CLOSE WINDOW

D1315
བོད་ཡིག

de lta bu'i rim pas thams cad 'grub par 'gyur ro/ /bla ma'i man ngag rdzogs so// //paN+Di ta don yod rdo rje dang / lo tsA ba ba ri rin chen grags pas bsgyur ba'o// @##/ /rgya gar skad du/ he badzre d+ha ba ku ru kul+le sA d+ha naM/ bod skad du/ dgyes pa'i rdo rje las byung ba'i ku ru kul+le'i sgrub thabs/lha mo ku ru kul+le la phyag 'tshal lo/ /sngags pas dang por re zhig rang gi snying gar zla ba'i dkyil 'khor gyi steng du yi ge byAHdmar por bsams te/ de'i 'od kyis lha mos thog drangs pa'i sangs rgyas dang byang chub sems dpa' du ma mdun gyi nam mkhar spyan drangs la/de dag la yid las byung ba'am dngos su 'byor pa'i mchod pas ci rigs su mchod nas skyabs su 'gro ba la sogs pa'i sgo nas yan lag bdun pa bya'o/ /de'i rjes la tshad med pa bzhi sems can thams cad la g.yog par bya ste/de nas swa b+hA ba'i sngags kyis snod bcud thams cad stong pa nyid du rgyas btab ste/ de'i rjes su stong pa nyid kyi ngang las yi ge re las nyi ma'i dkyil 'khor bsams pa'i steng du hUM sngon po bsgom par bya'o/ /de yongs su gyur pa las sna tshogs rdo rje/ de yongs su gyur pa las steng dang 'og dang phyogs dang phyogs mtshams thams cad rdo rje'i sa gzhi dang rdo rje'i ra ba dang rdo rje'i gur gyis bcing ste/de nas sngags 'di brjod par bya'o/ /oM rak+Sha rak+Sha hUM hUM phaT phaT swA hA/ de nas rang gi snying gar pad+ma dmar po'i steng du zla ba'i dkyil 'khor bsam/de'i steng du sa bon rmi yi ge hrIHdmar po bsgom/ hrIHyongs su gyur pa las ut+pa la dmar po blta zhing / de'i steng du zla ba kha dog dmar po'i dkyil 'khor rgyas par bsgom/ de yongs su gyur pa las bdag nyid lha mo ku ru kul+le sku mdog dmar mor bskyed par bya'o//de yang zhal gcig phyag bzhi phyag rgya lnga dang ldan ma stag gi pags pa'i smad g.yogs can/ skyil krung phyed pa'i bzhugs stangs kyis gnas pa/ dbu skra ser po gyen du brdzes pa/ sangs rgyas 'od dpag med kyis dbu brgyan pa can/ gzhu dang mda' ut+pa la'i zhags pa dang lcags kyu'i phyag mtshan bsnams pa'o//de ltar bsgoms pa'i rnal 'byor pas sngags kyi bzlas pa bya ste/ oM ku ru kul+le hrIHswA hA/ zhes mi grag pa'i tshad du bzlas par bya'o/ /zla ba phyed kyis rgyal po 'du/ /khri yis phal pa dbang du byed/ /bye bas phyugs dang gnod sbyin sogs/ /lha min 'bum phrag bdun gyis so/

CLOSE WINDOW