CLOSE WINDOW

D1332
བོད་ཡིག

@##/ /rgya gar skad du/ shrI rat+na bin+d+ra nA ma sA d+ha naM no pi ka /bod skad du/ dpal rin chen thigs pa zhes bya ba'i sgrub pa'i thabs/ dpal bde ba chen po la phyag 'tshal lo/ /bde chen yan lag ma dang ldan/ /rang nyid bde ba chen po yin/ /bde ba chen po'i gnas na bzhugs/ /he ru ka dpal bdag phyag 'tshal//skal ldan rnams kyi grub don du/ /mdor bsdus pa yi sgrub thabs bshad/ /dang por rnal 'byor dbang phyug gis/ /rab tu sbyor ba 'di gnas bya/ /gzhang kha'i pad+mar yig 'bru yaM/ /de las rlung gi dkyil 'khor ro/ /gru gsum pad+mar yig 'bru raM/ /de las me yi dkyil 'khor ro//'dzums pa dang ni 'byed pa yis/ /rlung gis me ni bteg par bya/ /b+ha ga'i pad+ma'i nang du ni/ /yang dag par ni 'bar bar bsgom/ /'bar ba'i me yis lus kun gyi/ /rtog pa'i bdag nyid bsreg par bya/ /de yi 'od kyis bde 'khor lo/ /kun ni 'od du zhu bar 'gyur/ /'od du zhu ba'i bdud rtsi ni//srog gi rtsa ba'i nang nas 'bab/ /rgyun ni mi 'chad pa yis ni/ /sngar tshig pa ni rab tshim bya/ /rang lus ye shes bdag nyid ni/ /mi bskyod pa yi gzugs su mthong / /oM swa b+hA wa shud+d+haH sarba d+harmAH swa b+hA ba shud+d+hou0f85haM/ oM shU n+ya tA dz+nyA na badzra swa b+hA ba At+ma kou0f85haM/ /hUM gi yig 'brus skad ci g 'byung //'khor lo dang ldan he ru bdag /gru gsum phyag rgya dbus kyi gnas/ /nyi ma'i steng na gar dang ldan/ /zhal bzhi pa la phyag brgyad pa/ /chu skyes sngon po'i gzugs dang ldan/ /spyan gsum pa la g.yas brkyang ba/ /legs skyes dbang phyug mas ni 'khyud/ /thod rlon phreng ba'i do shal can//nyi ma bye ba'i 'od dang mnyam/ /mi bskyod pa yis dbu la brgyan/ /phyag rgya drug gis yan lag brgyan/ /thod pa'i phreng bas dbu la brgyan/ /gtsug tor zla ba phyed pa can/ /gnag dang ser dang dmar dang ljang / /g.yon nas bskor pa'i zhal dang ldan/ /'khyud pa'i phyag ni g.yas pa na//rdo rje dang ni dril bu g.yon/ /nyi ma mda' dang ka pA la/ /g.yas pa yi ni phyag na bsnams/ /zla ba gzhu dang kha T+wAM ga /g.yon pa yi ni phyag na bsnams/ /legs dgyes dbang mo de dang mthun/ /yang na phyag ni gnyis par dran/ /phyag ni gri gug ka pA la/ /sku smad gnyis ni 'khyud pa yin//rang las 'od 'byung mchog gi dngos/ /gnyis su med pa'i gnas na bzhugs/ /legs dgyes ma dang rdor 'tsho ma/ /de bzhin rdo rje glang chen ma/ /bcom ldan 'das kyi zhal dang mthun/ /gru gsum la ni bsgom bya ste/ /zhal gcig pa la spyan gsum pa//zhal bzhi pa la g.yon brkyang gnas/ /gla rtsi gur kum ga pur gyis/ /bkang ba'i ka pA la rnams ni/ /sgeg pa'i phyag ni gnyis na thogs/ /gru gsum phyag rgya spyi bor gzhag /mdzub mo gnyis ni 'og tu'o/ /skra grol ba la gcer bu ste/ /thod rlon do shal gyis brgyan pa/ / ro yi steng na 'jigs 'jigs chen/ /phyag rgya lnga yis yan lag brgyan/ /la la nA sogs dag par ni/ /bsgrub pa'i dbang pos shes par bya/ /de nas bde chen 'khor lo bzhir/ /pad+ma'i snod kyi nang du ni/ /bdud rtsi lnga ni lha yi mchog /de bzhin gshegs pa lnga'i bdag nyid/ /char yang steng nas ye shes me//de yi 'og gi rlung dang ni/ /gnyis su sbyor bas me 'bar ba/ /de yis bdud rtsi zhu byas te/ /rdor gsum ye shes sa bon gyis/ /dkar byas rtogs byas 'bar byas so/ /sngags kyi byin gyi rlabs kyis ni/ /rang lce pad+ma'i 'dab mar gzhag /phyi nang bdag nyid can gyi gzugs//'khor lo de yis rab tshim bya/ /oM yo ga a mr-i ta shud+d+haH sarba d+harma yo ga a mr-i ta shud+d+ho u0f85haM/ /de nas mgon po'i snying po ni/ /thams cad grub pa'i don du bzlas/ /oM badzra te tso gra hriM hriM hUM phaT/ /oM gl-iM bl-iM dz+l-iM phaT swA hA/ /oM badzra sA ga ri hUM phaT/ oM b adzra su ra ta hUM phaT/oM badzra ku ny+dza ri hUM phaT/ gru gsum gnas pa'i rnal 'byor ma/ /mchod pa'i dus su mchod par bya/ /de nas gtor ma sbyin par bya/ /sems can rnams la bsrung ba'i phyir/ /oM a kA ro mu khaM sarba d+ha rmA NAM Ad+ya nut+pan+na twAta oM AH hUM phaT swA hA/ /de nas rnal 'byor ngal bso bya//steng dang 'og ni spangs pa yin/ /gnas su gting rings dbus su ni/ /rang rig shes rab ldan pa yin/ /drug cu rtsa bzhi 'dab ma'i nang / /yang dag dri med ma sres cha/ /de yi dbus su mchog gi tshul/ /dri med rnam dag gnyis la khyab/ /rang dngos rdzogs pa de ni mthong / / bskyed pa dang ni rdzogs pa med/ /rlabs med pa yi rang bzhin no/ /rlangs med pa yi sems kyis ni/ /mchog gi dngos po rnyed pa yin/ /de la cung zad blta ru med/ /de ni dpal me'i zhal snga yi/ /zhal gyi pad+ma mchog las ni/ /u rgyan yul nas bdag gis rnyed/ /phyi nas bdag gis rnyed/ /phyi nas rang gis dran don du/ /

CLOSE WINDOW