CLOSE WINDOW

D1333
བོད་ཡིག

de yi tshig ni bris pa yin/ /rnal 'byor ma rnams bzod par mdzod/ /rin chen thigs pa zhes bya ba'i sgrub pa'i thabs rnal 'byor gyi dbang phyug dpal shes rab gsang bas mdzad pa rdzogs so// @##/ /rgya gar skad du/ /a b+hi She ka ra t+na A lo ka /bod skad du/dbang rin chen snang ba/ dpal rdo rje sems dpa' la phyag 'tshal lo/ /bcu gnyis phyed kyi phyed med pa/ /bcu gnyis phyed kyi phyed rang yin/ /bcu drug phyed kyi ro yod pa/ /bcu drug phyed phyed la phyag 'tshal/ /gang 'di sus kyang mi [(]shas [,]shes [)]pa/ /gang 'di sus kyang gsal ma byas/ /rgyud rgyud na ni gsang ba bzhugs//de yi dbang mchog bdag gis bshad/ /dbang med na ni myur 'grub med/ /rdo rje dbang phyug de skad gsungs/ /yan lag thams cad dbang skal ldan/ /skal ldan min na nam yang min/ /mkhas pas de la sbyin par bya/ /phyag na rdo rjes de skad gsungs/ /thams cad mtshan gyis gang ba dang //rgyud kun thams cad shes pa dang / /dbang bskur shes dang thugs rje che/ /de ni bla ma rdor rgyal nyid/ /bla ma 'bad de ma nyes par bya/ /rgyud las 'byung bzhin mchod bstod bya/ /yon tan phung po brjod mi nus/ /ye shes rgya mtsho gting dpag dka'/ / sku ni rang bzhin dpal dang ldan/ /sems dpa' thams cad kyi ma 'dra/ /ye shes nyi ma bcom ldan 'das/ /gzhan gyi don du khyod ni shar/ /'khor ba dran pa'i don du ni/ /dkyil 'khor gsal bar bdag la mdzod/ /de nas yan lag dri zhim bskus te gos bzang brgyan/ / skal ldan gyis ni lhan cig dkyil 'khor bri don du/ /sa la mchod pa rab tu 'bad de rnam par bya/ /rin chen sna tshogs sa 'og gzhug cing gter du sba/ /dpal chen rin chen rgya mtsho yi/ /rgyud las dkyil 'khor tha dad gsum/ /me tog yang na rdul tshon pir/ /yang na ting 'dzin mchog gis bya//rgyal po chom rkun 'jigs pa'i gnas/ /nam yang dkyil 'khor der mi bya/ /skyon ni thams cad bral ba yi/ /gnas su mkhas pas brtsam par bya/ /dang po ji tsam nus kun gyis/ /dad pas bla ma mchod par bya/ /bla ma'i zhabs la mchod byas na//the tshom med par dngos grub thob/ /rta dang glang po mu tig rin chen gser dngul dang / /ras la sogs pa sna tshogs ci la dgyes pa dang / /chung ma bu mo sring mo gzugs ni bzang ba dang / /dga' ba'i yid kyis de rnams thams cad dbul bar bya/ /mgon po'i spyan gyis bdag la gzigs//khyod ni bdag gi ston chen po/ /dam tshig de nyid bdag la stsol/ /thar pa'i lam nyid bdag la stsol/ /pad+ma'i 'byung ba bdag la stsol/ /gsang ba'i mchog ni bdag la stsol/ /thams cad mkhyen la phyag 'tshal lo/ /ye shes nyi 'od la phyag 'tshal//thams cad mkhyen sman phyag 'tshal lo/ /ye shes bdud rtsi gtso phyag 'tshal/ /skyes bu khyod ni su zhig yin/ /khyod ni ci 'dod bdag la smros/ /dpa' bo chen po bdag skal ldan/ /thog ma'i dbang ni bdag la stsol/ /de nas de yis mda' yi ras/ / de yi phyi rol yon rnams dbul/ /rnam par snang mdzad gzugs la bsgom/ /dam tshig sems dpar gzung bar bya/ /oM A khaM bI ra sngags kyis/ /me tog phreng ba mig dag pa ras/ /las kyi bum pas gtor bar bya/ /yang na dam tshig chu yis gtor/ /hUM hUM phaT phaT sngags kyis ni//a ti ho brtan brtul zhugs bzang / /lan gsum arka me tog gis/ /hUM phaT sngags kyis gdab par bya/ /de nas rdo rje me tog can/ /snying gar cung zad gzung bar bya/ /oM su ra te sa ma ya s+t+waM/ /de bzhin thams cad rnam par gyis/ /ye shes 'bras bu ci 'dod dang //dngos grub thams cad rnyed par 'gyur/ /dkyil 'khor ma mthong sngon du ni/ /gang yang smra bar ma byed cig /ma yin khyod kyi dam tshig 'di/ /nyams par 'gyur ba nges pa yin/ /de nas rdo rje spyi bor ni/ /bzung la 'di skad smra bar bya/ /'di ni dam tshig rdo rje yin/ / spyi bor bdag gis gsor bar bya/ /khyod kyis gzhan la 'di smras na/ /skad cig gis ni phung nas 'gro /gur gum dang ni tsan+dan dang / /sbrang rtsi yod pa'i chu bsres la/ /bdud rtsi lnga ni de dbus blugs/ /de yis dam tshig blud par bya/ /oM badzro da ka ma hA dang / /badzra ku raM bi sha na/ / lan bdun bzlas pa'i sngags kyis ni/ /lag pa g.yas su sbyin par bya/ /'di ni khyod kyi dmyal ba'i chu/ /dam tshig nyams na sreg par byed/ /dam tshig bsrungs na dngos grub 'ong / /'thungs shig rdo rje bdud rtsi chu/ /de ring phan chad khyod kyis ni/ /phyag na rdo rjer bdag la smros/ / bdag gis ji ltar bka' stsol dka' sbyin/ /de ltar khyod kyi dad pas bya dgos so/ /gang yang nga la mi mos nam mi bya'i/ /de ltar byas na rnam smin dmyal bar 'gro/ /skyes su dri med yid ldan pa'i/ /khyod kyi mig gis ji ltar mthong / /dkar po dag ni mthong gyur na/ / zhi ba'i las ni 'grub par 'gyur/ /ser po dag ni mthong gyur na/ /rgyas pa'i las ni 'grub par 'gyur/ /dmar po dag ni mthong gyur na/ /dbang gi las ni 'grub par 'gyur/ /nag po dag ni mthong gyur na/ /drag po'i las ni 'grub par 'gyur/ /ras kyis mig la bkab gyur nas//rtags ni 'di dag mthong bar 'gyur/ /de nas bla ma rdo rje 'dzin/ /phyin gyis brlabs ni smra bar bya/ /ji ltar bsod nams de bzhin 'ong / lha mo rigs kyi rim pa la/ /ji lta ba yi dngos grub yod/ /rang rang gi ni rigs rigs la/ /me tog babs pa'i bu 'di ni/ /de lta bu yi dngos grub thob//mig dgab ras kyi phreng ba las/ /me tog bzang po lag tu sbyin/ /pra tI ts+tsha ho rdo rje 'dzin/ /lan gsum brjod la dbul bar bgyi/ /bla mas me tog blta bar bya/ /dngos grub rab 'bring tha ma ste/ /yan lag rab kyis phyag rgya che'i/ /dngos grub the tshom med par thob//yan lag 'bring gis sngags dngos 'grub/ /yan lag tha mas chung dngos 'grub/ /rang gi lha mo'i dbus gnas su/ /yang na rang dang gzhan gyi bar/ /me tog gang gdan nye de'i yin/ /de yi gnas ni dbus su brlag /dkyil 'khor phyi rol babs na ni/ / cung zad tsam gyi dngos grub 'ong / /pan tsa re khA la babs na/ /phyi nas lan gsum dbul bar bya/ /yang ni de yi steng babs na/ /nam yang dngos grub thob mi 'gyur/ /de la chu yi dbang gcig sbyin/ /dbang gzhan dag ni mi sbyin no/ /sgo dang rta babs phyi rol dang //rdo rje phreng ba'i phyir babs na/ /dngos grub tha ma'ang med gyur na/ /gzhan chen po ni ga la 'grub/ /rdo rje sems dpa' de ring nyid/ /khyed ni nan tan mig phye ste/ /bdag gis thams cad mig phye bas/ /rdo rje mig ni mchog gi mchog /de nas dkyil 'khor 'khor lo'i don//dang po sgo skyong la sogs nas/ /dkyil 'khor ji lta bu yi gnas/ /phyogs mtshams la sogs so sor bstan/ /bcom ldan 'das sku ji lta bur/ /rab gnas khrus kyi cho ga bya/ /de ltar slob ma la 'bad de/ /rtse gcig gis ni khrus bya'o/ /bum pa chos kyi dbyings ldan pa/ / sangs rgyas rin po che yi snod/ /nyi zla A li kA lis 'byung / /de yi nang du bsam par bya/ /lha mo dang ldan mi bskyod pa/ /snying po zhu ba'i rang bzhin can/ /ye shes sems dpa' bsgom par bya/ /las kyi sems dpa' 'ang de yin no/ /byang chub rdo rjes sangs rgyas la/ /bla ma chen po ji ltar byin//bdag dang 'dra ba'i don du ni/ /nam mkha'i rdo rje bdag la stsol/ /dbang bskur rdo rje chen po ni/ /khams gsum gyis ni phyag byas pa/ /gsang gsum gzhi las 'byung ba ni/ /sangs rgyas kun gyis bdag gis sbyin/ /oM hUM dpal ni rdo rje'i chus/ /'khor los sgyur dbang bdag gis bskur//chu yi dbang ni bskur ba yis/ /mgo bor mi bskyod rigs 'byung ngo / /de 'bras ma long ye shes ni/ /dri med yang dag 'byung bar 'gyur/ /de nas gser sogs gzo byas dang / /yang na ras la bri ba mchog /'jig rten khams ni grangs med na//sangs rgyas nyid ni bzhugs pa kun/ /dbu rgyan gzugs su bsgom pa ni/ /mgo bo la ni rdo rje'i gzugs/ /oM mu ku Ta a b+hi Shiny+tsA mi/ /'khor los sgyur las khyad par che/ /dbu rgyan dbang gis mgo bor ni/ /rin chen 'byung ldan 'byung bar 'gyur/ /de 'bras mnyam nyid ye shes ni//dri med yang dag 'byung bar 'gyur/ /rdo rje sgeg mos bzung nas su/ /hUM hUM hUM ni brjod nas ni/ /rdo rje sems dpa' rgyal ji ltar/ /di ring bdag gis khyod dbang bskur/ /'di ni sangs rgyas thams cad kyi/ /rab grub phyir ni rdo rje gzung / /slob ma'i snying gar gtugs byas la//lag pa g.yas par sbyin par bya/ /oM hUM badzra a b+hi Shiny+tsA mi/ /phyag na rdo rje stobs po che/ /rdo rje dbang gis mgo bor ni/ /snang ba mtha' yas 'byung bar 'gyur/ /de 'bras so sor rtogs pa yi/ /ye shes gsal bar 'byung bar 'gyur/ /rdor dril sgyu 'phrul chen po 'di//gnyis med dngos po shes rab thabs/ /chos kyi dbyings kyi rang bzhin can/ /lag pa g.yon par 'di gzung shig /'khyud nas kun du sbyar nas su/ /rdo rje 'dzin 'dra'i dngos por 'dug /oM badzra a d+hi pa ti s+t+waM a b+hi Shiny+tsA mi nA ya ka /dril bu'i dbang gis mgo por ni//don yod grub pa 'byung bar 'gyur/ /de 'bras bya ba grub pa ni/ /dri med yang dag 'byung bar 'gyur/ /rdo rje dang ni rdor dril ni/ /spyi bo'i steng du gzung byas la/ /oM shrI nA ma a b+hi Shiny+tsA mi/ /dngos po lnga yi rang bzhin can/ /kye dpal rdo rje che ge mo'i/ /sngar gyi rigs kyi rim pa lta'o//ming gi dbang gis mgo bor ni/ /rnam par snang mdzad rigs 'byung ngo / /de 'bras chos dbyings dag pa ni/ /dri ma med pa 'byung bar 'gyur/ /'di ni dbang bskur lnga yin te/ /ye shes lnga yi rang bzhin can/ /rigs lnga'i bdag nyid kyang yin no/ /'byung lnga'i rang bzhin yang yin no//dpal 'di yis ni dbang bskur bas/ /thams cad kun la dbang byed 'gyur/ /yan lag lnga ni yod pa'i dbang / /de ni slob dpon gyi yin no/ /yang na lha mo'i dbang du bstan/ /shes rab ma yi las yod phyir/ /kye yi rdo rje rgyud las gsungs/ / ye shes snying po der yang bstan/ /lag pa dag gis 'khyud pa ni/ /bcu drug lon pa'i shes rab 'dzin/ /rdo rje dril bu mnyam sbyor ba/ /slob dpon dbang du gsungs pa'i gzhung / /lha mo'am ni slob dpon dbang / /sdom pa'i mchog ni bzung nas su/ /sngar brjod pa yi cho ga yis//dam tshig gsum yang zhu bar bya/ /rdo rje slob dpon gyi ni dbang / /thugs rje'i gter gyis bdag la stsol/ /bdag dang gzhan don bya ba ni/ /khyod kyi bka' drin drin gyis so/ /bcom ldan yang dag dpal bla mas/ /rdo rje de nyid gzung bar bya/ / hUM gi dngos po rdo rje mchog /thog ma tha ma med bdag nyid/ /oM mchog gi dang po skyes bu ste/ /rdor 'dzin thams cad bdag po yin/ /haM hAM hiM hIM hUM hUM ste/ /'di yis rdo rje byin gyis brlabs/ /a las rdor dril skyes pa ste/ /'di ni sangs rgyas rnams kyi ma/ /hUM hUM phaT phaT pheM pheM ste/ / 'di yis dril bu byin gyis brlabs/ /'di ni mchog gi dngos po yin/ /shes rab sgyu mar gsungs pa'o/ /khyod kyis rtag tu gzung bar bya/ /thog ma byang chub rgyal bas gzung / /rdo rje mchog gi ye shes ni/ /mi phyed nam mkha' lta bu'i gzugs/ /ston pa 'di yi tshig gis ni/ /slob ma'i lag tu sbyin par bya//de ni sngags ni yod pa'i sa/ /rtse gcig gis ni dkrol bar bya/ /oM AH hUM badzra g+haN+Tem hA na de swa rU pe bin+du dz+nyA na ma ye hUM hUM phaT phaT swA hA/ /rang yid brtan pa'i de nyid kyis/ /rdo rje sems dpa'i rang bzhin can/ /rang gi lha yi dngos po ni/ /sku yi phyag rgyas gsal bar bya//rdo rje sems dpa' nyid kyi rigs/ /dam tshig gsum ni dpa' bor gzung / /de nas dkyil 'khor de nyid don/ /nang gi mtshan gyis sbyor ba dang / /lha yi rnam dag de kho na/ /mtshan dang 'byung ba smra bar bya/ /rnam snang mdzad mgon ji lta bur/ /de lta bur ni slob ma gzung / / de la gnang ba sbyin par bya/ /sangs rgyas ci mdzad khyod kyis gyis/ /sems can thams cad phan don du/ /chos kyi rgya mtsho lta bur 'dug /thams cad ji ltar 'dul 'gyur ba'i/ /khyod kyis chos kyi 'khor lo bskor/ /'di ni dam tshig 'dul ba yis/ /de ni gnang ba sbyin pa'o/ / de nas de bzhin gshegs pa'i rigs/ /ye shes lnga dngos zhi ba ni/ /ye shes rang bzhin mi phyed la/ /sangs rgyas thams cad phyag byed pa/ /dpal ldan rdo rje sems dpa' yis/ /nyid kyi phyag na ji ltar bsnams/ /rdo rgyal brtul zhugs mi shigs pa/ /khyod kyis de ltar bzung bar gyis//oM sarba ta thA ga ta naM sid+d+hi sa ma ya badzra ni/ sangs rgyas gzugs ni bdag rang nyid/ /mchod sbyin khu tshur ldan pa yis/ /khyod ni bdag gis lung bstan bya/ /de bzhin gshegs pa rdor sems yin/ /sems can thar pa 'grub don du/ /ngan 'gro rnams ni dran par gyis//yang dag de bzhin gshegs pa khyod/ /khams gsum gyi ni thub pa khyod/ /sangs rgyas byang chub sems dpa' dang / /'phags pa rnams kyis mgrin gcig tu/ /dgra bcom pa ni yang dag pa'i/ /byang chub tu ni khyod lung bstan/ /phyag rgya chen po'i 'bras bu rab//'dis gsungs pas ni khyod kyis rnyed/ /de nas skyabs ni sbyin pa ni/ /gsang ba'i sgra ni yod pa'o/ /'dod chags bral ba lta bu yi/ /khams gsum na ni sdig med de/ /de bas 'dod pa'i chags bral ba/ /khyod kyis kyang ni yang ma byed/ /dam tshig chen po yod pa ni//hUM phaT kyis ni mnyam pa'o/ /sdig pa thams cad med pa ni/ /gsang ba'i dkyil 'khor la bzhugs pas/ /bde chen theg pa 'di las ni/ /phyi nas shi ba yod med de/ /srid pa yang dag dngos grub kyis/ /srid dang mya ngan 'das bor ro/ /rdo rje rin chen nang yod pa'i//byang chub sems ni spang mi rung / /de ni 'byung ba tsam gyis ni/ /sangs rgyas nyid 'gyur the tshom med/ /dam pa'i chos la smad mi bya/ /nams kyang bor bar mi bya'o/ /ma rig pa'am gti mug gis/ /phyi nas 'jigs pas bsrung bar bya/ /rdo rje dril bu phyag rgya ni/ / nam yang spang bar mi bya'o/ /sangs rgyas kun dang mnyam pa'i phyir/ /bla ma smad par yod mi bya/ /rang bdag yongs su bor nas ni/ /dka' thub sdug bsngal mi bya'o/ /ji ltar bde bar bde gzung na/ /rdzogs pa'i sangs rgyas ma 'ongs 'byung / /yan lag bzhi po 'di dag dang //gnang ba'i sbyin pa phyir mi ldog /dbang ni dbang lnga zin nas ni/ /phyi nas 'bad de sbyin par bya/ /dgongs dang dgongs min bye brag ni/ /slob dpon dbang du shes par bya/ /bya spyod rnal 'byor rgyud las ni/ /dbang ni drug tu bshad pa'o/ /phyi ma'i rnal 'byor gsang ba'i dbang //bdun par gyes pa yod pa'o/ /shes rab ye shes de ltar ni/ /phyi ma'i phyi ma dpal rnal 'byor/ /'di dgu'i dgyes par shes par bya/ /rgyud las gsungs pa'i rim pa'o/ /chu dang dbu rgyan rdo rje dang / /dril bu ming dang de lnga dang / /rigs gsum dam tshig yod pa ni//dbang ni brgyad du gyes pa gsungs/ /brtul shugs lung bstan skyabs sbyin ni/ /de dag bcu gcig gcig yin no/ /gnyis pa la ni gsang ba'i dbang / /gsum pa shes rab ye shes te/ /de ltar de bzhin bzhi pa'o/ /yang na so sor shes par bya/ / dbang bskur 'di ni bcu bzhi pa'o/ /slob dpon mdun du rtse gcig gis/ /de nas gus pas zhu bar bya/ /byang chub rdo rje dpa' chen po/ /gsang ba'i dbang ni bdag la stsol/ /ye shes bdud rtsi bdag la stsol/ /rdo rje 'byung ba bdag la stsol/ /dpa' bo chen po khyod phyag 'tshal/ /khyod la phyag 'tshal phyag 'tshal lo//phyag 'tshal phyag 'tshal rmad byung khyod/ /bde chen bzhugs la phyag 'tshal lo/ /rang gi rigs kyi bu mo rab/ /skyes bu 'di la dgongs pa yin/ /rang gi rigs ni med gyur na/ /gzhan ma gang yang mtshan ldan rung / /bcu gnyis yang na bcu drug gam//med na nyi shu lon pa'ang rung / /de ni nu sra gyes pa dang / /ma btsas pa dang brtan pa dang / /skra gnag mig dkyus ring ba dang / /skad snyan dag tu smra ba'o/ /ha cang sbom min phra ba min/ /yan lag dkar min gnag pa min/ /ha cang thung min ring ba min/ /longs spyod dag la mkhas pa dang //rked dbus phra zhing b+ha ga rub/ /sku smad cha ni rab zheng che/ /khu ba mang zhing snying po chung / phyi zhed che la sra ba dang / /dri zhim reg bya 'jam pa'i lus/ /'dod chags che la mi dga' min/ /smin ma ring zhing bar ma chad/ /gzhu dngos 'dra zhing 'od 'phro gnag /g.yon gyi srin lag rtsa ba la/ /'khor lo yang na pad+ma rin/ /rdo rje ral gri dngos gsal ba/ /su la 'di 'dra'i rtags yod pa/ /phyag rgya de yi gsang ba'i dbang / /don ni 'grub par nus pas so/ /de la khrus sogs byug pa bya/ /dad pas bla ma la dbul bya/ / khyad par gyi ni tshig kyang brjod/ /mgon po khyod la 'di 'tshal lo/ /de nas slob ma phyir gyed bya/ /nang min ha cang ring ba 'ang min/ /rim pas bu mo dbang bskur bya/ /de la gsang chos bshad par bya/ /phyag rgya'i brda dang dbang gi don/ /skad cig rnams kyang de ltar ro/ / de nas gcig tu sbyor ba yis/ /legs dgyes dgyes pa rab bgyid do/ /snang ba reg bya 'dus pa ni/ /ye shes gsum ni 'byung bar 'gyur/ /yang dag ye shes gsum skyes ni/ /byang chub sems ni spang mi rung / /spangs na 'gro ba'i gnas su ni/ /bde chen sems ni 'gro bar 'gyur//'gro na de ni chad pa yin/ /shes rab ye shes gsal yin no/ /dpal gsang 'dus pa'i nang nas kyang / /rdo rje nyi nub zhes ni 'byung / /mtshams ni snang ba thob pa yin/ /rim pa lnga pa las kyang gsungs/ /de ni gsang bar bshad pa yin/ /gsang bar snang ba mched pa bshad//'dud nas de ni snang ba mched/ /de ni gcig pu pho brang gsang / /der ni rang gis shes par bya/ /sems ni 'dam skyes nam mkhar min/ /de nas slob ma dgug par bya/ /de nas ras kyis gdong yang dgab/ /pad+ma rab kyi kha dbus nas/ /rdo rje rgyal po drang bar bya//bu yi kha pad nang du ni/ /sbom po tha ltag gis mnan no/ /rtsa gnyis mchog gi nang nas ni/ /longs spyod 'khor lo'i nang du btang / /skyes bu bdud rtsi ji lta bu/ /khyod kyis smros shig dga' ba yin/ /e ma'o mchog gi bdud rtsi yin/ /e ma'o ye shes bdud rtsi rab//e ma'o ro ni brjod mi lang / /e ma'o rdo rje bdud rtsi rab/ /di ring bdag skyes 'bras bu mchog /di ring bdag ni rab tu rgyal/ /di ring bdag ni 'khor las rgyal/ /di ring bdag la the tshom med/ /khyod kyi bka' drin yang dag mchog /brjod med gnas ni bdag gis rnyed//de nas yang ni zhu ba bya/ /bstod pa sna tshogs rab bgyis te/ /ye shes bde ba'i gnas bzhugs te/ /rgyal 'gyur rgyal 'gyur mgon po khyod/ /A li kA li gnyis bdag can/ /legs dgyes bde mtsho rgyal gyur cig /mchog dang chad pa'i dbus su ni/ /rol cig khyod ni rgyal gyur cig /mchog gi dbang phyug khyod kyis ni/ /shes rab ye shes dbang bdag stsol/ /khyod kyi bka' drin de nyid kyis/ /rang bzhin ye shes bdag rnyed 'ong / /yang na gcig pu'i gzhung du sbyor/ /yang na gzhan gzhung gzhung bzang ngo / /shes rab ye shes dbang 'di ni//brtags la de nyid sbyin bya ste/ /'dod chags chags bral med pa dang / /mnyam nyid ye shes sems dpa' dang / /chos rnams thams cad mi chags pa/ /ji ltar pad chus mi gos shing / /de la 'bad de dbang gi rgyal po ni/ /gcig pu'i yan lag ma la 'dir skyon med//bla mas rtog pa med par sbyin par bya/ /ye shes zla gnas rgyud las de skad 'byung / /don zin nas ni skad cig gis/ /ma dang 'dra bas bla ma dbul/ /'phyang ba'i sbyor thabs la sogs kyis/ /dang por bu mo'i 'dod mchog bya/ /de nas skad cig dga' yon tan//rang bzhin de yang gsal bar bya/ /'di ni rang bzhin gyi ni gnas/ /gnyis kyi bar na de ni yod/ /rdo rje dbang phyug ma yi rtsa/ /nyid ni 'di yi nang na bzhugs/ /kun rdzob dngos po'i gzugs su ni/ /khyod ni bud med gzugs yin gyi/ /khyod ni gcig pu don dam par/ /phyag rgya chen po nyid yin no//khyod kyis thams cad kun bskyabs na/ /byang chub rab ni rnyed par 'gyur/ /shes rab skyabs sbyin byas langs na/ /slob ma'i lag tu sbyin par bya/ /'di nas khyod gzung bzang ba yin/ /rjes su mthun par sangs rgyas gsung / /ye shes gsum gyi rim pa las//dam pa'i bde ba myong byed cing / /sangs rgyas rin chen snod kyi ni/ /g.yon ngos la ni rtsa yi gnas/ /de ni khag mu kha dngos/ /rdor dbyings dbang phyug ma ni nyid/ /thabs gzhan dag gis byang chub ni/ /nam yang rnyed par yong mi 'gyur/ /de bas lhan cig mi gnas pa/ / dus 'di phyin chad ma byed cig /de la yan lag dri zhim gos bzang brgyan/ /yan lag me tog sna tshogs mang pos brgyan/ /gos med chu skyes sig sig ngag byas te/ /chos kyi 'byung gnas gsal bar ston par byed/ /dri chen dri chu za ba 'di/ /skyes bu khyod kyis nus sam ci//rak+ta shu kra sha chen dang / /bud med brtul zhugs de bzhin no/ /b+ha ga'i pad+ma 'jib nus sam/ /skyes bu smros dang ji lta bu/ /lha mo bdag gis ci mi nus/ /rak+ta shu kra sogs za nus/ /rtag tu bud med brtul zhugs bgyid/ /b+ha ga yang ni gzhib par bya/ /de nas dga' ba'i bdag nyid des//byams pa'i spyan ras kyis ni gzigs/ /bde ba thams cad 'dug pa ni/ /bdag gis pad rgyas e ma'o/ /gang 'di rab dang byed pa yi/ /de yi mdun du bdag 'dug gis/ /ji ltar pad+ma'i don gyis shig /yang dag sangs rgyas mnyes sogs bya/ / nyid kyi bde chen rgyal po ni/ /'di ni dus rtag yod phyir ro/ /bde ba chen po'i dmar thigs 'di/ /ngo yi chu skyes kyis mnyes kyis/ /de nyid gsum gyi dga' sbyor bas/ /rdo rje chu skyes bskyod par gyis/ /brtan pa'i don ni khyod kyis gyis/ /brtan pa med na bde mi 'grub/ /sngar gsungs pa yi bla ma'i bka'/ / ma brjed rtse gcig gis ni bsam/ /rdor dbyings dbang phyug ma yi rtsa/ /g.yon gyi ngos la bzhugs pa ni/ /bla ma'i man ngag yang dag gis/ /phra mo'i lta bas blta bar bya/ /lta ba'i bdag nyid rnal 'byor gyis/ /sa bon 'bab par mi bya'o/ /sa bon snying po yod pa na/ /ngo mtshar dga' ba'i bde ba 'byung //thams cad bde ba'i gter gyur pa'i/ /byang chub sems bde babs gyur na/ /phung po rnam shes brgyal 'ong bas/ /dngos grub rab de ga la 'grub/ /la la mda' la mnyam sbyor bas/ /reg bya la ni bde 'di 'byung / /de dag smin pas mchog gi dga'//snang ba mched pa'i gzugs can tsam/ /bskyod pa'i reg bya babs pa yis/ /chad dang snang ba thob pa yin/ /lta ba brtan pas de nyid la/ /rnal 'byor bas ni mi g.yo blta/ /la la'i blta ba nam mkha' yi/ /mda' la gnyis kyi pho brang mnan/ /rdo rje skyil krung gi ni sems//rin chen nang du blta bar bya/ /gsung lam gyis ni brjod med pa'i/ /ye shes mchog 'di skye bar 'gyur/ /'di ni de nyid man ngag yin/ /mkhas pa yis kyang rnyed dka' ba/ /skal dang ldan pa'i don bsgrub phyir/ /de ni bdag gis gsal bar byas/ /'dod chags ma yin chags bral min//dbu mar yang ni mi dmigs so/ /de ni yang dag dri med gnas/ /bde ba chen po'i 'bras gzugs can/ /ye shes lta ba'i rnal 'byor na/ /'gro ba med pa'i bde ba brtan/ /snga dro dus na nyin gcig dang / /bskal pa stong gi bar du ni/ /dpal rdor dbang phyug ji lta bar//ye shes nga rgyal brtan sbyor ba'o/ /kye mgon gang gis khyod la bstod/ /ji tsam bdag gis khyod bstod bya/ /tshad med pa dang brjod mi nus/ /rmad byung chen po gzhal du med/ /khyod kyi yon tan yang dag ni/ /kha cig gis ni brjod mi nus/ /cig gis dad pas ci bstod kyang //de ni bdag la bzod par mdzod/ /reg bya nang 'jam la phyag 'tshal/ /reg bya nang grol la phyag 'tshal/ /reg bya nang sbyin la phyag 'tshal/ /bzhi pa'i dbang bskur mchog 'di ni/ /mchog gi dbang phyug bdag la stsol/ /khyod kyis srog chags gsad par bya/ / khyod kyis brdzun du smra bar gyis/ /ma byin par yang khyod kyis long / /gzhan gyi bud med spyad par gyis/ /'di rnams byas na sdig med cing / /bsod nams chen po 'byung bar 'gyur/ /de rnams khyod kyis nus na ni/ /bzhi pa'i dbang ni sbyin par bya/ /khyod kyi zhabs kyi bka' drin la/ / mgon po chen po bdag gis ni/ /slob pa'i spyod pa sems kyis brtag /ji ltar dbang sbyin rim pas gsungs/ /gtong dul gting ring spyod yod na/ /dbang ni rin chen tshig gis sbyin/ /shes rab ye shes ma rnyed na/ /dam tshig sbyin par mi bya'o/ /dam tshig nyams pas 'jigs phyir ro//phyag na rdo rjes ma gnang ngo / /yang dag dbang ni ma rnyed na/ /phyi nas de ltar sbyin par bya/ /dbang bskur de ni bzhi pa can/ /bzhi ru gyes pa yod pas so/ /bum pa la sogs nu reg pas/ /dang po'i 'bras bu dga' ba yin/ /gnyis pa gsang ba'i sbyin pa yis/ /gsang ba mchog gi dga' ba yin//gsum pa gcig tu sbyor ba yis/ /shes rab 'dod chags me 'og gis/ /yongs su gyur pas chad pa yin/ /de nas shes rab ye shes bshad/ /de yi 'gog pa bzhi pa yin/ /rang bzhin de ni de ltar 'ong / /de ni dgongs par bshad ma yin/ / mkhas pas 'bad pas shes par bya/ /bzhi pa yi ni don rnams la/ /mi mthun pa ni mang smra ste/ /de la gzhan ni 'di skad gsungs/ /btang snyoms dngos po bsgom pa yis/ /'bras yod bde ba'i dngos po ni/ /ye shes gsal bar 'byung bar 'gyur/ /btang snyoms dngos por bdag sbyor ba'i//lha mo'i de nyid bsgom pa yis/ /'bras bu'i rgyun ni rnyed par 'gyur/ /gzhan gyi gzhung gis de skad gsungs/ /lha yi dngos po med pa dang / /btang snyoms dngos po yod pa yis/ /bde ba yod pa 'bras bur 'gyur/ /gzhan gyi gzhung gis de skad gsungs/ / bag chags bde ba khyer nas ni/ /bag chags ma yin bde bar 'gyur/ /yang dag mchog ni rdzogs pa yin/ /gzhan gyi gzhung gis de skad gsungs/ /bag chags ma yin bde ba'i dngos/ /lha yi bsgom pa yang dag gis/ /rab tu bde ba'i ye shes 'byung / /de ni gzhan gyis gsungs pa'o//de gzhung tshad ma ma yin te/ de don tshad ma yang ma yin/ /btang snyoms bsgom pa'i don gyis ni/ /'bras bu bde ba rnyed gyur na/ /de ni sbyor ba ma yin pa/ /nam mkha'i me tog skye ba'i dpe/ /de bzhin gsungs pa kha che yi/ /rin chen rdo rje zhabs kyi ni/ / ma mthong ba la bsgom pa med/ /mthong ba la yang bsgom pa med/ /bdag la btang snyoms sbyor yod dam/ /lha yi bsgom pa yod pa yis/ /'bras bu rgyun du rnyed 'gyur zer/ /de ni rmongs pa'i gzhung yin no/ /thams cad dngos po'i btang snyoms kyis/ /dngos po ma yin 'ong ba yin//dngos po ma yin lha yi dngos/ /de skad 'byung ba su yi gzhung / /'byung ba yin na de nyid min/ /dngos po'i gzugs can 'khrul pa yin/ /dngos po mi rtag bden pa yin/ /de yi don la the tshom med/ /btang snyoms dngos po yod pa dang / /lha yi dngos po med pa yis//dri med 'bras bu 'byung 'gyur na/ /mkhas pa rnams ni 'god par 'gyur/ /lha yi dngos po med gyur na/ /btang snyoms de yis ci zhig bya/ /yod na de la btang snyoms dgos/ /dngos po min na mi dgos so/ /rtag pa yi ni gnas med de/ /ri bong rwa sogs dpe dang 'dra//bag chags bde ba bzung na ni/ /bag chags ma yin 'ong 'gyur na/ /de ni skyon du 'gyur ba'i tshig /'bru nang las ni nan yang min/ /'bras la sogs pa 'byung mi srid/ /mnyam pa kun gyi gzhung lugs so/ /yang dag rab bde'i bsgom pa yis/ /rab tu bde 'bras 'byung 'gyur na//de la khyad par ci zhig yod/ /ci phyir don du sgom par byed/ /rab bde ba la khyad yod na/ /de la bsgom pa bya dgos so/ /khyad par gnas 'gro na yang skyon/ /de ni de nyid mtshan ma yin/ /gnyis su med pa'i mchog dga' dngos/ /lha yi dngos po rab bde ba/ / sgyu 'phrul ye shes chen po yi/ /'bras bu de ni rab bzhin gzhung / /rang brtags yang na gti mug gis/ /de la mkhas pa rnams ni 'khrul/ /de yi gzhung lugs gsal brtags nas/ /phyi nas rang gzhung gsal bar bya/ /shes rab ye shes zin nas sems/ /myong ba de ni bzhi pa yin//de yi man ngag slob rnams la/ /slob dpon gcig gis tshig gis bshad/ /shes rab ye shes zin nas su/ /slob dpon slob la gsungs pa 'di/ /rdo rje nyi ma nub las ni/ /'di yi ye shes gsal bar 'byung / /yang dag de yi don shes ni/ /gzhan bzhi pa rab yin par gsungs//shes rab ye shes zin nas su/ /mtsho skyes 'byung bar babs pa ni/ /rin chen skar khung kha mi reg /thams cad kyi ni dngos po la/ /'du shes med pa bzhi pa yin/ /gzhan dag de skad gsung ba yin/ /shes rab ye shes zin nas su/ /'dam skyes 'byung ba babs pa 'di//rin chen skar khung kha reg pa/ /'di yis dngos po thams cad la/ /dran pa med pa bzhi pa'o/ /gzhan dag gis ni de skad gsungs/ /shes rab ye shes zin nas su/ /dang po'i yid ni nam mkha'i dbyings/ /babs pas chos rnams thams cad la/ /rnyed pa med par gyur pas so//de ni bzhi pa yang dag rab/ /gzhan gyis de skad gsal bar gsungs/ /thams cad pad+ma 'byung ba ni/ /nam mkha'i dbyings su babs gyur na/ /chos thams cad la btang snyoms so/ /gzhan gyis bzhi pa gsungs pa'o/ /de dag thams cad dor byas te/ /rigs pa med pas gzhung lugs min//shes rab gang yin ye shes gang / /de yi 'bras bu gang yin gsungs/ /'di yi don de mi shes na/ /gzhan gyi gzhung la 'bras bu med/ /ma zin na ni myong ba med/ /zin na myong ba yod pa yin/ /zin na myong ba ci zhig yod/ /song nas 'ongs pa ga la yod//zin nas myong ba phyir gyi ste/ /byol song gi ni las yin no/ /dang po dang ni zin nas gcig /phyi ma nus nas de bzhin no/ /zin nas nub pa yod pa yis/ /de la dpe ni gang gis byed/ /zin nas nub pa de ni gcig /de la khyad par ci yang med/ /zin nas rin chen kha la ni//ma reg 'gro ba de gzhung na/ /'gro na de ni chad pa yin/ /de la blta rgyu ma mchis so/ /reg nas 'gro ba de dang mnyam/ /gang du smras pa de yin no/ /dang po nam mkha'i dbyings la ni/ /rim pas gzhan yang 'gro bar 'gyur/ /thams cad de ni babs gyur na/ /tha mal pa dang mnyam pa'o//tha mal pas ni bde chen ni/ /nam yang shes pa ma yin no/ /de la bde chen med par ni/ /ye shes 'byung bar ga la 'gyur/ /ye shes srid pa nyams dga' ba/ /shes rab mya ngan 'das las chad/ /de gnyis 'bras bu de nyid yod/ /de yi 'bras bu don dam yin//de bzhin kye yi rdo rje yi/ /le'u brgyad pa'i nang nas gsungs/ /de ni gnyis med zhi chen po/ /'dod chags chags bral med pa dang / /rang rig brjod du med pa dang / /rtog pa thams cad med pa'o/ /rang bzhin sgrub thabs sogs kyis ni/ /yan lag gsum ni yod pa yi//rang bzhin nyid ni bzhi pa'o/ /la la mda' la mnyam sbyor ba/ /sgrub thabs phyi ma yin par bshad/ /hUM phaT kyi ni mnyam pa ni/ /bsgrubs pas de ni sgrub thabs so/ /sgrub thabs nang na sems yod na/ /rtags ni 'di lta bu dag skye/ /'dar dang rdul dang mos pa dang //lus mi brtan par dbugs rgod dang / /bkrag dang drod ni de ltar brgyad/ /'bras bu'i dus na skye bar 'gyur/ /sgrub chen yan lag 'bras bu 'di/ /ye shes gsum ni med pa'o/ /rang bde mchog ni zhi chen po/ /ye shes 'od ni rang bzhin can/ /de yi rdzogs pa'i rim pa yis//'bras bu 'bad de shes par bya/ /de 'bras ye shes rigs pas ni/ /slob ma la ni tshig gis ni/ /bla mas don ni bshad par bya/ /blta bar dga' ba'i mtshan nyid do/ /dbang gsum las gzhan gzhan na med/ /bzhi pa gang na yod pa yin/ /'bras bu gzugs can de nyid ni//gsal bar de ltar bzhi pa'o/ /de bzhin dpal rin rdor zhabs kyis/ /dpal bsgom pa yi rim las gsungs/ /gsum ni med pa gsum rang ste/ /de bzhin gzhung yin de ltar ro/ /gzhan gyi don la rab dga' bas/ /ro yi dgug pas dbang du bya/ /gsang ba'i gsang ba ci brjod pa//thugs rje can rnams bzod par mdzod/ /thabs kyi rgyud ni 'dus pa las/ /de lta'i gzhung lugs med na yang / /de bzhin rigs pa ci smras pa/ /shes rab rgyud kyi rim las so/ /thabs dang shes rab gnyis med dngos/ /de ni rgyal bas gsungs pa'o/ / 'khor lo bzhi ni mnyam sbyar ba/ /phra mo'i thig le de nang du/ /rang bzhin gcig cig gzhan ma med/ /dngos po med pa'i dngos po can/ /gzhan ma gsum ni 'dab la gnas/ /'khor lo re re so so yin/ /sprul pa'i 'khor lo 'dab ma gsum/ /chu skyes lte ba yod pa'o/ / de ni phyi rol shes par bya/ /brgyad po brgyad ni de nang du'o/ /de yi nang na gsang ba bzhugs/ /sangs rgyas rin po che yi snod/ /baM gyi dngos po yang dag 'jam/ /sna tshogs can ni g.yo ba'o/ /sangs rgyas rin chen de na gnas/ /rang bzhin ye shes mtshan nyid do/ /'phyang ba'i rtsa yi nang na bzhugs//khams gsum du ni rol pa mdzad/ /gsum ni rab tu yod pa ste/ /nang dang phyi rol bar ma yin/ /phyi rol g.yas kyi ra sa nA/ /nang gi g.yon gyi la la nA/ /dbus kyi a ba d+hU tI la/ /nyid kyi 'dug sa byed pa'o/ /gcig pu yi ni gtso mo yi/ /kun rdzob tu ni gsum du 'gyur//de bzhin byang chub sems ni gcig /sna tshogs gzugs su yod pa'o/ /dbang byed longs spyod brlag pa ni/ /de rnams ngal sor bstan pa'o/ /dbang byed mgrin pa'i gnas su ni/ /longs spyod bar du mchog 'di bstan/ /brlag ni kha las shes par bya//de ni chad pa gsal ba'o/ /mchog ni mgrin pa'i gnas su ste/ /rang bzhin bar na yod pa'o/ /nang dang phyi rol dbus kyi ni/ /rnal 'byor de yang mi shes na/ /de dus rang bzhin mi rnyed de/ /shes na rnyed par the tshom med/ /de ni shes rab skyabs yang dag /shes rab bla ma'i kha las 'gyur//rtsa rnams de ni med gyur na/ /khu ba khrag ni sbyor ba med/ /khu ba khrag ni med gyur na/ /rnam par shes pa sbyor ba med/ /rnam par shes pa med gyur na/ /thams cad g.yo ba med par thal/ /g.yo med bde ba chen po ni/ /nam yang shes par mi 'gyur ro/ /bde ba chen po med gyur na//nam yang byang chub mi rnyed de/ /ting 'dzin bzlas pa sbyin pa ni/ /bskal pa brgyar ni spyad na yang / /man ngag de ni med gyur na/ /ji ltar rdo stengs sa bon bzhin/ /de ni thams cad 'grub don du/ /thabs ni cung zad bdag gis bshad/ /thabs gang gis ni rnal 'byor rnams//rang bzhin gyi ni gnas der 'gyur/ /sbyin sreg thab ni med gyur na/ /rnal 'byor dngos grub thob mi 'gyur/ /lte ba'i hom khung gtum mo'i gnas/ /shes rab rang rig mtshan nyid do/ /rdo rje chu skyes mnyam sbyor bas/ /yang dag 'jigs par 'bar ba'o/ /phung po lnga yi rigs lnga yi//rnam par rtog pa'i sreg pa dang / /de bzhin spyan la sogs pa ni/ /skye mched khams ni gzugs can no/ /phung po la sogs yam shing dang / /dang por sreg rdzas gsal bar bya/ /yam shing thams cad bsregs pa'o/ /haM gi dngos po kha bub ni/ /yon po'i rang bzhin mtshan nyid can//smin phrag 'khor lo'i nang na yod/ /de nas de ni yang dag 'bab/ /shu kra bdud rtsi rab rgyun no/ /de yi gsang ba'i sreg rdzas sbyin/ /lte ba'i hoM khung phyi rol min/ /yang dag par ni dgyes nas ni/ /ci bsams pa yi 'bras bu smin/ /'od kyi gzugs ni gtum mo yin//a ba d+hU tI'i zhi ba'i gzugs/ /chos dang longs spyod rdzogs lam gnas/ /'gro dang 'ong ba yang dang yang / /skra yi rtse mo 'bum gyi cha/ /che bar lta bas mthong mi 'gyur/ /de yi ro yod mnyam pa yis/ /bla ma'i zhabs kyi bka' drin la/ /phra mor lta ba'i mtshan nyid kyis//mchog gi dngos grub thob par 'gyur/ /de yi nang na sems yod na/ /skad cig gcig gis byang chub sems/ /'di ni gsang ba mchog yin te/ /lung las gsal bar byas pas so/ /bdag gis sngon med rang bzor ni/ /rgyud rnams don las mi mang ngo //de yi 'bras bu ji snyed pa/ /bla ma rab kyi bka' drin no/ /'jig rten tshad med myur bar ni/ /de yis 'gro ba grol bar shog /srid pa'i gti mug dgon pa la/ /rnal 'byor rnams kyi lam rab gtor/ /shes rab dpal ni gsang bas ni/ /rin chen snang ba gsal byas pas//su la bdag gis dbang bskur bas/ /bdag la de bzhin gang gis thos/ /de ni rang gis 'di shes la/ /gzhan dag la yang 'chad nus so/ /gang la bdag gis bskur ba min/ /gang gis bdag la thos min la/ /de ni rang gis mi shes te/ /gzhan la 'chad par nus min no//dbang rin chen snang ba zhes bya ba rnal 'byor gyi dbang phyug chen po dpal shes rab gsang ba'i zhabs kyis mdzad pa rdzogs so// //rgya gar gyi mkhan po dpal shes rab gsang ba'i zhabs dang / bod kyi lo tsA ba kam dge bsnyen chos kyi ye shes dang / phyug brtsams dbang phyug rgya mtshos zhus te gtan la phab pa/

CLOSE WINDOW