CLOSE WINDOW

D1309
བོད་ཡིག

@##/ /rgya gar skad du/ nai rAt+ma sA d+ha na pauSh+Ti ka ni rde sha /bod skad du/ bdag med ma'i sgrub thabs rgyas par bstan pa zhes bya ba/ bcom ldan 'das yum shes rab kyi pha rol tu phyin pa la phyag 'tshal lo/ /spyir de kho na nyid btsal ba'i thabs mang na yang gnas skabs 'dir bsgom par bya ba'i snod du rung bar byas pa'i sngags pas nang par sngar langs te/rang gi snying gar zla ba'i dkyil 'khor la bdag med ma'i sa bon 'od kyi phreng ba dang ldan par bltas la/ gdong bkru ba la sogs pa byas te/ rnal 'byor dang gnas dang bdag nyid bsrung ba byas la bsam gtan gyi gnas su rab tu zhugs nas bde ba'i stan la 'dug ste/rang gi sngags kyis mchod yon la yongs su bzlas par bya'o/ /dus gsum gyi de bzhin gshegs pa thams cad yang dag par bsdus pa'i ngo bo bdag med ma'i dkyil 'khor mdun gyi nam mkha' bar snang la gnas par bltas pa la rang gi snying ga'i sa bon las mngon du bton pa'i mchod pa'i lha mo brgyad po rnams kyis mchod par byas te/ri dgas can 'dzin ser mo ste/ /nyi ma 'dzin pa chom rkun ma'o/ /lag na chu 'dzin ro langs ma/ /za phod ma ni sman snod 'dzin/ /sbos mo lag na rdo rje 'dzin/ /ro mchog 'dzin pa ri khrod ma//de bzhin gtu ma mo cang te'u can/ /sme mo mgul par 'khyud cing 'dzin/ /zhes pa de dag gis yang dag par mchod la/ de dag gi mdun du sdig pa bshags pa la sogs pa 'di ltar bya ste/ bdag gi sdig pa ni thams cad du so sor 'chags lags so/ /so so'i skye bo rnams dang /'phags pa rnams kyi dge ba thams cad la ni rjes su yi rang lags so/ /bdag ji srid byang chub kyi bar du sangs rgyas la skyabs su mchi'o/ /chos la skyabs su mchi'o/ /dge 'dun la skyabs su mchi'o/ /sems can thams cad la bde ba dang phan gdags pa dang /ji ltar byang chub rnam pa gsum po'i skal pa dang ldan pa de rnams byang chub gsum po thob par bya ba'i don du bla na med pa yang dag par rdzogs pa'i byang chub mchog tu sems bskyed par bgyi'o/ /de nas sems can thams cad la bde ba bzang po nye bar sbyar bar bya ba'i phyir byams pa bsgom par bya'o//de nas sems can thams cad kyi sdug bsngal nye bar sel ba'i rnam pa snying rje'o/ /de nas 'di ltar sems can thams cad bde ba dang mi 'bral ba'i rnam pa dga' ba'o/ /de nas sems can thams cad 'jig rten dang 'jig rten las 'das pa'i dge ba rnams su nye bar sbyor ba'i rnam pa btang snyoms so//de nas chos thams cad sems las skye zhing snang ba las bde ba ma yin pa 'di lta bu sems gzung ba dang 'dzin pa'i don du snang ba 'khrul pa rnam par bsal ba ste/ dper na rmi lam lta bu 'di ni nges pa ma yin no/ /'khrul pa yongs su bsal ba'i phyir na sngon po dang ser po la sogs pa don du snang ba yongs su bsal bar bya'o//rgyu des na so sor snang ba rnams ni bdag nyid kyi sems te/ de yang ston ka'i nyi ma'i gung la nam mkha' dri ma med cing snang ba med pa gsal ba tsam mtha' yas pa ltar blta'o/ /'di ni don dam pa byang chub kyi sems so//'dir ni gdod ma'i shes rab kyi pha rol tu phyin pa ste/ de lta bu 'di stong pa nyid kyi ye shes dam pa'o/ /'di ru sngags kyis byin gyis brlab cing bsgom par bya'o/ /oM shU n+ya tA dz+nyA na badzra swa b+hA wa At+ma kou0f85haM zhes pa'o/ /de'i rjes la/ re phas nyi ma mdun du rnam par bsgom/ nyi ma der hUM sna tshogs rdo rje'i dngos/ /rdo rje de yis rnam par bsgom bya ba/ /ra ba dang ni dra ba bcing ba'o/ /de nas ston ka'i zla ba ltar dkar po gyen kar gnas pa'i gru gsum pa/ nang rol stong pa chen po'i khams su gnas pa'i chos kyi 'byung gnas kyi phyag rgya ru rnam par bsgom par bya'o//de'i dkyil du dbang chen gyi dkyil 'khor gru bzhi pa ser po'o/ /de'i steng du chu'i dkyil 'khor zlum po dkar po'o/ /de'i steng du me gru gsum pa dmar po'o/ /de'i steng du rlung gzhu'i rnam pa sngon po'o/ /de rnams yongs su gyur pa sna tshogs pad+ma chen po ge sar dang ldan pa sna tshogs rdo rjes mtshan pa la gzhal yas khang brtsegs pa bsgom par bya'o//de yang rin po che sna lnga mchog tu 'bar ba'i rang bzhin las gyur pa/ gru bzhi pa dang / sgo bzhi pa dang / twa ra na bzhis brgyan pa/ mu khyud la mchod pa'i lha mo brgyad phrag gnyis kyis mchod pa byed pa can dra ba dra phyed kyis mdzes pa/rdo rje skud pas brgyan pa dang / rlung gis rlabs pas sna tshogs pa'i steng logs su bskyod pa'i cod pan dril bu'i sgra dang ldan pa can no/ /de'i dkyil gyi rim pa la pad+ma 'dab ma brgyad pa rnam par bsgom par bya'o/ /de'i ge sar dang phyogs bzhi ru zhing lnga'i gdan rnams su bsam par bya'o//phyi rim gyi grwa rnams su ba zhi dang / sgo rnams su bzhi dang / 'og tu gcig dang steng du gcig go/ /de nas zhing gi gdan dbu ma'i snying gar sngon du bsgoms pa'i sgom pa po'i sems mtha' yas shing gsal ba shel lta bu de dbyangs kyi yi ge bco lnga po phreng ba'i gzugs kyis bsdus te de yongs su zhu ba zla ba gang ba'i rnam par bsgom par bya'o//de'i steng du sde tshan sum cu rtsa bzhi'i phreng ba yongs su zhu bas nyi ma'i dkyil 'khor ro/ /de'i steng du yi ge a des gri gug go/ /de'i dkyil 'khor yi ge a'o/ /yi ge a de las de bzhin gshegs pa thams cad rnal 'byor ma bco lnga'i gzugs kyis spros te/slar de la yang dag par bsdus pas zla ba dang nyi ma dang gri gug dang / sa bon yongs su zhu bas bcom ldan 'das bdag med ma'i rnal 'byor bsgom par bya'o/ /de ni kha dog nag mo drag chen mo/ /phyag rgya lnga yis rnam par brgyan/ / 'khor lo snyan cha mgul do dang / /phyag gdub dang ni sku regs dang / /stag lpags smad g.yogs 'od 'bar ba/ /dbu skra dmar ser gyen du skyes/ /phyag gnyis zhal ni gcig ma ste/ /khro gnyer bsdus shing spyan dmar ma/ /g.yon na thod pa kha T+wAM ga /g.yon min na ni gri gug bsnams/ / skyil krung phyed pa'i gar gyis bzhugs/ /ri bong can 'od zla ba'i gdan/ /'khor lo bzhi yi chu skyes la/ /yi ge bzhi yis brgyan pa'o/ /nu bar zla ba'i gri gug la/ /sa bon 'od kyis rnam mdzes gnas/ /zhes bya ba yin no/ /'di dag ni dang po'i rnal 'byor dang / dang po'i ting nge 'dzin dang /ngo bo nyid kyi sku'o/ /de nas de'i rjes su snying ga'i mtshan ma la gnas pa'i sa bon las zla ba'i gdan bcu bzhi nges par bton te/ ro'i gdan rnams re re'i snying gar dgod do/ /de nas yang sa bon de nyid las nyi ma'i gzugs bcu bzhi po bton te/ zla ba de dag nyid kyi steng du gzhag par bya'o//zla ba dang nyi ma mnyam par sbyar ba las nyi ma'i steng du sa bon rnams skyes so/ /de la nang gi rim pa'i shar la sogs pa'i phyogs kyi nyi ma rnams la rim bzhin du A i I u'o/ /phyi'i rim pa'i dbang ldan la sogs pa'i grwa rnams kyi nyi ma rnams la rim bzhin du U r-i r-I l-i'o//shar la sogs pa'i sgo'i nyi ma rnams la l-I e ai o'o/ /'og gi nyi ma la au yin no/ /steng gi nyi ma la aM ngo / /so so'i sa bon las gri gug dang / /sa bon yongs su zhu ba rnams lha mo bcu bzhir byung ste/ thams cad kyang ji ltar bdag med rnal 'byor ma de bzhin no/ / phyogs kyi 'dab ma rnams la rdo rje ma dang / ser mo dang / chu'i rnal 'byor ma dang / rdo rje mkha' 'gro ma'o/ /grwa rnams su sbos mo dang / ri khrod ma dang / gtum mo dang / sme mo'o/ /sgo rnams su ser mo dang / chom rkun ma dang / ro langs ma dang / za nus ma'o/ /lha mo bcu gnyis po de rnams ni bdag med ma la mngon du phyogs pa'o//'og tu ni sa spyod ma ste zhal 'og tu gzigs pa'o/ /steng du ni nam mkha' spyod ma ste zhal steng du gzigs pa'o/ /thams cad kyi snying gar zla ba la gri gug gnas pa'i dkyil na rang rang gi sa bon can no/ /de'i rjes su sngags kyi 'od zer gyis ye shes kyi 'khor lo bkug ste/yi ge hUM gis bgegs rnams bskrad cing nam mkha'i steng na bzhugs pa dag mnyes par bya ba'i ched du sngon du yongs su bzlas pa'i mchod yon dang zhabs bsil dang zhal bsil dag rang gi sngags kyis dbul bar bya'o/ /de nas dzaH hUM baM hoH zhes brjod de/dam tshig gi dkyil 'khor la ye shes kyi dkyil 'khor mngon du bkug cing bcings nas dbang du byas la chu dang 'o ma 'dres pa bzhin du ro gcig tu gyur par bsam par bya'o/ /de nas bdag nyid kyi gzugs kyi phung po de'i bdag nyid la rdo rje ma gnas par blta'o/ /tshor ba'i phung po la ser mo'o//'du shes kyi phung po la chu'i rnal 'byor ma'o/ /'du byed kyi phung po la rdo rje mkha' 'gro ma'o/ /rnam par shes pa'i phung po la bdag med ma'o/ /sa'i khams la sbos mo'o/ /chu'i khams la ri khrod ma'o/ /me'i khams la drag 'dzin ma'o/ /rlung gi khams la sme mo'o//gzugs kyi skye mched la ser mo'o/ /sgra'i skye mched la chom rkun ma'o/ /dri'i skye mched la ro langs ma'o/ /ro'i skye mched la za nus ma'o/ /reg bya'i skye mched la sa spyod ma'o/ /chos kyi skye mched la mkha' spyod ma'o/ /yang mig gi skye mched la rdo rje ma'o/ /rna ba'i skye mched la bdag med ma'o//sna'i skye mched la ser mo'o/ /lce'i skye mched la chu'i rnal 'byor ma'o/ /lus kyi skye mched la rdo rje mkha' 'gro ma'o/ /yid kyi skye mched la bdag med ma'o/ /zhe sdang la bdag med ma'o/ /gti mug la rdo rje ma'o/ /'dod chags la chu'i rnal 'byor ma'o/ / nga rgyal la ser sna ma'o/ /phrag dog la rdo rje mkha' 'gro ma'o/ /thams cad kyi mgo bor yi ge oM gyis sku byin gyis brlab par bya'o/ /mgrin par yi ge AH yis ngag byin gyis brlab pa'o/ /snying gar yi ge hUM gis thugs byin gyis brlab par bya'o/ /de lta bu'i gzhan rnams kyi yang phung po dang /khams dang / skye mched dang / nyon mongs pa dang / nye ba'i nyon mongs pa rnams rnam par dag par lhag par mos par bya'o/ /de nas rang gi snying ga'i sa bon gyi 'od zer gyis de bzhin gshegs pa thams cad bkug ste/ nam mkhar gzhag pa la rang gi snying ga'i sa bon las mngon par spros pa'i ma mo brgyad po rnams kyis yang dag par mngon par mchod la dbang bskur ba blang bar bya'o//de nas de rnams ye shes lnga'i rang bzhin gyis gang ba'i nor bu rin po che rnams kyi bum pas dkyil 'khor gyi bdag po dang / de nyid kyi dkyil 'khor ba rnams la dbang bskur bar rnam par bsam mo/ / dbang bskur ba'i chu las byung ba'i rigs lnga rnams kyis rgyas gdab par bya'o/ /thugs dang rtag pa rin chen dang / /'jig rten dbang don grub pas so/ /thugs rtag rin chen 'jig rten dbang / /rnams kyi mtshams na bzhugs rnams la'o/ /sgo skyong rnams la'ang de bzhin no/ /rmongs dang chags pas 'og bla ma'o//de nas rang gi snying ga'i sngags las mchod pa'i lha mo brgyad po rnams nges par bton te spros la yang dag par bsdus te mchod par bya'o/ /de la dang po'i drug po rnam sa ni cung zad bya bar lag na gnas pa'i snod kyis mchod par bya ba rnams kyi phyag na thogs pa'i thod pa rnams su mchod rdzas rnams so sor rab tu gsal bar snang ba las rab tu bzhes par bya'o//des de rnams yongs su longs spyod cing tshim par blta'o/ /brgyad pa sme mo ni 'khor lo'i bdag mo'i mgrin pa la 'khyud pa'o/ /'di las ma gtogs pa gzhan dkyil 'khor gyi rnal 'byor ma bdun po rnams ni der rab tu 'jug pa'o//des na de thams cad la bcom ldan 'das yum nyid kyi pad+mar gnas pa las skyes pa'i rdo rjes yongs su longs spyod pa'o/ /nag po dmar po de nas ser/ /ljang gu sngon po dkar po rim/ /rang bzhin dga' ba tsam du ni/ /bsam bya 'khor lo'i gtso mo la'o//'di dag ni dkyil 'khor rgyal po mchog ces bya ba ste/ ting nge 'dzin gnyis pa dang / longs spyod rdzogs pa'i sku'o/ /de'i rjes su 'khor lo'i bdag pos lha mo thams cad bskul bas rim pa bzhin du rang rang gi sku las rjes su mthun pa'i gzugs sprin tsam spros pas 'gro ba rnams kyi don la nan tan byas te rang rang gi sku sprin tsam mo//de rnams rtsa ba'i sku rnams la bsdu'o/ /de la sgo skyong ma rnams dang / sa spyod mas ni rim bzhin du dad pa dang / brtson 'grus dang / dran pa dang / ting nge 'dzin dang / shes rab kyi dbang po rnams la sems can rnams 'jog go/ / mkha' spyod mas ni dad pa dang brtson 'grus dang dran pa dang ting nge 'dzin dang shes rab kyi stobs rnams la'o/ /sbos mo ni rab tu dga' ba dang / dri ma med pa dang / 'od byed pa rnams la'o/ /ri khrod mas ni 'od 'phro ba dang / sbyang dka' ba dang / mngon du gyur pa rnams la'o/ /drag 'dzin mas ni ring du song ba dang /mi g.yo ba rnams la'o/ /sme mos ni legs pa'i blo gros dang / chos kyi sprin dag la'o/ /lhag ma gzhan rnams ni sangs rgyas lnga'i sa rnams la ste/ de la phyogs kyi lha mo bzhi pos ni me long lta bu la sogs pa'i ye shes bzhi rnams la'o/ /bcom ldan 'das yum bdag med ma nyid ni shin tu rnam par dag pa chos kyi dbyings kyi ye shes la'o//'di dag ni las kyi rgyal po mchog ces bya ba'i ting nge 'dzin gsum pa dang sprul pa'i sku'o/ /skyon ni thang cig ngal bso la 'bar ba'i sngags kyi yi ge rnams snying ga'i zla ba la yi ge'i phreng ba'i dngos por yid kyis mngon du bris pa rnams la rim par brjod cing ji srid skyo bar mi 'gyur gyi bar du dal bus bzlas so//sngags ni dbyangs yig bco lnga po swA hA mthar bzhag pa'o/ /de nas tshigs bcad gnyis kyis bsod nams yongs su bsngo bar byas te/ sangs rgyas kun gyi nor rnams kun//rdo rje 'chang chen go 'phang ni/ /bdag gis dge ba 'di thob ste/ /'gro rnams kyang ni der thob shog /yang dag byang chub ched du gang spyod dang / /yang dag rdzogs pa'i sangs rgyas rnams kyi yang / /byang chub rdo rje yis ni gang brjod pa/ /spyod pa de gnyis bdag gis spyod par shog /ces brjod do/ /rang gi snying ga'i sa bon gyi thig le lo dkyil 'khor pa rnams bcug ste/ langs la ji ltar bde bar rang gi lha'i nga rgyal du byas pa dang / mi 'bral bar spyod lam thams cad bya'o/ /gung gi thun mtshams su ni lha'i khang par zhugs nas stan bde ba la 'dug ste bdag nyid bdag med ma rnal 'byor mar bltas la rang gi snying ga'i sngags las lha mo bcu bzhi po rnams phyung nas ji lta ba'i gnas rnams la bzhugs par blta'o//bdag nyid dang de rnams kyi phung po la sogs pa rnam par dag pa dang / yi ge gsum gyis byin gyis brlabs pa yud tsam zhig gis lhag par mos par bya ba dang /sngon bzhin du dbang bskur ba dang / yongs su bsngo ba'i mthar thug par bya'o/ /de bzhin dkyil 'khor nye bar bsdus te yang dag par langs la rang gi lha'i nga rgyal du byas pas thams cad bya'o/ /gtor ma yang 'dis sbyin par bya ste/ oM a kA ro mu khaM sarba d+harmA NAM/Ad+ya nut+pan+na twAta/ oM AH hUM phaT swA hA/ zhes pas so/ /srod kyi thun mtshams su ni mthar mchod yon phul la ye shes kyi dkyil 'khor gshegs su gsol te/ oM khyed kyis sems cad don kun mdzad/ /ji ltar dngos grub rjes 'gro stsol/ /sangs rgyas yul du gshegs gsol te//slar yang gshegs shing 'byon 'tshal lo/ /zhes brjod pa'i rjes su oM muHzhes bya bas kyang bskul lo/ /de nas dam tshig gi dkyil 'khor nang du bstims te/ gnas dang bdag nyid rnal 'byor gyis bsrung bar bya'o/ /gnyid log pa'i dus su ni rang bzhin gyi dga' btsam du lhag par mos par byas la nyal bar bya'o//de lta bur yang nas yang du rgyun du bya'o/ /mu tig phreng ltar yid 'ong sgrub thabs 'di/ /bstan pa'i dge ba ji lhad yod pa'i mthus/ /nga dang bdag tu zhen pa'i sems can kun/ /bdag med ma yi ngo bor lhun grub shog /bdag med ma sgrub pa'i thabs rgyas par bstan pa/

CLOSE WINDOW