CLOSE WINDOW

D1322
བོད་ཡིག

/rang gi dam chos gsal bar byed pas na/ /rang dang gzhan gyi don du legs par bsgyur// @##/ /rgya gar skad du/ shrI DA ki nI badzra pany+dza ra saM ha ra Na maN+Dal a nu re nA sA d+ha naM/ bod skad du/ dpal mkha' 'gro ma rdo rje gur gyi dkyil 'khor bsdus pa zhes bya ba'i rjes su 'brang ba'i sgrub thabs/bcom ldan 'das rdo rje mkha' 'gro la phyag 'tshal lo/ /gcig dang du mar spyad pa'i snying pos nyid kyi dngos grub la 'khrul zhi mdzad pa/ /shes rab yan lag 'dus pas bskyed pa rdo rje'i rtse mo'i bu gar gsal zhing 'od 'bar ldan/ / thugs rje shar par dag pa'i 'khor lor mdzad pas sems can don la brtul bas bcings pa'o/ /bden pa'i mtshan nyid kyi brgyan kye rdo rje la bdag gi spyi bos phyag 'tshal lo/ /rol bcas zhabs ni 'dam skyes ldan/ /rdo rje mkha' 'gro ma phyag 'tshal/ /sgrub pa'i thabs kyi man ngag ni//rang dran phyir na bri bar bya/ /de nas gzhan yang sdug bsngal ba'i sems can mang po la dmigs nas/ snying rje'i ro shin tu rgyas pa la 'jug par byed pa dang / bdag dang gzhan rnam par brtags pas sems can rnam par rgyas par gyur pa dang / /sbyin pa la sogs pa'i rnam pa bcu por sems kyi rgyun yongs su dag pa can dang /rnam pa gsum gyi sgo nas bla ma mnyes par byed pa'i skyon rnams la sogs pa dang bral ba dang / yang dag par rdzogs pa'i byang chub bsgrub pa la brtson 'grus kyi mthu yis sems rtag tu non pa dang / dpal dang ldan pa'i mkha' 'gro ma gur gyi dkyil 'khor du dbang bskur zhing cho ga bzhin du rjes su gnang ba thob pa'i sngags thun mtshams kyi dang por langs te/rang gi snying gar re pha las byung ba'i nyi ma'i dkyil 'khor la dam pa'i dang po sa bon rnam par bkod de bzhag la/ dur khrod la sogs pa'i phyogs la lar tsan+dan la sogs pa'i dkyil 'khor gru bzhi pa byas te/me tog rnam pas nye bar mdzes pa byas pa'i sa'i char zhing chen la sogs par rdo rje skyil mo krung gis nye bar 'dug ste/ lag pa'i lo ma dag ting nge 'dzin gyi phyag rgyar yang dag par bsdus te 'dug nas yi ge hUM las 'od zer gyi tshogs kyis bla ma dang sangs rgyas dang byang chub sems dpa' rnams nam mkha'i bar snang gi dkyil 'khor du bzhugs par dmigs la mchod pa la sogs pa bya'o//de la mchod pa ni 'di lta ste/ 'od kyi sgo nas nges ston pa'i/ /pad+ma'i lag ldan rnam par sgeg /sgeg sogs lha mo rnams kyis ni/ /yang dag par ni mchod par bya/ /thog med srid par skyes pa yi/ /sdig sogs cho ga bzhin bshags bya/ /bde gshegs tshogs kyi spyan sngar ni/ /bdag gi sdig pa'i phung po bshags/ /thub sogs sras dang bcas rnams kyi//srid gsum skye bo dngos rnams kyi/ /bsod nams phun sum tshogs pa la/ /dad pas rjes su yi rang ngo / /rnam rtog kun ni rab bcom pa'i/ /rgyal ba rnams la bdag dbul lo/ /srid pa byed par nges 'joms pa'i/ /byang chub sems su sems gcig ste/ /phyogs bcu kun tu nges par ni//chos kyi 'khor lo bskor bar bgyi/ /zhi ba'i dkon mchog gsum 'di la/ /da lta nyid nas skyabs su mchi'o/ /srid gsum skye bo la phan pa'i/ /rin chen lam ni bdag gis bsten/ /dngos rnams rang bzhin gyis stong zhing / /mtshan ma med cing rgyu med par//gang phyir brtags pas rnam grol bas/ /smon pa dang ni dral bar 'gyur/ /de ltar kun gyi rnam gsal zhing / /sgyu ma lta bur rnam bsams nas/ /ma rig la sogs skyon sogs pa/ /de 'gog pas ni 'gog par 'gyur/ /oM shU n+ya tA dz+nyA na badzra swa b+hA ba At+ma kou0f85haM/ zhes b rjod la nga rgyal bya'o//bsod nams ye shes dag gis brtags pas bsags pa'i dbang la sku gsung nyid 'dod na/ /nyi ma la gnas sna tshogs rdo rje kha gyes 'jigs pas sa bon hUM las skyes mtshan pa'i/ /'di las ra ba la sogs bzhi po rnams ni skyes bar rab tu bsam byas par/ / b+h+ruM zer las byung rtsibs bcu ldan pa'i 'khor lo mi g.yo lta bur 'khor ba byas nas ni/ /de la chu skyes nyi mar mnyam med gshin rje mthar byed la sogs hUM dang mtshan mas bskyed/ /g.yon brkyang pa yi zhabs kyis rnam par rol cing g.yo can rnams ni mnan par bsam/ /de yi dbus su hUM dang rdo rje las skyes rdo rje hUM mdzad de//an+da rnyil 'od 'dra ba'i gong bu lta bur sku mdzes gyur/ /sna tshogs na bza'i rgyan gyis brgyan/ /rnam par 'jigs shing sgeg pa'o/ /pad+ma'i phyag ni rab sprel te/ /phyag rgya'i mchog ni thugs kar mdzad/ /rin chen dbu rgyan dang ldan par/ /thugs kyi rdo rje rab tu bzhugs//lha mo dka' zlog ma yi nu ma rgyas pa'i dkyil 'khor dang / /mos pa med pa'i dgra bo'i ri bos mtshan ma can gyi yan lag gi/ /dam par rab tu bsdus pa'i gnas su mtshan ma can gyi zhe sdang la/ /g.yon brkyang ba yi chu skyes zhabs kyis rab tu mnan cing rnam par sgeg pa ste//ji skad bshad pa'i ye shes rnam par dag pa'o/ /gshin rje mthar byed dang / gzhan gyis mi thub pa dang / rta mgrin dang bdud rtsi 'khyil pa ste/ dpa' bo 'di rnams sngon po dang / dkar po dang / dmar po dang / mig sman lta bu la sma ra dmar ser dang / smin ma rab tu 'khyug pa dang /dbu skra gyen du brdzes pa dang / nags tshal chen po lta bus lus brgyan pa/ gsus pa ldir zhing sku thung ba dang / smad stag gi pags pas dkris shing seng ge'i pags pa bsnams pa kha nas 'bar ba'i dug 'phro ba can gyi klu rnams kyis sku la mdzes pa'o/ tho ba dang dbyug pa dang /mtsho las skyes pa dang / rdo rje rnam par gyes pa ni phyag gi pad+ma rnams na'o/ /rnam par snang mdzad dang / thugs dang tshe dpag tu med pa dang / don yod grub pa rnams kyis yan lag gi mchog la brgyan pa'o/ /de rnams shar dang / lho dang / nub dang / byang du bsam par bya'o//me dang / bden bral dang / rlung dang / dbang ldan gyi grwa rnams su ni/ 'dod pa'i rgyal po dang / dbyug pa sngon po dang / stobs po che dang mi g.yo ba rnams mdog sngon por ro/ /lcags kyu dang / dbyug pa sngon po dang / rtse gsum pa dang / ral gri rnams ni rim pa bzhin du phyag gi lo ma rnams la'o//mi bskyod pa la sogs pas dbu brgyan cing rin po che bzang po rnams kyis brgyan pa'o/ /stobs po che dang dbyug pa sngon po yang gshin rje gshed po ji lta bar khro ba rnam par gtsigs pa'o/ /steng du ni b+h+rUM dang 'khor lo las phyung ba'i gtsug tor 'khor los sgyur ba gser btso ma'i kha dog dang mnyam pa/phyag na 'khor los rnam par mdzes pa/ rin po che la sogs pas brgyan cing rin po che'i dbu rgyan la rnam par snang mdzad gnas pa'o/ /'og tu gnas pa ni gnod mdzes te/ sngon po gsal shing 'dzin pa/ rin po ches dbu brgyan pa la mi bskyod pa gnas pa/rnam pa sna tshogs pa'i rgyan dang ldan pa'o/ /thams cad kyang nyi ma'i dkyil 'khor gyi 'od dang ldan pa/ sdug bsngal la sogs pa shes pa bcu po rnam par dag pa ste/ bdud kyi dkyil 'khor rnam par gnon pa'o/ /thams cad kyi phyag g.yon pa rnams ni klu'i zhags pa dang ldan pa'i sdigs mdzub snying gar bkod pa can du bsam mo//'di ni srung ba'i 'khor lo'i gtso bo gang 'dod pas srung ba'i 'khor gtso bo bya'o/ /de nas srung ba'i 'khor lo'i gtso bo zhu ste/ ri bong 'dzin gyi gong bur gyur pa'i gyen du gnas pa gru gsum pas nye bar mdzes shing phyogs kyi sgo kun du rab tu gsal ba can/nang gi nam mkha'i rang gi ngo bo rnam par dag par rdo rje pad+mo chos kyi 'byung gnas rnam par bsam mo/ /der yaM raM baM laM zhes bya ba'i sa bon rnams kyis rim pa ji lta bar rlung dang me dang chu dang sa 'dzin pa'i dkyil 'khor rnams su so sor bya ba'i don te/'byung po dang / dbang po rnams rnam par dag par bsam pa'o/der b+h+rUM dang 'khor lo las byung ba'i rnam par snang mdzad bsams te/ rlung la sogs pa'i dkyil 'khor rnams gcig tu gyur pa'i gong bu las/ de bzhin gshegs pa kun gyi yon tan rnam par dag pa dang //khams gsum thams cad ro gcig pa'i gzugs bsod nams dang ye shes kyi tshogs phun sum tshogs pa'i gnas su 'gyur ro/ /oM sarba ta thA ga ta dz+nyA na a la ya badzra swa b+hA wa At+ma kou0f85haM/ zhes 'dis nga rgyal dang ldan par bya ste/ gzhal yas khang brtsegs pa bsgom par b ya'o//de'i steng dbus su A li dang kA li nyis 'gyur du bltas la/ de yongs su zhu bas zla ba dang nyi ma'i dkyil 'khor te/ me long lta bu'i ye shes dang / mnyam pa nyid kyi ye shes dang / skyes bu chen po'i mtshan sum cu so gnyis dang / dpe byad bzang po brgyad cu rnam par dag pa'i rang bzhin du rab tu go bar bya'o//de sa bon hUM dang a las skyes pa'i sna tshogs rdo rje dam pas mtshan pa'i mtsho nas skyes pa'i snod dag la des mtshan pa ni don gyi dngos po thams cad so sor rtog pa'i rang bzhin no/ /de'i 'od zer gyis thub pa'i tshogs rnams su 'thon nas 'gro ba kun gyi shin tu sdug bsngal zhi bar mdzad de byon pas rab tu zhugs pa ni bya ba nan tan gyi ye shes so//shin tu rnam par dag pa'i bdag nyid ni/ badzra At+ma kou0f85haM/ zhes nga rgyal dang ldan par bya'o/ /de dag ni 'byung ba rnams dang / dbang po lnga'i rang bzhin yan lag dag par khong du chud par bya'o/ de skad du yang gsungs pa/ sangs rgyas gnas bzhi rdzogs nas ni/ /rnam pa lnga po bsgom par bya/ /zhes pa ste/ tshig 'dis ni dbang po lnga ni mtshan ma la sogs pa ldan pa la bshad do/ /de lta bu'i bcom ldan 'das ni dpe med pa rgyal ba'i tshogs kyi rdul phra rab yongs su bsdus pa'i sku'i yan lag gi mdangs ston ka'i zla ba lta bu/kun du nam mkha' dang mnyam pa/ stong pa dang snying rje dbyer med pa'i rang bzhin las byung ba ste/ zhal gsum ni sngon po dang / dmar po dang dkar po la/ lha mo lnga po ni nag por ro/ /de dag ni mchog bde ba'i dngos po rdo rje 'dzin pa chen po bsam pa'o//de'i thugs ka'i 'od kyi tshogs rnams kyis de bzhin gshegs pa'i tshogs rnams drangs te bcug la gzugs la sogs pa'i lha mo rnams su phyung ste/ rang gi lha mor bcug par bya'o/ /de'i pad+ma'i lte bar dpal he ru ka'i dkyil 'khor rdzogs par byas te/ grib ma dang sgyu ma lta bur 'jig rten na grags pa'i dri za'i skyes bu drangs te bcug pas dbang bskur te/ thabs cig lha mo'i pad+ma'i lte bar 'dug nas/ yi ge hoH 'bar ba gnyis kyi bar du bcug pa'i yi ge gsum po rnam par bsams la/ 'dod chags chen po'i yi ge rnams 'od du zhu bas da dngul chu lta bur song bar bltas la/thog ma med par grub pa'i spos byed ma la sogs pas rmi lam dang sgyu ma lta bu rnams kyis bskul bar bsam mo/ /khyod ni rdo rje'i skyon rnams yongs su skyong mdzad dag pa'i thugs/ /shin tu rnam par chos kyis rab tu brgyan byas bzang po'i sku//spos mo bdag la di ring gzigs te stong pa dor mdzod la/ /'dren pa 'jig rten pa yi rgyu las skyes pa bzhengs mdzod cig /khyod ni rdo rje gti mug yongs dag mdzad pa'i sku/ /gzugs brnyan lta bu'i chos kyis rab tu brgyan pa chos kyi sku/ /ri khrod ma bdag la gzigs mgon po stong pa dor mdzad la//mgon po 'dren pa 'jig rten pa yi rgyu las skyes pa bzhengs mdzod cig /khyod ni rdo rje chags pa yongs su skyong mdzad dag pa'i gsung / /nges par so sor rtog pas rab tu brgyan pa bzang po'i sku/ /gtum mo bdag la di ring / gzigs te stong pa dor mdzad la/ /mgon po 'dren pa 'jig rten rgyu las skyes pa bzhengs mdzod cig /khyod ni sangs rgyas skyong mdzad thams cad gzugs/ /thams cad mnyam pa nyid kyis rab tu brgyan mdzad cing / /sme mo bdag la di ring gzigs te stong pa dor mdzad la/ /'dren pa 'jig rten pa yi rgyu las skye ba bzhengs mdzod cig /ces so/ /de lta bu'i snying rje chen po sngon du bskyed pa'i bsam pa'i thugs kyis rnal 'byor pa thig le las nyams par gzigs nas/ hUM dang aM gi sa bon dag gis mtshan pa'i mtsho las skyes pa'i snod la sna tshogs rdo rjes mtshan par gyur par bsams te/rnam par rtog pa dang bcas pa ting nge 'dzin la sogs pa rnam pa lnga po rang gi ngo bos spro ba dang bsdu ba'i dngos po sngon du gnas te der brtan par byas pas/ de bzhin gshegs pa thams cad rnam par dag pa'i sku dpal he ru ka ste zhabs bzhi pos bdud bzhi mnan pa/nags kyi yan lag lta bu'i phyag bcu drug po rnams ni thod pa'i tshogs rnams bsnams pa/ sku dang rtsa ba'i zhal ni 'jig pa'i dus kyi char sprin ltar sngo ba'o/ /chu skyes kyi zhal g.yas pa dang g.yas pa ma yin pa dag ni ri bong 'dzin pa yongs su rdzogs pa lta bu dang / nyin mo byed pa gsar du shar ba lta bu'i 'od dang mtshungs par ldan pa'o/ /steng ma nyid ni rab tu rnam par gtsigs pa'o/ /lhag ma bzhi po rnams ni bung ba'i yan lag ltar shin tu 'jigs pa'o/ /spyan nyi shu rtsa bzhi'i phreng bas rnam par mdzes shing skyil krung phyed pa'i gar gyis bzhugs pa/stag gi pags pa'i smad dkris can dbu'i lcang lo dmar ser 'bar ba gyen du brdzes pa nags tshal lta bu can mchog tu bzang po'i rdo rje 'chang ba/ phyag rgya lnga yis rnam par brgyan pa'i shin tu mdzes par bsam par bya'o/ /glo dang dbugs dang rims nad dang / /glo khrag mdze nad 'brum bu dang //spos nad mchin nad rang bzhin te/ /glang po rta bong ban glang dang / /rnga mo mi dang seng rgyal dang / /de bzhin du ni byi la rnams/ /g.yas pa'i thod pa brgyad rnams ni/ /gnyis 'thung la sogs rim bzhin shes/ /sa dang chu dang rlung dang ni/ /me dang zla ba nyi ma nyid/ / mthar byed nor sbyin nyid rnams ni/ /g.yon pa'i thod pa brgyad rnams la/ /sa sogs rim bzhin shes bya ste/ /dbang phyug la sogs rnam dag pa'o/ /kun bzang yang dag bsgom pa ni/ /rang lhag lha yi sgrub pa'i thabs/ /zhes gsungs pa 'dis ni rtog pa dang bcas pa la sogs pa'i bsam gtan lnga po dmigs par bya'o//srid pa dang mya ngan las 'das pa'i tshogs rnam par spangs par stong pa nyid snying rje dbyer mi phyed pas na chos kyi dbyings su nga rgyal bya'o/ /oM d+harma d+ha tu swa b+hA wa At+ma kou0f85haM/ zhes pas so/ /de'i rjes su mig dang / rna ba dang / sna d ang //lce dang / lus dang snying ga rnams su ri bong 'dzin gyi dkyil 'khor ro/ /de rnams kyi steng du oM hUM trAM hrIH khaM hUM sa bon dang gri gug yongs su zhub las/ dkar po dang / sngon po dang / ser po dang / dmar po dang / ljang gu dang / nam mkha'i mdog can/ gti mug dang / zhe sdang dang /ser sna dang / phra ma dang / 'dod chags dang / phrag dog dang / rdo rje bdag med rnams te/ gri gug dang thod pa 'dzin pa srog thung ba'i steng du gnas par dgod do/ /snying ga dang / mgrin pa dang / spyi bor ni hUM aM oM zhes pa'i sa bon te/ de rnams las skyes pa'i mkha' spyod ma dang /sa spyod ma dang / sa 'og na spyod pa rnams kha dog sngon po dang / dmar po dang / dkar po rnams rnam par bkod de spro ba la sogs sngon du byas nas byin gyis brlab par bya'o/ /oM khe tsa ri tsit+ta badzra swa b+hA wa at+ma kou0f85haM/ oM b+hU tsa ri wA ka badzra swa b+hA wa At+ma kou0f85haM/ oM pA tA la wA si ni kA ya badzra swa b+hA wa At+ma kou0f85haM/zhes pa 'dis nga rgyal byas la/ de nas rang gi snying gar dam tshig sems dpa' ji bzhin pa'o/ /ye shes sems dpa'i thugs ka'i mtshan ma dang sa bon 'od kyi tshogs kyis thub pa'i tshogs la mchod de/ de las rnam par spros pa'i 'od las lha mo'i tshogs rnams pad+ma'i lag pa na bum par byang chub kyi sems kyi chus gang ba bsnams pa rnams phyung ste/bdag nyid la dbang bskur ba 'di ltar nga rgyal bya'o/ /oM sarba ta thA ga ta a b+hi she ka badzra swa b+hA wa At+ma kou0f85haM zhes brjod do/ /de bzhin gshegs pa lnga rnams kyis dbu r gyan du dbang bskur bar bsam par bya'o//dga' ba dang mchog tu dga' ba dang / bral ba'i dga' ba dang / rang bzhin gyi dga' ba dang / yan lag bzhi po rnams kyi sku ste/ rnam pa sna tshogs dang rnam par btsir ba dang mtshan nyid dang bral ba rnams ni/ blo dman pa la sogs pa'i gzugs kyi rnam par grol ba'o//de nyid kyi mdun du dbu mar gyur pa'i rdo rje bdag med ma ste/ g.yas pa lcug ma'i phyag na gdug pa can la bsdigs pa'i mdzub mo dang gri gug go/ /lha dang lha ma yin gyi khrag gis gang ba'i thod pa bsnams pa'i lcug ma g.yon pas ni rgyal ba'i bdag po'i mgul pa nas 'khyud pa ste/zhal gcig ma'o/ /de yongs su sbyang ba ni/ oM hUM aM swA hA zhes bya ba rnams ni sku dang thugs dang rin po che dang pad+ma dmar po dang las kyi rigs rnams kyi bdag nyid de mgo bo dang / snying ga dang / lte ba dang / gsang ba dang / brla gnyis po dang / yan lag rnams byin gyis brlab par bya'o//hUM aM zhes pa'i sa bon dag gis pad+ma dang lte ba dag par bya'o/ /hUM aM zhes pas ni rdo rje dang rin po che bskyed do/ /phaT ser po dag ni bu ga dag tu'o/ /de nas oM sarba ta thA ga tA nu rA ga Na badzra swa b+hA wa At+ma kou0f85haM zhes pa 'dis nga rgyal dang ldan par bya ste/ bde b ar gshegs pa rnams bdag nyid la zhugs pa'i cho gas rjes su chags par bya'o//de dag ni dang po rnal 'byor ro/ /snying ga'i sa bon gyi 'od kyi dra bas thub pa'i tshogs rnams drangs te/ bdag nyid la bcug la lha mo'i pad+ma'i lce bar gtsub shing gtsubs pas bskyed pa'i rnal 'byor ma'i 'khor lo la brtan par byas nas bla ma'i man ngag rjes su shes pas bzung ste kun du spro bar bya'o//de la sa bon gaM yongs su zhu ba las ri bong 'dzin pa dang 'dra ba la/ g.yas pas lcags kyu bsnams shing / pad+ma'i phyag g.yon na gdug pa rnams la sdigs mdzub brtson par mdzad ma ste/ me long lta bu'i ye shes dang / gzugs kyi phung po dang / dad pa rnam pa gsum dag pa'i ser mo shar sgor gzhag par bya'o/ /de bzhin du sa bon tsaM las gser btso ma dang mtshungs shing g.yas pa na tshe chen po'i rdo rje zhags pa can gyi chom rkun ma lho phyogs kyi sgor bzhag ste/ mnyam pa nyid kyi ye shes dang /tshor ba'i phung po dang / brtson 'grus rnam par dag pa'i gzugs can bsam par bya'o/ /sa bon baM las ro langs ma nyi ma 'char ka dang 'dra ba ma sku mdzes ma ste/ 'du shes kyi phung po dang / so sor rtog pa'i ye shes dang 'dra ba rnam par dag pa'i rang bzhin can/ g.yas pa'i phyag gi lo ma ni rdo rje lcags sgrog bsnams pa/yang dag par rdzogs pa'i byang chub 'ching bar mdzad pa mo nub kyi sgor ro/ /sa bon g+haM las nor bu ljang ser ltar gsal ba'i sku rab tu mdzes ma'i za nus ma/ phyag g.yas pa'i lo ma na rdo rje dril bu 'khrol ma ste/ 'du byed kyi phung po dang / bya ba nan tan gyi ye shes dang /ting nge 'dzin rnam par dag pa'i rang bzhin ma byang gi sgor ro/ /dbang ldan dang me dang bden bral dang / rlung gi mtshams su ni spos byed ma dang / ri khrod ma dang / drag 'dzin ma dang / sme mo rnams te/ kha dog ni sngon po dang / dkar mo dang / sngo bsangs dang / sna tshogs kyi mdog can no/ /de las sa bon paM las spos byed ma/ seng ge rgyal mo dang / yang dag par rdzogs pa'i byang chub kyi sems kyi dril bu 'dzin ma ste/ sa'i khams dang / snying rje chen po la sogs pa'i rang bzhin no/ /sa bon shaM las ri khrod ma phyag gnyis na mtsho las skyes pa'i snod la dge slong gnas pa dang /ri bong bsnams pa ste/ chu'i khams dang byams pa chen po la sogs pa'i rang bzhin no/ /sa bon tsaM las drag 'dzin ma rol pa dang bcas la/ phyag dag gi lo ma na 'khor lo dang me thab bsnams pa ste/ me'i khams dang dga' ba chen po rnam par dag pa'i rang bzhin no//sa bon DaM gis sme mo phyag g.yas pa dang g.yon pa gnyis na rdo rje rgyal mtshan chen po bsnams pa'o/ /rlung gi khams dang btang snyoms chen po la sogs pa rnam par dag pa'i gzugs can no/ /de dag sna tshogs pa'i mtsho las skyes pa nyin mor byed pa'i dkyil 'khor gyi steng du/tshangs pa dang / brgya byin dang / khyab 'jug dang / drag po dang / gshin rje dang / ku be ra dang / bden bral dang / thags bzangs ris rnams kyi rang bzhin mthil du 'dam skyes kyi zhabs rnams g.yon brkyang pa'i rol pas non pa dang / mi'i rus pa'i rgyan gyis brgyan pa dang /dbu skra dmar ser gyen du 'bar zhing dbu la thod dang ldan pas sems can gyi don la thugs rje chen pos mchog tu brtson pa mchog tu dga' bas rnam par sgeg pa spyan gsum pa can no/ /de lta bur kun du rdzogs pa'i dkyil 'khor la rnam par bltas te/snying ga'i sa bon gyi 'od kyi lcags kyus rgyal ba'i tshogs rnams kyi dkyil 'khor gyi gzungs drangs nas/ shar gyi sgo'i glor bltas la/ oM ar+g+haM/ pra tI ts+tsha swA hA zhes pas mchod yon dbul bar bya'o/ /oM pA d+yaM pra tI ts+tsha swA hA zhes pas zhabs bsil dbul te/ gdan du me tog phul la yang dag par mchod par bya'o//de nas oM badzra gau rI A kaR+Sha ya dzaH/ oM badzra tsau rI pra be sha ya hUM/ oM badzra be tA lI ban+d+ha baM/ oM badzra g+hasma rI to sha ya hoH/ 'di rnams kyis dgug pa dang / gzhug pa dang / bcing ba dang / mnyes par byas te/ mig la sogs pa byin gyis brlabs pa dang /sku gsung thugs byin gyis brlab pa byas nas/ dbang bskur ba'i phyir na/ rnam par snang mdzad dang / rin chen 'byung ldan dang / 'od dpag med dang / rdo rje can rnams dang / spos byed ma la sogs pa rnams kyi dbu rgyan la yang thugs dang sku dang rdo rje rin po che dang / rdo rje tshe dpag tu med pa rnams dbu rgyan du bsam par bya'o//de nas snying ga'i sa bon gyi 'od zer gyi lcags kyus ser mo la sogs pa rnams bkug ste drangs nas/ rang gi lha mo'i pad+ma'i dkyil du yid bzhin gyi nor bu lta bur bsam zhing cung zhig srog bsdams te rnam par bsam mo/ / de ltar rang gi rig ma'i ba spu'i bu gnas ser mo la sogs pa lha mo'i tshogs 'thon pa rnams kyis zla ba la sogs pa rnams kyis gang ba'i snod rnam par 'gyur ba'i phyag gi pad+mor bsnams pa rnams kyis nam mkha'i dkyil kun du rab tu gang ste sgyu ma lta bu la sogs par mkhas pa rnams kyis bltas la/dbye ba'i rnam par rtog pa las rnam par grol bar bya'o/ /oM sarba ta thA ga ta pU dza badzra swa b+hA wa At+ma kou0f85haM zhes pas de'i nga rgyal du bya'o/ /de nas sgra brnyan lta bu'i tshogs kyis thams cad bstod pa byed par blta ste/ khyed ni rnal 'byor ma yi tshogs kyis yongs su bskor/ /khyod n i rang gi thugs kyis yongs su brnyes ldan pa//khyod ni rgyu dang mi rgyu 'gro ba kun sbyangs shing / /sems can rnams la thugs rje'i thugs stobs mdzad pa'o/ /sgyu ma'i spros pa rnams la rdo rje 'phel mdzad cing / /e ma'o brnyes ldan thugs kyi rdo rje he ru ka dpal bstod/ /ces pa'o/ / oM sarba ta thA ga ta stu ti badzra swa b+hA wa At+ma kou0f85haM zhes pas nga rgyal du bya'o/ /de'i rjes su aM las skyes pa rlung gi dkyil 'khor yaM gis mtshan pa'o/ /de'i steng du raM las skyes pa'i me'i dkyil 'khor raM gyis mtshan pa'o/ /de'i steng du a las byung ba'i pad+ma'i snod yaM gis mtshan pa'o/ / de'i steng du bdud rtsi lnga dang sgrol ma rnams la de bzhin gshegs pa rnams kyis mtshan pa sbar zhing spros pas dri ma rnams dang bral te/ de nas hUM las d+haM hUM gis mtshan pa/ shel gyi rnam pa lta bus byin gyis brlab pa'o/ /da la yi ge oM gyis ye shes kyi bdud rtsi'i rang bzhin drangs pa dbyer med pa'i sngags kyi ro mchog dang ldan pa rnam pa smin pa nus pa'i rang bzhin du bltas te/lce la rdo rje hUM gis mtshan pa bsams nas snying gar sa bon gyi thig ler dkyil 'khor rab tu bkod la rab tu tshim par bya'o/ /oM badzra dzi hwa hUM zhes pa'i sngags kyis lce byin gyis brlab po//oM sarba ta thA ga ta a mr-i ta A satwa badzra swa b+hA wa At+ma kou0f85haM zhes pas nga rgyal dang ldan par bya'o/ /de dag ni dkyil 'khor rgyal po mchog gi ting nge 'dzin to/ /snying ga'i 'od zer rnams kyis de bzhin gshegs pa thams cad dpal he ru ka'i gzugs su byas te/ dkyil ' khor la thim/dkyil 'khor pa ni bdag la thim/ bdag ni ye shes sems dpa' la thim/ ye shes sems dpa' ni mtshan ma la'o/ /mtshan ma ni sa bon la'o/ /sa bon ni thig le la'o/ /thig le ni dkyil 'khor gyi 'khor lo skad cig tsam gyis yongs su rdzogs par bsams la/spro ba la sogs pa de bzhin du bya ste/ 'di ni thig le'i rnal 'byor ro/ /sems can thams cad ni de bzhin gshegs pa thams cad bcug ste zhu ba la pad+ma'i lte ba'i rtse mor rang gi mtshan ma'i dbus su rin po che sna lnga la nyungs kar lta bu'i tshad tsam gyi nang du dkyil 'khor gyi 'khor lo rdzogs par byas pa las brtan zhing brtan la ji srid du mtshan ma lnga po skyes pa'i bar du bsam par bya'o//de nas phyis ni rjes su rnal 'byor gyis spro zhing bsdu ba la sogs pa ste/ 'di ni phra mo'i rnal 'byor ro/ /ye shes yud tsam gyis bsgrubs la 'od zer mtha' yas pa'i tshogs rnams spro zhing rang gzhan rnams mthong bar 'gyur ba 'dir yang dag par rdzogs par gyur pa'i bar de srid du bsgom par bya'o//skyon ni nyin dang mtshan med par sngags kyi bzlas pa man ngag ji lta ba bzhin bya'o/ /sngags kyi bzlas pa de yang mi nus na/ oM d+ha ra d+hA ra ya/ marda ma rda/ badzra d+h+r-i ka hUM phaT ces pas sngags kyi bzlas par bya'o/ /skyo na nyams dang ldan par bya ste/ spyi bor zla ba la gnas pa'i yi ge oM las bdud rtsi'i rgyun 'dzag pas nye bar tshim par bya'o/ /lha mo'i glu yis bde zhing rab spro rol byas nas/ /mchod pa la sogs pa ni bsam par bya'o//gang gi tshe na ldang bar 'dod pa na/ /ngag dang lus kyi g.yeng ba med par ni/ /'khor lo 'di ni mchod cing bstod nas ni/ /mkhas pas langs te 'gro ba'i don byas nas/ /'dod pa'i yon tan lnga po gdod nas dag cing dri ma med par ni/ /gzugs sogs lha mo'i dngos sam yi dam lha la rdor 'dzin nam//sku rdo rje la sogs pa bde gshegs gnas su 'dir ni 'jug par bya/ /snying rje'i ngo bo bdud rtsi'i mchog 'thungs rtag tu yang dag bde/ /mya ngan 'das pa'i yang dag khyer bar bya ba 'di kun ma nor bya/ /nyes pa zad pa bya phyir rang nyid thugs rje'i ro dbang gyur pas dpal ldan las kyi rdo rje bsgom//snying gar zla bar yi ge khaM las skyes shing de yis mtshan pa'i sna tshogs rdo rje bsam byas te/ /de las 'thon pa'i 'od zer rnams kyi tshogs las byung ba'i lha mo rnams kyis dbang bskur bya/ /de bzhin gshegs sgra'i gzugs su 'khor lor gnas de bgegs rnams kun ni rab tu gzhig par bya//mnga' bdag tho rangs langs te mchod pa la sogs bzlas pa dang ni bsgom pa cho ga bzhin du bya'o/ /phyi 'bred 'khor lo sems la btsud nas rig pa dang ni bcas par rtag tu nyal bar bya/ sems can rnams ni rdzogs pa'i byang chub rgyu ru rtag tu dge ba 'ang thams cad bsngo ba yin//nyin rang dang ni mtshan dag phyed du yang ni langs la de bzhin rgya chen por ni bsam par bya'o/ /yan lag drug dang ting 'dzin gsum ni de ltar bsgom par bya'o/ /yan lag drug po ji ltar bsgom zhe na/ 'di skad gsungs pa/sangs rgyas gnas bzhi rdzogs nas ni/ /rnam pa lnga po bsgom par bya/ /rnam pa lnga po bsgom byas te/ /kun du bzang po bsgom par bya/ /rang lhag lha yi sgrub pa'i thabs/ /dkyil 'khor de bzhin dgod bya ste/ /mchod bstod bdud rtsi myang sogs rnams/ / rim pa ru ni sgom byed pa/ /rnal 'byor yan lag drug tu 'dod/ /ces gsungs pas so/ /'dir yang kha cig tu ni kun du bzang po'i dkyil 'khor gyi bdag nyid du bzhengs par 'dod do/ /gzhan gyis ni khu ba las skyes par 'dod do/ /kha cig ni 'bras bu'i dngos po dkyil 'khor gyi bdag nyid du 'dod do//ting nge 'dzin gsum po 'dir go bar bya'o/ /de nas rnal 'byor pa gang zhig bsdus pa'i dkyil 'khor mtha' dag bsgom par 'dod na ni rnam par snang mdzad zhu ba las dkyil 'khor lnga po so so'i dbyibs dang gdan du bcas pa bsgom pa la/gtso bo lnga'i gnas rnams so sor mngon par byang chub ba rnam pa lnga lnga'i tshul ni mthun la/ rang rang gi sa bon dang / mtshan ma dang / de'i kha dog rnams mi mthun pa las rgyu'i bcom ldan 'das lnga bskyed de/ cho ga bzhin du zhu ba las so so'i mtshams rnams kyi lha mo rnams kyi rgyud las 'byung ba'i glu'i tshig gis bskul nas/yang so so'i mtshan ma dang sa bon las so so'i sku rnams ji ltar gsungs pa bzhin du rdzogs pa/ de la pad+ma la sogs pa byin gyis brlabs pa dang / gsang gnas byin gyis brlabs pa'i yan lag so sor byas te/dbus ma'i dkyil 'khor gdon pa lugs dang mthun par rang rang gi dkyil 'khor gyi lha mo rnams kyi rang rang gi ming gi yi ge dang po rnams kyis phyag mtshan dang kha dog dang dbyibs su ldan pa ji skad gsungs pa bzhin du rdzogs par byas te/ rang rang gi gnas su dgod par bya'o/ / de rnams la ye shes kyi dkyil 'khor bstims nas mig byin gyis brlab pa la sogs pa nas/ bdud rtsi myang ba yan chad spyir mthun/ yang na zhe sdang he ru ka'i rig ma'i gsang ba nas/ so so'i gtso bo dang bcas pa rang rang gi sa bon las bton la gzhan ni gong ma dang mthun/ sa bon rnams ni b+h+rUM AM dzrIM khaM gtso bo bzhi'o//saM paM baM aM sgom bzhi'o/ /paM duM daM maM mtshams ma rnams kyi'o/ /suM duM raM taM rdo rje nyi ma'i sgo ma rnams kyi'o/ /laM haM nraM griM mtshams ma rnams kyi'o/ /paM daM ya Sh+laM pad+ma gar gyi dbang phyug gi sgo ma bzhi'o/ /baM biM muM muM mtshams rnams kyi'o/ /taM kuM kaM paM rta mchog gi sgo ma rnams kyi'o//laM maM paM taM mtshams kyi'o/ /kye'i rdo rje ni shin tu gsal lo/ /sngags kyi phreng ba zlos na snying po dang nye ba'i snying po rnams te rgyud las gsungs so/ /bdag dang bdag gi lta ba'i tshogs dang nyon mongs la sogs chu na gnas pa lta bus g.yeng pa rnams//'khor ba'i chu bo'i dbus na gnas shing srog mtha' lta bur sdug bsngal skye ba kun/ /mgon po he ru ka yi sgrub thabs brjod cing byas pas bsod nams skyes pa gang yin pa/ /de yis 'jig rten pa rnams de bzhin nyid du rtag tu khyer zhing grol bar 'gyur bar shog/ / rgyud rgyal rdo rje gur gyi sgrub pa'i thabs/ /dad dang brtson 'grus gnyis kyis 'gro kun la/ /phan pa'i bsam pas bsgyur ba'i bsod nams kyis/ /'gro kun rdo rje gur du 'jug par shog/ /mkha' 'gro ma rdo rje gur gyi sgrub thabs dkyil 'khor bsdus pa'i rjes su 'brang ba zhes bya ba/ slob dpon chen po lha'i brtul zhugs zhes bya bas mdzad pa rdzogs so// //mar pa chos kyi blo gros kyis bsgyur ba'o// //ston pa shAkya thub pa yis/ /rgya gar rdo rje gdan drung du/ /rA dza zas gtsang srid bor nas/ /dam chos me bzhin rab sbar te/ /brtson par byas de thugs la zhog /

CLOSE WINDOW