CLOSE WINDOW

D1304
བོད་ཡིག

sdig pa rnams ni bsreg pa'i phyir/ /bzlas pa bas kyang sbyin sreg shis/ rnal 'byor gyi dbang phyug dpal gyis zhabs kyis bshad pa rdzogs so// @##/ /rgya gar skad du/ shrI he badzra sto tra/ bod skad du/ dpal dgyes pa rdo rje la bstod pa/bcom ldan 'das rdo rje mkha' 'gro la phyag 'tshal lo/ /dngos po dngos med gnyis las byung / /rmad byung chen po sku che ba/ /sku las 'das pa bde ba che/ /'gro ba'i mgon la phyag 'tshal lo/ /thugs rje chen po khro ba che/ /bdud kun rnam par 'joms mdzad pa/ /bdag med ma yi yid 'ong zhing //lha mo'i tshogs kyis rnam par sad/ /rnam dag dga' ba skyed mdzad cing / /'jigs chen 'jigs par mdzad pa po/ /zhal brgyad 'khor ni brgyad ldan zhing / /brgyad gnyis gyur pa'i phyag dang ldan/ /rnam par skrag byed ma lus nad/ /gsol bar mngon du phyogs pa'i zhal//hUM ni spro dang sdud mdzad pa'i/ /mi bzad rnam par 'dren pa po/ /dus mtha'i chu 'dzin 'brug sgra yis/ /nyon mongs nye bar 'joms pa po/ /glog 'gyu thugs rje'i rlan gyis brlan/ /dam chos char gyi rgyun 'bebs mdzad/ /ma rig gnyid kyis non pa yi/ /khams gsum pa dag rnam sad mdzad//thar pa'i lam ni rab ston pa'i/ /'jig rten rnams la snang ba stsol/ /log par lhung ba'i 'gro kun la/ /phyag mang po rnams rab brkyang zhing / /lha yi spyan ni rab 'jug pas/ /rmongs pa'i rab rib sel bar mdzad/ /rab tu gsal ba'i gsang chen po//don kun skad cig gis bsgrub pa/ /gsang sngags mi las rnam par grol/ /sems can kun la rjes brtse ba/ /rdo rje snying po byang chub pa'i/ /stong nyid snying rje'i bdag nyid can/ /char sprin sngon po dang 'dra ba/ /dur khrod gnas su gar thabs bzhugs/ /bdud bzhi po yi khrag chen gyis//lha mo'i zhal dang bcas par myos/ /zla tshes rtse 'dra'i mche ba mchog /mdzes pa'i dkyil 'khor longs spyod pa/ /thod chen rgyu ma las brgyus pa'i/ /phreng bas sku ni rnam par brgyan/ /rol par mdzad pa'i bzhad chen gyis/ /'jigs byed rnams ni 'byer bar mdzad//yang dag dran pas 'gro ba'i tshogs/ /yid la 'dod pa yongs rdzogs mdzad/ /yid bzhin nor bu las lhag pa'i/ /mang zhing rgya che'i bstod mchog gis/ /ngag gi dbang phyug chen pos bstod/ /sgra yi yul las nges 'das shing / /rtog pa'i dra ba rnam par spangs/ /gti mug chen po yongs 'joms shing //skyes bu chen po'i mtshan rnams dang / /dpe byad yan lag thams cad ldan/ /mthong bas dga' ba 'phel bar mdzad/ /mchog tu grub pa'i rgyud rnams ni/ /yang dag tshim mdzad zla 'od bzang / /thog ma bar dang mtha' med pa/ /dus gsum rdzogs sangs rgyas nyi ma//nyon mongs bud shing nges bsregs pa'i/ /me chen sdig pa pham mdzad pa'i/ /nyi zla me yi 'od zer gyi/ /zhal re zhing ni spyan gsum pa/ /spyan ni nyi shu rtsa bzhi'i tshogs/ /rmongs pa'i dbye ba rnams gsum 'joms/ /chags dang chags bral rnam par spangs/ /chags pa chen pos rab grol mdzad//rang rig grub pa mchog ldan pa'i/ /bde ba'i thabs ni nye bar ston/ /srid dang mya ngan 'das las rgal/ /srid dang mya ngan 'das nang bzhugs/ /phyag rgya chen po'i mchu myang zhing / /phyag rgya lngas legs rgyas btab la/ /shin tu 'khyud pa'i longs spyod kyis//rab bsgrub dga' bas rol par mdzad/ /ro yi thal bas yang dag byugs/ /rus pa'i rgyan gyis rnam par brgyan/ /mtshan mo'i dus su rol pa che/ /dpal ldan he ru ka la 'dud/ /gang zhig gtso bo spangs nas ni/ /skad cig tsam yang rol mi mdzad/ /skal bzang yid 'ong skal ba bzang //bdag med rnal 'byor ma la 'dud/ /dbang po'i phyogs su tshangs pa ni/ /zhabs brdabs gnon pas yang dag zhugs/ /yid 'ong sku mdog sngon por ldan/ /gau rI la ni spyi bos 'dud/ /g.yas kyi phyogs su dbang po ni/ /rnam par nyed pas steng bzhugs shing / / cang te'u sgra sgrogs yan lag kun/ /btsod mdog tsau rI de la 'dud/ /nub kyi phyogs su nye dbang gis/ /steng du gar gyis bzhugs mdzad pa/ /btso mo'i gser mdog rnal 'byor ma/ /mchog gyur pe tA lI la 'dud/ /byang phyogs drag po'i steng bzhugs shing / /'jigs pa'i sbrul ni phyag na bsnams//rin chen mar kata mdog 'dra ba'i/ /drag gsol g+hasma rI la 'dud/ /dbang ldan phyogs su gshin rje yi/ /rgyal po yang dag gnon pas bzhugs/ /in+d+ra nI la 'bar 'dra ba'i/ /skal ldan puk+ka sI la 'dud/ /me yi phyogs su gnod sbyin gyi/ /steng du gar gyis bzhugs mdzad cing //ston zla ltar dkar dbang phyug ma/ /mchog gyur sha ba rI la 'dud/ /bden bral phyogs su bden bral lha/ /gnon cing phyag mchog 'khor los mtshan/ /sprin med nam mkha' lta bu yi/ /skur ldan tsaN+DalI la 'dud/ /rlung phyogs thags bzangs ris steng du/ /skyil krung phyed pa'i gar gyis bzhugs//yid 'ong sna tshogs sku mdog ldan/ /Dom+bi nI la'ang gus pas 'dud/ /gang zhig mchog tu zab 'di la/ /gang du bdag gi 'di 'dra'i tshig /gang zhig mgon mchog rgya chen la/ /gang du nyung sbyar 'di yis bstod/ /'on kyang gang phyir bdag gi bu/ /gzhon nu so thar zhes bya bas//gsol ba btab pa de yi phyir/ /'di 'dra'i bstod pa byas pa yin/ /mgon po lha mo brgyad bcas la/ /bdag gis mdor bsdus bstod pa yis/ /dge ba gang zhig thob gyur pa/ /de yis bdag kyang de 'drar shog /dpal rje btsun dgyes pa'i rdo rje la bstod pa rig pa'i gnas ma lus pa la mkhas pa grub pa'i slob dpon kha che'i yul du 'khrungs pa dpal rin chen rdo rje'i zhal snga nas mdzad pa rdzogs so// //rgya gar gyi mkhan po ku mA ra ka la sha dang / lo tsA ba dge slong byang chub shes rab kyis bsgyur cing zhus te gtan la phab pa// //

CLOSE WINDOW