CLOSE WINDOW

D1336
བོད་ཡིག

/lus ni nan tan gang byed pa/ /rdzogs pa'i rnal 'byor yin zhes bya'o/ /sbyin sreg gsang ba'i man ngag rin chen rdo rje dpal gyis mdzad pa rdzogs so// @##/ //rgya gar skad du/ shrI A nan+da puSh+pa mA lA/ bod skad du/ dpal dga' ba'i me tog gi phreng ba/thams cad mkhyen pa la phyag 'tshal lo/ /skyed tshal ye shes thig dpal las/ /gsang mchod don gyi rgyu yi phyir/ /dga' ba yi ni me tog phreng / /ye shes mkha' 'gro la 'dud bya'o/ /bde bar gshegs pa kun gyi ye shes chen po shin tu zab pa'i gsang ba rmad du byung ba'i/dpal au rgyan pa'i rdo rje gnas chen po'i gtso mo dpal ldan yan lag rab ma'i zhabs kyi pad+ma'i bka' drin gyis/ gang zhig yongs su shes pa de ni slob ma dam pa'i tshogs kyis dga' ba khong du chud par bya ba'i phyir dam tshig chen po la gnas nas/ 'gro ba'i gtam bstan par bya'o//dang po re zhig chu ngogs chen por nye bar 'dug nas/ bdud rtsi lnga la sogs pa gsol te/ brtul zhugs chen po'i spyod pa bya'o/ /brtul zhugs chen po'i dus su grong ba'i chos kun brtags dang / gzhan dbang du 'dzin pa spang bar bya'o/ / tshangs pa'i spyod par gyur pas 'dod pa lnga bza' bar bya'o/ /gnyis su med pa'i sems kyis su/ /de ni ji ltar 'dod pa bsnyen/ /zhes lung ngo / /de ni tshangs pa'i spyod pa'o/ /thig le dang tshul gyi ngogs gnyis kyi bar du/ rdo rje skyil krung bcas nas sems rin chen gyi nang du slebs pa lta ba chen pos blta bar bya zhes man ngag go//yang na chu ngogs chen po'i rtsa ba'i bskyed pa'i gnas su bzhugs te thig les tshul phug nas thams cad khyab par byed pa char yang chen por 'jug par bya'o/ /dpal dga' ba'i me tog gi phreng ba las/ shes rab mkha' 'gro la mchod pa'i don gyis gnas dang /bdud rtsi lnga bza' ba dang brtul zhugs chen po'i spyod pa dang / 'dod pa lnga bsten pa dang / thig tshul la sogs pa'i rim pas bzhag pa dang / char yang chen po'i 'jug pa bstan pa zhes bya ba ste dang po'o// //de nas gzhan yang dpal ye shes mkha' 'gro la mchod pa'i don du dbang bskur ba bstan par bya'o//chu dang dbu rgyan dang rdo rje la sogs pa bcu gcig gi dbye bas dga' ba bcu gcig dang ldan pa'o/ /dang po'i rtsa ba'i gnas su gtsug tor rin po che'i g.yas g.yon zla ba nyi ma shar ba'i dus su rkan gyi nang du ro ma 'jug pa slebs pas rtsa bzhi nye bar rnyed pa'i ro myang ba las 'dar ba la sogs pa'i ro thob pa'i chu'i dbang bskur sbyin par bya'o//de ni shin tu kun dga' ba'i mchog gser las grub pa'i chos kyi dbyings kyi rnam pa'i bum pa 'bru dang / 'bras bu dang /kha rgyan dang / zho dang / sbrang rtsi dang / dar la sogs pa dang ldan pa bya'o/ /dbang bskur ba'i dus su rol mo sna tshogs gar dang glu dang mchod sbyin dang / gdugs dang rgyal mtshan dang / 'phan la sogs pa'i gzugs sna tshogs dang / dri zhim po'i me tog chen po bkod cing chal par bkram pa dang /spos chen po sna tshogs kyi dri du ma'i ros nye bar grub par byas pa gzugs sna tshogs kyi mchod sbyin sems can thams cad kyi yan lag dang ldan pa de'i dam tshig gis dus su dbul bar bya'o/ /dpal dga' ba'i me tog gi phreng ba las dga' ba bcu gcig gi bdag nyid dang ldan pa/'dar ba'i ro la sogs pa'i 'bras bu'i mchod pa dang bcas pa'i chu'i dbang bskur gyi don bstan pa zhes bya ba ste gnyis pa'o// //de nas gzhan yang dpal ye shes mkha' 'gro la mchod pa'i don du sngags kyi dbang bskur ba ston te/ka ba gcig pa sgo dgu pa/ /mtshan dang dpe byad dang ldan pa/ /de'i snying ga'i nam mkha'i dkyil gyi gnas su pad+ma 'dab ma brgyad pa dag pa chu shing gi me tog lta bu'i dngos po/ kha sbub sdong bu dang bcas pa/ /yi ge rab mchog gi ni gnas/ /de'i lte ba'i dbus na bzhugs pa/de ni 'jug pa dang gnas pa dang 'gro ba'i gnas gsum du 'gro ba dang 'ong bar byed do/ /bzhi pa'i gnas su'am/ dang po'i gnas rang bzhin gyis skabs su rang dbang du bzhugs so/ /dang po'i gnas su 'khyug pa'i gdu bu'i rnam pa bzhin nam mkha'i rang gi dga' ba'i dus su 'don no//dbus kyi gnas su gsal byed dang bcas pa rtog med 'od kyi bdag nyid dga' ba'i dus su 'byung ngo / /mtha' ma'i gnas su shin tu dbyangs las grub pa skye 'jig byed pa chad pa'i dga' ba'i dus su 'byung ngo / /bzhi pa'i gnas su dbyangs dang gsal byed dang dga' ba dang /skad cig dang po dang rgyu la sogs pa dang bral ba dang / brjod du med pa rang rig pa rlabs med pa'i rnam pa'i ngo bo'i thig le dang / tshul la sogs pa dang / rtsa ba'i kun spyod dang / rgyu dang 'bras bu la sogs pa dang / phra ba la sogs pa dang / srid pa dang mya ngan las 'das pa dang /'khor lo dang / ye shes dang / rgyud dang / sngags dang / rim pa dang / bstan bcos dang / sgron ma dang / spyod pa dang / brtul zhugs dang / longs spyod dang / rlag pa dang / dbang dang / rtog pa'i bya ba dang / gnas dang nye ba'i gnas la sogs pa dang / rab tu sbyor ba la sogs pa dang /shar ba dang / nub pa dang / dus dang / dus tshod dang / skabs la sogs pa dang / thog ma dang / bar dang / mthar dang / bzlas pa dang / mchod sbyin dang / sbyin sreg dang / rtag pa dang / mi rtag pa dang / stong pa dang / mtha' med 'od kyi ngo bo la sogs pa dang bral ba de ni yi ge mchog gi gnas zhes pa'o//de yang rkan mchu'i 'phar ma tshigs rgyas pa'i sgo 'gog pa byas te/ bde ba chen po khong du chud par byed pa rdo rje'i bu mo blangs te mchog gi yi ge'i sngags brjod par bya'o/ /pad mnyam 'phar ma sbyor ba yi/ / rdo rje ye shes stobs kyis kyang / /hUM phaT kyis ni mnyam sbyor las/ /mngon par dga' ba 'byung bar 'gyur/ /rdo rje gzhon nu ma mnyam par ldan pa'i mchog gi yi ge'i sngags brjod pa'i dus su dam tshig chen po'i mchod pa byas nas/ bde ba chen po'i rang bzhin byang chub kyi sems mdud pa'i nang na yod pa rtog med ma'i snying gar 'gro ba rlabs dang bral ba'i rnam pa rang gi sems kyis tshor bar byas nas bdud rtsi'i mchod sbyin dbul bar bya'o//dpal dga' ba'i me tog gi phreng ba las/ ka ba gcig dang / sgo dgu dang / mchog gi yi ge'i sngags kyi brjod pa dang / gnas gsum gyi don dang / bdud rtsi'i mchod sbyin dbul ba'i don bstan pa zhes bya ba ste gsum pa'o// //de nas gzhan yang dpal ye shes mkha' 'gro la mchod pa'i don du ye shes kyi dbang bskur ba bstan te/ bo la kak+kol gnyis su med par sbyor ba'i ro las bde ba chen po'i dga' bas myos pa'i nang gi reg bya de bzhin nyid kyi ye shes kyi sbyor bas kun myos nas/de dag nyid phyi'i reg bya'i bdag nyid kyi shes rab chu'i gter bzhin du/ dbus nas rlabs pa'i rnam pas ye shes kyi dbang bskur ba rdzogs par byas nas/ /rang gi gnas su phyis rab tu thim mo/ /de yang shes rab kyi rtsa stong phrag bdun cu rtsa gnyis kyi 'khor lo'i nang na yod pa bde ba chen po khong du chud par byed pa sgo dgu'i bdag nyid kyi sku'i 'khor lo drug gi nang du char yang drug gi ye shes snang bar byed pa/srid pa dang mya ngan las 'das pa gnyis su med pa'i rang bzhin sna tshogs chu skyes kyi lte ba'i nang du gnas par rang gi tshogs kyi 'khor lo'i dbus su 'khor los sgyur ba'i rgyal thabs byed do//sna tshogs pad+ma kha sbub shin tu 'dzum pa yang ma yin/ rab tu rgyas pa yang ma yin pa sdong bu dang ldan pa gzhon nus chos kyi 'khor lo'i thig le'i gdan zhes bya'o/ /bi raM b+hU ti'i zhal snga nas tshul gyi rang bzhin de ni shes rab char yang bdag nyid lte bar dga' bas grub pa'i pad+ma zhes bshad do//dpal phyag rgya chen po'i thig le'i rgyud las/ bcom ldan 'das kyi gang zhig thig le dang tshul dang / char yang dang / dga' ba de ni rtsa bzhis 'jug pa dang / gnas pa dang 'gro bar byed pa gsum ston cig ces gsungs so//srog gi rtsa'i nang nas 'gro ba gsum 'jug pa dang gnas pa dang 'gro bar byed pa zhes dpal grub pa'i bla ma'i zhabs kyi pad+ma'i zhal nas thos te 'dir bstan to/ /lung las gsung gi bdag nyid rtog med thog ma dang tha ma dang dbus su sku gsung thugs kyi rang gi ngo bo sbom pa nyid do zhes gsungs so//thog ma dang tha ma dang dbus ni sku gsung thugs dga' ba gsum dang bral ba phra ba to ra ya zhes bya ba'i man ngag go/ /dpe'i slob dpon ni de yang rtsa stong phrag bdun cu rtsa gnyis kyi 'khor lo'i dbus su/ gnas byed pa dpal rig ma'i thog ma'i gnas su chu skyes kyi lte ba'i dbus su phra ma'i rnam pa zhes 'chad do/ /dpal badzra b+hU ti'i zhal snga nas/ dbus kyi pad+ma sbom po'i rnam pa'o/ /tha ma'i gnas dag gnyis la phra ba zhes bya ba bdag nyid kyi ye shes kyi gnas nye ba'i lta ba zhes bshad do//rang rig pa rmad du byung ba dri ma med pa nam mkha' bzhin du gnyis su med pa'i shes rab dang thabs kyi rang gi ngo bo las don de ni to ra ya'i man ngag go/ /phra mo'i man ngag rab tu shes pa'i shes rab dga' ba bskyed pa shin tu mtshan dang ldan pa/ dang por bla mas byin gyis brlabs te/mchod pa dang dri ma med pa dang / blo gros kyi sku skyes bu'i lag pa'i pad+mar byin nas shes rab dang / thabs gnyis kyi lag pa bzung ste/ sangs rgyas rin po che'i snod kyi bya gdong la sogs pa'i gnas blta zhing 'gro ba'i tshig sbyin pa'i phyir ye shes kyi dbang bskur ro/ / dpal dga' ba'i me tog gi phreng ba las/ gnyis kyi dbye ba'i rnam pa'i shes rab bstan pa dang / rtsa bzhi'i rtags rab tu blta ba dang / 'jug pa dang gnas pa dang / 'gro ba sbom pa dang / phra ba'i gnas blta ba dang / shes rab thabs gnyis su med pa'i gzhung dang / bya gdong la sogs pa'i gnas bstan pa zhes bya ba ste bzhi pa'o// //de nas gzhan yang dpal ye shes mkha' 'gro la mchod pa'i don du don de kho na nyid kyi dbang bskur ba bshad de/ rtog pa kun gyi dra ba'i phyi'i rnam pa spangs nas nang gi reg bya 'jam pa'i shes rab mchog gi 'od kyi ngo bo can de dang lhan cig gnyis su med pa'i sbyor bas gnyis su med pa'i ye shes bdag nyid mchog gi dga' ba bde ba chen po kun du spyod nas de kho na nyid kyi bdag nyid du 'gyur ro//phyag rgya chen po'i dngos grub brnyes pa dpal rat+na b+hU ti'i zhal snga nas ye shes chen po'i de kho na nyid 'bras bu'o zhes bshad do/ /ye shes kyi rten brten pa dang gnas dang bye brag dang /dga' ba la sogs pa dang / rgyu dang 'bras bu dang nges par bstan pa dang / bsam gtan la sogs pa dang sbyor ba yod do/ /shes rab dang thabs gnyis gnyis su med pa'i sbyor bas ye shes chen po'i 'byung ba'i dus su/ bla ma'i man ngag las rdo rje dbyings kyi dbang phyug la reg pa dang /rdo rje rin po che'i dkyil du bde ba chen po brten par byed pa zhes bya ba de ni man ngag go/ /ye shes kyi sa la mngon par zhen pa'i yid la rtags brgyad rab tu 'byung bar 'gyur ro/ /rtags yongs su grub pas gnas gsum yod pa'i nyams su myong ba bla ma'i lta bas yin na'ang /de lta mod kyi skye ba med pa'i snang ba gsal ba'o/ /da ni mchog gi rmad du byung ba bde ba chen po rang gis nyams su myong ba dga' ba mdzes pa/ brjod du med pa yi ge dang bral ba/ mi zad pa/ dpyod pas mi rnyed pa/ mi rtog pa/ shin tu lkog tu gyur pa/ dbang pos bltar med pa/ mtha' med pa/ gting dpag dka' ba/ zab pa/ tshad med pa/ skye ba med pa/ 'gag pa med pa/ nam mkha' dang 'dra ba/ chos thams cad kyis gos pa med pa/ rang bzhin gyis 'od rab de ni kho na nyid ces bya'o/ /dpal dga' ba'i me tog gi phreng ba las/ye shes chen po bstan pa dang / bde ba chen po brtan par byed pa dang / de kho na nyid kyi bdag nyid kyi 'bras bu'i don bstan pa zhes bya ba ste lnga pa'o// //de nas gzhan yang dpal ye shes mkha' 'gro la mchod pa'i don du mchod pa'i cho ga bshad de/ dang por re zhig slob dpon sngags dang /rgyud dang / dbang bskur ba dang / man ngag la mkhas pa rang gi yon tan dang ldan pa'i shes rab dang lhan cig dkyil 'khor gyi gnas kyi snying por 'jug na thig le dang / tshul dang / char yang dang / dga' ba chen po dang / bzhi'i bdag nyid kyi gru bzhi pa'i dkyil 'khor gyi dbus su rgyud las gsungs pa'i cho gas thig gdab pa la sogs pa bya'o//dkyil 'khor sku ni zhes par brjod/ /dkyil 'khor b+ha ga yin par bshad/ /dkyil 'khor byang chub kyi ni sems/ /dkyil 'khor gsum du rtogs pa'o/ /de ltar shes pa'i man ngag gis phyi dang nang gi rim pas spyad par bya'o//hUM las byung ba'i rdo rje gur chen po'i rdo rje ra ba la sogs pa dang ldan pa/ 'byung ba chen po bzhi yongs su gyur pa las gzhal yas khang dur khrod brgyad dang ldan pa/ rdo rje'i gnas chen po rmad du byung ba zhes bya'o/ /mi bzad mi sdug ce spyang tshogs drag po/ 'jigs rung sha za'i kha dang ha har dgod/ /nag po'i me dang de nas 'jigs byed brgyad/ /shing sogs dang ldan rmad byung 'jigs byed bstod/ /me tog mig rdzi nA ga ge sar dpal/ /pa tra pa la sha ra khaR+sha mi/ /dpa' bo du ma rnal 'byor ma tshogs kyis/ /dpal dang ldan pa dur khrod rgyal po shin tu mdzes//lung las yi dags sreg pa'i dus su dur khrod kun la rngam pa 'byung bar 'gyur ro/ /rngam pa'i skabs su shing kun las me tog dang 'bras bu dang yal ga 'phel bar 'byung bar 'gyur ro/ /dur khrod la dbang byed pa shing kha na dpa' bo kun gnas so zhes gsungs so//dpa' bo kun sna tshogs pa'i gzugs 'dzin pa/ byi la dang / bya rgod dang / nyi mas 'jigs pa dang / stag dang / glang chen bgrad dang / ce spyang dang / khyi dang / rta dang brgyad ni ha har dgod chen por rjod par byed pa/ mche ba 'jigs par bgrad pa zhal gsum pa/spyan gsum pa phyag bzhi pa rtsa ba'i phyag gnyis pos sha chen po'i mgo bo la sogs pa za bar byed pa/ phyag gzhan gnyis na zhags pa dang / lcags kyu dang / g.yas dang g.yon pa'i zhal bya rog dang / phag dang / rta dang / glang chen dang / dom dang / ne'u le dang / nya dang / chu srin dang / bya khyung dang / sha ra ba dang / khrung khrung dang / sbrul dang / rma bya dang / spyod mar dang / phyi ba dang / 'byung po kha cig ni gzugs sna tshogs pa zhes bya'o/ /byi la la sogs pa rang rang gi byad gzugs zhal gnyis po shing gi 'og na phan tshun shin tu khro bas sha chen po la rtod pa/'jigs pa'i byad khas khengs pa/ gyen du ce spyang gi sgra sgrogs pa'o/ /lung las phyogs dang mtshams bye brag tu 'jig rten skyong ba brgyad phyag bzhi pa rang gi stan steng na rang gi yan lag ma dang ldan pa/ rus pa'i rgyan la sogs pas brgyan pa/bcom ldan 'das la lta bar byed pa/ phyag gi snyim pa cod pan du bcings nas 'dud pa kho na'o zhes gsungs so/ /gzhan yang dpa' bo chen po dang po'i grub pa byang chub sems dpa' chen po dur khrod chen po'i dbus su ut+pal sngon po'i mdog shes rab yan lag ma dang sbyar ba las mchog gi dga' bas mdzes pa zhal bzhi pa phyag bzhi pa spyan gsum pa/sna tshogs rdo rje dang pad+ma la bzhugs pa/ me'i dkyil 'khor na gnas pa/ 'jigs byed chen po'i gdan gyi steng na rgyal po'i bzhugs thabs kyis zla ba dang nyi ma zhabs kyis gnan pa/rdo rje dang dril bu dang rde'u chung dang thod pa bsnams pa/ phyag rgya lngas yan lag brgyan pa/ mi bskyod pa la sogs pa'i phyag rgya'i phreng bas ral pa'i dbu rgyan dar gyis bcings pa/ shes rab ma yang sku mdog 'dra ba zhal gcig spyan gsum ma/ phyag gnyis pa gri gug dang thod pa bsnams pa/rus pa'i rgyan dang ldan pa/ phyag rgya lngas rnam par brgyan pa/ skra grol ba phyogs kyi na bza' can/ nu ma sra ba dang mtho ba/ rked zheng lus phra ba'o/ /yang na dpa' bo chen po'i gzugs sna tshogs kyi zhal/ gnag pa dang / dkar ba dang /dmar ba dang / nam mkha'i kha dog dang ljang gu dang / pad+ma'i sngon po lta bu dang / zla ba dkar ba dang / dmar chen dang / ut+pal sngon po dang 'dra ba dang / gur kum gyi mdog dang / mig sman dang / du ba'i mdog dang / sprin dang / gser 'od dang / nag ser dang / ser po'i gzugs bya'o//dpa' bo chen po'i yan lag ma/ zla ma dang / g.yon pa ma dang / nyi mnyam ma dang / rlung za ma dang / bsil sbyin ma dang / snying po'i 'dab ma dang / bag yod thor cog ma dang / nyi ma 'dul ma dang / zhi ba 'chi ba'i pho nya ma dang / ljang brtson ma dang / 'od 'dun ma dang /tshangs pa'i ma dang / khyab 'jug gi ma dang thog kha ma dang / thams cad skyed byed ma dang / dpa' bo'i yum dang gnyis su med pa'i sbyor bas bde ba chen po'i dga' bas dgyes pa'i yid dang ldan pa/ dpa' bo chen po shin tu mdzes pa/ dpal nam mkha' dri med dang /shin tu rtsal chen dang / lha'i dbang phyug dang / gsang ba'i bdag po dang / 'od drag dang / nyi dgra dang / mchog dga' dang / thams cad kyi byed pa po dang / ut+pala'i snying po dang / zhi ba chen po'i bdag po dang / nag po 'dul ba dang / rmad 'byung dpa' bo dang / dregs chen dang /nag po chen po drag 'joms dang / ri rab brtan po dang / nam mkha'i zhal te dga' ba bcu drug gis rnam par dag pas dga' ba chen po mthar gyi dus su rtog med ma 'byung ba'i rngam pa dang bral ba'i nang gi reg bya'i ye shes kyi skabs su rgyu mthun pa'i 'bras bu las steng gi rlung g.yo ba med par gyur pas/thig le dang tshul nang gi rang bzhin gyi rlung rang gi gnas pa las gang zhig glo bur gyi rngam pa de lta bu'i bdag nyid kyi rngam pa'i dur khrod du dpa' bo chen po bzhugs so/ /lung las sprul pa dang chos dang longs spyod dang bde ba chen po bzhi/ 'dab ma brgyad kyi pad+ma'i rnam pa ge sar la sogs pa dang bcas pa'i dbus su gnas gcig dang ldan pa'o zhes gsungs so//lung las dang po'i gnas chu skyes kyi shar gyi 'dab mar au D+ya na du gzugs ldan ma/ byang du dzA lan+d+ha rar bum ldan ma/ nub tu pul+lI rar bya rog sna/ lho'i 'dab mar kA ma rU par du ma/me mtshams su mA lA bar glang chen kha/ srin po'i mtshams su sin+d+hu ra dang po'i stobs ma'o/ /rlung mtshams su nA gar ltog ma'o/ /dbang ldan mtshams su sing+ga lar lce ris ma'o/ /de dag ni gnas dang nye ba'i gnas shes rab dang thabs gnyis su med pa'i sbyor bas thams cad nang gi dga' ba zhes gsungs so//dbus kyi gnas kyi pad+ma'i shar gyi 'dab mar ma ru nir lo ma ring / byang du de wI ko TIr lto ba che/ nub tu ko lu tar dri ldan ma/ lhor arbu dar dri do ma/ me'i mtshams su ha re ke la bar bsil sbyin ma/ srin po'i mtshams su ko ta bar 'od ma/rlung mtshams su lam+ba kar dbyangs snyan ma/ dbang ldan mtshams su kA ny+tsi kar pu ling ta ma/ de dag ni zhing dang nye ba'i zhing dang 'dun pa dang nye ba'i 'dun pa'i mchog dga'o/ /tha ma'i gnas kyi pad+ma'i shar gyi 'dab mar las kyi grong du ut+pala'i dri/ byang du gser gling du pad+ma'i khri/nub tu kong ka nar mtsho me tshig byed/ lhor b+hin dar rkang ring / me'i mtshams su yi dags 'dus par rus ldan ma/ srin po'i mtshams su rgya mtsho'i ngos su chu srin mig ma/ rlung gi mtshams su tsa ri trar nya'i kha/ dbang ldan gyi mtshams su gzhon nu'i grong khyer du sna tshogs yan lag ma'o//de dag ni 'dus pa dang nye ba'i 'dus pa dang / dur khrod dang nye ba'i dur khrod tshad pa'i dga' ba'o/ /bzhi pa'i gnas kyi pad+ma'i shar du kasma rir ga pur lus ma/ byang du ke ra tar rma bya'i sgro ma/ nub tu ne pa ler 'dod ma/ lhor kar nu zar dag pa'i lus ma/me mtshams su 'che med grong khyer du sgra legs ma/ srin po'i mtshams su mi yul du sna tshogs pad+ma/ rlung gi mtshams su sa 'og tu 'dod pa'i ske rags ma/ /dbang ldan gyi mtshams su ri rab rtser pad+ma'i zhal lo/ /de dag ni byi la dang / sbyor ba dang / nye ba'i sbyor ba'i rang bzhin dga' ba'o//dang po'i lte bar shar gyi lus 'phags su srog ma/ dbus su byang gi sgra mi snyan du la la nA/ tha ma'i nang du ba lang spyod du ra sa nA/ bzhi pa'i gnas su lho'i 'dzam bu'i gling du a ba d+hU tI'o/ /lung las dpa' bo chen po dang bcas par nang gi 'khor lo'i rim pa'i shes rab thabs kyi rnam par dag pa zhes bltas te/de ni lam dang nye ba'i lam mo/ /dur khrod brgyad kyi nang du sna tshogs chu skyes kyi lte ba la A li kA li hUM gi yi ge rdo rje sems dpa'i rang bzhin rang gi 'od kyi rig ma dang gnyis su med pa'i sbyor ba/ zhal bcu drug pa/ phyag bcu drug pa/ bde ba chen po mngon par dga' ba'i rang bzhin ye shes sems dpa' dkyil 'khor la bzhugs zhes bya'o/ /dpal dga' ba'i me tog gi phreng ba las ye shes kyi dkyil 'khor dur khrod la sogs pa'i gnas kyi don bstan pa zhes bya ba ste drug pa'o// //de nas gzhan yang dpal ye shes mkha' 'gro la mchod pa'i don du bsam gtan bstan te/dpa'i slob dpon ni kun rdzob dang don dam pa mi spang ba'i bya bas ye shes chen po 'byung ba'i phyir steng gi tshigs rgyas pa'i don du man ngag las sgo gzhan thams cad 'gog gi /lus la sogs pa'i sdug bsngal gyis mnan pa de ltar ma yin zhes 'chad do//de'i rjes su rgyal sras mo bzhin du rang gis dbang bskur ba dang sra ba dang mtho ba'i nu ma dang / pad+ma mdzes pa dang ut+pala'i 'dab ma ring ba'i spyan can/ tsan+dan rlon pa'i dris khyab pa/ bla ma'i man ngag las bsrub dang bsrubs pa chen pos rdo rje dbyings kyi dbang phyug ma'i gnas nye bar bltas te/yang na btsums pa dang bye ba la sogs pa'i rab tu sbyor bas/ lte ba'i dbus na bzhugs pa'i 'od chen po'i bdag nyid gtum mo rab rgyas par las kyi rlung gis grogs byas te rang gi gnas su rang gi 'od kyis dga' ba dang mngon par dga' ba dga' ba dang bral bas 'bar ba dang /myos pa dang chung zad g.yo ba rnam par g.yo ba dang / khro ba chen pos shin tu 'bar bar rmad du byung ba/ glog chen po'i g.yo ba'i rnam pa ltar sgra chen po sgrogs pa kho nas gsang ba'i lte ba'i gnas kyi dbus nas langs te/rnam par snang mdzad la sogs pa phung po dang khams dang skye mched la sogs pa shin tu bsregs nas/ dang po dang dbus dang tha ma'i lam nas smin phrag gi 'khor lo'i lam o rgyan gyi tshigs rgyas par gser sgo'i dzA lan+d+ha rar spyi gtsug gi mtshams su nang gi bu ga'i bde ba chen po'i gnas bdud rtsi'i gnas su 'jug go//der rang dga' bas ngal so nas dga' ba'i 'od kyis bde ba chen po grub pa/ byang chub kyi sems shin tu khengs par gsol nas mngon par dga' ba'i nang gi reg bya las/ ro chen po 'ong ba'i dbang gis sngar bsregs pa yang rab tu tshim pa'i don du thugs rje chen po'i sprin rtag tu rgyun ma chad bar bdud rtsi'i rgyun gyi char 'bab par byed do//de nas yang rten gyi rtsa'i 'khor lo 'dzin khyer te/ zhi ba'i gzugs kyis bde ba chen po'i dga' ba'i dgyes pa'i yid kyis rlag pa dang longs spyod dang dbang gi nga rgyal gyis rang gi gnas su rjes su gshegs so//rlag pa dang longs spyod dang ngal so ba dang 'gro ba dang khengs pa dang bum pa dang dus dang tshe dang gnas skabs dang / g.yas pa dang g.yon pa dang / dbus la brten nas chu tshod sum cu rtsa drug gi bar du bde ba chen po'i bdag nyid kyi gtum mo bskal pas go rims su rtsa'i 'khor lor shar ba'o//dz+nyA na b+hU ti'i zhal snga nas/ rtsa zhes bya ba'i dngos po med pa na/ bde ba chen po la sogs pa phyi nang gi reg bya nye bar mi rnyed de/ mi rnyed pa'i phyir dga' ba la sogs pa dang / rgyu dang 'bras bu dang dbang gsum gyi bdag nyid kyi man ngag chad pa'i dngos por 'gyur ro//bde ba chen po mi shes pa'i phyir byang chub mi rnyed do zhes bshad do/ /de bas dpe'i slob dpon gyis rtsa'i 'khor lo sbom phra la sogs pa'i bsam gtan spangs nas/ bla ma rje btsun gyis bka' stsal bar bya zhes bshad do/ / dang po yan lag g.yas g.yon du longs spyod ma dang / 'jigs ma dang / 'khri ma dang / gug ma dang / sha ba ri ma dang / ri bong ma dang / bdud rtsi ma dang / bad kan ma dang / ri ma dang / phung po ma dang / 'dod ma dang / chang 'tshong ma dang / gos ma dang / ser ma dang / rkang gos ma dang /phra mo dang / tshim ma dang / skar ma dang / ri dgas ma dang / shin tu khengs ma dang / lug ma dang / khro ma dang / 'khor lo ma dang / nag mo ma zhes pa dang / chags pa dang / 'jig pa dang / mi dga' ba dang / zhi ba dang / snying rje dang / sred pa dang / rnam par rtog pa dang /ngo tsha ba dang / dge ba ma yin pa dang / rang gi ngo bo min pa dang / len pa dang / sdud pa dang / bkres pa dang / skom pa dang / yi gar mi 'ong ba dang / rnam par chags pa dang / nad dang / khro bo dang / snying brtse ba dang / 'dzem pa dang / phrag dog dang / nga rgyal dang /bstan pa dang / stobs te/ dpral ba dang / mig dang / rna ba dang / sna dang / smin ma dang / rke dang / glo ba dang / mjug to dang / brla dang / pus mo dang / rje ngar dang / rkang pa g.yas g.yon phyed phyed kyi cha'i grangs nyi shu rtsa bzhi 'gro ba dang / khengs pa dang mchog dang chad pa'i shar ba'i rtsa rnams kyi mtshan nyid kyi don to//dbus kyi rked rus kyi dbyug pa'i snying po'i nang du/ rgan mo dang / stag ma dang / dpa' bo'i blo ma dang / g.yo sgyu ma dang / nges par sems ma dang / dmar mo dang / gshol ma dang / ring ma dang / bdud rtsi yon tan ma dang / lam dga' ma dang / 'khor lo'i kha ma dang / rnam par sgeg ma'i nga rgyal ma dang / 'od dang / brtson pa dang / phrag dog med pa dang / mi brtan med pa dang / btang snyoms dang / gtong phod dang / dga' ba dang / g.yo sgyu med pa dang / glu dang / sgra dang / gar dang / btung ba la sogs pa kho na ste/tshangs pa'i bu ga dang / tshangs pa'i lte ba dang / spyi bo dang / rkan dang / ske dang / snying ga dang / lte ba dang / mdoms dang / gsang ba dang / lte ba dang / me'i pad+ma dang / gzhang kha'i kum+ba ka'i rang bzhin dga' ba 'byung ba'i rtsa gsum gyi dra ba'i sdom pa rten dang brten pa'i ye shes kyi bye brag tu bde ba chen po khong du chud par byed pa/'od kyi bdag nyid can reg bya med pa/ ye shes kyi me'i nam mkha'i rang bzhin gtum mo'am/ rtog med pa zhi ba'i rang gi ngo bo bde ba chen po'i pad+ma'i lte ba'i gyen du 'jig rten gyi khams du ma khyab pa/ gnyis su med pa'i rnam pa/stong phrag bdun cu rtsa gnyis kyi rtsa'i 'khor lo'i dbus thams cad kyi bdag nyid gcig pu'i ro'i rang bzhin/ dpal rdo rje dbyings kyi dbang phyug ma zhes man ngag las so/ /dpal dga' ba'i me tog gi phreng ba las gnas gsum na yod pa'i rtsa'i dra ba'i sdom pa dang / gtum mo chen mo'i sbyor brten dang brten pa'i ye shes kyi don bstan pa zhes bya ste bdun pa'o// //de nas gzhan yang ye shes mkha' 'gro la mchod pa'i don rnam pa dang bcas pa'i dkyil 'khor gyi 'khor lo dam tshig sems dpa'i bdag nyid can bshad de/ zla ba dang / rdo rje dang / sa bon dang / phyag rgya dang / sna tshogs pad+ma 'dab ma brgyad kyi lte ba la stong pa dang snying rje dbyer med pa'i rang bzhin can/ bdag nyid bsnyen pa la sogs pa'i yan lag bzhi'i 'bras bu'i gtso bo sngar bskur ba'i mig la sogs pa byin gyis brlabs pa dang / dbang blang ba la sogs pas sku rdzogs pa 'jigs byed chen po dang /zla ba dang nyi ma'i steng du dam tshig gi mkha' 'gro ma bcu drug gi dkyil 'khor gyi dbus su phyag bcu drug pa zhal brgyad pa/ zhabs bzhi pa g.yas brkyang pa/ g.yon bskum pa'i sku spang rgyan gyi me tog gi mdog can spyan gsum pa/zhal gsum ni dkar ba dang dmar ba dang ljang ba dang / zhal gzhan bung ba dang 'dra ba/ steng gi 'jigs pa chen po bong bu'i rnam pa'i mche ba bgrad pa 'jigs pa bstan pa'i phyag rgya la sogs pa yongs su gyur pa las skad cig gis de lta bu'i gzugs thugs rje chen po dang / khro bo'i sku bskal pa chen po'i me bas lhag pa'i 'od dang ldan pa/ rgyal ba thams cad kyi bdag po/ dur khrod chen po'i dam tshig gi dkyil 'khor gyi dbus su mchog gi nam mkha'i dkyil na/ dam tshig mkha' 'gro'i dbang phyug mas 'khyud pa/ dpal dam tshig sems dpa'i dbang phyug skye ba dang /'jig pa dang / gnas pa'i rnam pa'i byed pa po'i dregs pa 'joms pa'i phyir bzhengs pa/ rgyu mas brgyus pa'i mgo bo chen po'i chun 'phyang gis brgyan pa'i yan lag can/ phyag rgya lnga 'dzin pa/ rus pa'i rgyan can skra ser po gyen du 'greng ba/ smin ma rgyas pa spyan dmar ba/gar dgu'i ro chen po'i ngang tshul can/ ha har dgod pa/ tshangs pa'i pags pa rked par khyab pa/ ska rags kyis bcings pa'i sil sil gyi sgra sgrogs pa/ ma mchu'i ro'i bdud rtsi'i btung bas bzi ba/ zhi ba chen po'i pags pa bshus ma thag pa'i rlon pa phyag gnyis kyis gyen du dpyangs pa/pad+ma kha phye bas dbu'i rin po che'i rnam par brgyan pa/ phyag lhag ma rnams ni 'jigs byed chen po khrag chen po kha nas 'dzag pa/ snod na yod pa'i bza' ba dang btung ba'i don gyi phyir bsnams zhes bya'o/ /dam tshig mkha' 'gro'i dbang phyug ma bcom ldan 'das dang mnyam pa/zhal gcig phyag gnyis pa/ spyan gsum pa skra grol ba/ phyogs kyi na bza' can/ gnyis su med pa'i sbyor ba'i bde ba chen pos mnyam par 'khyud pa/ rus pa'i rgyan gyis rnam par rgyan pa/ mi bskyod pa'i cod pan bcings pa/ gri gug dang snod 'dzin pa/shin tu rid pa ske la 'khyud pa/ ma mchu'i ro'i bdud rtsi'i btung bas bzi ba/ thams cad kham du byed pa'i dam tshig gi yan lag ma'o/ /sna tshogs pad+ma'i 'dab ma brgyad kyi shar gyi 'dab mar legs dgyes sku regs ma sku mdog nag mo/ byang gi 'dab mar legs dgyes 'gro ma ser mo/nub tu legs dgyes 'od dmar mo/ lhor legs dgyes gtum mo ljang mdog ma/ me'i mtshams su legs dgyes phreng ba ma ri bong can 'od/ srin po'i mtshams su legs dgyes bum pa ma nag ser gyi mdog /rlung gi mtshams su legs dgyes dri ma ut+pala'i mdog /dbang ldan gyi mtshams su legs dgyes mdzes pa nyi ma gzhon nu'i mdog /thams cad spyan gsum pa g.yon brkyang bas gnas pa/ skra grol ba gcer bu ro la zhon pa/ zhal gcig phyag gnyis pa/ ral gri dang snod ban+d+ha dang / kha T+wAM ga dang /phyag rgya lnga dang / rus pa'i rgyan gyis brgyan pa'o/ /shar dang byang dang nub dang lho'i mtshams su legs dgyes sgra ma/ legs dgyes 'jigs ma/ legs dgyes do shal ma/ legs dgyes sprin ni rdza rnga dang / gling bu dang / dgu po rgyud mangs dang / rnga sgra sgrogs par byed pa gzugs gnyis pa phyag gnyis pa'o//shar dang byang dang nub dang lho'i sgor legs dgyes 'od ma/ legs dgyes pad+ma/ legs dgyes dga' ma/ legs dgyes tshul khrims ma/ phyag gnyis kyis mda' gzhu 'gengs pa/ gzhan bzhugs thabs dang rgyan la sogs pa ni sna tshogs pad+ma la bzhugs pa'i rnal 'byor ma de bzhin du bya'o//gzugs dang sgra dang dri dang ro dang reg dang / ye shes dang chos kyi dbyings dang / sa dang chu dang me dang rlung dang nam mkha' dang / chags pa dang phrag dog dang nga rgyal dang gti mug rnam par dag pas/ lha mo brgyad gnyis dam tshig gi mkha' 'gro ma'i rnam par dag pa bskyed pa'i rim pa lung las gsungs so/ /dpal dga' ba'i me tog gi phreng ba las dam tshig sems dpa'i bdag nyid can/ dpal ye shes kyi mkha' 'gro'i bskyed pa'i rim pa'i bsgom pa bstan pa zhes bya ba ste brgyad pa'o// //de nas gzhan yang dpal ye shes mkha' 'gro la mchod pa'i don du/ mchod sbyin gyi cho ga bshad de/ dang por gnas dang nye ba'i gnas la sogs par mchod pa byas pa'i 'og tu nang gi mchod sbyin gsum bya'o/ /dngos po dang rten dang rnam par 'byed pa ni bde ba chen po la sogs pa'i 'khor lo bzhis/tha ma dang 'bring dang rab dang / rab kyi rab dbang po dang / bsnyen pa dang / nye bar bsnyen pa dang / sgrub pa dang sgrub pa chen po dang / dga' ba dang / mchog dang / chad par dang / rang bzhin gyi dga' ba dang / gnas la sogs par chu tshod sum cu rtsa drug gi bar du kun spyod 'khor lo'i rim pas/ma mo'i drangs pa'i sngags kyis mchod pa'i mchod sbyin bya'o/ /reg bya'i khams dang / rgyal mtshan sbyor bas/ rdo rje dbyings kyi dbang phyug ma khong du chud pa'i ye shes kyi 'od kyis bde ba chen po'i 'khor lo zhu ba'i bdud rtsi bde ba chen po'i bdag nyid can/byang chub kyi sems kyi thigs pa re re gnas dang nye ba'i gnas na bzhugs pa'i mkha' 'gro ma rnams kyi mchod pa'i rim pa'o/ /dang po'i gnas kyi chu skyes dpal o rgyan du gzugs ldan ma/ dag pa'i dngos po rnam par snang mdzad kyis dzA lan+d+ha rar bung ldan ma sgeg pa'i dngos po/nam mkhas pul+lI ra mA la yar bya rog sna ma/ dga' ba'i dngos po nyi shu pas kA ma rU par du ma/ rab tshim gyi dngos po bcu gsum pas/ mA la war glang chen kha ma/ dad pa'i dngos po twa ra ya'i mthar gyis sin+d+hur dang po'i stobs ma/khong du chud pa'i dngos po gsum pa'i gnyis pas nA gar du ltogs nas/ gsal ba'i dngos po bcu gnyis pas sing nga lar lce rings ma/ lta ba'i dngos po'i 'od kyis mu mu nir lo ma ring / sbyor ba'i rten brgyad pa'i bdun pas de bI ko TIr lto ba che/ dam tshig gi rten lnga pas ko lu tar dri ldan ma/ ro'i rten brgyad pa'i gnyis par arbu dar dri rngo ma/ tshul gyi rten nyi shu bdun pa ha ri ke la bar bsil sbyin ma/ g.yo ba rten nyi shu lnga pas/ gau dA bar 'od ma/ dus kyi rten nyi shu pas lam+ba kar dbyangs snyan ma/ rnam par smin pa'i rten sum cu gnyis pas kA ny+tsi kar pu lind ra/bsnyen pa'i rten brgyad pa'i brgyad pas las kyi grong du ut+pala'i dri/ las kyi rnam par 'byed pa'i gsum pa'i gsum pas/ gser gyi gling du pad+ma'i dri/ reg bya'i rnam par 'byed pa lnga'i dang pos/ kong+ka nar mtsho me tshig byed/ dga' ba'i rnam par 'byed pa'i chu yis byin dar rkang rings ma/ bsam gtan gyi rnam par 'byed pa bzhi pa'i dang pos yi dags 'dus par rus ldan ma/ nges par 'byed pa'i sems lnga pa'i bzhi pas/ rgya mtsho'i ngogs su chu srin mig ma/ lta ba'i rnam par 'byed pa brgyad pa'i bzhi pas/tsa ri trar nya'i kha/ chags pa'i rnam par 'byed pa bzhi pa'i gsum pas/ gzhon nu'i grong khyer du sna tshogs yan lag ma/ brtson 'grus rnam par 'byed pa sum cu'i gsum pas/ kasmi rar ga pur lus ma/ 'phro ba'i ye shes bzhi pa'i lnga pas/ ke ra twar rma bya'i sgro ma/dran pa'i ye shes bzhi pa'i gsum pas/ ne ba ler 'dod ma/ brtson 'grus kyi ye shes nyi shu pas/ kar nu dzar dag pa'i lus ma/ kun spyod ye shes dang po gsum pas/ 'chi med grong khyer du skra legs ma/ bskyed pa'i ye shes gsum pa'i gnyis pas/ mi'i yul du sna tshogs pad+ma/ gleng gzhi ye shes bcu gnyis pas/ sa 'og tu 'dod pa'i ske rags ma/ rnyed pa'i ye shes bdun pas ri rab rtser pad+ma'i zhal ma/ gnyid sad ye shes gsum pa'i gsum pas so/ /dang po'i lte bar shar gyi lus 'phags su srog ma/ dga' ba lnga pa'i lnga pas sgra mi snyan du la la nA/mchog dga' brgyad pa'i bzhi pas ba lang spyod du ra sa nA/ chad pa'i dga' ba swA'i yig 'brus 'dzam bu'i gling du a ba d+hU tI/ rang bzhin dga' ba'i ha'i yig 'brus so/ /dpal dga' ba'i me tog gi phreng ba las ma mo'i btus pa'i sngags kyis mchod pa'i cho ga dang /gnas dang nye ba'i gnas la sogs pa dang dngos po dang rten dang ye shes dang / rnam par 'byed pa'i rim pa bzhi'i don bskyed pa'i rim pa'i yan lag bstan pa zhes bya ba ste dgu pa'o// //de nas gzhan yang dpal ye shes mkha' 'gro la mchod pa'i don du/nang du mchod sbyin gsum gyi cho ga bshad de/ chos kyi 'byung gnas kyi rnam pa'i gnas su pad+ma'i khab tu ri bong can shar ba/ nam phyed kyi dus su ping+ga la'i rtsa 'gro ba'i snang ba zhu bar gyur pa'i hUM gi sngags kyis mchod par bya'o/ /bde ba'i gnas 'dab ma brgyad kyi lte ba'i dbus su nyi ma shar ba'i nyi ma phyed dus su arda'i snang ba mched pa nur nur por gyur pa'i/phaT ka ra'i sngags kyi mchog gi dga' bas mchod par bya'o/ /bde ba chen po'i gnas su drug cu rtsa bzhi'i 'dab ma'i pad+ma'i waM gyi rnam pa'i lte ba ba ra ta ka'i nang du chu shing pad+ma'i phra mo'i bu ga 'byung ba'i dus su so sho mna'i gnas snang ba thob pa/gor gor por gyur pa'i bde ba chen po mi g.yo ba sa ka ra'i sngags kyis mchod par bya zhes 'gro ba'i man ngag go/ /mchod sbyin gsum gyi cho ga'i dus su skal ldan ma yin ma 'jug pa mi sbyin zhes brda'i tshig go/ /in+d+ra b+hU ti'i zhal snga nas dbang gsum thob pa nang gi reg bya nyams su myong ba shes pa/ye shes kyi snang ba gsum mthong ba de kho na nyid/ chags pa dang chags pa dang bral ba'i 'dzin pa spangs pa/ skal ldan la 'jug pa sbyin par bya zhes bshad do/ /bzhi pa'i skabs su mchod sbyin gsum gshegs su gsol ba'o//rten med pa/ gnyis su med pa rang rig pa/ nam mkha' bzhin du bde ba chen po/ rlabs dang bral ba'i rnam pa/ ha'i yig 'bru'i sngags brjod pas rab 'od kyi ngal bso ba'i bsnyen pa bya ba man ngag go/ /dpal dga' ba'i me tog gi phreng ba las/nang gi mchod sbyin gsum gyi cho ga dang snang ba bzhi rdzogs pa'i rim pa'i don bstan pa zhes bya ba ste bcu pa'o// //de nas gzhan yang dpal ye shes mkha' 'gro la mchod pa'i don du sbyin sreg gi las bshad de/ sgrub pa'i dbang po kun sbyin sreg gi las ma yin par rab dang 'bring dang tha ma'i dngos grub bam/thog ma dang tha ma dang dbus kyi gnas su myong ba'i sar rtog pa med pa'i 'bras bu mi rnyed de/ de ma rnyed pas bzhi pa'i rim pa'i sbyor ba'i dngos grub chen po thob par 'gyur ba med do/ /thob par mi 'gyur bas 'jigs pa'i phyir/ btang snyoms ma yin pa'i bya bas rten 'brel dang kun brtags la sogs par gzung ba dang 'dzin pa'i bskyed pa'i rim rten dang brten pa nges par bya'o//de yang rang la byin gyis brlab pa'i rim pa'i dam tshig gi spyod pa/ rab kyi rab bsnyen pa la sogs pas dbyer med par mthong bar bya'o//dpal dgyes pa'i rdo rje las/ dbyer med rtag pa'i dngos grub ni/ /phyag rgya'i dngos grub thob par 'gyur/ /zhes gsungs so/ /bde bas na phyag rgya dang / sngags dang / rab tu sbyor ba dang / bsam gtan dang / ye shes dang dga' ba la sogs pa dang / spro ba dang bsdu ba thams cad nang gi sbyor bas mthong bar bya'o//zhi ba dang / rgyas pa dang / dbang dang / drag po dang / dga' ba dang / skad cig dang / ro bsrubs pa dang bsrub thabs chen pos las kyi rlung gis mnyam pa'i 'khyud pa'i dga' ba khong du chud pa las/ lte ba chen po'i chu skyes snying po'i nang du yungs kar sbom po tsam/nyi ma'i gnas pa ye shes chen po'i thig le/ yi ge med pa mi bzad pa sa dang chu dang me dang rlung dang bral ba glo bur ba zab pa/ nam mkha'i dbus na gnas pa/ phra mo'i yang phra mo mi shigs pa phra ba ye shes chen po'i 'od kyi rang bzhin gyi tshul tsam/ sbyor thabs la sogs pa la brten te langs nas 'khyud pa dang / 'o la sogs pa'i sgyu rtsal byas pas mchog gi bde ba'i ye shes myong ba la dpyod pa 'di ni bde ba chen po'i zhes myong ba ste/ slob dpon dang / gsang ba dang / shes rab ye shes dang / bzhi pa dang / dgod pa dang / lta ba dang / lag pa bcangs pa dang / gnyis gnyis 'khyud pa'i rgyud kyi rim pa las mchi ma dang / rdul dang yan lag mi brtan pa dang / dbugs rgod dang / de lta bu'i rtags ni ye shes kyi snang ba mthong zhing / dbus kyi keng rus kyi dbyug pa'i thog ma bde ba chen po'i 'khor lo'i pad+ma'i lte ba'i nang gi mig nam mkha' lta bu/dmar thigs kyi gnas su ngal so ste/ ye shes chen po'i bdud rtsi'i bum pa bzung nas kun du 'jig rten skyong ba la sogs pa la sna tshogs kyi mchod pa byas te/ de nas rang la byin gyi rlabs kyi rim pas 'khor lo bzhi'i chu skyes kyi lte ba'i nang du bzhugs pa'i me de la dgug pa dang /dbang bskur ba la sogs pa rdzogs par byas nas/ dang po bde ba chen po'i thab khung gi nang du dgang blugs bzhi dga' ba'i me tog gi ri bong can gyi thig le bkram pa/ oM zhes slob dpon in+d+ra b+hU ti'i zhal snga nas kyis bshad do/ /de nas dgang blugs brgyad longs spyod du mngon par dga' ba'i me tog gser gyi thig le bkram pa'i a'i rnam pas zhes bya ba/dri med rdo rje'i zhal snga nas kyis bshad do/ /de'i 'og tu dgang blugs bcu gnyis chad pa'i dga' ba'i me tog dmar bkram thig le chos 'khor lor/ hUM yi ge'i sngags kyis zhes slob dpon pad+ma badzra'i zhal snga nas bshad do//de'i 'og tu phyi'i rnam par rtog pa'i bdag nyid can/ phung po dang khams dang skye mched la sogs pa'i yam shing blugs nas gang blugs lta bar byed/ longs spyod dang bde ba chen po'i dngos gnyis phrad pa'i dbus su 'khor lo'i lte ba gnyis kyi nang du dbu med pa/a na tsa ka /smin phrag gi 'khor lo'i steng gi mtshams kyi bu ga'i nang du/ o D+yan gyi lam nas bdud rtsi'i chu bo'i rlabs kyis 'gro bas snying gar rol nas any+tsa ka'i blugs gzar gyi rtse mo'i 'og rnam pa'i snod du ngal so nas/ rgyun ma chad pa'i bdud rtsi'i mar gyi rgyun phaT kyi sngags kyis nang gi lte ba'i ye shes kyi thabs kyi chu skyes kyi lte ba phra mo'i ba ra ta ka'i nam mkhar bde ba chen po'i gnas su/ dga' ba bcu drug gi thig le rab tu bkram pa/ mngon par dga' ba'i gnas su dgang blugs/ b+hur b+hu ba swaH/ bar du tshim pa'i don du mi 'khrul ba'i sems kyis sbyin par bya zhes slob dpon zhabs kyi pad+ma'i bka' drin gyis me'i las kyis man ngag gi brda zhes bya'o/ /dpal dga' ba'i me tog gi phreng ba las grub pa bzhi'i rang la byin gyis brlab pa'i rim pa'i mdor bstan pa dang / gnyis su med pa'i thig le'i tshul dang shes rab dang thabs gnyis su med par sbyor ba'i sbyin sreg gi las kyis don bstan pa zhes bya ba ste bcu gcig pa'o// //de nas gzhan yang dpal ye shes mkha' 'gro la mchod pa'i don du dus 'byung ba'i grangs kyi mdud pa sum cu rtsa gnyis dang ldan pa/dbang bskur ba thob pa'i sems can gyi tshogs la dga' ba'i sngags mdud bshad de/ sprul pa la sogs pa'i thabs bzhi'i rten gyi rtsa'i skud pa'i dbyu gu nyi shu rtsa brgyad lhag pa'i brgya'i phyed nyin mtshan phyi'i rten dang brten pa'i kun sbyor ro/ /sum cu rtsa gnyis kyi chu tshod kyi bar du nang gi rtsa'i kun spyod/rlung la zhon nas byang chub kyi sems dga' ba bcu drug sbyor bas saM skr-i ta bcu drug la kun 'bab po/ /bde ba chen po'i dmar thigs dga' ba'i thig le thun tshod brgyad kyi phyed 'bar ba phyed 'dzag go zhes bcu drug gi phyed kyi phyed la kun dga' bo/ /de lta bu'i 'byung ba bzhi'i dkyil 'khor 'byung ba'i dbus nas srog gi grangs brgya brgyad lhag pa'i stong phrag bcu phung po'i rten sum cu rtsa gnyis kyi mdud pa dang ldan pa'i keng rus chen po'i dbyug pa'i nang du chu shing gi snying po'i rnam pa'i dbus nas srog gi 'byung ba spro ba dang bsdu ba g.yas dang g.yon pa'i dbang po'i rten du nges par sbyar te/dri ma med pa'i blo gros kyi bsam gtan gyi bdag nyid kho na dus kyi 'byung ba'i grangs bgrang ba zhes skud pa'i mdud pa bcings pa'o/ /mchog gi dga' ba'i gnas kyi chu skyes nam mkha' bde chen rgyal po'i pho brang nas rnam par shes pa'i dga' bas rlung me chus bskyed pa'i rim pas 'byung zhing de'i nang du rlung rang bzhin gyis 'khor zhing 'khrul pas pha rol mi rnyed ces bral pa'i gnas pa'i bye brag go//sems dang sems las byung ba dang / ma rig pa'i rlung la brten nas rang bzhin gyis/ srid pa dang mya ngan las 'das pa'i gleng gzhir gyur pa'i snang ba dang /mchod pa gnyis zla ba dang / nyi ma dang / rang bzhin dang / me de dag gis sems can du gyur pa de yang rnam par dpyod pas gang du yang sems can med de snang ba mched pa gcig pu'i stong pa nyid chen po'i byin gyi rlabs kyis so/ /de ni gcig pus zla ba dang / nyi ma dang / me dang / snang ba gsum shar ba dang nub pa dang / tho rangs dga'i ba'i bdag nyid can kun rdzob kyi rlung la brten nas tha ma dang 'bring dang rab dang de dag la sogs pa 'dus pas ma rig pa zhes bya ba'i stobs chen po yun ring po'i dus nas rang bzhin kun gyi mtshan mo dang nyin mo dang mtshams kyi bar du dus kyi 'byung ba byed pa zhes bsams nas rten dang brten pa dpyod par byed do//rnam par shes pa'i rlung ma rig pa'i rten la gnas nas rlung dang ldan pa'i phung po dang khams dang skye mched rnams srog gi rten med pa de ni ro'o/ /rten dang brten pa'i rnam par 'byed pa las gang gi tshe las kyi lus mi len pa de'i tshe bar ma do dang stong pa'i rang bzhin no//de bas na srog dang bcas pa dang shi ba don dam par dpyod pas rnam par shes pa'i rlung gang na'ang med pa'o/ /kun rdzob dang don dam pa ma spangs pa'i rim pas thams cad bde ba la sogs pa'i snang ba'i bdag nyid can gyi byang chub kyi sems kyi me tog gi rdzogs par byas pa'i dga' ba chen pos mdzes pa'i chun 'phyang rtsa'i skud pas brgyus pa/mnyam pa dang mi mnyam pa dang bral ba rten gyi dbyug pa'i sgo nga'i snying po'i bdud rtsi'i ro bsrung ba'i don gyi phyir sngags mdud sbyin pa snang ba mched pa'i rang bzhin zhes man ngag go/ / de yang snang ba mched pa yongs su shes pas bsod nams dang sdig pa dang bral ba'i phyag rgya chen po'i dngos grub thob po bskal pa du ma stong du gtong ba dang / gtong ba chen po dang / shin tu gtong ba dang / tshul khrims dang bzod pa la sogs pa goms pas rlabs po che'i sems kyi sngags dang phyag rgya la brten pa dang /bsam gtan 'dzin pa byas na yang de lta mod kyi snang ba mched pa dang ma dag pas byang chub gang du yang mi rnyed do/ /stong pa nyid chen po'i rang bzhin rnam pa gsum gyi ye shes dag pas skad cig gcig gis mngon par rdzogs par byang chub pa zhes don dam par ro/ /khyab 'jug dang lha chen po dang tshangs pa dang brgya byin dang nye dbang la sogs pa rang bzhin snang ba la 'khrul pas zab pa drag po shin tu gting ring ba gting dpag dka' ba'i srid pa'i rgya mtshor 'khor zhing snang ba mched pa mi shes pa pha rol mi rnyed pa de rnams kyang mi khom pa'o//dpal dga' ba'i me tog gi phreng ba las/dus 'byung ba'i grangs dang / srog gi rlung dang / keng rus kyi dbyug pa mdor bstan pa dang / rtsa ba'i sngags mdud sbyin pa dang / snang ba'i rnam par dag pa'i don bstan pa zhes bya ba ste bcu gnyis pa'o// //de nas gzhan yang dpal ye shes mkha' 'gro la mchod pa'i don du gtor ma'i cho ga bshad de/skye ba gsum pa dur khrod chen po'i dbus su 'gyel ba'am/ yang na skye ba gnyis pa ji lta ba'i cho gas blangs la/ dum bu brgyad du byas la gtor ma chen po'i snod du/ phyogs dang mtshams bye brag tu mdzes pa'i dga' bas dang po'i rim pas gzhag par bya ste/rgyal po'i sA lu shin tu khengs par gang bar byas nas dri ma med pa'i zla ba dang nyi ma'i me tog gis dang / gdugs dang rgyal mtshan dang 'phan la sogs pa dang / rma bya'i rdul yab la sogs pa dang / rnga yab dang dra ba dang / dra ba phyed pa dang / me 'od dang / dga' ba'i me tog dang /mar me dang / sgron me dang / sna tshogs kyi mchod sbyin dang / sna tshogs pa'i dri zhim pa'i spos kyi dang / 'bras bu la sogs pa dang / gos sna tshogs dang / ral gri dang / sta re dang / rtse gsum gyi kha T+wAM ga rim pa ji bzhin du bzhag nas bsang gtor bya'o/ /de'i 'og tu pad+ma chen po'i snod dum bu gcig par rgyas pa chen po'i bdud rtsi'i ros gang ba/rigs la sogs pa'i me tog gis mchod dbus su bzhag nas lu gu rgyud bcings te gung mo sbyar ba'i phyag rgya la sogs pas ar+g+ha brgya rtsa brgyad kyi sbyin pa dbul bar bya'o/ /pad+ma'i snod kyi lte ba'i ba ra ta ka'i nam mkha'i gnas su 'od stong can de'i steng du ri bong can dkar po'i 'od kyi rang bzhin gyi byang chub kyi sems bde ba chen po'i rnam pa/dam tshig chen po'i yan lag ma dang / gnyis su med pa'i sbyor ba 'khyud pa'i dpal ye shes mkha' 'gro sngar bstan pa'i cho ga las dkyil 'khor 'khor lo dang bcas pa bsgom pa zhes bya'o//snod kyi phyi rol du nam mkha' la spyod pa mkha' 'gro ma chen mo thabs dang bcas pas 'khyud pa gnyis med pa'i sbyor bas mthong bar bya'o/ /de'i phyi rol du phyogs skyong brgyad mtshon cha 'dzin pa gzhan yang lha chen po dang / nyi ma dang / zla ba dang / nye ba'i dbang po dang / tshangs pa dang / khyab 'jug dang / nag po chen po dang / gzhon nu dang / bgegs chen po dang / pho nya dang / dus mtshams dang / kun 'byed dang / chu dang / me dang / rlung dang / sa dang / gzhan lha dang lha ma yin du ma sna tshogs ma mo'i gtso mo dang / de'i mthar klu chen po'i rgyal po brgyad tshogs du mas bskor ba/de'i phyi rol du 'byung po/ yi dags/ sha za/ myos byed/ grul bum/ lus srul po/ gzhan yang brtse med mkha' 'gro ma 'khor mang po dang bcas pa dang / gdug pa'i gza' du ma dang / rnag za ba ste de dag dgug pa dang gzhug pas gtor ma chen po'i snod du rab gnas byas te/rol mo du ma sna tshogs kyi sgra klu'i mchod sbyin bya/ dam tshig gi dkyil 'khor gyi dbus su bdag nyid/ dpal he ru ka'i sku ye shes kyi phyag rgyas gtor ma byin gyis brlabs te/ sngar bstan pa'i mkha' 'gro ma la sogs pa'i 'khor dang bcas pa/chu ngogs chen por 'gro zhing de ru dam tshig chen pos gsol nas/ g.yas brkyang dang g.yon brkyang dang / g.yon 'gyur ba'i bzhugs thabs la sogs pa'i gar chen pos ro'i dbang gis dga' bas sems can thams cad la phan pa'i don grub par bya ba'i phyir tshogs kyi dkyil 'khor thams cad gsol cig /'thungs shig /dam tshig srungs shig /zhi ba dang rgyas pa dbang dgug pa la sogs pa'i las grub pa'i grogs mdzod cig /pad+ma'i lag skor rdo rje'i snyim pas gtor ma sbyin par bya'o/ /oM AH hUM hUM hUM phaT phaT swA hA/ dpal dga' ba'i me tog gi phreng ba las/gtor ma chen po'i cho ga'i don bstan pa zhes bya ba ste bcu gsum pa'o// //de nas gzhan yang dpal ye shes mkha' 'gro la mchod pa'i don du bstod pa'i mchod sbyin bshad de/ dpa' bo chen po dpa' bo'i dbang phyug mkha' mtha' zab cing gting dpag dka' pa gnyis med sbyor ba'i mnyam 'khyud ma mchu'i ro yi bdud rtsi btung bas bzi ba bde ba rgyal gyur cig /thig tshul char rgyun yang dga' rten nang keng rus dbyug pa rtsa 'khor nang bzhugs A li kA li gnyis stong thugs rje dbyer med rang bzhin bdud rtsi byang sems rgyal gyur cig / dga' ba bcu drug mdzes rnam dri med sku ro chen brgyad nyams myong rang rig ye shes bdag nyid de nyid rgyal gyur cig /thog ma mtha' dbus mi gnas chu skyes dbang bskur ye shes snang ba skad cig yi ge 'khor lo sngags rgyud rim mdzes de bzhin gshegs pa tshangs pa khyab 'jug nyi ma zla ba la sogs khyab gtso rgyu khyed rgyal gyur cig /dpal dga' ba'i me tog gi phreng ba las/ de kho na nyid kyi bdag nyid kyi zhi ba'i bstod pa'i mchod sbyin gyi don bstan pa zhes bya ba ste bcu bzhi pa'o// //de nas gzhan yang dpal ye shes mkha' 'gro la mchod pa'i don du smon lam gyi rgyal po bshad de/dag pa'i zla ba'i 'od dkar snang ba bde chen legs dgyes myu gu'i rnam pa'i lte ba'i nam mkha' las byung bde chen nam mkha' las byung bdud rtsi bza' ba rtag tu dus gyur cig /rtag chad mngon dga' dga' bral gnyis spangs dri med rdor snying nang rang bzhin gcig pu'i mtshon rdor bsam gtan kho nar gyur cig /rang nyams myong rnam mdzes dga' brgyad gnyis lo pad 'od mnyam dmar thig lag rkang ut+pal 'dab spyan gsum dbus phra dbang shes yan lag mchog ma'i sbyor ba shin tu kho nar gyur cig /thams cad 'jig rten khams yang dag rdzogs sangs rgyas byang chub rab tu gnas phyir bla med theg chen nang gi nam mkha' rang bzhin bdud rtsi snying po mdzes shin tu khengs chos 'byung grags pa'i tshangs bzhir gnas gyur cig /dpal dga' ba'i me tog gi phreng ba las/ bde ba chen po'i dmar thigs chos kyi 'byung gnas grags pa'i 'bras bu'i smon lam gyi don bstan pa zhes bya ba ste bco lnga pa'o// //de nas yang dpal ye shes mkha' 'gro la mchod pa'i don du gshegs su gsol ba bshad do/ /sngar bstan pa'i sgo dgu la sogs pa dang ldan pa'i sku las/ thog ma dang tha ma dang ye shes sems dpa' dang dam tshig sems dpa'i dkyil 'khor las/zla sar me tog gis gang ba nyi 'od kyi snang ba'i pad+mas mchod par byas nas/ nam mkha' dang zla ba dang nyi ma dang chu dang sa dang me dang rlung gi yi ge bdun gyi sngags kyis bzlas pa'i phreng ba rgyun ma chad pa'i yid kyis shes rab dang thabs gnyis su med par sbyor bas bskor sgyur bas/dkyil 'khor 'khor lo la sogs pa'i go rims rdo rje'i sgo'i rta babs tshon rtsi lnga'i gnas nas gcig pu'i cha'i gnas su rdor gsum ye shes sa bon gyi nang nas dang po'i gcig gi phra mo'i cha'i tha ma'i gnas la mi g.yo ba'i yid kyis dang po gshegs su gsol bar bya'o//dbus gnas nang gi pad+ma gnyis po'i gcig gis 'chi med dri med rgyas dang spro ba dga' dang / srog dang skyabs sbyin dang gleng gzhi ste 'dod chags chen po brgyad kyis gshegs su gsol ba gnyis pa'o/ /dang po gnas kyi pad+ma'i lte bar gdu bu'i gnas gsum pa'i gcig gis dang /gzhan brtson 'grus dang / bsam gtan dang / 'od dang / lam dang / rten dang / brten pa dang / 'byung ba dang / tshim pa dang / bdud rtsi dang / sgeg po dang / longs spyod dang / snang ba dang / sgron ma dang / brtan pa dang / g.yo ba dang / bcud kyis len te/ de lta bu la sogs pa'i bcu drug tshim pa'i char yang me tog gis gshegs su gsol ba gsum pa'o/ /gtor ma'i gnas kyi chu skyes snying po'i lte ba chen po'i gnas man chad bde ba chen po'i 'khor lo'i lte ba'i nang bcu drug pa'i dang pos dang / gzhan yang char yang thig le tshul tsam mchog gzhan mchog sbyor ba drug gi rmad byung me tog gis gshegs su gsol ba bzhi pa'o/ /dpal dga' ba'i me tog gi phreng ba las/ yi ge bdun bzlas pa'i bsgom pa dang / rdo rje gsum gyi ye shes kyi sa bon dang / thog ma dang tha ma dbus chags chen po brgyad rdo rje chu skyes kyi gnas su bcu drug tshim pa'i char yang rnam par shes pa'i sbyor ba drug don gshegs pa bstan pa zhes bya ba ste bcu drug pa'o// //rnal 'byor dbang po du ma'i gzhung lugs ni/ /yang dag dpyad pa byas nas rmad 'byung smras/ / de phyir blta dka' shin tu zab mtha' yas/ /re zhig sum shes dpyod pa shin tu nus/ /sgra tshad la sogs nga rgyal nam yang min/ /rgyud sogs du ma nyan pa nges kyang min/ /ji ltar rang bzhin gang zhig shes sam ci/ /gzhan min bla ma'i zhal nas gsung min tshe/ /bla ma shin tu blo ldan nga rgyal med//de ltar rang bzhin shes pa thugs rje'i bdag /rlabs chen chen po'i yul gyis gos pa med/ /de rdor sems bdag mchog bla la phyag 'tshal/ /dga' ba du ma me tog sna tshogs kyi ni yid 'phrog bzor/ /'jig rten 'dir don zab phyir dga' ba rin chen snang ba 'od zer ldan//don shes don dam par bde skyed ma dpal ldan ye shes mkha' 'gro'i dga' ma/ /dag yangs bstan pas dri med 'bras bu gang zhig bdag gis rnyed pa dge /des myur rdo rje dbang phyug gi gnas 'jig rten gsum gyis thob par shog /dpal au D+yan rdo rje chen po'i gnas las byung ba/

CLOSE WINDOW