/ /zhes bya ba ni/ gang du sgra dang sgra ma yin pa dang / rgyu dang gtan tshigs la sogs pa bshad par gyur pa de gnyis su med pa'i ye shes su mi 'gyur te/ ci'i phyir zhe na/ 'jig rten gyi tha snyad las 'das par gyur pa'i phyir dang /nyams su myong ba'i rang bzhin du gyur pa'i phyir ro/ /gal te sems can thams cad la thun mong gi rang bzhin du ma gyur pa dang / nyi tshe ba'i skad de bzhin gshegs pa la mnga' ba de lta na ni/ sems can dang thams cad mkhyen pa la khyad med de/ de bas na/ gang zhig skye 'gro la ni nyi tshe ba/ /de ni thams cad mkhyen pa'i gsung ma yin/ /zhes bya ba'o/ /de ltar don dam pa'i de kho na nyid la sgra la sogs pa dgos pa med par bstan nas don dam pa'i de kho na nyid de rang bshad par mdzad de/ don dam pa yi mi 'gyur bzhi pa ni/ /zhes bya ba la/ don dam pa'i mi 'gyur ba zhes bya ba ni/mi 'pho ba'i rang bzhin du gyur pa'i lhan cig skyes pa'i dga' ba bzhi pa zhes bya ba'o/ de'i mtshan nyid ji lta bu yin zhe na/ sangs rgyas rnams kyi shes rab ye shes te/ /zhes bya ba'o/ /shes rab kyi ye shes shes rab ye shes yin nam/ yang na shes rab las skyes pa'i ye shes shes rab ye shes yin zhe na/brjod par bya ste/ de gnyi gar ma yin no/ /ci'i phyir zhe na/ gal te shes rab kyi ye shes shes rab ye shes yin pa de lta na ni/ thabs kyi ye shes ni thabs bla na med pa'i byang chub 'grub par byed de/ gal te de bzhin du yin pa de lta na ni/ye shes gnyis su 'gyur te/ ye shes gnyis su 'gyur ba'i phyir/ sangs rgyas nyid med par 'gyur ro/ /yang na phan tshun du ltos pa ni shes rab las skyes pa'i ye shes ni thabs la/ phyag rgya chen po'i dngos grub kyi rgyur gyur pa de lta na ni/ thabs kyi rgyu las skyes pa'i ye shes ni/ shes rab bla na med pa'i byang chub kyi rgyur 'gyur te/ gal te gyur pa de lta na ni/ sngon bzhin du skyon du 'gyur ro/ /de bas na shes rab dang ye shes ni shes rab ye shes yin gyi/ shes rab kyi ye shes dang / shes rab las skyes pa'i ye shes ni ma yin no/ /shes rab gang yin pa dang / ye shes de gang yin zhe na/brjod par bya ste/ grangs ji lta bar 'dzin pa'i sems dang / gzung ba'i sems so/ /de la 'dzin pa'i sems ni gang gis du ba la sogs pa'i rtags 'dzin pa ste/ gzung ba'i sems ni gang du ba la sogs pa'i so sor snang ba'o/ /dper na me long gi nang du rang gi mig gis mig gi gzugs brnyan mthong ba ji lta ba bzhin du rang gi sems kyis rang gi sems kyis snang ba mthong ba gang yin pa de ni don dam par shes rab ye shes yin gyi/b+ha ga dang ling ga yang dag par sbyar ba ni ma yin no/ /de lta bu shes rab ye shes gang yin pa de/ sangs rgyas rnams kyi yin gyi/las kyi phyag rgya'am/ ye shes kyi phyag rgya la brten par gyur pa'i gzhan rnams kyi ma yin no/ /gal te shes rab ye shes de lta bu yin pa de lta na ni/ slar yang de bzhin te zhes bya ba gang yin zhe na/ gang zhig slar yang de bzhin te/ 'di ni rgyal ba nyid kyis phyag rgya chen mor gsungs/ / zhes bya ba ni/ las kyi phyag rgya las skyes pa'i bde ba ji lta ba de bzhin du gang las skyes pa de slar yang de bzhin no zhes bya ba ste/ de dang 'dra ba yin gyi/ de nyid ni ma yin no/ /ci'i phyir zhe na/ las kyi phyag rgya'i bde ba gang yin pa de 'gyur ba'i rang bzhin yin la gang phyag rgya chen mo las skyes pa'i bde ba de mi 'gyur ba'i rang bzhin zhes bya'o//de bas na gsum pa shes rab ye shes gang yin pa de 'jig rten pa yin la/ 'jig rten las 'das pa'i bde ba la dpe de tsam du yin gyi bsgrub bya dang / sgrub byed ni ma yin te zhes bya ba ni bcom ldan 'das kyi nges pa'o/ /de ltar bsgrub bya bshad par mdzad nas/ /de sgrub par byed pa'i lam bshad par mdzad de/shes rab sbyor bas gang gis dkar po 'dzag /de la gang gis bde ba 'phel bar 'gyur/ /zhes bya ba la/ shes rab ces bya ba ni/ las kyi phyag rgya ste/ de'i dbang po'i sbyor bas gang la byang chub kyi sems 'pho bar gyur ba de la/ gzhan ma gang gis bde ba 'phel bar byed de/'phel ba lta re zhig phar zhog gi/ snga ma gang yin pa de nyid zad par 'gyur zhes bya ba'o/ /dper na/ dpyid kyi sbyor bas me tog zum lhung na/ /tsu ta las ni 'bras bu gang gis so/ /zhes bya ba ni/ shing tsu ta'i kha ma phye ba'i ma tog dpyid kyi dus su gal te lhung bar gyur pa de lta na ni/ tsu ta'i 'bras bu gzhan ma gang gis skyed par byed de/ 'on kyang gang gis kyang skyed par mi byed ces bya ba'i don to/ /de bas na kun rdzob kyi byang chub kyi sems las ma gtogs par mchog tu mi 'gyur ba'i bde ba'i rgyu gzhan ma gang yang med ces bya bar bstan to/ /de yang dbang mdor bstan pa las/ sa bon mi 'gyur rang bzhin gyis/ /mchog tu mi 'gyur bsgrub par bya/ /rten ni 'pho bar 'gyur bas na/ /brten pa 'pho ba nyid du 'gyur/ /zhes bcom ldan 'das kyis gsungs so/ /de ltar mchog tu mi 'gyur ba'i bde ba'i rgyu bstan nas/ sems can rnams kyi bsam pa ngan pa bshad par mdzad de/ gang zhig gis ni mi 'gyur ma thob pa//sdug bsngal can des 'gyur ba'i bde ba tshol/ /zhes bya ba ni/ mchog tu mi 'gyur ba'i bde ba gang gis ma thob pa de/ dus thams cad du sdug bsngal dang ldan pa ste/ bde ba med pa'i phyir ro/ /des ci byed ce na/ sngon du gang gis don med pa dang sdug bsngal ster bar byas pa'i 'khor ba'i rgyur gyur pa'i 'pho ba'i bde ba de nyid tshol bar byed ces bya ba'o//de ltar gang zag phal pa rnams kyi bsam pa bshad par mdzad nas/ skyes bu dam pa rnams kyi rang bzhin bshad par mdzad de/ thams cad chu ni tshol bar byed pa la/ /khu byug skom yang sa la gnas pa min/ /zhes bya ba ni/ dper na srog chags thams cad skom par gyur na yang thams cad du chu tshol bar byed de/ khyu byug ni shin tu skom par gyur na yang mdun du sa la gnas pa'i chu thams cad mi 'thung ba ji lta ba de bzhin du/ skyes bu dam pa rnams kyis mchog tu mi 'gyur ba'i bde ba ma thob kyi bar du 'khor ba'i rang bzhin du gyur pa'i 'pho ba'i bsam pa tsam du yang mi byed ces bya ba'i don to//de bzhin du rtsa ba'i rgyud las/ mi 'gyur las skyes bde ba the tshom med/ /thams cad mkhyen pas ma rig pa yis kyang / /yid la bden min chags bral bar/ /de lta na yang mi bya'o/ /zhes bya bar bcom ldan 'das kyis gsungs so//da ni sems can gyi bye brag bshad par mdzad de/ 'khor ba yi ni bde ba mi rtag pa/ /ma thob pa yang rmongs chen tshol bar byed/ /ces bya ba ni/ bzang ba dang ngan pa'i khyad par mi phyed pa'i rmongs pas/ mi rtag pa dang / thob par mi 'gyur ba'i bde ba tshol bar byed de/ bde ba de nyid las khyad par du gyur pa dang /rang bzhin gyis thob par gyur na yang 'khor ba las sgrol ba'i phyir ro/ /skyes bu dam pa rnams kyis dor bar byed do/ /de nyid gsal bor mdzad de/ rgyal srid kyi ni bde ba thob nas kyang / /thar pa'i don du mkhas pas dor bar byed/ /ces bya ba'o/ /don de nyid dpe dang don gyis gsal por mdzad de/lo yi mtha' rnams su ni brgya lam na/ /bde ba'i bde ba ri dgas za byed tshol/ /zhes bya ba la/ ri dgas za byed ces bya ba ni seng ge ste/ des lo gcig gam gnyis kyi mtha' ru/ brgya lam na 'dod chags kyi bde ba tshol bar byed do/ /de nyid dus thams cad du gang gis tshol zhe na/rngo ba'i phye ma za bar byed pa yi/ /phug ron gyis ni rtag tu byed pa ste/ /zhes bya ba ni/ dus thams cad du rdo ba'i phye ma zos nas/ 'dod chags kyi bde ba tshol ba gcig pur byed do/ /de la bde ba'i khyad par gang las byung zhe na/ gnyi ga la yang mchog gi bde ba med/ /ces bya ba ni/ ri dgas zos nas lo yi mthar//gang gis bde ba byas pa dang / /rdo ba'i phye ma zos nas dus thams cad du gang gis byas pa de gnyi ga la yang mchog tu mi 'gyur ba'i bde ba'i bde ba med de/ de ci'i phyir zhe na/ lan cig rtag tu dkar po lhung phyir bzhin/ /zhes bya ba ni/ shu kra lan cig tu 'pho ba dus thams cad du 'pho ba'i phyir ro//dpe bshad pa mdzad nas/ don bshad par mdzad de/ de bzhin dka' thub can dang 'dod can la/ /rmi lam dang ni sad las 'dzag pa'i phyir/ /zhes bya ba la/ dka' thub ces bya ba ni/ 'dod pa'i yon tan lnga'i longs spyod las ldog pa ste/ de gang la yod pa de dka' thub can zhes bya ba bste/nyan thos kyi sdom pa dang ldan par gyur pa zhes bya ba'i don to/ /'dod chags can zhes bya ba ni/ dus thams cad du 'dod chags la chags par gyur pa ste/ sems can thun mong ba'o/ /de gnyi ga la don dam pa'i bde ba med do/ /'o na dka' thub can la chags pa'i bde ba yod dam zhe na/ sad pa'i gnas skabs su med pa yin gyi/ bag chags kyi dbang gis rmi lam gyi gnas skabs su med par ni ma yin te/ sad pa'i gnas skabs su 'dod chags can gyis dbang po gnyis kyis bde ba myong ba ji lta ba de bzhin du/ rmi lam gyi gnas skabs su nyams su myong ba yod ces bya ba'i don to//de bas na dka' thub can dang 'dod chags can gnyi ga la rmi lam dang sad pa'i gnas skabs su shu kra 'dzag pa'i phyir mchog tu mi 'gyur ba'i bde ba med do/ /da ni sad pa dang rmi lam gyi gnas skabs la bye brag med par bshad par mdzad de/ gnyid log la yang sbrul gyi sos btab pa//dkar po bsdus pa med pas mi 'tsho bzhin/ /zhes bya ba ni/ dper na ji ltar sad pa'i gnas skabs su sbrul gas zos pa dang / rmi lam gyi gnas skabs su sbrul gyis zos pa'i gnyi ga 'chi ba yin gyi/ gcig ni ma yin te/ shu kra med pa'i phyir ro/ /dpe bstan nas/ don bshad par mdzad de/de bzhin stobs med ma yi skye gnas kyis/ /dka' thub nyams can la ni de yis so/ /zhes bya ba la stobs med ma zhes bya ba ni/ bud med yin la/ de'i skye gnas kyis nyams par gyur pa'i dka' thub ni 'dod chags can nyams par gyur pa ji lta ba de bzhin du/ dka' thub can yang nyams par 'gyur zhes bya ba'i don to//de bzhin du don dam pa'i bsnyen pa las/ gnyid log pa dang sad pa'i dug ni mi shes pa'i/ /dper na skyes bu'i lus la sbrul gyi mche bas btab/ /de bzhin du ni yid bzhin nor bu'i byang chub sems/ /de nyid med la bud med b+ha ga'i sbrul gyis btab/ / ces bya bar gsungs so/ /de ltar sems kyi skyon brjod par mdzad nas/ yon tan bshad par mdzad de/ rdo dreg skud pa'i gos ni me nyid kyis/ /bsregs na dag par gyur pa ji bzhin du/ /zhes bya ba ni/ dper na rdo dreg gi skud pas byas pa'i gos ni me yi nang du bcug na me yis dag par byed kyi tshig par mi byed pa ji lta ba de bzhin du thabs dang ldan par gyur pa'i skyes bu chen po'i sems ni/las kyi phyag rgya'i sbyor bas dag par 'gyur gyi/ 'pho bar ni mi 'gyur ro/ /de nyid bshad par mdzad de/ de bzhin du ni skyes bu rnams la ni/ /shes rab ye shes kyis ni dam pa'i sems/ / zhes bya ba'o/ /don de nyid don dam pa'i bsnyen pa las/ ji ltar rdo yi dreg pa me yis gdungs pa ni/ /zhu bar 'gyur gyi thal ba ru ni mi 'gyur ro/ /de bzhin chu skyes sbyor bas mchog gi byang chub sems/ /rtsol ldan rnams la 'di ni rang bzhin gyis dag 'gyur/ /zhes bya ba ste/ byang chub sems dpa' 'jig rten mgon pos gsungs pas/de bas na gang gis don med par byas pa de nyid kyis khyad par du 'gyur bar bshad par mdzad de/ me yis reg pa'i dngul chu rab 'bros kyi/ mi g.yo bar ni mi 'gyur ji bzhin du/ /zhes bya ba ni/ dpe bstan nas don bshad par mdzad de/ de bzhin du ni skye gnas reg pa las//dkar po yang ni rtag tu thabs med 'gyur/ /zhes bya ba ni/ bud med kyi skye gnas kyi sbyor bas/ yid bzhin gyi nor bu rin po che'i rang bzhin du gyur pa'i byang chub kyi sems ni 'pho bar 'gyur na/ 'khor ba'i rang bzhin yin gyi/ mchog tu mi 'gyur ba'i bde ba'i thabs su mi 'gyur ro//gal te las kyi phyag rgyas byang chub kyi sems don med par gyur pa de lta na ni/ rgyu de dang de las phan thogs pa'i rang bzhin du gyur par ci'i phyir bcom ldan 'das kyis gsungs she na/ brjod par mdzad de/ sman la sogs pa rnams kyi stobs kyis ni/ /g.yo yang me yi reg pas de bcings bzhin//de bzhin shes rab yang dag sbyor ba yi/ /dkar po dag ni shin tu rnal 'byor gyi/ /zhes bya ba ni/ me gang gis dngul chu 'bros par byed pa/ sman gyi sbyor bas g.yo ba'i rang bzhin du gyur pa'i/ dngul chu de nyid kyis bcings par byed pa ji lta ba de bzhin du/ las kyi phyag rgya gang gis byang chub kyi sems 'pho bar byas pas/sbyor ba'i yan lag drug dang ldan par gyur pa'i rnal 'byor pa rnams kyis 'pho ba'i rang bzhin du gyur pa'i sems ni/ las kyi phyag rgya de nyid kyis mchog tu mi 'gyur ba'i ye shes kyi rang bzhin du byed do/ /de bas na thabs dang ldan par gyur pa rnams la/las kyi phyag rgya yon tan du gyur pa de bzhin gshegs pas gsungs pa yin gyi/ las dang po pa rnams la ni ma yin no/ /de bzhin du don dam pa'i bsnyen pa las/ bud med sbyor ba dman pas thar pa'i bde ba med/ /bud med sbyor ba dman pas srid pa'i sdug bsngal med/ /de bas rang gi blo yis legs par dpyad nas ni//sngags pas gang la mos pa de nyid blang bar gyis/ /zhes gsungs so/ /slar yang de nyid las/ 'dod chags gang nyid kyis ni sems can ltung byed pa/ /de nyid kyis ni rnal 'byor srid pa'i pha rol 'gro/ /dug gang zhig gis sems can rnams ni 'chi byed de/ /dug sngags shes pas de nyid kyis ni nad 'joms byed//ces bya bar gsungs so/ /mchog tu mi 'gyur ba'i ye shes de gar gnas she na/ bshad par mdzad de/ me dag shing la rtag tu gnas kyang ni/ /bcad dang dbye ba'i thabs kyis mi mthong ste/ /zhes bya ba ni/ dper na shing la gnas pa'i me khyad par du gyur pa'i thabs ma shes par/brdungs pa dang / btags pa dang / bcad pa la sogs pa yis mi mthong ngo / /'o na de la rnam pa thams cad du med dam zhe na/ mda' dang gtsub stan lag pas bsrubs pa yis/ /de la gnas pa de ni mthong ba bzhin/ /zhes bya ba ni/ bcad pa la sogs pa'i thabs kyis/shing la gnas pa'i me ni byis pa rnams kyis mi mthong ste/ me nyid ni shing de nyid la gnas pa'i mda' dang / gtsub stan la sogs pa khyad par du gyur pa'i thabs kyis mkhas pa rnams kyis mthong ba'o/ /de don ci la dgongs she na/ de bzhin du ni sems kyi snang ba ni/ / rtog pa bsgom pa'i thabs kyis mi mthong ste/ /zhes bya ba ni sems can gyis rang gi sems kyi 'od gsal ba gang yin pa de mi mthong ste/ gang gis mi mthong zhe na/ thig le dang nA da la sogs pa'i bsgom pa'i thabs kyis mthong bar mi 'gyur ro/ /rnam pa thams cad du mi mthong ngam zhe na/ bshad par mdzad de/ de nyid kho nar de nyid mthong ba yin/ /brkyang ma ro ma gcig tu sbyor bas so/ /zhes bya ba las/ g.yas pa dang g.yon pa gcig tu sbyor ba yin la/ a wa d+hU tI'i nang du srog gi rlung zhugs pa ste/ des mchog tu mi 'gyur ba'i bde ba thob par 'gyur gyi/ thabs gzhan gyis ni ma yin no//de bas na phyag rgya chen mo'i dngos grub bsgrub par 'dod pa'i rnal 'byor pas bla ma dam pa'i zhal nas ma nor ba'i lam shes par bya'o/ /de ci'i phyir zhe na/ lam ma shes pa'i rnal 'byor pas mchog tu mi 'gyur ba'i ye shes thob par mi 'gyur te/ mchog tu mi 'gyur ba'i ye shes ma thob par bla na med pa yang dag par rdzogs pa'i byang chub thob par mi 'gyur ro//de nyid bshad par mdzad de/ lam dang bral ba yis ni de nyid thob mi 'gyur/ /de bzhin gshegs pa yis ni gang gsungs pa/ /zhes bya ba ni/ bsgom bya dang sgom pa po dang bral ba'i rdzogs pa'i rim pa'i rang bzhin du gyur pa'i lam ma thob pa rnams kyis/de bzhin gshegs pas gsungs pa'i de kho na nyid thob par mi 'gyur ro/ /de kho na nyid gang zhe na/ bcu drug dang ni bzhi yi rab dbye ba/ /zhes bya ba ni/ lhan cig skyes pa'i sku la sogs pa'i dbye bas/ rnam pa bzhi'i rang bzhin du gyur pa ste/de nyid sngon du brjod pa'i rim pas bzhi po bzhis phye nas bcu drug gi rang bzhin du 'gyur ba'o/ /de lta bur gyur pa'i don dam pa'i de kho na nyid yin gyi/ 'jig rten gyi dngos grub brgyad dang / 'dar ba dang ba spu ldang ba la sogs pa ni ma yin no/ /don dam pa'i de kho na nyid rgyu gang gis ma mthong zhe na/sna tshogs rnam rtog lam zhes bya ba ni thig le dang nA da la sogs pa dang / 'khor lo dang zad par sa la sogs pa ste/ rnam par rtog pa'i lam des rnam par mi rtog pa'i mchog tu mi 'gyur ba'i ye shes thob par mi 'gyur ro/ /de ci'i phyir zhe na/ rgyu ji lta bu yin pa dang /'bras bu de dang 'dra bar gyur pa'i phyir ro/ /de bzhin du dpal dgyes pa'i rdo rje'i rtsa ba'i rgyud las/ ci 'dra ci bzhin rgyu bzhin pa/ /de 'dra de bzhin 'bras bur 'gyur/ /khre tshe rnams las sA lu ni/ /nam yang skye bar mi 'gyur ro/ /zhes bya ba ni/ bcom ldan 'das kyis gsungs so/ /'o na rgyud kyi rgyal po de dang de las thig le nA da bsgom pa ni de bzhin gshegs pas ma gsungs sam zhe na/bskyed pa'i rim pa dag tu gsungs pa ste/ /zhes bya ba ni/ 'dod pa'i khams la sogs pa skyed par byed pas na/ bskyed pa yin la yang na mi rnams kyi skye ba dang mthun pas na skyed pa'o/ / ji ltar bsgoms pa de bzhin du 'bras bu ster bas na bskyed pa'i rim pa de rgyud kyi rgyal po las/ de bzhin gshegs pas gang gsungs pa de'i don 'chad par 'gyur bas bshad par bya'o/ /'o na bskyed pa'i rim pa rtog pa dang bcas pa yin na/ rdzogs pa'i rim pa ji lta bu yin zhe na bshad par mdzad de/hUM phaT yi ge la sogs rtog spangs pa'i/ /rdzogs pa'i rim pa'i rnal 'byor de nyid de/ /zhes bya ba ni/ yi ge hUM dang phaT la sogs pa'i sgras/ /A li las zla ba dang kA li las nyi ma rnam par rtog pa dang bral ba ste/ rang bzhin nyid kyis rdzogs par bskyed pas na rdzogs pa yin la/ yang na rtog pa thams cad rdzogs par 'gyur bar nyams pas 'gyur bas na rdzogs pa ste/ rim pa ji lta bar lhan cig skyes pa'i sku la sogs pa dang ldan pas na rim pa ste/ 'jig rten gyi spyod pa dang / 'jig rten las 'das pa'i spyod pa ro mnyam pa nyid du gyur pas na rnal 'byor pa zhes bya ba'o/ / de ltar rdzogs pa'i rim pa'i rnal 'byor gang yin pa de de kho na nyid do zhes bya bar bcom ldan 'das kyis gsungs so/ /ci'i phyir gsungs she na/ de nyid la ni sgrub pa gzhan dag min/ /zhes bya ba ni/ mchog tu mi 'gyur ba'i ye shes kyi de kho na nyid bsgrub pa'i don du rdzogs pa'i rim pa'i rnal 'byor gyis sgrub par byed pa de bzhin gshegs pas gsungs pa yin gyi/gzhan dag min zhes bya ba ni thig le nA da la sogs pa ma yin no/ /de bas na don dam pa'i de kho na nyid ni rnam par mi rtog pa'i de kho na nyid kyis sgrub par byed la/ rnam par mi rtog pa'i de kho na nyid ni thig le dang nA da la sogs pa'i rnam par rtog pa'i lam gyis 'grub par mi 'gyur zhes bya ba ste/de bzhin gshegs pa'i thugs dgongs so/ /'o na rdzogs pa'i rim pa'i lam de ji lta bu yin zhe na/ bshad par mdzad de/ du ba la sogs mtshan ma dag dang ni/ /zhes bya ba la/ du ba la sogs mtshan ma zhes bya ba ni/ du ba dang / smig rgyu dang /mkha' gsal dang / mar me dang / 'bar ba dang / zla ba dang / nyi ma dang / sgra gcan dang / glog dang sna tshogs gzugs zhes bya ba ste/ rtags yin la thog mar dge ba'o/ /des ci 'grub ce na/ dbus ma srog dang rtsol ba 'bab pa dang / /zhes bya ba ni/ mtshan ma bcu mthong nas srog gi rlung gis lam g.yas pa dang g.yon pa bor nas/thams cad du dbus ma 'bab par byed de/ bar du dge ba'o/ /gzhan yang / rig pa'i brtul zhugs rdo rje lhung min dang / /zhes bya ba ni rig pa zhes bya ba ni las kyi phyag rgya'o/ /brtul zhugs zhes bya ba ni de la snyoms par zhugs pa ste/las kyi phyag rgya'i yang dag sbyor bas kyang / rdo rje lhung bar mi 'gyur ba gang yin pa de tha mar dge ba'o/ gzhan yang / de bzhin steng du dkar po dag dang ni/ /zhes bya ba la/ dga' ba la sogs pas steng nas 'ongs pa ji lta bu de bzhin du rgyu mthun pa la sogs pas steng du song bar gyur pa'o//de ltar thog mar dge ba dang / bar du dge ba dang / tha mar dge ba'i lam gyi don dam pa'i de kho na nyid thob par 'gyur gyi/ thog mar mi dge ba dang / tha mar mi dge bas ni ma yin no/ /de bzhin du don dam pa'i bsnyen pa las/ rdo rje blang ba dag ni dang por gsungs pa ste//rdo rje me la srog zhugs pa ni gnyis pa'o/ /dpal ldan byang chub sems ni mi 'gyur gsum pa yin/ /'di dag nyid ni dge ba'i brtul zhugs chen po'o/ /zhes bya ba gsungs so/ /lam de lta bu ston pas ci 'grub ce na/ lam de dag gi rnal 'byor pa yis ni/ /sangs rgyas rnams kyi bde ba thob par 'gyur//zhes bya ba la/ lam 'di dag ni zhes bya ba ni/ du ba la sogs pa'i rtags dang ldan pa dang / dus thams cad dbus mar srog gi rlung 'bab pa dang / las kyi phyag rgya'i sbyor bas rdo rje mi ltung ba dang / byang chub kyi sems steng du gang gis 'gro bar byed pa'i don dam par lam de yin la/lam de'i mthus rnal 'byor pas sangs rgyas rnams kyi thugs su gyur pa thob par gyur pa'o/ /de gang yin zhe na/ mchog tu mi 'gyur mngon par brjod pa'am/ /pho nya mo kun lhan cig skyes pa'o/ /zhes bya ba ni de'i mtshan nyid du gsungs pa'o/ /'o na rdzogs pa'i rim pas 'di dag la sogs pa de kho na nyid thob par gyur pa de lta na ni/bskyed pa'i rim pa ni ci'i phyir bcom ldan 'das kyis gsungs she na/ gzugs la sogs pa'i rtog pa rnams dang ni/ /dkyil 'khor 'khor lo la sogs bsgoms goms pa/ /'jig rten pa yi dngos grub 'grub 'gyur gyi/ /'dod pa'i dngos grub chen po ma yin no//zhes bya ba ni/ gzugs dang kha dog dang ldan pa'i yi dam gyi lha'i dkyil 'khor gyi 'khor lo dang / thig le dang nA da la sogs pa'i goms pa'i stobs kyis/ ri lu dang mig sman la sogs pa'i 'jig rten gyi dngos grub 'grub par 'gyur te/ 'dod pa'i dngos grub ces bya ba ni/ phyag rgya chen po'i dngos grub yin la/ de bskyed pa'i rim pa'i stobs kyis 'grub par mi 'gyur zhes bya ba ste nges pa'o/ /de bas na 'jig rten gyi dngos grub 'grub pa'i phyir rgyud de dang de las bcom ldan 'das kyis bskyed pa'i rim pa gsungs pa yin gyi/'jig rten las 'das pa'i phyag rgya chen po'i dngos grub bsgrub pa'i phyir ni ma yin no/ /lam 'di lta bu gang nas 'gyur zhe na/ bla ma dam pa'i drin gyis lam dag ni/ /slob ma dag pa rnams la 'gyur ba yin/ /zhes bya ba ni/ yon tan gyis lci bar gyur pas na bla ma ste/ dus thams cad du rtag pa'i ngo bos yod pas na dam pa yin la/'jig rten las 'das pa'i yon tan dang ldan pa zhes bya ba'i don to/ /slob ma zhes bya ba ni dul bar gyur pa dang / bslab pa bsrung bar nus pas na slob ma ste/ bu dang chung ma dang lus po la sogs pa la ltos pa med pa dang / rtsa ba'i ltung ba la sogs pa dang bral bar gyur pas na dag pa ste/de lta bur gyur pa'i slob ma la/ bla ma dam pa'i drin gyis don dam pa'i lam thob par 'gyur ba'o/ /slob ma de bsam pa ji lta bu dang ldan zhe na/ gang zhig sems can rnams la snying brtse dang / /gzhan gyi bya ba bzang la rtag tu 'grus//zhes bya ba ni/ gang gis dus thams cad du sems can thams cad la bu gcig pa lta bur lta bar byed pa dang / rang gi bya ba bor nas 'jig rten 'di dang 'jig rten pha rol du phan 'dogs pa'i rang bzhin du gyur pa'i gzhan gyi bya ba bsgrub par brtson 'grus dang ldan pa de don dam pa'i de kho na nyid bstan par snod du rung ba yin gyi/gzhan rnams la ni ma yin no/ /gal te slob ma de lta bu med na/ gzhan ma la man ngag bstan pa la skyon ci yod ce na/ lam bzang rin chen 'di ni gzhan byin na/ /bag med pa yi sems can dag la ni/ /zhes bya ba la/bag med pa zhes bya ba ni/ bza' ba dang bsrung ba'i dam tshig dang bral ba ste/ de la lam rin po che byin na don med par 'gyur ro/ /ci'i phyir zhe na/ rang gi khyim gyi 'brog dgon la gnas pa/ /yul ngan chom rkun gyis ni 'phrog par byed/ /ces bya ba'o/ /gzhan yang gang gis 'phrog ce na/the tshom dag dang 'gyod pa gnyid dang ni/ /le lo dag dang khengs pa'i rkun ma yis/ /zhes bya ba la/ the tshom zhes bya ba ni/ don dam pa'i de kho na nyid yin nam ma yin snyam pa'i sems te/ yang na 'jig rten gyi dngos grub bsgrub par bya ba'am/ 'jig rten las 'das pa'i dngos grub bsgrub par bya zhes bya ba ni/the tshom za bar byed de sems la nges pa med do zhes bya ba'i don to/ /'gyod pa zhes bya ba ni/ bdag lta bus bla na med pa'i byang chub thob pa mi srid snyam pa'i sems te zhes bya ba'o/ /gnyid ces bya ba ni/ nyin mtshan du de nyid mi sgom zhes bya ba'o/ /le lo zhes bya ba ni thob ma thag tu mi sgom ste/phyi nas bsgom par bya zhes bya ba'i sems so/ /khengs pa zhes bya ba ni/ bstan bcos la sogs pa dang / 'jig rten gyi de kho na nyid kyis nga rgyal byed pa'o/ /de dag la sogs pa'i skyon rnams kyis lam gyi rin po che 'phrog par byed do zhes bya ba'i don de nyid bshad par mdzad de/rang khyim bza' yi nang na bzhugs pa la/ /lam bzangs rin chen dag ni 'phrog par byed/ /ces bya ba'o/ /gzhan yang sus 'phrog ce na/ srog gcod pa dang brdzun dang ma byin len/ /gzhan gyi bud med dag dang tshig rtsub dang / /phra ma tshig 'khyal dang ni mnar sems dang //gnod sems lta ba ngan pa'i rkun ma dang / /yod pa'i sdig dang nye ba'i sdig dag dang / /zhes bya ba la/ yod pa'i sdig ces bya ba ni srog gcod pa la sogs pa bzhi ste/ nye ba'i sdig ces bya ba ni chang 'thung ba dang / cho lo dang kha na ma tho ba'i zas dang / tshig ngan brjod pa dang / 'byung po'i chos dang /kla klo'i chos so/ /gsod dang 'khu ba dbang po mngon zhen dang / /zhes bya ba la/ bud med gsod pa dang / skyes bu gsod pa dang / byis pa gsod pa dang / ba lang gsod pa dang / gzugs brnyan la sogs pa 'jig pa'o/ /'khu ba zhes bya ba ni/ gtso bo la 'khu ba dang / grogs po la 'khu ba dang /dge 'dun la 'khu ba dang / sangs rgyas la 'khu ba dang / dbugs 'byin pa la 'khu ba'o/ /dbang po mngon zhen zhes bya ba ni/ gzugs la zhen pa dang / sgra la zhen pa dang / dri la zhen pa dang / ro la zhen pa dang / reg bya la zhen pa dang / lnga po 'di dag ces bya ba ni/ nyi shu rtsa lnga ste/ rkun ma de yis rin po che ni rtag tu 'phrog par byed/ /ces bya ba'o/ /gzhan yang / shin tu bza' ba dang ni btung ba yi/ /sna tshogs longs spyod du ma'i rkun ma nges/ /zhes bya ba des/ ma zhu ba'i nang byed pa dang / smyon par byed pa'i bza' ba dang btung ba ste/ byug pa dang rgyan la sogs pa'i chom rkun de rnams kyis/su la 'phrog par byed ce na/ brtson 'grus ldan yang 'phrog par byed pa ni/ /zhes bya ba ni/ gnyis su med pa'i ye shes bsgom par nus na yang 'dod pa'i yon tan lngas 'grub par mi ster ro/ /de bas na gnyis su med pa'i ye shes nyams su myong ba'i bar du las dang po pas de rnams la dug bzhin du blta bar bya'o//sna tshogs longs spyod de rnams kyis ji ltar 'phrog par byed ce na/ bag med brgyal bar gyur pa ji bzhin no/ /zhes bya ba ni/ dpe bstan par mdzad de/ dper na bag med pa'i spyod pa byed pa dang / dug la sogs pa brgyal ba dran pa med par gyur pa ji lta ba de bzhin du/'dod pa'i yon tan lnga la longs spyod pas sems ni gnyis su med pa'i ye shes mi dran te/ 'dod pa'i yon tan lnga de nyid bsam par byed ces bya ba'i don to/ /de bas na 'khor ba'i bde ba la ltos pa med pa'i rnal 'byor pa rnams la phyag rgya chen po'i dngos grub 'grub par 'gyur gyi 'khor ba la zhen pa'i sems kyis ni ma yin no//de ltar phyi'i longs spyod la skyon brjod par mdzad nas nang gi skyon brjod par mdzad de/ bdag nyid kyis ni yongs su ma brtags pa/ /g.yo can gzhan dag la ni shes phyir bstan/ /zhes bya ba ni/ gang gis rnam pa gsum du rang bzhin du gyur pa'i rang gi shes rab kyis gnyis su med pa'i ye shes brtag par ma byas pa des/'dod chags la sogs pa'i skyon dang ldan par gyur pa'i g.yo sgyu can gzhan la/ the tshom mi za ba'i phyir ston par byed do/ /de la skyon ci yod ce na/ rin thang med pa ma yin zhes//de yi tshig gis rin chen dor bar byed/ /ces bya ba ni/ dper na rin thang med pa'i nor bu rin po che'i mtshan nyid gang gis mi shes pa des bzang ngan shes par bya ba'i phyir/ g.yo sgyu can gzhan ma la bstan te/ des kyang rang 'dod pa'i phyir ram/ yang na kho la don mi 'grub par bya ba'i phyir/rin po che la smod par byed pa de mi bzang zhes bya ba'i don to/ /pha rol pos de'i tshig gis kyang yid bzhin gyi nor bu rin po che dor bang byed pa ji lta ba de bzhin du mi mkhas pa'i slob ma la bla ma dam pas gnang ba'i lam gyi yid bzhin gyi nor bu rin po ni don med par 'gyur ro//de bas bla ma dam pa snod du rung bar gyur pa'i slob ma la lam gyi rin po che ster ba yin gyi/ byis pa dang bud med la sogs pa'i sems dang 'dra bar gyur pa rnams la ni ma yin no/ /'o na lam gyi rin po che de rig pa'i dpyad pa dang bral ba yin nam zhe na/ rin chen rtog mkhas gang zhig gis//rin chen bzang po yongs rtogs byed/ /de yi rnam dag tshig gis ni/ /rang gi rin chen shes par bya/ /zhes bya ba ni/ dper na skyes bu dam pa gang zhig gis rin po che bzang ngan shes pa dang / sngon du rin po che brtags par byas pa de'i tshig gis rin po che'i mtshan nyid shes par bya'o//de bas na gang gis gnyis su med pa'i ye shes nyams su myong ba dang / sems can thams cad snying rje byed pa de'i tshig gis gnyis su med pa'i ye shes kyi mtshan nyid shes par bya'i/ rang gis mi shes pa dang / sems can thams cad la slu bar byed pa po'i tshig gis ma yin no//gzhan yang shes rab kyi pha rol tu phyin pa'i bdud kyi le'u las/ bdud kyi mtshan nyid de bzhin gshegs pas gang gsungs pa/ de yang rnal 'byor pas shes par bya zhes bya ba bshad par mdzad de/ rdzogs sangs rgyas dang byang chub sems rnams dang / /pha dang ma ni bu mo sring mo dang //bu dang spun dang chung ma 'dod rnams kyis/ /gzugs kyi bdud kyis bgegs ni byed par gyur/ /zhes bya ba ni/ pha dang ma la sogs pa'i re ba 'khor ba la phan thogs par gyur pa ji lta ba de bzhin du phyag rgya chen po'i dngos grub de nyid skyon du 'gyur ba'o/ /de bas na 'khor ba'i rgyur 'gyur ba'i de dag la sogs pa'i re ba dor nas/phyag rgya chen po'i dngos grub 'grub par 'gyur gyi/ de dag la sogs pa'i bsam pas ni ma yin no/ /de'i don bshad par mdzad de/ de bas bla ma dam pas byin pa yi/ /lam bzangs rin chen slob mas nan tan gyis/ /rkun ma rtsa lag yongs su spangs byas la//shin tu legs par sba bar bya ba'o/ /zhes bya ba ni/ de ltar brjod pa'i rim pas bla ma dam pas gnyis su med pa'i ye shes kyi thabs gang la gnang bar gyur ba de/ rtsa lag la sogs pa'i chom rkun rnams las bros nas mngon sum du ma gyur gyi bar du gsang bar bya'i/gzhan rnams la ni bstan par mi bya'o/ /de bzhin du phyi rol du 'khor ba la sogs pas ni bla na med pa'i byang chub kyi rgyu ru gzhan rnams kyis/ gang 'dod pa de la sun dbyung bar brjod par mdzad de/ thar pa'i don du dpa' bo'i rim pa dang / bdag byin gyis brlab pa'i rim pa lam ma yin/zhes bya ba la/ dpa' bo'i rim pa zhes bya ba ni/ ro langs la sogs pa dang / dur khrod la sogs par gnas pa'o/ /bdag byin gyis brlab pa'i rim pa zhes bya ba na sangs rgyas dang byang chub sems dpa' la sogs pas byin gyis brlabs pa'i gnas la 'khod pa'o/ /phung po la sogs pa nyon mongs par byed pa 'di dag gi lam ni rab tu mi gnas pa'i mya ngan las 'das pa'i lam du mi 'gyur ro//'o na don dam pa'i lam gang yin zhe na/ shin tu rnam par dag pa'i rim gcig pa/ thar pa'i ched du zhes bya ba la/ shin tu rnam par dag pa'i rim pa zhes bya ba ni/ rtog pa thams cad las 'das pa'i nyams su myong ba'i rang bzhin stong pa nyid yin te/ bla na med pa'i byang chub kyi lam de nyid gcig pur gsungs so/ /gang gis gsungs she na/ sangs rgyas rnams kyis bstan zhes bya ba ni/ de bzhin gshegs pa nyid kyis mngon sum du mdzad nas/ phyag rgya chen po'i dngos grub thob par bya ba'i phyir sems can thams cad la de nyid bstan to//shin tu rnam par dag pa'i lam de nyid ji lta bu yin zhe na/ mtshams med lnga po dag ni byas pa rnams/ /bde bar gang zhig dbang gi don gyis ni/ /thabs dang shes rab bdag nyid rgyud rnams las/ / rgyal ba'i dbang po rnams kyis yang dag gzung / /zhes bya ba ni mtshams med pa lnga'i las gang rnams kyis byas pa'i mi de thabs dang shes rab kyi rang bzhin du gyur pa'i rgyud las/ bcom ldan 'das rdo rje 'dzin pas gzung ste/ phyag rgya chen po'i dngos grub de rnams las ma bkag ces bya ba'i don to//ji ltar gzung zhe na/ bde ba gang zhig dbang gi don gyis ni/ /zhes bya ba la/ dbang zhes bya ba ni/ bzhi pa slar yang de bzhin te/ /zhes bya ba'o/ /de'i don zhes bya ba ni/ mchog tu mi 'gyur ba'i ye shes so/ /de rnams la phyag rgya chen po'i dngos grub gsungs so/ /de la don ni 'di yin te/ gang gis sngon du mtshams med pa lnga'i las byas pa de theg pa chen po bka' gsang sngags la zhugs nas mchog tu mi 'gyur ba'i bde bas med par byas nas/ phyag rgya chen po'i dngos grub la snod du rung bar de bzhin gshegs pas gsungs kyi/ theg pa chen po bka' gsang sngags la zhugs nas mtshams med pa lnga'i las byed pa ni ma yin no//da ni dpa' bo'i rim pa la sogs pa'i nges pa'i don du bshad par mdzad de/ phyi rol du ni dpa' bo'i rim min gyi/ /'di ni lus dang srog ni zad par gsungs/ /zhes bya ba ni/ drang ba'i don gyis phyi rol du dpa' bo'i rim pas gang yin pa de nges pa'i don du ni ma yin te/nges pa'i don du dpa' bo'i rim pa ni lus po la dbugs nyi khri chig stong drug brgya 'gags pa zhes bya ba'o/ /de bzhin du rgyud kyi rgyal po ye shes kyi le'u las/ dpa' bo gang yin mnyam dang mi mnyam lam du srog dang thur sel gang gis gsod par byed//nyams pa gang yin rtsa gsum la gnas rlung gi mtha' med dbus su gang gis nyams par byed/ /sbyin bdag gang yin bla mar rang lus bu dang khyim thab la sogs gang gis kun sbyin pa'o/ /ngan pa gang yin slu bar byed dang rang gi snying gar snyigs mar sems bzung gang zhig g.yo sgyu can//zhes bya ba ste/ bcom ldan 'das kyis gsungs so/ /de ltar dpa' bo'i rim pas nges pa'i don bshad pa mdzad nas/ bdag gis byin gyis brlabs pa'i rim pa'i nges pa'i don bshad par mdzad de/ bdag gis byin gyis brlabs te stong pa ru/ /khams gsum po ni bstan pa zhes bya'o//nam mkha' khams gsum po gzugs sna tshogs kyi rang bzhin du gyur pa gang mthong ba de bdag gis byin gyis rlob pa ste/ rang gi khams gsum gyi rang bzhin du gyur pa'i rang bzhin du mthong ba zhes bya ba'i don to/ /de ltar gnyis su med pa'i ye shes kyi lam bstan par mdzad nas/'khor ba dang mya ngan las 'das pa'i 'brel pa bshad par mdzad de/ 'khor ba snying po med pa de zad las/ /de nas sangs rgyas nyid 'bras mi rnams la/ /zhes bya ba ni/ bde 'gro dang ngan 'gro las 'khor bar byed pas na 'khor ba zhes bya'o/ /'khor ba de rtag par gyur pa'i dngos po med pa ste/mi rtag pa zhes bya ba'i don to/ /'khor ba de mi rtag pa nyid kyis zad par gyur na/ mi rnams kyis bla na med pa'i byang chub thob par 'gyur ba'o/ /de bas na 'khor ba las mya ngan las 'das pa gzhan min pa dang 'khor ba de nyid kyang mya ngan las 'das pa ni ma yin no/ / de bzhin du/ srid pa gsum po yongs shes pa/ /mya ngan 'das par yongs su brjod/ /ces bya bar gsungs so/ /gal te gang 'khor ba de nyid mya ngan las 'das pa yin pa de lta na ni skyon ci yod ce na/ brjod par bya ste/ gal te 'khor ba de nyid mya ngan las 'das pa yin pa de lta na ni/ 'khor ba la gnas pa'i sems can rnams kyis skye ba dang 'chi ba'i sdug bsngal bor nas sngon 'di nyid du sangs rgyas su gyur pa ste/ gal te de bzhin du yin pa de lta na ni/ de bzhin gshegs pas sems can rnams la bla na med pa'i byang chub thob pa'i phyir chos kyi phung po brgyad khri bzhi stong gang bka' stsal par gyur pa de don med par 'gyur ba'o//de bas 'khor ba las ma gtogs par mya ngan las 'das pa gzhan gang zhig yod pa de lta na ni sems can rnams kyi rgyu las sangs rgyas rnams 'bras bur mi 'gyur te/ gang sems can de rnams yin la/ gang de nyid sangs rgyas rnams shes bya ba'o/ /dper na sa bon nyams pa las myu gu mi skye ba dang / sa bon ma nyams pa las kyang myu gu mi skye ba de bzhin du/ 'khor ba pa rnams kyi phung po rnams dang / sangs rgyas pa rnams kyi mtshan rnams kyi mtshan nyid shes par bya'o//de nyid bshad par mdzad de/ chu shing gi ni 'bras bu smin pa bzhin/ /chu shing nyams pas yang dag 'byung bar 'gyur/ /zhes bya ba ni chu shing nyams pa'i dus su chu shing gi 'bras bu skye ba ji lta ba de bzhin du 'khor ba nyams pa'i dus su mya ngan las 'das pa shar bar gyur pa'o/ /de ltar 'khor ba dang mya ngan las 'das pa'i mtshan nyid bshad par mdzad nas/de dag gi bag chags kyi mtshan nyid bshad par mdzad de/ sdig pa dang ni shing srin sems can rnams/ /gang las byung ba de rnams de nyams byed/ /de ltar rnal 'byor gyi ni sems de yis/ /sgyu ma dag ni rnam par nyams par byed//ces bya ba la/ dper na sdig pa dang shing srin la sogs pa'i sems can rnams dngos po gang las skyes pa'i phyi nas de rnams kyis dngos po de nyid zad par byed pa ji lta ba de bzhin du/ gnyis su med pa'i ye shes kyi rang bzhin du gyur pa'i sems can 'khor ba'i bag chags las skyes nas/'khor ba'i bag chags de nyid kyis nyams par byed pa'o/ /'o na 'khor ba'i bag chags kyi rgyu las gal te mya ngan las 'das pa'i sems skyes par gyur pa de lta na ni/ rgyu 'bras bu tha dad par mi 'gyur ram zhe na/ brjod par bya ste/ 'khor ba'i rang bzhin du gyur pa'i bag chags kyi rang bzhin du gyur ba'i sems dang /mya ngan las 'das pa'i sems 'di dag la rten dang brten pa'i 'brel ba yin gyi/rgyu dang 'bras bu'i 'brel ba ni ma yin no/ /dper na shing gi rten las shing srin gyi ngo bos shing srin skye ba yin gyi/ shing gi ngo bo bems po'i rang bzhin gyis ni ma yin no zhes bya ba'o//mya ngan las 'das pa'i sems ji lta bu yin zhe na/ gnyis med dang ni mi g.yo rigs med dang / /'dod dang mchog tu mi 'gyur 'dod chags che/ /dngos po dang ni dngos min dngos med pa/ /ye shes dang ni sems dpa' kun du bzang / /zhes bya ba la/ gnyis med ces bya ba ni gzung ba dang 'dzin pa la sogs pa ste/de so so'i ngo bos gang gis dor bar de gnyis su med pa zhes bya'o/ /gnas gzhan du mi 'gro bas na mi g.yo bas te/ dus thams cad du rang gi gnas mi 'dor ba zhes bya ba'i don to/ /rigs zhes bya ba ni thabs dang shes rab kyi phyogs te/ zhen pa'i phyogs de dang bral bas na rigs med pa zhes bya ba'o//phyag rgya chen po'i dngos grub ster bas na 'dod pa zhes bya ba'o/ /'jig rten gyi spyod pa dang bral bas na mchog yin la/ 'gyur ba med pa zad pa med pas na mchog tu mi 'gyur ba zhes bya ba'o/ /'jig rten gyi 'dod chags las khyad par du gyur pas na 'dod chags chen po'o//dngos po zhes bya ba ni yod pa yin la/ dngos po med pa zhes bya ba ni med pa ste/ yod pa'i dngos po yang ma yin zhing med pa'i dngos po yang ma yin pas na/ dngos po dang ni dngos min dngos med pa/ /zhes bya ba ste/ yod pa dang med pa las 'das pa zhes bya ba'i don to//dngos po thams cad kyi rang bzhin shes par byed pas na ye shes zhes bya ba'o/ /sems can thams cad la snying rje'i rang bzhin du gyur pa dang / rang gis nyams su myong bar gyur pas na sems dpa' zhes bya ba'o/ /skyon thams cad spangs pa dang / nyid kyi don phun sum tshogs pa dang /gzhan gyi don phun sum tshogs pa sgrub par mdzad pas na kun du bzang po zhes bya ba'o/ /gzhan yang / nyon mongs min dang nyon mongs chen po ste/ /lhan cig skyes dpal byang chub sems thig 'dzin/ /zhes bya ba'o/ /nyon mongs min zhes bya ba ni sdug bsngal dang bral ba'o//dus thams cad du sems can thams cad la de nyid 'phrog par byed pas nyon mongs pa chen po'o zhes bya ba'o/ /sems dang lhan cig skyes pas na lhan cig skyes pa ste/ dper na sbrul dang sbrul gyi mgo bo'i rin po che lta bu'o/ /skyes pas na 'jig rten gyi lhan cig skyes pa'i ji lta ba de bzhin du yin nam zhe na/byang chub sems kyi thig le bzhi 'dzin pa/ /zhes bya ba ni/ byang chub kyi sems kyi thig le bzhi 'dzin pa ste/ 'khor ba'i 'pho ba'i lhan cig skyes pa'i ji lta bu ni ma yin no/ /de ci'i phyir zhe na/ don dam par 'pho ba'i rang bzhin du gyur pa lhan cig skyes pa gal te yin pa de lta ni/'pho ba'i drin gyis dang po nas sems can thams cad sangs rgyas su 'gyur ba'o/ /de bas na 'khor ba'i lhan cig skyes pa 'pho ba yin gyi/ mi 'pho ba'i rang bzhin ni ma yin te/ sangs rgyas kyi lhan cig skyes pa mi 'pho ba'i rang bzhin yin gyi/'pho ba'i rang bzhin ni ma yin zhes bya ba ste/ bcom ldan 'das kyi thugs dgongs so/ /don de dag dang ldan par gyur pa de gang yin zhe na/ dpal dus kyi 'khor lo'i rdo rje zhes bya ba'o/ /dbyibs dang kha dog la sogs pa dang ldan par gyur pa'i bcom ldan 'das dus kyi 'khor lo yin nam zhe na/thabs dang shes rab bdag nyid rnal 'byor ro/ /zhes bya ba ni rtog pa thams cad las 'das par gyur pa mchog tu mi 'gyur ba'i ye shes kyi rang bzhin du gyur pa phyag rgya chen po'i dngos grub kyi dngos po yin gyi/ 'jig rten gyi dngos grub ster bar byed pa'i zhal dang phyag la sogs pa dang ldan pa ni ma yin no//de ltar don dam pa de kho na nyid bshad par mdzad nas/ bcom ldan 'das dus kyi 'khor lo'i nges pa'i don bshad par mdzad de/ stong nyid rnam pa'i snying rje ni/ dus te zhes bya ba la/ snying rje zhes bya ba ni/ rang rig pa'i ye shes so/ /de ci lta bu yin zhe na stong nyid rnam pa zhes bya ni/ 'jig rten gyi rtog pa thams cad las 'das par gyur pa'i stong pa nyid kyi rang bzhin du gyur pa yin gyi/ 'jig rten pa'i rang rig pa'i ye shes rig bya dang rig byed kyi rang bzhin du gyur pa ji lta ba de lta bu ni ma yin no//kun rdzob gzugs can ma/ stong nyid 'khor lo zhes su brjod/ /gnyis med dus 'khor 'dod pa'o/ /zhes bya ba la/ 'khor lo zhes bya ba ni stong pa nyid de/ /'o na gang stong pa nyid de dngos po med pa yin la/ gang 'khor lo de dbyibs dang kha dog la sogs pa'i rang bzhin te dngos po yin no//de bas na 'khor lo de stong pa nyid du mi 'gyur ba ma yin nam/ zhe na/ kun rdzob gzugs can ma zhes bya ba ni/ kun rdzob kyi rang bzhin du gyur pa stong pa nyid yin gyi/ rnam pa kun du med pa'i rang bzhin du ma yin no/ /de la don gang yin zhe na/ brjod par bya ste/ las dang po pas mig gang zhig gis bum pa dang ka ba la sogs pa mthong ba'i mig de nyid kyis/ nam mkhar rnam pa thams cad dang ldan pa'i sna tshogs gzugs mthong ngo / /de don dam par yod pa ma yin te/ rdul phra rab las 'das par gyur pa'i phyir dang / bskyed bya skyed byed kyi tshul gyis ma bskyed pa'i phyir ro//de bzhin du med pa ni ma yin te/ mchog tu mi 'gyur ba'i bde ba'i rang bzhin du gyur pa'i phyir dang / nam mkha' la rnal 'byor pas mthong ba'i phyir ro/ /de bas na rtog pa las 'das pa'i rang rig pa'i rang bzhin du gyur pa'i bde ba ni snying rje yin gyi/ rtog pa'i rang bzhin ni ma yin no//de bzhin du rnam pa thams cad dang ldan par gyur pa'i gzugs sna tshogs mthong ba ni/ stong pa nyid yin gyi/ rnam pa thams cad du med pa'i ngo bo ni ma yin no/ /de bas na don dam par kun rdzob kyi rang bzhin du gyur pa stong pa nyid yin la/ stong pa nyid kyi rang bzhin du gyur pa'i kun rdzob yin zhes bya bar 'grub po//de bzhin du/ stong pa nyid ni kun rdzob yin/ kun rdzob stong pa nyid du brjod/ /med na mi 'byung nges ba'i phyir/ /dper na byas pa mi rtag bzhin/ zhes bya ba gsungs so/ /kun rdzob tu gang kun rdzob de kun rdzob yin la/ gang stong pa nyid de stong pa nyid yin zhes bya ba'i don to//de ltar brjod pa'i rim pas yod pa dang med pa'i dngos po las gyur pa'i stong pa nyid dang / snying rje dbyer med pa'i rang bzhin du gyur pa bcom ldan 'das dus kyi 'khor lo zhes bya ba'o/ /de lta bu bcom ldan 'das dus kyi 'khor lo gang gis bsgrub par 'dod pa des ci zhig bya zhe na/ dpal ldan 'di ni myur thob phyir//rnal 'byor ma zhabs rtag tu ni/ /rnal 'byor gang zhig bsgoms pa ni/ /de la bgegs ni zad par 'gyur/ /zhes bya ba la/ rnal 'byor ma zhes bya ba ni/ drang ba'i don du 'jig rten las 'das pa'i mkha' 'gro ma rnams te/ /nges pa'i don du rnal 'byor ma zhes bya ba ni srog dang thur sel yin la/de dag gang du yod pa de rnal 'byor ma rnams te/ rtsa g.yas pa dang g.yon pa dang dbus ma'o/ /mkha' 'gro ma de rnams kyi zhabs zhes bya ba ni/ yod pa dang med pa nyams par gyur pa'i dngos po ste/ dpal dus kyi 'khor lo thob par bya ba'i phyir ro/ /gang gis de sgom par byed pa phyag rgya chen po la bar chad du byed pa bgegs rnams de la med par 'gyur ro//bgegs rnams gang yin zhe na/ dgra dang seng ge glang chen dbang po me dang ltos 'gro'i bdag po chom rkun zhags pas 'ching / /rgya mtsho 'khrugs dang yi dags 'ching ba'i 'jigs byed nad dang dbang po'i gnod pa dang //bkres dang bud med bral dang rgyal po 'khrugs pa'i 'jigs pa rdo rje lhung dang nor nyams pa/ /zhes bya ba ni/ dgra dang seng ge dang / glang po che'i bdag po dang / me dang sbrul dang / chom rkun dang / zhags pas 'ching ba dang / rgya mtsho dang / yi dags dang /nad dang lha'i bu'i bdud dang / /bkres pa dang / bud med kyis dor ba dang / rgyal po khros pa dang / rdo rje lhung ba dang / nor nyams pa'i 'jigs pa ste bcu drug go/ /'jigs pa rnams ni ji ltar nyams par 'gyur zhe na/ rnal 'byor ma rnams zhabs ni gang gis gsal bar dran pa de la de rnams nyams par 'gyur zhes bya ba la/gang gis rnal 'byor ma rnams kyi zhabs ni dus thams cad du dran par byed pa de la/ 'jigs pa de rnams zad par 'gyur zhes bya ba'o/ /'jigs pa de rnams ji lta bu yin zhe na/ glang chen shing rta thams cad mi mchog tshogs/ /zhes bya ba la sogs pa nas/rgyal ba mchog gis gang zhig mchod dang bstod pa de ni don rnams nyams par mi 'gyur ro/ /zhes bya ba'i bar du tshigs bcad bcu drug gis 'jigs pa de rnams kyi bshad pa ni go sla'o/ /da ni mkha' 'gro ma rnams kyi bshad pa mdzad de/ rnal 'byor ma rnams nyi zla sgra gcan lam gsum la gnas ser skya lugs dang kun 'dar ma'o//zhes bya ba ni nyi ma dang zla ba sgra gcan gyi rang bzhin du gyur pa/ ra sa nA dang / la la nA dang a ba d+hU tI'o/ /de rnams kyi zhabs nges pa'i don du gang yin zhe na/ dngos dang dngos min rab nyams mnyam 'gro'i zhabs/ zhes bya ba ni/ phyir mi 'byung ba dang / nang du mi 'jug pa gang yin pa de dngos dang dngos min rab nyams zhes bya ba'o/ /'o na ji lta bu yin zhe na/ mnyam 'gro zhes bya ba ni/ dus thams cad du a ba d+hU tI'i nang du gnas pa zhes bya ba'o/ /de lta bu'i zhabs gang yin pa de mkha' 'gro ma de rnams kyi ye shes kyi sku zhes bya ba'o//mchog tu mi 'gyur ba'i bde ba'i gnas de dus thams cad du gang gis sgom par byed pa de la don ci 'grub ce na/ 'di dag mi 'gyur lhan cig skyes pa de yi go 'phang de nyid de dag gang gis dran/ /'di las ma lus 'jigs 'joms brjod pa skye ba 'di ni 'bras bur 'gyur//zhes bya ba'o/ /'o na phyi rol gyi rnal 'byor ma rnams kyi gnas ni nam mkha' dang sa la sogs pa yin te/ nang du rnal 'byor ma rnams kyi gnas gang yin zhe na/ dpal ldan rnal 'byor ma rnams gnas ni rdo rje nor bu'i khyim la zhes bya ba ni/ mchog tu mi 'gyur ba'i bde ba'i gnas gang yin pa de rnal 'byor ma rnams kyi gnas zhes bya ba'o//de ltar drang ba'i don dang nges pa'i don gyi rnal 'byor ma rnams la bstod pa mdzad nas/ bsod nams bsngo ba mdzad de/ der 'jug phyir lam nyon mongs bral zhing bdud nyams rgyal bas brjod pa 'dir ni bstod dgos bdag gis glengs//zhes bya ba ni/ rdo rje nor bu'i khyim du zhugs par bya ba'i phyir/ nyon mongs pa la sogs pa dang bral bar gyur pa rtsa ba'i rgyud la sogs pa las de bzhin gshegs pas bka' stsal pa'i lam de nyid bdag gis bstod pa'i dgos pa mdzad do//de brjod pas bdag gi bsod nams kyi tshogs gang sogs pa des ji lta bur gyur cig ce na/ gang zhig bde min mun par rtag tu bdud kyi 'brel pas gnas shing lam nyams pa/ /mi de rnams kyis rdo rje nor bu'i khyim du lam 'di thos nas ring bar ma gyur cig/ /ces bya ba ni/gang rnams la 'pho ba'i rang bzhin du gyur pa'i mun pas dus thams cad du lam nyams par byas pa dang / bdud dang nyon mongs pa'i lam la gnas par gyur pa'i mi de rnams kyis/ gnyis su med pa ye shes kyi lam thob nas/ rdo rje nor bu'i khyim du myur bar ring bar ma gyur cig /ces bya ba'o/ /rdo rje nor bu'i khyim thob nas don ci 'grub ce na/ sum cu rtsa gnyis mtshan gyi yang dag 'gro 'di bla mas mchog gi 'khor lor yang dag gnas/ /lha rnams spyi gtsug nor bu'i 'od zer tshogs kyis zhabs kyi pad+mar gtugs/ dam pa'i lam ston mdzad cing nyin byed lta bur mun pa thams cad 'joms mdzad pa//du ba la sogs lam gyi lhan cig skyes pa de yi go 'phang bsgoms na dus kyi 'khor lor 'gyur/ /zhes bya ba ni du ba la sogs pa'i rtags dang ldan par gyur pa'i lam gyis mchog tu mi 'gyur ba'i bde ba'i ngo bo gang gis sgom par byed pa'i rnal 'byor ba de ma 'ongs pa'i dus su bcom ldan 'das dus kyi 'khor lo'i rang bzhin du 'gyur ba'o//bskyed pa'i rim pa'i ting nge 'dzin gyis grub pa'i bcom ldan 'das dus kyi 'khor lo ji lta ba de bzhin du yin nam zhe na/ sum cu rtsa gnyis mchog gi yan lag ces bya ba la sogs pas sku bzhi dang ldan par gyur pa chos kyi phung po brgyad khri bzhi stong ston pa/sems can thams cad la ma rig pa'i mun pa 'joms par mdzad pa/ 'khor ba dang mya ngan las 'das pa'i bar du mi gnas pa'i rang bzhin du gyur pa yin gyi/ bskyed pa'i ting nge 'dzin gyis bsgrub pa'i nyi tshe ba ma yin no//de lta bu bcom ldan 'das dus kyi 'khor lo brjod bya'i rang bzhin du gyur pa gang gis rjod par byed pa'i rgyud de la de bzhin gshegs pa shAkya thub pa'i shes rab kyi stobs kyis sems can la phan gdags pa'i phyir bdag gis 'grel par bshad bya zhes bya ba ni bshad par mdzad de/gang zhig lha klu mi dang lha min dbang po cod pan gyis ni zhabs kyi chu skyes gtugs/ /yang dag ye shes nyin byed 'gro gsum dag tu dpal ldan chos kyi 'khor lor bzhugs/ /bdud dang nyon mongs rab gtum rtag tu gsod mdzad dpal ldan shAkya seng ge ste//'gro la de yi thugs rje dag dang shes rab kyis bskul bas ni 'grel bshad bri bar bya/ /zhes bya ba'o/ /de ltar brjod par bya ba'i rang bzhin du gyur pa'i bcom ldan 'das dus kyi 'khor lo'i mtshan nyid bshad par mdzad nas/ brjod bya dang rjod byed thams cad bcom ldan 'das dus kyi 'khor lo'i mtshan nyid yi ge re re'i don bshad par mdzad de/kA yig gis ni rgyu zhi zhing / /la yig gis ni 'dir thim nges/ /tsa yig gis ni g.yo ba'i sems/ /kra yig gis ni rim pas bcings/ /zhes bya ba la/ rgyu zhes bya ba ni 'khor ba'i rgyur gyur pa phung po dang dbang po la sogs pa yin la/de rnams gang du med par gyur pa de zhi ba zhes bya ba'o/ /'o na rnam pa thams cad du ye med par gyur tam zhe na/ la yig gis ni 'dir thim nges zhes bya ba la/ gzung ba dang 'dzin pa'i rang bzhin du gyur pa'i 'brel pa dor nas nang du 'jug par 'gyur ba ste/ sems ni mchog tu mi 'gyur ba'i bde ba myong zhes bya ba'i don to//sems de lta bu yin zhe na/ tsa yig gis ni g.yo ba'i sems/ zhes bya ba ni/ rlung gi rang bzhin du gyur pa'i mi brtan pa'i sems brtan par gyur nas/ 'khor ba'i sdug bsngal dor nas/ mchog tu mi 'gyur ba'i bde ba'i rang bzhin du 'gyur ba zhes bya ba'o//ji ltar brtan par 'gyur zhe na/ kra yig gis ni rim pas bcings/ /zhes bya ba ni/ rim pa ji lta bas/ lus kyi thig le dang ngag gi thig le dang sems kyi thig le dang / ye shes kyi thig le ni dpral ba dang / mgrin pa dang / snying ga dang / lte ba la bcings par gyur nas sems brtan par 'gyur te/mi g.yo ba'i rang bzhin du 'gyur zhes bya ba'i don to/ /de bas na so sor sdud pa dang / bsam gtan dang / srog rtsol dang / 'dzin pas sems brtan por gyur na mchog tu mi 'gyur ba'i rang bzhin du 'gyur ro/ /yang na rgyu zhes bya ba ni/'dod chags kyi bde ba la lta ba la sogs pa ste/ de gang la med par gyur pa de rgyu med pa'o/ /stong pa nyid kyi gzugs las skyes pa'i mi 'pho ba'i bde ba ste/ lhan cig skyes pa'i sku'o/ /thim pa zhes bya ba ni de nyid chos nyid dang lhan cig tu ro mnyam pa nyid du gyur pa ste/ chos kyi sku'o//g.yo ba zhes bya ba ni srog gi rlung yin la/ de 'gags par 'gyur ba na brag ca bzhin du 'gyur ba'i longs spyod rdzogs pa'i sku'o/ /rim pa zhes bya ba ni lte ba la sogs pa'i gnas bzhi la rgyu mthun pa la sogs pa'i 'bras bu bzhis sems dag par gyur pa de sprul pa'i sku'o//de ltar sku bzhi'i bdag nyid du gyur pa'i bcom ldan 'das dus kyi 'khor lo bsgrub par 'gyur ba'o/ /de ltar yi ge re re'i don bshad par mdzad nas/ /de nyid ye shes dang shes bya gcig tu gyur pas bshad par mdzad de/ dus ni mi 'gyur ye shes bde/ /snying rje'i bdag nyid thabs yin no//zhes bya ba ni mchog tu mi 'gyur ba'i bde ba'i rang bzhin du gyur pa'i ye shes dang / dmigs pa med pa snying rje'i rang bzhin du gyur pa'i thabs gang yin pa de dus zhes bya ba'o/ /'o na 'khor lo gang yin zhe na/ shes bya'i rnam pa 'gro 'khor lo/ /dpal ldan shes rab stong nyid bdag /ces bya ba ni/ shes bya'i rang bzhin du gyur pa/ khams gsum po stong pa nyid kyi rang bzhin du gyur pa'i shes rab gang yin pa 'khor lo zhes bya ba'o/ /de ltar ye shes dang / shes bya dang / snying rje dang / stong pa nyid dang / thabs dang shes rab kyi rang bzhin du gyur pa don dam par bcom ldan 'das dus kyi 'khor lo zhes bya ba'o//gzhan yang ji lta bu yin zhe na/ dpal ldan dus kyi 'khor lo 'di/ /kun nas rdo rje'i rnal 'byor ro/ /bden pa gnyis la gnas pa 'di/ /mngon par brjod pa rjod byed 'gyur/ /zhes bya ba ni de ltar brjod pa'i rim pas/ bcom ldan 'das dus kyi 'khor lo rdo rje rnal 'byor kun rdzob kyi bden pa la gnas pa brjod bya'i rang bzhin du gyur pa yin la/le'u lnga pa'i bdag nyid du gyur pa'i rgyud kyi rgyal po ni brjod par bya'o/ /rgyud 'di la 'grel bshad gang gis mdzad ce na/ bshad par mdzad de/ bdag gis rgyud 'di'i 'grel pa ni/ /bde gshegs des lung bstan nas dang //'jam dpal gyis ni bskul nyid pas/ /'jig rten mgon pos bri bar bya/ /zhes bya ba ni bsdus pa'i rgyud kyi rgyal po 'di la de bzhin gshegs pas lung bstan pa dang / 'jam dpal gyis bskul ba ni/ bdag byang chub sems dpa' 'jig rten mgon pos 'grel bshad bri bar bya zhes bya ba'o//'grel bshad de ji lta bu yin zhe na/ byis dang mkhas pa rmongs rnams la/ /rgyud kyi gsang ba gsal bar byed/ /bu la ma yis phan byed ltar/ /lus can rnams la bde ba'i phyir/ /zhes bya ba ni/ byis pa la sogs pa'i sems can rnams la rgyud kyi gsang ba zhes bya ba ni/rdo rje tshig ces pa la sogs pa ste/ de gsal bar byed pa'o/ /gzhan yang bu rnams la mas phan thogs par byed pa de bzhin du sems can thams cad sdug bsngal sel ba'i phyir dang / thun mong bde ba thob pa'i phyir 'brel pa bri bar bya zhes bya ba ste 'brel pa'o/ /de bas na sa bcu'i dbang phyug byang chub sems dpa'/'jig rten mgon pos sems can rnams la phan gdags pa'i phyir mdzad pa yin gyi/ nyid kyi don bsgrub pa'i phyir ni ma yin no/ /'o na 'jig rten gyi bde ba ster na/ 'jig rten las 'das pa'i bde ba mi ster ram zhe na/ rdo rje sems dpa' dam pa'i lam//rnal 'byor pa rnams gang gis rig /ces bya ba la/ rdo rje sems dpa'i dam pa'i lam zhes bya ba ni/ du ba la sogs pa'i rtags dang ldan par gyur pa sbyor ba'i yan lag drug ste/ rnal 'byor pa rnams kyis mchog tu mi 'gyur ba'i rang bzhin du gyur pa'i lam de 'grel bshad gang gis shes par byed pa de bri bar bya ba'o//'grel bshad gyi mtshan ci yin zhe na/ 'grel bshad dri ma med pa'i 'od/ /de bas de ni myur du bri/ /zhes bya ba ni/ dri ma zhes bya ba ni/ 'dod chags la sogs pa'i bag chags te/ de gang gis med par byed pa dang / sems de nyid 'od gsal bar byed pas na/ dri ma med pa'i 'od ces bya ba ste/de nyid myur du bri bar bya ba'i don to/ /bsdus pa'i rgyud kyi rgyal po dpal dus kyi 'khor lo'i 'grel bshad rtsa ba'i rgyud las rjes su 'brangs pa stong phrag bcu gnyis pa dri ma med pa'i 'od ces bya ba las/ bdud dang bgegs thams cad nyams par byed pa dang /mchog tu 'dod pa'i lha dang / yam gyi nges pa'i mdor bsdus chen po'i bshad pa'o// //de la dang po re zhig bcom ldan 'das thams cad mkhyen pas brjod par bya ba dang rjod par byed pa la sogs pa gzigs nas/ rgyud kyi rgyal po bka' stsal pa yin gyi ji lta ba bzhin du ma yin no//de la thabs dang shes rab kyi rang bzhin du gyur pa bcom ldan 'das dus kyi 'khor lo ni brjod par bya ba yin la/ le'u lnga pa'i rang bzhin du gyur pa yi ge'i tshogs rgyud kyi rgyal po ni rjod par byed pa'o/ /'di dag gi 'brel pa ni brjod par bya ba dang / rjod par byed pa'i mtshan nyid do//dgos pa ni bsod nams kyi stobs dang rnam par rtog pa'i bsgom pa'i stobs kyis 'jig rten gyi dngos grub bsgrub pa dang / sems can gyi don byed pa'o/ /dgos pa'i dgos pa ni sbyor ba'i yan lag drug gis sa bcu gnyis kyi dbang phyug nyid phyag rgya chen po'i dngos grub bsgrub pa'o//don 'di dag la sogs pa la gzigs nas 'jig rten gyi khams kyi le'u dang / nang gi le'u dang / mngon par dbang bskur ba'i le'u dang / bsgrub pa'i le'u dang / ye shes kyi le'u dang / lnga'i rang bzhin du gyur pa'i rgyud kyi rgyal po bcom ldan 'das dus kyi 'khor lo ni 'jig rten gyi dngos grub dang /'jig rten las 'das pa'i dngos grub thob par bya ba'i phyir/ mi la sogs pa'i sems can thams cad la bka' stsal to/ /de la 'jig rten gyi khams kyi le'u la sogs pa'i rim pas de bzhin gshegs pa'i rgyud kyi rgyal po bka' stsal pa de dgongs pa gang yin zhe na brjod par bya ste/sa chu me rlung la sogs pa'i rdul phra rab kyi rang bzhin du gyur pa'i 'jig rten gyi khams ni skye ba'i rten dang / 'chi ba'i rten yin la/ brten pa ni sems can rnams so/ /sems can rnams phyag rgya chen po'i dngos grub la snod du rung bar bya ba'i phyir/'jig rten dang 'jig rten las 'das pa'i dbang bskur ba dgos pa'o/ /dbang bskur nas 'jig rten pa'i dngos grub bsgrub pa'i phyir bsgrub pa'o/ /'jig rten pa'i dngos grub kyis skye ba dang 'chi ba zad par mi 'gyur te/ de bas skye ba dang 'chi ba bral bar bya ba'i phyir/phyag rgya chen po'i dngos grub ni/ gnyis su med pa'i ye shes kyis sgrub par byed ces bya ba la de bzhin gshegs pas thugs la dgongs nas dang po sa chu me rlung la sogs pa'i rdul phra rab kyi tshogs kyi rang bzhin du gyur ba'i 'jig rten gyi khams kyi le'u bstan te/de nas sems can gyi skye ba dang / 'gag pa la sogs pa'i rang bzhin du gyur pa nang gi le'u bstan to/ /de nas 'jig rten dang 'jig rten las 'das pa'i mngon par dbang bskur ba'i rang bzhin du gyur ba'i dbang gi le'u'o/ /de nas dkyil 'khor gyi 'khor lo la sogs pa spros pa'i rang bzhin du gyur pa'i bsgrub pa'i le'u'o//de nas dmigs pa dang bcas pa'i stong pa nyid dang / dmigs pa med pa'i snying rje'i bdag nyid du gyur pa'i gnyis su med pa'i ye shes bsgrub par mdzad pa/ ye shes kyi le'u bka' stsal to/ /de la dang por 'jig rten gyi khams kyi le'u las don ci bstan zhe na/tshigs su bcad pa dang po'i kun mkhyen zhes bya ba nas brtsams nas sangs rgyas zhes bya ba'i mthar ston pa phun sum tshogs pa bstan to/ /seng ge'i khrir bzhugs zhes bya bas gnas phun sum tshogs pa bstan to/ /lha'i gtso bos phyag byas pas 'khor phun sum tshogs pa bstan to//spyis btud de zhes bya ba nas/ rgyal po zla bzangs lag pa'i pad+ma sbyar ba yan lag mchog gi steng bzhag nas/ /zhes bya bas zhu ba po phun sum tshogs pa'o/ /dpal ldan dus 'khor rnal 'byor rtsod ldan dus su zhes bya bas chos phun sum tshogs pa'o//mi rnams dgrol ba'i don du'o zhes bya bas dgongs pa'i dgos pa phun sum tshogs pa bstan to/ /gsol ba btab pa'i tshigs su bcad pa gnyis pa las/ stong dang ye shes rdo rje thig le mchog 'dzin zhes bya ba nas brtsams nas/ bshad du gsol zhes bya ba'i mthar stong pa chen po'i yi ge lnga dang /thig le stong pa yi ge drug dang / rigs dang / rigs can dang / rang bzhin dang / skyes bu dang / lus la sna tshogs kyi tshad dang / phyi rol du srid pa gsum gyi dbyibs dang / lha rnams kyi longs spyod pa dang / dkyil 'khor dang / dbang bstan pa'i phyir gsol ba btab po/ /de nas zla bzangs khyod la bdag dga' zhes bya ba nas brtsams nas/ dbang dang dkyil 'khor nyan par gyis zhes bya ba'i mthar de bzhin gshegs pa'i lan bstan to/ /de nas dus la zhes bya ba nas brtsams nas/ rgya mtsho dang zhes bya ba'i mthar 'jig rten gyi khams bsdus pa'o//rgyu skar zhes bya ba nas brtsams nas sgo nga'i dbus zhes bya ba'i mthar rgyu skar dang / nyi ma dang zla ba la sogs pa dang / bkra shis la sogs pa'i gza' rnams dang / drang srong dang / 'byung po dang / klu dang rnam pa bzhi'i bdag nyid du gyur pa'i sems can rnams kyi skye ba'i mtshan nyid dang /lus zhes bya ba nas brtsams nas kun rtog bral zhes bya ba'i mthar rnam pa bcu'i rang bzhin du gyur pa'i rdo rje'i sku dang / lus g.yon zhes bya ba nas brtsams nas/ dngos po kun gyis grol zhes bya ba'i mthar sgra gcan la sogs pa dang / srog gi rlung la sogs pa bskyed pa dang /a sogs zhes bya ba nas brtsams nas/ khams gsum skyes 'gyur rgyal po kye/ zhes bya ba'i mthar/ zla ba dang nyi ma'i 'phel ba dang 'grib pa dang sngags sna tshogs pa dang / skye ba'i gnas zhes bya ba nas brtsams nas/ phung po khams te lhag pa'i lha zhes bya ba'i mthar dbyangs rnams kyi skye ba'i gnas dang /bsgom pa'i gnas dang / rlung nas lhun po'i mthar zhes bya ba nas brtsams nas/ yon tan bral zhing de nyid dman zhes bya ba'i mthar/ 'jig rten gyi mtho ba'i tshad dang / rlung dang rlung gi mthar zhes bya ba nas brtsams nas/ dus kyi sbyor ba nas skyes zhes bya ba'i mthar zheng gi tshad dang /zheng gi tshad ces bya ba nas brtsams nas/ rang rang gi tshad kyi khru gang yang dag go zhes bya ba'i mthar rgya'i tshad dang / phra rab tshad ces bya ba nas brtsams nas/ de yi dpag tshad tshad yin no zhes bya ba'i mthar/ rdul phra rab la sogs pa'i tshad kyis khru la sogs pa'i tshad dang /dang po de ni zhes bya ba nas brtsams nas/ A dang kA sogs dbye bas so/ /zhes bya ba'i mthar/ srid pa sum cu rtsa gcig gi mtshan nyid dang / rin chen 'od nas zhes bya ba nas brtsams nas/ bdun pa las kyi mthar zhes bya ba'i mthar/ klu'i gnas la sogs pa'i ming dang /shar du rlung ste zhes bya ba nas brtsams nas/ tha ma'i tshad yin no zhes bya ba'i mthar gling bzhi la sogs pa'i dbyibs dang tshad dang / tshangs pa'i yul sar zhes bya ba nas brtsams nas/ me dang rlung mthar ni zhes bya ba'i mthar/ bcom ldan 'das dus kyi 'khor lo la sogs pa'i gnas la sogs pa dang /shar nas brgya byin zhes bya ba nas brtsams nas/ gzhom du med pa'i rdo rje'i sku zhes bya ba'i mthar phyogs skyong ba rnams kyi gnas dang / lhun po'i rgyab ces bya ba nas brtsams nas/ mi rnams kyi ni lo brgya gang yin pa zhes bya ba'i mthar bcom ldan 'das kyis dum bu bcu gnyis la bskor ba dang /dus rdzogs ldan la sogs pa'i mtshan nyid lo'i grangs dang / phra mo dbugs 'byung / zhes bya ba nas brtsams nas/ nyin mtshan gcig la nyi ma bcu gnyis zhes bya ba'i mthar/ srin bu la sogs pa la rang rang gi tshe'i tshad dang /phyogs zhes bya ba nas brtsams nas/ lus kyi dbus su de bzhin no zhes bya ba'i mthar/ phyi dang nang du dus kyi dbye ba dang / lo 'di nas zhes bya ba nas brtsams nas/ dus kyi dbang gis 'gyur zhes bya ba'i mthar/ bcom ldan 'das 'jam dpal gyi sprul pa'i sku bzhengs pa dang /kla klo'i chos dar ba dang / skar rtsis nyams pa la sogs pa dang / me dang rgya mtsho zhes bya ba nas brtsams nas/ zla ba'i bsdus pa rnam par dag pa zhes bya ba'i mthar zla ba'i tshogs dang / zla ba gnas gsum du 'gyur zhes bya ba nas brtsams nas/ thub pa mchog gi bcad pa lhag ma gza'//zhes bya ba'i mthar/ gza' gang yin pa dang / gnas gnyis ni nyi zlas sreg pa zhes bya ba nas brtsams nas/ gza' dang zla ba rab tu sbyin zhes bya ba'i mthar/ gza' rnams kyi rgyu ba dang / sbyin dang 'phrog dang sbyin pa zhes bya ba nas brtsams nas/ sbyin dang 'phrog par 'gyur zhes bya ba'i mthar/ /tshes la sogs pa'i grangs dang rig byed kyis/ /tshes bcom zhes bya ba nas brtsams nas/ zla ba'i 'pho ba dbye bas so zhes bya ba'i mthar nyin mtshan re re'i nyi ma'i longs spyod dang / nyi ma la tshes byin nas zhes bya ba nas brtsams nas/bdun pa'i cha'i lhag ma'i zhes bya ba'i mthar zla ba'i longs spyod la sogs pa dang / yang dag pa'i lo ni klus bsres zhes bya ba nas brtsams nas/ nya'i dus la nyin mo'i mthar zhes bya ba'i mthar/ nya la sogs pa'i 'pho ba bcu gnyis kyi tshad dang / zla ba drug tu nyin mtshan nyams pa dang /'phel zhes bya ba nas brtsams nas/ byang du nyin mtshan 'ong zhes bya ba'i mthar/ nyin mo dang mtshan mo nyams pa dang / 'phel ba dang zla ba dang mig nyi bsres zhes bya ba nas brtsams nas/ snga ma rgyu skar phyed po zhes bya ba'i mthar/ sgra gcan gyi longs spyod dang / zla ba sum cus bcom pa zhes pa nas brtsams nas/ mtho dman nyin mtshan mi gsal lo zhes bya ba'i mthar/ bkra shis la sogs pa'i gza' rnams kyi nyin mtshan gyi tshogs dang / ri dus gcig bsres nas zhes bya ba nas brtsams nas/ sbyin dang 'phrog pa'o zhes bya ba'i mthar bkra shis dang /bkra shis kyi dag pa dang / nyi mas sa skyes rnams dag byas te zhes bya ba nas brtsams nas/ zla ba dkar po longs spyod mthar/ /zhes bya ba'i mthar/ myur ba las kyi cho ga dang / /stong pa nam mkha' zla grags zhes bya ba nas brtsams nas/ myur bar bya ba'i rgyal sogs so//zhes bya ba'i mthar/ gza' lag pa dag pa dang / nyin mtshan tshogs ni dman zhes bya ba nas brtsams nas/ phyogs gang la sogs de rnams so/ /zhes bya ba'i mthar/ phur bu dag pa dang / nyin mo gza' kha zlas bcom zhes bya ba nas brtsams nas/ dgra la sbyin phrog ji bzhin no//zhes bya ba'i mthar/ pa ba sangs dag pa dang / mkha' mig brgyad dang rigs byed kyis dman zhes bya ba nas brtsams nas/ myur bar bya bar ro zhes bya ba'i mthar spen pa dag pa dang / myur dang dman pa'i rgyu ba zhes bya ba nas brtsams nas/ lo dang lo bsdu ba'o zhes bya ba'i mthar rgyu ba'i mtshan nyid dang /nya chad pas ni sgra gcan zhes bya ba nas brtsams nas/ rgyab nas 'byung po'o zhes bya ba'i mthar/ sgra gcan 'jug pa dang / tha skar sogs nas nag pa phyed pa zhes bya ba nas brtsams nas/ lug sngon srang la sogs pa zhes bya ba'i mthar rgyu skar rnams kyi go la dang /me las bsil dro mtha' ru zhes bya ba nas brtsams nas/ drug cu rtsa gnyis nyin mo zhes bya ba'i mthar gau la'i tshad dang / ri gang zhig nas mi rnams kyi zhes bya ba nas brtsams nas/ nya dang bu mo la gnas zhes bya ba'i mthar/ steng du nyi mas 'khor ba'i tshad/'dir ni byang 'gro yin zhes bya ba nas brtsams nas/ karka Ta sogs 'bru la'o/ /zhes bya ba'i mthar/ byang du bgrod pa dang / lho ru bgrod pa dang / steng du drug dang / klu'i grangs zhes bya ba nas brtsams nas/ lnga dang sa 'dzin stong phrag las/ zhes bya ba'i mthar/sa nas steng du nyi mas 'khor ba'i tshad dang / nyi ma 'bru gcig la gnas zhes bya ba nas brtsams nas/ nyi ma'i rgyab tu mtshan mo zhes bya ba'i mthar/ 'bru gcig la gnas pa'i nyi ma 'pho ba bcu gnyis dang / kun gyi byang nas zhes bya ba nas brtsams nas/ dus sbyor dbye bas 'pho ba'o zhes bya ba'i mthar/ lhun po'i gnas dang / rtsa'i lam la rkang bcas drug ni zhes bya ba nas brtsams nas/ dbugs zung dag dang chu srang gsum/ /zhes bya ba'i mthar/ ri rab la nyi mas 'khor ba'i tshad dang / lug gi dus sbyor chu srang 'gyur/ / zhes bya ba nas brtsams nas/ nyi ma rgyu skar dbye bas so/ /zhes bya ba'i mthar/ ke la sa'i dum bur dus sbyor bcu gnyis shar ba'i dus dang / nyi khri stong phrag gcig ces bya ba nas brtsams nas/ drug cu cha yis nyin mo'o/ /zhes bya ba'i mthar/ lus la rtsa dbus ma las dbugs lhag pa dang /zla ba'i phyogs te nyi ma'o zhes bya ba nas brtsams nas/ dus kyi 'khor lo'i mi dbang zhes bya ba'i mthar/ gza' brgyad kyi 'khor lo'i tshad dang / dus kyi 'khor lo mtshang zhes bya ba nas brtsams nas/ dus kyi 'khor lo ma lus pa'o/ /zhes bya ba'i mthar/ a ba d+hU tI la rgyu skar gyi chu tshod kyi tshogs dang /phyed bcas zla gsum rtsa drug ces bya ba nas brtsams nas/ longs spyod 'di ni gsung gi'o/ /zhes bya ba'i mthar/ dman pa'i bya ba la dman pa'i rkang pa rnams dang / zla bar bla ma'i zhes bya ba nas brtsams nas/ gza' drug longs spyod do zhes bya ba'i mthar/bkra shis la sogs pa gza' lnga la lo gsum gyi nyin mtshan gyi chu tshod mnyam pa dang / zla ba gcig dman pa'i lam la zhes bya ba nas brtsams nas/ mtha' med dus su zhes bya ba'i mthar/ sgra gcan gyi longs spyod las du ba'i longs spyod pa dang / lo'i nyin mor lngas bgrang zhes bya ba nas brtsams nas/ mthong ba'i nyi ma'i dbus su'o zhes bya ba'i mthar/ dus kyi 'khor lo'i nyin mtshan rnams ni gza' rnams kyi dkyil 'khor du gyur pa dang / zla ba drug gi zla spyod ces bya ba nas brtsams nas/ myur dang 'khyog pa 'byung ba la/zhes bya ba'i mthar/ gza' rnams kyis rgyu skar bsdus pa dang / zla ba sngags pa myur du byon/ /zhes bya ba nas brtsams nas/ 'byung ba byang phyogs pa zhes bya ba'i mthar/ gza' rnams kyi rgyu ba'i stobs dang / zla ba gang yin nyin mo sum cu zhes bya ba nas brtsams nas/rig bar bya'o mi dbang kye/ /zhes bya ba'i mthar/ nyi ma dang zla ba'i rkang pa dang / nya chad sgra gcan zhes bya ba nas brtsams nas/ nag po dang dkar po'i phyogs la'o zhes bya ba'i mthar/ zla ba'i dkyil 'khor la sgra gcan 'jug pa dang / mi rnams lo brgya zhes bya ba nas brtsams nas/'khrug pa dag ni grags par 'gyur/ /zhes bya ba'i mthar/ dus bzhi'i mthar stong pa la gza' thams cad kyi rgyu ba zhugs pa dang / de nas rgyu skar rnams kyis nyin gcig ces bya ba nas brtsams nas/ zla ba gcig gis dag par 'gyur/ / zhes bya ba'i mthar/ slar yang skar rtsis 'byung ba dang / sde drug dbyangs can zhes bya ba nas brtsams nas/ tshangs drag la sogs lha rnams kyis/ zhes bya ba'i mthar dus kyi 'khor lo'i lo dang phyogs las zla ba'i tshogs dang / a sogs dbyangs yig lnga gang zhig /ces bya ba nas brtsams nas/dbyangs dang bcas pa grub par bya/ /zhes bya ba'i mthar/ dbyangs shar ba dang zhu ba'i yul gyi dus su zhes bya ba nas brtsams nas/ dgos pa 'grub par 'gyur zhes bya ba'i mthar/ la nye dang lo dang zla ba phyogs zhes bya ba nas brtsams nas/ dbugs drug mi dbang kye zhes pa'i mthar/ lo la sogs pa rnams kyi bye brag dang / dbugs dbyung 'jug pa'i dus su zhes bya ba nas brtsams nas/ glang chen seng ge'i tshogs kyis bskor/ /zhes bya ba'i mthar/ dbugs la sogs pa'i dge ba dang mi dge ba dang / lha mo'i rnal 'byor ma zhes bya ba nas brtsams nas/dag pa'i gza' dang chos kyis so/ /zhes bya ba'i mthar/ dus sbyor gyi sbyor ba dang / rgyu skar gsum char byas nas zhes bya ba nas brtsams nas/ nad pa rnams ni nges par 'chi/ /zhes bya ba'i mthar/ rgyu skar la sogs pa'i stobs dang / tha skar la sogs pa drug gsum la/ /zhes bya ba nas brtsams nas/ rtsa gnyi ga nyams pa'o zhes bya ba'i mthar/ gdengs ka'i 'khor lo dang / drug tshes brgyad ri zla ba zhes bya ba nas brtsams nas/ stobs gnyis yod par byed ces bya ba'i mthar/ tshe'i gnas skabs kyi 'bras bu dang /tshangs mo drag mo gzhon nu mo/ /zhes pa nas brtsams nas/ brgyad gnyis dbye ba'i rnam pa tha dad pa'o/ /zhes bya ba'i mthar tshangs ma la sogs pa rnal 'byor ma'i stobs dang / ke'u kang dkar po'i phyogs zhes bya ba nas brtsams nas/ dbang ldan rig pa dag gis so//zhes bya ba'i mthar/ ke'u kang gi stobs dang / drag po shar nas nub ces bya ba nas brtsams nas/ nyi ma lho nas lho ru'o/ /zhes bya ba'i mthar drag po'i stobs dang / dang po'i thun mtshams phyed phyed ces bya ba nas brtsams nas/ bde dang mnyam pa gzhan ma med/ / ces bya ba'i mthar/ sgra gcan gyi stobs dang / dbyangs dman 'thab mo ma zhes bya ba nas brtsams nas/ 'bras bu med pa'i bstan zhes bya ba'i mthar/ 'thab mo'i stobs dang / dus ni g.yas nas g.yon du zhes bya ba nas brtsams nas/ lho dang byang dag tu zhes bya ba'i mthar/rtsa ba'i sgra gcan gyi stobs dang / g.yul las dgra bcom zhes bya ba nas brtsams nas/ gang dang gang du 'khrid pa'o zhes bya ba'i mthar/ skyogs rnams dang gdugs rnams bsgrub pa'i don du zhes bya ba nas brtsams nas/ zhe sdang chags pas ma yin nyi ma kye//zhes bya ba'i mthar/ nyi ma'i shing rta la bde ba la gnas pa dang / chang dang lan tshwa mtsho zhes bya ba nas brtsams nas/ 'thab mo drag po 'gyur zhes bya ba'i mthar/ sa'i dum bu bcu gnyis la 'khor los sgyur ba dang / g.yul du lha min rnams zhes bya ba nas brtsams nas/rigs ldan drag po skye bar 'gyur/ /zhes bya ba'i mthar kla klo'i chos bcom pa dang / sangs rgyas kyi chos rab tu gnas pa dang / g.yul du kla klo bcom nas zhes bya ba nas brtsams nas/ shing de rnams ni skye bar 'gyur zhes bya ba'i mthar sems can rnams la 'jig rten dang /'jig rten las 'das pa'i dngos grub gnang ba dang / kla klo'i tshogs ni bcad nas zhes bya ba nas brtsams nas/ du ma'i dbye bas 'gyur zhes bya ba'i mthar/ rgyab dang mdun du 'jam dpal dang ni 'jig rten mgon pos chos bka' stsal pa dang / tshangs pa la sogs pa shes bu'i'o zhes bya ba nas brtsams nas/nus pa'i tshad kyis sa la'o/ /zhes bya ba'i mthar/ sems can rnams kyi tshe'i tshad dang / 'jig rten gyi khams skye ba zhes bya ba nas brtsams nas/ thar pa'i rgyu ru zhes bya ba'i mthar/ le'u bsdus pa'i don rdzogs par bstan to//de nas nang gi le'u la don ci ston ce na/ sna tshogs tshad ni bdag 'tshal zhes bya ba nas brtsams nas/ lus kyi dbus su ji ltar yin/ /zhes bya ba'i mthar/ sdud pa pos zhus pa dang / zla bzang tshig 'di gsan nas zhes bya ba nas brtsams nas/ lus la sna tshogs tshad ces bya ba'i mthar/ston pa'i lan dang / sa dang chu me rlung zhes bya ba nas brtsams nas/ rnal 'byor pa yi stong pa'i dbye bas so/ /zhes bya ba'i mthar/ lus sna tshogs bsdus pa dang / lus 'dir khams sogs zhes bya ba nas brtsams nas/ rang gi lus las rig par bya ba'i mthar lus skye ba la rgyu dang dgos pa dang /sa bon sa yis 'dzin zhes bya ba nas brtsams nas/ gnas skabs rnams byed de zhes bya ba'i mthar/ mngal gzung ba la sogs pa dang / sa bon la ni sa'i gsal byed ces bya ba nas brtsams nas/ nus ma rnams kyi spro byed ces bya ba'i mthar sa bon la khams kyi bya ba dang /gsang ba'i chu skyes khrag gi dbus su zhes bya ba nas brtsams nas/ mngal nas skyes pa'i tha ma'o zhes bya ba'i mthar sems kyi gnas skabs bcu dang / nya'i dngos po nya zhes bya ba nas brtsams nas/ rigs ldan la ni 'chi 'gyur zhes bya ba'i mthar/ nya la sogs pa gnas skabs bcu'i mtshan nyid dang /khu ba las ni rkang rus rtsa/ /zhes bya ba nas brtsams nas/ skyes gnas dag gis bsdams zhes bya ba'i mthar/ khu ba dang rdul 'gyur ba dang / mngal du mngal gnas sdug bsngal zhes bya ba nas brtsams nas/ sgyu mas rmongs par 'gyur zhes bya ba'i mthar/sdug bsngal gyi bden pa dang / 'khor ba'i ming nyid ces bya ba nas brtsams nas/ zhugs pa shin tu dka' ba e ma zhes bya ba'i mthar/ lam gyi bden pa dang / mngal du yang dag sku zhes bya ba nas brtsams nas/ phyi'i sprul sku 'gyur zhes bya ba'i mthar/ phyi dang nang sku bzhi dang mngal du dpal ldan rdo rje'i sku//zhes bya ba nas brtsams nas/ sku'i rdo rje la sogs kyi zhes bya ba'i mthar/ sku'i rdo rje skye ba dang / sa yi snying po me ru 'gyur/ /zhes bya ba nas brtsams nas/ rten dang brten pa'i tshul du 'gyur/ /zhes bya ba'i mthar/ rten dang brten pa dang / phung po'i rten ni 'byung ba yin te zhes bya ba nas brtsams nas/kun nas gzhom du med ces bya ba'i mthar/ rten dang brten pa'i tshogs dang / dri ni 'dzin pa las 'byung zhes bya ba nas brtsams nas/ nam mkha' las ni chos kyi dbyings/ /zhes bya ba'i mthar/ khams rnams kyi bskyed bya dang skyed byed kyi 'brel ba dang /stong pa yis ni dgrar gzung zhes bya ba nas brtsams nas/ reg bya de bzhin sa yin no/ /zhes bya ba'i mthar/ gzung dang 'dzin pa'i 'brel pa dang / sa las gzugs grub ces bya ba nas brtsams nas/ byang chub sems sogs sbyor ba las/ zhes bya ba'i mthar/ gzugs la sogs pa skyes pa dang / snang ba rdo rje'i rang bzhin ma/ /zhes bya ba nas brtsams nas/ shes rab rnam shes sbyor bas so/ /zhes bya ba'i mthar/ phan tshun du ltos pa'i mtshan nyid dang / ser sna ye shes khams las 'gyur/ /zhes bya ba nas brtsams nas/ sa la gti mug rdo rje'o//zhes bya ba'i mthar/ sems kyi gyur pa dang / ngag ces bya ba nas brtsams nas/ thams cad 'gyur zhes bya ba'i mthar/ ngag gi dbang po la sogs pa'i rang bzhin dang / thur sel ye shes khams pa zhes bya ba nas brtsams nas/ rim pas rab tu 'gyur ba'o/ /zhes bya ba'i mthar/ thur sel la sogs pa'i rlung rnams dang / gtsug tor stong pa'i khams las 'gyur/ /zhes bya ba nas brtsams nas/ rlung la gsum gyi grangs gzung gis/ zhes bya ba'i mthar/ gtsug tor gyi 'khor lo la sogs pa'i mtshan nyid dang / sa sogs 'byung ba lnga po zhes bya ba nas brtsams nas/de rnams sen mo'i mtha' ru gzung bar bya/ zhes bya ba'i mthar/ sen mo rnams kyi mtshan nyid dang / slar yang so rnams zhes bya ba nas brtsams nas/ de dang de ni de bzhin khams/ zhes bya ba'i mthar/ so rnams dang ba spu la sogs pa'i mtshan nyid dang / gsang ba gtsug tor dang ni lte ba zhes bya ba nas brtsams nas/chos dang longs spyod dag pa'o/ /zhes bya ba'i mthar/ 'khor lo rnams kyi rten dang brten pa'i mtshan nyid dang / lte ba dang ni mgrin gsang zhes bya ba nas brtsams nas/ rdo rje dang bcas ris drug go/ /zhes bya ba'i mthar/ rigs drug gi mtshan nyid dang /de rnams zhes bya ba nas brtsams nas/ steng 'og rtsa gsum nyi zla'i me dbye bas/ gsum rnams la gnas pa'o zhes bya ba'i mthar/ rtsa'i dbye bas rigs gsum dang / lus la dngos po zhugs te zhes bya ba nas brtsams nas/ lus dang dngos po rab 'byed pa'i//zhes bya ba'i mthar/ khams rnams kyi lus dang dngos po'i rang bzhin dang / shes rab thabs ni rus pa sha ste zhes bya ba nas brtsams nas/ dkyil 'khor du ni rig par bya/ /zhes bya ba'i mthar/ thabs dang shes rab kyi phan tshun du 'khyud pa'i cho ga dang / rtsa rnams stong phrag drug ni zhes bya ba nas brtsams nas/zung gi grangs ni rim pas so/ /zhes bya ba'i mthar/ rtsa rnams 'phel ba dang chad pa'i mtshan nyid dang / dpal ldan 'byung ba dbang po rnams/ /zhes bya ba nas brtsams nas/ bdag nyid las ni zags pa'o/ /zhes bya ba'i mthar/ rang bzhin skyes bu'i mtshan nyid dang / sa ni sa pa yin zhes bya ba nas brtsams nas/ bug pa'i dbye bas skar rtsis so/ /zhes bya ba'i mthar/ lus po langs pa la sogs pa'i mtshan nyid dang / rgyu skar so'i phreng ba nyid/ /ces bya ba nas brtsams nas/ khams rnams rang bzhin gnyis zhes bya ba'i mthar/so la sogs pa rnams dang / ba spu shig dang khu ba nas/ /zhes bya ba nas brtsams nas/ lte ba'i pad+ma nu ma'o/ /zhes pa'i mthar/ 'byung po'i skye gnas la sogs pa dang / tshangs yul mtho ris zhes bya ba nas brtsams nas/ du ma'i dbye bas 'grub pa'o//zhes bya ba'i mthar/ mtho ris la sogs pa dang / snying mgrin lte ba'i pad+ma zhes bya ba nas brtsams nas/ gza' dang rgyu skar la sogs min/ /zhes bya ba'i mthar/ me gsum mtshan nyid dang / gza' ni snying gi pad+ma 'dab mar zhes bya ba nas brtsams nas/ rkang lag la sogs tshigs rnams la'o//zhes bya ba'i mthar/ gza'i chu tshod rnams dang / lte ba'i chu skyes nyi ma'i 'dab mar zhes bya ba nas brtsams nas/ g.yas dang g.yon du bgrod pa'i zhes bya ba'i mthar/ srog gi rlung gis lte ba la sogs par rgyu ba dang / pad+ma'i 'dab ma re re zhes bya ba nas brtsams nas/dus sbyor dbye bas 'gyur zhes bya ba'i mthar/ rtsa re re la sa'i dkyil 'khor la sogs pa 'bab pa dang / stong pa la sogs pa de nyid lnga zhes bya ba nas brtsams nas/ byang dang lho ru ni nyi ma'o/ /zhes bya ba'i mthar/ dkyil 'khor lnga'i lhag pa'i lha dang / de steng snying ga'i gnas ni zhes bya ba nas brtsams nas/dbugs dbyung dman pa drug cu'o/ /zhes bya ba'i mthar/ srog la sogs pa rlung rnams kyi gnas dang / srog gis srog byed ces bya ba nas brtsams nas/ rlung rnams kyis ni dor bar mi byed do zhes bya ba'i mthar/ srog gi rlung la sogs pa'i bya ba dang /ser skya phra ba lus sogs zhes bya ba nas brtsams nas/ tshig gi dbye ba du mas so/ /zhes bya ba'i mthar/ mu stegs pa'i ming gi rtsa rnams kyi ming dang / dbang po me dang gshin rje bden bral zhes bya ba brtsams nas/ de nyid rang bzhin bsten pas so//zhes bya ba'i mthar/ rtsa rnams la dbang po la sogs pa rnams kyi byin gyis brlabs pa dang / de steng mgrin pa'i gnas su zhes bya ba nas brtsams nas/ thig le dkar po 'dzag ces bya ba'i mthar/ mgrin pa'i 'khor lo la sogs pa dang / rtsa bar sa dang g.yon du chu/ /zhes bya ba nas brtsams nas/ bcu gnyis dag dang mtha'i cha ru ni/ /zhes bya ba'i mthar/ sna bug dag las dkyil 'khor lnga rgyu ba dang / zhing sogs zhes bya ba nas brtsams nas/ ma lus pa'o zhes bya ba'i mthar/ zhing la sogs pa dang / 'khor lo can ni rdo rje can yin rang gi lus la zhes bya ba nas brtsams nas/ kla klo'i 'khrugs pa 'khrugs pa min/ /zhes bya ba'i mthar/ rang gi lus la 'khor los sgyur ba dang / kla klo rnams kyi 'khrug pa dang / dus kyi lo ni mes bsgres zhes bya ba nas brtsams nas/ lha dang lha mo rnams so zhes bya ba'i mthar/dbu ma a ba d+hU tI la sogs pa'i rnal 'byor ma'i rgyud dang / nyin mtshan yan lag las sgyu 'phrul dra ba zhes bya ba nas brtsams nas/ me dang rgya mtsho zhes bya ba'i mthar/ sgyu 'phrul dra ba'i rgyud kyi lha rnams dang / dpal ldan 'dus pa 'dus dbye ba'o//zhes bya ba nas brtsams nas/ bug pa dang bcas te de nyid rnams kyis so zhes bya ba'i mthar/ gsang ba 'dus pa'i dbye ba dang / zla ba nyin drug pa gang zhig /ces bya ba nas brtsams nas/ rnal 'byor ma dang rnal 'byor rgyud la sogs pa'i shes pa'i mthar/ phyi dang nang du phyag rgya rnams dang /nus ma khro bo'i rim pa zhes bya ba nas brtsams nas/ skye ba 'di nyid sangs rgyas so/ /zhes bya ba'i mthar/ dus kyi 'khor los bsdus pa'i rgyud dang / rtsa ba'i rgyud kyi lha mo rnams skye ba dang / de la sum cu rtsa yis zhes bya ba nas brtsams nas/ gzhan yang de las zhes bya ba'i mthar/rtsa ba'i rgyud las bsdus pa phyung ba dang / 'khor lo'i sna rnams de bzhin no/ /zhes bya ba nas brtsams nas/ gsang ba'i dbus su rab tu grags/ zhes bya ba'i mthar/ dus kyi 'khor lo'i rtsa rnams dang / rtsa drug 'khor lo 'gog cing zhes pa nas brtsams nas/'bigs pa gang zhig yin zhes bya ba'i mthar/ 'khor lo drug gi rtsa rnams bsrung ba dang / gal te rlung gi rtsa gcig la 'bab ces bya ba nas brtsams nas/ dus kyi 'khor lo las 'gyur zhes bya ba'i mthar/ zla ba'i 'chi ltas dang / lnga nas nyi shu rtsa lnga ni/ zhes bya ba nas brtsams nas/nyin byed mi 'dor sbyor bas 'chi ba'o/ /zhes bya ba'i mthar nyi ma'i 'chi ltas dang / shar du mda' me 'jig rten zhes bya ba nas brtsams nas/ ji srid lte ba nyid du'o/ /zhes bya ba'i mthar/ rtsa rnams 'dor ba dang / ji srid dus kyi 'khor lo zhes bya ba nas brtsams nas/'tsho ba nyin mtshan gsum zhes bya ba'i mthar/ lo brgyas 'chi ba'i mtshan nyid dang / dbugs dang chu srang rtsa zhes bya ba nas brtsams nas/ dus kyi 'khor lo 'phel bar 'gyur/ zhes bya ba'i mthar/ 'chi ba'i dbugs la sogs pa 'phel ba dang / phyogs dang phyogs kyi rtsa zhes bya ba nas brtsams nas/snying la gnas pa'i gza' yi rtsa/ zhes bya ba'i mthar/ rtsa rnams chad pa dang / sde rnams dbyangs zhes bya ba nas brtsams nas/ 'tsho ba'i mtshan nyid mtshan zhes bya ba'i mthar gza' rnams kyi sa bon du gyur pa'i yi ge rnams dang / lte mgrin dpral ba zhes bya ba nas brtsams nas/snying gi pad+ma spang zhes bya ba'i mthar/ rlung bcu 'bab par byed pa'i rtsa rnams chad pa dang / stong phrag sum cu rtsa drug ces bya ba nas brtsams nas/ stong pa'i zla bar 'chi ba'o/ /zhes bya ba'i mthar dus 'phel ba dang / lus la srog lhag ces bya ba nas brtsams nas/tshe rang rang tshad kyis so zhes bya ba'i mthar/ nyin mtshan re re 'chi ba 'phel ba dang / zos dang na ba dma' ba nas brtsams nas/ srog chags rnams kyi srog ni 'phrog /ces bya ba'i mthar/ dus kyi rtsa'i rang bzhin dang / dpal ldan snying ga'i pad+ma yi/ /zhes bya ba nas brtsams nas/dmar dang ser po lte bar ro/ /zhes bya ba'i mthar/ snying ga'i 'khor lo la sogs pa la/ zla ba'i rkang pa dang / brgyad gnyis lte mgrin la zhes bya ba nas brtsams nas/ de rnams ge sar rtse mo la'o/ /zhes bya ba'i mthar/ rdzogs pa'i gnas bzhi dang / thig le'i rnam pa tsheg drag gis/zhes bya ba nas brtsams nas/ nyi ma 'phel ba dang 'grib pa zhes bya ba'i mthar nyi ma'i longs spyod dang / phyogs la zla bas zla ba dang / zhes bya ba nas brtsams nas/ lo'i dbye bas 'phel bar 'gyur/ zhes bya ba'i mthar/ zla ba dang nyi mas rgyu ba dang mi rgyu ba dang dbugs drug gis ni chu srad gcig 'gyur zhes bya ba nas brtsams nas/dus kyi mtha'i dbang gis so/ /zhes bya ba'i mthar/ lo'i grangs dang / rnal 'byor 'jig rten gsum na med/ ces bya ba nas brtsams nas/ dus kyi 'khor lo'i dpa' bo gcig pus so/ /zhes bya ba'i mthar/ sems can rnams kyi le lo nyid dang /gal te rtsa gcig chad ces bya ba nas brtsams nas/ 'chi ltas kyis ni 'chi ba'i mtshan nyid do/ /zhes bya ba'i mthar/ dri chu la sogs pa'i khams 'gyur ba'i mtshan nyid dang / gang gis skye ba byed dang zhes bya ba nas brtsams nas/ bskyed pa'i don du rim gyis so//zhes bya ba'i mthar skye ba dang 'chi ba'i mtshan nyid du 'gyur ba'i byed pa dang / sgra la sogs pa nas drug ces bya ba nas brtsams nas/ yon tan bral zhing dngos po med/ ces bya ba'i mthar/ las dang bya ba la sogs pa dang / dri dang kha dog ro zhes bya ba nas brtsams nas/yid dang chos kyi dbyings zhes bya ba'i mthar/ kun 'byung ba'i mtshan nyid dang / rtog pas bdag nyid bcings zhes bya ba nas brtsams nas/ mi shes 'jig rten rmongs zhes bya ba'i mthar/ las kyis 'chi ba'i mtshan nyid dang / sa chu me rlung zhes bya ba nas brtsams nas/ srog gi rang bzhin yin gyi 'byung ba min zhes bya ba'i mthar/sa sogs pa'i rnam pa brgyad kyi rang bzhin dang / a sogs lnga po zhes bya ba nas brtsams nas/ khyab byed ngo bo nyid med pa'o/ /zhes bya ba'i mthar rnam pa bzhi'i rang bzhin dang / 'khor bar bde dang sdug bsngal zhes bya ba nas brtsams nas/shes pa la min pa'o zhes bya ba'i mthar/ las kyi 'bras bu'i 'brel pa dang / de'i phyir gang zhig byed pa po min zhes bya ba nas brtsams nas/ 'phrog pa rang mig gis mi mthong / /zhes bya ba'i mthar/ las kyi 'bras bus dgos pa grub pa dang / 'dod pa nus ba zhes bya ba nas brtsams nas/rdo rje can gyi mi gtor ro/ /zhes bya ba'i mthar/ 'dod pa la sogs pa'i mtshan nyid dang / de ru bdag nyid byed pa po'i min zhes bya ba nas brtsams nas/ lus dbus de ltar ro zhes bya ba'i mthar/ 'khor ba dang mya ngan las 'das pa'i mtshan nyid dang / de ltar las yod ces bya ba nas brtsams nas/mi rtog med ces bya ba'i mthar las su smra ba dang / zhi ba'i dngos po lha nyid min/ zhes bya ba nas brtsams nas/ skyes bu de ru skye bar 'gyur/ zhes bya ba'i mthar/ bag chags kyi stobs dang lha nyid dbye ba brgyad ces bya ba nas brtsams nas/ skye ba 'bum phrag du ma zhes bya ba'i mthar/lha la sogs pa'i dbye ba dang / bdag nyid rig pa'i mtshan nyid dang / phung po 'byung ba dbang po zhes bya ba nas brtsams nas/ gang du slar mi skye zhes bya ba'i mthar/ ma rig pa'i mtshan nyid dang / yan lag dang bcas rig byed ces bya ba nas brtsams nas/slar yang thim par 'gyur ro zhes bya ba'i mthar/ bdag nyid rig pa'i mtshan nyid dang / rnal 'byor dbang pos rnal 'byor ma thob ces bya ba nas brtsams nas/ gang du slar yang mi skye'o/ /zhes bya ba'i mthar/ rnal 'byor gyi bag chags kyi stobs dang / rgyal ba rnams kyi ye shes kyi skye ba zhes bya ba nas brtsams nas/lam ni 'dren pa pha rol du'o zhes bya ba'i mthar/ sangs rgyas pa dang kla klo la sogs pa'i bye brag dang / 'od zer nyi ma 'bar ba'i lam/ zhes bya ba nas brtsams nas/ dud 'gro yi dags mi rnams kyi/ /zhes bya ba'i mthar/ lam gyi bye brag dang / gang zhig gang gis dbus rnams su//zhes bya ba nas brtsams nas/ mtho ris mi dang sa 'og ces bya ba'i mthar/ bag chags 'dzin pa'i skyon dang / ka sogs sde ni dbyangs bcas zhes bya ba nas brtsams nas/ rlung dang nam mkha'i khams zhes bya ba'i mthar/ skye ba dang 'chi ba'i mtshan nyid dang /dang po yang dag bsrung bar bya zhing zhes bya ba nas brtsams nas/ 'khor du nyid 'gyur ro zhes bya ba'i mthar lus bsrungs pa dang / stong par du ba la sogs zhes bya ba nas brtsams nas/ skye ba 'di ru thob ces bya ba'i mthar/ 'jig rten las 'das pa'i lam dang / nyi zla 'gog ba zhes bya ba nas brtsams nas/rnal 'byor pas bsgom par bya zhes bya ba'i mthar/ 'chi ba slu ba dang / mthur bsgrub pa zhes bya ba nas brtsams nas/ de yi rtsa bar gzhan ma'o/ /zhes bya ba'i mthar/ rlung nad 'joms pa dang / thur sel rlung ni bskum nas zhes bya ba nas brtsams nas/ mig nad la sogs pa zhes bya ba'i mthar/long nad la sogs pa 'joms pa dang / mchan khung g.yas dang g.yon zhes bya ba nas brtsams nas/ rnal 'byor ldan pa'i rnal 'byor la/ zhes bya ba'i mthar/ rtsa bcing ba dang rkang pa'i rdo rje skyil krung gis gnas zhes bya ba nas brtsams nas/ srin la sogs pa 'joms zhes bya ba'i mthar/phyi'i nad 'joms pa'i thabs dang / lo yi phyed kyi dkar po mdze/ /zhes bya ba nas brtsams nas/ lam sems rab sbyar phyir zhes bya ba'i mdze gzhom pa dang / srog 'jug par bya zhes bya ba nas brtsams nas/ mi rnams skye ba 'di nyid du/ /zhes bya ba'i mthar/srog 'jug pa'i nges pa dang phyag rgya bsgom phyir brjod kyi zhes bya ba nas brtsams nas/ mtshan mor 'tshe ba'i phyir ma yin/ /zhes bya ba'i mthar/ spyod pa'i nges pa dang / mi bskyod cung zad dro ba zhes bya ba nas brtsams nas/ mche bas btab la bde ster ro/ /zhes bya ba'i mthar/kha nad la sogs pa dang / dri chen dri chu sa bon khrag /ces bya ba nas brtsams nas/ yan lag min skyes rgas pa zhes bya ba'i mthar/ bdud rtsi lnga la sogs pas tshe bsgrub pa dang / lan tshwa skyur por rlung 'joms zhes bya ba nas brtsams nas/ khams gsum la gnas zhes bya ba'i mthar/rlung la sogs pa'i nad 'joms pa'i thabs dang / gser dang nyi ma zla ba lcags zangs zhes bya ba nas brtsams nas/ 'on kyang gong bus dman zhes bya ba'i mthar/ tshe grub par byed pa'i bcud len dang / sngar brjod sa bon rgyal po zhes bya ba nas brtsams nas/ dag pa'i gser du 'gyur zhes bya ba'i mthar/gser bsgrub pa'i cho ga dang / sug smel ga bur phreng ba zhes bya ba nas brtsams nas/ me tog til mar ma brtsis zhes bya ba'i mthar/ spos la sogs pa'i cho ga dang / sa 'dzin zhes bya ba nas brtsams nas/ sbrum can rnams la bstan par bya/ /zhes bya ba'i mthar mngal nas dgrol ba'i cho ga dang /rnal 'byor ma rnams brgyad po gang / /zhes bya ba nas brtsams nas/ dus kun mchod pa yin zhes bya ba'i mthar/ mkha' 'gro ma drug cu rtsa bzhi'i mtshan nyid dang / mchod pa la sogs pa'i cho ga dang / bdag med las kyi min zhes bya ba nas brtsams nas/de ni rdo rje can gyis bstan 'gyur zhes bya ba'i mthar/ sangs rgyas kyi gzhung dang / gang du rig byed rang byung zhes bya ba nas brtsams nas/ da ni tshangs par 'gyur zhes bya ba'i mthar/ tshangs pa'i gzhung dang / byed pa po gzhan dang las ni du ste zhes bya ba nas brtsams nas/ da ni khyab 'jug gi bstan par 'gyur zhes bya ba'i mthar/khyab 'jug gi gzhung dang / lam drug de nyid lnga zhes bya ba nas brtsams nas/ zhi bas de ni bstan pa yin/ zhes bya ba'i mthar/ dbang phyug gi gzhung dang / dbang phyug med cing las kyi rnam par smin/ zhes bya ba nas brtsams nas/ ra h+ma na yis bstan pa'o//zhes bya ba'i mthar/ kla klo'i gzhung dang dus gsum rdzas drug ces bya ba nas brtsams nas/ rgyal ba rnams kyis bstan pa yin/ zhes bya ba'i mthar zad par byed pa'i gzhung dang / rig byed 'di ni rang byung min/ zhes bya ba nas brtsams nas/ 'dod pa'i las tshul ma yin no//zhes bya ba'i mthar/ tshangs pa la sogs pa'i gzhung las sun phyung ba dang / yang sbyor ba chu shel zhes bya ba nas brtsams nas/ gang zhig gis kyang sprul ma yin/ zhes bya ba'i mthar/ rten cing 'brel pa dang / gal te bdag ni kun nas gnas/ zhes bya ba nas brtsams nas/ bya ba dang bcas bdag ma yin/zhes bya ba'i mthar/ bdag la sun phyung ba dang / bdag med skye ba yod kyi zhes bya ba nas brtsams nas/ 'dzin pa dang / bcas pa yod ma yin zhes bya ba'i mthar sangs rgyas kyi bka' dang / gang zhig de nyid gang zag ces bya ba brjod de zhes pa nas brtsams nas/ snying rje stong nyid dbyer med smra/ zhes bya ba'i mthar/ bye brag tu smra ba la sogs pa sun phyung ba dang / skye bo'i sngon las nyams su myong zhing zhes bya ba nas brtsams nas/ skye ba gzhan ni rab tu spangs pa'o zhes bya ba'i mthar/ kla klo'i gzhung la sun phyung ba dang / gal te 'byung ba gcig 'gyur zhes bya ba nas brtsams nas/las nyams mi rnams la'o zhes pa'i mthar/ rgyang phan gyi gzhung la sun phyung ba dang / gal te srog ni lus kyi tshad/ ces bya ba nas brtsams nas/ rtag min dus kyi phyir zhes bya ba'i mthar/ zad byed pa'i gzhung la sun phyung ba dang / de dag la sogs pa'i don shes don du zhes bya ba nas brtsams nas/rang bzhin du med par bsgom rgyal po kye zhes bya ba'i mthar/ nges pa snang ba dang / da ni mtho ris dbang po zhes bya ba nas brtsams nas/ skyabs su song ngo rgyal po kye/ zhes bya ba'i mthar/ skyabs su song ba'i nges pa dang /khyod ni yum dang yab ste zhes bya ba nas brtsams nas/ rgyal dbang khyed la bdag song ngo / /zhes bya ba'i mthar/ nyi ma'i shing rtas bstod pa dang / skyabs su song ba bstan to// //de nas mngon par dbang bskur ba'i le'u las/ don ci bshad ce na/ dang go re zhig lus la sna tshogs tshad/ces bya ba nas brtsams nas/ dkyil 'khor dag ni bshad du gsol/ zhes bya ba'i mthar/ zla ba bzang po'i zhu ba dang / zla ba bzang tshig ni gsan nas zhes bya ba nas brtsams nas/ dbang gi le'u rdzogs pa'i bar du bcom ldan 'das kyis bka' stsal pa'i don yin no//de la dang po ru ni brten par bya/ /zhes bya ba nas brtsams nas/ rdo rje sems dpa' rab tu grags/ /zhes bya ba'i mthar/ bla ma dam pa'i mtshan nyid dang / nga rgyal can dang khro bar 'gyur/ zhes bya ba nas brtsams nas/ mkhas pas spang bar bya zhes bya ba'i mthar/ gdug pa'i slob dpon dang / zab cing rgya che sems dang zhes bya ba nas brtsams nas/ 'bring po'i rgyu ru'o zhes bya ba'i mthar/ snod du rung ba'i slob ma dang / dpyid zla 'bring po'i dkar po'i nya la zhes bya ba nas brtsams nas/ rgyud rgyal bstan par mi 'gyur ro/ /zhes bya ba'i mthar/ dbang bskur ba la sogs pa'i nges pa dang / dbang gi don du sa yongs bsnyams pa zhes bya ba nas brtsams nas/ dkyil 'khor bzhengs pa dang zhes bya ba'i mthar/ slob dpon rnams kyi spyi'i nges pa dang / sa'i rigs bzhi zhes bya ba nas brtsams nas/ rgyal rigs bram ze gzhan zhes bya ba'i mthar/sa'i rigs la sogs pa dang / dkar po zhi dang rgyas pa zhes bya ba nas brtsams nas/ rnal 'byor pa yis rig par bya/ zhes bya ba'i mthar sa yongs su brtag pa dang / dbang ldan byang du zhes bya ba nas brtsams nas/ rang dang rmongs pa'o zhes bya ba'i mthar/ phyogs kyi nges pa dang / thab khung grong gi phyogs brgyad ces bya ba nas brtsams nas/ rdo rje yang ni thams cad la/ zhes bya ba'i mthar/ thab khung gi cho ga dang / phur bu'i bya ba brgyad de zhes bya ba nas brtsams nas/ tsu ta byil pa nyi mar skyes/ zhes bya ba'i mthar/ phur bu rnams dang /de ltar shel gyi bum pa zhes bya ba nas brtsams nas/ zhi dang rgyas pa gzhan la min/ zhes bya ba'i mthar/ bum pa rnams kyi mtshan nyid dang / snga dro nas ni thun tshod brgyad/ /ces bya ba nas brtsams nas/ las brgyad rnams ni rab tu bya/ /zhes bya ba'i mthar/ dus kyi nges pa dang /nyin phyed mtshan mo phyed ni zhes bya ba nas brtsams nas/ de bzhin du rab tu grags zhes bya ba'i mthar/ dus drag po la sogs pa 'gags pa dang / 'o ma can dang bcas/ zhi dang rgyas la sogs zhes bya ba nas brtsams nas/ rengs pa dang rmongs par byed pa la zhes bya ba'i mthar/yam shing nges pa dang / 'o ma mar dang khrag ces bya ba nas brtsams nas/ zhi ba la sogs pa'o zhes bya ba'i mthar/ sreg rdzas kyi nges pa dang / gshin rje'i bden bral mtshams zhes bya ba nas brtsams nas/ zhi sogs las la'o zhes bya ba'i mthar/ sbyin sreg gi dus su gdan gyi nges pa dang /las gnyis las ni tshon zhes bya ba nas brtsams nas/ phyogs su tshon dgyer 'gyur zhes bya ba'i mthar/ rdul tshon dgye ba'i nges pa dang / dgod sogs zhes bya ba nas brtsams nas/ lha rnams la zhes bya ba'i mthar/ slob dpon la zhes bya ba'i nges pa dang / shel sogs zhes bya ba nas brtsams nas/ sor ni bcu gnyis so zhes bya ba'i mthar/ mchod yon gyi snod kyi nges pa dang / rnam lnga rgyal dbang zhes bya ba nas brtsams nas/ sbyin sreg don no zhes bya ba'i mthar/ dgang gzar dang blugs gzar gyi nges pa dang /zhi ba dang khro bos zhes bya ba nas brtsams nas/ dkyil 'khor du ni lhag pa'i lha/ /zhes bya ba'i mthar/ lha rnams kyi ni nges pa dang / rnam lnga rgyal dbang zhes bya ba nas brtsams nas/ rnam pa lnga ru gyur pa nyid/ /ces bya ba'i mthar/ rdul tshon gyi rnam par dag pa dang / thig skud khru brgyad ces ba nas brtsams nas/thig skud gcig ste gzhan ma yin/ /zhes bya ba'i mthar/ thig skud kyi mtshan nyid dang / skyil mo krung ni zhes bya ba nas brtsams nas/ las dbye bas gnas la sogs pa'i zhes bya ba'i mthar/ 'dug stangs kyi nges pa dang / shel dang mu tig ces bya ba nas brtsams nas/sngags bzlas pa yi phreng ba yis/ zhes bya ba'i mthar/ phreng ba'i nges pa dang / dri zhim me tog dkar zhes bya ba nas brtsams nas/ bska ba drag po'i spos zhes bya ba'i mthar/ mchod pa'i nges pa dang / dkyil 'khor zhes bya ba nas brtsams nas/lus la rim pas so zhes bya ba'i mthar/ 'khrul 'khor bri ba'i cho ga dang / dpal gyi rdo rje zhes bya ba nas brtsams nas/ rnal 'byor pas ni bsgom par bya/ /zhes bya ba'i mthar/ bsrung ba'i cho ga dang sa'i phyogs su rdo rje gsum gyis zhes bya ba nas brtsams nas/ bsrung ba'i don du dgod par bya//zhes bya ba'i mthar zhing skyong ba la sogs pa'i chab gtor gyi cho ga dang / sa spyan 'dren pa la sogs pa'i cho ga dang / zug rngu zhes bya ba la sogs pa nas brtsams nas/ mchod sbyin don du'o zhes bya ba'i mthar/ sbyong ba dang sbyangs zhes bya ba nas brtsams nas/ de rnams ma lus so zhes bya ba'i mthar/sa gzung ba la sogs pa dus kyi nges pa dang / bsrung bar bya zhes bya ba nas brtsams nas/ bri bar bya zhes pa'i mthar/ slob ma la bsrung ba'i nges pa dang / dag ba'i gnas zhes bya ba nas brtsams nas/ dkyil 'khor du thig gdab bya zhes bya ba'i mthar/ thig skud la sogs pa'i nges pa ste/sta gon gyi cho ga dang / thig skud chad na zhes bya ba nas brtsams nas/ rig par bya zhes bya ba'i mthar/ mtshan ma ngan pa la sogs pa'i mtshan nyid dang / A dang kA la sogs zhes bya ba nas brtsams nas/ thig skud la bstim bsgom par bya/ /zhes bya ba'i mthar yi dam gyi lha dmigs pa dang /thig des tshangs skud nas ni zhes bya ba nas brtsams nas/ shar gyi cha dang gzhan la'o/ /zhes bya ba'i mthar/ thig gdab pa'i nges pa dang / rdo rje la sogs pa zhes bya ba nas brtsams nas/ rim pas so zhes bya ba'i mthar rdul tshon dgye ba'i nges pa dang / shar gyis zhes bya ba nas brtsams nas/phyi'i rdo rje phreng ba'o zhes pa'i mthar/ rdul tshon gyis la kha dog la sogs pa'i nges pa dang / bsgoms pa zhes bya ba nas brtsams nas/ phun tshogs mdzes par zhes bya ba'i mthar/ re khA dang mtshan ma ngan pa'i skyon dang / nag po la sogs pa zhes bya ba nas brtsams nas/rdo rje phreng ba rnams la'o/ /zhes bya ba'i mthar/ rdul tshon gyi dpangs kyi tshad kyi nges pa dang / dbus nas zhes bya ba nas brtsams nas/ lus sbyar bar bya zhes bya ba'i mthar/ rdul tshon gyi dkyil 'khor la rnam par dag pa dang / gnyis dang rgya mtsho zhes bya ba nas brtsams nas/dkyil 'khor rnams zhes bya ba'i mthar/ sngon du brjod pa'i thig skud kyi cho ga dang / oM yig ces bya ba nas brtsams nas/ ye shes rdo rje bzhi pa'o/ /zhes bya ba'i mthar/ sngags kyi mtshan nyid dang / hUM yig ces bya ba nas brtsams nas/ bdud rnam par bskrad par ro zhes bya ba'i mthar/sa bon la sogs pa dgod pa dang / sgo rnams zhes bya ba nas brtsams nas/ la sogs zhes bya ba'i mthar/ sgo srung ba la sogs pa'i nges pa dang / zlum ma zhes bya ba nas brtsams nas/ dge ba'i rgyu ru zhes bya ba'i mthar/ sbyin sreg gi cho ga dang / sbyin sreg grub nas zhes bya ba nas brtsams nas/ dbang gi don du byed ces bya ba'i mthar/ dkyil 'khor la rab gnas kyi cho ga dang / kun gyi zhes bya ba nas brtsams nas/ bdag gi mchod yon zhes bya ba'i mthar/ mchod pa'i sngags kyi nges pa dang / rgyal ba zhes bya ba nas brtsams nas/sngags kyi las kyi dbye bas so/ /zhes bya ba'i mthar/ rgyas pa la sogs pa la nges pa dang / shar du zhes bya ba nas brtsams nas/ skye gnas so zhes bya ba'i mthar/ dkyil 'khor gyi sa'i rnam par dag pa dang / 'byung ba rnams kyi skye gnas dang / oM AHhUM zhes bya ba nas brtsams nas/lha mo rnams kyi'o zhes bya ba'i mthar/ rgyas gdab la sogs pa'i cho ga dang / rin chen gser gyi me tog ces bya ba nas brtsams nas/ byang chub sems ni bskyed par bgyi/ /zhes bya ba'i mthar/ slob ma la mchod pa la sogs pa nges pa dang / khrus dang dri zhes bya ba nas brtsams nas/ khro bo gtso bos bskul ba'o/ /zhes bya ba'i mthar/ slob ma la lta gon gyi cho ga dang / khro bo'i rgyal po dbab pa zhes bya ba nas brtsams nas/ dngos grub yod pa yin zhes bya ba'i mthar/ dbab pa'i nges pa dang / dbab pa spangs pa zhes bya ba nas brtsams nas/brtul zhugs nyi shu lnga zhes bya ba'i mthar/ slob ma la sta gon la sogs pa dang / brtul zhugs sbyin pa'i nges pa dang / dpal ldan sngags kyi zhes bya ba nas brtsams nas/ bka' ni mar bcas sbyin zhes bya ba'i mthar/ dbang bdun gyi cho ga dang rdo rje dril bu zhes bya ba nas brtsams nas/rgyal bas gsungs so zhes bya ba'i mthar/ rnam par dag pa'i chos bstan pa'i nges pa dang / chu ni sgrol ma la sogs pa lha mo zhes bya ba nas brtsams nas/ yang dag sbyin zhes bya ba'i mthar/ dbang bdun gyi rnam par dag pa dang /mngon par dbang bskur zhes bya ba nas brtsams nas/ 'jam dbyangs nyid du 'gyur zhes bya ba'i mthar/ dbang bdun gyi 'bras bu dang / rtsa ba'i ltung ba zhes bya ba nas brtsams nas/ yang dag par 'gyur ro zhes bya ba'i mthar/ rtsa ba'i ltung ba'i rnam par dag pa dang / rtsa ba'i ltung ba zhes bya ba nas brtsams nas/ rdo rje theg pa'o zhes bya ba'i mthar/ rtsa ba'i ltung ba'i gnas dang / klu zhes bya ba nas brtsams nas/ phyag rgya rnam par dag pa nyid/ /ces bya ba'i mthar/ rdo rje slob dpon gyi rab gnas kyi cho ga dang / steng du bla re bre zhes bya ba nas brtsams nas/ bla med byang chub 'grub par shog /ces bya ba'i mthar/ gzugs brnyan la sogs pa'i rab gnas kyi cho ga dang / phyogs kyi lo zhes bya ba nas brtsams nas/ du ba'i lam sogs dang ldan pa/ /zhes bya ba'i mthar/ bla na med pa'i dbang gi cho ga dang / skrag ces bya ba nas brtsams nas/ mchod par bya zhes bya ba'i mthar/ las kyi phyag rgya dor ba dang blang pa'i nges pa dang / 'dod chags zhes bya ba nas brtsams nas/ 'di ltar bzhi pa'o zhes bya ba'i mthar/ dga' ba bcu drug la sogs pa mtshan nyid kyi nges pa dang / sems kyi bsam pas ma zhes bya ba nas brtsams nas/ chad pa'i dngos po zhes bya ba'i mthar/las kyi phyag rgya rnam par dag pa dang / pad+mar zhes bya ba nas brtsams nas/ dpal ldan bla ma'i zhal 'di'o/ /zhes bya ba'i mthar/ sku'i phyag rgyal sogs pa'i mtshan nyid dang / shes rab yum ni zhes bya ba nas brtsams nas/ nam yang dor mi bya zhes bya ba'i mthar/rnal 'byor pa dang rnal 'byor ma rnams kyi sems rnam par dag par bya ba'i phyir/ nges pa dang / gang zhig ces bya ba nas brtsams nas/ nyi zla gnas kyi bar zhes bya ba'i mthar/ 'dod chags sbyin pa'i bsod nams dang / sgrol ma zhes bya ba nas brtsams nas/ dgyes pa yis ni skyo bar byed//ces bya ba'i mthar/ lha mo rnams kyi rigs kyi dbye ba dang / sangs rgyas rnams kyi dbye ba dang / byis pa rgan zhes bya ba nas brtsams nas/ byang chub spyod pa la gnas pa'o zhes bya ba'i mthar/ rnal 'byor pa rnams la rdo rje mchog gi nges pa dang / dang por zhes bya ba nas brtsams nas/chos kyi phyag rgya'o zhes bya ba'i mthar/ rdo rje mchod pa la dam tshig gi skad kyis nges pa dang / pho nya rnams zhes bya ba nas brtsams nas/ spyan ma'o zhes bya ba'i mthar/ pho nya mo rnams kyi dri dang / rigs kyi mtshan nyid dang / rnal 'byor zhes bya ba nas brtsams nas/ 'khor lo can yin no zhes bya ba'i mthar/ rnal 'byor ba'i rigs dang / yan lag phra mo zhes bya ba nas brtsams nas/ rigs gsum 'dres 'gyur zhes bya ba'i mthar/ pho nya mo rnams kyi lus kyi mtshan nyid dang / seng ge yul bral zhes bya ba nas brtsams nas/ dri'i rang bzhin no zhes bya ba'i mthar/rnal 'byor pa rnams kyi mtshan nyid dang / brjod pa'i don du zhes bya ba nas brtsams nas/ rnal 'byor pa la'o zhes bya ba'i mthar/ pho nya mo rnams kyi thugs 'dzin pa'i nges pa dang / mdzes zhes bya ba nas brtsams nas spyod do zhes bya ba'i mthar/pho nya mo rnams kyi chos kyi dbyings la sogs pa dang / chang ni zhes bya ba nas brtsams nas/ btung ba'i don du zhes bya ba'i mthar/ chang btung ba'i nges pa dang / rtsig ces bya ba nas brtsams nas/ shin tu gtum zhes bya ba'i mthar/ bdud rtsi lnga la sogs pa'i dam tshig gi nges pa dang /khyi dang rta zhes bya ba nas brtsams nas/ myur du nyams par 'gyur zhes bya ba'i mthar/ sa spyod la sogs pa'i dam tshig sum cu rtsa drug dang / so dang skra zhes bya ba nas brtsams nas/ mchod par bya zhes bya ba'i mthar/ lus kyi dam tshig gi nges pa dang / yi ge sum cu drug ces bya ba nas brtsams nas/ rnal 'byor ma la nges par ro/ /zhes bya ba'i mthar/ byang chub kyi phyogs kyi chos sum cu rtsa bdun la sogs pa dang / chu zhes bya ba nas brtsams nas/ 'khor lo 'dus pa yin zhes bya ba'i mthar/ tshogs kyi 'khor lo la mchod pa'i rdzas dang /rdo rje ral gri zhes bya ba nas brtsams nas/ phreng ba nyid ces bya ba'i mthar/ pho nya mo rnams kyi mtshan ma'i nges pa dang / dri chen zhes bya ba nas brtsams nas/ yan lag bcu gnyis thod par ro/ /zhes bya ba'i mthar/ sgrol ma la sogs pa'i dam tshig gi nges pa dang /dri chen zhes bya ba nas brtsams nas/ dur khrod dbye ba brgyad yin no/ /zhes bya ba'i mthar/ gnas la sogs pa'i dam tshig rnam par dag pa dang / gnas zhes bya ba nas brtsams nas/ mtha' skye bas so zhes bya ba'i mthar/ sgrol ma la sogs pa'i gnas kyi nges pa dang / gnas zhes bya ba nas brtsams nas/ sen mo rnams kyi bar du'o/ /zhes bya ba'i mthar/ yan lag rnams kyi gnas la sogs pa'i nges pa dang / lha mo zhes bya ba nas brtsams nas/ phyi dang lus la de bzhin no/ /ces bya ba'i mthar/ byang chub kyi phyogs kyi chos sum cu rtsa bdun gyi lha mo'i rnam par dag pa dang /sangs rgyas zhes bya ba nas brtsams nas/ de nyid thob pa'i mi dbang skye/ /zhes bya ba'i mthar/ rnal 'byor pa la spyod pa'i mtshan nyid dang / mthe bong zhes bya ba nas brtsams nas/ de bzhin no zhes bya ba'i mthar/ sor mo rnams kyi ming dang / khu tshur zhes bya ba nas brtsams nas/gung mo la sogs brkyang pa'o/ /zhes bya ba'i mthar/ rdo rje sems dpa' la sogs pa de bzhin gshegs pa drug gi phyag rgya dang / lag pa g.yon zhes bya ba nas brtsams nas/ rnal 'byor pas ni brdung bar bya/ /zhes bya ba'i mthar/ mdzes pa'i phyag rgya dang /lag gnyis zhes bya ba nas brtsams nas/ gdengs ka rnams kyi 'gyur zhes bya ba'i mthar/ khro bo mgon po la sogs pa dang / gdengs ka rnams kyi phyag rgya dang / sbyor ba zhes bya ba nas brtsams nas/ bstan par bya zhes bya ba'i mthar/ mdzes pa'i phyag rgya'i mtshan nyid dang /rtsibs zhes bya ba la sogs pas/ shes rab ma la 'khyud pa'i phyag rgya dang / lag gnyis zhes bya ba nas brtsams nas/ dgra sta la'o zhes bya ba'i mthar/ g.yas phyogs kyi mtshan ma'i phyag rgya dang / steng du zhes bya ba nas brtsams nas/ mthe'u chung ngo zhes bya ba'i mthar/glang po che'i mche ba'i phyag rgya dang / dpung g.yon zhes bya ba nas brtsams nas/ sbyor ba'i zhes bya ba'i mthar/ g.yon phyogs kyi mtshan ma rnams kyi phyag rgya dang / rna cha la sogs pa'i phyag rgya dang / mthe bo zhes bya ba nas brtsams nas/ rigs kyi phyag rgya khyad par 'phags so zhes bya ba'i mthar/mkha' 'gro ma la sogs pa'i rigs kyi phyag rgya dang / mdzub mo mtha' zhes bya ba nas brtsams nas/ gzhan ma'o zhes bya ba'i mthar/ 'bar ba'i phyag rgya dang mdzub mo nges par ston 'gyur zhes bya ba nas brtsams nas/ mthe bong brkyang pas so zhes bya ba'i mthar/phebs par smra ba'i phyag rgya dang / chos zhes bya ba nas brtsams nas/ khyod kyi rgyu ma za bar bya/ /zhes bya ba'i mthar khro bo'i phyag rgya dang / sgeg mo zhes bya ba nas brtsams nas/ de'i rang bzhin phyag rgya'o zhes bya ba'i mthar/ phyag rgya'i lan la sogs pa dang / zur mig ces bya ba nas brtsams nas/rnal 'byor pas ni rig par bya/ /zhes bya ba'i mthar/ lta stangs kyi mtshan nyid dang / cha drug cha zhes bya ba nas brtsams nas/ phyag rgya bzang mos 'bigs zhes bya ba'i mthar/ slob ma rnams la sbyin pa'i nges pa dang / sems can gang zhig ces bya ba nas brtsams nas/byang chub spyod pa la gnas zhes bya ba'i mthar/ snying rjes dbang bskur ba dang / rdzas ni mi 'byor zhes bya ba nas brtsams nas/ nges pa kun las rnam par grol/ /zhes bya ba'i mthar/ kun spangs pa'i slob ma la dbang bskur ba'i cho ga dang /gzhan rnams zhes bya ba'i rkang pa gcig gis gzhan rnams la dag pa dang / dbang gi mthar zhes bya ba nas brtsams nas/ rang rang gnas su gshegs su gsol/ /zhes bya ba'i mthar/ dkyil 'khor gshegs su gsol ba dang / tshogs kyi 'khor lo'i cho ga dang / dgra zhes bya ba nas brtsams nas/ de la 'joms par 'gyur zhes bya ba'i mthar/ bar chod du gyur pa'i 'jigs pa bcu drug 'joms par bstan to// //de nas bsgrub pa'i le'u las don ci gsungs she na/ thob ces bya ba nas brtsams nas/ gtso bo'i sgrub thabs yang dag zhu/ / zhes bya ba'i mthar/ bsgrub pa'i le'u bstan par bya ba'i phyir/ zhu ba dang / zla bzang tshig gsan zhes bya ba la sogs pa'i 'chad par 'gyur ba'i rim pas de bzhin gshegs pas lan bka' stsal ba dang / sku zla zhes bya ba nas brtsams nas/ dus kyi 'khor lo bsgrub par bya//zhes bya ba'i mthar/ lus rnam par dag pas bcom ldan 'das kyi sku'i mtshan nyid dang / skyed mos tshal zhes bya ba nas brtsams nas/ der ni bsgrub par bya'o zhes bya ba'i mthar/ bsgrub pa'i gnas kyi nges pa dang / sngar brjod ces bya ba nas brtsams nas/ sems can don gyi phyir zhes bya ba'i mthar/ gnas bsrung ba la sogs pa dang / stong pa zhes bya ba nas brtsams nas/ dkyil 'khor dbang phyug go zhes bya ba'i mthar/ stong pa nyid kyi mtshan nyid dang / chu yis zhes bya ba nas brtsams nas/ sa yi dbus su dgod par bya/ /zhes bya ba'i mthar/'jig rten dang 'jig rten las 'das pa'i phung po blang ba dang dor ba'i mtshan nyid dang / stong pa zhes bya ba nas brtsams nas/ rgyal ba'i longs spyod 'khor lo bzang / /zhes bya ba'i mthar/ phyi dang nang du skye gnas sbyang ba'i cho ga dang / a sogs zhes bya ba nas brtsams nas/dus kyi 'khor lo bsgom par bya/ /zhes pa'i mthar/ bcom ldan 'das kyi sku rdzogs pa dang / rdo rje zhes bya ba nas brtsams nas/ lha mo zhes bya ba'i mthar/ bcom ldan 'das kyi sku'i dbyibs la sogs pa dang / gser 'dra rig byed zhal zhes bya ba nas brtsams nas/rgyas btab po zhes bya ba'i mthar/ bcom ldan 'das ma sna tshogs yum gyi sku'i mtshan nyid dang / 'dab brgyad lha mo brgyad ni zhes bya ba nas brtsams nas/ dkar mo'i zhes bya ba'i mthar/ du ba la sogs pa'i lha mo rnams kyi mtshan nyid dang / phyogs kyi pad+ma zhes bya ba nas brtsams nas/lha mo rnams zhes bya ba'i mthar/ don yod grub pa la sogs pa dang / sgrol ma la sogs pa'i gnas dang / sku'i mtshan nyid dang / nam mkha'i snying zhes bya ba nas brtsams nas/ gdan rgyas pa zhes bya ba'i mthar/ dbang po dang yul dang / las kyi dbang po rnams kyi mtshan nyid dang /nag po rnams zhes bya ba nas brtsams nas/ shar gyi lha la sogs pa'i lha/ /zhes bya ba'i mthar/ don yod grub pa la sogs pa'i phyag mtshan rnams dang / du ba la sogs zhes bya ba nas brtsams nas/ rab dmar 'gyur zhes bya ba'i mthar/ dkyil 'khor gyi nges pa dang /phyi ru zhes bya ba nas brtsams nas/ mtshan bcas so zhes bya ba'i mthar gsung gi dkyil 'khor la gnas pa'i tsar tsi ka la sogs pa'i lha mo bdun cu rtsa gnyis kyi mtshan nyid dang / de'i phyir rol zhes pa nas brtsams nas/ lo'i sbyor bas so zhes bya ba'i mthar/sku'i dkyil 'khor la gnas pa'i gnod sbyin la sogs pa'i lha bcu gnyis dang / de rnams kyi 'khor du gyur pa'i lha mo sum brgya bzhi bcu rtsa brgyad kyi mtshan nyid dang / sgo lha zhes bya ba nas brtsams nas/ rig pas rig par bya'o/ /zhes bya ba'i mthar/ sku'i dkyil 'khor gyi sgo la gnas pa'i lha mo 'od zer can ma la sogs pa rnams kyi mtshan nyid dang /ka ba'i 'og tu zhes bya ba nas brtsams nas/ stobs kyi rgyu la sogs pa'o zhes bya ba'i mthar/ klu rnams kyi mtshan nyid dang / khyi gdong zhes bya ba nas brtsams nas/ g.yo ba'i mthar zhes bya ba'i mthar/dur khrod la sogs pa'i khyi gdong ma'i mtshan nyid dang / yi dags dmar mo zhes bya ba nas brtsams nas/ ra ba rim pas so zhes bya ba'i mthar/ tsar tsi ka la sogs pa'i dang / bden bral la sogs pa'i gdan gyi nges pa dang / bi run ta zhes bya ba nas brtsams nas/mig gsum pa zhes bya ba'i mthar/ khyi gdong ma la sogs pa'i gdan gyi nges pa dang / 'od zer can las zhes bya ba nas brtsams nas/ khro gnyer ri zhes bya ba'i mthar/ khro bo'i lha mo rnams kyi nges pa dang / dri dang phreng ba zhes bya ba nas brtsams nas/ rnal 'byor ma'i bya ba'o zhes bya ba'i mthar mchod pa'i lha mo rnams dang / 'dod ma rnams dang ldog ma rnams kyi mtshan nyid dang / de ltar rdo rje can zhes bya ba nas brtsams nas/ dkyil 'khor bdag po rab bya zhes bya ba'i mthar/ rtag pa dang ni mi rtag pa'i mtshan nyid dang / dpal ldan rdo rje can zhes bya ba nas brtsams nas/nyi zla ma zhig go zhes bya ba'i mthar/ rten dang brten pa dang / pad+ma'i sdong bu la sogs pa'i sa bon dang / bo yig ces bya ba nas brtsams nas/ dkyil 'khor ma lus spro ba'o/ /zhes bya ba'i mthar/ bcom ldan 'das stong par bzhugs pa dang /stong pa las bzhengs pa dang / sngon po'i 'od ces bya ba nas brtsams nas/ ro mnyam byed pa'o zhes bya ba'i mthar/ ye shes sems dpa' spyan drangs pa la sogs pa dang / sems rdzogs sbyor ba la zhes bya ba nas brtsams nas/ nyi zla bsgom zhes bya ba'i mthar/ ye shes sems dpa' dang dam tshig sems dpa' ro mnyam pa nyid dang /lha rnams kyi nges pa dang / g.yon brkyang zhes bya ba nas brtsams nas/ de bzhin no zhes bya ba'i mthar lha mo rnams kyi 'dug stangs kyi nges pa dang / g.yas pa bskum pa de zhes bya ba nas brtsams nas/ rdo rje'i gar gyi rgyu zhes bya ba'i mthar/'dug stangs kyi mtshan nyid dang / rdo rje zhes bya ba nas brtsams nas/ gzhan ma'o zhes bya ba'i mthar/ rgyas gdab pa'i nges pa dang / sa la 'khor lo zhes bya ba nas brtsams nas/ gzhom med ces bya ba'i mthar/ 'khor lo la sogs pa'i mtshan ma rnams kyi skye gnas kyi nges pa dang /nA da zhes bya ba nas brtsams nas/ gang zhig gang gi mngon par phyogs pa zhes bya ba'i mthar/ bcom ldan 'das rdo rje sems dpa' la sogs pa'i rigs kyi sa bon gyi nges pa dang / dpal ldan rdo rje can zhes bya ba nas brtsams nas/ sna tshogs yum gyi lhag ma'o zhes bya ba'i mthar/bskyed bya skyed byed kyi nges pa dang / lha dang sangs rgyas zhes bya ba nas brtsams nas/ sems can kun gyi don gyi phyir/ /zhes bya ba'i mthar/ sku'i dkyil 'khor lha rnams kyi sku bzhi rnam par dag pa dang / gzung 'dzin zhes bya ba nas brtsams nas/ rnam shes dbye bas so zhes bya ba'i mthar/sku bzhi dang rdo rje bzhi'i sbyor ba dang / rdo rje rnams ni swA hA'i mthar ldan zhes bya ba nas brtsams nas/ khrus gsol zhes bya ba'i mthar/ sku la sogs pa byin gyis brlab pa dang / stong pa zhes bya ba nas brtsams nas/ de yi rang bzhin bdag yin no/ /zhes bya ba'i mthar/stong pa la sogs pa'i nga rgyal bya ba dang / bum pa zhes bya ba nas brtsams nas/ sor mo'i tshigs rnams la'o zhes bya ba'i mthar/ lha rnams kyi ste 'khor lo'i rnam par dag pa dang / dpal ldan rdo rje can zhes bya ba nas brtsams nas/ sna tshogs yum ni rnam par dag /ces bya ba'i mthar/bcom ldan 'das dus kyi 'khor lo dang / sna tshogs yum gyi rnam par dag pa dang / du ba la sogs zhes bya ba nas brtsams nas/ byang chub sems tshogs so zhes bya ba'i mthar/ du ba la sogs pa'i rnam par dag pa dang / 'du byed ces bya ba nas brtsams nas/ ye shes sbyor bas so zhes pa'i mthar/don yod grub pa la sogs pa'i rnam par dag pa dang / dpal ldan dag gis ni zhes bya ba nas brtsams nas/ rnam bzhis so zhes bya ba'i mthar/ lhan cig skyes pa'i sku las chos kyi sku la sogs pa 'byung ba dang / sprul pa zhes bya ba nas brtsams nas/mi 'gyur don du'o zhes bya ba'i mthar/ sku bzhi'i bya ba dang / g.yon du zhes bya ba nas brtsams nas/ srog rlung rnam pa lnga zhes bya ba'i mthar/ 'dug stangs kyi rnam par dag pa dang / gtum mo zhes bya ba nas brtsams nas/ 'gugs par bya zhes bya ba'i mthar/ thig le'i rnal 'byor dang /nyi zla zhes bya ba nas brtsams nas/ gzhom med yin zhes bya ba'i mthar/ sngags bzlas pa'i cho ga dang / bsnyen pa zhes bya ba la sogs pa'i rkang pa gcig gis bsnyen pa'i mtshan nyid dang / so sor zhes bya ba la sogs pa'i rkang pa gcig gis nye bar bsgrub pa dang / dga' ba zhes bya ba la sogs pa'i rkang pa gcig gis sgrub pa dang / shes rab sbyor las zhes bya ba la sogs pa'i rkang pa gcig gis sgrub pa chen po dang / dang po zhes bya ba nas brtsams nas/ de bzhin no zhes bya ba'i mthar/ bsnyen pa la sogs pa'i 'bring po dang / so sor sdud pa zhes bya ba nas brtsams nas/a dang ka la sogs pas 'byed/ /ces bya ba'i mthar/ sbyor ba'i yan lag drug gi don dang / so sor zhes bya ba nas brtsams nas/ kun rtog lha zhes bya ba'i mthar/ so sor spong ba la sogs pa'i mtshan nyid dang / so sor sdud pa zhes bya ba nas brtsams nas/ye shes sku ni sgrub par 'gyur/ /zhes bya ba'i mthar/ so sor spong ba la sogs pa'i 'bras bu dang / so sor sdud pa la sogs pa'i zhes bya ba nas brtsams nas/ thig le 'gags nas so zhes bya ba'i mthar/ drag shul gyi rnal 'byor dang / bsnyen pa zhes bya ba nas brtsams nas/ye shes sbyor bas so zhes bya ba'i mthar/ stong pa nyid kyi lta ba dang / srog rtsol zhes bya ba nas brtsams nas/ 'jig rten pa rnams 'phya ba'o/ /zhes bya ba'i mthar/ srog 'jug pa'i nges pa dang / dbus su zhes bya ba nas brtsams nas/ gsang chen no zhes bya ba'i mthar/lam khyad par du gyur pa dang / gtsug tor zhes bya ba nas brtsams nas/ dkyil na gnas zhes bya ba'i mthar/ lha rnams gshegs su gsol ba dang / rnal 'byor pas zhes bya ba nas brtsams nas/ 'dod pa'i dngos grub gang gis rab ster zhes bya ba'i mthar/ rnal 'byor pa rnams la spyod pa'i nges pa dang / bsam pa zhes bya ba nas brtsams nas/ 'dod pa de dag gang yin zhes bya ba'i mthar/ gnas skabs bcu'i mtshan nyid dang / gang zhig thig le zhes bya ba nas brtsams nas/ gzhan yang rnam pa bzhi zhes bya ba'i mthar/ nang gi spyod pa dang yan lag gcig ces bya ba nas brtsams nas/'di ni bsgoms na 'grub par 'gyur/ /zhes bya ba'i mthar/ 'jig rten gyi dngos grub mtshan nyid dang / dkar po zhes bya ba nas brtsams nas/ las kyi dbye bas 'grub ces bya ba'i mthar/ lha bsgom pa'i tshig dang / phyogs zhes bya ba nas brtsams nas/ gzhan gyi don du bsgom zhes bya ba'i mthar/ bcom ldan 'das rdo rje shugs kyi mtshan nyid dang / de ru yum chen zhes bya ba nas brtsams nas/ rab tu rgyu zhes bya ba'i mthar/ rdo rje shugs kyi phyag rgya'i mtshan nyid dang / tshig ces bya ba nas brtsams nas/dus kyi 'khor lo zhes bya ba'i mthar/ sna tshogs gzugs kyi bsgom pa dang / khro dbang zhes bya ba nas brtsams nas/ sgrub par byed ces bya ba'i mthar/ 'byung po la sogs pa'i sgrub pa dang / klu zhes bya ba nas brtsams nas/ sprin gyi tshogs ni grub par byed/ /ces bya ba'i mthar/char dbab pa'i cho ga dang / de la sogs pa zhes bya ba nas brtsams nas/ sa bon 'gyur ba zhes bya ba'i mthar/ las kyi dbye bas lha'i bsgrub pa dang zhi bar zhes bya ba nas brtsams nas/ khengs pa'i gzugs zhes bya ba'i mthar/ zhi ba la sogs pa'i bsam gtan gyi nges pa dang / zhi ba zhes bya ba nas brtsams nas/ 'tsho ba zhes bya ba'i mthar/ sangs rgyas la sogs pa'i rigs kyi zhi ba la sogs pa'i bsgrub pa dang / dang po zhes bya ba nas brtsams nas/ gzhan du las kyi grub pa med/ /ces bya ba'i mthar/ las thams cad kyi bsgrub pa'i rgyu dang / gtso bo zhes bya ba nas brtsams nas/lha mo zhes bya ba'i mthar/ bsgom pa'i nges pa dang / dzaHhUM baM hoHzhes bya ba nas brtsams nas/ gri gug go zhes bya ba'i mthar/ mtshan ma rnams skye ba'i sa bon dang / bsgom zhing zhes bya ba nas brtsams nas/ mngal nas skyes par smos ci dgos/ zhes bya ba'i mthar/ zhi ba la sogs par sngags bsgrub pa'i don du lha'i ting nge 'dzin dang / zhi dang rgyas la sogs pa zhes bya ba nas brtsams nas/ gsad dang gso la'o zhes bya ba'i mthar zhi ba la sogs pa'i bsam gtan gzhan dang / zad par sa ni zhes bya ba nas brtsams nas/ mi mthong ba'o zhes bya ba'i mthar/zad par sa la sogs pa'i bsgom pa dang / bsam gtan zhes bya ba nas brtsams nas/ lha min gzhom zhes bya ba'i mthar/ dud 'gro'i gzhom pa'i bsam gtan dang / dpal gyi sngags zhes bya ba nas brtsams nas/ bsgrub par bya zhes bya ba'i mthar/ las bsgrub pa la dang po'i nges pa dang /dpa' bo zhes bya ba nas brtsams nas/ lha min dbang po bsgrub par bya/ /zhes bya ba'i mthar/ lha min gyi dbang po bsgrub pa'i cho ga dang / ming gi dbang po zhes bya ba nas brtsams nas/ thugs kyi dbye bas so zhes bya ba'i mthar/ sngags kyi mtshan nyid dang / so so zhes bya ba nas brtsams nas/sngags kyi skye gnas bsgrub ces bya ba'i mthar/ sngags bzlas pa'i grangs dang / sgrub byed ces bya ba nas brtsams nas/ de nas phyung ste blang bar bya/ /zhes bya ba'i mthar/ ri lu dang mig sman la sogs pa'i bsgrub pa'i cho ga dang / srog ldan zhes bya ba nas brtsams nas/ mkha' lding dbang po bsgrub par bya/ /zhes bya ba'i mthar/ mkha' lding gi bsam gtan la sogs pa dang / rig byed ces bya ba nas brtsams nas/ rdo rje rnon sogs yi ge rnams/ /zhes bya ba'i mthar/ 'khor lo drug gi 'khrul 'khor dang / rtsibs brgyad ces bya ba nas brtsams nas/ phyi rol thams cad sngon dang mtshungs/ /zhes bya ba'i mthar/ gshin rje'i gshed kyi 'khrul 'khor dang / yi ge rnams zhes bya ba nas brtsams nas/ nga yi drin gyis grub ces bya ba'i mthar/ 'jam dpal gyi 'khrul 'khor dang / gang zhig dgra zhes bya ba nas brtsams nas/ mchod dang 'khrig pa la'o zhes bya ba'i mthar/spyi dang khyad par du gyur pa'i don gyi nges pa dang mngon sum du zhes bya ba nas brtsams nas/ ri mo la sogs pa bstan par bya zhes bya ba'i mthar/ bskyed pa dang rdzogs pa'i rim pas lha'i dmigs pa dang / gzugs sam zhes bya ba nas brtsams nas/ 'gyur med nyid du 'gro zhes bya ba'i mthar/rnam par rtog pa bsgom pa'i thabs dang / rnam par mi rtog pa bsgom pa'i cho ga dang / rgyud rgyal kun du zhes bya ba nas brtsams nas/ dus kyi 'khor lo gzhom du med/ /ces bya ba'i mthar/ rdo rje tshig gi nges pa bstan pa'o// //de nas ye shes kyi le'u las don ci bstan ce na/dang po re zhig cung zhig ces bya ba nas brtsams nas/ rnal 'byor ma drug go zhes bya ba'i mthar/ ye shes kyi le'u bstan par bya ba dang / zla ba bzang pos gsol ba btab pa dang / zla bzang tshig gsan zhes bya ba nas brtsams nas/ dkyil 'khor la sogs zhes bya ba'i mthar/ de bzhin gshegs pas bka' stsal ba'i lan dang / ka ba zhes bya ba nas brtsams nas/ dkyil 'khor rnam pa gsum zhes bya ba'i mthar/ khams rnam par dag pas dkyil 'khor gyi mtshan nyid dang / rdo rje gsung zhes bya ba nas brtsams nas/ sna tshogs yum gyi rang bzhin zhes bya ba'i mthar/ lha'i tshogs kyi rnam par dag pa dang / sde drug ces bya ba nas brtsams nas/ ka sogs sde ni phye zhes bya ba'i mthar/ rigs drug gi sngags dang / gtsug tor zhes bya ba nas brtsams nas/ sde brgyad do zhes pa'i mthar/ gtsug tor gyi rigs la sogs pa dang / sum cu zhes bya ba nas brtsams nas/ dkyil 'khor dbang phyug go zhes bya ba'i mthar/ yi ge re re las rgyud byung ba dang / phung po zhes bya ba nas brtsams nas/ 'khor lo'i dbus su gdan zhes bya ba'i mthar/ lha rnams kyi nang du rnam par dag pa dang / rdo rje rnams kyis zhes bya ba nas brtsams nas/ lha dang lha mo'am zhes bya ba'i mthar/zhal la sogs pa'i dbye ba dang / sa bon gcig ces bya ba nas brtsams nas/ dpag med 'khor lo can zhes bya ba'i mthar/ sngags kyi lha rnams skyes rabs kyi rnam par dag pa dang / dag cing zhes bya ba nas brtsams nas/ thar pa'i rgyud ces bya ba'i mthar/ rigs drug gi lha rnams spro ba dang /phyogs 'dab la zhes bya ba nas brtsams nas/ mdun gyi zhal nas spro ba'o/ /zhes bya ba'i mthar/ shes rab kyi rgyud spro ba dang / snying po zhes bya ba nas brtsams nas/ nub kyi zhal nas spros zhes bya ba'i mthar/ gsang ba 'dus pa la sogs pa spro ba dang / thig le zhes bya ba nas brtsams nas/rdo rje phreng ba'o zhes bya ba'i mthar/ sdom pa chen po'i dkyil 'khor la thig gdab pa la sogs pa dang / ring thung zhes bya ba nas brtsams nas/ sa'i sde tshan no zhes bya ba'i mthar/ 'khor lo drug la sogs pa'i lha mo rnams kyi sa bon dang / mkha' 'gro zhes bya ba nas brtsams nas/lha mo rnam par sbyangs zhes bya ba'i mthar/ mkha' 'gro ma la sogs pa'i sku'i dbyibs la sogs pa dang / lhun po zhes bya ba nas brtsams nas/ gzhan du'o zhes bya ba'i mthar/ mkha' 'gro ma rnams kyi phyi nang du gnas pa la sogs pa dang / gtsug tor zhes bya ba nas brtsams nas/mtshams zhes bya ba'i mthar/ chu srin la sogs pa'i rten du gyur pa'i rtsa rnams dang / gtso bo zhes bya ba nas brtsams nas/ 'khor lo 'di nyid do zhes bya ba'i mthar/ gtso bo'i gdan gyi rnam par dag pa dang / thabs dang shes rab kyi zhes bya ba nas brtsams nas/ mkha' 'gro zhes bya ba'i mthar/ sngags bzlas pa'i cho ga dang / gang zhig dbus ni dbus mar zhes bya ba nas brtsams nas/ dus kyi 'khor lor 'khyud ces bya ba'i mthar/ dbus ma'i dbugs rnams gyis/ sangs rgyas thams cad kyi sdom pa dang / lnga gsum zhes bya ba nas brtsams nas/nyi zla'i gdan zhes bya ba'i mthar/ gsang ba 'dus pa'i lha rnams kyi gdan gyi rnam par dag pa dang / rtsibs zhes bya ba nas brtsams nas/ kha sbyor ro zhes bya ba'i mthar/ 'khor lo gsum gyi sdom pa dang / sgyu 'phrul dra ba'i gdan gyi rnam par dag pa dang / rlung zhes bya ba nas brtsams nas/ rnam bzhi'o zhes bya ba'i mthar/rlung la sogs pa'i lha rnams kyi zhal gyi rnam par dag pa dang / thun mtshams zhes bya ba nas brtsams nas/ dbugs mi 'chad ces bya ba'i mthar/ zhal la sogs pa'i rnam par dag pa dang / shes sbyar zhing zhes bya ba nas brtsams nas/ rkang pa gcig gis zhes bya ba la sogs pa'i rgyud kyi mtshan nyid dang /shes rab yan lag ces bya ba nas brtsams nas/ lha rnams rig par bya zhes bya ba'i mthar/ lha dang lha mo rnams kyis phan tshun du ltos pa'i mtshan nyid dang / shes rab rgyud ces bya ba nas brtsams nas/ 'khor lo gcig pu'o zhes bya ba'i mthar/ thabs dang shes rab kyi rgyud la sogs pa spro ba dang /spu dang pags pa zhes bya ba nas brtsams nas/ gzhom med do zhes bya ba'i mthar/ lus la rnam pa bcu'i rnam par dag pa dang / spu sogs zhes bya ba nas brtsams nas/ gang zhig go zhes bya ba'i mthar/ sa bcu'i sku la sogs pa'i khams rnam par dag pa dang /sangs rgyas sems can yin te zhes bya ba nas brtsams nas/ longs spyod dag gis so zhes bya ba'i mthar/ mu stegs pa dang sangs rgyas pa'i chos kyi bye brag la sogs pa dang / rlung rnams phrad pas zhes bya ba nas brtsams nas/ rigs gzhan la'o zhes bya ba'i mthar/sna tshogs gzugs kyi rnal 'byor pas skad cig thob pa dang / gang zhig yon tan bral zhes bya ba nas brtsams nas/ byang chub sems kyi bsnyen pa'o zhes bya ba'i mthar byang chub kyi bsnyen pa dang / gang gis khrag ces bya ba nas brtsams nas/ rgyud rnams kun du bstan zhes bya ba'i mthar/bdud rtsi btung ba dang / shes rab chos 'byung zhes bya ba nas brtsams nas/ de nas rdo rje can gyis gsod/ /ces bya ba'i mthar/ bza' btung bsrung ba'i dam tshig gi nges pa dang / gang zhig ces bya ba nas brtsams nas/ e ma las ngan rab tu 'jug /ces bya ba'i mthar/ sems can gyi bsam pa ngan pa dang /shes rab thabs ni ma yin no/ /zhes bya ba nas brtsams nas/ sprul pa'i sku ru 'gyur zhes bya ba'i mthar/ sku bzhi'i mtshan nyid dang / rdo rje sems dpa' 'di gcig ces bya ba nas brtsams nas/ gzhan rnams thams cad 'gyur ba'o/ /zhes bya ba'i mthar/ rigs drug gi mtshan nyid dang /phung po zhes bya ba nas brtsams nas/ dgod phyir ro zhes bya ba'i mthar/ de bzhin gshegs pas 'jig rten gyi khams la bzhugs pa dang / sems can zhes bya ba nas brtsams nas/ dbang po'i sgo yi spyod ces bya ba'i mthar/ bcom ldan 'das kyi sku la sogs pa'i mtshan nyid dang /ye shes spyan drangs zhes bya ba nas brtsams nas/ 'jig rten 'das zhes bya ba'i mthar/ ye shes 'khor lo dgug pa la sogs pa'i nges pa'i dam tshig dang / shes rab ces bya ba nas brtsams nas/ phyag rgya bzang la sbyor ba'o/ /zhes bya ba'i mthar/ 'jig rten dang 'jig rten las 'das pa'i dbang gi don dang /sems kyi snang ba de zhes bya ba nas brtsams nas/ dpal ldan bla ma de zhes bya ba'i mthar/ dbang bzhi pa'i don dang nam mkha' zhes bya ba nas brtsams nas/ rnal 'byor bzang pos so zhes bya ba'i mthar/ 'od gsal ba la sems 'jug pa dang / sa'i rnam pa zhes bya ba nas brtsams nas/bdud kyi stobs kyi mthus zhes bya ba'i mthar/ sna tshogs gzugs kyi mtshan nyid dang / thig le zhes bya ba nas brtsams nas/ gsang ba po zhes bya ba'i mthar/ rtsa rnams la sogs pa'i ngo bo dang / dbus su zhes bya ba nas brtsams nas/ dpal ldan bla ma'i zhal nyid do//zhes bya ba'i mthar/ rnal 'byor goms pa rdzogs pa dang / sa ni chur 'jug ces bya ba nas brtsams nas/ mi rnams skye ba 'di la'o/ /zhes bya ba'i mthar/ dkyil 'khor lnga 'gog pa dang 'dod pa zhes bya ba nas brtsams nas/ bde 'byung 'di yin no zhes bya ba'i mthar/ de kho na nyid bcu drug dang /sad dang rmi lam zhes bya ba nas brtsams nas/ spang bar bya zhes bya ba'i mthar/ sad pa la sogs pa 'gags pa dang / gcig pu nyid ces bya ba nas brtsams nas/ sgyu ma'i sna tshogs 'dzin pa'o/ /zhes bya ba'i mthar/ mchog tu mi 'gyur ba'i ye shes kyi mtshan nyid dang / gang zhig la sogs zhes bya ba nas brtsams nas/dbus ma'i dbugs rtse zhes bya ba'i mthar/ a ba d+hU tI'i dbugs rnams kyi sa bon dang / ka sogs yi ge sum cu zhes bya ba nas brtsams nas/ dbus ma la ni sbyar bar bya/ zhes bya ba'i mthar/ nyin mtshan gyi sa bon rnams dang / phyir ni gang zhig ces bya ba nas brtsams nas/dus 'khor rnal 'byor gcig pu'o/ /zhes bya ba'i mthar/ byed pa po khyad par du gyur pa dang / zla ba dman zhes bya ba nas brtsams nas/ dus kyi pho nya sum cu rtsa drug ste zhes bya ba'i mthar/ skyes pa'i byis pa la cha mnyam pa la sogs dang / rgyal po nyis 'gyur zhes bya ba la sogs pa'i rkang pa gcig gis gsang ba'i 'khor lo'i rtsa sum cu rtsa gnyis dang /rig byed dus zhes bya ba nas brtsams nas/ ma lus phyi dang lus pa'o/ /zhes bya ba'i mthar/ bcom ldan 'das kyi phyag rgya dang / dman pa zhes bya ba nas brtsams nas/ rang gi lam ni 'gags nas so//zhes bya ba'i mthar/ gza'i rgyu ba'i longs spyod la mkha' 'gro ma rnams kyi skye ba dang / ji srid ces bya ba nas brtsams nas/ 'dod chags sems kyis ma yin no/ /zhes bya ba'i mthar/ dbus ma'i mtshan nyid dang / nyi zla zhes bya ba nas brtsams nas/ sga gcan gyis ni gang zhig mthong ba'o zhes bya ba'i mthar/zla ba'i rgyu ba la sgra gcan 'jug pa dang / sa skyes zhes bya ba nas brtsams nas/ gal te 'dir ni shing can no/ /zhes bya ba'i mthar/ bkra shis la sogs pa'i gnas rnams dang / zhi la dang por zhes bya ba nas brtsams nas/ mtshan mo'i mda' zhes bya ba'i mthar/ zhal gyi dkyil 'khor la sogs pa 'grub pa dang / sa chu zhes bya ba nas brtsams nas/ de ni 'chi bar mi 'gyur ro/ /zhes bya ba'i mthar/ sems kyi mtshan nyid dang / dang po zhes bya ba nas brtsams nas/ phyag na rdo rje bsnams par 'gyur/ /zhes bya ba'i mthar/dang po'i dbugs kyi mtshan nyid dang / 'khor lo zhes bya ba nas brtsams nas/ phyag byar 'os zhes bya ba'i mthar/ ka'i sde la sogs pa'i 'khor lo rnams dang / gang zhig gtso bo'i zhes bya ba nas brtsams nas/ rnal 'byor ma rnams sgeg pa'o/ /zhes bya ba'i mthar/ dus kyi 'khor lo'i phyag rgya la sogs pa'i mtshan nyid dang / gtso bo zhes bya ba nas brtsams nas/ dbugs kyi nang du gnas so zhes bya ba'i mthar/ rdo rje'i dbugs la gza'i rgyu ba 'jug pa dang / stong par dman zhugs zhes bya ba nas brtsams nas/ dus kun 'khyud pa'o zhes bya ba'i mthar/ stong par gza' rnams 'jug pa la sogs pa dang / sa zhes bya ba nas brtsams nas/ gang zhig 'joms pa'o zhes bya ba'i mthar/ 'jig rten gyi khams zhig pa dang / ma lus sangs rgyas zhing zhes bya ba nas brtsams nas/ chags pa'i dus kyi bar du'o/ /zhes bya ba'i mthar/ las kyi rlung las grol bar gyur pa'i bzhugs pa'i mtshan nyid dang /'dzin zhes bya ba nas brtsams nas/ rab tu gang zhes bya ba'i mthar/ 'jig rten gyi khams skye ba dang / shar zhes bya ba nas brtsams nas/ skye gnas gzugs la bkod ces bya ba'i mthar/ lhun po la sogs pa'i mtshan nyid dang /gtsug tor zhes bya ba nas brtsams nas/ thugs kyi rdo rje'o zhes bya ba'i mthar/ bcom ldan 'das kyi sku'i tshad kyi dkyil 'khor la sogs pa'i mtshan nyid dang / phyed bcas nyi ma zhes bya ba nas brtsams nas/ rdo rje'i phreng ba'o zhes bya ba'i mthar/ bcom ldan 'das kyi sku la dkyil 'khor gyi rnam par dag pa dang /steng 'og ces bya ba nas brtsams nas/ tshangs pa'i dbyangs ni de bzhin no/ /zhes bya ba'i mthar/ bcom ldan 'das ma'i sku dag pas dkyil 'khor gyi mtshan nyid dang / nor bu zhes bya ba nas brtsams nas/ gdong sogs de bzhin no zhes bya ba'i mthar/rdo rje dang dril bu'i mtshan nyid dang / gsang ba chu skyes zhes bya ba nas brtsams nas/ sku gdung tshul zhes bya ba'i mthar/ sku gdung gi mtshan nyid dang / sa las gser gyi khams yin zhes bya ba nas brtsams nas/ chu'i khams zhes bya ba'i mthar/ gser la sogs pa'i rang bzhin dang /sa yis zhes bya ba nas brtsams nas/ sman rnams zhes bya ba'i mthar/ nor bu rin po che rnams kyi yon tan dang / sangs rgyas zhing zhes bya ba nas brtsams nas/ rgya mtsho'i gdong zhes bya ba'i mthar/ de bzhin gshegs pa sangs rgyas kyi zhing du byon pa'i yon tan dang /rnam shes zhes bya ba nas brtsams nas/ lhag pa'i lha zhes bya ba'i mthar/ chu srin la sogs pa'i rang bzhin dang / lugs zhes bya ba nas brtsams nas/ rdzogs par 'gyur zhes bya ba'i mthar/ gza' rnams kyi skye gnas dang / gang zhig sa la zhes bya ba nas brtsams nas/ kun nas mchod dang 'bigs zhes bya ba'i mthar/ sems can rnams kyi las kyi mthu dang / 'di rnams zhes bya ba nas brtsams nas/ dag pa'i sku ni de nyid do/ /zhes bya ba'i mthar/ sangs rgyas kyi sprul pa dang / de'i phyir skye med ces bya ba nas brtsams nas/ rigs khengs nga rgyal can zhes bya ba'i mthar nyi ma'i shing rta la 'khor ba'i bag chags dor ba'i nges pa dang /gser dang sa chu zhes bya ba nas brtsams nas/ dbul gyi sdug bsngal thams cad do/ /zhes bya ba'i mthar/ bcud len gyi nges pa dang / gser gyi pad+ma khru phyed ces bya ba nas brtsams nas/ klu'i mgon pos zhes bya ba'i mthar/dzam+b+ha la'i bsgrub pa dang / so phag shar zhes bya ba nas brtsams nas/ skye ba gcig ni 'gog pas min/ /zhes bya ba'i mthar/ bcud len la sogs pa'i mtshan nyid dang / ral gri zhes bya ba nas brtsams nas/ rdzas kyi dngos grub 'gyur zhes bya ba'i mthar/ gter 'byung ba'i cho ga dang / dang po zhes bya ba nas brtsams nas/ dus rnams kun du'o zhes bya ba'i mthar/ rnal 'byor goms pa'i cho ga dang / sgra gcan zhes bya ba nas brtsams nas/ rigs 'di la ni rig par bya/ zhes bya ba'i mthar rigs kyi dbye ba dang / sa 'dzin zhes bya ba nas brtsams nas/rnal 'byor ma spyod gcod ces bya ba'i mthar/ gdan la sogs pa'i dbye ba dang / ye shes zhes bya ba nas brtsams nas/ sngags pa rnams kyis bsgom par bya/ zhes bya ba'i mthar/ chos yang dag par sdud pa dang / zla ba zhes bya ba nas brtsams nas/ sum cu nyid du 'gyur zhes bya ba'i mthar/grangs kyi brda dang / rgyud rgyal kun du zhes bya ba nas brtsams nas/ zla bzang gi zhes bya ba'i mthar/ rgyud kyi yon tan dang / gang la thog ma mtha' zhes bya ba nas brtsams nas/ phyag rgya 'dud ces bya ba'i mthar/ bcom ldan 'das la rnam pa lnga'i bstod pa dang /gang zhig seng ge zhes bya ba nas brtsams nas/ ston pa'i yon tan la sogs pa bstan to// //de ltar brjod par 'gyur ba'i rim pas/ le'u lnga la don gyi ngo bo gnas par 'gyur ba'i dus kyi 'khor lo ni brjod par bya ba yin la/ rgyud kyi rgyal po le'u lnga'i yi ge'i tshogs ni rjod par byed pa'o//de la dang po re zhig bcom ldan 'das 'jam dpal sdud pa po nyid kyis tshigs su bcad pa'i dang po don ci gsungs she na/ kun mkhyen ye shes sku dang nyin byed sku ste spyan ni pad+ma'i 'dab ltar rgyas/ /sangs rgyas zhes bya ba la kun mkhyen zhes bya ba la sogs pa'i yi ge nyi shu rtsa gsum gyis sku bzhi la sogs pa dang ldan par gyur par bcom ldan 'das kyi bye brag bstan to//de la kun mkhyen zhes bya ba ni/ mchog tu mi 'gyur ba'i bde ba'i skad cig la mngon par byang chub pa rnal 'byor pas thob na/ nyi khri chig stong drug brgya mtha' ru sgom par byed de/ mchog tu mi 'gyur ba'i bde bas skad cig thams cad rdzogs par 'gyur ba nas yang dag par rdzogs pa'i sangs rgyas zhes bya bar brjod de/ de bas na mchog tu mi 'gyur ba'i bde ba'i skad cig thob pa'i dus su skad cig thams cad kyi rang bzhin shes pas na kun mkhyen zhes bya bar brjod do//de lhan cig skyes pa'i sku thob ces bya ba'i don to/ /skad cig de nyid rnam par smin pa'i 'bras bu'i rang bzhin du gyur na chos nyid kyi rang bzhin du gyur pa ye shes kyi sku yin te/ chos kyi sku zhes bya ba'o/ /de nyid mgrin par skyes bu byed pa'i rang bzhin du gyur pa dang / rmi lam gyi gnas skabs 'gags pas na/nyin byed kyi sku yin pa la longs spyod rdzogs pa'i sku zhes bya ba'o/ /de nyid sad pa'i gnas skabs 'gags na dri ma med pa'i 'bras bu thob par gyur nas/ spyan ni pad ma'i 'dab ma rgyas pa lta bu sangs rgyas yin la/ sprul pa'i sku zhes bya ba'o/ /'dir stong pa nyid la sogs pa'i rnam par thar pa bzhis bzhi pa la sogs pa'i gnas skabs bzhi 'gags na/lhan cig skyes pa la sogs pa'i sku bzhi thob par 'gyur ba'o/ /bcom ldan 'das de lta bu gang yin pa des chos gnas gang du bka' stsal zhe na/ seng ge'i khrir bzhugs zhes bya ba ni/ rnam pa dang bcas pa'i rnam par stong pa nyid la bzhugs nas zhes bya ba'o//'khor gang la gsungs she na/ lha'i gtso bos phyag byas pa la zhes bya ba ni/ skal ba dang ldan par 'gyur ba'i sems can rnams la zhes bya ba'o/ /zhu ba po gang yin zhe na/ spyi bo btud de zhus pa/ rgyal po zla bzang pad+ma'i lag pa sbyar ba yan lag mchog gi steng bzhag nas/ /zhes bya ba ni/ mchog tu mi 'gyur ba'i bde bas dbugs khri dang / stong phrag brgya 'bigs pa'i sa bcu'i dbang phyug byang chub sems dpa' phyag na rdo rjes zhus pa yin gyi/ sems can phal pas ni ma yin no//chos ni ci zhu zhe na/ dpal ldan dus 'khor rnal 'byor zhes bya ba ni/ thabs dang shes rab kyi rang bzhin du gyur pa dpal dus kyi 'khor lo'i rnal 'byor yin la/ gnyis su med pa'i rnal 'byor zhes bya ba'o/ /de gang gi phyir zhe na/ thabs dang shes rab kyi rang bzhin du gyur ba'i rnal 'byor las ma gtogs par gnyis su med pa'i ye shes su mi 'gyur te/gnyis su med pa'i ye shes ma grub kyi bar du phyag rgya chen po'i dngos grub 'grub par mi 'gyur ro/ /phyag rgya chen po'i dngos grub ma 'grub kyi bar du skye ba dang 'chi ba'i rang bzhin du gyur pa'i 'khor ba las grol ba mi srid do//de nas gnyis su med pa'i ye shes kyi phyag rgya chen po'i dngos grub thob par 'gyur gyi/ rnam par rtog pa dang 'ba' zhig pa'i ye shes kyis ni ma yin no/ /gang gi dus su zhus she na/ rtsod ldan dus tshe la zhes bya ba ni/ snyigs ma lnga'i dus so/ /nges pa'i don du ni A li zhes bya ba ni dbyangs thung ngu dang ring por gyur pa'i yi ge sum cu rtsa gnyis dang /ka la sogs pa'i gsal byed sum cu rtsa lnga phreng ba ste/ zla ba dang nyi ma'i thabs dang shes rab kyi rang bzhin du gyur pa'i shu kra dang / rdul lo/ /de dag tu ro mnyam pa nyid kyi rang bzhin du gyur pa'i gnas su zhus pa zhes bya ba'o//ci'i phyir zhus she na/ mi rnams dgrol ba'i don du'o zhes bya ba ni/ mi'i skye bas 'jig rten dang 'jig rten las 'das pa'i dngos grub thob par bya ba'i phyir yin gyi/ lha'i skye ba la sogs pas ni ma yin no/ /de ltar ston pa po la sogs pa'i phun sum tshogs pa bstan par mdzad nas/mdor bsdus pa bsgrub par bya ba'i mtshan nyid bshad par mdzad de/ stong dang ye shes thig le rdo rje mchog 'dzin sangs rgyas lha dang lha min dang / /zhes bya ba la sogs pa la stong pa zhes bya ba la sogs pa'i yi ge bcu bzhi pos sgrib pa med pa'i khams drug gi bdag nyid du gyur pa'i gang zag skyes bu chen por brjod do//de yang ji lta bu yin zhe na/ sangs rgyas zhes bya ba la sogs pas rigs dang rigs can gyi 'brel par gsungs so/ /mu stegs pa'i lta bas de ji lta bu yin zhe na/ phyi dang lus dang gzhan du rang bzhin skyes bu nyi shu rtsa lnga'i bdag nyid dang / zhes bya ba la/phyi rol du sa la sogs pa lnga dang / sgra gcan la sogs pa gsum dang / bkra shis la sogs pa gza' lnga dang / gzugs la sogs pa'i yul lnga dang / skyur ba la sogs pa'i ro drug ste/ dngos po nyi shu rtsa bzhi'i rang bzhin yin la de rnams skyed par byed pa'i dus ni skyes bu ste nyi shu rtsa lnga'o//de bzhin du lus zhes bya ba ni nang du sa la sogs pa'i dngos po bdun dang / nam mkha'i rang bzhin du gyur pa bzhi'i gnas skabs dang / dbang po lnga dang / yul lnga dang / las kyi dbang po lnga dang / rang rig pa'i bde ba'i gnas skabs ni nyi shu rtsa bzhi'i bdag nyid du gyur pa'i rang bzhin yin la/de rnams khyab pa po ni kun gzhi rnam par shes pa'i rang bzhin du gyur pa'i skyes bu ste/ nyi shu rtsa lnga'o/ /de bzhin du gzhan zhes bya ba ni dkyil 'khor du thabs dang shes rab kyi rang bzhin du gyur pa'i dkyil 'khor gyi bdag po dang / 'khor nyi shu rtsa bzhi ni rtsa lnga'i bdag nyid du gyur pa'i rang bzhin dang /skyes bu ni gnas gsum du 'grub ces bya'o/ /de bzhin du rtog pa rags pa spangs pa'i phyir/ lus la sna tshogs tshad ces bya bar gsungs so/ /de bzhin du lus la sogs pa dang / 'dod pa'i khams la sogs pa'i srid pa gsum pa'i skye ba dang / dbyibs la sogs pa ji lta bu yin zhe na/ srid gsum dbyibs zhes bya bar zhus pa'o/ /de bzhin du lha rnams longs nyid spyod pa dang / dkyil 'khor dang ni dbang ste/ lha mi'i bla mas 'di dag ma lus legs par bshad du gsol/ /zhes bya ba ni/ rim pa ji lta ba bzhin sems can thams cad la phan 'dogs pa'i don du gsal por gyur pa'i don gyis bcom ldan 'das la phyag na rdo rjes zhus pa'o//de bzhin gshegs pas phyag na rdo rje'i zhu ba gsan nas lan 'di skad ces bka' stsal to/ /rab mchog lha mi srin po zhes bya ba la sogs pa'i tshigs su bcad pa gsungs so/ /de ltar bcom ldan 'das kyis legs par gnang nas rgyu ba dang mi rgyu ba'i rang bzhin du gyur pa'i 'jig rten gyi khams ji ltar skyes pa'i tshigs su bcad pa gsungs pa/dus kyis stong pa las ni zhes bya ba la sogs pa la/ dus zhes bya ba ni skyed par byed pa'i dus kyi dbang gis so/ /stong pa zhes bya ba ni sems can phal pa'i mig gi dbang po'i spyod yul du ma gyur pa'i sa la sogs pa'i rdul phra rab de rnams kyi dbang gis rlung la sogs pa 'byung ba bzhi'i rang bzhin du gyur pa 'jig rten gyi khams skyed pa'o//'jig rten gyi khams de la brten pa'i rang bzhin du gyur pa'i rgyu skar nyi shu rtsa bdun dang / nyi ma dang zla ba dang bkra shis la sogs pa'i gza' rnams dang /skar ma bdun/ rgyal po chen po bzhi la sogs pa dang / gzhan gyis mi thub pa la sogs pa dang / rgyal po la sogs pa'i klu rnams dang / rnam pa bzhi'i rang bzhin du gyur pa'i dud 'gro rnams dang / mi dang dmyal ba ni stong pa las skye bar 'gyur ba'o//gang nas skye zhe na/ stong dbus yang dag byung zhes pa'o/ /ji ltar skye zhe na/ chu las lan tshwa bzhin dang / sgo nga las skyes sgo nga'i dbus zhes pa'i dpes bstan par mdzad de/ gsher ba'i dngos po las sra ba'i rang bzhin du gyur pa lan tshwa skye ba ji lta ba de bzhin du/ ri dang gling la sogs pa'o//sgo nga'i nang du khu ba'i rdul phra rab ni gdong pa la sogs pa'i yan lag gi rang bzhin du gyur pa ji lta ba de bzhin du sems can rnams shes par bya'o/ /de ltar 'jig rten gyi khams kyi mtshan nyid bshad par mdzad nas/ sgrib pa dang ldan pa dang / sgrib pa med pa'i sku'i mtshan nyid bshad par mdzad de/lus dang ye shes zhes bya ba ni/ sgrib pa med pa'i zla ba la sogs pa rnam pa bcu'i rang bzhin du gyur pa rdo rje'i sku bstan to/ /de rnams kyi sa bon gang yin zhe na/ sngags kyi skye bar 'gyur zhes bya ba ni/ thig le la sogs pa'i yi ge bcu po ni de rnams kyis skyed par byed pa'i rgyu'o/de la don ci yod ce na/ de ltar gang gis yang dag rig pa de ni phyugs ma yin zhing sems kyi kun rtog bral/ /zhes bya ba de ni yon tan gsungs pa'o/ /de ltar sgrib pa med pa'i sku'i mtshan nyid bshad par mdzad nas/ phyi rol du sgra gcan la sogs pa gang yin pa de rnams nang du sbyar ba mdzad de/lus g.yon zhes bya ba la sogs pa la/ ye shes kyi phung po la sogs pa'i mtshan ma'i rang bzhin du gyur pa gzhom du med pa'i yi ge a gang yin pa de'i g.yon phyogs su gnas pa'i 'du shes kyi phung po la sogs pa'i mtshan mar gyur pa dang / yi ge o'i rang bzhin du thig le'i nang du dkar po 'bar ba yin la/skye 'gro'i bdud rtsi tsha zhes bya ba ste/ rtsa g.yon pa zhes bya ba'i don to/ /de bzhin du gzhom du med pa'i g.yas su gnas pa'i tshor ba'i phung po la sogs pa'i mtshan mar gyur pa'i yi ge re re'i bdag nyid tsheg drag ni/ dmar po'i mdog yin la/ rdul gyi rang bzhin du gyur pa rtsa g.yas pa zhes bya ba'i don to//de nas phyi rol du sgra gcan dang / dus kyi me gang yin pa de steng 'og gi dbus ma'i rtsa gnyis zhes bya'o/ /de bzhin du zla ba dang nyi ma la sogs pa'i zung drug gang yin pa de rnams nang du g.yon du sbyar bar bya'o/ /thig le dang tsheg drag gi rang bzhin du gyur pa'i gzugs gang yin pa de/gzhom du med pa'i rang bzhin yin gyi gzhan gyi don ni ma yin no/ /de bzhin du gsungs pa/ /'bar ba dag la gnas te mun bral zung gcig po ni mun pa dag gi mthar/ /zhes bya ba'o/ /de bzhin du gzhom du med pa'i steng 'og tu rim pa ji lta bas gzugs kyi phung po la sogs pa dang /'du byed kyi phung po la sogs pa'i mtshan mar gyur pa'i yi ge l-i dang / yi ge o'i thong gshol gyi rnam pa dang / dbyug pa'i rnam pa gang yin pa de rnam pa gnyis kyi rang bzhin du gyur pa gang yin par shes par bya'o/ /de bzhin du rnam pa bcu'i rang bzhin du gyur pa srog gi rlung gang yin pa de rim pa ji lta bas steng 'og tu zung lnga yin te/sa dang lhan cig tu zung bdun zhes bya'o/ /de dag la sogs pa'i sa bon ji lta bu yin zhe na/ dbus su rdo rje'i steng gi sa bon yon tan tshogs bcas rang nus 'og na yang dag gnas/ / ye shes kun tu stong la zhi ba'i rang bzhin go 'phang dang bcas dngos po kun gyis rnam par grol/ /zhes bya bar gsungs so/ de ltar sgra gcan la sogs pa'i mtshan nyid bshad par mdzad nas/ zla ba dang nyi ma'i 'phel ba dang 'grib pa bshad par mdzad de/ a sogs sum cu dbyangs gang ha ya ra wa lar ldan de ni zla ba'i nyin mtshan cha//zhes bya ba ni/ dkar po'i phyogs dang nag po'i phyogs kyi tshes sum cu'i sa bon du gyur pa zhes bya ba'o/ /de bzhin du ka sogs sde dbyangs bcas pa nyin byed rgyu ba stong phrag me yi tshad kyis so/ /zhes bya ba ni/ yi ge ka la sogs pa sum cu gang yin pa de rnams dbyangs thung ngu dang ring po bcu gnyis kyis phye bar 'gyur na sum brgya drug cur 'gyur te/de rnams kyi lo'i tshes sum brgya drug cu'i sa bon du gyur pa'o/ /de bzhin du nyin mtshan re re chu tshod drug cu'i sa bon gang yin zhe na/ ha sogs dbyangs ni/ rtsa rnams yin te zhes bya ba ni/ yi ge ha la sogs pa lnga po gang yin pa de yi ge a la sogs pa thung ngu lnga dang / thig le dang ring po lnga dang / tsheg drag [(]kyi [,]gi [)]bar gyur na yi ge drug cur 'gyur te/ de rnams ni chu tshod drug cu'i sa bon du shes par bya'o/ /de ltar mdor bsdus par sa bon gyi mtshan nyid bshad par mdzad nas/rgyu ba dang mi rgyu ba'i dngos po thams cad sngags kyi rang bzhin yin par bshad pa mdzad de/ lha mi'i gdengs ka 'byung bo'i gnas ni sngags zhes bya ba ni/ lha dang mi la sogs pa rnams kyi yi ge dang po gang yin pa de ni don sna tshogs grub pa'i phyir de rnams kyi sa bon du gyur pa'i phyir ro//de bas na A li dang kA li la sogs pa'i yi ge rnams kyis 'dod pa la sogs pa'i khams gsum po'i don 'grub par 'gyur te/ 'di dag a sogs ka sogs dang ldan srid gsum nges par de ltar skye 'gyur rgyal po kye/ /zhes bya ba ni/ rgyu ba dang mi rgyu ba 'di dag la sogs pa'i srid pa gsum po ni A li dang kA lis phyi rol du rjod par byed pa ji lta ba de bzhin du rnal 'byor pas nang du yi ge rnams las skye bar shes par bya'o//'o na dngos po thams cad A li dang kA li las gal te skyes par gyur pa de lta na ni/ de rnams gang nas skye bar 'gyur zhe na/ dbyangs rnams ka tsa pa Ta tar ldan/ ka sogs kyis sbyar skye ba'i gnas dag ni/ mgrin rkan steng gi cha dang mtshungs so zhes bya ba ni/ yi ge de rnams kyi skye ba'i gnas ni yin no/ /gnas de rnams ji lta bu yin zhe na/ mkha' rlung me skye yin la chu dang sa dag go zhes bya ba ni/ rim pa ji lta bas mgrin pa la sogs pa'i gnas rnams ni nam mkha' la sogs pa'i rang bzhin du gyur pa zhes bya ba'o//de ltar sngags bzlas pa'i phyir yi ge rnams kyi skye ba'i gnas brjod par mdzad nas/ bsgom pa'i gnas bshad par mdzad de/ a sogs gtsug tor 'khor lo snying mgrin spyi gtsug lte ba'i 'khor lo rim pa ste//zhes bya ba ni yi ge a dang yi ge ha dang tsheg drag dang / yi ge ka'i sde tshan rnam pa ni nam mkha'i khams kyi rang bzhin du gyur pa'i gtsug tor gyi 'khor lo la bsgom par bya'o/ /de bzhin du yi ge e dang ya dang sha dang tsa'i sde ni rlung gi rang bzhin du gyur pa'i snying ga'i 'khor lo'o/ /yi ge re dang Sha dang Da'i sde ni me'i rang bzhin du gyur pa'i mgrin pa la'o//yi ge u dang wa dang h+ya dang pa'i sde ni chu'i rang bzhin du gyur pa'i dpral ba la'o/ /yi ge li dang ta'i sde ni sa'i rang bzhin du gyur pa ste/ lte ba la'o/ /de rnams kyi kha dog ji lta bu yin zhe na/ sna tshogs nag dang dmar po ri bong ser 'dra zhes bya ba'o//'khor lo de rnams la byin gyis brlab pa gang gis mdzad ce na/ phung po khams te lhag pa'i lha zhes bya ba ni/ rnam par shes pa'i phung po la sogs pa dang / nam mkha'i khams la sogs pa'i lha dang / lha mo ni gtsug tor 'khor lo la sogs par shes par bya'o/ /da ni 'jig rten gyi khams la sogs pa bshad par mdzad de/rlung nas lhun po'i mtha' ru dmyal ba gdengs ka'i grong khyer dpag tshad 'bum phrag gnyis/ /zhes bya ba ni/ 'og tu gnas pa'i rlung gi dkyil 'khor nas brtsams nas/ ri rab kyi rtsa ba'i bar du 'bum phrag gnyis zhes bya ba'o/ /de nas rtsa ba nas brtsams nas/ri rab ni mgrin pa'i bar du 'bum phrag gcig ste/ de nyid nyi ma la sogs pa'i gnas zhes bya'o/ /gnas de nas mgrin pa ni stong phrag nyi shu rtsa lnga'o/ /gdong pa ni stong phrag lnga bcu'o/ /de nas gtsug phud kyi bar du stong phrag nyi shu rtsa lnga'o/ /de ltar dpag tshad 'bum phrag bzhi ni phyi rol du dpag tshad gang yin pa de/lus la rkang pa nas brtsams nas/ gtsug phud kyi bar du sbyar ba'i phyir bcom ldan 'das kyis so/ /de ltar steng 'og gi tshad brjod nas/ zheng gi tshad brjod par mdzad de/ rlung nas rlung gi mthar ni gnas pas yi steng ni gling dang ri bo rgya mtsho rnams//bzhi phyed 'bum gnyis me dang g.yo ba'i dkyil 'khor dpag tshad rnams ni 'bum phrag gnyis/ /zhes bya ba ni rlung gi dkyil ni lho phyogs nas byang dang shar nas nub kyi bar du 'bum phrag bzhi yin la/ de'i dbus su 'bum phrag gsum ni me'i dkyil 'khor ro/ /de'i dbus su 'bum phrag gnyis ni chu'i dkyil 'khor ro//chu'i dkyil 'khor gyi dbus su sa'i dkyil 'khor 'bum phrag gcig tu gyur pa yin la/ de la ri dang rgya mtsho dang gling la sogs pas te/ dbus su ni ri rab bo/ de yang ji lta bu yin zhe na/ dbus nas lhun po gang zhig steng nas nyin mtshan 'bru yi 'khor lo bskor bcas 'khor//zhes bya ba'o/ /g.yas g.yon gyi tshad ji lta bu yin zhe na/ 'bum phrag gnyis gnyis kyis ni drug gi cha ste zhes bya ba ni ri rab kyi g.yas g.yon dang shar nub dang steng 'og gi cha drug ste/ dpag tshad 'bum phrag gnyis gnyis ni zhes bya'o/ /de ltar zheng gi tshad bshad par mdzad nas/rgya'i tshad brjod par mdzad de/ ma lus 'jig rten khams kyi zheng gi tshad kyis rgya ru sum 'gyur kun nas so/ /sa la rgyar ni 'bum phrag gsum ste chu dang me rlung rnams ni drug dgu nyi ma'i rim pas so/ /zhes bya ba ni rim pa ji lta bas 'bum phrag gsum dang drug dang dgu dang bcu gnyis ni sa'i dkyil 'khor la sogs pa'o//de ltar phyi'i 'jig rten gyi tshad bshad par mdzad nas/ de nyid nang du sbyar bar mdzad de/ gang gi phyir srid gsum gnas na 'bum phrag gcig gi dpag tshad rnams ni mi dbang kye/ de ni sa yi steng gnas lus la rang rang gi tshad kyis khru gang dag tu yang dag go//zhes bya ba'o/ /dpag tshad ji lta bu yin zhe na/ phra rab rdul brgyad kyis ni zhes bya ba la sogs pa'i tshigs su bcad pas gsungs so/ /srid pa gsum gyi mtshan nyid ji lta bu yin zhe na/ dang po de ni chos kyi bskal pa zhes bya ba la sogs pa ni/ gzugs med pa'i lha'i gnas yin la/gang du lha rnams tshe bskal pa gcig ste mtho ris zhes bya ba'o/ /de rnams kyi dbye ba du yin zhe na/ zung zung zung ldan zhes bya ba ni gtsug tor gyi gnas su zad par stong pa la sogs pa bsgoms pa'i stobs kyis nam mkha' mtha' yas skye mched la sogs pa'i lha rnams bskal ba chen po gcig la sogs pa'i tshad dang ldan pa zhes bya'o//rim pa de bzhin du dpral ba la sogs pa'i gnas bzhi la zad par rlung la sogs pa'i ting nge 'dzin gyi stobs kyis/ bskal pa 'bring po bcu drug dang bco lnga la sogs pa'i tshe dang ldan pa gzugs na spyod pa lha rnams te/ tshangs pa'i 'jig rten gyi bar gyi bskal pa'i bskal pa zhes bya'o//de bzhin du 'dod pa na spyod par gyur pa'i lha rnams ni sbyin pa dang sngags bzlas pa'i stobs kyis bskal pa tha ma drug la sogs pa'i tshe'i tshad dang ldan pa drug ste/ dge ba dang mi dge ba'i stobs kyis lha min la sogs pa lnga yin la/ legs gnas sred las 'dod pa bcu gcig pa zhes bya ba'o//rnal 'byor pas de rnams kyi skye ba ji ltar bsgom zhe na/ bzhi ni a sogs zung ste zhes bya ba la sogs pa'i rkang pa gnyis kyis de rnams skyed pa'i sa bon rnams su brjod do/ /srid pa sum cu gcig gis zhes bya ba ni/ skye ba dang 'chi ba la sogs par 'gyur bas na srid pa yin la/sum cu rtsa gcig gis zhes bya ba ni/ skye ba dang 'chi ba la sogs par 'gyur bas na/ srid pa yin la sum cu rtsa gcig go/ /de rnams mdor bsdus pas 'di ru srid pa gsum 'gyur la khams kyi dbye bas khams gsum mo zhes bya ba'o/ /de nyid sku'i rdo rje la sogs pa'i dbye bas 'di dag rdo rje gsum yin khams gsum ma lus pa dang /a dang ka sogs dbye bas so/ /da ni sa 'og na gnas pa'i dmyal ba la sogs pa'i ming brjod par mdzad de/ rin chen 'od ces bya ba ni rin po che rnams kyis gang du gsal por byed pa de rin chen 'od yin la/ stong phrag nyi shu rtsa lnga pa klu dang lha ma yin gyi gnas zhes bya ba'o//de'i 'og tu chu dang gseg ma dang ldan pa'i dmyal ba stong phrag nyi shu rtsa lnga pa'o/ /de bzhin du chu'i dmyal ba gnyis ni stong phrag lnga bcu ste/ bye ma chu dang ldan pa dang 'dam rdzab lta bu'o/ /me'i dmyal ba gnyis ni du ba dang drag po dang ldan pa dang /mun pa chen po ste stong phrag lnga bcu'o/ /de bzhin du rlung gi dmyal ba gnyis ni ngu 'bod dang mnar med pa ni stong phrag nyi shu rtsa lnga pa'o/ /de bzhin du rgya mtsho la sogs pa'i ming ni/ lan tshwa chang zhes bya ba la sogs pa'i tshigs su bcad pa gcig gis gsungs so/ /gling bzhi'i mtshan nyid ji lta bu yin zhe na/shar du rlung ste zhes bya ba la sogs pas brjod do/ /ri rab ji lta bu yin zhe na/ stong pa'i rnam pa zhes bya ba ni nam mkha'i rang bzhin du gyur pa yin la/ lhun po rdo rje mchog gi rang bzhin dkyil 'khor rnams kyi dbus su'o/ /gling bzhi pa'i tshad ni ji lta bu yin zhe na/ri dang klung zhes bya ba ni rim pa ji lta bus dpag tshad stong phrag bdun dang / brgyad dang dgu dang bcu ni shar gyi gling la sogs pa'i tshad shes par bya'o/ /ri rab kyi rgya'i tshad ji lta bu yin zhe na/ lhun po'i steng gi rgyar ni sa steng gnas su dpag tshad rnams ni stong phrag lnga bcu la/ zhes bya ba ni steng du stong phrag lnga bcu yin la/'og tu stong phrag bcu drug zhes bya'o/ /phyi rol du stong phrag gcig ni khor yug go/ /de bzhin du steng rwa lnga zhes bya ba la sogs pas ri rab kyi mtshan nyid dang / gling la sogs pa gsungs so/ /gling de dag la sogs pa'i tshad ji lta bu yin zhe na/ thams cad rgya mtsho drug ces bya ba'i rgya mtsho drug dang /ri drug dang gling drug gi tshad ni/ dpag tshad brgya phrag brgyad brgya brgyad cu rtsa brgyad dang / rgyang grags gsum dang gzhu brgyad cu rtsa gcig gis lhag pa'i stong phrag gcig dang / sor bcu dang nas lnga dang shig gnyis dang ske tshe lnga dang skra'i rtse mo gnyis dang /rdul phra rab drug tsam mo/ /'dzam bu gling gi tshad ji lta bu yin zhe na/ 'dzam bu gling gi rgyar ni lan tshwa'i chu gter 'bum phyed kyi tshad yin zhing zhes bya ba ni stong phrag nyi shu rtsa lnga'o/ /rim pa de bzhin du nyis ldab kyi tshad ni lan tshwa'i rgya mtsho las shes par bya'o/ /de bzhin du tshangs pa'i yul las zhes bya ba la sogs pa'i rkang pa gcig gis ma tshang ba'i tshigs su bcad pa gsum gyis bcom ldan 'das dus kyi 'khor lo la sogs pa'i bzhugs sa la sogs pa bstan to//rdzogs dang gsum pa cha gnyis nges par gzhan yang rtsod ldan dus kyi dbang gis 'byung / / zhes bya ba ni cha bzhis dge ba rdzogs pa na/ rdzogs ldan zhes bya'o/ /dge ba'i cha gsum gyis byas pa na/ sum ldan gyi cha zhes bya ba ste dge ba'i cha nas gcig med par gyur pa zhes bya ba'i don to/ /dge ba'i cha shas gnyis dang ldan pas na nyis ldan zhes bya ba'o/ /rnam pa thams cad ni sdig par 'byung bas na rtsod ldan zhes bya ba'o//de ji ltar shes pa zhe na/ dum bu gang la stobs ldan 'khor lo can zhugs de ni rdzogs gyur la/ /sum ldan rgyal po'i rgyab ste rtsod ldan bdun la gnyis ldan gnyis dbus su/ /zhes bya ba ni/ bcom ldan 'das kyis gang du chos kyi 'khor lo bskor bar mdzad pa de rdzogs ldan yin la/gang nas byon pa de sum ldan te/ gang du gshegs pa de rtsod ldan no/ /rtsod ldan dang sum ldan gyi bar du nyis ldan zhes bya ba'o/ /dus bzhi'i tshad du yin zhe na/ nyi shu stong phrag gcig dang ro brgya dang bcas lo yi grangs ni dus rnams kyi/ / zhes bya ba ni/ dus bzhi'i tshad ni lo drug brgya dang / stong phrag nyi shu rtsa gcig go/ /re re dus ji tsam gyi bar du dar zhe na/ re re'i tshad ni zung dang mdas bgrangs mi rnams lo brgya gang yin pa'o zhes bya ba ni/ mi rnams kyi lo bzhi brgya lnga stong ni re re'i tshad dang zhes bya ba'o/ /lo la bye brag yod dam zhe na/phra mo dbugs 'byung d+h+ru rtsa gnyis d+h+ru dus dang stong phrag nyi shu gcig dang drug brgyas tshad de rim gyis ni/ /zhes bya ba la/ mi rnams kyi 'byung ba dang / 'jug pa'i dbugs gcig gi cha shas nyi khri chig stong drug brgya pa ni/ srin bu la sogs pa'i dbugs gcig yin la/ de lta bu'i dbugs drug gi chu srang gcig yin te/chu srang drug cus chu tshod gcig go/ /chu tshod drug chus nyin mtshan du gyur pa'o/ /nyin mtshan sum cus zla ba gcig go/ /zla ba bcu gnyis kyis lo zhes bya'o/ /rang rang gi tshad kyis de lta bur gyur pa'i lo brgya tham pa ni lus las skyes pa'i srin bu la sogs pa rnams kyi tshe'i tshad yin la/de yang sdig pa dang bsod nams kyi dbang gis lhag pa dang nyung bar gyur pa'o/ /rim pa ji lta bas mi rnams kyi dbugs nyi khri chig stong drug brgya'i rang bzhin du gyur pa'i nyin mtshan la sogs pa shes par bya'o/ /mi rnams kyi chu tshod sum cu ni 'byung po la sogs pa'i dbugs gcig yin la/de lta bu dbugs rnams kyis chu srang la sogs pa'i dbye ba shes par bya'o/ /mi rnams kyi chu tshod gcig gis 'dod pa na spyod pa'i lha rnams kyi dbugs gcig go/ /mi rnams kyi nyin mtshan gcig ni lha ma yin rnams kyi dbugs gcig go /mi rnams kyi lo ni 'og min rnams kyi dbugs gcig go//mi rnams kyi lo nyi khri chig stong drug brgya ni 'du shes med 'du shes med min gyi dbugs gcig ces bya'o/ /de nyid gsungs pa/ lus skyes phra mo mi dang 'byung po lha dang lha min rnams dang ni/ /lus dang gtso bo'i nyin gcig sa steng dag tu 'gyur te nus ma'i tshad kyis dus rnams te//zhes bya ba ste/ dus bzhi'i tshad 'og min gyi lha rnams kyi tshad kyis shes par bya'o/ /dum bu dum bu zhi ba'i go 'phang 'khor lo can gshegs nyin mtshan gcig la nyi ma bcu gnyis so/ /zhes bya ba ni/ phyi rol du zla ba bcu gnyis kyi 'pho ba rnams kyis nyi ma bcu gnyis 'khor bar byed pa ji lta ba de bzhin du/nyin mtshan gcig dum bu bcu gnyis la bcom ldan 'das kyis chos kyi rang bzhin du gyur pa'i nyin mtshan du mdzad pa'o/ /de ltar dbugs kyi tshad bshad par mdzad nas/ lo'i dbye ba bshad par mdzad de/ phyogs dang zla ba zhes bya ba la sogs pa la/phyogs ni nyi shu rtsa bzhi'o/ /dpyid zla 'bring po la sogs pa zla ba bcu gnyis so/ /zla ba gnyis gnyis kyi rang bzhin du gyur pa'i dpyid ka la sogs pa'i dus drug go/ /zla ba gsum gsum gyi rang bzhin du gyur pa dus bzhi'o/ /zla ba bzhi bzhi'i rang bzhin du gyur pa dus gsum mo//zla ba drug drug gi rang bzhin du gyur pa byang dang lhor ni bgrod pa gnyis so/ /'di dag la sogs pa dang ldan par gyur pa'i lo ni phyi nang du sems can thams cad la gyur pa'o/ /de la phyi rol du lo gang yin pa de ni nang du nyin mtshan yin la/ phyi rol du nyin mtshan ni nang du chu tshod yin la/ phyi rol du chu tshod ni nang du chu srang yin la/phyi rol du chu srang ni nang du dbugs yin la/ phyi rol tu dbugs ni nang du dbugs gcig gi nyi khri chig stong drug brgya'i cha gcig go/ /de ci'i phyir zhe na/ phyi rol du lo gcig ni chu tshod nyi khri chig stong drug brgyar 'gyur te/ nang du nyin mtshan gcig ni dbugs nyi khri chig stong drug brgyas so//phyi rol du nyin mtshan gcig ni chu tshod sum brgya drug cus yin la/ nang du dbugs sum brgya drug cus chu tshod gcig go/ /phyi rol du chu tshod drug cus nyin mtshan gcig yin la/ chu srang drug cus chu tshod gcig go/ /phyi rol du dbugs drug gi chu srang gcig yin la/ de'i nang du dbugs gcig go/ /phyi rol du dbugs gcig gi dus tshod gang yin pa de nang du dbugs gcig gi nyi khri chig stong drug rgya'i cha gcig shes par bya'o/ /chos mthun pa de'i phyir/ phyi rol du lo gcig la dus sbyor bcu gnyis su 'gyur te/ nang du nyin mtshan gcig la srog gi rlung gis 'pho ba bcu gnyis so//phyi rol du chu tshod lnga lnga'i rang bzhin du gyur pa dus sbyor bzhi stong sum brgya nyi shu lo gcig yin la nang du dbugs lnga lnga'i rang bzhin du gyur pa'i dus sbyor de rnams kyis shes par bya'o/ /phyi rol du chu tshod nyi khri chig stong drug brgyas lo gcig yin la/ nang du dbugs de rnams kyis nyin mtshan gcig go//rim pa de lta bas na chu srang la sogs pa'i grangs ni phyi dang nang du shes par bya'o/ /phyi dang nang du de lta bur gyur pa'i dus kyi tshad gang yin pa de rang rang gi tshad kyis srin bu la sogs pa rnams la rig par bya'o/ /de nyid bshad par mdzad de/ 'di rnams 'di ltar 'gyur te/lus skyes phra rab mi dang 'byung po lha dang lha min dang / /nus dang gtso bo nyin gcig srid gsum gnas dang lus kyi dbus su de bzhin no/ /zhes bya ba ni/ phyi rol du lo'i bye brag ji lta ba de bzhin du srog gi rlung gis kun tu spyod pas nang du rnal 'byor pas rig par bya'o/ / da ni bcom ldan 'das 'jam dpal gyis sham b+ha la'i yul du sprul pa'i sku bzhengs pa dang / kla klo'i chos dar ba dang / skar rtsis la sogs pa'i mdor bsdus ni gsal po yin te/ lo ni 'di nas zhes bya ba la sogs pa nas brtsams nas/ drag po la sogs lha rnams kyis so zhes bya ba'i mthar/tshigs su bcad pa bdun cu rtsa brgyad kyi don ni legs par bstan to/ /da ni 'jig rten pa'i don bsgrub pa'i phyir dbyangs 'byung bar gsungs pa/ a sogs dbyangs lnga gang zhig ces bya ba la sogs pa ni/ yi ge a la sogs pa'i dbyangs lnga gang yin pa de sa chu me rlung nam mkha'i rang bzhin du gyur pa yin yang /de rnams kyis kyang tshes dga' mo la sogs pa lnga la byin gyis rlob par byed de/ de bzhin du yon tan dang yang na a ti sha'i rang bzhin du gyur pa'i bcu ni yang tshes dga' mo la sogs pa rnams la shar bar gyur pa'o/ tshes de rnams la bkra shis la sogs pa'i gza' rnams su ma gyur pa de lta na ni/dbyangs dang tshes de'i mthus don 'grub par 'gyur gyi gzhan du na ni ma yin no/ /de bzhin du mi mthun pa'i rgyu skar dang ldan par gyur pa de lta na ni/ don mi 'grub par shes par bya'o/ /don de nyid gsungs pa/ a sogs dbyangs lnga gang yin dang po'i tshes kyi dbang gis dga' ma la sogs sbyor ba lnga//zhes bya ba la sogs pa'i tshigs bcad dgus dbyangs de rnams kyi skye ba'i gnas dang mtshan nyid la sogs pa gsungs so/ /de bzhin du 'jig rten pa'i tha snyad kyi dge ba dang mi dge ba'i don 'grub pa'i zhu ba ni rnal 'byor bas shes par bya ste/der rtsa g.yas pa dang g.yon par srog gi rlung gi kun tu rgyu ba'i spyod par rig par bya zhing / de la gal te rtsa g.yas pa'i stong pa'i dkyil 'khor las dus kyi me shar bar gyur pa de lta na ni/ 'khrugs pa'i gnas su zhugs par byas pa'i mi de 'chi bar 'gyur ba'o/ /de bzhin du rlung gi dkyil 'khor las nyi ma shar bar gyur pa de lta na ni/bcom par gyur pa'o/ /me'i dkyil 'khor la bkra shis shar bar gyur pa de lta na ni rmas par gyur pa'o/ /chu'i dkyil 'khor las phur bu dang gza' lhag shar bar gyur pa de lta na ni mthun par 'gyur ba'o/ /sa'i dkyil 'khor las dman par gyur pa ni spen par gyur pa de lta na ni yul du 'khrug par 'gyur ro//de bzhin du nad pa la ni stong pa'i dkyil 'khor la ni sogs pa la grangs ji lta bas 'chi ba dang / nyon mongs pa dang rma dang bde ba dang ma nyams pa nyid ces bya ba ni zhu ba pos zhus na nad rnams la 'gyur ba'o/ /de bzhin du rtsa g.yon pa'i stong pa'i dkyil 'khor las gal te sgra gcan shar bar gyur pa de lta na ni zhu ba po'i dgra g.yul du nyams par gyur pa'o//rtsa g.yon pa'i dkyil 'khor las zla ba la sogs pa shar ba de lta na ni bcom pa la sogs pa g.yul gyi gnas su shes par bya'o/ 'di ltar mgron dang bag ma len par dge ba'i 'bras bur 'gyur te g.yon lam gza' rnams kyis zhes bya ba ni zhu ba'i dus so//de bzhin du zhu ba pos yi ge rnams gang brjod pa de bcus bsgres nas bcu gnyis bsre bar bya'o/ /phyi nas lngas bsgres nas zhu ba po dor nas nye bar gnas pa'i mi bsre bar bya'o/ /bdun gyis bcad nas mi mnyam pa'i rang bzhin du gyur pa'i nyi ma la sogs pa lhag mar gyur pa de lta na ni don grub par mi 'gyur ro//de nas mnyam pa'i rang bzhin du gyur pa zla ba la sogs pa de lta na ni don grub par 'gyur zhes bya'o/ /de bzhin dbugs 'byung ba dang 'jug pa'i dus su gal te zhu bar gyur pa de lta na ni grangs ji lta bas don mi 'grub pa dang 'grub par shes par bya'o//de gang gis shes she na rnal 'byor ldan pas shes par bya'o/ /de bzhin du/ las shes dus rtsar gnas pa'i nyin mo'i dbang gis zla ba nyi ma grub byas la/ /gzhan ma rnams kyi dge ba dang mi dge ba'i don gang bshad par byed pa de la skyon ci yod ce na/da ltar byung ba ma shes pas ni dge ba dang / mi dge ba'i 'bras bu 'jig rten 'dir ni gang gis brjod/ /long ba des ni long ba khrid las glang chen seng ges gang ba'i nags tshal 'jug par byed/ ces bya'o/ /gal te srog gi rlung gi mtshan nyid mi shes pa de lta na ni/ skar rtsis kyi sgo yis dge ba dang mi dge ba bstan par bya'o/ /de la yang skye ba'i dus sbyor dang / bdun pa la gal te dus kyi me la sogs par de lta na ni zhu ba po la 'chi ba la sogs pa'i sdug bsngal 'gyur ba'o/ /de nas sgra gcan la sogs par gyur pa de lta na ni dgra 'chi ba la sogs par gyur pa'o//gzhan yang zhu ba'i dus su gza' skar bzang ba dang / g.yon gyi rtsa 'bab pa de lta na ni/ nges par don ni thams cad 'grub/ ces bya'o/ /de bzhin du tha skar la sogs pa'i rgyu skar nyi shu rtsa bdun sum char byas nas/ cha dang po'am cha gnyis par mi mnyam pa'i skar ma la gal te gza' mi mnyam par gyur pa de lta na ni 'thab mo'am nad pa 'chi bar 'gyur te/de nas gza' mnyam pa'i rang bzhin du gyur pa de lta na ni/ rgyal ba dang nad sod par gyur pa'o/ /de bzhin du mi rnams kyi tshe ni mdor bsdus pa kho nar brgya rtsa brgyad yin la/ de rnams la nyi ma la sogs pas longs spyod par byed do//de la rags pa'i gnas skabs su nyi ma la drug dang zla ba la bco lnga dang / bkra shis la brgyad dang gza' lhag la bcu bdun dang / spen pa la bcu dang / phur bu la bcu dgu dang / sgra gcan la bcu gnyis dang pa sangs la nyi shu rtsa gcig go/ /de rnams las nyi ma la sogs pa'i mi mnyam pa'i gza' rnams kyi lo ji tsam du gyur pa dus de tsam bar du nyon mongs par gyur pa'o//zhi ba'i rang bzhin du gyur pa zla ba la sogs pa mnyam pa ni zhi bar byed pa'o/ /de la phra ba'i rang bzhin du gyur pa'i gnas skabs su nyi ma'i lo drug la zla ba la sogs pas longs spyod par byed cing /zla ba la sogs pa'i lo rnams nyi ma la sogs pas longs spyod par byed pa'o/ /de rnams kyi sa bon du gyur pa'i yi ge rnams ni/ dbyangs dang gsal byed du shes par bya'o/ /don de ni de lta bu gang yin pa de nyid ma rig pa la sogs pa'i rten cing 'brel par 'byung ba'i yon tan bcu gnyis kyis shes par bya'o//de bzhin du phyogs brgyad kyi rang bzhin du gyur pa'i sa la 'bru'i 'khor lo dang / gza'i 'khor lo shes par byas la gal te/ nyi ma la sogs pa'i mi mnyam pa'i gza' rnams rang la rgyab dang g.yas su gyur pa dang / dgra la mdun dang g.yon du gyur pa dang /de lta na ni dgra rnams gsod par byed do/ /de bzhin du zla ba la sogs pa mnyam pa'i rang bzhin du gyur pa/ rang la mdun dang g.yon du gyur pa dang / dgra la rgyab dang g.yas su gyur pa de lta na ni don snga ma bzhin du byed do/ /rim pa de bzhin du rnal 'byor ma la sogs pa ni gal te g.yas dang /rgyab tu gyur pa de lta na ni dgra la sogs pa gsod par byed ces bya ba'o/ /de nas gal te gdug pa dang zhi ba'i gza' la sogs pa ni dus gcig tu g.yas dang rgyab tu mdun dang g.yon du rang dang dgra la gnas par gyur pa de lta na ni stobs gnyis bcom par byed ces bya ba'o/ / gzhan yang tshangs mo la sogs pa'i rnal 'byor ma brgyad char shar la sogs pa la tshes gcig la sogs pa'i dbye bas shar ba la sogs par shes par bya'o/ /de bzhin du dkar po'i phyogs kyi tshes bzhi dang tshes brgyad dang / bcu gcig dang nya la shar la sogs pa'i phyogs dang / nag po'i phyogs kyi tshes gsum dang tshes bdun dang tshes bcu dang tshes bcu bzhi la me'i mtshams la sogs pa las ke'u kang 'char bar 'gyur te/shar ba'i phyogs de rnams shes nas bya ba 'grub pa dang mi 'grub par shes par bya'o/ /de bzhin du lo'i drag po dang / bgrod pa'i drag po dang /zla ba'i drag po dang / phyogs kyi drag po dang / nyin mtshan gyi drag po dang / dus kyi drag po ste/ rnam pa drug tu de yang rnal 'byor pas shes par bya'o/ /de bzhin du thun mtshams phyed kyi sgra gcan gyi stobs ni phyogs dang phyogs mtshams la 'khor bar shes par bya ste/ de shes nas 'khrug pa'i dus su rgyal ba dang pham par rig par bya'o//de bzhin du gnyis 'thab pa'i dus su yi ge gsum dang ldan pa'i ming gis yi ge gnyis dang ldan par gyur pa'i ming can ni/ pham pa dang bcom par 'gyur ro/ /de bzhin du dbugs 'byung ba'i dus su gang gis zhus par byas pa dang / dbugs 'jug pa'i dus su zhu ba po ni grangs ji lta bus pham pa dang rgyal bar gyur ba'o//'di dag la sogs pa'i nang nas nan tan gyi sgra gcan gyi mtshan nyid shes par bya ste/ dus ni 'thab mo'i sa yang rung rgyal po rnams kyi g.yas dang g.yon du gal te mun pa can gyur na/ g.yul du lha'i mgon po seng ge dbang dang bcas pa mi rnams kyis ni bcom//zhes bya ba ni 'dir 'khor ba'i dbang gis gal te g.yas su mjug ma'i sgra gcan dang / g.yon du gdong ba'i sgra gcan g.yul du gyur pa de lta na ni sgra gcan gyi stobs des khyab 'jug dang drag po ni lhan cig tu mi rnams kyis kyang bcom par byed do//de bas na 'di ltar dpal ldan rtsa ba'i sgra gcan bla ma'i tshig la gnas par dus kyi 'khor lor shes par bya'o/ /rnal 'byor ma rnams ke'u kang drag po gza' tshogs dang bcas dbyangs bcas shar/ /de rnams dor nas srid gsum rgyal bas rgyal po rnams kyis gcig pu gzung bar bya//gang gis nyi zla zos pa lha rnams 'jigs byed drag po'i rnam pa mig sman dang 'dra ba/ /sa yi shar dang nub tu 'khor zhing nyin mo'i dus su lho dang byang rnams dag tu'o/ /zhes bya ba ni/ khyad par du gyur par gsungs zhes bya ba'o/ /de nas g.yul nas dgra bcom zhes bya ba la sogs pa nas brtsams nas/gang dang gang du khrid pa zhes bya ba'i tshigs su bcad pa bco lngas sgyogs la sogs pa'i mtshan nyid de bzhin gshegs pas gang gsungs pa des bdag cag la dgos pa med de/ de ci'i phyir zhe na/ nyon mongs pa la sogs pa dang bral ba dang / gzhan gyi don phun sum tshogs par mdzad pa'i byang chub sems dpa' rnams kyi mdzad pa yin gyi/ rang gi don 'ba' zhig grub par 'dod pa dang / zhe sdang la sogs pa dang ldan pa ni ma yin no/ /de nyid gsungs pa/ gdug rnams bsgrub pa'i don dang / mchog gis steng du ni chos byed rgyal bar byed pa'i phyir/sngon brjod dang po'i sangs rgyas las ni srid gsum bla mas zla ba bzang po la ni thams cad gang / /de dbus cung zad yul 'dir gsal bar bdag gis da ltar bstan pa'o/ /rang gnas bsrung ba'i don du 'di dag ma lus gyis shig zhe sdang chags pas ma yin mi dbang kye//zhes bya ba la/ gdug pa rnams zhes bya ba ni sems can rnams la gnod par byed pa dang / 'dul dka' bar gyur pa'i mu stegs pa rnams yin la/ de rnams gdul ba'i phyir dang sdig pa dang bral ba'i phyir skyes bu dam pa rnams rgyal ba'i phyir/ bcom ldan 'das shAkya thub pas sngon du rgyud kyi rgyal po mchog gi dang po'i sangs rgyas las dpal phyag na rdo rje'i sprul pa'i sku zla ba bzang po la don gang bka' stsal la/de nyid bdag 'jam dpal gyis yul sham+b+ha la sogs pa bsrung ba'i phyir rgyud kyi rgyal po bsdus pa'i rgyud 'dir bstan pa yin la/ don de nyid ni nyi ma'i shing rta khyod kyis zhe sdang la sogs pa dor nas sems can rnams la phan gdags pa'i phyir byed par gnang bar 'gyur gyi zhe sdang la sogs pa'i sems dang rang gi don 'grub pa'i phyir ma yin no/ /de ltar bcom ldan 'das 'jam dpal gyis 'jig rten gyi bden pas 'jig rten gyi khams kyi mtshan nyid dang /skar rtsis la sogs pa bstan par mdzad nas/ yul sham+b+ha la'i yon tan dang kla klo dang lhan cig tu 'khrug pa dang sangs rgyas kyi chos dar ba la sogs pa bstan par mdzad de/ chang dang lan tshwa'i mtsho dbus thub pa'i sa yi gnas su las kyi sar ni yang dag gnas pa'o//dpag tshad 'bum phrag gsum la mi yi bdag po nyi ma'i dum bur rim par 'khor/ /zhes bya ba la/ chang gi rgya mtsho dang lan tshwa ba'i rgya mtsho'i bar du 'dzam bu gling gang yin pa de las kyi sar shes par bya'o/ /de yang rgya'i tshad gyis 'bum phrag gsum gyi rang bzhin du gyur pa yin la/de nyid gling dang nye ba'i gling gi dbye bas dum bu bcu gnyis rang bzhin du gyur pa'o/ /dum bu bcu gnyis po de la dus sbyor gyi dbye bas nyi ma 'khor ba ji lta ba de bzhin du mi'i bdag po bcom ldan 'das dus kyi 'khor los 'khor bar mdzad ces bya ba'o/ /dum bu re re'i tshad ji lta bu yin zhe na/dum bu gcig ni nor bdag dang bcas dpag tshad stong phrag nyi shu lnga dag go/ /de dbus mchog gi gangs ris phyogs rnams bskor ba'i ke la sha ri'o/ /zhes bya ba ni dpag tshad 'bum phrag gsum las cha bcu gnyis kyis thob pa'i dpag tshad stong phrag nyi shu rtsa lnga ni dum bu re re'i phyogs brgyad kyi tshad shes par bya'o//de rnams kyi nang nas 'dzam bu gling chung ngu'i dbus su ri ke la sha gnas te ji lta bu yin zhe na/ gangs ris phyogs rnams kyis bskor zhes bya ba ni shar phyogs nas brtsams nas nub phyogs kyi bar du gangs kyi ris bskor ba'o/ /de'i tshad gang yin zhe na/sa la gangs ri dang bcas ke la sha yi dum bu de yi sum cha kun nas so/ /zhes bya ba ni/ khor yug gi dpag tshad de las sum cha ni gangs ri dang ke la sha'i tshad do/ /phyi rol 'dab ma re rer nyin byed yul dang gling dang yul rnams kyis ni brgyan pa'o/ /zhes bya ba ni gling dang nye ba'i gling dang bcu gnyis kyis brgyan pa'o zhes bya'o//g.yas phyed la ni thub mchog gnas yin bye ba grong khyer gnas la sham+b+hal/ /zhes bya ba ni/ gangs ri dang ke la sha'i g.yas phyogs su grong khyer bye ba phrag gi rang bzhin du gyur pa sham b+ha la zhes bya ste/ phyag rgya chen po'i snod du rung ba'i skyes bu dam pa rnams kyi gnas zhes bya ba'o//yul ji lta bu brjod ce na/ bye ba grong gis bskor ba'i yul du 'gyur zhing grong khyer 'bum gyis dkyil 'khor lo'o/ /zhes bya ba ni/ grong rdal bye ba phrag gcig ni yul du brjod do/ /'bum phrag gcig ni dkyil 'khor zhes bya ba'o/ /de dag la sogs pa'i rang bzhin du gyur pa'i dum bu bcu gnyis la bcom ldan 'das kyis chos kyi 'khor lo ji ltar bskor bar mdzad ce na/gcig gnyis gsum dang rgya mtsho mda' dang skye bo'i byed pa lnga dang 'jig rten la sogs pa'i dbye bas/ zhes bya ba ni gnyis su med pa'i ye shes kyi rang bzhin du gyur pa gcig go//thabs dang shes rab kyi dbye bas rnam pa gnyis su 'gyur ro/ /rdo rje gsum gyi dbye bas rnam pa gsum mo/ /ye shes dang lhan cig tu rnam pa bzhi'o/ /phung po lnga rnam par dag pa'i phyir rnam pa lngar 'gyur ro/ /ye shes kyi phung po dang lhan cig tu rnam pa drug go//phung po lnga dang khams bzhi'i dbye bas rnam pa dgu'i rang bzhin du gyur pa'o/ /dbye ba 'di dag la sogs pas tha dad par gyur pa'i mi dbang 'khor lo can ni sa rnams 'khor te/ de ni mkhas pas btsal bar bya zhes bya ba la/ mi dbang 'khor lo can zhes bya ba ni/bcom ldan 'das dus kyi 'khor lo yin la/ sems can gyi bsam pa'i dbang gis gcig la sogs pa'i dbye ba tha dad par gyur pas na/ sems can la phan gdags pa'i don du sa'i dum bu bcu gnyis la nyin mtshan du 'khor bar mdzad de/ bcom ldan 'das de nyid phyag rgya chen po'i dngos grub thob par bya ba'i phyir/mkhas pa rnams kyis btsal bar bya'o/ /da ni mu stegs pa'i skad kyis bcom ldan 'das de nyid kyi mtshan brjod par mdzad de/ 'khor lo can dang gnyis min dum bu yul gyi mi bdag lag pa'i rgya ldan de dang de las gzhan/ /zhes bya ba ni khyab 'jug gi ming gang yin pa de nyid bcom ldan 'das kyis 'khor lo can dang gnyis min dang dum bu can dang rgyal po phyag rgya dang ldan pa zhes bya ba'i mtshan bzung nas sems can gyi don mdzad do zhes bya ba'o//phyi rol dus kyi dbye ba ji ltar nges par 'gyur te 'jig rten mgon gyi de bzhin no/ /zhes bya ba ni/phyi rol du dus kyi dbye bas lo dang bgrod pa la sogs pa ji lta ba de bzhin du bcom ldan 'das kyis dbye ba gcig dang gnyis la sogs pas shes par bya'o/ /gzhan yang 'od zer bdun dang gza' ni ri ste de bzhin thub pa snying stobs lha yi skye gnas so/ /zhes bya ba ni/ mu stegs pa'i skad dang mthun par mdzad de de ci'i phyir zhe na/dang po de rnams kyi bsam pa ma zin gyi bar du de rnams 'dul bar mi 'gyur ro zhes bya ba'o/ /de'i phyir drang srong bdun dang gang zag bdun dang thub pa rnams ni dge ba'i rang bzhin du gyur pa lha'i rigs zhes bya ba'o/ /de bzhin du/ nya dang rus sbal lag pa mi yi seng ge dang bcas mi'u thung gshin rje me yi bu//ra ma de bzhin nag po brgyad de lha min rigs la 'jig rten rdul ni 'byung po'i skye gnas so/ /zhes bya ba ni nya la sogs pa'i sprul pa brgyad ni dge ba dang mi dge ba'i las kyi rang bzhin du gyur pa'i lha ma yin gyi rigs zhes bya'o//nyi shu rtsa gnyis ldan gyi mtha' ru lha min dgra ni phyag na 'khor lo tshe lo brgya par 'gyur/ /zhes bya ba ni byang chub sems dpa' dang / khro bo'i rgyal po nyi shu rtsa gsum gyi mthar kla klo'i chos bcom par mdzad pa'i bcom ldan 'das 'jam dpal gyi sprul pa'i skur bzhengs nas sangs rgyas kyi chos dar bar mdzad ces bya ba'o//kla klo'i chos sus dar bar byed ce na/ phyed dang rlabs min phag pa lha min dang ni lo yi rigs ni gzhan rnams mun pa lnga/ /byi ba 'di dang dkar po'i gos can sprang bdag sprul pa gang zhig brgyad pa de ni long ba yin/ /gsal bar ma ga'i yul gyi ngag sbyin la sogs grong khyer du ni bdun pa yang dag 'gyur//zhes bya ba ni/ mu stegs pa'i ming 'di dag la sogs pa rnams kyis lha ma yin gyi chos 'di dar bar byed do/ /'di rnams kyi nang du dkar po'i gos can zhes bya ba ni ma ha ma ya na yin te/ des ma ga'i yul la sogs pa'i grong khyer du lha ma yin la sogs pa'i chos dar bar byed ces bya ba'o//yul de ji lta bu yin zhe na/ gang du 'jig rten lha min rigs dang stobs ldan snying rje dang bral kla klo'i rnam pa yin/ /zhes bya ba'o/ /yul de la gnas pa'i mi rnams kyi spyod pa ji lta bu yin zhe na/ rnga mo rta dang ba lang bsad nas khrag dang bcas pa dag ni btsos pa cung zad do//ba lang sha dang dngul chu mar dang tsha ba dang mnyam lo ma 'bras dang bsres/ gcig tu mes btsos nags kyi 'bras bu dang bcas gang du mi rnams kyis ni zas/ /btung ba mkha' 'gro'i sgo ngar gyur te lha ma yin gyi de gnas mi dbang kye//zhes bya ba ni 'di dag la sogs pa'i spyod pa gang rnams kyis byed pa mi rnams dge ba dang bral ba'i kla klo yin gyi/ 'phags pa'i skye bo rnams ni ma yin no/ /'o na bcom ldan 'das kyi sprul pa ji lta bu yin zhe na/ thig le nus ma mig sman mkha' lding lha yi chu bo mis sbyin 'dod 'jo dang /zhes bya ba la/ thig le zhes bya ba ni bcom ldan 'das kyi sku'o/ /nus ma zhes bya ba ni shes rab ma'i rang bzhin du gyur pa'o/ /de bzhin mig sman dang mkha' lding dang / lha'i chu bo zhes bya ba ni chu bo gang gA dang / mi sbyin zhes bya ba ni drang srong rnams kyi nang nas khyad par du gyur pa'i mi sbyin thub pa dang /'dod 'jo dang gdug par gyur pa'i mi rnams kyis bshig par mi nus pa'i rdzong dang / gnyis su med pa'i ye shes kyi rang bzhin du gyur pa'i klog dang / rig pa bzang po zhes bya ba ni nang gi rig pa dang / mchog tu mi 'gyur ba'i bde ba dang / chu zla bzhin du sprul pa'i sku dang /mgrin pa la sogs las skyes par gyur pa'i A li dang kA li'i yi ge rnams dang bral ba'i thams cad mkhyen pa'i skad kyis de bzhin gshegs pas sems can la phan gdags par mdzad ces bya ba'o/ /de nyid bshad par mdzad de/ kun spyod 'di rnams gzugs kyis rgyal ba'i ye shes sku ni sa la mngon par 'jug /ces bya ba ni lhan cig skyes pa'i sku'i rang bzhin du gyur pa'i thabs dka' 'di la sogs pa rnams kyis las kyi sar gshegs so/ /der byon nas ci mdzad ce na/ 'das dang ma 'ongs da ltar byung dang rig byed rtog ge la sogs bstan bcos ma lus ston//zhes bya ba ni 'das pa dang ma 'ongs pa la sogs pa'i don ni sems can rnams sangs rgyas par mdzad nas/ skal ba dang mi ldan pa'i sems can rnams la mu stegs pa'i blos rig byed la sogs pa bstan par mdzad de/ de bzhin du 'jig rten pa'i blo ni rnon por gyur pa'i mi rnams la rtog ge dang bstan bcos la sogs pa bstan par mdzad de/bla na med pa'i byang chub la snod du rung bar gyur pa'i sems can rnams la thabs dang shes rab kyi rang bzhin du gyur pa'i don bstan par mdzad ces bya ba'o/ /de ltar bcom ldan 'das kyis nyid kyi mtshan nyid bshad par mdzad nas/byang chub sems dpa' sems dpa' chen po phyag na rdo rje la sogs pa rnams la nges par gnas par mdzad de/ dpal ldan ka lA par ni nyin mtshan cung zad rnams kyis sham b+ha la zhes grags pa'i mi dbang kye/ /phyogs bzhir ris bskor ro yis brgya phrag dag ni bgrangs pa dpag tshad tsam/rang gi gnas su mi mchog bdag po lha dbang bkod nas khyod ni 'gro bar gyis/ /zhes bya ba ni/ bcom ldan 'das kyis phyag na rdo rje la nges pa ji lta ba bzhin du gnang zhe na/ dpag tshad lnga brgya'i rang bzhin du gyur pa'i phyogs thams cad du ris bskor ba yul sham b+ha la zhes bya ba gang yin pa de/phyag na rdo rje khyod kyis sems can la phan thogs la byang chub sems dpa' sa'i snying po'i sprul pa lha'i dbang po ni sangs rgyas kyi chos dar bar bya ba'i phyir bzhag nas sprul pa nyid kyis gang nas 'ongs pa de nyid du sangs shig ces bya ba'o//de bzhin du byang chub sems dpa' phyag na rdo rje nas brtsams nas/ khro bo'i rgyal po pad+ma mthar byed kyi bar du byang chub sems dpa' dang khro bo bdun gyis yul sham b+ha la la gnas pa'i sems can rnams la rtsa ba'i rgyud bstan par mdzad do/ /brgyad pa ni bcom ldan 'das 'jam dpal te/de nyid gsungs pa/ dpal ldan shAkya'i rigs la gsal bar mi dbang bdun te dpal ldan grags pa brgyad/ /ces bya ba'o/ /de yang ji lta bu yin zhe na/ de 'di dpal ldan 'jam pa'i rdo rje lha mchog gis btud rdo rje rigs kyis rigs ldan no/ /zhes bya ba'o/ /des ci mdzad ce na/rdo rje'i dbang ni bskur nas ma lus thub pa'i rigs rnams rigs gcig dag tu byed/ /ces bya ba ni/ bum pa la sogs pa'i dbang ni nyi ma'i shing rta la sogs pa'i bram ze drang srong bye ba phrag phyed dang bzhi la gnang nas/ bram ze'i rigs la sogs pa rigs bzhi po ni rigs gcig tu mdzad ces bya ba'o//gzhan yang ci mdzad ce na/ yang dag ye shes mngon gnas lha min rigs la 'jigs tsher dpal ldan grags pa lag na mdung / /sems can thar ba'i rgyu ru dus kyi 'khor lo sa la gsal por byed par 'gyur/ /zhes bya ba ni/ sems can rnams la phyag rgya chen po'i dngos grub thob par bya ba'i phyir//bsdus pa'i rgyud kyi rgyal po dpal ldan dus kyi 'khor lo mdzad par 'gyur/ /zhes bya bar bcom ldan 'das kyis lung bstan to/ /gzhan yang de dbus nyi shu rtsa lnga rim pas yongs su bgrangs pa'i gdan rnams dus kyi mtha' ru'o//rigs ldan rigs la lha dbang lha yi mchog gis phyag byas rigs ldan drag por 'gyur/ /zhes bya ba ni/ bcom ldan 'das 'jam dpal gyi rigs las dus kyi dbang gis rigs ldan drag po lha'i dbang po'i mtshan bzung nas/ sprul pa'i skur bzhengs par mdzad ces bya ba'o//de yang ji lta bu yin zhe na/ mkhas rnams la ni zhi ba'i gzugs te de bzhin kla klo'i rigs ni mtha' ru byed/ /ces bya ba'o/ /des ci mdzad ce na/ ri yi rtar zhon lag na mdung ste nyi ma'i 'od la 'khor lo can gyi stobs ldan dgra bcom mo/ /zhes bya ba ni 'khor dang bcas pa'i kla klo rnams bcom par mdzad ces bya ba'o//'khrug pa'i dus de rnams nam gyi dus 'gyur zhe na/ rigs ldan rigs kyi nang du lag pas dus bgrangs bu dang tsha bo'i 'dus pa las/ /de dus nges par ma ga'i yul du kla klo'i chos ni rab tu 'jug par 'gyur/ /zhes bya ba la/ rigs ldan zhes bya ba ni bcom ldan 'das 'jam dpal yin la/de mya ngan las 'das par lo brgyad brgya nas ma ga d+ha'i yul du kla klo'i chos dar bar gyur te/ kla klo'i chos dar bar gyur pa'i phyir/ yul du 'khrug pa 'byung zhes bya ba'o/ /gang dang 'khrug par 'gyur zhe na/ ji srid lha min dbang po gdugs dang lha yi phyag rgyas drag po'i rigs ldan ji srid do//de dus nges par sa steng gnas su gnyis pa drag po'i 'thab mor 'gyur ba yin/ /zhes bya ba ni lha ma yin gyi gtso bo dang rigs ldan dang 'thab par 'gyur zhes bya ba'o/ /rigs ldan gyis kla klo rnams ji ltar bcom zhe na/g.yul du lha min rnams ni ma lus sa gnas yan lag bzhi yi rang gi sdes bcom mo/ /zhes bya ba la/ yan lag bzhi zhes bya ba ni/ rta dang glang po che dang shing rta dang rkang thang ste/ sde de rnams kyis bcom par mdzad ces bya ba'o/ /de gang nas byon zhe na/ dus kyi mtha' ru ke la sha rir lha mdzes gnas nas 'khor los sgyur bar 'byung //zhes bya ba ni/ ke la sha ri nas 'khor los sgyur ba'i sprul pa las byon par gyur pa'o/ /de'i 'khor ji lta bu yin zhe na/ drag po zhes bya ba la sogs pa'i rkang pa gnyis kyis khyad par du gyur pa'i 'khor gsungs so/ /spyi'i 'khor du zhe na/rlung shugs shing rta yon tan gyis bgrangs yon tan bye ba kha dog sna tshogs pa/ /zhes bya ba ni/ rta rnams kha dog sna tshogs pa dang ldan pa'i bye ba phrag dgu zhes bya ba'o/ /de bzhin du myos par gyur pa'i glang po che 'bum phrag bzhi dang / shing rta 'bum phrag lnga dang / rkang thang sa ya phrag drug dang /cod pan bcings pa'i rgyal po dgu bcu rtsa drug ces bya ba ste/ 'khor gyi bye brag brjod do/ /'khor des ci bya zhe na/ sde 'di nyid kyis seng ge drag po dang bcas rigs dang ldan pas kla klo nyams par byed/ /ces bya ba'o/ /ji ltar nyams par byed ce na/ mchog tu nyam nga'i 'thab mo yis ni kla klo'i tshogs bcom glang chen dbang pos glang chen no//zhes bya ba ni/ rigs ldan pa'i rkang thang rnams 'joms pa dang / rta rnams kyis rta dang / glang po che rnams kyis glang po che dang / rgyal po rnams kyis rgyal po rnams zhes bya ba'o/ /de bzhin du drag pos rta bstan la sogs pa'i kla klo'i rgyal po rnams bcom par byed de/rigs ldan gyis kla klo'i dbang phyug bcom par mdzad ces bya ba'o/ /phyi nas rigs ldan gyis ci mdzad ce na/ g.yul du kla klo bcom nas seng ge dang ni khyab 'jug dang bcas thams cad sde dang rigs ldan pa/ke la sha rir 'gro ste lha mdzes gnas ni gang du 'khor lo can ni yang dag bzhugs/ zhes bya ba ni/ 'khor dang lhan cig tu bcom ldan 'das dus kyi 'khor lo'i spyan sngar gshegs zhes bya ba'o/ /kla klo'i chos bcom pa dang sangs rgyas kyi drin gyis sems can rnams ji lta bur 'gyur zhe na/de dus sa la ma lus skye bo'i rigs ni chos dang 'dod pa nor gyis gang / /zhes bya ba ni/ mi dge ba'i las dor nas sems can thams cad bsod nams dang ye shes kyi tshogs dang ldan par gyur pa'o/ /gzhan yang 'brog tu 'bru rnams skyes la brtan pa'i 'bras bus drangs pa'i shing de rnams su 'gyur//zhes bya ba'o/ /kla klo'i chos bcom nas rigs ldan dus ji tsam du bzhugs she na/ kla klo'i tshogs ni 'khor bcas bcad nas shed bu lo brgya ba yi phyed la ni/ lha mdzes gnas ni mtho ba ke la sha rgyab rigs ldan 'grub par 'gyur/ zhes bya ba ni/ lo lnga bcu tham pa'i bar du bzhugs par mdzad la/ de nas phyag rgya chen po'i dngos grub mdzad ces bya ba'o/ /phyi nas kla klo'i chos dar ba'i phyir tshangs pa dang lha dbang ni rgyab dang mdun du dgod par mdzad ces bya ba'o/ /de nas lo brgya phrag brgyad kyi bar du dam pa'i chos dar bar mdzad nas/phyi nas dus kyi dbang gis kyang kla klo'i chos dar bar 'gyur zhes bya ba'o/ /tshangs pa la sogs pa'i dus su mi rnams kyi tshe lo du yin zhe na/ tshangs pa la sogs shed bu lo ni brgya phrag bco brgyad dang ldan mi rnams tshe ni 'di nyid do/ /zhes bya ba ni/ tshangs pa'i dus su mi rnams kyi tshe lo stong brgyad brgya'o//'od srungs kyi dus su de nyid phyed ni dgu brgya zhes bya ba'o/ /mi'i seng ge'i dus su bzhi brgya lnga bcu'o/ /de nas rim pa ji lta bas rtsod ldan gyi dus kyi bar du mi thung la sogs pa'i bar du lo drug cu drug cus dman pa'i mi rnams kyi tshe'i tshad yin la tha mar lo brgya zhes bya ba'o//de lta bur gyur pa kla klo'i chos dar ba la sogs pa'i gang yin pa de ma ga'i yul gcig pur ni dar ba ma yin gyi/ dum bu thams cad la de bzhin du 'gyur zhes bya ba'o/ /de nas lo brgya rtsa brgyad gyi bar du kla klo'i chos dar nas nub par gyur pa'o/ /phyi nas sangs rgyas bcom ldan 'das kyi dam pa'i chos stong phrag bco brgyad kyi bar du dar bar gyur te/de'i dbang gis rdzogs ldan la sogs pa'i dus su 'jug par 'gyur zhes bya ba'o/ /da ni sngon du gsungs pa'i le'u'i don gang yin pa de nyid mdor bsdus pa bshad par bya ste/ 'jig rten khams 'byung zhes bya ba la/sngon du brjod pa'i gza' rnams kyi rgyu ba dang lhan cig tu 'jig rten gyi khams 'byung ba dang 'jam dpal gyi sprul pa'i sku bzhes pa la sogs pa gang yin pa de don ji lta ba bzhin dus gsum du mi 'gyur bar phyag na rdo rje khyod la ngas bstan to/ /de bas na don de las ma gtogs par sems can rnams kyi 'jig rten gyi phan pa dang /'jig rten las 'das pa'i phan gdags pa'i phyir bdag la ci zhig zhu zhes bya ba ni de bzhin gshegs pas bka' stsal pa zhes bya ba'o/ /rgyud kyi rgyal po'i mchog gi dang po sangs rgyas las drangs pa'i dpal dus kyi 'khor lo'i 'jig rten gyi khams kyi le'u las/mdor bsdus pa'i bshad pa zhes bya'o// //da ni phyi rol du 'jig rten gyi mtshan nyid la sogs pa gang yin pa de nyid lus po la sbyar ba'i phyir bcom ldan 'das kyi nang gi le'u la bstan par mdzad de/ 'chad pa po la sbyar ba'i phyir bcom ldan 'das kyis nang gi le'u bstan par mdzad de/'chad par 'gyur ba'i rim pas nang gi le'u'i don gang yin pa de/ byang chub sems dpa' 'jig rten mgon pos thugs la bzhag nas dang por bcom ldan 'das la phyag 'tshal bar mdzad pa ni 'di lta ste/mi rnams smin bya'i don du mngal du 'jug pa gang / /srid pa'i bcings las grol te slar yang srid pa'i 'dod chags rnams kyi lam gyi don du ste/ /yon tan dang ldan sna tshogs skyes rabs phreng ba'i sems can don mdzad rnams kyis mthong / /rdzu 'phrul chen po'i dang po'i sangs rgyas kyis ni spyod pa skyob pa de la phyag 'tshal lo//zhes bya ba la sems can thams cad kyi rgyun skyong bar mdzad pas na skyob pa yin la/ rang gi snying ga la gnas pa'i rang rig pa'i ye shes zhes bya ba'i don to/ /de gang yin zhe na/ dang po sangs rgyas zhes bya ba la thog ma med pa'i 'khor ba sngon du skyes pas na dang po yin la ma rig pa'i gnyid las sangs par gyur pas na sangs rgyas zhes bya ba'o//de'i mtshan nyid ji lta bu yin zhe na/ mi mthun pa'i rgyan gyis de'i mtshan nyid bshad par mdzad de/ /mngal zhes bya ba la sogs pa la dang por phal pa'i gnas skabs su skye ba dang /'chi ba'i 'khor ba'i sdug bsngal gzigs nas bcom ldan 'das kyis bsod nams kyi tshogs dang ye shes kyi tshogs rdzogs par mdzad do/ /tshogs gnyis po de'i dbang gis skye ba dang 'chi ba la sogs pa dang bral ba'i rab tu mi gnas pa'i mya ngan las 'das pa mngon sum du mdzad ces bya ba'o//phyi nas 'khor ba na gnas pa'i sems can rnams sdug bsngal gsum gyis bsregs pa gzigs nas/ skal ba dang ldan par gyur pa'i sems can rnams la sdug bsngal de nyid bsil bar mdzad pa'i phyir rab tu mi gnas pa'i mya ngan las 'das pa dor nas mngal 'dzin par mdzad do//gzhan 'dod chags la sogs pa'i zhags pa rnams las grol bar gyur nas yang srog chags rnams la dam pa'i lam bstan par bya ba'i phyir slar yang nyon mongs pa'i rang bzhin du gyur pa'i srid pa 'dzin par mdzad de/ de bas na lha dang lha ma yin la sogs pa'i rigs las bcom ldan 'das kyis sprul pa'i sku yang dang yang du bzhes par mdzad de/sprul pa'i sku des sems can thams cad kyi don mdzad pas na yon tan dang ldan zhes bya ba'o/ /rkang pa gnyis la sogs pa'i rigs las sprul pa'i sku 'khrungs par mdzad nas/ sna tshogs skyes rabs phreng ba zhes bya ba'o/ /de bzhin du/ ri bong stag dang seng ge dang / /glang chen rnams las lan mang du/ /snying rjes phan thogs thugs ldan pa'i/ /phyag rgya grub rnams skye bar 'gyur/ /zhes bya ba'o/ /gzhan yang gang zhig srid pa'i bcings las grol yang sems can don mdzad rnams ni srid pa len mdzad cing //stong pa'i don ni yang dag ston kyang dus kyi dbang gis las 'bras de mi spong / /yang dag ye shes me yis sems kyi dri ma bsregs shing yang dag snying rjes rtag par brlan/ /sems can don la brtson zhing spyod yul brtag dka' sangs rgyas de la bdag phyag 'tshal//zhes bya bar gsungs so/ /de bas na rdzu 'phrul chen po dang ldan par gyur pa'i sangs rgyas kyi spyod pa de lta bu'i bcom ldan 'das gang yin pa de la bdag 'jig rten mgon pos phyag 'tshal bar bgyi zhes bya ba'i 'brel pa'o/ /de ltar spyir phyag 'tshal bar mdzad nas bcom ldan 'das rdo rje sems dpa' dang shAkya thub pa tha mi dad pa'i sgo nas phyag 'tshal bar mdzad de/de bzhin gshegs pa shAkya seng ges rdo rje sems dpa' la 'dud do/ /zhes bya ba'o/ /phyag 'tshal nas ni ci mdzad ce na/ nang gi le'u zhes bya ba la sogs pas dgos pa bstan to//de la nang gi le'u bstan par bya ba'i phyir bcom ldan 'das la phyag na rdo rje'i sprul pa'i sku zla ba bzang pos gsol ba btab pa ni/ bdag ma 'tshal zhes bya ba la sogs pa'i rkang pa gnyis kyis bstan pa zhes bya ba'o/ /de nas zla bzang tshig ni gsan zhes bya ba la sogs pa nas brtsams nas/le'u yongs su rdzogs pa'i bar du bcom ldan 'das kyis lan bka' stsal pa'o/ /de la dang po phyi rol du rgyu ba dang / mi rgyu ba'i rang bzhin du gyur pa'i dngos po gang yin pa de rtog pa rags pa spang ba'i phyir rang rang gi sa bon gyi yi ge rnams kyis rnal 'byor pas nang du shes par bya ba'i don du ni sa dang chu zhes bya ba la sogs pa'i tshigs su bcad pa gsungs so//lus po de la rgyu gang dang 'bras bu gang yin zhe na/ lus 'dir zhes bya ba la sogs pa'i tshigs su bcad pa gsungs so/ /lus po de lta bu gang yin pa de ji ltar skyes she na/ sa bon zhes bya ba la sogs pas bstan to//sa dang chu la sogs pa'i 'byung ba de rnams kyis bya ba ji lta bu byed ce na/ sa bon la sogs zhes bya ba la sogs pas 'byung ba rnams kyi bya ba'o/ /lus po de lta bu gang yin pa de rim pa ji lta bas skye bar 'gyur zhe na gsang ba'i chu skyes zhes bya ba la sogs pas de'i gnas skabs rnams bstan to//nya la sogs pa rang yin nam yang na chos dang mthun pa gang zhig yin zhe na/ nya'i dngos pos nya zhes bya ba la sogs pas/ de rnams kyi chos dang mthun pa yin gyi dngos po de rnams kyi ma yin no/ /'o na mdor bsdus pas lus po skyed par byed pa'i rgyu shu kra dang rak+ta yin la/de dag las lag pa la sogs pa ji ltar skyed ce na/ zhu ba las zhes bya ba la sogs pas khams rnams kyi skyed par byed pa'i rgyu dang dngos po tha dad par bstan to/ /lus kyi khams de rnams rim pa bzhin du skye ba'am yang na cig car du skye zhe na/ sa bon zhes bya ba la sogs pas rim pa bzhin du skye zhes bya ba'o//rim pa de lta bus skye ba'i lus po gang yin pa de rten cing 'brel ba las skyes pa yin la/ dper na sa bon las myu gu dang / myu gu las lo ma bzhin du zhes bya ba'o/ /lus po de'i mtshan nyid ji lta bu yin zhe na/ mngal du zhes bya ba la sogs pas de bden pa ma mthong ba'i phyir/sdug bsngal gyi rang bzhin yin gyi/ bde ba'i rang bzhin ni ma yin no/ /'o na gal te dus thams cad du sdug bsngal gyi rang bzhin yin pa de lta na ni sdug bsngal dang bral ba'i sangs rgyas nyid sems can rnams kyis thob par mi 'gyur ro zhe na/'khor bar zhes bya ba la sogs pas lam gyi bden pa bstan te/ thog ma med pa'i 'khor ba nas 'khor ba'i bag chags sems kyis gang bsags pa de dor bar dka' ba yin gyi rnam pa thams cad du dag par mi 'gyur ba ni ma yin no/ /de bas na 'khor ba'i bag chags dang ldan par gyur pa'i bar du sdug bsngal ba dang ldan pa yin la/bag chags de dang bral bar gyur pas na/ bde ba'i rang bzhin du gyur zhes bya ba ni/ dus thams cad du sdug bsngal gyi rang bzhin du mi 'gyur ba zhes bya ba'o/ /de bas na sems can rgyu dang sangs rgyas nyid 'bras bu yin par bstan te/mngal nas zhes bya ba la sogs pa la 'khor ba'i rang bzhin du gyur pa'i mngal 'dzin pa la sogs pa'i gnas skabs bzhi ni rnam par mi rtog pa'i ye shes kyi mthus sems can rnams la dag par gyur na lhan cig skyes pa'i sku la sogs pa bzhi skye bar 'gyur te/sku bzhi thob par gyur na sangs rgyas nyid thob par gyur pa'o/ /de bas na 'khor ba'i sems kyi drin gyis sangs rgyas nyid thob par 'gyur gyi/ de las ma gtogs par ni ma yin no/ /de bzhin du/ mtha' med rnam rtog mun pas g.yogs par gyur pa dang //gzhon byed smyon pa dag dang klog bzhin g.yo ba dang / /dor dka' 'dod chags la sogs dri mas rjes byugs pa'i/ /sems ni 'khor bar rdo rje can gyis gsungs pa'o/ /zhes bya ba ni 'khor ba'i rang bzhin du bstan to/ /de nyid las tshigs bcad gnyis pas mya ngan las 'das pa'i rang bzhin du bstan pa 'di lta ste/'od gsal ba dang brtags par rnam par grol ba dang / 'dod chags la sogs dri mas byugs pa rab dman dang / /gzung ba dang ni 'dzin med sems pa mchog rnams kyis/ /de nyid mya ngan 'das pa'i grong khyer du bstan te//zhes bya ba'o/ /de ltar sems can rnams kyi gnas skabs dang sangs rgyas kyi sku bzhi chos mthun par spyir bstan nas/ de nyid mngal dang phyi rol du bstan par mdzad de/ rnam shes zhes bya ba la sogs pa la mngal du rang rig pa'i ye shes dang phyi rol du rnam par shes pa drug gi dbye bas sems kyi bye brag bzhir gsungs so//de ltar sku bzhi'i mtshan nyid bshad par mdzad nas/ sems can rnams kyis rdo rje bzhi ji ltar skye bar 'gyur zhe na/ mngal du zhes bya ba la sogs pas de bzhin gshegs pa dang chos mi mthun par bstan to/ /de ci'i phyir zhe na/bcom ldan 'das kyi ye shes kyi rdo rje la sogs pa las skyes pa'i phyir ro/ /de dag la sogs pa'i sku bzhi'i mtshan nyid gang yin pa de lus po de las ma gtogs par las dang po pas shes par mi 'gyur te/ sems can rnams kyi phung po ni sa la sogs pa 'byung ba rnams kyi rang bzhin can no//de bas na de rnams kyi mtshan nyid ji lta bu yin zhe na/ rten dang brten pa'i 'brel pa'i mtshan nyid bshad par mdzad de/ sa'i snying po zhes bya ba la sogs pa la sa'i snying po ni me yin gyi/ sa'i rigs can ni ma yin te/ sa'i yon tan dri la sogs pa med pa'i phyir ro//rim pa de bzhin du chu la sogs pa'i rten dang brten pa'i 'brel pa shes par bya'o/ /'o na phyi'i 'brel pa gang yin pa de lus po la ji lta bu yin zhe na/ phung po'i rten zhes bya ba la sogs pa la/ sa la sogs pa'i 'byung ba'i tshogs ni lus po'i rten yin la/ de rnams kyi rten ni rtsa rnams so//rtsa rnams kyi rten ni srog gi rlung la sogs pa rlung bcu'o/ /de'i rten ni sems so/ /de yang ji lta bu yin zhe na/ rang bzhin dang bcas pa dang rang bzhin med pa ste/ de rgyu gang gi phyir zhe na/ snying stobs dang rdul gyi dbang gis sad pa dang rmi lam gyi mtshan nyid du gyur pa'o//mun pa'i yon tan gyi dbang gis gzung ba dang 'dzin pa'i mtshan nyid dang bral ba de lta bu sems gang yin pa de'i rten ni thams cad khyab par byed pa bde ba dang sdug bsngal dang bral ba 'khor ba rnams la bde ba dang sdug bsngal ster bar gyur pa'i kun gzhi rnam par shes pa zhes bya ba'o//da ni bskyed bya skyed byed kyi tshul bshad par mdzad de/ dri zhes bya ba la sogs pas so/ /de rnams kyi gzung ba dang 'dzin pa'i 'brel pa ji lta bu yin zhe na/ stong pa zhes bya ba la sogs pa'o/ /phung po lnga ni sa la sogs pa'i 'byung ba lnga las/ rim pa ji ltar skye bar 'gyur zhe na/gzugs ni sa las grub ces bya ba la sogs pa'o/ /'o na 'byung ba rnams las phung po rnams gal te skye bar gyur pa de lta na ni/ 'byung ba rnams gang nas skye zhe na/ byang chub sems rdul la sogs sbyor las 'gyur/ /zhes bya ba'o/ /lus po yang gzung ba dang 'dzin pa'i rang bzhin no//'dzin pa'i rang bzhin du gyur pa dbang po rnams kyi mtshan nyid du gyur pa ji lta bu yin zhe na/ rna ba zhes bya ba la sogs pa'o/ /'o na sems can gyi lus po gang yin pa de nyon mongs pa'i rang bzhin te/ kun rdzob tu de rnams kyi rang bzhin skye ba'i gnas gang yin zhe na/ ser sna zhes bya ba la sogs pa'o//lus po der srog gi rlung las ma gtogs par bya ba byed par mi 'gyur te/ de bas na rnam pa bcu'i rang bzhin du gyur pa'i srog gi rlung gang nas skye zhe na/ thur sel zhes bya ba la sogs pa'o srog gi rlung la sogs pa'i gnas ni lte ba la sogs pa yin te/ de rnams kyi mtshan nyid ji lta bu yin zhe na/gtsug tor zhes bya ba la sogs pa'o/ /rim pa ji lta ba bzhin du lus po la yan lag thams cad ni sa la sogs pa'i 'byung ba bzhi las shes par bya'o/ /da ni sems can gyi lus po la sku bzhis byin gyis brlab pa'i rim pa ji lta bu yin pa bshad par mdzad de/gsang ba zhes bya ba la sogs pa la/ gsang ba dang gtsug tor dang lte ba lhan cig skyes pa'i skur gnas pa ste/ de ci'i phyir zhe na/ gtsug tor la skye ba dang / lte ba dang gsang ba'i bde ba nyams su myong ba'i phyir ro/ /de bzhin du mi rtog pa'i rang bzhin du gyur pa'i chos nyid ni chos kyi sku yin la/de nyid snying gar shes par bya'o/ /gzung ba dang 'dzin pa'i rang bzhin du gyur pa'i sprul pa'i sku ni dpral bar ro/ /sgyu ma dang rmi lam gyi rang bzhin du gyur pa'i longs spyod rdzogs pa'i sku ni mgrin pa la'o/ /de ltar spyir sku bzhi'i gnas bshad par mdzad nas 'khor lo de nyid la thabs dang shes rab kyi dbye bas rigs drug bshad par mdzad de/bde ba zhes bya ba la sogs pa'i rigs de rnams rtsa'i dbye bas ji ltar shes she na/ de rnams zhes bya ba la sogs pa'o/ /de bzhin du dbang mdor bstan las/ /thabs kyi sku ni zla ba ste/ /shes rab gsung ni nyin mor byed//shes rab sku ni dri chen rtsa/ /dri chu 'bab ma gtso mo'i gsung / /steng 'og thugs kyi rtsa gnyis ni/ /sa bon 'bab dang mun can ma'o/ /thabs kyi thugs ni mun pa can/ /sa bon 'bab ma shes rab can/ /sku gsung thugs kyi rnal 'byor gyis/ /steng 'og rigs drug 'di nyid de/thabs dang shes rab sku dngos kyis/ /lus can kun la yang dag gnas/ /zhes bya bar gsungs so/ /da ni thabs dang shes rab kyi dngos po'i mtshan nyid brjod par mdzad de/ lus zhes bya ba la sogs pa'o/ /thabs dang shes rab kyis 'khyud pa'i mtshan nyid ji lta bu yin zhe na/shes rab ces bya ba la sogs pa la/ sa'i rang bzhin du gyur pa rus pa dang / rlung gi rang bzhin du gyur pa'i sha ni phan tshun thabs dang shes rab tu shes par bya'o/ /rim pa de bzhin du chu dang me la sogs pa zhes bya ba'o/ /da ni lus kyi rten du gyur pa'i rtsa rnams kyi skye ba'i rim pa bshad par mdzad de/rtsa zhes bya ba la sogs pa la/ 'dir mngal 'dzin pa'i zla ba gcig gi gting nas nyin mtshan re re rtsa nyis brgya nyis brgya skye bar 'gyur te/ rim pa de lta bus zla ba gcig la rtsa stong phrag drug skye bar 'gyur la/ zla ba bcu gnyis kyis rtsa stong phrag bdun cu rtsa gnyis rdzogs par 'gyur te/de nas byang chub kyi sems kyi khams 'phel ba rdzogs par 'gyur ro/ /phyi nas lo bcu gnyis dang lo bcu drug gi bar du rim pa ji lta bar shes rab dang thabs la ye shes kyi 'phel ba ni rdul dang sa bon gyi dbye bas so/ /de bas rtsa rnams kyi 'phel ba rdzogs nas 'grib par 'gyur te/nyin mtshan re re la rtsa gnyis gnyis 'chad par 'gyur la/ nyin mtshan sum cus ni rtsa drug cu ste/ lo gcig gis bdun brgya nyi shu yin la/ lo brgya tham pas nyin mtshan khri phrag gsum dang stong phrag drug gis rtsa stong phrag bdun cu rtsa gnyis 'chad par 'gyur te/de bas na lo brgya tham pa'i bar du mi rnams kyi tshe spyir bcom ldan 'das kyis gsungs so/ /de ltar rtsa rnams kyi skye ba'i mtshan nyid bshad par mdzad nas mu stegs pa dang mthun par gyur pa'i phyir rang bzhin dang skyes bu'i mtshan nyid bshad par mdzad pa la zhes bya ba la sogs pa 'dir phyi dang lus po rnam pa nyi shu lnga'i bdag nyid du gyur pa'i rang bzhin dang /skyes bu ni gzung ba dang 'dzin pa'i 'brel pas gnas pa ste/ de la gzung bya ni rang bzhin yin la/ skyes bu ni 'dzin pa po zhes bya ba'o/ /rang bzhin dang skyes bu'i rten ni lus po yin la/de yang 'byung ba rnams kyi bdag nyid yin te/ 'byung ba rnams kyi mtshan nyid ji lta bu yin zhe na/ sa zhes bya ba la sogs pa'i tshigs bcad drug gis 'byung ba rnams kyi mtshan nyid dang / phyi rol gyi dngos po rnams ni lus po la rtog pa rags pa dor ba'i phyir gsungs so//da ni sems can rnams kyi srog gi rlung 'bab pa'i mtshan nyid bshad par mdzad de/ lte ba zhes bya ba la sogs pa la 'dir phyi rol du 'pho ba bcu gnyis la nyi mas 'khor bar byed pa ji lta ba bzhin du/ nang du lte ba'i 'khor lo ni rtsa bcu gnyis la srog gi rlung gis 'khor bar byed de/phyi rol du chu tshod stong brgyad brgyas 'pho ba gcig yin la/ nang du dbugs stong brgyad brgya ste/ de la phyi rol du nyi ma 'phel bas rdzogs pa'i dus sbyor ni karka Ta yin la/ nang du rtsa gang nas srog gi rlung shar bar gyur pa de rigs ldan gyi dus sbyor du shes par bya'o//de ltar byang dang lhor bgrod pa'i dbye bas nyi ma 'khor ba ji lta ba de bzhin du srog gi rlung zhes bya ba'o/ /phyi rol du 'pho ba re re la dbye ba lnga lnga ji lta ba de bzhin du nang du yang rtsa re re las chu la sogs pa'i dbye ba ni pad+ma'i 'dab ma re res so zhes bya bar gsungs so//'o na srog gi rlung gis gal te lte ba la 'khor bar byed pa de lta na ni srog gi rlung la sogs pa'i gnas gang yin zhe na/ de steng zhes bya ba la sogs pas de rnams kyi gnas gsungs so/ /srog gi rlung la sogs pa'i mtshan nyid ji lta bu yin zhe na/ srog ces bya ba la sogs pa'o/ /rtsa'i 'khor lo las ma gtogs par srog la sogs pa'i bya ba byed par mi 'gyur bas te/ de bas na de rnams kyi rten du gyur pa'i rtsa rnams gang yin zhe na/ ser skya zhes bya ba la sogs pas rtsa rnams kyi ming ni mu stegs dang mthun par gsungs so//rtsa de rnams srog gi rlung gi ngo bo ji lta bur 'bab ce na/ dbang po zhes bya ba la sogs pa la/ shar la sogs pa'i phyogs dang / phyogs mtshams kyi bdag po'i mtshan nyid ji lta bu yin pa dngos po de bzhin du srog gi rlung gis 'byung ba lnga 'bab pa'o/ /lte bar rtsa'i 'khor lo las srog gi rlung gis 'byung ba lnga 'bab pa ni rnal 'byor pas ji ltar shes she na/rtsa ba zhes bya ba la sogs pa la/ lte ba'i 'khor lo'i rtsa las gal te srog gi rlung gis sa 'bab par 'gyur ba de lta na ni/ sna bug g.yas pa'am g.yon pa'i 'og tu reg nas phyir 'byung ba'o/ / rim pa de bzhin du g.yon dang g.yas dang steng dang dbus nas chu la sogs pa shes par bya'o/ /de la phyi rol du ji srid 'byung bar 'gyur zhe na/ rten 'brel mtha' dang cha'i mthar zhes bya ba la/ gal te g.yas las sa'i dkyil 'khor 'bab par 'gyur ba de lta na ni srog gi rlung sor bcu gnyis kyi phyir byung nas ldog par gyur pa'o//g.yon pa nas nam mkha'i dkyil 'khor 'bab par gyur pa de lta na ni phyi rol du sor bcu drug 'byung ba'o/ /rgyu gang gi phyir zhe na/ g.yas pa la 'pho ba bcu gnyis kyi rang bzhin du gyur pa'i nyi ma'i bdag po yin pa dang / g.yon pa la cha bcu drug gi bdag nyid zla ba bdag por gyur pa'i phyir ro//da ni byang phyogs ma ga'i yul du sangs rgyas bcom ldan 'das dang kla klo rnams kyi 'khrug pa gang yin pa de/ nges pa'i don du sems can thams cad kyi lus po la nyon mongs pa dang gnyis su med pa'i ye shes kyi rang bzhin du gyur par rnal 'byor pas shes par bya ba'i phyir bcom ldan 'das kyis gsungs pa/'khor lo can zhes bya ba la sogs pa'o/ /sngon du brjod pa'i rigs gsum dang / rigs drug la sogs pa gang yin pa de rnams gang nas byung zhe na/ brjod par mdzad de/ dus kyi 'khor lo zhes bya ba la sogs pa la 'dir sems can rnams kyi nyin mtshan re rer dbugs nyi khri chig stong drug brgya'i nang nas dbus mar dbugs drug brgya bdun cu rtsa lnga 'bab ste/rim pa de lta bas na lo brgya'i nang nas lo gsum dang zla ba byed dang gnyis su 'gyur ro/ /de nyid rigs gsum dang rigs drug la sogs pa'i 'byung ba'i gnas su shes par bya'o//de la lo gsum ni snying stobs la sogs pa'i yon tan gsum gyi dbye bas gsang ba 'dus pa'i rigs gsum du 'gyur ro/ /de nyid nyin mtshan brgya brgyad cus phye nas bcom ldan 'das dus kyi 'khor lo la sogs pa'i rigs drug tu 'gyur ba'o//slar yang zla ba'i nyin mtshan rnams kyis phye na rgyud kyi rgyal po 'khor lo sdom pa'i rnal 'byor ma dang / rnal 'byor ma'i rigs sum cu rtsa drug go/ /lo gsum gyi nyin mtshan gyi tshogs de nyid cha bdun gyis phye bar gyur na/ bcom ldan 'das dus kyi 'khor lo'i thabs dang shes rab kyi rang bzhin du gyur pa'i dkyil 'khor gyi bdag po dang /'khor ni brgya lnga bcu rtsa drug tu gyur pa'o/ /de nyid cha bco lngas phye bar gyur nas shes rab dang bcas pa'i dkyil 'khor gyi bdag po dang / lha dang lha mo rnams ni bdun cu rtsa gnyis kyi rang bzhin du gyur pa'i phyir rgyud kyi rgyal po'i mngon par brjod pa'o//de ltar lo gsum gyi mtshan nyid bshad par mdzad nas/ phyogs gsum ji lta bu yin zhe na/ sgyu 'phrul zhes bya ba la sogs pa la/ 'dir phyogs gsum gyi mtshan nyid bzhi bcu rtsa lnga gang yin pa de rnams ni/ nyin mtshan re res dus sbyor bcu gnyis kyi rang bzhin du gyur pa'i phyir bcu gnyis kyis bgrangs nas lnga brgya bzhi bcur 'gyur ro//tshogs de nyid rnam pa gsum gyi rang bzhin du gyur pa'i rgyud kyi rgyal po sgyu 'phrul dra ba'i lha rnams dang / dpal 'dus pa'i rgyud kyi lha rnams kyi 'byung gnas zhes bya ba'o/ /de la sgyu 'phrul dra ba phyogs gcig gis lha rnams bzhi bcu rtsa dgu'o//gnyis pa ni bzhi bcu rtsa lnga'i bdag nyid do/ /gsum pa ni bzhi bcu rtsa gsum pa'o/ /gsum ka'i lha dang lha mo rnams bsdus na nyis brgya bdun cu rtsa bzhir 'gyur ro/ /lhag ma nyis brgya drug cu rtsa drug po gang yin pa de/ dpal 'dus pa'i rgyud kyi phyogs zhes par bya'o//de la yang rnam pa drug ste/ dgu pa dang bcu gsum pa dang bcu dgu pa dang / nyi shu rtsa lnga pa dang / sum cu rtsa gnyis pa dang / sum cu rtsa bzhi ba'o/ /drug po thabs dang shes rab kyi rang bzhin du gyur pa'i dkyil 'khor gyi zung brgya sum cu rtsa gnyis su 'gyur te/de nyid so sor byas nas nyis brgya drug cu rtsa bzhir ro/ /thabs dang shes rab kyi rang bzhin du gyur pa'i dkyil 'khor gyi bdag po dang lhan cig tu nyis brgya drug cu rtsa drug por dag pa'o/ /gzhan yang nyin mtshan gyi tshogs bzhi bcu rtsa lnga po de las cha bdun gyis thob pa ni/ 'khor lo la sogs pa'i phyag rgya drug tu shes par bya ste/ lhag ma gsum ni nang du sku la sogs pa'i phyag rgyar shes par bya'o/ /de ci'i phyir zhe na/ 'jig rten gyi kun rdzob tu rgyus 'bras bu la rgyas btab pa dang / 'bras bus rgyu la rgyas btab pa ji lta ba de bzhin du/ las dang po pas shes par bya ba'i phyir thabs dang shes rab kyi phyag rgya rnams gsungs so//de nyid phan tshun du ltos pa'i phyir gnyi ga la dngos po dang brtags pa'i dbye bas shes par bya'o/ /de bzhin du dbang mdor bstan pa las/ stong pa las byung gzugs ni rgyu/ /'bras bu mi 'gyur las skyes bde//'bras bus rgyu la rgyas btab dang / /'bras bu la rgyus rgyas btab pa'o/ /zhes bya ba ni/ rdzogs pa'i gnas skabs su kun la ltos nas bcom ldan 'das kyis gsungs pa'o/ /de nyid las don dam pa'i bden pas/ rgyu las shes rab ma skye ste/ /shes rab rgyu las 'bras bu 'byung //rgyu las shes rab ma skyes phyir/ /shes rab las skyes rgyu skyes min/ /zhes bya bas/ rgyu dang 'bras bu'i 'brel pa med par gsungs so/ /de bas na phyi'i phyag rgya dang / nang gi phyag rgya rnams gang yin pa de rnams thabs dang shes rab kyi rang bzhin du gyur pa'i gnyis su med pa'i ye shes shes par bya ba'i phyir/drang ba'i don dang nges pa'i don du bcom ldan 'das kyis gsungs so/ /da ni dus kyi 'khor lo'i lha dang lha mo rnams kyi grangs brjod par mdzad de/ nus ma zhes bya ba la sogs pa la/ 'dir du ba la sogs pa'i mtshan ma'i rang bzhin du gyur pa'i lha mo bcu dang / khro bo'i rgyal po gtsug tor la sogs pa bcu dang / mi bskyod pa la sogs pa'i sangs rgyas lnga dang / rdo rje dbyings kyi dbang phyug ma la sogs pa'i lha mo lnga dang / phyag na rdo rje la sogs pa byang chub sems dpa' drug dang / chos kyi dbyings kyi dbang phyug ma la sogs pa yul gyi lha mo drug dang /brgya byin la sogs pa lha chen po bcu gnyis dang / tsar tsi kA la sogs pa lha mo brgyad dang / klu'i rgyal po mtha' yas la sogs pa brgyad dang / dur khrod kyi lha mo khyi gdong ma la sogs pa brgyad po gang yin pa de rnams rang gi 'khor dang bral ba'i dkyil 'khor gyi bdag po dang lhan cig tu brgya lnga bcu rtsa drug tu shes par bya'o//phyi nas de rnams kyi 'khor dang lhan cig tu 'dres par gyur na stong brgyad cu'i rang bzhin du gyur pa'i rgyud kyi rgyal po bsdus pa'i rgyud kyi lha dang lha mo rnams so/ /de nyid zla ba dang nyi ma'i dbye bas phye bar gyur na stong drug brgya nyi shu'i rang bzhin du gyur pa'i mchog gi dang po'i sangs rgyas su gyur pa'o//'di dag la sogs pa'i lha rnams kyi bye brag shes pa la dgos pa ci yod ce na/ gang gis zhes bya ba la sogs pas phan yon du gsungs so/ /rtsa ba'i rgyud las bsdus pa'i rgyud kyi lha dang lha mo rnams ji ltar bsdus she na/sum cu cha zhes bya ba la sogs pa la/ 'dir lha dang lha mo stong drug brgya nyi shu gang yin pa de las cha sum cus bcad nas lnga bcu rtsa bzhi thob par 'gyur ro/ /de nyid sku gsung thugs kyi dbye bas sum ldan du byas nas brgya drug cu rtsa gnyis su 'gyur ro/ /de las bcom ldan 'das kyi phyag rgya drug dang /dkyil 'khor gyi bdag po thabs dang shes rab gnyis te/ lhag ma dkyil 'khor gyi 'khor du gyur pa'o/ /de rnams kyi nang gi rnam par dag pa ji lta bu yin zhe na/ gtsug tor rgyal po zhes bya ba la sogs pa la/ 'khor lo drug gi rtsa rnams kyi rang bzhin du gyur pa'o//rtsa de rnams kyi mtshan nyid ji lta bu yin zhe na/ rtsa drug ces bya ba la sogs pas de rnams kyi mtshan nyid gsungs so/ /rtsa de rnams kyis gal te nad 'phel bar byed pa de lta na ni/ rnam pa thams cad du yon tan med par mi 'gyur ram zhe na/ 'di rnams zhes bya ba la sogs pa la/byis pa'i skye bo rnams la nang 'ba' zhig 'phel bar bya ba min gyi/ 'chi ba yang ster bar byed do/ /de rnams kyi sbyor ba'i yan lag drug gis 'grub par 'gyur na/ rnal 'byor pa rnams la nad med pa dang tshe ster bar 'gyur ro/ /de bas na yon tan de ltar rnal 'byor pas 'grub par 'dod na nan tan gyis bsrung bar bya'o//gal te ma bsrung na skyon cir 'gyur zhe na/ phra bar zhes bya ba ni/ gal te thams cad bsrung bar ma nus pa de lta na ni/ a ba d+hU tI gcig pu bsrung bar bya'o/ /de la srog gi rlung ma zhugs na skye ba 'di nyid du tshe thung ba'i dbang gis khyad par gyi don 'grub par mi 'gyur ro//de ci'i phyir zhe na/ rtsod ldan gyi dus kyi dbang gis mi rnams kyi tshe lo brgya pa yin te/ de nyid las phyed gnyid kyis 'phrog pa'o/ /lo bcu drug ni byis pa'i gnas skabs yin la/ lo nyi shu ni shin tu rgan par gyur pa'o/ /lhag ma rnams kyi bar du gal te glo bur gyis 'chi ba ma byung ba/de lta na ni 'jig rten gyi don dang 'jig rten las 'das pa'i don ji lta bur 'gyur zhes bya ba'o/ /rgyu de'i phyir dbus ma ma bsrungs kyi bar du 'chi ba'i 'jigs pa med par mi 'gyur ro/ /glo bur gyi 'chi ltas kyi mtshan nyid ji lta bu yin zhe na/ srog ces bya ba la sogs pa la/ 'di ni phyi rol du dus sbyor bcu gnyis gang yin pa de rnams mnyam pa dang mi mnyam pa'i dbye bas sna bug g.yas dang g.yon pa las 'bab par 'gyur te/ de la gang mi mnyam pa'i dus sbyor las skyes par gyur pas de la sna bug g.yon pa las 'chi ltas su 'gyur ro//de la 'chi ltas kya mtshan nyid 'di yin te spyir mi rnams kyi sna bug g.yon pa dang g.yas pa las dbugs drug brgya bdun cu rtsa lngas dman pa'i nyi khri chig stong drug brgya ni 'pho ba bcu gnyis kyis 'bab ste/ de nyid nyin mtshan du 'gyur ba zhes bya ba'o/ /dbugs nyi khri chig stong drug brgya'i tshogs de nyid gal te rtsa g.yon pa 'ba' zhig las 'bab par gyur pa de lta na ni/rtags des lo gsum gyis 'chi ba ston par byed do/ /nyin mtshan gcig 'bab nas de nas snga ma bzhin du 'pho ba bcu gnyis dang dkyil 'khor drug cu g.yas pa dang g.yon pa las thun mong du 'bab po//de nas nyin mtshan gcig 'bab pa'i zla ba de dang zla ba gnyis pa'i mthar sngon du nyin mtshan gcig 'bab pa'i rim pa de bzhin du nyin mtshan gsum gal te 'bab par gyur pa de lta na ni 'chi ltas 'phel bar shes par bya'o/ /de la zla ba gsum zla ba bzhi pa'i gting nas nyin mtshan gsum 'bab par 'gyur te/de nas zla ba lnga dang drug par g.yas pa dang g.yon pa las thun mong du 'bab par 'gyur ro/ /rim pa de lta bus lo gsum na zla ba drug nyung bar 'gyur te/ lte ba'i 'khor lor 'pho ba bcu gnyis kyi rang bzhin du gyur pa'i rtsa bcu gnyis gang yin pa de la rtsa gcig chad par gyur pa la rtsa bcu gcig la dbugs nyi khri chig stong drug brgya'i dbye bas srog gi rlung gis kun tu spyod par byed de/gnas skabs de la ji tsam chad par gyur na yang dbugs kyi tshogs nyung bar mi 'gyur ro/ /de nas rim pa sngon bzhin du srog gi rlung gis dor ba'i rtsa de las gnyis pa zla ba gsum gyi bar du zhag bzhi dang zhag lnga dang zhag drug par rtsa g.yon pa las 'bab ste/lhag ma ni snga ma bzhin du gnyi ga la thun mong du rgyu'o/ /de lta bu'i rim pas gal te gyur pa de lta na ni zla ba nyi shu rtsa bdun gyis 'chi bar 'gyur te/lte ba las rtsa gnyis chad par shes par bya'o/ /de nas zhag bdun zhag brgyad/ zhag dgu yang zla ba gsum gyi bar du gal te 'bab par 'gyur pa de lta na ni lo gnyis kyis 'chi ste/ lte ba'i 'khor lo la rtsa gsum chad par 'gyur ro/ /rim pa de lta bas nyin mtshan gsum gsum gyi bar du rgyun mi 'chad par gal te 'bab par gyur pa de lta na ni/rtsa gcig gis dkyil 'khor lnga la srog rgyu zhing / nyin mtshan gsum gyis 'chi bar 'gyur te/ rtsa g.yon pa las phyi nas srog gi rlung gis kun tu spyod par mi byed do/ /de nas rtsa g.yas par nyin mtshan gnyis 'bab cing /lte ba'i 'khor lo'i rtsa bcu gnyis pa dor bar byed do/ /nyin mtshan gcig gis 'chi bar 'gyur ro/ /de nas zhag gcig ni dbugs kyi tshogs zad par 'gyur gyi bar du dbus mar bab nas/ srog gi rlung dang lhan cig tu rnam par shes pas dge ba dang mi dge ba'i las kyi 'bras bu la nye bar longs spyod pa'i phyir 'khyam par byed do//de bzhin du mnyam pa'i dus sbyor las mi gang rnams skye bar 'gyur ba de rnams kyi sna bug g.yas pa las 'chi ltas 'byung bar 'gyur te/ de la gal te rtsa g.yas pa las rgyun mi 'chad par nyin mtshan lnga srog gi rlung 'bab par gyur pa de lta na ni/snga ma bzhin du lo gsum gyis 'chi bar 'gyur te lte ba'i 'khor lo las rtsa gcig chad par 'gyur ro/ /de nas gal te rgyun mi 'chad par nyin mtshan bcus bab par gyur pa de lta na ni lo gnyis dang 'chi ltas kyi mtshan nyid dang lhan cig tu nyin mtshan nyi shu rtsa lngas 'chi bar 'gyur te/rtsa dor ba sngon bzhin du shes par bya'o/ /de nas nyin mtshan bco lnga gal te 'bab par gyur pa de lta na ni/ lo gcig dang nyin mtshan bzhi bcus 'chi bar 'gyur ro/ /nyin mtshan nyi shu 'bab par gyur pa de lta na ni zla ba bdun dang zhag nyi shus 'chi bar 'gyur ro//nyin mtshan nyi shu rtsa lnga 'bab par gyur pa de lta na ni/ zla ba bzhi dang nyin mtshan nyi shu rtsa brgyad kyis 'chi bar 'gyur ro/ /rgyun mi 'chad par nyin mtshan nyi shu rtsa drug 'bab par gyur pa de lta na ni/ zla ba gsum dang nyin mtshan gcig gis 'chi ste/ de la gal te 'chi ba slu ba'i thabs yod pa de lta na ni/'chi ba slu ba yin gyi/ de'i steng du ni ma yin no/ /nyin mtshan nyi shu rtsa bdun 'bab par 'gyur ba de lta na ni zla ba gcig dang nyin mtshan drug gis 'chi'o/ /de nas zla ba gcig dang nyin mtshan drug po des rim pa ji lta ba bzhin du nyin mtshan bco lnga dang bcu dang lnga dang gsum dang gnyis dang gcig gi rtsa brgyad pa dang dgu pa dang /bcu pa dang bcu gcig pa dang bcu gnyis pa dang dbus ma ni srog gi rlung gis dor nas lus po 'di dor te/ de nas bag chags de'i dbang gis rnam par shes pas lus po gzhan len par byed ces bya ba'o//de la rim pa ji lta ba bzhin du gsum dang lngas 'phel ba gang yin pa de thur sel dang srog gi dbye ba'i phyir gsungs so/ /de la srog gi rlung gis yul lnga 'dzin pa'i phyir lngas 'phel ba'i rim pa'i rigs pa yin te/ thur sel gyi rtsa gsum gyi bya ba byed pa'i phyir gsum gyis 'phel bar gsungs zhes bya ba'i nges pa'o//'o na lo brgya tham pas tshe rdzogs pa'i mtshan nyid ji lta bu yin zhe na/ dus kyi 'khor lo zhes bya ba la sogs pa la/ 'dir mi rnams kyi rtsa g.yon pa dang g.yas pa dang dbus ma snying stobs la sogs pa'i yon tan gyi dbye bas srog gi rlung rgyu ste/de la mun pa'i rang bzhin du gyur pa'i dbugs rnams gang yin pa de rnams lo brgya na 'chi ba'i rang bzhin du gyur pa'o/ /lo brgya na 'chi ba'i rim pa ji lta bu yin zhe na/ dbugs zhes bya ba la sogs pa gsungs so/ /lo brgyas 'chi bar 'gyur ba'i mi la/lte ba'i 'khor lo la sogs pa'i rtsa rnams ji ltar 'chad par 'gyur zhe na/ phyogs zhes bya ba la sogs pa la/ lte ba'i 'khor lo la sa la sogs pa'i dkyil 'khor gyi rang bzhin du gyur pa'i rtsa drug cu dang / chu srin la sogs pa'i bcu gnyis ni bsres na bdun cu rtsa gnyis su 'gyur ro//rtsa de rnams lo gsum gyis 'chad par 'gyur te/ de bzhin du las kyi 'khor lo dang bya ba'i 'khor lo rtsa sum brgya drug cu gang yin pa de rnams las rtsa re re ni nyin mtshan gsum gsum gyis dor te/ lo gsum gyis thams cad srog gi rlung gis dor bar 'gyur ro//de bzhin du mgrin pa la sogs pa'i 'khor lo'i rtsa rnams ni nyin mtshan sum cu la sogs pas 'chad par 'gyur ro/ /de bzhin du nyi mas phyi rol du 'pho ba rnams bzung ba dang / dor bar byed pa ji lta ba de bzhin du nang du srog gi rlung gis rtsa rnams dor bar shes par bya ba'i phyir/sde rnams zhes bya ba la sogs pa gsungs so/ /gzhan yang nyin mtshan drug gis 'chi bar gyur pa'i mi rnams kyi rtsa ji ltar 'chad par 'gyur zhe na/ lte ba zhes bya ba la sogs pa'o/ /mi rnams kyi tshe lo brgya tham pa'i nges pa gang yin pa/ de ci'i phyir zhe na/srog ces bya ba la sogs pa la/ 'di phyi rol du nyi ma dang zla bas grangs ji lta bar nyin mtshan sum cu'i dus sbyor gcig dang / nyin mtshan gcig gis chu tshod drug cur mi rgyu ba ci lta ba de bzhin du/ nang du yang srog gi rlung gis dbugs nyi khri chig stong drug brgyas g.yas g.yon du mi rgyu'o//rgyu de'i phyir lus kyi rten du gyur pa'i rtsa stong phrag bdun cu rtsa gnyis kyi nang nas/ nyin mtshan re re rtsa gnyis gnyis 'chad par 'gyur te/ rim pa de lta bas lo brgya'i mthar srog gi rlung gis thams cad dor bar byed do/ /srog gi rlung gis lus po dor na 'chi ba zhes bya ba'i nges pa'o//rgyu de'i phyir mi rnams kyi tshe lo brgyar bcom ldan 'das kyis gsungs so/ /gzhan yang dbus ma 'bab pa'i dus su gal te rma la sogs pa byung ba de lta na ni/ nyes pa de yis 'chi bar gyur pa bshad par mdzad de/ zos zhes bya ba la sogs pa'o/ /phyi rol du zla bas rkang pa rnams bzung ba dang /dor bar byed pa ji lta ba de bzhin du nang du rtsa rnams la srog gi kun tu spyod pa shes par bya ba'i phyir/ snying ga'i pad+ma'i zhes bya ba la sogs pa gsungs so/ /zla ba dang nyi mas tshes dang dus sbyor las ji tsam mi rgyu ba zhe na/ phyogs zhes bya ba la sogs pa la/'dir zla ba re re chu tshod nyi shu rtsa dgu dang chu srang bdun dang dbugs gsum ni zla ba mi rgyu'o/ /rim pa de lta bas na nyin mtshan drug cu rtsa bzhis nyin mtshan gcig dor bar byed do/ /lo brgya la lo gcig dang zla ba drug dang / nyin mtshan nyi shu rtsa gnyis dang / chu tshod sum cu ni zla bas mi rgyu ba'o//de nyid nyis ldab tu byas na lo gsum dang / zla ba phyed dang gnyis po ni nyi mas dag par byed de/ de nyid dbus ma'i bdag nyid du gyur par shes par bya'o/ /de bas na dbus ma'i dbang gis lo brgya'i mthar mi rnams 'chi ba yin gyi/ rgyu gzhan mas ni ma yin no zhes bya ba ni shes par bya ba'i phyir/'jig rten gsum zhes bya ba la sogs pa gsungs so/ /da ni 'chi ltas kyi dbang gis khams rnams kyi gyur pa'i mtshan nyid shes par bya ba'i phyir 'chad pa zhes bya ba la sogs pa gsungs so/ /rtags de lta bur shes nas sbyin pa dang / bsgoms pa'i stobs kyis gal te zlog par gyur na shin tu legs so/ /yang na 'chi bar gyur pa de lta na ni sbyin pa dang bsgoms pa'i stobs kyis dmyal ba la sogs par skye bar mi 'gyur zhes bya ba'o/ /da ni kun rdzob kyi bden pas skye ba la sogs pa'i mtshan nyid bshad par bya ba'i phyir/ skye ba zhes bya ba la sogs pa'i tshigs su bcad pa nyi shu rtsa gcig gis don gsal por gsungs zhes bya ba'o/ /da ni skye ba dang 'chi ba'i dus su khams rnams skye ba dang nyams par bshad par mdzad de/ de la mngal 'dzin pa'i dus su shu kra dang rak+ta zhag sum cu'i bar du so sor 'gyur te/mtshan nyid de shes par bya ba'i phyir dbyangs dang gsal byed kyi bdag nyid du gsungs so/ /de nas kun gzhi rnam par shes pa dang lhan cig tu ro mnyam pa nyid du gyur nas khams skye bar byed pa ji lta ba de bzhin du 'chi ba'i mtha' ru nyams par shes par bya'o/ /de la lo brgya tham pa'i nang nas lo dgu bcu rtsa drug dang zla ba phyed dang bcu gcig ni snying stobs dang rdul gyi yon tan gyi rang bzhin du gyur la/lhag ma lo gsum dang zla ba phyed dang gnyis po ni mun pa'i rang bzhin du shes par bya'o/ /don de dag la sogs pa gang yin pa ka la sogs pa'i tshigs bcad bzhis gsungs so//de bas na phyi rol du 'jig rten gyi khams kyi mtshan nyid dang / sems kyi mtshan nyid gang yin pa de lus po las ma gtogs par shes par mi 'gyur te/ de bas na 'bad pa thams cad kyis rnal 'byor pas dang po lus po bsrung ba'i phyir dang po zhes bya ba la sogs pa gsungs so//de ji ltar bsrung zhe na/ de'i phyir zhes bya ba la sogs pa la/ rtsa g.yas pa dang g.yon par 'gags nas dbus mar srog gi rlung zhugs par bya'o/ /dbus ma las srog gi rlung 'bab par gyur na/ lus po 'grub par 'gyur te/ lus po 'grub par gyur na rnam pa brgyad kyi rang bzhin du gyur pa'i 'jig rten gyi dngos grub 'grub par 'gyur ro//'o na 'jig rten las 'das pa'i dngos grub kyi lam gang yin zhe na/ stong pa zhes bya ba la sogs pa la/ 'dir rdzogs pa'i rim pa'i ting nge 'dzin la dmigs nas du ba la sogs pa'i rang bzhin du gyur pa'i sna tshogs gzugs bsgom par bya ste/de nas srog dang rtsol ba'i stobs kyis srog dang thur sel mi g.yo bar bya'o/ /phyi nas 'dzin pa'i stobs kyis byang chub kyi sems kyi thig le rnams mi 'pho ba'i rang bzhin du 'gyur ro/ /thig le mi 'pho bar gyur pas don ci 'grub ce na/de nas zhes bya ba ni rtog pa'i ting nge 'dzin la gnas pa'i rnal 'byor pa rnams kyis ma shes pa dang bde ba ma thob kyi bar du gang du brjod du med pa'i rang bzhin du gyur pa de thob par 'gyur te/ phyag rgya chen po'i dngos grub ces bya ba'i don to/ /de ltar 'jig rten dang 'jig rten las 'das pa'i lam gyi mtshan nyid bshad par mdzad nas/rnal 'byor pa de rnams la 'chi ba slu ba'i thabs ka bstan par mdzad de/ bdud brdungs zhes bya ba la sogs pa'o/ /da ni rnal 'byor pa rnams kyi khams gal te 'gyur ba de lta na ni thabs ci lta bur bgyi zhe na/ thur sel zhes bya ba la sogs pas nang gi thabs ka gsungs so//de yang srog rtsol ba'i mtshan nyid shes nas srog la sogs pa bsdam par bya ste/ gzhan du na skyon byed pa'i rang bzhin du 'gyur zhes bya ba'o/ /de nyid bstan par mdzad de srog ces bya ba la sogs pa'o/ /de bzhin du rnal 'byor pas bya ba gang yin pa de la dgos pa dang mi dgos pa'i mtshan nyid shes nas bya ba yin gyi gzhan du ni ma yin no zhes bya ba de nyid bstan par mdzad de/phyag rgya zhes bya ba la sogs pa la 'dir bcom ldan 'das kyis nyin mtshan gzhan du las kyi phyag rgya'i bsnyen pa gang gsungs pa de mchog tu mi 'gyur ba'i bde ba 'grub pa'i phyir yin gyi bde ba nyams pa'i phyir ni ma yin no//de bzhin du yi dam gyi lha dang phung po rnams tshim pa'i phyir gsung gi rdo rje btung ba yin gyi smyon par bya ba'i phyir ni ma yin no/ /de bzhin du gtsang ba dang mi gtsang ba la sogs pa'i zas za ba ni//phung po rnams 'tsho ba'i phyir yin gyi/ ma zhu ba'i nad kyi phyir ni ma yin no/ /gzhan yang mtshan mo'i dus su dur khrod du 'khor ba gang yin pa de dngos grub thob pa'i phyir yin gyi brtse ba la sogs pa'i phyir ni ma yin no/ /de bas na bcom ldan 'das kyis sngags kyi spyod pa gang gsungs pa de thams cad 'jig rten dang 'jig rten las 'das pa'i dngos grub thob pa'i phyir yin gyi/'khor bar 'khyam pa'i phyir ni ma yin no/ /de ltar za ba'i dam tshig dang bsrung ba'i dam tshig gi nges par bstan par mdzad nas/ 'jig rten las 'das pa'i dngos grub bsgrub par ma nus pa rnams la nad med pa dang tshe bsgrub pa'i thabs ka bstan par mdzad de/mi bskyod ces bya ba la sogs pa'o/ /gzhan yang bsod nams kyi tshogs bsags pa'i phyir/ sangs rgyas dang byang chub sems dpa' la sogs pa la mchod pa'i phyir spos la sogs pa'i mtshan nyid ni/sug smel zhes bya ba la sogs pas gsungs so/ /gzhan yang rnal 'byor pas sems can rnams la phan gdags pa'i phyir dang bsod nams kyi tshogs bsags pa'i phyir 'jig rten gyi bya ba ni sa 'dzin zhes bya ba la sogs pa gsungs so//de ltar brjod pa'i rim pas 'jig rten dang 'jig rten las 'das pa'i dgos pa bsgrub pa bstan par mdzad nas/ lta ba drug gi mtshan nyid bshad par mdzad de/ bdag med ces bya ba la sogs pa la/ de la byang chub sems dpa' 'jig rten mgon pos lta ba drug las khyad par gyur pa'i bcom ldan 'das dus kyi 'khor lo la phyag 'tshal bar mdzad de/dus kyi 'khor lo bde chen po/ /'gro ba'i mgon la phyag 'tshal te/ /zhes bya ba la/ 'jig rten gyi bde ba las 'ongs par gyur pas na/ bde ba chen po'o/ /de gang yin zhe na/ dus kyi 'khor lo zhes bya ba la/dus zhes bya ba mi 'gyur ba'i ngo bo las 'das pa dang ma 'ongs pa dang da ltar byung ba'i dus bzhin du gnas pa'i dmigs pa med pa'i snying rje ste/ mchog tu mi 'gyur ba'i bde ba zhes bya ba'i don to/ /de gang nas byung zhe na/ 'khor lo zhes bya ba du ba la sogs pa rtags dang ldan pa'i dmigs pa dang bcas pa'i stong pa nyid 'khor lo ste/de bas na stong pa dang snying rje dbyer med pa'i rang bzhin du gyur pa'i bcom ldan 'das dus kyi 'khor lo ni bde ba chen por gsungs so/ /de yang ji lta bu yin zhe na/ 'gro ba'i mgon po zhes bya ba la/ 'gro ba zhes bya ba ni rgyu ba dang mi rgyu ba'i dngos po thams cad do//de rnams la khyab pa nyid kyis gnas pas na mgon po zhes bya'o/ /de bas na sems can thams cad la bde ba'i ngo bos gnas par gyur pa'i bcom ldan 'das dus kyi 'khor lo la phyag 'tshal bar mdzad nas/ dgos pa bstan par mdzad de/ rang gzhan lta bas brjod pa yi/ /gzhung ni cung zad rgyas par bya/ /zhes bya ba la/ rang zhes bya ba ni bye brag tu smra ba dang mdo sde pa dang rnam par shes pa smra ba dang / dbu ma'i lta ba ste/ sems can gyi bsam pa'i dbang gis sangs rgyas kyi lta ba'o/ /gzhan zhes bya ba ni tshangs pa dang khyab 'jug dang /bde 'byung dang / zad byed pa dang kla klo'i bsam pa ste/ lta ba'am gzhung zhes bya ba'o/ /de rnams kyi don ni rtsa ba'i rgyud las bcom ldan 'das 'jam dpal gyi rgyud kyi rgyal po bsdus pa'i rgyud las gang bstan pa de/ bdag med ces bya ba la sogs pas gsal bar bya'o//de la dang po bcom ldan 'das shAkya thub pa'i thugs dgongs ji lta bu yin pa de/ bdag med ces bya ba la sogs pas gsungs so/ /de la 'jig rten las 'das pa'i dngos grub kyi mtshan nyid ni lta ba ste/ rab tu mi gnas pa'i mya ngan las 'das pa bstan par mdzad pas na lta ba zhes bya'o//de nyid mtho ris dang thar pa dang grol ba la sogs pa'i ming gis mu stegs pa rnams kyis brjod do/ /mdor bsdus pa de'i rang bzhin bsgrub pa'i phyir gang zag re res gzhung re re la brten par byed do/ /de bas na 'jig rten las 'das pa'i lam dang / lta ba'i khyad par ni sangs rgyas dang mu stegs rnams la yod pa yin gyi 'jig rten pa la ma yin no//de bzhin du dpal dgyes pa'i rdo rje rtsa ba'i rgyud las/ dbang phyug la sogs pas byas phyir/ /rig byed drug mtha'i rnal 'byor dang / /sangs rgyas pa yi rgyud sngags kyi/ /khyad ni stong pa nyid la'o/ /zhes bya bar bcom ldan 'das kyis gsungs so//de bas na 'jig rten gyi dngos grub kyi mtshan nyid ni ji lta ba de bzhin du gzhog cing / 'jig rten las 'das pa'i dngos grub gang yin pa de dus thams cad du ma bcos pa'i mtshan nyid du gyur pa yin la/ dper na nam mkha' bzhin du ste/skye ba dang 'gag pa med pa'i zhes bya ba'i don to/ /de bas na bdag med pa la sogs pa'i don ni mu stegs pa rnams kyis brjod na yang / sangs rgyas kyi yin par shes par bya ba'o/ /de nas bdag dang byed pa po la sogs pa ni sangs rgyas pa rnams kyis smras na yang mu stegs pa'i lta ba nges pa yin zhes bya ba'o//de nas bcom ldan 'das kyis gzhung bstan par mdzad nas/ tshangs pa la sogs pa'i lta ba bstan par mdzad de/ gang du zhes bya ba la sogs pa'o/ /'o na sangs rgyas pa dang mu stegs pa'i lta ba ming mthun pa tsam yin nam/ yang na don gyi bye brag yod ce na/de la gal te don gyi bye brag med pa de lta na ni/ sangs rgyas pa dang mu stegs pa la khyad med de/ de ltar yang ma yin no/ /de nyid bshad par mdzad de/ rig byed ces bya ba la sogs pas de rnams kyi lta ba la rigs pa dang lung gis sun dbyung bar bstan to/ /'o na gal te byed pa po la sogs pa dang bya ba byed pa de lta na ni thams cad med par gyur te thams cad med par gyur pas na 'jig rten dang 'jig rten las 'das pa med de/de dag med pas na blang bya dang dor bya med de/ blang bya dang dor bya med pas na/ dka' thub la sogs pa'i bya ba ni don med par mi 'gyur ram zhe na/bdag med ces bya ba la sogs pa gsungs te/ 'dir nyams pa'i chos rnams la rtag pa'i rang bzhin du gyur pa'i bdag med de/ gal te yod pa de lta na ni gnas skabs gzhan du mi 'gyur ro/ /gal te bdag med par gyur pa de lta na ni/ dge ba dang mi dge ba'i 'bras bu la nye bar longs spyod pa med par mi 'gyur ram zhe na/skye ba yod ces bya ba la sngon gyi bag chags kyi dbang gis skye ba'i rang bzhin du gyur pa'i chos rnams yod kyi rnam pa thams cad du med pa ni ma yin no/ /dper na slob dpon gyi zhal nas don shes pa dang / mar me las mar me gzhan ma dang me tog la sogs pas gos la sogs pa la dri'i sbyor ba dang /skyur ba las lce zag pa dang / zla ba las chu zla dang / sgra las brag ca dang / me long las gzugs brnyan dang / me shel las me 'byung ba dang / chu shel las chu 'byung ba dang / sa bon las myu gu 'byung ba ji lta ba de bzhin du/skye ba'i chos rnams dang nyams pa'i chos rnams kyi 'brel pa shes par bya'o/ /de bzhin du dpal dgyes pa rdo rje'i rtsa ba'i rgyud las/ ji ltar mkhan po rig par 'gyur/ /mar me las ni mar me bzhin/ /phyag rgya las ni phyag rgya gzhan/ /gdong las gdong pa me long la'o//sgra las sgra brnyan 'byung ba dang / /me shel las ni me ci bzhin/ /nyi mar ma gtogs gnyis kyis min/ /ma zos pa la lce zag dang / /skyur la ma gtogs skye ba min/ /sa bon sogs las myu gu bzhin/ /rgyu dang 'bras bu'i rang bzhin phyir/ /de las ma gtogs mi skye'o//zhes bya bar bcom ldan 'das kyis gsungs so/ /de lta bas na da ltar gyi phung po rnams gang yin pa de nyid skye ba gzhan ma las skye ba mi 'gyur te/ de las ma gtogs pa ni ma yin no/ /'o na gal te dge ba dang mi dge ba'i las ni byed pa po las ma gtogs par 'grub par mi 'gyur te/de bas na byed pa po dngos grub ce na/ dge ba dang mi dge ba'i 'bras bu yod de/ byed pa po ni spang zhes bya ba la/ byed pa po las ma gtogs par dge ba dang mi dge ba'i 'bras bu yod ces bya'o/ /de bzhin du rten cing 'brel ba las skyes pa dang / 'gags pa'i chos rnams la thar pa 'gro ba med de/ ma skyes pa dang mi 'gag pa'i chos rnams la rab tu mi gnas pa'i mya ngan las 'das par grol ba yod de/ de ci'i phyir zhe na/ gal te phung po 'di rnams nyid mya ngan las 'das par grol ba de lta na ni sems can dang sangs rgyas la khyad med de/des na gal te 'di las ma gtogs par gzhan rnams 'gro ba de lta na ni sems can dang sangs rgyas la 'brel pa med par 'gyur ro/ /de bas na 'jig rten gyi phung po rnams 'di nyid stong pa nyid kyis dag par gyur na mya ngan las 'das par shes par bya'o//'jig rten las 'das pa'i phung po rnams yod pa'i rang bzhin yin nam/ med pa'i rang bzhin yin zhe na/ dngos po dang dngos min yod ces bya ba la/ phung po de rnams yod pa dang med pa'i gnyi ga'i rang bzhin yin gyi 'ba' zhig ni ma yin no/ /de ci'i phyir zhe na/ sems can gyi don mdzad pa'i phyir/ bcom ldan 'das kyi gzugs sku yod pa yin gyi med pa ni ma yin no/ /stong pa nyid dang snying rje'i rang bzhin du gyur pa'i phyir yan lag dang bral ba yin gyi/ yod pa ni ma yin no dper na me long dang pra ti se na'i gzugs brnyan gang yin pa de so sor snang ba'i phyir yod de/rdul phra rab las 'das par gyur pa'i phyir/ med pa ji lta ba de bzhin du 'jig rten las 'das pa'i sku'i mtshan nyid sangs rgyas bcom ldan 'das la shes par bya'o/ /de ltar sangs rgyas bcom ldan 'das kyi thugs dgongs bshad par mdzad nas/ dbang po rtul por gyur pa dang bla na med pa'i byang chub la/ skal ba nye bar mi ldan pa'i bye brag tu smra ba la sogs pa'i gzhung la sun dbyung bar mdzad de gang zhig ces bya ba la sogs pa la/ 'dir thog ma med pa'i 'khor bar 'khor la/ sems can rnams kyi thams cad mkhyen pa'i lam dang bral ba'i phyir 'byung ba lnga la sogs pa'i chos la mos par byed de/de la mtho ris kyi 'bras bu dang / thar pa'i 'bras bu 'grub pa'i phyir bdag tu smra ba dang / rigs su smra ba la sogs pa'i lta ba la brten par gyur pa'o/ /de la lha ma yin gyi chos la mos par byed pa'i kla klo rnams kyi bsam pa ni/gal te sa chu me rlung la sogs pa'i rdul phra rab kyi rang bzhin du gyur pa'i lus po'i nang du gang zag med pa de lta na ni lus po 'di dor nas skye ba phyi ma'i lus po gang gis 'dzin par byed de/ de lta bas na rdul phra rab kyi rang bzhin du gyur pa'i gang zag yod la de grub par gyur na thar pa'i 'bras bu thob par 'gyur ro//de ltar sems kyis brtags nas sa chu me rlung la sogs pa'i dngos po bye brag tu smra ba las yod par 'dod do/ /de ltar yang ma yin te/ de ci'i phyir zhe na/ sa chu me rlung la sogs pa'i lus la gnas pa'i gang zag gang yin pa de gal te rtag pa yin pa de lta na ni bde ba dang sdug bsngal gyis gos par mi 'gyur te/gzhan yang gal te shes pa'i rang bzhin yin pa de lta na ni/ snga ma bzhin du mi rtag par 'gyur te/ dper na bum pa'i shes pa 'gag nas snam bu'i shes pa skye ba bzhin du'o/ /gal te cig car du dngos po thams cad shes pa de lta na ni sangs rgyas yin te/de ltar yang ma yin no/ /de nas gal te mi shes pa'i rang bzhin yin pa de lta na ni de la bde ba dang / sdug bsngal med par 'gyur te/ de dag med pas thar pa'i rang bzhin du 'gyur ro/ /gal te thar pa'i rang bzhin yin pa de lta na ni 'grub pa'i phyir/ thos pa la sogs pa dka' bas don med par 'gyur zhes bya ba ni bye brag tu smra ba'i gzhung las sun dbyung ba'i nges pa'o//mdo sde ba'i bsam pa ji lta bu yin zhe na/ gal te nam mkha'i dkyil gyi nang du bskor bar gyur pa'i rgyu ba dang mi rgyu ba'i dngos po med pa de lta na ni/ 'jig rten gsum po med pa'i phyir bde 'gro med par gyur pa'o//de bzhin du sangs rgyas dang byang chub sems dpa' yang med cing / bcom ldan 'das kyis gdung sha rI ram bstan par mi 'gyur te/ rdzas kyi nang du gnas pa'i don med pa'i phyir ro/ /de bas na nam mkha'i dkyil du sngon po la sogs pa'i dngos po rnams ni rnam pa dang bcas pa'i ye shes skye bar byed pa dang dngos po'i spyod yul du ma gyur pa yod de/de grub par gyur na thar pa'i don du 'gyur ro/ /de yang de lta ma yin te/ de ci'i phyir zhe na/ gal te rdul phra rab kyi rang bzhin du gyur pa'i thogs pa'i lus ni bcom ldan 'das kyi sku yin pa de lta na ni/thams cad mkhyen par mi 'gyur te/ sems can dang khyad par med pa'i phyir dang sku bzhi med pa'i phyir ro/ /de bas na mdo sde ba'i gzhung la de dag la sogs pa skyon sun dbyung ba ni kun rdzob ces bya ba la sogs pa gsungs so/ /de bzhin du rnam par shes pa smra ba rnams kyi bsam pa ji lta bu yin zhe na/de rnams kyi rnam par shes pa gzung ba yod de ci'i phyir zhe na/ cha drug gi rnam par dbye ba'i phyir rdul phra rab ces bya ba ni med de/ dper na rmi lam gyi gnas skabs su sems kyi so sor snang ba tsam gyi rdul phra rab kyi rdzas las ma gtogs par don gyi bya ba 'jug par 'gyur ba ji lta ba de bzhin du sad pa'i gnas skabs su yang don med par don gyis so sor snang bar 'gyur te/rab rib dang mig ser gyi nad kyis bcom pa'i mig gis skra shad dang dung ser bzhin du'o/ /de bas na rnam par shes pa las ma gtogs par 'jig rten gyi khams gsum por mi 'gyur te/rgyu de'i phyir grub par gyur na bla na med pa'i byang chub thob pa zhes bya ba'i rnam par shes pa smra ba rnams kyi gzhung gi tshul lo/ /de yang de ltar ma yin te/ rgyu gang gi phyir zhe na/ gal te rnam par shes pa las ma gtogs par phyi dang nang du dngos po gzhan med pa de lta na ni/gzung ba dang 'dzin pa'i 'brel ba med de khams gsum po rnam par shes pa tsam yin pa'i phyir ro/ /de la pha rol pos brjod de/ gzung ba dang 'dzin pa'i 'brel pa gang yin pa de ma rig pa'i dbang gis yin gyi/ don dam par ni ma yin no zhe na/ de yang de ltar ma yin te/gal te ma rig pa'i dbang gis dngos po rnams tha dad par gyur pa de lta na ni/ khams gsum po de ni rnam par shes pa tsam du ni dam bca' bar mi 'grub ste/ ma rig pa dbang che ba'i phyir ro/ /de nas khams gsum po'i rang bzhin du gyur pa'i ma rig pa ma yin pa de lta na ni/'jig rten las 'das pa'i rang bzhin du 'gyur te/ gal te de kho na yin pa de lta na ni 'khor ba las grol bar byed pa nang gi rigs pa med par 'gyur zhes bya ba'o/ /de bas na gcig dang du ma'i dbye bas rnam par dpyad na/ rnam par shes ba smra ba de rnams la sogs pas sun phyung ba yod do//'o na gal te de dag la sogs pa'i gzhung thams cad sun phyung bar gyur pa de lta na ni/ don dam par lta ba gang yin zhe na/ gang zhig ces bya ba la sogs pa la/ gang la gang zag dang sngon po la sogs pa'i dngos po rnams dang / rnam par shes pa tsam gyi phyogs gang yang mi 'dzin pa don dam pa'i lta ba yin pa la phyogs thams cad mnyam pa nyid kyi rang bzhin du gyur pa zhes bya ba'i don to//dngos po thams cad dang bral ba gang yin pa ri bong gi rwa dang 'dra bar gyur pa de gang yang grub pa ma yin nam zhe na/ stong nyid snying rje gnyis med smra ba po/ /zhes bya ba la/ dmigs pa med pa'i snying rje dang dus gsum du skor ba byed pa'i dmigs pa dang bcas pa'i stong pa nyid kyi bdag nyid du gyur pa gang yin pa de bla na med pa yang dag par rdzogs pa'i byang chub kyi mtshan nyid yin gyi/ ye med pa ni ma yin no/ /de ltar nyid kyi lta ba'i mtshan nyid bshad par mdzad nas/kla klo la sogs pa'i gzhung la sun dbyung ba mdzad de/ skye bo zhes bya ba la sogs pa'o/ /de ltar lta ba drug gi mtshan nyid bshad par mdzad nas/ las dang po pa rnams la nges pa bstan par mdzad de/ de dag ces bya ba la sogs pa la/ de ltar sngon du brjod pa'i don thams cad sems can gyi bsam pa'i dbang gi sems can rnams kyi 'jig rten dang 'jig rten las 'das pa'i ye shes thob par bya ba'i phyir bcom ldan 'das kyis gsungs pa yin gyi/de nyid kyi phyogs bsgrub pa'i phyir ni ma yin no/ /'o na gnyis su med pa'i rang bzhin du gyur pa bla na med pa'i byang chub yin pa de lta na ni gnyis su med pa'i ye shes gcig pu ci'i phyir bcom ldan 'das kyis ma bstan zhe na/mi rnams zhes bya ba la sogs pa la/ thog ma med pa'i 'khor ba nas 'khor bar sngon gyi bag chags kyi dbang gis dbang po rtul po dang 'bring po dang mchog tu gyur pa rnams la de dag gi bsam pa dang mthun par lta ba de dag la sogs par mthun par gsungs so//de nas bcom ldan 'das kyis gsungs pa'i don thos nas snga ma'i phyogs de dor nas de la brten par byed de/ de bas na don dam pa'i rigs pas dpyad na sems ni shel bzhin du yin te/ dper na shel gyis mi rtogs pa'i ngo bos dngos po thams cad kyi kha dog 'dzin pa ji lta ba de bzhin du sems kyis kyang bag chags thams cad 'dzin par byed do//de la bag chags de rnams gal te rtag pa'i ngo bor dus thams cad du rtag par gyur pa de lta na ni/ rab tu mi gnas pa'i mya ngan las 'das pa'i rang bzhin du mi 'gyur ro/ / rgyu de'i phyir glo bur gyi bag chags de dang bral bar gyur na yang snga ma bzhin du 'od gsal ba'i rang bzhin du 'gyur zhes bya'o/ /de lta bas na rang gi lta ba dang gzhan gyi lta ba ni gal te kun rdzob bam don dam par mthun par gyur pa de lta na ni/ de la sun dbyung bar mi bgyi'o/ /de rgyu ci'i phyir zhe na/rang gi grub pa'i mtha' dang / gzhan gyi grub pa'i mtha' la sun dbyung ba'i phyir rtsa ba'i ltung ba drug par 'gyur zhes bya ba'o/ /de bzhin du pha rol smra ba gang yin rnams/ /rtag sogs dbye bas gnas pa la/ /'di ru de rnams mi smad de/ /rdo rje sems dpa'i sprul pa yin/ /zhes bya bar gsungs so//de ltar don dam par sun mi dbyung ba'i nges pa bstan par mdzad nas/ mdor bsdus par tshogs gnyis kyi mtshan nyid bstan par mdzad de/ chos zhes bya ba la sogs pa la sems can thams cad la skye ba 'di dang skye ba phyi mar gang gis don 'grub par byed pa chos zhes bya ba yin gyi/skye ba 'di la phan thogs par mi 'gyur ba dang / skye ba phyi ma la dmyal ba la sogs pa'i sdug bsngal ster bar byed pa ni ma yin no/ /de bas na gdug pa'i drang srong rnams kyis rig byed dbang por byas nas mchod sbyin la sogs pa'i dus su srog gcod par gang smras pa de skye ba 'di dang phyi ma la sdug bsngal gyi rang bzhin du shes par bya'o//de bas na sems can phal pa'i kha las sems can la phan thogs pa'i tshig 'byung ba de chos te/ sgra la sogs pa la mkhas par gyur pa'i kha las sems can la gnod pa byed pa'i tshig rnams sdig pa chen po'i rang bzhin du gyur pa zhes bya ba'o//de bas na gang gis phyag rgya chen po'i dngos grub bsgrub par 'dod pa des sems can la phan 'dogs pa'i rang bzhin du gyur pa'i bsod nams kyi tshogs dang / chos thams cad kyi rang bzhin med pa'i bsgom pa gyis shig par ni nges par bka' stsal to/ /de ltar bcom ldan 'das 'jam dpal gyis nyi ma'i shing rta la sogs pa 'dul bar mdzad nas/khyad par du gyur pa'i chos la snod du rung bar mdzad pa'i phyir/ nyid kyi yon tan brjod pa'i sgo nas de rnams la shin tu dad pa skyed par mdzad de zhes bya ba la sogs pa'o/ /de ltar bcom ldan 'das 'jam dpal gyi yon tan phun sum tshogs pa/tshangs pa'i drang srong bram ze bye ba phrag phyed dang bzhis thos nas de rnams kyi slob dpon du gyur pa'i nyi ma'i shing rtas bcom ldan 'das 'jam dpal la bstod pa dang / skyabs su song ba'i tshigs su bcad pa ni/ khyod ni yum zhes bya ba la sogs pa'o//rgyud kyi rgyal po dpal dus kyi 'khor lo las le'u gnyis pa'i 'grel bshad pad+ma can las mdor bsdus pa'i bshad pa'o// //de ltar phyi rol gyi don thams cad nang du sbyar bar mdzad nas/ dbang ma thob kyi bar du de dag la sogs pa mngon sum du mi 'grub ste/ de ci'i phyir zhe na/dbang bskur nas ni de nyid bshad/ /ces bya bar bcom ldan 'das kyis gsungs pa'i phyir ro/ /rgyu de'i phyir dbang thob nas de kho na nyid bshad pa dang / theg pa chen po'i bka' gsang sngags kyi tshul gyis bsgom pa la lhag par byed par 'gyur gyi gzhan du ni ma yin no/ /de bas na dbang gal che bar thugs la dgongs nas mngon par dbang bskur ba'i le'u bstan par bya ba'i phyir byang chub sems dpa' phyag na rdo rjes bcom ldan 'das la gsol ba 'debs par mdzad de/lus zhes bya ba la sogs pa'o/ /de la 'jig rten mgon pos mdor bsdus par dbang gi don gyi sgo nas phyag 'tshal bar mdzad de/rta la sogs zhes bya ba la bsod nams kyi tshogs dang ye shes kyi tshogs kyi rang bzhin du gyur pa'i sangs rgyas bcom ldan 'das la phyag 'tshal lo zhes bya ba'i 'brel pa'o/ /sangs rgyas bcom ldan 'das kyis bsod nams kyi tshogs ji lta bu bsags she na/rta la sogs zhes bya ba ni rta dang glang po che dang bu mo dang sa dang khyim thab dang rang gi sha dang lcags dang rin po che dang zangs dang ba lang ngo / /de ltar rnam pa bcu'i rang bzhin du gyur pa'i sbyin pa ni/ sems can rnams la 'dod pa ji lta ba de bzhin du gnang nas bsod nams kyi tshogs bsags par mdzad do//bsod nams kyi tshogs de dang chos thams cad rang bzhin med pa'i ye shes kyi tshogs de dag gi ji ltar mdzad ce na/ bdud la sogs pa bcom zhes bya ba ni/ 'pho ba'i rang bzhin du gyur pa'i bdud de/ mchog tu mi 'gyur ba'i bde ba la bar chad byed pa zhes bya ba'o/ / de'i dbang gis skye ba dang 'chi ba la sogs pa'i sdug bsngal ni nyon mongs pa yin la/ de bcom pa ni bdud la sogs pa bcom pa zhes bya ba'o/ /de ltar bsod nams kyi tshogs dang ye shes kyi tshogs kyi stobs kyis don phun sum tshogs par mdzad pas/ ci mdzad ce na/ dpal ldan chos dbyings dri med gsung gi dbang phyug dkyil 'khor dbang bskur zhes bya ba la/'dir bcom ldan 'das shAkya thub pas 'phags pa'i yul du lo gcig gi bar du chos kyi 'khor lo bskor bar mdzad nas/ lho phyogs su gshegs te/ der lha stong drug brgya nyi shu'i rang bzhin du gyur pa'i chos kyi dbyings kyi dkyil 'khor bzhengs su gsol nas/lha dang lha ma yin la sogs pa'i sems can thams cad la dbang bskur bar mdzad do/ /dbang de la dgos pa ci yod ce na/ bstan bcos gcig gi yul la sna tshogs lung ston zhes bya ba ni/ khams gsum na gnas pa'i sems can mngon par dbang bskur bas dag par mdzad nas/de rnams bla na med pa'i byang chub tu lung bstan to/ /de bzhin sems can thams cad sangs rgyas nyid du 'gyur te/ skal ba mi ldan pa la med/ /yang dag rdzogs pa'i byang chub la/ /de bas sgyid lug mi bya'o//zhes bya bar gsungs so/ /de ltar gzhan gyi don phun sum tshogs pa dang / nyid kyi don phun sum tshogs pa gang gis mdzad pa'i sangs rgyas de la 'dud ces bya ba'o/ /mngon par dbang bskur ba ni dkyil 'khor sngon du 'gro ba yin la/ de bas na dkyil 'khor 'khor lo'i sgo nas bcom ldan 'das dus kyi 'khor lo la phyag 'tshal bar mdzad de/dkyil 'khor gsum zhes bya ba la sku dang gsung dang thugs kyi dkyil 'khor ro/ /de bzhin du sku'i rdo rje la sogs pa'i rdo rje gsum gyi mchog tu gyur pa'o/ /gzhan yang ji lta bu yin zhe na/rdo rje dbyings ni mi 'gyur ba/ /zhes bya ba ni/ gzhom du med pa'i skad kyis bshad par gyur pas na/ rdo rje dbyings yin la 'gyur ba med pa'i rdo rje ji lta ba de bzhin du dus thams cad du gang gis gnas pa de mchog tu mi 'gyur ba zhes bya'o/ /de gang yin zhe na/ dus kyi 'khor lo bde ba chen po zhes bya ba ni mchog tu mi 'gyur pa'i bde ba yin la/thabs dang shes rab kyi rang bzhin du gyur pa'i lhan cig skyes pa'i sku zhes bya ba'i don to/ /de nyid gsal por mdzad de/ de ltar sku gsum mchog la 'dud/ /ces bya ba ni/ chos kyi sku la sogs pa'i sku gsum ni skyed par mdzad pas na mchog yin te de la phyag 'tshal zhes bya ba'o//de ltar phyag 'tshal bar mdzad nas/ dgos pa bstan par mdzad de/ rtsa ba'i rgyud ces bya ba la sogs pa'o// //da ni dbang gi le'u las zhu ba po dang ston pa'i 'brel pa bstan par mdzad de/ lus la sna tshogs tshad ces bya ba la sogs pa'i tshigs su bcad pa'i rkang pa gsum gyis mngon par dbang bskur ba'i le'u bstan par bya ba'i phyir bcom ldan 'das la phyag na rdo rjes gsol ba btab pa'o//bcom ldan 'das kyis kyang phyag na rdo rje'i zhu ba phul ba gsan nas/ 'chad par 'gyur ba'i rim pas dkyil 'khor dang dbang bskur ba dang /de'i dgos pa la sogs pa bka' stsal to/ /'dir theg pa chen po'i gsang sngags kyi tshul la bla ma khyad par can du gyur pa dgos te/ de ci'i phyir zhe na/ bla ma las ma gtogs par glegs bam las drang ba'i don dang / des pa'i don shes par mi 'gyur te/ de ma shes pas lam dang lam gyi dgos pa shes par ni 'gyur ro//de bas na bcom ldan 'das kyis gsungs pa'i slob dpon yongs su brtags pa'i bla ma slob mas yongs su gzung bar bya'i ji lta ba de lta bu ni ma yin no/ /de bzhin du dpal don dam pa'i bsnyen pa las/ 'dod pa'i dngos grub slob dpon zhal las rjes 'brang bar//ma lus rdo rje theg par thams cad mkhyen pas gsungs/ /de'i phyir slob ma rnams kyis bla ma gser bzhin du/ yongs su brtags na sdig pa cung zad yod ma yin/ /zhes bya bar byang chub sems dpa' 'jig rten mgon pos gsungs so//rgyu de'i phyir khyad par du gyur pa'i bla ma'i mtshan nyid bshad par mdzad de/ dang po zhes bya ba la sogs pa la/ 'dir 'jig rten dang 'jig rten las 'das pa'i dngos grub thob par bya ba'i phyir bla ma 'di lta bu la brten par bya'o/ /gang gis dus thams cad du za ba'i dam tshig dang bsrung pa'i dam tshig la drang ba'i don dang /nges pa'i don gyis spyod par mdzad pa de dam tshig dang ldan pa'o/ /bza' ba'i dam tshig ni nyin re bzhin du gsung gi rdo rje dang rigs sum cu rtsa drug las skyes pa'i bdud rtsi lnga dang stobs lnga dang / las kyi phyag rgya la brten pa yin la/bza' ba'i dam tshig yin te/ drang ba'i don gyis phyi'i dam tshig ces bya'o/ /de la bsrung ba'i dam tshig gang yin pa de nges pa'i don du nang gi dam tshig rtsa ba'i ltung ba bcu bzhi dang / brtul zhugs nyi shu rtsa lnga dang / byang chub sems kyi thig le bzhi po srog dor nas kyang bsrung ba ni bsrung ba'i dam tshig ces bya'o//dam tshig de dag dang ldan pa ni dam tshig can yin gyi/ ting nge 'dzin dang bral bas dri chen la sogs pa za ba po ni dam tshig can ma yin no/ /de bzhin du yang dag par rdzogs pa'i sangs rgyas kyi lam la gnas pa dang / 'jig rten las 'das pa'i de kho na nyid ma thob kyi bar du/'jig rten pa'i de kho na nyid sgom par byed pa dang / de nas 'jig rten las 'das pa'i de kho na nyid sgom par byed pa dang / bdag dang gzhan gyi dngos po thams cad la ltos pa med pa dang chags pa la sogs pa'i dri ma dor ba dang / gnod pa byed pa'i sems can rnams la bzod par byed pa dang / slob ma dam pa rnams la phyag rgya chen po'i dngos grub kyi lam ster bar byed pa dang / mchog tu mi 'gyur ba'i bde ba'i skad cig thob pa dang / bdud bzhi 'dul bar nus pa gang yin pa de bcom ldan 'das rdo rje sems dpa' bzhin du shes par bya'o//de ltar shin tu khyad par du gyur pa'i bla ma'i mtshan nyid bshad par mdzad nas/ gdug pa'i slob dpon gyi mtshan nyid bshad par bya ste/ nga rgyal can zhes bya ba la sogs pa la/ 'dir nga rgyal gyi rnam pa mang ste/ rigs kyi nga rgyal dang / gzugs kyi nga rgyal dang / thos pa'i nga rgyal la sogs pa ste/de gang la yod pa de nga rgyal can zhes bya ba'o/ /de bzhin du nyes pa cung zad kyis shin tu khro ba dang / dam tshig sba bar mi shes pa dang / rdzas la sogs pa la shin tu zhen par byed pa dang / thos pa med pa dang / lam dam pa'i man ngag dang bral ba dang / brdzun du smra bar byed pa dang /mchog tu mi 'gyur ba'i bde ba nyams pa dang / dbang ma bskur bar rgyud ston par byed pa dang / 'khor ba'i longs spyod la zhen par byed pa dang / chang gis myos par gyur pa dang / rigs 'phel ba'i phyir dang / 'khor ba'i bde ba la longs spyod pa'i phyir/ chags pa can gyi gdug pa'i slob dpon gyi mtshan nyid yin la/de lta bu gang yin pa de dmyal ba bzhin rnam pa thams cad du dor bar bya'o/ /de nas gal te yon tan thams cad dang ldan pa'i bla ma rnyed par mi 'gyur ba de lta na ni/ gang la skyon nyung ba dang / khyad par du gyur pa'i yon tan lhag pa dang ldan pa'i bla ma la brten par bya zhes bya ba ni nges pa'o//de bzhin du dpal don dam pa'i bsnyen pa las/ rtsod ldan dus kyi dbang gis yon tan skyon 'dres pa'i/ /bla ma sdig med rnam pa kun tu yod ma yin/ /yon tan rnams kyis lhag dang shin tu yongs brtags pa/ bu rnams kyis ni de la bsnyen par gyur pa'o//zhes bya bar gsungs so/ /de bzhin du rnam pa thams cad du skyon dang ldan pa dor ba'i nges pa ni/ snying rje med cing khro la gdug /khengs shing chags la ma bsdams dang / /blo ldan slob mas bla mar ni/ /spyoms dang bcas par mi bya'o/ /zhes bya bar gsungs so/ / gzhan yang / snying rje med gang zhing las byed/ /khro ba tshig gis 'joms par byed/ /gdug ni dge slong la sdang ba/ /khengs shing shes pa ngan pas dregs/ /chags pa longs spyod min par 'dod/ /shin tu chang gis ma bsdams pa/ /yon tan can la skyon ster ba'o/ / spyoms pas 'di ru brjod par 'gyur/ /zhes bya ba ni de nyid rgyas par gsungs so/ /de ltar slob dpon gyi mtshan nyid bshad par mdzad nas/ khyad par du gyur pa'i slob ma'i mtshan nyid bstan par mdzad de/ zab ces bya ba la sogs pa la/ 'dir phyag rgya chen po'i dngos grub la snod du rung ba'i slob ma ji lta bu yin zhe na/zab pa dang rgya che ba'i chos la sems skrag par mi 'gyur ba dang / mi dge ba'i las srung bar byed pa dang / rang gi lus po la yang ltos pa med pa dang / yon tan dang skyon gyi mtshan nyid shes pa dang / dkon mchog gsum 'ba' zhig la dad pa byed pa dang /'jig rten gyi dngos grub la ltos pa med pa dang / dus thams cad du phyag rgya chen po'i dngos grub bsgrub par 'dod pa dang / rgyud las gsungs pa'i sdom pa srung bar byed pa dang / thig le dang nA da la sogs pa'i 'jig rten pa'i lam gyis sems g.yo bar mi 'gyur ba dang / rang gis nyams su myong ba'i bar du de kho na nyid sbed par byed pa dang /gdug pa'i sems can rnams kyi 'brel ba gang gis 'dor ba'i slob ma de phyag rgya chen po'i snod du rung ba yin gyi yon tan de rnams las bzlog par gyur pa gzhan ma yin no/ /de nas gal te de dag la sogs pa'i yon tan thams cad dang ldan par ma gyur pa de lta na ni/de la chu'i dbang la sogs pa dbang bdun bskur bar bya'o/ /bum pa la sogs pa dang / 'jig rten las 'das pa ni ma yin no/ /de bas na yon tan 'bring po dang ldan pa'i slob mas ni bsod nams kyi tshogs sogs par bya ba'i phyir dbang bdun gyi snod du rung bar bya'o//de las tha ma ni gal te bla ma la bsnyen par byed par nus pa de lta na ni bslab pa lnga'i dge bsnyen du bya'i gzhan du ma yin no/ /de ltar brjod pa'i rim pas bla ma dang slob ma'i yongs su brtag pa bstan par mdzad nas/ dbang bskur ba'i dus dang mchod pa'i dus kyi nges pa bstan par mdzad de/dpyid zla 'bring mthar zhes bya ba la sogs pa la/ 'dir rgyud kyi rgyal po dpal dus kyi 'khor lo'i gzhung gis slob dpon gang gis slob ma rnams la dbang bskur ba dang / rgyud kyi rgyal bo de nyid bstan par 'dod pa des/dpyid zla 'bring po'i nya la dbang bskur ba dang / rnal 'byor ma rnams la mchod par bya'o/ /de rgyud gang gi phyir zhe na/ 'dir bcom ldan 'das shAkya thub pas lho phyogs shrI d+ha na ka ta kar chos kyi dbyings kyi gsung gi dbang phyug gi dkyil 'khor dpal mchog gi dang po'i sangs rgyas kyi lha dang lha mo'i rang bzhin du gyur pa bzhengs su gsol nas dpyid zla 'bring po'i nya la dkyil 'khor de nyid du lha dang lha ma yin la sogs pa'i sems can thams cad la sangs rgyas kyi dbang gnang bar mdzad nas/ma 'ongs pa'i dus su de rnams sangs rgyas nyid du lung bstan to//rgyu de'i phyir dpyid zla 'bring po'i nya ni dbang bskur ba'i dus dang / rgyud kyi rgyal po bstan pa'i phyir dang mchod pa'i dus yin par bcom ldan 'das kyis gsungs so/ /de nas gal te dus de la yo byad kyi tshogs ma bsags par gyur pa de lta na ni/ dus khyad par can du gyur pa dang slob ma khyad par can du gyur par shes nas dus gzhan mar yang dbang bskur ba la sogs pa bya'o//bcom ldan 'das kyis gsungs pa'i nges pa de'i phyir gtso bo nyid kyis dpyid zla 'bring po'i nya la mchod pa dang dbang bskur ba ni 'chad par 'gyur ba'i rim pas rdo rje slob dpon rnams kyi bya ba'i nges pa'o//de la mdor bsdus pa'i cho ga 'di yin te/ dang po re zhig dbang bskur ba'i phyir tshes lnga'am bcu la sogs pa la yid du 'ong ba'i gnas su slob ma dang lhan cig tu rdo rje slob dpon gyis 'jam pa'i gdan la rdo rje skyil krung gis shar du mngon par phyogs nas 'dug ste/skad cig gcig gam yang na bskyed pa'i rim pas yan lag drug gi cho gas yi dam gyi lha'i bdag nyid du bsgom par byas la/ zhing skyong la 'chad par 'gyur ba'i rim pas gtor ma sbyang ba la sogs pa'i cho gas bsgrubs nas sngags kyi rkang pa 'di rnams kyis sbyin par bya'o/ / de la gal te grong khyer gyi ming yi ge dang mnyam po yin pa de lta na ni/ yi ge rnams kyis thog ma dang tha mas de'i ming ngo / /yang na mi mnyam par gyur pa'i yi ger gyur pa de lta na ni thog ma dang bar ma dang tha ma'i yi ge rnams kyis zhing skyong gi ming shes par bya'o/ /de la sngags kyi rkang pa rnams ni/ oM AHhuM hoH// a mu kA ya sa pa ri wA ra i daM ba liM/ gan+d+haM/ puSh+paM/ d+hU paM/ pra dI paM/ a k+Sha taM/ da dA ma he sa pa ri wA ra shI g+h+raM A gats+tsha/ dzaHhUM baM hoHi daM ba liM/ gr-ih+Na n+tu/ kha dan+tu/ pi wan+tu/ sa pa ri wA ra sarba satwA nAM/ shAM tiM/ puSh+TiM/ rak+ShA wa ra Na gu p+tiM ku rba d+hu/ i daM s+thA naM t+ya ga twa/ ma he maN+Dal b+hu myAM tiSh+Tha/hUM hUM phaT/ badzar d+hA ra A d+nyA pa ya ti swA hA/ zhes bya ba'o/ /de nas gnas bsrung ba la sogs pa bya'o/ /de la dpral ba dang mgrin pa dang snying ga dang lte ba dang gsang gnas dang gtsug tor gyi 'khor lo la rim pa ji lta bas dkar po dang dmar po dang nag po dang / ser po dang /ljang gu dang kha dog sngon po'i bdag nyid du gyur pa'i oM AHhuM hoHhaM k+ShaH/ rigs drug gi sa bon gyi yi ger bsgom par bya'o/ /de nas yi ge rnams yongs su gyur pa las de rnams kyi kha dog dang mthun pa'i zla ba'i dkyil 'khor dang nyi ma dang / sgra gcan dang dus kyi me dang ye shes dang nam mkha'i dkyil 'khor bsams la/de rnams kyi steng du yang snga ma bzhin du sa bon de rnams bsgom par bya ste/ phyi nas de rnams yongs su gyur pa las dpral ba la sogs pa'i rtsa'i dkyil 'khor rnams ni rdo rje'i rang bzhin du gyur par bsam par bya'o/ /de la 'khor lo re re'i rtsa ji tsam yod pa rtse mo de rnams kyi bdag nyid du gyur pa'i rdo rje rnams zhes bya bar shes par bya'o//de bzhin du phrag pa g.yas pa dang g.yon pa la ka'i sde ring po dang thung ngu dang / gru mo g.yas dang g.yon pa la tsa'i sde ring po dang thung ngu dang / de bzhin du lag ngar gyi tshigs gnyis la Ta'i sde ring po dang thung ngu dang /brla gnyis kyi tshigs la pa'i sde ring po dang thung ngu dang / pus mo'i tshigs gnyis la ta'i sde thung ngu dang ring po dang / de bzhin du mgul pa gnyis kyi tshigs la sa'i sde yi ge sum cu'i bdag nyid du gyur pa thung ngu dang ring po bsgom par bya'o/ / de la ka'i sde yi ge thung ngu dang ring po sum cu ni bstan par bya ste/ de de nyid kyis tsa'i sde la sogs pa shes par bya'o/ /ka kha ga g+ha nga / ki khi gi g+hi ngi/ k+R-i kh+R-i g+R-i g+h+R-i ng+R-i/ ku khu gu g+hu ngu / kl-i kh+l-i gl-i g+h+l-i ng+l-i/ kaM khaM gaM g+haM daM/ zhes bya ba ni yi ge thung ngu sum cu/ kA khA gA g+hA ngA/ kI khI gI g+hI ngI/ kr-I kr-I gr-I g+h+r-I ng+r-I/ kU khU gU g+hU ngU / kl-I kh+l-I gl-I g+h+l-I ng+l-I/ kAM khAM gAM g+hAM ngAM/ zhes bya ba ni ring po sum cu'o/ /yi ge de rnams yongs su gyur pa las tshigs bcu gnyis la rtse mo sum cu'i bdag nyid du gyur pa'i rdo rje de rnams bsgom par bya'o/ /de bzhin du sor mo'i tshigs re re la yi ge ka la sogs pa thung ngu dang ring po drug drug yongs su gyur pa las rdo rje rtse mo bdun pa tshigs bcu drug la bsgom par bya'o//de bzhin du rna ba g.yon pa dang g.yas pa la a A yongs su gyur pa las rdo rje rtse gsum pa bsgom par bya'o/ /rim pa de bzhin du e ai sna bug dag la'o/ /a Ar mig ngag la'o//o au lce dang lce chung dag la'o/ /al Al rdo rje dang gsang ba la'o/ /aM aHyongs su gyur pa las yid kyi dbang po dang rtsa dung can ma la rtse mo gsum pa'i rdo rje bsgom par bya'o/ /de bzhin du gtsug tor dang spyi bo la ha hA yongs su gyur pa las rdo rje rtse lnga pa'o/ / lce dang rkan la ya yA dang lag pa'i mthil gnyis la ra rA dang / rkang pa'i mthil gnyis la wa wA dang / bshang lam gyi g.yas g.yon du la lA yongs su gyur pa las/ rdo rje de rnams shes par bya'o/ /de ltar rdo rje sku'i bdag nyid bsgom par byas la/ de nas rdo rje de rnams las rdo rje 'od zer sngon po dang ljang gu dang nag po dang dmar po dang ser po dang dkar po spros nas steng 'og la sogs pa'i phyogs bcu na gnas pa'i bdud kyi tshogs bsreg par bya'o//de nas bdud bsreg par bya ba'i phyir sngags 'di brjod par bya'o/ /oM AHhUM hoHhaM k+ShaHhraH hraHhraHhraHra ra ra ra/badzra na la/ sarba A ba ra Na d+ha rmA pra la ya swa b+hA wa/ sarba mA ra kA yi ka big+h+nA ya kA di ni/ da sha di ka ga tA nAM kA ya wA ka tsi t+tA ni/ da sha da ha/ pa tsa pa tsa/ b+ha smiM ku ru ku ru h+'aM hUM phaT phaT swA hA zhes bya'o/ /de nas de rnams phyir mi ldog pa'i phyir srung ba'i 'khor lo bsgom par bya'o//dang por yi ge yaM las byung / /rlung gi dkyil 'khor gzhu bzhin du/ /steng 'og hUM yig rdo rje gnyis/ /rgyas btab nag por bsgom par bya'o/ /de bzhin raM las byung ba yi/ /me yi dkyil 'khor gru gsum pa/ /rang skyes rin chen gnyis kyis ni//rgyas btab mdog dmar bsam par bya'o/ /yi ge baM las byung ba yi/ /chu yi dkyil 'khor zlum po ste/ /war skyes pad+ma gnyis kyis ni/ /steng 'og kha sbyar dkar po'o/ /yi ge laM las byung ba yi/ /sa yi dkyil 'khor gru bzhi pa/ /la skyes 'khor lo gnyis kyis ni//sbyar ba kha dog ser po'o/ /de nas dkyil 'khor bzhi po de/ /yongs su gyur pas gzhal yas khang / /bsgom bya de yi phyi rol du/ /sa dang nam mkha' sbyar ba'i bar/ /ra ba lnga po bsgom par bya/ /'og tu rdo rje'i sa gzhi dang / /steng du mnga' yi dra ba'o//gzhal yas khang dbus pad+ma'am/ /rtsibs brgyad 'khor lo bsam par bya/ /de yi lte bar nyi ma dang / /zla ba sgra gcan bsgom par bya/ /de steng bdud dang lha chen po'o/ /g.yas g.yon zhabs kyis mnan par bsam/ /zhal bzhi pa dang shin tu 'jigs/ /phyag ni nyi shu drug pa'o//g.yas phyogs rdo rje ral gri dang / /rtse gsum pa dang gri gug dang / /mda' dang rdo rje lcags kyu dang / /cang te'u dang ni tho ba dang / /'khor lo mdung dang dbyug pa dang / /de bzhin du ni dgra sta'o/ /g.yon phyogs phyag na mtshon cha ni/ /rim pa ji bzhin shes par bya//rdo rje dril bu phub dag dang / /kha T+wAM ga dang ban+b+ha dang / /gzhu dang de bzhin zhags pa dang / /rin chen pad+ma dkar po dang / /dung dang de bzhin me long dang / /lcags sgrog tshangs pa'i mgo bo'o/ /g.yas dang g.yon pa'i phyag gnyis kyis/ /glang chen pags pa 'dzin pa'o/ / 'khor lo snyan cha nor bu dang / /ska rags phyag gdub la sogs pa'i/ /rgyan rnams kun gyis brgyan pa ni/ /bdag nyid rdo rje shugs su bsgom/ /de yi snying ga'i dkyil du ni/ /nyi ma'i dkyil 'khor bsam par bya/ /de steng ha dang ya dang ra/ /wa dang la ni brtsegs par bsam/ /de rnams nang nas ha las byung //gtsug tor rgyal po zhal gsum pa/ /phyag drug g.yas brkyang sku mdog sngo/ /rna ba g.yon nas spro bar bya/ /phyag na rdo rje gri gug dang / /de bzhin g.yas su dgra sta'o/ /g.yon pa'i phyag na dril bu dang / /thod pa tshangs pa'i mgo bo'o/ /steng phyogs nyi ma'i dkyil 'khor la//bsrung ba'i phyir ni dgod par bya/ /hA yig ring las byung ba yis/ /sum+b+ha sku mdog ljang gu'o/ /zhal gsum pa dang phyag drug pa/ /rna ba g.yas nas spro bar bya/ /g.yas pa'i phyag na gri gug dang / /de bzhin rdo rje dgra sta'o/ /g.yon pa'i phyag na thod pa dang / /dril bu tshangs pa'i mgo bo'o//sa 'og gnas ni bsrung ba'i phyir/ /g.yas brkyang nyi mar dgod par bya/ /de bzhin ya las byung ba yi/ /bgegs mthar byed ni sku mdog nag /zhal gsum pa dang phyag drug pa/ /nag dang dkar po dmar po'i zhal/ /g.yas pa'i phyag na ral gri dang / /gri gug dang ni rtse gsum pa'o//g.yon pa'i dang po'i phyag na phub/ /thod pa dang ni kha T+wAM ga'o/ /shar phyogs zla ba'i dkyil 'khor ram/ /yang na nyi ma'i dkyil 'khor la/ /sna yi bu ga g.yon pa las/ /spros nas g.yas brkyang dgod par bya/ /de bzhin yA las byung ba yi/ /dbyug pa sngon po zhal gsum pa/ /phyag drug pa dang g.yas brkyang pa//sku mdog nag po bsam par bya/ /phyag mtshan la sogs thams cad ni/ /bgegs mthar byed bzhin shes par bya/ /sna bug g.yas pa nas spros nas/ /me mtshams nyi ma la ni dgod/ /r-i las shes rab mthar byed ni/ /zhal gsum pa dang phyag drug pa//mda' dang rdo rje lcags kyu dang / /cang te'u g.yas pa'i phyag na'o/ /gzhu dang rdo rje zhags pa dang / /g.yon pa'i phyag na nor bu'o/ /sku mdog dmar po g.yas brkyang pa/ /lho phyogs nyi mar bsam par bya/ /de bzhin r-I las byung ba yi/ /g.yas pa'i mig las 'dod rgyal po/ /shes rab mthar byed phyag sogs bzhin//spros nas bden bral mtshams su dgod/ /yi ge wu las byung ba yi/ /pad+ma mthar byed sku mdog dkar/ /zhal gsum pa dang phyag drug pa/ /kha yi sgo las spro bar bya/ /g.yas kyi phyag na thod pa dang / /mdung dang de bzhin rtse gsum pa'o/ /g.yon gyi phyag na pad+ma dang //me long dang ni phreng ba'o/ /byang phyogs zla ba'i dkyil 'khor la/ /g.yas brkyang bas ni dgod par bya/ /yi ge wU las skyes pa yi/ /pad+ma mthar byed bzhin mi g.yo/ /dri chu'i sgo las spros nas ni/ /dbang ldan mtshams su dgod par bya/ /yi ge l-i las skyes pa yis//gshin rje mthar byed sku mdog ser/ /zhal gsum pa dang phyag drug pa/ /bshang ba'i sgo nas spro bar bya/ /g.yas kyi phyag na 'khor lo dang / /dbyug pa dang ni rdo rje'o/ /g.yon par dung dang lcags sgrog dang / /de bzhin rdo rje dril bu'o/ /nub kyi phyogs su nyi ma la//yang na zla ba'i dkyil 'khor la/ /g.yas brkyang ba yi bzhugs stabs kyis/ /bsrung ba'i phyir ni dgod par bya/ /yi ge l-I las skyes pa yi/ /stobs chen gshin rje mthar byed bzhin/ /rdo rje gtsug tor lam las ni/ /rlung gi mtshams su dgod par bya/ /gzhal yas khang gi phyi rol du//bsrung phyir lha rnams spro bar bya/ /snying gar nyi ma de nyid la/ /nga nya Na na ma bsam mo/ /de rnams yongs su gyur pa las/ /tshangs pa la sogs spro bar bya'o/ /rang gi nus tshad shes nas ni/ /phyogs skyong la sogs spro bar bya/ /de nas sa yi cho ga ni/ /rnal 'byor pas ni bsam par bya//rang snying zla ba'i dkyil 'khor la/ /la yig ser po bsgom par bya/ /de nas bskyed pa'i 'khor lo ni/ /kha dog ser po rtsibs brgyad pa'o/ /de yongs gyur las sa'i lha mo/ /zhal gsum pa dang phyag drug pa'o/ /kha dog ser po rgyan gyis brgyan/ /g.yas pa'i phyag na 'khor lo dang //dbyug pa rdo rje 'dzin pa ste/ /g.yon pa'i phyag na dung dang ni/ /lcags sgrog rdo rje dril bu'o/ /de ltar dam tshig sems rdzogs nas/ /ye shes sems dpa' dgug par bya/ /de dang lhan cig ro mnyam nyid/ /byas nas mchod pa brtsam par bya/ /dri dang me tog la sogs kyis/ /mchod pa'i rdzas kyis mchod par bya//oM lAM AHhUM hoHba sun+d+ha ri sarba bud+d+ha dza na ni/ sarba sa twA pa kA ri Ni/ badzra twA Ad+nyA pa ya ti/ shIM g+h+raM A gats+tsha/ A gats+tsha/ i daM gan+d+haM/ puSh+paM/ d+hU baM/ pra dI paM/ nai be t+yaM/ pha lA k+Sha taM/ da dA mi ta ba hwa me ba gr-i h+na gr-i h+na gr-ih+na swA hA zhes bya ba'i mchod pa'i sngags so/ / de nas dkyil 'khor gyi gnas kyi phyir gsol ba 'debs par byas la/ gshegs su gsol bar bya'o/ /maN+Dal la ar+Tha/ ma mas+thA naM da dA/ sarba satwA nAM shAn+tiM/ puSh+TiM kr-i twA shu b+ha cit+ta na/ i daM s+thA nAM h+ya ka twa/ a pa ras+thA naM gats+tsha gats+tsha swA hA/ zhes bya ba ni gsol ba 'debs pa dang gshegs su gsol ba'i sngags so//de ltar sa'i lha mo la mchod pa la sogs pa byas nas/ yi dam gyi lha la mchod par bya ste/ de nas khro bo'i rgyal po la sogs pa rnams la gtor ma sbyin par bya'o/ /de ltar gtor ma'i cho ga 'di yin te/ /rang gi mdun du ya yig ni/ /kha dog nag po bsgom par bya//de las skyes pa'i khru phyed tsam/ /rlung gi dkyil 'khor gzhu lta bu/ /de steng yi ge raM las byung / /me yi dkyil 'khor gru gsum pa/ /de steng ka yi yi ge'am/ /yang na a yig bsam par bya/ /de las skyes pa'i b+han+b+ha ni/ /dum bu gcig pa bsam par bya/ /bdud rtsi lnga dang stobs lnga yi//de yi nang du sa bon bsam/ /de las skyes pa'i bdud rtsi lnga/ /stobs lngar gtor rdzas bsam par bya/ /de nas lag pa g.yon pa dang / /yi ge oM gyis sbyang bar bya/ /lag pa g.yas dang AHyig gis/ /rdzas de nyid ni spel bar bya/ /lag pa gnyis kyis bkab nas ni//yi ge hUM gis 'bar bar bsam/ /nam mkha' lding gi phyag rgya dang / /yi ge hoHyis bdud rtsir bya/ de ltar bsgrub par byas nas ni/ /khro bo la sogs rnams la sbyin/ /'jig rten gsum las rnam rgyal ba'i/ /phyag rgya haM yig gis dgug ste/ /gtsug tor la sogs khro bo bcu/ /gtor ma de yis tshim par bya//sngon du rigs bzhi'i sa bon ni/ /rnal 'byor pa yis brjod par bya/ /de nas khro bo bcu yi ming / /'khor dang lhan cig brjod pa'o/ /gtor ma 'di dang dri me tog /spos dang mar me mi zad pa/ /sbyin te de rnams 'khor dang bcas/ /byon nas myur bar gtor ma 'di/ /zungs shig zo zhig 'thungs shig brjod//de nas dzaHhUM baM hoHrnams/ /rnal 'byor pas ni brjod par bya/ /tshim nas sems can thams cad la/ /zhi dang rgyas pa bsrung bar gyis/ /de nas ho dang hUM dang phaT/ /rdo rje sems dpa'i snang ba dang / /tha mar yi ge swA hA ni/ /rnal 'byor pas ni brjod par bya//de la sngags ni 'di yin te/ /oM AHhUM hoH/ uSh+NI Sha sum+b+ha ni sum+b+ha/ big+h+nAn+ta ka /nI la daN+Da/ pradz+nyAn+ta ka/ Tak+ki rA dzA/ pad+ma'ata ka/ A tsa la/ ya mAn+ta ka /ma hA ba le b+h+yaHsa pa ri wAr re b+h+yaHsa pa ri wA re b+h+yaHi daM bi laM/ gan+d+haM/ puSh+paM/ d+hU paM/ dI paM/ a k+Sha taM/ da dA me hi/ te tsA ga t+ya sa pa ri wA rAHshI g+h+raM i daM bi laM/gr-ih+nan+tu/ khA dan+tu/ pi wan+tu dzaHhUM baM hoHsaM g+t+r-ip+tAHsarba satwA nAM/ shIn+taM/ puSh+tiM/ rak+Sha A ba ra Na gu p+tiM/ kurba n+tu h+'aM hUM phaT/ badzra d+ha ra Adz+nyA pa ya ti swA hA/ zhes bya ba'o/ /cho ga 'di yis lha rnams dang / /phyogs skyong gza' dang klu rnams dang / /'byung po rnams la gtor ma ni/ /gri gug ral gri rin chen dang //pad+ma'i 'khor lo'i phyag rgya yis/ /byin nas gshegs su gsol bar bya/ /lag pa'i rgyab dang se gol gsum/ /k+Sha yig gis ni gshegs su gsol/ /de ltar thams cad byas nas ni/ /de nas sa ni brko bar bya/ /chu'am rdo ba'i bar du ni/ /brkos nas zug rngu shes par bya//gal te sol ba rwa byung na/ /slob dpon bdag nyid 'chi bar 'gyur/ /de nas rin chen dung byung na/ /dge ba'i las ni 'grub par byed/ /gal te sa rde dkar yin na/ /sa de nyid kyis dgang bar bya/ /yang na sa dkar gzhan ma dang / /tsan+dan shel dang skyur ba dang //lhan cig bsres nas dgang bar bya/ /sngon du sa gzung dus su ni/ /rtse lnga la sogs phyag rgya dang / /yi ge hUM hUM la sogs ni/ /rkang pa g.yon dang g.yas la bsam/ /de nas sa dbus la sogs bcag /dri dang me tog la sogs kyis/ /sa yi lha mo mchod par bsam//de la ar+g+ha sbyin pa'i sngags ni/ oM AHhUM hoHzhes bya ba'o/ /sngags 'di yis shel gyi snod nas ar+g+ha bzung nas sa'i lha mo la dbul bar bya'o/ /sngon du spyan 'dren pa'i sngags ni/ /oM laM hUM badzra b+hUM mi tiSh+Tha ma tsa la huM hUM phaT badzra d+ha ra Adz+nyA pa ya ti swA hA/ zhes pa'i sngags kyis spyan drangs nas ar+g+ha la sogs pa dbul bar bya'o//de nas nya gro d+ha'i shing gis sor bcu gnyis tsam du phur bu bcur byas nas phyogs skyong bcu la gdab par bya/ /de nas phyogs bcu la gnas pa'i bgegs la sogs pa rnams bkug nas/ de rnams ni snying ga la sogs par khro bo'i rgyal po rnams 'og nas rtse gsum du bsams nas mnan par bsgom mo//de la sngags 'di brjod par bya ste/ oM AHhUM hoHhaM k+ShaHhUM hUM hUM phaT phaT phaT/ badzra kI la ya kA ya wA ka tsit+ta dz+nyA na a d+hi pa ti Sha Ta mu kha/ ShaT b+hu dza ya Sha Ta tsa ra Ne/ sarba big+h+nAM bi nA ya kA di du Sh+TA naM/kA ya wA ka tsit+ta dz+nyA nA naM/ kI la ya kI la ya huM hUM phaT phaT/ ces bya ba ni phur bu 'debs pa'i sngags so/ /de nas brdung ba'i sngags ni/ oM l+l-IHbadzra mung+ga ra mA rA d+hI nAM shi rA si kaN+The hr-i da ye nA bau gu h+ye i na te/ badzra kI la kA na A ko Ta ya A ko Ta ya/ k+ShaM k+ShAM k+ShiM k+ShI k+Sh+R-i k+Sh+R-i k+ShuM k+ShUM k+Sh+l-i k+Sh+l-I hUM hUM hUM phaT phaT phaT/ces bya'o/ /de nas rnam par rgyal ba'i bum pa la sogs pa la mchod pa byas nas sngags 'dis byin gyis brlab pa byas nas dkyil 'khor gyi dbus su dgod par bya'o/ /oM haM h+'aM hiM hIM hriM hr-IM huM hUM h+lI/ badzra pad+ma a mr-i ta g+ha Te su bi shud+d+ha d+ha rma d+hA tu swa b+hA wa sarba d+harmA na su bi shud+d+ha d+ha rma d+hA tu swa b+hA wAM ku ru ku ru swA hA zhes bya ba ni/byin gyis brlab pa'i sngags so/ /slar yang dri la sogs pa byin nas/ dkyil 'khor gyi dbus su dgod par bya'o/ /de nas thig skud la lha mo rnams dgod par byas la/ dri la sogs pas mchod pa byas nas byin gyis brlab pa'i sngags 'di brjod nas/slar yang mchod pa la sogs ni/ /byin nas thig skud gdab par bya/ /sta gon cho ga brtsam par bya/ /de la sngon du slob mas ni/ /maN+Dal la sogs thams cad bya/ /khrus dang dkar po'i gos gyon nas/ /dkyil 'khor sa ru gzhug par bya//de nas de la dag pa'i phyir/ /slob dpon gyis ni so shing sbyin/ /u du m+WA ra'am 'o ma'i shing / /skyes pa'i sor ni bcu gnyis la/ /mchod pa la sogs byas nas ni/ /shar du mngon phyogs la sbyin no/ /de la so shing byin gyis brlab pa'i sngags 'di yin te/ oM AHhUM hoHhaM k+ShaHbadzra dan+ta kASh+Tha/tsa tu ra bi mok+Sha mu kha shud+d+hi swa b+hA ba kA ya pA ka tsit+ta dz+nyA na mu kha dan tA di ma laM bi sho d+ha ya bi sho d+ha ya swA hA/ zhes bya ba'o/ /slob mas so dag byas nas ni/ /dkyil 'khor la ni dor bar bya/ /mgo bo gang gis gang du lhung / de la gnas pa'i las grub pa'o/ /de nas slob ma bsrung ba'i phyir//spyi bo mgrin pa snying ga dang / /lte ba gsang ba gtsug tor du/ /oM AHhUM hoHhaM k+ShaH ni/ rigs drug pa ni dgod par bya/ /phyi nas de la sngags 'di yis/ /rdo rje sems dpa' bskul bar bya/ /de las sngags kyi rkang pa rnams ni/ /oM a A aM AHbadzra satwA/ma hA su kha/ badzra kA la tsa kra/ shI Sh+ya s+ya/ a b+hi mu kho b+ha ba/ san du Sh+To b+ha wa/ ba ra do b+ha ba/ kA ya wA ka tsit+ta ad+hi Sh+ThA na ku ru ku ru swA hA/ zhes pa'o/ /de nas dkyil 'khor dbus su ni/ /bum pa rnam par rgyal ba dgod/ /shar dang nub dang lho dang byang / /rdo rje thig skud sa tshon snod/ / rdo rje dril bu rim pas dgod/ /de nas bzang ngan shes pa'i phyir/ /lho yi phyogs su nyal sa ni/ /byas na sa byin gyis brlab par bya/ /byin gyis brlab pa'i sngags ni/ oM hoHbadzra ka ma la da la gar+b+he sha y+Ye badzra su kha ma hA ni drAM ka ro mi ya thA ta thA ga ta na kr-i tA haHhaHswA hA zhes bya'o/ /de nas nub phyogs mgo bo dang //shar du rkang pa bstan par bya/ /bsgom pa la sogs stobs kyis ni/ /rmi lam bzang ngan blta bar bya/ /gal te sangs rgyas byang chub sems/ /lha mo rnams ni phyag mtshan bsnams/ /gling bu Da ru la sogs ni/ /mthong ba dag par 'grub par 'gyur/ /yang na rdo rje mkha' 'gro dang / / gri gug thod 'dzin mkha' 'gro ma/ /bgegs dang log 'dren la sogs bcom/ /mthong na de bzhin bzang po yin/ /de nas cung zad mi mthong na/ /de ni 'bring por shes par bya/ /de nas bdud kyi rigs rnams ni/ /ltogs dang bkres dang lus skam pa/ /lag na mthong ba gri gug 'dzin/ / skyes bu mkhas pa rnams la ni/ /co 'dri byed pa mthong na ni/ /de ni shin tu mi dge ba'o/ /mthong ma thag tu nyal sa ni/ /dor nas mchod pa la sogs brtsam/ /de rnams la ni sngags 'di yis/ /gtor ma dag par byas nas sbyin/ /de la gtor ma sbyang ba'i sngags ni/ oM phreM badzra DA ki nI badzra d+hA t+thI shwa ri ga ga na swa b+hA ba sarba dra bya bi sho d+ha ni sarba dra bya Ni bi sho d+ha ya hUM phreM phaT/ces bya ba ni bgegs la sogs pa nyams pa'i phyir gtor ma sbyang ba'i sngags so/ /de nas spyan 'dren pa'i sngags ni/ /oM ha hA hi hI badzra b+h+rai ra ba A kaR+Sha ya A kAR+Sha ya pra be sha ya pra be sha ya ban+d+ha ya/ban+d+ha ya/ to Sha ya to Sha ya/ dzaHhUM baM hoHsarba DA kI nI n+'aM hr-i da yaM huM hUM phreM phreM phaT ces bya ba'o/ /de nas rdo rje phyag rgya dang / /snga ma bzhin du sngags rnams kyis/ /rdo rje mkha' 'gro ma rnams la/ /sngon bzhin gtor ma la sogs sbyin/ /de rnams kyis kyang khyer nas ni/ /dur khrod sa ru za bar bsam//de nas slar yang srung 'khor lo/ /rnal 'byor pas ni bsgom par bya/ /slar yang bcom ldan rdo rje shugs/ /bdag nyid du ni bsam par bya/ /slar yang 'khor lo drug la ni/ /rigs pa'i sa bon dgod par bya/ /de nas bdag la dbang bskur phyir/ /sngags kyi rkang pa brjod par bya//oM haM hAM hiM hIM hr-iM hr-IM huM hUM h+l-iM h+l-iM A I r-i sU l-I badzra DA ki n+yo badzra a mr-i ta g+ha Tai rA b+hi Shiny+tsa tu mAM swA hA/ zhes bya ba ni chu'i dbang la sogs pa gsol ba 'debs pa'i sngags so/ /oM aM iM riM uM liM sarba bu d+h+ha badzra mu ku TaM ma ma pany+tsa bu d+d+ha t+ma kaM ban+d+ha yan+tu huM hUM phaT ces bya ba ni cod pan gyi sngags so//oM a A aM aH ha hA haM haH phreM hoHsarba pA ra mi tA ma ma badzra baT+TaM ban+d+ha yan+tu huM hUM phaT/ ces bya ba ni dar dpyangs kyi sngags so/ /oM huM heHbidz+nyA nadz+nyA na swa b+hA we ka ru NA pradz+nyA a t+ma ke /badzra badzra g+haN+Te sa bye ta ra ka ra yorma ma badzra satwaHsa pra dz+nyi da dA tu huM hUM phaT/ ces bya ba ni rdo rje dril bu la'o//oM a A e ai ar Ar o au a la A la aM aHsarba bo d+hi satwAHsatwaH sa b+hA R+YAHsarba dA sarba kA mo pa b+hi gaM badzra pra taM ma ma da dAn+tu sA hA/ rdo rje brtul zhugs la'o/ /oM ha hA ya yA ra rA wa wA la lA sarba kro d+ha rA dzAHsa b+ha R+YA mai trI ka ru NA mu di to pe k+ShA sarba sa ma tA swa b+hA waM badzra pU naM ga maM nA ma me da da n+tu huM hUM phaT/ces bya ba ni ming gi'o/ /oM e waM pad+ma badzra tsi h+nau pra dz+nyo pA yau maN+Dal la a d+hi pa ti badzra su la dz+nyA nAM gaM ma ma da da tAM haM haHhUM phaT/ ces bya ba ni rjes su gnang ba la'o/ /de ltar dbang bdun thob pa'i phyir/ /rnal 'byor pas ni gsol ba 'debs/ / sngags kyi rkang pa brjod nas ni/ /bdag nyid dbang bdun bskur bar bsam/ /de nas dbang bdun thob nas ni/ /rnal 'byor pas ni nga rgyal bzung / /de la dbang bdun gyi nga rgyal 'dzin pa'i sngags ni/ oM sarba ta thA ga ta sap+ta a b+hi She ka sap+ta b+hu mi prAb+to haM zhes bya'o/ /de nas bum pa gsang ba dang /shes rab ye shes dbang gi phyir/ /sngags kyi rkang pa 'di rnams kyis/ /rnal 'byor pas ni gsol ba 'debs/ /oM oM pra dz+nyo pA yau ka la sha a b+hi She kaM me da da tAM huM hUM phaT/ ces bya ba ni bum pa'i dbang la gsol ba 'debs pa'i sngags so/ /oM AH pra dz+nyo pA yau gu h+ya a b+hi She kaM med da tAM huM hUM phaT/ces bya ba ni gsang ba la'o/ /oM huM pra dz+nyo pA yau badzra sa twa bi shwa mA ta rau pra dz+nyA dz+nyA na a b+hi She kaM me da dA tAM huM hUM phaT/ ces bya ba ni shes rab ye shes la'o/ /de ltar gsol ba btab nas ni/ /bdag nyid dbang ni thob par bsam/ /sngags kyi rkang pa 'di rnams kyis//de nas nga rgyal 'dzin par bya/ /oM oM badzra satwe na badzra ka la sha a b+hi She ke na a b+hi Shi k+to badzra satwa pu tro a tsa lA b+hU mi lab+d+ho haM/ zhes bya ba ni bum pa'i dbang gi nga rgyal lo/ /oM AHbadzra sa twe na gu h+ya a b+hi She ke na a b+hi Shi k+to/ badzra sa twa yu ba rA dzo na bab+hu mi lab+d+ho haM/zhes bya ba ni gsang ba'o/ /oM hUM badzra satwe na pradz+nyA dz+nyA na na a b+hi She k+to na a b+hi twa dwi tI ya badzra d+ha ro haM d+harma me g+hA b+hU mi la b+d+ho haM/ zhes bya ba ni shes rab ye shes la'o/ /de ltar nga rgyal 'dzin nas ni/ /bla na med pa 'thob pa'i phyir/ /sngags kyi rkang pa 'di rnams kyis/ /gsol ba btab nas thob par bsam//oM ho prodz+nya pA ya At+ma kaM badzra satwa mahA mu drA dz+nyA na ab+hi She kaM ma pra yats+tsha/ oM AHhuM hoM phaT/ ces bya ba ni gsol ba 'debs pa'i sngags so/ /de nas dbang bzhi thob par bsam nas/ /rdo rje sems dpa'i nga rgyal 'dzin pa'i phyir sngags 'di brjod par bya ste/oM ho d+harma d+hA twa ak+Shar tsa tur+tha a b+hi She ke na a b+hi She karto badzra satwe na at+ma na a haM dwi tI yo dwA da sha b+hU mi lab+d+ho haM badzra sa two ma hAr+thAH pa ra ma ak+Sha raH trai lokya bi dza yaHkA la tsa kro b+ha ga wan e waM kA raH/ zhes bya ba ni/ dbang bzhi pa thob pa'i nga rgyal lo/ /cho ga de bzhin du phyag rgya drug la sogs pa'i sngags rnams ni/dri ma med pa'i 'grel pa las shes nas rnal 'byor pas byin gyis brlab pa'i phyir brjod par bya'o/ /de nas slar yang mtshan ma ni/ /slob ma yang ni slob dpon gyis/ /dge ba mthong bar gyur nas ni/ /de nas thig gdab pa la sogs pa brtsams nas shar du dgod par bya'o//oM A IM rI UM lIM badzra sU tra sar+b+ba d+ha rmai ka sar+b+ba d+ha rmai ka A kA ra swa b+hA wAn ku ruku ru swA hA/ zhes bya ba'o/ /de bzhin du rdul tshon gyi snod rnams la sangs rgyas thim par byas nas/ dri la sogs pas mchod par byas te/ de nas sngags 'di brjod par bya'o/ /oM oM iM riM uM liM su bi shud+d+ha da ny+tsa skan+d+ha swa b+hA wa pany+tsa skan+d+ha na su bi shud+d+ha d+harmA na ku ru ku swA hA/sngags 'di bzlas brjod byas nas slar yang dri la sogs pas mchod pa byas nas sngags 'di brjod par bya ste/ oM hUM kro d+ha badzra sar+b+ba satwa ka ru Na Am+ta ka sarba d+ha rma e ka su kha swa b+hA wa sarba d+harmA badzra su kha swa b+hA wAn ku ru ku ru swA hA/zhes bya'o/ /de nas dri la sogs pa byin nas lho phyogs su dgod par bya'o/ /de nas rdo rje dril bu la mchod pa byas nas/ sngags 'di brjod par bya ste/ oM ho badzra g+ha N+Te sarba d+ha rma e ka pradz+nyA d+ha ni swa b+hA be sarba ka re sarba d+harmA pra bo d+ha ni sarba d+harmAn ni swa b+hA pe na pra bo d+ha ya swA hA/ zhes bya'o//de ltar byin gyis brlabs nas byang phyogs su dgod par bya'o/ /de nas mchod pa la sogs pa dang slar yang gtor ma sbyin par bya/ /de la rgyas pa'i cho ga ni/ 'grel ba dri ma med pa las shes par bya'o/ /de ltar srung ba la sogs ni/ /byang nas thig skud gdab par bya/ /slob dpon dang ni slob ma yis//shar dang nub tu mngon phyogs su/ /lag pa g.yon dang g.yas pa yis/ /thig skud bzung nas sngags 'di brjod/ oM AHhUM kA ya wA ka tsit+ta tai ka b+hu taHsarba d+hArmA e kA ka re Na badzra sarba satwo haM badzra b+hu myaM sU tra A mi hUM AHphaT/ ces bya ba ni/ thig skud rgyas par byas nas sngags 'di brjod par bya'o//de nas badzra sU trA e kA kA ra sa rU pe na dzaHdzaHdzaHsarba d+ha rmA na sU tra ya oM AHhoHhaM kAHphaT/ ces bya ba ni thig skud gdab pa'i dus su brjod par bya'o/ /de nas slob dpon gyis g.yon phyogs su skyil mo krung phyed byas la/ rkang pa g.yas pas la bzhag pa'i 'dug stangs dang / slob ma de las bzlog pa'i rim pa'i 'dug stangs kyis tshangs pa'i thig gdab par bya'o/ /de bzhin du slob dpon lho nas mngon par phyogs pa dang / slob ma byang nas lho ru mngon par phyogs pas thig gdab par bya'o/ /de bzhin du mtshams dag pa'i phyir mtshams bzhi la thig gdab par bya'o//de nas shar dang nub dang lho dang byang du cho ga 'di yis thig gdab par bya'o/ /sor gsum bdag nyid gyur pa yis/ /le tshe bcu drug rnams su bya/ /de rnams le tshe bzhi yis ni/ /sor bcu gnyis pos pad+ma'o/ /de yi sum cha lte ba ni/ /bcom ldan 'das kyi gdan yin no/ / de yi phyi rol le tshe gcig /re khA gsum dang rdo rje phreng / /de nas phyed dang sor gcig gis/ /ra ba'i sa dang ka ba'o/ /de bzhin du ni sor bzhi pos/ /sangs rgyas rnams dang lha mo'i gdan/ /de bzhin dri sogs lha mo dang / /sna la sogs pa'i lha rnams kyi/ /sor bzhi pos ni gdan yin no//sor gsum gyis ni rtsig pa'i sa/ /de yi phyed kyis rin chen gnas/ /dra ba dra ba phyed kyis/ /rtsig pa bzhin du shes par bya/ /bA ku li kra shir Sha ni/ de yi phyed kyis shes par bya/ /le tshe gnyis kyi sor drug gis/ /sgo yi mtshan nyid shes par bya/ /sgo las gsum ldab gyur pa ni//sor bco brgyad ni rta babs so/ /de ltar thugs kyi dkyil 'khor la/ /thig gdab pa yi cho ga'o/ /de nas rang gi nus tshad ni/ /shes nas gsung sku'i dkyil 'khor ni/ /gal te bri bar 'dod gyur na/ /dri med 'grel las shes par bya/ de la mngon par dbang gi phyir/ /thugs kyi dkyil 'khor gcig pus chog /de ltar thig gdab byas nas ni/ /slar yang gtor ma sbyin par bya/ /de nas yo byad tshogs shes nas/ /de dang mthun par rdul tshon bya/ /nor bu rin chen la sogs dang / /de bzhin btags pa'i sa tshon rnams//sA li la sogs rnams kyis kyang / /sa tshon dgye ba brtsam par bya/ /bcom ldan 'das kyi zhal rnams kyi/ /rnam par dag phyir shar dang lho/ /de bzhin nub dang byang du ni/ /rdul tshon dgye ba shes par bya/ /sa tshon dgye ba rdzogs nas ni/ /de nas sa bon la sogs dgod//rdul tshon dkyil 'khor bri ba la/ /sku gzugs bri bar mi rung ngo / /de bas na/ sa bon la sogs mtshan ma'am/ rnal 'byor bas ni bri bar bya/ /yang na de las byung ba yi/ /lte ba'i dbus su sa bon no/ /yi ge hUM ni bri bar bya//yang na de las byung ba yi/ /rdo rje rtse gsum sngon po'o/ /de nas shar lho nub dang byang / /i ri li u bri bar bya/ /yang na ral gri rin chen dang / /'khor lo de bzhin pad+ma'o/ /yang na nyi ma'i 'khor lo la/ /nag po la sogs bri bar bya/ /de bzhin du ni mtshams bzhi la//I rI lI U bri bar bya/ /yang na ral gri la sogs ni/ /zla ba la ni mtshan ma'o/ /de bzhin dbang po yul rnams kyi/ /sa bon mtshan ma shes par bya/ /shar sgo g.yas dang me yi mtshams/ /de bzhin lho nub bden bral du/ /nub dang rlung gi mtshams dang ni//byang phyogs dang ni dbang ldan du/ /shar sgo'i g.yas dang nub kyi lhor/ /de bzhin lho sgo'i shar dang ni/ /de bzhin byang sgo'i nub tu ste/ /e ai a ra Ar al Al dang / /de bzhin o au bri bar bya/ /a A aM aH i ge rnams/ /nyi zla'i steng du bri bar bya/ /thabs kyi gdan ni nyi ma dang //shes rab ma yi zla ba'o/ /yang na rigs dang mthun pa yi/ /de yi mtshan ma bri bar bya/ /de nas sgo bzhi nyi ma la/ /ya ra wa la bri bar bya/ /yang na ral gri dbyug pa dang / /pad+ma de bzhin tho ba'o/ /sa bon la sogs bkod nas ni/ /de nas mchod pa la sogs brtsam//shel gyi bum pa smin dang ldan/ /bcu ste dung phor bcu gcig pa'o/ /dkyil 'khor mdun du gnas byas te/ /rnal 'byor pas ni mchod par bya/ /sangs rgyas lnga dang lha mo lnga'i/ /sa bon bum pa'i nang du bsam/ /de las skyes pa'i mtshan ma rnams/ /mtshan ma las byung lha mo lnga//de ltar dam tshig sems rdzogs nas/ /ye shes sems dpa' dgug par bya/ /de dang lhan cig ro mnyam nyid/ /byas nas chu yi bdag nyid bsam/ /de ltar bsgom par byas nas ni/ /de nas rang rang mtshan gyis mchod/ /de bzhin rang gi snying ga las/ / lha dang lha mo spro bar bya/ /spros nas dkyil 'khor gnas su ni/ /rnal 'byor bas ni bzhugs par bsam/ /ye shes sems dpa' bkug nas ni/ /dkyil 'khor du ni thim par bsgom/ /de bzhin sku gzugs la sogs la/ /de nyid du ni rab gnas bya/ /dkyil 'khor phyi rol sa mnyam du//re khA lnga yis maN+Dal bya/ /dbus su sku gzugs la sogs ni/ /bkod nas stong nyid bdag nyid bsam/ /byin nas sa bon la sogs kyis/ /lha yi bdag nyid bsam par bya/ /ye shes sems dpa' lhan cig tu/ /ro mnyam nyid du bsgom par bya/ /de nas thun mtshan gcig gnyis sam//yang na nyin mtshan gcig gi bar/ /dmar po ras kyis bkab nas ni/ /sku gzugs la sogs sba bar bya/ /phyi nas gsal por byas nas ni/ /rigs drug la sogs dgod par bya/ /de nas khrus dang mchod pa ni/ /byas nas de la mchod par bya//gzugs brnyan la sogs rab gnas ni/ /byas nas dbang bskur brtsam par bya/ /de nas dbang bskur bum pa rnams/ /bsrung ba'i phyir ni dam tshig ldan/ /slob ma rnams dang rnal 'byor ma/ /slob dpon gyis ni dgod par bya/ /de nas dkyil 'khor phyi rol du/ /bum pa rnams ni yang dag dgod//rdo rje sems dpa' la sogs la/ /dri dang me tog mar me dang / /spos dang lha bshos mchod rdzas kyis/ /de rnams la ni mchod par bya/ /de nas khrus dang dris byugs pa'i/ /gos ser gyon nas slob ma yis/ /phyi rol du ni maN+Dal bya/ /de nas slob dpon zhabs kyi rtsar//rdzas la sogs pa dbul bar bya/ /de nas mngon par dbang bskur phyir/ /bstod pa'i sgo yis gsol ba 'debs/ /dkon mchog gsum la skyabs su dang / /byang chub tu ni sems bskyud dang / /bslab pa rnams kyi sdom pa ni/ /bzung nas smon lam 'debs par bya//srid pa'i 'jigs pa 'phrog byed pa/ /srid pa'i skyon gyis gos mi 'gyur/ /phun sum tshogs pa kun gyi gnas/ /khyod kyi zhabs la skyabs su mche/ /zad med 'khor ba'i 'jigs pa las/ /bdag gi skyabs ni gzhan ma mchis/ /de bas snying rje che mdzad nas//de ring bdag la sku drin mdzod/ /ces bya ba ni gsol ba 'debs pa'o/ /rdo rje rigs la rdo rje dang / /phyag rgya dril bu bla ma ste/ /bya ba thams cad dor nas ni/ /dus kun tu ni gzung bar bya/ /de bzhin rin chen rigs la ni/ /yid bzhin nor bu bsgrubs nas su//bsod nams tshogs ni 'phel ba'i phyir/ /rnam bcu'i sbyin pa sbyin par bya/ /'khor lo'i rigs la yang dag gnas/ /bdud rtsi stobs lnga'i dam tshig dang / /phung po dang ni dbang po'i tshogs/ /dus kun du ni bsrung bar bya/ /de bzhin bla ma sangs rgyas dang / /byang chub sems dpa' mkha' 'gro ma//gus pa kun gyis dus kun du/ /ral gri'i rigs la mchod par bya/ /tshul khrims sdom pa bsrung ba'i phyir/ /rigs dang rigs min 'gro ba la/ /pad+ma'i rigs la gnas byas nas/ /tshangs par spyod pas bsrung bar bya/ /rang dang gzhan gyi don grub phyir//stong nyid snying rje'i bdag nyid ni/ /rtse gcig rigs la gnas nas ni/ /phyag rgya chen po bsgrub par bya/ /de nas slob ma'i mig gnyis ni/ /ras dmar po'am ser po la/ /byin gyis brlab par byas nas ni/ /bcings nas dkyil 'khor nang gzhug bya/ /de nas me tog dor ba'i phyir//lag pa gnyis kyi sbyor ba la/ /lan bdun yi ge gsum gyis ni/ /mngon par bsngags nas me tog sbyin/ /de nas mig dag pa'i dar la byin gyis brlab pa'i sngags ni/ /oM sarba da sha aM ga ni ro d+ha ka ri Ne hUM phaT/ ces bya ba'o/ /de nas brtul zhugs nyi shu lnga//byin nas me tog dor bar bya/ /oM ta thA ga ta ku la bi sho d+ha ni swA hA/ zhes bya ba ni me tog dor ba'i sngags so/ /me tog dang ni mig gi dar/ /dus gcig tu ni dgrol bar bya/ /oM bye n+d+ri yaN+tsa ta ud g+ha Ta ya swA hA/ zhes bya ba ni mig dbye ba'i sngags so/ /de nas sangs rgyas la sogs kyis//byin gyis brlab phyir bdud rtsi dang / /de bzhin sngon du bsgrubs byas pa'i/ /spos ni de la sbyin par bya/ /oM pany+tsa a mr-i ta ud ka ThaHzhes bya ba ni bdud rtsi sbyin pa'i sngags so/ /de bzhin du spos kyi sngags ni/ /oM a ra ra ra ra la la la la badzra A be sha ya hUM/zhes bya ba'o/ /de nas phebs pa'i mtshan nyid ni/ /shes nas nye bar zhi bar bya/ /de nas rten dang brten pa yi/ /dkyil 'khor la sogs bstan par bya/ /de ltar shar phyogs de dag sogs/ /byang nas byang sgor khrid par bya/ /de yi lus po dag pa'i phyir/ / chu yi dbang ni rab tu bskur/ /bum pa rnams kyi chu bsdus nas/ /rnam rgyal drung du blugs par bya/ /lha mo sgrol ma la sogs kyis/ /sngags kyis de yi gnas lngar bskur/ /spyi bo dang ni phrag pa gnyis/ /rked pa'i tshigs la g.yas g.yon du'o/ /de la chu'i dbang bskur ba'i sngags ni/oM A i rI u l-I pany+tsa d+hA tu bi sho d+ha ni swA hA/ zhes bya ba'o/ /khams gsum rnam par dag pa'i phyir/ /chu yi dbang ni bskur nas su/ /phung po lnga ni dag pa'i phyir/ /cod pan dbang ni bskur bar bya/ /rin chen gser gyi bdag nyid dam/ /yang na gos kyi bdag nyid de//sangs rgyas lnga yi bdag nyid du/ /bsgoms nas de yi mgo bor sbyin/ /de la sngags ni/ oM a i r-i u l-i pa ny+tsa ta tha ga ta pa ri shud+d+ha swAhA/ zhes bya ba'o/ /de la g.yas sgor gyis khrid nas/ /lho sgor ngag ni dag pa'i phyir/ /pha rol phyin bcu'i bdag nyid ni//dar dpyangs dbang ni bskur bar bya/ /de la sngags kyi rkang pa rnams ni/ /oM a A aM aHha hA haM haHho phreM da sha pA ra mi ti A ri pU ra Na swAhA/ zhes bya bas so/ /de nas rdo rje dril bu ni/ /mgo bo la ni gzhag par bya/ /thabs dang shes rab bdag nyid ni/ / bsgoms nas sngags 'di brjod par bya/ /oM hUM ho sU R+YA tsan+d+ra bi sho d+ha ka swA hA/ zhes bya ba'o/ /rnam par rgyal ba'i dung chu ni/ /slob ma'i mgo bor blugs par bya/ /de ltar ngag ni dag byas nas/ /g.yas skor shar sgor khrid par bya/ /de ru sems ni dag pa'i phyir/ /brtul zhugs dbang ni bskur bar bya//de la sngags ni/ /oM a A e ai ar Ar o au al Al aM aH bi Sha ya in+d+ri ya bi sho d+ha ni swA hA/ zhes bya ba'o/ /sngags kyi rkang pa 'di brjod nas/ /rna ba sogs la me tog sbyin/ /de bzhin du ni ming gi dbang / /gnas lngar snga ma bzhin du bskul/ / oM ha hA ya yA ra rA wa wA la lA tsa tu r+b+ra h+ma bi ha ri bi shu d+d+ha swA hA/ zhes bya ba'o/ /sngags 'di brjod par byas nas ni/ /lag pa dang ni rkang pa la/ /lag gdub rkang gdub la sogs sam/ /me tog phreng ba bcing bar bya/ /de nas rdo rje che ge mo/ /khyod ni de yi ming brjod do//de ltar sems ni dag byas nas/ /ye shes zhal phyogs khrid par bya/ /snga ma bzhin du gnas lnga la/ /rjes su gnang ba'i dbang bskur ro/ /oM haM k+ShaHd+harma tsa kra pra wa rta ka swA hA/ zhes bya ba'o/ /sngags 'di brjod par byas nas ni/ /lag pa g.yas dang g.yon pa la/ / rdo rje dril bu byin nas ni/ /de nas de la lung bstan to/ /sngon du lo dang zla ba dang / /phyogs dang tshes sogs brjod par bya/ /dkyil 'khor che ge mo dang ni/ /de bzhin slob dpon che ge mos/ /slob ma che ge mo la ni/ /'jig rten dngos grub thob bya'i phyir/ /bdag gis dbang bdun pos lung bstan//de ltar dbang bdun bskur nas ni/ /de yi dag pa la sogs bya/ /de nas bum pa gsang ba dang / /shes rab ye shes sbyin par bya/ /slob ma mchog dang 'bring po la/ /rim pa ji bzhin tha ma ste/ /dge slong dge tshul khyim pa ni/ /shes nas dbang ni brtsam par bya//de la sngon du phyag rgya bcu/ /rang gi rigs skyes btsal bar bya/ /lo ni bcu gnyis bcu drug dang / /yang na nyi shu lon pa'o/ /yon tan thams cad dang ldan pa'i/ /gzugs dang lang tshos brgyan pa'o/ /khyim thab lhan cig slob mas ni/ /bla na med pa'i dbang gi phyir/ gser la sogs pa'i me tog gis/ /maN+Dal byas nas gsol pa btab/ /sgrib pa thams cad 'joms mdzad pa/ /dus kyi 'khor lo khyod la 'dud/ /mchog tu mi 'gyur bdes gang ba/ /ye shes sku ni khyod la 'dud/ /stong nyid snying rje dbyer med pa'i/ /gang zhig mi 'gyur byang chub sems//mgon po dbang des bdag la ni/ /de ring du ni sku drin mdzod/ /bu dang khyim thab la sogs bcas/ /kun nas khyod kyi bdag 'bangs so/ /byang chub snying po'i bar du ni/ /bdag la skyabs su gzhan ma mchis/ /de ltar zhu ba byas nas ni/ /phyag rgya de rnams dbul bar bya//de la sngon du bum pa dang / /phyag rgya bcu yis dge slong bkru/ /bum pa drug dang phyag rgya mo/ /drug gis dge tshul bkru bar bya/ /bum pa gcig dang phyag rgya gcig /khyim pa la ni bskur bar bya/ /de la sngags ni/ khams gsum pos ni phyag byas pa'i/ /mngon par dbang ni rdo rje che//gsang gsum gnas las byung ba yi/ /sangs rgyas rnams la sbyar bar bya/ /zhes bya ba brjod nas/ sngags 'di brjod par bya ste/ a A I r-I U l-I pany+tsa d+hA tu bi sho d+ha ni swA hA zhes bya ba'o/ /de ltar bum pa'i dbang bskur nas/ /phyi nas gsang ba bskur bar bya/ /de la slob ma'i phyag rgya ni//sna tshogs yum gyi bdag nyid bsgom/ /de yi 'khor lo drug la ni/ /oM yig la sogs dgod par bya/ /me tog la sogs byin nas ni/ /de nas snyoms par zhugs par bya/ /skal dang ldan pa'i slob ma la/ /rdo rje nyid kyi gsang ba sbyin/ /yang na 'bring por gyur pa na//ming med mthe bong gis bskur ro/ /de la tshigs bcad 'di brjod par bya ste/ 'das pa'i rdo rje sems rnams kyis/ /sangs rgyas sras la dbang bskur zhing / /mchog tu byang chub sems kyis ni/ /bu khyod la ni de bzhin bskur/ /e ma ho ni bde ba che/ /slob mas brjod nas gzung bar bya//de nas bde ba de nyid ni/ /myong ba'i phyir ni phyag rgya ste/ /slob dpon la dbul de nyid ni/ /yang na de la gzhan ma sbyin/ /nam phyed chu tshod gnyis kyi bar/ /ji tsam chags nus de tsam sbyin/ /de nas tshogs kyi 'khor lo ni/ /gshegs su gsol nas sdom pa ni//drang ba'i don dang nges don gyis/ /rnam pa gnyis su bshad par bya/ /skal ldan slob ma shes bas ni/ /yang na dbang bdun dus su bshad/ /mi bskyod pa yi ting 'dzin gyis/ /sngon du sngags rnams bsgrub par bya/ /mtshams med las lnga byed pa yi/ /sdig las bsrung ba'i phyi ru ni//srog gcod pa ru byas yin gyis/ /rang don phyi ru ma yin no/ /nges pa'i don du de nyid ni/ /rdo rje rigs kyi gtsug tor brjod/ /nyi khri chig stong drug brgya srog /de 'gags pa ni srog gcod brjod/ /de bzhin ral gri'i rigs la ni/ /lam min pa las lhung ba rnams/ /de rnams 'dren phyir brdzun gyi tshigs// smra bar bya yi rang phyir min/ /de nyid nges pa'i don du ni/ /gzhom med snying gar gang gnas pa/ /sems can kun snang bdag nyid kyis/ /dus gcig tu ni chos bstan byed/ /gang zhig mi ni ser sna can/ /yi dags 'gro las ldog pa'i phyir//rin chen rigs kyi ting 'dzin gyis/ /de yi nor ni 'phrog par byed/ /nges pa'i don du rin chen rigs/ /mgrin pas brgyad pa yi gnas/ /rdo rje sems dpa'i ye shes ni/ /der mdzod gzhan gyi nor 'phrog mdzod/ /gang zhig rnams kyi dbang thob nas/ /phyi nas phrag dog byed pa ste//de rnams dud 'gror mi 'gro'i phyir/ /pad+ma'i rigs kyi ting 'dzin gyis/ /sngags ni bsgrub par byas nas su/ /gzhan gyi bud med phrog bya'o/ /rang gi don phyir ma yin no/ /nges pa'i don phyir pad+ma'i rigs/ /bde ba chen po'i 'khor lor brjod/ /gzhan zhes bya ba rdo rje sems//de yi bud med gang yin la/ /phyag rgya chen mor de brjod do/ /bzlog pa'i byang chub sems kyis ni/ sa bcu'i gnas su khrid par bya/ /de bzhin 'khor lo'i rigs kyis ni/ /chang dang bdud rtsi la sogs la/ /rigs 'dzin rnam rtog 'joms pa'i phyir//bsten bya'i smos sogs phyir ma yin/ /nges pa'i don du 'khor lo'i rigs/ /lte ba'i 'khor lo zhes su brjod/ /chang bzhin myos par byed pas na/ /chang ni lhan cig skyes dgar spyod/ /mar me lnga ni dbang po lnga/ /phyi yi dngos po gsal bar byed/ /bdud rtsi lnga ni sangs rgyas lnga//dri chen dri chu la sogs brjod/ /de rnams la ni brten pa ni/ /phyi rol du ni mi 'jug pa'o/ /las kyi phyag rgya'i dngos grub ni/ /thob phyir rigs ngan la sogs pa'i/ /bud med rnams la gri gug dang / /nam mkha'i pad+mar gshung mi bya/ /nges pa'i don du gri gug ni//gsang ba'i 'khor lo zhes su brjod/ /skye gnas bsrub pa'i dus su ni/ /phyi rol 'pho bar mi bya'o/ /de ltar sdom pa byin nas ni/ /de la gzhan ma bstan par bya/ /dga' dang mchog dga' bral ba dang / /kun rdzob tu ni lhan cig skyes/ /'pho ba'i bdag nyid gang yin pa//don dam par te ma yin no/ /gang zhig 'pho med bde ba ni/ /don dam lhan cig skyes der brjod/ /de bas [(]rnam [,]rnal [)]'byor pa yis ni/ /bde ba chen po bsrung bar bya/ /las kyi phyag rgya rab sbyor dang / /ye shes phyag rgya rjes chags pas/ /brtul zhugs brtan pas bde chen po//byang chub sems ni bsrung bar bya/ /b+ha gar ling+ga bkod nas ni/ /byang chub sems ni spro mi bya/ /khams gsum po ni ma lus par/ /sangs rgyas gzugs su bsgom par bya/ /tshul khrims tshogs kyis rdzogs pa dang / /bsod nams ye shes dang ldan pa'i/ /skye ba 'di ru sangs rgyas nyid//'di bsrungs nas ni thob par 'gyur/ /pha rol phyin pa bcu thob pa/ /dus gsum bskor mdzad sangs rgyas rnams/ /'di yis sangs rgyas kun gyi ni/ /chos kyi 'khor lo bskor bar mdzad/ /khams gsum dbang phyug ye shes ni/ /stong nyid snying rje dbyer med pa//rang dang gzhan du bsgrub pa'i phyir/ /de las gzhan ma yod ma yin/ /skyob pa kun gyi sdom pa ni/ /gal te bu khyod srung byed na/ /sangs rgyas kun gyis byin brlabs pa'i/ /de ltar byang chub thob par 'gyur/ /de nas bdag nyid chags gyur pas/ /gtso bo'i mdun du bzung nas su//sdom pa srung bar mi byed na/ /de ltar khyod ni ngu 'bod 'gro/ /gal te sems ni 'jam pa'i phyir/ /skye gnas byang chub sems lhung na/ /de nas phyag rgya shes nas ni/ /pad+ma'i phyi rol rang lces bzung / /de ltar bla mas slob ma la/ /byang chub bsgrub phyir sdom pa sbyin//de ltar slob mas snga ma bzhin/ /maN+Dal byas nas yon dbul bya/ /de nas dbang gi rab byed phyir/ /slar yang gsol ba gdab par bya/ /bla mas zhu ba gsan nas ni/ /bla med dbang gi mtshan nyid bshad/ /nyon cig bu khyod dbang gi don/ /dga' ba bcu drug mtshan nyid can//sems can kun gyi bde ba ni/ /thun mong du ni gnas pa'o/ /'dod chags kyis ni yid dkugs pa/ /dga' ba dang po rjes su brjod/ /shes rab yan lag khyud pa yis/ /dpral bar dga' ba'i byang chub sems/ /zhu bar gyur pa'i gnas skabs ni//mchog gi dga' ba gnyis pa'o/ /de nas 'khrig pa'i dbang gis ni/ /'dod chags me ni 'bar bar 'gyur/ /'bar bas thig le 'dzag pa ni/ /khyab par dga' ba gsum pa'o/ /lus ngag sems kyi thig le ni/ /tha mar bzhi pa 'byung ba'i dus//rang rig skad cig gang yin la/ /lhan cig skyes pa bzhi pa'o/ /bzhi po de nyid lus dang ngag /sems dang ye shes thig le yis/ /phye bar gyur pa bcu drug pa'i/ /de kho na nyid shes par bya/ /phyi rol du yang de nyid ni/ /nam mkha' la sogs dbye ba yis/ /tshes gcig la sogs bco lnga dang //cha med cha ni bcu drug pa'o/ /chags bral dang po chags pa che/ /kha dog sna tshogs 'bar ba'i 'od/ /rdo rje skyil krung rdzogs sangs rgyas/ /sangs rgyas yang dag sdud pa 'dzin/ /rnam pa kun ldan rnam pa med/ /bcu drug phyed phyed thig le 'dzin/ / cha shas med dang rtsis las 'das/ /bsam gtan bzhi po'i rtse mo 'chang / /stong nyid ye shes dbang gis na/ /gal te de ltar gyur pas na/ /de ltar sangs rgyas sku bzhi po/ /thob par 'gyur te the tshom med/ /de dag la sogs dbang gi don/ /bshad nas tshogs kyi 'khor lo'i phyir//slob ma la ni slob dpon gyis/ /phyi nas nges par sbyin par bya/ /slob mas mngon par dbang thob nas/ /de nas lo gcig lo gsum mam/ /lo drug lo ni bcu gnyis par/ /rgyud la sogs pa mnyan par bya/ /rtsa ba dang ni bsdus pa'i rgyud/ /de bzhin du ni bshad pa'i rgyud//'grel pa la sogs lhan cig tu/ /shes par gyur nas bla ma yis/ /rdo rje slob dpon dag byed phyir/ /slob dpon dbang ni bskur par bya/ /sngon du du ba la sogs ldan/ /bzhi pa'i dbang ni sbyin par bya/ /phyag rgya chen po'i dngos grub phyir/ /sbyor ba'i yan lag drug po bshad//de nas dben pa'i gnas su ni/ /phyag rgya bcu dang lhan cig tu/ /slob dpon las ni brtsam par bya/ /de la sngon du slob mas ni/ /bla ma'i chu skyes zhabs kyi rtsar/ /bla na med pa'i byang chub bar/ /dam bcas pa ni 'di ltar bya/ /dus 'di nas ni bzung nas su/ /byang chub snying po mchis kyi bar//sangs rgyas dang ni byang chub sems/ /dpal ldan bla ma khyod spangs nas/ /bla ma gzhan la rmi lam du/ /srog dor nas kyang brten mi bya/ /gzhan yang de bzhin dus kun tu/ /g.yo sgyu med pa'i nus tshad kyis/ /lus ngag sems dang gsum po ni/ /gtso bo'i spyan sngar dbul bar bya//de ltar slob ma'i dam bca' ba/ /thos nas de nas bla mas der/ /phyi rol re khA lnga yis ni/ /khru bzhi pa yi maN+Dal bya/ /de dbus sna tshogs pad+ma ni/ /'dab ma brgyad pa bri bar bya/ /de steng pad+ma dang ldan pa/ /zhing gi gdan ni dgod par bya/ /pad+ma'i steng du dge slong ni/ / gzhag nas bum pa bcu po dang / /yon tan ldan pa'i phyag rgya brgyad/ /lo bcu lon pa'i bu mo gnyis/ /de dag lhan cig bkru bar bya/ /sangs rgyas lnga yi bdag nyid ni/ /cod pan dang ni dar dpyangs dang / /phyag rgya dang ni lhan cig tu/ /de yi mgo bor bcing bar bya/ /de ltar slob dpon dbang gis ni//dge slong rdo rje 'dzin par bya/ /de bzhin dge tshul khyim pa la/ /slob dpon dbang gi dus su ni/ /re khA lnga ldan pad+mas dman/ /maN+Dal byas nas de steng du/ /shing stan la bzhag dbang bskur bya/ /phyag rgya bzhi dang bu mo gnyis/ /de bzhin bum pa drug gis te//bkrus nas de yi mgo bo la/ /cod pan phyag rgya sbyin par bya/ /spyi yi re khA gsum gyis ni/ /maN+Dal byas la de dbus su/ /spyi yi gdan gyi steng du ni/ /slob dpon tha ma bkru bar bya/ /phyag rgya gcig dang bu mo gcig /de bzhin rnam rgyal bum pa yis/ /bkrus nas mthe bong rdo rje 'dzin//slob dpon gyis ni sbyin par bya/ /de bzhin du ni de rnams la/ /mgrin pa tshangs pa'i skud pa sbyin/ /de nas phu bo nu bo yi/ /ming ni gsal por brjod par bya/ /lo ni bcu gnyis lon pa yi/ /slob dpon dang ni dam tshig 'dzin/ /gser ni zhu ba'i mdog dang ldan//rigs sogs nga rgyal spangs pa dang / /de bzhin bu ni ma btsas pa/ /sgrub pa po yi sems srung byed/ /nor sogs chags pa spangs pa dang / /de bzhin yan lag ma tshang med/ /yon tan de dag sogs ldan pa'i/ /phyag rgya de la sbyin par bya/ /de ltar lus dang ngag dang sems//de bzhin bzhi pa'i ye shes te/ /bum pa dang ni gsang ba dang / /shes rab ye shes bzhi pa ni/ /byin nas slob ma de rnams ni/ /slob dpon gyis ni dag par bya/ /mngon par dbang ni de lta bu/ /thob nas las 'di mi bya ste/ /dge tshul lam ni dge slong dang //yang na slob dpon khyim pa yi/ /ral gri dang ni snag tsha dang / /skye bo kun la bsnyen pa dang / /zhing dang khyim gyi las dang ni/ /tshong la sogs pa mi bya'o/ /gal te de dag la sogs ni/ /byas na chos ni phyin ci log /'gyur te gnang ba 'joms pa'i phyir/ / mnar med par ni 'gro bar 'gyur/ /de bas sngags kyi theg pa las/ /mngon par dbang sogs bde ster yin/ /rnam gnyis dam tshig nyams pa'i phyir/ /dmyal ba la sogs sdug bsngal ster/ /de nas de nyid la gnas nas/ /de dag la sogs srung byed na/ /nges par skye ba 'di nyid du//phyag rgya chen mo 'grub par 'gyur/ /de bas rang gis rang la ni/ /yon tan dang ni skyon shes nas/ /bla med byang chub thob bya'i phyir/ /sngags kyi theg par zhugs par bya/ /dbang la sogs pa thob pa la/ /de tsam gyis ni bya ba kun/ /rdzogs pa min zhing bsod nams tshogs//ye shes tshogs ni bsags par dgos/ /rgyu de bas na rnal 'byor pas/ /mngon par dbang ni thob ma thag /'jig rten bya ba bor nas ni/ /gnyis med ye shes bsgom par bya/ /rtags rnams skyes par ma gyur pas/ /dam tshig rnam pa thams cad du//dug la sogs pa bzhin du ni/ /rnal 'byor bas ni blta bar bya/ /de nas ting 'dzin stobs kyis ni/ /de kun dag par nus gyur na/ /de nas rnal 'byor pa yis ni/ /de kun la ni bsnyen par bya/ /de nas gdug pa'i mi rnams kyi/ /tshig ni sngon du dam tshig rnams/ / rnam par rtog pa bral ba'i phyir/ /dang po de kun bza' bar bya/ /ting 'dzin sngags las ma gtogs par/ /de kun thos pa tsam gyis ni/ /rnam rtog bral bar mi 'gyur te/ /de bas de la bsnyen mi bya/ /gal te don dam de yin na/ /khyi spyang la sogs sems can gyis/ /de rnams rtag tu za byed pa//ci phyir sangs rgyas nyid mi 'thob/ /de bas chos mi 'jug pa'i tshig /mkhas pa rnams kyis gzung mi bya/ /de bzhin rdo rje slob dpon gyis/ /las dang po pa yi slob ma la/ /dug dang me la sogs pa bzhin/ /dam tshig nges pa sbyin mi bya/ /stong pa nyid las ma gtogs par//rtog med nyid du mi 'gyur te/ /de bas sngon du stong pa nyid/ /rnal 'byor bas ni rtag tu bsgom/ /de rnams sna tshogs gzugs mthong nas/ /mchog tu mi 'gyur bde 'grub phyir/ /las kyi phyag rgya lhan cig tu/ ye shes 'grub pa bsgrub par bya/ /phyi nas rnal 'byor pa yis ni//yid du 'ong ba'i spyod pa bya/ /rigs ni sum cu drug po yi/ /dam tshig kun la bsnyen par bya/ /de bzhin sa chu me rlung dang / /nam mkha' ye shes bdag nyid ni/ /ma sogs phyag rgya drug po la/ /rnal 'byor pas ni bsnyen par bya/ /de bzhin du ni dus kun du//tshes brgya dang ni bcu bzhi la/ /ye shes bsgrub par mi nus na/ /tshogs 'khor mchod pa la sogs bya/ /de dag la sogs dgos pa ni/ /slob dpon gyis ni slob ma la/ /bstan nas dkyil 'khor 'khor lo ni/ /gshegs su gsol ba brtsam par bya/ /de la rdo rje slob dpon gyis//slob ma'i yo byad tshogs shes nas/ /thog ma tha ma bar du ni/ /zhi ba'i phyir ni sbyin sreg bya/ /de nas sngon du slob ma yis/ /slob dpon la ni tshogs 'khor lo/ /phul nas dkyil 'khor gshegs gsol ba'i/ /phyir du gsol ba 'debs par bya/ /dpa' bo dpa' mo dbang phyug ma//rigs gsum drug las skyes pa yi/ /de dang lhan cig bud med khyim/ /slob dpon la ni dbul bar bya/ /de yang mtshan mo phyed kyi bar/ /bya ba yin gyi de steng min/ /mi shes bdag nyid byed 'gyur na/ /sdom pa nyams par gyur pa'o/ /tshogs 'khor gshegs su gsol dus ni//slob mas dam bca' 'di ltar bya/ /lus po'i rkang lag btang nas ni/ /phyag 'tshal phyir du mgo bo dbul/ /las kyi dbang po rnams las ni/ /bstod dang bden phyir ngag dbul bya/ /de bzhin rdzas dang 'khor las ni/ /dus kun du ni drug cha dbul/ /de ltar dam bca' byas nas su//rdo rje spun sogs yon dbul bya/ /de nas tho rangs dus su ni/ /dge 'dun la ni ston mo bya/ /de bzhin lo ni bcu lon pa'i/ /byis pa pho mo tshim par bya/ /de nas rdo rje slob dpon gyis/ /lha dang lha mo'i tshogs kun ni/ /snying ga la sogs 'khor lo drug /dbugs 'jug sgo yis gshegs su gsol/ /de nas dkyil 'khor rdul tshon gyi/ /phyogs bzhi nas ni bsdu bar bya/ /shel la sogs pa'i bum pa'i nang / /byas nas glang chen la sogs la/ /bkal nas rgya mtshor 'gro ba yi/ /chu bo la ni dor bar bya/ /de nas bum pa de nyid ni//chu de nyid las dgang bar bya/ /ba lci dang ni chu de yis/ /dkyil 'khor de ni byug par bya/ /de steng maN+Dal zlum por ni/ /byas nas de yi steng du ni/ /byis pa pho mo bcu po ni/ /mngar ba'i rdzas kyis tshim par bya/ /de nas yon dang gos rnams ni/ /byin nas de rnams gshegs su gsol/ / de ltar bcom ldan dus 'khor lo'i/ /dkyil 'khor lha la gang zhig gis/ /mngon par dbang ni thob 'gyur ba'i/ /de ni mu stegs dkyil 'khor gzhan/ /dbang ni thob par gyur pa'o/ /rgyud rnams kun gyi ston pa dang / /sngags rnams kun la gnang ster ba/ /dngos grub kun gyis sgrub pa po//lha dang mi yi mchod gnas so/ /ji ltar bcom ldan dus 'khor lo/ /dang po'i sangs rgyas ji bzhin du/ /dbang thob slob ma rnams kyis ni/ /slob dpon de bzhin blta bar bya/ /zhes bya ba'o/ /rgyud kyi rgyal po dpal dus kyi 'khor lo las mngon par dbang bskur ba'i le'u las 'grel bshad pad+ma can zhes bya ba las mngon par dbang bskur ba'i mdor bsdus pa'i bshad pa'o// //de ltar brjod pa'i rim pas gang gis 'jig rten dang 'jig rten las 'das pa'i dbang thob pa des sgrub pa las ma gtogs pa/ bsgrub bya'i rang bzhin la phyag rgya chen po'i dngos grub thob par mi 'gyur te/de bas na sgrub pa dgos zhes bya ba ni/ /byang chub sems dpa' phyag na rdo rjes thugs la dgongs nas bsgrub pa'i le'u bstan pa'i phyir/ bcom ldan 'das la gsol ba btab pa'o/ /thob ces bya ba la sogs pa'i rkang pa gsum gyis sdud pa pos zhu ba'i don bstan to//de gsan nas zhes bya ba la sogs pa le'u ma rdzogs kyi bar du 'chad par 'gyur ba'i rim pas 'khor dang bcas pa'i bcom ldan 'das dus kyi 'khor lo'i bsgrub pa ni bcom ldan 'das kyis bstan to/ /de nas bsgrub bya'i rang bzhin du gyur pa'i bcom ldan 'das dus kyi 'khor lo'i sku'i mtshan nyid ji lta bu yin zhe na/byang chub sems dpa' 'jig rten mgon pos bstod pa'i sgo nas bstan par mdzad de/ bcom ldan sku ni bsod nams ye shes kyis sprul rtag par gdul dka'i sems can la/ /gzugs ni 'jigs byed 'jigs su rung ba dregs pa dang bral skye bo mkhas pas mthong //skad ni sems can bsam pa'i dbang gis thos pa mchog tu gyur pa yi/ /thams cad sgra yis dam pa'i lam ni ston mdzad gang zhig de la 'dud/ /ces bya ba ni/ de lta bu gang yin pa de la bdag gis phyag 'tshal te/tshig las 'das par gyur pa zhes bya ba'i don to/ /rgyu gang gi phyir zhe na/ rtag pa dang mi rtag pa'i dngos po gcig dang bral ba'i phyir ro/ /de nyid bstan par mdzad de/ bsod nams ye shes kyis sprul zhes bya ba ni/ sems can la phan 'dogs pa'i rang bzhin du gyur pa'i bsod nams kyi tshogs dang gnyis su med pa'i ye shes kyi tshogs las 'khrungs pa'i sku gang yin pa de rang gi sems ma dag pa'i dbang gis shin tu gdul dka' ba'i sems can rnams kyi dur khrod du bzhugs pa dang /zhabs mang ba dang phyag mang bas mtshon cha sna tshogs 'dzin pa dang /thod pa'i phreng ba la sogs pa'i rgyan gyis brgyan pa dang / 'byung po la sogs pas bskor bar gyur pa dang / shin tu 'jigs pa'i bdag nyid du mthong ngo / /de nyid skal ba dang ldan pa'i sems can rnams kyi dregs pa dang bral ba zhes bya ba ni/ lhan cig skyes pa'i sku la sogs pa'i sku bzhi'i rang bzhin du gyur pa dang zhi ba'i bdag nyid du mthong ngo //dper na shin tu dang ba'i chu ni nya kun gyis gnas su mthong ba dang / /mi rnams kyis chu'i ngo bor mthong ba dang / yi dags rnams kyis rnag la sogs pa'i rang bzhin du mthong ba/ ji lta ba de bzhin du sems can phal pa rnams kyis nges pa'i ngo bos zhal la sogs pa dang ldan pa'i bcom ldan 'das kyi sku mthong ba'o//don dam pa'i rigs pas dpyad na/ bcom ldan 'das kyi sku la zhal la sogs pa med de/ rgyu gang gi phyir zhe na/ sems can rnams kyi bsam pa'i dbang gis tha dad par 'gyur ba'i phyir ro//de bzhin du/ kun nas phyag dang zhabs su ldan/ /kun nas spyan dang dbu dang zhal/ /'jig rten kun nas thos pa can/ /thams cad khyab nas bzhugs pa'o/ /zhes bya ba ni/ rgyu de dang de las gsungs pa'o/ /rgyu de'i phyir stong pa nyid dang snying rje dbyer med pa'i rang bzhin dang /dngos po kun gyi rang bzhin mkhyen pa yin gyi/ nyi tshe ba dang bem po'i rang bzhin ni ma yin no/ /de bzhin du de'i gsung ji lta bu yin zhe na/ gsung ni sems can mos pa'i dbang gis thos pa mchog tu gyur pa'o zhes bya ba ni/ /'dir thog ma med pa'i 'khor ba nas 'khor nas sems can gyi bsam pa ni byed pa po dang bdag gir 'dzin pa la sogs pa'i grangs med pa'o//bcom ldan 'das kyis kyang de dang mthun par gang zag khur rdza khur ba bzhin du yod de gang rtag pa yang mi smra mi rtag pa yang mi smra zhes bya ba gsungs so/ / des kyang bla na med pa'i byang chub kyi mtshan nyid shes par byed pas na thos pa mchog tu gyur pa zhes bya'o/ /de rgyu gang gi phyir zhe na/ rmi lam gyi gnas skabs su dngos po gang mthong ba de rnams yod pa yang ma yin med pa yang ma yin pa ji lta ba de bzhin du bla na med pa'i byang chub kyi mtshan nyid shes par bya'o//gzhan yang gsung de ji lta bu yin zhe na/ thams cad skad kyis zhes bya ba la/ sems can thams cad kyi rang rang gi skad kyis bstan par mdzad ces bya ba'o/ /ci bstan zhe na/ dam pa'i lam zhes bya ba la/ dus thams cad du 'gyur ba med pa'i ngo bos gnas pa dang /khyad par du gyur pas na dam pa yin la/ 'dod pa'i dngos por phyin par byed pas na lam ste/ stong pa nyid dang snying rje dbyer med pa'i dngos po ni dam pa'i lam zhes bya'o/ /dus kun du de nyid bla na med pa'i byang chub thob pa'i phyir yang dag par bstan par mdzad kyi gzhan ni ma yin no/ / mtshan nyid de lta bu dang ldan pa gang yin pa de la 'dud ces bya ba'o/ /sku bzhi las ma gtogs par yang dag par rdzogs pa'i sangs rgyas gang yang med de/ de bas na sku bzhi'i mtshan nyid ji lta bu yin zhe na/ rnam pa kun gyi mchog ldan pa'i/ sprul pa'i sku yi mtshan nyid de/ zhes bya ba la/ rnam pa kun zhes bya ba ni/ mgo bo la sogs pa'i yan lag rnams te/ 'jig rten pa'i rang bzhin las 'das pa dang / sgrib pa med pa'i rang bzhin du gyur pas na mchog yin la/ yang na rnam pa kun mchog ces bya ba ni skyes bu chen po'i mtshan sum cu rtsa gnyis la sogs pa ste/ de rnams gang la yod pa de rnam pa kun gyi mchog dang ldan pa'o//de gang yin zhe na/ sprul pa'i sku'i mtshan nyid de zhes bya ba ni sems can gyi bsam pa'i dbang gis rmi lam bzhin du dngos po sna tshogs pa spro bar mdzad pas na/ sprul pa'i sku yin la de'i ngo bo de lta bu yin zhes bya ba'i don to/ /de yang nyi tsheb dang dngos po thams cad kyi rang bzhin can ma yin nam zhe na/sems can mos pa sna tshogs pas zhes bya ba ni/ sems can gyi mos pa ni chags pa dang chags pa dang bral ba la sogs pa ste/ bag chags de dang ldan pa'i sems kyis de bzhin du mthong ste/ chags pa dang ldan pa'i sems can rnams kyis sna tshogs yum la sogs pa'i sku la 'khyud pa mdzad pa dang /dus thams cad du 'dod chags dang ldan pa dang / 'dod pa'i yon tan lnga la spyod par mdzad pa mthong ngo / /'dod chags dang bral ba rnams kyis 'dod pa'i yon tan lnga las ldog par gyur pa dang / shin tu dka' thub mdzad par mthong ste/de bas na 'dus ma byas pa'i rang bzhin du gyur pa'i sprul pa'i sku ni mig gi spyod yul du gyur pa ste/ sku rdo rje zhes bya ba'i don to/ /'o na gsung rdo rje'i bdag nyid du gyur pa gang yin zhe na/ longs spyod rdzogs pa'i sku'i mtshan nyid bshad par mdzad de/ sems can thams cad sgra yis ni//sems can bsam pa'i dbang gis su/ /gang zhig rdzu 'phrul bdag nyid ston/ /longs spyod rdzogs sku'i mtshan nyid do/ /zhes bya ba ni/ 'gro ba drug la gnas par gyur pa'i sems can thams cad la rang rang gi skad kyis bsam pa dang mthun par chos kyi phung po brgyad khri bzhi stong ni/gsung gi phun sum tshogs pa gang gis bstan par mdzad pa de longs spyod rdzogs pa'i sku'i mtshan nyid ces bya'o/ /sgrib pa med pa'i sems kyi rang bzhin du gyur pa chos kyi sku'i mtshan nyid ji lta bu yin zhe na/ mi rtag ma yin rtag pa'ang min//zhes bya ba ni/ /bcos pa'i rang bzhin du gyur pa'i bum pa dang ka ba la sogs pa mi rtag pa'i bdag nyid ji lta ba de bzhin du gyur pas na/ mi rtag pa ma yin no/ /'o na gal te mi rtag pa med pa ma yin pa de lta na ni/ rtag par mi 'gyur ram zhe na/ rtag pa'ang min zhes bya ba ni/ dus kun du nam mkha' bzhin du rtag pa'ang ma yin te/gal te dus thams cad du rtag pa'i rang bzhin yin pa de lta na ni/ gzhan gyi don phun sum tshogs par mi 'gyur te/ chos kyi phung po brgyad khri bzhi stong dang nam mkhar byon pa la sogs pa'i rdzu 'phrul ma bstan pa'i phyir ro/ /gzhan yang / gcig min du ma'i mtshan nyid min/ /zhes bya ba ni/ gcig ma yin te/ rten tha dad par gyur pa'i dbang gis de yang tha dad par gyur pa'i phyir ro/ /de yang gang yin zhe na/ gzhan ni ngo bo sangs rgyas gcig gis chos kyi sku thob par gyur na/ phyi nas sangs rgyas gzhan gyis thob par mi 'gyur te/ de las ma gtogs pa dngos po gzhan med pa'i phyir ro//'o na du ma yin nam zhe na/ du ma'i mtshan nyid ma yin zhes bya ba ni thung ngu dang ring po dang bde ba dang sdug bsngal la sogs pa'i mtshan nyid mang ba dang ldan pa ni ma yin no/ /dus thams cad du chos nyid 'ba' zhig pa'i bdag nyid du gyur pa'i phyir ro/ /gal te mtshan nyid mang ba dang ldan par 'gyur ba de lta na ni/mi rtag par 'gyur te bde ba dang sdug bsngal gnyis gcig tu mi 'gyur ba'i phyir ro/ /yang na chos kyi sku nyid ma yin pa de lta na ni/ sangs rgyas thams cad kyi bsdus pa dang sdom pa gcig tu mi 'gyur te/ dngos po so sor gyur pa'i phyir ro/ /gzhan yang / 'di ni dngos min dngos po min/ zhes bya ba sa chu me rlung gi bdag nyid du gyur pa dngos po ma yin te/ ma bcos pa'i phyir nam mkha' las rang byung ba'i phyir ro/ /'o na med pa'i dngos po min nam zhe na/ dngos med min zhes bya ba ni/ rnam pa thams cad du nam mkha'i me tog la sogs pa bzhin du dngos po med pa ma yin te/nyams su myong ba bdag nyid du gyur pa dang / rnam pa thams cad dang ldan par gyur pa'i sangs rgyas kyi yon tan kun skyed par byed pa'i phyir ro/ /gzhan yang rten dang bral ba zhes bya ba ni/ rten dang brten pa'i 'brel pa dang bral ba dang / bskyed bya skyed byed kyi tshul las 'das par gyur pas te/dngos po thams cad las 'das par gyur pa dang / rnam par mi rtog pa las skyes par gyur pa'i phyir ro/ /de gang yin zhe na/ chos kyi sku zhes bya ba ni chos nyid kyi bdag nyid du gyur pa'i dngos po ste/ 'khor ba'i bag chags dang bral bas na sems zhes bya ba'o/ /'o na sku gsum po bskyed pa po lhan cig skyes pa'i sku yin la/de bas na de yang ji lta bu yin zhe na/ stong nyid snying rje dbyer med pa/ /zhes bya ba la/ du ba la sogs pa'i mtshan ma'i bdag nyid du gyur pa'i stong pa nyid dang / rang rig pa'i ye shes kyi rang bzhin du gyur pa'i snying rje ni/ dbyer med pa'i ngo bos gang la yod pa de stong pa nyid dang snying rje dbyer med pa'o//gzhan yang / chags dang chags bral rnam spangs nyid/ ces bya ba la/ chags pa zhes bya ba ni lus kyi dga' ba la sogs pa bco lnga yin la/ chags bral zhes bya ba ni/ lus kyi thig le la sogs pa nyams pa'i dus yin la/ gnyis pa de dus gcig tu gang gis dor ba de chags pa dang chags bral rnam spangs nyid de/ mchog tu mi 'gyur ba'i rang bzhin du gyur pa lhan cig skyes pa'i dga' ba zhes bya ba'i don to/ /thabs dang shes rab las ma gtogs par don dam par dngos po gzhan med de/ de bas na mchog tu mi 'gyur ba'i bde ba gang yin pa de thabs kyi rang bzhin yin nam/yang na shes rab 'ba' zhig pa'i rang bzhin yin zhe na/ gang zhig thabs min shes rab min/ /zhes bya ba ni/ rang rig pa'i ye shes kyi rang bzhin du gyur pa'i thabs 'ba' zhig la yang yin te/ stong pa nyid kyi bdag nyid du gyur pa'i shes rab las skyes pa'i phyir ro//'o na shes rab las skyes pa'i phyir shes rab yin nam zhe na/ shes rab min zhes bya ba ni/ stong pa nyid 'ba' zhig pa ma yin te/ stong pa nyid kyi gzugs ni mchog tu mi 'gyur ba'i rang bzhin du gyur pa'i phyir ro/ /de yang gang yin zhe na/ gzhan ni ngo bo nyid kyi sku//zhes bya ba la ngo bo nyid ces bya ba ni rang gi sems kyi rang bzhin yin la/ de nam gyi dus su 'khor ba'i bag chags dang bral bar gyur na/ de'i dus su lhan cig skyes pa'i sku zhes bya'o/ /de bas na gzhan yin la snga ma bzhin ni ma yin te/ 'khor ba'i sdug bsngal dang bral ba'i phyir ro//de las ma gtogs par gzhan ma ni ma yin te/ sems la rang bzhin nyid kyis gnas par gyur pa'i phyir ro/ /de bas na gzhan zhes bya ba ni gnyi ga'i bdag nyid yin gyi/ gnyi ga dang bral ba ni ma yin no/ /de ltar brjod pa'i rim pas sku bzhi'i mtshan nyid so sor brjod par mdzad nas/sku bzhi po de rnams dang ldan par gyur pa gang yin pa de bstan par mdzad de/ zhi ba sku bzhi'i bdag nyid ni/ /dus kyi 'khor lo zhes su brjod/ /ces bya ba ni/ 'khor ba'i rgya mtsho'i rlabs kyis 'khrugs par mi nus pas na zhi ba zhes bya ste/ yang rnam par rtog pa thams cad nyams par gyur pas na zhi ba'o//sngon du brjod pa'i rim pas sku bzhi'i bdag nyid du gyur pa'i dngos po ni/ bcom ldan 'das dus kyi 'khor lo'i rgyud kyi rgyal po 'di la brjod do/ /bcom ldan 'das dus kyi 'khor lo'i yi ge bzhi pos kyang sngon du ji snyed brjod de/kA yig gis ni rgyu zhi zhing / /zhes bya ba la sogs pas so/ /de ltar bsgrub bya'i rang bzhin du gyur pa'i bcom ldan 'das dus kyi 'khor lo la phyag 'tshal ba mdzad nas/ sgrub pa po'i rang bzhin du gyur pa dgos pa bstan par mdzad de/ sgrub thabs le'u TI ka ni zhes bya ba la sogs pa'o//de la re zhig bcom ldan 'das shAkya thub pas zla ba'i sku zhes bya ba la sogs pa'i tshigs su bcad pas bcom ldan 'das dus kyi 'khor lo'i rnam par dag pa bstan par mdzad nas/ de nyid bsgrub pa'i phyir gnas pa la sogs pa'i nges pa gang bstan par mdzad pa de mdor bsdus par rim pa ji lta ba de bzhin du bsdu bar bya'o//de bzhin du rnal 'byor pas/ las dang mthun pa'i gnas bzung ba/ /de nas sems kyi bsam pa ni/ /rim pa ji bzhin bsgrub par bya/ /zhi ba dang ni rgyas pa'i gnas/ /gnas bzang chu bo'i 'gram yin no/ /dbang dang dgug pa dag la ni//de bzhin du ni nags tshal brjod/ /rengs pa dang ni rmugs pa dang / /phur bus gdab par rir bsgrub bya/ /'jig rten dngos grub brgyad po ni/ /byin gyis brlabs pa'i sku gdung sar/ /bskrad pa dang ni sdang ba ni/ /lhas stong gnas su bsgrub par bya/ /las kyi phyag rgya'i dngos grub ni//bsgrub pa'i gnas su brtsam par bya/ /phyag rgya chen po'i dngos grub ni/ /phug gam sa yi khyim du'o/ /lo gcig lo gnyis bar du ni/ /gnas de nyid du gnas par bya/ /ji srid rang gi 'dod pa yi/ /dgos pa ma lus bsgrub 'gyur ro/ /de la mngon du bsrung ba gsum//rnal 'byor pas ni brtsam par bya/ /gnas dang de bzhin bdag nyid dang / /rnal 'byor bsrung ba gsum pa'o/ /de nas bsnyen pa la sogs pa'i/ /yan lag bzhi yi bcom ldan 'das/ /'khor dang bcas pa dus 'khor lo/ /rnal 'byor pas ni bsgrub par bya//de la dang po re zhig ni/ /nyal nas langs pa'i dus su ste/ /nam mkhar dpa' bo rnal 'byor mas/ /gang ba'i bdag nyid bsam par bya/ /de rnams kyis ni cang te'u'i sgras/ /gnyid sad pa ni shes par bya/ /de nas nam mkhar bltas nas su/ /thal mo sbyar nas sngags 'di brjod//oM sarba bIr yo gi nI nAM kA ya wA ka tsit+ta pra Na mi pan+tha naM ka ro mi zhes bya ba'o/ /sngags 'di brjod nas nyal sa ni/ /dor nas phyi rol khrus sogs bya/ /de nas bsgom pa'i gnas su ni/ /gdan steng rdo rje skyil krung bcing / /de nas lag pa g.yon pa yi/ mdzub mo snying gar bzhag nas su/ /lag pa g.yas pa'i se gol gyis/ /phyogs bzhir sngags 'di dgod par bya/ /oM sum b+ha ni sum b+ha huM hUM phaT/ oM gr-i s+N-iprad+Na huM hUM phaT/ oM gr-ih+r+NA pa ya gr-i h+Na pa ya huM hUM phaT/ oM A na ya hoHb+ha ga bA na badzra hUM phaT/ ces bya ba ste/ shar phyogs nas brtsams nas byang phyogs kyi bar du brjod par bya'o//sngags kyi yi ge de rnams ni/ /'bar ba'i rang bzhin bsam par bya/ /phyogs bcur gnas pa'i bgegs sogs ni/ /de rnams kyis ni sreg par bsam/ /de nas sna chogs rdo rje yis/ /bdag nyid sa dang rtsig pa'i gzhi/ /steng du mda' yi dra ba ni//tho rangs grib ma'i bar du bsgom/ /yang na sa dang nam mkha' ni/ /sbyar bar gyur pa'i bar du'o/ /de nas rgyas par bsgom nus na/ /dbang gi cho ga las shes bya/ /de ltar gnas bsrung byas nas su/ /de nas bdag nyid bsrung bar bya/ /bdud rtsi lnga dang stobs lnga yi//sran chung tshad tsam ri lu rnams/ /sbyang ba la sogs byas nas ni/ /dag pa'i phyi ru khar blugs bya/ /de la sngon du yaM las byung / /rang gi mdun du khru phyed tsam/ /rlung gi dkyil 'khor nag po ni/ /rnal 'byor pas ni bsgom par bya/ /de ltar yi ge raM las byung / /me yi dkyil 'khor gru gsum gyi//dmar po 'bar ba rnams dang ldan/ /'og tu rlung gi 'bar bar bsam/ /de steng yi ge a las byung / /yang na ming yig dang po las/ /b+han+d+ha dum bu gcig pa ni/ /'bar ba'i steng du gnas par bsam/ /de nas ri lu de rnams ni/ /bsams nas sbyang ba la sogs bya//yang na mngon su mthong pa'i nang / /ri lu de rnams gzhag par bya/ /lag pa g.yon pa a las byung / /zla ba'i dkyil 'khor bsam par bya/ /zla ba'i 'od dang sngags 'di yis/ /ri lu de rnams sbyang bar bya/ /de las sbyang ba'i sngags ni/ /oM oM badzra tsan+d+ra sarba d+harmA su bi shud+d+ha swa b+hA was sar+b+ba d+harmAn bi sho d+ha ya swA hA/zhes bya'o/ /lag pa g.yas par ra las byung / /de bzhin nyi ma'i dkyil 'khor bsam/ /de yi 'od dang sngags 'di yis/ /spel ba'i rang bzhin bsam par bya/ /oM AHbadzra suR+YA sarba d+harma pra bo d+ha ka sarba d+ha rmAn pra bo d+ha ya swA hA/ zhes bya ba'o/ /de nas lag pa gnyis kyi bar//hUM byung sgra gcan dkyil 'khor te/ /snyim pas thod pa bkab nas su/ /sngags 'di brjod nas 'bar bar bya/ /oM hUM badzra a na la sarba d+ha rmAn pra d+hI pa ka sarba d+harmAn pra d+hI pa ya swA hA/ zhes bya ba'o/ /de nas mkha' lding phyag rgya la/ /yi ge hoHlas byung ba yis/ /dus kyi me yi dkyil 'khor bsam//de dang sngags tshig 'di rnams kyis/ /rdzas de bdud rtsir gyur par bsam/ /oM hoHsarba d+harmA badzra a mr-i ta ka ra sarba d+harmAn badzra a mr-i taM ku ru ku ru swA hA/ /de ltar sgrub pa byas nas ni/ /de nas kha la blugs par bya/ /de'i sngags ni/ oM sarba bI ra yo gi ni pra Na mA mi swA hA/zhes bya ba'o/ /de nas ri lu med gyur na/ /bi mu la sogs sa bon las/ /bdud rtsi lnga sogs bsam par bya/ /de nas sngon bzhin sbyang sogs ni/ /byas nas za bar bsam par bya/ /de la lce yi rtse mo la/ /hUM yig nas kyi tshad tsam mo/ /de las skyes pa'i rdo rje ni/ /rtse lnga pa ru bsam par bya'o//de las 'od zer rnams kyis ni/ /bdud rtsi de ni bkug par bsam/ /de nas spyi bo'i steng du ni/ /khaM gi yi ge bsam par bya/ /de las skyes par gyur pa yi/ /rdzogs pa zla ba'i dkyil 'khor ro/ /de yi rkang pa'i sen mo'i bar/ /rang gi lus po khyab par bsam/ / de nas lus po'i pags pa ni/ /dor nas de nyid zla bzhin blta/ /de ltar lan gsum byas nas su/ /sngon du sngags 'di brjod par bya/ /de nas mdzes pa'i phyag rgya yis/ /lus po rengs pa reg par bya/ /oM AHhUM hoHhaMHk+ShaHpradz+nyA u pA ya At+ma ka kA ya wA ka tsit+ta dz+nyA na a d+hi pa te mA ma kA ya wAka tsit+ta dz+nyA na badzra badzra a mr-i taswa b+hA baM ku ru ku ru skan+d+ha d+hA tu A ya ta naM ni swa b+hA baM swA hA/zhes bya ba'o/ /de ltar bdag bsrung byas nas su/ /rnal 'byor bsrung ba brtsam par bya/ /nyes pa ma lus bral ba yi/ /yid du 'ong ba phan thogs 'gyur/ /bu gcig bzhin du 'gro ba la//rgyun mi 'chad par byams pa bsam/ /rjes su mthun dang sdug bsngal can/ /lus las skyes pa'i byis pa la/ /ma yis snying rje byed pa bzhin/ /sems can re re'i snying rje bsam/ /gzhan gyi bde ba phun sum tshogs/ /mthong nas rang la dga' bar bya/ /dper na rang bu bde ba bzhin//bde ba mthong nas dga' bar bsam/ /dgra dang grogs po gnyis ka la/ /zhe sdang chags pa dor nas su/ /mnyam par gzhag pa'i lta ba yis/ /mthong nas 'gro ba btang snyoms bsgom/ /de nas skad cig gcig gis ni/ /bdag nyid dus kyi 'khor lor bsam//rang snying paM las byung ba yi/ /dmar po pad+ma 'dab brgyad pa/ /de yi lte bar oM las byung / /zla ba'i dkyil 'khor bsgoms nas su/ /de dbus hUM yig nag po yis/ /de las skyes pa'i rdo rje ni/ /rtse lnga pa ru bsam par bya/ /de la kha dog lnga dang ldan/ /'od zer rnams ni spro bar bya//phyogs bcur gnas pa'i de bzhin gshegs/ /byang chub la sogs thams cad ni/ /de rnams kyis ni bkug nas su/ /bdag nyid mdun du bzhag par bsam/ /'od zer de rnams mchod pa'i phyir/ /rdo rje la ni thim par bsam/ / phyi nas rdo rje de nyid ni/ /zla ba'i steng du thim par bya/ /de nas zla ba'i dkyil 'khor la/ /ka sogs sde tshan drug po la/ /thung dang ring po'i dbye ba yis/ /bcu gnyis brtsegs pa'i bdag nyid bsam/ /yi ge de rnams gyur pa las/ /glu mkhan rol mo dri ma dang / /phreng ba spos dang mar me dang //lha bshos ma dang mi zad ma/ / lA s+ye bzhad pa gar mkhan ma/ /de bzhin lha mo 'dod ma ni/ /rim pa ji bzhin spro bar bya/ /mchod pa'i lha mo re re yis/ /'dod pa'i lha sogs mchod par bya/ /de nas sngags 'di brjod nas su/ /sangs rgyas la sogs mchod par bsam//de la mchod pa'i sngags kyi rkang pa rnams ni/ /oM badzra gan+d+he gan+d+ha ar+ts+tsa naM ku ru ku ru swA hA/ oM badzra mA le mA la ar+ts+tsa naM ku ru ku ru swA hA/ oM badzra d+hUpe d+hU pa a r+ts+tsa naM ku ru ku ru swA hA/ oM badzra pra dI pe pra d+hI pa a rtsa naM ku ru ku ru swA hA/ oM badzra a mr-i te nai bai T+ye a rtsa naM ku ru ku ru swA hA/oM badzra ak+Sha te ak+Sha ta pha la ar+ts+tsa naM ku ru ku ru swA hA/ oM badzra lA s+ye bas+t+ra a b+ha ra Na pU dzA ku ru ku ru swA hA/ oM badzra hA s+ye gaN+Te g+haN+Ta A daR+sha pU dzAM ku ru ku ru swA hA/ oM badzra wa' d+ye wA d+ya pU dzAM ku ru ku ru swA hA/ oM badzraM nr-i t+ye n+d-i t+ya pU dzAM ku ru ku ru swA hA/ oM badzra gI ti gI ta pU dzAM ku ru ku ru swA hA/oM badzra kA me sarba su d+d+ha bo d+he satwA nAM kro d+ha A di bAM badzra su ra ta pU dzAM ku ru ku ru swA hA/ de ltar mchod pa byas nas su/ /de nas sdig pa bshags par bya/ /thog ma med pa'i 'khor ba nas/ /bdag gis sdig pa gang byas pa/ /sangs rgyas kun gyi mdun du ni/ /da ni de ltar bshags par bya//sangs rgyas dang ni byang chub sems/ /de bzhin 'phags pa'i dge 'dun dang / /skyes bu phal ba rnams kyis ni/ /dge ba byas la yi rang ngo / /nyid don mdzad pa'i sangs rgyas rnams/ /gang zhig byang chub shing drung rtsar/ /bzhugs pa chos 'khor bskor ba'i phyir//de la gsol ba gdab par bya/ /mya ngan 'das byed sangs rgyas rnams/ /thal mo sbyar nas zhu bar bya/ /'gro ba long ba mang 'gyur phyir/ /bskal pa'i bar du bzhugs su gsol/ /sangs rgyas chos dang dge 'dun te/ /srid pa'i 'jigs pa 'joms dag la/ /byang chub bar du skyabs su mchi//de ltar mchod pa la sogs kyis/ /bdag gis bsod nams gang bsags pa/ /sems can kun gyi don byed cing / /yang dag sangs rgyas des thob shog /de ltar rnam bdun mchod pa ni/ /byas nas rtsa ba gsum sogs dran/ /phyi nas rnam par thar pa bzhi//rnal 'byor bas ni bsgom par bya/ /'gro ba thams cad ma lus pa/ /gcig dang du mas rnam dpyad na/ /dngos po rnam par dman pa ste/ /rmi lam bzhin du snang ba'o/ /de yang yod dang med pa'i phyir/ /dngos po gang zhig 'dzin mi 'gyur/ /rang bzhin med pa'i bdag nyid phyir//dngos po kun ni stong pa yin/ /rgyu las 'das par gyur pa'i phyir/ /de bzhin mtshan ma med pa yin/ /glo bur du ni 'byung ba'i phyir/ /smon pa med par shes par bya/ /byed pa po las ma gtogs par/ /snang 'gyur de bas 'dus ma byas/ /bdag kyang de lta bu yin par//rnal 'byor pas ni shes par bya/ /de ltar steng 'og lus po ni/ /snying ga'i pad+mar thim par bsam/ /pad+ma zla ba'i dkyil 'khor la/ /zla pa hUM la thim par bsgom/ /u ni ha yi rang bzhin gyur/ /ha ni zla ba phyed bzhin la/ /zla phyed thig le'i dbus su thim/ /thig le 'ba' zhig skar ma bzhin//bdag nyid bar ma do ru bsgom/ /gzung 'dzin la sogs rtog pa ni/ /dor nas bdag nyid gcig yin bsam/ /yang na gsher ba'i khams rnams kyis/ /drod kyi khams rnams bsil bar bsam/ /me med pas ni sra ba'i khams//zhu ba'i bdag nyid bsgom par bya/ /zhu ba dang ni chu yi khams/ /dngos po gcig tu gyur par bsam/ /chu de ma lus rlung gis ni/ /skams par byas nas nam mkha' la/ /so sor gyur nas yul dang bral/ /kun gzhi rnam shes gcig pu ste/ /bsgoms nas rnal 'byor pa yis ni//sngags tshig 'di rnams brjod par bya/ /oM shU n+ya tA dz+nyA na badzra swa b+hA wa At+makou0f85haM/ zhes bya ba ni/ stong pa nyid rnam par thar pa'i sngags so/ /oM a ni mit+ta dz+nyA na badzra swa b+hA ba At+makou0f85haM/ zhes bya ba ni/ mtshan ma med pa'i nga rgyal 'dzin pa'i sngags so/ /oM a pra Ni hi ta dz+nyA na badzra srab+hA pa At+makou0f85haM/zhes bya ba ni/ smon pa med pa'i sngags so/ /oM a na b+hi saM skA ra dz+nyA na badzra swa b+hA wa at+makou0f85haM/ zhes bya ba ni/ 'dus ma byas pa'i sngags 'du brjod par bya zhes bya ba'o/ /de ltar bdag dang khams gsum ni/ /pra rab rdul las 'das gyur p a'i//stong pa'i bdag nyid bsgoms nas su/ /'jig rten 'das pa'i bdag nyid bsam/ /phal pa'i phung po rnams dor dang / /'jig rten las 'das 'dzin pa'i phyir/ /rnal 'byor pas ni sngon du ni/ /stong pa nyid ni bsgom par bya/ /de las smon lam rdzogs pa dang / /chos kyi 'khor lo bskor ba'i phyir//mngal nas skyes pa'i rim pa bzhin/ /bdag nyid dus kyi 'khor lor bsgom/ /de nas nam mkha'i khams la ni/ /chos kyi 'byung gnas gru gsum pa/ /ma yi lus po dag pa'i phyir/ /rnal 'byor pas ni bsgom par bya/ /de yi phyi rol yaM las byung / / gzhu bzhin rlung gi dkyil 'khor te/ /dpag tshad 'bum phrag bzhi tsam du/ /kha dog nag po bsam par bya/ /steng 'og hUM las sna tshogs rdor/ /rgyal mtshan gnyis kyis brgyan pa'o/ /nang du ma yi lus po yi/ /dpral bar rlung gi dkyil 'khor ro/ /de steng re pha las byung ba'i/ / me yi dkyil 'khor gru gsum pa/ /kha dog dmar po steng 'og tu/ /yi ge hUM las byung ba yi/ /sna tshogs rdo rje gnyis dang bcas/ /g.yung drung gnyis kyis mtshan pa'o/ /de nyid ma yi lus po la/ /mgrin pa'i 'khor lor brjod pa'o/ /de steng chu yi dkyil 'khor ni/ /dpag tshad 'bum phrag gnyis kyi bdag /yi ge baM las byung ba yi/ /kha dog dkar po zlum po ni/ /hUM byung sna tshogs rdo rje yi/ /pad+ma steng 'og mtshon pa'o/ /de nyid ma yi lus po la/ /snying ga'i 'khor lor shes par bya/ /dpag tshad 'bum gcig bdag nyid ni/ /sa yi dkyil 'khor las byung ba'i//kha dog ser po grub bzhi pa/ /rnal 'byor bas ni bsgom par bya/ /hUM byung sna tshogs rdo rje nyid/ /steng 'og 'khor lo brgyad pa'o/ /nang du ma yi lus po las/ /de nyid lte ba'i 'khor lo la'o/ /yon tan gnyis dang gsum dang bzhi/ /de bzhin lnga po dag pa'i phyir//rlung me sa chu'i dkyil 'khor gyi/ /dbyibs ni rim bzhin shes par bya/ /sa yi dkyil 'khor steng du ni/ /rdo rje'i bdag nyid ma las byung / /ri rab steng 'og dpag tshad ni/ /stong phrag lnga bcu rtsa drug pa'o/ /lte ba nas ni gsang ba'i bar/ /ma yi lus la de nyid yin//de steng k+ShaHlas byung ba yi/ /sna tshogs pad+ma 'dab brgyad pa/ /ri rab phyed kyi tshad yin pa/ /de yi sum cha lte ba'o/ /de nyid ma yi lus po la/ /gsang ba'i pad+ma lte bcas pa'o/ /de yi steng du yi ge k+ShaM/ /yang na ha yig las byung ba'i/ /zla ba'i dkyil 'khor lte ba bzhin//rnal 'byor pas ni bsgom par bya/ /de steng tsheg drag las byung ba/ /nyi ma'i dkyil 'khor bsam par bya/ /de bzhin thig ler gyur pa la/ /sgra gcan dkyil 'khor sngon po'o/ /de nyid ma yi lus po la/ /dri chen dang ni dri chu dang / /sa bon 'bab pa'i rtsa gsum ni//gsang ba'i lte bar 'dus gyur pa'o/ /de steng hUM yig las byung ba'i/ /rdo rje'i gur ni bsgom par bya/ /yang ni b+h+rUM mam oM las byung / /brtsegs pa'i gzhal yas khang yin no/ /nang du ma yi skye gnas ni/ /pad+ma rdo rje bcas phyir ro/ /nor bu'i bdag nyid gru bzhi pa//rin chen snam bu tshogs dang ldan/ /dra ba dra phyed me long dang / /dril bu dang ni rnga yab dang / /rgyal mtshan rnams kyis brgyan pa'o/ /de bzhin sgo dang rta babs ni/ /dkyil 'khor gsum la bcu gnyis pa'o/ /phyi rol dur khrod brgyad kyis ni/ /kun nas yongs su bskor ba'o//mig dang rna ba sna bug dang / /de bzhin kha dang nu ma gnyis/ /dri chen dri chu sa bon gyis/ /bug pa lus la bcu gnyis te/ /de rnams rnam par dag pa'i phyir/ /sgo bcu gnyis kyi bdag nyid pa'o/ /de bzhin dkyil 'khor gsum po dang / /gru bzhi la sogs pa dag ni//dri ma med pa'i 'grel pa las/ /rnal 'byor pas ni shes par bya/ /gzhal yas khang gi dbus su ni/ /pad+ma 'dab ma brgyad pa yin/ /cha shas bcu drug dag pa'i phyir/ /ka ba bcu drug dang ldan pa'o/ /yi ge oM las byung ba yi/ /dus kyi 'khor lo'i gdan du bsgom//de ltar rten ni rdzogs byas nas/ /brten pa lha rnams bsgom par bya/ /phyi rol lha rnams spro ba ni/ /nang du lus po skye ba'o/ /pad+ma'i lte ba'i steng du ni/ /dbyangs yig thung dang ring po ste/ /sum cu rtsa gnyis g.yon skor du/ /rnal 'byor pas ni bkod par bsam//de rnams yongs su gyur ba las/ /zla ba'i dkyil 'khor bsgom par bya/ /sngon du ka sogs yi ge ni/ /yang ba dang ni lci ba'i phyir/ /yi ge brgyad cu gang yin pa/ /nyi mar skyes pa'i sa bon bsam/ /de nas pad+ma'i lte ba'i steng / /sngon du nyi ma'i dkyil 'khor bsam/ /dpe byad brgyad cu dag pa'i phyir//yi ge brgyad cu'i bdag nyid do/ /de steng zla ba'i dkyil 'khor ni/ /dbyangs yig sum cu gnyis las byung / /skyes bu chen po'i mtshan rnams ni/ /sum cu rtsa gnyis dag phyir ro/ /de steng hUM yig nag po ni/ /zla ba'i mtshan ma bzhin du'o/ /gsum po de rnams gyur nas so//yi ge hiHne bsam par bya/ /de las skyes pa'i bcom ldan 'das/ /dus kyi 'khor lo'i bdag nyid bsam/ /ye shes lnga yi bdag nyid ni/ /phyi rol du ni brjod pa bzhin/ /de bzhin nang du lus po ni/ /phung po lnga yi bdag nyid brjod/ /shu kra dang ni de bzhin rdul/ / dri za'i sems can srog ldan pa/ /yan lag rdzogs pa'i rnam par shes/ /gzugs kyi phung po la sogs pa'o/ /de ltar bcom ldan dus 'khor lo/ /zhal bzhi pa dang phyag rnams ni/ /nyi shu rtsa bzhi dang ldan pa'o/ /gnag dang dmar po ser po dang / /de bzhin dkar po g.yas skor gyis//shar la sogs pa'i zhal rnams kyis/ /rim pas zhal mdog shes par bya/ /mgrin par brtsams nas zhabs kyi bar/ /sku mdog nag po zhal phye ba'o/ /g.yas pa chags pa'i bdag nyid dang / /g.yon pa zhi ba'i bdag nyid do/ /nub zhal ting 'dzin la gnas par/ /ral pa'i cod pan bcings pa'o//sna tshogs rdo rje zla ba phyed/ /rdo rje sems dpas dbu brgyan pa'o/ /'khor lo la sogs rgyan rnams kyis/ /brgyan pas stag lags gos 'dzin pa'o/ /nyi zla sgra gcan steng du ni/ /bdud dang drag po mnan par bzhugs/ /nang du snying ga'i pad+ma la/ /g.yas g.yon dbus ma'i rtsa rnams te//g.yas dang g.yon pa 'bab pa ni/ /bdud dang nyon mongs gnyis su brjod/ /'dod pa'i lha ni gdong gcig la/ /kha dog dmar po lag bzhir ldan/ /g.yas pa mda' dang lcags kyu dang / /g.yon par gzhu dang zhags pa nyid/ /dga' mo dang bcas g.yas kyi zhabs//dmar po'i 'og tu mnan pa'o/ /de bzhin drag po mig gsum pa/ /lag pa bzhi pa dkar po ste/ /g.yas par rtse gsum cang te'u dang / /lag pa g.yon pa thod pa dang / /kha T+wAm ga ni 'dzin pa'o/ /g.yon pa dkar po zhabs kyi 'og /u ma lhan cig mnan pa'o//g.yas pa'i phyag ni bcu gnyis pa'i/ /bzhi bzhi'i rim pa ji bzhin du/ /nag po dang ni dmar po dang / /kha dog dkar po shes par bya/ /de bzhin g.yon pa'i phyag rnams ni/ /snga ma bzhin du mdog shes bya/ /de bzhin phyag gi sor mo rnams/ / sor mo la sogs kha dog ldan/ /mthe bong la sogs lnga po de/ /sa la sogs pa'i dbye bas so/ /sor mo rnams kyi tshigs gsum po/ /kha dog sna tshogs dang ldan pa'o/ /rdo rje ral gri rtse gsum dang / /gri gug mda' dang lcags kyu dang / /cang te'u thod pa 'khor lo mdung //dbyug pa dgra sta g.yas pas 'dzin/ /de bzhin g.yon pa'i phyag rnams na/ /dril bu phub dang kha twAM ga/ /thod pa shag ti zhags pa dang / /rin chen pad+ma dkar po dang / /dung dang me long lcags sgrog dang / /tshangs pa'i mgo bo gdong bzhi pa/ /mtshon cha'i tshogs ni shes par bya//de ltar bdag nyid bcom ldan 'das/ /dus kyi 'khor lor bsgoms nas su/ /de yi rang bzhin gyur pa yi/ /sna tshogs gzugs ni bsgom par bya/ /zla ba dkar nag kha dog phyir/ /bcom ldan 'das kyi sku mdog go/ /nyi ma dmar ser gyur pa'i phyir/ / sna tshogs yum ni ser mo'o/ /zhal bzhi pa dang phyag brgyad pa/ /bcom ldan 'das kyi rgyan bzhin brgyan/ /g.yon brkyang ba yi bzhugs stangs kyis/ /bcom ldan 'das kyi sku la 'khyud/ /gri gug lcags kyu cang te'u dang / /g.yas pas phreng ba 'dzin pa'o//thod pa zhags pa pad+ma dang / /de bzhin g.yon par rin chen no/ /bdag nyid de ltar bsgoms nas su/ /snyoms par zhugs par bsam par bya/ /bde ba la sogs 'khor lo la/ /ye shes rdo rje la sogs dgod/ /'gro ba drug la gnas pa yi/ /sems can rnams ni bkug par bsam//dkyil 'khor de la bkod nas su/ /rdo rje'i dbang ni bskur bar bya/ /rnam snang la sogs sangs rgyas rnams/ /nang du bkug nas zhu bar bsam/ /rang gi rdo rje'i byang chub sems/ /spros nas de la dbang bskur bya/ /de nas sems can de rnams ni/ / lha dang lha mo'i bdag nyid bsam/ /thabs dang shes rab bdag nyid kyi/ /mchog dga'i bde bas gang bar bsam/ /de nas lus po de rnams kyi/ /dkyil 'khor 'khor lor skad cig gis/ /bsgoms nas rang rang gnas su ni/ /de kun gshegs su gsol bar bya/ / de ltar lus po rdzogs pa ni/ /dkyil 'khor rgyal mchog ting nge 'dzin/ /rdzogs nas las kyi rgyal mchog ni/ /rnal 'byor pas ni bsgom par bya/ /de ni phyi rol skye ba dang / /g.yas g.yon srog rlung 'byung ba'o/ /phan tshun snyoms par zhugs pa yis/ /lte bar ye shes me 'bar te//de yi 'od zer rnams kyis ni/ /gtso bo zhu ba'i rang bzhin gyur/ /shes rab ma yang de bzhin du/ /bde ba chen por zhugs pa'o/ /gnyi ga stong par zhugs pa ru/ /gzigs nas lha mo rnams kyis bskul/ /'gro ba kun la don mdzad phyir/ /byams pa la sogs bzhi yis ni//de la stong pa la zhugs pa'i/ /dus su sngags 'di brjod par bya/ /oM su bi shud+d+ha d+harma d+hA tu sra b+hA wa At+ma kou0f85haM/ zhes bya ba'o/ /de la bskul bar gyur pa yi/ /glu yi tshigs su bcad pa bzhi po ni lha mo rnams kyis brjod de/ 'gro ba'i ma ni spyan ma dag / rnal 'byor rnams kyi rgyu mthun gnas/ /bdag gi dkyil 'khor rang bzhin gyis/ /dus 'khor bzhengs la bdag chags mdzod/ /mA ma kI ni sring mo'i bdag /rnal 'byor rnams ni rnam smin gnas/ /bdag gi dkyil 'khor rang bzhin gyis/ /dus 'khor bzhengs la bdag chags mdzod//gos dkar ma bdag bu mo yin/ /rnal 'byor rnams kyis skyes bur gnas/ /bdag gi dkyil 'khor rang bzhin gyis/ /dus 'khor bzhengs la bdag chags mdzod/ /sgrol ma tsha mo bdag yin pa/ /rnal 'byor rnams kyis dri med gnas/ / bdag gi dkyil 'khor rang bzhin gyis/ /dus 'khor bzhengs la bdag chags mdzod/ /de ltar lha mo rnams kyi glu/ /bcom ldan 'das kyis gsan nas su/ /'gro ba ma lus sgyu ma bzhin/ /gzigs nas mtshan ma spro bar mdzad/ /de yang nang gi dag pa yis/ /rnal 'byor pas ni shes par bya//mngal nas skyes pa rnams la ni/ /rmi lam gnas skabs zhugs pa yis/ /rnam par shes pa la sogs pa'i/ /khams rnams kyis ni skul bar byed/ /srog rdzogs pa dang bde ba ni/ /yongs su myong ba'i phyir du ste/ /kun spangs ma dang dung can mar/ /gnas pa'i sems dang ye shes so//de rnams kyis ni bskul ba yi/ /sems ni sngon gyi bag chags kyis/ /rmi lam gnas skabs dor gnas su/ /sad pa las ni 'jug par 'gyur/ /rnam par dag pa de yi phyir/ /stong par zhugs sogs shes par bya/ /rnam pa lnga yi byang chub ni/ /bsnyen pa'i yan lag rdzogs nas su//rnam pa nyi shu'i byang chub ni/ /nye ba'i sgrub pa brtsam par bya/ /de la bcom ldan 'das kyis ni/ /stong par bzhengs pa'i dus su ni/ /hUM las byung ba'i rtse lnga la/ /rdo rje spro bar brtsam par bya/ /de nyid yongs su gyur pa las/ /sngon bzhin bcom ldan dus 'khor lo//stong pa'i dkyil 'khor 'bab pa yis/ /sna tshogs yum la 'khyud pa'o/ /dus bzhi rnam par dag pa'i phyir/ /thugs la sogs pa'i zhal bzhi pa'o/ /phyogs ni nyi shu bzhi dag phyir/ /phyag rnams nyi shu rtsa bzhi pa'o/ /dus sbyor drug drug dag pa'i phyir//de bzhin du ni zhabs gnyis pa/ /chu tshod lnga lnga dag pa'i phyir/ /phyag rnams kyi ni sor mo'o/ /chu srang re re dag pa'i phyir/ /phyag tshigs sum brgya drug cu'o/ /nyin mtshan rnam par dag pa'i phyir/ /bcom ldan 'das kyi sku yin no/ /de kho na nyid nyi shu dang //bzhi yi rnam par dag pa'i phyir/ /rdo rje la sogs mtshon cha yi/ /tshogs ni de bzhin shes par bya/ /dri sogs rnam par dag pa'i phyir/ /'khor lo la sogs phyag rgya yin/ /cha shas bcu drug dag pa'i phyir/ /zla ba phyed kyis brgyan pa'o/ /gsang ba'i rdo rje ldog pa'i phyir//spyi bor sna tshogs rdo rje 'dzin/ /dga' ba la sogs dag pa'i phyir/ /dpral bar thod pa'i phreng ba'o/ /ka sogs rnam par dag pa'i phyir/ /phrag par mgo po'i phreng 'dzin no/ /'pho ba med pa dag pa'i phyir/ /stag lpags sham thabs mdzad pa'o/ /sa sogs rnam par dag pa'i phyir//nang gi phyag rgya bzhi po yin/ /yang na mchog tu mi 'gyur ba'i/ /lhan cig skyes pa'i dga' ba ni/ /don dam pa yi bden pa yis/ /dpal ldan dus kyi 'khor lo la'o/ /dus gsum yongs su bskor ba yis/ /rnam pa thams cad dang ldan pa/ / stong nyid 'pho ba sgrib zad yin/ /sna tshogs yum ni dag pa'o/ /yang na lus kyi dag pa yis/ /de dag dag par shes par bya/ /de ltar dkyil 'khor bdag po ni/ /bsgoms nas 'khor ni spro bar bya/ /thabs dang shes rab snyoms zhugs pas/ /nam mkha'i khams la gnas pa'o//phung po khams sogs bdag nyid ni/ /sangs rgyas nang du dgug par bsam/ /phyi nas de rnams spros nas su/ /sna tshogs yum la thim par bsam/ /de nas spros nas sngon bzhin du/ /rang la thim nas zhu bar bsam/ /byang chub sems kyi thig le rnams/ / gsang ba'i rdo rje'i lam nas spro/ /sna tshogs yum gyi pad+ma la/ /sa bon yi ge'i bdag nyid bsgom/ /yi ge a las byung ba yi/ /rdo rje rtse mo lnga pa ste/ /de nas skyes pa'i mi bskyod pa/ /zhal gsum pa dang phyag drug pa/ /gnag dang dmar po dkar po yi/ /zhal gyi kha dog shes par bya'o//rdo rje gri gug dgra sta dang / /g.yas pa'i phyag gis 'dzin pa'o/ /dril bu dang ni thod pa dang / /g.yon pa tshangs pa'i mgo bo'o/ /mi bskyod pa ni spros nas su/ /dus kyi 'khor lor thim par bsam/ /de nas i las byung ba yi/ /ral gri las skyes don yod grub/ /spros nas shar gyi pad+ma la//nyi ma'i steng du bzhugs par bsam/ /zhal gsum pa dang phyag drug pa/ /sku mdog nag po rgyan gyis brgyan/ /gnag dang dmar po dkar po ni/ /g.yas skor du ni zhal rnams so/ /g.yas pa'i phyag na ral gri dang / /gri gug rtse gsum bsnams pa'o/ / de bzhin phub dang thod pa dang / /g.yon pa na ni kha T+wAM ga'o/ /de bzhin r-i las byung ba yi/ /rin chen las skyes rin chen 'byung / /zhal gsum pa dang phyag drug pa'o/ /de bzhin sku mdog dmar po 'dzin/ /dmar dang dkar po nag po ni/ /g.yas skor du ni zhal rnams so//mda' dang rdo rje lcags kyu dang / /cang te'u g.yas pa'i phyag la'o/ /gzhu dang rdo rje zhags pa dang / /g.yon pa rin chen rtse dgu 'bar/ /spros nas g.yas pa'i pad+ma yi/ /nyi ma'i steng du bzhugs par bsam/ /de bzhin l-i las byung ba yis/ /'khor lo las skyes rnam snang mdzad//zhal gsum pa dang phyag drug pa/ /sku mdog ser po 'dzin pa'o/ /ser dang dkar po nag po ni/ /g.yas skor du ni zhal rnams so/ /'khor lo dang ni dbyug pa dang / /g.yas pa'i phyag na rdo rje'o/ /dung dang rdo rje lcags sgrog dang / /g.yon pa rdo rje dril bu ste//spros nas nub phyogs pad+ma yi/ /nyi ma'i steng du dgod par bsam/ /de bzhin u las byung ba yi/ /snang ba mtha' yas pad+mar skyes/ /zhal gsum pa dang phyag drug pa/ /de bzhin sku mdog dkar po'o/ /dkar dang gnag dang dmar po ni/ /g.yas skor du ni zhal rnams so//g.yas na thod pa mdung dang ni/ /de bzhin rtse gsum bsnams pa'o/ /g.yon pa pad+ma dkar po dang / /me long phreng ba 'dzin pa ste/ /spros nas g.yon gyi pad+ma yi/ /nyi ma'i steng du bzhugs par bsam/ /nyin mo bcom ldan rdo rje can/ /khyad par gyur pa'i tshig gi phyir//don yod grub pa la sogs bzhi/ /nyi ma'i steng du dgod par bya/ /'du byed la sogs phung po rnams/ /dag phyir don grub la sogs so/ /yang na sa bon la sogs kyi/ /rnam par dag phyir de rnams dag /yi ge i las byung ba yi/ / lha mo sgrol ma don grub bzhin/ /spros nas me mtshams pad+ma yi/ /zla ba'i steng du bzhugs par bsam/ /de bzhin r-i las byung ba yi/ /rin chen 'byung bzhin gos dkar ma/ /spros nas bden bral pad+ma yi/ /zla ba'i steng du bzhugs par bsam/ /yi ge l-i las byung ba yi//spyan ma rnam snang bzhin du ste/ /spros nas rlung mtshams pad+ma yi/ /zla ba'i steng du bzhugs par bsam/ /u las byung ba'i mA ma kI/ /snang ba mtha' yas bzhin du ste/ /spros nas dbang ldan pad+ma yi/ /zla ba'i steng du bzhugs par bsam/ /mtshan mo shes rab rab tu brjod//shes par bya ba'i tshig gi phyir/ /sgrol ma la sogs bzhi po'i gdan/ /zla ba'i dkyil 'khor shes par bya/ /phal ba'i sa sogs dag pa'i phyir/ /lha mo rnams ni shes par bya/ /nyi ma'i steng du sangs rgyas rnams/ /rdo rje'i skyil krung gis bzhugs te//zla ba'i steng du lha mo rnams/ /pad+ma'i bzhugs stangs kyis bzhugs pa/ /don yod grub dang spyan ma ni/ /phan tshun thabs dang shes rab po/ /rin chen 'byung ldan mA ma kI/ /rnam snang mdzad dang sgrol ma ste/ /snang ba mtha' yas gos dkar mo/ /phan tshun thabs dang shes rab po//sgrol ma dang ni rnam snang mdzad/ /gos dkar snang ba mtha' yas dang / /spyan ma don yod grub pa ste/ /mA ma kI dang rin chen 'byung / /phan tshun thabs dang shes rab ni/ /rnal 'byor pas ni shes par bya/ /sangs rgyas rnams kyi pang du ni/ / shes rab ma rnams zhugs pa'o/ /shes rab ma yi pang du ni/ /de bzhin thabs rnams shes par bya/ /bcom ldan mngon pa'i phyogs su ni/ /gzigs pa'i thabs rnams gtso bo yin/ /rgyab brten shes rab ma rnams ni/ /rjes su gtso mor shes par bya/ /de bzhin mtshams la bzhugs pa yi//gtso mo nyid du gyur pa ste/ /de rnams pang du bzhugs pa yi/ /thabs rnams gtso mo yin pa'o/ /de nas/ /yi ge yaM las byung ba yi/ /shar sgo'i pad+ma nyi ma'i steng / /bgegs mthar byed ni don grub bzhin/ /zhal sogs dang ldan spro bar bya//shes rab mthar byed raM byung ba'i/ /zhal sogs rin chen 'byung ldan bzhin/ /lho sgo'i pad+ma nyi ma'i steng / /rnal 'byor bas ni spro bar bya/ /gshin rje mthar byed laM byung ba/ /zhal sogs rnam par snang mdzad bzhin/ /nub kyi pad+ma nyi ma'i steng / /spros nas bzhugs par bsam par bya//pad+ma mthar byed waM byung ba/ /zhal sogs snang ba mtha' yas bzhin/ /byang sgo'i pad+ma'i nyi ma'i steng / /rnal 'byor pas ni spro bar bya/ /'on kyang khro rgyal g.yon brkyang ba'i/ /'dug stangs kyis ni bzhugs par bsam/ /khro bo 'di rnams phyag rgya ni//rim pa ci bzhin shes par bya/ /rab gtum ma dang nga rgyal can/ /brtson 'grus mtha' yas dzaM b+hi dang / /shin tu sngon mo drag can ma/ /bgegs mthar byed sogs rnams kyi yin/ /phyag rgya de rnams g.yas brkyang bar/ /khro rgyal rnams la 'khyud pa'o//de ltar zla ba bzhi pa la/ /ming dang gzugs ni skye ba'i phyir/ /sangs rgyas khro bo lha mo rnams/ /rnal 'byor bas ni spro bar bya/ /de nas zla ba lnga pa la/ /mngal nas skyes pa'i skye mched drug /de phyir dbang po'i lha rnams ni/ /rnal 'byor bas ni spro bar bya/ /e byung nam mkha'i snying po ni//dbyibs sogs don yod grub pa bzhin/ /shar sgo g.yas phyogs rtsig pa yi/ /pad+ma nyi ma'i steng du spro/ /sa yi snying po ar byung ba/ /dbyibs sogs rin chen 'byung ldan bzhin/ /lho sgo'i g.yas kyi pad+ma yi/ /nyi ma'i steng du spro bar bya/ / sgrib pa sel byed al byung ba/ /dbyibs sogs rnam par snang mdzad bzhin/ /nub sgo g.yas kyi pad+ma yi/ /nyi ma'i steng du spro bar bya/ /'jig rten dbang phyug o byung ba/ /dbyibs sogs snang ba mtha' yas bzhin/ /byang sgo'i g.yas su pad+ma yi/ /nyi ma'i steng du spro bar bya/ / kun du [(]bzad [,]bzang [)]po aM byung ba/ /dbyibs sogs rdo rje sems dpa' bzhin/ /shar sgo'i g.yon phyogs rtsig pa la/ /pad nyi'i steng du spro bar bya/ /phyag na rdo rje aH byung ba/ /dbyibs sogs mi bskyod bzhin du ste/ /lho sgo g.yon gyi pad+ma yi/ /nyi ma'i steng du spro bar bya//sna la sogs pa'i dbang po ni/ /drug po rnam par dag pa'i phyir/ /nam mkha'i snying po la sogs ni/ /byang chub sems dpa' drug tu spro/ /de rnams kyi ni phyag rgya rnams/ /dri rdo rje dang gzugs rdo rje/ /reg bya dang ni ro rdo rje/ /rdo rje dbyings dang sgra rdo rje/ /rim bzhin phyag rgya shes par bya'o//de nas yul drug bdag nyid ni/ /lha mo rnams ni spro bar bya/ /yi ge ai las byung ba yi/ /reg bya'i rdo rje sgrol ma bzhin/ /me mtshams pad+ma'i zla ba la/ /spros nas bzhugs par bsam par bya/ /yi ge Ar las byung ba yi/ /ro yi rdo rje gos dkar bzhin//bden bral mtshams kyi pad+ma yi/ /zla ba'i steng du spro bar bya/ /yi ge Al las byung ba yi/ /dri yi rdo rje spyan ma bzhin/ /rlung gi mtshams su pad+ma yi/ /zla ba'i steng du spro bar bya/ /yi ge au las byung ba yi/ /gzugs rdor mA ma kI bzhin du/ /dbang ldan du ni pad+ma yi//zla ba'i steng du spro bar bya/ /AH yig las byung sgra rdo rje/ /zhal sogs kun du bzang po bzhin/ /byang sgo'i g.yon gyi pad+ma yi/ /zla steng pad+ma'i bzhugs stangs kyis/ /spros nas bzhugs par bsam par bya/ /oM byung chos dbyings rdo rje ni/ /zhal sogs phyag na rdo rje bzhin//nub sgo'i g.yon gyi pad+ma yi/ /zla steng pad+ma'i bzhugs stangs kyis/ /spros nas bzhugs par bsam par bya/ /lha mo de rnams kyi ni thabs/ /nam mkha'i snying po sa snying dang / /sgrib pa sel dang 'jig rten mgon/ /kun bzang phyag na rdo rje ni/ /dri yi rdo rje la sogs pa'i//de ltar zla ba drug pa la/ /reg bya skye bar gyur pa'i phyir/ /yul gyi lha mo drug po ni/ /rnal 'byor pas ni spro bar bya/ /de ltar lus kyi gnas skabs ni/ /gnyis pa rnal 'byor pas shes bya/ /de phyir sangs rgyas la sogs ni/ /bde chen 'khor lo'i phyi rol spro/ /de ltar thugs kyi dkyil 'khor ni//lha rnams nyi shu rtsa lnga yi/ /bdag nyid gyur pa dpal 'dus bzhin/ /rnal 'byor pas ni shes par bya/ /de la bcom ldan dus 'khor lo/ /rdo rje skyil krung gis bzhugs pa/ /gnyis su med par gyur pa'i phyir/ /de ni skyon dang bral ba'o//de nas rnal 'byor pa yis ni/ /rang gi nus pa shes nas su/ /gsung gi dkyil 'khor la sogs kyi/ /lha rnams bsgom par 'dod gyur na/ /dri ma med pa'i 'grel ba las/ /ji skad bshad pa bzhin du ni/ /shes nas tsar tsi kA sogs dang / /bden bral la sogs bsgom par bya//de ru bde chen 'khor lo la/ /du ba la sogs lha mo brgyad/ /phyi rol mtshams la bzhi po ni/ /chos kyi gaN+DI la sogs te/ /sangs rgyas lha mo'i bar du ni/ /de bzhin bum pa brgyad yin no/ /de dag la sogs lhan cig tu/ /dkyil 'khor gsum po'i lha rnams ni//bsdu na stong dang brgyad cu ste/ /rnal 'byor pas ni shes par bya'o/ /de bas shin tu mang ba'i phyir/ /nyi shu rtsa lnga'i bdag nyid ni/ /thugs kyi dkyil 'khor 'ba' zhig pa/ /rnal 'byor pas ni bsgom par bya/ /de bzhin dbang gi dkyil 'khor ni//phyi yi 'khor los dman pa ste/ /thugs kyi dkyil 'khor gcig pu ni/ /bris nas dbang ni bskur bar bya/ /de nas zla ba dgu mthar ram/ /yang na bcu'am bcu gnyis par/ /mngal du lus po skye ba bzhin/ /phyi rol lha rnams spro bar bya/ /de bas nang du lus po dang //phyi rol dam tshig sems rdzogs so/ /mngal nas phyi rol skye ba ni/ /skye ba gnyis pa brjod pa'o/ /de nas ye shes sems dpa' ni/ /dgug pa nye ba'i bsgrub pa'o/ /mngal nas skyes pa'i byis pa la/ /lnga bcu rtsa drug bzhi cha dang / /dbugs rnams ye shes rang bzhin du//dbus ma la ni 'bab par 'gyur/ /de yi dbang gis dbang po rnams/ /sad par gyur yul de rnams ni/ /'jug pa'i rnam shes drug gis ni/ /bkug nas nang du 'jug par bya/ /de nas yul dang yul can rnams/ /skad cig ro mnyam nyid du 'gyur/ /rnam par dag pa de yi phyir//ye shes sems dpa' dgug par bya/ /de dang lhan cig dam tshig sems/ /ro mnyam nyid du gyur par bsam/ /rang snying zla ba'i dkyil 'khor la/ /yi ge haM las byung ba yi/ /rdo rje shugs ni zhal bzhi pa/ /phyag ni nyi shu rtsa drug dang / / ldan par gyur pa sngon po ste/ /mtshon cha dus 'khor bzhin du 'dzin/ /glang chen pags pa phyag gnyis la/ /rkang pa brgyad pa'i shing rta la/ /bzhugs nas ye shes sems dgug mdzad/ /dbu mar srog rlung 'bab pa ni/ /ye shes rang bzhin sngon po ni/ /de phyir rdo rje shugs la ni//sku mdog sngon po shes par bya/ /kun gzhi rnam par shes pa yis/ /'jug pa'i rnam shes bskul ba bzhin/ /de phyir rnal 'byor pa yis ni/ /rdo rje shugs ni spro bar bya/ /dri la sogs pa'i yul lnga dang / /snying stobs la sogs yon tan gsum/ /brgyad la gnas nas sems kyis ni//bya ba ji bzhin byed pa'o/ /de nas rdo rje shugs kyis ni/ /nam mkhar bzhugs pa'i ye shes sems/ /lte bar rdo rje lcags kyu ni/ /brdungs nas mtshon chas 'dzin par mdzad/ /phyag rnams nyi shu rtsa bzhi ni/ /rdo rje zhabs pas bcings nas su/ / ye shes sems dpa' dbang du mdzad/ /dgug par mdzad nas nyid kyi gnas/ /gshegs te rang gi snying gar thim/ /lta ba las ni phyi rol du/ /srog ni gyur nas phyi rol gyi/ /dngos po kun ni bkug nas su/ /slar yang de nyid thim bzhin no/ /de nas shes rab mthar byed kyis//de nyid mdun du bzhugs par mdzad/ /mig gi dbang las skyes pa yi/ /kun gzhi rnam par shes pas so/ /gshin rje mthar byed kyis ni bcings/ /lus kyi dbang las skyes pa yi/ /lus kyi rnam par shes pas so/ /yi ge hoHlas byung ba yis/ /pad+ma mthar byed mnyes par byed//lce yi dbang las skyes pa yi/ /lce yi rnam par shes pas so/ /yi ge hi las byung ba yi/ /bgegs mthar byed kyis ro mnyam byed/ /sna yi dbang las skyes pa yi/ /sna yi rnam par shes pas so/ /rang snying zla ba'i dkyil 'khor la/ /dzaHhUM baM hoHhiH yig bsgom//de rnams yongs su gyur pa las/ /rdo rje lcags kyu rdo rje dang / /rdo rje zhags pa dril bu dang / /rdo rje dbyug pa de rnams las/ /khro bo'i rgyal po bskyed par bsam/ /phyag mtshan de nyid bzung nas su/ /dgug pa la sogs mdzad pa'o/ /de nas sngon bzhin lha mo rnams//rang nyid zla ba nas spros nas/ /ye shes sems la mchod byas nas/ /dam tshig sems dang ro mnyam bya'o/ /phal ba'i phung po la sogs rnams/ /'jig rten las 'das gyur pa yi/ /ye shes sems dpa' ro mnyam nyid/ /rnal 'byor pas ni shes par bya/ / de nas mngon par dbang bskur ni/ /rnal 'byor bas ni bsgom par bya/ /mngal nas skyes pa'i byis pa ni/ /dpral pa mgrin pa snying ga dang / /lte ba gsang ba gtsug tor la/ /ma yis khrus ni bye pa bzhin/ /rnal 'byor pas ni de bzhin bsgom/ /dpral bar a las byung ba yi//zla ba'i dkyil 'khor bsgom par bya/ /de steng oM las byung ba yi/ /'khor lo rtsibs ni brgyad pa'o/ /de las skyes pa'i sku rdo rje/ /shes rba ma dang bcas pa ste/ /zhal gsum pa dang phyag drug pa/ /de bzhin sku mdog dkar po'o/ /rtsa ba g.yon dang g.yas pa'i zhal//dkar dang nag po dmar po'o/ /'khor lo dang ni rdo rje dang / /g.yas pa'i phyag na pad+ma 'dzin/ /g.yon na ral gri dril bu dang / /de bzhin nor bu 'dzin pa'o/ /dpral bar spros nas nam mkha'i khams/ /de yis kun du gang bar bsam/ /sku yi rdo rjes 'dul gyur pa'i//sems can rnams la chos ston mdzad/ /de nas bkug nas rang mdun du/ /bkod nas dbang ni zhu bar bsam/ /de la gsol ba 'debs pa ni/ /a b+hi Shiny+tsan+tu mAM kA ya badzra d+ha ra zhes bya ba'o/ /de nas sku rigs lha mo rnams/ /bdud rtsis gang bar gyur pa yi//shel gyi bum pa rnams kyis ni/ /bdag nyid dbang ni bskur bar bsam/ /dbang ni thob nas dpral ba yi/ /sku rdor zla ba'i dkyil 'khor la/ /bzhugs nas byin gyis brlab pa'i phyir/ /tshigs bcad 'di dag brjod par bya/ /dpal ldan rdo rje sku 'chang ba/ /rdo rje mi phyed gsum gyi bdag /deng bdag byin gyis brlabs nas su/ /sku yi rdo rjer mdzad du gsol/ /phyogs bcur bzhugs pa'i sangs rgyas rnams/ /rdo rje mi phyed gsum gyi bdag /deng bdag byin gyis brlabs nas su/ /sku yi rdo rjer mdzad du gsol/ /de ltar sku yi byin gyis brlab//byas nas dpral ba'i zla ba la/ /yi ge oM ni dkar po ste/ /rnal 'byor pas ni bsgom par bya/ /de nas mgrin par ra las byung / /nyi ma'i dkyil 'khor de steng du/ /a las byung ba'i pad+ma ni/ /dmar po 'dab ma brgyad pa ste/ /de la gsung gi rdo rje ni/ / shes rab dang bcas skye bar bsam/ /zhal gsum pa dang phyag drug pa/ /de bzhin sku mdog dmar po ste/ /dmar dang dkar po nag po ni/ /shar dang g.yon dang g.yas pa'i zhal/ /g.yas na pad+ma rdo rje dang / /de bzhin 'khor lo bsnams pa ste/ /g.yon na nor bu dril bu dang / / ral gri 'dzin pa spro bar bya/ /de yis ma lus nam mkha'i khams/ /yongs su gang bar spro bar bya/ /gsung gi rdo rjes 'dul gyur pa'i/ /sems can rnams la chos bstan par/ /mdzad nas rang mdun bzhugs par bsam/ /de nas mngon par dbang bskur ba'i/ /zhu ba rnal 'byor pa yis bya//de la gsol ba 'debs pa'i sngags ni/ oM a b+hi Shiny+tsan+tu mAM bA ka badzrI Na zhes bya ba'o/ /de nas gsung rigs lha mo rnams/ /bdud rtsis gang bar gyur pa yi/ /shel gyi bum pa rnams kyis ni/ /bdag nyid la ni dbang bskur bsam/ /de nas gsung gi rdo rje ni//mgrin pa nyi ma'i dkyil 'khor la/ /zhugs nas rnal 'byor pa yis ni/ /'di skad ces ni brjod par bya/ /dpal ldan rdo rje gsung 'chang ba/ /rdo rje mi phyed gsum gyi bdag /deng bdag byin gyis brlabs nas su/ /gsung gi rdo rjer mdzad du gsol/ /phyogs bcur bzhugs pa'i sangs rgyas rnams//rdo rje mi phyed gsung gi dngos/ /deng bdag byin gyis brlabs nas su/ /gsung gi rdo rjer mdzad du gsol/ /de nas mgrin par nyi ma la/ /AHyig dmar po dgod par bya/ /de nas snying gar thig ler byung / /sgra gcan dkyil 'khor sngon po ste//de steng hUM las byung ba yi/ /rdo rje rtse mo lnga pa'o/ /de gyur thugs kyi rdo rje ni/ /shes rab dang bcas skye bar bsam/ /zhal gsum pa dang phyag drug pa/ /de bzhin sku mdog nag po ste/ /gnag dang dmar po dkar po ni/ /shar dang g.yas g.yon zhal bzhin no//g.yas na rdo rje 'khor lo dang / /de bzhin pad+ma bsnams pa ste/ /g.yon na dril bu nor bu dang / /ral gri 'dzin par bsam par bya/ /de rnams spros nas nam mkha'i khams/ /de yis yongs su gang bar bsam/ /thugs kyi rdo rjes 'dul gyur pa'i/ /sems can rnams la chos ston par//mdzad nas rang gi mdun du ni/ /bkod nas dbang ni zhu bar bya/ /de la sngags ni/ oM a b+hi Shiny+tsan+tu mAM sarba tsit+ta badzra na zhes bya ba'o/ /de nas thugs kyi rdo rje yi/ /rigs kyi lha mo rnams kyis ni/ /bdud rtsis gang bar gyur pa yi/ /bum pa rnams kyis dbang bskur bsam//de nas thugs kyi rdo rje ni/ /sgra gcan dkyil 'khor bkod nas su/ /byin gyis rlob par byed pa'i phyir/ /rnal 'byor pas ni 'di skad brjod/ /dpal ldan rdo rje thugs 'chang ba/ /rdo rje mi phyed gsum gyi dngos/ /deng bdag byin gyis brlabs nas su//thugs kyi rdo rjer mdzad du gsol/ /phyogs bcur bzhugs pa'i sangs rgyas rnams/ /rdo rje mi phyed thugs kyi dngos/ /deng bdag byin gyis brlabs nas su/ /thugs kyi rdo rjer mdzad du gsol/ /de ltar thugs kyi byin gyis brlab/ /byas nas rang nyid sgra gcan la//hUM gi yi ge nag po ni/ /rnal 'byor pas ni dgod par bya/ /de nas nga rgyal 'dzin pa'i phyir/ /dus gcig tu ni sngags 'di brjod/ /oM sarba ta thA ga ta kA ya wA ka tsit+ta badzra swa b+hA ba At+ma kou0f85haM zhes bya ba'o/ /de ltar rang la rigs gsum ni/ /rnal 'byor p as ni dgod par bya//shes rab ma la rigs gsum ste/ /lte ba gsang ba gtsug tor du/ /hoHswA hA ni dgod par bya/ /de nas mchod pa la sogs ni/ /byas nas yan lag gsum pa bsgom/ /gsang ba huM yig nag po las/ /skye 'gyur rang gi rdo rje ni/ /rtse lnga pa ste de dbus su//AHbyung pad+ma 'dab brgyad pa'o/ /de nas shes rab ma la ni/ /AHlas byung ba'i 'dab brgyad pa/ /pad+ma hUM las byung ba yi/ /rdo rje dang bcas bsam par bya/ /de nas pad+mar rdo rje ni/ /bkod nas rdo rje sems dpa' yi/ /nga rgyal bzung nas hUM phaT brjod//phan tshun du ni bsrung bar bya/ /phan tshun snyoms par zhugs pa yis/ /bde ba 'pho ba'i gnas skabs ni/ /thig le'i rnal 'byor de yin te/ /bde ba bsgrub par gyur pa'o/ /de nas bde ba myong ba ni/ /rdzogs pa'i phra mo'i rnal 'byor ro/ /yang na yi ge la sogs ni//dgod pa'i thig le'i rnal 'byor yin/ /de nas lha mo'i pad+ma yi/ /sna yi rtse mor yungs kar sogs/ /de la rgyu dang mi rgyu'i tshogs/ /sgom pa phra mo'i rnal 'byor ro/ /mngal nas skyes pa'i byis pa dang / /byis pa rab dang gzhon nu ma/ /dar ma lo ni bcu drug ste//bu rnams skyed par byed pa'i phyir/ /de ltar gnas skabs bzhi yis ni/ /mi lus rdzogs pa ji lta bar/ /de bzhin rnam rtog bsgom pa la/ /bsnyen pa la sogs yan lag bzhis/ /lha rnams kun gyi sku rdzogs ni/ /rnal 'byor pas ni shes par bya/ /phyi nas dam tshig bzlas pa dang //de bzhin ye shes bzlas pa ni/ /byas nas khro rgyal la sogs la/ /rnal 'byor pas ni gtor ma sbyin/ /sngon du brjod pa'i cho ga yis/ /bdud rtsi myang bar byas nas su/ /'dod pa'i lha la mchod pa dang / /bstod pa byas nas gtor ma sbyin/ /de la mtshan brjod tshigs bcad kyis//rnal 'byor pas ni bstod par bya/ /mchog sbyin rdo rje mchog khyod 'dud/ /yang dag mthar gyur khyod la 'dud/ /stong nyid snying po khyod la 'dud/ /sangs rgyas byang chub khyod la 'dud/ /sangs rgyas chags pa khyod la 'dud/ /sangs rgyas 'dod la phyag 'tshal 'dud/ / sangs rgyas dgyes pa khyod la 'dud/ /sangs rgyas rol la phyag 'tshal 'dud/ /sangs rgyas 'dzum la phyag 'tshal 'dud/ /sangs rgyas bzhad la phyag 'tshal 'dud/ /sangs rgyas gsung nyid khyod la 'dud/ /sangs rgyas dngos la phyag 'tshal 'dud/ /med pa las byung khyod la 'dud//sangs rgyas 'byung ba khyod la 'dud/ /nam mkha' las byung khyod la 'dud/ /ye shes las byung khyod la 'dud/ /sgyu 'phrul dra ba khyod la 'dud/ /sangs rgyas rol ston khyod la 'dud/ /thams cad thams cad khyod la 'dud/ /ye shes sku nyid khyod la 'dud/ / ces bya bya'o/ /de ltar lan gsum brjod nas su/ /'dod pa'i lha tshogs gshegs par bsam/ /de nas bdud rtsi myang ba yi/ /cho ga bzhin du gtor ma ni/ /bsgrub pa byas nas rtse lnga pa'i/ /phyag rgyas sngags 'di sbyin par bya/ /de nas gtor ma'i sngags ni/ /oM AHhUM ho uSh+NI Sha/suM b+ha ni sum+b+ha/ big+h+NAn+ta ka /nI ladaN+Da/ pradz+nyA t+na ta ka /Ta' ki rA dza/ pad+mAn+ta ka /a tsa la/ ya mAn+ta ka /ma hA bA le b+h+yaHsa pa ri wA re b+h+yaHi daM ba liM/ gan d+haM/ puSh+paM/ d+hU paM/ dI paM/ ak+Sha taM/ da dA ma he/ te dza A ga t+ye sa pa ri wA ra/ shI g+h+raM i daM ba liM/ gr-ih+nan+tu kha dan+tu/pi ban+tu/ dzaHhUM baM hoHsaM trip+tAHsarwa satwA nAM shAn+tiM/ puSh+TiM/ rak+Sha A wa ra Na/ gup+tiM/ kurban tu hUM hUM phaT badzra d+ha ra Adz+nyA pa ya ti swA hA/ zhes bya ba ni khro bo'i rgyal po rnams kyi gtor ma'i sngags so/ /sngags 'di brjod nas gtor ma ni/ /byin nas yid du 'ong ba yi//dgos pa bsgrub par bya ba'i phyir/ /de la sngags 'dis gsol ba gdab ba/ /de nas lan gsum lag pa'i rgyab/ /bstan nas se gol gsum gyis ni/ /gshegs su gsol bar byas nas su/ /gtor ma de nyid gsol bar bsam/ /de nas klu la sogs rnams ni//gal te gtor ma 'dod gyur na/ /dbang gi le'u las gsungs pa yi/ /cho ga shes nas sbyin par bya'o/ /de bzhin rtsa ba'i sngags sogs ni/ /bzhi pa la sogs shes nas su/ /de dang mthun pa'i phreng ba yis/ /rnal 'byor pas ni sngags bzlas bya/ /de la dgra dang grogs po ni//de bzhin dman par gyur pa yi/ /yi ge dbyangs tshogs shes nas su/ /sngags kyi bsgrub pa bsam par bya/ /sgrub pa po dang bsgrub bya yi/ /dang po'i yi ge dgrar gyur na/ /de ni bzlas pas sgrub pa po/ /'chi 'gyur de bas dor bar bya/ /yang na gnyi ga'i dang po nyi/ /yi ge dbang ni che chung gyur//de bzhin de yis bzlas pa yi/ /sgrub pa po ni na bar 'gyur/ /de bas de nyid dor nas su/ /phan tshun grogs por gyur pa yi/ /ming gi dang po'i yi ge ni/ /shes nas sngags 'di bzlas par bya/ /de nas nam mkha'i yi ge ni/ /sde drug tha ma'i yi ge ste//rlung sogs yi ge g+ha sogs kyi/ /dus kun du ni grogs po yin/ /de bzhin rlung sogs yi ge rnams/ /nam mkha'i yi ge'i grogs po'o/ /de bzhin sde drug bzhi pa yi/ /yi ge rnams ni rlung gi rigs/ /me yi yi ge gsum pa ni/ /g+ha la sogs pa'i grogs po yin//chu dang sa yi rang bzhin pa/ /sde drug gnyis pa dang po ste/ /kha sogs rnams ni ka sogs la/ /rlung dang me yig mi mthun no/ /sa yig yi ge rnams kyi rtsar/ /rlung yig rnams ni stobs med 'gyur/ /rlung gi yi ge rnams kyi rtsar/ /de bzhin chu yi stobs med pa'o//me yi yi ge rnams kyi rtsar/ /sa yig rnams ni stobs med 'gyur/ /de bzhin chu yig rnams kyi rtsar/ /me yi yi ge stobs med pa'o/ /de bas chu dang sa gnyis ni/ /phan tshun du ni grogs po yin/ /de nyid me dang rlung gi rtsar/ /gnyi ga stobs med gyur pa'o/ /rlung dang me yang de bzhin du//sa chu'i rtsar ni shes par bya'o/ /de ltar dbyangs kyi yi ge rnams/ /gang zhig a sogs lnga yin pa/ /de rnams mkha' sogs dbye ba yis/ /rnal 'byor pas ni shes par bya'o/ /gal te yi ge brtsegs gyur na/ /de la dang po brjod 'gyur zung / / sgrub pa po yi yi ge gnyis/ /skye ba dang ni ming yig go/ /de dag la sogs rgyas pa yi/ /yi ge'i mtshan nyid shes nas su/ /de nas las drug rnal 'byor pas/ sngags bsgrub phyir ni brtsam par bya/ /brdungs pa dang ni phebs pa dang / /srog dang 'tsho ba rgyas pa dang / / de bzhin mnyes ni las drug tu/ /rnal 'byor pas ni shes par bya/ /de la 'dod pa'i lha mtshan gyi/ /dang po'i yi ge gzung bar bya/ /sngon du rnam snang byin nas su/ /tha mar phaT sogs sbyin par bya/ /mtshan gyi yi ge dang po ni/ /ha dang ya ra wa dang la/ /ha sogs de rnams tsheg drag ldan//tha ma thig le dang ldan no/ /phaT hUM de bzhin bau ShaT dang / /de bzhin na ma wa ShaT te/ /brdung ba la sogs tha mar ni/ /bkod nas sngags 'di bzlas par bya/ /'dod pa'i lha mtshan dang po yi/ /yi ge thugs su shes par bya/ /mtshan gyi yi ge thams cad ni//de bzhin gsung du brjod pa'o/ /de las lhag par gyur pa ni/ /'dod pa'i lha yi sku yin no/ /de bas thugs kyi yi ge ni/ /dang po las drug gis bsgrub bya/ /de nas gsung gi rdo rje dang / /tha mar sku yi rdo rje'o/ /thugs kyi yi ge bsgom bya zhing / /gsung yig las ni mchod par bya//sku yi yi ge bzlas pa ni/ /rim pa bzhin du shes par bya/ /lha mo sgrol ma'i sngags bzhin du/ /sngags kun rnams ni shes par bya/ /brdung ba'i sngags ni/ oM h+hAHphaT/ 'bebs pa la ni oM y+tAHhUM/ bsreg pa la ni oM R+tAHbau ShaT brjod/ oM w+tAHna ma 'tsho ba'o/ /oM ltAHswA hA rgyas pas te/ oM hAHwA ShaT mnyes pa'o/ /mnyes pa la sogs re re la/ /'bum phrag re re bzlas bya'o/ /de bzhin tha mar sbyin sreg ni/ /khri phrag re re byed par 'gyur/ /de nas gsung gi rdo rje la/ /'bum phrag bcu ni bzlas par bya//de bzhin sku yi rdo rje la/ /bye ba phrag gcig bzlas pa'o/ /tha mar gnyis kyi sbyin sreg ni/ /'bum phrag gcig dang bcur 'gyur ro/ /de la gsung gi rdo rje'i sngags/ /oM tA re swA hA zhes pa'o/ /de bzhin du sku'i rdo rje'i sngags ni/ oM tA re tut+tA re tu re swA hA zhes bya'o//de ltar brjod pa'i cho ga yis/ /dang por sngags 'dis bsgrub par bya/ /de nas zhi la sogs pa'i las/ /cho ga bzhin du shes par bya/ /de bzhin bza' ba la sogs ni/ /bdud rtsi bzhin du bza' bar bya/ /dang por 'dod pa'i lha la ni/ /sngags 'dis phud ni dbul bar bya//oM dI pya an na pan na sa mA d+hi d+h+ya na pri na ni swA hA zhes bya ba'o/ /de nas yi dags rnams la ni/ /sngags 'dis gtor ma sbyin par bya/ /oM b+ha ra b+ha ra saM b+ha ra saM b+ha ra hUM dza A gats+tshan+to pre ta we kha san+to mu khAHsuR+Ya n+to ko k+Sha yaHak+Sha yaM an naM ba lin+te swA hA/ zhes bya ba ni yi dags rnams kyi gtor ma'i sngags so//sngon du khro bo rnams la ni/ /sngar brjod cho gas gtor ma sbyin/ /de nas yi dags la sogs la/ /rnal 'byor pas ni sbyin par bya'o/ /de nas 'phrog ma'i gong bu gnyis/ /sngags 'dis sa la gzhag par bya'o//oM hA rI tI piN+Da ke pra tIts+tsha swA hA/ zhes bya ba ni 'phrog ma'i sngags so/ /de nas oM AHhUM gis ni/ /sa la byin brlab byas nas su/ /pho nya mo rnams kham bu ni/ /sngags 'dis sa la gzhag par bya'o/ /oM dU tI kI a gra grA saM pra tIts+tsha swA hA/ zhes bya ba'o/ /de nas//sems ni mnyam par gzhag pa yi/ /rnal 'byor pa rang bza' bar bya'o/ /de bzhin spyod lam bzhi po la/ /yi dam lha la dmigs par bya/ /de nas gnyid log dus su ni/ /lha rnams gshegs su gsol bar bya/ /de la gtsug tor 'khor lo ni/ /rtse lnga pa yi rdo rje bsgom//de yi lte bar bde chen po/ /'khor lo gshegs su gsol bar bya/ /de bzhin dpral ba'i 'khor lo ni/ /dbus ma'i rtse mo dang bcas pa'i/ /rdo rje rtse mo bcu bdun pa/ /bsgoms nas de yi lte ba ru/ /phung po dang ni khams rnams kyi/ /lha dang lha mo gshegs su gsol//de bzhin mgrin pa'i 'khor lo ni/ /dbus kyi rtse mo dang bcas pa'i/ /rtse mo sum cu rtsa gsum pa/ /rdo rje bsgoms nas lte bar ni/ /mkha' snying la sogs byang chub sems/ /reg pa'i rdo rje la sogs dang / /bgegs mthar byed sogs khro bo rnams//de la gshegs su gsol bar bsam/ /de nas slar yang gtor ma ni/ /sngags pas sngon bzhin sbyin par bya/ /de bzhin gnyid log dus su ni/ /dpral ba la sogs 'khor lo yi/ /yi ge oM sogs 'khor lo la'o/ /rnal 'byor pas ni dgod par bya/ / bcom ldan mya ngan 'da' ba bzhin/ /'dod pa'i phyogs la nyal bar bya/ /de ltar bskyed pa'i rim pa yis/ /'jig rten dngos grub bsgrub ba'i phyir/ /bcom ldan dus kyi 'khor lo yi/ /bsgrub pa bcom ldan 'das kyis gsungs/ /de nas phyag rgya chen po yi/ /dngos grub bsgrub phyir sgrub pa ni//sbyor ba'i yan lag drug po yis/ /rnal 'byor pas ni bsgrub par bya/ /de la dang po rnal 'byor pas/ /lus ngag sems ni 'pho ba yi/ /bde bar ltos pa med pa ni/ /byas nas sems ni bsgrub par bya/ /de la khyim du rnal 'byor pas/ /yang na phug gi gnas su ni//so sor spong pa'i yan lag gis/ /du ba la sogs bsgrub par bya/ /sna tshogs gzugs kyi bar du ni/ /so sor spong ba bsgom par bya/ /nyi tshe ba yi phung po rnams/ /dang po 'gag par gyur pa ste/ /de la ye shes phung po ni/ /dang por re zhig dag par 'gyur/ /de la dbang gi rnal 'byor pas//tshig gi mchog sogs ster bar 'gyur/ /de nas stong nyid gzugs de ni/ /khams gsum pa yi bdag nyid mthong / /dper na rmi lam sgyu ma bzhin/ /sems kyi dngos po snang ba'o/ /so sor spong ba'i sgom pa ni/ /dngos med nam mkha' la yin te/ / rnam rtog bsgom pa bral ba'i phyir/ /bsgom pa de ni bsgom min pa'o/ /bsgom pa de yi dngos po ni/ /gang zhig mthong gyur dngos po min/ /'das dang ma 'ongs da ltar gyi/ /dngos po ma brtag mthong phyir ro/ /de la so sor spong ba yi/ /bsgom pa rnam rtog bsgom pa min/ /de bzhin dbang mdor bstan pa las//med pa'i gzugs la bsgom pa ni/ /rnal 'byor rnams kyi bsgom de min/ /stong par ma brtags mthong ba'i phyir/ /sems la dngos dang dngos min med/ /ji ltar me long pra la ni/ /dngos med las skyes bu mos mthong / /mkha' la de bzhin rnal 'byor pas//'das dang ma 'ongs chos de bzhin/ /dngos po de yis dngos yod min/ /dngos pos stong pa'i don yod phyir/ /dngos po med pas don yod pa/ /rmi lam sgyu ma mig 'phrul mtshungs/ /zhes bya ba la sogs pa gsungs so/ /de bzhin du 'dus pa las/dngos med bsgom pa'i dngos po ni/ /bsgom par bya ba bsgom pa min/ /de ltar dngos po dngos min pa/ /de bas sgom pa thob mi 'gyur/ /zhes bya bar gsungs so/ /de ltar stong gzugs mnyam nyid ni/ /rnal 'byor pa yis shes nas su/ /phyi nas de nyid rnam lnga pa'i/ / bsam gtan yan lag gnyis pa bsgom/ /bya ba thams cad dor nas su/ /gzugs de nyid ni blta bar bya/ /nam mkhar mthong ba'i chos rnams la/ /sems 'jug pa ni shes rab yin/ /de bzhin de yi dngos po ni/ /rnal 'byor pas ni gzung bar bya/ /de nas rnam par dpyod pa ni//dngos po 'dzin par 'thad pa'o/ /de nas dngos po thams cad la/ /sems 'jug pa ni dga' ba'o/ /de nas g.yo med bde ba ni/ /dngos kun bde ba phun sum tshogs/ /de ltar bsam gtan rnam bcu ni/ /gzung dang 'dzin pa'i dbye bas 'gyur/ / so sor spong dang bsam gtan gyis/ /de ltar bsnyen pa'i yan lag brjod/ /de nas yan lag gsum pa yis/ /rnal 'byor pas ni srog rtsol ba/ /g.yas dang g.yon pa'i rtsa gnyis kyi/ /lam dgag dbu mar dbab par bya/ /dbus mar srog ni zhugs nas su/ / sa sogs dkyil 'khor bcu po ni/ /g.yas pa dang ni g.yon pa yi/ /rtsa las rtag tu dgag par bya/ /lam gnyis 'byung 'jug rdzogs nas su/ /sa sogs dkyil 'khor dgag pa'i phyir/ /srog rtsol rnam pa bcu pa'o/ /de yang bgrod dang 'ong ba'i phyir/ /rnam pa bcu ru shes par bya'o//de ltar yan lag gnyis kyis ni/ /nye ba'i sgrub pa brjod pa'o/ /de nas yan lag lnga pa ni/ /rnal 'byor pas ni blta bar bya/ /dbus ma'i rtsa ba gtum mo ni/ /'bar bar rnal 'byor pa yis mthong / /de yang bsam sogs gnas skabs kyi//dbye bas rnam pa bcur 'gyur ro/ /sems ni bsgrub par gyur pa'i phyir/ /sgrub pa'i yan lag gsum pa'o/ /de nas rnal 'byor pa yi sems/ /rtag tu mnyam par bzhag pa ste/ /de nas ting nge 'dzin gyis ni/ /mchog tu mi 'gyur bde thob pa'o/ /phyi nas rnal 'byor pa la ni//bya ba thams cad rdzogs nas ni/ /ting 'dzin yan lag drug pa ni/ /sgrub pa chen por brjod pa'o/ /de bzhin du dpal 'dus pa phyi ma las/ bsnyen dus gtsug tor chen po yi/ /gzugs su 'bad de rnam par bsgom/ /nye bar sgrub pa'i dus su ni//bdud rtsi 'khyil pa yi ni gzugs/ /sgrub pa la ni lha yi gzugs/ /rnal 'byor 'dod pas bsgom par bya/ /sgrub pa chen po'i dus su ni/ /sangs rgyas gtso bo'i bdag po'i gzugs/ /zhes bya ba ni bcom ldan 'das kyis gsungs pa'o/ /de la dgongs pa'i skad kyis ni//gtsug tor gzugs ni sangs rgyas gzugs/ /ma lus khams gsum pa yin te/ /nam mkhar chos kyi 'byung gnas su/ /sems ni bkod nas bsgom par bya/ /bsam gtan yan lag gnyis pa yis/ /de nyid mi g.yo ba ru bya/ /de la bcom ldan 'das kyis ni//dam bca' ba ni mdzad pa ste/ /bsam pa thams cad dor nas su/ /nyin mtshan gcig ni brtag par bya/ /de la rkyen ni ma byung na/ /de ltar nga yis smra ba brdzun/ /de la du ba la sogs kyi/ /mtshan ma yid ches yin 'gyur gyi/ /sngags la sogs pa'i mtshan ma ni//nyin mtshan gcig gis ma yin no/ /de la rnal 'byor pa yis ni/ /rang gi nyams su myong 'gyur phyir/ /sngon du du ba mthong 'gyur te/ /de nas smig rgyu la sogs mthong / /de ltar yan lag gnyis kyis ni/ /sna tshogs gzugs ni brtan por 'gyur//de tshe rnal 'byor pa la ni/ /mngon shes lnga ni skye bar 'gyur/ /de nas srog dang rtsol ba yi/ /'byung ba dang ni dgang ba gnyis/ /dor nas bum pa byed pa ni/ /dbu mar rnal 'byor pa yis bya/ /srog rtsol ba yis dag gyur na/ /byang chub sems dpa' rnams kyis bstod//gzung ba dang ni 'dzin pa'i sems/ /stong nyid gzugs las 'jug 'gyur ni/ /bdud dang nyon mongs rang bzhin ni/ /rnal 'byor pas ni nyams par byed/ /rtog pa thams cad bral ba nyid/ /sems kyi gzugs la 'khyud gyur na/ /de tshe lus la rnal 'byor pas//'od zer kha dog lnga par spro/ /de nas gzung dang 'dzin pa yi/ /sems ni gcig pa nyid gyur na/ /mchog tu mi 'gyur bde ba ni/ /rnal 'byor pa la skye bar 'gyur/ /ting nge 'dzin gyis dag 'gyur na/ /lo gsum dang ni phyogs gsum gyis//dbang bcu la sogs dang ldan pa'i/ /rnal 'byor pas ni skye bar 'gyur/ /de ltar stong nyid ting 'dzin ni/ /mchog tu mi 'gyur bde yin gyi/ /'jig rten pa la grags pa ni/ /ye med pa ni ma yin no/ /de ltar rdzogs pa'i rim pa yi//sbyor ba'i yan lag drug gis ni/ /phyag rgya chen po'i dngos grub ni/ /'grub 'gyur bskyed pa'i rim pas min/ /de bas rnal 'byor pa yis ni/ /rnam rtog dra ba dor nas su/ /sbyor ba'i yan lag drug gis ni/ /rtog med sems ni bsgrub par bya'o/ /de ltar rim pa gnyis kyis bsgrub pa bdag gis ni//dngos grub rnam gnyis 'grub phyir bcom ldan dus 'khor gyi/ /byas nas bsod nams tshogs ni bdag la gang byung ba/ /de yis sems can thams cad dus 'khor bdag nyid shog /de ltar brjod pa'i rim pas bsgoms pa'i stobs kyis nus pa dang ldan par gyur pa'i rnal 'byor pas ci byed ce na/spyod pa bstan par mdzad de/ rnal 'byor pas zhes bya ba la sogs pa la/ 'dir mdor bsdus par 'khor ba nas 'khor bar byed pa'i 'jig rten pa'i bde ba dang sdug bsngal gyi zhen pa dor nas phyag rgya chen po'i dngos grub sgrub par byed pa dang /sems can la phan thogs pa'i rang bzhin du gyur pa'i rnal 'byor pas spyod pa byed pa yin gyi/ de las phyin ci log tu gyur pa ni ma yin no/ /da ni du ba la sogs pa'i rtags bcu gang yin pa de sems can rnams kyi gnas skabs dang mthun par mdzad de/bsam pa zhes bya ba la sogs pa la/ 'dir sems can rnams la gal te 'dod chags kyi sems gdung bar gyur pa de lta na ni/ /dang por de nyid kyi bsam pa skye bar 'gyur te/ de nas de nyid la zhen pa dang zhen pa de'i dbang gis lus po'i tsha ba skye ba dang / tsha ba'i dbang gis skom par gyur pa dang /de nas bza' ba dang btung ba mi 'dod par gyur te/ sems la yul 'dod chags su gyur pa'i phyir ro/ /de nas de'i dbang gis lus po 'dar bar gyur pa dang / smyo ba dang / dran pa med pa dang / yid 'khrul par gyur pa dang / shin tu brgyal bar gyur pa dang //gnas skabs bcu ni 'dod chags kyi dbang gis sems can rnams la skye ba ji lta ba de bzhin du rnam par mi rtog pa bsgom pa'i dbang gis rnal 'byor pa rnams la du ba la sogs pa'i rtags skye bar 'gyur ro/ /de nas bsam pa la sogs pa'i dbang gis 'dod chags de gsal por gyur pa ci lta ba de bzhin du du ba la sogs pa'i rtags rnams kyis rang gi sems kyi so sor snang ba'i rang bzhin du gyur pa'i bcom ldan 'das rdo rje can gyi sprul pa'i sku dang /longs spyod rdzogs pa'i sku rnal 'byor pas mthong ngo / /don dam par de la 'brel ba med de/de ci'i phyir zhe na/ 'dod pa'i lha dang bcom ldan 'das la 'brel ba med pa'i phyir ro/ /de nyid bstan par mdzad de/ bsam pa 'dod dang yan lag rim skyes kha mchog pad+ma skams te bza' ba ldog pa dang / /sdang dang smyo ba rmongs par gyur dang yid ni rnam par 'khrul dang drag tu brgyal ba ni//rdo rje can gyi du ba la sogs bcu ste gsal yid srog chags rnams lus gnas skabs so/ /'jig rten dag tu yid gtsor byed kyi de rnams brjod de rgyal ba gang la 'dod pa de gang yin/ /zhes bya ba'o/ /da ni phyi rol du drang ba'i don gyis zas za ba la sogs pa'i dam tshig gang yin pa de nges pa'i don gyis nang du bstan par mdzad de//gang zhig ces bya ba la sogs pa la/ rdzogs pa'i rim pa'i ting nge 'dzin la gnas pa'i rnal 'byor pa la gtum mo 'bar ba'i dbang gis dpral bar byang chub kyi sems kyi thig le las shu kra'i rgyun 'dzag pa gang yin pa de bdag gi ma zhes bya ba ni lhan cig skyes pa'i dga' ba ster bar byed pa chang yin gyi//myos par byed pa'i phyi rol gyi chang ni ma yin no/ /de bzhin du drang ba'i don gyis go ku la sogs pa'i stobs lnga gang yin pa de nges pa'i don gyis lha'i mig la sogs pas stong pa nyid kyi gzugs mthong ba la sogs pa yin gyi srog bcad pa las byung ba'i sha ni ma yin no//de bzhin du dri chen la sogs pa'i bdud rtsi lnga phyi rol du gang yin pa de nang du 'dzag pa med pa'i rang bzhin du gyur na rnam par snang mdzad la sogs pa'i lha'i rang bzhin du 'gyur te/khyi la sogs pas za bar gyur pa'i mi gtsang ba ni ma yin no/ /de bzhin du drang ba'i don gyis las kyi phyag rgya la gang brten pa ste/ nges pa'i don gyis stong pa nyid kyi gzugs la sems 'jug pas/ ro mnyam pa nyid ni 'khrig pa yin gyi/dbang po gnyis yang dag par sbyor ba ni ma yin no/ /de bzhin du nor la sogs pa btang ba ni sbyin pa yin gyi sbyin pa'i bsam pa ni ma yin no/ /de bzhin du gang drang ba'i don gyis tshul khrims kyi sdom pa de/ nges pa'i don gyis yid kyis 'pho ba dor ba ste/ sems ni mi 'pho ba'i rang bzhin du gyur pa zhes bya ba'i don to//de bzhin du bud med rnams la rnam pa thams cad du reg par mi byed pa ni tshul khrims ma yin te/ las kyi phyag rgya'i sbyor ba las kyang tshangs par spyod pa ni tshul khrims yin te/ byang chub kyi sems rnam pa thams cad du mi 'pho ba zhes bya ba'i don to//de bzhin du snyan pa dang mi snyan pa'i sgra la chags pa la sogs pa mi skye ba ni bzod pa yin gyi/ rnyog pa med pa'i bzod pa ni bzod pa ma yin no/ /de bzhin du g.yas pa dang / g.yon pa'i srog ni lam gnyis nyams par byed pa'i phyir/ / rtsol ba byed pa gang yin pa de brtson 'grus yin gyi/ /dus thams cad du 'gron por 'khyams pa ni ma yin no/ /de bzhin mchog tu mi 'gyur ba'i bde ba'i rang bzhin du 'gyur ba'i sems kyi bsgom pa ni bsam gtan yin gyi/ /sdug bsngal ster bar byed pa rtog pa'i rang bzhin du gyur pa ni ma yin no//de bzhin du dngos po thams cad kyi rang bzhin shes pa dang / sems can thams cad kyi skad kyis chos kyi phung po brgyad khri bzhi stong ston par shes pa ni shes rab yin gyi/ 'jig rten pa'i bya ba shes pa ni ma yin no/ /de ltar drang ba'i don dang nges pa'i don gyis don 'di lta bur gyur pa'i rnal 'byor pa gang gis shes pa de la rang gi don phun sum tshogs pa dang srid pa nyams pa dang mi skye ba nyid thob par 'gyur ba'o//de ltar kun rdzob dang don dam pa'i bden pas lam bstan par mdzad nas/ bskyed pa'i rim pa 'ba' zhig pa'i lam bstan par mdzad de/yan lag gcig ces bya ba la sogs pa la/ 'dir rnal 'byor bas 'jig rten pa'i dngos grub bsgrub pa'i phyir/ sngon du brjod pa'i cho gas bcom ldan 'das dus kyi 'khor lo dpa' bo gcig pu'am shes rab dang ldan pa'am/ 'khor dang bcas pa rnam pa dgu'i rang bzhin du gyur pa'am/ rnam pa nyi shu rtsa lnga'i bdag nyid du gyur pa dang / yang na bcom ldan 'das sna tshogs yum de bzhin du bsgoms la/ de nas rnal 'byor pas zhi ba la sogs pa'i las thams cad 'grub par 'gyur ro/ /da ni nam mkha' lding gi tshigs su bcad pa rnams ni bshad par bya ste/srog ldan zhes bya ba la sogs pa 'dir sbrul gyis zos sam/ yang na dug zos pas mi 'tsho ba'i phyir/ rnal 'byor pa'i rtsar lho phyogs nas gal te pho nya gnyis 'ongs par gyur pa de lta na ni nad pa 'chi bar 'gyur te/de bas na rnal 'byor pas de la thabs bka' stsal bar mi bya'o/ /de bzhin du pho nyas zhus pa'i dus su mi mnyam pa'i yi ge brjod na nad pa 'tsho bar 'gyur te/ de nas mnyam pa'i yi ge brjod na nad pa 'chi bar 'gyur bar shes par bya'o/ /de bzhin du gal te pho nyas sbrul la sogs pa'i ming sngon du brjod na 'chi bar byed pa de lta na ni sbrul gyis zos pa 'chi ba'o//de ltar phyi'i rtags shes nas nang gi rtags kyang shes par byas te zhu ba zhes bya ba la sogs pa la/ 'dir dbugs 'jug pa'i dus su gal te zhu bar gyur pa de lta na ni/ nad pa la dge bar gyur par shes par bya'o//de nas phar dbyung ba'i dus su zhu bar byas na/ mi 'tsho ba'i rtags su shes par bya'o/ /de bzhin du pho nyas rkang pa g.yon pa mdun du bzhag nas zhu bar byed na/ rtags des bud med sbrul gyis zos pa rjod par byed de/ de nas g.yas mdun du bzhag nas zhu bar byed na/des ni skyes pa zos pa bstan par byed ces bya'o/ /de ltar rnal 'byor pas mtshan ma bzang por gyur par shes nas nad pa'i rtsar 'gro bar byas la/ nad pa'i mtshan nyid shes par bya'o/ /de la gal te nad pa'i mig dang gdong pa shin tu rgyas par gyur pa dang /rna ba'i rtsa nag por gyur pa de lta na ni sems can de 'chi bar 'gyur ba'o/ /de la yang snying gar gal te sgra cung zad yod pa de lta na ni rnal 'byor pas thabs bka' stsal bar bya'o/ /de nyid bstan par mdzad de/ dang po zhes bya ba la sogs pa la/ 'dir rnal 'byor pas dang por bdag bsrung ba'i cho gas rang la bsrung bar bya la/ de nas bdag dang nad pa'i srung ba 'khor lo drug la de bzhin gshegs pa rigs drug gi sa bon dgod par bya ste/ de nas rang gi lag pa'i sor mo lnga ni mthe bong la sogs pa'i rim pas sa la sogs pa'i rang bzhin du bsgoms la/sor mo de rnams la sa la sogs pa'i sa bon rnams dgod par bya'o/ /de bzhin du nad pa'i brla'i tshigs dang gsus pa dang snying ga dang dpral bar ha ya ra wa la ni rim pa bzhin du dgod par bya'o/ /de bzhin du haM k+ShaM hA ya yA ra rA wa wA la lA zhes bya ba ni mnyam pa dang mi mnyam pa'i sa bon rnams ni dgod par bya ste/de la g.yon phyogs kyi brla la sogs pa'i yan lag rnams la h+ya la sogs pa'i yi ge lnga thung ngu dgod par bya zhing / g.yas pa'i yan lag rnams la ni ring po rnams so/ /de ltar nad pa la srung ba byas nas rang gi lag pa'i mthil la yi ge hUM k+ShuM bkod nas nad pa'i snying ga'i gnas su bzhag pas nad pa'i dug ni g.yo bar gyur pa'o//yang na dpral bar yi ge la dang rkang pa la yi ge ha bsgoms na dug 'chad par 'gyur zhes bya ba'o/ /de ltar spyi bor yi ge wa dang gsus pa la yi ge ra bsgoms na dug med par 'gyur ro//dpral bar yi ge ya dang rkang pa la yi ger bsgoms na dug 'jug par 'gyur ro/ /mgo bo la yi ge ha dang rkang pa la yi ge la bsgoms na dug 'chad par 'gyur ro/ /de bzhin du dpral bar thig le dkar po bsgoms na brtan pa dang g.yo ba dang bcas pa'i dug ni med par 'gyur ba'o//de bzhin du me'i sa bon dmar pos dug g.yo bar byed pa dang / rlung gi sa bon nag pos dug 'jug par 'gyur ba dang / sa'i sa bon ser pos mi g.yo bar 'gyur zhes bya ba'o/ /de nas gal te rnal 'byor pas ting nge 'dzin gyi stobs kyis 'tsho bar mi nus pa de lta na ni/sman gyi sbyor ba byas te/ de la li do ra dang pi pi ling dang / na le sham cha mnyam par byas te mi bskyod pas btags par bya/ de nas sdong bu'i dbyibs lta bu byas nas srog 'bab par gyur pa'i lam la bcug na dug med par 'gyur ro//de bzhin du lce'u chung la sor mos cha la bzhag pa de bzhin du dug med par 'gyur ro/ /yang na rdo rje mda' dang dzA ti dang gzhon nu ma dang / tsha ba gsum dang lan tshwa dang lang ga li dang d+hi ba da'i tshangs pa mo dang / k+Sha dat+ta'i dri dang nyin phyed ma dang / ban d+ha kar ku dang ki dang / dri chen dang dri chu dang /sha dang khrag ni mnyam por byas nas mi bskyod pas btags pa'i ri lu byas nas lam gang nas srog 'bab par gyur pa de la bcug na 'byung po dang 'byung po'i rims dang dug gzhom par ro zhes bya ba'o/ /de ni dug drag po'i mtshan nyid brjod par mdzad de/ nyi ma zhes bya ba la sogs pa la/'dir nyi ma la sogs pa'i gza' bdun ni nyin mtshan re re la lhag pa'i lha yin te/ de rnams kyi mthar brgyad pa ni sgra gcan yin la de nyid stong par brjod de/ gza' bdun gyis dor bar gyur pa'i phyir ro/ /de gang yin zhe na/ rigs ldan ni gzugs phyed kyi rtsa zhes bya ba la/chu tshod phyed kyi bdag nyid du gyur pa'i rigs ldan ma yin te/ de yang 'chi ba ster bar byed par shes par bya'o/ /de bas na de'i dus su dug za ba la sogs pa ni mi bya ste/ gal te dug la sogs pa bza' bar byed pa de lta na ni/ dus de'i dbang gis nges par 'chi bar 'gyur bar shes par bya'o//de nyid bstan par mdzad de/ klu la rtse bar mi bya rnam gsum dug kyang der ni bza' mi bya'o/ /de nyid la ni sbrul gyis sos bzung gshin rje'i gnas 'gro 'byung pos bzung ngam mtshon gyis phug na yang / /zhes bya ba'o/ /rigs ldan ma de lta bu gang yin pa de nam gyi dus su shar bar 'gyur zhe na/nyi ma phyed ces bya ba la sogs pa la/ 'dir nyin mtshan re re nyi ma phyed kyi mtshams dang / nyi ma nub pa'i mtshams dang / mtshan mo phyed kyi mtshams dang / nam langs pa dang nyi ma shar ba'i mtshams su nyi ma la sogs pa'i gza' rab tu dbye ba'i phyir/stong pa'i rang bzhin du gyur pa'i dus kyis zos pa'i rtsa gcig ni rigs ldan ma yin te/ rigs ldan ma'i dug gang yin pa de rnams sgra gcan gyi gdong par shes par bya'o/ /de nyid bstan par mdzad de/ 'di ni sgra gcan gdong pa yin te nyin dang nyin gyi dus su yang dag rig par bya/ /zhes bya ba'o/ /da ni klu mtha' yas la sogs pa'i nyin mtshan re re'i longs spyod rjod par byed de/ nyi ma zhes bya ba la sogs pa la/ 'dir nyin mtshan gang la gza' nyi mar gyur pa'i nyin mtshan de la klu mtha' yas kyis byin gyis rlob par byed de/phyi nas klu'i rgyal po gzhan rnams kyis byed par 'gyur te/ gza' bdun gyi dbye ba'i phyir/ gza' nyi ma'i dus su zla ba la sogs pa yang shar bar gyur pa ji lta ba de bzhin du/ klu gcig gis nyin mtshan la klu gzhan rnams 'byung bar shes par bya'o//spyir de rnams kyi chu tshod du tsam gyi bar du dus longs spyod yin zhe na/ mkha' dus zhes bya ba la sogs pa la/ 'dir klu mtha' yas la sogs pa rim pa ji lta ba bzhin du gza' nyi ma la sogs pa'i dus su chu tshod drug cu dang dgu bcu dang lnga bcu dang /bzhi bcu dang / brgyad cu dang bdun cu dang chu tshod sum cu dang / chu tshod drug cu ni longs spyod du gyur pa'o/ /longs spyod de'i dbang gis dug gi mtshan nyid shes par bya'o/ /brgyad po de rnams kyi rigs dang kha dog ji lta bu yin zhe na/ bram ze zhes bya ba la sogs pa la/'dir klu mtha' yas dang rigs ldan ni bram ze'i rigs yin te/ rigs de'i dbang gis de dag gi kha dog dkar por shes par bya'o/ /de bzhin du nor rgyas kyi bu dang dung skyong gi kha dog dmar po dang / rgyal rigs su 'gyur ba'o/ /pad+ma chen po dang /'jog po'i kha dog ser po dang rje'u rigs so/ /stobs kyi rgyu dang pad+ma ni dmangs rigs dang kha dog nag po'o/ /rgyal ba dang rnam par rgyal ba ni tha ma'i rigs dang kha dog sna tshogs pa'o/ /de rnams kyi skye gnas gang yin zhe na/ skye gnas zhes bya ba la sogs pa la 'dir bram ze'i rigs su gyur pa'i klu rnams kyi skye gnas ni chu'o//rgyal rigs kyi klu rnams kyi me'o/ /rje'u rigs klu rigs gnyis kyi sa'o/ /dmangs rigs kyi klu gnyis kyi rlung ngo / /rgyal ba'i skye gnas ni nam mkha'o/ /klu rnam par rgyal ba'i skye gnas ni ye shes kyi khams su shes par bya'o//de bas na chu la sogs pa'i sa bon thung ngu dang ring po yongs su gyur pa las de rnams skye bar gyur pa ni nges pa'o/ /da ni nam mkha' lding gi mtshan nyid bshad de/ rkang pa nas zhes bya ba la sogs pa la/ 'dir nam mkha' lding bsgrub par 'dod pa'i rnal 'byor pas rang gi snying ga'i pad+ma'i nyi ma'i dkyil 'khor steng du yi ge k+ShaM bsgom par bya ste/de yongs su gyur pa las nam mkha' lding skye bar bsam par bya'o/ /de yang ji lta bu yin zhe na/ rkang pa nas rked pa'i bar du kha dog ser po ste/ de nas lte ba'i bar du dkar po'o//lte ba nas mgrin ba'i bar du dmar po'o/ /mgrin pa nas smin ma'i bar du nag po'o/ /de nas mgo bo ma lus pa ni sna tshogs pa dang klu'i rgyal po rnams kyis brgyan par gyur pa dang / lus po las kha dog lnga dang ldan par gyur pa'i 'od zer spro bar bsgom par bya'o/ / de nas de'i lus po la gtsug tor la sogs pa'i 'khor lo lnga la nam mkha' la sogs pa'i yi ge lnga bkod nas de'i sngags bye ba phrag gcig bzlas par bya zhing / 'bum phrag bcu ni sbyin sreg tu bya'o/ /de'i sngags ni/ oM pak+She swA hA/ zhes bya ba'o/ /de nas sngags de dang de'i phyag rgyas 'byung po la sogs pas bzung ba dang dug zos pa'i mi gang la rnal 'byor pas reg par byed pa de'i skad cig de nyid du sos par 'gyur zhes bya ba'o//de bzhin du nam mkha' lding gcig pur bsgrub par byas nas klu la sogs pa thams cad 'grub par 'gyur pa'i phan yon bstan par mdzad de/mkha' lding bsgrubs pas klu rgyal gdengs ka'i bdag po bu bcas g.yog 'khor nyid 'gyur ro/ /'byung po gnod sbyin gza' dang mkha' 'gro ma mo sa mchog gnas su ni/ gza' sogs thams cad sngags rnams bkug par rab gyur dug gis zin pa gtong ba'o//de phyir sems can don du dang por skyes bus mkha' lding dbang po bsgrub par bya/ /zhes bya ba'o/ /da ni dri ma med pa las bshad pa'i tshigs bcad bzhi bcu ni rgyas par bya ste/ gang zhig sgra zhes bya ba la sogs pa la 'dir mi rnams kyi snying ga la gnas pa dang rna bas thos par gyur pa'i sgra de dang sems sbyar na sems ro mnyam pa nyid du gyur te/sems dang srog gi rlung gcig tu gyur na mchog tu mi 'gyur ba'i bde ba thob par 'gyur zhes bya ba'i don to/ /gzhan yang de'i dbang gis lkog tu gyur pa'i sems can thams cad kyi skad ni rnal 'byor pas thos par 'gyur ba'o//de bas na bcom ldan 'das kyi thugs dang snyan ji lta bar gyur pa de bzhin du rnal 'byor pas sgrub par byed ces bya ba'i don to/ /gal te rnal 'byor pas sgom par byed pa'i dus su bza' ba la sogs pa ma rnyed par gyur pa de lta na ni/sems ma zin pa'i bar du gang gis 'tsho bar bgyi zhe na/ byas zhes bya ba la sogs pa la/ 'dir rnal 'byor pas rdo rje'i skyil krung bcas nas kha cung zad phyi bar byas la/ so rnams phan tshun du reg par mi bya ste/ de nas phyi rol gyi rlung bkug nas bdud rtsi cung zad 'dzag pa dang lhan cig tu lte bar zhugs la/gdungs dang bkres skom lus mchog la ni yang dag 'gog pa'i dug ni 'phrog bar byed/ /ces bya ba'o/ /yang na dpral bar zla ba'i dkyil 'khor la g.yon skor du dbyangs bcu drug tu dgod par byas nas bdud rtsi 'dzag par byed pa'i thig le dkar po dbus su bsgom par byas nas/don de nyid du byed ces bya ba'o/ /phyi rol gyi rdzas las ma gtogs par/ rnal 'byor pas tshe bsgrub na ji ltar bgyi zhe na/ sna zhes bya ba la sogs pa la/ 'dir rnal 'byor pas tsog tsog po'i 'dug stangs kyis stan la 'dug nas kha bsdam par bya ste/de nas sna bug gnyis kyis cig car du phyi rol gyi rlung bkug la thur sel gyi rlung 'og tu bsdam par bya'o/ /de ltar rgyun mi chad par byas na ma 'ongs pa'i dus su goms pa'i dbang gis g.yas pa dang g.yon pa dang dbus mar ro mnyam pa nyid du 'gyur te/de'i dbang gis bza' sogs bkres nyes skom pa lus kyis 'joms shing 'chi ba med nyid ster bar byed/ /ces bya ba ni/ don de lta bur 'grub par 'gyur zhes bya ba'o/ /de bzhin du gal te rnal 'byor pas rdzas 'dod par gyur pa de lta na ni de bsgrub pa'i thabs ji lta bu bgyi zhe na//rang gi grib ma zhes bya ba la sogs pa la 'dir rnal 'byor pas ni ma la rgyab bstan nas mdun du gnas pa'i rang gi grib ma la khengs pa'i lta bas dus kha cig gi bar du blta bar byas la nam mkha' la blta bar bya ste/ lta ba de'i dbang gis nam mkha' la yan lag la sogs pa dang ldan par gyur pa dang /du ba'i kha dog tu gyur pa'i skyes bu mthong ngo / /de ltar zla ba drug gi bar du bsgoms na/ sa la gnas pa'i gter gyi bug pa ston par byed do/ /yang na shing gi grib ma'i rtsar 'dug nas thig le'i tshogs ni nam mkha' la bltas na don de nyid du byed ces bya ba'o//da ni grong khyer gzhan la 'jug par mdzad de/ nus pa gang zhig ces bya ba la sogs pa la/ 'dir lte ba'i 'khor lo las srog gi rlung langs nas nyin mtshan du g.yas pa dang g.yon pa las nyi khri chig stong drug brgya'i bar du 'gro ba dang 'ong bar byed de/de nyid sngon du brjod pa'i rim pas g.yas pa la sor bcu gnyis kyi bar du phyi rol du byung nas ldog cing / g.yon pa la sor bcu drug gi bar du byung nas ldog par 'gyur ro/ /srog gi rlung de nyid srog rtsol bas lte ba la bzung nas glog dang 'dra ba 'gyur ba'i dbyug pa'i tshul gyis lte ba las bslangs nas snying gar 'gro zhing /snying ga'i lte ba phug nas mgrin par 'gro zhing mgrin pa nas dpral ba dang dpral ba nas gtsug tor gyi bu ga'i bar du 'gro ste/ de byin nas pags pa de khab kyi rtse mos pags pa phug pa bzhin du phug nas 'gro bar byed de/de'i tshe rnal 'byor pas shin tu stobs kyi 'og tu gyur pa'i rlung steng du gtang bar bya ste/ de ltar byas na g.yas pa dang g.yon pa'i rlung 'gags nas srog gi rlung dang lhan cig tu sems gtsug tor gyi bug pa'i lam nas 'gro bar gyur to//de nas don gyis ci 'grub ce na/ de ltar rdo rje mthu yis yul dang ldan pa'i yid ni mkha' spyod nyid du 'gro/ gzhan yang mngon shes lnga yi rang bzhin rnal 'byor pas ni sna tshogs pa yi yul 'dir 'gyur/ /zhes bya ba ni/ srog gi nus pa des rnal 'byor pa rnams la mngon par shes pa lnga ster bar byed ces bya'o/ /bla na med pa'i byang chub kyi lam ster bar mdzad pa ji lta bu yin zhe na/ phyag rgya zhes bya ba la sogs pa la/ bla na med pa'i byang chub la rgyas btab par gyur pa'i phyag rgya ni yod pa dang med pa las 'das par gyur pa'i phyir/sgyu ma dang 'dra bar shes par bya'o/ /dper na gzugs gcig pu ni me long gi nang du mthong ba dang / sngon gyi gnas la gnas par snang ba'o/ /phyi rol gyi dngos po de nyid me long la snang ba ma yin te/ rang la gnas par gyur pa'i phyir ro//de las ma gtogs par yang ma yin te de nyid de bzhin du snang bar gyur pa'i phyir ro/ /de bzhin du sbyor ba'i rnal 'byor pas yan lag drug rtag tu bsgom pa'i dbang gis rnam pa thams cad dang ldan par gyur pa'i stong pa nyid kyi gzugs ni phyi rol du nam mkha' la mthong zhing nang du yid kyi dbang pos kyang de bzhin du mthong ngo //de bas na phyi dang nang gi snang bar gyur pa'i dngos po ni yod pa ma yin te/ bskyed bya skyed byed kyi 'brel pa las 'das par gyur pa'i phyir ro/ /med pa yang ma yin te dbang po so so la spyod yul du gyur pa'i phyir ro/ /de bas na khyad par du gyur pa'i phyir ro//'jig rten gsum snang byed cing dri med glog 'dra 'od zer du ma 'phro bar mdzad/ /ces bya ba ni/ rten dang brten pa'i rang bzhin du dngos po thams cad kyi rang bzhin ji lta ba bzhin du bstan par mdzad pas na/ 'jig rten gsum po snang bar mdzad pa zhes bya ba'o//'khor ba'i bag chags dang bral bar gyur bas na dri ma med pa'o/ /'od gsal ba'i rang bzhin du gyur pas na glog 'dra ba'o/ /'jig rten las 'das pa'i ye shes lnga'i rang bzhin du gyur pas na 'od zer du ma 'phro bar byed ces bya ba'o/ /de gar bzhugs she na/phyi dang lus la zhes bya bar gsungs so/ /'o na gal te phyi dang lus la gnas par gyur pa de lta na ni/ ci'i phyir sems can rnams kyis mi mthong zhe na/ yul bral zhes bya bar gsungs te/ nam gyi dus su mig gi dbang po la sogs pa'i stong pa nyid kyi drin gyis yul gzugs la sogs pa dor bar byed pa'i dus de la nyi ma dang nyi ma'i 'od zer bzhin du phyi dang lus la dbyer med pa'i ngo bos rnal 'byor pas mthong ba yin gyi/gzung ba dang 'dzin pa'i 'brel pa chad pa'i bar du ni ma yin no/ /dngos po ji ltar mthong zhe na/ snang ba tsam zhes bya ba ni rdzas las 'das par gyur pa'i rmi lam gyi gzugs brnyan dang chu zla bzhin du mthong ba'o//gang du mthong zhe na/ nam mkha' la gnas zhes bya ba ni/ dper na dang pa'i me long la gzugs brnyan mthong ba ji lta ba de bzhin du/ sprin med pa'i nam mkha' la gnas par mthong ba'o//ci mthong zhe na sems zhes bya ba ni/ bag chags kyi dri ma las 'das par gyur ba'i rang gi sems yin gyi/ gzhan ni ma yin no/ /sems kyi rang bzhin du gyur pa'i stong pa nyid kyi gzugs de gang nas byung zhe na/ sems 'byung ba zhes bya ba ni/ dper na rmi lam gyi gnas skabs su phal ba'i sems las byung ba'i khyad par du gyur pa'i dngos po rnams so sor snang ba ji lta ba de bzhin du 'khor ba'i sems las byung ba yin gyi gzhan ma las ni ma yin no/ /'o na gal te sems las byung ba de lta na ni/ phyi rol du ji ltar gnas par 'gyur zhe na/'gro ba du ma la ni 'khyud par byed pa de gcig go /zhes bya ba ni dper na chus gang bar gyur pa'i grangs med pa'i bum pa rnams kyi nang du nyi ma gcig pu snang bar gyur pa ji lta ba de bzhin du phyag rgya chen mo de sems can thams cad kyi snying gar zhugs pa'o/ /rten du ma'i dbang gis de yang du mar mi 'gyur te/dper na nyi ma gcig pu ni bum pa re re la gzugs brnyan du gyur pa bzhin du'o/ /'o na gal te rten dang brten pa'i 'brel pas gnas par gyur pa de lta na ni/ rten med pas brten pa med par mi 'gyur ram zhe na/ brjod par bya ste/ de ltar ma yin te khyab bya khyab byed kyi tshul gyi sa gnas pa yin gyi/ rten dang brten pa'i 'brel pas ni ma yin no/ /dper na nyi ma gcig pus bum pa la sogs pa'i dngos po thams cad gsal ba nyid kyis khyab par byed pa ji lta ba de bzhin du de rang bzhin nyid kyis khyad par mdzad ces bya ba'o//de nas gal te rten dang brten pa'i 'brel bas gnas pa de lta na yang skyon med de/ dper na bum pa nyams par gyur pas nyi ma nyams par mi 'gyur ba de bzhin du 'khor ba'i sems nyams par 'gyur bas/ mya ngan las 'das pa'i sems ma nyams par shes par bya'o//de bas na rten dang brten pa'i 'brel pa ni sems dang ye shes la yin gyi/ lus po la sogs pa la ni ma yin no/ /de bas na rang gi sems snang bar gyur pa dang 'jig rten gsum po gsal bar mdzad pa'i phyag rgya chen mos ni bla na med pa'i byang chub ster bar mdzad kyi/nyi tshe ba dang rnam par rtog pa'i rang bzhin du gyur pa'i las kyi phyag rgya la sogs pas ni ma yin no/ /de nyid bstan par mdzad de/ sems ni dri ma dang bcas las kyi phyag rgya dag dang brtags pa'i ye shes phyag rgya spang / /zhes bya ba'o/ /'o na gal te las kyi phyag rgya dang /ye shes kyi phyag rgya dgag pas de lta na ni ci'i phyir bcom ldan 'das kyis de dag dgos pa nyid gsungs she na/ brjod par bya ste/ 'dir las kyi phyag rgya dang ye shes kyi phyag rgya'i dngos po gang yin pa de 'dod pa na spyod pa'i dngos grub dang gzugs na spyod pa'i dngos grub bsgrub pa'i phyir yin gyi/bla na med pa yang dag par rdzogs pa'i byang chub bsgrub pa'i phyir ni ma yin no/ /de bzhin du rtsa ba'i rgyud las/ las kyi phyag rgya spang bya zhing / /brtags pa'i ye shes phyag rgya'o/ /mchog tu mi 'gyur rnal 'byor gyis/ /phyag rgya chen mo bsgom par bya//zhes bya bar gsungs so/ /de bzhin du slar yang de nyid las/ /'dod par spyod pa'i dngos grub ni/ /las kyi phyag rgyas bsgrub par bya/ /'og min mthar thug bar du ni/ /ye shes phyag rgyas gzugs zhes bya'o/ /rnal 'byor chen po kun mkhyen nyid/ / mi 'gyur sangs rgyas bde ba nyid/ /phyag rgya chen mo'i yan lag ni/ /bsgom pas bsgrub bya skye 'di nyid/ /ces bya ba'o/ /'dir yang don de nyid bstan te/ /rdzogs pa'i byang chub rgyu ru mchog gi rgyal ba bskyed pa'i phyag rgya bzang mo bsgom/ /zhes bya ba'o/ /de ji lta bu yin zhe na/gos med ces bya ba ni/ rtog pa thams cad las 'das par gyur pas na gos pa med pa zhes bya ba'o/ /dus thams cad du nam mkha' bzhin du 'gyur ba med pa'i ngo bos gnas pas na mi 'gyur ba'o/ /ma rig pa'i mun pa dag par mdzad pas na mun 'joms zhes bya ba'o//rgyu las 'das par gyur pas na nam mkha' mnyam pa'o/ /dngos po thams cad kyi rang bzhin nyid bstan par mdzad pas na khyab pa mo zhes bya ba'o/ /de yang ji ltar shes par 'gyur zhe na/ rnal 'byor gyis ni bgrod ces bya ba la/ rnal 'byor zhes bya ba ni g.yas pa dang g.yon pa gnyis ka sbyar bar gyur pa'i dbus ma a ba d+hU tI ste/de bzhin du srog dang thur sel gyi sbyor ba ni rnal 'byor du brjod do/ /gzhan yang chags pa dang chags pa dang bral ba ro mnyam pa nyid ni/ rnal 'byor ro/ /de bzhin du goms par gyur pa'i so sor sdud pa la sogs pa'i yan lag drug ni rnal 'byor yin la/de yis shes par 'gyur gyi/ gzhan ma gang gis kyang ni ma yin no/ /de gang na gnas she na/ lus la gnas zhes bya ba ni/ sems can thams cad kyi lus po la gnas zhes bya ba'o/ / ngo bo ji lta bus gnas she na/ ye shes gzi brjid ces bya ba ni shes pa'i ngo bos gnas pa yin gyi/ be+ems po nyid kyis ni ma yin no/ /gal te rnal 'byor gyi stobs kyis shes par gyur pa de lta na ni/ don ci mdzad ce na srid pa'i dri 'phrog ces bya ba la srid pa'i dri ma ni 'khor ba'i bag chags yin la/de 'phrog par mdzad pas na srid pa'i dri 'phrog ces bya ba'o/ /de'i dngos po ji lta bu yin zhe na/ dus kyi 'khor los rig ces bya ba ni stong pa nyid dang snying rje dbyer med pa'i rang bzhin du gyur pa mchog tu mi 'gyur ba'i bde ba'am rang bzhin yin gyi/sdug bsngal gyi rang bzhin du gyur pa 'pho ba dang rdul phra rab kyi bdag nyid kyi ni ma yin no/ /de ltar bcom ldan 'das ma phyag rgya chen mo gang yin pa de bcom ldan 'das kyis theg pa chen po bka' gsang sngags ma gtogs par gang yang ma bstan te/de bas na sngags kyi theg pa ni khyad par du gyur pa'o/ /de ci'i phyir zhe na/ bstan par mdzad de/ rnam shes zhes bya ba la sogs pa la/ 'dir bye brag tu smra ba'i gzhung la sngon du brjod pa'i rim pas mdo sde pas sun phyung bar mdzad de/ sngon po la sogs pa'i dngos po smra bar 'dod pa de rnams la rnam par shes par smra ba pos sun dbyung bar byas la srid pa gsum po ni rdul phra rab las 'das par gyur pa'i rnam par shes pa tsam du 'dod do//de rnams kyang sems las ma gtogs par gzhan ma dngos po gang yang mi 'dod do zhes bya ba'o/ / de rnams la yang gcig dang du mas rnam par dpyad pa'i rigs pas dbu ma pas sun dbyung bar mdzad de/ dngos po thams cad stong pa nyid yin gyi/ gcig dang du ma'i rang bzhin gyis rnam par dpyad na/ mtshan nyid dang bral ba'i nam mkha'i me tog dang 'dra ba'i rnam par shes pa tsam ni ma yin no//de bas na gzung 'dzin la sogs pa las 'das par gyur pa'i dngos po thams cad bems po'i rang bzhin du 'dod pa de rnams kyi bsam pa ni de ltar yang ma yin te/ mchog tu mi 'gyur ba'i bde ba dang bral ba'i phyir ro/ /de nyid bstan par mdzad de/ sangs rgyas shes rab gang la'ang gnas min sangs rgyas pa rnams tshig ston 'gyur//zhes bya ba ni/ sangs rgyas rnams la rnam pa thams cad du shes pa'i ngo bo ni med de/ gal te sangs rgyas shes pa'i rang bzhin yin pa de lta na ni shes bya sngon du 'gro ba ni shes pa'o/ /shes pa dang shes bya gnyis ni gzung 'dzin gyi rtog pa yin gyi/stong pa nyid ni ma yin no/ /rgyu de'i phyir sangs rgyas kyi shes rab dngos po gang la yang mi gnas zhes bya bar phyogs bzung nas stong pa nyid bsgrub par 'dod de dngos po gang yang ma grub pa'i stong pa nyid kyi bsgom pa des mchog tu mi 'gyur ba'i bde ba dang bral ba'i bems po'i rang bzhin du gyur pa'i stong pa de rnams su 'gyur ba'o//rgyu de'i phyir bcom ldan 'das kyi bka' gsang sngags kyi theg pa las 'pho ba med pa'am lhan cig skyes pa'i bde ba'i skur bstan to/ /gtso bos de phyir gang zhig 'pho med lhan cig skyes pa'i bde sku sngags kyi theg par bstan//zhes bya ba'o/ /bde ba de nyid kyang rig byed la sogs pa las tshangs pa la sogs pa rnams kyis nges pa'i don du bstan la/ sangs rgyas bcom ldan 'das kyis bka' stsal bar smos ci dgos she na bstan par mdzad de/ ba lang zhes bya ba la sogs pa la/ 'dir nges pa'i don du mchod sbyin gyi dus ni mchog tu mi 'gyur ba'i dus yin la/ dus der ba lang la sogs pa'i sgras mig gi dbang po la sogs pa dang de rnams kyi yul du gyur pa'i gzugs la sogs pa'i phan tshun du 'brel ba tshad ma ni mchod sbyin yin la ye shes kyi sbyor ba la dmigs pa gsal zhes bya ba'i don to//de bzhin du mchod sbyin gyi dus su khrag dang ldan pa'i ko ba la phyi rol gyi sman so ma ni brdungs nas bram ze rnams kyi btung ba yang yin pa de spyi bo nas byung ba'i zla ba'i bdud rtsi ni rdul dang ldan pa'i b+ha gar dga' ba'i gzugs kyis gnas par brjod do//de bzhin du tshangs pa la sogs pa'i lha gsum po dang / zla ba'i rig byed dang mchod sbyin gyi rig byed dang / rigs kyi rig byed gsum ni srog chags rnams kyi lus dang ngag dang sems su de rnams shes par bya'o//oM b+huHb+ho baHyi ge gsum ni yon tan gsum gyi rang bzhin du gyur pa rtsa gsum mo/ /de bzhin du phyi rol du rigs kyi brtul zhugs ni nang du lus kyi lha dang lha mo'i rigs su brjod do/ /de bzhin du rig byed srid srung ni gzhom du med pa'i mchog tu mi 'gyur bar brjod ces bya ba'o//de ltar brjod pa'i rim pas rig byed mtha' las gsang bas 'di nyid tshangs pas rnal 'byor pa la sngon du brjod/ /ces bya ba ni/ rig byed mtha' ni shin tu gsang bar gyur pa'i don 'di lta bu tshangs pas gang bstan pa/ /de yi dus kyi shes pa rang nyams thub pa rnams kyis srog chags rnams la gsod bstan pa//zhes bya ba'o/ /phyi nas de'i dbang gis mtho ris 'dod pa'i phyir/ sems can thams cad kyi srog bcad par byas nas/ mnar med par 'gro bar 'gyur ba'o/ /de bas na srog bcad pas rnam pa thams cad du mtho ris su mi 'gro ba'i dpe bstan par mdzad de/sol ba 'o ma'i rgyun gyis bkrus na zla ba'i mdog tu 'dir ni nam yang mi 'gyur ro/ /zhes bya ba'o/ /de bas na nges pa'i don dang bral bar gyur pa'i rig byed kyi tshig rnams kyis mi rnams kyi nyon mongs pa 'ba' zhig bstan par mdzad de/rnal 'byor bral zhing dam tshig bral ba'i rig byed tshig gis mi rnams gang bslus des/ /rang gi chung ma nyin mtshan dus su bdag gi bu ni bskyed phyir srung bar byed/ /sbyin pa bu yis byin na yi dags 'jig rten la gnas pa yis thob 'gyur ro//de'i phyir bde mnyam 'bras ster 'dod chags sbyin pa 'di ni bram ze sdang bas sbas/ /zhes bya ba'o/ /'dod chags kyi sbyin pa la yon tan ci bdog ce na/ dpes bstan par mdzad de/ skyes bu gzhan gyi rta mchog rgod ma las ni rta chen skyes nas ni/ /de yi mthu yis slar yang dpa' mor gyur pa bdag pos phyir don ma thob bam//zhes bya ba ni/ dper na skyes bu gang zhig la rgod ma las khyad par du skyes pa'i rta'i dbang gis rdzas kyi dpal mo thob par gyur pa ji lta ba de bzhin du bud med phran tshegs kyi sbyin pas skye ba phyi ma la shin tu khyad par gyi don 'grub par gyur pa de la skyon ci yod ce na bstan to//des na gal te dus thams cad du bza' bran gnyi ga rtag pa yin pa de lta na ni mi'i sbyin pa mchog ste de ltar yang ma yin no/ /de bas na 'chi bar gyur pa'i mi la khyim thab gang yin pa dang bdag po gang yin zhes bya ba'o//de nyid bstan par mdzad de/ nyin mtshan dus su chags can gyis ni rang rang khyim thab srung byed pa/ /shi nas khyod ni gang dang khyod kyi khyim thab gang yin kye ma mi dge'i las kyis bcings/ /zhes bya ba ni bsam pa ngan pa bstan to/ /de bas sbyin pa thams cad kyi nang nas 'dod chags kyi sbyin pa khyad par du gyur par shes nas bstan par mdzad de/ba lang sbyin dang sa sbyin gzhan yang de bzhin longs spyod mi yi 'jig rten la ster dang / /sman dang bza' ba'i sbyin pa nad rnams kun 'joms bkres dang skom pa 'joms pa dang / /thams cad las ni bde mnyam 'bras ster 'dod pa'i sbyin pa'i 'khor lo'i dus su smos ci dgos//chung ma sdug dang sring mo skal bzang bu mo gsang ba ster phyir sbyin par bya/ /zhes bya ba ni/ sa la sogs pa'i sbyin pa thams cad las mchog tu mi 'gyur ba'i bde ba ster ba'i phyir/ 'dod chags kyi sbyin pa khyad par du gyur par shes nas yid du 'ong ba'i khyim thab la sogs pa rdo rje mchod pa'i phyir dus thams cad du sbyin pa sbyin par bya'o//da ni smad 'tshong ma la sogs pa'i phyag rgya bzhi ni las kyi phyag rgya la sogs pa'i phyag rgya bzhis dag pa bstan par mdzad de/ gsal bar lus 'tshong zhes bya ba la sogs pa la 'dir smad 'tshong ma ni las kyi phyag rgya yin te/sems can thams cad la thun mong du gyur pa'i phyir ro/ /de bzhin du gsang bar gyur pa'i bud med ni gsang ba'i phyag rgya yin te/ dam tshig gsang bar 'gyur ba'i ji lta ba de bzhin du mi gsal bar gyur pa'i phyir ro//rang dbang du gyur pa'i phyag rgya ni chos kyi phyag rgya yin te/ gang gis kyang dbang du ma byas pa'i phyir ro/ /khyim thab ni ye shes kyi phyag rgya yin te rang gi sems dang 'dra ba'i phyir ro/ /de rnams kyang ji lta bu yin zhe na/ gsal bar lus 'tshong zhes bya ba ni lo bcu gnyis lon pa'i smad 'tshong ma dang /rim pa de bzhin du lo bcu drug ma dang nyi shu ma dang sum cu lon pa'i khyim thab ni rim pa ji lta ba de bzhin du shes par bya'o/ /de ltar phyag rgya de rnams kyi mtshan nyid shes nas bla ma la sogs pa rnams la rjes su mthun pa ji lta bar de rnams dbul bar bya'o//ci'i phyir zhe na/ theg pa chen po gsang sngags la zhugs nas 'dod chags kyi sbyin pa ma sbyin gyi bar du phyag rgya chen po'i dngos grub mi 'grub pa'i phyir ro/ /de nyid bstan par mdzad de/ sngon du sangs rgyas rnams kyis sa dang glang chen rta dang shing rta gser khur du ma ni/ sangs rgyas phyir sbyin slar yang bu dang sha khrag rnams ni rab tu sbyin 'gyur te/ /'dis ni 'dod pa'i sangs rgyas nyid du 'gyur min de nas 'dod pa'i sbyin pa mdzad/ /de yi sangs rgyas nyid kyi rgyal ba skyed mdzad rigs las me rnams gsang ba'i sbyin pas so/ /zhes bya ba ni/ bcom ldan 'das shAkya thub pas sngon du sbyin pa la sogs pas nyid kyi don phun sum tshogs pa ma grub par gzigs nas 'dod pa'i sbyin pa rdzogs par byed pa'i phyir btsun mo stong phrag drug cu tham pa bzhes te/ phyi nas de thams cad sbyin pa mdzad nas bla na med pa'i byang chub mngon du mdzad par 'gyur zhes bya ba'o//gzhan yang rgyu phran tshegs las 'bras bu khyad par du gyur pa bzhin du de nyid bstan par mdzad de/ gser zhes bya ba la sogs pa la/ dper na 'dir gal te zangs kyis gser de tsam du rnyed pa dang lha'i cod pan gyi nor bu ni mching bu dum bus dang gsal bar smad 'tshong byin pas mtho ris kyi lha mo dang pags pa'i dum bus gla rtsi'i lte ba dang bong bus rta dang /ras brjes nas glang po che rnyed pa ji lta ba bzhin du mi rtag pa dang 'khor ba'i rgyur gyur pa'i khyim thab kyi sbyin pas bcom ldan 'das rdo rje sems dpa'i btsun mor gyur pa'i phyag rgya chen mo thob pa ni don khyad par du gyur pa ma yin nam zhes bya ba'o//de dag la sogs pa'i sbyin pa gang la sbyin zhe na/ byams pa'i gnas zhes bya ba la sogs pa la/ 'dir phyi'i sbyin pa ni 'bras bu la ltos pa med pa'i sems kyis sems can thams cad la thun mong du sbyin par bya zhing 'dod pa la sogs pa'i sbyin pa ni bla ma dang khyad par du gyur pa'i gang zag rnams la sbyin par bya ba ni nges pa'o//de ltar brjod pa'i rim pas 'dod pa'i sbyin pa ni rang gi rigs bsrung ba'i phyir bram ze gdug pa rnams kyi rig byed tshad mar byas nas dgag pa ste/ de bas na gang gi rig byed tshad mar 'dod pa de rig byed tshad mar 'gyur te/rig byed tshad mar 'dod pas mchog sbyin tshad mar 'gyur te/ mchog sbyin tshad mar gyur pas mnar sems tshad mar 'gyur ro/ /mnar sems tshad mar gyur pa la dmyal bar gtong ba'i sdig pa tshad mar gyur pa'o//de bas na rig pa 'dzin pa dang phrag dog gi bsam pa dor nas phyag rgya chen po'i dngos grub bsgrub pa'i dam tshig dang sdom pa la gnas pa'i gang zag rnams la 'dod pa'i sbyin pa sbyin par bya zhes pa ni nges pa'o/ /de bzhin du gtsug lag khang bzhengs su gsol ba gang yin pa de sems can rnams la sbyin pa'i gnas su gyur pa'i phyir/bcom ldan 'das kyis khyad par du gyur pa gsungs pa yin gyi/ sbyin pa las ma gtogs par ni ma yin no/ /de nyid bstan par mdzad de/ gtsug lag khang dpal rab gnas gos dang bza' phyir dge bar bcom ldan 'das kyis gsungs//sman dang bza' ba'i sbyin pa sdig pa'i nad ni nyams byed der ni sbyin pa po yis sbyin/ /sbyin pa med na sa steng gnas su gtsug lag khang ni dud 'gro'i gnas nyid do/ /gang du bza' bar gyur ba de ni dge 'dun chos dang sangs rgyas 'gyur ro mi dbang kye/ /zhes bya ba'o//da ni sngags kyi tshul gyis mngon sum du gyur pa'i dkon mchog gsum po'i mtshan nyid bstan par mdzad de/ sangs rgyas zhes bya ba la sogs pa la/ 'dir bla na med pa'i byang chub thob par bya ba'i phyir/ dkon mchog gsum la skyabs su song bar byed de/ don dam pa'i bden pas dkon mchog gsum po de min par mdzad de/ /gtsug lag khang gnas sangs rgyas 'di dang 'di ni bris pa'i glegs bam chos dang ni/ dge 'dun ngur smrig gyon pas mchog 'gyur gtso bo'i bde ba skye 'bum gyis ster min/ /zhes bya ba ni/ shing dang 'dag pa la sogs pa'i rang bzhin du gyur pa'i sangs rgyas dang glegs bam du gnas pa'i yi ge'i tshogs dang / skra bregs pa dang ngur smrig 'dzin pa'i dge 'dun gyis bcom ldan 'das rdo rje sems dpa'i mchog tu mi 'gyur ba'i bde ba ni ster bar mi 'gyur ro//'o na don dam par dkon mchog gsum gang yin zhe na/ slob dpon sangs rgyas nyid de sa mchog steng du chos ni de yis bstan pa'o/ /zhes bya ba ni/ dbang po thams cad dang ldan par gyur pa mngon sum du rdo rje sems dpa'i rang bzhin du gyur pa'i rdo rje slob dpon ni sangs rgyas bcom ldan 'das yin gyi bems po dang lkog tu gyur pa ni ma yin no//de ltar de yis drang ba'i don dang nges pa'i don gyi 'jig rten dang 'jig rten las 'das pa'i chos bstan pa ni chos yin gyi/ shog bu la gnas pa'i yi ge'i tshogs ni ma yin no/ / de bzhin du sems can thams cad la bu gcig pa bzhin snying rje byed pa dang / dus thams cad du sems dgyes par gyur pa'i slob dpon gyi 'khor ni dge 'dun yin gyi/ rang gcig pu dul bar 'dod pa dang sdug bsngal dang ldan par gyur pa ni ma yin no/ /de yang mdor bsdus pa rnam pa gnyis su gsungs te/nyan thos kyi dge 'dun dang bla na med pa'i dge 'dun no/ /rgyas par ni dge slong dang dge slong ma dang dge bsnyen dang dge bsnyen ma gang yin pa de kun rdzob tu nyan thos kyi dge 'dun ni rnam pa bzhir bstan to/ /don dam par na bla na med pa ni mchog tu mi 'gyur ba'i bde ba thob pa'i rnal 'byor pa dang rnal 'byor ma dang bskyed pa'i rim pa'i ting nge 'dzin la gnas pa'i dge bsnyen dang dge bsnyen ma ni rnam pa bzhir gsungs so//de ltar rnam pa gnyis dang rnam pa bzhir gyur pa'i dge 'dun de la rang rang gi chos dang mthun pa'i longs spyod kyis de rnams gang gis tshim par byed pa'i skyes bu de la skye ba 'di nyid du don 'grub par bstan par mdzad de/bsod nams ye shes don phyir rnam pa sna tshogs sbyin pa rtag tu shin tu dgyes/ /nyan thos rnams la mchod ston la sogs mchog gi bde byed 'dod 'gyur sbyin pa rnal 'byor pa rnams la/ /sbyin pa po rnams gang zhig rab tu dga' sems kun nas rjes chags sems kyis sbyin//de rnams bsod nams ye shes rdzogs te mchog tu bde ba'i go 'phang skye ba 'di las 'gro/ /zhes bya ba ni/ bsod nams kyi tshogs dang ye shes kyi tshogs bsag par bya ba'i rim pa ji lta ba bzhin du nyan thos kyi sdom pa la gnas pa dang sngags kyi theg pa la gnas pa'i rnal 'byor pa rnams la sbyin pa po gang gi kha na ma tho ba dang bral ba'i ston mo la sogs pa dang /'dod pa'i yon tan lnga'i rang bzhin du gyur pa'i sbyin pa sbyin pa des skye ba 'di nyid du tshogs nyid kyi dbang gis phyag rgya chen po'i dngos grub grub pa de ni nges pa'o//de bas na ye shes kyi tshogs rdzogs par byed pa ni slob dpon yin la rgyu de'i phyir de la mi gang gis smod par byed pa de mnar med pa'i sar 'gro bar 'gyur ba bstan par mdzad de/ gsal ba'i rgyal ba slob dpon nyan thos glen pa gang zhig rnams kyis smod byed de/ /de rnams bgegs kyi mgon pos gsod de myur du shin tu 'jigs byed mnar med 'gro/zhes bya ba ste/ /rgyu de gang gi phyir zhe na/ gang zhig sngags kyi mthu yis mchog gi rgyal dbang bdag byin brlab par mdzad/ /ces bya ba ni/ rdo rje slob dpon gyi sngags dang / ting nge 'dzin gyi mthu'i skal ba dang ldan pa'i mi rnams la rdo rje sems dpa' mngon sum du byin gyis brlab par mdzad pa'i phyir ro//gzhan yang dge slong gang zhig brtul zhugs nges pa'i go 'phang tshangs spyod mi rnams de dang mtshungs/ /zhes bya ba ni/ tshangs par spyod pa dang ldan pa brtul zhugs nges pa la gnas pa'i slob dpon ni de dang 'dra bar gyur pa'i dge slong gang zhig kyang med de nyan thos kyi bslab pa tsam bsrung ba dang dus thams cad du tshangs par spyod pa med pa'i phyir ro//gzhan yang nyan thos la sogs pa rnams kyis mchog tu mi 'gyur ba'i bde ba 'dod pa'i phyir dka' ba'i las byed de/sdug bsngal gyi bya bas bde ba'i rang bzhin du gyur ba'i don 'grub par mi 'gyur ro/ /de bas na nyan thos la sogs pa'i byis pa rnams la lam 'khrul bar gyur pa bstan par mdzad de/ mchog gi bde 'dod dge slong dag gam kun du rgyu rnams thams cad dga' bar byed/ / gcer bu mgo reg dang ni ral pa can dang klog nyan dag la mkhas pa lam nyams ni/ /zhes bya ba'o/ /ji ltar byed ce na/ byed pa po dang bdag 'dzin rang gzhan 'dir ni rtag tu bu dang khyim thab 'dzin pa dang / /bza' dang bza' min 'dzin dang rigs dang rigs min 'dod cing snod dang snod min gzung bas so//zhes bya ba ni 'dir gang dag la sogs pa'i rnam par rtog pa rnams kyis so/ /de bas na lus dang ngag dang sems sdug bsngal du gyur pas na bde ba gang gis thob par 'gyur te/ rgyu de'i phyir mchog tu mi 'gyur ba'i bde ba ster bar byed pa'i lus dang ngag dang sems ni sangs rgyas thams cad kyi bdag nyid yin gyi/gzhan gyi ni ma yin no/ /de bas na de rnams las ma gtogs par gang zhig rnams kyis thar pa bsgrub par 'dod pa'i mi de rnams 'khor bar 'khyams par gyur pa yin gyi/ 'khor ba las pha rol tu phyin pa ni ma yin par bstan par mdzad de/sangs rgyas zhing ni sangs rgyas dang bcas bde mnyam 'bras ster lus ngag yid dang chags pa ste/ /'di dag nyams par byas nas sdig pa'i blo can gyis ni gtso bo gzhan ma tshol bar byed/ /zhing dang lam du 'jug ngogs yul gzhan brtul zhugs nges pa brgya dang smyung ba ri rtser mchong /g.yul dang nyi ma gzas zin yul gyi bde ba la dga' du ma'i mtshon mer 'jug pas so/ /zhes bya ba'o/ /de bas na 'di dag la sogs pa'i sdug bsngal gyi rang bzhin du gyur pa'i dngos po rnams gang yin pa de bdud kyis bstan pa yin gyi/sangs rgyas bcom ldan 'das kyis ni ma yin par bstan par mdzad de/ 'di dag ma lus bdud kyis sngon dus khrag ni btung ba'i ched du brjod/ mtho ris 'jug ngogs smyung ba dang ni g.yul du bcom nas 'chi bar gyur pa dang / ba lang nyi ma mthar phyin khyim nor yul dang bram ze'i ched du shi pas so//zhes bya ba ni 'dir bdud rnams kyi sprul pas bzung nas mi rnams la nyon mongs pa bskyed pa'i phyir lam gyi ngogs su smyung bas shi bar gyur pa'i mi ni mtho ris su gyur te/ de bzhin du g.yul dang mtshon cha rnams kyis 'chi ba dang /ba lang nyi ma bsrung ba'i phyir dang / khyim dang nor gyi phyogs dang / bram ze rnams kyi bya bas 'chi bar gyur na mtho ris kyi 'gro bar bstan to/ /de bas na skye ba 'di dang skye ba phyi ma'i don nyams par byed pa'i bdud kyi tshig rnams su shes nas mchog tu mi 'gyur ba'i bde ba'i rten du gyur pa'i rang gi lus po dang /gzhan gyi lus ni rnam pa thams cad du bsrung bar bya ste/ de bas bde mnyam gnas 'dir gyur pa yi/ /rang gi lus dang gzhan gyi bsrung bar bya'o/ /zhes bya ba'o/ /gzhan yang sngags kyi theg pa la zhugs nas gang gis phrag dog mi 'dor ba de la dam tshig nyams par bstan par mdzad de/gang zhig rgyal ba'i mchog spyod pa dang rgyud rgyal thos shing dbang ni thob par gyur nas kyang / /slar yang phrag dog byed na dmyal ba brgyad kyi bar nyid der ni 'jug par gyur pa'o/ /dmyal ba ji lta bu yin zhe na/ gang du khab rtse'i sa gzhir mi dge'i 'bras bu'i dbang gis dmyal ba rnams ni kun spyod byed/ /ces bya ba'o/ /de phyir mi rnams sems la phrag dog yod pa'i bar du dbang ni blang bar mi bya'o/ /zhes bya ba ni/ gang la phrag dog yod pa de la chags pa la sogs pa nyon mongs pa thams cad skye bar 'gyur te/de bas phrag dog gcig pu'i phyir dge ba'i rtsa ba thams cad nyams par gyur par shes nas 'bad pas phrag dog dor bar bya'o/ /de nas gal te phrag dog dor bar mi nus pa de lta na ni/ /bum pa la sogs pa'i bla na med pa'i dbang rnams blang bar mi bya ba ni bcom ldan 'das kyi nges pa'o//'o na gal te phrag dog gi dbang gis mnar med par 'gro bar gyur pa de lta na ni/ phrag dog dor nas de nyid sbyin bas don ci 'grub ce na/ sbyin dang tshul khrims rab rdzogs rgyal ba skyed mdzad rigs la bzod dang brtson 'grus rab rdzogs dang //bsam gtan shes rab thabs dang smon lam stobs dang ye shes de rdzogs shing / /rnal 'byor dga' ba'i sems kyis khyim thab myur du byin pas skye ba 'di la'o/ /zhes bya ba ni/ rnal 'byor pa gang gis sems dga' bar byas nas/ gal te khyim thab bla ma la sogs pa rnams la 'bul bar byed pa de lta na ni sbyin pa des sbyin pa la sogs pa'i pha rol tu phyin pa bcu rdzogs par 'gyur ba'o//de ltar yon tan shes nas gang gis chags par byed pa de sngon du brjod pa bzhin du dmyal bar 'gro ste/ rgyu de'i phyir mi gang gis phrag dog byed pa des rang gi don nyams par byed pa'i phyir bdud kyis zin pa dang rmongs par gyur par shes par bya'o//de bzhin du gzhan yang las dang po pa rnams kyi rang gi skyon brjod par mdzad de/ sa zhes bya ba la sogs pa 'di las dang po pas gnas kyi nges pa dang gnas kyi nges pa ma shes par gal te sngags la sogs pa sgrub par byed pa de lta na ni cho gas dman par gyur pa'i phyir de rnams don grub par mi 'gyur te/de la don mi 'grub pa'i rgyu ni rang gi nges pa yin te/ sngags rnams kyi ni ma yin no/ /dper na rgyal srid thob par bya ba'i phyir g.yul gyi dus su dgra la sogs pa mthong nas mi gang zhig la rang gi lag pa nas ral gri lhung bar 'gyur te/de la sems 'jigs par gyur pa'i dbang gis lag pa'i skyon yin gyi/ ral gri'i skyon ma yin pa bzhin du shes par bya'o/ /de bas na rnal 'byor pas rgyu dang 'bras bu'i phan tshun du mtshan nyid la sogs par shes nas 'jig rten dang 'jig rten las 'das pa'i dngos grub sgrub par byed pa ji lta ba de bzhin du bstan par mdzad de/sngags dang dpa' bo'i rim gyis kyang ni lha min gdengs ka lha rnams drag po'i sar bsgrub bya/ zhes bya ba ni/ dur khrod la sogs pa'i sa la'o/ /bdag byin brlabs pas lha mo dam tshig rigs gnas bsam gtan bzlas dang sbyin sreg gis//zhes bya ba ni/ sangs rgyas dang byang chub sems dpa' rnams kyis byin gyis brlabs par mdzad pa'i gnas dang rnam pa gnyis kyis rang bzhin du gyur pa'i dam tshig la sogs pa rnams kyis zhi ba'i rang bzhin du gyur pa'i lha mo rnams bsgrub par bya'o//de bzhin du rnam par dag pa'i rim pa dang rgyun mi 'chad par bde ba chen po'i rang bzhin du gyur pa'i sems kyis 'jig rten las 'das pa'i dbang gnyis su med pa'i ye shes bsgrub par bya ste/ yid bzhin gyi nor bu'i rang bzhin du gyur pa'i gnyis su med pa'i ye shes des sa bcu gnyis kyi dbang phyug nyid phyag rgya chen po'i dngos grub bsgrub pa'i lam gyi rim pa ste/de bas ye shes yid bzhin nor ltar gang 'gyur rgyal ba'i lam ni 'di nyid do/ /zhes bya ba'o/ /da ni thabs dang ldan par gyur pa'i rnal 'byor pa rnams la las kyi phyag rgya'i dgos pa bstan par mdzad de//dngul chu zhes bya ba la sogs pa'i tshigs su bcad pa gnyis kyis dpe bstan to/ /de bzhin du sngon du brjod pa'i zhi ba la sogs pa'i 'jig rten pa'i dngos grub bsgrub pa'i gnas kyi nges pa bstan par mdzad de/ skyed mos tshal zhes bya ba la sogs pa'o//'o na mchog tu mi 'gyur ba'i bde ba gang du bsgrub par bgyi zhe na/ phyag rgya kun la rab sbyor bar/ /zhes bya ba'o/ /de ltar brjod pa'i rim pas gnas la sogs pa'i nges pa ma shes par sgrub par byed na skye ba grangs med pa rnams kyis kyang dngos grub bsgrub par mi 'gyur ro//de nyid bstan par mdzad de/ khyim pa zhes bya ba la sogs pa la 'dir gdan la sogs pa dor nas gnas dang mi mthun pa'i khyim la sogs par gang gi ji lta ba bzhin du bzlas pa la sogs pa byed pa de la nyon mongs pa 'ba' zhig skyed par byed de/ de ci'i phyir zhe na/gnas dang dus tshod la sogs pa ma shes pa'i phyir ro/ /dper na rkang ba'i sor mo rnams la nad byung ba mgo la sman byed pa bzhin du shes par bya'o/ /bskyed pa'i rim pa'i ting nge 'dzin gyi dngos grub bsgrub pa la gnas la sogs pa la dgos par gsungs pa ji lta ba bzhin du phyag rgya chen po'i dngos grub bsgrub pa la gnas pa dang bsam gtan la sogs pa ji lta bu yin zhe na/bsam gtan med ces bya ba ni phyag rgya chen po'i dngos grub bsgrub pa la bsam gtan la sogs pa med de/ nam mkha' las byung rang byung ba'i phyir dang med pa'i dngos po las grub pa'i phyir ro//de bas na mchog tu mi 'gyur ba'i bde ba'i rang bzhin du gyur pa'i rang gi sems las ma gtogs par gzhan ma gang gis kyang phyag rgya chen po'i dngos grub 'grub par mi 'gyur te/ de rgyu gang gi phyir zhe na/ 'dir shin tu gnyid log pa'i gnas skabs su sems rang bzhin med pa dang /rmi lam gyi gnas skabs su bag chags las ma 'das pa dang sad pa'i gnas skabs su gzung 'dzin gyi rang bzhin du gyur pa'i phyir ro/ /de bas na stong pa nyid kyi gzugs dang rang gi sems ro mnyam pa nyid kyi rang bzhin du gyur pas na phyag rgya chen mo'i dngos grub ster bar 'gyur ba'o//da ni rnal 'byor pa rnams la thun mongs dang por chang gis mchod pa'i rnam pa bstan par mdzad de oM AHzhes bya ba ni/ sngon du brjod pa'i bdud rtsi bsgrub pa'i cho gas chang sbyang ba la sogs pa byas pa snod de las lag pa g.yon pa'i ming med kyi sor mos chang gi thig le blangs nas mnyam par gyur pa'i sa la chos kyi 'byung gnas kyi bdag nyid du gyur pa'i gru gsum pa byas te/de'i dbus su thig le'i gzugs bya'o/ /de nas ye shes kyi 'khor lo spyan drangs nas thig le'i dbus su bzhugs par bsams la lag pa g.yon pa'i ming med dang mthe bong gi chang gi snod nas thig le re re blangs nas yi dam lha nas brtsams nas lha dang lha mo'i tshogs thams cad la mchod par bya'o//de bzhin du sngon du brjod pa'i rim pas zhing skyong la sogs pa'i gtor ma dang bza' ba'i dus su cho ga bya ba thams cad ni nges pa'o//da ni dbang po rtul po dang dbang po mchog tu gyur pa'i rnal 'byor pa rnams la lha bsgom pa'i nges pa bstan par mdzad de/ mngon sum zhes bya ba la sogs pa la/ 'dir skye ba snga mar mi rnams kyis nyin mtshan du stong pa nyid bsgoms par byas pa'i mi de rnams la sngon gyi stong pa nyid kyi bag chags kyi stobs kyis phyag rgya chen po'i dngos grub la sems skye bar 'gyur te rnam par mi rtog pa'i ye shes kyang bsgom par 'dod pa'o//bsgoms pa'i stobs des dang por shal sogs pa'i mig rnams kyis dus gsum du sgyu ma dang rmi lam bzhin du srid pa gsum du mthong bar 'gyur ba'o//de ltar stong pa nyid kyi gzugs kyi rang bzhin du gyur pa'i rang gi sems so sor spong ba la sogs pa'i yan lag bzhis ni nam mkha' la brtan por byas nas phyag rgya'i sbyor bas mchog tu mi 'gyur ba'i bde bas skad cig bsgrub par bya ste/des na rang bzhin gyis rgyu mthun pa la sogs pa'i 'bras bu bzhi'i rang bzhin du gyur pa'i phyag rgya chen mo'i dngos grub ni rnal 'byor pas mngon sum du byed par gyur pa'o/ /'o na dbang po rtul por gyur pa rnams kyis bris sku la sogs pa la dmigs pa byas nas lkog tu gyur pa'i yi dam gyi lha'i rang bzhin du gyur pa'i rang gi sems kyi dkyil 'khor gyi 'khor lo'i rnam par spros par mi nus pa'i dbang du byas pa thams cad bor nas bsgom par bya'o//de ltar brjod pa'i rim pas mchog tu mi 'gyur pa'i 'jig rten las 'das pa'i lam gyi rim pa gang yin pa de rgyud kyi rgyal po bcom ldan 'das dus kyi 'khor lo las ma gtogs par bcom ldan 'das kyis shin tu gsal bar ma mdzad de/de bas na gal te bsod nams kyi dbang gis bla ma dam pa'i zhal las rnyed par gyur pa de lta na ni/ rnal 'byor dbang pos phyag rgya chen mo'i dngos grub thob par bya ba'i phyir nyin mtshan du bsgom par bya'o//rgyud kyi rgyal po dpal dus kyi 'khor lo las sgrub thabs kyi le'u'i 'grel bshad pad+ma can gyi mdor bsdus pa'i bshad pa'o// //de ltar bsgrub pa'i sngon du 'gro ba ni gnyis su med pa'i ye shes yin la de nyid bstan par mdzad pa'i phyir bcom ldan 'das phyag na rdo rjes gsol ba gdab par mdzad de/cung zad ces bya ba la sogs pa 'dir bcom ldan 'das dus kyi 'khor lo lha dang lha mo dang lhan cig tu bsgrub pa bcom ldan 'das kyis gang bka' stsal pa de bdag gis cung zad smra bar bya'o//da ni nang gi dkyil 'khor la sogs pa ji lta bu yin pa nyan par 'dod pa zhes bya ba ni gsol ba btab pa'o/ /gsol ba btab pa'i tshig de bcom ldan 'das kyis gsan nas 'chad par 'gyur ba'i rim pas nang gi dkyil 'khor la sogs pa dang gnyis su med pa'i ye shes bstan par mdzad pa'o//mchog tu mi 'gyur ba'i ye shes kyi sgo de nyid kyis byang chub sems dpa' 'jig rten mgon pos gnyis su med pa'i ye shes kyi rang bzhin du gyur pa'i bcom ldan 'das la phyag 'tshal bar mdzad de/ gang zhig ces bya ba la sogs pas ston pa gcig pu de la 'dud ces bya ba'o//phung po la sogs pa'i bdud bzhi 'dul bar mdzad pas na ston pa'o/ /yang na rgyu dang mi rgyu'i dngos po thams cad kyi rang bzhin nyid bstan par mdzad pas na ston pa zhes bya'o/ /de yang ji lta bu yin zhe na/ gang gis rang gi rdo rje las ni yid 'byung bkug nas nyid kyi dpral bar khrid//ces bya ba ni/ bcom ldan 'das gang gis nyid kyis gsang ba'i rdo rje las yid las skyes par gyur pa'i 'dod chags kyi bdag nyid kun rdzob byang chub kyi sems kyi thig le rnams ni nyid kyi dpral bar khrid ces bya ba'o/ /ji ltar khrid ce na/ shes rab ye shes stobs kyis zhes bya ba la shes rab ces bya ba ni rnam pa thams cad dang ldan pa'i stong pa nyid yin la/de nyid ye shes yin te/ dngos po thams cad kyi rang bzhin med pa shes par mdzad pa'i phyir ro/ /de ltar gang gis khrid ce na shAkya thub pas zhes bya'o/ /dpral ba nas gang khrid ce na/rdo rje gtsug tor chen po der/ /zhes bya ba ni/ 'og tu gnas ba'i gsang ba'i rdo rje ni gtsug tor gyi 'khor lo spro bar mdzad nas/ byang chub kyi sems kyi thig le der 'dzin par mdzad de/ de yang byang chub sems dpa' la sogs pa rnams la med par gyur pa'i phyir chen po zhes bya ba'o//yang na bde ba chen po'i skad cig nyi khri chig stong drug brgyas gang bar gyur pas na chen po'o/ /gzhan yang bcom ldan 'das de nyid ji ltar yin zhe na/ gang la dmigs pa dang bcas rdul med stong pa nyid dang snying rje bzang po dmigs med pa/ /zhes bya ba ni/ gang la stong pa nyid dang snying rje yod pa des de ltar mdzad pa yin gyi/gzhan ma rnams kyis ni ma yin no/ /stong pa nyid kyang ji lta bu yin zhe na/ dmigs bcas zhes bya ba ni/ mig gi dbang po la sogs pa rnams la spyod yul du gyur pa yin gyi/ rnam pa thams cad du med pa'i rang bzhin ni ma yin no//'o na gal te med pa'i rang bzhin du ma yin pa de lta na ni/ yod pa'i rang bzhin du mi 'gyur ram zhe na rdul med ces bya ba ni rdul phra rab las 'das par gyur pa'i phyir yod pa ni ma yin no/ /dper na rmi lam gyi gnas skabs su dngos po gang yin pa de med pa ni ma yin te/mngon sum du nyams su myong bar gyur pa'i phyir ro/ /yod pa yang ma yin te bskyed bya skyed byed dang gzung ba dang 'dzin pa'i 'brel pa las 'das pa'i phyir ro/ /de bzhin du stong pa nyid kyi gzugs ni rnal 'byor bas mig gi dbang pos mngon sum du mthong ba'i phyir med pa ma yin te/sa chu me rlung la sogs pa las ma skyes pa'i phyir yod pa ni ma yin zhes bya ba'o/ /snying rje yang ji lta bu yin zhe na/ dmigs med ces bya ba ni/ bya ba'am rgyu thams cad kyi bde ba myong bar byed pas na snying rje'o/ /'o na snying rje bde ba'i rang bzhin du gyur pa de lta na ni/rtog par mi 'gyur ram zhe na/ dmigs med ces bya ba ni rtog pa las ma skyes pa'i phyir dmigs pa med pa yin la/ rnam par mi rtog pa zhes bya ba'i don to/ /rgyu gang gi phyir zhe na/ 'dir mchog tu mi 'gyur ba'i bde ba gang yin pa de gzugs sna tshogs las skyes pa ste/gzugs sna tshogs kyang stong pa nyid las skyes pa'o/ /stong pa nyid kyang rgyu gang las kyang ma skyes pa'i phyir mchog tu mi 'gyur ba'i bde ba rnam par mi rtog pa zhes bya bar grub pa'o/ /de bzhin du dpal dgyes pa'i rdo rje'i rtsa ba'i rgyud las/ stong nyid dpag bsam ljon shing las//dmigs med snying rje 'bras bur 'gyur/ /sangs rgyas kun gyi thugs dgongs ni/ /'grub 'gyur 'di ru the tshom med/ /ces bya ba ni bcom ldan 'das kyis gsungs so/ /rgyu de'i phyir lha mi lha min klu'i bla ma zhes bya ba ni/ 'jig rten dang 'jig rten las 'das pa'i yon tan rnams kyis lci bar gyur pas na bla ma yin la/de nyid lha la sogs pa sems can thams cad kyi bla mar 'os pa dang mchod par 'os pa dang bkur bar 'os pa zhes bya ba'o/ /de lta bu sna tshogs gtso bor ston pa gang yin pa de la bdag gis phyag 'tshal zhes bya ba'o/ / yon tan de dag dang ldan par gyur pa'i ston pa gcig pu de mtshan nyid ji lta bu yin zhe na/ rgyu dang mtshan nyid med pa yi/ /g.yo med rim pa de bzhin te/ /dus kyi 'khor lor mngon brjod pa/ /zhes bya ba ni/ de bcom ldan 'das dus kyi 'khor lo'i mtshan mngon par brjod pa'o/ /dus kyi 'khor lo yang gang la brjod ce na/rgyu dang mtshan nyid med pa'i zhes bya ba'o/ /rgyu zhes bya ba ni 'jig rten gyi phung po la sogs pa rnams kyi yin la 'khor bar 'khyam par byed pa zhes bya ba ni/ de rnams gang la med de rgyu med pa'o/ /de bzhin du sra ba la sogs pa'i ngo bo las 'das pa dang /bde ba dang sdug bsngal gyi dngos po las 'das par gyur pas na/ mtshan nyid med pa zhes bya ba'o/ /'o na rgyu dang mtshan nyid ni sems can rnams shin tu gnyid log pa'i gnas skabs su med par 'gyur te/ de med pa'i phyir sems can thams cad dus kyi 'khor lo ci'i phyir mi 'gyur zhe na/g.yo med ces bya bar gsungs te/ 'dir sems can rnams kyi rgyu dang mtshan nyid med pa gang yin pa de/ shin tu gnyid log pa'i gnas skabs su yin gyi/ sad pa la sogs pa'i gnas skabs su ni ma yin no/ /bcom ldan 'das kyi rgyu dang mtshan nyid med pa ni dus thams cad du yin gyi/dus kha cig gi bar du ni ma yin no/ /de bas na nyi khri chig stong drug brgya 'gags pa'i phyir g.yo ba med pa thugs brtan par gyur pa zhes bya ba'o/ /de bzhin du sems can rnams la byis pa la sogs pa'i gnas skabs bzhir rim pa bzhir gyur pa'i ji lta ba de bzhin du gang la med pa de rim pa med pa yin la/yang na sems can thams cad la dga' ba la sogs pa'i dbye bas bde ba skye ba ji lta ba de bzhin du gang la med pa de rim pa med pa ste/ dus thams cad du mchog tu mi 'gyur pa'i lhan cig skyes pa'i dga' ba gcig pu'i rang bzhin du gyur pa'i phyir zhes bya ba'o//rgyu de'i phyir gnyis zhes bya ba gsungs te/ chags pa dang chags bral las 'das par gyur pas na de gnyis su med pa yin la/ yang na stong pa nyid dang snying rje gnyi ga'i bdag nyid du gyur pas na gnyis su med pa zhes bya ba'o//dngos po de lta bu gang yin pa de bcom ldan 'das dus kyi 'khor lo yin gyi bum pa dang ri bong gi rwa la sogs pa ni ma yin no/ /de lta bu bcom ldan 'das dus kyi 'khor lo gang yin pa de nyid mchog gi dang po'i sangs rgyas yin te/ ming gis dbye ba tsam gyis de nyid la phyag 'tshal bar mdzad de/sprul dang longs spyod chos bzang dag pa ni/ /yi ge ka la sogs pas sku bzhi por/ /de bzhin gshegs pas gang la gsungs pa yi/ /rgyu med dang po'i sangs rgyas de la spyi bos 'dud/ /ces bya ba ni/ bcom ldan 'das mchog gi dang po'i sangs rgyas la phyag 'tshal zhes bya ba ni 'brel pa'o//bcom ldan 'das de ji lta bu yin zhe na/ sprul pa zhes bya ba ni sprul pa la sogs pa'i sku bzhi'i bdag nyid ces bya ba'o/ /bcom ldan 'das kyi sku bzhi gang yin pa de rnams sems can phal pa rnams kyis ji ltar shes she na/ka sogs kyis ni zhes bya ba ni/ yi ge a la sogs pa dang / yi ge ka la sogs pa rnams kyi brda'i tshig gis shes par bya'o/ /nges pa'i don du thabs dang shes rab kyi bdag nyid du 'gyur ba'i byang chub kyi sems dang rdul phan tshun du phye bar gyur na rnam pa bzhir 'gyur te/bzhi po de 'khor ba'i bag chags dang bral bar gyur na sku bzhi'i bdag nyid du 'gyur zhes bya ba'o/ /de gang gis gsungs she na/ de bzhin gshegs pas zhes bya ba ni/ dus gsum du bskor bar mdzad pa'i de bzhin gshegs pa thams cad kyis gsungs zhes bya ba'o/ / gang la gsungs she na/ gang zhig rgyu med dang po'i sangs rgyas zhes bya ba ni/ thabs kyi rgyu dang shes rab kyi rgyu la 'das par gyur bas na rgyu med pa yin la/ gnyi ga'i bdag nyid ces bya ba'i don to/ /de la phyag 'tshal bar mdzad nas ci mdzad ce na/ dpal ldan ye shes le'u yi//zhes bya bar gsungs so/ /don gang gi phyir mdzad ce na/ drang srong sems can thams cad la/ /bsod nams ye shes 'bras thob phyir/ /zhes bya ba ni 'jig rten dang 'jig rten las 'das pa'i dngos grub thob par bya ba'i phyir zhes bya ba'o/ /da ni phyi rol du drang ba'i don du dkyil 'khor gang gsungs pa de/de nyid nang du lus po la sbyar bar mdzad de/ ka ba zhes bya ba la sogs pas so/ /'o na gal te dkyil 'khor de lta bu yin na/ lha rnams kyi dag pa ji lta bu yin zhe na/ sngon du rdo rje zhes bya ba la sogs pa ni/ 'dir A li dang kA li yongs su gyur pa las mtshan ma rnams skye bar 'gyur te/de rnams las lha dang lha mo rnams su skye bar 'gyur ba'o/ /lha dang lha mo rnams kyi rigs gang yin zhe na/ sde zhes bya ba la sogs pa ni/ 'dir kA la sogs pa'i sde drug pa ni bcom ldan 'das mi bskyod pa la sogs pa'i rim pa ji lta ba bzhin du de bzhin gshegs pa drug gi rigs so//rigs drug po de las byang chub sems dpa' la sogs pa dang lha mo rnams skyes pa'o/ /de ltar mdor bsdus par yi ge lnga'i rang bzhin du gyur pa'i sde gcig ni rigs gcig tu bstan par mdzad de/ ka la sogs pa'i yi ge re re las lha dang lha mo rnams ji ltar skye bar 'gyur zhe na/bstan par mdzad de/ sum cu zhes bya ba la sogs pas so/ /'dir yi ge ka ni yi ge a la sogs pa'i dbyangs rnams kyis phye bar gyur na yi ge sum cu rtsa drug tu 'gyur te yi ge sum cu rtsa drug po de las lha dang lha mo rnams gang skyed pa de rnams kyi nang gi dag pa ji lta bu yin zhe na/phung po zhes bya ba la sogs pa ni 'dir phung po las ma gtogs par phyi rol du lha dang lha mo rnams gang yang med de/ de bas na phung po drug la sogs pa'i rnam par dag pas lha dang lha mo sum cu rtsa drug tu shes par bya'o//'o na lha dang lha mo de rnams kyi yan lag rnam par dag pa ji lta bu yin zhe na/ rdo rje rnams kyi zhes bya ba la sogs pas zhal la sogs pa'i yan lag rnams rnam par dag pa bstan to/ /'o na dpa' bo gcig pu dang 'khor dang lhan cig tu lnga la sogs pa'i bdag nyid du gyur pa'i rim pa la dgongs pa gang yin zhe na/sa bon gcig ces bya ba la sogs pa ni/ 'dir nang du kun gzhi rnam par shes pa ni byang chub sems gcig pu gnas pa'i phyir yi dam gyi lha dpa' bo gcig pur bsgom par bya ste/ de nas rdul dang lhan cig tu sbyar bar gyur pa'i phyir phyi rol du thabs dang shes rab kyi bdag nyid du bsgom par bya'o//de dag las phung po la sogs pa rnams rim pas skye ba ji lta ba bzhin du de bzhin gshegs pa la sogs pa dang lha mo rnams phyi rol du shes par bya'o/ /lha dang lha mo de rnams nang gi gnas gang nas skye bar 'gyur zhe na/dag pa zhes bya ba la sogs pa ni 'dir lo bcu drug gi steng nas khams drug gi rang bzhin gyi mi rnams kyi sems spro ba de bzhin du khams drug gi rang bzhin du gyur pa'i sgrib pa med pa'i dpral ba la sogs pa'i 'khor lo drug las lha dang lha mo rnams skye bar 'gyur bar shes par bya'o//de ltar nang gi rnam par dag pa la sogs pa bstan par mdzad nas/ rnal 'byor rnams la shas che bar gyur pa'i lha dang lha mo rnams kyi mtshan nyid bstan par mdzad de/ phyogs 'dab la ni zhes bya ba la sogs pas so//'o na thabs rnams las shas che bar gyur pa'i thabs kyi rgyud rnams kyi lha dang lha mo rnams kyi mtshan nyid ji lta bu yin zhe na/ snying po zhes bya ba la sogs pa'o/ /de ltar bsdus pa'i rgyud kyi rten dang brten pa'i rang bzhin du gyur pa'i dkyil 'khor gyi mtshan nyid bstan par mdzad de/dpal 'khor lo sdom pa'i rtsa ba'i rgyud kyi lha dang lha mo rnams kyi dkyil 'khor bstan par mdzad de/ thig ces bya ba la sogs pa ni/ 'dir 'khor lo sdom pa'i rtsa ba'i rgyud kyi gzhung gis thig dgu bcu rtsa drug btab nas 'khor lo drug gi rang bzhin du gyur pa'i dkyil 'khor bri bar bya ste/de nas A li dang kA li'i bdag nyid du gyur pa'i lha mo rnams dgod par bya'o/ /de rnams kyang ji lta bu yin zhe na/ mkha' 'gro ma rnams zhes bya ba la sogs pas dpa' bo dang dpa' mo rnams kyi mtshan nyid bstan to/ /phyi rol du de rnams kyi gnas gang yin zhe na/ri rab ces bya ba la sogs pa'o/ /phyi dang nang du lha rnams kyis kun du spyod pa ji ltar mdzad ce na/ lha mo zhes bya ba la sogs pa'o/ /'dir phyi rol du thun mtshams bzhi'i dbye bas lhag par byed pa la sogs pa ni lha mo rnams la ji ltar gyur pa de bzhin du nang du srog gi kun du spyod pas sa la sogs pa'i dkyil 'khor rnams las shes par bya'o//de bzhin du sngon du brjod pa'i rim pas bcom ldan 'das he ru ka'i zhal la sogs pa rnam par dag par shes par bya'o/ /de nas gal te rnal 'byor pas bsgom pa las skyo bar gyur pa de lta na ni/zhi ba la sogs pa'i las rnams bsgrub pa'i phyir/ sngags bzlas pa'i cho ga bstan par mdzad de/ shes rab ces bya ba la sogs pa'o/ /'dir phyi rol du dpa' bo dang dpa' mo rnams gang yin pa de rnams kyi nang gi skyed par byed pa'i rgyu gang yin zhe na/gang zhig dbugs zhes bya ba la sogs pa'o/ /lha dang lha mo rnams kyi zla ba dang nyi ma'i gdan gyi dgongs pa gang yin zhe na/ nyi ma zhes bya ba la sogs pa ni/ 'dir nang gi rdul dang byang chub sems kyi bdag nyid du gyur pa'i srog dang thur sel lam ma gtogs par sems kyi gnas su mi 'gyur ba ji lta ba de bzhin du 'das pa dang ma 'ongs pa dang da ltar byung ba'i dus gsum gyi nyi ma dang zla ba las ma gtogs par mi 'gyur ro//rgyu de'i phyir nyi ma'i sgra yis nang du rdul shes par bya zhing / zla ba'i sgra yis byang chub sems so/ /de nyid phan tshun du ltos pa'i dbang gis thabs dang shes rab rnams la nyi ma dang zla ba'i gdan rnams shes par bya'o//de bzhin du 'khor lo sdom pa'i gdan rnams kyi nges pa ni zla ba'i rkang pa nyi shu rtsa lnga dang nyi ma'i rkang pa bcu gcig bsres nas sum cu rtsa drug tu 'gyur te/ de rnams kyi rnam par dag pa'i phyir zla ba dang nyi ma'i gdan la ro rnams zhes bya ste/bcom ldan 'das he ru ka'i gdan ni/ byang chub kyi sems rnam par dag pa'i phyir zla ba'i gdan nam yang na rdul dag pa'i phyir ni nyi ma'i gdan nam/ zla ba dang nyi ma gnyis kar gyur pa'o/ /de bzhin du rlung la sogs pa'i bdag nyid du gyur pa'i lha rnams kyi zhal gyi rnam par dag pa gang yin zhe na/rlung zhes bya ba la sogs pa ni/ 'dir sa la sogs pa rnams kyi dri la sogs pa'i yon tan rnams su 'gyur pa ji lta ba de bzhin du lha rnams kyi zhal gyi dbye bar shes par bya'o/ /gzhan yang phyi rol du thun mtshams la sogs pa'i dbye bas zhal la sogs pa'i dag pa'o//de bzhin du me'i rigs las skyes par gyur pa'i lha rnams la chu'i rigs las skyes par gyur pa'i phyag rgya rnams yin te/ rgyu de'i phyir sku mdog dmar por gyur pa'i thabs rnams la/ sku mdog dkar por gyur pa'i shes rab ma rnams yin te/shes rab ma dmar mo rnams la sku mdog dkar por gyur pa'i thabs rnams shes par bya'o/ /de bzhin du nag po rnams la phyag rgya'i sku mdog ser po yin te/ phyag rgya mo ser mo rnams la thabs rnams nag po'o/ / nam mkha' las skyes par gyur pa'i thabs sngon po rnams la ye shes las skyes par gyur pa'i shes rab ma ljang gu ste/ ljang gu rnams la shes rab ma sngon por shes par bya'o/ /rgyu de dag gang gi phyir zhe na/ rigs so so las skyes par gyur pa'i phyir ro/ /de lta bu'i lha dang lha mo rnams gang yin pa de rnams bcom ldan 'das kyis gang nas spro bar mdzad ce na/shes rab ces bya ba la sogs pa la/ 'dir bcom ldan 'das kyis sems can la phan gdags pa'i phyir thugs kyi rdo rje'i zhal nas dpal 'khor lo sdom pa la sogs pa'i ma rgyud kyi rgyud rnams spros te/de bzhin du nub kyi ye shes kyi zhal dang / g.yas pa'i gsung gi zhal dang / g.yon pa'i sku'i zhal nas rim pa bzhin du rnal 'byor rjes su rig pa dang 'dus pa dang bya ba'i rgyud la sogs pa rnams spro bar shes par bya'o/ /rim pa de bzhin du rnal 'byor spyod pa la sogs pa lta ba bzhin du ni shar gyi zhal la sogs pa las spro bar shes par bya'o//de bzhin du mu stegs pa rnams kyi lta ba ni rim pa bzhin du shes pa ni nges pa'o/ /mdor bsdus pa'i rgyu ba dang mi rgyu ba'i dngos po thams cad tha ma dang 'bring po dang mchog gi dbye bas bcom ldan 'das kyis mdzad ces bya'o//'o na gal te bcom ldan 'das kyis de dag la sogs pa mdzad pa de lta na ni/ spro bya spro byed kyi dbye ba yan lag dang ldan par gyur pa'i phyir/ bcom ldan 'das kyis rtog pa can dang / mi rtog par mi 'gyur ram zhe na/dpal ldan zla ba zhes bya ba ni dper na chu shel zla ba'i 'od zer rnams dang phrad nas/ mi rtog pa nyid kyis chu 'dzag par byed pa ji lta ba de bzhin du sgyu ma dang rmi lam dang 'dra bar gyur pa'i phung po rnams shes nas sems can rnams kyi sgrib pa dag par bya ba'i phyir ston par mdzad de/chos kyang skal ba nye bar ldan pa dang skal ba ring bar gyur pa rnams kyis de bzhin du shes par 'gyur zhes bya ba'o/ /de bas na don dam par rang gi sems las ma gtogs par bla na med pa'i byang chub gang gis kyang mi ster bar bstan par mdzad de/ srid gsum gnas nas sems can don mdzad dang ni yid bzhin nor la bsam pa med//ces bya ba ni/ 'dir gal te bcom ldan 'das dang yid bzhin gyi nor bu sems can la don grub par byed pa/ de lta na ni ci'i phyir sems can rnams la 'jig rten dang 'jig rten las 'das pa'i don da rung ma grub po zhe na/'dir sems can rnams kyi don ma grub pa'i rgyu ni/ sems ma dag pa yin gyis gzhan ni ma yin no/ /gal te sems ma dag pa'i phyir don mi 'grub pa de lta na ni/ sangs rgyas bcom ldan 'das kyis dgos pa med do zhes bya ba'o//de nyid bstan par mdzad de sems can la gnas pa de mi mthong zhing sdig can sems mi dge ba'i 'bras bu'i las kyi phyir ro zhes bya ba ni/ 'dir skye ba snga ma'i mi dge ba'i dbang gis rang gi sems la gnas par gyur pa'i bcom ldan 'das mthong bar mi 'gyur te/dper na mig dang bral ba'i mi rnams kyis nyi ma mi mthong ba bzhin no/ /der nyi ma la skyon med pa ji lta ba de bzhin du sangs rgyas bcom ldan 'das la shes par bya'o/ /rgyu de'i phyir rnam pa thams cad du skal ba dang mi ldan pa'i sems can rnams la sangs rgyas bcom ldan 'das kyis dgos pa med pa zhes bya ba'o//de bzhin du skal ba dang ldan par gyur pa'i sems can rnams la rang gi sems dag par gyur na sangs rgyas nyid kyi rang bzhin du 'gyur te/ sangs rgyas nyid thob pa'i phyir phyi rol na gnas pa'i sangs rgyas gzhan mas dgos pa med ces bya ba bstan par mdzad de/sems ni dag par gyur na mi de rgyal dbang nyid du 'gyur la rgyal ba gzhan mas ci zhig bya/ /zhes bya ba'o/ /sangs rgyas nyid ji lta bu yin zhe na/ bskyed de zhes bya ba la sogs pa ni/ dper na rgyu gang las myu gu skyes pa'i rgyu de ni myu gu skyed pa'i phyir nyams pa'o/ /de gal te myu gu ma skyes par nyams par gyur pa de lta na ni myu gu skye ba med de/rgyu med pa'i phyir ro/ /yang na ma nyams pa la skyes par gyur pa de lta na ni/ sa bon dang myu gu la khyad med de/ rang bzhin mi 'gyur ba'i phyir ro/ /de ltar yang ma yin zhes bya ba'o/ /'o na gal te nyams pa las kyang mi skye mi nyams pa las kyang mi skye ba de lta ni/rgyu dang 'bras bu'i 'brel pa ji lta bu yin zhe na/ gang zhig sngon dngos de gzhan rgyu phyir zhing / /zhes pa'i tshig ste rang bzhin nyid kyis ma skyes so zhes bya ba ni/ 'dir sa bon gang yin pa de nyid myu gu ma yin te/ gnas skabs gzhan du 'gyur ba'i phyir ro//sa bon las ma gtogs par myu gu ma skyes te/ rgyu gzhan ma dang bral ba'i phyir ro/ /de bzhin du/ rang min gzhan ma las kyang min/ /gnyi gar ma yin rgyu med min/ /skyes pa'i dngos po gang zhig rnams/ /nam yang yod par mi 'gyur ro/ /zhes bya bar gsungs so//rgyu de'i phyir sangs rgyas bcom ldan 'das/ stong pa nyid las bde ba chen po nyid kyis ji ltar byon pa de bzhin du rang bzhin de nyid kyis de nyid gshegs par mdzad ces bya ba'o/ /bde ba'i skad cig de gang yin zhe na/ bde gnas bde ba'i rjes chags skad cig tu ni lhan cig skyes pa'i dngos gzhan rjes chags min//zhes bya ba ni/ mchog tu mi 'gyur ba'i lhan cig skyes pa'i bde ba'i skad cig yin gyi/ bems po la sogs pa'i rang bzhin ni ma yin no/ /gzhan yang bems po dang sdug bsngal la sogs pa'i rang bzhin du gyur pa'i phung po rnams gang yin pa de lhan cig skyes pa'i bde bas 'bigs par gyur na/mchog tu mi 'gyur ba'i bde ba'i rang bzhin du gyur pa'o/ /mchog tu mi 'gyur ba'i bde ba'i rang bzhin du gyur pa'i phung po rnams kyis kyang lhan cig skyes pa'i skur skyed par byed ces bya ba'o//lhan cig skyes pa'i sku de las chos dang longs spyod rdzogs pa dang sprul pa'i sku skyes te/ sprul pa'i sku de las slar yang de bzhin du 'byung bar shes par bya'o/ /'o na mchog tu mi 'gyur ba'i bde ba'i rang bzhin du gyur pa'i lhan cig skyes pa'i sku la dngos po gang yang ma zin pa'i chos kyi sku la sogs pa'i gal te skye ba de lta na ni rgyu dang 'bras bu tha dad par mi 'gyur ram/dper na 'bras sA lu las ske tshe la sogs pa skye ba bzhin no zhe na brjod par bya ste/ sa bon las ni rtsa ba yal ga me tog 'bras bu lta bu dag pa'i sa las skyes/ /zhes bya ba ni/dper na dag pa'i sa las 'bras la sogs pa'i sa bon btab nas dus kyi dbang gis myu gu la sogs pa'i rang bzhin du gyur te/ myu gu la sogs pa de rnams su gyur nas phyi nas sa bon bzhin du 'bras bu skye bar 'gyur ba ji lta ba de bzhin du lhan cig skyes pa'i sku las chos kyi sku la sogs pa'i skye ba ni skyon med par grub ces bya'o//'o na gal te lhan cig skyes pa'i sku mchog tu mi 'gyur ba'i bde ba'i rang bzhin yin pa/ de lta ni rten las ma gtogs par thob par mi 'gyur te/ gang rten dang brten pa'i rang bzhin du gyur pa ste/rten dang bral ba'i phyir mi rtag par mi 'gyur ram zhe na/ rjod par mdzad de/ sa chu zhes bya ba la sogs pa las/ 'dir sa la sogs pa'i dngos po rnams ni dri dang gzugs dang ro dang / reg bya dang / sgra'i rang bzhin te/ de las yon tan lnga'i rang bzhin yin la/ chu'i yon tan bzhi dang me la gsum dang rlung la gnyis dang yon tan sgra gcig pu'i bdag nyid du gyur pa ni nam mkha'o/ /sa la sogs pa de lta bu'i bdag nyid du gyur pa'i mi rnams kyi lus po yin zhing / bde ba'i rang bzhin du gyur pa'i byang chub kyi sems kyang de bzhin du gyur pa'o//yon tan de'i rang bzhin du gyur pa ni 'dod pa na spyod pa'i lha rnams kyi bde ba'o/ /gzugs na spyod pa rnams ni yon tan gsum gyi rang bzhin du gyur pa'i lus po dang bde ba'o/ /gzugs med pa'i lha rnams ni sems kyi bag chags tsam gyi bdag nyid du gyur pa dang / yon tan sgra gcig pu'i bdag nyid du gyur pa'i lus la bde bar shes par bya'o/ /de ltar brjod pa'i rim pas sa la sogs pa'i khams de rnams gang gi tshe 'khor ba'i bag chags las 'das par gyur pa de'i tshe/ rnam pa thams cad dang ldan par gyur pa dang lhan cig skyes pa'i sku'i rten du gyur pa'o//gzhan yang dngos po gcig gang du yod pa der rten cing 'brel pa las byung ba'i phyir dngos po gzhan rnams shes par bya'o/ /rgyu de'i phyir rang bzhin gyi sa las dri skyes te/ brtags pa'i ngo bos gzugs la'o/ /de ltar rim pa ji lta ba bzhin chu las gzugs dang me las ro dang rlung las reg bya dang /nam mkha' las sgra ni shas che bar skyes te/ shas chung bar dri la sogs pa skye bar gyur pa'o/ /gzhan yang phung po dang khams rnams dang yul dang yul can la sogs pa'i bye brag shes par bstan par mdzad de/sa sogs khams ni phan tshun dag ste gzhan yang gtso bo'i dngos dang brtags pa'i dngos por 'gyur/ /phan tshun phung po 'byung ba yul dang yul can phan tshun bdud dpung ma rig pa'o/ /zhes bya ba'o/ /rgyu de'i phyir sa la sogs pa'i dngos po lnga ni phan tshun 'brel pa las ma gtogs par 'khor ba pa rnams kyi don 'grub par mi byed do//de bas na rnal 'byor pas phan tshun du de rnams kyi 'brel pa chad par byed na de rnams sgrib pa med par 'gyur te/ rang rang gi yon tan bzung ba'i phyir ro/ /sgrib pa ni 'khor ba'i bag chags yin te de dang bral bar gyur na mchog tu mi 'gyur ba'i bde ba'i rang bzhin du gyur pa'o//de rnams mchog tu mi 'gyur ba'i rang bzhin du gyur na rang gi don dang gzhan gyi don 'grub par 'gyur ba bstan par mdzad de/ des ni rdzu 'phrul zhes bya ba la sogs pa ste/ rgyu de'i phyir gang gi tshe phung po rnams sgrib pa med pa'i dus de nas bzung nas bcom ldan 'das kyi sku mi skye ba dang mi 'jig pa ste mchog tu mi 'gyur ba'i bde ba'i rang bzhin du gyur pa'i phyir ro//de ltar mdor bsdus pas rnal 'byor pas skad cig gcig la mngon par byang chub thob na rnam pa lnga dang rnam pa nyi shu dang sgyu 'phrul dra ba las mngon par byang chub par gyur par shes par bya'o//mngon par byang chub pa rnam pa bzhi thob par gyur nas ci 'grub ce na/ sangs rgyas kyi zhing zhes bya ba ni/ 'dir nam gyi dus su bya ba thams cad rdzogs par gyur pa de'i tshe la rten dang brten pa'i rang bzhin du gyur pa'i 'jig rten gyi khams gsum po'i dngos po thams cad ni dbang du gyur pa'o//de nyid bstan par mdzad de/ sangs rgyas zhing ni mtha' yas dpag med yon tan khams rnams nam mkha' la sogs dang / /skye dang gnas dang nyams pa rnam gsum srid dang 'gro drug sems can kun//sangs rgyas khro bo la sogs snying rje thugs ldan sras bcas byang chub sems dpa' thams cad de/ 'di dag rgyal ba srid gsum gyis btud bde 'byung gcig pu'i 'khor lo gcig pu'o/ /zhes bya'o/ /'o na sa la sogs pa'i dngos po rnams sgrib pa med pa'i rang bzhin du ji ltar 'gyur zhe na/spu zhes bya ba la sogs pa la/ 'dir nam mkha' la sogs pa'i rang bzhin du gyur pa'i spu la sogs pa'i khams rnams dang lus dang ngag dang sems dang ye shes kyi rten ni srog gi rlung yin te/ rlung de nyid g.yas dang g.yon pa 'gags nas stong pa nyid kyi drin gyis dbus mar zhugs na sems brtan por gyur te/sems brtan por gyur na rang bzhin gyis 'od gsal bar bstan par byed do/ /rang bzhin gyis 'od gsal bar gyur na glo bur gyi dri ma bor nas stong pa nyid kyi gzugs dang ro mnyam pa nyid kyi rang bzhin du gyur pa'o//sems stong pa nyid kyi gzugs kyi rang bzhin du gyur na dngos po thams cad kyis mi gos par skye ba dang 'chi ba spangs pa'i nam mkha' bzhin du dus thams cad du grub par 'gyur zhes bya'o/ /de bas na don gang gis sa bcu gnyis kyi dbang phyug nyid thob par byed pa'i don de nyid rnal 'byor pas 'bad pas bsgrub par bstan par mdzad de/spu la sogs pa zhes bya ba ni 'dir spu la sogs pa'i khams rnams sgrib pa med pa'i rang bzhin du gyur na rab tu dga' ba la sogs pa'i sa bcu gnyis kyi dbang phyug tu 'gyur te/ de bas na bla ma'i zhal las sbyor ba'i yan lag drug gis bla na med pa'i byang chub bsgrub par 'dod pa'i rnal 'byor pas lus po dag par bya'o//lus po dag par gyur nas sangs rgyas nyid dang rab tu mi gnas pa'i mya ngan las 'das par gyur pa'o/ /rgyu de'i phyir sems las ma gtogs par khams gsum las sangs rgyas gzhan med de/sems can thams cad sangs rgyas yin par shes na thog ma med pa'i 'khor ba'i sdug bsngal chad par 'gyur ro/ /yang na de rnams la smod pa dang slu ba la sogs par byas na dmyal ba la sogs pa'i sdug bsngal zad par byed pa'i dus kyi bar du thob par 'gyur te/de ltar yon tan dang skyon shes nas rnam par ma dag pa'i sems kyis mkhas pa dang mi mkhas pa'i skyes bu rnams la brgal bar mi bya'o/ /gzhan yang sems can rnams las ma gtogs par byams pa la sogs pa'i rnam par thar pa bzhi dang sbyin pa la sogs pa'i pha rol tu phyin pa rnams rdzogs par mi 'gyur te/rgyu de'i phyir sems can thams cad la gus par bya ba dang / mchod par bya ba dang / yi dam gyi lha bzhin du blta bar bya'o/ /de nyid bstan par mdzad de/ sangs rgyas sems can yin te 'jig rten khams 'dir sangs rgyas chen po gzhan ma yod pa min//de rnams bsten pas dpag med srid par rnam par mi [(]rtog [,]rtogs [)]kyis ni gcod par byed/ /'khu bar byed na dmyal ba ngu 'bod la sogs chen por rnal 'byor pa ni 'gro bar 'gyur/ /de phyir rnam dag sems kyis mkhas dang mi mkhas skyes bu la ni brgal mi bya//sems can sbyor ba thob nas dag pa byams pa la sogs sems thob 'gyur ro mi dbang kye/ /dus gsum 'khor ba ru ni mi dge'am yon tan can rnams zhe sdang chags sogs sems yin no/ /zhes bya ba ni/ 'gro ba drug gam khams gsum na gnas pa'i sems can rnams kyi sems zhe sdang la sogs pa'i rang bzhin yin te/rgyu de'i phyir sems can rnams la sun dbyung ba byas nas rang don 'grub par mi 'gyur zhes bya ba'o/ /rang gi don ma grub pa rnams la gzhan gyi don 'grub par mi 'gyur te/rang gi don 'grub par mi 'dod pa'i sems ni bdud kyi sems yin gyi/ sangs rgyas bcom ldan 'das kyi thugs ni ma yin no/ /'gro bar 'dod dang 'gro ba byang chub sems ni rnam pa gnyis su rnam pa kun du 'gyur/ /thar pa dang ni 'jug pas dman zhing smon bral rnam pa kun du bdud kyi sems//zhes bya ba'o/ /de bas na rang gi don dang gzhan gyi don nyams par byed pa po ni bdud yin te gnyi ga sgrub par mdzad pa ni sangs rgyas bcom ldan 'das yin la/ de ltar shes nas gang gi tshe bla na med pa'i byang chub la sems ldog pa dang /sems can rnams la zhe sdang gi rang bzhin du gyur pa shes nas skad cig de nyid las stong pa nyid la dmigs pa dang byams pa la sogs pa ni rnal 'byor bas bsgom par bya'o/ /de nyid bstan par mdzad de/ bdud rnams kyis ni zhi min byed cing srid gsum gnas su byang chub sems dpa' zhi bar 'gyur//bdud dbang rdzu 'phrul dman zhing mchog tu 'jigs byed ston pa gcig pur rdzu 'phrul ldan/ /bdud rnams bdud kyi blo yin gzhan gyi sems la 'jigs skye skyo ba rnams bde ba'i thugs/ /de phyir sangs rgyas mthu yis srid gsum ma lus dpag med dus su 'jug par 'gyur//zhes bya ba'o/ /de bas na stong pa nyid dang byams pa la sogs pa'i bsgom pa ma gtogs par bla na med pa'i byang chub kyi lam gzhan min par bstan par mdzad de/ gang zhig 'jig rten khams kyi tshad rgyal bas gsungs pa mi rnams ye shes de min zhes bya ba ni 'dir 'jig rten gyi khams kyi tshad dang dbyibs la sogs par bcom ldan 'das kyis gang gsungs pa de gnyis su med pa'i ye shes ma yin te/rgyu gang gi phyir zhe na bsod nams kyi stobs dang sdig pa'i stobs kyis 'jig rten gyi khams rgya che ba dang rgya chung bar snang ba'i phyir ro//'o na gal te 'jig rten gyi khams dang sems can rnams la tshad med pa de lta na ni sangs rgyas la yod dam zhe na/ sangs rgyas rnams la tshad med lhan cig skyes sku'i dbang gis khru gcig skad cig gis/ /zhes bya ba ni/'dir sangs rgyas kyi sku la tshad med de lhan cig skyes pa'i bde ba'i rang bzhin du gyur pa'i phyir ro/ /'o na gal te sems can dang sangs rgyas la don dam par tshad med pa de lta na ni/ ci'i phyir 'jig rten khams kyi tshad gsungs she na/ tshad ni sems can rjes su mthun par brjod de rtag par srog chags rnams la las kyi sar//zhes bya ba ni/ 'dir sangs rgyas bcom ldan 'das kyis 'jig rten gyi khams kyi tshad gang gsungs pa de las kyi sa la gnas pa'i sems can gyi bsam pa dang mthun par yin gyi/ don dam par ni ma yin no/ / de nas gal te nyid kyis 'dod pa dang nga rgyal gyi dbang gis 'jig rten gyi khams kyi tshad bcom ldan 'das kyis brjod par mdzad pa de lta na ni/ mu stegs pa dang sangs rgyas bcom ldan 'das la khyad med de sems can gyi bsam pa las ma gtogs par rang 'dod pa dang mthun pa'i phyir ro//de bas na mchog tu mi 'gyur ba'i bde ba'i las ma gtogs par don dam par bcom ldan 'das kyis bla na med pa'i byang chub thob par mi 'gyur pa'i phyir gzhan ma'i lam gang zhig kyang ma bstan te/ rgyu de'i phyir dmigs pa dang bcas pa'i stong pa nyid dor nas bems po'i rang bzhin du gyur pa'i stong pa nyid kyi stobs kyis sku bzhi'i bdag nyid du gyur pa'i phyag rgya chen po'i dngos grub thob par mi 'gyur bar bstan par mdzad de/gang gis rgyal dbang skyed cing nyin dang mtshan bzhin dus su gang gis mngal nas 'byung ba dang / /skad cig gang gis sgrub pa po rnams 'pho ba dang bral zag dang zag med 'gyur ba ste//sangs rgyas bya ba de dor nas ni mnyam pa'i bde ba dang bral gang gis ston pa gzhan sgom byed/ /sangs rgyas nyid dang lhan cig skyes bde bskal pa bye ba du mar de la ring du 'gyur/ /zhes bya ba'o/ /de ltar don bstan par mdzad nas/dpe bstan par mdzad de/ sngon bu'i shing las rgun 'brum dang ni dug las bdud rtsi dag dang tshangs pa'i shing las 'dam skyes dang / /stong las mya ngan 'das bde mi dge rjes su myong dang srog gcod las ni dngos grub med/ /mchod sbyin las ni phyugs la mtho ris zhi ba mchog gi go 'phang dbang po 'gog pas min//rig byed kun mkhyen gsung dang mi 'gyur g.yo med bde bar 'gyur dang ma dag sems las min/ /zhes bya ba ni/ dper na sngon bu'i shing dang tig ta las shin tu zhim pa'i rang bzhin du gyur pa'i rgun 'brum mi skye ba dang mi 'chi bar byed pa'i bdud rtsi myur du 'chi bar byed pa'i dug las mi skye ba dang //rgya skyegs kyi shing las shin tu yid du 'ong ba'i pad+ma dang bems po'i stong pa las rab tu mi gnas pa'i mya ngan las 'das pa'i bde ba dang srog gcod pa la sogs pa'i mi dge ba'i las las 'jig rten gyi dngos grub brgyad dang /mchod sbyin gyi dus su phyugs bsad pa rnams las mtho ris dang dbang po rnams 'gog pa las mchog tu mi 'gyur ba'i bde ba'i go 'phang dang rig byed las thams cad mkhyen pa'i gsung du mi 'gyur ba ji lta ba de bzhin du mi rtag pa dang ma dag pa'i sems las mchog tu mi 'gyur ba'i bde ba skye bar mi 'gyur zhes bya ba'o//de bas mi dge ba'i las dang sdug bsngal myong bar mi gang gis 'jig rten dang 'jig rten las 'das pa'i dngos grub bsgrub par 'dod pa de'i sems ni bdud kyi byin gyis brlab par gyur par shes par bya ste/de bas na gal te sems can la phan 'dogs pa'i rang bzhin du gyur pa'i bsod nams kyi tshogs dang / rnam par mi rtog pa'i ye shes kyi tshogs bsgrub par 'dod pa de lta na ni sangs rgyas dang byang chub sems dpa' rnams kyi mthu yin zhes bya ba'o//'o na bdud rnams kyis bla na med pa'i byang chub la bar chad ci'i phyir byed ce na/ bstan par mdzad de/ gang phyir mya ngan 'das 'gro bde ba'i dam tshig dbang gis nyon mongs bdud ni bcom nas te/ /de phyir nyin bzhin dus su de rnams la ni bdud kyis bgegs rnams du mar byed//ces bya ba ni/ rgyu gang gi phyir bza' ba dang bsrung ba'i dam tshig gi dbang gis bdud rnams bcom nas rab tu mi gnas pa'i mya ngan las 'das par sgrub pa po rnams 'gro bar 'gyur ba'i rgyu de'i phyir ma 'ongs pa'i dus su de rnams kyi sems ni bdud rnams kyis 'khor bar 'khyam par byed pa'i lam la 'jug par byed ces bya ba'o//de bas na de dag la sogs pa'i sdug bsngal gyi ngo bo thams cad dor nas phyag rgya bzhi'i sbyor bas gang gis phyag rgya chen po'i dngos grub sgrub par byed pa'i bde ba de nyid sngon du bsgrub pa bstan par mdzad de/dang po las kyi phyag rgya rgyal ba'i lhan cig skyes bde 'di 'phel don du bsten/ /de nas nyi ma'i gzugs 'dra lus gdong rkang pa gtsug tor yan lag kun rdzogs pa/ /dbyug pa klog gi rjes mthun 'pho med bde ba skyed byed mtshan dang yan lag rdzogs pa'o/ /rdo rje snang bar byed cing srid gsum la gnas lus ni chos dbyings de nas 'gyur//zhes bya ba ni/ 'dir so sor spong bas sems brtan par byas nas mchog tu mi 'gyur ba'i bde ba'i skad cig bsgrub pa'i phyir las kyi phyag rgya la brten par bya'i/ /bde ba nyams pa'i phyir ni ma yin no//de nas yan lag thams cad dang ldan pa'i stong pa nyid kyi gzugs la chags par bya'o/ /phyi nas gzugs de nyid rgyun mi chad par 'od gsal ba'i ngo bo lte ba nas brtsams nas gtsug tor gyi bar du a wa d+hU tI'i sgo nas blta bar bya'o/ /de ltar byas nas don ci 'grub ce na/sgrib pa med pa'i sku dang gsung dang thugs dang ye shes kyi rdo rje rnams kyis 'od gsal bar gyur pa dang srid pa gsum la gnas pa'i sku bzhi'i bdag nyid du gyur pa'i phyag rgya chen po'i dngos grub 'grub pa'o/ /de ltar las kyi phyag rgya la sogs pa'i phyag rgya bzhi'i sbyor bas gang mi 'pho bar gyur pa de don dam pa'i lhan cig skyes pa'i bde ba yin gyi/gzhan ni ma yin no/ /rgyu de'i phyir bya ba thams cad bor nas rnal 'byor pas mchog tu mi 'gyur ba'i bde ba ster bar byed pa'i phyag rgya bzhi de la dus thams cad du rnam par mi rtog pa nyid kyis bsten par bya'o//drang ba'i don gyis sngon du brjod pa'i las kyi phyag rgya la sogs pa bzhi la ni 'jig rten pa'i dngos grub bsgrub pa'i phyir dur khrod la sogs pa'i gnas su kun du spyod pa dang bza' ba dang btung ba la sogs pa'i dngos po kun gyis bsnyen par bya ba ni nges pa'o//'o na gal te so sor spong ba la sogs pas sems brtan par gyur pa de lta na ni/ don ci 'grub ce na rlung rnams zhes bya ba ni/ 'dir gal te stong pa nyid kyi gzugs kyi lta bas srog la sogs pa'i rlung bcu ni lte bar phrad par 'gyur te/ de rnams lte bar phrad par gyur na lte bar gnas pa'i ye shes kyi me'i rang bzhin du gyur pa'i gtum mo sbar ba'o//de'i 'od zer rnams kyis dpral bar sra ba'i ngo bos gnas pa'i byang chub kyi sems kyi thig le rnams ni 'dzag par byed do/ /thig le de rnams gsang ba'i gnas su gnas par gyur na mchog tu mi 'gyur ba'i bde ba'i skad cig thob par 'gyur te mi 'pho ba'i phyir ro//phyi nas rgyu de yis brtson 'grus dang ldan par gyur pa'i rnal 'byor pa rnams la skye ba 'di nyid du phyag rgya chen po'i dngos grub 'grub pa'o/ /yang na rnal 'byor ma rdzogs par 'chi bar gyur pa de lta na ni/mi'i skye ba bdun gyi sngon gyi stong pa nyid kyi bag chags kyi dbang gis thams cad 'grub par 'gyur ba ni nges pa'o/ /de ni byang chub sems dpas byin gyis brlabs pa la sogs pa ni/ gsal bar 'gyur ba'i phyir ma dkrol lo/ /da ni sangs rgyas bcom ldan 'das kyis mdzad pa bstan par mdzad de//sems can zhes bya ba la sogs pa la/ 'dir 'jig rten gyi khams dang nad dang dkyil 'khor du bcom ldan 'das kyis gang bzhugs par mdzad pa de sems can rnams smin pa'i phyir ro zhes bya ba'o/ /de nyid nges pa'i don du ni srog gi rlung gis kun du spyod pa'i dbang gis gnyid log pa'i gnas skabs su dngos po thams cad la sems 'jug pa ni phyi rol du bzhugs pa'o//de bzhin du sa la sogs pa'i dkyil 'khor lnga dang nam mkha' la sogs pa'i dkyil 'khor lnga la phung po dang khams la sogs pa'i gtso bor gyur ba'i sems gnas pa ni/de rdo rje btsun mo'i b+ha gar bzhugs zhes bya ba'o/ /de bzhin du sgra la sogs pa'i yul rnams la sems 'jug pa ni dkyil 'khor gyi 'khor lo la bzhugs pa'o/ /e waM yi ge la bzhugs pa gang yin pa de mchog tu mi 'gyur ba'i bde ba'i gnas skabs su sku dang / gsung dang thugs 'jug par zhes bya ba'o//de ltar brjod pa'i rim pas bcom ldan 'das rdo rje can gcig pu ni gnas gsum gyi dbye bas rnam pa gsum du 'gyur te/ de bzhin du khams dang dbang po dang yul rnams dngos po gsum gyis bskor ba'o/ /sku gsum gyi dbye bas don gsum gyi bdag nyid du gyur pa'o//phyi dang nang dang dkyil 'khor du bzhugs pa ni gnas gsum la bzhugs pa'o/ /'dod pa dang gzugs dang gzugs med pa'i srid pa gsum la gnas pa'i sems can rnams la phan 'dogs par mdzad nas srid pa gsum la bzhugs zhes bya ba'o/ / de bzhin du rgyud kyi rgyal po rnams las 'di skad bdag gis thos pa zhes bya ba gang yin pa de/ bcom ldan 'das nyid kyis mkhyen pa yin gyi/ gzhan gyi kha las snyan gyis thos pa ni ma yin te/ nyid kyis bstan par mdzad pa'i phyir ro/ /bcom ldan 'das de gang yin zhe na/ rdo rje can ni gang zhig zla ba zhu las spyi mgrin snying pad lte ba gsang ba ru/ /zhes bya ba ni/ rang rig pa'i bde ba'i ngo bos dpral ba la sogs pa'i 'khor lo rnams las mar byon la lus dang ngag dang sems kyi thig le gsum gyi mtha' mar ye shes kyi thig le'i ngo bos lhan cig skyes ba'i bde ba ster nas bud med kyi b+ha gar gang 'pho bar gyur pa de drang ba'i don gyis bcom ldan 'das rdo rje can yin te/de nyid nges pa'i don gyis rdo rje btsun mo'i b+hi ga ni bde ba chen po la sogs pa'i 'khor lo bzhi yin la/ 'khor lo de rnams la sku la sogs pa'i thig le bzhi mi 'pho ba'i ngo bos gnas pa ni bcom ldan 'das rdo rje can zhes bya bar brjod do//bcom ldan 'das de lta bu gang yin pa de sangs rgyas kyi zhing la zhugs nas sems can rnams la phan 'dogs par mdzad par shes par bya ba ni bstan par mdzad de/ sangs rgyas zhing la rab zhugs bcom ldan 'das de rnal 'byor rnams kyis rig par bya//zhes bya ba'o/ /de ltar mchog tu mi 'gyur ba'i rang bzhin du bcom ldan 'das gang yin pa de sems can rnams kyi rang rang gi bag chags kyi dbye ba du mas tha dad par mthong bar bstan par mdzad de/ gcig ni du mar mthong ste/smon lam yon tan dbang gis zhing dang 'dod chags la sogs ngo bos so/ /'khor lo la bzhugs skye ba snga mar rang snying las skyes bag chags stobs kyis so/ /don gcig du ma'i skad ni srog chags rang rang dngos kyi sems la rab tu 'jug /'khor lo la bzhugs ljongs la rab tu gshegs te gnas ldan rnams kyi bsod nams don//zhes bya ba ni/ chos kyi 'khor lo la bzhugs pa'i dus su bsod nams dang ldan par gyur pa'i khyim pa rnams kyis rang khyim du bcom ldan 'das bsod snyoms la byon par mthong zhing bcom ldan 'das kyi kyang sems can rnams la bsod nams kyi tshogs bsags par bya ba'i phyir de bzhin du mdzad ces bya ba'o//de ltar bcom ldan 'das kyi sku'i mtshan nyid bstan nas/ gsung ji lta bu yin pa bstan par mdzad de/ dud 'gro zhes bya ba la sogs pa la/ 'dir 'gro ba drug la gnas par gyur pa'i sems can thams cad la rang rang gi skad kyis 'jig rten dang 'jig rten las 'das pa'i dngos grub ster bar mdzad pa ni bcom ldan 'das kyi gsung yin gyi lha rnams kyi ni ma yin no//rgyu de'i phyir bcom ldan 'das kyi mdzad pa ni phung po lhag ma dang bcas pa'i mya ngan las 'das pa'i sangs rgyas rnams kyis kyang ma rtogs te/sems can phal pa rnams la smos ci dgos zhes bya ba'o/ /de rgyu gang gi phyir zhe na/ bcom ldan 'das ngo bo las ma skyes par sku'i snang ba la sogs pa bstan par mdzad de/ dper na nam mkha' la 'ja' tshon dang rdul phra rab las 'das par gyur pa'i nam mkha' chu'i nang du snang ba bzhin du zhes pa'o//de bas na bcom ldan 'das kyi sku gang yin pa de phung po la sogs pa spangs pa dang / rnam pa thams cad dang ldan pa'o/ /de bzhin du sems can thams cad kyi rang rang gi bsam pa dang mthun par mdzad pa ni gsung zhes bya ba'o//sems can thams cad la bsags pa'i ngo bos gnas pa'i sems ni bcom ldan 'das kyi thugs so/ /shel bzhin du dngos po thams cad kyi rang bzhin bzung ba ni bcom ldan 'das kyi ye shes so/ / rgyu de'i phyir sgrib pa med pa'i sku dang gsung dang thugs dang ye shes kyi rang bzhin du gyur pa'i sangs rgyas bcom ldan 'das yin gyi rnam pa thams cad du nam mkha'i me tog bzhin gang yang min pa ni ma yin no/ /da ni lha rnams kyi rnam par dag pa bstan par mdzad de/ sbyin sogs zhes bya ba la sogs pa la/'dir bskyed pa'i rim pa'i ting nge 'dzin gyis rnal 'byor bas gang lha dang lha mo rnams kyi sgom par byed pa de de rnams kyi dgongs pa ni nges pa'i don gyis gzhan yin te/ 'dir bcom ldan 'das dus kyi 'khor lo dang sna tshogs yum ni thabs dang shes rab la snyoms par zhugs pa dngos po gang zhig yin gyi skyes pa dang bud med kyi sbyor ba ni ma yin no//de bzhin du dkar mo 'bar ba la sogs pa lha mo rnams gang yin pa de sbyin pa la sogs pa'i pha rol tu phyin pa rnams sam/ yang na du ba la sogs pa'i rtags rnams shes par bya'o/ /de bzhin du sangs rgyas dang lha mo rnams kyi bar na gnas pa'i bum pa rnams ni sgrib pa med pa'i klad pa la sogs pa'i khams rnams so//bcom ldan 'das dus kyi 'khor lo'i zhabs gnyis kyi gdan du gyur pa'i 'dod pa'i lha dang drag po ni g.yas pa dang g.yon pa'i dkyil 'khor lnga lnga'i rang bzhin du gyur pa'i bdud dang nyon mongs pa zad pa'o//dpag bsam gyi shing la sogs pa bzhi ni sgrib pa med pa'i lus la sogs pa bzhi'o/ /bcom ldan 'das dus kyi 'khor lo la sogs pa phyag rgya drug ni lus kyi rnam par shes pa la sogs pa rnam par shes pa drug rnam par dag pa'o//dngos po thams cad skyed par mdzad pa'i bcom ldan 'das rdo rje sems dpa' shes dang shes bya'i bdag nyid gcig pu'o/ /de bzhin du de bzhin gshegs pa drug gi 'khor lo la sogs pa'i phyag mtshan drug gi rnam par dag pa bstan par mdzad de/ 'khor lo zhes bya ba la sogs pa la 'dir bcom ldan 'das rnam par snang mdzad kyi mtshan ma 'khor lo gang yin pa de sgrib pa med pa khams gsum gyi rtags yin gyi lcags la sogs pa'i rdzas kyi rang bzhin du gyur pa ni ma yin no/ /de bzhin du rin chen 'byung ldan gyi mtshan ma ni rin chen te mchog tu mi 'gyur ba'i bde ba'o//snang ba mtha' yas kyi mtshan ma pad+ma ni mchog tu mi 'gyur ba'i bde ba nyid la zhen pa'i ma 'dod pa'o/ /bcom ldan 'das don yod grub pa'i mtshan ma ral gri ni nyon mongs pa thams cad gcod par byed pa'o/ /mi bskyod pa'i mtshan ma rdo rje ni rdo rje bzhin du mi phyed pa'i rang bzhin du gyur pa'i ye shes kyi sku'o//bcom ldan 'das rdo rje sems dpa'i rtags gri gug ni mi shes pa'i bya ba ma rig pa gcod par byed pa'o/ /rigs drug po de rnams las lha dang lha mo rnams gang skyes par gyur pa de rnams kyang de bzhin du shes par bya ste/de ni 'di ltar rig bya mkha' bzhin ro mnyam phung po khams dang dbang po sogs shes par bya'o/ /'o na rnam par snang mdzad la sogs pa ji ltar yin zhe na/ gang du zhes bya ba la sogs pa la/ dngos po gang las skye ba dang gzugs mnyam par gyur pa'i dngos po de ni bcom ldan 'das rnam par snang mdzad yin te/sgrib pa med pa'i gzugs kyi phung po zhes bya ba'i don to/ /de bzhin du skye ba dang 'chi ba la sogs pa'i 'khor ba'i sdug bsngal gang du mnyam par gyur pa de bcom ldan 'das rin chen 'byung ldan yin te/sgrib pa med pa'i tshor ba'i phung po yin la dus thams cad du mchog tu mi 'gyur ba'i bde ba myong bar mdzad ces bya ba'o/ /gang du bum pa dang ka ba la sogs pa dang yod pa dang med pa la sogs pa'i ming rnams nyams par gyur ba'i sgrib pa med pa'i 'du shes kyi phung po ni snang ba mtha' yas yin te/sems can thams cad kyi skad kyis brag ca bzhin du chos kyi phung po brgyad khri bzhi stong ston par mdzad pa'o/ /dngos po gang la yang nas yang du 'khor ba'i 'phel ba nyams par gyur pa'i sgrib pa med pa'i 'du byed kyi phung po ni don yod grub pa ste/'phel ba dang 'grib pa las 'das pa'i dus thams cad nam mkha' bzhin du'o/ /gang du gnyid log pa la sogs pa'i gnas skabs rnams nyams par gyur pa'i sgrib pa med pa'i rnam par shes pa ni phung po mi bskyod pa yin te/ dus thams cad du chos nyid gcig pa la bzhugs zhes bya ba'o//de bzhin du 'pho ba'i rang bzhin du gyur pa'am ma rig pa gang du nyams par gyur pa'i sgrib pa med pa'i ye shes kyi phung po ni chags pa dang bral ba'i gnyis su med pa'i ye shes bcom ldan 'das rdo rje sems dpa' yin gyi kha dog dang dbyibs kyi bdag nyid ni ma yin no//de ltar brjod pa'i rim pas bcom ldan 'das rnam par snang mdzad la sogs pa'i de bzhin gshegs pa drug gi sgrib pa med pa'i dngos po thams cad skyed par mdzad pa'i phyir/ rigs drug tu gyur pa'o/ /de bzhin du sgrib pa med pa'i sa la sogs pa'i khams drug ni lha mo spyan ma la sogs pa drug tu gyur pa'o//de rnams kyang ji lta bu yin zhe na/ gang du gti mug ma lus nyams par gyur pa de ni spyan ma la sogs pa nyid do zhes bya ba ni/ blang bya dang dor bya la sogs pa mi shes pa'i blo gang du nyams par gyur pa'i sgrib pa med pa'i sa'i khams ni lha mo spyan ma ste/gti mug dang bral ba'i sems so/ /gang du rigs la sogs pa'i nga rgyal nyams par gyur pa chu'i khams ni mA ma kI ste/ 'jig rten las 'das pa'i nga rgyal chen po'o/ /de bzhin du 'khor ba'i bag chags nyams pa'i sgrib pa me'i khams ni gos dkar mo yin te/dus thams cad du mchog tu mi 'gyur ba'i bde ba la zhen pa'o/ /gang du bud med dang byis pa la sogs pa'i phrag dog nyams par gyur pa'i sgrib pa med pa'i rlung gi khams ni lha mo sgrol ma yin te/ dus thams cad du phyag rgya chen po la phrag dog byed pa zhes bya ba'o//de bzhin du phal pa'i zhe sdang nyams par gyur pa'i sgrib pa med pa'i nam mkha'i khams ni rdo rje dbyings kyi dbang phyug ma ste/ nyon mongs pa rnams la zhe sdang mdzad ces bya ba'o/ /de bzhin du nor dang bud med la sogs pa'i ser sna gang du zad par gyur pa'i sgrib pa med pa'i ye shes kyi khams ni bcom ldan 'das ma sna tshogs yum yin la/dus thams cad du mchog tu mi 'gyur ba'i bde ba mi dor ba zhes bya ba'o/ /de bzhin du mngon sum mam lkog tu gyur pa'i gzugs ni nam mkha' dang yid las gang gis mthong ba'i sgrib pa med pa'i mig gi dbang po ni byang chub sems dpa' sa'i snying po'o//phyogs bcu'i 'jig rten gyi khams la gnas pa'i sems can thams cad kyi skad gsal por gang gis thos pa'i sgrib pa med pa'i rna ba ni phyag na rdo rje'o/ /mngon sum mam lkog tu gyur pa'i dri bzang po gang gis 'dzin pa'i sgrib pa med pa'i sa ni nam mkha'i snying po'o//mchog tu mi 'gyur ba'i rang bzhin du gyur pa'i zla ba'i bdud rtsi gang gis myong bar byed pa'i sgrib pa med pa'i lce ni 'jig rten dbang phyug go/ /snyoms par zhugs pa'i reg bya sgrib pa med pa'i lus kyi dbang po ni sgrib pa thams cad rnam par sel bar byed pa'o//gang zhig thabs dang shes rab kyi rang bzhin du gyur pa mchog tu mi 'gyur ba'i bde ba la 'jug par gyur pa'i sgrib pa med pa'i yid kyi dbang po ni byang chub sems dpa' kun du bzang po zhes bya ba'o//de ltar brjod pa'i rim pas sgrib med yul dang yul can ni/ byang chub sems dpa' dang lha mo rnams yin gyi/ rten cing 'brel pa las skyes pa dang nyi tshe ba ni ma yin no/ /de nyid bstan par mdzad de/ bye ba drug gi tha dad yul dang yul can 'di rnams sras bcas byang chub sems dpa' rnams//gzugs dang gzugs brnyan la sogs 'di ni rgyal ba mchog gi yul te/ /kun nas dang ba ma skyes 'gag med mchog gi bde byed rnyog pa med pa ye shes kyis bgrod pa'o/ /zhes bya ba ni 'khor ba'i bag chags dang bral bas na dang ba zhes bya'o//sgrib pa med par gyur pas na ma skyes pa'o/ /phyi nas gos par mi 'gyur bas ma 'gags pa'o/ /'jig rten gyi tha snyad las 'das par gyur pas na mchog gi bde ba byed pa'o/ /mi rtog pa'i bdag nyid du gyur pas na rnyog pa med pa'o//gnyis su med pa'i rang bzhin gyis dag par gyur pas na ye shes kyi zhes pa'o/ /de lta bu'i yul rnams ni gang gis 'dzin zhe na/ khams gsum gzhan gyis bzung bar mi 'gyur 'gro ba kun gyi dbang po'i sgo yis spyod/ / ces bya ba ni/ dbang po de lta bur gyur pa rnams kyis ni yin gyi nye bas ni ma yin no/ /da ni ye shes sems dpa' dgug pa la sogs pa'i dga' ba bstan par mdzad de ye shes spyan drangs zhes bya ba la sogs pa la/ 'dir drang ba'i don gyi ye shes sems dpa' gang yin pa de mchog tu mi 'gyur ba'i bde ba'i rang bzhin du gyur pa'i byang chub kyi sems yin la/khro bo'i rgyal po bgegs mthar byed kyis spyan 'dren pa ni/ srog la sogs pa rlung gi tshogs kyis dpral bar gang bar byed pa'o/ /de nas shes rab mthar byed kyis gzhug pa ni/me'i khams ni zhu bar byas nas mgrin pa la sogs pa'i 'khor lo rnams la 'jug par byed pa'o/ /gshin rje mthar byed kyis bcing ba ni sa'i khams kyi gsang ba'i pad+ma las 'gro bar mi ster ba'o/ /pad+ma mthar byed kyis de la mnyes pa ni mi 'pho ba'i khams kyi phung po la bde ba ster bar byed ces bya ba'o//rim pa de lta bas na 'og tu byang chub kyi sems de nyid steng du ldog par gyur na rnal 'byor pa'i bdud la sogs pa rnams nyams par 'gyur zhes bya ba'o/ /gzhan yang gsung gi 'khor lo la gnas pa'i tsar tsi ka la sogs pa'i lha mo rnams spros pa'i dgongs pa gang yin zhe na/brjod par mdzad de/ yi dags rnams zhes bya ba ni/ 'dir gzhan gyis mi thub pa la sogs pa'i yi dags rnams smin par bya ba'i phyir tsar tsika la sogs pa rnams spro ba'o/ /de bzhin du mi rnams bsrung ba'i phyir brgya byin la sogs pa rnams so//klu rnams smin par bya ba'i phyir de rnams kyi bsam pa dang mthun par rgyal ba la sogs klu rnams bcom ldan rdo rje can gyis spro bar mdzad pa'o/ /lha ma yin rnams smin par bya ba'i phyir de rnams kyi rigs su gyur pa'i khyi gdong ma la sogs pa rnams spro bar mdzad do//de bzhin du mdor bsdus par dkyil 'khor la gnas pa'i 'byung po la sogs pa'i dngos po gang yin pa de dang rnal 'byor pa dang rnal 'byor ma'i rgyud rnams dang rigs sna tshogs pa'i rang bzhin du gyur pa'i sngags rnams bcom ldan 'das kyis gang gsungs pa de thams cad sems can rnams la don grub par rig par bya zhes bya ba'o//gzhan yang rgyud kyi rgyal po dus kyi 'khor lo 'di las dbang po 'bring por gyur pa dang dbang po mchog tu gyur pa'i sems can rnams kyi bsam pa'i dbang gis 'jig rten gyi dbang dang 'jig rten las 'das pa'i dbang bcom ldan 'das kyis gsungs so//de la chu la sogs pa'i dbang bdun dang las kyi phyag rgya'i dkar 'dzin gyi rang bzhin du gyur pa'i bum pa dang bdud rtsi myang ba dang chos kyi 'byung gnas la lta ba'i rang bzhin du gyur pa'i gsang ba dang / dbang po gnyis snyoms par zhugs ba'i rang bzhin du gyur pa'i shes rab ye shes dang /thig le bzhi 'pho ba'i gnas skabs kyi rang bzhin du gyur pa'i gang yin pa de thams cad 'jig rten pa'i dbang du shes par bya'o/ /'o na 'jig rten las 'das pa'i dbang gang yin zhe na/ brjod par mdzad de/ 'jig rten las 'das dbang gang rgyal ba mchog gi bdag po'i phyag rgya bzang la rjes chags pa'o//zhes bya ba la/ rgyal ba zhes bya ba ni bcom ldan 'das rnam par snang mdzad la sogs pa'o/ /de rnams kyi bdag po ni bcom ldan 'das rdo rje sems dpa' yin la mchog ces bya ba'o/ / de'i phyag rgya ni dmigs pa dang bcas pa'i stong pa nyid kyi rang bzhin du gyur ba'i phyag rgya chen mo ste/ las kyi phyag rgya las khyad par du gyur pas na bzang po yin la/ yang na bla na med pa'i byang chub ster bar mdzad pas na bzang mo zhes bya ba'o/ /de la rjes su chags pa zhes bya ba ni nyin mtshan du sems kyi de nyid la dmigs pa'o//so sor sdud pa la sogs pas de dang lhan cig tu sems ro mnyam pa nyid gang yin pa de 'jig rten las 'das pa'i dbang zhes bya ba'o/ /phyag rgya chen mo de nyid ji lta bu yin zhe na/ sems kyi snang ba tsam zhes bya ba ni 'dir stong pa nyid kyi rang bzhin du gyur pa'i phyag rgya chen mo'i gzugs ni rang gi sems kyi snang ba tsam yin gyi phyi rol gyi dngos po ni ma yin te/rang gi sems la snang bar gyur pa'i phyir ro/ /'o na de gang nas byung zhe na/ rang gi yid las skyes zhes bya ba ni stong pa nyid kyi drin gyis rang gi sems las skyes pa ste/dper na rang gi gdong pa me long gi gzugs brnyan du rang la snang bar gyur pa bzhin du'o/ /de lta bu'i phyag rgya chen mo gang yin pa de la bla na med pa'i byang chub bsgrub pa'i phyir khyad par du gyur pa'i rnal 'byor pa rnams kyis bsten par bya'o//rnal 'byor pa las ma gtogs par gzhan gang gis de la brten zhe na/ gang la rgyal ba ma lus sras dang sangs rgyas kyis bsten zhes bya ba ni/ 'das pa'i dus su sangs rgyas dang byang chub sems dpa' rnams kyis gang la brten par mdzad pa zhes bya ba'o/ /de bsten pas don ci 'grub ce na/ye shes snang ba de ni rab tu sangs na bdud dpung yul bcas ma lus sreg par byed/ /ces bya ba ni/ 'dir sbyor ba'i yan lag drug gis ye shes kyi 'od zer de bzhengs par gyur na yul dang yul can dang bcas pa'i bdud kyi tshogs sreg par mdzad de/dngos po thams cad sgrib pa med pas mdzad/ /ces bya ba'i don to/ /des don ci 'grub ce na/ 'dod chags la sogs pa rnal 'byor pa rnams kyi lus la mnyam pa'i bde ster rnal 'byor las zhes bya ba ni/ ye shes kyi 'od zer des bdud kyi rang bzhin du gyur pa phung po rnams sgrib pa med par mdzad nas dpral ba nas byang chub sems 'dzag par mdzad de/byang chub kyi sems de mar byung ba'i dus su dga' ba la sogs pa bzhi ster bar mdzad do/ /de nas rdo rje rtse nas yar ldog pa'i dus su mchog tu mi 'gyur ba'i rgyu mthun pa la sogs pa'i 'bras bu bzhi ni lo'i sbyor bas ster bar mdzad ces pa'o//da ni shes rab ye shes zhes bya ba la sogs pas dbang bzhi'i mtshan nyid dang / sems 'od gsal ba la 'jug pa ni dri ma med pa'i 'grel pa las gsal bar bstan pa'i phyir 'dir ma bkrol zhes bya ba'o//da ni dbugs rnams kyi rnam par dag pa bstan par mdzad de/ gang zhig gtso bo zhes bya ba la sogs pa las 'dir dbus mar 'bab pa'i dbugs rnams gang yin de rnams mkha' 'gro ma'i rang bzhin du gyur par shes par bya'o/ /de bzhin du sa chu me rlung la sogs pa'i dbugs rnams ni bkra shis la sogs pa'i mkha' 'gro ma rnams zhes bya ba'o//bkra shis la sogs pa de rnams kyang ji lta bu yin zhe na/ gzugs zhes bya ba la sogs pa la 'dir gzugs la sogs pa'i yul lnga dang snying stobs la sogs pa'i yon tan gsum dang lhan cig tu brgyad po gang yin pa de bkra shis la sogs pa'i gza' rnams te/de rnams kyi gtso bo ni sgra gcan no/ /de rnams kyi rgyu ba ni yul la sogs pa'i dbye bas de bzhin du shes par bya ba'o/ /de lta bu'i gza' rnams gang yin pa de dkyil 'khor 'khor lo'i tshul gyis gnas pa zhes bya ba'o//dbugs de yang ji lta bu yin zhe na/ dang po dbugs zhes bya ba la sogs pa la/ 'dir mngal nas skyes pa'i byis pa'i dbugs nas dang po'i dbugs gang yin pa de nyid yul dang yon tan gyi dbye bas rnam pa brgyad du 'gyur te/ dbugs de 'chi ba dang skyed par byed pa'i rgyur gyur pa'i phyir mkha' 'gro ma rnams kyis bskor ba'o//don dam par mkha' 'gro ma de rnams gang yin zhe na/ du ba la sogs zhes bya ba ni du ba la sogs pa'i rtags rnams kyis kun nas bskor ba zhes bya ba'o/ /lam gsum du gyur pa'i dbugs de'i dbang gis ma shes pa'i sems can rnams kyis 'gro ba drug la 'khor bar byed ces bya ba'o//'o na gal te dbugs de'i dbang gis 'khor bar 'khor bar gyur pa de lta na ni/ phyag rgya chen po'i dngos grub gang gis ster zhe na/ de dbugs zhes bya ba ni du ba la sogs pa'i rtags brgyad kyi dbus su thig le dang gzugs kyi rang bzhin du gyur pa'i bcom ldan 'das dus kyi 'khor lo bzhugs te/dang po'i dbugs yon tan dang bral ba zhes bya ba'o/ /de bas gang gis 'khor bar 'khor bar byed pa'i dbugs de rnams 'gags nas stong pa nyid kyi dbus mar srog 'jug par byed pa de ni dus kyi 'khor lo'i rang bzhin du 'gyur te/gang gis dbugs ni bcad nas rgyal ba'i skur 'jug dus kyi 'khor lo de nyid do/ /zhes bya ba'o/ /dbugs de ji ltar bcad ce na/ dbugs bcad ces bya ba la sogs pa la/ 'dir g.yas dang g.yon pa dang dbus ma'i rang bzhin du gyur pa lam gsum 'gags par byas nas/dbugs chad par 'gyur te/ steng gi lam gsum las dbugs mi 'bab par gyur nas 'og tu dri chen la sogs pa'i lam gsum 'gag par gyur pa'o/ /de bzhin du dbang mdor bstan pa las/ zla ba nyi ma'i rtsa 'gag na/dri chen dri chu'i rtsa 'gag ste/ steng du sgra gcan rtsa 'gags na/ /'og tu sa bon rtsa 'bab ma'o/ /zhes bya ba gsungs so/ /'o na lam drug po de 'gags pas don ci 'grub ce na/ thig le 'gags nas kun nas gtso bo mchog gi bde ba mtha' yas bskal bar 'phel/zhes bya ba ni/ 'dir srog gi rlung 'gags par gyur na byang chub sems kyi thig le rnams 'gag par gyur te/ thig le rnams 'gags par gyur na mchog tu mi 'gyur ba'i bde ba thob par gyur na skye ba dang rga ba dang 'chi ba zad par mdzad pa'i phyag rgya chen mo'i dngos grub thob par 'gyur zhes bya ba'o//rgyu de'i phyir tha ma sdug bsngal gyi rang bzhin du gyur pa'i 'khor lo'i bde ba dor nas bla ma dam pa'i zhal nas sbyor ba'i yan lag drug bsgom par bya ste/ gzhan yang dka' thub kyi spyod pa dor nas spyod pa sgeg pa'i gzugs dang mchog tu 'jig byed rnal 'byor ma rnams dgyes pa'o zhes bya ba'o//da ni gza' rnams nub pa dang 'jig rten gyi khams 'jig par bstan par mdzad de/ gtso bo zhes bya ba la sogs pa la 'dir gtso bo zhes bya ba ni 'og min gyi lha rnams yin te/ de'i dbugs rnams kyis mi'i 'jig rten du lo rnams de tsam gyis gza' rnams stong par 'jug ste/de rnams stong pa la 'jug pa'i dbang gis 'jig rten gyi khams 'jig par 'gyur te/ lo de yang mi la sogs pa'i rang rang gi tshad kyis shes par bya'o/ /'o na spen pa la sogs pa'i gza' rnams dus kyi grangs ji lta bas stong par 'jug ce na/ stong zhes bya ba la sogs pa'i tshigs bcad gnyis kyis nub pa'i dus kyi nges pa bstan to//'o na gza' de rnams ci'i phyir nub par 'gyur zhe na/ rtsa zhes bya ba la sogs pa la 'dir phyi rol du 'jig rten gyi khams 'jig pa ni nang du lus po 'jig pa yin te/ gnyi ga la 'jig par byed pa'i rgyu ni g.yas pa dang g.yon pa dang nam mkha' la sogs pa srog gi rlung 'bab pa'i dus su a wa d+hU tI las dbugs rnams 'bab pa ni 'chi ba'i rgyu zhes bya ba'o//de rgyu gang gi phyir zhe na/ 'dir dbus mar 'bab pa'i srog rnams kyi dbang gis nyin bzhin du rtsa gnyis gnyis 'chad par 'gyur te/rim pa de lta bus lo brgya'i bar du rtsa stong phrag bdun cu rtsa gnyis 'chad par gyur pa'o/ /rtsa thams cad chad par gyur na srog gi rlung rten dang bral ba'i phyir lus po 'di dor bar byed ces bya ba'o/ /rgyu de'i phyir phyi rol du mkha' 'gro ma rnams kyis kun du spyod pa ji lta ba de bzhin du rnal 'byor pas nang du rtsa'i kun du spyod pa shes par bya'o//de bas na gtso bo nyid kyi 'khor lo drug gi rtsa rnams ni brgya lnga bcu rtsa drug ste/ zla ba'i rkang pa nyi shu lnga dang bsres nas brgya brgyad cu rtsa gcig par 'gyur ro/ /de nyid kyi rdul dang sa bon gyi dbang gis nyis bldab tu byas nas rkang pa dang lag pa la sogs pa'i tshigs bcu gnyis kyi rtsa sum brgya drug cu'o//de la 'khor lo drug gi rtsa rnams kyi tha ma ni yul dang yul can gyi dbye ba'am du ba la sogs pa'i dbye bas rnam pa bcur gyur pa'i de rnams bzhi dang drug por gyur pa'i gza' rnams shes par bya'o//gza' re re'i thog ma dang tha ma rigs ldan ma'i tshul gyis bza' bar bya ste/ nang du a d+hU tI ji lta ba bzhin du'o/ /de nyid bstan par mdzad de/ gza' yi mtha' yang za byed srid gsum skyed par byed pa rdo rje sku yi mkha' 'gro ma//zhes bya ba'o/ /de bas ni mi rtog par gyur pa dang / de nas yul dang yon tan gyi rang bzhin du gyur pa dang / phyi nas phung po la sogs pa dang / sad pa la sogs pa'i gnas skabs su gyur pa dang / de nas lo bcu drug gi mthar bde ba'i rang bzhin du gyur pa rigs pa de ni sangs rgyas thams cad kyi yum du gyur pa ni rnal 'byor pas btsal bar bya ste/gang nas btsal zhe na/ rdo rje'i go 'phang la gnas zhes bya ba ni/ bzhi pa slar yang de bzhin de'i tshig las shes par bya'o/ /mdor bsdus par skye ba dang 'chi ba la sogs pa gang gis 'grub par byed pa de nyid kyi phyag rgya chen po'i dngos grub bsgrub par bya zhes bya ba ni nges pa'o//'dir sems 'grub par gyur na mngon par shes pa drug ji ltar skye bar bstan par mdzad de/ gtso bo zhes bya ba la sogs pa la 'dir sems can rnams khu ba dang rdul gyi dbye bas thabs dang shes rab kyi dbye bas te/ de dag kyang sku gsung thugs kyi dbye bas rnam pa drug tu gyur pa'o//de yang steng 'og gi rtsa gsum gyi dbye bas shes par bya'o/ /de bzhin du dbang mdor bstan pa las kyang / thabs kyi sku ni zla ba ste/ shes rab gsung ni nyin byed do/ /shes rab sku ni dri chen rtsa/ /dri chu 'bab pa gtso bo'i gsum/ /steng dang 'og gi rtsa gnyis ni//sa bon 'bab dang mun can ma/ /thabs kyi thugs ni mun pa can/ /sa bon 'bab ma shes rab kyi/ /sku gsung thugs kyi sbyor ba yis/ /steng 'og rigs drug 'di yin te/ /thabs dang shes rab lus dngos kyis/ /lus can kun la yang dag gnas/ /zhes gsungs so/ /rgyu de'i phyir rtsa g.yon pa las 'gags par gyur na rnal 'byor pa rnams la lha'i mig skye ba'o//dri chu'i rtsa 'gags par gyur na lha'i rna ba'o/ /a ba d+hU tI 'gags par gyur na gzhan gyi sems shes pa'o/ /dri chen gyi rtsa 'gags par gyur na sngon gyi skye ba rjes su dran pa'o/ /rtsa g.yas pa 'gags par gyur na dus kun du rnam pa thams cad kyi rdzu 'phrul lo//dung can ma 'gags par gyur na gzhom du med pa dang zag pa med pa'i mchog tu mi 'gyur ba'i bde ba thob par 'gyur zhes bya ba'o/ /lha'i mig la sogs pa ji lta bu yin zhe na/ srid pa rnam gsum mig gis ma mthong yang ni lha mig stobs kyis mthong bar 'gyur//lha yi rna ba'i mthu yis srog chags rnams kyi snying dang khams brjod sgra thos 'gyur/ /de ltar reg sogs thams cad sku gsung thugs kyi sbyor bas 'gyur ro mi dbang kye/ /zhes bya ba ni sgrib pa med pa'i sku gsung thugs kyi sbyor bas de ltar 'gyur zhes bya ba'o/ /da ni srog dang thur sel gyi rgyu ba bstan par mdzad de/rtsa gang zhe na zhes bya ba la sogs pa la/ /'dir thur sel gyi rlung gi lam gsum ni dri chen dang dri chu dang sa bon 'bab pa'i rtsa ste/ de bzhin du steng gi rtsa gsum gang yin pa de srog gi rlung gi lam yin te/ de rnams las lus la sogs pa'i dbye bas rnam pa dgur gyur pa'i srog rtsol bar gyur te/ye shes kyi rang bzhin du gyur pa'i bcu pa'o/ /de rnams ji ltar 'gyur zhe na/ rna ba zhes bya ba ni 'dir rna ba dang sna dag dang mig dag dang lce dang lce'u chung dang gtsug tor gyi bug pa dang / ye shes la rgyas gdab par gyur pa bcu ste/ sgo de rnams la srog gi rlung gis rgyu bar byed ces bya ba'o//lam de rnams gal te rnal 'byor gyi stobs kyis rnal 'byor pas 'gags par nus pa de lta na ni/ brjod du med pa'i don 'grub par bstan par mdzad de/ srog dang thur sel zhes bya ba la sogs pa la 'dir steng 'og tu srog dang thur sel gyi rlung mi 'bab par gyur na lte ba nas gtum mo 'bar bar gyur te/de'i 'od zer rnams kyis sra ba'i ngo bos gnas pa'i byang chub kyi sems zhu bar byed de/ byang chub kyi sems zhu bar gyur pa'i dus su ye shes dang rnam par shes pa ro mnyam pa nyid du 'gyur te/ gnyi ga ro mnyam pa nyid kyi rang bzhin du gyur na rgyu ba dang mi rgyu ba'i 'jig rten gyi khams gsum po ni sgrib pa med pa nyid kyis de bzhin du 'gyur te/de ltar de bzhin du ni rnam pa gsum yang 'gyur te gzhan ni cung zad med/ /ces bya ba ni/ lus la sogs pa'i dngos po thams cad rnam par mi rtog pa'i ye shes kyi rang bzhin du 'gyur zhes bya ba'o//da ni nang gi thun mtshams bstan par mdzad de/ zos pa zhes bya ba la sogs pa la/ 'dir phyi rol gyi gnam stong gi dus su zla ba dang nyi ma ni sgra gcan gyis bkab par gyur na nyin mo yang mi snang mtshan mo yang mi snang ste/ thun mtshams de ni nges pa'i don gyi lus po la dngos grub kyi gnas skabs yin te/de yang nang du ji ltar shes par 'gyur zhe na/ phyogs zad ces bya ba ni/ 'dir phyi rol du gnam stong dus su zla ba'i cha rnams zad par gyur na cha gcig gi ngo bos nyi ma'i dkyil 'khor la zhugs par 'gyur te/ nyi ma'i dus kyi dbang gis sgra gcan gyi dkyil 'khor la 'jug par gyur pa ji lta ba de bzhin du srog dang thur sel 'gags par gyur na lus dang ngag dang sems 'gag par 'gyur te/mi rtag pa nyid du 'gyur zhes bya ba'i don to/ /lus la sogs pa rnam par mi rtog par gyur na phyag rgya chen po'i dngos grub thob par gyur par shes par bya'o/ / don de nyid gsal bar bstan par mdzad de/ nyi zla'i gzugs nyams lam gnyis rtag tu srog rlung 'gags gyur na/ /pad+ma rdo rje rab sad zla ba zhu pa chen po'i gzugs la rab tu zhugs/ /dngos dang dngos med gcig gyur gzhom med yang dag sad gyur na/ /de dus gang la gnyis med rnal 'byor pa de mchog gi go 'phang 'gro//zhes bya ba ni/ 'dir lam g.yas dang g.yon pa 'gags par gyur na srog gi rlung 'gags par gyur pa'o/ /dkyil 'khor drug cu la srog gi rlung 'gags par gyur par shes nas las kyi phyag rgya snyoms par zhugs par mchog tu mi 'gyur ba'i skad cig bsgrub par bya'o//snyoms par zhugs pa des chags pa'i dngos po dang chags pa dang bral ba'i dngos po med pa ro mnyam pa nyid du gyur na gang gis kyang rang bzhin du 'gyur bar mi nus pa'i gnyis su med pa'i ye shes kyi rang bzhin du gyur pa'i sems bzhengs par gyur te/ gnyis su med pa'i sems bzhengs par gyur na sangs rgyas thams cad kyi go 'phang sku 'khrungs pa'i gnas rnal 'byor pas thob par 'gyur zhes bya ba'o/ /dngos grub thob pa'i dus su rtags ji lta bur 'gyur zhe na/ bstan par mdzad de/ khro bo sangs rgyas lha mo dang bcas ro yi rdo rje ma dang sa snying sogs//rab dga'i snying ste mkha' la mngon sum 'gyur zhing rnal 'byor pa la bsgrub pa'i dus/ /zhes bya ba'o/ /dus ji lta bur de ltar dngos grub 'grub par 'gyur ram zhe na/ mkhyen nas dus khyad par du bstan par mdzad de/ zla ba'i nyin mo tho rangs mtshan mo phyed la 'dod pa'i dngos grub 'gyur//zhes bya ba la zla ba'i nyin mtshan zhes bya ba ni nya yin la/ nya'i tho rangs kyi dus rnal 'byor pa de la phyag rgya chen po'i dngos grub 'grub par 'gyur ba'o/ /gzhan yang rtags ji lta bur 'gyur zhe na/ rin chen me tog char mchog dus kyi dbang gis sa yi steng du 'bab par 'gyur//zhes bya ba'o/ /'o na nang gi rtags ji ltar 'gyur zhe na/ bstan par mdzad de/ dang po'i gzugs ni rdul phran nyams shing nam mkha' dang mnyam mtshan sogs kyis rdzogs 'gyur/ /zhes bya ba ni/ 'dir rnal 'byor pas mchog tu mi 'gyur ba'i bde ba thob par gyur nas sa la sogs pa'i rdul phra rab las 'das par gyur pa dang /'od gsal ba dang skyes bu chen po'i mtshan sum cu rtsa gnyis la sogs pa rdzogs par 'gyur ba'i sku thob par 'gyur gyi/ lus bo rnam pa thams cad du med par gyur pa ni ma yin no/ /gzhan yang rgyu ba dang mi rgyu ba'i dngos po thams cad gang yin pa de rnams kyang sgrib pa med par sgyu ma dang rmi lam bzhin du mthong bar gyur pa'o//gzhan yang dag gi dngos grub ji lta bur 'gyur zhe na/ ngag gis kun nas mi 'chad 'gyur dang du ma'i ngag rnams kyis ni gzhan gyi snying la zhugs pa'o/ /de bzhin du sems kyi dngos grub ni/ sems ni dam pa'i bde bas gang 'gyur g.yo med lhan cig skyes pas dus kun 'khyud pa'o//zhes bya ba ni 'dir rnal 'byor pas phyag rgya chen po'i dngos grub thob par gyur na mdor bsdus par dngos po thams cad snga ma min pa bzhin dang sgrib pa med par gyur pa'o/ /da ni 'jig rten gyi khams 'jig pa la sogs pa ni/dri ma med pa'i 'grel pa las gsal por bstan pa'i phyir go sla'o/ /da ni 'jig rten las 'das pa'i dngos grub kyi sngon du rgyur gyur pa bstan par mdzad de/ dang po zhes bya ba la sogs pa la/ 'dir rnal 'byor pas sngags kyi dngos grub bsgrub pa'i phyir/oM AHhUM dang ldan par yan lag drug gi sngags ni sngon du brjod pa'i rim pas bsgrub par bya'o/ /de nas tshe bsgrub pa dang rnam pa brgyad du gyur pa'i 'jig rten gyi dngos grub bsgrub pa'i phyir gnod sbyin mo la sogs pa rnams bsgrub par bya zhes bya ba'o/ /de nas phung po lnga pa sgrib pa med pa'i phyag rgya chen mo'i dngos grub bsgrub pa'i phyir/so sor sdud pa dang bsam gtan gyi dbus ma a ba d+hU tI bsgrub par bya'o/ /de nas srog la sogs pa'i rlung bcu po rtsol ba dang / 'dzin pa'i yan lag gnyis bsgrub par bya'o/ /de nas rjes su dran pa dang ting nge 'dzin gyi thig le bzhi mi 'pho bar bsgrub par byas nas mchog tu mi 'gyur ba'i bde bas sku bzhi'i bdag nyid du gyur pa'i sangs rgyas bcom ldan 'das kyi sku bsgrub par bya zhes bya ba'o//da ni phal ba'i sems can dang rnal 'byor ma rnams kyi bye brag bstan par mdzad de/ sems can zhes bya ba la sogs pa la/'dir phyi rol gyi dngos po gang rnams kyis sems can rnams shi bar gyur pa'i de nyid ni rnal 'byor pa rnams la sngags dang bsam gtan gyi stobs kyis bdud rtsir 'gyur te/ mi 'chi ba nyid du byed ces bya ba'o/ /gzhan yang lus la sogs pa'i sdug bsngal gyis phal pa rnams kyi dngos grub gang mi thob pa de nyid rang bzhin med pa'i bsam gtan gyi stobs kyis rnal 'byor pa rnams kyis thob par gyur pa'o//de bzhin du grangs med pa'i bskal pa rnams kyis sems can rnams la thob par dka' bar gyur pa'i mchog tu mi 'gyur ba'i ye shes gang yin pa de rnal 'byor pa rnams kyis rdo rje dang pad+ma'i sbyor bas sla bar gyur pa'o//rgyu de'i phyir gang sems can rnams kyi 'khor ba'i rgyur gyur pa dang / sdug bsngal gyi rang bzhin du gyur pa'i de rnams rnal 'byor pa rnams la mya ngan las 'das pa'i rgyu dang mchog tu mi 'gyur ba'i bde ba'i rang bzhin du gyur pa'o//don de nyid don dam pa'i bsnyen pa las 'dod chags gang zhig gis ni sems can lhung 'gyur ba/ /srid pa'i pha rol de nyid kyis ni rnal 'byor dug /gang zhig gis ni sems can shi bar gyur pa yi/ /dug shes pa yis de nyid kyis ni nad 'phrog byed/ /ces bya ba ni/byang chub sems dpa' 'jig rten mgon pos gsungs pa'o/ /de bas na sdug bsngal phrogs nas khyad par du gyur pa'i dngos grub ni sems can rnams la bcom ldan 'das rdo rje sems dpa' snang bar gyur cig ces bya ba ni bcom ldan 'das 'jam dpal gyis gsungs so/ /de bzhin du sgra gcan la sogs pas lus kyi dbye ba la sogs pa bstan par mdzad nas/brda'i tshig gis gcig la sogs pa'i grangs kyi ming bstan par mdzad de/ gcig ces bya ba la sogs pa la 'dir zla bas gcig brjod par shes par bya'o/ /de bzhin du zung dang lag pa dang 'khrig pa dang mig dang phyogs dang byang la sogs pa'i bgrod pa gnyis so//'dod pa na spyod pa la sogs pa'i 'jig rten dang dbyar ka la sogs pa'i dus dang / snying stobs la sogs pa'i yon tan dang / lho la sogs pa'i me ni gsum mo/ /shar la sogs pa'i rgya mtsho dang rdzogs ldan la sogs pa'i dus dang /mchod sbyin la sogs pa'i rig byed ni bzhi'o/ /gzugs la sogs pa'i mda' dang / sa la sogs pa'i 'byung ba dang / mig la sogs pa'i dbang po ni lnga'o/ /dpyid ka la sogs pa'i dus dang / ro tsha ba la sogs pa drug go/ /nyi ma la sogs pa'i gza' dang / 'od sngon po la sogs pa'i ri dang / rnam par gzigs pa la sogs pa'i grub pa ni bdun no/ /'jog po la sogs pa'i klu dang / lcags la sogs pa'i nor dang / shar la sogs pa'i lha ni brgyad do/ /a ba d+hU tI la sogs pa'i rtsa dang / mig la sogs pa'i bug pa dang / nyi ma la sogs pa'i gza' dang /rdzas kyi gter la sogs pa ni dgu'o/ /shar la sogs pa'i phyogs ni bcu'o/ /drag po la sogs pa ni bcu gcig go/ /chu srin la sogs pa gnas pa'i nyi ma ni bcu gnyis so/ /'dod pa'i lha la sogs pa ni bcu gsum mo/ /drang srong shed bu la sogs pa dang / sa la sogs pa'i srid pa ni bcu bzhi'o/ /tshes gcig la sogs pa ni bco lnga'o//rgyal po shing rta la sogs pa ni bcu drug go/ /mig gi rnam par shes pa la sogs pa'i skyon ni bco brgyad do/ /bcom ldan 'das shAkya thub pa la sogs ba rgyal ba nyi shu rtsa bzhi'o/ /sa la sogs pa'i de kho na nyid ni nyi shu rtsa lnga'o/ /steng 'og gi so ni sum cu rtsa gnyis so// //da ni rgyud kyi yon tan brjod par mdzad de/ kun zhes bya ba la sogs pas so/ /de bzhin du gang la mtha' ma zhes bya ba la sogs pa'i tshigs su bcad pa bzhi sgrib pa med pa'i phung po la sogs pa'i rnam pa lnga'i bstod pas gsungs zhes bya ba'o/ /da ni las dang po pa rnams kyi skyon dang yon tan brjod par mdzad de/seng ge zhes bya ba la sogs pa la/ 'dir bcom ldan 'das rdo rje sems dpa'i sprul pa'i sku'i rang bzhin du gyur ba'i dpal ldan bla ma gang gis sun dbyung bar byed pa de dam tshig nyams pa'i phyir dmyal bar 'jug par 'gyur ba'o/ /de nas gal te thugs 'dzin par byed pa de lta na ni sangs rgyas thams cad kyi thugs 'dzin par gyur pa'o//de ltar shes nas rang gi don phun sum tshogs pa bsgrub pa'i phyir/ dus kun du dngos po thams cad kyis bla ma la gus par bya'i brgal bar mi bya'o/ /de nas shes nas snga dro dang nyi ma phyed dang nyi ma rgas pa'i dus su maN+Dal la sogs pa sngon du 'gro ba gang gis bla ma'i zhabs la phyag mi byed pa de las sdig pa can gzhan med de zhes bya ba'o//de bzhin du dus gsum du bsod nams kyi tshogs bsags par bya ba'i phyir/ yi dam gyi lha la yid du 'ong ba'i me tog rnams kyis gang gis maN+Dal mi byed pa de las gzhan ma rmongs pa med do/ / sdig pa gang yin dpal ldan bla ma'i zhabs pad bzang la dus gsum gang gis phyag mi 'tshal/ /mi shes pa gang dus gsum du ni sna tshogs me tog rnams kyis dkyil 'khor gang gis mi byed pa'o/ /mnar med myur bar gang 'gro bde mnyam ster ba'i bla ma sdug par byed pa gang zhes bya ba'o//bla ma la mi gus pas dmyal bar 'gro bar gyur pa de lta na ni de la bsnyen pas don ci 'grub ce na/ shes rab ye shes thob ldan bla ma gang yin bla ma mchog gi zhabs ni gang zhig ma nyams mi spong ba/ /zhes bya ba ni mi gang gis nyin mtshan du bla mas gsungs pa bzhin du byed pa'i mi de la phyag rgya chen po'i dngos grub sgrub par 'gyur zhes bya ba'o//de bzhin du 'khor bar shi bar gyur pa gang yin zhe na/ gang gis dus thams cad du nyi khri chig stong drug brgya thar par byed pa shi ba yin gyi lus po bor ba tsam du ni ma yin no/ /gzhan yang rnal 'byor pa gang zhig lam gsum la gnas pa'i srog gi rlung 'gag par byed pa'i gang zag de ni dpa' bo yin gyi srog chags gsod par byed pa dang 'jig rten pa'i bya ba byed pa ni ma yin no//sbyin bdag gang yin zhe na/ gang gis bla ma la rnam pa bcu sbyin pa'i dngos po dbul ba'o/ /ngan pa gang yin zhe na/ sems can slu bar byed pa dang /sdig pa bsags par byed pa dang / snying la bsam pa gzhan dang kha las tshig gzhan rjod par byed pa'o/ /ngan pa gang yin slu byed rang snying rnyog mas sems ni drangs shing g.yo sgyu can/ /zhes bya ba'o/ /de bas skyon dang yon tan gyi bye brag shes nas/skyes bu dam pa rnams kyis bdag nyid la phan 'dogs pa'i phyir/ skyon thams cad dor nas khyad par du yon tan rnams la zhen par bya ba'i nges pa'o/ /da ni rtsa ba'i rgyud dang bsdus pa'i rgyud tha mi dad pa'i rang bzhin bstan par mdzad de/ dpal ldan zhes bya ba la sogs pa la/'dir sngon du bcom ldan 'das shAkya thub pas byang chub sems dpa' phyag na rdo rje'i zhu ba gsan nas rgyud kyi rgyal po mchog gi dang po'i sangs rgyas stong phrag bcu gnyis pa gang bka' stsal pa de nyid bdag ces bya ba ni bcom ldan 'das 'jam dpal nyid de/bdag gis me tog phreng 'dzin gyis tshigs su bcad pas bcom ldan 'das dus kyi 'khor lo bstan to zhes bya ba'o/ /de bas 'jig rten mgon po khyod kyis bcom ldan 'das rdo rje sems dpas lung bstan pa bzhin du/ bstan par gyis zhes bya ba ni/ bcom ldan 'das 'jam dpal gyis/byang chub sems dpa' 'jig rten mgon po la bka' stsal nas smon lam 'debs par mdzad de/ shes rab ye shes thob 'gyur nyi ma dang bcas thub rigs 'di yis gyur pa ji lta bar/ /de bzhin srid gsum la gnas sems can rnams ni dus 'khor drin gyis gyur par shog /ces bya ba'o/ /da ni bcom ldan 'das 'jam dpal nyid dang / 'khor gyi yon tan brjod par mdzad de/ nyi ma zhes bya ba la 'dir bcom ldan 'das 'jam dpal gyis bram ze drang srong bye ba phrag phyed dang bzhi'i gtso bor gyur pa'i nyi ma'i shing rta la 'di skad ces bka' stsal to//khyod skye ba snga ma bcom ldan 'das dus kyi 'khor lo'i rnal 'byor gyi stobs kyis tshangs pa'i rigs la gang zag khyad par du gyur par skyes pa'o/ /bdag kyang 'jam dpal gyi sprul pa yin gyi/ sems can phal pa ni ma yin no//de bzhin du bdag gis btsun mo ni sgrol ma'i sprul pa zhes bya ba'o/ /gzhan yang sangs rgyas bcom ldan 'das thams cad kyi thugs rje'i ngo bor gyur pa dang / 'jig rten las 'das pa'i yon tan thams cad kyi gnas su gyur pa'i byang chub sems dpa' 'jig rten mgon po ni pad+ma dkar po bdag gi sras zhes bya ba'o//de ltar bcom ldan 'das 'jam dpal la sogs pas rang bzhin nyid du gyur pa'i tshig nyi ma'i shing rtas thos nas 'khor dang lhan cig tu bcom ldan 'das 'jam dpal gyi zhabs la phyag 'tshal bar mdzad nas/ 'gal ba'i rgyan gyis stod par byed do/ /khyed bgres gzhon yin rgyal ba kun gyi sras kyang khyod ni dang po'i thog ma'i sangs rgyas te/ /zhes bya ba ni/ 'jig rten dang 'jig rten las 'das pa'i yon tan thams cad kyis bgres par gyur na yang nam mkha' bzhin du sku la 'gyur ba med pa'i phyir khyod ni gzhon nu ma zhes bya ba'o//de bzhin du sngon du sangs rgyas pa dang de bzhin gshegs pa thams cad kyi ye shes kyi skur gyur pa na yang sems can rnams 'dul ba'i phyir/ byang chub sems dpa'i tshul gyis bzhugs pa'o/ /de bzhin du las kyi phyag rgyal sbyor bar mdzad na yang mi 'pho ba nyid kyis tshangs par spyod pa'o//gzhan yang gdul dka' bar gyur pa'i sems can gdul ba'i phyir/ 'jigs par gyur pa'i zhal mang ba dang / phyag rnams mtshon cha du ma dang ldan par gyur par gshin rje gshed la sogs pa sprul pa'i sku 'khrungs par mdzad na yang sems can thams cad ni yid du 'ong ba'i bu gcig pa bzhin du thugs rje chen po'i spyan gyis gzigs par mdzad pa'o//gzhan yang gdul dka' bar gyur pa'i sems can rnams kyi rtsar khyod kyi sku 'jigs par bstan par mdzad na yang don dam bar rnyog pa med pa'i rang bzhin du gyur pa'o//gzhan yang sems can thams cad la 'chi ba la sogs pa'i 'jigs pa thams cad khyod kyis 'phrog par mdzad na yang bla na med pa'i byang chub la bar chod byed pa'i bdud rnams nyams par mdzad pa'o/ /gzhan yang 'khor ba'i zhags pa rnams las grol bar gyur na yang sems can rnams smin par bya ba'i phyir 'khor bar sprul pa'i sku 'khrungs par mdzad pa'o//gzhan yang tshangs pa'i drang srong rnams kyi bla mar gyur pa bdag ni khyod kyis gdul bar mdzad pa'o/ /gzhan yang sems can thams cad la phyag rgya chen mo'i dngos grub thob par bya ba'i phyir//rgyud kyi rgyal po bcom ldan 'das dus kyi 'khor lo khyod kyis mdzad pa'o/ /ma rig pa'i mun pa 'joms par mdzad nas khyod ni nyi ma bzhin du gyur pa'o/ /rgyal rigs ni sku dgu bcu rtsa drug las skyes pa'i lha la sogs pa'i sprul pa rnams la phyag 'tshal bar 'os pa'o//de bas na mi bzang 'khor ba'i 'jigs pas bdag ni khyed kyi zhabs kyi pad+mar skyabs su mchi/ /zhes bya ba'o/ /de ltar 'khor dang lhan cig tu bcom ldan 'das 'jam dpal la nyi ma'i shing rtas bstod pa byas nas/sems can rnams kyis bla na med pa'i byang chub thob par bya ba'i phyir smon lam btab nas bram ze bye ba phrag phyed dang bzhi dang lhan cig nyi ma'i shing rtas dpyid zla tha chungs kyi nyal/ phyag rgya chen mo'i dngos grub mngon sum du mdzad ces bya ba'o//bcom ldan 'das dpal gyis kyang rgyud kyi don bstan par mdzad nas/ byang chub sems dpa' 'jig rten mgon po la rgyud kyi 'grel pa mdzad pa'i phyir dang / rgyud glegs bam du bri ba bka' stsal nas/ sems can rnams la bkra shis par gnang ba dang /bsod nams bsngo bar mdzad de/ steng na byang chub sems dpa' gang zhig bdud sder gnas rnams mchog tu 'jig par mdzad/ /sa steng 'jig rten phyogs mtshams la gnas lha min khro bo'i rgyal po sras dang bcas/ /'og na gang zhig klu dbang mi dge'i gza' yi gnas ni kun du 'ching bar byed pa dang //de rnams kun gyi nyin mtshan dus su mi shes 'jig rten ma lus skyong bar shog /ma lus bsdus pa dus 'khor rgyud ni rdo rje sems dpa' lhag pa'i lha/ /thabs dang shes rab gcig sbyor rgyal ba'i bdag po'i rdo rje de nyid rnam pa bcu drug pa//sems can thar pa'i rgyu ru rgyal ba'i bdag pos bstan cing bdag gis kyang bstan pas/ /bsod nams de yis sems can mi 'gyur mchog gi bde ba ster bar gyur cig de la 'dud/ /ces bya ba ni/ 'dir bcom ldan 'das shAkya thub pas thabs dang shes rab kyi rang bzhin du gyur pa dang /bcom ldan 'das rdo rje sems dpa'i rjod par byed par gyur pa dang / sku'i rdo rje la sogs pa'i rdo rje bzhi'i dbye bas de kho na nyid rnam pa bcu drug gi rjod par byed pa'i rgyud kyi rgyal po dpal dus kyi 'khor lo gang bstan pa de nyid bdag sdud pa po nyid kyis bstan nas/bsod nams kyi tshogs gang bsags par gyur pa des sems can thams cad kyi mchog tu mi 'gyur ba'i bde ba'i go 'phang thob par gyur cig /mchog tu mi 'gyur ba'i bde ba de nyid la bdag gis phyag 'tshal zhes bya'o/ /thabs dang shes rab bdag nyid mchog tu mi 'gyur bde ba rjod byed pa'i//rgyud rgyal dus kyi 'khor lo'i 'grel bshad pad+ma can ni byas nas su/ /bdag gis bsod nams tshogs ni gang thob de yis sems can ma lus pa/ /mchog tu 'gyur ba med pa'i bde ba'i go 'phang rtag tu thob gyur cig /rgyud kyi rgyal po dpal dus kyi 'khor lo'i ye shes kyi le'u las mdor bsdus pa'i bshad pa/ 'grel bshad pad+ma can zhes bya ba rdzogs so// //kha che'i paN+Di ta so ma nA thas bsgyur cing zhus te gtan la phab pa'o// //

CLOSE WINDOW