CLOSE WINDOW

D1316
བོད་ཡིག

/dpal dgyes pa'i rdo rje la brten pa'i lha mo ku ru kul+le'i sgrub thabs/ slob dpon chen po lhan skyes sgeg pas mdzad pa rdzogs so// //dA na shI la nyid kyis bsgyur//[ ##]@##/ /rgya gar skad du/ he badzro d+b+ha ba ku ru kul+le yA pany+tsa ma ho pa de shaH//bod skad du/ kye'i rdo rje las byung ba'i ku ru kul+le'i man ngag chen po lnga/ bcom ldan 'das kye'i rdo rje la phyag 'tshal lo/ /snying gi dbus las srog rlung mchog gis bskul bas rtsa dbus mchog gi nang zhugs gyen song zhing / /myur du spyi bo'i zla dbus las 'thon rim gyis gsal bar 'gro can mgo yi g.yon skor te//g.yas kyi rna bug las 'thon myur du lag mda'i bu gar zhugs shing phyag rgya cher bsgoms nas/ /rdo rjes rab myur sa bon rgyal po bdag nyid 'od zer dmar po 'bar bas bsgrub bya yi/ /lag mda'i rtse mo'i bu ga rgyas byed sngon du 'gro bas sgra 'dzin bu gar rab zhugs shing //mgo yi g.yas kyi sna bug gsal bar 'gro ba can gyis snying gi mtsho skyes dbus gnas pa'i/ /hrIH sems myur du khyer nas rim bzhin rjes su lam de dang ni de nas 'thon nas ni/ /brtan par snying dbus la gnas khyod kyis sa yi 'khor lo dang bcas lha ni dbang du sdud//gong bu dgug pa'o// //sngar bzhin mda' las 'thon nas bsgrub bya'i mtsho skyes g.yon gyi ngos zhugs shing / /gyen du song ste spyi bo'i zla ba rim bzhin 'dzag byas sngar bzhin zhugs/ / mtsho skyes ze 'bru la gnas rnal 'byor pas ni brtan par bsgoms pa yis/ /chags pas 'dzag pa'i las kyis rgyal can ma yi skye bo myos par byed/ /rkang pa dgug pa'o// //sprul gyis bzung ba'i snying ga'i zla dbus gnas pa gsal bar mthong nas de'i/ /'od zer bdud rtsi mang po'i rgyun gyi khrus kyis sprul gyi dug sel zhing //rtsa bug 'od zer gang ba las kyang dug 'joms 'od ldan zla dbus gnas/ /de ltar sbrul gyis gzung ba la ni byams pas lha khyod dug ni 'joms/ /sbrul gyi dug sel ba'o// //mar me brtan pa'i rnam pa can/ / brtan por dmigs pa'i sems kyis su/ /lce yi rtse mor bsam byas na/ /mi shes rab rib sel bar 'gyur/ /shes rab 'phel ba'o// //gsal bar rlung gi dkyil 'khor gnas shing lcags kyus snying la phug /ske la zhags pas bcings shing skra grol gcer bus g.yengs pa can//lha mo khyod ni rnal 'byor stobs kyis nor 'dzin bkug nas ni/ /bdag gi rkang drung 'gyel zhing rtag tu khol po'i gnas skabs 'dzin/ /dmar po'i rnam can spros pa'i 'od kyi dra bas rnam par bcings/ /bdag gi rkang drung 'gyel zhing skra grol lag gi mda' bsnun nas/ / g.yon pa'i rlung gis bkug ste bcings shing mtsho skyes nang du bcug /lte ba'i mtsho skyes dbus su zhugs te mos shing thal mo sbyar/ /sems dpa' pad+ma las 'dzag khrag gis spyi bor khrus byas la/ /rnal 'byor pa des bsgoms na lha dbang yang ni dbang du 'gyur/ / dbang du bsdu ba'o// //kye'i rdo rje las byung ba'i ku ru kul+le'i man ngag chen po lnga slob dpon zhi ba 'tshos mdzad pa rdzogs so// //paN+Di ta hA na shI la nyid kyis bsgyur ro// //oM ku ru kul+le hrIH swA hA/ oM ku ru kul+le a mu kyAH paN+Di ma A kaR+Sha ya hrIH swA hA/ a mu kiM sA d+h+yAM A kaR+Sha ya/a mu kiM ba shIM na ya/ a mu kaM ba sh+yaM ku ru/ a mu ka ba sh+ya ku ru/ ma ma A kr-i Sh+TaM ku ru/ me A kr-i Sh+Ti ku ru/ At+ma kaM A kr-i Sh+TaM ku ru/ na mo mAM rak+Sha/ na mo me rak+Sha ku ru na maH na mo me shAM tiM ku ru na maH/ bau ShaT me puSh+Ti ku ru bau Sh+Ta/ ho de ba dat+taM me ba sh+yaM ku ru hoH hrIH de ba da t+taM me A kaR+Sha ya hIH dzaH de ba da me A kaR+Sha ya dzaH me DA ki ma ma DA ki At+ma kaM/

CLOSE WINDOW