CLOSE WINDOW

D1302
བོད་ཡིག

/ @##/ /rgya gar skad du/ shrI he badzra nA ma sA d+ha no pi ka /bod skad du/ dpal kye'i rdo rje'i sgrub pa'i thabs kyi man ngag /'jam dpal gzhon nur gyur pa la phyag 'tshal lo/ /shes rab thabs dag bdag nyid can/ /kye rdor bdag med ma la yang / /bla mar bcas la phyag 'tshal nas//rim pa gsum pa'i sgrub thabs brtsam/ /mi nyid rnyed dka' de bas kyang / /bla ma dga' bsten rnyed par dka'/ /bdag gzhan don 'byung sngags kyi tshul/ /'gro phan lam la brten par gyis/ /yon tan ldan zhing brtson par ldan/ /bla mar gus shing dad ldan pa//rgyal ba'i chos la the tshom med/ /dbang dang dbye ba nges tshig las/ /snod yin phyir na drin sbyin bya/ /chu sogs bum pa'i dbang bskur dang / /rim bzhin gsang ba'i dbang bskur dang / /shes rab ye shes dbang bskur la/ /de srid bla ma'i man ngag mtha'/ /yid du 'ong ba'i sa phyogs su//ri dang nags tshal dang ni phug /chu 'gram bzhi mdo mtsho dang ni/ /shing gcig dben pa dur khrod rnams/ /bsam gtan khang pa byas nas ni/ /bdud rtsi sogs kyis byug par bya/ /bris sku sogs mchod dgram byas la/ /nang par sngar langs sems bdag nyid//phyi rol khrus sogs kun byas la/ /bde ba'i stan la nyer 'dug ste/ /sbyong byed dag pa la sogs kyis/ /'dod pa'i lha ni bsgrub par bya/ /bla ma rdo rje can bsams nas/ /sems kyi rin chen las byung ba'i/ /mchod pa'i sprin ni spros byas la/ /de nas rim bzhin dbul bar bya//de nas lha mo brgyad kyis mchod/ /gau rI byang chub sems kyis mchod/ /tsau rI rang byung me tog gis/ /mi bskyod 'dzin pa be+e tA lI/ /snang mdzad kyis mchod g+hasma rI/ /puk+ka sI yis lcags kyus mchod/ /sA ba rI ni ro 'dzin te/ /tsaN+DalI ni rnge chung 'dzin/ /Dom+bis gnyis med sbyor ba byed//sangs rgyas chos dang tshogs mchog la/ /byang chub bar du skyabs su mchi/ /kye rdor shes rab bdag nyid can/ /slob dpon la ni skyabs su mchi/ /sdig pa bdag gis gang byas pa/ /bdag gzhan don du ma lus par/ /so sor bshags shing slar yang ni//mi bgyid pa yi sdom pa nod/ /bde gshegs kun gyi bsod nams dang / /byang chub sems dpa' rnams dang ni/ /'gro ba kun gyi bsod nams la/ /yang dag nyid du yi rang ngo / /phyogs bcur bzhugs pa'i sangs rgyas la/ /bdag gis de la bskul ba ni/ /sems can sdug bsngal mun 'thoms la//chos kyi 'khor lo bskor bar bskul/ /sems can sangs rgyas thob bar du/ /rgyal ba de nyid bzhugs nas ni/ /nam yang mya ngan mi 'da' bar/ /thal mo sbyar nas gsol bar 'tshal/ /stong nyid snying rje dbyer med la/ /byang chub lam ni ston pa po/ / bsod nams kun gyi 'byung gnas che/ /byang chub rnams kyang de bzhin bskyed/ /lus ngag yid kyi bsod nams ni/ /bgyis sam bgyid du stsal ba dang / /rjes su yi rang gang ci'ang rung / /des na 'jig rten kun mkhyen shog /snying rje rlan gyis brlan sems kyis/ /tshangs pa yi ni gnas bzhi ni//dang po byams pa bsgom par bya/ /gnyis par snying rje rnam par bsgom/ /gsum par dga' ba bsgom par bya/ /kun gyi mtha' nas btang snyoms so/ /dngos rnams bdag la bsdu bar bya/ /bdag kyang ye shes sems dpa'o/ /ye shes sems dpa' nA da'i bar/ /de nyid smig rgyu sgyu mar mtshungs//oM shU n+ya tA dz+nyA na swa b+hA ba At+ma kou0f85haM/ oM A ni mi ta dz+nyA na badzra swa b+hA ba At+ma kou0f85haM/ oM a pra Ni hi ta dz+nyA na badzra swa b+hA ba At+ma kou0f85haM/ de nas skye ba med pa'i rang bzhin las/ /skye ba nyid du mos par bya'o/ /kaM las nyi ma'i dkyil 'khor de'i steng du hUM las sna tshogs rdo rje sa bon dang ldan pa de las 'od zer 'phros pas phyogs bcu'i bdud rnams btul nas/dra ba dang ra ba dang sa gzhir gyur par bsam par bya'o/ /de'i dbus su chos kyi 'byung gnas gru gsum pa dkar po bsams la/ de'i steng du paM las sna tshogs pad+ma/ khaM las sna tshogs rdo rje/de'i steng du laM las sa'i dkyil 'khor gru bzhi pa ljang gu/ der baM las chu'i dkyil 'khor zlum po dkar po/ de las raM las me'i dkyil 'khor gru gsum dmar po/ der yaM las rlung gi dkyil 'khor gzhu'i dbyibs 'dra ba nag po/ de la thig le dang ldan par bsams nas/ de rnams gcig tu gyur pas/ gzhal yas khang gru bzhi sgo bzhi pa/ rta babs bzhi dang / ka ba brgyad dang / dra ba dang dra ba phyed pa dang / rin po che dang 'dod pa'i yon tan la sogs pas spras pa/ de'i dbus su pad+ma 'dab brgyad pa/ nyi ma'i dkyil 'khor der srog song ba dang bcas pas sems las grub par bsam par bya'o//de'i lte bar A li las zla ba'i dkyil 'khor me long lta bu'i ye shes/ der kA li las mnyam pa nyid kyi ye shes/ de'i dbus su hUM dang aM las rdo rje dang / gri gug sa bon gyis mtshan pa so sor kun du rtog pa'i ye shes/ thams cad gcig tu gyur pa bya ba nan tan grub pa'i ye shes/sku rdzogs pa chos kyi dbyings kyi ye shes te/ sku mdog sngon po zhal gcig phyag gnyis kyis rdo rje dang thod pa bsnams pas shes rab ma la 'khyud pa/ phyag rgya lnga dang ldan pa spyan gsum pa dbu la thod pa lngas brgyan cing / sna tshogs rdo rjes mtshan pa dbu skra kham pa gyen du brdzes pa/thod pa rlon pa lnga bcu rtsa bzhis do shal byas pa/ gcer bu g.yas brkyang bas bzhugs par bsam par bya'o/ /bdag med ma ni gri gug dang thod pa bsnams shing sku la 'khyud pa/ skyes pa'i thod pas do shal byas shing g.yon brkyang bas bzhugs par bsam par bya ste/gzhan ni thabs dang 'dra/ nang du yang de bzhin du bsam par bya'o/ /mig la gti mug rdo rje/ rna ba la zhe sdang rdo rje/ sna la ser sna rdo rje/ lce la 'dod chags rdo rje/ lus la phrag dog rdo rje/ yid la bdag med ma bsam par bya'o/ /de nas rang gi snying ga'i sa bon las 'od zer nag po lcags kyu'i dbyibs can spros te/rang bzhin gyi gnas nas ye shes sems dpa' spyan drangs la/ mchod yon la sogs pas mchod nas/ dam tshig gi 'khor lo la bcug ste gnyis su med par bsam par bya'o/ /yang 'od zer des de bzhin gshegs pa thams cad he ru ka'i gzugs kyis spyan drangs nas/de la mchod pa la sogs pa bya ste/ bdag la byang chub kyi sems kyis dbang bskur nas/ mi bskyod pas dbu brgyan par bsam par bya ste/ ji srid du mi skyo'i bar du rnal 'byor du bya'o/ /skyon bzlas pa bya ste/ rig ma'i snying gar nyi ma'i dkyil 'khor de'i dbus su gri gug sa bon dang bcas par bsams la/de la sngags kyi phreng ba kun da 'dra ba 'od zer dang ldan pa byung nas rang gi zhal du zhugs te/ gsang ba'i rdo rjer byung nas/ lha mo'i pad+mar babs te/ lha mo'i zhal nas rang gi zhal du zhugs par bsam par bya'o/ /de bzhin du yang nas yang du bsam par bya'o//oM de ba pi tsu badzra hUM hUM hUM phaT swA hA/ yang na bla ma'i man ngag gis gsang ba'i rdo rje dang pad+mar bzlas pa bya'o/ /brtag pa bcu drug pa las/ ma phug pas ni sbyor bral 'gyur/ /phug pas dga' ba sbyin pa'o/ /de ltar 'khor bar 'dod pa yi/ / yon tan lnga ldan rin chen nyid/ /ces gsungs so/ /de nas yang rdzogs pa'i rnal 'byor bshad par bya ste/ lte bar sprul pa'i 'khor lo 'dab ma bcu drug pa dkar po'i dbus su rang rig pa'i bdag nyid rin po che'i za ma tog gi nang na gnas par bsam mo/ /snying ga'i chos kyi 'khor lo 'dab ma bcu drug pa thig le dang ldan pa/mgrin par longs spyod kyi 'khor lo 'dab ma bcu drug pa dkar po/ byang chub kyi sems dang ldan pa'o/ /mgo bor bde ba chen po'i 'khor lo 'dab ma bcu drug pa dkar po de'i dbus su lhag pa'i byang chub kyi sems 'od dang ldan par bsam par byas nas/sprul pa'i 'khor lo las 'od zer 'phros nas chos kyi 'khor lo dang longs spyod kyi 'khor lo nas yar song ste/ bde ba chen po la lan gsum bskor ba byas nas/ mdzod spu nas phyung ste/ sems can thams cad sbyangs nas bde bar gshegs pa'i thugs kar zhugs te ye shes kyi bdud rtsi drangs nas/tshangs pa'i sgor zhugs te gzung 'dzin dang bral nas/ za ma tog tu babs par bsam pa ste/ de la rtse gcig tu bya'o/ /mi gsal na yang de bzhin du bya'o/ /yang na bdag med ma rang gi snying gar bsdu/ rang yang hUM la bsdu/ de yang thig le 'od dang ldan par bsam par bya ste/gsang sngags dam pa thig le'i gzugs su ni/ /rang yid 'od dang ldan par yongs su bsgom/ /dngos kun bdag nyid rang gi sems ngo bo/ ldang ba na yang bdag dang gzhan 'khor lo 'am/ tsaN+DalIr mos par bya ste/ mchod pa la sogs pa yang mi bya'o/ /de yang / phyag rgya bcing ba rnam par spangs/ /mchod rten las ni mi bya zhing / /rdo rje gsum mchog phyag mi 'tshal/ /dkyil 'khor la sogs lus kyi las/ /rmi lam du yang mi bya'o/ /zhes gur las gsungs so/ /mchod rten brtsig par mi bya ste/ /de bzhin mchod sogs mi bya'o/ /gtsug lag dag ni rnyed sla ste//de yi dgos pa rnyed par dka'/ /zhes gdan bzhi pa las gsungs so/ /de nas yang lhan cig skyes pa'i rnal 'byor bshad par bya'o/ /gang tshe ye shes rlung gis ni/ /rang rig dag ni bskyod nas su/ /sangs rgyas rnams ni bsregs pa yis/ /dga' ba la sogs rim bzhin skye//ci 'dra ba ni skye zhe na/ /gzhon nu'i dga' ba ji lta ba/ /lkugs pa'i dga' ba ji lta ba'o/ /gnyis med ye shes skye bar 'gyur/ /thog ma tha ma dbus med cing / /'khor min mya ngan 'das pa min/ /bdag nyid gzhan nyid yod ma yin/ /'di ni mchog tu bde ba yin/ /bdag med ye shes nyid du 'gyur//bdag gzhan nges par rig pa spangs/ /mkha' mnyam skyon bral lhan cig skyes/ /thams cad lus la rang bzhin gnas/ /dga' ba dang po 'khor ba'i gzugs/ /de bzhin mchog dga' 'khor ba nyid/ /dga' bral dga' ba 'khor bdag nyid/ /gsum la lhan cig skyes pa med//dga' ba dang ni mchog dga' nyid/ /dga' bral dga' ba la sogs pa/ /gsum pa spangs par gyur na ni/ /bzhi pa gang las skye bar 'gyur/ /de bas gsum po thabs byas te/ /bzhi pa bsgom par bya ba yin/ /rtsa ba'i rgyu ni gsum du gyis/ /de yi 'bras bu bzhi pa yin//yang na 'bras bu gsum gyis spangs/ /yang na rang gis gsum pa yin/ /dga' ba'i bye brag tu shes bya/ /'khor lo rnams kyi rim pa'o/ /zhes rgyud phyi ma las gsungs so/ /dang po bum pa'i dbang yin te/ /mchog gi dga' ba gsang ba'i dbang / /gsum pa shes rab ye shes dbang //bzhi pa phyag rgya chen po yin/ /mnyam par ma bzhag dus su yang / /bya ba gang la 'jug pa na/ /lhan cig skyes las ma gtogs par/ /gzhan gyi sems kyis mi gnas so/ /de yang brtag pa bcu drug pa las/ /bde ba gnag cing bde ba ser//bde ba dmar po bde ba dkar/ /bde ba ljang gu bde ba sngo/ /bde ba rgyu dang mi rgyu kun/ /bde ba thabs dang shes rab ste/ /de bzhin mnyam par gzhag pa ste/ /bde ba dngos po dngos med bde/ /rdo rje sems dpa' bde bar brjod/ /ces gsungs so/ /de nas bskyed pa'i rim pa la gnas pas/bar chad thams cad nye bar zhi bar bya ba'i phyir 'byung po thams cad kyi gtor ma ni/ srung ba'i 'khor lo rdzogs par byas nas/ de'i dbus su chos kyi 'byung gnas bsams la/ de'i steng du paM las pad+ma 'dab ma brgyad pa nyi ma'i dkyil 'khor dang bcas pa bsams la/ de'i steng du oM las 'khor lo sa bon dang ldan pa las 'od zer 'phros pas/gzugs med pa dang / gzugs can dang / 'dod pa'i lha la sogs pa thams cad 'od zer des sku rdo rje byas nas/ der bsdus te gcig tu gyur pa las/ sku rdo rje zhal gcig phyag gnyis pa sku mdog dkar po rdo rje dang dril bus shas rab ma la 'khyud pa/phyag rgya lnga dang ldan pa g.yas brkyang bas bzhugs par bsam par bya'o/ /shes rab ma yang thabs dang 'dra/ bar du hUM las rdo rje/ de las phyogs skyong thams cad der bsdus nas gcig tu gyur pa las/ thugs rdo rje sngon por bsam par bya'o/ /de'i 'og tu a las pad+ma des lha ma yin la sogs pa thams cad gsung rdo rje sku mdog dmar por bsam par bya'o//gzhan sku rdo rje dang 'dra'o/ /de nas ye shes sems dpa' spyan drangs la mchod pa la sogs pa byas te gcig tu gyur par bsam par bya'o/ /de nas yang de bzhin gshegs pa la sogs pa spyan drangs nas/byang chub kyi sems kyi dbang bskur nas/ sku rdo rje la rnam par snang mdzad kyis/ thugs rdo rje la mi bskyod pas/ gsung rdo rje snang ba mtha' yas kyis dbu brgyan par bsam par bya'o/ /de nas gtor ma byin gyis brlab par bya ste/ yaM las rlung gi dkyil 'khor/ de'i steng du raM las me'i dkyil 'khor/ der a las thod pa de'i nang du/ b+h+rUM AM dzrAM khaM hUM/ de nas bdud rtsir bsams la/ de nyid kyis mtshan par bsam par bya ste/ de'i steng du a las zla ba'i dkyil 'khor de'i dbus su hUM las rdo rje sa bon gyis mtshan par bsams la/ de'i stobs kyis bskol la/de'i steng du aM des ye shes kyi bdud rtsi drangs la/ gcig tu gyur par bsam par bya'o/ /de kho na'i snying po gsum gyis byin gyis brlab pa byas nas/ 'dis dbul bar bya'o/ /oM kA ya bA ka tsit+ta/ i daM/ pa liM/ b+huM dza/ dzi g+ha/ phul+la/ d+hU pa/ mAM sa/ biM g+ha/ am+ba sarba kadz+dza/ sarba sA d+ha/ khAn+ti/ khu Ni/ phe Ta/ gA da/ oM a kA ro mu khaM sarba d+harmA NAM/ Ad+ya nu t+pan+na twA ta/ oM AH hUM phaT swA hA/ 'dis gshegs su gsol bar bya ste/ oM khyed kyis sems can don kun mdzad/ /rjes su mthun pa'i dngos grub gsol/ /sangs rgyas yul du gshegs nas ni/ / slar yang 'byon par mdzad du gsol/ /muH/ kha zas la yang de bzhin du byin gyis brlabs la mchod par bya'o/ /rnal 'byor gyis ni dwa ba gyur na/ /de nas smon lam gdab par bya/ /rigs su skye dang dam tshig can/ /smyo med dgyes pa'i rdo rje dang / /bla mar gus shing snying rjer ldan/ /skye zhing skye bar 'gyur bar shog /lag na rdo rje dril bu 'khrol/ /zab mo chos ni glog pa dang / /btsun mo'i khu ba mnyam zas can/ /skye zhing skye bar 'gyur bar shog /'dis ni bdag la rjes su dran/ /snying rje'i spyan ni dmar po la/ /yan lag nag po byams pa'i thugs/ /phyag gnyis thabs dang shes rab yin//zhal gcig gnyis med ye shes yin/ /zhabs gnyis bden pa gnyis su dran/ /phyag rgya lnga ni sangs rgyas lnga/ /gdug pa 'dul phyir khro bo yin/ /sngags pas de ltar mos byas nas/ /lha yi rnal 'byor pas rgyu bar bya'o/ /rtag tu brtag par sngags bzlas dang / / bsam gtan nyid dang bral mi bya/ /rtag tu slob ma bsdu bya zhing / /rtag tu bshad par bya ba yin/ /sems can rnams ni rtag bskyang zhing / sangs rgyas rnams la rtag mchod bya/ /dzaM b+ha la la chu sbyin dang / /las rnams thams cad rab tu spyad/ /mchod rten las ni bye ma las/ /mkhas pas cho ga bzhin du bya//sgrub thabs rtsom dang mi ldan yang / /bla ma du ma'i man ngag bzhin/ /sgrub thabs byas las 'gal ba gang / /de nyid mkhyen pas bzod pa mdzod/ /tha ma 'bring dang rab don du/ /rim pa gsum ldan byas pa las/ /dge ba dri med thob pa des/ /

CLOSE WINDOW