CLOSE WINDOW

D1340
བོད་ཡིག

gtum mo de la bdag phyag 'tshal/ /dbang gi rim pa mdor bsdus pa/ /slob dpon chen po dpal shes rab gsang bas mdzad pa rdzogs so// @##/ /rgya gar skad du/ pany+tsa kra ma nA ma/ bod skad du/ rim pa lnga pa zhes bya ba/ dpal dgyes pa'i rdo rje la phyag 'tshal lo/ rnal 'byor pas thog mar bskyed pa'i rim pa rdzogs nas/ rim pa lnga pa'i don la 'jug par bya dgos te/ de yang dang por lus la rang bzhin gyis gnas pa'i rtsa dang / /'khor lo la sogs pa'i mtshan nyid ji ltar yin pa shes par bya'o/ /de ni rgyud kyi rim pa'o/ /de'i 'og tu phung po dang khams dang skye mched la sogs pa'i rnam par rtog pa thams cad gtum mo spar la bsreg par bya'o//de ltar bsregs pas 'dar ba la sogs pa'i rtags brgyad 'byung ste/ de yang phyi nang gi dngos po la bltas kyang 'dar ba la sogs pa'i rtags brgyad byung na/ gtum mo 'phro bcad la sems kyis mnan par bya'o//de ni sngags kyi rim pa'o/ /de ltar mnan pas lus kyi bde ba rgyas par 'gyur te/ de ltar bde ba la yang nas yang du bsgoms pas spyi bo nas rkang mthil yan chad du bde ba skye bar 'gyur ro/ /de ltar skyes pa'i tshe phyi'i rtswa shing la sogs pa la dmigs kyang nang gi bde ba skye skye'i bar du de bsgom par bya'o//de ni ye shes kyi rim pa'o/ /de ltar gong ltar dmigs kyang bde ba skye ba'i tshe bde ba de nyid kyang skad cig ma snga ma la ni 'gags/ phyi ma ni ma 'ongs/ da ltar ni skad cig ma gnyis par mi sdod cing mi gnas pas bde ba la rang bzhin med de/ /bde ba mi dmigs par bsgom par bya'o//de ni gsang ba'i rim pa'o/ /de ltar mi dmigs par bsgoms pas rang gi lus mi dmigs par 'gyur te/ de la phyi nang gi dngos po la bltas kyang lus mi dmigs na phyi nang gi chos thams cad bde ba chen po dang / tha mi dad par gcig tu shes par bya ste/ de mi dmigs par bsgom par bya'o//de ltar yang nas yang du bsgoms pas phyi nang gi chos thams cad dang bde ba chen po tha mi dad par mngon sum du shes par 'gyur ro/ /de ni gnyis su med pa'i rim pa'o/ /de ltar rim pa lnga la 'jug cing slob pa'i tshe dbang po mi dgag cing yan par btang /dbang po'i spyod yul thams cad bde ba dang gcig tu shes par byas la/ mi dmigs par bya'o/ /'gro nyal 'dug sdod spyod lam thams cad du 'gying bag dang ldan par byas la/ bde ba chen po dang mi 'bral bar bya'o/ /kha zas la sogs pa'i btung ba'i bye brag thams cad bde ba chen po dang gcig tu shes par byas la bza'o//bgo ba'i bye brag thams cad bde ba chen po dang tha mi dad par shes par byas la bgo'o/ /de ltar byas nas bsgom pa'i tshe lus mi 'gul zhing brtan par gyur na sems zin pa'i rtags yin te bzang / lus 'khor zhing g.yon rlung zin pa'i rtags yin te bzang //sems dran pa med de myos par gyur na/ bde ba'i ros myos pa yin te bzang / rang dbang med par dgod cing dbyangs dang gar la sogs pa 'byung na bde ba chen po rgyas pa'i rtags yin te bzang / lus sbrid cing ber ber byed na bde ba phan tshun bskyod pa'i rtags yin te bzang /'od zer lnga kha dog la sogs pa mngon sum du mthong na ye shes lnga skye ba'i rtags yin te bzang bud med kyi gzugs su byas nas dbyangs dang gar la sogs pa mdun du byed cing mthong na mkha' 'gro ma 'du ba'i rtags yin te bzang / khyi dang phag la sogs pa byung na dam tshig nyams pa yin te ngan/gnod sbyin srin po la sogs pa'i gzugs su byung na sa ma ti thang lhod shor ba yin te ngan/ rtags dang mtshan ma ci byung yang bzang ba la dga' bar mi bya zhing mi dmigs par bya/ ngan pa la mi dga' ba mi bya zhing mi dmigs par bya/mdor na gsang thub par bya zhing byung tshor ci byung ba thams cad bde ba chen por shes par byas la/ de mi dmigs par bya'o/ /rnal 'byor pa'i 'jug pa'i rim pa lnga po'i don rtags dang mtshan ma dang bcas pa/ las 'phro dang skal bar ldan pa bdag gis rnyed pa 'dis gzhan yang de ltar shog shig /

CLOSE WINDOW